"Қазақстан Республикасының кейбір заңнамалық актілеріне жеке тұлғалардың табыстары мен мүлкін декларациялау мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы туралы

Жаңа

Қазақстан Республикасы Үкіметінің 2015 жылғы 29 тамыздағы № 709 қаулысы

      Қазақстан Республикасының Үкіметі ҚАУЛЫ ЕТЕДІ:
      «Қазақстан Республикасының кейбір заңнамалық актілеріне жеке тұлғалардың табыстары мен мүлкін декларациялау мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

      Қазақстан Республикасының
      Премьер-Министрі                      К. Мәсімов

Жоба

ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне жеке
тұлғалардың табыстары мен мүлкін декларациялау мәселелері
бойынша өзгерістер мен толықтырулар енгізу туралы

      1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
      1. 1999 жылғы 1 шілдедегі Қазақстан Республикасының Азаматтық кодексіне (Ерекше бөлім) (Қазақстан Республикасы Парламентінің Жаршысы, 1999 ж.,№ 16-17, 642-құжат; № 23, 929-құжат; 2000 ж., № 3-4, 66-құжат; № 10, 244-құжат; № 22, 408-құжат; 2001 ж., № 23, 309-құжат; № 24, 338-құжат; 2002 ж., № 10, 102-құжат; 2003 ж., № 1-2, 7-құжат; № 4, 25-құжат; № 11, 56-құжат; № 14, 103-құжат; № 15, 138, 139-құжаттар; 2004 ж., № 3-4, 16-құжат; № 5, 25-құжат; № 6, 42-құжат; № 16, 91-құжат; № 23, 142-құжат; 2005 ж., № 21 - 22, 87-құжат; № 23, 104-құжат; 2006 ж., № 4, 24, 25-құжаттар; № 8, 45-құжат; № 11, 55-құжат; № 13, 85-құжат; 2007 ж., № 3, 21-құжат; № 4, 28-құжат; № 5-6, 37-құжат; № 8, 52-құжат; № 9, 67-құжат; № 12, 88-құжат; 2009 ж., № 2-3, 16-құжат; № 9-10, 48-құжат; № 17, 81-құжат; № 19, 88-құжат; № 24, 134-құжат; 2010 ж., № 3-4, 12-құжат; № 5, 23-құжат; № 7, 28-құжат; № 15, 71-құжат; № 17-18, 112-құжат; 2011 ж., № 3, 32-құжат; № 5, 43-құжат; № 6, 50, 53-құжаттар; № 16, 129-құжат; № 24, 196-құжат; 2012 ж., № 2, 13, 14, 15-құжаттар; № 8, 64-құжат; № 10, 77-құжат; № 12, 85-құжат; № 13, 91-құжат; № 14, 92-құжат; № 20, 121-құжат; № 21-22, 124-құжат; 2013 ж., № 4, 21-құжат; № 10-11, 56-құжат; № 15, 82-құжат; 2014 ж., № 1, 9-құжат; № 4-5, 24-құжат; № 11, 61, 69-құжаттар; № 14, 84-құжат; № 19-I, 19-II, 96-құжат; № 21, 122-құжат; № 23, 143-құжат; 2015 ж., № 7, 34-құжат; № 8, 42, 45-құжаттар; 2015 жылғы 21 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне меншік құқығын қорғауды күшейту, шарттық міндеттемелерді қорғауды кепілдендіру және оларды бұзғаны үшін жауапкершілікті қатаңдату мәселелері бойынша өзгерістер мен толықтырулар енгізу туралы» 2015 жылғы 17 шілдедегі Қазақстан Республикасының Заңы; 2015 жылғы 5 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      830-баптың 5-тармағы мынадай мазмұндағы 4-2) тармақшамен толықтырылсын:
      «4-2) Қазақстан Республикасының салық заңнамасына сәйкес салықтың және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын уәкілетті мемлекеттік органға – тексерілетін жеке тұлғалармен жасалған сақтандыру шарттарына қатысты;».
      2. «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының кодексіне (Салық кодексі) (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149-құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; № 12, 111-құжат; № 13, 116-құжат; № 14, 117-құжат; № 15, 120-құжат; № 16, 128-құжат; № 20, 151-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 11, 15-құжаттар; № 3, 21, 22, 25, 27-құжаттар; № 4, 32-құжат; № 5, 35-құжат; № 6, 43, 44-құжаттар; № 8, 64-құжат; № 10, 77-құжат; № 11, 80-құжат; № 13, 91-құжат; № 14, 92-құжат; № 15, 97-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 7, 10-құжаттар; № 3, 15-құжат; № 4, 21-құжат; № 8, 50-құжат; № 9, 51-құжат; № 10-11, 56-құжат; № 12, 57-құжат; № 14, 72-құжат; № 15, 76, 81, 82-құжаттар; № 16, 83-құжат; № 21-22, 114, 115-құжаттар; № 23-24, 116-құжат; 2014 ж., № 1, 9-құжат; № 4-5, 24-құжат; № 7, 37-құжат; № 8, 44, 49-құжаттар; № 10, 52-құжат; № 11, 63, 64, 65, 69-құжаттар; № 12, 82-құжат; № 14, 84-құжат; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; № 24, 145-құжат; 2015 ж., № 7, 34-құжат; № 8, 44, 45-құжаттар; 2015 жылғы 10 маусымда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне үшінші елдерге қатысты арнайы қорғау, демпингке қарсы және өтемақы шараларын қолдану мәселелері бойынша өзгерістер мен толықтырулар енгізу туралы» 2015 жылғы 8 маусымдағы Қазақстан Республикасының Заңы; 2015 жылғы 22 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне дербес білім беру ұйымдарының қызметін реттеу мәселелері бойынша өзгерістер мен толықтырулар енгізу туралы» 2015 жылғы 21 шілдедегі Қазақстан Республикасының Заңы; 2015 жылғы 5 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      1) мазмұнында:
      3-тарау мынадай мазмұндағы 24-1-баптың тақырыбымен толықтырылсын:
      «24-1-бап. Уәкілетті органның әскери басқару органдарымен өзара
іс-қимылы»;
      67-баптың тақырыбы мынадай редакцияда жазылсын:
      «67-бап. Салық агенттері табыс ететін жеке табыс салығы мен әлеуметтік салық бойынша салық есептілігін белгілеу ерекшеліктері»;
      8-тарау мынадай мазмұндағы 67-1-баптың тақырыбымен толықтырылсын:
      «67-1-бап. Жеке тұлғаның активтері мен міндеттемелері, табыстары мен мүлкі туралы салық есептілігін белгілеу ерекшеліктері»;
      154-баптың тақырыбы мынадай редакцияда жазылсын:
      «154-бап. Жекелеген жағдайларда табысқа салық салудың ерекшеліктері»;
      18-тарауда 154-1-баптың тақырыбы алып тасталсын;
      18-тарау мынадай мазмұндағы 154-2-баптың тақырыбымен толықтырылсын:
      «154-2-бап. Жылдық жиынтық табыстың салық салынбайтын мөлшері»;
      156-баптың тақырыбы мынадай редакцияда жазылсын:
      «156-бап. Салық салудан босатылатын табыстар»;
      мынадай мазмұндағы 156-1-баптың тақырыбымен толықтырылсын:
      «156-1-бап. Жеке табыс салығы бойынша түзетулерді ауыстыру»;
      мынадай мазмұндағы 1-параграфтың және 156-2, 156-3, 156-4, 156-5, 156-6, 156-7, 156-8, 156-9, 156-10, 156-11-баптардың тақырыптарымен толықтырылсын:
      «§ 1. Салық шегерімдері
      156-2-бап. Жалпы ережелер
      156-3-бап. Стандартты шегерім
      156-4-бап. Стандартты шегерімді ауыстыру
      156-5-бап. Көп балалы отбасы үшін салық шегерімі
      156-6-бап. Ерікті зейнетақы жарналары бойынша салық шегерімі
      156-7-бап. Оқытуға арналған салық шегерімі
      156-8-бап. Медицинаға арналған салық шегерімі
      156-9-бап. Сыйақылар бойынша салық шегерімі
      156-10-бап. Сақтандыру сыйлықақылары бойынша салық шегерімі
      156-11-бап. Өзге шегерімдерді ауыстыру»;
      157, 159-баптардың тақырыптары алып тасталсын;
      мынадай мазмұндағы 159-1-баптың тақырыбымен толықтырылсын:
      «159-1-бап. Жеке табыс салығы бойынша асып кету»;
      19-тараудың тақырыбы мынадай редакцияда жазылсын:
      «19-тарау. Төлем көзiнен салық салуға жататын табыстар»;
      160-баптың тақырыбы мынадай редакцияда жазылсын:
      «160-бап. Жалпы ережелер»;
      мынадай мазмұндағы 160-1-баптың тақырыбымен толықтырылсын:
      «160-1-бап. Салық және есепті кезеңдер»;
      мынадай мазмұндағы 162-1-баптың тақырыбымен толықтырылсын:
      «162-1-бап. Салық агентінің жеке тұлғамен есеп айырысу туралы анықтаманы беру тәртібі»;
      мынадай мазмұндағы 165-1-баптың тақырыбымен толықтырылсын:
      «165-1-бап. Жұмыс берушінің салық шегерімдерін қолдану тәртібі»;
      166-баптың тақырыбы алып тасталсын;
      170-баптың тақырыбы мынадай редакцияда жазылсын:
      «170-бап. Зейнетақы төлемдері түріндегі табыс»;
      172-баптың тақырыбы мынадай редакцияда жазылсын:
      «172-бап. Дивидендтер, сыйақылар, ұтыстар түріндегі табыс»;
      173-баптың тақырыбы мынадай редакцияда жазылсын:
      «173-бап. Стипендиялар түріндегі табыс»;
      20-тараудың тақырыбы мынадай редакцияда жазылсын:
      «20-тарау. Жеке тұлғаның өз бетінше салық салуына жататын табыстар»;
      177-баптың тақырыбы мынадай редакцияда жазылсын:
      «177-бап. Жеке тұлғаның өз бетінше салық салуына жататын табыстар»;
      мынадай мазмұндағы 177-1-баптың тақырыбымен толықтырылсын:
      «177-1-бап. Салық кезеңі»;
      178-баптың тақырыбы мынадай редакцияда жазылсын:
      «178-бап. Жеке тұлғаның өз бетінше салық салуына жататын табыстар бойынша жеке табыс салығын есептеу»;
      мынадай мазмұндағы 180-4-баптың тақырыбымен толықтырылсын:
      «180-4-бап. Талап ету құқығын, оның ішінде тұрғын үй құрылысындағы үлестік қатысу туралы шарт бойынша тұрғын үй ғимаратындағы үлесін беруден түскен табыс»;
      2-параграфтың және 181, 182-баптардың тақырыптары мынадай редакцияда жазылсын:
      «§ 2. Жеке практикамен айналысудан түсетін табыс
      181-бап. Жалпы ережелер
      182-бап. Жекеше нотариустың табысы»;
      мынадай мазмұндағы 182-1, 182-3, 182-3-баптардың тақырыптарымен толықтырылсын:
      «182-1-бап. Жеке сот орындаушысының табысы
      182-2-бап. Адвокаттың табысы
      182-3-бап. Кәсіби медиатордың табысы»;
      мынадай мазмұндағы 184-1-баптың тақырыбымен толықтырылсын:
      «184-1-бап. Жеке тұлғаның, сондай-ақ шағын бизнес субъектілері үшін арнайы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған мүлікті өткізуден түсетін табысын айқындау тәртібі»;
      21-тараудың және 185, 186, 187-баптардың тақырыптары алып тасталсын;
      мынадай мазмұндағы 21-1-тараудың, 1-параграфтың, 187-1, 187-2,
187-3-баптардың, 2-параграфтың, 187-4, 187-5-баптардың, 3-параграфтың, 187-6, 187-7-баптардың тақырыптарымен толықтырылсын:
      «21-1-тарау. Жеке тұлғалардың декларациялары
      «§ 1. Активтер мен міндеттемелер туралы декларация
      187-1-бап. Активтер мен міндеттемелер туралы декларация
      187-2-бап. Активтер мен міндеттемелер туралы декларацияны жасау ерекшеліктері
      187-3-бап. Активтер мен міндеттемелер туралы декларацияны табыс ету мерзімдері
      2. Табыстар мен мүлік туралы декларация
      187-4-бап. Табыстар мен мүлік туралы декларация
      187-5-бап. Табыстар мен мүлік туралы декларацияны табыс ету мерзімдері
      § 3. Жеке табыс салығы бойынша декларация
      187-6-бап. Жеке табыс салығы бойынша декларация
      187-7-бап. Жеке табыс салығы бойынша декларацияны табыс ету мерзімдері»;
      200-1-баптың тақырыбы мынадай редакцияда жазылсын:
      «200-1-бап. Резидент емес жеке тұлғаның салық салудан босатылатын табыстары»;
      205-баптың тақырыбы мынадай редакцияда жазылсын:
      «205-бап. Табыстар мен мүлік туралы декларацияны табыс ету»;
      Мынадай мазмұндағы 205-1-баптың тақырыбымен толықтырылсын:
      «205-1-бап. Жеке табыс салығы бойынша декларация табыс ету»;
      221-1-баптың тақырыбы алып тасталсын;
      363-баптың тақырыбы мынадай редакцияда жазылсын:
      «363-бап. Салық және есепті кезеңдер»;
      416, 417-баптардың тақырыптары алып тасталсын;
      17-бөлімнің, 60-тараудың және 419, 420, 421, 422, 423, 424, 425-баптардың тақырыптары алып тасталсын;
      583-баптың тақырыбы мынадай редакцияда жазылсын:
      «583-бап. Уәкілеттi мемлекеттік органдардың, Қазақстан Республикасы Ұлттық Банкінің, жергілікті атқарушы органдардың және уәкілетті тұлғалардың салық органдарымен өзара іс-қимыл кезіндегі мiндеттерi»;
      83-тарау мынадай мазмұндағы 2-параграфтың және 606-1, 606-2, 606-3, 606-4, 606-5-баптардың тақырыптарымен толықтырылсын:
      «§ 2. Жеке табыс салығы бойынша асып кетуді есепке жатқызу және (немесе) қайтару
      606-1-бап. Жалпы ережелер
      606-2-бап. Жеке табыс салығы бойынша салыстырып тексеру
      606-3-бап. Салық агенттерінің мәліметтері негізінде жеке табыс салығы бойынша салыстырып тексеру жүргізудің тәртібі
      606-4-бап. Білім беруге, медицинаға, ипотекалық тұрғын үй қарыздары бойынша сыйақыны өтеуге арналған шығыстар бойынша салық шегерімдерінің сомасын растау үшін жеке табыс салығы бойынша салыстырып тексеру жүргізудің тәртібі
      606-5-бап. Жеке тұлғаның жеке табыс салығы бойынша асып кетуін есепке жатқызу және (немесе) қайтару тәртібі»;
      643-баптың тақырыбы мынадай редакцияда жазылсын:
      «643-бап. Жекелеген жағдайларда салық салуға жататын табыстарды айқындау»;
      мынадай мазмұндағы 643-1-баптың тақырыбымен толықтырылсын:
      «643-1-бап. Жеке тұлғаның жанама әдіспен салық салуға жататын табысын айқындау»;
      2) 12-баптың 1-тармағында:
      17) тармақша мынадай редакцияда жазылсын:
      «17) жеке тұлғаның жеке мүлкі - жеке тұлғаның меншік құқығындағы немесе оның ортақ меншіктегі үлесі болып табылатын, келесі шарттар бірдей орындалған кезде:
      қолданыста болған болып табылатын;
      жеке тұлға кәсіпкерлік мақсаттарда пайдаланбайтын;
      мүліктік және басқа да табыстардан жеке табыс салығын салудың объектісі болып табылмайтын материалдық нысандағы заттары;»;
      мынадай мазмұндағы 41-2) тармақшамен толықтырылсын:
      «41-2) уәкілетті адам – осы Кодекстің 81-тарауына сәйкес, өзінің Қазақстан Республикасының заңнамалық актілерінде белгіленген құзыреті шегінде жеке тұлғалар жөнінде өзінде бар мәліметтерді уәкілетті органға табыс ету міндеті жүктелген адам;»;
      3) 13-баптың 1-тармағы мынадай мазмұндағы 8-2) тармақшамен толықтырылсын:
      «8-2) осы Кодексте белгіленген тәртіппен және мерзімдерде салықтардың, бюджетке төленетін басқа да міндетті төлемдердің және өсімпұлдардың артық (қате) төленген сомаларын, есепке жатқызылған қосылған құн салығының есептелген салық сомасынан асып кеткенін, жеке тұлғаның жеке табыс салығынан асып кеткенін есепке жатқызуды және (немесе) қайтаруды, айыппұлды қайтаруды талап етуге;»;
      4) 14-баптың 1-тармағы мынадай мазмұндағы 2-1) тармақшамен толықтырылсын:
      «2-1) осы Кодекстің 83-тарауында көзделген жағдайларда салық органының талап етуі бойынша мынадай құжаттардың:
      медициналық қызмет көрсетуге, білім беру қызметін көрсетуге, ипотекалық тұрғын үй қарыздарын беруге арналған шарттардың;
      медициналық қызмет көрсетуге, білім беру қызметін көрсетуге ақы төлеуге, ипотекалық тұрғын үй қарыздары бойынша сыйақыны жабуға арналған нақты шығыстарды растайтын құжаттардың;
      медициналық қызмет көрсетуді, білім беру қызметін көрсетуді пайдаланғанын, ипотекалық тұрғын үй қарыздарын жапқанын растайтын өзге құжаттардың түпнұсқаларын немесе нотариалды куәландырылған көшірмелерін табыс етуге.
      Егер осы тармақта көрсетілген құжаттар шет тілінде жасалған болса, мұндай құжаттардың Қазақстан Республикасының заңнамасында белгіленген тәртіппен нотариус куәландырған қазақ немесе орыс тіліндегі аудармасының болуы міндетті.
      Осы тармақшаның бірінші бөлігінде көзделген қызметтерге ақы төлеу жөнінде қолма-қол жасалмайтын төлемдерді жүргізген кезде, пайдасына осындай шығыстарға ақы төлеу жүргізілген тұлғаның атауы мен сәйкестендіру нөмірі болуы шартымен мына құжаттардың бірі:
      банк шотын пайдалана отырып не банк шотын пайдаланбай төлемдер және ақша аударымдары жүзеге асырылған кезде жасалатын төлем құжаты (бұдан әрі – төлем құжаты);
      төлем карточкасын пайдалана отырып не электрондық терминалдар арқылы төлемдер және ақша аударымдары жүзеге асырылған кезде жасалатын чек (бұдан әрі - чек);
      банк шоты бойынша ақша қозғалысы туралы үзінді көшірме (бұдан әрі – үзінді көшірме) осындай қызметтерді төлеуге нақты шығыстарды растайтын құжат болып табылады.
      Аталған қызметтерді Қазақстан Республикасының шегінен тыс жерлерде алған және оларға ақы төлеген жағдайда чектерінде және үзінді көшірмелерде пайдасына осындай шығыстарды төлеу жүргізілген тұлғаның сәйкестендіру нөмірін көрсету талап етілмейді;»;
      5) 15-баптың 2-тармағында:
      3) тармақша мынадай редакцияда жазылсын:
      «3) әрбір жеке тұлға бойынша төлем көзінен салық салуға жататын табыстардың, сондай-ақ жеке табыс салығын, міндетті зейнетақы жарналарын, жұмыс берушінің міндетті зейнетақы жарналарын, міндетті кәсіби зейнетақы жарналарын есептеу және ұстап қалу бөлігінде осындай табыстар және әлеуметтік салықты, әлеуметтік аударымдарды есептеу бөлігінде қызметкерлерге табыс түрінде төленетін жұмыс берушінің шығыстары бойынша міндеттемелердің есебін жүргізуге;»;
      мынадай мазмұндағы 3-1) тармақшамен толықтырылсын:
      «3-1) осы Кодекстің 162-1-бабында белгіленген нысан бойынша және тәртіппен жеке тұлғамен есеп айырысу туралы анықтаманы тегін беруге;»;
      6) 17-бапта:
      5-тармақ мынадай редакцияда жазылсын:
      «5. Салық төлеушінің (салық агентінің) уәкілетті өкілінің Қазақстан Республикасының салық заңнамасында реттелетін қатынастарға осы салық төлеушінің (салық агентінің) қатысуына байланысты жасалған іс-әрекеттері (әрекетсіздігі) салық төлеушінің (салық агентінің) аталған өкілге осы баптың
3-тармағында көрсетілген құжаттар негізінде берген өкілеттіктері шеңберіндегі іс-әрекеттері (әрекетсіздігі) деп танылады.»;
      мынадай мазмұндағы 6-тармақпен толықтырылсын:
      «6. Жеке тұлғаның заңды өкілінің Қазақстан Республикасының салық заңнамасында реттелетін қатынастарға осы жеке тұлғаның қатысуына байланысты жасалған іс-әрекеттері (әрекетсіздігі) жеке тұлғаның заңды өкілінің іс-әрекеттері (әрекетсіздігі) деп танылады.»;
      7) 19-баптың 1-тармағы мынадай мазмұндағы 3-1) және
6-1) тармақшалармен толықтырылсын:
      «3-1) жеке табыс салығы бойынша асып кеткенін есепке жатқызуды және (немесе) қайтаруды жүргізу мақсатында жеке тұлғадан осы Кодекстің 14-бабы 1-тармағының 2-1) тармақшасында көзделген құжаттарды тапсыруды талап етуге;»;
      «6-1) осы Кодекске сәйкес жеке тұлғаның активтері мен міндеттемелері туралы декларация табыс ету міндеті жүктелген жеке тұлғаны салықтық тексеру барысында осы декларацияда көрсетілген мемлекеттік немесе өзге тіркеуге жататын мүлік, сондай-ақ құқықтары және (немесе) мәмілелері мемлекеттік немесе өзге тіркеуге жататын мүлік туралы мәліметтердің дәйектілігі бөлігінде тексеруді жүзеге асыруға;»;
      8) 20-баптың 1-тармағы мынадай мазмұндағы 9-1) және 26-1) тармақшалармен толықтырылсын:
      «9-1) жеке тұлғаның жеке табыс салығы бойынша асып кеткенін есепке жатқызуды және (немесе) қайтаруды жүргізуге;»;
      «26-1) мыналарды:
      активтері мен міндеттемелері туралы декларация;
      табыстары мен мүлкі туралы декларация табыс еткен жеке тұлғалардың жеке сәйкестендіру нөмірі туралы ақпаратты уәкілетті органның сайтында орналастыруға міндетті.»;
      9) 24-бап мынадай мазмұндағы 2-1-тармақпен толықтырылсын:
      «2-1. Уәкілетті мемлекеттік органдар тізбе бойынша жеке тұлғалар жөніндегі мәліметтерді осы Кодекстің 81-тарауында белгіленген тәртіппен және мерзімдерде уәкілетті органға табыс етуге міндетті.»;
      10) мынадай мазмұндағы 24-1-баппен толықтырылсын:
      «24-1-бап. Уәкілетті органның әскери басқару органдарымен өзара
іс-қимылы
      1. Жергілікті әскери басқару органдары мерзімді әскери қызметке шақырылған және мерзімді әскери қызметтен босатылған жеке тұлғалар туралы мәліметтерді уәкілетті органға мынадай мерзімдерде:
      1) жеке тұлғалар сәуірде-маусымда:
      мерзімді әскери қызметке шақырылған;
      мерзімді әскери қызметтен босатылған жылдың 31 шілдесінен кешіктірмей;
      2) жеке тұлғалар қазанда-желтоқсанда:
      мерзімді әскери қызметке шақырылған;
      мерзімді әскери қызметтен босатылған жылдан кейінгі жылдың 31 қаңтарынан кешіктірмей табыс етеді.
      2. Қорғаныс саласында мемлекеттік саясатты жүзеге асыратын орталық атқарушы орган Қазақстан Республикасының заңнамасында белгіленген тәртіппен жергілікті әскери басқару органдарының тізбесін уәкілетті органға мынадай мерзімдерде:
      1) осы баптың 1-тармағының 2) тармақшасында көрсетілген жылдың 1 қаңтарынан кешіктірмей;
      2) осы баптың 1-тармағының 1) тармақшасында көрсетілген жылдың 1 шілдесінен кешіктірмей табыс етеді.»;
      11) 31-бап мынадай мазмұндағы 6-1-тармақпен толықтырылсын:
      «6-1. Он сегіз жасқа (кәмелетке) толмаған адамның және (немесе) әрекетке қабілетсіз адамның салық міндеттемесін Қазақстан Республикасының заңнамалық актілеріне сәйкес заңды өкіл орындайды.»;
      12) 55-баптың 1-тармағы 1) тармақшасының он үшінші абзацы алып тасталсын;
      13) 56-бапта:
      2-тармақ мынадай редакцияда жазылсын:
      «2. Егер осы баптың 2-1 және 2-2-тармақтарында өзгеше белгіленбесе, салықтық есепке алу бухгалтерлік есепке алу деректеріне негізделеді. Бухгалтерлік құжаттаманы жүргізу тәртібі Қазақстан Республикасының бухгалтерлік есеп және қаржылық есептілік туралы заңнамасында белгіленеді.»;
      мынадай мазмұндағы 2-2-тармақпен толықтырылсын:
      «2-2. Жекеше нотариустар, жеке сот орындаушылары, адвокаттар, кәсіби медиаторлар салықтық есепке алуды уәкілетті орган бекіткен қағидаларға сәйкес ұйымдастырады және жүргізеді.»;
      4-тармақ мынадай мазмұндағы үшінші бөлікпен толықтырылсын:
      «Жекеше нотариустар, жеке сот орындаушылары, адвокаттар, кәсіби медиаторлар жеке практикамен айналысудан түсетін табыстар мен жүргізілген шығыстарды есепке алу саясаты туралы ережелерді қоса отырып, өзі дербес әзірлеген салықтық есепке алу саясатын бекітеді.»;
      6-тармақтың 1-1) тармақшасы мынадай редакцияда жазылсын:
      «1-1) осы баптың 2-1-тармағында көрсетілген дара кәсіпкерлер, сондай-ақ осы баптың 2-2-тармағында көрсетілген тұлғалар үшін - бастапқы есепке алу құжаттарын;»;
      14) 63-бапта:
      1-тармақ мынадай редакцияда жазылсын:
      «1. Салық есептілігі - осы Кодексте белгіленген тәртіпке сәйкес табыс етілетін, салық төлеуші туралы, салық салу объектілері және (немесе) салық салуға байланысты объектілер туралы, активтер мен міндеттемелер туралы, сондай-ақ салық міндеттемелерін, міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, әлеуметтік аударымдарды есептеу туралы мәліметтерді қамтитын салық төлеушінің (салық агентінің) құжаты.»;
      3-тармақтың бірінші абзацы мынадай редакцияда жазылсын:
      «3. Салық есептілігі (активтер мен міндеттемелер туралы декларацияны, импортталған тауарлар жөніндегі жанама салықтар бойынша декларацияны, тауарларды әкелу және жанама салықтардың төленгені туралы өтінішті қоспағанда) мынадай түрлерге бөлінеді:»;
      15) 67-бап мынадай редакцияда жазылсын:
      «67-бап. Салық агенттері табыс ететін жеке табыс салығы мен әлеуметтік салық бойынша салық есептілігін белгілеу ерекшеліктері
      1. Уәкілетті орган осы декларацияға қосымшалармен бірге жеке табыс салығы мен әлеуметтік салық бойынша декларацияның мынадай нысандарын бекітеді:
      1) салық агенттері, Қазақстан Республикасының зейнетақымен қамсыздандыру туралы заңнамасына сәйкес міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын төлеу жөніндегі агенттер болып табылатын салық төлеушілер мен Қазақстан Республикасының міндетті әлеуметтік сақтандыру туралы заңнамасына сәйкес әлеуметтік аударымдарды төлеушілер үшін Қазақстан Республикасының азаматтары бойынша жеке табыс салығы мен әлеуметтік салық жөніндегі декларация;
      2) салық агенттері, Қазақстан Республикасының зейнетақымен қамсыздандыру туралы заңнамасына сәйкес міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын төлеу жөніндегі агенттер болып табылатын салық төлеушілер мен Қазақстан Республикасының міндетті әлеуметтік сақтандыру туралы заңнамасына сәйкес әлеуметтік аударымдарды төлеушілер үшін шетелдіктер мен азаматтығы жоқ адамдар бойынша жеке табыс салығы мен әлеуметтік салық жөніндегі декларация.
      2. Қазақстан Республикасының азаматтары бойынша жеке табыс салығы мен әлеуметтік салық жөніндегі декларация:
      1) мыналар:
      жеке табыс салығы;
      міндетті зейнетақы жарналары, оның ішінде өзінің пайдасына, жұмыс берушінің міндетті зейнетақы жарналары, міндетті кәсіптік зейнетақы жарналары;
      әлеуметтік салық;
      әлеуметтік аударымдар, оның ішінде өзінің пайдасына есептелетін жеке тұлғалардың табыстары;
      2) есептелген салық міндеттемелерінің, міндетті зейнетақы жарналарының, әлеуметтік аударымдардың сомалары туралы ақпаратты көрсетуге арналған.
      Жеке табыс салығы мен әлеуметтік салық жөніндегі декларацияға қосымшалар салық органдары салықтық бақылау мақсаты үшін пайдаланатын салық міндеттемесін есептеу туралы ақпаратты егжей-тегжейлі көрсетуге арналған.
      3. Жеке табыс салығы мен әлеуметтік салық жөніндегі декларацияға қосымшалардың нысандары:
      1) табыс алушы болып табылатын Қазақстан Республикасының азаматы – әрбір жеке тұлға бойынша мынадай мәліметтерді:
      жеке тұлға туралы жеке сәйкестендіру деректерін;
      төлем көзінен салық салуға жататын есептелген табыс сомасын;
      салық салудан босатылатын табыс сомасын;
      қолданылған салық шегерімдерінің сомасын;
      салық салынатын табыс сомасын;
      есептелген жеке табыс салығының сомасын;
      төленген табыс сомасын;
      төленген табыс сомасының есептелген табыс сомасына үлес салмағын;
      ұстап қалуға жататын жеке табыс салығының сомасын;
      аударылған жеке табыс салығының сомасын көрсете отырып, жеке табыс салығы сомасының есептелуі, ұсталып қалуы және аударылуы туралы;
      2) заңды тұлғаның құрылымдық бөлімшелері бойынша жеке табыс салығының, әлеуметтік салықтың, міндетті зейнетақы жарналарының, жұмыс берушінің міндетті зейнетақы жарналарының, міндетті кәсіптік зейнетақы жарналарының, әлеуметтік аударымдардың сомаларын есептеу туралы;
      3) жер қойнауын пайдалануға арналған әрбір келісімшарт шеңберінде жүзеге асырылатын қызмет бойынша салық төлеушілердің әлеуметтік салықты есептеуі туралы ақпаратты қамтуы мүмкін.
      4. Шетелдiктер мен азаматтығы жоқ адамдар бойынша жеке табыс салығы мен әлеуметтік салық жөніндегі декларация:
      1) жеке табыс салығы, міндетті зейнетақы жарналары,жұмыс берушінің міндетті зейнетақы жарналары, міндетті кәсіптік зейнетақы жарналары есептелетін және ұсталып қалатын, сондай-ақ әлеуметтік салық, әлеуметтік аударымдар есептелетін шетелдіктер мен азаматтығы жоқ адамдардың табыстары;
      2) салық агенті шегерімге жатқызған, жеке табыс салығы есептелетін шетелдіктердің және азаматтығы жоқ адамдардың есепке жазылған, бірақ төленбеген табыстарының сомалары;
      3) осы Кодекске немесе халықаралық шарттарға сәйкес есептелген және бюджетке төленуге жататын салықтардың және басқа да міндетті төлемдердің, сондай-ақ міндетті зейнетақы жарналарының, жұмыс берушінің міндетті зейнетақы жарналарының, міндетті кәсіптік зейнетақы жарналарының, әлеуметтік аударымдардың сомалары туралы ақпаратты көрсетуге арналған.
