Республиканың азық-түлiктiк қауiпсiздiгiн, жұмылдыру мұқтаждығын қамтамасыз ету, стратегиялық мәнi бар астық нарығын жедел реттеу мақсатында Қазақстан Республикасының Yкiметi ҚАУЛЫ ЕТЕДI:
1. 2006 жылғы егiннiң азық-түлiктiк жұмсақ бидай астығын мемлекеттiк астық ресурстарына мемлекеттiк сатып алу көлемi есепке алынған табиғи салмағының бiр тоннасы үшiн қосылған құн салығын қоса алғанда және қосылған құн салығын төлеушiлер болып табылмайтын бiрыңғай жер салығын төлеушiлер үшiн қосылған құн салығын есептемей, франко-элеватор жеткiзу шартымен 12350 (он екi мың үш жүз елу) теңге баға бойынша республикалық бюджет қаражаты есебiнен 6208382000 (алты миллиард екi жүз сегiз миллион үш жүз сексен екi мың) теңге сомасына 502703 (бес жүз екі мың жеті жүз үш) тоннаға дейiнгi көлемде белгiленсiн. Бұл ретте:
көктемгi-жазғы кезеңде астықты мемлекеттiк сатып алуға арналған сома 3892000000 (үш миллиард сегiз жүз тоқсан екi миллион) теңге мөлшерiнде белгiленедi;
күзгi-қысқы кезеңде астықты мемлекеттiк сатып алуға арналған сома 2316382000 (екi миллиард үш жүз он алты миллион үш жүз сексен екi мың) теңге мөлшерiнде белгiленедi.
Көктемгi-жазғы кезеңде астықты мемлекеттiк сатып алуға пайдаланылмаған ақша қаражаты күзгi-қысқы кезеңде астықты мемлекеттiк сатып алуға пайдаланылады.
Ескерту. 1-тармаққа өзгерту енгізілді - ҚР Үкіметінің 2006.04.04. N
232
қаулысымен.
2. "Азық-түлiк келiсiм-шарт корпорациясы" акционерлiк қоғамына кредит ресурстарын тарту есебiнен 2000000 (екi миллион) тоннаға дейiнгi көлемде бидай және басқа да ауыл шаруашылығы дақылдарының астығын қосымша мемлекеттiк сатып алуды жүзеге асыру ұсынылсын.
