"Қазақстан Республикасының кейбір заңнамалық актілеріне жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы туралы

Қазақстан Республикасы Үкіметінің 2016 жылғы 31 тамыздағы № 491 қаулысы

Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының
Премьер-Министрі К. Мәсімов

Жоба

ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне
жергілікті өзін-өзі басқаруды дамыту мәселелері бойынша
өзгерістер мен толықтырулар енгізу туралы

1-бап. Қазақстан Республикасының мынадай заңнамалық актілеріне өзгерістер мен толықтырулар енгізілсін:
1. 1994 жылғы 27 желтоқсандағы Қазақстан Республикасының Азаматтық кодексіне (Қазақстан Республикасы Жоғарғы Кеңесінің Жаршысы, 1994 ж., № 23-24 (қосымша); 1995 ж., № 15-16, 109-құжат; № 20, 121-құжат; Қазақстан Республикасы Парламентінің Жаршысы, 1996 ж., № 2, 187-құжат; № 14, 274-құжат; № 19, 370-құжат; 1997 ж., № 1-2, 8-құжат; № 5, 55-құжат; № 12, 183, 184-құжаттар; № 13-14, 195, 205-құжаттар; 1998 ж., № 2-3, 23-құжат; № 5-6, 50-құжат; № 11-12, 178-құжат; № 17- 18, 224, 225-құжаттар; № 23, 429-құжат; 1999 ж., № 20, 727, 731-құжаттар; № 23, 916-құжат; 2000 ж., № 18, 336-құжат; № 22, 408-құжат; 2001 ж., № 1, 7-құжат; № 8, 52-құжат; № 17-18, 240-құжат; № 24, 338-құжат; 2002 ж., № 2, 17-құжат; № 10, 102-құжат; 2003 ж., № 1-2, 3-құжат; № 11, 56, 57, 66-құжаттар; № 15, 139-құжат; № 19-20, 146-құжат; 2004 ж., № 6, 42-құжат; № 10, 56-құжат; № 16, 91-құжат; № 23, 142-құжат; 2005 ж., № 10, 31-құжат; № 14, 58-құжат; № 23, 104-құжат; 2006 ж., № 1, 4-құжат; № 3, 22-құжат; № 4, 24-құжат; № 8, 45-құжат; № 10, 52-құжат; № 11, 55-құжат; № 13, 85-құжат; 2007 ж., № 2, 18-құжат; № 3, 20, 21-құжаттар; № 4, 28-құжат; № 16, 131-құжат; № 18, 143-құжат; № 20, 153-құжат; 2008 ж., № 12, 52-құжат; № 13-14, 58-құжат; № 21, 97-құжат; № 23, 114, 115-құжаттар; 2009 ж., № 2-3, 7, 16, 18-құжаттар; № 8, 44-құжат; № 17, 81-құжат; № 19, 88-құжат; № 24, 125, 134-құжаттар; 2010 ж., № 1-2, 2-құжат; № 7, 28-құжат; № 15, 71-құжат; № 17-18, 112-құжат; 2011 ж., № 2, 21, 28-құжаттар; № 3, 32-құжат; № 4, 37-құжат; № 5, 43-құжат; № 6, 50-құжат; № 16, 129-құжат; № 24, 196-құжат; 2012 ж., № 1, 5-құжат; № 2, 13, 15-құжаттар; № 6, 43-құжат; № 8, 64-құжат; № 10, 77-құжат; № 11, 80-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 7, 36-құжат; № 10-11, 56-құжат; № 14, 72-құжат; № 15, 76-құжат; 2014 ж., № 4-5, 24-құжат; № 10, 52-құжат; № 11, 61, 63-құжаттар; № 14, 84-құжат; № 21, 122-құжат; № 23, 143-құжат; 2015 ж., № 7, 34-құжат; № 8, 42, 45-құжаттар; № 13, 68-құжат; № 15, 78-құжат; № 16, 79-құжат; № 20-I, 110-құжат; № 20-IV, 113-құжат; № 20-VII, 115-құжат; № 21-I, 128-құжат; № 22-I, 140, 143-құжаттар; № 22-V, 156-құжат; № 22-VI, 159-құжат; 2016 ж., № 7-II, 55-құжат; № 8-II, 70-құжат; 10.08.2016 ж., № 152 (28880):
1) 105-баптың 2-тармағы мынадай редакцияда жазылсын:
«2. Қазақстан Республикасының Конституциясына және Қазақстан Республикасының заңнамалық актілеріне немесе Қазақстан Республикасы Президентiнiң, Қазақстан Республикасы Үкiметiнiң және облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, аудандық маңызы бар қалалар, ауылдар, кенттер, ауылдық округтер әкімдіктері аппараттарының құқықтық актiлерiне сәйкес мемлекет құратын және, егер Қазақстан Республикасының заңнамалық актілерінде қосымша қаржыландыру көздерi белгiленбесе, тек қана бюджет немесе Қазақстан Республикасы Ұлттық Банкiнің бюджетi (шығыстар сметасы) есебiнен ұсталатын мекеме мемлекеттiк мекеме деп танылады.»;
2) 112-баптың 2-тармағының бірінші бөлігі мынадай редакцияда жазылсын:
«2. Жергiлiктi өкiлдi және атқарушы органдар, сондай-ақ аудандық маңызы бар қалалар, ауылдар, кенттер, ауылдық округтер әкімдіктерінің аппараттары заңнамалық актілерде, ережелерде немесе осы органдардың мәртебесiн айқындайтын өзге де актілерде белгiленетiн құзыретi шегiнде өз әрекеттерi арқылы әкiмшiлiк-аумақтық бөлiнiстiң атынан мүлiктiк және жеке мүлiктiк емес құқықтар мен мiндеттердi алып, оларды жүзеге асырады, сотта өкiлдiк ете алады.»;
3) 192-баптың 3-1-тармағы мынадай редакцияда жазылсын:
«3-1. Коммуналдық меншiк жергiлiктi мемлекеттiк басқару және өзін-өзі басқару деңгейлерi бойынша бөлiнедi:
1) облыстық (республикалық маңызы бар қаланың, астананың);
2) аудандық (облыстық маңызы бар қаланың) меншік;
3) аудандық маңызы бар қаланың, ауылдың, кенттің, ауылдық округтің меншігі (жергілікті өзін-өзі басқару коммуналдық меншігі) болып бөлінеді.»;
4) 202-бап мынадай мазмұндағы 3-тармақпен толықтырылсын:
«3. Мемлекеттік мекемелердің – аудандық маңызы бар қалалардың, ауыл, кент, ауылдық округ әкімдері аппараттарының (жергілікті өзін-өзі басқару коммуналдық меншігі) жедел басқару құқығын іске асыруы ерекшеліктері Қазақстан Республикасының мемлекеттік мүлік туралы және Қазақстан Республикасындағы жергiлiктi мемлекеттiк басқару және өзiн-өзi басқару туралы заңнамалық актісімен айқындалады.».
2. 2008 жылғы 4 желтоқсандағы Қазақстан Республикасының Бюджет кодексіне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат; № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат; № 11, 102-құжат; № 13, 115-құжат; № 15, 125-құжат; № 16, 129-құжат; № 20, 151-құжат; № 24, 196-құжат; 2012 ж., № 1, 5-құжат; № 2, 16-құжат; № 3, 21-құжат; № 4, 30, 32-құжаттар; № 5, 36, 41-құжаттар; № 8, 64-құжат; № 13, 91-құжат; № 14, 94-құжат; № 18-19, 119-құжат; № 23-24, 125-құжат; 2013 ж., № 2, 13-құжат; № 5-6, 30-құжат; № 8, 50-құжат; № 9, 51-құжат; № 10-11, 56-құжат; № 13, 63-құжат; № 14, 72-құжат; № 15, 81, 82-құжаттар; № 16, 83-құжат; № 20, 113-құжат; № 21-22, 114-құжат; 2014 ж., № 1, 6-құжат; № 2, 10, 12-құжаттар; № 4-5, 24-құжат; № 7, 37-құжат; № 8, 44-құжат; № 11, 63, 69-құжаттар; № 12, 82-құжат; № 14, 84, 86-құжаттар; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; 2015 ж., № 2, 3-құжат; № 11, 57-құжат; № 14, 72-құжат; № 15, 78-құжат; № 19, 100, 106-құжаттар; № 20, 113, 117-құжаттар; № 21, 121, 124, 130, 132-құжаттар; № 22, 140, 143, 144-құжаттар; № 22-V, 156-құжат; № 22-VI, 159-құжат; № 23-II, 172-құжат; 2016 ж., № 8-I, 62-құжат):
1) мазмұнында:
9-баптың тақырыбы мынадай редакцияда жазылсын:
«9-бап. Аудандық (облыстық маңызы бар қаланың) бюджет»;
мынадай мазмұндағы 9-1-баптың тақырыбымен толықтырылсын:
«9-1-бап. Аудандық маңызы бар қала, ауыл, кент, ауылдық округ бюджеттері»;
8-тараудың тақырыбы мынадай редакцияда жазылсын:
«8-тарау. Республикалық, облыстық бюджеттер, республикалық маңызы бар қала, астана бюджеттері, аудандық (облыстық маңызы бар қалалардың) бюджеттер, аудандық маңызы бар қалалар, ауылдар, кенттер, ауылдық округтер бюджеттері арасында бюджетке түсетін түсімдерді бөлу»;
52-баптың тақырыбы мынадай редакцияда жазылсын:
«52-бап. Аудандық (облыстық маңызы бар қаланың) бюджетке түсетін түсімдер»;
мынадай мазмұндағы 52-1-баптың тақырыбымен толықтырылсын:
«52-1-бап. Аудандық маңызы бар қалалар, ауылдар, кенттер, ауылдық округтер бюджеттеріне түсетін түсімдер»;
56-баптың тақырыбы мынадай редакцияда жазылсын:
«56-бап. Аудандық (облыстық маңызы бар қаланың) бюджеттің шығыстары»;
мынадай мазмұндағы 56-1-баптың тақырыбымен толықтырылсын:
«56-1-бап. Аудандық маңызы бар қалалар, ауылдар, кенттер, ауылдық округтер бюджеттерінің шығыстары»;
73-баптың тақырыбы мынадай редакцияда жазылсын:
«73-бап. Аудандық (облыстық маңызы бар қаланың) бюджет туралы мәслихат шешімінің жобасын әзірлеу»;
мынадай мазмұндағы 73-1-баптың тақырыбымен толықтырылсын:
«73-1-бап. Аудандық маңызы бар қала, ауыл, кент, ауылдық округ бюджеттері туралы мәслихат шешімінің жобасын әзірлеу»;
78-баптың тақырыбы мынадай редакцияда жазылсын:
«78-бап. Жергілікті бюджеттің жобасын мәслихаттың тұрақты комиссияларында және сессияларында қарау»;
79-баптың тақырыбы мынадай редакцияда жазылсын:
«79-бап. Қазақстан Республикасының Үкіметі мен жергілікті атқарушы органдардың, аудандық маңызы бар қала, ауыл, кент, ауылдық округ әкімдерінің республикалық бюджет туралы заңды және жергілікті бюджеттер туралы мәслихаттардың шешімдерін іске асыру туралы қаулылары, шешімдері»;
109-баптың тақырыбы мынадай редакцияда жазылсын:
«109-бап. Аудандық (облыстық маңызы бар қаланың) бюджетті нақтылау»;
мынадай мазмұндағы 109-1-баптың тақырыбымен толықтырылсын:
«109-1-бап. Аудандық маңызы бар қала, ауыл, кент, ауылдық округ бюджеттерін нақтылау»;
мынадай мазмұндағы 120-3-баптың тақырыбымен толықтырылсын:
«120-3-бап. Аудан (облыстық маңызы бар қала) бюджетінің, аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық шоғырландырылған қаржылық есептілікті жасау»;
131-баптың тақырыбы мынадай редакцияда жазылсын:
«131-бап. Аудандық (облыстық маңызы бар қаланың) бюджеттің атқарылуы туралы жылдық есепті ұсыну»;
мынадай мазмұндағы 131-1-баптың тақырыбымен толықтырылсын:
«131-1-бап. Аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті ұсыну»;
132-баптың тақырыбы мынадай редакцияда жазылсын:
«132-бап. Аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті қарау және бекіту»;
мынадай мазмұндағы 243-3, 243-4, 243-5-баптардың тақырыптарымен толықтырылсын:
«243-3-бап. 2017 қаржы жылына арналған жергілікті бюджеттерді нақтылау, түзету және атқару және 2017 қаржы жылындағы жергілікті бюджеттердің атқарылуы туралы есептілікті жасау ерекшеліктері
243-4-бап. 2018-2020 және 2019-2021 қаржы жылдарына арналған жергілікті бюджеттерді әзірлеу және бекіту ерекшеліктері
243-5-бап. 2020-2022 қаржы жылдарына және кейінгі қаржы жылдарына арналған жергілікті бюджеттерді әзірлеу және бекіту ерекшеліктері.»;
2) 3-баптың 1-тармағының 62-2) тармақшасы мынадай редакцияда жазылсын:
«62-2) өзара өтелетін операциялар – мемлекеттік бюджетті, облыстың және ауданның (облыстық маңызы бар қаланың) бюджетін, сондай-ақ олардың атқарылуы туралы есептерді қалыптастыру кезінде жүзеге асырылатын, қосарланған шотты болдырмау мақсатында бюджеттің бір деңгейінен екінші деңгейіне берілетін трансферттер, бюджеттік кредиттер және басқа да ақша сомаларын алып тастауға байланысты операциялар;»;
3) 6-бапта:
1-тармақ мынадай редакцияда жазылсын:
«1. Қазақстан Республикасында мынадай деңгейдегі бюджеттер:
1) республикалық бюджет;
2) облыстық бюджет, республикалық маңызы бар қаланың, астананың бюджеттері;
3) аудандық (облыстық маңызы бар қаланың) бюджет,
4) аудандық маңызы бар қала, ауыл, кент, ауылдық округ бюджеттері бекітіледі, атқарылады және дербес бюджеттер болып табылады.
Облыстық бюджет, республикалық маңызы бар қала, астана бюджеттері, аудандық (облыстық маңызы бар қаланың) бюджет, аудандық маңызы бар қала, ауыл, кент, ауылдық округ бюджеттері жергілікті бюджеттерге жатады.»;
3-тармақта:
бірінші бөлік мынадай редакцияда жазылсын:
«3. Қазақстан Республикасында талдамалы ақпарат ретінде пайдаланылатын және бекітуге жатпайтын мемлекеттік және шоғырландырылған бюджет, облыстардың бюджеті, ауданның (облыстық маңызы бар қаланың) бюджеті жасалады.»;
мынадай мазмұндағы бесінші бөлікпен толықтырылсын:
Аудандық (облыстық маңызы бар қаланың) бюджетті, аудандық маңызы бар қала, ауыл, кент, ауылдық округ бюджеттерін, олардың арасында өзара өтелетін операциялар есепке алынбастан біріктіретін орталықтандырылған ақша қоры аудан (облыстық маңызы бар қала) бюджеті болып табылады.»;
4) 9-бап мынадай редакцияда жазылсын:
«9-бап. Аудандық (облыстық маңызы бар қаланың) бюджет
1. Осы Кодексте айқындалған түсімдер есебінен қалыптастырылатын және аудандық (облыстық маңызы бар қаланың) деңгейдегі жергілікті мемлекеттік органдардың, оларға ведомстволық бағынысты мемлекеттік мекемелердің міндеттері мен функцияларын қаржылық қамтамасыз етуге және тиісті ауданда (облыстық маңызы бар қалада) мемлекеттік саясатты іске асыруға арналған орталықтандырылған ақша қоры аудандық (облыстық маңызы бар қаланың) бюджет болып табылады.
2. Аудандық (облыстық маңызы бар қаланың) бюджет аудан (облыстық маңызы бар қаланың) мәслихатының шешімімен бекітіледі.»;
5) мынадай мазмұндағы 9-1-баппен толықтырылсын:
«9-1-бап. Аудандық маңызы бар қала, ауыл, кент, ауылдық округ бюджеті
1. Осы Кодексте айқындалған түсімдер есебінен қалыптастырылатын және аудандық маңызы бар қала, ауыл, кент, ауылдық округ әкімдерінің, оларға ведомстволық бағынысты мемлекеттік мекемелердің міндеттері мен функцияларын қаржылық қамтамасыз етуге және тиісті әкімшілік-аумақтық бірлікте мемлекеттік саясатты іске асыруға арналған орталықтандырылған ақша қоры аудандық маңызы бар қала, ауыл, кент, ауылдық округ бюджеттері болып табылады.
2. Аудандық маңызы бар қала, ауыл, кент, ауылдық округ бюджеттері жергілікті қоғамдастық жиналысымен келісілгеннен кейін аудан (облыстық маңызы бар қала) мәслихатының шешімдерімен бекітіледі.»;
6) 19-бапта:
3-тармақта:
бірінші бөлік мынадай редакцияда жазылсын:
«3. Облыстардың, республикалық маңызы бар қаланың, астананың атқарушы органдарының резервіне:»;
4) тармақша мынадай редакцияда жазылсын:
«4) аудандық (облыстық маңызы бар қаланың) бюджеттердің қолма-қол ақша тапшылығын жабуға арналған резерв кіреді;»;
4-тармақ мынадай редакцияда жазылсын:
«4. Аудандардың (облыстық маңызы бар қалалардың) атқарушы органдарының резервіне:
1) төтенше резерв;
2) шұғыл шығындарға арналған резерв;
3) соттардың шешімдері бойынша міндеттемелерді орындауға арналған резерв;
4) аудандық маңызы бар қала, ауыл, кент, ауылдық округ бюджеттерінің қолма-қол ақша тапшылығын жабуға арналған резерв кіреді.»;
7) 20-бапта:
4-тармақта:
екінші бөлік мынадай редакцияда жазылсын:
«Кезекті қаржы жылында аудандық (облыстық маңызы бар қаланың) бюджеттерде қолма-қол ақша тапшылығы болжанған жағдайда, кезектi қаржы жылына арналған облыстық бюджетте олардың бюджеттерін кредиттеу үшiн резерв көзделедi.»;
мынадай мазмұндағы үшінші бөлікпен толықтырылсын:
«Кезекті қаржы жылында аудандық маңызы бар қала, ауыл, кент, ауылдық округ бюджеттерінде қолма-қол ақша тапшылығы болжанған жағдайда, кезектi қаржы жылына арналған аудандық (облыстық маңызы бар қаланың) бюджетте олардың бюджеттерін кредиттеу үшiн резерв көзделедi.»;
8) 31-баптың 8-тармағы мынадай редакцияда жазылсын:
«8. Қаладағы ауданның, аудандық маңызы бар қаланың, ауылдың, кенттің, ауылдық округтің бюджеттік бағдарламаларының әкімшілері осы әкімшілік-аумақтық бірліктер әкімдерінің аппараттары болып табылады.»;
9) 32-баптың 2-тармағы мынадай мазмұндағы үшінші бөлікпен толықтырылсын:
«Аудандық маңызы бар қаланың, ауылдың, кенттің, ауылдық округтің бюджеттік бағдарламалары әкімшілерінің бюджеттік бағдарламаларын ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органдармен келісу бойынша бюджеттік бағдарламалардың әкімшілері бекітеді.»;
10) 33-баптың 2-тармағы мынадай редакцияда жазылсын:
«2. Мемлекеттік басқару деңгейіне байланысты бюджеттік бағдарламалар:
1) республикалық бюджеттің құрамында бекітілетін республикалық;
2) облыстық бюджеттің, республикалық маңызы бар қала, астана бюджеттерінің құрамында бекітілетін облыстық, республикалық маңызы бар қаланың, астананың;
3) аудандық (облыстық маңызы бар қаланың) бюджеттің құрамында бекітілетін аудандық (қалалық) бағдарламалар;
4) республикалық маңызы бар қала, астана, облыстық маңызы бар қала бюджеттерінің құрамында бекітілетін қаладағы ауданның бюджеттік бағдарламалары;
5) аудандық (облыстық маңызы бар қаланың) бюджеттің құрамында бекітілетін аудандық маңызы бар қала, ауыл, кент, ауылдық округ бюджеттік бағдарламалары;
6) аудандық маңызы бар қалалар, ауылдар, кенттер, ауылдық округтер бюджеттерінің құрамында бекітілетін аудандық маңызы бар қаланың, ауылдың, кенттің, ауылдық округтің бюджеттік бағдарламалары болып бөлінеді.
