«Табиғи уран концентратына баға белгілеу қағидаларын (әдістемесін) бекіту туралы» Қазақстан Республикасы Үкіметінің 2011 жылғы 3 ақпандағы № 74 қаулысына өзгеріс пен толықтырулар енгізу туралы» Қазақстан Республикасы Үкіметінің 2015 жылғы 23 желтоқсандағы № 1041 қаулысына баспасөз релизі
«Табиғи уран концентратына баға белгілеу қағидаларын (әдістемесін) бекіту туралы» Қазақстан Республикасы Үкіметінің 2011 жылғы 3 ақпандағы № 74 қаулысына өзгеріс пен толықтырулар енгізу туралы» Қазақстан Республикасы Үкіметінің 2015 жылғы 30 желтоқсандағы № 1041 қаулысы «Трансферттік баға белгілеу туралы» Қазақстан Республикасы Заңының 10-бабы 10-тармағының 3) тармақшасына сәйкес әзірленген.
Қаулы республикалық бюджеттен қаржы қаражатын болжамайды және теріс әлеуметтік-экономикалық және құқықтық салдарға әкелмейді.
Қаулыны қабылдаудың мақсаты табиғи уран концентратына баға белгілеу қағидаларының (әдістемесінің) жекелеген ережелерін айқындау және нақтылау болып табылады.
Қаулыны қабылдаудың қажеттілігі уранның нарық бағасының күрт секіруінен/ауыткуынан қорғау тетіктерін жасау және «Қазатомөнеркәсіп» ҰАК» АҚ-тың Electricite de France француз атом электр станциялары операторымен табиғи уран жеткізуге арналған ірі ұзақ мерзімдік келісімшартын жасасу бойынша кедергілерді жою болып табылады.
