Ескерту. Күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
РҚАО-ның ескертпесі.
ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Ауыл шаруашылығы министрінің 2015 жылғы 8 сәуірдегі № 18-04/323 бұйрығын қараңыз.
«Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңына сәйкес Қазақстан Республикасының Үкіметі ҚАУЛЫ ЕТЕДІ:
1. Осы қаулыға 1-қосымшаға сәйкес балық ресурстары мен басқа да су жануарларын, олардың бөліктері мен дериваттарын пайдалануға шектеу мен тыйым салу енгізілсін.
2. Осы қаулыға 2-қосымшаға сәйкес балық ресурстары мен басқа да су жануарларын, олардың бөліктері мен дериваттарын пайдалану орындары мен мерзімдері белгіленсін.
3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2012 жылғы 7 наурыздағы
№ 303 қаулысына
1-қосымша
Балық ресурстары мен басқа да су жануарларын, олардың бөліктері мен дериваттарын пайдалануға шектеу мен тыйым салу
1. Жалпы ережелер
1. Осы балық ресурстары мен басқа да су жануарларын, олардың бөліктері мен дериваттарын пайдалануға шектеу мен тыйым салу (бұдан әрі – шектеу мен тыйым салу) «Жануарлар дүниесін қорғау, өсімін молайту және пайдалану туралы» Қазақстан Республикасының 2004 жылғы 9 шілдедегі Заңының 8, 14, 39-баптарына сәйкес әзірленді.
2. Балық ресурстары мен басқа да су жануарларын сақтау және өсімін молайту мақсатында шектеу мен тыйым салу олардың мекендеу ортасы ареалдарының (таралу облыстарының) географиялық, климаттық ерекшеліктері ескеріле отырып енгізіледі.
3. Шектеу мен тыйым салу тәртібі Қазақстан Республикасы Үкіметінің 2005 жылғы 18 наурыздағы № 246 қаулысымен бекітілген Балық аулау ережесінде (бұдан әрі – балық аулау ережесі) айқындалатын балық ресурстары мен басқа да су жануарларын ғылыми-зерттеу (мемлекеттік тапсырыс шеңберінде), бақылау, мелиоративтік, эксперементалдық аулауды, өсімін молайту мақсатында аулауды жүзеге асыруға, сондай-ақ тауарлы балықты жасанды өсіру үшін пайдаланылатын су айдындарына қолданылмайды.
4. Ұяшықталатын аулау құралдарында ауланған балықтың 8%-нан және сүзгіш аулау құралдарында 5%-нан артық көлемде өзге балық түрлерінің және кәсіпшілік мөлшеріне сәйкес емес балықтың аулануына тыйым салу енгізілсін.
5. Мына:
1) синтетикалық, нейлон немесе басқа да пластикалық, полиамид моножіптерден және моноталшықтан жасалған ауларды, сондай-ақ барлық атаулы электрлік аулау жүйелері мен құралдарын қолдана отырып;
2) үшкір аулау құралдарын (шанышқы, найза, қапқан), өздігінен аулау құралдарын (ілмек, тартпа, артпа), жарылғыш және уландырғыш заттарды, сондай-ақ оқпен атылатын қаруларды қолдана отырып;
3) қолдануы балық аулау ережесінде көзделмеген және балық аулаудың кәсiпшiлiк және кәсiпшiлiк емес құралдарының түрлері мен тәсілдерін қолдануға рұқсат етілген тізбеге енгізілмеген балық аулау құралдарымен, әдістермен және тәсілдермен;
4) балық аулау ережесі мен жануарлар дүниесін пайдалану рұқсатында көзделген тор көзі кіші аулау құралдарын қолдана отырып;
5) осы шектеу мен тыйым салумен белгіленген қысқы кезеңде балықтардың қыстайтын шұңқырларында, уылдырық шашу кезеңінде уылдырық шашатын жерлерде және өзге де учаскелерде, мерзімдерде және орындарда;
6) осы шектеу мен тыйым салумен белгіленген балық ресурстары мен басқа да су жануарларының көбею кезеңінде олардың шоғырлану орындары мен өрістеу жолдарында;
7) үркіту, сылдырлау арқылы шошыту, қуалау тәсілдерімен;
8) балық аулау ережесінде белгіленген кәсіпшілік мөлшерден аз балық ресурстары мен басқа да су жануарларын аулауға тыйым салынсын.
2. Арал-Сырдария балық шаруашылығы бассейні бойынша шектеу мен тыйым салу
6. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Шығыс тасталым сызығынан (Құркелес өзенiнің сағасы) Өзбекстан Республикасының мемлекеттiк шекарасына дейiнгі Сырдария өзенiнде және Шардара су қоймасының (Шығыс тасталым, Құркелес, Отырлы өзендерiнiң сағасы, Корей шығанағы) негiзгi уылдырық шашу учаскелерiнде 1 сәуірден 30 маусымды қоса алғандағы аралықта;
2) Шардара су қоймасының су айлағында 10 сәуірден 20 мамырды қоса алғандағы аралықта;
3) ауларды қолдана отырып Крепость мүйiсi (оң жақ жағалау) мен Әскери бөлім (сол жақ жағалау) шығанағынан Шардара су электрстанциясының (бұдан әрi – СЭС) бөгетiне дейiнгі Шардара су қоймасының бөгет алды учаскесiнде 1 желтоқсаннан 29 ақпанды қоса алғандағы аралықта;
4) Оңтүстік Қазақстан облысы шегіндегі су айдындарда және Шардара су қоймасынан Қызылорда облысының әкімшілік шекарасына дейiнгi Сырдария өзенiнде 15 сәуірден 31 мамырды қоса алғандағы аралықта;
5) сағадан Оңтүстік Қазақстан облысының әкімшілік шекарасына дейінгі Сырдария өзенінде 1 сәуiр мен 30 мамырды қоса алғандағы аралықта;
6) Кiшi Арал теңiзiнiң су айлағында 1 мамырдан 10 маусымды қоса алғандағы аралықта;
7) Қызылорда облысының шегіндегі су айдындарында 20 сәуірден 10 маусымды қоса алғандағы аралықта балық аулауға тыйым салу енгізілсін.
