«Сыйға тарту шарты бойынша мемлекеттің мүлік құқығына ие болу қағидасын бекіту туралы» Қазақстан Республикасы Үкіметінің 2011 жылғы 28 қыркүйектегі № 1103 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. «Қорғас» шекара маңы ынтымақтастығы халықаралық орталығы» акционерлік қоғамының ««Қорғас» шекара маңы ынтымақтастығы халықаралық орталығының, «Қорғас - Шығыс қақпасы» шекара маңы сауда- экономикалық аймағының, Баскунчи, Қорғас кенттерінің және Алматы облысының Панфилов ауданындағы шекара заставасының учаскелерінде Қорғас өзеніндегі арна қалыптастыратын және қорғаныш құрылыстары» техникалық-экономикалық негіздемені сыйға тарту шарты бойынша республикалық меншікке беру туралы ұсынысына келісім берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті осы қаулының 1-тармағынан туындайтын қажетті іс-шараларды заңнамада белгіленген тәртіппен жүзеге асырсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов
