«Ғылым туралы» 2011 жылғы 18 ақпандағы Қазақстан Республикасы Заңының 27-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Конкурстан тыс рәсімдерді республикалық бюджеттен 2013 – 2015 жылдарға бағдарламалық-нысаналы қаржыландыру осы қаулыға қосымшаға сәйкес ғылыми-техникалық бағдарламалар бойынша жүзеге асырылады деп белгіленсін.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі С. Ахметов
Қазақстан Республикасы
Үкіметінің
2013 жылғы 28 наурыздағы
№ 286 қаулысына
қосымша
Бағдарламалық-нысаналы қаржыландырылуы конкурстан тыс рәсімдер
арқылы республикалық бюджеттен жүзеге асырылатын
ғылыми-техникалық бағдарламалар
Қазақстан Республикасы Денсаулық сақтау министрлігі:
денсаулық сақтау саласындағы қолданбалы ғылыми зерттеулер:
1) регенеративтік медицинадағы инновациялық жасуша технологиялары;
2) жүкті әйелдердегі преэклампсияның алдын алу болжамы және профилактикасы бойынша ғылыми-негізделген бағдарламаны әзірлеу;
3) көп және байланысқан жарақаттары, олардың салдарлары мен ортопедиялық аурулары бар науқастарды диагностикалау, емдеу және сауықтырудың инновациялық технологияларын әзірлеу және енгізу.
