Қазақстан-украин қатынастарын одан әрі нығайту және дамыту мақсатында Қазақстан Республикасының Үкіметі ҚАУЛЫ ЕТЕДІ:
"Қазақстан Республикасында 2008 жылы Украина жылын өткізу туралы" Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
Қазақстан Республикасының
Премьер-Министрі
Қазақстан Республикасы Президентінің Жарлығы Қазақстан Республикасында 2008 жылы Украина жылын
өткізу туралы
Қазақстан Республикасы мен Украина арасындағы ынтымақтастықты жандандыру және экономикалық, ғылыми-техникалық және гуманитарлық салалардағы байланыстарды нығайту және Қазақстан Республикасының Президенті мен Украина Президенті кездесулерінің барысында қол жеткізілген уағдаластықтарды орындау мақсатында ҚАУЛЫ ЕТЕМІН:
1. Қазақстан Республикасында 2008 жылы Украина жылы өткізілсін.
2. Қазақстан Республикасының Үкіметі Қазақстан Республикасында 2008 жылы Украина жылын дайындау және өткізу жөніндегі ұйымдастыру комитетін қалыптастырсын және көрсетілген іс-шараларды қаржыландыруды қамтамасыз етсін.
3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
4. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті
