"Қазақстан Республикасының кейбір заңнамалық актілеріне әуе кеңістігін пайдалану және авиация қызметі мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы туралы

Қазақстан Республикасы Үкіметінің 2016 жылғы 31 мамырдағы № 319 қаулысы

Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне әуе кеңістігін пайдалану және авиация қызметі мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының
Премьер-Министрі К. Мәсімов

Жоба

ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне әуе кеңістігін пайдалану және авиация қызметі мәселелері бойынша өзгерістер мен толықтырулар енгізу туралы

1-бап. Қазақстан Республикасының мынадай заңнамалық актілеріне өзгерістер мен толықтырулар енгізілсін:
1. «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексіне (Салық кодексі) (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149-құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; № 12, 111-құжат; № 13, 116-құжат; № 14, 117-құжат; № 15, 120-құжат; № 16, 128-құжат; № 20, 151-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 11, 15-құжаттар; № 3, 21, 22, 25, 27-құжаттар; № 4, 32-құжат; № 5, 35-құжат; № 6, 43, 44-құжаттар; № 8, 64-құжат; № 10, 77-құжат; № 11, 80-құжат; № 13, 91-құжат; № 14, 92-құжат; № 15, 97-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 7, 10-құжаттар; № 3, 15-құжат; № 4, 21-құжат; № 8, 50-құжат; № 9, 51-құжат; № 10-11, 56-құжат; № 12, 57-құжат; № 14, 72-құжат; № 15, 76, 81, 82-құжаттар; № 16, 83-құжат; № 21-22, 114, 115-құжаттар; № 23-24, 116-құжат; 2014 ж., № 1, 9-құжат; № 4-5, 24-құжат; № 7, 37-құжат; № 8, 44, 49-құжаттар; № 10, 52-құжат; № 11, 63, 64, 65, 69-құжаттар; № 12, 82-құжат; № 14, 84-құжат; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; № 24, 145-құжат; 2015 ж., № 7, 34-құжат; № 8, 44, 45-құжаттар; № 11, 52-құжат; № 14, 72-құжат; № 15, 78-құжат; № 19-I, 99, 100, 101-құжаттар; № 20-I, 110-құжат; № 20-IV, 113-құжат; № 20-VII, 115, 119-құжаттар; № 21-I, 124-құжат; № 21-II, 130-құжат; № 21-III, 136, 137-құжаттар; № 22-I, 140, 143-құжаттар; № 22-II, 144, 145-құжаттар; № 22-III, 149-құжат; № 22-V, 156, 158-құжаттар; № 22-VI, 159-құжат; № 22-VII, 161-құжат; № 23-I, 169-құжат; 2016 ж., № 1, 4-құжат; № 6, 45-құжат; № 7-II, 53, 55, 57-құжаттар; 2016 жылғы 20 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне лотереялар және лотерея қызметі мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 21 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне мұнай өнімдерінің жекелеген түрлерін өндіруді және олардың айналымын мемлекеттік реттеу мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 30 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне Қазақстан Республикасының «жасыл экономикаға» көшуі мәселелері бойынша өзгерістер мен толықтырулар енгізу туралы» 2016 жылғы 28 сәуірдегі Қазақстан Республикасының Заңы):
1) 476-3 баптың 1-тармағы мынадай редакцияда жазылсын:
«1. Азаматтық авиация саласындағы сертификаттау үшін алым (бұдан әрі - алым) Қазақстан Республикасында әуе кеңістігін пайдалану және авиация қызметі туралы Қазақстан Республикасының заңнамасында белгіленген талаптарға сәйкестігін растауға азаматтық әуе кемелерінің пайдаланушысын, авиациялық жұмыстарды орындайтын пайдаланушыны, азаматтық әуе кемесінің ұшуға жарамдылығын, азаматтық әуе кемесінің типін, азаматтық әуе кемесінің данасын, азаматтық авиацияның авиациялық техникасына техникалық қызмет көрсету және жөндеу жөніндегі ұйымды, әуеайлақтың жарамдылығын, тікұшақ айлағының жарамдылығын, әуежайдың авиациялық қауіпсіздік қызметін тексеріп қарауды ұйымдастыру бойынша, аэронавигациялық қызмет көрсетуді берушілерді азаматтық авиация саласындағы уәкілетті мемлекеттік органның сертификаттауы үшін алынады.»;
2) 476-3-бапта:
5 және 6-тармақтар мынадай редакцияда жазылсын:
«5. Әуеайлақтың жарамдылығын сертификаттау үшін алым мөлшерлемелері мыналарды құрайды:

Р/с №	Әуеайлақ класы (санаты)	Сертификаттау үшін алым мөлшерлемесі (АЕК)
1	2	3
1.	А немесе Б немесе В класы/санатталмаған	1349
2.	А немесе Б немесе В класы/І санат	1604
3.	А немесе Б немесе В класы/ІІ немесе ІІІ санат	2078

6. Тікұшақ айлағының жарамдылығын сертификаттау үшін алым мөлшерлемелері мыналарды құрайды:

Р/с №	Тікұшақ айлағының типі	Тікұшақ айлағының класы	Сертификаттау үшін алым мөлшерлемесі (АЕК)
1	2	3	4
1.	Жер беті деңгейінде орналасқан	Жабдықталмаған I, II, III класс	364
2.		Ішінара жабдықталған I, II, III класс	419
3.		Жабдықталған I, II, III класс	510
4.	Жерден сәл биікте	Жабдықталмаған I, II, III класс	328
5.		Ішінара жабдықталған I, II, III класс	382
6.		Жабдықталған I, II, III класс	437
7.	Палубалық тікұшақ айлағы немесе тікұшақ палубасы	Жабдықталмаған I, II, III класс	255
8.		Ішінара жабдықталған I, II, III класс	309
9.		Жабдықталған I, II, III класс	328

»;

9-тармақ мынадай редакцияда жазылсын:
«9. Аэронавигациялық қызмет көрсетуді берушілерді сертификаттау үшін алым мөлшерлемелері мыналарды құрайды:

Р/с №	Аэронавигациялық қызмет көрсетуді берушінің штат саны	Сертификаттау үшін алым мөлшерлемесі (АЕК)
1	2	3
1.	201 және одан көп адам	12 600
2.	101 адамнан 200 адамға дейін	324
3.	51 адамнан 100 адамға дейін	313
4.	21 адамнан 50 адамға дейін	302
5.	11 адамнан 20 адамға дейін	190
6.	10 адамға дейін	180
Ескертпе: сертификаттың қызмет саласы кеңейтілген кезде		Сертификаттау үшін алым мөлшерлемесінен 10%

»;

10-тармақ алып тасталсын.
2. «Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасының Кодексіне (Қазақстан Республикасы Парламентінің Жаршысы, 2009 ж., № 20-21, 89-құжат; 2010 ж., № 5, 23-құжат; № 7, 32-құжат; № 15, 71-құжат; № 24, 149, 152-құжаттар; 2011 ж., № 1, 2, 3-құжаттар; № 2, 21-құжат; № 11, 102-құжат; № 12, 111-құжат; № 17, 136-құжат; № 21, 161-құжат; 2012 ж., № 1, 5-құжат; № 3, 26-құжат; № 4, 32-құжат; № 8, 64-құжат; № 12, 83-құжат; № 14, 92, 95-құжаттар; № 15, 97-құжат; № 21-22, 124-құжат; 2013 ж., № 1, 3-құжат; № 5-6, 30-құжат; № 7, 36-құжат; № 9, 51-құжат; № 12, 57-құжат; № 13, 62-құжат; № 14, 72, 75-құжаттар; № 16, 83-құжат; 2014 ж., № 1, 4-құжат; № 7, 37-құжат; № 10, 52-құжат; № 11, 65-құжат; № 14, 84, 86-құжаттар; № 16, 90-құжат; № 19-I, 19-II, 96-құжат; № 21, 122-құжат; № 23, 143-құжат; 2015 ж., № 1, 2-құжат; № 7, 33-құжат; № 10, 50-құжат; № 19-II, 102-құжат; № 20-IV, 113-құжат; № 20-VII, 115-құжат; № 22-I, 143-құжат; № 22-V, 156-құжат; № 23-II, 170-құжат; 2016 г., № 6, 45-құжат; 2016 жылғы 22 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне баланың құқықтарын қорғау мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 26 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» 2016 жылғы 21 сәуірдегі Қазақстан Республикасының Заңы):
1) мазмұнында:
мынадай мазмұндағы 50-1-баптың тақырыбымен толықтырылсын:
«50-1-бап. Азаматтық авиациядағы медициналық куәландыру»;
2) мынадай мазмұндағы 50-1-баппен толықтырылсын:
«50-1. Азаматтық авиациядағы медициналық куәландыру
Азаматтық авиация саласындағы медициналық куәландыру, медициналық қарап тексеру бойынша қойылатын талаптар Қазақстан Республикасының әуе кеңiстiгiн пайдалану және авиация қызметі туралы Қазақстан Республикасының заңнамасында белгіленеді.»;
3. 2014 жылғы 5 шілдедегі Қазақстан Республикасының Әкімшілік құқық бұзушылық туралы кодексіне (Қазақстан Республикасы Парламентінің Жаршысы, 2014 ж., № 18-I, № 18-II, 92-құжат; № 21, 122-құжат; № 23, 143-құжат; № 24, 145, 146-құжаттар; 2015 ж., № 1, 2-құжат; № 2, 6-құжат; № 7, 33-құжат; № 8, 44, 45-құжаттар; № 9, 46-құжат; № 10, 50-құжат; № 11, 52-құжат; № 14, 71-құжат; № 15, 78-құжат; № 16, 79-құжат; № 19-I, 101-құжат; № 19-II, 102, 103, 105-құжаттар; № 20-IV, 113-құжат; № 20-VII, 115-құжат; № 21-I, 124, 125-құжаттар; № 21-II, 130-құжат; № 21-III, 137-құжат; № 22-I, 140, 141, 143-құжаттар; № 22-II, 144, 145, 148-құжаттар; № 22-III, 149-құжат; № 22-V, 152, 156, 158-құжаттар; № 22-VI, 159-құжат; № 22-VII, 161-құжат; № 23-I, 166, 169-құжаттар; № 23-II, 172-құжат; 2016 ж., № 1, 4-құжат; № 2, 9-құжат; № 6, 45-құжат; № 7-I, 49, 50-құжат; № 7-II, 53, 57-құжат; 2016 жылғы 20 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне лотереялар және лотерея қызметі мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 21 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне пошта мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 21 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне мұнай өнімдерінің жекелеген түрлерін өндіруді және олардың айналымын мемлекеттік реттеу мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 22 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне баланың құқықтарын қорғау мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 22 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне астық нарығын реттеу мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 26 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» 2016 жылғы 21 сәуірдегі Қазақстан Республикасының Заңы; 2016 жылғы 30 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне Қазақстан Республикасының «жасыл экономикаға» көшуі мәселелері бойынша өзгерістер мен толықтырулар енгізу туралы» 2016 жылғы 28 сәуірдегі Қазақстан Республикасының Заңы):
1) 563-баптың бірінші бөлігіндегі 6) тармақша мынадай редакцияда жазылсын:
«6) ұшу қауіпсіздігіне анық қатер төну және авиациялық оқиғаны болғызбау жағдайларын қоспағанда, әуе трассаларынан, маршрут осьтерінен белгіленген нормалардан артық қашықтыққа ауытқуы;»;
2) мынадай мазмұндағы 565-1 және 565-2-баптармен толықтырылсын:
«565-1-бап. Азаматтық авиация саласындағы медициналық куәландыру талаптарын бұзу
1. Авиациялық медициналық сарапшылардың ұшуды орындау үшін қауіп төндіретін азаматтық авиация саласындағы медициналық куәландыру талаптарын сақтамауы, -
жүз айлық есептік көрсеткіш мөлшерінде айыппұл салуға әкеп соғады.
2. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет, -
екі жүз айлық есептік көрсеткіш мөлшерінде айыппұл салуға әкеп соғады.
3. Әуе кемелерінің ұшуын орындаумен және қамтамасыз етумен, әуе қозғалысына қызмет көрсетумен тікелей байланысты адамдардың өзіне белгілі және ұшуды орындау үшін қауіп төндіретін ауруларының болуы туралы ақпаратты медициналық куәландырудан өту кезінде жасыруы, -
екі жүз айлық есептік көрсеткіш мөлшерінде айыппұл салуға әкеп соғады.
4. Осы баптың үшінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет, -
төрт жүз айлық есептік көрсеткіш мөлшерінде айыппұл салуға әкеп соғады.
565-2-бап. Сертификаттау талаптарын бұзушылықтарды жоймауы немесе аэронавигациялық қызмет көрсетуді берушінің хабарлама ұсынбауы
Аэронавигациялық қызмет көрсетуді берушінің сертификаты иесінің сертификаттау талаптарының бұзушылықтарын түзету іс-қимылдары жоспарында белгіленген мерзімде жоймауы немесе оның әуе қозғалысын ұйымдастырудың функциональдық жүйесіндегі өзгерістері туралы хабарламаны ұсынбауы, –
шағын кәсіпкерлік субъектілеріне – екі жүз, орта кәсіпкерлік субъектілеріне – бес жүз, ірі кәсіпкерлік субъектілеріне – екі мың айлық есептік көрсеткіш мөлшерінде айыппұл салуға әкеп соғады.»;
3) 566-баптатың екінші бөлігі мынадай редакцияда жазылсын:
«2. Ұялы байланыс пен радиоэлектрондық құралдарды әуе кемесінің бортында «ұшуда» деген автономды режімде пайдалануды қоспағанда, ұшудың бүкіл кезеңдерінде әуе кемесінің бортында ұялы, транкингтік байланыс қызметтерін, әуе кемесін жүргізу, биіктікке көтерілу, қонуға бет алу кезеңдерінде радиоэлектрондық құралдар мен тұрмыстық мақсаттағы жоғары жиілікті құрылғыларды пайдалану, –
ескерту жасауға немесе бес айлық есептік көрсеткіш мөлшерінде айыппұл салуға әкеп соғады.»;
4) 570-баптың бірінші бөлігі мынадай редакцияда жазылсын:
«1. Авиациялық қауіпсіздікті қамтамасыз ету жөніндегі талаптарды орындамау не тиісінше орындамау, –
лауазымды адамдарға - қырық, заңды тұлғаларға бір жүз айлық есептік көрсеткіш мөлшерінде айыппұл салуға әкеп соғады.»;
5) 691-бапта:
бірінші бөліктің бірінші абзацы мынадай редакцияда жазылсын:
«1. Көлiк және коммуникация саласындағы уәкiлеттi орган осы Кодекстің 230 (екiншi бөлiгiнде) (темiржол көлiгiмен, теңiз және iшкi су көлiгiмен тасымалдаушылар жасаған құқық бұзушылықтар бөлiгiнде), 464 (бірінші бөлігінде), 564 (бірінші, екінші, үшінші және төртінші бөліктерінде), 565, 580, 581 (бірінші бөлігінде), 582, 583 (бірінші бөлігінде), 589, 625 (теңiз және әуе көлiгi кемелерiндегi бұзушылықтар бөлiгiнде), 633, 634-баптарында көзделген әкiмшiлiк құқық бұзушылық туралы iстердi қарайды.»;
үшінші бөліктің бірінші абзацы мынадай редакцияда жазылсын:
«3. Азаматтық авиация саласындағы уәкiлеттi орган осы Кодекстің 230 (екінші бөлігінде) (әуе көлiгiмен тасымалдаушылар жасаған құқық бұзушылықтар бөлiгiнде), 563 (бірінші бөлігінде), 564 (осы баптың бiрiншi, үшiншi және төртiншi бөлiктерiнде көзделген, азаматтық авиацияға жатпайтын әуеайлақтарда немесе осындай әуеайлақтар ауданында жасалған бұзушылықтар туралы iстердi қоспағанда, бесінші бөлігінде), 565, 565-1, 565-2, 567, 568, 569 (үшінші, бесінші, алтыншы, жетінші және сегізінші бөліктерінде), 570, 571 (бiрiншi бөлiгiнде), 589, 623 (әуе көлiгiнде бұзушылықтар жасағаны үшін), 626-баптарында көзделген әкiмшiлiк құқық бұзушылық туралы iстердi қарайды.»;
6) 804-баптың бірінші бөлігінде:
24) және 25) тармақшалар мынадай редакцияда жазылсын:
«24) азаматтық авиация саласындағы уәкiлеттi органның (462, 563-бап (екінші бөлігі), 564 (бесінші бөлiгi), 569 (бірінші, екінші және төртінші бөліктері)-баптар);
25) көлiк және коммуникация саласындағы уәкiлеттi органның (416 (машиналар мен жабдыққа, химиялық өнімге қойылатын қауiпсiздiк талаптарын бұзушылықтар бойынша), 462, 463-баптар);».
4. «Қазақстан Республикасындағы көлiк туралы» 1994 жылғы 21 қыркүйектегi Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1994 ж., № 15, 201-құжат; Қазақстан Республикасы Парламентінің Жаршысы, 1996 ж., № 2, 186-құжат; 1998 ж., № 24, 447-құжат; 2001 ж., № 23, 309, 321-құжаттар; № 24, 338-құжат; 2003 ж., № 10, 54-құжат; 2004 ж., № 18, 110-құжат; № 23, 142-құжат; 2005 ж., № 15, 63-құжат; 2006 ж., № 3, 22-құжат; № 14, 89-құжат; № 24, 148-құжат; 2009 ж., № 18, 84-құжат; 2010 ж., № 17-18, 114-құжат; № 24, 146-құжат; 2011 ж., № 1, 2, 3-құжаттар; № 5, 43-құжат; № 12, 111-құжат; 2012 ж., № 2, 14-құжат; № 3, 21-құжат; № 14, 92, 96-құжаттар; № 15, 97-құжат; 2013 ж., № 1, 2-құжат; № 9, 51-құжат; № 14, 72, 75-құжаттар; № 16, 83-құжат; 2014 ж., № 7, 37-құжат; № 10, 52-құжат; № 12, 82-құжат; № 19-I, 19-II, 96-құжат; № 21, 123-құжат; 2015 ж., № 1, 2-құжат; № 19-I, 100, 101-құжаттар; № 20-IV, 113-құжат; № 22-VI, 159-құжат; № 23-II, 170-құжат; 2016 жылғы 19 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне теміржол жолаушылар көлігі мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы):
1) 24-1-бап мынадай мазмұндағы 1-1-тармақпен толықтырылсын:
«1-1. Азаматтық авиация саласындағы көлік инфрақұрылымы объектілеріне келетін жолаушылар мен адамдарды тексеріп қарау Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында айқындалады.».
