"1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмге өзгерiстер мен толықтырулар енгiзу туралы хаттама жасасу туралы" Қазақстан Республикасының Президенті Жарлығының жобасы туралы

Қазақстан Республикасы Үкіметінің 2005 жылғы 8 шілдедегі N 711 Қаулысы

Қазақстан Республикасының Үкiметi ҚАУЛЫ ЕТЕДI:
"1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмге өзгерiстер мен толықтырулар енгізу туралы хаттама жасасу туралы" Қазақстан Республикасының Президентi Жарлығының жобасы Қазақстан Республикасы Президентiнің қарауына енгiзiлсiн.

Қазақстан Республикасының
Премьер-Министрi

Қазақстан Республикасы Президентінің
ЖАРЛЫҒЫ 1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмге өзгерiстер мен толықтырулар енгізу туралы хаттама жасасу туралы

ҚАУЛЫ ЕТЕМIН:
1. Қоса беріліп отырған 1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмге өзгерiстер мен толықтырулар енгiзу туралы хаттаманың жобасы мақұлдансын.
2. Қазақстан Республикасы Премьер-Министрiнiң орынбасары - Қазақстан Республикасының Индустрия және сауда министрi Сауат Мұхаметбайұлы Мыңбаевқа қағидаттық сипаты жоқ өзгерiстер мен толықтырулар енгізуге рұқсат бере отырып, Қазақстан Республикасы атынан 1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану мен жалға беру шарттары туралы келiсiмге өзгерiстер мен толықтырулар енгiзу туралы хаттама жасасуға өкiлеттiк берiлсін.
3. Осы Жарлық қол қойылған күнiнен бастап қолданысқа енгізіледі.

Қазақстан Республикасының
Президентi

Жоба

1995 жылғы 20 қаңтардағы Қазақстан Республикасы мен Ресей
Федерациясы арасындағы Эмба полигонын пайдалану және
жалға беру шарттары туралы келiсiмге өзгерiстер мен
толықтырулар енгізу туралы
ХАТТАМА

