Әділет
Әділет

"Қазақстан Республикасындағы кедендік реттеу туралы" Қазақстан Республикасы Кодексінің жобасы туралы

Жаңа

Қазақстан Республикасы Үкіметінің 2017 жылғы 31 тамыздағы № 522 қаулысы

      Қазақстан Республикасының Үкіметі ҚАУЛЫ ЕТЕДІ:

      "Қазақстан Республикасындағы кедендік реттеу туралы" Қазақстан Республикасы Кодексінің жобасы Қазақстан Республикасының Парламенті Мәжілісінің қарауына енгізілсін.

      Қазақстан Республикасының
Премьер-Министрі 		Б. Сағынтаев

ҚАЗАҚСТАН РЕСПУБЛИКАСЫНЫҢ КОДЕКСІ "ҚАЗАҚСТАН РЕСПУБЛИКАСЫНДАҒЫ КЕДЕНДІК РЕТТЕУ ТУРАЛЫ"

      1-БӨЛІМ. ЖАЛПЫ ЕРЕЖЕЛЕР

      1-тарау. Қазақстан Республикасындағы кедендік реттеу туралы жалпы ережелер

      1-бап. Қазақстан Республикасындағы кедендік реттеу

      2-бап. Уәкілетті мемлекеттік органдардың құзыреті

      3-бап. Осы Кодексте пайдаланылатын негізгі ұғымдар

      4-бап. Қазақстан Республикасының кеден заңнамасы

      5-бап. Еуразиялық экономикалық одақтың және (немесе) Қазақстан Республикасының кеден заңнамасы туралы ақпараттандыру

      6-бап. Еуразиялық экономикалық одақтың және (немесе) Қазақстан Республикасының кеден заңнамасында белгіленетін мерзімдерді есептеу тәртібі

      7-бап. Кедендік-тарифтік реттеу шараларын, тыйым салуды және шектеулерді, ішкі нарықты қорғау шараларын, Еуразиялық экономикалық одақтың және (немесе) Қазақстан Республикасының кеден заңнамасын, Қазақстан Республикасының салық заңнамасын қолдану

      8-бап. Тыйым салуды және шектеулерді сақтау

      9-бап. Кедендік құжаттар

      2-тарау. Қазақстан Республикасының Кеден органдары

      10-бап. Қазақстан Республикасының кеден органдары жүйесі

      11-бап. Кеден органдары қызметінің принциптері

      12-бап. Кеден органдарына берілетін тапсырмалар

      13-бап. Кеден органдарының құқықтары

      14-бап. Кеден органдарының міндеттері

      15-бап. Кеден органдарының және олардың лауазымды тұлғаларының жауапкершілігі

      16-бап. Кедендік инфрақұрылым

      17-бап. Кеден ісі саласындағы құқық қорғау қызметі

      18-бап. Кеден органдарының Еуразиялық экономикалық одақтың кедендік шекарасынан шығып кеткен су және әуе кемелерін ұстау (қайтару) жөніндегі және көлік құралдарын тоқтату жөніндегі құқығы

      19-бап. Кеден органдарының алған ақпаратқа қатысы

      20-бап. Кеден органдары қабылдаған шешімдерді және кедендік бақылауды жүргізу нәтижелерін өзара тану

      21-бап. Кеден органдарының және олардың лауазымды тұлғаларының шешімдеріне, әрекеттеріне (әрекетсіздігіне) шағымдану

      22-бап. Кеден органының консультация беруі және алдын ала шешім қабылдауы

      23-бап. Кедендік статистиканы жүргізу, кедендік статистиканың деректерін пайдалану және беру

      24-бап. Кеден органдарының тұлғалар туралы ақпарат жинауы

      25-бап. Құжаттар және (немесе) мәліметтер алмасу

      26-бап. Кеден органдарының сыртқы экономикалық қызметті жүзеге асыратын тұлғалармен (сыртқы экономикалық қызметке қатысушылармен), уәкілетті экономикалық операторлармен, кеден ісі саласындағы қызметті жүзеге асыратын тұлғалармен, олардың қауымдастықтарымен және бірлестіктерімен өзара қарым-қатынасы

      27-бап. Көліктің жекелеген түрлерінде кедендік бақылау жүргізу кезінде кеден органдарының басқа да тұлғалармен өзара іс-қимылы

      28-бап. Кеден органдарының кедендік пломбалары және мөрлері бар тауарларды тасымалдау үшін халықаралық тасымалдаудың көлік құралдарын жіберуге жол беруі

      3-тарау. Еуразиялық экономикалық одақтың кедендік шекарасы арқылы тауарларды өткізу, Еуразиялық экономикалық одақтың кедендік аумағында немесе оның шегінен тысқары жерлерде оларды иелену, пайдалану және (немесе) оларға билік ету туралы жалпы ережелер

      29-бап. Еуразиялық экономикалық одақтың кедендік шекарасы арқылы тауарларды өткізу

      30-бап. Еуразиялық экономикалық одақтың кедендік шекарасы арқылы тауарларды өткізетін орындар

      31-бап. Кеден органдарына алдын ала ақпаратты табыс ету

      32-бап. Еуразиялық экономикалық одақтың кедендік шекарасы арқылы тауарларды өткізу кезінде тыйым салуды және шектеулерді сақтау

      33-бап. Тауарларды Еуразиялық экономикалық одақтың кедендік аумағында немесе оның шегінен тысқары жерлерде иелену, пайдалану және (немесе) оларға билік ету

      34-бап. Тауарлардың кедендік бақылауда болуы

      35-бап. Жарамсыз болып қалған, бұзылған немесе зақымданған тауарлар

      36-бап. Сот шешімімен тәркіленген немесе мемлекеттің меншігіне айналдырылған немесе өндіріп алу қолданылған шетел тауарлары

      37-бап. Мүдделі тұлғалардың және Еуразиялық экономикалық одаққа мүше мемлекеттердің мемлекеттік органдарының тауарлардың сынамаларын және (немесе) үлгілерін іріктеп алуы

      38-бап. Кеден органдарына есептілікті табыс ету

      4-тарау. Еуразиялық экономикалық одақтың Сыртқы экономикалық қызметінің бірыңғай тауар номенклатурасы. Тауарларды сыныптау

      39-бап. Еуразиялық экономикалық одақтың Сыртқы экономикалық қызметінің бірыңғай тауар номенклатурасы және оны жүргізу

      40-бап. Тауарларды сыныптау

      41-бап. Тауарларды сыныптау туралы шешімдер, кеден органдары қабылдайтын тауарлардың жекелеген түрлерін сыныптау туралы шешімдер мен түсіндірмелер

      42-бап. Уәкілетті органның тауарлардың жекелеген түрлерін сыныптау туралы шешімдері мен түсіндірмелері

      43-бап. Комиссияның тауарлардың жекелеген түрлерін сыныптау туралы шешімдері мен түсіндірмелері

      44-бап. Тауарды сыныптау туралы алдын ала шешім қабылдау тәртібі

      45-бап. Тауарды сыныптау туралы алдын ала шешім қабылдау туралы өтініш

      46-бап. Тауарды сыныптау туралы алдын ала шешімді қабылдау мерзімі және шешімнің қолданыс мерзімі

      47-бап. Тауарды сыныптау туралы алдын ала шешімге өзгерістер енгізу, оның қолданысын тоқтату немесе оны кері қайтарып алу

      48-бап. Тауарларды сыныптау туралы алдын ала шешімдердің жариялылығы

      49-бап. Жиналмаған немесе бөлшектелген түрдегі, оның ішінде жинақталымдамбаған немесе жасалып бітпеген түрдегі тауарды сыныптау туралы шешім қабылдау тәртібі

      50-бап. Жиналмаған түрдегі тауарды сыныптау туралы шешім қабылдау мерзімі және мұндай шешімнің қолданыс мерзімі

      51-бап. Жинақталмаған түрдегі тауарды сыныптау туралы шешімді өзгерту немесе оның қолданылуын тоқтату

      52-бап. Жинақталмаған түрдегі тауарды сыныптау туралы шешімнің қолданысы тоқтатылған кезде тауарларды сыныптау

      53-бап. Жинақталмаған түрдегі тауарды сыныптау туралы шешімдердің есебі

      54-бап. Жинақталмаған түрдегі тауарды сыныптау туралы шешімнің қолданылу мерзімін ұзарту

      5-тарау. Тауарлардың шығарылған жері

      55-бап. Тауарлардың шығарылған жерін анықтау

      56-бап. Тауарлардың шығарылған жерін растау және тауарлардың шығарылған жері туралы құжаттар

      57-бап. Тауардың шығарылған жері туралы декларация

      58-бап. Тауардың шығарылған жері туралы сертификат

      59-бап. Еуразиялық экономикалық одақтың кедендік аумағына әкелінетін тауарлардың шығарылған жері туралы алдын ала шешімдер

      60-бап. Тауардың шығарылған жері туралы алдын ала шешімдерді қабылдау тәртібі

      61-бап. Тауардың шығарылған жері туралы алдын ала шешім қабылдау туралы өтініш

      62-бап. Тауардың шығарылған жері туралы алдын ала шешімді қабылдау мерзімі және оның қолданыс мерзімі

      63-бап. Тауардың шығарылған жері туралы алдын ала шешімге өзгерістер енгізу, оның қолданысын тоқтату немесе оны кері қайтарып алу

      6-тарау. Тауарлардың кедендік құны

      64-бап. Анықтамалар

      65-бап. Тауарлардың кедендік құны туралы жалпы ережелер

      66-бап. Әкелінетін тауарлармен жасалған мәміленің құны жөніндегі әдіс (1-әдіс)

      67-бап. Әкелінетін тауарлар үшін іс жүзінде төленген немесе төленуге жататын бағаға қосымша есептеулер

      68-бап. Бірдей тауарлармен мәміле құны бойынша әдіс (2-әдіс)

      69-бап. Біртекті тауарлармен мәміле құны бойынша әдіс (3-әдіс)

      70-бап. Шегеру әдісі (4-әдіс)

      71-бап. Қосу әдісі (5-әдіс)

      72-бап. Резервтік әдіс (6-әдіс)

      73-бап. Еуразиялық экономикалық одақтың кедендік аумағынан әкетілетін тауарлардың кедендік құнын айқындау

      2-БӨЛІМ. КЕДЕНДІК ТӨЛЕМДЕР, САЛЫҚТАР, АРНАЙЫ, ДЕМПИНГКЕ ҚАРСЫ, ӨТЕМ БАЖДАРЫ

      7-тарау. Кедендік төлемдер, салықтар туралы жалпы ережелер

      74-бап. Кедендік төлемдер, салықтар

      75-бап. Кедендік баж ставкаларының түрлері

      76-бап. Кедендік алымдар

      77-бап. Кедендік алымдардың түрлері, төлеу мерзімі және тәртібі

      78-бап. Аванстық төлемдер

      79-бап. Кедендік төлемдерді төлеу бойынша жеңілдіктер және тарифтік преференциялар

      80-бап. Кедендік алымдарды төлеу бойынша жеңілдіктер, сондай-ақ кедендік алымдар төленбеген жағдайларда

      81-бап. Кедендік баждарды, кедендiк алымдарды, салықтарды төлеушілер

      8-тарау. Кедендік баждарды, салықтарды есептеу

      82-бап. Кедендік баждарды, салықтарды салу объектісі және кедендік баждарды, салықтарды есептеуге арналған база

      83-бап. Кедендік баждарды, салықтарды есептеу

      84-бап. Кедендік баждарды, салықтарды есептеу үшін қолданылатын кедендік баждардың, салықтардың мөлшерлемелері

      85-бап. Кедендік баждарды, салықтарды төлеу жөніндегі міндеттің туындауы және тоқтатылуы. Кедендік баждар, салықтар төленбейтін жағдайлар

      86-бап. Кедендік баждарды, салықтарды төлеу жөніндегі міндеттерді орындау

      87-бап. Белгіленген мерзімде төленбеген кедендік баждардың, салықтардың, өсімпұлдардың, пайыздардың сомалары туралы хабарламаны тапсыру тәртібі

      88-бап. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндеттің туындауы және тоқтатылуы, оларды төлеудің мерзімі және есептеу ерекшеліктері

      89-бап. Кедендік баждар, кедендік алымдар, салықтар, өсімпұлдар, пайыздар бойынша талап қоюдың өту мерзімі

      9-тарау. Кедендік баждарды, салықтарды төлеу мерзімдері мен тәртібі

      90-бап. Кедендік баждарды, салықтарды төлеу мерзімдері

      91-бап. Кедендік әкелу баждарын, салықтарды төлеу мерзімдерін өзгерту

      92-бап. Кедендік әкелу баждарын төлеуді кейінге қалдыруды немесе бөліп төлеуді жоқ қылу, бас тарту, кедендік әкелу баждарын төлеуді кейінге қалдыруды немесе бөліп төлеуді ұсыну тәртібі, мерзімдері және негіздері. Кедендік бажды төлеудің мерзімін кейінге қалдыру немесе бөліп-бөліп төлеуді ұсыну туралы шешімнің қолданысын тоқтату

      93-бап. Кедендік әкелу баждарын төлеуді кейінге қалдыру немесе бөліп төлеу үшін берілетін пайыздар

      94-бап. Кедендік баждарды, салықтарды төлеу тәртібі

      95-бап. Екінші деңгейдегі банктердің және банк операцияларының жекелеген түрлерін жүзеге асыратын ұйымдардың бюджетке кедендік баждарды, салықтарды, кедендік алымдарды, өсімпұлдарды, пайыздарды аудару бөлігіндегі міндеттері

      10-тарау. Кедендік баждарды, салықтарды төлеу жөніндегі міндеттерді орындауды қамтамасыз ету

      96-бап. Кедендік баждарды, салықтарды төлеу жөніндегі міндеттерді орындауды қамтамасыз етудің жалпы шарттары

      97-бап. Кедендік баждарды, салықтарды төлеу жөніндегі міндеттемелердің орындалуын қамтамасыз ету тәсілдері

      98-бап. Ақшалай қаражатты (ақшаны) кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      99-бап. Банк кепілдігін кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      100-бап. Кепілгерлік шартын кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      101-бап. Мүліктік кепілді кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      102-бап. Сақтандыру шартын кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      103-бап. Кедендік баждарды, салықтарды төлеу жөніндегі міндеттемелердің орындалуын бас қамтамасыз ету

      104-бап. Кедендік баждарды, салықтарды төлеу жөніндегі міндеттемелерді орындауды қамтамасыз етудің мөлшерін айқындау

      105-бап. Кедендік баждардың, салықтардың төленуін қамтамасыз етуді тіркеу

      11-тарау. Кедендік баждардың, кедендік алымдардың, салықтардың, өсімпұлдар, пайыздардың мен аванстық төлемдер, есептелген, есепке жатқызылған, төленген сомаларын есепке алу. Кедендік баждардың, кедендік алымдардың, салықтардың өсімпұлдардың, пайыздардың төленген сомаларын және кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде енгізілген ақшалай қаражаттың (ақшаның) сомаларын қайтару (есепке жатқызу)

      106-бап. Кедендік баждардың, кедендік алымдардың, салықтардың, өсімпұлдар мен пайыздардың есептелген, есепке жатқызылған, төленген сомаларын есепке алу

      107-бап. Кеден органының есепке алуы кеден органында жүргізілетін берешектердің жоқ (бар) екендігі туралы мәліметтерді беруі

      108-бап. Артық төленген (өндіріп алынған) кедендік баждардың, кедендік алымдардың, салықтардың, өсімпұлдар мен пайыздардың сомалары

      109-бап. Кедендік баждарды, салықтарды төлеу жөніндегі міндеттемелерді орындауды қамтамасыз ету ретінде енгізілген кедендік баждардың, кедендік алымдардың, салықтардың, аванстық төлемдердің сомаларын, ақша құралдарын (ақшаны), сондай-ақ өзге де ақша құралдарын есепке жатқызу, қайтару

      110-бап. Кедендік баждардың, кедендік алымдардың, салықтардың сомаларын есепке жатқызу

      111-бап. Кедендік баждардың, кедендік алымдардың, салықтардың артық төленген және (немесе) өндіріп алынған сомаларын қайтару

      112-бап. Кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларын есепке жатқызу, қайтару

      113-бап. Кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде енгізілген аванстық төлемдерді есепке жатқызу, қайтару

      114-бап. Кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде енгізілген ақшалай қаражаттардың (ақшаның) сомаларын есепке жатқызу, қайтару

      115-бап. Соттың шешімімен электрондық аукциондар қорытындысының күшін жою нәтижесінде кедендік баждардың, кедендік алымдардың, салықтардың, өсімпұлдардың төленген сомаларын қайтару

      12-тарау. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу

      1-параграф. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу туралы жалпы ережелер

      116-бап. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу туралы жалпы ережелер

      117-бап. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өтеу туралы хабарлама

      118-бап. Кедендік төлемдер, салықтар арнайы, демпингке қарсы, өтем баждар, өсімпұлдар, пайыздар бойынша берешекті өтеу туралы хабарламаны тапсыру және орындау тәртібі

      119-бап. Кедендік төлемдер, салықтар арнайы, демпингке қарсы, өтем баждар, өсімпұлдар, пайыздар бойынша берешекті өндіріп алуды жүзеге асыратын кеден органы

      120-бап. Кедендік төлемдер, салықтар арнайы, демпингке қарсы, өтем баждар, өсімпұлдар, пайыздар бойынша берешекті өтеу тәртібі

      121-бап. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешектің сомаларын өндіріп алуды және есептен шығаруды үмітсіз деп тану

      122-бап. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті аванстық төлемдердің, артық төленген кедендік төлемдердің, салықтардың, арнайы, демпингке қарсы, өтемдік баждарының, өсімпұлдардың, пайыздардың сомалары есебінен, кедендік баждарды, салықтарды төлеу жөніндегі міндеттерін орындауды қамтамасыз ету есебінен өндіріп алу

      2-параграф. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті өтеуді қамтамасыз ету тәсілдері

      123 -бап. Жалпы ережелер

      124-бап. Кедендік төлемдердiң, салықтардың, арнайы, демпингке қарсы, өтемдік баждарының мерзiмiнде төленбеген сомасына өсiмпұл

      125-бап. Төлеушінің банк шоттары бойынша шығыс операцияларын тоқтата тұру

      126-бап. Төлеушінің кассасы бойынша шығыс операцияларын тоқтата тұру

      127-бап. Төлеушінің мүлікке билік етуін шектеу

      3-параграф. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті мәжбүрлеп өндіріп алу шаралары

      128-бап. Берешекті мәжбүрлеп өндіріп алу шаралары

      129-бап. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті банк шоттарындағы ақша есебінен өндіріп алу

      130-бап. Төлеушiнің кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешектің сомаларын оның дебиторларының шоттарынан өндiрiп алу

      131-бап. Төлеушiнің билік етуі шектелген мүлкін өткізу есебінен кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешектері есебіне өндіріп алу

      132-бап. Төлеушiнің билік ету шектелген мүлкін кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешектері есебіне өткізу тәртібі

      133-бап. Төлеушiні банкрот деп тану

      134-бап. Кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешектері бар төлеушiлердің тізімін бұқаралық ақпарат құралдарында жариялау

      13-тарау. Ішкі нарықты қорғау мақсатында қолданылатын арнайы, демпингке қарсы, өтем және өзге де баждар

      135-бап. Арнайы, демпингке қарсы, өтем және өзге де баждарды ішкі нарықты қорғау мақсатында қолдану

      136-бап. Арнайы, демпингке қарсы, өтемдік баждарын төлеу жөніндегі міндеттеменің туындауы және тоқтатылуы. арнайы, демпингке қарсы, өтемдік баждары төленбейтін жағдайлар

      137-бап. Арнайы, демпингке қарсы, өтемдік баждарды төлеу жөніндегі міндеттемені орындау

      138-бап. Арнайы, демпингке қарсы, өтемдік баждарды төлеудің мерзімдері мен тәртібі

      139-бап. Арнайы, демпингке қарсы, өтемдік баждарды төлеу жөніндегі міндеттерді орындауды қамтамасыз ету

      140-бап. Арнайы, демпингке қарсы, өтемдік баждарының, өсімпұлдардың және пайыздардың есептелген, есепке жатқызылған, төленген сомаларын есепке алу

      141-бап. Арнайы, демпингке қарсы, өтемдік баждарының сомаларын, арнайы, демпингке қарсы, өтемдік баждарын төлеу жөніндегі міндеттерді орындауды қамтамасыз ету ретінде енгізілген ақша қаражатын (ақшаны) қайтару (есепке жатқызу)

      142-бап. Арнайы, демпингке қарсы, өтем баждарын өндіріп алу

      143-бап. Арнайы, демпингке қарсы, өтемдік баждары бойынша талап қоюдың өту мерзімі

      3-БӨЛІМ. КЕДЕНДІК ОПЕРАЦИЯЛАР ЖӘНЕ ОЛАРДЫ ЖАСАЙТЫН ТҰЛҒАЛАР

      14-тарау. Кедендік операциялар және оларды жасайтын тұлғалар туралы жалпы ережелер

      144-бап. Кедендік операцияларды жасау тәртібі

      145-бап. Кеден органының кедендік операцияларды жасау орны мен уақыты

      146-бап. Кедендік операцияларды жасау үшін қажетті құжаттар және (немесе) мәліметтер

      147-бап. Тауарлардың жекелеген санаттарына қатысты кедендік операцияларды жасаудың бірінші кезектегі тәртібі

      148-бап. Кеден органдарының және тұлғалардың кедендік операцияларды жасауы

      149-бап. Декларант

      150-бап. Декларанттың құқығы, міндеттері және жауапкершілігі

      151-бап. Кедендік операцияларды жасаған кезде мүдделі тұлғалардың қатысуы

      152-бап. Еуразиялық экономикалық одақтың кедендік шекарасы арқылы заңсыз өткізілген тауарларға қатысты кедендік операцияларды жасау

      15-тарау. Тауарлардың Еуразиялық экономикалық одақтың кедендік аумағына келуі және олардың келуімен байланысты кедендік операциялар

      153-бап. Тауарлардың Еуразиялық экономикалық одақтың кедендік аумағына келуі

      154-бап. Тауарлардың Еуразиялық экономикалық одақтың кедендік аумағына келуіне байланысты кедендік операциялар және оларды жасаудың тәртібі

      155-бап. Еуразиялық экономикалық одақтың кедендік аумағына тауарлардың келуі туралы кеден органын хабардар еткен кезде ұсынылатын құжаттар мен мәліметтер

      156-бап. Тауарларды түсіру, қайта тиеу (ауыстырып тиеу) және тауарлармен өзге де жүк операциялары, сондай-ақ келу орындарында жүзеге асырылатын халықаралық тасымалдаудың көлік құралдарын өткізу

      157-бап. Еуразиялық экономикалық одақтың кедендік аумағына тауарлар келген кезде кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндеттің туындауы және тоқтатылуы, оларды төлеу және есептеу мерзімдері

      16-тарау. Еуразиялық экономикалық одақтың кедендік аумағынан тауарлардың кетуі және осындай кетуге байланысты кедендік операциялар

      158-бап. Еуразиялық экономикалық одақтың кедендік аумағынан тауарлардың кетуіне байланысты кедендік операциялар және оларды жасаудың тәртібі

      159-бап. Еуразиялық экономикалық одақтың кедендік аумағынан тауарлардың іс жүзінде әкетілуін растау

      160-бап. Еуразиялық экономикалық одақтың кедендік аумағынан тауарлар кеткен кезде оларға қойылатын талаптар

      161-бап. Тауарларды түсіру, қайта тиеу (ауыстырып тиеу) және тауарлармен жүргізілетін өзге де жүк операциялары, сондай-ақ Еуразиялық экономикалық одақтың кедендік аумағынан тауарлар кеткенге дейін жүзеге асырылатын халықаралық тасымалдаудың көлік құралдарын өткізу

      162-бап. Авария, еңсерілмейтін күштің әсер етуі немесе өзге де мән-жайлар кезінде қолданылатын шаралар

      163-бап. Еуразиялық экономикалық одақтың кедендік аумағынан шетелдік тауарлардың кетуі кезінде кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мерзімі және оны есептеу

      17-тарау. Тауарларды уақытша сақтау және тауарларды уақытша сақтауға қоюға байланысты кедендік операциялар

      164-бап. Тауарларды уақытша сақтау туралы жалпы ережелер

      165-бап. Тауарларды уақытша сақтау орындары

      166-бап. Өз тауарларын сақтау қоймалары иелерінің тізіліміне енгізу тәртібі

      167-бап. Өз тауарларын сақтау қоймалары иелерінің міндеттері

      168-бап. Өз тауарларын сақтау қоймасы иесінің қызметін тоқтата тұру

      169-бап. Өз тауарларын сақтау қоймалары иелерінің тізілімінен шығару

      170-бап. Тауарларға қатысты өкілеттіктерге ие тұлғаның өтініші бойынша орындарда тауарларды уақытша сақтау

      171-бап. Тауарларды уақытша сақтауға орналастыруға байланысты кедендік операциялар және оларды жүргізу тәртібі

      172-бап. Тауарларды уақытша сақтау мерзімі

      173-бап. Уақытша сақтауда тұрған тауарлармен операциялар

      174-бап. Тауарларды уақытша сақтау кезінде кедендік әкелу баждарын, салықтарды, арнайы, демпингке қарсы, өтем баждарын төлеу міндетінің туындауы және тоқтатылуы, оларды төлеу мерзімі және есептеу

      18-тарау. Кедендік декларация және кедендік декларацияны берумен, тіркеумен және кері қайтарып алумен, кедендік декларацияда мәлімделген мәліметтердің өзгеруімен (толықтырылуымен) байланысты кедендік операциялар

      175-бап. Кедендік декларация туралы жалпы ережелер

      176-бап. Кедендік декларация

      177-бап. Тауарларға арналған декларацияда көрсетілуі тиіс мәліметтер

      178-бап. Транзиттік декларацияда көрсетілуі тиіс мәліметтер

      179-бап. Кедендік декларацияда мәлімделген мәліметтерді растайтын құжаттар

      180-бап. Кедендік декларацияны берумен байланысты кедендік операциялар және оларды жасау тәртібі

      181-бап. Кедендік декларацияны беру мерзімі

      182-бап. Берілген кедендік декларацияны тексеру, берілген кедендік декларацияны тіркеумен не тіркеуден бас тартумен байланысты кедендік операциялар және оларды жасау тәртібі

      183-бап. Кедендік декларацияда мәлімделген мәліметтердің өзгеруімен (толықтырылуымен) байланысты кедендік операциялар және оларды жасау тәртібі

      184-бап. Кедендік декларацияны кері қайтарып алумен байланысты кедендік операциялар және оларды жасау тәртібі

      185-бап. Алдын ала кедендік декларациялау

      186-бап. Толық емес кедендік декларациялау

      187-бап. Мерзімдік кедендік декларациялау

      188-бап. Еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақтың тауарларын мерзімдік кедендік декларациялау

      189-бап. Уақытша кедендік декларациялау

      190-бап. Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарды кедендік декларациялау ерекшеліктері

      191-бап. Кеден органының лауазымды тұлғасы кедендік декларацияны толтыруы

      19-тарау. Тауарларды шығару және тауарларды шығарумен байланысты кедендік операциялар

      192-бап. Тауарларды шығару және тауарларды шығарумен және оларды жоюмен байланысты кедендік операциялар жасау тәртібі туралы жалпы ережелер

      193-бап. Тауарларды шығару мерзімдері

      194-бап. Тауарларға арналған декларацияларды бергенге дейін кедендік операцияларды жасаудың және тауарларды шығарудың ерекшеліктері

      195-бап. Кедендік, өзге де құжаттарды және (немесе) мәліметтерді тексеруді аяқтағанға дейінгі тауарларды шығарудың ерекшеліктері

      196-бап. Кедендік сараптаманы тағайындау кезінде тауарларды шығарудың ерекшеліктері

      197-бап. Әкімшілік құқық бұзушылық немесе қылмыс анықталған кезде тауарларды шығарудың ерекшеліктері

      198-бап. Зияткерлік меншік объектілері бар тауарларды шығару мерзімін тоқтата тұру және мұндай тауарларды шығару мерзімін қайта жаңғырту

      199-бап. Еуразиялық экономикалық одаққа мүше мемлекеттің зияткерлік меншік объектілерінің кедендік тізіліміне немесе Қазақстан Республикасының зияткерлік меншік объектілерінің кедендік тізіліміне енгізілген зияткерлік меншік объектілері бар тауарларды шығару мерзімін тоқтата тұру және мұндай тауарларды шығару мерзімін қайта жаңғырту

      200-бап. Кеден органдарының зияткерлік меншік объектілеріне құқықтарды қорғауына қатысты қосымша ережелер

      201-бап. Тауарларды шығарудан бас тарту және тауарларды шығарудан бас тартуға байланысты кедендік операциялар жасасу тәртібі

      202-бап. Шартты түрде шығарылған тауарлар

      203-бап. Жер қойнауын пайдалану саласында (отын-энергетикалық сектор) шартты шығарылған тауарлармен операциялар жүргізудің ерекшеліктері.

      20-тарау. Тауарларды және (немесе) көлік құралдарын мемлекет меншігіне айналдыру

      204-бап. Тауарларды және (немесе) көлік құралдарын мемлекет меншігіне айналдыру

      205-бап. Тауарларды және (немесе) көлік құралдарын сот шешімі бойынша мемлекет меншігіне айналдыру тәртібі

      206-бап. Мемлекеттің пайдасына бас тарту кедендік рәсімімен орналастырылған тауарларды мемлекет меншігіне айналдыру тәртібі

      4-БӨЛІМ. КЕДЕНДІК РӘСІМДЕР

      21-тарау. Кедендік рәсімдер туралы жалпы ережелер

      207-бап. Кедендік рәсімдерді қолдану

      208-бап. Тауарларды кедендік рәсіммен орналастыру

      209-бап. Кедендік рәсімнің қолданысын аяқтау, тоқтату, тоқтата тұру және жаңғырту

      210-бап. Кедендік рәсімдердің қолданысы мерзімдерін ұзарту

      211-бап. Ішкі нарықты арнайы, демпингке қарсы, өтемдік баждарға қарағанда өзге түрде белгіленген қорғау шараларын сақтау және (немесе) Одақ туралы шарттың 50-бабына сәйкес белгіленген кедендік рәсіммен тауарларды орналастыру кезіндегі өзге де баждар

      212-бап. Мәлімделген кедендік рәсімге сәйкес тауарларды пайдалану жағдайларын сақтау

      213-бап. Кедендік рәсіммен орналастырылған тауарларды алып қою (тыйым салу), тәркілеу немесе мемлекет меншігіне айналдыру салдарлары, белгіленген мерзімде кедендік рәсімді аяқтамау

      22-тарау. Ішкі тұтыну үшін шығару кедендік рәсімі

      214-бап. Ішкі тұтыну үшін шығару кедендік рәсімінің мазмұны мен қолданылуы

      215-бап. Тауарларды ішкі тұтыну үшін шығару кедендік рәсімімен орналастыру шарттары

      216-бап. Ішкі тұтыну үшін шығару кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімі

      217-бап. Кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындау және тоқтатылу ерекшеліктері, тауарларға арналған декларацияны бергенге дейін тауарларды шығару кезінде ішкі тұтыну үшін шығару кедендік рәсімімен орналастырылатын (орналастырылған) тауарларға қатысты оларды төлеу және есептеу мерзімі

      218-бап. Осы Кодекстің 214-бабының 3-тармағында көрсетілген тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу ерекшеліктері

      23-тарау. Экспорт кедендік рәсімі

      219-бап. Экспорт кедендік рәсімінің мазмұны мен қолданылуы

      220-бап. Тауарларды экспорт кедендік рәсімімен орналастыру шарттары

      221-бап. Экспорт кедендік рәсімімен орналастырылған тауарларға қатысты кедендік әкету баждарын төлеу жөніндегі міндеттің туындауы мен тоқтатылуы, оларды төлеу және есептеу мерзімі

      24-тарау. Кедендік транзит кедендік рәсімі

      222-бап. Кедендік транзит кедендік рәсімінің мазмұны және қолданылуы

      223-бап. Тауарларды кедендік транзит кедендік рәсімімен орналастыру шарттары

      224-бап. Кедендік транзит мерзімі

      225-бап. Тауарларды жеткізу орны. Тауарлардың жеткізу орнын өзгерту

      226-бап. Кедендік транзит кедендік рәсімі кезінде кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету

      227-бап. Кедендік транзит кезінде кедендік баждарды, салықтарды төлеу жөніндегі міндеттің орындалуын қамтамасыз етуді ұсынуды растау ерекшеліктері

      228-бап. Тауарларды түсіру, қайта тиеу (ауыстырып тиеу) және олармен жасалатын өзге де жүк операциялары, сондай-ақ Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тауарларды тасу (тасымалдау) кезінде көлік құралдарын өткізу

      229-бап. Кедендік транзит кедендік рәсіміне сәйкес тауарларды тасу (тасымалдау) кезінде пайда болған авария, еңсерілмейтін күштің әсері немесе өзге де мән-жайлар кезінде қолданылатын шаралар

      230-бап. Тасымалдаушының тауарларды кедендік транзит кедендік рәсіміне сәйкес тасу (тасымалдау) кезіндегі міндеттері

      231-бап. Кедендік транзит кедендік рәсімі қолданысының аяқталуы мен тоқтатылуы

      232-бап. Тауарларды жеткізу орнына тауарларды жеткізгеннен кейін жасалатын кедендік операциялар

      233-бап. Еуразиялық экономикалық одақтың кедендік аумағы бойынша тасу (тасымалдау) кезінде кедендік транзит кедендік рәсімімен орналастырылатын (орналастырылған) шетел тауарларына қатысты кедендік әкелу баждарын, салықтардаы, арнайы, демпингке қарсы, өтем баждарын төлеу жөніндегі міндеттің туындауы және аяқталуы, оларды төлеу мерзімі және есептеу

      234-бап. Тұлғалардың кедендік транзит кедендік рәсімін бұзған кездегі жауапкершілігі

      25-тарау. Кеден қоймасы кедендік рәсімі

      235-бап. Кеден қоймасы кедендік рәсімінің мазмұны және қолданылуы

      236-бап. Тауарларды кеден қоймасы кедендік рәсімімен орналастыру және оларды осындай кедендік рәсімге сәйкес пайдалану шарттары

      237-бап. Кеден қоймасы кедендік рәсімінің қолданылу мерзімі

      238-бап. Кеден қоймасы кедендік рәсімімен орналастырылған тауарлармен жасалатын операциялар

      239-бап. Тауарларды кеден қоймасында сақтау

      240-бап. Кеден қоймасында сақтау кезеңінде жарамсыз болып қалған, бүлінген немесе зақымданған тауарлар

      241-бап. Кеден қоймасы кедендік рәсімі қолданылуының аяқталуы және тоқтатылуы

      242-бап. Кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу мерзімі және есептеу

      26-тарау. Кедендік аумақта қайта өңдеу кедендік рәсімі

      243-бап. Кедендік аумақта қайта өңдеу кедендік рәсімінің мазмұны және қолданылуы

      244-бап. Тауарларды кедендік аумақта қайта өңдеу кедендік рәсімімен орналастырудың және оларды осындай кедендік рәсімге сәйкес пайдаланудың шарттары

      245-бап. Кедендік аумақта қайта өңдеу кедендік рәсімінің қолданылу мерзімі

      246-бап. Еуразиялық экономикалық одақтың кедендік аумағында қайта өңдеу жөніндегі операциялар

      247-бап. Шетелдік тауарларды қайта өңдеу өнімдерінде идентификаттау

      248-бап. Тауарларды Еуразиялық экономикалық одақтың кедендік аумағында қайта өңдеу шарттары туралы құжат

      249-бап. Қайта өңдеу өнімдерінің шығу нормалары

      250-бап. Еуразиялық экономикалық одақтың кедендік аумағында қайта өңдеу жөніндегі операциялар нәтижесінде пайда болған қалдықтар және өндірістік ысыраптар

      251-бап. Еуразиялық экономикалық одақтың кедендік аумағында қайта өңдеу жөніндегі операцияны жасау нәтижесінде пайда болатын шетел тауарларының қалған қалдықтары

      252-бап. Шетел тауарларын балама тауарлармен ауыстыру

      253-бап. Кедендік аумақтағы қайта өңдеу кедендік рәсімінің қолданысын аяқтау, тоқтата тұру және тоқтату

      254-бап. Кедендік аумақта қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімі

      255-бап. Ішкі тұтынуға арналған шығару кедендік рәсімімен орналастырылған кезде қайта өңдеу өнімдеріне қатысты кедендік әкелу баждарын, салықтарды, арнайы, демпингке қарсы, өтем баждарын есептеу және төлеу ерекшеліктері

      27- тарау. Кедендік аумақтан тыс жерде қайта өңдеу кедендік рәсімі

      256-бап. Кедендік аумақтан тыс жерде қайта өңдеу кедендік рәсімінің мазмұны мен қолданылуы

      257-бап. Тауарларды кедендік аумақтан тыс жерде қайта өңдеу кедендік рәсімімен орналастыру және оларды осындай кедендік рәсімге сәйкес пайдалану шарттары

      258-бап. Кедендік аумақтан тыс жерде қайта өңдеу кедендік рәсімінің қолданылу мерзімі

      259-бап. Еуразиялық экономикалық одақтың кедендік аумағынан тыс жерде қайта өңдеу жөніндегі операциялар

      260-бап. Еуразиялық экономикалық одақтың тауарларын олардың қайта өңдеу өнімдеріне сәйкестендіру

      261-бап. Тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжат

      262-бап. Қайта өңдеу өнімдерінің шығу нормалары

      263-бап. Қайта өңдеу өнімдерін балама шетелдік тауарлармен ауыстыру

      264-бап. Кедендік аумақтан тыс жерде қайта өңдеу кедендік рәсімі қолданысының аяқталуы және тоқтатылуы

      265-бап. Кедендік аумақтан тыс жерде қайта өңдеу кедендік рәсімімен орналастырылатын (орналастырылған) Еуразиялық экономикалық одақтың тауарларына қатысты кедендік әкету баждарын төлеу жөніндегі міндеттердің туындауы және тоқтатылуы, оларды төлеу және есептеу мерзімі

      266-бап. Қайта өңдеу өнімдерін ішкі тұтынуға арналған шығару кедендік рәсімімен орналастырған кезде оларға қатысты кедендік әкелу баждарын, салықтарды есептеу және төлеу ерекшеліктері

      267-бап. Еуразиялық экономикалық одақтың кедендік аумағынан тыс жерде қайта өңдеу жөніндегі операцияларға ұшырамаған тауарларға және оларды экспорт кедендік рәсімімен орналастырған кезде қайта өңдеу өнімдеріне қатысты кедендік әкелу баждарын есептеу және төлеу ерекшеліктері

      28-тарау. Ішкі тұтынуға арналған қайта өңдеу кедендік рәсімі

      268-бап. Ішкі тұтынуға арналған қайта өңдеу кедендік рәсімінің мазмұны және оныңқолданылуы

      269-бап. Тауарларды ішкі тұтынуға арналған қайта өңдеу кедендік рәсімімен орналастыру және оларды осы кедендік рәсімге сәйкес пайдалану шарттары

      270-бап. Ішкі тұтынуға арналған қайта өңдеу кедендік рәсімінің қолданылу мерзімі

      271-бап. Ішкі тұтынуға арналған қайта өңдеу жөніндегі операциялар

      272-бап. Шетелдік тауарлардың қайта өңдеу өнімдерінде идентификатталуы

      273-бап. Тауарларды ішкі тұтынуға арналған қайта өңдеу шарттары туралы құжат

      274-бап. Қайта өңдеу өнімдерінің шығу нормалары

      275-бап. Ішкі тұтынуға арналған қайта өңдеу жөніндегі операциялар нәтижесінде пайда болған қалдықтар және өндірістік ысыраптар

      276-бап. Ішкі тұтынуға арналған қайта өңдеу жөніндегі операцияларды жасау нәтижесінде пайда болатын шетелдік тауарлардың қалдықтары

      277-бап. Ішкі тұтынуға арналған қайта өңдеу кедендік рәсімдері қолданысының аяқталуы, тоқтатыла тұруы және тоқтатылуы

      278-бап. Ішкі тұтынуға арналған қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімдері

      279-бап. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде оларға қатысты кедендік әкелу баждарын, салықтарды, арнайы, демпингке қарсы, өтемдік баждарды есептеу және төлеу ерекшеліктері

      280-бап. Қайта өңдеу жөніндегі операцияларға ұшырамаған шетелдік тауарларға, ішкі тұтыну үшін қайта өңдеу жөніндегі операцияларды жасау нәтижесінде пайда болған қалдықтар мен ұсақ-түйек қалдықтарға қатысты оларды ішкі тұтыну үшін шығару кедендік рәсімімен орналастыру кезінде салықтарды, арнайы, демпингке қарсы, өтемдік баждарды төлеу ерекшеліктері

      29-тарау. Еркiн кедендiк аймақтың кедендiк рәсiмi

      281-бап. Еркiн кедендiк аймақтың кедендiк рәсiмiнің мазмұны мен қолданысы

      282-бап. Тауарларды еркін кедендік аймақтың кедендік рәсімімен орналастыру және оларды осындай кедендік рәсімге сәйкес пайдалану шарттары

      283-бап. ЕЭА аумағы және ЕЭА аумағында жасалатын кедендік операциялар

      284-бап. Порттық ЕЭА немесе логистикалық ЕЭА аумағына әкелінетін тауарларды еркін кедендік аймақтың кедендік рәсімімен орналастыру ерекшеліктері

      285-бап. Еркін кедендік аймақтың кедендік рәсімімен орналастырылған тауарларға қатысты және еркін кедендік аймақтың кедендік рәсімімен орналастырылған тауарлардан жасалған (алынған) тауарларға қатысты жасалатын іс-әрекеттер

      286-бап. Еркін кедендік аймақтың кедендік рәсімімен орналастырылған шетелдік тауарларды, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларда сәйкестендіру

      287-бап. Еркін кедендік аймақтың кедендік рәсімі қолданысының аяқталуы және тоқтатылуы

      288-бап. Еркін кедендік аймақтық кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтемдік баждарды төлеу жөніндегі міндеттің туындауы мен тоқтатылуы, оларды төлеу және есептеу мерзімі

      289-бап. Еркін кедендік аймақ кедендік рәсімімен орналастырылған шетелдік тауарларға және еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты, оларды жекелеген кедендік рәсімдермен орналастырған кезде кедендік әкелу баждарын, салықтарды, арнайы, демпингке қарсы, өтемдік баждарын есептеу және төлеу ерекшеліктері

      290-бап. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлардың мәртебесін айқындау

      291-бап. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА еркін кедендік аймақтың кедендік рәсімін қолдану ерекшеліктері

      30-тарау. Еркін қойма кедендік рәсімі

      292-бап. Еркін қойма кедендік рәсімінің мазмұны және қолданылуы

      293-бап. Тауарларды еркін қойма кедендік рәсімімен орналастыру шарттары және оларды осындай кедендік рәсімге сәйкес пайдалану

      294-бап. Еркін қойма кедендік рәсімімен орналастырылған тауарларға қатысты және еркін қойма кедендік рәсімімен орналастырылған тауарлардан жасалған (алынған) тауарларға қатысты жасалатын іс-қимылдар

      295-бап. Еркін қойма кедендік рәсімімен орналастырған тауарларды, еркін қойма кедендік рәсімімен орналастырған шетелдік тауарлардан жасалған (алынған) тауарларда идентификаттау

      296-бап. Еркін қойма кедендік рәсім қолданысын аяқтау және тоқтату

      297-бап. Еркін қойма кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтемдік баждарын төлеу жөніндегі міндеттің туындауы және тоқтатылуы, оларды төлеу мерзімдері және есептеу

      298-бап. Еркін қойма кедендік рәсімімен орналастырылған тауарларды және еркін қойма кедендік рәсімімен орналастырылған шетелдік тауарлардан жасалған (алынған) тауарларды жекелеген кедендік рәсімдермен орналастыру кезінде, кедендік әкелудің баждарын, салықтарды, арнайы демпингке қарсы, өтемдік баждарын есептеудің және төлеудің ерекшеліктері

      299-бап. Еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін айқындау

      31-тарау. Уақытша әкелу (жіберу) кедендік рәсімі

      300-бап. Уақытша әкелу (жіберу) кедендік рәсімінің мазмұны

      301-бап. Тауарларды уақытша әкелу (жіберу) кедендік рәсімімен орналастыру және оларды осындай кедендік рәсіміне сәйкес пайдалану шарттары

      302-бап. Уақытша әкелу (жіберу) кедендік рәсімінің қолданылу мерзімі

      303-бап. Уақытша әкелінген тауарларды иелену және пайдалану бойынша шектеулер

      304-бап. Уақытша әкелу (жіберу) кедендік рәсімін қолдану кезіндегі әкелу кедендік баждарын, салықтарды есептеу мен төлеудің ерекшеліктері

      305-бап. Уақытша әкелу (жіберу) кедендік рәсімін аяқтау, тоқтата тұру және қолданысын тоқтату

      306-бап. Уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттердің туындауы мен тоқтатылуы, оларды төлеу мерзімдері мен есептеу

      307-бап. Уақытша әкелінген тауарларға қатысты оларды ішкі тұтыну үшін шығару кедендік рәсімімен орналастырған кезде әкелу кедендік баждарын, салықтарды, арнайы, демпингке қарсы, өтем баждарын есептеу және төлеу ерекшеліктері

      32-тарау. Уақытша әкету кедендік рәсімі

      308-бап. Уақытша әкету кедендік рәсімінің мазмұны мен қолданылуы

      309-бап. Тауарларды уақытша әкету кедендік рәсімімен орналастыру және оларды осындай кедендік рәсімге сәйкес пайдалану шарттары

      310-бап. Уақытша әкету кедендік рәсімінің қолданылу мерзімі

      311-бап. Уақытша әкелінген тауарларды пайдалану және билік ету бойынша шектеулер

      312-бап. Уақытша әкету кедендік рәсімінің қолданысын аяқтау және тоқтату

      313-бап. Уақытша әкету кедендік рәсімімен орналастырылатын (орналастырылған) тауарларға қатысты әкету кедендік баждарын төлеу жөніндегі міндеттің туындауы және тоқтатылуы, оларды төлеу мен есептеу мерзімі

      314-бап. Уақытша әкетілген тауарларға қатысты олар экспорт кедендік рәсімімен орналастырылған кезде әкету кедендік баждарын есептеу және төлеу ерекшеліктері

      315-бап. Оларға қатысты уақытша әкету кедендік рәсімінің қолданысы тоқтатылған тауарларды экспорт кедендік рәсімімен орналастыру кезінде әкету кедендік баждарын есептеудің және төлеудің ерекшеліктері

      33-тарау. Кері импорт кедендік рәсімі

      316-бап. Кері импорт кедендік рәсімінің мазмұны мен қолданылуы

      317-бап. Тауарларды кері импорт кедендік рәсімімен орналастыру шарттары

      318-бап. Әкету кедендік баждарының сомалары есепке жатқызу (қайтару)

      34-тарау. Кері экспорт кедендік рәсімі

      319-бап. Кері экспорт кедендік рәсімінің мазмұны мен қолданылуы

      320-бап. Тауарларды кері экспорт кедендік рәсімімен орналастыру шарттары

      321-бап. Кері экспорт кедендік рәсімімен орналастырылған тауарлармен жасалатын іс-қимылдар

      322-бап. Кері экспорт кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы

      323-бап. Әкелу кедендік баждарының, салықтардың, арнайы, демпингке қарсы, өтем баждарының сомаларын есепке жатқызу (қайтару)

      35-тарау. Бажсыз сауда кедендік рәсімі

      324-бап. Бажсыз сауда кедендік рәсімінің мазмұны мен қолданылуы

      325-бап. Тауарларды бажсыз сауда кедендік рәсімімен орналастыру және оларды осындай кедендік рәсімге сәйкес пайдалану шарттары

      326-бап. Бажсыз сауда дүкендерінде бажсыз сауда кедендік рәсімімен орналастырылған тауарлардың жекелеген санаттарын сату шарттары

      327-бап. Бажсыз сауда кедендік рәсімінің қолданысын аяқтау және тоқтату

      328-бап. Бажсыз сауда кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мен есептеу мерзімі

      36-тарау. Жою кедендік рәсімі

      329-бап. Жою кедендік рәсімінің мазмұны мен қолданылуы

      330-бап. Тауарларды жою кедендік рәсімімен орналастыру шарттары

      331-бап. Жою кедендік рәсімін қолданудың ерекшеліктері

      332-бап. Жою кедендік рәсімінің аяқталуы

      37-тарау. Мемлекет пайдасына бас тарту кедендік рәсімі

      333-бап. Мемлекет пайдасына бас тарту кедендік рәсімінің мазмұны мен қолданылуы

      334-бап. Тауарларды мемлекет пайдасына бас тарту кедендік рәсімімен орналастыру шарттары

      335-бап. Мемлекет пайдасына бас тарту кедендік рәсімінің аяқталуы және тауарлардан мемлекет пайдасы үшін бас тарту тәртібі

      38-тарау. Арнайы кедендік рәсім

      336-бап. Арнайы кедендік рәсімнің мазмұны мен қолданылуы

      337-бап. Арнайы кедендік рәсімімен орналастыру шарттары мен оларға қатысты қолданылатын тауарлар санатына қарай арнайы кедендік рәсімін қолдану тәртібі

      5-БӨЛІМ. ЖЕКЕЛЕГЕН САНАТТАҒЫ ТАУАРЛАРДЫ ЕУРАЗИЯЛЫҚ ЭКОНОМИКАЛЫҚ ОДАҚТЫҢ КЕДЕНДІК ШЕКАРАСЫ АРҚЫЛЫ ӨТКІЗУ ШАРТТАРЫ МЕН ТӘРТІБІНІҢ ЕРЕКШЕЛІКТЕРІ

      39-тарау. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу шарттары мен тәртібінің ерекшеліктері

      338-бап. Осы тарауда пайдаланылатын анықтамалар

      339-бап. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу тәртібі мен шарттары туралы жалпы ережелер

      340-бап. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу кезінде қос дәліз жүйесін қолдану

      341-бап. Жеке пайдалануға арналған тауарларға қатысты жасалатын кедендік операциялар

      342-бап. Жеке пайдалануға арналған тауарларды уақытша сақтау

      343-бап. Жеке пайдалануға арналған тауарларды кедендік декларациялау

      344-бап. Жеке пайдалануға арналған тауарларды кедендік декларациялау кезінде құжаттарды ұсыну

      345-бап. Жеке пайдалануға арналған тауарларды шығару

      346-бап. Иесімен бірге жөнелтілетін багажда өткізілетін жеке пайдалануға арналған тауарларға қатысты кедендік транзит кедендік рәсімдерін қолдану ерекшеліктері

      347-бап. Жеке пайдалануға арналған көлік құралдарын уақытша әкелу

      348-бап. Жеке пайдалануға арналған тауарларды жеке тұлғалардың уақытша әкетуі

      349-бап. Жеке пайдалануға арналған тауарларға қатысты кедендік төлемдерді қолдану

      350-бап. Жеке пайдалануға арналған тауарлар құны

      351-бап. Халықаралық пошта жөнелтімдерімен жіберілетін жеке пайдалануға арналған тауарларды қоспағанда, Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндеттің туындауы және тоқтатылуы, оларды есептеу және төлеу мерзімдері

      352-бап. Халықаралық пошта жөнелтімдерімен жіберілетін жеке пайдалануға арналған тауарларды Еуразиялық экономикалық одақтың кедендік аумағына әкелінетін (әкелінген) қатысты кедендік баждарды, салықтарды төлеу жөніндегі міндеттің туындауы және тоқтатылуы, есептеу және оларды төлеу мерзімдері

      353-бап. Жеке пайдалануға арналған тауарларға қатысты кедендік баждарды, салықтарды төлеу жөніндегі міндеттерді орындау және сондай кедендік баждарды, салықтарды өндіру тәртібі

      354-бап. Жеке пайдалануға арналған тауарларға қатысты кедендік баждарды, салықтарды төлеу жөніндегі міндеттердің орындалуын қамтамсыз ету

      40-тарау. Еуразиялық экономикалық одақтың кедендік шекарасы арқылы халықаралық тасымалдаудың көлік құралдарын өткізу шарттары мен тәртібінің ерекшеліктері

      355-бап. Еуразиялық экономикалық одақтың кедендік шекарасы арқылы халықаралық тасымалдаудың көлік құралдарын өткізу шарттары мен тәртібі туралы жалпы ережелер

      356-бап. Еуразиялық экономикалық одақтың кедендік аумағына уақытша әкелінетін (уақытша әкелінген) халықаралық тасымалдаудың көлік құралдарын әкелу шарты

      357-бап. Уақытша әкелінетін (уақытша әкелінген) халықаралық тасымалдау көлік құралдарының Еуразиялық экономикалық одақтың кедендік аумағында болу мерзімі

      358-бап. Еуразиялық экономикалық одақтың кедендік аумағында уақытша әкелінген халықаралық тасымалдау көлік құралдарының болу және пайдалану шарты

      359-бап. Уақытша әкетілетін (уақытша әкетілген) халықаралық тасымалдаудың көлік құралдарын Одақтың кедендік аумағынан әкету және Еуразиялық экономикалық одақтың кедендік аумағынан тысқары жерлерде болу шарты

      360-бап. Еуразиялық экономикалық одақтың кедендік аумағынан тысқары жерлерде уақытша әкетілген халықаралық тасымалдау көлік құралдарын пайдалану шарты

      361-бап. Халықаралық тасымалдаудың көлік құралдарын кедендік декларациялау және шығару

      362-бап. Уақытша әкелінетін (уақытша әкелінген) халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттердің туындауы және тоқтатылуы, оларды төлеу және есептеу мерзімі

      363-бап. Уақытша әкетілетін (уақытша әкетілген) халықаралық тасымалдаудың көлік құралдарына қатысты кедендік әкету баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      41-тарау. Еуразиялық экономикалық Еуразиялық экономикалық одақтың кедендік шекарасы арқылы керек-жарақтарды өткізу тәртібінің ерекшеліктері мен шарттары

      364-бап. Еуразиялық экономикалық Еуразиялық экономикалық одақтың кедендік шекарасы арқылы керек-жарақтарды өткізу тәртібі мен шарттары туралы жалпы ереже

      365-бап. Керек-жарақтарға қатысты кедендік операцияларды жасау ерекшеліктері

      366-бап. Еуразиялық экономикалық одақтың кедендік аумағында керек-жарақтарды пайдалану

      367-бап. Керек-жарақтар ретінде декларацияланатын (шығарылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      42-тарау. Халықаралық пошта жөнелтілімдерін және оларда жіберілетін тауарларды Еуразиялық экономикалық одақтың кедендік шекарасы арқылы өткізу тәртібінің және шартының ерекшеліктері

      368-бап. Халықаралық пошта жөнелтілімдерінде тауарларды жіберу ерекшеліктері

      369-бап. Халықаралық пошта жөнелтілімдеріне және халықаралық пошта жөнелтілімдерінде жіберілетін тауарларға қатысты кедендік операциялар жасау ерекшеліктері

      370-бап. Халықаралық пошта жөнелтілімдеріне қатысты кедендік транзит кедендік рәсімін қолдану ерекшеліктері

      371-бап. Халықаралық пошта жөнелтілімдерін халықаралық пошта алмасу орнындағы (мекемесіндегі) кедендік бақылау аймағына орналастыру кезінде оларға қатысты тағайындалған пошта байланысының операторында кедендік әкелу баждарын, салықтарды төлеу бойынша міндеттің туындауы және тоқтатылуы, оларды төлеу және есептеу мерзімі

      43-тарау. Құбыржол көлігімен немесе электр беру желісі бойынша өткізілетін тауарларды Еуразиялық экономикалық одақтың кедендік шекарасы арқылы өткізу тәртібі мен шартының ерекшеліктері

      372-бап. Құбыржол көлігімен немесе электр беру желісі бойынша өткізілетін тауарларды Еуразиялық экономикалық одақтың кедендік шекарасы арқылы өткізу тәртібі және шарты туралы жалпы ереже

      373-бап. Құбыржол көлігімен өткізілетін тауарларды кедендік декларациялау және Еуразиялық экономикалық одақтың кедендік аумағына әкелу, Еуразиялық экономикалық одақтың кедендік аумағынан әкету ерекшеліктері

      374-бап. Электр беру желісі бойынша өткізілетін тауарларды кедендік декларациялау және Еуразиялық экономикалық одақтың кедендік аумағына әкелу, Еуразиялық экономикалық одақтың кедендік аумағынан әкету ерекшеліктері

      375-бап. Құбыржол көлігімен немесе электр беру желісі бойынша өткізілетін тауарларды есепке алу аспаптарының көрсеткіштерін пайдалану

      376-бап. Құбыржол көлігімен немесе электр беру желілері бойынша өткізілетін тауарларды идентификаттау

      377-бап. Құбыржол көлігімен өткізілетін тауарларға қатысты кедендік транзиттің кедендік рәсімін қолдану ерекшеліктері

      378-бап. Құбыржол көлігімен өткізілетін, кедендік транзиттің кедендік рәсімімен орналастырылатын (орналастырылған) тауарларға қатысты кедендік баждарды, салықтарды, арнайы, демпингке қарсы, өтем баждарын төлеу бойынша міндеттердің туындауы мен тоқтатылуы, оларды төлеу мерзімі және есептеу

      44-тарау. Тұлғалардың жекелеген санаттарының Еуразиялық экономикалық одақтың кедендік шекарасы арқылы дипломатиялық пошта мен консулдық вализа тауарларын өткізудің тәртібі мен шарттарының ерекшеліктері

      379-бап. Тұлғалардың жекелеген санаттарының Еуразиялық экономикалық одақтың кедендік шекарасы арқылы тауарларды өткізудің тәртібі мен шарттарының ерекшеліктері туралы жалпы ережелер

      380-бап. Қазақстан Республикасының аумағында орналасқан дипломатиялық өкілдіктер мен консулдық мекемелердің, халықаралық ұйымдардың немесе олардың өкілдіктерінің, мемлекеттердің халықаралық ұйымдар жанындағы өкілдіктерінің, өзге де ұйымдардың немесе олардың өкілдіктерінің ресми пайдалануына арналған тауарларды кедендік рәсімдермен орналастыру

      381-бап. Дипломатиялық өкілдіктер, консулдық мекемелер басшыларының, дипломатиялық өкілдіктердің дипломатиялық персоналы мүшелерінің, консулдық мекемелердің консулдық лауазымды тұлғаларының, сондай-ақ олардың отбасы мүшелерінің Еуразиялық экономикалық одақтың кедендік шекарасы арқылы тауарларды өткізу шарттары

      382-бап. Дипломатиялық өкілдіктердің әкімшілік-техникалық персоналы мүшелерінің, консулдық мекемелердің консулдық қызметшілерінің, консулдық мекемелердің қызмет көрсетуші персонал жұмыскерлерінің, сондай-ақ олардың отбасы мүшелерінің Еуразиялық экономикалық одақтың кедендік шекарасы арқылы тауарларды тасымалдау шарттары

      383-бап. Еуразиялық экономикалық одақ мүшесі болып табылмайтын мемлекеттер делегациялары өкілдерінің және мүшелерінің Еуразиялық экономикалық одаққа кедендік аумағына тауарларды әкелуі

      384-бап. Дипломатиялық поштаны және консулдық вализаларды Еуразиялық экономикалық одақтың кедендік шекарасы арқылы өткізу

      45-тарау. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын тауарларды Еуразиялық экономикалық одақтың кедендік шекарасы арқылы өткізу тәртібі мен шарттарының ерекшеліктері

      385-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын тауарларды Еуразиялық экономикалық одақтың кедендік шекарасы арқылы өткізу туралы жалпы ережелер

      386-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы және (немесе) теңізбен өткізілетін тауарларға қатысты кедендік операцияларды кедендік транзит кедендік рәсіммен орналастырмай жасау ерекшеліктері және мұндай тауарлардың мәртебесі

      387-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын Еуразиялық экономикалық одақтың тауарларына қатысты кедендік транзит кедендік рәсімінің қолданысын қолдану, аяқтау және тоқтату ерекшеліктері

      388-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын шетелдік тауарлардың жекелеген санаттарына қатысты кедендік транзит кедендік рәсімінің қолданысын қолдану, аяқтау және тоқтату ерекшеліктері

      389-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде өткізілетін (тасымалданатын) уақытша әкелу (жіберу) кедендік рәсіммен орналастырылған шетелдік тауарларға қатысты кедендік транзит кедендік рәсімінің қолданысын қолдану, аяқтау және тоқтату ерекшеліктері

      390-бап. Кедендік транзит кедендік рәсіміне сәйкес Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың тауарларын Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезінде Еуразиялық экономикалық одақтың тауарларын түсіру, қайта тиеу (қайта аудару) және өзге де жүк операциялары, сондай-ақ көлік құралдарын ауыстыру

      391-бап. Кедендік транзит кедендік рәсіміне сәйкес Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезінде тасымалдаушы мен экспедитордың міндеті

      392-бап. Кедендік транзит кедендік рәсімімен орналастырылатын (орналастырылған) Еуразиялық экономикалық одақтың тауарларына қатысты кедендік әкету баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      6-БӨЛІМ. КЕДЕНДІК БАҚЫЛАУДЫ ЖҮРГІЗУ

      46-тарау. Кедендік бақылауды жүргізу туралы жалпы ережелер

      393-бап. Кедендік бақылауды жүргізу

      394-бап. Кедендік бақылау объектілері

      395-бап. Кедендік рәсімге сәйкес тауарларды пайдалану шарттарының сақталуына кедендік бақылау

      396-бап. Тауарлардың кедендік құнына кедендік бақылауды жүргізу ерекшелігі

      397-бап. Тауарлардың шығарылған жеріне кедендік бақылау ерекшеліктері

      398-бап. Кедендік баждарды, кедендік алымдарды, салықтарды, арнайы, демпингке қарсы, өтемақы баждарын, өсімпұлдарды, пайыздарды төлеуді қабылау

      399-бап. Егер кеден органына тауарлар шығарылғаннан кейін кедендік бақылауды жүргізу кезінде, кедендік декларацияда мәлімделген мәліметтерді растайтын құжаттар ұсынылмаған жағдайда, кедендік баждарды, салықтарды, арнайы, демпингке қарсы, өтемақы баждарды есептеу ерекшеліктері

      400-бап. Тауарлар шығарылғаннан кейін шартты шығарылған тауарларға қатысты кедендік бақылау ерекшеліктері

      401-бап. Халықаралық пошта жөнелтілімдерде жөнелтілетін тауарларға қатысты кедендік бақылау ерекшеліктері

      402-бап. Еуразиялық экономикалық одақтың кедендік шекарасында мемлекеттік бақылауды (қадағалауды) жүзеге асыратын Қазақстан Республикасының мемлекеттік органдары мен кеден органдары арасындағы өзара іс-қимыл

      403-бап. Кеден органдарының мемлекеттік органдармен өзара іс-қимылы

      404-бап. Кедендік бақылау аймақтары

      405-бап. Кедендік бақылау жүргізу үшін қажетті құжаттарды сақтау

      406-бап. Кеден органдарының кедендік бақылаудың белгілі бір нысандарын қолдануынан босату

      47-тарау. Кедендік бақылау нысандары және оларды қолдану

      407-бап. Кедендік бақылау нысандары

      408-бап. Түсіндірулерді алу

      409-бап. Кедендік, өзге де құжаттарды және (немесе) мәліметтерді тексеру

      410-бап. Тауарлар шығарылғанға дейін басталған кедендік, өзге құжаттарды және (немесе) мәліметтерді тексеру

      411-бап. Тауарлар шығарылғаннан кейін, және өзге жағдайларда басталған кедендік, өзге құжаттарды және (немесе) мәліметтерді тексеру

      412-бап. Кедендік қарап тексеру

      413-бап. Кедендік тексеріп қарау

      414-бап. Жеке кедендік тексеріп қарау

      415-бап. Үй-жайлар мен аумақтарды кедендік қарап тексеру

      416-бап. Кедендік тексеру

      417-бап. Камералдық кедендік тексеру

      418-бап. Көшпелі кедендік тексеру

      419-бап. Тексеру нәтижелері туралы хабарламаны табыс ету және орындау тәртібі

      420-бап. Кеден және өзге мемлекеттік органдардың лауазымды адамдарының көшпелі кедендік тексеру жүргізу үшін тексерілетін тұлғаның объектісіне қолжетімділігі

      421-бап. Кеден органының лауазымды адамдарының кедендік тексеру жүргізу кезіндегі құқықтары мен міндеттері

      422-бап. Тексерілетін тұлғаның кедендік тексеру жүргізу кезіндегі құқықтары мен міндеттері

      423-бап. Кедендік тексеруді жүргізу үшін қажетті құжаттар мен мәліметтерді ұсыну

      48-тарау. Кедендік бақылаудың жүргізілуін қамтамасыз ету шаралары және оларды қолдану

      424-бап. Кедендік бақылаудың жүргізілуін қамтамасыз ету шаралары

      425-бап. Ауызша сауалнама

      426-бап. Кеден органдарының кедендік бақылау жүргізу үшін қажетті құжаттарды және (немесе) мәліметтерді сұратуы, талап етуі және алуы

      427-бап. Тауарларды, құжаттарды, көлік құралдарын, сондай-ақ үй-жайларды және басқа орындарды cәйкестендіру

      428-бап. Кеден органдарының кедендік бақылаудың техникалық құралдарын, өзге де техникалық құралдарын, су және әуе кемелерін пайдалануы

      429-бап. Кедендік алып жүру

      430-бап. Тауарларды тасымалдау маршруты

      431-бап. Кедендік бақылаудағы тауарларды және олармен жасалатын кедендік операцияларды есепке алу

      432-бап. Кедендік бақылауды жүргізу кезінде маманның қатысуы

      433-бап. Кедендік бақылауды жүргізуде жәрдем ету үшін басқа мемлекеттік органдардан мамандарды және сарапшыларды тарту

      434-бап. Кедендік бақылауды жүргізу үшін қажетті тауарлар мен көлік құралдарына қатысты жүк және өзге де операциялар

      435-бап. Кедендік қадағалау

      436-бап. Тауарларды есепке алу жүйесінің болуын және тауарлардың есепке алынуын жүргізуді тексеру

      437-бап. Электрондық кедендік алып жүру

      49-тарау. Кеден органдары пайдаланатын ақпараттық жүйелер және ақпараттық технологиялар

      438-бап. Кеден органдары пайдаланатын ақпараттық жүйелер және ақпараттық технологиялар

      439-бап. Декларанттардың және кеден ісі саласындағы қызметті жүзеге асыратын тұлғалардың меншігіндегі бағдарламалық өнімдер

      440-бап. Кеден органдарының ақпараттық ресурстары

      441-бап. Ақпараттық процестерде және ақпараттандыруға қатысатын тұлғалардың ақпараты мен құқықтарын қорғау

      50-тарау. Кеден органдарының басқа мемлекеттердің кеден органдарымен ақпараттық және өзге де өзара іс-қимылы

      442-бап. Кеден органдарының Еуразиялық экономикалық одақтың шеңберінде Еуразиялық экономикалық одаққа мүше басқа мемлекеттердің кеден органдарымен өзара іс-қимылы

      443-бап. Кеден органдарының Еуразиялық экономикалық одаққа мүше болып табылмайтын мемлекеттердің кеден және өзге де органдарымен және халықаралық ұйымдармен өзара іс-қимылы және ынтымақтастығы

      444-бап. Тұрақты негізде Еуразиялық экономикалық одаққа мүше мемлекеттердің кеден органдары арасында ақпарат алмасу

      445-бап. Кеден органдарының Еуразиялық экономикалық одаққа мүше басқа мемлекеттердің кеден органдарына құжаттардың және (немесе) мәліметтердің көшірмелерін ұсыну туралы сұрау салуларды жолдау және Еуразиялық экономикалық одаққа мүше мемлекеттердің кеден органдарынан алынған осындай сұрау салуларды орындау тәртібі

      446-бап. Кеден органының Еуразиялық экономикалық одаққа мүше басқа мемлекеттің кеден органына ақпаратты жолдауы

      447-бап. Өзара әкімшілік көмек

      448-бап. Құбыржол көлігі немесе электр беру желілері арқылы өткізілетін тауарларды есепке алу аспаптарын орнату орындарына қол жеткізу

      449-бап. Еуразиялық экономикалық одаққа мүше мемлекеттердің кеден органдарының өзара іс-қимылы шеңберінде алынған ақпаратты пайдалану

      51-тарау. Кеден органдары қолданатын тәуекелдерді басқару жүйесі

      450-бап. Жалпы ережелер

      451-бап. Кеден органдарының тәуекелдерді басқару жүйесін пайдалануы

      452-бап. Кеден органдарының тәуекелдерді басқару процесін ұйымдастыруы

      52-тарау. Кеден органдарының тауарларды және оларға берілетін құжаттарды ұстауы

      453-бап. Кеден органдарының тауарларды және оларға берілетін құжаттарды ұстауы және сақтауы

      454-бап. Ұсталған тауарларды және оларға берілетін құжаттарды сақтау мерзімі

      455-бап. Ұсталған тауарларды және оларға берілетін құжаттарды қайтару

      456-бап. Сақтау мерзімі өткен ұсталған тауарлармен жасалатын іс-әрекеттер

      457-бап. Сақтау мерзімі өткен, ұсталған тауарларды өткізуден түскен сомаларға билік ету

      53-тарау. Кеден органдары қабылдайтын зияткерлік меншік объектілеріне құқықтарды қорғау жөніндегі шаралар

      458-бап. Кеден органдары қабылдайтын зияткерлік меншік объектілеріне құқықтарды қорғау жөніндегі шаралар туралы жалпы ережелер

      459-бап. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізілімі

      460-бап. Қазақстан Республикасының зияткерлік меншік объектілерінің кедендік тізілімі

      461-бап. Зияткерлік меншік объектілерін кедендік тізілімге енгізу тәртібі

      462-бап. Зияткерлік меншік объектілеріне құқықтарды қорғау мерзімі

      463-бап. Зияткерлік меншік объектілерін кедендік тізілімінен шығару үшін негіздер

      464-бап. Кеден органдарының зияткерлік меншік объектілеріне құқықтарды қорғау мерзімі

      54-тарау. Кеден органдары тағайындайтын кедендік сараптама

      465-бап. Анықтамалар

      466-бап. Кедендік сараптама тағайындау және оны жүргізу

      467-бап. Кедендік сараптама жүргізу үшін кеден органдарының лауазымды адамы болып табылмайтын сарапшыны (маманды) тарту тәртібі

      468-бап. Кедендік сараптама жүргізудің мерзімі мен тәртібі

      469-бап. Кедендік сарапшының (сарапшының) қорытындысы

      470-бап. Қосымша және қайталама кедендік сараптамалар

      471-бап. Кедендік сараптаманы жүргізу үшін тауарлардың сынамаларын және (немесе) үлгілерін іріктеу, кедендік, көліктік (тасымалдау), коммерциялық және өзге де құжаттарды, сәйкестендіру құралдарын алып қою

      472-бап. Кедендік сарапшының (сарапшының) кедендік сараптаманы жүргізу кезіндегі құқықтары мен міндеттері

      473-бап. Кедендік сараптаманы тағайындау және жүргізу кезінде декларанттың, тауарларға қатысты өкілеттіктерге ие өзге тұлғаның құқықтары

      474-бап. Сараптама қызметі саласындағы ынтымақтастық

      55-тарау. Тексеру нәтижелері туралы хабарламаға және (немесе) бұзушылықтарды жою туралы хабарламаға шағым жасау тәртібі

      475-бап. Шағым жасау құқығы

      476-бап. Шағым беру тәртібі мен мерзімдері

      477-бап. Шағымның нысаны мен мазмұны

      478-бап. Шағымды қараудан бас тарту

      479-бап. Шағымды қарау тәртібі

      480-бап. Шағымды қарау нәтижелері бойынша шешім шығару

      481-бап. Шағымды қарау мерзімін тоқтата тұру және (немесе) ұзарту

      482-бап. Уәкілетті орган шешімінің нысаны мен мазмұны

      483-бап. Уәкілетті органына немесе сотқа шағым (арыз) беру салдарлары

      7-БӨЛІМ. КЕДЕН ІСІ САЛАСЫНДАҒЫ ҚЫЗМЕТ. УӘКІЛЕТТІ ЭКОНОМИАЛЫҚ ОПЕРАТОР

      56-тарау. Кеден ісі саласындағы қызмет туралы жалпы ережелер

      484-бап. Кеден ісі саласындағы қызмет

      485-бап. Кеден ісі саласында қызметін жүзеге асыратын тұлғалардың тізілімдері

      486-бап. Кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз ету

      487-бап. Кеден ісі саласында қызметін жүзеге асыратын заңды тұлғалардың жауапкершілігі

      57-тарау. Кеден өкілі

      488-бап. Кеден өкілінің қызметі

      489-бап. Кеден өкілдері тізіліміне енгізу шарттары

      490-бап. Кеден өкілдері тізіліміне енгізу тәртібі

      491-бап. Кеден өкілдері тізіліміне енгізілген тұлғалардың қызметін тоқтата тұру мен қалпына келтірудің негіздері мен тәртібі

      492-бап. Кеден өкілдері тізілімінен алып тастау үшін негіздер

      493-бап. Кеден өкілінің құқықтары

      494-бап. Кеден өкілінің міндеттері

      58-тарау.Кедендік тасымалдаушы

      495-бап. Кедендік тасымалдаушының қызметі

      496-бап. Кедендік тасымалдаушылар тізіліміне енгізу шарттары

      497-бап. Кедендік тасымалдаушыларды тізілімге енгізу тәртібі

      498-бап. Кедендік тасымалдаушылар тізіліміне енгізілген тұлғалардың қызметін тоқтата тұру мен қайта қалпына келтірудің негіздері мен тәртібі

      499-бап. Кедендік тасымалдаушылар тізілімінен шығару үшін негіздер

      500-бап. Кедендік тасымалдаушының міндеттері

      59-тарау. Уақытша сақтау қоймасының иесі

      501-бап. Уақытша сақтау қоймасы иесінің қызметі

      502-бап. Уақытша сақтау қоймалары

      503-бап. Уақытша сақтау қоймалары иелерінің тізіліміне енгізу шарттары

      504-бап. Уақытша сақтау қоймалары иелерінің тізіліміне енгізу тәртібі

      505-бап. Уақытша сақтау қоймасы иесінің қызметін тоқтата тұру және қайта бастау

      506-бап. Уақытша сақтау қоймалары иелерінің тізілімінен шығару үшін негіздер

      507-бап. Уақытша сақтау қоймасы иесінің міндеттері

      60-тарау. Кеден қоймасының иесі

      508-бап. Кеден қоймасы иесінің қызметі

      509-бап. Кеден қоймалары және олардың түрлері

      510-бап. Кеден қоймалары иелерінің тізіліміне енгізу шарттары

      511-бап. Кеден қоймалары иелерінің тізіліміне енгізу тәртібі

      512-бап. Кеден қоймасы иесінің қызметін тоқтата тұру және қайта бастау

      513-бап. Кеден қоймалары иелерінің тізілімінен шығару үшін негіздер

      514-бап. Еркін қойма иесінің міндеттері

      61-тарау. Еркін қойма иесі

      515-бап. Еркін қойма иесінің қызметі

      516-бап. Еркін қоймалар

      517-бап. Еркін қоймалар иелерінің тізіліміне енгізу шарттары

      518-бап. Еркін қоймалар иелерінің тізіліміне енгізу тәртібі

      519-бап. Еркін қойманың иесі ретінде заңды тұлғаның қызметін тоқтата тұру және қайта бастау

      520-бап. Еркін қоймалар иелерінің тізілімінен шығару үшін негіздер

      521-бап. Еркін қойма иесінің міндеттері

      62-тарау. Бажсыз сауда дүкенінің иесі

      522-бап. Бажсыз сауда дүкені иесінің қызметі

      523-бап. Бажсыз сауда дүкендері

      524-бап. Бажсыз сауда дүкендері иелерінің тізіліміне енгізу шарттары

      525-бап. Бажсыз сауда дүкендері иелерінің тізіліміне енгізу тәртібі

      526-бап. Бажсыз сауда дүкендері иесінің қызметін тоқтата тұру

      527-бап. Бажсыз сауда дүкендері иелерінің тізілімінен шығару үшін негіздер

      528-бап. Бажсыз сауда дүкендері иесінің міндеттері

      63-тарау. Уәкілетті экономикалық оператор

      529-бап. Уәкілетті экономикалық оператор

      530-бап. Уәкілетті экономикалық операторлардың тізілімі

      531-бап. Уәкілетті экономикалық операторлардың тізіліміне енгізу туралы куәлік және оның типтері

      532-бап. Уәкілетті экономикалық операторлардың тізіліміне енгізу шарттары

      533-бап. Уәкілетті экономикалық операторлардың тізіліміне енгізу тәртібі

      534-бап. Куәліктің қолданылуын тоқтата тұру, жаңарту және уәкілетті экономикалық операторлардың тізілімінен шығару үшін негіздер

      535-бап. Уәкілетті экономикалық оператордың міндеттерін орындауды қамтамасыз ету

      536-бап. Уәкілетті экономикалық операторға берілетін арнайы оңайлатулар

      537-бап. Бірінші кезектегі тәртіпте кедендік операцияларды жасау

      538-бап. Уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) тауарларды уақытша сақтау ерекшеліктері

      539-бап. Уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) құрылған кедендік бақылау аймағына тауарларды жеткізу кезінде кедендік транзиттің кеден рәсімінің қолданысын аяқтаудың ерекшеліктері

      540-бап. Декларанты уәкілетті экономикалық оператор болатын тауарларға арналған декларацияны бергенге дейін кедендік операцияларды жасау және тауарларды шығару ерекшеліктері

      541-бап. Уәкілетті экономикалық оператордың міндеттері

      542-бап. Кеден органдары мен уәкілетті экономикалық операторлардың өзара іс-қимылы

      543-бап. Уәкілетті экономикалық оператордың жауаптылығы

      8-БӨЛІМ. ҚОРЫТЫНДЫ ЖӘНЕ ӨТПЕЛІ ЕРЕЖЕЛЕР

      544-бап.Осы Кодексті қолданысқа енгізу тәртібі

      545-бап. Жалпы өтпелі ережелер

      546-бап. Алдын-ала ақпаратты кеден органына табыс ету туралы өтпелі ережелер

      547-бап. Әкелінетін тауарлардың шығарылған жерін айқындау қағидаларын қолдану туралы өтпелі ережелер

      548-бап. Осы Кодекстiң 64-бабына өтпелі ережелер

      549-бап. Осы Кодекстiң 78-бабына өтпелі ережелер

      550-бап. Кедендік баждар, кедендік алымдар, салықтар, өсімпұлдар, пайыздар бойынша талап етудің өту мерзімі бойынша өтпелі ережелер

      551-бап. Арнайы, демпингке қарсы, өтем баждары бойынша талап етудің өту мерзімі бойынша өтпелі ережелер

      552-бап. Осы Кодекстiң 92-бабына өтпелі ережелер

      553-бап. Кедендік операцияларды жасаудың ерекшеліктері туралы өтпелі ережелер

      554-бап. Шартты түрде шығарылған тауарлардың жекелеген санаттарына қатысты өтпелі ережелер

      555-бап. Қамтамасыз ету сертификатын рәсімдеу туралы өтпелi ережелер

      556-бап. Кедендік рәсімдерді қолдану туралы өтпелі ережелер

      557-бап. Уақытша әкелу (жіберу) кедендік рәсімін қолдану туралы өтпелі ережелер

      558-бап. Еркін кедендік аймақ кедендік рәсімін қолданудың ерекшеліктері туралы өтпелі ережелер

      559-бап. Еркін қойма кедендік рәсімін қолдану ерекшеліктері туралы өтпелі ережелер

      560-бап. Жеке пайдалануға арналған тауарларға және керек-жарақтарға қатысты өтпелі ережелер

      561-бап. Халықаралық тасымалдаудың көлік құралдарына қатысты өтпелі ережелер

      562-бап. Құбыржол көлігімен немесе электр беру желілері бойынша тауарларды өткізу кезінде кедендік операцияларды жасау туралы өтпелі ережелер

      563-бап. Жер қойнауын пайдалану саласындағы (отын-энергетикалық секторы) туындайтын құқықтық қатынастар бойынша өтпелі ережелер

      564-бап. Осы Кодекстің 291-бабына өтпелі ережелер

      565-бап. Осы Кодекстiң 376-бабына өтпелі ережелер

      566-бап. Осы Кодекстiң 437-бабына өтпелі ережелер

      567-бап. Осы Кодекстiң 445 және 447-баптарына өтпелі ережелер

      568-бап. Осы Кодекстiң 459-бабын қолдануға қатысты өтпелі ережелер

      569-бап. Кеден ісі саласындағы қызметті жүзеге асыратын заңды тұлғаларға қатысты өтпелі ережелер

      570-бап. Уәкілетті экономикалық операторларға қатысты өтпелі ережелер

 
  Жоба

ҚАЗАҚСТАН РЕСПУБЛИКАСЫНЫҢ КОДЕКСІ "ҚАЗАҚСТАН РЕСПУБЛИКАСЫНДАҒЫ КЕДЕНДІК РЕТТЕУ ТУРАЛЫ"

      Осы Кодекс Қазақстан Республикасындағы кедендік реттеудің ісінің құқықтық, экономикалық және ұйымдық негіздерін айқындайды және Қазақстан Республикасының егемендігі мен экономикалық қауіпсіздігін қорғауға, қазақстан экономикасының дүние жүзілік экономикалық қатынастар жүйесіндегі байланыстарын жандандыра түсуге және сыртқы экономикалық қызметті ырықтандыруға бағытталған.

1-БӨЛІМ. ЖАЛПЫ ЕРЕЖЕЛЕР 1-тарау. Қазақстан Республикасындағы кедендік реттеу туралы жалпы ережелер 1-бап. Қазақстан Республикасындағы кедендік реттеу

      1. Қазақстан Республикасындағы кедендік реттеу деп Қазақстан Республикасы тауарларды Еуразиялық экономикалық одақтың кедендік шекарасы арқылы өткізудің тәртібі мен шарттарын, олардың Еуразиялық экономикалық одақтың кедендік аумағында немесе одан тысқары жерлерде болуын және пайдаланылуын, тауарлардың Еуразиялық экономикалық одақтың кедендік аумағына келуіне, олардың Еуразиялық экономикалық одақтың кедендік аумағынан әкетілуіне байланысты кедендік операцияларды жасау, тауарларды уақытша сақтау, оларды кедендік декларациялау және шығару, кедендік төлемдерді, арнайы, демпингке қарсы, өтем баждарын төлеу және кедендік бақылауды жүргізу тәртібін, сондай-ақ Еуразиялық экономикалық одақтың кедендік аумағында және одан тысқары жерлерде тауарларды иелену, пайдалану және (немесе) оларға билік ету құқығын реттейтін кеден органдары мен тұлғалар арасындағы билік қатынастарын регламенттеуді қамтитын айрықша юрисдикцияға ие Еуразиялық экономикалық одақтың кедендік аумағының бөлігінде (Қазақстан Республикасының аумағында) қатынастарды реттеу танылады.

      2. Қазақстан Республикасындағы кедендік реттеу Еуразиялық экономикалық одақтың кедендік шекарасы арқылы тауарларды өткізу кезінде тұлғалардың тең құқықтылығы, кедендік операцияларды жасаудың анықтығы, айқындығы және дәйектілігі, Еуразиялық экономикалық одақтың құқығын құрайтын халықаралық шарттар мен актілердің реттеуші кедендік құқықтық қанынастарын әзірлеу мен қолдануда және оларды халықаралық құқық нормаларымен үндестіруде, сондай-ақ кедендік бақылаудың заманауи әдістерін қолдануда және кеден органдарының қызметінде ақпараттық-коммуникациалық технологияларды барынша пайдалануда жариялық қағидаттарына негізделеді.

      3. Қазақстан Республикасындағы кедендік реттеу, Еуразиялық экономикалық одақтың Кеден кодексі туралы шартты қоса алғанда, кедендік құқықтық қатынастарды реттейтін Еуразиялық экономикалық одақтың халықаралық шарттарына және Еуразиялық экономикалық одақ құқығын құрайтын актілерге (бұдан әрі – Еуразиялық экономикалық одақтың кеден заңнамасы) сәйкес, сондай-ақ 2014 жылғы 29 мамырдағы Еуразиялық экономикалық одақ туралы шартқа (бұдан әрі – Одақ туралы шарт) сәйкес, ол кедендік реттеу саласындағы халықаралық шарттарда және актілерде реттелмеген бөлігінде, Қазақстан Республикасындағы кеден заңнамасына сәйкес жүзеге асырылады.

      4. Еуразиялық экономикалық одақтың кеден заңнамасында реттелмеген кедендік құқықтық қатынастар Қазақстан Республикасындағы кеден заңнамасында реттеледі.

      5. Кеден ісін іске асыру кезіндегі мемлекеттік басқару саласы кеден ісінің аясы болып табылады.


      2-бап. Уәкілетті мемлекеттік органдардың құзыреті

      1. Кеден саясаты саласындағы уәкілетті орган Еуразиялық экономикалық одақтың кеден заңнамасына және (немесе) Қазақстан Республикасының заңнамасына сәйкес:

      1) Қазақстан Республикасындағы кеден саясатын қалыптастыру жөнінде ұсыныстар әзірлеуді жүзеге асырады;

      2) өз құзыреті шегінде осы Кодексте көзделген нормативтік құқықтық актілерді әзірлейді және бекітеді;

      3) осы Кодексте, Қазақстан Республикасының өзге де заңдарында, Қазақстан Республикасының Президенті мен Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

      2. Кеден ісі саласындағы уәкілетті орган (бұдан әрі – уәкілетті орган) Еуразиялық экономикалық одақтың кеден заңнамасына және (немесе) Қазақстан Республикасының заңнамасына сәйкес:

      1) өз құзыреті шегінде осы Кодексте көзделген нормативтік құқықтық актілерді әзірлейді және бекітеді;

      2) кеден органдарына басшылықты жүзеге асырады;

      3) өзінің құрамына кіретін ведомствоның өкілеттіктерін айқындайды;

      4) Еуразиялық экономикалық одақтың кеден заңнамасымен реттелмеген бөлігінде кедендерді, кеден бекеттерін және бақылау-өткізу пункттерін құру, санатқа бөлу, сыныптау қағидаларын, сондай-ақ оларды жайластыру мен материалдық-техникалық жарақтандырудың тиесілік нормаларын және оларға қойылатын үлгілік талаптарды әзірлейді және бекітеді;

      5) ақпараттық жүйелерді, байланыс жүйелерін және деректер беру, кедендік бақылаудың техникалық құралдарының, сондай-ақ ақпаратты қорғау құралдарының жүйелерін құрады;

      6) кеден ісі саласындағы қызметті жүзеге асыруға арналған тізілімге тұлғаларды енгізу туралы шешім қабылдайды;

      7) кедендік әкімшілік жүргізуді жүзеге асырады;

      8) тауарлар мен көлік құралдарының Еуразиялық экономикалық одақтың кедендік шекарасы арқылы өткізілуіне кедендік бақылауды жүзеге асырады;

      9) кеден ісі саласындағы сыртқы экономикалық және өзге де қызметке қатысушыларды, оның ішінде Еуразиялық экономикалық одақтың және (немесе) Қазақстан Республикасының кеден заңнамасындағы өзгерістер мен толықтырулар туралы уақтылы хабардар етуді тұрақты негізде қамтамасыз етеді;

      10) кедендік статистиканы жүргізеді;

      11) жекелеген кедендік операцияларды жетілдіру жөніндегі нұсқаулықтарды әзірлейді және бекітеді;

      12) кедендік бақылаудың жекелеген нысандары мен кедендік бақылауды жүргізуді қамтамасыз ету шараларын қолдану жөніндегі нұсқаулықтарды әзірлейді және бекітеді;

      13) экспорттық бақылау саласындағы құқықтық актілерді әзірлеуге қатысады;

      14) бақылау іс-шараларын жүргізу мақсатында аумақтық органдарда мобильдік топтарды құрады;

      15) осы Кодексте, Қазақстан Республикасының өзге де заңдарында, Қазақстан Республикасының Президенті мен Қазақстан Республикасы Үкіметінің актілерінде көзделген өзге де өкілеттіктерді жүзеге асырады.


      3-бап. Осы Кодексте пайдаланылатын негізгі ұғымдар

      1. Осы Кодекстің мақсаттары үшін мыналарды білдіретін ұғымдар пайдаланылады:

      1) авария – кедендік бақылаудағы көлік құралдарымен және (немесе) өзге тауарлармен болған, тасудың (тасымалдаудың) және (немесе) сақтаудың қалыпты жағдайлары кезіндегі табиғи өзгерістерді, сондай-ақ еңсерілмейтін күш әсерінің салдарынан болатын өзгерістерді қоспағанда, салдары бойынша зиянды техникалық, технологиялық немесе өзге сипаттағы, меншік иесінің және (немесе) осындай өзгерістер болған кезде иелігінде тауарлар болған тұлғаның қасақана әрекеттерінен туындамаған, олардың кедендік реттеу саласындағы халықаралық шарттар мен актілерде көзделмеген сандық және (немесе) сапалық өзгеруіне әкеп соқтырған оқиға;

      2) ақша құралдары – жол чектері, вексельдер, чектер (банктік чектер), сондай-ақ эмитенттің (борышкердің) ақшалай қаражат төлеу жөніндегі міндеттемесін куәландыратын және осындай төлем жүзеге асырылатын тұлға көрсетілмеген құжаттамалық нысандағы бағалы қағаздар;

      3) алдын ала ақпарат – Еуразиялық экономикалық одақтың кедендік шекарасы арқылы өткізу болжанатын тауарлар, осындай тауарларды тасымалдайтын халықаралық тасымалдаудың көлік құралдары, тауарлардың Еуразиялық экономикалық одақтың кедендік аумағына келу уақыты және жері, Еуразиялық экономикалық одақтың кедендік аумағына келген жолаушылар туралы электрондық түрдегі мәліметтер;

      4) бірыңғай мөлшерлемелер бойынша алынатын кедендік баждар, салықтар – жеке пайдалануға арналған тауарлар құрамдастарын кедендік баждарға, салықтарға бөлмей, оларға қатысты есептелген кедендік баждар, салықтар сомасы;

      5) декларант – тауарларды декларациялайтын не оның атынан тауарлар декларацияланатын тұлға;

      6) Еуразиялық экономикалық одақтың кедендік аумағына тауарларды әкелу – Еуразиялық экономикалық одақтың кедендік шекарасын кесіп өтуге байланысты әрекеттерді және соның нәтижесінде тауарларды халықаралық пошта жөнелтімдері арқылы жіберуді, құбыржол көлігін және электр берілісі линияларын пайдалануды қоса алғанда, кеден органдары осындай тауарларды шығарғанға дейін, тауарлар Еуразиялық экономикалық одақтың кедендік аумағына кез келген тәсілмен келген әрекеттерді жасау;

      7) Еуразиялық экономикалық одаққа мүше мемлекеттің тұлғасы – Еуразиялық экономикалық одаққа мүше мемлекетте тұрақты тұратын жеке тұлға, оның ішінде Еуразиялық экономикалық одаққа мүше мемлекеттің заңнамасына сәйкес тіркелген дара кәсіпкер, заңды тұлға, сондай-ақ Еуразиялық экономикалық одаққа мүше мемлекеттің заңнамасына сәйкес құрылған заңды тұлға болып табылмайтын ұйым (құрылым);

      8) Еуразиялық экономикалық одақтың кеден шекарасы арқылы тауарларды заңсыз өткізу – осы Кодекстің 30-бабына сәйкес тауарлар Еуразиялық экономикалық одақтың кедендік шекарасы арқылы өткізілуге тиіс немесе жүзеге асырылуы мүмкін жерлерден тыс немесе осы жерлерде орналасқан кеден органдарының жұмыс уақытынан тыс не кедендік бақылаудан жасырын не тауарларды дұрыс декларацияламау немесе декларацияламау не тауарлар туралы дұрыс емес мәліметтер қамтылған құжаттарды пайдалана отырып және (немесе) қолдан жасалған не басқа тауарларға жататын идентификаттау құралдарын пайдалана отырып, Еуразиялық экономикалық одақтың кедендік шекарасы арқылы тауарларды өткізу;

      9) Еуразиялық экономикалық одақтың кедендік шекарасы арқылы тауарларды өткізу – тауарларды Еуразиялық экономикалық одақтың кедендік аумағына әкелу немесе тауарларды Еуразиялық экономикалық одақтың кедендік аумағынан әкету;

      10) Еуразиялық экономикалық комиссия (бұдан әрі – Комиссия) – Еуразиялық экономикалық одақтың тұрақты жұмыс істейтін реттеуші органы;

      11) Еуразиялық экономикалық одақтың кедендік шекарасын кесіп өту – адамның Еуразиялық экономикалық одақтың кедендік аумағына кіруі, адамның Еуразиялық экономикалық одақтың кедендік аумағынан шығуы, оның ішінде өткізу пунктінде орналасқан кедендік бақылау аймағында, тауарлар мен көлік құралдарын өткізудің өзге орындарында тауарлар мен көлік құралдарын өткізуге қатысты кедендік операцияларды жасау;

      12) Еуразиялық экономикалық одақтың кедендік аумағы - Еуразиялық экономикалық одақтың бірыңғай кедендік аумағы, оны Еуразиялық экономикалық одаққа мүше мемлекеттердің аумақтары, сондай-ақ Еуразиялық экономикалық одаққа мүше мемлекеттердің айрықша экономикалық аймақтары және құрлықтық қайраңдары, жасанды аралдар, қондырғылар, құрылыстар және оларға қатысты Еуразиялық экономикалық одаққа мүше мемлекеттер айрықша юрисдикцияға ие өзге де объектілер құрайды;

      13) Еуразиялық экономикалық одақтың кедендік шекарасы – Еуразиялық экономикалық одақтың кедендік аумағының шектері, сондай-ақ Еуразиялық экономикалық одақ шеңберіндегі халықаралық шарттарға сәйкес - Еуразиялық экономикалық одаққа мүше мемлекеттердің кедендік аумағында тұрған жекелеген аумақтардың шектері;

      14) жасанды аралдар – оларды құруға арналған жобалау құжаттамасына сәйкес орналасқан жері бойынша бекітілген, судың барынша көтерілуі кезінде шайылатын, үйілген, қада және өзге де судың бетіне шығып тұратын, жүзбейтін тірек негізі бар, Еуразиялық экономикалық одаққа мүше мемлекеттердің қорғанысы мен қауіпсіздігін қамтамасыз ету, өңірлік геологиялық зерделеу, геологиялық зерделеу, минералды ресурстарды барлау және өндіру, су биологиялық ресурстарының теңіз ресурстары зерттеулерін жүргізу және балық аулауды жүзеге асыру, теңізде ғылыми зерттеулер жүргізу мақсаттарында Қазақстан Республикасының халықаралық шарттарына және Қазақстан Республикасының заңнамасына қайшы келмейтін өзге де мақсаттарда пайдаланылатын объектілер;

      15) жеке пайдалануға арналған тауарлар – Еуразиялық экономикалық одақтың кедендік шекарасы арқылы бірге жөнелтілетін немесе бірге жөнелтілмейтін багажда, халықаралық пошта жөнелтімдерінде не өзге де тәсілмен жіберу арқылы өткізілетін жеке тұлғалардың жеке, отбасылық, үйішілік және өзге де кәсіпкерлік қызметті жүзеге асыруға байланысты емес мұқтаждарына арналған тауарлар;

      16) жеке пайдалануға арналған көлік құралдары – Комиссия айқындайтын, жекелеген авто- және мото көлік құралдарын және авто- және мото көлік құралдарына тіркемелерді, қосалқы бөлшектерін және әдеттегі керек-жарақтары мен жабдықтарын, осы көлік құралдарын Еуразиялық экономикалық одақтың кедендік шекарасы арқылы адамдарды сыйақыға тасымалдау үшін емес, тауарларды сыйақыға немесе тегін өнеркәсіптік немесе коммерциялық тасымалдау үшін емес, жеке мақсаттарда өткізетін жеке тұлғаға иелену, пайдалану және (немесе) билік ету құқығында тиесілі, олардың конструкциясында көзделген май құю ыдыстарындағы жанар-жағармай материалдары, салқындату және өзге де техникалық сұйықтары бар су кемесін немесе әуе кемесін, оның ішінде заңды тұлғаларға және дара кәсіпкерлерге тіркелген көлік құралдарының жекелеген түрлерін қамтитын, жеке пайдалануға арналған тауарлар санаты;

      17) жиынтық кедендік төлем түрінде алынатын кедендік баждар, салықтар – осы Кодекстің 84-бабына сәйкес қолданылатын кедендік баждар, салықтар мөлшерлемелері бойынша жеке пайдалануға арналған тауарларға қатысты есептелген кедендік баждар, салықтар сомасы;

      18) жөнелтуші кеден органы – тауарларды кедендік транзит кедендік рәсіміне орналастыруға байланысты кедендік операцияларды жасайтын Қазақстан Республикасының кеден органы немесе басқа Еуразиялық экономикалық одаққа мүше мемлекеттің кеден органы;

      19) кедендік-тарифтік реттеу шаралары – Одақ туралы шартқа сәйкес Еуразиялық экономикалық одақтың кедендік аумағына әкелінетін (әкелінген) тауарларға қатысты қолданылатын, кедендік әкелу баж мөлшерлемесін, тарифтік квотаны, тарифтік преференцияны, тарифтік жеңілдіктерді қолдануды қамтитын шаралар, сондай-ақ Қазақстан Республикасының сауда қызметін реттеу туралы заңнамасына сәйкес Қазақстан Республикасының аумағынан әкетілетін (әкетілген) тауарларға қатысты қолданылатын шаралар;

      20) кеден органдарының ақпараттық ресурстары – кеден органдарының ақпараттық жүйелерінде қамтылатын құжатталған ақпараттың реттелген жиынтығы (деректер базалары, басқа да ақпарат қорлары);

      21) кедендік декларация – тауарлар туралы мәліметтерді және тауарларды шығару үшін қажетті өзге де мәліметтерді қамтитын кедендік құжат;

      22) кедендік баж – тауарларды Еуразиялық экономикалық одақтың кедендік шекарасы арқылы өткізуге байланысты кеден органы алатын міндетті төлем;

      23) кедендік рәсім – тауарларды Еуразиялық экономикалық одақтың кедендік аумағында немесе оның шегінен тысқары жерлерде кедендік реттеу мақсаттары үшін пайдалану шарттары мен тәртібін айқындайтын нормалар жиынтығы;

      24) кедендік декларациялау – кедендік декларацияны пайдалана отырып кеден органына тауарлар туралы, таңдалған кедендік рәсім туралы мәліметтерді және (немесе) тауарларды шығару үшін қажетті өзге де мәліметтерді мәлімдеу;

      25) кедендік құжаттар – кедендік декларация және тек қана кедендік операциялар жасау және кедендік бақылау жүргізу үшін, сондай-ақ кедендік операциялар жасау және кедендік бақылау жүргізу барысында және нәтижелері бойынша жасалатын өзге де құжаттар;

      26) кедендік операциялар – Еуразиялық экономикалық одақтың және (немесе) Қазақстан Республикасының кеден заңнамасына сәйкес тұлғалар және кеден органдары жасайтын іс-қимылдар;

      27) кедендік төлемдер – Еуразиялық экономикалық одақтың кедендік шекарасы арқылы тауарлардың өткізілуіне байланысты осы Кодекске сәйкес төлеушінің бюджетке төлеуіне жататын кедендік әкелу және әкету баждары, кедендік алымдар;

      28) кедендік бақылау – кедендік реттеу саласындағы халықаралық шарттар мен актілердің және Қазақстан Республикасының кедендік реттеу туралы заңнамасының сақталуын тексеруге және (немесе) қамтамасыз етуге бағытталған, кеден органдары жасайтын іс-қимылдар жиынтығы;

      29) кедендік баждардың, салықтардың төленуін бас қамтамасыз ету – осы Кодексте айқындалатын уақыт кезеңі ішінде қолданыста болатын және Қазақстан Республикасының аумағында кедендік операцияларды жүргізуге байланысты тәуекелдерді өтейтін кедендік баждардың, салықтардың төленуін қамтамасыз ету;

      30) кедендік баждардың, салықтардың төленуін қамтамасыз ету – Еуразиялық экономикалық одақтың және (немесе) Қазақстан Республикасының кеден заңнамасында көзделген кедендік баждарды, салықтарды төлеу жөніндегі міндеттерді кеден органдарының алдында орындау кепілдігінің тәсілі;

      31) кеден органының қызмет аймағы – шегінде кеден органы кедендік бақылауды жүзеге асыратын, уәкілетті орган айқындайтын аумақ;

      32) кеден өкілі – Еуразиялық экономикалық одақтың және (немесе) Қазақстан Республикасының кеден заңнамасына сәйкес декларанттың немесе өзге мүдделі тұлғаның атынан және тапсырмасы бойынша кедендік операцияларды жасайтын, кеден өкілі тізіліміне енгізілген Қазақстан Республикасының заңды тұлғасы;

      33) кеден ісі саласындағы қызметті жүзеге асыратын тұлға – кеден өкілдерінің; кедендік тасымалдаушылардың; уақытша сақтау қоймалары; еркін қоймалар; кеден қоймалары, бажсыз сауда дүкендері иелерінің тізіліміне енгізілген Қазақстан Республикасының заңды тұлғасы;

      34) керек-жарақтар-тауарлар:

      қосалқы бөлшектер мен жабдықтарды қоспағанда, су кемелерін, әуе кемелерін және пойыздарды тұратын жерлерінде және жүру жолында қалыпты пайдалануды қамтамасыз ету және техникалық қызмет көрсету үшін қажетті;

      су, әуе кемелерінің жолаушылары мен экипаж мүшелерінің немесе пойыз жолаушылары мен пойыз бригадалары жұмыскерлерінің тұтынуы және (немесе) пайдалануы үшін, сондай-ақ осындай адамдарға таратуға немесе сатуға арналған тауарлар;

      35) коммерциялық құжаттар – сыртқы сауда және өзге қызметті жүзеге асыру кезінде, сондай-ақ тауарларды Еуразиялық экономикалық одақтың кедедік шекарасы арқылы өткізуге байланысты мәмілелердің жасалуын растау үшін пайдаланылатын құжаттар (шот-фактуралар (инвойстар), өзіндік ерекшеліктер, тиеу (орау) парақтары және өзге де құжаттар);

      36) көлік (тасымалдау) құжаттары – тауарларды тасымалдау шартының бар екенін растайтын және оларды мұндай тасымалдау кезіндегі ілеспе құжаттар (коносамент, жұкқұжат, көлік экспедициясы шартының жасалғанын растайтын құжат және өзге де құжаттар);

      37) көлік құралдары – су кемесін, әуе кемесін, автомобиль көлігі құралын, тіркемені, жартылай тіркемені, теміржол көлігі құралын (теміржол жылжымалы құрамы, теміржол жылжымалы құрамының бірлігі), олар үшін көзделген техникалық паспорттары немесе техникалық формулярлары, қосалқы бөлшектері, керек-жарақтары мен жабдықтары, егер көрсетілген көлік құралдарымен бірге тасымалданатын болса, олардың конструкциясында көзделген май құю ыдыстарындағы жанар-жағармай материалдары, салқындату және өзге де техникалық сұйықтықтары бар контейнерді қамтитын тауарлар санаты;

      38) Қазақстан Республикасының халықаралық шарттары – Еуразиялық экономикалық одаққа мүше болып табылмайтын мемлекеттермен немесе Қазақстан Республикасының халықаралық шарттары немесе Қазақстан Республикасы қатысушысы болып табылатын Еуразиялық экономикалық одаққа мүше бірнеше не барлық мемлекеттермен көпжақты халықаралық шарттары;

      39) қолма-қол ақшалай қаражат – айналымнан алып тасталғандарды не алып тасталатындарды, бірақ айналымда болатын ақша белгілеріне айырбастауға жататындарды қоса алғанда, Еуразиялық экономикалық одаққа мүше мемлекеттерде немесе Еуразиялық экономикалық одаққа мүше болып табылмайтын мемлекеттерде (мемлекеттер тобында) айналымда болатын және заңды төлем құралы болып табылатын банкноттар және қазынашылық билеттері, бағалы металдардан жасалған монеталарды қоспағанда, монеталар түріндегі ақша белгілері;

      40) құрылысжайлар, қондырғылар – оларды құруға арналған жобалау құжаттамасына сәйкес орналасқан жері бойынша бекітілген, Еуразиялық экономикалық одаққа мүше мемлекеттердің қорғанысы мен қауіпсіздігін қамтамасыз ету, өңірлік геологиялық зерделеу, геологиялық зерделеу, минералдық ресурстарды барлау және өндіру, су биологиялық ресурстарының теңіз ресурстық зерттеулерін жүргізу және балық аулауды жүзеге асыру, теңізде ғылыми зерттеулер жүргізу мақсатында Қазақстан Республикасының халықаралық шарттарына және Қазақстан Республикасының заңнамаларына қайшы келмейтін өзге де мақсаттарда пайдаланылатын ұңғымаларды, стационарлық теңіз платформаларын, стационарлық бұрғылау қондырғыларын, басқа да жүзетін және стационарлық объектілерді қоса алғанда, су асты құрылысжайлары, жүзетін бұрғылау қондырғылары, теңіздегі жүзетін платформалар;

      41) межелі кеден органы – қызмет аймағында (өңірінде) жөнелтуші кеден органы айқындаған тауарларды жеткізу орны тұрған не кедендік транзит кедендік рәсімінің қолданысын аяқтайтын кеден органы немесе басқа Еуразиялық экономикалық одаққа мүше мемлекеттің кеден органы;

      42) мемлекеттік кірістер органы – өз құзыреті шегінде салықтардың, кедендік төлемдер мен бюджетке төленетін басқа да міндетті төлемдердің түсуін қамтамасыз етуді, Қазақстан Республикасындағы кеден ісін іске асыруды, Қазақстан Республикасының заңдарымен осы органның қарауына жатқызылған қылмыстар мен құқық бұзушылықтардың алдын алу, анықтау, жолын кесу, ашу және тергеп-тексеру жөніндегі өкілеттіктерді жүзеге асыратын, сондай-ақ Қазақстан Республикасының заңнамасында көзделген өзге де өкілеттіктерді орындайтын мемлекеттік орган;

      43) мүдделі тұлға – тауарларға қатысты мүдделері кеден органдарының немесе олардың лауазымды тұлғаларының шешімдеріне, әрекеттеріне (әрекетсіздігіне) қарай қозғалатын тұлға;

      44) Еуразиялық экономикалық одақ тауарлары:

      Еуразиялық экономикалық одақтың кедендік аумағында тұрған, толығымен Еуразиялық экономикалық одақтың кедендік аумағында өндірілген (шығарылған, алынған, өсірілген) тауарлар;

      Еуразиялық экономикалық одақтың кедендік аумағында тұрған, Еуразиялық экономикалық одақтың және (немесе) Қазақстан Республикасының кеден заңнамасына сәйкес не ол күшіне енгенге дейін Еуразиялық экономикалық одақ тауарлары мәртебесін алған не Еуразиялық экономикалық одақ тауарлары деп танылған тауарлар;

      Еуразиялық экономикалық одақтың кедендік аумағында тұрған, осы тармақшаның екінші – үшінші абзацтарында көрсетілген тауарлардан Еуразиялық экономикалық одаққа мүше бір немесе бірнеше мемлекетте өндірілген (дайындалған) тауарлар;

      Еуразиялық экономикалық одақтың және (немесе) Қазақстан Республикасының кеден заңнамасына сәйкес Еуразиялық экономикалық одақтың кедендік аумағынан әкетілген және Еуразиялық экономикалық одақ тауарлары мәртебесін сақтаған тауарлар;

      45) Еуразиялық экономикалық одақтың кедендік аумағынан тауарларды әкету – Еуразиялық экономикалық одақтың кедендік аумағынан кез-келген тәсілмен тауарларды әкетуге бағытталған әрекеттерді жасау, оның ішінде Еуразиялық экономикалық одақтың кедендік шекарасын кесіп өтуді қоса алғанда, халықаралық пошта жөнелтімдері арқылы жіберу, құбыржол көлігін және электр берілісілинияларын пайдалану;

      46) өткізу пункті – теміржол, автомобиль, су не әуе қатынасының шегінде орналасқан, адамдарды, тауарлар мен көлік құралдарын Еуразиялық экономикалық одақтың кедендік шекарасы арқылы өткізуге арналған, кедендік инфрақұрылымы бар, Қазақстан Республикасының Үкіметі және (немесе) Қазақстан Республикасының халықаралық шарттарымен айқындалған Еуразиялық экономикалық одақтың кедендік шекарасының Қазақстан Республикасының аумағындағы учаскесі;

      47) пошта байланысының тағайындалған операторы – Дүниежүзілік пошта одағына мүше ел ресми тағайындайтын және Қазақстан Республикасының заңнамасына және Дүниежүзілік пошта одағының актілеріне сәйкес пошта байланысы қызметтерін көрсетуді қамтамасыз ететін тұлға;

      48) салықтар – тауарларды Еуразиялық экономикалық одақтың кедендік аумағына әкелуге байланысты алынатын қосылған құн салығы, акциздер (акциз);

      49) су кемелері – теңіз кемелері, аралас жүзу (өзен-теңіз) кемелері, сондай-ақ Қазақстан Республикасының заңнамасына сәйкес мемлекеттік тіркеуге жататын ішкі су (жүзу) көлігі кемелері;

      50) тасымалдаушы – тауарларды және (немесе) жолаушыларды Еуразиялық экономикалық одақтың кедендік шекарасы арқылы тасымалдауды (тасымалды) және (немесе) Еуразиялық экономикалық одақтың кедендік аумағы бойынша кедендік бақылаудағы тауарларды тасымалдауды жүзеге асыратын тұлға. Тауарларды құбыржол көлігімен немесе электр берілісі линиялары арқылы өткізу кезінде құбыржол көлігін немесе электр берілісі линияларын пайдалану үшін және (немесе) тауарларды құбыржол көлігімен немесе электр электр берілісі линиялары арқылы өткізу үшін және (немесе) осы тауарларды бақылау және есепке алу үшін жауапты тұлға тасымалдаушы болып табылады;

      51) тауар – кез келген жылжымалы мүлік, оның ішінде Еуразиялық экономикалық одаққа мүше мемлекеттердің валютасы, бағалы қағаздар және (немесе) валюталық құндылықтар, жол чектері, электр энергиясы, сондай-ақ жылжымайтын мүлікке теңестірілген өзге де өткізілетін заттар;

      52) тауарларды алушы - тасымалдаушы кедендік бақылаудағы тауарларды жеткізуге міндетті болатын, тауарлардың ілеспе құжаттарында көрсетілген тұлға;

      53) тауар партиясы – кеден органына бір немесе бірнеше көлік құжаты бойынша бір мезгілде ұсынылатын және бір жүк жөнелтушіден бір жүк алушының атына жолданатын тауарлар, сондай-ақ бір почта жүкқұжаты бойынша жөнелтілетін не багаж ретінде бір тұлға өткізетін тауарлар;

      54) тауарларды шығару – әрекеттер жасағаннан кейін, мәлімделген кедендік рәсімге сәйкес немесе осы Кодекске сәйкес кедендік рәсімдерге орналастыруға жатпайтын, жекелеген тауар санатына қатысты белгіленген тәртіппен және шарттарда мүдделі тұлғалар тауарларды пайдалануға құқылы болатын кеден органының әрекеті;

      55) тауарларға ілеспе құжаттар – Еуразиялық экономикалық одақтың кедендік шекарасы арқылы өткізілетін тауарларға арналған коммерциялық және көлік құжаттары;

      56) тұлға – жеке және (немесе) заңды тұлға, сондай-ақ заңды тұлға болып табылмайтын ұйым (құрылым);

      57) тыйым салу және шектеулер – Еуразиялық экономикалық одақтың кедендік шекарасы арқылы өткізілетін тауарларға қатысты қолданылатын, тарифтік емес реттеу шаралары, оның ішінде Одақ туралы шартқа сәйкес біржақты тәртіппен енгізілетін тарифтік емес реттеу шаралары, техникалық реттеу шаралары, санитариялық, ветеринариялық-санитариялық және карантиндік фитосанитариялық шаралар, экспорттық бақылау шаралары, оның ішінде әскери мақсаттағы өнімдерге қатысты шаралар және Одақ туралы шартқа және (немесе) Қазақстан Республикасының заңнамасына сәйкес белгіленген радиациялық талаптар;

      58) уәкілетті заңды тұлға – уәкілетті орган айқындаған, төлеушінің билік етуі шектелген мүлкін және (немесе) кеден органдары ұстаған тауарларды өткізу саласындағы заңды тұлға.

      59) халықаралық пошта жөнелтілімдері – Дүниежүзілік пошта одағының актілеріне сәйкес пошта алмасу объектілері болып табылатын, Дүниежүзілік пошта одағының актілерінде көзделген құжаттар ілестіре берілетін, халықаралық пошта алмасу орындарынан (мекемелерінен) Еуразиялық экономикалық одақтың кедендік аумағының шегінен тысқары жіберілетін не Еуразиялық экономикалық одақтың кедендік аумағына халықаралық пошта алмасу орындарына (мекемелеріне) келіп түсетін не Еуразиялық экономикалық одақтың кедендік аумағы арқылы транзитпен жүретін посылкалар және жазбаша хат-хабар жөнелтілімдері;

      60) халықаралық тасымалдың көлік құралдары – жүктерді тиеуге, түсіруге, өңдеуге және қорғауға арналған арнайы жабдығы, материалдық-техникалық жабдықтау және жасақтау заттары, сондай-ақ жүру жолында көлік құралдарын жөндеуге, техникалық қызмет көрсетуге немесе пайдалануға арналған қосалқы бөлшектері мен жабдықтары бар жүктерді, жолаушыларды және (немесе) багажды халықаралық тасымалдау үшін пайдаланылатын көлік құралдары;

      61) шартты шығару - тауарларды пайдалану және билік ету жөніндегі шектеулерді сақтау шартымен тауарларды шығару;

      62) шетелдік тұлға – Еуразиялық экономикалық одаққа мүше мемлекеттің тұлғасы болып табылмайтын тұлға;

      63) шетелдік тауарлар – Еуразиялық экономикалық одақ тауары болып табылмайтын, оның ішінде Еуразиялық экономикалық одақ тауарлары мәртебесінен айырылған тауарлар, сондай-ақ Еуразиялық экономикалық одақтың және (немесе) Қазақстан Республикасының кеден заңнамасына сәйкес шетелдік тауарлар мәртебесін алған (шетелдік тауарлар болып танылған) тауарлар;

      64) ішкі нарықты қорғау шаралары – Еуразиялық экономикалық одаққа мүше болып табылмайтын үшінші елдерде шығарылатын және Еуразиялық экономикалық одақтың кедендік аумағына әкелінетін тауарларға қатысты енгізілетін арнайы қорғау, демпингке қарсы, өтем шаралары және Одақ туралы шартқа сәйкес белгіленген, ішкі нарықты қорғаудың өзге де шаралары;

      65) экспресс-жүк – халықаралық пошта жөнелтілімдерінде жіберілетін тауарды қоспағанда, осы тауарды барынша мүмкін болатын және (немесе) тіркелген уақыт аралығы ішінде дара жүкқұжатқа сәйкес алушыға дейін жеткізу мақсатында тасымалдауды ұйымдастыру мен қадағалаудың электрондық ақпараттық жүйесін пайдалана отырып, көліктің кез келген түрімен жедел тасымалдау шеңберінде тасымалданатын тауар;

      2. Осы Кодекстің мақсаттары үшін:

      1) "еркін (арнайы, ерекше) экономикалық аймақ" (бұдан әрі – ЕЭА), "логистикалық ЕЭА", "порттық ЕЭА" және "ЕЭА резиденті (қатысушысы, субъекті)" ұғымдары Еуразиялық экономикалық одақ шеңберінде халықаралық шарттарда айқындалған мағыналарда пайдаланылады;

      2) "дипломатиялық өкілдік басшысы", "дипломатиялық өкілдіктің дипломатиялық персонал мүшелері", "дипломатиялық өкілдіктің әкімшілік-техникалық персонал мүшелері", "дипломатиялық өкілдіктің қызмет көрсетуші персоналының мүшелері", "консулдық мекеме басшысы", "консулдық мекемелердің консулдық лауазымды адамдары", "консулдық мекемелердің консулдық қызметшілері", "консулдық мекемелердің қызмет көрсетуші персоналының жұмыскерлері", "отбасы мүшелері", "дипломатиялық өкілдік қызметкерлері", "консулдық мекеме жұмыскерлері" ұғымдары 1961 жылғы 18 сәуірдегі Дипломатиялық қатынастар туралы Вена конвенциясында және 1963 жылғы 24 сәуірдегі Консулдық қатынастар туралы Вена конвенциясында айқындалған мағыналарда пайдаланылады.

      3. Осы Кодексте:

      1) ЕЭА аумағы деп аумағында ЕЭА құрылған Қазақстан Республикасының заңнамасына сәйкес еркін кедендік аймақтың кедендік рәсімі қолданылатын ЕЭА бүкіл аумағы немесе ЕЭА бір бөлігі түсініледі;

      2) Еуразиялық экономикалық одақтың кедендік аумағында орналасқан дипломатиялық өкілдіктер мен консулдық мекемелер деп Қазақстан Республикасының аумақтарында орналасқан, Еуразиялық экономикалық одаққа мүшелері болып табылмайтын мемлекеттердің дипломатиялық өкілдіктері мен консулдық мекемелері және басқа Еуразиялық экономикалық одаққа мүше мемлекеттердің аумақтарында орналасқан бір Еуразиялық экономикалық одаққа мүше мемлекеттердің дипломатиялық өкілдіктері, консулдық мекемелері түсініледі;

      3) өзге де ұйымдар немесе олардың өкілдіктері деп Қазақстан Республикасының халықаралық шарттарына сәйкес артықшылықтар мен иммунитеттерді пайдаланатын және Комиссия қалыптастыратын тізбеге енгізілген ұйымдар немесе олардың өкілдіктері түсініледі;

      4) әкімшілік құқық бұзушылық деп, Қазақстан Республикасының Әкімшілік құқық бұзушылық туралы кодексіне сәйкес іс жүргізу жүзеге асырылатын әкімшілік құқық бұзушылық түсініледі;

      5) қылмыстық құқық бұзушылық деп, Қазақстан Республикасының Қылмыстық-процестік кодексіне сәйкес олар бойынша іс кеден органдарының (экономикалық тергеп-тексеру қызметі) жүргізуіне жатқызылған қылмыстық құқық бұзушылық түсініледі.

      4. Комиссия Еуразиялық экономикалық одаққа мүше мемлекеттер табыс ететін ақпарат негізінде осы Еуразиялық экономикалық одаққа мүше мемлекеттің аумағында Еуразиялық экономикалық одаққа мүше мемлекеттің халықаралық шарттарына сәйкес артықшылықтар мен иммунитеттерді пайдаланатын ұйымдардың немесе олардың өкілдіктерінің тізбесін қалыптастырады және оны Еуразиялық экономикалық одақтың ресми сайтында орналастыруды қамтамасыз етеді.

      5. Осы Кодексте пайдаланылатын өзге де ұғымдар осы Кодекстің тиісті баптарында, сондай-ақ Одақ туралы шартта айқындалған мағыналарда қолданылады.

      6. Қазақстан Республикасының азаматтық және басқа заңнамасы салаларындағы осы Кодексте пайдаланылатын ұғымдар, егер осы Кодексте өзгеше белгіленбесе, Қазақстан Республикасы заңнамасының тиісті салаларында пайдаланылатын мағынада қолданылады.


      4-бап. Қазақстан Республикасының кеден заңнамасы

      1. Қазақстан Республикасының кеден заңнамасы Қазақстан Республикасының Конституциясына негізделеді және:

      1) осы Кодекстен;

      2) қабылдануы осы Кодексте көзделген нормативтік құқықтық актілерден тұрады.

      Егер Қазақстан Республикасы ратификациялаған халықаралық шартта осы Кодекстегіден өзгеше қағидалар белгіленсе, онда халықаралық шарттың қағидалары қолданылады.

      2. Осы Кодекс пен Қазақстан Республикасының басқа да заңнамалық актілері арасында қайшылықтар болған кезде кедендік реттеу мақсатында осы Кодекстің нормалары қолданылады. Қазақстан Республикасының кеден емес заңнамасына осы Кодексте көзделгеннен басқа жағдайларда кедендік құқықтық қатынастарды реттейтін нормаларды енгізуге тыйым салынады.


      5-бап. Еуразиялық экономикалық одақтың және (немесе) Қазақстан Республикасының кеден заңнамасы туралы ақпараттандыру

      1. Еуразиялық экономикалық одақтың кеден заңнамасы туралы ақпарат беру Комиссия және кеден органдары оларды тиісінше Еуразиялық экономикалық одақтың ресми сайтында және кеден органдарының ресми интернет-ресурстарында орналастыру жолымен, сондай-ақ олар туралы ақпаратты телевизия мен радионы, ақпараттық технологияларды пайдалану арқылы жалпы жұртшылықтың назарына жеткізу жолымен, сондай-ақ өзге де жалпыға бірдей қолжетімді ақпарат тарату тәсілдерімен жүзеге асырады.

      2. Қазақстан Республикасының кеден заңнамасы туралы ақпарат беру Қазақстан Республикасы кеден заңнамасының нормативтiк құқықтық актiлерiн бұқаралық ақпарат құралдарында жариялау арқылы, сондай-ақ ақпараттық-коммуникациялық технологиялар пайдаланыла отырып жүзеге асырылады.

      Қазақстан Республикасының кеден заңнамасы туралы ақпараттандыру ауызша түсіндіру және хабарландырулар, ақпараттық стендтер, табло, буклеттер және өзге де баспа материалдары, сондай-ақ бейне-, дыбыс және Қазақстан Республикасының кеден заңнамасы туралы ақпарат тарату үшін қолданылатын басқа да техникалық құралдар пайдаланыла отырып, оның ішінде көпшіліктің қолы жетімді және тегін таныстырылатын мынадай жерлерде:

      1) Еуразиялық экономикалық одақтың кедендік шекарасы арқылы өткізу пункттерінде;

      2) әуежайларда, теміржол және автомобиль станцияларында, теңіз және өзен порттарында;

      3) халықаралық тасымалдарды орындайтын көлік құралдарында;

      4) осы Кодексте айқындалатын кедендік бақылау аймақтарында, сондай-ақ кеден органдары айқындайтын өзге де жерлерде жүзеге асырады.

      3. Кеден органдары тұлғалардың ресми интернет-ресурстарында орналастырылған Қазақстан Республикасының кеден заңнамасы туралы ақпаратқа олардың кедергісіз қол жеткізуін қамтамасыз етеді.


      6-бап. Еуразиялық экономикалық одақтың және (немесе) Қазақстан Республикасының кеден заңнамасында белгіленетін мерзімдерді есептеу тәртібі

      1. Еуразиялық экономикалық одақтың және (немесе) Қазақстан Республикасының кеден заңнамаларында белгіленген мерзім күнтізбелік датамен немесе жылдармен, айлармен, күндермен немесе сағаттармен есептелетін уақыт кезеңінің өтуімен айқындалады.

      Мерзімі туындауға тиіс оқиғаны немесе жасалуға тиіс әрекетті көрсете отырып та айқындалуы мүмкін.

      2. Егер Еуразиялық экономикалық одақтың және (немесе) Қазақстан Республикасының кеден заңнамасында уақыт кезеңімен айқындалған мерзімнің басталуын және аяқталуын айқындау үшін мерзімді есептеудің арнайы тәртібі белгіленбесе, Еуразиялық экономикалық одақтың және (немесе) Қазақстан Республикасының кеден заңнамасында осы баптың 3, 4, 5, 6, 7, 8 және 9-тармақтарында көзделген қағидалар қолданылады.

      3. Жылдармен, айлармен немесе күндермен есептелетін уақыт кезеңімен айқындалған мерзімнің өтуі күнтізбелік күннен кейінгі келесі күні немесе оның басталуы айқындалған оқиға болған күні, ал сағатпен есептелетін уақыттың өтуі – оның басталуы айқындалған оқиға болған сағаттан кейінгі сағаттан басталады.

      4. Жылдармен есептелетін мерзім, мерзімнің соңғы жылының тиісті айында және күнінде бітеді.

      5. Айлармен есептелетін мерзім, мерзімнің соңғы айының тиісті күнінде бітеді.

      Егер айлармен есептелетін мерзімнің аяқталуы тиісті күні жоқ айға тура келетін болса, онда мерзім осы айдың соңғы күнінде бітеді.

      6. Егер мерзімнің соңғы күні жұмыс істемейтін күнге тура келетін болса, одан кейінгі жақын жұмыс күні мерзімнің аяқталу күні болып есептеледі.

      7. Егер мерзім қандай да бір әрекетті жасау үшін белгіленсе, ол осы баптың екінші және үшінші абзацтарында көзделген жағдайларды қоспағанда, мерзімнің соңғы күнгі сағат жиырма төртке дейін орындалуы мүмкін.

      Егер бұл әрекет ұйымда жасалуға тиіс болса, онда мерзім белгіленген қағидалар бойынша осы ұйымда тиісті операциялар тоқтатылған сағатта бітеді.

      Егер жазбаша өтініштер мен хабарламалар мерзімнің соңғы күнгі сағат жиырма төртке дейін пошта байланысы мекемесіне (ұйымына) тапсырылған болса, белгіленген мерзім өтіп кеткен болып есептелмейді.

      8. Егер мерзім жұмыс күндерімен есептелетін болса, жұмыс күндері деп:

      1) Қазақстан Республикасының заңнамасына сәйкес жұмыс істемейтін күн деп жарияланған күндері тура келмейтін, аптаның дүйсенбіден жұмаға дейінгі күндері;

      2) Қазақстан Республикасының заңнамасына сәйкес жұмыс күндеріне ауыстырылған демалыс күндері түсініледі.

      9. Егер тауарларды Еуразиялық экономикалық одақтың кедендік шекарасы арқылы өткізетін жерлерде және кеден органдары орналасқан өзге де жерлерде кеден органдарының жұмыс уақыты болып жұмыс істемейтін күндері белгіленсе, осы кеден органдарының жұмыс күндерімен есептелетін кедендік операцияларды жасау мерзімі жұмыс істемейтін күндерді қамтиды.


      7-бап. Кедендік-тарифтік реттеу шараларын, тыйым салуды және шектеулерді, ішкі нарықты қорғау шараларын, Еуразиялық экономикалық одақтың және (немесе) Қазақстан Республикасының кеден заңнамасын, Қазақстан Республикасының салық заңнамасын қолдану

      1. Одақ туралы шартқа немесе Еуразиялық экономикалық одақ шеңберіндегі халықаралық шарттарға, Қазақстан Республикасының салық заңнамасына сәйкес, егер осы Кодексте өзгеше белгіленбесе, кедендік операциялар жасау және кедендік бақылау жүргізу кезінде кедендік декларацияны немесе өзге де кедендік құжаттарды тіркеу күніне қолданылатын кедендік-тарифтік реттеу шаралары, тыйым салу және шектеулер, ішкі нарықты қорғау шаралары, Қазақстан Республикасының салық заңнамасы қолданылады.

      2. Одақ туралы шартқа немесе Еуразиялық экономикалық одақ шеңберіндегі халықаралық шарттарға, Қазақстан Республикасының салық заңнамасына сәйкес, егер осы Кодексте өзгеше белгіленбесе, тауарларды Еуразиялық экономикалық одақтың және (немесе) Қазақстан Республикасының кеден заңнамасында белгіленген талаптарды бұза отырып, Еуразиялық экономикалық одақтың кедендік шекарасы арқылы өткізілетін тауарларға қатысты Еуразиялық экономикалық одақтың кедендік шекарасынан тауарларды іс жүзінде өткізу күніне қолданылатын кедендік-тарифтік реттеу шаралары, тыйым салу және шектеулер, ішкі нарықты қорғау шаралары, Еуразиялық экономикалық одақтың және (немесе) Қазақстан Республикасының кеден заңнамасы, Қазақстан Республикасының салық заңнамасы қолданылады.

      Одақ туралы шартқа немесе Еуразиялық экономикалық одақ шеңберіндегі халықаралық шарттарға, Қазақстан Республикасының салық заңнамасына сәйкес, егер осы Кодексте өзгеше белгіленбесе, егер Еуразиялық экономикалық одақтың кедендік шекарасынан тауарларды іс-жүзінде өткізу күні белгіленбесе, бұзушылықтар анықталған күні қолданылатын кедендік-тарифтік реттеу шаралары, тыйым салу және шектеулер, ішкі нарықты қорғау шаралары, Еуразиялық экономикалық одақтың және (немесе) Қазақстан Республикасының кеден заңнамасы қолданылады.


