Қазақстан Республикасының Үкiметi мен Ресей Федерациясының Yкiметi арасында Қазақстан-ресей мемлекеттiк шекарасында бiрлескен өткiзу пункттерiн салу туралы келiсiм жасасу туралы

Күшін жойған

Қазақстан Республикасы Үкіметінің 2005 жылғы 1 маусымдағы N 543 қаулысы. Күші жойылды - ҚР Үкіметінің 2006.09.28. N 937 қаулысымен.

Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған Қазақстан Республикасының Үкiметi мен Ресей Федерациясының Үкiметi арасындағы Қазақстан-ресей мемлекеттiк шекарасында бiрлескен өткiзу пункттерiн салу туралы келiсiмнiң жобасы мақұлдансын.
2. Қазақстан Республикасының Қаржы вице-министрi - Қазақстан Республикасының Қаржы министрлiгi Кедендiк бақылау комитетiнiң төрағасы Бердiбек Машбекұлы Сапарбаевқа қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасының Үкiметi атынан Қазақстан Республикасының Үкiметi мен Ресей Федерациясының Үкiметi арасында Қазақстан-ресей мемлекеттiк шекарасында бiрлескен өткiзу пункттерiн салу туралы келiсiм жасасуға өкiлеттiк берiлсiн.
3. Осы қаулы қол қойылған күнiнен бастап қолданысқа енгiзiледi.

Қазақстан Республикасының
Премьер-Министр

Жоба

Қазақстан Республикасының Үкiметi мен Ресей
Федерациясының Үкiметi арасындағы Қазақстан-ресей
мемлекеттік шекарасында бiрлескен өткiзу
пункттерiн салу туралы келiсiм

Бұдан әрi Тараптар деп аталатын Қазақстан Республикасының Yкiметi мен Ресей Федерациясының Үкіметі,
екi мемлекет арасындағы достық байланыстарды негізге ала отырып,
екi мемлекеттiң ынтымақтастығын одан әрi дамыту мақсатында, техникалық әрiптестiк ынтымақтастығы жолымен қатынастарды тереңдетуге тілек білдiре отырып,
төмендегiлер туралы келiстi:

1-бап

1. Тараптар қазақстан-ресей мемлекеттік шекарасында бiрлескен өткiзу пункттерiн салу жөнiндегi iс-қимылдарды үйлестіру мақсатында ынтымақтастықты жүзеге асырады. Бiрлескен өткiзу пункттерi орналасатын жерлер жергiлiктi жер рельефiнiң физикалық-географиялық жағдайына, инфрақұрылым мен жол желiлерiнiң дамуына қарай Тараптар мемлекеттерiнiң уәкілеттi органдарының консультациялары жолымен айқындалады.
2. Осы Келiсiмнiң ережелерi Тараптар мемлекеттерiнiң уәкiлеттi органдарының арасында техникалық ынтымақтастықты жүзеге асырудың жалпы тәртiбiн айқындайды.
Техникалық ынтымақтастықтың жекелеген жобалары бойынша Тараптардың уәкiлеттi органдары қосымша келiсiмдер (бұдан әрi - жобалық келiсiмдер) жасасуы мүмкiн. Жобалық келiсiмдерде, атап айтқанда жобаның мақсатын, қатысушылардың мiндеттерi мен ұйымдастырушылық мәртебесiн, сондай-ақ жобаны орындау кестесiн қамтитын жобаның бiрлескен тұжырымдамасы жазылады.
3. Мыналар осы Келiсiмдi iске асыру жөнiндегi уәкілеттi органдар болып табылады:
Қазақстан Тарабынан - Қазақстан Республикасы Қаржы министрлігі,
Ресей Тарабынан - Ресей Федерациясы Федералдық кеден қызметi.

2-бап

1. Жобалық келiсiмдер мынадай бағыттар бойынша Тараптардың қолдауын көздеуi мүмкiн:
- консультациялық, ғылыми-зерттеу;
- жоспарларды, iзденiстер мен сараптамаларды әзiрлеу.
2. Техникалық ынтымақтастық:
- лауазымды тұлғаларды, мамандарды және көмекшi персоналды (бұдан әрi - "iссапарға жiберiлген мамандар") iссапарға жiберу;
- материалдар мен жабдықтарды жеткiзу жолымен жүзеге асырылуы мүмкін.
3. Іссапарға жiберiлген мамандар өз қызметiн Тараптар мемлекеттерiнiң ұлттық заңнамаларына және осы Келiсiмге сәйкес жүзеге асырады.

3-бап

Осы Келiсiмнiң ережелерiне сәйкес Тараптар:
- Тараптар мемлекеттерiнiң аумағында бiрлескен өткiзу пункттерiн салуды жүргiзетiн;
- келiсілген техникалық жобаларды қаржыландыратын болады.

4-бап

Тараптар мемлекеттерiнiң ұлттық заңнамаларына сәйкес Тараптар:
iссапарға жiберiлетiн мамандарды жобаларды анықтау, жоспарлау және жүзеге асыру кезеңiнде олардың қызметін жүзеге асыру үшiн қажеттi ақпаратпен қамтамасыз етедi;
Тараптар мемлекеттерiнiң аумағында жобаларды жүзеге асыру кезеңiнде iссапарға жiберiлетін мамандардың жұмысы үшiн жағдай жасауға ықпал етедi.

5-бап

Осы Келiсiм сондай-ақ, Тараптар арасындағы осы Келiсiм күшiне енген күнiнен бастап iске асыру сатысындағы техникалық ынтымақтастық жобаларына қатысты да қолданылады.

6-бап

Егер әрбiр нақты жағдайда өзгеше тәртiп келiсiлмеген жағдайда, Тараптар осы Келiсiмдi орындау барысында туындайтын шығыстарды Тараптар мемлекеттерiнiң заңнамасында көзделген қаражат шегiнде дербес көтереді.