Бұдан әрi Тараптар деп аталатын Қазақстан Республикасы мен Ресей Федерациясы,
1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмге (бұдан әрi - Келiсiм) мынадай өзгерiстер мен толықтырулар енгiзуге келiстi:
1. Келiсiмнiң атауы мынадай редакцияда жазылсын:
"Қазақстан Республикасы мен Ресей Федерациясы арасындағы Эмба полигонын (5580 сынақ жұмыстарын қамтамасыз ету базасы) пайдалану және жалдау шарттары туралы келiсiм".
2. Кiрiспенiң төртiншi және бесiншi абзацтары және 1-баптың бiрiншi абзацы "Эмба полигонының" деген сөздерден кейiн "(5580 сынақ жұмыстарын қамтамасыз ету базасы)" деген сөздермен толықтырылсын.
3.1-баптың екiншi абзацында:
"осы Келiсiмнiң ажырамас бөлiгі болып табылатын" деген сөздер "осы Келiсiмнiң ажырамас бөлiгi болып табылатын, Қазақстан Республикасының аумағында ракеталардың ажыраған бөлiктерiнiң құлауына арналған жауынгерлiк алаңдарының шекарасы" 1" деген сөздермен ауыстырылсын;
мынадай мазмұндағы сөйлеммен толықтырылсын:
"Полигонның әскери объектілерiнiң тiзбесi осы Келiсiмнiң ажырамас бөлiгі болып табылатын 2 қосымшада келтiрiлген."
4. 3-бап мынадай редакцияда жазылсын:
"1. Қазақстан Республикасы Ресей Федерациясына жалға беру шарттарында оларда орналасқан объектілерін Полигонның жылжымалы және жылжымайтын мүлiктерiмен қоса жер учаскелерiн уақытша пайдалануға бередi.
2. 1996 жылғы 18 қазандағы "Эмба" сынақ полигонын жалдау туралы шартқа сәйкес Полигонның жер учаскелерiн Ресей Федерациясының мүддесiнде оларды жалға беру кезеңiнде пайдаланғаны үшiн Ресей Федерациясы ақы төлеудi жүзеге асырады.".
5. 6-баптың 1-тармағының екiншi сөйлемi мынадай реакцияда жазылсын:
"Қазақстан Республикасының аумағында уақытша тұрған Ресей Федерациясы әскери құрамаларының, олардың құрамына кiретiн тұлғалар мен олардың отбасы мүшелерiнiң мәртебесi, сондай-ақ Полигон аумағындағы Ресей Федерациясының құқық қорғау органдарының заңдық құзыры мәселелерi 1995 жылғы 20 қаңтардағы Қазақстан Республикасы мен Ресей Федерациясы арасындағы Қазақстан Республикасының аумағында уақытша тұрған Ресей Федерациясының әскери құрамаларының мәртебесi туралы келiсiммен және Тараптардың басқа да келiсiмдерiмен айқындалады".
6. 7-баптың бiрiншi абзацы мынадай редакцияда жазылсын:
"Полигон қызметi Қазақстан Республикасы Қорғаныс министрiнiң келiсiмi бойынша Ресей Федерациясының Қорғаныс министрi бекiтетiн Қазақстан Республикасының аумағында орналасқан Ресей Федерациясы Қорғаныс министрлiгiнiң Мемлекеттiк орталық көрiнiс аралық полигонының құрылымдық бөлiмшелерi, объектiлерi және жауынгерлiк алаңдары туралы ережемен (бұдан әрi - Полигон туралы ереже) регламенттеледi және:".
7. 8-бапта:
екiншi абзацтағы "қалпына келтiрудi және" деген сөздер алынып тасталсын;
тоғызыншы абзацтан кейiн мынадай мазмұндағы абзацпен толықтырылсын:
"Тараптардың келiсiмi бойынша айқындалатын қажет болған жағдайда нысаналар мен ракеталардың құлау алқаптарын қайта өңдеудi";
мынадай мазмұндағы он үшiншi абзацпен толықтырылсын:
"Ресей Федерациясының Қорғаныс министрлiгi 929 Мемлекеттік ұшу - сынақ орталығының мүддесiн сай сынақ жұмыстарын жүргiзу кезiнде Эмба полигонының (5580 сынақ жұмыстарын қамтамасыз ету базасы) жер учаскелерi мен әуе кеңiстiгiн пайдалануға осы Келiсімнің 7-бабында көзделген ғылымы-зерттеу және сынақ жұмыстарының жылдық жоспарлары негiзiнде жол беріледi".
8. 9-бап мынадай мазмұндағы екiншi абзацпен толықтырылсын:
"Полигон аумағында жер кадастрын және мониторингті жүргiзудi, жердi мақсатты пайдалануды бақылауды Полигонның қолбасшылығымен келiсілген тәртiппен және мерзiмде Қазақстан Республикасының жер ресурстарын басқару жөнiндегi уәкілетті мемлекеттiк органы жүзеге асырады".
9. Келiсiмге "Эмба полигонының жер учаскелерiнiң шекарасын анықтайтын геодезиялық белгілер мен негізгi нүктелер координаталарының тiзбесi" қосымшасы осы Хаттамаға 1, 2, 3-қосымшалармен ауыстырылсын.
Осы Хаттама ережелерiн түсiндiру және қолдану кезiнде туындайтын барлық даулар мен келiспеушілiктер Тараптар арасындағы өзара консультациялар мен келiссөздер жолымен шешілетiн болады.
Тараптардың бiреуiнде бiрлескен шешiмдi талап ететiн мәселелер туындаған кезде осы Тарап екiншi Тарапты келiссөздер басталғанға дейiн 30 күн бұрын жазбаша хабардар етеді.
Осы Хаттама Тараптар оның күшіне енуi үшiн қажеттi мемлекетiшiлiк рәсiмдердi орындағаны туралы соңғы жазбаша хабарлама жасаған күннен бастап күшiне енедi.
Осы Хаттама 1995 жылғы 20 қаңтардағы Қазақстан Республикасы мен Ресей Федерациясы арасындағы Эмба полигонын пайдалану және жалға беру шарттары туралы келiсiмнiң ажырамас бөлiгi болып табылады және осы Келiсiммен бiр мезгiлде өзiнiң қолданысын тоқтатады.
200__жылғы "__"______ __________қаласында, әрқайсысы қазақ және орыс тілдерiнде екi данада жасалды, әрi барлық мәтiндердiң күшi бiрдей.