5. «Қазақстан Республикасының әуе кеңістігін пайдалану және авиация қызметі туралы» 2010 жылғы 15 шілдедегі Қазақстан Республикасының Заңына (Қазақстан Республикасы Парламентінің Жаршысы, 2010 ж., № 17-18, 113-құжат; 2011 ж., № 1, 2-құжат; № 5, 43-құжат; № 11, 102-құжат; 2012 ж., № 8, 64-құжат; № 14, 95-құжат; № 15, 97-құжат; 2013 ж., № 14, 72-құжат; № 16, 83-құжат; 2014 ж., № 7, 37-құжат; № 10, 52-құжат; № 16, 90-құжат; № 19-I, 19-II, 96-құжат; № 23, 143-құжат; 2015 ж., № 19-І, 100-құжат; № 20-IV, 113-құжат; № 23-II, 170, 172-құжаттар; 2016 жылғы 21 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне пошта мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы):
1) кіріспе мынадай редакцияда жазылсын:
«Осы Заң Қазақстан Республикасының әуе кеңістігін пайдалануға және авиация қызметіне байланысты қоғамдық қатынастарды реттейді, әуе кеңістігі мен авиация қызметін адамның өмірі мен денсаулығын, қоршаған ортаны, мемлекет мүдделерін қорғау, әуе кемелерінің ұшу қауіпсіздігін қамтамасыз ету және Қазақстан Республикасының экономикасының, жеке және заңды тұлғалардың авиациялық қызмет көрсетуге қажеттіліктерін қанағаттандыру мақсатында пайдалану тәртібін айқындайды.»;
2) 1-бапта:
6) тармақша мынадай редакцияда жазылсын:
«6) Авиациялық қауіпсіздік – азаматтық авиацияны заңсыз араласу актілерінен қорғау, оған кешенді шараларды іске асыру мен адами және материалдық ресурстарды тарту арқылы қол жеткізіледі;»;
мынадай мазмұндағы 6-1) тармақшамен толықтырылсын:
«6-1) авиациялық қауіпсіздік жағдайын шолу - заңсыз араласу актiлерiн жасау үшін қолданылуы мүмкін осал тұстарды анықтауды қамтитын қауіпсіздік саласындағы қажеттіліктерді бағалау және түзету әрекеттеріне қатысты ұсынымдар әзірлеу;»;
9) тармақша мынадай редакцияда жазылсын:
«9) азаматтық авиация қызметіне заңсыз араласу актілері – бұл Халықаралық азаматтық авиация ұйымының (ИКАО) стандарттары мен ұсынатын тәжірибесіне сәйкес айқындалатын азаматтық авиация қауіпсіздігіне қатер төндіретін актілер немесе актілерді жасауға әрекеттену;»;
мынадай мазмұндағы 10-1), 10-2), 10-3) және 10-4) тармақшалармен толықтырылсын:
«10-1) авиациялық медициналық орталық – медициналық куәландыру жүргізілетін азаматтық авиация ұйымы;
10-2) авиациялық медициналық орталық сертификаты – авиациялық медициналық орталықтың сертификаттық талаптарға сәйкестігін куәландыратын, белгіленген үлгідегі құжат;
10-3) авиациялық медициналық сарапшы – медициналық куәландыру жүргізу жолымен ұшуды қамтамасыз етуге қатысатын, авиациялық медициналық сарапшыға тағайындалуы туралы сертификатқа ие жеке тұлға;
10-4) авиациялық медициналық сарапшыны тағайындау туралы сертификат – авиациялық медициналық сарапшыға медициналық куәландыру жүргізу және медициналық сертификат беру құқығын беретін белгіленген үлгідегі құжат.»;
мынадай мазмұндағы 16-1) тармақшамен толықтырылсын:
«16-1) азаматтық авиация саласындағы халықаралық ұйымдар – азаматтық авиация саласындағы қызметті жүзеге асыратын және қауіпсіздікті, тұрақтылықты, тиімділікті және әуе көлігінің басқа да мәселелерін реттеуге бағытталған авиациялық қағидаларды қабылдайтын халықаралық ұйымдар;»;
17) тармақша мынадай редакцияда жазылсын:
«17) азаматтық авиация саласындағы халықаралық ұйымның авиациялық қағидалары – азаматтық авиация саласындағы халықаралық ұйым қабылдаған, азаматтық авиация қызметінің жекелеген аспектілерін ұйымдастыруды және жүзеге асыруды регламенттейтін талап;»;
мынадай мазмұндағы 22-1) тармақшамен толықтырылсын:
«22-1) азаматтық-әскери үйлестіру жүйесі – авиацияның барлық түрлерінің әуе кеңістігін қауіпсіз және тиімді пайдалануына бағытталған іс-шаралар кешені;»;
28-1), 29) және 29-1) тармақшалар мынадай редакцияда жазылсын:
«28-1) аэронавигациялық қызмет көрсету – әуе қозғалысын ұйымдастыруды, байланыс жүйесін ұсынуды, навигацияны және бақылауды, ұшуларды метеорологиялық және іздестіру-құтқарумен қамтамасыз етуді, аэронавигациялық ақпарат беруді қамтитын қызмет. Бұл қызмет көрсету түрлері әуе кеңістігін пайдаланушыларға ұшудың барлық кезеңінде (қонуға жақындағанда, әуеайлақ ауданында және маршрутта) ұсынылады;
29) аэронавигациялық қызмет көрсетуді беруші – әуе қозғалысының және (немесе) басқа да аэронавигациялық қызмет көрсетудің ұйымдастырылуын қамтамасыз ететін ұйым;
29-1) аэронавигациялық қызмет көрсетуді берушінің сертификаты – аэронавигациялық қызмет көрсетуді берушінің сертификаттық талаптарға сәйкестігін куәландыратын белгіленген үлгідегі құжат;»;
39) тармақша мынадай редакцияда жазылсын:
«39) әуежайдың бақыланатын аймағы – оларға кіру бақыланатын әуежайдың (әуеайлақтың) жұмыс алаңы, оған іргелес жатқан аумақ және жақын орналасқан ғимараттар немесе олардың бөлігі;»;
44) тармақша мынадай редакцияда жазылсын:
«44) әуе кемесінің сертификатталған ең жоғары ұшып көтерілу массасы – азаматтық әуе кемесінің үлгі сертификатында немесе ұшуда пайдалану жөніндегі нұсқаулықта көрсетілген әуе кемесінің рұқсат етілген сертификатталған ең жоғары ұшып көтерілу массасы;»;
49) тармақша мынадай редакцияда жазылсын:
«49) әуе қозғалысына қызмет көрсету органы – әуе қозғалысына диспетчерлік қызмет көрсету органы, ұшу ақпараты орталығы немесе аэронавигациялық қызмет көрсетуді берушінің әуе қозғалысына қызмет көрсетуіне қатысты хабарламаларды жинау пункті;»;
мынадай мазмұндағы 51-1) тармақшамен толықтырылсын:
«51-1) әуе қозғалысын ұйымдастыру – барлық тараптармен ынтымақтастықта құралдарды ұсыну және үздіксіз қызмет көрсету жолымен және борттағы және жердегі функцияларды пайдалана отырып әуе қозғалысына қызмет көрсетуді, әуе кеңістігін ұйымдастыру мен әуе қозғалысының ағымын ұйымдастыруды қоса алғанда, қауіпсіз, үнемді және тиімді түрде жүзеге асырылатын әуе қозғалысы мен әуе кеңістігін серпінді және интеграциялы ұйымдастыру;»;
53) тармақша мынадай редакцияда жазылсын:
«53) әуе трассасы – дәліз түрiндегi бақыланатын әуе кеңiстiгi (немесе оның бөлігі);
мынадай мазмұндағы 53-2) тармақшамен толықтырылсын:
«53-2) борттық өздігінен жазатын құрал – авиациялық оқиғаға немесе инцидентке тексеру жүргізу үшін қосымша дерек көзі ретінде әуе кемесінің бортына орналастыратын кез келген өздігінен жазатын құрал;»;
мынадай мазмұндағы 56-1) тармақшамен толықтырылсын:
«56-1) кіру шектелген қорғалатын аймақ - әуежайдың бақыланатын аймақтарының ең жоғары тәуекел аймағы ретінде белгіленген учаскелері және қауіпсіздік мақсатында онда кіруді бақылауға қосымша, бақылаудың басқа да шаралары қолданылады. Әдетте, басқаларды қоспағанда, тексеріп қарау пунктінен әуе кемесіне дейінгі коммерциялық авиацияның ұшатын жолаушыларына арналған барлық аймақтар, сондай-ақ перрон, багаж өңдеу аймақтары, қарап тексеруден өткен багаж бен жүктер бар әуе кемелеріне қызмет көрсету аймақтарын қоса алғанда, жүк қоймалары, пошта өңдеу орталықтары, бақыланатын аймақта орналасқан борттағы тағамдар мен ұшақтарды тазалау қызметтерінің үй-жайлары осындай аймақтар болып табылады;»;
58) тармақша мынадай редакцияда жазылсын:
«58) Қазақстан Республикасы азаматтық әуе кемелерiнiң мемлекеттік тiзiлiмi – Қазақстан Республикасының азаматтық әуе кемелерін, оларға құқықтарды мемлекеттік тіркеу жүргiзiлетiн құжат;»;
мынадай мазмұндағы 63-1), 63-2), 63-3) және 63-4) тармақшалармен толықтырылсын:
«63-1) медициналық куәландыру – жеке тұлғаны оның ауруының болуы немесе болмауы фактісін белгілеу немесе растау, денсаулығының жай-күйін, сондай-ақ уақытша жұмысқа қабілетсіздігін, кәсіптік және өзге де жарамдылығын айқындау мақсатында жеке тұлғаны тексеру;
63-2) медициналық куәландырудан өтуге өтініш беруші – медициналық куәландырудан өту үшін өтініш берген жеке тұлға;
63-3) медициналық сертификат – өтініш беруші денсаулығының жай-күйі бойынша жарамдылығына қойылатын нақты талаптарға сәйкестігін растайтын және кәсіптік қызметке рұқсат беруді қамтамасыз ететін медициналық куәландырудың оң нәтижелері жөнінде берілетін белгіленген үлгідегі құжат;
63-4) медициналық қарап тексеру – авиациялық персоналдың ауруының болуы немесе болмауын белгілеу немесе растау, денсаулығының жай-күйін, ауысымдық жұмысқа шығуына кәсіптік жарамдылығын айқындау;»;
мынадай мазмұндағы 65-1) тармақшамен толықтырылсын:
«65-1) нұсқамалық материал – процестер мен рәсімдердің сипаттамаларын қамтитын және сертификаттауды жүргізу, қадағалауды жүзеге асыру кезінде, сондай-ақ сертификаттық талаптарға сәйкессіздіктерді әр түрлі санаттарға жатқызу кезінде Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасын, Халықаралық азаматтық авиация ұйымының (ИКАО) стандарттары мен ұсынылатын практикасын біркелкі қолдану және олардың осы құжаттарда белгіленген талаптарды сақтауы мақсатында азаматтық авиация саласындағы уәкілетті органға арналған құжат;»
67) тармақша мынадай редакцияда жазылсын:
«67) тексеру – авиациялық оқиғалар немесе инцидентттерді болғызбау мақсатында жүргізілетін, олардың болу себептерін және (немесе) ілеспе факторларды анықтауды қоса алғанда, олар бойынша ақпарат жинауды және талдау жүргізуді, қорытындылар әзірлеуді және егер бұл қажет болған жағдайда, қауіпсіздікті қамтамасыз ету жөнінде ұсынымдар әзірлеуді қамтитын процесс;»;
мынадай мазмұндағы 74-1) тармақшамен толықтырылсын:
«74-1) ұшқышсыз ұшу аппараты – бортында пилотсыз (экипажсыз) ұшуды орындайтын және ұшуда оператор басқару пунктінен автоматты түрде немесе көрсетілген тәсілдерді үйлестіре отырып басқарылатын әуе кемесі;»;
мынадай мазмұндағы 81-1), 81-2) және 81-3) тармақшалармен толықтырылсын:
«81-1) Халықаралық азаматтық авиация ұйымы (ИКАО) – әуе қатынасы қауіпсіздігін, сенімділігін және тиімділігін қамтамасыз ету үшін қажетті халықаралық нормаларды белгілейтін және азаматтық авиацияға байланысты барлық салаларда халықаралық ынтымақтастықты үйлестіруді жүзеге асыратын Біріккен Ұлттар Ұйымының мамандандырылған мекемесі;
81-2) Халықаралық азаматтық авиация ұйымының (ИКАО) стандарты - Халықаралық азаматтық авиация ұйымы (ИКАО) қабылдайтын, біркелкі қолданылуы халықаралық аэронавигацияның қауіпсіздігі немесе тұрақтылығы үшін қажет болып танылатын физикалық сипаттамаларына, конфигурациясына, материалдық бөліктерге, техникалық сипаттамаларға, персоналға немесе қағидаларға қойылатын талаптар;
81-3) Халықаралық азаматтық авиация ұйымының (ИКАО) ұсынылатын практикасы - Халықаралық азаматтық авиация ұйымы (ИКАО) қабылдайтын, біркелкі қолданылуы халықаралық аэронавигацияның қауіпсіздік, тұрақтылық немесе тиімділік мүдделеріне дұрыс болып танылатын физикалық сипаттамаларына, конфигурациясына, материалдық бөліктерге, техникалық сипаттамаларға, персоналға немесе қағидаларға қойылатын талаптар;»;
87) тармақша мынадай редакцияда жазылсын:
«87) экипаж мүшесінің куәлігі – ұшуды техникалық қамтамасыз ететін экипаж мүшелеріне, инженерлік-техникалық құрамға және ұшу кезінде азаматтық әуе кемесінің қауіпсіздігін қамтамасыз ететін персоналға берілетін белгіленген үлгідегі құжат.»;
3) 7-бапта:
тақырыбы мынадай редакцияда жазылсын:
«7-бап. Халықаралық азаматтық авиация ұйымының (ИКАО) стандарттары мен азаматтық авиация саласындағы басқа да халықаралық ұйымдардың авиациялық қағидаларын қолдану»;
7-баптың 1 және 2-тармақтары мынадай редакцияда жазылсын:
«1. Қазақстан Республикасының аумағында Халықаралық азаматтық авиация ұйымының (ИКАО) стандарттары мен ұсынылатын практикасының қолданылуы азаматтық авиация саласындағы тиісті нормативтік құқықтық актілер қабылдау, оларға қажетті өзгерістер мен толықтыруларды енгізу не оларда Халықаралық азаматтық авиация ұйымының (ИКАО) нақты стандарттары мен ұсынылатын практикасын қолдану бойынша сілтемелерді көрсету жолымен жүзеге асырылады.
2. Азаматтық авиация саласындағы халықаралық ұйымдардың авиациялық қағидалары, егер олар Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасына қайшы келмесе және көрсетілген авиациялық қағидаларда көзделген талаптар Халықаралық азаматтық авиация ұйымының (ИКАО) стандарттарында жазылған талаптардан кем болмаса, Қазақстан Республикасының аумағында қолданылуы мүмкін.
Азаматтық авиация саласындағы халықаралық ұйымдардың авиациялық қағидаларында қамтылған жекелеген талаптар азаматтық авиация саласындағы Қазақстан Республикасының нормативтік құқықтық актілеріне енгізілуі мүмкін.
Үлгісін шет мемлекеттің авиация биліктері сертификаттаған азаматтық авиацияның әуе кемесін пайдаланушысы азаматтық авиация саласындағы халықаралық ұйымдардың авиациялық қағидаларын ағылшын тілінде қолдануға құқылы.»;
4) 10-1-бап мынадай редакцияда жазылсын:
«10-1-бап. Жеке және заңды тұлғалардың әуе кемелерінің ұшу қауіпсіздігі мен авиациялық қауіпсіздік талаптарын сақтауын тексерулер түрлері
1. Жеке және заңды тұлғалардың әуе кемелерінің ұшу қауіпсіздігі (бұдан әрі – ұшу қауіпсіздігі) мен авиациялық қауіпсіздік талаптарын сақтауын тексерулер мынадай түрлерге бөлінеді:
1) ішінара;
2) жоспардан тыс.
Ішінара тексеруді тәуекелдерді бағалау жүйесіне сәйкес және Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының талаптарына және (немесе) халықаралық стандарттарға сәйкестігіне жүргізілген бұрынғы тексерулерге қатысты белгіленген уақыт аралықтарын ескере отырып, азаматтық авиация саласындағы уәкілетті орган бекіткен тұрақты қадағалау бағдарламасы негізінде азаматтық авиация, әуе кемелері және (немесе) әуе кемелерінің ұшуын қамтамасыз ететін олардың компоненттері мен жабдықтары саласында қызметін жүзеге асыратын жеке немесе заңды тұлғаға қатысты азаматтық авиация саласындағы уәкілетті орган тағайындайды.
Жоспардан тыс тексеруді Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының талаптарына және (немесе) халықаралық стандарттарға сәйкестігіне азаматтық авиация, әуе кемелері және (немесе) әуе кемелерінің ұшуын қамтамасыз ететін олардың компоненттері, жабдықтары саласында қызметін жүзеге асыратын жеке немесе заңды тұлғаға қатысты авиация саласындағы уәкілетті орган тағайындайды.
Мақсаттарына қарай ішінара және жоспардан тыс тексерулер мынадай түрлерге бөлінеді:
1) азаматтық және (немесе) эксперименттік авиация саласында қызметін жүзеге асыратын жеке тұлғаны, оның ішінде осындай адамның ұшуды ұйымдастыруын, дайындауын және орындауын тексеру;
2) азаматтық және (немесе) эксперименттік авиация саласында қызметін жүзеге асыратын заңды тұлғаны тексеру;
3) шетелдік пайдаланушылардың азаматтық әуе кемелерін перрондық тексеру.
2. Ішінара және жоспардан тыс тексерулер, егер осы тармақтың екінші бөлігінде өзгеше белгіленбесе, ішкі еңбек тәртібінің қағидаларында белгіленген, тексерілетін субъектінің жұмыс уақытында жүзеге асырылады.
Жоспардан тыс тексеру бұзушылықтардың және олардың тікелей жасалуы кезінде жолын кесу қажет болған жағдайларда, жұмыстан тыс уақытта (түнгі уақыт, демалыс немесе мереке күндері) жүргізілуі мүмкін.»;
5) 10-2-бапта:
7) тармақша мынадай редакцияда жазылсын:
«7) ұшуды радиотехникалық қамтамасыз ету және авиациялық электр байланысы;»;
11) тармақша мынадай редакцияда жазылсын:
«11) медициналық куәландыру, медициналық тексеру, жолаушыларға медициналық көмек көрсетуді ұйымдастыру;»;
6) 11-бап мынадай редакцияда жазылсын:
«11-бап. Жеке және заңды тұлғалардың ұшу қауіпсіздігі мен авиациялық қауіпсіздік талаптарын сақтауын тексерулер тәртібі
1. Жеке және заңды тұлғалардың ұшу қауіпсіздігі мен авиациялық қауіпсіздік талаптарын сақтауын тексерулерді азаматтық авиация саласындағы уәкілетті орган қажеттілік және жеткіліктілік қағидатына сәйкес жүргізеді.
2. Тексеруді азаматтық авиация саласындағы уәкілетті органның мемлекеттік авиациялық инспекторлары Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының және Халықаралық азаматтық авиация ұйымының (ИКАО) стандарттары мен ұсынылатын практикасының негізінде әзірленген нұсқамалық материалды пайдалана отырып жүзеге асырады.
3. Тексеру азаматтық авиация саласындағы уәкілетті органның тексеру жүргізу туралы бұйрығының негізінде жүргізіледі, онда тексеруді жүзеге асыратын адамдар, тексерудің басталуы мен аяқталу мерзімі, сондай-ақ жеке немесе заңды тұлғалар жөнінде мәліметтер көрсетіледі.
4. Мемлекеттік авиация инспекторлары тексеру кезінде тексеру жүргізу туралы бұйрықты және қызметтік куәлігін көрсетуге міндетті. Тексеру жүргізу туралы бұйрықтың көшірмесін тексерілетін адамға табыс еткен кез тексеру жүргізудің басталуы болып саналады.
5. Тексеру жүргізу туралы бұйрықтың көшірмесін қабылдаудан бас тартылған немесе азаматтық авиация саласындағы уәкілетті органның тексеруді жүзеге асыратын мемлекеттік авиация инспекторларының объектілерге кіруіне және (немесе) тексеру жүргізу үшін қажетті материалдарға қол жеткізуіне кедергі келтірілген жағдайда, хаттама жасалады, оған азаматтық авиация саласындағы уәкілетті органның тексеруді жүзеге асыратын мемлекеттік авиация инспекторы мен тексерілетін адам не оның уәкілетті өкілі қол қояды.
Тексерілетін адам бас тарту себебі туралы жазбаша түсініктеме бере отырып, хаттамаға қол қоюдан бас тартуға құқылы. Тексеру жүргізу туралы бұйрықты алудан бас тарту тексеруді болдырмауға негіз болып табылмайды.
6. Азаматтық авиация саласындағы уәкілетті органның тексеруді жүзеге асыратын мемлекеттік авиация инспекторы тексеру нәтижелері бойынша тексеру нәтижелері туралы екі данада акт жасайды.
Тексеру нәтижелері туралы актіде:
1) актінің жасалған күні, уақыты және орны;
2) азаматтық авиация саласындағы уәкілетті органның атауы;
3) соның негізінде тексеру жүргізілген, тексеруді жүргізу туралы актінің күні мен нөмірі;
4) тексеру жүргізген адамның тегі, аты, әкесінің аты (ол болған кезде) және лауазымы;
5) тексерілетін жеке тұлғаның тегі, аты, әкесінің аты (ол болған кезде) не заңды тұлғаның атауы мен деректемелері, ал шетелдік пайдаланушылардың азаматтық әуе кемелеріне тексеру жүргізілген жағдайда – барлық тексерілетін жеке немесе заңды тұлғалардың және тексеру жүргізу кезінде қатысқан өзге де адамдардың;
6) тексерудің жүргізілген күні, орны және кезеңі;
7) тексеру нәтижелері туралы, оның ішінде анықталған бұзушылықтар туралы, олардың сипаты туралы мәліметтер;
8) жеке немесе заңды тұлғаның, сондай-ақ тексеру жүргізу кезінде қатысқан адамдардың актімен танысуы немесе танысудан бас тартуы туралы мәліметтер, олардың қолтаңбасы немесе қол қоюдан бас тартуы туралы жазба;
9) тексеру жүргізген лауазымды адамның қолтаңбасы көрсетіледі.
Тексерілетін адам тексеру нәтижелеріне Қазақстан Республикасының заңнамасында көзделген тәртіппен азаматтық авиация саласындағы уәкілетті органға не сотқа шағымдануға құқылы.
Жүргізілген зерттеулердің (сынақтардың), сараптамалардың қорытындылары және тексеру нәтижелеріне байланысты басқа да құжаттар немесе олардың көшірмелері (олар болған кезде) тексеру нәтижелері туралы актіге қоса беріледі.
7. Тексеру нәтижелері бойынша ескертпелері және (немесе) қарсылықтары болған жағдайда, тексерілетін адам оларды жазбаша түрде баяндайды. Ескертпелер және (немесе) қарсылықтар тексеру жүргізу нәтижелері туралы актіге қоса берілуі мүмкін, ол туралы тиісті белгі жасалады.
8. Тексерілетін адамның қолындағы түпнұсқадағы құжаттардың көшірмелерін қоспағанда, қосымшаларының көшірмелерімен бірге тексеру нәтижелері туралы актінің бір данасы танысу және анықталған бұзушылықтарды жою жөнінде шаралар қолдану және басқа да іс-қимылдар үшін тексерілетін адамға не оның уәкілетті өкіліне табыс етіледі.
9. Тексеру жүргізу кезінде Қазақстан Республикасының әуе кеңістігін пайдалану және авиация қызметі саласындағы Қазақстан Республикасының заңнамасын бұзушылықтар болмаған жағдайда, тексеру нәтижелері туралы актіде тиісті жазба жасалады.»;
7) 12-бапың 1-тармағының екінші бөлігі мынадай редакцияда жазылсын:
«Ұшу қауіпсіздігіне және авиациялық қауіпсіздікке қатер төндіретін жағдайларда, мемлекеттік авиация инспекторлары әуе кемесін пайдалануды тоқтату не инспекцияланатын пайдаланушының немесе азаматтық авиация ұйымының және (немесе) авиация персоналының белгілі бір әрекеттерді тоқтатуы туралы талаппен инспекторлық нұсқамалар береді.»;
8) мынадай мазмұндағы 12-2-баппен толықтырылсын:
12-2-бап. Азаматтық авиацияның авиациялық қауіпсіздігі жөніндегі бағдарлама
Азаматтық авиация саласындағы уәкілетті орган авиациялық қауіпсіздікті қамтамасыз етуге қатысушы мемлекеттік органдармен бірлесе отырып Халықаралық азаматтық авиация ұйымының (ИКАО) стандарттарына және ұсынылатын практикасына сәйкес авиациялық қауіпсіздік жөніндегі бағдарламаны әзірлейді, ол:
1) белгілі бір қағидаларды, тәжірибелерді және рәсімдерді енгізу жолымен заңсыз араласу актiлерiнен азаматтық авиацияны қорғауды қамтамасыз етеді;
2) азаматтық авиацияның авиациялық қауіпсіздігін қамтамасыз ету тұжырымдамасын іске асырады;
3) авиациялық қауіпсіздік саласындағы саясатты және мақсаттарды айқындайды;
4) әуежайларды, әуе кемелерін және аэронавигациялық құралдарды заңсыз араласу актілерінен қорғау жөніндегі талаптарды белгілейді;
5) әуежайдың бақыланатын аймағына және кіру шектелген қорғалатын аймақтарына кіретін адамдарды, бұйымдар мен көлік құралдарына қатысты авиациялық қауіпсіздік мақсатында қадағалауды жүзеге асыру тәртiбiн айқындайды.»;
9) 13-бапта:
5) тармақша алып тасталсын;
44) тармақша мынадай редакцияда жазылсын:
«44) Қазақстан Республикасы азаматтық авиациясының авиациялық қауіпсіздік жөніндегі бағдарламасын бекітеді;»;
52) тармақша алып тасталсын;
10) 14-баптың 1-тармағында:
мынадай мазмұндағы 2-1), 2-2) және 2-3) тармақшалармен толықтырылсын:
«2-1) ұшу қауіпсіздігі және авиациялық қауіпсіздік жөніндегі талаптарды орындауға қатысты нұсқаулықтар мен рәсімдерді әзірлейді және бекітеді, сондай-ақ Қазақстан Республикасының заңнамасында және (немесе) Халықаралық азаматтық авиация ұйымының (ИКАО) стандарттары мен ұсынылатын практикасында белгіленген ұшу қауіпсіздігі және авиациялық қауіпсіздікті қамтамасыз ету жөніндегі талаптарға сәйкес директиваларды (ұшу қауіпсіздігі, ұшуды пайдалану, ұшу жарамдылығы, әуе қозғалысының қауіпсіздігі жөніндегі) және нұсқамалық материалдарды шығарады;
2-2) әуе кеңістігін пайдалануды ұйымдастыру кезінде азаматтық-әскери үйлестіру жүйесін белгілеу және қолдау үшін мемлекеттік авиация саласындағы уәкілетті органмен ынтымақтастықты жүзеге асырады;
2-3) Қазақстан Республикасы азаматтық әуе кемелерінің мемлекеттік тізілімін жүргізеді;»;
8) тармақша мынадай редакцияда жазылсын:
«8) азаматтық және эксперименттік авиацияның әуе кеңістігін пайдалану тәртібін бұзушылықтарды есепке алуды жүргізеді, сондай-ақ әуе кеңістігін пайдалану тәртібін бұзушылықтардың барлық жағдайлары бойынша мемлекеттік авиация саласындағы уәкілетті органмен өзара ақпарат алмасуды жүзеге асырады;»;
9) тармақша алып тасталсын;
10) тармақша мынадай редакцияда жазылсын:
«10) басқа елдердің авиациялық билік органдарымен және мамандандырылған халықаралық ұйымдармен халықаралық ынтымақтастықты, оның ішінде азаматтық авиация саласына қатысты ынтымақтастық, тәжірибе мен ақпарат алмасу туралы екіжақты келісім жасасу жолымен, сондай-ақ Қазақстан Республикасының халықаралық азаматтық авиация ұйымдарында өкілдік етуін жүзеге асырады;»;
15-1) тармақша мынадай редакцияда жазылсын:
«15-1) Радиотелефон байланысында пайдаланылатын ағылшын тілін меңгеру дәрежесін айқындауға арналған тестілеу қағидаларын бекітеді;»;
16), 17), 18) және 19) тармақшалар мынадай редакцияда жазылсын:
«16) Халықаралық азаматтық авиация туралы конвенцияға 1-қосымшасында көзделген авиация персоналына жататын және Қазақстан Республикасының заңнамасына сәйкес жеңіл және аса жеңіл авиацияның авиациялық персоналына жататын адамға оның қажетті бiлiмi мен дағдыларының бар екенін, сондай-ақ оның денсаулығының белгіленген талаптарға сай екенін растайтын кәсiптiк қызметті жүзеге асыру құқығына арналған авиация персоналының куәлігін береді, куәліктің қолданылу мерзімін ұзартады, мұндай куәлiктi қайтарып алады, қолданысын тоқтата тұрады, куәлікке біліктілік белгілері мен арнайы белгілерді енгізеді;
17) сертификаттауды және азаматтық әуе кемелерін пайдаланушының сертификатын, авиациялық жұмыстарды орындау құқығына арналған куәлікті, авиациялық оқу орталығының сертификатын, азаматтық авиацияның авиациялық техникасына техникалық қызмет көрсету және жөндеу жөніндегі ұйымның сертификатын, үлгі сертификатын, әуеайлақтың (тікұшақ айлағының) жарамдылығы сертификатын, азаматтық әуе кемесінің ұшуға жарамдылығы сертификатын, әуежайдың авиациялық қауіпсіздік қызметін тексеріп қарауды ұйымдастыру жөніндегі сертификатты, әуе кемесінің ұшуға жарамдылығының экспорттық сертификатын, аэронавигациялық қызмет көрсетуді жеткізушінің сертификатын, авиация персоналына медициналық куәландыруды жүзеге асыратын авиациялық медициналық орталықтың сертификатын беруді жүзеге асырады;
18) азаматтық авиация саласындағы уәкілетті орган берген қолданыстағы сертификаттарға (авиациялық жұмыстарды орындау құқығына арналған куәліктерге) өзгерістер мен толықтырулар енгізеді, иеленушілер сертификаттау талаптарын сақтамаған кезде сертификаттар (авиациялық жұмыстарды орындау құқығына арналған куәліктерді) беруден бас тартады, сертификаттарды (авиациялық жұмыстарды орындау құқығына арналған куәліктерді) қайтарып алады, олардың қолданылуын тоқтата тұрады;
19) жалпы мақсаттағы авиацияны пайдаланушыларға ұшуды орындау құқығына арналған куәлікті беруді жүзеге асырады, сондай-ақ жалпы мақсаттағы авиацияны пайдаланушыларға ұшуды орындау құқығына арналған куәлікті таниды, өзгертеді, шектейді, тоқтата тұрады немесе қайтарып алады;»;
мынадай мазмұндағы 19-1) және 19-2) тармақшалармен толықтырылсын:
«19-1) Қазақстан Республикасына (Қазақстан Республикасынан) тұрақты жолаушылар рейстерін орындауды жоспарлайтын шетелдік тасымалдаушыларды аккредиттеуді жүзеге асырады;
19-2) осы Заңда белгіленген жағдайларда әуе кемелерін пайдаланушыларын біріктіретін коммерциялық емес ұйымдарды тартады;»;
27) тармақша мынадай редакцияда жазылсын:
«27) әуежайдың және Қазақстан Республикасының азаматтық әуе кемелері мен Қазақстан Республикасының әуежайларына тұрақты ұшуды орындайтын шет мемлекеттердің азаматтық әуе кемелерін пайдаланушыларының, аэронавигациялық қызмет көрсетуді жеткізушінің авиациялық қауіпсіздігі жөніндегі бағдарламаларын келісуді жүзеге асырады;»;
30) тармақша мынадай редакцияда жазылсын:
«30) авиациялық қауіпсіздік бойынша даярлау және қайта даярлау бағдарламасын бекітеді;»;
мынадай мазмұндағы 30-1) және 30-2) тармақшалармен толықтырылсын:
«30-1) әуе кемелерінің пайдаланушыларының, әуеайлақ (әуежай) пайдаланушыларының, аэронавигациялық қызмет көрсетуді жеткізушілердің және азаматтық авиация саласындағы қызметті жүзеге асыратын басқа да жеке және заңды тұлғалардың азаматтық әуе кемелерінің ұшу қауіпсіздігі мен авиациялық қауіпсіздікті қамтамасыз етуіне қадағалауды жүзеге асырады;
30-2) әуе кемелерінің пайдаланушыларының, әуеайлақ (әуежай) пайдаланушыларының, аэронавигациялық қызмет көрсетуді жеткізушілердің, авиациялық оқу орталықтарының, авиациялық техникасына техникалық қызмет көрсету ұйымдарының, тексеруді жүзеге асыратын авиациялық қауіпсіздік қызметтерінің, авиация персоналына медициналық куәландыруды жүзеге асыратын авиациялық медициналық орталықтардың қызметтіне қадағалауды жүзеге асырады;»;
41-4) тармақша мынадай редакцияда жазылсын:
«41-4) осы Заңда көзделген және Халықаралық азаматтық авиация ұйымының (ИКАО) стандарттары мен ұсынылатын тәжірибесіне сәйкес әзірленген өзі бекіткен Азаматтық және эксперименттік авиация саласындағы авиациялық оқиғалар мен инциденттерді тексеру қағидаларының талаптарына сәйкес Қазақстан Республикасының аумағында азаматтық авиациядағы авиациялық оқиғалар мен инциденттерді тексеру жөніндегі жұмыстарды ұйымдастырады;»;
41-17) және 41-18) тармақшалар мынадай редакцияда жазылсын:
«41-17) азаматтық авиацияда ұшуларды және авиациялық электр байланысты радиотехникалық қамтамасыз ету қағидаларын бекітеді;
41-18) азаматтық авиациядағы аэронавигациялық ақпаратпен қамтамасыз ету қағидаларын бекітеді;»;
41-21) тармақша алып тасталсын;
41-23) тармақша мынадай редакцияда жазылсын:
«41-23) жеңіл және аса жеңіл авиация саласында сертификаттау қағидаларын бекітеді;»;
41-27) және 41-28) тармақшалар мынадай редакцияда жазылсын:
«41-27) аэронавигациялық қызмет көрсетуді жеткізушіні сертификаттау және оған сертификат беру қағидаларын, сондай-ақ аэронавигациялық қызмет көрсетуді жеткізушілерге қойылатын сертификаттау талаптарын бекітеді;
41-28) авиация персоналын кәсіптік даярлау қағидаларын бекітеді;»;
41-29) тармақша алып тасталсын;
41-34) тармақша алып тасталсын;
41-42) тармақшаның қазақ тіліндегі мәтініне өзгерістер енгізілді, орыс тіліндегі мәтін өзгермейді;
мынадай редакцияда жазылсын:
«41-42) Қазақстан Республикасының азаматтық авиациясының ұшуын электр жарықпен техникалық қамтамасыз ету қағидаларын бекітеді;»;
мынадай мазмұндағы 41-68), 41-69), 41-70), 41-71) және 41-72) тармақшалармен толықтырылсын:
«41-68) Авиация персоналына медициналық куәландыруды жүзеге асыратын авиациялық медициналық орталықты сертификаттау және оған сертификат беру қағидаларын, сондай-ақ авиациялық медициналық орталыққа қойылатын сертификаттық талаптарды бекітеді;
41-69) авиациялық медицина сарапшыларын тағайындайды;
41-70) Қазақстан Республикасының азаматтық авиация саласындағы уәкілетті органның лауазымды тұлғаларының әкімшілік құқық бұзушылық туралы істерді жүргізу жөніндегі нұсқаулықты бекітеді;
41-71) Авиация персоналының біліктілік деңгейін айқындау қағидаларын бекітеді;
41-72) Азаматтық авиациядағы жолаушыларға медициналық көмек көрсету қағидаларын бекітеді;»;
11) 15-баптың 10) тармақшасы мынадай редакцияда жазылсын:
«10) Қазақстан Республикасының әуе кеңістігін пайдалану тәртібін мемлекеттік авиацияның бұзуын есепке алуды жүргізеді, сондай-ақ әуе кеңістігін пайдалану тәртібін бұзушылықтардың барлық жағдайлары бойынша азаматтық авиация саласындағы уәкілетті органмен өзара ақпарат алмасуды жүзеге асырады;»;
12) 16-бап мынадай редакцияда жазылсын:
«16-бап. Азаматтық авиация саласындағы сертификаттау
1. Азаматтық авиация саласындағы сертификаттау кезінде осы Заңда көзделген азаматтық авиация пайдаланушылар мен ұйымдардың, әуе кемелерінің, әуеайлақтардың және көрсетілетін авиациялық қызметтердің Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының талаптарына сәйкестігі расталады.
2. Сертификаттаудың мақсаты адамның өмірі мен денсаулығын, қоршаған ортаны, мемлекет мүдделерін қорғау, әуе кемелерінің ұшу қауіпсіздігін және авиациялық қауіпсіздікті қамтамасыз ету, экономиканың, жеке және заңды тұлғалардың сапалы авиациялық қызметтерге деген қажеттіліктерін қанағаттандыру болып табылады.
3. Осы Заңда белгіленген жағдайларда, сертификаттауды азаматтық авиация саласындағы уәкілетті орган жүзеге асырады.
Азаматтық авиация саласындағы сертификаттау үшін «Салық және бюджетке төленетін басқа да міндетті төлемдер туралы» Қазақстан Республикасының кодексінде (Салық кодексі) айқындалатын тәртіппен және мөлшерде алым алынады. Азаматтық авиация саласындағы сертификаттау көрсетілген алымды мемлекеттік бюджетке төлегеннен кейін жүзеге асырылады.
4. Азаматтық авиация пайдаланушылары мен ұйымдарына қолданылатын сертификаттау талаптарға сәйкестігіне сертификаттық тексеруді азаматтық авиация саласындағы уәкілетті орган сертификаттық тексерулер мен тұрақты қадағалау үшін мемлекеттік авиация инспекторларына арналған нұсқамалық материалды пайдалана отырып жүзеге асырады. Нұсқамалық материал Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының, Халықаралық азаматтық авиация ұйымының (ИКАО) стандарттары негізінде әзірленеді және оны азаматтық авиация саласындағы уәкілетті орган бекітеді.
5. Сертификаттық тексеру кезінде өтініш беруші қызметтің сұратылып отырған түрлеріне байланысты функцияларды орындау үшін қажетті қабілеті мен құралдарын, сондай-ақ өзінің қаржы-экономикалық және құқықтық жағдайын көрсетуге міндетті.
Сертификаттық тексеру нәтижелері өтініш берушілерге таныстырылу үшін ұсынылады.
Азаматтық авиация саласындағы уәкілетті орган өтініш берушіге сертификаттық талаптарға сәйкес келген және сертификаттық тексеру кезінде анықталған ұшу қауіпсіздігі мен авиациялық қауіпсіздікке тікелей ықпал ететін сәйкессіздіктерді ол жойған кезде сертификат (куәлік) береді.
6. Сертификаттық тексеру кезінде анықталған сертификаттық талаптарға сәйкессіздіктер үш санатқа бөлінеді: 1-санат, 2-санат және 3-санат.
1-санатқа қызметті жүзеге асыруға кедергі жасамайтын және өндірісті жетілдіру кезінде оларды жоюға жататын ұшу қауіпсіздігі мен авиациялық қауіпсіздікке болмашы ықпалы бар сертификаттық талаптарға сәйкессіздіктер жатады.
2-санатқа азаматтық авиация саласындағы уәкілетті органмен келісілген мерзімде кедергілерді жою немесе шектеулер енгізу жағдайында қызметті жүзеге асыруға кедергі жасамайтын ұшу қауіпсіздігі мен авиациялық қауіпсіздікке елеулі ықпалы бар сертификаттық талаптарға сәйкессіздіктер жатады.
3-санатқа ұшу қауіпсіздігі мен авиациялық қауіпсіздікке айтарлықтай ықпалы бар және қызметті жүзеге асыруға кедергі жасайтын сертификаттық талаптарға сәйкессіздіктер жатады.
7. 3-санаттағы сертификаттық талаптарға сәйкессіздіктер өтініш берушінің техникалық және қаржылық мүмкіндігіне байланысты адамның өмірі мен денсаулығын, қоршаған ортаны, ұшу қауіпсіздігін және авиациялық қауіпсіздікті қамтамасыз етуге өтініш берушінің қабілетсіздігімен сипатталады.
3-санаттағы сертификаттық талаптарға сәйкессіздік кезінде азаматтық авиация саласындағы уәкілетті орган сертификат (куәлік) беруден бас тартады не Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында белгіленген жағдайда және тәртіпте өтініш беруші анықталған сәйкессіздіктерді жойған сәтке дейін сертификаттың (куәліктің) қолданысын шектейді.
8. 2-санаттағы сертификаттық талаптарға сәйкессіздік кезінде азаматтық авиация саласындағы уәкілетті орган:
1) анықталған сәйкессіздіктерді жою үшін сәйкессіздік анықталған кезден бастап үш айдан аспайтын мерзім белгілейді. Өтінім беруші анықталған сәйкессіздіктерді жою жөніндегі түзету іс-қимылдарының жоспарын әзірлейді және сертификаттық тексеру нәтижелерімен танысқан сәттен бастап он күндік мерзімде азаматтық авиация саласындағы уәкілетті органға ұсынады;
2) өтініш беруші ұсынған анықталған сәйкессіздіктерді жою жөніндегі шараларды бағалау негізінде түзету іс-қимылдарының жоспарын бекітеді не оны негіздемесімен қоса пысықтауға қайтарады.
Түзету іс-қимылдарының жоспарында көрсетілген мерзімдер өтініш беруші оларды өзгерту қажеттігі туралы негіздемені ұсынған кезде азаматтық авиация саласындағы уәкілетті органмен ұзартылуы мүмкін.
9. Азаматтық авиация саласындағы уәкілетті орган өтініш берушінің түзету іс-қимылдарының жоспарын ұсынуын және (немесе) жоспарда белгіленген мерзімдерде түзету іс-қимылдарын орындауын тексеру жүргізу жолымен бақылайды.
Егер өтініш беруші тиімді түзету іс-қимылдарының жоспарын ұсынбаса немесе азаматтық авиация саласындағы уәкілетті орган қабылдаған немесе ұзартқан мерзімдерде түзету іс-қимылдарын орындамаса 2-санаттағы сертификаттық талаптарға сәйкессіздік 3-санаттағы сертификаттық талаптарға сәйкессіздікке айналады және азаматтық авиация саласындағы уәкілетті орган сертификатты (куәлікті) қайтарып алу бойынша шаралар қабылдайды.
1-санаттағы сертификаттық талаптарға сәйкессіздік кезінде түзету іс-қимылының жоспары талап етілмейді.
10. Егер:
1) осы баптың 7-тармағында көзделген сәйкессіздіктер анықталса;
2) өтініш берушіге қатысты қызметтердің осы түрлерін көрсетуге тыйым салатын сот шешімі болса сертификатты (куәлікті) беруден бас тарту жүргізіледі.»;
13) 16-1-бабында:
тақырыбы мынадай редакцияда жазылсын:
«16-1-бап. Ұшу қауіпсіздігін қамтамасыз етуге және авиациялық қауіпсіздікке тұрақты қадағалау»;
1-тармақ мынадай редакцияда жазылсын:
«1. Азаматтық авиация саласындағы уәкілетті орган жеке және заңды тұлғалардың ұшу қауіпсіздігінің қамтамасыз етілуіне және авиациялық қауіпсіздікке тұрақты қадағалауды жүзеге асырады.
Ұшу қауіпсіздігін қамтамасыз ету және авиациялық қауіпсіздік үшін тұрақты қадағалауға азаматтық авиация саласындағы уәкілетті орган сертификаттаған азаматтық авиация пайдаланушылары мен ұйымдары жатады.»;
3, 4 және 5-тармақтар мынадай редакцияда жазылсын:
«3. Осы баптың 2-тармағында көзделген тексеру:
1) нұсқамалық материал пайдаланыла отырып жүзеге асырылуы;
2) тексерілетін жеке және заңды тұлғаларға ұшу қауіпсіздігін қамтамасыз ету және авиациялық қауіпсіздік бойынша олардың қызметіне қадағалаудың тиісті нәтижелерін беруі;
3) бұрынғы қадағалаудың нәтижелеріне және азаматтық авиация пайдаланушылары мен ұйымдарының ұшу қауіпсіздігін және авиациялық қауіпсіздікті басқарудың белгіленген жүйесі шеңберінде ұшу қауіпсіздігі мен авиациялық қауіпсіздігі саласындағы басымдықтарға, оның ішінде және жоспардан тыс тексерулерге негізделуі;
4) азаматтық авиация саласындағы уәкілетті органға осы Заңның 16-3-бабына сәйкес шаралар қолдану үшін бұзушылықтардың жоқ екені немесе бар екені туралы мәліметтерді ұсынуы тиіс.
4. Тұрақты қадағалау азаматтық авиация пайдаланушылары мен ұйымдарына тексерулер жүргізу жолымен жүзеге асырылады.
5. Азаматтық авиация саласындағы қызметті жүзеге асыратын жеке және заңды тұлғалар Қазақстан Республикасының шегінде немесе одан тыс жерлерде азаматтық авиация саласындағы уәкілетті орган берген сертификаттар (куәліктер) негізінде өз қызметін жүзеге асыру кезінде сертификаттау талаптарын үнемі сақтайтынын растайтын ақпаратты, құжаттарды береді және мемлекеттік авиация инспекторларының өздерінің қарауындағы жерлер мен аймақтарда сертификаттау нысанасы болып табылатын ақпараттарға, құжаттарға, бұйымдарға, бөліктер мен жабдықтарға қолжетімділігін қамтамасыз етуге міндетті.»;
14) 16-2-бапта:
1-тармақ мынадай редакцияда жазылсын:
«1. Азаматтық авиация саласындағы уәкілетті орган жыл сайын тұрақты қадағалауды қамтамасыз ету жөніндегі бағдарламаны қабылдайды, ол сертификатталған азаматтық авиация пайдаланушылары мен ұйымдарының сертификаттау талаптарына және Қазақстан Республикасының әуе кеңістігін пайдалану және авиация қызметі туралы Қазақстан Республикасы заңнамасының талаптарына сәйкестігін ұстау бойынша азаматтық авиация саласындағы уәкілетті орган жүргізетін іс-шаралар кешенін білдіреді.»;
3-тармақ мынадай редакцияда жазылсын:
«3. Тұрақты қадағалауды қамтамасыз ету жөніндегі бағдарлама азаматтық авиацияның пайдаланушылары мен ұйымдарының қызметтерін сертификаттың (авиациялық жұмыстарды орындауға арналған куәліктің) қолданылу мерзімі ішінде барлық аспекттерін ескере отырып тексерулердің мерзімділігін, қадағалау мәселелері бойынша азаматтық авиацияның пайдаланушылары мен ұйымдарының лауазымды адамдарымен өзара іс-қимыл жасауды және жүргізілген тексерулер нәтижелерін есепке алуды қамтиды.»;
15) 16-3-бапта:
2-тармақтың бірінші бөлігі мынадай редакцияда жазылсын:
«2. Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында белгіленген талаптарды ұшу қауіпсіздігіне және авиациялық қауіпсіздікке тікелей қатер төндіретіндей елеулі бұзушылықтар бірінші деңгейдегі бұзушылықтарға жатады.»;
6 және 7-тармақтар мынадай редакцияда жазылсын:
«6. Екінші деңгейдегі бұзушылықтар болған кезде азаматтық авиация саласындағы уәкілетті орган:
1) анықталған бұзушылықтарды жою үшін бұзушылық анықталған кезден бастап үш айдан аспайтын мерзім белгілейді. Азаматтық авиация пайдаланушысы немесе ұйымы анықталған бұзушылықтарды жою жөніндегі түзету іс-қимылдарының жоспарын әзірлейді және тексеру нәтижелерімен танысқан немесе инспекторлық нұсқама алған сәттен бастап он күндік мерзімде азаматтық авиация саласындағы уәкілетті органға ұсынады;
2) азаматтық авиация пайдаланушысы немесе ұйымы ұсынған анықталған бұзушылықтарды жою жөніндегі шараларды бағалау негізінде түзету іс-қимылдарының жоспарын бекітеді не оны негіздемесімен қоса пысықтауға қайтарады.
Түзету іс-қимылдары жоспарында көрсетілген мерзімдер азаматтық авиация пайдаланушысы немесе ұйымы оларды өзгерту қажеттігі туралы негіздемені ұсынуы шартымен азаматтық авиация саласындағы уәкілетті органы ұзартуы мүмкін.
7. Азаматтық авиация саласындағы уәкілетті орган азаматтық авиация пайдаланушысының немесе ұйымының түзету іс-қимылдарының жоспарын ұсынуын және (немесе) жоспарда белгіленген мерзімдерде түзету іс-қимылдарын орындауын тексеру жүргізу жолымен бақылайды.
Егер азаматтық авиация пайдаланушысы немесе ұйымы тиімді түзету іс-қимылдарының жоспарын ұсынбаса немесе азаматтық авиация саласындағы уәкілетті орган қабылдаған немесе ұзартқан мерзімдерде түзету іс-қимылдарын орындамаса екінші деңгейдегі бұзушылық бірінші деңгейдегі бұзушылыққа айналады және осы баптың 5-тармағында көзделген шаралар қабылданады.»;
16) 16-4-бапта:
тақырыбы мынадай редакцияда жазылсын:
«16-4-бап. Ұшу қауіпсіздігін қамтамасыз етуді және авиациялық қауіпсіздікті бақылау»;
1-тармақ мынадай редакцияда жазылсын:
«1. Азаматтық авиация саласындағы уәкілетті орган қызметі азаматтық авиация саласындағы уәкілетті органның сертификаттауына жатпайтын, бірақ осы Заңның 10-2-бабында көзделген қызметке жататын жеке және (немесе) заңды тұлғалардың ұшу қауіпсіздігін және авиациялық қауіпсіздікті қамтамасыз етуіне бақылауды жүзеге асырады.»;
2-тармақта:
бірінші және екінші бөліктері мынадай редакцияда жазылсын:
«2. Бақылау жеке және (немесе) заңды тұлғаларды ішінара және жоспардан тыс тексеру, әуе кемелерінің ұшу қауіпсіздігі талаптарын сақтаудағы олардың қызметін бақылау және талдау, сондай-ақ авиациялық қауіпсіздігіне шолу және авиациялық қауіпсіздік жүйесіне сынақ жүргізу арқылы жүзеге асырылады.
