Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне техникалық реттеу және метрология мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
Қазақстан Республикасының
Премьер-Министрі К. Мәсімов
Жоба
ҚАЗАҚСТАН РЕСПУБЛИКАСЫНЫҢ
ЗАҢЫ Қазақстан Республикасының кейбір заңнамалық актілеріне
техникалық реттеу және метрология мәселелері бойынша өзгерістер
мен толықтырулар енгізу туралы
1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2001 жылғы 30 қаңтардағы Қазақстан Республикасының Әкiмшiлiк құқық бұзушылық туралы кодексiне (Қазақстан Республикасы Парламентінің Жаршысы, 2001 ж., № 5-6, 24-құжат; № 17-18, 241-құжат; № 21-22, 281-құжат; 2002 ж., № 4, 33-құжат; № 17, 155-құжат; 2003 ж., № 1-2, 3-құжат; № 4, 25-құжат; № 5, 30-құжат; № 11, 56, 64, 68-құжаттар; № 14, 109-құжат; № 15, 122, 139-құжаттар; № 18, 142-құжат; № 21-22, 160-құжат; № 23, 171-құжат; 2004 ж., № 6, 42-құжат; № 10, 55-құжат; № 15, 86-құжат; № 17, 97-құжат; № 23, 139, 140-құжаттар; № 24, 153-құжат; 2005 ж., № 5, 5-құжат; № 7-8, 19-құжат; № 9, 26-құжат; № 13, 53-құжат; № 14, 58-құжат; № 17-18, 72-құжат; № 21-22, 86, 87-құжаттар; № 23, 104-құжат; 2006 ж., № 1, 5-құжат; № 2, 19, 20-құжаттар; № 3, 22-құжат; № 5-6, 31-құжат; № 8, 45-құжат; № 10, 52-құжат; № 11, 55-құжат; № 12, 72, 77-құжаттар; № 13, 85, 86-құжаттар; № 15, 92, 95-құжаттар; № 16, 98, 102-құжаттар; № 23, 141-құжат; 2007 ж., № 1, 4-құжат; № 2, 16, 18-құжаттар; № 3, 20, 23-құжаттар; № 4, 28, 33-құжаттар; № 5-6, 40-құжат; № 9, 67-құжат; № 10, 69-құжат; № 12, 88-құжат; № 13, 99-құжат; № 15, 106-құжат; № 16, 131-құжат; № 17, 136, 139, 140-құжаттар; № 18, 143, 144-құжаттар; № 19, 146, 147-құжаттар; № 20, 152-құжат; № 24, 180-құжат; 2008 ж., № 6-7, 27-құжат; № 12, 48, 51-құжаттар; № 13-14, 54, 57, 58-құжаттар; № 15-16, 62-құжат; № 20, 88-құжат; № 21, 97-құжат; № 23, 114-құжат; № 24, 126, 128, 129-құжаттар; 2009 ж., № 2-3, 7, 21-құжаттар; № 9-10, 47, 48-құжаттар; № 13-14, 62, 63-құжаттар; № 15-16, 70, 72, 73, 74, 75, 76-құжаттар; № 17, 79, 80, 82-құжаттар; № 18, 84, 86-құжаттар; № 19, 88-құжат; № 23, 97, 115, 117-құжаттар; № 24, 121, 122, 125, 129, 130, 133, 134-құжаттар; 2010 ж., № 1-2, 1, 4, 5-құжаттар; № 5, 23-құжат; № 7, 28, 32-құжаттар; № 8, 41-құжат; № 9, 44-құжат; № 11, 58-құжат; № 13, 67-құжат; № 15, 71-құжат; № 17-18, 112, 114-құжаттар; № 20-21, 119-құжат; № 22, 128, 130- құжаттар; № 24, 146, 149-құжаттар; 2011 ж., № 1, 2,3,7,9-құжаттар; № 2, 19, 25, 26, 28 -құжаттар; № 3, 32-құжат; № 6, 50-құжат; № 8, 64-құжат; № 11, 102-құжат; 2011 жылғы 30 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне рұқсат беру жүйесін жетілдіру мәселелері бойынша өзгерістер мен толықтырулар енгізу туралы» 2011 жылғы 15 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне сыртқы мемлекеттік қаржылық бақылауды жетілдіру мәселелері бойынша өзгерістер мен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне электрондық ақша мәселелері бойынша өзгеріс пен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне халықтың көші-қоны мәселелері бойынша өзгерістер мен толықтырулар енгізу туралы» 2011 жылғы 22 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне тұрғын үй қатынастары мәселелері бойынша өзгерістер мен толықтырулар енгізу туралы» 2011 жылғы 22 шілдедегі Қазақстан Республикасының Заңы):
1) 317-бап мынадай редакцияда жазылсын:
«317-бап. Техникалық реттеу саласындағы заңнаманы бұзу
1. Техникалық реттеу саласындағы заңнаманы:
1) техникалық регламенттердің талаптарына сәйкес келмейтін өнімдерді шығару және өткізу;
2) стандарттау жөніндегі нормативтік құжаттың талаптарына сәйкес келмейтін өнімді бөлшек сауда ұйымдарында, базарларда сатуға шығару;
3) сәйкестiгi мiндеттi растауға жататын, сәйкестiк сертификаты немесе сәйкестiк туралы декларациясы жоқ өнімдерді, сондай-ақ ол қолдан жасалған, қолданылу мерзiмi өткен немесе тоқтатыла тұрған жағдайда оны импортқа шығару және (немесе) өткiзу;
4) сәйкестікті растау және аккредиттеу жөніндегі жұмыстарды жүргізу ережелерін бұзу;
5) сәйкестiк сертификатын негiзсiз беру немесе қолданылу күшiн растау, сол сияқты сәйкестiк туралы декларацияны, өтініш-декларацияны мәлiмдеудi негiзсiз қабылдау немесе тiркеу;
6) техникалық реттеудiң мемлекеттiк жүйесiнде міндетті сәйкестiктi растау саласында аккредиттелмеген жұмыстарды жүзеге асыру түрінде жасалған бұзушылық, -
аккредиттеу аттестатын, сарапшы-аудитор аттестатын тоқтата отырып не онсыз, жеке тұлғаларға - айлық есептік көрсеткіштің он бестен отызға дейінгі мөлшерінде, лауазымды адамдарға, дара кәсіпкерлерге - отыздан елуге дейінгі мөлшерінде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға - елуден жүзге дейінгі мөлшерінде, ірі кәсіпкерлік субъектілері болып табылатын заңды тұлғаларға жүз елуден екі жүзге дейінгі мөлшерінде айыппұл салуға әкеп соғады.
2. Осы Кодекстің 317-1-бабында көзделген жағдайлардан басқа, техникалық реттеу және өлшем бірлігін қамтамасыз ету саласындағы заңнаманың талаптарын сақтауға мемлекеттік бақылауды жүзеге асыратын органдардың нұсқауларын орындамау не тиісінше орындамау, -
аккредиттеу аттестатынан, сарапшы-аудитор аттестатынан айыра отырып не онсыз, жеке тұлғаларға - айлық есептік көрсеткіштің жиырмадан отызға дейінгі мөлшерінде, лауазымды адамдарға, дара кәсіпкерлерге - қырықтан алпысқа дейінгі мөлшерінде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға - алпыстан жүз елуге дейінгі мөлшерінде, ірі кәсіпкерлік субъектілері болып табылатын заңды тұлғаларға екі жүз елуден үш жүзге дейінгі мөлшерінде айыппұл салуға әкеп соғады.
