"2004 жылға арналған республикалық бюджет туралы" Қазақстан Республикасының 2003 жылғы 5 желтоқсандағы Заңын орындау үшiн Қазақстан Республикасының Үкiметi қаулы етеді:
1. Қоса берiлiп отырған 2004 жылғы көктемгi егіс және егiн жинау жұмыстарын жүргізудi ұйымдастыруға жергiлiктi атқарушы органдарға кредит беру ережесi (бұдан әрi - Ереже) бекiтiлсiн.
2. Ақмола, Ақтөбе, Алматы, Шығыс Қазақстан, Жамбыл, Батыс Қазақстан, Қарағанды, Қызылорда, Қостанай, Павлодар, Солтүстiк Қазақстан, Оңтүстік Қазақстан облыстарының әкiмдерi (бұдан әрi - облыс әкiмдерi):
1) Қазақстан Республикасының Қаржы министрлiгiне, Қазақстан Республикасының Ауыл шаруашылығы министрлiгiне, 2004 жылға арналған облыстық бюджеттерде осы қаулының 3-тармағына сәйкес алынған кредиттер бойынша түсiмдi және өтеудi көздейтiн тиiстi мәслихаттардың шешiмдерiн, сондай-ақ жанармай-жағармай материалдарын, тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға, ауыл шаруашылығы техникасын жалдауға және сатып алуға ауыл шаруашылығы тауарын өндiрушiлерге кредит беру жөнiндегi бюджеттiк бағдарламаларды тапсырсын;
2) жанармай-жағармай материалдарын, тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға, ауыл шаруашылығы техникасын жалдауға және сатып алуға ауыл шаруашылығы тауарын өндiрушiлерге кредит беру тетiгiн көздейтiн iшкi ереженi әзiрлесiн және бекiтсiн.
3. Осы қаулының 2-тармағын орындаған жағдайда Қазақстан Республикасының Қаржы министрлiгi облыстар әкiмдерiне көктемгi егiс және егiн жинау жұмыстарын жүргiзудi ұйымдастыруға бұл мақсаттарға 2004 жылға арналған республикалық бюджетте Қазақстан Республикасының Ауыл шаруашылығы министрлiгiне көзделген қаражаттан осы қаулымен бекiтiлген Ережеде белгiленген шарттармен 5500000000 (бec миллиард бес жүз миллион) теңге сомасында кредиттер бөлсiн, оның iшiнде мына әкiмдерге:
Ақмола облысының - 1000000000 теңге;
Ақтөбе облысының - 300000000 теңге;
Алматы облысының - 400000000 теңге;
Шығыс Қазақстан облысының - 300000000 теңге;
Жамбыл облысының - 250000000 теңге;
Батыс Қазақстан облысының - 250000000 теңге;
Қарағанды облысының - 270000000 теңге;
Қостанай облысының - 1000000000 теңге;
Қызылорда облысының - 160000000 теңге;
Павлодар облысының - 300000000 теңге;
Солтүстiк Қазақстан облысының - 1000000000 теңге;
Оңтүстiк Қазақстан облысының - 270000000 теңге.
4. Қазақстан Республикасының Қаржы министрлiгi Қазақстан Республикасының заңнамасына сәйкес бөлiнген қаражаттың мақсатты пайдаланылуын бақылауды қамтамасыз етсiн.
5. Осы қаулының орындалуын бақылау Қазақстан Республикасы Премьер-Министрiнiң орынбасары - Қазақстан Республикасының Ауыл шаруашылығы министрi А.С. Есiмовке жүктелсiн.
2004 жылғы көктемгі егіс және жинау жұмыстарын жүргізуді ұйымдастыруға жергiлiктi атқарушы органдарға
кредит беру epeжeci
1. Осы Ереже "2004 жылға арналған республикалық бюджет туралы" Қазақстан Республикасының 2003 жылғы 5 желтоқсандағы
Заңымен
көзделген 212 "Қазақстан Республикасының Ауыл шаруашылығы министрлiгi" әкiмшiсiнiң 007 "Көктемгi егiс және егiн жинау жұмыстарын жүргiзудi ұйымдастыруға жергiлiктi бюджеттерге кредит бepу" бюджеттiк бағдарламасы бойынша 5500000000 (бес миллиард бес жүз миллион) теңге сомасында кредиттер (бұдан әрi - Кредиттер) беру тәртiбiн анықтайды.
