Еуразия экономикалық қоғамдастығына мүше мемлекеттердiң үшіншi елдерге қатысты сауда режимдерiн бiрiздендiру туралы хаттама жасасу туралы

Қазақстан Республикасы Үкіметінің 2005 жылғы 27 қыркүйектегі N 951 Қаулысы

Қазақстан Республикасының Үкіметi ҚАУЛЫ ЕТЕДI:
1. Қоса берiліп отырған Еуразия экономикалық қоғамдастығына мүше мемлекеттердiң үшінші елдерге қатысты сауда режимдерiн бiрiздендiру туралы хаттаманың жобасы мақұлдансын.
2. Еуразия экономикалық қоғамдастығына мүше мемлекеттердiң үшiншi елдерге қатысты сауда режимдерiн бiрiздендiру туралы хаттама жасалсын.
3. Осы қаулы қол қойылған күнінен бастап қолданысқа енгізіледi.

Қазақстан Республикасының
Премьер-Министрі

Жоба

Еуразия экономикалық қоғамдастығына мүше мемлекеттердiң
үшінші елдерге қатысты сауда режимдерiн бiрiздендiру туралы
хаттама

Бұдан әрi Тараптар деп аталатын Беларусь Республикасының Үкiметi, Қазақстан Республикасының Үкiметі, Қырғыз Республикасының Үкiметi, Peceй Федерациясының Үкiметi және Тәжiкстан Республикасының Үкiметi,
Еуразия экономикалық қоғамдастығына (бұдан әрi - ЕурАзЭҚ) мүше мемлекеттердiң бiрiздендiрiлген сауда режимдерiн қалыптастыру және үшiншi елдер рыноктарында теңгерiмдi сауда саясатын жүргiзу мақсатында,
1995 жылғы 6 және 20 қаңтардағы Кеден одағы туралы келiсiмдерге , 1999 жылғы 26 ақпандағы Кеден одағы және Бiртұтас экономикалық кеңiстiк туралы шартқа және 2000 жылғы 10 қазандағы Еуразия экономикалық қоғамдастығын құру туралы шартқа сәйкес қабылданған мiндеттемелердi толық көлемде орындауға дайындықтарын бiлдiре отырып,
төмендегілер туралы келiстi:

1-бап

Осы Хаттаманың мақсаттары үшiн мынадай негiзгi ұғымдар пайдаланылады:
" сауда режимi " - халықаралық шартпен және (немесе) ұлттық заңнамамен белгіленген тауарларды әкелу және (немесе) әкету тәртiбiн реттейтiн шаралар жиынтығы;
" еркiн сауда режимi" - оған сәйкес Тараптар өзара саудада Тараптардың бiрiнiң кедендiк аумағынан шығарылатын әрi әкелiнетiн және халықаралық шарттарда көзделген шараларды қоспағанда, басқа Тараптың кедендiк аумағына әкетуге арналған тауарларды әкелуге және әкетуге баламалы әрекетi бар сандық шектеулердi, кедендiк баждарды, салықтар мен алымдарды қолданбайтын сауда режимi;
" неғұрлым қолайлы жағдай жасау режимi (НҚР) " - оған сәйкес Тараптар өзара саудада Тараптардың бiрi кез келген үшiншi елден шығарылатын кез келген тауарға қатысты ұсынатыннан қолайлылығы кем емес құқықтар, артықшылықтар мен жеңiлдiктер беретiн сауда режимi. Тараптар үшіншi елдермен саудада мыналарға:
1) осындай баждар мен алымдарды алу тәсiлiн қоса алғанда, кедендiк баждарға және кедендiк алымдарға;
2) кедендік ресiмдеуге, транзитке, қоймаға қоюға және қайта тиеуге жататындарын қоса алғанда, әкелуге және әкетуге байланысты реттеу және ресмилілік ережелерiне;
3) тауарларды әкету және әкелу кезiнде қолданылатын iшкi салықтар мен алымдарға;
4) iшкi рынокта тауарларды сатып алуға, сатуға, тасымалдауға, бөлуге, сақтауға және пайдалануға қатысты НҚР ұсынады;
" преференциялық режим " - кедендiк әкелу баждарын салудан босату немесе кедендiк әкелу баждарының ставкаларын төмендету не дамушы және анағұрлым нашар дамыған елдерде шығарылған тауарлардың преференциялық әкелiнуiне тарифтік квоталар белгілеу түрiнде үшiншi елдермен саудада артықшылық беретiн сауда режимi.