Ішінара тексерулерді жүргізу нұсқамалық материалдарды пайдалана отырып және тексеру кестесінде белгіленген мерзімдерде жүзеге асырылады.»;
үшінші бөліктің 4) тармақшасы мынадай редакцияда жазылсын:
«4) егер жеке тұлғаға немесе тексерілетін заңды тұлғаға қатысты ішінара тексеру белгіленген болса, тексерілетін жеке тұлғаның тегінің, атының, әкесінің атының (бар болған кезде) немесе тексерілетін заңды тұлға атауының өзгеруі, сондай-ақ оның қайта ұйымдастырылуы;»;
17) 16-5-бапта:
1-тармақтың бірінші бөлігі мынадай редакцияда жазылсын:
«1. Шетелдік пайдаланушылардың азаматтық әуе кемелерін перрондық тексерулерді Халықаралық азаматтық авиация ұйымы (ИКАО) стандарттарының негізінде азаматтық авиация саласындағы уәкілетті орган әзірлейтін және бекітетін нұсқамалық материалды пайдалана отырып мемлекеттік авиация инспекторлары жүзеге асырады.»;
2-тармақ мынадай редакцияда жазылсын:
«2. Азаматтық авиация саласындағы уәкілетті орган тиісті әуеайлақтардағы пайдаланушылар санын, әуе кемесінің типін және қону санын, сондай-ақ ұшу қауіпсіздігі саласындағы тәуекелдер дәрежесін ескере отырып, есептеу әдісіне негізделген шетелдік пайдаланушылардың азаматтық әуе кемелеріне перрондық тексерулер жүргізудің жылдық кестесін қабылдайды.»;
3-тармақтың екінші бөлігінің 4) тармақшасы мынадай редакцияда жазылсын:
«4) егер тексерілетін шетелдік пайдаланушыға қатысты ішінара тексеру белгіленсе, оны қайта ұйымдастыру және атауын өзгерту;»;
5-тармақтың екінші бөлігі мынадай редакцияда жазылсын:
«Бұзушылықтарды осы тармақтың бірінші бөлігінде көрсетілген санаттарға жатқызу шарттары нұсқамалық материалмен айқындалады.»;
6-тармақ мынадай редакцияда жазылсын:
«6. Үшінші санаттағы бұзушылықты анықтаған кезде, азаматтық авиация саласындағы уәкілетті орган:
1) анықталған сәйкессіздіктер туралы пайдаланушыға жазбаша хабарлауға және түзету іс-қимылдары қолданғандығының дәлелін талап етуге;
2) пайдаланушы мемлекетінің құзыретті органдарына және қажет болған кезде әуе кемесін тіркеген мемлекетке хабарлауға және ұшу экипажы куәліктерін беруге, сондай-ақ пайдаланушы қолданған түзету іс-қимылдарының келісілілгені туралы тиісті құзыретті органдардан растауды сұратуға;
3) әуе кемесін пайдалануға шектеу қоюды белгілеуге не анықталған сәйкессіздіктерді жою жөнінде шұғыл түзету іс-қимылдарын қолдануды талап етуге не Қазақстан Республикасының аумағында әуе кемесін пайдалануға дереу тыйым салуды енгізуге не осы баптың 7-тармағының талаптарына сәйкес әуе кемесін жерде кідіртуге құқығы бар.»;
18) 16-6-бапта:
1-тармақ мынадай редакцияда жазылсын:
«1. Азаматтық және эксперименттік авиация саласында сертификаттауды, мемлекеттік бақылау мен қадағалауды жүзеге асыруға уәкілетті азаматтық авиация саласындағы уәкілетті органның лауазымды адамы мемлекеттік авиация инспекторы болып табылады.
Мемлекеттік авиация инспекторлары әуе кемелерінің ұшуын орындау және қамтамасыз етуге, әуе кемелеріне техникалық қызмет көрсетуге, әуе қозғалысын ұйымдастыруға қатысты арнайы және (немесе) кәсіптік даярлығы бар, сондай-ақ қаржылық-экономикалық және құқықтық қамтамасыз ету функцияларын жүзеге асыратын азаматтық авиация саласындағы уәкілетті органның лауазымды адамдарынан тағайындалады.
Мемлекеттік авиация инспекторларының саны Қазақстан Республикасында коммерциялық авиация мен жалпы мақсаттағы авиацияның азаматтық әуе кемелерімен орындалатын ұшу жұмыстарының ауқымына байланысты азаматтық авиация саласындағы уәкілетті органның бекітілген штатының шеңберінде азаматтық авиация саласындағы уәкілетті органмен айқындалады.»;
мынадай мазмұндағы 1-1) және 1-2) тармақтармен толықтырылсын:
«1-1. Мемлекеттік авиация инспекторларының санаттарына:
бас мемлекеттік авиация инспекторы;
аға мемлекеттік авиация инспекторы;
мемлекеттік авиация инспекторы жатады.
Азаматтық авиация саласындағы уәкілетті органның және оның аумақтық органының лауазымды адамдарын мемлекеттік авиация инспекторларының санаттарына жатқызу тәртібін азаматтық авиация саласындағы уәкілетті орган айқындайды.
1-2. Қазақстан Республикасының заңдарында белгіленген жағдайларды қоспағанда, сертификаттауды, мемлекеттік бақылау мен қадағалауды жүзеге асыру кезінде мемлекеттік авиация инспекторының қызметіне жеке және (немесе) заңды тұлғалардың, мемлекеттік органдардың араласуына жол берілмейді.»;
3-тармақтың 5) тармақшасы мынадай редакцияда жазылсын:
«5) авиация персоналы куәлігінің, кеме, ұшу құжаттамасының, сертификаттардың, рұқсаттардың және берілуі осы Заңда көзделген құжаттардың болуын, сондай-ақ шетелдік кемелерді қоса алғанда, азаматтық әуе кемелерінің Қазақстан Республикасының азаматтық әуе кемелерінің ұшуға жарамдылығы талаптарына және Халықаралық азаматтық авиация ұйымының (ИКАО) стандарттарына сәйкестігін тексеруге міндетті.»;
5-тармақтың бірінші бөлігі мынадай редакцияда жазылсын:
«5. Мемлекеттік авиация инспекторлары мемлекеттік бюджет есебінен ұсталатын Қазақстан Республикасы органдары қызметкерлерінің еңбегіне ақы төлеудің бірыңғай жүйесі негізінде белгіленетін ақшалай ризықпен қамтамасыз етіледі.»;
19) мынадай мазмұндағы 16-8-баппен толықтырылсын:
«16-8-бап. Белгілі бір функциялар мен міндеттерді беру туралы келісім
1. Халықаралық азаматтық авиация туралы конвенцияның 83 bis-бабына сәйкес жасалған келісімнің негізінде азаматтық авиация саласындағы уәкілетті орган әуе кемесі тіркелген мемлекет ретінде белгілі бір функциялар мен міндеттерді бұл әуе кемесі экипажсыз пайдаланылатын шет мемлекеттің құзыретті органдарына беруге, сондай-ақ Қазақстан Республикасы пайдаланушысының оны экипажсыз пайдалануы кезінде әуе кемесі тіркелген мемлекеттің оған берген функциялары мен міндеттерін қабылдауға құқылы.
Осы тармақтың қолданысын қозғайтын пайдаланушылар мемлекеттердің құзыретті органдары арасында жасалған функциялар мен міндеттерді беру туралы келісімнің куәландырылған толық көшірмесін оның барлық қолданыс мерзімі ішінде әуе кемесінің бортында ұстауға міндетті.
2. Азаматтық авиация саласындағы уәкілетті орган Конвенцияның 83 bis-бабына сәйкес пайдаланушының мемлекеті берген немесе растаған ұшу жарамдылығы куәлігін (сертификатын), радиоаппаратураны пайдалануға рұқсатын және экипаж мүшелерінің куәліктерін жарамды деп таниды.
3. Азаматтық авиация саласындағы уәкілетті орган шет мемлекеттердің құзыретті органдарымен жасасқан келісімдері Халықаралық азаматтық авиация туралы конвенцияның 83 bis-бабына сәйкес Халықаралық азаматтық авиация ұйымында (ИКАО) тіркеуге жатады.»;
20) 17-бапта:
1-тармақтың екінші бөлігі мынадай редакцияда жазылсын:
«Әуе кеңiстiгiн пайдалануды ұйымдастыру:
1) әуе кеңiстiгiнiң құрылымы мен сыныптамасын айқындауды;
2) осы Заңның 25-бабында белгіленген басымдықтарға сәйкес әуе кеңiстiгiн пайдалануды жоспарлауды және үйлестіруді;
3) әуе кеңiстiгiн пайдаланудың рұқсат беру не хабарламалық тәртiбiн айқындауды және қамтамасыз етуді;
4) әуе қозғалысын ұйымдастыруды, олар:
әуе қозғалысына қызмет көрсетуді, әуе қозғалысын басқаруды;
әуе қозғалысының легін ұйымдастыруды;
5) Қазақстан Республикасының әуе кеңістігін пайдалану қағидаларының сақталуын бақылауды және қадағалауды қамтиды.»;
3-тармақ мынадай мазмұндағы сөйлеммен толықтырылсын:
«Әуе кеңістігін икемді пайдалануды қамтамасыз ету үшін азаматтық-әскери үйлестіру қағидаттары мен тәртібі Қазақстан Республикасының әуе кеңістігін пайдалану қағидаларында белгіленеді.»;
мынадай мазмұндағы 4-1 және 4-2-тармақтармен толықтырылсын:
«4-1. Әуе қозғалысына қызмет көрсетуші органдар мәлімдеген өткізу қабілеттігін ескере отырып азаматтық авиация саласындағы уәкілетті органның ведомстволық бағыныстағы мемлекеттік кәсіпорны болып табылатын аэронавигациялық қызмет көрсетуді беруші әуе қозғалысы легін ұйымдастыруды жүзеге асырады.
4-2. Әуе қозғалысына қызмет көрсету қажеттігі азаматтық авиация саласындағы уәкілетті орган бекітетін әуе қозғалысына қызмет көрсетуге қажеттілікті бағалау әдістемесіне сәйкес және:
1) тиісті әуе қозғалысының үлгілерін;
2) әуе қозғалысының қарқындылығын;
3) метеорологиялық жағдайларды;
4) осы аудан немесе осы жерге қатысы болуы мүмкін басқа да факторларды ескере отырып айқындалады.»;
5-тармақ мынадай редакцияда жазылсын:
«5. Мемлекеттік және (немесе) эксперименттік авиация ұшуының арнайы аймақтары мен аудандарын, сондай-ақ сыныпталмайтын әуеайлақтардың (тікұшақ айлақтарының) аудандарын қоспағанда, Қазақстан Республикасының бақыланатын әуе кеңiстiгiнде әуе қозғалысына қызмет көрсетуді азаматтық авиация саласындағы уәкілетті органның ведомстволық бағынысындағы мемлекеттік кәсіпорын болып табылатын аэронавигациялық қызмет көрсетуді берушісі жүзеге асырады.
Жекелеген әуеайлақтардың (тікұшақ айлақтарының) аудандарында әуе қозғалысына қызмет көрсетуді жеке меншік нысандағы аэронавигациялық қызмет көрсетуді берушісі жүзеге асыруы мүмкін.»;
21) 19-бапта:
2-тармақ мынадай редакцияда жазылсын:
«2. Әуе кеңістігін пайдалануға байланысты қызметті жүзеге асыру үшін Қазақстан Республикасының әуе кеңістігінде әуе қозғалысына ұшу ақпаратының аудандары (аймақтары), диспетчерлік аудандар, әуе қозғалысына қызмет көрсету маршруттары, тораптық диспетчерлік аудандар, диспетчерлік аймақтар, әуеайлақ қозғалысының аймақтары, бақыланбайтын әуе кеңістігі аудандары, әуе трассалары, әуе кемелерінің ұшуына арналған арнайы аймақтар, тыйым салынған аймақтар, қауіпті аймақтар, әуе кемелерінің ұшуына шектеу қойылған аймақтар және әуе кеңістігіндегі қызметті жүзеге асыру үшін белгіленетін басқа да арнайы элементтер белгіленеді, бұлардың жиынтығы Қазақстан Республикасы әуе кеңістігінің құрылымын құрайды.
Әуе кеңістігінің құрылымы Азаматтық авиацияны аэронавигациялық ақпаратпен қамтамасыз ету қағидаларына сәйкес аэронавигациялық ақпарат құжаттарында жарияланады.»;
4-тармақ мынадай редакцияда жазылсын:
«4. Әуе қозғалысына қызмет көрсету мақсатында Қазақстан Республикасының әуе кеңістігінің сыныптамасы Қазақстан Республикасының әуе кеңістігін пайдаланушылардың қажеттілігі, ұшу қауіпсіздігін қамтамасыз ету керектігі, олардың экономикалық тиімділігі негізге алынып айқындалады және аэронавигациялық ақпарат құжаттарында жарияланады.»;
22) 20-бапта:
2-тармақта:
2) тармақша мынадай редакцияда жазылсын:
«2) iздестiру-құтқару жұмыстарын жүргізу үшін әуе кемелері, сондай-ақ аэронавигациялық қызмет көрсетуді берушімен жасасқан шарттарға сәйкес iздестiру-құтқару жұмыстарын жүргізу бойынша жаттығуларға іске қосылған әуе кемелері;»;
мынадай мазмұндағы 5-1) тармақшамен толықтырылсын:
«5-1) жеңіл және аса жеңіл әуе кемелері;»;
3-тармақ мынадай редакцияда жазылсын:
«3. Ұсынылатын аэронавигациялық қызмет көрсетулер үшін әуе кеңістігін пайдаланушылардан төлемақы алуды аэронавигациялық қызмет көрсетуді беруші жүзеге асырады. Аэронавигациялық қызмет көрсетуге кіретін қызметтерді ұсынуға қатысушы ұйымдармен құқықтық қатынастарды реттеу шарттар негізінде жүзеге асырылады.»;
23) 21-бапта:
1 және 2-тармақтар мынадай редакцияда жазылсын:
«1. Азаматтық авиация саласындағы уәкілетті органның ведомстволық бағынысындағы мемлекеттік кәсіпорын болып табылатын аэронавигациялық қызмет көрсетуді беруші Халықаралық азаматтық авиация ұйымының (ИКАО) стандарттарына және Азаматтық авиацияны аэронавигациялық ақпаратпен қамтамасыз ету қағидаларына сәйкес аэронавигациялық ақпарат ұсынуды қамтамасыз етеді.
2. Аэронавигациялық ақпарат көздері болып табылатын жеке және заңды тұлғалар Азаматтық авиацияны аэронавигациялық ақпаратпен қамтамасыз ету қағидаларына сәйкес ұшу қауіпсіздігін қамтамасыз ету үшін қажетті ақпаратты өтеусіз негізде беруге міндетті және мұндай ақпараттың дәйектілігі, нақтылығы және уақтылы берілуі үшін жауаптылықта болады.»;
24) 22-бапта:
2-тармақтың екінші бөлігі мынадай редакцияда жазылсын:
«Әуе кемелерін эшелондауға қойылатын талаптарды қамтитын әуе кемелеріне диспетчерлік қызмет көрсетуді қамтамасыз ету тәртібі Әуе қозғалысын ұйымдастыру және оған қызмет көрсету жөніндегі нұсқаулықта айқындалады.»;
3-тармақ мынадай редакцияда жазылсын:
«3. Әуе қозғалысына қызмет көрсету органдары беретін диспетчерлік рұқсаттар әуе қозғалысына диспетчерлік қызмет көрсетуді қамтамасыз етуге қойылатын талаптарға негізделеді.»;
25) 23-бап мынадай редакцияда жазылсын:
«23-бап. Ұшуды орындау қағидалары
Әуе кемелерінің Қазақстан Республикасы аумағының үстінен ұшуы азаматтық және мемлекеттік авиация салаларындағы ұшуды жүргізу қағидаларына сәйкес орындалады.
Ұшуды орындау кезінде әуе кемесінде азаматтық және мемлекеттік авиация салаларындағы ұшуды жүргізу қағидаларында көзделген кеме құжаттары болуға тиіс.»;
26) 25-бапта:
мынадай мазмұндағы бірінші бөлікпен толықтырылсын:
«Қазақстан Республикасының әуе кеңістігі барлық әуе кеңістігін пайдаланушыларға тең құқықпен қол жетімді болып табылады.»;
бірінші бөліктің бірінші абзацы мынадай редакцияда жазылсын:
«Әуе кеңістігін бір уақытта екі немесе одан да көп пайдаланушылардың пайдалану қажеттігі туындаған жағдайда оны пайдалануға бірінші кезектегі құқық мемлекеттік басымдықтарға сәйкес пайдаланушыларға мынадай ретпен ұсынылады:»;
27) 26-бап мынадай редакцияда жазылсын:
«26-бап. Әуе кеңістігін пайдалануға тыйым салу немесе шектеу
Осы Заңның 18-бабы 1-тармағының 2) тармақшасында және 25-бабының 1) - 6) тармақшаларында көзделген қызметті жүзеге асырған жағдайларда мемлекеттік авиация саласындағы уәкiлеттi орган Қазақстан Республикасының әуе кеңістігін пайдалану қағидаларында белгіленген тәртіппен әуе кемелерінің ұшуы үшін Қазақстан Республикасының әуе кеңiстiгiн немесе оның жекелеген аудандарын пайдалануға тыйым салады не шектейді.»;
28) 27-баптың 1-тармағында:
бірінші бөлік алып тасталсын;
екінші бөліктің 6) тармақшасы мынадай редакцияда жазылсын:
«6) ұшу қауiпсiздiгiне анық қатер төну және авиациялық оқиғаны болғызбау жағдайларын қоспағанда, әуе трассаларынан және маршрут осьтерiнен Қазақстан Республикасының әуе кеңістігін пайдалану қағидаларында белгіленген нормалардан асатын қашықтыққа ауытқуы;»;
29) 30-баптың 4-тармағы мынадай редакцияда жазылсын:
«4. Байланысты қамтамасыз ету тәртібі, әуе қозғалысына қызмет көрсету органдарының байланысты қамтамасыз етуге қоятын талаптары, азаматтық авиациядағы байланыс құралдарының сипаттамасы Азаматтық авиацияда ұшуды және авиациялық электр байланысты радиотехникалық қамтамасыз ету қағидаларында айқындалады.»;
30) 31-бап мынадай редакцияда жазылсын:
«31-бап. Елді мекеннің үстінен ұшу
1. Халық тығыз орналасқан ірі қалалардағы аудандардың, қалалардың немесе ауылдардың үстінен авариялық не төтенше жағдайлар туындаған кезде адамдарға немесе жердегі мүлікке аса қауіп төндірмейтін, бұл ұшу немесе қону кезінде қажет болған жағдайларды қоспағанда немесе бұған әуе қозғалысын басқару органының рұқсаты берілетін жағдайларды қоспағанда, қонуды орындауды қамтамасыз ете алмайтын биіктікте әуе кемелерінің ұшулары орындалмайды.
2. Әуе кемелерінің елді мекендердің үстінен ұшуының схемалары (маршруттары) ұлттық қауіпсіздік органдарымен және мемлекеттік авиация саласындағы уәкілетті органмен келісіледі және оларды азаматтық авиация саласындағы уәкілетті орган бекітеді.
3. Күзет іс-шараларын өткізу кезеңінде әуе кемелерінің және ұшқышсыз ұшу аппараттарының елді мекендердің үстінен ұшуы ұлттық қауіпсіздік органдарымен және Қазақстан Республикасы Мемлекеттік күзет қызметімен келісіледі.
4. Елді мекендердің үстінен ұшуды келісу және орындау тәртібі Қазақстан Республикасының әуе кеңістігін пайдалану қағидаларында айқындалады.»;
31) 32-баптың 1-тармағы мынадай редакцияда жазылсын:
«1. Әуе кемелерінің пайдаланушыларын сертификаттау кезеңі болып табылмайтын көрсету мақсатындағы ұшу авиациялық техниканы көрсету, авиация жетістіктерін насихаттау, сондай-ақ қоғамдық-саяси және ойын-сауық мәдени-бұқаралық іс-шараларды қамтамасыз ету үшін қолданылады.»;
32) 33-баптың 1 және 2-тармақтары мынадай редакцияда жазылсын:
«1. Ұшқышсыз ұшу аппаратын пайдалану Қазақстан Республикасының әуе кеңістігін пайдалану қағидаларында белгіленген шарттар сақталған кезде адамдардың өміріне немесе денсаулығына зиян келтіру, мүлікті зақымдау (бүлдіру) қатерін, басқа әуе кемелері үшін қауіпті барынша азайтуға тиіс.
2. Ұшқышсыз ұшу аппараттарын пайдаланушылар әуе қозғалысына қызмет көрсету және (немесе) әуе қозғалысын басқару органдарына Қазақстан Республикасының әуе кеңістігін пайдалану қағидаларына сәйкес ұшқышсыз ұшу аппараттарының жоспарлаған ұшуы туралы егжей-тегжейлі деректерді хабарлайды.»;
33) 34-бапта:
1-тармақ мынадай редакцияда жазылсын:
«1. Байланыс жүйесін, навигация мен бақылауды ұсынудан тұратын ұшуды радиотехникалық қамтамасыз етуді азаматтық және (немесе) мемлекеттік авиация ұйымдарының радиотехникалық жабдықты пайдалану және байланыс қызметтері жүзеге асырады.»;
2-тармақтың 1) тармақшасы мынадай редакцияда жазылсын:
«1) азаматтық және эксперименттік авиация үшін Азаматтық авиацияда ұшуды және авиациялық электр байланысты радиотехникалық қамтамасыз ету қағидаларына сәйкес;»;
34) 35-бапта:
1-тармақ мынадай мазмұндағы екінші бөлікпен толықтырылсын:
«Өкілетті метеорология органының функциясын азаматтық авиация саласындағы уәкілетті орган жүзеге асырады.».
2-тармақ мынадай редакцияда жазылсын:
«2. Азаматтық және эксперименттік авиацияның ұшуларын метеорологиялық қамтамасыз ету азаматтық авиация саласындағы уәкілетті орган бекіткен Қазақстан Республикасының азаматтық авиациясын метеорологиялық қамтамасыз ету қағидаларына сәйкес аэронавигациялық қызмет көрсетуді берушілермен жүзеге асырылады.
Мемлекеттік авиациясының ұшуларын метеорологиялық қамтамасыз ету Қазақстан Республикасының мемлекеттік авиациясын метеорологиялық қамтамасыз ету қағидаларына сәйкес жүзеге асырылады.»;
35) 35-1-бап мынадай редакцияда жазылсын:
«35-1-бап. Аэронавигациялық қызмет көрсетуді берушіні сертификаттау
1. Аэронавигациялық қызмет көрсетуді берушілер аэронавигациялық қызмет көрсетудің берушілеріне қойылатын сертификаттық талаптарға сәйкес келуі тиіс.
