Қазақстан Республикасының Үкiметi ҚАУЛЫ ЕТЕДI :
1. Қоса берiлiп отырған 2002 жылғы 7 маусымдағы Қазақстан Республикасының Үкiметi мен Ресей Федерациясының Үкiметi арасындағы Мұнай транзитi туралы келiсiмге өзгерiстер мен толықтырулар енгiзу туралы Қазақстан Республикасының Үкiметi мен Ресей Федерациясының Үкiметi арасындағы хаттаманың жобасы мақұлдансын.
2. Қазақстан Республикасының Энергетика және минералдық ресурстар министрi Бақтықожа Салахатдинұлы Iзмұхамбетовке қағидаттық сипаты жоқ өзгерiстер енгiзуге рұқсат бере отырып, 2002 жылғы 7 маусымдағы Қазақстан Республикасының Үкiметi мен Ресей Федерациясының Үкiметi арасындағы Мұнай транзитi туралы келiсiмге өзгерiстер мен толықтырулар енгiзу туралы Қазақстан Республикасының Үкiметi мен Ресей Федерациясының Үкiметi арасындағы хаттамаға қол қоюға өкiлеттiк берiлсiн.
3. Осы қаулы қол қойылған күннен бастап қолданысқа енгiзiледi.
Қазақстан Республикасының
Премьер-Министрі
2002 жылғы 7 маусымдағы Қазақстан Республикасының Үкiметi мен
Ресей Федерациясының Yкiметi арасындағы Мұнай транзитi туралы
келiсiмге өзгерiстер мен толықтырулар енгiзу туралы
Қазақстан Республикасының Үкiметi мен
Ресей Федерациясының Үкiметi арасындағы
ХАТТАМА
Бұдан әрi Тараптар деп аталатын Қазақстан Республикасының Үкiметi мен Ресей Федерациясының Үкiметi,
мұнай транзитi саласында бұдан былайғы өзара тиiмдi ынтымақтастықты дамытуға және тереңдетуге мүдделiлiктi ескере отырып,
мына төмендегiлер туралы келiстi:
1. 2002 жылғы 7 маусымдағы Қазақстан Республикасының Үкiметi мен Ресей Федерациясының Үкiметi арасындағы Мұнай транзитi туралы келiсiмнiң (бұдан әрi - Келiсiм) 5-бабы мынадай редакцияда жазылсын:
"Ресей Федерациясының аумағы арқылы Қазақстан мұнайы транзитiнiң бағыттарын және оның көлемiн Ресей Тарабының құзыреттi органы Қазақстан Тарабын құзыреттi органының өтiнiмдерi негiзiнде жыл сайын белгiлейдi және олар белгiленген тәртiппен бекiтiлетiн мұнай транзитiнiң кестесiне енгiзiледi".
2. Келiсiмнiң 7-бабы мынадай редакцияда жазылсын:
"Қазақстан Тарабы қолда бар және құрылып жатқан магистральдық мұнай құбырлары жүйелерiмен Қазақстан Республикасының аумағы арқылы Ресей мұнайының транзитiн жүзеге асыру мүмкiндiгiн кепiлдi түрде бередi.
Қазақстан Республикасының аумағы арқылы Ресей мұнайы транзитiнiң бағыттарын және оның көлемiн Қазақстан Тарабының құзыреттi органы Ресей Тарабын құзыреттi органының өтiнiмдерi негiзiнде жыл сайын белгiлейдi және белгiленген тәртiппен бекiтiлетiн мұнай транзитiнiң кестесiне енгiзiледi".
3. Келiсiмнiң 13-бабы мынадай редакцияда жазылсын:
"Eгep транзит үшiн қазiргi бар магистральдық мұнай құбырлары жүйесi қуаттарының мүмкiндiгiнен асатын мұнайдың көлемi мәлiмделсе, Тараптардың құзыреттi органдары қосымша қуаттарды құру шарттарын келiседi.
Жобаларды қаржыландыруды ұйымдастыру және мұнайдың қосымша көлемiнiң транзитi үшiн Тараптардың бiрiнiң мұнай құбыры жүйесiнiң қолда бар транзиттiк қуаттарын кеңейту және жаңаларын салу кезiнде қарыз қаражатының қайтарылуын қамтамасыз ету мақсатында екiншi Тараптың осы қуаттарды пайдаланатын шаруашылық жүргiзушi субъектiлерi тиiстi Тараптың құзыреттi органы белгiлейтiн тәртiппен қарыз қаражатының қайтарылуын қамтамасыз ететiн кезеңге мұнайдың ең аз көлемiн жеткiзудi жүзеге асыруға кепiлдiктер беруi тиiс".
4. Келiсiм мынадай мазмұндағы 13-1 баппен толықтырылсын:
"Ресей Федерациясының аумағы арқылы Қазақстан мұнайы және Қазақстан Республикасының аумағы арқылы Ресей мұнайы транзитiнiң көлемдерi Қазақстан Республикасы мен Ресей Федерациясы мұнай шикiзатының Тараптардың құзыреттi органдары әзiрлейтiн және бекiтетiн бес жылдық бiрлескен теңгерiмдерiмен нақтыланады".
Осы Хаттама қол қойылған күнiнен бастап күшiне енедi.
2006 жылғы "__"________ ________________ қаласында қазақ және орыс тiлдерiнде екi данада жасалды, бұл ретте екi мәтiннiң де бiрдей күшi бар. Осы Хаттаманың ережелерiн түсiндiруде келiспеушiлiктер туындаған жағдайда Тараптар орыс тiлiндегi мәтiндi пайдаланатын болады.
Қазақстан Республикасының Ресей Федерациясының
Yкiметi үшін Yкiметi үшін