7. Артемияның көбеюі кезеңінде Өзбекстан Республикасының мемлекеттік шекарасына дейін Қазақстан Республикасының аумағы шегінде Тұщыбас, Чернышева шығанақтарын қоса алғанда, Үлкен Арал теңізінде 1 сәуірден 31 шілдені қоса алғандағы аралықта артемия жұмыртқаларын жинауға және дайындауға тыйым салу енгізілсін.
8. Тыныштық аймағын құру мақсатында мынадай орындарда:
1) Арыс және Келес өзендерінде;
2) Сырдария өзенi Кiшi Арал теңiзiне құятын жерінен Көкарал бөлiп тұру бөгетiне дейiнгi оңтүстiк бағытта, Көкарал түбегіне дейiнгi батыс бағытта, солтүстiк және солтүстiк-шығыс бағыттарда 5 километр (бұдан әрі – км), Сырдария өзенінің ағысымен жоғары бағытта 5 км учаскеде жыл бойы балық аулауға тыйым салу енгізілсін.
Ескертпе: балық өлiмiн болдырмау мақсатында Көкарал бөгетiнiң төменгi бьефінде, Кiшi Арал теңiзiн Үлкен Арал теңiзiмен байланыстыратын жылғада, сондай-ақ Үлкен Арал теңізіне суды тастау кезінде 2 км бөгет алды аймақта балық аулауға жол беріледі.
3. Балқаш-Алакөл балық шаруашылығы бассейнi бойынша шектеу мен тыйым салу
9. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Балқаш көлінде 15 сәуірден 1 маусымды қоса алғандағы аралықта;
2) Балқаш көліне құятын сағалардан 5 км ағыспен жоғары бағытта, сондай-ақ Балқаш көлінің ішкі бағыттарында және екі жақтағы 5 км кеңістіктегі сағаларды, жылғаларды және жайылымдарды қоса алғанда, Қаратал, Ақсу, Лепсі, Аягөз өзендерінде 15 сәуірден 1 маусымды қоса алғандағы аралықта;
3) Қапшағай су қоймасында және оған келіп құятын барлық өзендерінде және су ағындарында 5 сәуірден 20 мамырды қоса алғандағы аралықта;
4) Алакөл, Сасықкөл, Қошқаркөл көлдерінде және олардың құяр сағалары мен шығанақтарында, Үржар, Бесқопа, Ырғайты, Теректі, Тентек, Қатынсу, Емел, Ұялы, Қаракөл, Жіңішкесу, Шынжылы өзендерінде 10 сәуірден 1 маусымды қоса алғандағы аралықта;
5) Қапшағай СЭС бөгетiнен 6-шы балық қабылдау пунктіне (Аралтөбе ауылы) дейінгі Іле өзенінде кәсіпшілік емес балық аулау құралдарын қолдана отырып 5 сәуірден 5 маусымды қоса алғандағы аралықта;
6) Іле өзенінің барлық атырауында кәсіпшілік емес балық аулау құралдарын қолдана отырып 15 сәуірден 1 маусымды қоса алғандағы аралықта;
7) Шарын өзенінің сағасынан Қытай Халық Республикасының (бұдан әрі – ҚХР) мемлекеттік шекарасына дейінгі Іле өзенінде кәсіпшілік емес балық аулау құралдарын қолдана отырып, 25 наурыздан 5 шілдені қоса алғандағы аралықта балық аулауға тыйым салу енгізілсін.
Ескерту. 9-тармаққа өзгерістер енгізілді - ҚР Үкіметінің 15.04.2013 № 351 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.05.2013 N 472 (алғашқы ресми жарияланған күнінен бастап қолданысқа енгізіледі) қаулыларымен.
10. Тыныштық аймағын құру мақсатында мынадай орындарда:
1) кәсіпшілік балық аулау құралдарын қолдана отырып Қапшағай СЭС бөгетiнен 6-шы балық қабылдау пунктіне (Аралтөбе кенті) дейінгі Іле өзенінде және Іле өзенінің барлық атырауында;
2) кәсіпшілік балық аулау құралдарын қолдана отырып Шарын өзенінің сағасынан ҚХР мемлекеттік шекарасына дейін Іле өзенінде;
3) Қапшағай су қоймасының сол жақ жағалауындағы Үтік шоқысын (аңшылық шаруашылығы кордоны) және оң жақ жағалаудағы бұрынғы 96 км (қорықшылар үйі) және қосатын тік сызықтан Іле өзенінің ағысымен жоғарғы бағытта Шарын өзенінің сағасына дейін;
4) Жалаңашкөл көлінде жыл бойы балық аулауға тыйым салу енгізілсін.
11. Балқаш көлінде жылымдарды қолдана отырып қанаттары толық ашылғаннан кейін екі қанатын бір уақытта моторлы тарту (тралдау тәсілі) арқылы балық аулауға тыйым салу енгізілсін.
4. Зайсан-Ертiс балық шаруашылығы бассейнi бойынша шектеу мен тыйым салу
12. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Зайсан көлінде және Қарақастан Батин шоқысына дейінгі Бұқтырма су қоймасының көл-өзен бөлігінде 16 сәуiрден 30 мамырды қоса алғандағы аралықта;
2) Батин шоқысынан Бұқтырма СЭС дейiн Бұқтырма су қоймасының терең бөлігінде 1 мамырдан 15 маусымды қоса алғандағы аралықта;
3) Шүлбі және Өскемен су қоймаларында, Өскемен СЭС-нан Шүлбі су қоймасына дейін және Шүлбі СЭС-нан Павлодар облысының әкімшілік шекарасына дейін Ертіс өзенінде 10 мамырдан 10 маусымды қоса алғандағы аралықта;
4) Павлодар облысының арқалық, тұщы және тұзды су айдындарында, Шығыс Қазақстан облысының әкімшілік шекарасынан Ресей Федерациясының мемлекеттік шекарасына дейінгі аралықтағы Ертіс өзенінде және оның жайылмалы су айдындарында 10 мамырдан 20 маусымды қоса алғандағы аралықта балық аулауға тыйым салу енгізілсін.
13. Ақсаха балық түрлері уылдырық шашу және артемияның көбеюі кезеңінде мынадай орындар мен мерзімдерде:
1) Зайсан көлінде, Бұқтырма және Өскемен су қоймаларында және Өскемен СЭС-нан Шүлбі су қоймасына дейін және Шүлбі СЭС-нан Павлодар облысының әкімшілік шекарасына дейінгі Ертіс өзенінде ақсаха балық түрлерін 10 қарашадан 10 желтоқсанды қоса алғандағы аралықта аулауға;
2) Павлодар облысының су айдындарында артемия жұмыртқаларын 1 сәуірден 31 шілдені қоса алғандағы аралықта жинауға және дайындауға тыйым салу енгізілсін.