Көрсетілген берушілердің сәйкестігі аэронавигациялық қызмет көрсетуді берушінің сертификатын оның қолданылу саласы мен рұқсат етілген қызмет түрлері (кіші түрлері) көрсетіле отырып берумен расталады.
Аэронавигациялық қызмет көрсетуді берушіні сертификаттауды азаматтық авиация саласындағы уәкілетті орган жүзеге асырады.
Азаматтық авиация саласындағы уәкілетті органмен келісу бойынша сертификаттық талаптардан уақытша ауытқуларға, егер мұндай ауытқулар белгіленген ұшу қауіпсіздігінің деңгейіне баламалы деңгейді қамтамасыз ететін қосымша шаралар енгізумен өтелетін болса, жол беріледі.
2. Аэронавигациялық қызмет көрсетуді берушіні сертификаттау, сертификат беру не тоқтату (қайтарып алу), оған өзгертулер және (немесе) толықтырулар енгізу тәртібі Аэронавигациялық қызмет көрсетуді берушісін сертификаттау қағидаларымен айқындалады.
3. Егер өтініш беруші аэронавигациялық қызмет көрсетуді берушіге қойылатын сертификаттық талаптарға сәйкес келмеген жағдайларда, аэронавигациялық қызмет көрсетудің берушінің сертификатын беруден бас тарту жүргізіледі.
4. Азаматтық авиация саласындағы уәкілетті орган сертификат талаптарының бұзылуын анықтаған жағдайда үздіксіз аэронавигациялық қызмет көрсету мақсатында мынадай тәртіппен іс-қимыл жасайды:
1) аэронавигациялық қызмет көрсетуді берушіден осы Заңның 16-3-бабына сәйкес түзету іс-қимылдарының жоспарын ұсынуды және оны орындауды талап етеді;
2) түзету іс-қимылдары жоспарында белгіленген мерзімде шаралар орындалмаған жағдайда Әкімшілік құқық бұзушылық туралы кодекске сәйкес әкімшілік іс жүргізуді қозғайды;
3) егер әкімшілік жауапкершілікке тартылған күннен бастап алты ай ішінде сертификат талаптарын бұзушылықтарды жоймаса, бұзушылықтың сипатына қарай аэронавигациялық қызмет көрсетуді берушінің сертификатын қайтарып алады не ондай сертификатты (немесе сертификатта көрсетілген рұқсат етілген қызмет түрлерін (кіші түрлерін) қолдану саласын толығымен не ішінара тоқтата тұрады.
Аэронавигациялық қызмет көрсетуді берушінің сертификаты Аэронавигациялық қызмет көрсетуді берушіні сертификаттау қағидаларына сәйкес оның иесінің өтініші бойынша да толығымен не ішінара шектелуі мүмкін.»;
36) мынадай мазмұндағы 35-2-баппен толықтырылсын:
«35-2-бап. Әуе қозғалысын ұйымдастырудың функционалдық жүйесінде өзгерістер болған кезде ұшу қауіпсіздігін қамтамасыз ету
1. Аэронавигациялық қызмет көрсетуді берушілер ұшу қауіпсіздігіне байланысты әуе қозғалысын ұйымдастырудың функциональдық жүйесіне өзгерістер енгізген кезде мұндай өзгерістер туралы Аэронавигациялық қызмет көрсетуді берушіні сертификаттау қағидаларында белгіленген тәртіппен азаматтық авиация саласындағы уәкілетті органға алдын ала хабарлайды.
2. Азаматтық авиация саласындағы уәкілетті органмен алдын ала келісуге жататын әуе қозғалысын ұйымдастырудың функциональдық жүйесіндегі өзгерістердің тізбесі, сондай-ақ мұндай келісулердің тәртібі мен шарттары Аэронавигациялық қызмет көрсетуді берушілерді сертификаттау қағидаларында айқындалады.
3. Осы баптың ережелерін бұзғаны үшін аэронавигациялық қызмет көрсетуді берушілер Қазақстан Республикасының Әкімшілік құқық бұзушылық туралы кодексіне сәйкес жауаптылықта болады.»;
37) 36-бап мынадай редакцияда жазылсын:
«36-бап. Әуе трассаларын пайдалануға рұқсат ету
Әуе трассаларын пайдалануға азаматтық авиация саласындағы уәкілетті орган бекіткен Әуе трассаларын пайдалануға рұқсат ету қағидаларына сәйкес рұқсат беріледі.
Әуе трассалары туралы мәліметтер аэронавигациялық ақпарат құжаттарында жарияланады.»;
38) 37-баптың 2-тармағы мынадай редакцияда жазылсын:
«2. Қолданылатын өлшем жүйелері Қазақстан Республикасының әуе кеңістігін пайдалану қағидаларында көрсетіледі.»;
39) 42-баптың 3-тармағының екінші бөлігі мынадай редакцияда жазылсын:
«Ұшу-техникалық сипаттамалары мен әуе кемелерінің деректеріне байланысты азаматтық әуе кемелерін сыныптау азаматтық авиация саласындағы ұшуды жүргізу қағидаларында айқындалады.»;
40) 44-баптың 2-тармағы мынадай редакцияда жазылсын:
«2. Азаматтық әуе кемесінің данасын сертификаттауды азаматтық авиация саласындағы уәкілетті орган Жеңіл және аса жеңіл авиация саласындағы сертификаттау қағидаларына сәйкес әуе кемелерінің пайдаланушыларын біріктіретін коммерциялық емес ұйымдарды тарту арқылы жүргізеді.»;
41) 45-бапта:
тақырыбы мынадай редакцияда жазылсын:
«45-бап. Әуе кемелерін, оларға құқықтарды мемлекеттік тіркеу»;
2-тармақ мынадай редакцияда жазылсын:
«2. Азаматтық әуе кемелері азаматтық авиация саласындағы уәкілетті орган бекіткен Қазақстан Республикасының азаматтық әуе кемелерін, оларға құқықтарды, сондай-ақ оларға құқықтарды куәландыратын құжаттардың нысандарын мемлекеттік тіркеу қағидаларына сәйкес Қазақстан Республикасының азаматтық әуе кемелерінің мемлекеттік тізілімінде мемлекеттік тіркелуге жатады.
Азаматтық әуе кемесі оның иесінің өтініші бойынша немесе иесінің, оны пайдаланушының келісімімен тек қана мынадай шартпен, егер:
1) әуе кемесі басқа мемлекетте тіркелмеген болса;
2) әуе кемесінің иесі немесе пайдаланушысы Қазақстан Республикасының жеке немесе заңды тұлғасы болып табылса;
3) әуе кемесі типінің тиісті сертификаты немесе соған ұқсас басқа құжатты азаматтық авиация саласындағы уәкілетті орган берсе немесе жарамды деп таныса, Қазақстан Республикасының азаматтық әуе кемелерінің мемлекеттік тізілімінде тіркеледі.
Азаматтық авиация саласындағы уәкілетті орган тіркелген азаматтық әуе кемесінің пайдаланушысына (иесіне) азаматтық әуе кемесінің мемлекеттік тіркелгені туралы куәлік береді.
Қазақстан Республикасының азаматтық әуе кемелерінің мемлекеттік тізіліміне енгізілетін әуе кемесі Қазақстан Республикасының азаматтық әуе кемелерінің ұшуға жарамдылығы нормаларына және ұшуға жарамдылықты айқындайтын пайдалану-техникалық құжаттаманың талаптарына сәйкес келуге тиіс.»;
мынадай мазмұндағы 2-1 және 2-2-тармақтармен толықтырылсын:
«2-1. Егер әуе кемесі ұшуға жарамдылық талаптарына сәйкес келмесе, азаматтық авиация саласындағы уәкілетті орган азаматтық әуе кемесін тіркеуден бас тартады.
2-2. Қазақстан Республикасының азаматтық әуе кемелерінің мемлекеттік тізіліміне енгізілген кезден бастап азаматтық әуе кемесі Қазақстан Республикасының ұлттық тиесілігін алады.
Тіркеу туралы куәлік әуе кемесінің бортында болады.»;
3-тармақтың бірінші бөлігі мынадай редакцияда жазылсын:
«3. Қазақстан Республикасының жеке немесе заңды тұлғаларының меншiгiндегi азаматтық әуе кемелеріне құқықтар, сондай-ақ қайтарылмайтын өкілеттіктер азаматтық авиация саласындағы уәкiлеттi органның Қазақстан Республикасы азаматтық әуе кемелерiнiң мемлекеттік тiзiлiмiнде тіркеуіне жатады.»,
4-тармақ алып тасталсын;
мынадай мазмұндағы 6-тармақпен толықтырылсын:
«6. Ұшқышсыз ұшу аппараттары пайдалану мақсатында меншік құқығын сатып алған кезден бастап азаматтық және мемлекеттік авиация салаларындағы уәкілетті органдарда Қазақстан Республикасының азаматтық әуе кемелерін, оларға құқықтарды, сондай-ақ оларға құқықтарды куәландыратын құжаттардың нысандарын мемлекеттік тіркеу қағидаларында және Қазақстан Республикасы мемлекеттік авиациясының әуе кемелерін тіркеу қағидаларында белгіленген тәртіппен есепке қоюға жатады.
Есепке қоюға жататын ұшқышсыз ұшу аппараттарының санаттары Қазақстан Республикасының азаматтық әуе кемелерін, оларға құқықтарды, сондай-ақ оларға құқықтарды куәландыратын құжаттардың нысандарын мемлекеттік тіркеу қағидаларында және Қазақстан Республикасы мемлекеттік авиациясының әуе кемелерін тіркеу қағидаларында айқындалады.
Пайдалану мақсатында ұшқышсыз ұшу аппараттарын сатып алатын тұлғалар азаматтық авиация саласындағы уәкілетті органға есепке қою туралы өтінішпен жүгінеді.»;
42) 46-баптың 1-тармағының бірінші бөлігінде:
5) тармақша алып тасталсын;
мынадай мазмұндағы 5-1) тармақшамен толықтырылсын:
«5-1) әуе кемесі хабарсыз жоғалып кетті деп танылған;»;
43) 47-бапта:
2-тармақта:
үшінші және төртінші бөліктер мынадай редакцияда жазылсын:
«Қазақстан Республикасы аумағының үстінен ұшқан кезде шетелдік әуе кемесінің Халықаралық азаматтық авиация ұйымының (ИКАО) стандарттары негізінде шет мемлекет берген ұшуға жарамдылық сертификаты мен шуыл бойынша сертификаты болуға тиіс.
Ұшуға жарамдылық сертификаты Қазақстан Республикасының азаматтық әуе кемелерінің мемлекеттік тізілімінде тіркелген әуе кемелеріне:
1) азаматтық әуе кемесінің осындай типтік конструкциялар немесе пайдалануға жарамдылығы туралы расталған бағалау актісіне сәйкес басқа да осыған ұқсас құжат үшін мақұлданған ұшуға жарамдылық нормаларына және пайдалану құжаттамасына сәйкестігі негізінде;
2) Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес;
3) Жеңіл және аса жеңіл авиация саласындағы сертификаттау қағидаларына сәйкес беріледі.»;
мынадай мазмұндағы сегізінші бөлікпен толықтырылсын:
«Әуе кемелерін пайдаланушыларды біріктіретін коммерциялық емес ұйымдарды тарту тәртібі және мұндай ұйымдардың мамандарына қойылатын біліктілік талаптары Жеңіл және аса жеңіл авиация саласындағы сертификаттау қағидаларында айқындалады.»;
4 және 5-тармақтар мынадай редакцияда жазылсын:
«4. Қазақстан Республикасының азаматтық әуе кемелерінің мемлекеттік тізіліміне азаматтық әуе кемелерін енгізу кезінде азаматтық әуе кемелерінің шет мемлекет берген ұшуға жарамдылық сертификаттарын тану Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес жүзеге асырылады.
5. Азаматтық әуе кемесін және оның құрамдастарын ұшуға жарамдылықта ұстау Қазақстан Республикасының азаматтық әуе кемелерін техникалық пайдалану және жөндеу қағидаларының талаптарына сәйкес қамтамасыз етіледі.
Коммерциялық әуе тасымалдарына қатыспайтын жеңіл және аса жеңіл авиацияның әуе кемелерін пайдалануға рұқсат ету Жеңіл және аса жеңіл авиация саласындағы сертификаттау қағидаларына сәйкес жүзеге асырылады.»;
6-тармақтың екінші бөлігінің 4) тармақшасы мынадай редакцияда жазылсын:
«4) азаматтық әуе кемесін тіркеуші мемлекет бекіткен әуе кемесіне техникалық қызмет көрсету бағдарламасына (регламентке) немесе олардың баламасына сәйкес оған техникалық қызмет көрсету және оны жөндеу орындалмаған жағдайларда ұшуды орындауға тыйым салынады.»;
7-тармақ мынадай редакцияда жазылсын:
«7. Қазақстан Республикасының азаматтық әуе кемелерінің мемлекеттік тізілімінде тіркелген әуе кемесінің иесі немесе пайдаланушысы Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес азаматтық авиация саласындағы уәкілетті органға ұшуға жарамдылығының жай-күйі, техникалық қызмет көрсетілгендігі және жөндеу жүргізілгендігі туралы ақпаратты, сондай-ақ оны пайдалану жөніндегі деректерді ұсынады.»;
мынадай мазмұндағы 8-1-тармақпен толықтырылсын:
«8-1. Арнайы ұшуға рұқсат қолданыстағы ұшуға жарамдылық сертификаты жоқ, бірақ пайдаланушы мен азаматтық авиация саласындағы уәкілетті органның бағалауы негізінде белгіленген төмендегі жағдайлар кезінде және мынадай:
1) жаңа әуе кемелері шығарылғаннан кейінгі ұшу сынақтары;
2) пайдалану (жөндеу) құжаттамасына сәйкес техникалық қызмет көрсетуден және (немесе) жөндеуден кейінгі ұшу сынақтары;
3) әуе кемесін жеткізу немесе экспорттау;
4) тапсырыс берушінің немесе азаматтық авиация саласындағы уәкілетті органның бағалауы үшін әуе кемесінің ұшырылуы;
5) көрмелер мен авиашоу;
6) техникалық қызмет көрсету, жөндеу орнына немесе сақтау орнына әуе кемесінің ұшырылуы;
7) қону үшін тиісті жағдайы жоқ немесе тиісті отын мөлшері жоқ аймақтарда су үстімен немесе жер үстімен қалыпты ұшу қашықтығының шегінен тыс ұшулар үшін барынша сертификатталған ұшу массасымен әуе кемесінің ұшуы;
8) рекордтарға қол жеткізу, авиациялық жарыстарға және соған ұқсас жарыстарға қатысу;
9) заңнамаға сәйкес ұшуға жарамдылық сертификаты немесе соған ұқсас басқа да құжат талап етілмейтін, Қазақстан Республикасының аумағындағы әуе кемелерінің немесе әуе кемелері типтерінің қызметі мақсаттарында қауіпсіз ұшуларды орындай алатын әуе кемесіне беріледі.
Арнайы ұшуға рұқсат Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес күнтізбелік 30 күннен аспайтын кезеңге беріледі.
Азаматтық авиация саласындағы уәкілетті орган әуе кемесіне арнайы ұшуға рұқсат беру кезінде оны пайдалануға қажетті шектеулерді белгілеуге құқылы. Арнайы ұшуды орындау кезінде әуе кемесінің бортында жолаушыларды тасымалдауға тыйым салынады.»;
9-тармақ мынадай редакцияда жазылсын:
«9. Егер азаматтық әуе кемелерінде радиомен хабарлау аппаратурасы орнатылған болса, азаматтық авиация саласындағы уәкілетті орган Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес осындай аппаратураны пайдалануға рұқсат береді.»;
11-тармақтың екінші бөлігі мынадай редакцияда жазылсын:
«Борт журналының нысаны мен мазмұны тиісті авиация түрлерінде Қазақстан Республикасының ұшуды жүргізу қағидаларында белгіленеді.»;
12-тармақ мынадай редакцияда жазылсын:
«12. Азаматтық авиация саласындағы уәкілетті орган Қазақстан Республикасының азаматтық әуе кемесінің ұшуға жарамдылығын сертификаттау және оған сертификат беру қағидаларына сәйкес Қазақстан Республикасының азаматтық әуе кемелерінің мемлекеттік тізілімінен шығарылған азаматтық әуе кемесін экспорттау үшін ұшуға жарамдылықтың экспорттық сертификатын береді.»;
44) 48-бапта:
1 және 2-тармақтар мынадай редакцияда жазылсын:
«1. Азаматтық әуе кемелеріне техникалық қызмет көрсетуді және оларды жөндеуді Қазақстан Республикасының азаматтық әуе кемелерін техникалық пайдалану және жөндеу қағидаларына сәйкес авиациялық техникаға техникалық қызмет көрсету және оны жөндеу жөніндегі сертификатталған ұйымдар жүргізеді. Коммерциялық әуе тасымалдарын жүзеге асырмайтын жеңіл және аса жеңіл азаматтық әуе кемелеріне техникалық қызмет көрсетуді және оларды жөндеуді, осы Заңның 54-бабына сәйкес берілген қолданыстағы куәлігі немесе шет мемлекет берген және осы Заңның 55-бабына сәйкес танылған куәлігі бар авиация персоналы орындайды.
2. Азаматтық әуе кемелеріне техникалық қызмет көрсету азаматтық әуе кемесін тіркеуші мемлекет бекітетін техникалық қызмет көрсету бағдарламалары (регламенттері) бойынша жүзеге асырылады.
Қазақстан Республикасының азаматтық әуе кемелерінің мемлекеттік тізілімінде тіркелген әуе кемесіне техникалық қызмет көрсету бағдарламасын (регламентін) азаматтық авиация саласындағы уәкілетті орган бекітеді.
Коммерциялық әуе тасымалдарына қатыспайтын жеңіл және аса жеңіл авиацияның әуе кемелеріне техникалық қызмет көрсету бағдарламасын (регламентін) азаматтық авиация саласындағы уәкілетті органның келісімі бойынша әуе кемелерін пайдаланушыларды біріктіретін коммерциялық емес ұйымдар әзірлейді және бекітеді.»;
5-тармақтың екінші сөйлемі мынадай редакцияда жазылсын:
«Шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын танудың тәртібі Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымдарды сертификаттау және оларға сертификат беру қағидаларында белгіленеді.»;
6-тармақ мынадай редакцияда жазылсын:
«6. Коммерциялық әуе тасымалдарын жүзеге асыратын азаматтық әуе кемелерін пайдаланушыларға қызметтер ұсынатын авиациялық техникаға техникалық қызмет көрсету және жөндеу жөніндегі сертификатталған ұйым ұшу қауіпсіздігін басқару жөніндегі типтік нұсқаулыққа сәйкес әуе кемелеріне техникалық қызмет көрсету кезінде орындалатын жұмыстың көлемі мен күрделілігіне қарай ұшу қауіпсіздігін басқару жүйесін енгізуге тиіс.»;
45) 49-баптың 2-тармағының бірінші бөлігі мынадай редакцияда жазылсын:
«2. Әуе кемелеріне мемлекеттік және тіркелетін тану белгiлерiнен басқа қосымша белгілер (рәміздер, жазбалар, эмблемалар) салынуы мүмкін.»;
46) 51-бапта:
1-тармақтың екінші бөлігі мынадай редакцияда жазылсын:
«Қазақстан Республикасының пайдаланушысы Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында көзделген шарттармен Қазақстан Республикасының немесе шет мемлекеттің азаматтарына немесе ұйымдарына тиесілі әуе кемесін экипажымен қоса немесе экипажсыз жалға алуға құқылы.»;
мынадай мазмұндағы 1-1 және 1-2-тармақтармен толықтырылсын:
«1-1. Шет мемлекетте тіркелген әуе кемесін Қазақстан Республикасы пайдаланушысының экипажсыз жалға алуы немесе Қазақстан Республикасының әуе кемесін шетелдік пайдаланушының экипажсыз жалға алуы Халықаралық азаматтық авиация туралы конвенцияның 83 bis –бабының шеңберінде азаматтық авиация саласындағы уәкілетті орган мен осы әуе кемесі тіркелген шет мемлекеттің құзыретті органы арасында жасалған келісім болған кезде ғана жүзеге асырылады. Мұндай келісім Халықаралық азаматтық авиация ұйымында (ИКАО) тіркелуге тиіс.
1-2. Қазақстан Республикасы пайдаланушысының Қазақстан Республикасының азаматтары мен ұйымдарына тиесілі әуе кемесін экипажымен қоса жалға алуы келісімшарттың қолданысы мерзімінде пайдаланушының сертификатына (авиациялық жұмысты орындауға арналған куәлікке) енгізбестен жүзеге асырылады.
Қазақстан Республикасы пайдаланушысының шет мемлекеттің пайдаланушысына тиесілі әуе кемесін экипажымен қоса жалға алуына азаматтық авиация саласындағы уәкілетті органның рұқсаты бойынша мынадай пропорцияда: саны бес әуе кемесінен аспайтын паркі бар жалға алушы үшін бір әуе кемесінен аспайтын және саны бес әуе кемесінен асатын паркі бар жалға алушы үшін тұрақты және тұрақсыз ұшуларды жүзеге асыру үшін пайдаланылатын жалпы әуе кемелері паркінің жиырма пайызынан аспайтын және жалға алушы пайдаланушысының сертификатына енгізбестен бір жылдың ішінде екі айдан аспайтын мерзімге жол беріледі. Жалға алынатын әуе кемесінің жолаушылар сыйымдылығы мен жүк көтерімділігі жалға алушының әуе кемелерінің жолаушылар сыйымдылығы мен жүк көтерімділігіне салыстырмалы түрде бірдей болуға тиіс.
Бұл ретте жалға алушы рейсті іс жүзінде қай тасымалдаушының орындайтыны жөнінде жолаушыларды хабардар етуге тиіс.
Ұшу қауіпсіздігін қамтамасыз ету жөніндегі талаптарға сәйкессіздік, жалға алушы немесе жалға беруші тарапынан тиімді пайдаланушылық бақылау не пайдаланушының сертификатын және жалға алынатын әуе кемесіне арналған ұшуға жарамдылық сертификатын берген мемлекет тарапынан қадағалау болмағаны анықталған жағдайда, азаматтық авиация саласындағы уәкілетті орган жалға алынған әуе кемесіне Қазақстан Республикасы пайдаланушысының әуе кемесін экипажымен қоса жалға алуына бұрын берген рұқсатын қайтарып алады.»;
3 және 4-тармақтар алып тасталсын;
47) 53-баптың 2-тармағы мынадай редакцияда жазылсын:
«2. Мемлекеттік авиация персоналы лауазымдарының тiзбелерi мемлекеттік авиация саласындағы уәкілетті органның бұйрығымен белгіленеді.»;
48) 54-бапта:
1-тармақта:
төртінші бөліктегі бірінші сөйлем мынадай редакцияда жазылсын:
«Авиация персоналының біліктілік деңгейін Авиация персоналының біліктілік деңгейін айқындау қағидаларына сәйкес азаматтық авиация саласындағы уәкілетті орган тағайындайтын жеке тұлғалар айқындайды.»;
мынадай мазмұндағы бесінші, алтыншы, жетінші және сегізінші бөліктермен толықтырылсын:
«Жеңіл және аса жеңіл авиацияның авиация персоналының біліктілік деңгейін Авиация персоналының біліктілік деңгейін айқындау қағидаларына сәйкес әуе кемелері пайдаланушыларын біріктіретін коммерциялық емес ұйымдардың тұрақты әрекет ететін біліктілік комиссиялары айқындайды.
Авиациялық қауіпсіздік қызметінің персоналын авиациялық қауіпсіздік бойынша даярлау және қайта даярлау уәкілетті орган сертификаттаған авиациялық оқу орталықтарында және (немесе) Халықаралық азаматтық авиация ұйымының (ИКАО) авиациялық қауіпсіздік жөніндегі оқу орталықтарында азаматтық авиация саласындағы уәкілетті орган бекітетін авиациялық қауіпсіздік бойынша даярлау және қайта даярлау бағдарламасына сәйкес жүзеге асырылады.
Авиациялық қауіпсіздік қызметінің тексеріп қарау инспекторларын даярлауды және қайта даярлауды тәуелсіз оқу орталығы (үшінші тарап) азаматтық авиация саласындағы уәкілетті орган бекітетін авиациялық қауіпсіздік бойынша даярлау және қайта даярлау бағдарламасына сәйкес жүзеге асырады.
Әуежайдың кіруге шектелген күзетілетін аймағына кіру кезінде ілесіп жүрмеуге болатын рұқсаты бар персоналды авиациялық қауіпсіздік бойынша даярлауды және қайта даярлауды уәкілетті орган сертификаттаған авиациялық оқу орталықтарында және (немесе) Халықаралық азаматтық авиация ұйымының (ИКАО) авиациялық қауіпсіздік жөніндегі оқу орталықтарында немесе азаматтық авиация ұйымдарында азаматтық авиация саласындағы уәкілетті органнан жұмысқа рұқсат алған авиациялық қауіпсіздік жөніндегі нұсқаушылар азаматтық авиация саласындағы уәкілетті орган бекітетін авиациялық қауіпсіздік бойынша даярлау және қайта даярлау бағдарламасына сәйкес жүргізеді.»;
2-тармақтың үшінші бөлігі мынадай редакцияда жазылсын:
«Шетелдік азаматтық авиацияның авиациялық оқу орталықтарына олардың сертификаттарын азаматтық авиация саласындағы уәкілетті орган Азаматтық авиацияның авиациялық оқу орталығын сертификаттау және сертификат беру қағидаларына сәйкес танығаннан кейін азаматтық авиацияның авиация персоналын даярлауға және оларды кәсіптік деңгейде ұстауға рұқсат етіледі.»;
мынадай мазмұндағы 2-1 және 2-2-тармақтармен толықтырылсын:
«2-1. Авиация персоналы теориялық білімі мен практикалық дағдыларының деңгейін, сондай-ақ Халықаралық азаматтық авиация ұйымының (ИКАО) стандарттарына сәйкес орындалатын функцияларына сәйкес келетін деңгейде тілдерді білетінін Авиация персоналының біліктілік деңгейін айқындауға құқығы бар тағайындалған жеке тұлғалар жүргізетін тестілеу немесе кезең-кезеңімен тексерулердің көмегімен көрсетуге тиіс.
2-2. Азаматтық әуе кемелерінің ұшу экипажының мүшелерін даярлау, қолдау және практикалық дағдыларын тексеру мақсатында қолданылатын ұшуды имитациялаудың тренажерлік құрылғыларын азаматтық авиация саласындағы уәкілетті орган бекітетін Азаматтық авиациядағы ұшуды имитациялаудың тренажерлік құрылғыларын бағалау жөніндегі қағидаларына сәйкес қолдануға рұқсат беріледі.»;
3-тармақ мынадай редакцияда жазылсын:
«3. Авиация персоналына жататын адамдар кәсіптік қызметті жүзеге асыру үшін азаматтық авиация саласындағы уәкілетті органмен келісілген бағдарламалар бойынша кәсіптік даярлықтан өтуге міндетті.
Әуе кемелерінің ұшуын орындаумен және қамтамасыз етумен, оларға техникалық қызмет көрсетумен, әуе қозғалысына қызмет көрсетумен тікелей байланысты адамдар кәсіптік қызметке осындай қызметті жүзеге асыру құқығына арналған қолданыстағы куәлiгi және денсаулық жағдайы бойынша белгіленген талаптарға жарамдылығын растайтын медициналық сертификаты болған кезде жіберіледі.
Азаматтық авиация саласындағы медициналық куәландырылуға, медициналық тексерілуге, оның ішінде авиация персоналына, сондай-ақ мiндеттi медициналық куәландырылуға, медициналық тексерілуге тиіс адамдар санатына денсаулық жағдайы бойынша қойылатын талаптар Халықаралық азаматтық авиация ұйымының (ИКАО) стандарттары мен ұсынатын практикасы негiзiнде әзірленген және азаматтық авиация саласындағы уәкiлеттi орган бекіткен Қазақстан Республикасының азаматтық авиациясында медициналық куәландыру қағидаларында белгiленедi.
Медициналық куәландырудан өту кезінде медициналық куәландырудан өтуге өтініш беруші авиациялық медициналық сарапшыға өзіне мәлім және ұшуды орындауы үшін қауіп төндіретін ауруының болуы туралы ақпаратты хабарлауға міндетті.
Авиация персоналын медициналық куәландыруды азаматтық авиация саласындағы уәкілетті орган сертификаттаған авиациялық медициналық орталық, сондай-ақ тағайындалуы азаматтық авиация саласындағы уәкілетті орган бекітетін Авиациялық медициналық сарапшыларды тағайындау қағидаларына сәйкес жүзеге асырылатын авиациялық медициналық сарапшылар жүргізеді.
Медициналық куәландыру бойынша талаптардың сақталуына авиациялық медициналық сарапшылар жауаптылықта болады.
Авиациялық медициналық орталықтарға қойылатын сертификаттық талаптардың бұзылуы анықталған жағдайда, азаматтық авиация саласындағы уәкілетті орган мынадай тәртіппен әрекеттер қабылдайды:
1) авиациялық медициналық орталықтың сертификат иесінен осы Заңның 16-3-бабына сәйкес түзету әрекеттерінің жоспарын ұсынуды және оны орындауды талап етеді;
2) егер түзету әрекеттерінің жоспарында белгіленген мерзімде сертификаттық талаптарды бұзушылықтар жойылмаса, авиациялық медициналық орталықтың мұндай сертификатының (немесе сертификатта көрсетілген қызметінің рұқсат етілген түрлері (кіші түрлері) қолданысы саласын толық не ішінара тоқтата тұрады;
3) егер оның қолданысы тоқтатыла тұрған күннен бастап бір жыл ішінде сертификаттық талаптарды бұзушылықтар жойылмаса, авиациялық медициналық орталықтың сертификатын қайтарып алады.
Авиациялық медициналық орталықтың сертификаты Авиациялық медициналық орталықты сертификаттау қағидаларына сәйкес оның иесінің өтініші бойынша да толық не ішінара шектелуі мүмкін.
Авиациялық медициналық сарапшылардың сертификаттық талаптарды бұзушылықтары анықталған жағдайда азаматтық авиация саласындағы уәкілетті орган мынадай тәртіппен әрекеттер қабылдайды:
1) авиациялық медициналық сарапшының тағайындалуы туралы мұндай сертификаттың (немесе сертификатта көрсетілген қызметінің рұқсат етілген түрлері (кіші түрлері) қолданысы саласын авиациялық медициналық сарапшылардың сертификаттық талаптарды бұзушылықтарды жойғанға дейін үш айға дейінгі мерзіммен толық не ішінара тоқтата тұрады;
2) егер оның қолданысы тоқтатыла тұрған күннен бастап үш ай ішінде сертификаттық талаптарды бұзушылықтар жойылмаса, авиациялық медициналық сарапшы сертификатын қайтарып алады.
Авиациялық медициналық сарапшыны тағайындау туралы сертификат Авиациялық медициналық сарапшыларды тағайындау қағидаларына сәйкес оның иесінің өтініші бойынша да толық не ішінара шектелуі мүмкін.
Азаматтық авиация саласында медициналық куәландыру бойынша авиациялық медициналық сарапшыға қатысты бұзушылықтар анықталған жағдайда, азаматтық авиация саласындағы уәкілетті орган мынадай тәртіппен әрекеттер қабылдайды:
1) азаматтық авиация саласындағы медициналық куәландыру саласында талаптарды бұзушылықтар белгіленген кезде Әкімшілік құқық бұзушылық туралы кодекске сәйкес әкімшілік іс жүргізуді қозғайды;
2) әкімшілік жаза қолданылғаннан кейін бір жыл ішінде азаматтық авиация саласындағы медициналық куәландыру саласында талаптарды бұзушылық қайта жасалған кезде, Әкімшілік құқық бұзушылық туралы кодекске сәйкес әкімшілік іс жүргізуді қайта қозғайды және авиациялық медициналық сарапшыны тағайындау туралы сертификатты қайтарып алады;
Әуе кемелерінің ұшуын орындаумен және қамтамасыз етумен, әуе қозғалысына қызмет көрсетумен тікелей байланысты адамдардың өзіне белгілі және ұшуды орындау үшін қауіп төндіретін ауруларының болуы туралы ақпаратты медициналық куәландырудан өту кезінде жасыруы анықталған жағдайда, азаматтық авиация саласындағы уәкілетті орган авиация персоналына қатысты мынадай тәртіппен әрекеттер қабылдайды:
1) Әкімшілік құқық бұзушылық туралы кодекске сәйкес әкімшілік іс жүргізуді қозғайды және бұзушылықтар жойылғанға дейін авиация персоналы куәлігінің қолданысын тоқтата тұрады;
2) әкімшілік жаза қолданылғаннан кейін бір жыл ішінде бұзушылық қайта жасалған кезде, Әкімшілік құқық бұзушылық туралы кодекске сәйкес әкімшілік іс жүргізуді қозғайды және авиация персоналы куәлігін қайтарып алады.
Авиациялық медициналық сарапшыны тағайындау туралы сертификатты тоқтата тұру (қайтарып алу), сондай-ақ Әкімшілік құқық бұзушылық туралы кодекске сәйкес әкімшілік іс жүргізуді қозғау тәртібі және мерзімі Авиациялық медициналық сарапшыларды тағайындау қағидаларында және Авиациялық медициналық орталықты сертификаттау қағидаларында айқындалады.
Авиация персоналы куәлiгiн беру және оның қолданыс мерзімін ұзарту, сондай-ақ куәлікке біліктілік белгілері мен арнайы белгілерді енгізу азаматтық авиация саласындағы уәкiлеттi орган бекіткен Авиация персоналы куәлiктерiн беру және олардың қолданыс мерзімін ұзарту қағидаларында айқындалады.
Жеңіл және аса жеңіл авиацияның авиация персоналының куәлігіне біліктілік белгілері мен арнайы белгілерді енгізуді әуе кемелері пайдаланушыларын біріктіретін коммерциялық емес ұйымдар Авиация персоналы куәлiктерiн беру және олардың қолданыс мерзімін ұзарту қағидаларына сәйкес жүзеге асырады.»;
4-тармақ мынадай мазмұндағы екінші бөлікпен толықтырылсын:
«Авиация персоналын дербес кәсіптік қызметке жіберуге кәсіптік білімдері мен дағдыларына тексеру жүргізген авиация персоналының біліктілік деңгейін айқындауға құқығы бар тағайындалған жеке тұлғалар жауаптылықта болады.»;
6-1-тармақта:
3) тармақша мынадай редакцияда жазылсын:
«3) ұшуды қамтамасыз ету және орындау кезінде, әуе қозғалысына қызмет көрсету және техникалық қызмет көрсету кезінде белгіленген талаптарды бір рет өрескел бұзған;»;
4) тармақша алып тасталсын;
6-2 тармақта:
3), 4) және 5) тармақшалар алып тасталсын;
мынадай мазмұндағы 6-4-тармақпен толықтырылсын:
«6-4. Мынадай:
1) авиация персоналы куәлігін жоғалтқан, тегін, атын, әкесінің атын (бар болған кезде) ауыстыру себебімен және басқа да техникалық себептермен оны ауыстырған;
2) денсаулық жағдайы бойынша зейнетке шыққан (жұмыс орнынан деректер ұсыну бойынша);
3) қайтыс болған;
4) жұмыста бес жылдан астам үзіліс болған жағдайларда Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасына сәйкес берілген және танылған авиация персоналы куәлігінің иесі болып табылатын адамның авиация персоналы куәлігінің (тану туралы шешімнің) күші жойылады.»;
7-тармақ мынадай редакцияда жазылсын:
«7. Азаматтық және эксперименттік авиацияның ұшу қауіпсіздігіне тікелей байланысты авиация персоналының жұмыс уақыты режимінің ерекшеліктері Халықаралық азаматтық авиация ұйымының (ИКАО) стандарттары мен ұсынылатын практикасын және азаматтық авиация саласындағы халықаралық ұйымдардың авиациялық қағидаларын ескере отырып әзірленеді және Қазақстан Республикасының азаматтық авиациясын барлық пайдаланушылар мен ұйымдар үшін азаматтық авиация саласындағы уәкілетті орган белгілейді.
Азаматтық авиацияның ұшу қауіпсіздігіне тікелей байланысты авиация персоналының жұмыс уақыты режимінің ерекшеліктеріне сәйкес азаматтық авиацияның әуе кемесін пайдаланушы әуе кемелері экипаждары мүшелерінің жұмыс уақытын және демалысын ұйымдастыру туралы ережені бекітуге құқылы.»;
49) 56-бапта:
5-тармақ мынадай редакцияда жазылсын:
«5. Егер:
1) өзін шаршау сезінген немесе аурудың, жарақаттың немесе басқа да жағдайлардың салдарынан оның дене немесе психикалық жай-күйі талап етілетін стандарттарға сәйкес міндеттерді орындауға мүмкіндік бермейтінін білген;
2) оның даярлық деңгейі ұшуды қауіпсіз орындау үшін талаптарға сәйкес келмеген жағдайларда экипаждың әрбір мүшесінің ұшудың сәтті аяқталуына қаупі болғандықтан ұшуға тапсырманы орындаудан бас тартуға құқығы бар.»;
мынадай мазмұндағы 5-1-тармақпен толықтырылсын:
«5-1. Экипаж мүшелері:
1) демалу және тамақ ішу үшін берілген жағдайлар мен мүмкіндіктерді пайдалануға, сондай-ақ өзінің демалатын уақытын күшін толық қалпына келтіруге қамтамасыз ететіндей етіп жоспарлауға және өткізуге;
2) өздеріне куәліктер мен тиісті біліктілік белгілерімен берілетін құқықтарды бұл құқықтарды қауіпсіз және тиісті түрде жүзеге асыруға оларды қабілетсіз етуі мүмкін кез келген психикалық белсенді заттардың әсерінде болған кезде жүзеге асырмауға;
3) психикалық белсенді заттарды қабылдау тәуекелімен байланысты қандай да бір әрекеттерді жүзеге асырмауға міндетті.»;
50) 57-бапта:
1-тармақ мынадай мазмұндағы екінші бөлікпен толықтырылсын:
«Әрбір жеке ұшулар үшін әуе кемесінің командирін жалпы мақсаттағы авиация жағдайында әуе кемесінің пайдаланушысы немесе әуе кемесінің иесі тағайындайды.»;
1-1-тармақ мынадай редакцияда жазылсын:
«1-1. Коммерциялық авиациядағы ұшу тапсырмасына сәйкес белгілі бір типтегі әуе кемесін өз бетінше басқаруға немесе жалпы мақсаттағы авиацияның осыған ұқсас құжатына арналған рұқсаты бар, ұшудың (ұшулардың) қауіпсіз аяқталуына жауапкершілік жүктелген пилот азаматтық авиация әуе кемесінің командирі болып тағайындалады.»;
5-тармақта:
3), 4) және 5) тармақшалар мынадай редакцияда жазылсын:
«3) мынадай:
өздерінің әрекеттерімен әуе кемесінің ұшу қауіпсіздігіне тікелей қатер төндіретін;
азаматтық авиация саласындағы уәкілетті орган бекітетін әуе кемесінің бортында жүріс-тұрыс қағидаларын бұзатын, оның өкіміне бағынудан бас тартатын адамдарға қатысты барлық қажетті шараларды, оның ішінде мәжбүрлеу шараларын қолдануға;
4) ұшуды орындау кезінде қауіпсіздікке қатер төндіргені және (немесе) әуе кемесінде жүріс-тұрыс қағидаларын бұзғаны туралы тиісті актіні ресімдеуге;
5) әуе кемесі жақын арадағы әуеайлаққа келгенде ұшу қауіпсіздігі мен әуе кемесінің бортындағы жүріс-тұрыс тәртібін ұстауға ықпал ететін себептер бойынша кез келген экипаж мүшесін немесе жолаушыны әуе кемесінен түсіруге және оларды құқық қорғау органдарына беруге;»;
7) тармақша мынадай редакцияда жазылсын:
«7) тиісті авиациялық қауіпсіздік қызметтері болмаған кезде жолаушыларды, қол жүгін, багажды және жүктерді ұшу алдында тексеріп қарауды қамтамасыз етуге;»;
7-тармақ мынадай редакцияда жазылсын:
«7. Авиациялық оқиға болған жағдайда әуе кемесінің командирі өз өкілеттіктерін іздестіру және құтқару қызметтері өкілдеріне бергенге дейін әуе кемесінің бортындағы адамдардың әрекеттеріне басшылық жасайды.»;
мынадай мазмұндағы 9-тармақпен толықтырылсын:
«9. Әуе кемесінің командирі:
1) есіктер жабылғаннан кейін борттағы барлық экипаж мүшелерінің, жолаушылардың және жүктің қауіпсіздігіне;
2) әуе кемесін басқаруға және ұшақтың ұшу мақсатында қозғалуға дайындалған кезінен бастап ұшу аяқталғаннан немесе негізгі қозғалтқыш қондырғы ретінде пайдаланылған қозғалтқыш (тар) сөндірілгеннен кейін толық тоқтатылған кезіне дейін оның қауіпсіздігіне;
3) ұшуға дейінгі, ұшу уақытындағы және ұшудан кейінгі ұшулардың барлық кезеңдерінде, сондай-ақ авариялық жағдайда ұшу экипажы қолданатын бақылау карталары жүйесінің сақталуына;
4) ұшу аяқталғаннан кейін әуе кемесінде барлық белгілі немесе күмән тудыратын ақаулары туралы пайдаланушыға хабарлауға;
5) борт журналын жүргізуге немесе бас декларацияны жасауға жауаптылықта болады.»;
51) 58-баптың 1-тармағы мынадай редакцияда жазылсын:
«1. Ұшу қызметiнiң басшысы, ұшу қауiпсiздiгi жөнiндегi инспекцияның бастығы, инженерлік-авиациялық қызмет басшысы, сапаны бақылау қызметінің басшысы (жеңіл және аса жеңіл авиацияны қоспағанда) азаматтық және эксперименттік авиация ұйымдарының ұшу қауiпсiздiгiн қамтамасыз ететін басшы қызметкерлері болып танылады.»;
52) 59-баптың 2-тармағы мынадай редакцияда жазылсын:
«2. Халықаралық коммерциялық әуе тасымалдарын жүзеге асыратын пайдаланушылар және халықаралық ұшуды орындауға рұқсат берілген жалпы мақсаттағы авиацияның ауыр немесе турбореактивті ұшақтарын пайдаланушылар азаматтық әуе кемелерін пайдаланушылардың ұшу қауіпсіздігін басқару жөніндегі үлгілік нұсқаулыққа сәйкес орындалатын ұшу көлемі мен күрделілігіне байланысты ұшу қауіпсіздігін басқару жүйесін енгізуге міндетті.»;
53) 60-бапта:
1-тармақта:
бірінші және екінші бөліктер мынадай редакцияда жазылсын:
«1. Пайдаланушының сертификатын және (немесе) авиациялық жұмыстарды орындауға арналған куәлікті алу үшін өтініш беруші азаматтық авиация саласындағы уәкілетті органға Азаматтық әуе кемелерін пайдаланушыны сертификаттау және оған сертификат беру қағидаларына және (немесе) Пайдаланушыны авиациялық жұмыстарға жіберу қағидаларына сәйкес сертификаттық талаптарға және сертификаттау шарттарына сәйкестікті растайтын құжаттармен қоса белгіленген нысанда өтінім жібереді.
Пайдаланушы сертификатын немесе авиациялық жұмыстарды орындауға арналған куәлікті алу үшін өтініш беруші азаматтық авиация саласындағы уәкілетті органға оның сертификатталған әуе кемелері, даярланған персоналы, құжаттамасы, әуе кемелерін ұшуға пайдалануға, техникалық пайдалануға және ұшуды орындауды қамтамасыз етуге қажетті жабдықтары, ғимараттары, құрылысжайлар болуын, сондай-ақ Қазақстан Республикасының міндетті сақтандыру туралы заңдарына сәйкес міндетті сақтандыруды жүзеге асыратынын көрсетуге тиіс.»;
төртінші бөлік алып тасталсын;
2-тармақ мынадай редакцияда жазылсын:
«2. Пайдаланушының сертификатында және (немесе) авиациялық жұмыстарды орындауға арналған куәлікте белгіленген пайдалану талаптары мен шектеулерді пайдаланушының бұзуына тыйым салынады. Бір әуе кемесінің екі және одан да көп пайдаланушының сертификатында және (немесе) авиациялық жұмыстарды орындауға арналған куәлігінде болуына жол берілмейді.
Әуе кемелерін қолданыстағы пайдаланушының сертификатынсыз және (немесе) авиациялық жұмыстарды орындауға арналған куәліксіз пайдалануға тыйым салынады.»;
4-тармақта:
бірінші бөліктің бірінші абзацы мынадай редакцияда жазылсын:
«4. Азаматтық авиация саласындағы уәкілетті орган осы Заңның 16-3-бабының ережелеріне сәйкес, сондай-ақ:»;
үшінші бөлік мынадай редакцияда жазылсын:
«Егер әуе кемесін пайдаланушы анықталған сәйкессіздікті және (немесе) бұзушылықтарды белгіленген мерзімде жоймаса, уәкілетті орган пайдаланушының сертификатын және (немесе) авиациялық жұмыстарды орындауға арналған куәлікті қайтарып алады.»;
5-тармақ мынадай мазмұндағы бірінші бөлікпен толықтырылсын:
«5. Егер:
1) осы Заңның 16-бабы 7-тармағында көзделген сәйкессіздіктер анықталған;
2) өтініш берушіге қатысты қызметтердің осы түрлерін көрсетуге тыйым салатын сот шешімі болған жағдайларда пайдаланушының сертификатын және (немесе) авиациялық жұмыстарды орындауға арналған куәлікті беруден бас тарту жүргізіледі.»;
54) 61-бапта:
1 және 2-тармақтар мынадай редакцияда жазылсын:
«1. Сертификатталған ең жоғары ұшу массасы бес мың жеті жүз килограмм және одан кем болатын ұшақтарды, сертификатталған ең жоғары ұшу массасы үш мың бір жүз сексен килограмм және одан кем болатын тікұшақтарды, сондай-ақ ұшу аппараттары мен қосалқы құрылғыларды пайдаланатын жалпы мақсаттағы авиацияны пайдаланушыларды ұшуға жіберу үшін мынадай шарттарды сақтау:
1) әуе кемесінің, ұшу аппараты мен қосалқы құрылғының осы типін басқаруға рұқсаты бар пилоттың қолданыстағы куәлігінің болуы;
2) азаматтық әуе кемесін, ұшу аппаратын, қосалқы құрылғыны мемлекеттік тіркеу туралы куәліктің және азаматтық әуе кемесінің ұшуға жарамдылығының қолданыстағы сертификатының болуы;
3) Қазақстан Республикасының міндетті сақтандыру түрлері туралы заңдарының талаптарына сәйкес сақтандыруды қамтамасыз ету;
4) бақыланбайтын әуе кеңістігінде ұшу кезінде аэроклубтармен немесе әуе кемелерін пайдаланушыларды біріктіретін коммерциялық емес ұйымдармен авариялық хабар беруді қамтамасыз ету бойынша көрсетілетін қызметтер ұсынуға шарттар жасасу негіз болып табылады.