      Жеке табыс салығы мен әлеуметтік салық жөніндегі декларацияға қосымшалар салық органдары салықтық бақылау мақсаты үшін пайдаланатын салық міндеттемесін есептеу туралы ақпаратты егжей-тегжейлі көрсетуге арналған.
      5. Жеке табыс салығы мен әлеуметтік салық жөніндегі декларацияға қосымшалардың нысандары:
      1) табыс алушы болып табылатын әрбір шетелдік және азаматтығы жоқ адам – жеке тұлға бойынша мынадай мәліметтерді:
      жеке тұлға туралы сәйкестендіру деректерін;
      төлем көзінен, оның ішінде халықаралық шарттарға сәйкес салық салуға жататын есептелген табыс сомасын;
      салық салудан, оның ішінде халықаралық шарттарға сәйкес босатылатын табыс сомасын;
      қолданылған салық шегерімдерінің сомасын;
      төлем көзінен салық салынатын табыс сомасын;
      салық мөлшерлемелерін;
      есептелген жеке табыс салығының сомасын;
      төленген табыс сомасын;
      төленген табыс сомасының есептелген табыс сомасына үлес салмағын;
      ұстап қалуға жататын жеке табыс салығының сомасын;
      аударылған жеке табыс салығының сомасын;
      халықаралық шарттардың қолданылуын;
      Қазақстан Республикасында қызметті жүзеге асыру кезеңін көрсете отырып, резиденттер және резидент еместер болып табылатын шетелдіктер мен азаматтығы жоқ адамдардың табыстарынан жеке табыс салығының есептелуі, ұсталып қалуы және аударылуы туралы және жеке табыс салығының және әлеуметтік салықтың, оның ішінде құрылымдық бөлiмшелер бойынша есептелуі туралы;
      2) құрылымдық бөлімшелер бойынша жеке табыс салығы, әлеуметтік салық, міндетті зейнетақы жарналары, әлеуметтік аударымдар сомаларының есептелуі туралы ақпаратты қамтуы мүмкiн.»;
      16) мынадай мазмұндағы 67-1-баппен толықтырылсын:
      «67-1-бап. Жеке тұлғаның активтері мен міндеттемелері туралы, табыстары мен мүлкі туралы салық есептілігін белгілеу ерекшеліктері
      1. Уәкілетті орган жеке тұлғалардың декларацияларының мынадай нысандарын осы декларацияларға қосымшалармен бірге бекітеді:
      1) жеке тұлғаның активтері мен міндеттемелері туралы декларация (бұдан әрі - активтер мен міндеттемелер туралы декларация);
      2) жеке тұлғаның табыстары мен мүлкі туралы декларация (бұдан әрі - табыстар мен мүлік туралы декларация):
      қосымшалармен;
      жеделдетілген қосымшасыз нысан бойынша (бұдан әрі - табыстар мен мүлік туралы қысқаша декларация);
      3) жеке табыс салығы бойынша декларация.
      2. Активтер мен міндеттемелер туралы декларация осы Кодекстің 187-1-бабында көрсетілген жеке тұлғалардың Қазақстан Республикасында және оның шегінен тыс жерлерде:
      1) мемлекеттік немесе өзге де тіркеуге жататын мүліктің, сондай-ақ ол бойынша құқықтар және (немесе) мәмілелер мемлекеттік немесе өзге де тіркеуге жататын мүліктің;
      2) тұрғын үй құрылысына қатысу үлесінің;
      3) банк шоттарындағы ақшаның;
      4) қолма-қол ақшаның;
      5) Қазақстан Республикасындағы банктер және банк қызметі туралы Қазақстан Республикасының заңнамасына сәйкес құрылған банктер мен банк операцияларының жекелеген түрлерін жүзеге асыратын ұйымдарға берешекті қоспағанда, басқа адамдардың жеке тұлғаның алдындағы берешектері (дебиторлық берешегі) және жеке тұлғаның басқа адамдардың алдындағы берешектері (кредиторлық берешегі);
      6) осы Кодекстің 187-2-бабының 2-тармағында көрсетілген өзге де мүліктің болуы туралы ақпаратты көрсетуіне арналған.
      3. Активтер мен міндеттемелер туралы декларацияға қосымшалар осы Кодекстің 187-2-бабында көрсетілген талаптарға сәйкес салықтық бақылау мақсаттары үшін салық органдары пайдаланатын осы баптың 2-тармағында көрсетілген мәліметтер туралы ақпаратты егжей-тегжейлі көрсетуге арналған.
      4. «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттік қызметпен айналысатын адамдар, мемлекеттік функцияларды орындауға уәкілеттік берілген адамдар немесе оларға теңестілірген адамдар, сондай-ақ олардың зайыптары активтер мен міндеттемелер туралы декларацияға қосымшаларда осы Кодекстің 67-1-бабының 2-тармағында көрсетілген мүлікті сенімгерлікпен басқаруға, трастарға беру туралы мәліметтерді де көрсетеді.
      5. Табыстар мен мүлік туралы декларация жеке тұлғалардың:
      1) төлем көзінен салық салуға жататын табыстар;
      2) жеке тұлғаның өзі дербес салық салуға жататын табыстар;
      3) салық салудан босатылатын, оның ішінде халықаралық шарттарға сәйкес салық салудан босатылатын табыстар;
      4) шетелдік көздерден алынатын табыстар, жеңілдікпен салық салынатын елдерде тіркелген немесе орналасқан компаниялар пайдасының немесе пайдасының бір бөлігінің сомалары, төленген шетелдік салық және есепке жатқызу сомалары;
      5) Қазақстан Республикасының шегінен тыс жерлердегі көздерден алынған табыстар, оның ішінде жеңілдікпен салық салынатын елде алынған табыстар, шетелдік салықты есепке жатқызу;
      6) салық шегерімдері;
      7) мемлекеттік немесе өзге де тіркеуге жататын мүліктің, сондай-ақ ол бойынша құқықтар және (немесе) мәмілелер мемлекеттік немесе өзге де тіркеуге жататын, оның ішінде Қазақстан Республикасының шегінен тыс жерлердегі мүліктің сатып алынғаны және (немесе) иеліктен шығарылғаны және (немесе) өтеусіз алынғаны;
      8) жеке табыс салығы бойынша, оның ішінде Қазақстан Республикасында тұрғын үй сатып алуға алынған ипотекалық тұрғын үй қарыздары бойынша сыйақыны өтеуге жеке тұлғаның шығыстары туралы мәліметтерді банк мекемелерінің беруіне жеке тұлғаның келісімін көрсете отырып, осы Кодекстің 156-9-бабында айқындалған салық шегерімін қолданған жағдайда асып кетуді есепке жатқызу және қайтару жөніндегі талап туралы ақпаратты көрсетуіне арналған.
      6. Табыстар мен мүлік туралы декларацияға қосымшалар салықтық бақылау мақсаты үшін салық органдары пайдаланатын салық міндеттемесін есептеу туралы ақпаратты егжей-тегжейлі көрсетуге арналған.
      7. Табыстар мен мүлік туралы декларацияға қосымшалардың нысандары:
      1) мемлекеттік немесе өзге де тіркеуге жататын мүліктің, сондай-ақ ол бойынша құқықтар және (немесе) мәмілелер мемлекеттік немесе өзге де тіркеуге жататын, оның ішінде Қазақстан Республикасының шегінен тыс жерлердегі мүліктің сатып алынғаны және (немесе) өтеусіз алынғаны;
      2) осы Кодекстің 180-1-бабының 1-тармағында көрсетілген мүліктің өткізілгені, оның ішінде Қазақстан Республикасының шегінен тыс жерлерде өткізілгені;
      3) заңды тұлғаның жарғылық капиталына салым ретінде осы Кодекстің 180-2-бабының 1-тармағында көрсетілген мүліктің берілгені, оның ішінде Қазақстан Республикасының шегінен тыс жерлерде берілгені;
      4) жұмыс берушілер болып табылмайтын заңды тұлғадан немесе дара кәсіпкерден алынған, жеке табыс салығын есептеу төлем көзінен жүргізілген табыстар;
      5) шағын бизнес субъектілері үшін арнайы салық режимін қолданатын дара кәсіпкердің өзге де активтерін өткізу;
      6) жалпыға бірдей белгіленген салық салу тәртібін қолданатын дара кәсіпкердің табыстары;
      7) жекеше нотариустың, жеке сот орындаушысының, адвокаттың, кәсіби медиатордың табыстары;
      8) талап ету құқығын, оның ішінде тұрғын үй құрылысындағы үлесті беруден түсетін табыстар;
      9) салық салудан босатылатын табыстар;
      10) салық шегерімдері;
      11) Қазақстан Республикасындағы банктер және банк қызметі туралы Қазақстан Республикасының заңнамасына сәйкес құрылған банктер мен банк операцияларының жекелеген түрлерін жүзеге асыратын ұйымдарға берешектерді қоспағанда, басқа адамдардың жеке тұлғаның алдындағы берешектері (дебиторлық берешегі) және жеке тұлғаның басқа адамдардың алдындағы берешектері (кредиторлық берешегі);
      12) халықаралық шарттарға сәйкес салық салудан босатылатын табыстар;
      13) шетелдік көздерден алынатын табыстар, жеңілдікпен салық салынатын елдерде тіркелген немесе орналасқан компаниялар пайдасының немесе пайдасының бір бөлігінің сомалары, төленген шетелдік салық және есепке жатқызу сомалары;
      14) Қазақстан Республикасының шегінен тыс жерлердегі көздерден алынған табыстар, оның ішінде жеңілдікпен салық салынатын елде алынған табыстар, шетелдік салықты есепке жатқызу туралы ақпаратты қамтуы мүмкін.
      8. «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттік қызметпен айналысатын адамдар, мемлекеттік функцияларды орындауға уәкілеттілік берілген адамдар немесе оларға теңестірілген адамдар, сондай-ақ олардың зайыптары салық кезеңі ішінде мынадай мүлікті:
      1) мемлекеттік немесе өзге де тіркеуге жататын жылжымайтын мүлікті, сондай-ақ ол бойынша құқықтар және (немесе) мәмілелер мемлекеттік немесе өзге де тіркеуге жататын мүлікті;
      2) мемлекеттік тіркеуге жататын механикалық көлік құралдары мен тіркемелерді;
      3) заңды тұлғаның жарғылық капиталына қатысу үлесін;
      4) бағалы қағаздарды;
      5) инвестициялық алтынды;
      6) туынды қаржы құралдарын (базалық активті сатып алу немесе өткізу арқылы орындалатын туынды қаржы құралдарын қоспағанда);
      7) тұрғын үй құрылысындағы қатысу үлесін, оның ішінде Қазақстан Республикасының шегінен тыс жерлерден аталған мүлікті сатып алған жағдайда табыстар мен мүлік туралы декларацияда салық заңнамасында айқындалған тәртіппен осы мүлікті сатып алуға жұмсалған шығыстарды жабу көздері туралы мәліметтерді көрсетеді.
      Осы мәліметтерді көрсету туралы талап табыстар мен мүлік туралы декларацияға қосымшада көрсетіледі.
      9. Табыстар мен мүлік туралы қысқаша декларация:
      1) кез келген табыстардың жоқ екенін немесе тек қана:
      төлем көзінен салық салуға жататын табыстар;
      өмірге және денсаулыққа келтірілген зиянды өтеу;
      алименттер түріндегі табыстарды алғанын;
      2) салық шегерімдеріне құқықтардың жоқ екенін немесе оларды, оның ішінде салық агенті қолданған салық шегерімдеріне қосымша қолдануға ниетінің жоқ екенін;
      3) мемлекеттік немесе өзге де тіркеуге жататын мүлікті, сондай-ақ ол бойынша құқықтар және (немесе) мәмілелер мемлекеттік немесе өзге де тіркеуге жататын мүлікті, оның ішінде Қазақстан Республикасының шегінен тыс жерлерде сатып алмағанын, иеліктен шығармағанын, өтеусіз алмағанын растау туралы ақпаратты көрсетуге арналған.
      10. Жеке табыс салығы бойынша декларация үй қызметкерлері болып табылатын еңбекші көшіп келушілердің еңбекші көшіп келушіге берілген рұқсаттың негізінде Қазақстан Республикасының еңбек заңнамасына сәйкес жасалған еңбек шарттары бойынша алынған (алынуға жататын) табыстарын көрсетуге арналған.»;
      17) 68-бапта:
      мынадай мазмұндағы 3-1-тармақпен толықтырылсын:
      «3-1. Уәкілетті орган арнайы мемлекеттік органдармен, Қазақстан Республикасы Қорғаныс министрлігінің әскери барлау органдарымен, құқық қорғау органдарымен бірлесіп салық есептілігін табыс етудің ерекше тәртібін және осындай есептілікті табыс ететін тұлғалардың тізбесін айқындайды.»;
      7-тармақ мынадай редакцияда жазылсын:
      «7. Осы Кодекстің 149-бабында, 162-бабының 1-тармағында, 185, 187-3, 187-5, 270, 296, 364 және 437-баптарында көзделген салық есептілігін қоспағанда, салық салу объектілері болмаған кезде салық есептілігі табыс етілмейді.
      Қосылған құн салығы бойынша салық есептілігін табыс ету жөніндегі міндеттеме қосылған құн салығын төлеушілер ретінде тіркелген тұлғаларға, сондай-ақ осы баптың 3-тармағының үшінші бөлігінде көзделген жағдайларда қосылған құн салығын төлеушілер болып табылмайтын тұлғаларға қолданылады.
      Акциз бойынша салық есептілігін табыс ету жөніндегі міндеттеме осы Кодекстің 574-бабы 1-тармағының 1), 2), 3) және 5) тармақшаларына сәйкес (темекі өнімдерін көтерме өткізуді қоспағанда) салық органдарында тіркеу есебінде тұрған салық төлеушілерге қолданылады.»;
      18) 70-баптың 5-тармағы мынадай мазмұндағы 6-1) тармақшамен толықтырылсын:
      «6-1) жеке тұлғаның декларацияны табыс етуі бойынша міндеттеме туындаған жыл басталғанға дейін Қазақстан Республикасында нотариаттық куәландырылған мәмілелер бойынша берешектерден, сондай-ақ сот шешімі бойынша танылған берешектерден басқа, жеке тұлғамен туындаған қатынастар бойынша қалыптасқан басқа адамдардың жеке тұлғаға берешектерін (дебиторлық берешекті) және жеке тұлғаның басқа адамдарға берешектерін (кредиторлық берешекті) жеке тұлғалардың декларацияларында көрсету бөлігінде тиісті салық есептілігіне өзгерістер мен толықтырулар енгізуіне жол берілмейді.»;
      19) 72-бап мынадай мазмұндағы 5-тармақпен толықтырылсын:
      «5. Жеке тұлғалардың декларацияларын табыс ету мерзімін ұзарту құқығы салық органына салық есептілігін табыс ету мерзімін ұзарту туралы хабарлама жіберместен мерзімді қызметтің әскери қызметшілеріне беріледі.
      Жеке тұлғалардың декларацияларын әскери қызметшілердің табыс ету мерзімі жергілікті әскери басқару органынан әскери қызметті өткеру орнына кету туралы бұйрық шығарылған күннен бастап мерзімді қызметті өткеру уақыты кезеңіне ұзартылады.
      Әскери қызметшіні әскери бөлімнің жеке құрамының тізімінен шығару туралы бұйрық негізінде мерзімді қызметтің әскери қызметшісі мәртебесінен айырған кезде жеке тұлға табыс ету мерзімі ұзартылған жеке тұлғаның декларациясын әскери бөлім тізімдерінен шығару туралы бұйрық шығарылған күннен бастап күнтізбелік 60 күннен кешіктірмей табыс етеді.»;
      20) 73-баптың 11-тармағының 2) тармақшасы мынадай редакцияда жазылсын:
      «2) ойын бизнесі салығын төлеушілер болып табылатын заңды тұлғаларға;»;
      21) 77-бапта:
      4-1-тармақтың 3) тармақшасы мынадай редакцияда жазылсын:
      «3) төлем көзінен салық салуға жататын жеке тұлғалардың табыстарын, сондай-ақ жеке табыс салығын, міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын есептеу және ұстап қалу бөлігінде осындай табыстар және әлеуметтік салықты, әлеуметтік аударымдарды есептеу бөлігінде қызметкерлерге табыс түрінде төленетін жұмыс берушінің шығыстары бойынша міндеттемелерді есепке алу бойынша;»;
      мынадай мазмұндағы 4-2 және 4-3-тармақтармен толықтырылсын:
      «4-2. Жекеше нотариус, жеке сот орындаушысы, адвокат, кәсіби медиатор үшін уәкілетті орган:
      1) жеке практикамен айналысудан түсетін табыстарды;
      2) осы Кодекстің 182, 182-1, 182-2, 182-3-баптарында көзделген шығыстарды есепке алу бойынша салық тіркелімдерінің нысандарын бекітеді.
      4-3. Шаруа немесе фермер қожалықтары үшін арнаулы салық режимiн қолданатын шаруа немесе фермер қожалығы үшін уәкілетті орган:
      1) осы Кодекстің 80-бабында белгіленген тәртіппен бірлескен қызмет бойынша табыстарды бөлуді көздейтін құжатқа сәйкес шаруа немесе фермер қожалығы басшысының (мүшесінің) үлестері бойынша бөле отырып, шаруа немесе фермер қожалығының жалпы табысы;
      2) осы Кодекстің 80-бабында белгіленген тәртіппен бірлескен қызмет бойынша табыстарды бөлуді көздейтін құжатқа сәйкес шаруа немесе фермер қожалығы басшысының (мүшесінің) үлестері бойынша бөле отырып, осы Кодекстің 156-бабы 1-тармағының 56) тармақшасында белгіленген шекті табысынан аспайтын сомадағы шаруа немесе фермер қожалығының табысы;
      3) осы Кодекстің 80-бабында белгіленген тәртіппен бірлескен қызмет бойынша табыстарды бөлуді көздейтін құжатқа сәйкес шаруа немесе фермер қожалығы басшысының (мүшесінің) қатысу үлестері бойынша бөле отырып, осы Кодекстің 156-бабы 1-тармағының 56) тармақшасында белгіленген шекті табыс сомасынан шаруа немесе фермер қожалығы табысының асып кетуі бойынша ақпаратты көрсете отырып, шаруа немесе фермер қожалығының табысын есепке алу жөніндегі салық тіркелімінің нысанын бекітеді.»;
      22) 81-баптың 3-тармағы алып тасталсын;
      23) 110-бапта:
      1-тармақтың бірінші абзацы мынадай редакцияда жазылсын:
      «1. Осы Кодекстің 163-бабының 1-тармағында көрсетілген, жұмыс берушінің:»;
      2-тармақ мынадай редакцияда жазылсын:
      «2. Осы Кодекстің 155-бабы 3-тармағының 3), 7), 9), 10), 11), 12), 17), 34), 41) тармақшаларында айқындалған жеке тұлғаларға төлемдер түріндегі салық төлеушінің шығыстары шегерімге жатады.»;
      24) 153-бапта:
      2-тармақ алып тасталсын;
      3-тармақ мынадай редакцияда жазылсын:
      «3. Осы Кодекстің 184-бабы 1-тармағының 8) тармақшасында көзделген шаруа немесе фермер қожалығы басшысының (мүшесінің) табысын қоспағанда, шаруа немесе фермер қожалықтары үшін арнаулы салық режимін қолданатын дара кәсіпкерлер осы арнаулы салық режимі қолданылатын қызметті жүзеге асырудан түсетін табыстар бойынша жеке табыс салығын төлеушілер болып табылмайды.»;
      25) 154-бап мынадай редакцияда жазылсын:
      «154-бап. Жекелеген жағдайларда табыстарға салық салудың ерекшеліктері
      1. Қазақстан Республикасының резиденті болып табылатын шетелдіктің немесе азаматтығы жоқ адамның (бұдан әрі - резидент шетелдік тұлға) төлем көзінен салық салуға жататын табыстары бойынша жеке табыс салығын есептеуді, ұстауды және аударуды, сондай-ақ салық есептілігін табыс етуді салық агенті осы тарауда, осы Кодекстiң 19-тарауында және 202-бабында белгiленген тәртіппен және мерзімдерде осы Кодекстің 158-бабында көзделген мөлшерлемелер бойынша жүргізеді.
      2. Резидент шетелдік тұлға, жеке тұлға өзі дербес салық салуға жатқызатын табыстар бойынша жеке табыс салығын есептеу және төлеу, сондай-ақ салық есептілігін табыс ету осы Кодекстiң 20 және
27-тарауларында белгiленген тәртіппен және мерзімдерде осы Кодекстің
158-бабында көзделген мөлшерлемелер бойынша жүргізіледі.
      3. Резидент емес жеке тұлғаның табыстары бойынша жеке табыс салығын есептеу, ұстау және аудару, сондай-ақ салық есептілігін табыс ету осы Кодекстiң 25-тарауында белгiленген тәртіппен және мерзімдерде осы Кодекстің 158 және 194-баптарында көзделген мөлшерлемелер бойынша жүргізіледі.
      4. Патент немесе оңайлатылған декларация негізінде шағын бизнес субъектілері үшін арнаулы салық режимін қолданатын дара кәсіпкердің табыстары бойынша жеке табыс салығын есептеу және төлеу, сондай-ақ салық есептілігін табыс ету осы Кодекстің 61-тарауында белгіленген тәртіппен және мерзімдерде осы Кодекстiң 432, 436 және 437-баптарында көзделген мөлшерлемелер бойынша жүргізіледі.»;
      26) 154-1-бап алып тасталсын;
      27) мынадай мазмұндағы 154-2-баппен толықтырылсын:
      «154-2-бап. Жылдық жиынтық табыстың салық салынбайтын мөлшері
      Дара кәсіпкерлерді Қазақстан Республикасының заңнамасына сәйкес мемлекеттік тіркеу мақсатында салық салуға жататын жеке табыс салығы салынбайтын табыс мөлшері жеке тұлға үшін күнтізбелік жылда республикалық бюджет туралы заңда белгiленген және тиiстi қаржы жылының 1 қаңтарында қолданыста болатын ең төменгі жалақының 12 еселенген мөлшерін құрайды.»;
      28) 155-бапта:
      1-тармақ мынадай редакцияда жазылсын:
      «1. Жеке тұлғаның:
      1) төлем көзінен;
      2) жеке тұлғаның дербес салық салуға жататын табыстары жеке табыс салығы салынатын объектілер болып табылады.»;
      2-тармақ алып тасталсын;
      3-тармақта:
      1), 2), 13), 14), 15), 18), 19), 20), 21), 22) және 23) тармақшалар алып тасталсын;
      мынадай мазмұндағы 33), 34), 35), 36), 37), 38), 39), 40), 41), 42), 43) тармақшалармен толықтырылсын:
      «33) олардан сатып алынған жеке тұлғаның жеке мүлкі үшін жеке тұлғаларға төленетін төлемдер.
      Осы тармақшада көзделген, салық агенті жүргізген төлем төленген жағдайда, осы тармақшаның ережелері өткізетін жеке заттарының бұрын қолданыста болып табылғаны, кәсіпкерлік қызметте пайдаланбайтыны, мүліктік және өзге де табыстардан жеке табыс салығын есептеу үшін салық салу объектісі болып табылмайтыны көрсетілген өтінішті салық агентіне ұсынған жеке тұлғаға қатысты қолданылады;
      34) басқа жерге қызметтiк iссапарды ресiмдей отырып жасалған жұмыс берушiнiң өндiрiстiк қызметiне байланысты мамандық бойынша қызметкердi оқытуға, оның бiлiктiлiгiн арттыруға немесе оны қайта даярлауға жіберген кезде Қазақстан Республикасының заңнамасына сәйкес жұмыс берушінің оқытуға, бiлiктiлiгін арттыруға немесе қайта даярлауға нақты жұмсалған шығыстар;
      35) шартта белгіленген кезең ішінде банк пен клиент арасында жасалған шарт бойынша пайызсыз кезеңнің берілуіне байланысты банктік қарыз бойынша төлем карточкасын ұстаушы алынған сыйақыны үнемдеуден түсетін материалдық пайда;
      36) эмитент банк төлем карточкасын пайдалана отырып, қолма-қол ақшасыз төлемдерді жүзеге асырғаны үшін эмитент банктің қаражаты есебінен төлем карточкасын ұстаушының шотына аударатын сома;
      37) жұмыс беруші болып табылмайтын салық агентінен «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттiк лауазымды атқаратын адамдарға, мемлекеттік функцияларды орындауға уәкілеттік берілген адамдарға немесе оларға теңестірілген адамдарға жол жүруіне және тұруына төлем түріндегі табыстар.
      Осы тармақшаның ережелері мемлекеттік функцияларды орындауға уәкілетті адамдар немесе оларға теңестірілген адамдар мемлекеттік функцияларды жүзеге асыруға байланысты қызметтік іссапарға жіберілген жағдайда мынадай шарттар орындалған кезде:
      жұмыс беруші болып табылмайтын салық агентінің есебінен мемлекетішілік және шетелдік сапарларға шақыру салық агентінің қаражаты есебінен ғылыми, спорттық, шығармашылық, кәсіби, гуманитарлық іс-шараларға қатысу, оның ішінде осындай салық агентінің жарғылық қызметі шеңберінде жүзеге асырылатын сапарлар үшін жоғары тұрған лауазымды адамның не органның келісімімен жүзеге асырылса;
      Қазақстан Республикасының заңнамасына сәйкес мемлекеттік органның лауазымды адамының бұйрығы (өкімі) болса қолданылады;
      38) Қазақстан Республикасында мүгедектерді әлеуметтік қорғау туралы Қазақстан Республикасының заңнамасына сәйкес Қазақстан Республикасының Үкіметі бекіткен тізбе бойынша - жұмыс берушінің кінәсінен жұмыста мертігуге ұшыраған немесе кәсіптік ауруға шалдығу салдарынан мүгедек деп танылған қызметкерге жұмыс берушінің өтеусіз берген техникалық көмекші (орнын толтырушы) құралдар мен арнайы жүріп-тұру құралдарының құны;
      39) жұмыс берушінің кінәсінен жұмыста мертігуге ұшыраған немесе кәсіптік ауруға шалдығу салдарынан мүгедек деп танылған қызметкерге жұмыс берушінің Қазақстан Республикасында мүгедектерді әлеуметтік қорғау туралы Қазақстан Республикасының заңнамасына сәйкес өтеусіз көрсеткен протездік-ортопедиялық көмек түрінде көрсетілген қызметтерінің құны;
      40) Қазақстан Республикасының жедел-іздестіру қызметі туралы заңнамасына сәйкес құпия көмекшілерге төленетін төлемдер;
      41) жұмыс берушiнiң өндiрiстiк қызметiне байланысты мамандық бойынша оқыту, оның бiлiктiлiгiн арттыру немесе оны қайта даярлау жағдайында қызметкердi басқа жерге қызметтiк iссапарын ресiмдемей жасалған Қазақстан Республикасының заңнамасына сәйкес оқытуға, бiлiктiлiгiн арттыруға немесе оны қайта даярлауға жiберу бойынша жұмыс берушiнiң шығыстары:
      қызметкерді оқытуға, оның бiлiктiлiгiн арттыруға немесе оны қайта даярлауға нақты жұмсалған шығыстар;
      уәкілетті орган белгiлеген нормалар шегiнде қызметкердің тұруына нақты жұмсалған шығыстар;
      қызметкер оқуға түскен кезде оқу орнына дейін баруға және оқу, бiлiктiлiгін арттыру немесе қайта даярлау аяқталғаннан кейiн қайтуына нақты жұмсалған шығыстар;
      жұмыс берушiнің:
      қызметкер Қазақстан Республикасының шегiнен тыс оқытудан, бiлiктiлiгiн арттырудан немесе қайта даярлаудан өткен мерзiм iшiнде - қызметкердің оқытудан, бiлiктiлiгiн арттырудан немесе қайта даярлаудан өткен әрбір күнтізбелік күн үшін республикалық бюджет туралы заңда белгiленген және тиiстi қаржы жылының 1 қаңтарында қолданыста болатын айлық есептiк көрсеткiштiң 6 еселенген мөлшерi;
      қызметкер Қазақстан Республикасының шегінен тысқары жерлерде оқытудан, бiлiктiлiгiн арттырудан немесе қайта даярлаудан өткен мерзiм iшiнде - қызметкердің оқытудан, бiлiктiлiгiн арттырудан немесе қайта даярлаудан өткен әрбір күнтізбелік күн үшін республикалық бюджет туралы заңда белгiленген және тиiстi қаржы жылының 1 қаңтарында қолданыста болатын айлық есептiк көрсеткiштiң 8 еселенген мөлшерi шегiнде қызметкерге төлеуге тағайындаған ақша сомасы;
      42) осы Кодекстiң 135-1-бабының 1-тармағында көрсетілген дербес бiлiм беру ұйымы тұруға, медициналық сақтандыруға, Қазақстан Республикасының шегінен тысқары жердегi тұрғылықты жерiнен Қазақстан Республикасында қызметiн жүзеге асыратын жерге дейін және қайтар жолында әуе көлiгiмен ұшуға жұмсаған шығыстарды төлеу (өтеу) түрiнде іс жүзінде жүргізген:
      осындай дербес білім беру ұйымының қызметкері болып табылатын;
      осындай дербес білім беру ұйымының жұмыстарын орындау, қызметін көрсету бойынша Қазақстан Республикасында қызметін жүзеге асыратын;
      осындай дербес білім беру ұйымының жұмыстарын орындайтын, қызметін көрсететін резидент емес заңды тұлғаның қызметкері және осындай жұмыстарды тікелей орындайтын және осындай қызмет көрсететін қызметкер болып табылатын резидент шетелдiк тұлға алған материалдық пайда;
      43) осы Кодекстің 135-1-бабы 1-тармағының 2) және 3) тармақшаларында айқындалған дербес білім беру ұйымымен еңбек қатынастарында тұрмаған, бірақ мамандықты көрсете отырып, мұндай шығыстарды жүзеге асыратын дербес білім беру ұйымының шешімі бойынша осы Кодекстің 135-1-бабы 1-тармағының 1), 2), 3), 4) және 5) тармақшаларында айқындалған басқа дербес білім беру ұйымымен еңбек қатынастарында тұрған жеке тұлғаны оқытуға, біліктілігін арттыруға немесе қайта даярлауға жіберген кезде осы дербес білім беру ұйымының шығыстары:
      жеке тұлғаны оқытуға, оның біліктілігін арттыруға немесе оны қайта даярлауға нақты жұмсалған шығыстар;
      уәкілетті орган белгілеген нормалар шегінде оның тұруына нақты жұмсалған шығыстар;
      қызметкер оқуға түскен кезде оқу орнына дейін баруға және оқу, біліктілігін арттыру немесе қайта даярлау аяқталғаннан кейін қайтуына нақты жұмсалған шығыстар;
      дербес білім беру ұйымының:
      оқытылатын адамның Қазақстан Республикасының шегінде оқытудан, біліктілігін арттырудан немесе қайта даярлаудан өткен мерзімі ішінде - қызметкер оқытудан, біліктілігін арттырудан немесе қайта даярлаудан өткен әрбір күнтізбелік күн үшін республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 6 еселенген мөлшері;
      оқытылатын адамның Қазақстан Республикасының шегінен тысқары жерлерде оқытудан, біліктілігін арттырудан немесе қайта даярлаудан өткен мерзімі ішінде - қызметкер оқытудан, біліктілігін арттырудан немесе қайта даярлаудан өткен әрбір күнтізбелік күн үшін республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 8 еселенген мөлшері шегінде жеке тұлғаға төлеуге тағайындалған ақша сомасы.»;
      29) 156-бапта:
      тақырыбы мынадай редакцияда жазылсын:
      «156-бап. Салық салудан босатылатын табыстар»;
      1-тармақта:
      бірінші абзац мынадай редакцияда жазылсын:
      «1. Жеке тұлғаның салық салынатын табыстарынан табыстардың мынадай түрлері алып тасталады (бұдан әрі – жеке табыс салығы бойынша түзетулер):»;
      156-баптың 1-тармағы 17) тармақшасының төртінші абзацы мынадай редакцияда жазылсын:
      «Қазақстан Республикасының Үкіметі көздеген тәртіппен сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзгеше түрде жәрдем көрсететін адамдарға көтермелеу түріндегі;»;
      24), 30), 37), 38), 41) және 42) тармақшалар алып тасталсын;
      мынадай мазмұндағы 46), 47), 48), 49), 50), 51), 52), 53), 54), 55), 56) тармақшалармен толықтырылсын:
      «46) Қазақстан Республикасының заңнамасында белгіленген мөлшерде бюджет қаражаты есебінен төленетін мемлекеттік атаулы әлеуметтік көмек, жәрдемақылар мен өтемақылар;
      47) моральдық зиянды қоспағанда, Қазақстан Республикасының заңнамасына сәйкес жеке тұлғаның өмірі мен денсаулығына келтірілген зиянды өтеу;
      48) сақтандырудың мiндеттi түрiн реттейтiн Қазақстан Республикасының заңнамалық актiсiне сәйкес жұмыс берушiмен жасалған, қызметкер еңбек (қызметтiк) мiндеттерiн атқарған кезде оны жазатайым оқиғалардан мiндеттi сақтандыру шарттары бойынша сақтандыру төлемдерi;
      49) сот шешімі бойынша тағайындалатын материалдық залалды, сондай-ақ сот шығыстарын өтеу сомасы;
      50) гуманитарлық көмек түрінде алынған мүліктің құны;
      51) Қазақстан Республикасында мемлекеттік тiркелуге жататын және меншiк құқығында бір жыл және меншiк құқығын тiркеген күннен бастап одан да ұзақ уақыт болатын механикалық көлік құралдары мен тіркемелерді өткізу (заңды тұлғаның жарғылық капиталына салым ретінде беру) кезіндегі құн өсімі;
      52) меншік құқығын тіркеген күннен бастап бір жыл және одан да ұзақ уақыт Қазақстан Республикасының аумағында меншік құқығында болған тұрғын үйлерді, саяжай құрылыстарын, гараждарды, жеке қосалқы шаруашылық объектілерін өткізу (заңды тұлғаның жарғылық капиталына салым ретінде беру) кезіндегі құн өсімі;
      53) бір жыл және одан да ұзақ уақыт Қазақстан Республикасының аумағында меншік құқығында болатын, осы Кодекстің 180-1-бабы
1-тармағының 1) тармақшасында көрсетілген объектілер орналасқан, меншік құқығы туындаған күннен бастап өткізу (заңды тұлғаның жарғылық капиталына салым ретінде беру) күніне дейін нысаналы мақсаты жеке тұрғын үй құрылысы, саяжай құрылысы, жеке қосалқы шаруашылықты жүргізу, гараж салу болып табылатын жер учаскелерін және (немесе) жер үлестерін өткізу (заңды тұлғаның жарғылық капиталына салым ретінде беру) кезіндегі құн өсімі;
      54) егер жер учаскесін және (немесе) жер үлесін сатып алуға және иеліктен шығаруға арналған құқық белгілейтін құжаттарды жасау күндері арасындағы кезең бір жылды және одан да ұзақ уақытты құраса, осы Кодекстің 180-1-бабы 1-тармағының 1) тармақшасында көрсетілген объектілер орналаспаған, Қазақстан Республикасының аумағындағы, меншік құқығы туындаған күннен бастап өткізу (заңды тұлғаның жарғылық капиталына салым ретінде беру) күніне дейін нысаналы мақсаты жеке тұрғын үй құрылысы, саяжай құрылысы, жеке қосалқы шаруашылықты, бау-бақша шаруашылығын жүргізу, гараж салу болып табылатын жер учаскелерін және (немесе) жер үлестерін өткізу (заңды тұлғаның жарғылық капиталына салым ретінде беру) кезіндегі құн өсімі;
      55) Қазақстан Республикасының заңнамасына сәйкес мемлекеттік мұқтаждар үшін сатып алынған мүлікті өткізу кезіндегі құн өсімі;
      56) осы Кодекстің 80-бабында белгіленген тәртіппен бірлескен қызмет бойынша табыстарды бөлуді көздейтін құжатқа сәйкес шаруа немесе фермер қожалығының жалпы табысындағы шаруа немесе фермер қожалығы басшысының (мүшелерінің) үлесі бойынша айқындалатын шаруа немесе фермер қожалықтарына арналған арнаулы салық режимін қолданатын шаруа немесе фермер қожалығы басшысының (мүшесінің) табысы.