14. Тыныштық аймағын құру мақсатында мынадай орындарда:
1) Ұлтарақ мүйiсiн бұрынғы Ескi Қарақас кентімен байланыстыратын сызығынан батысқа қарай Зайсан көлiнiң солтүстiк-батыс бөлiгiнде;
2) Аманат-Сақтаған-Қамысзауыт сызығынан шығысқа қарай Қара Ертiс өзенiнің атырауында;
3) Зайсан көліне құятын жерден ҚХР мемлекеттік шекарасына дейінгі Қара Ертiс өзенiнде;
4) Ойран-Жасыл сызығынан шығысқа қарай (Торанғы шығанағы);
5) Қозғалмалы механикаландырылған колона мүйісімен Қуандық мүйiсін байланыстыратын сызықтан шығысқа қарай Үлкеннарым шығанағында;
6) кәсіпшілік балық аулау құралдарын қолдана отырып бастауынан сағасына дейінгі аралықтағы Боқан, Көкпектi, Күршiм, Бұқтырма, Нарым, Калжыр, Ақ-Қаба, Қара-Қаба, Ақсу, Кендірлік өзендерiнде және олардың құймаларында;
7) кәсіпшілік балық аулау құралдарын қолдана отырып Шүлбі су қоймасының Қызыл-Су, Шүлбi, Ковалевский, Осиха шығанақтарында, Өскемен су қоймасының Таловский шығанағында және Оба өзенінің жылғасында жыл бойы балық аулауға тыйым салу енгізілсін.
15. Бекіре тұқымдас балық түрлерін аулауға жыл бойы тыйым салу енгізілсін.
5. Есіл балық шаруашылығы бассейні бойынша шектеу мен тыйым салу
16. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Есіл бассейнінің су айдындарында:
шортан, аққайран және көксерке – 15 сәуірден 15 мамырды қоса алғандағы аралықта;
тұқы (сазан) – 20 мамырдан 20 маусымды қоса алғандағы аралықта;
гамарус – 1 тамыздан 14 қыркүйекті қоса алғандағы аралықта;
артемия жұмыртқалары – 1 наурыздан 15 маусымды қоса алғандағы аралықта;
өзен шаяндары – 1 маусымнан 15 шілдені қоса алғандағы аралықта аулауға (жинауға, дайындауға);
2) Ақмола және Солтүстік Қазақстан облыстарының шегіндегі Есіл, Нұра, Селеті өзендерінде және олардың барлық құймалары мен су қоймаларында 20 сәуірден 20 мамырды қоса алғандағы аралықта балық аулауға тыйым салу енгізілсін.
6. Нұра-Сарысу балық шаруашылығы бассейні бойынша шектеу мен тыйым салу
17. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Нұра-Сарысу бассейнінің су айдындарында:
көксерке – 20 сәуірден 20 мамырды қоса алғандағы аралықта;
тұқы (сазан) – 15 мамырдан 30 маусымды қоса алғандағы аралықта аулауға;
2) Қаныш Сәтбаев атындағы каналдың барлық су қоймаларында (Екібастұз, № 1-11 гидротораптары, № 29 Тұзды су жібергіші):
көксерке – 20 сәуірден 20 мамырды қоса алғандағы аралықта;
тұқы (сазан) – 1 мамырдан 30 маусымды қоса алғандағы аралықта аулауға тыйым салу енгізілсін.
18. Тыныштық аймағын құру мақсатында мынадай орындарда:
1) Шерубай-Нұра су қоймасы – Шерубай-Нұра өзенiнiң сағасынан 1 км, Шерубай-Нұра өзенінің сағасынан су қойманың оңтүстік жағалауымен 2 км және сағадан солтүстiк жағалаумен 1 км жердегі Шерубай-Нұра өзенiнің саға алды учаскесінде;
2) Самарқанд су қоймасы – солтүстiк жағалаумен 2 км бойы және оңтүстiк жағалаумен 1,5 км бойы су қойманың шығыс бөлігінде, сондай-ақ 500 метр (бұдан әрі – м) сағадан шығысқа қарай Нұра өзенiнiң арнасында;
3) Шалқар және Рудный көлдерi – өзара байланыстыратын жылғада, шығанаққа дейiнгi Рудный көлiнде, 500 м Шалқар көлінің iшкі бағытындағы учаскеде жыл бойы балық аулауға тыйым салу енгізілсін.
7. Тобыл-Торғай балық шаруашылығы бассейні бойынша шектеу мен тыйым салу
19. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Қостанай облысының Арқалық қаласы мен Амангелдi, Жангелдi аудандарының су айдындарында:
шортан – 20 наурыз бен 20 сәуірді қоса алғандағы аралықта;
тұқы (сазан), табан, оңғақ, көксерке – 20 сәуірден 30 мамырды қоса алғандағы аралықта аулауға;
2) Қостанай облысының басқа аудандары мен қалаларының су айдындарында:
мөңке – 20 мамырдан 10 маусымды қоса алғандағы аралықта;
шортан, аққайран – 10 сәуірден 10 мамырды қоса алғандағы аралықта;
тұқы (сазан), табан, оңғақ, көксерке – 20 мамырдан 30 маусымды қоса алғандағы аралықта;
ақсаха балық түрлері – 20 қазаннан 30 қарашаны қоса алғандағы аралықта;
нәлім – 1 желтоқсаннан 31 қаңтарды қоса алғандағы аралықта;
шаян – 15 қазан мен 30 маусымды қоса алғандағы аралықта аулауға;
3) Торғай мемлекеттiк табиғи қорықтың (зоологиялық) аумағында орналасқан су айдындарда 15 сәуірден 31 тамызды қоса алғандағы аралықта балық аулауға;
4) Ақтөбе облысының басқа су айдындарында:
шортан, көксерке, берiш, аққайран, ақмарқа, қызыл көз, торта, алабұға, тұрпа, тарақ балық – 20 сәуірден 20 мамырды қоса алғандағы аралықта;
сазан (тұқы), мөңке, оңғақ, жайын, қызыл қанатты шұбар балық, айнакөз, табан – 20 мамырдан 15 маусымды қоса алғандағы аралықта;
нәлім – 1 желтоқсаннан 31 қаңтарды қоса алғандағы аралықта;
ақсаха балық түрлері – 20 қазан мен 30 қарашаны қоса алғандағы аралықта;
шаян – 15 қазаннан 30 маусымды қоса алғандағы аралықта аулауға;
5) кәсіпшілік емес балық аулау құралдарын қолдана отырып 15 сәуірден 1 шілдені қоса алғандағы аралықта:
сағадан (Демалыс үйі мүйісі) Котюбок шығанағының жоғарғы жағына дейінгі Жоғарғы-Тобыл су қоймасында;
Халвай кентінен Аят бұлағының бөгетiне (Тобыл қолтығы) дейiнгі аралықта және автожол көпірінен (Рудный қаласы – Тобыл станциясы тас жолы) Майский ауылына (Аят қолтығы) дейiнгі Қаратомар су қоймасында балық аулауға тыйым салу енгізілсін.
