Қазақстан Республикасының Үкіметі ҚАУЛЫ ЕТЕДІ:
1. «Конкурстан тыс рәсімдер арқылы 2013 - 2015 жылдарға арналған бағдарламалық-нысаналы қаржыландыру туралы» Қазақстан Республикасы Үкіметінің 2013 жылғы 15 сәуірдегі № 353 қаулысына мынадай толықтырулар енгізілсін:
көрсетілген қаулыға қосымша мынадай мазмұндағы 10), 11), 12) және 13) тармақшалармен толықтырылсын:
«10) ЭКСПО - 2017 шеңберінде 2013 - 2017 жылдарға арналған Қазақстан Республикасының таза энергия көздерін әзірлеу;
11) Қазақстан Республикасының аумағында жалпы сейсмикалық аймаққа бөлудің 2013 - 2015 жылдарға арналған картасын әзірлеу;
12) эпидемиялық өзекті өңірлерде жабайы фаунаны қауіпті патогендердің болуына мониторингілеу және зерделеу және Қазақстан Республикасының биологиялық қауіпсіздігін қамтамасыз ету үшін 2013 - 2015 жылдарға арналған кешенді профилактикалық іс-шараларды әзірлеу;
13) 2013 - 2015 жылдарға арналған қазақ жазуын жаңа ұлттық әліпбиге көшірудің ғылыми негіздерін кешенді зерттеу.».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі C. Ахметов