3. Осы баптың бірінші, екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекеттер (әрекетсіздік), -
аккредиттеу аттестатынан, сарапшы-аудитор аттестатынан айыра отырып не онсыз, жеке тұлғаларға - айлық есептік көрсеткіштің отыздан қырық беске дейінгі мөлшерінде, лауазымды адамдарға, дара кәсіпкерлерге - қырықтан бір жүзге дейінгі мөлшерінде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға - бір жүз елуден екі жүзге дейінгі мөлшерінде, ірі кәсіпкерлік субъектілері болып табылатын заңды тұлғаларға үш жүз елуден төрт жүзге дейінгі мөлшерінде айыппұл салуға әкеп соғады.»;
2) 317-2-бап мынадай редакцияда жазылсын:
«317-2-бап. Тауардың шығарылуы туралы және (немесе) ішкі
айналымға арналған сертификатты беру тәртібін,
Кеден одағы тауары немесе шетелдік тауар
нысандарының қорытындысын бұзу
1. Тауардың шығарылған елiн, Кеден одағы тауарының немесе шетелдік тауардың мәртебесін айқындау жөнiндегi сарапшы-аудитордың тауар туралы деректерi бұрмаланған және (немесе) дәйексiз болған тауардың шығарылуы туралы, Кеден одағы тауарының немесе шетелдік тауарлардың мәртебесін айқындау туралы актіні жасауы және сараптама ұйымының беруі, -
тауардың шығарылған елiн, Кеден одағы тауарының немесе шетелдік тауарлардың мәртебесін айқындау жөнiндегi сарапшы-аудиторларға - тауардың шығарылған елiн, Кеден одағы тауарының немесе шетелдік тауарлардың мәртебесін айқындау жөнiндегi сарапшы-аудитордың бiлiктiлiк аттестатын алты ай мерзiмге тоқтата тұрып не онсыз, айлық есептiк көрсеткiштiң бестен онға дейiнгi мөлшерiнде, сараптама ұйымдарына қызметін тоқтата тұрып не онсыз айлық есептiк көрсеткiштiң жиырмадан отызға дейiнгi мөлшерiнде айыппұл салуға әкеп соғады.
2. Тауардың шығарылуы туралы және (немесе) ішкі айналымға арналған тиiстi түрде ресiмделген сараптама актiсi және техникалық реттеу және өлшем бiрлiгiн қамтамасыз ету саласындағы уәкiлеттi орган бекiткен тiзбе бойынша тауардың шығарылуын растайтын құжаттар табыс етiлген жағдайда тауардың шығарылуы туралы және (немесе) ішкі айналымға арналған сертификатты беруден бас тарту немесе Кеден одағы тауарының немесе шетелдік тауардың мәртебесін айқындау туралы тиісінше рәсімделген актіні берген жағдайда Кеден одағының тауары немесе шетелдік тауар нысандарының қорытындыларын және Кеден одағы тауарының немесе шетелдік тауардың мәртебесін растайтын мәліметтерді, құжаттарды беруден бас тарту, -
аумақтық сауда-өнеркәсiп палаталарына, ішкі айналымға арналған тауардың шығарылуы туралы сертификатты, Кеден одағының тауары немесе шетелдік тауар нысандарының қорытындыларын беру жөніндегі уәкілетті органға (ұйымға) айлық есептiк көрсеткiштiң отыздан елуге дейiнгi мөлшерiнде айыппұл салуға әкеп соғады.
3. Тауар туралы деректері бұрмаланған және (немесе) дәйексiз аумақтық сауда-өнеркәсiп палатасының тауарлардың шығу тегі туралы сертификатты, ішкі айналымға арналған тауарлардың шығарылуы туралы сертификатты, уәкілетті органның (ұйымның) Кеден одағының тауары немесе шетелдік тауар нысандарының қорытындысын беруі, -
аумақтық сауда-өнеркәсiп палатасына, ішкі айналымға арналған тауарлардың шығу тегі туралы сертификатты, Кеден одағының тауар немесе шетелдік тауар нысандарының қорытындыларын беру жөніндегі уәкілетті органға (ұйымға) айлық есептiк көрсеткiштiң жиырмадан отызға дейiнгi мөлшерiнде айыппұл салуға әкеп соғады.
4. Аумақтық сауда-өнеркәсiп палатасының, ішкі айналымға арналған тауардың шығарылуы туралы сертификатты, Кеден одағы тауары немесе шетелдік тауар нысандарының қорытындыларын беру жөніндегі уәкілетті органның (ұйымның) тауарлардың шығарылуы туралы және (немесе) ішкі айналымға арналған сертификатты, Кеден одағының тауар немесе шетелдік тауар нысандарының қорытындыларын немесе оны беруден бас тарту туралы жазбаша дәлелдi шешiм беру мерзімін бұзуы, -
аумақтық сауда-өнеркәсiп палатасына, ішкі айналымға арналған тауардың шығарылуы туралы сертификатты, Кеден одағының тауары немесе шетелдік тауар нысандарының қорытындыларын беру жөніндегі уәкілетті органға (ұйымға) айлық есептiк көрсеткiштiң жиырмадан отызға дейiнгi мөлшерiнде айыппұл салуға әкеп соғады.
5. Тауардың шығарылуы туралы сертификат алу үшiн техникалық реттеу және өлшем бiрлiгiн қамтамасыз ету саласындағы уәкiлеттi орган бекiткен тiзбе бойынша тауардың шығарылуын растайтын бұрмаланған және (немесе) дәйексiз құжаттарды, ішкі айналымға арналған тауарлардың шығарылуы туралы сертификатты алу үшін ішкі айналымға арналған тауарлардың шығарылуын растайтын бұрмаланған және (немесе) дәйексiз құжаттарды, сондай-ақ Кеден одағының тауары немесе шетелдік тауар нысандарының қорытындыларын алу үшін Кеден одағы тауарының немесе шетелдік тауардың мәртебесін растайтын мәліметтерді, құжаттарды беру, -
дара кәсiпкерлерге - айлық есептiк көрсеткiштiң бестен онға дейiнгi мөлшерiнде, шағын немесе орта кәсiпкерлiк субъектiлерi болып табылатын заңды тұлғаларға - оннан жиырмаға дейiнгi мөлшерiнде, iрi кәсiпкерлiк субъектiлерi болып табылатын заңды тұлғаларға жиырмадан отызға дейiнгi мөлшерiнде айыппұл салуға әкеп соғады.
6. Осы баптың бiрiншi, екiншi, үшiншi және төртiншi бөлiктерiнде көзделген iс-әрекеттердi әкiмшiлiк жаза қолданылғаннан кейiн бiр жыл iшiнде қайталап жасау, -
тауардың шығарылған елiн, Кеден одағы тауарының немесе шетелдік тауардың мәртебесін айқындау жөнiндегi сарапшы-аудиторларға - тауардың шығарылған елiн, Кеден одағының тауары немесе шетелдік тауарлардың мәртебесін айқындау жөнiндегi сарапшы-аудиторды бiлiктiлiк аттестатынан айыра отырып не онсыз, айлық есептiк көрсеткiштiң отыздан қырыққа дейiнгi мөлшерiнде, аумақтық сауда-өнеркәсiп палаталарына, ішкі айналымға арналған тауардың шығарылуы туралы сертификатты, Кеден одағының тауары немесе шетелдік тауар нысандарының қорытындылар беру жөніндегі уәкілетті органға (ұйымға) - қызметiн тоқтата тұрып, айлық есептiк көрсеткiштiң елуден жүзге дейiнгi мөлшерiнде, сараптама ұйымдарына қызметін тоқтата тұрып, айлық есептiк көрсеткiштiң елуден жүзге дейiнгi мөлшерiнде айыппұл салуға әкеп соғады.»;
3) мынадай мазмұндағы 317-3-баппен толықтырылсын:
«317-3-бап. Өлшем бірлігін қамтамасыз ету саласындағы заңнаманы бұзу
1. Өлшем бірлігін қамтамасыз ету саласындағы заңнаманы:
1) егер мөлшері орауышында мәлімделгенге сәйкес келмесе, тауарларды буып-түю және буып-түйілген тауарларды кез келген орам түрінде өткізу кезінде ережені сақтамау;
2) сауда операцияларын жүргізу ережесін бұзу, атап айтқанда сауда операциясын жасау кезінде иеліктен шығарылатын осы тауарлар салмағының көлемінің, шығыстарының немесе олардың санын сипаттайтын басқа да шамасының кассалық, тауарлық чекте немесе тексерілетін тауарды сатып алуды растайтын өзге құжатта көрсетілген тауар мөлшеріне сәйкессіздігі;
3) өлшеу құралдарын тексеру және калибрлеу, өлшеуді орындау әдістемелерін аккредиттеусіз метрологиялық аттестаттау;
4) түрін бекіту мақсаты үшін сынақтан немесе метрологиялық аттестаттаудан, сондай-ақ тексеруден өтпеген және (немесе) өлшем бірлігін қамтамасыз етудің мемлекеттік жүйесінің тізіліміне енбеген өлшеу құралдарын және стандартты үлгілерді айналымға шығару, қолдану, өткізу және жарнамалау;
5) мемлекеттік метрологиялық бақылауға жататын және метрологиялық аттестаттаудан және өлшем бірлігін қамтамасыз етудің мемлекеттік жүйесінің тізілімінде тіркеуден өтпеген өлшеулерді орындау әдістемелерін қолдану, -
жеке тұлғаларға айлық есептiк көрсеткiштiң он бестен отызға дейiнгi мөлшерiнде, лауазымды тұлғаларға, дара кәсіпкерлерге - отыздан елуге дейiнгi мөлшерiнде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға елуден жүзге дейiнгi мөлшерiнде, ірі кәсіпкерлік субъектілері болып табылатын заңды тұлғаларға аккредиттеу аттестатын, сарапшы-техник аттестатын, салыстырып тексеруші сертификатын тоқтата тұрып немесе онсыз жүз елуден екі жүзге дейінгі мөлшерінде айыппұл салуға әкеп соғады.
