Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Мемлекеттік органдарды құқықтық қамтамасыз етудің тиімділігін арттыру жөніндегі іс-шаралар жоспары (бұдан әрі - Іс-шаралар жоспары) бекітілсін.
2. Қазақстан Республикасының орталық атқарушы органдары Іс-шаралар жоспарын іске асыру жөнінде шаралар қабылдасын.
3. Қазақстан Республикасы Әділет министрлігі Іс-шаралар жоспарының орындалу барысы туралы тиісті ақпаратты Қазақстан Республикасының Үкіметіне 2013 жылғы 15 наурызға дейін берсін.
4. Қазақстан Республикасы Премьер-Министрінің Кеңсесі Іс-шаралар жоспарының орындалуы бойынша жинақталған есепті Қазақстан Республикасының Президенті Әкімшілігіне 2013 жылғы 15 сәуірге дейін енгізсін.
5. Осы қаулының орындалуын бақылау Қазақстан Республикасы Премьер-Министрінің Кеңсесіне жүктелсін.
6. Осы қаулы қол қойылған күннен бастап қолданысқа енгізіледі.
Қазақстан Республикасының
Премьер-Министрі С. Ахметов
Қазақстан Республикасы
Үкіметінің
2013 жылғы 4 ақпандағы
№ 85 қаулысымен
бекітілген
Мемлекеттік органдарды құқықтық қамтамасыз етудің тиімділігін арттыру жөніндегі іс-шаралар жоспары
р/с № |
Іс-шаралардың атауы |
Аяқталу нысаны |
Орындау мерзімдері |
Орындаушы |
1 |
2 |
3 |
4 |
5 |
1 |
Мемлекеттік бюджеттен қаражатты өндіру туралы сот шешімі шығарылған кезде мемлекеттік органдардың бірінші басшыларының жауапкершілігін белгілеу бойынша ұсыныстар енгізу |
ПМК-ге ұсыныстар |
2013 жылғы ақпан |
Әділетмині, БП (келісім бойынша), ОМО |
2 |
Мемлекеттік органдардың заң қызметтері қызметкерлерінің Қазақстан Республикасының Әділет министрлігінде тағылымдамадан өту тәртібін бекіту |
Әділетминінің бұйрығы |
2013 жылғы ақпан |
Әділетмині, МҚІА (келісім бойынша), ОМО |
3 |
Әзірлеуші органдардың заң қызметтері қызметкерлерінің Қазақстан Республикасының Әділет министрлігімен нормативтік құқықтық актілер жобаларын тиісті келісу сатыларында және олардың Қазақстан Республикасы Премьер-Министрінің Кеңсесінде, Қазақстан Республикасы Президентінің Әкімшілігінде, Қазақстан Республикасы Парламентінде өту кезінде міндетті қатысуы туралы мәселені пысықтау |
ПМК-ге ақпарат |
2013 жылғы ақпан |
ОМО |
4 |
Мемлекеттік органдардың заң қызметтері қызметінің сапасын арттыру бойынша ұсыныстар енгізу |
ПМК-ге ұсыныстар |
2013 жылғы ақпан |
Әділетмині, ОМО |
5 |
Мемлекеттік органдардың заң қызметтерінің қызметкерлерінің лауазымдарына қойылатын біліктілік талаптарын арттыру мәселесін пысықтау |
ПМК-ге ақпарат |
2013 жылғы ақпан |
МҚІА (келісім бойынша), Әділетмині, ОМО |
6 |
Заң жобалау қызметін жетілдіру бойынша ұсыныстар енгізу |
Қазақстан Республикасының Үкіметі қаулысының жобасы |
2013 жылғы ақпан |
Әділетмині |
7 |
Уәкілетті органдардың нормативтік құқықтық актілердің құқықтық мониторингін жүргізу қағидаларын қолдануы бойынша бірыңғай әдістемелік ұсынымдарды бекіту |
Әділетминінің бұйрығы |
2013 жылғы ақпан |
Әділетмині |
8 |
Қазақстан Республикасы Әділет министрлігінің корпоративтік порталында «НҚА құқықтық мониторингі» ақпараттық жүйесін құру және оның қызметі бойынша ұсыныстар енгізу |
ПМК-ге ұсыныстар |
2013 жылғы ақпан |
Әділетмині, ОМО |
Ескертпе: аббревиатуралардың толық жазылуы:
МҚІА – Қазақстан Республикасы Мемлекеттік қызмет істері агенттігі
БП – Қазақстан Республикасы Бас прокуратурасы
ПМК – Қазақстан Республикасы Премьер-Министрінің Кеңсесі
Әділетмині - Қазақстан Республикасы Әділет министрлігі
ОМО – орталық мемлекеттік органдар
