Ескерту. Күші жойылды - ҚР Үкiметiнiң 31.10.2015 № 870 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзіледі) қаулысымен.
«Ветеринария туралы» Қазақстан Республикасының 2002 жылғы 10 шілдедегі Заңының 5-бабының 18) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Ветеринария саласындағы кәсіпкерлік қызметті жүзеге асыратын жеке және заңды тұлғаларға аттестаттау жүргізу қағидалары бекітілсін.
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2011 жылғы 1 қарашадағы
№ 1260 қаулысымен
бекітілген
Ветеринария саласындағы кәсіпкерлік қызметті жүзеге асыратын жеке және заңды тұлғаларға аттестаттау жүргізу қағидалары
1. Жалпы ережелер
1. Осы Ветеринария саласындағы кәсіпкерлік қызметті жүзеге асыратын жеке және заңды тұлғаларға аттестаттау жүргізу қағидалары (бұдан әрі – Қағидалар), «Ветеринария туралы» Қазақстан Республикасының 2002 жылғы 10 шілдедегі Заңының 5-бабының 18) тармақшасына сәйкес әзірленді және ветеринария саласындағы кәсіпкерлік қызметті жүзеге асыратын жеке және заңды тұлғаларға аттестаттау жүргізу тәртібін айқындайды.
2. Осы Қағидаларда мынадай негізгі ұғымдар пайдаланылады:
1) аттестаттау – ветеринария саласындағы кәсіпкерлік қызметті жүзеге асыратын жеке және заңды тұлғалардың білімін және кәсіби біліктілігін бағалау мақсатында жүргізілетін кезең-кезеңімен жүзеге асырылатын рәсім;
2) тестілеу – тестілік тапсырмаларды пайдалана отырып жүргізілетін аттестатталушының теориялық білімін және практикалық дағдыларын тексеру нысаны;
3) ветеринария саласындағы уәкiлеттi мемлекеттiк органның ведомствосы (бұдан әрi – уәкілетті органның ведомствосы) – мемлекеттiк ветеринариялық-санитариялық бақылауды және қадағалауды жүзеге асыратын ветеринария саласындағы уәкiлеттi мемлекеттiк органның комитеті;
4) уәкілетті органның ведомствосының аумақтық бөлімшелері (бұдан әрi - ведомствоның аумақтық бөлімшелері) – тиісті әкімшілік-аумақтық бірліктерде орналасқан ведомствоның аумақтық бөлімшелері (облыс, аудан, облыс немесе республикалық маңызы бар қала, астана).
3. Ветеринария саласындағы кәсіпкерлік қызметті жүзеге асыратын жеке және заңды тұлғаларды аттестаттау ветеринария саласындағы қызметті жүзеге асыратын облыстардың (республикалық маңызы бар қалалардың, астананың) аудандардың (облыстық маңызы бар қалалардың) жергілікті атқарушы органдарының бөлімшелері (бұдан әрі – ЖАО бөлімшелері) жүргiзедi.
Ветеринария саласындағы кәсіпкерлік қызметті жүзеге асыратын заңды тұлғаларды аттестаттау, осы заңды тұлғаның ветеринариялық мамандарын аттестаттау жолымен жүргізіледі.
Ветеринариялық маман аттестаттаудан өткен және ол басқа заңды тұлғаға жұмыс iстеуге өткен жағдайда, маманды аттестаттау мерзiмі аттестаттаудан өткізілген сәттен бастап есептеледі және аттестаттауды нәтижелері үш жыл бойында жарамды.
Ветеринария саласындағы кәсіпкерлік қызметті жүзеге асыратын жеке және заңды тұлғалар (бұдан әрі – Кәсіпкерлер), ветеринария саласындағы кәсіпкерлік қызметті жүзеге асыру кезінде кейінгі үш жыл өткен соң аттестатталуға тиіс.
4. Аттестаттауды жүзеге асыру үшін ЖАО бөлімшелері аттестациялық комиссияларды (бұдан әрі – Комиссия) құрады.
5. Аттестаттау екi кезеңнен тұрады:
тестiлеу және әңгiмелесу, олар бір күнде өткізіледі.
Егер мәлiмдемемен бiрге (кемiнде 10 жылдық жұмыс тәжiрибесi бар, бiлiм беру қызметіне мемлекеттiк лицензиясы бар оқу орындарда аттестацияланатын мамандығы бойынша бiлiктiлiкті арттыру курстарын тамамдаған) аттестаттауға мәлiм етiлетiн облыстағы жұмыстың түбегейлi тәжiрибесi туралы куәландыратын құжаттарды ұсынса, кәсiпкерлерге тестілеудi өткiзусiз аттестациядан өтуге рұқсат етiледi.
2. Аттестаттауды өткiзу тәртiбi
6. Аттестаттауды өткiзуге дайындық мынадай iс-шараларды қамтиды:
1) Аттестаттауды өткiзу үшін Кәсіпкерге қажеттi құжаттарды дайындау;
2) аттестаттауды өткiзу кестелерiн әзiрлеу және бекiту;
3) аттестаттау комиссияларының құрамын айқындау;
4) аттестаттауды өткiзу мақсаттары мен тәртiбi туралы түсiндiру жұмысын ұйымдастыру;
5) аттестаттауды өткiзу басталғанға дейiн отыз күнтiзбелiк күннен кешiктiрмей аттестатталушы тұлғаларды оны өткiзу мерзiмi туралы жазбаша хабардар ету;
6) аттестаттауға жататын тұлғалардың құжаттарын қабылдауды және талдауды жүзеге асыру.
7. ЖАО бөлімшелерінің басшысы Комиссия төрағасы, аттестаттауға жататын адамдардың тiзiмi, тестiлеу сұрақтары бекітілетін, аттестаттауды өткiзу мерзiмi мен аттестаттау комиссиясының құрамын, сондай-ақ оның жұмыс кестесi белгіленетін шешімді қабылдайды.
Комиссия кем дегенде бес адамнан және комиссия хатшысынан құрылады. Комиссияның мүшелері 5 жылдан кем емес тәжірибелі жұмыс өтілімі бар, жоғарғы ветеринариялық білімі бар тұлғалар болып табылады.
ЖАО бөлімшелерінің комиссиясының құрамына ЖАО бөлімшелерінің өкілдері, сонымен қатар ведомствосының аумақтық бөлімшелердің мамандары келісім бойынша кiредi.
8. Кәсіпкер жазбаша хабар алғаннан кейін аттестаттауды өткiзу басталғанға дейiн он бес күнтiзбелiк күннен кешiктiрмей Комиссияға келесі құжаттарды ұсынады:
1) жеке куәліктің көшірмесі;
2) соңғы 3 жылда бiлiктiлiктi арттыру курстарынан өткенi туралы сертификаттардың көшiрмелерi (болған жағдайда);
3) ғылыми дәрежесiнiң, атағының бар екендiгi туралы куәлiктердi көшiрмелерi (болған жағдайда).
9. Тестiлеу қағаз тасымалдаушыда тест сұрақтарын қолдану арқылы жүргізіледі (1 сұрақ 1 ұпайға теңеледі, барлығы 100 сұрақ).
10. Тест тапсырмаларын орындауға берілетін жалпы уақыт 90 минутты құрайды.
11. Тестілеудің нәтижесін есептеу Комиссиямен дұрыс жауаптар кодтарын қолдану арқылы өткізіледі, егер оның құрамының кемінде үштен екісі қатысатын болса заңды деп саналады.
12. Сұрақтардың жалпы санынан кемiнде 70% дұрыс жауап алған жағдайда аттестатталатын тұлға үшiн тестiлеу нәтижесi төмен деп саналады.
13. Тестілеудің нәтижелері есептеліп болған соң Кәсіпкерге осы Қағидалардың 1–қосымшасына сәйкес нысан бойынша нәтижесі беріледі.
14. Тестiлеуден өту кезінде теріс нәтиже алған Кәсіпкер аттестаттаудың екінші кезеңіне жіберілмейді (әңгiмелесу).
Қайта тестiлеу осы Қағидада айқындалған тәртiппен бастапқы тестiлеу өткен күннен бастап алты айдан кейiн өткiзiледi.
15. Әңгiмелесу әр Кәсіпкермен жеке ауызша түрде өткізіледі, берілетін сұрақтың саны бес сұрақтан артық емес.
16. Дауыс беру нәтижелерi ашық түрде комиссия мүшелерiнiң көпшiлiк дауысымен айқындалады. Дауыстар тең болған кезде комиссия төрағасының дауысы шешушi болып табылады. Хатшы дауыс бере алмайды.
17. Комиссия ұсынылған материалдарды зерделеп, аттестатталушы тұлғамен әңгiмелесе отырып, мынадай шешiмдердiң бiрiн қабылдайды:
1) аттестатталды;
2) қайта әңгiмелесуге жатады;
3) аттестатталмады.
18. Қайта әңгiмелесу осы Қағидада айқындалған тәртiппен бастапқы әңгiмелесу өткен күннен бастап бір айдан соң өткiзiледi.
Комиссия, қайта әңгімелесу қорытындылары бойынша мына шешiмдердiң бiрiн қабылдайды:
1) аттестатталды;
2) аттестатталған жоқ.
19. Комиссиясының шешiмi отырыс хаттамасымен рәсiмделедi, оған оның отырысына қатысқан аттестаттау комиссиясының төрағасы, мүшелерi және хатшысы қол қояды.
20. Кәсіпкер Комиссиясының шешiмiмен аттестациядан өткен күні танысады.
21. Комиссияның бекітілген шешiмдері аттестаттау парағына еңгізіледі, ол аттестация аяқталғаннан кейін осы Қағидалардың 2–қосымшасына сәйкес нысан бойынша Кәсіпкерге табысталады.
Кәсіпкердің аттестаттау парағы, тестілеу нәтижелері, отырыс хаттамасы үш жыл мерзімінде аттестацияны өткізген органда сақталады.
3. Аттестаттау комиссиясының шешiмдерiне шағымдану
22. Аттестаттауды өткiзу (тестiлеу, әңгiмелесу) кезiнде туындаған даулар сот тәртiбiнде қаралады.
Ветеринария саласындағы кәсіпкерлік
қызметті жүзеге асыратын жеке және
заңды тұлғаларға аттестаттау жүргізу
қағидаларына 1–қосымша
Тестілеудің нәтижелері
1. Тегі, аты, әкесінің аты:______________________________
2. Ветеринариялық маман жүзеге асыратын қызметтің түрі:
_____________________________________________________
3. Лицензиия №:______________________________________
4. Білімі:___________________________________________
5. Туған жылы:_______________________________________
6. Жынысы: _________________________________________
7. Ұлты: ____________________________________________
8. Тестілеу өткізу орны:_____________________________
Р/с |
Тесттің атауы |
Өту пайызы |
Тесттегі сұрақтардың саны |
Дұрыс жауаптардың саны |
Нәтиже |
Комиссия төрағасы ________________________________________
Комиссия хатшысы _________________________________________
Комиссия мүшелерi: _______________________________________
__________________________________________________________
Атестаттау өткiзiлген күн 20____ жылғы «__»_______________
аттестаттау парағымен таныстым____________________________
(кәсіпкердің қолы және күнi)
М.О.
Ветеринария саласындағы кәсіпкерлік
қызметті жүзеге асыратын жеке және
заңды тұлғаларға аттестаттау жүргізу
қағидаларына 2–қосымша
Аттестациялық парақ
Аттестатталушы адамның тегi, аты, әкесiнiң аты______________
____________________________________________________________
Туған жылы__________________________________________________
Бiлiмi туралы мәлiметтер____________________________________
____________________________________________________________
Бiлiктiлiгiн арттыру туралы мәлiметтер (соңғы 3 жылдағы)____
____________________________________________________________
Жалпы еңбек стажы___________________________________________
Мамандығы бойынша жұмыс стажы_______________________________
Бiлiктiлiк санатын беру туралы маман сертификатының болуы
немесе болмауы______________________________________________
Тестiлеу нәтижелерi __________%
Отырысқа аттестаттау комиссиясының ___________ мүшелерi қатысты
Дауыстар саны:
________ «иә» деп дауыс бердi
________ «қарсы» деп дауыс бердi
________ «дауыс беруден қалыс қалғандар»
Комиссия шешiмi ____________________________________________
Комиссия төрағасы __________________________________________
Комиссия хатшысы ___________________________________________
Комиссия мүшелерi: _________________________________________
____________________________________________________________
Аттестаттау өткiзiлген күн 20____ жылғы «__»_________________
аттестаттау парағымен таныстым______________________________
(кәсіпкердің қолы және күнi)
М.О.