2-бап

Тараптар үшіншi елдерге немесе елдердiң экономикалық бiрлестіктерiне Тараптар бiр-бiріне ұсынатыннан анағұрлым қолайлы сауда режимiн ұсынбайды.
Тараптар ЕурАзЭҚ-қа мүше мемлекеттердiң сауда режимдерiн үйлестiру және (немесе) бiрiздендiру жолымен үшіншi елдерге қатысты бiрыңғай сауда режимдерiн кезең-кезеңмен белгілеу бойынша келiсiлген iс-қимылдар жасайды.
Тараптар дамушы және анағұрлым нашар дамыған елдердің экономикалық дамуына жәрдемдесуге бағытталған ЕурАзЭҚ-қа мүше мемлекеттердiң тарифтік преференцияларының бiрыңғай жүйесiн қалыптастырады.

3-бап

Тараптар:
Сауда режимдерi оларға қатысты бiрiздендiрiлген үшiншi елдердiң және елдердің экономикалық бiрлестiктерiнің базалық тiзбесiн (1-қосымша);
ЕурАзЭҚ-қа мүше үш немесе төрт мемлекеттің сауда режимдерi оларға қатысты сәйкес келетiн үшінші елдердiң және елдердiң экономикалық бiрлестiктерінің тiзбесiн (2-қосымша) айқындады.

4-бап

Сауда режимi оларға қатысты бiрiздендiрiлген үшiншi елдердiң және елдердiң экономикалық бiрлестiктерінің базалық тiзбесi сауда режимдерінің мынадай түрлерi бойынша сараланды:
неғұрлым қолайлы жағдай жасау режимi;
еркін сауда режимі.
Тараптар үшiншi елдерге қатысты ЕурАзЭҚ-қа мүше мемлекеттердiң бiрыңғай кедендiк аумағын қалыптастыру аяқталғанға дейiнгi өтпелi кезең iшiнде ЕурАзЭҚ-қа мүше мемлекеттердiң бiрыңғай сауда режимдерiн қалыптастыру мақсатында үшiншi елдердiң және елдердiң экономикалық бiрлестiктерiнiң базалық тiзбесiн толықтыру жөнiнде шаралар қабылдайтын болады.

5-бап

Тараптар, бiрiншi кезекте, ЕурАзЭҚ-қа мүше үш немесе төрт мемлекеттің сауда режимдерi бiрiздендiрiлген үшiнші елдермен сауда режимдерiн белгiлеу жөнiнде келiссөздер жүргiзедi.
Тараптар келiссөздер аяқталғаннан кейiн ЕурАзЭҚ-тың Интеграциялық Комитетiне үшiншi елдерге қолданылатын сауда режимдерiн бiрiздендiру жөнiндегі келiссөздердiң барысы туралы хабарлайды.

6-бап

Дамушы және дамыған елдерге қатысты тарифтік преференциялардың бiрыңғай жүйесiн қолдану осы Хаттаманың ажырамас бөлiгi болып табылатын тиiсті тiзбелердiң негiзiнде жүзеге асырылады:
ЕурАзЭҚ-қа мүше мемлекеттер преференцияларының бiрыңғай жүйесiн пайдаланушы дамушы елдердiң базалық тiзбесi (3-қосымша),
ЕурАзЭҚ-қа мүше мемлекеттер преференцияларының бiрыңғай жүйесiн пайдаланушы анағұрлым нашар дамыған елдердiң тiзбесi (4-қосымша),
ЕурАзЭҚ-қа мүше мемлекеттердiң кедендiк аумақтарына тауарларды әкелу кезiнде оларға қатысты тарифтiк преференциялар ұсынылатын дамушы елдерден және анағұрлым нашар дамыған елдерден шығарылатын тауарлардың базалық тiзбесi (бұдан әрi - Тауарлардың базалық тiзбесi) (5-қосымша).

7-бап

ЕурАзЭҚ-қа мүше мемлекеттердiң тарифтiк преференцияларының бiрыңғай жүйесi шеңберiнде пайдаланушы дамушы елдерге преференциялық режим ұсыну мынадай көрсеткіштер негiзiнде жүзеге асырылады:
ЕурАзЭҚ-қа мүше мемлекеттер халқының жан басына шаққандағы орташа өлшемдi жалпы ұлттық өнiмiне (бұдан әрi - ЖҰӨ) қатысты пайдаланушы ел халқының жан басына шаққандағы ЖҰӨ деңгейi;
пайдаланушы елдің тауарлар экспортының деңгейiмен халықтың жан басына шаққандағы табысын байланыстыратын формула бойынша есептелетін ЕурАзЭҚ-қа мүше мемлекеттердің орташаланған даму индексiне қатысты даму индексi.
Тараптар даму индексi бойынша елдiк дәйектеме қағидатын басым деп таниды.
Даму индексiнiң базасында елдiк дәйектеме ЕурАзЭҚ-қа мүше мемлекеттердiң соған ұқсас орташаланған көрсеткiшiмен салыстырғанда пайдаланушы елдiң экономикалық даму деңгейiн айқындайды.
Тараптар преференциалық режимдi ұсыну кезiнде өзiнiң ұлттық мүдделерiн ескеруге құқылы.

8-бап

Тараптар жыл сайын 15-бапқа сәйкес осы Хаттаманың 3 және 6-баптарында көрсетiлген тiзбелерге ЕурАзЭҚ-қа мүше мемлекеттердiң үшiншi елдерге қатысты бiрiздендiрілген сауда режимдерiн және ЕурАзЭҚ-қа мүше мемлекеттердің бiрыңғай кедендiк аумағын белгiлеу мақсатында оларды бiрыңғай (бiрiздендiрілген) тiзбелерге қайта тiзу үшiн өзгерiстер мен толықтырулар енгiзедi.

9-бап

Тараптар Сауда режимдерi оларға қатысты бiрiздендiрілген үшiншi елдердiң және елдердiң экономикалық бiрлестiктерiнiң базалық тiзбесiне кiретiн елдерге қатысты сауда режимдерiн өзгерту жөнiнде шешiмдер, сондай-ақ осы Хаттаманың 6-бабында көрсетiлген тiзбелерге ЕурАзЭҚ-қа мүше мемлекеттер үкіметтерiнiң ЕурАзЭҚ-тың Мемлекетаралық Кеңесi бекiтетiн сыртқы сауда қызметiн реттеу мәселелерi жөнiндегі шешiмдерiнiң жобаларын келiсу тәртiбi мен оларды қабылдау тәртiбi туралы қолданыстағы ережеге сәйкес өзгерiстер және толықтыруларды қабылдайды.

10-бап

Тараптар ЕуАзЭҚ-қа мүше мемлекеттердiң кедендiк аумағында шығарылатын және оған әкелiнетін әрi ЕурАзЭҚ-қа мүше мемлекеттердiң тарифтік преференцияларының бiрыңғай жүйесiн пайдаланушы анағұрлым нашар дамыған елдерден осы Хаттамаға 5-қосымшада көрсетiлген Тауарлардың базалық тiзбесiнiң шеңберiнде шығарылатын тауарларға қатысты кедендiк баждарды қолданбайды.

11-бап

Тараптар осы Хаттаманың 5-қосымшасында көрсетілген Тауарлардың базалық тiзбесi шеңберiнде ЕурАзЭҚ-қа мүше мемлекеттер тарифтiк преференцияларының бiрыңғай жүйесiн пайдаланатын дамушы елдерде шығарылатын және ЕурАзЭҚ-қа мүше мемлекеттердiң кедендiк аумақтарына әкелiнетін тауарларға қатысты ЕурАзЭҚ Жалпы кедендiк тарифінің Базалық тiзбесi ставкаларының немесе ЕурАзЭҚ-қа мүше мемлекеттер кедендiк тарифтерінiң 75 пайызы мөлшерiнде кедендiк баждар ставкаларын қолданады.

12-бап

Тараптар ЕурАзЭҚ-қа мүше мемлекеттердiң тарифтік преференцияларының бiрыңғай жүйесiн пайдаланушы елдерден шығарылатын және әкелiнетін тауарлар Тәуелсiз Meмлекеттep Достастығы аясында 1996 жылғы 12 сәуiрде жасалған Жалпы преференция жүйесінiң шеңберiнде тарифтiк преференциялар беру кезінде дамушы елдер тауарларының шығуын айқындау ережесi туралы келiсiмге сәйкес тауарлардың шыққан елiн айқындау өлшемдерiне сәйкес келуi тиiс екенiн белгiледi.

13-бап

Тараптар қажет болған кезде оларға қатысты ЕурАзЭҚ-қа мүше мемлекеттердің кедендiк аумақтарына әкелу кезiнде тарифтік преференциялар ұсынылатын және осы Хаттамаға 5-қосымшада көрсетілген Тауарлардың базалық тiзбесiне енгiзiлген, әкелiнетiн ЕурАзЭҚ-қа мүше мемлекеттердiң экономикасы үшін әсерi бар тауарларға тарифтік квоталар енгiзе алады.
Бұл peттe осы тауарларға белгіленген квоталардың шегiнде тарифтiк преференциялар қолданылады. Осы тауарларды әкелуге арналған квоталардың көлемi асып кеткен жағдайда тауарларды әкелудiң белгіленген квотадан асып түсетін барлық көлемiне ЕурАзЭҚ-қа мүше мемлекеттердiң жалпы кедендiк тарифінің немесе ЕурАзЭҚ-қа мүше мемлекеттердiң кедендiк тарифтерінiң Базалық тiзбесi кедендiк әкелу баждарының қолданыстағы ставкалары мөлшерiнде кедендiк әкелу баждарының ставкалары қолданылады.