20. Тыныштық аймағын құру мақсатында мынадай орындарда:
1) сағадан (Демалыс үйі мүйісі) Котюбок шығанағының жоғарғы жағына дейінгі Жоғарғы-Тобыл су қоймасында;
2) Халвай кентінен Аят бұлағының бөгетiне (Тобыл қолтығы) дейiнгі аралықта және автожол көпірінен (Рудный қаласы – Тобыл станциясы тас жолы) Майский ауылына (Аят қолтығы) дейiнгі Қаратомар су қоймасында;
3) Ырғыз-Торғай жүйесінің көлдері арасындағы жылғаларда, сондай-ақ сағадан Дүкен аулына дейінгі Өлкейік өзенінде, Ақтөбе облысы шегіндегі Телқара және Торғай өзендерінде жыл бойы кәсiпшілік балық аулау құралдарын қолдана отырып балық аулауға тыйым салу енгізілсін.
8. Жайық-Каспий балық шаруашылығы бассейні бойынша шектеу мен тыйым салу
21. Балық ресурстары мен басқа да су жануарларының уылдырық шашу және көбеюі кезеңінде мынадай орындарда, учаскелерде және мерзімдерде:
1) Каспий теңiзi қазақстандық секторы солтүстiк бөлiгiнің су айлағында 10 мамырдан 31 тамызды қоса алғандағы аралықта;
2) Каспий теңiзi қазақстандық секторының Түпқараған мүйiсiнен Бұрыншық мүйiсiне дейiнгi Маңғышлақ мыңаралы аралдары мен жапсарлас жағалауында 15 қарашадан 15 наурызды қоса алғандағы аралықта;
3) Жайық пен Қиғаш өзендерiнiң жанама су айдандарында 1 сәуірден 31 тамызды қоса алғандағы аралықта;
4) Жайық өзенінің Золотой арнасындағы Төменгі Пешной (өсімін молайтуға арналған ұйықтық учаскесі), Кіші Дамба, Төменгі Дамба, Жоғарғы Дамба, Жоғарғы Золотой, Төменгі Золотой, Жоғарғы Зарослый, Төменгі Зарослый, Золотенок ұйықтық учаскелерінде, Яицкий арнасындағы Еркінқала, Жоғарғы Сол жақ Яицкий, Төменгі Сол жақ Яицкий ұйықтық учаскелерінде, Жайық өзеніндегі Жаңа Лицевая, Ескі Лицевая, Бугорки, ғылыми зерттеуге арналған Төменгі Татар ұйықтық учаскелерінде 25 сәуірден 15 тамызды қоса алғандағы аралықта және мұз қатқан кезеңде;
5) Қиғаш өзеніндегі Қамыс, Қарақамыс, Дамба, Круглая, Қызылоба, Қараағаш, Булгач, Төменгі Богатин, Бақыт, Золотенок, Тимофеев, Ягодка, Песок, Жаңа Лицевая ұйықтық учаскелерінде 1 мамырдан 15 тамызды қоса алғандағы аралықта және мұз қатқан кезеңде;
6) Құшым өзенiнде және Киров, Битик, Донголюк, Пятимар су қоймаларында 1 мамырдан 15 шілдені қоса алғандағы аралықта;
7) Шалқар көлiнде, Жайық-Құсмұрын суғару-суару жүйесінің көлдерінде және Қамыс-Самара жүйесінің көлдері мен өзендерінде 1 мамырдан 31 мамырды қоса алғандағы аралықта;
8) Батыс Қазақстан облысының басқа су айдындарында 1 мамырдан 15 маусымды қоса алғандағы аралықта балық аулауға тыйым салу енгізілсін.
Ескерту. 21-тармаққа өзгерістер енгізілді - ҚР Үкіметінің 15.04.2013 № 351 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.05.2013 N 472 (алғашқы ресми жарияланған күнінен бастап қолданысқа енгізіледі) қаулыларымен.
22. Жайық өзенiндегі стационарлық ұйықтық учаскелерінде (күндіктер) мынадай шектеулер енгізілсін:
1) көктемдiк балық аулау маусымында 25 сәуiрге дейiн 5:3 (5 күн балық ауланады, 3 күн тыйым салынады);
2) күздiк балық аулау маусымында мұз қатқанға дейiн 5:2 (5 күн балық ауланады, 2 күн тыйым салынады).
23. Кәсіпшілік емес балық аулау құралдарын қолдана отырып:
1) Атырау облысының шегіндегі Жайық өзенінде 1 сәуірден 15 шілдені қоса алғандағы аралықта;
2) Атырау облысының шегіндегі Жайық өзенінде мұз қатқан кезеңде сейсенбі және сәрсенбі күндері;
3) Қиғаш өзенінде, оның барлық каналдары мен өзектерінде сенбі, жексенбі және мереке күндерін қоспағанда, 20 сәуірден 20 мамырды қоса алғандағы аралықта;
4) Батыс Қазақстан облысының шегіндегі Жайық өзенінде және оның барлық жанама су айдындарында (старицалар, құймалар, жылғалар, өзектер) 10 сәуірден 15 маусымды қоса алғандағы аралықта;
5) Батыс Қазақстан облысының басқа су айдындарда 1 мамырдан 31 мамырды қоса алғандағы аралықта;
6) тәуліктің түнгі уақытында балық аулауға тыйым салу енгізілсін.