ҚАЗАҚСТАН РЕСПУБЛИКАСЫ РЕСЕЙ ФЕДЕРАЦИЯСЫ
YШIН YШIН

1995 жылғы 20 қаңтардағы Қазақстан
Республикасы мен Ресей Федерациясы
арасындағы Эмба полигонын пайдалану
және жалға беру шарттары туралы келiсiмге
өзгерiстер мен толықтырулар
енгiзу туралы хаттамаға
1-қосымша

Қазақстан Республикасының аумағында
ракеталардың бөлiнетiн бөлiктерiнiң құлауына арналған
жауынгерлiк алаңдардың шекарасы

Нүкте нөмiрi	Географиялық координаттары		Ескертпе
	солтүстiк ендiк (град. мин.)	шығыс бойлық (град. мин.)
Ақтөбе облыс Мұғалжар ауданы координаттары шектелген N 1 учаске (солтүстiк учаске)
1	48 26	57 39
2	48 26	57 47
3	48 25	57 56
4	48 24	58 03
5	48 23	58 09
6	48 11	58 19
7	48 04	58 12
8	47 58	58 14
9	48 00	57 29
10	48 08	57 29
11	48 14	57 33
координаттары шектелген N 2 учаске (оңтүстік учаске)
1	47 02	58 06
2	46 45	58 06
3	46 45	57 47
4	47 02	57 50
алаңы 2 га N 3 учаске Елдi мекендегi тұрғын үй және өндiрiстiк объектiлер (Эмба-5 әскери қалашығы)

1995 жылғы 20 қаңтардағы Қазақстан
Республикасы мен Ресей Федерациясы
арасындағы Эмба полигонын пайдалану
және жалға беру шарттары туралы келiсiмге
өзгерiстер мен толықтырулар
енгiзу туралы хаттамаға
2-қосымша

Қазақстан Республикасының аумағында орналасқан
Полигонның әскери объектілерiнiң тiзбесi

Р/с N	Атауы	Орналасқан орны
	5580-база (сынақ жұмыстарын қамтамасыз ету)	Ақтөбе облысы, Мұғалжар ауданы, Ембi кентi.

1995 жылғы 20 қаңтардағы Қазақстан
Республикасы мен Ресей Федерациясы
арасындағы Эмба полигонын пайдалану
және жалға беру шарттары туралы келiсiмге
өзгерiстер мен толықтырулар
енгiзу туралы хаттамаға
3-қосымша

Эмба полигонында Ресей Федерациясы жалға алған
Қазақстан Республикасы мүлкiнiң тiзбесi

Р/с N	Атауы	Саны (бiрлiк)	бас жоспар бойынша N
1	Кешендi ғимарат	1	86
2	Тұрғын үй	1	25
3	"Россиянка" жатақханасы	1	42

Қазақстан Республикасы мен Ресей Федерациясы
арасындағы Эмба полигонын пайдалану және жалға беру
шарттары туралы
КЕЛIСIМ

Бұдан былай Тараптар деп аталатын Қазақстан Республикасы мен Ресей Федерациясы,
Қазақстан Республикасы мен Ресей Федерациясы арасындағы 1992 жылғы 25 мамырдағы достық, ынтымақтастық және өзара көмек туралы Шарттың, Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы Шарттың, Қазақстан Республикасы мен Қазақстан Республикасы арасындағы 1993 жылғы 22 қаңтардағы сынақ полигондарын пайдалану тәртібі туралы Келiсiмнiң қағидаларына сүйене отырып, Қазақстан Республикасының Үкiметi мен Ресей Федерациясының Үкiметi арасындағы 1994 жылғы 28 наурыздағы әскери-техникалық ынтымақтастық туралы Келісімді басшылыққа ала отырып;
жылжымалы және тұрақты мүлкімен Қазақстан Республикасы аумағында орналасқан Эмба полигонының объектiлерi Қазақстан Республикасының меншiгi екендiгiн ескере отырып, Тараптардың қорғаныс қабылетiн қамтамасыз ету мақсатында және ғылымын дамыту мүддесі үшiн Эмба полигонын сақтау мен дамыту қажеттiлігiн мойындай отырып,
Тараптардың қауiпсiздiгiн қамтамасыз етуде Эмба полигонының маңызды ролін және қару-жарақ пен әскери техниканың алдыңғы үлгiлерiн сынауда эксперименталды-сынау базасын сақтау және дамыту қажеттiлiгiн ескере отырып,
төмендегiлер жөнiнде келiстi:

