«Мемлекеттік мүлік туралы» 2011 жылғы 1 наурыздағы Қазақстан Республикасының Заңы 114-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Астана қаласы, Алматы ауданы, Республика даңғылы (Целинников даңғылы), 4-үй, ВП 2 мекенжайындағы республикалық мүлік – тұрғын емес үй-жай «Бірыңғай жинақтаушы зейнетақы қоры» акционерлік қоғамының орналастырылатын акцияларын төлеуге заңнамада белгіленген тәртіппен берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының Ұлттық Банкімен (келісім бойынша) бірлесіп, заңнамада белгіленген тәртіппен осы қаулыдан туындайтын шаралардың қабылдануын қамтамасыз етсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