      Осы тармақшаның ережелері республикалық бюджет туралы заңда белгіленген және табыс туындайтын жылдың бірінші қаңтарында қолданыста болатын ең төменгі жалақының 8000 еселенген мөлшеріне тең сомасынан аспайтын мөлшердегі шаруа немесе фермер қожалығының табысы бойынша қолданылады.»;
      30) мынадай мазмұндағы 156-1-баппен толықтырылсын:
      «156-1-бап. Жеке табыс салығы бойынша түзетулерді ауыстыру
      1. Жеке табыс салығы бойынша түзетулерді келесі салық кезеңіне ауыстыруды салық агенті:
      1) ағымдағы салық кезеңінде жеке табыс салығы бойынша түзетулердің жалпы мөлшерінің сомасы төлем көзінен салық салуға жататын табыс (қызметкердің салық салуға жататын табысын қоспағанда) сомасынан асып түскен жағдайда – төлем көзінен салық салынуға жататын табыс (қызметкердің салық салуға жататын табысын қоспағанда) бойынша;
      2) ағымдағы салық кезеңінде жеке табыс салығы бойынша түзетулердің жалпы мөлшерінің сомасы міндетті зейнетақы жарналары сомасына азайтылған қызметкердің салық салуға жататын табысының сомасынан асып түскен жағдайда – қызметкердің салық салуға жататын табысы бойынша қолданады.
      2. Жеке табыс салығы бойынша түзетулерді күнтізбелік жыл ішіндегі келесі салық кезеңіне ауыстыру мөлшері мынадай тәртіппен:
      1) жеке табыс салығы бойынша түзетулердің сомасы мен осы Кодекстің 168, 170, 172, 173, 175-баптарына сәйкес төлем көзінен салық салуға жататын табыс арасындағы оң айырма ретінде төлем көзінен салық салуға жататын табыс бойынша (қызметкердің салық салуға жататын табысын қоспағанда);
      2) жеке табыс салығы бойынша түзетулердің сомасы мен міндетті зейнетақы жарналары сомасына азайтылған қызметкердің салық салуға жататын табысы арасындағы оң айырма ретінде қызметкердің салық салуға жататын табысы бойынша айқындалады.»;
      31) мынадай мазмұндағы 1-параграфпен және 156-2, 156-3, 156-4, 156-5, 156-6, 156-7, 156-8, 156-9, 156-10, 156-11-баптармен толықтырылсын:
      «§ 1. Салық шегерімдері
      156-2-бап. Жалпы ережелер
      1. Жеке тұлғаның табысына (осы Кодекстің 170, 172, 173 және
175-баптарында көрсетілген табыстарды қоспағанда) мынадай салық шегерімдері:
      1) Қазақстан Республикасының зейнетақымен қамсыздандыру туралы заңнамасында белгіленген мөлшерде міндетті зейнетақы жарналары түріндегі салық шегерімі;
      2) осы Кодекстің 156-3-бабында белгіленген тәртіппен және мөлшердегі стандартты салық шегерімі (бұдан әрі – стандартты шегерім);
      3) мынадай:
      көп балалы отбасы үшін салық шегерімін;
      ерікті зейнетақы жарналары бойынша салық шегерімін;
      оқытуға арналған салық шегерімін
      медицинаға арналған салық шегерімін;
      сыйақылар бойынша салық шегерімін;
      сақтандыру сыйақылары бойынша салық шегерімін қамтитын басқа да салық шегерімдері (бұдан әрі – басқа да салық шегерімдері) қолданылады.
      2. Күнтізбелік жыл ішінде қолданылған басқа да салық шегерімдерінің жалпы сомасының шекті мөлшері ең төменгі жалақының 48 еселенген мөлшерінен аспауға тиіс.
      Басқа да салық шегерімдерінің жалпы сомасының мөлшері басқа да шегерімдерді нақты мөлшерде, бірақ мынадай шектерден:
      1) көп балалы отбасы үшін салық шегерімі бойынша – ата-анасының екеуіне жиынтығында күнтізбелік жыл үшін айқындалған ең төменгі жалақының 24 еселенген мөлшерінен аспайтын;
      2) оқытуға арналған салық шегерімдері бойынша - күнтізбелік жыл үшін айқындалған ең төменгі жалақының 10 еселенген мөлшерінен аспайтын;
      3) осы Кодекстің 156-бабы 1-тармағының 18) тармақшасында көзделген жеке табыс салығы бойынша түзетулер сомасын қоса алғанда, медицинаға арналған салық шегерімі бойынша - күнтізбелік жыл үшін айқындалған ең төменгі жалақының 10 еселенген мөлшерінен аспайтын;
      4) сыйақылар бойынша салық шегерімі бойынша - күнтізбелік жыл үшін айқындалған ең төменгі жалақының 10 еселенген мөлшерінен аспайтын мөлшерде жинақтау жолымен айқындалады.
      3. Салық шегерімдері осындай шығыстарды жеке тұлға нақты жүргізген сол салық кезеңінде қолданылады.
      4. Егер осы баптың 5-тармағында өзгеше белгіленбесе, салық шегерімдерін жұмыс беруші қызметкердің табысына қолданады.
      5. Жеке тұлға мына шарттардың кез келгені орындалған кезде салық шегерімдерін өз бетінше:
      1) күнтізбелік жыл ішінде қызметкердің табысы болмаған;
      2) осы Кодекстің 156-2-бабына сәйкес жеке тұлғаның құқығы бар салық шегерімдерінің сомасы жұмыс беруші қызметкердің табысына қолданған салық шегерімдерінің сомасынан асып түскен кезде;
      3) күнтізбелік жыл ішінде осы Кодекстің 177-бабында көзделген жеке тұлғаның дербес салық салуға жататын табыстарды алғанда қолдануға құқылы.
      6. Жеке тұлғада төлем көзінен салық салуға жататын табыстар мен дербес салық салуға жататын табыстар болған жағдайда, салық шегерімдері табыстары мен мүлкі туралы декларацияда жеке табыс салығы есептелген кезде осындай табыстардың жиынтық сомасы бойынша қолданылады.
      7. Салық шегерімдері салық шегерімдерін қолдануға құқықты растайтын құжаттар (бұдан әрі – растайтын құжаттар) негізінде қолданылады. Бұл ретте растайтын құжаттардың түпнұсқасы жеке тұлғада сақталады, оның негізінде салық агенті салық шегерімдерін қолданатын, растайтын құжаттардың көшірмелері осы Кодекстің 46-бабы 2-тармағында белгіленген талап қою мерзімі ішінде салық агентінде сақталады.
      8. Салық шегерімдері осы баптың 1-тармағында көрсетілген тәртіппен дәйектілікпен қолданылады.
      9. Осы Кодекстің 156-2, 156-3, 156-5-баптарын қолдану мақсатында ең төменгі жалақы мөлшері республикалық бюджет туралы заңнамада белгіленген және салық шегерімдері қолданылатын жылдың бірінші қаңтарында қолданыста болатын ең төменгі жалақы мөлшеріне тең қолданылады.
      156-3-бап. Стандартты шегерім
      1. Стандартты шегерім әрбір ай үшін ең төменгі жалақының мөлшерінде қолданылады.
      2. Бір күнтізбелік жыл үшін стандартты шегерімнің жалпы сомасы ең төменгі жалақының 12 еселенген мөлшерінен аспауға тиіс.
      156-4-бап. Стандартты шегерімді ауыстыру
      1. Стандартты салық шегерімін келесі салық кезеңіне ауыстыруды жұмыс беруші, егер ағымдағы салық кезеңінде стандартты шегерімнің сомасы мына тәртіппен айқындалатын стандартты шегерімді ауыстыру бойынша есепті табыстан асып кеткен жағдайда қолданады:
      қызметкер табысының міндетті зейнетақы жарналарының сомасына азайтылған салық салуға жататын сомасы
      алу
      осы Кодекстің 156-бабы 1-тармағында көзделген жеке табыс салығы бойынша түзету сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді ауыстыру сомасы.
      Стандартты шегерімді ауыстыру бойынша есепті табыстың теріс мәні кезінде стандартты шегерімді ауыстыру бойынша есепті табыс нөлге тең болып саналады.
      2. Күнтізбелік жыл ішінде стандартты шегерімді келесі салық кезеңіне ауыстыру мөлшері стандартты шегерім мен стандартты шегерімді ауыстыру бойынша есепті табыс арасындағы оң айырма ретінде айқындалады.
      156-5-бап. Көп балалы отбасы үшін салық шегерімі
      1. Көп балалы отбасы үшін салық шегерімі көп балалы отбасының ата-анасының біреуі үшін табыс есептелген әрбір ай үшін ең төменгі жалақының 2 еселенген мөлшерінде не көп балалы отбасының ата-анасының әрқайсысы үшін ең төменгі жалақының 1 еселенген мөлшерінде қолданылады.
      2. Көп балалы отбасы үшін бір күнтізбелік жыл ішіндегі салық шегерімінің жалпы сомасы ең төменгі жалақының 24 еселенген мөлшерінен аспауға тиіс.
      3. Осы бөлімнің мақсатында салық шегерімі қолданылған күні төрт және одан көп кәмелетке толмаған баласы бар отбасы көп балалы отбасы деп танылады.
      4. Көп балалы отбасы үшін салық шегерімін қолдану:
      1) көп балалы отбасы үшін салық шегерімін қолданбау туралы екінші ата-анасының растауын көрсете отырып, көп балалы отбасы үшін салық шегерімін көп балалы отбасы ата-анасының біреуі қолданатыны туралы ата-аналардың біреуінің өтініші не көп балалы отбасы үшін салық шегерімін ең төменгі жалақының 1 еселенген мөлшерінде қолдану туралы көп балалы отбасы ата-анасының әрқайсысының өтініші негізінде жүргізіледі.
      Екінші ата-анасы болмаған жағдайда өтінішке екінші ата-анасының жоқ екенін растайтын нотариат куәландырған құжат;
      2) балалардың туу туралы куәліктерінің көшірмелері қоса беріледі.
      156-6-бап. Ерікті зейнетақы жарналары бойынша салық шегерімі
      1. Ерікті зейнетақы жарналары бойынша салық шегерімін Қазақстан Республикасының резиденті-жеке тұлғасы Қазақстан Республикасының зейнетақымен қамсыздандыру туралы заңнамасына сәйкес өз пайдасына жүргізген ерікті зейнетақы жарналарын төлеуге арналған шығыстар бойынша қолданады.
      2. Ерікті зейнетақы жарналары бойынша салық шегерімін қолдану үшін растау құжаттары:
      1) ерікті зейнетақы жарналары есебінен зейнетақымен қамсыздандыру туралы шарт;
      2) ерікті зейнетақы жарналарының төленгенін растайтын құжат болып табылады.
      156-7-бап. Оқытуға арналған салық шегерімі
      1. Оқытуға арналған салық шегерімі оқытуға арналған шығыстар бойынша білім беру туралы заңнамаға сәйкес мынадай білім беру:
      1) мыналарда:
      Қазақстан Республикасындағы мектепке дейінгі білім беру ұйымдарында;
      осы Кодекстің 135-1-бабының 1-тармағында айқындалған дербес білім беру ұйымдарында жүзеге асырылатын мектепке дейінгі тәрбие және оқыту;
      2) Қазақстан Республикасында білім беру ұйымдарында осындай қызмет түрлерін жүргізу құқығына тиісті лицензиялары бойынша жүзеге асырылатын техникалық және кәсіптік білім беру;
      3) мыналарда:
      Қазақстан Республикасында білім беру ұйымдарында осындай қызмет түрлерін жүргізу құқығына тиісті лицензиялары бойынша;
      осы Кодекстің 135-1-бабының 1-тармағында айқындалған дербес білім беру ұйымдарында жүзеге асырылатын орта білімнен кейінгі, жоғары білім беру деңгейлері бойынша қолданылады.
      2. Оқытуға арналған салық шегерімін:
      1) өз пайдасына жүргізілген оқуды төлеуге арналған шығыстар бойынша Қазақстан Республикасының резиденті-жеке тұлғасы;
      2) басқаның асырауындағы жиырма бір жасқа толмаған Қазақстан Республикасының резиденті-жеке тұлғасының пайдасына оқуды төлеуге арналған шығыстар бойынша заңды өкілдерінің бірі қолданады. Оқытуға арналған салық шегерімін жиырма бір жасқа толмаған адам өзі дербес қолданған жағдайда, аталған салық шегерімін заңды өкілі қолданады.
      3. Оқытуға арналған салық шегерімін қолдану үшін:
      1) Қазақстан Республикасында қызметін жүзеге асыратын мектепке дейінгі тәрбие немесе білім беру ұйымдарында оқыту бойынша қызмет көрсетуге арналған шарт;
      2) Қазақстан Республикасында қызметін жүзеге асыратын мектепке дейінгі тәрбие немесе білім беру ұйымдарында оқыту бойынша қызмет көрсету актісі;
      3) Қазақстан Республикасында қызметін жүзеге асыратын мектепке дейінгі тәрбие немесе білім беру ұйымдарында оқыту бойынша көрсетілетін қызметтерді төлеу фактісін растайтын құжат растау құжаттары болып табылады.
      156-8-бап. Медицинаға арналған салық шегерімі
      1. Медицинаға арналған салық шегерімі мынадай:
      1) уәкілетті органмен келісу бойынша мемлекеттік жоспарлау жөніндегі уәкілетті мемлекеттік орган айқындаған тізбеге сәйкес көрсетілетін медициналық қызметтерге;
      2) ауырған жағдайда ерікті сақтандыру шарттары бойынша сақтандыру сыйақыларына ақы төлеуге арналған шығыстар бойынша қолданылады.
      2. Медицинаға арналған салық шегерімін:
      1) өз пайдасына жүргізілген медицинаны төлеуге арналған шығыстар бойынша Қазақстан Республикасының резиденті-жеке тұлғасы;
      2) басқаның асырауындағы он сегіз жасқа толмаған Қазақстан Республикасының резиденті-жеке тұлғасының пайдасына медицинаға арналған шығыстар бойынша заңды өкілдерінің бірі қолданады. Медицинаға арналған салық шегерімін он сегіз жасқа (кәмелеттік жасқа) толмаған адам өздігінен қолданған жағдайда, аталған салық шегерімін заңды өкілі қолданбайды.
      3. Медицинаға арналған салық шегерімін қолдану үшін мынадай:
      1) ол жазбаша нысанда жасалған жағдайда медициналық қызмет құнын көрсете отырып, ақылы медициналық қызметтерді көрсетуге арналған шарт;
      2) ақылы медициналық қызметтерді көрсету актісі немесе медициналық қызметтердің құны туралы ақпаратты қамтитын үзінді көшірме;
      3) адам осы баптың 1-тармағының 2) тармақшасында көрсетілген салық шегерімін қолданған кезде ауырған жағдайда ерікті сақтандыру бойынша шарт;
      4) медициналық қызметтерді немесе ауырған жағдайдан ерікті сақтандыру шарттары бойынша сақтандыру сыйақыларының төленген фактісін растайтын құжат растау құжаттары болып табылады.
      4. Қазақстан Республикасының шегінен тысқары жерлерде ұсынылатын медициналық қызметтерді шетел валютасында төлеу кезінде осы баптың 1-тармағында көрсетілген шығыстарды теңгеге қайта есептеу төлем жасалған күнгі валюта айырбастаудың нарықтық бағамы қолданыла отырып, жүзеге асырылады.
      156-9-бап. Сыйақылар бойынша салық шегерімі
      1. Сыйақылар бойынша салық шегерімін Қазақстан Республикасының резиденті-жеке тұлғасы қаржы нарығын және қаржы ұйымдарын реттеу, бақылау және қадағалау жөніндегі уәкілетті мемлекеттік органның лицензиясы негізінде банктер мен банк операцияларының жекелеген түрлерін жүзеге асыратын ұйымдардан алған, өз пайдасына жұмсаған ипотекалық тұрғын үй қарыздары бойынша сыйақыларды төлеуге жұмсалған шығыстар бойынша қолданады.
      2. Сыйақылар бойынша салық шегерімін қолдану үшін мынадай:
      1) қаржы нарығын және қаржы ұйымдарын реттеу, бақылау және қадағалау жөніндегі уәкілетті мемлекеттік органның лицензиясы негізінде банкпен немесе банк операцияларының жекелеген түрлерін жүзеге асыратын ұйыммен жасалатын ипотекалық тұрғын үй қарызының шарты;
      2) сыйақы сомасын көрсете отырып, ипотекалық тұрғын үй қарызын өтеу кестесі;
      3) осындай қарыз бойынша сыйақының өтелгенін растайтын құжат растау құжаттары болып табылады.
      156-10-бап. Сақтандыру сыйақылары бойынша салық шегерімі
      1. Сақтандыру сыйақылары бойынша салық шегерімін Қазақстан Республикасының резиденті-жеке тұлғасы жинақтаушы сақтандыру шарттары бойынша сақтандыру сыйақыларын (мерзiмдiк сақтандыру жарналары) төлеуге жұмсалған шығыстар бойынша қолданады.
      2. Сақтандыру сыйақылары бойынша салық шегерімін қолдану үшін мынадай:
      1) жинақтаушы сақтандыру шарты;
      2) сақтандыру сыйақыларын төлеу кестесі;
      3) жинақтаушы сақтандыру шарттары бойынша сақтандыру сыйақыларын (мерзiмдiк сақтандыру жарналары) төлеу фактісін растайтын құжат растау құжаттары болып табылады.
      156-11-бап. Басқа да шегерімдерді ауыстыру
      1. Егер басқа да шегерімдердің жалпы сомасы мынадай тәртіппен айқындалатын басқа да шегерімдерді ауыстыру бойынша есепті табыстан асып түскен жағдайда, басқа да шегерімдерді ауыстыруды жұмыс беруші қолданады:
      міндетті зейнетақы жарналары сомасына азайтылған, қызметкердің салық салуға жататын табысының сомасы
      алу
      осы Кодекстің 156-бабының 1-тармағында көзделген жеке табыс салығы бойынша түзету сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді алдыңғы салық кезеңінен ауыстыру сомасы
      алу
      осы Кодекстің 156-3-бабына сәйкес белгіленген тәртіппен және мөлшерде айқындалған стандартты шегерім сомасы
      алу
      осы Кодекстің 156-4-бабына сәйкес айқындалған стандартты шегерімді ауыстыру сомасы.
      Басқа да шегерімдерді ауыстыру бойынша есепті табыстың теріс мәні кезінде басқа да шегерімдерді ауыстыру бойынша есепті табыс нөлге тең болып саналады.
      2. Күнтізбелік жыл ішінде басқа да шегерімді келесі салық кезеңіне ауыстыру мөлшері басқа да шегерімдер сомасы мен басқа да шегерімдерді ауыстыру бойынша есепті табыс арасындағы оң айырма ретінде айқындалады.
      3. Басқа да шегерімдерді ауыстыру мөлшері осы Кодекстің 156-2-бабы 1-тармағының 3) тармақшасында көрсетілген дәйектілікпен басқа да шегерімдердің сомасы бойынша және осы Кодекстің 156-2-бабының 2-тармағында белгіленген салық шегерімдерінің мөлшері шегінде бөлінеді.»;
      32) 157 және 159-баптар алып тасталсын;
      33) мынадай мазмұндағы 159-1-баппен толықтырылсын:
      «159-1-бап. Жеке табыс салығы бойынша асып кету
      Осы Кодекстің 172 және 173-баптарында көзделген табыстарды қоспағанда, осы Кодекстің 19-тарауында айқындалған төлем көзінен салық салуға жататын табыстардың төлем көзінен ұсталатын жеке табыс салығының сомасы мен осы Кодекстің 178-бабында көзделген тәртіппен жеке тұлға өзі дербес салық салуға жатқызатын табыстардан есептелген жеке табыс салығының сомасы арасындағы оң айырма жеке табыс салығы бойынша асып кету болып танылады.»;
      34) 19-тараудың тақырыбы мынадай редакцияда жазылсын:
      «19-тарау. Төлем көзiнен салық салуға жататын табыстар»;
      35) 160-бап мынадай редакцияда жазылсын:
      «160-бап. Жалпы ережелер
      1. Төлем көзiнен салық салуға жататын табыстарға табыстардың мынадай түрлерi жатады:
      1) қызметкердiң табысы;
      2) жеке тұлғаның салық агентiнен алатын табысы;
      3) бірыңғай жинақтаушы зейнетақы қорынан және ерікті жинақтаушы зейнетақы қорларынан төленетiн зейнетақы төлемдерi;
      4) дивидендтер, сыйақылар, ұтыстар түрiндегi табыс;
      5) стипендиялар;
      6) жинақтаушы сақтандыру шарттары бойынша табыс.
      2. Осы баптың 1-тармағында көрсетілген табыстарға осы Кодекстің
177-бабында айқындалған жеке тұлғаның өз бетінше салық салуға жататын табыстары жатпайды.
      3. Қызметкердiң салық салынуға жататын табысына осы баптың
1-тармағы 2), 3), 4), 5), 6) тармақшаларында көрсетiлген табыстар жатпайды.
      4. Жеке тұлғаның салық агентінен алатын, салық салынуға жататын табысына осы баптың 1-тармағы 3), 4), 5), 6) тармақшаларында көрсетiлген табыстар жатпайды.
      5. Заңды тұлға өз шешiмiмен өзінің құрылымдық бөлiмшесi есептеген (есептеуге жататын), төлеген (төлеуге жататын) төлем көзiнен салық салынуға жататын табыстар бойынша осындай құрылымдық бөлiмшесiн жеке табыс салығын есептеу, ұстау және аудару міндеттері бойынша салық агентi деп тануға құқылы.
      Заңды тұлғаның шешiм қабылдануы немесе мұндай шешiмнiң күшiн жою осындай шешiм қабылданған тоқсаннан кейiнгi тоқсанның басынан бастап қолданысқа енедi.
      Егер жаңадан құрылған құрылымдық бөлiмше салық агентi деп танылса, онда заңды тұлғаның осындай тану туралы шешiмi осы құрылымдық бөлiмше құрылған күннен бастап немесе осы құрылымдық бөлiмше құрылған тоқсаннан кейiнгi тоқсанның басынан бастап қолданысқа енгiзiледi.
      6. Резидент заңды тұлғаның шешiмi бойынша салық агенттерi деп таныған құрылымдық бөлiмшелер осы Кодекстiң 12-бөлiмiнiң мақсаттары үшiн әлеуметтiк салықты өз бетінше төлеушiлер болып танылады.»;
      36) мынадай мазмұндағы 160-1-баппен толықтырылсын:
      «160-1-бап. Салық және есептілік кезеңдерi
      1. Салық агенттерiнiң төлем көзiнен салық салуға жататын табыстардан жеке табыс салығын есептеуi үшiн салық кезеңi күнтiзбелiк ай болып табылады.
      2. Осы Кодекстiң 67-бабының 2-тармағында көрсетілген салық декларацияларын жасау үшін есепті кезең күнтiзбелiк тоқсан болып табылады.»;
      37) 161-бап мынадай редакцияда жазылсын:
      «161-бап. Салықты есептеу, ұстау және төлеу
      1. Салық агентi төлем көзiнен салық салуға жататын табыстар бойынша жеке табыс салығын есептеудi салық салуға жататын табысты есептеген кезде жүргiзедi.
      2. Егер осы Кодексте өзгеше көзделмесе, жеке табыс салығын ұстауды салық агентi төлем көзiнен салық салуға жататын табысты төлеу күнiнен кешiктiрмей жүргiзедi.
      3. Егер осы бапта өзгеше көзделмесе, салық агентi төленген табыстар бойынша жеке табыс салығын аударуды табыс төлеу жүзеге асырылған ай аяқталғаннан кейiн күнтiзбелiк жиырма бес күннен кешiктiрмей өзiнiң орналасқан жерi бойынша жүзеге асырады.
      4. Салық агентiнiң құрылымдық бөлiмшелерi қызметкерiнiң табыстары бойынша жеке табыс салығын аудару құрылымдық бөлiмшелердiң орналасқан жерi бойынша тиiстi бюджеттерге жүргiзiледi.
      5. Оңайлатылған декларация негiзiнде шағын бизнес субъектiлерi үшiн арнаулы салық режимiн немесе шаруа немесе фермер қожалықтары үшiн арнаулы салық режимiн қолданатын салық агенті осы Кодекстің 438 және 446-баптарында белгіленген мерзімдерде жеке табыс салығын аударуды жүзеге асырады.
      6. Депозитарлық қолхаттар бойынша табыстардан салықты есептеудi және ұстауды осындай депозитарлық қолхаттардың базалық активiнiң эмитентi жүргiзедi.»;
      38) 162-баптың 1 және 1-1-тармақтары мынадай редакцияда жазылсын:
      «1. Қазақстан Республикасының азаматтарына қатысты жеке табыс салығы мен әлеуметтік салық бойынша осы Кодекстің 67-бабының
2-тармағында көзделген декларация есепті кезеңнен кейінгі екінші айдың 15-ші күнінен кешіктірілмей, салық төленетін жердегі салық органдарына табыс етіледі.
      1-1. Шетелдіктер мен азаматтығы жоқ адамдарға қатысты жеке табыс салығы мен әлеуметтік салық бойынша декларацияны салық агенті тоқсан сайын есепті кезеңнен кейінгі екінші айдың 15-ші күнінен кешіктірмей, салық төлеу жері бойынша салық органдарына табыс етеді.»;
      39) мынадай мазмұндағы 162-1-баппен толықтырылсын:
      «162-1-бап. Салық агентінің жеке тұлғамен есеп айырысу туралы анықтаманы беру тәртібі
      1. Жеке тұлғаға күнтізбелік жыл ішінде төлем көзінен салық салуға жататын табыс есептелген және (немесе) төленген жағдайда, салық агенті жеке тұлғамен есеп айырысу туралы анықтама беруге міндетті.
      2. Жеке тұлғамен есеп айырысу туралы анықтама:
      1) төлем көзінен салық салуға жататын табысының;
      2) жеке табыс салығы бойынша түзетулер;
      3) жеке табыс салығы бойынша түзетулерді ауыстыру;
      4) есептелген міндетті зейнетақы жарналарының;
      5) қолданылған салық шегерімдерінің;
      6) салық шегерімдерін ауыстырудың;
      7) жеке тұлғаның салық салынатын табысының;
      8) есептелген жеке табыс салығының;
      9) төленген табыстың сомалары туралы ақпаратты қамтуға тиіс.
      3. Жеке тұлғамен есеп айырысу туралы анықтаманың нысанын уәкілетті орган бекітеді.
      4. Жеке тұлғамен есеп айырысу туралы анықтаманы салық агенті осы баптың 5-тармағында көзделген жағдайларды қоспағанда, жеке тұлғаға табыс есептелген және (немесе) төленген жылдан кейінгі жылдың 20 ақпанынан кешіктірмей береді.
      5. Жеке тұлғамен есеп айырысу туралы анықтаманы салық агенті жеке тұлғаға табыс есептелген және (немесе) төленген күнтізбелік жыл ішінде:
      1) қызметкер:
      жұмыс берушінің еңбек шартының қолданысын тоқтату туралы актісі шыққаннан;
      әкімшілік мемлекеттік қызметкерлерді жұмыстан босату туралы бұйрық шыққаннан;
      саяси мемлекеттік қызметкерлердің отставкаға шыққаннан кейін үш жұмыс күнінен кешіктірмей жұмыстан босатылған жағдайда;
      2) Қазақстан Республикасының бухгалтерлік есеп және қаржылық есептілік туралы заңнамасына сәйкес мынадай құжаттардың соңғысы:
      орындалған жұмыстар, көрсетілген қызметтер туралы акті;
      төлем құжаты ресімделген күннен кешіктірмей салық агентінен
      жеке тұлғаның табысы есептелген және (немесе) төленген жағдайда;
      3) Қазақстан Республикасының зейнетақымен қамсыздандыру туралы заңнамасына сәйкес жасалған зейнетақымен қамсыздандыру туралы шарт қолданысы тоқтатылған жағдайда – осындай шарттың қолданысы тоқтатылған күннен кешіктірмей;
      4) дивидендтер, ұтыстар төленген жағдайда – табыс төленген күннен кешіктірмей;
      5) банк салымы шартының қолданысы тоқтатылған немесе оның қолданыс мерзімі өткен жағдайда – осындай шарттың қолданысы тоқтатылған күннен кешіктірмей;
      6) стипендия түрінде табыс төлеу жүргізілген оқу аяқталған жағдайда – білім алушыны (тәрбиеленушіні) оқудан шығарған немесе оның білім алғаны туралы құжат табыс етілген күннен кешіктірмей;
      7) жинақтаушы сақтандыру шартының қолданысы тоқтатылған немесе қолданыс мерзімі өткен жағдайда – осындай шарт қолданысы тоқтатылған күннен кешіктірмей береді.
