"Мемлекеттiк бюджет есебiнен ұсталатын мемлекеттік мекемелер үшiн бюджеттiң атқарылуы және есеп беру нысандарын жүргiзу (мерзiмдiк және жылдық) жөніндегі қаржылық рәсімдердің ережесiн бекiту туралы" Қазақстан Республикасы Үкiметiнiң 2002 жылғы 25 шiлдедегі N 832 қаулысына сәйкес Қазақстан Республикасының Үкiметi қаулы етеді:
1. "Агроөнеркәсiп кешенiне кредит берудің және оны субсидиялаудың кейбiр мәселелерi туралы" Қазақстан Республикасы Yкіметiнің 2003 жылғы 18 наурыздағы N 259 қаулысына сәйкес 2003 жылға арналған республикалық бюджетте көзделген 500 000 000 (бес жүз миллион) теңге сомасындағы қаражат есебiнен жүзеге асырылатын лизингтiк негізде ауыл шаруашылығы техникасымен қамтамасыз етуге кредит беру үшiн "ҚазАгроҚаржы" жабық акционерлiк қоғамы қарыз беруші банк болып белгiленсiн.
2. "2003 жылға арналған республикалық бюджетте көзделген қаражат есебiнен жүзеге асырылатын лизингтiк негiзде ауыл шаруашылығы техникасымен қамтамасыз етуге кредит беру үшiн қарыз берушi банктi белгiлеу туралы" Қазақстан Республикасы Yкiметiнiң 2003 жылғы 9 маусымдағы N 545 қаулысына мынадай толықтыру енгiзiлсiн:
1-тармақтағы "бюджетте көзделген" деген сөздерден кейiн "3 276 811 000 (үш миллиард екi жүз жетпiс алты миллион сегіз жүз он бiр мың) теңге сомасындағы" деген сөздермен толықтырылсын.
3. Қазақстан Республикасы Ауыл шаруашылығы министрлiгi, Қазақстан Республикасының Қаржы министрлігі, "ҚазАгроҚаржы" жабық акционерлiк қоғамы (келісім бойынша) осы қаулыны iске асыру үшiн тиісті шаралар қабылдасын.
4. Осы қаулы қол қойылған күнінен бастап күшіне енедi.
Қазақстан Республикасының
Премьер-Министрі
