Халықаралық сараптамалық-консультативтiк және грант көмегiн, сондай-ақ мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру мәселелерi бойынша ведомствоаралық комиссия құру туралы

Күшін жойған

Қазақстан Республикасы Үкіметінің 2006 жылғы 13 шілдедегі N 671 Қаулысы. Күші жойылды - Қазақстан Республикасы Үкіметінің 2010 жылғы 20 мамырдағы № 453 Қаулысымен

      Ескерту. Күші жойылды - ҚР Үкіметінің 2010.05.20 № 453 Қаулысымен.

      Бұрынғы Семей ядролық сынақ полигонының проблемаларын кешендi шешу жөнiндегi шараларды тиiмдi iске асыру мақсатында Қазақстан Республикасының Yкiметi  ҚАУЛЫ ЕТЕДI :

      1. Қосымшаға сәйкес құрамда Халықаралық сараптамалық-консультативтiк және грант көмегiн, сондай-ақ мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру мәселелерi бойынша ведомствоаралық комиссия (бұдан әрi - Комиссия) құрылсын.

      2. Қоса берiлiп отырған Комиссия туралы ереже бекiтiлсiн.

      3. "Семей аймағының проблемалары жөнiндегi ведомствоаралық комиссияның құрамын бекiту туралы" Қазақстан Республикасы Үкiметiнiң 2000 жылғы 11 сәуiрдегi N 550  қаулысының күші жойылды деп танылсын.

      4. Осы қаулы қол қойылған күнінен бастап қолданысқа енгiзiледi.
 
      Қазақстан Республикасының
      Премьер-Министрі

                                             Қазақстан Республикасы
                                                  Үкiметiнiң
                                            2006 жылғы 13 шiлдедегi
                                                N 671 қаулысына
                                                      қосымша 

    Халықаралық сараптамалық-консультативтiк және грант  көмегiн, сондай-ақ мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру мәселелерi бойынша ведомствоаралық комиссияның
құрамы

Сұлтанов                  - Қазақстан Республикасының
Бақыт Тұрлыханұлы           Экономика және бюджеттік
                            жоспарлау министрі, төраға

Жошыбаев                  - Қазақстан Республикасы Сыртқы iстер
Рәпiл Сейiтханұлы           министрiнiң орынбасары, төрағаның 
                            орынбасары

Ахметжанова               - Қазақстан Республикасы Экономика және
Гүлнар Тұрдыбекқызы         бюджеттiк жоспарлау министрлiгi Өңiрлiк
                            саясат және бюджетаралық қатынастар
                            департаментi директорының орынбасары,
                            хатшы      

Белоног                   - Қазақстан Республикасы Денсаулық сақтау
Анатолий Александрович      министрлiгi Мемлекеттiк санитарлық-
                            эпидемиологиялық қадағалау комитетiнiң
                            төрағасы

Бозтаев                   - "Полигон - 29 тамыз" қоғамдық
Нұрлан Кешiрiмұлы           қайырымдылық қоры кеңесiнiң төрағасы

Брагин                    - Қазақстан Республикасы Қоршаған ортаны
Александр Геннадьевич       қорғау министрлiгi Құқықтық саясат және
                            халықаралық ынтымақтастық
                            департаментiнiң директоры

Бұхарбаев                 - Қазақстан Республикасы Индустрия және
Құралбай Сейiтбайұлы        сауда министрлiгi Өнеркәсiп және ғылыми-
                            техникалық даму комитетi төрағасының
                            орынбасары

Ғаббасов                  - Қазақстан Республикасы Төтенше
Сырым Ғаббасұлы             жағдайлар министрлiгi Төтенше
                            жағдайлардың алдын алу және
                            перспективалы даму департаментiнiң
                            директоры

Галич                     - Қазақстан Республикасы Денсаулық сақтау
Борис Викторович            министрлiгi Радиациялық медицина және
                            экология ғылыми-зерттеу институты
                            директорының орынбасары

Дайыров                   - Қазақстан Республикасы Қорғаныс
Мүсiлiм Қадылбекұлы         министрлiгiнiң Штаб бастықтары комитетi
                            Арнайы әскерлер департаментiнiң 
                            бастығы, генерал-майор

Ким                       - Қазақстан Республикасы Энергетика және
Александр Афанасьевич       минералдық ресурстар министрлiгi Атом
                            энергетикасы комитетi төрағасының
                            орынбасары

Қожамұратов               - Қазақстан Республикасы Ауыл
Асылбек Әубәкiрұлы          шаруашылығы министрлiгi Ветеринария
                            департаментiнiң директоры