24. Барлық суда 1 мамырдан 30 қыркүйекті қоса алғандағы аралықта шаяндарды аулауға тыйым салу енгізілсін.
25. Мына:
1) өсімін молайту кәсіпорындарын (мемлекеттік тапсырысты орындау шеңберінде);
2) ғылыми зерттеу үшін аулауды жүзеге асыратын ғылыми ұйымдарын;
3) бекіре тұқымдас балық түрлерін аулауға квотасы болған жағдайда мемлекеттік монополия субъектісін қоспағанда, жеке және заңды тұлғаларға бекіре тұқымдас балық түрлерін аулауға тыйым салу енгізілсін.
26. Тыныштық аймағын құру мақсатында мынадай орындарда:
1) сағадан Кіші Дамба ұйықтық учаскесіне дейінгі және Төменгі Татар ұйықтық учаскесінен Батыс Қазақстан облысының әкімшілік шекарасына дейінгі Жайық өзенінде;
2) кәсіпшілік балық аулау құралдарын қолдана отырып, Батыс Қазақстан облысының шегіндегі Жайық өзенінде;
3) Жайық өзенінің төменде көрсетілген шегінде:
батысында – 47003' солтүстік ендіктегі (бұдан әрі – с.е.) 51033' шығыс бойлықтағы (бұдан әрі – ш.б.) нүктесін 46050' с.е. и 51022' ш.б. нүктесімен қосатын тік сызық бойымен;
шығысында – 460511 с.е. и 520091 ш.б. нүктесін 460381 с.е. и 510421 ш.б. нүктесімен қосатын тік сызық бойымен;
оңтүстігінде – 460381 с.е. и 510421 ш.б. нүктесін 460501 с.е. и 510221 ш.б. нүктесімен қосатын тік сызық бойымен саға алды кеңістігінде;
4) Қиғаш өзенінің (Еділ өзені атырауының шығыс бөлігі) төменде көрсетілген шегінде:
батысында – Каныченский балық өту каналының сол жақ жағалауымен Телячинский балық өту каналымен қиылысқан жерінен Коневский балық өту каналымен қиылысқан жеріне дейін;
шығысында – Ганюшкинский балық өту каналының оң жақ жағалауымен 70 км-нан 112 км (Коневский балық өту каналымен қиылысқан жері) дейін;
оңтүстігінде – Коневский балық өту каналының сол жақ жағалауымен Каныченский балық өту каналының қиылысқан жерінен Ганюшкинский балық өту каналының 112 км дейін;
солтүстігінде – Каныченский балық өту каналымен Телячинский балық өту каналы қиылысқан жерінен Ганюшкинский балық өту каналының 70 км дейінгі тік сызық бойымен саға алды кеңістігінде;
Ескертпе: Қиғаш өзенінің саға алды кеңістігінде Птичий, Ватажный, Иголкинский, Коневский, Мальцев, Новинский, Жар-Көсе, Тришкин, Деменьев, Верхняя коса учаскелерінде балық аулауға жол беріледі;
5) балық өту каналдардан 1 км екі жақ бағытта олардан 2 м тереңдікке дейін балық өту каналдарында;
6) Каспий теңізі қазақстандық секторының 67, 93, 94, 95, 98, 99, 123, 124, 125, 128, 150, 154, 155, 158, 159, 160, 181, 182, 187, 218, 219, 259, 260, 300 квадраттарында кәсіпшілік балық аулау құралдарын қолдана отырып, жыл бой балық аулауға тыйым салу енгізілсін.
27. Қыс мезгілінде:
1) Жайық өзенінің мынадай қыстау шұңқырларында:
Буровиков – Буровиков ауылына қарама-қарсы, Бугорки ұйықтық учаскесінен 1,2 км жоғары Жайық өзенінде. Параметрлері: ені – 98 м, ұзындығы – 95 м, тереңдігі – 9 м, ауданы – 0,93 гектар (бұдан әрі – га). Координаттары: N47o13.062 E051o55.350;
Теңдік – Теңдік ауылына қарама-қарсы Жайық өзенінде. Параметрлері: ені – 150 м, ұзындығы – 90 м, тереңдігі – 13 м, ауданы – 1,35 га. Координаттары: N47o09.825 E051o56.408;
Водозаборлық – Жайық өзенінде, 1 учаске, қалалық су тарту Су-Арнасы. Параметрлері: ені – 88 м, ұзындығы – 135 м, тереңдігі – 10 м, ауданы – 1,18 га. Координаттары: N47o07.813 E051o55.733;
ОСВОД – ОСВОД-қа қарама-қарсы Жайық өзенінде. Параметрлері: ені – 50 м, ұзындығы – 140 м, тереңдігі – 9,8 м, ауданы – 0,7 га. Координаттары: N47o06.750 E051o55.147;
Қалалық – Жайық өзеніндегі АМӨЗ су жинақтағышына қарама-қарсы. Параметрлері: ені – 50 м, ұзындығы – 120 м, тереңдігі – 16 м, ауданы – 0,6 га. Координаттары: N46o57.240 E051o44.019;
Үлкен Дамба – мұз базасынан ағыспен жоғарға қарай 500 м Жайық өзенінің Золотой арнасында. Параметрлері: ені – 100 м, ұзындығы – 300 м, тереңдігі – 8,7 м, ауданы – 3,0 га. Координаттары: N46o57.813 E051o45.252;
Кіші Дамба – Золотой арнасы Дамба жылғасымен түйіскен жерінен ағыспен төмен қарай ұзақтығы 200 м. Параметрлері: ені – 75 м, ұзындығы – 90 м, тереңдігі – 9,0 м, ауданы – 0,7 га. Координаттары: N46o57.240 E051o44.019;
Төменгі Пешной – Сасық өзектің жанында Жайық өзенінде. Параметрлері: ені – 100 м, ұзындығы – 90 м, тереңдігі – 9,8 м, ауданы – 0,9 га. Координаттары: N46o54.045 E051o30.558;
Үлкен Ганюшин – Яицкий жылғасындағы, сағадан жылғалармен 10 км ағыспен жоғары қарай балық қадағалау постының маңынан 240 м Жайық өзенінің атырауында. Параметрлері: ені – 60 м, ұзындығы – 50 м, тереңдігі – 8,0 м, ауданы – 0,3 га. Координаттары: N47o00.564 E051o47.368;
Кіші Ганюшин – Үлкен Ганюшин шұңқырынан 1 шқ ұзындығы 280 м құрайтын Яицкий жылғасында. Параметрлері: ені – 90 м, ұзындығы – 30 м, тереңдігі – 6,5 м, ауданы – 0,27 га. Координаттары: N47o00.668 E051o47.438;
Теңіздік – Яицкийдің оң жақ арнасында, Сол жақ Узенький жылғасының сағасынан 3 шқ ұзақтығы 150 м. Параметрлері: ені – 20 м, ұзындығы – 20 м, тереңдігі – 4,5 м, ауданы – 0,04 га. Координаттары: N47o00.317 E051o44.802;
Қара – Золотой арнасынан бөлінген жерінен 300 м Яицкий арнасында. Параметрі: ені – 50 м, ұзындығы – 25 м, тереңдігі – 6,9 м, ауданы – 0,12 га. Координаттары: N47o03.516 E051o50.895;
Кукушин – Атырау қаласынан 208 км;
Абишев – Атырау қаласынан 397 км;
Круглов – Атырау қаласынан 400 км;
Камнов – Атырау қаласынан 461 км;
Сахарлық – Атырау қаласынан 472 км;
Бабров – Атырау қаласынан 578 км;
Жыра – Атырау қаласынан 629 км;
Вонючая – Атырау қаласынан 650 км;
Вертячая – Атырау қаласынан 654 км;
Джилимная – Атырау қаласынан 681 км;
Көк базар – Атырау қаласынан 718 км;
2) Қиғаш өзенінің мынадай қыстау шұңқырларында:
Дамба – Сумница өзенiндегi Дамба ұйықтық учаскесінің жылғасынан ағыс бойымен төменгі бағытта 850 м. Параметрлері: ені – 220 м, ұзындығы – 100 м, тереңдігі – 12 м, ауданы – 2,2 га. Координаттары: N46o28.41 E048o50.52;
Корзиналық – Корзиналық өзенiндегі Тік Каныча өзенiнiң бастауынан ағыс бойымен төменгі бағытта Манчаус өзенiнiң ойпатына дейiн ұзындығы 2000 м. Параметрлері: ені – 130 м, ұзындығы – 95 м, тереңдігі – 10-12 м, ауданы – 1,3 га. Координаттары: N46o28.37 E049o04.40;
Канычин – Каныча өзенiнiң бойындағы Қызыл-Оба өзегінен төмен Тік Каныча өзенінің бастауына дейінгі ұзындығы 2500 м. Параметрлері: ені – 130 м, ұзындығы – 80 м, тереңдігі – 10-12 м, ауданы – 1,1 га. Координаттары: N46o28.56 E049o02.30 балық аулауға тыйым салу енгізілсін.
9. Шу-Талас балық шаруашылығы бассейні бойынша шектеу мен тыйым салу
28. Балық ресурстары мен басқа да су жануарларының уылдырық шашу және көбеюі кезеңінде мынадай орындар мен мерзімдерде:
1) Билікөл, Бөгеткөл және Ақкөл көлдерін өзара байланыстыратын Аса өзенінде және оның құймаларында 1 наурыздан 1 шілдені қоса алғандағы аралықта;
2) Шу-Талас бассейнінің басқа су айдындарында 15 сәуірден 31 мамырды қоса алғандағы аралықта балық аулауға тыйым салу енгізілсін.
29. Тыныштық аймағын құру мақсатында Тасөткел су қоймасынан жоғары орналасқан Шу өзенінде, оның құймаларында және Талас өзенінде жыл бойы балық аулауға тыйым салу енгізілсін.
Қазақстан Республикасы
Үкіметінің
2012 жылғы 7 наурыздағы
№ 303 қаулысына
2-қосымша
Балық ресурстары мен басқа да су жануарларын, олардың бөліктері мен дериваттарын пайдалану орындары мен мерзімдері
1. Арал-Сырдария балық шаруашылығы бассейні бойынша балық ресурстары мен басқа да су жануарларын, олардың бөліктері мен дериваттарын пайдалану орындары мен мерзімдері
1. Мынадай:
1) Шығыс тасталым сызығынан (Құркелес өзенiнің сағасы) Өзбекстан Республикасының мемлекеттiк шекарасына дейiнгі Сырдария өзенiнде және Шардара су қоймасының Шығыс тасталым, Құркелес, Отырлы өзендерiнiң сағасы, Корей шығанағы учаскелерiнде 1 маусымнан 31 наурызды қоса алғандағы аралықта;
2) Шардара су қоймасының су айлағында 21 мамыр мен 9 сәуірді қоса алғандағы аралықта;
3) Крепость мүйiсi (оң жақ жағалау) мен Әскери бөлім (сол жақ жағалау) шығанағынан Шардара СЭС бөгетiне дейiнгі Шардара су қоймасының бөгет алды учаскесiнде ауларды қолданбай 1 желтоқсаннан 29 ақпанды қоса алғандағы аралықта;
4) Оңтүстік Қазақстан облысы шегіндегі су айдындарда және Шардара су қоймасынан Қызылорда облысының әкімшілік шекарасына дейiнгi Сырдария өзенiнде 1 маусымнан 14 сәуірді қоса алғандағы аралықта;
5) сағадан Оңтүстік Қазақстан облысының әкімшілік шекарасына дейінгі Сырдария өзенінде 31 мамырдан 31 наурызды қоса алғандағы аралықта;
6) Кiшi Арал теңiзiнiң су айлағында 11 маусымнан 30 сәуірді қоса алғандағы аралықта;
7) Қызылорда облысының шегіндегі су айдындарда 11 маусымнан 19 сәуірді қоса алғандағы аралықта;
8) артемия жұмыртқаларын жинау және дайындау үшін Өзбекстан Республикасының мемлекеттік шекарасына дейін Қазақстан Республикасы аумағының шегінде Тұщыбас, Чернышева шығанақтарын қоса алғанда, Үлкен Арал теңізінде 1 тамыздан 31 наурызды қоса алғандағы аралықта балық ресурстары мен басқа да су жануарларын, олардың бөліктері мен дериваттарын пайдалану орындары мен мерзімдері (бұдан әрі – пайдалану орындары мен мерзімдері) белгіленсін.