2. Өлшем бірлігін қамтамасыз ету саласындағы заңнаманың талаптарының сақталуын мемлекеттік бақылауды жүзеге асыратын органдардың ұйғарымдарын орындамау немесе тиісінше орындамау, -
жеке тұлғаларға айлық есептiк көрсеткiштiң жиырмадан отызға дейiнгi мөлшерiнде, лауазымды тұлғаларға, дара кәсіпкерлерге - қырықтан алпысқа дейiнгi мөлшерiнде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға алпыстан жүз елуге дейiнгi мөлшерiнде, ірі кәсіпкерлік субъектілері болып табылатын заңды тұлғаларға аккредиттеу аттестатын, сарапшы-техник аттестатын, салыстырып тексеруші сертификатын тоқтата тұрып немесе онсыз екі жүз елуден үш жүзге дейінгі мөлшерінде айыппұл салуға әкеп соғады.
3. Осы баптың бірінші, екінші бөліктерінде көзделген, әкімшілік жаза қолданылғаннан кейiн бiр жыл iшiнде қайта жасалған әрекет (әрекетсіздік), -
жеке тұлғаларға айлық есептiк көрсеткiштiң отыздан қырыққа дейiнгi мөлшерiнде, лауазымды тұлғаларға, дара кәсіпкерлерге - қырық бестен жүзге дейiнгi мөлшерiнде, шағын немесе орта кәсіпкерлік субъектілері немесе коммерциялық емес ұйымдар болып табылатын заңды тұлғаларға жүз елуден екі жүзге дейiнгi мөлшерiнде, ірі кәсіпкерлік субъектілері болып табылатын заңды тұлғаларға аккредиттеу аттестатын, сарапшы-техник аттестатын, салыстырып тексеруші сертификатын тоқтата тұруға немесе онсыз үш жүз елуден төрт жүзге дейінгі мөлшерінде айыппұл салуға әкеп соғады.»;
4) 356-баптың 3-тармағы «317-1,» деген цифрлардан кейін «317-3,» цифрлармен толықтырылсын;
5) 541-баптың бірінші бөлігі «317-2,» цифрлардан кейін «317-3 (екінші және үшінші бөліктерінде)» деген сөздермен толықтырылсын;
6) 566-баптың бірінші бөлігі «317 (бірінші бөлігінде),» деген сөздерден кейін «317-3 (бірінші бөлігінде),» деген сөздермен толықтырылсын;
7) 636-баптың 1-тармағының 1) тармақшасының қырқыншы абзацы мынадай редакцияда жазылсын:
«техникалық реттеу және өлшем бірлігін қамтамасыз ету саласындағы органдар мен оның аумақтық органдарының (161 (төртінші бөлігі), 338-1 (үшінші, тоғызыншы, оныншы және он екінші бөліктері) 317 (екінші және үшінші бөліктері), 317-1, 317-2, 317-3 (екінші және үшінші бөліктері), 356, 496 (екінші бөлігі), 501-баптар);».
2. 2008 жылғы 10 желтоқсандағы «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының Кодексіне (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149- құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; 2011 жылғы 30 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне рұқсат беру жүйесін жетілдіру мәселелері бойынша өзгерістер мен толықтырулар енгізу туралы» 2011 жылғы 15 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне электрондық ақша мәселелері бойынша өзгеріс пен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне арнайы экономикалық аймақтар мәселелері бойынша өзгерістер мен толықтырулар енгізу туралы» 2011 жылғы 21 шілдедегі Қазақстан Республикасының Заңы; 2011 жылғы 6 тамызда «Егемен Қазақстан» және «Казахстанская правда» газеттерінде «Қазақстан Республикасының кейбір заңнамалық актілеріне халықтың көші-қоны мәселелері бойынша өзгерістер мен толықтырулар енгізу туралы» 2011 жылғы 22 шілдедегі Қазақстан Республикасының Заңы):
135-баптың 2-тармағының екінші бөлігінің 3) тармақшасы мынадай редакцияда жазылсын:
«3) ғылым саласындағы уәкiлеттi орган аккредиттеген ғылыми және (немесе) ғылыми-техникалық қызмет субъектiлерi жүзеге асыратын ғылым (ғылыми зерттеулер жүргiзудi, автордың ғылыми зияткерлiк меншiктi пайдалануын, оның iшiнде iске асыруын, стандарттау бойынша нормативтік құжаттар әзірлеу жөніндегі жұмыстарды қоса алғанда), спорт (коммерциялық сипаттағы спорттық ойын-сауық iс-шараларынан басқа), мәдениет (кәсiпкерлiк қызметтен басқа), Қазақстан Республикасының заңнамасына сәйкес тарихи-мәдени игiлiк объектiлерiнiң тiзiлiмiне немесе Тарих және мәдениет ескерткiштерiнiң мемлекеттiк тiзiмiне енгiзiлген тарихи-мәдени мұра мен мәдени құндылықтарды сақтау (ақпарат таратуды және насихатты қоспағанда) бойынша қызметтер көрсету саласындағы, сондай-ақ балаларды, қарттар мен мүгедектердi әлеуметтiк қорғау және әлеуметтiк қамсыздандыру саласындағы қызмет;».