      8-бап. Тыйым салуды және мен шектеулерді сақтау

      1. Тауарлар Еуразиялық экономикалық одақтың кедендік шекарасы арқылы өткізіледі және (немесе) тыйым салу және шектеулер сақтала отырып, кедендік рәсімдерге орналастырылады.

      2. Тарифтік емес реттеу шараларын, оның ішінде біржақты тәртіппен енгізілетін шараларды және техникалық реттеу шараларын сақтау Одақ туралы шартқа сәйкес Комиссия айқындаған немесе Қазақстан Республикасының заңнамасында айқындалған жағдайларда және тәртіппен, ал экспорттық бақылау шараларын, оның ішінде әскери мақсаттағы өнімге қатысты шараларды сақтау – осындай шаралардың сақталуын растайтын, құжаттарды және (немесе) мәліметтерді табыс ету арқылы Қазақстан Республикасының заңнамасына сәйкес айқындалған жағдайларда және тәртіппен расталады.

      Техникалық реттеу шараларының сақталуын растау мақсаты үшін техникалық реттеу саласындағы уәкілетті органның және әкелінетін тауарлардың Еуразиялық экономикалық одақтың техникалық регламенттерінде, сондай-ақ Қазақстан Республикасының техникалық реттеу саласындағы заңнамасында белгіленген талаптарға сәйкес келуін растайтын құжаттар туралы мәліметтерді, сондай-ақ осындай құжаттар мәліметтерін алмасуы жөніндегі уәкілетті органының ақпараттық өзара іс-қимыл жасау тәртібі бірлескен актімен бекітіледі.

      3. Санитариялық, ветеринариялық-санитариялық және карантиндік фитосанитариялық шаралар мен радиациялық талаптарды сақтау Одақ туралы шартта және оған сәйкес қабылданған Комиссияның актілерінде белгіленген тәртіппен және (немесе) Қазақстан Республикасының заңнамасында белгіленген тәртіппен санитариялық-эпидемиологиялық, ветеринариялық, карантиндік фитосанитариялық, радиациялық бақылау (қадағалау) нәтижелері бойынша расталады.

      4. Жеке тұлғалардың Одақ туралы шартта көзделген, Еуразиялық экономикалық одақтың мүшелері болып табылмайтын мемлекеттермен саудада тарифтік емес реттеу шаралары қолданылатын тауарлардың бірыңғай тізбесіне енгізілген тауарларды жеке пайдалануға арналған тауарлар ретінде Еуразиялық экономикалық одақтың кедендік аумағына әкелу және (немесе) Еуразиялық экономикалық одақтың кедендік аумағынан әкету ерекшеліктерін Комиссия айқындайды.

      5. Егер тыйым салу және шектеулерді белгілейтін актілерде олардың сақталуын (оның ішінде, орналастыру кезінде тыйым салу және шектеулер белгіленетін кедендік рәсімдер айқындалмаған) растау жағдайлары және (немесе) тәртібі айқындалмаған болса, осындай тыйым салуды және шектеулерді сақтау тауарларды Еуразиялық экономикалық одақтың кедендік шекарасы арқылы өткізу кезінде, сондай-ақ тауарларды ішкі тұтыну үшін кедендік шығару рәсіміне немесе кедендік экспорт рәсіміне орналастыру кезінде расталады.

      6. Тыйым салуды және шектеулерді сақтау жөніндегі міндет, егер олар:

      1) келген жерінен бастап халықаралық пошта жөнелтілімдерінде жіберілетін тауарлармен кедендік операциялар жасау жеріне дейін;

      2) келген жерінен кеткен жеріне дейін тасымалданса, халықаралық пошта жөнелтілімдерін кедендік транзит кедендік рәсімімен орналастыру кезінде декларанттарға жүктелмейді.


      9-бап. Кедендік құжаттар

      1. Егер осы Кодексте өзгеше белгіленбесе, кедендік құжаттар орыс тілінде немесе қазақ тілінде толтырылады.

      Бір Еуразиялық экономикалық одақтың аумағында толтырылатын және кедендік операциялар жасау кезінде басқа Еуразиялық экономикалық одаққа мүше мемлекеттің кеден органына табыс етілуге жататын кедендік құжаттар орыс тілінде толтырылады.

      2. Кедендік құжаттарда кодталған түрде көрсетілуге жататын мәліметтер Комиссия бекітетін сыныптауыштар пайдаланыла отырып, ал Комиссия оларды бекіткенге дейін – уәкілетті орган бекітетін сыныптауыштар пайдаланыла отырып көрсетіледі.

      3. Электрондық құжаттар түріндегі кедендік құжаттардың құрылымы мен форматы, Еуразиялық экономикалық одақтың және (немесе) Қазақстан Республикасының кеден заңнамасына сәйкес Комиссия айқындайтын жағдайларды қоспағанда, уәкілетті орган бекітеді.

      4. Еуразиялық экономикалық одақтың кеден заңнамасында көзделмеген кедендік құжаттарды, олардың нысандарын, осы нысандарды толтыру, осындай кедендік құжаттарға өзгерістер (толықтырулар) енгізу тәртібін уәкілетті орган бекітеді.

      5. Еуразиялық экономикалық одақтың кеден заңнамасында көзделмеген кедендік құжаттардың нысандарын толтыру тәртібін, сондай-ақ кедендік құжаттарға өзгерістер (толықтырулар) енгізу тәртібін уәкілетті орган бекітеді.

2-тарау. Қазақстан Республикасының Кеден органдары

      10-бап. Қазақстан Республикасының кеден органдары жүйесі

      1. Қазақстан Республикасының кеден органдары (бұдан әрі - кеден органдары) өз құзыреті шегінде Қазақстан Республикасындағы кеден ісін іске асыруды жүзеге асыратын, сондай-ақ Қазақстан Республикасының заңнамасында көзделген өзге де өкілеттіктерді орындайтын мемлекеттік кіріс органдары болып табылады.

      2. Кеден органдары жүйесі:

      1) уәкілетті органнан;

      2) облыстар, Астана және Алматы қалалары бойынша аумақтық органдардан;

      3) кедендерден;

      4) кеден бекеттерінен;

      5) Еуразиялық экономикалық одақтың кедендік шекарасындағы және (немесе) кедендік операциялар жасайтын орындардағы бақылау-өткізу пункттерінен;

      6) мамандандырылған мемлекеттік мекемелерден тұрады.

      3. Қазақстан Республикасы Үкіметінің шешімімен кедендік ақпараттық-есептеу орталығы, кедендік зертханалар, кинологиялық, оқу-әдістемелік, ғылыми-зерттеу және басқа да мамандандырылған кеден мекемелері, жоғары кәсіби және қосымша білім беретін білім мекемелері, сондай-ақ қызметі осы Кодекске сәйкес кеден органдарына жүктелген міндеттерді шешуге жәрдемдесетін мемлекеттік кәсіпорындар құрылады.

      4. Кеден органдарының өзіне тән танымдық туы мен танымдық белгісі болады, олардың сипаттамасын және қолданылу тәртібін уәкілетті орган бекітеді.

      5. Кедендердің, кеден бекеттерінің және Еуразиялық экономикалық одақтың кедендік шекарасындағы және (немесе) кедендік операциялар жасайтын орындардағы бақылау-өткізу пункттерінің қызметкерлері нысанды киіммен қамтамасыз етіледі.

      Нысанды киімді киюге құқығы бар кеден органдарының лауазымды адамдарының тізбесін, онымен қамтамасыз етудің заттай нормаларын және айырым белгілерін, сондай-ақ оны киіп жүру тәртібін кеден ісі саласындағы уәкілетті орган бекітеді.


      11-бап. Кеден органдары қызметінің принциптері

      Кеден органдарының қызметі:

      1) заңдылық;

      2) Еуразиялық экономикалық одақтың кедендік шекарасы арқылы тауарлар өткізетін тұлғалардың, сондай-ақ кеден ісі саласындағы қызметті жүзеге асыратын тұлғалардың құқықтарын, бостандығын және заңды мүдделерін қамтамасыз ету;

      3) баршаның заң алдындағы теңдігі;

      4) жариялылық принциптерінде құрылады.


      12-бап. Кеден органдарына берілетін тапсырмалар

      1. Кеден органының міндеттері:

      1) Қазақстан Республикасының ұлттық қауіпсіздігін, адамның өмірі мен денсаулығын, жануарлар және өсімдіктер дүниесін, қоршаған ортаны қорғау;

      2) өз құзыреті шегінде Қазақстан Республикасының егемендігі мен экономикалық қауіпсіздігін қамтамасыз ету;

      3) Еуразиялық экономикалық одақтың кедендік шекарасы арқылы тауарларды өткізуді жеделдету және оңтайландыру үшін жағдайлар жасау;

      4) сақталуына бақылау жасау кеден органдарына, Қазақстан Республикасының кеден заңнамасына жүктелген Қазақстан Республикасының кеден және өзге заңнамасының (бұдан әрі - Қазақстан Республикасының кеден және өзге заңнамасының) орындалуын қамтамасыз ету;

      5) осы Кодексте көзделген өзге де тапсырмаларды орындау кеден органдарына берілетін тапсырмалар болып табылады.

      2. Кеден органдарына жүктелген тапсырмаларды орындауды қамтамасыз ету мақсатында кеден органдары өз құзыреті шегінде:

      1) кедендік операциялар жасауды және кедендік бақылау, оның ішінде өзара әкімшілік көмек көрсету шеңберінде жүргізу;

      2) кедендік төлемдерді және салықтарды, сондай-ақ арнайы демпингке қарсы және өтем баждарын өндіріп алу, олардың есептелуінің дұрыстығын және уақтылы төленуін бақылау, өз құзыреті шегінде оларды мәжбүрлеп өндіріп алу шараларын қолдану;

      3) өз құзыреті шегінде кедендік-тарифтік реттеу шараларының, Еуразиялық экономикалық одақтың кедендік шекарасы арқылы өткізілетін тауарларға, ішкі нарықты қорғау іс-шараларына қатысты тыйым салудың және шектеулердің сақталуын қамтамасыз ету;

      4) өз құзыреті шегінде тұлғалардың құқықтары мен заңды мүдделерінің сақталуын қамтамасыз ету және Еуразиялық экономикалық одақтың кедендік шекарасы арқылы осындай адамдардың тауарларды өткізуі кезінде Еуразиялық экономикалық одақтың кедендік шекарасы арқылы тауар айналымын жеделдету үшін жағдай жасау;

      5) өз құзыреті шегінде Еуразиялық экономикалық одаққа мүше мемлекеттердің халықаралық шарттарына сәйкес Еуразиялық экономикалық одаққа мүше мемлекеттердің валюталарын, бағалы қағаздарды және (немесе) валюталық құндылықтарды, жол чектерін Еуразиялық экономикалық одақтың кедендік шекарасы арқылы өткізуге бақылауды жүзеге асыру кезінде қылмыстық жолмен алынған кірістерді заңдастыруға (жылыстатуға) қарсы іс-қимыл жөніндегі шараларды қамтамасыз ету;

      6) Қазақстан Республикасының заңнамасына сәйкес қылмыстық және әкімшілік құқық бұзушылықтарды анықтау, олардың алдын алу және жолын кесу;

      7) өз құзыреті шегінде Еуразиялық экономикалық одақтың кедендік аумағында зияткерлік меншік құқығын қорғауды қамтамасыз ету;

      8) кедендік статистиканы жүргізу;

      9) Қазақстан Республикасындағы кедендік реттеуді әзірлеуге қатысу және іске асыру;

      10) Еуразиялық экономикалық одақтың бірыңғай сауда саясатын іске асыруға жәрдемдесу;

      11) кедендік декларациялау мен кедендік бақылауды жүзеге асыруды және жетілдіруді, сондай-ақ Еуразиялық экономикалық одақтың кедендік шекарасы арқылы өткізілетін тауарлар мен көлік құралдарына қатысты кедендік операцияларды жүргізуді оңайлатуға ықпал ететін жағдайлар жасау;

      12) тауарлар шығарылғаннан кейін кедендік бақылауды жүзеге асыруды, сондай-ақ кедендік төлемдер, салықтар, арнайы, демпинге қарсы, өтем баждары бойынша берешекті, өсімпұлдарды, айыппұлдарды өндіріп алу жөнінде шаралар қабылдау;

      13) кеден ісі саласындағы Қазақстан Республикасы халықаралық міндеттемелерінің орындалуын қамтамасыз ету және Қазақстан Республикасының кеден ісі саласындағы халықаралық шарттарын әзірлеуге қатысу;

      14) кеден органдарының материалдық-техникалық және әлеуметтік базасын дамытуға қатысу;

      15) Еуразиялық экономикалық одақтың кедендік шекарасы арқылы өткізу пункттерінде және тауарлар мен көлік құралдары өткізілетін өзге де орындарда радиациялық бақылау жүргізу;

      16) Еуразиялық экономикалық одақтың кедендік шекарасы арқылы автомобиль өткізу пункттерінде көліктік және санитариялық-карантиндік бақылау жүргізу;

      17) Еуразиялық экономикалық одақтың кедендік шекарасы арқылы тауарларды өткізетін басқа да орындарда автомобиль, теңіздегі өткізу пункттерінде көліктік және санитариялық-карантиндік бақылау жүргізу;

      18) зертханалық бақылау мен зертханалық сараптаманы қоспағанда, өз құзыреті шегінде Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік ветеринариялық-санитариялық бақылау және мемлекеттік карантиндік фитосанитариялық бақылау жүргізу арқылы Қазақстан Республикасының аумағын басқа мемлекеттерден жануарлардың жұқпалы және экзотикалық ауруларының және карантинді объектілердің әкелінуінен қорғауды қамтамасыз ету;

      19) Қазақстан Республикасының халықаралық шарттарына сәйкес шет мемлекеттердің кеден органдарымен және өзге органдарымен және халықаралық ұйымдармен ынтымақтастық;

      20) Қазақстан Республикасының заңдарына сәйкес өз құзыреті шегінде экспорттық бақылауды жүзеге асыру;

      21) кеден органдарының кадрларын даярлауды, қайта даярлауды өткізу және олардың бiлiктiлiгiн арттыруды ұйымдастыру функцияларын;

      22) осы Кодексте көзделген өзге де функцияларды орындайды.


      13-бап. Кеден органдарының құқықтары

      1. Кеден органдары:

      1) Қазақстан Республикасының мемлекеттік органдарынан және шет мемлекеттердің органдарынан, декларанттардан, кеден ісі саласындағы қызметті жүзеге асыратын тұлғалардан және тексерілетін тұлғалардан қажетті ақпаратты, сондай-ақ кеден ісі саласына қатысты құжаттар мен мәліметтерді сұратуға және алуға;

      2) кедендік бақылау жүргізу кезінде білімнің әр түрлі салаларының мамандарын тартуға;

      3) Еуразиялық экономикалық одақтың кедендік аумағынан кеден органдарының рұқсатынсыз шығып кеткен көлік құралдарын тоқтатуға, сондай-ақ су және әуе кемелерін мәжбүрлеп қайтаруға;

      4) Қазақстан Республикасының заңнамасына сәйкес соттарға талап қоюға;

      5) Қазақстан Республикасының заңнамасына сәйкес құқық бұзушылық жасаған адамдарды ұстап алуға және Қазақстан Республикасының кеден немесе өзге де органдарының қызметтік үй-жайларына жеткізуге;

      6) Қазақстан Республикасының заңдарына сәйкес фактілер мен оқиғаларға құжаттама жүргізуге, бейне және дыбыс жазба жасауға, киноға және фотосуретке түсіруге;

      7) кеден органдарының ресми өкілдерін Қазақстан Республикасының халықаралық шарттарына сәйкес шет мемлекеттерге жіберуге;

      8) ақпараттық жүйелерді, байланыс жүйелерін және деректерді беру жүйелерін, кедендік бақылаудың техникалық құралдарын, сондай-ақ ақпаратты қорғау құралдарын Қазақстан Республикасының заңнамасына сәйкес әзірлеуге, жасауға, иеленуге және пайдалануға;

      9) Қазақстан Республикасының заңнамасына сәйкес кеден органдарына жүктелген функцияларды орындау үшін қаруды, арнаулы техникалық және өзге де құралдарды, сондай-ақ арнаулы иттерді қоса алғанда, тауарларды иемденуге;

      10) Қазақстан Республикасының заңнамасына сәйкес дене күшін, арнаулы құралдарды және атыс қаруын қолдануға;

      11) "Жедел-iздестiру қызметі туралы" Қазақстан Республикасының заңына сәйкес жедел-iздестiру қызметін жүзеге асыруға;

      12) Қазақстан Республикасының Әкімшілік құқық бұзушылық туралы кодексінде көзделген әкімшілік құқық бұзушылық туралы істерді қарауға бойынша әкімшілік ұстап алуды жүзеге асыруға, сондай-ақ басқа да іс-шараларды қолдануға хаттамалар жасауға;

      13) Қазақстан Республикасының заңдарында белгіленген тәртіппен ғылыми-зерттеу, баспа, криминалистік қызметтерді жүзеге асыруға;

      14) осы Кодексте, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де құқықтарды жүзеге асыруға:

      15) Еуразиялық экономикалық одақтың кедендік шекарасы арқылы өткізілетін қолма-қол ақша қаражатын және (немесе) ақша құралдарын ұстап алуды (тоқтата тұруды) қылмастық және терроризмді қаржыландыру жолымен алынған кірістерді жылыстатуға ықтимал қатысы бары туралы құқық қорғау органдары және (немесе) уәкілетті орган ұсынатын ақпаратты алған кезде уәкілетті орган айқындайтын тәртіппен жүзеге асыруға құқылы.


      14-бап. Кеден органдарының міндеттері

      1. Кеден органдары:

      1) өз құзыреті шегінде мемлекет мүддесін қорғауға;

      2) декларанттардың және кеден ісі саласындағы қызметті жүзеге асыратын тұлғалардың заңды құқығын сақтауға;

      3) кеден органының және (немесе) кеден органының лауазымды тұлғаларының шешіміне, іс-әрекетіне (әрекетсіздігіне) шағымдарды Қазақстан Республикасының заңнамасында белгіленген тәртіппен және мерзімдерде қарауға;

      4) Еуразиялық экономикалық одақтың кедендік шекарасы арқылы тауар айналымын жеделдетуге ықпал ететін жағдайлар жасау жолымен сыртқы сауданың дамуына жәрдемдесуге;

      5) Еуразиялық экономикалық одақтың кедендік шекарасы арқылы өткізілетін тауарлар мен көлік құралдарына қатысты кедендік бақылауды жүзеге асыруға;

      6) кеден ісі саласындағы қылмыстық құқық бұзушылықтар туралы істер бойынша сотқа дейінгі тергеп-тексеруді Қазақстан Республикасының Қылмыстық-процестік заңнамасында көзделген тәртіппен жүзеге асыруға;

      7) өз өкілеттігі шегінде декларанттарға және кеден ісі саласындағы қызметті жүзеге асыратын тұлғаларға өз құқықтарын іске асыруға жәрдемдесуге;

      8) кедендік төлемдер мен салықтардың толық өндіріп алынуын және бюджетке уақтылы аударылуын қамтамасыз етуге;

      9) өз құзыреті шегінде осы Кодексте белгіленген мерзімдерде шешімдер қабылдауға және декларанттардың және кеден ісі саласындағы қызметті жүзеге асыратын тұлғалардың Еуразиялық экономикалық одақтың және (немесе) Қазақстан Республикасының кеден заңнамасында, сондай-ақ Қазақстан Республикасының өзге де заңнамаларында белгіленген талаптарды сақтауы және міндеттерді орындауы бойынша олардың қызметін бақылауды жүзеге асыруға;

      10) Қазақстан Республикасының сыртқы саудасының кедендік статистикасын және арнаулы кедендік статистикасын жүргізуді жүзеге асыруға;

      11) өз құзыреті шегінде Еуразиялық экономикалық одақтың кедендік шекарасын күзетуді және Қазақстан Республикасының кеден заңнамасының және өзге де заңнамасының сақталуын бақылауды қамтамасыз етуге;

      12) Қазақстан Республикасының заңнамасына сәйкес кеден органдарының қызметіне, кеден органдарының лауазымды адамдарына және олардың отбасы мүшелеріне қатысты құқыққа қайшы іс-әрекеттерден қорғауды қамтамасыз етуге;

      13) өз құзыреті шегінде құқық бұзушылықтардың алдын алу, жолын кесу және оларды анықтау жөнінде жұмыс жүргізуге;

      14) кеден ісі саласындағы құқық бұзушылықтардың жасалғандығы туралы ақпарат жинауды және талдауды жүзеге асыруға;

      15) Қазақстан Республикасының ұлттық қауіпсіздік органдарымен және басқа да тиісті мемлекеттік органдарымен өзара іс-қимыл жасай отырып, Еуразиялық экономикалық одақтың кедендік шекарасын қорғауды қамтамасыз ету жөніндегі шараларды жүзеге асыруға;

      16) өтініштерді уақтылы, объективті және жан-жақты қарауды және кеден ісі саласына келіп түсетін сауалдар мен ұсыныстарды ескере отырып, жауап беруді немесе тиісті іс-әрекеттер жасауды қамтамасыз етуге;

      17) кеден ісі саласында ақпарат және консультация беруді өтеусіз жүзеге асыруға;

      18) Қазақстан Республикасының заңнамалық актілерінде айқындалған тәртіппен басқа да мемлекеттік органдармен, сондай-ақ тиісті мемлекеттік органдардың бірлескен актілері негізінде аталған органдардың келісімімен өзара іс-қимыл жасауға;

      19) кеден ісін жетілдіру және кедендік әкімшілік жүргізудің тиімді әдістерін енгізу мақсатында сыртқы экономикалық және өзге де қызметке қатысушылармен, олардың қауымдастықтарымен және бірлестіктерімен, сондай-ақ коммерциялық емес ұйымдармен өзара іс-қимыл жасауға;

      20) қаржы мониторингі жөніндегі уәкілетті органның сұратуы бойынша, "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасының Заңына сәйкес өздерінің ақпараттық жүйелерінен мәліметтерді табыс етуге;

      21) "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасының Заңына сәйкес, Еуразиялық экономикалық одақтың кедендік аумағының құрамдас бөлігі болып табылатын аумақтан Еуразиялық экономикалық одақтың кедендік аумағының құрамдас бөлігі болып табылатын аумаққа жүзеге асырылатын әкелуді немесе әкетуді қоспағанда, декларацияланған мәдени құндылықтарды, қолма-қол валютаны, ұсынушыға арналған құжаттандырылған бағалы қағаздарды, вексельдерді, чектерді Қазақстан Республикасына әкелу немесе Қазақстан Республикасынан әкету жөніндегі ақпаратты қаржы мониторингі жөніндегі уәкілетті органға тоқсан сайын беруге;

      22) импорттаушылардың заңды мекенжайларын, Қазақстан Республикасының заңнамасына сәйкес өндірушілердің (импорттаушылардың) кеңейтілген міндеттемелері қолданылатын, Қазақстан Республикасының аумағына әкелінген өнімнің (тауарлардың) көлемдері мен түрлерін көрсете отырып, қоршаған ортаны қорғау саласындағы уәкілетті органға импорттаушылар бойынша ақпарат беруге;

      23) белгіленген мерзімдерде бюджетке төленбеген кедендік төлемдер мен салықтардың сомаларын, сондай-ақ өсімпұлды, пайыздарды өндіріп алуға;

      24) Еуразиялық экономикалық одақтың және (немесе) Қазақстан Республикасының кеден заңнамаларына сәйкес кедендік әкімшілік жүргізуді жүзеге асыруға;

      25) мемлекет меншігіне айналдырылған тауарлардың, осындай тауарлар Қазақстан Республикасының заңнамасына сәйкес уәкілетті мемлекеттік органға берілгенге дейін сақталуын қамтамасыз етуге;

      26) Қазақстан Республикасының қылмыстық-процестік кодексінде, сондай-ақ "Жедел-iздестiру қызметі туралы" Қазақстан Республикасының заңында белгіленген міндеттерді орындауға;

      27) Қазақстан Республикасының заңына сәйкес жүргізілуге жататын құқық бұзушылықтардың алдын алу, анықтау, жолын кесу, ашу және тергеу бойынша шараларды қабылдауға міндетті.

      2. Кеден органдары осы Кодексте, Қазақстан Республикасының өзге де заңнамалық актілерінде көзделген өзге міндеттерді де жүзеге асырады.

      3. Кеден органдары Қазақстан Республикасының заңнамасына сәйкес іс жүргізу Қазақстан Республикасының өзге мемлекеттік органдарының құзыретіне жатқызылған қылмыстық және (немесе) әкімшілік құқық бұзушылықтар анықталған кезде, кеден органдары Қазақстан Республикасының заңнамасында көзделген тәртіппен және мерзімдерде мұндай құқық бұзушылықтар бойынша қолда бар материалдарды Қазақстан Республикасының тиісті мемлекеттік органдарына беруге міндетті.


      15-бап. Кеден органдарының және олардың лауазымды тұлғаларының жауапкершілігі

      1. Кеден органдары заңсыз шешімдерімен, әрекеттерімен (әрекетсіздігімен) келтірген залалдары үшін Қазақстан Республикасының заңына сәйкес жауапты болады.

      2. Кеден органдарының не оның лауазымды тұлғаларының заңсыз шешімдері, әрекеттері (әрекетсіздігіне) арқылы келтірілген шығындар Қазақстан Республикасының заңнамасына сәйкес өтелуге жатады.

      3. Кеден органдарының лауазымды тұлғаларының заңды шешімдері, әрекеттері арқылы тұлғаға келтірілген шығындар өтелуге жатпайды.

      4. Кеден органдарының лауазымды тұлғалары Қазақстан Республикасының заңнамасына сәйкес заңсыз шешімдері, әрекеттері (әрекетсіздігі) үшін тәртіптік, әкімшілік, қылмыстық және өзге де жауаптылықта болады.


      16-бап. Кедендік инфрақұрылым

      1. Кедендік инфрақұрылымға кедендік бақылаудың техникалық құралдарымен, инженерлік, ақпараттық, телекоммуникациялық жүйелермен және оларды қамтамасыз ету құралдарымен жабдықталған (бұдан әрі осы бапта - кедендік инфрақұрылымның элементтері) ғимараттар, құрылысжайлар, үй-жайлар, ашық алаңдар және кеден органдарының қызметін қамтамасыз ететін әлеуметтік мақсаттағы объектілер жатады.

      2. Кедендік инфрақұрылым элементтері:

      1) Еуразиялық экономикалық одақтың кедендік шекарасы арқылы тауарларды өткізу;

      2) кеден органдарының жүйесіне кіретін кеден органдары және мекемелері орналасқан;

      3) аумағында кедендік операциялар жасалауы және осы Кодексте белгіленген тәртіппен кедендік бақылау жүргізілуі мүмкін орындарда орналасуы мүмкін.

      3. Еуразиялық экономикалық одақтың кедендік шекарасы арқылы тауарларды өткізу орындарда орналасқан кедендік инфрақұрылым элементтерінің жайластырылуына және техникалық жарақтандырылуына қойылатын үлгілік талаптарды Еуразиялық экономикалық одаққа мүше мемлекеттердің кеден органдарының қызметін қамтамасыз етуге байланысты олардың функционалдық мақсаттағы ерекшеліктерін ескере отырып, Комиссия анықтайды.

      4. Кеден органдарының жүйесіне кіретін кеден органдары және мекемелер орналасқан орындарда және аумағында кедендік операциялар жасалуы және кедендік бақылау жүргізілуі мүмкін өзге аумақтарда кедендік инфрақұралым элементтерінің жайластырылуына және техникалық жарақтандырылуына қойылатын талаптарды уәкілетті орган бекітеді.

      5. Еуразиялық экономикалық одақтың кедендік шекарасы арқылы тауарларды өткізу орындарында кедендік инфрақұрылымның даму үрдісін және серпінін, жай-күйін талдауды Еуразиялық экономикалық одақтың заңнамасына сәйкес Комиссия жүргізеді.

      Көрсетілген мәліметтердің құрамын, олардың құрылымын және форматын, сондай-ақ оларды беру кезеңділігі мен тәртібін Комиссия айқындайды.

      Кедендік инфрақұрылымның даму үрдісі және серпіні, жағдайы туралы ақпарат Еуразиялық экономикалық одақтың ресми веб-сайтында орналастырылады.


      17-бап. Кеден ісі саласындағы құқық қорғау қызметі

      1. Кеден ісі саласындағы қылмыстық құқық бұзушылықты тергеуді экономикалық тергеу қызметі жүзеге асырады.

      2. Қылмыстық құқық бұзушылықтар туралы істер бойынша экономикалық тергеу қызметі, Қазақстан Республикасының қылмыстық-процестік кодексіне сәйкес олардың жүргізуіне жатқызылған істер анықтау немесе тергеу органдары болып табылады.

      3. Экономикалық тергеу қызметі Еуразиялық экономикалық одаққа мүше мемлекеттердің заңнамасына сәйкес танылған құқыққа қайшы әрекетті дайындайтын, жасайтын немесе жасаған тұлғаларды анықтау үшін Қазақстан Республикасының халықаралық шарттарына сәйкес Еуразиялық экономикалық одақтың мүшелері болып табылмайтын мемлекеттердің халықаралық ұйымдарының, кеден және өзге құзыретті органдардың сауалдарын орындау мақсатында жедел-іздестіру қызметін жүзеге асырады.

      Жедел-іздестіру қызметі "Жедел-iздестiру қызметі туралы" Қазақстан Республикасының заңына сәйкес жүзеге асырылады.

      4. Кеден органдары әкімшілік құқық бұзушылық туралы істер бойынша іс жүргізуді жүзеге асырады және Қазақстан Республикасының әкімшілік құқық бұзушылық туралы кодексіне сәйкес тұлғаларды әкімшілік жауапқа тартады.

      5. Қылмыстық құқық бұзушылықтардың құрамы, сондай-ақ қылмыстық жауапқа тұлғаларды тарту тәртібі және қағидалары Еуразиялық экономикалық одақтың шеңберіндегі халықаралық шарттарда көзделген ерекшеліктер ескеріле отырып, Қазақстан Республикасының қылмыстық және қылмыстық-процестік кодексінде белгіленеді.

      Әкімшілік құқық бұзушылықтардың құрамы, сондай-ақ тұлғаларды әкімшілік жауаптылыққа тарту тәртібі және қағидалары Еуразиялық экономикалық одақтың шеңберіндегі халықаралық шарттарда көзделген ерекшеліктер ескеріле отырып, Қазақстан Республикасының әкімшілік құқық бұзушылық туралы кодексінде белгіленеді.

      6. Қылмыстық істер және әкімшілік құқық бұзушылық туралы істер бойынша кеден органдарының шет мемлекеттердің кеден органдарымен өзара іс-қимылы және құқықтық көмек Еуразиялық экономикалық одақтың шеңберіндегі халықаралық шарттарға және (немесе) Қазақстан Республикасының халықаралық шарттарына сәйкес жүзеге асырылады.


      18-бап. Кеден органдарының Еуразиялық экономикалық одақтың кедендік шекарасынан шығып кеткен су және әуе кемелерін ұстап алу (қайтару) жөніндегі және көлік құралдарын тоқтату жөніндегі құқығы

      1. Кеден органдары көлік құралдарын тоқтатуға, сондай-ақ кеден органының рұқсатынсыз Еуразиялық экономикалық одақтың кедендік аумағынан шығып кеткен су және әуе кемелерін мәжбүрлеп қайтаруға құқылы.

      Автомобиль көлік құралдарын кедендік бақылау аймағынан тыс жерде тоқтатқан жағдайда, кедендік бақылау жүргізу уақыты осындай тоқтау сәтінен бастап екі сағаттан аспауы тиіс.

      2. Кеден органдарының Еуразиялық экономикалық одақтың кедендік шекарасынан тыс орналасқан су және әуе кемелерін ұстап алу (қайтару) жөніндегі әрекеті Қазақстан Республикасының халықаралық шарттарына сәйкес жүзеге асырылады.


      19-бап. Кеден органдарының алған ақпаратқа қатысы

      1. Кеден органдары Еуразиялық экономикалық одақтың кеден заңнамасына, Қазақстан Республикасының халықаралық шарттарына, Қазақстан Республикасының кеден және өзге де заңнамасына сәйкес алған кез келген ақпаратты кеден органдары өздеріне жүктелген міндеттер мен функцияларды орындау үшін ғана пайдаланылады.

      2. Еуразиялық экономикалық одақтың кеден заңнамасына, Қазақстан Республикасының халықаралық шарттарына, Қазақстан Республикасының кеден және өзге де заңнамасына сәйкес осы баптың 1-тармағында көрсетілген ақпаратқа қол жеткізуге рұқсат алған кеден органдары, олардың лауазымды тұлғалары, сондай-ақ өзге де тұлғалар оны жария етуге, жеке мақсаттары үшін пайдалануға не өзге тұлғаларға, оның ішінде Қазақстан Республикасының заңнамасымен қорғалатын мемлекеттік, коммерциялық, банктік, салықтық құпияны құрайтын ақпаратты, сондай-ақ басқа жасырын ақпаратты:

      1) Қазақстан Республикасының халықаралық шарттарында және осы Кодексте белгіленген;

      2) осы баптың 3-тармағында көзделген жағдайларды қоспағанда, Еуразиялық экономикалық одаққа мүше мемлекеттердің мемлекеттік органдарына беруге құқылы емес.

      3. Егер көрсетілген органдарға мұндай ақпарат Қазақстан Республикасының заңнамасымен өздеріне жүктелген міндеттерді орындау үшін қажет болса, Қазақстан Республикасының заңнамасының талаптарын сақтаумен мемлекеттік, коммерциялық, банктік, салықтық немесе заңмен қорғалатын өзге де құпиясын және басқа да жасырын ақпаратты сақтай отырып, қорғау жөніндегі заңнама талаптарын немесе осы Кодекстің 49-тарауына сәйкес алынған ақпаратқа қатысты, сондай-ақ осы Кодестің 449-бабының талаптарын сақтаумен оларды осы мүше мемлекеттің мемлекеттік органдарына, мынадай жағдайларда:

      1) прокурор санкциялаған, қағаз жеткізгіштегі не электрондық құжат түрінде уәжделген сауал негізінде Қазақстан Республикасының заңнамасында белгіленген өздерінің құзыреті шегінде құқық қорғау органдарына және арнаулы мемлекеттік органдарға береді. Мұндай мәліметтерді прокурор не сот сұратқан жағдайда санкция талап етілмейді;

      2) соттарға - олардың талап етуі бойынша;

      3) Қазақстан Республикасының заңнамасында белгіленген жағдайларда бірлескен актілерде айқындалатын тәртіппен өзге де мемлекеттік органдарға;

      4) қаржы мониторингі жөніндегі уәкілетті органға - "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" Қазақстан Республикасының Заңына сәйкес;

      5) импорттаушылардың заңды мекенжайларын, Қазақстан Республикасының заңнамасына сәйкес өндірушілердің (импорттаушылардың) кеңейтілген міндеттемелері қолданылатын, Қазақстан Республикасының аумағына әкелінген өнімнің (тауарлардың) көлемдері мен түрлерін көрсете отырып, қоршаған ортаны қорғау саласындағы уәкілетті мемлекеттік органға импорттаушылар бойынша ақпарат береді.

      4. Осы баптың 3-тармағына сәйкес алынған кез келген ақпарат:

      Қазақстан Республикасының заңнамасына сәйкес басқа мемлекеттік органға;

      Қазақстан Республикасының үшінші елдерге қатысты арнайы қорғау, демпингке қарсы және өтем шаралары туралы заңнамасына сәйкес тергеп-тексеру мақсаттары үшін Еуразиялық экономикалық комиссияға ақпарат беру жағдайларын қоспағанда, осы баптың 3-тармағына сәйкес алынған кез келген ақпарат жария етуге және таратуға жатпайды.

      5. Кеден органдарының лауазымды тұлғалары, өзге де мемлекеттік органдардың лауазымды тұлғалары кеден органдарынан алған, осы баптың 1-тармағында көрсетілген ақпараттарды көрсетілген оганда жұмыс істеп жүрген кезеңінде де және жұмыстан шыққаннан кейін де мұндай ақпараттарды таратуға құқылы емес.

      Осы баптың 1-тармағында көрсетілген ақпарат кедендік бақылауды жүргізуге тартылған тұлғалардың кедендік бақылауды жүргізу кезінде өздерінің міндеттерін орындауда және оны аяқтағаннан кейін де таратуына жатпайды.


      20-бап. Кеден органдары қабылдаған шешімдерді және кедендік бақылауды жүргізу нәтижелерін өзара тану

      Кедендік операцияларды жасау кезінде қабылданған кеден органдарының шешімдері және белгіленген тәртіппен ресімделген кедендік бақылауды жүргізу нәтижелері, осы Кодексте белгіленген жағдайлары қоспағанда, Еуразиялық экономикалық одаққа мүше мемлекеттерде өзара танылады және Еуразиялық экономикалық одақтың кедендік аумағында заңдық күші бірдей.


      21-бап. Кеден органдарының және олардың лауазымды тұлғаларының шешімдеріне, әрекеттеріне (әрекетсіздігіне) шағымдану

      Кез келген тұлға кеден органдарының немесе олардың лауазымды тұлғаларының шешіміне, әрекетіне (әрекетсіздігіне) Қазақстан Республикасының заңнамасында белгіленген тәртіппен және мерзімде шағымдануға құқылы.


      22-бап. Кеден органының консультация беруі және алдын ала шешім қабылдауы

      1. Кеден органы кеден органының құзыретіне кіретін Еуразиялық экономикалық одақтың және (немесе) Қазақстан Республикасының кеден заңнамасын қолдану мәселелері жөнінде және өзге де мәселелер жөнінде тұлғаларға консультация беруді өтеусіз негізде жүзеге асырады.

      2. Кеден органының лауазымды тұлғалары консультация беруді жүзеге асыру кезінде кеден органының атынан кедендік декларацияларды және Еуразиялық экономикалық одақтың және (немесе) Қазақстан Республикасының кеден заңнамасына сәйкес кеден органына табыс етуге жататын өзге де құжаттарды тексермейді, сондай-ақ декларацияларды және құжаттарды жасамайды.

      Көрсетілген құжаттарды толтыру мәселелері бойынша консультация беру тұлға табыс еткен ақпаратты және осындай құжаттарды тексерусіз жүзеге асырады.

      3. Консультация беруді жүзеге асыру кезінде тұлға берген ақпарат, тауарларға қатысты кедендік операцияларды жасау кезінде кеден органының немесе лауазымды тұлғаның әрекеттерін (әрекетсіздігін) жасау немесе шешім қабылдау үшін негіздеме болып табылмайды.

      4. Кеден органдарының консультация беруі ауызша және жазбаша нысандарда жүзеге асырылады. Кеден органы мүдделі тұлғаның жазбаша сауал салуы бойынша ақпаратты мүмкіндігінше қысқа мерзімде жазбаша нысанда, бірақ Қазақстан Республикасының заңнамасында белгіленген мерзімнен кешіктірмей беруге міндетті.

      5. Консультация беру кезінде кеден органының лауазымды тұлғалары:

      1) кеден органының құзыретіне кірмейтін мәселелер бойынша консультация жүргізуге;

      2) мүдделі тұлғалар табыс еткен құжаттарға өзгерістер мен толықтырулар енгізуге;

      3) мүдделі тұлғалардың құжаттарына өкімдік жазбалар жасауға, кеден органына нұсқау беруге немесе қандай да бір өзге тәсілмен кеден органдарының кейінгі шешімдеріне немесе кеден органына жүктелген функцияларды жүзеге асыру кезінде оның лауазымды тұлғасының әрекетіне ықпал етуге құқылы емес.

      6. Кеден органдары осы Кодекске сәйкес тауарларды сыныптау туралы, тауарлардың шығарылған жері туралы, сондай-ақ Комиссия айқындайтын өзге мәселелер бойынша уәкілетті орган белгілейтін тәртіппен, егер Комиссия өзгеше айқындамаса, алдына ала шешім қабылдайды.


      23-бап. Кедендік статистиканы жүргізу, кедендік статистиканың деректерін пайдалану және беру

      1. Кеден органдары Еуразиялық экономикалық одаққа мүше болып табылмайтын мемлекеттермен Қазақстан Республикасының тауарларымен сыртқы сауда кедендік статистикасын (бұдан әрі осы бапта – тауарлар сыртқы саудасының кедендік статистикасын) және арнайы кедендік статистиканы қамтитын кедендік статистиканы жүргізеді,.

      2. Кедендік статистиканы жүргізу үшін кеден органдарының ақпараттық және электрондық ақпараттық ресурстары пайдаланылады.

      3. Қазақстан Республикасының тауарлар сыртқы саудасының кедендік статистикасының деректері Еуразиялық экономикалық одаққа мүшелер болып табылмайтын мемлекеттермен Қазақстан Республикасының тауарларымен сыртқы саудасының жай-күйін, қарқынын және даму үрдісін талдау мақсатында қалыптастырылады.

      Қазақстан Республикасының тауарлар сыртқы саудасының кедендік статистикасын жүргізу Комиссия бекіткен әдіснамаға сәйкес жүзеге асырылады.

      Қазақстан Республикасының тауарлар сыртқы саудасының кедендік статистикасын жүргізу тәртібін уәкілетті орган бекітеді.

      4. Кеден органдары Қазақстан Республикасының тауарлар сыртқы саудасының кедендік статистикасы деректерін, оның ішінде ішкі нарықты қорғау шараларын қолдану немесе қайта қарау туралы өтінішті:

      Қазақстан Республикасының Үкіметіне, мүдделі мемлекеттік органдарға, Қазақстан Республикасының заңнамасында белгіленген тәртіппен өзге де тұлғаларға;

      Еуразиялық экономикалық одақ, Қазақстан Республикасының халықаралық шарттары шеңберінде халықаралық шартта белгіленген тәртіппен халықаралық ұйымдарға беру үшін табыс етеді.

      5. Арнайы кедендік статистиканың деректері кеден органдарына жүктелген тапсырмаларды орындау мақсатында қалыптастырылады және пайдаланылады.

      Арнайы кедендік статистиканы жүргізу тәртібін уәкілетті орган бекітеді.

      6. Статистикалық мақсаттар үшін тұлғалардың Еуразиялық экономикалық одақтың және (немесе) Қазақстан Республикасының кеден заңнамасына сәйкес табыс ететін құжаттары мен мәліметтері пайдаланылады.

      7. Статистикалық мақсаттар үшін пайдаланылатын мәліметтерге осы Кодекстің 19-бабының ережелері қолданылады.


      24-бап. Кеден органдарының тұлғалар туралы ақпарат жинауы

      1. Кеден органдары мынадай:

      1) ұйымның құрылтайшылары, акционерлері, басшылары және бас бухгалтерлері туралы;

      2) заңды тұлғаны мемлекеттік тіркеу не тұлғаны дара кәсіпкер ретінде мемлекеттік тіркеу туралы;

      3) кәсіпкерлік қызметті жүзеге асыру үшін пайдаланылатын мүлік құрамы туралы;

      4) ашылған банктік шоттар туралы;

      5) тұлғаның сыртқы экономикалық қызметі туралы;

      6) ұйымның және оның филиалдарының орналасқан жері туралы;

      7) Қазақстан Республикасының салық заңнамасына сәйкес салық төлеуші ретінде салық органында есепке қойылғаны және салық төлеушінің бизнес-идентификаттау нөмірі туралы;

      8) уәкілетті экономикалық операторлар тізіліміне енгізілген не осындай тізілімге енуге үміткер заңды тұлғалардың қаржылық тұрақтылығы туралы;

      9) уәкілетті экономикалық операторлар тізіліміне енгізілген не осындай тізілімге енуге үміткер заңды тұлғалардың Қазақстан Республикасының салық заңнамасына сәйкес берешегі (бересі) туралы;

      10) жеке тұлғалар туралы: жеке тұлғаның жеке идентификаттау нөмірін қоса алғанда, дербес деректер (тегі, аты, әкесінің аты (болған жағдайда), туған күні және жері, жынысы, тұрғылықты мекенжайы, жеке басын куәландыратын құжаттың деректемелері және осы тұлғалардың Еуразиялық экономикалық одақтың кедендік шекарасы арқылы тауарлар өткізу жиілігі туралы;

      11) кеден ісі саласындағы қызметті жүзеге асыратын тұлғалар тізіліміне, сондай-ақ уәкілетті экономикалық операторлар тізіліміне енгізілуге үміткер не осындай тізілімге енгізілген заңды тұлғаның акционерлері, олардың құрылтайшылары (қатысушылары), басшылары, бас бухгалтерлері болып табылатын жеке тұлғаларды, кеден ісі саласындағы қылмыстық құқық бұзушылықтар үшін, сондай-ақ іс өзге мемлекеттік органдардың жүргізуіне жатқызылған қылмыстық құқық бұзушылықтары үшін қылмыстық жауапқа тарту туралы мәліметтерді қоса алғанда, Еуразиялық экономикалық одақтың кедендік шекарасы арқылы тауарларды өткізумен байланысты сыртқы экономикалық қызметті не кедендік бақылауда тұрған тауарларға қатысты өзге де қызметті жүзеге асыратын тұлғалар туралы ақпарат жинауға құқылы.

      2. Осы баптың 1-тармағында көрсетілген тұлғалар туралы ақпарат жинауды кеден органдары кедендік операцияларды жасау кезінде және оны Қазақстан Республикасының басқа мемлекеттік органдарынан, сондай-ақ Еуразиялық экономикалық одаққа мүше мемлекеттердің мемлекеттік органдарынан алу арқылы жүргізеді.

      3. Осы баптың 1-тармағында көрсетілген тұлғалардың кеден органдарындағы өзі туралы құжатталған ақпаратпен танысуға және бұл ақпараттың толықтығы мен дұрыстығын қамтамасыз ету мақсатында нақтылауға құқығы бар.


      25-бап. Құжаттар және (немесе) мәліметтер алмасу

      1. Еуразиялық экономикалық одақтың және (немесе) Қазақстан Республикасының кеден заңнамасында көзделген жағдайларда кеден органдары мен декларанттар, тасымалдаушылар, кеден ісі саласында қызметті жүзеге асыратын тұлғалар, уәкілетті экономикалық операторлар және кедендік операцияларды жасайтын өзге де тұлғалар арасындағы құжаттар және (немесе) мәліметтер алмасу электрондық нысанда немесе құжаттарды және (немесе) мәліметтерді қағаз жеткізгіште табыс ету (жолдау) арқылы жүзеге асырылады.

      2. Электронды түрде электрондық құжаттар және (немесе) мәліметтер алмасу кеден органдарының ақпараттық жүйелері мен осы баптың 1-тармағында көрсетілген тұлғалардың ақпараттық жүйелерінің өзара іс-қимыл жасауы арқылы не интернет-ресурстарын пайдалана отырып жүзеге асырылады.

      3. Құжаттарды және (немесе) мәліметтерді қағаз жеткізгіште табыс ету (жолдау) арқылы құжаттар және (немесе) мәліметтер алмасу электронды түрде құжаттар және (немесе) мәліметтер алмасуға техникалық мүмкіндік болмаған жағдайда, сондай-ақ Еуразиялық экономикалық одақтың және (немесе) Қазақстан Республикасының кеден заңнамасында көзделген жағдайларда жүзеге асырылады.


      26-бап. Кеден органдарының сыртқы экономикалық қызметті жүзеге асыратын тұлғалармен (сыртқы экономикалық қызметке қатысушылармен), уәкілетті экономикалық операторлармен, кеден ісі саласындағы қызметті жүзеге асыратын тұлғалармен, олардың қауымдастықтарымен және бірлестіктерімен өзара қарым-қатынасы

      1. Еуразиялық экономикалық одақтың және (немесе) Қазақстан Республикасының кеден заңнамасының кедендік реттеуді жетілдіру, актілердің жобаларын көпшілікпен талқылау мақсатында сыртқы экономикалық қызметті жүзеге асыратын тұлғалармен (сыртқы экономикалық қызметке қатысушылармен), уәкілетті экономикалық операторлармен, кеден ісі саласындағы қызметті жүзеге асыратын тұлғалармен, олардың қауымдастықтарымен және бірлестіктерімен консультациялық сипаттағы ресми қарым-қатынасты белгілейді және қолдайды.

      2. Кеден органдары кедендік бақылаудың тиімділігін арттыру үшін сыртқы экономикалық қызметті жүзеге асыратын тұлғалармен (сыртқы экономикалық қызметке қатысушылармен), уәкілетті экономикалық операторлармен, кеден ісі саласындағы қызметті жүзеге асыратын тұлғалармен, олардың қауымдастықтарымен және бірлестіктерімен өзара іс-қимыл жасайды.

      3. Кеден органдары мен сыртқы экономикалық қызметті жүзеге асыратын тұлғалар (сыртқы экономикалық қызметке қатысушылар), уәкілетті экономикалық операторлар, кеден ісі саласындағы қызметті жүзеге асыратын тұлғалар, олардың қауымдастықтары және бірлестіктері арасындағы консультациялық сипаттағы ресми қарым-қатынасты белгілеу және қолдау және кедендік бақылаудың тиімділігін арттыру мақсатында өзара іс-қимыл жасау үшін кеден органдарының жанында консультациялық органдар құрылуы және мұндай өзара іс-қимыл тәртібін реттейтін құжаттар қабылдануы мүмкін.

      4. Кеден ісін жетілдіру мәселелері жөніндегі консультациялық кеңестер уәкілетті органның, оның аумақтық кеден органдары және кедендердің жанынан құрылады. Кедендік реттеуді жетілдіру мәселелері жөніндегі консультациялық кеңестер туралы үлгі ережені кеден ісі саласындағы уәкілетті орган бекітеді.


      27-бап. Көліктің жекелеген түрлерінде кедендік бақылау жүргізу кезінде кеден органдарының басқа да тұлғалармен өзара іс-қимылы

      1. Кедендік бақылауды жүзеге асыру мақсатында кеден органдары ұлттық темір жол компаниясымен, темір жол көлігі саласындағы ұлттық тасымалдаушымен, Қазақстан Республикасының халықаралық әуежайларымен, теңіз және өзен порттарымен өзара іс-қимылды жүзеге асырады.

      2. Кеден органдары мен аталған заңды тұлғалардың өзара іс-қимыл тәртібі Қазақстан Республикасының заңнамалық актілерінде және кеден іс саласындағы уәкілетті орган мен көлік саласындағы уәкілетті мемлекеттік органның бірлескен актілерінде айқындалады.


      28-бап. Кеден органдарының кедендік пломбалары және мөрлері бар тауарларды тасымалдау үшін халықаралық тасымалдаудың көлік құралдарын жіберуге жол беруі

      1. Тауарларды кедендiк пломбаларымен және мөрлерімен тасымалдау үшiн халықаралық тасымалдаудың көлiк құралдары:

      1) кедендiк пломбалар қарапайым және сенiмдi тәсiлмен салынуы мүмкiн;

      2) тауарлар халықаралық тасымалдаудың көлiк құралының пломба салынған жүк үй-жайлары бөлiгiнен (бөлек орындардан) алынбайтындай болуға немесе олардың ашылатын iзi көрiнбейтiндей етiп немесе кедендiк пломбалар мен мөрлер бүлдiрiлмей салынуға тиiс;

      3) тауарлар жасырылуы мүмкiн жасырын орындар болмайтын;

      4) тауарлар орналастырылған орындар тауарларды кедендiк қарап тексеруге жеңiл қол жеткiзуге болатын талаптар сақтала отырып құрастырылған және жабдықталған болуға тиiс.

      2. Осы баптың 1-тармағында көрсетілген халықаралық тасымалдаудың көлік құралдарына қойылатын талаптар, егер мұндай көлiк құралдары Қазақстан Республикасының халықаралық шарттарында белгіленген олардың конструкциялары мен жабдығына қойылатын талаптарға сәйкес келсе, орындалды деп есептеледі.

      3. Халықаралық тасымалдаудың көлiк құралының осы баптың 1 және 2-тармақтарында көрсетiлген талаптарға сәйкестiгi халықаралық тасымалдаудың көлiк құралын тауарларды кедендiк пломбаларымен және мөрлерімен тасымалдауға жiберуге жол беру туралы куәлiк алу арқылы уақтылы расталуы мүмкiн.

      4. Халықаралық тасымалдаудың көлiк құралын кедендiк пломбалары мен мөрлері бар тауарларды тасымалдауға жiберуге жол беру туралы куәлiк:

      1) жеке-дара тәртiппен;

      2) көлiк құралдары конструкциясының типі (сериялары) бойынша берiлуi мүмкiн.

      5. Халықаралық тасымалдаудың көлiк құралын кедендiк пломбалары мен мөрлері бар тауарларды тасымалдауға жiберу туралы куәлiктi кеден органы мүдделi тұлғаның өтiнiшi бойынша көлік құралын ұсынған кезде көрсетiлген өтiнiштi тіркеген күннен кейінгі бір жұмыс күнiнен кешiктiрмей бередi. Мұндай куәлiк көлiк құралының конструкциясына өзгерiстер енгізілген жағдайды қоспағанда, Комиссия айқындайтын мерзiм шегінде қолданылады.

      Халықаралық тасымалдаудың көлiк құралын кедендiк пломбалар мен мөрлер салынған тауарларды тасымалдауға жiберуге жол беру туралы куәлiк басқа тұлғаға ауысқан кезде көлiк құралын иемдену құқығы жарамды болады.

      Халықаралық тасымалдаудың көлiк құралын кедендiк пломбалар мен мөрлер салынған тауарларды тасымалдауға жiберуге жол беру туралы куәлiктiң нысанын, оны беру және пайдалану тәртiбiн Комиссия айқындайды.

      6. Кеден органдары:

      1) тауарларды тасымалдауды кедендiк тасымалдаушы жүзеге асырған;

      2) алдын ала жiберуге жол беру Қазақстан Республикасының халықаралық шарттарында көзделген жағдайларды қоспағанда, кедендiк пломбалар мен мөрлер салынған тауарларды тасымалдау үшін халықаралық тасымалдаудың көлiк құралын уақтылы жiберуге жол берілуін талап етпейдi.

3-тарау. Еуразиялық экономикалық одақтың кедендік шекарасы арқылы тауарларды өткізу, Еуразиялық экономикалық одақтың кедендік аумағында немесе оның шегінен тысқары жерлерде оларды иелену, пайдалану және (немесе) оларға билік ету туралы жалпы ережелер

      29-бап. Еуразиялық экономикалық одақтың кедендік шекарасы арқылы тауарларды өткізу

      1. Барлық тұлғалардың Еуразиялық экономикалық одақтың кеден заңнамасында және осы Кодексте белгіленген тәртіппен және шарттарда Еуразиялық экономикалық одақтың кедендік шекарасы арқылы тауарларды тең негізде өткізуге құқығы бар.

      2. Еуразиялық экономикалық одақтың кедендік шекарасы арқылы өткізілетін тауарлар Еуразиялық экономикалық одақтың кеден заңнамасында және осы Кодекске сәйкес кедендік бақылауға жатады.


      30-бап. Еуразиялық экономикалық одақтың кедендік шекарасы арқылы тауарларды өткізетін орындар

      1. Еуразиялық экономикалық одақтың кедендік шекарасы арқылы тауарларды өткізу осы баптың 3-тармағына сәйкес өзге де орындарда және осы орындарда орналасқан кеден органдарының жұмыс уақытында жүзеге асырыла алатын жағдайларды қоспағанда, Еуразиялық экономикалық одақтың кедендік шекарасы арқылы тауарларды өткізу Еуразиялық экономикалық одақтың кедендік шекарасы арқылы өткізілетін орындарда жүзеге асырылады.

      2. Еуразиялық экономикалық одаққа мүше мемлекеттердің мемлекеттік шекарасы арқылы өткізу пункттері не Қазақстан Республикасының Үкіметі айқындалған өзге де орындар Еуразиялық экономикалық одақтың кедендік шекарасы арқылы тауарлар өткізілетін орындар болып табылады.

      3. Еуразиялық экономикалық одақтың кедендік шекарасы арқылы тауарларды өткізу осы баптың 2-тармағында көрсетілген орындардан өзге орындарда Қазақстан Республикасының Үкіметі айқындаған жағдайларда және тәртіппен жүзеге асырыла алады.

      4. Еуразиялық экономикалық одақтың кедендік аумағынан тауарлар келетін Еуразиялық экономикалық одақтың кедендік шекарасы арқылы тауарларды өткізу орындары келетін орындар болып табылады.

      Еуразиялық экономикалық одақтың кедендік аумағынан тауарлар кететін Еуразиялық экономикалық одақтың кедендік шекарасы арқылы тауарларды өткізу орындары кететін орындар болып табылады.

      Келетін және кететін орындар туралы ақпаратты кеден органдары келетін орындардың және кететін орындарының жалпы тізбесін қалыптастыру үшін және оларды Еуразиялық экономикалық одақтың ресми сайтына орналастыру үшін Комиссияға жолдайды.

      Келетін орындардың және кететін орындардың жалпы тізбесінің нысандарын, оларды қалыптастыру, жүргізу және олардан мәліметтерді пайдалану тәртібін, сондай-ақ келетін орындар және келетін орындар туралы ақпаратты табыс ету тәртібі мен техникалық шарттарын, оның ішінде құрылымы мен форматын Комиссия айқындайды.

      5. Тауарлардың жекелеген санаттары, Еуразиялық экономикалық одақтың кедендік аумағына әкелу (келетін) немесе тауарлардың осындай санатары Еуразиялық экономикалық одақтың кедендік аумағынан әкету (кететін) үшін уәкілетті орган айқындаған, Еуразиялық экономикалық одақтың кедендік шекарасы арқылы тауарларды өткізетін орындарда ғана Еуразиялық экономикалық одақтың кедендік аумағына келуі немесе Еуразиялық экономикалық одақтың кедендік аумағынан кетуі мүмкін.

      6. Кеден органдары тауарлардың шыққан жеріне, жөнелткен және межелі еліне байланысты тауарларды Еуразиялық экономикалық одақтың кедендік шекарасы арқылы өткізу жерлерін таңдауда тұлғаны шектеуге құқылы емес.

      7. Еуразиялық экономикалық одақтың кедендік шекарасында орналасқан Еуразиялық экономикалық одаққа мүше мемлекеттердің мемлекеттік шекаралары арқылы өткізу пункттері туралы ақпараттандыру мақсатында Комиссия Еуразиялық экономикалық одаққа мүше мемлекеттердің уәкілетті мемлекеттік органдары табыс ететін мәліметтер негізінде осындай өткізу пункттерінің ақпараттық-анықтамалық тізбесін және осындай өткізу пункттерінің жалпы паспорттар тізілімін қалыптастырады және Еуразиялық экономикалық одақтың Интернет желісіндегі ресми сайтына орналастырады.

      Аталған тізбе мен тізілім нысандарын, оларды қалыптастыру, жүргізу және оларда қамтылған мәліметтерді пайдалану тәртібін, сондай-ақ Еуразиялық экономикалық одақтың кедендік шекарасында орналасқан Еуразиялық экономикалық одаққа мүше мемлекеттердің мемлекеттік шекаралары арқылы өткізу пункттері туралы мәліметтерді табыс етудің техникалық шарттарын, оның ішінде құрылымы мен форматын Комиссия айқындайды.

      8. Осы баптың ережелері Еуразиялық экономикалық одақтың кедендік шекарасы арқылы құбыржол көлігімен немесе электр берілісі желілерімен өткізілетін тауарларды өткізу кезінде қолданылмайды.


      31-бап. Кеден органдарына алдын ала ақпаратты табыс ету

      1. Алдын ала ақпаратты табыс ету мақсаты Еуразиялық экономикалық одақтың кедендік аумағына тауарлар келгенге дейін кеден органдарының тәуекелдерді бағалауы және объектілерді таңдау туралы алдын ала шешімдер қабылдауы, кедендік бақылау нысандары және кедендік бақылау жүргізуді қамтамасыз ететін шараларды қолдану үшін Еуразиялық экономикалық одақтың кедендік шекарасы арқылы өткізілуге жоспарланатын тауарлар туралы мәліметтерді кеден органдарының алуы болып табылады.

      Алдын ала ақпаратты кеден органдары кедендік операциялар жасауды жеделдету және кедендік бақылау жүргізуді оңтайландыру үшін пайдаланады.

      2. Кеден органдарына табыс етілетін алдын ала ақпараттың құрамы оны пайдалану мақсаттарына қарай:

      1) кеден органдары тәуекелдерді бағалау және объектілерді, кедендік бақылау нысандары мен кедендік бақылау жүргізуді қамтамасыз ететін шараларды қолдану үшін пайдаланатын алдын ала ақпарат құрамына;

      2) кеден органдары кедендік операциялар жасауды жеделдету және кедендік бақылау жүргізуді оңтайландыру үшін пайдаланатын алдын ала ақпарат құрамына бөлінеді.

      3. Міндетті түрде осы баптың 2-тармағының 1) тармақшасында көзделген мақсаттарда айқындалған құрамдағы алдын ала ақпарат табыс етіледі.

      Осы баптың 2-тармағының 2) тармақшасында көзделген мақсаттар үшін айқындалатын құрамдағы алдын ала ақпарат оны табыс ете алатын тұлғалардың қалауы бойынша табыс етіледі.

      4. Алдын ала ақпарат электрондық құжат түрінде табыс етілуі мүмкін.

      Электрондық құжат түрінде табыс етілген алдын ала ақпарат тауарлардың Еуразиялық экономикалық одақтың кедендік аумағына келгендігі туралы хабарламаға, тауарлардың уақытша сақтауға орналастырылуына, кедендік декларациялауға байланысты кедендік операцияларды, сондай-ақ Комиссия айқындайтын өзге де кедендік операцияларды жасау кезінде пайдаланылуы мүмкін.

      5. Алдын ала ақпарат тауарлар Еуразиялық экономикалық одақтың кедендік аумағына келгенге дейін, аумағында тауарларды Еуразиялық экономикалық одақтың кедендік шекарасы арқылы өткізу жоспарланған жері орналасқан Еуразиялық экономикалық одаққа мүше мемлекеттің кеден органына табыс етіледі.

      6. Алдын ала ақпарат Интернет-ресурстарын пайдалана отырып, кеден органының ақпараттық жүйесі мен алдын ала ақпаратты табыс ететін тұлғалардың ақпараттық жүйелерінің өзара әрекеттесуі арқылы және (немесе) Комиссия айқындайтын өзге де тәсілмен табыс етіледі.

      Алдын ала ақпарат кеден органдарының ақпараттық жүйесі мен тасымалдаушының ақпараттық жүйесінің өзара іс-қимылы арқылы ұсынылған жағдайда тасымалдаушының ақпараттық жүйесіне қойылатын техникалық талаптарды қоса алғанда, мұндай өзара іс-қимыл тәртібін уәкілетті орган бекітеді.

      7. Алдын ала ақпарат қазақ тілінде, орыс тілінде немесе тұлғаның таңдауы бойынша ағылшын тілінде табыс етіледі.

      8. Кеден органы табыс етілген алдын ала ақпаратты Комиссия айқындайтын тәртіппен және мерзімде тіркейді немесе оны тіркеуден бас тартады.

      9. Кеден органы табыс етілген алдын ала ақпаратты оған тіркеу нөмірін беру арқылы тіркейді.

      10. Кеден органы, егер табыс етілген ақпарат Комиссия айқындаған құрамға, құрылым мен форматқа және (немесе) осы баптың 7-тармағында көзделген талапқа сәйкес келмесе, алдын ала ақпаратты тіркеуден бас тартады.

      11. Тіркеу нөмірі көрсетіле отырып, алдын ала ақпаратты тіркеу туралы не бас тарту себептері көрсетіле отырып, оны тіркеуден бас тарту туралы мәліметтер алдын ала ақпаратты табыс еткен тұлғаға электрондық нысанда жіберіледі.

      12. Алдын ала ақпарат кеден органдарының ақпараттық жүйелерінде ол тіркелген күннен бастап күнтізбелік отыз күн ішінде, ал егер Комиссия өзге мерзімді айқындаған болса, – Комиссия айқындаған мерзім ішінде сақталады, одан кейін кеден органдарында мұндай ақпарат алдын ала ақпарат ретінде пайдаланылмайды.

      Комиссия осы тармақтың бірінші абзацында белгіленген мерзімге қарағанда, кеден органдарының ақпараттық жүйелерінде алдын ала ақпаратты сақтаудың өзге мерзімін айқындауға құқылы.

      13. Еуразиялық экономикалық одақтың кедендік аумағына міндетті түрде табыс етілуге тиіс алдын ала ақпараттар табыс етілмей немесе оның табыс етілу мерзімі бұзыла отырып келген тауарлар, сондай-ақ белгіленген мерзімде осындай алдын ала ақпараттарды табыс етпеген тұлға Еуразиялық экономикалық одақтың және (немесе) Қазақстан Республикасының кеден заңнамасын бұзу тәуекелінің жоғары деңгейіндегі санатқа жатады.

      Міндетті түрде табыс етілуге тиіс алдын ала ақпарат табыс етілмеген немесе оны табыс ету мерзімдері бұзылған кезде, тауарларды кедендік тексеріп қарау не кедендік бақылаудың өзге нысандары және (немесе) тәуекелдерді басқару жүйесі айқындаған кедендік бақылауды жүргізуді қамтамасыз ететін шаралар қолданылады.

      Алдын ала ақпаратты алу мүмкін болмаған және (немесе) техникалық істен шығудан, байланыс құралдары (телекоммуникациялық желі және Интернет желісі) жұмыс істеуінің бұзылуынан, электр энергиясының өшіп қалуынан болған кеден органдары пайдаланатын ақпараттық жүйедегі ақаулықтарға байланысты кеден органдары өңдеген тауарлар бойынша мұндай тауарларға қатысты кедендік бақылау нысанын қолдану туралы шешімді кеден органы келу кезінде берілген мәліметтер (құжаттар) негізінде қабылдайды.

      Осы тармақтың бірінші абзацында көрсетілген жағдайларда осы баптың 3-тармағының ережелері міндетті түрде алдын ала ақпаратты табыс ету бөлігінде қолданылдмайды. Бұл ретте тауарларға қатысты кедендік операциялар Еуразиялық экономикалық одақтың және Қазақстан Республикасының кеден заңнамаларына сәйкес жүргізіледі.

      14. Алдын ала ақпарат:

      1) Еуразиялық экономикалық одақтың кедендік шекарасы арқылы жеке тұлғалар өткізетін, жеке басына пайдалануға арналған тауарларға;

      2) халықаралық пошта жөнелтілімдерінде жіберілетін тауарларға;

      3) осы Кодекстің 379-бабының 1-тармағында көрсетілген тауарларға;

      4) дүлей зілзалалардың, авариялар мен апаттардың салдарын жою үшін өткізілетін тауарларға;

      5) мәртебесі Қазақстан Республикасының заңнамасына сәйкес берілген рұқсатнамамен (әскери рұқсатнамамен) расталатын әскери жүктерге;

      6) келген орнында арнайы кедендік рәсімге орналастырылатын тауарларға;

      7) Еуразиялық экономикалық одаққа мүше болып табылмайтын мемлекеттердің аумағы арқылы тасымалданатын Еуразиялық экономикалық одақ тауарларына;

      8) Еуразиялық экономикалық одақтың кедендік шекарасы арқылы өткізілетін және шектері толық немесе ішінара Еуразиялық экономикалық одақтың кедендік шекарасының учаскелерімен сәйкес келетін ЕЭА аумағына әкелінетін тауарларға;

      9) Комиссия айқындайтын жағдайларда өзге де тауарларға қатысты табыс етілмеуі мүмкін.

      15. Құбыржол көлігімен немесе электр беру желілерімен өткізілетін тауарларға қатысты алдын ала ақпарат табыс етілмейді.

      16. Алдын ала ақпараттың құрамын, осындай ақпараттың құрылымы мен форматын, алдын ала ақпаратты, оның ішінде электрондық құжат түрінде табыс етілетін ақпаратты табыс ету тәртібі мен мерзімдерін, электрондық құжат түріндегі алдын ала ақпаратты қалыптастыру мен пайдалану тәртібін, алдын ала ақпаратты кеден органдарына табыс етуге міндетті не құқылы тұлғаны, тауарларды тасу (тасымалдау) жүзеге асырылатын көліктің түріне және осындай алдын ала ақпаратты кеден органының пайдалану мақсатына қарай Комиссия айқындайды.

      17. Алдын ала ақпарат ретінде кедендік декларациялануы, Комиссия айқындайтын жағдайларда және тәртіппен осы Кодекстің 185-бабында айқындалған ерекшеліктерімен, ал оларды Комиссия айқындағанға дейін – осы Кодекстің 185-бабында көзделген жағдайларда және уәкілетті орган бекіткен тәртіппен жүзеге асырылатын тауарларға қатысты берілген электрондық құжат түріндегі кедендік декларацияда мәлімделген мәліметтер пайдаланылуы мүмкін.


      32-бап. Еуразиялық экономикалық одақтың кедендік шекарасы арқылы тауарларды өткізу кезінде тыйым салуды және шектеулерді сақтау

      1. Белгіленген тыйым салуға және шектеулерге сәйкес Еуразиялық экономикалық одақтың кедендік аумағына әкелуге жатпайтын, Еуразиялық экономикалық одақтың кедендік аумағына келген тауарлар, егер Еуразиялық экономикалық одақтың және (немесе) Қазақстан Республикасының кеден заңнамасында өзгеше белгіленбесе, оларды халықаралық көлік құралынан түсірмей әкету мақсатында, халықаралық тасымалдаудың басқа көлік құралына қайта тиеуді қоспағанда, халықаралық тасымалдаудың көлік құралынан олар түсірілмей Еуразиялық экономикалық одақтың кедендік аумағынан дереу әкетілуге тиіс.

      Аталған тауарларды Еуразиялық экономикалық одақтың кедендік аумағынан әкету шараларын тасымалдаушы, ал ол болмаған жағдайда, егер Қазақстан Республикасының халықаралық шарттарында және (немесе) Қазақстан Республикасының заңнамасында өзге тұлғалар айқындалмаса, Еуразиялық экономикалық одақтың кедендік аумағына әкелу кезінде тауарларды иелену, пайдалану және (немесе) оларға билік ету құқығына ие тұлға қолданады.

      2. Белгіленген тыйым салуға және шектеулерге сәйкес Еуразиялық экономикалық одақтың кедендік аумағынан әкетілуге жатпайтын тауарлар, егер мүше мемлекеттердің үшінші тараппен халықаралық шарттарында өзгеше белгіленбесе, іс жүзінде Еуразиялық экономикалық одақтың кедендік аумағынан әкетіле алмайды.

      3. Тауарлар Еуразиялық экономикалық одақтың кедендік аумағына келген немесе тауарлар Еуразиялық экономикалық одақтың кедендік аумағынан кеткен кезде тыйым салудың және шектеулердің сақталмауы анықталған жағдайда, кеден органы тауарларды Еуразиялық экономикалық одақтың кедендік аумағына әкелуге немесе Еуразиялық экономикалық одақтың кедендік аумағынан әкетуге тыйым салу туралы шешім қабылдайды және мұны тасымалдаушының, ал ол болмаған жағдайда – оларды Еуразиялық экономикалық одақтың кедендік аумағына әкелу кезінде немесе Еуразиялық экономикалық одақтың кедендік аумағынан әкету кезінде тауарларды иелену, пайдалану және (немесе) оларға билік ету құқығына ие тұлғаның назарына көліктік (тасымалдау) құжаттарына тауарларды Еуразиялық экономикалық одақтың кедендік аумағына әкелуге немесе Еуразиялық экономикалық одақтың кедендік аумағынан әкетуге тыйым салу туралы белгі қою арқылы немесе кеден органының ақпараттық жүйесі мен тасымалдаушының ақпараттық жүйесі арасында өза іс-қимыл боған кезде электрондық нысанда осындай тыйым салу туралы хабарламаны жолдау арқылы жеткізеді.

      4. Тауарларды Еуразиялық экономикалық одақтың кедендік аумағына әкелуге тыйым салу туралы кеден органының шешімін алғаннан кейін осы баптың 1-тармағының бірінші абзацында көрсетілген тауарларды Еуразиялық экономикалық одақтың кедендік аумағынан дереу әкету мүмкін болмаған жағдайда, мұндай тауарларды кеден органдары осы Кодекстің 52-тарауына сәйкес кідіртеді.

      5. Кеден органының тауарларды Еуразиялық экономикалық одақтың кедендік аумағынан әкетуге тыйым салу туралы шешімі алынған және кеден органының тауарларды Еуразиялық экономикалық одақтың кедендік аумағынан әкетуге тыйым салу туралы шешімі алынған күннен кейінгі күннен бастап есептелген бір жұмыс күні ішінде оларды кету орнынан Еуразиялық экономикалық одақтың кедендік аумағына қайтару жүзеге асырылмаған кезде, осы баптың 2-тармағында көрсетілген тауарларды кеден органдары осы Кодекстің 52-тарауына сәйкес кідіртеді.

      Осы баптың 2-тармағында көрсетілген, су, әуе немесе теміржол көлігімен тасымалданған тауарларға қатысты кеден органының осы Кодекстің 52-тарауына сәйкес кідіртуі халықаралық тасымалдауды жүзеге асыру кезінде порттардың, әуежайлардың немесе теміржол стансаларының технологиялық процестерінде (кестелерінде) белгіленген уақыт ішінде оларды кету орнынан Еуразиялық экономикалық одақтың кедендік аумағына қайтару жүзеге асырылмаған кезде жүргізіледі.


      33-бап. Тауарларды Еуразиялық экономикалық одақтың кедендік аумағында немесе оның шегінен тысқары жерлерде иелену, пайдалану және (немесе) оларға билік ету

      1. Еуразиялық экономикалық одақтың кедендік аумағына әкелінетін тауарларды иелену, пайдалану және (немесе) оларға билік ету Еуразиялық экономикалық одақтың кедендік шекарасын кесіп өткеннен кейін және оларды кеден органы шығарғанға дейін осы Кодекстің осы тарауында, 15 және 17-тарауларында белгіленген тәртіппен және жағдайларда, ал жекелеген тауарлар санаттарына қатысты – осы Кодекстің 39, 40, 41, 42, 43, 44, 45-тарауларына сәйкес жүзеге асырылады.

      Декларанттың таңдауы бойынша ішкі тұтыну үшін шығару кедендік рәсімімен тауарларды орналастыруға Қазақстан Республикасының заңнамасында көзделген лизинг, қаржы лизингі, жалдау және мәміленің өзге де түрлері туралы шарттардың негізінде жол беріледі.

      2. Тауарларды шығарғаннан кейін кеден органы оларды Еуразиялық экономикалық одақтың кедендік аумағында немесе оның шегінен тысқары жерлерде иеленуді, пайдалануды және (немесе) оларға билік етуді тауарлар орналастырылған кедендік рәсімге сәйкес немесе кедендік декларациялауға және (немесе) кедендік рәсімдерге орналастырылмай шығарылуға жататын тауарлардың жекелеген санаттары үшін белгіленген тәртіппен және шарттарда жүзеге асырады.

      3. Еуразиялық экономикалық одақтың кедендік шекарасын кесіп өткенге дейін кету орнына келгеннен кейін, Еуразиялық экономикалық одақтың кедендік аумағынан шығарылатын тауарларды иелену, пайдалану және (немесе) оларға билік ету осы тарауда және осы Кодекстің 16-тарауында, ал тауарлардың жекелеген санаттарына қатысты – осы Кодекстің 39, 40, 41, 42, 43, 44, 45-тарауларында белгіленген тәртіппен және жағдайларда жүзеге асырылады.


      34-бап. Тауарлардың кедендік бақылауда болуы

      1. Еуразиялық экономикалық одақтың кедендік аумағына әкелінетін тауарлар Еуразиялық экономикалық одақтың кедендік шекарасын кесіп өткен кезден бастап кедендік бақылауда болады.

      2. Еуразиялық экономикалық одақтың кедендік аумағынан әкетілетін Еуразиялық экономикалық одақ тауарлары кедендік декларация тіркелген кезден бастап немесе тауарларды Еуразиялық экономикалық одақтың кедендік аумағынан әкетуді жүзеге асыруға тікелей бағытталған іс-қимыл жасалған кезден бастап кедендік бақылауда болады.

      3. Осы Кодекске сәйкес шетелдік тауарлар мәртебесін иеленген, Еуразиялық экономикалық одақтың кедендік аумағында алынған (түзілген) және тұрған қайта өңдеу өнімдері, шығарындылар мен қалдықтар алынған (түзілген) кезден бастап кедендік бақылаудағы тауарлар деп есептеледі.

      4. Еркін кеден аймағы кедендік рәсімімен орналастырылған шетелдік тауарлардан дайындалған (алынған) тауарлар, сондай-ақ дайындалған (алынған) тауарлар және еркін кеден аймағы кедендік рәсімімен орналастырылған шетелдік тауарлардан және Еуразиялық экономикалық одақ тауарларынан дайындалған (алынған) тауарлар олар дайындалған (алынған) кезден бастап кедендік бақылаудағы тауарлар болып есептеледі.

      Еркін қойма кедендік рәсімімен орналастырылған шетелдік тауарлардан дайындалған (алынған) тауарлар, сондай-ақ еркін қойма кедендік рәсімімен орналастырылған шетелдік тауарлардан және Еуразиялық экономикалық одақ тауарларынан дайындалған (алынған) тауарлар олар дайындалған (алынған) кезден бастап кедендік бақылаудағы тауарлар деп есептеледі.

      5. Еркін кеден аймағы кедендік рәсімімен орналастырылатын (орналастырылған) Еуразиялық экономикалық одақ тауарлары, порттық ЕЭА немесе логистикалық ЕЭА аумағына әкелінетін (әкелінген) және порттық ЕЭА немесе логистикалық ЕЭА аумағына әкелгеннен бастап кедендік бақылауда болатын Еуразиялық экономикалық одақ тауарларын қоспағанда, тауарларды осы кедендік рәсіммен орналастыру үшін берілген тауарларға арналған декларация тіркелген кезден бастап кедендік бақылауда болады.

      Еркін кеден аймағы кедендік рәсімімен орналастырылған Еуразиялық экономикалық одақ тауарларынан дайындалған (алынған) тауарлар және еркін кеден аймағы кедендік рәсімімен орналастырылған Еуразиялық экономикалық одақ тауарларынан дайындалған (алынған) тауарлар және еркін кеден аймағы кедендік рәсімімен орналастырылмаған Еуразиялық экономикалық одақ тауарларынан дайындалған (алынған) тауарлар дайындалған (алынған) кезден бастап кедендік бақылаудағы тауарлар болып есептеледі.

      6. Еркін қойма кедендік рәсімімен орналастырылатын (орналастырылған) Еуразиялық экономикалық одақ тауарлары, тауарларды осы кедендік рәсіммен орналастыру үшін берілген тауарларға арналған декларация тіркелген кезден бастап кедендік бақылауда болады.

      Еркін қойма кедендік рәсімімен орналастырылған Еуразиялық экономикалық одақ тауарларынан дайындалған (алынған) тауарлар және еркін қойма кедендік рәсімімен орналастырылған Еуразиялық экономикалық одақ тауарларынан дайындалған (алынған) тауарлар және еркін қойма кедендік рәсімімен орналастырылмаған Еуразиялық экономикалық одақ тауарларынан дайындалған (алынған) тауарлар дайындалған (алынған) кезден бастап кедендік бақылаудағы тауарлар деп есептеледі.

      7. Осы баптың 1 және 3-тармақтарында, сондай-ақ осы баптың 4-тармағында көрсетілген тауарлар, осы Кодекстің 290 және 299-баптарына сәйкес Еуразиялық экономикалық одақ тауарлары деп танылмаған тауарлар:

      1) осы баптың 12-тармағында көзделген жағдайды қоспағанда, осы Кодекске сәйкес Еуразиялық экономикалық одақ тауарлары мәртебесін иеленген;

      2) осы тауарлар Еуразиялық экономикалық одақтың кедендік аумағынан іс жүзінде әкетілген;

      3)  жою кедендік рәсімімен орналастырылған тауарлар іс жүзінде жойылған;

      4) кедендік аумақта қайта өңдеу кедендік рәсімімен немесе ішкі тұтыну үшін қайта өңдеу кедендік рәсімімен орналастырылған шетелдік тауарлардың бір бөлігі өндірістік шығын деп танылған;

      5) Қазақстан Республикасының заңнамасына сәйкес Еуразиялық экономикалық одақтың кедендік аумағында қайта өңдеу, кедендік жою рәсімімен орналастырылған тауарларды ішкі тұтыну және жою үшін қайта өңдеу операцияларын жасау нәтижесінде пайда болған қалдықтар одан әрі коммерциялық пайдалану үшін жарамсыз деп танылған немесе кеден органына пайда болған қалдықтарды көму, залалсыздандыру, кәдеге жаратпау немесе өзге тәсілмен жою фактісін және осындай операцияларды жасау үшін оларды беру фактісін растайтын құжаттар табыс етілген;

      6) қайтып ұшып келетін ғарыштық аппаратты және ондағы бар тауарларды қоспағанда, осы тауарларды ғарыш кеңістігіне ұшырған;

      7) Еуразиялық экономикалық одаққа мүше болып табылмайтын мемлекеттердің аумағы арқылы тасымалданатын Еуразиялық экономикалық одақ тауарларына қатысты кедендік транзит кедендік рәсімінің қолданылуы аяқталған;

      8) уәкілетті орган бекіткен тәртіппен кеден органы авария немесе еңсерілмейтін күш әрекетінің салдарынан осы тауарлардың жойылу және (немесе) қайтарымсыз жоғалу фактісін не тасымалдаудың және (немесе) сақтаудың қалыпты жағдайлары кезінде табиғи кему нәтижесінде осы тауарлардың қайтарымсыз жоғалу фактісін таныған;

      9) осы Кодекстің 287-бабының 10-тармағының 1) тармақшасында және 296-бабының 7-тармағының 1) тармақшасында көрсетілген жағдайларда, осы тауарларды көму, залалсыздандыру, кәдеге жарату немесе өзге де тәсілмен жою фактісін растайтын құжаттар кеден органына табыс еілген;

      10) осы Кодекстің 287-бабының 10-тармағының 3) тармақшасында көрсетілген жағдайда, еркін кеден аймағы кедендік рәсімінің қолданылуы аяқталған;

      11) осы Кодекстің 349-бабының 8-тармағына сәйкес белгіленген, жеке пайдалануға арналған тауарларды кедендік баждарды, салықтарды төлеуден және (немесе) осы тауарларды пайдалану және (немесе) оларға билік ету жөніндегі шектеулерден босата отырып, Еуразиялық экономикалық одақтың кедендік аумағына әкелу шарттарын бұзатын әрекеттер жасалған жағдайда жеке пайдалануға арналған тауарларға қатысты кедендік баждар, салықтар төленген және (немесе) өндіріп алынған;

      12) осы Кодекстің 355-бабының 2-тармағы 2) тармақшасының екінші және үшінші абзацтарында көрсетілген, шартты түрде шығарылған тауарлар болып саналатын халықаралық тасымалдаудың көлік құралдарын және осы Кодекстің 355-бабының 2-тармағы 2) тармақшасының төртінші абзацында көрсетілген халықаралық тасымалдаудың көлік құралдарын қоспағанда, оларды Еуразиялық экономикалық одақтың кедендік аумағына қайта әкелу кезінде Еуразиялық экономикалық одақтың кедендік аумағынан уақытша әкетілген халықаралық тасымалдаудың көлік құралдары шығарылған;

      13) осы Кодекстің 362-бабының 8-тармағында көрсетілген мән-жайлар туындаған кезде уақытша әкелінген халықаралық тасымалдаудың көлік құралдарына қатысты кедендік баждар, салықтар, арнайы, демпингке қарсы, өтем баждары төленген және (немесе) өндіріп алынған;

      14) осы Кодекске және (немесе) Қазақстан Республикасының заңнамасына сәйкес тауарлар мемлекет пайдасына бас тарту немесе мемлекет меншігіне айналдыру кедендік рәсімдерімен орналастырылған;

      15) кедендік аумақтан тыс қайта өңдеу кедендік рәсімімен орналастырылған Еуразиялық экономикалық одақ тауарларының бір бөлігі кедендік аумақтан тыс қайта өңдеудің шарттары туралы құжатқа сәйкес өндірістік шығын деп танылған;

      16) осы Кодекстің 296-бабы 7-тармағының 3) тармақшасында көрсетілген жағдайда, еркін қойма кедендік рәсімінің қолданысы аяқталған мән-жайлар;

      17) Комиссия және (немесе) осы Кодексте айқындалған өзге мән-жайлар басталғанға дейін кедендік бақылауда болады.

      8. Осы баптың 2-тармағында көрсетілген Еуразиялық экономикалық одақ тауарлары Еуразиялық экономикалық одақтың кедендік шекарасын іс жүзінде кесіп өткенге дейін, осы Кодекстің 184-бабына сәйкес кедендік декларация кері қайтарып алынғанға дейін не осы баптың 9 және 10-тармақтарында көрсетілген мән-жайлар туындағанға дейін кедендік бақылауда болады.

      9. Кедендік декларациялауға жатпайтын, Еуразиялық экономикалық одақтың кедендік аумағынан әкетілетін жеке пайдалануға арналған тауарлар, сондай-ақ шығарудан бас тартылған жеке пайдалануға арналған тауарлар мынадай мән-жайлардың бірі туындаған кезде:

      1) Қазақстан Республикасының заңнамасына сәйкес Еуразиялық экономикалық одақтың кедендік шекарасын іс жүзінде кесіп өткенге дейін мұндай тауарлар мемлекет меншігіне айналдырылғанға дейін не уәкілетті орган бекіткен тәртіппен кеден органы авария немесе еңсерілмейтін күш әсерінен осы тауарлардың жойылу және (немесе) қайтарымсыз жоғалу фактін не тасымалдаудың және (немесе) сақтаудың қалыпты жағдайлары кезінде табиғи кему нәтижесінде осы тауарлардың қайтарымсыз жоғалу фактісін танығанға дейін;

      2) мұндай тауарлар кеден органының рұқсатымен кету орнынан Еуразиялық экономикалық одақтың кедендік аумағының қалған бөлігіне шығарылған кезде кедендік бақылауда деп саналмайды.

      10. Кеден аумағынан тыс кедендік қайта өңдеу рәсімімен немесе уақытша әкету кедендік рәсімімен орналастырылған және Еуразиялық экономикалық одақтың кедендік аумағынан әкетілген Еуразиялық экономикалық одақ тауарлары тиісті кедендік рәсім аяқталғанға немесе қолданылуы тоқтатылғанға дейін кедендік бақылауда болады.

      11. Осы баптың 4-тармағында көрсетілген, осы Кодекстің 290 және
299-баптарына сәйкес Еуразиялық экономикалық одақ тауарлары деп танылған тауарлар, сондай-ақ осы баптың 5 және 6-тармақтарында көрсетілген Еуразиялық экономикалық одақ тауарлары мына мән-жайлардың бірі туындағанға дейін:

      1) егер еркін кеден аймағы кедендік рәсімінің немесе еркін қойма кедендік рәсімінің қолданысы осы тауарларды кедендік экспорт рәсіміне орналастырумен аяқталса, Еуразиялық экономикалық одақтың кедендік шекарасын іс жүзінде кесіп өткенге;

      2) осы тауарлар кедендік кері импорт рәсімімен орналастырылғанға;

      3) уәкілетті орган бекіткен тәртіппен кеден органы авария немесе еңсерілмейтін күш әрекетінің салдарынан осы тауарлардың жойылу және (немесе) қайтарымсыз жоғалу фактін не тасымалдаудың және (немесе) сақтаудың қалыпты жағдайлары кезінде табиғи кему нәтижесінде осы тауарлардың қайтарымсыз жоғалу фактісін танығанға;

      4) осы Кодекстің 287-бабы 10-тармағының 1) тармақшасында және 296-бабы 7-тармағының 1) тармақшасында көрсетілген жағдайларда, осы тауарларды көму, залалсыздандыру, кәдеге жарату немесе өзге тәсілмен жою фактісін растайтын құжаттар кеден органына берілгенге;

      5) осы Кодекстің 287-бабы 10-тармағының 3) тармақшасында көрсетілген жағдайда, еркін кеден аймағы кедендік рәсімінің қолданысы аяқталғанға дейін кедендік бақылауда болады.

      12. Еуразиялық экономикалық одақ тауарлары мәртебесін иеленген және декларациялануы осы Кодекстің 190-бабында айқындалған ерекшеліктермен жүзеге асырылған тауардың соңғы құрамбөлігі шығарылған күнге дейін немесе осы Кодекстің 190-бабының 8-тармағына сәйкес тауар құрамбөлігіне қатысты тауарлар декларациясындағы мәліметтерге өзгерістер (толықтырулар) енгізілгенге дейін кедендік бақылауда болады.

      13. Осы Кодекстің 287-бабы 12 және 13-тармақтарында көрсетілген, еркін кеден аймағы кедендік рәсімімен орналастырылған тауарлар осы тармақтарда көзделген жағдайларда, осы Кодекстің 287-бабының 12 және 13-тармақтарына сәйкес осы тауарларға қатысты еркін кеден аймағы кедендік рәсімінің қолданысы аяқталғанға дейін кедендік бақылауда болады.

      14. Осы Кодекстің 296-бабы 8-тармағында көрсетілген, еркін қойма кедендік рәсімімен орналастырылған тауарлар осы тармақта көзделген жағдайларда, осы Кодекстің 296-бабы 8-тармағына сәйкес осы тауарларға қатысты еркін қойма кедендік рәсімінің қолданысы аяқталғанға дейін кедендік бақылауда болады.

      15. Бажсыз сауда кедендік рәсімімен орналастырылатын (орналастырылған) Еуразиялық экономикалық одақ тауарлары осы Кодекстің 327-бабы 1-тармағына және 5-тармағының 2) тармақшасына сәйкес тауарларды осы кедендік рәсіммен орналастыру үшін берілген кедендік декларация тіркелген кезден бастап бажсыз сауда кедендік рәсімінің қолданысы аяқталғанға дейін кедендік бақылауда болады.


      35-бап. Жарамсыз болып қалған, бұзылған немесе зақымданған тауарлар

      1. Осы баптың 2-тармағында көрсетілген тауарларды қоспағанда, Еуразиялық экономикалық одақтың кедендік аумағына әкелінген, декларацияланғанға дейін жарамсыз болып қалған, бұзылған немесе аварияның немесе еңсерілмейтін күш әсерінің салдарынан, оның ішінде оларды уақытша сақтау кезеңінде, сондай-ақ кедендік транзит кедендік рәсіміне сәйкес тасымалданған (тасымалдау) кезде зақымданған тауарлар, оларға қатысты одан әрі кедендік операцияларды жасау кезінде Еуразиялық экономикалық одақтың кедендік аумағына жарамсыз, бұзылған немесе зақымданған күйде әкелінген тауар ретінде қарастырылады.

      2. Кеден одағының аумағына әкелінген, оларды осы Кодекстің 194-бабына сәйкес тауарларға арналған декларация берілгенге дейін шығаруға мәлімдегеннен бұрын немесе осы Кодекстің 284-бабына сәйкес порттық ЕЭА немесе логистикалық ЕЭА аумағында еркін кеден аймағы кедендік рәсіміне орналастырылған болып есептелетін күнге дейін, оның ішінде оларды уақытша сақтау кезеңінде, сондай-ақ кедендік транзит кедендік рәсіміне сәйкес тасымалданған (тасымалдау) кезде аварияның немесе еңсерілмейтін күш әсерінің салдарынан жарамсыз болып қалған, бұзылған немесе зақымданған осындай тауарлар одан әрі оларға қатысты кедендік операциялар жасалған кезде Еуразиялық экономикалық одақтың кедендік аумағына жарамыз, бұзылған немесе зақымданған күйінде әкелінген тауарлар ретінде қарастырылады.


      36-бап. Сот шешімімен тәркіленген немесе мемлекет меншігіне айналдырылған немесе өндіріп алу қолданылған шетел тауарлары

      1. Сот шешімімен тәркіленген немесе мемлекет меншігіне айналдырылған шетел тауарлары – кедендік рәсімдермен орналастырылуға, ал жеке пайдалануға арналған тауарлар еркін айналымға шығаруға жатпайды. Көрсетілген тауарлар осындай шешім күшіне енген күннен бастап Еуразиялық экономикалық одақ тауарлары мәртебесіне ие болады.

      2. Сот шешімімен кедендік баждарды, салықтарды, арнайы, демпингке қарсы, өтем баждарын төлеу есебінен өндіріп алынған шетел тауарлары осындай шешім күшіне енген күннен бастап Еуразиялық экономикалық одақ тауарлары мәртебесіне ие болады.

      Осы тармақта көрсетілген тауарлар Еуразиялық экономикалық одақ тауарлары мәртебесіне ие болғаннан кейін кедендік рәсіммен орналастырылуға жатпайды.


      37-бап. Мүдделі тұлғалардың және Еуразиялық экономикалық одаққа мүше мемлекеттердің мемлекеттік органдарының тауарлардың сынамаларын және (немесе) үлгілерін іріктеп алуы

      1. Мүдделі тұлғалар және Еуразиялық экономикалық одаққа мүше мемлекеттердің мемлекеттік органдары кеден органының рұқсатымен кедендік бақылаудағы тауарлардың сынамаларын және (немесе) үлгілерін іріктеп алуға құқылы.

      2. Кеден органы, егер мұндай іріктеу:

      1) кедендік бақылау жүргізуді қиындатпаса;

      2) тауарлардың сипаттамаларын өзгертпесе;

      3) кедендік баждарды, салықтарды төлеуден жалтаруға немесе тыйым салуды және шектеулерді, ішкі нарықты қорғау шараларын сақтамауға әкеп соқпаса, тауарлардан сынамалар және (немесе) үлгілер алуға рұқсат береді.

      3. Тауарлардан сынамалар және (немесе) үлгілер алуға рұқсат не мұндай рұқсаттан бас тарту осы баптың 1-тармағында көрсетілген тұлғалар мен органдар жүгінген күннен кейінгі бір жұмыс күнінен кешіктірілмей беріледі.

      4. Тауарлар кедендік рәсімдерге орналастырылған кезде олар тауарларға декларацияда, ал осы Кодекстің 39 және 42-тарауларында көзделген тәртіппен және шарттарда тауарлар Еуразиялық экономикалық одақтың кедендік шекарасы арқылы өткізілген кезде кедендік жолаушылар декларациясында көрсетілетін жағдайда тауарлардың сынамаларына және (немесе) үлгілеріне жеке кедендік декларация берілмейді.


      38-бап. Кеден органдарына есептілікті табыс ету

      1. Кеден ісі саласындағы қызметті жүзеге асыратын тұлғалар, уәкілетті экономикалық операторлар және шетелдік тауарларды, сондай-ақ еркін кедендік аймақ кедендік рәсімімен және еркін қойма кедендік рәсімімен орналастырылған Еуразиялық экономикалық одақ тауарларын пайдаланатын және (немесе) иеленетін адамдар кеден органдарына сақталатын, тасымалданатын, өткізілетін, өңделетін және (немесе) пайдаланылатын тауарлар туралы, сондай-ақ осы тармақтың екінші абзацын ескере отырып, жасалған кедендік операциялар туралы есептілікті табыс етуге міндетті.

      2. Есептілікті табыс ету тәсілі, электрондық құжат түрінде табыс етілетін есептердің нысандары, құрылымы және форматы, оларды толтыру тәртібі, есептілікті табыс ету тәртібі мен мерзімдері, оның ішінде осы баптың 1-тармағында көрсетілген есептілік тек кеден органының талап етуі бойынша ғана табыс етілетін жағдайларды уәкілетті орган бекітеді.

4-тарау. Еуразиялық экономикалық одақтың Сыртқы экономикалық қызметінің бірыңғай тауар номенклатурасы. Тауарларды сыныптау

      39-бап. Еуразиялық экономикалық одақтың Сыртқы экономикалық қызметінің бірыңғай тауар номенклатурасы және оны жүргізу

      1. Еуразиялық экономикалық одақтың Сыртқы экономикалық қызметінің бірыңғай тауар номенклатурасы (бұдан әрі – Сыртқы экономикалық қызметтің тауар номенклатурасы) кедендік-тарифтік реттеу шараларын, кедендік әкету баждарын, тыйым салуды және шектеулерді, ішкі нарықты қорғау шараларын қолдану, кедендік статистиканы жүргізу мақсаттарында тауарларды сыныптау үшін пайданалылатын, тауарларды сипаттау және кодтау жүйесі болып табылады.

      Сыртқы экономикалық қызметтің тауар номенклатурасы тауарларға салық салу мақсаттарында және Еуразиялық экономикалық одақтың құқығын құрайтын халықаралық шарттарда және актілерде және (немесе) Қазақстан Республикасының заңнамасында көзделген өзге де мақсаттарда пайдаланылуы мүмкін.

      2. Сыртқы экономикалық қызметтің тауар номенклатурасының халықаралық негізі Дүниежүзілік кеден ұйымының тауарларын сипаттау мен кодтаудың үйлестірілген жүйесі және Тәуелсіз Мемлекеттер Достастығының Сыртқы экономикалық қызметінің бірыңғай тауар номенклатурасы болып табылады.

      3. Сыртқы экономикалық қызметтің тауар номенклатурасын Комиссия бекітеді.

      4. Сыртқы экономикалық қызметтің тауар номенклатурасына түсіндірмелерді Комиссия қабылдайды.

      5. Сыртқы экономикалық қызметтің тауар номенклатурасын Комиссия жүргізеді. Осы мақсаттарда Комиссия:

      1) Сыртқы экономикалық қызметтің тауар номенклатурасының халықаралық негізінің өзгерістері, сондай-ақ осы халықаралық негізді түсіндіру жөніндегі түсіндірмелер мониторингін;

      2) Сыртқы экономикалық қызметтің тауар номенклатурасын және оған түсінідірмелерді оның халықаралық негізімен сәйкес келтіруді;

      3) мүше мемлекеттердің ұсыныстары бойынша Сыртқы экономикалық қызметтің тауар номенклатурасына және оған түсіндірмелерге өзгерістер енгізуді;

      4) халықаралық негізінің кезекті нұсқасына көшу кезінде кестелер түріндегі тауар позициялары, қосалқы позициялар және кіші қосалқы позициялар деңгейінде Сыртқы экономикалық қызметтің тауар номенклатурасы кодтарының сәйкес келуі туралы ақпаратты құрастыруды және оны Еуразиялық экономикалық одаққа мүше мемлекеттердің уәкілетті мемлекеттік органдарына жіберуді;

      5) Сыртқы экономикалық қызметтің тауар номенклатурасын және оған түсіндірмелерді дайындауды және Еуразиялық экономикалық одаққа мүше мемлекеттердің уәкілетті мемлекеттік органдарына жіберуді;

      6) Сыртқы экономикалық қызметтің тауар номенклатурасын жүргізу үшін қажетті өзге де функцияларды жүзеге асырады.

      6. Комиссияның Сыртқы экономикалық қызметтің тауар номенклатурасын, оған және түсіндірмелерге өзгерістер енгізуді қоса алғанда, аталған номенклатураны жүргізу, сондай-ақ осы мәселелер бойынша Комиссияның және Еуразиялық экономикалық одаққа мүше мемлекеттердің уәкілетті мемлекеттік органдарының өзара іс-қимыл жасау тәртібін Комиссия айқындайды.


      40-бап. Тауарларды сыныптау

      1. Тауарларды сыныптау деп қарастырылатын тауарларды Сыртқы экономикалық қызметтің тауар номенклатурасы бойынша нақты тауарлық позицияларға, қосалқы позицияларға және кіші субпозицияларға кезең-кезеңмен жатқызу түсініледі.

      Тауарларды сыныптау мына негізгі өлшемшарттардың:

      1) тауар орындайтын функция;

      2) тауар жасалған материал негізінде жүзеге асырылады.

      Бұл ретте, тауарлардың өңделу дәрежесін ескере отырып, оларды Сыртқы экономикалық қызметтің тауар номенклатурасына түсініктеме берудің негізгі ережелерін және бөлімдерге, топтарға ескертпелерді (оның ішінде тауарлық позицияларға, қосалқы позицияларға ескертпелерді), сондай-ақ ерекше сыныптау мәселелерін түсіндіретін қосымша ескертпелерді қолдану негізінде тауарлық кіші қосалқы позицияларға түбегейлі жатқызу принципі сақталады.

      2. Декларант және өзге тұлғалар тауарларды сыныптауды кедендік декларациялау кезінде және Еуразиялық экономикалық одақтың және (немесе) Қазақстан Республикасының кеден заңнамаларына сәйкес кеден органына Сыртқы экономикалық қызметтің тауар номенклатурасына сәйкес тауар коды мәлімделетін өзге де жағдайларда, Сыртқы экономикалық қызметтің тауар номенклатурасына сәйкес жүзеге асырады.

      Тауарларды сыныптау кезінде кеден органдары, декларанттар немесе өзге тұлғалар:

      1) түсініктеме берудің негізгі ережелерін;

      2) бөлімдерге, топтарға, позицияларға ескертпелерді пайдаланады.

      Сыртқы экономикалық қызметтің тауар номенклатурасын біркелкі қолдану мақсатында кеден органдары, декларанттар немесе өзге тұлғалар:

      1) Сыртқы экономикалық қызметтің тауар номенклатурасына түсініктемені;

      2) Дүниежүзілік кеден ұйымының Үйлестірілген жүйесі жөніндегі комитетінің Сыныптау бойынша пікірлер компендиумін;

      3) уәкілетті органның тауарларды сыныптау бойынша алдын ала шешімдерінің электрондық базасын;

      4) Комиссияның және уәкілетті органның тауарлардың жекелеген түрлерін сыныптау бойынша түсініктемесін пайдалануы мүмкін.

      Кедендік декларациялау кезінде, егер осы Кодекске сәйкес кедендік декларацияда Сыртқы экономикалық қызметтің тауар номенклатурасына сәйкес тауар коды туралы мәліметтер көрсетілуге жатпаса, тауарларды сыныптау жүзеге асырылмайды. Бұл ретте тауарларды сыныптаудың дұрыстығын тексеруді кеден органы тәуекелдерді басқару жүйесінде айқындалатын жағдайларда ғана тауарларды шығарғанға дейін жүзеге асырады.

      Тауарларды сыныптаудың дұрыстығын тексеруді кеден органы осы Кодекстің 47 және 48-тарауларында белгіленген тәртіппен жүргізілетін тауарларды шығарғаннан кейін кедендік бақылау жүргізу шеңберінде жүзеге асырады.

      3. Кеден органы:

      1) кеден органы тауарларды шығарғанға дейін де, шығарғаннан кейін де кедендік декларациялау кезінде олардың дұрыс сыныпталмағанын анықтаған жағдайларда тауарды сыныптауды жүзеге асырады. Бұл жағдайда кеден органы орындау үшін міндетті болып табылатын тауарларды сыныптау туралы шешім қабылдайды. Тауарларды сыныптау туралы шешімнің нысаны, оны қолдану тәртібі мен мерзімдерін уәкілетті орган бекітеді;

      2) осы Кодекстің 88-бабына, 136-бабының 5-тармағына, 217-бабының 11-тармағына, 278-бабының 12-тармағына, 288-бабының 9-тармағына, 297-бабының 6-тармағына және 399-бабына сәйкес төленуі тиіс кедендік баждарды, салықтарды, арнайы, демпингке қарсы, өтем баждарын есептеген жағдайларда;

      осы Кодекстің 157-бабының 4-тармағында, 163-бабының 3-тармағында, 174-бабының 4-тармағында, 233-бабының 5-тармағында, 362-бабының 8-тармағында, 363-бабының 4-тармағында, 367-бабының 4-тармағында, 378-бабының 3 және 8-тармақтарында және 392-бабының 3-тармағында көрсетілген мән-жайлар басталған кезде;

      декларант осы Кодекстің 190-бабының 8-тармағында көрсетілген әрекеттерді жасамаған кезде;

      3) осы тарауда көзделген өзге де жағдайларда тауарларды сыныптауды жүзеге асырады.

      4. Осы баптың 3-тармағының 2) тармақшасында көзделген жағдайларда, тауарларды сыныптау кезінде кеден органында тауардың сипаттамалары, олардың атаулары туралы нақты мәліметтер және он белгі деңгейінде тауарларды сыныптау үшін қажетті өзге ақпарат болмаса, тауарлардың кодын Сыртқы экономикалық қызметтің тауар номенклатурасына сәйкес сыныптау белгілеріне әсер ететін тауар сипаттамалары туралы қолда бар мәліметтерге сүйене отырып, кемінде алғашқы төрт белгі деңгейінде анықтауға жол беріледі.

      5. Тауарларды сыныптау кезінде кеден органдары декларант табыс еткен жөнелтуші елдің кедендік декларацияларының көшірмелерін, егер декларант мұны табыс ете алатын жағдайда, тәуелсіз сарапшы ұйымдардың қорытындыларын, анықтамаларын, сондай-ақ тауарларға ілеспе құжаттарда көрсетілген мәліметтерді назарға алады.

      6. Коммерциялық, көліктік (тасымалдау) және (немесе) өзге де құжаттарда, сондай-ақ сарапшылық ұйымдар беретін қорытындыларда, анықтамаларда, сараптама актілерінде көрсетілген тауарлардың кодтары тауарларды сыныптау үшін міндетті болып табылмайды.


      41-бап. Тауарларды сыныптау туралы шешімдер, кеден органдары қабылдайтын тауарлардың жекелеген түрлерін сыныптау туралы шешімдер мен түсіндірмелер

      1. Кеден органдары тұлғалардың өтініші бойынша Сыртқы экономикалық қызметтің тауар номенклатурасына сәйкес тауарларды сыныптау туралы алдын ала шешімдерді (бұдан әрі – тауарларды сыныптау туралы алдын ала шешімдер) және Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталымданбаған немесе жасалып бітпеген түрінде өткізілетін тауарларды сыныптау туралы шешімдерді қабылдау жолымен кедендік декларациялауға дейін тауарларды сыныптауды жүзеге асыра алады.

      2. Тауарларды сыныптау туралы алдын ала шешімдер осы тарауға сәйкес қабылданады.

      3. Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталынбаған немесе жасалып бітпеген түрінде өткізілетін тауарларды сыныптау туралы шешімдер осы тарауда белгіленген тәртіппен және мерзімдерде қабылданады. Осы тармақта көзделген тауарларды сыныптау туралы шешімнің нысанын уәкілетті орган бекітеді.

      Көрсетілген тауарларды сыныптау туралы шешімдерді кеден органдары осы Кодекстің 190-бабында айқындалған ерекшеліктермен кедендік декларациялауды жүзеге асыру мақсатында қабылдайтын тауарлар тізбесін Комиссия айқындайды, ал Комиссия көздеген жағдайларда – уәкілетті орган айқындайды.

      4. Тауарларды сыныптау туралы алдын ала шешімдер кеден органдары осындай тауарларды сыныптау туралы алдын ала шешімдер қабылдаған мүше мемлекеттің аумағында, ал осы тармақтың екінші абзацында көзделген жағдайда өзге Еуразиялық экономикалық одаққа мүше мемлекеттердің аумақтарында да қолданылады. Тауарларды кедендік декларациялау кезінде тауар коды туралы мәліметтер Сыртқы экономикалық қызметтің тауар номенклатурасына сәйкес осындай тауарларды сыныптау туралы алдын ала шешімге сәйкес тауарларға декларацияда көрсетіледі.

      Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталынбаған немесе жасалып бітпеген түрінде өткізілетін тауарларды және Еуразиялық экономикалық одақтың кедендік шекарасы арқылы белгілі бір уақыт кезеңінде бір немесе бірнеше көлік құралымен өткізілетін тауарларды сыныптау туралы алдын ала шешімдер қабылданған тауарларды кедендік транзит кедендік рәсіміне сәйкес кедендік декларациялау кезінде осындай тауарларды сыныптау туралы алдын ала шешімдерде көрсетілген, Сыртқы экономикалық қызметтің тауар номенклатурасына сәйкес тауарлардың кодтары туралы мәліметтер көрсетілуі мүмкін.

      5. Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталынбаған немесе жасалып бітпеген түрде өткізілетін тауарларды сыныптау туралы шешімдер кеден органдары осындай шешімдерді қабылдаған Еуразиялық экономикалық одаққа мүше мемлекеттің аумағында қолданылады.

      Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталынбаған немесе жасалып бітпеген түрінде өткізілетін тауарларды сыныптау туралы шешімдер Еуразиялық экономикалық одақтың кедендік шекарасы арқылы осы шешімнің қолданылу мерзімі ішінде бір немесе бірнеше көлік құралымен өткізілетін және кеден органы осындай шешім қабылдаған Еуразиялық экономикалық одаққа мүше мемлекетке жөнелтілетін осындай шешімдерде көрсетілген, Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарлардың құрамбөліктерін кедендік транзит кедендік рәсіміне сәйкес кедендік декларациялау кезінде басқа Еуразиялық экономикалық одаққа мүше мемлекеттердің аумақтарында да қолданылады. Осындай тауарлардың құрамбөліктерін кедендік декларациялау кезінде транзиттік декларацияларда Еуразиялық экономикалық одақтың кеден шекарасы арқылы жиналмаған немесе бөлшектелген түрде, оның ішінде жиынтықталынбаған немесе жасалып бітпеген түрде өткізілетін тауарларды сыныптау туралы қабылданған шешімдерге сәйкес Сыртқы экономикалық қызметтің тауар номенклатурасына сәйкес жиынтықталынбаған немесе жасалып бітпеген түріндегі тауалардың кодтары туралы мәліметтер көрсетілуі мүмкін.

      6. Осы тараудың ережелерін қолдану мақсаттары үшін нақты атаулары, нақты маркалары, модельдері, артикулдары, модификациялары бар және өзге де ұқсас дербес сипаттамалары бар тауарларды Сыртқы экономикалық қызметтің тауар номенклатурасына сәйкес бір кодқа жатқызуға мүмкіндік беретін ортақ сыныптау белгілері бар тауарлар жиынтығы тауарлардың жекелеген түрі деп түсініледі.


      42-бап. Уәкілетті органның тауарлардың жекелеген түрлерін сыныптау туралы шешімдері мен түсіндірмелері

      1. Сыртқы экономикалық қызметтің тауар номенклатурасының біркелкі қолданылуын қамтамасыз ету мақсатында уәкілетті орган мынадай жағдайларда:

      уәкілетті орган аумақтық кеден органдары тауарлардың әртүрлі сыныптауын анықтаған кезде;

      аумақтық кеден органдарының бастамасы бойынша тауарлардың жекелеген түрлерін сыныптау туралы шешімдер қабылдайды және түсіндірмелер береді.

      2. Тауарлардың жекелеген түрлерін сыныптау туралы шешімдер мен түсіндірмелер уәкілетті органның тауарлардың жекелеген түрлерін сыныптау туралы шешімі түрінде қабылданады және осындай шешім қабылданған күннен бастап күшіне енеді.

      Уәкілетті органның тауарлардың жекелеген түрлерін сыныптау туралы шешімі Қазақстан Республикасының аумағында тауарларды сыныптау кезінде міндетті болып табылады.

      3. Уәкілетті органның тауарлардың жекелеген түрлерін сыныптау туралы шешімі күшіне енген күннен бастап:

      кеден органдары осы Кодекстің 40-бабы 3-тармағының 1) тармақшасына сәйкес қабылдаған тауарлардың сыныптау туралы шешімі өзгертілуге тиіс;

      осы Кодекстің 47-бабы 6-тармағының 3) тармақшасына сәйкес тауарлардың сыныптау туралы алдын ала шешім қолданбайды және 47-бабы 7-тармағының екінші абзацында белгіленген мерзімде кері қайтарылуға тиіс;

      кеден органдары осы Кодекстің 41-бабы 1-тармағына сәйкес қабылдағанЕуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталымданбаған немесе жасалып бітпеген түрде өткізілетін тауарларды сыныптау туралы шешімдер осы Кодекстің 51-бабы 1-тармағының 1) тармақшасына сәйкес, осы Кодекстің 51-бабы 2-тармағының екінші абзацында белгіленген мерзімде өзгертілуге тиіс.

      4. Уәкілетті органның тауарлардың жекелеген түрлерін сыныптау туралы шешімі:

      1) Сыртқы экономикалық қызметтің тауар номенклатурасы өзгерген;

      2) осындай шешімді қабылдау кезінде жол берілген қателіктер анықталған және (немесе) уәкілетті органның түсіндірмелері, Сыртқы экономикалық қызметтің тауар номенклатурасына сәйкес тауарлардың жекелеген түрлерін сыныптауға ықпал етпейтін, мысалы, қате басылу, техникалық қателік және т.б. жағдайларда өзгертілуге жатады.

      Уәкілетті орган тауарлардың жекелеген түрлерін сыныптау туралы шешім қабылдаған тауарларға қатысты осы Кодекстің 43-бабына сәйкес Комиссия тауарлардың жекелеген түрлерін сыныптау туралы шешім қабылдаған жағдайда, Комиссияның осындай шешімі күшіне енген сәттен бастап уәкілетті органның тауарлардың жекелеген түрлерін сыныптау туралы шешімі күшін жояды.

      Уәкілетті органның тауарлардың жекелеген түрлерін сыныптау туралы шешіміне өзгерістер енгізу туралы шешімді осы тармақтың 1) және 2) тармақшаларында көрсетілген жағдайлар басталған сәттен бастап күнтізбелік отыз күннен кешіктірмей уәкілетті орган қабылдайды және осындай шешім қабылданған күннен бастап күшіне енеді.

      5. Уәкілетті орган уәкілетті органның тауарлардың жекелеген түрлерін сыныптау туралы шешімдерін жариялауды қамтамасыз етеді.

      6. Уәкілетті органның тауарлардың жекелеген түрлерін сыныптау туралы шешімі тіркелуге тиіс.


      43-бап. Комиссияның тауарлардың жекелеген түрлерін сыныптау туралы шешімдері мен түсіндірмелері

      1. Сыртқы экономикалық қызметтің тауар номенклатурасының біркелкі қолданылуын қамтамасыз ету мақсатында Комиссия кеден органдарының ұсыныстары негізінде тауарлардың жекелеген түрлерін сыныптау туралы шешімдер қабылдайды.

      Комиссия кеден органдары қабылдаған тауарларды сыныптау туралы алдын ала шешімдерде, осы Кодекстің 42-бабының 1-тармағына сәйкес тауарлардың жекелеген түрлерін сыныптау туралы кеден органдары қабылдаған (берген) шешімдерде немесе түсіндірмелерде тауарлардың әртүрлі сыныпталуын анықтаған кезде, Комиссия тауарлардың жекелеген түрлерін сыныптау туралы шешімді өз бастамасы бойынша қабылдайды.

      2. Тауарлардың жекелеген түрлерін сыныптау туралы шешімдер Комиссияның шешімдері түрінде қабылданады.

      3. Комиссияның осы бапқа сәйкес қабылданған шешімі күшіне енген күннен бастап, Комиссия шешімі қабылданған тауар түрлеріне қатысты осы Кодекстің 42-бабының 1-тармағына сәйкес тауарлардың жекелеген түрлерін сыныптау туралы Қазақстан Республикасының кеден органдары қабылдаған (берген)шешімдер мен түсіндірмелер қолданылмайды және олардың күші жойылуға жатады. Осы Кодекстің 42-бабының 1-тармағына сәйкес тауарлардың жекелеген түрлерін сыныптау туралы Қазақстан Республикасының кеден органдары қабылдаған (берген) шешімдер мен түсіндірмелердің күшін жою туралы шешімдер Комиссияның осы бапқа сәйкес қабылданған шешімі күшіне енген күннен бастап күшіне енеді.

      4. Комиссияның осы бапқа сәйкес қабылдаған шешімдері:

      1) Сыртқы экономикалық қызметтің тауар номенклатурасын өзгерту;

      2) Комиссияның осындай шешімдерін қабылдау кезінде жіберілген және Сыртқы экономикалық қызметтің тауар номенклатурасына сәйкес тауарлардың жекелеген түрлерін сыныптауға әсер етпейтін қателерді анықтау (мысалы, жаңылысулар, техникалық қателер және т.б.);

      3) Комиссияның шешімінде көрсетілген, Сыртқы экономикалық қызметтің тауар номенклатурасына сәйкес тауарлардың жекелеген түрлерінің кодтарына, тауарлардың жекелеген түрлерінің сипаттамасына әсер ететін тауарлардың жекелеген түрлеріне қосымша ақпарат алу және Сыртқы экономикалық қызметтің тауар номенклатурасын түсіндірудің Негізгі қағидаларын қолдану;

      4) Еуразияялық экономикалық одақ сотының осы бапқа сәйкес қабылданған Комиссия шешімдерін немесе оның жекелеген ережелерін Одақ туралы шартқа, Еуразияялық экономикалық одақ шеңберіндегі халықаралық шарттарға және (немесе) Еуразияялық экономикалық одақ органдарының шешімдеріне сәйкес келмейді деп тану негіздері бойынша күші жойылды деп танылады не өзгертуге жатады.

      5. Кеден органдарының Комиссияға осындай шешімдер қабылдау туралы ұсыныстарды енгізуі, Комиссияның оларды қарауы, осы баптың 1-тармағының екінші абзацына сәйкес дайындалған Комиссия шешімдерінің жобаларын кеден органдарымен келісу жөніндегі қағидаларды қоса алғанда, Комиссияның тауарлардың жекелеген түрлерін сыныптау туралы шешімдер дайындау тәртібін Комиссия айқындайды.

      6. Кеден органдарының ұсыныстары бойынша Комиссия тауарлардың жекелеген түрлерін сыныптау туралы түсіндірмелер береді.

      Тауарлардың жекелеген түрлерін сыныптау туралы түсіндірмелер Комиссияның ұсынымдары түрінде қабылданады.

      Егер осы Кодекстің 42-бабының 1-тармағына сәйкес белгіленген кеден органдары Сыртқы экономикалық қызметтің тауар номенклатурасына сәйкес осындай тауарларды сыныптау туралы бірыңғай пікірде болған жағдайда, тауарлардың жекелеген түрлерін сыныптау туралы түсіндірмелер қабылданады.

      Кеден органдарының Комиссияға осындай түсіндірмелер беру туралы ұсыныстарды енгізуі, Комиссияның оларды қарауы, осындай түсіндірмелердің жобаларын кеден органдарымен келісу қағидаларын қоса алғанда, тауарлардың жекелеген түрлерін сыныптау туралы Комиссияның түсіндірмелерін дайындау тәртібін Комиссия айқындайды.


      44-бап. Тауарды сыныптау туралы алдын ала шешім қабылдау тәртібі

      1. Тауарды сыныптау туралы алдын ала шешім қабылдау тәртібі осы тарауда айқындалады.

      2. Тауарды сыныптау туралы алдын ала шешімді уәкілетті орган не уәкілетті орган айқындаған кеден органы (кеден органдары) қабылдайды.

      3. Тауарды сыныптау туралы алдын ала шешім белгілі бір марканы, модельді, артикулды және түрлендіруді қамтитын тауардың әрбір атауы бойынша қабылданады.

      4. Тауарды сыныптау туралы алдын ала шешімнің нысанын, оны толтыру және осындай тауарды сыныптау туралы алдын ала шешімге өзгерістер (толықтырулар) енгізу тәртібін Комиссия айқындайды.

      5. Тауарды сыныптау туралы алдын ала шешімді алған адам оны жоғалтқан жағдайда, кеден органы тауарды сыныптау туралы алдын ала шешімнің жоғалуы туралы мәліметтер қамтылған өтініштің негізінде, өтініші кеден органына келіп түскен күннен бастап бес жұмыс күні ішінде ол адамға осындай тауарды сыныптау туралы алдын ала шешімнің телнұсқасын беріледі.

      Телнұсқаны берген кезде алдын ала шешімді қабылдағаны үшін кедендік алым алынбайды.

      Телнұсқаны алу үшін өтініш беруші тауарды сыныптау туралы алдын ала шешімді қабылдаған кеден органына еркін нысанда электрондық құжат немесе қағаз тасымалдағыштағы құжат түрінде өтініш береді.

      Тауарды сыныптау туралы алдын ала шешімнің телнұсқасында алдын ала шешімнің түпнұсқасында қамтылған барлық мәліметтер, соның ішінде тіркеу нөмірі мен тауарды сыныптау туралы алдын ала шешім қабылданған күн көрсетіледі және "Телнұсқа" деген белгі қойылады.

      Тауарды сыныптау туралы алдын ала шешім телнұсқасының қолданыс мерзімі тауарды сыныптау туралы алдын ала шешім түпнұсқасының қолданыс мерзімі болып табылады.


      45-бап. Тауарды сыныптау туралы алдын ала шешім қабылдау туралы өтініш

      1. Тауарды сыныптау туралы алдын ала шешімді тұлғаның (бұдан әрі осы тарауда – өтініш беруші) уәкілетті орган бекіткен нысан бойынша электрондық құжат немесе қағаз тасымалдағыштағы құжат түрінде берген өтініші негізінде кеден органы қабылдайды.

      2. Тауарды сыныптау туралы алдын ала шешім қабылдау туралы өтініш тауардың толық коммерциялық атауын, фирмалық атауын (тауар белгісін), негізгі техникалық және коммерциялық сипаттамаларын және тауарды нақты сыныптауға мүмкіндік беретін өзге де ақпаратты, сондай-ақ тауарды сыныптау туралы алдын ала шешім қабылдау үшін кедендік алымның төленгені туралы мәліметті қамтуға тиіс.

      Қағаз тасымалдағыштағы құжат түрінде берілген тауарды сыныптау туралы алдын ала шешім қабылдау туралы өтінішке тауарды сыныптау туралы алдын ала шешім қабылдау үшін кедендік алымның төленгені туралы құжаттың көшірмесі қоса беріледі.

      Қажет болған жағдайда, кедендік сараптама жүргізу үшін тауардың сынамалары және (немесе) үлгілері, сондай-ақ фотографиялары, суреттері, сызбалары, бұйымдардың паспорттары мен тауарларды сыныптау туралы алдын ала шешім қабылдау үшін қажетті өтініш берушінің мөрімен куәландырылған (ол болған жағдайда) басқа да құжаттар табыс етіледі.

      Тауарды сыныптау туралы алдын ала шешім қабылдау туралы өтінішке қазақ тілі немесе орыс тілі болып табылмайтын тілде жасалған құжаттарды ұсынған кезде кеден органы қоса берілген құжаттарда қамтылған мәліметтердің аудармасын талап етуге құқылы.

      Тауарды сыныптау туралы алдын ала шешім қабылдау кезінде кедендік сараптама жүргізудің тәртібі мен жағдайларын, сондай-ақ мерзімін уәкілетті орган бекітеді.

      3. Егер өтініш беруші табыс еткен құжаттар мен мәліметтер Тауарды сыныптау туралы алдын ала шешім қабылдау үшін жеткіліксіз болса немесе толық көлемде табыс етпесе, кеден органы Тауарды сыныптау туралы алдын ала шешім қабылдау туралы өтініш кеден органына келіп түскен күннен бастап он жұмыс күнінен кешіктірмей өтініш берушіге қосымша ақпарат табыс ету қажеттігі туралы сауал жолдайды.

      Қосымша ақпарат, кеден органы өтініш берушіге қосымша ақпарат табыс ету қажеттігі туралы сауал жолданған күннен бастап күнтізбелік алпыс күннен кешіктірілмей табыс етілуге тиіс.

      4. Егер қосымша ақпарат белгіленген мерзімде табыс етілмесе не табыс етілген қосымша ақпаратта тауарды сыныптау туралы алдын ала шешім қабылдауға мүмкіндік беретін мәліметтер қамтылмаса, кеден органы мұндай тауарды сыныптау туралы алдын ала шешімді қабылдаудан бас тартады және бас тарту себептерін көрсете отырып, бұл туралы өтініш берушіні хабардар етеді. Бұл ретте өтініш беруші тауарды сыныптау туралы алдын ала шешімді беру үшін төлеген кедендік алым қайтарылмайды.

      5. Кеден органы уәкілетті орган бекіткен тәртіппен және нысан бойынша алдын ала шешімді тіркеу журналында тауарды сыныптау туралы алдын ала шешімді тіркейді.


      46-бап. Тауарды сыныптау туралы алдын ала шешімді қабылдау мерзімі және шешімнің қолданыс мерзімі

      1. Тауарларды сыныптау туралы алдын ала шешім, кеден органында тауарды сыныптау туралы алдын ала шешімді қабылдау туралы өтініш тіркелген күннен бастап жиырма жұмыс күнінен кешіктірілмей қабылданады.

      Осы Кодекстің 45-бабының 3-тармағына сәйкес қосымша ақпараттарды және (немесе) құжаттарды табыс ету қажет болған жағдайда, осы тармақтың бірінші абзацында көрсетілген мерзім ішінде кеден органы өтініш берушіге қосымша ақпараттарды және (немесе) құжаттарды табыс ету қажеттігі туралы сауал жолданған күннен бастап тоқтатыла тұрады және кеден органына қосымша ақпараттар және (немесе) құжаттар келіп түскен күннен бастап жаңартылады.

      Егер тауарды сыныптау туралы алдын ала шешім қабылдау үшін осы тармақтың бірінші абзацында көрсетілген немесе осы тармақтың екінші абзацына сәйкес белгіленген мерзім ішінде кедендік сараптама жүргізу қажет болған жағдайда кеден органы кедендік сараптма тағайындау туралы шешімді жолдаған күннен бастап он жұмыс күніне тоқтатыла тұрады және кеден органына кедендік сараптаманың қортындысы келіп түскен күннен бастап жаңғыртылады.

      Кедендік сараптаманы осы тармақтың үшінші абзацында көрсетілген мерзімнен неғұрлым ұзақ жүргізудің тәртібі мен жағдайларын уәкілетті орган бекітеді.

      2. Тауарды сыныптау туралы алдын ала шешім ол қабылданған күннен бастап үш жыл бойы қолданыста болады.


      47-бап. Тауарды сыныптау туралы алдын ала шешімге өзгерістер енгізу, оның қолданысын тоқтату немесе оны кері қайтарып алу

      1. Кеден органы өзі қабылдаған тауарды сыныптау туралы алдын ала шешімге өзгерістер енгізу туралы, сондай-ақ өзі не төмен тұрған кеден органы қабылдаған тауарды сыныптау туралы алдын ала шешімнің қолданысын тоқтату туралы немесе оны кері қайтарып алу туралы шешім қабылдайды.

      2. Кеден органы немесе өтініш беруші тауарды сыныптау туралы осы алдын ала шешімді қабылдаған кезде жіберілген және Сыртқы экономикалық қызметтің тауар номенклатурасына сәйкес тауар коды туралы мәліметтерге әсер етпейтін қателерді анықтаған жағдайда, тауарды сыныптау туралы алдын ала шешімге өзгерістер енгізу туралы шешім қабылданады.

      Тауарды сыныптау туралы алдын ала шешімге өзгерістер енгізу туралы шешім осындай тауарды сыныптау туралы алдын ала шешім қабылданған күннен бастап күшіне енеді.

      3. Тауарды сыныптау туралы алдын ала шешімнің қолданысын тоқтату туралы шешім:

      1) кеден органы тауарды сыныптау туралы осы алдын ала шешімді қабылдау үшін өтініш берушінің дұрыс емес және (немесе) толық емес мәліметтері бар құжаттар, жалған құжаттар не дұрыс емес және (немесе) толық емес мәліметтер табыс еткенін анықтаған;

      2) кеден органы тауарды сыныптау туралы осы алдын ала шешім қабылдау кезінде жіберілген және Сыртқы экономикалық қызметтің тауар номенклатурасына сәйкес тауардың коды туралы мәліметтерге әсер ететін қателерді анықтаған жағдайда қабылданады.

      4. Осы баптың 3-тармағының 1) тармақшасында көрсетілген жағдайда, тауарды сыныптау туралы алдын ала шешімнің қолданысын тоқтату туралы шешім тауарды сыныптау туралы осындай алдын ала шешім қабылданған күннен бастап күшіне енеді.

      Осы баптың 3-тармағының 2) тармақшасында көрсетілген жағдайда, тауарды сыныптау туралы алдын ала шешімнің қолданысын тоқтату туралы шешім тауарды сыныптау туралы осы алдын ала шешімнің қолданысын тоқтату туралы шешім қабылданған күннен бастап күшіне енеді.

      5. Осы баптың 3-тармағының 2) тармақшасында көрсетілген жағдайда, тауарды сыныптау туралы алдын ала шешімнің қолданысын тоқтату туралы шешім қабылдау кезінде тауарды сыныптау туралы алдын ала шешімді берген кеден органы тауарды сыныптау туралы алдын ала шешімнің қолданысын тоқтату туралы шешім қабылдаған күннен бастап он жұмыс күнінен кешіктірмей қолданысы тоқтатылған, тауарды сыныптау туралы алдын ала шешімді қабылдау туралы өтінішті берген кезде өтініш беруші табыс еткен мәліметтердің негізінде тауарды сыныптау туралы жаңа алдын ала шешім қабылдайды. Тауарды сыныптау туралы мұндай жаңа алдын ала шешім ол қабылданған күннен бастап күшіне енеді.

      6. Тауарды сыныптау туралы алдын ала шешімді кері қайтарып алу туралы шешім:

      1) Сыртқы экономикалық қызметтің тауар номенклатурасына өзіне қатысты тауарды сыныптау туралы осы алдын ала шешім қабылданған тауардың сыныпталуына әсер ететін өзгерістер енгізілген;

      2) Комиссия тауарды сыныптау туралы осы алдын ала шешімде көрсетілген тауардың сыныпталуының өзгеруіне әкеп соғатын, жекелеген тауар түрлерін сыныптау туралы шешім қабылдаған;

      3) кеден органдары осы Кодекстің 42-бабының 1-тармағына сәйкес тауарды сыныптау туралы осы алдын ала шешімде көрсетілген тауардың сыныпталуының өзгеруіне әкеп соғатын, жекелеген тауар түрлерін сыныптау туралы шешім қабылдаған немесе түсініктеме берген;

      4) Дүниежүзілік кеден ұйымы Еуразиялық экономикалық одаққа мүше мемлекеттер қолданатын тауарларды сыныптау туралы шешімдер қабылдаған жағдайларда қабылданады.

      7. Осы баптың 6-тармағының 1) және 2) тармақшаларында көзделген жағдайларда, кеден органы тауарды сыныптау туралы алдын ала шешімді кері қайтарып алу туралы шешімді Комиссияның тиісті шешімі ресми жарияланған күннен бастап күнтізбелік отыз күннен кешіктірмей қабылдайды және ол Комиссияның осындай шешімі күшіне енген күннен бастап күшіне енеді.

      Осы баптың 6-тармағының 3) тармақшасында көзделген жағдайларда, кеден органы тауарды сыныптау туралы алдын ала шешімді кері қайтарып алу туралы шешімді осы Кодекстің 42-бабының 6-тармағына сәйкес кеден органдары қабылдаған (берген) жекелеген тауар түрлерін сыныптау туралы тиісті шешімдер немесе түсініктемелер ресми жарияланған күннен бастап күнтізбелік отыз күннен кешіктірмей қабылдайды және ол осындай жекелеген тауар түрлерін сыныптау туралы шешімдермен немесе түсініктемелермен бір мезгілде күшіне енеді.

      Осы баптың 6-тармағының 4) тармақшасында көзделген жағдайда, кеден органы Дүниежүзілік кеден ұйымы тауарларды сыныптау туралы тиісті шешімдерді қабылдаған күннен бастап күнтізбелік алпыс күннен кешіктірмей қабылдайды және кері қайтарып алу туралы шешім қабылданған сәттен бастап күшіне енеді.

      8. Тауарды сыныптау туралы алдын ала шешімге өзгерістер енгізу туралы шешім, тауарды сыныптау туралы алдын ала шешімнің қолданысын тоқтату туралы шешім, тауарды сыныптау туралы алдын ала шешімді кері қайтарып алу туралы шешім, мұндай шешімдер қабылданған күннен кейінгі күннен кешіктірілмей мұндай шешімдердің қабылдану себептері көрсетіле отырып, өтініш берушіге жолданады, сондай-ақ кеден органдарының назарына жеткізіледі.


      48-бап. Тауарларды сыныптау туралы алдын ала шешімдердің жариялылығы

      Тауарды сыныптау туралы алдын ала шешімдерден алынған ақпарат, мемлекеттік, коммерциялық, банктік және заңмен қорғалатын өзге де құпияны құрайтын ақпаратты не мүдделі тұлғаға қатысты басқа да жасырын ақпаратты қоспағанда, Еуразиялық экономикалық одақтың ресми сайтында орналастырылады.

      Кеден органдарының мұндай ақпаратты Комиссияға жіберу тәртібін, ақпаратты табыс етудің техникалық шарттарын қоса алғанда, Комиссия айқындайды.


      49-бап. Жиналмаған немесе бөлшектелген түрдегі, оның ішінде жинақталымданбаған немесе жасалып бітпеген түрдегі тауарды сыныптау туралы шешім қабылдау тәртібі

      1. Декларациялау ерекшеліктері осы Кодекстің 190-бабында көзделген, белгілі бір уақыт кезеңі ішінде әртүрлі тауар партиямен әкелу көзделген, жиналмаған немесе бөлшектелген түрдегі, оның ішінде жинақталымданбаған немесе жасалып бітпеген түрдегі тауарды сыныптау туралы шешімді (осы тарауда бұдан әрі – жиналмаған түрдегі тауарды сыныптау туралы шешім) уәкілетті орган бекіткен нысан бойынша тұлғаның (осы тарауда бұдан әрі – өтініш беруші) берген жазбаша өтініші негізінде уәкілетті орган қабылдайды.

      2. Жиналмаған түрдегі тауарды сыныптау туралы шешім өтініш берушіге бір мезгілде мына шарттар сақталған:

      сыртқы сауда шарты (келісімшарты) өтініш берушінің атынан жасалған;

      өтініш беруші тауарларды алушы болып табылған кезде беріледі.

      3. Жиналмаған түрдегі тауарды сыныптау туралы шешім қабылдау туралы өтініште:

      сыртқы сауда шарты (келісімшарты);

      өтініш беруші;

      тауар (атауы, тауардың құрамбөліктерінің тізбесі);

      тауардың берілу мерзімі;

      тауар орналастырылатын кедендік рәсім;

      тауарды декларациялау жүзеге асырылатын кеден органының атауы туралы мәліметтер қамтылуға тиіс.

      4. Жиналмаған түрдегі тауарды сыныптау туралы шешім қабылдау туралы өтінішке мына құжаттар:

      нотариат куәландырған сыртқы сауда шарты (келісімшарты);

      олардың негізінде жинақталмаған түрдегі тауарды сыныптау туралы шешім қабылданатын құжаттар (жұмыс істеу принципі мен функцияларын көрсете отырып, тауардың және оның құрамбөліктерінің техникалық сипаттамасы, монтаждау немесе жинау тәсілдерінің сипаттамасы, тауар және оның құрамбөліктері жасалған материалдардың сипаттамасы, жинақтау сызбалары, схемалары, мүмкін болса тауардың фотосуреттері, өндірушілердің каталогтары, бейне материалдар, егжей-тегжейлі ерекшелігі) қоса беріледі.

      5. Өтініш уәкілетті органға жиналмаған немесе бөлшектелген түрде, оның ішінде жинақталымданбаған немесе жасалып бітпеген түрде әкелінген тауардың бірінші партиясына қатысты кедендік рәсіммен (кедендік транзит кедендік рәсімін қоспағанда) орналастыру үшін декларант берген тауарларға арналған декларацияларды кеден органы тіркегенге дейін беріледі.

      6. Егер өтініш беруші табыс еткен құжаттар мен мәліметтер жиналмаған түрдегі тауарды сыныптау туралы шешім қабылдауға жеткіліксіз болса, уәкілетті орган өтініш берушіге тауарды сыныптау бойынша шешім қабылдау туралы өтініш келіп түскен күннен бастап он жұмыс күнінен кешіктірмей қосымша ақпаратты табыс ету қажеттілігі туралы хабарлайды.

      Қосымша ақпарат өтініш беруші жазбаша хабардар етілген күннен бастап күнтізбелік отыз күн ішінде табыс етілуге тиіс.

      7. Егер ақпарат белгіленген мерзімде берілмесе не өтініш беруші тауарды сыныптау үшін қажетті құжаттар мен мәліметтерді табыс етуден бас тартса, кеден органы бас тарту себебін көрсете отырып, жиналмаған түрдегі тауарды сыныптау туралы шешім қабылдаудан бас тартады.

      8. Мынадай негіздер бойынша:

      егер Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жинақталымданбаған немесе жасалып бітпеген түрде өткізілетін тауардың құрамбөліктері сыныптау ережелеріне сәйкес жасалып біткен немесе жиналған тауардың коды бойынша сыныпталатын тауарды құрмаса;

      өтініште және оған қоса берілетін құжаттарда бір-біріне қайшы келетін ақпарат болған кезде жиналмаған түрдегі тауарды сыныптау туралы шешім қабылдаудан бас тартылады.

      9. Кеден органы уәкілетті орган бекіткен тәртіппен және нысан бойынша шешімдерді тіркеу журналында жиналмаған түрдегі тауарды сыныптау туралы шешімді тіркейді.


      50-бап. Жиналмаған түрдегі тауарды сыныптау туралы шешім қабылдау мерзімі және мұндай шешімнің қолданыс мерзімі

      1. Жиналмаған түрдегі тауарды сыныптау туралы шешім уәкілетті органда өтініш тіркелген күннен бастап отыз жұмыс күнінен кешіктірілмей қабылданады.

      Осы Кодекстің 49-бабының 6-тармағына сәйкес қосымша ақпарат беру қажет болған жағдайда, сұратылған мәліметтерді қамтитын соңғы құжат уәкілетті органға келіп түскен күннен бастап, осы тармақтың бірінші бөлігінде көрсетілген мерзім ішінде тоқтатыла тұрады және жаңартылады.

      2. Жиналмаған түрдегі тауарды сыныптау туралы шешім ол қабылданған күннен бастап күшіне енеді және тауарларды сыныптау жөніндегі шешім қабылданған күннен бастап есептелген екі жыл бойы қолданыста болады.

      3. Жиналмаған түрдегі тауарды сыныптау туралы шешімнің нысанын уәкілетті орган бекітеді.


      51-бап. Жиналмаған түрдегі тауарды сыныптау туралы шешімді өзгерту немесе оның қолданысын тоқтату

      1. Жиналмаған түрдегі тауарды сыныптау туралы шешімді өзгерту:

      1) кеден органдары орындауға міндетті уәкілетті органның тауарлардың жекелеген түрлерін сыныптау туралы шешімін уәкілетті орган қабылдаған;

      2) жиналмаған түрдегі тауарды сыныптау жөнінде уәкілетті орган шешім қабылдаған кезде немесе өтініш беруші құжаттар дайындаған кезде жіберілген қателер, кінәраттар анықталған;

      3) Сыртқы экономикалық қызметінің тауар номенклатурасы өзгертілген;

      4) сыртқы сауда шартына (келісімшартына) өзгерістер енгізілген жағдайларда жүргізіледі.

      2. Жиналмаған түрдегі тауарды сыныптау туралы шешімді өзгерту туралы шешім, осы баптың 1-тармағының 1) тармақшасын қоспағанда, жиналмаған түрдегі тауарды сыныптау туралы шешімді өзгерту туралы шешімде көрсетілген мерзімде күшіне енеді.

      Уәкілетті орган осы баптың 1-тармағының 1) тармақшасында көзделген тауарлардың жекелеген түрлерін сыныптау туралы шешім қабылдаған жағдайда, уәкілетті орган тауарлардың жекелеген түрлерін сыныптау туралы шешімді ресми жариялаған күннен бастап күнтізбелік отыз күннен кешіктірмей кеден органы жиналмаған түрдегі тауарды сыныптау туралы шешімді өзгерту туралы шешімді қабылдайды және уәкілетті органның тауарлардың жекелеген түрлерін сыныптау туралы шешімімен бір мезгілде күшіне енеді.

      3. Жиналмаған түрдегі тауарды сыныптау туралы шешім:

      1) егер уәкілетті орган өтініш берушінің жиналмаған түрдегі тауарды сыныптау туралы шешім қабылдау үшін жалған немесе қолдан жасалған құжаттар немесе дұрыс емес мәліметтер бергенін анықтаған;

      2) егер тауарларға арналған декларация Қазақстан Республикасының кеден заңнамасында көзделген мерзімде берілмеген;

      3) егер өтініш беруші тауар жеткізуден жазбаша түрде бас тартқан, оның ішінде шығарылған тауардың құрамбөліктері болған жағдайларда тоқтатылады.

      Егер шығарылған тауардың құрамбөліктері сыныптаудың негізгі ережесіне байланысты жиналмаған түрдегі тауарды сыныптау туралы шешімде көрсетілген, жасалып біткен немесе жиынтық тауардың сыныптау кодына жататын болса, жиналмаған түрдегі тауарды сыныптау туралы шешімнің қолданысын тоқтату туралы шешім қабылданбайды.

      Жиналмаған түрдегі тауарды сыныптау туралы шешімнің қолданысын тоқтату туралы шешім сыныптау туралы шешім қабылданған күннен бастап күшіне енеді.


      52-бап. Жиналмаған түрдегі тауарды сыныптау туралы шешімнің қолданысы тоқтатылған кезде тауарларды сыныптау

      Жиналмаған түрдегі тауарды сыныптау туралы шешімнің қолданысы тоқтатылған кезде тауардың жеткізіп берілетін құрамбөліктері Еуразиялық экономикалық одақтың және (немесе) Қазақстан Республикасының кеден заңнамаларында белгіленген тәртіппен тауарларға арналған декларация беріле отырып, кедендік декларациялауға жатады. Бұл ретте, көрсетілген құрамбөліктер Сыртқы экономикалық қызметінің тауар номенклатурасына сәйкес жеке тауарлар ретінде сыныпталады.


      53-бап. Жиналмаған түрдегі тауарды сыныптау туралы шешімдердің есебі

      Жиналмаған түрдегі тауарды сыныптау туралы шешімдердің есебін уәкілетті орган жүзеге асырады.


      54-бап. Жиналмаған түрдегі тауарды сыныптау туралы шешімнің қолданыс мерзімін ұзарту

      1. Уәкілетті орган жиналмаған түрдегі тауарды сыныптау туралы шешімнің қолданыс мерзімі аяқталғанға дейінгі кемінде күнтізбелік отыз күн ішінде берілген өтініш берушінің жазбаша өтініші болған кезде көрсетілген шешімнің қолданыс мерзімін тауардың барлық құрамбөліктерін толығымен жеткізіп беру кезеңіне, бірақ бір жылдан аспайтын мерзімге ұзартады.

      2. Өтініш беруші уәкілетті органға жазбаша өтінішінде мына мәліметтерді:

      1) оған сәйкес Сыртқы экономикалық қызметі тауар номенклатурасының бірыңғай коды бойынша тауардың жекелеген құрамбөліктерін кедендік декларациялау жүзеге асырылатын жиналмаған түрдегі тауарды сыныптау туралы шешімнің нөмірі мен қабылданған күнін;

      2) оған сәйкес Сыртқы экономикалық қызметі тауар номенклатурасының бірыңғай коды бойынша тауардың жекелеген құрамбөліктерін кедендік декларациялау жүзеге асырылатын шарттың деректемелерін;

      3) жиналмаған түрдегі тауарды сыныптау туралы берілген шешімнің қолданыс мерзімінде тауардың барлық жекелеген құрамбөліктерін кедендік декларациялауды аяқтаудың мүмкін еместігіне негіз болған себептерді;

      4) тауардың жекелеген құрамбөліктерін кедендік декларациялауды жүзеге асыратын кеден органының атауын;

      5) тауардың құрамбөліктерінің соңғы партиясын әкелу аяқталатын мерзімді көрсетуге тиіс.

      3. Әкелінген тауардың құрамбөліктерін шығару үшін табыс етілген ресімделген тауарларға арналған декларациялардың көшірмелері жиналмаған түрдегі тауарды сыныптау туралы шешімнің қолданыс мерзімін ұзарту туралы өтінішке қоса беріледі.

      4. Жиналмаған түрдегі тауарды сыныптау туралы шешімнің қолданыс мерзімін ұзарту туралы өтініш уәкілетті органда тіркелген күнінен бастап он жұмыс күні ішінде қаралады.

      5. Жиналмаған түрдегі тауарды сыныптау туралы шешімнің қолданыс мерзімін ұзарту туралы шешім екі дана етіп ресімделеді.

      Бірінші данасы өтініш берушіге жіберіледі. Екінші данасы белгілі бір уақыт кезеңі ішінде әртүрлі партиямен әкелу көзделген, жиылмаған немесе бөлшектелген түрдегі, оның ішінде жинақталынбаған немесе аяқталмаған түрдегі тауарлардың кедендік декларациялануын жүзеге асырған кеден органына жіберіледі.

5-тарау. Тауарлардың шығарылған жері

      55-бап. Тауарлардың шығарылған жерін анықтау

      1. Еуразиялық экономикалық одақтың кедендік аумағына әкелінетін тауарлардың шығарылған жерін анықтау Одақ туралы Шартқа сәйкес көзделген тауарлардың шығарылған жерін анықтау мақсаттарында және қағидалары бойынша (бұдан әрі – әкелінетін тауарлардың шығарылған жерін анықтау қағидалары) жүргізіледі.

      2. Еуразиялық экономикалық одақтың кедендік аумағынан әкетілетін тауарлардың шығарылған жерін анықтау, егер Еуразиялық экономикалық одақтың шеңберіндегі халықаралық шарттарда, Еуразиялық экономикалық одақтың үшінші тараппен халықаралық шарттарында немесе Қазақстан Республикасының халықаралық шарттарында өзгеше қағидалар белгіленбесе, Комиссия белгілеген қағидалар (бұдан әрі – әкетілетін тауарлардың шығарылған жерін анықтау қағидалары) бойынша жүзеге асырылады.


      56-бап. Тауарлардың шығарылған жерін растау және тауарлардың шығарылған жері туралы құжаттар

      1. Осы баптың 2-тармағында көзделген жағдайларды қоспағанда, кедендік-тарифтік реттеу шараларын, тыйым салуды және шектеулерді, ішкі нарықты қорғау шараларын қолдану тауарлардың шығарылған жеріне байланысты болған кезде, барлық жағдайларда тауарлардың шығарылған жері расталады.

      2. Тауарлардың шығарылған жерін растау:

      1) Еуразиялық экономикалық одақтың кедендік аумағына әкелінетін тауарлар кедендік транзит кедендік рәсіміне орналастырылған;

      2) тауарлар осы Кодекстің 39-тарауына сәйкес Еуразиялық экономикалық одақтың кедендік шекарасы арқылы өткізілген;

      3) әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін анықтау қағидаларында көзделген өзге де жағдайларда талап етілмейді.

      3. Егер кеден органы тауарлар:

      1) Одақ туралы шартқа сәйкес белгіленген тыйым салуға және шектеулерге байланысты Еуразиялық экономикалық одақтың кедендік аумағына немесе Еуразиялық экономикалық одаққа мүше мемлекеттің аумағына әкелуге;

      2) Одақ туралы шартқа сәйкес белгіленген тыйым салуға және шектеулерге орай Еуразиялық экономикалық одақтың кедендік аумағынан немесе Қазақстан Республикасының аумағынан әкетуге;

      3)  Қазақстан Республикасының заңнамасына сәйкес Қазақстан Республикасының аумағына әкелуге;

      4)  Қазақстан Республикасының халықаралық шарттарына сәйкес Қазақстан Республикасының аумағы арқылы транзиттеуге тыйым салынған елден (елдер тобынан, елдердің кедендік одағынан, елдің өңірінен немесе бір бөлігінен) шыққан тауарлардың осындай елден шығарылғандығының белгісі анықталса, осы баптың 2-тармағының ережелеріне қарамастан тауарлардың шығарылған жері расталады.

      4. Егер осы баптың 3-тармағының 1), 2) және 3) тармақшаларында көрсетілген, Қазақстан Республикасының заңнамасына сәйкес Қазақстан Республикасының аумағына әкелуге тыйым салынған тауарлар, аумағына мұндай тауарларды әкелуге тыйым салынбаған Еуразиялық экономикалық одаққа мүше мемлекетке Еуразиялық экономикалық одақтың кедендік аумағы арқылы тасымалдау (тасу) үшін кедендік транзит кедендік рәсімімен орналастырылса, тауарлардың шығарылған жерін растау талап етілмейді.

      5. Басқа Еуразиялық экономикалық одаққа мүше мемлекетке Еуразиялық экономикалық одақтың кедендік аумағы арқылы тасымалдау үшін кедендік транзит кедендік рәсіміне орналастырылатын тауарларды қоспағанда, сақталуын бақылау кеден органдарына жүктелген Қазақстан Республикасының заңнамасының сақталуын тексеру мақсатында кеден органдары Қазақстан Республикасының заңнамасында айқындалған жағдайларда және тәртіппен тауарлардың шығарылған жерін растауды талап етуге құқылы.

      6. Тауардың шығарылған жері туралы құжат тауардың шығарылған жері туралы декларация немесе тауардың шығарылған жері туралы сертификат болып табылады. Тауардың шығарылған жері әкелінетін тауарлардың шығарылған жерін анықтау қағидаларына немесе әкетілетін тауарлардың шығарылған жерін анықтау қағидаларына сәйкес тауардың шығарылған жері туралы декларациямен немесе тауардың шығарылған жері туралы сертификатпен расталады.


      57-бап. Тауардың шығарылған жері туралы декларация

      1. Тауарлардың шығарылған жері туралы декларация – тауарға қатысы бар және тауар шығарылған елдің (елдер тобының, елдердің кедендік одағының, ел өңірінің немесе бір бөлігінің) немесе тауар әкетілетін елдің (елдер тобының, елдердің кедендік одағының, ел өңірінің немесе бір бөлігінің) дайындаушысы, сатушысы немесе жөнелтушісі мәлімдеген тауардың шығарылған жері туралы мәліметтер қамтылған коммерциялық немесе кез келген басқа құжат.

      2. Егер тауардың шығарылған жері туралы декларацияда тауардың шығарылған жері туралы мәлімделген мәліметтердің қолданылуы әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін анықтау қағидаларында көзделген өлшемшарттардан өзгеше өлшемшарттарға негізделсе, тауардың шығарылған жері туралы ондай декларация тауардың шығарылған жерін растайтын құжат ретінде қарастырылмайды.


      58-бап. Тауардың шығарылған жері туралы сертификат

      1. Тауардың шығарылған жері туралы сертификат – тауардың шығарылған жері туралы куәландыратын және тауар шығарылған елдің (елдер тобының, елдердің кедендік одағының, ел өңірінің немесе бір бөлігінің) уәкілетті мемлекеттік органы немесе уәкілетті ұйымы немесе әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін – тауардың әкетілетін елін (елдер тобын, елдердің кедендік одағын, ел өңірін немесе бір бөлігін) анықтау қағидаларында белгіленген жағдайларда берілген белгілі бір нысандағы құжат.

      Тауардың шығарылған жері туралы сертификатқа қойылатын талаптар, оның ішінде оны ресімдеу және (немесе) толтыру тәртібіне қойылатын талаптар әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін анықтау қағидаларында айқындалады.

      2. Егер тауарлардың шығарылған жері туралы сертификатта тауардың шығарылған жері туралы мәліметтердің қолданылуы әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін анықтау қағидаларында белгіленген өлшемшарттардан өзгеше өлшемшарттарға негізделсе, тауардың шығарылған жері туралы мұндай сертификат тауардың шығарылған жерін растайтын құжат ретінде қарастырылмайды.

      3. Тауарлар Еуразиялық экономикалық одақтың кедендік аумағынан әкетілген кезде, егер тауардың шығарылған жері туралы сертификат келісімшарттың талаптары бойынша, тауарлар әкелінетін елдің (елдер тобының, елдердің кедендік одағының, ел өңірінің немесе бір бөлігінің) қағидалары бойынша қажет болса немесе егер сертификаттың болуы әкетілетін тауарлардың шығарылған жерін анықтау қағидаларында көзделсе, көрсетілген сертификатты Еуразиялық экономикалық одаққа мүше мемлекеттердің уәкілетті мемлекеттік органдары немесе уәкілетті ұйымдары береді.

      Тауардың шығарылған жері туралы сертификатты берген Еуразиялық экономикалық одаққа мүше мемлекеттердің уәкілетті мемлекеттік органдары немесе уәкілетті ұйымдары оның көшірмесін және олардың негізінде тауардың шығарылған жері анықталған өзге де құжаттарды тауардың шығарылған жері туралы сертификат берілген күнінен бастап кемінде үш жыл сақтауға міндетті.

      4. Тауардың шығарылған жері туралы сертификат, егер тауардың шығарылған жері туралы сертификат әкелінетін тауарлардың шығарылған жерін анықтау қағидаларында немесе әкетілетін тауарлардың шығарылған жерін анықтау қағидаларында белгіленген оны ресімдеу және (немесе) толтыру тәртібіне қойылатын талаптар бұзыла отырып ресімделсе, тауардың шығарылған жері туралы құжат ретінде қарастырылмайды.


      59-бап. Еуразиялық экономикалық одақтың кедендік аумағына әкелінетін тауарлардың шығарылған жері туралы алдын ала шешімдер

      1. Кедендік декларациялау кезінде тұлғалардың өтініші бойынша кедендік операцияларды жасау уақытын қысқарту мақсатында, уәкілетті орган айқындаған кеден органдары Еуразиялық экономикалық одақтың кедендік аумағына әкелінетін тауарлар кедендік декларацияланғанға дейін осындай тауарлардың шығарылған жері туралы алдын ала шешімдер (бұдан әрі осы тарауда – тауарлардың шығарылған жері туралы алдын ала шешімдер) қабылдайды.

      2. Тауарлардың шығарылған жері туралы алдын ала шешімдер Қазақстан Республикасының аумағында осындай алдын ала шешімдердің қолданыс мерзімі ішінде қолданылады. Тауарлардың шығарылған жері туралы оларға қатысты алдын ала шешімдер қабылданған тауарды кедендік декларациялау кезінде, олардың шығарылған жері туралы мәліметтер тауарлардың шығарылған жері туралы қабылданған алдын ала шешімге сәйкес тауарларға арналған декларацияда көрсетіледі.


      60-бап. Тауардың шығарылған жері туралы алдын ала шешімдерді қабылдау тәртібі

      1. Тауардың шығарылған жері туралы алдын ала шешім қабылдау тәртібі осы тарауда айқындалады.

      2. Тауардың шығарылған жері туралы алдын ала шешімді уәкілетті орган айқындаған кеден органдары (бұдан әрі осы тарауда – кеден органы) қабылдайды.

      3. Тауардың шығарылған жері туралы алдын ала шешімді, кедендік транзит кедендік рәсімін қоспағанда, тауар кедендік рәсіммен орналастырылған кезде тауарды шығару жүргізілетін кеден органы қабылдайды.

      4. Тауардың шығарылған жері туралы алдын ала шешім нақты елден Еуразиялық экономикалық одақтың кедендік аумағына әкелінетін тауардың әрбір атауы бойынша қабылданады.

      5. Тауардың шығарылған жері туралы алдын ала шешімнің нысанын, оны толтыру және мұндай тауардың шығарылған жері туралы алдын ала шешімге өзгерістер (толықтырулар) енгізу тәртібін Комиссия айқындайды.

      6. Тауардың шығарылған жері туралы алдын ала шешімді алған тұлға оны жоғалтқан жағдайда, кеден органдары тауардың шығарылған жері туралы алдын ала шешімнің жоғалғаны туралы мәліметі бар өтініштің негізінде кеден органына өтініш келіп түскен күннен бастап бес жұмыс күні ішінде осындай тұлғаға тауардың шығарылған жері туралы алдын ала шешімнің телнұсқасын береді.

      Телнұсқа берілген кезде алдын ала шешім қабылданғаны үшін кедендік алым алынбайды.

      Телнұсқаны алу үшін өтініш беруші тауардың шығарылған жері туралы алдын ала шешімді қабылдаған кеден органына электрондық құжат немесе қағаз жеткізгіштегі құжат түрінде еркін нысанда өтінішті жолдайды.

      Тауардың шығарылған жері туралы алдын ала шешімнің телнұсқасында алдын ала шешімнің түпнұсқасында бар барлық мәліметтер, оның ішінде тауардың шығарылған жері туралы алдын ала шешімнің тіркеу нөмірі мен қабылданған күні көрсетіледі және "Телнұсқа" деген белгі қойылады.

      Тауардың шығарылған жері туралы алдын ала шешім түпнұсқасының қолданыс мерзімі тауардың шығарылған жері туралы алдын ала шешім телнұсқасының қолданыс мерзімі болып табылады.


      61-бап. Тауардың шығарылған жері туралы алдын ала шешім қабылдау туралы өтініш

      1. Тауардың шығарылған жері туралы алдын ала шешімді тұлғаның электрондық құжат немесе қағаз жеткізгіштегі құжат түрінде уәкілетті орган бекіткен нысан бойынша берген өтініші (бұдан әрі осы тарауда – өтініш беруші) негізінде кеден органы қабылдайды.

      2. Тауардың шығарылған жері туралы алдын ала шешімді қабылдау туралы өтініште:

      1) өтініш беруші (атауы мен мекенжайы);

      2) тауар (толық коммерциялық атауы, фирмалық атауы (тауар белгісі), негізгі техникалық және коммерциялық сипаттамалары (функционалдық мақсаты, сұрыбы, маркасы, моделі, артикулы, дара және көліктік орам сипаттамасы), Сыртқы экономикалық қызметтің тауар номенклатурасына сәйкес коды, құны);

      3) тауар дайындалған материалдар, олардың шығарылған жері, Тауарларды сипаттау мен кодтаудың үйлестірілген жүйесіне сәйкес кодтары, құны;

      4) тауарды дайындау үшін жасалған өндірістік және технологиялық операциялар;

      5) тауардың шығарылған жері туралы алдын ала шешімді бергені үшін кедендік алымның төленгені туралы мәліметтер қамтылуы тиіс.

      Қағаз жеткізгіштегі құжат түрінде берілген тауардың шығарылған жері туралы алдын ала шешімді қабылдау туралы өтінішке тауардың шығарылған жері туралы алдын ала шешімді қабылдағаны үшін кедендік алымның төленгені туралы құжаттың көшірмесі қоса беріледі.

      3. Тауардың шығарылған жері туралы алдын ала шешім қабылдау туралы өтінішке тауар өндірілген елдің (елдер тобының, елдердің кедендік одағының, ел өңірінің немесе бір бөлігінің) сауда-өнеркәсіптік палаталарының және (немесе) басқа да сараптамалық ұйымдарының сараптама актілері және оларға қатысты тауардың шығарылған жері туралы алдын ала шешім қабылданатын тауардың шығарылған жері туралы сертификат қоса беріледі.

      Тауардың шығарылған жері туралы алдын ала шешім қабылдау туралы өтінішке онда көрсетілген мәліметтерді растайтын өзге де құжаттар: сынақтар хаттамалары, сараптамалық ұйымдар мамандарының тауарды зерттеу нәтижелері келтірілген қорытындылары, тауарды Еуразиялық экономикалық одақтың кедендік аумағы арқылы өткізуді көздейтін мәмілелердің жасалуын растайтын құжаттар, өндірілген тауар құнының калькуляциясы, коммерциялық шоттар, бухгалтерлік құжаттар, тауарды дайындаудың технологиялық процесінің егжей-тегжейлі сипаттамасы және тауар шығарылған елдің (елдер тобының, елдердің кедендік одағының, ел өңірінің немесе бір бөлігінің) аумағында осы тауардың толық алынғанын, өндірілгенін немессе жеткілікті түрде өңдеуден (қайта өңдеуден) өткенін куәландыратын басқа да құжаттар, фотографиялар, суреттер, сызбалар, бұйымдардың паспорттары және тауардың шығарылған жері туралы алдын ала шешім қабылдауға қажетті басқа да құжаттар қоса беріледі.

      Тауардың шығарылған жері туралы алдын ала шешім қабылдау туралы өтінішке тауардың сынамалары да және (немесе) үлгілері де қоса берілуі мүмкін.

      Кеден органы тауардың шығарылған жері туралы алдын ала шешім қабылдау туралы өтінішке қоса берілген, қазақ тілі немесе орыс тілі болып табылмайтын тілде толтырылған құжаттарда қамтылған мәліметтердің аудармасын талап етуге құқылы.

      4. Егер өтініш беруші табыс еткен мәліметтер тауардың шығарылған жері туралы алдын ала шешім қабылдау үшін жеткіліксіз болған жағдайда, кеден органы тауардың шығарылған жері туралы алдын ала шешім қабылдау туралы өтініш кеден органына келіп түскен күннен бастап он жұмыс күннен кешіктірмей өтініш берушіге қосымша ақпаратты табыс ету қажеттігі туралы сауал жолдайды.

      Кеден органы өтініш берушіге қосымша ақпарат беру қажеттілігі туралы сауалды жолдаған күннен бастап қосымша ақпарат күнтізбелік алпыс күннен кешіктірілмей табыс етілуі тиіс.

      Егер қосымша ақпарат белгіленген мерзімде табыс етілмесе не табыс етілген қосымша ақпаратта тауардың шығарылған жері туралы алдын ала шешім қабылдауға мүмкіндік беретін мәліметтер қамтылмаса, кеден органы мұндай тауардың шығарылған жері туралы алдын ала шешім қабылдаудан бас тартады және бас тарту себептерін көрсете отырып, бұл туралы өтініш берушіге хабарлайды.

      5. Егер тауардың шығарылған жері туралы алдын ала шешім қабылдау кезінде тауардың шығарылған жері туралы табыс етілген сертификат төлнұсқа емес екендігінің және (немесе) дәйекті емес ақпарат қамтитынының белгілері байқалған жағдайда, кеден органы мұндай сертификатты тауардың шығарылған жері туралы сертификат берген және (немесе) оны тексеруге уәкілетті мемлекеттік органға немесе уәкілетті ұйымға осындай сертификатқа тексеру жүргізу үшін жіберуге құқылы.

      Егер тауардың шығарылған жері туралы сертификатты берген және (немесе) оны тексеруге уәкілетті мемлекеттік орган немесе уәкілетті ұйым тауардың шығарылған жері туралы сертификаттың төлнұсқа болып табылмайтынын және (немесе) онда дәйекті емес мәліметтер қамтылғанан растаса, кеден органы тауардың шығарылған жері туралы алдын ала шешім қабылдаудан бас тартады және бас тарту себептерін көрсете отырып, бұл туралы өтініш берушіге хабарлайды. Бұл ретте, өтініш беруші тауардың шығарылған жері туралы алдын ала шешімді қабылдағаны үшін төлеген кедендік алымы қайтарылмайды.

      6. Кеден органы уәкілетті орган бекіткен тәртіппен және нысан бойынша тауардың шығарылған жері туралы алдын ала шешімді тіркеу журналында тауардың шығарылған жері туралы алдын ала шешімді тіркейді.


      62-бап. Тауардың шығарылған жері туралы алдын ала шешімді қабылдау мерзімі және оның қолданыс мерзімі

      1. Тауардың шығарылған жері туралы алдын ала шешім кеден органында тауардың шығарылған жері туралы алдын ала шешім қабылдау туралы өтініш тіркелген күннен бастап жиырма жұмыс күнінен кешіктірілмей қабылданады.

      Осы Кодекстің 61-бабының 4-тармағына сәйкес қосымша ақпарат табыс ету қажет болған жағдайда не осы Кодекстің 61-бабының 5-тармағына сәйкес тауардың шығарылған жері туралы сертификатты тексеру жүргізу үшін жолдаған жағдайда, осы тармақтың бірінші абзацында көрсетілген немесе осы тармақтың екінші абзацына сәйкес белгіленген мерзім ішінде, өтініш берушіге жіберілген қосымша ақпарат табыс ету қажеттігі туралы сауалды кеден органы тіркеген күннен бастап не тауардың шығарылған жері туралы сертификат тексеру жүргізу үшін жіберілген күннен бастап тоқтатыла тұрады және кеден органы қосымша ақпаратты не тауардың шығарылған жері туралы сертификатты берген мемлекеттік органның немесе уәкілетті ұйымның және (немесе) тексеруге уәкілеттінің жауабы алынған күннен бастап жаңартылады.

      Осы Кодекстің 61-бабының 5-тармағына сәйкес кеден органы тауардың шығарылған жері туралы сертификатты тексеру жүргізу үшін жіберген кезде кеден органы осы тармақтың бірінші абзацында көрсетілген немесе осы тармақтың екінші абзацына сәйкес белгіленген мерзімнің тоқтатыла тұратыны туралы өтініш берушіні хабардар етеді.

      2. Тауардың шығарылған жері туралы алдын ала шешім, оның негізінде осындай алдын ала шешім қабылданған тауардың шығарылған жері туралы сертификаттың қолданыс мерзімі ішінде қолданыста болады.


      63-бап. Тауардың шығарылған жері туралы алдын ала шешімге өзгерістер енгізу, оның қолданысын тоқтату немесе оны кері қайтарып алу

      1. Кеден органы тауардың шығарылған жері туралы өзі қабылдаған алдын ала шешімге, сондай-ақ өзі не төмен тұрған кеден органы тауардың шығарылған жері туралы қабылданған алдын ала шешімнің қолданысын тоқтату туралы шешімге немесе кері қайтарып алу туралы шешімге өзгерістер енгізу туралы шешім қабылдайды.

      2. Тауардың шығарылған жері туралы алдын ала шешімге өзгерістер енгізу туралы шешім кеден органы немесе өтініш беруші осы тауардың шығарылған жері туралы алдын ала шешімді қабылдаған кезде жіберілген және тауардың шығарылған жері туралы мәліметтерге әсер етпейтін қателер анықталған жағдайда қабылданады.

      Тауардың шығарылған жері туралы алдын ала шешімге өзгерістер енгізу туралы шешім осы тауардың шығарылған жері туралы алдын ала шешім қабылданған күннен бастап күшіне енеді.

      3. Тауардың шығарылған жері туралы алдын ала шешімнің қолданысын тоқтату туралы шешім:

      1) кеден органы осы тауардың шығарылған жері туралы алдын ала шешімді қабылдау үшін өтініш берушінің дәйекті емес және (немесе) толық емес мәліметтер қамтылған құжаттарды, жалған құжаттарды не дәйекті емес және (немесе) толық емес мәліметтерді табыс еткендігін анықтаған;

      2) кеден органы осы тауардың шығарылған жері туралы алдын ала шешімді қабылдау кезінде жол берілген және тауардың шығарылған жері туралы мәліметтерге әсер ететін қателерді анықтаған жағдайларда қабылданады.

      4. Тауардың шығарылған жері туралы алдын ала шешімнің қолданысын тоқтату туралы шешім осы баптың 3-тармағының 1) тармақшасында көрсетілген жағдайда, тауардың шығарылған жері туралы осы алдын ала шешім қабылданған күннен бастап күшіне енеді.

      Тауардың шығарылған жері туралы алдын ала шешімнің қолданысын тоқтату туралы шешім, осы баптың 3-тармағының 2) тармақшасында көрсетілген жағдайда, тауардың шығарылған жері туралы осы алдын ала шешім қабылданған күннен бастап күшіне енеді.

      5. Осы баптың 3-тармағының 2) тармақшасында көрсетілген жағдайда, тауардың шығарылған жері туралы алдын ала шешімнің қолданысын тоқтату туралы шешім қабылдау кезінде тауардың шығарылған жері туралы алдын ала шешімді берген кеден органы тауардың шығарылған жері туралы алдын ала шешімнің қолданысын тоқтату туралы шешім қабылданған күннен бастап он жұмыс күнінен кешіктірмей, өтініш беруші тауардың шығарылған жері туралы қолданысы тоқтатылған алдын ала шешім қабылдау туралы өтініш беру кезінде табыс еткен мәліметтердің негізінде тауардың шығарылған жері туралы жаңа алдын ала шешім қабылдайды. Тауардың шығарылған жері туралы мұндай жаңа алдын ала шешім қабылданған күнінен бастап күшіне енеді.

      6. Тауардың шығарылған жері туралы алдын ала шешімді кері қайтарып алу туралы шешім, егер тауарларға қатысты олардың шығарылған жері туралы алдын ала шешім қабылданған тауарлардың шығарылған жерін анықтауға әсер ететін, әкелінетін тауарлардың шығарылған жерін айқындау қағидаларына тауардың шығарылған жерін анықтау өлшемшарттары бөлігінде өзгерістер енгізілген жағдайда қабылданады.

      Тауардың шығарылған жері туралы алдын ала шешімді кері қайтарып алу туралы шешім әкелінетін тауарлардың шығарылған жерін айқындау қағидаларына көрсетілген өзгерістер күшіне енген күннен бастап күшіне енеді.

      7. Тауардың шығарылған жері туралы алдын ала шешімге өзгерістер енгізу туралы шешім, тауардың шығарылған жері туралы алдын ала шешімнің қолданысын тоқтату туралы шешім, тауардың шығарылған жері туралы алдын ала шешімді кері қайтарып алу туралы шешім, мұндай шешімдердің қабылдану себептері көрсетіле отырып, өтініш берушіге жіберіледі, сондай-ақ мұндай шешімдер қабылданған күннен кейінгі күннен кешіктірілмей кеден органдарының назарына жеткізіледі.

6-тарау. Тауарлардың кедендік құны

      64-бап. Анықтамалар

      Осы тараудың мақсаттары үшін мынаны білдіретін ұғымдар пайдаланылады:

      өзара байланысты тұлғалар – мына шарттардың ең болмағанда біріне сай келетін:

      олар бір бірінің ұйымдарының қызметкерлері немесе директорлары (басшылары) болып табылатын;

      олар заңды тұрғыда танылған іскер серіктестер болып табылатын, яғни шарттық қатынастармен байланысқан, пайда табу мақсатында әрекет ететін және бірлескен қызметті жүзеге асыруға байланысты шығыстар мен залалдарды бірге көтеретін;

      олар жұмыс беруші және жұмыскер болып табылатын;

      қандай да бір тұлға олардың екеуінің де айналысқа шығарылған дауыс беретін акцияларының бес немесе одан да көп пайызына тікелей немесе жанама түрде иелік ететін, бақылайтын немесе ұстаушы болып табылатын;

      олардың бірі тікелей немесе жанама түрде басқаны бақылайтын;

      олардың екеуін де тікелей немесе жанама түрде үшінші тұлға бақылайтын;

      олар екеуі бірігіп тікелей немесе жанама түрде үшінші тұлғаны бақылайтын;

      олар туысқандар немесе бір отбасының мүшелері болып табылатын тұлғалар.

      Егер тұлғаларар бірлескен кәсіпкерлік немесе өзге қызметте серіктестер болып табылса және бұл ретте олардың біреуі басқаның айрықша (жалғыз) агенті, айрықша дистрибюторы немесе айрықша концессионері болып табылса (бұл қалай ұсынылса да), мұндай тұлғалар, егер олар көрсетілген шарттардың ең болмағанда біреуіне сай болса, осы тараудың мақсаттары үшін өзара байланысты деп есептелуі тиіс.

      Егер тұлға заңдық немесе практикалық тұрғыда басқа тұлғаның әрекеттерін шектеу немесе оны басқару мүмкіндігіне ие болса, ол осы тұлғаны бақылайтын болып есептеледі.

      бірегей тауарлар – барлық жағынан, оның ішінде физикалық сипаттары, сапасы және беделі бойынша бірдей тауарлар. Тауарлардың сыртқы түріндегі елеусіз айырмашылықтар, егер басқа қалған жағдайда бұл тауарлар осы абзацта көзделген талаптарға сәйкес келсе, тауарларды бірегей емес деп тану үшін негіз болып табылмайды. Егер тауарлар Еуразиялық экономикалық одақтың кедендік аумағына әкелінетін, бағаланатын тауарлар (бұдан әрі осы тарауда – бағаланатын тауарлар) сияқты сол елде өндірілмесе немесе егер осы тауарларға қатысты жобалау, әзірлеу, инженерлік, конструкторлық жұмыс, көркемдік әрлеу, дизайнын, эскиздері мен сызбаларын әзірлеу және өзге де сол сияқты жұмыстар Еуразиялық экономикалық одақтың кедендік аумағында орындалған болса, ол тауарлар бірегей болып есептелмейді. Тауарларға қатысты "өндірілген" ("өндірілді") деген ұғымның "өндіріп алынған", "өсірілген", "жасалған (оның ішінде тауарларды монтаждау, жинау немесе бұзу жолымен жасалған)" деген мағынасы да бар. Бағаланатын тауарларды өндірушіден басқа тұлға өндірген бірегей тауарлар, сол өндірушінің бірегей тауарлары анықталмаған не қолда бар ақпарат пайдалануға болмайды деп есептелген жағдайда ғана бірегей тауарлар деп қарастырылады;

      бухгалтерлік есепке алудың жалпыға бірдей қабылданған қағидаттары – тиісті уақыт кезеңінде Қазақстан Республикасының заңнамасында белгіленген тәртіппен қолданылатын бухгалтерлік есепке алу қағидаларының жүйесі;

      біртекті тауарлар – барлық жағынан бірдей болып табылмайтын, бірақ ұқсас сипаттамалары бар ұқсас құрамбөліктерден тұратын және осындай бағаланатын тауарлар сияқты функцияларды орындауға мүмкіндік беретін және олармен коммерциялық тұрғыда өзара ауыстыруға болатын материалдардан жасалған тауарлар. Тауарлардың біртекті болып табылатындығы анықталған кезде сапасы, беделі және тауар белгісінің болуы сияқты сипаттамалары ескеріледі. Егер тауарлар бағаланатын елде өндірілмесе немесе егер осы тауарларға қатысты жобалау, әзірлеу, инженерлік, конструкторлық жұмыс, көркемдік әрлеу, дизайнын, эскиздері мен сызбаларын әзірлеу және өзге де сол сияқты жұмыстар Еуразиялық экономикалық одақтың кедендік аумағында орындалған болса, тауарлар біртекті болып есептелмейді. Тауарларға қатысты "өндірілген" ("өндірілді") деген ұғымның, "өндіріп алынған", "өсірілген", "жасалған (оның ішінде тауарларды монтаждау, жинау немесе бұзу жолымен жасалған)" деген мағынасы да бар. Бағаланатын тауарларды өндірушіден өзге тұлға өндірген біртекті тауарлар, сол өндірушінің біртекті тауарлары анықталмаған не қолда бар ақпарат пайдалануға болмайды деп есептелген жағдайда ғана біртекті тауарлар деп қарастырылады;

      белгілі бір сыныптың немесе түрдің тауарлары – бірегей және біртекті тауарларды қоса алғанда, тауарлардың бір тобына немесе қатарына жататын және олардың жасалуы экономикалық қызметтің тиісті түріне жататын тауарлар.


      65-бап. Тауарлардың кедендік құны туралы жалпы ережелер

      1. Осы тараудың ережелері 1994 жылғы Тарифтер мен сауда жөніндегі бас келісімнің (1994 жылғы ГАТТ) VII бабында белгіленген және 1994 жылғы Тарифтер мен сауда жөніндегі бас келісімнің VII бабын қолдану жөніндегі келісімнің ортақ қағидаттары мен қағидаларына негізделген.

      2. Егер Еуразиялық экономикалық одақтың кедендік аумағына әкелу кезінде тауарлар Еуразиялық экономикалық одақтың кедендік шекарасын кесіп өтсе және осындай тауарларға қатысты осы баптың 3-тармағында көрсетілгендерден өзге кедендік рәсім алғашқы рет мәлімделсе, Еуразиялық экономикалық одақтың кедендік аумағына әкелінетін тауарлардың (бұдан әрі осы тарауда – әкелінетін тауарлар) кедендік құны осы тарауға сәйкес айқындалады.

      Егер тауарларды кедендік декларациялау оларды осы баптың 3-тармағында көрсетілгендерден өзге кедендік рәсімге орналастырған кездегі жағдайда, осы Кодекстің 185, 186, 187, 188 және 189-баптарында айқындалған ерекшеліктермен жүзеге асырылатын болса, әкелінетін тауарлардың кедендік құны да осы тарауға сәйкес айқындалады.

      3. Осы баптың 2-тармағының ережелеріне қарамастан тауарлардың кедендік құны оларды кедендік транзит кедендік рәсіміне, кедендік қойма кедендік рәсіміне, жою кедендік рәсіміне, мемлекет пайдасына бас тарту кедендік рәсіміне немесе арнайы кедендік рәсіміне орналастырған кезде айқындалмайды.

      4. Еуразиялық экономикалық одақтың кедендік аумағынан әкетілетін тауарлардың кедендік құнын айқындау осы баптың ережелерін ескере отырып, осы Кодекстің 73-бабына сәйкес жүргізіледі.

      5. Осы Кодекстің 279-бабының 1-тармағында, 289-бабының 1-тармағының екінші абзацында, 2 және 3-тармақтарында және 298-бабының 1-тармағының екінші абзацында, 2 және 3-тармақтарында көрсетілген тауарлардың, сондай-ақ осы Кодекстің 250, 275, 331-баптарына сәйкес кедендік рәсімдерге орналастырылуға жататын қалдықтардың кедендік құны, Комиссия айқындайтын ерекшеліктері ескеріле отырып, осы тарауға сәйкес айқындалады.

      6. Осы Кодекстің 88-бабына, 136-бабының 5-тармағына, 217-бабының 11-тармағына және 278-бабының 12-тармағына сәйкес төленуге жататын кедендік баждарды, салықтарды, арнайы, демпингке қарсы, өтем баждарын есептеу мақсаты үшін тауарлардың кедендік құны Комиссия айқындайтын ерекшеліктер ескеріле отырып, осы тарауға сәйкес айқындалады.

      Осы Кодекстің 157-бабының 4-тармағында, 163-бабының 3-тармағында, 174-бабының 4-тармағында, 233-бабының 5-тармағында, 242-бабының 6-тармағында, 322-бабының 3-тармағында, 362-бабының 8-тармағында, 363-бабының 4-тармағында, 367-бабының 4-тармағында және 392-бабының 3-тармағында көрсетілген мән-жайлар, сондай-ақ осы Кодекстің 337-бабына сәйкес Комиссия және Комиссия айқындаған жағдайларда Қазақстан Республикасының Үкіметі айқындайтын, кедендік баждарды, салықтарды төлеу жөніндегі міндет орындалуға жататын мән-жайлар туындаған кезде төлеуге жататын кедендік баждарды, салықтарды, арнайы, демпингке қарсы, өтем баждарын есептеу мақсаттары үшін тауарлардың кедендік құны осы тарауға және көрсетілген баптардың ережелеріне сәйкес айқындалады.

      7. Егер, осы Кодекстің 289-бабының 1-тармағының екінші абзацында және 298-бабының 1-тармағының екінші абзацында көрсетілген тауарларды қоспағанда, осы Кодексте көзделген кедендік рәсімдердің біріне орналастырылған тауарлар өзге кедендік рәсімге не осындай кедендік рәсімге орналастырылған жағдайда, мұндай тауарлардың кедендік құны оларды осы баптың 3-тармағында көрсетілгеннен өзге кедендік рәсімге алғаш орналастырылған кезінде айқындалған тауарлардың кедендік құны, ал егер тауарларға декларацияға тауарлардың кедендік құны туралы мәліметтер бөлігіне өзгерістер енгізілген болса – осындай өзгерістер енгізген кезде айқындалған тауарлардың кедендік құны болып табылады.

      Кері экспорт кедендік рәсімін қоспағанда, тауарлар кедендік рәсімдерге орналастырылған кезде олардың кедендік құны, кедендік қойма кедендік рәсімінің қолданысын аяқтау үшін Комиссия айқындайтын ерекшеліктер ескеріле отырып, осы тарауға сәйкес айқындалады.

      8. Тауарлардың кедендік құны Қазақстан Республикасында ұлттық валютада айқындалады. Егер тауарлардың кедендік құнын айқындау кезінде шетел валютасын ұлттық валютасына қайта есептеу талап етілген жағдайда, мұндай қайта есептеу, егер осы Кодексте өзгеше белгіленбесе, кеден органы кедендік декларацияны тіркеу күні қолданылатын, Қазақстан Республикасының салық заңнамасына сәйкес белгіленетін валюта айырбастаудың нарықтық бағамы (бұдан әрі – валюталар бағамы) бойынша жүргізіледі.

      9. Тауарлардың кедендік құнын айқындау тауарлардың еркін немесе жалған кедендік құнын пайдалануға негізделмеуі тиіс.

      10. Тауарлардың кедендік құны және оны айқындауға қатысты мәліметтер дұрыс, саны жағынан айқындалған және құжатпен расталған ақпаратқа негізделуі тиіс.

      11. Тауарлардың кедендік құнын айқындау рәсімдері жалпыға бірдей қолданылатын болуы, яғни тауарлардың жеткізілу көздерін, оның ішінде тауарлардың шығарылған жеріне, түріне, мәмілелерге қатысушыларға және басқа да факторларға қарай ерекшеленбеуге тиіс.

      12. Әкелінетін тауарлардың кедендік құнын айқындау рәсімдері демпингке қарсы күресу мақсатында пайдаланылмауы тиіс.

      13. Осы тараудың ережелері кеден органдарының тауарлардың кедендік құнын растау үшін табыс етілген кез келген өтініштің, құжаттың немесе декларацияның дұрыстығына немесе дәлділігіне көз жеткізу құқығын шектеу немесе күмән келтіру ретінде қарастырыла алмайды.

      14. Тауарлардың кедендік құнын декларант айқындайды, ал осы Кодекстің 83-бабының 2-тармағына сәйкес және 135-бабының 3-тармағы ескеріле отырып, кедендік баждарды, салықтарды, арнайы, демпингке қарсы, өтем баждарын кеден органы есептеген жағдайда, тауарлардың кедендік құнын кеден органы айқындайды.

      15. Әкелінетін тауарлардың кедендік құнының негізі барынша мүмкін болатын дәрежеде осы Кодекстің 66-бабында айқындалған мәнінде осы тауарлармен мәмілелер құны болуға тиіс.

      Әкелінетін тауарлардың кедендік құнын олармен жасалған мәмілелердің құны бойынша айқындау мүмкін болмаған жағдайда тауарлардың кедендік құны осы Кодекстің дәйекті түрде қолданылатын 68 және 69-баптарына сәйкес айқындалады. Бұл ретте осы Кодекстің 68 және 69-баптарына сәйкес келетін, әкелінетін тауарлардың кедендік құнын айқындау үшін олардың құндық негізін негіздеп таңдау мақсатында кеден органы мен декларанттың арасында консультациялар жүргізуі мүмкін. Консультациялар процесінде кеден органы мен декларант Қазақстан Республикасының коммерциялық құпия туралы заңнамасы сақталған жағдайда олардың қолда бар ақпаратымен алмаса алады.

      Консультациялар уәкілетті орган айқындаған тәртіппен және мерзімде жүргізіледі.

      Осы Кодекстің 68 және 69-баптарына сәйкес әкелінетін тауарлардың кедендік құнын айқындау мүмкін болмаған кезде тауарлардың кедендік құнын айқындау үшін негіз ретінде осы Кодекстің 70-бабына сәйкес бағаланатын, бірдей немесе біртекті тауарлар Еуразиялық экономикалық одақтың кедендік аумағында сатылған баға не осы Кодекстің 71-бабына сәйкес тауарлардың есеп айырысу құны пайдаланылуы мүмкін. Әкелінетін тауарлардың кедендік құнын айқындау кезінде декларанттың аталған баптарды қолдану кезектілігін таңдауға құқығы бар.

      Егер әкелінетін тауарлардың кедендік құнын айқындау үшін осы Кодекстің 68, 69, 70, 71-баптарын қолдану мүмкін болмаған жағдайда, тауарлардың кедендік құнын айқындау осы Кодекстің 72-бабына сәйкес жүзеге асырылады.

      16. Егер тауарларды кедендік декларациялау кезінде тауарлар Еуразиялық экономикалық одақтың кедендік аумағына әкету үшін сатылатын болуына орай мәміленің шарттарына сәйкес тауарларға декларацияны кеден органы тіркеу күніне онымен есеп айырысу үшін қажетті нақты мәліметтер қамтылған құжаттардың болмауына байланысты олардың кедендік құнының шамасын айқындау мүмкін болмаған жағдайда, тауарлардың кедендік құнының нақты шамасын айқындауды кейінге қалдыруға жол беріледі. Бұл жағдайда декларанттың қолда бар құжаттары мен мәліметтері (бұдан әрі осы бапта – тауарлардың кедендік құнының алдын ала шамасы) негізінде тауарлардың кедендік құнын айқындауға және мәлімдеуге, сондай-ақ тауарлардың кедендік құнының мәлімделген алдын ала шамасы негізге алына отырып, кедендік баждарды, салықтарды, арнайы, демпингке қарсы, өтем баждарын есептеу мен төлеуге жол беріледі.

      Тауарлардың кедендік құнын кейінге қалдырып айқындау, оның ішінде тауарлардың кедендік құнын кейінге қалдырып айқындау жағдайларын қамтитын тәртібін, тауарлардың кедендік құнын кейінге қалдырып айқындауды пайдалану кезінде әкелінетін тауарлармен мәміленің құны жөніндегі әдісті қолдану ерекшеліктерін, тауарлардың кедендік құнының алдын ала шамасы туралы мәліметтерді мәлімдеу ерекшеліктерін, тауарлардың кедендік құнының нақты шамасын мәлімдеу тәртібі мен мерзімдерін, тауарлардың кедендік құнын бақылау ерекшеліктерін Комиссия айқындайды және Комиссияда көзделген жағдайларда уәкілетті органмен айқындалады.

      Тауарлардың кедендік құнының нақты шамасы негізге алына отырып, қосымша есептелген кедендік баждарды, салықтарды, арнайы, демпингке қарсы, өтем баждарын төлеу тауарлардың кедендік құнының нақты шамасын мәлімдеу мерзімінен кешіктірілмей жүргізіледі.

      17. Комиссия, 1994 жылғы Тарифтер мен сауда жөніндегі бас келісімнің VII бабының қолданылуы жөніндегі Келісімнің, оған түсіндірме ескертулерді, сондай-ақ Дүниежүзілік сауда ұйымының Кедендік бағалау комитеті және Дүниежүзілік кеден ұйымының Кедендік бағалау жөніндегі техникалық комитеті қабылдаған тауарлардың кедендік құны жөніндегі құжаттарды қоса алғанда, тиісті ережелері негізге алына отырып, әкелінетін тауарлардың кедендің құнын айқындау әдістерін қолдану кезінде осы тараудың ережелерін біркелкі қолдануды қамтамасыз етуге бағытталған актілерді қабылдайды.

      18. Осы тараудың ережелері Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарларға қатысты қолданылмайды.

      19. Әкелінетін тауарлардың кедендік құнын айқындау әдістерін қолдану мәселелері жөніндегі алдын ала шешімдер уәкілетті орган айқындаған жағдайларда қабылдануы мүмкін. Әкелінетін тауарлардың кедендік құнын айқындау әдістерін қолдану мәселелері жөніндегі алдын ала шешім беру тәртібін, шарттары мен мерзімдерін, сондай-ақ осындай алдын ала шешімді қолдану тәртібі мен мерзімдерін уәкілетті орган белгілейді.


      66-бап. Әкелінетін тауарлармен жасалған мәміленің құны жөніндегі әдіс (1-әдіс)

      1. Әкелінетін тауарлардың кедендік құны олармен жасалған мәміленің құны болып табылады, яғни оларды Еуразиялық экономикалық одақтың кедендік аумағына әкету үшін сату кезінде осы тауарлар үшін іс жүзінде төленген немесе төленуге жататын және:

      1) мына:

      тауарлардың қайта сатылуы мүмкін географиялық өңірді шектейтін;

      тауарлардың құнына елеулі әсер етпейтін;

      Еуразиялық экономикалық одақ органдарының актілерінде немесе Қазақстан Республикасының заңнамасында белгіленген шектеулерді қоспағанда, сатып алушының тауарларды пайдалануға және билік етуіне берілген құқықтарына қатысты шектеулердің жоқ болуы;

      2) тауарлардың сатылуы немесе олардың бағасы тауарлар бағасына әсері сан жағынан айқындалуы мүмкін болмайтын, қандай да бір жағдайларға немесе міндеттемелерге тәуелді болмау;

      3) осы Кодекстің 67-бабына сәйкес қосымша есептеулер жүргізуге болатын кездегіден басқа жағдайларда, кейін тауарларды сатудан, өзге әдіспен билік етуден немесе сатып алушының пайдалануынан түсетін кірістің немесе пайданың ешбір бөлігі сатушыға тікелей немесе жанама түрде тиесілі болмау;

      4) сатып алушы және сатушы өзара байланысты тұлғалар болып табылмайтын немесе сатып алушы мен сатушы әкелінетін тауарлармен жасалатын мәміленің құны осы баптың 4-тармағына сәйкес кедендік мақсаттар үшін қолайлы болатындай өзара байланысты тұлғалар болып табылатын талаптары орындалған кезде осы Кодекстің 67-бабына сәйкес толықтырылған баға болып табылады.

      2. Егер осы баптың 1-тармағында көрсетілген талаптардың ең болмаса біреуі орындалмаған жағдайда, іс жүзінде төленген немесе төленуге жататын баға әкелінетін тауарлардың кедендік құнын анықтау үшін қолайлы болып табылмайды және 1-әдіс қолданылмайды.

      3. Әкелінетін тауарлар үшін іс жүзінде төленген немесе төленуге жататын баға сатып алушының тікелей сатушыға немесе сатушының пайдасына өзге тұлғаға жүзеге асырылған немесе жүзеге асыруға жататын осы тауарлар үшін барлық төлемдердің жалпы сомасы болып табылады. Бұл ретте төлемдер, Қазақстан Республикасының заңнамасында тыйым салынбаған кез келген нысанда тікелей немесе жанама жүзеге асырылуы мүмкін.

      Егер декларацияланатын тауарлар бір мәміле шеңберінде сатып алынған осындай тауарлардың көп мөлшерінің бір бөлігі болып табылған жағдайда, декларацияланатын тауарлар үшін іс жүзінде төленген немесе төленуге жататын баға декларацияланатын тауарлар саны мен сатып алынған тауарлардың жалпы санының арақатынасындағы арақатынаста (пропорцияда) айқындалады.

      4. Сатушы мен сатып алушының арасындағы өзара байланыс фактісі әкелінетін тауарлардың кедендік құнын айқындау үшін қолайлы болмайтын мәміленің құнын мойындау үшін өздігінен негіз болып табылмауға тиіс. Бұл жағдайда сатылымға ілеспе мән-жайларға талдау жасалуға тиіс. Егер көрсетілген өзара байланыс іс жүзінде төленген немесе төленуге жататын бағаға әсер етпесе, мәміленің құны әкелінетін тауарлардың кедендік құнын айқындау үшін қолайлы деп танылады.

      5. Егер сатушы мен сатып алушы өзара байланысты тұлғалар болып табылған жағдайда және бұл ретте декларант табыс еткен немесе өзге тәсілмен кеден органы алған ақпараттың негізінде кеден органы сатушы мен сатып алушы арасындағы өзара байланыс іс жүзінде төленген немесе төленуге жататын бағаға әсер ететін белгілерді анықтаса, онда кеден органы бұл белгілер туралы жазбаша немесе электрондық нысанда декларантқа хабарлайды. Бұл жағдайда кеден органы кедендік бақылау, оның ішінде сатылымға ілеспе мән-жайларға талдау жүргізеді. Декларанттың іс жүзінде төленген немесе төленуге жататын бағаға сатушы мен сатып алушының арасындағы өзара байланысының әсері жоқ екенін мына тәсілердің бірімен:

      1) қосымша құжаттар мен (оның ішінде кеден органы қосымша сұратқан) сатылымға ілеспе мән-жайларды сипаттайтын (көрсететін) мәліметтерді табыс ету тәсілімен дәлелдеуге құқығы бар. Іс жүзінде төленген немесе төленуге жататын бағаға сатушы мен сатып алушының арасындағы өзара байланыстың әсерін анықтау мақсатында кеден органы сатылымға ілеспе мән-жайларға талдау жүргізу кезінде, сатып алушы мен сатушы өзінің коммерциялық қарым-қатынастарын ұйымдастыратын тәсілді қоса алғанда, мәмленің барлық шарттарын және қарастырылып отырған баға қалай белгіленгенін қарастырады. Егер жүргізілген талдаудың нәтижесінде кеден органы, сатушы мен сатып алушы өзара байланысты тұлғалар бола отырып, тауарларды сол талаптармен, оның ішінде егер олар өзара байланысты тұлғалар болып табылмағандығы сияқты, салыстырмалы бағалармен (яғни сол деңгейдегі бағалармен) өзара сатса және сатып алса, бұл факті сатып алушы және сатушы арасындағы өзара байланыс іс жүзінде төленген немесе төленуге жататын бағаға әсер етпеуінің дәлелі болып табылады;

      2) әкелінетін тауарлармен мәміленің құны тауарлар Еуразиялық экономикалық одақтың кедендік аумағына әкелінген сол немесе соған сәйкес уақыт кезеңінде орын алған мынадай тексеру шамаларының біріне:

      Еуразиялық экономикалық одақтың кедендік аумағына әкету үшін сатушымен өзара байланысты тұлғалар болып табылмайтын сатып алушыларға осындай тауарларды сату кезінде бірдей немесе біртекті тауарлармен мәміленің құны;

      осы Кодекстің 70-бабына сәйкес айқындалған бірдей немесе біртекті тауарлардың кедендік құны;

      осы Кодекстің 71-бабына сәйкес айқындалған бірдей немесе біртекті тауарлардың кедендік құнын тексеру шамаларына жақын екенін растайтын құжаттар мен мәліметтерді табыс ету тәсілімен дәлелдеуге құқығы бар;

      6. Егер кеден органында осы баптың 5-тармағының 2) тармақшасында көрсетілген тексеру шамаларының бірі әкелінетін тауарлармен мәміленің құнына жақын екені туралы жеткілікті ақпарат болса, ол декларанттан әкелінетін тауарлармен мәміленің құнын осы тексеру шамасына жақын екенін дәлелдейтін қосымша ақпарат сұратуға тиіс емес.

      7. Кеден органы осы баптың 5-тармағы 2) тармақшасында көрсетілген тексеру шамаларын әкелінетін тауарлармен мәміленің құнымен салыстыру жүргізу кезінде декларант табыс еткен, сатылымның коммерциялық деңгейлеріндегі, тауарлар санындағы, осы Кодекстің 67-бабында көрсетілген қосымша есептердегі айырмашылықтар туралы, сондай-ақ әдетте сатушы мен сатып алушы өзара байланысты тұлғалар болған кезде, сатылымдар кезінде сатушы шегетін шығындармен салыстырғанда сатушы мен сатып алушы өзара байланысты тұлғалар болып табылмаған кезіндегі сатылымдар кезінде сатушы шегетін шығындардағы айырмашылықтар туралы мәліметтерді ескереді.

      8. Осы баптың 5-тармағы 2) тармақшасында көрсетілген тексеру шамалары декларанттың бастамасымен және осы баптың 7-тармағына сәйкес салыстыру мақсатында ғана пайдаланылады және әкелінетін тауарлардың кедендік құнын айқындау үшін негіз ретінде қолданыла алмайды.

      9. Әкелінетін тауарлар үшін іс жүзінде төленген немесе төленуге жататын баға Еуразиялық экономикалық одақтың кедендік шекарасы арқылы өткізілетін тауарларға қатысты, осыған байланысты сатып алушының сатушыға аударатын дивидендтер немесе өзге де төлемдер, егер олар әкелінетін тауарлармен байланысты болмаса, әкелінетін тауарлардың кедендік құнына енгізілмейді.

      10. Онда ақпараты бар ақпарат жеткізгіштерін (қағаз, электрондық немесе басқа) Еуразиялық экономикалық одағының кедендік аумағына әкелу кезінде кедендік құнға, мәміле пәні көрсетілген жеткізгіштердегі ақпарат болып табылатын жағдайларды қоспағанда, осы ақпарат жеткізгішінің құны ғана қосылады.


      67-бап. Әкелінетін тауарлар үшін іс жүзінде төленген немесе төленуге жататын бағаға қосымша есептеулер

      1. Әкелінетін тауарлардың кедендік құнын олармен жасалған мәміленің құны бойынша анықтау кезінде осы тауарлар үшін іс жүзінде төленген немесе төленуге жататын бағаға мынадай қосымша есептеулер қосылады:

      1) сатып алушы жүзеге асырған немесе жүзеге асыратын, бірақ:

      сатып алушы өзінің агентінің (делдалдың) табыс етуі бойынша Еуразиялық экономикалық одақтың кедендік аумағынан тысқары жерге әкелінетін тауарларды сатып алуға байланысты қызмет көрсеткені үшін өзінің агентіне (делдалға) төлейтін, сатып алғаны үшін сыйақыны қоспағанда, делдалдарға (агенттерге) берілетін сыйақы және брокерлерге берілетін сыйақы;

      егер кедендік мақсаттар үшін ол әкелінетін тауарлармен біртұтас ретінде қарастырылса, ыдысқа жұмсалған шығыстар;

      әкелінетін тауарлар орамасына жұмсалған шығыстар, оның ішінде орама материалдарының және орау жұмыстардың құны жататын әкелінетін тауарлар үшін іс жүзінде төленген немесе төленуге жататын бағаға енгізілмеген мөлшердегі шығыстар;

      2) Еуразиялық экономикалық одақтың кедендік аумағына әкету үшін әкелінетін тауарларды өндірумен және сатумен байланысты пайдалану үшін сатып алушы тікелей немесе жанама түрде тегін немесе төмендетілген бағамен, іс жүзінде төленген немесе төленуге жататын бағаға енгізілмеген мөлшерде берілген мынадай тауарлар мен көрсетілетін қызметтердің тиісті түрде бөлінген құны:

      әкелінетін тауарлар өндірілген (тұратын) шикізат, материалдар, детальдар, жартылай фабрикаттар мен өзге де тауарлар;

      әкелінетін тауарларды өндіру кезінде пайдаланылған құралдар, мөртабандар, нысандар мен өзге де ұқсас тауарлар;

      әкелінетін тауарларды өндіру кезінде жұмсалған материалдар;

      Еуразиялық экономикалық одақтың кедендік аумағынан тыс орындалған және әкелінетін тауарларды өндіру үшін қажетті жобалау, әзірлеу, инженерлік, конструкторлық жұмыс, көркемдік әрлеу, дизайн, эскиздер мен сызбалар;

      3) тікелей немесе жанама түрде сатушыға тиесілі, әкелінетін тауарларды пайдалану немесе өзге тәсілмен кейін сату, билік ету нәтижесінде алынған кірістің (пайданың) бір бөлігі;

      4) Еуразиялық экономикалық одақтың кедендік аумағына мұндай тауарларды әкелу орнына дейін, ал егер Комиссия тасу (тасымалдау) жүзеге асырылатын көліктің түріне және осындай тасудың (тасымалдаудың) ерекшеліктеріне қарай өзге орындарды айқындаса – Комиссия айқындаған орынға дейін әкелінетін тауарларды тасуға (тасымалдауға) жұмсалған шығыстар;

      5) Еуразиялық экономикалық одақтың кедендік аумағына мұндай тауарларды әкелу орнына дейін, ал егер Комиссия тасу (тасымалдау) жүзеге асырылатын көліктің түріне және осындай тасудың (тасымалдаудың) ерекшеліктеріне қарай өзге орындарды айқындаса – Комиссия айқындаған орынға дейін әкелінетін тауарларды тиеу, түсіру немесе қайта тиеу және оларды тасуға (тасымалдауға) байланысты өзге операцияларды жасауға жұмсалған шығыстар;

      6) осы тармақтың 4) және 5) тармақшаларында көрсетілген операцияларды жасауға байланысты сақтандыру шығыстары;

      7) роялтиді, әкелінетін тауарларға қатысты және осы тауарлар үшін іс жүзінде төленген немесе төленуге жататын бағаға енгізілмеген мөлшерде, Еуразиялық экономикалық одақтың кедендік аумағына әкету үшін әкелінетін тауарларды сатудың шарттары ретінде сатып алушы тікелей немесе жанама түрде жүргізген немесе жүргізуі тиіс патенттер, тауар белгілері, авторлық құқықтары үшін төлемдерді қоса алғанда, зияткерлік меншік объектілерін пайдаланғаны үшін лицензиялық және өзге ұқсас төлемдер.

      Әкелінетін тауарлардың кедендік құнын айқындау кезінде іс жүзінде төленген немесе төлеуге жататын бағаға:

      а) Еуразиялық экономикалық одақтың кедендік аумағына әкелінетін тауарларды қайта жаңғырту (тираждау) құқығына төлемдер;

      б) әкелінетін тауарларды, егер мұндай төлемдер Еуразиялық экономикалық одақтың кедендік аумағына әкету үшін әкелінетін тауарларды сатудың шарты болып табылмаса, бөлу немесе қайта сату құқығы үшін төлемдер қосылмауға тиіс.

      2. Әкелінетін тауарлардың кедендік құны, олар іс жүзінде төленген немесе төлеуге жататын бағадан бөлінген жағдайда, декларант мәлімдеген және ол құжаттама түрінде растаған:

      1) тауарларды Еуразиялық экономикалық одақтың кедендік аумағына әкелгеннен кейін жүргізілетін құрылысқа, осындай өнеркәсіптік қондырғылар, машиналар немесе жабдық сияқты тауарларды салуға, жинақтауға, монтаждауға, қызмет көрсетуге немесе техникалық көмек көрсетуге жұмсалатын шығыстарды;

      2) Еуразиялық экономикалық одақтың кедендік аумағы бойынша мұндай тауарларды келген орнынан, ал егер Комиссия тасу (тасымалдау) жүзеге асырылатын көліктің түріне және осындай тасудың (тасымалдаудың) ерекшеліктеріне қарай өзге орындарды айқындаса – Комиссия айқындаған орыннан әкелінетін тауарларды тасуға (тасымалдауға) жұмсалған шығыстарды;

      3) тауарларды Еуразиялық экономикалық одақтың кедендік аумағына әкелуге немесе Еуразиялық экономикалық одақтың кедендік аумағына әкелінетін тауарларды сатуға байланысты төленетін баждарды, салықтар мен алымдарды қамтымауға тиіс.

      3. Осы баптың 1-тармағында көрсетілген әкелінетін тауарлар үшін іс жүзінде төленген немесе төленуге жататын бағаға қосымша есептеулер дұрыс, саны жағынан айқындалатын және құжаттамалық расталған ақпараттың негізінде жүргізіледі. Мұндай ақпарат болмаған кезде 1-әдіс қолданылмайды.

      4. Әкелінетін тауарлардың кедендік құнын айқындау кезінде осы баптың 1-тармағында көрсетілгеннен басқа, мұндай тауарлар үшін іс жүзінде төленген немесе төленуге жататын бағаға қосымша есептеулер жүргізілмейді.

      5. Әкелінетін тауарлар үшін іс жүзінде төленген немесе төленуге жататын бағаға қосымша есептеулер жүзеге асырылған кезде:

      1) осы баптың 1-тармағының 2) тармақшасының үшінші абзацында көрсетілген тауарлар құнын бөлу осы құнның бәрін тауарлардың бірінші партиясының кедендік құнына немесе декларант айқындаған декларацияланатын тауарлардың санынан кем болмауға тиіс өзге тауарлар санының кедендік құнына жатқызу жолымен жүргізіледі. Мұндай бөлу декларанттың қолындағы құжаттарға байланысты және жалпыға бірдей қабылданған бухгалтерлік есепке алу қағидаттарына сәйкес нақты жағдайларға қолданылатын ақылға сыйымды әдіспен жүргізілуге тиіс. Бұл ретте көрсетілген тауарлардың құны ретінде, егер сатып алушы тауарларды сатып алушымен өзара байланысты тұлға болып табылмайтын сатушыдан сатып алса, оларды сатып алуға жұмсалған шығыстар, не егер тауарды сатып алушы өндірсе, оларды дайындауға жұмсалған шығыстар танылады. Егер көрсетілген тауарларды бұрын сатып алушы оларды сатып алғанына немесе өндіргеніне қарамастан пайдаланған жағдайда, сатып алудың немесе өндірудің бастапқы бағасы олардың пайдаланылуын ескере отырып, осы тауарлардың құнын алу (айқындау) мақсатында азайтылуға тиіс;

      2) сатып алушы берген немесе осы баптың 1-тармағының 2) тармақшасының бесінші абзацында көрсетілген, сатып алушы сатып алған немесе жалға алған тауарлар мен көрсетілетін қызметтерге қатысты қосымша есептеулер осындай тауарлар мен көрсетілетін қызметтерді сатып алуға немесе жалдауға жұмсалған шығыстар бөлігінде жүзеге асырылады. Егер сатып алушы қоғам иелігіндегі, яғни мемлекеттік немесе жеке меншіктегі тауарларды берсе, қосымша есептеулер осындай тауарлардың көшірмелерін алу құны (шығыстары) бөлігінде жүзеге асырылады.

      6. Осы баптың 1-тармағының 2) тармақшасында көрсетілген қосымша есептеулер жүзеге асырылған кезде, тікелей тауарлардың құнынан басқа оларды сатушыға беруге (жеткізуге) байланысты барлық шығыстар, егер осылай көзделген болса, оларды қайтаруды қоса алғанда, ескеріледі.


      68-бап. Бірдей тауарлармен мәміле құны бойынша әдіс (2-әдіс)

      1. Егер әкелінетін тауарлардың кедендік құнын Кодекстің 66-бабына сәйкес айқындауға болмайтын болса, Еуразиялық экономикалық одақтың кедендік аумағына әкету үшін сатылған және Еуразиялық экономикалық одақтың кедендік аумағына бағаланатын тауарлар сияқты сол немесе оған сәйкес келетін уақыт кезеңінде, бірақ бағаланатын тауарларды Еуразиялық экономикалық одақтың кедендік аумағына әкелгенге дейін күнтізбелік тоқсан күннен ерте емес кезеңде Еуразиялық экономикалық одақтың кедендік аумағына әкелінген бірдей тауарлармен мәміленің құны мұндай тауарлардың кедендік құны болып табылады.

      Бірдей тауарлармен мәміленің құны осы Кодекстің 66-бабына сәйкес айқындалған және кеден органы қабылданған осы тауарлардың кедендік құны болып табылады.

      Әкелінетін тауарлардың кедендік құнын айқындау кезінде осы бапқа сәйкес сол коммерциялық деңгейде және мәні бойынша бағаланатын тауарлар сияқты мөлшерде сатылған бірдей тауарлармен мәміленің құны пайдаланылады.

      Егер ондай сатылымдар анықталмаса, сатылымның коммерциялық деңгейіндегі және (немесе) тауарлар санындағы айырмашылықтар ескерілетін тиісті түзетумен өзге коммерциялық деңгейде және (немесе) өзге мөлшерлерде сатылған бірдей тауарлармен мәміленің құны пайдаланылады.

      Көрсетілген түзету бірдей тауарлармен мәміле құнын ұлғайтуға немесе азайтуға әкелетініне қарамастан түзетудің негізділігі мен нақтылығын құжаттамалық растайтын мәліметтер негізінде жүзеге асырылады.

      Мұндай мәліметтер болмаған кезде бағаланатын тауарлардың кедендік құнын айқындау үшін бірдей тауарлармен мәміле құны бойынша әдіс пайдаланылмайды.

      2. Әкелінетін тауарлардың кедендік құнын айқындау кезінде осы бапқа сәйкес, қажет болса, бірдей тауарлар тасымалданатын (тасылатын) қашықтықтардағы және тауарларды тасу (тасымалдау) жүзеге асырылатын көлік түрлеріндегі айырмашылықтарға негізделген бағаланатын және бірдей тауарларға қатысты осы Кодекстің 67-бабының 1-тармағының 4), 5) және 6) тармақшаларында көрсетілген елеулі айырмашылықты есепке алу үшін бірдей тауарлармен мәміле құнына түзету жүргізіледі.

      3. Егер осы баптың 1 және 2-тармақтарына сәйкес түзетулер есебінен бірдей тауарлармен мәміленің біреуден артық құны анықталған жағдайда, әкелінетін тауарлардың кедендік құнын айқындау үшін олардың ең төмен бағасы қолданылады.


      69-бап. Біртекті тауарлармен мәміле құны бойынша әдіс (3-әдіс)

      1. Егер әкелінетін тауарлардың кедендік құнын осы Кодекстің 66 және 68-баптарына сәйкес айқындауға болмайтын болса, Еуразиялық экономикалық одақтың кедендік аумағына әкету үшін сатылған және Еуразиялық экономикалық одақтың кедендік аумағына бағаланатын тауарлар сияқты сол немесе оған сәйкес келетін уақыт кезеңінде, бірақ бағаланатын тауарларды Еуразиялық экономикалық одақтың кедендік аумағына әкелгенге дейін күнтізбелік тоқсан күннен ерте емес кезеңде Еуразиялық экономикалық одақтың кедендік аумағына әкелінген біртекті тауарлармен мәміленің құны мұндай тауарлардың кедендік құны болып табылады.

      Біртекті тауарлармен мәміленің құны осы Кодекстің 66-бабына сәйкес айқындалған және кеден органы қабылдаған осы тауарлардың кедендік құны болып табылады.

      Әкелінетін тауарлардың кедендік құнын айқындау кезінде осы бапқа сәйкес сол коммерциялық деңгейде және мәні бойынша бағаланатын тауарлар сияқты мөлшерде сатылған біртекті тауарлармен мәміле құны пайдаланылады.

      Егер ондай сатылымдар анықталмаса, сатылымның коммерциялық деңгейінде және (немесе) тауарлар санындағы айырмашылықтар ескерілетін тиісті түзетумен, өзге коммерциялық деңгейде және (немесе) өзге мөлшерде сатылған біртекті тауарлармен мәміле құны пайдаланылады.

      Көрсетілген түзету біртекті тауарлармен мәміле құнын ұлғайтуға немесе азайтуға әкелетініне қарамастан түзетудің негізділігі мен нақтылығын құжаттамалық растайтын мәліметтер негізінде жүзеге асырылады. Мұндай мәліметтер болмаған кезде бағаланатын тауарлардың кедендік құнын айқындау үшін біртекті тауарлармен мәміле құны бойынша әдіс пайдаланылмайды.

      2. Әкелінетін тауарлардың кедендік құнын айқындау кезінде осы бапқа сәйкес, қажет болса, біртекті тауарлар тасымалданатын (тасылатын) қашықтықтардағы және тауарларды тасу (тасымалдау) жүзеге асырылатын көлік түрлеріндегі айырмашылықтарға негізделген бағаланатын және біртекті тауарларға қатысты осы Кодекстің 67-бабының 1-тармағының 4), 5) және 6) тармақшаларында көрсетілген елеулі айырмашылықты есепке алу үшін біртекті тауарлармен мәміле құнына түзету жүргізіледі.

      3. Егер осы баптың 1 және 2-тармақтарына сәйкес түзетулер есебінен біртекті тауарлармен мәміленің біреуден артық құны анықталған жағдайда, әкелінетін тауарлардың кедендік құнын айқындау үшін олардың ең төмен бағасы қолданылады.


      70-бап. Шегеру әдісі (4-әдіс)

      1. Егер әкелінетін тауарлардың кедендік құны осы Кодекстің 66, 68 және 69-баптарына сәйкес айқындауға болмайтын болса, декларанттың өтініші бойынша осы Кодекстің осы бабының және 71-бабының қолданылу кезектілігі өзгертілген жағдайларды қоспағанда, мұндай тауарлардың кедендік құны осы бапқа сәйкес айқындалады.

      2. Егер бағаланатын тауарлар не бағаланатынмен бірдей немесе бағаланатындармен біртекті тауарлар олар Еуразиялық экономикалық одақтың кедендік аумағына әкелінген күйінде Еуразиялық экономикалық одақтың кедендік аумағында сатылған жағдайда, мынадай сомалар:

      1) делдалға (агентке) әдетте төленетін немесе төленуге тиіс сыйықы, не әдетте Еуразиялық экономикалық одақтың кедендік аумағында сол кластың немесе түрдегі тауарларды сатуға байланысты орын алған мөлшерде, әдетте пайда табу және ортақ шығыстарды (коммерциялық және басқарушылық шығыстарды) жабу үшін жүргізілетін бағаға үстемеақы;

      2) Еуразиялық экономикалық одақтың кедендік аумағында жүзеге асырылған тасуға (тасымалдауға), сақтандыруға жұмсалған әдеттегі шығыстар және өзге де осындай операциялармен байланысты шығыстар;

      3) тауарларды Қазақстан Республикасына әкелумен және (немесе) сатумен байланысты төлеуге жататын осы Кодексте және Қазақстан Республикасының салық заңнамасында белгіленген кедендік баждар, салықтар және бюджетке басқа да міндетті төлемдер шегерілген жағдайда, әкелінетін тауарлардың кедендік құнын айқындау үшін негіз ретінде, бағаланатын тауарлар Еуразиялық экономикалық одақтың кедендік аумағына әкелінген сол немесе оған сәйкес уақыт кезеңінде мұндай сатуды жүзеге асыратын, өзара байланысты тұлғаларға бағаланатын тауарларды не бағаланатынмен бірдей немесе бағаланатындармен біртекті тауарлардың ең көп жиынтық мөлшері сатылатын тауар бірлігінің бағасы қабылданады.

      3. Егер бағаланатын да, бағаланатынмен бірдей де, бағаланатынмен біртекті де тауарлар Еуразиялық экономикалық одақтың кедендік аумағына әкелінген сол немесе оған сәйкес уақыт кезеңінде Еуразиялық экономикалық одақтың кедендік аумағында сатылмаған жағдайда, мұндай тауарлардың кедендік құны, олар бойынша тиісінше бағаланатын немесе бірдей, немесе біртекті тауарлар, Еуразиялық экономикалық одақтың кедендік аумағына тауарларды әкелу күніне қатысты ең ерте күнге, бірақ осы күннен кейін күнтізбелік тоқсан күн өткен соң кешіктірілмей тауарлар сол әкелінген күйінде, тауар бірлігі үшін баға белгілеуге жеткілікті мөлшерде, Еуразиялық экономикалық одақтың кедендік аумағында сатылатын тауар бірлігі бағасы негізінде айқындалады.

      4. Егер бағаланатын да, бағаланатынмен бірдей де, бағаланатынмен біртекті де тауарлар , Еуразиялық экономикалық одақтың кедендік аумағына әкелінген сол күйінде Еуразиялық экономикалық одақтың кедендік аумағында сатылмаған жағдайда, декларанттың өтініші бойынша бағаланатын тауарлардың кедендік құны, қайта өңдеу (өңдеу) нәтижесінде қосылған құны және осы баптың 2-тармағында көрсетілген сомалар шегерілген жағдайда, Еуразиялық экономикалық одақтың кедендік аумағына олар осы тауарларды сатып алатын адамдармен өзара байланысты болмайтын адамдарға, қайта өңдеуден (өңдеуден) кейін сатылатын олардың ең көп жиынтық мөлшері бойынша, осындай тауарлар бірлігінің бағасы негізінде айқындалады.

      Қайта өңдеу (өңдеу ) нәтижесінде қосылған құнды шегеру қайта өңдеу (өңдеу) құнына жататын дұрыс, саны жағынан айқындалатын және құжаттамалық расталған ақпарат негізінде жүргізіледі.

      5. Осы баптың 4-тармағының ережелері мына:

      1) тауарлардың өзінің дара белгілерін жоғалтуына қарамастан қайта өңдеу (өңдеу) нәтижесінде қосылған құнның шамасы дәл айқындалуы мүмкін кездегі жағдайларды қоспағанда, одан әрі қайта өңдеу (өңдеу) нәтижесінде бағаланатын тауарлар өзінің дара белгілерін жоғалтқан;

      2) бағаланатын тауарлар өзінің дара белгілерін жоғалтпайтын, бірақ бағаланатын тауарлардың құны сатылатын тауарлар құнына елеулі әсер етпейтін, Еуразиялық экономикалық одақтың кедендік аумағында сатылатын тауарларда соншалықты елеулі емес бөлікті құрайтын жағдайларда, әкелінетін тауарлардың кедендік құнын айқындау үшін қолданылмайды.

      Осы баптың 4-тармағын қолдану мүмкіндігі нақты жағдайларға байланысты әрбір жеке жағдайда айқындалады.

      6. Бағаланатын тауарлардың не бағаланатынмен бірдей немесе бағаланатын тауарлармен біртекті тауарлардың Еуразиялық экономикалық одақтың кедендік аумағында сатылымын қарастырған кезде, бағаланатын тауарларды Еуразиялық экономикалық одақтың кедендік аумағына әкету үшін өндіруге және беруге байланысты осы Кодекстің 67-бабының 1-тармағының 2) тармақшасында көрсетілген тауарлар мен қызметтерді пайдалану үшін тікелей немесе жанама түрде, тегін немесе төмен бағамен ұсынған тұлғаға сату есепке қабылданбайды.

      7. Осы баптың мақсаттары үшін пайданың және тауарларды өткізуге тікелей де, жанама да шығыстар болуы мүмкін, жалпы шығыстардың (коммерциялық және басқарушылық шығыстардың) сомасы, осы шығыстарды жабатын, сондай-ақ сол кластағы және түрдегі тауарды сатуға байланысты пайда табуды қамтамасыз ететін, тауар бағасына үстемеақы ретінде қарастырылады.

      Пайданың және жалпы шығыстардың (коммерциялық және басқарушылық шығыстардың) сомасы тұтастай ескеріледі және егер декларант табыс еткен мәліметтер сол кластағы немесе түрдегі тауарларды Еуразиялық экономикалық одақтың кедендік аумағында сату кезінде орын алған мәліметтермен салыстыруға болатын жағдайларда, декларанттың қолындағы ақпарат негізінде айқындалады. Егер осы мәліметтер сол кластағы немесе түрдегі тауарларды сату кезінде кеден органының билігіндегі пайданың және жалпы шығыстардың (коммерциялық және басқарушылық шығыстардың) әдеттегі мөлшері туралы мәліметтерге сәйкес келмеген жағдайда, кеден органы пайданың және жалпы шығыстардың (коммерциялық және басқарушылық шығыстардың) сомасын ондағы мәліметтер негізінде айқындай алады.

      8. Осы баптың мақсаттары үшін бағаланатын тауарлар сияқты белгілі бір елден әкелінген сол кластағы немесе түрдегі тауарлардың сатылымы туралы, сондай-ақ басқа елдерден әкелінген тауарлар туралы мәліметтер пайдаланылады. Бағаланатын тауарлар және олар салыстырылатын тауарлар сол кластағы немесе сол түрдегі тауарлар болып табыла ма деген мәселе тиісті мән-жайлар ескеріле отырып, әрбір нақты жағдайда бөлек шешіледі. Бұл ретте, бағаланатын тауарларды қоса алғанда, оларға қатысты ақпарат табыс етілуі мүмкін Еуразиялық экономикалық одақтың кедендік аумағына әкелінген неғұрлым шағын топтағы немесе сол кластағы немесе түрдегі болуы мүмкін бірқатар тауарлардың сатылымдары қарастырылады.

      9. Егер кеден органы әкелінетін тауарлардың кедендік құнын онда бар мәліметтер негізінде осы бапқа сәйкес анықтаған жағдайда, ол декларантқа мұндай мәліметтердің көздері туралы, сондай-ақ олардың негізінде жүргізілген есептер туралы мәліметтерді электрондық немесе жазбаша нысанда хабарлайды.


      71-бап. Қосу әдісі (5-әдіс)

      1. Әкелінетін тауарлардың кедендік құнын осы бапқа сәйкес айқындау кезінде негіз ретінде:

      1) жасауға немесе материалдар сатып алуға жұмсалған шығыстарды және өндіруге жұмсалған, сондай-ақ бағаланатын тауарларды өндіруге байланысты өзге де операцияларға жұмсалған шығыстарды;

      2) тауарларды Еуразиялық экономикалық одақтың кедендік аумағына әкету үшін сатылған елде, бағаланатын тауарлар сияқты, сол кластағы немесе түрдегі тауарларды сату кезінде әдетте ескерілетін, сол шамаға балама, пайданың және жалпы шығыстардың (коммерциялық және басқарушылық шығыстардың) сомаларын;

      3) осы Кодекстің 67-бабы 1-тармағының 4), 5) және 6) тармақшаларында көрсетілген шығыстарды қосу жолымен анықталатын тауарлардың есептік құны қабылданады.

      2. Осы баптың 1-тармағының 1) тармақшасында көрсетілген шығыстар, өндірушісі немесе оның атынан табыс етілген және мұндай құжаттар тауарлар өндірілген елде қолданылатын жалпыға бірдей қабылданған бухгалтерлік есепке алу қағидаттарына сәйкес жасалған жағдайда, өндірушінің коммерциялық құжаттарымен расталған, тауарлар бухгалтерлік есептің жалпы бағаланатын тауарлардың өндірісі туралы мәліметтер негізінде айқындалады.

      3. Осы баптың 1-тармағының 1) тармақшасында көретілген шығыстар осы Кодекстің 65-бабы 1-тармағының 1) тармақшасының үшінші және төртінші абзацтарында көрсетілген және осы Кодекстің 67-бабының 5-тармағының 1) тармақшасына сәйкес бөлінген, осы Кодекстің 67-бабының 1-тармағының 2) тармақшасында көрсетілген, әкелінетін тауарларды өндіруге байланысты сатып алушы тікелей немесе жанама түрде табыс еткен тауарлар мен көрсетілетін қызметтердің құнын қамтуға тиіс. Еуразиялық экономикалық одақтың кедендік аумағында жүргізілген (көрсетілген), осы Кодекстің 67-бабы 1-тармағының 2) тармақшасының бесінші абзацында көрсетілген тауарлар мен қызметтердің құны, осы тауарлар мен көрсетілетін қызметтерге өндіруші төлеген дәрежеде ғана енгізіледі. Бұл ретте, есеп айырысу құнын айқындау кезінде шығыстар қайтадан ескерілмейді.

      Жалпы шығыстар (коммерциялық және басқарушылық шығыстар) ретінде осы баптың 1-тармағының 1) тармақшасында көрсетілмеген, Еуразиялық экономикалық одақтың кедендік аумағына әкету үшін әкелінетін тауарларды өндіруге және сатуға жұмсалған тікелей және жанама шығыстар ескеріледі.

      4. Пайданың және жалпы шығыстардың (коммерциялық және басқарушылық шығыстардың) сомасы тұтастай ескеріледі және өндіруші немесе оның атынан табыс етілген мәліметтер негізінде айқындалады. Егер осы мәліметтер Еуразиялық экономикалық одақтың кедендік аумағынан әкету үшін сол кластағы немесе түрдегі тауарларды сату кезінде мемлекеттік кірістер органының билігіндегі пайданың және жалпы шығыстардың (коммерциялық және басқарушылық шығыстардың) әдеттегі мөлшері туралы мәліметтерге сәйкес келмейтін жағдайда, кеден органы пайданың және жалпы шығыстардың (коммерциялық және басқарушылық шығыстардың) сомасын ондағы мәліметтер негізінде айқындай алады.

      5. Осы баптың мақсаттары үшін бағаланатын тауарлар сияқты сол елде өндірілген сол кластағы немесе түрдегі тауарлардың сатылымы туралы мәліметтер пайдаланылады. Бағаланатын тауарлар және олар салыстырылатын тауарлар сол класта немесе сол түрде болып табыла ма деген мәселе тиісті мән-жайлар ескеріле отырып, әрбір нақты жағдайда бөлек шешіледі. Бұл ретте, Еуразиялық экономикалық одақтың кедендік аумағына әкету үшін ақпарат табыс етілуі мүмкін неғұрлым шағын топтағы немесе сол кластағы немесе түрдегі болуы мүмкін бір қатар тауарлардың сатылымдары қарастырылады.

      6. Кеден органдары, егер Еуразиялық экономикалық одақтың кеден заңнамасында, Еуразиялық экономикалық одақтың үшінші тараппен халықаралық шарттарында немесе Қазақстан Республикасының халықаралық шарттарында өзгеше белгіленбесе, шетелдік тұлғадан тауарлардың есеп айырысу құнын айқындау үшін құжаттар мен мәліметтерді табыс етуді талап етуге құқылы емес.

      Тауарлардың есеп айырысу құнын айқындау үшін шетелдік тауар өндіруші немесе оның атынан табыс етілген құжаттар мен мәліметтер Қазақстан Республикасының уәкілетті органы шетелдік тауар өндірушінің келісуімен, сондай-ақ тауарларды өндіруші елдің уәкілетті органы алдын ала хабарлаған жағдайда және мұндай тексеру жүргізуге оның қарсылығы болмаған кезде тауарларды өндіруші елде тексерілуі мүмкін. Шетелдік тауар өндіруші немесе оның атынан табыс етілген құжаттар мен мәліметтерді тексеруді, Қазақстан Республикасының уәкілетті органы, Қазақстан Республикасының қатысушысы болып табылатын халықаралық шарттарға сәйкес жүргізеді.

      7. Егер кеден органы әкелінетін тауарлардың кедендік құнын ондағы мәліметтер негізінде осы бапқа сәйкес айқындаған жағдайда, ол декларантқа осындай мәліметтер көздері туралы, сондай-ақ олардың негізінде жүргізілген есептер туралы электрондық немесе жазбаша нысанда хабарлайды.


      72-бап. Резервтік әдіс (6-әдіс)

      1. Егер әкелінетін тауарлардың кедендік құны осы Кодекстің 66, 68, 69, 70 және 71-баптарына сәйкес анықтала алмайтын жағдайда, мұндай тауарлардың кедендік құны Еуразиялық экономикалық одақтың кедендік аумағындағы бар мәліметтердің негізінде осы тараудың қағидаттары мен ережелеріне сүйене отырып, айқындалады.

      2. Тауарлардың құнын анықтаудың, осы бапқа сәйкес пайдаланылатын әдістері осы Кодекстің 66, 68, 69, 70 және 71-баптарында көзделген әдістер болып табылады, алайда кедендік құнды айқындау кезінде осы бапқа сәйкес олар қолданылған жағдайда икемділікке жол беріледі. Атап айтқанда, мынаған жол беріледі:

      1) бағаланатын тауарлардың кедендік құнын анықтау үшін бағаланатын тауарлар өндірілген елден басқа елде өндірілген бірдей немесе біртекті тауарлармен мәміленің құны негіз болып қабылдануы мүмкін;

      2) бірдей немесе біртекті тауарлармен мәміленің құны негізінде бағаланатын тауарлардың кедендік құнын анықтау кезінде осы Кодекстің 68 және 69-баптарына сәйкес белгіленген, бағаланатын тауарлармен бірдей немесе бағаланатын тауарлармен біртекті тауарлар Еуразиялық экономикалық одақтың кедендік аумағына әкету үшін сатылуға тиіс және Еуразиялық экономикалық одақтың кедендік аумағына бағаланатын тауарлар әкелінген, бірақ Еуразиялық экономикалық одақтың кедендік аумағына бағаланатын тауарларды әкелгенге дейін күнтізбелік тоқсан күннен ерте емес, сол немесе оған сәйкес уақыт кезеңінде әкелінуі тиіс деген талаптан ақылға сыйымды ауытқуға жол беріледі;

      3) бағаланатын тауарлардың кедендік құнын анықтау үшін осы Кодекстің 70 және 71-баптарына сәйкес белгіленген, бағаланатын тауармен бірдей немесе бағаланатын тауарлармен біртекті тауарлардың кедендік құны негіз болып қабылдануы мүмкін;

      4) осы Кодекстің 70-бабына сәйкес бағаланатын тауарлардың кедендік құнын анықтау кезінде осы Кодекстің 70-бабының 3-тармағында белгіленген мерзімнен ауытқуға жол беріледі.

      3. Тауарлардың кедендік құнын анықтаудың бірнеше әдісін қолдану мүмкіндігі болған жағдайда, осы баптың 2-тармағына сәйкес оларды қолданудың дәйектілігін ұстану қажет.

      4. Әкелінетін тауарлардың осы бапқа сәйкес айқындалған кедендік құны барынша мүмкін болған дәрежеде бұрын айқындалған кедендік құнға негізделуі тиіс.

      5. Әкелінетін тауарлардың кедендік құны осы бапқа сәйкес:

      1) Еуразиялық экономикалық одақтың кедендік аумағында өндірілген тауарлардың Еуразиялық экономикалық одақтың ішкі нарығындағы бағаларының;

      2) кедендік мақсаттар үшін екі баламалы құнның неғұрлым жоғарысын қабылдауды көздейтін жүйенің;

      3) әкету елінің ішкі нарығындағы тауарлар бағасының;

      4) осы Кодекстің 71-бабына сәйкес бірдей немесе біртекті тауарлар үшін айқындалған есеп айырысу құнына қосылған шығындардан басқа шығындардың;

      5) тауарларды әкету елінен Еуразиялық экономикалық одақ мүшесі болып табылмайтын мемлекеттерге берілетін тауарлар бағасының;

      6) тауарлардың ең төменгі кедендік құны;

      7) еркін немесе жалған құны негізінде айқындалмауға тиіс.

      6. Егер кеден органы әкелінетін тауарлардың кедендік құнын өзінде бар мәліметтер негізінде, осы бапқа сәйкес анықтайтын болса, ол декларантқа осындай мәліметтер көздері туралы, сондай-ақ олардың негізінде жүргізілген есептеулер туралы электрондық немесе жазбаша нысанда хабарлайды.


      73-бап. Еуразиялық экономикалық одақтың кедендік аумағынан әкетілетін тауарлардың кедендік құнын айқындау

      1. Еуразиялық экономикалық одақтың кедендік аумағынан әкетілетін тауарлардың кедендік құны, егер Еуразиялық экономикалық одақтың кедендік аумағынан әкеткен кезде тауарлар Еуразиялық экономикалық одақтың кедендік шекарасын кесіп өтсе және осындай тауарларға қатысты, оның ішінде Еуразиялық экономикалық одақтың кедендік шекарасы арқылы тауарларды заңсыз өткізген жағдайда, алғаш рет кедендік рәсім мәлімделсе, осы тарауға сәйкес айқындалады.

      2. Еуразиялық экономикалық одақтың кедендік аумағынан әкетілетін тауарлардың кедендік құны, мәміле құнының, яғни оларды Еуразиялық экономикалық одақтың кедендік аумағынан әкету үшін сату кезінде осы тауарлар үшін іс жүзінде төленген немесе төленуге жататын және Кодекстің осы бабының 3-тармағына сәйкес толықтырылған бағаның негізінде айқындалады.

      3. Егер олар бұрын қосылмаған болса, іс жүзінде төленген немесе төленуге жататын бағаға әкетілетін тауарлардың кедендік құнын айқындау кезінде осы тауарлар үшін мынадай қосымша есептеулер қосылады:

      1) сатып алушы жүзеге асырған немесе жүзеге асыратын, бірақ:

      а) делдалдарға (агенттерге) берілетін сыйақы және брокерлерге берілетін сыйақы;

      б) егер кедендік мақсаттар үшін ол әкетілетін тауарлармен біртұтас ретінде қарастырылса, ыдысқа жұмсалған шығыстар;

      в) әкетілетін тауарлар орамасына жұмсалған шығыстар, оның ішінде орама материалдарының және орау жұмыстардың құны жататын әкетілетін тауарлар үшін іс жүзінде төленген немесе төленуге жататын бағаға енгізілмеген мөлшердегі шығыстар;

      2) Еуразиялық экономикалық одақтың кедендік аумағынан мұндай тауарларды әкету орнына дейін, ал егер Комиссия тасу (тасымалдау) жүзеге асырылатын көліктің түріне және осындай тасудың (тасымалдаудың) ерекшеліктеріне қарай өзге орындарды айқындаса – Комиссия айқындаған орынға дейін әкетілетін тауарларды тиеу, түсіру немесе қайта тиеу және оларды тасуға (тасымалдауға) байланысты өзге операцияларды жасауға жұмсалған шығыстар;

      3) осы тармақтың 2) тармақшасында көрсетілген операцияларды жасауға байланысты сақтандыру шығыстары;

      4) әкетілетін тауарларға қатысты және көрсетілген төлемдер әкетілетін тауарларға жататын жағдайда осындай тауарларды сатудың шарттары ретінде сатып алушы тікелей немесе жанама түрде төлеген зияткерлік меншік объектілерін (Еуразиялық экономикалық одақтың кедендік аумағынан тыс жерге әкетілетін тауарларды қалпына келтіру құқығы үшін төлемдерді қоспағанда) пайдаланғаны үшін лицензиялық және өзге ұқсас төлемдер.

      4. Әкетілетін тауарлардың кедендік құны, олар іс жүзінде төленген немесе төлеуге жататын бағадан бөлінген жағдайда, декларант мәлімдеген және ол құжаттама түрінде растаған:

      1) тауарларды Еуразиялық экономикалық одақтың кедендік аумағынан әкеткеннен кейін жүргізілетін құрылысқа, осындай өнеркәсіптік қондырғылар, машиналар немесе жабдық сияқты тауарларды салуға, қалпына тұрғызуға, жинақтауға, монтаждауға, қызмет көрсетуге немесе техникалық көмек көрсетуге жұмсалатын шығыстарды;

      2) Еуразиялық экономикалық одақтың кедендік аумағынан мұндай тауарларды кету орнынан, ал егер Комиссия тасу (тасымалдау) жүзеге асырылатын көліктің түріне және осындай тасудың (тасымалдаудың) ерекшеліктеріне қарай өзге орындарды айқындаса – Комиссия айқындаған орнынан Еуразиялық экономикалық одақтың кедендік аумағынан тауарларды әкеткеннен кейін әкетілетін тауарларды тасуға (тасымалдауға) жұмсалған шығыстарды;

      3) тауарларды Еуразиялық экономикалық одақтың кедендік аумағынан әкетуге байланысты төленетін баждарды, салықтар мен алымдарды қамтымауға тиіс.

      5. Осы баптың 3-тармағында көрсетілген әкетілетін тауарлар үшін іс жүзінде төленген немесе төленуге жататын бағаға қосымша есептеулер дұрыс, саны жағынан айқындалатын және құжаттамалық расталған ақпараттың негізінде жүргізіледі.

      6. Әкетілетін тауарлардың кедендік құнын айқындау кезінде осы баптың 3-тармағында көрсетілгеннен басқа, мұндай тауарлар үшін іс жүзінде төленген немесе төленуге жататын бағаға қосымша есептеулер жүргізілмейді.

      7. Мәміле бағасы болмаған кезде, әкетілетін тауарлардың кедендік құны әкетілетін тауарды өндіруге немесе иеленіп алуға, сақтауға және тасымалдауға байланысты шығындар туралы экспорттаушы-сатушының бухгалтерлік құжаттамасының декларант берген үзінді көшірмесі негізге алынып айқындалады. Бұл ретте, осы баптың 3-тармағында тізіп көрсетілген шығыстар да ескеріледі.

      8. Әкетілетін тауардың мәлімделген кедендік құнын растайтын мәліметтер болмаған жағдайда, мұндай тауардың кедендік құнын кеден органдары Еуразиялық экономикалық одақтың кедендік аумағынан әкетілген бірдей тауарлар бойынша қолда бар мәліметтер негізінде не тәуелсіз сараптама нәтижелері негізінде айқындайды.

      Осы баптың мақсаты үшін "бірдей тауарлар" ретінде, ұқсас сипаттары бар және осындай материалдардан өндірілген ұқсас құрамдас бөліктерден тұратын тауарлар бағаланатын тауарлар сияқты функцияларды орындауға мүмкіндік береді және оларды коммерциялық өзара ауыстыруға болатын, сондай-ақ Еуразиялық экономикалық одақтың кедендік аумағынан әкетілетін тауарлар сияқты сол немесе оған тиісті уақыт кезеңінде, бірақ әкетілетін тауарларды Еуразиялық экономикалық одақтың кедендік аумағынан әкетуге дейін күнтізбелік 180 күннен ерте емес әкетілген тауарлар түсініледі. "Өндірілген" ("өндірілді") деген ұғым тауарларға қатысты "өндіріп алынған", "өсірілген", "жасалған", оның ішінде тауарларды монтаждау, жинау немесе бұзып бөлшектеу арқылы деген ұғымды білдіреді.

2-БӨЛІМ КЕДЕНДІК ТӨЛЕМДЕР, САЛЫҚТАР, АРНАЙЫ, ДЕМПИНГКЕ ҚАРСЫ, ӨТЕМ БАЖДАРЫ 7-тарау. Кедендік төлемдер, салықтар туралы жалпы ережелер

      74-бап. Кедендік төлемдер, салықтар

      1. Кедендік төлемдерге, салықтарға мыналар жатады:

      1) әкелу кедендік бажы;

      2) әкету кедендік бажы;

      3) Еуразиялық экономикалық одақтың кедендік аумағына тауарларды әкелу кезінде алынатын қосылған құн салығы;

      4) Еуразиялық экономикалық одақтың кедендік аумағына тауарларды әкелу кезінде алынатын акциз (акциздер);

      5) кедендік алымдар.

      2. Төлеушілердің, есептеу, өндіріп алу және есепке жатқызу (қайтару), төлеу мерзімі және есептеу тәртібі, сондай-ақ төлемдер бойынша жеңілдіктер:

      1) кедендік баждарға қатысты - Еуразиялық экономикалық одақтың және (немесе) Қазақстан Республикасының кеден заңдарымен, Одақ туралы шартпен;

      2) Еуразиялық экономикалық одақтың кедендік шекарасы арқылы тауарларды өткізген кезде кеден органдарымен алынатын акциздерге және қосылған құн салықтарына қатысты - Қазақстан Республикасының салық заңдарымен және осы Кодекспен анықталады.

      3) алып тасталды.

      3. Осы Кодекстің 39-тарауына сәйкес Еуразиялық экономикалық одақтың кедендік аумағына әкелінетін, жеке пайдалануға арналған тауарларға қатысты бірыңғай мөлшерлемелер бойынша алынатын кедендік баждар, салықтар немесе жиынтық кедендік төлем түрінде алынатын кедендік баждар, салықтар төленуге жатады. Осы Кодекстің 8, 9, 10, 11 және 12-тарауларының ережелері осы Кодекстің 39-тарауында көзделген жағдайларда қолданылады.

      75-бап. Кедендік баж ставкаларының түрлері

      Кедендік баж ставкалары мынадай түрлерге:

      1) салық салынатын тауарлардың кедендік құнына пайызбен белгіленген - адвалорлық;

      2) заттай көрінісіндегі физикалық сипаттамаларына (саны, массасы, көлемі немесе өзге сипататтамаларына) қарай белгіленген - өзіндік ерекше;

      3) осы баптың 1) және 2) тармақшаларында көрсетілген түрлерді ұштастыратын құрамдастырылған болып бөлiнедi.

      76-бап. Кедендік алымдар

      1. Кедендік алымдар тауарларды шығаруға, көлік құралдарын кедендік алып жүруге байланысты кедендік операцияларды, сондай-ақ осы Кодексте және (немесе) мүше мемлекеттердің кедендік реттеу туралы заңнамасында белгіленген өзге де іс-қимылдар жасағаны үшін кеден органдары өндіріп алатын міндетті төлемдер болып табылады.

      2. Кедендік алымдардың түрлері мен мөлшерлемелері Қазақстан Республикасының Үкіметімен белгіленеді.

      3. Кедендік алымдардың мөлшерін, кеден органдарының іс-қимылдар жасауға байланысты кедендік алымдар белгілеген шығындарының шамамен алынған құнынан асыруға болмайды.

      4. Кедендік алымдарды төлеушілер, кедендік алымдарды төлеу мерзімдері, өндіріп алу және қайтару (есепке жатқызу) тәртібі, кедендік алымдарды төлеу бойынша жеңілдіктер, сондай-ақ кедендік алымдар төленбейтін жағдайлар осы Кодекспен белгіленеді.

      77-бап. Кедендік алымдардың түрлері, төлеу мерзімі және тәртібі

      1. Кедендік алымдарға:

      1) тауарларды кедендік декларациялау үшін кедендік алымдар;

      2) кедендік алып жүру үшін кедендік алымдар. Бірнеше автомобиль көлік құралымен өткізілетін тауарларды кедендік алып жүру кезінде кедендік алым сомасы көрсетілген көлік құралдарының санына барабар бөлінеді.

      3) алдын ала жасалған шешім үшін төленетін ақы жатады.

      2. Төлеуші тауарларды кедендік декларациялау үшін кедендік алымды осы баптың 5-тармағында көрсетілген жағдайларды қоспағанда, кедендік декларациялауды ұсынғанға дейін немесе сонымен бірмезгілде төлейді.

      Кедендік декларациялауға кедендік алымдарды есептеу үшін, егер осы Кодексте өзгеше белгіленбесе, кеден органының кедендік декларациялауды тіркеген күніне қолданыстағы ставкілер қолданылады.

      3. Кедендік алып жүру үшін кедендік алым кеден органы кедендік алып жүру туралы шешім қабылдағаннан кейін, кеден органы осындай шешім қабылдаған күнді қоса алғанда, бірақ кедендік алып жүруді ұйымдастыру басталған күннен кешіктірілмей төлеуші төлейді.

      4. Кеден органы алдын ала шешім қабылдау үшін, осындай өтініштің берілген күнін қоса алғандағы өтініш берушінің кеден органына алдын ала шешім қабылдау туралы өтініш берген күнінен кешіктірілмей, төлеуші кедендік алымды төлейді.

      5. Тауарларды кедендік декларациялау үшін кедендік алымды төлеу бойынша жеңілдіктер берілген кезде, тұлғаның тауарларды пайдалану және иелік ету бойынша шектеулерді бұзған күні оларды төлеу мерзімі болып есептеледі. Егер шектеулер бұзылған күнді анықтау мүмкін болмаса, кедендік декларацияның тіркелген күні кедендік декларациялау үшін кедендік алымдарды төлеу мерзімі болып есептеледі.

      Еуразиялық экономикалық одақтың кедендік шекарасы арқылы тауарларды заңсыз өткізу кезінде тауарларды кедендік декларациялау үшін кедендік алымдарды төлеу мерзімі Еуразиялық экономикалық одақтың кедендік шекарасы арқылы тауарларды өткізген күн болып есептеледі. Егер тауарларды заңсыз өткізілген күнді анықтау мүмкін болмаса, Еуразиялық экономикалық одақтың кедендік шекарасы арқылы тауарларды заңсыз өткізіп кедендік декларацияның тіркелген күні, кедендік декларациялау үшін кедендік алымдарды төлеу мерзімі болып есептеледі.

      6. Кедендік алым:

      кедендік транзит кедендік рәсімімен шығарылған тауарларды қоспағанда, кедендік алымдар тауарлар шығарылатын кеден органында немесе аумағында Кеден одағының кедендік шекарасы арқылы тауарларды заңсыз өткізу фактісі анықталған аумақта;

      кедендік алып жүру үшін кедендік алымдар - кедендік алып жүру туралы шешім қабылдаған кеден органында;

      алдын ала жасалған шешім үшін кедендік алымдар – осындай шешім қабылдаған кеден органында төленеді (өндіріліп алынады).

      7. Кедендік алымдарды бюджетке төлеу, осы Кодексте кедендік баждарды, салықтарды және өсімпұлдарды төлеу үшін көзделінген тәртіпте жүзеге асырылады.

      8. Кедендік алымдар толық емес немесе уақытында емес төленген жағдайда осы Кодексте белгіленген мерзімде кедендік баждар, салықтар бойынша өсімпұлдарды төлеу үшін көзделінген тәртіпте өсімпұлдар төленеді.

      78-бап. Аванстық төлемдер

      1. Алдағы төленетін кедендік баждарды, салықтарды, кедендік алымдарды, арнайы, демпингке қарсы, өтем баждарын төлеу шотына енгізілген және төлеуші нақты тауарларға қатысты кедендік баждардың, салықтардың, кедендік алымдардың, арнайы, демпингке қарсы, өтем баждарының нақты түрлері мен сомалары бойынша идентификатталмаған ақшалай қаражат (ақша) аванстық төлемдер деп танылады.

      Аванстық төлемдер өсімпұлдарды, пайыздарды төлеу есебінен қолданылуы мүмкін.

      2. Аванстық төлемдер, Қазақстан Республикасының аумағында осы аванстық төлемдерді кедендік төлемдерді, салықтарды, арнайы, демпингке қарсы, өтем баждарын төлеу мақсатында Қазақстан Республикасының ұлттық валютасымен, ал Еуразиялық экономикалық одақтың шеңберіндегі халықаралық шарттарда және (немесе) Қазақстан Республикасының екіжақты халықаралық шарттарында осы аванстық төлемдерді пайдалану болжанып отырған ұлттық валютадан өзге валютамен төлеу көзделген жағдайларда – осындай халықаралық шарттарда айқындалған валютамен төлеу көзделінеді.

      3. Аванстық төлемдер ретінде енгізілген ақшалай қаражат (ақша) аванстық төлемдерді енгізген тұлғаның мүлкі болып табылады және аванстық төлемдерді енгізген тұлға бұл туралы кеден органына өкім жасағанша не кеден органы өндіріп алуды аванстық төлемдерге айналдырмайынша, кедендік төлемдер, салықтар, арнайы, демпингке қарсы, өтем баждары ретінде немесе кедендік баждарды, салықтарды төлеу жөніндегі міндеттерді қамтамасыз ету ретінде, арнайы, демпингке қарсы, өтем баждарын, өсімпұлдарды, пайыздарды төлеу жөніндегі міндеттерді қамтамасыз ету ретінде енгізілген ақшалай қаражат (ақша) ретінде қарастыруға болмайды. Аванстық төлемдерді енгізген тұлғаның өкімі ретінде ол немесе оның атынан кедендік декларацияның немесе аванстық төлемдердің сомасын қайтаруға өтініштің табыс етілуі немесе Қазақстан Республикасының заңнамасына сәйкес осы тұлғаның өз ақша қаражатын (ақшасын) кедендік төлемдер, арнайы, демпингке қарсы, өтем баждары ретінде не кедендік баждарды, салықтарды төлеу жөніндегі міндеттерді қамтамасыз ету ретінде, арнайы, демпингке қарсы, өтем баждарын, өсімпұлдарды, пайыздарды төлеу жөніндегі міндеттерді қамтамасыз ету ретінде қолдану ниетін растайтын өзге іс-қимылдар жасауы қарастырылады.

      Осы Кодекстің 97-бабы 1-тармағының 1) тармақшасында және 139-бабының 1-тармағында көзделінген тәсілдерді қолданып арнайы, демпингке қарсы, өтем баждарын төлеу жөніндегі міндеттерді орындауды қамтамасыз ету, кедендік төлемдерді, салықтарды төлеу жөніндегі міндеттерді орындауды қамтамасыз ету ретінде аванстық төлемдерді қолдану тәртібі осы Кодекстің 98-бабына сәйкес белгіленеді.

      4. Кеден органы аванстық төлемдерді енгізген тұлғаның жүгінісі негізінде аванстық төлемдерді қайтару үшін, осы Кодекспен белгіленген талап қоюдың өту мерзімі асып кетпейтін кезеңге аванстық төлемдер ретінде енгізілген ақшалай қаражат (ақша) шығыстары туралы есепті көрсетілген тұлғаға ұсынады.

      Аванстық төлемдерді енгізген тұлғаның өтінішінің нысаны мен оны кеден органына беру тәртібі, сондай-ақ көрсетілген есептің нысаны, кеден органының оны беру тәртібі мен мерзімдері уәкілетті органмен бекітіледі.

      5. Аванстық төлемдердің сомаларын қайтару (есепке жатқызу) осы Кодекстің 109 және 113-баптарына сәйкес жүргізіледі.

      6. Аванстық төлемдердің талап етілмеген сомаларына билік ету, осы Кодекстің 89-бабында беліленген талап қою мерзімі өткен соң Қазақстан Республикасының заңнамасына сәйкес жүргізіледі.

      7. Аванстық төлемдерді енгізу тәртібі мен нысанын уәкілетті орган бекітеді.


      79-бап. Кедендік төлемдерді төлеу бойынша жеңілдіктер және тарифтік преференциялар

      1. Осы Кодексте кедендік төлемдерді төлеу бойынша жеңілдіктер деп мыналар түсініледі:

      1) кедендік әкелу баждарын төлеу бойынша жеңілдіктер (тарифтік жеңілдіктер);

      2) кедендік әкету баждарын төлеу бойынша жеңілдіктер;

      3) салықтарды төлеу бойынша жеңілдіктер;

      4) кедендік алымдарды төлеу бойынша жеңілдіктер.

      Кедендік алымдарды төлеу бойынша жеңілдіктер деп тауарларды кедендік декларациялау үшін кедендiк алымдар бойынша жеңілдіктер түсініледі.

      2. Кедендік әкелу баждарын төлеу бойынша жеңілдіктерді (тарифтік жеңілдіктерді) беру жағдайлары және шарттары, сондай-ақ оларды қолдану тәртібі Одақ туралы шартқа сәйкес айқындалады.

      Одақ туралы шарттың 43-бабына сәйкес кедендік әкелу баждарын төлеу жөніндегі жеңілдіктерді (тарифтік жеңілдіктерді) кедендік әкелу бажының мөлшерлемесін төмендету түрінде беру жағдайларын және шарттарын анықтаған кезде Комиссия осы Кодексте көзделгеннен өзге мән-жайларды анықтауға құқылы, олар туындаған кезде кедендік әкелу баждарын төлеу жөніндегі міндет тоқтатылады және (немесе) кедендік әкелу баждарын төлеу мерзімі басталады.

      3. Кедендік әкету баждарын төлеу бойынша жеңілдіктер Қазақстан Республикасының заңнамасына сәйкес беріледі.

      4. Тауарларды кедендік декларациялау үшін кедендiк алымдарды төлеу бойынша жеңілдіктер (бұдан әрі осы тарауда – кедендiк алымдарды төлеу бойынша жеңілдіктер) осы Кодекстің 80-бабына сәйкес белгіленеді.

      Осы тармақта көзделген жеңілдіктер жеке сипатта бола алмайды.

      5. Салықтарды төлеу бойынша жеңілдіктер Қазақстан Республикасының салық заңымен айқындалады.

      6. Кедендік төлемдерді, салықтарды төлеу бойынша жеңілдіктер беру мақсатында кеден органдары Қазақстан Республикасының тиісті мемлекеттік органдарының бірлескен актілерімен айқындалған тәртіппен өзге де мемлекеттік органдармен өзара іс-қимылдар жасайды.

      7. Тарифтік преференциялар Одақ туралы шартқа және еркін сауда режимінің қолданылуын көздейтін, Еуразиялық экономикалық одақтың үшінші тараппен халықаралық шарттарына сәйкес беріледі. Тарифтік преференциялар Комиссия айқындайтын жағдайларда және шарттар сақталған кезде қалпына келтіріледі.


      80-бап. Кедендік алымдарды төлеу бойынша жеңілдіктер, сондай-ақ кедендік алымдар төленбеген жағдайларда

      1. Кедендік алымдарды төлеуден:

      1) жүктердi, багажды және жолаушыларды тұрақты халықаралық тасымалдауды жүзеге асыратын көлiк құралдары, сондай-ақ жол жүру кезiнде, аралық аялдама пункттерiнде оларды пайдалануға қажеттi немесе осы көлiк құралдарының авариясын (бұзылуын) жоюға байланысты шетелден сатып алынған материалдық-техникалық жабдықтау заттары, керек-жарақтар, отын, азық-түлiк және басқа мүлiк;

      2) теңiз кәсiпшiлiгiн жүргiзетiн қазақстан теңіз кемелерінің немесе қазақстандық тұлғалар жалдаған (жалға алған) теңіз кемелерінiң өндiрiстiк қызметiн қамтамасыз ету үшiн Еуразиялық экономикалық одақтың кедендік аумағынан тыс жерге әкетiлетiн материалдық-техникалық жабдықтау заттары, керек-жарақтар, отын, азық-түлiк және басқа мүлiк, сондай-ақ олардың Қазақстан Республикасының аумағына әкелiнетін кәсiпшiлiк өнiмдерi;

      3) ұлттық және шетел валютасының банкноттары мен монеталары (мәдени-тарихи құндылық болып табылатын банкноттар мен монеталардан басқа), сондай-ақ бағалы қағаздар;

      4) акцизделетiн тауарларды қоспағанда, гуманитарлық көмек ретiнде әкелінетін басқа тауарлар;

      5) акцизделетiн тауарларды қоспағанда, техникалық жәрдем көрсетудi қоса алғанда, мемлекеттер, мемлекеттер үкiметтері, халықаралық ұйымдар желісі бойынша қайырымдылық мақсатында әкелiнетiн (медициналық мақсаттар үшін арнайы жасалған жеңіл автомобильдерден басқа) тауарлар;

      6) Қазақстан Республикасының Ұлттық Банкi және оның филиалдары, өкілдіктері мен ұйымдары ақша белгілерін жасау үшін әкелетiн шикізат;

      7) шетелдiк дипломатиялық және оларға теңестiрiлген өкiлдiктердiң, консулдық мекемелердің ресми пайдалануы үшін, сондай-ақ осы өкілдіктердің, Қазақстан Республикасының азаматтары болып табылмайтын, олармен бірге тұратын отбасы мүшелерiн қоса алғанда, дипломатиялық және әкiмшiлiк-техникалық персоналының жеке пайдалануы үшiн әкелiнетiн және әкетілетін, Қазақстан Республикасының халықаралық шарттарына сәйкес алым салудан босатылатын тауарлар;

      8) мемлекеттердің, мемлекет үкіметтерінің, сондай-ақ Қазақстан Республикасының салық заңнамасына сәйкес айқындалған халықаралық ұйымдардың желісі арқылы берілген гранттардың қаражаты есебінен сатып алынатын тауарлар босатылады.

      2. Тауарларды кедендік рәсіммен орналастыру кезінде мемлекет пайдасына бас тартудан кедендік декларациялау үшін кедендiк алымдар төленбейді.

      3. Осы бапта көрсетілген кедендiк алымдар салудан босату үшін құжаттарды табыс ету тәртібін уәкілетті орган айқындайды.


      81-бап. Кедендік баждарды, кедендiк алымдарды, салықтарды төлеушілер

      Кедендік баждарды, салықтарды төлеу жөніндегі міндет туындаған декларант немесе өзге де тұлғалар кедендік баждарды, салықтарды төлеушілер болып табылады.

      Кедендік декларациялау үшін кедендiк алымдарды төлеуші кедендік баждарды, салықтарды төлеуші болып табылады.

      Кедендік алып жүру үшін кедендiк алымдарды төлеуші, кедендік алып жүру туралы шешім қабылдағандарға қатысты тұлға болып табылады.

      Алдын ала шешім қабылданғаны үшін кедендiк алымдарды төлеуші, алдын ала шешім қабылдау туралы өтініш берген тұлға болып табылады.

8-тарау. Кедендік баждарды, салықтарды есептеу

      82-бап. Кедендік баждарды, салықтарды салу объектісі және кедендік баждарды, салықтарды есептеуге арналған база

      1. Еуразиялық экономикалық одақтың кедендік шекарасы арқылы өткізілетін тауарлар, сондай-ақ осы Кодексте көзделген жағдайларда өзге де тауарлар кедендік баждарды, салықтарды салудың объектісі болып табылады.

      2. Егер осы Кодексте өзгеше белгіленбесе, тауарлардың кедендік құны және (немесе) олардың заттай көріністегі физикалық сипаттамалары (саны, оның ішінде оны тұтынуға дейінгі тауардан ажырамайтын және (немесе) тауар бөлшек сауда үшін ұсынылатын тауардың бастапқы орамасы есепке алғандағы массасы, көлемі немесе тауардың өзге де сипаттамасы) тауардың түріне және мөлшерлемелердің қолданылатын түрлеріне қарай кедендік баждарды есептеуге арналған база болып табылады.

      3. Салықтарды есептеуге арналған база Қазақстан Республикасының заңнамасына сәйкес айқындалады.


      83-бап. Кедендік баждарды, салықтарды есептеу

      1. Кедендік баждарды, салықтарды кедендік баждарды, салықтарды төлеуші, ал осы бапта көзделген жағдайларда – кеден органы есептейді.