2. Жанармай-жағармай материалдарын (кредит ресурстарының кемiнде 80 %), тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға, ауыл шаруашылығы техникасын жалдауға немесе сатып алуға Қазақстан Республикасының Ауыл шаруашылығы министрлiгiнiң тәжiрибе кәсiпорындарына (тәжiрибе шаруашылықтары, тәжiрибе станциялары) Халықаралық Қайта Құру және Даму Банкi мен Азия Даму Банкi қарыздарының қаражаты есебiнен суландыру және дренаж жүйелерiн қалпына келтіруді жүргiзетiн шаруашылықтарға, өзге де ауыл шаруашылығы тауарын өндiрушiлерге (бұдан әрi - ауылшартауарөндiрушiлер) кейiннен кредит беру үшiн кредиттер 5500000000 (бec миллиард бес жүз миллион) теңге сомасында сыйақының нөлдiк ставкасы бойынша 2004 жылғы 1 желтоқсанға дейiнгi мерзiмге қайтарымдылық, мерзiмдiлiк шарттарымен облыстық бюджеттерге бөлiнедi.
3. Тиiстi облыстардың әкiмдерi:
Қазақстан Республикасы Үкiметiнiң тиiстi шешiмiмен құрылатын ведомствоаралық комиссиямен жанармай-жағармай материалдарын сатып алу мәселелерiн келiсудi;
ауылшартауарөндiрушiлердiң барлық нысандары үшiн бюджеттiк кредит беруге байланысты қол жетiмдiлiктi тепе-теңдiктi және басқа да мәселелердi бақылау үшiн ведомствоаралық комиссияның құрылуын;
бөлiнген Кредиттердiң мақсатты пайдаланылуы мен олардың республикалық бюджетке уақтылы қайтарылуын қамтамасыз етедi.
4. Қазақстан Республикасының Ауыл шаруашылығы министрлiгi мен Қазақстан Республикасының Қаржы министрлiгi облыс әкiмдермен тиiстi Кредиттiк келiсiмдер (бұдан әрi - Кредиттiк келiсiмдер) жасасады.
5. 007 "Көктемгi егiс және егiн жинау жұмыстарын жүргiзудi ұйымдастыруға жергiлiктi бюджеттерге кредит беру" бюджеттiк бағдарлама есебiнен облыстық бюджеттерге қаражат аударуды осы бюджеттiк бағдарламаның әкiмшiсi болып табылатын Қазақстан Республикасының Ауыл шаруашылығы министрлiгi көрсетiлген қаражатты тиiстi облыстардың облыстық бюджеттерiне бюджет кiрiстерi жiктемесiнiң 601601 "Республикалық бюджеттен берiлетiн кредиттер" кодына есептей отырып жүзеге асырады.
6. Облыс әкiмдерi жергiлiктi бюджеттi қалыптастырған кезде шығыстар бөлiгiнде "Көктемгi егiс және егiн жинау жұмыстарын жүргiзудi ұйымдастыруға ауылшартауарөндiрушiлерге кредит беру" бағдарламасы бойынша шығыстарды көздейдi.
7. Кредиттiк келiсiмдер бойынша мiндеттемелердiң орындалуын қамтамасыз етудiң тәсiлi ретiнде облыс әкiмдерi Қазақстан Республикасының Қаржы министрлiгi мен Қазақстан Республикасының Ауыл шаруашылығы министрлiгiне 2004 жылдың iшiнде секвестрленбейтiн тиiстi жергiлiктi бағдарламаларды айқындай отырып, 2004 жылға арналған облыстық бюджеттерде Кредиттер бойынша түсiм мен өтеудi көздейтiн тиiстi мәслихаттардың шешiмдерiн, сондай-ақ жанармай-жағармай материалдарын, тұқымдар, тыңайтқыштар, гербицидтер, тұқымды улағыштар, ауыл шаруашылығы машиналары үшiн қосалқы бөлшектер сатып алуға, ауыл шаруашылығы техникасын жалдауға және сатып алуға ауылшартауарөндiрушiлерге кредит беру жөнiндегi бюджеттiк бағдарламаларды ұсынады.
8. Кредиттердiң мақсатты пайдаланылуын бақылауды Қазақстан Республикасының Қаржы министрлiгi жүзеге асырады.
9. Кредиттердiң республикалық бюджетке уақтылы қайтарылуын бақылауды Қазақстан Республикасының Ауыл шаруашылығы министрлiгi мен Қазақстан Республикасының Қаржы министрлiгi жүзеге асырады.
10. Кредиттердi республикалық бюджетке қайтаруды облыс әкiмдерi белгiленген мерзiмде жүргiзедi.