1-бап

Осы Келісімнің тақырыбы, әрі қарай Полигон деп аталатын Эмба полигоны, сондай-ақ Қазақстан Республикасының Ресей Федерациясына Полигонның жер учаскелерiн, жылжымалы және тұрақты мүлігін уақытша пайдалануға жалға беру шартымен беру тәртібі болып табылады. Полигонның жылжымалы және тұрақты мүлкiнiң тізбесі мен құрамы, жалға беру ұзақтығы, жалға беру ақысының мөлшері мен оны енгізу мерзімі, осы Келiсiмге қол қойылғаннан кейін үш ай мерзім ішінде жасалатын Полигонды жалға берудің жеке Шартпен анықталады.
Полигон Қазақстан Республикасының Ақтөбе облысы аумағында орналасқан. Полигон жер алаңының шекарасы болып осы Келiсiмнiң ажырамас бөлігі болып табылатын қосымшада координаталары келтірілген, геодезиялық белгілер мен тұрғылықты жердегі негізгі нүктелерді жалғастыратын сызық болып табылады.

2-бап

1. 1991 жылдың 31 тамызына дейін жасалынған және қондырылған Полигонның жылжымалы және тұрақты мүлкі Қазақстан Республикасының меншігі болып табылады.
2. Полигонда 1991 жылдың 31 тамызынан кейін жасалған, алынған және қондырылған жылжымалы және тұрақты мүлікке деген меншік құқығы Полигонның жылжымалы және тұрақты мүлкін ұстауға, пайдалануға және кезекті жөндеуге кеткен шығындарды есептемегенде, оны құруды, алуды және жеткізуді қаржыландыруды жүзеге асырушы Тарапқа беріледі. Осыған орай Ресей Федерациясы Қазақстан Республикасымен мұндай мүлікті жасауды және жеткізуді, сондай-ақ жалға беру мерзімі аяқталғаннан кейін Тараптардың тұрақты мүлiктi пайдалануын келіседі.
Барлық жағдайларда жобалық шешімдердің экологиялық және басқа да қауiпсiздiгiн қамтамасыз ету, Полигон басшылығының Қазақстан Республикасының тиісті министрліктері мен ведомстволарына талқылау мен сарап қорытындысы үшiн керекті мәліметтерді беру жолымен жүзеге асырылады.

3-бап

1. Қазақстан Республикасы 1991 жылғы 31 тамыздағы жағдайға сәйкес Ресей Федерациясына жалға беру жағдайымен, келiсілген түгендеу ведомствосы бойынша Полигонның жылжымалы және тұрақты мүлкiн бередi. Тараптар осы Келiсiмге қол қойылған күннен кейiн аталған мүлiктi жалға беру шартын дайындау үшiн бiрлескен комиссия құрады. Бiрлескен комиссия жалға беру шартында жыл сайынғы жалға беру ақысының мөлшерiн, сондай-ақ 1992-1994 жылдары Ресей Федерациясының Полигонды пайдалануына байланысты Қазақстан Республикасының әрбiр жылға жылдық жалға беру ақысы деңгейiнде мүлiктiк шығын және шығындар мөлшерiн бағалайды. Екi мемлекеттiң Үкiметтерi ақы беру механизмiн жалға беру шартына сәйкес анықтайды.
Осы мақсаттарда Тараптар бiрлескен Комиссияға, оның құрылуы кезiнде, аталған жұмыстарды жүзеге асыру үшiн қажеттi құжаттарды бередi.
2. Қазақстан Республикасы жалға беру жағдайымен уақытша пайдалануға Ресей Федерациясына Полигонның жер учаскелерiн бередi. Ресей Федерациясы жалға беру (тұрақты немесе мезгiлдi) кезеңiнде Ресей Федерациясының мүддесi үшiн Полигонның пайдаланатын жерлерi үшiн ақы төлейдi.