Манабаева                 - Қазақстан Республикасы Еңбек және 
Қайни Алдабергенқызы        халықты әлеуметтiк қорғау министрлiгi
                            Әлеуметтiк нормативтер және мүгедектердi
                            оңалту департаментiнiң директоры

Сизов                     - Қазақстан Республикасы Жер ресурстарын
Александр Павлович          басқару агенттiгi төрағасының орынбасары

Төлебаев                  - Қазақстан Республикасы Энергетика және
Алмас Қажкенұлы             минералдық ресурстар министрлiгi 
                            Ядролық энергетика және сыртқы
                            байланыстар департаментiнiң директоры

Нұрахметов                - Қазақстан Республикасы Мәдениет және
Саят Ермаханұлы             ақпарат министрлiгiнiң Ақпарат және
                            мұрағат комитетi төрағасының орынбасары

Исмайылов                 - Қазақстан Республикасы Денсаулық сақтау
Жұмағали Қазыбайұлы         министрлiгi Емдеу-алдын алу жұмысы
                            департаментiнiң директоры

Лаврищев                  - "Қазақстан Республикасы Бiлiм және ғылым
Олег Александрович          министрлiгiнiң "Әл-Фараби атындағы
                            Қазақ ұлттық университетiнiң
                            Эксперименттiк және теориялық физика
                            ғылыми-зерттеу институты" шаруашылық
                            жүргiзу құқығындағы еншiлес мемлекеттiк
                            кәсiпорнының директоры, физика-
                            математика ғылымдарының кандидаты, 
                            доцент
 
  Оңғарбаев                 - Қазақстан Республикасы Білім
Еркін Әнуарұлы              және ғылым министрлігі Ғылым
                            комитетінің төрағасы

Хамзин                    - Қазақстан Республикасының
Рүстем Назымбекұлы          Президенті Әкімшілігінің
                            Әлеуметтік-экономикалық талдау
                            бөлімі меңгерушісінің бірінші
                            орынбасары (келісім бойынша)

Құрманғазиев              - Қазақстан Республикасының
Жәрдем Есламғалиұлы         Президенті Әкімшілігінің
                            Әлеуметтік-экономикалық талдау
                            бөлімі меңгерушісінің
                            орынбасары (келісім бойынша)

Нәубетова                 - Қазақстан Республикасының Президенті
Рашида Аронқызы             жанындағы Әйелдер істері және
                            отбасылық-демографиялық саясат
                            жөніндегі ұлттық комиссиясы
                            хатшылығының консультанты (келісім
                            бойынша)

Өтепов                    - Шығыс Қазақстан облысы
Болат Мағауияұлы            Экономика және бюджеттік
                            жоспарлау департаментінің директоры

Хаолянь                   - Біріккен Ұлттар Ұйымының
Шу                          Қазақстан Республикасындағы
                            резидент-үйлестірушісі,
                            Біріккен Ұлттар Ұйымы даму
                            бағдарламасының Қазақстандағы
                            тұрақты өкілі (келісім бойынша)
 
           Ескерту. Құрамға өзгерту енгізілді - ҚР Үкіметінің
2007.03.27 N  233 , 2007.10.15  N 948 , 2008.06.20  N 597 Қаулыларымен.

Қазақстан Республикасы  
Үкiметiнiң       
2006 жылғы 13 шiлдедегi 
N 671 қаулысымен    
бекiтiлген       

  Халықаралық сараптамалық-консультативтiк және грант көмегiн, сондай-ақ мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру мәселелерi бойынша ведомствоаралық комиссия туралы ереже 1. Жалпы ережелер

      1. Халықаралық сараптамалық-консультативтiк және грант көмегiн, сондай-ақ мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру мәселелерi бойынша ведомствоаралық комиссия (бұдан әрi - Комиссия) Семей өңiрiнiң халқы мен экологиясын оңалту жөнiндегi шараларды тиiмдi iске асыру мақсатында құрылды.

      2. Комиссия Қазақстан Республикасы Үкiметiнiң жанындағы консультативтiк-кеңесшi орган болып табылады.

      3. Комиссия өзiнiң қызметiнде Қазақстан Республикасының  Конституциясын және Қазақстан Республикасының заңдарын, өзге де нормативтiк құқықтық кесiмдердi, сондай-ақ осы Ереженi басшылыққа алады.