7-бап

1. Осы Келiсiмге 1-қосымшада көрсетiлген бiрлескен өткiзу пункттерiн салуды Қазақстан Республикасының аумағында Қазақстан Тарабы жүзеге асырады.
2. Осы Келiсiмге 2-қосымшада көрсетілген бiрлескен өткiзу пункттерiн салуды Ресей Федерациясының аумағында Ресей Тарабы жүзеге асырады.
3. Көрсетілген қосымшалар осы Келiсiмнiң ажырамас бөлiгі болып табылады.

8-бап

1. Осы Келiсiмнiң ережелерiн түсiндiру мен қолдануға қатысты Тараптар арасындағы барлық даулар мен келiспеушіліктер өзара консультациялар мен келiссөздер жолымен шешiледi.
2. Тараптардың өзара келiсiмi бойынша осы Келiсiмге осы Келiсiмнiң ажырамас бөлiктерi болып табылатын және осы Келiсiмнiң 9-бабының 1-тармағына сәйкес күшiне енетiн тиiстi хаттамалармен ресiмделетiн өзгерiстер мен толықтырулар енгiзiлуi мүмкiн.

9-бап

1. Осы Келiсiм Тараптардың оның күшiне енуi үшін қажеттi мемлекетiшiлiк рәсiмдердi орындағаны туралы соңғы жазбаша хабарламаны алған күнiнен бастап күшiне енедi.
2. Осы Келiсiм белгiленбеген мерзiмге жасалады және Тараптардың бiрiнiң басқа Тараптың оның қолданылуын тоқтату ниетi туралы тиiстi жазбаша хабарламасын алған күнiнен бастап алты ай өткенге дейiн күшінде қалады.

200_ жылғы "___" __________ __________ қаласында әрқайсысы қазақ, орыс тілдерiндегі екi түпнұсқалық данада жасалды, әрi екi мәтiннің күшi бiрдей.
Осы Келiсiмнiң ережелерiн түсiндiруде келiспеушілiктер туындаған жағдайда Тараптар орыс тіліндегі мәтiнге жүгiнетiн болады.

Қазақстан Республикасының Ресей Федерациясының
Yкiметi үшін Yкiметi үшін

Қазақстан Республикасының Үкiметi
мен Ресей Федерациясының Үкiметi
арасындағы Қазақстан-ресей
мемлекеттiк шекарасында бiрлескен
өткiзу пункттерiн салу туралы
келiсiмнiң жобасына
1-қосымша

Қазақстан-ресей мемлекеттiк шекарасында құрылысын
салуды қажет ететiн өткiзу пункттерiнiң
ТIЗБЕСI

р/с N	Өткiзу пунктi- нiң атауы	Шекаралас өткiзу пунктi	Шека- ралас мем- лекет	Болжалды жобалық өткiзу мүмкiндігі, авт./тәулiк				Жабдық- тауды аяқтау- дың жоспар- ланған мерзiмi
				Жалпы	Жүк	Жолау- шылар	Жеңіл
2004-2006 жылдарға арналған кеден қызметiн дамыту бағдарламасының шеңберiнде
1.	Шарбақты	Құлынды	Ресей	485	80	25	380	2004 ж.
2.	Ауыл	Веселоярск	Ресей	255	25	20	200	2004 ж.
3.	Қарақога	Есiлкөл	Ресей	395	30	15	350	2004 ж.
4.	Обаған	Звериного- ловское	Ресей	395	80	15	300	2004 ж.
5.	Жайсаң	Сагарчин	Ресей	740	110	30	600	2005 ж.
6.	Өрлітөбе	Ольxoвкa	Ресей	750	120	30	600	2005 ж.
7.	Yбe	Михайловка	Ресей	400	70	10	320	2005 ж.
8.	Қосақ	Новокарасук	Ресей	750	120	30	600	2006 ж.
9.	Котяевка	Қараөзек	Ресей	340	80	10	250	2006 ж.

Қазақстан Республикасының Үкiметi
мен Ресей Федерациясының Үкiметi
арасындағы Қазақстан-ресей
мемлекеттiк шекарасында бiрлескен
өткiзу пункттерiн салу туралы
келiсiмнiң жобасына
2-қосымша

Ресей-қазақстан мемлекеттiк шекарасында құрылысын
салуды қажет ететiн өткiзу пункттерiнiң
ТIЗБЕСI

р/ с N	Өткiзу пунктiнiң атауы	Шекаралас өткiзу пунктi	Шекаралас мемлекет	Болжалды жобалық өткiзу мүмкiндігі, авт./тәулiк				Абат- танды- руды аяқтау- дың жоспар- ланған мерзiмi
				Жалпы	Жүк	Жо- лау- шы- лар	Жеңіл
"2007-2010 жылдарға арналған Ресей Федерациясының Мемлекеттiк шекарасы" Федералдық мақсатты бағдарламаның шеңберінде
1.	Маштаково	Погодаево	Қазақстан	1000	150	30	820	2008 ж.
2.	Елек	Ақсай	Қазақстан	500	100	20	380	2007 ж.
3.	Opcк	Әлiмбет	Қазақстан	1000	150	50	800	2007 ж.
4.	Мариинский	Желқуар	Қазақстан	400	50	20	330	2007 ж.
5.	Павловка	Сұлу Ағаш	Қазақстан	500	100	20	380	2007 ж.
6.	Горняк	Жезкент	Қазақстан	1000	150	50	800	2008 ж.
7.	Озинки	Тасқала	Қазақстан
8.	Одесское	Бидайық	Қазақстан
9.	Казанское	Қызылжар	Қазақстан