4-бап

Ресей Федерациясына жалға беру шартымен берiлетiн жылжымалы және тұрақты мүлiк, осы Келiсiмге қосымшада көрсетiлген тиiстi жер учаскелерi тек қана Полигон алдында тұрған тапсырмаларды орындауды қамтамасыз ету үшiн мақсатты бағытта пайдаланылуға тиiс. Бұл мүлiк пен жер учаскелерi Тараптардың және үшiншi елдердiң заңды және жеке адамдарына субарендаға берiлмейді.

5-бап

Жалға беру мерзiмi бiткенде, сондай-ақ осы Келiсiмнiң күшi тоқтағанда жалға беру шартымен берiлген жекелеген объектiлеріне жұмыстар уақытынан бұрын тоқтаған жағдайда Ресей Федерациясы олардың амортизациялануын есептей отырып, әрi қарай пайдаланатындай жағдайда жер учаскелерiн, жалға алған жылжымалы және тұрақты мүлiктi Қазақстан Республикасына қайтарады.
Барлық жағдайларда мүлiк пен жер учаскелерiн қабылдау-беру Тараптардың өкiлеттi өкiлдерiнен құралған бiрлескен комиссиямен жүзеге асырылады.

6-бап

1. Полигонның Ресей Федерациясына берiлген объектiлерiн, жылжымалы және тұрақты мүлiгiн пайдалануды қамтамасыз ететiн әскери құрамалар Ресей Федерациясы Қарулы Күштерiнiң құрамына кiредi. Уақытша Қазақстан Республикасы аумағында орналасқан Ресей Федерациясы әскери құрамаларының статусы Тараптардың жеке келiсiмiмен анықталады.
2. Әскери құрамалардың штаттық құрылымдары мен саны Қазақстан Республикасы Қорғаныс министрлiгiнiң келiсiмi бойынша Ресей Федерациясы Қорғаныс министрлiгiмен бекiтiледi.
Полигон бастығын тағайындау Қазақстан Республикасы Қорғаныс министрiнiң келiсiмiмен, Ресей Федерациясы Қорғаныс министрiнiң ұсынуы бойынша Қазақстан Республикасы Президентiмен келiсiле отырып. Ресей Федерациясының Президентiмен жүзеге асырылады.
3. Полигон орындайтын тапсырмалар көлемi өзгергенде, Қазақстан Республикасы Қорғаныс министрлiгiмен келiсу бойынша Ресей Федерациясының Қорғаныс министрлiгi Ресей Федерациясы Қорғаныс министрлiгiнiң әскери құрамаларының құрылымдары мен штаттық санында өзгертулердi жүзеге асырады.

7-бап

Ресей Федерациясына жалға берiлген Полигонның қызметi Қазақстан Республикасы Қорғаныс министрлiгiмен келiсiлген Ресей Федерациясы Қорғаныс министрлiгi бекiтетiн ол туралы ережемен реттеледi және:
- күрделi құрылыс жоспарларын қоса есептегенде, Полигонды дамыту жоспарлары;
- ғылыми-зерттеу және сынақ жұмыстарының жылдық жоспарлары;
- Тараптар әскерлерi ұрыс ракеталарын ұшыратын тактикалық жаттығулардың жалдық жоспарлары;
- қару-жарақ пен әскери техниканы пайдалану және жөндеудiң жылдық жоспарлары негiзiнде жүзеге асырылады.
Жылдық жоспарлар мен кестелер Тараптардың Қорғаныс министрлiктерiмен жоспарланып отырған жылдың 1 желтоқсанына дейiн бекiтiледi.

8-бап

Ресей Федерациясы өзiне жалға берiлген Полигонның жылжымалы және тұрақты мүлкiн пайдалану кезiнде:
- Полигонның инфрақұрылымын қалпына келтiрудi және ұстауды;
- Тараптардың қару-жарақ және әскери техника үлгiлерiн сынауды белгiленген шекараларда өткiзудi;
- жүргiзiлетiн жұмыстар қауiпсiздiгi мен ракеталарды Полигон шеңберiнде ұшыруды;
- Тараптардың қорғаныс министрлiктерiнiң келiсуiмен Қазақстан Республикасы Қарулы Күштерiнiң мүддесi үшiн Полигонды ұрыс атыстарын орындау үшiн пайдалануды;
- Полигонның ғылыми-техникалық сынақ кешенi мен инфрақұрылымын сақтауды және оларды жұмыс бабында ұстауды;
- ракеталар мен нысаналар қалдықтарын iздеудi, көшiрудi және пайдалануды, ұрыс алаңдарын уақытылы тазалауды;
- апаттар салдарын уақытылы жоюды және Қазақстан Республикасына келтiрiлген зиянның орнын толтыруды;
- Полигонның экологиялық жағдайын табиғатты қорғаудың ұзақ мерзiмдi және жылдық бағдарламасын жасау және iске асыру жолымен қалпына келтiрудi қамтамасыз етудi мiндеттенедi.
Полигонның ұрыс алаңдарынан тыс нысаналар, ұшу аппараттары, ракеталар немесе олардың бөлшектерi құлаған жағдайда, Ресей Федерациясы бұл жайында жиырма төрт сағат iшiнде Қазақстан Республикасына ресми ақпарат бередi. Бұл оқиға жөнiнде Қазақстан Республикасы мен Ресей Федерациясына тергеу материалдарын берiп, үш күн мерзiм iшiнде құрылатын тергеу жөнiндегi Тараптардың бiрлескен комиссиясы тергеудi жүргiзедi.
Полигон басшылығы жергiлiктi өкiмет және басқару орындарымен бiрлесе отырып, маусымды ауылшаруашылық жұмыстарын жүргiзу кезiнде Полигон аумағының учаскелерiн пайдалану тәртiбiн анықтайды.
Полигонның ішкi байланыс жүйелерiн, автомобиль және темір жолдарын пайдалану, ұстау және жетiлдiру осы құралдарды пайдаланатын Полигонның әскери құрылымдарымен жүзеге асырылады.
Полигонның аумағын басқа мақсаттарда пайдалану кезінде оның жоспарлы жұмыстарын уақытша тоқтату немесе шектеу Тараптар қорғаныс министрліктерінің бiрлескен шешімдері негізінде жүргiзiледi.

9-бап

Полигон пайдаланатын жер учаскелерiнде адамдар, өсімдік және жан-жануарлар өмiрiне қауіп төндiретiн радиоактивтi, улы заттар, ядролық және химиялық қару-жарақ, сондай-ақ басқадай өнімдерді пайдалануға және көмуге тиым салынады.

10-бап

Ресей Федерациясы Қазақстан Республикасының экологиялық нормативтерін, су мен жерді пайдалану ережелерін және нормаларын орындауға міндетті. Полигонның қызметi салдарынан келтiрiлген экологиялық зиян Ресей Федерациясымен жойылады. Осыған орай, зиянды өтеу тәртiбi мен зиянның мөлшері арнайы құрылған мемлекетаралық комиссиямен анықталады.

11-бап

Ресей Федерациясының мекемелерi мен ұйымдарына, әскери ведомстволарына, жеке адамдарына Полигон аумағында геологиялық барлау жүргiзуге, пайдалы қазбаларды өңдеуге, аңдарды аулау кәсібімен айналысуға, балық аулау мен жабайы өсімдіктерді жинауға тиым салынады.

12-бап

Әскери қызметшiлер, олардың отбасы мүшелерi, өнеркәсіп мамандары Ресей Федерациясынан Полигонға жаңа қызмет немесе жұмыс орнына және кері қарай жiберiлгенде, алынуы кедендік органдарға жүктелген кедендiк баж салығын, акциздерді және басқа да салықтарды төлеусіз кеден шекаралары арқылы өз жүктерiн алып өтеді.

13-бап

Қазақстан Республикасының Қорғаныс министрлiгi Полигонда өңдеуден өткен жаңа қару-жарақ пен әскери техниканың жаңа түрлерiн, соның iшiнде жалдық ақы есебiнен, Қазақстан Республикасы және Ресей Федерациясы арасындағы 1994 жылғы 28 наурыздағы әскери ынтымақтастық туралы Шартта бекiтiлген тәртіппен алуға басым құқығы бар.

14-бап

Осы Келiсiмнiң қосымшасында шекарасы анықталған, Полигон аумағының әуе кеңiстiгi оның жұмысын қамтамасыз етуге пайдаланылады.
Полигон аумағының әуе кеңiстiгiн пайдалану тәртiбi мен шарттары Қазақстан Республикасының заңы және басқа да нормативті актiлерiмен аңықталады.

