«2010 - 2012 жылдарға арналған республикалық бюджет туралы» Қазақстан Республикасының Заңына және «Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Үкіметінің 2009 жылғы 26 ақпандағы № 220 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Құрылыс және тұрғын үй-коммуналдық шаруашылық істері агенттігіне Астана қаласында Опера және балет театрын, «Абу Даби Плаза» көп бейінді кешенін, «Хэйлибэри Астана» мектебін салу үшін жер учаскелерін сатып алуға және жылжымайтын мүлік объектілерін бұзуға Астана қаласының әкімдігіне аудару үшін 2010 - 2012 жылдарға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен ағымдағы нысаналы трансферттер түрінде 1 537 776 463 (бір миллиард бес жүз отыз жеті миллион жеті жүз жетпіс алты мың төрт жүз алпыс үш) теңге мөлшерінде ақшалай қаражат бөлінсін.
Ескерту. 1-тармаққа өзгерту енгізілді - ҚР Үкіметінің 2010.12.14 № 1353 Қаулысымен.
2. Астана қаласының әкімдігі осы қаулыдан туындайтын өзге де шараларды қабылдасын.
3. Қазақстан Республикасы Қаржы министрлігі заңнамада белгіленген тәртіппен бөлінген қаражаттың мақсатты пайдаланылуын бақылауды қамтамасыз етсін.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
