"Шар станциясы - Өскемен" жаңа темiр жол желiсiн салу жөнiндегi шаралар туралы

Қазақстан Республикасы Үкіметінің 2005 жылғы 18 қаңтардағы N 21 Қаулысы

Қазақстан Республикасы Президентiнiң "Қазақстанның 2030 жылға дейiнгi даму стратегиясын одан әрi iске асыру жөнiндегi шаралар туралы" 2001 жылғы 4 желтоқсандағы N 735 Жарлығын орындау үшiн және мемлекеттiң ұтымды көлiк желiсiн қалыптастыру және дамыту мақсатында Қазақстан Республикасының Үкiметi ҚАУЛЫ ЕТЕДI:

1. "Шар станциясы - Өскемен" жаңа темiр жол желiсiн салу туралы "Қазақстанның инвестициялық қоры" акционерлiк қоғамының ұсынысына келiсiм берілсiн.

2. Қазақстан Республикасы Көлiк және коммуникация министрлiгi "Шар станциясы - Өскемен" жаңа темiр жол желiсiн салу жобасын iске асыру жөнiндегi қажеттi шараларды қабылдасын.

3. Қоса берілiп отырған "Шар станциясы - Өскемен" жаңа темiр жол желiсiн салу жобасын iске асыру жөнiндегі iс-шаралар жоспары бекiтілсiн.

4. Орталық атқарушы органдар мен ведомстволар, сондай-ақ өзге де мүдделi мемлекеттiк органдар (келiсiм бойынша) және ұйымдар (келiсiм бойынша) осы қаулыны iске асыру жөнiнде шаралар қабылдасын.

5. Осы қаулы қол қойылған күнiнен бастап күшiне енедi.

Қазақстан Республикасының
Премьер-Министрi

Қазақстан Республикасы
Yкiметінің
2005 жылғы 18 қаңтардағы
N 21 қаулысымен
бекiтілген

"Шар станциясы - Өскемен" жаңа темiр жол желiсiн
іске асыру жөніндегі іс-шаралар жоспары

Р/с N	Іс-шараның атауы	Аяқтау нысаны	Орындау үшiн жауап- тылар*	Аяқтау мерзiм- дерi
1	2	3	4	5
1	Концессионер компанияның жарғылық капиталын құру мен құрылымдау және акцио- нерлердi тарту жөнiндегi iс-шараларды жүзеге асыру	Қазақстан Республи- касының Yкiметіне ақпарат	"ҚИҚ" АҚ (келiсiм бойынша), ӘдМ, ҚНРА (келiсiм бойынша)	2005 жылғы қаңтар
2	"Шap станциясы - Өскемен" темiр жол желiсiн салу жобасының техникалық- экономикалық негiздемесiн әзiрлеудi, қайта сараптау мен қайта бекiтудi ұйымдастыру	Қазақстан Республи- касының Үкiметiне есеп	"ҚИҚ" АҚ (келiсiм бойынша), концес- сионер компания, ККM	2005 жылғы наурыз
3	"Шар станциясы - Өскемен" темiр жол желiсiн салу мен пайдалануға арналған концессиялық келiсiм жасасу туралы" Қазақстан Республикасының Үкiметi қаулысының жобасын әзiрлеу	Қазақстан Республи- касының Үкiметi қаулысының жобасы	ККM, ӘдМ, "ҚИҚ" АҚ (келiсiм бойынша), концес- сионер компания	2005 жылғы сәуiр
4	Құқықтық базаны қалыптас- тыру бойынша инфрақұрылым- дық жобаларды және концес- сиялық шарттарды iске асыру бөлігінде ұсыныстар енгiзу	Қазақстан Республи- касының Үкiметiне ақпарат	"ҚИҚ" АҚ (келiсiм бойынша), ККМ	2005 жылғы ақпан
5	Концессиялық шарт негі- зінде жұмыс істейтін ин- фрақұрылымды пайдаланғаны үшiн инвестициялық тариф туралы ереженi әзiрлеу	Ведомст- волық норма- тивтік құқықтық кесiмнiң жобасы	ККМ, "ҚИҚ" АҚ (келiсiм бойынша)	2005 жылғы наурыз
6	Облигацияларды шығару және бiрiншi кезекте жинақтаушы зейнетақы қорларының арасында, сондай-ақ өзге де институционалдық инвесторлар арасында орналастыру жөнiндегi жұмысты ұйымдастыру	Қазақстан Республи- касының Үкiметiне ақпарат	ҚНРА (келісім бойынша), "ҚИҚ" АҚ (келісім бойынша), концес- сионер компания	2005 жылғы мамыр
7	Зейнетақы активтерiн инвестициялық басқару жөнiндегi қызметті жүзеге асыру ережесiне өзгерiстер мен толықтырулар енгiзу	Ведомст- волық норма- тивтік құқықтық кесiмнiң жобасы	ҚНРА (келісім бойынша), "ҚИҚ" АҚ (келісім бойынша)	2005 жылғы мамыр
8	Зейнетақы активтерiн инвестициялық басқару жүзеге асыратын ұйымдарға арналған пруденциялық нормативтер ережесіне ережесiне өзгерiстер мен толықтырулар енгiзу	Ведомст- волық норма- тивтік құқықтық кесiмнiң жобасы	ҚНРА (келісім бойынша), "ҚИҚ" АҚ (келісім бойынша)	2005 жылғы мамыр
9	"ҚҚБ" ЖАҚ листингтік ережесiне өзгерiстер мен толықтырулар енгiзу	Ведомст- волық норма- тивтік құқықтық кесiмнiң жобасы	ҚНРА (келісім бойынша), "ҚҚБ" ЖАҚ (келісім бойынша), "ҚИҚ" АҚ (келісім бойынша)	2005 жылғы мамыр
10	"Шар станциясы - Өскемен" темiр жол желiсiн салу бойынша мердiгерлiк ұйымдарды анықтауға арналған конкурсты ұйымдастыру және өткiзу	Қазақстан Республи- касының Үкiметiне ақпарат	Концес- сионер компания	2005 жылғы мамыр
11	"Шар станциясы - Өскемен" темiр жол желiсi құрылысының басталуы	Қазақстан Республи- касының Үкiметiне есеп	Концес- сионер компания	2005 жылғы маусым

* Шартты белгiлер мен қысқартулар:

"ҚИҚ" АҚ - Қазақстанның инвестициялық қоры" акционерлiк қоғамы
ӘдМ - Қазақстан Республикасы Әдiлет министрлiгi
ККM - Қазақстан Республикасы Көлiк және коммуникация
министрлiгi
ҚНРА - Қазақстан Республикасы Қаржы нарығы мен қаржы
ұйымдарын реттеу және қадағалау агенттігі
"ҚҚБ" ЖАҚ - "Қазақстанның қор биржасы" жабық акционерлiк
қоғамы