14-бап

Осы Хаттаманың ережелерiн түсiндiруге немесе қолдануға қатысты туындауы мүмкiн даулы мәселелер мүдделi Тараптардың консультациялар мен келiссөздер жүргiзуі арқылы шешiледi. Даудың көрсетілген әдiстермен шешiлуi мүмкін болмаған жағдайда дауласушы Тараптар (немесе олардың бipi) ЕурАзЭҚ Сотына жүгіне алады.

15-бап

Осы Хаттамаға өзгерiстер мен толықтырулар Тараптардың өзара келiсiмi бойынша енгiзіледi және осы Хаттаманың 16-бабында көзделген тәртiппен күшіне енетiн хаттамалармен ресiмделедi.

16-бап

Осы Хаттама депозитарийi болып табылатын ЕурАзЭҚ-тың Интеграциялық Комитетiне Тараптардың оның күшіне енуi үшін қажеттi мемлекетішiлік рәсiмдердi орындағаны туралы соңғы жазбаша хабарлама тапсырылған күнінен бастап күшіне енедi.

200_ "__" _________ __________ қаласында орыс тiлiндегi бiр түпнұсқа данада жасалды.
Осы Хаттаманың түпнұсқа данасы оның куәландырылған көшiрмесiн әрбiр Тарапқа жiберетiн Депозитарийде сақталады.

Беларусь Қазақстан Қырғыз
Республикасының Республикасының Республикасының
Үкiметi үшiн Үкiметi үшiн Үкiметi үшiн

Ресей Тәжікстан
Федерациясының Республикасының
Үкiметi үшiн Үкiметi үшiн

Жоба

Еуразия экономикалық
қоғамдастығына мүше
мемлекеттердiң үшіншi
елдерге қатысты сауда
режимдерiн бiрiздендiру
туралы хаттамаға
1-қосымша

ЕурАзЭҚ-қа мүше мемлекеттердiң оларға қатысты сауда
режимдерi бiріздендiрілген үшiншi елдер мен елдердің
экономикалық бiрлестіктерінің базалық тiзбесi

№N	Мемлекеттің атауы
Неғұрлым қолайлы жағдай жасау режимi
1.	Австралия
2.	Болгария
3.	Еуропалық Одақ
4.	Израиль
5.	Үндістан
6.	Канада
7.	Катар
8.	Куба
9.	Малайзия
10.	Монғолия
11.	Пәкістан
12.	Румыния
13.	АҚШ
14.	Түркия
15.	Швеция
16.	Швейцария
Еркiн сауда режимi *
1.	Армения
2.	Әзірбайжан
3.	Молдова
4.	Өзбекстан
5	Украина

Ескертпе
* - ЕурАзЭҚ-тың Мемлекетаралық Кеңесінің 2002 жылғы 20
қыркүйектегі N 70 шешімімен біріздендірілген еркін сауда режимінен
алуға жататын тауарлар

Жоба

Еуразия экономикалық
қоғамдастығына мүше
мемлекеттердiң үшіншi
елдерге қатысты сауда
режимдерiн бiрiздендiру
туралы хаттамаға
2-қосымша

ЕурАзЭҚ-қа мүше үш немесе төрт мемлекеттің сауда режимдері
оларға қатысты сәйкес келетiн үшінші елдердiң тiзбесi

№N	Мемлекеттің атауы
Неғұрлым қолайлы жағдай жасау режимi**
1.	Вьетнам (Қырғыз Республикасы)
2.	Иран (Қазақстан Республикасы, Қырғыз Республикасы)
3.	Кипр (Қазақстан Республикасы)
4.	Қытай (Қазақстан Республикасы)
5.	Кувейт (Қазақстан Республикасы)
6.	Сирия (Қазақстан Республикасы, Қырғыз Республикасы)
7.	Югославия (Сербия және Черногория) (Қазақстан Республикасы, Қырғыз Республикасы)
8.	ОАР (Қазақстан Республикасы)
Еркiн сауда режимi *
1.	Грузия (Қырғыз Республикасы)
2.	Түркіменстан (Қазақстан Республикасы, Қырғыз Республикасы)