      2. Кедендік баждарды, салықтарды кеден органы:

      1) кедендік баждарды, салықтарды дұрыс есептемеу анықталған жағдайда тауарлар шығарылғаннан кейін кедендік бақылау жүргізу нәтижелері бойынша;

      2) осы Кодекстің 88-бабына сәйкес төленуге жататын кедендік баждарды, салықтарды есептеу кезінде;

      3) осы Кодекстің 157-бабының 4-тармағында, 163-бабының 3-тармағында, 174-бабының 4-тармағында, 233-бабының 5-тармағында, 242-бабының 6-тармағында, 322-бабының 3-тармағында, 362-бабының 8-тармағында, 363-бабының 4-тармағында, 367-бабының 4-тармағында, 371-бабының 4-тармағында, 378-бабының 3 және 8-тармақтарында және 392-бабының 3-тармағында көрсетілген мән-жайлар туындаған кезде, сондай-ақ шығарылуы тауарларға арналған декларация берілгенге дейін жүргізілген тауарларға қатысты тауарларға арналған декларация осы Кодексте белгіленген мерзімде берілмеген жағдайларда;

      4) декларант осы Кодекстің 190-бабының 8-тармағында көрсетілген әрекеттерді жасамаған кезде;

      5) кедендік баждарды, салықтарды төлеу жөніндегі міндет осы Кодекстің 288-бабының 3-тармағында көрсетілген тұлғалардың орындауына жатқан жағдайда, осы Кодекстің 288-бабының 7-тармағында көрсетілген мән-жайлар туындаған кезде;

      6) осы Кодекстің 288-бабының 9-тармағына және 297-бабының 6-тармағына сәйкес кедендік баждарды, салықтарды есептеу кезінде;

      7) Комиссия және Қазақстан Республикасы Үкіметінің заңнамасымен кедендік баждарды, салықтарды төлеу жөніндегі міндеттің орындауға жататынын Комиссия көздеген жағдайда, осы Кодекстің 337-бабына сәйкес айқындалған мән-жайлар туындаған кезде;

      8) осы Кодекстің 399-бабының 1-тармағында көрсетілген жағдайларда, кедендік бақылау жүргізу нәтижелері бойынша;

      9) осы Кодекстің 410-бабының 17 және 18-тармақтарында көзделген жағдайларда, кедендік бақылау жүргізу нәтижелері бойынша;

      10) кедендік рәсіммен орналастыру кезінде кедендік декларация ретінде көліктік (тасымалдау), коммерциялық және (немесе) өзге құжаттарды пайдалана отырып кедендік декларациялау жүзеге асырылған тауарларға қатысты, кедендік баждарды, салықтарды төлеу жөніндегі міндет орындалуға жататын, осы Кодекске сәйкес көзделген мән-жайлар туындаған кезде;

      11) кедендік баждарды, салықтарды осы Кодекске сәйкес тауарлар шығарылғаннан кейін туындаған мән-жайларға байланысты және кедендік баждарды, салықтарды төлеуші есептемеген тауарларға қатысты төлеуге жататын өзге жағдайларда есептейді.

      3. Кедендік баждарды, салықтарды есептеу туралы мәліметтер тауарларға арналған декларацияларда, кедендік кіріс ордерінде не осы Кодекстің 349-бабы 24-тармағына сәйкес Комиссия айқындаған, өзге кедендік құжатта, осы Кодекстің 360-бабы 4-тармағының екінші абзацында көрсетілген кедендік құжатта немесе осы баптың 4-тармағында көрсетілген кедендік құжатта көрсетіледі.

      4. Осы баптың 2-тармағының 2), 3), 5), 6) және 11) тармақшаларында көрсетілген жағдайларда кедендік баждарды, салықтарды есептеу кезінде кедендік баждарды, салықтарды есептеу туралы мәліметтер кедендік баждардың, салықтардың, арнайы, демпингке қарсы, өтемдік баждардың есеп-қисабында көрсетіледі.

      Кедендік баждарды, салықтарды, арнайы, демпингке қарсы, өтемдік баждарды есептеу нысанын, осындай есептеудің электрондық құжат түріндегі құрылымы мен форматын, оларды толтыру және осындай есептеуге өзгерістер (толықтырулар) енгізу тәртібін Комиссия айқындайды.

      Аталған есептеуді қағаз жеткізгіште толтыру кезінде кеден органының лауазымды адамы осындай кедендік құжаттың электрондық түрін қалыптастырады.

      5. Егер осы Кодекске сәйкес кедендік баждар, салықтар кедендік кіріс ордері негізінде не осы Кодекстің 349-бабы 24-тармағына сәйкес Комиссия айқындаған өзге кедендік құжат негізінде төленген жағдайда, кедендік баждарды, салықтарды есептеу туралы мәліметтерді кеден органы кедендік кіріс ордерінде немесе осы Кодекстің 349-бабының 24-тармағына сәйкес Комиссия айқындаған өзге кедендік құжатта көрсетеді.

      Кедендік кіріс ордерінің не осы Кодекстің 349-бабы 24-тармағына сәйкес Комиссия белгілеген өзге кедендік құжаттың нысандары, оларды толтыру және оларға өзгерістер (толықтырулар) енгізу тәртібін Комиссия айқындайды.

      Кедендік кіріс ордерін не осы Кодекстің 349-бабы 24-тармағына сәйкес Комиссия айқындаған өзге кедендік құжатты қағаз жеткізгіште толтыру кезінде кеден органының лауазымды адамы осындай құжаттардың электрондық түрін қалыптастырады.

      6. Кедендік баждар, салықтар өзге валютада есептелетін, Еуразиялық экономикалық одақтың шеңберіндегі халықаралық шарттарда және (немесе) Қазақстан Республикасының екіжақты халықаралық шарттарында көзделген жағдайларды қоспағанда, Қазақстан Республикасының аумағында төленуге жататын кедендік баждар, салықтар Қазақстан Республикасының ұлттық валютасымен есептеледі.

      Егер кедендік баждарды, салықтарды есептеу үшін шетел валютасын Қазақстан Республикасының ұлттық валютасына не өзге валютаға қайта есептеуді жүргізу талап етілетін болса, егер осы Кодексте өзгеше белгіленбесе, мұндай қайта есептеу кеден органы кедендік декларацияны тіркеген күні қолданыста болатын валюта бағамы бойынша жүргізіледі.

      7. Кедендік баж кедендік бажды есептеуге арналған базаға және тауарға қатысты белгіленген, кедендік баждың тиісті мөлшерлемесіне негізделе отырып есептеледі.

      Қазақстан Республикасының аумағында төленуге жататын салықтар, Қазақстан Республикасының салық заңнамасына сәйкес есептеледі.


      84-бап. Кедендік баждарды, салықтарды есептеу үшін қолданылатын кедендік баждардың, салықтардың мөлшерлемелері

      1. Кедендік баждарды, салықтарды есептеу үшін, егер осы Кодексте өзгеше белгіленбесе, кедендік декларацияны кеден органы тіркеген күні қолданыста болатын мөлшерлемелер қолданылады.

      Осы Кодекстің 189-бабына сәйкес тауарларды уақытша кедендік декларациялау кезінде кедендік әкету баждарын есептеу үшін осы Кодекстің 43-тарауына және 189-бабына сәйкес белгіленген күні қолданыста болатын мөлшерлемелер қолданылады.

      2. Одақ туралы шартқа сәйкес көзделген жағдайларды, сондай-ақ Еуразиялық экономикалық одақ шеңберіндегі халықаралық шарттарға немесе үшінші тараппен Еуразиялық экономикалық одақтың халықаралық шарттарына сәйкес кедендік әкелу баждарын есептеу үшін Еуразиялық экономикалық одақтың Бірыңғай кедендік тарифінің мөлшерлемелерінен ерекшелінетін мөлшерлемелер қолданылатын жағдайларды қоспағанда, кедендік әкелу баждарын есептеу үшін Еуразиялық экономикалық одақтың Бірыңғай кедендік тарифінің мөлшерлемелері қолданылады.

      Егер Одақ туралы шартта өзгеше белгіленбесе, кедендік әкелу баждарын есептеу үшін тарифтік преференциялар табыс ету шарттары сақталмаған кезде, Еуразиялық экономикалық одақтың Бірыңғай кедендік тарифінің мөлшерлемелері қолданылады.

      3. Егер Еуразиялық экономикалық одақ шеңберіндегі халықаралық шарттарда және (немесе) Қазақстан Республикасының екіжақты халықаралық шарттарында өзгеше белгіленбесе, Қазақстан Республикасында төлеуге жататын кедендік әкету баждарын есептеу үшін сауда қызметін реттеу саласындағы уәкілетті орган белгілеген мөлшерлемелер қолданылады.

      4. Қазақстан Республикасында төлеуге жататын салықтарды есептеу үшін Қазақстан Республикасының салық заңнамасында белгіленген ставкалар қолданылады.

      Комиссия Еуразиялық экономикалық одаққа мүше мемлекеттердің уәкілетті мемлекеттік органдары табыс еткен мәліметтер негізінде Еуразиялық экономикалық одақтың мүше мемлекеттерінде тауарларға қатысты қолданылатын салықтар мөлшерлемелерінің жалпы тізбесін қалыптастырады және оны Еуразиялық экономикалық одақтың Интернет желісіндегі ресми сайтында орналастырады.

      Еуразиялық экономикалық одақтың мүше мемлекеттерінде тауарларға қатысты қолданылатын салықтар мөлшерлемелерінің жалпы тізбесінің форматын, оны қалыптастыру, жүргізу және одан мәліметтерді пайдалану тәртібін, сондай-ақ осындай мөлшерлемелер туралы мәліметтерді табыс ету тәртібі мен техникалық шарттарын, оның ішінде құрылымы мен форматын Комиссия айқындайды.


      85-бап. Кедендік баждарды, салықтарды төлеу жөніндегі міндеттің туындауы және тоқтатылуы. Кедендік баждар, салықтар төленбейтін жағдайлар

      1. Кедендік баждарды, салықтарды төлеу жөніндегі міндет осы Кодекстің 88, 157, 163, 174, 216, 217, 221, 233, 242, 254, 265, 278, 288, 297, 306, 313, 322, 328-баптарға, 360-бабының 4-тармағына, 362, 363, 367, 371, 378 және 392-баптарға сәйкес, сондай-ақ Комиссия көздеген жағдайларда, осы Кодекстің 337-бабына сәйкес Комиссия және Қазақстан Республикасының Үкіметі айқындаған мән-жайлар басталған кезде туындайды.

      2. Кедендік баждарды, салықтарды төлеу жөніндегі міндет:

      1) осы Кодекстің 88, 157, 163, 174, 216, 217, 221, 233, 242, 254, 265, 278, 288, 297, 306, 313, 322, 328-баптарға, 360-бабының 4-тармағына, 362, 363, 367, 371, 378 және 392-баптарында көзделген кедендік баждарды, салықтарды төлеу жөніндегі міндеттің тоқтатылуына байланысты мән-жайлар басталған кезде және шарттар сақталған кезде;

      2) Комиссия көздеген жағдайларда, осы Кодекстің 337-бабына сәйкес Комиссия және Комиссия және Қазақстан Республикасының Үкіметі айқындаған мән-жайлар басталған кезде:

      3) осы Кодекстің 86-бабы 9-тармағында көрсетілген жағдайларда;

      4) осы Кодекстің 116-бабы 10-тармағының 4-тармақшасына сәйкес кедендік баждарды, салықтарды өндіріп алу бойынша шаралар қолданылмаған жағдайда, осы Кодекске сәйкес өндіріп алу үмітсіз деп танылған, кедендік баждардың, салықтардың сомасына қатысты тоқтатылады.

      3. Комиссия, бірдей тауарларға қатысты кедендік баждарды, салықтарды төлеу жөніндегі міндет әртүрлі адамдарда түрлі мән-жайлар бойынша және (немесе) бірнеше рет туындаса, оның ішінде кедендік баждарды, салықтарды төлеу жөніндегі міндет тоқтатылатын мән-жайлар бір Еуразиялық экономикалық одаққа мүше мемлекетте туындап, ал кедендік баждарды, салықтарды төлеу жөніндегі міндет өзге Еуразиялық экономикалық одаққа мүше мемлекетте туындаса, кедендік баждарды, салықтарды төлеу жөніндегі міндет тоқтатылатын мән-жайларды, сондай-ақ осындай мән-жайлардың туындауын растау бойынша кеден органдарының өзара іс-қимыл жасау тәртібін айқындауға құқылы.

      4. Кедендік баждар, салықтар:

      1) орналастыру шарттары осындай кедендік рәсімді қолдану аяқталғанға немесе тоқтатылғанға дейін және осындай кедендік рәсімге сәйкес осы тауарларды пайдалану шарттары сақталған кезде, кедендік баждар, салықтар төлеуді көздемейтін кедендік рәсіммен орналастырылатын (орналастырылған) тауарларға қатысты;

      2) осы Кодекстің 355-бабы 4-тармағына және 364-бабының 2-тармағына сәйкес кедендік рәсімдерге орналастыруға жатпайтын, тауарлардың жеке санаттарына қатысты, осы Кодексте тауарлардың осы санаттары үшін оларды пайдалану шарттары сақталған кезде;

      3) кедендік әкелу бажын төлеуден босату түріндегі кедендік әкелу баждарын төлеу жөніндегі жеңілдіктерді және осындай жеңілдіктер табыс ету талаптарын сақтаған кезде, осындай кедендік рәсімді қолдану аяқталғанға немесе тоқтатылғанға дейін, салықтар төлеу жөніндегі жеңілдіктер қолданумен уақытша әкелудің (жіберудің) кедендік рәсіміне орналастырылатын (орналастырылған) тауарларға қатысты, тауарларды жеңілдіктер табыс ету талаптарына сәйкес келетін мақсаттарда пайдаланылған кезде, осындай тауарларды пайдалану және (немесе) оларға билік ету бойынша шектеулерді сақтаған кезде, сондай-ақ осындай кедендік рәсімге сәйкес осындай тауарларды пайдалану талаптарын сақтаған кезде, декларанттың осындай жеңілдіктерден бас тарту жағдайларын қоспағанда;

      4) кедендік әкелу бажын төлеуден босату түріндегі кедендік әкелу баждарын төлеу жөніндегі жеңілдіктерді және осы тауарларды пайдалану және (немесе) оларға билік ету бойынша шектеулермен ұштасқан салықтарды төлеу жөніндегі жеңілдіктерді қолданумен ішкі тұтыну үшін шығару кедендік рәсімдеріне орналастырылатын (орналастырылған) тауарларға қатысты, тауарларды жеңілдіктер табыс ету талаптарына сәйкес келетін мақсаттарда пайдаланған кезде, сондай-ақ осындай тауарларды пайдалану және (немесе) оларға билік ету бойынша шектеулерді сақтаған кезде, декларанттың осындай жеңілдіктерден бас тарту жағдайларын қоспағанда, төленбейді.


      86-бап. Кедендік баждарды, салықтарды төлеу жөніндегі міндеттерді орындау

      1. Кедендік баждарды, салықтарды төлеу жөніндегі міндетті кедендік баждар, салықтар төлеуші, осы Кодекске сәйкес кедендік баждар, салықтар төлеушімен бірге кедендік баждарды, салықтарды төлеу жөніндегі ортақ міндет немесе егер бұл мүше мемлекеттің заңнамасында көзделсе, кедендік баждарды, салықтарды төлеу жөніндегі субсидиарлық міндет жүктелген адамдар орындайды.

      Осы Кодекстің 94-бабы 11-тармағымен белгіленген тәртіпте кедендік баждарды, салықтарды төлеу жөніндегі міндеттер өзге тұлғалармен орындалуы мүмкін.

      Кедендік баждарды, салықтарды төлеу жөніндегі міндетті осы Кодекстің 494-бабын ескере отырып, кедендік өкіл орындайды.

      2. Кедендік баждарды, салықтарды төлеу жөніндегі міндет осы Кодекстің 90, 91, 92, 93 және 94-баптарында белгіленген тәртіппен және мерзімдерде оларды төлеу арқылы осы Кодекске сәйкес есептелген және төлеуге жататын сомалар мөлшерінде орындалады.

      3. Кедендік баждарды, салықтарды төлеу жөніндегі міндетті орындау осы Кодекстің 10-тарауында көзделінген тәсілдермен, осы Кодекстің 91, 194-баптарына сәйкес қамтамасыз етілетін жағдайда кеден органы кедендік баждарды, салықтарды, пайыздарды төлеу жөніндегі міндетті орындау мерзімі басталғанға дейін бес жұмыс күнінен кешіктірмей төлеушіге кедендік баждарды, салықтарды, пайыздарды төлеу жөніндегі міндетті орындау мерзімі басталғаны туралы еркін нысанда хабарлама жолдайды.

      Кедендік баждарды, салықтарды, пайыздарды төлеу жөніндегі міндетті орындау мерзімі өткеннен кейін, осы тармақтың бірінші абзацында белгіленген жағдайда, сондай-ақ кедендік баждарды, салықтарды, өсімпұлдарды төлеу жөніндегі міндетті орындау мерзімі осы Кодекстің 10-тарауында көзделінген тәсілдермен қамтамасыз етілетін өзге де жағдайларда, кеден органы осы Кодекстің 10-тарауында көзделінген тәртіпте кедендік баждарға, салықтарға, өсімпұлдарға, пайыздарға есептелінген сомаларды төлеу туралы талапты жолдайды.

      4. Кедендік баждарды, салықтарды төлеу жөніндегі міндетті орындамау немесе тиісінше орындамау жағдайында, кеден органдары кедендік баждарды, салықтарды, пайыздарды төлеу жөніндегі міндетті орындау мерзімі басталған күннен бастап он жұмыс күні ішінде осы Кодекске сәйкес кедендік баждар, салықтар төлеушімен бірге кедендік баждарды, салықтарды төлеу жөніндегі ортақ міндет немесе егер бұл мүше мемлекеттердің заңнамасында көзделсе – кедендік баждарды, салықтарды төлеу жөніндегі субсидиарлық міндет жүктелетін адамдарға белгіленген мерзімде төленбеген кедендік баждар, салықтар сомалары туралы:

      1) осы баптың 4-тармағымен көзделген жағдайларды қоспағанда;

      2) осы Кодекстің 10-тарауында көзделінген тәсілдермен қамтамасыз етілетін кедендік баждарды, салықтарды, пайыздарды төлеу жөніндегі міндетті орындау туралы хабарламаны жолдайды.

      5. Өсімпұлдарды төлеу осы Кодекстің 124-бабында көзделген тәртіппен жүргізіледі.

      6. Белгіленген мерзімде төленбеген кедендік баждардың, салықтардың, пайыздардың сомалары туралы хабарламаны табыс еткен күннен бастап оны, он жұмыс күні ішінде орындауға жатады. Мерзімінде төленбеген кедендік баждардың, салықтардың, пайыздардың сомалары туралы хабарламаның нысаны уәкілетті органмен бекітіледі. Бұл ретте көрсетілген хабарламаның нысанына, сондай-ақ осы Кодекстің 137-бабына сәйкес мерзімінде төленбеген арнайы, демпингке қарсы, өтем баждардың сомалары туралы мәліметтер кіреді.

      Көрсетілген хабарламаны табыс ету тәртібі осы Кодекстің 87-бабына сәйкес белгіленген тәртіппен жүргізіледі.

      7. Осындай талаптарды орындау күніне дейін белгіленген мерзімде төленбегені туралы осындай хабарламаны тіркеген күннен басталған кезеңге есептеуге жататын, өсімпұлдар төленбей, кедендік баждардың, салықтардың, өсімпұлдардың, пайыздардың сомалары белгіленген мерзімде төленбегені туралы көрсетілген хабарламадағы талаптарды төлеуші орындаған кезде, кеден органдары кедендік баждардың, салықтардың, өсімпұлдардың, пайыздардың сомалары белгіленген мерзімде төленбегені туралы бұрын қойылған хабарламаға қосымша хабарламаны жолдайды.

      8. Кедендік баждардың, салықтардың, өсімпұлдардың, пайыздардың сомалары белгіленген мерзімде төленбегені туралы көрсетілген хабарламадағы кедендік баждардың, салықтардың, өсімпұлдардың, пайыздардың сомалары өзгеруіне әкеп соққан негізделген фактілер анықталған жағдайда, кеден органдары кедендік баждардың, салықтардың, өсімпұлдардың, пайыздардың сомалары белгіленген мерзімде төленбегені туралы бірінші жолданған хабарламаны бірмезгілде кері қайтарып, кедендік баждардың, салықтардың, өсімпұлдардың, пайыздардың сомалары белгіленген мерзімде төленбегені туралы жаңа хабарламаны жолдайды.

      9. Кеден органы осы баптың 4-тармағында көрсетілген хабарламаны мынадай жағдайларда жібермейді:

      1) тауарлар шығарылғаннан кейін, ал шығарылуы тауарларға арналған декларация берілгенге дейін өткізілген тауарларға қатысты – осы Кодекстің 194-бабының 17-тармағында көзделген электрондық құжат жіберілгеннен не тиісті белгілер қойылғаннан кейін осы Кодекске сәйкес кедендік баждарды, салықтарды есептеу үшін валюталар бағамын қолдану күніне қолданыста болатын валюталар бағамы бойынша бес еуроға баламалы сома жиынтығынан аспайтын мөлшерде тауарларға арналған бір декларацияда есептелген кедендік төлемдерді, арнайы, демпингке қарсы, өтем баждарды төлемеу фактісін анықтау;

      2) осы Кодекске сәйкес кедендік баждарды, салықтарды есептеу үшін валюталар бағамын қолдану күніне қолданыста болатын валюталар бағамы бойынша бес еуроға баламалы сома жиынтығынан аспайтын мөлшерде, осы Кодекстің 83-бабының 4-тармағында немесе осы Кодекстің 360-бабы 4-тармағынның екінші абзацында көрсетілген кедендік құжаттың бірінде көрсетілген кедендік баждардың, салықтардың, арнайы, демпингке қарсы, өтем баждардың бір есебінде есептелген кедендік төлемдердің, салықтардың арнайы, демпингке қарсы, өтем баждарын төлемеу фактісін анықтау.

      10. Осы баптың 9-тармағында көрсетілген жағдайларда кедендік баждарды, салықтарды төлеу жөніндегі міндет тоқтатылады.

      11. Осы баптың 6-тармағында көрсетілген мерзімде кедендік баждарды, салықтарды төлеу жөніндегі міндеттер орындалмаған немесе тиісінше орындалмаған жағдайда, кедендік баждарды, салықтарды өндіріп алуды жүзеге асыратын кеден органы осы Кодекстің 12-тарауына сәйкес кедендік баждарды, салықтарды, өсімпұлдарды, пайыздарды өндіріп алу бойынша шаралар қабылдайды.

      12. Комиссия бірдей тауарларға қатысты кедендік баждарды, салықтарды төлеу жөніндегі міндет әртүрлі тұлғаларда түрлі мән-жайлар және (немесе) бірнеше рет туындаған жағдайларда, кедендік баждарды, салықтарды төлеу жөніндегі міндеттерді орындау ерекшеліктерін айқындауға құқылы.


      87-бап. Белгіленген мерзімде төленбеген кедендік баждардың, салықтардың, өсімпұлдардың, пайыздардың сомалары туралы хабарламаны тапсыру тәртібі

      1. Белгіленген мерзімде төленбеген кедендік баждардың, салықтардың, өсімпұлдардың, пайыздардың сомалары туралы хабарламаны төлеушіге қолын қойғыза отырып, жеке өзіне немесе осы бапта өзгеше белгіленбесе, жөнелту және алу фактілерін растайтын өзге тәсілмен берілуі тиіс.

      Бұл ретте төменде келтірілген тәсілдердің бірімен жолданған хабарлама мынадай жағдайларда:

      1) пошта арқылы хабарламасы бар тапсырыс хатпен жiберiлгенде - төлеушiнiң поштаның немесе өзге де байланыс ұйымының хабарламасына белгi қойған күнінен бастап;

      2) электрондық тәсiлмен жiберiлгенде – веб-қосымшада хабарлама жеткізілген күннен бастап төлеушіге берілген болып саналады.

      Көрсетілген тәсiл:

      уәкілетті орган бекіткен тәртіппен кеден органының ақпараттық жүйесін пайдаланушы ретінде тіркелген;

      Қазақстан Республикасының салық заңнамасында белгіленген тәртіппен электрондық салық төлеушi ретiнде тiркелген төлеушiге қолданылады.

      2. Белгіленген мерзімде төленбеген кедендік баждардың, салықтардың, өсімпұлдардың, пайыздардың сомалары туралы хабарламаны кеден органы пошта арқылы хабарламасы бар тапсырыс хатпен жолдаған құжаттарды пошта немесе өзге де байланыс ұйымы төлеушінің орналасқан жерінде болмауына байланысты қайтарған жағдайда, төлеушінің орналасқан жері бойынша кеден органы пошта немесе өзге де байланыс ұйымының хабарламасын алған күннен бастап он жұмыс күнінен кеш емес мерзімде зерттеу жүргізіп, оның нәтижесі бойынша зерттеп-қарау актісін жасайды.

      3. Зерттеп-қарау актісінде:

      актіні жасау орны, күні және уақыты;

      актіні жасаған кеден органы лауазымды адамының лауазымы, тегі, аты және әкесінің аты (егер ол жеке басын куәландыратын құжатта көрсетілген болса);

      кеден органының атауы;

      тартылған куәгерлердің тегі, аты және әкесінің аты (егер ол жеке басын куәландыратын құжатта көрсетілген болса), жеке басын куәландыратын құжаттың атауы және нөмірі, тұратын жерінің мекенжайы;

      төлеушінің тегі, аты және әкесінің аты (егер ол жеке басын куәландыратын құжатта көрсетілген болса) және (немесе) атауы, оның сәйкестендіру нөмірі;

      зерттеп-қарау нәтижелері туралы ақпарат көрсетіледі.

      Зерттеп-қарау актісі куәгерлердің қатысуымен ресімделеді.

      Куәгерлер ретінде кеден органының лауазымды адамының және төлеушінің әрекетінің нәтижесіне мүдделі емес, кез келген кәмелетке толған, әрекетке қабілетті кемінде екі адам шақырылуы мүмкін.

      Мемлекеттік органдардың лауазымды адамдарының және төлеушінің жұмыскерлерінің, құрылтайшыларының куәгер ретінде қатысуына жол берілмейді.

      4. Белгіленген мерзімде төленбеген кедендік баждардың, салықтардың, өсімпұлдардың, пайыздардың сомалары туралы осы Кодекстің 86-бабының 4-тармағына сәйкес жолданған хабарламаға шағымданған жағдайда, осындай хабарламада көрсетілген кеден органының талаптарын орындау мерзімі, шағымды қарау нәтижелері бойынша шешім шыққанға дейін тоқтатылады. Бұл ретте шағым, өсімпұлдарды есептеуді тоқтатпайды.


      88-бап. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндеттің туындауы және тоқтатылуы, оларды төлеудің мерзімі және есептеу ерекшеліктері

      1. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндет Еуразиялық экономикалық одақтың кедендік аумағына тауарларды әкелген кезде туындайды.

      Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндет Еуразиялық экономикалық одақтың кедендік аумағынан тауарларды әкету кезінде туындайды.

      2. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндет тауарларды заңсыз өткізетін тұлғаларда туындайды. Заңсыз өткізуге қатысушы тұлғалар, егер олар осындай өткізудің заңсыздығы туралы білген немесе білуге тиіс болса, ал Еуразиялық экономикалық одақтың кедендік аумағына тауарларды әкелген кезде – егер олар сатып алу кезінде Еуразиялық экономикалық одақтың кедендік аумағына оларды әкелудің заңсыздығы туралы білген немесе білуге тиіс болса, заңсыз әкелінген тауарларды жеке меншікке немесе иелігіне алған тұлғалар да тауарларды заңсыз өткізетін тұлғалармен бірге кедендік баждарды, салықтарды төлеу жөніндегі ортақ міндетті алады.

      3. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу жөніндегі міндет мынадай мән-жайлар басталған кезде, осы баптың 2-тармағында көрсетілген тұлғаларда тоқтатылады:

      1) кедендік баждарды, салықтарды төлеу жөніндегі міндетті орындау және (немесе) осы баптың 5, 6, 7 және 8-тармақтарына сәйкес есептелген және төлеуге жататын мөлшерлерде оларды өндіріп алу;

      2) осы Кодекске сәйкес тауарларды кедендік рәсіммен орналастыру;

      3) уәкілетті орган бекіткен тәртіпте кеден органының авария немесе еңсерілмейтін күш әсерінің салдарынан шетелдік тауарлардың жойылу және (немесе) қайтарымсыз жоғалу фактісін не тасымалдау (тасымалдың) және (немесе) сақтаудың қалыпты жағдайларында табиғи жойылу нәтижесінде осы тауарлардың қайтарымсыз жоғалу фактісін тануы, осы шетелдік тауарларға қатысты осы Кодекске сәйкес осындай жойылуға немесе қайтарымсыз жоғалтуға дейін кедендік баждарды, салықтарды төлеу мерзімі басталған жағдайларды қоспағанда;

      4) Қазақстан Республикасының заңнамасына сәйкес мемлекеттің меншігіне тауарларды тәркілеу немесе алу (кіріс);

      5) кеден органының осы Кодекстің 52-тарауына сәйкес тауарларды ұстап қалуы;

      6) қылмыстық іс бойынша немесе әкімшілік құқық бұзушылық туралы (әкімшілік процесті жүргізу) іс бойынша жүргізу барысында, қылмыстық құқық бұзұшылықтар туралы хабарды тексеру кезінде алынған немесе қамауға алынған және егер бұрын ондай тауарларды шығару жүргізілмеген болса, оларға қатысты тауарларды қайтару туралы шешім қабылданған, тауарлардың кедендік рәсімдерінің бірімен уақытша сақтауға немесе қоюға орналастыру тоқтатылады.

      4. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждарды, салықтарды төлеу мерзімі ретінде Еуразиялық экономикалық одақтың кедендік шекарасын тауарлармен кесіп өту күні саналады, ал егер бұл күні анықталмаса – Еуразиялық экономикалық одақтың кедендік шекарасы арқылы тауарларды заңсыз өткізу фактісі анықталған күні.

      5. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждар, салықтар, егер тауарлар мынадай кедендік рәсімдермен орналастырылса, мынадай мөлшерде төленуге жатады:

      1) Еуразиялық экономикалық одақтың кедендік аумағына тауарларды әкелген кезде – ішкі тұтыну үшін шығару кедендік рәсімі тарифтік преференциялар және кедендік әкелу баждарын, салықтарды төлеу жөніндегі жеңілдіктер қолданылмай;

      2) Еуразиялық экономикалық одақтың кедендік аумағынан Еуразиялық экономикалық одақтың тауарларын әкеткен кезде –кедендік әкету баждарын төлеу жөніндегі жеңілдіктер қолданусыз экспорт кедендік рәсімі.

      6. Еуразиялық экономикалық одақтың кедендік шекарасы арқылы тауарларды заңсыз өткізген кезде кедендік баждар, салықтар осы баптың 7-тармағын ескере отырып, ал егер кеден органы тауарлар туралы нақты мәліметтері болмаса, тағы да осы баптың 8-тармағын ескере отырып, осы тарауға сәйкес есептеледі.

      7. Кедендік баждарды, салықтарды есептеу үшін Еуразиялық экономикалық одақтың кедендік шекарасын тауарлар кесіп өткен күніне қолданыстағы кедендік баждардың, салықтардың мөлшерлемелері, ал бұл күн белгіленбесе – Еуразиялық экономикалық одақтың кедендік шекарасы арқылы тауарларды заңсыз өткізу фактісі анықталған күнгі мөлшерлеме қолданылады.

      Егер тауарлардың кедендік құнын айқындау үшін, сондай-ақ кедендік баждарды, салықтарды есептеу үшін шетел валютасын Қазақстан Республикасының ұлттық валютасына қайта есептеу қажет болған жағдайда, мұндай қайта есептеу Еуразиялық экономикалық одақтың кедендік шекарасын тауарлардың кесіп өткен күніне қолданыстағы, ал егер бұл күн белгіленбесе – Еуразиялық экономикалық одақтың кедендік шекарасы арқылы тауарларды заңсыз өткізу фактісі анықталған күні қолданыстағы валюталар бағамы бойынша жүргізіледі.

      8. Егер кеден органында тауарлар туралы нақты мәліметтер болмаған жағдайда (сипаты, атауы, саны, шығарылған жері және (немесе) кедендік құны), төлеуге жататын кедендік баждарды, салықтарды есептеу үшін база кеден органында бар мәліметтер негізінде айқындалады, ал тауарларды сыныптау осы Кодекстің 40-бабының 4-тармағы ескеріле отырып жүзеге асырылады.

      Егер тауардың коды Сыртқы экономикалық қызметтің тауар номенклатурасына сәйкес оннан кем белгілер санымен топтама деңгейінде анықталған жағдайда:

      кедендік баждарды есептеу үшін ондай топтамаға кіретін тауарларға сәйкес келетін кедендік баждардың мөлшерлемелерінен ең көбі қолданылады;

      салықтарды есептеу үшін қосылған құнға салық мөлшерлемесінен ең көбі, оған қатысты кедендік баждардың мөлшерлемесінен ең көбі белгіленген мұндай топтамаға кіретін тауарларға сәйкес акциздердің мөлшерлемелерінен ең көбі (акциздік салық немесе акциздік алым) қолданылады.

      Тауарлар туралы нақты мәліметтерді кейіннен анықтаған кезде кедендік баждар, салықтар сондай нақты мәліметтерге қарай есептеледі, осы Кодекстің 87-бабына сәйкес іс-қимылдарын жүзеге асыратын не осы Кодекстің 11-тарауына сәйкес артық төленген және (немесе) артық өндіріп алынған кедендік баждар, салықтар сомаларын қайтару (есепке алу) осы Кодекстің 12-тарауына сәйкес төленбеген сомаларды өндіріп алу жүзеге асырылады.

      9. Қазақстан Республикасының заңнамасына сәйкес тәркіленген тауарлар мемлекеттің меншігіне (кірісіне) айналдырылған, осы Кодекстің 52-тарауына сәйкес кеден органдары тауарларды кідірткен, уақытша сақтауға орналастырған, кедендік баждарды, салықтарды төлеу жөніндегі міндет орындалғаннан және (немесе) оларды өндіріп алғаннан (толық немесе ішінара) кейін тауарларды кедендік рәсімдермен орналастырған жағдайда, осы бапқа сәйкес төленген және (немесе) өндіріп алынған кедендік баждардың, салықтардың сомалары осы Кодекстің 11-тарауына сәйкес қайтарып алуға (есепке жатқызуға) жатады.

      10. Осы баптың 1, 2, 3, 4, 5, 6, 7, 8 және 9-тармақтарының ережелері дұрыс кедендік декларацияланбаған тауарларды Еуразиялық экономикалық одақтың кедендік шекарасы арқылы заңсыз өткізу кезінде қолданылмайды.

      Дұрыс кедендік декларацияланбаған тауарларды Еуразиялық экономикалық одақтың кедендік шекарасы арқылы заңсыз өткізу кезінде кедендік баждар, салықтар осы Кодекске сәйкес есептеледі. Бұл ретте кедендік декларациялау кезінде нақты төленген тауарлардың кедендік баждары, салықтары қайта төленбейді (өндіріліп алынбайды), ал артық төленген және (немесе) артық өндіріліп алынған кедендік баждар, салықтар осы Кодекске сәйкес қайтаруға (есепке алуға) жатады.


      89-бап. Кедендік баждар, кедендік алымдар, салықтар, өсімпұлдар, пайыздар бойынша талап қоюдың өту мерзімі

      1. Кеден органдарының талаптары бойынша немесе төлеушінің талабы бойынша:

      1) кеден органы төлеушінің есептеген кедендік баждарының, салықтардың, кедендік алымдардың сомасын, сондай-ақ өсімпұлдардың, пайыздардың сомасын қайта қарауға немесе төлеушіге есептеуге (қоса есептеуге) құқылы;

      2) төлеуші кеден органдарынан кедендік баждардың, салықтардың, кедендік алымдардың, өсімпұлдардың, пайыздардың, аванстық төлемдердің, оның ішінде кедендік баждарды, салықтарды төлеу жөніндегі міндеттерді орындау есебінде енгізілген аванстық төлемдердің сомасын есептеуді және (немесе) қайтаруды талап етуге құқылы;

      3) төлеуші алдағы кедендік баждарды, салықтарды, кедендік алымдарды, арнайы, демпингке қарсы, өтем баждарын, өсімпұлдарды, пайыздарды төлейтін кеден органының шотына уақытша орналастыруға енгізілген ақшасын кеден органынан қайтаруға және (немесе) бюджетке аударуға құқылы;

      4) төлеуші кеден органдарының талап етуі бойынша кедендік баждардың, салықтардың, кедендік алымдардың, өсімпұлдардың, пайыздардың сомасын төлеуге міндетті;

      5) төлеуші Еуразиялық экономикалық одақтың кеден заңнамасына сәйкес кедендік декларацияға өзгерістер мен толықтырулар енгізу туралы өтініш беруге құқылы болатын уақыт кезеңі талап қоюдың өту мерзімі болып табылады.

      2. Егер осы Кодексте өзгеше көзделмесе, кеден органдарының және төлеушілердің талаптары бойынша талап қою мерзімі үш жылды құрайды.

      мынадай санаттағы:

      1) Қазақстан Республикасының Салық кодексіне сәйкес салықтық мониторингке жататын;

      2) жер қойнауын пайдалануға (отын-энергетика секторы) арналған келісімшартқа сәйкес қызметті жүзеге асыратын;

      3) уәкілетті экономикалық операторлар тізіліміне енгізілген төлеушілер үшін кеден органдарының және төлеушілердің талаптары бойынша талап қою мерзімі бес жылды құрайды.

      3. Осы баптың 2-тармағында көрсетілген төлеушілердің санаттарына қарамастан, оларға қатысты:

      осы Кодекстің 202-бабы 1-тармағының 1) тармақшасына сәйкес осы тауарларды пайдалану және (немесе) билік ету бойынша шектеулермен қатар кедендік әкелу баждарын, салықтарды төлеу бойынша жеңілдіктер қолданылған;

      Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа ену туралы халықаралық шарттарға (Еуразиялық экономикалық одақ туралы шартқа мемлекеттің қосылуы туралы халықаралық шарттарға) сәйкес осы Кодекстің 202-бабы 1-тармағы 3) тармақшасына сәйкес Еуразиялық экономикалық одақтың Бірыңғай кедендік тарифінде белгіленгенге қарағанда, кедендік әкелу баждарын неғұрлым төмен мөлшерлемесі қолданылған, ішкі тұтыну үшін шығарылған кедендік рәсіммен орналастырылған тауарларға қатысты кеден органдарының және төлеушілердің талаптары бойынша талап қою мерзімі бес жылды құрайды.

      4. Кеден органдарының және төлеушілердің талаптары бойынша талап қою мерзімі:

      1) осы баптың 3-тармағында көзделген жағдайларды қоспағанда, тауарларды кедендік декларациялау және шығару аяқталған күннен бастап;

      2) кедендік баждарды, салықтарды ақша қаражатымен (ақшалай) төлеу жөніндегі орындайтын міндетті, оның ішінде аванстық төлемдердің есебінен қамтамасыз ететін кеден органында тіркелген күннен бастап;

      3) кеден органы осы Кодексте көзделінген алдын ала шешімдерді қабылдаған күннен бастап;

      4) кеден органы кедендік алып жүру туралы шешім қабылдаған күннен бастап есептеледі.

      5. Кеден органы таңдап алынған кедендік рәсімге сәйкес кедендік бақылауда тұрған тауарлар бойынша тауарлардың кедендік бақылауда тұру кезеңі ішінде және егер осы баптың 2 және 3-тармақтарында өзге мерзім белгіленбеген жағдайды қоспағанда, тауарлардың кедендік бақылауда тұру кезеңі аяқталғаннан кейін бес үш ішінде төленуге тиіс кедендік төлемдердің, салықтардың, өсімпұлдардың, пайыздардың сомаларын есептеуге немесе қайта қарауға құқылы.

      6. Осы баптың 1-тармағында белгіленген талаптар бойынша талап қою мерзімі өтіп кеткен жағдайда:

      1) кедендік бақылау жүргізу кезеңінде, оның ішінде тауар шығарылғаннан кейін – талап қоюдың өту мерзімі, кедендік баждар, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өтеу кедендік бақылау жүргізу нәтижелері бойынша қабылданған кеден органының шешімі орындалғанға дейін, осындай кедендік бақылау жүргізу мерзіміне ұзартылады.

      2) төлеуші Қазақстан Республикасының заңнамасында белгіленген тәртіппен кедендік тексеру нәтижелеріне және (немесе) уәкілетті органның шағымды қарау нәтижелері бойынша шығарған шешіміне, сондай-ақ кеден органының және (немесе) кеден органы лауазымды адамының шешіміне, әрекетіне (әрекетсіздігіне) шағымдану кезеңіндегі талап қоюдың өту мерзімі сот актісі заңды күшіне енген және сот талқылауы жүргізілген мерзімге – сот тәртібінде шағымданған жағдайда, кеден органының кедендік бақылау нәтижелері бойынша шығарған шешімі орындалғанға дейін, оның ішінде тауарлар шығарылғаннан, шағым және (немесе) талап қою қаралғаннан кейін ұзартылады.

9-тарау. Кедендік баждарды, салықтарды төлеу мерзімдері мен тәртібі

      90-бап. Кедендік баждарды, салықтарды төлеу мерзімдері

      1. Кедендік баждарды, салықтарды төлеу мерзімдері осы Кодекстің 88, 91, 157, 163, 174, 216, 217, 221, 233, 242, 254, 265, 278, 288, 297, 306, 313, 322, 328-баптарына, 360-баптың 4-тармағына, 362, 363, 367, 371, 378 және 392-баптарына сәйкес айқындалады.

      2. Тауарларға қатысты кедендік баждарды, салықтарды төлеу мерзімдері осы Кодекстің 43-тарауымен және 189-бабымен белгіленген кедендік тауарлардың ерекшеліктері, осы Кодекстің осындай тарауымен және бабымен анықталады.

      3. Арнайы кедендік рәсіммен орналастырылатын (орналастырылған) тауарларға қатысты кедендік баждарды, салықтарды төлеу мерзімдерін осы Кодекстің 337-бабына сәйкес Комиссия және Комиссияда көзделген жағдайларда Қазақстан Республикасының Үкіметі айқындалады.

      4. Кедендік баждарды, салықтарды төлеу жөніндегі міндеттер орындалмаған немесе тиісінше орындалмаған кезде осы Кодексте белгіленген мерзімде, осы тармақтың үшінші абзацында көрсетілген жағдайларды қоспағанда өсімпұлдар төленеді.

      Төлеу немесе өндіріп алу, сондай-ақ өсімпұлдарды есепке алу (қайтарып алу) осы Кодексте көзделген тәртіпте қолданылатын төлеуге немесе өндіріп алуға, сондай-ақ кедендік баждарды, кедендік алымдарды, салықтарды есепке алуға (қайтаруға) қатысты жүзеге асырылады.

      Өсімпұлдар, осы Кодекстің 85-бабы 3-тармағына сәйкес Комиссия айқындаған тәртіпте кедендік баждарды, салықтарды өндіріп алуды жүзеге асыратын кеден органы, кедендік баждарды, салықтарды төлеу жөніндегі міндеттер орындалмайтын жағдайлардың туындағанын растауды алған кезде төленбейді, ол тоқтатылады.

      5. Осы Кодекске сәйкес кедендік әкелу баждарының, салықтарының сомасынан, егер осы сомаларға қатысты кейінге қалдыру немесе оларды бөліп төлеу ұсынылғандай пайыздар төлеуге жататын жағдайларда, мұндай пайыздар кедендік әкелу баждарын төлеуді кейінге қалдыруға немесе бөліп төлеуге пайыздар есептеу және төлеу үшін осы Кодекстің 90-бабында белгіленген тәртіпте есептелінеді және төленеді.


      91-бап. Кедендік әкелу баждарын, салықтарды төлеу мерзімдерін өзгерту

      1. Кедендік әкелу баждарын, салықтарды төлеу мерзімдерін өзгерту кейінге қалдыру немесе бөліп төлеу нысанында жүзеге асырылады.

      2. Салықтарды төлеу мерзімдерін өзгерту үшін негіздер, сондай-ақ оларды өзгертудің шарттары мен тәртібі олар төленетін Қазақстан Республикасының салық заңымен белгіленеді.

      3. Кедендік әкелу баждарын төлеуді кейінге қалдыру немесе бөліп төлеу ішкі тұтыну үшін шығару кедендік рәсімімен орналастырылатын тауарларға қатысты беріледі.

      4. Кедендік әкелу баждарын төлеуді кейінге қалдыру немесе бөліп төлеу төлеушінің тиісінше кейінге қалдырылған немесе бөліп төленетін соманы біржолғы немесе кезең-кезеңмен төлей отырып, кедендік әкелу баждарын төлеу мерзімін өзгертуін білдіреді.

      5. Кедендік әкелу баждарын төлеуді кейінге қалдыру немесе бөліп төлеу төлеуге жататын барлық сомаға қатысты не осы соманың бір бөлігіне қатысты беріледі.

      6. Кедендік әкелу баждарын төлеуді кейінге қалдыруды ұсына отырып, тауарларды шығару кезінде төленуіне қатысты кейінге қалдыру ұсынылған кедендік әкелу баждарының сомасы осындай кейінге қалдыру ұсынылған мерзімнің соңғы күнінен кешіктірмей төлеуге жатады.

      Кедендік әкелу баждарын бөліп төлеуді ұсына отырып, тауарларды шығару кезінде төленуіне қатысты бөліп төлеу ұсынылған кедендік әкелу баждарының сомасы бекітілген кедендік әкелу баждар сомасын кезең-кезеңмен төлеу кестесіне сәйкес төлеуге жатады. Бұл ретте кезең-кезеңмен төлеуге айқындалған сомалардың әрқайсысы тиісті кезеңде осындай төлеу үшін белгіленген мерзімнің соңғы күнінен кешіктірмей төлеуге жатады.

      7. Егер осы Кодексте өзгеше белгіленбесе, кедендік әкелу баждарын төлеуді кейінге қалдыру немесе бөліп төлеу кедендік әкелу баждарын төлеу жөніндегі міндеттерді орындау қамтамасыз етілген жағдайда ұсынылады.

      Кедендік әкелу баждарын төлеу жөніндегі міндеттерді орындауды қамтамасыз ету осы Кодекстің 10-тарауына сәйкес беріледі.


      92-бап. Кедендік әкелу баждарын төлеуді кейінге қалдыруды немесе бөліп төлеуді жоқ қылу, бас тарту, кедендік әкелу баждарын төлеуді кейінге қалдыруды немесе бөліп төлеуді ұсыну тәртібі, мерзімдері және негіздері. Кедендік бажды төлеудің мерзімін кейінге қалдыру немесе бөліп-бөліп төлеуді ұсыну туралы шешімнің қолданысын тоқтату

      1. Кедендік әкелу баждарын төлеуді кейінге қалдыру үшін пайыздар төлей отырып, кедендік әкелу баждарын төлеуді кейінге қалдыру осы Кодекстің 93-бабына сәйкес ішкі тұтыну үшін шығару кедендік рәсіміне сәйкес тауарларды шығару күнінен кейінгі күннен бастап бір айдан аспайтын мерзімге беріледі.

      2. Кедендік әкелу баждарын төлеуді кейінге қалдыру немесе бөліп төлеу үшін пайыздар төлемей, кедендік әкелу баждарын төлеуді кейінге қалдыру немесе бөліп төлеу:

      1) дүлей зілзала, технологиялық апат немесе өзге еңсерілмейтін күш мән-жайлары нәтижесінде кедендік әкелу баждарын төлеушіге зиян келтіруі;

      2) кедендік әкелу баждарын төлеушіге мемлекеттік бюджеттен қаржыландыруды немесе осы тұлға орындаған мемлекеттік тапсырысқа ақы төлеуді кідіртуі;

      3) тараптарының бірі Қазақстан Республикасы болып табылатын халықаралық шарттар шеңберінде жеткізулерді жүзеге асыруы;

      4) ауыл шаруашылығы қызметін жүзеге асыратын Еуразиялық экономикалық одақтың ұйымдары не аталған ұйымдар үшін Еуразиялық экономикалық одақтың кедендік аумағына егу немесе отырғызу материалдарын, өсімдіктерді қорғау құралдарын, ауыл шаруашылығы техникасын, асыл тұқымды мал шаруашылығы объектілерін (асыл тұқымды ауыл шаруашылығы жануарларын, құстарды, балықтарды және басқа асыл тұқымды мал шаруашылығы объектілерін), асыл тұқымдық өнімді (материал), жануарларды азықтандыру үшін пайдаланылатын өнімдерді әкелуі. Оларға қатысты кедендік әкелу баждарын төлеуді кейінге қалдыру немесе бөліп төлеу берілуі мүмкін көрсетілген тауарлардың тізбесін, Сыртқы экономикалық қызметтің тауар номенклатурасына сәйкес кодтарын көрсете отырып, Комиссия айқындайды;

      5) Комиссия айқындайтын өзге де негіздер болған кезде ішкі тұтыну үшін шығару кедендік рәсіміне сәйкес тауарларды шығару күнінен кейінгі күннен бастап 6 айдан аспайтын мерзімге беріледі.

      3. Кедендік әкелу баждарын төлеуді кейінге қалдыру немесе бөліп төлеу үшін пайыздар төлей отырып, кедендік әкелу баждарын төлеуді кейінге қалдыру немесе бөліп төлеу осы Кодекстің 93-бабына сәйкес өнеркәсіптік өңдеуге, оның ішінде шикізатты, материалдарды, технологиялық жабдықты, оның жинақтаушы және қосалқы бөлшектерін пайдалану үшін тауарларды Еуразиялық экономикалық одақтың кедендік аумағына әкелу сияқты негіз болған кезде, ішкі тұтыну үшін шығару кедендік рәсіміне сәйкес тауарларды шығару күнінен кейінге күннен бастап алты айдан аспайтын мерзімде ұсынылады. Осы тармақты қолдану мақсатында өнеркәсіптік өңдеу деп кодтары Сыртқы экономикалық қызметтің тауар номенклатурасына сәйкес кез келген бірінші төрт белгісі деңгейінде оларды өнеркәсіптік қайта өңдеу үшін әкелінетін тауарлар кодтарынан айырмашылығы бар жаңа тауарларды алу үшін өндірісте тауарларды пайдалану түсініледі. Сыртқы экономикалық қызметтің тауар номенклатурасына сәйкес кодтары көрсетіле отырып, оларға қатысты кедендік әкелу баждарын төлеуді кейінге қалдыру немесе бөліп төлеу табыс етілуі мүмкін көрсетілген тауарлар тізбесі, сондай-ақ осындай тауарларды өнеркәсіптік қайта өңдеуге пайдалануға арналған тауарларға жатқызу шарттарын Комиссия айқындайды.

      4. Осы баптың 2 және 3-тармақтарында көрсетілген негіздердің бар болуын уәкілетті органмен белгіленген тәртіпте кедендік әкелу баждарын төлеуші растауы тиіс.

      5. Кедендік әкелу баждарын төлеуді кейінге қалдыру немесе бөліп төлеу кеден органының шешімі бойынша кедендік әкелу баждарын төлеушінің өтініші негізінде беріледі.

      Кедендік әкелу баждарын төлеуді кейінге қалдыру немесе бөліп төлеуді табыс ету туралы шешімді кеден органы ішкі тұтыну үшін шығару кедендік рәсімімен орналастырылған кезде, тауарларды шығаруды жүргізетін кеден органы қабылдайды.

      Кеден органының кедендік әкелу баждарын төлеуді кейінге қалдыру немесе бөліп төлеуді табыс ету туралы шешімінде кедендік әкелу баждарын төлеуді кейінге қалдыру немесе бөліп төлеуді табыс ету мерзімдері, төлеуге қатысты кейінге қалдыру немесе бөліп төлеу ұсынылатын кедендік әкелу баждардың сомасы және тауарларды шығару кезінде осы шешімді қолдану үшін қажетті өзге де мәліметтер көрсетіледі.

      6. Кедендік әкелу баждарын төлеуді кейінге қалдыру немесе бөліп төлеуге рұқсат беру немесе оны беруден бас тарту туралы шешімді, уәкілетті органмен бекітілген нысан бойынша электрондық құжат немесе қағаз жеткізгіштегі құжат түрінде төлеушінің өтініші негізінде кеден немесе аумақтық кеден органы қабылдайды.

      Кеден органының кедендік әкелу баждарын төлеуді кейінге қалдыру немесе бөліп төлеуге рұқсат беру туралы шешімі, егер, оларға қатысты мұндай шешім қабылданған тауарларды кедендік декларациялау оны қабылдаған күннен бастап үш жылдың ішінде жүргізілсе, заңды мәні бар фактілер туралы куәландыратын құжат болып табылады.

      Осы баптың 2 және 3-тармақтарына сәйкес берілетін, кедендік әкелу баждарын төлеуді кейінге қалдыру немесе бөліп төлеуге рұқсат беру үшін, өтінішке қоса:

      негіздемелердің бар болуын растайтын, тізбесі уәкілетті органмен бекітілетін, осы баптың 2 және 3-тармақтарында көрсетілген құжаттар;

      кедендік әкелу баждарын бөліп төлеу кезінде төлеуші жасаған кедендік әкелу баждарын кезеңімен бөліп төлеу кесте;

      Кедендік әкелу баждарын төлеуді кейінге қалдыру немесе бөліп төлеуге рұқсат беру туралы өтінішті қарау немесе оны беруден бас тарту төлеушінің өтінішін кеден органына тіркеген күннен бастап бес жұмыс күнінен аспайтын мерзімде кеден органымен жүзеге асырылады.

      Кедендік әкелу баждарын төлеуді кейінге қалдыру немесе бөліп төлеуге рұқсат беру немесе оны беруден бас тарту туралы шешімнің нысаны уәкілетті органмен бекітіледі.

      Кедендік әкелу баждарын бөліп төлеуге рұқсат беру туралы шешімге, уәкілетті органмен бекітілген кедендік әкелу баждарын кезеңімен бөліп төлеу кестесі қоса беріледі. Көрсетілген кесте кедендік баждарды төлеу мерзімін белгілейді және осы шешімнің ажырамас бөлігі болып табылады.

      Төлеушінің дәлелді уәждерімен жүгінісі бойынша кедендік әкелу баждарының сомасын кезеңімен төлеу кестесі өзгертілуі мүмкін.

      Кедендік әкелу баждарын төлеу мерзімі өзгертілген кезде кедендік әкелу баждарын төлеу жөніндегі міндетті орындауды қамтамасыз ету мөлшерін анықтау, осы Кодекстің 104-бабы 1 және 3-тармақтарына сәйкес белгіленген тәртіпте жүргізіледі. Бұл ретте осындай қамтамасыз ету мөлшеріне кедендік әкелу баждарын төлеуді кейінге қалдыру немесе бөліп төлеуге пайыздардың сомалары кіреді.

      Кедендік әкелу баждарының сомаларын анықтау үшін кедендік әкелу баждарын төлеу жөніндегі міндетті орындауды қамтамасыз ету мөлшерін анықталуына қарап, кедендік әкелу баждарын төлеуді кейінге қалдыру немесе бөліп төлеуге рұқсат беру немесе оны беруден бас тарту туралы өтінішті кеден органына тіркеген күннен қолданылатын Қазақстан Республикасының салық заңына сәйкес белгіленетін кедендік әкелу баждарының ставкілері, валюта бағамы қолданылады.

      Кедендік әкелу баждарын төлеу мерзімін кейінге қалдыру немесе бөліп төлеуді ұсынудан бас тарту туралы шешімде мұндай бас тартудың себебі туралы мәлімет қамтылуға тиіс.

      Кеден органы кедендік әкелу баждарын төлеу мерзімін кейінге қалдыру немесе бөліп төлеуді ұсынудан бас тарту туралы шешімді, мынадай негіздемелер бойынша:

      төлеуші осы тармақтың екінші абзацында көрсетілген құжаттарды кеден органына тапсырмаса;

      төлеушінің кедендік әкелу баждарын төлеу мерзімін кейінге қалдыру немесе бөліп төлеуге кедендік баждар, кедендік алымдар, салықтар, арнайы, демпингке қарсы, өтем баждары, өсімпұлдарды, пайыздарды төлеу бойынша берешектері бар болса;

      төлеушіге қатысты банкроттық рәсімі қозғалған немесе қылмыстық құқық бұзұшылықтар белгілері бойынша қылмыстық іс қозғалғаны туралы ақпарат болған жағдайда қабылдайды.

      кедендік әкелу баждарын төлеу мерзімін кейінге қалдыру немесе бөліп төлеуді ұсыну туралы шешім, мынадай негіздер бойынша:

      төлеушінің өтініші бойынша;

      кедендік әкелу баждарын төлеу мерзімін кейінге қалдыру немесе бөліп төлеуге рұқсат беруден бас тарту үшін негіздерді растайтын ақпаратты кеден органы алған кезде, кедендік әкелу баждарын төлеу мерзімін кейінге қалдыру немесе бөліп төлеуге рұқсат нақты берілгенге дейін жойылуға жатады.

      7. Кедендік әкелу баждарын төлеуді кейінге қалдыру немесе бөліп төлеуді ұсыну туралы шешімде белгіленген мерзімде кедендік әкелу баждарын төлеу жөніндегі міндеттерді төлеуші орындамаған немесе тиісінше орындамаған жағдайларда, кеден органы осы Кодекстің 98-бабының 6-тармағында, 99-бабының 4-тармағында, 100-бабының 5-тармағында, 101-бабының 10-тармағында және 102-бабының 4-тармағында белгіленген бір немесе бірнеше іс-әрекеттерді жүзеге асырады.

      8. Кедендік әкелу баждарын төлеуді кейінге қалдыру немесе бөліп төлеуді ұсыну туралы шешім:

      1) кедендік әкелу баждарын төлеуді кейінге қалдыру немесе бөліп төлеу ұсынылған мерзімнің аяқталуы бойынша;

      2) осы Кодекстің 92-бабы 6-тармағының екінші абзацында көрсетілген мерзімнің аяқталуы бойынша;

      3) кейінге қалдыру немесе бөліп төлеу ұсынылған кедендік әкелу баждарын төлеу жөніндегі міндеттемелер орындалған кезде өзінің қолданысын тоқтатады.


      93-бап. Кедендік әкелу баждарын төлеуді кейінге қалдыру немесе бөліп төлеу үшін берілетін пайыздар

      1. Осы Кодекстің 92-бабының 1 және 3-тармақтарына сәйкес ұсынылған кедендік әкелу баждарын төлеуді кейінге қалдыруды немесе бөліп төлеуді пайдаланудың әрбір күні үшін ішкі тұтыну үшін шығару кедендік рәсіміне сәйкес тауарларды шығару күнінен кейінгі күннен бастап, кедендік әкелу баждарын төлеу жөніндегі міндеттемелерін тоқтату күнін қоса алғанда, пайыздар төлеуге жатады.

      2. Кедендік әкелу баждарын төлеуді кейінге қалдыру немесе бөліп төлеу үшін пайыздар, Қазақстан Республикасының Ұлттық Банкімен белгіленетін және пайыздарды есептеуге қолданылатын 1/360 мөлшерінде төлеуге жатады. Кедендік әкелу баждарын төлеуді кейінге қалдыру немесе бөліп төлеу үшін пайыздарды есептеу үшін кейінге қалдыру немесе бөліп төлеуді іс жүзінде пайдаланудың тиісті кезеңдерінде қолданылатын қайта қаржыландыру ресми мөлшерлемесі (негізгі мөлшерлеме, есепке алу мөлшерлемесі), сондай-ақ Қазақстан Республикасының кедендік әкелу баждарын төлеуді кейінге қалдыру немесе бөліп төлеуге рұқсат беру немесе оны беруден бас тарту туралы өтінішті кеден органына тіркеген күннен қолданылатын Қазақстан Республикасының салық заңына сәйкес белгіленетін валюта бағамы қолданылады.

      3. Кедендік әкелу баждарын кейінге қалдыру немесе бөліп төлеу үшін пайыздар кедендік әкелу баждарын төлеу немесе өндіріп алу күнінен кейінгі күннен кешіктірмей төлеуге жатады.

      4. Кедендік әкелу баждарын төлеуді кейінге қалдыру немесе бөліп төлеу үшін пайыздарды төлеу немесе өндіріп алу, сондай-ақ қайтарып алу (есепке алу) осы Кодексте көзделген тәртіппен кедендік әкелу баждарының сомаларын төлеуге немесе өндіріп алуға, сондай-ақ қайтаруға (есепке алуға) қатысты жүзеге асырылады.


      94-бап. Кедендік баждарды, салықтарды төлеу тәртібі

      1. Кедендік баждар, салықтар кедендік транзит кедендік рәсіміне сәйкес тауарларды шығаруды және осы Кодекстің 40-бабына сәйкес халықаралық тасымалдаудың көлік құралдарын шығаруды не мүше мемлекеттің аумағында осы Кодекстің 157-бабының 4-тармағында, 163-бабының 3-тармағында, 174-бабының 4-тармағында, 362-бабының 8-тармағында, 363-бабының 4-тармағында және 371-бабының 4-тармағында көрсетілген мән-жайлар анықталғанда не мүше мемлекеттің аумағында Еуразиялық экономикалық одақтың кедендік шекарасы арқылы тауарларды дұрыс кедендік декларацияламай заңсыз өткізуді қоспағанда, Еуразиялық экономикалық одақтың кедендік шекарасы арқылы тауарларды заңсыз өткізу фактісі анықталған кеден органы тауарларды шығаруды жүргізетін Қазақстан Республикасында уәкілетті органмен белгіленген тәртіпте тауарларды шығару орны бойынша төленуге жатады.

      Осы Кодекстің 202-бабы 1-тармағының 3) тармақшасында көрсетілген шартты түрде шығарылған тауарларға қатысты Евразиялық экономикалық одақтың Бірыңғай кедендік тарифінде белгіленген кедендік әкелу баждарының мөлшерлемелері бойынша есептелген, кедендік әкелу баждарының сомалары мен тауарларды шығару кезінде төленген кедендік әкелу баждары сомасының айырмашылығы мөлшерінде не Евразиялық экономикалық одақтың шеңберіндегі халықаралық шарттарда немесе Евразиялық экономикалық одақтың үшінші тараппен халықаралық шарттарында белгіленген өзге де мөлшерде, мүше мемлекеттен айрықша мүше мемлекетте төленетін өзге мөлшерде, егер бұл Евразиялық экономикалық одақтың шеңберіндегі халықаралық шарттарда және (немесе) Евразиялық экономикалық одақтың үшінші тараппен халықаралық шарттарында көзделсе, Евразиялық экономикалық одақтың шеңберіндегі халықаралық шарттарда немесе Евразиялық экономикалық одақтың кеден органы тауарлар шығаруды жүргізетін Евразиялық экономикалық одақтың шеңберіндегі халықаралық шарттарда немесе Евразиялық экономикалық одаққа мүше мемлекетте төленуі мүмкін.

      2. Осы Кодекстің 233-бабының 5-тармағында көрсетілген мән-жайлар басталған кезде кедендік транзит кедендік рәсімімен орналастырылған шетел тауарларына қатысты кедендік әкелу баждары, салықтар, егер осы баптың екінші абзацында және осы баптың 3-тармағында өзгеше белгіленбесе, кеден органы тауарларды шығаруды жүргізетін Евразиялық экономикалық одаққа мүше мемлекетте төленуге жатады.

      Осы Кодекстің 233-бабының 5-тармағында көрсетілген мән-жайлар басталған кезде кедендік транзит кедендік рәсімімен орналастырылған халықаралық пошта жөнелтімдеріне қатысты кедендік әкелу баждар, салықтар межелі кеден органы орналасқан Евразиялық экономикалық одаққа мүше мемлекетте төленуге жатады.

      3. Егер осы тармаққа сәйкес кедендік транзит кедендік рәсімімен орналастырылған шетел тауарлары, кеден органы кедендік транзит кедендік рәсіміне сәйкес тауарларды шығаруды жүргізген Евразиялық экономикалық одаққа мүше мемлекетке қарағанда, өзге Евразиялық экономикалық одаққа мүше мемлекеттің аумағында орналасқаны анықталған (расталған) жағдайда, Евразиялық экономикалық одаққа мүше мемлекеттердің үшінші тараппен, егер Қазақстан Республикасының халықаралық шарттарында өзгеше белгіленбесе, кедендік әкелу баждары, салықтары аумағында осындай тауарлар орналасқан Евразиялық экономикалық одаққа мүше мемлекетте төленуге жатады.

      Егер кеден органы кедендік транзит кедендік рәсіміне сәйкес тауарларды шығаруды жүргізген Евразиялық экономикалық одаққа мүше мемлекетке қарағанда, өзге Евразиялық экономикалық одаққа мүше мемлекеттің аумағында орналасқанын анықтамаса (растамаса), бірақ осы тармаққа сәйкес кедендік транзит кедендік рәсімімен орналастырылған тауарлар бір Евразиялық экономикалық одаққа мүше мемлекеттің аумағынан екінші Евразиялық экономикалық одаққа мүше мемлекеттің аумағына әкетілгені анықталса (расталса), онда егер Евразиялық экономикалық одаққа мүше мемлекеттердің үшінші тараппен, егер Қазақстан Республикасының халықаралық шарттарында өзгеше белгіленбесе, кедендік әкелу баждары, салықтары аумағына әкелінуі анықталған (расталған) Евразиялық экономикалық одаққа мүше мемлекетте төленуге жатады.

      Тауарлардың мүше мемлекеттің аумағында болуы немесе олардың кеден органы кедендік транзит кедендік рәсіміне сәйкес тауарларды шығаруды жүргізбеген Евразиялық экономикалық одаққа мүше мемлекеттің аумағына әкелінуі кедендік бақылау жүргізу барысында алынған және (немесе) осындай кедендік бақылау жүргізу нәтижелері бойынша жасалған құжаттардың негізінде, сондай-ақ әкімшілік іс жүргізу (процесс), қылмыстық істер бойынша тергеулер не жүргізілуі (өткізілуі) Қазақстан Республикасының экономикалық тергеу қызметі немесе өзге де мемлекеттік органдарымен Қазақстан Республикасының заңнамасына сәйкес жүзеге асырылатын тексеру барысында анықталады (расталады).

      4. Осы Кодекстің 392-бабының 3-тармағында көрсетілген мән-жайлар басталған кезде кедендік транзит кедендік рәсімімен орналастырылған Евразиялық экономикалық одақтың тауарларына қатысты кедендік әкету баждары кеден органы кедендік транзит кедендік рәсіміне сәйкес тауарларды шығаруды жүргізген Евразиялық экономикалық одаққа мүше мемлекетте төленуге жатады.

      5. Кедендік әкелу баждары, егер Одақ туралы шартта өзгеше белгіленбесе, кедендік әкелу баждары төленуге жататын Қазақстан Республикасының ұлттық валютасында төленеді.

      Егер Еуразиялық экономикалық одақ шеңберіндегі халықаралық шарттарда, Қазақстан Республикасының екіжақты халықаралық шарттарда және (немесе) Қазақстан Республикасының заңнамасында өзгеше белгіленбесе, кедендік әкету баждары, салықтар кедендік әкету баждары, салықтар төленуге жататын Қазақстан Республикасының ұлттық валютасында валютасында төленеді.

      6. Қазақстан Республикасында төленуге жататын кедендік баждарды, салықтарды төлеу нысандары мен тәсілдері, сондай-ақ оларды төлеу жөніндегі міндеттемелерді орындау кезі (төлеу күні) кедендік баждар, осы Кодекспен белгіленеді.

      7. Кедендік әкелу баждары Одақ туралы шартқа сәйкес айқындалатын шоттарға төленеді.

      Әкетімдік кедендік баждар, салықтар бюджетті орындау бойынша уәкілетті органмен айқындалған шоттарға төленеді.

      8. Кедендік баждарды, салықтарды төлеушінің тапсырмасы бойынша, сондай-ақ осы Кодексте белгіленген тәртіпте есепке жатқызуды жүргізу жолымен, төлеуші немесе үшінші тұлға қолма-қол және қолма-қолсыз тәсілде бюджетке төлейді.

      9. Кедендік баждарды, салықтарды төлеу кедендік баждардың, салықтардың түріне сәйкес Қазақстан Республикасы Кірістерінің бірыңғай бюджеттік жіктемесінің (бұдан әрі - бюджеттік жіктеме кодтары) кірістердің тиісті коды бойынша жүргізіледі.

      10. Кедендік баждарды, салықтарды төлеушінің тапсырмасы бойынша, сондай-ақ банк операцияларының жекелеген түрлерін жүзеге асыратын банктер мен ұйымдар арқылы төлеуші немесе үшінші тұлға төлеуді жүргізеді. Кедендік баждарды, салықтарды төлеуге арналған төлем құжаттарында уәкілетті органмен айқындалған бенефициар органның деректемелері көрсетіледі.

      11. Төлеушінің тапсырмасы бойынша үшінші тұлғалар кедендік баждарды, салықтарды төлеген кезде төлем құжатының төлем мақсатында оларға кедендік баждарды, салықтарды төлеу жүргізілетін төлеушінің толық атауын, сондай-ақ оның сәйкестендіру нөмірін қосымша көрсетеді.

      12. Төлеушінің тапсырмасы бойынша төлеуші немесе үшінші тұлғалар кеден баждарын, салықтар мен өсімпұлды төлеген кезде, тауарларды шығару үшін мына мәліметтер мен құжаттардың біреуі немесе бірнешеуі:

      1) қазынашылық органдары кеден органдарына күн сайын беретін бюджеттік сыныптаманың кодтары бойынша түсімдер есептілігі нысандары бойынша деректер;

      2) төленген кеден баждары мен салықтар туралы "электрондық үкіметтің" төлем шлюзі арқылы екінші деңгейдегі банктер және жекелеген банк операцияларын жүзеге асыратын ұйымдар берген мәліметтер мен ақпарат;

      3) "электрондық үкіметтің" төлем шлюзі арқылы төленген жағдайда - "электрондық үкімет" жүйесінде жасалатын электрондық чек;

      4) кеден органдарының ғимараттарында орналасқан банктің немесе банк операцияларының жекелеген түрлерін жүзеге асыратын ұйымның электрондық терминалдары арқылы төленген жағдайда - банктің немесе банк операцияларының жекелеген түрлерін жүзеге асыратын ұйымның электрондық терминалдары беретін чек;

      5) кеден органдарының ғимараттарында орналасқан банктің немесе банк операцияларының жекелеген түрлерін жүзеге асыратын ұйымның кассалары арқылы төлеген жағдайда екiншi деңгейдегі банктің немесе банк операцияларының жекелеген түрлерін жүзеге асыратын ұйым кассаларының түбіртегі, олардың төленгенiнің растамасы болып табылады.

      Бұл ретте осы тармақтың бірінші бөлігінің 3), 4) және 5) тармақшаларында көрсетілген құжаттар кеден органдарында осы тармақтың бірінші бөлігінің 2) тармақшасында көрсетілген мәліметтер және ақпараттар болмаған жағдайда ғана талап етіледі.

      Осы тармақтың бірінші бөлігінің 4) және 5) тармақшаларында көрсетілген екiншi деңгейдегі банктердің және банк операцияларының жекелеген түрлерін жүзеге асыратын ұйымдардың кеден органдарымен жасасқан тиісті шарттары болуы тиіс.

      Егер төлеуші тауарларды шығару мақсаттары үшін Қазақстан Республикасының Ұлттық Банкі және оның филиалдары кедендік баждарды, салықтарды бюджетке төлеген кезде, Қазақстан Республикасы Ұлттық Банкінің төлем құжаттары көрсетілген кедендік баждардың, салықтардың бюджетке төленгенін растайтын құжаттар болып табылады.

      13. Тауарларды шығару үшін кеден баждарын, салықтарды төлеу күні (төлеу бойынша міндеттің орындалған уақыты):

      1) банктердің немесе банк операцияларының жекелеген түрлерін жүзеге асыратын ұйымдар осы баптың 12-тармақтың 2), 3) және 4) тармақшаларында көрсетілген кедендік баждардың, салықтардың төленгенін құжаттар және (немесе) мәліметтер растаушы болып табылатын жағдайда, төлеуші банкоматтар немесе өзге де электрондық құрылғылар арқылы төлемді жүзеге асырған күннен бастап немесе төлеушінің банк шотынан ақшаны есептен шығару күні;

      2) кедендік баждардың, салықтардың төленгенін осы баптың 12-тармақтың 5) тармақшасында көрсетілген құжат растаушы болып табылатын жағдайда, төлеушінің банкке немесе банк операцияларының жекелеген түрлерін жүзеге асыратын ұйымға ақшаны қолма-қол енгізген күні;

      3) егер төлем осы баптың 12-тармақтың 2) және 3) тармақшаларында көзделген құжаттармен және (немесе) мәліметтермен расталмаған жағдайда, қазынашылық органдары кеден органдарына күн сайын беретін бюджеттік сыныптаманың кодтары бойынша түсімдер есептілігі нысандарын кеден органының алған күні болып табылады.

      14. Кедендік әкету баждарын төлеу ерекшеліктері Еуразиялық экономикалық одақтың шеңберіндегі халықаралық шарттармен және (немесе) Қазақстан Республикасының екіжақты халықаралық шарттарымен белгіленуі мүмкін.


      95-бап. Екінші деңгейдегі банктердің және банк операцияларының жекелеген түрлерін жүзеге асыратын ұйымдардың бюджетке кедендік баждарды, салықтарды, кедендік алымдарды, өсімпұлдарды, пайыздарды аудару бөлігіндегі міндеттері

      Банктер және банк операцияларының жекелеген түрлерін жүзеге асыратын ұйымдар:

      1) бюджетке кедендік баждарды, салықтарды, кедендік алымдарды, өсімпұлдарды, пайыздарды төлеу үшін Қазақстан Республикасының резиденттерінен төлем құжаттарын қабылдаған кезде төлеушінің сәйкестендіру нөмірінің сәйкестендіру нөмірлерін қалыптастыру қағидаларына және Қазақстан Республикасының сәйкестендіру нөмірлерін қалыптастыруды және сәйкестендіру нөмірлерінің ұлттық тізілімдерін жүргізуді жүзеге асыратын уәкілетті мемлекеттік органының деректеріне сәйкес дұрыс көрсетілуін бақылауға;

      2) бюджетке кедендік баждарды, салықтарды, кедендік алымдарды, өсімпұлдарды, пайыздарды төлеу үшін Қазақстан Республикасының резидент еместерінен төлем құжаттарын қабылдаған кезде жеке басын куәландыратын құжаттардың және Қазақстан Республикасының заңнамасында белгіленген өзге де құжаттардың дұрыс көрсетілуін бақылауға;

      3) төлеушінің банк шотында ақша жеткілікті болған кезде төлеушінің кедендік баждар, салықтар, кедендік алымдар, өсімпұлдар, пайыздар сомаларын аударуға және төлеушінің көрсетілген тапсырмасын оның бастамашылық жасаған күні орындауға;

      4) кедендік баждарды, салықтарды, кедендік алымдарды, өсімпұлдарды, пайыздарды төлеуші қолма-қол ақшаны банкке немесе банк операцияларының жекелеген түрлерін жүзеге асыратын ұйымға енгізген күннен бастап, бірақ келесі операциялық күннен кешіктірмей бір операциялық күн ішінде аударуға;

      5) кедендік баждарды, салықтарды, кедендік алымдар мен өсімпұлдарды екінші деңгейдегі банктердің электрондық терминалы арқылы, олар төлем карточкасын пайдаланып жүргізілген жағдайда, төлеушінің банк шотынан қолма-қол ақша есептен шығарылған күннен бастап келесі операциялық күннен кешіктірілмей, операциялық күн ішінде аударуға міндетті.

10-тарау. Кедендік баждарды, салықтарды төлеу жөніндегі міндеттерді орындауды қамтамасыз ету

      96-бап. Кедендік баждарды, салықтарды төлеу жөніндегі міндеттерді орындауды қамтамасыз етудің жалпы шарттары

      1. Кедендік баждарды, салықтарды төлеу жөніндегі міндеттерді орындау, егер көрсетілген баптарға сәйкес, сондай-ақ осы баптың 2-тармағында белгіленген жағдайларда өзгеше белгіленбесе, осы Кодекстің 91, 194, 195, 196, 223, 257 және 387-баптарында көзделген жағдайларда қамтамасыз етіледі.

      2. Кедендік баждарды, салықтарды төлеу жөніндегі міндетті орындау мынадай:

      1) декларант ретінде тағайындалған уәкілетті экономикалық операторлар жүзеге асыру жағдайларын қоспағанда, тауарларды кедендік қоймаға іс жүзінде орналастырмай, кедендік қойма кедендік рәсімімен орналастыру;

      2) декларант ретінде тағайындалған уәкілетті экономикалық операторлар жүзеге асыру жағдайларын қоспағанда, кеден аумағында қайта өңдеу рәсімімен орналастырылған шетелдік тауарларды баламалы тауарлармен ауыстыру;

      3) декларант ретінде тағайындалған уәкілетті экономикалық операторлар жүзеге асыру жағдайларын қоспағанда, мерзiмдiк кедендiк декларациялау;

      4) тауарларға қатысты өкілеттігі бар, адамдардың өтініші бойынша уақытша сақтау орнына тауарларды осы Кодекстің 170-бабына сәйкес орналастыру;

      5) осы Кодекстің 397-бабына сәйкес табыс етілген құжаттар тиісті түрде ресімделмеген және (немесе) анық емес мәліметтер болған, белгілері анықталған жағдайларда қамтамасыз етiледi.

      3. Кедендік баждарды, салықтарды төлеу жөніндегі міндеттерді орындауды кедендік баждарды, салықтарды төлеуші не осы Кодексте белгіленген жағдайларда өзге тұлға қамтамасыз етеді.

      Кедендік транзит кедендік рәсімімен орналастырылған тауарларға қатысты, төлеуші үшін кедендік баждарды, салықтарды төлеу жөніндегі міндеттерді орындауды экспедитор және (немесе), егер осы Кодексте өзгеше белгіленбесе, өзге тұлға оларға қатысты кедендік баждарды, салықтарды төлеу жөніндегі міндеттерді орындау қамтамасыз етілетін тауарларды иеленуге, пайдалануға және (немесе) билік етуге құқылы болса, өзге тұлға қамтамасыз етуі мүмкін.

      Кеден өкілі, егер осы Кодекстің 494-бабына сәйкес кеден өкілі кедендік баждарды, салықтарды төлеушімен бірге кедендік баждарды, салықтарды төлеу жөніндегі ортақ міндетті алған жағдайда, сондай-ақ осы Кодекстің 195-бабы 3-тармағымен, 196-бабы 3-тармағымен көзделінген шарттар сақталынған кезде, осы тарауға сәйкес кедендік баждарды, салықтарды төлеу жөніндегі міндеттерді орындауды қамтамасыз етуге құқылы. Егер кедендік баждарды, салықтарды төлеу жөніндегі міндетті орындауды кеден өкілі қамтамасыз еткен жағдайда, осы Кодекске сәйкес көзделген кедендік баждар, салықтар орындалуы тиіс мән-жайлар басталған кезде, осындай кедендік баждарды, салықтарды төлеу жөніндегі міндет осы Кодекстің 494-бабының 5-тармағының ережелеріне қарамастан, ол ұсынатын тұлғамен бірге кеден өкілі орындайды.

      4. Кедендік баждарды, салықтарды төлеу жөніндегі міндеттерді орындауды қамтамасыз ету, осы Кодекстің 226-бабында көрсетілген жағдайын қоспағанда, тауарларды шығаруды жүргізетін кеден органына беріледі.

      5. Осы Кодекстің 410-бабының 4-тармағына сәйкес құжаттарды және (немесе) мәліметтерді сұрату кезінде, осындай кедендік әкелу баждарының мерзімін ұзарту немесе бөліп төлеуге есептелген пайыздар болған жағдайда, кедендік баждарды, салықтарды, пайыздарды төлеу жөніндегі міндеттерді орындауды қамтамасыз ету мөлшерінің есебін осы Кодекстің 410-бабының 6-тармағына сәйкес кеден органы жүргізеді және декларантқа жіберіледі.

      6. Кеден ісі саласындағы қызметті жүзеге асыратын заңды тұлғаның міндеттерді орындауын қамтамасыз ету, сондай-ақ уәкілетті экономикалық оператордың міндеттерді орындауын қамтамасыз ету тиісінше осы Кодекстің 486, 535-баптарында белгіленген тәртіппен жүзеге асырылады.


      97-бап. Кедендік баждарды, салықтарды төлеу жөніндегі міндеттемелердің орындалуын қамтамасыз ету тәсілдері

      1. Кедендік баждарды, салықтарды төлеу жөніндегі міндеттемелерді орындау:

      1) ақшалай қаражат (ақша);

      2) банк кепілдігі;

      3) кепілгерлік ;

      4) мүлікті кепілге беру;

      5) сақтандыру шарты тәсілдерімен қамтамасыз етіледі.

      2. Кедендік баждарды, салықтарды төлеу жөніндегі міндеттемелерді орындау осы баптың 3-тармағының ережелерін ескере отырып, осы баптың 1-тармағында көрсетілген кез келген тәсілдердің бірімен қамтамасыз етіледі.

      3. Кедендік баждарды, салықтарды төлеу жөніндегі міндеттемелердің орындалуын қамтамасыз ету осы Кодекстің 535-бабының 5-тармағында көрсетілген жағдайларда, осы баптың 1-тармағының 1), 2), 3) және 4) тармақшаларында көзделген бір немесе бірнеше тәсілдермен ұсынылады.

      4. Кедендік баждарды, салықтарды төлеу жөніндегі міндеттемелерді орындау осы баптың 3-тармағының ережелері ескеріле отырып, осы Кодекстің 96-бабының 3-тармағында көрсетілген тұлғалардың таңдауы бойынша бірнеше тәсілдермен қамтамасыз етілуі мүмкін.

      Кедендік баждарды, салықтарды төлеу жөніндегі міндеттемелердің орындалуын қамтамасыз ететін тұлға кедендік баждарды, салықтарды төлеу жөніндегі міндеттемелердің орындалуын қамтамасыз етудің бір тәсілін осы баптың 3-тармағының ережелерін ескере отырып, егер ауыстырылатын кедендік баждарды, салықтарды төлеу жөніндегі міндеттемелердің орындалуын қамтамасыз етуге осы Кодекстің 12-тарауына сәйкес өндіріп алу қолданылмаса және (немесе) кеден органы осы тарауға сәйкес кедендік баждардың, салықтардың, өсімпұлдардың, пайыздардың тиесілі сомаларын төлеу туралы талапты жолдамаған болса, Қазақстан Республикасының азаматтық кодексіне сәйкес кепіл затына өндіріп алу қолданылмаса, басқа тәсілмен жүзеге асыруға құқылы.

      5. Кедендік баждарды, салықтарды төлеу жөніндегі міндеттемелерді орындау осы Кодекске сәйкес кедендік баждарды, салықтарды төлеу жөніндегі міндеттемелер тоқтатылғанға дейін үздіксіз қамтамасыз етілуі тиіс.

      6. Осы баптың 1-тармағының 2), 3), 4) және 5) тармақшаларында көрсетілген тәсілдермен ұсынылатын, оның ішінде бұрын кеден органы қабылдаған алмасыруға ұсынылатын кедендік баждарды, салықтарды төлеу жөніндегі міндеттемелердің орындалуын қамтамасыз етудің қолданылу мерзімі кеден органының осы міндеттемелер шеңберінде қабылданған тәсілдерді орындау туралы талаптарды, кедендік баждарды, салықтарды төлеу жөніндегі міндеттемелердің орындалуын қамтамасыз еткен тұлғаға уақтылы жолдауы үшін жеткілікті болуы тиіс.

      7. Кедендік баждарды, салықтарды төлеу жөніндегі міндеттемелердің орындалуын қамтамасыз ету Қазақстан Республикасының ұлттық валютасында ұсынылады.

      8. Кедендік баждарды, салықтарды төлеуді ақшалай қаражат (ақша) арқылы қамтамасыз ету тәсілі деп кедендік баждарды, салықтарды төлеу міндеттемелерін орындауды қамтамасыз ету есебінде аванстық төлемдерді пайлалану және (немесе) кеден органының ақшаны уақытша орналастыру шотына ақшалай қаражатты (ақшаны) енгізу түсініледі.

      9. Кедендік баждарды, салықтарды төлеу жөніндегі міндеттемелердің орындалуын ақшалай қаражат (ақша) арқылы қамтамасыз ету тәсілі осындай қамтамасыз етуді қабылдаған кеден органының алдындағы осы төлеушінің туындаған міндеттемелеріне ғана қолданылады.

      Кедендік баждарды, салықтарды төлеу жөніндегі міндеттемелердің орындалуын мүліктік кепіл түрінде қамтамасыз ету тәсілі төлеушімен кепіл шартын жасасқан кеден органы алдындағы осы төлеушінің туындаған міндеттемелеріне ғана қолданылады.

      10. Кедендік транзиттің кедендік рәсімі кезінде кедендік баждарды, салықтарды төлеу жөніндегі міндеттемелердің орындалуын қамтамасыз ету тәсілдерін қолдану ерекшеліктері осы Кодекстің 226-бабының 8-тармағында көзделген Еуразиялық экономикалық одақтың шеңберіндегі халықаралық шарттармен айқындалуы мүмкін.


      98-бап. Ақшалай қаражатты (ақшаны) кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      1. Ақшалай қаражат (ақша) кеден органының ақшаны уақытша орналастыру шотына қамтамасыз ету сомасын енгізу жолымен не аванстық төлемдерді кедендік баждарды, салықтарды төлеу жөніндегі міндетердің орындалуын қамтамасыз ету ретінде қолдану жолымен кедендік баждарды, салықтарды төлеу жөніндегі міндеттердің орындалуын қамтамасыз ету ретінде пайдаланылуы мүмкін.

      2. Ақшаны уақытша орналастыру шотын бюджеттің атқарылуы жөніндегі орталық уәкілетті орган аумақтық кеден органдарына ашады.

      3. Кеден органының ақшаны уақытша орналастыру шоты төлеушінің кедендік баждарды, салықтарды төлеу жөніндегі міндеттердің орындалуын қамтамасыз ету сомаларын енгізуге арналған. Кедендік баждарды, салықтарды төлеу жөніндегі міндеттердің орындалуын қамтамасыз ету сомаларын ақшаны уақытша орналастыру шотына салу Қазақстан Республикасының ұлттық валютасымен жүргізіледі.

      4. Ақшалай қаражатты (ақшаны) кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану үшін төлеуші немесе осы Кодекстің 96-бабының 3-тармағында көрсетілген тұлға уәкілетті орган бекіткен нысан өтінішті кеден органына ұсынады.

      Аванстық төлемдерді кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану кезінде өтінішке осы Кодекстің 94-бабы 12-тармағының 4) және 5) тармақшаларында көрсетілген құжаттарды қоса береді. Бұл ретте, осы Кодекстің 94-бабының 13-тармағында көрсетілген сәйкес келетін күн кедендік баждарды, салықтарды төлеу жөніндегі міндеттерді орындауын қамтамасыз етуді растау күні болып табылады.

      Кеден органының ақшаны уақытша орналастыру шотына қамтамасыз ету сомасын енгізу жолымен кедендік баждарды, салықтарды төлеу жөніндегі міндеттердің орындалуын қамтамасыз ету кезінде өтінішке көрсетілген шотқа қамтамасыз ету сомасы енгізілгенін растайтын құжаттар қоса беріледі.

      5. Кеден органы көрсетілген өтінішті тіркеген күннен бастап үш жұмыс күнінен кешіктірмей кедендік баждарды, салықтарды төлеуді қамтамасыз етуді тіркейді немесе оны тіркеуден бас тартады.

      Кеден органы мынадай жағдайларда:

      төленуі ақшалай қаражатты (ақшаны) енгізумен қамтамасыз етілетін кедендік баждардың, салықтардың, өсімпұлдардың, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздардың сомасы, мұндай пайыздарды есептеу осы баптың 4-тармағының екінші немесе үшінші абзацтарында көрсетілген төлем құжаттарымен расталатын, осы Кодекстің 104-бабына сәйкес есептелінген кедендік баждарды, салықтарды төлеу жөніндегі міндеттердің орындалуын қамтамасыз ету мөлшерінен асып кетсе;

      осы баптың 4-тармағында көрсетілген құжаттар ұсынылмаса, кедендік баждарды, салықтарды төлеу жөніндегі міндеттерді орындауын қамтамасыз етуді қабылдаудан бас тартады.

      Кеден органы кедендік баждарды, салықтарды төлеуді немесе осындай қамтамасыз етуді тіркеуден бас тартуды, қамтамасыз етуді тіркеген күннен бастап бір жұмыс күнінен кешіктірмей, төлеушіге немесе осы Кодекстің 96-бабының 3-тармағында көрсетілген тұлғаға ол туралы жазбаша немесе электрондық нысанда хабарлайды.

      6. Кедендік баждарды, салықтарды төлеу жөніндегі міндеттерді төлеуші орындамаған немесе тиісінше орындамаған кезде кеден органы төлеушінің өтінішінсіз, даусыз тәртіпте мынадай әрекеттердің бірін жүзеге асырады:

      кеден органының ақшаны уақытша орналастыру шотына кедендік баждарды, салықтарды төлеу жөніндегі міндеттердің орындалуын қамтамасыз ету сомасын енгізген жағдайда –кедендік баждарды, салықтарды төлеу жөніндегі міндеттерді орындау мерзімдері аяқталғаннан кейінгі бір жұмыс күнінің ішінде, ақшаны уақытша орналастыру шотынан кедендік баждардың, салықтардың, пайыздардың, өсімпұлдардың төленуге жататын сомасын бюджетке аударады;

      аванстық төлемдерді кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолданған жағдайда – кедендік баждарды, салықтарды төлеу жөніндегі міндеттерді орындау мерзімі өткен күннен кейінгі бес жұмыс күнінен кешіктірмей, кедендік баждарды, салықтарды төлеу жөніндегі міндеттердің орындалуын қамтамасыз ету ретінде енгізілген ақшалай қаражатты (ақшаны) кедендік баждардың, салықтардың, өсімпұлдардың, пайыздардың тиісті түрлеріне есепке жатқызуды жүргізеді.

      Кеден органы ақшаны уақытша орналастыру шотынан кедендік баждарды, салықтарды төлеу жөніндегі міндеттердің орындалуын қамтамасыз ету ретінде енгізілген ақшалай қаражат (ақша) бюджетке аударылған және (немесе) аванстық төлемдерді қолдану кезінде осындай ақшалай қаражат (ақша) есепке жатқызылған күннен кейінгі бір жұмыс күнінен кешіктірмей, осындай аудару және (немесе) есепке жатқызу туралы төлеушіге жазбаша немесе электрондық нысанда хабарлайды.


      99-бап. Банк кепілдігін кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану

      1. Кеден органы екінші деңгейдегі банктер берген банк кепілдігін кедендік баждарды, салықтарды төлеу жөніндегі міндеттердің орындалуын қамтамасыз ету ретінде қабылдайды.

      Төлеуші немесе осы Кодекстің 96-бабының 3-тармағында көрсетілген тұлға банк кепілдігін қабылдау үшін кеден органына кепілгер банк пен төлеуші арасында жасалған банк кепілдігі шартын қоса бере отырып, уәкілетті орган бекіткен нысан бойынша өтінішті және банк кепілдігін ұсынады.

      Кеден органы көрсетілген өтінішті тіркеген күннен бастап үш жұмыс күнінен кешіктірмей, осындай қамтамасыз етуді тіркеу арқылы кедендік баждарды, салықтарды төлеу жөніндегі міндеттлердің орындалуын қамтамасыз ету ретінде банк кепілдігін қабылдайды немесе оны қабылдаудан бас тартады.

      2. Кеден органы кедендік баждарды, салықтарды төлеу жөніндегі міндеттердің орындалуын қамтамасыз ету ретінде банк кепілдігін қабылдаудан мынадай жағдайлардың бірінде:

      1) табыс етілген банк кепілдігінің шарты және (немесе) банк кепілдігі Қазақстан Республикасының заңнамасына сәйкес келмесе;

      2) төленуі банк кепілдігін енгізумен қамтамасыз етілетін кедендік баждардың, салықтардың, өсімпұлдардың, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомасы, осы баптың 3-тармағының ережелері ескеріле отырып, осы Кодекстің 104-бабына сәйкес есептелінген банк кепілдігімен расталатын кедендік баждарды, салықтарды төлеу жөніндегі міндетердің орындалуын қамтамасыз ету мөлшерінен асып кетсе;

      3) банк кепілдігінің шарты және (немесе) банк кепілдігі осы Кодекстің 97-бабының 5және 6-тармақтарында белгіленген шарттарға сәйкес келмесе;

      4) кедендік баждарды, салықтарды төлеу жөніндегі міндеттердің орындалуын қамтамасыз ету ретінде ұсынылған банк кепілдігін берген банк кедендік баждарды, салықтарды төлеу жөніндегі міндеттердің орындалуын қамтамасыз ету ретінде банк кепілдігін қабылдау туралы өтінішті тіркеген күні Қазақстан Республикасының заңнамасына сәйкес мұндай талаптарды сот заңсыз деп танылған жағдайларды қоспағанда, кедендік баждардың, салықтардың, өсімпұлдардың, пайыздардың тиесілі сомаларын төлеу туралы кеден органының талаптарын бұрын орындамаса, бас тартады.

      Кеден органы кедендік баждарды, салықтарды төлеуді немесе осындай қамтамасыз етуді тіркеуден бас тартуды, қамтамасыз етуді тіркеген күннен бастап бір жұмыс күнінен кешіктірмей, төлеушіге немесе осы Кодекстің 96-бабының 3-тармағында көрсетілген тұлғаға ол туралы жазбаша немесе электрондық нысанда хабарлайды.

      3. Кедендік баждарды, салықтарды төлеу жөніндегі міндеттердің орындалуын қамтамасыз ету ретінде қабылданатын банк кепілдігіне төлеуші кедендік баждарды, салықтарды төлеу жөніндегі міндеттерді орындамаған жағдайда кемінде жеті жұмыс күнге қосымша есептелінуі мүмкін өсімпұлдардың сомалары, сондай-ақ, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомалары қосылуы тиіс.

      4. Кедендік баждарды, салықтарды төлеу жөніндегі міндеттерді төлеуші орындамаған жағдайда кеден органы банк кепілдігінде қамтылған кедендік баждарды, салықтарды төлеу жөніндегі міндеттерді орындау мерзімдері аяқталғаннан кейін бес жұмыс күні ішінде кедендік баждардың, салықтардың, өсімпұлдардың, пайыздардың тиесілі сомаларын төлеу туралы талапты банкке жібереді. Бұл ретте, кедендік баждарды, салықтарды төлеу жөніндегі міндеттерді орындау мерзімдері аяқталғаннан кейінгі күннен бастап өсімпұлдар есептеледі.

      5. Кеден органының кедендік баждардың, салықтардың, өсімпұлдардың, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелінген жағдайда пайыздардың тиесілі сомаларын төлеу жөніндегі талабы осындай талап алынған күннен бастап екі жұмыс күні ішінде банктің бұлжытпай және міндетті орындауына жатады. Банк кеден органының талаптарын орындамаған немесе орындау мерзімдерін бұзған жағдайда Қазақстан Республикасының заңдарына сәйкес жауапты болады.


      100-бап. Кепілгерлік шартын кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану

      1. Кеден органы Қазақстан Республикасының азаматтық заңнамасына сәйкес жасалған кепілгерлік шартын кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қабылдайды.

      Төлеуші немесе осы Кодекстің 96-бабының 3-тармағында көрсетілген тұлға осындай кепілгерлік шартын қабылдау үшін кеден органына кепілгерлік шартын қоса бере отырып, уәкілетті орган бекіткен нысан бойынша өтінішті және осы баптың 2-тармағында көрсетілген тәсілдердің бірімен кедендік баждарды, салықтарды төлеу жөніндегі міндеттердің орындалуын қамтамасыз етуді растайтын құжаттарды ұсынады.

      Кеден органы көрсетілген өтінішті тіркеген күннен бастап үш жұмыс күнінен кешіктірмей, осындай қамтамасыз етуді тіркеу арқылы кедендік баждарды, салықтарды төлеу жөніндегі міндеттердің орындалуын қамтамасыз ету ретінде кепілгерлік шартын қабылдайды немесе оны қабылдаудан бас тартады.

      2. Кепілгер ретінде Қазақстан Республикасының заңнамасына сәйкес Қазақстан Республикасында тіркелген дара кәсіпкерлер, сондай-ақ Қазақстан Республикасының заңнамасына сәйкес құрылған заңды тұлғалар өкілдік ете алады.

      Кепілдік беруші мынадай:

      1) қамтамасыз ету сомаларын ақшаны уақытша орналастыру шотына енгізу және (немесе) аванстық төлемдерді кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану;

      2) банк кепілдігі;

      3) мүліктік кепіл;

      4) сақтандыру шарты тәсілдерінің бірімен кедендік баждарды, салықтарды төлеу жөніндегі міндеттердің орындалуын қамтамасыз етуге тиіс.

      Кедендік баждарды, салықтарды төлеу жөніндегі міндеттердің орындалуын қамтамасыз ету сомасына төлеуші кедендік баждарды, салықтарды төлеу жөніндегі міндеттлерді орындамаған жағдайда кемінде он жұмыс күнге қосымша есептелінуі мүмкін өсімпұлдардың сомалары, сондай-ақ кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомалары қосылуы тиіс.

      3. Кепілдік беруші, өсімпұлдарды, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелінген жағдайда пайыздарды төлеуді қоса алғанда, кеден органының алдында төлеушімен бірдей көлемде жауапты болады.

      4. Кеден органы кепілгерлік шартын кедендік баждарды, салықтарды төлеу жөніндегі міндеттердің орындалуын қамтамасыз ету ретінде қабылдаудан мынадай жағдайлардың бірінде:

      1) табыс етілген кепілгерлік шарты Қазақстан Республикасының азаматтық заңнамасына сәйкес келмеген;

      2) кепілгерлік шартына ұсынылған банк кепілдігін қабылдаудан бас тартуға осы Кодекстің 99-бабының 2-тармағында айқындалған негіздемелер болған кезде;

      3) кепілгерлік шартына ұсынылған мүліктік кепіл шартының осы Кодекстің 101-бабының 3-тармағында белгіленген мүліктік кепіл шартын жасасу шарттарына сәйкес келмесе;

      4) кепілгерлік шартына ұсынылған сақтандыру шартын қабылдаудан бас тартуға осы Кодекстің 102-бабының 2-тармағында айқындалған негіздемелер болған кезде;

      5) кепілгер кедендік баждарды, салықтарды төлеу жөніндегі міндеттердің орындалуын қамтамасыз етпесе;

      6) төленуі кепілгерлік шартымен қамтамасыз етілетін кедендік баждардың, салықтардың, өсімпұлдардың, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомасы, осы баптың 2-тармағының жетінші абзацының ережелері ескеріле отырып, осы Кодекстің 104-бабына сәйкес есептелінген кепілгерлік шартымен расталатын кедендік баждарды, салықтарды төлеу жөніндегі міндеттемелердің орындалуын қамтамасыз ету мөлшерінен асып кетсе;

      7) осы баптың 1-тармағында көрсетілген құжаттар ұсынылмаса бас тартады.

      Кеден органы кедендік баждарды, салықтарды төлеуді немесе осындай қамтамасыз етуді тіркеуден бас тарту жөніндегі міндеттерді орындауды, қамтамасыз етуді тіркеген күннен бастап бір жұмыс күнінен кешіктірмей, төлеушіге немесе осы Кодекстің 96-бабының 3-тармағында көрсетілген тұлғаға бұл туралы жазбаша немесе электрондық нысанда хабарлайды.

      5. Төлеуші кедендік баждарды, салықтарды төлеу жөніндегі міндеттерді орындамаған жағдайда кеден органы кепілгерлік шартында қамтылған міндеттерді орындау мерзімдері аяқталғаннан кейін бес жұмыс күні ішінде кедендік баждардың, салықтар мен өсімпұлдардың тиесілі сомаларын төлеу туралы талапты кепілгерге жібереді. Бұл ретте, кедендік баждардың, салықтардың төленуін қамтамасыз ету жөніндегі міндеттердің орындалу мерзімдері аяқталғаннан кейінгі күннен бастап өсімпұлдар есептеледі.

      6. Кеден органының кедендік баждардың, салықтардың және өсімпұлдардың, пайыздардың тиесілі сомаларын төлеу жөніндегі талабы осындай талап алынған күннен бастап екі жұмыс күні ішінде кепілгердің бұлжытпай және міндетті орындауына жатады.

      7. Кепілгер кеден органының талаптарын орындамаған немесе орындау мерзімдерін бұзған жағдайда Қазақстан Республикасының заңдарына сәйкес жауапты болады.


      101-бап. Мүліктік кепілді кедендік баждарды, салықтарды төлеу жөніндегі міндеттердің орындалуын қамтамасыз ету ретінде қолдану

      1. Кеден органы кедендік баждарды, салықтарды төлеу жөніндегі міндеттердің орындалуын қамтамасыз ету ретінде мүліктік кепіл шарты негізінде мүлік кепілін қабылдайды.

      Төлеуші немесе осы Кодекстің 96-бабының 3-тармағында көрсетілген тұлға мүліктік кепіл шартын жасасу үшін кеден органына бағалаушының кепіл мүлкінің нарықтық құнын бағалау туралы есебін қоса бере отырып, уәкілетті орган бекіткен нысан бойынша өтінішті ұсынады.

      2. Мүліктік кепіл шарты төлеуші және (немесе) үшінші тұлға және осы Кодекстің 105-бабының 1 және (немесе) 2-тармақтарында көрсетілген кеден органы арасында жасалады.

      Мүліктік кепіл шарты төлеуші мүліктік кепіл шартын жасасу туралы жазбаша өтініш берген күннен бастап он жұмыс күн ішінде жасалады.

      Кедендік баждарды, салықтарды төлеу жөніндегі міндеттердің орындалуын қамтамасыз ету мақсатындағы кепіл затының нарықтық құны Қазақстан Республикасының бағалау қызметі туралы заңнамасына сәйкес бағалаушы мен төлеуші арасындағы шарт бойынша жүргізілген бағалау туралы есепте айқындалған құны болып табылады.

      Бағалаушының кепіл мүлкінің нарықтық құнын бағалау туралы есебі төлеуші кепіл шартын жасасу туралы кеден органдарына жазбаша өтініш берген күнге дейін күнтізбелік он бес күннен ерте жасалмауға тиіс.

      3. Мүліктік кепіл шарты мынадай талаптар бір мезгілде сақталған кезде жасалады:

      1) мүліктік кепіл шарты Қазақстан Республикасының заңнамасында белгіленген талаптарға сәйкес келгенде;

      2) кепілге берілетін мүлік өтімді, жойылудан немесе бүлінуден сақтандырылуға тиіс болғанда;

      3) мүліктік кепіл шарты осы Кодекстің 97-бабының 5-тармағында белгіленген шарттарға сәйкес келгенде;

      4) осы баптың 1-тармағында көрсетілген құжаттар ұсынылғанда.

      Бұл ретте, мүліктік кепіл затының нарықтық құны кедендік баждарды, салықтарды төлеу жөніндегі міндеттердің орындалуын қамтамасыз ету, сондай-ақ төлеуші кедендік баждарды, салықтарды төлеу жөніндегі міндеттерді орындамаған жағдайда кемінде жеті жұмыс күнге қосымша есептелінуі мүмкін өсімпұлдар және (немесе) кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздар, сондай-ақ мүліктік кепіл затын өткізу бойынша шығыстар сомасының мөлшерінен кем болмауы тиіс.

      4. Мыналарды:

      1) тыныс-тiршiлiктi қамтамасыз ету объектiлерiн;

      2) тыйым салынған мүлікті;

      3) мемлекеттік органдар шектеулері қойған мүлікті;

      4) үшінші тұлғалардың құқықтарымен ауыртпалық салынған мүлікті;

      5) Қазақстан Республикасының заңнамасына сәйкес азаматтық айналымнан алып тасталған мүлікті;

      6) электр, жылу және өзге де энергия түрлерін;

      7) тез бүлінетін тауарларды;

      8) мүліктік құқықтарды;

      9) Қазақстан Республикасынан тысқары жерлердегі мүлікті қоспағанда, кез-келген мүлік кедендік баждарды, салықтарды төлеу жөніндегі міндеттемелердің орындалуын қамтамасыз ету мақсатындағы кепіл заты бола алады.

      5. Осы баптың 3 және 4-баптарында белгіленген шарттар сақталмаған кезде, кеден органы мүліктік кепіл шартын жасауға өтінішті кеден органына берген күннен бастап он жұмыс күнінен кешіктірмей мүліктік кепіл шартын жасаудан бас тартады.

      Кеден органы, осындай шешім қабылданған күннен бастап бір жұмыс күнінен кешіктірмей мүліктік кепіл шартын жасаудан бас тарту туралы төлеушіге немесе осы Кодекстің 96-бабының 3-тармағында көрсетілген тұлғаға хабарлайды.

      6. Кепілге алу кезінде, егер кеден органы өзге шешім қабылдамаса, кепіл заты кепіл берушіде қалады.

      Төлеуші қабылдаған, мүліктік кепіл шартымен қамтамасыз етілген кедендік баждарды, салықтарды төлеу және (немесе) кедендік әкелу баждарын төлеудің мерзімін кейінге қалдырғаны немесе ұзартқаны үшін өсімпұлдар, пайыздар есептелген жағдайда, оларды төлеу жөніндегі міндеттер орындалғанға дейін кепіл беруші кепіл затына билік етуге құқылы емес.

      7. Кепілді ресімдеу Қазақстан Республикасының азаматтық заңнамасына сәйкес жүзеге асырылады.

      8. Кеден органы мүліктік кепіл шарты жасалған күннен бастап үш жұмыс күнінен кешіктірмей кедендік баждарды, салықтарды төлеу жөніндегі міндеттердің орындалуын қамтамасыз ету ретіндегі осындай шартты тіркейді.

      9. Кеден органы кедендік баждарды, салықтарды төлеу жөніндегі міндеттемелердің орындалуын қамтамасыз етуді тіркеген күннен бастап бір жұмыс күнінен кешіктірмей, төлеушіге немесе осы Кодекстің 96-бабының
3-тармағында көрсетілген тұлғаға ол туралы жазбаша немесе электрондық нысанда хабарлайды.

      10. Кепілдік затынан өндіріп алу Қазақстан Республикасының азаматтық заңнамасына сәйкес жүргізіледі.


      102-бап. Сақтандыру шартын кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде қолдану

      1. Кеден органы кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде сақтандыру қызметін жүзеге асыру құқығына арналған лицензиясы бар, сақтандыру ұйымдарының тізіліміне енгізілген сақтандыру ұйымдары берген шарттарды қабылдайды.

      Төлеуші немесе осы Кодекстің 96-бабының 3-тармағында көрсетілген тұлға сақтандыру шартын қабылдау үшін кеден органына сақтандыру шартын қоса бере отырып, уәкілетті орган бекіткен нысан бойынша өтінішті ұсынады.

      Кеден органы көрсетілген өтінішті тіркеген күннен бастап үш жұмыс күнінен кешіктірмей, осындай қамтамасыз етуді тіркеу арқылы кедендік баждарды, салықтарды төлеу жөніндегі міндеттердің орындалуын қамтамасыз ету ретінде сақтандыру шартын қабылдайды немесе оны қабылдаудан бас тартады.

      2. Кеден органы мынадай жағдайлардың бірінде:

      1) сақтандыру шартын берген сақтандыру ұйымы осы баптың 1-тармағында көрсетілген сақтандыру ұйымдарының тізіліміне енгізілмеген;

      2) табыс етілген сақтандыру шарты Қазақстан Республикасының заңнамасында белгіленген талаптарға сәйкес келмеген;

      3) төленуі сақтандыру шартымен қамтамасыз етілетін кедендік баждардың, салықтардың, өсімпұлдардың, кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомасы, осы баптың 3-тармағының ережелері ескеріле отырып, осы Кодекстің 104-бабына сәйкес есептелінген кепілгерлік шартымен расталатын кедендік баждарды, салықтарды төлеу жөніндегі міндеттердің орындалуын қамтамасыз ету мөлшерінен асып кеткен;

      4) сақтандыру шарты осы Кодекстің 97-бабының 5 және 6-тармақтарында белгіленген шарттарға сәйкес келмесе;

      5) кедендік баждарды, салықтарды төлеу жөніндегі міндеттердің орындалуын қамтамасыз ету ретінде ұсынылған сақтандыру шартын төлеушімен жасасқан сақтандыру ұйымы кедендік баждарды, салықтарды төлеу жөніндегі міндеттердің орындалуын қамтамасыз ету ретінде сақтандыру шартын қабылдау туралы өтінішті тіркеген күні Қазақстан Республикасының заңнамасына сәйкес мұндай талаптарды сот заңсыз деп танылған жағдайларды қоспағанда, кедендік баждардың, салықтардың, өсімпұлдардың, пайыздардың тиесілі сомаларын төлеу туралы кеден органының талаптарын бұрын орындамаса, бас тартады.

      3. Кедендік баждарды, салықтарды төлеу жөніндегі міндеттердің орындалуын қамтамасыз ету ретінде қабылданатын сақтандыру шартына төлеуші кедендік баждарды, салықтарды төлеу жөніндегі міндеттерді орындамаған жағдайда кемінде жеті жұмыс күнге қосымша есептелінуі мүмкін өсімпұлдардың сомалары, сондай-ақ кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздардың сомалары қосылуы тиіс.

      Кеден органы кедендік баждарды, салықтарды төлеуді немесе осындай қамтамасыз етуді тіркеуден бас тартуды, қамтамасыз етуді тіркеген күннен бастап бір жұмыс күнінен кешіктірмей, төлеушіге немесе осы Кодекстің 96-бабының 3-тармағында көрсетілген тұлғаға ол туралы жазбаша немесе электрондық нысанда хабарлайды.

      4. Төлеуші кедендік баждарды, салықтарды төлеу жөніндегі міндеттерді орындамаған жағдайда кеден органы сақтандыру ұйымына сақтандыру шартында қамтылған міндеттерді орындау мерзімдері аяқталғаннан кейін бес жұмыс күні ішінде кедендік баждардың, салықтардың, өсімпұлдар, пайыздардың тиесілі сомаларын төлеу туралы талапты жібереді. Бұл ретте, кедендік баждарды, салықтарды төлеу жөніндегі міндеттердің орындалу мерзімдері аяқталғаннан кейінгі күннен бастап өсімпұлдар есептеледі.

      5. Кеден органының кедендік баждардың, салықтардың, өсімпұлдар, пайыздардың тиесілі сомаларын төлеу туралы талабы осындай талап алынған күннен бастап екі жұмыс күні ішінде сақтандыру ұйымының бұлжытпай және міндетті орындауына жатады. Сақтандыру ұйымы кеден органының талаптарын орындамаған немесе орындау мерзімдерін бұзған кезде Қазақстан Республикасының заңдарына сәйкес жауапты болады.


      103-бап. Кедендік баждарды, салықтарды төлеу жөніндегі міндеттердің орындалуын бас қамтамасыз ету

      1. Егер бір тұлға белгілі бір уақыт кезеңінде бірнеше кедендік операция жасаған жағдайда, барлық осындай кедендік операцияларды жасау кезінде туындайтын кедендік баждарды, салықтарды төлеу жөніндегі міндеттердің орындалуын қамтамасыз ету үшін осы Кодекстің 97-бабының 1-тармағында белгіленген бір немесе бірнеше тәсілдермен кедендік баждарды, салықтарды төлеу жөніндегі міндеттердің орындалуын бас қамтамасыз ету берілуі мүмкін.

      2. Кедендік баждарды, салықтарды төлеу жөніндегі міндеттердің орындалуын ең негізгі қамтамасыз ету, егер:

      1) барлық кедендік операциялар Қазақстан Республикасының аумағында жасалса;

      2) кедендік транзит кедендік рәсіміне сәйкес тауарларды тасу (тасымалдау) кезінде кедендік операциялар Еуразиялық экономикалық одаққа мүше бірнеше мемлекеттердің аумағында жасалса қолданылуы мүмкін.

      3. Кеден органдары, егер осындай бас қамтамасыз ету есебінен кедендік баждарды, салықтарды төлеу жөніндегі міндеттерді орындау осындай ең негізгі қамтамасыз етумен қамтамасыз етілетін, кедендік баждарды, салықтарды осы Кодекстің 119-бабына сәйкес өндіріп алуды жүзеге асыратын кез-келген кеден органы өндіріп алуы мүмкін, кедендік баждарды, салықтарды төлеу жөніндегі міндеттемелерді орындауды ең негізгі негізгі қамтамасыз етуді қабылдайды.

      4. Төлеушінің жазбаша өтініші бойынша кеден органдары осы Кодекстің 97-бабының 1-тармағында белгіленген кедендік баждардың, салықтардың төленуін қамтамасыз етудің бір немесе бірнеше тәсілдеріне сәйкес келетін кедендік баждардың, салықтардың төленуін бас қамтамасыз етуді қабылдайды.

      5. Төлеушілер кедендік баждардың, салықтардың төленуін ең негізгі қамтамасыз етуді осы Кодекстің 96-бабында белгіленген жағдайларда туындайтын кедендік баждардың, салықтардың төленуін қамтамасыз ету жөніндегі бір немесе бірнеше міндеттеме бойынша береді.

      Аталған кедендік баждардың, салықтардың төленуін ең негізгі қамтамасыз етуді кеден органдары төлем төлеушінің өтінішінде айқындалған мерзімге қабылдайды. Бұл ретте кедендік баждардың, салықтардың төленуін ең негізгі қамтамасыз етудің қолданылу мерзімі төлеушінің өтінішінде көрсетілген кезең ішінде туындайтын кедендік баждардың, салықтардың төленуін қамтамасыз ету жөніндегі төлеушінің міндеттемелерін орындау мерзімінен артық болуға тиіс.

      6. Кедендік баждардың, салықтардың төленуін бас қамтамасыз етудің қолданылу тәртібін уәкілетті орган бекітеді.

      7. Төлеу жөніндегі міндетті орындауды осындай ең негізгі қамтамасыз етумен қамтамасыз етілетін кедендік баждардың, салықтардың жиынтық мөлшері тіркелген қамтамасыз ету мөлшерінен осындай бас қамтамасыз етумен қамтамасыз етілетін соңғы кедендік операцияларды жасау күнгі қолданыстығы валюта бағамы бойынша баламалы 200 евро сомасына асып түсу мүмкін.

      8. Кедендік баждарды, салықтарды төлеу жөніндегі міндеттерді орындауды бас қамтамасыз етуді қолдану тәртібі, егер кедендік операциялар Еуразиялық экономикалық одаққа мүше бірнеше мемлекеттердің аумағында тауарды кедендік транзит кедендік рәсіміне сәйкес тасу (тасымалдау) кезінде жасалса, осы Кодекстің 226 және 227-баптарына сәйкес айқындалады.


      104-бап. Кедендік баждарды, салықтарды төлеу жөніндегі міндеттемелерді орындауды қамтамасыз етудің мөлшерін айқындау

      1. Осы Кодекстің осы бабына, 226-бабына және 370-бабының 4-тармағына сәйкес кедендік баждарды, салықтарды төлеу жөніндегі міндеттерді орындауды өзге мөлшерде қамтамасыз етілетін жағдайларды қоспағанда, кедендік баждарды, салықтарды төлеу жөніндегі міндеттерді орындауды қамтамасыз ету мөлшері тауарлар ішкі тұтыну үшін шығару кедендік рәсіміне немесе кедендік әкелу баждарын төлеу жөніндегі тарифтік преференциялар мен жеңілдіктерді, кедендік әкету баждарын төлеу жөніндегі салықтар мен жеңілдіктерді қолданбай, экспорттың кедендік рәсімімен орналастыру кезінде Қазақстан Республикасында төленуі тиіс болатын кедендік баждардың, салықтардың сомасы негізге алына отырып, айқындалады.

      2. Егер кедендік баждарды, салықтарды төлеу жөніндегі міндеттемелерді орындауды қамтамасыз ету мөлшерін айқындау кезінде тауарлар (сипаттамасы, атауы, саны, шығарылған жері және (немесе) кедендік құны) туралы нақты ақпарат болмауға байланысты кедендік баждарды, салықтарды төлеуге жататын соманы нақты анықтау мүмкін болмаған жағдайда, кедендік баждардың, салықтардың мұндай сомасы тауарлардың құны және (немесе) олардың заттай мәніндегі физикалық сипаттамаларына (саны, салмағы, көлемі немесе басқа сипаттамалары), пайдалану тәртібін Комиссия айқындайтын қолда бар мәліметтердің негізінде айқындалуы мүмкін кедендік баждар, салықтар мөлшерлемесінің ең үлкен шамасына негізделе отырып, айқындалады.

      3. Осы Кодекстің 195 және 196-баптарында көзделген ерекшеліктері бар тауарларды шығару кезінде кедендік баждарды, салықтарды төлеу жөніндегі міндеттерді орындауды қамтамасыз ету мөлшері осы баптың 2 және 4-тармақтары ескеріле отырып, кедендік бақылау, кедендік сараптама нәтижелері бойынша қосымша төленуге жатуы мүмкін кедендік баждардың, салықтардың сомасы ретінде айқындалады.

      4. Осы Кодекстің 195-бабында көзделген ерекшеліктері бар тауарларды шығару кезінде кедендік баждарды, салықтарды төлеу жөніндегі міндетерді орындауды қамтамасыз етудің мөлшерін анықтау үшін тауардың кедендік құнына кедендік бақылау жүргізген жағдайда, атап айтқанда:

      1) кеден органының билігіндегі класы немесе түрі бірдей тауардың құны туралы ақпарат;

      2) егер кеден органының олардың негізділігіне күдігі болса, мәлімделген шегерімдер мен арзандатуларды ескермегенде, тауардың кедендік құны;

      3) егер кеден органының мәлімделген қосымша төлемдердің негізділігіне күдігі болса, нақты төленген немесе төленуге жататын бағаға қосымша төлемнің ықтимал шамасын ескере отырып, тауардың кедендік құны пайдаланылуы мүмкін.

      5. Осы Кодекстің 194-бабының 13-тармағының 3-тармақшасына сәйкес тауар декларациясы берілгенге дейін тауарды шығару шарты кедендік баждарды, салықтарды төлеу жөніндегі міндеттерді орындауды қамтамасыз етуді беру болып табылған жағдайда, кедендік баждар, салықтар сомасы осындай қамтамасыз ету мөлшерін анықтаған кезде тауар декларациясы берілгенге дейін тауарды шығару туралы өтініштегі және осы баптың 1 және 2-тармақтары ескеріле отырып, осы өтінішпен бірге берілетін құжаттардағы мәліметтерге сүйене отырып, айқындалады.

      Оларға сүйене отырып, кедендік баждарды, салықтарды төлеу жөніндегі міндеттемелерді орындауды қамтамасыз етудің мөлшері айқындалатын кедендік баждардың, салықтардың сомасын айқындау үшін тауар декларациясы берілгенге дейін тауарларды шығару туралы өтініш тіркелген күні қолданыстағы кедендік баждар, салықтар мөлшерлемесі қолданылады.

      Егер кедендік баждардың, салықтардың көрсетілген сомасын айқындау үшін шетел валютасын Қазақстан Республикасының ұлттық валютасына қайта есептеу талап етілген жағдайда, мұндай қайта есептеу тауарларға арналған декларация берілгенге дейін тауарларды шығару туралы өтініш тіркелген күні қолданыстағы валюта бағамы бойынша жүргізіледі.


      105-бап. Кедендік баждардың, салықтардың төленуін қамтамасыз етуді тіркеу

      1. Кедендік баждардың, салықтардың төленуін бас қамтамасыз етуді және кедендік транзит кедендік рәсіміне сәйкес кедендік баждарды, салықтарды төлеу жөніндегі міндеттемелерді орындауды қамтамасыз етуді қоспағанда, кедендік баждарды, салықтарды төлеу жөніндегі міндеттерді орындауды қамтамасыз етуді тіркеу төлеушінің немесе осы Кодекстің 96-бабының 3-тармағына сәйкес кедендік баждарды, салықтарды төлеу жөніндегі міндеттерді орындауды ең негізгі қамтамасыз етуді ұсынған тұлғаның кедендік баждарды, салықтарды төлеу жөніндегі міндетінің орындалуын бақылауды жүзеге асыратын кеден органында жүргізіледі.

      2. Кедендік баждардың, салықтардың төленуін бас қамтамасыз етуді тіркеу кедендік баждардың, салықтардың төленуін қамтамасыз етуді талап ететін кедендік операцияларды жүзеге асыратын кеден органдарының бірінде жүзеге асырылады.

      Кедендік баждарды, салықтарды төлеу жөніндегі міндеттердің орындалуын қамтамасыз етуді, оның ішінде кедендік баждардың, салықтардың төленуін бас қамтамасыз етуді тіркеу кедендік баждарды, салықтарды, өсімпұлдарды, пайыздарды төлеу жөніндегі міндеттердің орындалуын қамтамасыз етудің тиісті тәсілін тіркеу үшін осы тарауда белгіленген мерзімде жүргізіледі.

      Кедендік баждарды, салықтарды өсімпұлдарды, пайыздарды төлеу жөніндегі міндеттерді орындау бірнеше тәсілдермен қамтамасыз етілген жағдайда көрсетілген қамтамасыз етуді тіркеу, олар бойынша тіркеудің неғұрлым ұзақ мерзімі белгіленген, тиісті тәсілді тіркеу үшін осы тарауда белгіленген мерзімде жүргізіледі.

      3. Егер кедендік баждарды, салықтарды төлеу жөніндегі міндеттердің орындалуын қамтамасыз ету осы Кодекстің 195-бабында көзделген жағдайларды ұсынылса, мұндай қамтамасыз етуді тіркеу осы Кодекстің 193-бабында белгіленген тауарларды шығару мерзімінде жүргізіледі.

      4. Кеден органдарында кедендік баждардың, салықтардың төлеу жөніндегі міндеттердің орындалуын қамтамасыз етуді есепке алу тәртібін уәкілетті орган бекітеді.

11-тарау. Кедендік баждардың, кедендік алымдардың, салықтардың, өсімпұлдар, пайыздардың мен аванстық төлемдер, есептелген, есепке жатқызылған, төленген сомаларын есепке алу. Кедендік баждардың, кедендік алымдардың, салықтардың өсімпұлдардың, пайыздардың төленген сомаларын және кедендік баждарды, салықтарды төлеу жөніндегі міндеттердің орындалуын қамтамасыз ету ретінде енгізілген ақшалай қаражаттың (ақшаның) сомаларын қайтару (есепке жатқызу)

      106-бап. Кедендік баждардың, кедендік алымдардың, салықтардың, өсімпұлдар мен пайыздардың есептелген, есепке жатқызылған, төленген сомаларын есепке алу

      1. Аванстық төлемдер, кедендік баждардың, кедендік алымдардың, салықтардың, өсімпұлдар мен пайыздардың есептелген, есепке жатқызылған, төленген сомаларын есепке алуды төлеушінің дербес шотын жүргізу жолымен кеден органы жүзеге асырады.

      2. Кедендік баждардың, кедендік алымдардың, салықтардың, өсімпұлдардың, пайыздардың сомаларын төлеу бойынша міндеттемелерді орындау нәтижесінде есептелген, есепке жатқызылған, төленген (есепке жатқызылғандар мен қайтарылғандарды есепке алғанда) кедендік баждардың, кедендік алымдардың, салықтардың, өсімпұлдардың, пайыздардың сомалары көрсетілетін электронды түрінде құжат төлеушінің жеке шоты болып табылады.

      3. Төлеушінің дербес шотын жүргізу тәртібін уәкілетті орган бекітеді.

      4. Төлеушінің дербес шоты ұлттық валютада жүргізіледі.

      5. Мыналар:

      1) төлеуші тауарларға арналған декларацияда немесе өзге де кеден құжатында;

      2) осы Кодекстің 83 және 399-баптарында белгіленген жағдайларда, кеден органы айқындаған кедендік баждардың, кедендік алымдардың, салықтардың, оның ішінде кедендік баждардың, кедендік алымдардың, салықтардың сомасын ұлғайтуды немесе кемітуді қамтитын сомасы кедендік баждардың, кедендік алымдардың, салықтардың есептелген сомасы болып табылады.

      6. Мыналар:

      1) кедендік бақылау нәтижелері бойынша;

      2) тексеру нәтижелері туралы хабарламаға немесе тауарлар шығарылғаннан кейін кедендік бақылау жүргізу нәтижелері бойынша кеден органының қабылдаған өзге де шешімдеріне;

      кеден органының лауазымды тұлғаларының әрекетіне шағымды қарау нәтижелері бойынша;

      3) алдына ала шешім қабылдау кезінде;

      4) тауарларды кедендік алып жүру туралы шешім қабылдаған кезде кеден органы есепке алған кедендік баждардың, кедендік алымдардың, салықтардың, оның ішінде кедендік баждардың, кедендік алымдардың, салықтардың сомасын ұлғайтуды немесе кемітуді қамтитын сомасы кедендік баждардың, кедендік алымдардың, салықтардың, өсімпұлдардың, пайыздардың есепке жатқызылған сомасы болып табылады.

      7. Төлеушінің (салық агентінің) дербес шотындағы кедендік баждар, кедендік алымдар, салықтар, өсімпұлдар мен пайыздар бойынша есеп-қисаптар сальдосы уәкілетті орган бекіткен тәртіпте есептеледі.

      8. Кедендік баждар, кедендік алымдар, салықтар, өсімпұлдар мен пайыздар бойынша немесе кедендік баждардың, кедендік алымдардың, салықтардың белгілі бір түрлері бойынша бюджетпен есеп айырысулардың жай-күйі туралы дербес шоттан үзінді көшірмелерін кеден органы төлеушінің өтініші бойынша, осындай өтініш кеден органында тіркелген күннен бастап бір жұмыс күні ішінде береді.


      107-бап. Кеден органының есепке алуы кеден органында жүргізілетін берешектердің жоқ (бар) екендігі туралы мәліметтерді беруі

      1. Кеден органы есепке алуы кеден органында жүргізілетін берешектердің жоқ (бар) екендігі туралы мәліметтерді беру туралы сұранымның негізінде мынадай мәліметтерді:

      1) әділет органына – сұраным түскен күннен бастап бес күннен кешіктірмей;

      2) әділет органын қоспағанда, төлеушіге, мемлекеттік органдарға және (немесе) ұсынылуы Қазақстан Республикасының заңнамасында көзделген тұлғаларға - сұраным түскен күннен бастап бір жұмыс күннен кешіктірмей береді.

      Осы бапта көрсетілген тұлғалардың есепке алуы кеден органында жүргізілетін берешектердің жоқ (бар) екендігі туралы мәліметтерге сұранымдар мен ұсынуды электрондық нысанда жүзеге асырады.

      2. Осы бапта көрсетілген тұлғалардың есепке алуы кеден органында жүргізілетін берешектердің жоқ (бар) екендігі туралы мәліметтер уәкілетті орган бекіткен тәртіппен жасалады.

      Есепке алуы кеден органында жүргізілетін берешектердің жоқ (бар) екендігі туралы мәліметтер кеден органында сұраным тіркелген күні кедендік төлемдер мен салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу бойынша тоқтатылмаған міндеттемелерді көрсете отырып, беріледі.


      108-бап. Артық төленген (өндіріп алынған) кедендік баждардың, кедендік алымдардың, салықтардың, өсімпұлдар мен пайыздардың сомалары

      1. Кедендік баждар, кедендік алымдар, салықтар ретінде төленген немесе өндіріп алынған, мөлшері осы Кодекске және (немесе) Қазақстан Республикасының заңнамасына сәйкес төленуге жататын мөлшерінен асатын және нақты тауарларға қатысты кедендік баждардың, кедендік алымдардың, салықтардың, нақты түрінде және сомаларында сәйкестендірілген ақшалай қаражат (ақшалар) артық төленген немесе артық өндіріп алынған кедендік баждар, салықтар болып табылады.

      2. Артық төленген немесе артық өндіріп алынған кедендік баждарды, салықтарды есепке жатқызу немесе қайтару (қайтаруға жатпайтын кедендік алымдарды қоспағанда) кеден органы кедендік баждар, кедендік алымдар, салықтар, өсімпұлдар мен пайыздар бойынша дербес шоттарды жүргізу орны бойынша ұлттық валютада жүргізеді.

      3. Мыналар:

      1) заңды тұлғалар мен олардың құрылымдық бөлімшелері арасындағы есепке жатқызулардан басқа, артық төленген (өндіріп алынған) кедендік баждарды, кедендік алымдарды, салықтарды басқа төлеушінің кедендік баждары, салықтары, арнайы, демпинге қарсы, өтем баждарын, өсімпұлдары мен пайыздары бойынша берешектерін өтеу есебінен есепке жатқызу;

      2) кедендік алымдардың төленген сомалары қайтаруға жатпайды.

      4. Қате төленген кедендік баждарды, кедендік алымдарды, салықтарды есепке жатқызу, қайтару осы Кодекстің 112-бабына сәйкес жүргізіледі.

      5. Артық төленген, артық өндіріп алынған және қате төленген кедендік баждардың, кедендік алымдардың, салықтардың, өсімпұлдар мен пайыздардың сомаларын есепке жатқызуды және немесе қайтаруды жүргізу тәртібін және мерзімдерің уәкілетті орган бекітеді.