Облыстық, республикалық маңызы бар қала, астана, аудандық (қалалық) бюджеттік бағдарламалар, сондай-ақ қаладағы ауданның бюджеттік бағдарламалары және аудандық маңызы бар қаланың, ауылдың, кенттің, ауылдық округтің бюджеттік бағдарламалары жергілікті бюджеттік бағдарламалар болып табылады.»;
11) 35-бапта:
2-1-тармақтың бірінші бөлігі мынадай редакцияда жазылсын:
«2-1. Жергілікті өзін-өзі басқару функцияларын іске асыру үшін жергілікті өзін-өзі басқару органдарына берілетін облыстық бюджеттерге және аудандық (облыстық маңызы бар қаланың) бюджеттерге мынадай түсімдер:»;
2-1-тармақтың 3) және 4) тармақшалары мынадай редакцияда жазылсын:
«3) жер учаскесі аудандық маңызы бар қалада, ауылда, кентте орналасқан жеке және заңды тұлғалардан алынатын, елдi мекендер жерлерiне салынатын жер салығы;
4) аудандық маңызы бар қалада, ауылда, кентте тіркелген жеке және заңды тұлғалардан алынатын, көлік құралдары салығы жергілікті өзін-өзі басқару органдарына арналған трансферттер болып табылады.»;
12) 42-бапта:
1 және 2-тармақтар мынадай редакцияда жазылсын:
«1. Бюджет процесінде республикалық, облыстық бюджеттер, республикалық маңызы бар қаланың, астананың бюджеттері, аудандық (облыстық маңызы бар қаланың) бюджеттер, аудандық маңызы бар қаланың, ауылдың, кенттің, ауылдық округтің бюджеттері арасындағы қатынастар бюджетаралық қатынастар болып табылады.
2. Бюджет процесінде республикалық бюджеттің аудандық (облыстық маңызы бар қаланың) бюджеттермен, облыстық бюджеттердің аудандық маңызы бар қаланың, ауылдың, кенттің, ауылдық округтің бюджеттерімен және осы Кодексте көзделген жағдайларды қоспағанда, бір деңгейдегі жергілікті бюджеттердің бір-бірімен өзара қатынастарына жол берілмейді.»;
4 және 5-тармақтар мынадай редакцияда жазылсын:
«4. Бюджетаралық қатынастар мемлекеттік басқарудың деңгейлері арасында функциялар мен өкілеттіктердің аражігінің айқын ажыратылуына, республикалық, облыстық бюджеттер, республикалық маңызы бар қаланың, астананың бюджеттері, аудандық (облыстық маңызы бар қаланың) бюджеттер, аудандық маңызы бар қаланың, ауылдың, кенттің, ауылдық округтің бюджеттері арасында түсімдер мен шығыстардың біркелкі бөлінуіне, сондай-ақ бюджетаралық трансферттерді айқындау әдістерінің біртұтастығына және ашықтығына негізделген.
5. Осы Кодексте көзделген жағдайларды қоспағанда, Қазақстан Республикасы Үкіметінің және орталық мемлекеттік органдардың – облыстардың, республикалық маңызы бар қалалардың, астананың бюджет процесіне, облыстардың жергілікті атқарушы органдарының – аудандардың (облыстық маңызы бар қалалардың) бюджет процесіне және аудандардың (облыстық маңызы бар қалалардың) жергілікті атқарушы органдарының аудандық маңызы бар қалалардың, ауылдардың, кенттердің, ауылдық округтердің бюджет процесіне араласуына жол берілмейді.»;
13) 43-баптың 1) тармақшасы мынадай редакцияда жазылсын:
«1) облыстық бюджеттердің, республикалық маңызы бар қала, астана бюджеттерінің– республикалық бюджетпен, аудандық (облыстық маңызы бар қаланың) бюджеттердің– жоғары тұрған облыстық бюджетпен, аудандық маңызы бар қала, ауыл, кент, ауылдық округ бюджеттерінің жоғары тұрған аудандық (облыстық маңызы бар қаланың) бюджетпен өзара қатынастардағы теңдігі;»;
14) 44-бапта:
1-тармақтың 2) тармақшасындағы «нормативтерімен реттеледі.» деген сөздер «нормативтерімен;» деген сөзбен ауыстырылып, мынадай мазмұндағы 3) тармақшамен толықтырылсын:
«3) аудандық (облыстық маңызы бар қаланың) бюджет пен аудандық маңызы бар қала, ауыл, кент, ауылдық округ бюджеттерінің арасында:
трансферттермен;
бюджеттік кредиттермен реттеледі.»;
5-тармақ мынадай мазмұндағы үшінші бөлікпен толықтырылсын:
«Ауданның (облыстық маңызы бар қаланың) жергiлiктi атқарушы органының резервiнен бөлiнгендерiн қоспағанда, аудандық (облыстық маңызы бар қаланың) бюджеттен бөлiнген нысаналы даму трансферттерінің қаржы жылы iшiнде пайдаланылмаған (толық пайдаланылмаған) сомалары ауданның (облыстық маңызы бар қаланың) жергiлiктi атқарушы органының шешiмi бойынша олардың нысаналы мақсаты сақтала отырып, келесi қаржы жылында пайдаланылуы (толық пайдаланылуы) мүмкiн.»;
6, 7 және 8-тармақтар мынадай редакцияда жазылсын:
«6. Өткен қаржы жылында республикалық, облыстық және аудандық (облыстық маңызы бар қаланың) бюджеттен бөлінген нысаналы даму трансферттерін пайдалану кезінде үнем жасалған жағдайда, Қазақстан Республикасы Үкіметінің, облыстың немесе ауданның (облыстық маңызы бар қаланың) жергілікті атқарушы органының шешімі бойынша бюджеттік бағдарламалар әкімшілері үнемделген тиісті соманы ағымдағы қаржы жылының соңына дейін жоғары тұрған бюджеттен берілетін нысаналы даму трансферттерін пайдалану жүзеге асырылған бюджеттік бағдарламалар нәтижелерінің көрсеткіштерін жақсарту үшін пайдалануға құқылы.
7. Өткен қаржы жылында бөлінген, Қазақстан Республикасы Үкіметінің, облыстың немесе ауданның (облыстық маңызы бар қаланың) жергілікті атқарушы органының шешімі бойынша пайдалануға (толық пайдалануға) рұқсат етілген нысаналы даму трансферттерінің қаржы жылы ішінде пайдаланылмаған (толық пайдаланылмаған) сомалары ағымдағы қаржы жылының соңына дейін, оларды бөлген жоғары тұрған бюджетке қайтарылуға жатады.
Республикалық, облыстық немесе аудандық (облыстық маңызы бар қаланың) бюджеттен бөлінген, Қазақстан Республикасының Үкіметі, облыстың немесе ауданның (облыстық маңызы бар қаланың) жергілікті атқарушы органы ағымдағы қаржы жылы одан әрі пайдалану (толық пайдалану) туралы шешім қабылдамаған нысаналы трансферттердің өткен қаржы жылында пайдаланылмаған (толық пайдаланылмаған) сомалары жылдың басындағы бюджет қаражатының қалдықтары есебінен ағымдағы қаржы жылының 1 наурызына дейін, оларды бөлген жоғары тұрған бюджетке қайтарылуға жатады.
8. Өткен қаржы жылында республикалық, облыстық немесе аудандық (облыстық маңызы бар қаланың) бюджеттен бөлінген, өткен қаржы жылында пайдаланылмаған ағымдағы нысаналы трансферттер сомалары жыл басындағы бюджет қаражаты қалдықтарының және осы трансферттерді бөлген жоғары тұрған бюджетке төменгі тұрған бюджеттен қайтарылған сомалар, пайдаланылмаған ағымдағы нысаналы трансферттер есебінен ағымдағы қаржы жылының 1 наурызына дейін оларды бөлген жоғары тұрған бюджетке қайтарылуға жатады.»;
15) 45-бапта:
2 және 3-тармақтар мынадай редакцияда жазылсын:
«2. Республикалық, облыстық немесе аудандық (облыстық маңызы бар қаланың) бюджеттерде бекітілген сома шегінде жоғары тұрған бюджеттерден төмен тұрған бюджеттерге берілетін трансферттер бюджет субвенциялары болып табылады.
3. Республикалық, облыстық немесе аудандық (облыстық маңызы бар қаланың) бюджеттерде бекітілген сома шегінде төмен тұрған бюджеттерден жоғары тұрған бюджеттерге берілетін трансферттер бюджеттік алып қою болып табылады.»;
4-тармақта:
үшінші абзац мынадай редакцияда жазылсын:
«облыстық мәслихаттың шешімімен – облыстық бюджет пен аудандық (облыстық маңызы бар қаланың) бюджеттердің арасында;»;
мынадай мазмұндағы төртінші абзацпен толықтырылсын:
«аудан (облыстық маңызы бар қала) мәслихатының шешімімен – аудандық (облыстық маңызы бар қаланың) бюджет пен аудандық маңызы бар қала, ауыл, кент, ауылдық округ бюджеттерінің арасында абсолюттік мәнімен жылдар бойынша бөліне отырып, үш жылдық кезеңге белгіленеді.»;
16) 46-бапта:
2-тармақтың 1) тармақшасы мынадай редакцияда жазылсын:
«1) жоғары тұрған бюджеттер төмен тұрған бюджеттерге беретін, жергілікті бюджеттер шығыстарының ұлғаюына және (немесе) кірістерінің азаюына әкеп соғатын, заңнамалық актілерді, Қазақстан Республикасы Президентінің және Қазақстан Республикасы Үкіметінің, облыстың, ауданның (облыстық маңызы бар қаланың) өкілді және атқарушы органдарының, актілерін қабылдаудан туындайтын төмен тұрған бюджеттердің шығындарын өтеуге бағытталған;»;
3-тармақ мынадай редакцияда жазылсын:
«3. Жоғары тұрған бюджеттер төмен тұрған бюджеттерге жергілікті бюджеттік даму бағдарламаларын іске асыру үшін республикалық, облыстық бюджетте, аудан (облыстық маңызы бар қала) бюджетінде бекітілген сомалар шегінде беретін трансферттер нысаналы даму трансферттері болып табылады.»;
9-тармақ мынадай редакцияда жазылсын:
«9. Төмен тұрған бюджеттерге Қазақстан Республикасы Үкіметінің және облыстың, ауданның (облыстық маңызы бар қаланың) жергілікті атқарушы органының резервтерінен қаражат бөлу нысаналы трансферттер түрінде жүзеге асырылады.»;
13-бап мынадай редакцияда жазылсын:
«13. Республикалық бюджеттен облыстық бюджеттерге берілетін нысаналы даму трансферттері аудандық (облыстық маңызы бар қаланың) бюджеттер арасында одан әрі бөлінген жағдайда, облыстың жергілікті атқарушы органы аудандардың (облыстық маңызы бар қалалардың) жергілікті атқарушы органдарымен нысаналы даму трансферттері бойынша нәтижелер туралы тиісті келісімдер жасасады.
Облыстық бюджеттен аудандық (облыстық маңызы бар қаланың) бюджеттерге берілетін нысаналы даму трансферттері аудандық маңызы бар қалалар, ауылдар, кенттер, ауылдық округтер бюджеттері арасында одан әрі бөлінген жағдайда, ауданның (облыстық маңызы бар қаланың) жергілікті атқарушы органы аудандық маңызы бар қалалардың, ауылдардың, кенттердің, ауылдық округтердің әкімдерімен нысаналы даму трансферттері бойынша нәтижелер туралы тиісті келісімдер жасасады.»;
15-тармақ мынадай мазмұндағы бірінші бөлікпен толықтырылсын:
«15. Аудандық маңызы бар қаланың, ауылдың, кенттің, ауылдық округтің әкімі жартыжылдық және бір жылдың қорытындылары бойынша ауданның (облыстық маңызы бар қаланың) тиісті жергілікті атқарушы органына нәтижелер туралы келісімдерге сәйкес бөлінген нысаналы трансферттерді пайдалану есебінен қол жеткізілген тікелей және түпкілікті нәтижелер туралы есеп береді.»;
17-тармақ мынадай редакцияда жазылсын:
«17. Республикалық және жергілікті бюджеттердің атқарылуына ағымдағы бағалау жүргізу және мемлекеттік аудит және қаржылық бақылау жөнінде бірыңғай дерекқор қалыптастыру үшін жасалғаннан (өзгерістер енгізілгеннен, есеп жасалғаннан) кейiн бес жұмыс күнінен кешіктірмей облыстың, республикалық маңызы бар қаланың, астананың, ауданның (облыстық маңызы бар қаланың) жергілікті атқарушы органдары Республикалық бюджеттiң атқарылуын бақылау жөнiндегi есеп комитетiне жоғары тұрған бюджеттен төмен тұрған бюджетке берілетін нысаналы трансферттер бойынша нәтижелер туралы келісімдерді, олардағы өзгерістерді, нәтижелер туралы келісімдерге сәйкес бөлінген нысаналы трансферттерді пайдалану есебінен қол жеткізілген тікелей және түпкілікті нәтижелер туралы есептерді жібереді.»;
17) 47-баптың 1-тармағы мынадай редакцияда жазылсын:
«1. Бюджеттік кредиттер бюджеттік инвестициялық жобаларды іске асыруға, мемлекеттің әлеуметтік саясатының міндеттерін шешуге және қаржы жылы ішінде қолма-қол ақшаның болжамды тапшылығы жағдайында, тиісінше облыстық бюджеттерге, республикалық маңызы бар қала, астана бюджеттеріне, аудандық (облыстық маңызы бар қаланың) бюджеттерге және аудандық маңызы бар қалалар, ауылдар, кенттер, ауылдық округтер бюджеттеріне республикалық бюджеттен, облыстық және аудандық (облыстық маңызы бар қаланың) бюджеттерден берілуі мүмкін.»;
18) 48-баптың 1-тармағының 1), 3) және 4) тармақшалары мынадай редакцияда жазылсын:
«1) нысаналы трансферттер бойынша нәтижелер туралы келісімді уақтылы жасамағаны үшін облыстың, республикалық маңызы бар қаланың, астананың, ауданның (облыстық маңызы бар қаланың) әкімі және жоғары тұрған бюджеттің бюджеттік бағдарламаларының тиісті әкімшілерінің бірінші басшысы;»;
«3) нысаналы даму трансферттерін нысаналы трансферттер бойынша нәтижелер туралы жасалған келісімге сәйкес, нысаналы ағымдағы трансферттерді бекітілген бюджеттік бағдарламаға сәйкес пайдаланбағаны, нәтижелерге, оның ішінде бюджет қаражатын толық игеру кезінде қол жеткізбегені, алынған нысаналы трансферттерді пайдалану есебінен қол жеткізілген нәтижелер туралы есепті табыс етпегені үшін облыстың, республикалық маңызы бар қаланың, астананың, ауданның (облыстық маңызы бар қаланың), аудандық маңызы бар қала, ауыл, кент, ауылдық округтің әкімі және жергілікті бюджеттік бағдарламалардың тиісті әкімшілерінің бірінші басшысы;
4) нәтижелерге қол жеткізбеуге әкеп соққан, жоғары тұрған бюджеттен алынған нысаналы трансферттерді игермегені үшін облыстың, республикалық маңызы бар қаланың, астананың, ауданның (облыстық маңызы бар қаланың), аудандық маңызы бар қаланың, ауылдың, кенттің, ауылдық округтің әкімі, төмен тұрған бюджеттің бюджеттік бағдарламалары әкімшілерінің бірінші басшысы Қазақстан Республикасының заңдарында белгіленген жауаптылықта болады.»;
19) 8-тараудың тақырыбы мынадай редакцияда жазылсын:
«8-тарау. Республикалық, облыстық бюджеттер, республикалық маңызы бар қалалардың, астананың бюджеттері, аудандық (облыстық маңызы бар қаланың) бюджеттер, аудандық маңызы бар қалалардың бюджеттері, ауылдардың, кенттердің, ауылдық округтердің бюджеттері арасында бюджетке түсетін түсімдерді бөлу»;
20) 50-баптың 4-тармағының 1) тармақшасы мынадай редакцияда жазылсын:
«1) аудандық (облыстық маңызы бар қаланың) бюджеттерден трансферттер;»;
21) 52-бапта:
тақырып мынадай редакцияда жазылсын:
«52-бап. Аудандық (облыстық маңызы бар қаланың) бюджетке түсетін түсімдер»;
1-тармақта:
бірінші бөлік мынадай редакцияда жазылсын:
«1. Аудандық (облыстық маңызы бар қаланың) бюджетке түсетін салық түсімдері болып табылады:»;
1), 3), 4), 6), 17) тармақшалар мынадай редакцияда жазылсын:
«1) аудандық маңызы бар қаланың, ауылдың, кенттің, ауылдық округтің аумағында тіркелген, жеке тұлғалардың төлем көзінен салық салынбайтын табыстары бойынша жеке табыс салығын қоспағанда, облыстық мәслихат белгілеген кірістерді бөлу нормативтері бойынша жеке табыс салығы;»;
«3) мүлкі аудандық маңызы бар қаланың, ауылдың, кенттің, ауылдық округтің аумағында орналасқан, жеке тұлғалардың мүлкіне салынатын салықтарды қоспағанда, жеке және заңды тұлғалар, дара кәсіпкерлер мүлкіне салынатын салық;
4) жер учаскесі аудандық маңызы бар қалада, ауылда, кентте орналасқан жеке және заңды тұлғалардан алынатын, елдi мекендер жерлерiне салынатын жер салығын қоспағанда, жер салығы;»;
«6) аудандық маңызы бар қалада, ауылда, кентте тіркелген жеке және заңды тұлғалардан алынатын көлік құралдары салығын қоспағанда, көлік құралдарына салынатын салық;»;
«17) сыртқы (көрнекі) жарнаманы аудандық маңызы бар жалпыға ортақ пайдаланылатын автомобиль жолдарының бөлінген белдеуіндегі жарнаманы тұрақты орналастыру объектілерінде, аудандық маңызы бар қаладағы, ауылдағы, кенттегі үй-жайлардың шегінен тыс ашық кеңістікте орналастырғаны үшін төлемақыны қоспағанда, сыртқы (көрнекі) жарнаманы облыстық маңызы бар қаладағы үй-жайлардың шегінен тыс ашық кеңістікте орналастырғаны үшін төлемақы;»;
2-тармақта:
бірінші бөлік мынадай редакцияда жазылсын:
«2. Мыналар:
1) тармақшаның алтыншы абзацы мынадай редакцияда жазылсын:
«аудандық (облыстық маңызы бар қаланың) бюджеттен берілген кредиттер бойынша сыйақылар;»;
2), 3), 4), 5) тармақшалар мынадай редакцияда жазылсын:
«2) аудандық (облыстық маңызы бар қаланың) бюджеттен қаржыландырылатын мемлекеттік мекемелердің тауарларды (жұмыстар, қызметтер көрсетуді) өткізуінен түсетін түсімдер;
3) аудандық (облыстық маңызы бар қаланың) бюджеттен қаржыландырылатын мемлекеттік мекемелер ұйымдастыратын мемлекеттік сатып алуды өткізуден түсетін ақша түсімдері;
4) аудандық маңызы бар қалалардың, ауылдардың, кенттердің, ауылдық округтердің әкімдері салатын айыппұлдарды, өсімпұлдарды, санкцияларды, өндіріп алуларды қоспағанда, аудандық (облыстық маңызы бар қаланың) бюджеттен қаржыландырылатын мемлекеттік мекемелер салатын айыппұлдар, өсімпұлдар, санкциялар, өндіріп алулар;
5) аудандық (облыстық маңызы бар қаланың) бюджетке басқа да салықтық емес түсімдер аудандық (облыстық маңызы бар қаланың) бюджетке түсетін салықтық емес түсімдер болып табылады.»;
3-тармақтың бірінші бөлігі және 1) тармақшасы мынадай редакцияда жазылсын:
«3. Мыналар:
1) аудандық (облыстық маңызы бар қаланың) бюджеттен қаржыландырылатын мемлекеттік мекемелерге бекітіліп берілген мемлекеттік мүлікті сатудан түсетін ақша;»;
4 және 5-тармақтар мынадай редакцияда жазылсын:
«4. Облыстық бюджеттен және аудандық маңызы бар қала, ауыл, кент, ауылдық округ бюджеттерінен берілетін трансферттер аудандық (облыстық маңызы бар қаланың) бюджетіне трансферттердің түсімдері болып табылады.
5. Аудандық (облыстық маңызы бар қаланың) бюджеттен берілген кредиттерді өтеуден, ауданның (облыстық маңызы бар қаланың) коммуналдық меншігіндегі мемлекеттің қаржы активтерін, ауданның (облыстық маңызы бар қаланың) жергілікті атқарушы органының қарыздарын сатудан түсетін түсімдер аудандық (облыстық маңызы бар қаланың) бюджетке есептеледі.»;
22) мынадай мазмұндағы 52-1-баптармен толықтырылсын:
«52-1-бап. Аудандық маңызы бар қала, ауыл, кент, ауылдық округ бюджеттеріне түсетін түсімдер:
1. Мыналар:
1) аудандық маңызы бар қаланың, ауылдың, кенттің, ауылдық округтің аумағында тіркелген жеке тұлғалардың төлем көзінен салық салынбайтын табыстары бойынша жеке табыс салығы;
2) мүлкі аудандық маңызы бар қаланың, ауылдың, кенттің, ауылдық округтің аумағында орналасқан жеке тұлғалардың мүлкіне салынатын салық;
3) жер учаскесі аудандық маңызы бар қалада, ауылда, кентте орналасқан жеке және заңды тұлғалардан алынатын, елдi мекендер жерлерiне салынатын жер салығы;
4) аудандық маңызы бар қалада, ауылда, кентте тіркелген жеке және заңды тұлғалардан алынатын көлік құралдары салығы;
5) сыртқы (көрнекі) жарнаманы:
аудандық маңызы бар қалалардың, ауылдардың, кенттердің, ауылдық округтердің аумақтары арқылы өтетін республикалық маңызы бар жалпыға ортақ пайдаланылатын автомобиль жолдарының бөлiнген белдеуiндегі жарнаманы тұрақты орналастыру объектілерінде;
аудандық маңызы бар қалалардың, ауылдардың, кенттердің, ауылдық округтердің аумақтары арқылы өтетін облыстық маңызы бар жалпыға ортақ пайдаланылатын автомобиль жолдарының бөлiнген белдеуiндегі жарнаманы тұрақты орналастыру объектілерінде;
аудандық маңызы бар жалпыға ортақ пайдаланылатын автомобиль жолдарының бөлiнген белдеуiндегі жарнаманы тұрақты орналастыру объектілерінде;
аудандық маңызы бар қаладағы, ауылдағы, кенттегі үй-жайлардың шегінен тыс ашық кеңістікте орналастыру үшін төлемақы аудандық маңызы бар қала, ауыл, кент, ауылдық округ бюджеттеріне түсетін салық түсімдері болып табылады.
