Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған 2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға қосымша хаттаманың жобасы мақұлдансын.
2. Қазақстан Республикасының Ішкі істер министрі Қалмұханбет Нұрмұханбетұлы Қасымовқа 2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға қосымша хаттамаға қағидаттық сипаты жоқ өзгерістер мен толықтырулар енгізуге рұқсат бере отырып, Қазақстан Республикасының Үкіметі атынан қол қоюға өкілеттік берілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов
Қазақстан Республикасы
Үкіметінің
2015 жылғы 20 қарашадағы
№ 933 қаулысымен
мақұлданған
Жоба
2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға қосымша хаттама
Бұдан әрі «Тараптар» деп аталатын Қазақстан Республикасының Үкіметі мен Америка Құрама Штаттарының Үкіметі 2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумның (бұдан әрі – Меморандум) және осы Қосымша хаттаманың шарттарына сәйкес ағымдағы жобаларды қолдау мақсатында Меморандумға өзгерiстер мен толықтырулар енгiзуге келiседi.
Америка Құрама Штаттарының Үкіметі 2014 жылғы 27 қыркүйектегі Қосымша хаттамамен түзетулер енгізілген Меморандумда сипатталған жобалар шеңберінде 593000 (бес жүз тоқсан үш мың) АҚШ доллары сомасында қосымша қаржы қаражатын бөледі.
Тараптар қосымша қаржы қаражатының 2014 жылғы 27 қыркүйектегі Қосымша хаттамамен түзетулер енгізілген Меморандумда сипатталған шарттар мен ережелерге сәйкес, берілетін қаржы қаражаты сомасын көрсету үшін Меморандумға одан әрі қосымша өзгерістер енгізу қажеттілігінсіз, осы мақсаттарға берілетініне келіседі.
Америка Құрама Штаттарының Үкіметі Қазақстан Республикасының Үкіметін осы жобаларды қолдау мақсатында қосымша қаржы қаражатының қашан ұсынылатыны туралы хабардар етеді.
Жобалардың сипаттамасы мен мақсаттары 2014 жылғы 27 қыркүйектегі Қосымша хаттамада ұсынылған күйінде қалады. Барлық өзге міндеттемелер, шарттар, ережелер, жетістік көрсеткіштері, үлгілік ережелер және талаптар өзгеріссіз күшінде қалады.
2015 жылғы «____»___________ Астана қаласында әрқайсысы қазақ, орыс және ағылшын тілдерінде екі данада жасалды, әрі барлық мәтіндердің бірдей заңды күші бар.
Қазақстан Республикасының Америка Құрама Штаттарының
Үкіметі үшін Үкіметі үшін
_____________________ _______________
Қалмұханбет Қасымов Джордж Крол
Ішкі істер министрі Елші
Жобалар бойынша қаржыландыруды бөлу
Жобаның атауы |
Жалпы сомасы |
Есірткінің заңсыз айналымына қарсы күрес |
$ 120000 |
Шекара қауіпсіздігі |
$ 120000 |
Адам саудасына қарсы іс-қимыл |
$ 120000 |
Есірткіге сұранысты азайту |
$ 113000 |
Заңсыз жолмен алынған кірістерді жылыстатуға және қаржылық қылмыстарға қарсы іс-қимыл |
$ 120000 |
Барлық жобалар бойынша жиынтығы |
$ 593000 |
