Қазақстан Республикасы Президентінің Қазақстан Республикасы Үкіметінің 2008 жылғы 14 ақпандағы кеңейтілген мәжілісінде берген тапсырмасын орындау мақсатында Қазақстан Республикасының Үкіметі ҚАУЛЫ ЕТЕДІ:
1. Орталық және жергілікті атқарушы органдар 2008 жылғы 21 ақпан 2008 жылғы 31 желтоқсан аралығында салық төлеушінің өтініші оларды жүргізу үшін негіз болатын салық тексерістерін, ыңғайласпа салық тексерістері мен хронометраждық зерттеулерді, қылмыстық әрекеттердің жолын кесу мақсатында заңнамаға сәйкес жүргізілетін тексерістерді, қоғамдық тәртіпті, адамның құқықтары мен бостандықтарын, Қазақстан Республикасының халықтың санитарлық-эпидемиологиялық ахуалы, жер қойнауын пайдалану туралы, ветеринария саласындағы заңнамасы нормаларын бұзуға бағытталған іс-әрекеттерді болдырмау үшін жүргізілетін тексерістерді, сондай-ақ Астана қаласының және облыстық маңызы бар қалалардың маңынан берілген жер мәселелері бойынша тексерістерді қоспағанда, шағын және орта кәсіпкерлік субъектілерін тексеруді тоқтатсын.
