Қазақстан Республикасының Үкiметi қаулы етеді:
1. Қазақстан Республикасының Ұлттық қауiпсiздiк комитеті мен Түркiменстанның Мемлекеттiк шекара қызметi арасындағы жедел iздестiру қызметi саласындағы ынтымақтастық туралы хаттамаға қол қоюға келiсiм берiлсiн.
2. Осы қаулы қол қойылған күнiнен бастап күшiне енедi.
Қазақстан Республикасының
Премьер-Mинистрі
Жоба
Қазақстан Республикасының Ұлттық қауiпсiздiк комитетi мен Түркiменстанның Мемлекеттiк шекара қызметi арасындағы жедел iздестiру қызметi саласындағы ынтымақтастық туралы
Хаттама
Бұдан әрі Тараптар деп аталатын, Қазақстан Республикасының Ұлттық қауiпсiздiк комитеті мен Түркiменстанның Мемлекеттiк шекара қызметi,
Қазақстан Республикасы мен Түркiменстан арасындағы мемлекеттік шекара күзетiндегi ынтымақтастық туралы 2001 жылғы 5 шiлдедегі келiсiмдi басшылыққа ала отырып,
қазақстан-түркiменстан мемлекеттік шекарасында қауiпсiздiктi қамтамасыз етуде өзара мүдделілiктен шыға отырып,
мына төмендегiлер туралы келiстi:
1-бап
Тараптар қазақстан-түркiменстан мемлекеттiк шекарасын күзетудi (бақылауды) қамтамасыз ету мақсатында жедел iздестiру қызметi саласында, сондай-ақ жедел, жедел-техникалық және Тараптар мемлекеттерiнiң қауiпсiздiгi мүддесiне төнген қауiптердi анықтау мен күресу үшiн өзге де мүмкiндiктердi неғұрлым тиiмдi пайдалану мүдделерiне ынтымақтастықты жүзеге асырады.
Тараптардың жедел iздестіру қызметі саласындағы өзара iс-қимылы осы Хаттамада белгіленген негіздерде және тәртiпте жүзеге асырылады.
2-бап
Тараптар өз мемлекеттерінің ұлттық заңнамаларына сәйкес жедел қызмет саласында ынтымақтастықты жүзеге асырады, ол өзiне мыналарды:
қазақстан-түркiменстан мемлекеттік шекарасындағы және ол арқылы өткiзу пункттерiнде, соның ішінде Каспий теңiзiнде де жедел жағдайды бiрлесiп талдауды;
қазақстан-түркiменстан мемлекеттiк шекарасындағы және ол арқылы өткiзу пункттерінде құқыққа қайшы iс-әрекеттерге қарсы күресу саласына қатысты ақпарат алмасуды;
қазақстан-түркiменстан мемлекеттiк шекарасынан заңсыз өткенi, өткiзу пункттерiнде режимдi бұзғаны үшiн ұсталған адамдарды тексеру жөнiнде жәрдем көрсетудi;
жедел қызметтi жетiлдiру, қазақстан-түркiменстан мемлекеттiк шекарасында құқықтық тәртiптi нығайту мүддесiне ұсыныстар әзiрлеу және оларды бiрлесiп iске асыру;
терроризмге, заңсыз көші-қонға және қазақстан-түркiменстан мемлекеттік шекарасы арқылы қару-жарақтың, оқ дәрiлердiң, есiрткi, улы, радиоактивтi және жарылғыш заттардың заңсыз өткiзiлуiне қарсы күрес жөнiндегі келiсiлген iс-шараларды өткiзудi қамтиды.
3-бап
Осы Хаттаманың ережелерiн iске асыруға байланысты шығыстарды, өз мемлекетiнiң аумағы шегiнде әрбiр Тарап өздiгiнше көтередi.
4-бап
Тараптардың әрқайсысы басқа Тараппен берiлген ақпараттардың құпиялылығын, егер бұл ақпарат құпия сипатта болса немесе берушi Тарап оның мазмұнын жария етуге тиiс емес деп есептесе қамтамасыз етедi. Ақпараттың құпиялық дәрежесiн берушi Тарап анықтайды.
Осы Хаттаманың шеңберiнде бiр Тараптан алынған ақпараттарды үшiншi Тарапқа беру осы ақпаратты берген Тараптың жазбаша келiсiмiмен жүзеге асырылады.
5-бап
Тараптар тиiстi бөлiмшелер басшыларының деңгейiнде жедел жағдайдың деректерiмен, нақты бiрлескен iс-шараларды дайындау үшiн, сондай-ақ өзара мүдделiкті бiлдiретiн басқа да мәселелер бойынша тұрақты түрде консультациялар жүргізедi.
6-бап
Тараптардың өзара келiсiмi бойынша осы Хаттамаға жеке хаттамаларды ресiмдеу жолымен өзгерiстер мен толықтырулар енгiзiлуi мүмкін, ол осы Хаттаманың ажырамас бөлiгі болып табылады.
Осы Хаттаманың ережелерiн түсiндiруге немесе қолдануға қатысты Тараптар арасындағы барлық даулар мен қайшылықтар өзара консультациялар мен келiссөздер жолымен шешілетін болады.
7-бап
Осы Хаттама оған қол қойылған күнiнен бастап күшiне енедi және Қазақстан Республикасы мен Түркiменстан арасындағы мемлекеттік шекараны күзетiндегі ынтымақтастық туралы 2001 жылғы 5 шiлдедегі келiсiммен бiр уақытта өзiнiң күшiн жояды.
200__ жылғы "__" ______ ________ қаласында, екi түпнұсқа данада, әрқайсысы қазақ, түркiмен және орыс тiлдерiнде жасалды, әрi барлық мәтiндердiң күшi бiрдей.
Осы Хаттаманың ережелерiн түсiндiру кезiнде қайшылықтар туындаған жағдайда, Тараптар орыс тiлiндегi мәтiндi басшылыққа алады.
Қазақстан Республикасының Түркiменстанның
Ұлттық қауіпсiздiк Мемлекеттiк шекара
комитеті үшiн қызметi үшiн