      6. Осы баптың 5-тармағында белгіленген жағдайларда жеке тұлға жеке тұлғаға табыс есептелген және (немесе) төленген күнтізбелік жыл өткеннен кейін жеке тұлғамен есеп айырысу туралы анықтаманы беру жөніндегі талаппен салық агентіне жүгінуге құқылы, ал салық агенті мұндай анықтаманы жеке тұлға жүгінген күннен кейін күнтізбелік он бес күн ішінде беруге міндетті.»;
      40) 163-бап мынадай редакцияда жазылсын:
      «163-бап. Қызметкердің табысы
      1. Қазақстан Республикасының бухгалтерлік есеп және қаржылық есептілік туралы заңнамасына сәйкес жұмыс берушінің бухгалтерлік есебінде шығыстар (шығындар) ретінде танылған жұмыс беруші есептеген мынадай табыстар қызметкердің салық салынатын табысы болып табылады:
      1) жұмыс берушінің қызметкер меншігіне еңбек қатынастарының болуына байланысты қолма-қол және (немесе) қолма-қол емес нысанда беруге жататын ақша;
      2) осы Кодекстің 164-бабына сәйкес қызметкердiң заттай нысандағы табыстары;
      3) осы Кодекстің 165-бабына сәйкес қызметкердiң материалдық пайда түрiндегi табысы.
      2. Қызметкердің салық салынатын табысы мынадай тәртіппен айқындалады:
      ағымдағы салық кезеңінде аударуға жататын міндетті зейнетақы жарналарының сомасына азайтылған, ағымдағы салық кезеңінде салық салуға жататын қызметкер табысының сомасы
      алу
      осы Кодекстің 156-бабының 1-тармағында көзделген ағымдағы салық кезеңіндегі жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған алдыңғы салық кезеңінен жеке табыс салығы бойынша түзетулерді ауыстыру сомасы
      алу
      осы Кодекстің 156-3-бабында белгіленген тәртіппен және мөлшерлерде көзделген ағымдағы салық кезеңіндегі стандартты салық шегерімінің сомасы
      алу
      осы Кодекстің 156-4-бабының 3-тармағына сәйкес айқындалған алдыңғы салық кезеңінен стандартты салық шегерімін ауыстыру сомасы
      алу
      осы Кодекстің 156-5-бабына сәйкес көп балалы отбасы үшін салық шегерімінің сомасы
      алу
      осы Кодекстің 156-6-бабына сәйкес ерікті зейнетақы жарналары бойынша салық шегерімінің сомасы
      алу
      осы Кодекстің 156-7-бабына сәйкес оқытуға арналған салық шегерімінің сомасы
      алу
      осы Кодекстің 156-8-бабына сәйкес медицинаға арналған салық шегерімінің сомасы
      алу
      осы Кодекстің 156-9-бабына сәйкес сыйақылар бойынша салық шегерімінің сомасы
      алу
      осы Кодекстің 156-10-бабына сәйкес сақтандыру сыйлықақылары бойынша салық шегерімінің сомасы
      алу
      осы Кодекстің 156-11-бабының 3-тармағына сәйкес айқындалған алдыңғы салық кезеңінен өзге де салық шегерімдерін ауыстыру сомасы.»;
      41) мынадай мазмұндағы 165-1-баппен толықтырылсын:
      «165-1-бап. Жұмыс берушінің салық шегерімдерін қолдану тәртібі
      1. Салық шегерімдері (осы Кодекстің 156-2-бабы 1-тармағының 1) тармақшасында белгіленген салық шегерімін қоспағанда) қызметкерге табыс есептеген әрбір ай үшін:
      1) уәкілетті орган белгілеген нысан бойынша қызметкердің салық шегерімдерін қолдану туралы өтініші;
      2) салық шегерімдерін қолдану үшін растайтын құжаттар;
      3) күнтізбелік жыл ішінде жұмыс беруші өзгерген кезде – осы Кодекстің 162-1-бабында белгіленген тәртіппен салық шегерімдері қолданылатын күнтізбелік жыл ішіндегі алдыңғы жұмыс берушілер берген жеке тұлғамен есеп айырысулар туралы анықтамалар негізінде қолданылады.
      2. Жұмыс берушінің қайта ұйымдастырылу жағдайларын қоспағанда, күнтізбелік жыл ішінде ол өзгерген кезде алдыңғы жұмыс берушіде қалыптасқан қолданылмаған салық шегерімінің сомасы жаңа жұмыс берушіде есептелмейді.
      3. Егер жеке тұлға күнтізбелік ай ішінде күнтізбелік он алты күннен аз уақыт қызметкер болса, қызметкердің табысын айқындау кезінде осындай жұмыс берушіде стандартты салық шегерімі қолданылмайды.
      4. Қызметкер болып табылатын (табылған) жеке тұлға салық шегерімдерін қолдану үшін растайтын құжаттарды табысты төлеген күннен кейін табыс еткен жағдайда, жұмыс беруші осы Кодекстің 156-2-бабының
1-тармағында көзделген салық шегерімдерін осындай салық шегерімдерін қолдануға негіздеме бар салық кезеңі ішіндегі табысқа қолданады.
      5. Осы Кодекстің 156-2-бабының 1-тармағында белгіленген салық шегерімдерін бір жұмыс беруші қолданған жағдайда, басқа жұмыс берушінің осындай салық шегерімдерін қайталап қолдануына тыйым салынады.»;
      42) 166-бап алып тасталсын;
      43) 167, 168, 169, 170, 171, 172, 173, 174, 175 және 176-баптар мынадай редакцияда жазылсын:
      «167-бап. Салықты есептеу және ұстау
      Жеке табыс салығының сомасы қызметкердің осы Кодекстің 163-бабына сәйкес айқындалатын салық салынатын табысының сомасына осы Кодекстің 158-бабының 1-тармағында белгіленген мөлшерлемені қолдану арқылы есептеледі.»;
      «168-бап. Жеке тұлғаның салық агентінен алатын табысы
      1. Жеке тұлғаның салық агентінен алған салық салуға жататын табысы:
      1) жеке тұлғаның Қазақстан Республикасының заңнамасына сәйкес салық агентімен жасасқан азаматтық-құқықтық сипаттағы шарттар бойынша табысы;
      2) жеке тұлға табысының төлемі, оның ішінде:
      жеке тұлға салық агентінен немесе үшiншi тұлғалардан алған тауарлардың, орындалған жұмыстардың, көрсетілген қызметтердің құнын салық агентінің жеке тұлғаға немесе үшінші тұлғаларға төлеуі;
      берешекті өтеу есебінен және (немесе) өтеусіз негізде жүргізілген жұмыстарды орындау, қызметтерді көрсету;
      борышты кешіру;
      мәміле шарттарының өзгеруіне байланысты есептен шығарылған тұрақсыздық айыбын қоспағанда, борышкерге қойылған талаптар мөлшерін азайту;
      репо операциялары бойынша сыйақы төлемі болып табылады.
      2. Жеке тұлғаның салық агентінен алған салық салынатын табысы мынадай тәртіппен айқындалады:
      ағымдағы салық кезеңінде салық салуға жататын жеке тұлғаның салық агентінен алған табысының сомасы
      алу
      осы Кодекстің 156-бабының 1-тармағында көзделген ағымдағы салық кезеңінде жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған алдыңғы салық кезеңінен жеке табыс салығы бойынша түзетулерді ауыстыру сомасы.
      169-бап. Салық сомасын есептеу
      Жеке табыс салығының сомасы жеке тұлғаның осы Кодекстің 168-бабына сәйкес айқындалатын, салық агентінен алынатын салық салынатын табысы сомасына осы Кодекстің 158-бабының 1-тармағында белгіленген мөлшерлемені қолдану арқылы есептеледі.»;
      «170-бап. Зейнетақы төлемдері түріндегі табыс
      1. Бірыңғай жинақтаушы зейнетақы қоры және (немесе) ерікті жинақтаушы зейнетақы қорлары:
      1) салық төлеушілердің:
      Қазақстан Республикасының заңнамасына сәйкес міндетті зейнетақы жарналары;
      2014 жылғы 1 қаңтарға дейін қолданыста болған Қазақстан Республикасының заңнамасына сәйкес ерікті кәсіптік зейнетақы жарналары;
      Қазақстан Республикасының заңнамасына сәйкес міндетті кәсіби зейнетақы жарналары;
      ерікті зейнетақы жарналары есебінен зейнетақымен қамсыздандыру туралы шарт талаптарына сәйкес ерікті зейнетақы жарналары есебінен қалыптасқан зейнетақы жинақтарынан;
      2) Қазақстан Республикасының заңнамасына сәйкес зейнеткерлік жасқа толған және Қазақстан Республикасының шегінен тыс жерлерге тұрақты тұруға шыққан Қазақстан Республикасының резиденттері жеке тұлғаларға;
      3) Қазақстан Республикасының заңнамасына сәйкес зейнеткерлік жасқа толмаған және Қазақстан Республикасының шегінен тыс жерлерге тұрақты тұруға шыққан Қазақстан Республикасының резиденттері жеке тұлғаларға;
      4) Қазақстан Республикасының заңнамасында белгіленген тәртіппен мұраға қалған зейнетақы жинақтары түрінде жеке тұлғаларға жүзеге асыратын төлемдер салық салынатын зейнетақы төлемдері түріндегі табысқа жатады.
      2. Зейнетақы төлемдері түріндегі салық салынатын табыс мынадай тәртіпте айқындалады:
      1) бірыңғай жинақтаушы зейнетақы қорынан:
      салық салуға жататын зейнетақы төлемдері түріндегі табыс сомасы
      алу
      осы Кодекстің 156-бабының 1-тармағында көзделген жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді ауыстыру сомасы
      алу
      осы баптың 3-тармағында көзделген жағдайлардағы және мөлшерлердегі зейнетақы салық шегерімдерінің сомасы;
      2) салық салуға жататын зейнетақы төлемдері түріндегі табыс мөлшерінде ерікті жинақтаушы зейнетақы қорынан
      3. Салық салуға жататын зейнетақы төлемдері түріндегі табысқа:
      1) осы баптың 1-тармағының 1) тармақшасында көзделген төлемдер бойынша - республикалық бюджет туралы заңда белгіленген және зейнетақы төлемдері жүзеге асырылатын әрбір ай үшін зейнетақы төлемдері түріндегі табысты есептеу күні қолданыста болатын бір ең төменгі жалақы мөлшерінде;
      2) осы баптың 1-тармағының 2) тармақшасында көзделген төлемдер бойынша - республикалық бюджет туралы заңда белгiленген және зейнетақы төлемдері түріндегі табысты есептеу күнi қолданыста болатын ең төменгi жалақының он екі еселенген мөлшерiндегі мөлшерде зейнетақы салық шегерімдері қолданылады.
      171-бап. Салық сомасын есептеу
      Жеке табыс салығының сомасы осы Кодекстің 170-бабына сәйкес айқындалатын зейнетақы төлемдері түріндегі салық салынатын табыстың сомасына осы Кодекстің 158-бабының 1-тармағында белгіленген мөлшерлемені қолдану арқылы есептеледі.»;
      «172-бап. Дивидендтер, сыйақылар, ұтыстар түріндегі табыс
      1. Мыналар:
      1) осы Кодекстің 12-бабы 1-тармағының 14) тармақшасында айқындалған төленген (төлеуге жататын) дивидендтер;
      2) төленген (төлеуге жататын) сыйақылар;
      3) төленген (төлеуге жататын) ұтыстар салық салуға жататын дивидендтер, сыйақылар, ұтыстар түріндегі табыс болып табылады.
      Осы бөлімнің мақсаттары үшін сенімгерлікпен басқару шарты бойынша сенімгерлікпен басқару құрылтайшысының не сенімгерлікпен басқару туындайтын өзге жағдайларда пайда алушының сенімгерлікпен басқарудан түсетін, сенімгерлікпен басқарушы болып табылатын заңды тұлғадан алған таза табысы да салық салуға жататын дивидендтер түріндегі табысқа жатады.
      2. Дивидендтер, сыйақылар, ұтыстар түріндегі салық салынатын табыс мынадай тәртіппен айқындалады:
      дивидендтер, сыйақылар, ұтыстар түріндегі салық салуға жататын табыс сомасы
      алу
      осы Кодекстің 156-бабының 1-тармағында көзделген жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді ауыстыру сомасы.
      3. Жеке табыс салығының сомасы дивидендтер, сыйақылар, ұтыстар түрінде салық салынатын табыс сомасына осы Кодекстің 158-бабында белгіленген мөлшерлемелерді қолдану арқылы есептеледі.»;
      «173-бап. Стипендиялар түріндегі табыс
      1. Салық агенті:
      Қазақстан Республикасының білім туралы заңнамасына сәйкес білім беру ұйымдарында оқитындарға;
      Қазақстан Республикасының заңнамасына сәйкес мәдениет, ғылым қайраткерлеріне, бұқаралық ақпарат құралдары қызметкерлеріне және басқа да жеке тұлғаларға төлеуге тағайындаған ақша сомасы салық салуға жататын стипендия түріндегі табыс болып табылады.
      2. Стипендиялар түріндегі салық салынатын табыс мынадай тәртіппен айқындалады:
      салық салуға жататын стипендиялар түріндегі табыс сомасы
      алу
      осы Кодекстің 156-бабының 1-тармағында көзделген жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді ауыстыру сомасы.
      174-бап. Салық сомасын есептеу
      Жеке табыс салығының сомасы стипендия түріндегі салық салынатын табыс сомасына осы Кодекстің 158-бабының 1-тармағында белгіленген мөлшерлемені қолдану арқылы есептеледі.»;
      «175-бап. Жинақтаушы сақтандыру шарттары бойынша табыс
      1. Салық салуға жататын жинақтаушы сақтандыру шарттары бойынша табыс:
      1) сақтандыру сыйлықақылары мыналардың:
      бірыңғай жинақтаушы зейнетақы қорындағы және ерікті жинақтаушы зейнетақы қорларындағы зейнетақы жинақтары есебінен;
      жеке тұлғаның жинақтаушы сақтандыру шарттары бойынша өз пайдасына енгізетін сақтандыру сыйлықақылары есебінен;
      жұмыс берушінің жинақтаушы сақтандыру шарттары бойынша қызметкердің пайдасына енгізетін сақтандыру сыйлықақылары есебінен төленген сақтандыру ұйымдары жүзеге асыратын сақтандыру төлемдері;
      2) осындай шарттар мерзімінен бұрын тоқтатылған жағдайларда төленетін құнын төлеп сатып алу сомалары;
      3) сақтандыру ұйымы жүзеге асыратын сақтандыру төлемдері сомасының осы тармақтың 1) тармақшасында көрсетілмеген қаражат есебінен төленген сақтандыру сыйлықақыларының сомасынан асып кетуі болып табылады.
      2. Жинақтаушы сақтандыру шарттары бойынша салық салынатын табыс мынадай тәртіппен айқындалады:
      жинақтаушы сақтандыру шарттары бойынша салық салуға жататын табыс сомасы
      алу
      осы Кодекстің 156-бабының 1-тармағында көзделген жеке табыс салығы бойынша түзетулер сомасы
      алу
      осы Кодекстің 156-1-бабына сәйкес айқындалған жеке табыс салығы бойынша түзетулерді ауыстыру сомасы
      алу
      осы баптың 3-тармағында көзделген жағдайлардағы және мөлшерлердегі салық шегерімі сомасы.
      3. Сақтандыру сыйлықақылары бірыңғай жинақтаушы зейнетақы қорындағы зейнетақы жинағы есебінен төленген сақтандыру ұйымдары жүзеге асыратын сақтандыру төлемдері түрінде салық салуға жататын жинақтаушы сақтандыру шарттары бойынша табысқа салық шегерімі республикалық бюджет туралы заңда белгіленген және сақтандыру төлемі жүзеге асырылатын әрбір сақтандыру төлемі түріндегі табыс есептеу айы үшін сақтандыру төлемі түрінде табысты есептеу күні қолданыста болатын бір ең төменгі жалақы мөлшеріндегі сомада қолданылады.
      Күнтізбелік бір жыл ішінде республикалық бюджет туралы заңда белгіленген және сақтандыру төлемін жүзеге асыру күні қолданыста болатын ең төменгі жалақының 12 еселенген мөлшерінен асатын салық шегерімін қолдануға жол берілмейді.
      176-бап. Салық сомасын есептеу
      Жеке табыс салығының сомасы осы Кодекстің 175-бабына сәйкес айқындалатын жинақтаушы сақтандыру шарттары бойынша салық салынатын табыс сомасына осы Кодекстің 158-бабы 1-тармағында белгіленген мөлшерлемені қолдану арқылы есептеледі.»;
      44) 20-тараудың тақырыбы мынадай редакцияда жазылсын:
      «20-тарау. Жеке тұлғаның өзі дербес салық салуға жататын табыстары»;
      45) 177-бап мынадай редакцияда жазылсын:
      «177-бап. Жеке тұлғаның өзі дербес салық салуға жататын табыстары
      Жеке тұлғаның өзі дербес салық салуға жататын табыстарына табыстардың мынадай түрлері жатады:
      1) мүліктік табыс;
      2) дара кәсіпкердің табысы;
      3) жеке практикамен айналасудан түсетін табыс;
      4) өзге де табыстар.
      Дара кәсіпкердің табысы жеке практикамен айналысудан түсетін табыс мүліктік табыс болып табылмайды.»;
      46) мынадай мазмұндағы 177-1-баппен толықтырылсын:
      «177-1-бап. Салық кезеңі
      1. Егер осы бапта өзгеше белгіленбесе, жеке тұлғаның дербес салық салуға жататын табыстарынан жеке табыс салығын есептеу үшін салық кезеңі күнтізбелік жыл болып табылады.
      2. Жеке тұлға күнтізбелік жыл басталғаннан кейін дара кәсіпкер ретінде тіркелген кезде ол үшін бірінші салық кезеңі оның дара кәсіпкер ретінде мемлекеттік тіркелген күнінен бастап күнтізбелік жылдың соңына дейінгі уақыт кезеңі болып табылады.
      3. Дара кәсіпкер күнтізбелік жылдың соңына дейін дара кәсіпкер ретінде тіркеу есебінен шыққан кезде ол үшін соңғы салық кезеңі күнтізбелік жыл басталғаннан дара кәсіпкер ретінде тіркеу есебінен шыққан күнге дейінгі уақыт кезеңі болып табылады.
      4. Жеке тұлға күнтізбелік жыл басталғаннан кейін дара кәсіпкер ретінде тіркелген кезде күнтізбелік жыл басталғаннан және сол жылдың соңына дейін дара кәсіпкер ретінде тіркеу есебінен шыққаннан кейін ол үшін салық кезеңі дара кәсіпкер ретінде мемлекеттік тіркелген күнінен бастап дара кәсіпкер ретінде тіркеу есебінен шыққан күнге дейінгі уақыт кезеңі болып табылады.
      5. Дара кәсіпкер күнтізбелік жыл ішінде шағын бизнес субъектілері үшін арнаулы салық режимінде және жалпыға бірдей белгіленген тәртіппен кәсіпкерлік қызметін жүзеге асырған кезде шағын бизнес субъектілері үшін арнаулы салық режимінде кәсіпкерлік қызмет жүзеге асырылған уақыт кезеңі салық кезеңіне қосылмайды.»;
      47) 178-бап мынадай редакцияда жазылсын:
      «178-бап. Жеке тұлғаның дербес салық салуға жататын табыстары бойынша жеке табыс салығын есептеу
      1. Жеке тұлғаның дербес салық салуға жататын табыстарынан жеке табыс салығын есептеу жеке тұлғаның табыстары мен мүлкі туралы декларацияда жүргізіледі.
      2. Жеке тұлғаның дербес салық салуға жататын табыстарынан жеке табыс салығының сомасы жеке тұлғаның салық салынатын табысының сомасына осы Кодекстің 158-бабының 1-тармағында белгіленген мөлшерлемені қолдану арқылы есептеледі.
      3. Жеке тұлғаның күнтізбелік жылдың қорытындысы бойынша салық салынатын табысы жеке тұлғаның осы баптың 4-тармағына сәйкес айқындалған салық салынатын табысының және осы баптың 5-тармағына сәйкес айқындалған шаруа немесе фермер қожалығы басшысының (мүшесінің) салық салынатын табысының сомасы ретінде айқындалады.
      Егер жеке тұлғаның жыл қорытындысы бойынша салық салынатын табысының сомасы теріс мәнге ие болса, жеке табыс салығын есептеу мақсатында жеке тұлғаның жыл қорытындысы бойынша салық салынатын табысының сомасы нөлге тең деп танылады.
      4. Жеке тұлғаның, оның ішінде дара кәсіпкердің, жекеше нотариустың, адвокаттың, жеке сот орындаушысының, кәсіби медиатордың салық салынатын табысы мынадай тәртіппен айқындалады:
      осы Кодекстің 177-бабында көзделген жеке тұлғаның дербес салық салуға жататын табыстары,
      қосу
      осы Кодекстің 172 және 173-баптарында көзделген табыстарды қоспағанда, төлем көзінен салық салуға жататын салық агенті есептеген табыстардың сомасы,
      алу
      осы Кодекстің 156-бабында көзделген, салық салудан босатылатын табыстар,
      алу
      осы тарауда белгіленген шектерде салық шегерімдері.
      Осы тармақтың ережелері шаруа немесе фермер қожалығы басшысының (мүшесінің) салық салынатын табысын айқындау кезінде қолданылмайды.
      5. Шаруа немесе фермер қожалығы басшысының (мүшесінің) салық салынатын табысы мынадай тәртіппен айқындалады:
      осы Кодекстің 184-бабы 1-тармағының 8) тармақшасында көзделген табыстар,
      алу
      осы Кодекстің 156-бабы 1-тармағының 56) тармақшасында көзделген салық салудан босатылатын табыстар.
      6. Бюджетке төленуге жататын жеке табыс салығының сомасы мынадай тәртіппен айқындалады:
      осы баптың 2-тармағында көзделген тәртіппен есептелген жеке табыс салығының сомасы,
      алу
      осы Кодекстің 163, 168, 170 және 175-баптарында көзделген төлем көзінен салық салуға жататын табыстардан есептелген жеке табыс салығының сомасы,
      алу
      осы Кодекстің 223-бабына сәйкес есепке жатқызу жүзеге асырылатын жеке табыс салығының сомасы.
      7. Патент немесе оңайлатылған декларация негізінде шағын бизнес субъектілері үшін арнаулы салық режимін қолданатын дара кәсіпкерлер осы Кодекстің 61-тарауына сәйкес көрсетілген арнаулы салық режимдері шеңберінде салық салынатын табыстары бойынша жеке табыс салығын есептеуді жүргізеді.»;
      48) 179-баптың 1-тармағы мынадай редакцияда жазылсын:
      «1. Жеке тұлғаның дербес салық салуға жататын табыстары бойынша жеке табыс салығын төлеуді салық төлеуші салық кезеңінен кейінгі жылдың 25 шілдесінен кешіктірмей, мынадай тәртіппен:
      1) дара кәсіпкер, жекеше нотариус, жеке сот орындаушысы, адвокат, кәсіби медиатор – орналасқан жері бойынша;
      2) осы тармақтың 1) тармақшасында көрсетілмеген жеке тұлға – тұрғылықты (болу) жері бойынша жүзеге асырады.»;
      49) 180-баптың 1-тармағы мынадай мазмұндағы 3-1) тармақшамен толықтырылсын:
      «3-1) талап ету құқығын, оның ішінде тұрғын үй құрылысына үлестік қатысу туралы шарт бойынша тұрғын үйдегі (ғимараттағы) үлесті басқаға беруден түсетін табыс жатады.»;
      50) 180-1-бапта:
      1-тармақта:
      1), 2), 3) тармақшалар мынадай редакцияда жазылсын:
      «1) меншік құқығындағы тұрғын үйлерді, саяжай құрылыстарын, гараждарды, жеке қосалқы шаруашылық объектілерін;
      2) меншік құқығы туындаған күннен бастап өткізу күніне дейін нысаналы мақсаты осы тармақтың 1) тармақшасында көрсетілген объектілер орналасқан жеке тұрғын үй құрылысы, саяжай құрылысы, жеке қосалқы шаруашылық жүргізу, гараж салу болып табылатын меншік құқығындағы жер учаскелерін және (немесе) жер үлестерін;
      3) меншік құқығы туындаған күннен бастап өткізу күніне дейін нысаналы мақсаты осы тармақтың 1) тармақшасында көрсетілген объектілер орналаспаған жеке тұрғын үй құрылысы, саяжай құрылысы, жеке қосалқы шаруашылық, бау-бақша шаруашылығын жүргізу, гараж салу болып табылатын жер учаскелерін және (немесе) жер үлестерін;»;
      7) тармақша мынадай редакцияда жазылсын:
      «7) меншік құқығында болған мемлекеттік тіркелуге жататын механикалық көлік құралдарын және тіркемелерді;»;
      8-тармақ мынадай редакцияда жазылсын:
      «8. Осы баптың 1-тармағының 8) тармақшасында көрсетілген мүлікті өткізу кезіндегі құн өсімінен түсетін табыс:
      1) сатып алу (салым) бағасы (құны) болған жағдайда - өткізу бағасы (құны) мен сатып алу (салым) бағасы (құны) арасындағы оң айырма болып табылады. Жеке тұлға опцион бойынша сатып алған бағалы қағаздарды өткізу кезінде сатып алу құны опционның орындалу бағасы мен опционның сыйлықақысы мөлшерінде айқындалады;
      2) мүлікті (салымды) сатып алу бағасы (құны) болмаған жағдайда – мүлікті өткізу бағасы (құны) болып табылады.
      Осы баптың және осы Кодекстің 180-2-бабының мақсатында жарғылық капиталға салымның құны заңды тұлғаның құрылтай құжаттарында көрсетілген, бірақ нақты енгізілген салым мөлшерінен аспайтын құн болып табылады.»;
      51) 180-2-баптың 1-тармағында:
      1), 2), 3) тармақшалар мынадай редакцияда жазылсын:
      «1) меншік құқығында болған тұрғын үйлерді, саяжай құрылыстарын, гараждарды, жеке қосалқы шаруашылық объектілерін;
      2) меншік құқығы туындаған күннен бастап өткізу күніне дейін нысаналы мақсаты осы тармақтың 1) тармақшасында көрсетілген объектілер орналасқан жеке тұрғын үй құрылысы, саяжай құрылысы, жеке қосалқы шаруашылық жүргізу, гараж салу болып табылатын меншік құқығында болған жер учаскелерін және (немесе) жер үлестерін;
      3) меншік құқығы туындаған күннен бастап өткізу күніне дейін нысаналы мақсаты осы тармақтың 1) тармақшасында көрсетілген объектілер орналаспаған жеке тұрғын үй құрылысы, саяжай құрылысы, жеке қосалқы шаруашылық, бау-бақша шаруашылығын жүргізу, гараж салу болып табылатын жер учаскелерін және (немесе) жер үлестерін;»;
      7) тармақша мынадай редакцияда жазылсын:
      «7) меншік құқығында болған, мемлекеттік тіркелуге жататын механикалық көлік құралдарын және тіркемелерді;»;
      52) мынадай мазмұндағы 180-4-баппен толықтырылсын:
      «180-4-бап. Талап ету құқығын, оның ішінде тұрғын үй құрылысына үлестік қатысу туралы шарт бойынша тұрғын ғимараттағы үлесті басқаға беруден түсетін табыс
      1. Егер осы бапта өзгеше белгіленбесе, талап ету құқығының құнымен және жеке тұлға осындай құқықты иемденіп алған құн арасындағы оң айырма талап ету құқығын басқаға беруден түсетін табыс болып табылады.
      2. Егер осы баптың 3-тармағында өзгеше белгіленбесе, талап ету құқығын басқаға беру құны мен тұрғын үй құрылысына үлестiк қатысу туралы шарт бағасы арасындағы оң айырма тұрғын үй құрылысына үлестiк қатысу туралы шарт бойынша тұрғын ғимараттағы үлестi талап ету құқығын басқаға беруден түсетін табыс болып табылады.
      3. Талап ету құқығын басқаға беру құны мен осындай құқықты бұрын иемденіп алған құн арасындағы оң айырма тұрғын үй құрылысына үлестiк қатысу туралы шарт бойынша талап ету құқығын басқаға беру жолымен бұрын сатып алынған, тұрғын үй құрылысына үлестiк қатысу туралы шарт бойынша тұрғын ғимараттағы үлестi талап ету құқығын басқаға беруден түсетін табыс болып табылады.»;
      53) 2-параграфтың тақырыбы мынадай редакцияда жазылсын:
      «§ 2. Жеке практикамен айналысудан түсетін табыс»;
      54) 181 және 182-баптар мынадай редакцияда жазылсын:
      «181-бап. Жалпы ережелер
      1) Жеке практикамен айналысудан түсетін табысқа:
      2) жекеше нотариустың табысы;
      3) жеке сот орындаушысының табысы;
      4) адвокаттың табысы;
      5) кәсіби медиатордың табысы жатады.
      2. Жекеше нотариустың, жеке сот орындаушысының, адвокаттың, кәсіби медиатордың қызметтеріне ақы төлеу бойынша міндеттеменің орындалуын қамтамасыз ету ретінде қабылданған жекеше нотариус, жеке сот орындаушысы, адвокат, кәсіби медиатор қызметіне төлем есебіне қаржы сомасы қол қойылған көрсетілген қызметтер актісінде көрсетілген осындай қызметтің көрсетілу күнінен бастап табыс деп танылады.
      3. 2020 жылдың 1 қаңтарынан кейін сатып алынған және жеке практикамен айналысудан табыс алуға байланысты қызметте пайдаланылатын:
      1) компьютерлер, ноутбуктер, мониторлар, проекторлар;
      2) басып шығару, алдын-ала қарау, көшірме жасау, факспен жіберуге арналған құрылғылар;
      3) сейфтер жекеше нотариустың, жеке сот орындаушысының, адвокаттың, кәсіби медиатордың активтері болып танылады.
      Салық кезеңінің соңында осы тармақта көрсетілген активтердің құны:
      активті сатып алу құны
      қосу
      салық кезеңі ішінде жұмсалған активтерді сүйемелдеуге, жөндеуге және пайдалануға шығыстардың сомасы,
      алу
      алдыңғы салық кезеңінде есептелген амортизациялық аударымдардың сомасы ретінде айқындалады.
      4. Жекеше нотариустың, жеке сот орындаушысының, адвокаттың, кәсіби медиатордың амортизациялық аударымдарды есептеуі салық кезеңінің соңында активтер құнының 25 пайызы мөлшерінде жүргізіледі.
      5. Осы Кодекстің 182, 182-1, 182-2, 182-3-баптарының мақсатында қызметтік іссапарлар кезінде шегерімге жататын өтемақыларға:
      1) жол жүру мен броньға (оның ішінде құнының төлену фактісін растайтын құжат болған кезде электрондық билетке) жұмсалған шығыстарды растайтын құжаттар негізінде, броньға жұмсалған шығыстардың төлемақысын қоса алғанда, іссапарға баратын жерге жол жүруге және кері қайтуға іс жүзінде жүргізілген шығыстар;
      2) тұрғын үй-жайды жалдауға және броньға жұмсалған шығыстарды растайтын құжаттардың негізінде, броньға жұмсалған шығыстардың төлемақысын қоса алғанда, тұрғын үй-жайды жалдауға іс жүзінде жүргізілген шығыстар;
      3) іссапарда болған күнтізбелік қырық күннен аспайтын кезең ішінде – іссапарда болған әрбір күнтізбелік күн үшін республикалық бюджет туралы заңда белгіленген және тиісті қаржы жылының 1 қаңтарында қолданылатын айлық есептік көрсеткіштің 6 еселенген мөлшерінен аспайтын тәуліктік өтемақылар жатады.