Ескертпе
* - ЕурАзЭҚ-тың Мемлекетаралық Кеңесiнiң 2002 жылғы 20
қыркүйектегi N 70 шешімімен бiрiздендiрiлген еркiн сауда режимiнен
алуға жататын тауарлар
** - көрсетiлген елмен осы сауда режимiн орнатпаған
ЕурАзЭҚ-қа мүше мемлекеттер курсивпен алынған

Жоба

Еуразия экономикалық
қоғамдастығына мүше
мемлекеттердiң үшіншi
елдерге қатысты сауда
режимдерiн бiрiздендiру
туралы хаттамаға
3-қосымша

ЕурАзЭҚ-қа мүше мемлекеттер преференцияларының бірыңғай
жүйесін пайдаланушы дамушы елдердің базалық тізбесі*

N	Мемлекеттің атауы
1.	Алжир
2.	Ангола
3.	Ангилья
4.	Аргентина
5.	Аруба
6.	Багам аралдары
7.	Барбадос
8.	Бахрейн
9.	Белиз
10.	Боливия
11.	Бразилия
12.	Британ Виргин аралдары
13.	Бруней
14.	Венесуэла
15.	Вьетнам
16.	Гайана
17.	Габон
18.	Гана***
19.	Гватемала
20.	Гондурас
21.	Доминика**
22.	Доминикан Республикасы
23.	Египет
24.	Зимбабве
25.	Үндістан
26.	Индонезия
27.	Иордания
28.	Ирак
29.	Иран
30.	Кайман аралдары
31.	Камерун
32.	Катар
33.	Кения
34.	Қытай
35.	КХДР
36.	Колумбия
37.	Конго**
38.	Коста-Рика
39.	Кот-д"Ивуар
40.	Куба
41.	Кувейт
42.	Кука аралдары
43.	Ливан
44.	Ливия
45.	Маврикий
46.	Малайзия
47.	Марокко
48.	Маршалл аралдары
49.	Микронезии
50.	Мексика
51.	Монғолия**
52.	Монтсеррат
53.	Намибия
54.	Науру
55.	Нигерия***
56.	Никарагуа
57.	Ниуэ
58.	Біріккен Араб Әмірліктері
59.	Оман
60.	Әулие Елена аралдары
61.	Теркс және Кайкос аралдары
62.	Пәкістан
63.	Панама
64.	Парагвай
65.	Перу
66.	Сальвадор
67.	Сауд Аравиясы
68.	Свазиленд
69.	Сейшель аралдары
70.	Сенегал
71.	Сент-Винсент және Гренадины**
72.	Сирия
73.	Сингапур
74.	Суринам
75.	Таиланд
76.	Токелау
77.	Тонга***
78.	Тринидад және Тобаго
79.	Тунис
80.	Түркия
81.	Уругвай
82.	Фиджи
83.	Филиппины
84.	Чили
85.	Шри-Ланка
86.	Эквадор
87.	Ямайка

Ескертпе
** - Тәжiкстан Республикасы преференциялық режим ұсынуға
болады деп санайтын мемлекеттер;
*** - Қырғыз Республикасы преференциялық режим ұсынуға болады
деп санайтын мемлекеттер;
**** - ЕурАзЭҚ-қа мүше мемлекеттер өздерiнің ұлттық
преференциялар жүйелерiне сәйкес осы тiзбеге енбеген дамушы елдерге
қатысты преференциялық режим қолдануы мүмкiн.

Жоба

Еуразия экономикалық
қоғамдастығына мүше
мемлекеттердiң үшіншi
елдерге қатысты сауда
режимдерiн бiрiздендiру
туралы хаттамаға
4-қосымша

ЕурАзЭҚ-қа мүше мемлекеттер преференцияларының бірыңғай
жүйесін пайдаланушы неғұрлым нашар дамыған елдердің
тізбесі

Мемлекеттің атауы
1. Ауғанстан	25. Мали
2. Бангладеш	26. Мавритания
3. Бенин	27. Мозамбик
4. Ботсвана	28. Мьянма
5. Бутан	29. Малави
6. Буркина-Фасо	30. Мальдивы
7. Бурунди	31. Непал
8. Вануату	32. Нигер
9. Гамбия	33. Руанда
10. Гаити	34. Самоа
11. Гвинея	35. Сан-Томе және Принсипи
12. Гвинея-Бисау	36. Сьерра-Леоне
13. Джибути	37. Соломон аралдары
14. Замбия	38. Сомали
15. Йемен	39. Судан
16. Камбоджа	40. Того
17. Кабо-Верде	41. Тувалу
18. Комор аралдары	42. Танзания
19. Конго	43. Уганда
20. Кирибати	44. Орталық Африка Республикасы
21. Лаос	45. Чад
22. Лесото	46. Экваториалдық Гвинея
23. Либерия	47. Эфиопия
24. Мадагаскар