      109-бап. Кедендік баждарды, салықтарды төлеу жөніндегі міндеттемелерді орындауды қамтамасыз ету ретінде енгізілген кедендік баждардың, кедендік алымдардың, салықтардың, аванстық төлемдердің сомаларын, ақша құралдарын (ақшаны), сондай-ақ өзге де ақша құралдарын есепке жатқызу, қайтару

      1. Кедендік баждардың, салықтардың сомаларын есепке жатқызу, қайтару мынадай жағдайларда:

      1) кедендік баждардың, салықтардың сомалары осы Кодекстің 108-бабына сәйкес артық төленген және (немесе) артық өндіріліп алынған, осы Кодекстің 112-бабына сәйкес қате төленген болып табылған;

      2) Одақ туралы шартқа сәйкес айқындалған шоттарға төленген кедендік әкелу баждарының сомалары нақты тауарларға қатысты кедендік әкелу баждарының сомалары ретінде сәйкестендірілмеген;

      3) бюджетке төленген кедендік әкету баждары, салықтардың сомалары нақты тауарларға қатысты кедендік әкету баждарының, салықтардың сомалары ретінде сәйкестендірілмеген;

      4) егер осы тауарларға қатысты кедендік баждарды, салықтарды төлеу жөніндегі міндет бұрын орындалған болса, кедендік әкелу баждары, салықтары уақытша әкелудің (кіруге рұқсат) кедендік рәсіміне орналастырылған тауарларға қатысты кедендік әкелу баждарын, салықтарды ішінара төлеу қолданылған кездегі кезеңде төленген жағдайды қоспағанда, Қазақстан Республикасының заңнамасына сәйкес тауарлар тәркіленген немесе мемлекеттің меншігіне (кірісіне) айналдырылған;

      5) егер кедендік декларация не тауарларға декларация берілгенге дейін тауарларды шығару туралы өтініш тіркелген кезде туындаған кедендік баждарды, салықтарды төлеу жөніндегі міндет бұрын орындалған болса, мәлімделген кедендік рәсімге сәйкес тауарларды шығарудан бас тартылған;

      6) егер кедендік декларацияны тіркеу кезінде туындаған кедендік баждарды, салықтарды төлеу жөніндегі міндет бұрын орындалған болса, осы Кодекстің 184-бабына сәйкес кедендік декларация кері қайтарылып алынған және (немесе) осы Кодекстің 192-бабының 5-тармағына сәйкес тауарларды шығарудың күші жойылған;

      7) осы Кодекстің 318 және 323-баптарында көзделген жағдайларда;

      8) осы Кодекстің 189-бабының 7-тармағына сәйкес кедендік декларациялау ерекшеліктерін қолдана отырып, осы Кодексте көзделген жағдайларда;

      9) Еуразиялық экономикалық одақтың кедендік заңнамаларында және (немесе) Еуразиялық экономикалық одақтың шеңберіндегі халықаралық шарттарда көзделген өзге де жағдайларда жүзеге асырылады.

      Егер кедендік алымдардың сомалары осы Кодекстің 108-бабына сәйкес артық төленген және (немесе) артық өндіріліп алынған, осы Кодекстің
112-бабына сәйкес қате төленген болып табылған жағдайда кедендік алымдардың сомаларын есепке жатқызу, қайтару жүзеге асырылады.

      2. Артық төленген және (немесе) артық өндіріліп алынған кедендік баждардың, кедендік алымдардың, салықтардың сомаларын есепке жатқызу, қайтару тауарға арналған декларацияда мәлімделген мәліметтерге белгіленген тәртіппен өзгерістер (толықтырулар) енгізілген кедендік кіріс ордерінде немесе Комиссия осы Кодекстің 349-бабының 24-тармағына сәйкес айқындаған өзге де кедендік құжаттағы немесе осы Кодекстің 83-бабының 4-тармағында немесе 360-бабының 4-тармағының екінші абзацында көрсетілген кедендік құжаттардағы есептелген кедендік төлемдер, алымдардың, салықтардың сомалары туралы мәліметтерге белгіленген тәртіппен түзету енгізілген кезде және осы тарауда белгіленген өзге де шарттар сақталған кезде кеден органы жүзеге асырады.

      3. Осы баптың 1-тармағының 4), 5), 6), 7), 8) және 9) тармақшаларында көрсетілген жағдайларда кедендік баждардың, салықтардың төленген және (немесе) өндіріп алынған сомаларын есепке жатқызуды, қайтаруды кеден органына уәкілетті орган бекіткен тәртіпте кедендік баждардың, салықтардың төленген және (немесе) өндіріп алынған сомаларын есепке жатқызуға, қайтаруға әкеп соқтыратын мән-жайдың басталуын растаған кезде және кедендік баждарды, салықтарды есепке жатқызу, қайтару үшін осы тарауда белгіленген өзге де шарттар сақталған кезде жүзеге асырылады.

      4. Кедендік әкелу баждарының сомаларын есепке жатқызу, қайтару Одақ туралы шарттың ережелері ескеріле отырып, осы тарауда белгіленген тәртіппен және мерзімде, ал осы Кодексте және Одақ туралы шартта реттелмеген бөлігінде, - уәкілетті орган айқындаған тәртіппен жүзеге асырылады.

      5. Егер Еуразиялық экономикалық одақтың шеңберіндегі халықаралық шарттарда және (немесе) Қазақстан Республикасының халықаралық шарттарында өзгеше белгіленбесе, кедендік әкету баждарының сомаларын есепке жатқызу, қайтару осы тарауда белгіленген тәртіпте және мерзімде, осы Кодексте, сондай-ақ Еуразиялық экономикалық одақ шеңберіндегі халықаралық шарттарда және (немесе) Қазақстан Республикасының халықаралық шарттарында реттелмеген бөлігінде, - уәкілетті орган айқындаған тәртіппен жүзеге асырылады.

      6. Салықтардың сомаларын есепке жатқызу, қайтару осы тарауда белгіленген тәртіпте және мерзімде, осы Кодексте реттелмеген бөлігінде, - уәкілетті орган айқындаған тәртіппен жүзеге асырылады.

      7. Аванстық төлемдердің, соның ішінде кедендік баждарды, салықтарды төлеу жөніндегі міндеттемелерді орындауды қамтамасыз ету ретінде енгізілген сомаларды, сондай-ақ өзге де ақша құралдарын (ақшаны) есепке жатқызу, қайтару уәкілетті орган көздеген тәртіппен және мерзімде жүзеге асырылады.

      7-1. Ақшаны уақытша орналастыру шотында кедендік баждарды, салықтарды төлеу жөніндегі міндеттерді орындауды қамтамасыз ету ретінде енгізілген ақша құралдарының (ақша) сомасын есепке жатқызу, қайтару осы Кодекстің 114-бабына сәйкес жүргізіледі.

      8. Төлеушінің белгіленген мерзімде кедендік баждарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі орындалмаған (толықтай немесе ішінара) міндеттері, кедендік баждарды, кедендік алымдарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі берешектері болған кезде, осындай кедендік баждардың, салықтардың, аванстық төлемдердің, ақшалай қаражаттың (ақшаны) сомаларын көрсетілген міндетті орындау есебіне есепке жатқызуды қоспағанда, кедендік баждарды, салықтарды төлеу жөніндегі міндеттерді орындауды қамтамасыз ету ретінде енгізілген кедендік баждардың, салықтардың, аванстық төлемдердің, ақшалай қаражаттың (ақшаның), сондай-ақ осындай берешектердің мөлшеріндегі сомаларын есепке жатқызу жүзеге асырылмайды.

      Белгіленген мерзімде кедендік баждарды, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі орындалмаған (толықтай немесе ішінара) міндеттемелер, сондай-ақ белгіленген мерзімде кедендік баждарды, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі орындалмаған (толықтай немесе ішінара) міндеттемелер мөлшерінде кедендік баждарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі берешектері, сондай-ақ кедендік баждарды, кедендік алымдарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі берешектері болған кезде, кедендік әкету баждарының, салықтардың, аванстық төлемдердің сомаларын қайтару жүзеге асырылмайды.


      110-бап. Кедендік баждардың, кедендік алымдардың, салықтардың сомаларын есепке жатқызу

      1. Кедендік баждардың, кедендік алымдардың, салықтардың артық төленген және (немесе) артық өндіріп алынған сомалары төлеуші кедендік декларацияны табыс еткен не осы төлеушінің өз ақшалай қаражатын (ақшасын) кедендік төлемдердің, кедендік алымдардың, салықтардың осы түрлері кедендік төлемдер, кедендік алымдар, салықтар ретінде қолдану ниеті туралы растайтын өзге іс-қимылдар жасаған кезде, кедендік баждарды, кедендік алымдар, салықтарды, арнайы, демпингке қарсы, өтемдік баждарды төлеу жөніндегі берешектері болмаған кезде есепке жатқызуға жатады.

      2. Кедендік баждардың, кедендік алымдардың, салықтардың артық төленген және (немесе) артық өндіріп алынған сомалары кедендік баждар, арнайы, демпингке қарсы, өтемдік баждар, салықтар, өсімпұлдар, пайыздар бойынша берешектер болмаған жағдайда, сондай-ақ осы баптың 3 және 4-тармақтарының ережелерін ескере отырып, төлеушінің өтініші бойынша, сол өтініште көрсетілген кедендік баждардың, кедендік алымдардың, салықтардың басқа да түрлері бойынша алда тұрған төлемдер есебінен есепке жатқызуға жатады.

      3. Кедендік баждарды, кедендік алымдарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі берешектері болған кезде, кедендік баждардың, кедендік алымдардың, арнайы, демпингке қарсы, өтемдік баждардың, салықтардың артық төленген және (немесе) артық өндіріп алынған сомалары осы Кодекстің 12-тарауында көзделген жағдайларда, кеден органы төлеушінің өтінішінсіз кедендік баждардың осы және (немесе) басқа түрлері бойынша осындай берешектерді өтеу есебінен есепке жатқызуға жатады.

      4. Кедендік әкелу баждарының артық төленген және (немесе) өндіріп алынған сомаларын есепке жатқызуды Одақ туралы шарттың ережелері ескеріле отырып, кеден органы жүргізеді.

      5. Кеден органы кедендік баждардың, кедендік алымдардың, салықтардың артық төленген және (немесе) артық өндіріп алынған сомаларын есепке жатқызуды кеден органына осындай өтініш тіркелген күннен бастап он жұмыс күнінің ішінде жүргізеді.


      111-бап. Кедендік баждардың, кедендік алымдардың, салықтардың артық төленген және (немесе) өндіріп алынған сомаларын қайтару

      1. Кедендік баждардың, кедендік алымдардың, салықтардың артық төленген және (немесе) өндіріп алынған сомаларын қайтаруды белгіленген мерзімде кедендік баждарды, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі орындалмаған (толықтай немесе ішінара) міндеттер, сондай-ақ осы Кодекстің 109-бабы 2-тармағының ережелері ескеріле отырып, кедендік баждарды, салықтарды, арнайы, демпингке қарсы, өтемдік баждарды, өсімпұлдарды, пайыздарды төлеу жөніндегі берешектері болмаған кезде, төлеушінің өтінішінің негізінде кеден органдары жүргізеді.

      2. Кедендік баждардың, кедендік алымдардың, салықтардың артық төленген және (немесе) артық өндіріп алынған сомаларын қайтару төлеушінің өтініші кеден органына тіркелген күннен бастап он жұмыс күнінің ішінде жүргізіледі.

      3. Кеден органы кедендік баждардың, кедендік алымдардың, салықтардың, өсімпұлдардың, пайыздардың артық төленген және (немесе) өндіріп алынған сомаларын қайтарудың мерзімін бұзған жағдайда, кеден органы салық төлеушінің пайдасына өсімпұл есептейді. Өсімпұл осындай қайтаруды жүргізу күнін қоса алғанда, қайтару мерзімі аяқталған күннен кейінгі күннен бастап мерзімін өткізіп алған әрбір күн үшін Қазақстан Республикасының Ұлттық Банкі қолданыстағы қайта қаржыландырудың ресми мөлшерлемесінің 1,25 еселенген мөлшерінде есепке жазылады.

      Есепке жазылған өсімпұлдар сомасы тиісті бюджет сыныптамасының коды бойынша бюджетке түсімдердің есебіне салықтардың, бюджетке төленетін басқа да міндетті төлемдердің артық төленген сомаларын қайтару жүргізілген күні өтініште көрсетілген төлеушінің банк шотына аударылуға жатады.


      112-бап. Кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларын есепке жатқызу, қайтару

      1. Аудару кезінде мынадай қателердің кез келгеніне жол берілген:

      1) төлем құжатында:

      төлеушінің сәйкестендіру нөмірі дұрыс көрсетілмеген:

      кедендік баждардың, кедендік алымдардың, салықтардың, өсімпұлдардың, пайыздардың сомалары төленуге жататын, орналасқан жері бойынша кеден органының сәйкестендіру нөмірінің орнына басқа кеден органының сәйкестендіру нөмірі көрсетілген;

      төлемнің мәтіндік мақсаты төлем мақсатының кодына және (немесе) бюджеттік сыныптаманың кодына сәйкес келмеген;

      2) банк немесе банк операцияларының жекелеген түрлерін жүзеге асыратын ұйымдар төлеушінің төлем құжатын қате орындаған;

      3) ақша жіберуші-жөнелтуші төлеуші кедендік баждардың, кедендік алымдардың, салықтардың, өсімпұлдардың, пайыздардың осы түрлері бойынша төлеуші болып табылмайтын;

      4) төлеуші кедендік баждың, салықтың, кедендік алымның түрін дұрыс таңдамаған;

      5) төлеуші өсімпұлды төлеу кезінде кедендік баж, салық, кедендік алым түрін дұрыс таңдамаған;

      6) кедендік баждарды, салықтарды, кедендік алымдарды төлеуге байланысты өзге де қателерге жол берілген сома кедендік баждардың, салықтардың, кедендік алымдардың, өсімпұлдардың, пайыздардың қате төленген сомасы болып табылады.

      2. Кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларын есепке жатқызу, қайтару:

      1) төлеушінің өтініші;

      2) банктің немесе банк операцияларының жекелеген түрлерін жүзеге асыратын ұйымдардың өтініші (бұдан әрі осы баптың мақсаттары үшін - банктің өтініші);

      3) қате фактісі анықталған жағдайда, кеден органының жасаған кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларының туындау себептері туралы хаттамасы бойынша жүргізіледі.

      3. Кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларын есепке жатқызу, қайтару:

      1) төлеушінің өтініші, банктің өтініші тіркелген;

      2) кедендік баждардың, кедендік алымдардың, салықтардың, өсімпұлдардың, пайыздардың қате сомалары түскен күннен бастап он жұмыс күні ішінде жүзеге асырылады.

      4. Төлеушінің өтініші, банктің өтініші кедендік баждардың, кедендік алымдардың, салықтардың, өсімпұлдардың, пайыздардың қате төленген сомаларының есебін жүргізетін кеден органына ұсынылады.

      5. Кеден органы осы баптың 1-тармағында көрсетілген қателердің бірінің болуын растаған жағдайда осы кеден органы:

      1) қате төленген сомаларды тиісті бюджет сыныптамасының кодына және (немесе) тиісті кеден органына есепке жатқызуды жүргізеді;

      2) төлеушінің банк шотына қайтаруды жүргізеді.

      6. Банк немесе банк операцияларының жекелеген түрлерін жүзеге асыратын ұйым бір төлем құжаты бойынша кедендік баждарды, кедендік алымдарды, салықтарды, өсімпұлдарды, пайыздарды екінші қайтара аударуға әкеп соқтырған төлеушінің төлем құжатын қате орындаған жағдайларда:

      төлеушінің банк шотынан ақшаны есептен шығарған немесе банк шотындағы банкоматы арқылы төлемді жүзеге асырған жағдайда;

      банкке ақшаны қолма-қол енгізген немесе банктің банк шотындағы өзге де электрондық құрылғылары арқылы төлемді жүзеге асырған жағдайда кеден органы қате аудару фактісі расталған кезде банктің өтініші бойынша қате төленген сомаларды қайтаруды жүзеге асырады.

      7. Кедендік әкелу баждарының қате төленген сомаларын қайтаруды Одақ туралы шарттың ережелері ескеріле отырып, кеден органы жүргізеді.

      8. Кеден органы осы баптың 1-тармағында көрсетілген қателердің бар екендігін растамаған жағдайда осы кеден органы осы баптың 2-тармағының 1) және 2) тармақшаларында көзделеген негіздер бойынша төлеушіге қателердің расталмағаны туралы жазбаша хабарлама жібереді.


      113-бап. Кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде енгізілген аванстық төлемдерді есепке жатқызу, қайтару

      Кедендік баждарды, салықтарды төлеуді қамтамасыз ету ретінде аванстық төлемдерді қолдану, оларды алда тұрған кедендік баждарды, кедендік алымдарды, салықтарды, арнайы, демпингке қарсы, өтемдік баждарды, сондай-ақ өсімпұлдарды, пайыздарды төлеу есебінен бюджетке аудару кезінде аванстық төлемдерді есепке жатқызуды (қайтаруды):

      1) кедендік баждарды, салықтарды төлеу жөніндегі міндеттердің орындалуын қамтамасыз ету ретінде енгізілген орындалуы ақшалай қаражаттармен (ақшамен) қамтамасыз етілген кедендік баждарды, салықтарды төлеу жөніндегі міндет толық көлемде орындалған, тоқтатылған не туындамаған;

      2) өсімпұлдар, пайыздар есептелген жағдайда осындай пайыздар бюджетке төленген;

      3) аванстық төлемдердің орнына, осындай алмастыру кедендік баждарды, салықтарды төлеу жөніндегі міндеттерді орындау басталғанға дейін жүргізілген және (немесе) кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздарды төлеу мерзімі басталмаған жағдайда кедендік баждарды, салықтарды төлеу жөніндегі міндеттердің орындалуын қамтамасыз ету басқа тәсілмен берілген жағдайда кеден органы жүзеге асырады.

      Кедендік баждарды, салықтарды төлеу жөніндегі міндеттердің орындалуын қамтамасыз ету ретінде енгізілетін аванстық төлемдердің сомасын есепке жатқызу (қайтару) осы Кодекстің 89-бабында көрсетілген күннен бастап бес жылдан кешіктірілмей жүзеге асырылады.

      Төлеушінің белгіленген мерзімде кедендік баждарды, салықтарды, арнайы, демпингке қарсы, өтемдік баждарды төлеу жөніндегі орындалмаған (толықтай немесе ішінара) міндеттері, мерзімінде төленбеген өсімпұлдары, пайыздары, сондай-ақ кедендік баждарды, кедендік алымдарды, салықтарды, арнайы, демпингке қарсы, өтемдік баждарды төлеу жөніндегі берешектері болған кезде, көрсетілген міндеттерді, берешектерді орындау есебінен көрсетілген сомаларды есепке жатқызуды қоспағанда, кедендік баждарды, салықтарды төлеу жөніндегі міндеттерді орындауды қамтамасыз ету ретінде енгізілетін аванстық төлемдердің сомаларын, осындай орындалмаған мөлшерінде сондай-ақ осындай берешектердің мөлшерінде есепке жатқызу жүзеге асырылмайды.


      114-бап. Кедендік баждарды, салықтарды төлеу жөніндегі міндеттеердің орындалуын қамтамасыз ету ретінде енгізілген ақшалай қаражаттың (ақшаның) сомаларын есепке жатқызу, қайтару

      1. Кедендік баждарды, салықтарды төлеуді қамтамасыз ету ретінде ақшалай қаражатты (ақшаны) қолдану, оларды алда тұрған кедендік баждарды, кедендік алымдарды, салықтарды, арнайы, демпингке қарсы, өтем баждарды, сондай-ақ өсімпұлдарды, пайыздарды төлеу есебінен бюджетке аудару кезінде көрсетілген ақшалай қаражаттарды (ақшаны) ақшаны уақытша орналастыру шотынан қайтаруды:

      1) кедендік баждарды, салықтарды төлеу жөніндегі міндеттемелердің орындалуын қамтамасыз ету ретінде енгізілген орындалуы ақшалай қаражаттармен (ақшамен) қамтамасыз етілген кедендік баждарды, салықтарды төлеу жөніндегі міндет толық көлемде орындалған, тоқтатылған не туындамаған;

      2) өсімпұлдар, пайыздар бюджетке төленген;

      3) ақшалай қаражаттың (ақшаның) орнына, осындай алмастыру кедендік баждарды, салықтарды төлеу жөніндегі міндеттемелерді орындау басталғанға дейін жүргізілген және (немесе) кедендік әкелу баждарын төлеудің мерзімін кейінге қалдырғаны немесе ұзартқаны үшін пайыздар есептелген жағдайда пайыздарды төлеу мерзімі басталмаған жағдайда кедендік баждарды, салықтарды төлеу жөніндегі міндеттемелердің орындалуын қамтамасыз ету басқа тәсілмен берілген жағдайда кеден органы жүзеге асырады.

      2. Ақшалай қаражатты (ақшаны) алда тұрған кедендік баждарды, кедендік алымдарды, салықтарды, арнайы, демпингке қарсы, өтем баждарды, өсімпұлдары, пайыздары төлеу есебінен бюджетке аудару және (немесе) кеден органының ақшаны уақытша орналастыру шотынан төлеушінің банк шотына қайтару бюджеттің атқарылуы жөніндегі уәкілетті орган бекіткен тәртіппен, бірақ осы Кодекстің 89-бабында көрсетілген күннен бастап бес жылдан кешіктірілмей жүзеге асырылады.

      Төлеушінің белгіленген мерзімде кедендік баждарды, салықтарды, арнайы, демпингке қарсы, өтем баждарды төлеу жөніндегі орындалмаған (толықтай немесе ішінара) міндеттемелері, мерзімінде төленбеген өсімпұлдары, пайыздары, сондай-ақ кедендік баждарды, кедендік алымдарды, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі берешектері болған кезде, ақшалай қаражатты (ақшаны) алда тұрған кедендік баждарды, кедендік алымдарды, салықтарды, арнайы, демпингке қарсы, өтем баждарды, өсімпұлдары, пайыздары төлеу есебінен бюджетке аудару және (немесе) кеден органының ақшаны уақытша орналастыру шотынан төлеушінің банк шотына қайтару көрсетілген міндеттер, берешектерді орындау есебінен көрсетілген сомаларды есепке жатқызу жүргізілгеннен кейін жүзеге асырылады.

      2-1. Ақшаны уақытша орналастыру шотынан кедендік баждарды, салықтарды төлеу жөніндегі міндеттемені орындауды қамтамасыз ету саланы қайтару кезінде ол бойынша сыйақы төленбейді, сома индекстелмейді, банктік қызмет көрсету бойынша тариф кеден органы аударған қаражат есебінен төленеді.

      3. Төлеушінің ақшаны уақытша орналастыру шотынан қамтамасыз ету сомаларын қайтаруға немесе осындай сомаларды алда тұрған кедендік баждарды, кедендік алымдарды, салықтарды, арнайы, демпингке қарсы, өтем баждарды төлеу есебінен бюджетке аударуға өтініші болмаған жағдайда кеден органы бюджеттің атқарылуы жөніндегі уәкілетті орган белгілеген тәртіпте, бір мезгілде мынадай шарттарды:

      төлеушінің белгіленген мерзімде кедендік баждарды, кедендік алымдарды, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі орындалмаған (толықтай немесе ішінара) міндеттемелері, сондай-ақ кедендік баждарды, кедендік алымдарды, салықтарды, арнайы, демпингке қарсы, өтем баждарды төлеу жөніндегі берешектері болмаса;

      осы Кодекстің 89-бабында белгіленген талап ету мерзімінің аяқталуын сақтаған кезде ақшаны уақытша орналастыру шотынан қамтамасыз ету сомаларын бюджетке аударады.


      115-бап. Соттың шешімімен электрондық аукциондар қорытындысының күшін жою нәтижесінде кедендік баждардың, кедендік алымдардың, салықтардың, өсімпұлдардың төленген сомаларын қайтару

      Уәкілетті заңды тұлға өткізген электрондық аукционның қорытындысы соттың заңды күшіне енген шешімімен күші жойылған жағдайда, кедендік баждардың, кедендік алымдардың, салықтардың, өсімпұлдардың төленген сомаларын қайтару уәкілетті заңды тұлғаның өтініші негізінде жүргізіледі.

      Қайтаруға арналған өтінішке:

      заңды күшіне енген сот актісінің көшірмесі;

      уәкілетті заңды тұлғаның кедендік баждарды, кедендік алымдарды, салықтарды, өсімпұлдарды төлегені туралы төлем құжатының көшірмесі қоса беріледі.

      Кедендік баждардың, кедендік алымдардың, салықтардың, өсімпұлдардың төленген сомасын қайтаруды төленген жердегі кеден органы қайтаруға өтініш берілген күннен бастап он жұмыс күні ішінде уәкілетті заңды тұлғаның банктік шотына ұлттық валютада жүргізеді.

12-тарау. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу 1-параграф. Кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу туралы жалпы ережелер

      116-бап. Кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу туралы жалпы ережелер

      1. Кеден органы осы тарауға сәйкес кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өндіріп алу жөніндегі шараларды қабылдайды.

      Осы баптың 3-тармағында көрсетілген кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу жөніндегі шаралар төлеушінің ақшалай қаражаты (ақшасы) және (немесе) басқа да мүлкі есебінен, оның ішінде артық төленген кедендік төлемдер, салықтар, арнайы, демпингке қарсы, өтем баждар сомасы және (немесе) аванстық төлемдердің сомасы есебінен егер осы Кодексте және (немесе) Одақ туралы шартта өзгеше белгіленбесе, кедендік баждарды, салықтарды төлеу жөніндегі міндеттемелердің орындалуын қамтамасыз ету, арнайы, демпингке қарсы, өтем баждарды төлеу жөніндегі міндеттемелердің орындалуын қамтамасыз ету, кеден ісі саласындағы қызметті жүзеге асыратын заңды тұлғалардың міндеттемелерінің орындалуын қамтамасыз ету, уәкілетті экономикалық операторлардың міндеттемелерінің орындалуын қамтамасыз ету есебінен жүзеге асырылады.

      2. Кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу үшін кеден органы төлеушіге, оның ішінде осы Кодекстің 117-бабында айқындалған тәртіпте бірлесіп ортақ жауапты тұлғаға кедендік баждар, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өтеу туралы хабарлама жібереді.

      3. Кеден төлемдері, салықтар, өсімпұлдар, пайыздар бойынша берешектерді өндіріп алу жөніндегі шараларға:

      1) кеден төлемдері, арнайы, демпингке қарсы, өтем баждар, салықтар, өсімпұлдар, пайыздар бойынша берешектерді осы тарауда көзделген тәртіпте артық төленген кедендік баждардың, салықтардың, арнайы, демпингке қарсы, өтем баждарының, өсімпұлдардың, пайыздардың, аванстық төлемдердің сомалары есебінен, кеден төлемдері, салықтарды, арнайы, демпингке қарсы, өтем баждарды, өсімпұлдарды, пайыздарды төлеу жөніндегі міндеттемелердің орындалуын қамтамасыз ету есебінен өндіріп алу;

      2) кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өтеуді қамтамасыз етудің мынадай тәсілдерін қолдану:

      кеден төлемдері, салықтар, арнайы, демпингке қарсы, өтем баждары бойынша берешектердің сомасына өсімпұлдар есептеу;

      төлеушінің банк шоттары бойынша шығыс операцияларын тоқтата тұру;

      касса бойынша шығыс операцияларын тоқтата тұру;

      төлеушінің мүлкіне билік етуін шектеу туралы шешім шығару;

      3) мынадай тәртіппен:

      төлеушінің банк шоттарындағы ақша есебінен;

      төлеуші дебиторларының шоттарынан;

      төлеушінің билік етуі шектелген мүлкін өткізу есебінен кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді мәжбүрлеп өндіріп алу шараларын қолдану жатады.

      4. Осы Кодекстің 117-бабының 1-тармағында, 126-бабының 1-тармағында, 127-бабының 2 және 5-тармақтарында көзделген, кеден органы пошта арқылы хабарламасы бар тапсырыс хатпен жолдаған құжаттарды пошта немесе өзге де байланыс ұйымы төлеушінің орналасқан жерінде болмауына байланысты қайтарған жағдайда, төлеушінің орналасқан жері бойынша кеден органы зерттеп тексеру жүргізеді, оның нәтижесі бойынша зерттеп тексеру актісін жасайды.

      5. Зерттеп-тексеру актісінде:

      актіні жасау орны, күні және уақыты;

      актіні жасаған кеден органы лауазымды адамының лауазымы, тегі, аты және әкесінің аты (егер ол жеке басын куәландыратын құжатта көрсетілген болса);

      кеден органының атауы;

      тартылған куәгерлердің тегі, аты және әкесінің аты (егер ол жеке басын куәландыратын құжатта көрсетілген болса), жеке басын куәландыратын құжаттың атауы және нөмірі, тұратын жерінің мекенжайы;

      төлеушінің тегі, аты және әкесінің аты (егер ол жеке басын куәландыратын құжатта көрсетілген болса) және (немесе) атауы, оның идентификаттау нөмірі;

      зерттеп-тексеру нәтижелері туралы ақпарат көрсетіледі.

      Зерттеп-тексеру актісі куәгерлердің қатысуымен ресімделеді.

      Куәгерлер ретінде кеден органының лауазымды адамының және төлеушінің әрекетінің нәтижесіне мүдделі емес, кез келген кәмелетке толған, әрекетке қабілетті кемінде екі адам шақырылуы мүмкін.

      Мемлекеттік органдардың лауазымды тұлғаларының және төлеушінің жұмыскерлерінің, құрылтайшыларының куәгер ретінде қатысуына жол берілмейді.

      6. Егер зерттеп-тексеру актісімен төлеушінің тұратын жері бойынша іс жүзінде жоқ екені анықталған жағдайда, осы баптың 4-тармағында көрсетілген құжаттар берілген күн акт жасалған күн болып табылады.

      7. Осы Кодекстің 127-бабы 1-тармағының 2) тармақшасында көрсетілген жағдайда төлеушінің мүлкіне билік етуін шектеу туралы шешім шығаруды қоспағанда, осы баптың 3-тармағы 2) тармақшасының үшінші, төртінші және бесінші абзацтарында және 3) тармақшасында көзделген әрекеттер дәйекті түрде қолданылады.

      8. Егер осы Кодексте өзгеше көзделмесе, дара кәсіпкерден және заңды тұлғадан, оның ішінде шетелдік заңды тұлғаның құрылымдық бөлімшесінен кедендік баждар мен салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өндіріп алу осы Кодекстің 116-бабының 3-тармағында көзделген тәртіпте жүргізіледі.

      9. Дара кәсіпкер болып табылмайтын жеке тұлғадан кеден төлемдері және салықтар, арнайы, демпингке қарсы, өтем баждар, өсімпұл, пайыз бойынша берешекті өндіріп алу кезінде осы тармағының екіншіабзацында көзделген шаралар қолданылады.

      Берешектерді өтемеген жағдайда, кеден органы Қазақстан Республикасының азаматтық процестік заңнамасына сәйкес кедендік баждар, салықтар, арнайы, демпингке қарсы, өтем баждар, өсімпұлдар және пайыздар бойынша берешектер сомасын өндіріп алуға сот бұйрығын шығару туралы өтінішпен сотқа жүгінеді.

      Дара кәсіпкер болып табылмайтын жеке тұлғадан берешектерді өндіріп алуды Атқарушылық іс жүргізу және сот орындаушыларының мәртебесі туралы Қазақстан Республикасының заңнамасында белгіленген тәртіппен атқарушылық іс жүргізу органдары жүзеге асырады.

      10. Кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу жөніндегі шаралар:

      1) кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өндіріп алу үшін осы Кодексте көзделген талап ету мерзімі өткен;

      2) кедендік баждарды, салықтарды төлеу жөніндегі міндеттемені орындау кедендік баждарды, салықтарды төлеуге байланысты не осы Кодекстің 83-бабының 2-тармағында көзделген өзге де мән-жайларға байланысты тоқтатылған;

      3) арнайы, демпингке қарсы, өтем баждарды төлеу жөніндегі міндеттемені орындау арнайы, демпингке қарсы, өтем баждарды төлеуге байланысты не осы Кодекстің 136-бабының 2-тармағында көзделген өзге де мән-жайларға байланысты тоқтатылған;

      4) кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді, осындай берешектерді, өсімпұлдарды, пайыздарды өндіріп алу мүмкін болмауына байланысты өндіріп алуға үмітсіз деп танылған;

      5) кедендік әкелу баждарына арнайы, демпингке қарсы, өтем баждарына қатысты Комиссия айқындаған өзге де жағдайларда;

      6) кедендік әкелу баждарына, салықтарға қатысты осы Кодексте көзделген өзге де жағдайларда;

      7) қылмыстық құқық бұзұшылықтар туралы хабарды тексеру барысында алынған немесе тыйым салынған, қылмыстық іс бойынша немесе әкімшілік құқық бұзушылық туралы іс бойынша оларға қатысты қайтару туралы шешім қабылданған және осы Кодекске сәйкес кедендік декларациялауға жататын тауарларға, осындай тауарларды қайтару туралы шешім қабылданғанға дейін туындаған кедендік баждарды төлеу жөніндегі міндеттерге қатысты, осы Кодекстің 159-бабының 4-тармағында көрсетілген шешімдердің біреуі күшіне енетін күннен бастап осындай тауарларды уақытша сақтауға орналастырған немесе оларды кедендік рәсімдердің біріне орналастырған күнге дейінгі мерзім ішінде қабылданбайды.


      117-бап. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өтеу туралы хабарлама

      1. Кеден органының кеден төлемдері, салықтарды, арнайы, демпингке қарсы, өтем баждарын, өсімпұлдарды, пайыздарды төлеу қажеттігі туралы салық төлеушіге қағаз жеткізгішпен немесе оның жазбаша келісімі бойынша электрондық тәсілмен жіберген хабары кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешектерді өтеу туралы хабарлама деп танылады.

      Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өтеу туралы хабарламаның нысанын уәкілетті орган бекітеді.

      2. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерді өтеу туралы хабарлама:

      1) тексеру нәтижелері туралы хабарламаның орындалу мерзімі өткен;

      2) камералдық кедендік тексеру нәтижелері бойынша бұзушылықтарды жою туралы хабарламаның орындалу мерзімі өткен;

      3) осы Кодекстің 86-бабының 4-тармағына және 137-бабының 4-тармағына сәйкес жолданған, белгіленген мерзімде төленбеген кедендік баждардың, салықтардың, арнайы, демпингке қарсы, өтем баждарының, өсімпұлдардың, пайыздардың сомалары туралы хабарламаның орындалу мерзімі өткен;

      4) төлеушіге осы Кодекстің 55-тарауына сәйкес жолданған тексеру нәтижелері туралы хабарламаға және бұзушылықтарды жою туралы хабарламаға шағымды қарау қорытындысы туралы хабарлама жолданған күннен бастап үш жұмыс күні өткеннен кейін, бірақ он бес жұмыс күнінен кешіктірілмей төлеушіге жіберіледі.

      3. Декларанттың және кеден өкілінің осы Кодекстің 86 және 137-баптарында көзделгендей кедендік баждарды, кедендік алымдарды, салықтарды, арнайы, демпингке қарсы, өтем баждарын төлеу жөніндегі ортақ міндеттемелері болған кезде, олар туралы осы хабарламаларда көрсете отырып, кедендік баждар, кедендік алымдар, салықтар, өсімпұлдар, пайыздар бойынша берешекті өтеу туралы хабарламалар декларантқа және кеден өкіліне жолданады.

      4. Төлеушіге кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешекті өтеу туралы хабарлама оның әкімшілік немесе қылмыстық жауаптылыққа тартылғанына қарамастан жіберіледі.

      5. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарлама кеден төлемдері, салықтар, арнайы, демпингке қарсы, өтем баждар, өсімпұлдар, пайыздар бойынша берешекті өндіріп алу жөніндегі шаралар қабылданғанға дейін жіберіледі.

      6. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламада:

      1) төлеушінің сәйкестендіру нөмірі;

      2) төлеушінің тегі, аты, әкесінің аты (ол болған кезде) немесе толық атауы және заңды мекенжайы;

      3) кеден органының атауы;

      4) хабарламаның күні;

      5) кеден төлемдері, салықтар, арнайы, демпингке қарсы, өтем баждары бойынша берешек сомасы;

      6) хабарлама берілген күнгі өсімпұлдар, пайыздар сомасы;

      7) кеден төлемдерін, салықтарды, арнайы, демпингке қарсы, өтем баждарын, өсімпұлдарды, пайыздарды төлеу туралы талап;

      8) хабарламаны жіберу үшін негіздеме;

      9) кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу кезінде өсімпұлды, пайызды есептеу тәртібі;

      10) шағымдану тәртібі көрсетілуі тиіс.

      7. Төлеуші кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарлама тіркелген күннен бастап, осындай берешек өтелгенге дейінгі күнді қоса алғанда, есепке жазуға жататын өсімпұлдар есепке алмай кеден төлемдері, салықтар, арнайы, демпингке қарсы, өтем баждары бойынша берешекті өтеген кезінде кеден органы кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы бұрын берілген хабарламаға толықтыру жібереді.

      8. Осы Кодекске сәйкес кедендік баждарды, салықтарды, өсімпұлдарды, пайыздарды төлеу жөнінде төлеушімен ортақ міндетте болатын төлеуші және тұлға кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаға осы Кодекстің 21-бабына сәйкес уәкілетті органға немесе Қазақстан Республикасында көзделген тәртіпте сотқа шағымдануына құқылы.


      118-бап. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаны тапсыру және орындау тәртібі

      1. Егер осы бапта өзгеше белгіленбесе, кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарлама төлеушiге өзiнiң қолын қойғызып немесе жөнелту мен алу фактiсiн растайтын өзге де тәсiлмен тапсырылуға тиiс.

      Бұл ретте төменде келтірілген тәсілдердің бірімен жолданған хабарлама мынадай жағдайларда:

      1) пошта арқылы хабарламасы бар тапсырыс хатпен жiберiлгенде - төлеушiнiң поштаның немесе өзге де байланыс ұйымының хабарламасына белгi қойған күнінен бастап;

      2) электрондық тәсiлмен жiберiлгенде - веб-қосымшада хабарлама жеткізілген күннен бастап төлеушіге берілген болып саналады. Бұл тәсiл Қазақстан Республикасының салық заңнамасында белгіленген тәртіппен электрондық салық төлеушi ретiнде тiркелген төлеушiге қолданылады.

      2. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаны пошта немесе өзге де байланыс ұйымы қайтарған жағдайда осы Кодекстің 116-бабының 6-тармағында белгіленген тәртіппен зерттеп-тексеру актісі жасалған күн осындай хабарламаны берген күн болып табылады.

      3. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаға шағымдану Қазақстан Республикасының заңнамасында көзделген жағдайларды қоспағанда, осы Кодекстің 116-бабының 3-тармағында көзделген шараларды жүзеге асыруды тоқтата тұрмайды.


      119-бап. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өндіріп алуды жүзеге асыратын кеден органы

      1. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті осы баптың 2 және 3-тармақтарында көзделген жағдайларды қоспағанда, тауарларды шығару жүргізілген кеден органы өндіріп алады.

      Еуразиялық экономикалық одақтың кедендік шекарасы арқылы заңсыз өткізілген тауарларға қатысты, Еуразиялық экономикалық одақтың кедендік шекарасы арқылы дұрыс емес кедендік декларациялаумен өткізілген тауарларды қоспағанда, кедендік баждарды, салықтарды аумағында Еуразиялық экономикалық одақтың кедендік шекарасы арқылы тауарларды осындай заңсыз өткізу фактісі анықталған Еуразиялық экономикалық одаққа мүше мемлекеттің кеден органы өндіріп алады.

      Осы Кодекстің 157-бабының 4-тармағында, 163-бабының 3-тармағында, 174-бабының 4-тармағында, 362-бабының 8-тармағында, 363-бабының 4-тармағында және 371-бабының 4-тармағында көрсетілген мән-жайлар туындаған кезде кедендік баждарды, салықтарды аумағында осындай мән-жайлар анықталған Еуразиялық экономикалық одаққа мүше мемлекеттің кеден органы өндіріп алады.

      2. Осы Кодекстің 94-бабы 2-тармағының екінші абзацында және 3-тармағында көрсетілген жағдайларда кедендік баждарды, салықтарды, егер осы баптың 3-тармағында өзгеше белгіленбесе, осы Кодекстің 94-бабы 2-тармағының екінші абзацына және 3-тармағына сәйкес кедендік баждарды, салықтарды төлеуге жататын Еуразиялық экономикалық одаққа мүше мемлекеттің кеден органы өндіріп алады.

      3. Егер кедендік транзит кедендік рәсімге сәйкес тауарларды тасыған (тасымалдаған) кездегі жағдайларда кедендік баждарды, салықтарды төлеу жөніндегі міндеттерді орындауды қамтамасыз ету берілсе, онда осы Кодекстің 233-бабының 5-тармағында және 392-бабының 3-тармағында көзделген мән-жайлар басталған кезде төленбеген кедендік баждарды, салықтарды осындай қамтамасыз ету есебінен кедендік баждарды, салықтарды төлеу жөніндегі міндеттерді орындауды қамтамасыз ету берілген кеден органы өндіріп алады.

      Егер кедендік транзит кедендік рәсімге сәйкес тауарларды тасымалдаған (тасыған) кезде осындай тауарлардың декларанты ретінде уәкілетті экономикалық оператор немесе кедендік тасымалдаушы әрекет етсе, онда осы Кодекстің 233-бабының 5-тармағында және 392-бабының 3-тармағында көзделген мән-жайлар басталған кезде төленбеген кедендік баждарды, салықтарды кедендік транзит кедендік рәсімге орналастырылған тауарлардың декларанты әрекет етсе, уәкілетті экономикалық операторлар тізбесіне не кедендік тасымалдаушы тізбесіне кіретін кеден органы өндіріп алады.

      4. Арнайы, демпингке қарсы, өтем баждарды осы тармақта көзделген ерекшеліктерді ескере отырып, осы бапқа сәйкес кедендік баждарды, салықтарды өндіріп алуды жүзеге асыратын кеден органы өндіріп алады.

      Егер кедендік транзит кедендік рәсімге сәйкес тауарларды тасыған (тасымалдаған) кездегі жағдайларда арнайы, демпингке қарсы, өтем баждарын төлеу жөніндегі міндеттерді орындауды қамтамасыз ету берілсе, онда осы Кодекстің 233-бабының 5-тармағында көзделген мән-жайлар басталған кезде төленбеген арнайы, демпингке қарсы, өтем баждарын кеден органына арнайы, демпингке қарсы, өтем баждарын осындай қамтамасыз ету есебінен төлеу жөніндегі міндеттерді орындауды қамтамасыз ету берілген Еуразиялық экономикалық одаққа мүше мемлекеттің кедендік реттеу туралы заңнамасына сәйкес айқындалатын кеден органы өндіріп алады.

      Осы Кодекстің 233-бабының 5-тармағында көрсетілген мән-жайлар басталған кезде төленбеген арнайы, демпингке қарсы, өтем баждар, Еуразиялық экономикалық одаққа мүше мемлекеттің кедендік реттеу туралы заңнамасында айқындалатын кеден органы, егер орындалуы қамтамасыз етілген кедендік баждарды, салықтарды төлеу жөніндегі міндет толық көлемде орындалса, осындай қамтамасыз ету берілген кеден органына кедендік баждарды, салықтарды төлеу жөніндегі міндеттерді орындауды қамтамасыз ету есебінен де өндіріп алады.

      Егер кедендік транзит кедендік рәсімге сәйкес тауарларды тасымалдаған (тасыған) кезде осындай тауарлардың декларанты ретінде уәкілетті экономикалық оператор немесе кедендік тасымалдаушы әрекет етсе, онда осы Кодекстің 233-бабының 5-тармағында көрсетілген мән-жайлар басталған кезде төленбеген арнайы, демпингке қарсы, өтем баждарды Еуразиялық экономикалық одаққа мүше мемлекеттің кедендік реттеу туралы заңнамасында айқындалатын тұлғасы кедендік транзит кедендік рәсіміне орналастырылған тауарлардың декларанты болып әрекет етсе, уәкілетті экономикалық операторлар тізбесіне не кедендік тасымалдаушылар тізбесіне енгізілген кеден органы өндіріп алады.

      Кеден органдарының арнайы, демпингке қарсы, өтем баждарды осы тармақтың екінші – төртінші абзацтарына сәйкес өндірген кездегі және арнайы, демпингке қарсы, өтем баждардың өндіріп алынған сомаларын арнайы, демпингке қарсы, өтем баждар төлеуге жататын мүше мемлекетке аударған кездегі өзара іс-қимылы Еуразиялық экономикалық одақтың Кеден кодексіне 1-қосымшада көзделген тәртіппен, ал көрсетілген қосымшамен реттелмейтін бөлігінде – Комиссия айқындаған тәртіппен жүзеге асырылады.

      5. Осы баптың 3-тармағына сәйкес кеден органдарының кедендік баждарды, салықтарды өндіріп алған кезде және кедендік баждардың, салықтардың өндіріп алынған сомаларын кедендік баждарды, салықтарды төлеуге жататын Еуразиялық экономикалық одаққа мүше мемлекетке аударған кезде өзара іс-қимылы Еуразиялық экономикалық одақтың Кеден кодексіне 1-қосымшада көзделген тәртіпте, ал Еуразиялық экономикалық одақтың Кеден кодексімен реттелмейтін бөлігінде – Комиссия айқындайтын тәртіпте жүзеге асырылады.


      120-бап. Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу тәртібі

      Кеден төлемдері, салықтар арнайы, демпингке қарсы, өтем баждары, өсімпұлдар, пайыздар бойынша берешекті өтеу мынадай кезектілікте жүргізіледі:

      1) кеден төлемдері, салықтар арнайы, демпингке қарсы, өтем баждары, пайыздар сомасы;

      2) өсімпұлдар.


      121-бап. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомаларын өндіріп алуды және есептен шығаруды үмітсіз деп тану

      1. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомаларын өндіріп алу мүмкін емес болғандықтан, мынадай негіздемелердің бірі:

      1) ұйымды Қазақстан Республикасының заңнамасына сәйкес тарату;

      2) банкрот деп тану;

      3) жеке тұлғаның қайтыс болуы немесе соттың қайтыс болды деп жариялауы өндіріп алу үмітсіз деп танылады.

      2. Осы баптың 1-тармағында көрссетілген берешектің сомасы уәкілетті органы белгілеген тәртіпте есептен шығаруға жатады.


      122-бап. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті аванстық төлемдердің, артық төленген кеден төлемдерінің, салықтардың, арнайы, демпингке қарсы, өтем баждарының, өсімпұлдардың, пайыздардың сомалары есебінен, кедендік баждарды, салықтарды төлеу жөніндегі міндеттерін орындауды қамтамасыз ету есебінен өндіріп алу

      1. Кеден органы кеден төлемдері, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті өтеу туралы хабарламаны төлеушіге табыс еткен күннен кейінгі бес жұмыс күні өткеннен кейін көрсетілген берешекті аванстық төлемдердің, артық төленген кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың сомалары есебінен, не кеден төлемдері, салықтарды, арнайы, демпингке қарсы, өтемдік баждарын төлеу жөніндегі міндеттерін орындауды қамтамасыз ету есебінен өндіріп алады.

      Бұл ретте кеден төлемдері, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті кеден төлемдері және (немесе) салықтың өзге түрі бойынша кеден төлемдерінің және (немесе) салықтардың артық төленген сомалары есебінен кеден органы осы Кодекстің 11-тарауына және 141-бабына сәйкес есепке жатқызу жолымен өндіріп алады.

      2. Осы бапқа сәйкес кеден төлемдері, салықтар, арнайы, демпингке қарсы, өтем баждары, өсімпұлдар, пайыздар төлемдер мен салықтар бойынша берешектің өндіріп алынған сомасы туралы кеден органы оларды өндіріп алған күннен бастап екі жұмыс күні ішінде төлеушіге жазбаша хабарлайды.

2-параграф. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз ету тәсілдері

      123 -бап. Жалпы ережелер

      1. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу мынадай тәсілдермен қамтамасыз етіледі:

      1) кеден төлемдерінің, салықтардың, арнайы, демпингке қарсы, өтем баждарының мерзімінде төленбеген сомасына өсімпұлды есептеумен;

      2) төлеушінің банктік шоттары бойынша (корреспонденттiк шоттарын қоспағанда) шығыс операцияларын тоқтата тұру;

      3) төлеушінің кассасы бойынша шығыс операцияларын тоқтата тұру;

      4) төлеушінің мүлікке билік етуін шектеу.

      2. Заңды тұлғаның құрылымдық бөлімшесі кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы оған хабарламаны табыс еткен күннен кейін отыз жұмыс күні ішінде өтемеген жағдайда, кеден органы осы құрылымдық бөлімшені құрған заңды тұлғаға осы баптың 1-тармағының 2), 3) және 4) тармақшаларында көрсетілген кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдерін қолданады.

      Заңды тұлғаның құрылымдық бөлімшесі, оған осы баптың тармағының бірінші бөлігінде көрсетілген кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеудің тәсілдері қолданылғаннан кейін кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтемеген жағдайда, заңды тұлғада біреуден артық құрылымдық бөлімшесі бар болған кезде, кеден органы осындай заңды тұлғаның барлық құрылымдық бөлімшелеріне бір мезгілде осы баптың 1-тармағының 2), 3) және 4) тармақшаларында көрсетілген, кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдерін қолданады.

      Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті заңды тұлға кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы оған хабарламаны табыс еткеннен кейін отыз жұмыс күні ішінде өтемеген жағдайда, кеден органы осы құрылымдық бөлімшені құрған заңды тұлғаға осы баптың 1-тармағының 2), 3) және 4) тармақшаларында көрсетілген, бюджетке кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдерін заңды тұлғаның құрылымдық бөлімшелеріне қолданады.

      3. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдері төлеушіге осы тарауда көзделген мерзiмдерде қолданады.

      4. Егер осы тарауда өзгеше белгіленбесе, кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдері мынадай жағдайларда:

      1) банкрот деп тану - төлеушіні банкрот деп тану туралы соттың шешімі заңды күшіне енген күннен бастап;

      2) оңалту рәсімін қолдану - оңалту жоспарын бекіту туралы соттың ұйғарымы заңды күшіне енген күннен бастап;

      3) төлем қабілетсіздігін реттеу туралы келісімді соттың бекітуі - осындай келісімді бекіту туралы соттың ұйғарымы заңды күшіне енген күннен бастап қолданылмайды.

      Бұл ретте осы тармақтың бірінші бөлігінің 1), 2) және 3) тармақшаларында айқындалған жағдайларда, төлем қабілетсіздігін реттеу рәсімі қолданылғаннан кейін туындаған, Қазақстан Республикасының оңалту және банкроттық туралы заңнамасында белгіленген тәртіппен кредиторлар талаптарының тізіліміне енгізілмеген кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомалары бойынша осы тараудың ережелеріне сәйкес кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдері қолданылады;

      4) мәжбүрлеп тарату туралы соттың шешімі заңды күшіне енген күннен бастап - банктерді, сақтандыру (қайта сақтандыру) ұйымдары мәжбүрлеп таратылған жағдайда қолданылмайды.  


      124-бап. Кеден төлемдерінің, салықтардың, арнайы, демпингке қарсы, өтем баждарының мерзiмiнде төленбеген сомасына өсiмпұл

      1. Кеден төлемдері, салықтардың, арнайы, демпингке қарсы, өтем баждарының сомасын мерзiмiнде төлемеген, сондай-ақ кеден төлемдері, салықтар, арнайы, демпингке қарсы, өтем баждары бойынша берешек туындаған жағдайда өсiмпұл төленеді. Осы баптың 2-тармағында белгiленген кеден төлемдерінің, салықтардың, арнайы, демпингке қарсы, өтем баждарының мерзiмiнде төленбеген сомасына, сондай-ақ кеден төлемдері, салықтар, арнайы, демпингке қарсы, өтем баждары бойынша берешекке есептелетін мөлшер өсiмпұл болып танылады.

      2. Егер осы бапта өзгеше белгіленбесе, кеден төлемдері, салықтарды, арнайы, демпингке қарсы, өтем баждарын төлеу мерзімінің аяқталған күнінен кейінгі күннен бастап, кедендік төлемдердiң, салықтардың, арнайы, демпингке қарсы, өтем баждарының мерзімі өткен әрбір күні үшін төлеу күнін қоса алғанда, Қазақстан Республикасының Ұлттық Банкі белгілеген қайта қаржыландырудың ресми мөлшерлемесінің 1,25 еселенген мөлшерінде өсiмпұл есептеледі.

      Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеуді қамтамасыз етудің тәсілдерін және кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті мәжбүрлеп өндіріп алу шараларын, сондай-ақ Қазақстан Республикасының заңдарында көзделген өзге де жауаптылық шараларын қолдануға қарамастан өсiмпұл есептеледі және төленедi.

      3. Тексеру нәтижелері туралы хабарламаны, бұзушылықтарды жою туралы хабарламаны және (немесе) кеден төлемдерінің, салықтардың, арнайы, демпингке қарсы, өтем баждарының, өсімпұлдардың, пайыздардың мерзiмiнде төлемеген сомалары туралы хабарламаларды шығарған күннен, жоғарыда аталған хабарламаларда көрсетілген орындау мерзімі шегінде толықтай өтегенге дейін кеден төлемдерінің, салықтардың, арнайы, демпингке қарсы, өтем баждарының, өсімпұлдардың, пайыздардың төленбеген сомасына өсiмпұл есептелмейді.

      3-1. Тексеру нәтижелері туралы хабарламаға, камералдық кедендік тексеру нәтижелері бойынша бұзушылықты жою туралы хабарламаға, белгіленген мерзімде кедендік баждардың, салықтардың, кедендік алымдардың, арнайы, демпингке қарсы, өтем баждарының, өмімпұлдардың, пайыздардың төленбеген сомалары туралы хабарламаға шағым келтірілген жағдайда, егер осындай кеден органы не жоғары тұрған кеден органы кейін күшін жойған және кері қайтарып алған, алдын ала алынған кеден органының жеке жазбаша түсіндірмесіне сәйкес тауарларды кедендік декларациялау жүзеге асырылған жағдайда кедендік баждар, салықтар, арнайы, демпингке қарсы, өтем баждары бойынша берешектер сомасына өсімпұл есептелмейді.

      Егер кеден органы мәлімдеушінің алдын ала жеке жазбаша түсіндірмені алуы үшін кеден органына сәйкесіз және (немесе) толық емес мәліметтер бар құжаттарды, жалған құжаттарды не сәйкесіз және (немесе) толық емес мәліметтерді табыс еткенін анықтаған жағдайда осы тармақтың бірінші абзацының ережелері қолданылмайды.

      Тауарлардың жекелеген түрлерін сыныптау туралы қабылданған шешімдеріне мен түсіндірулеріне, алдын ала сыныптау туралы шешіміне, Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрінде өткізілетін тауарларды сыныптау туралы шешімдеріне, тауарлардың шығарылған жері туралы алдын ала шешімдерге, әкелінетін тауарлардың кедендік құнын айқындау әдістерін қолдану мәселелері бойынша алдын ала шешімдерге қатысты осы тармақтың бірінші абзацының ережелері қолданылмайды.

      4. Банкрот деп танылған төлеушіде кеден төлемдері, салықтар, арнайы, демпингке қарсы, өтем баждары бойынша пайда болған берешек сомасына сот шешім қабылдаған күннен бастап не оған қатысты мәжбүрлеп тарату туралы шешім қабылданған, не оңалту рәсімін қолдану туралы ұйғарым қабылданғанда, осындай шешім немесе ұйғарым күшіне енген күннен бастап өсiмпұл есептелмейді.

      5. Жеке тұлғаны хабарсыз жоғалып кеткен деп тану туралы соттың шешімі күшіне енген күннен бастап осы шешімнің күші жойылған күнге дейін кеден төлемдері, салықтар, арнайы, демпингке қарсы, өтем баждары бойынша берешек сомасына өсiмпұл есептелмейді.

      6.  Өсімпұл өсімпұлдарға, пайыздарға есептелмейді.

      7. Артық төленген кеден төлемдерінің, салықтардың, арнайы, демпингке қарсы, өтем баждарының сомасына есепке жатқызуды жүргізу жолымен өтелген кеден төлемдері, салықтар, арнайы, демпингке қарсы, өтем баждары бойынша берешек сомасына есепке жатқызуды жүргізуге арналған төлем құжатының күнінен бастап өсiмпұл есептелмейді.

      8. Кеден төлемдерінің, салықтардың, арнайы, демпингке қарсы, өтем баждарының сомаларын бюджетке аударған кезде өсiмпұл:

      1) банктердің немесе банк операцияларының жекелеген түрлерін жүзеге асыратын ұйымдар төлеушінің банк шотынан ақшаны есептен шығарған күннен;

      2) төлеуші банкоматтар немесе өзге де электронды құрылғылар арқылы төлемді жүзеге асырған күннен бастап;

      3) төлеуші қолма-қол ақшаны банкке немесе банк операцияларының жекелеген түрлерін жүзеге асыратын ұйымға енгізген күннен бастап есептелмейді.

      9. Төлеушінің дербес шотында артық төленген сома пайда болуының негізінде, төлеушінің дербес шотындағы кеден төлемдерінің, салықтардың, арнайы, демпингке қарсы, өтем баждарының осы түрі бойынша кеден төлемдері, салықтардың, арнайы, демпингке қарсы, өтем баждарының, кеден төлемдерінің, салықтардың, арнайы, демпингке қарсы, өтем баждарының артық төленген сомасына белгіленген мерзімінде төленбеген кеден төлемдері, салықтар, арнайы, демпингке қарсы, өтем баждарының сомасына төлем құжатының күнінен бастап есептелмейді.


      125-бап. Төлеушінің банк шоттары бойынша шығыс операцияларын тоқтата тұру

      1. Төлеуші кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтемеген жағдайда кеден органы кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаны табыс еткен күннен кейінгі он жұмыс күні өткеннен кейін төлеушінің банк шоттары бойынша шығыс операцияларын тоқтата тұру туралы кеден органының өкімін шығарады.

      2. Банк шоттары бойынша шығыс операцияларын тоқтата тұру мыналардан:

      1) төлеушінің кеден төлемдері, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті дербес өтеуі жөніндегі операциялардан;

      2) ақшаны:

      адам өмірі мен денсаулығына келтірілген зиянды өтеу туралы талаптарды, сондай-ақ алименттерді өндіріп алу жөніндегі талаптарды қанағаттандыруды көздейтін атқару құжаттары бойынша;

      еңбек шарты бойынша жұмыс істейтін адамдарға жұмыстан шығу жәрдемақыларын төлеу және еңбегіне ақы төлеу, авторлық шарт бойынша сыйақылар төлеу, клиенттің міндетті зейнетақы жарналарын, міндетті кәсіптік зейнетақы жарналарын бірыңғай жинақтаушы зейнетақы қорына аудару жөніндегі міндеттемелері және әлеуметтік аударымдарды Мемлекеттік әлеуметтік сақтандыру қорына төлеу бойынша есеп айырысулар үшін ақшаны алып қоюды көздейтін атқару құжаттары бойынша;

      кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша өтеу бойынша, сондай-ақ мемлекет кірісіне өндіріп алу туралы атқару құжаттары бойынша алып қою жағдайларынан басқа, кеден төлемдері мен салықтар бойынша берешек сомасы шегінде төлеушінің барлық шығыс операцияларына қолданылады.

      Банк шоттары бойынша шығыс операцияларын тоқтата тұру туралы өкім уәкілетті мемлекеттік органдардың немесе лауазымды адамдардың тыйым салу туралы шешімдерінің негізінде тыйым салынған ақша сомасына қолданылмайды.

      3. Төлеушінің банк шоттары бойынша шығыс операцияларын тоқтата тұру туралы өкім кеден ісі саласындағы уәкілетті орган Қазақстан Республикасының Ұлттық Банкімен келісім бойынша бекіткен нысан шығарылады және оны банк немесе банк операцияларының жекелеген түрлерін жүзеге асыратын ұйым алған күннен бастап күшіне енеді.

      Кеден органы мұндай өкімді банктерге немесе банк операцияларының жекелеген түрлерін жүзеге асыратын ұйымдарға қағаз жеткізгіште немесе телекоммуникациялар желісі бойынша беру арқылы электрондық нысанда жібереді. Төлеушінің банк шоттары бойынша шығыс операцияларын тоқтата тұру туралы кеден органының өкімі электрондық нысанда жіберілген кезде, мұндай өкім Қазақстан Республикасының Ұлттық Банкімен келісілген пішімде қалыптастырылады.

      4. Төлеушінің банк шоттары бойынша шығыс операцияларын тоқтата тұру туралы өкімді банктердің немесе банк операцияларының жекелеген түрлерін жүзеге асыратын ұйымдар бұлжытпай орындауға тиіс.

      5. Төлеушінің банк шоттары бойынша шығыс операцияларын тоқтата тұру туралы өкімнің күшін банк шоттары бойынша шығыс операцияларын тоқтата тұрудың себебі жойылған күннен кейінгі бір жұмыс күнінен кешіктірмей осындай өкімді шығарған кеден органы жояды.


      126-бап. Төлеушінің кассасы бойынша шығыс операцияларын тоқтата тұру

      1. Төлеуші кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтемеген жағдайда кеден органы кедендік төлемдер, салықтар, арнайы, демпингке қарсы, өтемдік баждары, өсімпұлдар, пайыздар бойынша берешекті өтеу туралы хабарлама берілген күннен кейінгі он жұмыс күні өткеннен кейін төлеушінің кассасы бойынша шығыс операцияларын тоқтата тұруды жүргізеді.

      Төлеушінің кассасы бойынша шығыс операцияларын тоқтата тұру, банкке немесе банк операцияларының жекелеген түрлерін жүзеге асыратын ұйымға кейіннен оларды кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті, өсімпұлдарды өтеу есебіне аудару үшін ақша тапсыру бойынша операциялардан басқа, кассадағы қолма-қол ақшалардың барлық шығыс операцияларына қолданылады.

      Төлеушінің кассасы бойынша шығыс операцияларын тоқтата тұру туралы өкім кеден ісі саласындағы уәкілетті орган белгілеген нысан бойынша екі дана етіп жасалады, оның бір данасы төлеушіге қол қойғызып немесе жіберу мен алу фактiсiн растайтын өзге де тәсiлмен тапсырылады.

      2. Төлеушінің кассасы бойынша шығыс операцияларын тоқтата тұру туралы өкімді пошта немесе өзге де байланыс ұйымы қайтарған жағдайда осы Кодекстің 116-бабы 3-тармағында белгіленген тәртіппен зерттеп-қарау актісі жасалған күн осындай өкімді берген күн болып табылады.

      3. Кеден органының касса бойынша шығыс операцияларын тоқтата тұру туралы өкімін төлеуші бұлжытпай орындауға тиiс.

      4. Төлеуші осы баптың талаптарын бұзғаны үшін Қазақстан Республикасының заңдарында белгіленген жауаптылықта болады.

      5. Кеден органы төлеушінің кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтегеннен кейін бір жұмыс күнінен кешіктірмей кеден органының касса бойынша шығыс операцияларын тоқтата тұру туралы өкімінің күшін жояды.


      127-бап. Төлеушінің мүлікке билік етуін шектеу

      1. Осы баптың 2-тармағында көрсетілген шешімнің негізінде төлеушінің мүлкіне билік етуіне шектеу мынадай:

      1) кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарламаны алған күннен кейінгі он бес жұмыс күнi өткен соң – кедендік төлемдер, салықтар, арнайы, демпингке қарсы, өтемдік баждары бойынша берешектер, өсімпұлдар өтелмеген;

      2) тексеру нәтижелері бойынша төлеушіге кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша сомалар есепке жазылған жағдайларда қойылады.

      Бұл ретте осы тармақшада көрсетілген жағдайда шектеу кеден органы тексеру нәтижелері туралы хабарламаны төлеушіге табыс еткен күннен бастап он жұмыс күнінен кешіктірмей шектеу қояды.

      2. Төлеушінің мүлкіне билік етуін шектеу туралы шешімді уәкілетті орган Қазақстан Республикасының кеден заңнамасында белгіленген нысан бойынша кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомасына шығарады.

      3. Төлеушінің мүлкіне билік етуін шектеу туралы шешім меншік немесе шаруашылық жүргізу құқығындағы, сондай-ақ аталған төлеушінің балансында тұрған мүлікке қатысты шығарылады.

      Билік етуге шектеуге:

      тыныс-тіршілікті қамтамасыз ету объектілері;

      электр, жылу және өзге де энергия түрлері;

      сақтау және (немесе) жарамдылық мерзімі бір жылдан аспайтын тамақ өнімдері немесе шикізат жатпайды.

      Төлеушінің билік етуі шектелген, қаржы лизингіне берілген (алынған) не кепілге қойылған мүлкін кеден органының лизинг және (немесе) кепіл шартының қолданылуы тоқтағанға дейін алып қоюына тыйым салынады.

      Төлеушіге:

      кеден органы мүлікке билік етуіне шектеу қойған күннен бастап және оны алып тастағанға дейін төлеушінің шарт талаптарын (шарттың қолданылу мерзімін ұзарту, қосалқы лизинг және (немесе) қайта кепілдендіру) өзгертуіне;

      қаржы лизингі мен кепілді қоса алғанда, төлеушінің жалға берілген мүлкіне билік етуін шектеу туралы шешім шығарылған кезде осы мүлікке қатысты кеден органы шешім шығарған кезден бастап және ол жойылғанға дейін жалға алушы мен кепілді ұстаушыға мұндай мүлікке меншік құқығын беруге тыйым салынады.

      4. Егер мүлікке билік етуді шектеу туралы шешім оған құқық немесе ол бойынша мәміле мемлекеттік тіркеуге жататын мүлікке не мемлекеттік тіркеуге жататын мүлікке қатысты қабылданған жағдайда, кеден органы мүлікке билік етуді шектеу туралы шешімді төлеушіге табыс еткен күннен бастап бес жұмыс күнінен кешіктірмей мүлікке билік етуді шектеу туралы шешімнің көшірмесін мүлікке құқық ауыртпалығын тіркеу үшін уәкілетті мемлекеттік органдарға жібереді.

      Кеден органы мұндай шешімді қағаз жеткізгіште немесе телекоммуникациялар желісі бойынша беру арқылы электрондық нысанда уәкілетті мемлекеттік органдарға жібереді.

      5. Осы баптың 2-тармағында көрсетілген шешім төлеушіге тапсырылған күннен бастап он жұмыс күні өткеннен кейін кеден органы төлеушіге мүлікке иелік ету, пайдалану және билік ету шарттарын бұзғаны үшін жауапкершілік туралы ескерте отырып, уәкілетті мемлекеттік органдарға белгіленген нысан бойынша мүлік тізімдемесінің актісін жасау арқылы төлеушінің қатысуымен, билік етуі шектелген мүлікке тізімдеме жүргізеді.

      Төлеушіде мүлікке меншік құқығы, оған немесе ол бойынша мәміле мемлекеттік тіркеуге жататын не мемлекеттік тіркеуге жататын мүлікке құқығы бар болған кезде, бірінше кезекте осындай мүлікке тізімдеме жасалады.

      Билік етуі шектелген мүліктің тізімдемесі төлеушінің бухгалтерлік есеп деректерінің негізінде айқындалатын баланстық құны немесе нарықтық құны мүлік тізімдемесінің актісінде көрсетіле отырып жүргізіледі. Қазақстан Республикасының бағалау қызметі туралы заңнамасына сәйкес жүргізілген бағалау туралы есепте айқындалған құн нарықтық құн болып табылады.

      6. Төлеуші билік етуі шектелген мүлік тізімдемесінің актісін жасау кезінде кеден органының лауазымды адамдарына танысу үшін осындай мүлікке меншік және (немесе) шаруашылық жүргізу құқығын, балансын растайтын құжаттардың түпнұсқасын немесе нотариат куәландырған көшірмелерін беруге міндетті. Осы тармақта көрсетілген құжаттардың көшірмелері билік етуі шектелген мүлік тізімдемесінің актісіне қоса беріледі.

      Төлеуші осы тармақта көрсетілген құжаттарды табыс етпеген жағдайда, осы баптың 2-тармағында көрсетілген шешімді шығарған кеден органы уәкілетті мемлекеттік органдарға осындай төлеушінің меншік және (немесе) шаруашылық жүргізу құқығында осы баптың 4-тармағында көрсетілген мүліктің бар немесе жоқ болу фактісін растау туралы сұрау салу жібереді. Уәкілетті мемлекеттік органдардың осы тармақта көрсетілген сұрау салуға жауаптарының көшірмелері билік етуі шектелген мүлік тізімдемесінің актісіне қоса беріледі.

      Билік етуі шектелген мүлік тізімдемесінің актісі екі данада жасалады және оған оны жасаған тұлға, сондай-ақ төлеуші және (немесе) оның лауазымды тұлғасы қол қояды. Бұл ретте осындай актінің бір данасы осы баптың 9-тармағында белгіленген тәртіппен төлеушіге табыс етіледі.

      7. Төлеуші Қазақстан Республикасының заңнамасына сәйкес билік етуі шектелген мүліктің шектеу алып тасталғанға дейін табиғи тозу салдарынан болған өзгерістерді және (немесе) қалыпты сақтау жағдайында табиғи кему салдарынан болған өзгерістерді қоспағанда, билік етуіндегі мүліктің өзгеріссіз жай-күйнің сақталуын қамтамасыз етуге міндетті. Бұл ретте төлеуші аталған мүлікке қатысты заңсыз әрекеттері үшін Қазақстан Республикасының заңдарына сәйкес жауапты болады.

      Осы талаптарды сақтамаған кезде төлеуші билік етуі шектелген мүлікті аукционға дайындау бойынша нақты шеккен шығындарды аукционды ұйымдастырушыға өтеуге міндетті.

      8. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешегі өтелмеген және екі аукцион өткізілгеннен кейін билік етуі шектелген мүлік өткізілмеген жағдайда, сондай-ақ мүліктің есептен шығып қалған жағдайында, Қазақстан Республикасының заңнамасында көзделген тәртіппен кеден органы тізімдеменің бастапқы актісін жою және жаңа мүлік тізімдемесінің актісі жасалған күнгі төлеушінің жеке шотында бар кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешегінің сомасы туралы деректерді ескере отырып, бастапқы жасалған тізімдеменің актісін бір мезгілде кері қайтарумен жаңа мүлік тізімдемесінің актісін жасау жолымен төлеушінің басқа мүлкіне тізімдеме жүргізуге құқылы.

      9. Кеден органы мүлікке билік етуді шектеу туралы шешімнің және мүлік тізімдемесі актісінің бір данасын төлеушіге қол қойғызып немесе хабарламасы бар тапсырыс хатпен пошта арқылы жібереді.

      10. Мүлікке билік етуді шектеу туралы шешімді және (немесе) мүлік тізімдемесінің актісін пошта немесе өзге де байланыс ұйымы қайтарған жағдайда осы Кодекстің 116-бабы 6-тармағында белгіленген тәртіппен зерттеу актісін жасаған күн осындай шешімді және (немесе) актіні тапсырған күн болып табылады.

      11. Кеден органы мынадай:

      1) төлеуші кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомаларын өтеген жағдайда - осындай берешекті, өсімпұлды, пайызды өтеген күннен бастап бір жұмыс күнінен кешіктірмей;

      2) төлеушінің шағымын қараған жоғары тұрған кеден органы шешім шығарған немесе шағым жасалған тексеру нәтижелері туралы хабарламаның күшін жоятын сот актісі заңды күшіне енген жағдайда - осындай шешім шыққан немесе осындай сот актісі күшіне енген күннен бастап бір жұмыс күнінен кешіктірмей, мүлiкке билiк етудi шектеу туралы шешiм мен осындай шешімнің негізінде жасалған мүлік тізімдемесі актісінің күшін жояды.

      12. Кеден органы осы баптың 4-тармағында көзделген жағдайларда, уәкілетті мемлекеттік органға:

      1) мүлікті түгендеу актісін жасаған күннен бастап осындай актінің көшірмесін қоса бере отырып, бес жұмыс күнінен кешіктірмей - түгендеу актісінде көрсетілмеген;

      2) мүлікке билік етуді шектеу туралы шешімнің күшін жою туралы шешім қабылданған күннен бастап осындай шешімнің көшірмесін қоса бере отырып, бес жұмыс күнінен кешіктірмей - осы баптың 11-тармағында көзделген жағдайларда күші жойылған билік етуді шектеу туралы шешімді;

      3) уәкілетті заңды тұлға өткізген оның ішінде салықтық бершекті - сатып алу-сату шартына қол қойған күннен бастап осындай шарттың көшірмесін қоса бере отырып бес жұмыс күнінен кешіктірмей;

      4) мүлікті өткізуді және түскен сомаларды бөлуді растайтын құжаттарды қоса бере отырып, сот орындаушылардың кеден органына жүгінген күнінен бастап бес жұмыс күнінен кешіктірмей - Қазақстан Республикасының Азаматтық кодексінде көзделген мүлікті өндіріп алуды қолдану кезектілігі және Атқарушылық iс жүргiзу және сот орындаушыларының мәртебесi туралы Қазақстан Республикасының заңнамасында көзделген мүлікті өткізуден түскен ақшаны бөлу тәртібі сақталған кезде сот актілерін орындау үшін көзделген тәртіпте атқарушылық iс жүргiзу органдары өткізген мүлікке құқықтардың ауыртпалығын тоқтату үшін телекоммуникация желісі бойынша беру арқылы қағаз тасығышта немесе электрондық нысанда хабарламаны жібереді.

3-параграф. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті мәжбүрлеп өндіріп алу шаралары

      128-бап. Берешекті мәжбүрлеп өндіріп алу шаралары

      1. Кеден органдары төлеушi - заңды тұлғаның, заңды тұлғаның құрылымдық бөлімшесінің, Қазақстан Республикасында қызметін тұрақты мекеме арқылы жүзеге асыратын бейрезиденттің кедендік төлемдер, салықтар, арнайы, демпингке қарсы, өтем баждары, өсімпұлдар, пайыздар бойынша берешектерін мәжбүрлеп өндіріп алу шараларын қолданады.

      2. Мәжбүрлеп өндіріп алу шаралары:

      1) банкроттық туралы іс бойынша іс жүргізуді қозғау – банкроттық туралы іс бойынша іс жүргізуді қозғау туралы сот ұйғарым шығарған күннен бастап;

      2) төлеушiге қатысты оңалту рәсімін қолдану – оңалту туралы іс бойынша іс жүргізуді қозғау туралы сот ұйғарым шығарған күннен бастап;

      3) банктерді, сақтандыру (қайта сақтандыру) ұйымдарын мәжбүрлеп тарату – соттың мәжбүрлеп тарату туралы шешімі заңды күшіне енген күнінен бастап;

      4) төлем қабілетсіздігін реттеу туралы келісімді соттың бекітуі – осындай келісімді бекіту туралы сот ұйғарымы заңды күшіне енген күннен бастап қолданылмайды.

      3. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті мәжбүрлеп өндіріп алу мынадай тәртіппен:

      1) банк шоттарындағы ақша есебінен;

      2) дебиторлар шоттарынан;

      3) билік етуі шектелген мүлікті өткізу есебінен жүргiзiледi.

      4. Заңды тұлғаның құрылымдық бөлімшесі оған кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарлама тапсырылғаннан кейін қырық жұмыс күні ішінде берешекті өтемеген жағдайда, осы құрылымдық бөлімшені құрған төлеушi заңды тұлғаға мәжбүрлеп өндіріп алу шараларын қолдану жолымен өндіріп алады.

      Заңды тұлғада біреуден көп құрылымдық бөлімше болған кезде заңды тұлғаға осы тармақтың бірінші бөлігінде көрсетілген тәртіппен мәжбүрлеп өндіріп алу шараларын қолданғаннан кейін оның құрылымдық бөлімшесінің берешектерді өтемеген жағдайда, кеден органы мұндай заңды тұлғаның барлық құрылымдық бөлімшелеріне бір мезгілде осы баптың 3-тармағының 1) тармақшасында көрсетілген мәжбүрлеп өндіріп алу шарасын қолданады.

      5. Заңды тұлға оған берешекті өтеу туралы хабарлама тапсырылғаннан кейін қырық жұмыс күні ішінде берешекті өтемеген жағдайда, кеден органы заңды тұлғаның төлеушi құрылымдық бөлімшелеріне мәжбүрлеп өндіріп алу шараларын қолдану жолымен кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомасын өндіріп алады.


      129-бап. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті банк шоттарындағы ақша есебінен өндіріп алу

      1. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өтеу туралы хабарлама табыс етілген күннен бастап жиырма жұмыс күні өткен соң салық берешегi сомалары төленбеген немесе толық төленбеген жағдайда, кеден органы кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерінiң сомасын банк шоттарынан мәжбүрлеу тәртiбiмен өндіріп алады.

      Осы тармақтың ережелері банк берген қарыздар бойынша қамтамасыз ету болып табылатын, көрсетілген қарыздың өтелмеген негізгі борышы мөлшеріндегі ақша сомасына, сондай-ақ Қазақстан Республикасының зейнетақымен қамсыздандыру, жобалық қаржыландыру және секьюритилендіру, банктер және банктік қызметі, сақтандыру қызметі, атқарушылық іс жүргізу және сот орындаушыларының мәртебесі, төлемдер және төлем жүйелері, міндетті әлеуметтік сақтандыру, инвестициялық қорлар туралы заңнамалық актілерге сәйкес өндіріп алуға жол берілмейтін банктік шоттарға қолданылмайды.

      2. Даусыз өндіріп алу туралы шешім қажетті ақшаны төлеушінің банктік шотынан есептен шығаруға және бюджетке аударуға кеден органының инкассолық өкімін төлеушінің шоты ашылған банкке немесе банк операцияларының жекелеген түрлерін жүзеге асыратын ұйымдарға жіберу нысанында қабылданады.

      Кеден органы инкассолық өкімді банктерге немесе банк операцияларының жекелеген түрлерін жүзеге асыратын ұйымдарға қағаз жеткізгіште немесе телекоммуникациялар желісі бойынша беру арқылы электрондық нысанда жібереді. Инкассолық өкім электрондық нысанда жіберілген кезде, мұндай инкассолық өкім Қазақстан Республикасының Ұлттық Банкімен келісілген пәшімде қалыптастырылады.

      3. Банк немесе банк операцияларының жекелеген түрлерін жүзеге асыратын ұйым төлеушiнің бір банк шотынан берешектің сомасын өндіріп алу туралы кеден органының инкассалық өкімін орындаған кезде банк немесе банк операцияларының жекелеген түрлерін жүзеге асыратын ұйым төлеушiнің аталған банкте немесе банк операцияларының жекелеген түрлерін жүзеге асыратын ұйымда ашқан басқа банк шоттарына кеден органы шығарған инкассалық өкімдерді, егер кеден органы төлеушінің көрсетілген банкте ашқан басқа банк шоттарына дәл осы сомаға және берешек түріне инкассолық өкім шығарған болса, банк кеден органының инкассолық шешімін орындау фактісін растайтын төлем құжатын қоса тіркей отырып, мұндай инкассолық шешімді орындамай, кеден органына қайтарады.

      4. Шоттардан даусыз тәртіппен кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өндіріп алу Қазақстан Республикасының ұлттық валютасымен және шетел валютасымен жүргізіледі. Шоттардан кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті шетел валютасымен өндіріп алу Қазақстан Республикасының салық заңнамасына сәйкес төлеушінің шотынан кеден төлемдері, салықтарды, арнайы, демпингке қарсы, өтем баждарын, өсімпұлдарды, пайыздар бойынша берешекті өндіріп алған күнгі нарықтық бағамы бойынша Қазақстан Республикасының ұлттық валютасында, кеден төлемдері, салықтарды, арнайы, демпингке қарсы, өтем баждарын, өсімпұлдардың, пайыздардың төленуге тиісті барабар сомада жүргізіледі.

      5. Кеден органының инкассолық өкімін орындауды банк немесе банк операцияларының жекелеген түрлерін жүзеге асыратын ұйым Қазақстан Республикасының заңнамасында белгіленген тәртіппен және мерзімде жүзеге асырады.


      130-бап. Төлеушiнің кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомаларын оның дебиторларының шоттарынан өндiрiп алу

      1. Төлеушiнің банк шоттарында ақшасы болмаған немесе жеткiлiксiз болған не оның банк шоттары болмаған жағдайда кеден органы жиналып қалған кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің шегiнде төлеушiге берешегi бар үшiншi бiр тұлғалардың (бұдан әрi - дебиторлардың) банк шоттарындағы ақшадан өндіріп алады.

      Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерін өтеу туралы хабарлама алған күннен бастап төлеушi он жұмыс күнiнен кешiктiрмей хабарлама жiберген кеден органына дебиторлық берешек сомасын көрсете отырып, дебиторлар тiзiмiн және олар болған жағдайда - дебиторлармен бірлесіп жасалған және дебиторлық берешек сомасын растайтын өзара есеп айырысуларды салыстырып-тексеру актілерін табыс етуге мiндеттi.

      Төлеушi кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерін өтемген жағдайда, дебиторлар тiзiмiнiң немесе өзара есеп айырысулардың салыстырып-тексеру актілері табыс етілмейді.

      Өзара есеп айырысуларды салыстырып тексеру актілері бар болған кезде кеден органы дебиторлар хабарламаны алған күннен бастап бес жұмыс күні өткеннен кейін дебиторлардың банктік шотына төлеушiнің кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешекті өндіріп алу туралы инкассолық өкімдер шығарады.

      Төлеушi дебиторлар тiзiмiн не дебиторлардың жоқ екендігі туралы мәліметтерді және (немесе) өзара есеп айырысулардың салыстырып-тексеру актілерін табыс етпеген жағдайда, кеден органы аталған төлеушiге тексеру жүргiзедi. Бұл ретте кеден органы сотта дау айтылатын дебиторлық берешек сомасын растауға құқылы емес.

      2. Ұсынылған дебиторлық берешек сомасын растайтын дебиторлар тiзiмiнiң негiзiнде кеден органы дебиторларға дебиторлық берешек сомасы шегiнде төлеушiнің кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектерін өтеу шотына олардың банк шоттарындағы ақшадан өндiрiп алуы туралы хабарлама жiбередi. Дебиторлардың банк шоттарындағы ақшадан өндiрiп алуы туралы хабарламаның нысанын уәкілетті орган белгілейді.

      Дебиторлар хабарламаны алған күннен бастап жиырма жұмыс күнiнен кешiктiрмей, хабарлама жiберушi кеден органына хабарлама алған күнге төлеушiмен бiрлесiп жасалған өзара есеп айырысудың салыстырып тексеру актiсiн табыс етуге мiндеттi.

      3. Төлеушi мен оның дебиторының арасындағы өзара есеп айырысуды салыстырып тексеру актiсiнде мынадай мәлiметтер болуға тиiс:

      1) төлеушi мен оның дебиторының атауы, олардың сәйкестендіру нөмiрлерi;

      2) төлеушi мен оның дебиторы тұрған жері бойынша тiркеу есебiнде тұрған кеден органының атауы;

      3) төлеушi мен оның дебиторының банк шоттарының деректемелерi;

      4) дебитордың төлеушiнің алдындағы берешек сомасы;

      5) заңды мекенжайы, мөрi (ол болған кезде), сондай-ақ төлеушiнің және оның дебиторының қолтаңбалары;

      6) салыстырып тексеру актiсiнiң жасалған күнi.

      4. Өзара есеп айырысуды салыстырып тексеру актісінің немесе дебиторлық берешек сомасын растайтын дебиторды салықтық тексеру актісінің негізінде кеден органы дебитордың банк шоттарына төлеушiнің кедендік төлемдер, салықтар, арнайы, демпингке қарсы, өтем баждары, өсімпұлдар, пайыздар бойынша берешектері сомасын өндіріп алу туралы инкассолық өкімдер шығарады.

      5. Төлеушi дебитордың банкi немесе банк операцияларының жекелеген түрлерiн жүзеге асыратын ұйымы осы Кодекстiң 129-бабында белгiленген талаптарға сәйкес төлеушiнің кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің сомаларын өндiрiп алу туралы кеден органы шығарған инкассолық өкiмдi орындауға мiндеттi.


      131-бап. Төлеушiнің билік етуі шектелген мүлкін өткізу есебінен кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектері есебіне өндіріп алу

      1. Егер төлеушiнің бухгалтерлік есеп деректерінің негізінде айқындалатын, мүлік тізімдемесі актісінде көрсетілген, билік ету шектелген мүліктің жалпы теңгерімдік құны, республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 6 еселенген мөлшерінен аз болатын жағдайларды қоспағанда, төлеушiнің банктік шоттарында және оның дебиторларының банктік шоттарында ақшасы болмаған немесе жеткiлiксiз болған не оның және (немесе) оның дебиторларының банктік шоттары болмаған жағдайларда кеден органы оның келісімісіз төлеушiнің билік ету шектелген мүлкін өндіріп алу туралы қаулы шығарады.

      2. Төлеушiнің билік етуі шектелген мүлкін өндіріп алу туралы қаулы уәкілетті орган белгілеген нысан бойынша екі данада жасалады, оның біреуі мүлікке билік етуін шектеу туралы шешімнің және мүлік тізімдемесі актісінің көшірмелерімен қоса уәкілетті заңды тұлғаға жіберіледі.


      132-бап. Төлеушiнің билік ету шектелген мүлкін кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектері есебіне өткізу тәртібі

      1. Төлеушiнің билік ету шектелген мүлкін өткізуді уәкілетті заңды тұлға жүзеге асырады.

      2. Төлеуші билік ету шектелген мүлкін кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектері есебіне өткізу тәртібін Қазақстан Республикасының Үкіметі белгілейді.


      133-бап. Төлеушiні банкрот деп тану

      1. Төлеуші, осы бапта көзделген барлық шараларды қабылдағаннан кейін кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектер сомасын өтемеген жағдайда, кеден органы Қазақстан Республикасының заңнамалық актілеріне сәйкес оны банкрот деп тану жөнінде шаралар қолдануға құқылы.

      2. Банкрот деп танылған төлеушiнi тарату тәртiбi Қазақстан Республикасының оңалту және банкроттық туралы заңнамасына сәйкес жүзеге асырылады.


      134-бап. Кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектері бар төлеушiлердің тізімін бұқаралық ақпарат құралдарында жариялау

      1. Кеден органдары кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектері туындаған күннен бастап төрт ай ішінде өтемеген төлеушiлердің тізімін бұқаралық ақпарат құралдарында жариялайды.

      Бұл ретте тізімдерде төлеушiнің тегі, аты, әкесінің аты (егер ол жеке басының куәлігінде көрсетілген болса) не төлеушінің атауы, төлеушінің сәйкестендіру нөмірі, төлеушi басшысының тегі, аты, әкесінің аты (егер ол жеке басының куәлігінде көрсетілген болса) және кеден төлемдері, салықтар, арнайы, демпингке қарсы, өтем баждары, өсімпұлдар, пайыздар бойынша берешектің жалпы сомасы көрсетіледі.

      2. Уәкілетті органның интернет-ресурсында орналастырылған төлеушiлер тізімі есепті тоқсаннан кейінгі айдың жиырмасы күнінен кешіктірмей тоқсан сайын жаңартылады.

13-тарау. Ішкі нарықты қорғау мақсатында қолданылатын арнайы, демпингке қарсы, өтем және өзге де баждар

      135-бап. Арнайы, демпингке қарсы, өтем және өзге де баждарды ішкі нарықты қорғау мақсатында қолдану

      1. Еуразиялық экономикалық одақта арнайы, демпингке қарсы, өтем баждары түрінде ішкі нарықты қорғау шаралары енгізілген кезде, мұндай баждар осы Кодексте белгіленген тәртіппен төленуге жатады.

      Квота енгізу арқылы арнайы қорғау шаралары белгіленген тауарлар осындай квотадан тыс не осындай квотадан артық көлемде әкелінген жағдайда, Еуразиялық экономикалық одақта ішкі нарықты қорғау шаралары енгізілген кезде арнайы баж осы Кодексте белгіленген тәртіппен төленуге жатады.

      Одақ туралы шарттың 50-бабына сәйкес Еуразиялық экономикалық одақта баж түрінде ішкі нарықты қорғау шаралары енгізілген кезде, мұндай баждар, егер Комиссия өзгеше айқындамаса, арнайы, демпингке қарсы, өтем баждары осы Кодекске сәйкес кедендік баждар, салықтар төлеуші болып табылатын тұлғалар төлеу үшін осы Кодексте көзделген жағдайларда және тәртіппен төленуге жатады.

      2. Арнайы, демпингке қарсы, өтем баждарын төлеушілер декларант немесе арнайы, демпингке қарсы немесе өтем баждарын, арнайы квота енгізу жолымен ішкі нарықты қорғау шарасын қолданылатын тауарларға қатысты арнайы, демпингке қарсы, өтем баждарын төлеу жөніндегі міндеті туындаған өзге де тұлғалар болып табылады.

      3. Арнайы, демпингке қарсы, өтем баждарын есептеу және төлеу, осы тарауда және Одақ туралы шартта көзделген ерекшеліктерін ескере отырып, кедендік әкелу баждарын есептеу және төлеу үшін осы тарауда белгіленген тәртіппен жүзеге асырылады.

      4. Осы тараудың ережелері Еуразиялық экономикалық одақтың кеден шекарасына әкелінген жеке пайдалануға арналған тауарларға қатысты қолданылмайды.


      136-бап. Арнайы, демпингке қарсы, өтем баждарын төлеу жөніндегі міндеттеменің туындауы және тоқтатылуы. арнайы, демпингке қарсы, өтем баждары төленбейтін жағдайлар

      1. Арнайы, демпингке қарсы, өтем баждарын төлеу жөніндегі міндет осы баптың 5-тармағына, осы Кодекстің 157, 163, 174, 216, 217, 233, 242, 254, 278, 288, 297, 306, 322, 328, 362, 367 және 378-баптарына сәйкес, сондай-ақ Кодекстің 337-бабына сәйкес Комиссия және Комиссияда көзделген жағдайларда Қазақстан Республикасының Үкіметі айқындаған мән-жайлар басталған кезде туындайды.

      2. Арнайы, демпингке қарсы, өтем баждарын төлеу жөніндегі міндеттер:

      1) осы Кодекстің 157, 163, 174, 216, 217, 233, 242, 254, 278, 288, 297, 306, 322, 328, 362, 367 және 378-баптарында көзделген мән-жайлар басталған және арнайы, демпингке қарсы, өтем баждарын төлеу жөніндегі міндеттемені тоқтатуға байланысты шарттар сақталған кезде;

      2) осы баптың 5-тармағына сәйкес;

      3) осы Кодекстің 337-бабына сәйкес Комиссия және Қазақстан Республикасының Үкіметі Комиссияда көзделген жағдайларда мүше мемлекеттердің заңнамасында айқындалған мән-жайлар басталған кезде;

      4) осы Кодекстің 137-бабының 9-тармағында көрсетілген жағдайларда;

      5) арнайы, демпингке қарсы, өтем баждарын өндіріп алу жөніндегі шаралар осы Кодекстің 116-бабының 10-тармағының 4) тармақшасына сәйкес мүше мемлекеттердің заңнамасына сәйкес өндіріп алуға үмітсіз деп танылған арнайы, демпингке қарсы, өтем баждары сомаларына қатысты қабылданбаған жағдайда тоқтатылады.

      3. Комиссия арнайы, демпингке қарсы, өтем баждарын төлеу жөніндегі міндет бір тауарға қатысты арнайы, демпингке қарсы, өтем баждарын төлеу жөніндегі міндет әртүрлі тұлғаларда, әртүрлі мән-жайларда және (немесе) бірнеше рет туындаған жағдайларда, оның ішінде арнайы, демпингке қарсы, өтем баждарын төлеу жөніндегі міндет Еуразиялық экономикалық одаққа мүше бір мемлекетте туындаған, ал арнайы, демпингке қарсы, өтем баждарын төлеу жөніндегі міндет Еуразиялық экономикалық одаққа мүше өзге мемлекетте туындаған мән-жайларда тоқтатылатын мән-жайларды айқындауға, сондай-ақ кеден органдарының осындай мән-жайлардың басталуын растау бойынша өзара іс-қимыл тәртібін айқындауға құқылы.

      4. Арнайы, демпингке қарсы, өтемк баждары:

      1) орналастыру шарттары арнайы, демпингке қарсы, өтем баждардын төлеуді көздемейтін, осындай кедендік рәсімнің қолданылуы аяқталғанға немесе тоқтатылғанға дейін және осы тауарлардың осындай кедендік рәсімге сәйкес пайдалану шарттары сақталған кезде, кедендік рәсімге орналастырылатын (орналастырылған) тауарларға қатысты;

      2) Осы Кодекстің 355-бабының 4-тармағына және 364-бабының 2-тармағына сәйкес кедендік рәсімге орналастыруға жатпайтын тауарлардың, осы Кодексте осы тауарлар санаттарына белгіленген пайдалану шарттарын сақтаған кезде, жекелеген тауарлар санатына қатысты төленбейді.

      5. Арнайы, демпингке қарсы, өтем баждарын Еуразиялық экономикалық одақтың кедендік шекарасы арқылы заңсыз өткізген кезде төлеу жөніндегі міндет кедендік әкелу баждарын төлеу жөніндегі міндеттеменің туындауы, тоқтатылуы мен орындалуы үшін, Еуразиялық экономикалық одақтың шеңберіндегі халықаралық шарттарда көзделген ерекшеліктер ескеріле отырып, осы Кодекстің 88-бабында белгіленген мән-жайлар басталған кезде туындайды, тоқтатылады және орындауға жатады.

      Еуразиялық экономикалық одақтың кедендік шекарасы арқылы тауарларды заңсыз өткізген кезде арнайы, демпингке қарсы, өтемдік баждар тауарларды ішкі тұтынуға шығару кедендік рәсіміне орналастырылған сияқты мөлшерде төлеуге жатады.

      Еуразиялық экономикалық одақтың кедендік шекарасы арқылы тауарларды заңсыз өткізген кезде арнайы, демпингке қарсы, өтем баждары Еуразиялық экономикалық одақтың шеңберіндегі халықаралық шарттарда көзделген ерекшеліктер ескеріле отырып, осы тарауға сәйкес есептеледі.

      Арнайы, демпингке қарсы, өтем баждарын есептеу үшін тауар Еуразиялық экономикалық одақтың кедендік шекарасын кесіп өткен күнге қолданылатын, ал егер ол күн анықталмаса – Еуразиялық экономикалық одақтың кедендік шекарасы арқылы тауарларды заңсыз өткізу фактісі анықталған күнге қолданылатын арнайы, демпингке қарсы, өтем баждарының мөлшерлемелері қолданылады.

      Егер тауардың кедендік құнын анықтау үшін, сондай-ақ арнайы, демпингке қарсы, өтем баждарын есептеу үшін шетел валютасын мүше мемлекеттің валютасына қайта есептеу талап етілген жағдайда, мұндай қайта есептеу тауардың Еуразиялық экономикалық одақтың кедендік шекарасын кесіп өткен күнге қолданылатын, ал егер бұл күн анықталмаса – Еуразиялық экономикалық одақтың кедендік шекарасы арқылы тауарларды заңсыз өткізу фактісі айқындалған күнге қолданылатын валюта бағамы бойынша жүргізіледі.

      Егер кеден органында тауар туралы дәл ақпарат (сипаты, атауы, саны, шығарылған жері және (немесе) кедендік құны) болмаса, төлеуге жататын арнайы, демпингке қарсы, өтем баждарын есептеуге арналған база кеден органындағы қолда бар мәліметтің негізінде айқындалады, ал тауарлар сыныптамасы осы Кодекстің 40-бабының 4-тармағының ережелері ескеріле отырып, жүзеге асырылады.

      Егер тауар коды Сыртқы экономикалық қызметтің тауар номенклатурасына сәйкес белгілер саны оннан кем топтама деңгейінде айқындалған жағдайда, арнайы, демпингке қарсы, өтемдік баждарды есептеу үшін осындай топтамаға кіретін тауарларға сәйкес келетін арнайы, демпингке қарсы, өтем баждарының ең үлкен мөлшерлемесі қолданылады.

      Арнайы, демпингке қарсы, өтем баждары осы Кодекстің 4-тарауына сәйкес расталған тауарлардың шығарылған жеріне және (немесе) көрсетілген баждарды анықтау үшін қажет өзге де мәліметтерге сүйене отырып, есептеледі. Егер тауардың шығарылған жері және (немесе) көрсетілген баждарды анықтауға өзге де мәліметтер расталмаған жағдайда, арнайы, демпингке қарсы, өтем баждары, егер тауар сыныптамасы он белгі деңгейінде жүзеге асырылса, Сыртқы экономикалық қызметтің тауар номенклатурасының сол кодындағы тауарларға не егер Сыртқы экономикалық қызметтің тауар номенклатурасына сәйкес тауар кодтары белгісінің саны оннан аз топтастыру деңгейінде анықталған топтамаға кіретін тауарларға қатысты белгіленген арнайы, демпингке қарсы, өтем баждарының ең үлкен мөлшерлемесіне сүйене отырып, есептеледі.

      Кейін тауарлар туралы дәл мәліметтер анықталған кезде арнайы, демпингке қарсы, өтем баждары осындай дәл мәліметтерге сүйене отырып есептеледі және осы Кодекстің 141-бабына сәйкес артық төленген және (немесе) артық өндіріліп алынған кедендік әкелу баждарын, салықтарды, арнайы, демпингке қарсы, өтем баждарын есепке жатқызу (қайтару) жүзеге асырылады, не осы Кодекстің 87-бабына сәйкес, не іс-қимыл осы Кодекстің 12-тарауына сәйкес төленбеген сомаларды өндіріп алу жүзеге асырылады.

      6. Осы мүше мемлекеттің заңнамасына сәйкес тауарлар тәркіленген немесе мүше мемлекеттің меншігіне айналдырылған, осы Кодекстің 52-тарауына сәйкес кеден органдары ұстап алған, уақытша сақтауға орналастырылған, арнайы, демпингке қарсы, өтем баждарын төлеу жөніндегі міндеттер орындалғаннан және (немесе) оларды өндіріп алғаннан (толық немесе ішінара) кейін тауарларды кедендік рәсімдерге орналастырған жағдайда, осы бапқа сәйкес төленген және (немесе) өндіріліп алынған арнайы, демпингке қарсы, өтем баждары осы Кодекстің 141-бабына сәйкес қайтаруға (есепке жатқызуға) жатады.

      7. Осы баптың 5-тармағының ережелері Еуразиялық экономикалық одақтың кедендік шекарасы арқылы тауарларды кедендік дұрыс декларацияламай заңсыз өткізген кезде қолданылмайды.

      Еуразиялық экономикалық одақтың кедендік шекарасы арқылы тауарларды кедендік дұрыс декларациялаусыз заңсыз өткізген кезде арнайы, демпингке қарсы, өтем баждары осы Кодекске сәйкес есептеледі. Бұл ретте тауарларды кедендік декларациялау кезінде іс жүзінде төленген арнайы, демпингке қарсы, өтем баждары қайтадан төленбейді (өндіріліп алынбайды), ал арнайы, демпингке қарсы, өтем баждарының артық төленген және (немесе) артық өндіріліп алынған сомалары осы Кодекске сәйкес қайтаруға (есепке жатқызуға) жатады.


      137-бап. Арнайы, демпингке қарсы, өтем баждарын төлеу жөніндегі міндеттемені орындау

      1. Арнайы, демпингке қарсы, өтем баждарын төлеу жөніндегі міндетті осы Кодекске сәйкес арнайы, демпингке қарсы, өтем баждарын төлеуші, төлеушімен бірге арнайы, демпингке қарсы, өтем баждарын төлеу жөніндегі ортақ міндет алатын тұлғалар орындайды.

      Арнайы, демпингке қарсы, өтем баждарын төлеу жөніндегі міндетті үшінші тұлға осы Кодекстің 94-бабы 11-тармағында белгіленген тәртіппен орындауы мүмкін.

      Арнайы, демпингке қарсы, өтем баждарын төлеу жөніндегі міндетті осы Кодекстің 494-бабын ескере отырып, кеден өкілі орындайды.

      2. Арнайы, демпингке қарсы, өтемдік баждарды төлеу жөніндегі міндетті оларды осы Кодекстің 138-бабында белгіленген тәртіппен және мерзімде, осы Кодекске сәйкес есептелген және төлеуге жататын сомалардың мөлшерінде төлеу жолымен орындалады.

      3. Осы Кодекстің 194-бабына сәйкес арнайы, демпингке қарсы, өтем баждарын төлеу жөніндегі міндетті орындау осы Кодекстің 10-тарауында көзделген арнайы, демпингке қарсы, өтем баждарын төлеу жөніндегі міндетті орындаған жағдайда, осы Кодекстің 194-бабында көзделгентәсілдермен қамтамасыз етіледі, кеден органы арнайы, демпингке қарсы, өтем баждарын төлеу жөніндегі міндеттемені орындау мерзімі басталғанға дейін бес жұмыс күнінен кешіктірмей төлеушіге еркін нысанда арнайы, демпингке қарсы, өтем баждарын төлеу жөніндегі міндетті орындау мерзімінің басталғаны туралы хабарлама жібереді.

      Арнайы, демпингке қарсы, өтем баждарын төлеу жөніндегі міндетті орындау мерзімінің өтуі бойынша, осы тармақтың бірінші абзацында белгіленген жағдайда, сондай-ақ өзге де жағдайларда, арнайы, демпингке қарсы, өтем баждарын төлеу жөніндегі міндетті орындау осы Кодекстің 10-тарауында көзделген тәсілдермен қамтамасыз етіледі, кеден органы осы Кодекстің 10-тарауында белгіленген тәртіпте арнайы, демпингке қарсы, өтем баждардының тиесілі сомаларын төлеу туралы талапты жібереді.

      4. Арнайы, демпингке қарсы, өтем баждарын төлеу жөніндегі міндетті орындамаған немесе тиісінше орындамаған жағдайда кеден органы арнайы, демпингке қарсы, өтем баждарын төлеу жөніндегі міндетті орындау мерзімі басталғанға дейін он жұмыс күнінен кешіктірмей төлеушіге және осы Кодекске сәйкес белгіленген мерзімінде төленбеген кедендік төлемдер, салықтар, арнайы, демпингке қарсы, өтем баждары, өсімпұлдар, пайыздар бойынша төлеу жөніндегі төлеушімен бірге ортақ міндет алатын тұлғаларға:

      1) осы баптың 3-тармағында көзделген;

      2) арнайы, демпингке қарсы, өтем баждарын төлеу жөніндегі міндетті орындау осы Кодекстің 10-тарауында көзделген тәсілдермен қамтамасыз етілген жағдайларды қоспағанда, кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы хабарламаны жолдайды.

      Арнайы, демпингке қарсы, өтем баждар Еуразиялық экономикалық одақ мүше бір мемлекеттің бір мүше мемлекетте төлеуге жататын, ал арнайы, демпингке қарсы, өтем баждарын өндіріп алуды осы Кодекстің 119-бабының 4-тармағына сәйкес Еуразиялық экономикалық одақ мүше басқа мемлекеттің кеден органы жүзеге асыратын жағдайларда, аталған хабарламаны арнайы, демпингке қарсы, өтем баждарын өндіріп алуды жүзеге асырған кеден органы арнайы, демпингке қарсы, өтем баждарын өндіріп алуға қажетті құжаттарды алғаннан кейін Еуразиялық экономикалық одаққа мүше басқа мемлекеттің Кеден кодексіне 1-қосымшада көзделген тәртіпте жібереді.

      5. Өсімпұлды есептеу осы Кодекстің 124-бабында көзделген тәртіппен жүргізіледі.

      6. Кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы хабарлама оны табыс еткен күннен бастап он жұмыс күнінен кешіктірмей орындалуға жатады. Кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы хабарламаның нысанын осы Кодекстің 86-бабы 6-тармағына сәйкес уәкілетті орган бекітеді.

      Аталған хабарламаны табыс ету тәртібі осы Кодекстің 84-1-бабына сәйкес белгіленген тәртіпте жүргізіледі.

      7. Төлеуші кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы хабарламада көрсетілген талаптарды орындау кезінде, кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы осындай хабарламаны тіркеу күнінен басталатын кезең үшін өсімпұлды төлеусіз есептеуге жататын, осындай талаптарды орындау күніне дейін, кеден органы кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы бұын берілген хабарламаға қосымша хабарлама жібереді.

      8. Кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы хабарламада көрсетілген кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың сомаларын өзгертуге алып келген негізделген фактілер анықталған жағдайда, кеден органы кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы бастапқыда жіберген хабарламаны бір мезгілде қайтарумен, кедендік төлемдердің, салықтардың, арнайы, демпингке қарсы, өтем баждарының, өсімпұлдардың, пайыздардың мерзімде төленбеген сомалары туралы жаңа хабарлама жібереді.

      9. Кеден органы:

      1) тауарларды шығарғаннан кейін, ал тауарға декларация берілгенге дейін жасалған тауарларға қатысты – электрондық құжатты жібергеннен кейін не осы Кодекстің 194-бабының 17-тармағында көзделген тиісті белгілерді қойғаннан кейін, тауарға бір декларацияда осы Кодекске сәйкес кедендік төлемдерді, баждарды есептеу үшін валюта бағамы қолданылған күнгі қолданыстағы валюта бағамы бойынша жиынтығында бес еуроға баламалы сомадан аспайтын мөлшердегі кедендік төлемдерді, арнайы, демпингке қарсы, өтем баждарын төлемеу фактісі анықталған жағдайларда;

      2) кедендік төлемдерді, арнайы, демпингке қарсы, өтем баждарын осы Кодекстің 83-бабының 4-тармағында көрсетілген кедендік төлемдер, арнайы, демпингке қарсы, өтем баждары бір есептемеде есептелген, осы Кодекске сәйкес кедендік баждарды, салықтарды есептеу үшін валюта бағамы қолданылған күнгі қолданыстағы валюта бағамы бойынша жиынтығында бес еуроға баламалы сомадан аспайтын мөлшердегі кедендік баждар, салықтар, арнайы, демпингке қарсы, өтем баждарының төленбеу фактісі анықталған жағдайларда осы баптың 4-тармағында көрсетілген хабарламаны жібермейді.

      10. Осы баптың 9-тармағында көрсетілген жағдайларда арнайы, демпингке қарсы, өтем баждарын төлеу жөніндегі міндет тоқтатылады.

      11. Арнайы, демпингке қарсы, өтем баждарын төлеу жөніндегі міндеттер осы баптың 6-тармағына сәйкес жіберілген хабарламада көрсетілген мерзімде орындалмаған немесе тиісінше орындалмаған жағдайда, арнайы, демпингке қарсы, өтем баждарын өндіріп алуды жүзеге асыратын кеден органы осы Кодекстің 12-тарауына сәйкес арнайы, демпингке қарсы, өтем баждарын өндіріп алу бойынша шараларды қабылдайды.

      12. Комиссия бір тауарларға қатысты арнайы, демпингке қарсы, өтемдік баждарды төлеу жөніндегі міндет әртүрлі тұлғаларда, түрлі мән-жайларда және (немесе) бірнеше рет туындаған кездегі жағдайларда арнайы, демпингке қарсы, өтем баждарын төлеу жөніндегі міндеттеменің орындалу ерекшеліктерін анықтауға құқылы.


      138-бап. Арнайы, демпингке қарсы, өтем баждарын төлеудің мерзімдері мен тәртібі

      1. Арнайы, демпингке қарсы, өтем баждарын төлеу мерзімдері, арнайы, демпингке қарсы, өтем баждарын төлеудің өзге мерзімі осы баптың 3-тармағында белгіленген жағдайды қоспағанда, осы баптың 2-тармағына, осы Кодекстің 157, 163, 174, 216, 217, 233, 242, 254, 278, 288, 297, 306, 322, 328, 362, 367 және 378-баптарына сәйкес айқындалады.

      2. Еуразиялық экономикалық одақтың кедендік шекарасы арқылы тауарларды заңсыз өткізген кезде арнайы, демпингке қарсы, өтем баждары осы Кодекстің 88-бабында кедендік әкелу баждарын төлеу үшін белгіленген мерзімдерде төленуге жатады.

      Арнайы кедендік рәсімге орналастырылатын (орналастырылған) тауарларға қатысты, арнайы, демпингке қарсы, өтем баждарын төлеу мерзімдерді осы Кодекстің 337-бабына сәйкес Комиссия және Комиссияда көзделген жағдайларда Қазақстан Республикасының Үкіметі айқындалады.

      3. Демпингке қарсы немесе өтем баждары қолданылған кезде Арнайы қорғаныс, демпингке қарсы және өтем шараларын үшінші елдерге қатысты қолдану туралы хаттаманың (Одақ туралы Шартқа 8-қосымша) 104 және 169-тармақтарына сәйкес демпингке қарсы, өтем баждары Комиссияның демпингке қарсы немесе өтем шараларын қолдану туралы шешімі күшіне енген күннен бастап отыз жұмыс күнінен кешіктірілмей төленуге жатады.

      4. Кедендік декларациялау ерекшеліктері осы Кодекстің 189-бабына белгіленетін тауарларға қатысты арнайы, демпингке қарсы, өтем баждары осы Кодекстің 189-бабының 8-тармағына сәйке кедендік баждарды, салықтарды төлеу үшін белгіленген мерзімде төленуге жатады.

      5. Арнайы, демпингке қарсы, өтемдік баждарды төлеу мерзімдерін өзгерту кейінгі қалдыру немесе бөліп төлеу нысанында жүргізілмейді.

      6. Осы Кодексте белгіленген мерзімде арнайы, демпингке қарсы, өтем баждарын төлеу жөніндегі міндеттемені орындамаған немесе тиісінше орындамаған кезде, осы тармақтың үшінші абзацында көрсетілген жағдайды қоспағанда, өсімпұл төленеді.

      Арнайы, демпингке қарсы, өтем баждарын бойынша өсімпұлдарды төлеу, өндіріп алу мен қайтарып алу арнайы, демпингке қарсы, өтем баждарын төлеу үшін осы Кодексте белгіленген тәртіпте жүргізіледі.

      Өсімпұлдар арнайы, демпингке қарсы, өтем баждарын өндіріп алуды жүзеге асыратын кеден органы осы Кодекстің 136-бабының 3-тармағына сәйкес Комиссия айқындаған тәртіпте арнайы, демпингке қарсы, өтем баждарын төлеу жөніндегі міндет тоқтатылатын мән-жайлар басталғанын растауды алған жағдайда төленбейді.

      7. Арнайы, демпингке қарсы, өтемдік баждар Одақ туралы Шартта өзгеше белгіленбесе, арнайы, демпингке қарсы, өтемдік баждар төленуге жататын Қазақстан Республикасының ұлттық валютасында төленеді.

      8. Арнайы, демпингке қарсы, өтем баждар Одақ туралы шартта айқындалған шоттарға төленеді.

      9. Одақ туралы Шартта көзделген жағдайларда, алдын ала арнайы, алдын ала демпингке қарсы, алдын ала өтем баждарының төленген және (немесе) өндіріліп алынған сомалары, сондай-ақ алдын ала баждардың тиісті түрін өндіріп алу үшін белгіленген тәртіпте төленген демпингке қарсы, өтем баждары сомалары арнайы, демпингке қарсы, өтем баждарына есепке жатқызуға және Одақ туралы шартта белгіленген тәртіпте Еуразиялық экономикалық одаққа мүше мемлекеттер арасында бөлу үшін Одақ туралы шартта айқындалған шоттарға есепке жатқызуға жатады.

      10. Осы Кодекске сәйкес, егер осы сомаларға қатысты оларды төлеуді кейінге қалдыру берілген сияқты арнайы, демпингке қарсы, өтем баждары сомаларынан пайыздар төленуге жататын жағдайларда, мұндай пайыздар кедендік әкелу баждарын төлеуді кейінге қалдыру немесе бөліп төлеуге арналған пайыздарды есептеу мен төлеу осы Кодекстің 93-бабында белгіленген тәртіпте есептеледі және төленеді.


      139-бап. Арнайы, демпингке қарсы, өтем баждарын төлеу жөніндегі міндеттерді орындауды қамтамасыз ету

      1. Арнайы, демпингке қарсы, өтем баждарын төлеу жөніндегі міндетті орындау осы Кодекстің 194, 195 және 196-баптарында көзделген жағдайларда, сондай-ақ егер көрсетілген баптарға сәйкес өзгеше белгіленбесе, осы Кодекстің 223-бабы 1-тармағының 2) тармақшасына сәйкес Комиссия айқындаған жағдайларда қамтамасыз етіледі.

      Арнайы, демпингке қарсы, өтем баждарын төлеу жөніндегі міндетті орындау кедендік әкелу баждарын, салықтардың төлеу жөніндегі міндеттемені орындауды қамтамасыз ету үшін осы Кодексте көзделген тәсілдермен және тәртіпте қамтамасыз етіледі.

      2. Еуразиялық экономикалық одақта Одақ туралы шарттың 50-бабына сәйкес баждар түрінде ішкі нарықты қорғау шаралары енгізілген кезде, мұндай баждарды төлеу жөніндегі міндетті орындау кедендік әкелу баждарын төлеу жөніндегі міндетті орындауды қамтамасыз ету үшін осы Кодексте көзделген тәсілдермен және тәртіппен, арнайы, демпингке қарсы, өтем баждарын төлеу жөніндегі міндетті орындауды қамтамасыз ету осы Кодексте көзделген жағдайларда, қамтамасыз етіледі.

      3. Арнайы, демпингке қарсы, өтем баждарын төлеу жөніндегі міндетті орындауды қамтамасыз етудің мөлшері тауарларды ішкі тұтыну үшін кедендік рәсіміне орналастыру кезінде, осы бапқа сәйкес, арнайы, демпингке қарсы, өтем баждарын төлеу жөніндегі міндетті орындау өзге мөлшерде қамтамасыз етілетін жағдайларды қоспағанда, төлеуге жататын арнайы, демпингке қарсы, өтем баждары сомаларына сүйене отырып, айқындалады.

      Егер арнайы, демпингке қарсы, өтем баждарын төлеу жөніндегі міндетті орындауды қамтамасыз ету мөлшерін айқындаған кезде тауар туралы нақты ақпарат (сипаты, атауы, саны, шығарылған жері және (немесе) кедендік құны) болмағандықтан, арнайы, демпингке қарсы, өтем баждарын төлеуге жататын соманы анықтау мүмкін болмаған жағдайларда, арнайы, демпингке қарсы, өтем баждардың мұндай сомасы тауарлардың құны және (немесе) олардың заттай мәніндегі (саны, салмағы, көлемі немесе өзге сипаттары) физикалық сипаттарына сүйене отырып, пайдалану тәртібін Комиссия айқындайтын қолданыстағы мәліметтер негізінде айқындалуы мүмкін болатын арнайы, демпингке қарсы, өтем баждары мөлшерлемесінің ең үлкен шамасымен айқындалады.

      4. Осы Кодекстің 195 және 196-баптарымен көзделген ерекшеліктері бар тауарларды шығару кезінде арнайы, демпингке қарсы, өтем баждарын төлеу жөніндегі міндетті орындауды қамтамасыз ету мөлшері кедендік бақылау, кедендік сараптама нәтижелері бойынша осы баптың 3-тармағының екінші абзацы және 7-тармағы ескеріле отырып, қосымша төленуге жатуы мүмкін арнайы, демпингке қарсы, өтем баждары сомасы ретінде айқындалады.

      5. Егер арнайы, демпингке қарсы, өтем баждарын төлеу жөніндегі міндетті орындауды қамтамасыз ету осы Кодекстің 195-бабында көзделген жағдайда, мөлшерін анықтау үшін тауарлардың кедендік құнына кедендік бақылау жүргізілген жағдайда, осы Кодекстің 193-бабында белгіленген тауарларды шығару мерзімінде мұндай қамтамасыз етуді тіркеу жүргізіледі.

      Осы Кодекстің 410-бабы 4-тармағына сәйкес құжаттарды және (немесе) мәліметтерді сұрату кезінде арнайы, демпингке қарсы, өтем баждарын төлеу бойынша орындауды қамтамасыз ету мөлшерінің есептемесін кеден органы жүргізеді және осы Кодекстің 410-бабы 6-тармағына сәйкес декларантқа жолдайды.

      6. Осы Кодекстің 194-бабының 13-тармағының 3) тармақшасына сәйкес тауар декларациясы берілгенге дейін тауарды шығару шарты арнайы демпингке қарсы, өтем баждарын төлеу жөніндегі міндетті орындауды қамтамасыз етуді ұсыну болып табылған жағдайда, арнайы демпингке қарсы, өтем баждары сомасы осындай қамтамасыз ету мөлшерін анықтаған кезде тауар декларациясы берілгенге дейін тауарды шығару туралы өтініштегі және осы баптың 3-тармағы ескеріле отырып, осы өтінішпен бірге берілетін құжаттардағы мәліметтерге сүйене отырып айқындалады.

      Оларға сүйене отырып, кедендік баждарды, салықтарды төлеу жөніндегі міндеттемелерді орындауды қамтамасыз етудің мөлшері айқындалатын арнайы демпингке қарсы, өтем баждарының сомасын айқындау үшін тауар декларациясы берілгенге дейін тауарларды шығару туралы өтініш тіркелген күні қолданыстағы арнайы демпингке қарсы, өтем баждарының мөлшерлемесі қолданылады.

      Егер арнайы демпингке қарсы, өтем баждарының көрсетілген сомасын айқындау үшін шетел валютасын Қазақстан Республикасының ұлттық валютасына қайта есептеу талап етілген жағдайда, мұндай қайта есептеу тауарларға арналған декларация берілгенге дейін тауарларды шығару туралы өтініш тіркелген күні қолданыстағы валюта бағамы бойынша жүргізіледі.

      7. Осы Кодекстің 195-бабында көзделген ерекшеліктері бар тауарларды шығару кезінде арнайы, демпингке қарсы, өтем баждарын төлеу жөніндегі міндетті орындауды қамтамасыз ету мөлшерін анықтау үшін тауарлардың кедендік құнына кедендік бақылау жүргізілген жағдайда, атап айтқанда:

      1) белгілі бір сыныптағы немесе түрдегі тауарлардың құны туралы кеден органындағы қолда бар ақпарат;

      2) егер кеден органының олардың негізділігіне күмәні бар болса, тауарлардың мәлімделген шегерулер мен жеңілдіктер есепке алынбайтын кедендік құны;

      3) егер кеден органының мәлімделген қосымша есепке жатқызулардың негізділігіне күмәні бар болса, нақты төленген немесе төленуге жататын бағасына қосымша есепке жатқызулардың ықтимал шамалары ескеріле отырып, тауарлардың кедендік құны пайдаланылуы мүмкін.

      8. Тауарлардың жекелеген түрлеріне қатысты Комиссия арнайы, демпингке қарсы, өтем баждарын төлеу жөніндегі міндетті орындауды қамтамасыз етудің бекітілген мөлшерлерін, осы баптың 3-тармағында көзделген талаптарды ескере отырып, белгілеуге құқылы.

      9. Одақ туралы шартта көзделген жағдайларда, демпингке қарсы баждарды төлеу жөніндегі міндетті орындауды қамтамасыз ету, кедендік әкелу баждарын төлеу жөніндегі міндетті орындауды қамтамасыз ету үшін осы Кодексте айқындалған тәртіпте, Одақ туралы шартта белгіленген мөлшерлерде және тәсілдермен беріледі.

      Одақ туралы Шартта көзделген мән-жайлар басталған кезде, демпингке қарсы баждарды төлеу жөніндегі міндетті орындауды қамтамасыз ету демпингке қарсы баждарды төлеу шотына есепке алуға және мүше мемлекеттер арасында бөлу үшін Одақ туралы шартта айқындалған шотқа Одақ туралы шартта белгіленген тәртіппен және мөлшерлерде есепке алуға жатады.

      10. Арнайы, демпингке қарсы, өтем баждарын төлеу жөніндегі міндетті орындауды осы Кодекстің 96-бабының 3-тармағында көрсетілген тұлғалар қамтамасыз етеді.

      Кеден өкілі осы тарауға сәйкес, егер осы Кодекстің 494-бабына сәйкес кеден өкілі арнайы, демпингке қарсы, өтем баждарын төлеушімен бірге арнайы, демпингке қарсы, өтемк баждарын төлеу жөніндегі ортақ міндет алатын жағдайда, арнайы, демпингке қарсы, өтем баждарын төлеу жөніндегі міндетті орындауды қамтамасыз етуге құқылы. Егер арнайы, демпингке қарсы, өтем баждарын төлеу жөніндегі міндетті орындауды кеден өкілі осы Кодекске сәйкес арнайы, демпингке қарсы, өтем баждарын төлеу жөніндегі міндет орындауға жататын кездегі көзделген мән-жайлар басталған кезде қамтамасыз еткен жағдайда, мұндай арнайы, демпингке қарсы, өтем баждарын төлеу жөніндегі міндетті кеден өкілі өзі ұсынған тұлғамен осы Кодекстің 494-бабының
5-тармағының ережелеріне қарамастан, бірлесіп орындайды.

      11. Арнайы, демпингке қарсы, өтем баждарын төлеу жөніндегі міндетті орындауды қамтамасыз ету үшін осы Кодекстің 103-бабында кедендік баждарды, салықтарды төлеу жөніндегі міндеттемені орындауды қамтамасыз ету үшін көзделген жағдайларда және тәртіппен арнайы, демпингке қарсы, өтем баждарын төлеу жөніндегі міндетті орындауды бас қамтамасыз ету қолданылуы мүмкін.


      140-бап. Арнайы, демпингке қарсы, өтем баждарының, өсімпұлдардың және пайыздардың есептелген, есепке жатқызылған, төленген сомаларын есепке алу

      Арнайы, демпингке қарсы, өтем баждарының, өсімпұлдардың және пайыздардың есептелген, есепке жатқызылған, төленген сомаларын есепке алуды кеден органы осы Кодекстің 106-бабына сәйкес төлеушінің дербес шотын жүргізу жолымен жүзеге асырады.


      141-бап. Арнайы, демпингке қарсы, өтем баждарының сомаларын, арнайы, демпингке қарсы, өтемк баждарын төлеу жөніндегі міндеттерді орындауды қамтамасыз ету ретінде енгізілген ақша қаражатын (ақшаны) есепке жатқызу (қайтару)

      1. Алдын ала арнайы, алдын ала демпингке қарсы, алдын ала өтем баждарының сомаларын, сондай-ақ алдын ала баждардың тиісті түрлерін өндіріп алу үшін белгіленген тәртіппен төленген демпингке қарсы, өтемдік баждарының сомаларын есепке жатқызу (қайтару), осы Кодекстің 138-бабының 9-тармағына сәйкес оларды арнайы, демпингке қарсы, өтем баждарына есепке жатқызуды қоспағанда, Одақ туралы шартпен айқындалған жағдайларда жүзеге асырылады.

      Көрсетілген сомалар кеден органының ақшаны уақытша орналастыру шотына ұлттық валютада енгізіледі және (немесе) осы Кодекстің 98-бабына сәйкес арнайы, демпингке қарсы, өтем баждарының сомаларын, арнайы, демпингке қарсы, өтемдік баждарын төлеу жөніндегі міндеттерді орындауды қамтамасыз ету ретінде аванстық төлемдер қолданылады.

      2. Одақ туралы шартта белгіленген жағдайларда, алдын ала арнайы, алдын ала демпингке қарсы, алдын ала өтем баждарының сомалары, сондай-ақ алдын ала баждардың тиісті түрлерін өндіріп алу үшін белгіленген тәртіппен төленген демпингке қарсы, өтем баждарының сомалары Комиссияның арнайы қорғау, демпингке қарсы, өтемақы шарасын қолдану (тауардың құрамдас бөлігіне және (немесе) туындыларына ұзарту, қолдану) туралы тиісті шешімі күшіне енген күннен бастап отыз жұмыс күнінен кешіктірмей төлеушінің өтінішінсіз бюджетке аударуға және (немесе) арнайы, демпингке қарсы, өтем баждарына есепке жатқызылуы тиіс.

      3. Одақ туралы шартпен белгіленген жағдайларда, алдын ала арнайы, алдын ала демпингке қарсы, алдын ала өтем баждарының енгізілген сомалары, сондай-ақ алдын ала баждардың тиісті түрлерін өндіріп алу үшін белгіленген тәртіппен төленген демпингке қарсы, өтем баждарының сомалары, осы баптың 10-тармағының ережелерін ескере отырып, аталған өтініштің кеден органына келіп түскен күннен бастап мерзімі он жұмыс күнінен кешіктірмей төлеушінің өтініші бойынша есепке жатқызылуға және (немесе) қайтарылуға жатады.

      4. Арнайы қорғау, демпингке қарсы, өтем баждары шараларын қолдану (құрамдас бөлігіне және (немесе) өндірілген тауарларға ұзарту, қолдану) немесе арнайы қорғау, демпингке қарсы, өтем баждары шараларын енгізу, ұзарту үшін негіздің болмауы немесе осындай шараларды қолданбау туралы шешімді қабылдау туралы жүргізілген тергеудің нәтижелері бойынша ақпараттарды орналастыру тәртібі үшінші елдермен қарым-қатынас бойынша Қазақстан Республикасының арнайы қорғау, демпингке қарсы, өтем баждары шаралары туралы заңнамасына сәйкес жүзеге асырылады.

      5. Алдын ала арнайы, алдын ала демпингке қарсы, алдын ала өтем баждарының, сондай-ақ кеден органының ақшаны уақытша орналастыру шотынан алдын ала баждардың тиісті түрлерін алу үшін белгіленген тәртіппен төленген демпингке қарсы, өтем баждарының сомаларын қайтару және (немесе) арнайы, демпингке қарсы, өтем баждарын төлеу жөніндегі міндеттерді орындауды қамтамасыз ету ретінде пайдаланылатын аванстық төлемдер сомаларын есепке жатқызу және (немесе) қайтару туралы өтінішті төлеуші кеден органына Одақ туралы шартта белгіленген жағдайлар басталғаннан кейін, бірақ осы Кодекстің 143-бабында көрсетілген күннен бастап бес жылдан кешіктірмей, осы баптың 7-тармағының ережелерін ескере отырып табыс етеді.

      6. Арнайы, демпингке қарсы, өтем баждарын төлеу жөніндегі міндеттерді орындау қамтамасыз ету ретінде енгізілген аванстық төлемдер сомаларын есепке жатқызуды және (немесе) қайтаруды, сондай-ақ кеден органының ақшаны уақытша орналастыру шотынан ақша қаражатының (ақшаның) сомасын аударуды және (немесе) қайтаруды кеден органы төлеушінің өтініші бойынша:

      1) орындалуы арнайы, демпингке қарсы, өтем баждарды төлеу жөніндегі жөніндегі міндеттерді орындауды қамтамасыз ету ретінде енгізілген ақша қаражатымен (ақшамен) қамтамасыз етілген арнайы, демпингке қарсы, өтем баждарын төлеу жөніндегі міндет толық көлемде орындалса, тоқтатылса не туындамаса;

      2) өсімпұлдар, пайыздар бюджетке төленген;

      3) арнайы, демпингке қарсы, өтем баждарды төлеу жөніндегі міндеттерді орындауды қамтамасыз ету ретінде енгізілген ақша қаражатының (ақшаның) орнына арнайы, демпингке қарсы, өтем баждарды төлеу жөніндегі жөніндегі міндеттерді орындауды басқа тәсілмен қамтамасыз ету ұсынылған;

      4) осы Кодекстің 143-бабы 2-тармағының 3) тармақшасында белгіленген талап қою мерзімі басталмаған жағдайларда жүзеге асырылады.

      7. Төлеушіде кедендік баждар, салықтар, арнайы, демпингке қарсы, өтем баждары, өсімпұлдар, пайыздарды төлеу жөніндегі белгіленген мерзімде орындамаған міндеттер (толықтай немесе ішінара) болған кезде, арнайы, демпингке қарсы, өтем баждарын төлеу жөніндегі жөніндегі міндеттерді орындауды қамтамасыз ету ретінде енгізілген арнайы, демпингке қарсы, өтем баждары, ақша қаражатын (ақша) қайтару осындай орындалмаған міндеттер мөлшерінде жүзеге асырылмайды.

      Арнайы, демпингке қарсы, өтем баждары сомаларын есепке жатқызу, сондай-ақ осы Кодекстің 139-бабының 9-тармағының екінші абзацына сәйкес демпингке қарсы бажды төлеу шотына осындай соманы есепке жатқызуды қоспағанда, арнайы, демпингке қарсы, өтем баждарын төлеу жөніндегі жөніндегі міндеттерді орындауды қамтамасыз ету ретінде енгізілген ақша қаражаты (ақша) сомаларын есепке жатқызу, төлеушіде арнайы, демпингке қарсы, өтем баждарының осындай сомаларын көрсетілген міндеттерді орындау шотына есепке жатқызуды қоспағанда, кедендік баждар, салықтар, арнайы, демпингке қарсы, өтем баждары, өсімпұлдар, пайыздарды төлеу бойынша белгіленген мерзімде орындамаған міндеттер (толықтай немесе ішінара) болған кезде жүргізілмейді.

      8. Кеден органының ақшаны уақытша орналастырушотынан арнайы, демпингке қарсы, өтем баждарын төлеу жөніндегі міндетін орындауды қамтамасыз ету сомасын қайтаруды аталған сома ақшаны шотына уақытша орналастырған кеден органы төлеушінің банктік шотына жүзеге асырады.