2. Балқаш-Алакөл балық шаруашылығы бассейнi бойынша пайдалану орындары мен мерзімдері
2. Мынадай:
1) кәсіпшілік емес балық аулау құралдарын қолдана отырып:
Қапшағай СЭС бөгетiнен 6-шы балық қабылдау пунктіне (Аралтөбе ауылы) дейінгі Іле өзенінде 6 маусымнан 4 сәуірді қоса алғандағы аралықта;
Іле өзенінің атырауында 2 маусымнан 14 сәуірді қоса алғандағы аралықта;
Шарын өзенінің сағасынан ҚХР мемлекеттік шекарасына дейінгі Іле өзенінде 6 шілдеден 24 наурызды қоса алғандағы аралықта;
2) Балқаш көліне құятын сағалардан 5 км ағыспен жоғарғы бағытта, сондай-ақ Балқаш көлінің ішкі бағыттарында және екі жақтағы 5 км кеңістіктегі сағаларды, жылғаларды және жайылымдарды қоса алғанда, Қаратал, Ақсу, Лепсі, Аягөз өзендерінде 2 маусымнан 14 сәуірді қоса алғандағы аралықта;
3) Балқаш көлінде 2 маусымнан 14 сәуірді қоса алғандағы аралықта;
4) Қапшағай су қоймасында және оған келіп құятын өзендерде және су ағындарында 21 мамырдан 4 сәуірді қоса алғандағы аралықта;
5) Алакөл, Сасықкөл, Қошқаркөл көлдерінде және олардың құймалары мен шығанақтарында, Үржар, Бесқопа, Ырғайты, Теректі, Тентек, Қатынсу, Емел, Ұялы, Қаракөл, Жіңішкесу, Шынжылы өзендерінде 2 маусымнан 9 сәуірді қоса алғандағы аралықта пайдалану орындары мен мерзімдері белгіленсін.
Ескерту. 2-тармаққа өзгерістер енгізілді - ҚР Үкіметінің 15.04.2013 № 351 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.05.2013 N 472 (алғашқы ресми жарияланған күнінен бастап қолданысқа енгізіледі) қаулыларымен.
3. Зайсан-Ертiс балық шаруашылығы бассейнi бойынша пайдалану орындары мен мерзімдері
3. Мынадай:
1) Зайсан көлінде және Қарақастан Батин шоқысына дейінгі Бұқтырма су қоймасының көл-өзен бөлігінде 31 мамырдан 15 сәуiрді қоса алғандағы аралықта;
2) Батин шоқысынан Бұқтырма СЭС дейiнгі Бұқтырма су қоймасының терең бөлігінде 16 маусымнан 30 сәуірді қоса алғандағы аралықта;
3) Шүлбі және Өскемен су қоймаларында, Өскемен СЭС-нан Шүлбі су қоймасына дейінгі және Шүлбі СЭС-нан Павлодар облысының әкімшілік шекарасына дейінгі Ертiс өзенiнде 11 маусымнан 9 мамырды қоса алғандағы аралықта;
4) Павлодар өзенінің арқалық, тұщы және тұзды су айдындарында, Шығыс Қазақстан облысының әкімшілік шекарасынан Ресей Федерациясының мемлекеттік шекарасына дейінгі Ертіс өзенінде және оның жайылмалы су айдындарында 21 маусымнан 9 мамырды қоса алғандағы аралықта;
5) артемия жұмыртқаларын жинау және дайындау үшін Павлодар облысының су айдындарында 1 тамыздан 31 наурызды қоса алғандағы аралықта;
6) ақсаха балық түрлерін аулау үшін Зайсан көлінде, Бұқтарма және Өскемен су қоймаларында, Өскемен СЭС-нан Шүлбі су қоймасына дейін және Шүлбі СЭС-нан Павлодар облысының әкімшілік шекарасына дейінгі Ертiс өзенiнде 11 желтоқсаннан 9 қарашаны қоса алғандағы аралықта пайдалану орындары мен мерзімдері белгіленсін.
4. Есіл балық шаруашылығы бассейні бойынша пайдалану орындары мен мерзімдері
4. Мынадай:
1) Ақмола және Солтүстік Қазақстан облыстарының шегіндегі Есіл, Нұра, Селеті өзендерінде және олардың барлық құймалары мен су қоймаларында 21 мамырдан 19 сәуірді қоса алғандағы аралықта;
2) басқа су айдындарында:
шортан, аққайран, көксерке – 16 мамырдан 14 сәуірді қоса алғандағы аралықта;
тұқы (сазан) – 21 маусымнан 19 мамырды қоса алғандағы аралықта;
гамарус – 15 қыркүйектен 31 шілдені қоса алғандағы аралықта;
артемия жұмыртқалары – 16 маусымнан 29 ақпанды қоса алғандағы аралықта;
өзен шаяндары – 16 шілдеден 31 мамырды қоса алғандағы аралықта пайдалану орындары мен мерзімдері белгіленсін.
5. Нұра-Сарысу балық шаруашылығы бассейні бойынша пайдалану орындары мен мерзімдері
5. Мынадай:
1) Қаныш Сәтбаев атындағы каналдың барлық су қоймаларында (Екібастұз, № 1-11 гидротораптары, № 29 Тұзды су жібергіш):
көксерке – 21 мамырдан 19 сәуірді қоса алғандағы аралықта;
тұқы (сазан) – 1 маусымнан 30 сәуірді қоса алғандағы аралықта;
2) басқа су айдындарында:
көксерке – 21 мамырдан 19 сәуірді қоса алғандағы аралықта;
тұқы (сазан) – 1 мамырдан 30 сәуірді қоса алғандағы аралықта пайдалану орындары мен мерзімдері белгіленсін.