3. «Өлшем бірлігін қамтамасыз ету туралы» Қазақстан Республикасының 2000 жылғы 7 маусымдағы Заңына (Қазақстан Республикасы Парламентінің Жаршысы, 2000 ж., № 7, 165-құжат; 2004 ж. № 11-12, 62-құжат, № 23, 142-құжат, 2006 ж. № 3, 22-құжат; № 24, 148-құжат; 2008 ж., № 15-16, 60-құжат; 2009 ж., № 18, 84-құжат; 2010 ж., № 5, 23-құжат; 2011 ж., № 1, 2-құжат; № 11, 102-құжат; 2011 жылғы 30 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне рұқсат беру жүйесін жетілдіру мәселелері бойынша өзгерістер мен толықтырулар енгізу туралы» 2011 жылғы 15 шілдедегі Қазақстан Республикасының Заңы):
1) 1-баптың 11) және 17) тармақшалары мынадай редакцияда жазылсын:
«11) өлшем бірлігін қамтамасыз ету саласындағы техникалық сарапшы - уәкілетті орган белгілеген тәртіппен өлшем бірлігін қамтамасыз ету саласында жұмыстарды жүргізу құқығына аттестатталған жеке тұлға;»;
«17) өлшем құралын калибрлеу - мемлекеттiк метрологиялық бақылауға жатпайтын өлшем құралының метрологиялық сипаттамасының шын мәнiн анықтау мақсатында сол өлшем құралының көмегiмен алынған шама мәнi мен эталон арқылы анықталған шаманың тиiстi мәнi арасындағы ара қатынасты белгiлейтiн операциялар жиынтығы;»;
2) 5-баптың 2-тармағында:
11-1) тармақша мынадай редакцияда жазылсын:
«11-1) техникалық сарапшылар мен өлшем құралдарын салыстырып тексерушілерді аттестаттау, қайта аттестаттау тәртібін, аттестаттау кезеңділігін, сондай-ақ оларға қойылатын біліктілік талаптарын белгілейді;»;
13) тармақша алып тасталсын:
3) 9-баптың 1-тармағының екінші бөлігі мынадай редакцияда жазылсын:
«Уәкiлеттi органның шешiмi бойынша Халықаралық бiрлiк жүйесiне кiрмейтiн шама бiрлiктерiн қолдануға жол беріледі.»;
4) 13-баптың 4) тармақшасы мынадай редакцияда жазылсын:
«өлшем бірлігін қамтамасыз ету саласындағы техникалық сарапшы;»;
5) 14-баптың 2) тармақшасы мынадай редакцияда жазылсын:
«2) шама бірліктерінің мемлекеттік эталондарын жасау, жетілдіру, сақтау және қолдану, шама бірліктерінің өлшемдерін беру жүйесін жасауды қамтамасыз ететін, өлшем бірліктерін қамтамасыз ету жөніндегі нормативтік құжаттар әзірлейтін, шама бірліктеріне салғастыру жүргізетін, өлшеу құралдарын салыстырып тексеру және калибрлеу нәтижелерін салғастыруға қатысатын, шама бірліктері мен өлшеу құралдарының эталондарын сынауды, метрологиялық аттестаттауды, салыстырып тексеруді, ғылыми-зерттеу жұмыстарын, кадрлардың біліктілігін арттыруды және қайта даярлауды, техникалық сарапшылар мен өлшем құралын аттестаттауды, қайта аттестаттауды жүзеге асыратын мемлекеттік ғылыми метрологиялық орталықтан тұрады.»;
6) 16-1-бап мынадай редакцияда жазылсын:
«16-1-бап. Өлшем бiрлiгiн қамтамасыз ету саласындағы
техникалық сарапшылар
1. Өлшем бiрлiгiн қамтамасыз ету саласындағы техникалық сарапшылар өлшем бiрлiгiн қамтамасыз ету саласындағы жұмыстарды жүзеге асырады.
2. Өлшем бiрлiгiн қамтамасыз ету саласындағы техникалық сарапшылардың қызметi өлшем бiрлiгiн қамтамасыз ету жөнiндегi нормативтiк құжаттарға сәйкес жүзеге асырылады.»;
7) 18-баптың тақырыбы және 1-тармағы мынадай редакцияда жазылсын:
«18-бап. Өлшем құралдарын жасау, жөндеу және өлшеу бірлігін
қамтамасыз ету саласында аккредиттеу
1. Өлшем құралдарын жасауды және жөндеуді, сондай-ақ заттар мен материалдар, аттестатталған қоспалардың құрамы мен қасиеттерінің стандартты үлгілерін жасауды жеке және заңды тұлғалар өлшем бірлігін қамтамасыз ету саласындағы нормативтік құжаттарға сәйкес жүзеге асырады.»;
8) 19-баптың 4 және 5-тармақтары мынадай редакцияда жазылсын:
«4. Өлшем құралдарын салыстырып тексеруге аккредиттелген заңды тұлғалар «Мемлекеттік құпиялар туралы» Қазақстан Республикасының Заңында көзделген жағдайларды қоспағанда, салыстырып тексерiлетiн өлшем құралдары туралы деректердiң электрондық есебiн жүргiзудi және оларды аккредиттеу жөніндегі органға берудi уәкiлеттi орган белгiлеген тәртiппен жүзеге асыруы тиiс.
5. Өлшем құралдарын салыстырып тексеруді өлшем құралдарын салыстырып тексеру әдiстемесiне сәйкес мемлекеттiк метрологиялық қызметтiң немесе аккредиттелген заңды тұлғалардың метрологиялық қызметтерiнiң салыстырып тексерушiлерi жүзеге асырады. Салыстырып тексерушiлердi аттестаттау уәкiлеттi орган белгілеген тәртіппен үш жылда бір рет жүзеге асырылады.»;
9) 23-бапта:
2) және 6) тармақшалар мынадай редакцияда жазылсын:
«2) қоршаған ортаны қорғау, геология және гидрометрология саласындағы қызметті жүзеге асыру;»;
«6) қару-жарақ, әскери техника өндіру;»;
8) және 12) тармақшалар алып тасталсын;
10) 31-баптың 1-тармағының 4) тармақшасы мынадай редакцияда жазылсын:
«4) Қазақстан Республикасының шама бiрлiктерiнiң мемлекеттiк эталондарын, мемлекеттік метрологиялық қызметке тиесілі шама бірліктерінің эталондарын жасауға және ұстауға арналған шығыстар қаржыландырылады.».
4. «Техникалық реттеу туралы» Қазақстан Республикасының 2004 жылғы 9 қарашадағы Заңына (Қазақстан Республикасы Парламентінің Жаршысы, 2004 ж., № 21, 124-құжат; 2006 ж., № 3, 22-құжат, № 15, 92-құжат; № 24, 148-құжат; 2008 ж., № 15-16, 60-құжат; 2009 ж., № 17, 80-құжат; № 18, 84-құжат; 2010 ж., № 5, 23-құжат; 2011 ж., № 1, 2-құжат; № 2, 26-құжат; № 11, 102-құжат):
1) кіріспе мынадай редакцияда жазылсын:
«Осы Заң Қазақстан Республикасында өнiмнiң, көрсетiлетiн қызметтiң, процестердiң қауiпсiздiгiн қамтамасыз етуге бағытталған мемлекеттік техникалық реттеу жүйесiнiң құқықтық негiздерiн белгiлейді.»;
2) 1-бапта:
12), 13), 14), 16), 34), 36), 47), 49) және 51) тармақшалар мынадай редакцияда жазылсын:
«12) ұлттық стандарт - уәкiлеттi орган бекiткен және тұтынушылардың қалың көпшiлiгiне қолжетiмдi стандарт;
13) мемлекеттік техникалық реттеу жүйесі - өз құзыреті шегінде техникалық реттеу саласындағы жұмыстарды жүзеге асыратын мемлекеттік органдардың, жеке және заңды тұлғалардың, сондай-ақ нормативтік құқықтық актілердің, стандарттардың және нормативтік техникалық құжаттардың жиынтығы;
14) мемлекеттік техникалық реттеу жүйесінің тізілімі - техникалық регламенттерді және нормативтік техникалық құжаттарды, стандарттарды, техникалық-экономикалық ақпарат жіктеуіштерін, сәйкестікті растау жөніндегі органдарды, сынақ зертханаларын, стандарттау жөніндегі техникалық комитеттерді, сарапшы-аудиторларды, стандарттау жөніндегі сарапшыларды және сәйкестікті растау саласында берілген құжаттарды есепке алу құжаты;»
«16) мiндеттi сертификаттау - сәйкестiктi растау жөнiндегi органдардың қатысуымен өнiмнiң техникалық регламенттерде белгiленген талаптарға сәйкестiгiн растау рәсімі;»
«34) сәйкестікті растау саласындағы құжат - сәйкестікті растау жөніндегі аккредиттеу органы берген сәйкестік сертификаты немесе өнімді дайындаушы, жеткізуші қабылдаған және Қазақстан Республикасының заңнамасында белгіленген тәртіппен аккредиттеу органы тіркеген сәйкестік туралы декларация;»
«36) сәйкестiктi растау, тауар шығарылатын мемлекеттi анықтау, сарапшы-аудитор - уәкiлеттi орган белгiлеген тәртiппен аттестатталған маман;»
«47) техникалық регламенттердің, стандарттардың және нормативтік техникалық құжаттардың бірыңғай мемлекеттiк қоры - мемлекеттiк органдардың өз құзыреттерi шегiнде қалыптастыратын техникалық регламенттерiнiң, стандарттарының және өзге де құжаттарының мамандандырылған қорларының жиынтығы;»
«49) техникалық-экономикалық ақпараттың ұлттық жiктеуiшi - техникалық-экономикалық ақпарат объектiлерiнiң жiктеу топтарының кодтары мен атауларының жүйеленген жиынтығын бiлдiретiн құжат;»
«51) шет мемлекеттiң стандарты - шет мемлекеттiң стандарттау жөнiндегi уәкiлеттi органы қабылдаған және тұтынушылардың қалың көпшiлiгiне қол жетімді стандарт;»;
мынадай мазмұндағы 14-1), 36-1) және 44-1) тармақшалармен толықтырылсын:
«14-1) өнімді каталогтау жүйесі - өнімнің сипаттамасы мен дайындаушылары туралы ұйымдастырушылық-техникалық ақпараттық жүйе;»
«36-1) стандарттау жөніндегі сарапшы - уәкілетті орган белгілеген тәртіппен стандарттау жөніндегі жұмыстарды жүргізу құқығына аттестатталған жеке тұлға;»
«44-1) нормативтік техникалық құжат - техникалық және технологиялық нормаларды қамтитын және құқықтық нормаларды қамтымайтын нормативтік құжат;»;
3) 5-баптың 8) және 9) тармақшалары мынадай редакцияда жазылсын:
«8) сәйкестiктi растау, тауар шығарылатын елді анықтау және аккредиттеу жөнiндегi сарапшы-ayдиторлар, стандарттау жөніндегі сарапшылар;
9) техникалық регламенттердің, стандарттардың және нормативтік техникалық құжаттардың бірыңғай мемлекеттiк қоры.»;
4) 6-баптың 5) тармақшасы алып тасталсын;
5) 7-бапта:
бірінші бөлікте:
6), 9) және 11) тармақшалар мынадай редакцияда жазылсын:
«6) техникалық регламенттерді әзірлеу жөніндегі сараптамалық кеңестермен, жеке және заңды тұлғалармен техникалық реттеу мәселелері бойынша өзара іс-қимыл жасайды;»
«9) техникалық регламенттердің, стандарттардың және нормативтік техникалық құжаттардың бірыңғай мемлекеттiк қорының жұмысын ұйымдастырады және үйлестіреді;»
«11) тауар шығарылатын елді анықтау, сәйкестікті растау, аккредиттеу жөніндегі сарапшы-аудиторларды және стандарттау жөніндегі сарапшыларды аттестаттау тәртібін айқындайды және оны ұйымдастырады, сондай-ақ оларды кәсіби даярлауды және қайта даярлауды ұйымдастырады;»;
мынадай мазмұндағы 8-1) тармақшамен толықтырылсын:
«8-1) техникалық реттеу саласындағы нормативтік құқықтық актілерді, нормативтік техникалық құжаттарды, олар туралы ақпаратты техникалық регламенттердің, стандарттардың және нормативтік техникалық құжаттардың бірыңғай мемлекеттік қорын қалыптастыру үшін ұсыну, сондай-ақ олармен пайдаланушыларды қамтамасыз ету тәртібін белгілейді;»;
екінші бөлікте:
1), 3) және 4) тармақшалар мынадай редакцияда жазылсын:
«1) ұлттық стандарттарды және техникалық-экономикалық ақпараттың жiктеуiштерiн әзiрлеу, келiсу, есепке алу, бекiту, сараптау, өзгертудiң, жою және қолданысқа енгiзу тәртiбiн белгiлейдi;»
«3) халықаралық, өңiрлiк стандарттарды және шет мемлекеттердiң стандарттарын техникалық-экономикалық ақпарат жiктеуiштерiн, стандарттау, сәйкестiктi растау және аккредиттеу жөнiндегi ұсынымдарын есепке алу және Қазақстан Республикасының аумағында қолдану тәртiбiн белгiлейдi;»
«4) ұлттық, халықаралық және өңiрлiк стандарттардың, шет мемлекеттердің стандарттарын, стандарттау, сәйкестiктi растау және аккредиттеу жөнiндегi ережелер мен ұсынымдарды басып шығаруды және таратуды ұйымдастырады, олар туралы ақпаратты жариялайды;»;
үшінші бөлікте:
7) тармақшадағы «(салыстырмалар)» деген сөз «(салыстырмалары)» деген сөзбен ауыстырылсын;
мынадай мазмұндағы 8) тармақшамен толықтырылсын:
«8) техникалық реттеу және менеджмент жүйелері саласында мамандарды даярлау, қайта даярлау, біліктілігін арттыру және білімін бағалау тәртібін белгілейді.»;
6) 8-баптың 3) тармақшасы мынадай редакцияда жазылсын:
«3) Қазақстан Республикасында қабылданатын жоспарлар мен бағдарламаларға сәйкес техникалық регламенттердi және ұлттық стандарттарды әзiрлеу жөнiндегi жұмыстарды ұйымдастыруды;»;
7) 11-баптың 2-тармағының 2) және 3) тармақшалары мынадай редакцияда жазылсын:
«2) ұлттық стандарттарды және техникалық-экономикалық ақпарат жiктеуiштерiн, халықаралық, өңiрлiк стандарттарды, шет мемлекеттердiң стандарттарын және шет мемлекеттердің техникалық-экономикалық ақпарат жiктеуiштерiн, стандарттарын және оларға енгiзiлетiн өзгерiстердi әзiрлеуге және оларға сараптама жасауға белгiленген тәртiппен қатысу;
3) мемлекеттiк техникалық реттеу жүйесiн дамыту бағдарламаларына техникалық регламенттер мен ұлттық стандарттарды әзiрлеу жөнiнде ұсыныстар дайындау жатады.»;
8) 12-баптың 3-тармағының 2) және 5) тармақшалары мынадай редакцияда жазылсын:
«2) сәйкестікті міндетті және ерікті растау жөнінде жұмыстар жүргізеді;»;
«5) сәйкестiктi растау схемасына сай сәйкестiгi мiндеттi растаудан өткен өнiмге инспекциялық бақылау жүргiзедi, олардың белгiленген талаптарға сәйкес еместiгi анықталған жағдайда берiлген сәйкестiк сертификаттарының қолданысын немесе сәйкестiк туралы декларацияны тiркеудiң қолданысын уәкiлеттi орган белгiлеген тәртiпте тоқтата тұрады немесе олардың күшiн жояды.»;
9) 14-баптың 1-тармағының 1) тармақшасы мынадай редакцияда жазылсын:
«1) техникалық регламенттердi және ұлттық стандарттарды әзiрлеу, оларға өзгерiстер енгiзу, күшiн жою жөнiндегi ұсыныстарды, техникалық реттеу саласындағы нормативтік құқықтық актілердің, стандарттардың жобаларын дайындайды;»;
10) 15-бап мынадай редакцияда жазылсын:
«15-бап. Техникалық регламенттер, стандарттар және нормативтік
техникалық құжаттардың бірыңғай мемлекеттік қоры
1. Техникалық регламенттердің, стандарттардың және нормативтік техникалық құжаттардың бірыңғай мемлекеттiк қорын өз құзыретi шегiнде уәкілетті орган және мемлекеттiк органдар қалыптастырады.
2. Мемлекеттiк құпияларды және заңмен қорғалатын өзге де құпияны қамтитын мәлiметтердi қоспағанда, әзiрленетiн және қабылданған техникалық регламенттер, нормативтік техникалық құжаттар, ұлттық, шетелдік, халықаралық, өңiрлiк стандарттар мен техникалық-экономикалық ақпарат жiктеуiштерi, ұйымдардың стандарттары және стандарттау жөнiндегi ұсынымдар туралы ресми ақпарат, сондай-ақ көрсетiлген құжаттар пайдаланушыларға қолжетiмдi болуы тиiс.
3. Стандарттарды және стандарттау, метрология, сертификаттау, аккредиттеу жөніндегі нормативтiк құжаттарды, стандарттардың каталогтары мен сiлтемелерiн басып шығару және пайдаланушыларды олармен және олар туралы ақпаратпен қамтамасыз ету уәкiлеттi орган белгiлеген тәртiппен жүзеге асырылады.
4. Құжатты әзiрлеген тұлға әрбiр стандарттың және стандарттау жөніндегі өзге де нормативтiк құжаттың, сондай-ақ нормативтік техникалық құжаттың қабылданғаны туралы ақпаратты және олардың бiр данасын стандарттау уәкілетті органға бiрыңғай анықтамалық-библиографиялық деректер базасын қалыптастыру үшiн жiбередi.»;
11) 16-бапта:
тақырыбы мынадай редакцияда жазылсын:
«16-бап. Сәйкестiктi растау жөніндегі сарапшы-аудиторлардың,
стандарттау жөніндегі сарапшылардың құзыретi»;
мынадай мазмұндағы 1-1-тармақпен толықтырылсын:
«1-1. Стандарттау жөніндегі сарапшылар стандарттарды және стандарттау жөніндегі нормативтік құжаттарды әзірлеу мен сараптау бойынша жұмыстарға қатысады.»;
4-тармақ мынадай редакцияда жазылсын:
«4. Сәйкестікті растау жөніндегі сарапшы-аудиторлардың біліктілік талаптарын, оларды даярлау және аттестаттау, сарапшы-аудиторға, сондай-ақ стандарттау жөніндегі сарапшыларға аттестат беру, оны тоқтата тұру немесе жою тәртібін уәкілетті орган белгілейді.»;
12) 17-бап мынадай мазмұндағы 2-1-тармақпен толықтырылсын:
«2-1. Техникалық регламенттерде санитарлық талаптар болуы мүмкін.»;
13) 20-баптың 1-тармағында:
3) және 6) тармақшалар мынадай редакцияда жазылсын:
«3) Қазақстан Республикасының ұлттық стандарттары мен техникалық-экономикалық ақпарат жiктеуiштерi;»
6) шет мемлекеттердiң стандарттары, техникалық-экономикалық ақпарат жiктеуiштер, шет мемлекеттердің стандарттау жөнiндегi ережелерi, нормалары мен ұсынымдары жатады.»;
4) тармақша алынып тасталсын;
14) 21-бап мынадай редакцияда жазылсын:
«21-бап. Қазақстан Республикасының ұлттық стандарттары
1. Ұлттық стандарттарды әзiрлеу, келiсу, қабылдау, есепке алу, өзгерту және оның күшiн жою тәртiбiн уәкiлеттi орган белгiлейдi.
2. Ұлттық стандарттар:
1) мемлекеттiк техникалық реттеу жүйесiнiң жалпы ұйымдастыру-әдiстемелiк ережелерiн белгiлейтiн, негiзге алынатын стандарттар;
2) өнiмнiң, көрсетiлетiн қызметтiң бiртектi топтарына, қажет жағдайда нақты өнiмге, көрсетiлетiн қызметке қойылатын талаптарды белгiлейтiн өнiмге, көрсетiлетiн қызметке арналған стандарттар;
3) процестерге арналған стандарттар;
4) өнiмдi, көрсетiлетiн қызметтi, процестердi бақылау әдiстерiне арналған стандарттар болып бөлiнедi.
3. Негiзге алынатын ұлттық стандарттарды уәкiлеттi органның кәсiпорындары әзiрлейдi.
4. Шет мемлекеттердiң, халықаралық ұйымдардың нормалары мен стандарттары осы Заңның 4-бабының 1-тармағында көзделген мақсаттарға қол жеткізу үшiн тиiмсiз немесе қолайсыз болып табылатын жағдайларды қоспағанда, олар Қазақстан Республикасының ұлттық стандарттарын әзiрлеу кезiнде негiз ретiнде толық немесе ішінара қолданылады.
5. Ұлттық стандарттарда:
1) техникалық регламенттерде белгiленген талаптардың сақталуын қамтамасыз ететiн өнiмнiң, процестердiң қауiпсiздiгi жөнiндегi қажеттi талаптар;
2) өнiмдi, көрсетiлетiн қызметтi жiктеуге қойылатын талаптар;
3) өнiмнiң бiрiздiлiк, үйлесiмдiлiк және өзара алмастырушылық көрсеткiштерi;
4) терминдер мен анықтамалар;
5) өнiмнiң, көрсетiлетiн қызметтiң сапа деңгейін айқындайтын тұтыну қасиеттерi мен сипаттамаларын қоса алғанда, олардың функционалдық мақсатының көрсеткiштерi;
6) қабылдау, буып-түю, таңбалау, тасымалдау, сақтау, кәдеге жарату және жою ережелерi;
7) сапасы мен қауiпсiздiкті сынау әдiстерi;
8) ресурстардың барлық түрлерiн сақтауға және ұтымды пайдалануға қойылатын талаптар;
9) менеджмент жүйесiн енгiзудi қамтамасыз ететiн, өндiрiстi ұйымдастыруға қойылатын талаптар;
10) белгiлi бiр қызмет саласына арналған ұйымдастырушылық-әдiстемелiк сипаттағы ережелер, сондай-ақ жалпы техникалық нормалар мен ережелер белгiленуi мүмкiн.
6. Ұлттық стандарттар өнiмнiң, көрсетiлетiн қызметтiң шығарылған жерiне қарамастан, тең дәрежеде қолданылады.»;
15) 22-бап мынадай редакцияда жазылсын:
«22-бап. Қазақстан Республикасының техникалық-экономикалық
ақпаратының ұлттық жiктеуiштерi
1. Экономика салаларында қолданылатын және есепке алынуға тиiс техникалық-экономикалық ақпарат жiктеуге және код қоюға жатады.
2. Техникалық-экономикалық ақпараттың ұлттық жiктеуiштерiн әзiрлеу ұлттық стандарттау жөнiндегi жұмыстардың жоспарлары мен бағдарламаларына сәйкес жүргiзiледi.
3. Мемлекеттiк органдар өз құзыретi шегiнде техникалық-экономикалық ақпараттың ұлттық жiктеуiштерiн әзiрлеудi, жүргiзудi және оларға өзектi сипат берудi жүзеге асырады.
Техникалық-экономикалық ақпараттың ұлттық жiктеуiштерiнiң тiзiлiмiн уәкiлеттi орган жүргiзедi.
4. Қазақстан Республикасында техникалық-экономикалық ақпаратты жiктеу және оларға код қою жүйесiн құру мен оның жұмыс істеуін бақылау жөніндегі жұмыстарды үйлестiрудi уәкiлеттi орган белгiлейдi.»;
16) 23-баптың 1-тармағы мынадай редакцияда жазылсын:
«1. Ұйымның стандарттары ұйым ішінде қабылданатын техникалық реттеудің объектілеріне, сонымен қатар өнімнің құрама бөліктеріне, терминологияға, қабылдау және бақылау жүйесіне, технологиялық жабдықтауға, құралдарға өз бетінше дайындалады және бекітіледі, сондай-ақ ұйымдардың қызметін менеджмент, дайындау және өндіріске шығару аясында басқару тізімге және тіркеуге алынбайды.
Қауіпсіздік талаптарын белгілейтін ұйым стандарттарының техникалық регламенттерінің талаптарына және олармен үйлестірілген стандарттарға қайшы келмеуі тиіс.
Ұйымдардың стандарттары міндетті сәйкестілікті растау үшін қабылданбайды.»;
17) 24-бап мынадай редакцияда жазылсын:
«24-бап. Халықаралық, өңiрлiк стандарттарды, шет мемлекеттердiң
ұлттық стандарттары мен стандарттау жөнiндегi
нормативтiк құжаттарын қолдану
1. Қазақстан Республикасының аумағында осы Заңның 4-бабының 1-тармағында көзделген мақсаттарға сай келетiн халықаралық және өңiрлiк стандарттар, техникалық-экономикалық ақпарат жiктеуiштерi, ережелер, нұсқаулықтар мен ұсынымдар, шет мемлекеттердiң стандарттары, техникалық-экономикалық ақпарат жiктеуiштерi, стандарттау жөнiндегi ережелерi, нормалары мен ұсынымдары қолданылуы мүмкiн.