2. Мыналар:
1) аудандық маңызы бар қаланың, ауылдың, кенттің, ауылдық округтің әкімдері әкімшілік құқық бұзушылықтар үшін салатын айыппұлдар;
2) жеке және заңды тұлғалардың ерікті түрдегі алымдары;
3) жергілікті өзін-өзі басқарудың коммуналдық меншігінен түсетін кірістер:
коммуналдық мемлекеттік кәсіпорындарының таза кірісі бөлігінің түсімдері;
коммуналдық меншіктегі заңды тұлғаларға қатысу үлестеріне кірістер;
жергілікті өзін-өзі басқарудың коммуналдық меншігінің мүлкін жалға беруден түсетін кірістер;
жергілікті өзін-өзі басқарудың коммуналдық меншігінен түсетін басқа да кірістер;
4) аудандық маңызы бар қалалар, ауылдар, кенттер, ауылдық округтердің бюджетіне түсетін басқа да салықтық емес түсімдер аудандық маңызы бар қала, ауыл, кент, ауылдық округ бюджеттеріне түсетін салықтық емес түсімдер болып табылады.
3. Аудандық маңызы бар қала, ауыл, кент, ауылдық округ бюджеттерінен қаржыландырылатын мемлекеттік мекемелерге бекітіліп берілген мемлекеттік мүлікті сатудан түсетін ақша негізгі капиталды сатудан аудандық маңызы бар қала, ауыл, кент, ауылдық округ бюджеттеріне түсетін түсімдер болып табылады.
4. Аудан (облыстық маңызы бар қала) бюджетінен берілетін трансферттер аудандық маңызы бар қалалар, ауылдар, кенттер, ауылдық округтер бюджетіне түсетін трансферттердің түсімдері болып табылады.»;
23) 54-бапта:
1-тармақта:
5) тармақшаның үшінші абзацы мынадай редакцияда жазылсын:
«аудандық (облыстық маңызы бар қаланың) бюджеттен қаржыландырылатын әлеуметтік көмек түрлерін қоспағанда, мүгедек балаларды қоса алғанда, қарттар мен мүгедектерді әлеуметтік қамсыздандыру;»;
12) тармақшаның екінші абзацы мынадай редакцияда жазылсын:
«аудандық (облыстық маңызы бар қаланың) бюджетке трансферттер;»;
24) 56-бапта:
тақырып мынадай редакцияда жазылсын:
«56-бап. Аудандық (облыстық маңызы бар қаланың) бюджеттің шығыстары»;
1-тармақта:
бірінші бөлік мынадай редакцияда жазылсын:
«1. Аудандық (облыстық маңызы бар қаланың) бюджеттің шығыстары мына бағыттар бойынша жүзеге асырылады:»;
10) тармақша мынадай мазмұндағы үшінші абзацпен толықтырылсын:
«аудандық маңызы бар қалалардың, ауылдардың, кенттердің, ауылдық округтердің бюджеттеріне берілетін трансферттер;»;
2-тармақтың бірінші бөлігі мынадай редакцияда жазылсын:
«2. Аудандық (облыстық маңызы бар қаланың) бюджеттен:»;
4-тармақ мынадай редакцияда жазылсын:
«4. Аудандық (облыстық маңызы бар қаланың) бюджеттен қаржыландырылатын жергілікті атқарушы органдардың шығыстары заттай нормалар ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады.»;
5-тармақтың бірінші бөлігі мынадай редакцияда жазылсын:
«5. Аудандық (облыстық маңызы бар қаланың) бюджеттің құрамында мынадай бағыттар бойынша қаладағы ауданның, аудандық маңызы бар қалалардың, ауылдардың, кенттердің, ауылдық округтердің шығыстары көзделеді:»;
56-баптың 5-тармағының бірінші бөлігі және 1) тармақшасы мынадай редакцияда жазылсын:
«5. Облыстық маңызы бар қалалық бюджеттің құрамында мынадай бағыттар бойынша қаладағы аудандардың шығыстары көзделеді:
1) Қаладағы аудан әкімі аппаратының жұмыс істеуі;»;
25) мынадай мазмұндағы 56-1-баппен толықтырылсын:
«56-1-бап. Аудандық маңызы бар қала, ауыл, кент, ауылдық округ бюджеттерінің шығыстары
1. Аудандық маңызы бар қала, ауыл, кент, ауылдық округ бюджеттерінің шығыстары мына бағыттар бойынша жүзеге асырылады:
1) аудандық маңызы бар қаланың, кенттің, ауылдың, ауылдық округтің әкімдері аппараттарының жұмыс істеуі;
2) шаруашылық бойынша есепке алуды жүзеге асыру;
3) азаматтық хал актілерін тіркеу жөніндегі қызметті қамтамасыз ету;
4) мектепке дейінгі тәрбие және оқыту, оның ішінде мектепке дейінгі тәрбие және оқыту ұйымдарында медициналық қызмет көрсетуді ұйымдастыру;
5) ауылдық жерлерде оқушыларды жақын мектепке дейін тегін алып баруды және қайта алып келуді ұйымдастыру;
6) шұғыл жағдайларда науқасы ауыр адамдарды дәрігерлік көмек көрсететін ең жақын денсаулық сақтау ұйымына жеткізуді ұйымдастыру;
7) мұқтаж азаматтарға үйде әлеуметтік көмек көрсету;
8) аудандық маңызы бар қаланың, кенттің, ауылдың, ауылдық округтің мемлекеттік тұрғын үй қорының сақталуын ұйымдастыру;
9) елді мекендердің санитариясын қамтамасыз ету;
10) жерлеу орындарын күтіп-ұстау және туған-туысы жоқтарды жерлеу;
11) елді мекендерде көшелерді жарықтандыру;
12) елді мекендерді абаттандыру және көгалдандыру;
13) жергілікті деңгейде мәдени-демалыс жұмысын қолдау;
14) аудандық маңызы бар қалаларда, кенттерде, ауылдарда, ауылдық округтерде автомобиль жолдарын салу, реконструкциялау, жөндеу және күтіп-ұстау;
15) елді мекендерді сумен жабдықтауды ұйымдастыру;
16) жергілікті деңгейде халықты жұмыспен қамтуды қамтамасыз ету;
17) жергілікті деңгейде дене шынықтыру-сауықтыру және спорттық іс-шараларды өткізу.
18) мемлекеттік және үкіметтік бағдарламалар шеңберінде ауылдық елді мекендерді жайластыруды шешуге арналған іс-шараларды іске асыру;
19) аудандық (облыстық маңызы бар қаланың) бюджетке берілетін трансферттер.
2. Сондай-ақ, аудандық маңызы бар қалалар, ауылдар, кенттер, ауылдық округтер бюджетінен:
1) мемлекеттік қызмет көрсететін немесе осы баптың 1-тармағында көрсетілген қызмет түрлерін орындайтын мемлекеттік мекемелердің күрделі шығыстары, сондай-ақ көрсетілген мемлекеттік мекемелердің кадрларды қайта даярлау және жұмыскерлердің біліктілігін арттыру жөніндегі шығыстар;
2) бюджеттік инвестициялық жобалар;
3) Қазақстан Республикасының заңдарында көзделген өзге де мемлекеттік көрсетілетін қызметтерге және аудандық маңызы бар қалалардың, ауылдардың, кенттердің, ауылдық округтердің әкімдері мен жергілікті өзін-өзі басқару органдары қызметінің бағыттарына арналған шығындар қаржыландырылады.
3. Басқа деңгейдегі бюджеттерден осы бапта көрсетілген бағыттар бойынша шығыстарды қаржыландыруға жол берілмейді.
4. Аудандық маңызы бар қала, ауыл, кент, ауылдық округ бюджеттерінен қаржыландырылатын әкімдер аппараттарының шығыстары заттай нормалар ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады.»;
26) 57-бап мынадай мазмұндағы 4-1-тармақпен толықтырылсын:
«4-1. Ауданның (облыстық маңызы бар қаланың) бюджеттік комиссияларының құрамына аудандық маңызы бар қалалардың, ауылдардың, кенттердің, ауылдық округтердің әкімдері кіреді.»;
27) 61-баптың 1-1-тармағының 2) тармақшасының үшінші бөлігі мынадай редакцияда жазылсын:
«Ауданның (облыстық маңызы бар қаланың), аудандық маңызы бар қаланың, ауылдың, кенттің, ауылдық округтің әлеуметтік-экономикалық даму көрсеткіштері мен бюджеттік өлшемшарттары облыстың әлеуметтік-экономикалық даму болжамының құрамында аудандар (облыстық маңызы бар қалалар) және аудандық маңызы бар қалалар, ауылдар, кенттер, ауылдық округтер бірліктерінде көрсетіледі.»;
28) 64-баптың 1-1) тармақшасы мынадай редакцияда жазылсын:
«1-1. Облыстық бюджетті, республикалық маңызы бар қаланың, астананың, ауданның (облыстық маңызы бар қаланың) бюджеттерді мемлекеттік жоспарлау жөніндегі жергілікті уәкілетті органдар облыстың, республикалық маңызы бар қаланың, астананың әлеуметтік-экономикалық даму болжамын ескере отырып, жыл сайын жоспарлы кезеңге әзірлейді.
Аудандық маңызы бар қала, ауыл, кент, ауылдық округ бюджеттері аудандық маңызы бар қала, ауыл, кент, ауылдық округ әкімдерінің аппараттары облыстың әлеуметтік-экономикалық даму болжамын ескере отырып, жыл сайын жоспарлы кезеңге әзірлейді.»;
29) 65-1-бап мынадай мазмұндағы бесінші бөлікпен толықтырылсын:
«Аудандық маңызы бар қала, ауыл, кент, ауылдық округ бюджеттерінен қаржыландырылатын бюджеттік бағдарламалар әкімшілері шығыстарының лимиттерін, жаңа бастамаларға арналған лимиттерді ауданның (облыстық маңызы бар қаланың) бюджеттік комиссияларының ұсыныстарын ескере отырып, ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органдары айқындайды.»;
30) 66-баптың 2-тармағының 2) тармақшасы мынадай мазмұндағы екінші бөлікпен толықтырылсын:
«Аудандық маңызы бар қала, ауыл, кент, ауылдық округ бюджеттік бағдарламаларының әкімшілері бюджеттік өтінімдерді және бюджеттік бағдарламалардың жобаларын ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органға ағымдағы қаржы жылының 15 мамырына дейінгі мерзімде ұсынады.»;
31) 68-бапта:
4) тармақ мынадай мазмұндағы екінші бөлікпен толықтырылсын:
«Аудандық маңызы бар қала, ауыл, кент, ауылдық округ бюджеттік бағдарламаларының әкімшілері мен ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті орган арасындағы келіспеушіліктерді ауданның (облыстық маңызы бар қаланың) бюджет комиссиясы қарайды.»;
мынадай мазмұндағы 7-тармақпен толықтырылсын:
«7. Аудандық маңызы бар қала, ауыл, кент, ауылдық округ бюджеттік бағдарламаларының әкімшілері ауданның (облыстық маңызы бар қаланың) бюджет комиссиясының ұсыныстарына сәйкес ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органына пысықталған бюджеттік бағдарламалардың және бюджеттік өтінімдердің жобаларын ұсынады.»;
32) 72-баптың 3-тармағының 2), 3) тармақшалары мынадай редакцияда жазылсын:
«2) облыстық бюджеттен аудандық (облыстық маңызы бар қалалардың) бюджеттерге берілетін бюджеттік субвенциялардың көлемі;
3) аудандық (облыстық маңызы бар қаланың) бюджеттерден облыстық бюджетке бюджеттік алып қоюдың көлемі;»;
33) 73-бапта:
тақырып және 1 және 2-тармақтар мынадай редакцияда жазылсын:
«73-бап. Аудандық (облыстық маңызы бар қаланың) бюджет туралы мәслихат шешімінің жобасын әзірлеу»;
«1. Мемлекеттік жоспарлау жөніндегі жергілікті уәкілетті орган аудандық (облыстық маңызы бар қаланың) бюджеттің жобасын жасайды және оны ауданның (облыстық маңызы бар қаланың) бюджет комиссиясының қарауына енгізеді.
2. Аудандық (облыстық маңызы бар қаланың) бюджет жобасын қарау және айқындау ағымдағы қаржы жылының 1 қазанынан кешіктірілмей аяқталады.»;
3-тармақта:
бірінші бөлік мынадай редакцияда жазылсын:
«3. Аудандық (облыстық маңызы бар қаланың) бюджет туралы мәслихат шешімі жобасының мәтінінде кезекті қаржы жылына арналған:»;
2) және 3) тармақшалар мынадай редакцияда жазылсын:
«2) аудандық (облыстық маңызы бар қаланың) бюджеттен аудандық маңызы бар қаланың, ауылдың, кенттің, ауылдық округтің бюджеттеріне берілетін бюджеттік субвенциялардың көлемі;
3) аудандық маңызы бар қала, ауыл, кент, ауылдық округ бюджеттерінен аудандық (облыстық маңызы бар қалалық) бюджетке бюджеттік алып қоюдың көлемі;»;
4-тармақта:
бірінші бөлік мынадай редакцияда жазылсын:
«4. Аудандық (облыстық маңызы бар қаланың) бюджет туралы мәслихат шешімінің жобасына:»;
1) тармақшаның бірінші бөлігі мынадай редакцияда жазылсын:
«1) осы Кодексте және бірыңғай бюджеттік сыныптамада айқындалған құрылымға сәйкес жоспарлы кезеңнің әрбір жылы бойынша жекелеген қосымшалармен қалыптастырылған, жоспарлы кезеңге арналған аудандық (облыстық маңызы бар қаланың) бюджет жобасы қоса беріледі.»;
4) тармақша мынадай редакцияда жазылсын:
«4) қаладағы ауданның бюджеттік бағдарламалары;»;
5, 6 және 7-тармақтар мынадай редакцияда жазылсын:
«5. Кезекті қаржы жылына арналған аудандық (облыстық маңызы бар қаланың) бюджеттің бекітілетін тапшылығының (профицитінің) мөлшері ақшалай түрде көрсетіледі.
6. Мемлекеттік жоспарлау жөніндегі жергілікті уәкілетті орган аудандық (облыстық маңызы бар қаланың) бюджеттің жобасын ауданның (облыстық маңызы бар қаланың) жергілікті атқарушы органының қарауына ағымдағы қаржы жылының 15 қазанынан кешіктірмей ұсынады.
7. Аудан (облыстық маңызы бар қала) әкімдігі «Қоғамдық кеңестер туралы» Қазақстан Республикасының Заңына сәйкес құрылатын қоғамдық кеңестің отырысында аудандық (облыстық маңызы бар қаланың) бюджеттің жобасына талқылау жүргізеді.»;
34) мынадай мазмұндағы 73-1-баппен толықтырылсын:
«73-1-бап. Аудандық маңызы бар қала, ауыл, кент, ауылдық округ бюджеттері туралы мәслихат шешімінің жобасын әзірлеу
1. Аудандық маңызы бар қала, ауыл, кент, ауылдық округ әкімдерінің аппараттары аудандық маңызы бар қала, ауыл, кент, ауылдық округ бюджеттерінің жобасын жасайды және оларды жергілікті қоғамдастық жиналысымен келіскеннен кейін ағымдағы қаржы жылының 1 қыркүйегінен кешіктірмей, ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органының қарауына ұсынады.
Ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органы аудандық маңызы бар қала, ауыл, кент, ауылдық округ бюджеттерінің жобаларын ауданның (облыстық маңызы бар қаланың) бюджет комиссиясының қарауына енгізеді.
2. Аудандық маңызы бар қала, ауыл, кент, ауылдық округ бюджеттерінің жобаларын қарау және айқындау ағымдағы қаржы жылының
15 қазанынан кешіктірілмей аяқталады.
3. Аудандық маңызы бар қала, ауыл, кент, ауылдық округ бюджеттері туралы мәслихат шешімі жобасының мәтінін ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органы аудандық маңызы бар қала, ауыл, кент, ауылдық округ әкімдері аппараттарымен бірлесіп әзірлейді және онда кезекті қаржы жылына арналған:
1) кірістердің, трансферттер түсімінің, шығындардың, қаржы активтерімен операциялар бойынша сальдоның, бюджеттер тапшылығының (профицитінің), бюджет тапшылығын қаржыландырудың (профицитін пайдаланудың) көлемі;
2) аудандық (облыстық маңызы бар қаланың) бюджеттен аудандық маңызы бар қала, ауыл, кент, ауылдық округ бюджеттеріне берілетін бюджеттік субвенциялардың көлемі;
3) аудандық маңызы бар қала, ауыл, кент, ауылдық округ бюджеттерінен аудандық (облыстық маңызы бар қаланың) бюджетке бюджеттік алып қоюдың көлемі;
4) өзге де ережелер қамтылуға тиіс.
4. Аудандық маңызы бар қала, ауыл, кент, ауылдық округ бюджеттері туралы мәслихат шешімінің жобасына әрбір жергілікті бюджет бойынша:
1) осы Кодексте және бірыңғай бюджеттік сыныптамада айқындалған құрылымға сәйкес жоспарлы кезеңнің әрбір жылы бойынша жекелеген қосымшалармен қалыптастырылған, жоспарлы кезеңге арналған бюджеттің жобасы қоса беріледі.
Бұл ретте түсімдер санаттар, сыныптар және кіші сыныптар бойынша баяндалады, ал шығыстар функционалдық топтар, бюджеттік бағдарламалардың әкімшілері және бюджеттік бағдарламалар бойынша баяндалады. «Бюджет тапшылығын қаржыландыру (профицитті пайдалану)» бөлімі жалпы сомамен ұсынылады.
Жоспарлы кезеңнің екінші және үшінші жылдарына арналған шығыстарда базалық шығыстар функционалдық топтар, бюджеттік бағдарламалар әкімшілері және бюджеттік бағдарламалар бойынша баяндалады, ал жаңа бастамалардың шығыстары бір бюджеттік бағдарламамен көрсетіледі;
2) жергілікті бюджетті атқару процесінде секвестрлеуге жатпайтын, оның ішінде аудандық бюджетті бекіту туралы аудандық мәслихаттың шешімімен белгіленген, кезекті қаржы жылына арналған бюджеттік бағдарламалардың тізбесі;
3) басқа да деректер қоса беріледі.
5. Кезекті қаржы жылына арналған аудандық маңызы бар қала, ауыл, кент, ауылдық округ бюджеттерінің бекітілетін тапшылығының (профицитінің) мөлшері ақшалай түрде көрсетіледі.
