Ескерту. Қаулының күші жойылды - ҚР Үкіметінің 2007 жылғы 13 қарашадағы N 1081 Қаулысымен.
"Мiндеттi әлеуметтік сақтандыру туралы" Қазақстан Республикасының 2003 жылғы 25 сәуiрдегi Заңын iске асыру мақсатында Қазақстан Республикасының Үкiметi қаулы етеді:
1. Қоса берiліп отырған Мемлекеттiк әлеуметтік сақтандыру қорының активтерiн инвестициялауға арналған қаржы құралдарының тiзбесi бекiтiлсiн.
2. Осы қаулы 2005 жылғы 1 қаңтардан бастап күшiне енедi.
Қазақстан Республикасының
Премьер-Министрі
Қазақстан Республикасы
Үкiметiнiң
2004 жылғы 20 тамыздағы
N 877 қаулысымен
бекiтiлген
Мемлекеттiк әлеуметтiк сақтандыру қорының активтерiн инвестициялауға арналған қаржы құралдарының тiзбесi
1. Қазақстан Республикасының мемлекеттiк бағалы қағаздары - 50%-дан кем емес.
2. Агенттiк бағалы қағаздары 25%-дан асырмай.
3. Қазақстан Республикасы Ұлттық Банкiндегi салымдар (депозиттер) 30%-дан кем емес.
4. Орналастыру күнiне бағалы қағаздары сауда ұйымдастырушылардың ресми тiзiмiне "A" санаты бойынша енгізiлген екiншi деңгейдегi банктердегi немесе резидент емес банкiнiң "А" санатынан ("Standard&Poor's және "Fitch" рейтинг агенттiктерiнiң жiктемесi бойынша) немесе "А2" санатынан ("Мооdу's Investors Service" рейтинг агенттіктерiнiң жiктемесi бойынша) төмен емес ұзақ мерзiмдi, қысқа мерзiмдi және жеке рейтингi бар еншілес резидент-банктегi салымдар (депозиттер) - 10%-дан кем емес.
5. Мемлекеттік бағалы қағаздармен керi РЕПО операциялары 50%-дан кем емес.
6. Агенттiк бағалы қағаздарымен керi РЕПО операциялары 25%-дан кем емес.