  2. Комиссияның мiндеттерi мен функциялары

      4. Комиссияның негiзгi мiндеттерi мен функциялары:
      1) Семей өңiрiнiң халқын сауықтыруға, экологиясын оңалтуға және экономикалық дамуына бағытталған халықаралық сараптамалық-консультативтiк және грант көмегiн үйлестiру;
      2) орталық және жергiлiктi мемлекеттiк органдардың бұрынғы Семей ядролық сынақ полигонының проблемаларын кешендi шешу жөнiндегi қызметiн үйлестiру;
      3) БҰҰ-ның "Қазақстанның Семей өңiрiнiң халқы мен экологиясын оңалту және оны экономикалық дамыту мақсатындағы халықаралық ынтымақтастық және қызметтi үйлестiру" 60-сессиясының қарары шеңберiнде донор елдер мен БҰҰ мекемелерiнiң көмегiн үйлестiру;
      4) бұрынғы Семей ядролық сынақ полигонының проблемаларын кешендi шешу жөнiндегi бағдарламаны iске асыруға жәрдем көрсету;
      5) бұрынғы Семей ядролық сынақ полигонының аумақтарын оңалту жөнiндегi қосымша шараларды iске асыру мәселелерi жөнiнде ұсыныстар тұжырымдау болып табылады.

  3. Комиссияның құқықтары

      5. Комиссия өз мiндеттерi мен функцияларын жүзеге асыру үшiн заңнамада белгiленген тәртiппен:
      1) орталық және жергiлiктi атқарушы органдардан және өзге де ұйымдардан Комиссияның мiндеттерiн iске асыруға қажеттi материалдарды сұратуға және алуға;
      2) бұрынғы Семей ядролық сынақ полигонының өңiрiндегi ахуалды талдау және зерделеу үшiн мемлекеттiк органдар мен мемлекеттiк ғылыми-зерттеу ұйымдарының мамандарын қажеттiлiгiне қарай тартуға;
      3) Комиссия отырыстарында Комиссияның құзыретiне енетiн мәселелер бойынша орталық және жергiлiктi атқарушы органдар мен өзге де ұйымдардың өкiлдерiн тыңдауға құқылы.

  4. Комиссияның қызметiн ұйымдастыру

      6. Комиссияның төрағасы оның қызметiне басшылық жасайды, отырыстарда төрағалық етедi, жұмысты жоспарлайды, оның шешiмдерiнiң iске асырылуын жалпы бақылауды жүзеге асырады және оның қызметiне дербес жауап бередi. Төраға болмаған уақытта оның функцияларын орынбасары орындайды.

      7. Комиссия отырысының күн тәртiбi жөнiндегi ұсыныстарды, қажеттi құжаттарды, материалдарды дайындауды және отырыстан кейiн хаттама ресiмдеудi Комиссия хатшысы жүзеге асырады.

      8. Қазақстан Республикасы Экономика және бюджеттiк жоспарлау министрлiгi Комиссияның жұмыс органы болып табылады.

      9. Комиссия отырыстары қажеттiлiгiне қарай, бiрақ кемiнде жарты жылда бiр рет өткiзiледi.

      10. Отырыстардың күн тәртiбiн, сондай-ақ оларды өткiзу уақыты мен орнын Комиссия мyшелерiнiң келiсiмi бойынша Комиссия төрағасы айқындайды және нақтылайды.

      11. Комиссия шешiмдерi ашық дауыс беру арқылы қабылданады және егер оларға Комиссия мүшелерiнiң жалпы санының көпшiлiгi дауыс берсе, қабылданған болып саналады. Дауыстар тең болған жағдайда төраға дауыс берген шешiм қабылданған болып саналады.
      Комиссия мүшелерi ерекше пiкiр айтуға құқылы, оны бiлдiрген жағдайда ол жазбаша түрде жазылуға және комиссияның есеп хатына қоса берiлуге тиiс.
      Комиссия отырыстарын өткiзу нәтижелерi бойынша мiндеттi түрде оның барлық мүшелерi қол қоятын хаттама жасалады.

      12. Комиссия шешiмдерi ұсынымдық сипатта болады.

  5. Комиссияның қызметiн тоқтату

      13. Комиссия қызметiн тоқтатуға мыналар негiздеме болып табылады:
      1) Комиссияға жүктелген мiндеттердiң орындалуы;
      2) Комиссияға жүктелген мiндеттердi жүзеге асыратын мемлекеттiк органдардың немесе өзге комиссияның құрылуы;
      3) Комиссияның мiндеттерiн орындалмайтын не олардың орындалуын орынсыз ететiн өзге де жағдаяттар.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады