"Республикалық бюджеттен берілген несиелерді, сондай-ақ мемлекет кепілдiк берген қарыздардың шеңберінде республикалық бюджеттен оқшауландырылған қаражатты қайтару және қайта құрылымдау жөніндегі ведомствоаралық комиссия құру туралы" Қазақстан Республикасы Үкіметінің 1999 жылғы 21 маусымдағы № 813 қаулысына өзгерістер енгізу туралы

Қазақстан Республикасы Үкіметінің 2014 жылғы 18 наурыздағы № 244 қаулысы

Қазақстан Республикасының Үкіметі ҚАУЛЫ ЕТЕДІ:
1. «Республикалық бюджеттен берілген несиелерді, сондай-ақ мемлекет кепілдiк берген қарыздардың шеңберінде республикалық бюджеттен оқшауландырылған қаражатты қайтару және қайта құрылымдау жөніндегі ведомствоаралық комиссия құру туралы» Қазақстан Республикасы Үкіметінің 1999 жылғы 21 маусымдағы № 813 қаулысына мынадай өзгерістер енгізілсін:
көрсетілген қаулымен бекітілген Республикалық бюджеттен берілген несиелерді, сондай-ақ мемлекет кепілдiк берген қарыздардың шеңберінде республикалық бюджеттен оқшауландырылған қаражатты қайтару және қайта құрылымдау жөніндегі ведомствоаралық комиссияның құрамына мыналар енгізілсін:

Сұлтанов Бақыт Тұрлыханұлы	-	Қазақстан Республикасы Премьер-Министрінің орынбасары – Қазақстан Республикасының Қаржы министрі, төраға
Дәленов Руслан Ерболатұлы	-	Қазақстан Республикасының Қаржы вице-министрі, төрағаның орынбасары
Исаева Гүлмира Сұлтанбайқызы	-	Қазақстан Республикасының Ауыл шаруашылығы вице-министрі
Тортаев Бауыржан Қадырұлы	-	Қазақстан Республикасы Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары (келісім бойынша)
Тәшенев Бақытбек Кәкімұлы	-	«Оңалту және активтерді басқару компаниясы» акционерлік қоғамының басқарма төрағасы (келісім бойынша)
Алдашов Марс Бақтиярұлы	-	«Қазақстан Даму Банкі» акционерлік қоғамының басқарма төрағасының орынбасары (келісім бойынша)

мына:

«Күшібаев Мұрат Шәменұлы

-

Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) Сыбайлас жемқорлық туралы істерді ашу және оның алдын алу департаменті 3-ші басқармасының бастығы (келісім бойынша)»

деген жол мынадай редакцияда жазылсын:

«Күшібаев Мұрат Шәменұлы

-

Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) Сыбайлас жемқорлық туралы істерді ашу және алдын алу департаменті 2-ші басқармасының аса маңызды істер жөніндегі аға инспекторы (келісім бойынша)»;

көрсетілген құрамынан: Болат Бидахметұлы Жәмішев, Ардақ Мырзабайұлы Теңгебаев, Марат Еркінұлы Толыбаев, Ильдар Ізтұрғанұлы Сағиев, Маржан Бопайқызы Күзембаева, Марат Дүйсенбекұлы Әйтенов шығарылсын.
2. Осы қаулы қол қойылған күнінен бастап қолданысқа енгізіледі.

Қазақстан Республикасының
Премьер-Министрі С. Ахметов