      9. Арнайы, демпингке қарсы, өтем баждарын төлеу жөніндегі міндетін орындауды қамтамасыз ету сомасын қайтарған кезде, ақшаны уақытша орналастыру шотынан ол бойынша сыйақы төленбейді, сомалар индекстелмейді, банк қызметтерін көрсету жөніндегі тарифтерді кеден органы аударылатын ақша есебінен төлейді.

      10. Қамтамасыз ету сомасын қайтаруға төлеушінің уақытша орналастыру шотынан немесе алдағы кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу есебіне есептеуге өтініші болмаған жағдайда, бюджетті атқару жөніндегі уәкілетті орган көзделген тәртіппен, бір мезгілде мынадай шарттар сақталған жағдайда:

      төлеушіде кедендік баждарды, кедендік алымдарды, салықтарды, арнайы, демпингке қарсы, өтем баждарын, өсімпұлдарды, пайыздарды белгіленген мерзімде төлеу жөніндегі орындамаған (толық немесе ішінара) міндеттемесінің, сондай-ақ кедендік баждарды, кедендік алымдарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу жөніндегі берешектері жоқ болған;

      осы Кодекстің 143-бабында белгіленген талап қоюдың өту мерзімі аяқталған жағдайда кеден органы қамтамасыз ету сомасын бюджетке ақшаны уақытша сақтау шотынан аударады.

      11. Арнайы, демпингке қарсы, өтем баждарды төлеу жөніндегі міндеттерді орындауды қамтамасыз ету ретінде енгізілген аванстық төлемдердің сомаларын есепке жатқызу, қайтару уәкілетті орган көздеген тәртіппен және мерзімдерде жүзеге асырылады.

      12. Арнайы, демпингке қарсы, өтем баждары ретінде төленген немесе өндіріліп алынған, нақты тауарларға қатысты және олардың мөлшері Одақ туралы Шартқа сәйкес төленуге тиіс арнайы, демпингке қарсы, өтем баждарының мөлшерінен асатын арнайы, демпингке қарсы, өтем баждарының нақты түрінде және сомалары ретінде идентификатталған ақша қаражаты (ақша) артық төленген немесе артық өндіріліп алынған арнайы, демпингке қарсы, өтем баждары болып табылады.

      13. Осы бапқа сәйкес мынадай жағдайларда:

      1) арнайы, демпингке қарсы, өтем баждар осы баптың 2-тармағына сәйкес артық төленген немесе артық өндіріліп алынған арнайы, демпингке қарсы, өтемдік баждар болып табылса;

      2) Одақ туралы шартқа сәйкес айқындалған шоттарға төленген арнайы, демпингке қарсы, өтем баждар нақты тауарларға қатысты арнайы, демпингке қарсы, өтем баждардың сомалары ретінде идентификатталмаған;

      3) егер арнайы, демпингке қарсы, өтем баждардын төлеу жөніндегі міндет осы тауарларға қатысты бұрын орындалған болса, Қазақстан Республикасының заңнамасына сәйкес тауарлар тәркіленсе немесе мемлекеттің меншігіне айналдырылса;

      4) егер кедендік декларациялауды не тауарларға арналған декларацияны бергенге дейін тауарларды шығару туралы өтінішті тіркеген кезде туындайтын арнайы, демпингке қарсы, өтем баждарын төлеу жөніндегі міндет бұрын орындалса, мәлімделген кедендік рәсімге сәйкес тауарларды шығарудан бас тартылса;

      5) егер кедендік декларацияны тіркеген кезде туындайтын арнайы, демпингке қарсы, өтем баждарын төлеу жөніндегі міндет бұрын орындалған болса, осы Кодекстің 184-бабына сәйкес кедендік декларация кері қайтарылса және (немесе) осы Кодекстің 192-бабының 5-тармағына сәйкес тауарларды шығару күшін жойса;

      6) осы Кодекстің 323-бабында көзделген жағдайларда;

      7) осы Кодекстің 175-бабының 7-тармағына сәйкес кедендік декларациялаудың ерекшеліктерін қолдануға байланысты осы Кодексте көзделген жағдайларда;

      8) осы Кодексте және (немесе) Еуразиялық экономикалық одақтың шеңберіндегі халықаралық шарттарда көзделген өзге де жағдайларда арнайы, демпингке қарсы, өтемдік баждар сомалары қайтаруға (есепке жатқызуға) жатады.

      14. Артық төленген және (немесе) артық өндіріліп алынған арнайы, демпингке қарсы, өтемдік баждар сомаларын қайтаруды (есепке жатқызуды) белгіленген тәртіпте тауарларға арналған декларацияда мәлімделген есептелген арнайы, демпингке қарсы, өтемдік баждар туралы мәліметке өзгерістер (толықтырулар) не осы Кодекстің 83-бабының 4-тармағында көрсетілген кеден құжаттарындағы есептелген арнайы, демпингке қарсы, өтемдік баждар туралы мәліметтерге белгіленген тәртіппен түзетулер енгізу шарттарда, арнайы, демпингке қарсы, өтемдік баждарды төлеу және (немесе) өндіріп алу жүргізілген осы Кодексте белгіленген артық төленген және (немесе) артық өндіріліп алынған арнайы, демпингке қарсы, өтемдік баждар сомаларын қайтару (есепке жатқызу) үшін өзге де шарттарды сақтаған кезде кеден органы жүзеге асырады.

      15. Арнайы, демпингке қарсы, өтемдік баждар сомаларын (есепке жатқызу) осы баптың 13-тармағының 3), 4), 5), 6), 7) және 8) тармақшаларында көрсетілген жағдайларда уәкілетті орган бекіткен тәртіппен арнайы, демпингке қарсы, өтемдік баждар сомаларын қайтаруға (есепке жатқызуға) әкеп соқтыратын мән-жайлардың басталуын растаған кезде және осы Кодексте белгіленген арнайы, демпингке қарсы, өтемдік баждар сомаларын қайтару (есепке жатқызу) үшін өзге де шарттарды сақтаған кезде жүзеге асырылады.

      16. Арнайы, демпингке қарсы, өтем баждары сомаларын есепке жатқызу (қайтару) Одақ туралы шарттың ережелерін ескере отырып, кедендік әкелу баждарын есепке жатқызу (қайтару) үшін көзделген тәртіппен және мерзімде жүзеге асырылады.


      142-бап. Арнайы, демпингке қарсы, өтем баждарын өндіріп алу

      Осы Кодекстің 137-бабының 6-тармағында көрсетілген жағдайларда, кеден органы осы тарауға сәйкес арнайы, демпингке қарсы, өтем баждарын өндіріп алу жөніндегі шараларды қабылдайды. Арнайы, демпингке қарсы, өтем баждарын, салықтарды өндіріп алу кезінде осы Кодекстің 12-тарауында көзделген өндіріп алу жөніндегі шаралар қолданады.


      143-бап. Арнайы, демпингке қарсы, өтем баждары бойынша талап қою мерзімі

      1. Кеден органдарының талаптары бойынша немесе төлеушінің талаптары бойынша:

      1) кеден органы төлеушінің есептеген кедендік баждарының, салықтардың, кедендік алымдардың сомасын, сондай-ақ өсімпұлдардың, пайыздардың сомасын қайта қарауға немесе төлеушіге есептеуге (қоса есептеуге) құқылы;

      2) төлеуші Еуразиялық экономикалық одақтың ережелерін ескере отырып, кеден органдарынан арнайы, демпингке қарсы, өтем баждарының, өсімпұлдардың, пайыздардың, аванстық төлемдердің, оның ішінде арнайы, демпингке қарсы, өтем баждарын төлеу жөніндегі міндетті орындау ретінде енгізілген аванстық төлемдердің сомасын есепке жатқызуды және (немесе) қайтаруды талап етуге құқылы;

      3) төлеуші кеден органдарынан төленетін алдағы кедендік баждар, салықтар, кедендік алымдар, арнайы, демпингке қарсы, өтем баждары, өсімпұлдар, пайыздар есебінен кеден органының шотына уақытша орналастыруға енгізілген ақшасын қайтаруды және (немесе) бюджетке аударуды талап етуге құқылы;

      4) төлеуші кеден органдарының талап етуі бойынша арнайы, демпингке қарсы салықтардың, кедендік алымдардың, өсімпұлдардың, пайыздардың сомасын төлеуге міндетті;

      5) төлеуші Еуразиялық экономикалық одақтың кеден заңнамасына сәйкес кедендік декларацияға өзгерістер мен толықтырулар енгізу туралы өтініш беруге құқылы болатын уақыт кезеңі талап қоюдың мерзімі болып табылады.

      2. Егер осы бапта өзгеше көзделмесе, кеден органдарының және төлеушілердің талаптары бойынша талап қою мерзімі үш жылды құрайды.

      Мынадай санаттағы:

      1) Қазақстан Республикасының Салық кодексіне сәйкес салықтық мониторингке жататын;

      2) жер қойнауын пайдалану саласына (отын-энергетика секторына) арналған келісімшартқа сәйкес қызметті жүзеге асыратын;

      3) уәкілетті экономикалық операторлар тізіліміне енгізілген төлеушілер үшін кеден органдарының және төлеушілердің талаптары бойынша талап қою мерзімі бес жылды құрайды.

      3. Кеден органдарының және төлеушілердің талаптары бойынша талап қою мерзімі:

      1) осы баптың 4-тармағында көзделген жағдайларды қоспағанда, тауарларды кедендік декларациялау және шығару аяқталған күннен бастап;

      2) арнайы демпингке қарсы өтем баждарын, салықтарды ақша қаражатымен (ақшалай) төлеуді орындау міндетін қамтамасыз ету, оның ішінде аванстық төлемдердің есебінен қамтамасыз ету кеден органында тіркелген күннен бастап есептеледі.

      4. Кеден органы таңдап алынған кедендік рәсімге сәйкес кедендік бақылауда тұрған тауарлар бойынша тауарлардың кедендік бақылауда тұру мерзімі ішінде және үш жыл ішінде, егер осы баптың 2-тармақтарында өзге мерзім белгіленбесе, тауарлардың кедендік бақылауда тұрған кезеңі аяқталғаннан кейін төленуге тиіс арнайы, демпингке қарсы, өтем баждарының, салықтардың, өсімпұлдардың, пайыздардың сомаларын есептеуге немесе қайта қарауға құқылы.

      5. Осы баптың 1-тармағында белгіленген талаптар бойынша талап қою мерзімі өтіп кеткен жағдайда:

      1) кедендік бақылау жүргізу кезеңінде, оның ішінде тауар шығарылғаннан кейін – талап қою мерзімі, арнайы, демпингке қарсы, өтем баждары, өсімпұлдар, пайыздар бойынша берешектерді өтеу кедендік бақылау жүргізу нәтижелері бойынша осындай кедендік бақылау жүргізу мерзіміне ұзартылады.

      2) төлеуші Қазақстан Республикасының заңнамасында белгіленген тәртіппен кедендік тексеру нәтижелеріне және (немесе) уәкілетті органның шағымды қарау нәтижелері бойынша шығарған шешіміне, сондай-ақ кеден органының және (немесе) кеден органы лауазымды адамының шешіміне, әрекетіне (әрекетсіздігіне) шағымданған жағдайда талап қою шағым қаралғанға және кеден органының кедендік бақылау нәтижелері бойынша шығарған шешімі орындалғанға дейінгі, ал сот тәртібінде шағымданған жағдайда сот талқылауы жүргізілген және сот актісі заңды күшіне енген мерзімге ұзартылады.

3-БӨЛІМ. КЕДЕНДІК ОПЕРАЦИЯЛАР ЖӘНЕ ОЛАРДЫ ЖАСАЙТЫН ТҰЛҒАЛАР 14-тарау. Кедендік операциялар және оларды жасайтын тұлғалар туралы жалпы ережелер

      144-бап. Кедендік операцияларды жасау тәртібі

      1. Кедендік, оның ішінде тауарларды кедендік тазартумен байланысты операциялар және оларды жасау тәртібі осы Кодексте, Еуразиялық экономикалық одақтың кеден заңнамасында, ал Еуразиялық экономикалық одақтың кеден заңнамасында айқындалмаған бөлігінде не Еуразиялық экономикалық одақтың кеден заңнамасында көзделген жағдайларда - Еуразиялық экономикалық одақтың кеден заңнамасына сәйкес айқындалады.

      Тауарларды кедендік тазарту деп Еуразиялық экономикалық одақтың және Қазақстан Республикасының кеден заңнамаларында белгіленген, тауарларды ішкі тұтынуға енгізу үшін, олардың экспорты үшін немесе тауарларға өзге кедендік рәсімді қолдану үшін қажетті кедендік операцияларды жасау түсініледі.

      Кеден органдарының лауазымды тұлғаларының тауарларды кедендік тазартуды жасау тәртібін уәкілетті орган айқындайды.

      2. Кедендік операцияларды жасау тәртібі мен нұсқаулығы Еуразиялық экономикалық одақтың кедендік шекарасы арқылы өткізілетін тауарлар санаттарына, тауарларды Еуразиялық экономикалық одақтың кедендік шекарасы арқылы өткізетін тауарларды, тұлғаларды тасу (тасымалдау) жүзеге асырылатын көлік түріне, кедендік декларациялау ерекшеліктері мен тауарларды шығаруға, сондай-ақ тауарлар орналастырылатын кедендік рәсімдерге байланысты айқындалады.

      Қазақстан Республикасының кеден заңнамасымен белгіленетін кедендік операцияларды жасау тәртібі мен нұсқаулығы кедендік-тарифтік реттеу шараларын толық не ішінара қолданбауға, тыйым салулар мен шектеулер, ішкі нарықты қорғау шараларына әкеп соқпауға тиіс.

      3. Кедендік операциялар тауарлардың шығуына, тауарларды жөнелтуші еліне және межелі еліне қарамастан бірдей жасалады.

      4. Кедендік операциялар жасаған кездегі кеден органдарының талаптары негізделген болуы және Еуразиялық экономикалық одақтың және (немесе) Қазақстан Республикасының кеден заңнамаларының сақталуын қамтамасыз етуге қажет талаптармен шектелуі тиіс.


      145-бап. Кеден органының кедендік операцияларды жасау орны мен уақыты

      1. Кедендік операцияларды кеден органдары өздері орналасқан орындарда және жұмыс уақытында жасайды.

      2. Осы Кодексте не уәкілетті орган көздеген жағдайларда, мүдделі тұлғаның дәлелді сұрау салуы бойынша жекелеген кедендік операцияларды кеден органдары кеден органының орналасқан орнынан тыс және (немесе) жұмыс уақытынан тыс жасауы мүмкін.

      Осы тармақта көзделген жекелеген кедендік операциялардың тізбесін, оларды жасаудың тәртібін, сондай-ақ кедендік операцияларды жасау орнын уәкілетті орган бекітеді.


      146-бап. Кедендік операцияларды жасау үшін қажетті құжаттар және (немесе) мәліметтер

      1. Осы Кодексте айқындалған тұлғалар кеден органдарына осы Кодекске сәйкес кедендік операцияларды жасау үшін қажетті құжаттар мен (немесе) мәліметтерді беруге міндетті.

      Кеден органдары осы Кодексте айқындалған тұлғалардан сақталуын бақылау кеден органдарына жүктелген Еуразиялық экономикалық одақтың және (немесе) Қазақстан Республикасының кеден заңнамаларының сақтауды қамтамасыз ету үшін қажетті, табыс етілуі осы Кодекске сәйкес көзделген құжаттарды және (немесе) мәліметтерді ғана табыс етуді талап етуге құқылы.

      2. Кедендік операциялар жасау үшін қажетті құжаттар және (немесе) мәліметтер оларды жасалған кезде, егер мұндай құжаттар туралы мәліметтер және (немесе) олардан алынатын мәліметтер және (немесе) кеден органдарына кедендік операцияларды жасауға қажетті өзге де мәліметтерді кеден органдарының ақпараттық жүйелерінен, сондай-ақ Еуразиялық экономикалық одаққа мүше мемлекеттердің мемлекеттік органдарының (ұйымдарының) ақпараттық жүйелерінен кеден органы мен Еуразиялық экономикалық одаққа мүше мемлекеттердің мемлекеттік органдарының (ұйымдарының) ақпараттық өзара іс-қимыл шеңберінде алу мүмкін болса, кеден органына берілмеуі мүмкін. Мұндай жағдайда осы Кодексте айқындалған тұлғалар осы құжаттарды және (немесе) кедендік декларациядағы мәліметтер туралы мәліметтерді көрсетеді немесе оларды кеден органдарына осы Кодекске сәйкес өзге тәсілмен ұсынады.

      Осы тармақтың ережелерін іске асыру мақсатында кеден органдарының кедендік операцияларды жасау үшін қажетті құжаттар туралы мәліметтерді және (немесе) осындай құжаттардан мәлімет алу мүмкіндігі және (немесе) кеден органдарына кедендік операциялар жасау үшін қажетті өзге де мәліметтерді кеден органдарының ақпараттық жүйелерінен, сондай-ақ Еуразиялық экономикалық одаққа мүше мемлекеттердің мемлекеттік органдарының (ұйымдарының) ақпараттық жүйелерінен ақпараттық өзара іс-қимыл шеңберінде алу мүмкіндігі туралы ақпарат кеден органдарының ресми интернет-ресурстарына орналастыру жолымен және (немесе) ақпаратты таратудың өзге де тәсілімен жалпының назарына жеткізіледі.

      3. Кедендік операцияларды жасау үшін қажетті құжаттар және (немесе) мәліметтер тізбесі, оларды табыс ету тәсілдері мен мерзімдері осы Кодекске сәйкес белгіленеді.

      4. Кеден органдары кеден органдарының ақпараттық жүйелерінен және Еуразиялық экономикалық одаққа мүше мемлекеттердің мемлекеттік органдарының (ұйымдарының) ақпараттық жүйелерінен ақпараттық өзара іс-қимыл шеңберінде алуы мүмкін мәліметтер құрамы мен осындай мәліметтерді алу тәртібін Комиссия айқындайды, ал ақпараттық өзара іс-қимыл кеден органы мен Қазақстан Республикасының мемлекеттік органдарының (ұйымдарының) арасында жүзеге асырылатын жағдайларда – Қазақстан Республикасының заңнамасына сәйкес белгіленеді.

      5. Кеден органдары құжаттардағы қате басылу немесе кеден органының шешімдер қабылдауына әсер етпейтін, құжаттардағы мәліметтерді өзгертпейтін грамматикалық қателердің болу себебінен құжаттарды қабылдаудан бас тартуға құқығы жоқ.

      6. Кедендік операцияларды жасау үшін қажетті құжаттар электрондық құжат түрінде немесе қағаз жеткізгіштегі құжат түрінде ұсынылады. Көрсетілген құжаттардың, егер Одақ туралы шартта, Еуразиялық экономикалық одақтың кеден заңнамасында және (немесе) Қазақстан Республикасының халықаралық шарттарда мұндай құжаттардың міндетті түрде түпнұсқаларын табыс ету белгіленбесе, көшірмелерін (оның ішінде электрондық құжаттардың қағаз көшірмелері) беруге рұқсат етіледі.

      7. Кедендік операцияларды жасау үшін кеден органына қазақ тілінде, орыс тілінде немесе шетел тілдерінде жасалған құжаттар ұсынылуы мүмкін.

      Кеден органы қазақ тілі немесе орыс тілі болып табылмайтын тілде жасалған құжаттардағы кедендік операцияларды жасау үшін қажетті мәліметтердің аудармасын талап етуге құқылы.

      8. Осы Кодекске және Қазақстан Республикасының халықаралық шарттарына сәйкес кедендік операцияларды жасау үшін Еуразиялық экономикалық одаққа мүше болып табылмайтын мемлекеттерде жасалған және қолданылатын кеден құжаттары қолданылуы мүмкін.


      147-бап. Тауарлардың жекелеген санаттарына қатысты кедендік операцияларды жасаудың бірінші кезектегі тәртібі

      1. Дүлей зілзалалар, табиғи және техногендік сипаттағы төтенше жағдайлар салдарын жою үшін қажетті тауарларға, бейбітшілікті қолдау бойынша акцияларды орындауға не оқу-жаттығу өткізу үшін қажетті әскери өнімдерге, тез бұзылатын тауарларға қатысты, сондай-ақ жануарлар, радиоактивті материалдар, жарылғыш заттарға қатысты, халықаралық пошта жөнелтілімдерінің, экспресс-жүктердің, халықаралық көрме іс-шараларында көрсетуге арналған тауарлардың, гуманитарлық және техникалық көмектің, бұқаралық ақпарат құралдарына арналған хабарламалар мен материалдардың, халықаралық тасымалдаудың көлік құралдарының қауіпсіз пайдаланылуына қажет қосалқы бөлшектердің, қозғалтқыштардың, шығыс материалдарының, жабдықтардың, құрал-саймандардың, Қазақстан Республикасының ұлттық валютасы, шетел валютасы, өзге валюталық құндылықтар, қымбат бағалы металдар, оның ішінде Қазақстан Республикасының Ұлттық Банкі және оның филиалдарының әкелетін алтыны және басқа осыған ұқсас тауарлардың кедендік операциялары бірінші кезектегі тәртіпте жасалады.

      2. Комиссия кедендік операциялар бірінші кезектегі тәртіппен жасалатын өзге де тауарларды айқындауға құқылы.

      3. Осы бапты қолдану мақсаттары үшін тез бұзылатын тауарлар санатының тізбесін Комиссия айқындайды, ал оны Комиссия айқындағанға дейін – мүдделі уәкілетті органдармен келісім бойынша уәкілетті орган айқындайды.


      148-бап. Кеден органдарының және тұлғалардың кедендік операцияларды жасауы

      1. Кедендік операцияларды кеден органдары, декларанттар, тасымалдаушылар, тауарға қатысты өкілеттігі бар тұлғалар, өзге де мүдделі тұлғалар жасайды.

      2. Кеден органдарының атынан кедендік операцияларды осындай кедендік операцияларды жасауға уәкілетті кеден органының лауазымды тұлғалары өзінің лауазымдық (қызметтік) міндеттеріне сәйкес жасайды.

      3. Жекелеген кедендік операцияларды кеден органдары кеден органдарының ақпараттық жүйелері арқылы кеден органдарының лауазымдық тұлғасының қатысуынсыз жасай алады.

      Кеден органдарының кедендік операцияларды кеден органдарының лауазымды тұлғаларының қатысуынсыз кеден органдарының ақпараттық жүйелері арқылы жасау тәртібін Комиссия айқындайды, ал оны Комиссия анықтағанға дейін – уәкілетті орган айқындайды.

      4. Декларанттар, тасымалдаушылар, тауарға қатысты өкілеттігі бар тұлғалар, өзге де мүдделі тұлғалар кедендік операцияларды тікелей немесе осындай тұлғалармен еңбек қатынасында тұрған қызметкерлер арқылы жасайды.

      Декларанттар, тасымалдаушылар, тауарға қатысты өкілеттігі бар тұлғалар, өзге де мүдделі тұлға атынан кедендік операцияларды кеден өкілі жасай алады, ал осы Кодексте көзделген жағдайларда – осы тұлғалардың тапсырмасы бойынша әрекет ететін өзге тұлға жасай алады.


      149-бап. Декларант

      1. Кедендік рәсімдермен орналастырылатын тауарлардың:

      1) мыналар:

      тауарлар Еуразиялық экономикалық одақтың кедендік шекарасы арқылы өткізілетін, шетелдік тұлға мәміленің тарапы болып табылатын;

      оның атынан және (немесе) тапсырмасы бойынша осы тармақшаның екінші абзацында көрсетілген мәмілені жасаған;

      егер тауарлар Еуразиялық экономикалық одақтың кедендік шекарасы арқылы тараптардың бірі шетел тұлға болып табылатын мәміле шеңберінен тыс өткізілсе, тауарларды иеленуге, пайдалануға және (немесе) билік етуге құқығы бар;

      Еуразиялық экономикалық одақтың кедендік аумағында тұрған шетелдік тауарларға қатысты шетелдік тұлға немесе Еуразиялық экономикалық одаққа мүше мемлекеттің тұлғасы жасаған мәміленің тарапы болып табылатын;

      кедендік транзит кедендік рәсімін мәлімдеген кезде – экспедитор болып табылатын Еуразиялық экономикалық одаққа мүше мемлекеттің тұлғасы;

      Тауарлар Еуразиялық экономикалық одақтың кедендік аумағынан әкетілетін, Еуразиялық экономикалық одақтың бір мүше мемлекетінің тұлғалары арасында жасалған мәміленің тарапы болып табылатын;

      2) мыналар:

      Еуразиялық экономикалық одаққа мүше мемлекет аумағында белгіленген тәртіпте құрылған және (немесе) тіркелген өкілеттігі бар ұйым болып табылатын – осындай өкілдіктің немесе филиалдың жеке қажеттілігі үшін өткізілетін тауарларға ғана қатысты кедендік рәсімді мәлімдеген кезде;

      егер тауарлар Еуразиялық экономикалық одақтың кедендік шекарасы арқылы шетелдік тұлға мен Еуразиялық экономикалық одаққа мүше мемлекеттің тұлғасы арасындағы мәміле шеңберінен тыс өткізілсе, тауарлардың меншік иесі болып табылатын;

      кедендік қойма кедендік рәсімін, уақытша әкелу (жіберу) кедендік рәсімін, кері экспорт кедендік рәсімін, арнайы кедендік рәсімді мәлімдеген кезде – егер тауарлар Еуразиялық экономикалық одақтың кедендік шекарасы арқылы шетелдік тұлға мен Еуразиялық экономикалық одаққа мүше мемлекеттің тұлғасы арасындағы мәміле шеңберінен тыс өткізілсе, тауарларды иеленуге және пайдалануға құқығы бар шетелдік тұлға;

      3) дипломатиялық өкілдік, консулдық мекемелер, халықаралық ұйымдар жанындағы мемлекеттер өкілдігі, халықаралық ұйымдар немесе олардың өкілдіктері, Еуразиялық экономикалық одақтың кедендік аумағында орналасқан өзге де ұйымдар немесе олардың өкілдіктері;

      4) кедендік транзиттің кедендік рәсімін мәлімдеген кезде – тасымалдаушы, оның ішінде кедендік тасымалдаушы;

      5) кедендік қойма кедендік рәсімін, кері экспорт кедендік рәсімін, экспорт кедендік рәсімін мәлімдеген кезде – Еуразиялық экономикалық одаққа мүше мемлекеттің үшінші тараппен халықаралық шартқа сәйкес осындай халықаралық шартта көзделген, осындай тұлғаға Еуразиялық экономикалық одақтың кедендік аумағында тұрған тауарларды Еуразиялық экономикалық одақтың кедендік аумағынан әкетуге құқық беретін құжатты алған шетелдік тұлға;

      6) Қазақстан Республикасының салық заңнамасына сәйкес салық төлеуші ретінде Қазақстан Республикасында тіркелген филиалы бар, шетелдік тұлға декларанты болып әрекет ете алады.

      2. Комиссия осы баптың 1-тармағының 2) тармақшасының үшінші абзацында көрсетілген шетелдік тұлға тауарлардың декларанты бола алмайтын жағдайларды айқындауға құқылы.

      3. Осы баптың 1-тармағында көрсетілген тұлғалар қосымша шарттарды сақтаған кезде, жекелеген кедендік рәсіммен орналастырылатын тауарлардың декларанты бола алады, сондай-ақ өзге тұлғалар және көрсетілген тауарлардың декларанты бола алатын мұндай тұлғалар сақтайтын шарттар осы Кодексте айқындалады. Осы баптың 1-тармағында көрсетілген тұлғалар қосымша шарттарды сақтаған кезде, арнайы кедендік рәсімге орналастырылатын тауарлардың декларанты бола алады, сондай-ақ өзге тұлғалар және көрсетілген тауарлардың декларанты бола алатын мұндай тұлғалар сақтайтын шарттарды Комиссия және Комиссия көздеген жағдайларда Қазақстан Республикасының Үкіметі айқындайды.

      4. Осы Кодекстің 343-бабының 6, 7 және 8-тармақтарында, 361-бабының 2-тармағында, 364-бабының 8-тармағында көзделген тұлғалар осы Кодекске сәйкес кедендік декларациялауға және (немесе) кедендік рәсімдерге орналастырылмай шығаруға жататын тауарлардың декларанттары бола алады.


      150-бап. Декларанттың құқығы, міндеттері және жауапкершілігі

      1. Декларант:

      1) кедендік бақылаудағы тауарларды қарауға, өлшеуге және олармен жүк операцияларын орындауға;

      2) кедендік бақылаудағы тауарлардың сынамасын және (немесе) үлгілерін, осы Кодекстің 37-бабына сәйкес берілген кеден органының рұқсатымен іріктеуге;

      3) кеден органдарының лауазымды тұлғаларының кедендік қарап тексеру мен кедендік жете тексеру формасында кедендік бақылау жүргізген кезде және осы тұлғалардың тауарлардың сынамасын және (немесе) үлгілерін іріктеу кезінде қатысуға;

      4) өздері декларациялайтын тауарлардың кеден органдарында бар сынамаларын және (немесе) үлгілерін зерттеу нәтижелерімен танысуға;

      5) кеден органдарының немесе олардың лауазымды адамдарының шешімдеріне, әрекетіне (әрекетсіздігіне) шағымдануға;

      6) өздері декларациялайтын тауарлар туралы мәліметтерді нақтылау үшін сарапшыларды тартуға;

      7) осы Кодексте көзделген өзге де құқықтарды пайдалануға құқылы.

      2. Декларант:

      1) тауарларды кедендік декларациялауды жүргізуге;

      2) кеден органына, осы Кодексте көзделген жағдайларда кедендік декларацияда мәлімделген мәліметтерді растайтын құжаттарды беруге;

      3) декларациялайтын тауарларды осы Кодексте көзделген жағдайларда не кеден органының талабы бойынша көрсетуге;

      4) кедендік төлемдерді, арнайы, демпингке қарсы, өтем баждарын төлеуге және (немесе) осы Кодекске сәйкес оларды төлеу жөніндегі міндеттердің орындалуын қамтамасыз етуге;

      5) тауарларды пайдалану шарттарын кедендік рәсімге сәйкес сақтауға немесе осы Кодекске сәйкес кедендік рәсімге орналастыруға жатпайтын тауарлардың жекелеген санаттарын пайдалану үшін белгіленген шарттарды сақтауға;

      6) осы Кодексте көзделген өзге де талаптарды орындауға міндетті.

      3. Декларант Қазақстан Республикасының заңнамасына сәйкес осы баптың 2-тармағында көзделген міндеттерді орындамағаны немесе тиісінше орындамағаны, кедендік декларацияда дәйексіз мәліметтерді мәлімдегені, сондай-ақ кеден өкіліне жарамсыз құжаттарды, оның ішінде қолдан жасалған және (немесе) көрінеу дәйексіз (жалған) мәліметтері бар құжаттарды бергені үшін жауапты болады.

      Декларант Қазақстан Республикасының Әкімшілік құқық бұзушылық туралы кодексінде көзделген мынадай жағдайларда:

      1) егер кеден органы кедендік бақылау нысанын және тәуекелдерді басқару жүйесінің ұсынымына сәйкес кедендік бақылауды жүргізуді қамтамасыз ету шараларын қолданудың қажеттілігі туралы хабардар етпеген жағдайда тауарларды шығарғанға дейін бұзушылықтарды дербес анықтаған және жойған;

      2) кеден органының лауазымды тұлғасы тауарларды дәйексіз сыныптау фактін белгілеген жағдайда оларды шығарғаннан кейін тауарларды сыныптау бойынша шешімді қайта қарау кезінде тауарлар кодын өзгерткен;

      3) алдын ала шешімді берген кеден органының лауазымды тұлғасы тауарларды дәйексіз сыныптау фактін белгілеген жағдайда тауарларды шығарғанға дейін де, сондай-ақ кейін де алдын ала шешімде көрсетілген тауарлар кодын өзгерткен;

      4) камералдық кедендік тексерудің нәтижесі немесе көшпелі кедендік тексерудің нәтижесі туралы хабарлама бойынша бұзушылықты жою туралы хабарламаны тексерілуші тұлғаға берген күннен кейінгі күннен бастап отыз жұмыс күні ішінде бұзушылықты дербес жойған;

      5) егер мұндай бұзушылық кеденді төлемдерді және салықтарды, арнайы, демпингке қарсы, өтем баждарын төлеу мөлшеріне ықпал етсе және (немесе) тіркелген тауарларға арналған декларацияда көрсетілген тауарларға қарағанда өзге тауарлар туралы мәліметтерді мәлімдеуге әкеп соқтырса, тауарлар шығарылғаннан кейін бір жыл ішінде көшпелі кедендік тексеруді жүргізуді бастағанға дейін бұзушылықты дербес анықтаған және ерікті түрде жойыған;

      6) егер енгізілетін өзгерту кедендік төлемдерді және салықтарды, арнайы, демпингке қарсы, өтем баждарын төлеу мөлшеріне, тыйым салулар мен шектеулерді сақтауға ықпал етсе, осындай өзгерту тіркелген тауарларға арналған декларацияда көрсетілген тауарларға қарағанда өзге тауарлар туралы мәліметтерді мәлімдеуге әкеп соқтырмаса, бұзушылық туралы талапты қойғанға дейін, шығарғаннан кейін тауарларға арналған декларацияға өзгерістер енгізу арқылы бұзушылықты дербес жойған;

      7) бес жүз айлық есептік көрсеткіштен аспайтын мөлшерде бюджетке төлеуге жататын, кедендік төлемдерді, салықтарды, арнайы, демпингке қарсы, өтем баждарының төленуге тиіс сомасын толықтырып есептеуге әкеп соқтырған бұзушылықты тауралар шығарылғанға дейін кеден органы анықтаған кезде, осындай бұзушылықты кеден органы анықтаған күннен кейінгі бір жұмыс күнінен кешіктірмей декларант төленуге тиіс кедендік төлемдерді, салықтарды, арнайы, демпингке қарсы, өтем баждарын толық көлемде төлеген кезде жауапкершілікке тартылмайды.

      4. Осы Кодекстің 149-бабының 2) тармақшасының екінші абзацында және 6) тармақшасында көзделген тұлға осы баптың 2-тармағында көзделген міндеттерді орындамағаны немесе тиістінше орындамағаны үшін, сондай-ақ кедендік декларацияда дәйексіз мәліметтерді мәлімдегені, сондай-ақ кеден өкіліне жарамсыз құжаттарды, оның ішінде қолдан жасалған және (немесе) көрінеу дәйексіз (жалған) мәліметтері бар құжаттарды бергені үшін заңды тұлға ретінде Қазақстан Республикасының заңдарында белгіленген жауаптылықта болады.


      151-бап. Кедендік операцияларды жасаған кезінде мүдделі тұлғалардың қатысуы

      1. Мүдделі тұлғалар кедендік операцияларды жасау кезінде қатысуға құқылы.

      2. Кеден органының талап етуі бойынша мүдделі тұлғалар кедендік операцияларды жасау кезінде кеден органдарына оларды жасауға жәрдем көрсету мақсатында қатысуға міндетті.


      152-бап. Еуразиялық экономикалық одақтың кедендік шекарасы арқылы заңсыз өткізілген тауарларға қатысты кедендік операцияларды жасау

      Еуразиялық экономикалық одақтың кедендік шекарасы арқылы заңсыз өткізілген не шығарылуын кеден органдары осы Кодекске сәйкес жүргізбеген, кедендік баждар, салықтар, арнайы, демпингке қарсы, өтем баждардың төленбеуіне немесе тыйым салулар мен шектеулерді, ішкі нарықты қорғау шараларының сақталмауына әкеп соқтырған тауарларға қатысты кеден органдары Еуразиялық экономикалық одақтың кедендік аумағында осы тауарларды алған тұлғаларды анықтағанда, осы тұлғалардың қалауы бойынша кедендік декларациялау жүзеге асырылуы мүмкін не осындай тауарларға қатысты уәкілетті орган бекіткен тәртіппен өзге де кедендік операциялар жасалуы және кедендік төлемдер, салықтар төленуі мүмкін.

15-тарау. Тауарлардың Еуразиялық экономикалық одақтың кедендік аумағына келуі және олардың келуімен байланысты кедендік операциялар

      153-бап. Тауарлардың Еуразиялық экономикалық одақтың кедендік аумағына келуі

      1. Еуразиялық экономикалық одақтың кедендік шекарасын кесіп өткеннен кейін тауарларды тасымалдаушы немесе жеке пайдалануға арналған тауарларды келу орнына немесе осы Кодекстің 30-бабының 3-тармағында көрсетілген өзге де жерлерге алып өтуші тұлғалар жеткізуі тиіс. Бұл ретте тауарлардың қаптамасының бұзылуына, сондай-ақ салынған пломбалар, мөрлер және өзге де идентификаттау құралдарын өзгертуге, алып тастауға, жоюға немесе зақымдануға жол берілмейді.

      2. Егер Еуразиялық экономикалық одақтың кедендік шекарасын кесіп өткеннен кейін тауарларды келу орнына немесе осы Кодекстің 30-бабының 3-тармағында көрсетілген өзге де жерлерге жеткізу доғарылса, сондай-ақ егер су немесе әуе кемесі авария, еңсерілмейтін күш әсері не тауарларды жеткізуге, белгіленген орындарға тоқтауды немесе қонуды жүзеге асыруға кедергі келтіретін өзге де мән-жайлар салдарынан Еуразиялық экономикалық одақтың кедендік аумағына мәжбүрлі тоқтаса немесе қонса, тасымалдаушы немесе жеке пайдалануға арналған тауарларды алып өтуші тұлғалар тауарлардың сақталуын қамтамасыз ету үшін барлық шараларды қолдануға, жақын кеден органына осы мән-жайлар туралы және тауарлардың тұрған жері туралы дереу хабарлауға, сондай-ақ көлік құралдары бұзылған кезде тауарды апаруға немесе оларды жақын кеден органына не кеден органы көрсеткен өзге орынға тасуды (тасымалдауды) қамтамасыз етуге міндетті.

      Осы тармақтың талаптарын сақтауға байланысты тасымалдаушыда немесе өзге де тұлғаларда болған шығыстарды кеден органдары өтемейді.

      3. Тауарларды келу орнына немесе осы Кодекстің 30-бабының 3-тармағында көрсетілген өзге де жерлерге жеткізгеннен кейін, су кемелерімен тасымалдайтын тауарларды қоспағанда, тауарлар кедендік бақылау аймағында болуға тиіс.

      4. Осы Кодекстің 154, 155, 156 және 157-баптарының ережелері Еуразиялық экономикалық одақтың кедендік аумағына жеке тұлғалар әкелген жеке пайдалануға арналған тауарларға қатысты қолданылмайды.

      Еуразиялық экономикалық одақтың кедендік аумағына жеке тұлғалар әкелген жеке пайдалануға арналған тауарларға қатысты олар Еуразиялық экономикалық одақтың кедендік аумағына келгеннен кейін кедендік операциялар осы Кодекстің 39-тарауына сәйкес жасалады.

      5. Осы тараудың ережелері:

      1) Еуразиялық экономикалық одақтың кедендік аумағында орналасқан портқа кірмей немесе әуежайға қонбай, Еуразиялық экономикалық одақтың кедендік аумағын кесіп өтетін су және әуе кемелерімен тасымалданатын тауарларға;

      2) Еуразиялық экономикалық одақ тауарлары және осы Кодекстің 389-бабының 4-тармағында көрсетілген Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне Еуразиялық экономикалық одаққа мүшелері болып табылмайтын мемлекеттердің аумағы арқылы және (немесе) Еуразиялық экономикалық одақтың мүшесі болып табылмайтын мемлекет аумағына қонбай теңізбен не су кемесінің Еуразиялық экономикалық одаққа мүшесі болып табылмайтын мемлекет портына кірмей, су және әуе кемелерімен тасымалданатын шетел тауарларына;

      3) құбыржол көлігімен немесе электр тарату желілері арқылы тасымалданатын тауарларға қатысты қолданылмайды.


      154-бап. Тауарлардың Еуразиялық экономикалық одақтың кедендік аумағына келуіне байланысты кедендік операциялар және оларды жасаудың тәртібі

      1. Тасымалдаушы кеден органын тауарларды тасу (тасымалдау) жүзеге асырылатын көліктің түріне қарай осы Кодекстің 155-бабында көзделген құжаттар мен мәліметтерді табыс ету арқылы не электрондық құжат түріндегі ұсынылған алдын ала ақпараттың тіркелген нөмірі туралы мәлімет бар құжатты табыс ету арқылы мынадай мерзімдерде:

      1) автомобиль көлігімен тасымалданатын тауарларға қатысты – тауарлардың келу орнына жеткізілген кезінен бастап бір сағат ішінде, ал тауарлар келу орнына кеден органының жұмыс уақытынан тыс уақытта жеткізілген жағдайда – кеден органының жұмыс уақытының басталған кезінен бастап бір сағат ішінде;

      2) су, әуе немесе теміржол көлігімен тасымалданатын тауарларға қатысты – халықаралық тасымалдауды жүзеге асырған кездегі порттың, әуежайдың немесе теміржол стансасының технологиялық процесімен (кестесімен) белгіленген уақыт ішінде Еуразиялық экономикалық одақтың кедендік аумағына келуі тауарлардың туралы хабардар етуге міндетті.

      2. Тасымалдаушының атынан осы баптың 1-тармағында көрсетілген құжаттар мен мәліметтерді кеден өкілі не тасымалдаушының тапсырмасы бойынша әрекет ететін өзге тұлғалар ұсынуы мүмкін.

      3. Қазақ тілі немесе орыс тілі болып табылмайтын тілде жасалған құжаттар ұсынылған кезде осындай құжаттардағы бар мәліметтерді аударуды тасымалдаушы немесе өзге мүдделі тұлға қамтамасыз етеді.

      4. Тауарлардың Еуразиялық экономикалық одақтың кедендік аумағына келуі туралы хабардар ету күні мен уақыты уәкілетті орган бекіткен тәртіппен кеден органында тіркеледі.

      5. Осы Кодекстің 149-бабында көрсетілген тасымалдаушы немесе өзге тұлға тауарлардың келуі туралы хабардар етілген кезден бастап кеден органының жұмыс уақытының үш сағаты ішінде:

      1) тауарларды уақытша сақтауға орналастыруға;

      2) осы баптың 6-тармағанда белгіленген тәртіппен тауарларды келген орындарынан уақытша сақтау орнына дейін тасуға (тасымалдауға);

      3) тауарларды кедендік декларациялауға;

      4) порттық АЭА немесе логистикалық АЭА аумағында тауарларды еркін кеден аймағы кедендік рәсіміне орналастыруға;

      5) тауарларды Еуразиялық экономикалық одақтың кедендік аумағынан шығаруға байланысты кедендік операциялардың біреуін жасауға міндетті.

      6. Егер осындай қолдану қажеттілігі тәуекелдерді басқару жүйесінің негізінде айқындалған жағдайларды қоспағанда, егер бір елді мекеннің келу орны бар әкімшілік-аумақтық шекарасы шегінде орналасқан уақытша сақтау орнына тауарларды орналастыру жоспарланса, осы баптың 4-тармағының 2) тармақшасында белгіленген жағдайларда тауарларды тасу (тасымалдау) кедендік транзит кедендік рәсімін қолданбастан жүзеге асырылады.

      7. Осы баптың 5-тармағының ережелері Еуразиялық экономикалық одақтың кедендік аумағына келген тауарларға:

      1) осы Кодекстің 32-бабының 1-тармағына сәйкес Еуразиялық экономикалық одақтың кедендік аумағынан дереу шығарылуы тиісті тауарларға;

      2) су немесе әуе кемелерінде тұрған және осы кемелерден Еуразиялық экономикалық одақтың кедендік аумағына түсірілуге жатпайтын тауарларға;

      3) бір әуе кемесінен басқа әуе кемесіне ауыстырылып, тиелетін және Еуразиялық экономикалық одақтың кедендік аумағынан шығарылуға жататын тауарларға;

      4) Еуразиялық экономикалық одақ тауарларына және осы Кодекстің 385-бабының 4-тармағында көрсетілген Еуразиялық экономикалық одақтың кедендік аумағының бір бөлігінен Еуразиялық экономикалық одақтың басқа бөлігіне Еуразиялық экономикалық одаққа мүше болып табылмайтын мемлекеттердің аумақтары арқылы және (немесе) теңізбен тасыған (тасымалдаған) кезде кедендік транзит кедендік рәсімімен орналастырылған шетелдік тауарларға;

      5) Еуразиялық экономикалық одақ тауарларына және шетелдік тауарларды осы Кодекстің 385-бабының 5-тармағының 1) тармақшасында көзделген жағдайларда, Еуразиялық экономикалық одақтың кедендік аумағының бір бөлігінен Еуразиялық экономикалық одақтың басқа бөлігіне Еуразиялық экономикалық одаққа мүшесі болып табылмайтын мемлекеттің аумағы арқылы су және әуе кемелерімен тасымалданатын, Еуразиялық экономикалық одаққа мүшесі болып табылмайтын мемлекеттің аумағына әуе кемесінің мәжбүрлі қонуынан кейін не су кемесінің Еуразиялық экономикалық одаққа мүшесі болып табылмайтын мемлекеттің портына аварияның, еңсерілмейтін күш әсері салдарынан не өзге мән-жайлар салдарынан кіруінен кейін Еуразиялық экономикалық одақтың кедендік аумағына келген шетелдік тауарларға;

      6) осы Кодекстің 385-бабының 5-тармағының 2), 3) және 4-тармақшаларында көрсетілген Еуразиялық экономикалық одақ тауарларына;

      7) осы Кодекстің 384-бабында көрсетілген тауарларға қатысты қолданылмайды.

      8. Кеден органы кедендік декларацияны осы баптың 5-тармағының бірінші абзацында белгіленген мерзімде тіркеген жағдайда, осы Кодекстің 149-бабында көрсетілген тұлғалар тауарларды уақытша сақтауға байланысты кедендік операцияларды мыналарды:

      осы Кодекстің 184-бабына сәйкес кедендік декларацияны қайтарып алуға кеден органының рұқсатын;

      осы Кодекстің 193-бабының 4, 5, 6, 7 және 8-тармақтарына сәйкес тауарларды шығару мерзімдерін ұзарту туралы кеден органының шешімін;

      осы Кодекстің 198-бабына сәйкес тауарларды шығару мерзімдерін тоқтата тұру туралы кеден органының шешімін;

      осы Кодекстің 201-бабына сәйкес тауарларды шығарудан бас тартуды алған кезден бастап кеден органының жұмыс уақытының үш сағаты ішінде жасауға міндетті.

      9. Осы Кодекстің 201-бабының 1-тармағының 8) тармақшасына сәйкес тауарларды шығарудан бас тартылған жағдайда, декларант тауарларды декларациялау, тауарларды уақытша сақтауға орналастыруға байланысты кедендік операцияларды жасауға, егер олар келу орындарынан кетпеген болса, тауарларды шығарудан бас тартуды алған кезден бастап кеден органының жұмыс уақытының үш сағаты ішінде оларды Еуразиялық экономикалық одақтың кедендік аумағынан әкетуге міндетті.

      10. Келу орнында уақытша сақтауға орналастырылған тауарлар келу орнындағы уақытша сақтау орындарында сақталады немесе осы Кодексте көзделген жағдайларда – өзге де уақытша сақтау орындарында сақталады.

      Егер шетелдік тауарларды уақытша сақтау келу орнында орналастырылмаған уақытша сақтау орындарында жүзеге асырылатын болса, шетелдік тауарларды келу орнынан осындай уақытша сақтау орнына дейін тасу кедендік транзит кедендік рәсіміне сәйкес не осы баптың 6-тармағында көзделген жағдайларда кедендік транзит кедендік рәсіміне орналастырылмастан жүзеге асырылады.

      11. Осы баптың 5, 7-тармақтарында және 8-тармағының бірінші абзацында оларға қатысты мерзімі айқындалған немесе осы тармақтарда көзделген кедендік операциялар жасалмаған тауарларды осы Кодекстің 52-тарауына сәйкес кеден органдары кідіртеді.


      155-бап. Еуразиялық экономикалық одақтың кедендік аумағына тауарлардың келуі туралы кеден органын хабардар еткен кезде ұсынылатын құжаттар мен мәліметтер

      1. Еуразиялық экономикалық одақтың кедендік аумағына тауарлардың келуі туралы кеден органын хабардар еткен кезде тасымалдаушы мынадай құжаттар:

      1) автомобиль көлігімен халықаралық тасымалдау кезінде:

      халықаралық тасымалдау көлік құралына арналған құжаттар;

      көліктік (тасымалдау) құжаттары;

      Дүниежүзілік пошта одағының актілерінде айқындалған, халықаралық пошта жөнелтілімдерін тасымалдау кезінде олармен ілесіп жүретін құжат;

      тасымалданатын тауарларға арналған тасымалдаушыда бар коммерциялық құжаттар;

      мыналар:

      халықаралық тасымалдау көлік құралын мемлекеттік тіркеу;

      тауарларды тасымалдаушы (атауы және мекенжайы);

      тауарларды жөнелтуші ел және тауарлардың межелі елінің (атауы);

      тауарларды жөнелтуші және алушы (атауы және мекенжайы);

      тасымалдаушыда бар коммерциялық құжаттарға сәйкес тауарларды сатушы және сатып алушы;

      жүк орындарының саны, оларды таңбалау және тауарлар орамаларының түрлері;

      тауарлар (Тауарларды сипаттау мен кодтаудың үйлестірілген жүйесіне немесе Сыртқы экономикалық қызметтің тауар номенклатурасына сәйкес бірінші алты белгіден кем емес деңгейдегі тауарлардың атаулары және кодтары);

      тауарлардың брутто салмағы (килограммен) не тауарлардың көлемі (текше метрмен);

      Еуразиялық экономикалық одақтың кедендік аумағына әкелуге тыйым салынған немесе шектеу қойылған тауарлардың болуы (болмауы);

      халықаралық тауар-көліктік жүкқұжат жасау орны және күні;

      контейнерлердің идентификаттау нөмірлері туралы мәліметтер;

      2) су көлігімен халықаралық тасымалдау кезінде:

      жалпы декларация;

      жүк туралы декларация;

      кеме керек-жарақтары туралы декларация;

      кеме экипажының жеке заттары туралы декларация;

      кеменің рөлі;

      жолаушылардың тізімі;

      егер осы тармақшада көзделген тауарлар туралы мәліметтер жүк туралы декларацияда болмаса, көлік (тасымалдау) құжаттары;

      Дүниежүзілік пошта одағының актілерімен айқындалған, халықаралық пошта жөнелтілімдерін тасымалдау кезінде олармен ілесіп жүретін құжаттар;

      мәліметтер:

      кемені және оның ұлттық тиесілілігін тіркеу туралы;

      кеме туралы (атауы және сипаттамасы);

      кеме капитаны туралы (тегі);

      кеме агенті туралы (тегі және мекенжайы);

      кемедегі жолаушылар туралы (саны, олардың тегі, азаматтығы (бодандығы), туған күні және жері, отырғызу және түсіру порты);

      кеме экипажы мүшелерінің саны және құрамы;

      кемені жөнелтуші порт және кіргізуші порт туралы (атаулары);

      жүк орындарының саны, тауарларды таңбалау және тауарлар орамасының түрлері туралы;

      тауарлар туралы (атаулары, жалпы саны және сипаттамасы);

      тауарларды тиейтін порт және түсіретін порт туралы (атаулары);

      осы портта түсіруге жататын тауарларға арналған көліктік (тасымалдау) құжаттардың нөмірлері туралы;

      бортта қалатын тауарларды түсіретін порттар туралы (атаулары);

      тауарларды жөнелтуші бірінші порттар туралы (атаулары);

      кемедегі кеме керек-жарақтар туралы (атаулары және саны);

      тауарлардың кемеде орналасуын сипаттау;

      кеме бортында халықаралық пошта жөнелтілімдерінің болуы (болмауы) туралы;

      кеме бортында құрамында есірткі, қатты әсер ететін құралдар, психотроптық және улы заттар бар дәрілік заттардың болуы (болмауы) туралы;

      кеме бортында, қару-жарақ, оқ-дәрілерді қоса алғанда, қауіпті тауарлардың болуы (болмауы) туралы;

      контейнерлердің идентификаттау нөмірлері туралы;

      3) әуе көлігімен халықаралық тасымалдау кезінде:

      азаматтық авиация саласындағы халықаралық шарттарда көзделген тасымалдаушының стандарттық құжаты (бас декларация);

      әуе кемесінің бортында тасымалданатын тауарлар туралы мәліметтер бар құжат (жүк ведомосы);

      борт керек-жарақтары туралы мәліметтер бар құжат;

      көлік (тасымалдау) құжаттары;

      бортта тасымалданатын жолаушылар және олардың багажы туралы мәліметтер бар құжат (жолаушы ведомосы);

      Дүниежүзілік пошта одағының актілерінде айқындалған, халықаралық пошта жөнелтілімдерін тасымалдау кезінде олармен ілесіп жүретін құжат;

      тасымалдаушыда тасымалданатын тауарларға арналған коммерциялық құжаттың болуы;

      мәліметтер:

      кеменің ұлттық тиесілік белгілері және тіркеу белгілері туралы;

      рейстің нөмірі, ұшу бағыты, кеменің ұшып кету пункті және келу пункті туралы;

      кеме пайдаланушысы туралы (атауы);

      кеме экипажы мүшелерінің саны және құрамы;

      кемедегі жолаушылар туралы (саны, тегі мен аты-жөні, отырғызу және түсіру пункттерінің атауы);

      тауарлар туралы (атаулары);

      жүк жүкқұжатының нөмірі, әрбір жүк жүкқұжаты бойынша орындардың саны туралы;

      тауарларды тиеу пункті және түсіру пункті туралы (атаулары);

      кемеге тиелетін немесе одан түсірілетін борт керек-жарақтарының саны туралы;

      кеме бортында халықаралық пошта жөнелтілімдерінің болуы (болмауы) туралы;

      кеме бортында Еуразиялық экономикалық одақтың кедендік аумағына әкелуге тыйым салынған немесе шектеу қойылған тауарлардың, құрамында есірткі, қатты әсер ететін құралдар, психотроптық және улы заттар бар дәрілік заттардың, қару-жарақтардың, оқ-дәрілердің болуы (болмауы) туралы;

      контейнерлердің идентификаттау нөмірлері туралы;

      4) теміржол көлігімен халықаралық тасымалдау кезінде:

      көлік (тасымалдау) құжаттары;

      теміржол жылжымалы құрамына арналған берілетін ведомость;

      керек-жарақтар туралы мәліметтер бар құжат;

      Дүниежүзілік пошта одағының актілерінде айқындалған халықаралық пошта жөнелтілімдерін тасымалдау кезінде олармен ілесіп жүретін құжат;

      тасымалдаушыда тасымалданатын тауарларға арналған коммерциялық құжаттың болуы;

      мәліметтер:

      тауарларды жөнелтуші және алушы туралы (атаулары және мекенжайы);

      тауарларды жөнелтуші стансасы және тауарлардың межелі стансасы туралы (атаулары);

      жүк орындарының саны, тауарларды таңбалау және тауарлар орамасының түрлері туралы;

      тауарлар туралы (Тауарларды сипаттау және кодтаудың үйлестірілген жүйесіне немесе Сыртқы экономикалық қызметтің тауар номенклатурасына сәйкес бірінші алты белгіден аз емес деңгейдегі тауарлардың атаулары және кодтары);

      тауарлардың брутто салмағы (килограммен);

      контейнерлердің идентификаттау нөмірлері туралы мәліметтерді ұсынады.

      2. Тауарларды тасу (тасымалдау) жүзеге асырылатын көлік түріне қарамастан, кеден органын осы бапта көрсетілген құжаттар мен мәліметтерді табыс ету арқылы Еуразиялық экономикалық одақтың кедендік аумағына тауарлардың келуі туралы хабардар еткен кезде, тасымалдаушы:

      1) осы Кодекстің 8-бабына сәйкес тыйым салулар мен шектеулердің сақталуын растайтын құжаттарды және (немесе) мәліметтерді;

      2) егер Еуразиялық экономикалық одақтың кедендік аумағына келген тауарларға қатысты кеден органына осы Кодекстің 31-бабына сәйкес алдын ала ақпарат ұсынылған болса – алдын ала ақпараттың тіркеу нөмірін көрсете отырып, алдын ала ақпараттың тіркелуі туралы мәліметтерді;

      3) Еуразиялық экономикалық одақтың кедендік аумағына келген Еуразиялық экономикалық одақ тауарларына және осы Кодекстің 385-бабының 4-тармағында көрсетілген, Еуразиялық экономикалық одаққа мүшесі болып табылмайтын мемлекеттердің аумақтары және (немесе) теңіз арқылы тасу (тасымалдау) үшін кедендік транзит кедендік рәсімімен орналастырылған шетел тауарларына қатысты – транзиттік декларацияны ұсынады.

      3. Осы баптың 1 және 2-тармақтарына сәйкес ұсынылуға жататын мәліметтер тасымалдаушы ұсынған құжаттарда болмаған жағдайда не егер тыйым салулар мен шектеулердің сақталуын растайтын құжаттар осы Кодекстің 146-бабының 2-тармағына сәйкес ұсынылмаса, тасымалдаушы жетпейтін мәліметтері бар өзге құжаттарды ұсынуға міндетті не жетпейтін мәліметтер және (немесе) ұсынылмайтын құжаттар туралы мәліметтерді еркін нысанда өтініш беру арқылы мәлімдеуге міндетті.

      4. Кеден органын халықаралық пошта жөнелтілімдерінің Еуразиялық экономикалық одақтың кедендік аумағына келуі туралы хабардар еткен кезде, тасымалдаушы осындай пошта жөнелтілімдеріне қатысты оларды тасымалдаған кезде Дүниежүзілік пошта одағының актілерінде белгіленген халықаралық пошта жөнелтілімдерінің ілеспе құжаттарын және осы Кодекстің 369-бабының 1 және 2-тармақтарына сәйкес мәліметтерді ұсынады.

      5. Тауарларды тасу (тасымалдау) жүзеге асырылатын көліктің түріне қарай Комиссия кеден органы Еуразиялық экономикалық одақтың кедендік шекарасы арқылы тауарларды белгілі бір кезең ішінде халықаралық тасымалаудың белгілі бір көлік түрімен тұрақты түрде тасымалдаған кезде Еуразиялық экономикалық одақтың кедендік аумағына тауарлардың келуі туралы хабарлама берудің ерекшеліктерін айқындауға құқылы.


      156-бап. Тауарларды түсіру, қайта тиеу (ауыстырып тиеу) және тауарлармен өзге де жүк операциялары, сондай-ақ келу орындарында жүзеге асырылатын халықаралық тасымалдаудың көлік құралдарын өткізу

      1. Келу орнында тауарларды түсіру, қайта тиеу (ауыстырып тиеу) және тауарлармен өзге де жүк операциялары, сондай-ақ тауарларды Еуразиялық экономикалық одақтың кедендік аумағына жеткізген халықаралық тасымалдаудың көлік құралдарын басқа көлік құралдарымен ауыстыру жүзеге асырылуы мүмкін.

      2. Тауарларды түсіру, қайта тиеу (ауыстырып тиеу) және тауарлармен өзге де жүк операциялары, сондай-ақ тауарларды Еуразиялық экономикалық одақтың кедендік аумағына жеткізген халықаралық тасымалдаудың көлік құралдарын басқа көлік құралдарымен ауыстыру кеден органының жұмыс уақытында және мүдделі тұлғаның сұрау салуы бойынша берілетін кеден органының рұқсатымен арнайы осы мақсаттарға арналған орындарда, ал егер тауарлар мен көлік құралдарына қатысты осындай операциялар салынған кедендік пломбалар мен мөрлерді бұзбай жасалған не егер тауарға кедендік пломбалар мен мөрлер салынбаған жағдайларда не Қазақстан Республикасының халықаралық шарттарында айқындалған жағдайларда – кеден органын электрондық немесе жазбаша нысанда хабардар еткеннен кейін жүзеге асырылады.

      3. Келген орнында авария, еңсерілмейтін күштің әсері немесе өзге де мән-жайлар болған кезде тауарларды түсіру, қайта тиеу (ауыстырып тиеу) және тауарлармен өзге де жүк операциялары, сондай-ақ тауарларды Еуразиялық экономикалық одақтың кедендік аумағына жеткізген халықаралық тасымалдаудың көлік құралдарын басқа көлік құралдарымен ауыстыруды жүзеге асыру осы баптың 2-тармағында көрсетілген, егер мұндай операцияларды орындамау тауарлардың біржола жоғалуына және (немесе) жойылуына алып келсе, кеден органының рұқсатынсыз немесе оны хабардар етусіз жасалуы мүмкін. Бұл жағдайда осындай операцияларды жасаған тұлға олардың жасалғаны туралы кеден органын осындай операциялар жасалған кезден бастап екі сағаттан кешіктірмей хабарлайды.


      157-бап. Еуразиялық экономикалық одақтың кедендік аумағына тауарлар келген кезде кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімдері

      1. Тауарлар Еуразиялық экономикалық одақтың кедендік аумағына келген кезде тасымалдаушыда кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет тауарлар Еуразиялық экономикалық одақтың кедендік шекарасын кесіп өткен кезде туындайды.

      2. Тауарлар Еуразиялық экономикалық одақтың кедендік аумағына келген кезде тасымалдаушыда кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет мынадай мән-жайлар басталған кезде:

      1) тауарларды келу орнына жеткізген және уақытша сақтауға орналастырған немесе келу орнында кеден органының тауарларды шығарған кезінде;

      2) Еуразиялық экономикалық одақтың кедендік аумағынан тауарлардың кетуі, егер осы тауарлар Еуразиялық экономикалық одақтың кедендік аумағына келгеннен кейін Еуразиялық экономикалық одақтың кедендік шекарасының тауарлар өткізу орнынан шықпаса;

      3) осы баптың 4-тармағында көрсетілген мән-жайлар басталғаннан кейін тауарларды шетел тауарларына қолданылатын кедендік рәсімдерге орналастырған кезде;

      4) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетті орындаған және (немесе) осы баптың 5-тармағына сәйкес есептелген және төленуге жататын мөлшерде оларды өндіріп алған кезде;

      5)  осы Кодекске сәйкес осындай жойылған және (немесе) біржола жоғалғанға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, уәкілетті орган бекіткен тәртіппен кеден органы шетелдік тауарлардың авария немесе еңсерілмейтін күштің салдарынан жойылған және (немесе) біржола жоғалған не осы тауарларды тасудың (тасымалдаудың) және (немесе) сақтаудың қалыпты жағдайлары кезінде табиғи кему нәтижесінде біржола жоғалған фактісін тануы;

      6) Қазақстан Республикасының заңнамасына сәйкес тауарларды тәркілегенде немесе мемлекеттің меншігіне айналдырғанда;

      7) осы Кодекстің 52-тарауына сәйкес кеден органы тауарларды кідірткен;

      8) қылмыстық құқық бұзұшылықтар туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алынған немесе қамауға алынған тауарларды уақытша сақтауға қойған немесе кедендік ресімдердің біреуіне орналастырған кезде және егер бұрын осындай тауарларды шығару жүргізілмеген болса, оларға қатысты оларды қайтару туралы шешім қабылданған кезде тоқтатылады.

      3. Кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет осы баптың 4-тармағында көрсетілген мән-жайлар басталған кезде орындалуға жатады.

      4. Мынадай мән-жайлар басталған кезде:

      1) тауарларды келу орнына жеткізбеген кезде – тауарлардың Еуразиялық экономикалық одақтың кедендік шекарасын кесіп өткен күні, ал егер бұл күн анықталмаса – тауарларды келу орнына жеткізбеу фактісі анықталған күн;

      2) авария немесе еңсерілмейтін күштің әсері салдарынан жойылған және (немесе) біржола жоғалған не осы тауарларды тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде біржола жоғалуды қоспағанда, тауарлардың келу орнында жоғалуы кезінде, ал егер бұл күн анықталмаса – тауарлардың Еуразиялық экономикалық одақтың кедендік шекарасын кесіп өткен күні;

      3) кеден органы келу онында сақтауға қоймастан немесе тауарларды шығармастан, тауарларды келу орнынан Еуразиялық экономикалық одақтың кедендік аумағының қалған бөлігіне әкету кезінде – осындай әкеткен күні, ал бұл күн анықталмаса – тауарлардың Еуразиялық экономикалық одақтың кедендік шекарасын кесіп өткен күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып саналады.

      5. Осы баптың 4-тармағында көрсетілген мән-жайлар басталған кезде, егер тауарлар кедендік әкелу баждарын, салықтарды төлеу жөніндегі тарифтік преференциялар мен жеңілдіктерді қолданусыз ішкі тұтыну үшін шығару кедендік рәсімімен орналастырылатын болса, кедендік әкелу баждары, салықтар, арнайы, демпингке қарсы, өтем баждары төленуге жатады.

      Кедендік әкелу баждары, салықтар, арнайы, демпингке қарсы, өтем баждары осы Кодекстің 8 және 13-тарауларына сәйкес есептеледі.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыстағы кедендік әкелу баждарының, салықтардың, арнайы, демпингке қарсы, өтем баждарының мөлшерлемесі қолданылады.

      Егер тауарлардың кедендік құнын айқындау үшін, сондай-ақ Қазақстан Республикасында төлеуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін шетелдік валютаны Қазақстан Республикасының ұлттық валютасында қайта есептеу талап етілген жағдайда, мұндай қайта есептеу осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыстағы валюта бағамы бойынша жүргізіледі.

      Егер кеден органында тауарлар туралы (сипаты, атауы, саны, шығатын жері және (немесе) кедендік құны) нақты мәліметтер болмаған жағдайда төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеу базасы кеден органында бар мәліметтер негізінде айқындалады, ал тауарларды сыныптау осы Кодекстің 40-бабының 4-тармағы ескеріле отырып, жүзеге асырылады.

      Егер тауардың коды Сыртқы экономикалық қызметтің тауар номенклатурасына сәйкес оннан кем белгі санымен топтастыру деңгейінде белгіленген жағдайда:

      кедендік әкелу баждарын есептеу үшін осындай топтастыруға кіретін тауарларға сәйкес келетін, кедендік әкелу баждарының ең жоғарғы мөлшерлемесі қолданылады;

      салықтарды есептеу үшін кедендік әкелу баждарының ең жоғарғы мөлшерлемесі белгіленген осындай топтастыруға кіретін тауарларға сәйкес келетін, қосылған құн салығына салықтың ең жоғарғы мөлшерлемесі, акциздердің ең жоғарғы мөлшерлемесі қолданылады;

      арнайы, демпингке қарсы, өтем баждарын есептеу үшін осы тармақтың оныншы абзацы ескеріле отырып, осындай топтастыруға кіретін тауарларға сәйкес келетін арнайы, демпингке қарсы, өтем баждарының ең жоғарғы мөлшерлемесі қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шығуы және (немесе) көрсетілген баждарды айқындау үшін қажетті өзге мәліметтер негізге алынып есептеледі. Егер тауарлардың шығуы және (немесе) көрсетілген баждарды айқындау үшін қажетті өзге мәліметтер расталмаған жағдайда, арнайы, демпингке қарсы, өтем баждары Сыртқы экономикалық қызметтің тауар номенклатурасының сол кодындағы тауарларға қатысты белгіленген, егер тауарлардың сыныптамасы он белгі деңгейінде жүзеге асырылса не осы топтамаға кіретін тауарлар, егер тауарлардың коды Сыртқы экономикалық қызметтің тауар номенклатурасына сәйкес оннан кем белгі санымен топтама деңгейінде айқындалған болса, арнайы, демпингке қарсы, өтем баждарының ең жоғарғы мөлшерлемесіне негізделіп, есептеледі.

      Кейіннен тауарлар туралы нақты мәліметтер белгіленген кезде, кедендік әкелу баждарын, салықтарды, арнайы, демпингке қарсы, өтем баждар осындай нақты мәліметтерге негізделіп есептеледі, осы Кодекстің 11-тарауына және 141-бабына сәйкес артық төленген және (немесе) артық өндіріліп алынған кедендік әкелу баждарын, салықтарды, арнайы, демпингке қарсы, өтем баждарын есепке жатқызу (қайтару) жүзеге асырылады, не осы Кодекстің 87 және 137-баптарына сәйкес, не іс-қимыл осы Кодекстің 12-тарауына және 142-бабына сәйкес төленбеген сомаларды өндіріп алу жүзеге асырылады.

      6. Тауарларды шетелдік тауарларға қолданылатын кедендік ресімдерге орналастырған жағдайда, осы Кодекстің 52-тарауына сәйкес кеден органдарының тауарларды кідірту, кедендік әкелу баждарын, салықтарды, арнайы, демпингке қарсы, өтем баждарын төлеу және (немесе) оларды (толық немесе ішінара) өндіріп алу жөніндегі міндет орындалғаннан кейін уақытша сақтауға орналастыру осы бапқа сәйкес төленген және (немесе) өндіріліп алынған кедендік әкелу баждар, салықтар, арнайы, демпингке қарсы, өтем баждары осы Кодекстің 11-тарауына және 141-бабына сәйкес есепке жатқызуға (қайтаруға) жатады.

16-тарау. Еуразиялық экономикалық одақтың кедендік аумағынан тауарлардың кетуі және осындай кетуге байланысты кедендік операциялар

      158-бап. Еуразиялық экономикалық одақтың кедендік аумағынан тауарлардың кетуіне байланысты кедендік операциялар және оларды жасаудың тәртібі

      1. Еуразиялық экономикалық одақтың кедендік аумағынан тауарлардың кетуі үшін тасымалдаушы тауарларды тасу (тасымалдау) жүзеге асырылатын көліктің түріне байланысты осы Кодекстің 155-бабының 1-тармағында көзделген құжаттар мен мәліметтерді, егер осы Кодекспен өзгеше белгіленбесе, кеден органына ұсынуға міндетті.

      2. Еуразиялық экономикалық одақтың кедендік аумағынан тауарлардың кетуі үшін тауарларды тасу (тасымалдау) жүзеге асырылатын көліктің түріне қарамастан, тасымалдаушы не осы баптың 8-тармағына сәйкес өзге тұлға:

      1) тауарларға арналған декларацияны немесе оның көшірмесін, осы баптың 3-тармағында көрсетілген тауарларға қатысты транзиттік декларацияны не, егер осы Кодекстің 146-бабының 2-тармағына сәйкес осындай тауарларға арналған декларация немесе транзиттік декларация ұсынылмайтын болса, тауарларға арналған декларация немесе транзиттік декларация туралы мәліметтерді не Еуразиялық экономикалық одақтың кедендік аумағынан тауарларды әкетуге рұқсат ететін өзге құжатты;

      2) осы Кодекстің 8-бабына сәйкес тыйым салулар мен шектеулердің сақталуын растайтын құжаттарды және (немесе) мәліметтерді ұсынады.

      3. Еуразиялық экономикалық одақтың кедендік аумағынан кетуі үшін транзиттік декларация:

      1) кедендік транзит кедендік рәсіміне сәйкес Еуразиялық экономикалық одақтың кедендік аумағы бойынша келу орнында орналасқан жөнелтуші кеден органынан кету орнында орналасқан межелі кеден органына дейін тасымалданған;

      2) осы Кодекстің 225-бабының 7-тармағына сәйкес тауарларды жеткізу орындарының өзгеруіне байланысты кету орнында орналасқан кеден органына жеткізілген;

      3) Еуразиялық экономикалық одақтың кедендік аумағының бір бөлігінен Еуразиялық экономикалық одақтың мүшелері болып табылмайтын мемлекеттердің аумақтары арқылы және (немесе) осы Кодекстің 45-тарауына сәйкес теңізбен Еуразиялық экономикалық одақтың кедендік аумағының басқа бөлігіне тасу (тасымалдау) үшін кедендік транзит кедендік рәсімімен орналастырылған тауарларға беріледі.

      4. Осы баптың 2-тармағының 1) тармақшасында көрсетілген құжаттар немесе мәліметтер Еуразиялық экономикалық одақтың кедендік аумағынан шетелдік тауарлардың кетуі үшін:

      1) бұл шетелдік тауарлар Еуразиялық экономикалық одақтың кедендік аумағына келгеннен кейін Еуразиялық экономикалық одақтың кедендік шекарасы арқылы тауарлардың өткізілу орындарынан кетпеген;

      2) бұл шетелдік тауарлар әуе кемесінде тұрған және осы Кодекстің 222-бабының 6-тармағының 1) тармақшасына сәйкес кедендік транзит кедендік рәсімімен орналастырылмаған жағдайларда ұсынылмайды.

      5. Егер осы баптың 1 және 2-тармақтарына сәйкес ұсынылуға тиіс мәліметтер тасымалдаушы табыс еткен құжаттарда болмаса, не, егер тауарларға арналған декларация, транзиттік декларация және (немесе) тыйым салулар мен шектеулердің сақталуын растайтын құжаттар осы Кодекстің 146-бабының 2-тармағына сәйкес ұсынылмаса, тасымалдаушы еркін түрде өтініш беру арқылы жетіспейтін мәліметтер бар өзге құжаттарды табыс етуге не жетіспейтін мәліметтерді және (немесе) ұсынылмайтын құжаттар туралы мәліметтерді мәлімдеуге құқылы.

      6. Халықаралық пошта жөнелтілімдері Еуразиялық экономикалық одақтың кедендік аумағынан кеткен кезде тасымалдаушы осындай халықаралық пошта жөнелтілімдеріне қатысты оларды тасымалдаған кезде халықаралық пошта жөнелтілімдерімен ілесіп жүретін, Дүниежүзілік пошта одағының актілерінде айқындалған құжаттарды және осы Кодекстің
369-бабының 1 және 2-тармақтарына сәйкес мәліметтерді ұсынады.

      7. Тасымалдаушының атынан осы баптың 1 және 2-тармақтарында көрсетілген құжаттар мен мәліметтерді кеден өкілі не, тасымалдаушының тапсырмасы бойынша әрекет ететін өзге тұлғалар ұсынуы мүмкін.

      8. Тауарларды су кемесімен тасымалдаған кезде осы баптың 2-тармағында көрсетілген құжаттар мен мәліметтерді декларант немесе экспедитор ұсынуы мүмкін.

      9. Тауарлардың Еуразиялық экономикалық одақтың кедендік аумағынан кетуі кеден органының рұқсатымен жүргізіледі.

      Жеке пайдалануға арналған тауарларды қоспағанда, тауарлардың Еуразиялық экономикалық одақтың кедендік аумағынан кетуіне кеден органының рұқсаты кеден органының ақпараттық жүйесін пайдаланумен және кедендік декларацияда не оның көшірмесінде не тауарларды Еуразиялық экономикалық одақтың кедендік аумағынан әкетуге рұқсат ететін өзге құжатта және көліктік (тасымалдау) құжаттарында кеден органының тиісті белгілерін қою арқылы ресімделеді.

      Егер тауарлардың Еуразиялық экономикалық одақтың кедендік аумағынан кетуі үшін кедендік декларация осы Кодекстің 146-бабының 2-тармағына сәйкес ұсынылмайтын болса, тауарлардың Еуразиялық экономикалық одақтың кедендік аумағынан кетуіне кеден органының рұқсаты кеден органының ақпараттық жүйесін пайдаланумен және көліктік (тасымалдау) құжаттарда кеден органының тиісті белгілерін қою арқылы ресімделеді.

      Көліктік (тасымалдау) құжаттарды электрондық түрде ұсынған кезде кеден органының ақпараттық жүйесі мен тасымалдаушының ақпараттық жүйесінің өзара іс-қимылы болған жағдайда, тауарлардың Еуразиялық экономикалық одақтың кедендік аумағынан кетуіне кеден органының рұқсатын ресімдеу тасымалдаушыға электрондық нысанда осындай рұқсат берілгені туралы хабарлама жолдау арқылы жүзеге асырылады.

      Иесімен бірге жөнелтілетін багажда өткізілетін жеке пайдалануға арналған тауарлардың Еуразиялық экономикалық одақтың кедендік аумағынан кетуіне кеден органының рұқсаты осындай тауарларды шығару болып табылады.

      10. Иесімен бірге жөнелтілетін багажда өткізілетін жеке пайдалануға арналған тауарларды қоспағанда, тауарлардың Еуразиялық экономикалық одақтың кедендік аумағынан кетуіне кеден органының рұқсат беруі туралы мәліметтер кеден органдарының ақпараттық жүйелеріне енгізіледі.

      11. Тауарларды тасу (тасымалдау) жүзеге асырылатын көліктің түріне байланысты, Комиссия белгілі бір кезең ішінде бір және сол халықаралық тасымалдау көлік құралымен Еуразиялық экономикалық одақтың кедендік шекарасы арқылы тұрақты өткізілген кезде тауарлардың Еуразиялық экономикалық одақтың кедендік аумағынан кетуі үшін тасымалдаушының құжаттар мен мәліметтерді табыс ету ерекшеліктерін айқындауға құқылы.

      12. Осы баптың 9-тармағын қоспағанда, осы тараудың ережелері жеке тұлғалар Еуразиялық экономикалық одақтың кедендік аумағынан әкетілетін жеке пайдалануға арналған тауарларға қатысты қолданылмайды.

      Жеке тұлғалар Еуразиялық экономикалық одақтың кедендік аумағынан әкетілетін жеке пайдалануға арналған тауарлардың Еуразиялық экономикалық одақтың кедендік аумағынан кетуі үшін осындай тауарларға қатысты кедендік операциялар осы Кодекстің 39-тарауына сәйкес жүргізіледі.

      13. Осы тараудың ережелері:

      1) Еуразиялық экономикалық одақтың кедендік аумағында орналасқан портқа кірмей немесе әуежайға қонбай, Еуразиялық экономикалық одақтың кедендік аумағын кесіп өтетін су және әуе кемелерімен тасымалданатын тауарларға;

      2) Еуразиялық экономикалық одақтың кедендік аумағының бір бөлігінен осы Кодекстің 385-бабының 5-тармағының 1) тармақшасында көзделген жағдайларда, Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының екінші бөлігіне су және әуе кемелерімен тасымалданатын Еуразиялық экономикалық одақтың тауарларына және шетелдік тауарларға;

      3) құбыржол көлігімен немесе электр тарату желілері арқылы тасымалданатын тауарларға қатысты қолданылмайды.


      159-бап. Еуразиялық экономикалық одақтың кедендік аумағынан тауарлардың іс жүзінде әкетілуін растау

      Кеден органдарының Еуразиялық экономикалық одақтың кедендік аумағынан тауарлардың іс жүзінде әкетілуін растау тәртібін Комиссия айқындайды.


      160-бап. Еуразиялық экономикалық одақтың кедендік аумағынан тауарлар кеткен кезде оларға қойылатын талаптар

      1. Шетелдік тауарлар, белгілі бір кедендік ресіммен орналастырылған кезде не Еуразиялық экономикалық одақтың кедендік аумағына келген кездегідей күйінде және санымен, егер, осы тармақтың екінші абзацымен көзделген жағдайларды қоспағанда, бұл тауарлар Еуразиялық экономикалық одақтың кедендік шекарасы арқылы тауарлар өткізілетін орындардан кетпеген болса, Еуразиялық экономикалық одақтың кедендік аумағынан іс жүзінде әкетілуге тиіс.

      Мұндай шетелдік тауарлардың табиғи тозу немесе залалды болу салдарынан не қалыпты тасу (тасымалдау) және (немесе) сақталу жағдайларында тауарлардың табиғи қасиеттерінің өзгеруі салдарынан немесе көлік құралында төгілмейтін қалдықтың болуы салдарынан олардың санының өзгеруі салдарынан санын және (немесе) күйін өзгертуге рұқсат етіледі.

      2. Еуразиялық экономикалық одақтың тауарлары, осы тармақтың 3 және 5-тармақтарында көзделген жағдайларды қоспағанда, белгілі бір кедендік ресіммен орналастырылған кезде болған күйінде және санымен Еуразиялық экономикалық одақтың кедендік аумағынан іс жүзінде әкетілуге тиіс.

      3. Мына жағдайларда:

      1) табиғи тозу немесе залалды болу салдарынан не қалыпты тасу (тасымалдау) және (немесе) сақталған жағдайда тауарлардың табиғи қасиеттерінің өзгеруі немесе көлік құралында төгілмейтін қалдықтың болуы себепті олардың санының өзгеруі салдарынан;

      2) Еуразиялық экономикалық одақтың кедендік аумағынан үйінді ретінде, үю, құю арқылы су кемелерімен тасымалданатын, Еуразиялық экономикалық одақтың осындай тауарларын су кемесінің жүк тиейтін орынжайларына (бөліктеріне, ыдыстарына) тиеу кезінде араластыру нәтижесінде орын алған Еуразиялық экономикалық одақ тауарларының санын және (немесе) күйін өзгертуге рұқсат етіледі.

      4. Еуразиялық экономикалық одақтың кедендік аумағынан үйінді ретінде, үю, құю арқылы тасымалданатын, су кемелерімен әкетілетін және оларға қатысты Еуразиялық экономикалық одақтың кедендік аумағынан кеткен кезде осындай тауарларды су кемесінің жүк тиейтін орынжайларына (бөліктеріне, ыдыстарына) тиеу кезінде араласу нәтижесінде орын алған олардың санын және (немесе) күйін өзгертуге рұқсат етілетін Еуразиялық экономикалық одақ тауарларының тізбесін Комиссия айқындайды.

      5. Еуразиялық экономикалық одақтың тауарлары, тауарлар санының кемуі орын алған себептерге қарамастан, оларды белгілі бір кедендік ресіммен орналастыру кезінде мәлімделген санға қарағанда, аз санмен Еуразиялық экономикалық одақтың кедендік аумағынан әкетілуі мүмкін.

      Осы тармақтың бірінші абзацы осы Кодекстің 287-бабының 5-тармағы 2) тармақшасының төртінші абзацында және 296-бабының 4-тармағы 2) тармақшасының төртінші абзацында көрсетілген тауарларға қатысты қолданылмайды.

      6.  Егер тауарларды қайтарымсыз жоғалту және (немесе) санының және (немесе) күйінің өзгеруі аварияның немесе еңсерілмес күш әсерінің салдарынан болған жағдайда, тұлғалар осы баптың 1-тармағының бірінші абзацы және 2-тармағының ережелерін сақтамағаны үшін жауапты болмайды.


      161-бап. Тауарларды түсіру, қайта тиеу (ауыстырып тиеу) және тауарлармен жүргізілетін өзге де жүк операциялары, сондай-ақ Еуразиялық экономикалық одақтың кедендік аумағынан тауарлар кеткенге дейін жүзеге асырылатын халықаралық тасымалдаудың көлік құралдарын өткізу

      1. Тауарларды түсіру, қайта тиеу (ауыстырып тиеу) және кедендік бақылаудағы және Еуразиялық экономикалық одақтың кедендік аумағынан әкетілетін тауарлармен өзге де жүк операциялары, сондай-ақ осындай тауарларды тасымалдайтын халықаралық тасымалдаудың көлік құралдарын басқа көлік құралдарымен ауыстыру қызмет аймағында тиісті операция жасалатын кеден органының рұқсатымен жол беріледі, ал егер тауарларға және халықаралық тасымалдаудың көлік құралдарына қатысты мұндай операциялар салынған кедендік пломбаларға және мөрлерге зақым келтірілмей жасалатын болса не тауарларға кедендік пломбалар және мөрлер салынбаған жағдайда – кеден органына электронды немесе жазбаша нысанда хабарланғаннан кейін жасалуы мүмкін.

      2. Егер осындай операцияларды бірінші және үшінші түрдегі куәліктері бар уәкілетті экономикалық операторлар жасайтын болса, осы баптың 1-тармағында көрсетілген операциялар кеден органының рұқсатын алмай немесе оны хабардар етпестен жасалуы мүмкін.

      3. Кеден органы көліктік (тасымалдау) құжаттарда, тыйым салулар мен шектеулердің сақталғанын растайтын құжаттарда не Қазақстан Республикасының мемлекеттік органдары берген өзге де құжаттарда осындай операцияларды жүргізуға тыйым салынған болса, осы баптың 1-тармағында көрсетілген операцияларды жасауға рұқсат беруден бас тартуға құқылы.

      4. Тұлғаның өтініші бойынша кеден органы осы баптың 3-тармағын ескере отырып, кеден органының жұмыс уақытынан тыс, кедендік бақылаудағы тауарлармен жүк операцияларын жасауға рұқсат етеді.

      5. Осы тарауды қолдану мақсаттары үшін Еуразиялық экономикалық одақтың кедендік аумағы шегінде Еуразиялық экономикалық одақтың кедендік аумағында тауарлар тасымалдайтын көлік құралы да халықаралық тасымалдаудың көлік құралы деп түсініледі.

      6. Кедендік транзит кедендік рәсіміне сәйкес тасылатын (тасымалданатын) тауарларға қатысты осы баптың 1-тармағында көрсетілген операциялар осы Кодекстің 228-бабына сәйкес жасалады.


      162-бап. Авария, еңсерілмейтін күштің әсер етуі немесе өзге де мән-жайлар кезінде қолданылатын шаралар

      1. Егер тауарларды кету орнынан Еуразиялық экономикалық одақтың кедендік шекарасын іс жүзінде кесіп өтетін жерге дейін жеткізу аварияның, еңсерілмейтін күш әсерінің не тауарларды осылайша жеткізуге кедергі келтіретін өзге де мән-жайлардың салдарынан тоқтап қалған жағдайда, тасымалдаушы тауарлардың сақталуын қамтамасыз ету үшін барлық шараларды қолдануға, және осындай мән-жайлар туралы және тауарлардың орналасқан орны туралы жақын жердегі кеден органына дереу хабарлауға, сондай-ақ кеден органы көрсеткен жақын жердегі кеден органына не өзге орынға тасымалдауға немесе оларды тасуды (тасымалдауды) (көлік құралы бұзылған кезде) қамтамасыз етуге міндетті.

      2. Осы баптың 1-тармағының талаптарын сақтауға байланысты тасымалдаушыда немесе өзге де тұлғаларда туындаған шығыстарды кеден органы өтемейді.


      163-бап. Еуразиялық экономикалық одақтың кедендік аумағынан шетелдік тауарлардың кетуі кезінде кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мерзімі және оны есептеу

      1. Еуразиялық экономикалық одақтың кедендік аумағынан шетелдік тауарлардың кетуі кезінде тасымалдаушыда кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет кеден органы тауарлардың Еуразиялық экономикалық одақтың кедендік аумағынан кетуіне рұқсат берген кезден бастап туындайды.

      2. Еуразиялық экономикалық одақтың кедендік аумағынан шетелдік тауарлардың кетуі кезінде тасымалдаушыда кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеті мынадай мән-жайлар:

      1) тауарлардың Еуразиялық экономикалық одақтың кедендік шекарасын іс жүзінде кесіп өтуі;

      2) осы баптың 3-тармағында көрсетілген мән-жайлар басталғаннан кейін тауарларды шетелдік тауарларға қолданылатын кедендік рәсімдермен орналастыру;

      3) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетті орындау және (немесе) осы баптың
4-тармағына сәйкес есептелген және төлеуге жататын мөлшерде өндіріп алу;

      4) уәкілетті орган бекіткен тәртіппен кеден органының, осындай жойылуға немесе қайтарымсыз жоғалуға дейін осы Кодекске сәйкес осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі туындаған жағдайларды қоспағанда, аварияның немесе еңсерілмес күш әсерінің салдарынан шетелдік тауарлардың жойылу және (немесе) қайтарымсыз жоғалу фактісін не қалыпты тасу (тасымалдау) және (немесе) сақтау жағдайларын бұл тауарлардың табиғи түрде кемуі нәтижесінде қайтарымсыз жоғалу фактісін мойындауы;

      5) Қазақстан Республикасының заңнамасына сәйкес тауарларды тәркілеу немесе мемлекеттің меншігіне (кірісіне) айналдыру;

      6) кеден органының осы Кодекстің 52-тарауына сәйкес тауарларды кідіртуі;

      7) қылмыстық іс немесе әкімшілік құқық бұзушылық туралы іс бойынша іс жүргізу барысында қылмыстық құқық бұзұшылықтар туралы хабарламаны тексеру кезінде алып қойылған немесе тыйым салынған және егер бұрын мұндай тауарларды шығару жүргізілмеген болса, оларға қатысты қайтару туралы шешім қабылданған тауарларды уақытша сақтауға орналастыру немесе кедендік рәсімдердің біреуімен орналастыру туындаған кезде тоқтатылады.

      3. Кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет, аварияның немесе еңсерілмес күштің әсер етуі салдарынан жойылу және (немесе) қайтарымсыз жоғалу не қалыпты тасу (тасымалдау) және (немесе) сақтау жағдайларында табиғи кему нәтижесінде қайтарымсыз жоғалуды қоспағанда, Еуразиялық экономикалық одақтың кедендік шекарасын іс жүзінде кесіп өткенге дейін Еуразиялық экономикалық одақтың кедендік аумағынан кетуі кезінде шетелдік тауарлар жоғалған жағдайда орындауға жатады.

      Көрсетілген мән-жайлар басталған кезде кедендік әкелу баждарын, салықтарды, арнайы, демпингке қарсы, өтем баждарын төлеу мерзімі тауарлар жоғалған күн болып есептеледі, егер ол күн белгіленбесе – кеден органы Еуразиялық экономикалық одақтың кедендік аумағынан тауарлардың кетуіне рұқсат беру күні болып есептеледі.

      4. Осы баптың 3-тармағында көрсетілген мән-жайлар басталған кезде, егер тауарлар, кедендік әкелу баждарын, салықтар төлеу жөніндегі тарифтік преференциялар мен жеңілдіктерді қолданбай ішкі тұтынуға шығарудың кедендік рәсімімен орналастырылған болса, кедендік әкелу баждары, салықтар, арнайы, демпингке қарсы, өтем баждары төленуге жатады.

      Кедендік әкелу баждары, салықтар, арнайы, демпингке қарсы, өтем баждары осы Кодекстің 8 және 13-тарауларына сәйкес есептеледі.

      Кедендік әкелу баждары, салықтар, арнайы, демпингке қарсы, өтем баждары есептеу үшін осы баптың 3-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыста болатын кедендік әкелу баждары, салықтар, арнайы, демпингке қарсы, өтем баждарының мөлшерлемесі қолданылады.

      Егер тауарлардың кедендік құнын анықтау үшін, сондай-ақ Қазақстан Республикасында төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін шетелдік валютаны Қазақстан Республикасының ұлттық валютасына қайта есептеу талап етілетін жағдайда, мұндай қайта есептеу осы баптың 3-тармағына сәйкес кедендік әкелу баждары, салықтар, арнайы, демпингке қарсы, өтем баждары төлеу мерзімі болып табылатын күні қолданыстағы валюта бағамы бойынша жүргізіледі.

      Егер кеден органының тауарлар туралы дәл мәліметтері (сипаты, атауы, саны, шығарылған жері және (немесе) кедендік құны) болмаса, төлеуге жататын кедендік әкелу баждары, салықтар, арнайы, демпингке қарсы, өтем баждарын есептеуге арналған база кеден органының қолда бар мәліметтері негізінде айқындалады, ал тауарларды сыныптау осы Кодекстің 40-бабының 4-тармағы ескеріле отырып, жүзеге асырылады.

      Егер тауар коды Сыртқы экономикалық қызметтің тауар номенклатурасына сәйкес оннан кем белгі саны бар топтамалар деңгейінде айқындалған жағдайда:

      кедендік әкелу баждарын есептеу үшін осындай топтамаға кіретін тауарларға сәйкес келетін кедендік баждың ең жоғарғы мөлшерлемесі қолданылады;

      салықтарды есептеу үшін қосылған құн салығының ең жоғарғы мөлшерлемесі, кедендік баждың ең жоғарғы мөлшерлемесі белгіленген осындай топтамаға кіретін тауарларға сәйкес келетін акциздердің ең жоғарғы мөлшерлемесі қолданылады;

      арнайы, демпингке қарсы, өтем баждарын есептеу үшін осы баптың оныншы абзацын ескере отырып, осындай топтамаға кіретін тауарларға сәйкес келетін арнайы, демпингке қарсы, өтем бажының ең жоғарғы мөлшерлемесі қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шыққан жерін және (немесе) көрсетілген баждарды анықтау үшін қажет мәліметтерге сүйене отырып есептеледі. Егер тауарлардың шыққан жерін және (немесе) көрсетілген баждарды анықтау үшін қажет өзге мәліметтер расталмаса, арнайы, демпингке қарсы, өтем баждары, егер тауарды сыныптау он белгі деңгейінде жүзеге асырылатын болса, Сыртқы экономикалық қызметтің тауар номенклатурасының коды бар тауарларға не топтамаға кіретін тауарларға қатысты, егер тауарлардың кодтары Сыртқы экономикалық қызметтің тауар номенклатурасына сәйкес он белгі санынан кем топтама деңгейінде белгіленген болса, арнайы, демпингке қарсы, өтем баждарының ең жоғарғы мөлшерлемесіне сүйене отырып есептеледі.

      Тауарлар туралы дәл мәліметтер кейін анықталған кезде кедендік әкелу баждары, салықтар, арнайы, демпингке қарсы, өтем баждары осындай дәл мәліметтерге сүйене отырып есептеледі, кедендік әкелу баждарының, салықтардың, арнайы, демпингке қарсы, өтем баждарының артық төленген және (немесе) артық өндіріп алынған сомаларын есепке жатқызу (қайтару) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекет, осы Кодекстің 12-тарауына және 142-бабына сәйкес төленбеген сомаларды өндіріп алу жүргізіледі.

      5. Тауарлар шетелдік тауарларға қолданылатын кедендік рәсімдермен орналастырылған жағдайда кеден органдарының осы Кодекстің 52-тарауына сәйкес тауарларды кідіртуі, кедендік әкелу баждары, салықтар, арнайы, демпингке қарсы, өтем баждарын төлеу міндетін орындағаннан кейін уақытша сақтауға қою және (немесе) осы бапқа сәйкес кедендік әкелу баждары, салықтар, арнайы, демпингке қарсы, өтем баждарының сомасын (толық немесе ішінара) өндіріп алулары, төленген және (немесе) өндіріп алынған кедендік әкелу баждары, салықтар, арнайы, демпингке қарсы, өтем баждары осы Кодекстің 11-тарауына және 142-бабына сәйкес есепке жатқызылуға (қайтаруға) жатады.

17-тарау. Тауарларды уақытша сақтау және тауарларды уақытша сақтауға қоюға байланысты кедендік операциялар

      164-бап. Тауарларды уақытша сақтау туралы жалпы ережелер

      1. Уақытша сақтау орындарында шетелдік тауарларды кеден органы оларды шығарғанға дейін не егер шетелдік тауарлар Еуразиялық экономикалық одақтың кедендік шекарасы арқылы тауарлар өткізілетін орындарда сақталған болса, Еуразиялық экономикалық одақтың кедендік аумағынан тауарлардың кетуіне кеден органының рұқсатын алғанға дейін не қылмыстық іс бойынша немесе әкімшілік құқық бұзушылық туралы іс бойынша іс жүргізу барысында қылмыстық құқық бұзұшылықтар туралы хабарламаны тексеру кезінде алып қою немесе тыйым салу қолданылатын күнге дейін сақтау тауарларды уақытша сақтау деп түсініледі.

      2. Осы баптың 4-тармағында, осы Кодекстің 154-бабының 7 және 8-тармақтарында, 185-баптың 8-тармағында, 209-баптың 6-тармағында, 232-бапта, 321-баптың 3-тармағында, 342-бапта және 369-баптың 11-тармағында көзделген жағдайлар мен мерзімдерде тауарлар уақытша сақтауға орналастыруға жатады.

      3. Тауарларды уақытша сақтау құбыржол көлігімен немесе электр беру желілері бойынша өткізілетін тауарларға қатысты, сондай-ақ осы Кодексте көзделген жағдайларда қолданылмайды.

      4. Қылмыстық іс бойынша немесе әкімшілік құқық бұзушылық туралы іс бойынша іс жүргізу барысында қылмыстық құқық бұзұшылықтар туралы хабарламаны тексеру кезінде алып қойылған немесе тыйым салынған және кедендік декларациялауға жататын, оларға қатысты қайтару туралы шешім қабылданған тауарлар, оның ішінде тауарларды тәркілеу туралы шешім жойылған не тәркілеу түріндегі жаза (өндіріп алу) өзге жаза түрімен (өндіріп алу) ауыстырылған жағдайда, мыналар:

      1) қылмыстық не әкімшілік жауапкершіліктен босату туралы соттың немесе өзге уәкілетті мемлекеттік органның (лауазымды тұлғаның) шешімі;

      2) қылмыстық іс қозғаудан бас тарту туралы уәкілетті мемлекеттік органның (лауазымды тұлға) шешімі;

      3) қылмыстық істі не әкімшілік құқық бұзушылық туралы істі тоқтату туралы соттың немесе уәкілетті мемлекеттік органның (лауазымды тұлғаның) шешімі;

      4) соттың айыптау (ақтау) үкімі;

      5) әкімшілік жауапкершілікке тарту туралы соттың немесе уәкілетті мемлекеттік органның (лауазымды тұлғаның) шешімі;

      6) тауарларды тәркілеу туралы шешімді жою не тәркілеу түріндегі жазаны (өндіріп алуды) өзге жаза түрімен (өндіріп алу) ауыстыру туралы соттың шешімі күшіне енген күннен кейінгі күннен бастап күнтізбелік он күннен кешіктірілмей уақытша сақтауға қойылуға тиіс.

      5. Осы баптың 4-тармағында көрсетілген мерзімде уақытша сақтауға орналастырылмаған тауарларды кеден органы осы Кодекстің 52-тарауына сәйкес ұстап қалады.

      6. Осы баптың 4-тармағының ережелері, егер осы тармақта көрсетілген тауарларға қатысты тауарларды уақытша сақтауға орналастыруға арналған осы тармақта көзделген мерзім аяқталғанға дейін кедендік декларация берілген болса, қолданылмайды.

      7. Уақытша сақтауда тұрған тауарларға қатысты өкілеттіктері бар тұлғалар осындай тауарларды пайдалануға, оның ішінде олар шығарылғанға дейін уақытша сақтау орнының аумағынан әкетуге құқығы жоқ, ал егер шетелдік тауарлар – олар шығарылғанға дейін не Еуразиялық экономикалық одақтың кедендік аумағынан тауарлардың кетуіне кеден органының рұқсатын алғанға дейін Еуразиялық экономикалық одақтың кедендік шекарасы арқылы тауарларды өткізу орнында уақытша сақтауда тұрған болса, оларды пайдалануға құқығы жоқ.

      Осы тармақтың бірінші абзацының ережелері Еуразиялық экономикалық одаққа мүше мемлекетте тұрақты тұруға қоныс аудару, уақытша сақталуы осы Кодекстің 342-бабына сәйкес жүзеге асырылатын Еуразиялық экономикалық одаққа мүше мемлекеттің заңнамасына сәйкес босқын, мәжбүрлі қоныс аударушы мәртебесін алуға ниеті бар шетелдік жеке тұлғаның жеке пайдалануға арналған тауарларына қатысты қолданылмайды.

      8. Тауарлар шығарылғанға дейін, егер уақытша сақтау мерзімінің аяқталу күніне кедендік, өзге құжаттарды және (немесе) мәліметтерді тексеру аяқталмаса және (немесе) кедендік сараптама нәтижелері алынбаса, 193-баптың 7 және 8-тармақтарында көзделген жағдайларда тауарларды уақытша сақтау орнын өзгертуге жол беріледі.

      Шетелдік тауарларды бір уақытша сақтау орнынан басқа уақытша сақтау орнына тасу (тасымалдау) кедендік транзит кедендік рәсіміне сәйкес, не осы Кодекстің 222-бабының 6-тармағында көзделген жағдайларда кедендік транзит кедендік рәсімімен орналастырылмай-ақ жүзеге асырылады.

      9. Егер көлік құралдарында уақытша сақтауға орналастырылған (орналастырылатын) шетелдік тауарлар болған жағдайда, осындай көлік құралдары уақытша сақтау орындарда бола алады.


      165-бап. Тауарларды уақытша сақтау орындары

      1.  Осы баптың 2-тармағына сәйкес тауарларды уақытша сақтауды жүзеге асыруға болатын (бұдан әрі – уақытша сақтау орындары) уақытша сақтау қоймалары мен өзге де орындар тауарларды уақытша сақтау орындары болып табылады.

      2. Тауарларды уақытша сақтауды:

      1) өз тауарларын сақтау қоймасында;

      2) мынадай орындардың:

      кеден қоймасының;

      еркін қойманың;

      арнайы экономикалық аймақтың

      бажсыз сауда дүкендерінің аумақтарында (орынжайларда) жүзеге асыруға болады.

      Осы тармақтың 1-бөлігінде көрсетілген орындарда уақытша сақтау, өз тауарларын сақтау қоймасы ретінде ғана пайдаланылатын кеден қоймасы, еркін қойма, арнайы экономикалық аймақ, бажсыз сауда дүкені. аумағының (үй-жайының) бөлігінде жүзеге асырылады. Кеден қоймасы, еркін қойма, арнайы экономикалық аймақ аумағының (орынжайының) бөлігін өз тауарларын сақтау қоймасы ретінде пайдаланған жағдайда, аумақтың (орынжайдың) осындай бөлігі аумақтың (орынжайдың) қалған бөлігінен тұтас қоршаумен оқшаулануға тиіс;

      3) құрылысжайларда, орынжайларда (орынжайлардың бөліктерінде) және (немесе) екінші немесе үшінші типтегі куәліктерін алған уәкілетті экономикалық оператордың ашық алаңдарында (ашық алаңдар бөліктерінде);

      4) осы Кодекстің 170-бабына сәйкес тауарларға қатысты өкілеттігі бар адамның өтініші бойынша орындарда жүзеге асыруға болады.

      3. Тауар иесінің өз тауарларын уақытша сақтауға арналған, кедендік бақылаудағы орынжайы және (немесе) ашық алаңы өз тауарларының уақытша сақтау қоймасы болып табылады. Бұл ретте өз тауарларын сақтау қоймалары мынадай талаптарға сай болуға тиіс:

      1) меншігінде, шаруашылық жүргізуінде, жедел басқаруында немесе жалдауында орынжайлар және (немесе) ашық алаңдар болуға, бұл ретте жалдау мерзімі өтінішті берген күннен бастап 6 айдан кем емес болуы тиіс;

      2) қажетті тиеу-түсіру механизмдері және арнаулы техникасы болуға, сондай-ақ орналастырылатын тауарлар мен көлік құралдарының сипатына сәйкес келетін сертификатталған таразы жабдығы, ал арнаулы сақтау орнына газ орналастырылатын жағдайда тиісті есепке алу аспаптары болуға;

      3) тиеу-түсіру алаңдарын қоса алғанда, аумақ осы Кодекстің 404-бабына сәйкес белгіленуі;

      4) техникалық жарамды кіреберіс жолдар, сондай-ақ қатты төсемі (бетон, асфальт, резеңке не өзге де қатты төсемі), оның ішінде электр жарығымен жарақтандырылған жабық алаңдары бар тауарларды тексеріп қарауға арналған орындар болуға;

      5) аумақ, тиеу-түсіру алаңдарын (бір немесе бірнеше қойма үй-жайлары және алаңдарды) қоса алғанда, бір почта мекенжайы бойынша орналастырылуы және өз тауарларын сақтау қоймасының барлық периметрі бойынша тұтас қоршауы болуға тиіс.

      Өз тауарларын сақтау қоймалары осы Кодексте белгіленген талаптарға сәйкес қана пайдаланылуға тиіс. Көрсетілген қоймаларды өзге мақсаттарда пайдалануға жол берілмейді.

      Өз тауарларын сақтау қоймалары ретінде осы баптың 2-тармағының 2) тармақшасында көзделген аумақтарды (орынжайларды) пайдаланған кезде өз тауарларын сақтау қоймалары иелерінің тізіліміне енгізу талап етілмейді.

      4. Уақытша сақтау орындары кедендік бақылау аймағы болып табылады.

      5. Басқа тауарларға зиян келтіруі мүмкін немесе ерекше сақтау жағдайларын талап ететін тауарлар осындай тауарларды сақтауға арнайы бейімделген уақытша сақтау орындарында сақталуға тиіс.

      6. Уақытша сақтау орындарына тауарларды орналастыру уәкілетті орган бекіткен тәртіппен расталады.


      166-бап. Өз тауарларын сақтау қоймалары иелерінің тізіліміне енгізу тәртібі

      1. Заңды тұлға өз тауарлары сақтау қоймалары иелерінің тізіліміне енгізілгеннен кейін өз тауарларын сақтау қоймасының иесі болып танылады.

      2. Орынжайларды немесе ашық алаңдарды өз тауарларын сақтау қоймалары иелерінің тізіліміне енгізу үшін заңды тұлға уәкілетті орган бекіткен нысан бойынша, қызмет аймағында өз тауарларын сақтау қоймасы құрылатын аумақтық кеден органына өтініш береді.

      3. Аумақтық кеден органы өтінішті оның тіркелген күнінен бастап күнтізбелік он күн ішінде қарайды.

      Аумақтық кеден органының лауазымды адамы осы Кодекстің 415-бабына сәйкес өтініш берушінің орынжайлары мен аумақтарының осы Кодекстің 165-бабының 3-тармағында айқындалған талаптарға сәйкестігін қарайды.

      Өтініш беруші қарап-тексеру жүргізілген кезде аумақтық кеден органының лауазымды адамына мынадай:

      1) осы Кодекстің 165-бабының 3-тармағында айқындалған талаптардың орындалуын растайтын құжаттардың;

      2) өз тауарларын сақтау қоймасын құруға арналған аумақтар жоспарларының, орынжайдың немесе ашық алаңның жоспарлары мен сызбаларының көшірмелерін табыс етеді.

      Осы тармақтың үшінші бөлігінің 2) тармақшасында көрсетілген құжаттар тұпнұсқалары көрсетіле отырып, көшірмелер түрінде ұсынылады.

      Бұл ретте ұсынылған құжаттардың көшірмелері орынжайларды және аумақтарды кедендік қарап-тексеру актісіне қоса беріледі, ол аумақтық кеден органында қалады.

      4. Тізілімге енгізу туралы шешім аумақтық кеден органы басшысының не оны алмастыратын адамның немесе аумақтық кеден органы басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Өз тауарларын сақтау қоймалары иелерінің тізіліміне енгізуден бас тарту туралы шешім осы баптың 3-тармағында көрсетілген барлық құжаттар толық ұсынылмаған немесе өтініш беруші осы Кодексте белгіленген талаптарға сай келмеген жағдайда қабылданады. Өтініш беруші осы бұзушылықтарды жойғаннан кейін өтініш осы Кодексте белгіленген тәртіппен қаралады.

      6. Өз тауарларын сақтау қоймалары иелерінің тізіліміне енгізу туралы шешім немесе енгізуден бас тарту туралы шешім осы баптың 3-тармағында белгіленген мерзімде қабылданады.

      7. Тұлға өз тауарлары сақтау қоймалары иелерінің тізіліміне енгізілген немесе енгізуден бас тартылған жағдайда, аумақтық кеден органы өтініш берушіні жазбаша және (немесе) электрондық нысанда хабардар етеді.

      8. Заңды тұлғаны қайта тіркеген кезде өз тауарларын сақтау қоймасының иесі аумақтық кеден органын қайта тіркеу фактісі туралы осындай қайта тіркеу өткен күннен бастап күнтізбелік отыз күннен кешіктірілмейтін мерзімде хабардар етуге міндетті.


      167-бап. Өз тауарларын сақтау қоймалары иелерінің міндеттері

      Өз тауарларын сақтау қоймаларының иелері:

      1) үй-жайды немесе ашық алаңды тиісінше, осы Кодекстің 165-бабында белгіленген талаптарға сәйкес кедендік бақылауды қамтамасыз ету үшін қажетті түрде жайластыруға;

      2) кедендік бақылаудан басқа, үй-жайдан немесе ашық алаңнан уақытша сақтауда тұрған тауарларды алу мүмкіндігін жоюға;

      3) үй-жайдағы немесе ашық алаңдағы тауарлардың сақталуын қамтамасыз етуге;

      4) кедендік бақылауды жүзеге асыруға жәрдемдесуге;

      5) есепке алуды (оның ішінде бақылаудың және есепке алудың автоматтандырылған нысанын пайдалана отырып) жүргізуге және келіп түсетін, сақталатын, әкетілетін тауарлар және (немесе) көлік құралдары туралы есептілікті уәкілетті орган бекіткен тәртіппен кеден органына ұсынуға;

      6) есепке алуды (оның ішінде бақылаудың және есепке алудың автоматтандырылған нысанын пайдалана отырып) жүргізуге және өз тауарларын сақтау қоймасына шетелдік тауарлардың әкелінуін, одан әкетілуін жүзеге асыратын көлік құралдары бойынша есептілікті уәкілетті орган бекіткен тәртіппен кеден органына ұсынуға;

      7) сақталатын тауарларға кеден органдарының рұқсатынсыз бөтен тұлғалардың қолжетімділігін болдырмауға;

      8) кеден органдары лауазымды адамдарын олардың талабы бойынша сақталатын тауарларға қолжетімділігін қамтамасыз етуді қоса алғанда, кеден органдарының талаптарын орындауға;

      9) тауарларды жоғалтқан не кеден органының рұқсатынсыз басқа тұлғаларға берген кезде кедендік баждарды, салықтарды төлеу бойынша міндетті орындауға;

      10) кеден органын жөндеу жұмыстарын жүргізу, өз тауарларын сақтау қоймасы алаңының ұлғаюы не азаюы туралы, осы жұмыстарды, оның ішінде орындау жоспарланған мерзімді көрсете отырып, жазбаша немесе электрондық нысанда хабардар етуге міндетті.


      168-бап. Өз тауарларын сақтау қоймасы иесінің қызметін тоқтата тұру

      1. Өз тауарларын сақтау қоймасы иесінің қызметін қызмет аймағында қойма құрылған аумақтық кеден органы:

      1) өз тауарларын сақтау қоймасы иесінің жөндеу жұмыстарын жүргізу туралы, өз тауарларын сақтау қоймасы алаңының ұлғаюы не азаюы туралы өтініші бойынша - өз тауарларын сақтау қоймасының иесі айқындаған мерзімге;

      2) өз тауарларын сақтау қоймасының иесі өз тауарларын сақтау қоймасына осы Кодексте белгіленген талаптар мен міндеттерді сақтамаған кезде - бір айға дейінгі мерзімге тоқтата тұрады.

      2. Өз тауарларын сақтау қоймасы иесінің қызметін тоқтата тұру туралы шешім, мұндай тоқтата тұрудың себептері көрсетіле отырып, қызмет аймағында қойма құрылған аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді.

      3. Өз тауарларын сақтау қоймасы иесінің қызметі оның іс-әрекетін тоқтата тұрған себептер жойылған кезде қайта жаңғыртылады.

      4. Өз тауарларын сақтау қоймасының иесі осы баптың 1-тармағының
1) тармақшасына сәйкес өз тауарларын сақтау қоймасының иесі айқындаған мерзім өткенге дейін қызмет аймағында қойма құрылған аумақтық кеден органына өз тауарларын сақтау қоймасының қызметін тоқтата тұру мерзімін ұзарту туралы не жаңғырту туралы өтінішін табыс етеді.


      169-бап. Өз тауарларын сақтау қоймалары иелерінің тізілімінен шығару

      1. Өз тауарларын сақтау қоймалары иелерінің тізілімінен шығару үшін:

      1) осы Кодексте белгіленген талаптар мен міндеттерді қатарынан алты ай ішінде бірнеше рет бұзу;

      2) заңды тұлғаның Қазақстан Республикасының заңнамасына сәйкес таратылуы;

      3) қайта құру нысанындағы қайта ұйымдастыруды қоспағанда, заңды тұлғаның қайта ұйымдастырылуы;

      4) шешімнің қолданылуын бұрын тоқтата тұрған себептердің осы Кодекстің 168-бабы 1-тармағының 2) тармақшасында белгіленген мерзім ішінде жоймауы;

      5) өз тауарларын сақтау қоймасына қатысты мүліктік құқықтардың тоқтатылуы немесе өзгеруі;

      6) өз тауарларын сақтау қоймасы иесінің өтініші;

      7) осы Кодекстің 168-бабы 1-тармағының 1) тармақшасына сәйкес өз тауарларын сақтау қоймасының иесі айқындаған мерзім өткенге дейін өз тауарларын сақтау қоймасының қызметін тоқтата тұру мерзімін ұзарту туралы не жаңғырту туралы жазбаша өтініштің болмауы негіздемелер болып табылады.

      2. Өз тауарларын сақтау қоймалары иелерінің тізілімінен шығару туралы шешім, мұндай тоқтатудың себептері көрсетіле отырып, қызмет аймағында қойма құрылған аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді

      Бұйрық қабылданған күннен бастап бес жұмыс күні ішінде тиісті ақпарат жазбаша нысанда иесінің назарына жеткізіледі.

      3. Тұлға өз тауарларын сақтау қоймалары иелерінің тізілімінен шығарылған кезде оларда сақтаудағы тауарлар осы баптың 2-тармағында айқындалған бұйрық қабылданған күннен кейінгі күннен бастап күнтізбелік отыз күннен кешіктірілмей уақытша сақтау қоймасына не осы Кодексте көзделген кедендік рәсіммен орналастырылуға тиіс.

      4. Тұлға осы баптың 1-тармағының 1) тармақшасының негіздемелері бойынша өз тауарларын сақтау қоймалары иелерінің тізілімінен шығарылған кезде көрсетілген тұлғаның тиісті тізілімге енгізу туралы қайталама өтінішін аумақтық кеден органы тұлғаны осындай тізілімнен шығару туралы бұйрық қабылданған күннен бастап бір жыл аяқталған соң қарайды.


      170-бап. Тауарға қатысты өкілеттіктерге ие тұлғаның өтініші бойынша орындарда тауарларды уақытша сақтау

      1. Тауарларға қатысты өкілеттіктерге ие тұлғаның өтініші бойынша тауарларды уақытша сақтау:

      1) уақытша сақтау орындары немесе қоймалары иелерінің тізіліміне енгізілмеген алушының қоймасында;

      2) алушының меншігіндегі, шаруашылық жүргізуіндегі, жедел басқаруындағы үй-жайларда немесе ашық алаңдарда немесе ол жалдау құқығында пайдаланатын көлік құралының болу шартымен автомобиль көлік құралдарында;

      3) алушының меншігіндегі, шаруашылық жүргізуіндегі, жедел басқаруындағы үй-жайларда немесе ашық алаңдарда немесе ол жалдау құқығында пайдаланатын теміржол жолының учаскесіндегі теміржол көлік құралдарында;

      4) алушы немесе ірі габаритті тауарларға қатысты өкілеттіктерге ие өзге тұлға айқындаған орындарда өздерінің габариттері бойынша 165-баптың 1-тармағында және осы тармақтың 1), 2), 3) тармақшаларында көрсетілген уақытша сақтау орындарда орналастырылуы мүмкін емес көрсетілген тауарларды мұндай орындарда сақтау мүмкіндігін растайтын құжаттарды ұсынумен жүзеге асырылады.

      2. Тауарларды уақытша сақтау осы Кодекстің 10-тарауына сәйкес кедендік баждарды, салықтарды төлеу бойынша міндеттің орындалуын міндетті қамтамасыз ете отырып, осы баптың 1-тармағына сәйкес жүзеге асырылады.

      3. Осы Кодекстің 28-бабының талаптарына сәйкес келетін көлік құралдарындағы тауарларды уақытша сақтау мұндай тауарларды уақытша сақтаудың бүкіл мерзімі ішінде идентификаттау құралдарының тұтастығы қамтамасыз етілген жағдайда жүзеге асырылады.

      4. Осы баптың 1-тармағының 1), 2), 3) тармақшаларына сәйкес тауарларды уақытша сақтау кезінде тауарға қатысты өкілеттіктерге ие тұлға осы Кодекстің 165-бабы 3-тармағының 1), 4), 5) тармақшаларында және
5-тармағында белгіленген талаптардың сақталуын қамтамасыз етуге міндетті.

      Осы баптың 1-тармағының 4) тармақшасына сәйкес тауарларды уақытша сақтау кезінде тауарға қатысты өкілеттіктерге ие тұлға осы Кодекстің 165-бабының 5-тармағында белгіленген талаптардың сақталуын қамтамасыз етуге міндетті.


      171-бап. Тауарларды уақытша сақтауға орналастыруға байланысты кедендік операциялар және оларды жүргізу тәртібі

      1. Тауарларды уақытша сақтауға орналастыру үшін тасымалдаушы немесе тауарларға қатысты өкілеттіктері бар өзге тұлға кеден органына көліктік (тасымалдау), коммерциялық және (немесе) тауарлар, тауарларды жөнелтуші және алушы, оларды жөнелтуші елі және межелі елі туралы мәліметтер қамтылған кедендік құжаттарды не электрондық құжат түрінде ұсынылған алдын ала ақпараттың тіркеу нөмірі туралы мәліметтер бар құжатты ұсынады.

      Кеден органына құжаттарды беру электрондық нысанда жүзеге асырылуы мүмкін.

      2. Кеден органы тауарларды уақытша сақтауға орналастыру үшін ұсынылған құжаттарды, кеден органына осындай құжаттар берілген кезден бастап бір сағаттан кешіктірмей тіркейді және тұлғаға осы баптың
1-тармағында көрсетілген құжаттардың тіркелгені туралы растауды береді.

      Кеден органының тауарларды уақытша сақтауға орналастыру үшін ұсынылған құжаттарды тіркеуге байланысты кедендік операцияларды жасау және олардың тіркелгені туралы растауды беру тәртібін уәкілетті орган бекітеді.

      3. Тауарлар, кеден органы тауарларды уақытша сақтауға орналастыру үшін ұсынылған құжаттарды тіркегеннен кейін, егер осы Кодексте өзгеше белгіленбесе, уақытша сақтауда тұрған болып есептеледі.

      4. Қазақстан Республикасына тұрақты тұруға қоныс аудару, Қазақстан Республикасының заңнамасына сәйкес босқын, мәжбүрлі қоныс аударушы мәртебесін алу ниеті бар шетелдік жеке тұлғаның жеке пайдалануға арналған тауарларын уақытша сақтауға орналастыруға байланысты кедендік операциялар осы Кодекстің 342-бабына сәйкес жасалады.

      5. Тауарларды ғимараттарға, үй-жайларға (үй-жайлардың бөлімдеріне) және (немесе) екінші немесе үшінші типтегі куәліктері бар уәкілетті экономикалық оператордың кедендік бақылау аймағы болып табылатын ашық алаңдарға (ашық алаңдар бөлімдеріне) жеткізу кезінде тауарларды уақытша сақтауға орналастыруға байланысты кедендік операциялар осы Кодекстің 539-бабы ескеріле отырып жасалады.


      172-бап. Тауарларды уақытша сақтау мерзімі

      1. Тауарларды уақытша сақтау мерзімі кеден органы уақытша сақтауға орналастыру үшін ұсынылған құжаттарды тіркеген күннен кейінгі күннен бастап есептеледі және осы Кодекстің осы бабының 2-тармағында және 342-бабында көрсетілген жағдайларды қоспағанда, төрт айды құрайды.

      Комиссия тауарлардың жекелеген санаттары үшін осы тармақтың бірінші абзацында белгілеген мерзімнен аз уақытша сақтау мерзімін белгілеуге құқылы.

      2. Халықаралық пошта алмасу орындарында (мекемелерде) сақтаудағы халықаралық пошта жөнелтілімдеріне қатысты, сондай-ақ Еуразиялық экономикалық одақтың кедендік шекарасы арқылы әуе көлігімен өткізілген жолаушы алмаған немесе талап етпеген жүкке қатысты уақытша сақтау мерзімі 6 айды құрайды.

      3. Тауарлардың уақытша сақтау мерзімі аяқталған соң шығару жүргізілмеген тауарларды не оларға қатысты Еуразиялық экономикалық одақтың кедендік аумағынан тауарлардың шығарылуына кеден органының рұқсаты алынбаған, егер шетелдік тауарлар Еуразиялық экономикалық одақтың кедендік шекарасы арқылы тауарлар өткізілетін орындарда сақталса кеден органы, осы баптың екінші абзацында көрсетілген жағдайды қоспағанда, Кодекстің 52-тарауына сәйкес кідіртеді.

      Егер уақытша сақтау мерзімі аяқталғанға дейін кеден органы кедендік декларацияны тіркеген болса, бірақ кеден органы тауарларды уақытша сақтау мерзімінің өтуі бойынша тауарларды шығармаған не тауарларды шығарудан бас тартпаған жағдайда, кеден органы көрсетілген тауарларды кідіртпейді. Тауарларды шығарудан бас тартылған жағдайда, кеден органы уақытша сақтау мерзімі өткен тауарларды осы Кодекстің 52-тарауына сәйкес кідіртеді.


      173-бап. Уақытша сақтауда тұрған тауарлармен операциялар

      1. Уақытша сақтауда тұрған тауарларға қатысты өкілеттіктері бар тұлғалар осындай тауарлармен оларды өзгермейтін қалпында сақталуын қамтамасыз ету үшін қажетті операцияларды жасауға, оның ішінде тауарларды қарауға және өлшеуге, оларды уақытша сақтау орны шегінде ауыстыруға құқылы.

      2. Осы баптың 1-тармағында көрсетілмеген операциялар, оның ішінде тауарлардың сынамасын және (немесе) үлгілерін алу, зақымданған орамасын түзету, тауарлардың санын және (немесе) сипаттамасын анықтау үшін орамды ашу, сондай-ақ тауарларды кейіннен тасуға (тасымалдауға) дайындау үшін қажетті операциялар кеден органының рұқсатымен жасалады.

      Көрсетілген рұқсатты алу үшін уақытша сақтауда тұрған тауарларға қатысты өкілеттіктері бар тұлға қызмет аймағында осындай уақытша сақтау орны орналасқан кеден органының уәкілетті лауазымды адамына еркін нысанда жасалған өтінішті табыс етеді.

      Осындай өтінішті қарау мерзімі көрсетілген өтінішті кеден органының уәкілетті лауазымды адамы алған күннен кейінгі бір жұмыс күнінен аспауы тиіс.

      Осы тармақтың бірінші абзацында көрсетілген операцияларды жүргізуге арналған рұқсатты не мұндай рұқсаттан бас тартуды өтінішке белгі қою жолымен кеден органының уәкілетті лауазымды адамы ресімдейді.

      Егер оларды жүзеге асыру тауарларды жоюға немесе олардың жай-күйін өзгертуге әкеп соғатын болса, кеден органы мұндай операцияларды жүргізуге рұқсат беруден бас тартады.

      Осы тармақтың бірінші абзацында көрсетілген операцияларды жүргізуге бас тартылған жағдайда, кеден органының уәкілетті лауазымды адамы мұндай бас тартудың себебін көрсетеді.

      3. Қазақстан Республикасында тұрақты тұруға қоныс аударуға, Қазақстан Республикасының заңнамасына сәйкес босқын, мәжбүрлі қоныс аударушы мәртебесін алуға ниеті бар шетелдік жеке тұлғаның уақытша сақтауда тұрған жеке пайдалануға арналған тауарларымен операциялар осы Кодекстің 342-бабына сәйкес жасалады.


      174-бап. Тауарларды уақытша сақтау кезінде кедендік әкелу баждарын, салықтарды, арнайы, демпингке қарсы, өтем баждарын төлеу міндетінің туындауы және тоқтатылуы, оларды төлеу мерзімі және есептеу

      1. Уақытша сақтауға орналастырылатын шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет:

      1) тасымалдаушыда немесе тауарларды уақытша сақтауға орналастыру үшін құжаттар ұсынылған тауарларға қатысты өкілеттіктері бар өзге тұлғада – кеден органы осы құжаттарды тіркеген кезден;

      2) уақытша сақтау қоймасының иесінде – уақытша сақтау қоймасында тауарларды орналастырған кезден;

      3) уақытша сақтау қоймасы болып табылмайтын орында тауарларды уақытша сақтауды жүзеге асырушы тұлғада – кеден органы тауарларды уақытша сақтауға орналастыру үшін ұсынылған құжаттарды тіркеген кезден бастап туындайды.

      2. Уақытша сақтауға орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет:

      1) тасымалдаушыда немесе тауарларды уақытша сақтауға орналастыру үшін құжаттар ұсынылған тауарларға қатысты өкілеттіктері бар өзге тұлғада:

      тауарларды уақытша сақтау қоймасына орналастыру не уақытша сақтау қоймасы болып табылмайтын орында уақытша сақтауға өзге тұлғаның оларды қабылдауы;

      осы баптың 4-тармағының 1) тармақшасында көрсетілген мән-жайлар туындағаннан кейін тауарларды шетелдік тауарларға қолданылатын кедендік рәсімдермен орналастыру;

      2) уақытша сақтау қоймасының иесінде:

      тауарларды уақытша сақтау қоймасынан оларды кедендік рәсімдермен орналастыруға байланысты беру;

      тауарларды осы баптың 4-тармағының 3-тармақшасында көрсетілген мән-жайлар туындағаннан кейін шетелдік тауарларға қолданылатын кедендік рәсімдермен орналастыру;

      3) уақытша сақтау қоймасы болып табылмайтын орында тауарларды уақытша сақтауды жүзеге асырушы тұлғада – тауарларды осы баптың 4-тармағының 2) және 3) тармақшаларында көрсетілген мән-жайлар басталғаннан кейін шетелдік тауарларға қолданылатын кедендік рәсімдермен орналастыру;

      4) осы баптың 1), 2) және 3) тармақшаларында көрсетілген тұлғаларда:

      кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетті орындау және (немесе) осы баптың 5-тармағына сәйкес есептелген және төлеуге жататын мөлшерде өндіріп алу;

      осы Кодекске сәйкес осындай жойылу немесе қайтарымсыз жоғалуға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі туындаған жағдайларды қоспағанда, уәкілетті орган бекіткен тәртіпте кеден органы аварияның салдарынан немесе еңсерілмейтін күштің әсерінен шетелдік тауарлардың жойылу және (немесе) қайтарымсыз жоғалу фактін не қалыпты тасу (тасымалдау) және (немесе) сақтау жағдайларында табиғи кему нәтижесінде осы тауарлардың қайтарымсыз жоғалу фактін мойындаған;

      Қазақстан Республикасының заңнамасына сәйкес тауарларды тәркілеу немесе мемлекет меншігіне айналдыру;

      кеден органының осы Кодекстің 52-тарауына сәйкес тауарларды кідіртуі;

      қылмыстық іс немесе әкімшілік құқық бұзушылық туралы іс бойынша іс жүргізу барысында қылмыстық құқық бұзұшылықтар туралы хабарламаны тексеру кезінде алып қойылған немесе тыйым салынған және егер бұрын мұндай тауарларды шығару жүргізілмеген болса, оларға қатысты қайтару туралы шешім қабылданған тауарларды уақытша сақтауға орналастыру немесе кедендік рәсімдердің бірімен орналастыру мән-жайлары туындаған кезде тоқтатылады.

      3. Осы баптың 4-тармағында көрсетілген мән-жайлар басталған кезде кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалуға жатады.