6. Аудандық маңызы бар қала, ауыл, кент, ауылдық округ әкімдерінің аппараттары аудандық (облыстық маңызы бар қаланың) бюджет комиссиясы мақұлдаған аудандық маңызы бар қала, ауыл, кент, ауылдық округ бюджеттерінің жобаларын жергілікті қоғамдастық жиналысының қарауына ағымдағы қаржы жылының 1 қарашасынан кешіктірмей ұсынады.»;
35) 75-бапта:
1-тармақта:
екінші бөлік мынадай редакцияда жазылсын:
«Ауданның (облыстық маңызы бар қаланың) жергілікті атқарушы органы аудандық (облыстық маңызы бар қаланың) бюджеттің жобасын тиісті мәслихатқа ағымдағы қаржы жылының 1 қарашасынан кешіктірмей енгізеді.»;
мынадай мазмұндағы үшінші бөлікпен толықтырылсын:
Ауданның (облыстық маңызы бар қаланың) жергілікті атқарушы органы аудандық маңызы бар қала, ауыл, кент, ауылдық округ бюджеттерінің жобаларын ауданның (облыстық маңызы бар қаланың) мәслихатына ағымдағы қаржы жылының 10 қарашасынан кешіктірмей енгізеді.»;
2-тармақта:
екінші бөлік мынадай редакцияда жазылсын:
«Ауданның (облыстық маңызы бар қаланың) мәслихаты облыстық бюджетті бекіту туралы облыстық мәслихаттың шешіміне қол қойылғаннан кейін аудандық (облыстық маңызы бар қаланың) бюджетті екі апта мерзімнен кешіктірмей бекітеді.»;
мынадай мазмұндағы үшінші бөлікпен толықтырылсын:
«Ауданның (облыстық маңызы бар қаланың) мәслихаты аудандық маңызы бар қала, ауыл, кент, ауылдық округ бюджеттерін аудандық бюджетті бекіту туралы аудан (облыстық маңызы бар қала) мәслихатының шешіміне қол қойылғаннан кейін екі апта мерзімнен кешіктірмей бекітеді.»;
3-тармақта:
бірінші бөлік мынадай редакцияда жазылсын:
«3. Егер мәслихат осы баптың 2-тармағында белгіленген мерзімде жергілікті бюджет туралы шешімді қабылдамаған болса, тиісті әкімшілік-аумақтық бірліктің жергілікті атқарушы органы немесе аудандық маңызы бар қала, ауыл, кент, ауылдық округ әкімдері кезекті қаржы жылының бірінші тоқсанына арналған жергілікті қаржы жоспары туралы қаулы немесе шешім шығарады, ол мәслихат жергілікті бюджетті бекіткенге дейін қолданылады. Кезекті қаржы жылының бірінші тоқсанына арналған жергілікті қаржы жоспары туралы жергілікті атқарушы орган қаулысының жобасын мемлекеттік жоспарлау жөніндегі жергілікті уәкілетті орган әзірлейді.»;
мынадай мазмұндағы үшінші бөлікпен толықтырылсын:
«Кезекті қаржы жылының бірінші тоқсанына арналған жергілікті қаржы жоспары туралы аудандық маңызы бар қала, ауыл, кент, ауылдық округ әкімдері шешімдерінің жобаларын тиісті әкімшілік-аумақтық бірлік әкімдерінің аппараттары әзірлейді.»;
5 және 6-тармақтар мынадай редакцияда жазылсын:
«5. Облыстардың, республикалық маңызы бар қалалардың, астананың жергілікті атқарушы органдары аудандық (қалалық) мәслихаттар аудандық (облыстық маңызы бар қаланың) бюджеттерді, аудандық маңызы бар қала, ауыл, кент, ауылдық округ бюджеттерін бекіту туралы шешімдер қабылдағаннан кейін күнтізбелік жеті күннің ішінде мемлекеттік жоспарлау жөніндегі орталық уәкілетті органға және бюджеттік жоспарлау жөніндегі орталық уәкілетті органға бекітілген жергілікті бюджеттердің негізінде жинақталған облыстардың, республикалық маңызы бар қалалардың, астананың бюджеттерін, сондай-ақ жергілікті бюджеттерден қаржыландырылатын жоспарлы кезеңге арналған инвестициялық жобалардың тізбесін ұсынады.
6. Мәслихаттың жергілікті бюджет туралы шешімі қосымшаларымен бірге және кезекті қаржы жылының бірінші тоқсанына арналған жергілікті қаржы жоспары туралы жергілікті атқарушы органның қаулысы (аудандық маңызы бар қала, ауыл, кент, ауылдық округ әкімдерінің шешімдері) қосымшаларымен бірге бұқаралық ақпарат құралдарында жарияланады.»;
36) 78-бапта:
тақырып мынадай редакцияда жазылсын:
«78-бап. Жергілікті бюджеттің жобасын мәслихаттың тұрақты комиссияларында және сессиясында қарау»;
2-тармақ мынадай редакцияда жазылсын:
«2. Тиісті мәслихаттардың тұрақты комиссиялары комиссия мүшелерінің арасынан жұмыс топтарын құрады. Жұмыс топтарына жергілікті атқарушы органдардың және жергілікті өзін-өзі басқару органдарының өкілдері тартылуы мүмкін.»;
5-тармақ мынадай мазмұндағы екінші бөлікпен толықтырылсын:
«Тиісті мәслихаттың сессиясында аудандық маңызы бар қала, ауыл, кент, ауылдық округ бюджеттерінің жобаларын талқылау аудан (облыстық маңызы бар қала) әкімінің немесе жергілікті атқарушы орган уәкілеттік берген адамның (адамдардың) облыстың, республикалық маңызы бар қаланың, астананың әлеуметтік-экономикалық даму болжамы, аудандық маңызы бар қала, ауыл, кент, ауылдық округ бюджеттерінің жобалары бойынша, сондай-ақ мәслихат уәкілеттік берген адамдардың баяндамаларын, аудандық маңызы бар қала, ауыл, кент, ауылдық округ бюджеттерінің жобалары бойынша қорытындыларын қоса, қамтиды.»;
37) 79-бапта:
тақырып мынадай редакцияда жазылсын:
«79-бап. Республикалық бюджет туралы заңды және жергілікті бюджеттер туралы мәслихаттардың шешімдерін іске асыру туралы Қазақстан Республикасының Үкіметі мен жергілікті атқарушы органдардың қаулылары, аудандық маңызы бар қала, ауыл, кент, ауылдық округ әкімдерінің шешімдері»;
1-тармақта:
екінші бөлік мынадай редакцияда жазылсын:
«Жергілікті атқарушы органның жергілікті бюджет туралы мәслихаттың шешімін іске асыру туралы қаулысы (аудандық маңызы бар қала, ауыл, кент, ауылдық округ әкімдерінің шешімдері) мәслихат жергілікті бюджетті бекіткеннен кейін күнтізбелік он төрт күннің ішінде қабылданады.»;
мынадай мазмұндағы үшінші бөлікпен толықтырылсын:
«Жергілікті бюджет туралы аудан (облыстық маңызы бар қала) мәслихатының шешімін іске асыру туралы аудандық маңызы бар қала, ауыл, кент, ауылдық округ әкімдері шешімдерінің жобаларын тиісті әкімшілік-аумақтық бірлік әкімдерінің аппараттары әзірлейді.»;
2-тармақта:
бірінші бөлік мынадай редакцияда жазылсын:
«2. Қазақстан Республикасы Үкіметінің және жергілікті атқарушы органдардың республикалық бюджет туралы заңды және жергілікті бюджет туралы мәслихаттың шешімін іске асыру туралы қаулылары (аудандық маңызы бар қала, ауыл, кент, ауылдық округ әкімдері шешімдері) бюджетті атқару жөніндегі уәкілетті органға, тиісті әкімшілік-аумақтық бірлік әкімдерінің аппараттарына, бюджеттік бағдарламалардың әкімшілеріне бюджеттің уақтылы атқарылуын қамтамасыз ету жөнінде, жергілікті атқарушы органдарға және тиісті әкімшілік-аумақтық бірлік әкімдерінің аппараттарына жоғары тұрған бюджеттен бөлінетін нысаналы трансферттер мен кредиттерді пайдалану бөлігінде тапсырмаларды көздейді.»;
үшінші бөліктің 1), 2) тармақшалары мынадай редакцияда жазылсын:
«1) аудандар (облыстық маңызы бар қалалар), аудандық маңызы бар қалалар, ауылдар, кенттер, ауылдық округтер арасында төмен тұрған бюджеттерге нысаналы трансферттер мен кредиттер бөлу;
2) объектілер бойынша инвестициялық жобаларды, сондай-ақ аудандар, облыстық маңызы бар қалалар, аудандық маңызы бар қалалар, ауылдар, кенттер, ауылдық округтер бойынша нысаналы даму трансферттерін қоса алғанда, жоспарлы кезеңге арналған басым жергілікті бюджеттік инвестициялардың тізбесі;»;
мынадай мазмұндағы төртінші бөлікпен толықтырылсын:
«Аудандық маңызы бар қала, ауыл, кент, ауылдық округ бюджеттері туралы мәслихаттың шешімін іске асыру туралы аудандық маңызы бар қала, ауыл, кент, ауылдық округ әкімінің шешіміне:
1) объектілер бойынша инвестициялық жобаларды қоса алғанда, басым жергілікті бюджеттік инвестициялардың тізбесі;
2) айқындалуы тиісті әкімшілік-аумақтық бірлік әкімдерінің аппараттарына жүктелген, аудандық маңызы бар қала, ауыл, кент, ауылдық округтің бюджеттері туралы мәслихаттың шешімін іске асыруға қажетті басқа да деректер немесе көрсеткіштер қоса беріледі.»;
3-тармақтың екінші бөлігі мынадай редакцияда жазылсын:
«Жергілікті бюджет нақтыланған жағдайда, жергілікті бюджет туралы мәслихаттың шешімін іске асыру туралы жергілікті атқарушы органның қаулысына (аудандық маңызы бар қала, ауыл, кент, ауылдық округ әкімдерінің шешімдеріне) өзгерістер мен толықтырулар енгізу туралы жергілікті атқарушы органның қаулысы (аудандық маңызы бар қала, ауыл, кент, ауылдық округ әкімдерінің шешімдері) мәслихаттың жергілікті бюджет туралы шешіміне өзгерістер мен толықтырулар енгізу туралы мәслихат шешімі бекітілгеннен кейін екі апта мерзімде бекітіледі.»;
38) 82-баптың 3-тармағы мынадай мазмұндағы екінші бөлікпен толықтырылсын:
«Аудандық маңызы бар қала, ауыл, кент, ауылдық округ бюджеттерінің атқарылуын тиісті әкімшілік-аумақтық бірлік әкімдерінің аппараттары қамтамасыз етеді.»;
39) 84-баптың 3), 4) және 5) тармақшалары мынадай редакцияда жазылсын:
«3) республикалық қаржы жоспары туралы жарлық және кезекті қаржы жылының бірінші тоқсанына арналған жергілікті қаржы жоспары туралы жергілікті атқарушы органның қаулысы немесе аудандық маңызы бар қала, ауыл, кент, ауылдық округ әкімдерінің шешімдері;
4) республикалық бюджет туралы заңды немесе жергілікті бюджет туралы мәслихаттың шешімін іске асыру туралы Қазақстан Республикасы Үкіметінің немесе жергілікті атқарушы органның қаулысы немесе аудандық маңызы бар қалалар, ауылдар, кенттер, ауылдық округтер әкімдерінің шешімдері;
5) Қазақстан Республикасы Үкіметінің немесе жергілікті атқарушы органның немесе аудандық маңызы бар қалалар, ауылдар, кенттер, ауылдық округтер әкімдерінің республикалық немесе жергілікті бюджеттердің атқарылуы барысында қабылдайтын шешімдері;»;
40) 85-бапта:
1-тармақ мынадай мазмұндағы екінші бөлікпен толықтырылсын:
«Міндеттемелер бойынша қаржыландырудың жиынтық жоспарын, аудандық маңызы бар қалалардың, ауылдардың, кенттердің, ауылдық округтердің бюджеттері бойынша түсімдердің және төлемдер бойынша қаржыландырудың жиынтық жоспарын жасауды, бекітуді және жүргізуді тиісті әкімшілік-аумақтық бірлік әкімдерінің аппараттары жүзеге асырады.»;
4-тармақ мынадай мазмұндағы үшінші бөлікпен толықтырылсын:
«Аудандық маңызы бар қала, ауылдар, кенттер, ауылдық округтер бюджеттеріне түсетін түсімдердің жиынтық жоспарын Қазақстан Республикасының заңнамалық актілеріне сәйкес бюджетке төленетін төлемдер түсімдерінің мерзімін, бюджетке бұрынғы жылдары түскен төлемдер түсімдерінің қарқынын, кредиттік шарттардың, қарыз шарттарының талаптарын негізге ала отырып, бюджет түсімдері сыныптамасының топтама кодтарының толық көлемі бойынша тиісті әкімшілік-аумақтық бірлік әкімінің аппараты жасайды.»;
7-тармақ мынадай мазмұндағы екінші бөлікпен толықтырылсын:
«Аудандық маңызы бар қала, ауылдар, кенттер, ауылдық округтер бюджеттері бюджеттік бағдарламалары әкімшілерінің міндеттемелері және төлемдері бойынша қаржыландыру жоспарын шығыстардың функционалдық және экономикалық сыныптамалары бойынша бюджеттік бағдарламалар әкімшілері әзірлейді.»;
41) 102-1-бап мынадай мазмұндағы 6-1-тармақпен толықтырылсын:
«6-1. Аудандық маңызы бар қаланың, ауылдың, кенттің, ауылдық округтің аумағында бюджет қалыптасқан жағдайда, Қазақстан Республикасының жергілікті мемлекеттік басқару және өзін-өзі басқару туралы заңнамасында көзделген түсімдерден жергілікті өзін-өзі басқарудың қолма-қол ақшаны бақылау шотында есепті қаржы жылының аяғына қарай пайдаланылмай қалған қаражат қалдықтарын тиісті әкімшілік-аумақтық бірлік әкімінің аппараты аудандық маңызы бар қаланың, ауылдың, кенттің, ауылдық округтің тиісті бюджеттерінің түсімдерінің есебіне жатқызады.»;
42) 104-баптың 4-тармағының 5) тармақшасы мынадай редакцияда жазылсын:
«5) республикалық, облыстық немесе аудандық (облыстық маңызы бар қаланың) бюджеттен бөлінген нысаналы трансферттердің өткен қаржы жылында пайдаланылмаған (толық пайдаланылмаған) сомаларын қайтаруға;»;
43) 106-баптың 4-тармағы мынадай мазмұндағы екінші бөлікпен толықтырылсын:
«Тиісті әкімшілік-аумақтық бірлік әкімдерінің және жергілікті өзін-өзі басқару органдарының бастамашылығы бойынша аудандық маңызы бар қала, ауыл, кент, ауылдық округ бюджеттерін ағымдағы қаржы жылы ішінде тоқсанына бір реттен жиі емес нақтылауға жол беріледі.»;
44) 109-бап мынадай редакцияда жазылсын:
«109-бап. Аудандық (облыстық маңызы бар қаланың) бюджетті нақтылау
1. Аудандық (облыстық маңызы бар қаланың) бюджетті оның атқарылуы барысында нақтылау осы Кодекске сәйкес тиісті жергілікті атқарушы органның және (немесе) мәслихат депутаттарының ұсыныстары негізінде жүзеге асырылады.
2. Аудандық (облыстық маңызы бар қаланың) бюджетті нақтылау жөніндегі ұсыныстарды тиісті бюджет комиссиясы қарайды.
3. Ауданның (облыстық маңызы бар қаланың) бюджетін нақтылау кезінде осы Кодексте белгіленген аудандық (облыстық маңызы бар қаланың) бюджетті әзірлеу мен бекіту кезіндегі талаптар сақталады.
4. Аудандық (облыстық маңызы бар қаланың) бюджетті Қазақстан Республикасының бюджет заңнамасына сәйкес облыстық бюджет пен аудандық (облыстық маңызы бар қалаларының) бюджеттер арасында бөлінетін түсімдер бойынша нақтылау облыстың мемлекеттік жоспарлау жөніндегі жергілікті уәкілетті органымен келісу бойынша жүргізіледі.
5. Аудандық (облыстық маңызы бар қаланың) бюджетті нақтылау облыстық бюджетті нақтылауға байланысты жүргізілген жағдайда, мәслихаттың тиісті шешімі облыстық бюджет туралы мәслихаттың шешімін іске асыру туралы жергілікті атқарушы органның қаулысына өзгерістер мен толықтырулар енгізу туралы жергілікті атқарушы органның қаулысы қабылданғаннан кейін екі апталық мерзімнен кешіктірілмей қабылданады.»;
45) мынадай мазмұндағы 109-1-баппен толықтырылсын:
«109-1-бап. Аудандық маңызы бар қала, ауыл, кент, ауылдық округ бюджеттерін нақтылау
1. Аудандық маңызы бар қала, ауыл, кент, ауылдық округ бюджеттерін оның атқарылуы барысында нақтылау осы Кодекске сәйкес тиісті аудан әкімдерінің және жергілікті өзін-өзі басқару органдарының, атқарушы органының және (немесе) аудан (облыстық маңызы бар қала) мәслихаты депутаттарының ұсыныстары негізінде жүзеге асырылады.
2. Аудандық маңызы бар қала, ауыл, кент, ауылдық округтің бюджеттерін нақтылау жөніндегі ұсыныстарды тиісті әкімшілік-аумақтық бірлік әкімдерінің аппараттары, тиісті ауданның (облыстық маңызы бар қаланың) бюджеттік комиссиясы қарайды.
3. Аудандық маңызы бар қала, ауыл, кент, ауылдық округ бюджеттерін нақтылау кезінде осы Кодексте белгіленген аудандық маңызы бар қала, ауыл, кент, ауылдық округ бюджеттерін әзірлеу мен бекіту кезіндегі талаптар сақталады.
4. Аудандық маңызы бар қала, ауыл, кент, ауылдық округ бюджеттерін нақтылау аудандық (облыстық маңызы бар қаланың) бюджетті нақтылауға байланысты жүргізілген жағдайда, аудан (облыстық маңызы бар қала) мәслихатының тиісті шешімі аудандық (облыстық маңызы бар қаланың) бюджет туралы мәслихаттың шешімін іске асыру туралы жергілікті атқарушы органның қаулысына өзгерістер мен толықтырулар енгізу туралы ауданның (облыстық маңызы бар қаланың) жергілікті атқарушы органының қаулысы қабылданғаннан кейін екі апта мерзімнен кешіктірілмей қабылданады.»;
46) 110-бапта:
2-тармақ мынадай редакцияда жазылсын:
«2. Секвестрлеуге жатпайтын бюджеттік бағдарламалардың (кіші бағдарламалардың) шығыстарын қоспағанда, бюджет шығыстарын бекітілген жылдық көлемінің он пайызынан аз сомасына секвестрлеу Қазақстан Республикасы Үкіметінің немесе жергілікті атқарушы органның (аудандық маңызы бар қала, ауыл, кент, ауылдық округ әкімдерінің) шешімі бойынша, он пайыздан астам сомаға секвестрлеу – заңның немесе мәслихат шешімінің негізінде жүзеге асырылуы мүмкін.»;
3-тармақ мынадай мазмұндағы екінші бөлікпен толықтырылсын:
«Аудандық маңызы бар қала, ауыл, кент, ауылдық округ әкімдерінің секвестр жүргізу туралы шешімдерінің негізінде тиісті әкімшілік-аумақтық бірлік әкімдерінің аппараттары осы Кодексте белгіленген тәртіппен бюджет түсімдері мен шығыстарын өзгерту арқылы тиісті бюджетті түзетуді жүзеге асырады.»;
47) 111-бапта:
1-тармақтың бірінші бөлігі мынадай редакцияда жазылсын:
«1. Бюджеттік жоспарлау жөніндегі орталық уәкілетті орган айқындайтын тәртіппен Қазақстан Республикасы Үкіметінің және жергілікті атқарушы органдардың қаулылары, аудандық маңызы бар қала, ауыл, кент, ауылдық округ әкімдерінің шешімдері және өзге де нормативтік құқықтық актілер негізінде түсімдердің және төлемдер бойынша қаржыландырудың жиынтық жоспарына, кезекті қаржы жылына арналған міндеттемелер бойынша қаржыландырудың жиынтық жоспарына өзгерістер мен толықтырулар енгізу арқылы, бекітілген (нақтыланған) бюджеттің көрсеткіштерін өзгерту бюджетті түзету болып табылады.»;
3-тармақтың 2) тармақшасы мынадай редакцияда жазылсын:
«2) қаржы жылы iшiнде төмен тұрған бюджетке Қазақстан Республикасы Үкiметiнiң, облыстың және ауданның (облыстық маңызы бар қаланың) жергілікті атқарушы органының резервтерiнен қаражат бөлiнген, сондай-ақ қаржы жылы ішінде төмен тұрған бюджетке жоғары тұрған бюджетте көзделген бөлінетін бюджеттік бағдарламалардан қаражат бөлінген;»;
48) 112-баптың 2-тармағы мынадай редакцияда жазылсын:
«2. Бюджеттік мониторингті бюджеттік бағдарламалар әкімшілері, бюджетті атқару жөніндегі орталық және жергілікті уәкілетті органдар, аудандық маңызы бар қала, ауыл, кент, ауылдық округ әкімдерінің аппараттары жүзеге асырады.»;
49) мынадай мазмұндағы 120-3-баппен толықтырылсын:
«120-3-бап. Аудан (облыстық маңызы бар қала) бюджетінің, аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық шоғырландырылған қаржылық есептілікті жасау
1. Бюджетті атқару жөніндегі жергілікті уәкілетті органдар тиісті қаржы жылындағы бухгалтерлік баланстан, қаржы қызметінің нәтижелері туралы есептен, таза активтердің/капиталдың өзгерістері туралы есептен, ақша қозғалысы туралы есептен, түсіндірме жазбадан тұратын аудан (облыстық маңызы бар қала) бюджетінің және аудандық (облыстық маңызы бар қаланың) бюджеттің атқарылуы туралы жылдық шоғырландырылған қаржылық есептілікті жасайды.
Аудандық маңызы бар қала, ауыл, кент, ауылдық округ әкімдерінің аппараттары тиісті қаржы жылындағы бухгалтерлік баланстан, қаржы қызметінің нәтижелері туралы есептен, таза активтердің/капиталдың өзгерістері туралы есептен, ақша қозғалысы туралы есептен, түсіндірме жазбадан тұратын аудандық маңызы бар қала, ауыл, кент, ауылдық округ бюджеттерінің атқарылуы туралы жылдық шоғырландырылған қаржылық есептілікті жасайды және оны ауданның (облыстық маңызы бар қаланың) бюджетін атқару жөніндегі жергілікті уәкілетті органдарға ұсынады.
2. Бюджет түсімдері аудан (облыстық маңызы бар қала) бюджетінің, аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық шоғырландырылған қаржылық есептілікте бюджетті атқару жөніндегі орталық уәкiлеттi орган айқындаған тәртiппен көрсетіледі.»;
50) 124-баптың 1-тармағы 3) тармақшасының бірінші және екінші абзацтары мынадай редакцияда жазылсын:
«3) бюджетті атқару жөніндегі уәкілетті органдардың және аудандық маңызы бар қала, ауыл, кент, ауылдық округ әкімдері аппараттарының бюджеттік есептілігін:
республикалық, тиісті жергілікті бюджеттердің, облыстар, аудандар (облыстық маңызы бар қалалар), аудандық маңызы бар қала, ауыл, кент, ауылдық округ бюджеттерінің, мемлекеттік және шоғырландырылған бюджеттердің атқарылуы туралы есептерді;»;
51) 125-бапта:
4-тармақ мынадай редакцияда жазылсын:
«4. Ауданның (облыстық маңызы бар қаланың) бюджетті атқару жөніндегі жергілікті уәкілетті органы есепті айдан кейінгі айдың бірінші күніндегі жағдай бойынша ай сайын аудан (облыстық маңызы бар қала) бюджетінің, аудандық (облыстық маңызы бар қаланың) бюджеттің және аудандық маңызы бар қала, ауыл, кент, ауылдық округ бюджеттерінің атқарылуы туралы есепті, сондай-ақ осы Кодексте көзделген басқа да есептерді әкімдікке, облыстың тексеру комиссиясына, ауданның (облыстық маңызы бар қаланың) мемлекеттік жоспарлау жөніндегі жергілікті уәкілетті органына, облыстың бюджетті атқару жөніндегі жергілікті уәкілетті органына және ішкі мемлекеттік аудит жөніндегі уәкілетті органға ұсынады.»;
мынадай мазмұндағы 4-1-тармақпен толықтырылсын:
«4-1. Аудандық маңызы бар қала, ауыл, кент, ауылдық округ әкімінің аппараты есепті айдан кейінгі айдың бірінші күніндегі жағдай бойынша ай сайын аудандық маңызы бар қала, ауыл, кент, ауылдық округ бюджетінің атқарылуы туралы есепті, сондай-ақ осы Кодексте көзделген басқа да есептерді ауданның (облыстық маңызы бар қаланың) бюджетті атқару жөніндегі жергілікті уәкілетті органына табыс етеді.»;
52) 131-бап мынадай редакцияда жазылсын:
«131-бап. Аудандық (облыстық маңызы бар қаланың) бюджеттің атқарылуы туралы жылдық есепті ұсыну
1. Ауданның (облыстың маңызы бар қаланың) бюджетті атқару жөніндегі жергілікті уәкілетті органы есепті жылдан кейінгі жылдың 1 наурызынан кешіктірмей есепті қаржы жылындағы аудандық (облыстың маңызы бар қаланың) бюджеттің атқарылуы туралы жылдық есепті қосымшаларымен бірге әкімдікке, ауданның (облыстың маңызы бар қаланың) мемлекеттік жоспарлау жөніндегі жергілікті уәкілетті органына және ішкі мемлекеттік аудит жөніндегі уәкілетті органға ұсынады.
2. Есепті қаржы жылындағы аудандық (облыстық маңызы бар қаланың) бюджеттің атқарылуы туралы жылдық есеп:
1) аудандық (облыстық маңызы бар қаланың) бюджет туралы мәслихаттың шешіміне қосымшаларға сәйкес аудандық (облыстық маңызы бар қаланың) бюджет көрсеткіштерінің атқарылуы туралы деректерді білдіретін тиісті қаржы жылындағы аудандық (облыстық маңызы бар қаланың) бюджеттің атқарылуы туралы есептен;
2) аудандық (облыстық маңызы бар қаланың) бюджеттің түсімдер бойынша атқарылуы, жүргізілген бюджеттік мониторинг және оның нәтижелерін бағалау негізінде жергілікті бюджеттік бағдарламалардың орындалуы туралы талдамалық есептен тұрады.
Жергілікті бюджеттік бағдарламалардың орындалуы туралы талдамалық есепте аумақтарды дамыту бағдарламаларының нысаналы индикаторларына, жергілікті бюджеттік бағдарламалардың тікелей және түпкілікті нәтижелерінің көрсеткіштеріне қол жеткізу, бөлінген бюджет қаражатының игерілуі, бюджеттік бағдарламалардың тиімсіз атқарылуы туралы ақпарат қамтылады;
3) түсіндірме жазбадан тұрады.
3. Түсіндірме жазба экономикалық ахуал және облыстың, республикалық маңызы бар қаланың, астананың тиісті кезеңге арналған әлеуметтік-экономикалық даму болжамында қабылданған салық-бюджет саясатының негізгі бағыттарының іске асырылуы туралы, тиісті қаржы жылына арналған аудандық (облыстық маңызы бар қаланың) бюджет баптарының орындалуы туралы талдамалық ақпаратты қамтиды.
4. Ауданның (облыстық маңызы бар қаланың) әкімдігі «Қоғамдық кеңестер туралы» Қазақстан Республикасының Заңына сәйкес құрылатын қоғамдық кеңестің отырысында аудандық (облыстық маңызы бар қаланың) бюджеттің атқарылуы туралы жылдық есепті талқылауды өткізеді.
5. Аудан (облыстық маңызы бар қала) әкімдігі есепті қаржы жылындағы аудандық (облыстық маңызы бар қаланың) бюджеттің атқарылуы туралы жылдық есепті жыл сайын қосымшаларымен бірге:
1) ағымдағы жылдың 20 наурызынан кешіктірмей құрамына тиісті аудан (облыстық маңызы бар қала) кіретін облыстың, республикалық маңызы бар қаланың, астананың тексеру комиссиясына;
2) ағымдағы жылдың 1 сәуірінен кешіктірмей ауданның (облыстық маңызы бар қаланың) мәслихатына ұсынады.»;
53) мынадай мазмұндағы 131-1-тармақпен толықтырылсын:
«131-1-бап. Аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті ұсыну
1. Аудандық маңызы бар қала, ауыл, кент, ауылдық округ әкімінің аппараты есепті жылдан кейінгі жылдың 20 ақпанынан кешіктірмей есепті қаржы жылындағы аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті қосымшаларымен бірге жергілікті қоғамдастықтың жиналысына, ауданның (облыстың маңызы бар қаланың) мемлекеттік жоспарлау және бюджеттің атқарылуы жөніндегі жергілікті уәкілетті органдарына ұсынады.
2. Есепті қаржы жылындағы аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есеп:
1) аудандық маңызы бар қала, ауыл, кент, ауылдық округ бюджеттері туралы аудан (облыстық маңызы бар қала) мәслихатының шешіміне қосымшаларға сәйкес аудандық маңызы бар қала, ауыл, кент, ауылдық округ бюджеттері көрсеткіштерінің атқарылуы туралы деректерді білдіретін тиісті қаржы жылындағы аудандық маңызы бар қала, ауыл, кент, ауылдық округ бюджеттерінің атқарылуы туралы есептен;
2) аудандық маңызы бар қала, ауыл, кент, ауылдық округ бюджеттерінің түсімдер бойынша атқарылуы, жүргізілген бюджеттік мониторинг және оның нәтижелерін бағалау негізінде жергілікті бюджеттік бағдарламалардың орындалуы туралы талдамалық есептен тұрады.
Жергілікті бюджеттік бағдарламалардың орындалуы туралы талдамалық есепте аумақтарды дамыту бағдарламаларының нысаналы индикаторларына, жергілікті бюджеттік бағдарламалардың тікелей және түпкілікті нәтижелерінің көрсеткіштеріне қол жеткізу, бөлінген бюджет қаражатының игерілуі, бюджеттік бағдарламалардың тиімсіз орындалуы туралы ақпарат қамтылады;
3) түсіндірме жазбадан тұрады.
3. Түсіндірме жазба экономикалық ахуал және тиісті қаржы жылына арналған аудандық маңызы бар қала, ауыл, кент, ауылдық округ бюджеттері баптарының орындалуы туралы талдамалық ақпаратты қамтиды.
4. Аудандық маңызы бар қала, ауыл, кент, ауылдық округ әкімінің аппараты жергілікті қоғамдастықтың жиналысында аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті талқылауды өткізеді.
5. Аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісуден кейін есепті қаржы жылындағы аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті жыл сайын қосымшаларымен бірге:
1) ағымдағы жылдың 10 наурызынан кешіктірмей облыстың тексеру комиссиясына;
2) ағымдағы жылдың 20 наурызынан кешіктірмей ауданның (облыстық маңызы бар қаланың) мәслихатына ұсынады.»;
54) 132-бап мынадай редакцияда жазылсын:
«132-бап. Аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округтің бюджеттерінің атқарылуы туралы жылдық есепті қарау және бекіту»;
1-бап мынадай редакцияда жазылсын:
«1. Аудан (облыстық маңызы бар қала) мәслихаты аудан (облыстық маңызы бар қала) әкімдігінің, аудандық маңызы бар қала, ауыл, кент, ауылдық округ әкімдерінің есепті қаржы жылындағы аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есебін облыстың тексеру комиссиясының аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы есебін алғаннан кейін бір ай ішінде мәслихаттың тұрақты комиссияларында қарайды.»;
2. Жылдық есепті қараған кезде мәслихат:
әкімдік уәкілеттік берген адамының аудандық (облыстық маңызы бар қаланың) бюджеттің атқарылуы туралы баяндамасын;
облыстың тексеру комиссиясы төрағасының немесе төраға уәкілеттік берген мүшесінің аудандық (облыстық маңызы бар қаланың) бюджеттің атқарылуы туралы баяндамасын;
әкімдік уәкілеттік берген адамының ауданды (облыстық маңызы бар қаланы) дамыту бағдарламасын іске асыру туралы баяндамасын;
бюджеттік бағдарламалар әкімшілерінің бірінші басшыларының ауданды (облыстық маңызы бар қаланы) дамыту бағдарламасының нысаналы индикаторларына қол жеткізу, бюджеттік бағдарламаларды іске асыру туралы баяндамаларын;
мәслихат уәкілеттік берген адамының (адамдарының) аудандық (облыстық маңызы бар қаланың) бюджеттің атқарылуы туралы есебі жөніндегі қорытындысымен бірге баяндамасын;
аудандық маңызы бар қала, ауыл, кент, ауылдық округ әкімінің аудандық маңызы бар қала, ауыл, кент, ауылдық округ бюджетінің атқарылуы туралы баяндамасын тыңдайды.
3. Мәслихаттың тұрақты комиссиялары аудандық (облыстық маңызы бар қаланың) бюджеттің, аудандық маңызы бар қала, ауыл, кент, ауылдық округ бюджеттерінің атқарылуы туралы жылдық есепті қарағаннан кейін ол мәслихаттың сессиясында бекітіледі.»;
55) 177-баптың 2-тармағының 2) тармақшасы мынадай редакцияда жазылсын:
«2) жергілікті атқарушы органдар, аудандық маңызы бар қала, ауыл, кент, ауылдық округ әкімдерінің аппараттары;»;
56) 183-баптың 1-тармағының екінші бөлігі мынадай редакцияда жазылсын:
«Жергілікті атқарушы органдарға, аудандық маңызы бар қала, ауыл, кент, ауылдық округ әкімдерінің аппараттарына және тізбесін Қазақстан Республикасының Үкіметі айқындайтын қаржы агенттіктеріне республикалық бюджеттен бюджеттік кредиттер міндеттемелерді орындау қамтамасыз етілмей бөлінуі мүмкін.»;
57) 199-баптың 1 және 2-тармақтары мынадай редакцияда жазылсын:
«1. Қазақстан Республикасы Үкіметінің, жергілікті атқарушы органдардың және аудандық маңызы бар қаланың, ауылдың, кенттің, ауылдық округтің әкімдері аппараттарының қарыз алуы, мемлекет кепілдендірілген қарыз алу Қазақстан Республикасының бюджеттік заңнамасына сәйкес жүзеге асырылады.
Қазақстан Республикасы Ұлттық Банкінің қарыз алуы «Қазақстан Республикасының Ұлттық Банкі туралы» Қазақстан Республикасының Заңына сәйкес жүзеге асырылады».
2. Қазақстан Республикасы Үкіметінің, жергілікті атқарушы органдардың және аудандық маңызы бар қаланың, ауылдың, кенттің, ауылдық округтің әкімдері аппараттарының және Қазақстан Республикасы Ұлттық Банкінің қарыз алуы мемлекеттік қарыз алу болып табылады.»;
58) 200-баптың 1-тармағының 3) тармақшасы мынадай редакцияда жазылсын:
«3) жергілікті атқарушы органдардың және аудандық маңызы бар қаланың, ауылдың, кенттің, ауылдық округтің әкімдері аппараттарының қарыздары болып бөлінеді.»;
59) 209-баптың 2-тармағы мынадай редакцияда жазылсын:
«2. Аудандардың (облыстық маңызы бар қалалардың) жергілікті атқарушы органдарының қарыз алуы аудандық (облыстық маңызы бар қаланың) бюджет тапшылығын қаржыландыру үшін облыстың жергілікті атқарушы органынан қарыз алу түрінде жүзеге асырылады.
Аудандық маңызы бар қаланың, ауылдың, кенттің, ауылдық округтің әкімдері аппараттарының қарыз алуы ауданның (облыстық маңызы бар қаланың) жергілікті атқарушы органынан тиісті жергілікті бюджет тапшылығын қаржыландыру үшін қарыз алу түрінде жүзеге асырылады.»;
60) мынадай мазмұндағы 243-3, 243-4, 243-5-баптармен толықтырылсын:
«243-3-бап. 2017 қаржы жылына арналған жергілікті бюджеттерді нақтылау, түзету және атқару және 2017 қаржы жылындағы жергілікті бюджеттердің атқарылуы туралы есептілікті жасау ерекшеліктері
1. Қазақстан Республикасында мынадай деңгейдегі жергілікті бюджеттер: облыстық бюджет, республикалық маңызы бар қала, астана бюджеттері; аудан (облыстық маңызы бар қала) бюджеті бекітіледі, атқарылады және дербес болып табылады.
Облыстық бюджет, республикалық маңызы бар қала, астана бюджеттері, аудан (облыстық маңызы бар қала) бюджеті жергілікті бюджеттерге жатады.
Қазақстан Республикасында талдамалық ақпарат ретінде пайдаланылатын және бекітуге жатпайтын мемлекеттік және шоғырландырылған бюджеттер, облыс бюджеті жасалады.
2. Осы Кодексте айқындалған түсімдер есебінен қалыптастырылатын және ауданның (облыстық маңызы бар қаланың) жергілікті мемлекеттік органдарының, оларға ведомстволық бағынысты мемлекеттік мекемелердің міндеттері мен функцияларын қаржылық қамтамасыз етуге және тиісті ауданда (облыстық маңызы бар қалада) мемлекеттік саясатты іске асыруға арналған орталықтандырылған ақша қоры аудан (облыстық маңызы бар қала) бюджеті болып табылады.
Аудан (облыстық маңызы бар қала) бюджеті аудан (облыстық маңызы бар қала) мәслихатының шешімімен бекітіледі.
3. Аудандық деңгейдегі атқарушы органдардың резервіне:
1) төтенше резерв;
2) шұғыл шығындарға арналған резерв;
3) соттардың шешімдері бойынша міндеттемелерді орындауға арналған резерв кіреді.
4. Аудандық маңызы бар қаланың, ауылдың, кенттің, ауылдық округтің бюджеттік бағдарламаларының әкімшілері осы әкімшілік-аумақтық бірліктер әкімдерінің аппараттары болып табылады.
5. Аудандық (қалалық) бюджеттік бағдарламалар аудан (облыстық маңызы бар қала) бюджетінің құрамында бекітіледі, қаладағы ауданның, аудандық маңызы бар қаланың, ауылдың, кенттің, ауылдық округтің бюджеттік бағдарламалары республикалық маңызы бар қала, астана бюджеттерінің, аудан (облыстық маңызы бар қала) бюджетінің құрамында бекітіледі.
Облыстық, республикалық маңызы бар қала, астана, аудандық (қалалық) бюджеттік бағдарламалар, сондай-ақ қаладағы ауданның, аудандық маңызы бар қаланың, ауылдың, кенттің, ауылдық округтің бюджеттік бағдарламалары жергілікті бюджеттік бағдарламалар болып табылады.
6. Аудандық маңызы бар қаланың, ауылдың, кенттің, ауылдық округтің шығыстары аудан (облыстық маңызы бар қала) бюджетінің құрамында қаралады.
7. 2017 қаржы жылындағы аудан (облыстың маңызы бар қала) бюджетінің атқарылуы туралы жылдық есеп қосымшаларымен бірге әкімдікке, ауданның (облыстың маңызы бар қаланың) мемлекеттік жоспарлау жөніндегі жергілікті уәкілетті органына және ішкі мемлекеттік аудит жөніндегі уәкілетті органға 2018 қаржы жылының 1 наурызынан кешіктірілмей ұсынылады.
Аудан (облыстық маңызы бар қала) әкімдігі 2017 қаржы жылындағы аудан (облыстық маңызы бар қала) бюджетінің атқарылуы туралы жылдық есепті қосымшаларымен бірге:
1) 2018 қаржы жылының 20 наурызынан кешіктірмей құрамына тиісті аудан (облыстық маңызы бар қала) кіретін облыстың, республикалық маңызы бар қаланың, астананың тексеру комиссиясына;
2) 2018 қаржы жылының 1 сәуірінен кешіктірмей ауданның (облыстық маңызы бар қаланың) мәслихатына ұсынады.
2017 қаржы жылындағы аудан (облыстық маңызы бар қала) бюджетінің атқарылуы туралы жылдық есеп мәслихаттың тұрақты комиссияларында қаралғаннан кейін мәслихаттың сессиясында бекітіледі.
243-4 бап. 2018-2020 және 2019-2021 қаржы жылдарына арналған жергілікті бюджеттерді әзірлеу және бекіту ерекшеліктері
1. 2018-2020 және 2019-2021 қаржы жылдарына арналған аудандық маңызы бар қала, ауыл, кент, ауылдық округ бюджеттері тиісінше 2017 қаржы жылының 1 қаңтарындағы және 2018 қаржы жылының 1 қаңтарындағы жағдай бойынша халқының саны екі мың адамнан асатын аудандық маңызы бар қалалардың, ауылдардың, кенттердің, ауылдық округтердің аумағында құрылады.
2018-2020 және 2019-2021 қаржы жылдарына арналған аудандық маңызы бар қаланың, ауылдың, кенттің, ауылдық округтің бюджеттерін әзірлеу және бекіту осы Кодекстің 52-1, 56-1, 64, 65, 65-1, 66, 67, 68, 73-1, 75, 78 және 79-баптарының нормаларына сәйкес жүзеге асырылады.
2. 2017 қаржы жылының 1 қаңтарындағы және 2018 қаржы жылының
1 қаңтарындағы жағдай бойынша халқының саны екі мың адамнан аспайтын аудандық маңызы бар қалалардың, ауылдардың, кенттердің, ауылдық округтердің 2018-2020 және 2019-2021 қаржы жылдарына арналған шығыстары тиісінше аудандық (облыстық маңызы бар қаланың) бюджеттердің құрамында көзделеді.
Қазақстан Республикасының жергілікті мемлекеттік басқару және өзін-өзі басқару туралы заңнамасында көзделген түсімдерді есептеу және тиісінше 2017 қаржы жылының 1 қаңтарындағы және 2018 қаржы жылының 1 қаңтарындағы жағдай бойынша халқының саны екі мың адамнан аспайтын аудандық маңызы бар қала, ауыл, кент, ауылдық округ әкімдері жергілікті өзін-өзі басқару функцияларын іске асыруға бағыттаған шығыстарды жүргізуге байланысты операцияларды есепке алу үшін бюджетті атқару жөніндегі орталық уәкілетті орган қолма-қол ақшаны бақылау шоттарын (жергілікті өзін-өзі басқарудың қолма-қол ақшасын бақылау шотын) ашады.
Тиісінше 2017 қаржы жылының 1 қаңтарындағы және 2018 қаржы жылының 1 қаңтарындағы жағдай бойынша халқының саны екі мың адамнан аспайтын аудандық маңызы бар қала, ауыл, кент, ауылдық округ әкімдерінің жергілікті өзін-өзі басқару функцияларын іске асыруға бағыттаған ақша бойынша атқару осы Кодекстің 102-1-тармағына сәйкес жүзеге асырылады».;
243-5-бап. 2020-2022 және одан кейінгі қаржы жылдарына арналған жергілікті бюджеттерді әзірлеу және бекіту ерекшеліктері
2020 – 2022 және одан кейінгі қаржы жылдарына арналған аудандық маңызы бар қала, ауыл, кент, ауылдық округ бюджеттері осы әкімшілік-аумақтық бірліктер халқының санына қарамастан, аудандық маңызы бар қалалардың, ауылдардың, кенттердің, ауылдық округтердің аумағында құрылады.»;
61) 245-баптың 1-тармағы мынадай мазмұндағы екінші бөлікпен толықтырылсын:
«Осы Кодекстің 35-баптың 1-тармағының 1-1) тармақшасы, 2-1 және 6-тармақшалары, 54-баптың 1-тармағының 12) тармақшасының төртінші бөлімі, 56-баптың 1-тармағының 10) тармақшасының үшінші бөлімі, 5-тармағының 5), 8),14) тармақшалары, 88-баптың 1-тармағының 8) тармақшасы, 102-1 баптың 1-6 және 7 тармақшасы 2019 жылдың 31 желтоқсанына дейін қолданыста болады деп белгіленсін.».
