Қазақстан Республикасы Yкiметiнiң резервiнен қаражат бөлу туралы

Қазақстан Республикасы Үкіметінің 2006 жылғы 27 маусымдағы N 585 Қаулысы

"2006 жылға арналған республикалық бюджет туралы" Қазақстан Республикасының 2005 жылғы 22 қарашадағы Заңына және "Қазақстан Республикасы Үкiметiнiң және жергiлiктi атқарушы органдардың резервтерiн пайдалану ережесiн бекiту туралы" Қазақстан Республикасы Үкiметiнiң 2004 жылғы 27 желтоқсандағы N 1405 қаулысына сәйкес Қазақстан Республикасының Yкiметi ҚАУЛЫ ЕТЕДI :
1. Қазақстан Республикасы Ақпараттандыру және байланыс агенттiгiне "Қазақтелеком" акционерлiк қоғамын қайта құрылымдау және монополиясыздандыру жөнiнде консалтингтiк жұмыс жүргiзу үшiн 2006 жылға арналған республикалық бюджетте шұғыл шығындарға көзделген Қазақстан Республикасы Үкiметiнiң резервiнен 75000000 (жетпiс бес миллион) теңге сомасында ақшалай қаражат бөлiнсiн.

2. Қазақстан Республикасы Қаржы министрлiгi бөлiнетiн қаражаттың мақсатты пайдаланылуын бақылауды қамтамасыз етсiн.

3. Осы қаулы қол қойылған күнiнен бастап қолданысқа енгiзiледi.

Қазақстан Республикасының
Премьер-Министрі