      Іссапарда болу уақыты:
      қызметкерді іссапарға жіберу туралы салық төлеушінің бұйрығы немесе жазбаша өкімі;
      жол жүруді растайтын құжаттарда көрсетілген, іссапар орнына кету күні мен кері қайтып келу күнін негізге ала отырып, іссапар күндерінің саны негізінде айқындалады.
      182-бап. Жекеше нотариустың табысы
      1. Жекеше нотариустың салық кезеңі ішіндегі табысы мынадай тәртіппен айқындалады:
      нотариаттық қызметті жүзеге асырудан алуға жататын (алынған) табыстары,
      алу
      жекеше нотариустың кәсіби шегерімдері.
      2) Жекеше нотариус қызметін жүзеге асырудан түскен табыстарға:
      1) нотариаттық іс-қимылдарға ақы төлеу түріндегі табыс;
      2) жекеше нотариустың нотариаттық іс-қимылдарды жасау кезіндегі құқықтық және техникалық сипаттағы көрсетілген қызметтеріне ақы төлеу түріндегі табыс;
      3) нотариаттық қызметтерді жүзеге асыру кезінде алынуға жататын (алынған) басқа да табыстар жатады.
      3. Жекеше нотариус осы баптың 4-тармағында көзделген шығыстар бойынша кәсіби шегерімдерді бір мезгілде мынадай:
      1) жекеше нотариус қызметін жүзеге асырудан табыс алуға байланысты жүргізілген;
      2) құжаттық расталған;
      3) жекеше нотариустың салық тіркелімдерінде көрсетілген шарттарға сәйкес келгенде қолдануға құқылы.
      4. Жекеше нотариустың кәсіби шегерімдеріне:
      1) кеңсе керек-жарақтарын сатып алуға шығыстар;
      2) нотариаттық қызмет көрсету үшін үй-жайды жалға алу (жалдау) бойынша шығыстар;
      3) осы Кодекстің 181-бабының 4-тармағына сәйкес есептелген амортизациялық аударымдар;
      4) банк операцияларының жекелеген түрлерін жүзеге асыратын банктің, ұйымдардың көрсетілетін қызметтеріне, байланыс қызметтеріне, коммуналдық қызметтерге ақы төлеу бойынша шығыстар;
      5) азаматтық-құқықтық сипаттағы шарттар бойынша қызметкерлердің, сондай-ақ жеке тұлғалардың есептелген табыстары;
      6) осы Кодекстің 100-бабының 14-1-тармағында және 114-бабында көзделген шығыстар;
      7) осы Кодекстің 181-бабының 5-тармағына сәйкес қызметтік іссапар кезіндегі өтемақылар;
      8) қызметкерлердің бір жыл ішіндегі орташа тізімдік санын негізге ала отырып, бір қызметкерге республикалық бюджет туралы заңда белгiленген және тиiстi қаржы жылының 1 қаңтарында қолданылатын айлық есептік көрсеткіш шегінде нотариат палаталарына енгізілетін мүшелік жарналар;
      9) «Жекеше нотариустардың азаматтық-құқықтық жауапкершiлiгiн мiндеттi сақтандыру туралы» Қазақстан Республикасының Заңында көзделген азаматтық-құқықтық жауапкершілікті міндетті сақтандыруға шығыстар жатады.»;
      55) мынадай мазмұндағы 182-1, 182-2, 182-3-баптармен толықтырылсын:
      «182-1-бап. Жеке сот орындаушысының табысы
      1. Жеке сот орындаушысының салық кезеңі ішіндегі табысы мынадай тәртіппен айқындалады:
      жеке сот орындаушысы қызметін жүзеге асырудан алынуға жататын (алынған) табыстар,
      алу
      жеке сот орындаушысының кәсіби шегерімдері.
      2. Жеке сот орындаушысы қызметін жүзеге асырудан түскен табыстарға:
      1) жеке сот орындаушысының қызметіне ақы төлеу;
      2) атқарушылық іс-әрекеттерді жасау бойынша шығыстарды, оның ішінде бюджет қаражаты есебінен өтеу;
      3) жеке сот орындаушысы қызметін жүзеге асыру кезінде алынуға жататын (алынған) басқа да табыстар жатады.
      3. Жеке сот орындаушысы осы баптың 4-тармағында көзделген шығыстар бойынша кәсіби шегерімдерді бір мезгілде мынадай:
      1) жеке сот орындаушысы қызметін жүзеге асырудан табыс алуға байланысты жүргізілген;
      2) құжаттамалық расталған;
      3) жеке сот орындаушысының салықтық тіркелімдерінде көрсетілген талаптарға сәйкес келгенде қолдануға құқылы.
      4. Жеке сот орындаушысының кәсіби шегерімдеріне:
      1) кеңсе керек-жарақтарын сатып алуға арналған шығыстар;
      2) жеке сот орындаушысы қызметін көрсету үшін үй-жайды жалға алу (жалдау) бойынша шығыстар;
      3) осы Кодекстің 181-бабының 4-тармағына сәйкес есептелген амортизациялық аударымдар;
      4) банктің, банк операцияларының жекелеген түрлерін жүзеге асыратын ұйымдардың қызметтеріне, байланыс қызметтеріне, коммуналдық қызметтерге ақы төлеу бойынша шығыстар;
      5) азаматтық-құқықтық сипаттағы шарттар бойынша қызметкерлердің, сондай-ақ жеке тұлғалардың есептелген табыстары;
      6) осы Кодекстің 100-бабының 14-1-тармағында және 114-бабында көзделген шығыстар;
      7) қызметтік іссапар кезіндегі өтемақылар;
      8) қызметкерлердің бір жыл ішіндегі орташа тізімдік санын негізге ала отырып, бір қызметкерге республикалық бюджет туралы заңда белгiленген және тиiстi қаржы жылының 1 қаңтарында қолданылатын айлық есептік көрсеткіш шегінде жеке сот орындаушыларының алқасына енгізілетін мүшелік жарналар;
      9) «Атқарушылық iс жүргiзу және сот орындаушыларының мәртебесi туралы» Қазақстан Республикасының Заңында көзделген азаматтық-құқықтық жауапкершілікті міндетті сақтандыру бойынша шығыстар;
      10) осы тармақтың 1), 2), 3), 4), 5), 6), 7), 8), 9) тармақшаларында көзделмеген, атқарушылық әрекеттерді жасау бойынша Қазақстан Республикасының заңнамасына сәйкес өтелген шығыстар жатады.
      182-2-бап. Адвокаттың табысы
      1. Адвокаттың салық кезеңі ішіндегі табысы мынадай тәртіппен айқындалады:
      адвокаттық қызметті жүзеге асырудан алынуға жататын (алынған) табыстары,
      алу
      адвокаттың кәсіби шегерімдері.
      2. Адвокаттық қызметті жүзеге асырудан түскен табыстарға:
      1) адвокаттың заң көмегін көрсетуден табысы;
      2) қорғау және өкілдік етуге, құқықтық ақпараттандыруға және құқықтық консультация беруге байланысты шығыстарды, оның ішінде Қазақстан Республикасының мемлекет кепілдік берген заң көмегі туралы заңнамасына сәйкес бюджет қаражаты есебінен өтеу түріндегі табыс;
      3) адвокаттық қызметті жүзеге асыру кезінде алынуға жататын (алынған) басқа да табыстар жатады.
      3. Адвокат осы баптың 4-тармағында көзделген шығыстар бойынша кәсіби шегерімдерді бір мезгілде мынадай:
      1) адвокаттық қызметті жүзеге асырудан табыс алуға байланысты жүргізілген;
      2) құжаттамалық расталған;
      3) адвокаттың салықтық тіркелімдерінде көрсетілген талаптарды орындаған кезде қолдануға құқылы.
      4. Адвокаттың кәсіби шегерімдеріне:
      1) кеңсе керек-жарақтарын сатып алуға арналған шығыстар;
      2) адвокат қызметін жүзеге асыру үшін үй-жайды жалға алу (жалдау) бойынша шығыстар;
      3) осы Кодекстің 181-бабының 4-тармағына сәйкес есептелген амортизациялық аударымдар;
      4) банктің, банк операцияларының жекелеген түрлерін жүзеге асыратын ұйымдардың қызметтеріне, байланыс қызметтеріне, коммуналдық қызметтерге ақы төлеу бойынша шығыстар;
      5) азаматтық-құқықтық сипаттағы шарттар бойынша қызметкерлердің, сондай-ақ жеке тұлғалардың есептелген табыстары;
      6) осы Кодекстің 100-бабының 14-1-тармағында және 114-бабында көзделген шығыстар;
      7) қызметтік іссапар кезіндегі өтемақылар;
      8) қызметкерлердің бір жыл ішіндегі орташа тізімдік санын негізге ала отырып, бір қызметкерге республикалық бюджет туралы заңда белгiленген және тиiстi қаржы жылының 1 қаңтарында қолданылатын айлық есептік көрсеткіш шегінде адвокаттар алқасына енгізілетін мүшелік жарналар;
      9) осы тармақтың 1), 2), 3), 4), 5), 6), 7), 8) тармақшаларында көзделмеген, қорғау және өкілдік етуге байланысты Қазақстан Республикасының заңнамасына сәйкес өтелген шығыстар жатады.
      182-3-бап. Кәсіби медиатордың табысы
      1. Кәсіби медиатордың салық кезеңі ішіндегі табысы мынадай тәртіппен айқындалады:
      «Медиация туралы» Қазақстан Республикасының Заңына сәйкес кәсіби медиатор қызметін жүзеге асырудан алынуға жататын (алынған) табыстар,
      алу
      кәсіби медиатордың кәсіби шегерімдері.
      2. Кәсіби медиатор осы баптың 3-тармағында көзделген шығыстар бойынша кәсіби шегерімдерді бір мезгілде мынадай:
      1) кәсіби медиатор қызметін жүзеге асырудан табыс алуға байланысты жүргізілген;
      2) құжаттамалық расталған;
      3) кәсіби медиатордың салық тіркелімдерінде көрсетілген талаптарға сәйкес келгенде қолдануға құқылы.
      3. Кәсіби медиатордың кәсіби шегерімдеріне:
      1) кеңсе керек-жарақтарын сатып алуға арналған шығыстар;
      2) кәсіби медиатор қызметін көрсету үшін үй-жайды жалға алу (жалдау) бойынша шығыстар;
      3) осы Кодекстің 181-бабының 4-тармағына сәйкес есептелген амортизациялық аударымдар;
      4) банктің, банк операцияларының жекелеген түрлерін жүзеге асыратын ұйымдардың қызметтеріне, байланыс қызметтеріне, коммуналдық қызметтерге ақы төлеу бойынша шығыстар;
      5) азаматтық-құқықтық сипаттағы шарттар бойынша қызметкерлердің, сондай-ақ жеке тұлғалардың есептелген табыстары;
      6) осы Кодекстің 100-бабының 14-1-тармағында және 114-бабында көзделген шығыстар;
      7) қызметтік іссапар кезіндегі өтемақылар;
      8) қызметкерлердің бір жыл ішіндегі орташа тізімдік санын негізге ала отырып, бір қызметкерге республикалық бюджет туралы заңда белгiленген және тиiстi қаржы жылының 1 қаңтарында қолданылатын айлық есептік көрсеткіш шегінде кәсіби медиаторлар ұйымына енгізілетін мүшелік жарналар жатады.»;
      56) 183-бап мынадай редакцияда жазылсын:
      «183-бап. Дара кәсіпкердің табысы
      1. Дара кәсiпкердiң салық кезеңі ішіндегі табысы мынадай тәртіппен айқындалады:
      осы баптың 1-1-тармағына сәйкес айқындалған дара кәсiпкердiң салық салынатын табысы,
      қосу
      осы Кодекстiң 224-бабына сәйкес айқындалған шетелдік көздерден алынған табыстар,
      алу
      осы баптың 3-тармағында белгіленген ерекшеліктерді ескере отырып, осы Кодекстiң 133-бабында белгіленген корпоративтiк табыс салығын есептеу мақсатында салық салынатын табысты азайтуды айқындау тәртiбіне ұқсас тәртiппен айқындалған дара кәсiпкердiң салық салынатын табысын азайту,
      алу
      осы Кодекстiң 136 және 137-баптарында белгіленген корпоративтiк табыс салығын есептеу мақсатында залалдарды көшіру тәртiбіне ұқсас тәртіппен айқындалған көшірілуге жататын залалдар.
      2. Дара кәсiпкердiң салық кезеңі ішіндегі салық салынатын табысы мынадай тәртіппен айқындалады:
      осы Кодекстiң 85-98-баптарында көзделген ерекшеліктерді ескере отырып, осы Кодекстiң 84-бабында белгіленген корпоративтiк табыс салығын есептеу мақсатында жылдық жиынтық табысты айқындау тәртiбіне ұқсас тәртіппен айқындалған салық кезеңі үшін жиынтығында алынған дара кәсiпкердiң табысы,
      алу
      осы Кодекстiң 99-бабының 1-тармағында белгіленген корпоративтiк табыс салығын есептеу мақсатында жылдық жиынтық табысты түзетулерді айқындау тәртiбіне ұқсас тәртіппен айқындалған салық кезеңі үшін жиынтығында алынған дара кәсiпкердiң табысын түзету,
      қосу (алу)
      осы Кодекстiң 99-бабының 2-тармағында белгіленген корпоративтiк табыс салығын есептеу мақсатында жылдық жиынтық табысты түзетулерді айқындау тәртiбіне ұқсас тәртіппен айқындалған салық кезеңі үшін жиынтығында алынған дара кәсiпкердiң табысын түзету,
      алу
      осы Кодекстiң 100-125-баптарында белгіленген корпоративтiк табыс салығын есептеу мақсатында шегерімдерге жатқызылатын шығыстарды айқындау тәртiбіне ұқсас тәртіппен айқындалған шегерімдер,
      қосу (алу)
      осы Кодекстiң 132-бабында белгіленген корпоративтiк табыс салығын есептеу мақсатында табыстарды және шегерімдерді түзетуді айқындау тәртiбіне ұқсас тәртіппен айқындалған табыстарды және шегерімдерді түзету.
      3. Шағын бизнес субъектілері үшін арнаулы салық режимiн қолданатын дара кәсiпкердiң табысы осы Кодекстің 427-бабының 3 және 4-тармақтарына сәйкес айқындалады.»;
      57)  184-бапта:
      1-тармақта:
      1) тармақша мынадай редакцияда жазылсын:
      «1) Қазақстан Республикасының шегінен тыс жерлердегi көздерден, оның ішінде жеке тұлғаның мүлікті өткізуден, сондай-ақ осы Кодекстің
184-1-бабында белгіленген тәртіппен айқындалатын шағын бизнес субъектiлерi үшiн арнаулы салық режимiн қолданатын дара кәсіпкердің алған табыстары;»;
      4) тармақша алып тасталсын;
      6) тармақша мынадай редакцияда жазылсын:
      «6) салық агенті болып табылмайтын тұлғалардан кәсіби медиаторларды қоспағанда, медиация туралы Қазақстан Республикасының заңнамасына сәйкес алынған медиаторлардың табыстары;»;
      мынадай мазмұндағы 8) тармақшамен толықтырылсын:
      «8) бірлескен қызмет туралы шартқа сәйкес шаруа немесе фермер қожалығы табысында шаруа немесе фермер қожалығы басшысының (мүшесінің) үлесі бойынша айқындалатын шаруа немесе фермер қожалығы үшін арнаулы салық режимін қолданатын шаруа немесе фермер қожалығы басшысының (мүшесінің) табысы.»;
      2-1-тармақтың сегізінші абзацы мынадай редакцияда жазылсын:
      «Егер салық кезеңі ішінде жеке табыс салығы бойынша төленген алдын ала төлемдердің сомасы есепті салық кезеңі үшін есептелген жеке табыс салығының сомасынан аз болған жағдайда, жеке табыс салығын есептеу жеке табыс салығы бойынша декларацияда көрсетіледі және салық кезеңінің қорытындылары декларациясы бойынша жеке табыс салығын төлеуді Қазақстан Республикасының резиденті-үй қызметкері болып табылатын еңбекші көшіп келуші осы Кодекстің 187-7-бабында көзделген жеке табыс салығы бойынша декларацияны табыс еткен мерзімнен кейін күнтізбелік он күннен кешіктірмей, болатын жері бойынша жүзеге асырады.»;
      3 және 4-тармақтар алып тасталсын.
      58) мынадай мазмұндағы 184-1-баппен толықтырылсын:
      «184-1-бап. Жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған мүлікті өткізуден түсетін табысын айқындау тәртібі
      1. Егер осы бапта өзгеше белгіленбесе, жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған мүлікті өткізу кезінде түсетін табысы мүлікті өткізу құны болып табылады.
      2. Жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған мүлікті өткізу кезінде түсетін табысы мынадай мүлікті:
      1) Қазақстан Республикасының шегінен тыс жерлердегі мүлікке құқықтар және (немесе) ол бойынша мәмілелер шет мемлекеттің заңнамасына сәйкес шет мемлекеттің құзыретті органында мемлекеттік немесе басқа да тіркелуге жататын;
      2) Қазақстан Республикасының шегінен тыс жерлердегі шет мемлекеттің заңнамасына сәйкес шет мемлекеттің құзыретті органында мемлекеттік немесе басқа да тіркелуге жататын мүлікті өткізу кезінде мүлікті өткізу құны мен оны сатып алу құны арасындағы оң айырма ретінде айқындалады.
      3. «Қазақстан Республикасының азаматтарына, оралмандарға және Қазақстан Республикасында тұруға ықтиярхаты бар адамдарға олардың мүлікті жария етуіне байланысты рақымшылық жасау туралы» Қазақстан Республикасының Заңында белгіленген тәртіппен жария етілген, сатып алу бағасы (құны) жоқ және жария ету үшін алым төлеу бойынша міндеттеме орындалған мүлікті жария еткен тұлға өткізген жағдайда, мүлікті өткізу бағасы (құны) мен өткізілетін мүлікті жария ету үшін алымды есептеу үшін теңгемен айқындалған бағалау құны арасындағы оң айырма құн өсімінен түсетін табыс болып табылады.
      4. Борыштық бағалы қағаздарды қоспағанда, жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған бағалы қағаздарды өткізу кезінде түсетін табысы өткізу құны мен сатып алу құны арасындағы оң айырма ретінде айқындалады.
      5. Жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған борыштық бағалы қағаздарды өткізу кезінде түсетін табысын өткізу күнгі дисконт амортизациясын және (немесе) сыйлықақыны ескере отырып, купон есепке алынбаған өткізу құны мен сатып алу құны арасындағы оң айырма ретінде айқындалады.
      6. Жеке тұлғаның, сондай-ақ шағын бизнес субъектілері үшін арнаулы салық режимін қолданатын дара кәсіпкердің Қазақстан Республикасының шегінен тыс жерлердегі көздерден алынған қатысу үлесін өткізу кезінде түсетін табысы өткізу құны мен оны сатып алу (салым) құны арасындағы оң айырма ретінде айқындалады.
      7. Осы баптың 2-тармағының ережесі мынадай жағдайларда:
      1) жылжымайтын мүлік жеңілдікті салық салынатын мемлекеттің аумағында болса;
      2) жылжымалы мүлікке құқықтар немесе жылжымалы мүлік бойынша мәмілелер жеңілдікті салық салынатын мемлекеттің құзыретті органында тіркелген болса қолданылмайды.
      8. Осы баптың 4, 5, 6-тармақтарының ережелері, егер осы баптың 4, 5, 6-тармақтарында көрсетілген табыстар жеңілдікті салық салынатын мемлекеттегі көздерден алынса, қолданылмайды.
      9. Осы баптың 2, 4, 5, 6-тармақтарының ережелері:
      1) мүлікті сатып алу құнын (салым құнын);
      2) мүлікті өткізу құнын;
      3) мүлікті және (немесе) мүлікке меншік құқығын және (немесе) мүлік бойынша мәмілені шет мемлекеттің заңнамасына сәйкес шет мемлекеттің құзыретті органының тіркегенін растайтын құжаттар негізінде қолданылады.»;
      59) 185-бапта:
      1, 3-тармақтар алып тасталсын;
      2-тармақ алып тасталсын;
      60) 186, 187-баптар алып тасталсын;
      61) мынадай мазмұндағы 21-1-тараумен, 1-параграфпен, 187-1, 187-2, 187-3-баптармен, 2-параграфпен, 187-4, 187-5-баптармен, 3-параграфпен, 187-6, 187-7-баптармен толықтырылсын:
      «21-1-тарау. Жеке тұлғалардың декларациялары
      § 1. Активтер мен міндеттемелер туралы декларация
      187-1-бап. Активтер мен міндеттемелер туралы декларация
      1. Осы бапта көрсетілген тұлғалар активтері мен міндеттемелері туралы декларацияны егер «Қазақстан Республикасындағы сайлау туралы» Қазақстан Республикасының Конституциялық заңында және «Сыбайлас жемқорлыққа қарсы іс-қимыл туралы»«Қазақстан Республикасындағы банктер және банк қызметі туралы»«Сақтандыру қызметі туралы»,  «Бағалы қағаздар рыногы туралы» Қазақстан Республикасының Заңдарында өзгеше белгiленбесе, активтер мен міндеттемелер туралы декларацияны табыс ететін жылдың алдындағы жылдың 31 желтоқсанындағы жағдай бойынша толтырады.
      2. Активтер мен міндеттемелер туралы декларацияны активтер мен міндеттемелер туралы декларацияны табыс ететін жылдың 1 қаңтарында жеке тұлға:
      1) мынадай адамдардың бірі:
      Қазақстан Республикасының кәмелеттік жасқа толған азаматы;
      оралман;
      тұруға ықтиярхаты бар адам болып табылатын, осы Кодекстің ережелеріне сәйкес Қазақстан Республикасының резиденті;
      2) «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттік лауазым атқаратын адамның немесе мемлекеттік функцияларды орындауға уәкілеттілік берілген адамның немесе оларға теңестірілген адамның зайыбы (жұбайы);
      3) осы баптың 3-тармағында айқындалған жағдайда осы тармақтың 1), 2) тармақшаларында көрсетілмеген жеке тұлға;
      4) мынадай:
      осы баптың 4-тармағында айқындалған жағдайда он сегіз жасқа (кәмелетке жасына) толмаған адамның;
      әрекетке қабілетсіз деп танылған және осы тармақтың 1), 2),
3) тармақшаларында көрсетілген адамдардың санатына жататын кәмелетке толған адамның кез келгенінің заңды өкілдерінің бірі болып табылатын адам табыс етеді.
      3. Осы баптың 2-тармағы 3) тармақшасында көрсетілген адамдар активтер мен міндеттемелер туралы декларацияны мына жағдайлардың кез келгені басталған:
      1) жеке тұлғаның активтері мен міндеттемелері туралы декларацияны табыс ету жылының алдындағы жылдың 31 желтоқсанындағы жағдай бойынша меншік құқығында мемлекеттік немесе өзге де тіркелуге жататын мүлік, сондай-ақ құқықтары және (немесе) мәмілелері Қазақстан Республикасының аумағында мемлекеттік немесе өзге де тіркелуге жататын мүлік болған;
      2) жеке тұлғаның активтері мен міндеттемелері туралы декларацияны табыс ету жылының алдындағы жылдың 31 желтоқсанындағы жағдай бойынша Қазақстан Республикасының аумағында тұрғын үй құрылысына қатысу үлесі болған кезде табыс етеді.
      Осы тармақтың ережелері Қазақстан Республикасында аккредиттелген шетелдік мемлекеттің дипломатиялық немесе оларға теңестірілген өкілдіктердің, консулдық мекемелерінің, халықаралық ұйымдардың және олардың өкілдіктерінің қызметкерлері болып табылатын шетелдіктерге немесе азаматтығы жоқ адамдарға, сондай-ақ олармен бірге тұратын отбасы мүшелеріне қолданылмайды.
      4. Осы баптың 2-тармағы 4) тармақшасында көрсетілген адамдар активтер мен міндеттемелер туралы декларацияны осы баптың 2-тармағы
4) тармақшасының екінші абзацында көрсетілген адам үшін осы адамда мына жағдайлардың кез келгені:
      1) активтер мен міндеттемелер туралы декларацияны табыс ету жылының алдындағы жылдың 31 желтоқсанындағы жағдай бойынша меншік құқығында мемлекеттік немесе өзге де тіркелуге жататын мүлік, сондай-ақ құқықтары және (немесе) мәмілелері мемлекеттік немесе өзге де тіркелуге, оның ішінде Қазақстан Республикасының шегінен тыс жерлерде тіркелуге жататын мүлік (жекешелендірілген тұрғын үйге ортақ бірлескен меншік құқығындағы мүлікті қоспағанда) болған;
      2) активтер мен міндеттемелер туралы декларацияны табыс ету жылының алдындағы жылдың 31 желтоқсанындағы жағдай бойынша тұрғын үй құрылысына, оның ішінде Қазақстан Республикасының шегінен тыс жерлерде қатысу үлесі болған;
      3) активтер мен міндеттемелер туралы декларацияны табыс ету жылының алдындағы жылдың 31 желтоқсанындағы жағдай бойынша банк шоттарында, оның ішінде Қазақстан Республикасының шегінен тыс жерлерде барлық банк салымдары бойынша республикалық бюджет туралы заңда белгіленген және жеке тұлғаның активтері мен міндеттемелері туралы декларацияны табыс ету жылының алдындағы жылдың 31 желтоқсанында қолданылатын жиынтығында ең төменгі жалақының 40 еселенген мөлшерінен асатын ақша сомасы болған;
      4) активтер мен міндеттемелер туралы декларацияны табыс ету жылының алдындағы жылдың 31 желтоқсанындағы жағдай бойынша республикалық бюджет туралы заңда белгіленген және активтер мен міндеттемелер туралы декларацияны табыс ету жылының алдындағы жылдың 31 желтоқсанында қолданылатын ең төменгі жалақының 160 еселенген мөлшерінен асатын басқа адамдардың жеке тұлғаға берешектерінің (дебиторлық берешегі) және жеке тұлғалардың басқа адамдарға берешектерінің (дебиторлық берешегі) сомасы болған кезде табыс етеді.
      5. Активтер мен міндеттемелер туралы декларация мынадай түрлерге бөлінеді:
      1) бастапқы - осындай декларацияны табыс ету бойынша белгіленген міндет алғаш туындауына байланысты жеке тұлға табыс ететін активтер мен міндеттемелер туралы декларация;
      2) кезекті - жеке тұлға активтер мен міндеттемелер туралы бастапқы декларацияны табыс еткеннен кейін «Қазақстан Республикасындағы сайлау туралы» Қазақстан Республикасының Конституциялық заңына және «Сыбайлас жемқорлыққа қарсы іс-қимыл туралы»«Қазақстан Республикасындағы банктер және банк қызметі туралы»«Сақтандыру қызметі туралы»«Бағалы қағаздар рыногы туралы» Қазақстан Республикасының Заңдарына сәйкес жеке тұлға табыс ететін активтер мен міндеттемелер туралы декларация;
      3) қосымша - осы өзгерістер және (немесе) толықтырулар жататын бұрын табыс етілген активтер мен міндеттемелер туралы декларацияға өзгерістер және (немесе) толықтырулар енгізу кезінде жеке тұлға табыс ететін активтер мен міндеттемелер туралы декларация;
      4) хабарлама бойынша қосымша - салық органы активтер мен міндеттемелер бойынша камералдық бақылау нәтижелері бойынша бұзушылықтарды анықтаған бұрын табыс етілген активтер мен міндеттемелер туралы декларацияға өзгерістер және (немесе) толықтырулар енгізген кезде жеке тұлға табыс ететін активтер мен міндеттемелер туралы декларация.
      6. Активтер мен міндеттемелер туралы декларация:
      1) «Қазақстан Республикасындағы сайлау туралы» Қазақстан Республикасының Конституциялық заңы және «Сыбайлас жемқорлыққа қарсы іс-қимыл туралы»«Қазақстан Республикасындағы банктер және банк қызметі туралы»«Сақтандыру қызметі туралы»«Бағалы қағаздар рыногы туралы» Қазақстан Республикасының Заңдарына сәйкес декларацияны табыс ету міндеті жүктелген адамдарды;
      2) осы Кодекстің 70-бабында көзделген қосымша салық есептілігін табыс етуді қоспағанда, бір рет табыс етіледі.
      187-2-бап. Активтер мен міндеттемелер туралы декларация жасау ерекшеліктері
      1. Активтер мен міндеттемелер туралы декларация мынадай талаптар ескеріле отырып жасалады:
      1) Қазақстан Республикасының азаматтарына, оралмандарға және Қазақстан Республикасында тұруға ықтиярхаты бар адамдарға олардың мүлікті жария етуіне байланысты рақымшылық жасау туралы Қазақстан Республикасының заңнамалық актісіне сәйкес жария етілген ақшаларды қоспағанда, қолма-қол ақша республикалық бюджет туралы заңда белгiленген және жеке тұлғаның активтері мен міндеттемелері туралы декларацияны табыс ету жылының алдындағы жылдың 31 желтоқсанында қолданылатын ең төменгі жалақының 160 еселенген мөлшері шегінен аспайтын сомада көрсетіледі;
      2) Қазақстан Республикасындағы банктер және банк қызметі туралы Қазақстан Республикасының заңнамасына сәйкес құрылған банктерге және банк операцияларының жекелеген түрлерін жүзеге асыратын ұйымдарға берешектерін қоспағанда, дебиторлық және (немесе) кредиторлық берешек республикалық бюджет туралы заңда белгiленген және жеке тұлғаның активтері мен міндеттемелері туралы декларация табыс ету жылының алдындағы жылдың 31 желтоқсанында қолданылатын ең төменгі жалақының 160 еселенген мөлшеріне тең сомадан асып кеткен жағдайда, міндеттемелердің немесе талаптардың туындауына негіз болып табылатын шарт немесе өзге құжаттар болған кезде көрсетіледі.
      2. Жеке тұлғаның активтері мен міндеттемелері туралы декларациясында жеке тұлғаның қалауы бойынша мынадай талаптар:
      1) осындай активтерге меншік құқығын растайтын ветеринариялық паспорт немесе өзге де құжат болған кезде биологиялық активтер көрсетілуін;
      2) мәдени құндылықтар Қазақстан Республикасының мәдениет туралы заңнамасында айқындалған тәртіппен олар Ұлттық мәдени игілік объектілерінің мемлекеттік тізіліміне енгізілген жағдайда көрсетілуін;
      3) асыл тастар мен бағалы металдар, олардан жасалған зергерлік бұйымдар және құрамында асыл тастар мен бағалы металдар бар басқа да заттар, сондай-ақ өнер және антиквариат туындылары осы мүліктің бірлігі үшін бағасы (құны) республикалық бюджет туралы заңда белгіленген және активтер мен міндеттемелер туралы декларацияны табыс ету жылының алдындағы жылдың 31 желтоқсанында қолданылатын ең төменгі жалақының 160 еселенген мөлшерінен асып түскен және осындай мүліктің құнын растайтын құжаттар болған жағдайда көрсетілуін;
      4) осы тармақтың 1), 2), 3) тармақшаларында көрсетілмеген өзге де мүлік, осы мүліктің бірлігі үшін бағасы (құны) республикалық бюджет туралы заңда белгіленген және активтер мен міндеттемелер туралы декларацияны табыс ету жылының алдындағы жылдың 31 желтоқсанында қолданылатын ең төменгі жалақының 160 еселенген мөлшерінен асып кеткен және осындай мүліктің құнын растайтын құжаттар болған жағдайда көрсетілуін ескере отырып, басқа да мүлік көрсетілуі мүмкін.
