"Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкiметi ҚАУЛЫ ЕТЕДI:
1. "Қазгипросушар институты" өндiрiстiк кооперативi Алматы облысы Панфилов ауданындағы магистральды арналарды қосумен Қорғас өзенiнде "Достық" бiрiктiрілген су торабын салудың 1994 жылы әзiрленген техникалық-экономикалық негiздемесiн түзету жөнiндегi сатып алудың маңызды стратегиялық мәнi бар қызметтердi көрсетушi болып белгіленсiн.
2. Қазақстан Республикасы Ауыл шаруашылығы министрлiгі заңнамада белгіленген тәртiппен:
осы қаулының 1-тармағында көрсетілген заңды тұлғамен қызметтердi мемлекеттік сатып алу туралы шарт жасасуды;
2005 жылға арналған республикалық бюджетте көзделген қаражат шегінде жасалатын шартты қаржыландыруды;
қызметкердi мемлекеттік сатып алу үшiн осы қаулыға сәйкес пайдаланылатын қаражатты оңтайлы және тиiмдi жұмсау қағидатын сақтауды, сондай-ақ "Мемлекеттік сатып алу туралы" Қазақстан Республикасы Заңының 21-бабының 3 және 4-тармақтарын орындауды қамтамасыз етсiн.
3. Осы қаулы қол қойылған күнінен бастап қолданысқа енгізіледi.
Қазақстан Pecпубликасы
Премьер-Mинистрінің
міндетін атқарушы