15-бап

Полигон үшiн Қазақстан Республикасы мен Ресей Федерациясының шекаралары арқылы жүктерді жiберу Қазақстан Республикасы мен Ресей Федерациясының кедендік заңына сәйкес алынуы кедендік органдарға жүктелген кедендiк баж салығын акциздердi және басқа да салықтарды төлеусіз жүзеге асырылады.

16-бап

Техникалық нормаларға сәйкес шығынға жазылуға тиісті жылжымалы және тұрақты мүлiкке иелік ету, Қазақстан Республикасының мемлекеттік мүлiктi басқаруға өкілденген мемлекеттiк органымен Тараптардың қорғаныс министрліктерінің келiсiлген ұсыныстары бойынша жүзеге асырылады.

17-бап

Полигон аумағында қамтамасыз етудің, соның ішінде сауда-тұрмыстық, әлеуметтiк, сондай-ақ медициналық қызмет көрсетудiң барлық түрлерi Ресей Тарабымен жүзеге асырылады.
Полигонның қызметшiлер мен жұмысшылар қызметтерiне Ресей Федерациясының азаматтарымен қатар Қазақстан Республикасының азаматтары да қабылданады. Осыған орай, оларға, азаматтығына қарамастан Ресей Федерациясының еңбек заңына сәйкестi барлық еңбек ақы төлеу шарттары таратылады.

18-бап

Полигонда орналасқан Ресей Федерациясының әскери құрамаларын, сондай-ақ Полигонның инфрақұрылымын ұстауды Ресей Федерациясы қаржыландырады.
Полигон аумағындағы әскери қызметшiлер мен әскери құрылымдардың тiршiлiк әрекетiн қамтамасыз ету мақсатында, Тараптардың ұлттық валюта айналымы мәселелерi Қазақстан Республикасының Ұлттық банкi мен Ресей Федерациясының Орталық банкiсi арасындағы Келiсiмге сәйкес реттеледi.

19-бап

Полигон режимдi объект болып табылады. Оның барлауға қарсы қамтамасыз етiлуi Қазақстан Республикасы мен Ресей Федерациясының арасындағы Қазақстан Республикасы аумағында уақытша орналасқан Ресей Федерациясының әскери құрамалары мен олардың құрамына кiретiн адамдардың қауiпсiздiгiн қамтамасыз ету бойынша ынтымақтастық және әрекеттестiк туралы Келiсiмге сәйкес жүзеге асырылады.
Полигондағы режимдiк шаралар Ресей Федерациясы Қарулы Күштерiнде қабылданған тәртiппен Полигонның басшылығымен ұйымдастырылады және жүзеге асырылады.
Полигон объектiлерiне Қазақстан Республикасы Қорғаныс министрлiгi және Ресей Федерациясы Қорғаныс министрлiгiнiң әскери бөлiмдерi, сондай-ақ Тараптардың өнеркәсiп ұйымдарының өкiлдерiн жiберу - келiсiлген тәжiрибе-конструкторлық, ғылыми-зерттеу жұмыстарының тiзбелерi, Қазақстан Республикасы Қарулы Күштерiнiң тактикалық жаттығуларының жоспарлары және аталған бөлiмдер мен ұйымдардың шектелген сұранымдары негiзiнде жүзеге асырылады.
Полигонға Қазақстан Республикасының ресми адамдарын олардың қызмет мiндеттерiн орындау үшiн жiберу Қазақстан Республикасының iс жүзіндегі нормативтi актiлерiмен, сондай-ақ Полигон туралы Ережемен анықталған тәртiпте iске асырылады.
Полигонда үшiншi елдер азаматтарының болуы Тараптардың белгiленген тәртiбiмен келiсiледi.

20-бап

Қазақстан Республикасы арнайы органдар құра алады және қажет болғанда, Полигонда шартты жалға беру жөнiндегi шартты орындауға байланысты барлық мәселелердi шешу үшiн олардың өкiлдерiн Полигонға жiбере алады.