Жоба

Еуразия экономикалық
қоғамдастығына мүше
мемлекеттердiң үшіншi
елдерге қатысты сауда
режимдерiн бiрiздендiру
туралы хаттамаға
5-қосымша

ЕурАзЭҚ-қа мүше мемлекеттердiң кедендiк аумағына импорты
кезінде тарифтік преференциялар берілетін дамушы және
неғұрлым нашар дамыған елдерден шығатын тауарлардың
базалық тiзбесi

ЕурАзЭҚ СЭҚ ТН бойынша тауардың коды	Тауар позицияларының атауы
0301	Тірі балық (бекіре мен албырт балықтан өзге)
0302	0304 тауар айқындамасының балық сүбесiн және балық етiнен басқа (бекiре етi мен албырт балық және олардан алынған уылдырықтардан өзге) жас немесе тоңазытылған балық
0303	0304 тауар айқындамасының балық сүбесiн және балық етінен басқа (бекiре етi мен албырт балық және олардан алынған уылдырықтардан өзге) мұздатылған балық
0304	Жас, тоңазытылған немесе мұздатылған балық сүбесi мен өзге балық етi (тартылған еттi қоса алғанда)
0306	Шаянтектестер, сауыттағы немесе сауытсыз, тiрі, жас, тоңазытылған, мұздатылған, кептiрiлген, тұздалған немесе тұздықтағы; сауыттағы шаянтектестер, буға немесе ыстық суға пiсiрiлген, тоңазытылған немесе тоңазытылмаған, мұздатылған, кептiрiлген, тұздалған немесе тұздықтағы шаянтектестерден алынатын тамаққа пайдалану үшін жарамды майда және iрi тартылған ұн және түйiршіктер
0307	Ұлулар, бақалшықтағы немесе бақалшықсыз, ipi, жас, тоңазытылған, мұздатылған, кептірiлген, тұздалған немесе тұздықтағы; шаянтектестер мен ұлулардан ерекшеленетін өзге де су омыртқасыздары, тiрi, жас, тоңазытылған, мұздатылған, кептiрiлген, тұздалған немесе тұздықтағы; өзге де су омыртқасыздарынан алынатын тамаққа пайдалану үшін жарамды майда және iрi тартылған ұн және түйiршіктер
05	Басқа жерде аталмаған немесе енгiзiлмеген жануарлардан алынған өнімдерi
06	Тiрi ағаштар және басқа да өсiмдiктер; пияздар, тамырлар және өзге де ұқсас бөлiктерi; кесiп алынған гүлдер және сәндiк өсiмдiктер
07 (0701, 0703-тен басқа)	Көкөнiстер және кейбiр жеуге жарайтын тамыр тұқымдары мен түйнек жемiстер (жаңадан пiскен немесе тоңазытылған картоптан, басты пияздан, шалот пиязынан, сарымсақ, порея пиязынан өзге және жаңа піскен немесе тоңазытылған өзге де пиязшық көкөністер)
08	Жеуге жарамды жемiстер мен жаңғақтар; цитрустылардың немесе қауындардың қабықтары мен қыртыстары
09	Кофе, шай, мате, немесе парагвай шайы және тәттілер
12	Майлы тұқымдар мен ұрықтар; өзге де тұқымдар, ұрықтар мен дән; дәрілік өсiмдiктер мен техникалық мақсаттарға арналған өсiмдiктер; сабан мен жжем
13	Табиғи тазаланбаған малшайыр; шайырлар, камедтер және өзге де өсiмдiк шырындары мен сығындылары
14	Өрме бұйымдар дайындауға арналған өсiмдiк материалдары; басқа жерде аталмаған немесе енгiзiлмеген өсiмдiктен алынған өзге де өнiмдер
15 (1509, 1517-1522 00- ден басқа)	Жануарлардан және өсiмдiктерден алынатын тоң майлар мен май және оларды ажырату өнiмдерi; дайын тамақтық тоң майлар; жануарлардан немесе өсiмдiктерден алынатын балауыздар
16 (1601 00, 1602, 1604 30 -дан басқа)	Еттен, балықтардан немесе шаянтектестерден, ұлулардан және өзге де су омыртқасыздан жасалатын дайын өнiмдер
1801 00 000 0	Бүтін немесе ұсатылған, шикі немесе қуырған какао-бұршақбастары
1802 00 000 0	Какао қауызы қабығы, қабықшасы және өзге де қалдықтары
2103	Тұздықтар дайындауға арналған өнiмдер және дайын тұздықтар; дәмдеуіш қосындылар және аралас дәмдеуіштер; қыша ұнтағы және дайын қыша