      187-3-бап. Активтер мен міндеттемелер туралы декларацияны табыс ету мерзімдері
      Егер «Қазақстан Республикасындағы сайлау туралы» Қазақстан Республикасының Конституциялық заңында және «Сыбайлас жемқорлыққа қарсы іс-қимыл туралы»«Қазақстан Республикасындағы банктер және банк қызметі туралы»«Сақтандыру қызметі туралы»«Бағалы қағаздар рыногы туралы» Қазақстан Республикасының Заңдарында өзгеше белгiленбесе, активтер мен міндеттемелер туралы декларация:
      1) қағаз жеткізгіште табыс етілген жағдайда – декларацияны табыс ету бойынша міндеттеме туындаған жылдың 15 шілдесінен кешіктірілмей;
      2) электрондық түрде табыс етілген жағдайда – декларацияны табыс ету бойынша міндеттеме туындаған жылдың 15 қыркүйегінен кешіктірілмей табыс етіледі.
      § 2. Табыстар мен мүліктер туралы декларация
      187-4-бап. Табыстар мен мүлік туралы декларация
      1. Табыстар мен мүліктер туралы декларация мен мүліктер туралы декларацияны табыс ету жылының алдындағы күнтізбелік жылдың ішінде:
      1) мынадай адамдардың бірі:
      Қазақстан Республикасының кәмелетке толған азаматы;
      оралман;
      тұруға ықтиярхаты бар адам болса,осы Кодекстің ережелеріне сәйкес Қазақстан Республикасының резиденті;
      2) «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттік лауазымды атқаратын адамның немесе мемлекеттік функцияларды орындауға уәкілеттік берілген адамның немесе оларға теңестірілген адамның зайыбы (жұбайы);
      3) осы баптың 2-тармағында айқындалған жағдайда осы тармақтың 1), 2) тармақшаларында көрсетілмеген жеке тұлға;
      4) мынадай:
      осы баптың 3-тармағында айқындалған жағдайда он сегіз жасқа (кәмелет жасына) толмаған адамның;
      әрекетке қабілетсіз деп танылған және осы тармақтың 1), 2), 3) тармақшаларында көрсетілген адамдардың санатына жататын кәмелетке толған адамның кез келгенінің заңды өкілдерінің бірі болып табылатын адам табыс етеді.
      2. Осы баптың 1-тармағы 3) тармақшасында көрсетілген адамдар мынадай жағдайда, егер:
      1) есепті салық кезеңінде Қазақстан Республикасындағы көздерден жеке тұлға өзі дербес салық салуға жататын табыстар алса;
      2) «Қазақстан Республикасындағы банктер және банк қызметі туралы»«Сақтандыру қызметі туралы»«Бағалы қағаздар рыногы туралы» Қазақстан Республикасының Заңдарына сәйкес декларация табыс ету бойынша міндет жүктелген адамдар болып табылса, табыстар мен мүліктер туралы декларацияны табыс етеді.
      Осы баптың ережелері Қазақстан Республикасында аккредиттелген шет мемлекеттердің дипломатиялық немесе оларға теңестірілген өкілдіктердің, консулдық мекемелердің, халықаралық ұйымдардың және олардың өкілдіктерінің қызметкерлері болып табылатын шетелдіктерге немесе азаматтығы жоқ адамдарға, сондай-ақ олармен бірге тұратын отбасы мүшелеріне қолданылмайды.
      Есепті салық кезеңінде алынған, жеке тұлға өзі дербес салық салуға жатқызатын табыстардан жеке табыс салығын төлеу міндеттемесі туындаған жағдайда – мұндай адамдардың жеке табыс салығын төлеуі осы Кодекстің 179-бабы 1-тармағының 2) тармақшасында белгіленген тәртіппен және мерзімдерде жүзеге асырылады.
      3. Осы баптың 1-тармағы 4) тармақшасында көрсетілген адамдар осы баптың 1-тармағы 4) тармақшасының екінші абзацында көрсетілген адам үшін табыстар мен мүліктер туралы декларацияны осы адамда мына жағдайлардың кез келгені:
      1) есепті салық кезеңінде, оның ішінде Қазақстан Республикасының шегінен тыс жерлерде, табыстардың мынадай түрлерін:
      мемлекеттік атаулы әлеуметтік көмекті;
      бюджет қаражаты есебінен төленетін жәрдемақыларды, өтемақыларды, стипендияларды;
      әлеуметтік сақтандырудың мемлекеттік қорынан төленетін әлеуметтік төлемдерді;
      банктердегі және лицензия негізінде банк операцияларының жекелеген түрлерін жүзеге асыратын ұйымдардағы салымдар бойынша сыйақыларды;
      Қазақстан Республикасының заңнамасында белгіленген мөлшерлерде, бюджет қаражаты есебінен төленетін, тұрғын үй құрылыс жинақ салымдары бойынша сыйлықақыларды;
      «Мемлекеттік білім беру жинақтау жүйесі туралы» Қазақстан Республикасының Заңында белгіленген мөлшерлерде, бюджет қаражаты есебінен төленетін білім беру жинақтау салымдары бойынша мемлекет сыйлықақыларын қоспағанда, табыстар алған;
      2) мемлекеттік немесе өзге де тiркелуге жататын мүлiктi, сондай-ақ құқықтары және (немесе) мәмiлелері мемлекеттік немесе өзге де тiркелуге, оның ішінде Қазақстан Республикасының шегінен тыс жерлерде тіркелуге жататын мүлiкті иеліктен шығарған және (немесе) иемденіп алған және (немесе) өтеусіз алған;
      3) тұрғын үй құрылысына, оның ішінде Қазақстан Республикасының шегінен тыс жерлерде қатысу үлесін талап ету құқығын иемденіп алған және (немесе) басқаға берген және (немесе) өтеусіз алған;
      4) есепті салық кезеңінің 31 желтоқсанындағы жағдай бойынша банк шоттарында, оның ішінде Қазақстан Республикасының шегінен тыс жерлерде барлық банк салымдары бойынша республикалық бюджет туралы заңда белгіленген және есепті салық кезеңінің 31 желтоқсанында қолданылатын жиынтығында ең төменгі жалақының 40 еселенген мөлшерінен асатын ақша сомалары болған;
      5) есепті салық кезеңінің 31 желтоқсанындағы жағдай бойынша банктерге және Қазақстан Республикасының банктер мен банк қызметі туралы заңнамасына сәйкес жасалған банк операцияларының жекелеген қызмет түрлерін жүзеге асыратын ұйымдарға берешегін қоспағанда, республикалық бюджет туралы заңда белгіленген және есепті салық кезеңінің 31 желтоқсанында қолданыста болған ең төменгі жалақының 160 еселенген мөлшерінен асып түсетін басқа адамдардың жеке тұлғаға берешек (дебиторлық берешегі) және (немесе) жеке тұлғалардың басқа адамдарға берешек (дебиторлық берешегі) сомасы болған кезде табыс етеді.
      4. Осы баптың 1-тармағында көрсетілген жеке тұлға есепті салық кезеңінің ішінде бір мезгілде мынадай шарттарға сәйкес келген кезде:
      1) жеке тұлға:
      «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттiк лауазымды атқаратын адам, мемлекеттік функцияларды орындауға уәкілеттік берілген адам немесе соған теңестiрiлген адам, сондай-ақ оның зайыбы (жұбайы);
      «Қазақстан Республикасындағы банктер және банк қызметі туралы»«Сақтандыру қызметі туралы»«Бағалы қағаздар рыногы туралы» Қазақстан Республикасының Заңдарына сәйкес декларацияны табыс ету бойынша міндет жүктелген адам;
      дара кәсіпкер;
      жекеше нотариус;
      жеке сот орындаушысы;
      адвокат;
      кәсіби медиатор болып табылмаса;
      2) жеке тұлға:
      мүліктік табыс;
      басқа да табыстар алмаса;
      3) жеке тұлғада кез келген табыс болмаса немесе жеке тұлға табыстарды:
      төлем көзінен салық салынуға жататын табыстар;
      өміріне және денсаулығына келтірілген зиянды өтеу;
      алименттер түрінде ғана алса;
      4) жеке тұлғаның жеке табыс салығы бойынша асып түсуді есепке жатқызуға және (немесе) қайтаруға құқығы жоқ немесе жеке табыс салығы бойынша асып түсуді есепке жатқызуды және (немесе) қайтаруды жүргізу құқығын іске асыруды қаламаса;
      5) жеке тұлға мемлекеттік немесе өзге де тіркелуге жататын мүлікті, сондай-ақ құқықтары және (немесе) мәмілелері мемлекеттік немесе өзге де тіркелуге жататын мүлікті, оның ішінде Қазақстан Республикасының шегінен тыс жерлерде сатып алмаса, иеліктен шығармаса, өтеусіз алмаса, жеке тұлғаның табыстары мен мүлкі туралы қысқаша декларацияны табыс етуге құқылы.
      187-5-бап. Табыстар мен мүліктер туралы декларацияны табыс ету мерзімдері
      Табыстар мен мүліктер туралы декларация:
      қағаз жеткізгіште табыс етілген жағдайда - есепті күнтізбелік жылдан кейінгі жылдың 15 шілдесінен кешіктірілмей;
      электрондық түрде табыс етілген жағдайда - есепті күнтізбелік жылдан кейінгі жылдың 15 қыркүйегінен кешіктірілмей табыс етіледі.
      § 3. Жеке табыс салығы бойынша декларация
      187-6-бап. Жеке табыс салығы бойынша декларация
      1. Жеке табыс салығы бойынша декларацияны еңбекші көшіп келушілерге берілген рұқсаттың негізінде Қазақстан Республикасының еңбек заңнамасына сәйкес жасалған еңбек шарттары бойынша тапқан табыстарын Қазақстан Республикасының резиденттері-үй қызметкерлері болып табылатын еңбекші көшіп келушілер табыс етеді.
      187-7-бап. Жеке табыс салығы бойынша декларацияны табыс ету мерзімдері
      Осы Кодекстің 184-бабы 1-тармағының 3-1) тармақшасында көзделген табыстарды алған, Қазақстан Республикасының резиденттері-үй қызметкерлері болып табылатын еңбекші көшіп келушілер жеке табыс салығы бойынша декларацияны есепті салық кезеңі үшін есептелген жеке табыс салығының сомасы жеке табыс салығы бойынша алдын ала төлемдер сомасынан асып түскен жағдайда табыс етеді.
      Осы Кодекстің 184-бабы 1-тармағының 3-1) тармақшасында көзделген табыстар бойынша жеке табыс салығы бойынша декларацияны Қазақстан Республикасының резиденттері-үй қызметкерлері болып табылатын еңбекші көшіп келушілер болатын жері бойынша салық органына есептi салық кезеңiнен кейiнгi жылдың 31 наурызынан кешiктiрмей табыс етедi.
      Осы Кодекстің 184-бабы 1-тармағының 3-1) тармақшасында көзделген табыстарды салық кезеңі ішінде алған Қазақстан Республикасының резиденті-үй қызметкері болып табылатын еңбекші көшіп келуші Қазақстан Республикасынан тыс жерлерге шыққан жағдайда, жеке табыс салығы бойынша декларацияны (декларациялар) осындай адамның Қазақстан Республикасынан тыс жерлерге шығатын күніне дейін табыс етеді.»;
      62) 200-1-баптың тақырыбы мынадай редакцияда жазылсын:
      «200-1-бап. Резидент емес жеке тұлғаның салық салудан босатылатын табыстары»;
      63) 201-бапта:
      1-тармақ мынадай редакцияда жазылсын:
      «1. Егер осы бапта өзгеше белгiленбесе, резидент емес жеке тұлғаның осы Кодекстiң 192-бабының 1-тармағында айқындалған табыстарына осы Кодекстiң 194-бабында көрсетiлген мөлшерлемелер бойынша төлем көзiнен жеке табыс салығы салық шегерiмдерi жүзеге асырылмай салынады.
      Төлем көзінен салық салуға жататын табыстар бойынша жеке табыс салығын есептеуді және ұстауды салық агенті резидент емес жеке тұлғаға табыстарды төлеу күнінен кешіктірмей жүргізеді.
      Табысты шетелдік валютамен төлеу кезінде төлем көзінен салық салуға жататын табыс мөлшері табыс төленетін күнгі валюта айырбастаудың нарықтық бағамы қолданыла отырып, теңгемен қайта есептеледі.
      Резидент емес жеке тұлғаның төлем көзінен салық салуға жататын табыстарынан жеке табыс салығын бюджетке аударуды салық агенті өзінің орналасқан жері бойынша осы тармаққа сәйкес салықты ұстауға жататын айдан кейінгі айдың 25-іне дейін жүргізеді.»;
      3-тармағының бірінші бөлігі мынадай редакцияда жазылсын:
      «3. Төлем көзінен ұсталатын жеке табыс салығын есептеуді салық агенті салық шегерімдерін жүзеге асырмастан, осы Кодекстің 155-бабы 3-тармағының ережелерін ескере отырып, осы Кодекстің 163-бабы 1-тармағында айқындалған табыстарды қоса алғанда, төлем көзінен салық салынатын, осы Кодекстің 192-бабы 1-тармағының 18), 19), 20), 21) және 22) тармақшаларында айқындалған табыстар сомасына осы Кодекстің 158-бабының 1-тармағында белгіленген мөлшерлемені қолдану арқылы жүргізеді.»;
      64) 205-бап мынадай редакцияда жазылсын:
      «205-бап. Табыстар мен мүлік туралы декларацияны табыс ету
      Егер осы бапта өзгеше белгіленбесе, табыстары мен мүлкі туралы декларацияны резидент емес жеке тұлға осы Кодекстің 187-5-бабында белгіленген мерзімдерде салық төлеушінің тұрған (тұрғылықты) жеріндегі салық органына Қазақстан Республикасындағы көздерден табыс алатын жеке тұлғаның өз бетінше салық салуға жататын резидент емес жеке тұлға осы Кодекске сәйкес табыс етеді.
      Ағымдағы салық кезеңінен кейінгі күнтізбелік жылдың 1 қаңтарына дейін Қазақстан Республикасының аумағына кейіннен кірместен ағымдағы салық кезеңі ішінде Қазақстан Республикасының шегінен тысқары жерлерге шыққан жағдайда, резидент емес жеке тұлға табысы мен мүлкі туралы декларацияны табыс етуге және ағымдағы салық кезеңі ішінде жеке табыс салығын төлеуге құқылы. Табыстары мен мүлкі туралы декларация ағымдағы салық кезеңінің басынан бастап осындай тұлға Қазақстан Республикасының шегінен тысқары жерлерге шыққан күнге дейінгі кезеңге табыс етіледі.»;
      65) мынадай мазмұндағы 205-1-баппен толықтырылсын:
      «205-1-бап. Жеке табыс салығы бойынша декларацияны табыс ету
      Осы Кодекстің 192-бабы 1-тармағының 18-1) тармақшасында көзделген табыстарды алған, резидент емес-үй қызметкерлері болып табылатын еңбекші көшіп келушілер жеке табыс салығы бойынша декларацияны есепті салық кезеңі үшін есептелген жеке табыс салығының сомасы жеке табыс салығы бойынша алдын ала төлемдер сомасынан асып түскен жағдайда табыс етеді.
      Осы Кодекстің 192-бабы 1-тармағының 18-1) тармақшасында көзделген табыстар бойынша жеке табыс салығы бойынша декларацияны резидент емес-үй қызметкерлері болып табылатын еңбекші көшіп келушілер келген жері бойынша салық органына есептi салық кезеңiнен кейiнгi жылдың 31 наурызынан кешiктiрмей табыс етедi.
      Осы Кодекстің 192-бабы 1-тармағының 18-1) тармақшасында көзделген табыстарды салық кезеңі ішінде алған резидент емес-үй қызметкері болып табылатын еңбекші көшіп келуші Қазақстан Республикасының шегінен тысқары жерлерге шыққан жағдайда жеке табыс салығы бойынша декларация (декларациялар) осындай адамның Қазақстан Республикасынан тыс жерлерге шығатын күніне дейін табыс етіледі.»;
      66) 221-1-бап алып тасталсын;
      67) 231-баптың 3-тармағының 12) тармақшасы мынадай редакцияда жазылсын:
      «12) дара кәсіпкер болып табылатын жеке тұлғамен жеке тұлғаның жеке мүлкін өткізу бойынша айналымы;»;
      68) 357-баптың 2-тармағында:
      бірінші бөлік және екінші бөліктің бірінші абзацы мынадай редакцияда жазылсын:
      «2. Осы Кодекстің 355-бабы 1-тармағының 3) және 4) тармақшаларында және 2-тармағында көрсетілген төлеушілер үшін жұмыс берушінің осы Кодекстің 163-бабының 1-тармағында көрсетілген қызметкердің табыстары бойынша шығыстары (оның ішінде жұмыс берушінің осы Кодекстің 192-бабы 1-тармағының 18), 19), 20), 21) тармақшаларында көрсетілген қызметкердің табыстары бойынша шығыстары), сондай-ақ егер осы тармақта өзгеше белгіленбесе, осы Кодекстің 191-бабының 7-тармағында көрсетілген шетел персоналының табыстары бойынша салық агентінің шығыстары салық салу объектісі болып табылады.
      Осы Кодекстің 156-бабы 1-тармағының 8), 10), 12), 17), 18), 26), 26-1), 27), 29), 31), 32), 34) тармақшаларында және 200-1-бабы 1-тармағының 13) тармақшасында белгіленген табыстар, сондай-ақ:»;
      69) 363-бап мынадай редакцияда жазылсын:
      «363-бап. Салық және есепті кезеңдер
      1. Күнтізбелік ай әлеуметтік салықты есептеу үшін салық кезеңі болып табылады.
      2. Осы Кодекстiң 67-бабының 2-тармағында көрсетілген салық декларацияларын жасау үшін есепті кезең күнтiзбелiк тоқсан болып табылады.»;
      70) 364-бапта:
      1-тармақ мынадай редакцияда жазылсын:
      «1. Төлеушiлер Қазақстан Республикасының азаматтары бойынша жеке табыс салығы мен әлеуметтік салық жөніндегі декларацияны орналасқан жері бойынша салық органдарына есепті кезеңнен кейінгі екінші айдың 15-нен кешіктірмей тоқсан сайын табыс етеді.»;
      мынадай мазмұндағы 1-1-тармақпен толықтырылсын:
      «1-1. Төлеушiлер шетелдіктер мен азаматтығы жоқ адамдар бойынша жеке табыс салығы мен әлеуметтік салық жөніндегі декларацияны орналасқан жері бойынша салық органдарына есепті кезеңнен кейінгі екінші айдың 15-нен кешіктірмей тоқсан сайын табыс етеді.»;
      71) 368-бапта:
      1-тармақ мынадай редакцияда жазылсын:
      «1. Салық төлеушi салық салу объектiлерiн, әрбiр көлiк құралына қатысты салық мөлшерлемесін негiзге ала отырып, салық кезеңi үшiн салық сомасын дербес есептейдi.
      Ауыл шаруашылығы өнімдерін, акваөсіру (балық өсіру шаруашылығы) өнімін өндіруші заңды тұлғалар және селолық тұтыну кооперативтері үшін арнаулы салық режимін қолданатын салық төлеушілер салықты осы Кодекстің 451-бабында белгіленген ерекшеліктерді ескере отырып есептейді.
      Осы баптың 3-тармағында көзделген жағдайды қоспағанда, көлiк құралы меншік құқығында, шаруашылық жүргізу құқығында немесе оралымды басқару құқығында салық кезеңінен аз уақыт болған жағдайда, салық сомасы көлік құралы меншік құқығында, шаруашылық жүргізу құқығында немесе оралымды басқару құқығында іс жүзінде болған кезең үшін салықтың жылдық сомасын он екіге бөлу және көлік құралы меншік құқығында, шаруашылық жүргізу құқығында немесе оралымды басқару құқығында іс жүзінде болған айлардың санына көбейту арқылы есептеледі.»;
      3-тармақ мынадай редакцияда жазылсын:
      «3. Дара кәсiпкерлер, жекеше нотариустер, жеке сот орындаушылары, адвокаттар болып табылмайтын жеке тұлғалар арасында салық салу объектілеріне меншiк құқығын берген кезде, егер ағымдағы салық кезеңi iшiнде берушi тарап салықтың жылдық сомасын төлеген болса, салықтың осындай төлемi тараптардың келісімi бойынша сатып алу-сату, айырбастау шарттарының талаптарына негiзделiп сатып алатын тараптың берiлетiн салық салынатын объект бойынша ағымдағы салық кезеңiнiң салық мiндеттемесiн орындауы болып табылады.
      Осы тармақтың ережелері осындай сатып алу-сату, айырбастау шарттары тиісті салық органына табыс етілген жағдайда қолданылады.»;
      мынадай мазмұндағы 7-тармақпен толықтырылсын:
      «7. Есепті салық кезеңі үшін жеке тұлғалардың көлік құралдарына салынатын салық бойынша есеп айырысу сальдосын айқындау мақсатында салық органдары көлік құралдарын есепке алуды және тіркеуді жүзеге асыратын уәкілетті органдар беретін мәліметтер негізінде есепті салық кезеңінен кейінгі жылдың 1 ақпанынан кешіктірмейтін мерзімде салықты есептеуді жүргізеді.»;
      72) 387-баптың 1-тармағы мынадай мазмұндағы үшінші бөлікпен толықтырылсын:
      «Жер салығы мөлшерлемесін төмендету және жоғарылату туралы мұндай шешімді жергiлiктi өкілдi органдар осындай жоғарылатулар мен төмендетулерді жүргізілген жылдың алдындағы жылдың 1 желтоқсанынан кешіктірмей қабылдайды.»;
      73) 391-бапта:
      1-тармақтың бірінші бөлігі мынадай редакцияда жазылсын:
      «1. Егер осы бапта өзгеше белгіленбесе, жеке тұлғалар (осы тармақтың екiншi бөлiгiнде аталған тұлғаларды қоспағанда) төлеуге жататын жер салығын есептеудi салық органдары тиiстi салық мөлшерлемелері мен салық базасын негiзге ала отырып, есепті салық кезеңінен кейінгі жылдың 1 қыркүйегінен кешіктірмей жүргiзедi.»;
      3-тармақ мынадай редакцияда жазылсын:
      «3. Жеке тұлғалар салық органдары есептеген жер салығын бюджетке есепті салық кезеңінен кейінгі жылдың 1 қыркүйегінен кешiктiрмей төлейдi.»;
      4-тармақ алып тасталсын;
      6-тармақ мынадай редакцияда жазылсын:
      «6. Шағын бизнес субъектілері үшін арнаулы салық режимiн қолданатын дара кәсiпкерлер өз қызметiнде пайдаланатын (пайдалануға жататын) жер учаскелерi бойынша жер салығын осы Кодекстiң 389-бабында белгiленген тәртiппен есептейдi. Бұл ретте жер салығы салық кезеңi үшiн декларацияны табыс ету мерзiмi басталғаннан кейiн күнтiзбелiк он күннен кешiктiрiлмей төленуге жатады.»;
      74) 403-баптың 2-тармағының 6) тармақшасы мынадай редакцияда жазылсын:
      «6) осы Кодекстің 406-бабына сәйкес салық базасы айқындалатын және салық органдары салықты есептеуді осы Кодекстің 409-бабына сәйкес жүргізетін салық салынатын объектілерді қоспағанда, кәсiпкерлiк қызметте пайдаланылатын салық салу объектiлері бойынша дара кәсiпкерлер.»;
      75) 406-бапта:
      6-тармақтың бірінші абзацы мынадай редакцияда жазылсын:
      «6. Салық салу объектісінің елдi мекенде орналасуын ескеретін аймаққа бөлу коэффициентiн (К айм.) жылжымайтын мүлікке құқықтарды тіркеу саласындағы мемлекеттік уәкілетті орган жергіліктi атқарушы органмен келiсiм бойынша аймаққа бөлу коэффициентін есептеу әдістемесіне сәйкес белгілейді. Аймаққа бөлу коэффициентi осындай коэффицент енгізілетін жылдың алдындағы жылдың 1 желтоқсанынан кешіктірілмей бекітіледі.»;
      10-тармақтың бірінші бөлігінің бірінші абзацы мынадай редакцияда жазылсын:
      «10. Салық органдары мынадай тәртіппен айқындайтын салық салу объектілерінің құны есепті салық кезеңінде пайдалану фактісі анықталған, аяқталмаған құрылыс объектілері бойынша салық базасы болып табылады:»;
      76) 409-бапта:
      1-тармақ мынадай редакцияда жазылсын:
      «1. Салық органдары аяқталмаған құрылыс объектісін меншік құқығында иеленудің немесе пайдаланудың нақты мерзімін ескере отырып, жеке тұлғалардың салық салу объектілері:
      1) құқығы есепті салық кезеңінен кейінгі жылдың 1 қаңтарына дейін тіркелген объектілер;
      2) пайдалану фактісі есепті салық кезеңінде анықталған, аяқталмаған құрылыс объектілері бойынша салықты есептеуді тиісті салық мөлшерлемесін салық базасына қолдану арқылы салық төлеушінің тұрғылықты жеріне қарамастан, салық салу объектілерінің орналасқан жері бойынша есепті салық кезеңінен кейінгі жылдың 1 маусымынан кешіктірмей жүргізеді.»;
      7-тармақ мынадай редакцияда жазылсын:
      «7. Бюджетке салық төлеу, салық салу объектілерінің орналасқан жері бойынша есепті салық кезеңінен кейінгі жылдың 1 қыркүйегінен кешіктірмей, жеке тұлғалардың осы баптың 1-тармағының 1) және 2) тармақшаларында көрсетілген салық салу объектілері бойынша жүргізіледі.»;
      9-тармақ алып тасталсын;
      77) 416, 417-баптар алып тасталсын;
      78) 17-бөлім алып тасталсын;
      79) 427-баптың 6-тармағының 3) тармақшасы мынадай редакцияда жазылсын:
      «3) осы Кодекстің 19-тарауында белгіленген тәртіппен төлем көзінен салық салынуға жататын табыстардың;»;
      80) 428-баптың 4-тармағы мынадай мазмұндағы 4-1) тармақшамен толықтырылсын:
      «4-1) ұтыссыз ойын автоматтарын, ойынға арналған дербес компьютерлерді, ойын жолдарын, карталарды, бильярд үстелдерін пайдалана отырып, көрсетілетін қызметке қолдануға;»;
      81) 429-баптың 3) тармақшасындағы «дара кәсіпкерлер қолданады» деген сөздер алынып тасталып, мынадай мазмұндағы 4) тармақшамен толықтырылсын:
      «4) мынадай қызмет түрлерінің бірін немесе бірнешеуін:
      сылақ жұмыстарын;
      ағаш шеберлігі және ағаш ұсталығы жұмыстарын;
      едендерді жабу және қабырғаларды қаптау жөніндегі жұмыстарды;
      бояу және шынылау жұмыстарын;
      такси қызметін;
      автомобиль көлігімен жүк тасымалдауды;
      сыйақы үшін немесе шарт негізінде жылжымайтын мүлікті басқаруды;
      фотосурет саласындағы қызметті;
      аударма (ауызша және жазбаша) ісін;
      жылжымайтын мүлікті жалға беруді;
      көлік құралдарын жалға беруді;
      ойын-сауық және спорт құрал-саймандарын прокатқа және жалға беруді;
      бейнежазбалар мен дискілерді прокатқа беруді;
      өзге де жеке тұтыну заттарын және тұрмыстық тауарларды прокатқа және жалға беруді;
      ауыл шаруашылығы техникасы мен жабдығын жалға беруді;
      есептеу техникасын қоса алғанда, кеңсе машиналары мен жабдығын жалға беруді;
      порттық білім беру және бос уақытты ұйымдастыру мамандарына білім беру саласында көрсетілетін қызметті;
      мәдениет аясында білім беру саласында көрсетілетін қызметті;
      өзге де білім беру саласында көрсетілетін қызметті;
      қосалқы білім беру қызметін көрсетуді;
      өнер саласындағы қызметті;
      компьютерлер мен перифериялық жабдықтарды жөндеуді;
      коммуникациялық жабдықтарды жөндеуді;
      жеке тұтыну заттары мен тұрмыстық тауарларды жөндеуді;
      шаштараздық қызмет көрсетуді;
      маникюрді және педикюрді;
      ветеринариялық қызмет көрсетуді;
      жер учаскелерін өңдеу бойынша қызмет көрсетуді;
      тұрғын үй-жайларды жинау және үй шаруашылығын жүргізу жөнінде қызмет көрсетуді;
      базарларда, вокзалдарда жүк тасушылар қызметін көрсетуді;
      музыкалық аспаптарды жасауды және жөндеуді;
      үй жануарларын бағуды жүзеге асыратын дара кәсiпкерлер қолданады.»;
      82) 432-баптың 3-тармағының екінші абзацы мынадай редакцияда жазылсын:
      «Аталған жағдайда артық төленген салық сомаларын қайтару осы Кодекстің 602-бабында белгіленген тәртіппен жүргізіледі.»;
      83) 442-баптың 1-тармағының 1) тармақшасы мынадай редакцияда жазылсын:
      «1) осы Кодекстің 184-бабы 1-тармағының 8) тармақшасында көзделген шаруа немесе фермерлік қожалық басшысының (мүшесінің) табыстарын қоспағанда, шаруа немесе фермерлік қожалықтардың қызметiнен түскен табыстардан, оның ішінде осы арнаулы салық режимi қолданылатын қызметпен байланысты шығындарды (шығыстарды) жабуға мемлекеттік бюджет қаражатынан алынған сомалар түріндегі табыстардан алынатын жеке табыс салығын;»;
      84) 556-бап мынадай мазмұндағы 4-1-тармақпен толықтырылсын:
      «4-1. Камералдық бақылау, салықтық тексеру жүргізудің тәртібі және осындай тәртіппен жүргізілетін адамдардың тізбесін уәкілетті орган арнайы мемлекеттік органдармен, Қазақстан Республикасы Қорғаныс министрлігінің әскери барлау органдарымен, құқық қорғау органдарымен бірлесіп айқындайды.»;
      85) 557-баптың 1-тармағы мынадай мазмұндағы 8-1),8-2) және
8-3) тармақшалармен толықтырылсын:
      «8-1) жеке тұлғалардың декларацияларын табыс еткен жеке тұлғаның жеке сәйкестендіру нөмірі туралы;
      8-2) табыстары мен мүлкі туралы декларацияда жеке табыс салығының артық төленген сомасын қайтару жөніндегі талаптың бар (жоқ) екендігі туралы;
      8-3) «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жариялануға жататын;»;
      86) 574-баптың 1-тармағының 8) тармақшасы алып тасталсын;
      87) 581-бапта:
      12) тармақшада:
      мынадай мазмұндағы үшінші абзацпен толықтырылсын:
      «тексерілетін жеке тұлғаның;»;
      он үшінші абзац алып тасталсын;
      мынадай мазмұндағы 12-1) тармақшамен толықтырылсын:
      «12-1) сыйақыны қоса алғанда, өтеу сомаларын көрсете отырып, тексерілетін жеке тұлғаға берілген кредиттер туралы мәліметтерді салық органынан сұрау салуды алған күннен бастап он жұмыс күні ішінде табыс етуге міндетті.
      Осы баптың 12) тармақшасының сегізінші абзацын қоспағанда,
12) тармақшасында және 12-1) тармақшасында көзделген мәліметтер Қазақстан Республикасы Ұлттық Банкімен келісу бойынша уәкілетті орган белгілеген нысан бойынша ұсынылады;»;
      88) 583-бапта:
      тақырып мынадай редакцияда жазылсын:
      «583-бап. Уәкілеттi мемлекеттік органдардың, Қазақстан Республикасы Ұлттық Банкінің, жергілікті атқарушы органдардың және уәкілетті тұлғалардың салық органдарымен өзара іс-қимыл кезіндегі мiндеттерi»;
      мынадай мазмұндағы 7-3, 7-4, 7-5, 7-6, 7-7, 7-8, 7-9-тармақтармен толықтырылсын:
      «7-3. Нотариустар жеке тұлғалардың мәмілелері мен шарттары бойынша:
      1) мемлекеттік немесе өзге де тіркелуге жататын мүліктер, сондай-ақ құқықтары және (немесе) мәмілелері мемлекеттік немесе өзге де тіркелуге жататын мүлік туралы;
      2) қабылданған мұра туралы;
      3) егер мәміледе (шартта) көзделген баға республикалық бюджет туралы заңда белгiленген және тиiстi қаржы жылының 1 қаңтарында қолданыста болатын жалақының ең төменгі мөлшерінің 160 еселенген мөлшерінен асып кетсе, осы тармақта көрсетілмеген басқа мәмілелер мен шарттар туралы мәліметтерді уәкілетті органға табыс етуге міндетті.
      Осы тармақта көрсетілген ақпаратты табыс ету нысанын, тәртібі мен мерзімдерін уәкілетті орган Қазақстан Республикасы Әділет министрлігімен келісу бойынша белгілейді.
      7-4. Бағалы қағаздарды ұстаушылар тізілімдерінің жүйесін жүргізу жөніндегі қызметті жүзеге асыратын ұйым салық органының сұрау салуын алған күннен бастап отыз жұмыс күні ішінде Қазақстан Республикасы Ұлттық Банкімен келісу бойынша уәкілетті орган белгілеген тәртіппен және нысан бойынша тексерілетін жеке тұлғалар бағалы қағаздарды ұстаушылар туралы мәліметтерді табыс етуге міндетті.
      7-5. Брокерлер салық органының сұрау салуын алған күннен бастап отыз жұмыс күні ішінде Қазақстан Республикасы Ұлттық Банкімен және сауда қызметін реттеу саласындағы уәкілетті органмен келісу бойынша уәкілетті орган белгілеген тәртіппен және нысан бойынша бағалы қағаздары немесе тауар биржасында өткізілген биржа тауарлары бар тексерілетін жеке тұлғалардың мәмілелері туралы мәліметтерді табыс етуге міндетті.
      7-6. Қазақстан Республикасы Үкіметінің шешімі бойынша құрылған, Қазақстан Республикасының зейнетақымен қамсыздандыру туралы заңнамасына сәйкес зейнетақы жарналарын, әлеуметтік аударымдар мен әлеуметтік төлемдерді есепке алуды қамтамасыз ететін заңды тұлға халықты әлеуметтік қорғау саласындағы орталық атқарушы органмен келісу бойынша уәкілетті орган белгілеген нысанда, мерзімдерде және тәртіппен жеке тұлғалар туралы қолында бар мәліметтерді уәкілетті органға табыс етуге міндетті.
      7-7. Сақтандыру (қайта сақтандыру) ұйымдары, сақтандыру брокерлері салық органының сұрау салуын алған күннен бастап отыз жұмыс күні ішінде Қазақстан Республикасы Ұлттық Банкімен келісу бойынша уәкілетті орган белгілеген нысан бойынша және тәртіппен тексерілетін жеке тұлғалар жасасқан сақтандыру шарттары жөніндегі мәліметтерді табыс етуге міндетті.
      7-8. Білім беру ұйымдары салық органының Қазақстан Республикасының аумағында тексерілетін жеке тұлғалардың білім беруге жұмсаған шығыстарын растау туралы талабын алған күннен бастап отыз жұмыс күні ішінде осы Кодекстің 606-4-бабында белгіленген нысан бойынша және тәртіппен мәліметтер беруге міндетті.
      7-9. Денсаулық сақтау субъектілері салық органының Қазақстан Республикасының аумағында тексерілетін жеке тұлғалардың медицинаға жұмсаған шығыстарын растау туралы талабын алған күннен бастап отыз жұмыс күні ішінде осы Кодекстің 606-4-бабында белгіленген нысанда және тәртіппен мәліметтер беруге міндетті.»;
      89) 584-бапта:
      мынадай мазмұндағы 4-2-тармақпен толықтырылсын:
      «4-2. Жеке тұлғалардың декларацияны табыс еткені туралы ақпарат осы баптың 2-тармағында белгіленген жеке тұлғалардың декларацияны табыс еткен күнінен бастап он бес жұмыс күні ішінде уәкілетті органның сайтында орналастырылады.»;
      5-тармақтың 4) тармақшасы мынадай редакцияда жазылсын:
      «4) активтері және міндеттемелері туралы декларацияны қоспағанда, салық кезеңі көрсетілмесе, салық органдарына табыс етілмеген деп есептеледі. Бұл ретте осындай декларация табыс етілетін салық кезеңі, осы Кодекске сәйкес айқындалады, немесе»;
      90) 590-бап мынадай мазмұндағы 3 және 4-тармақтармен толықтырылсын:
      «3. Табыстары мен мүлкі туралы декларация бойынша қалыптасқан, бюджетке төленуге жататын жеке тұлғаның табысынан есептелген жеке табыс салығының сомасы салық органында жеке тұлғаның дербес шотында:
      1) осы Кодекстің 179-бабы 1-тармағының 1) тармақшасында көрсетілген тұлға бойынша – орналасқан жері бойынша;
      2) осы Кодекстің 179-бабы 1-тармағының 2) тармақшасында көрсетілген тұлға бойынша – тұрғылықты (болу) жері бойынша көрсетіледі.
      4. Жеке тұлғаның жеке табыс салығы бойынша асып кетудің расталған сомасы жеке тұлғаның дербес шотында осы Кодекстің 606-4-бабының 7-тармағында көзделген қорытындының негізінде осы Кодекстің 179-бабы 1-тармағының 2) тармақшасында көрсетілген жеке тұлғаның тұрғылықты (болу) жері бойынша салық органында көрсетіледі.»;
      91) 599-баптың 3-тармағының бірінші абзацы мынадай редакцияда жазылсын:
      «3. Осы Кодекстің осы бабының және 600, 602 және 606-5-баптарының мақсатында:»;
      92) 83-тарау мынадай мазмұндағы 2-параграфпен және 606-1, 606-2, 606-3, 606-4, 606-5-баптармен толықтырылсын:
      «§ 2. Жеке табыс салығы бойынша асып кетуді есепке жатқызу және (немесе) қайтару
      606-1-бап. Жалпы ережелер
      1. Жеке тұлға осы Кодекстің 159-1-бабына сәйкес есептелген жеке табыс салығы бойынша асып кету туындаған кезде, осы тарауда көзделген тәртіппен салық органы жүзеге асыратын салыстырып тексеруден кейін осы тарауда белгіленген тәртіппен және мерзімдерде жеке табыс салығы бойынша осындай асып кетуді есепке жатқызуға және (немесе) қайтаруға құқылы.
      2. Табыстары мен мүлкі туралы декларацияда мәлімделген жеке табыс салығы бойынша асып кетуді есепке жатқызу және (немесе) қайтару туралы талап жеке табыс салығы бойынша салыстырып тексеруді жүргізу үшін негіз болып табылады.
      606-2-бап. Жеке табыс салығы бойынша салыстырып тексеру
      1) Жеке табыс салығы бойынша салыстырып тексеру – табыстары мен мүлкі туралы декларацияда мәлімделген жеке табыс салығы бойынша асып кеткен сомасын растау мақсатында салық органдары жүргізетін рәсім.
      2. Салыстырып тексеру барысында:
      1) табыстары мен мүлкі туралы декларацияларында көрсетілген мәліметтерді салық агенттері мен уәкілетті адамдардың деректерімен салыстыру;
      2) салық шегерімдерін қолдану негізділігін және осы Кодекстің
156-1-бабына сәйкес салық шегерімдері деп танылатын шығыстардың сомаларын растау;
      3) есепке жатқызуға және (немесе) қайтаруға мәлімделген жеке табыс салығы бойынша асып кеткен соманы растау;
      4) осы Кодекстің 606-3 және 606-4-баптарында көзделген құжаттарды ресімдеу жүргізіледі.
      606-3-бап. Салық агенттерінің мәліметтері негізінде жеке табыс салығы бойынша салыстырып тексеруді жүргізу тәртібі
      1. Салық органы табыстары мен мүлкі туралы декларацияда көрсетілген мынадай мәліметтерді:
      1) төлем көзінен салық салынуға жататын табыстарды;
      2) осы Кодекстің 156-бабында көзделген салық салудан босатылатын табыстарды;
      3) төлем көзінен салық салуға жататын табысқа қолданылған осы Кодекстің 156-1-бабында белгіленген салық шегерімдерін;
      4) төлем көзінен салық салуға жататын табыстардан есептелген жеке табыс салығының сомасын салық агенттерінің тиісті мәліметтерімен салыстырып тексереді.
      2. Осы баптың 1-тармағында көрсетілген мәліметтердің алшақтығы анықталған кезде жеке тұлғаға осы Кодекстің 84-тарауына сәйкес хабарлама жіберіледі.
      3. Осы баптың 2-тармағына сәйкес жіберілген хабарламаны орындау осы Кодекстің 587-бабында белгіленген тәртіппен жүргізіледі.
      606-4-бап. Білім беруге, медицинаға, ипотекалық тұрғын үй қарыздары бойынша сыйақыны өтеуге шығыстар бойынша салық шегерімдерінің сомасын растау үшін жеке табыс салығы бойынша салыстырып тексеру жүргізудің тәртібі
      1. Салық органы жеке табыс салығы бойынша асып кетуді қайтару және (немесе) есепке жатқызу туралы талапты көрсете отырып, табыстар мен мүлік туралы декларация табыс етілген жылдың 15 қазанынан кешіктірмей:
      1) тиісті уәкілетті адамдарға – жеке тұлға Қазақстан Республикасының аумағында білім беруге, медицинаға жұмсалған шығыстар туралы мәліметтерді растау туралы талапты;
      2) жеке тұлғаға – Қазақстан Республикасынан тыс жерлерде көрсетілетін медициналық қызметті алғанын растайтын құжаттардың түпнұсқаларын табыс ету қажеттілігі туралы сұрау салуды;
      3) банктерге немесе қаржы нарығын және қаржы ұйымдарын реттеу, бақылау және қадағалау жөніндегі уәкілетті мемлекеттік органның лицензиясы негізінде банк операцияларының жекелеген түрлерін жүзеге асыратын ұйымдарға – жеке тұлғаның табыстары мен мүлкі туралы декларацияда көрсетілген жеке тұлғаның (шот иесінің) келісімі негізінде Қазақстан Республикасында тұрғын үй сатып алуға жеке тұлға алған ипотекалық тұрғын үй қарыздары бойынша сыйақыларды өтеуге жұмсалған шығыстарды растау туралы талапты жібереді.
      2. Осы баптың 1-тармағында көрсетілген тұлғаларға талаптар:
      1) электрондық салық төлеуші ретінде тіркеу есебінде тұрғанға – веб-қосымша арқылы немесе хабарламаны кепілдік берілген жеткізуді қамтамасыз ететін ақпараттық-коммуникациялық желі бойынша беру арқылы электронды тәсілмен;
      2) электрондық салық төлеуші ретінде тіркеу есебіне тұрмағанға – хабарламасы бар тапсырыс хатпен пошта арқылы жіберіледі.
      3. Салық органдарының талаптарында көрсетілген жеке тұлғаның Қазақстан Республикасының аумағында білім беруге, медицинаға, ипотекалық тұрғын үй қарыздары бойынша сыйақыны өтеуге жұмсалған шығыстар туралы мәліметтерін растауды уәкілетті адамдар, банктер немесе банк операцияларының жекелеген түрлерін жүзеге асыратын ұйымдар осы Кодекстің 581 және 583-баптарында белгіленген мерзімдерде:
      1) электрондық салық төлеуші ретінде тіркеу есебінде тұрғандарға - веб-қосымша арқылы немесе хабарламаға кепілдік берілген жеткізуді қамтамасыз ететін ақпараттық-коммуникациялық желі бойынша жіберу арқылы электронды тәсілмен;
      2) электрондық салық төлеуші ретінде тіркеу есебінде тұрмағандарға – хабарламасы бар тапсырыс хатпен пошта арқылы ұсынады.
      4. Осы бапта көзделген салық органдары талаптарының нысандарын және оларды жасау қағидаларын уәкілетті орган тиісінше Қазақстан Республикасының Ұлттық Банкімен, білім беру саласындағы уәкілетті мемлекеттік органмен, денсаулық сақтау саласындағы уәкілетті мемлекеттік органмен келісу арқылы белгілейді.
      5. Уәкілетті адамдар, банктер немесе банк операцияларының жекелеген түрлерін жүзеге асыратын ұйымдар салық органдарының талаптарында көрсетілген мәліметтерді осы Кодекстің 581 және 583-баптарында белгіленген мерзімдерде ұсынбаған жағдайда, салық органдары жеке табыс салығы бойынша асып кетуді қайтару және (немесе) есепке жатқызу туралы талап көрсетіле отырып, табыстар мен мүлік туралы декларацияны табыс еткен жылдан кейінгі жылдың 1 қаңтарынан кешіктірмей жеке тұлғаға медициналық көрсетілетін қызметтерге және білім беру қызметтеріне ақы төлеу бойынша жұмсалған шығыстарды, сондай-ақ ипотекалық тұрғын үй қарыздары бойынша сыйақыларды өтеуге жұмсалған шығыстарды растайтын құжаттардың түпнұсқаларын табыс ету қажеттігі туралы сұрау салу жібереді.
      6. Осы баптың 5-тармағында көзделген жағдайда, жеке тұлға келу тәртібімен жеке табыс салығы бойынша асып кетуді қайтару және (немесе) есепке жатқызу туралы талап көрсетіле отырып, табыстар мен мүлік туралы декларацияны табыс еткен жылдан кейінгі жылдың 15 ақпанынан кешіктірмей тұрғылықты жері бойынша салық органына:
      1) Қазақстан Республикасының шегінен тыс медициналық көрсетілетін қызметтерге;
      2) осы баптың 5-тармағында белгіленген жағдайда Қазақстан Республикасының аумағындағы медициналық көрсетілетін қызметтерге және білім беру қызметтеріне ақы;
      3) жеке тұлға тұрғын үй сатып алуға алған ипотекалық тұрғын үй қарыздары бойынша сыйақы төлеуге жұмсалған шығыстарын растайтын құжаттардың түпнұсқаларын табыс етеді.
      Осы тармақта көрсетілген құжаттардың түпнұсқаларын белгіленген мерзімде табыс етпеу жеке табыс салығы бойынша асып кеткен соманы растамау үшін және осы баптың 7-тармағы 3) тармақшасында көзделген қорытындыны жіберу үшін негіз болып табылады.
      7. Уәкілетті адамдардың, банктердің немесе банк операцияларының жекелеген түрлерін жүзеге асыратын ұйымдардың алған мәліметтері, осы бапқа сәйкес табыс етілген жеке тұлға құжаттарының түпнұсқалары негізінде салық органы жеке тұлғаның салық шегерімдерін қолдану негізділігін тексереді, есепке жатқызуға және (немесе) қайтаруға мәлімделген жеке табыс салығы бойынша асып кеткен соманы растайды және мынадай:
      1) жеке табыс салығы бойынша асып кеткен соманы толығымен растау туралы;
      2) толық растамау себептері көрсетілген бөлігінде жеке табыс салығы бойынша асып кеткен соманы растау туралы;
      3) себептері көрсетіле отырып, жеке табыс салығы бойынша асып кеткен соманы растамау туралы қорытындыларды дайындайды.
      8. Осы баптың 7-тармағы 2) және 3) тармақшаларында көрсетілген қорытындылар:
      1) электрондық салық төлеушіге – веб-қосымша арқылы электронды тәсілмен;
      2) қалған салық төлеушілерге – хабарламасы бар тапсырыс хатпен пошта арқылы жіберіледі.
      9. Салық органдары толығымен растаған жеке табыс салығы бойынша асып кеткен сомалар туралы мәліметтер жеке тұлғаларға осы Кодекстің 92-тарауында белгіленген тәртіппен ұсынылады.
      606-5-бап. Жеке тұлғаның жеке табыс салығы бойынша асып кетуді есепке жатқызу және (немесе) қайтару тәртібі
      1. Осы Кодекстің 159-1-бабына сәйкес есептелген жеке табыс салығы бойынша асып кетуді есепке жатқызу және (немесе) қайтару жеке тұлға мәлімдеген жеке табыс салығы бойынша асып кеткен соманың шегінде толығымен немесе осы Кодекстің 606-4-бабының 7-тармағында көзделген бөлігінде жеке табыс салығы бойынша асып кеткен соманы растау туралы қорытынды негізінде жүргізіледі.
      2. Жеке тұлғада салық берешегі болған кезде салық органы артық төленген салық, төлемақы, алым және өсімпұл сомасын есепке жатқызып жүргізу үшін осы Кодекстің 599-бабында белгіленген тәртіппен жеке табыс салығы бойынша асып кетуді салықтар, алымдар, төлемақылар бойынша бар салық берешегін өтеу есебіне есепке жатқызады.
      3. Жинақталған салық берешегі өтелгеннен кейін табыстар мен мүлік туралы декларацияда көрсетілген талапқа орай алдағы төлемдер есебіне есепке жатқызу және (немесе) банк шотына қайтару жүргізіледі.
      4. Жеке табыс салығы бойынша асып кетуді есепке жатқызу жеке табыс салығы бойынша асып кетуді есепке жатқызу туралы талабында жеке тұлға көрсеткен салықтар бойынша алдағы төлемдер есебіне жүргізіледі.
      5.  Жеке табыс салығы бойынша асып кетуді қайтару жеке табыс салығы бойынша асып кетуді қайтару туралы талапта көрсетілген банк шотына жүргізіледі.
      6. Жеке тұлға табыстар мен мүлік туралы декларацияда бір мезгілде жеке табыс салығы бойынша асып кетуді есепке жатқызу және қайтару бойынша талаптарды көрсеткен жағдайда салық органы рет-ретімен алдағы төлемдер есебіне жеке табыс салығы бойынша асып кетуді есепке жатқызуды, ал жеке табыс салығы бойынша асып кеткен соманы есепке жатқызудан кейінгі қалған бөлігінде банк шотына қайтаруды жүргізеді.
      7. Жеке тұлғаның жеке табыс салығы бойынша асып кетуді есепке жатқызу және (немесе) қайтару табыстар мен мүлік туралы декларацияны табыс еткен жылдан кейінгі жылдың 15 қыркүйегінен кешіктірмей жүргізіледі.
      Жеке табыс салығы бойынша асып кетуді есепке жатқызу және (немесе) қайтару бойынша талап көрсетілген, бірақ банк шотының деректемелері көрсетілмеген табыстар мен мүлік туралы декларацияны табыс еткен кезде, жеке табыс салығы бойынша асып кетуді есепке жатқызу және (немесе) қайтару осы баптың үшінші бөлігіне сәйкес жүргізіледі.
      Табыстар мен мүлік туралы декларация, сондай-ақ жеке табыс салығы бойынша асып кетуді есепке жатқызу және (немесе) қайтару бойынша талап және банк шотының деректемелері көрсетілетін бөлігінде табыстар мен мүлік туралы қосымша декларация осы Кодекстің 187-5-бабында белгіленген мерзімнен кеш табыс етілген жағдайда, жеке тұлғаның жеке табыс салығы бойынша асып кетуді есепке жатқызу және (немесе) қайтару осындай табыстар мен мүлік туралы декларацияны табыс ету күнінен бастап он екі айдың ішінде жүргізіледі.
      8. Егер мерзімнің соңғы күні жұмыс күні болмаса, есепке жатқызу және (немесе) қайтару мерзімі келесі жұмыс күнінің соңында аяқталады.
      9. Жеке тұлғаның жеке табыс салығы бойынша асып кетуді есепке жатқызу және (немесе) қайтару жүргізу тәртібін уәкілетті орган белгілейді.»;
      93) 607-бапта:
      2-тармақта:
      4) тармақшаның бірінші бөлігі мынадай редакцияда жазылсын:
      «4) Қазақстан Республикасының салық заңнамасында белгіленген мерзімде салық есептілігінің табыс етілмеуі туралы - хабарламасын жіберу мерзімі осы Кодексте белгіленген оны табыс ету мерзімінен бастап бір айдан кешіктірілмей жүргізілетін, корпоративтiк табыс салығы және қосылған құн салығы бойынша салық есептілігін қоспағанда, бұзушылық анықталған күннен бастап жіберіледі.»;
      мынадай мазмұндағы 4-1) тармақшамен толықтырылсын:
      «4-1) Қазақстан Республикасының салық заңнамасында белгіленген мерзімде жеке тұлғалар декларацияларының табыс етілмеуі туралы – декларацияны табыс ететін жылдың 15 қазанынан кешіктірмей;»;
      94) 610-бапта:
      3-тармақ мынадай редакцияда жазылсын:
      «3. Егер осы бапта өзгеше белгіленбесе, өсімпұл салық және бюджетке төленетін басқа да міндетті төлемдерді, оның ішінде олар бойынша аванстық және (немесе) ағымдағы төлемдерді төлеу мерзімі күнінен кейінгі күннен бастап, бюджетке төлеген күнді қоса алғанда, мерзімі өткен әрбір күн үшін, егер Қазақстан Республикасының заңнамалық актілерінде өзгеше белгiленбесе, Қазақстан Республикасының Ұлттық Банкі белгілеген қайта қаржыландырудың ресми мөлшерлемесінің 2,5 еселенген мөлшерінде мерзімі өткен әрбір күн үшін есепке жазылады.»;
      мынадай мазмұндағы 14-тармақпен толықтырылсын:
      «14. Өсімпұл салық органдары тиісті салық кезеңі үшін салықтарды төлеу мерзімі басталғаннан кейін есептеген салық сомаларын қайта қарау нәтижесінде қалыптасқан жеке тұлғалардан алынатын мүлік салығы, жер салығы мен көлік құралдары салығы бойынша бересі сомасына есептелмейді.»;
      95) 625-баптың 4-тармағының бірінші абзацы мынадай редакцияда жазылсын:
      «4. Тәуекелдерді басқару жүйесі салықтық бақылауды жүзеге асыру үшін, оның ішінде:»;
      96) 626-бап мынадай редакцияда жазылсын:
      «626-бап. Салық органдарының тәуекелдерді бағалау және басқару жөніндегі іс-қимылдары
      Осы Кодекстің 625-бабында көрсетілген мақсаттарға қол жеткізу үшін салық органдары, соның ішінде, салық төлеушінің (салық агентінің) салық есептілігінің деректерін, уәкілетті мемлекеттік органдардан, жергілікті атқарушы органдардан, уәкілетті адамдардан алынған мәліметтерді, салық төлеушінің (салық агентінің) қызметі туралы басқа да құжаттарды және (немесе) мәліметтерді, сондай-ақ жеке тұлғаларды камералдық бақылау нәтижелерін талдауды да пайдаланады.»;
      97) 643-бапта:
      тақырыбы мынадай редакцияда жазылсын:
      «643-бап. Салық салуға жататын табыстарды жекелеген жағдайларда айқындау»;
      1-тармақ алып тасталсын;
      мынадай мазмұндағы 1-1 және 1-2-тармақтарымен толықтырылсын:
      «1-1. Жеке тұлғалардың активтері мен міндеттемелері туралы декларацияда көрсетілмеген немесе осы Кодекстің 187-2-бабында белгіленген талаптарды бұза отырып көрсетілген мәліметтері жеке тұлғалардың шығыс көздерін растау үшін негіз бола алмайды.
      1-2. Осы Кодекстің 21-1-бөлімінде көзделген жеке тұлғаның декларациясында көрсетілген мынадай мәліметтер:
      1) осы Кодекстің 224-бабы 4-тармағына сәйкес айқындалатын салық салуда жеңілдігі бар мемлекеттегі мүлік туралы;
      2) дебитор және (немесе) кредитор болып табылатын жеке тұлға немесе заңды тұлға осы Кодекстің 224-бабының 4-тармағына сәйкес айқындалатын салық салуда жеңілдігі бар мемлекетте орналасқан және (немесе) тіркелген жағдайда басқа адамдардың жеке тұлғаға берешектері (дебиторлық берешегі) және жеке тұлғалардың басқа адамдарға берешектері (кредиторлық берешегі) туралы мәліметтер тек шетел мемлекетінің заңнамасына сәйкес шетел мемлекетінің құзыретті органы берген растайтын құжаттар болған кезде жеке тұлғаның шығыстарын жүзеге асыруға бағытталған табыстарын растау үшін ескерілуі мүмкін.»;
      98) мынадай мазмұндағы 643-1-баппен толықтырылсын:
      «643-1-бап. Жеке тұлғаның жанама әдіспен салық салуға жататын табысын айқындау
      1. Осы бап жеке табыс салығы бойынша салықтық міндеттеме туындауына әкеп соқтыратын жеке тұлғаның декларацияларында көрсетілген мәліметтердің толықтығы мен дұрыстығын айқындау мақсатында жеке тұлғаға қатысты салықтық тексеру барысында қолданылады.
      2. Осы баптың қолданылуы дара кәсіпкер, жекеше нотариус, жеке сот орындаушысы, адвокат, кәсіби медиатор ретінде тіркеу есебінде тұрған жеке тұлғаға қатысты оның осындай қызметті жүзеге асыру кезеңі ішінде қолданылмайды.
      3. Егер салықтық декларацияда көрсетілген жеке тұлғаның табысы жасалған, оның ішінде мүлікті сатып алу шығыстарына сәйкес келмеген жағдайда, салық органдары жеке тұлғаға салықтық тексеру жүргізу барысында жеке тұлғаның табысын айқындаудың жанама әдісінің мынадай түрлерін қолдануға құқылы:
      1) активтердің құн өсімі әдісі жеке тұлғада салықтық бақылау қамтылған кезеңде мемлекеттік немесе өзге де тіркеуге жататын мүлікті, сондай-ақ ол бойынша құқығы және (немесе) мәмілесі мемлекеттік немесе өзге де тіркеуге жататын мүлікті сатып алуға арналған шығыстар болған жағдайда пайдаланылады.
      Аталған әдіс осы тармақшада көрсетілген мүліктің өсім құнын белгілі бір кезең ішіндегі жеке тұлғаның декларациясында көрсетілген табыстармен салыстыру жолымен қолданылады;
      2) шығындарды есепке алу әдісі жеке тұлғада салықтық бақылау қамтылған кезеңде осы тармақтың 1) тармақшасында көрсетілмеген шығыстар болған жағдайда пайдаланылады.
      Аталған әдіс жеке тұлғаның осы тармақтың 1) тармақшасында көрсетілмеген шығыстарын жеке тұлғаның декларациясында көрсетілген табыстармен салыстыру жолымен қолданылады.
      3) банк шоттарында қаражаттың қозғалысын есепке алу әдісі жеке тұлғада салықтық бақылау қамтылған кезеңде банктік операциялардың жекелеген түрлерін жүзеге асыратын банктердегі және ұйымдардағы шоттарда жеке тұлғаның ақша жинақтарының өзгеруі болған жағдайда пайдаланылады.
      Аталған әдіс банктік операциялардың жекелеген түрлерін жүзеге асыратын банктердегі және ұйымдардағы шоттарда жеке тұлғаның ақша жинақтарының өзгерістерін жеке тұлғаның декларациясында көрсетілген табыстармен салыстыру жолымен қолданылады.
      4. Қажет болған жағдайда салықтық тексеруді жүргізу кезінде салық органдары осы баппен айқындалған әдістердің комбинациясын пайдалануы мүмкін.
      5. Аталған баппен айқындалған әдістерді қолдану кезінде салықтық тексеру жүргізу барысында жеке тұлғаның міндеттемесі ескеріледі.
      6. Осы бапта көрсетілген әдістермен жеке тұлғаның табысын айқындау тәртібін уәкілетті орган бекітеді.»;
      99) 657-бап мынадай мазмұндағы 6-1) тармақшамен толықтырылсын:
      «6-1) жеке тұлғалардың декларацияларын салық органдарының мобильдік топтары уәкілетті орган белгілеген тәртіпте қабылдау.
      Осы Кодекстің мақсатында салық органдарының мобильдік тобы жеке тұлғаларға декларацияларды жасау бойынша консультация және салық төлеушілердің жекелеген санаттарынан осындай декларацияларды қабылдауды жүзеге асыратын салық органдары қызметкерлерінен құралған көшпелі топ болып табылады.»;
      3. Қазақстан Республикасының 2014 жылғы 3 шiлдедегi Қылмыстық кодексіне (Қазақстан Республикасы Парламентінің Жаршысы, 2014 ж., № 13-I, 13-II, 83-құжат; № 21, 122-құжат, 2015 жылғы 8 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      244-бапта:
      бірінші бөліктің бірінші абзацы мынадай редакцияда жазылсын:
      «1. Жеке тұлғаның декларация табыс етуі міндетті болып табылатын жағдайларда декларация табыс етпеу арқылы не декларацияға немесе салықтарды және (немесе) бюджетке төленетін басқа да міндетті төлемдерді есептеумен немесе төлеумен байланысты өзге де құжаттарға табыстар немесе шығыстар туралы не салық салуға жататын мүлкі туралы көрінеу бұрмаланған деректерді енгізу арқылы салықты немесе бюджетке төленетін басқа да міндетті төлемдерді төлеуден жалтаруы, егер бұл әрекет ірі мөлшердегі салықты және (немесе) бюджетке төленетін басқа да міндетті төлемдерді төлемеуге әкеп соқса, –»;
      мынадай мазмұндағы ескертумен толықтырылсын:
      «Ескерту. Табыстары мен мүлкі туралы декларацияны бірінші рет табыс етпеген не декларацияға немесе салықтарды және (немесе) бюджетке төленетін басқа да міндетті төлемдерді есептеумен немесе төлеумен байланысты өзге де құжаттарға табыстар немесе шығыстар туралы не салық салынуға жататын мүлкі туралы көрінеу бұрмаланған деректерді бірінші рет енгізген жеке тұлға, егер бұл әрекет ірі мөлшердегі салық және (немесе) бюджетке төленетін басқа да міндетті төлемдерді төлемеуге әкеп соқса, жанама әдіспен айқындалған салық салу объектілері және (немесе) салық салуға байланысты объектілер бойынша жеке табыс салығын төлеген жағдайда осы баптың бірінші бөлігінде көзделген жазалаудан босатылады.».
      4. 2014 жылғы 5 шілдедегі Қазақстан Республикасының Қылмыстық-атқару кодексіне (Қазақстан Республикасы Парламентінің Жаршысы, 2014 ж., № 17, 91-құжат; № 19-І, 19-ІІ, 96-құжат; № 21, 122-құжат; № 22, 131-құжат; 2015 ж., № 7, 33-құжат):
      169-баптың 8-бөлігінің 9) тармақшасы алып тасталсын.
      5. 2014 жылғы 5 шілдедегі Қазақстан Республикасының Әкімшілік құқық бұзушылық туралы кодексіне (Қазақстан Республикасы Парламентінің Жаршысы, 2014 ж., № 18-I, 18-II, 92-құжат; № 21, 122-құжат; № 23, 143-құжат; № 24, 145, 146-құжаттар; 2015 ж., № 1, 2-құжат; № 2, 6-құжат; № 7, 33-құжат; № 8, 44, 45-құжаттар; № 9, 46-құжат; № 10, 50-құжат; 2015 жылғы 10 маусымда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне үшінші елдерге қатысты арнайы қорғау, демпингке қарсы және өтемақы шараларын қолдану мәселелері бойынша өзгерістер мен толықтырулар енгізу туралы» 2015 жылғы 8 маусымдағы Қазақстан Республикасының Заңы; 2015 жылғы 22 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне мақта саласын дамыту мәселелері бойынша өзгерістер мен толықтырулар енгізу туралы» 2015 жылғы 21 шілдедегі Қазақстан Республикасының Заңы; 2015 жылғы 5 тамызда «Егемен Қазақстан» және Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы; 2015 жылғы 8 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      1) мазмұнында:
      272-баптың тақырыбы мынадай редакцияда жазылсын:
      «272-бап. Салық есептiлiгiне, шартты банк салымына байланысты құжаттарды табыс етпеу, сондай-ақ салық есептiлiгiне толық емес, дәйексіз мәліметтер беру»;
      274-баптың тақырыбы алып тасталсын;
      471-баптың тақырыбы мынадай редакцияда жазылсын:
      «471-бап. Жергілікті атқарушы органдардың, өзге уәкілетті органдар мен уәкілетті адамдардың Қазақстан Республикасының салық заңнамасында белгіленген міндеттерді орындамауы»;
      2) 272-бапта:
      тақырыбы мынадай редакцияда жазылсын:
      «272-бап. Салық есептiлiгiне, шартты банк салымына байланысты құжаттарды табыс етпеу, сондай-ақ салық есептiлiгiне толық емес, дәйексіз мәліметтер беру»;
      бірінші бөлік мынадай редакцияда жазылсын:
      «1. Қазақстан Республикасының заңнамалық актілерінде белгіленген мерзімде мемлекеттік кіріс органына салық есептілігін табыс етпеуі –
      ескерту жасауға әкеп соғады.»;
      мынадай мазмұндағы 2-1 және 2-2-бөліктермен толықтырылсын:
      «2-1. Салық және бюджетке төленетін басқа да міндетті төлемдерді есептеуге әкеп соқтыратын жағдайларды қоспағанда, Қазақстан Республикасының салық заңнамасында көзделген активтер мен міндеттемелер туралы декларацияда, табыстар мен мүлік туралы декларацияда, жеке табыс салығы бойынша декларацияда толық емес, дәйексіз мәліметтер беру –
      ескерту жасауға әкеп соғады.