Ұшу қауіпсіздігін әуе кемесінің командирі (пилот) және жалпы мақсаттағы авиацияның пайдаланушысы болып табылатын әуе кемесінің иесі қамтамасыз етеді.
2. Сертификатталған ең жоғары ұшу массасы бес мың жеті жүз килограмнан асатын ұшақтарды және (немесе) бір немесе бірнеше турбореактивті қозғалтқыштармен жарақтандырылған ұшақтарды, сертификатталған ең жоғары ұшу массасы үш мың бір жүз сексен килограмнан асатын тікұшақтарды пайдаланатын жалпы мақсаттағы авиацияны пайдаланушыларға азаматтық авиация саласындағы уәкілетті орган Жалпы мақсаттағы авиацияны пайдаланушыларды ұшуға рұқсат беру қағидаларына сәйкес ұшуды орындау құқығына арналған куәлікті бергеннен кейін ұшуға рұқсат беріледі.»;
6-тармақта:
бірінші бөлікте:
3) тармақша мынадай редакцияда жазылсын:
«3) осы Заңның 16-3-бабында көзделген бұзушылықтар анықталған;»;
мынадай мазмұндағы 4) тармақшамен толықтырылсын:
«4) пайдаланушының жазбаша өтініші болған жағдайларда тоқтата тұрады.»;
екінші бөлік мынадай редакцияда жазылсын:
«Ұшуды орындау құқығына арналған куәліктің қолданысын тоқтата тұру және қалпына келтіру тәртібі Жалпы мақсаттағы авиацияны пайдаланушыларды ұшуға рұқсат беру қағидаларында айқындалады.»;
7-тармақ мынадай мазмұндағы бірінші бөлікпен толықтырылсын:
«7. Егер:
1) өтініш беруші Жалпы мақсаттағы авиацияны пайдаланушыларды ұшуға рұқсат беру қағидаларының талаптарына сәйкес келмеген;
2) өтініш берушіге қатысты мұндай ұшуларды орындауға тыйым салатын сот шешімі болған жағдайларда ұшуды орындау құқығына арналған куәлікті беруден бас тарту жүргізіледі.»;
55) 64-бапта:
1-тармақтың үшінші бөлігінде:
1) тармақша мынадай редакцияда жазылсын:
«1) әуежай, әуеайлақ (тікұшақ айлағы) аумағында ұшу қауіпсіздігі мен авиациялық қауіпсіздік талаптарының сақталуын, оның ішінде әуеайлақ (тікұшақ айлағы), әуежай аумағында қызметті жүзеге асыратын жеке және заңды тұлғалардың сақтауын қамтамасыз етеді және бақылайды;»;
2) тармақша мынадай редакцияда жазылсын:
«2) әуеайлақта және әуеайлақ маңындағы аумақта ұшу қауіпсіздігіне қатер төндіруі мүмкін қызметті бақылау жөніндегі комиссия құрады;»;
мынадай мазмұндағы 1-1-тармақпен толықтырылсын:
«1.1. Азаматтық авиация саласында пайдаланылатын әуеайлақта қызметті жүзеге асыратын барлық субъектілер Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасына сәйкес әуежай пайдаланушылары белгілеген нормаларды сақтауға міндетті.»;
3-тармақ мынадай редакцияда жазылсын:
«3. Халықаралық әуежайды пайдаланушы ұшу қауіпсіздігін басқару жөніндегі үлгілік нұсқаулыққа сәйкес орындалатын ұшудың көлемі және күрделілігіне байланысты әуежайларда ұшу қауіпсіздігін басқару жүйесін енгізуге тиіс.»;
56) 65-бап мынадай мазмұндағы 4-тармақпен толықтырылсын:
«4. Әуежай пайдаланушысы, әуежай қызметіндегі қызметтерді көрсететін азаматтық авиация ұйымдары азаматтық авиация саласындағы халықаралық ұйымдардың авиациялық қағидаларына сәйкес әуежай қызметіне кіретін көрсетілетін қызметтердің сапасын бақылау жөніндегі бағдарламаларды әзірлейді және бекітеді.»;
57) 70-бапта:
1-тармақ мынадай мазмұндағы бірінші бөлікпен толықтырылсын:
«1. Қазақстан Республикасының аумағынан (аумағында) халықаралық ұшуларды орындайтын барлық азаматтық әуе кемелері халықаралық ұшулар үшін ашық халықаралық әуежайда ұшуды және қонуды жүзеге асыруға тиіс.»;
2-тармақ алып тасталсын;
58) 71-бап мынадай редакцияда жазылсын:
«71-бап. Әуеайлақтар мен әуежайлардың немесе арнайы объектілердің құрылысы, қайта құрылуы, таратылуы немесе көшірілуі
1. Әуежайлардың, сыныпталған әуеайлақтардың (тікұшақ айлағының) құрылысы мен қайта құрылуының жоспарлары ұшу қауіпсіздігін, авиациялық және қоғамдық қауіпсіздікті, қоршаған ортаны қорғау, сондай-ақ әуежайға қызмет көрсету үшін көлік инфрақұрылымының (жолдар мен басқа да жер үстіндегі жол қатынастары, телекоммуникация) қажеттіліктерін қамтамасыз етуді көздеуі тиіс.
2. Әуеайлақтың құрылысы немесе қайта құрылуы кезінде әуеайлақтың құрылысы немесе қайта құрылуы толық аяқталғанға дейін, әуеайлақта ұшу қауіпсіздігінің балама деңгейін әуеайлақ пайдаланушысы қамтамасыз еткен жағдайда жекелеген технологиялық аяқталған объектілердің әуе кемелерін қабылдауға және шығаруға уақытша рұқсат беріледі. Уақытша рұқсатты әуеайлақ пайдаланушысы азаматтық авиация саласындағы уәкілетті органның келісімі бойынша жүзеге асырады.
3. Әуеайлақтар мен әуежайларды тарату немесе басқа жерге көшіру меншік иесiнiң шешiмi бойынша жүзеге асырылады.»;
59) 74-бапта:
1-тармақ мынадай редакцияда жазылсын:
«1. Жолаушыларды, багажды, жүктерді және почта жөнелтілімдерін әуемен тасымалдауды ақысын алып немесе жалдау бойынша (коммерциялық әуе тасымалдары) тұрақты және тұрақты емес рейстермен жүзеге асыру құқығына пайдаланушының қолданыстағы сертификаты бар авиакомпаниялар ие болады.»;
мынадай мазмұндағы 4-1-тармақпен толықтырылсын:
«4-1. Шетелдіктердің, азаматтығы жоқ адамдардың және (немесе) шетелдік заңды тұлғалардың акционерлік қоғам нысанындағы авиакомпанияның жарғылық капиталындағы қатысу үлесі қырық тоғыз пайыздан аспауға тиіс.»;
60) мынадай мазмұндағы 75-1-баппен толықтырылсын:
«75-1-бап. Формалдылықты оңайлату
1. Әуе тасымалдарына көмек көрсету және тездету, сондай-ақ әуе кемелерінің, экипаждардың, жолаушылар мен жүктің негізсіз кешіктірілуін болдырмау мақсатында азаматтық авиация саласындағы уәкілетті орган басқа құзыретті органдармен келісе отырып шекаралық, кедендік, санитариялық бақылаумен және басқа да бақылау түрлерімен байланысты формалдылықты оңайлатуға бағытталған бағдарламаны әзірлейді.
2. Әуе тасымалымен байланысты формалдылықты оңайлату жөніндегі шаралар авиациялық қауіпсіздікті сақтау жөніндегі шараларды және Қазақстан Республикасының заңнамасында көзделген мемлекеттік қадағалау шараларын жүзеге асыруға зиян келтіретіндей етіп жүзеге асырылмауға тиіс.»;
61) 76-баптың 5-тармағының төртінші бөлігі мынадай редакцияда жазылсын:
«Азаматтық әуе кемелерінде қауіпті жүктерді тасымалдау ерекшеліктері Қазақстан Республикасының заңнамасында, азаматтық авиация саласындағы уәкілетті орган бекіткен Азаматтық әуе кемелерінде қауіпті жүктерді әуеде тасымалдау қағидаларында, сондай-ақ Қазақстан Республикасының халықаралық шарттарында айқындалады.»;
62) 76-1-баптың екінші бөлігі мынадай редакцияда жазылсын:
«Авиакомпаниялар (дипломатиялық иммунитеті бар шет мемлекеттер мен халықаралық ұйымдардың өкілдіктерінен басқа) құқық қорғау, арнаулы мемлекеттік органдардың және Қазақстан Республикасы Қорғаныс министрлігінің өтінімдері бойынша азаматтық авиация саласындағы уәкілетті органның шешімі негізінде құқық қорғау және арнаулы мемлекеттік органдардың жеке құрамын оқиғалар, төтенше жағдайлар болған жерлерге тасымалдау және шұғыл медициналық жәрдемге мұқтаж азаматтарды емдеу мекемелеріне жеткізу бойынша қызметтер көрсетуге міндетті.»;
63) 79-бап мынадай мазмұндағы 2-2-тармақпен толықтырылсын:
«2-2. Авиакомпаниялардың тұрақты ішкі коммерциялық әуе тасымалдауларын орындауына рұқсат ету қағидаларында белгіленген біліктілік талаптарына сәйкессіздігі авиакомпанияның ішкі тұрақты коммерциялық әуе тасымалдауларын орындауына рұқсат етуден бас тарту үшін негіз болып табылады.
Авиакомпаниялардың тұрақты ішкі коммерциялық әуе тасымалдауларын орындауына рұқсат ету қағидаларында белгіленген біліктілік талаптарын авиакомпания сақтамаған кезде азаматтық авиация саласындағы уәкілетті орган бұрын берген рұқсатты үш айға дейін тоқтата тұрады. Тоқтата тұру үшін негіз болған бұзушылықтар осы тармақта белгіленген мерзімде жойылмаған жағдайда, бұрын берілген рұқсат кері қайтарып алынады.»;
64) 80-баптың 1-тармағы мынадай редакцияда жазылсын:
«1. Үкіметаралық келісімге сәйкес авиатасымалдаушылардың саны немесе рейстерді орындау жиілігі бойынша шектеу қойылған халықаралық авиамашруттарды, сондай-ақ Қазақстан Республикасының авиакомпаниялары арасында тұрақты әуе тасымалдарын жүзеге асыруға арналған субсидияланатын (облысішілікті қоспағанда) авиамаршруттарды бөлудi азаматтық авиация саласындағы уәкiлеттi орган конкурстық негізде жүргiзедi. Жолаушыларды, багажды, жүктерді және почта жөнелтілімдерін тасымалдау бойынша қызметтер көрсету үшін субсидияланатын облысішілік авиамаршруттарға конкурсты жергілікті атқарушы органдар жүзеге асырады. Конкурс жеңiмпаздарына авиамаршрутқа арналған куәлiктер берiледi.
Халықаралық авиамаршруттарға конкурс үкіметаралық келісімге сәйкес авиатасымалдаушылардың саны немесе рейстерді орындау жиілігі бойынша шектеу қойылған авиамаршруттарға:
1) жаңа авиамаршруттарға;
2) үкіметаралық келісімге енгізілген өзгерістерге сәйкес қолданыстағы халықаралық авиамаршрутта қосымша жиіліліктер бөлінген;
3) авиатасымалдаушы халықаралық авиамаршрутты пайдалануыдан бас тартқан кезде босатылған жиіліктер бөлінген жағдайларда жүргізіледі.
Конкурсқа Жолаушыларды, багажды, жүктерді және почта жөнелтiлімдерiн тасымалдау бойынша халықаралық авиамаршрутқа конкурс өткiзу және авиамаршруттарға куәлiктер беру қағидаларында, сондай-ақ Субсидияланатын авиамаршрутқа конкурс өткiзу және жолаушыларды, багажды, жүктер мен почта жөнелтiлiмдерiн тасымалдау бойынша авиамаршруттарға куәлiктер беру қағидаларында белгіленген бiлiктiлiк талаптарына сәйкес келетін авиакомпаниялар жіберіледі.»;
65) 81-баптың 2 және 3-тармақтары мынадай редакцияда жазылсын:
«2. Қазақстан Республикасына (Қазақстан Республикасынан) тұрақты жолаушылар рейстерін орындауды жоспарлайтын шетелдік тасымалдаушылар азаматтық авиация саласындағы уәкілетті органда аккредиттеуден өтуге міндетті.
3. Шетелдік әуе тасымалдаушы аккредиттеуді жүргізу үшін азаматтық авиация саласындағы уәкілетті орган бекіткен Қазақстан Республикасында шетелдік әуе тасымалдаушыларын аккредиттеу қағидаларына сәйкес тізбе бойынша, оның ішінде:
1) коммерциялық әуе тасымалдарын орындауға шетелдік әуе тасымалдаушыларын тіркеуші мемлекет тарапынан рұқсатты;
2) тиісті шетелдік мемлекеттің тағайындалған әуе тасымалдаушысының мәртебесін;
3) пайдаланушының авиациялық қауіпсіздік бағдарламасын;
4) Қазақстан Республикасының көлік туралы заңнамасында белгіленген тәртіппен ресімделген және (немесе) брондалған билеттер туралы мәліметтер беруді растайтын құжаттарды азаматтық авиация саласындағы уәкілетті органға табыс етуге міндетті.
Азаматтық авиация саласындағы уәкілетті орган аккредиттеу туралы құжаттарды олардың келіп түскен күнінен бастап отыз жұмыс күні ішінде қарауды жүзеге асырады.
Аккредиттеу нәтижелері бойынша азаматтық авиация саласындағы уәкілетті орган шетелдік әуе тасымалдаушысына Қазақстан Республикасында шетелдік әуе тасымалдаушыларын аккредиттеу қағидаларында белгіленген нысан бойынша аккредиттеу туралы куәлік береді не дәлелді бас тартады.
Аккредиттеу туралы куәлікті беруден бас тарту үшін:
1) Қазақстан Республикасында шетелдік әуе тасымалдаушыларын аккредиттеу қағидаларына сәйкес тізбе бойынша құжаттарды табыс етпеу не толық табыс етпеу;
2) азаматтық авиация саласындағы уәкілетті органға табыс етілген құжаттарда дұрыс емес мәліметтердің не қолданыс мерзімі өтіп кеткен мәліметтердің (құжаттардың) болуы негіз болып табылады.
Аккредиттеу тәртібі, егер Қазақстан Республикасының халықаралық шартында өзгеше белгіленбесе, Қазақстан Республикасында шетелдік әуе тасымалдаушыларын аккредиттеу қағидаларында айқындалады.»;
66) 82-бапта:
2-тармақ мынадай редакцияда жазылсын:
«2. Авиациялық жұмыстардың тізбесі және оларды орындауға қойылатын талаптар Азаматтық авиация саласындағы ұшуды жүргізу қағидаларында белгіленеді.»;
мынадай мазмұндағы 3-тармақпен толықтырылсын;
«3. Азаматтық авиация ұйымдарының қызметкерлері болып табылмайтын, бірақ авиациялық жұмыстарды орындау кезінде әрекет етуге тартылған адамдар авиация персоналына жатпайды.»;
67) 86-бап мынадай мазмұндағы 3-тармақпен толықтырылсын:
«3. Осы баптың 1 және 2-тармақтарында көзделген талаптарды бұзуға жол берген тасымалдаушылар Қазақстан Республикасының Әкімшілік құқық бұзушылық туралы кодексіне сәйкес жауапты болады.»;
68) 87-баптың бірінші бөлігі мынадай редакцияда жазылсын:
«Әуе кемелерінің, азаматтық авиацияның басқа да объектілері мен жабдықтарының меншік иелері (иелері) мен пайдаланушылары Қазақстан Республикасының сақтандыру туралы заңдарының талаптарына сәйкес өзінің азаматтық-құқықтық жауапкершілігін, оның ішінде жолаушылар мен авиация персоналы алдындағы, сондай-ақ жүк иесінің немесе жүкті жіберушінің алдында жауапкершілігін сақтандыруға міндетті.»;
69) 89-баптың алтыншы абзацындағы «әрекет ету жатады.» деген сөздер «әрекет ету;» деген сөздермен ауыстырылып, мынадай мазмұндағы жетінші абзацпен толықтырылсын:
«әуе кемесінің бортында темекі тарту жатады.»;
70) 92-бапта:
2-тармақта:
1) тармақша мынадай редакцияда жазылсын:
«1) дене жарақатын табиғи себептер нәтижесінде алған, өзін-өзі жарақаттаған не басқа адамдар жарақаттаған немесе әдетте жолаушылар мен экипаж мүшелерінің кіруіне болатын аймақтан тыс жерде жасырынып қалған билетсіз жолаушыларға дене жарақаты салынған жағдайларды қоспағанда, қандай да бір адамның осы әуе кемесінде болуы, осы әуе кемесінің бөлініп түскен бөлігін қоса алғанда, әуе кемесінің қандай да бір бөлігімен тікелей жанасуы, реактивтік қозғалтқыш газы сорғалауының тікелей әсері нәтижесінде дене жарақатын алып, соңынан қайтыс болған немесе күрделі дене жарақатын алған;»;
2) тармақшаның төртінші және бесінші абзацтары алып тасталып, 3) тармақша «жерде болған» деген сөздерден кейін «жағдайларын қоспағанда, әуе кемесі зақымданған немесе оның конструкциялары сынған, соның салдарынан әуе кемесі конструкциясының беріктігі бұзылатын, әуе кемесінің техникалық немесе ұшу сипаттамалары нашарлайтын, ірі жөндеу немесе зақымданған элементті ауыстыру қажет болатын» деген сөздермен толықтырылсын;
4-тармақ мынадай мазмұндағы екінші бөлікпен толықтырылсын:
«Азаматтық авиациядағы авиациялық инциденттер күрделі инцидент және белгілері Азаматтық және эксперименттік авиациядағы авиациялық оқиғалар мен инциденттерді тексеру қағидаларында айқындалатын инциденттерге бөлінеді.»;
71) 93-бапта
2-тармақта:
бірінші бөлік мынадай редакцияда жазылсын:
«2. Авиациялық оқиғаны немесе инцидентті тексеру мақсаты оқиға себептерін және (немесе) ілеспе факторларды белгілеу, болашақта авиациялық оқиғаларды және инциденттерді болдырмау және қауіпсіздікті қамтамасыз ету жөнінде ұсынымдар әзірлеу болып табылады.»;
үшінші бөлік мынадай редакцияда жазылсын:
«Азаматтық және эксперименттік авиацияда авиациялық оқиғаны немесе инцидентті тексеруді азаматтық авиация саласындағы уәкілетті орган құрған комиссия жүзеге асырады.»;
мынадай мазмұндағы төртінші және бесінші бөлікпен толықтырылсын:
«Тізбесі Азаматтық және эксперименттік авиация саласындағы авиациялық оқиғалар мен инциденттерді тексеру қағидаларында белгіленген инциденттердің жекелеген түрлерін ұшу қауіпсіздігін басқару жүйесінің шеңберінде пайдаланушылар (азаматтық авиация ұйымдары) дербес тексереді. Мұндай тексерулер азаматтық авиация саласындағы уәкілетті органның шешімі бойынша Азаматтық және эксперименттік авиация саласындағы авиациялық оқиғалар мен инциденттерді тексеру қағидаларында белгіленген тәртіппен және мерзімдерде жүргізіледі. Тексерудің аяқталуы бойынша түпкілікті есепті пайдаланушылар (азаматтық авиация ұйымдары) азаматтық авиация саласындағы уәкілетті органға береді.
Мемлекеттік авиацияда авиациялық оқиғаны немесе инцидентті тексеруді мемлекеттік авиация саласындағы уәкілетті орган құрған комиссия жүргізеді.»;
3-тармақта:
бірінші бөлік мынадай редакцияда жазылсын:
«3. Авиациялық оқиғаны немесе инцидентті тексеру жөнiндегi комиссияның өкiлеттiгi, сондай-ақ азаматтық және эксперименттік авиациядағы авиациялық оқиғаға немесе инцидентке тексеру жүргізу тәртібі азаматтық авиация саласындағы уәкiлеттi орган бекіткен Азаматтық және эксперименттік авиация саласындағы авиациялық оқиғалар мен инциденттерді тексеру қағидаларында айқындалады.»;
мынадай мазмұндағы екінші бөлікпен толықтырылсын:
«Авиациялық оқиғаны немесе инцидентті тексеру жөнiндегi комиссияның өкiлеттiгi, сондай-ақ мемлекеттік авиациядағы авиациялық оқиғаға немесе инцидентке тексеру жүргізу тәртібі мемлекеттік авиация саласындағы уәкiлеттi орган бекіткен Қазақстан Республикасындағы авиациялық оқиғалар мен инциденттерді тексеру қағидаларында айқындалады.»,
мынадай мазмұндағы төртінші бөлікпен толықтырылсын;
«Авиациялық оқиғаларды және инцидентті тексеру жөніндегі комиссия тексеру жүргізу кезінде объективтілік және турашылдық принциптерін басшылыққа алуға тиіс. Тәуелсіз тексеру жүргізу мақсатында авиациялық оқиғаларды және инцидентті тексеру жөніндегі комиссия мүдделер қайшылығын жою арқылы қалыптастырылады.»;
5 және 6-тармақтар мынадай редакцияда жазылсын:
«5. Егер Қазақстан Республикасының азаматтық әуе кемесі мемлекеттік тізілімінде тіркелген азаматтық авиация әуе кемесімен не пайдаланушысы Қазақстан Республикасының жеке немесе заңды тұлғасы болып табылатын әуе кемесі басқа мемлекеттің аумағында авиациялық оқиғаға немесе инцидентке душар болған жағдайда азаматтық авиация саласындағы уәкілетті орган Халықаралық азаматтық авиация ұйымының (ИКАО) стандарттары мен ұсынатын тәжірибесіне және Азаматтық және эксперименттік авиация саласындағы авиациялық оқиғалар мен инциденттерді тексеру қағидаларына сәйкес өз әрекеттерін жүзеге асырады.
