«Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидасын бекіту туралы» Қазақстан Республикасы Үкіметінің 2011 жылғы 1 маусымдағы № 616 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. «Химпром» акционерлік қоғамының № 822 және № 823 өндірістік корпустарын Павлодар қаласындағы ерекше режимдегі түзеу колониясы етіп реконструкциялау» аяқталмаған объектісі заңнамада белгіленген тәртіппен республикалық меншіктен Қазақстан Республикасы Ішкі істер министрлігі Қылмыстық-атқару жүйесі комитетінің «Павлодар облысы бойынша қылмыстық-атқару жүйесі департаменті» мемлекеттік мекемесінің теңгерімінен Павлодар облысының коммуналдық меншігіне берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Ішкі істер министрлігімен және Павлодар облысының әкімдігімен бірлесіп, заңнамада белгіленген тәртіппен мүлікті қабылдау-тапсыру жөніндегі қажетті ұйымдастыру іс-шараларын жүзеге асырсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі С. Ахметов