      2-2. Осы баптың 2-1-бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет –
      отыз айлық есептік көрсеткіш мөлшерiнде айыппұл салуға әкеп соғады.»;
      мынадай мазмұндағы ескертумен толықтырылсын:
      «Ескерту. Осы баптың 2-1 және 2-2-бөліктерінің ережелері тиісті мемлекеттік органдарда активтер мен міндеттемелер туралы мәліметтер болған кезде жеке тұлғаның активтері мен міндеттемелері туралы декларацияда осындай мәліметтер көрсетілмеген жағдайда қолданылмайды.»;
      3) 274-бап алып тасталсын;
      4) 285-баптың үшінші бөлігінің 8) тармақшасы мынадай редакцияда жазылсын:
      «8) мемлекеттік кіріс органының сұрау салуын алған күннен бастап он жұмыс күні ішінде банк шоттарының болуы мен нөмірлері туралы, салық төлеушілердің осы шоттардағы ақша қалдықтары мен қозғалысы туралы, сондай-ақ сыйақыларды қоса алғанда, өтеу сомаларын көрсете отырып, тексерілетін жеке тұлғаға берілген кредиттер туралы ақпаратты ұсынбау түрінде орындамауы, - »;
      5) 471-бапта:
      тақырыбы мынадай редакцияда жазылсын:
      «471-бап. Жергілікті атқарушы органдардың, өзге уәкілетті органдар мен уәкілетті адамдардың Қазақстан Республикасының салық заңнамасында белгіленген міндеттерді орындамауы»;
      екінші бөлік мынадай редакцияда жазылсын:
      «2. Мемлекеттік кіріс органына табыс ету үшiн Қазақстан Республикасының салық заңнамасында айқындалған мәлiметтердi жергілікті атқарушы органдардың, өзге уәкілетті органдар мен уәкілетті адамдардың табыс етпеуi, уақытылы, анық немесе толық табыс етпеуі –
      лауазымды адамдарға отыз айлық есептік көрсеткіш мөлшерінде айыппұл салуға әкеп соғады.»;
      мынадай мазмұндағы ескертумен толықтырылсын:
      «Ескерту. Осы бапта пайдаланылатын салық заңнамасының ұғымдары мен терминдері Қазақстан Республикасының салық заңнамасында олар пайдаланылатын мағынада ғана қолданылады.»;
      6) 720-баптың бірінші бөлігінде «274» цифрлары алып тасталсын;
      7) 721-баптың бірінші бөлігінде «274» цифрлары алып тасталсын.
      6. «Қазақстан Республикасындағы банктер және банк қызметі туралы» 1995 жылғы 31 тамыздағы Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1995 ж., № 15-16, 106-құжат; Қазақстан Республикасы Парламентінің Жаршысы, 1996 ж., № 2, 184-құжат; № 15, 281-құжат; № 19, 370-құжат; 1997 ж., № 5, 58-құжат; № 13-14, 205-құжат; № 22, 333-құжат; 1998 ж., № 11-12, 176-құжат; № 17-18, 224-құжат; 1999 ж., № 20, 727-құжат; 2000 ж., № 3-4, 66-құжат; № 22, 408-құжат; 2001 ж., № 8, 52-құжат; № 9, 86-құжат; 2002 ж., № 17, 155-құжат; 2003 ж., № 5, 31-құжат; № 10, 51-құжат; № 11, 56, 67-құжаттар; № 15, 138, 139-құжаттар; 2004 ж., № 11-12, 66-құжат; № 15, 86-құжат; № 16, 91-құжат; № 23, 140-құжат; 2005 ж., № 7-8, 24-құжат; № 14, 55, 58-құжаттар; № 23, 104-құжат; 2006 ж., № 3, 22-құжат; № 4, 24-құжат; № 8, 45-құжат; № 11, 55-құжат; № 16, 99-құжат; 2007 ж., № 2, 18-құжат; № 4, 28, 33-құжаттар; 2008 ж., № 17-18, 72-құжат; № 20, 88-құжат; № 23, 114-құжат; 2009 ж., № 2-3, 16, 18, 21-құжаттар; № 17, 81-құжат; № 19, 88-құжат; № 24, 134-құжат; 2010 ж., № 5, 23-құжат; № 7, 28-құжат; № 17-18, 111-құжат; 2011 ж., № 3, 32-құжат; № 5, 43-құжат; № 6, 50-құжат; № 12, 111-құжат; № 13, 116-құжат; № 14, 117-құжат; № 24, 196-құжат; 2012 ж., № 2, 15-құжат; № 8, 64-құжат; № 10, 77-құжат; № 13, 91-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 10-11, 56-құжат; № 15, 76-құжат; 2014 г. № 1, 9-құжат; № 4-5, 24-құжат; № 6, 27-құжат; № 10, 52-құжат; № 11, 61-құжат; № 12, 82-құжат; № 19-I, 19-II, 94, 96-құжаттар; № 21, 122-құжат; № 22, 131-құжат; № 23, 143-құжат; 2015 ж., № 8, 45-құжат; 2015 жылғы 21 шілдеде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне меншік құқығын қорғауды күшейту, шарттық міндеттемелерді қорғауды кепілдендіру және оларды бұзғаны үшін жауапкершілікті қатаңдату мәселелері бойынша өзгерістер мен толықтырулар енгізу туралы» 2015 жылғы 17 шілдедегі Қазақстан Республикасының Заңы; 2015 жылғы 5 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы; 2015 жылғы 8 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      1) 17-1-баптың 4-тармағының 3-3) тармақшасы мынадай редакцияда жазылсын:
      «3-3) табыстары мен мүлкі туралы мәліметтерді, уәкілетті органның нормативтік құқықтық актісінде белгіленген нысанға сәйкес өтініш берушінің барлық міндеттемелері бойынша берешектері туралы ақпаратты, сондай-ақ нотариаттық куәландырылған немесе мемлекеттік кіріс органы куәландырған салық заңнамада белгіленген тәртіппен табыс етілген активтер мен міндеттемелер туралы декларацияның көшірмесін уәкілетті органға банктің ірі қатысушысы мәртебесін сатып алу туралы өтінішті тапсырған күннің алдындағы күнтізбелік отыз күн ішінде және нотариаттық куәландырылған немесе мемлекеттік кіріс органы куәландырған салық заңнамасында белгіленген тәртіппен және мерзімде табыс етілген табыстар мен мүлік туралы декларацияның көшірмесін табыс етеді.
      Активтер мен міндеттемелер туралы декларациядағы мәліметтер активтер мен міндеттемелер туралы декларацияны табыс етілетін айдың бірінші күніндегі жағдайы бойынша көрсетіледі.»;
      2) 50-бапта:
      6-тармақтың д) тармақшасы мынадай мазмұндағы үшінші абзацпен толықтырылсын:
      «тексерілетін жеке тұлғаға;»;
      6-1-тармақтың екінші бөлігі мынадай редакцияда жазылсын:
      «Осы баптың осы тармағында, 6-тармағының д) тармақшасында, 6-2, 6-3, 6-4-тармақтарында көзделген мәліметтер мемлекеттік кіріс органының сұрау салуы негізінде уәкілетті органмен келісу бойынша салықтардың және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын уәкілетті мемлекеттік орган белгілеген нысан бойынша тек салықтық әкімшілендіру мақсатында беріледі.»;
      мынадай мазмұндағы 6-2, 6-3, 6-4-тармақтармен толықтырылсын:
      «6-2. Банктер мен банк операцияларының жекелеген түрлерін жүзеге асыратын ұйымдар салықтардың және бюджетке төленетін басқа да міндетті төлемдердің түсуін қамтамасыз ету саласында басшылықты жүзеге асыратын уәкілетті мемлекеттік органға оның сұрау салуы негізінде мынадай:
      1) активтер мен міндеттемелер туралы декларацияны табыс етуге міндетті жеке тұлғалардың банк шоттарының бар-жоғы, нөмірлері туралы және олардың осы шоттардағы ақшасының қалдықтары туралы;
      2) сыйақыны қоса алғанда, өтеу сомаларын көрсете отырып, активтер мен міндеттемелер туралы декларацияны табыс етуге міндетті жеке тұлғаларға берілген кредиттер туралы мәліметтерді табыс етеді.
      Осы тармақта көрсетілген мәліметтерді салықтардың және бюджетке төленетін басқа да міндетті төлемдердің түсуін қамтамасыз ету саласында басшылықты жүзеге асыратын уәкілетті мемлекеттік орган Қазақстан Республикасының салық заңнамасында айқындалған жеке тұлғаларда активтері мен міндеттемелері туралы декларацияны табыс ету бойынша міндеті туындаған жылдың 1 қаңтарындағы жағдай бойынша сұратады.
      Салықтардың және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын уәкілетті мемлекеттік органның осы тармақтың бірінші бөлігінде көзделген сұрау салуына активтер мен міндеттемелер туралы декларацияны табыс ету бойынша міндеті туындаған жеке тұлғалардың тізімі қоса берілуге тиіс.
      6-3. Сыйақыны қоса алғанда, өтеу сомаларын көрсете отырып, тексерілетін жеке тұлғаға берілген кредиттер туралы мәліметтерді банктер және банк операцияларының жекелеген түрлерін жүзеге асыратын ұйымдар Қазақстан Республикасының салық заңнамасына сәйкес мемлекеттік кіріс органдарының сұрау салулары бойынша табыс етеді.
      Мемлекеттік кіріс органдары осы тармақта көрсетілген мәліметтерді тексерілетін жеке тұлғаға салық салуға байланысты сұрақтар бойынша салықтық әкімшілендіру мақсатында қолданады.
      6-4. Қазақстан Республикасында тұрғын үй сатып алуға алған ипотекалық тұрғын үй қарыздары бойынша сыйақыларды жеке тұлғаның өтеуі туралы мәліметтер беру бөлігіндегі банктік құпия салық органдарының талабы негізінде ашылуы мүмкін. Салық органдарының талабы жекелеген банктік операциялар түрлерін жүзеге асыратын банктер немесе ұйымдар табыстар мен мүлік туралы декларацияда көрсетілген ипотекалық тұрғын үй қарыздары бойынша сыйақыларды өтеу туралы мәліметтерді беруге жеке тұлға (шот иесі) келіскен жағдайда ресімделеді.»;
      3) 54-1-баптың 1-тармағының 5) тармақшасы мынадай редакцияда жазылсын:
      «5) табыстар мен мүлік туралы мәліметтерді, Қазақстан Республикасының салық заңнамасында белгіленген тәртіппен табыс етілетін табыстар мен мүлік туралы декларацияның көшірмесін табыс етуге тиіс.».
      7. «Сақтандыру қызметі туралы» 2000 жылғы 18 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2000 ж., № 22, 406-құжат; 2003 ж., № 11, 56-құжат; № 12, 85-құжат; № 15, 139-құжат; 2004 ж., № 11-12, 66-құжат; 2005 ж., № 14, 55, 58-құжаттар; № 23, 104-құжат; 2006 ж., № 3, 22-құжат; № 4, 25-құжат; № 8, 45-құжат; № 13, 85-құжат; № 16, 99-құжат; 2007 ж., № 2, 18-құжат; № 4, 28, 33-құжаттар; № 8, 52-құжат; № 18, 145-құжат; 2008 ж., № 17-18, 72-құжат; № 20, 88-құжат; 2009 ж., № 2-3, 18-құжат; № 17, 81-құжат; № 19, 88-құжат; № 24, 134-құжат; 2010 ж., № 5, 23-құжат; № 17-18, 112-құжат; 2011 ж., № 11, 102-құжат; № 12, 111-құжат; № 24, 196-құжат; 2012 ж., № 2, 15-құжат; № 8, 64-құжат; № 13, 91-құжат; № 21-22, 124-құжат; № 23-24, 125-құжат; 2013 ж., № 10-11, 56-құжат; 2014 ж., № 4-5, 24-құжат; № 10, 52-құжат; № 11, 61-құжат; № 19-I, 19-II, 94-құжат; № 21, 122-құжат; № 22, 131-құжат; 2015 ж., № 8, 45-құжат; 2015 жылғы 5 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      1) 26-баптың 6-тармағының 6) тармақшасы мынадай редакцияда жазылсын:
      «6) табыстары мен мүлкі туралы мәліметтерді, уәкілетті органның нормативтік құқықтық актісінде белгіленген нысанға сәйкес өтініш берушінің барлық міндеттемелері бойынша берешектері туралы ақпаратты, сондай-ақ нотариаттық куәландырылған немесе мемлекеттік кіріс органы куәландырған салық заңнамада белгіленген тәртіппен табыс етілген активтер мен міндеттемелер туралы декларацияның көшірмесін уәкілетті органға сақтандыру (қайта сақтандыру) ұйымының ірі қатысушысы мәртебесін сатып алу туралы өтінішті тапсырған күннің алдындағы күнтізбелік отыз күн ішінде және нотариаттық куәландырылған немесе мемлекеттік кіріс органы куәландырған салық заңнамасында белгіленген тәртіппен және мерзімде табыс етілген табыстар мен мүлік туралы декларацияның көшірмесін табыс етеді.
      Активтер мен міндеттемелер туралы декларациядағы мәліметтер активтер мен міндеттемелер туралы декларацияны табыс етілетін айдың бірінші күніндегі жағдай бойынша көрсетіледі;»;
      2) 74-1-баптың 2-тармағының 5) тармақшасы мынадай редакцияда жазылсын:
      «5) табыстар мен мүлік туралы мәліметтерді, Қазақстан Республикасының салық заңнамасында белгіленген тәртіппен табыс етілетін табыстар мен мүлік туралы декларацияның көшірмесін қамтитын есептілікті табыс етуге тиіс.».
      8. «Бағалы қағаздар рыногы туралы» 2003 жылғы 2 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 2003 ж., № 14, 119-құжат; 2004 ж., № 16, 91-құжат; № 23, 142-құжат; 2005 ж., № 7-8, 24-құжат; № 14, 58-құжат; № 23, 104-құжат; 2006 ж., № 3, 22-құжат; № 4, 24-құжат; № 8, 45-құжат; № 10, 52-құжат; № 11, 55-құжат; 2007 ж., № 2, 18-құжат; № 4, 28-құжат; № 9, 67-құжат; № 17, 141-құжат; 2008 ж., № 15-16, 64-құжат; № 17-18, 72-құжат; № 20, 88-құжат; № 21, 97-құжат; № 23, 114-құжат; 2009 ж., № 2-3, 16, 18-құжаттар; № 17, 81-құжат; № 19, 88-құжат; 2010 ж., № 5, 23-құжат; № 7, 28-құжат; № 17-18, 111-құжат; 2011 ж., № 3, 32-құжат; № 5, 43-құжат; № 11, 102-құжат; № 15, 125-құжат; № 24, 196-құжат; 2012 ж., № 2, 14, 15-құжаттар; № 10, 77-құжат; № 13, 91-құжат; № 20, 121-құжат; № 21-22, 124-құжат; 2013 ж., № 10-11, 56-құжат; 2014 ж., № 6, 27-құжат; № 10, 52-құжат; № 11, 61-құжат; № 19-I, 19-II, 96-құжат; № 22, 131-құжат; № 23, 143-құжат; 2015 ж., № 8, 45-құжат):
      72-1-баптың 6-тармағының 6) тармақшасы мынадай редакцияда жазылсын:
      «6) табыстары мен мүлкі туралы мәліметтерді, уәкілетті органның нормативтік құқықтық актісінде белгіленген нысанға сәйкес өтініш берушінің барлық міндеттемелері бойынша берешектері туралы ақпарат, сондай-ақ нотариаттық куәландырылған немесе мемлекеттік кіріс органы куәландырған салық заңнамада белгіленген тәртіппен табыс етілген активтер мен міндеттемелер туралы декларацияның көшірмесін уәкілетті органға инвестициялық портфельді басқарушының ірі қатысушысы мәртебесін сатып алу туралы өтінішті тапсырған күннің алдындағы күнтізбелік отыз күн ішінде және нотариаттық куәландырылған немесе мемлекеттік кіріс органы куәландырған салық заңнамасында белгіленген тәртіппен және мерзімде табыс етілген табыстар мен мүлік туралы декларацияның көшірмесін.
      Активтер мен міндеттемелер туралы декларациядағы мәліметтер активтер мен міндеттемелер туралы декларация табыс етілетін айдың бірінші күніндегі жағдай бойынша көрсетіледі;».
      9. «Тауар биржалары туралы» 2009 жылғы 4 мамырдағы Қазақстан Республикасының Заңына (Қазақстан Республикасы Парламентiнiң Жаршысы, 2009 ж., № 9-10, 46-құжат; № 18, 84-құжат; № 19, 88-құжат; 2010 ж., № 5, 23-құжат; 2011 ж., № 1, 2-құжат; № 11, 102-құжат; № 12, 111-құжат; 2012 ж., № 10, 77-құжат; № 15, 97-құжат; 2013 ж., № 4, 21-құжат; № 14, 75-құжат; 2014 ж., № 1, 4, 9-құжаттар; № 10, 52-құжат; № 11, 61-құжат; № 16, 90-құжат; № 19-I, 19-II, 96-құжат; № 23, 143-құжат):
      24-баптың 3-тармағы мынадай мазмұндағы 5-1) тармақшамен толықтырылсын:
      «5-1) Қазақстан Республикасының салық заңнамасына сәйкес мемлекеттік кіріс органдарына;».
      10. «Құқық қорғау қызметі туралы» 2011 жылғы 6 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2011 ж., № 1, 4-құжат; № 19, 145-құжат; 2012 ж., № 3, 26-құжат; № 5, 41-құжат; № 8, 64-құжат; 2013 ж., № 7, 34, 36-құжаттар; № 14, 75-құжат; 2014 ж., № 7, 37-құжат; № 8, 49-құжат; № 14, 84-құжат; № 16, 90-құжат; № 21, 122-құжат; № 23, 143-құжат):
      1) 6-баптың 6-тармағы алып тасталсын;
      2) 16-баптың 1-тармағының 16) тармақшасы алып тасталсын.
      11. «Қазақстан Республикасының арнаулы мемлекеттік органдары туралы» 2012 жылғы 13 ақпандағы Қазақстан Республикасының Заңына (Қазақстан Республикасы Парламентінің Жаршысы, 2012 ж., № 4, 31-құжат; 2013 ж., № 2, 10-құжат; № 14, 72-құжат; 2014 ж., № 7, 37-құжат; № 8, 49-құжат; № 14, 84-құжат; № 16, 90-құжат; № 19-I, 19-II, 96-құжат; 2015 ж., № 1, 2-құжат; 2015 жылғы 5 тамызда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» 2015 жылғы 2 тамыздағы Қазақстан Республикасының Заңы):
      7-баптың 4-тармағы алып тасталсын.
      2-бап. Мыналардың:
      1) 2017 жылғы 1 қаңтардан бастап 2020 жылғы 1 қаңтарға дейін «Салық және бюджетке төленетін басқа да төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексі) 178-бабының қолданысы тоқтатыла тұрсын, тоқтатыла тұрған кезеңде осы бап мынадай редакцияда қолданылады деп белгіленсін:
      «178-бап. Жеке тұлғаның өзі дербес салық салуға жататын табыстары бойынша жеке табыс салығын есептеу
      1. Егер осы Кодекстің осы бабында және 182-бабында өзгеше белгіленбесе, жеке тұлғаның өзі дербес салық салуға жататын табыстары бойынша жеке табыс салығын есептеу, осы баптың 4 және 5-тармақтарында көрсетілген салық төлеушілерді қоспағанда, жеке тұлғаның өзі дербес салық салуға жататын тиісті табысының салық салынатын сомасына осы Кодекстің 158-бабы 1-тармағында белгіленген мөлшерлемені қолдану арқылы салық кезеңіне жүргізіледі.
      Есептелген жеке табыс салығының сомасы жеке табыс салығының осы Кодекстiң 223-бабына сәйкес есепке жатқызу жүзеге асырылатын сомасына азайтылады.
      Жеке тұлғаның өзі дербес салық салуға жататын тиісті табысының салық салынатын сомасы осы Кодекстің 156-бабында көзделген түзетулерді ескеріле отырып, салық салуға жататын табыс пен осы бөлімде белгіленген салық шегерімдері арасындағы айырма ретінде айқындалады.
      2. Жекеше нотариустардың, жеке сот орындаушыларының, адвокаттардың, кәсіби медиаторлардың табыстарын қоспағанда, салық төлеушіде жеке тұлғаның өзі дербес салық салуға жататын табыстарының бірнеше түрі болған кезде салық төлеуші жеке табыс салығын есептеуді жеке тұлғаның өзі дербес салық салуға жататын барлық табыс түрлерінің сомасына осы Кодекстің 158-бабының 1-тармағында белгіленген мөлшерлемені қолдану арқылы дербес жүргізеді.
      3. Осы бөлімде белгіленген салық шегерімдері, егер көрсетілген шегерімдер қызметкердің табысын айқындаған кезде жүргізілмеген болса, жеке тұлғаның өзі дербес салық салуға жататын табыстарының жиынтық сомасы бойынша жеке табыс салығын есептеу кезінде қолданылады.
      4. Осы баптың 5-тармағында көрсетілгендерден басқа дара кәсіпкерлер салық кезеңі үшін дара кәсіпкердің табыстары бойынша салықты есептеуді дербес жүргізеді. Салық сомасы дара кәсіпкердің осы Кодекстің 133-бабында көзделген табыстары мен шығыстары сомасына, сондай-ақ осы Кодекстің 137-бабына сәйкес ауыстырылатын шығындар сомасына азайтылған табысына осы Кодекстің 158-бабының 1-тармағында белгіленген мөлшерлемені қолдану арқылы есептеледі.
      Есептелген жеке табыс салығының сомасы жеке табыс салығының осы Кодекстiң 223-бабына сәйкес есепке жатқызу жүзеге асырылатын сомасына азайтылады.
      5. Патент немесе оңайлатылған декларация негізінде шағын бизнес субъектілері үшін арнаулы салық режимін қолданатын дара кәсіпкерлер осы Кодекстің 61-тарауына сәйкес арнаулы салық режимдерінде көрсетілген шеңберде салық салынатын табыстар бойынша жеке табыс салығын есептеуді жүргізеді.»;
      2) 2017 жылғы 1 қаңтардан бастап 2020 жылғы 1 қаңтарға дейін «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 187-1, 187-2, 187-3, 187-4, 187-5, 187-6, 187-7-баптарының қолданысы мыналарға:
      1) «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес жауапты мемлекеттiк лауазымды атқаратын адамдар, мемлекеттік мiндеттер атқаруға уәкілетті адамдар немесе оларға теңестiрiлген адамдар, сондай-ақ олардың жұбайлары (зайыптары);
      2) мынадай талаптарға сәйкес келген кезде:
      қызметкердің лауазымы Қазақстан Республикасының нормативтік құқықтық актілеріне сәйкес әкімшілік персоналға жатса;
      жұмысы вахталық әдіспен жүзеге асырылмаса немесе жүріп-тұру сипатында болмаса;
      салық заңнамасына сәйкес ұлттық басқарушы холдингтің, ұлттық холдингтің және ұлттық компанияның орналасқан жері республикалық, облыстық, аудандық маңызы бар қала болып табылса, Қазақстан Республикасының заңнамасында айқындалған ұлттық басқарушы холдингтің, ұлттық холдингтің және ұлттық компанияның қызметкерлері;
      3) осы тармақта көрсетілмеген мемлекеттік мекеме, мемлекеттік кәсіпорын қызметкерлері болып табылмайтын жеке тұлғаларға қатысты тоқтатыла тұрсын.
      Осы тармақшаның ережелері активтер мен міндеттемелер туралы декларацияны 2017 жылы табыс еткен тұлғаларға қатысты қолданылмайды.
      3-бап. Мыналар:
      1) 2016 жылғы 1 қаңтардан бастап 2017 жылғы 1 қаңтарға дейін «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексі) 185-бабының 2-тармағы мынадай редакцияда қолданылады деп белгіленсін:
      «2. «Қазақстан Республикасындағы сайлау туралы» Қазақстан Республикасының Конституциялық заңына, Қазақстан Республикасының Қылмыстық-атқару кодексіне және «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес декларацияны табыс ету міндеті жүктелген Қазақстан Республикасы Парламентінің депутаттары, судьялар, сондай-ақ жеке тұлғалар табыстары мен Қазақстан Республикасының аумағында да, одан тысқары жерлерде де орналасқан және салық салу объектісі болып табылатын мүлкі туралы декларацияны табыс етiледi.»;
      2) 2016 жылғы 1 қаңтардан бастап 2017 жылғы 1 қаңтарға дейін «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексі) 186-бабының 1-тармағы мынадай редакцияда қолданылады деп белгіленсін:
      «1. Егер осы бапта өзгеше белгіленбесе, «Қазақстан Республикасындағы сайлау туралы» Қазақстан Республикасының Конституциялық заңында, Қазақстан Республикасының Қылмыстық-атқару кодексiнде және «Сыбайлас жемқорлыққа қарсы іс-қимыл туралы» Қазақстан Республикасының Заңында көзделген жағдайларды қоспағанда, жеке табыс салығы бойынша декларация орналасқан (тұрғылықты) жеріндегi салық органына есептi салық кезеңiнен кейiнгi жылдың 31 наурызынан кешiктiрiлмей табыс етiледi.»;
      3) 2017 жылғы 1 қаңтардан бастап 2020 жылғы 1 қаңтарға дейін «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексі) 186-бабының 1-тармағы мынадай редакцияда қолданылады деп белгіленсін:
      «1. Егер осы бапта өзгеше белгіленбесе, жеке табыс салығы бойынша декларация орналасқан (тұрғылықты) жеріндегi салық органына есептi салық кезеңiнен кейiнгi жылдың 31 наурызынан кешiктiрiлмей табыс етiледi.».
      4-бап. Салық органдары активтер мен міндеттемелер туралы және табыстары мен мүлік туралы декларацияларды табыс еткен мынадай жеке тұлғаларға қатысты:
      1) 2017 – 2019 жылдардың ішінде - 2017 жылы активтер мен міндеттемелер туралы декларацияны табыс ету бойынша міндет жүктелген жеке тұлғаларға;
      2) 2020 – 2022 жылдардың ішінде - осы баптың 1) тармақшасында көрсетілмеген жеке тұлғаларға қатысты ішінара салықтық тексерулер жүргізуді жүзеге асыруға құқылы.
      5-бап. Осы Заңның 4-бабында көрсетілген адамдар жеке тұлғаның активтері мен міндеттемелері туралы декларацияда көрсетілген мүлікті сатып алудың (туындауының) заңдылығы бөлігінде салық органдарының тексеруіне жатпайды.
      6-бап. 2017 жылғы 31 желтоқсанда тіркелген салықты, ойын бизнесі салығын төлеушілер болып табылатын салық төлеушілер 2018 жылғы 1 қаңтарда тіркелген активтердің бастапқы құнын амортизацияның есеп айырысу сомасына азайтылған активтерді сатып алу құны ретінде айқындайды.
      Осы баптың мақсаты үшін активті сатып алу құны негізгі құралдарды сатып алуға, өндіруге, салуға, реконструкциялауға, жаңғыртуға шығыстардың, жылжымайтын мүлікке инвестициялардың, табыс алуға бағытталған қызметте пайдаланылған материалдық емес және биологиялық активтердің, сондай-ақ «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 115-бабы 1), 2), 3), 4), 5) және 7) тармақшаларында көрсетілген шығындардан (шығыстардан) басқа, халықаралық қаржылық есептілік стандарттарына және Қазақстан Республикасының бухгалтерлік есеп және қаржылық есептілік туралы заңнамасының талаптарына сәйкес осындай активтердің құнын ұлғайтатын басқа да шығыстардың жиынтығы болып табылады.
      Амортизацияның есеп айырысу сомасы мынадай тәртіппен айқындалады:
      1) осы бапқа сәйкес айқындалған активтерді сатып алу құнын,
      техникалық реттеу және метрология жөніндегі уәкілетті мемлекеттік орган белгілеген жіктеуішке сәйкес актив жатқызылатын тіркелген активтер тобы үшін «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 120-бабының 2-тармағында көзделген амортизацияның шекті нормасына көбейту,
      осындай салық төлеушінің активті пайдалануының толық жылының санына көбейту.
      7-бап.
      1. Осы Заң:
      1) 2010 жылғы 1 қаңтардан бастап қолданысқа енгізілетін,
осы Заңның 1-бабының 2-тармағы 28) тармақшасының он бесінші, он алтыншы, он жетінші, он сегізінші абзацтарын;
      2) 2016 жылғы 1 қаңтардан бастап қолданысқа енгізілетін,
осы Заңның 1-бабының 2-тармағы 2) тармақшасының екінші, үшінші, төртінші, бесінші, алтыншы абзацтарын, 29) тармақшасының жетінші, сегізінші абзацтарын, 50) тармақшасының тоғызыншы, оныншы, он бірінші, он екінші, он үшінші абзацтарын, 67), 70), 72), 74) тармақшаларын, 75) тармақшасының төртінші, бесінші абзацтарын, 94) тармақшасын;
      3) 2018 жылғы 1 қаңтардан бастап қолданысқа енгізілетін, осы Заңның 1-бабының 6-тармағы 2) тармақшасының он төртінші абзацын;
      4) 2020 жылғы 1 қаңтардан бастап қолданысқа енгiзiлетін,
осы Заңның 1-бабының 2-тармағы 1) тармақшасының төртінші, бесінші, елу тоғызыншы, алпысыншы, алпыс бірінші, алпыс екінші, алпыс үшінші, алпыс төртінші, алпыс бесінші, алпыс алтыншы, алпыс тоғызыншы, сексен төртінші, сексен бесінші, сексен алтыншы, сексен жетінші, тоқсан бірінші, тоқсан екінші абзацтарын, 12), 13), 15), 20) тармақшаларын, 21) тармақшасының төртінші, бесінші, алтыншы, жетінші, сегізінші, тоғызыншы, оныншы, он бірінші абзацтарын, 22), 24) тармақшаларын, 29) тармақшасының жиырма бірінші, жиырма екінші абзацтарын, 45) тармақшасының алтыншы, сегізінші абзацтарын, 48), 53), 54), 55), 56) тармақшаларын, 57) тармақшасының сегізінші, тоғызыншы, оныншы, он бірінші абзацтарын, 59) тармақшасының екінші абзацын, 60), 64), 65), 77), 78), 80), 83), 86) тармақшаларын;
      5) 2021 жылғы 1 қаңтардан бастап қолданысқа енгiзiлетін, осы Заңның 1-бабының 2-тармағы 1) тармақшасының отызыншы, отыз бірінші, тоқсан бесінші, тоқсан алтыншы, тоқсан жетінші, тоқсан сегізінші, тоқсан тоғызыншы, жүзінші, жүз бірініші абзацтарын, 3), 4) тармақшаларын, 7) тармақшасының екінші абзацын, 8) тармақшасының екінші абзацын, 33), 48), 90), 91), 92) тармақшаларын, 6-тармағының 1), 3) тармақшаларын, 7, 8-тармақтарын қоспағанда, 2017 жылғы 1 қаңтардан бастап қолданысқа енгізіледі.
      2. Осы Заңның 1-бабының 6-тармағы 2) тармақшасының жетінші, сегізінші, тоғызыншы, оныншы, он бірінші абзацтары 2025 жылғы 31 желтоқсанды қоса алғанда қолданылады.

      Қазақстан Республикасының
      Президенті

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады