"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкіметі қаулы етеді:
1. Қызылорда облысы "Ақшабұлақ - Қызылорда" магистралдық газ құбырының құрылысы үшін сатып алудың маңызды стратегиялық мәні бар тауарларды, жұмыстар мен қызметтерді беруші болып "ҚАЗХИММОНТАЖ ХОЛДИНГ" ашық акционерлік қоғамы белгіленсін.
2. "ҚазТрансГаз" жабық акционерлік қоғамына осы қаулының 1-тармағында көрсетілген заңды тұлғамен тауарларды, жұмыстар мен қызметтерді мемлекеттік сатып алу туралы шарт жасасу ұсынылсын.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
