Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасының Үкіметі мен Қытай Халық Республикасының Үкіметі арасындағы Қазақстан Республикасы Ішкі істер министрлігіне өтеусіз негізде техникалық көмек көрсету туралы келісімнің жобасы мақұлдансын.
2. Қазақстан Республикасының Ішкі істер министрі Қасымов Қалмұханбет Нұрмұханбетұлына Қазақстан Республикасының Үкіметі мен Қытай Халық Республикасының Үкіметі арасындағы Қазақстан Республикасы Ішкі істер министрлігіне өтеусіз негізде техникалық көмек көрсету туралы келісімге қағидаттық сипаты жоқ өзгерістер мен толықтырулар енгізуге рұқсат бере отырып, Қазақстан Республикасының Үкіметі атынан қол қоюға өкілеттік берілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов
Қазақстан Республикасы
Үкіметінің
2015 жылғы 5 қарашадағы
№ 883 қаулысымен
мақұлданған
Жоба
Қазақстан Республикасының Үкіметі мен
Қытай Халық Республикасының Үкіметі арасындағы
Қазақстан Республикасы Ішкі істер министрлігіне өтеусіз негізде
техникалық көмек көрсету туралы келісім
Бұдан әрі Тараптар деп аталатын Қазақстан Республикасының Үкіметі мен Қытай Халық Республикасының Үкіметі
2002 жылғы 23 желтоқсандағы Қазақстан Республикасы мен Қытай Халық Республикасы арасындағы терроризмге, сепаратизмге және экстремизге қарсы күрестегі ынтымақтастық туралы келiсiмнің 5-бабын іске асыру мақсатында
Тараптардың әрқайсысының ұлттық заңнамасы шеңберінде терроризмге, сепаратизмге және экстремизмге, сондай-ақ осымен байланысты қылмыстық әрекетке қарсы іс-қимыл саласындағы өзара мүдделілікке сүйене отырып,
төмендегілер туралы келісті:
1-бап
Қытай тарапы Қазақстан Республикасы Ішкі істер министрлігін жарақтандыруда техникалық көмек ретінде жалпы сомасы 22498087.61 (жиырма екі миллион төрт жүз тоқсан сегіз мың сексен жеті қытай юані және алпыс бір фэнь) болатын тауарды өтеусіз негізде Қазақстан тарапының меншігіне береді, оның тізбесі осы Келісімнің ажырамас бөлігі болып табылатын осы Келісімге қосымшада көрсетілген.
2-бап
Қытай тарапы тауарды Қазақстан Республикасының Астана қаласына жеткізеді, онда Тараптардың уәкілетті органдарының өкілдері арасында тиісті актіге қол қойылып, оны қабылдау-беру жүзеге асырылатын болады.
Тауарды Астана қаласына дейін жеткізумен байланысты барлық шығыстарды Қытай тарапы көтереді, ал тауарды Қазақстан Республикасының аумағы бойынша тасымалдаумен байланысты одан кейінгі шығыстарды Қазақстан тарапы көтереді.
3-бап
Қазақстан тарапы Қазақстан Республикасының заңнамасына және (немесе) Еуразиялық экономикалық одақтың құқығын құрайтын кедендік құқықтық қатынастарды реттейтін халықаралық шарттар мен актілерге сәйкес осы Келісім шеңберінде Қазақстан Республикасының аумағына техникалық көмек ретінде өтеусіз негізде әкелінетін тауарға кедендік төлемдер мен қосымша құн салықтарын төлеуден босатады.
4-бап
Осы Келісімді іске асыру жөніндегі уәкілетті органдар:
Қазақстан тарапынан: Қазақстан Республикасы Ішкі істер министрлігі;
Қытай тарапынан: Қытай Халық Республикасы Қоғамдық қауіпсіздік министрлігі болып табылады.
5-бап
Осы Келісімге Тараптардың өзара келісуі бойынша жекелеген хаттамалармен ресімделетін және оның ажырамас бөліктері болып табылатын өзгерістер мен толықтырулар енгізілуі мүмкін.
6-бап
Осы Келісімді түсіндіру немесе қолдану бойынша даулар туындаған жағдайда Тараптар оларды келіссөздер немесе консультациялар арқылы шешеді.
7-бап
Осы Келісім қол қойылған күнінен бастап күшіне енеді және осы Келісімнің 2-бабында көрсетілген тауарды қабылдау-беру актісіне қол қойылған күннен бастап өзінің қолданысын тоқтады.
20___ жылғы ___ ______ ______ қаласында әрқайсысы қазақ, орыс және қытай тілдерінде екі данада жасалды, әрі барлық мәтіндердің бірдей күші бар.
Қазақстан Республикасының Қытай Халық Республикасының
Үкіметі үшін Үкіметі үшін
Қазақстан Республикасының Үкіметі
мен Қытай Халық Республикасының Үкіметі
арасындағы Қазақстан Республикасы
Ішкі істер министрлігіне өтеусіз
негізде техникалық көмек көрсету
туралы келісімге
қосымша
Қытай Халық Республикасын Қоғамдық қауіпсіздік министрлігі
Қазақстан Республикасын Ішкі істер министрлігіне техникалық
көмек ретінде өтеусіз негізде беретін тауардың тізбесі
Р/с № |
Тауардың толық атауы |
Саны |
Моделі |
Бірлігі үшін бағасы, валюта |
Жалпы құны, валюта |
1 |
2 |
3 |
4 |
5 |
6 |
1. |
Тобырға деморализациялау әсерін тигізетін құралдар |
2 дана |
POWER-HEX |
182043.805 юань |
364087.61 юань |
2. |
Тексеріп қарайтын жиектемелі металл детектор |
50 дана |
TS1208 |
17500.000 юань |
875000.00 юань |
3. |
Тексеріп қарайтын қол металл детекторы |
100 дана |
TS92 |
1310.000 юань |
131000.00 юань |
4. |
Рентген-телевизиялық қондырғы |
10 дана |
SMS-6550 |
186600.000 юань |
1886000.00 юань |
5. |
Тепловизор |
20 дана |
Ti100 |
48700.000 юань |
974000.00 юань |
6. |
Жылжымалы арнайы қауіпсіздік кедергілері |
8000 метр |
ZLZB-G218 |
1305.000 юань |
10440000.00 юань |
7. |
Алып жүретін транкингтік цифрлық радиостанция |
1000 дана |
T8000 |
5330.000 юань |
5330000.00 юань |
8. |
Электрошок құрылғысы |
1000 дана |
JD60D |
1200.000 юань |
1200000.00 юань |
9. |
Электромобильдер |
20 дана |
G6T02AR |
65900.00 юань |
1318000.00 юань |
Жалпы құны |
22498 087.61 |
||||
