"2007 жылға арналған республикалық бюджет туралы" Қазақстан Республикасының 2006 жылғы 8 желтоқсандағы Заңына , "Республикалық және жергілікті бюджеттердің атқарылу ережесін бекіту туралы" Қазақстан Республикасы Үкіметінің 2007 жылғы 20 наурыздағы N 225 қаулысына сәйкес Қазақстан Республикасының Үкіметі ҚАУЛЫ ЕТЕДІ :
1. Қазақстан Республикасы Парламентінің Шаруашылық басқармасына 2007 жылға арналған республикалық бюджетте шұғыл шығындарға көзделген Қазақстан Республикасы Үкіметінің резервінен Қазақстан Республикасы Парламенті ғимаратының үй-жайларын қайта жаңартуға; депутаттар мен аппарат қызметкерлерінің жаңа жұмыс орындарын жарақтандыруға; Парламенттің әкімшілік ғимараттарында комитеттердің (фракциялардың) отырыс залдары үшін жергілікті желілерді, кабельдік теледидар мен конференц-жүйелерді құруға; жалпы отырыс залдары мен бірлескен зал үшін конгресс-жүйелердің қосымша жабдықтарын сатып алуға; жаңа сайланған депутаттардың қызметтік үйлер берілгенге дейін қонақ үйлер мен жалға алынған жиһаздалған пәтерлерде уақытша тұруы жөніндегі шығыстарға, сондай-ақ депутаттар санының әрі аппараттар қызметкерлерінің ұлғаюына байланысты 4 айдың (2007 жылғы қыркүйек - желтоқсан) ағымдағы шығындарға 390712000 (үш жүз тоқсан миллион жеті жүз он екі мың) теңге бөлінсін.