3. «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149-құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; № 12, 111-құжат; № 13, 116-құжат; № 14, 117-құжат; № 15, 120-құжат; № 16, 128-құжат; № 20, 151-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 11, 15-құжаттар; № 3, 21, 22, 25, 27-құжаттар; № 4, 32-құжат; № 5, 35-құжат; № 6, 43, 44-құжаттар; № 8, 64-құжат; № 10, 77-құжат; № 11, 80-құжат; № 13, 91-құжат; № 14, 92-құжат; № 15, 97-құжат; № 20, 121-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 7, 10-құжаттар; № 3, 15-құжат; № 4, 21-құжат; № 8, 50-құжат; № 9, 51-құжат; № 10-11, 56-құжат; № 12, 57-құжат; № 14, 72-құжат; № 15, 76, 81, 82-құжаттар; № 16, 83-құжат; № 21-22, 114, 115-құжаттар; № 23-24, 116-құжат; 2014 ж., № 1, 9-құжат; № 4-5, 24-құжат; № 7, 37-құжат; № 8, 44, 49-құжаттар; № 10, 52-құжат; № 11, 63, 64, 65, 69-құжаттар; № 12, 82-құжат; № 14, 84-құжат; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; № 24, 145-құжат; 2015 ж., № 7, 34-құжат; № 8, 44, 45-құжаттар; № 11, 52-құжат; № 14, 72-құжат; № 15, 78-құжат; 2015 ж., № 23-I, 169-құжат):
1) 530-баптың 3-тармағы мынадай редакцияда жазылсын:
«3. Мынадай жерлерде орналастырылатын жарнама объектілері бойынша ай сайынғы базалық төлемақы мөлшерлемелері:
1) жергілікті маңызы бар жалпыға ортақ пайдаланылатын автомобиль жолдарының бөлiнген белдеуiнде және елді мекендерде жарнама объектісінің ауданы мен орналастырылатын жері негізге алына отырып белгіленеді

Р/с №	Жарнама түрлері	Жылжымайтын объектілерге төлемақы мөлшерлемелері (бір жағы үшін) (АЕК)
		Республикалық маңызы бар қалалар және астаналар	Облыстық маңызы бар қалалар және жолдар	Екі мыңнан астам халқы бар аудандық маңызы бар басқа қалалар және жолдар, кенттер, ауылдар
1	2	3	4	5
1.	Ауданы 2 ш.м дейін сілтемелер, маңдайшалар, ақпараттық қалқандар (бір объекті үшін)	2	1	0
2.	Лайтбокстар (сити-форматтағы)	3	2	1
3.	Ауданы мынадай болатын жарнамалық-ақпараттық объектілер:
3.1.	2-ден 5 ш.м дейін	5	3	1
3.2.	5-тен 10 ш.м дейін	10	5	2
3.3.	10-нан 20 ш.м дейін	20	10	3
3.4.	20-дан 30 ш.м дейін	30	15	5
3.5.	30-дан 50 ш.м дейін	50	20	7
3.6.	50-ден 70 ш.м дейін	70	30	12
3.7.	70 ш.м астам	100	50	25
4.	Шатырүсті жарықты жарнама конструкциялар (жарық-динамикалық панно немесе көлемді неонды әріптер):
4.1.	30 ш.м дейін	30	20	6
4.2.	30 ш.м астам	50	30	8
5.	Палаткалардағы, тенттердегі, шатырлардағы, бастырмалардағы, қалқа-шатырлардағы, тулардағы, жалаушалардағы, штандарттардағы жарнама:
5.1.	5 ш.м дейін	1	1	0
5.2.	5-тен 10 ш.м дейін	2	1	0
5.3.	10 ш.м астам	3	2	1
6.	Уақытша тұрпаттағы дүңгіршектер мен павильондардағы жарнама:
6.1.	2 ш.м дейін	2	1	0
6.2.	2-ден 5 ш.м дейін	2	1	0
6.3.	5-тен 10 ш.м дейін	3	2	1
6.4.	10 ш.м астам	8	4	2
7.	Жарнамалық жайма конструкциялар (штендерлер)	10	5	1

»;
2) 531-баптың 4-тармағы мынадай редакцияда жазылсын:
«4. Егер Қазақстан Республикасының заңдарында өзгеше көзделмесе, төлемақы сомасы бюджетке мемлекеттік тіркеуді өткізу кезінде уәкілетті мемлекеттік орган айқындайтын төлемақы бюджетке көлік құралдарының тіркелген орны бойынша енгізілетін көлік құралдарын қоспағанда, рұқсат құжатында көрсетілген сыртқы (көрнекі) жарнаманың объектісін орналастыру орны бойынша төленеді.
Аудандық маңызы бар қалаларда, ауылдарда, округтердің кенттерінде жылжымалы және жылжымайтын объектілерге мөлшерлеме бойынша төлемақы сомасы мемлекеттік жоспарлау бойынша уәкілетті орган белгілеген тәртіппен төленеді»
4. 2014 жылғы 5 шілдедегі «Әкімшілік құқық бұзушылық туралы» Қазақстан Республикасының Кодексіне (Қазақстан Республикасы Парламентінің Жаршысы, 2014 ж., № 18-I, 18-II, 92-құжат; № 21, 122-құжат; № 23, 143-құжат; № 24, 145, 146-құжаттар; 2015 ж., № 1, 2-құжат; № 2, 6-құжат; № 7, 33-құжат; № 8, 44, 45-құжаттар; № 9, 46-құжат; № 10, 50-құжат; № 11, 52-құжат; № 14, 71-құжат; № 15, 78-құжат; № 16, 79-құжат; № 19-I, 101-құжат; № 19-II, 102, 103, 105-құжаттар; № 20-IV, 113-құжат; № 20-VII, 115-құжат; № 21-II, 130-құжат; № 21-III, 137-құжат; № 22-I, 140, 141, 143-құжаттар; № 22-II, 144, 148-құжат; № 22-III, 149-құжат; № 22-V, 152, 156, 158-құжаттар; № 22-VI, 159-құжат; № 22-VII, 161-құжат; № 23-I, 166, 169-құжаттар; № 23-II, 172-құжат; 2016 ж., № 1, 4-құжат; № 2, 9-құжат; 2016 ж., № 8-II, 67-құжат):
1) 44-баптың 4-тармағы мынадай редакцияда жазылсын:
«4. Қазақстан Республикасы заңнамасында белгiленген тәртiппен айыппұл мемлекеттiк бюджет кiрiсiне өндiрiп алынады.».
5. «Қазақстан Республикасындағы жергiлiктi мемлекеттiк басқару және өзiн-өзi басқару туралы» 2001 жылғы 23 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2001 ж., № 3, 17-құжат; № 9, 86-құжат; № 24, 338-құжат; 2002 ж., № 10, 103-құжат; 2004 ж., № 10, 56-құжат; № 17, 97-құжат; № 23, 142-құжат; № 24, 144-құжат; 2005 ж., № 7-8, 23-құжат; 2006 ж., № 1, 5-құжат; № 13, 86, 87-құжаттар; № 15, 92, 95-құжаттар; № 16, 99-құжат; № 18, 113-құжат; № 23, 141-құжат; 2007 ж., № 1, 4-құжат; № 2, 14-құжат; № 10, 69-құжат; № 12, 88-құжат; № 17, 139-құжат; № 20, 152-құжат; 2008 ж., № 21, 97-құжат; № 23, 114, 124-құжаттар; 2009 ж., № 2-3, 9-құжат; № 24, 133-құжат; 2010 ж., № 1-2, 2-құжат; № 5, 23-құжат; № 7, 29, 32-құжаттар; № 24, 146-құжат; 2011 ж., № 1, 3, 7-құжаттар; № 2, 28-құжат; № 6, 49-құжат; № 11, 102-құжат; № 13, 115-құжат; № 15, 118-құжат; № 16, 129-құжат; 2012 ж., № 2, 11-құжат; № 3, 21-құжат; № 5, 35-құжат; № 8, 64-құжат; № 14, 92-құжат; № 23-24, 125-құжат; 2013 ж., № 1, 2, 3-құжаттар; № 8, 50-құжат; № 9, 51-құжат; № 14, 72, 75-құжаттар; № 15, 81-құжат; № 20, 113-құжат; № 21-22, 115-құжат; 2014 ж., № 2, 10-құжат;№ 3, 21-құжат; № 7, 37-құжат; № 8, 49-құжат; № 10, 52-құжат; № 11, 67-құжат; № 12, 82-құжат; № 14, 84, 86-құжаттар; № 19-II, 94, 96-құжаттар; № 21, 118, 122-құжаттар, № 22, 131-құжат; 2015 ж., № 9, 46-құжат,№ 19-I, 101-құжат; № 19-II, 103-құжат; № 21-I, 121, 124, 125-құжаттар; № 21-II, 130, 132-құжаттар; № 22-I, 140-құжат; № 22-V, 154, 156, 158-құжаттар; 2016 ж., № 8-II, 72-құжат):
1) 1-баптың 2) тармақшасы мынадай редакцияда жазылсын:
«2) әкім аппараты – егер осы заңда өзгеше көзделмесе, жергілікті атқарушы органның (ол құрылған жағдайда) және аудандық маңызы бар қала, ауыл, кент, ауылдық округ әкімінің қызметін қамтамасыз ететін мемлекеттік мекеме;»;
2) 3-баптың 2 және 3-тармақтары алып тасталсын;
3) 6-бап мынадай мазмұндағы 2-6-тармақпен толықтырылсын:
«2-6. Аудандық маңызы бар қала, кент, ауыл, ауылдық округ бюджеттерін және олардың атқарылуы туралы есептерді бекіту аудан (облыстық маңызы бар қала) мәслихатының құзыретіне жатады;»;
4) 31-баптың 1-тармағының 2-1) тармақшасы мынадай редакцияда жазылсын:
«2-1) жергілікті өзін-өзі басқарудағы коммуналдық мүліктің құрамына берілетін аудандық коммуналдық меншіктің тізбесін айқындайды;»;
5) 38-бапта:
тақырып мынадай редакцияда жазылсын:
«38-бап. Облыс, республикалық маңызы бар қала, астана, аудан (облыстық маңызы бар қала), қаладағы аудан әкiмiнiң аппараты»;
2-тармақ мынадай редакцияда жазылсын:
«2. Облыс, республикалық маңызы бар қала, астана, аудан (облыстық маңызы бар қала) әкiмiнiң аппаратына сәйкес облыс, республикалық маңызы бар қала, астана, аудан (облыстық маңызы бар қала) әкімдігі құрылады, таратылады және қайта ұйымдастырылады.
Қалада аудан әкімінің аппаратын республикалық маңызы бар қала, астана, облыстық маңызы бар қала әкімдігі құрады, таратады және қайта ұйымдастырады.»;
6-тармақ алып тасталсын;
6) мынадай мазмұндағы 38-1-баппен толықтырылсын:
«38-1-бап. Аудандық маңызы бар қала, кент, ауыл, ауылдық округ әкімінің аппараты
1. Аудандық маңызы бар қала, ауыл, кент, ауылдық округ әкiмнiң қызметiн ақпараттық-талдамалық, ұйымдық-құқықтық және материалдық-техникалық қамтамасыз етуді, сондай-ақ жергiлiктi маңызы бар мәселелердi шешуді аудандық маңызы бар қала, ауыл, кент, ауылдық округ әкімнің аппараты жүзеге асырады.
2. Аудандық маңызы бар қала, кент, ауыл, ауылдық округ әкімі аппараты аудандық маңызы бар қаланың, кенттің, ауылдың, ауылдық округтің бюджетін жоспарлау және атқару, сондай-ақ Қазақстан Республикасының заңнамасына сәйкес жергілікті өзін-өзі басқару меншігін басқару саласында жергілікті атқарушы органның қызметін жүзеге асырады.
Аудандық маңызы бар қала, кент, ауыл, ауылдық округ әкімінің аппараты жергілікті өзін-өзі басқарудың коммуналдық мүлкін басқаруды мемлекеттік мүлік туралы заңға сәйкес әкімшілік-аумақтық бірліктің атынан жүзеге асырады.
3. Аудандық маңызы бар қала, кент, ауыл, ауылдық округ әкімінің аппаратын аудан (облыстық маңызы бар қала) әкімдігі құрады, таратады және қайта ұйымдастырады.
4. Аудандық маңызы бар қала, кент, ауыл, ауылдық округ әкімі аппаратының басшысы Қазақстан Республикасының Президенті айқындайтын тәртіппен лауазымға сайланатын аудандық маңызы бар қала, кент, ауыл, ауылдық округ әкімі болып табылады.
5. Аудандық маңызы бар қала, ауыл, кент, ауылдық округ әкiм өкiлеттiктерiнің тоқтатылуына, жаңа әкiмнiң тағайындалуына немесе сайлануына байланысты аудандық маңызы бар қала, ауыл, кент, ауылдық округ әкiм аппаратының мемлекеттiк қызметшiлерi қызметiнiң мәселелерi Қазақстан Республикасының заңнамасында айқындалады.
6.Аудандық маңызы бар қала, ауыл, кент, ауылдық округ әкім аппараты туралы ережені, оның құрылымын тиісті әкімдік бекітеді.
7. Аудандық маңызы бар қала, кент, ауыл, ауылдық округ әкімі аппаратының үлгі ережесін жергілікті өзін-өзі басқаруды дамыту мәселелері жөніндегі уәкілетті орган бекітеді.
8. Әкiмнің аппараты жергiлiктi бюджет есебiнен ұсталатын мемлекеттiк мекеме болып табылады.
9. Жергілікті өзін-өзі басқару қаражаты есебінен сатып алынған мүлік аудандық маңызы бар қала, кент, ауыл, ауылдық округ әкімі аппаратының балансына бекітіліп беріледі.
10. Аудандық маңызы бар қала, кент, ауыл, ауылдық округ әкімі аппараты:
1) аудандық маңызы бар қаланың, кенттің, ауылдың, ауылдық округтің бюджетін жоспарлауды және атқарылуын қамтамасыз етеді;
2) аудандық маңызы бар қала, кент, ауыл, ауылдық округ бюджетінің атқарылуы туралы есептерді жергілікті қоғамдастықтың жиналысында және аудан (облыстық маңызы бар қала) мәслихатында ұсынады;
3) аудандық маңызы бар қаланың, кенттің, ауылдың, ауылдық округтің бюджетін іске асыру туралы шешімді қабылдайды;
4) жергілікті қоғамдастықты дамыту бағдарламасын жергілікті қоғамдастықтың жиналысында бекітуге әзірлейді және ұсынады;
5) жергілікті өзін-өзі басқару мүлкіне жататын объектілерді салу, реконструкциялау және жөндеу бойынша тапсырыс беруші болады.»;
7) 39-3-бапта:
2-тармақтың 2) тармақшасы мынадай редакцияда жазылсын:
«2) төрт жыл мерзімге жіберілетін жергілікті қоғамдастық жиналысына қатысушылардың құрамын айқындау;»;
3-тармақ мынадай мазмұндағы 1-1) және 1-2) тармақшалармен толықтырылсын:
«1-1) аудандық маңызы бар қала, ауыл, кент, ауылдық округ бюджетінің жобасын және оның атқарылуы туралы есепті келісу;
1-2) аудандық маңызы бар қала, ауыл, кент, ауылдық округ әкімінің жергілікті өзін-өзі басқарудың коммуналдық меншігін басқару жөніндегі шешімдерін келісу;»;
мынадай мазмұндағы 3-1-тармақпен толықтырылсын:
«3-1. Жергілікті қоғамдастық жиналысының қызметі мен оны құру тәртібі ауданның (облыстық маңызы бар қаланың) мәслихаты бекітетін жергілікті қоғамдастық жиналысының регламентінде айқындалады.
Жергілікті қоғамдастық жиналысының үлгі регламентін жергілікті өзін-өзі басқаруды дамыту мәселелері жөніндегі уәкілетті орган бекітеді.»;
7-тармақтың екінші және үшінші абзацтары алып тасталсын;
9) 41-бап мынадай мазмұндағы 3-тармақпен толықтырылсын:
«Осы Заңның 39-3-бабы 3-тармағының 4-1) тармақшасы халық саны 2000 адамнан асатын аудандық маңызы бар қала, ауыл, кент, ауылдық округ үшін 2018 жылдың 1 қаңтарынан бастап және халық саны 2000 адамнан аз аудандық маңызы бар қала, ауыл, кент, ауылдық округ үшін 2020 жылдың 1 қаңтарына дейін қолданыста болатыны белгіленсін.».
6. «Жарнама туралы» 2003 жылғы 19 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2003 ж., № 24, 174-құжат; 2006 г., № 15, 92-құжат; № 16, 102-құжат; 2007 ж., № 12, 88-құжат; 2009 ж., № 17, 79, 82-құжаттар; 2010 ж., № 5, 23-құжат; № 24, 146-құжат; 2011 ж., № 11, 102-құжат; 2012 ж., № 3, 25-құжат; № 14, 92-құжат; 2013 г., № 8, 50-құжат; № 21-22, 115-құжат; 2014 ж., № 2, 11-құжат; № 11, 65-құжат; № 21, 122-құжат; № 23, 143-құжат; 2015 ж., № 8, 44-құжат; № 20-IV, 113-құжат; 2016 ж., № 8-II, 70-құжат):
1) 11-баптың 3-тармағы мынадай редакцияда жазылсын:
«3. Республикалық және облыстық маңызы бар жалпыға ортақ пайдаланылатын автомобиль жолдарының бөлiнген белдеуiнде сыртқы (көрнекі) жарнаманы тұрақты орналастыру объектiлерінде, республикалық маңызы бар қаладағы, астанадағы, облыстық маңызы бар қалалардағы үй-жайлардың шегінен тыс ашық кеңістікте орналастырғаны үшiн Қазақстан Республикасының салық заңнамасында белгіленген тәртiппен және мөлшерлерде төлемақы алынады.».
