"Мемлекеттік мүлік туралы" Қазақстан Республикасының 2011 жылғы 1 наурыздағы Заңына сәйкес Қазақстан Республикасының Үкіметі ҚАУЛЫ ЕТЕДІ:
1. Жарғылық капиталына мемлекет жүз пайыз қатысатын "Өнімді бөлу туралы түпкілікті келісімдегі үлесті басқару жөніндегі компания жауапкершілігі шектеулі серіктестігі (бұдан әрі – серіктестік) құрылсын.
2. Серіктестік қызметінің негізгі мәні Қарашығанақ мұнай-газ
конденсаты кен орнының мердігерлік учаскесіне қатысты өнімді бөлу
туралы түпкілікті келісімдегі (бұдан әрі – ӨБТК) қатысу үлестерін тиімді басқаруды қамтамасыз ету болып айқындалсын.
3. Серіктестіктің жарғылық капиталын қалыптастыру осы қаулының қосымшасында көрсетілген Қазақстан Республикасы Қаржы министрлігінің Мемлекеттік мүлік және жекешелендіру комитетінің (бұдан әрі – Комитет) теңгеріміндегі республикалық мүлік есебінен жүзеге асырылсын.
4. Комитет заңнамада белгіленген тәртіппен:
1) серіктестіктің жарғысын бекітуді және әділет органдарында мемлекеттік тіркелуін қамтамасыз етсін;
2) серіктестіктің жарғылық капиталын ӨБТК-ге, ілеспе құжаттарға, бірлескен қызмет туралы келісімге қатысу үлесінің қосымша салымы түрінде және Қарашығанақ мұнай-газ конденсаты кен орнының мердігерлік учаскесіне қатысты беру жолымен ұлғайтуды жүзеге асырсын;
3) осы қаулыдан туындайтын өзге де шараларды қабылдасын.
5. Комитет осы қаулының 4-тармағында көзделген іс-шаралар аяқталғаннан кейін серіктестіктің жарғылық капиталына мемлекеттің жүз пайыз мөлшеріндегі қатысу үлесін заңнамада белгіленген тәртіппен "Самұрық-Қазына" ұлттық әл-ауқат қоры" акционерлік қоғамының (бұдан әрі – Қор) акцияларын төлеуге берсін.
6. Комитет Қормен бірлесіп, белгіленген тәртіппен осы қаулының 5-тармағынан туындайтын өзге де шараларды қабылдасын.
7. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2012 жылғы 3 мамырдағы
№ 570 қаулысына
қосымша
"Өнімді бөлу туралы түпкілікті келісімдегі үлесті басқару
жөніндегі компания жауапкершілігі шектеулі серіктестігінің
жарғылық капиталына берілетін республикалық мүліктің
тізбесі
р/с № |
Атауы |
Өлшем бірлігі |
Саны |
1 |
Color II (Apple 12/600) түрлі түсті лазерлік принтер |
дана |
1 |
2 |
HP LJ 5100N лазерлік желілік принтер |
дана |
4 |
3 |
HP LJ 1005М МФУ |
дана |
2 |
4 |
HP Scan Jet 5P сканері |
дана |
1 |
5 |
PANASONIC KX-FT 934 CA факсі |
дана |
2 |
