"Мемлекеттік мүлікті мемлекеттік меншіктің бір түрінен екінші түріне беру ережесін бекіту туралы" Қазақстан Республикасы Үкіметінің 2003 жылғы 22 қаңтардағы N 81 қаулысына сәйкес Қазақстан Республикасының Үкіметі ҚАУЛЫ ЕТЕДІ :
1. Астана қаласы, Қабанбай батыр көшесі, 6/3 мекен-жайы бойынша орналасқан спорттық теннис базасы кешенін республикалық меншіктен Қазақстан Республикасы Қорғаныс министрлігінің теңгерімінен Астана қаласының коммуналдық меншігіне беру туралы Астана қаласы әкімінің ұсынысы қабылдансын.
2. Қазақстан Республикасы Қорғаныс министрлігі Қазақстан Республикасы Қаржы министрлігінің Мемлекеттік мүлік және жекешелендіру комитетімен және Астана қаласының әкімдігімен бірлесіп, спорттық теннис базасы кешенін қабылдап алу-беру жөніндегі қажетті ұйымдастыру іс-шараларын заңнамада белгіленген тәртіппен жүзеге асырсын.