7. «Мемлекеттік мүлік туралы» 2011 жылғы 1 наурыздағы Қазақстан Республикасының Заңына (Қазақстан Республикасы Парламентінің Жаршысы, 2011 ж., № 5, 42-құжат; № 15, 118-құжат; № 16, 129-құжат; № 17, 136-құжат; № 24, 196-құжат; 2012 ж., № 2, 11, 16-құжаттар; № 4, 30, 32-құжаттар; № 5, 41-құжат; № 6, 43-құжат; № 8, 64-құжат; № 13, 91-құжат; № 14, 95-құжат; № 21-22, 124-құжат; 2013 ж., № 2, 13-құжат; № 8, 50-құжат; № 9, 51-құжат; № 15, 82-құжат; № 16, 83-құжат; 2014 ж., № 1, 9-құжат; № 2, 10, 12-құжаттар; № 4-5, 24-құжат; № 7, 37-құжат; № 12, 82-құжат; № 19-I, 19-II, 94, 96-құжаттар; № 22, 131-құжат; № 23, 143-құжат; 2015 ж., № 8, 42-құжат; № 11, 57-құжат; № 14, 72-құжат; № 19-I, 99-құжат; № 19-II, 103, 105-құжаттар; № 20-IV, 113-құжат; № 20-VII, 117-құжат; № 21-II, 130-құжат; № 21-III, 135-құжат; № 22-II, 145, 148-құжаттар; № 22-VI, 159-құжат; № 23-II, 170, 172-құжаттар; 2016 ж., № 8-I, 62-құжат):
1) 1-бапта:
мынадай мазмұндағы 6-2), 6-3) тармақшалармен толықтырылсын:
«6-2) жергілікті өзін-өзі басқарудың коммуналдық мүлкі – аудандық маңызы бар қаланың, кенттің, ауылдың, ауылдық округтің мүлкі, оның ішінде аудандық маңызы бар қала, кент, ауыл, ауылдық округ бюджетінің(жергілікті өзін-өзі басқарудың қолма-қол ақшасын бақылау шотының) қаражаты, сондай-ақ жергілікті өзін-өзі басқарудың коммуналдық заңды тұлғаларына бекітіп берілген және/немесе берілмеген өзге де мүлік;
6-3) жергілікті өзін-өзі басқарудың коммуналдық заңды тұлғалары – бәсекелестікті қорғау саласындағы заңнамада белгiленген талаптарды ескере отырып, аудан (облыстық маңызы бар қала) әкімінің және жергілікті қоғамдастық жиналысымен келісу бойынша аудандық маңызы бар қалалар, ауылдар, кенттер, ауылдық округтер әкімінің аппараты құрған коммуналдық мемлекеттік кәсіпорындар мен коммуналдық мемлекеттік мекемелер;»;
7) тармақша мынадай редакцияда жазылсын:
«7) коммуналдық заңды тұлғалар – бәсекелестікті қорғау саласындағы заңнамада белгiленген талаптарды ескере отырып,облыстардың, республикалық маңызы бар қалалардың, астананың жергілікті атқарушы органдары құрған коммуналдық мемлекеттік кәсіпорындар мен коммуналдық мемлекеттік мекемелер;»;
2) 5-баптың 2) тармақшасы мынадай редакцияда жазылсын:
«2) мемлекеттік мүлікті басқаруды жүзеге асыратын мемлекеттік органдарға және жергілікті өзін-өзі басқару органдарына, мемлекеттік заңды тұлғаларға, сондай-ақ олар көздеген жағдайларда – жеке тұлғаларға және мемлекеттік емес заңды тұлғаларға;»;
3) 7-бапта:
3-тармақ мынадай редакцияда жазылсын:
«3. Жергілікті атқарушы органдар облыстардың, республикалық маңызы бар қалалардың, астананың, аудандардың, облыстық маңызы бар қалалардың әкімшілік-аумақтық бірліктің атынан коммуналдық мүлікті басқаруды жүзеге асырады.»;
мынадай мазмұндағы 4-тармақпен толықтырылсын:
«4. Аудандық маңызы бар қалалар, ауылдар, кенттер, ауылдық округтер әкімшілік-аумақтық бірліктері атынан жергілікті өзін-өзі басқарудың коммуналдық мүлкін басқаруды аудандық маңызы бар қалалар, ауылдар, кенттер, ауылдық округтер әкімдерінің аппараттары осы Заңның 18-1-бабында белгіленген құзыретке сәйкес жүзеге асырады.»;
4) 8-баптың 2-тармағы мынадай редакцияда жазылсын:
«2. Коммуналдық мүлікті басқару кезінде жергілікті атқарушы органдар Қазақстан Республикасының заңнамасына сәйкес жергілікті атқарушы органдармен жергілікті өзін-өзі басқару органдарының осы Заңның 2-тарауында және осы мемлекеттік органдардың мәртебесін айқындайтын Қазақстан Республикасының өзге де заңдарында, ережелерінде және өзге де актілерінде белгіленген өздерінің құзыреті шеңберінде коммуналдық мүлікке өз құқықтарын іске асыруы бойынша өзара іс-қимылын ұйымдастырады.»;
5) 9-бап мынадай мазмұндағы 1-1-тармақпен толықтырылсын:
«1-1. Аудандық коммуналдық мүлікті жергілікті өзін-өзі басқарудың коммуналдық мүлкі құрамына немесе керісінше беру мүлікке мемлекеттің құқықтарын тоқтатуға әкеп соқпайды, бірақ ауданның (облыстық маңызы бар қаланың) әкімшілік-аумақтық бірлігінің аудандық коммуналдық мүлікке құқығын тоқтатуға және аудандық маңызы бар қаланың, ауылдың, кенттің, ауылдық округтің әкімшілік-аумақтық бірлігінің, жергілікті өзін-өзі басқарудың коммуналдық мүлкі құқығына ие болуына немесе аудандық маңызы бар қаланың, ауылдың, кенттің, ауылдық округтің әкімшілік бірлігінің жергілікті өзін-өзі басқарудың коммуналдық мүлкіне құқығын тоқтатуға және ауданның (облыстық маңызы бар қаланың) әкімшілік-аумақтық бірлігінің аудандық коммуналдық мүлік құқығына ие болуына негіз болып табылады.»;
6) 10-бапта:
1-тармақтың бірінші бөлігі мынадай редакцияда жазылсын:
«1. Коммуналдық мүлік жергілікті мемлекеттік басқару және өзін-өзі басқару деңгейі бойынша облыстық коммуналдық мүлік, аудандық коммуналдық мүлік және жергілікті өзін-өзі басқарудың коммуналдық мүлкі болып бөлінеді.»;
3-тармақта:
бірінші бөлік мынадай редакцияда жазылсын:
«3. Коммуналдық заңды тұлғаларға бекітіліп берілген коммуналдық мүлікті жергілікті мемлекеттік басқару және өзін-өзі басқарудың бір деңгейінен екіншісіне мемлекеттік мүлікті беру мынадай тәртіппен жүзеге асырылады.»;
мынадай мазмұндағы 5), 6), 7) және 8) тармақшалармен толықтырылсын:
«5) аудандық коммуналдық мүлік деңгейіне жататын аудандық коммуналдық заңды тұлғалардың мүліктік кешендері аудандық маңызы бар қала, ауыл, кент, ауылдық округ әкімі аппаратының қолдаухаты негізінде (жергілікті қоғамдастық жиналысымен келісу бойынша) ауданның (облыстық маңызы бар қаланың) жергілікті атқарушы органының шешімі бойынша жергілікті өзін-өзі басқарудың коммуналдық мүлкі деңгейіне беріледі;
6) аудандық коммуналдық заңды тұлғалардың мүлкі аудандық маңызы бар қала, ауыл, кент, ауылдық округ әкімі аппаратының (жергілікті қоғамдастық жиналысымен келісу бойынша) қолдаухаты негізінде және ауданның (облыстық маңызы бар қаланың) жергілікті атқарушы органының шешімі бойынша жергілікті өзін-өзі басқарудың коммуналдық мүлкі деңгейіне беріледі;
7) жергілікті өзін-өзі басқарудың коммуналдық мүлкі деңгейіне жататын жергілікті өзін-өзі басқарудың коммуналдық заңды тұлғаларының мүліктік кешендері аудандық маңызы бар қалалар, ауылдар, кенттер, ауылдық округтер әкімі аппаратының шешімдері (жергілікті қоғамдастық жиналысымен келісу бойынша) және ауданның (облыстық маңызы бар қаланың) жергілікті атқарушы органының шешімі негізінде аудандық коммуналдық мүлік деңгейіне беріледі;
8) жергілікті өзін-өзі басқарудың коммуналдық заңды тұлғаларының мүлкі аудандық маңызы бар қалалар, ауылдар, кенттер, ауылдық округтер әкімі аппаратының (жергілікті қоғамдастық жиналысымен келісу бойынша) және аудандардың (облыстық маңызы бар қалалардың) жергілікті атқарушы органының шешімдері негізінде аудандық коммуналдық мүлік деңгейіне беріледі.»;
4-тармақтың бірінші бөлігі мынадай редакцияда жазылсын:
«4. Коммуналдық мүлікті жергілікті мемлекеттік басқарудың және өзін-өзі басқарудың бір деңгейінен екіншісіне мемлекеттік мүлікті беру туралы шешім қабылданғаннан кейін беретін және қабылдайтын тараптардың уәкілетті лауазымды адамдары қол қоятын және облыстардың, аудандардың, облыстық маңызы бар қалалардың жергілікті атқарушы органдарының аудандық маңызы бар қалалар, ауылдар, кенттер, ауылдық округтер әкімі аппаратының басшылары бекітетін беру актісі отыз күн мерзімде ресімделеді.»;
5-тармақ мынадай редакцияда жазылсын:
«5. Осы баптың қағидалары, егер Қазақстан Республикасының заңдарында өзгеше қағидалар белгіленбесе, мемлекеттік заңды тұлғаларға бекітіліп берілмеген коммуналдық мүлікті жергілікті мемлекеттік басқарудың және өзін-өзі басқарудың бір деңгейінен екіншісіне беру қолданылады.»;
6) 11-баптың 15) тармақшасы мынадай редакцияда жазылсын:
«15) аудандық маңызы бар қаланың, ауылдың, кенттің, ауылдық округтің жергілікті өзін-өзі басқару коммуналдық мүлкінің құрамына берілетін аудандық коммуналдық мүліктің үлгі тізбесін бекітеді.»;
7) 18-баптың 24-1) тармақшасы алып тасталсын;
8) мынадай мазмұндағы 18-1-баппен толықтырылсын:
«18-1-бап. Аудандық маңызы бар қала, ауыл, кент, ауылдық округ әкімі аппаратының құзыреті
1. Аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша:
1) өз құзыреті шегінде жергілікті өзін-өзі басқарудың мүлкін басқару саласындағы құқықтық актілер жобаларын әзірлейді;
2) егер Қазақстан Республикасының заңдарында өзгеше көзделмесе, жергілікті өзін-өзі басқарудың коммуналдық мүлкін басқарады, оны қорғау жөніндегі шараларды жүзеге асырады;
3) шешім қабылдайды және жергілікті өзін-өзі басқарудың коммуналдық мүлкін жекешелендіруді жүзеге асырады, оның ішінде объектіні жекешелендіруге дайындау процесінде оның сақталуын қамтамасыз етеді, жекешелендіру процесін ұйымдастыру үшін делдалды тартады, жекешелендіру объектісін бағалауды қамтамасыз етеді, жекешелендіру объектісінің сатып алу-сату шарттарын әзірлеу мен жасасуды және сатып алу-сату шарттары талаптарының сақталуын бақылауды жүзеге асырады;
4) жергілікті өзін-өзі басқарудың коммуналдық мемлекеттік кәсіпорны қызметінің нысанасы мен мақсаттарын, сондай-ақ осындай қызметті жүзеге асыратын коммуналдық мемлекеттік кәсіпорынның түрін (шаруашылық жүргізу құқығындағы немесе қазыналық кәсіпорын) айқындайды;
5) жергілікті өзін-өзі басқарудың коммуналдық заңды тұлғасына берілген немесе өзінің шаруашылық қызметінің нәтижесінде ол ие болған мүлікті алып қоюды немесе қайта бөлуді жүзеге асырады;
6) жергілікті өзін-өзі басқарудың коммуналдық заңды тұлғаларының артық, пайдаланбайтын не мақсатқа сай пайдаланбаған мүлкін алып қоюды жүзеге асырады;
7) жергілікті өзін-өзі басқарудың коммуналдық мүлкін жеке тұлғаларға және мемлекеттік емес заңды тұлғаларға кейіннен сатып алу құқығынсыз, кейіннен сатып алу құқығымен мүліктік жалдауға (жалға алуға) береді;
8) аудан (облыстық маңызы бар қала) әкімімен келісу бойынша жергілікті өзін-өзі басқарудың коммуналдық заңды тұлғаларын құру, қайта ұйымдастыру, атауын өзгерту және тарату туралы шешім қабылдайды;
9) жергілікті өзін-өзі басқарудың коммуналдық мемлекеттік кәсіпорнына оған бекітіліп берілген мүлікті (ол өндірген өнімді сатуды қоспағанда) иеліктен шығаруға немесе оған өзгеше тәсілмен билік етуге, филиалдар мен өкілдіктер құруға, сондай-ақ дебиторлық берешекті беруге және есептен шығаруға келісім береді;
10) жергілікті өзін-өзі басқарудың мемлекеттік заңды тұлғаларының жарғысын (ережесін), оған енгізілетін өзгерістер мен толықтыруларды бекітеді;
11) жергілікті өзін-өзі басқарудың коммуналдық мемлекеттік кәсіпорындары қызметінің басым бағыттарын және бюджеттен қаржыландырылатын жұмыстарының (көрсететін қызметтерінің) міндетті көлемдерін айқындайды;
12) жергілікті өзін-өзі басқарудың мемлекеттік кәсіпорындарының даму жоспарларын және оларды орындау жөніндегі есептерін қарайды, осы Заңда көзделген жағдайларда келіседі және бекітеді;
13) жергілікті өзін-өзі басқарудың коммуналдық мүлкін пайдалану туралы, оның ішінде оны кепілге, жалдауға, өтеусіз пайдалануға және сенімгерлікпен басқаруға беру туралы шешімдер қабылдайды;
14) жергілікті өзін-өзі басқарудың коммуналдық мүлкін жергілікті өзін-өзі басқарудың коммуналдық заңды тұлғаларына бекітіп береді;
15) жергілікті өзін-өзі басқару қаражаты есебінен сатып алынған мүлікті иеліктен шығару туралы шешім қабылдайды;
16) осы Заңда, Қазақстан Республикасының өзге де заңдарында, Қазақстан Республикасы Президентінің және Үкіметінің актілерінде көзделген өзге де өкілеттіктерді жүзеге асырады.
2. Аудандық маңызы бар қала, ауыл, кент ауылдық округ әкімінің аппараты:
1) жергілікті өзін-өзі басқарудың коммуналдық мүлкінің нысаналы және тиімді пайдаланылуына бақылау жүргізеді;
2) жергілікті өзін-өзі басқарудың коммуналдық заңды тұлғаларына қатысты жергілікті өзін-өзі басқарудың меншік құқығы субъектісінің құқықтарын жүзеге асырады;
3) жергілікті өзін-өзі басқарудың коммуналдық мемлекеттік кәсіпорнына алып қойылған мүлікті күтіп ұстау және оны кейіннен баланстан шығара отырып, өзге адамға бергенге дейін сақталуын қамтамасыз ету мерзімін белгілейді;
4) жергілікті өзін-өзі басқарудың коммуналдық мүлкінің мәселелері бойынша мемлекеттің мүддесін білдіреді, жергілікті өзін-өзі басқару меншігінің құқықтарын қорғауды жүзеге асырады;
5) жергілікті өзін-өзі басқарудың коммуналдық мүлкін сенімгерлікпен басқару шарты бойынша міндеттемелерді сенімгерлікпен басқарушының орындауын бақылауды жүзеге асырады;
6) жергілікті өзін-өзі басқарудың коммуналдық мемлекеттік кәсіпорындарының даму жоспарларының орындалуын бақылауды және талдауды жүзеге асырады;
7) жергілікті өзін-өзі басқарудың коммуналдық мүлкінің есепке алынуын ұйымдастырады, оның тиімді пайдаланылуын қамтамасыз етеді;
8) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.»;
9) 73-баптың 2) тармақшасы мынадай редакцияда жазылсын:
«2) коммуналдық мүлікке қатысты – жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша ие болады.»;
10) 74-баптың 3-тармағының екінші бөлігі мынадай редакцияда жазылсын:
«Коммуналдық мүлiктi мүлiктiк жалдауға (жалға алуға) жергiлiктi атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысының келісімімен (коммуналдық мүлiктi жалдауға берушi (жалға берушi) бередi. Егер осы Заңда немесе Қазақстан Республикасының өзге де заңдарында өзгеше белгіленбесе, мемлекеттік мүлікті мүліктік жалдауға (жалға алуға) беру мемлекеттік жоспарлау жөніндегі уәкілетті орган айқындайтын тәртіппен жүзеге асырады.»;
11) 75-баптың 3-тармағының екінші бөлігі мынадай редакцияда жазылсын:
«Коммуналдық мүлiктi сенiмгерлiкпен басқаруға жергiлiктi атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысының келісімімен (коммуналдық мүлiктi сенiмгерлiкпен басқарудың құрылтайшысы) бередi.»;
12) 76-баптың 4-тармағының бірінші бөлігі мынадай редакцияда жазылсын:
«4. Мемлекеттік мүлікті өтеусіз пайдалану шарты бойынша берілген мемлекеттік мүлікті кез келген жақсарту мемлекеттік мүлік жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) жазбаша келісімімен жүзеге асырылады. Мемлекеттік мүлікті өтеусіз пайдалану шарты тоқтатылған кезде мемлекеттік мүлік жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) келісімімен жүргізілген ажыратуға болмайтын жақсартулардың құны тиісті бюджет қаражаты есебінен өтелуге жатады.»;
13) 93-баптың 2-тармағы мынадай редакцияда жазылсын:
«2. Сатушы (мүлікті иеліктен шығаруды жүргізуші тұлға) – мемлекеттік мүлік жөніндегі уәкілетті орган немесе жергілікті атқарушы орган не аудандық маңызы бар қала, ауыл, кент, ауылдық округ әкімінің аппараты.»;
14) 96-баптың 2-тармағының бірінші бөлігі мынадай редакцияда жазылсын:
«2. Мемлекеттік мүлік жөніндегі уәкілетті орган немесе жергілікті атқарушы орган не аудандық маңызы бар қала, ауыл, кент, ауылдық округ әкімінің аппараты мемлекеттік жекешелендiру туралы шешiм шығарған күннен бастап ол мүлік жекешелендiру объектiсi болады.»;
15) 106-баптың 4-тармағы мынадай редакцияда жазылсын:
«4. Мемлекеттік мүлікті сенiмгерлікпен басқаруға немесе мүлiктiк жалдауға (жалға алуға) беру мемлекеттік мүлік жөніндегі уәкілетті органның немесе жергілікті атқарушы органның не аудандық маңызы бар қала, ауыл, кент, ауылдық округ әкімі аппаратының сенiмгерлікпен басқарушымен немесе жалдаушымен (жалға алушымен) жасасқан тиiстi шартымен ресiмделедi. Шартта мемлекеттік мүліктің қандай мерзiмде және қандай талаптар орындалған кезде сенiмгерлікпен басқарушының немесе жалдаушының (жалға алушының) меншiгiне өтетіні көзделуге тиiс.»;
16) 122-бапта:
4-тармақ мынадай редакцияда жазылсын:
«4. Коммуналдық меншік құқығы субъектісінің коммуналдық заңды тұлғаларға қатысты құқықтарын облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, сондай-ақ аудандық маңызы бар қала, ауыл, кент, ауылдық округ әкімінің аппараттары жүзеге асырады.»;
5-тармақтың бірінші бөлігі мынадай редакцияда жазылсын:
«5. Жергілікті атқарушы орган, сондай-ақ аудандық маңызы бар қала, ауыл, кент, ауылдық округ әкімінің аппараты тиісті әкімшілік-аумақтық бірліктің коммуналдық заңды тұлғаларын басқаруды жүзеге асыратын орган ретінде әрекет етеді.»;
17) 124-бапта:
1-тармақтың екінші және үшінші бөліктері мынадай редакцияда жазылсын:
«Республикалық мемлекеттік мекеменің жарғысын (ережесін) - тиісті саладағы уәкілетті орган, ал коммуналдық мемлекеттік мекеменің жарғысын (ережесін) жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша бекітеді.
Республикалық мемлекеттік кәсіпорынның жарғысын - мемлекеттік мүлік жөніндегі уәкілетті орган, Қазақстан Республикасы Үкіметінің шешімі бойынша республикалық меншік құқығы субъектісінің құқықтарын жүзеге асыратын өзге де мемлекеттік орган, ал коммуналдық мемлекеттік кәсіпорынның жарғысын жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша бекітеді.»;
2-тармақтың екінші бөлігі мынадай редакцияда жазылсын:
«Жарғыда (ережеде) заңды тұлға мен мемлекеттік мүлік жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының), заңды тұлға мен тиісті саладағы уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының), заңды тұлғаның әкімшілігі мен оның еңбек ұжымының арасындағы өзара қатынастар да айқындалады. Жарғыда (ережеде) Қазақстан Республикасының заңнамасына қайшы келмейтін басқа да ережелер болуы мүмкін.»;
4-тармақ мынадай редакцияда жазылсын:
«4. Мемлекеттік мекеме - тиісті саладағы уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) шешімі бойынша, ал мемлекеттік кәсіпорын мемлекеттік мүлікті басқару жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) шешімі бойынша Қазақстан Республикасының Әділет министрлігі бекіткен үлгі жарғының (жалпы ереженің) негізінде қызметін жүзеге асырады.»;
18) 126-бапта:
1-тармақ мынадай редакцияда жазылсын:
«1. Мемлекеттік мекеме қызметінің нысанасы мен мақсаттарын тиісті саладағы уәкілетті орган (жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша) айқындайды және мемлекеттік мекеменің жарғысында (ережесінде) бекітіледі.
Республикалық мемлекеттік кәсіпорын қызметінің нысанасы мен мақсаттарын, сондай-ақ осындай қызметті жүзеге асыратын мемлекеттік кәсіпорын түрін (шаруашылық жүргізу құқығындағы немесе қазыналық кәсіпорын) анықтауды – осы Заңның 134-бабының талаптарына сәйкес тиісті саладағы уәкілетті органның ұсынысы бойынша мемлекеттік мүлік жөніндегі уәкілетті орган, ал коммуналдық мемлекеттік кәсіпорын түрін анықтауды жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты жергілікті қоғамдастық жиналысымен келісу бойынша айқындайды.»;
5-тармақтың бірінші бөлігі мынадай редакцияда жазылсын:
«5. Мемлекеттік заңды тұлға Қазақстан Республикасының заңдарында немесе құрылтай құжаттарында белгілі бір шектелген қызмет мақсаттарына қайшы не оның басшысының жарғылық құзыретін бұза отырып жасаған мәміле тиісті саладағы уәкілетті органның немесе мемлекеттік мүлік жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) не прокурордың талап қоюы бойынша жарамсыз деп танылуы мүмкін.»;
19) 130-бапта:
1-тармақта:
бірінші бөлік мынадай редакцияда жазылсын:
«1. Республикалық заңды тұлғаны қайта ұйымдастыру және тарату – Қазақстан Республикасы Үкіметінің шешімі бойынша, ал коммуналдық заңды тұлғаны қайта ұйымдастыру және тарату жергілікті атқарушы органның, аудан (облыстық маңызы бар қала) әкімінің және жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің шешімі бойынша жүргізіледі;».