6. Тобыл-Торғай балық шаруашылығы бассейні бойынша пайдалану орындары мен мерзімдері
6. Мынадай:
1) Қостанай облысының Арқалық қаласы мен Амангелдi, Жангелдi аудандарының су айдандарында:
шортан – 21 сәуірден 19 наурызды қоса алғандағы аралықта;
тұқы (сазан), табан, оңғақ, көксерке – 31 мамырдан 19 сәуірді қоса алғандағы аралықта;
2) Қостанай облысының басқа аудандары мен қалаларының су айдындарында:
мөңке – 11 маусымнан 19 мамырды қоса алғандағы аралықта;
шортан, аққайран – 11 мамыр мен 9 сәуірді қоса алғандағы аралықта;
тұқы (сазан), табан, оңғақ, көксерке – 1 шілдеден 19 мамырды қоса алғандағы аралықта;
ақсаха балық түрлері – 1 желтоқсаннан 19 қазанды қоса алғандағы аралықта;
нәлім – 1 ақпаннан 30 қарашаны қоса алғандағы аралықта;
шаян – 1 шілдеден 14 қазанды қоса алғандағы аралықта;
3) Торғай мемлекеттiк табиғи қорықтың (зоологиялық) аумағында орналасқан су айдындарында 1 қыркүйектен 14 сәуірді қоса алғандағы аралықта;
4) Ақтөбе облысының басқа су айдындарында:
шортан, көксерке, берiш, аққайран, ақмарқа, қызыл көз, торта, алабұға, тұрпан, тарақ балық – 21 мамырдан 19 сәуірді қоса алғандағы аралықта;
сазан (тұқы), мөңке, оңғақ, жайын, қызыл қанатты шұбар балық, айнакөз, табан – 16 маусымнан 19 мамырды қоса алғандағы аралықта;
нәлім – 1 ақпаннан 30 қарашаны қоса алғандағы аралықта;
ақсаха балық түрлері – 1 желтоқсаннан 19 қазанды қоса алғандағы аралықта;
шаян – 1 маусымнан 14 қазанды қоса алғандағы аралықта;
5) кәсіпшілік емес балық аулау құралдарын қолдана отырып, сағадан (Демалыс үйі мүйісі) Котюбок шығанағының жоғарғы жағына дейінгі Жоғарғы-Тобыл су қоймасында, сондай-ақ Халвай кентінен Аят бұлағының бөгетiне (Тобыл қолтығы) дейiнгі және автожол көпірінен (Рудный қаласы – Тобыл станциясы тас жолы) Майский ауылына (Аят қолтығы) дейiнгі Қаратомар су қоймасында 2 шілдеден 14 сәуірді қоса алғандағы аралықта пайдалану орындары мен мерзімдері белгіленсін.
7. Жайық-Каспий балық шаруашылығы бассейні бойынша пайдалану орындары мен мерзімдері
7. Мынадай:
1) балық аулауға тыйым салынған орындарды есептемегенде, Каспий теңiзiнiң қазақстандық секторының солтүстiк бөлiгiнің су айлағында 1 қыркүйектен 9 мамырды қоса алғандағы аралықта;
2) Түпқараған мүйiсiнен Бұрыншық мүйiсiне дейiнгi Маңғышлақ мыңаралы аралдары мен жапсарлас жағалауында 16 наурыздан 14 қарашаны қоса алғандағы аралықта;
3) Жайық және Қиғаш өзендерінің жанама су айдындарында 1 қыркүйектен 31 наурызды қоса алғандағы аралықта;
4) Жайық өзенінің Золотой арнасындағы Төменгі Пешной (өсімін молайтуға арналған ұйықтық учаскесі), Кіші Дамба, Төменгі Дамба, Жоғарғы Дамба, Жоғарғы Золотой, Төменгі Золотой, Жоғарғы Зарослый, Төменгі Зарослый, Золотенок ұйықтық учаскелерінде, Яицкий арнасындағы Еркінқала, Жоғарғы Сол жақ Яицкий, Төменгі Сол жақ Яицкий ұйықтық учаскелерінде, Жайық өзеніндегі Жаңа Лицевая, Ескі Лицевая, Бугорки, ғылыми зерттеуге арналған Төменгі Татар ұйықтық учаскелерінде мұз қатқан кезеңді қоспағанда, 16 тамыздан 24 сәуірді қоса алғандағы аралықта;
5) Қиғаш өзеніндегі Қамыс, Қарақамыс, Дамба, Круглая, Қызылоба, Қараағаш, Булгач, Төменгі Богатин, Бақыт, Золотенок, Тимофеев, Ягодка, Песок, Жаңа Лицевая ұйықтық учаскелерінде мұз қатқан кезеңді қоспағанда, 16 тамыздан 30 сәуірді қоса алғандағы аралықта;
6) Құшым өзенiнде және Киров, Бітік, Донголюк, Пятимар су қоймаларында 16 маусымнан 30 сәуірді қоса алғандағы аралықта;
7) Шалқар көлiнде, Жайық-Құсмұрын суғару-суару жүйесінің көлдерінде және Қамыс-Самара жүйесінің көлдері мен өзендерінде 1 маусымнан 30 сәуірді қоса алғандағы аралықта;
8) Батыс Қазақстан облысының басқа су айдындарында 16 маусымнан 30 сәуірді қоса алғандағы аралықта;
9) шаяндарды аулау үшін барлық суда 1 қазаннан 30 сәуірді қоса алғандағы аралықта;
10) кәсіпшілік емес балық аулау құралдарын қолдана отырып:
Атырау облысының шегіндегі Жайық өзенінде 16 маусымнан 31 наурызды қоса алғандағы аралықта;
Қиғаш өзенінде, оның барлық каналдары мен өзектерінде 21 мамырдан 19 сәуірді қоса алғандағы аралықта;
Жайық өзенінде, оның барлық жанама су айдындарында (старицалар, құймалар, жылғалар, өзектер) 16 маусымнан 9 сәуірді қоса алғандағы аралықта;
Батыс Қазақстан облысының шегіндегі басқа су айдындарда 1 маусымнан 30 сәуірді қоса алғандағы аралықта пайдалану орындары мен мерзімдері белгіленсін.
Ескерту. 7-тармаққа өзгерістер енгізілді - ҚР Үкіметінің 15.04.2013 № 351 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.05.2013 N 472 (алғашқы ресми жарияланған күнінен бастап қолданысқа енгізіледі) қаулыларымен.
8. Шу-Талас балық шаруашылығы бассейні бойынша пайдалану орындары мен мерзімдері
8. Мынадай:
1) Билікөл, Бөгеткөл және Ақкөл көлдерін өзара байланыстыратын Аса өзенінде және оның құймаларында 2 шілдеден 29 ақпанды қоса алғандағы аралықта;
2) басқа су айдындарында 1 маусымнан 14 сәуірді қоса алғандағы аралықта пайдалану орындары мен мерзімдері белгіленсін.
