"Қазақстан Республикасындағы ұйымдарды, темір жол станцияларын, әуежайларды, сондай-ақ физикалық-географиялық объектілерді атау мен қайта атаудың және олардың атауларының транскрипциясын өзгертудің тәртібін бекіту туралы" Қазақстан Республикасы Үкіметінің 1996 жылғы 5 наурыздағы N 281 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. 1-қосымшаға сәйкес білім беру, мәдениет және спорт ұйымдарына белгілі қоғам қайраткерлерінің, ғалымдардың, жазушылардың, ақындардың, суретшілердің, педагогтардың есімдері берілсін.
2. 2-қосымшаға сәйкес білім беру ұйымдары қайта аталсын.
3. Осы қаулы алғаш рет ресми жарияланған күнінен бастап қолданысқа енгізіледі.
Қазақстан Республикасының
Премьер-Министрі
Қазақстан Республикасы
Үкіметінің
2005 жылғы 5 шілдедегі
N 690 қаулысына
1-қосымша
Белгілі қоғам қайраткерлерінің, ғалымдардың, жазушылардың,
ақындардың, суретшілердің, педагогтардың есімдері берілген
білім беру, мәдениет және спорт ұйымдарының тізбесі
Алматы облысы бойынша
Алакөл ауданының Үшарал қаласындағы Үшарал орта мектебіне - педагог Мұхаметбай Мыңбайұлының eciмi;
Атырау облысы бойынша
облыстық көркемсурет және қолданбалы сәндік өнер мұражайына - суретші Шәймардан Сариевтің есімі;
Шығыс Қазақстан облысы бойынша
Семей қаласының«"Жас ұлан" ерлер лицейіне - ағартушы-ғалым, этнограф Шоқан Уәлихановтың есімі;
Ұлан ауданы Молодежный кентінің жалпы білім беретін қазақ орта мектебіне - Алашорда қозғалысы жетекшілерінің бipi Райымжан Мәрсековтің есімі;
Алматы қаласы бойынша
Алматы қаласы Ақбұлақ»шағын ауданының N 154 орта мектебіне - белгілі түрколог, профессор Иштван Қоңыр Мандокидің eciмi;
Астана қаласы бойынша
мемлекеттік тілді тереңдетіп оқытатын мамандандырылған N 7 мектепке - ақын Ғали Ормановтың есімі;
N 40 орта мектепке - академик Әлкей Марғұланның есімі.
Қазақстан Республикасы
Үкіметінің
2005 жылғы 5 шілдедегі
N 690 қаулысына
2-қосымша
Қайта аталатын білім беру ұйымдарының тізбесі
Алматы облысы бойынша
Көксу ауданы Мұқаншы ауылдық округінің Ф.Энгельс атындағы орта мектебі - "Жетіжал" орта мектебі;
Шығыс Қазақстан облысы бойынша
Тарбағатай ауданы Жетіарал ауылының В.И.Ленин атындағы орта мектебі - "Жетіарал" орта мектебі.