      4. Мынадай мән-жайлар басталған кезде кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып:

      1) тасымалдаушы немесе тауарларды уақытша сақтауға орналастыру үшін құжаттар ұсынылған тауарларға қатысты өкілеттіктері бар өзге тұлға үшін:

      аварияның салдарынан немесе еңсерілмейтін күштің әрекетінен жойылған және (немесе) қайтарымсыз жоғалуды не қалыпты тасу (тасымалдау) және (немесе) сақтау жағдайларында табиғи кему нәтижесінде қайтарымсыз жоғалуды қоспағанда, уақытша сақтауға орналастырылған тауарлар, оларды уақытша сақтау қоймасына орналастырғанға дейін жоғалған немесе уақытша сақтау қоймасы болып табылмайтын орында оларды уақытша сақтауға өзге тұлға қабылдаған жағдайда, – осындай жоғалту күні, ал егер бұл күн белгіленбеген болса – тауарларды уақытша сақтауға орналастыру үшін ұсынылған құжаттарды кеден органы тіркеген күн;

      тауарларды уақытша сақтау қоймасына орналастырғанға дейін уақытша сақтауға орналастырылған тауарларды алушыға немесе өзге тұлғаға кеден органының рұқсатынсыз берген не уақытша сақтау қоймасы болып табылмайтын орында уақытша сақтауға оларды өзге тұлға қабылдаған жағдайда – осындай беру күні, ал егер бұл күн белгіленбеген болса, – тауарларды уақытша сақтауға орналастыру үшін ұсынылған құжаттарды кеден органы тіркеген күн;

      2) уақытша сақтау қоймасы болып табылмайтын орында тауарларды уақытша сақтауды жүзеге асырушы тұлға үшін:

      аварияның салдарынан немесе еңсерілмейтін күштің әрекетінен жойылған және (немесе) қайтарымсыз жоғалуды не қалыпты тасу (тасымалдау) және (немесе) сақтау жағдайларында табиғи кему нәтижесінде қайтарымсыз жоғалуды қоспағанда, уақытша сақтауға орналастырылған тауарлар, уақытша сақтау қоймасы болып табылмайтын орында оларды орналастырғанға дейін жоғалған жағдайда – осындай жоғалту күні, ал егер бұл күн белгіленбеген болса – тауарларды уақытша сақтауға орналастыру үшін ұсынылған құжаттарды кеден органы тіркеген күн;

      уақытша сақтау қоймасы болып табылмайтын орында тауарларды орналастырғанға дейін кеден органының рұқсатынсыз алушыға немесе өзге тұлға уақытша сақтауға орналастырылған берген жағдайда, – осындай беру күні, ал егер бұл күн белгіленбеген болса – тауарларды уақытша сақтауға орналастыру үшін ұсынылған құжаттарды кеден органы тіркеген күн;

      3) уақытша сақтау қоймасының иесі үшін не уақытша сақтау қоймасы болып табылмайтын орында тауарларды уақытша сақтауды жүзеге асырушы тұлға үшін:

      аварияның салдарынан немесе еңсерілмейтін күштің әсерінен жойылу және (немесе) қайтарымсыз жоғалу не қалыпты тасу (тасымалдау) және (немесе) сақтау жағдайларында табиғи кему нәтижесінде қайтарымсыз жоғалуды қоспағанда, уақытша сақтау қоймасында сақталуда немесе уақытша сақтау қоймасы болып табылмайтын орында тауарлар жоғалған жағдайда, – осындай жоғалту күні, ал егер бұл күн белгіленбеген болса – уақытша сақтау қоймасында не уақытша сақтау қоймасы болып табылмайтын орында тауарлар орналастырылатын күн;

      уақытша сақтау қоймасында немесе уақытша сақтау қоймасы болып табылмайтын орында сақталудағы тауарларды кеден органының рұқсатынсыз алушыға немесе өзге тұлғаға беру жағдайында, – осындай беру күні, ал егер бұл күн белгіленбеген болса – уақытша сақтау қоймасында не уақытша сақтау қоймасы болып табылмайтын орында тауарлар орналастырылатын күн;

      тауарларды алушының қоймасында сақтаудағы тауарлар, тауарларды уақытша сақтау мақсатында пайдаланылмаған жағдайда, – осындай пайдалану күні, ал егер бұл күн белгіленбеген болса, – тауарларды уақытша сақтауға орналастыру үшін ұсынылған құжаттарды кеден органы тіркеген күн есептеледі.

      5. Егер кедендік әкелу баждарын, салықтар төлеу жөніндегі тарифтік преференциялар мен жеңілдіктерді қолданбай, тауарларды ішкі тұтыну үшін шығару кедендік рәсімімен орналастырылған болса, осы баптың 4-тармағында көрсетілген мән-жайлар басталған кезде, кедендік әкелу баждары, салықтар, арнайы, демпингке қарсы, өтем баждарын төлеуге жатады.

      Кедендік әкелу баждары, салықтар, арнайы, демпингке қарсы, өтем баждары осы Кодекстің 8 және 13-тарауларына сәйкес есептеледі.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыста болатын кедендік әкелу баждарының, салықтарының, арнайы, демпингке қарсы, өтем баждарының мөлшерлемелері қолданылады.

      Егер тауарлардың кедендік құнын анықтау үшін, сондай-ақ Қазақстан Республикасында төлеуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін шетелдік валютаны Қазақстан Республикасының ұлттық валютасына қайта есептеу талап етілетін жағдайда, мұндай қайта есептеу осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыста болатын валюта бағамы бойынша жүргізіледі.

      Егер кеден органының тауарлар туралы дәл мәліметтері (сипаты, атауы, саны, шығарылған жері және (немесе) кедендік құны) болмаса, төлеуге жататын кедендік әкелу баждарын, салықтарды, арнайы, демпингке қарсы, өтем баждарын есептеуге арналған база кеден органының қолда бар мәліметтері негізінде айқындалады, ал тауарларды жіктеу осы Кодекстің 40-бабының 4-тармағы ескеріле отырып жүзеге асырылады.

      Егер тауар коды Сыртқы экономикалық қызметтің тауар номенклатурасына сәйкес кемінде он белгі саны бар топтамалар деңгейінде айқындалған жағдайда:

      кедендік әкелу баждарын есептеу үшін осындай топтамаға кіретін тауарларға сәйкес келетін кедендік баждардың ең жоғары мөлшерлемесі қолданылады;

      салықтарды есептеу үшін қосылған құн салығының ең жоғары мөлшерлемесі, кедендік баждардың ең жоғары мөлшерлемесі белгіленген осындай топтамаға кіретін тауарларға сәйкес келетін акциздердің (акциз салығы немесе акциздік алымның) ең жоғары мөлшерлемесі қолданылады;

      арнайы, демпингке қарсы, өтем баждарын есептеу үшін осы баптың оныншы абзацын ескере отырып, осындай топтамаға кіретін тауарларға сәйкес келетін арнайы, демпингке қарсы, өтем баждарының ең жоғары мөлшерлемесі қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шығарылған жерін және (немесе) көрсетілген баждарды анықтау үшін қажет мәліметтерге сүйене отырып есептеледі. Егер тауарлардың шығарылған жері және (немесе) көрсетілген баждарды анықтау үшін қажет өзге мәліметтер расталмаса, арнайы, демпингке қарсы, өтем баждары, егер тауарды жіктеу он белгі деңгейінде жүзеге асырылатын болса, Сыртқы экономикалық қызметтің тауар номенклатурасының сол кодындағы тауарларға не топтамаға кіретін тауарларға қатысты, егер тауарлардың кодтары Сыртқы экономикалық қызметтің тауар номенклатурасына сәйкес белгі саны оннан кем топтама деңгейінде анықталған болса, арнайы, демпингке қарсы, өтем баждарының ең жоғары мөлшерлемесін есепке ала отырып есептеледі.

      Тауарлар туралы нақты мәліметтердің салдарын белгілеген кезде, кедендік әкелу баждары, салықтар, арнайы, демпингке қарсы, өтемдік баждары осындай нақты мәліметтер негізге алына отырып есептеледі, кедендік әкелу баждарының, салықтардың, арнайы, демпингке қарсы, өтемдік баждарының артық төленген және (немесе) артық өндіріп алынған сомаларын қайтару (есепке жатқызу) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекеттер, осы Кодекстің 12-тарауына және 142-бабына сәйкес төленбеген сомаларын өндіріп алу жүзеге асырылады.

      6. Тауарлар шетелдік тауарларға қолданылатын кедендік рәсімдермен орналастырылған жағдайда, кеден органдарының осы Кодекстің 52-тарауына сәйкес тауарларды кідіртуі, кедендік әкелу баждары, салықтар, арнайы, демпингке қарсы, өтем баждарын төлеу міндетін орындағаннан кейін уақытша сақтауға орналастыру және (немесе) осы бапқа сәйкес кедендік әкелу баждары, салықтар, арнайы, демпингке қарсы, өтем баждарының сомасын (толық немесе ішінара) өндіріп алуы, төленген және (немесе) өндіріп алынған кедендік әкелу баждары, салықтар, арнайы, демпингке қарсы, өтем баждары осы Кодекстің 11-тарауына және 141-бабына сәйкес есепке жатқызылуға (қайтарылуға) жатады.

18-тарау. Кедендік декларация және кедендік декларацияны берумен, тіркеумен және кері қайтарып алумен, кедендік декларацияда мәлімделген мәліметтердің өзгеруімен (толықтырылуымен) байланысты кедендік операциялар

      175-бап. Кедендік декларация туралы жалпы ережелер

      1. Тауарлар кедендік рәсіммен орналастырылған кезде не осы Кодекстің 341-бабының 4-тармағында, 355-бабының 4-тармағында және 364-бабының 2-тармағында көзделген жағдайларда олар кедендік декларациялауға жатады.

      Тауарларды осы Кодекстің 284-бабының 4-тармағына сәйкес еркін кедендік аймақтың кедендік рәсімімен орналастыру кезінде, сондай-ақ осы Кодекстің 369-бабының 3, 14, 15, 16 және 17-баптарында және 384-бабының 7-тармағында көзделген жағдайларда олар кедендік декларациялауға жатпайды.

      2. Егер осы Кодексте өзгеше көзделмесе, кедендік декларациялауды декларант не кеден өкілі жүзеге асырады.

      3. Кедендік декларациялау электрондық нысанда жүзеге асырылады.

      4. Жазбаша нысандағы кедендік декларациялауға:

      1) тауарларды кеден транзитінің кедендік рәсімімен орналастыру кезінде;

      2) жеке пайдалануға арналған тауарларға қатысты;

      3) халықаралық пошта жөнелтімдерімен жіберілетін тауарларға қатысты;

      4) халықаралық тасымалдаудың көлік құралдарына қатысты;

      5) кедендік декларация ретінде көліктік (тасымалдау), коммерциялық және (немесе) өзге құжаттарды, оның ішінде осы Кодекстің 176-бабы 6-тармағының екінші абзацына сәйкес Қазақстан Республикасының халықаралық шарттарында көзделген құжаттарды пайдалану кезінде;

      6) Комиссия және Комиссияда көзделген жағдайларда Қазақстан Республикасының кеден заңнамасы айқындайтын өзге де жағдайларда жол беріледі.

      5. Осы баптың 4-тармағының ережесіне қарамастан, егер кеден органында, байланыс құралдары (телекоммуникациялық желілер және Интернет желісі) жұмысының бұзылуынан, электр энергиясының сөндірілуінен әкеліп соққан авария немесе өзге де еңсерілмейтін күштің әсерінен туындаған кеден органдары пайдаланатын ақпараттық жүйелердің техникалық істен шығуына немесе кеден органдары пайдаланатын ақпараттық жүйелердің жарамсыз болуына әкеп соқтырған өзге де мән-жайларға байланысты, сондай-ақ Қазақстан Республикасының заңнамасында белгіленетін өзге де жағдайларда декларанттың кедендік декларациялауды электрондық нысанда іске асыруды қамтамасыз ету мүмкіндігі болмаса, кедендік декларациялау жазбаша нысанда жүзеге асырылуы мүмкін.

      6. Кедендік декларациялау нысанына қарай электрондық құжат түріндегі кедендік декларация (бұдан әрі – электрондық кедендік декларация) немесе қағаз тасымалдағыштағы құжат түріндегі кедендік декларация (бұдан әрі қағаз тасымалдағыштағы кедендік декларация) пайдаланылады.

      7. Егер шетелдік тауарлар кедендік транзиттің кедендік рәсіміне сәйкес тасымалданған жағдайларда, кедендік декларация мұндай шетелдік тауарларға қатысты олар Еуразиялық экономикалық одақтың кедендік аумағына әкелінгенге дейін немесе тауарларды кедендік жөнелтуші органы айқындаған жеткізу орнына жеткізгенге дейін берілгенде кедендік декларациялаудың (бұдан әрі – алдын ала кедендік декларациялау) ерекшеліктері осы Кодекстің 185-бабында айқындалады.

      Егер декларантта тауарларға декларация беру кезінде тауарларға осындай декларацияда мәлімдеу үшін қажетті нақты мәліметтер болмаған жағдайда кедендік декларациялаудың (бұдан әрі – толық емес кедендік декларациялау) ерекшеліктері осы Кодекстің 186-бабында айқындалады.

      Егер тұлға Еуразиялық экономикалық одақтың кедендік шекарасы арқылы тауарларды жеткізу кезеңі ішінде екі немесе одан көп партиямен бір шарттармен өткізуді жүзеге асырған жағдайда кедендік декларациялаудың (бұдан әрі – кезеңдік кедендік декларациялау) ерекшеліктері осы Кодекстің 187-бабында айқындалады.

      Егер Еуразиялық экономикалық одақтың тауарларын Қазақстан Республикасының аумағының қалған бөлігінен ЕЭА аумағындағы еркін қоймаға әкелу және Еуразиялық экономикалық одақтың тауарларын Қазақстан Республикасының аумағының қалған бөлігіне ЕЭА аумағындағы еркін қоймадан әкету жеткізу кезеңі ішінде бір және сол шартта екі немесе одан көп партиямен жүзеге асырылса (бұдан әрі – ЕЭА аумағындағы еркін қоймаға әкелінетін немесе ЕЭА аумағындағы еркін қоймадан әкетілетін Еуразиялық экономикалық одақтың тауарларын мерзімдік кедендік декларациялау) тауарларды кедендік декларациялаудың ерекшеліктері осы Кодекстің 188-бабында айқындалады.

      Құбыржол көлігімен өткізілетін, сондай-ақ оның кедендік саны және (немесе) құны туралы мәліметті нақты беру мүмкін емес тауарларға қатысты кедендік декларациялау ерекшеліктері (бұдан әрі – уақытша кедендік декларациялау) осы Кодекстің 189-бабында айқындалады.

      Еуразиялық экономикалық одақтың кедендік шекарасы арқылы өткізілетін жиналмаған немесе бөлшектелген түрінде, оның ішінде жиынтықталмаған немесе жасалып бітпеген түріндегі тауарларды кедендік декларациялаудың ерекшеліктері осы Кодекстің 190-бабында айқындалады.

      8. Комиссия егер тауарларға қатысты кедендік әкелу баждарын, салықтарды төлеу міндеті осы Кодекстің 216-бабы 2-тармағының бірінші абзацына және 306-бабы 2-тармағының бірінші абзацына сәйкес туындамайтын болса, оларды кедендік декларациялау ерекшелігін айқындауға құқылы.


      176-бап. Кедендік декларация

      1. Кедендік декларациялау кезінде кедендік декларацияның мынадай түрлері:

      1) тауарларға арналған декларация;

      2) транзиттік декларация;

      3) жолаушының кедендік декларациясы;

      4) көлік құралына арналған декларация қолданылады.

      2. Комиссия айқындайтын жағдайларда кедендік құн декларациясы толтырылады, онда тауарлардың кедендік құны туралы мәліметтер, оның ішінде тауарлардың кедендік құнын айқындау әдісі, тауарлардың кедендік құнының шамасы туралы, тауарлардың кедендік құнын айқындауға қатысы бар тауарлармен мәмілелердің шарттары мен жағдайлары туралы мәлімделеді.

      Кедендік құн декларациясы тауарларға арналған декларацияның ажырамас бөлігі болып табылады.

      Электрондық құжат түріндегі және қағаз тасымалдағыштағы кедендік құн декларациясының электрондық түріндегі кедендік құн декларациясының нысанын, кедендік құн декларациясының құрылымы мен форматын, оларды толтыру тәртібін Комиссия айқындайды.

      3. Тауарларға арналған декларация кедендік транзиттің кедендік рәсімін қоспағанда, тауарларды кедендік рәсімдермен орналастыру кезінде, ал осы Кодексте көзделген жағдайларда – керек-жарақтарды кедендік декларациялау кезінде пайдаланылады.

      Транзиттік декларация тауарларды кедендік транзиттің кедендік рәсімімен орналастыру кезінде пайдаланылады.

      Жолаушының кедендік декларациясы жеке пайдалануға арналған тауарларды кедендік декларациялау кезінде, ал осы Кодексте көзделген жағдайларда – жеке пайдалануға арналған тауарларды кедендік транзиттің кедендік рәсімімен орналастыру кезінде пайдаланылады.

      Көлік құралына арналған декларация халықаралық тасымалдаудың көлік құралдарын кедендік декларациялау кезінде, ал осы Кодексте көзделген жағдайларда – керек-жарақтарды кедендік декларациялау кезінде пайдаланылады.

      4. Кедендік декларацияда көрсетуге жататын мәліметтер тізбесі кедендік төлемдерді, салықтарды есептеу және төлеу, ішкі нарықты қорғау шараларын қолдану, кедендік статистиканы қалыптастыру, тыйым салулар мен шектеулердің сақталуын бақылау, кеден органдарының зияткерлік меншік объектілеріне құқықтарды қорғау бойынша шаралар қабылдауы үшін, сондай-ақ Еуразиялық экономикалық одақтың кеден заңнамасының, Қазақстан Республикасының кеден және өзге де заңнамасының сақталуын бақылау үшін қажетті мәліметтермен ғана шектеледі.

      5. Кедендік декларацияның, оның құрылымының нысанын және электрондық кедендік декларацияның және қағаз тасымалдағыштағы кедендік декларацияның электрондық түрлерінің форматтарын және оларды толтыру тәртіптерін Комиссия осы баптың 1-тармағында көзделген кедендік декларация түрлеріне, кедендік рәсімдерге, тауарлар санаттарына, оларды Еуразиялық экономикалық одақтың кедендік шекарасы арқылы өткізетін тұлғаларға байланысты айқындайды.

      6. Тауарларға арналған декларация және транзиттік декларация ретінде көліктік (тасымалдау), коммерциялық және (немесе) өзге де құжаттарды, оның ішінде Қазақстан Республикасының осы Кодексте айқындалатын жағдайларда және тәртіппен тауарлар шығару үшін қажетті мәліметтерді қамтитын халықаралық шарттарында, Қазақстан Республикасының халықаралық шарттарында және (немесе) Комиссия және Комиссия көздеген жағдайларда Қазақстан Республикасының заңнамасында көзделген құжаттарды пайдалануға рұқсат етіледі.

      Комиссия көздеген жағдайларда, тауарларға арналған декларация және транзиттік декларация ретінде көліктік (тасымалдау), коммерциялық және (немесе) өзге де құжаттарды, оның ішінде Қазақстан Республикасының халықаралық шарттарында көзделген құжаттарды пайдалану тәртібін уәкілетті орган бекітеді.

      Тауарларға арналған декларация және транзиттік декларация ретінде көліктік (тасымалдау), коммерциялық және (немесе) өзге де құжаттарды, оның ішінде Қазақстан Республикасының халықаралық шарттарында көзделген құжаттарды пайдалану кезінде кедендік декларациялау, егер Комиссия және (немесе) осы Кодексте өзгеше айқындалмаған болса, жазбаша нысанда жүзеге асырылады.

      Еуразиялық экономикалық одақтың кедендік аумағы бойынша тауарларды тасуды (тасымалдау) жүзеге асыратын көлік түріне қарай Комиссия транзиттік декларация ретінде пайдаланылатын көліктік (тасымалдау), коммерциялық және (немесе) өзге де құжаттардың, оның ішінде оларды пайдалану жағдайлары мен тәртібін айқындауға құқылы.

      7. Транзиттік декларация ретінде Комиссия айқындайтын тәртіппен электрондық құжат түрінде ұсынылған алдын ала ақпаратты пайдалануға рұқсат етіледі.


      177-бап. Тауарларға арналған декларацияда көрсетілуі тиіс мәліметтер

      1. Тауарларға арналған декларацияда мынадай:

      1) мәлімделетін кедендік рәсім туралы;

      2) декларант, кеден өкілі, тауарларды жөнелтуші, алушы, сатушы және сатып алушы туралы;

      3) халықаралық тасымалдаудың көлік құралдары, сондай-ақ Еуразиялық экономикалық одақтың кедендік аумағы бойынша тауарлар тасымалданған (тасымалданатын) көлік құралдары туралы;

      4) тауарлар туралы:

      кедендік төлемдерді, арнайы, демпингке қарсы, өтем баждарын және тыйым салулар мен шектеулердің сақталуын, ішкі нарықты қорғау шараларын, кеден органдарының зияткерлік меншік объектілеріне құқықтарды қорғау бойынша шараларды қабылдауын қамтамасыз ету, Сыртқы экономикалық қызметтің тауар номенклатурасының он таңбалық кодына идентификаттау, жатқызу үшін өндіріп алу кеден органдарына жүктелген өзге де төлемдерді есептеу және өндіріп алу үшін қажетті атау, сипаттама;

      Сыртқы экономикалық қызметтің тауар номенклатурасына сәйкес тауарлар коды;

      тауарлар шығарылған ел;

      жөнелтуші елдің және межелі ел атауы;

      тауарларды өндіруші;

      тауар белгісі;

      Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне және (немесе) Қазақстан Республикасының зияткерлік меншік объектілерінің кедендік тізіліміне қосылған зияткерлік меншік объектісі болып табылатын тауар шығарылған жердің атауы;

      орамалардың сипаттамасы;

      килограмының (брутто салмағы және нетто салмағы) және қосымша өлшем бірліктерінің бағасы, саны;

      тауарлардың кедендік құны (тауарлардың кедендік құнының шамасы, айқындау әдісі);

      статистикалық құны;

      5) кедендік, салықтық төлемдерді, арнайы, демпингке қарсы, өтем баждарын есептеу туралы:

      кедендік баждардың, салықтардың, кедендік алымдардың, арнайы, демпингке қарсы, өтем баждарының мөлшерлемелері;

      кедендік төлемдерді, салықтарды төлеу бойынша жеңілдіктер;

      тарифтік преференциялар;

      есептелген кедендік баждардың, салықтардың, кедендік алымдардың, арнайы, демпингке қарсы, өтем баждарының сомалары;

      осы Кодекске сәйкес кедендік баждарды, салықтарды, арнайы, демпингке қарсы, өтем баждарын есептеу үшін қолданылатын валюталар бағамы;

      6) тауарлармен мәміле және оның шарттары туралы;

      7) осы Кодекстің 8-бабына сәйкес тыйым салулар мен шектеулердің сақталуы туралы;

      8) тауарларды кедендік рәсіммен орналастыру шарттарының сақталуы туралы;

      9) осы Кодекстің 179-бабында көрсетілген тауарларға арналған декларацияда мәлімделген мәліметтерді растайтын құжаттар туралы;

      10) сақталуын бақылау кеден органдарына жүктелген Қазақстан Республикасының заңнамасының сақталуын растайтын құжаттар туралы;

      11) тауарларға арналған декларацияны толтырған адам туралы және оның жасалған күні;

      12) Комиссия айқындайтын өзге де мәліметтер көрсетілуі тиіс.

      2. Тауарларға арналған декларация нысанын толтыру тәртібін айқындау кезінде Комиссия кедендік рәсімге, тауарлардың, оларды Еуразиялық экономикалық одақтың кедендік шекарасы арқылы өткізетін адамдардың санаттарына және (немесе) тауарларды тасу (тасымалдау) жүзеге асырылатын көліктің түріне қарай тауарларға арналған декларацияда көрсетілуі тиіс мәліметтерді қысқартуға құқылы.


      178-бап. Транзиттік декларацияда көрсетілуі тиіс мәліметтер

      1. Транзиттік декларацияда мынадай:

      1) көліктік (тасымалдау) құжаттарына сәйкес тауарларды жөнелтуші мен алушы, декларант, тасымалдаушы туралы;

      2) тауарларды жөнелтуші ел және тауарлардың межелі елі туралы;

      3) тауарлар тасымалданатын көлік құралы туралы;

      4) коммерциялық, көліктік (тасымалдау) құжаттарына сәйкес тауарлардың атауы, саны және құны туралы;

      5) Сыртқы экономикалық қызметтің тауар номенклатурасына сәйкес кемінде алғашқы алты белгі деңгейіндегі тауарлар коды туралы мәлімет көрсетілуге тиіс.

      Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде белгілі бір кезең ішінде бір немесе бірнеше көлік құралымен өткізілетін тауарларға (тауарлар құрамбөліктеріне) қатысты осындай тауарларға қатысты қабылданған тауарларды сыныптау туралы алдын ала шешімге не Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарларды сыныптау туралы шешімге сәйкес он белгі деңгейінде Сыртқы экономикалық қызметтің тауар номенклатурасына сәйкес тауар коды туралы мәліметтер көрсетілуі мүмкін;

      6) тауарлардың брутто салмағы немесе көлемі, сондай-ақ тауарлардың қосымша өлшем бірліктеріндегі саны туралы, егер Еуразиялық экономикалық одақтың Бірыңғай кедендік тарифінде декларацияланатын тауарға қатысты қосымша өлшем бірлігі белгіленген болса, Сыртқы экономикалық қызметтің тауар номенклатурасының әрбір коды бойынша;

      7) жүк орындарының саны туралы;

      8) көліктік (тамсымалдау) құжаттарына сәйкес тауарлардың межелі пункті туралы;

      9) осы Кодекстің 8-бабына сәйкес тыйым салулар мен шектеулердің сақталуы туралы;

      10) тауарлардың жоспарланатын ауыстырылып тиелуі немесе жолдағы жүк операциялары туралы мәліметтер көрсетілуі тиіс.

      2. Транзиттік декларация нысанын толтыру тәртібін айқындау кезінде Комиссия тауарлардың, оларды Еуразиялық экономикалық одақтың кедендік шекарасы арқылы өткізетін адамдардың санатына және (немесе) тауарларды тасу (тасымалдау) жүзеге асырылатын көліктің түріне қарай транзиттік декларацияда көрсетілуі тиіс мәліметтерді қысқартуға құқылы.

      3. Транзиттік декларация ретінде осы Кодекстің 388-бабының 2-тармағында және 389-бабының 3-тармағында көзделген жағдайларды қоспағанда, көліктік (тасымалдау), коммерциялық және (немесе) өзге де құжаттарды, оның ішінде Қазақстан Республикасының халықаралық шарттарында көзделген құжаттарды пайдалануға жол беріледі.

      Транзиттік декларация ретінде көліктік (тасымалдау), коммерциялық және (немесе) өзге де құжаттарды, оның ішінде Қазақстан Республикасының халықаралық шарттарында көзделген құжаттарды пайдалану кезінде мұндай құжаттарда осы баптың 1-тармағында көрсетілген мәліметтер қамтылуы тиіс.

      Егер транзиттік декларация ретінде пайдаланылатын аталған құжаттарда осы баптың 1-тармағында көзделген мәліметтер болмаса, жетіспейтін мәліметтер осындай транзиттік декларацияға қоса берілетін не кеден органына ұсынылатын, онымен бірге жүретін құжаттарда қамтылуы тиіс.

      4. Транзиттік декларацияда Еуразиялық экономикалық одақтың мүшесі болып табылмайтын мемлекеттің аумағы арқылы тасымалданатын Еуразиялық экономикалық одақтың тауарларына қатысты осы Кодекстің 8-бабына сәйкес тыйым салулар мен шектеулердің сақталуы туралы, осындай тауарлардың құны туралы мәліметтерді және егер бұл осы Кодекске сәйкес белгіленген болса, өзге де мәліметтерді қоспағанда, осы баптың 1-тармағында көрсетілген мәліметтер мәлімделеді. Комиссия транзиттік декларацияда Еуразиялық экономикалық одақтың мүшесі болып табылмайтын мемлекеттің аумағы арқылы тасымалданатын Еуразиялық экономикалық одақтың тауарларына қатысты тауарлардың құны туралы мәліметтерді көрсетуге не жататынын айқындауға құқылы.

      5. Транзиттік декларацияда осы баптың 1-тармағында көрсетілген мәліметтерге қосымша осы Кодекстің 385-бабының 4-тармағында көрсетілген шетелдік тауарларға қатысты оларға сәйкес тауарлар кедендік аумақта қайта өңдеудің кедендік рәсімімен немесе ішкі тұтыну үшін қайта өңдеудің кедендік рәсімімен немесе уақытша әкелу (жол беру) кедендік рәсімімен орналастырылған кедендік декларациялар туралы мәліметтер мәлімделеді.

      6. Қазақстан Республикасының аумағы бойынша тауарларды өткізу кезінде транзиттік декларацияда мәліметтерді мәлімдеудің ерекшеліктерін және оның қолдану тәртібін уәкілетті органы бекітеді.


      179-бап. Кедендік декларацияда мәлімделген мәліметтерді растайтын құжаттар

      1. Кедендік декларацияда мәлімделген мәліметтерді растайтын құжаттарға:

      1) тауарлармен мәмілелер жасалғанын растайтын құжаттар, ал мұндай мәміле болмаған жағдайда – тауарларды иелену, пайдалану және (немесе) оларға билік ету құқығын растайтын өзге құжаттар, сондай-ақ декларанттың иелігіндегі өзге де коммерциялық құжаттар;

      2) көліктік (тасымалдау) құжаттары;

      3) кедендік декларацияны беруші адамның өкілеттіктерін растайтын құжаттар;

      4) тыйым салулар мен шектеулердің, ішкі нарықты қорғау шараларының сақталуын растайтын құжаттар;

      5) тауарлардың шығарылған жері туралы құжаттар;

      6) Сыртқы экономикалық қызметтің тауар номенклатурасына сәйкес сыныптау кезінде пайдаланылған тауарлардың сипаттамасын растайтын құжаттар, ол болған жағдайда тауарларды сыныптау туралы алдын ала шешім, ал кез келген Еуразиялық экономикалық одаққамүше мемлекеттің кеден органы қабылдаған – кедендік транзит кедендік рәсіміне сәйкес Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарларды (тауарлар құрамбөліктерін) кедендік декларациялаған жағдайда – осындай тауарларға қатысты тауарларды сыныптау туралы алдын ала шешім не Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарларды сыныптау туралы шешім;

      7) кедендік төлемдердің, арнайы, демпингке қарсы, өтем баждардың төленгенін және (немесе) кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттердің орындалуын қамтамасыз етуді растайтын құжаттар;

      8) кедендік төлемдерді төлеу бойынша жеңілдіктер берудің мақсаттары мен шарттарының сақталуын растайтын құжаттар;

      9) кедендік баждарды, салықтарды төлеу мерзімдерінің өзгергенін растайтын құжаттар;

      10) тауарлардың мәлімделген кедендік құнын, оның ішінде оның шамасын және тауарлардың кедендік құнын айқындау әдісін растайтын құжаттар;

      11) тауарларды кедендік транзиттің кедендік рәсімімен орналастырған кезде оларды автомобиль көлігімен тасымалдаған жағдайда – халықаралық тасымалдаудың көлік құралының тіркелуі және ұлттық тиесілілігі туралы құжат;

      12) тауарларды мәлімделген кедендік рәсімдермен орналастырудың шарттарын растайтын құжаттар;

      13) кедендік аумақтан тыс жерде қайта өңдеу кедендік рәсімімен орналастырылған тауарларды қайта өңдеу өнімдерін ішкі тұтыну үшін шығару кедендік рәсімімен орналастыру кезінде тауарларды қайта өңдеу бойынша операциялардың мәлімделген құнын растайтын құжаттар;

      14) осы Кодекстің 344-бабында көрсетілген құжаттар жатады.

      2. Осы баптың 1-тармағында көрсетілген құжаттарда кедендік декларацияда мәлімделген мәліметтерді растайтын мәліметтер болмаған жағдайда, мұндай мәліметтер өзге құжаттармен расталады.

      3. 185, 186, 187, 188, 189, 190-баптарда айқындалған тауарларды кедендік декларациялаудың ерекшеліктеріне қарай кедендік декларацияны беру кезінде осындай құжаттар болмауы мүмкін жағдайларды қоспағанда, кедендік декларация беру кезінде декларантта кедендік декларацияда мәлімделген мәліметтерді растайтын құжаттар болуы тиіс.


      180-бап. Кедендік декларацияны берумен байланысты кедендік операциялар және оларды жасау тәртібі

      1. Кедендік декларация Қазақстан Республикасының кеден заңнамасына сәйкес кедендік декларацияларды тіркеуге құқылы кеден органына беріледі.

      2. Кедендік декларацияны кеден органына тапсыру кезінде мынадай:

      1) оларға қатысты осы Кодекске сәйкес Еуразиялық экономикалық одақтың кедендік аумағына әкелмей, кедендік рәсіммен орналастыру рұқсат етілген, Еуразиялық экономикалық одақтың кедендік аумағынан әкетілген тауарларды;

      2) құбыржол көлігімен немесе электр беру желілері бойынша өткізілетін тауарларды;

      3) кедендік декларациялау осы Кодекстің 185, 187 және 189-баптарында айқындалған ерекшеліктермен жүзеге асырылатын шетелдік тауарларды қоспағанда, тауарлар Қазақстан Республикасының аумағында болуы тиіс.

      3. Комиссия Еуразиялық экономикалық одақтың тауарларының кеден органына осындай тауарларға қатысты кедендік декларация берілетін Еуразиялық экономикалық одаққа мүше мемлекеттің аумағында бола алмайтын жағдайларды, сондай-ақ осындай жағдайларда кедендік операциялар жасаудың ерекшеліктерін айқындауға құқылы.

      4. Кедендік декларация тапсыру күні мен уақытын кеден органы тіркейді.

      5. Кедендік декларацияны қағаз тасымалдағышта беру, егер Еуразиялық экономикалық одақтың және (немесе) Қазақстан Республикасының кеден заңнамасында өзгеше белгіленбесе, кеден органына оның электрондық түрін ұсынумен сүйемелденеді.

      6. Егер кедендік декларация ретінде көліктік (тасымалдау), коммерциялық және (немесе) өзге де құжаттардың, оның ішінде Қазақстан Республикасының халықаралық шарттарында көзделген құжаттар пайдаланылса және осы Кодекстің 31-бабына сәйкес осы Кодекстің 178-бабының 1-тармағында көрсетілген мәліметтер қамтылған алдын ала ақпарат ұсынылса, алдын ала ақпарат пен көрсетілген құжаттарда қамтылған мәліметтердің арасында айырмашылық болмаса, мұндай транзиттік декларацияны тапсыру кеден органына оның электрондық түрін ұсынумен сүйемелденбейді.

      7. Тауарларға арналған декларацияны беру кеден органына осы тармақтың екінші абзацында көзделген жағдайларды қоспағанда, тауарларға арналған декларацияда мәлімделген мәліметтерді растайтын құжаттарды ұсынумен сүйемелденбейді.

      Кеден органына тауарларға арналған декларацияны қағаз тасымалдағышта беру кезінде, тауарларға арналған декларацияны беруші адамның өкілеттігін растайтын құжаттар талап етілмейді. Көрсетілген мәліметтерді уәкілетті орган бекіткен тәртіппен кеден органының ақпараттық жүйесі арқылы кеден органы тексереді.

      Егер осы Кодекстің 146-бабының 2-тармағына сәйкес кеден органы тауарларға арналған декларацияны бергенге дейін немесе тауарлар шығарылғанға дейін тауарларға арналған декларацияны бергеннен кейін тауарлардың шығарылған жері, тыйым салулар мен шектеулердің сақталуы туралы мәліметтерді растайтын құжаттарды ала алмаса, уәкілетті орган бекіткен тәртіппен осындай құжаттар туралы мәліметтерді және (немесе) олардан алынатын мәліметтерді декларант ұсыну құқылы.

      8. Транзиттік декларацияны беру кеден органына осы тармақтың екінші және үшінші абзацтарында көзделген жағдайларды қоспағанда, транзиттік декларацияда мәлімделген мәліметтерді растайтын құжаттарды ұсынумен сүйемелденбейді.

      Транзиттік декларацияны кеден органына беру, егер осы Кодекстің 146-бабының 2-тармағына сәйкес осындай құжаттар туралы мәліметтерді және (немесе) олардан алынатын мәліметтерді кеден органы ала алмайтын болса, тыйым салулар мен шектеулердің сақталуын растайтын құжаттарды, кедендік баждарды, салықтарды төлеу бойынша міндеттердің орындалуын қамтамасыз етудің ұсынылғанын растайтын құжаттарды, сақталуын бақылау кеден органдарына жүктелген Қазақстан Республикасының заңнамасының сақталуын растайтын құжаттарды ұсынумен сүйемелденеді.

      Транзиттік декларацияны қағаз тасымалдағышта беру, көрсетілген мәліметтерді кеден органының ақпараттық жүйесі арқылы тексерілуі мүмкін жағдайларды қоспағанда, транзиттік декларацияны беруші адамның өкілеттігін растайтын құжаттарды кеден органына ұсынумен сүйемелденеді.

      9. Жолаушының кедендік декларациясын беру кеден органына онда мәлімделген мәліметтерді растайтын құжаттарды ұсынумен сүйемелденеді.

      Жолаушының кедендік декларациясында мәлімделген мәліметтерді растайтын құжаттар тізбесін Комиссия және Комиссия көздеген жағдайларда, Қазақстан Республикасының кеден заңнамасында қысқартылуы мүмкін.

      10. Тауарларға арналған декларацияда мәлімделген мәліметтерді растайтын құжаттар, егер мұндай құжаттар бұрын осындай кеден органына кедендік операцияларды жасау кезінде немесе осы кеден органының кедендік бақылау жүргізуі кезінде берілген болса және осы Кодекстің 405-бабына сәйкес осы кеден органында сақталып тұрған болса, кеден органына ұсынылмауы мүмкін.

      Мұндай жағдайда, осы Кодексте айқындалған адамдар бұл құжаттар туралы мәліметтерді тауарларға арналған декларацияда көрсетеді немесе оларды кеден органдарына уәкілетті орган бекіткен тәртіппен өзге тәсілмен ұсынады.


      181-бап. Кедендік декларацияны беру мерзімі

      1. Еуразиялық экономикалық одақтың кедендік аумағына әкелінетін тауарларға қатысты кедендік декларация тауарларды уақытша сақтау мерзімі аяқталғанға дейін не осы Кодексте белгіленген өзге мерзімде беріледі.

      2. Еуразиялық экономикалық одақтың кедендік аумағынан әкетілетін тауарларға қатысты кедендік декларация егер осы Кодексте өзгеше белгіленбесе, олар Еуразиялық экономикалық одақтың кедендік аумағынан шыққанға дейін беріледі.


      182-бап. Берілген кедендік декларацияны тексеру, берілген кедендік декларацияны тіркеумен не тіркеуден бас тартумен байланысты кедендік операциялар және оларды жасау тәртібі

      1. Кеден органы берілген кедендік декларацияны тексеруді осы баптың 5-тармағында көзделген оны тіркеуден бас тарту үшін негіздердің жоқтығын белгілеу мақсатында жүргізеді.

      2. Кедендік декларацияны тіркеумен немесе тіркеуден бас тартумен байланысты кедендік операцияларды кеден органы кедендік декларацияны берген кезден бастап кеден органы жұмыс уақытының бір сағатынан кешіктірмей жасайды.

      3. Тауарларға арналған декларацияны, транзиттік декларацияны және көлік құралдарына арналған декларацияны тіркеу немесе тіркеуден бас тарту Комиссия айқындайтын тәртіппен, ал Комиссия реттемеген бөлікте – уәкілетті орган бекіткен тәртіппен ресімделеді.

      4. Жолаушының кедендік декларациясын тіркеу немесе тіркеуден бас тарту уәкілетті орган бекіткен тәртіппен ресімделеді.

      Дүниежүзілік пошта одағының актілерінде көзделген және халықаралық пошта жөнелтімдерін сүйемелдейтін құжаттар жолаушы кедендік декларациясы ретінде пайдаланылатын, халықаралық пошта жөнелтімдерімен жіберілетін жеке пайдалануға арналған тауарларға қатысты жолаушы кедендік декларациясын тіркеу немесе тіркеуден бас тарту жүргізілмейді.

      5. Кеден органы мына:

      1) кедендік декларация кедендік декларацияны тіркеуге құқылы емес кеден органына берілген;

      2) уәкілеттігі жоқ адам және (немесе) қол қойылмаған не тиісінше куәландырылмаған кедендік декларацияны берген;

      3) кедендік декларациялау нысаны сақталмаған;

      4) кедендік декларацияда Еуразиялық экономикалық одақтың кеден заңнамасына сәйкес көрсетілуге тиіс мәліметтер көрсетілмеген және (немесе) кедендік декларация оны толтырудың белгіленген тәртібіне сәйкес толтырылмаған;

      5) қағаз тасымалдағыштағы кедендік декларация белгіленген нысан бойынша жасалмаған және (немесе) электрондық кедендік декларацияның немесе қағаз тасымалдағыштағы кедендік декларацияның электрондық түрінің құрылымы мен форматы осындай құжаттардың белгіленген құрылымдары мен форматтарына сәйкес келмеген;

      6) осы Кодекстің 180-бабының 2-тармағында көрсетілген тауарларды қоспағанда, оларға қатысты кедендік декларация берілетін тауарлар не осы Кодекстің 180-бабының 3-тармағына сәйкес Комиссия айқындаған жағдайларда Қазақстан Республикасының аумағында тауарлар болмаған;

      7) осы Кодекске және (немесе) Қазақстан Республикасының заңнамасына сәйкес кедендік декларацияны бергенге дейін немесе берумен бір уақытта жасалуы тиіс әрекеттер жасалмаған;

      8) олар кедендік декларацияны бергенге дейін немесе берумен бір уақытта сақталуға тиіс, осы Кодекстің 188, 189-баптарында айқындалған тауарларда кедендік декларациялау ерекшеліктері сақталмаған;

      9) осы Кодекстің 80-бабына сәйкес кедендік алымдар төленбейтін кедендік алымдарды төлеу бойынша жеңілдіктер берілген жағдайларды қоспағанда, кедендік декларация үшін кедендік алым төленбеген негіздер бойынша кедендік декларацияны тіркеуден бас тартады.

      6. Кедендік декларацияны тіркеуден бас тартуды ресімдеу кезінде кеден органы осы баптың 5-тармағына сәйкес бас тарту үшін негіз болып табылатын барлық себептерді көрсетеді.

      Қағаз тасымалдағыштағы кедендік декларацияны тіркеуден бас тартқан жағдайда, егер кедендік декларацияны беру құжаттар ұсынумен сүйемелденсе, мұндай кедендік декларация және оны беру кезінде ұсынылған құжаттар, декларантқа немесе кеден өкіліне қайтарылады, бұл ретте кедендік декларацияның бір данасы кеден органында қалады.

      7. Егер кедендік декларацияны кеден органы тіркемеген болса, кедендік мақсаттар үшін мұндай декларация берілмеген болып есептеледі.

      8. Кедендік декларация тіркелген кезден бастап заңдық маңызы бар фактілер туралы куәландыратын құжат болады.

      9. Кеден органдары пайдаланатын ақпараттық жүйелердің техникалық істен шығуынан, байланыс құралдары (телекоммуникациялық желілер және Интернет желісі) жұмысының бұзылуынан, электр энергиясының сөндірілуінен туындаған жарамсыздығы жағдайында кеден органы қағаз тасымалдағыштағы кедендік декларацияның электрондық түрінің құрылымы мен форматының белгіленген құрылым мен форматқа сәйкестігіне қатысты осы баптың 5-тармағының 5) тармақшасында көрсетілген негіздемені қоспағанда, тіркеуден бас тарту үшін негіздемелер болмаған кезде берілген кедендік декларацияны ақпараттық жүйелерді пайдаланбай, қағаз тасымалдағышта тіркеуді жүзеге асырады.

      Кеден органдары пайдаланатын ақпараттық жүйелердің жарамсыздығы кезінде кедендік декларацияны тіркеумен не тіркеуден бас тартумен байланысты кедендік операцияларды жасау тәртібінің ерекшеліктерін уәкілетті орган бекітеді.


      183-бап. Кедендік декларацияда мәлімделген мәліметтердің өзгеруімен (толықтырылуымен) байланысты кедендік операциялар және оларды жасау тәртібі

      1. Тауарлар шығарылғанға дейін кеден органының рұқсатымен электрондық құжат немесе қағаз тасымалдағыштағы құжат түрінде берілген декларанттың дәлелді өтініші бойынша кедендік декларацияда мәлімделген мәліметтер, егер декларанттың өтінішін алған кезге қарай кеден органы осы Кодекстің 410-бабына сәйкес құжаттарды және (немесе) мәліметтерді сұратпаған, оны кедендік тексеріп қарауды жүргізу орны мен уақыты туралы хабарламаған, кедендік қарап тексеруді жүргізу туралы шешім қабылдамаған және (немесе) кедендік сараптама жүргізуді тағайындамаған болса, өзгертілуі (толықтырылуы) мүмкін.

      Осы баптың бірінші абзацының ережелеріне қарамастан, тауарлар шығарылғанға дейін кеден органының рұқсатымен электрондық құжат немесе қағаз тасымалдағыштағы құжат түрінде берілген декларанттың дәлелді өтініші бойынша кедендік декларацияда мәлімделген мәліметтерді өзгертуге (толықтыруға), егер мұндай өзгертулер (толықтырулар) декларацияланатын тауарлардың тұрған орны туралы мәліметтерді өзгертумен не тауарларды шығаруға әсер етпейтін жаңсақ жазылуларды немесе грамматикалық қателерді түзетуге байланысты болса рұқсат етіледі.

      Тіркелген кедендік декларацияда мәлімделген мәліметтерді өзгерту (толықтыру) осы тіркелген кедендік декларацияда көрсетілген тауарлардан өзге тауарлар туралы мәліметтерді мәлімдеуге әкеп соқпайды.

      Тауарлар шығарылғанға дейін кедендік декларацияда және қағаз тасымалдағыштағы кедендік декларацияның электрондық түрінде мәлімделген мәліметтерді өзгертумен (толықтырумен) байланысты кедендік операцияларды жасау тәртібін Комиссия айқындайды.

      2. Егер кедендік бақылау жүргізу кезінде осы Кодекстің 201-бабы 1-тармағының 9) тармақшасының екінші және үшінші абзацтарына сәйкес Еуразиялық экономикалық одақтың кеден заңнамасының бұзылуы анықталған жағдайда, олар жойылған жағдайда тауарлар шығарудан бас тарту үшін негіз болып табылмайтын болса және кеден органы осындай бұзылуларды жою үшін кедендік декларацияда мәлімделген мәліметтерді өзгерту (толықтыру) қажеттігін белгілеген болса, мұндай мәліметтерді осы Кодекстің 193-бабының 3 және 6-тармақтарында белгіленген тауарларды шығару мерзімі шегінде, кеден органының талап етуі бойынша декларант өзгертуі (толықтыруы) тиіс.

      Тауарлар шығарылғанға дейін кедендік декларацияда мәлімделген мәліметтерге өзгертулер (толықтырулар) енгізу туралы талаптың нысанын Комиссия айқындайды.

      3. Тауарлар шығарылғаннан кейін тауарларға арналған декларацияда және қағаз тасымалдағыштағы тауарларға арналған декларацияның электрондық түрінде мәлімделген мәліметтерді өзгерту (толықтыру) осы Кодексте көзделген және (немесе) кеден органының шешімі бойынша не кеден органының рұқсатымен Комиссия айқындайтын жағдайларда жүргізіледі.

      Тауарлар шығарылғаннан кейін тауарларға арналған декларацияда мәлімделген мәліметтерге өзгертулер (толықтырулар) енгізу туралы кеден органы шешімінің нысанын Комиссия айқындайды.

      Тауарлар шығарылғаннан кейін тауарларға арналған декларацияда және қағаз тасымалдағыштағы тауарларға арналған декларацияның электрондық түрінде мәлімделген мәліметтерді өзгертумен (толықтырумен) байланысты кедендік операцияларды жасау мерзімдері мен тәртібін Комиссия айқындайды.

      4. Тауарларға арналған декларацияда мәлімделген және қағаз тасымалдағыштағы тауарларға арналған декларацияның электрондық түрінде қамтылған мәліметтерді өзгерту (толықтыру) үшін, Комиссия айқындайтын, мәліметтердің осы кедендік құжат қолданылмай өзгертілуі (толықтырылуы) мүмкін жағдайларды қоспағанда, тауарларға арналған декларацияны түзету қолданылады.

      Тауарларға арналған декларацияны түзету нысанын, электрондық құжат түріндегі тауарларға арналған декларацияны түзету құрылымы мен форматын және қағаз тасымалдағыштағы тауарларға арналған декларацияны түзетудің электрондық түрін, оларды толтыру тәртібін Комиссия айқындайды.

      5. Тауарларға арналған декларацияны түзету осындай тауарларға арналған декларацияның ажырамас бөлігі болып табылады.

      Қағаз тасымалдағыштағы тауарларға арналған декларацияны түзетуді беру, егер Комиссия өзгеше айқындамаса, кеден органына оның электрондық түрін ұсынумен сүйемелденеді.

      6. Комиссия тауарлар шығарылғаннан кейін транзиттік декларацияда, жолаушының кедендік декларациясында және көлік құралына арналған декларацияда және қағаз тасымалдағыштағы осындай кедендік декларациялардың электрондық түрлерінде мәлімделген мәліметтерге өзгерту (толықтыру) жүргізілетін жағдайларды, сондай-ақ осындай кедендік декларацияларда мәлімделген мәліметтерге өзгертулер (толықтырулар) енгізу мерзімдері мен тәртібін, осындай кедендік декларацияларда мәлімделген мәліметтерді өзгертетін (толықтыратын) кедендік құжаттардың нысандарын, электрондық құжаттар түріндегі осындай кедендік құжаттардың және қағаз тасымалдағыштағы осындай кедендік құжаттардың электрондық түрлерінің құрылымы мен форматтарын, сондай-ақ оларды толтыру тәртібін айқындауға құқылы.

      Кедендік декларацияның көрсетілген түрлерінде мәлімделген мәліметтер өзгертілетін (толықтырылатын) қағаз тасымалдағыштағы кедендік құжатты беру, егер Комиссия өзгеше айқындамаса, кеден органына оның электрондық түрін ұсынумен сүйемелденеді.

      Транзиттік декларацияда, жолаушының кедендік декларациясында және көлік құралына арналған декларацияда мәлімделген мәліметтер өзгертілетін (толықтырылатын) кедендік құжаттар кедендік декларацияның аталған түрлерінің ажырамас бөлігі болып табылады.


      184-бап. Кедендік декларацияны кері қайтарып алумен байланысты кедендік операциялар және оларды жасау тәртібі

      1. Декларанттың электрондық құжат немесе қағаз тасымалдағыштағы құжат түрінде берілген өтініші бойынша, осы Кодекстің 389-бабының 4-тармағында көрсетілген шетелдік тауарларға арналған транзиттік декларацияны қоспағанда, шетелдік тауарларға арналған тіркелген кедендік декларацияны ол кеден органы тауарларды шығарғанға дейін кері қайтарып алуы мүмкін.

      2. Кедендік декларацияны кері қайтарып алу кезінде жаңа кедендік декларация тауарларды уақытша сақтау мерзімінің шегінде берілуі тиіс.

      3. Осы баптың 2-тармағында көрсетілген мерзімде кедендік декларация берілмеген кезде тауарларды осы Кодекстің 52-тарауына сәйкес кеден органдары ұстайды.

      4. Декларанттың электрондық құжат немесе қағаз тасымалдағыштағы құжат түрінде берілген өтініші бойынша, осы Кодекстің 389-бабының 4-тармағында көрсетілген шетелдік тауарларға арналған тіркелген транзиттік декларацияны ол кеден органы тауарларды шығарғанға дейін не кеден органы тауарларды шығарғаннан кейін осындай тауарлар Еуразиялық экономикалық одақтың кедендік аумағынан нақты шыққанға дейін кері қайтарып алуы мүмкін.

      5. Декларанттың электрондық құжат немесе қағаз тасымалдағыштағы құжат түрінде берілген өтініші бойынша, Еуразиялық экономикалық одақтың тауарларына арналған тіркелген кедендік декларацияны ол Еуразиялық экономикалық одақтың кедендік аумағынан тауарлар нақты шыққанға дейін, оның ішінде осы баптың 6-тармағын ескере отырып, кеден органы тауарларды шығарғаннан кейін кері қайтарып алуы мүмкін.

      6. Декларанттың электрондық құжат немесе қағаз тасымалдағыштағы құжат түрінде берілген өтініші бойынша, еркін кедендік аймақтың кедендік рәсімін немесе еркін қойманың кедендік рәсімінің қолданысын аяқтау мақсатында экспорттың кедендік рәсімімен орналастырылған Еуразиялық экономикалық одақтың тауарларына арналған кедендік декларацияны ол:

      1) егер мұндай тауарлар ЕЭА аумағында немесе еркін қойма аумағында болса, оның ішінде кеден органы тауарларды шығарғаннан кейін болса;

      2) егер мұндай тауарлар осы Кодекстің 287-бабы 6-тармағының 1) тармақшасына, 296-бабы 5-тармағының 1) тармақшасына сәйкес осындай тауарларды өзге кедендік рәсіммен орналастыруға кедендік декларацияны бір уақытта берген жағдайда, ЕЭА аумағынан тыс немесе еркін қойма аумағынан тыс жерлерде болса және Еуразиялық экономикалық одақтың кедендік аумағынан іс жүзінде шықпаған болса кері қайтарып алуы мүмкін.

      7. Кедендік декларацияны кері қайтарып алуға кеден органының рұқсатымен жол беріледі. Кеден органының рұқсаты не осындай рұқсатты беруден бас тартуы электрондық құжат немесе қағаз тасымалдағыштағы құжат түрінде ресімделеді.

      Кедендік декларацияны кері қайтарып алуға егер декларанттың өтінішін алғанға дейін кеден органы оған кедендік декларацияда мәлімделген тауарларға кедендік тексеріп қарауды жүргізу орны мен уақыты туралы хабарламаған, кедендік декларацияда мәлімделген тауарларға кедендік қарап тексеруді жүргізу туралы шешім қабылдамаған, кедендік сараптама жүргізуді тағайындамаған және (немесе) әкімшілік немесе қылмыстық жауапкершілікке алып келетін Еуразиялық экономикалық одақтың кедендік заңнамасын және (немесе) сақталуын бақылау кеден органдарына жүктелген Қазақстан Республикасының кедендік және (немесе) өзге де заңнамасын бұзылуы анықтамаса, рұқсат етіледі.

      Тауарларға кедендік қарап тексеру, тауарларды кедендік тексеріп қарау жүргізілгеннен, кедендік сараптама нәтижелері алынғаннан кейін кедендік декларация, егер оларды жүргізу нәтижелері бойынша әкімшілік немесе қылмыстық жауапкершілікке алып келетін Еуразиялық экономикалық одақтың кедендік заңнамасы және (немесе) сақталуын бақылау кеден органдарына жүктелген Қазақстан Республикасының кедендік және (немесе) өзге де заңнамасын бұзылуы анықтамаса, кері қайтарылып алынуы мүмкін.

      8. Осы баптың 1, 2, 3, 5, 6 және 7-тармақтарының ережелері осы Кодекстің 187-бабының 7-тармағында көзделген жағдайларда тауарларға арналған декларацияны кері қайтарып алу кезінде қолданылмайды.

      Осы Кодекстің 187-бабының 7-тармағында көзделген жағдайларда тауарларға арналған декларация декларанттың электрондық құжат немесе қағаз тасымалдағыштағы құжат түрінде берген өтініші бойынша кері қайтарып алынады.


      185-бап. Алдын ала кедендік декларациялау

      1. Алдын ала декларациялау кезінде шетелдік тауарларға қатысты тауарларға арналған декларация, егер мұндай тауарлар кедендік транзиттің кедендік рәсіміне сәйкес тасымалданған жағдайларда, олар Еуразиялық экономикалық одақтың кедендік аумағына әкелінгенге дейін немесе тауарларды кедендік жөнелтуші органы айқындаған жеткізу орнына жеткізгенге дейін беріледі.

      2. Алдын ала кедендік декларациялау кезінде өзінің сипаты бойынша кедендік декларацияны беру кезінде декларантқа белгісіз болуы мүмкін мынадай:

      1) тауарлар тасымалданатын көліктің түрі туралы мәліметтерден басқа, тауарлар тасымалданатын көлік құралдары туралы;

      2) кедендік декларацияда мәлімделген мәліметтерді растайтын жекелеген құжаттар туралы;

      3) кедендік декларацияның түріне және (немесе) тауарлар санаттарына және олар тасымалданатын көліктің түріне байланысты Комиссия айқындайтын өзге де мәліметтерді қоспағанда, кедендік декларацияда көрсетуге жататын мәліметтер мәлімделуге тиіс.

      3. Осы баптың 1-тармағының 1), 2) және 3) тармақшаларында көрсетілген, алдын ала кедендік декларациялау кезінде мәлімделмеген не мәлімделген, бірақ нақтылауға жататын мәліметтер осы Кодекстің 183-бабының 1-тармағына сәйкес тауарлар шығарылғанға дейін өзгертілуі (толықтырылуы) тиіс.

      4. Тауарлар кедендік транзиттің кедендік рәсіміне сәйкес тасымалданатын жағдайларда, Еуразиялық экономикалық одақтың кедендік аумағына әкелінгеннен кейін не жөнелту кеден органы айқындаған жеткізу орнына жеткізілгеннен кейін – оларға қатысты алдын ала кедендік декларациялау жүзеге асырылған тауарлар кедендік декларацияда көрсетілген кедендік бақылау аймағында орналастырылуы, ал су кемелерімен өткізілетін тауарлар кедендік декларацияда көрсетілген тауарлардың келу орнында болуы тиіс.

      Декларант кедендік декларацияны тіркеген кеден органын тауарлардың кедендік декларацияда көрсетілген кедендік бақылау аймағында орналастырылуы туралы не су көлігімен өткізілетін тауарлардың келу орнында тұрғаны туралы хабардар етуге, кеден органына мәлімделмеген не кедендік декларацияда мәлімделген мәліметтерді өзгерту (толықтыру) арқылы не нақтыланған мәліметтерді ұсынуға немесе кеден органын осындай өзгерістерді (толықтыруларды) енгізу қажеттігі жоқ екені туралы хабардар етуге міндетті.

      Егер оларға қатысты алдын ала кедендік декларациялау жүзеге асырылған тауарлар кедендік транзит кедендік рәсіміне сәйкес Еуразиялық экономикалық одақтың кедендік аумағы бойынша тасымалданған болса, декларант тауарлардың кедендік декларацияны тіркеген кеден органын кедендік транзит кедендік рәсімінің қолданылуы аяқталғаннан кейін кедендік бақылау аймағында орналастырылғаны туралы хабардар етеді.

      5. Алдын ала кедендік декларациялау жүзеге асырылған тауарлар, мынадай жағдайларда:

      1) осы Кодекстің 192-бабы 3-тармағына сәйкес келу орнына тауарларды шығарумен байланысты кедендік операцияларды жасау ерекшеліктерін қолдану;

      2) уәкілетті орган айқындаған өзге де жағдайларда кедендік декларацияны тіркеген кеден органынан ерекшеленетін кеден органы қызметінің өңірінде тұрған кедендік бақылау аймағында орналастырылуы (болуы) мүмкін.

      6. Алдын ала кедендік декларациялау кезінде кеден органы кедендік декларацияларда мәлімделген мәліметтер өзгеретін (толықтыратын) кедендік құжатты тіркеген не кеден органы тауарларға арналған декларацияға өзгерістер (толықтырулар) енгізу қажеттігінің жоқтығы туралы хабарламаны тіркеген күні қолданыста болған тыйым салулар мен шектеулер, ішкі нарықты қорғау шаралары қолданылады.

      7. Кеден органы, егер кедендік декларация тіркелген күннен кейінгі күннен бастап күнтізбелік отыз күн ішінде:

      1) тауарлар кедендік декларацияда көрсетілген кедендік бақылау аймағында орналастырылмаған;

      2) су кемелерімен тасымаланатын тауарларға қатысты кеден органы осы баптың 4-тармағына сәйкес кедендік декларацияда көрсетілген келу орнында оларды түсіруге рұқсат бермеген;

      3) кедендік декларацияны тіркеген кеден органы тауарлардың кедендік декларацияда көрсетілген кедендік бақылау аймағында орналастырылуы туралы хабардар етілмеген;

      4) кеден органына кедендік декларацияда мәлімделген мәліметтерді өзгерту (толықтыру) арқылы жетіспейтін мәліметтерді ұсынбаған не кеден органы осындай өзгертулерді (толықтыруларды) енгізу қажеттігі жоқ екені туралы хабардар етілмеген болса, тауарларды шығарудан бас тартады.

      8. Егер тауарларды шығару мерзімі ұзартылған не тауарларды шығарудан бас тартылған жағдайда, декларант осы Кодекстің 17-тарауына сәйкес тауарларды уақытша сақтауға орналастырумен байланысты кедендік операцияларды жасауға міндетті.

      9. Комиссия осы бапта реттелмеген бөлігінде, жеке пайдалануға арналған тауарларды, халықаралық тасымалдаудың көлік құралдарын, сондай-ақ кедендік транзит кедендік рәсімімен орналастырылатын тауарларды алдын ала кедендік декларациялау кезінде кедендік операцияларды жасау тәртібін айқындауға құқылы.


      186-бап. Толық емес кедендік декларациялау

      1. Толық емес кедендік декларациялау Еуразиялық экономикалық одақтың кедендік аумағынан әкетілетін тауарларға қатысты жүзеге асырылады.

      2. Толық емес кедендік декларациялау кезінде көрсетілмеуі мүмкін мынадай:

      1) тауарларды алушы туралы;

      2) тауарлардың межелі елі және (немесе) сауда жасаушы ел туралы;

      3) декларацияланатын тауарларды тасымалдау үшін пайдаланылатын көлік құралдары туралы;

      4) тауарлардың орамасы (саны, түрі, таңбалануы және реттік нөмірлері) туралы мәліметтерді қоспағанда, осы Кодекстің 177-бабына сәйкес тауарларға арналған декларацияда көрсетуге жататын мәліметтер мәлімделуі тиіс.

      3. Кедендік декларациялануы осы бапқа сәйкес жүзеге асырылған тауарлар шығарылғаннан кейін декларант кеден органына тауарлар шығарылған күннен бастап сегіз айдан кешіктірмей, тауарларға арналған декларацияда мәлімделген мәліметтерді өзгерту (толықтыру) арқылы жетіспейтін мәліметтерді ұсынуға міндетті.

      4. Осы баптың ережелері уәкілетті орган бекіткен тізбеге сәйкес тауарлардың жекелеген санаттарына қатысты қолданылмайды.


      187-бап. Мерзімдік кедендік декларациялау

      1. Мерзімдік кедендік декларациялау мынадай шарттардың жиынтығын сақтаған кезде жүзеге асырылады:

      1) тауарларға арналған лекларация бір мәміле бойынша міндеттемелерді орындау есебінен, жеткізу кезеңі ішінде екі немесе одан да көп партиямен Еуразиялық экономикалық одақтың кедендік шекарасы арқылы өткізілетін барлық тауарларға қатысты, ал мәміле болмаған кезде – тауарларға иелік ету, пайдалану немесе билік ету құқығын растайтын бір құжат бойынша немесе қайта өңдеу өнімдерін кедендік декларациялау кезінде тауарларды қайта өңдеу шарттары туралы бір құжат бойынша беріледі;

      2) екі немесе одан да көп партиямен Еуразиялық экономикалық одақтың кедендік шекарасы арқылы өткізілетін тауарлардың жеткізу кезеңі ішінде әрбір келесі партияда Еуразиялық экономикалық одақтың Сыртқы экономикалық қызметінің тауар номенклатурасына сәйкес он белгі деңгейінде бірдей коды (бірдей кодтары) болса;

      3) жеткізу кезеңі ішінде екі немесе одан да көп партиямен Еуразиялық экономикалық одақтың кедендік шекарасы арқылы өткізілетін барлық тауарлар:

      Еуразиялық экономикалық одақтың кедендік аумағынан әкетілген кезде – белгілі бір өткізу пункті арқылы өткізіледі және мұндай тауарларды кедендік декларациялау белгілі бір кеден органында жүргізіледі;

      Еуразиялық экономикалық одақтың кедендік аумағына әкелінген кезде –мұндай тауарларды кедендік декларациялау белгілі бір кеден органында жүргізіледі.

      2. Тауарларға арналған декларация мәлімделетін жеткізу кезеңі басталғанға дейін беріледі. Жеткізу кезеңі деп декларант мәлімдейтін кезең түсініледі, ол күнтізбелік отыз бір күннен аспайды және ол кезеңде:

      1) кеден органына Еуразиялық экономикалық одақтың кедендік аумағына әкелінетін тауарларды ұсыну;

      2) Еуразиялық экономикалық одақтың кедендік аумағынан әкетілетін тауарларды жөнелту (тауарларды оларды халықаралық тасымалдауды жүзеге асыратын тасымалдаушыға не тауарларды Еуразиялық экономикалық одақтың кедендік аумағынан әкету мақсатында басқа көлік құралына тиеумен (ауыстырып тиеумен) тауарларды халықаралық тасымалдауды жүзеге асыратын бірінші тасымалдаушыға тапсыру) жоспарланады.

      3. Мерзімдік кедендік декларациялау кезінде Комиссия айқындайтын жағдайларды қоспағанда, тауарларға арналған декларацияда мәлімделген мөлшерден асатын мөлшерде тауарларды Еуразиялық экономикалық одақтың кедендік аумағына әкелуге немесе Еуразиялық экономикалық одақтың кедендік аумағынан әкетуге жол берілмейді.

      4. Мерзімдік кедендік декларациялау кезінде тауарларға арналған декларацияны беру сәтінде өзінің сипаты бойынша декларантқа белгісіз болуы мүмкін мынадай:

      1) тауарлар тасымалданатын көліктің түрі туралы мәліметтерден басқа, тауарлар тасымалданатын көлік құралдары туралы;

      2) кедендік декларацияда мәлімделген мәліметтерді растайтын жекелеген құжаттар туралы;

      3) тауарлар санаттарына және олар тасымалданатын көліктің түріне байланысты Комиссия айқындайтын өзге де мәліметтерді қоспағанда, мәлімделген жеткізу кезеңі ішінде Еуразиялық экономикалық одақтың кедендік шекарасы арқылы өткізу жоспарланған тауарлардың мөлшеріне сүйене отырып, осы Кодекстің 177-бабына сәйкес тауарларға арналған декларацияда көрсетуге жататын мәліметтер мәлімделуі тиіс.

      5. Кедендік декларациялау осы бапқа сәйкес жүзеге асырылған тауарларды жеткізудің мәлімделген кезеңі аяқталғаннан кейін декларант кеден органына мына мерзімдерде:

      1) Еуразиялық экономикалық одақтың кедендік аумағына тауарлар әкелінген жеткізу кезеңі аяқталған күннен кейінгі күннен бастап бір айдан кешіктірмей;

      2) тауарларға арналған декларацияда мәлімделген тауарлардың барлық партиясы Еуразиялық экономикалық одақтың кедендік аумағынан іс жүзінде әкетілген күннен кейінгі күннен бастап бір айдан кешіктірмей тауарларға арналған декларацияда мәлімделген мәліметтерді өзгерту (толықтыру) арқылы жетіспейтін мәліметтерді, сондай-ақ тауарлардың іс жүзіндегі мөлшері туралы мәліметтерді ұсынуға міндетті.

      Тауарларға арналған декларацияда мәлімделген мәліметтерді өзгерту (толықтыру) әкелінген немесе әкетілген тауарлардың нақты санын ескере отырып, жүзеге асырылады.

      6. Оларға қатысты мерзімдік кедендік декларациялау жүзеге асырылған және Еуразиялық экономикалық одақтың кедендік аумағынан әкетуге арналған тауарлар жеткізу кезеңі аяқталған күннен кейінгі күннен бастап алты ай ішінде Еуразиялық экономикалық одақтың кедендік аумағынан іс жүзінде әкетілуі тиіс.

      Тауарларды шығаруды жүргізген кеден органы декларанттың дәлелді өтініші бойынша көрсетілген мерзімді ол өткен күннен бастап үш айдан көп емес мерзімге ұзартады.

      7. Егер мерзімдік кедендік декларациялау кезінде тауарларға арналған декларацияда мәлімделген тауарлар мәлімделген кезең ішінде осындай тауарларға арналған декларацияны тіркеген кеден органына ұсынылмаса, не осы баптың 6-тармағында белгіленген мерзім ішінде Еуразиялық экономикалық одақтың кедендік аумағынан іс жүзінде әкетілмеген жағдайда мұндай тауарларға арналған декларация осы Кодекстің 184-бабының 8-тармағына сәйкес қайтарылып алынуға тиіс.

      8. Осы баптың 7-тармағына сәйкес декларацияны қайтарып алу бойынша әрекеттерді декларант белгіленген мерзімде жүзеге асырмаған жағдайда, кеден органы осы Кодекстің 192-бабының 4-тармағына сәйкес тауарларды шығарудың күшін жояды.

      9. Кеден органы мерзімдік декларациялауды қолданудан:

      1) тауарларды өткізуді болжау мерзімдік кедендік декларациялау үшін осы бапта белгіленген талаптарға жауап бермесе;

      2) кедендік төлемдер, салықтар, арнайы, демпингке қарсы, өтем баждар бойынша берешегі бар тұлғаларға;

      3) банкроттық туралы іс қозғалған тұлғаларға қатысты бас тартады.

      10. Мерзімдік кедендік декларациялау кезінде кедендік баждар, салықтар жеткізу кезеңі басталғанға дейін ұсынылған тауарларға арналған декларация бойынша тауарлар шығарылғанға дейін төленеді.

      12. Кеден органы мәлімделген жеткізудің барлық кезеңі ішінде тауарлардың әрбір жеткізу партиясының өткізілуін нақты есепке алады және бақылауды жүзеге асырады.

      Мерзімдік кедендік декларациялау кезінде мәлімделген тауарларға қатысты кедендік бақылауды жүргізудің ерекшеліктерін уәкілетті орган бекітеді.


      188-бап. Еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақтың тауарларын мерзімдік кедендік декларациялау

      1. Еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақтың тауарларын мерзімдік кедендік декларациялау мынадай шарттардың жиынтығын сақтаған кезде:

      1) тауарларға арналған декларация бір мәміле бойынша міндеттемелерді орындау есебінен, жеткізу кезеңі ішінде екі немесе одан да көп партиямен еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақтың барлық тауарларына қатысты, ал мәміле болмаған кезде – тауарларға иелік ету, пайдалану немесе билік ету құқығын растайтын бір құжат бойынша беріледі;

      2) екі немесе одан да көп партиямен еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақ тауарларының жеткізу кезеңі ішінде әрбір келесі партияда Еуразиялық экономикалық одақтың Сыртқы экономикалық қызметінің тауар номенклатурасына сәйкес он белгі деңгейінде бірдей коды (бірдей кодтары) болса;

      3) Еуразиялық экономикалық одақтың барлық тауарлары бір еркін қойманың ЕЭА аумағына әкелінсе немесе бір еркін қойманың ЕЭА аумағынан әкетілсе;

      4) еркін қойманың ЕЭА аумағына әкелінетін немесе еркін қойманың ЕЭА аумағынан әкетілетін Еуразиялық экономикалық одақтың тауарларын кедендік декларациялау белгілі бір кеден органында жүргізілсе жол беріледі.

      2. Тауарларға арналған декларация мәлімделетін жеткізу кезеңі басталғанға дейін беріледі. Жеткізу кезеңі деп декларант мәлімдейтін кезең түсініледі, ол күнтізбелік отыз бір күннен аспайды және ол кезеңде:

      1) кеден органына Еуразиялық экономикалық одақтың кедендік аумағына әкелінетін тауарларды ұсыну;

      2) Еуразиялық экономикалық одақтың кедендік аумағынан әкетілетін тауарларды жөнелту (тауарларды оларды халықаралық тасымалдауды жүзеге асыратын тасымалдаушыға не тауарларды Еуразиялық экономикалық одақтың кедендік аумағынан әкету мақсатында басқа көлік құралына тиеумен (ауыстырып тиеумен) тауарларды халықаралық тасымалдауды жүзеге асыратын бірінші тасымалдаушыға тапсыру) жоспарланады.

      3. Мерзімдік кедендік декларациялау кезінде ЕЭА аумағындағы еркін қоймаға Еуразиялық экономикалық одақтың тауарларын әкелуге немесе ЕЭА аумағындағы еркін қоймадан тауарларға арналған декларацияда мәлімделген мөлшерден асатын мөлшерде әкетуге жол берілмейді.

      4. Мерзімдік кедендік декларациялау кезінде тауарларға арналған декларацияны беру сәтінде өзінің сипаты бойынша декларантқа белгісіз болуы мүмкін мынадай:

      1) тауарлар тасымалданатын көліктің түрі туралы мәліметтерден басқа, тауарлар тасымалданатын көлік құралдары туралы;

      2) кедендік декларацияда мәлімделген мәліметтерді растайтын жекелеген құжаттар туралы мәліметтерді қоспағанда, мәлімделген жеткізу кезеңі ішінде еркін қойманың ЕЭА аумағына әкелуге немесе еркін қойманың ЕЭА аумағынан әкетуге жоспарланған тауарлардың мөлшеріне сүйене отырып, осы Кодекстің 177-бабына сәйкес тауарларға арналған декларацияда көрсетуге жататын мәліметтер мәлімделуі тиіс.

      5. Осы бапқа сәйкес кедендік декларациялау жүзеге асырылған Еуразиялық экономикалық одақтың тауарларын жеткізудің мәлімделген кезеңі аяқталғаннан кейін декларант кеден органына жетіспейтін мәліметтерді, сондай-ақ тауарлар ЕЭА аумағындағы еркін қоймаға әкелінген немесе ЕЭА аумағындағы еркін қоймаден әкетілген жеткізу кезеңі аяқталған күннен кейінгі күннен бастап күнтізбелік он күннен кешіктірмей тауарларға арналған декларацияда мәлімделген мәліметтерді өзгерту (толықтыру) арқылы Еуразиялық экономикалық одақтың тауарларының іс жүзіндегі мөлшері туралы мәліметтерді ұсынуға міндетті.

      6. Егер мерзімдік кедендік декларациялау кезінде берілген тауарларға арналған декларация мәлімделген кезең ішінде:

      1) еркін қойманың ЕЭА аумағына әкелу кезінде – кеден органына ұсынылмаса;

      2) еркін қойманың ЕЭА аумағынан әкету кезінде – еркін қойманың ЕЭА аумағынан іс жүзінде әкетілмесе, Еуразиялық экономикалық одақтың тауарлары мәлімделген жеткізу кезеңі аяқталғаннан кейін күнтізбелік он күннің ішінде осы Кодекстің 184-бабының 5-тармағына сәйкес қайтарылып алынуға тиіс.

      7. Осы баптың 6-тармағына сәйкес декларацияны қайтарып алу бойынша әрекеттерді декларант белгіленген мерзімде жүзеге асырмаған жағдайда, кеден органы осы Кодекстің 192-бабының 5-тармағына сәйкес тауарларды шығарудың күшін жояды.

      8. Кеден органы осы бапқа сәйкес:

      1) Еуразиялық экономикалық одақтың тауарларын болжамды өткізу мерзімдік кедендік декларациялау үшін белгіленген талаптарға сәйкес келмесе;

      2) кедендік төлемдер, салықтар, арнайы, демпингке қарсы, өтем баждар бойынша берешегі бар тұлғаларға;

      3) банкроттық туралы іс қозғалған тұлғаларға қатысты жағдайларда мерзімдік декларациялауды қолданудан бас тартады.

      9. Еркін қойманың ЕЭА аумағына әкелінген немесе еркін қойманың ЕЭА аумағынан әкетілген Еуразиялық экономикалық одақтың тауарларын мерзімдік кедендік декларациялау кезінде кедендік баждарды, салықтарды төлеу жөніндегі міндеттемелерді орындау осы Кодекстің 29, 30-тарауларына сәйкес жүргізіледі.

      10. Мерзімдік кедендік декларациялау кезінде жеткізу кезеңі басталғанға дейін берілген тауарларға арналған декларацияны кеден органы тіркеген күнгі қолданыстағы Қазақстан Республикасының нормативтік құқықтық актілері қолданылады.

      11. Кеден органы мәлімделген жеткізудің барлық кезеңі ішінде тауарлардың әрбір жеткізу партиясының өткізілуін нақты есепке алады және бақылауды жүзеге асырады.


      189-бап. Уақытша кедендік декларациялау

      1. Мынадай:

      1) тауарлар Еуразиялық экономикалық одақтың кедендік шекарасы арқылы құбыржол көлігімен өткізілген;

      2) тауарларға қатысты саны және (немесе) кедендік құны туралы дәл мәліметтерді ұсыну мүмкін болмайтын жағдайларда, тауарларға уақытша декларация беру арқылы уақытша кедендік декларациялауға жол беріледі.

      2. Қазақстан Республикасының аумағынан әкету кезінде кедендік операциялар жүргізілетін немесе тауарлар жөнелтілетін орыннан, сондай-ақ Қазақстан Республикасының аумағына келетін немесе әкелінетін орыннан мәлімделген кедендік рәсімге сәйкес шығарылған тауарлар жеткізілімі жүзеге асырылатын уақыт кезеңі күнтізбелік айдан (бұдан әрі осы бапта – жеткізу кезеңі) аспауға тиіс. Бұл ретте құбыржол көлігімен өткізілетін тауарларды жөнелту немесе әкелу орындары осы Кодекстің 375-бабына сәйкес Қазақстан Республикасының аумағында немесе одан тысқары орналасқан есептеу аспаптарын орнату орындары болып табылады.

      Тауарлардың жекелеген санаттары үшін кеден ісі саласындағы уәкілетті орган индустрия және индустриалды-инновациялық даму саласындағы және мұнай және газ саласындағы уәкілетті органдардың келісімі бойынша күнтізбелік отыз бір күннен аспайтын жеткізу кезеңін белгілейді.

      Кеден органдары жеткізу басталғанға дейін күнтізбелік он бес күннен ерте уақытша тауарларға арналған декларацияны қабылдамайды.

      3. Тауарлар жеткізілгеннен кейін декларант осы тармаққа сәйкес тауарларға арналған толық декларацияны беруге міндетті.

      Тауарларға арналған толық декларацияны беру тауарларға уақытша декларацияда мәлімделген тауарлар жеткізу кезеңі аяқталған күннен кейінгі күннен бастап күнтізбелік тоқсан күннен кешіктірілмей жүзеге асырылады.

      Осы баптың 2-тармағының екінші абзацына сәйкес айқындалған тауарлардың жекелеген санаттары үшін декларанттың уәжделенген жүгінуі бойынша осы тармақтың екінші абзацында көрсетілген тауарларға арналған толық декларацияны (толық декларацияларды) беру мерзімін кеден органы жеткізуді аяқтау үшін қажетті, бірақ күнтізбелік тоқсан күннен аспайтын мерзімге ұзартады.

      4. Еуразиялық экономикалық одақтың кедендік аумағынан құбыржол көлігімен өткізілген тауарларды нақты әкетуді немесе Еуразиялық экономикалық одақтың кедендік аумағына құбыржол көлігімен өткізілген тауарларды нақты әкелуді, мұндай тауарларға кедендік декларациялауды жүргізген кеден органының белгілерімен тауарларға арналған толық декларация растайтын құжат болып табылады.

      5. Тауарларға уақытша декларацияда тауарлардың болжамды саны, тауарлар өткізуді жүзеге асыру үшін негізге алынатын сыртқы сауда шартында (келісімшартында) көзделген тауарлардың есептік бағасы негізінде анықталған, беру күніне олардың алдын ала кедендік құны туралы мәліметтерді мәлімдеуге жол беріледі.

      Егер көлік құралдары туралы мәліметтер уақытша кедендік декларацияны беру кезінде осындай мәліметтер белгісіз болса, уақытша кедендік декларациялау кезінде көрсетілмейді.

      Өткізілген тауарлардың саны тауарларға уақытша декларацияда мәлімделген саннан аспауға тиіс.

      6. Уақытша кедендік декларациялау кезінде кеден органы тауарларға уақытша декларацияны тіркеген күнгі қолданыстағы Еуразиялық экономикалық одақтың және Қазақстан Республикасының заңнамасы, оның ішінде кедендік-тарифтік реттеу шаралары, кедендік әкету баждарының мөлшерлемелері, кедендік декларациялау үшін кедендік алымдардың мөлшерлемелері, салықтардың мөлшерлемелері, кедендік әкету баждарын төлеу жөніндегі жеңілдіктер, салықтарды төлеу жөніндегі жеңілдіктер, тыйым салулар мен шектеулер, ішкі нарықты қорғау шаралары, валюта бағамы қолданылады.

      7. Егер уақытша кедендік декларацияны беру кезінде нақты сатып алушы (алушы) анықталмаса, онда декларант нақты сатып алушылардың (алушылардың) саны бойынша бірнеше толық кедендік декларацияны кейіннен табыс ете отырып, бір сыртқы сауда шарты (келісімшарт) шеңберінде тауарлар жеткізіліміне арналған бір уақытша кедендік декларацияны береді.

      8. Кедендік баждар, салықтар уақытша кедендік декларацияны беру кезінде кеден органдары тауарларды шығарғанға дейін төленеді. Егер төлеуге жататын кедендік баждардың, салықтардың сомасы осы баптың 4-тармағында көрсетілген мәліметтерді нақтылау нәтижесінде көбейтілсе, қосымша ақы төлеу тауарларға толық декларацияны берген кезде, оларды кеден органдары шығарғанға дейін жүзеге асырылады. Көрсетілген жағдайда өсімпұлдар есептелмейді. Кедендік баждар мен кедендік алымдардың, салықтардың артық немесе қате төленген сомаларын қайтару осы Кодекстің 11-тарауына сәйкес жүзеге асырылады.

      9. Егер осы баптың 3-тармағының екінші немесе үшінші абзацында көрсетілген мерзімнің өтуі бойынша жеткізу кезеңі аяқталғаннан кейін тауарлар Еуразиялық экономикалық одақтың кедендік шекарасы арқылы өткізілмесе, осындай тауарлар мәлімделген уақытша тауарларға арналған декларация осы Кодекстің 184-бабында анықталған тәртіппен кері қайтарып алуға жатады.


      190-бап. Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарды кедендік декларациялау ерекшеліктері

      1. Еуразиялық экономикалық одақтың кедендік шекарасы арқылы белгіленген кезең ішінде жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде жекелеген құрамбөліктер түрінде өткізілетін тауар Сыртқы экономикалық қызметтің тауар номенклатурасына сәйкес жиынтықталған немесе жасалып біткен түрдегі тауардың кодына сәйкес келетін коды көрсетіле отырып, мұндай тауардың құрамбөліктеріне қатысты бірнеше тауарларға арналған декларацияны беру арқылы декларациялануы мүмкін.

      Осы Кодекстің 41-бабының 3-тармағына сәйкес қабылданатын жиналмаған немесе бөлшектелген түрде, оның ішінде жиынтықталған немесе жасалып біткен түрде Еуразиялық экономикалық одақтың кедендік шекарасы арқылы өткізілетін тауарларды жіктеу туралы шешімде (бұдан әрі осы бапта – тауарларды жіктеу туралы шешім) осындай бөлік ретінде көрсетілген жиынтық немесе жасалып біткен түрдегі тауардың бөлігі тауардың құрамбөлігі деп түсініледі.

      2. Осы бапта белгіленген тауарларды кедендік декларациялау ерекшеліктері тауарларды ішкі тұтыну үшін шығару кедендік рәсімімен, экспорттың кедендік рәсімімен, кедендік қойманың кедендік рәсімімен, еркін кедендік аймақтың кедендік рәсімімен, еркін қойманың кедендік рәсімімен, кері экспорттың кедендік рәсімімен және кері импорттың кедендік рәсімімен орналастырылған кезде қолданылады.

      3. Осы бапта белгіленген тауарларды кедендік декларациялау ерекшеліктері бір мезгілде мынадай шарттар сақталған жағдайда қолданылады:

      1) тауарларға қатысты тауарларды жіктеу туралы шешім берілген;

      2) тауарларды жіктеу туралы шешім берілген тұлға тауар құрамбөліктерінің декларанты болып табылады;

      3) тауардың барлық құрамбөліктерін кедендік декларациялау бір кеден органына қатысты жүзеге асырылады;

      4) тауардың құрамбөліктері Еуразиялық экономикалық одақтың кедендік аумағына бір алушының мекенжайына әкелінеді немесе мұндай аумақтан бір жөнелтушіден әкетіледі.

      5) тауардың құрамбөліктері бір мәміленің шеңберінде Еуразиялық экономикалық одақтың кедендік аумағына әкелінеді немесе Еуразиялық экономикалық одақтың кедендік аумағынан әкетіледі.

      4. Тауардың бірінші құрамбөліктеріне қатысты тауарларға арналған декларация берілгенге дейін тауарларды жіктеу туралы шешімді алғаннан кейін декларант уәкілетті орган бекіткен нысан бойынша және тәртіппен тауар құрамбөліктерінің жоспарланып отырған жеткізілімдері туралы хабарламаны кеден органына береді.

      5. Еуразиялық экономикалық одақтың кедендік аумағына шетелдік тауарлар әкелінген кезде тауар құрамбөліктерін кедендік декларациялау осы Кодекстің 185-бабында айқындалған ерекшеліктермен жүзеге асырылуы мүмкін.

      6. Тауар құрамбөліктерін кедендік декларациялау кезінде осы бапқа сәйкес кедендік-тарифтік реттеу шаралары, кедендік әкету баждарының мөлшерлемелері, салық мөлшерлемелері, кедендік әкету баждарын, салықтар төлеу бойынша жеңілдіктер, тыйым салулар мен шектеулер, жиынтықталған немесе жасалып біткен түрдегі тауарға қатысты белгіленген және тауар құрамбөліктеріне қатысты тауарларға арналған декларацияны кеден органы тіркеген күнге қолданылып жүрген ішкі нарықты қорғау шаралары қолданылады.

      7. Жиынтықталған немесе жасалып біткен түрдегі тауардың соңғы құрамбөлігіне қатысты тауарларға арналған декларация, көрсетілген мерзімді ұзарту жағдайларын қоспағанда, осындай тауардың бірінші құрамбөлігіне қатысты тауарларға арналған декларациялар тіркелген күннен бастап екі жылдан аспайтын мерзімде берілуге тиіс.

      Осы тармақтың бірінші абзацында көрсетілген мерзімді кеден органы деклараттың жазбаша өтініші бойынша тауардың барлық құрамбөліктерінің толық жеткізілімдері үшін қажетті, бірақ бір жылдан аспайтын мерзімге (бұдан әрі осы бапта – мерзімін ұзарту туралы өтініш) ұзартуы мүмкін.

      Декларант көрсетілген өтініш осы тармақтың бірінші абзацында көзделген мерзім өткенге дейін береді

      Мерзімін ұзарту туралы өтінішке осындай ұзарту қажеттілігін растайтын құжаттар, сондай-ақ жіктеу туралы шешімді берген уәкілетті органның, осындай шешімді қолдану мерзімін ұзарту туралы мәлімет қоса берілуі тиіс.

      Кеден органы мерзімін ұзарту туралы өтінішті қарау мерзімі кеден органы көрсетілген өтінішті тіркеген күннен бастап есептелетін он жұмыс күнінен аспауға тиіс.

      8. Егер осы баптың 7-тармағына сәйкес белгіленген тауардың соңғы құрамбөлігіне қатысты тауарларға арналған декларацияны беру мерзімі бұзылған және (немесе) егер мұндай мерзім аяқталғанға дейін тауарларды жіктеу туралы шешімнің қолданысы тоқтатылған не кері қайтарып алынған жағдайда, мұндай шешімнің қолданысы тоқтатылғанға дейін не кері қайтарып алынғанға шейін шығарылған тауар құрамбөліктеріне қатысты тауарларға арналған декларацияларда қамтылған мәліметтерге Сыртқы экономикалық қызметтің тауар номенклатурасына сәйкес жиынтықталған немесе жасалып біткен түрдегі тауардың кодын Сыртқы экономикалық қызметтің тауар номенклатурасына сәйкес тауар құрамбөліктерінің кодтарымен алмастыруға байланысты тиісті өзгерістер (толықтырулар) енгізіледі.

      Тауар құрамбөліктеріне қатысты тауарларға арналған декларацияда қамтылған мәліметтерге өзгерістерді (толықтыруларды) декларант осы Кодекстің 183-бабына сәйкес белгіленген тәртіппен, осы баптың 7-тармағына сәйкес белгіленген мерзім аяқталған күннен бастап күнтізбелік отыз күннен аспайтын мерзімде немесе декларантқа, егер тауарларды жіктеу туралы шешімнің қолданысы тоқтатылған немесе мұндай шешім осы баптың
7-тармағына сәйкес белгіленген мерзім аяқталғаннан басқа өзге негіздер бойынша кері қайтарып алынған болса, тауарларды жіктеу туралы шешімнің қолданысы тоқтатылатыны не кері қайтарып алынатыны туралы хабарланған жағдайда енгізеді.

      9. Еуразиялық экономикалық одақтың кедендік шекарасы арқылы жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде өткізілетін тауарларды кедендік тазартуды жасаудың тәртібі мен кедендік бақылау жүргізудің ерекшеліктерін уәкілетті орган бекітеді.


      191-бап. Кеден органы лауазымды тұлғасының кедендік декларацияны толтыруы

      Осы бапқа сәйкес кеден органының лауазымды тұлғасы тауарларды кедендік декларациялау мақсатында тұлғаның таңдауы бойынша транзиттік декларацияны, жолаушыларға арналған кедендік декларацияны немесе көлік құралына арналған декларацияны толтыруына жол береді.

      Кеден органы лауазымды тұлғасының көрсетілген кедендік декларацияны толтыру тәртібін, сондай-ақ осындай толтырумен байланысты кедендік операцияларды жасау ерекшеліктерін уәкілетті орган бекітеді.

19-тарау. Тауарларды шығару және тауарларды шығарумен байланысты кедендік операциялар

      192-бап. Тауарларды шығару және тауарларды шығарумен және оларды жоюмен байланысты кедендік операциялар жасау тәртібі туралы жалпы ережелер

      1. Тұлға тауарларды мәлімделген кедендік рәсіммен орналастыру шарттарын немесе Одақ туралы шартқа және (немесе) осы Кодекске сәйкес тыйым салулар мен шектеулерді сақтау ретінде, осындай шарттар тауарлар шығарылғаннан кейін расталуы мүмкін жағдайларды қоспағанда, осы Кодекске сәйкес кедендік рәсіммен орналастыруға жатпайтын тауарлардың жекелеген санаттарын пайдалану үшін белгіленген шарттарды сақтаған кезде кеден органы тауарларды шығаруды жүргізеді.

      2. Тауарларды шығару, кеден органының ақпараттық жүйесін пайдалана отырып, электрондық құжатты қалыптастыру арқылы не қағаз тасымалдағышындағы кедендік декларацияда немесе қағаз тасымалдағышында берілген тауарларға арналған декларация берілгенге дейін тауарларды шығару туралы өтініште тиісті белгілер қою арқылы ресімделеді.

      3. Тауарларды шығарумен байланысты кедендік операцияларды осы Кодекстің 193-бабында көзделген мерзімдерде немесе осы баптың
10-тармағына сәйкес Комиссия және (немесе) уәкілетті орган белгілеген мерзімде Комиссия айқындаған тәртіппен, ал Комиссия реттемеген бөлігінде – уәкілетті орган бекіткен тәртіпте кеден органы жасайды.

      4. Осы Кодекстің 185-бабына сәйкес электрондық құжат түрінде берілген тауарларға арналған декларацияда мәлімделген мәліметтерді пайдалану кезінде осы Кодекстің 31-бабына сәйкес алдын ала ақпарат ретінде тәуекелдерді басқару жүйесі айқындаған жағдайларда, келу орнында осындай тауарларға арналған декларация бойынша тауарларды шығаруға және тауарларды шығарумен байланысты кедендік операцияларды жасауға жол беріледі.

      Осы Кодекстің 185-бабына сәйкес тауарларға арналған декларацияны беру кезінде тауарларды шығаруға және осы Кодекстің 185-бабы 5-тармағының 2) тармақшасына сәйкес уәкілетті орган белгілейтін өзге де жағдайларда, тауарларға арналған декларацияны тіркеген кеден органынан бөлек кеден органының қызмет аймағындағы тауарларға қатысты тауарларға арналған осындай декларация бойынша тауарларды шығарумен байланысты кедендік операцияларды жасауға жол беріледі.

      Осы тармақтың бірінші және екінші абзацтарында көрсетілген тауарларды шығарумен байланысты кедендік операцияларды жасау ерекшеліктерін уәкілетті орган бекітеді.

      5. Осы Кодекстің 184-бабының 4, 5 және 6-тармақтарында, 187-бабының 7-тармағында көзделген жағдайларда, сондай-ақ осы Кодекстің 187-бабының 8-тармағында көзделген жағдайда кедендік декларацияны кері қайтарып алған кезде кеден органы тауарлардың шығарылуын жояды.

      Комиссия және Комиссия көздеген жағдайларда уәкілетті орган декларанттың уәжделенген өтініші бойынша кеден органы тауарларды шығарудың күшін жоюы мүмкін жағдайлар мен шарттарды айқындауы мүмкін.

      Кеден органының ақпараттық жүйесін пайдаланыла отырып, тауарларды шығарудың күшін жою электрондық құжатты қалыптастыру арқылы не қағаз тасымалдағыштағы кедендік декларацияда тиісті белгілер қою арқылы ресімделеді.

      Тауарларды шығарудың күшін жоюға байланысты кедендік операцияларды жасау тәртібін Комиссия, ал Комиссия реттемеген бөлігінде – уәкілетті орган айқындайды.

      6. Егер тауарларға арналған декларацияда екі және одан көп тауарлар туралы мәліметтер мәлімделген жағдайда, кеден органы осы баптың 1-тармағында көзделген шығару шарттары сақталған тауарларды шығарады.

      7. Кеден органы осы Кодексте белгіленген жағдайларда, тауарларды шығару жүргізілген, тауарларды уақытша сақтауды жүзеге асыратын адамға, – кеден органының ақпараттық жүйесімен осындай адамдардың ақпараттық жүйелерінің өзара іс-қимыл жасауы болған кезде өзге тұлғаларға тауарларды шығару сәтінен бастап есептелетін кеден органының жұмыс уақытында үш сағаттан кеш емес мерзімде электрондық нысанда тауарларды шығару туралы хабарлайды.

      8. Осы Кодекстің 194, 195, 196 және 202-баптарында көзделген жағдайларда, сондай-ақ жеке пайдалануға арналған тауарларға, халықаралық көлікпен тасымалдау құралдары мен керек-жарақтарға қатысты осы Кодекстің 194, 195, 196 және 202-баптарында және 39, 40 және 41-тарауларында белгіленген тауарларды шығару бойынша кедендік операцияларды жасаудың шарттары және (немесе) ерекшеліктері ескеріле отырып, осы бапқа сәйкес тауарларды шығару жүргізіледі.

      9. Қазақстан Республикасының халықаралық шарттарында көзделген жағдайларда, кеден органы осы бапқа сәйкес, сондай-ақ Қазақстан Республикасының осындай халықаралық шарттарында көзделген коммерциялық, көліктік (тасымалдау) құжаттарға тауарларды шығару туралы не тауарларды шығару туралы белгі қойылған коммерциялық, көліктік (тасымалдау) құжаттарға тауарларды шығаруды жою туралы белгілер қою жолымен тауарларды шығаруды жүргізеді.


      193-бап. Тауарларды шығару мерзімдері

      1. Тауарларды шығаруды кеден органы кедендік декларация тіркелген сәттен бастап не осы баптың 2-тармағында көрсетілген мән-жайлардың біреуі басталған кезден бастап төрт сағаттың ішінде, ал, егер кедендік декларация кеден органының жұмыс уақыты аяқталғанға дейін кемінде төрт сағат бұрын тіркелген не осы баптың 2-тармағында көрсетілген мән-жайлардың біреуі кеден органының жұмыс уақыты аяқталғанға дейін кемінде төрт сағат бұрын басталған жағдайларда,– осы бапта көзделген жағдайларды қоспағанда, осы кеден органының жұмыс уақыты басталған кезден бастап төрт сағаттың ішінде аяқтауға тиіс.

      2. Тауарларды кедендік алдын ала декларациялау кезінде осы бапта көзделген тауарларды шығару мерзімдері мынадай мән-жайлардың бірі:

      1) кедендік декларацияны тіркеген кеден органы кедендік декларацияда мәлімделген кедендік бақылау аймағына тауарларды орналастыру туралы хабарламаны алған, ал су кемелері тасымалдайтын тауарларға қатысты, – кеден органы осы Кодекстің 185-бабының 4-тармағына сәйкес кедендік декларацияда көрсетілген тауар келген жерде оны түсіруге рұқсат берген болса, – кедендік декларацияда мәлімделген мәліметтер өзгерген (толықтырылған);

      2) кедендік декларацияны тіркеген кеден органы су кемелерімен тасымалданатын тауарларға қатысты кедендік декларацияда көрсетілген кедендік бақылау аймағына тауарларды орналастыру туралы хабарламаны алған, – осы Кодекстің 185-бабының 4-тармағына сәйкес кедендік декларацияда көрсетілген келу орнында оларды түсіруге рұқсатты кеден органы берген, – су кемелерімен тасымалданатын тауарларға қатысты осы Кодекстің 185-бабының 4-тармағына сәйкес кедендік декларацияда көрсетілген кедендік бақылау аймағына тауарларды орналастыру немесе кедендік декларацияда көрсетілген келу орнында оларды түсіруге рұқсатты алғаны туралы хабарламаны кеден органы алғанға дейін берілген кедендік декларацияға өзгерістерді (толықтыруларды) енгізу қажеттігінің болмауы не кедендік декларацияда мәлімделген мәліметтерге енгізілген өзгерістер (толықтырулар) туралы кеден органы хабардар етілген кезде есептеледі.

      3. Тауарларды шығару кедендік декларация тіркеген күннен кейінгі күннен бастап бір жұмыс күнінен кешіктірілмей, не егер осы баптың 1-тармағында көрсетілген уақыттың ішінде мына мән-жайлардың бірі:

      1) кеден органы осы Кодекстің 410-бабының 1 және 4-тармақтарына сәйкес кедендік декларацияда мәлімделген мәліметтерді растайтын құжаттарға сұрау салған және (немесе) кедендік бақылауды өзге нысандарда жүргізу туралы не кедендік бақылау жүргізуді қамтамасыз ететін шараларды қолдану туралы шешім қабылданған;

      2) декларант кеден органына осы Кодекстің 183-бабының 1-тармағына сәйкес кедендік декларацияда мәлімделген мәліметтерді өзгерту (толықтыру) туралы уәжді өтінішпен жүгінген;

      3) декларант кеден органының осы Кодекстің 183-бабының 2-тармағына сәйкес кедендік декларацияда мәлімделген мәліметтерді өзгерту (толықтыру) туралы талабын орындамау жағдайы басталған болса, осы баптың 2-тармағында көрсетілген мән-жайлардың бірі басталғаннан бір күн бұрын аяқталуға тиіс.

      4. Осы баптың 3-тармағында көрсетілген тауарларды шығару мерзімі мыналар үшін:

      1) осы Кодексте көзделген кедендік бақылау нысандарын және (немесе) кедендік бақылау жүргізуді қамтамасыз ететін шараларды қолдана отырып, басталған кедендік бақылауды жүргізуге немесе аяқтауға;

      2) кеден органының осы Кодекстің 183-бабының 2-тармағына сәйкес кедендік декларацияда мәлімделген мәліметтерді өзгерту (толықтыру) туралы талабын орындауға;

      3) осы Кодекстің 195 және 196-баптарына сәйкес кедендік баждарды, салықтарды, арнайы, демпингке қарсы, өтем баждарын төлеу міндеттемесінің орындалуын қамтамасыз етуді ұсынуға қажет уақытқа ұзартылуы мүмкін.

      5. Тауарларды шығару мерзімі кеден органы басшысының, ол уәкілеттік берген басшы орынбасарының не оларды алмастыратын тұлғалардың рұқсатымен ұзартылады.

      6. Тауарларды шығару мерзімі ұзартылған кезде, тауарларды шығаруды кеден органы кедендік декларация тіркелген күннен не, егер осы Кодексте өзгеше белгіленбесе, осы баптың 2-тармағында көрсетілген мән-жайлардың бірі басталған күннен кейінгі күннен бастап он жұмыс күнінен кешіктірмей аяқтауға тиіс.

      Кедендік транзиттің кедендік рәсімімен орналастырылатын тауарларды шығару мерзімі ұзартылған кезде, тауарларды шығаруды кеден органы транзиттік декларация тіркелген күннен не осы баптың 2-тармағында көрсетілген мән-жайлардың бірі басталған күннен кейінгі күннен бастап бес жұмыс күнінен кешіктірілмей аяқтауға тиіс.

      7. Егер кедендік құжаттарды, өзге де құжаттарды және (немесе) мәліметтерді тексеру осы баптың 6-тармағында белгіленген мерзімде аяқталмайтын болса және осы Кодекстің 195-бабына сәйкес тауарларды шығару осы Кодекстің 195-бабының 5-тармағында көзделген жағдайда жүргізілмейтін болса, тауарларды шығару мерзімі кеден органы басшысының, ол уәкілеттік берген кеден органы басшысы орынбасарының не оларды алмастыратын тұлғалардың рұқсатымен осы баптың 6-тармағында белгіленген мерзім аяқталған күннен кейінгі күннен бастап осындай тексеру жүргізілу мерзіміне ұзартылады.

      8. Егер кедендік сараптама тағайындалса және оны аяқтау үшін осы баптың 6-тармағында белгіленген мерзімге қарағанда, неғұрлым ұзақ мерзім қажет болса және осы Кодекстің 196-бабына сәйкес кедендік баждарды, салықтарды, арнайы, демпингке қарсы, өтемдік баждарды төлеу міндеттемесінің орындалуын қамтамасыз ету ұсынылмаса не осы Кодекстің 196-бабына сәйкес тауарларды шығару осы Кодекстің 196-бабының 5-тармағында көзделген жағдайда жүргізілмейтін болса, тауарларды шығару мерзімі кеден органы басшысының, ол уәкілеттік берген кеден органы басшысы орынбасарының не оларды алмастыратын тұлғалардың рұқсатымен осы баптың 6-тармағында белгіленген мерзім аяқталған күннен кейінгі күннен бастап кедендік сараптама жүргізілу мерзіміне ұзартылады.

      9. Осы баптың 4, 5, 6, 7 және 8-тармақтарына сәйкес тауарларды шығару мерзімі ұзартылған кезде кеден органы декларантқа немесе кеден өкіліне себебін көрсете отырып, осындай ұзарту туралы хабарлама жібереді, оның негізінде рұқсат берілген күннен кейінгі бір жұмыс күнінен кешіктірілмей тауарларды шығару мерзімі ұзартылады.

      10. Комиссия осы баптың 1 және 3-тармағында көрсетілген мерзімдерге қарағанда, тауарларды шығарудың аса ұзақ емес мерзімдерін белгілеуі мүмкін.

      11. Тауарларды шығару мерзімі осы Кодекстің 198-бабына және (немесе) Еуразиялық экономикалық одақ шеңберіндегі халықаралық шарттарға сәйкес тоқтатылуы мүмкін.


      194-бап. Тауарларға арналған декларацияларды бергенге дейін кедендік операцияларды жасаудың және тауарларды шығарудың ерекшеліктері

      1. Ішкі тұтыну үшін шығару кедендік рәсіміне сәйкес:

      1) осы Кодекстің 147-бабының 1-тармағында көрсетілген, сондай-ақ Комиссия осы Кодекстің 147-бабының 2-тармағына сәйкес айқындаған тауарлар;

      2) Қазақстан Республикасының Кәсіпкерлік кодексіне сәйкес айқындалатын инвестициялық жобаларды іске асыру шеңберінде әкелінетін тауарлар. Осы тармақшаның мақсаттары үшін инвестициялар жөніндегі уәкілетті орган, осындай уәкілетті органдар бірлескен актімен белгілеген тәртіппен және мерзімдерде инвестициялық жобаларды іске асыру шеңберінде әкелінетін тауарлардың тізбесін уәкілетті органға жолдайды;

      3) Комиссия айқындайтын өлшемшарттарға сәйкес келетін, заңды тұлғалардың жекелеген санаттары әкелетін, Комиссия бекітетін тізбе бойынша тауарлардың санаттары тауарларға арналған декларация берілгенге дейін тауарларды шығаруға мәлімделуі мүмкін.

      2. Тауарлар кеден аумағындағы кедендік қайта өңдеу рәсіміне, еркін кеден аймағы кедендік рәсіміне, еркін қойма кедендік рәсіміне, кедендік баждарды, салықтарды төлемей, кедендік уақытша әкелу (рұқсат етілу) рәсіміне сәйкес, сондай-ақ Комиссия айқындайтын өзге де кедендік рәсімдерге сәйкес тауарларға арналған декларация берілгенге дейін шығаруға мәлімделуі мүмкін.

      3. Тауарларға арналған декларация берілгенге дейін тауарлардың шығарылуына тауарларды мәлімдеген кезде тауарларға арналған декларацияны беру кезінде тауарлар декларанты болып әрекет ететін тұлға кеден органына тауарларға арналған декларацияны бергенге дейін электрондық құжат немесе қағаз тасымалдағыштағы құжат түрінде тауарларды шығару туралы өтініш береді.

      Тауарларға арналған декларация берілгенге дейін тауарларды шығару туралы өтінішті тауарлар декларанты болып әрекет ететін тұлға (осы бапта бұдан әрі – тауарларға арналған декларация берілгенге дейін тауарларды шығару туралы өтініш берген тұлға) береді.

      Тауарларға арналған декларация берілгенге дейін тауарларды шығару туралы өтініш декларант болып әрекет ететін тұлға, таңдалған кедендік рәсім туралы мәліметтерді және декларант болып әрекет ететін тұлғаның тауарларға арналған декларация берілгенге дейін тауарларды шығару туралы өтінішінің түріне, тауарлардың санаттарына және кедендік рәсімдерге байланысты Комиссия айқындайтын тауарларды шығару үшін қажетті өзге де мәліметтерді қамтуға тиіс.

      Тауарларға арналған декларация берілгенге дейін тауарларды шығару туралы өтініштің нысанын, мұндай өтініштің құрылымы мен электрондық құжат түріндегі форматын, оларды толтыру тәртібін Комиссия айқындайды.

      4. Тауарларға арналған декларация берілгенге дейін тауарларды шығару туралы қағаз тасымалдағыштағы құжат түрінде берілетін өтінішпен бірге:

      1) шарттарды сақтаған жағдайда осы баптың 13-тармағына сәйкес кеден органы тауарларға арналған декларация берілгенге дейін тауарларды шығаруды жүргізетін, осы шарттардың сақталуын растайтын құжаттар;

      2) тауарларды жөнелтуші және алушы туралы, тауарларды жөнелтуші ел және межелі ел, тауарлар туралы (атауы, тауар белгісі, Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізілген зияткерлік меншік объектісі болып табылатын тауардың шығарылған жерінің атауы және (немесе) Қазақстан Республикасының зияткерлік меншік объектілерінің кедендік тізілімі, Сыртқы экономикалық қызметтің тауар номенклатурасына сәйкес сипаттамасы, бірінші алты белгіден кем емес деңгейдегі коды, саны, брутто салмағы және құны) мәліметтерді қамтитын коммерциялық немесе өзге де құжаттар ұсынылуы керек. Осы тармақшада көрсетілген құжаттарда қажетті мәліметтер болмаған кезде, мұндай мәліметтер тауарларға арналған декларация берілгенге дейін тауарларды шығару туралы өтініште көрсетіледі.

      5. Осы баптың 4-тармағында көрсетілетін құжаттар, егер мұндай құжаттар туралы мәліметтер және (немесе) олардан алынатын мәліметтер осы Кодекстің 146-бабының 2-тармағына сәйкес алынуы мүмкін болса, кеден органына ұсынылмайды.

      6. Егер мұндай құжаттар туралы мәліметтерді және (немесе) олардан алынатын мәліметтерді осы Кодекстің 146-бабының 2-тармағына сәйкес кеден органы ала алмайтын болса, тауарларға арналған декларация берілгенге дейін тауарларды шығару туралы электрондық құжат түрінде берілетін өтінішті беру тыйым салулар мен шектеулердің сақталуын растайтын құжаттарды, кедендік баждарды, салықтарды төлеу міндеттемесінің орындалуын қамтамасыз етудің ұсынылуын растайтын құжаттарды ұсынумен сүйемелденеді.

      7. Тауарларға арналған декларация берілгенге дейін тауарларды шығару туралы өтініш кедендік декларацияларды тіркеуге құқылы және кейіннен тауарларға арналған декларация берілетін кеден органына беріледі.

      8. Тауарларға арналған декларация берілгенге дейін тауарлар шығаруға мәлімделген кезде мұндай тауарлар Қазақстан Республикасының аумағында болуға тиіс.

      9. Тауарларға арналған декларация берілгенге дейін тауарларды шығару туралы өтінішті берген тұлға Еуразиялық экономикалық одақтың кеден заңнамасының талаптарын сақтамағаны үшін, оның ішінде тауарларға арналған декларация берілгенге дейін тауарларды шығару туралы өтініште анық емес мәліметтерді көрсеткені, жарамсыз құжаттарды, оның ішінде қолдан жасалған және (немесе) көрінеу анық емес (жалған) мәліметтері бар құжаттарды ұсынғаны, белгіленген мерзімде тауарларға арналған декларацияны бермегені үшін Қазақстан Республикасының заңнамасында белгіленген жауаптылықта болады.

      10. Кеден органы тауарларға арналған декларация берілгенге дейін тауарларды шығару туралы өтінішті тіркейді немесе Комиссия айқындайтын тәртіппен, Комиссия реттемейтін бөлігінде – уәкілетті орган белгілеген тәртіппен осындай өтініш берілген кезден бастап кеден органының жұмыс уақытынан бір сағатқа кешіктірмей, оны тіркеуден бас тартады.

      11. Тауарларға арналған декларация берілгенге дейін тауарларды шығару туралы өтініш тіркелген сәтінен бастап заңды мәні бар фактілер туралы куәландыратын құжат болады.

      12. Кеден органы мынадай негіздер бойынша:

      1) тауарларға арналған декларация берілгенге дейін тауарларды шығару туралы өтініш кедендік декларацияларды тіркеуге құқылы емес кеден органына берілсе;

      2) тауарларға арналған декларация берілгенге дейін тауарларды шығару туралы өтінішті уәкілеттік берілмеген адам берсе не қол қойылмаса немесе тиісінше куәландырылмаса;

      3) қағаз тасымалдағыштағы тауарларға арналған декларация берілгенге дейін тауарларды шығару туралы өтініш белгіленген нысанда жасалмаса, электрондық құжат түріндегі өтініштің құрылымы мен форматы осындай өтініштің белгіленген құрылымы мен форматына сәйкес келмесе;

      4) тауарларға арналған декларация берілгенге дейін тауарларды шығару туралы өтініште осы баптың 3-тармағының үшінші абзацына сәйкес көрсетуге жататын мәліметтер көрсетілмесе;

      5) қағаз тасымалдағыштағы құжат түрінде берілетін тауарларға арналған декларация берілгенге дейін тауарларды шығару туралы өтінішпен бірге осы баптың 4-тармағында көрсетілген құжаттар берілмесе;

      6) электрондық құжат түрінде берілетін тауарларға арналған декларация берілгенге дейін тауарларды шығару туралы өтінішпен бірге құжаттар осы баптың 6-тармағына сәйкес берілмесе;

      7) тауарларға арналған декларация берілгенге дейін тауарларды шығару туралы өтінішті берген күнге, осындай өтініш берген адамда, осы баптың 16-тармағында және осы Кодекстің 540-бабының 4-тармағында белгіленген мерзімде тауарларға арналған декларация берілгенге дейін бұрын шығарылған тауарларға қатысты тауарларға арналған декларацияны беру жөнінде орындалмаған міндеттемесінің болуы;

      8)  тауарларға арналған декларация берілгенге дейін тауарларды шығару туралы өтініш берілген тауарлар Қазақстан Республикасының аумағында болмаса, тауарларға арналған декларация берілгенге дейін тауарларды шығару туралы өтінішті тіркеуден бас тартады.

      13. Тауарларға арналған декларация берілгенге дейін тауарларды шығару туралы өтініш берген тұлға:

      1) егер тауарларға арналған декларация берілгенге дейін тауарларды шығару туралы өтінішті уәкілетті экономикалық оператор берген болса, осы баптың 1 және 2-тармақтарының ережелерін немесе осы Кодекстің 540-бабының 1-тармағының ережелерін сақтаған;

      2) кедендік төлемдерді, салықтарды, арнайы, демпингке қарсы, өтемдік баждарды төлеу шарттарын, сондай-ақ Одақ туралы шартқа және (немесе) осы Кодекске сәйкес, тыйым салулар мен шектеулерді сақтау сияқты шарт тауарларды шығарғаннан кейін расталуы мүмкін жағдайларды қоспағанда, тауарларды мәлімделген кедендік рәсіммен орналастыру шарттарын сақтаған;

      3) осы баптың 14-тармағында көрсетілген тауарларды қоспағанда, сондай-ақ осы Кодекстің 540-бабының 5-тармағына сәйкес кедендік баждарды, салықтарды, арнайы, демпингке қарсы, өтемдік баждарын төлеу міндеттемесінің орындалуын қамтамасыз етуді ұсыну талап етілмейтін жағдайды қоспағанда, осы баптың 1-тармағында көрсетілген тауарларға қатысты кедендік баждарды, салықтарды, арнайы, демпингке қарсы, өтемдік баждарын төлеу жөніндегі міндеттемесінің орындалуын қамтамасыз етуді ұсынған ретте, кеден органы тауарларға арналған декларация берілгенге дейін тауарларды шығаруды жүргізеді.

      14. Кедендік баждарды, салықтарды, арнайы, демпингке қарсы, өтемдік баждарын төлеу жөніндегі міндеттемесінің орындалуын қамтамасыз етуді ұсыну мыналарға қатысты:

      1) дүлей апаттардың, табиғи және техногендік сипаттағы төтенше жағдайлардың салдарларын жою үшін қажетті тауарларға;

      2) бейбітшілікті сақтап қалу акцияларын орындауға не оқу-жаттығулар жүргізуге қажетті соғыс мақсатындағы өнімдерге;

      3) гуманитарлық және техникалық көмекке;

      4) Қазақстан Республикасының валютасына, шетелдік валютаға, өзге де валюталық құндылықтарға, бағалы металлдарға, оның ішінде Қазақстан Республикасының Ұлттық Банкі мен олардың филиалдары әкелетін алтынға;

      5) авиациялық қозғалтқыштарға, азаматтық жолаушылар ұшақтарды және (немесе) азаматтық жолаушылар ұшақтардың және (немесе) оларға авиациялық қозғалтқыштарды жөндеуге және (немесе) техникалық қызмет көрсетуге қажетті қосалқы бөлшектер мен жабдықтарға, егер мұндай тауарлар Одақ туралы Шартқа сәйкес кедендік әкелу бажын төлеуден босатылған жағдайда;

      6) тәуекелдерді басқару жүйесінде айқындалған өзге де тауарларға қатысты талап етілмейді.

      15. Кедендік баждарды, салықтарды, арнайы, демпингке қарсы, өтемдік баждарын төлеу жөніндегі міндеттемесінің орындалуын қамтамасыз ету осы Кодекстің 10-тарауына және 139-бабына сәйкес ұсынылады.

      16. Осы бапқа сәйкес шығарылған тауарларға қатысты тауарларға арналған декларацияны тауарларға арналған декларация берілгенге дейін тауарларды шығару туралы өтініш берген тұлға тауарлар шығарылған айдан кейінгі айдың онынан кешіктірмей не осы Кодекстің 540-бабының 4-тармағында айқындалған мерзімде беруге тиіс.

      Осы тармақта көрсетілген мерзімді есептеу осы Кодекстің 6-бабы 6-тармағының ережелері ескеріле отырып жүргізіледі.

      17. Кеден органы осы Кодекстің 182-бабына сәйкес тауарларға арналған декларацияны тексеру және осы баптың 13-тармағының 2) тармақшасына сәйкес тауарларды шығарған кезде сақталмаған тауарларды мәлімделген кедендік рәсіммен орналастыру шарттарын сақтау, сондай-ақ осы Кодекстің 192-бабы 1-тармағының 2) тармақшасында көзделген шарттарды сақтау нәтижелері бойынша электрондық құжат жасайды және оны декларантқа жібереді не қағаз тасымалдағышта берілген тауарларға арналған декларацияда және (немесе) тауарларға арналған декларация берілгенге дейін тауарларды шығару туралы мәліметтерді қамтитын коммерциялық, көліктік (тасымалдау) құжаттарға тиісті белгілер қояды.

      18. Кедендік операцияларды жасау және тауарларға арналған декларация берілгенге дейін тауарларды шығару кезінде кедендік-тарифтік реттеу шаралары, Қазақстан Республикасының салық заңнамасы, арнайы, демпингке қарсы, өтем баждарының мөлшерлемелері және кеден органы тауарларға арналған декларация берілгенге дейін тауарларды шығару туралы өтінішті тіркеген күнге әрекет ететін валюталар бағамы қолданылады.

      19. Тауарларға арналған декларация берілгенге дейін тауарларды шығару осы Кодекстің 193-бабында белгіленген мерзімдерде жүргізіледі. Бұл ретте тауарларға арналған декларация берілгенге дейін тауарларды шығару мерзімдері тауарларға арналған декларация берілгенге дейін тауарларды шығару туралы өтініш тіркелген күннен бастап есептеледі.

      20. Тауарларға арналған декларация берілгенге дейін тауарларды шығарумен байланысты кедендік операциялар жасау тәртібін, егер Комиссия өзгеше көздемесе, уәкілетті орган бекітеді.

      21. Декларанты уәкілетті экономикалық оператор болатын тауарларға арналған декларация берілгенге дейін тауарларды шығарумен байланысты кедендік операциялар осы Кодекстің 540-бабы ескеріле отырып жасалады.


      195-бап. Кедендік, өзге де құжаттарды және (немесе) мәліметтерді тексеруді аяқтағанға дейінгі тауарларды шығарудың ерекшеліктері

      1. Тауарларды шығару мерзімінде аяқтау мүмкін болмаса, кедендік, өзге де құжаттарды және (немесе) мәліметтерді тексеруді аяқтағанға дейінгі тауарларды шығаруды осы баптың 2 және 3-тармақтарында көзделген жағдайларды қоспағанда, кеден органы тауарларға арналған декларацияда есептелген мөлшерде кедендік баждарды, салықтарды, арнайы, демпингке қарсы, өтемдік баждарын төлеген және осы Кодекстің 104-бабының 3 және 4-тармақтарына және 139-бабының 4 және 7-тармақтарына сәйкес айқындалған мөлшерде кедендік баждарды, салықтарды, арнайы, демпингке қарсы, өтем баждарды төлеу жөніндегі міндеттің орындалуын қамтамасыз ету ұсынылған жағдайда жүргізеді.

      2. Кедендік баждарды, салықтарды, арнайы, демпингке қарсы, өтемдік баждарды төлеу бойынша міндеттемелерді орындауды қамтамасыз ету мынадай жағдайларда:

      1) тауарлардың декларанты болып уәкілетті экономикалық оператор әрекет еткенде;

      2) тәуекелдерді басқару жүйесінде айқындалған өзге де жағдайларда берілмейді.

      3. Егер кеден өкілі кедендік операцияларды декларанттың атынан және оның тапсырмасы бойынша жасаған болса және мұндай кеден өкілі осы Кодекстің 494-бабына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша декларантпен ортақ міндетті атқаратын болса, кеден өкілі мынадай:

      1) тауарларды шығару күніне кедендік төлемдер мен салықтарды төлеу бойынша берешектерінің және (немесе) тауарларға арналған декларацияны тіркеу күніне арнайы, демпингке қарсы, өтем баждарын төлеу бойынша берешектерінің болмауы, сондай-ақ кеден ісі саласындағы қызметті жүзеге асыратын тұлға кедендік баждарды, салықтарды төлеу бойынша міндеттемені орындауды қамтамасыз ету есебінен кеден органының кедендік баждарды, салықтарды төлеу бойынша берешекті және (немесе) арнайы, демпингке қарсы, өтем баждарын төлеу бойынша берешектерін өндіріп алуға жүгіну фактілерінің болмауы;

      2) декларант құжаттар мен мәліметтерді және (немесе) кедендік баждарды, салықтарды, арнайы, демпингке қарсы, өтем баждарын төлеу бойынша міндеттеменің орындалу қажеттігіне әкеп соғатын кеден органы қабылдаған шешімді ұсынбаған жағдайда, кеден ісі саласындағы қызметті жүзеге асыратын тұлға кедендік баждарды, салықтарды төлеу бойынша міндеттемені орындауды қамтамасыз ету есебінен кедендік баждарды, салықтарды төлеу бойынша міндеттемесін орындау туралы міндеттемені кеден органына ұсыну шарттарын;

      3) Комиссия айқындайтын өзге де шарттарды сақтаған кезде кедендік баждарды, салықтарды, арнайы, демпингке қарсы, өтем баждарын төлеу бойынша міндеттемені орындауды қамтамасыз ету ұсынылмауы мүмкін.

      4. Кедендік баждарды, салықтарды, арнайы, демпингке қарсы, өтем баждарын төлеу бойынша міндетті орындауды қамтамасыз ету осы Кодекстің 10-тарауына және 139-бабына сәйкес беріледі.

      5. Осы баптың 1-тармағының ережелері кеден органы тауарларға қатысты арнайы, демпингке қарсы, өтем баждарына қарағанда, өзге түрде белгіленген тыйым салулар мен шектеулерді және (немесе) ішкі нарықты қорғау шараларын және (немесе) Одақ туралы шарттың 50-бабына сәйкес белгіленген өзге де баждарды қолдану мүмкіндігін көрсететін белгілерді анықтаған және декларанттың оларды сақталуын растамаған жағдайда, қолданылмайды.


      196-бап. Кедендік сараптаманы тағайындау кезінде тауарларды шығарудың ерекшеліктері

      1. Тауарға арналған декларацияда есептелген мөлшерде кедендік баждар, салықтар, арнайы, демпингке қарсы, өтем баждары төленген және осы баптың 2 және 3-тармақтарында көзделген жағдайларды қоспағанда, осы Кодекстің 104-бабының 3 және 4-тармақтарына және 139-бабының 4 және 7-тармақтарына сәйкес айқындалған мөлшерде кедендік бажды, салықтарды, арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету ұсынылған жағдайда кеден органы тауарларды шығарғанға дейін тағайындалған кедендік сараптама нәтижелерін алғанға дейін тауарларды шығаруды жүргізеді.

      2. Кедендік баждарды, салықтарды, арнайы, демпингке қарсы, өтемдік баждарын төлеу жөніндегі міндеттемелерді орындауды қамтамасыз ету мынадай жағдайларда:

      1) тауарлардың декларанты болып уәкілетті экономикалық оператор әрекет еткенде;

      2) тәуекелдерді басқару жүйесінде айқындалған өзге де жағдайларда берілмейді.

      3. Егер кеден өкілі кедендік операцияларды декларанттың атынан және оның тапсырмасы бойынша жасаған жағдайда және мұндай кеден өкілі осы Кодекстің 494-бабына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша декларантпен ортақ міндетті атқаратын болса, кеден өкілі мынадай:

      1) тауарларды шығару күніне кедендік төлемдер мен салықтарды төлеу бойынша берешектерінің және (немесе) тауарларға арналған декларацияны тіркеу күніне арнайы, демпингке қарсы, өтем баждарын төлеу бойынша берешектерінің болмауы, сондай-ақ кеден ісі саласындағы қызметті жүзеге асыратын тұлға кедендік баждарды, салықтарды төлеу жөніндегі міндетті орындауды қамтамасыз ету есебінен кеден органының кедендік баждарды, салықтарды төлеу бойынша берешекті және (немесе) арнайы, демпингке қарсы, өтем баждарын төлеу бойынша берешектерін өндіріп алуға жүгіну фактілерінің болмауы;

      2) декларант құжаттар мен мәліметтерді және (немесе) кедендік баждарды, салықтарды, арнайы, демпингке қарсы, өтемақы баждары төлеу жөніндегі міндетті орындау қажеттігіне әкеп соғатын кеден органы қабылдаған шешім ұсынылмаған жағдайда, кеден ісі саласындағы қызметті жүзеге асыратын тұлға кедендік баждарды, салықтарды төлеу бойынша міндеттемені орындауды қамтамасыз ету есебінен кедендік баждарды, салықтарды төлеу жөніндегі міндетті орындау туралы міндеттемені кеден органына ұсыну;

      3) Комиссия айқындайтын өзге де шарттар сақтаған кезде кедендік бажды, салықтарды, арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету ұсынылмайды.

      4. Кедендік баждарды, салықтарды, арнайы, демпингке қарсы, өтем баждарын төлеу жөніндегі міндетті орындауды қамтамасыз ету осы Кодекстің 10-тарауына және 139-бабына сәйкес беріледі.

      5. Осы баптың 1-тармағының ережелері кеден органы тауарларға қатысты арнайы, демпингке қарсы, өтемдік баждарына қарағанда, өзге түрде белгіленген тыйым салулар мен шектеулерді және (немесе) ішкі нарықты қорғау шараларын және (немесе) Одақ туралы шарттың 50-бабына сәйкес белгіленген өзге де баждарды қолдану мүмкіндігін көрсететін белгілерді анықтаған және декларанттың оларды сақтауы расталмаған жағдайда, қолданылмайды.


      197-бап. Әкімшілік немесе қылмыстық құқық бұзушылықтар анықталған кезде тауарларды шығарудың ерекшеліктері

      Әкімшілік немесе қылмыстық құқық бұзұшылықтар анықталған жағдайда тауарларды шығаруды әкімшілік құқық бұзушылық туралы іс бойынша өндіріс аяқталғанға немесе қылмыстық іс бойынша өндіріс аяқталғанға дейін, мұндай тауарлар алынбаса немесе оларға Қазақстан Республикасының заңнамасына сәйкес тыйым салынбаса, кеден органы жүргізеді.


      198-бап. Зияткерлік меншік объектілері бар тауарларды шығару мерзімін тоқтата тұру және мұндай тауарларды шығару мерзімін қайта жаңғырту

      1. Егер мүше мемлекеттің зияткерлік меншік объектілерінің бірыңғай кедендік тізіліміне немесе аумағында тауарлар кедендік рәсіммен орналасатын, Еуразиялық экономикалық одаққа мүше мемлекеттердің зияткерлік меншік объектілерінің кедендік тізіліміне немесе Қазақстан Республикасының зияткерлік меншік объектілерінің бірыңғай кедендік тізіліміне енгізілген, зияткерлік меншік объектілері бар тауарларды кедендік рәсіммен орналастыруға байланысты кедендік операцияларды жасау кезінде кеден органы зияткерлік меншік объектілеріне құқық иеленушінің құқықтарын бұзушылық белгілерін анықтаған жағдайда, мұндай тауарларды шығару мерзімі он жұмыс күніне дейінгі тоқтатыла тұрады.

      2. Бұл мерзім құқық иеленушінің немесе оның мүддесін немесе бірнеше құқық иеленушінің мүддесін білдіретін тұлғаның сұрау салуы бойынша кеден органымен құқық иеленушінің немесе оның мүддесін немесе бірнеше құқық иеленушінің мүддесін білдіретін тұлғаның Қазақстан Республикасының заңнамасына сәйкес құқық иеленушінің құқықтарын қорғау үшін сот органдарына жүгінсе, ол он жұмыс күнінен аспайтын мерзімге ұзартылады.

      Құқық иеленуші және (немесе) оның мүдделерін немесе бірнеше құқық иеленушілердің мүдделерін білдіретін тұлға тауарларды шығару мерзімін ұзарту туралы өтінішті, тауарларды шығаруды тоқтата тұру туралы шешімнің күшін жою туралы өтінішті кеден органына электрондық поштаны және факсимильдік байланысты пайдалана отырып электронды түрде (скан-көшірмесін), кейіннен құжаттың түпнұсқасын міндетті түрде ұсына отырып, табыс етуге жол беріледі.

      3. Тауарларды шығару мерзімін тоқтата тұру туралы және тауарларды шығаруды тоқтата тұру мерзімін ұзарту туралы шешімдерді кеден органының басшысы немесе ол өкілдік берген тұлға қабылдайды.

      4. Осы баптың 1 және 2-тармақтарында белгіленген мерзімдер осы Кодекстің 6-бабының 8-тармағына сәйкес есептеледі.

      5. Кеден органы зияткерлік меншік объектілері бар тауарларды шығару мерзімін тоқтата тұру туралы шешім қабылдаған күннен кейінгі бір жұмыс күнінен кешіктірмей, декларантты және құқық иеленушіні немесе оның мүддесін немесе бірнеше құқық иеленушінің мүддесін білдіретін тұлғаны мұндай тоқтата тұру себептері және тоқтата тұру мерзімі туралы хабардар етеді, сондай-ақ декларантқа құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлғаның атын (аты-жөні, тегі (бар болған жағдайда)) және орналасқан жерін (мекенжайын), ал құқық иеленушіге немесе оның мүддесін немесе бірнеше құқық иеленушінің мүддесін білдіретін тұлғаға декларанттың атын (аты-жөні, тегі (бар болған жағдайда)) және орналасқан жерін (мекенжайын) хабарлайды.