төртінші бөлік мынадай редакцияда жазылсын:
«Коммуналдық заңды тұлғаны қайта ұйымдастыруды және таратуды жергілікті атқарушы орган немесе аудан (облыстық маңызы бар қала) әкімінің және жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты жүзеге асырады.»;
2-тармақтың бірінші бөлігі мынадай редакцияда жазылсын:
«2. Таратылған мемлекеттік заңды тұлғаның кредиторлардың талаптары қанағаттандырылғаннан кейін қалған мүлкін мемлекеттік мүлік жөніндегі уәкілетті орган (жергілікті атқарушы орган немесе аудан (облыстық маңызы бар қала) әкімінің және жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты) қайта бөледі.»;
20) 131-бап мынадай редакцияда жазылсын:
«131-бап. Мемлекеттік органдардың заңсыз әрекеттеріне (әрекетсіздігіне) мемлекеттік заңды тұлғаның шағымдануы
Мемлекеттік заңды тұлға мемлекеттік мүлік жөніндегі уәкілетті органның және тиісті саладағы уәкілетті органның, жергілікті атқарушы органның, аудандық маңызы бар қала, ауыл, кент, ауылдық округ әкімі аппаратының мүлікті қайта бөлумен байланысты әрекеттерін (әрекетсіздігін) қоса алғанда, мемлекеттік органдардың заңсыз әрекеттеріне (әрекетсіздігіне), сондай-ақ мемлекеттік заңды тұлғаның құқықтарын бұзатын басқа да әрекеттерге (әрекетсіздікке) Қазақстан Республикасының заңнамасында белгіленген тәртіппен сотқа шағымдануға құқылы.»;
21) 133-бапта:
1-тармақ мынадай редакцияда жазылсын:
«1. Республикалық мемлекеттік кәсіпорынды – Қазақстан Республикасының Үкіметі, коммуналдық мемлекеттік кәсіпорынды жергілікті атқарушы орган, аудан (облыстық маңызы бар қала) әкімінің және жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты құрады.»;
3-тармақтың үшінші бөлігі мынадай редакцияда жазылсын:
«Қалған жағдайларда мемлекеттік кәсіпорындарды Қазақстан Республикасының Үкіметі және Қазақстан Республикасының Ұлттық Банкі (республикалық кәсіпорындарды) немесе жергілікті атқарушы орган не аудан (облыстық маңызы бар қала) әкімінің және жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты (коммуналдық кәсіпорындарды) құрады.»;
5-тармақ мынадай редакцияда жазылсын:
«5. Шаруашылық жүргізу құқығындағы республикалық мемлекеттік кәсіпорынды қазыналық кәсіпорын етіп қайта құру – тиісті саладағы уәкілетті органның мемлекеттік мүлік жөніндегі уәкілетті органмен келісілген ұсынысы бойынша Қазақстан Республикасы Үкіметінің шешімі бойынша, шаруашылық жүргізу құқығындағы коммуналдық мемлекеттік кәсіпорынды қазыналық кәсіпорын етіп қайта құру жергілікті атқарушы органның немесе жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімі аппаратының шешімі бойынша жүргізіледі.»;
22) 136-баптың 2-тармағы мынадай редакцияда жазылсын:
«2. Республикалық мемлекеттiк кәсiпорынға қатысты, осы кәсіпорын бiрыңғай мүлiктiк кешен ретiнде әрекет ететін мәмiлелер (кепiл, жалдау және басқалары) жасау – Қазақстан Республикасы Үкiметiнiң шешiмi бойынша, ал коммуналдық мемлекеттік кәсiпорынға қатысты – жергiлiктi атқарушы органның немесе жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімі аппаратының шешiмi бойынша жүргізіледі.»;
23) 138-бапта:
1-тармақ мынадай редакцияда жазылсын:
«1. Республикалық мемлекеттік кәсіпорынның еңбекақы төлеу қорының мөлшерін жыл сайын тиісті саладағы уәкілетті орган, ал коммуналдық мемлекеттік кәсіпорынның еңбекақы төлеу қорының мөлшерін – жергілікті атқарушы орган немесе жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты белгілейді.»;
3-тармақ мынадай редакцияда жазылсын:
«3. Шаруашылық жүргізу құқығындағы республикалық мемлекеттік кәсiпорын басшысының, оның орынбасарларының, бас (аға) бухгалтерiнiң лауазымдық айлықақыларының мөлшерiн, оларға сыйлықақы беру және өзге де сыйақы жүйесiн – тиісті саладағы уәкілетті орган, ал коммуналдық мемлекеттік кәсіпорын басшысының, оның орынбасарларының, бас (аға) бухгалтерiнiң лауазымдық айлықақыларының мөлшерiн, оларға сыйлықақы беру және өзге де сыйақы жүйесiн жергілікті атқарушы орган немесе жергілікті қоғамдастық жиналысының келісімімен аудандық маңызы бар қала, ауыл, кент, ауылдық округ әкімінің аппараты белгiлейдi.»;
24) 139-баптың 1-тармағының үшінші абзацы мынадай редакцияда жазылсын:
«коммуналдық мемлекеттік кәсіпорынның жергілікті атқарушы органмен немесе аудандық маңызы бар қала, ауыл, кент, ауылдық округ әкімінің аппаратымен еңбек шартын жасасуы арқылы ресімделеді.»;
25) 140-бапта:
2-тармақ мынадай мазмұндағы екінші бөлікпен толықтырылсын:
«Облыстың, республикалық маңызы бар қаланың, астананың, ауданның (облыстық маңызы бар қаланың) коммуналдық мемлекеттік кәсіпорындарының таза табысының бір бөлігін аудару нормативін – жергілікті атқарушы орган, жергілікті өзін-өзі басқарудың коммуналдық мемлекеттік кәсіпорындарының таза табысының бір бөлігін аудару нормативін аудандық маңызы бар қала, ауыл, кент, ауылдық округ әкімінің аппараты белгілейді.»;
4-тармақтың бірінші бөлігі мынадай редакцияда жазылсын:
«4. Тиісті саладағы уәкілетті орган (жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты) мемлекеттік кәсіпорындардың таза табысының белгіленген бөлігін бюджетке толық және уақтылы аударуын бақылауды жүзеге асырады.»;
26) 144-баптың 2-тармағы мынадай редакцияда жазылсын:
«2. Шаруашылық жүргiзу құқығындағы мүлiктi алып қою туралы шешiмде мемлекеттік мүлік жөніндегі уәкiлеттi орган (жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты) шаруашылық жүргізу құқығындағы мемлекеттік кәсіпорынға алып қойылған мүлiкті өзге тұлғаға бергенге дейін күтіп ұстау және оның сақталуын қамтамасыз ету мерзімдерiн белгiлейді.»;
27) 145-бапта:
2-тармақтың бірінші бөлігі мынадай редакцияда жазылсын:
«2. Шаруашылық жүргiзу құқығындағы мемлекеттік кәсiпорын тиісті саладағы уәкілетті органның ұсынысы бойынша мемлекеттік мүлік жөніндегі уәкілетті органның (жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының) жазбаша келiсiмiмен:»;
3-тармақ мынадай редакцияда жазылсын:
«3. Егер Қазақстан Республикасының Бюджет кодексі немесе меншік иесі (мемлекеттік мүлік жөніндегі уәкiлетті орган, жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты) өзгеше белгілемесе, осы баптың 1 және 2-тармақтарында көрсетiлген мүлiкпен жасалған мәмiлелерден алынған ақшаны шаруашылық жүргізу құқығындағы мемлекеттік кәсiпорын дербес пайдаланады.»;
28) 146-баптың 2-тармағы мынадай редакцияда жазылсын:
«2. Бюджеттен қаржыландырылатын жұмыстардың (көрсетілетін қызметтердің) көлемі шеңберінде өндiрілетін тауарлардың (жұмыстардың, көрсетілетін қызметтердің) бағаларын шаруашылық жүргізу құқығындағы мемлекеттік кәсiпорын тиісті саладағы уәкілетті органмен (аудандық маңызы бар қала, ауыл, кент, ауылдық округ әкімінің аппаратымен) келісу бойынша белгiлейдi.»;
29) 147-баптың үшінші бөлігі мынадай редакцияда жазылсын:
«Мемлекет құрылтайшының, мемлекеттік мүлік жөніндегі уәкілетті органның немесе тиісті саладағы уәкілетті органның әрекеттерiнен туындаған банкроттық, ал коммуналдық мемлекеттік кәсіпорынға қатысты – жергілікті атқарушы органның немесе аудандық маңызы бар қала, ауыл, кент, ауылдық округ әкімі аппаратының әрекеттерінен туындаған банкроттыққа қатысты жағдайларды қоспағанда, шаруашылық жүргізу құқығындағы мемлекеттік кәсiпорынның мiндеттемелерi бойынша жауап бермейдi. Бұл жағдайларда мемлекет шаруашылық жүргізу құқығындағы мемлекеттік кәсiпорынның қаражаты кредиторлардың талаптарын қанағаттандыру үшін жеткіліксіз болған кезде оның мiндеттемелерi бойынша жауап бередi.»;
30) 153-баптың бірінші бөлігі мынадай редакцияда жазылсын:
«Осы Заңның 135-бабының 2-тармағында көзделген жағдайларды қоспағанда, республикалық қазыналық кәсіпорын – негізгі құралдарға жататын, өзiне бекiтiлiп берiлген мүлiктi иеліктен шығаруға немесе оған өзгеше тәсiлмен билiк етуге, дебиторлық берешекті мемлекеттік мүлік жөніндегі уәкілетті органның жазбаша келісімімен ғана, ал коммуналдық қазыналық кәсіпорын жергілікті атқарушы органның немесе жергілікті қоғамдастық жиналысымен келісу бойынша аудандық маңызы бар қала, ауыл, кент, ауылдық округ әкімі аппаратының жазбаша келісімімен ғана беруге және есептен шығаруға құқылы.»;
31) 154-бап мынадай редакцияда жазылсын:
«154-бап. Қазыналық кәсіпорынның жедел басқаруына берiлген мүлiктi мемлекеттің алып қою және қайта бөлу құқығы
1. Егер Қазақстан Республикасының заңдарында өзгеше белгіленбесе, мемлекеттік мүлік жөніндегі уәкілетті орган (жергілікті атқарушы орган) тиісті саладағы уәкілетті органмен келісу бойынша және аудандық маңызы бар қала, ауыл, кент,ауылдық округ әкімі аппараты жергілікті қоғамдастық жиналысының келісімімен қазыналық кәсіпорынға бекітіліп берілген мүлікті алып қоюға не оны өзi құрған басқа заңды тұлғалар арасында қайта бөлуге құқылы.
2. Жедел басқару құқығындағы мүлікті алып қою туралы шешімде мемлекеттік мүлік жөніндегі уәкілетті орган (жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты) қазыналық кәсіпорынға алып қойылған мүлік өзге тұлғаға берілгенге дейін оны күтіп-ұстау және сақтауды қамтамасыз ету мерзімдерін белгілеуге құқылы.»;
32) 156-баптың 2-тармағы мынадай редакцияда жазылсын:
«2. Егер Қазақстан Республикасының заңдарында өзгеше көзделмесе, коммуналдық қазыналық кәсiпорын өндiретiн және өткiзетiн тауарлардың (жұмыстардың, көрсетiлетiн қызметтердiң) бағаларын жергiлiктi атқарушы орган немесе аудандық маңызы бар қала, ауыл, кент, ауылдық округ әкімінің аппараты белгiлейдi.»;
33) 159-баптың 1-тармағы мынадай редакцияда жазылсын:
«1. Республикалық мемлекеттік мекемені – Қазақстан Республикасының Президенті немесе Қазақстан Республикасының Үкіметі, коммуналдық мемлекеттік мекемені облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, сондай-ақ аудан (облыстық маңызы бар қала) әкімінің және жергілікті қоғамдастық жиналысымен келісу аудандық маңызы бар қала, ауыл, кент, ауылдық округ әкімінің аппараты құрады.»;
34) 160-баптың 1-тармағы мынадай редакцияда жазылсын:
«1. Егер Қазақстан Республикасының заңдарында қосымша қаржыландыру көзі белгіленбесе, мемлекеттік мекеменің қызметін тиісті саладағы уәкілетті орган, жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты бюджеттен не Қазақстан Республикасы Ұлттық Банкінің бюджетінен (шығыстар сметасынан) қаржыландырады.»;
35) 162-баптың бірінші бөлігі мынадай редакцияда жазылсын:
«Егер Қазақстан Республикасының заңнамасында өзгеше белгіленбесе, мемлекеттік мүлік жөніндегі уәкілетті орган (жергілікті атқарушы орган немесе жергілікті қоғамдастық жиналысымен келісу аудандық маңызы бар қала, ауыл, кент, ауылдық округ әкімінің аппараты) тиісті саладағы уәкілетті органның келісімі бойынша мемлекеттік мекемеге бекітіліп берілген мүлікті алып қоюға не оны басқа мемлекеттік заңды тұлғалар арасында қайта бөлуге құқылы.»;
36) 164-бап мынадай мазмұндағы 4-1-тармақпен толықтырылсын:
«4-1. Аудандық маңызы бар қала, ауыл, кент, ауылдық округ әкімінің аппаратын аудан (облыстық маңызы бар қала) әкімдігі құрады, таратады және қайта ұйымдастырады.
Аудандық маңызы бар қала, ауыл, кент, ауылдық округ әкімінің аппаратына бекітіліп берілген мүлікке оның құрылтайшысының меншік құқығы немесе өзге де заттық құқығы сақталмайды.»;
37) 197-баптың 3-тармағы мынадай редакцияда жазылсын:
«3. Мемлекеттік мүлік тізілімінде мемлекеттік мүліктің түрлері бойынша – республикалық және коммуналдық мүлікті бөлек есепке алу, ал жергілікті мемлекеттік басқару және өзін-өзі басқару деңгейлері бойынша облыстық және аудандық коммуналдық мүлікті, сондай-ақ жергілікті өзін-өзі басқарудың коммуналдық мүлкін бөлек есепке алу жүзеге асырылады.»;
Осы Заңның 17-тарауында көзделген жағдайларды қоспағанда, коммуналдық мүлікті есепке алуды жергілікті атқарушы органдар және аудандық маңызы бар қала, ауыл, кент, ауылдық округ әкімінің аппараты мемлекеттік мүлік тізілімінде көрсету үшін ұйымдастырады.»;
38) 200-баптың 4-тармағы мынадай редакцияда жазылсын:
«4. Мемлекеттік мүліктің тізілімін жүргізу кезінде облыс, республикалық маңызы бар қала, астана, аудан және облыстық (аудандық) маңызы бар қала, ауыл, кент, ауылдық округ деңгейіндегі республикалық және коммуналдық мүлік объектілері бөлек есепке алынуға жатады.
Облыстың, республикалық маңызы бар қаланың, астананың, ауданның және облыстық (аудандық) маңызы бар қаланың, ауылдың, кенттің, ауылдық округтің коммуналдық мүлкін облыстардың, республикалық маңызы бар қаланың, астананың, ауданның жергілікті атқарушы органдары және облыстық (аудандық) маңызы бар қала, ауыл, кент, ауылдық округ әкімінің аппараттары мемлекеттік мүлік тізілімінде есепке алады.»;
39) 202-баптың 2 және 3-тармақтары мынадай редакцияда жазылсын:
«2. Ведомстволық бағыныстағы мемлекеттік заңды тұлғалар мүлкінің сақталуын және ведомстволық бағыныстағы мемлекеттік кәсіпорындардың даму жоспарының орындалуын бақылауды тиісті саладағы уәкілетті орган және жергілікті атқарушы органдар немесе аудандық маңызы бар қала, ауыл, кент, ауылдық округ әкімінің аппараты жүзеге асырады.
3. Мемлекеттік мүліктің нысаналы пайдаланылуын бақылауды және артық, пайдаланылмайтын не мақсатқа сай пайдаланылмайтын мүлікті алып қоюды республикалық мүлікке қатысты – мемлекеттік мүлікті басқару жөніндегі уәкілетті орган, коммуналдық мүлікке қатысты жергілікті атқарушы органдар немесе аудандық маңызы бар қала, ауыл, кент, ауылдық округ әкімінің аппараты Қазақстан Республикасының Кәсіпкерлік кодексінде айқындалатын тәртіппен жүзеге асырады.»;
40) 219-баптың 1-тармағы мынадай мазмұндағы екінші бөлікпен толықтырылсын:
«Осы Заңның 122-бабы 5-тармағының екінші абзацы халық саны 2000 адам және одан да көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтарға дейін және халық саны 2000 адамнан аз аудандық маңызы бар қала, ауыл, кент, ауылдық округ үшін 2020 жылғы 1 қаңтарға дейін қолданылады деп белгіленсін.».
8. «Кәсiптiк одақтар туралы» Қазақстан Республикасының Заңына (Қазақстан Республикасы Парламентінің Жаршысы, 2014 ж., № 11, 66-құжат; 2015 ж., № 22-V, 152-құжат; 2016 ж., № 7-II, 55-құжат):
1) 10-бапта:
3-тармақ мынадай редакцияда жазылсын:
«3. Осы баптың 2-тармағында көзделген талаптарды сақтамау облыстардың, республикалық маңызы бар қаланың, астананың жергілікті атқарушы органдарының республикалық, аумақтық кәсіподақтар бірлестігін, салалық және жергілікті кәсіподақтарды тіркеген органдардың мәліметтері негізінде сотқа өтініш жасауы арқылы олардың таратылуына әкеп соғады.»;
4-тармақ алып тасталсын;
2) 33-бап мынадай редакцияда жазылсын:
«33-бап. Өтпелі ережелер
Кәсіподақтар осы Заң қолданысқа енгізілген күннен бастап бір жыл ішінде осы Заңның талаптарына сәйкес құрылтай құжаттарына және ұйымдық құрылымдарына өзгерістер енгізуге міндетті.
Осы бапта көзделген талаптар сақталмаған кезде кәсіподақтар облыстардың, республикалық маңызы бар қаланың, астананың жергілікті атқарушы органдарының өтініш жасауы арқылы әділет органдарының мәліметтері негізінде сот тәртібімен таратылады.».
2-бап. Осы Заңды қолданысқа енгізу тәртібі.
1. Осы Заң ресми жариялануға жатады және:
халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 1-тармағының 1), 2), 3), 4) тармақшаларын;
2020 жылғы 1 қаңтардан бастап қолданысқа енгізілетін 1-баптың 2-тармағы 24) тармақшасының он алтыншы, он жетінші абзацтарын және 33) тармақшасының он тоғызыншы абзацын;
халық саны 2000 адамнан асатын аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 2-тармағының 22) тармақшасын және 1-баптың 2-тармағы 24) тармақшаның он төртінші абзацын;
2020 жылғы 1 қаңтардан бастап қолданысқа енгізілетін осы Заңның 1-бабы 2-тармағының 49) тармақшасын;
халық саны 2000 адамнан асатын аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 3-тармағы 1) тармақшасының үшінші, төртінші, бесінші абзацтарын және 1-баптың 3-тармағы 2) тармақшасының үшінші, төртінші абзацтарын;
халық саны 2000 адамнан асатын аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 4-тармағы 1) тармақшасының үшінші абзацын;
халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 5-тармағының 6) тармақшасын, 1-баптың 5-тармағы 3) тармақшасының екінші абзацын, 1-баптың 5-тармағы 7) тармақшасының бесінші, алтыншы, сегізінші абзацтарын;
халық саны 2000 адамнан асатын аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 6-тармағының 1) тармақшасын;
халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 7-тармағының 7) және 8) тармақшаларын;
халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтардан бастап және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтардан бастап қолданысқа енгізілетін 1-баптың 6-тармағының 1), 2), 3), 4) тармақшаларын және 6) тармақшасының төртінші, алтыншы, жетінші абзацтарын, 7-тармағының 8) тармақшасын, 7-тармағының 9), 10), 11), 12), 13), 14), 15) тармақшаларын, 16) тармақшасының үшінші және бесінші абзацтарын, 1-баптың 7-тармағының 17)-39) тармақшаларын;
осы Заң алғашқы ресми жарияланған күннен кейін күнтізбелік он күн өткен соң қолданысқа енгізілетін 1-баптың 8-тармағын қоспағанда, 2017 жылғы 1 наурыздан бастап қолданысқа енгізіледі.
2. 1-баптың 2-тармағы 10) тармақшасының жетінші абзацы,
11) тармақшасы 2019 жылғы 31 желтоқсанға дейін қолданылады деп белгіленсін.
Осы Заңның 1-бабы 2-тармағының 40) тармақшасы 2020 жылғы
1 наурызға дейін қолданылады деп белгіленсін.
1-баптың 5-тармағының 2) тармақшасы, 4) тармақшасының төртінші абзацы, 1-баптың 5-тармағы 5) тармақшасының бесінші абзацы халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтарға дейін және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтарға дейін қолданылады деп белгіленсін.
1-баптың 7-тармағы 6) тармақшасының он бесінші абзацы халық саны 2000 адам және одан көп аудандық маңызы бар қалалар, ауылдар, кенттер, ауылдық округтер үшін 2018 жылғы 1 қаңтарға дейін және халық саны 2000 адамнан аз аудандық маңызы бар қалалар, ауылдар, кенттер, ауылдық округтер үшін 2020 жылғы 1 қаңтарға дейін қолданылады деп белгіленсін.

Қазақстан Республикасының
Президенті