6. Тексеру процесінде авиациялық оқиға туралы ақпарат тек нақты деректермен шектеледі. «Ақпаратқа қол жеткізу туралы» Қазақстан Республикасының Заңында белгіленген жағдайларды қоспағанда, мыналар:
1) тексеру процесінде алынған жеке немесе заңды тұлғалардың, мемлекеттік органдардың мәліметтері;
2) әуе кемесін пайдалануға қатысы бар адамдар арасындағы хат алмасулар туралы мәліметтер;
3) авиациялық оқиғаға немесе инцидентке қатысушы адамдарға қатысты медициналық және (немесе) биометриялық, және (немесе) жеке деректер;
4) борттағы өздігінен жазатын құрал жазбаларын және ондай жазбалардың түсіндірілетін мағынасы;
5) әуе қозғалысына қызмет көрсету (әуе қозғалысын басқару) органдарының жазбалары және жазбалардың түсіндірілетін мағынасы;
6) экипаж кабинасындағы және оның кез келген бөлігіндегі көрінетін жағдайды жазатын құралдардың жазбалары немесе ондай жазбалардың түсіндірілетін мағынасы;
7) борттағы өздігінен жазатын құралдар жазбаларын қоса алғанда, тексеруге қатысты ақпаратты талдау кезіндегі комиссия мүшелерінің не тартылған сарапшылардың не әуе кемесі тіркелген шетелдік мемлекеттің уәкілетті өкілдерінің (пайдаланушы, әзірлеуші немесе дайындаушы) пікірлері (нұсқалар, өтініштер) қамтылған ақпарат жариялауға жатпайды.
Осы тармақта көрсетілген ақпарат түпкілікті есепке енгізіледі немесе ол авиациялық оқиғаның немесе инциденттің талдауына қатысы болған жағдайда есепке толықтырылып қосылады. Осындай талдауға қатысы жоқ жазбалар бөліктері жария етілмейді.»;
мынадай мазмұндағы 7 және 8-тармақтармен толықтырылсын:
«7. Жеке және заңды тұлғалар, мемлекеттік органдар тексеру жөніндегі комиссияның сауал салуы бойынша жүргізілетін тексеруге қатысты ақпаратты және (немесе) құжаттаманы табыс етуге міндетті.
8. Авиация саласындағы уәкілетті органдар жүргізетін авиациялық оқиғалар мен инциденттерді тексеру Қазақстан Республикасының құқық қорғау, арнаулы және өзге де мемлекеттік органдары жүргізетін тексерулерден тәуелсіз болып табылады.»;
72) мынадай мазмұндағы 93-1-баппен толықтырылсын:
«93-1-бап. Тексеру жөніндегі уәкіл
1. Тексеру жөніндегі уәкіл бастапқы дайындықтан өткен жәнеавиациялық оқиғаны немесе инцидентті тексеру жөніндегі комиссия құрамында азаматтық авиация саласындағы авиациялық оқиғаларға және инциденттерке тексеруді ұйымдастыру және жүргізу тапсырылған азаматтық авиация саласындағы уәкілетті органның лауазымды адамы болып табылады.
Тексерулерді ұйымдастыру кезінде тексеру жөніндегі уәкілдің қызметіне, Қазақстан Республикасының заңдарында тікелей көзделгеннен басқа жағдайларда, жеке және (немесе) заңды тұлғалар, басқа да мемлекеттік органдар тарапынан араласуға жол берілмейді.
2. Тексеру жөніндегі уәкіл оқиға болған жерде және тексеру процесінде авиациялық оқиға мен инцидентті және оған байланысты барлық аспектілерді тексеруді жоспарлайды, жүргізеді және үйлестіреді.
Тексеру жөніндегі уәкіл, Қазақстан Республикасының заңнамасына сәйкес, авиациялық оқиғалар мен инциденттерді тексеру процесіне жауапты болады.
3. Тексеру жөніндегі уәкілдің өз міндеттерін орындау кезінде:
1) тексеру жүргізуде тәуелсіздік пен объективтілікті қамтамасыз ету үшін, сондай-ақ тексеруге қатысты дәлелдемелердің жоғалуын немесе өзгертілуін болдырмау мақсатында басқа мемлекеттік органдар өкілдерімен өзара іс-қимыл жоспарын құруға;
2) авиация оқиғасы болған жерге және әуе кемесін пайдалануға, қызмет көрсетуге және ұшуды қамтамасыз етуге тартылған авиация персоналына байланысты барлық құжаттамаларға кедергісіз қол жеткізуіге, авиациялық оқиға мен инциденттің туындауына себепші болып табылатын немесе ықпал етуі, әсер етуі мүмкін оқиға орындарын, объектілер мен сынықтарды, қосалқы бөлшектерді және кез келген басқа объектілерді қарап тексеру және одан әрі тексеру жүргізуге;
3) борттағы өздігінен жазатын құралдарды немесе әуе кемесінің бортындағы ақпарат жеткізгіш басқа да құрылғыларды іздеу, қалпына келтіру, шығарып алу, олардың деректерін оқу кезінде, сондай-ақ әуе қозғалысына қызмет көрсету органдарының жазбаларын және алынған деректердің сақталуына толық бақылауды үйлестіруді жүзеге асыруға құқығы бар. Борттағы өздігінен жазатын құрал жазбаларын шығарып алу және оқу Қазақстан Республикасындағы тиісті құралдарды пайдалана отырып немесе басқа мемлекеттердің авиациялық оқиғаларды немесе инциденттерді тексеру жөніндегі құзыретті органдарының құралдарын пайдалана отырып қандай да бір кідіріссіз жүргізілуге тиіс;
4) көзімен көргендерден, авиация персоналынан және авиациялық оқиғаға және инцидентке қатысы бар басқа да адамдардан сұрауға, авиациялық оқиғаның немесе инциденттің себептерін және (немесе) ілеспе факторларды анықтау үшін қажетті зерттеулер мен сынақтар жүргізуді тағайындауға;
5) сарапшыларды жұмысқа тартуға, олардан авиациялық оқиғаны және инцидентті тексеруге қатысты есепті сұратуға;
6) пайдаланушының келісімімен ұшу кезінде азаматтық әуе кемесінің бортында, әуе кемесінің кабинасында және салонында отыру құқығымен болуына құқығы бар.
4. Тексеру жөніндегі уәкіл азаматтық және эксперименттік авиацияның авиациялық оқиғалары мен инциденттеріне тексеруді жүзеге асыру кезінде:
1) Қазақстан Республикасының заңнамасын сақтауға;
2) азаматтық авиацияның авиациялық оқиғалары мен инциденттерін тексеру бойынша Қазақстан Республикасының заңдарына сәйкес берілген өкілеттіктерді уақтылы және толық орындауға;
3) азаматтық авиацияның авиациялық оқиғалары мен инциденттеріне тексеруді ұйымдастыру мен жүргізуді осы Заңға, Азаматтық және эксперименттік авиация саласындағы авиациялық оқиғалар мен инциденттерді тексеру қағидаларына және Халықаралық азаматтық авиация ұйымының (ИКАО) стандарттарына сәйкес жүзеге асыруға;
4) Азаматтық және эксперименттік авиация саласындағы авиациялық оқиғалар мен инциденттерді тексеру қағидаларында белгіленген нысан бойынша азаматтық авиацияның авиациялық оқиғалары мен инциденттерін тексеру бойынша жұмыстарды ұйымдастыруға және жүргізуге өкілеттілігін көрсететін куәлігінің болуы;
5) авиациялық оқиға немесе инцидент болған жерге барынша қысқа уақытта жетуге міндетті.
5. Тексеру жөніндегі уәкіл болып табылатын мемлекеттік қызметшілер мемлекеттік бюджет есебінен ұсталатын Қазақстан Республикасы органдары қызметкерлерінің еңбегіне ақы төлеудің бірыңғай жүйесі негізінде белгіленетін ақшалай ризықпен қамтамасыз етіледі.
Ақшалай ризық ақшалай үлесті (лауазымдық айлықақы), ерекше еңбек жағдайлары үшін үстемеақыларды және Қазақстан Республикасының заңнамасында белгіленетін басқа да үстемеақылар мен сыйлықақыларды қамтиды.»;
73) 95-бап мынадай редакцияда жазылсын:
«95-бап. Заттай дәлелдемелерді сақтау
Осы Заңның 101-бабында көзделген жағдайларды қоспағанда, жеке және заңды тұлғалар әуе кемесін, оның құрамдас бөліктерiн, бортындағы және жер үстiндегi объективтік бақылау құралдарын, әуе кемесiндегi барлық заттарды, сондай-ақ авиациялық оқиға немесе инцидент әсерін тигізген аумақ пен ондағы заттарды, әуе кемесін жасауға, жөндеуге және пайдалануға және оның ұшуын қамтамасыз етуге қатысты бүкiл құжаттаманы авиациялық оқиғаны тексеру жөнiндегi комиссияның мүшелерi немесе тексеру жөніндегі уәкіл, сондай-ақ әуе кемесін тіркеуші (пайдаланушының, әзірлеушінің немесе дайындаушының) шет мемлекет тексеруге қатысуға өтініш білдірсе, онда осы мемлекеттің уәкілетті өкілі келгенге дейін ешкімге қол сұқтырмай сақтауға тиіс.
Айғақ заттарды сақтау алынуы, бұзылуы, жоғалуы немесе жойылуы мүмкін кез келген айғақ заттарды суретке түсіру арқылы немесе басқа да тиісті тәсілдермен сақтауды қамтиды. Қорғау одан әрі зақымданудан, бөтен адамдардың кіруінен, ұрлықтан және бұзылудан алдын ала қорғауды қамтиды.»;
74) 98-баптың 3-тармағы алып тасталсын;
75) 99-баптың 1-тармағы мынадай редакцияда жазылсын:
«1. Апатқа ұшырау жағдайындағы немесе апатқа ұшыраған әуе кемесінің экипажы Қазақстан Республикасының аумағында ұшуды іздестіру-құтқарумен қамтамасыз етуді ұйымдастыру қағидаларына сәйкес шаралар қабылдауға және адамдардың өмiрi мен денсаулығын сақтауға және мүлiктi, оның ішінде әуе кемесін сақтауға мүмкін болатын өзге де шараларды қолдануға міндетті.»;
76) 100-баптың 1-тармағы мынадай редакцияда жазылсын:
«1. Әуе қозғалысына қызмет көрсету, әуе қозғалысын басқару органдары, аэроклубтар апатқа ұшырау жағдайындағы немесе апатқа ұшыраған әуе кемесі туралы ақпаратты, сондай-ақ қауiптi жағдайға ұшыраған адамдар туралы кез келген өзге де ақпаратты алған кезде Қазақстан Республикасының аумағында ұшуды іздестіру-құтқарумен қамтамасыз етуді ұйымдастыру қағидаларында айқындалатын тәртіппен қажетті көмек көрсету жөнінде мүмкін болатын барлық шараларды қолдануға және іздестіру-құтқару операцияларын жүргізу жоспарына сәйкес іздестіру-құтқару командаларына, мемлекеттік органдардың авариялық-құтқару қызметтеріне, әуе кемелерін пайдаланушыларға дереу хабарлауға, сондай-ақ өз құзыреті шегінде авариялық оқиғаға немесе инцидентке тексеру жүргізуді ұйымдастыру үшін азаматтық және мемлекеттік авиация салаларындағы уәкілетті органдарды хабардар етуге міндетті.»;
77) 105-бапта:
1-тармақ мынадай редакцияда жазылсын:
«1. Әуеайлақтарды (тікұшақ айлақтарын) пайдаланушылар, әуе кемелерін пайдаланушылар Қазақстан Республикасы азаматтық авиациясының авиациялық қауіпсіздік бағдарламасына сәйкес азаматтық авиацияны оның қызметіне заңсыз араласу актілерінен қорғау жөнінде шаралар қолдануға мiндеттi.»;
мынадай мазмұндағы 1-2-тармақпен толықтырылсын:
«1-2. Азаматтық авиация ұйымы қолданыстағы Қазақстан Республикасының заңнамасына сәйкес авиациялық қауіпсіздік бағдарламасын әзірлейді және қабылдайды, онда Қазақстан Республикасы азаматтық авиациясының авиациялық қауіпсіздік бағдарламасына сәйкес әзірленген заңсыз араласу актілерінің алдын алу және қарсы тұру шаралары мен рәсімдері көзделеді.»;
2-тармақта:
1) тармақша мынадай редакцияда жазылсын:
«1) әуежайдың бақыланатын аймағына және әуе кемесінің бортына бөгде адамдар мен көлiк құралдарының кiруiне жол бермеу;»;
мынадай мазмұндағы 6-1) және 6-2) тармақшалармен толықтырылсын:
«6-1) әуе кемесінің бортына, әуежайға немесе аэронавигациялық құрал немесе басқа да объектілердің орналасқан жерге заңсыз енудің алдын алу;
6-2) аэровокзалдар мен іргелес аумақтардағы жалпы рұқсат етілген аймақтардың қауіпсіздігінің қажетті шараларымен;»;
мынадай мазмұндағы 3-1-тармақпен толықтырылсын:
«3-1. Ұшып келуі, ұшып кетуі кезінде әуе кемесінің бортына бөгде адамның заңсыз кіруіне тыйым салынады.»;
мынадай мазмұндағы 4-1-тармақпен толықтырылсын:
«4-1. Азаматтық авиация саласындағы уәкілетті орган жыл сайын Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасы және авиация қауіпсіздігін қамтамасыз ету жөніндегі басқа да нормативтік құқықтық актілердің талаптарын сақтау деп азаматтық авиация ұйымдарында тексерулер, сынақтар мен шолулар жүргізуге бағытталған азаматтық авиация саласындағы уәкілетті орган жүргізетін іс-шаралар кешені ретінде ұғынылатын авиация қауіпсіздігі желісі бойынша тұрақты қадағалауды қамтамасыз ету жөніндегі бағдарламаны қабылдайды.»;
5-тармақта:
1) тармақша мынадай редакцияда жазылсын:
«1) Қазақстан Республикасының әуеайлақтарын (тікұшақ айлақтарын) пайдаланушылар мен азаматтық әуе кемелерін пайдаланушыларды және Қазақстан Республикасының әуежайларына тұрақты рейстер жасайтын шет мемлекеттердің азаматтық әуе кемелерін пайдаланушыларды жылына бір реттен жиі емес кезеңділікпен ішінара тексерулер және жоспардан тыс тексерулер;»;
мынадай мазмұндағы 7) және 8) тармақшалармен толықтырылсын:
«7) авиациялық қауіпсіздік жүйесіне сынақ жүргізу;
8) авиациялық қауіпсіздік жағдайына шолулар жүргізу»;
7-тармақ мынадай редакцияда жазылсын:
«7. Ішінара тексерулер қатерлерді бағалауды және әуежай арқылы немесе азаматтық әуе кемелерін пайдаланушылар жүзеге асырған тасымалдар көлемін, сондай-ақ авиациялық қауіпсіздік саласында бұрын анықталған бұзушылықтарды ескере отырып жүргізіледі.»;
9-тармақ мынадай редакцияда жазылсын:
«9. Әуежайлардың, әуеайлақтардың (тікұшақ айлақтарының) және азаматтық әуе кемелерінің пайдаланушылары онда ішкі аудиттер, тексерулер, зерттеулер, сенімділік тексерулер қамтылатын авиациялық қауіпсіздікті қамтамасыз етудің сапасын бақылау жөніндегі ішкі шараларды жүзеге асырады. Шараларды іске асыруды Авиациялық қауіпсіздіктің сақталуы сапасына бақылау жүргізу қағидаларына сәйкес әзірленген авиациялық қауіпсіздік бойынша ішкі тексеру бағдарламасының негізінде сапа бақылауының ішкі аудиторы (маманы) жүзеге асырады.»;
мынадай мазмұндағы 10-тармақпен толықтырылсын:
«10. Авиациялық қауіпсіздік жүйесіне сынақ және авиациялық қауіпсіздік жағдайына шолулар жүргізуді Авиациялық қауіпсіздіктің сақталуы сапасына бақылау жүргізу қағидаларына сәйкес азаматтық авиация саласындағы уәкілетті орган жүргізеді.»;
78) 106-бапта:
1-тармақтың бірінші бөлігі мынадай редакцияда жазылсын:
«1. Әрбір әуежайдың және тұрақты әуе тасымалдарын орындайтын авиакомпанияның, сондай-ақ аэронавигациялық қызмет көрсетуді жеткізушілердің өз құрылымында тиісті қажетті техникалық құралдар және азаматтық авиацияны заңсыз араласу актілерінен қорғауды қамтамасыз ететін кадр құрамы жинақталған авиациялық қауіпсіздік қызметі болуға тиіс.»;
2-тармақтың бірінші бөлігі мынадай редакцияда жазылсын:
«2. Әуежайдың, тұрақты әуе тасымалдарын орындайтын авиакомпанияның тиісінше бірінші басшысына тікелей бағынатын, оның орынбасары болып табылатын, ұлттық қауіпсіздік органдарының келісімі бойынша тағайындалатын және Авиациялық қауіпсіздік бойынша даярлау және қайта даярлау бағдарламасына сәйкес тиісті оқудан өткен және жұмысқа жіберілетін Қазақстан Республикасының азаматы ғана әуежайдың, тұрақты әуе тасымалдарын орындайтын авиакомпанияның авиациялық қауіпсіздік қызметінің басшысы бола алады»;
3-тармақта:
1) және 2) тармақшалар мынадай редакцияда жазылсын:
«1) әуежайды пайдаланушы болып табылатын ұйымның бірінші басшысына және оның орынбасары - әуежайдың авиациялық қауіпсіздік қызметінің басшысына;
2) тұрақты әуе тасымалдарын орындайтын авиакомпанияның бірінші басшысына және оның орынбасары - авиациялық қауіпсіздік қызметінің басшысына;»;
мынадай мазмұндағы 5) тармақшамен толықтырылсын:
«5) аэронавигациялық қызмет көрсетуді жеткізушінің бірінші басшысына және авиациялық қауіпсіздік қызметінің басшысына.»;
79) 107-бапта:
2-тармақтың бірінші бөлігі мынадай редакцияда жазылсын:
«2. Жолаушыларды, багажды, қол жүгін, оның ішінде жолаушылардың өздерінде болатын заттарды, экипаж мүшелерін, азаматтық авиацияның авиация персоналы қатарындағы адамдарды, әуе кемесі бортындағы қосалқы заттар мен тағамды, жүктер мен почта жөнелтілімдерін және әуежайдың бақыланатын аймағына келетін барлық адамдарды алдын ала қарап тексеруді Авиациялық қауіпсіздік бойынша даярлау және қайта даярлау бағдарламасына сәйкес азаматтық авиация саласындағы уәкілетті органда рұқсат алған және бағдарламалар бойынша тиісті оқудан өткен авиациялық қауіпсіздік қызметінің қарап тексеру инспекторы жүргізеді.»;
8-тармақ мынадай редакцияда жазылсын:
«8. Қазақстан Республикасының Үкiметi бекіткен арнайы тізбедегі лауазымды адамдарды қоспағанда, әуе кемесімен тасымалданатын әрбір адамға және оның багажына қатысты тексеріп-қарау жүргізіледі.»;
мынадай мазмұндағы 10-тармақпен толықтырылсын:
«10. Жолаушыларды және аэровокзалға келетін адамдарды, олардың алып жүретін заттарына, оның ішінде қол жүгі мен багажына қарап тексеруді Қазақстан Республикасы азаматтық авиациясының авиациялық қауіпсіздік бағдарламасына сәйкес әуежайдың авиациялық қауіпсіздік қызметі жүзеге асырады.»;
80) 108-баптың екінші бөлігі мынадай редакцияда жазылсын:
«Ұшу құрамының, кабина экипажының адамдарына, ұшуды техникалық қамтамасыз ететін инженерлік-техникалық құрамға және ұшу кезінде әуе кемесінің қауіпсіздігін қамтамасыз ететін персоналға экипаж мүшесінің куәлігін беру ұлттық қауіпсіздік органдарымен келісілгеннен кейін азаматтық авиация саласындағы уәкілетті орган бекіткен Ұшу құрамының, кабина экипажының адамдарына, ұшуды техникалық қамтамасыз ететін инженерлік-техникалық құрамға және ұшу кезінде әуе кемесінің қауіпсіздігін қамтамасыз ететін персоналға экипаж мүшесінің куәлігін беру қағидаларына сәйкес жүзеге асырылады.».
6. «Мемлекеттік мүлік туралы» 2011 жылғы 1 наурыздағы Қазақстан Республикасының Заңына (Қазақстан Республикасы Парламентінің Жаршысы, 2011 ж., № 5, 42-құжат; № 15, 118-құжат; № 16, 129-құжат; № 17, 136-құжат; № 24, 196-құжат; 2012 ж., № 2, 11, 16-құжаттар; № 4, 30, 32-құжаттар; № 5, 41-құжат; № 6, 43-құжат; № 8, 64-құжат; № 13, 91-құжат; № 14, 95-құжат; № 21-22, 124-құжат; 2013 ж., № 2, 13-құжат; № 8, 50-құжат; № 9, 51-құжат; № 15, 82-құжат; № 16, 83-құжат; 2014 ж., № 1, 9-құжат; № 2, 10, 12-құжаттар; № 4-5, 24-құжат; № 7, 37-құжат; № 12, 82-құжат; № 19-I, 19-II, 94, 96-құжаттар; № 22, 131-құжат; № 23, 143-құжат; 2015 ж., № 8, 42-құжат; № 11, 57-құжат; № 14, 72-құжат; № 19-I, 99-құжат; № 19-II, 103, 105-құжаттар; № 20-IV, 113-құжат; № 20-VII, 117-құжат; № 21-I, 124-құжат; № 21-II, 130-құжат; № 21-III, 135-құжат; № 22-II, 145, 148-құжаттар; № 22-VI, 159-құжат; № 23-II, 170, 172-құжаттар; 2016 г., № 7-I, 47-құжат; № 7-II, 56-құжат; 2016 жылғы 20 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне лотереялар және лотерея қызметі мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы):
134-баптың 2-тармағының 13) тармақшасы мынадай редакцияда жазылсын:
«13) Қазақстан Республикасының әуе кеңістігін пайдаланушыларға аэронавигациялық қызмет көрсетуді ұсыну;».
7. «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңына (Қазақстан Республикасы Парламентінің Жаршысы, 2014 ж., № 9, 51-құжат; № 19-I, 19-II, 96-құжат; № 23, 143-құжат; 2015 ж., № 2, 3-құжат; № 8, 45-құжат; № 9, 46-құжат; № 11, 57-құжат; № 16, 79-құжат; № 19-II, 103-құжат; № 20-IV, 113-құжат; № 21-I, 128-құжат; № 21-III, 135-құжат; № 22-II, 144, 145-құжаттар; № 22-V, 156, 158-құжаттар; № 22-VI, 159-құжат; № 23-I, 169-құжат; 2016 ж., № 1, 2, 4-құжаттар; № 6, 45-құжат; № 7-I, 50-құжат; 7-II, 53-құжат; 2016 жылғы 20 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне лотереялар және лотерея қызметі мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы; 2016 жылғы 22 сәуірде «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне астық нарығын реттеу мәселелері бойынша өзгерістер мен толықтырулар енгізу туралы» 2016 жылғы 9 сәуірдегі Қазақстан Республикасының Заңы):
көрсетілген Заңға 2-қосымшада:
41-жол алып тасталсын.
2-бап. Осы Заң 2017 жылғы 1 қаңтардан бастап қолданысқа енгізіледі.

Қазақстан Республикасының
Президенті