2104	Дайын көже және сорпа; гомогендендiрiлген құрамды дайын тағамдық өнiмдер
2401	Темекі шикiзаты; темекі қалдықтары
25 (250100 91, 2501 00, 2503 00, 2523, 2529 21 000 0, 2529 22 0000 -ден басқа)	Тұз; күкiрт; топырақ және тас; сылақ материалдары, әк тастары мен цемент
26	Кендер, қож және күл
3003	Екі немесе одан көп құрамдас бөлiктерден тұратын терапевтік немесе алдын алу мақсаттарына арналған (3002, 3005 немесе 3006 тауар позицияларынан басқа), бiрақ бөлшек сауда үшін мөлшерленген дәрілік нысандар түрiнде немесе орамдарға бөлшектеп салынбаған дәрілік заттар
32	Илегiш және бояғыш экстракттар; таниндер және олардың туындылары; бояғыштар, пигменттер және бacқа бояғыш заттар; бояулар мен лактар; тығыздағыштар мен мастикалар; баспаханалық бояу, сия, тушь
3301	Конкреттердi және абсолюттердi қоса алғанда, эфир майлары (құрамында терпендер бар немесе жоқ); резиноидтер; экстрагирленген эфир майлары; майлардағы, ұшпайтын майлардағы, балауыздағы немесе анфлераж немесе мацераций әдiсiмен алынатын ұқсас өнiмдердегі концентраттар, эфир майларын детерпенизациясының терпендiк жанама өнiмдерi; су дистиляттары және эфир майларының су ерiтiндерi
3302	Өнеркәсіптік шикізат ретiнде қолданылатын, хош иiстi заттардың қоспалары және сондай бiр немесе одан көп заттардың негізiндегі қоспалар; сусындар өндiрiсi үшін қолданылатын хош иiстi заттардың негізiндегі басқа препараттар
3402	Беттiк-белсенді органикалық заттар (сабыннан басқа); беттік-белсендi құралдар, жуғыш заттар (қосалқы жуғыш заттарды қоса алғанда) және тазалайтын, құрамында сабын болатын немесе болмайтын құралдар (3401 тауар позициясының құралдарынан басқа)
35	Белоктық заттар; өзгертiлген крахмалдар; желімдер; ферменттер
3923	Пластмассадан жасалған тасымалдауға немесе орауға арналған бұйымдар; пластмассадан жасалған тығындар, қақпақтар, қалпақшалар және тығындауға арналған басқа да бұйымдар
4001	Бастапқы нысандардағы немесе пластиналар, табақтар немесе белдiктер немесе ленталар түрiндегі табиғи каучук, балата, гуттаперча, гваюла, чикл және ұқсас табиғи шайырлар
4403 41 000 0	Өңделмеген, қабығы мен жұқа сiрке қабығы алынған не алынбаған немесе долбар кесiлген немесе кесiлмеген ағаш материалдары, осы топ субпозицияларына 1 ескертуде көрсетiлген өзге тропикалық тұқымдардың сүректерiнен, қара-қызыл сүректі шорея және бакау шорея
4403 49	Өңделмеген, қабығы мен жұқа сiрке қабығы алынған не алынбаған немесе долбар кесiлген немесе кесiлмеген ағаш материалдары, осы топ субпозицияларына 1 ескертуде көрсетiлген өзге тропикалық тұқымдардың сүректерінен, өзгелерi
4407 24 - 4407 29	Өн бойымен аралған немесе уатылған, қабаттарға бөлiнген немесе аршылған, сүргiленген немесе сүргіленбеген, тегістелген немесе тегістелмеген, қалыңдығы 6 мм астам жанама қосылыстары бар немесе жоқ ағаш материалдары, осы топтың субпозициясына 1 ескертуде көрсетілген тропикалық тұқымдас сүректерден
4420	Таскестелік және ойып безендiрiлген бұйымдар; ағаштан жасалған зергерлік және пышақтық немесе ұқсас бұйымдарға арналған қобдишалар және қораптар; ағаштан жасалған мүсiншелер және басқа сәндiк бұйымдар, 94-топта көрсетiлмеген ағаштан жасалған жиhаздық заттap
4421	Ағаштан жасалған басқа бұйымдар
45	Тығын және одан жасалған бұйымдар
46	Өруге арналған сабаннан, альфадан және өзге материалдардан жасалған бұйымдар; себеттiк бұйымдар және өрiлген бұйымдар
50	Жібек