2. Халықаралық және өңiрлiк стандарттарды, шет мемлекеттердiң стандарттарын Қазақстан Республикасының ұлттық стандарттары ретiнде қолдану үшiн:
1) Қазақстан Республикасының стандарттау, метрология және аккредиттеу жөнiндегi халықаралық және өңiрлiк ұйымдарға мүшелiгi;
2) cтандарттау саласындағы ынтымақтастық туралы Қазақстан Республикасының халықаралық шарттарының болуы;
3) cтандарттау саласындағы ынтымақтастық туралы халықаралық немесе өңірлік ұйыммен стандарттау жөніндегі уәкілетті органның келісімінің (шарттарының) болуы қажетті талап болып табылады.
3. Қазақстан Республикасы мүше болып табылмайтын халықаралық және өңiрлiк ұйымдардың стандарттарын Қазақстан Республикасының жеке және заңды тұлғаларының қолдануы көрсетiлген стандарттарға келiсiм-шарттар мен шарттарда сiлтеме болған жағдайда жүзеге асырылады.
4. Халықаралық және өңiрлiк стандарттарды, техникалық-экономикалық ақпарат жiктеуiштерiн, ережелер мен ұсынымдарды, сондай-ақ шет мемлекеттердiң стандарттарын Қазақстан Республикасының аумағында қолдану тәртiбiн уәкiлеттi орган белгiлейдi.
5. Қазақстан Республикасының аумағында қолданылуға тиiс халықаралық өңірлік стандарттар, ұлттық стандарттар және шет мемлекеттердің стандарттау жөніндегі нормативтік құжаттары Қазақстан Республикасында қолданылып жүрген техникалық регламенттерде белгiленген талаптарға және олармен үйлестiрiлген стандарттарға қайшы келмеуге, сапалық көрсеткіштері бойынша мемлекеттік стандарттардан төмен болмауға және олардың құзыретiне кiретiн мәселелер бойынша мемлекеттік органдармен келісілуге тиiс.
6. Қазақстан Республикасының аумағында халықаралық және өңiрлiк стандарттар, шет мемлекеттердің стандарттары Қазақстан Республикасының ұлттық стандарттарымен және стандарттау жөнiндегi нормативтiк құжаттарымен бiрдей әрi тең дәрежеде қолданылады.»;
18) мынадай мазмұндағы 25-1-баппен толықтырылсын:
«25-1-бап. Өнімді каталогтау жүйесі
1. Өнімді каталогтау жүйесі техникалық реттеу субъектілерін отандық өнімді өндірушілер және сипаттамалары туралы ақпаратпен қамтамасыз ету мақсатында құрылады.
2. Қазақстан Республикасында шығарылатын өнім каталогтау жүйесінде тіркелуге жатады.
Тіркеу осы баптың 1-тармағында көрсетілген мақсат үшін каталогтау жүйесіне енгізу арқылы іске асырылады.
3. Өнім каталогтау жүйесіне тіркеуге жататын, өнім өндірушілері, уәкілетті органға өндірілген (өндірілетін) өнім туралы ақпаратты өткізу уақытына дейін ұсынады.
Өнім каталогтау жүйесінде тіркеу тәртібі Қазақстан Республикасының Үкіметімен белгіленеді.»;
19) 29-баптың 2-тармағының 2) тармақшасы мынадай редакцияда жазылсын:
«2) сертификатталған өнiмнiң атауы және оны сәйкестендіруге мүмкiндiк беретiн ақпарат;»;
20) 30-бап мынадай мазмұндағы 5-тармақпен толықтырылсын:
«5. Сәйкестік белгісімен таңбаланған өнім, сәйкестік сертификатының көшірмелері қоса жүрмеуі мүмкін.»
21) 40-баптың 1-тармағының 5) тармақшасы мынадай редакцияда жазылсын:
«5) мынадай жағдайларда:
өнiм техникалық регламенттерде белгiленген талаптарға сай келмеген;
сәйкестiгi мiндеттi расталуға жататын өнiмнiң сәйкестiк сертификаттары (сәйкестiк сертификаттарының көшiрмелерi), сәйкестiк туралы декларациялары (сәйкестiк туралы декларацияларының көшiрмелерi) болмаған;
өнiмдi оған құқығы болмай тұрып сәйкестiк таңбасымен таңбалаған жағдайда, техникалық регламенттерде белгiленген талаптардың бұзылу сипаты ескерiле отырып белгiленген мерзiмде оның бұзылуын жою және (немесе) өнiмдi өткiзуге тыйым салу туралы нұсқама шығаруға;»;
22) 46-баптың 1-тармағы мынадай редакцияда жазылсын:
«1. Осы Заңға сәйкес техникалық регламенттер қолданысқа енгізілгенге дейін Қазақстан Республикасы аумағында тиісті ұлттық (мемлекеттік) стандарттардың талаптары олар осы Заңның 4-бабының 1-тармағында белгіленген қауіпсіздік мақсаттарына қол жеткізуге бағытталған жағдайда міндетті болып табылады.».
5. «Сәйкестікті бағалау саласындағы аккредиттеу туралы» 2008 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 2008 ж., № 15-16, 59-құжат; 2009 ж., № 15-16, 74-құжат; № 18, 84-құжат; 2010 ж., № 5, 23-құжат; 2011 ж., № 1, 2-құжат; № 11, 102-құжат):
1) 1-бап:
11) тармақша мынадай редакцияда жазылсын:
«11) өлшем бiрлiгiн қамтамасыз ету саласындағы сәйкестiктi растау жөнiндегi сарапшы-аудиторлар - уәкiлеттi орган белгiлеген тәртiппен аттестатталған мамандар;»;
мынадай мазмұндағы 25-1) және 25-2) тармақшалармен толықтырылсын:
«25-1) аккредиттеу аттестатын кері қайтарып алу – аккредиттация аттестатын кері қайтарып алу негіздемесі болатын себептерді жойғанға дейін ол аккредиттелген сәйкестікке аккредитациялау талаптарының сәйкессіздігі жағдайында аккредитация аттестатын кері қайтарып алу туралы аккредитация жөніндегі органның шешімі;
25-2) қайта аккредиттеу - аккредиттеу жөніндегі органы өтініш берушінің сәйкестікті бағалау саласында белгілі бір жұмыстарды орындау құзыреттілігін ресми танудың кезекті рәсімі.»;
2) 4-баптың 5) тармақшасы мынадай редакцияда жазылсын:
«5) сәйкестiктi растау жөнiндегi, өлшем бiрлiгiн қамтамасыз ету саласындағы сарапшылар-аудиторлар, техникалық сарапшылар кiредi.»;
3) 7-бапта:
2-тармақтың 1) тармақшасының бірінші абзацы мынадай редакцияда жазылсын:
«өлшем бiрлiгiн қамтамасыз ету саласындағы сәйкестiктi растау жөнiндегi сарапшылар-аудиторларды, техникалық сарапшыларды және басқа да мамандарды аккредиттеу жөнiндегi жұмысқа қатысуға тарту;»;
3-тармақтың екінші бөлігі мынадай редакцияда жазылсын:
«Комиссияның сандық құрамы тақ болуға, үш адамнан кем болмауға тиiс.»;
4) 8-баптың 5-тармағының 8) тармақшасы мынадай редакцияда жазылсын:
«8) аккредиттеу аттестатының қолданысы тоқтатылған не ол керi қайтарып алынған жағдайда аккредиттеу аттестатын аккредиттеу аттестатының қолданысын тоқтату немесе кері қайтару туралы шешім қабылданған күннен бастап бес жұмыс күні ішінде қайтаруға»;
5) 11-бап мынадай редакцияда жазылсын:
«11-бап. Өлшем бiрлiгiн қамтамасыз ету саласындағы сәйкестiктi
растау жөнiндегi сарапшы-аудиторлар және техникалық
сарапшылар
1. Өлшем бiрлiгiн қамтамасыз ету саласындағы сәйкестiктi растау жөнiндегi сарапшы-аудиторлар және техникалық сарапшылар осы Заңға сәйкес сәйкестiктi бағалау саласындағы аккредиттеу жөнiндегi жұмыстарды жүргiзуге қатысады.
