Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасы Үкіметінің резервінен қаражат бөлу туралы» Қазақстан Республикасы Үкіметінің 2014 жылғы 5 тамыздағы № 885 қаулысына мынадай өзгеріс енгізілсін:
1-тармақ мынадай редакцияда жазылсын:
«1. Қазақстан Республикасы Ұлттық экономика министрлігіне қоса беріліп отырған инвестициялық жобалардың тізбесіне сәйкес «Ақ бұлақ» бағдарламасы шеңберінде бұдан бұрын іске асырылған, бірақ құрылысы аяқталмай тоқтап тұрған Атырау облысының әлеуметтік маңызы бар 14 объектісін аяқтауға Атырау облысы әкімдігіне нысаналы даму трансферттері түрінде аудару үшін 2014 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен 1106667369 (бір миллиард жүз алты миллион алты жүз алпыс жеті мың үш жүз алпыс тоғыз) теңге сомасында қаражат бөлінсін.».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