53	Өзге де өсiмдiктен жасалған тоқыма талшықтары; қағаздан жасалған иiрiмжiп және қағаздан жасалған иірімжіптен тоқылған маталар
56	Мақта, киiз немесе фетр және маталық емес материалдар; арнайы иiрiмжiп; жіңішке арқандар, қысқа жiптер, арқандар мен жуан арқандар және олардан жасалған бұйымдар
5808	Тоқылған қиық бау; машинамен немесе қолмен тоқылған тоқымалардан басқа, кестесiз қиық бөлiктердегi әрлеу материалдары; қылқаламдар, бумашашақтар және соған ұқсас бұйымдар
6702 90 000 0	Жасанды гүлдер, жапырақтар және жемiстер және оның бөлiктерi; жасанды гүлдерден, жапырақтардан және жемiстерден және оның бөлiктерiнен жасалған бұйымдар (пластмассадан басқа)
6913	Мүсiншелер және қыштан жасалған өзге де әсемдiк қыш бұйымдары
6914	Өзге де қыш бұйымдары
7018 10	Шыны моншақтар, iнжуге ұқсатылған бұйымдар, қымбат бағалы және жартылай қымбат бағалы тастар және шыныдан жасалған шағын ұқсас пішіндер
7117	Бижутерия
9401 50 000 0	Қамыстан, лозадан, бамбуктан немесе соған ұқсас материалдардан жасалған отыруға арналған жиhаздар
9403 80 000 0	Қамыстан, лозанды, бамбукты немесе соған ұқсас материалдарды қоса алғанда, өзге де материалдардан жасалған өзге де жиhаздар
9403 90 900 0	Өзге де материалдардан (ағаштан және металдан басқа) жасалған жиhаз бөлiктерi
9601	Өңделген және кесу үшін жарамды піл сүйегі, сүйек, тасбақаның тас қабығы, мүйiз, бұғының мүйiзi, iнжулер, перламуар, жануарлардан алынатын өзге де материалдар және осы материалдардан жасалған бұйымдар (қалыпқа келтiру жолымен алынған бұйымдарды қоса алғанда)
9602 00 000 0	Кесу үшін жарамды, өсiмдiктен немесе минералдан шыққан өңделген материалдар және олардан жасалған бұйымдар; балауыздан, стеариннан, табиғи шайырлардан немесе табиғи каучуктан немесе модельдi пасталардан жасалған қалыпқа келтiрiлген немесе оюланған бұйымдар және басқа жерде аталмаған немесе енгiзiлмеген, өзге де қалыпқа келтiрiлген немесе оюланған; өңделген, қатпаған желатин (35.03 тауар позициясының желатинiнен басқа) және қатпаған желатиннен жасалған бұйымдар
9603	Сыпырғыштар, щеткалар (тетiктердiң, аспаптардың немесе көлiк құралдарының бөлшектері болып табылатын щеткаларды қоса алғанда), едендi тазартуға арналған қозғалтқышсыз механикалық қол щеткалары, швабралар және шаңды қағуға арналған қауырсыннан жасалған сыпырғылар; сыпырғыштарды немесе щетка бұйымдарын жасау үшін дайындалған түйiндер мен будалар; сырлауға арналған жастықшалар мен бiлікшелер; резеңкелі швабралар (ылғалды алуға арналған резеңкелі білікшелерден басқа)
9604 00 000 0	Елеуіштер мен қол електері
9606	Түймелер, батырмалар, iлгек түймелер, түймелеуге арналған қалыптар және осы бұйымдардың өзге де бөлiктерi; түймелерге арналған дайындамалар
9609	Жай қаламдар (96.08 тауар позициясында көрсетiлгендерден басқа), түрлі-түстi қаламдар, қаламдардың грифельдерi, пастелдер, көмiр қаламдары, жазуға немесе сурет салуға арналған борлар және тігіншiлерге арналған борлар
9614	Шылым түтікшелерi (тостаған тәрiздi бөлiктерiн қоса алғанда), сигарларға немесе темекiге арналған мундштуктар және олардың бөлiктерi
9615 11000 0	Шашқа арналған тарақтар, тарақшалар және эбониттен немесе пластмассадан жасалған ұқсас заттар
9617 00	Термостар және жинақталған түрдегі өзге де вакуумдық ыдыстар; шиша колбадан басқа, олардың бөлiктерi
97	Өнер туындылары, коллекциялау және антиквариат заттары

Ескертпе
* - ЕурАзЭҚ-тың сыртқы экономикалық қызметiнiң тауар
номенклатурасы