2. Өлшем бiрлiгiн қамтамасыз ету саласындағы сәйкестiктi растау жөнiндегi сарапшы-аудиторлар және техникалық сарапшылар өз қызметiн еңбек не азаматтық-құқықтық шарттың негiзiнде жүзеге асырады.»;
6) 13-баптың 2- тармағы мынадай редакцияда жазылсын:
«2. Қайта аккредиттеу осы баптың 1-тармағында көзделген барлық кезеңдерді сақтаумен жүргізіледі. Қайта аккредиттеуге өтінім Өтініш берушімен аккредиттеу аттестатының қызмет мерзімі аяқталуынан алты ай бұрын беріледі.»;
7) 15-баптың 1-тармағы мынадай мазмұндағы 3-1), 3-2) тармақшалармен толықтырылсын:
«3-1) сапа жөніндегі басшылық;
3-2) заңды тұлғаның және өкілдіктердің құрамындағы аккредиттелетін сәйкестікті растау жөніндегі органы немесе сынақ, калибрлеу және салыстырып тексеру зертханалары (орталығы) туралы ереже;»;
8) 16-баптың 4-тармағы 4) тармақшасы мынадай редакцияда жазылсын:
«4) аккредиттеу жөнiндегi органның құжаттарға қайта сараптама жасаған кезде немесе өтiнiш берушiнi орналасқан жерi бойынша қайта тексерген кезде тиiсiнше алғашқы қорытындысындағы немесе тексеру жөнiндегi топтың есебiнде көрсетiлген сәйкессiздiктердi анықтауы;»;
9) 17-бап мынадай редакцияда жазылсын:
«1. Ұсынылған құжаттардың сараптамасы шарт жасалған кезден бастап есептелетін отыз жұмыс күнінен аспайтын мерзімде жүзеге асырылады.
2. Қорытындысында:
1) ұсынылған құжаттардың аккредиттеу критерийлерiне сәйкестiк бағасы;
2) нақты критерийлер бойынша (сәйкессiздiк болған кезде) құжаттардың сәйкессiздiгiн көрсету;
3) ұсынылған құжаттарды түзету жөнiндегi (қажет болған жағдайда) ұсынымдар және өтiнiш берушiнiң осы ұсынымдарды орындауын растау тәртiбi;
4) ұсынылған құжаттардың аккредиттеу критерийлерiне сәйкестiгi немесе сәйкессiздiгi туралы тұжырымдар қамтылуға тиiс.
3. Қорытынды негiзiнде аккредиттеу жөнiндегi орган мынадай:
1) өтiнiш берушiнi орналасқан жерi бойынша тексеру туралы;
2) өтiнiш берушiнiң анықталған сәйкессiздiктердi жоюы туралы шешiмдердiң бiрiн қабылдайды.
Шешiмнiң көшiрмесi өтiнiш берушiге жiберiледi.
4. Өтiнiш берушi шешiмнiң көшiрмелерiн алған кезден бастап отыз жұмыс күнi iшiнде анықталған сәйкессiздiктердi жояды және ол туралы аккредиттеу жөнiндегi органға хабарлайды. Аккредиттеу жөнiндегi орган хабарламаны алған кезден бастап жетi күн iшiнде, қажет болған кезде құжаттарға қайтадан сараптама жүргiзедi.»;
10) 18-баптың 3 және 10-тармақтары мынадай редакцияда жазылсын:
«3. Тексеру жөнiндегi топ кемiнде үш адамнан құралуы керек, топ жетекшiсi болып құжаттарға сараптама жүргiзген аккредиттеу жөнiндегi сарапшы-аудитор тағайындалады.
10. Өтiнiш берушi шешiмнiң көшiрмесiн алған кезден бастап жиырма жұмыс күнi iшiнде тексеру кезiнде анықталған сәйкессiздiктердi жояды және оларды жойғаны туралы аккредиттеу жөнiндегi органға хабарлайды, одан кейiн аккредиттеу жөнiндегi орган оған қайта тексеру жүргiзедi. Тексеру мерзiмi тексеру жөнiндегi топтың өтiнiш берушiнiң орналасқан жерiне келген күнiнен бастап есептелетiн бес жұмыс күнiнен аспауға тиiс.»;
11) 21-бап мынадай мазмұндағы 2-1-тармақпен толықтырылсын:
«2-1) Қайта аккредиттеу жүргізу кезінде бұрын берілген аккредиттеу аттестатының қолданылу мерзімі осы Заңның 13-бабының 2-тармағында белгіленген мерзім сақталған жағдайда, үш айдан аспайтын мерзімге ұзартылады.»;
12) 23-бапта:
1-тармақтың 1) тармақшасы мынадай редакцияда жазылсын:
«1) аккредиттеу субъектiсiнiң құжаттарында көрсетiлген нормативтiк құжатқа өзгерiстер және (немесе) толықтырулар енгiзген және (немесе) жаңа нормативтiк құжатты қолданысқа енгiзген;»;
3-тармақ мынадай редакцияда жазылсын:
«3. Аккредиттеу жөніндегі орган құжаттар түскен кезден бастап оларды он жұмыс күнінен аспайтын мерзімде қарайды.
Оң шешім жағдайында және аккредиттеу аттестатын қайта ресімдеуге негіздер жоқ болған кезде аккредиттеу жөніндегі орган енгізілген өзгерістерді назарға алады, ал қажет болған жағдайда аккредиттеу саласын айқындайтын құжатты қайта бекітеді, ол туралы аккредиттеу субъектісіне жазбаша хабарлайды.»;
мынадай мазмұндағы 4-тармақпен толықтырылсын:
«4. Аккредиттеу материалдарын жаңартудан бас тарту туралы шешімді аккредиттеу жөніндегі орган ұсынылған құжаттарда және мәліметтерде дұрыс емес ақпарат және (немесе) аккредиттеу саласын кеңейтуге қатысты ақпарат анықталған жағдайда қабылдайды.»;
13) 25-баптың 1-тармағы мынадай редакцияда жазылсын:
«1. Инспекциялық тексеру аккредиттеуден кейінгі шарт негізінде жүзеге асырылады. Бірінші инспекциялық тексеру аккредиттеу аттестаты берілген күннен бастап он екі айдан кешіктірмей жүргізіледі. Кейінгі инспекциялық тексерулер он екі айдан ерте, бұрынғы инспекциялық тексеру жүргізілген сәттен бастап жиырма төрт айдан кеш жүргізілмейді.
Аты-жөні көрсетілмеген өтініштерді қоспағанда, аккредиттеу субъектісінің сәйкестікті бағалау жөніндегі қызметте жөнсіздіктерге жол бергені туралы жеке немесе заңды тұлғадан өтініш түскен жағдайда, аккредиттеу жөніндегі орган кезектен тыс инспекциялық тексеру жүргізуге құқылы.»;
14) 26-бапта:
1-тармақта:
мынадай мазмұндағы 3-1) тармақшамен толықтырылсын:
«3-1) аккредиттеу субъектісінің сәйкестікті бағалау жөніндегі қызметіндегі бұзушылықтары туралы уәкілетті органның хабарламасы;»;
4) тармақша мынадай редакцияда жазылсын:
«4) салыстырмалы сынақтардың және (немесе) өлшем құралдарын салыстырып тексеру, калибрлеу қорытындыларын салғастырудың анықталған терiс қорытындыларын жоймағанда керi қайтарып алады.»;
5-тармақ мынадай мазмұндағы 1-1) тармақшамен толықтырылсын:
«1-1) аккредиттеу субъектісінің жазбаша өтінішінің болуы.».
2-бап. Осы Заңды қолданысқа енгізу тәртібі
1. Осы Заң 2012 жылғы 1 қаңтардан бастап қолданысқа енгізілетін 1-баптың 4-тармағының 13) тармақшасының төртінші абзацын қоспағанда, алғашқы ресми жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасының
Президенті