21-бап

Осы Келiсiмдi орындау бойынша Тараптардың қызметiн үйлестiру Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы Шартқа сәйкес құрылатын Бiрлескен комитетпен жүзеге асырылады. Осыған орай Бiрлескен комитет пайда болатын даулы мәселелер бойынша өз өкiлдiгi шеңберiнде шешiмдер қабылдайды. Басқа жағдайларда ол Тараптар Yкiметтерiне тиiстi ұсыныстар енгiзедi.

22-бап

Осы Келiсiмге Тараптардың өзара келiсуi негiзiнде өзгертулер мен түзетулер енгiзiлуi мүмкiн.
Келiсiм он жыл мерзiмге жасалады. Оның күшi, егерде бiр Тарап екiншi Тарапқа әрбiр он жылдық мерзiмнiң бiтуiне алты ай қалғанға дейiн оның қызметiн тоқтату туралы өз тiлегiн жазбаша түрде хабарламаса, оның қызметi кейiнгi он жылға өзiнен-өзi ұзартылады.
Егерде Тараптар жалға беру шарттары туралы келiсiлген шешiмге келмесе немесе Тараптар бұл шарттарды орындамаса осы Келiсiмнiң қызметi тоқтатылады.
Осы Келiсiм қол қойылған күннен бастап уақытша қолданылады және Тараптардың оның күшiне енуiне қажеттi мемлекетаралық рәсiмдердi орындағаны туралы соңғы мәлiмдемесiнен кейiнгi күнi күшiне енедi.
1995 жылы 20 қаңтарда Мәскеуде әрқайсысы қазақ және орыс тiлдерiнде екi дана болып жасалынды, сондай-ақ екi текстiң күшi бiрдей.

ҚАЗАҚСТАН РЕСПУБЛИКАСЫ РЕСЕЙ ФЕДЕРАЦИЯСЫ
ҮШІН ҮШІН

Қазақстан Республикасы мен
Ресей Федерациясы арасындағы
Эмба полигонын пайдалану және
жалға беру шарттары туралы
Келiсiмге Қосымша

"Эмба" Полигонының жер учаскелерiнің шекарасын
анықтайтын геодезиялық белгiлер мен негiзгi нүктелер
координаталарының
ТIЗБЕСI

Негiзгi нүкте номері	Геодезиялық белгінің аты	Тiкбұрышты координаталар Х (м) ______ У (м)	Географиялық координаталар солтүстiк ендiк (град. мин.) ____________ шығыс бойлық (град. мин.)
1	2	3	4
27		5 409 131 10 582 487	48 49 58 08
1		5 404 450 10 583 230	48 46 58 08
2	234 белгі	5 400 655 10 583 320	48 44 58 08
3		5 398 020 10 586 990	48 42 58 11
4	299 белгі Лопуховый	5 395 665 10 588 169	48 41 58 12
5	266 белгі Вытянутый	5 368 749 10 584 115	48 36 58 08
6	253 белгі Қарағандымола	5 369 062 10 583 062	48 27 58 07
7	316 белгі Арыстан	5 340 141 10 597 401	48 11 58 19
8		5 326 600 10 589 700	48 04 58 12
9	313 белгі Ақтөркөл қ.	5 280 440 10 601 500	47 39 58 21
10		5 273 200 10 603 900	47 35 58 23
11		5 264 100 10 604 200	47 30 58 26
12	287 белгі Бес Балка	5 259 695 10 603 867	47 28 58 23
13		5 259 610 10 584 000	47 28 56 06
14		5 180 000 10 584 000	46 45 58 06
15		5 180 000 10 560 000	46 45 57 47
16		5 247 200 10 564 400	47 21 57 51
17		5 318 900 10 535 800	48 00 57 29
18		5 333 500 10 535 850	48 08 57 29
19		5 344 280 10 540 620	48 14 57 33
20		5 370 080 10 582 165	48 28 57 42
21		5 378 380 10 564 050	48 32 57 52
22	232 белгі Обрыв	5 386 921 10 569 280	48 36 57 56
23		5 392 900 10 573 670	48 40 58 00
24		5 393 100 10 570 090	48 40 57 57
25		5 394 580 10 570 355	48 41 57 57
26		5 407 395 10 578 460	48 48 58 04
27		5 409 131 10 582 487	48 49 58 08