      6. Зияткерлік меншік объектілері бар тауарларды шығаруды тоқтата тұру мерзімі өткеннен кейін мұндай тауарларды шығару, кеден органына тауарларды алып қоюды, оларға тыйым салуды не оларды тәркілеуді растайтын құжаттар не зияткерлік меншік объектілеріне құқық иеленуші құқықтарының бұзылғаны туралы талап қою бойынша азаматтық іс қозғау туралы судьяның анықтамасын кеден органына табыс еткен жағдайларды қоспағанда, осы Кодексте белгіленген тәртіппен жаңартылады және жүргізіледі. Зияткерлік меншік объектілеріне құқық иеленуші құқықтарының бұзылғаны туралы талап қою бойынша азаматтық іс қозғау туралы судьяның анықтамасы табыс етілген жағдайда, осы баптың 1-тармағында белгіленген зияткерлік меншік объектілері бар тауарларды шығаруды тоқтата тұру мерзімі, сондай-ақ көрсетілген тауарларды уақытша сақтау мерзімі талап қою бойынша соттың шешімі заңды күшіне енгенге дейін ұзартылады.

      7. Осы бапқа сәйкес тауарлардың шығарылуын тоқтата тұру нәтижесінде декларантқа, меншік иесіне, зияткерлік меншік объектілері бар тауарларды алушыға келтірген мүліктік зиянды (шығынды), егер сот құқық иеленуші құқығының бұзылғандығын анықтамаған жағдайда, құқық иеленуші өтейді.

      8. Тауарларды шығару мерзімін тоқтата тұру мерзімі өткенге дейін мынадай:

      1) кеден органына мұндай шешімді жою туралы құқық иеленушіден немесе оның мүддесін немесе бірнеше құқық иеленушінің мүддесін білдіретін адамнан өтініш түссе. Құқық иеленуші немесе оның мүдделерін немесе бірнеше құқық иеленушілердің мүдделерін білдіретін тұлға тауарларды шығару мерзімін ұзарту туралы өтінішті, тауарларды шығаруды тоқтата тұру туралы шешімнің күшін жою туралы өтінішті кеден органына электрондық поштаны және факсимильдік байланысты пайдалана отырып электронды түрде (скан-көшірмесін), кейіннен құжаттың түпнұсқасын міндетті түрде ұсына отырып, табыс етуге жол беріледі;

      2) зияткерлік меншік объектісі Еуразиялық экономикалық одаққа мүше мемлекеттің зияткерлік меншік объектілерінің бірыңғай кедендік тізілімінен немесе Қазақстан Республикасының зияткерлік меншік объектілерінің кедендік тізілімінен алынып тасталса;

      3) құқық иеленуші немесе оның өкілі зияткерлік меншік объектілеріне құқықтардың бұзылғандығы туралы талап қою бойынша азаматтық іс қозғау туралы судьяның ұйғарымын табыс етпеген жағдайларда тауарларды шығару мерзімін тоқтата тұру туралы шешім күшін жоюға жатады.

      Аталған жағдайларда мұндай тауарларды шығару жаңартылады.

      9. Тауарларды шығаруды тоқтата тұру туралы шешімнің күшін кеден органының басшысы немесе ол уәкілдік берген тұлға жояды.

      10. Зияткерлік меншік объектілері бар тауарларды шығару құқық иеленушінің зияткерлік меншік объектілеріне құқыұтарын қорғау туралы Қазақстан Республикасының тиісті уәкілетті мемлекеттік органына немесе сотқа өтініш білдіруіне кедергі бола алмайды.

      11. Тауарларды шығару мерзімін тоқтата тұру туралы шешім күшін жойғаннан кейін мұндай тауарларды шығару мерзімі жаңғыртылады.

      12. Кеден органы декларантқа, құқық иеленушіге немесе оның мүдделерін немесе бірнеше құқық иеленушінің мүдделерін білдіретін тұлғаға Комиссия анықтаған тәртіпте, тауарларды шығару мерзімін тоқтата тұру туралы шешім қабылданған тауарлар туралы ақпаратты ұсынады.

      13. Осы бапқа сәйкес декларант, құқық иеленуші немесе оның мүдделерін немесе бірнеше құқық иеленушілердің мүдделерін білдіретін тұлға алған ақпарат құпия болып табылады және Қазақстан Республикасының заңнамасында көзделген жағдайларды қоспағанда, олар мұны жария етпеуге, үшінші тұлғаға, сондай-ақ Қазақстан Республикасының мемлекеттік органдарына және Еуразиялық экономикалық одаққа мүше мемлекеттің мемлекеттік органдарына бермеуге тиіс.

      14. Кеден органының рұқсатымен декларанттың, құқық иеленушінің, немесе олардың мүддесін немесе бірнеше құқық иеленушілердің мүдделерін білдіретін тұлғаның оларды шығару мерзімін тоқтата тұру туралы шешім қабылданған тауарлардың сынамалары мен (немесе) үлгілерін алуға, оларға зерттеу жүргізуге, сондай-ақ мұндай тауарларды қарауға, суретке түсіруге немесе өзге де тәсілмен белгілеп қоюға құқығы бар. Аталған тауарлардан сынама және (немесе) үлгілерді алу осы Кодекстің 37-бабына сәйкес кеден органының лауазымды тұлғасының қатысуымен жүргізіледі.

      15. Тауарларды шығару мерзімін тоқтату туралы және тауарларды шығару мерзімін тоқтату мерзімін ұзарту туралы шешімдерді рәсімдеу тәртібі, декларанттың, құқық иеленушінің немесе оның мүдделерін немесе бірнеше құқық иеленушілердің мүдделерін білдіретін тұлғаның мәлімдемелері, осындай шешімдерді қабылдау туралы, сондай-ақ тауарларды шығару мерзімін тоқтату туралы шешімді жоюды рәсімдеу тәртібін Комиссия анықтайды.


      199-бап. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне немесе Қазақстан Республикасының зияткерлік меншік объектілерінің кедендік тізіліміне енгізілген зияткерлік меншік объектілері бар тауарларды шығару мерзімін тоқтата тұру және мұндай тауарларды шығару мерзімін қайта жаңғырту

      1. Кеден органдары Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне немесе Қазақстан Республикасының зияткерлік меншік объектілерінің (тауар таңбалары) кедендік тізіліміне енгізілмеген зияткерлік меншік объектілері бар тауарларды шығару мерзімін Қазақстан Республикасының аумағындағы құқық иеленуші мен оның өкілі туралы мәліметтер бар болған кезде, Еуразиялық экономикалық одақтың кедендік шекарасы арқылы өткізілетін тауарлардың зияткерлiк меншiк құқықтары бұзылған тауарлар болып табылатын белгiлерiн анықтаған кезде, құқық иеленушінің өтінішісіз тауарларды шығаруды тоқтата тұруға құқылы.

      Осы тармақтың бірінші абзацында көрсетілген тауарларды шығаруды тоқтата тұру туралы, осы бапқа сәйкес және тауарларды шығаруды тоқтата тұру туралы шешімді жою туралы шешімдерді кеден органының басшысы немесе ол уәкілеттік берген адам қабылдайды.

      2. Кеден органдары зияткерлiк меншiк құқықтарын қорғау жөніндегі өз өкілеттіктерін іске асыру мақсатында зияткерлік меншік құқықтарын қорғау саласындағы уәкілетті мемлекеттік органының мемлекеттік тіркеу тізілімдерінен немесе халықаралық тіркеу туралы деректер қорынан алынатын мәліметтерді пайдаланады.

      3. Тауарларды кедендік рәсімдермен орналастыруға байланысты кедендік операцияларды жасау кезінде зияткерлік меншік объектілеріне құқық иеленуші құқықтарының бұзылу белгілерін анықтаған кезде, кеден органы зияткерлік меншік объектілері бар тауарларды шығаруды үш жұмыс күніне дейінгі мерзімге тоқтата тұрады және құқық иеленуші және (немесе) оның мүддесін білдіретін, немесе бірнеше құқық иеленушінің мүддесін белдіретін тұлғаны және декларантты мұндай тоқтата тұру, тоқтата тұру себептері және мерзімдері туралы тез арада хабардар етеді, сондай-ақ декларантқа құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлғаның атын (аты-жөні, тегі (бар болған жағдайда)) және орналасқан жерін (мекенжайын), ал құқық иеленуші және оның мүддесін немесе бірнеше құқық иеленушінің мүддесін білдіретін тұлғаға декларанттың атын (аты-жөні, тегі (бар болған жағдайда)) және орналасқан жерін (мекенжайын) хабарлайды.

      4. Тауарларды шығару мерзімін тоқтата тұру туралы шешім күшін жоюға жатады, ал егер осы баптың 3-тармағында көрсетілген мерзім ішінде құқық иеленуші кеден органына:

      тауарлардың шығарылуын тоқтата тұру мерзiмiн он жұмыс күнiне дейiн ұзарту туралы жазбаша өтiнiштi табыс етпесе;

      тауарлардың шығарылуын тоқтата тұру туралы шешiмнiң күшiн жою туралы жазбаша өтiнiштi табыс етсе, тауарларды шығару жаңғыртылады.

      Құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлғаның тауарларды шығаруды тоқтата тұру мерзімін ұзарту туралы өтінішті, тауарлардың шығарылуын тоқтата тұру туралы шешiмнiң күшiн жою туралы өтiнiштi кеден органына алдағы уақытта құжаттың түпнұсқасын міндетті түрде ұсына отырып, электронды почтаны және факсимильді байланысты пайдаланып, электронды түрде (скан-көшірме) ұсынға жол беріледі.

      5. Егер осы баптың 3-тармағында көрсетілген мерзім ішінде кеден органына құқық иеленушіден тауарларды шығаруды тоқтата тұру мерзімін ұзарту туралы өтініш түссе, тауарларды шығару алғашқы тоқтата тұрған күннен бастап, он жұмыс күніне дейін тауарларды шығару тоқтатыла тұрады. Бұл жағдайда құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлға тауарларды шығаруды алғашқы тоқтата тұрған күнінен бастап, он жұмыс күніне дейін кеден органына мына құжаттарды:

      1) шығарылуы тоқтатыла тұрған тауарларды Еуразиялық экономикалық одақтың кедендік шекарасы арқылы өткізу фактісіне байланысты зияткерлік меншiк объектілеріне құқықтардың бұзылғандығы туралы талап қою бойынша азаматтық іс қозғау туралы судьяның анықтамасын;

      2) егер сот құқық иеленушінің құқығы бұзылды деп белгілемеген жағдайда, - осы бапқа сәйкес тауарларды шығару мерзімін тоқтата тұру нәтижесінде декларантқа, меншік иесіне, зияткерлік меншік объектілері бар тауарларды алушыға келтірген мүліктік зиянды (шығынды) өтеу туралы міндеттемесін;

      3) уәкілетті органға құқық иеленуші көрсетілген тауарларды осы Кодекстің 460-бабында белгіленген тәртіпке сәйкес зияткерлік меншiк объектілерінің кедендік тізіліміне енгізу туралы өтінішін растайтын жазбаша дәлелдемелерін табыс етуге міндетті.

      Бұл жағдайда құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлға тауарларды шығару мерзімінің алғашқы тоқтатылған күнінен бастап, он жұмыс күніне дейін кеден органына осы тармақта көрсетілген құжаттарды табыс етпесе, тауарларды шығару мерзімі жаңғыртылады.

      Бұл ретте тауарлардың шығарылуын он жұмыс күніне дейін тоқтата тұру нәтижесінде декларантқа, меншік иесіне, зияткерлік меншік объектілері бар тауарларды алушыға келтірген мүліктік зиянды (шығынды) құқық иеленуші өтейді.

      6. Құқық иеленушінің және (немесе) оның мүддесін немесе бірнеше құқық иеленушінің мүддесін білдіретін тұлға осы баптың 5-тармағында белгіленген құжаттарды табыс еткеннен кейін тауарларды шығарудың тоқтата тұру мерзімі, сондай-ақ көрсетілген тауарларды уақытша сақтау мерзімі құқық иеленушінің талап қоюы бойынша соттың шешімі заңды күшіне енгенге дейін ұзартылады.

      7. Тауарлардың шығарылуын осы бапқа сәйкес тоқтата тұру нәтижесінде декларантқа, меншік иесіне, зияткерлік меншік объектілері бар тауарларды алушыға келтірген мүліктік зиянды (шығынды), егер сот құқық иеленушінің құқығын бұзушылықты белгілемеген жағдайда құқық иеленуші өтейді.


      200-бап. Кеден органдарының зияткерлік меншік объектілеріне құқықтарды қорғауына қатысты қосымша ережелер

      Кеден органдары сот шешіміне сәйкес жойылуға жататын зияткерлік меншік құқықтары бұзылған тауарларды Қазақстан Республикасының тиісті уәкілетті мемлекеттік органына беруге міндетті.

      Зияткерлік меншік құқықтары бұзылған тауарларды жою мәселесі бойынша сот шешімі шығарылған жағдайда Қазақстан Республикасының тиісті уәкілетті мемлекеттік органы Қазақстан Республикасының заңнамалық актілеріне, Қазақстан Республикасы Үкіметінің нормативтік қаулыларына сәйкес оларды жою жөніндегі шараларды дереу қолдануға міндетті.


      201-бап. Тауарларды шығарудан бас тарту және тауарларды шығарудан бас тартуға байланысты кедендік операциялар жасасу тәртібі

      1. Кеден органына мына негіздер бойынша:

      1) кеден органы тауарларды шығарған кездегі шарттардың, оның ішінде осы Кодекстің 194, 195, 196 және 197-баптарында көзделген, сондай-ақ жеке басы үшін пайдаланатын тауарларға, халықаралық тасымалдаудың көлік құралдарына және керек-жарақтарға қатысты шарттардың орындалмауы;

      2) кеден органының осы Кодекстің 183-бабының 2-тармағында қарстырылған жағдайда кеден декларациясында мәлімделген мәліметтерді өзгерту (толықтыру) туралы талаптарының орындалмауы;

      3) осы Кодекстің 185-бабының 7-тармағында көзделген міндеттер алдын ала кедендік декларациялау басталған кезде;

      4) мерзімді кедендік декларациялау кезінде осы Кодекстің 187-бабының 1 және 2-тармақтарында көзделген осындай кедендік декларациялау ерекшеліктері сақталмағанда және (немесе) декларанттың кедендік төлемдерді, арнайы, демпингке қарсы және өтемақы баждарды, пайыздарды және (немесе) өсімпұлдарды төлеу жөніндегі міндетін белгіленген мерзімде орындамауы болғанда;

      5) кеден органының талап етуі бойынша тауарларды осы Кодекстің 193-бабының 3 және 6-тармақтарында белгіленген тауарларды шығару мерзімдері шегінде бермеуі;

      6) осы Кодекстің 198-бабының 6 және 11-тармақтарында көзделген жағдайларда тауарларды шығару мерзімінің жаңартылмауы;

      7) осы Кодекстің 410-бабының 2 және 7-тармақтарында қарастырылған талаптардың орындалмауы;

      8) жолаушы кедендік декларациясында мәлімделген тауарлардың осы Кодекстің 339-бабының 4-тармағына сәйкес жеке басы үшін пайдаланатын тауарларға жатқызылмауы;

      9)  мынадай:

      әкімшілік немесе қылмыстық іс қозғауға негіз болып табылмайтын анықталған бұзушылықтар жойылған,

      анықталған бұзушылықтар жойылған және декларацияланған тауарлар алып қойылмаған және оларға Қазақстан Республикасының заңнамасына сәйкес тыйым салынбаған;

      декларантқа қатысты банкроттық туралы іс қозғау жағдайларын қоспағанда, кеден органдары кедендік бақылауды жүргізген кезінде Еуразиялық экономикалық одақтың және (немесе) Қазақстан Республикасының кеден және өзге де заңнамаларын бұзушылықты анықтау негіздері бойынша тауарларды шығарудан бас тартады.

      2. Тауарларды шығарудан бас тарту электрондық құжатты қалыптастыру жолымен не қағаз тасығыштағы кедендік декларацияға немесе қағаз тасығышта берілген тауарларға декларациялар берілгенге дейін тауарларды шығару туралы өтінішке тиісті белгілер қою жолымен кеден органының ақпараттық жүйесін пайдалана отырып ресімделеді. Тауарларды шығарудан бас тартуды ресімдеу кезінде осындай бас тарту үшін негіз болып табылатын барлық себептер көрсетіледі.

      3. Тауарларды шығарудан бас тартуға байланысты операцияларды кеден органы Комиссия айқындаған тәртіппен, тауарларды шығару мерзімі өткенге дейін жасайды.


      202-бап. Шартты түрде шығарылған тауарлар

      1. Ішкі тұтыну үшін кедендік шығару рәсімімен орналастырылған тауарлар, оларға қатысты:

      1) кедендік әкелу баждарын, салықтарды төлеу жөніндегі тауарларды пайдалану және (немесе) оларға иелік ету жөніндегі шектеулермен байланысты жеңілдіктер қолданылған;

      2) Одақ туралы шартқа және (немесе) Қазақстан Республикасының заңнамасына сәйкес тыйым салулар мен шектеулерді сақтау тауарды шығарғаннан кейін расталуы мүмкін;

      3)  Еуразиялық экономикалық одақтың шеңберіндегі халықаралық шарттарға немесе Еуразиялық экономикалық одаққа кіру туралы халықаралық шарттарға сәйкес (Еуразиялық экономикалық одақ туралы шартқа мемлекеттің қосылуы туралы халықаралық шарттар) (бұдан әрі – Еуразиялық экономикалық одаққа кіру туралы халықаралық шарттар) Еуразиялық экономикалық одақтың Бірыңғай кедендік тарифінде белгіленгенге қарағанда кедендік әкелу баждарының неғұрлым төмен мөлшерлемелері қолданылған болса, шартты түрде шығарылған деп саналады.

      2. Осы баптың 1-тармағының 1) тармақшасында көрсетілген шартты шығарылған тауарларға қатысты кедендік әкелу баждарын төлеу жөніндегі жеңілдіктерді ұсыну мақсаттары және шарттары, сондай-ақ осы жеңілдіктерді пайдаланумен байланысты осындай тауарларды пайдалану және (немесе) иелену бойынша шектеулер сақталуы қажет.

      Осы Кодекстің 40-тарауына сәйкес халықаралық тасымалдау көлік құралы ретінде, көлік құралы болып табылатын, осы баптың 1-тармағының 1) тармақшасында көрсетілген шартты түрінде шығарылған тауарларды, бұл пайдалану кедендік әкелу баждарын, салықтарды төлеу жөніндегі жеңілдіктерді ұсыну мақсаттары мен шарттарын бұзбайтын болса, сондай-ақ осындай жеңілдіктерді пайдаланумен байланысты осындай тауарларды пайдалану және (немесе) иелену бойынша белгіленген шектеулерді сақтамауға әкеп соқпаса пайдалануға болады.

      3. Шартты түрде шығаруға рұқсат етілмейтін тауарлардың тізбесін Қазақстан Республикасының Үкіметі белгілейді.

      Көрсетілген тізбе уақытша немесе тұрақты негізде айқындалуы мүмкін.

      4. Осы баптың 1-тармағының 1) тармақшасында көрсетілген, арнайы инвестициялық келісімшарттарды іске асыру шеңберінде Кеден одағының кедендік аумағына әкелінген тауарлар оларды нысаналы пайдалану тоқтатылған кезге дейін шартты түрде шығарылған болып есептеледі.

      Мерзімдерін қоса алғанда, осындай тауарларды нысаналы пайдалануды тану тәртібін кеден ісі саласындағы уәкілетті органмен келісу бойынша индустрия және индустриялық-инновациялық даму және агроөнеркәсіптік кешенді дамыту салаларындағы Қазақстан Республикасының уәкілетті органдары айқындайды.

      5. Осы баптың 1-тармағының 2) тармақшасында көрсетілген шартты шығарылған тауарларды үшінші тұлғаға, оның ішінде оларды сату немесе өзге де тәсілдермен иеліктен айыру арқылы беруге тыйым салынады, ал осы тауарлардың қауіпсіздігін тексерумен байланысты Еуразиялық экономикалық одақтың кедендік аумағына көрсетілген тауарларды әкелуге шектеу белгіленген жағдайда, – оларды кез-келген нысанда қолдануға (пайдалануға, тұтынуға) тыйым салынады.

      6.  Егер Еуразиялық экономикалық одақтың шеңберіндегі халықаралық шарттарда немесе Еуразиялық экономикалық одаққа қосылу туралы халықаралық шарттарда өзгеше белгіленбесе, оларды шығаруды жүргізген кеден органы осы баптың 1-тармағының 3) тармақшасында көрсетілген, шартты түрде шығарылған тауарларды Еуразиялық экономикалық одаққа мүше мемлекеттің аумағы шегінде ғана пайдалануы мүмкін.

      7. Осы баптың 1-тармағының 1) тармақшасында көрсетілген тауарлар олар Еуразиялық экономикалық одақтың тауарлары мәртебесін алғанға дейін олар:

      1) осы Кодекстің 256-бабының 3-тармағына сәйкес кедендік аумақтан тыс қайта өңдеу кедендік рәсімімен;

      2) осы Кодекстің 264-бабына сәйкес не осы Кодекстің 360-бабының 3-тармағының екінші абзацында көзделген жағдайда кедендік аумақтан тыс қайта өңдеу кедендік рәсімі қолданысын аяқтау үшін ішкі тұтыну үшін шығару кедендік рәсімімен орналастырылған кезде осы бапқа сәйкес шартты түрде шығарылған болып қалады.

      8. Шартты түрде шығарылған тауарлар шетелдік тауарлар мәртебесіне ие болады және мұндай тауарлар Еуразиялық экономикалық одақтың тауарлары мәртебесін алғанға дейін кедендік бақылауда болады.

      9. Шартты түрде шығарылған тауарлар:

      1) осы баптың 1-тармағының 1) тармақшасында көрсетілген тауарларға қатысты – кедендік әкелу баждарды, салықтарды төлеу жөніндегі міндет тоқтатылғаннан кейін Еуразиялық экономикалық одақтың тауарлары мәртебесін алады. Бұл ретте осы баптың 3-тармағында көрсетілген тауарларға қатысты мұндай тауарлар олардың мақсатты пайдаланылуы тоқталыған кезден бастап Еуразиялық экономикалық одақтың тауарлары мәртебесін алады.

      2) осы баптың 1-тармағы 2) тармақшасында көрсетілген, тауарларға қатысты – тыйым салулар мен шектеулердің сақталуы расталғаннан;

      3) егер Еуразиялық экономикалық одақтың шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес кедендік әкелу бажын осындай мөлшерде төлеу не осы Кодекстің 216-бабының 6-тармағында көзделген өзге де мән-жайлардың басталуына байланысты кедендік әкелу баждарын төлеу жөніндегі міндетті тоқтату көзделсе, – осы баптың 1-тармағының 3) тармақшасында көрсетілген тауарларға қатысты кедендік әкелу баждарын төлеу жөніндегі және (немесе) оларды Еуразиялық экономикалық одақтың Бірыңғай кедендік тарифімен белгіленген, кедендік әкелу баждарының мөлшерлемелері бойынша есептелген кедендік әкелу баждары сомасының және тауарларды шығару кезінде төленген кедендік әкелу баждары сомасының айырмасы мөлшерінде не Еуразиялық экономикалық одақтың шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес белгіленген өзге мөлшерде өндіріп алу бойынша міндетті орындағаннан кейін Еуразиялық экономикалық одақтың тауарлары мәртебесін алады.

      10. Еуразиялық экономикалық одақтың тауарлары мәртебесін алу үшін шартты түрде шығарылған тауарлар ішкі тұтыну үшін шығару кедендік рәсімімен қайтадан орналастыруға жатпайды.

      Осы баптың 9-тармағының 2) тармақшасында көрсетілген жағдайда, тауарлар шығарылғаннан кейінгі тиым салулар мен шектеулердің сақталуын растау тәртібі мен мерзімін техникалық реттеу, қоғамдық денсаулық қорғау және кеден ісісаласындағы уәкілетті органның бірлескен бұйрығымен бекітіледі.


      203-бап. Жер қойнауын пайдалану саласында (отын-энергетикалық сектор) шартты түрде шығарылған тауарлармен операциялар жасаудың ерекшеліктері

      1. Жер қойнауын пайдалануға келісімшарттар шеңберінде кедендік баждарды, салықтарды төлеуден босатыла отырып, ішкі тұтынуға шығару үшін кедендік рәсімі мен орналастырылған тауарларға қатысты осындай тауарларды табиғи және техногендік сипаттағы төтенше жағдайлардың алдын алу және (немесе) және олардың салдарларын жою жөніндегі іс-шараларда, сондай-ақ оларға дайындықты (оқу-жаттығуларда, жаттығуларда) арттыру жөніндегі іс-шараларда пайдалануға жол беріледі.

      2. Жер қойнауын пайдалануға арналған келісімшарттар шеңберінде кедендік баждарды, салықтарды төлеуден босатыла отырып, ішкі тұтыну үшін кедендік рәсіміне орналастырылған тауарлар, осы баптың 1-тармағында көрсетілген операцияларды жасау үшін мынадай шарттар сақталған:

      1) азаматтық қорғау саласындағы уәкілетті органның ведомствосының аумақтық бөлімшесінің және жергілікті атқарушы органның, осы баптың 1-тармағында көрсетілген мақсаттар үшін тауарлардың қажеттілгін жазбаша растауын ұсынған;

      2) осы баптың 1-тармағында көрсетілген мақсаттар үшін атауын және мөлшерін қамтитын тауарлардың тізбесін қоса, осындай тауарларды беру туралы декларанттың жазбаша хабарламаларын ұсынған кезде декларант сұрау салушы тұлғаға көмек көрсету үшін пайдалануы және (немесе) сұрау салушы тұлғаға уақытша пайдалануға беруі мүмкін.

      3. Табиғи және техногендік сипаттағы төтенше жағдайлардың және олардың салдарлары туындаған жағдайда азаматтық қорғау саласындағы уәкілетті орган ведомствосының аумақтық бөлімшесінің және жергілікті атқарушы органның сұрау салуларына жедел ден қою мақсатында, осы баптың 2-тармағында көрсетілген құжаттар төтенше жағдайлар мен табиғи және техногендік сипаттағы және олардың салдарын жою жөніндегі іс-шаралар аяқталған күннен бастап бес жұмыс күні ішінде кеден органына ұсынылады.

      4. Осы баптың 1-тармағында көрсетілген тауарларды сұрау салушы тұлғаға жәрдемдеу үшін және (немесе) уақытша пайдалануға беруді декларанттың пайдалануы, осы бапта көзделген жағдайларда, осындай жеңілдіктерді қолданумен байланысты осы тауарларды пайдалану бойынша кедендік әкелу баждарын, салықтарды төлеу және (немесе) шектеулер жеңілдіктерді беру мақсаттары мен шарттарын бұзу болып табылмайды.

      5. Осы баптың 1-тармағында көрсетілген тауарларды сұрау салушы тұлғаға жәрдемдеу үшін және (немесе) уақытша пайдалануға беруді декларанттың пайдалану мерзімі осы баптың мақсаттары үшін мұндай тауарларды тасымалдаудыескере отырып, осы баптың 1-тармағында көзделген іс-шаралардың мерзімінен аспауы тиіс.

20-тарау. Тауарларды және (немесе) көлік құралдарын мемлекет меншігіне айналдыру

      204-бап. Тауарларды және (немесе) көлік құралдарын мемлекет меншігіне айналдыру

      Тауарлар және (немесе) көлік құралдары:

      1) тауарларды және (немесе) көлік құралдарын кеден ісі саласындағы құқық бұзушылықтар бойынша тәркілеу туралы сот шешімінің;

      2) мемлекеттің пайдасына бас тарту кедендік рәсімімен орналастырылған тауарларға қатысты тауарларға арналған декларацияның және осындай тауарларды қабылдап алу-беру актісінің негізінде мемлекет меншігіне айналдырылады.


      205-бап. Тауарларды және (немесе) көлік құралдарын сот шешімі бойынша мемлекет меншігіне айналдыру тәртібі

      1. Тауарлар және (немесе) көлік құралдары тауарларды және (немесе) көлік құралдарын тәркілеу туралы сот шешімі заңды күшіне енген күннен бастап мемлекет меншігіне айналады.

      2. Кеден органы сот шешімінің негізінде қабылдап алу-беру актісі бойынша тәркіленген тауарларды және (немесе) көлік құралдарын Қазақстан Республикасының заңнамасына сәйкес Қазақстан Республикасының тиісті уәкілетті мемлекеттік органына береді.

      3. Сот шешімі бойынша мемлекет меншігіне айналдырылған тауарлар және (немесе) көлік құралдары Еуразиялық экономикалық одақтың тауарлар мәртебесін алады.


      206-бап. Мемлекеттің пайдасына бас тарту кедендік рәсімімен орналастырылған тауарларды мемлекет меншігіне айналдыру тәртібі

      Қазақстан Республикасының заңнамасына сәйкес декларант Қазақстан Республикасының тиісті уәкілетті мемлекеттік органына тауарларға арналған декларация және қабылдап алу-беру актісі бойынша тауарларды берген күннен бастап мемлекеттің пайдасына бас тарту кедендік рәсімімен орналастырылған тауарлар мемлекет меншігіне айналады.

4-БӨЛІМ. КЕДЕНДІК РӘСІМДЕР 21-тарау. Кедендік рәсімдер туралы жалпы ережелер

      207-бап. Кедендік рәсімдерді қолдану

      1. Еуразиялық экономикалық одақтың кедендік шекарасы арқылы өткізілетін тауарлар және өзге де тауарлар, осы Кодексте белгіленген жағдайларда, Еуразиялық экономикалық одақтың кедендік аумағында болуы және пайдалану, Еуразиялық экономикалық одақтың кедендік аумағынан әкету және (немесе) Еуразиялық экономикалық одақтың кедендік аумағынан тысқары жерлерде болуы және пайдалану үшін, осы Кодексте өзгеше белгіленбеса, кедендік рәсімдермен орналастыруға жатады.

      2. Еуразиялық экономикалық одақтың кедендік аумағында тауарлардың болуы және пайдалану, оларды Еуразиялық экономикалық одақтың кедендік аумағынан әкету және (немесе) Еуразиялық экономикалық одақтың кедендік аумағынан тысқары жерлерде болуы және пайдалану мақсатына байланысты тауарларға қатысты мынадай:

      1) ішкі тұтыну үшін шығару;

      2) экспорт;

      3) кедендік транзит;

      4) кедендік қойма;

      5) кедендік аумақта қайта өңдеу;

      6) кедендік аумақтан тыс қайта өңдеу;

      7) ішкі тұтыну үшін қайта өңдеу;

      8) еркін кедендік аймақ;

      9) еркін қойма;

      10) уақытша әкелу (жіберу);

      11) уақытша әкету;

      12) кері импорт;

      13) кері экспорт;

      14) бажсыз сауда;

      15) жою;

      16) мемлекет пайдасына бас тарту кедендік рәсімдері;

      17) арнайы кедендік рәсім қолданылады.

      3. Кедендік рәсіммен орналастырылған тауарлар өзге кедендік рәсімдермен, не осындай кедендік рәсіммен:

      1) тауарлар орналастырылған кедендік рәсімнің қолданысын аяқтау үшін;

      2) тауарлар орналастырылған кедендік рәсімнің қолданысын тоқтата тұру үшін;

      3) Еуразиялық экономикалық одақтың кедендік аумағы бойынша тауарларды тасымалдау (тасу) үшін және (немесе) Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне Еуразиялық экономикалық одаққа мүше болып табылмайтын мемлекеттердің аумағы және (немесе) осы Кодекске сәйкес теңіз арқылы тасымалдау үшін орналастырылуы мүмкін.

      4. Тауарларды кедендік рәсімдермен орналастыру шарттарын, оларды осындай кедендік рәсімдермен орналастырғаннан кейін кедендік рәсімдерге сәйкес тауарларды пайдалану шарттары мен тәртібін, кедендік рәсімдердің қолданысын аяқтау, тоқтату, тоқтата тұру және жаңғырту тәртібін, сондай-ақ кедендік баждарды, салықтарды, арнайы, демпингке қарсы, өтем баждарды оларды есептеу және төлеу жөніндегі міндеттердің туындау және тоқтатылу мән-жайын, кедендік рәсімдермен орналастырылатын (орналастырылған) тауарларға, не кедендік рәсімді қолдану шеңберінде алынған (қалыптасқан), жасалған (алынған) тауарларға қатысты оларды төлеу мерзімін және (немесе) ерекшеліктерін қоса, кедендік рәсімдердің мазмұны және кедендік рәсімдерді қолдану тәртібін реттейтін ережелер осы бөлімнің тиісті тарауларында, ал осы Кодексте көзделген жағдайларда, – Комиссия, Қазақстан Республикасының кеден және өзге заңнамасында айқындалады.


      208-бап. Тауарларды кедендік рәсіммен орналастыру

      1. Осы Кодекстің 149-бабында көрсетілген тұлғалар, осы Кодексте көзделген кедендік рәсімдерді, тауарларды кедендік декларациялау кезінде оны мәлімдеу жолымен не тауарға арналған декларацияны бергенге дейін тауарларды шығаруға мәлімдеген кезде не порттық АЭА немесе логистикалық АЭА аумағына тауарларды әкелу жолымен таңдауға құқылы.

      2. Кедендік рәсіммен тауарларды орналастыру, егер осы Кодексте өзгеше белгіленбесе, кеден органына кедендік декларацияны немесе тауарға арналған декларацияны бергенге дейін тауарлар шығару туралы өтінішті берген кезден бастап басталады және осы Кодекстің 284-бабының 1-тармағында көзделген жағдайды қоспағанда, тауарларды шығарумен аяқталады.

      3. Тауарларды мәлімделген кедендік рәсіммен орналастыру шарттарын сақтауды растау бойынша міндеттеме декларантқа жүктеледі.

      4. , осы Кодекстің 284-бабы 1-тармағында көзделген жағдайды қоспағанда, тауарлар шығарылған Тауарларды кедендік рәсіммен орналастыру күні болып күн саналады.

      5. Санитариялық-карантиндік, ветеринариялық, карантиндік фитосанитариялық және басқа да мемлекеттік бақылау (қадағалау) түрлеріне жататын тауарлар мемлекеттік бақылаудың (қадағалаудың) тиісті түрі жүзеге асырылғаннан кейін ғана кедендік рәсіммен орналастырылады.

      6. Егер тарифтік емес реттеу шараларын енгізу кезінде, оларға қатысты осындай шара енгізілетін тауарларды орналастыруға жол берілмейтін кедендік рәсімдер айқындалса, онда көрсетілген тауарлар осы бөлімнің ережелеріне қарамастан мұндай кедендік рәсімдермен орналастыруға жатпайды.


      209-бап. Кедендік рәсімнің қолданысын аяқтау, тоқтату, тоқтата тұру және жаңғырту

      1.  Осы Кодексте, ал егер бұл осы Кодексте көзделген жағдайларда, – Комиссия белгіленген тәртіппен және мерзімдерде кедендік рәсімдердің қолданысы аяқталуға жатады.

      2. Кедендік рәсімнің қолданысы, егер осы кедендік рәсіммен орналастыру үшін берілген кедендік декларацияны кеден органы кедендік рәсімнің қолданысын аяқтау үшін көзделген мерзімде тіркеген жағдайда, кеден органы мәлімделген кедендік рәсімге сәйкес тауарлар шығарудан бас тартқан не кедендік декларация осы Кодекстің 184-бабына сәйкес кері қайтарылған жағдайды қоспағанда, кеден органы белгілеген кедендік рәсім қолданысының мерзімі өткенге дейін аяқталған болып саналады.

      3. Кедендік рәсіммен орналастырылған тауарлардың декларанты болып табылатын тұлғалар ерікті түрде таратылған жағдайда, осындай тұлға Қазақстан Республикасының кеден заңнамасында немесе Комиссия көздеген тиісті кедендік рәсімнің қолданыс мерзімі өткенге дейін кедендік рәсімді аяқтау бойынша шараларды қабылдауға міндетті.

      Кедендік рәсіммен орналастырылған тауарлардың декларанты болып табылатын тұлғалар мәжбүрлі түрде таратылған жағдайда, кедендік рәсімді аяқтау бойынша міндет Қазақстан Республикасының азаматтық заңнамасына сәйкес тәртіпте және мерзімде тарату комиссиясына жүктеледі, бірақ Қазақстан Республикасының кеден заңнамасында немесе Комиссия көздеген тиісті кедендік рәсімнің қолданыс мерзімінің өтуінен кеш емес.

      Кедендік рәсіммен орналастырылған тауарлардың декларанты болып табылатын тұлғалар банкрот болған жағдайда, кедендік рәсімді аяқтау бойынша міндет Қазақстан Республикасының кеден заңнамасында немесе Комиссия көздеген тиісті кедендік рәсім қолданысының өтуінен кеш емес мерзімде оңалту және банкрот туралы заңнамада белгіленген тәртіпте әкімшіге жүктеледі.

      Осы тармақтың екінші, үшінші абзацтарында көрсетілген міндеттерді, осы тармақтың екінші, үшінші абзацтарына сәйкес мерзімде тұлғалар орындамаған кезде осы Кодекстің 52-тарауына сәйкес кеден органы аяқтауға жататын кедендік рәсіммен орналастырылған тауарларды кідіртеді.

      4. Кедендік рәсімдердің қолданысы, егер бұл осы Кодексте көзделген жағдайларда, – осы Кодексте Комиссия белгіленген тәртіппен және мерзімдерде тоқтатылады.

      5. Осы Кодекспен көзделген жағдайларда, қолданысы тоқтатылған кедендік рәсіммен орналастырылған тауарларды, сондай-ақ осындай кедендік рәсімдерді қолдану шеңберінде алынған (туындаған), жасалған (алынған) тауарларды кеден органдары осы Кодекстің 52-тарауына сәйкес кідіртеді.

      6. Қолданысы тоқтатылған кедендік рәсіммен орналастырылған тауарлар, сондай-ақ осындай кедендік рәсімдерді қолдану шеңберінде алынған (туындаған), жасалған (алынған), кеден органдары осы баптың 5-тармағына сәйкес кідіртпеген тауарлар, осы Кодекстің 17-тарауына сәйкес уақытша сақтауға орналастыруға жатады.

      7. Еуразиялық экономикалық одақтың кедендік аумағында тұрған, оларға қатысты кедендік рәсім қолданысы тоқтатылған шетелдік тауарлар, Еуразиялық экономикалық одақтың кедендік аумағында одан әрі болуы және пайдалану не Еуразиялық экономикалық одақтың кедендік аумағынан әкету үшін осы Кодекспен көзделген жағдайларды қоспағанда, шетелдік тауарларға қатысты қолданылатын кедендік рәсімдермен орналастыруға жатады. Қолданысы тоқтатылған кедендік рәсімдерді қолдану шеңберінде алынған (пайда болған), жасалған (алынған) тауарлар, одан әрі Еуразиялық экономикалық одақтың кедендік аумағында болуы және пайдаланылуы, Еуразиялық экономикалық одақтың кедендік аумағынан әкету немесе осындай аумаққа әкелу үшін осы Кодексте көзделген жағдайларды қоспағанда, олардың кедендік рәсімдердің қолданысы кезеңінде алған мәртебесіне байланысты осы тауарларға қатысты қолданылатын кедендік рәсімдермен орналастырылуға жатады.

      Еуразиялық экономикалық одақтың кедендік аумағынан тысқары жерлерде тұрған, оларға қатысты кедендік рәсімнің қолданысы тоқтатылған тауарлар одан әрі Еуразиялық экономикалық одақтың кедендік аумағынан тысқары жерлерде болуы үшін Еуразиялық экономикалық одақтың тауарларына қатысты қолданылатын кедендік рәсімдермен, ал Еуразиялық экономикалық одақтың кедендік аумағына әкелу үшін – шетелдік тауарларға қатысты қолданылатын кедендік рәсімдермен орналастырылуға жатады.

      8. Осы баптың 7-тармағына сәйкес кедендік рәсіммен тауарларды орналастыру кезінде осындай тауарларға қатысты кедендік рәсім қолданысы тоқтатылғаннан кейін осы Кодекстің 307-бабында көзделген ерекшеліктерді қоспағанда, тиісті кедендік рәсімдер қолданысын аяқтау үшін тауарларды кедендік рәсімдермен орналастыру кезінде қолданылатын осы Кодексте көзделген кедендік баждарды, салықтарды, арнайы, демпингке қарсы, өтем баждарын есептеу және төлеу ерекшеліктері есепке алынбастан, осы Кодекстің ережелері қолданылады.

      9. Кедендік рәсімнің қолданысы кедендік рәсіммен орналастырылған тауарларды не кедендік рәсіммен осындай тауарларды қайта өңдеу өнімдерін орналастыру жолымен, сондай-ақ осы Кодекстің 213-бабының 1-тармағында көзделген жағдайда тоқтатыла тұруы мүмкін.

      Өзге кедендік рәсімдер қолданысын тоқтата тұру үшін қолданылатын кедендік рәсімдер, сондай-ақ кедендік рәсімнің қолданысы тоқтатыла тұруы мүмкін жағдайлар, осы Кодексте, ал егер бұл осы Кодексте көзделген болса, – Комиссия айқындайды.

      Белгіленген жағдайларда кедендік рәсімдердің қолданысын тоқтата тұру және жаңғырту тәртібін Комиссия айқындайды.


      210-бап. Кедендік рәсімдердің қолданылу мерзімдерін ұзарту

      1. Кеден органы белгілеген кедендік рәсімдердің қолданылу мерзімін кеден органы ол аяқталғанға дейін, ал осы Кодекстің 245-бабы 3-тармағына, 258-бабының 3-тармағына және 270-бабының 3-тармағына сәйкес осы Кодексте көзделген жағдайларда, – осы Кодексте көзделген кедендік рәсімдердің қолданылу мерзімдері немесе осы Кодекске сәйкес Комиссия айқындаған кедендік рәсімдердің қолданылу мерзімдері шегінде ол аяқталғаннан кейін ұзартады.

      2. Кеден органы белгілеген кедендік рәсімдердің қолданылу мерзімін ұзарту тәртібі осы бөлімнің тиісті тарауында белгіленеді.


      211-бап. Ішкі нарықты арнайы, демпингке қарсы, өтемдік баждарға қарағанда өзге түрде белгіленген қорғау шараларын сақтау және (немесе) Одақ туралы шарттың 50-бабына сәйкес белгіленген кедендік рәсіммен тауарларды орналастыру кезіндегі өзге де баждар

      Ішкі нарықты арнайы, демпингке қарсы, өтемдік баждарға қарағанда өзге түрде белгіленген қорғау шараларын сақтау және (немесе) Одақ туралы шарттың 50-бабына сәйкес белгіленген кедендік рәсіммен тауарларды орналастыру кезіндегі өзге де баждар тауарларды кедендік рәсімдермен орналастыру кезінде расталады, олармен орналастыру жағдайларын, егер осы Кодекспен, Одақ туралы шартпен немесе осындай шараларды енгізетін Комиссия актілерімен өзгеше көзделмесе, осындай шараларды сақтау көзделеді.


      212-бап. Мәлімделген кедендік рәсімге сәйкес тауарларды пайдалану шарттарын сақтау

      1. Тауарларды кедендік рәсіммен орналастырғаннан кейін сақталуға жататын мәлімделген кедендік рәсімге сәйкес тауарларды пайдалану шарттарын сақтау бойынша міндеттеме декларантқа, сондай-ақ осы Кодекске сәйкес өзге тұлғаларға жүктеледі.

      2. Осы баптың 1-тармағында көзделген тұлғалар мәлімделген кедендік рәсімге сәйкес тауарларды пайдалану шарттарын бұзғаны үшін Қазақстан Республикасының заңнамасында белгіленген жауапкершілікте болады.

      Тұлғалар, кедендік рәсімнің шарттары мен талаптары кедендік бақылаудағы тауарлар шығарылғанға дейін не олар Қазақстан Республикасының аумағынан тысқары жерлерге іс жүзінде әкетілгенге дейін аварияның не еңсерілмейтін күштің әсері салдарынан біржола жоғалуы, зақымдануы немесе жойылуы салдарынан сақталмаған, сондай-ақ көрсетілген тауарлардың саны немесе жай-күйі тасымалдаудың, көлікпен тасудың, сақтаудың және қолданудың (пайдаланудың) қалыпты жағдайлары кезінде олардың табиғи тозуының немесе табиғи кемуінің салдарынан өзгерген жағдайларда, жауапты болмайды.

      3. Тұлғалар Еуразиялыө экономикалық одақтың кедендік аумағынан тысқары жерлерге қайта өңдеу үшін әкетілген тауарларға немесе олардың қайта өңдеу өнімдеріне қатысты:

      1) тауарлардың немесе олардың қайта өңделген өнімдерінің аварияның немесе еңсерілмейтін күштің әсері салдарынан біржола жоғалуы немесе жойылуы себепті қайтарылмаған;

      2) тауарлар немесе олардың қайта өңделген өнімдерінің саны тасымалдаудың, сақтаудың және қолданудың (пайдаланудың) қалыпты жағдайлары кезінде олардың табиғи тозуының немесе табиғи кемуінің салдарынан өзгерген;

      3) тауарлар немесе олардың қайта өңделген өнімдері мемлекеттік органдардың немесе шет мемлекеттің лауазымды адамдарының іс-әрекеттері салдарынан иеліктен шыққан жағдайларда жауапты болмайды.

      4. Тауарлардың біржола жоғалуына, зақымдануы немесе жойылуына, олардың саны мен жай-күйінің өзгеруіне әкеп соққан мән-жайларды растау міндеті осы бөлімде айқындалған тұлғаларға жүктеледі. Шет мемлекеттердің аумағында болған мән-жайларды Қазақстан Республикасының дипломатиялық өкілдіктері немесе консулдық мекемелері, сондай-ақ жоғарыда аталған мән-жайлар болған мемлекеттің құзыретті органдары растайды.


      213-бап. Кедендік рәсіммен орналастырылған тауарларды алып қою (тыйым салу), тәркілеу немесе мемлекет меншігіне айналдыру салдарлары, белгіленген мерзімде кедендік рәсімді аяқтамау

      1. Кедендік рәсіммен орналастырылған тауарларды алып қойған не осындай тауарларға тыйым салынған жағдайда Қазақстан Республикасының заңнамасына сәйкес бұл тауарларға қатысты кедендік рәсім қолданысы тоқтатыла тұрады.

      2. Егер тауарларды алып қоюды жою не оларға тыйым салуды жою туралы шешім қабылданған жағдайда, кедендік рәсім қолданысы осындай шешім заңды күшіне енген күннен кейінгі күннен бастап немесе осындай шешімде көрсетілген күннен бастап жаңғыртылады.

      3. Кедендік рәсім қолданысын жаңғыртқан кезде осы бөлімге сәйкес есептеу және төлеу көзделген пайыздар кедендік рәсім қолданысы тоқтатыла тұрған кезеңде есептелмейді және төленбейді.

      4. Кедендік рәсіммен орналастырылған тауарлар соттың шешімі бойынша тәркіленген немесе мемлекеттің меншігіне айналдырылған кезде бұл тауарларға қатысты кедендік рәсім қолданысы тоқтатылады.

      5. Егер Қазақстан Республикасының заңдарына сәйкес тұлғаны әкімшілік немесе қылмыстық жауапкершілікке тарту олардың тауарларды кедендік рәсімге сәйкес пайдалану жағдайларын сақтамауына байланысты болса және жол берілген сақтамау осы кедендік рәсімді одан әрі қолдануға мүмкіндіктің болмауына әкеп соқса, кедендік рәсім қолданысы тұлғаны жауапкершілікке тарту жөніндегі тиісті шешім күшіне енген күннен кейінгі күннен бастап күнтізбелік он бес күн ішінде аяқталуы тиіс.

      Кедендік рәсім қолданысы осы тармақтың бірінші абзацында көрсетілген мерзімде аяқталмаған кезде кедендік рәсім қолданысы тоқтатылады, ал тауарларды осы Кодекстің 52-тарауына сәйкес кеден органдары кідіртеді.

22-тарау. Ішкі тұтыну үшін шығару кедендік рәсімі

      214-бап. Ішкі тұтыну үшін шығару кедендік рәсімінің мазмұны мен қолданылуы

      1. Ішкі тұтыну үшін шығару кедендік рәсімі – шетел тауарларына қатысты қолданылатын кедендік рәсім, оған сәйкес тауарлар Еуразиялық экономикалық одақтың кеден аумағында, осы Кодексте өзгеше белгіленбесе, шетел тауарларына қатысты Еуразиялық экономикалық одақтың кеден заңнамасында көзделген иелену, пайдалану және (немесе) билік ету бойынша шектеусіз орналасады және пайдаланылады.

      2. Ішкі тұтыну үшін шығару кедендік рәсімімен орналастырылған тауарлар осы Кодекстің 202-бабының 1-тармағында көрсетілген, шартты түрде шығарылған тауарларды қоспағанда, Еуразиялық экономикалық одақ тауарлары мәртебесін алады.

      3.  Ішкі тұтыну үшін шығару кедендік рәсімін:

      1) кедендік аумақта кедендік қайта өңдеу кедендік рәсімі қолданылған тауарларды қайта өңдеу өнімдері болып табылатын және кері экспорт кедендік рәсіміне сәйкес Еуразиялық экономикалық одақтың кедендік аумағынан әкетілген тауарларға;

      2) осы Кодекстің 264-бабына сәйкес кедендік аумақтан тыс жерде қайта өңдеу кедендік рәсімінің қолданылуын аяқтау үшін осы Кодекстің 360-бабы 3-тармағының бірінші абзацына сәйкес кедендік аумақтан тыс жерде қайта өңдеу кедендік рәсіміне түскен уақытша әкетілген халықаралық тасымалдаудың көлік құралдарына;

      3) осы Кодекстің 360-бабы 3-тармағының екінші абзацында көзделген жағдайда уақытша әкетілген халықаралық тасымалдаудың көлік құралдарына қатысты қолдануға жол беріледі.


      215-бап. Тауарларды ішкі тұтыну үшін шығару кедендік рәсімімен орналастыру шарттары

      1. Тауарларды ішкі тұтыну үшін шығару кедендік рәсімімен орналастыру шарттары:

      1) осы Кодекске сәйкес кедендік әкелу баждарын, салықтарды төлеу;

      2) осы Кодекске сәйкес арнайы, демпингке қарсы, өтем баждарын төлеу;

      3) осы Кодекстің 8-бабына сәйкес тыйым салулар мен шектеулерді сақтау;

      4) арнайы, демпингке қарсы, өтем баждарына және (немесе) Одақ туралы шарттың 50-бабына сәйкес белгіленген өзге де баждарға қарағанда өзгеше түрде белгіленген ішкі нарықты қорғау шараларын сақтау болып табылады.

      2. Осы Кодекстің 214-бабы 3-тармағының 1) тармақшасында көрсетілген тауарларды ішкі тұтыну үшін шығару кедендік рәсімімен орналастыру шарттары:

      1) тауарларды Еуразиялық экономикалық одақтың кедендік аумағынан нақты әкету күнінен кейінгі күннен бастап үш жыл ішінде ішкі тұтыну үшін шығару кедендік рәсімімен орналастыру;

      2) табиғи тозу салдарынан өзгеруді, сондай-ақ қалыпты тасу (тасымалдау) және (немесе) сақтау жағдайлары кезінде табиғи жойылу салдарынан өзгеруді қоспағанда, тауарларды өзгеріссіз күйде сақтау;

      3) кеден органдарының тауарларды идентификаттау мүмкіндігі;

      4) кеден органына Еуразиялық экономикалық одақтың кедендік аумағынан тауарларды әкетудің мән-жайлары туралы, кедендік және (немесе) өзге де құжаттарды немесе осындай құжаттар туралы мәліметтерді табыс ету расталатын мәліметтерді табыс ету;

      5) осы баптың 1-тармағының 1) және 2) тармақшаларында көзделген шарттарды сақтау болып табылады.


      216-бап. Ішкі тұтыну үшін шығару кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімі

      1. Декларанттың ішкі тұтыну үшін шығару кедендік рәсімімен орналастырылатын тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеті кеден органы тауарларға декларацияны тіркеген кезден бастап туындайды.

      2. Ішкі тұтыну үшін шығару кедендік рәсімімен орналастырылатын, бір алушының мекенжайына бір жөнелтушіден бір көлік (тасымалдау) құжаты бойынша әкелінетін және жалпы кедендік құны екі жүз еуроға балама сомадан, ал егер Комиссия осындай соманың өзгеше мөлшерін белгілеген болса – Комиссия кеден органы тауарларға декларацияны тіркеу күні қолданылатын валюта бағамы бойынша белгілеген сома мөлшерінен аспайтын тауарларға қатысты кедендік әкелу баждарын, салықтарды төлеу жөніндегі міндет туындамайды. Бұл ретте осы тармақтың мақсаты үшін Еуразиялық экономикалық одақтың кедендік аумағына әкелінетін тауарларды келетін орнына дейін тасуға (тасымалдауға) жұмсалатын шығыстар, осындай тауарларды тиеуге, түсіруге немесе қайта тиеуге жұмсалатын шығыстар және мұндай тауарларды осылай тасуға (тасымалдауға), тиеуге, түсіруге немесе қайта тиеуге байланысты сақтандыру шығыстары кеден құнына қосылмайды.

      Осы Кодекстің 279 және 280-баптарында көрсетілген және ішкі тұтыну үшін шығару кедендік рәсімімен орналастырылатын тауарларға қатысты салықтарды, арнайы, демпингке қарсы, өтем баждарын төлеу жөніндегі міндет туындамайды.

      Комиссия осы тармақтың бірінші абзацында көзделген сомаға қарағанда өзгеше сома мөлшерін белгілеуге құқылы, оның шегінде ішкі тұтыну үшін шығару кедендік рәсімімен орналастырылатын, бір жөнелтушіден бір көлік (тасымалдау) құжаты бойынша бір алушының мекенжайына әкелінетін тауарларға қатысты кедендік әкелу баждарын, салықтарды төлеу жөніндегі міндет туындамайды.

      3. Ішкі тұтыну үшін шығару кедендік рәсімімен орналастырылатын тауарларға қатысты декларантта кедендік әкелу баждарын, салықтарды төлеу жөніндегі міндет мынадай мән-жайлар басталған кезде:

      1) тауарларды пайдалану және (немесе) оларға билік ету жөніндегі шектеулермен ұштаспаған кедендік әкелу баждарын, салықтарды төлеу жөніндегі жеңілдіктерді қолдана отырып, осы тауарларды ішкі тұтыну үшін шығару кедендік рәсіміне сәйкес шығарғанда;

      2) егер осы баптың 5-тармағында өзгеше көзделмесе, осы баптың 14-тармағының 1) тармақшасына сәйкес кедендік әкелу баждарын, салықтарды төлеу және (немесе) есептелген және төленуге жататын мөлшерде өндіріп алу жөніндегі міндет орындалғанда;

      3) уәкілетті орган бекіткен тәртіппен кеден органы осы Кодекске сәйкес осы шетелдік тауарларға қатысты кедендік әкелу баждарын, салықтарды төлеу мерзімі осындай жоюға немесе біржола жоғалуға дейін басталған жағдайларды қоспағанда, авария немесе еңсерілмейтін күштің салдарынан шетел тауарларының жойылу және (немесе) біржола жоғалу фактісін не қалыпты тасу (тасымалдау) және (немесе) сақтау жағдайлары кезіндегі табиғи шығын нәтижесінде осы тауарлардың біржола жоғалу фактісін танығанда;

      4) тауарларға декларацияны тіркеу кезінде туындаған кедендік әкелу баждарын, салықтарды төлеу жөніндегі міндетке қатысты – ішкі тұтыну үшін шығару кедендік рәсіміне сәйкес тауарларды шығарудан бас тартқанда;

      5) тауарларға декларацияны тіркеу кезінде туындаған кедендік әкелу баждарын, салықтарды төлеу жөніндегі міндетке қатысты – осы Кодекстің 184-бабына сәйкес кедендік декларацияны қайтарып алғанда және (немесе) осы Кодекстің 192-бабының 5-тармағына сәйкес тауарларды шығаруды жойғанда;

      6) Қазақстан Республикасының заңнамасына сәйкес тауарларды тәркілегенде немесе мемлекеттің меншігіне айналдырғанда;

      7) осы Кодекстің 52-тарауына сәйкес кеден органы тауарларды кідірткенде;

      8) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және егер бұрын мұндай тауарлар шығарылмаған болса, оларды қайтару туралы шешім қабылданған тауарларды уақытша сақтауға қойғанда немесе кедендік рәсімдердің бірімен орналастырғанда тоқтатылады.

      4. Тауарларды пайдалану және (немесе) оларға билік ету бойынша шектеулермен ұштасқан кедендік әкелу баждарын, салықтарды төлеу жөніндегі жеңілдіктерді қолдана отырып, ішкі тұтыну үшін шығару кедендік рәсімімен орналастырылған осындай тауарларға қатысты декларанттың кедендік әкелу баждарын, салықтарды төлеу жөніндегі міндеті мынадай мән-жайлар басталған кезде:

      1) егер осы кезеңде осы баптың 11-тармағында белгіленген кедендік әкелу баждарын, салықтарды төлеу мерзімі басталмаған жағдайда, көрсетілген тауарларды пайдалану және (немесе) оларға билік ету бойынша шектеулерді қолданудың өзге де мерзімі белгіленбесе, ішкі тұтыну үшін шығару кедендік рәсіміне сәйкес тауарлар шығарылған күннен бастап бес жыл өткенде;

      2) осы кезеңде осы баптың 11-тармағында белгіленген кедендік әкелу баждарын, салықтарды төлеу мерзімі басталмаған жағдайда, тауарларды пайдалану және (немесе) оларға билік ету бойынша шектеулер қолданылуының өзге де белгіленген мерзімі аяқталғанда;

      3) ішкі тұтыну үшін шығару кедендік рәсіміне сәйкес тауар шығыру күнінен бастап бес жыл өткенген дейін не осы кезеңде осы баптың 11-тармағында белгіленген кедендік әкелу баждарын, салықтарды төлеу мерзімі басталмаған жағдайда, көрсетілген тауарларды пайдалану және (немесе) оларға билік ету бойынша шектеулер қолданылуының өзге де белгіленген мерзімі өткенге дейін тауарларды кедендік жою рәсімімен орналастырғанда;

      4) кедендік әкелу баждарын төлеу және (немесе) оларды осы баптың 11-тармағында көрсетілген мән-жайлар басталған кезде осы баптың 14-тармағының 2) тармақшасына сәйкес есептелген және төленуге жататын мөлшерде өндіріп алу жөніндегі міндет орындалғанда;

      5) уәкілетті орган бекіткен тәртіппен кеден органы шетел тауарларының авария немесе еңсерілмейтін күштің әсері салдарынан жойылу және (немесе) біржола жоғалу фактісін не тасудың (тасымалдаудың) қалыпты жағдайлары кезіндегі табиғи шығын нәтижесінде осы тауарлардың біржола жоғалу фактісін, осы шетелдік тауарларына қатысты осы баптың 11-тармағында белгіленген кедендік баждарды, салықтарды төлеу мерзімі осы Кодекске сәйкес осындай жоюға немесе біржола жоғалуға дейін басталған жағдайларды қоспағанда, ішкі тұтыну үшін шығару кедендік рәсіміне сәйкес тауарларды шығару күнінен бастап бес жыл өткенге дейін не тауарларды пайдалану және (немесе) оларға билік ету бойынша шектеулер қолданудың өзге де белгіленген мерзімі өткенге дейін танығанда;

      6) ішкі тұтыну үшін шығару кедендік рәсіміне сәйкес тауарлар шығарылған күннен бастап бес жыл өткенге дейін не тауарларды пайдалану және (немесе) оларға билік ету бойынша шектеулер қолданудың өзге де белгіленген мерзімі өткенге дейін тауарларды мемлекет пайдасына бас тарту кедендік рәсімімен орналастырғанда;

      7) тауарларды кері экспорт рәсімімен орналастырғанға дейін осы баптың 11-тармағында белгіленген кедендік әкелу баждарын, салықтарды төлеу мерзімі басталмаған жағдайда тауарларды осындай кедендік рәсіммен орналастырғанда;

      8) Қазақстан Республикасының заңнамасына сәйкес тауарларды тәркілегенде немесе мемлекет меншігіне айналдырғанда тоқтатылады.

      5. Еуразиялық экономикалық одақ шеңберінде халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес Еуразиялық экономикалық одақтың Бірыңғай кедендік тарифімен белгіленгенге қарағанда кедендік әкелу баждарын неғұрлым төмен мөлшерлеме бойынша төлей отырып ішкі тұтыну үшін шығару кедендік рәсімімен орналастырылған тауарларға қатысты кедендік әкелу баждарын төлеу және (немесе) осы баптың 14-тармағының 1) тармақшасына сәйкес есептелген және төленуге жататын мөлшерлерде оларды өндіріп алу жөніндегі міндеттің орындалуы Еуразиялық экономикалық одақтың Бірыңғай кедендік тарифімен белгіленген мөлшерлеме бойынша есептелген кедендік әкелу баждары сомалары мен тауарларды шығару кезінде төленген кедендік әкелу баждары сомаларының айырмасы мөлшерінде не Еуразиялық экономикалық одақ шеңберінде халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес белгіленген өзге де мөлшерде кедендік әкелу баждарын төлеу жөніндегі міндетті тоқтатпайды.

      6. Осы тармақта көрсетілген мөлшерде осы баптың 5-тармағында көрсетілген тауарларға қатысты кедендік әкелу баждарын төлеу жөніндегі міндет мынадай мән-жайлар басталған кезде:

      1) кедендік әкелу баждарын төлеу және (немесе) осы баптың 14-тармағының 3) тармақшасына сәйкес есептелген және төленуге жататын мөлшерде өндіріп алу жөніндегі міндет орындалғанда;

      2) егер Еуразиялық экономикалық одақ шеңберінде халықаралық шарттарда немесе Еуразиялық экономикалық одаққа қосылу туралы халықаралық шарттарда не Комиссия осы кезең ішінде осы баптың
13-тармағында белгіленген кедендік әкелу баждарын төлеу мерзімі басталмаған жағдайда, осы баптың 7-тармағының екінші абзацына сәйкес тауарлар шетел тауарлары мәртебесін сақтайтын өзге мерзімді белгілемесе, осы баптың 7-тармағының бірінші абзацына сәйкес Комиссия айқындаған тізбеге енгізілген тауарларды ішкі тұтыну үшін шығару кедендік рәсіміне сәйкес шығарған күннен бастап бес жыл өткенде;

      3) Еуразиялық экономикалық одақ шеңберінде халықаралық шарттарда немесе Еуразиялық экономикалық одаққа қосылу туралы халықаралық шарттарда осы кезеңде осы баптың 13-тармағында белгіленген кедендік әкелу баждарын төлеу мерзімі басталмаған жағдайда, тауарлар шетелдік тауарлар мәртебесін сақтайтын өзге мерзім өткенде;

      4) осы кезеңде осы баптың 13-тармағында белгіленген кедендік әкелу баждарын төлеу мерзімі басталмаған жағдайда, Комиссия осы баптың 7-тармағының екінші абзацына сәйкес айқындаған тізбеге (тізбелерге) енгізілген тауарларға қатысты Комиссия осы баптың 7-тармағының екінші абзацына сәйкес айқындаған мерзім өткенде;

      5) тауарларды мемлекет пайдасына бас тарту кедендік рәсімімен орналастырғанда;

      6) уәкілетті орган бекіткен тәртіппен кеден органы шетелдік тауарлардың авария немесе еңсерілмейтін күштің әсері салдарынан жойылу және (немесе) біржола жоғалу фактісін не тасудың (тасымалдаудың) және (немесе) сақтаудың қалыпты жағдайлары кезіндегі табиғи шығын нәтижесінде осы тауарлардың біржола жоғалу фактісін, осы шетелдік тауарларға қатысты осы баптың 13-тармағында белгіленген кедендік баждарды төлеу мерзімі осы Кодекске сәйкес осындай жоюға немесе біржола жоғалуға дейін басталғанған жағдайларды қоспағанда, осы тармақтың 2), 3) және 4-тармақшаларында көзделген мән-жайлар басталғанға дейін танығанда;

      7) тауарларды кедендік жою рәсімімен осындай орналастырғанға дейін осы баптың 13-тармағында белгіленген кедендік әкелу баждарын төлеу мерзімі басталмаған жағдайда, кедендік жою рәсімімен орналастырғанда;

      8) тауарларды осындай кедендік рәсіммен орналастырғанға дейін осы баптың 13-тармағында белгіленген кедендік әкелу баждарын төлеу мерзімі басталмаған жағдайда, кедендік кері экспорт рәсімімен орналастырғанда;

      9) Қазақстан Республикасының заңнамасына сәйкес тауарларды тәркілегенде немесе мемлекет меншігіне айналдырғанда тоқтатылады.

      7. Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес оларға қатысты Еуразиялық экономикалық одақтың Бірыңғай кедендік тарифімен белгіленгенге қарағанда кедендік әкелу бажының неғұрлым төмен мөлшерлемесін қолдану көзделген тауарлардан Комиссия ішкі тұтыну үшін шығару кедендік рәсіміне сәйкес тауарлар шығарылған күннен бастап бес жыл өткен соң Еуразиялық экономикалық одақ тауарлары мәртебесін алатын тауарлар тізбесін (тізбелерін) айқындайды.

      Комиссия көрсетілген тауарлардың жекелеген санаттарына қатысты осы тармақтың бірінші абзацында көрсетілгенге қарағанда неғұрлым ұзақ өзге мерзім өткен соң Еуразиялық экономикалық одақ тауарлары мәртебесін алатын тауарлар тізбесін (тізбелерін) айқындауға, сондай-ақ осындай мерзімді белгілеуге құқылы.

      8. Декларанттың ішкі тұтыну үшін шығару кедендік рәсімімен орналастырылатын (орналастырылған) тауарларға қатысты арнайы, демпингке қарсы, өтем баждарын төлеу жөніндегі міндеті мынадай:

      1) арнайы, демпингке қарсы, өтем баждарын төлеу жөніндегі міндетті орындау және (немесе) оларды осы баптың 16-тармағына сәйкес есептелген және төленуге тиіс мөлшерде өндіріп алу;

      2) уәкілетті орган бекіткен тәртіппен кеден органы шетелдік тауарларға қатысты арнайы, демпингке қарсы, өтем баждарын төлеу мерзімі осы Кодекске сәйкес жоюға немесе қайтарымсыз жоғалуға дейін басталған жағдайларды қоспағанда, осы шетелдік тауарлардың авария немесе еңсерілмейтін күштің әсері салдарынан жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайлары кезіндегі табиғи шығын нәтижесінде осы тауарлардың қайтарымсыз жоғалу фактісін тану;

      3) тауарға декларацияны тіркеу кезінде туындаған арнайы, демпингке қарсы, өтем баждарын төлеу жөніндегі міндетке қатысты – ішкі тұтыну үшін шығару кедендік рәсіміне сәйкес тауарларды шығарудан бас тарту;

      4) кедендік декларацияны тіркеу кезінде туындайтын арнайы, демпингке қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес кедендік декларацияны қайтарып алу және (немесе) осы Кодекстің 192-бабының 5-тармағына сәйкес тауарлардың шығарылымын жою;

      5) Қазақстан Республикасының заңнамасына сәйкес тауарларды тәркілеу немесе мемлекет меншігіне айналдыру;

      6) осы Кодекстің 52-тарауына сәйкес кеден органының тауарларды кідірту;

      7) қылмыстық құқық бұзушылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және бұрын мұндай тауарлар шығарылмаған болса, оларды қайтару туралы шешім қабылданған тауарларды уақытша сақтауға қою немесе кедендік рәсімдердің бірімен орналастыру мән-жайлары басталған кезде тоқтатылады.

      9. Ішкі тұтыну үшін шығару кедендік рәсімімен орналастырылатын тауарларға қатысты кедендік әкелу баждарын, салықтарды төлеу жөніндегі міндет, егер осы Кодекске сәйкес кедендік әкелу баждарын, салықтарды төлеудің өзге мерзімі белгіленбесе, ішкі тұтыну үшін шығару кедендік рәсіміне сәйкес тауарлар шығарылғанға дейін орындауға жатады (кедендік әкелу баждары, салықтар төленуге жатады).

      10. Осы тауарларды пайдалану және (немесе) оларға билік ету бойынша шектеулермен ұштасқан кедендік әкелу баждарын, салықтарды төлеу жөніндегі жеңілдіктерді қолдана отырып, ішкі тұтыну үшін шығару кедендік рәсімімен орналастырылған тауарларға қатысты кедендік әкелу баждарын, салықтарды төлеу жөніндегі міндет осы баптың 11-тармағында көрсетілген мән-жайлар басталған кезде орындауға жатады.

      11. Осы баптың 10-тармағында көрсетілген тауарларға қатысты мынадай мән-жайлар басталған кезде:

      1) декларант осындай жеңілдіктерден бас тартқан жағдайда – тауарларды ішкі тұтыну үшін шығару кедендік рәсімімен орналастыру үшін берілген тауарларға арналған декларацияның кедендік әкелу баждарын, салықтарды төлеу жөніндегі жеңілдіктерден бас тарту бөлігінде өзгерістер енгізу күні;

      2) осындай жеңілдіктерді қолдануға байланысты осы тауарларды пайдалану және (немесе) оларға билік ету бойынша кедендік әкелу баждарын, салықтарды және (немесе) шектеулерді төлеу жөніндегі жеңілдіктерді ұсыну мақсаттары мен шарттарын бұзатын әрекеттер жасалған жағдайда, оның ішінде осындай әрекеттердің жасалуы осы тауарлардың жоғалуына алып келсе, – көрсетілген әрекеттердің жасалуының бірінші күні, ал егер ол күн белгіленбесе, – тауарларды ішкі тұтыну үшін шығару кедендік рәсіміне орналастыру күні;

      3) авария немесе еңсерілмейтін күштің әсері салдарынан не табиғи кему нәтижесінде қалыпты тасымалдау (тасу) және (немесе) сақтау жағдайларында біржола жоғалу салдарынан жойылуды және (немесе) біржола жоғалуды қоспағанда, тауарлар жоғалған жағдайда – тауарларды жоғалту күні, егер ол күн белгіленбесе – тауарларды ішкі тұтыну үшін шығару кедендік рәсімімен орналастыру күні;

      4) кедендік әкелу баждарын, салықтарды төлеу жөніндегі жеңілдіктерді ұсыну мақсаттары мен шарттарын сақтау және (немесе) осы тауарларды пайдалану және (немесе) оларға билік ету бойынша шектеулер сақталған жағдайда, осы Кодекстің 400-бабына сәйкес осындай жеңілдіктерді қолданумен байланысты расталмаған болып есептелсе – тауарларды ішкі тұтыну үшін шығару кедендік рәсіміне орналастыру күні кедендік әкелу баждарын, салықтарды төлеу мерзімі болып есептеледі.

      12. Еуразиялық экономикалық одақ шеңберінде халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес ішкі тұтыну үшін шығару кедендік рәсімімен орналастырылған тауарларға қатысты Еуразиялық экономикалық одақтың Бірыңғай кедендік тарифімен белгіленгенге қарағанда неғұрлым төмен мөлшерлеме бойынша кедендік әкелу баждарын төлеуге қатысты кедендік әкелу баждарын төлеу жөніндегі міндет осы баптың 13-тармағында көрсетілген мән-жайлар басталған кезде орындалуға жатады.

      13. Осы баптың 12-тармағында көрсетілген тауарларға қатысты мынадай мән-жайлар басталған кезде:

      1) кедендік әкелу баждарын ерікті төлеу жағдайында – тауарларды ішкі тұтыну үшін шығару кедендік рәсімімен орналастыру үшін берілген тауарларға декларацияға кедендік әкелу баждарын есептеу бөлігінде өзгерістер енгізу күні не Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес Комиссия белгілеген өзге күн;

      2) осы Кодекстің 202-бабының 6-тармағында көрсетілген тауарларды пайдалану бойынша шектеулерді бұзу іс-әрекеттерін және (немесе) Еуразиялық экономикалық одақ шеңберінде халықаралық шарттарға немесе Еуразиялық экономикалық одаққа қосылу туралы халықаралық шарттарда белгіленген өзге талаптарды бұзуды жасаған жағдайда – көрсетілген іс-әрекеттерді жасаудың бірінші күні, егер ол күн белгіленбесе – тауарларды ішкі тұтыну үшін шығару кедендік рәсіміне орналастыру күні кедендік әкелу баждарын төлеу мерзімі болып есептеледі.

      14. Егер осы Кодексте өзгеше белгіленбесе, кедендік әкелу баждары, салықтар:

      1) осы баптың 9-тармағында көрсетілген тауарларға қатысты – тарифтік преференцияларды және кедендік әкелу баждарын, салықтарды төлеу жөніндегі жеңілдіктерді ескере отырып, тауарға декларацияда осы Кодекске сәйкес есептелген кедендік әкелу баждарының, салықтардың сомалары мөлшерінде;

      2) осы баптың 10-тармағында көрсетілген тауарларға қатысты – тарифтік преференцияларды ескере отырып, тауарға декларацияда осы Кодекске сәйкес есептелген және кедендік әкелу баждарын, салықтарды төлеу жөніндегі жеңілдіктерді қолдануға байланысты төленбеген кедендік әкелу баждарының, салықтардың сомалары мөлшерінде, ал егер мұндай тауарлар ішкі тұтыну үшін шығару кедендік рәсіміне сәйкес тауарларды шығарған күннен бастап бес жыл өткенге дейін не осы Кодекстің 256-бабының 3-тармағына сәйкес тауарларды пайдалану және (немесе) оларға билік ету бойынша шектеулердің өзге белгіленген мерзімі аяқталғанға дейін оларды жөндеу үшін кедендік аумақтан тыс жерде қайта өндеу кедендік рәсімімен орналастырылған жағдайда – сондай-ақ осы Кодекстің 266-бабының 1, 2, 3, 4, 5 және 6-тармақтарына сәйкес есептелген кедендік әкелу баждарының, салықтардың сомасы мөлшерінде;

      3) осы баптың 12-тармағында көрсетілген тауарларға қатысты, –Еуразиялық экономикалық одақтың Бірыңғай кедендік тарифімен белгіленген кедендік әкелу баждарының мөлшерлемесі бойынша осы Кодекске сәйкес есептелген кедендік әкелу баждары сомаларының айырмасы мөлшерінде және тауарларды шығару кезінде кедендік әкелу баждарының сомалары не Еуразиялық экономикалық одақ шеңберінде халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес белгіленген өзге мөлшерде төленуге жатады.

      15. Ішкі тұтыну үшін шығару кедендік рәсімімен орналастырылатын (орналастырылған) тауарларға қатысты арнайы, демпингке қарсы, өтем баждарын төлеу жөніндегі міндет (арнайы, демпингке қарсы, өтем баждары төленуге жатады) ішкі тұтыну үшін шығару кедендік рәсіміне сәйкес тауарлар шығарылғанға дейін орындалуға тиіс.

      16. Ішкі тұтыну үшін шығару кедендік рәсімімен орналастырылатын (орналастырылған) тауарларға қатысты арнайы, демпингке қарсы, өтем баждары осы Кодекстің 13-тарауында көзделген ерекшеліктерді ескере отырып, тауарға декларацияда есептелген мөлшерде төленуге жатады.

      17. Тауарларға декларация бергенге дейін оларды шығару кезінде ішкі тұтыну үшін шығару кедендік рәсімімен орналастырылатын (орналастырылған) тауарларға қатысты осы Кодекстің 217-бабында белгіленген ерекшеліктерді ескере отырып, осы бап қолданылады.


      217-бап. Тауарларды шығару кезінде ішкі тұтыну үшін шығару кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындау және тоқтатылу ерекшеліктері, тауарларға арналған декларация берілгенге дейін оларды төлеу және есептеу мерзімі

      1. Тауарларға арналған декларация берілгенге дейін шығаруға өтініш берілген, ішкі тұтыну үшін шығару кедендік рәсімімен орналастырылатын тауарларға қатысты тауарларға арналған декларация берілгенге дейін тауарлар шығару туралы өтініш берген тұлғада осы тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу міндеті кеден органының тауарларға арналған декларация берілгенге дейін тауарларды шығару туралы өтінішті тіркеген кезінен бастап туындайды.

      2. Тауарларға арналған декларация берілгенге дейін тауарларды шығаруға өтініш берілген ішкі тұтыну үшін шығару кедендік рәсімімен орналастырылатын тауарларға қатысты тауарларға арналған декларация берілгенге дейін тауарларды шығару туралы өтініш берген тұлғада осы тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу міндеті мынадай:

      1) уәкілетті орган бекіткен тәртіппен кеден органы шетелдік тауарлардың авария немесе еңсерілмейтін күштің әсері салдарынан жойылу және (немесе) қайтарымсыз жоғалу фактісін не тасудың (тасымалдаудың) қалыпты жағдайлары кезіндегі табиғи кему нәтижесінде, егер мұндай жою немесе қайтарымсыз жоғалу осындай тауарлар шыққанға дейін басталса, осы тауарлардың қайтарымсыз жоғалу фактісін танығанда;

      2) тауарларға арналған декларация берілгенге дейін тауарларды шығарудан бас тартылған;

      3)  Қазақстан Республикасының заңнамасына сәйкес тауарларды тәркілегенде немесе мемлекеттің меншігіне айналдырған;

      4) кеден органы осы Кодестің 52-тарауына сәйкес тауарларды кідірткенде;

      5) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында және бұрын осындай тауарлар шығарылмаған болса, қайтару туралы шешім қабылданған тауарларға қатысты уақытша сақтауға орналастырған немесе кедендік рәсімдердің бірімен орналастырған мән-жайлар басталған кезде тоқтатылады.

      3. Ішкі тұтыну үшін шығару кедендік рәсімімен орналастырылған тауарларға арналған декларация берілгенге дейін шығарылған тауарларға қатысты тауарларға арналған декларация берілгенге дейін тауарларды шығару туралы өтініш берген тұлғаның кедендік әкелу баждарын, салықтарды төлеу жөніндегі міндеті мынадай мән-жайлар басталған кезде:

      1) егер тауарларға қатысты осы тауарларды пайдалану және (немесе) оларға билік ету бойынша шектеулермен ұштаспаған кедендік әкелу баждарын, салықтарды төлеу жөніндегі жеңілдіктер қолданылса, осы Кодекстің 194-бабының 17-тармағында көрсетілген электрондық құжатты кеден органы жолдаған немесе кеден органы тиісті белгілер қойған;

      2) егер осы баптың 4 және 5-тармақтарында өзгеше көзделмесе, осы баптың 12-тармағының 1) тармақшасына сәйкес есептелген және төленуге жататын мөлшерде кедендік әкелу баждарын, салықтарды төлеу жөніндегі міндетті орындаған және (немесе) оларды өндіріп алған, сондай-ақ электрондық құжатты кеден органы жолдаған не кеден органы осы Кодекстің 190-бабының 17-тармағында көрсетілген тиісті белгілер қойған;

      3) Қазақстан Республикасының заңнамасына сәйкес тауарларды тәркілегенде немесе мемлекеттің меншігіне айналдырған тоқтатылады.

      4. Егер ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және электрондық құжатты кеден органы осы Кодекстің 194-бабының 17-тармағында көрсетілген жолдаған не тиісті белгілер қойылған тауарларға қатысты осы тауарларды пайдалану және (немесе) оларға билік ету бойынша шектеулермен ұштасқан кедендік әкелу баждарын, салықтарды төлеу жөніндегі жеңілдіктер қолданылса, тауарларға арналған декларация берілгенге дейін тауарлар шығару туралы өтініш берген тұлғаның кедендік әкелу баждарын, салықтарды төлеу жөніндегі міндеті осы Кодекстің 211-бабының 4-тармағында көзделген мән-жайлар басталған кезде тоқтатылады.

      5. Егер ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және электрондық құжатты кеден органы жолдаған не осы Кодекстің 194-бабының 17-тармағында көрсетілген тиісті белгілер қойылған тауарларға қатысты, Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес кедендік әкелу баждары Еуразиялық экономикалық одақтың Бірыңғай кедендік тарифімен белгіленгеннен неғұрлым төмен мөлшерлеме бойынша төленген болса, кедендік әкелу баждарын төлеу және (немесе) оларды осы баптың 12-тармағының 1) тармақшасына сәйкес есептелген және төленуге жататын мөлшерде өндіріп алу жөніндегі міндетті орындау Еуразиялық экономикалық одақтың Бірыңғай кедендік тарифімен белгіленген кедендік әкелу баждарының мөлшерлемесі бойынша есептелген кедендік әкелу баждары сомалары мен тауарларды шығару кезінде төленген кедендік әкелу баждары сомаларының айырмасы мөлшерінде не Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес белгіленген өзге мөлшерде кедендік әкелу баждарын төлеу жөніндегі міндетті тоқтатпайды. Кедендік әкелу баждарын төлеу жөніндегі мұндай міндет тауарларға арналған декларация берілгенге дейін тауарлар шығару туралы өтініш берген тұлғада осы Кодекстің 216-бабының 6-тармағында көзделген мән-жайлар басталған жағдайда тоқтатылады.

      6. Ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған тауарларға қатысты тауарларға арналған декларация берілгенге дейін тауарлар шығару туралы өтініш берген тұлғада арнайы, демпингке қарсы, өтем баждарын төлеу жөніндегі міндет мынадай:

      1) арнайы, демпингке қарсы, өтем баждарын төлеу және (немесе) оларды осы баптың 13-тармағына сәйкес есептелген және төленуге жататын мөлшерде өндіріп алу жөніндегі міндет орындалған және электрондық құжатты кеден органы жолдағанда не кеден органы осы Кодекстің 194-бабының 17-тармағында көрсетілген тиісті белгілер қойған;

      2) Қазақстан Республикасының заңнамасына сәйкес тауарларды тәркілегенде немесе мемлекеттің меншігіне айналдырған мән-жайлар басталған кезде тоқтатылады.

      7. Ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және тауарларға арналған декларация осы Кодекстің 194-бабының 16-тармағында көрсетілген мерзімнен кешіктірілмей берілген, ал декларанты уәкілетті экономикалық оператор болып табылатын тауарларға қатысты – осы Кодекстің 540-бабының 4-тармағында көрсетілген мерзімнен кешіктірілмей берілген тауарларға қатысты кедендік әкелу баждарын, салықтарды төлеу жөніндегі міндет (кедендік әкелу баждары, салықтар төленуге жатады), егер осы Кодекске сәйкес кедендік әкелу баждарын, салықтарды төлеудің өзге мерзімі белгіленбесе, тауарларға арналған декларация берілгенге дейін орындалуға жатады.

      8. Егер ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және электрондық құжатты кеден органы жолдаған не осы Кодекстің 194-бабының 17-тармағында көрсетілген тиісті белгілер қойылған тауарларға қатысты осы тауарларды пайдалану және (немесе) оларға билік ету бойынша шектеулермен ұштасқан кедендік әкелу баждарын, салықтарды төлеу жөніндегі жеңілдіктер қолданылса, осындай тауарларға қатысты кедендік әкелу баждарын, салықтарды төлеу жөніндегі міндет осы Кодекстің 216-бабының 11-тармағында көрсетілген мән-жайлар басталған кезде және мерзімде тоқтатылады.

      9. Егер ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және осы Кодекстің 194-бабының 17-тармағында көрсетілген электрондық құжатты кеден органы жолдаған не тиісті белгілер қойылған тауарларға қатысты Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа қосылу туралы халықаралық шарттарға сәйкес кедендік әкелу баждары Еуразиялық экономикалық одақтың Бірыңғай кедендік тарифімен белгіленгеннен неғұрлым төмен мөлшерлеме бойынша төленген болса, кедендік әкелу баждарын төлеу жөніндегі міндет осы Кодекстің 216-бабының 13-тармағында көрсетілген мән-жайлар басталған кезде және мерзімде орындалуға жатады.

      10. Ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және тауарларға арналған декларация осы Кодекстің 194-бабының 16-тармағында көрсетілген мерзімнен кешіктірілмей берілген, ал декларанты уәкілетті экономикалық оператор болып табылатын тауарларға қатысты – осы Кодекстің 540-бабының 4-тармағында көрсетілген мерзімнен кешіктірілмей берілген тауарларға қатысты арнайы, демпингке қарсы, өтем баждарын (арнайы, демпингке қарсы, өтем баждары төленуге жатады) төлеу жөніндегі міндет тауарларға арналған декларация берілгенге дейін орындалуға жатады.

      11. Егер ішкі тұтыну үшін шығару кедендік рәсімімен орналастырылған, тауарларға арналған декларация берілгенге дейін шығарылған және тауарларға арналған декларация осы Кодекстің 194-бабының 16-тармағында көрсетілген мерзім өткенге дейін, ал декларанты уәкілетті экономикалық оператор болып табылатын тауарларға қатысты – осы Кодекстің 540-бабының 4-тармағында көрсетілген мерзім өткенге дейін берілмеген тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалуға жатады. Осы Кодекстің 194-бабының 16-тармағында көрсетілген мерзімнің соңғы күні, ал декларанты уәкілетті экономикалық оператор болып табылатын тауарларға қатысты – осы Кодекстің 540-бабының 4-тармағында көрсетілген мерзімнің соңғы күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      12. Кедендік әкелу баждары, салықтар:

      1) осы баптың 7-тармағында көрсетілген тауарларға қатысты – осы Кодекске сәйкес тарифтік преференцияларды және кедендік әкелу баждарын, салықтарды төлеу жөніндегі жеңілдіктерді ескере отырып тауарларға арналған декларацияда есептелген кедендік әкелу баждарының, салықтардың сомалары мөлшерінде;

      2) осы баптың 8-тармағында көрсетілген тауарларға қатысты – осы Кодекске сәйкес тарифтік преференцияларды ескере отырып, тауарларға арналған декларацияда есептелген және кедендік әкелу баждарын төлеу жөніндегі жеңілдіктердің қолданылуына байланысты төленбеген кедендік әкелу баждарының, салықтардың сомалары мөлшерінде, ал егер мұндай тауарлар ішкі тұтыну үшін шығару кедендік рәсіміне сәйкес тауарлар шығарылған күннен бастап бес жыл өткенге дейін не тауарларды пайдалану және (немесе) оларға билік ету бойынша шектеулерді қолданудың белгіленген өзге мерзімі өткенге дейін олар осы Кодекстің 256-бабының 3-тармағына сәйкес жөндеу үшін кеден аумағынан тыс жерде қайта өңдеу кедендік рәсімімен орналастырылса – сондай-ақ осы Кодекстің 266-бабының 1, 2, 3, 4, 5 және 6-тармақтарына сәйкес есептелген кедендік әкелу баждарының, салықтардың сомалары мөлшерінде;

      3) осы баптың 9-тармағында көрсетілген тауарларға қатысты –Еуразиялық экономикалық одақтың Бірыңғай кедендік тарифімен белгіленген кедендік әкелу баждарының мөлшерлемесі бойынша осы Кодекске сәйкес есептелген кедендік әкелу баждарының, салықтардың сомасы мен тауарларды шығару кезінде төленген кедендік әкелу баждары сомасының айырмасы мөлшерінде Еуразиялық экономикалық одақ шеңберіндегі халықаралық шарттарда немесе Еуразиялық экономикалық одаққа қосылу туралы халықаралық шарттарда белгіленген өзге де мөлшерде төленуге жатады.

      13. Осы баптың 10-тармағында көрсетілген тауарларға қатысты арнайы, демпингке қарсы, өтем баждары осы Кодекстің 13-тарауында көзделген ерекшеліктер ескеріле отырып, тауарларға арналған декларацияда есептелген мөлшерде төленуге жатады.

      14. Осы баптың 11-тармағында көрсетілген тауарларға қатысты төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеу базасы тауарлар шығару туралы өтініште және мұндай өтінішпен бірге ұсынылған құжаттарда көрсетілген мәліметтер негізінде айқындалады.

      Тауарлардың кодтары Сыртқы экономикалық қызметтің тауар номенклатурасына сәйкес саны оннан аз белгілер мөлшеріндегі топтама деңгейінде айқындалған жағдайда:

      кедендік баждарды есептеу үшін осы топтамаға кіретін тауарларға сәйкес келетін кедендік баждардың ең жоғары мөлшерлемесі қолданылады;

      салықтарды есептеу үшін қосылған құн салығының ең жоғары мөлшерлемесі осындай топтамаға кіретін тауарларға сәйкес келетін, кедендік баждардың ең жоғары мөлшерлемесі белгіленген акциздердің ең жоғары мөлшерлемесі қолданылады;

      арнайы, демпингке қарсы, өтем баждарын есептеу үшін осы тармақтың алтыншы абзацын ескере отырып, осындай топтамаға кіретін тауарларға сәйкес келетін арнайы, демпингке қарсы, өтем баждарының ең жоғары мөлшерлемесі қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шығарылған жерін және (немесе) көрсетілген баждарды айқындау үшін қажетті өзге де мәліметтерді негізге ала отырып есептеледі. Егер тауарлардың шығарылған жері және (немесе) көрсетілген баждарды айқындауға қажетті өзге де мәліметтер расталмаса, арнайы, демпингке қарсы, өтем баждары, егер тауардың жіктемесі он белгі деңгейінде жүзеге асырылса, Сыртқы экономикалық қызметтің тауар номенклатурасының сол кодындағы тауарларға, не егер тауарлар коды Сыртқы экономикалық қызметтің тауар номенклатурасына сәйкес саны оннан кем белгі мөлшеріндегі топтама деңгейінде айқындалса, топтамаға кіретін тауарларға қатысты арнайы, демпингке қарсы, өтем баждарының ең жоғары мөлшерлемесі негізге алына отырып есептеледі.

      15. Егер осы баптың 11-тармағында көрсетілген тауарларға қатысты кейіннен тауарларға арналған декларация берілсе, кедендік баждар, салықтар, арнайы, демпингке қарсы, өтем баждары осы Кодекске сәйкес тауарларға арналған декларацияда көрсетілген мәліметтерге негізделе отырып, тауарларға арналған декларацияда есептелген сомалар мөлшерінде төленеді. Кедендік баждардың, салықтардың, арнайы, демпингке қарсы, өтем баждарының артық төленген және (немесе) артық өтелген сомаларын есепке алу (қайтару) осы Кодекстің 11-тарауына және 141-бабына сәйкес жүзеге асырылады.


      218-бап. Осы Кодекстің 214-бабының 3-тармағында көрсетілген тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу ерекшеліктері

      Осы Кодекстің 214-бабы 3-тармағының 1) тармақшасында көрсетілген тауарларды ішкі тұтыну үшін шығару кедендік рәсімімен орналастыру кезінде кедендік әкелу баждары, салықтар, арнайы, демпингке қарсы, өтем баждары осы Кодекстің 214-бабы 3-тармағының 1) тармақшасында көрсетілген кедендік аумақта қайта өңдеу кедендік рәсімімен орналастырылған және тауарларды жасау үшін пайдаланылған шетелдік тауарларды шығару нормаларына сәйкес ішкі тұтыну үшін шығару кедендік рәсімімен орналастырылған сияқты төленуге жататындай кедендік әкелу баждары, салықтар, арнайы, демпингке қарсы, өтем баждары сомалары мөлшерінде төленуге жатады.

      Көрсетілген тауарларға қатысты кедендік әкелу баждары, салықтар, арнайы, демпингке қарсы, өтем баждары осы Кодекстің 255-бабының 1-тармағына сәйкес есептеледі.

      2. Осы баптың 1-тармағына сәйкес төленетін (өндіріліп алынатын) кедендік әкелу баждары, салықтар, арнайы, демпингке қарсы, өтем баждары сомаларынан көрсетілген сомаларға қатысты тауарларды кедендік аумақта қайта өңдеу кедендік рәсімімен орналастырған күннен бастап кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің тоқтатылған күніне дейін төлемде шегеру ұсынылған жағдайдағыдай пайыздардың төленуіне жатады.

      Көрсетілген пайыздар осы Кодекстің 93-бабына сәйкес есептеледі және төленеді.

      Кедендік аумақта қайта өңдеу кедендік рәсімнің қолданылуы осы Кодекстің 253-бабының 3-тармағына сәйкес тоқтатыла тұрған жағдайда, осы тармақта көзделген пайыздар, кедендік рәсім қолданысы тоқтатыла тұрған кезең үшін есептелмейді және төленбейді.

      3. Осы Кодекстің 214-бабы 3-тармағының 3) тармақшасында көрсетілген тауарларды ішкі тұтыну үшін шығару кедендік рәсімімен орналастырған кезде кедендік әкелу баждары, салықтар, егер мұндай тауарлар қайта өңдеу өнімдері болып табылса, осы Кодекстің 266-бабына сәйкес есептелуге және төленуге жатады.

23-тарау. Экспорт кедендік рәсімі

      219-бап. Экспорт кедендік рәсімінің мазмұны мен қолданылуы

      1. Экспорт кедендік рәсімі – Еуразиялық экономикалық одақ тауарларына қатысты қолданылатын кедендік рәсім, оған сәйкес осындай тауарлар Еуразиялық экономикалық одақтың кедендік аумағынан оның шегінен тысқары жерлерде тұрақты болуы үшін әкетіледі.

      2. Экспорт кедендік рәсімімен орналастырылған және Еуразиялық экономикалық одақтың кедендік аумағынан іс жүзінде әкетілген тауарлар осы Кодекстің 386-бабының 4 және 7-тармақтарына сәйкес осындай тауарлар Еуразиялық экономикалық одақ тауарлары мәртебесін сақтайтын жағдайларды қоспағанда, Еуразиялық экономикалық одақ тауарлары мәртебесін жоғалтады.

      3. Мыналарға:

      1) Еуразиялық экономикалық одақтың кедендік аумағынан шығарылған:

      осы Кодекстің 264-бабы 2-тармағының 1) тармақшасына сәйкес кедендік аумақтан тыс кедендік қайта өңдеу рәсімінің қолданысын аяқтау үшін осы Кодекстің 256-бабы 3-тармағының 1) тармақшасында көрсетілген тауарларды қоспағанда, кедендік аумақтан тыс қайта өңдеу кедендік рәсімімен орналастырылған тауарларға;

      осы Кодекстің 312-бабының 2-тармағына сәйкес уақытша кедендік әкету рәсімінің қолданысын аяқтау үшін уақытша кедендік әкету рәсімімен орналастырылған тауарларға;

      осы Кодекстің 337-бабына сәйкес Комиссия және Комиссия көздеген жағдайларда Қазақстан Республикасының Үкіметі айқындалған жағдайларда арнайы кедендік рәсімнің қолданысын аяқтау үшін арнай кедендік рәсіммен орналастырылған тауарларға;

      осы Кодекстің 359-бабының 5-тармағына сәйкес халықаралық тасымалдаудың көлік құралдарына;

      осы Кодекстің 386-бабы 5-тармағының 2) тармақшасында көрсетілген Еуразиялық экономикалық одақ тауарларына;

      2) осы Кодекстің 264-бабы 2-тармағының 3) тармақшасына сәйкес кедендік аумақтан тыс кедендік қайта өңдеу рәсімінің қолданысын аяқтау үшін қайта өңдеу өнімдеріне;

      3) Еуразиялық экономикалық одақтың кедендік аумағынан әкету үшін осы Кодекстің 312-бабының 5-тармағында көрсетілген тауарларға қатысты экспорт кедендік рәсімін қолдануға жол беріледі.

      4. Осы баптың 3-тармағының 1) және 2) тармақшаларында көрсетілген тауарлар Еуразиялық экономикалық одақтың кедендік аумағына оларды әкелместен экспорт кедендік рәсімімен орналастырылады.

      5. Еркін кедендік аймақ кедендік рәсімінің немесе еркін қойма кедендік рәсімнің қолданысын аяқтау үшін экспорт кедендік рәсімімен орналастырылған, осы Кодекстің 287-бабының 5-тармағының 2) тармақшасының төртінші абзацында көрсетілген тауарлар және 296-бабының 4-тармағы 2) тармақшасының төртінші абзацында көрсетілген тауарлар Еуразиялық экономикалық одақтың кедендік аумағынан экспорт кедендік рәсімімен осындай тауарларды орналастырған күннен кейінгі күннен бастап бір жылдан аспайтын мерзімде Еуразиялық экономикалық одақтың кедендік аумағынан шығарылуы тиіс.

      Еуразиялық экономикалық одақтың кедендік аумағынан авария немесе еңсерілмейтін күштің әсері салдарынан жойылуды және (немесе) өтеусіз жоғалтуды не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде өтеусіз жоғалтуды қоспағанда, көрсетілген тауарлар әкетілмеген кезде, осы тармақтың бірінші абзацында көзделген мерзім өткенге дейін экспорт кедендік рәсімнің қолданысы тоқтатылады, ал мұндай тауарларды кеден органдары осы Кодекстің 52-бабына сәйкес кідіртеді.

      Көрсетілген тауарларды кеден органдары, егер экспорт кедендік рәсімнің қолданылуы тоқтатылған кезде, олар АЭА аумағында не еркін қоймада болса, кідіртпейді.


      220-бап. Тауарларды экспорт кедендік рәсімімен орналастыру шарттары

      Тауарларды экспорт кедендік рәсімімен орналастыру шарттары:

      осы Кодекске сәйкес кедендік әкету баждарын төлеу;

      осы Кодекстің 8-бабына сәйкес тыйым салулар мен шектеулерді сақтау;

      Еуразиялық экономикалық одақ шеңберіндегі халықаралық шарттарда, Еуразиялық экономикалық одаққа мүше мемлекеттер мен Қазақстан Республикасының халықаралық шарттары арасындағы екіжақты халықаралық шарттарда көзделген өзге де шарттарды сақтау болып табылады.


      221-бап. Экспорт кедендік рәсімімен орналастырылған тауарларға қатысты кедендік әкету баждарын төлеу жөніндегі міндеттің туындауы мен тоқтатылуы, оларды төлеу және есептеу мерзімі

      1. Экспорт кедендік рәсімімен орналастырылған тауарларға қатысты кедендік әкету баждарын төлеу жөніндегі міндет декларантта кеден органы тауарларға арналған декларацияны тіркеген кезден бастап туындайды.

      2. Экспорт кедендік рәсімімен орналастырылған тауарларға қатысты декларантта кедендік әкету баждарын төлеу жөніндегі міндет мынадай:

      1) кедендік әкету баждарын төлеу жөніндегі жеңілдіктерді қолдана отырып экспорт кедендік рәсіміне сәйкес тауарларды шығарған;

      2) кедендік әкету баждарын төлеу жөніндегі міндетті орындағанда және (немесе) оларды осы баптың 4-тармағына сәйкес есептелген және төлеуге жататын мөлшерде өндіріп алған;

      3) экспорт кедендік рәсіміне сәйкес тауарларды шығарудан – тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты бас тартқан;

      4) осы Кодекстің 184-бабына сәйкес тауарларға арналған декларацияны қайтарып алу және (немесе) осы Кодекстің 192-бабының 5-тармағына сәйкес – тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты тауарлар шығарылымын жойған;

      5) Қазақстан Республикасының заңнамасына сәйкес тауарлар тәркілеген немесе мемлекеттің меншігіне айналдырған;

      6) осы Кодекстің 52-тарауына сәйкес кеден органы тауарларды кідірткен;

      7) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және, егер бұрын мұндай тауарлар шығарылмаған болса, оларды қайтару туралы шешім қабылданған тауарларды уақытша сақтауға орналастырған немесе кедендік рәсімдердің бірімен орналастырған мән-жайлар басталған кезде тоқтатылады.

      3. Кедендік әкету баждарын төлеу жөніндегі міндет, егер осы Кодексте өзгеше мерзім белгіленбесе, экспорт кедендік рәсіміне сәйкес тауарларды шығарғанға дейін орындауға (кедендік әкету баждары төленуге жатады) жатады.

      4. Кедендік әкету баждары, кедендік әкету баждарын төлеу жөніндегі жеңілдіктерді ескере отырып, тауарларға арналған декларацияда есептелген кедендік әкету баждары сомаларының мөлшерінде төлеуге жатады.

24-тарау. Кедендік транзит кедендік рәсімі

      222-бап. Кедендік транзит кедендік рәсімінің мазмұны және қолданылуы

      1. Кедендік транзит кедендік рәсімі – тауарларды осы кедендік рәсіммен орналастыру шарттарын сақтау кезінде кедендік баждарды, салықтарды, арнайы, демпингке қарсы, өтем баждарын төлеусіз жөнелтілетін кеден органынан межелі кеден органына дейін тауарлар тасылатын (тасымалданатын) кедендік ресім.

      2. Кедендік транзит кедендік рәсімі:

      1) өзге де кедендік рәсіммен орналастырылмаған шетелдік тауарларды, сондай-ақ:

      Комиссия айқындайтын жағдайларда экспорт кедендік рәсімімен орналастырылған;

      осы Кодекстің 287-бабының 8-тармағында көзделген жағдайда, АЭА-ның бір аумағынан АЭА-ның басқа аумағына тасымалданатын еркін кедендік аймақ кедендік рәсімімен орналастырылған Еуразиялық экономикалық одақ тауарларын Еуразиялық экономикалық одақтың кедендік аумағы бойынша тасу (тасымалдау) үшін;

      2) Еуразиялық экономикалық одаққа мүше болып табылмайтын мемлекеттердің аумағы арқылы және (немесе) теңіз арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне Еуразиялық экономикалық одақ тауарлары мен осы Кодекстің 385-бабының 4-тармағында көрсетілген шетелдік тауарларды тасу (тасымалдау) үшін қолданылады.

      3. Кедендік транзит кедендік рәсімі:

      1) келу орнындағы кеден органынан кету орнындағы кеден органына дейін;

      2) келу орнындағы кеден органынан ішкі кеден органына дейін;

      3) ішкі кеден органынан кету орнындағы кеден органына дейін;

      4) бір ішкі кеден органынан басқа ішкі кеден органына дейін;

      5) Еуразиялық экономикалық одаққа мүше болып табылмайтын мемлекеттердің аумақтары және (немесе) теңіз арқылы кеден органдары арасында тасу (тасымалдау) кезінде қолданылады.

      4. Кедендік транзит кедендік рәсімімен орналастырылған шетелдік тауарлар шетел тауарлары мәртебесін сақтайды.

      5. Осы Кодекстің 390-бабының 3-тармағында көрсетілген жағдайды және осы Кодекстің 387-бабының 17-тармағына сәйкес Комиссия айқындаған жағдайларды қоспағанда, кедендік транзит кедендік рәсімімен орналастырылған Еуразиялық экономикалық одақ тауарлары Еуразиялық экономикалық одақ тауарларының мәртебесін сақтайды.

      6. Еуразиялық экономикалық одақтың кедендік аумағы бойынша тасу (тасымалдау) үшін мынадай шетелдік тауарлар:

      1) халықаралық тасымалдауды жүзеге асыру кезінде тауарларын тиемей (түсірмей), Еуразиялық экономикалық одақтың кедендік аумағына аралық, мәжбүрлі немесе техникалық түрде қонған әуе кемесіндегі тауарлар;

      2) Еуразиялық экономикалық одақтың кедендік аумағына келген соң Еуразиялық экономикалық одақтың кедендік шекарасы арқылы тауарларды өткізу орындарынан қозғалмаған және Еуразиялық экономикалық одақтың кедендік аумағынан кететін тауарлар;

      3) электр беру желілері бойынша өткізілетін тауарлар;

      4) осы Кодексте көзделген жағдайлардағы өзге де тауарлар кедендік транзит кедендік рәсімімен орналастырылмайды.

      7. Осы Кодексте көзделген жағдайларда, Еуразиялық экономикалық одақтың кедендік аумағы бойынша тасу (тасымалдау) үшін кедендік рәсіммен орналастырылған шетелдік тауарлар кедендік транзит кедендік рәсімімен орналастырылады.

      8. Еуразиялық экономикалық одақ тауарлары мен осы Кодекстің 385-бабының 4-тармағында көрсетілген Еуразиялық экономикалық одаққа мүше болып табылмайтын мемлекеттердің аумақтары арқылы және (немесе) Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне тасымалданатын шетелдік тауарларға қатысты кедендік транзит кедендік рәсімі осы Кодекстің 45-тарауында айқындалған ерекшеліктер ескеріле отырып қолданылады.

      9. Жеке пайдалануға арналған тауарларға, халықаралық пошта жөнелтімдеріне, құбыржол көлігімен өткізілетін тауарларға қатысты кедендік транзит кедендік рәсімі осы Кодекстің 346, 368 және 377-баптарында айқындалған ерекшеліктер ескеріле отырып қолданылады.

      10. Қазақстан Республикасының аумағы бойынша тасымалданатын тауарларға қатысты кедендік транзит кедендік рәсімін қолдану ерекшеліктерін уәкілетті орган айқындайды.

      11. Халықаралық тасымалдаудың бір немесе бірнеше көлік құралдарымен белгілі бір кезең ішінде екі немесе одан да көп Еуразиялық экономикалық одаққа мүше мемлекеттердің аумақтары бойынша тасымалданатын, құрастырылмаған немесе бөлшектелген түрдегі, оның ішінде жинақталмаған немесе жасалып бітпеген түрдегі Еуразиялық экономикалық одақтың кедендік шекарасы арқылы өткізілетін тауарларға қатысты кедендік транзит кедендік рәсімін қолданудың ерекшеліктерін Комиссия айқындайды.

      12. Көліктің әртүрлі (екі және одан да көп) түрлерімен Еуразиялық экономикалық одақтың кедендік аумағы бойынша тасымалданатын тауарларға қатысты кедендік транзит кедендік рәсімін қолдану ерекшеліктерін Комиссия айқындайды.


      223-бап. Тауарларды кедендік транзит кедендік рәсімімен орналастыру шарттары

      1. Еуразиялық экономикалық одақтың кедендік аумағы бойынша тауарларды оларды тасу (тасымалдау) үшін кедендік транзит кедендік рәсімімен орналастыру шарттары:

      1) шетелдік тауарларға қатысты – осы Кодекстің 226-бабына сәйкес кедендік әкелу баждарын, салықтарды төлеу жөніндегі міндеттің орындалуын қамтамасыз ету;

      2) шетелдік тауарларға қатысты – Комиссия айқындайтын жағдайларда осы Кодекстің 226-бабына сәйкес арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету;

      3) осы Кодекстің 427-бабында көзделген тәсілдермен тауарларды идентификаттау мүмкіндігін қамтамасыз ету;

      4) егер тауарлар кедендік пломбалар салынған және мөр басылған көлік құралдарының жүк тиеу орынжайларында (бөліктерінде) тасымалданса, осы Кодекстің 28-бабында көрсетілген көлік құралының халықаралық тасымалдау талаптарына сәйкестігі;

      5) осы Кодекстің 8-бабына сәйкес тыйым салулар мен шектеулерді сақтау болып табылады.

      2. Еуразиялық экономикалық одақ тауарларын, оның ішінде пошта жөнелтілімдерімен жөнелтілетін Еуразиялық экономикалық одақ тауарларын және осы Кодекстің 385-бабының 4-тармағында көрсетілген шетелдік тауарларды Еуразиялық экономикалық одаққа мүшесі болып табылмайтын мемлекеттердің аумақтары және (немесе) теңіз арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне тасымалдау үшін кедендік транзит кедендік рәсімімен орналастыру шарттары осы Кодекстің 387, 388 және 389-баптарында айқындалған.

      3. Осы Кодекстің 149-бабы 1-тармағының 1) тармақшасында көрсетілген тұлғалар не Қазақстан Республикасының заңнамасына сәйкес көліктің екі және одан да көп түрлерін пайдалану арқылы тасымалданатын тауарларға қатысты өкілеттіктерге ие болатын және тауарлардың осылай тасымалдануын ұйымдастыруды қамтамасыз ететін Еуразиялық экономикалық одаққа мүше мемлекеттің тұлғасы кедендік транзит кедендік рәсімімен орналастырылған, көліктің бір және одан да көп түрлерін пайдалану арқылы Еуразиялық экономикалық одақтың кедендік аумағы бойынша тасымалданатын тауарлардың декларанты болып әрекет ете алады.

      4. Тауарларды кедендік транзит кедендік рәсімімен орналастыру кезінде жөнелтуші кеден органы осы Кодекстің 224-бабына сәйкес кедендік транзит мерзімін белгілейді, осы Кодекстің 225, 346, 387-баптарына сәйкес тауарларды жеткізу орнын айқындайды, осы Кодекстің 427-бабына сәйкес тауарларды, оларға арналған құжаттарды идентификаттауды жүзеге асырады.

      Тауарларды су немесе әуе кемелерімен тасымалдауды қоспағанда, тауарларды тасымалдау осы Кодекстің 28-бабында көрсетілген тиісті талаптарға сәйкес келетін көлік құралының жүк тиеу орынжайларында (бөліктерінде) немесе оның бөліктерінде жүзеге асырылады, осы Кодекстің 427-бабында көзделген идентификаттаудың өзге де тәсілдерінен басқа идентификаттау, осы тармақтың үшінші абзацында көзделген жағдайларды қоспағанда, көлік құралының осындай жүк тиеу орынжайларына (бөліктеріне) немесе оның бөліктеріне пломбалар салу арқылы қамтамасыз етілуге тиіс.

      Тірі жануарларды, пошта ыдыстарындағы (пошта қаптарындағы, пошта контейнерлеріндегі) халықаралық пошта жөнелтімдерін тасымалдау кезінде, сондай-ақ кедендік транзит кедендік рәсімімен орналастырылмайтын тауарлармен бірге кедендік транзит кедендік рәсімімен орналастырылатын тауарларды көлік құралының бір жүк тиеу орынжайларында (бөліктерінде) немесе оның бөлігінде Еуразиялық экономикалық одаққа мүше болып табылмайтын мемлекеттердің аумағы бойынша тасымалдау кезінде көлік құралдарының жүк тиеу орынжайларына (бөліктеріне) немесе оның бөліктеріне пломбалар салу талап етілмейді.


      224-бап. Кедендік транзит мерзімі

      1. Тауарларды кедендік транзит кедендік рәсімімен орналастыру кезінде жөнелтуші кеден органы жөнелтуші кеден органынан межелі кеден органына тауарлар жеткізілуге тиіс мерзімді (бұдан әрі – кедендік транзит мерзімі) белгілейді.

      2. Теміржол көлігімен тасымалданатын тауарларға қатысты кедендік транзит мерзімі бір айға екі мың километр есебінен белгіленеді, бірақ ол күнтізбелік жеті күннен кем болмауға тиіс.

      Көліктің өзге де түрлерімен тасылатын (тасымалданатын) тауарларға қатысты кедендік транзит мерзімі көліктің түрі және көлік құралының мүмкіндіктері, тауарлар тасымалдаудың белгіленген маршруты, басқа да тасымалдау шарттары және (немесе) декларанттың немесе тасымалдаушының өтініші негізге алына отырып, сондай-ақ Қазақстан Республикасының халықаралық шарттарына сәйкес көлік құралы жүргізушісінің еңбек пен демалыс режимінің талаптары ескеріле отырып, тауарлар тасудың (тасымалдаудың) қалыпты мерзіміне сәйкес белгіленеді, бірақ ол кедендік транзиттің шекті мерзімінен аспауға тиіс.

      3. Кедендік транзиттің шекті мерзімі бір айға екі мың километр есебімен айқындалатын мерзімнен, не кедендік транзит кедендік рәсімімен орналастырылған тауарларды тасымалдау ерекшеліктерін негізге ала отырып, Комиссия айқындайтын мерзімнен аспауы тиіс.

      4. Кеден органы белгілеген кедендік транзит мерзімі декларанттың немесе тасымалдаушының дәлелді өтініші бойынша осы баптың 3 тармағында белгіленген мерзімнің шегінде ұзартылуы мүмкін.

      Кедендік транзит мерзімін ұзартуға байланысты кедендік операцияларды жасау тәртібін Комиссия айқындайды.


      225-бап. Тауарларды жеткізу орны. Тауарлардың жеткізу орнын өзгерту

      1. Тауарларды кедендік транзит кедендік рәсімімен орналастыру кезінде жеткізуші кеден органы кедендік транзит кедендік рәсімімен орналастырылатын тауарлар жеткізілуге тиіс орынды (бұдан әрі – тауарларды жеткізу орны) айқындайды.

      2. Тауарларды жеткізу орны, егер осы баптың 3, 4 және 5-тармақтарында өзгеше көзделмесе, көліктік (тасымалдау) құжаттарында көрсетілген межелі пункт туралы мәліметтердің негізінде айқындалады.

      Межелі кеден органының қызмет аймағында орналасқан кедендік бақылау аймағы тауарларды жеткізу орны болып табылады. Бұл ретте, егер осы Кодексте өзгеше көзделмесе, олардың келу орнынан тасымалданатын тауарлар кеден органы орналасқан орынға жеткізіледі.

      Осы Кодекстің 404-бабына сәйкес құрылған межелі станциядағы, межелі станцияның кірме жолдарындағы немесе межелі станцияға тікелей жапсарлас жатқан жалпы пайдаланыламайтын теміржолдағы кедендік бақылау аймағы теміржол көлігімен тасымалданатын тауарлардың жеткізу орны болып табылады.

      3. Қазақстан Республикасының аумағы шегінде тауарларды тасу (тасымалдау) кезінде жөнелтуші кеден органы:

      1) тауарларға қатысты өкілеттіктерге ие тұлғаның дәлелді сұрау салуы бойынша көлік (тасымалдау) құжаттарында көрсетілген мәліметтерге тәуелсіз жеткізу орнын белгілеу үшін негізді растайтын құжаттарды табыс еткен жағдайда;

      2) тәуекелдерді басқару жүйесі негізінде айқындалатын жағдайларда көлік (тасымалдау) құжаттарында көрсетілген мәліметтерге қарамастан, тауарларды жеткізу орнын белгілеуге құқылы. Бұл ретте, жөнелтуші кеден органы белгілеген жеткізу орнына дейін тауарларды жеткізу жөніндегі тасымалдаушының шығындары көліктік (тасымалдау) құжаттарында көрсетілген жеткізу орнына дейін тауарларды жеткізу жөніндегі шығындарға сәйкес болуы тиіс.

      4.  Еуразиялық экономикалық одаққа мүше екі және одан да көп мемлекеттердің аумақтары бойынша тауарларды тасу (тасымалдау) кезінде жөнелтуші кеден органы Еуразиялық экономикалық одақ шеңберіндегі халықаралық шарттарда көзделген жағдайларда және (немесе) Комиссия айқындайтын өзге де жағдайларда көліктік (тасымалдау) құжаттарында көрсетілген мәліметтерге қарамастан, тауарларды жеткізу орнын айқындауға құқылы.

      5.  Еуразиялық экономикалық одаққа мүше болып табылмайтын мемлекеттердің аумақтары және (немесе) теңіз арқылы Еуразиялық экономикалық одақтың бір кедендік аумағынан Еуразиялық экономикалық одақтың басқа кедендік аумағына тауарларды тасу (тасымалдау) кезінде жөнелтуші кеден органы осы Кодекстің 387-бабының 9 және 10-тармақтарында көзделген және (немесе) Комиссия айқындайтын өзге де жағдайларда көліктік (тасымалдау) құжаттарында көрсетілген мәліметтерге қарамастан, тауарларды жеткізу орнын айқындауға құқылы.

      6. Кедендік бақылау аймағы болып табылатын, екінші немесе үшінші типтегі куәлігі бар, уәкілетті экономикалық оператордың құрылысжайлары, орынжайлары (орынжайлардың бөліктері) және (немесе) ашық алаңқайлары, егер мұндай тауарлар көліктік (тасымалдау) құжаттарына сәйкес осындай уәкілетті экономикалық оператордың құрылысжайларына, орынжайларына (орынжайлардың бөліктеріне) және (немесе) ашық алаңқайларына жіберілетін болса, келу орнынан тасымалданатын тауарларды жеткізу орны ретінде белгіленуі мүмкін.

      7. Кедендік транзит кедендік рәсіміне сәйкес тауарларды тасу (тасымалдау) кезінде Қазақстан Республикасының көлік саласындағы заңнамасына сәйкес межелі пункт өзгерген жағдайда, тауарларды жеткізу орны кеден органының рұқсатымен өзгертілуі мүмкін. Жеткізу орнын өзгертуге кеден органының рұқсатын алу үшін тасымалдаушы тауарларды жеткізу орнын өзгерту туралы еркін түрде құрастырылған өтінішпен өзі жүретін жолда орналасқан кез келген кеден органына жүгініс жасауға құқылы. Тауарларды жеткізу орнын өзгерту туралы өтінішпен бірге межелі пункттің өзгеруін растайтын құжаттар, транзиттік декларация және тауарларға арналған өзге де құжаттар ұсынылады.

      Тауарларды жеткізу орнын өзгертуге арналған рұқсатты кеден органы осы тармақтың екінші абзацында көрсетілген өтінішті және құжаттарды алу күнінен кейінгі күннен кешіктірмей қабылдайды. Жеткізу орнын өзгертуге арналған рұқсатты бергеннен кейін жеткізу орны өзгертілген тауарларға қатысты кедендік транзит кедендік рәсімнің қолданылуы аяқталады және тауарлар кедендік транзит кедендік рәсімімен орналастыруға жатады.

      Тауарларды жеткізу орнын өзгертуге кеден органының рұқсатын алумен байланысты кеден операцияларын жасау тәртібін Комиссия айқындайды.

      Егер бастапқыда жөнелтуші кеден органы белгілеген тауарларды жеткізу орны орналасқандай кеден органы қызметінің сол бір аймағында орналасқан жеткізу орнында орналасса, уәкілетті орган бекіткен тәртіппен кедендік транзит кедендік рәсімнің қолданысын аяқтамай, тауарлардың жеткізу орнын өзгертуге жол беріледі.


      226-бап. Кедендік транзит кедендік рәсімі кезінде кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету

      1. Кедендік транзит кедендік рәсімі кезінде кедендік баждарды, салықтарды төлеу жөніндегі міндеттің орындалуын қамтамасыз ету осы баптың және осы Кодекстің 354 және 370-баптардың ережелері ескеріле отырып, осы Кодекстің 10-тарауына сәйкес ұсынылады.

      Арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету осы Кодекстің 223-бабы 1-тармағының 2) тармақшасына сәйкес тауарларды кедендік транзит кедендік рәсімімен орналастырудың шарты болған жағдайда, мұндай қамтамасыз ету осы баптың ережелерін ескере отырып осы Кодекстің 139-бабына сәйкес ұсынылады.

      2. Жеке пайдалануға арналған тауарларды және халықаралық пошта жөнелтімдерін қоспағанда, тауарларды кедендік транзит кедендік рәсімімен орналастыру кезінде кедендік баждарды, салықтарды төлеу жөніндегі міндеттің орындалуын қамтамасыз ету мөлшері, егер транзиттік декларацияны тіркеген күні тауар тарифтік преференцияларды және тиісінше кедендік әкелу баждарын төлеу бойынша жеңілдіктерді немесе кедендік әкету баждарын төлеу бойынша жеңілдіктерді қолданбай ішкі тұтыну үшін шығару кедендік рәсімімен немесе экспорт кедендік рәсімімен басқа мемлекеттердің аумағына орналастырылса, тауарларды өзінің кеден органы шығаратын Еуразиялық экономикалық одаққа мүше мемлекетте төленуге жататын кедендік баждар, салықтар сомасы негізге алына отырып айқындалады, бірақ бұл сомалар, егер тауар тарифтік преференцияларды және тиісінше кедендік әкелу баждарын төлеу бойынша жеңілдіктерді немесе кедендік әкету баждарын төлеу бойынша жеңілдіктерді қолданбай ішкі тұтыну үшін шығару кедендік рәсімімен немесе экспорт кедендік рәсімімен басқа Еуразиялық экономикалық одаққа мүше мемлекеттердің аумағына орналастырылса, аумағында кедендік транзит кедендік рәсіміне сәйкес тауарларды тасу (тасымалдау) жүзеге асырылатын Еуразиялық экономикалық одаққа мүше мемлекеттерде төленуге жататын кедендік баждардың, салықтардың сомаларынан кем болмауға тиіс.

      Осы тармақтың бірінші абзацында көрсетілген кедендік баждардың, салықтардың сомалары осы Кодексте пайдалану тәртібі белгіленетін қолда бар мәліметтердің негізінде айқындалуы ықтимал кедендік баждар, салықтар мөлшерлемесінің ең үлкен шамасы, тауарлардың құны және (немесе) олардың заттай мәндегі физикалық сипаттамалары (саны, массасы, көлемі немесе өзге де сипаттамалары) негізге алына отырып айқындалады.

      3. Комиссия жиналмаған немесе бөлшектелген түрде, оның ішінде жиынтықталмаған немесе жасалып бітпеген түрде Еуразиялық экономикалық одақтың кедендік шекарасы арқылы өткізілетін тауарларды (тауарлардың құрамбөліктерін) кедендік транзит кедендік рәсімімен орналастыру кезінде кедендік баждарды, салықтарды төлеу жөніндегі міндеттің орындалуын қамтамасыз ету мөлшерін және арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету мөлшерін анықтау ерекшеліктерін айқындауға құқылы.

      4. Кедендік транзит кедендік рәсімімен орналастырылатын тауарларға қатысты кедендік баждарды, салықтарды төлеу жөніндегі міндеттің орындалуын қамтамасыз ету және арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету мынадай жағдайларда:

      1) кедендік баждарды, салықтарды төлеу жөніндегі міндеттің орындалуын қамтамасыз ету мөлшері және арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету мөлшері, егер мұндай қамтамасыз етуді ұсыну осы Кодекстің 223-бабы 1-тармағының 2) тармақшасына сәйкес тауарларды кедендік транзит кедендік рәсімімен орналастырудың шарты болып табылса, жиынтығында транзиттік декларацияны тіркеу күні қолданыста болған валютаның бағамы бойынша бес жүз еуро балама сомасынан аспаса;

      2) декларацияланатын тауарларды тасуды (тасымалдауды) жүзеге асыратын кедендік тасымалдаушы немесе бірінші немесе үшінші типтегі уәкілетті экономикалық операторлардың тізіліміне енгізу туралы куәлігі бар уәкілетті экономикалық оператор декларант ретінде әрекет еткен болса;

      3) көліктің екі және одан да көп түрін пайдаланумен тауарларды тасу (тасымалдау) осындай тасудың (тасымалдаудың) бөлігі болып табылған жағдайды қоспағанда, тауарлар теміржол, әуе көлігімен тасымалданса немесе құбыржол көлігімен өткізілсе;

      4) көліктің екі және одан да көп түрлерін пайдалану арқылы тауарларды тасымалдау осындай тасымалдаудың бөлігі болып табылған жағдайды қоспағанда, шетелдік тауарларды суда жүзетін кемелермен, оның ішінде аралас жүзу (өзен-теңіз) кемелерімен, Еуразиялық экономикалық одаққа мүше мемлекеттің және (немесе) Еуразиялық экономикалық одаққа мүше мемлекеттердің ішкі су жолдарына кірмей Еуразиялық экономикалық одаққа мүше мемлекеттің және (немесе) мүше мемлекеттердің теңіз порттары арасында тасымалданса;

      5) Қазақстан Республикасының аумағы бойынша тауарларды тасу (тасымалдау) кезінде тәуекелдерді басқару жүйесі айқындаған жағдайларда;

      6) осы Кодекстің 387-бабының 1-тармағы 1) тармақшасының екінші абзацында белгіленген жағдайларда, сондай-ақ осы Кодекстің 387-бабының 1-тармағы 1) тармақшасының үшінші абзацына сәйкес Комиссия айқындаған жағдайларда;

      7) Еуразиялық экономикалық одақ шеңберіндегі халықаралық шарттарда және (немесе) Қазақстан Республикасының халықаралық шарттарында көзделген жағдайларда;

      8) кеден органы кедендік алып жүруді қолдану туралы шешім қабылдаса;

      9) кеден органы осы Кодекстің 437-бабына сәйкес электрондық кедендік алып жүруді қолдану туралы шешім қабылдаса;

      10) тауарлар Еуразиялық экономикалық одақтың кедендік аумағында орналасқан дипломатиялық өкілдіктер мен консулдық мекемелердің жеке пайдалануына арналса, ол жөнінде жөнелтуші кеден органында жөнелтуші кеден органы орналасқан Еуразиялық экономикалық одаққа мүше мемлекеттің сыртқы істер министрлігінің әрбір нақты тасымалдау бойынша ақпараты болса, ұсынылмайды. Көрсетілген ақпарат жөнелтуші кеден органы орналасқан Еуразиялық экономикалық одаққа мүше мемлекеттің сыртқы істер министрлігі кеден органына оны:

      тауарларды алушы болып табылатын дипломатиялық өкілдіктердің немесе консулдық мекемелердің келу мемлекеті болып табылатын Еуразиялық экономикалық одаққа мүше мемлекеттің сыртқы істер министрлігінен;

      не жөнелтуші кеден органы тұрған және мемлекеттің дипломатиялық өкілдігі немесе консулдық мекемесі болып табылатын Еуразиялық экономикалық одаққа мүше мемлекеттің аумағында орналасқан дипломатиялық өкілдіктен немесе консулдық мекемеден және тауарларды алушы болып табылатын дипломатиялық өкілдіктен немесе консулдық мекемеден алған кезде береді.

      11) тауарларды мемлекеттердің халықаралық ұйымдар жанындағы өкілдіктерінің, халықаралық ұйымдарының немесе олардың өкілдіктерінің, Еуразиялық экономикалық одақтың кедендік аумағында орналасқан өзге де ұйымдардың немесе олардың өкілдіктерінің жеке пайдалануына арналса, бұл туралы жөнелтуші кеден органында жөнелтуші кеден органы орналасқан мүше мемлекеттердің сыртқы істер министрлігінің әрбір нақты тасымалдау бойынша ақпараты болса, ұсынылмайды. Көрсетілген ақпарат тауарларды алушы болып табылатын мемлекеттердің халықаралық ұйымдар жанындағы өкілдіктерінің, халықаралық ұйымдарының немесе олардың өкілдіктерінің, өзге де ұйымдардың немесе олардың өкілдіктерінің болу мемлекеті болып табылатын Еуразиялық экономикалық одаққа мүше мемлекетінің сыртқы істер министрлігінен оны алған кезде жөнелтуші кеден органы орналасқан Еуразиялық экономикалық одаққа мүше мемлекеттің сыртқы істер министрлігі кеден органына береді;

      12) дипломатиялық өкілдіктер қызметкерлерінің, консулдық мекемелер қызметшілердің, мемлекеттердің халықаралық ұйымдар жанындағы өкілдіктерінің, халықаралық ұйымдары немесе олардың өкілдіктері, Еуразиялық экономикалық одақтың кедендік аумағында орналасқан өзге де ұйымдар немесе олардың өкілдіктерінің персоналдары (қызметкерлері, лауазымды адамдары), сондай-ақ олардың отбасы мүшелерінің бастапқы жайласуға қажетті тауарларын қоса алғанда, тауарлар жеке пайдалануға арналса, бұл туралы жөнелтуші кеден органы орналасқан мүше мемлекеттің сыртқы істер министрлігінің әрбір нақты тасымалдау бойынша ақпараты жөнелтуші кеден органында болса, ұсынылмайды. Көрсетілген ақпарат тауарларды алушы болып табылатын дипломатиялық өкілдіктер, консулдық мекемелер, мемлекеттердің халықаралық ұйымдар жанындағы өкілдіктері, халықаралық ұйымдар немесе олардың өкілдіктері, өзге де ұйымдар немесе олардың өкілдіктері, қызметкерлер, қызметшілер, персонал (қызметкерлер, лауазымды адамдар) келу мемлекеті болып табылатын Еуразиялық экономикалық одаққа мүше мемлекеттің сыртқы істер министрлігінен ақпаратты алған кезде болу мемлекеті болып табылатын Еуразиялық экономикалық одаққа мүше мемлекеттің сыртқы істер министрлігінен не тауарларды алушы болып табылатын мемлекеттің дипломатиялық өкілдіктері немесе консулдық мекемелері, дипломатиялық өкілдіктерінің немесе консулдық мекемелердің қызметкерлері, қызметшілері болып табылатын жөнелтуші кеден органы орналасқан Еуразиялық экономикалық одаққа мүше мемлекеттің аумағында орналасқан дипломатиялық өкілдіктерден немесе консулдық мекемелерден оны алған кезде жөнелтуші кеден органы орналасқан Еуразиялық экономикалық одаққа мүше мемлекеттің сыртқы істер министрлігінің кеден органына беріледі;

      13) тауарлар мәдени, ғылыми-зерттеу мақсаттарына, спорттық жарыстарды өткізуге не оларға дайындыққа, дүлей апаттар, авариялар, апаттар салдарын жоюға, Еуразиялық экономикалық одаққа мүше мемлекеттердің қорғаныс қабілеттілігін және мемлекеттік (ұлттық) қауіпсіздігін қамтамасыз етуге, олардың қарулы күштерін қайта жарақтандыруға, Еуразиялық экономикалық одаққа мүше мемлекеттердің мемлекеттік шекараларын қорғауға, Еуразиялық экономикалық одаққа мүше мемлекеттердің мемлекеттік органдарының пайдалануына арналса, бұл туралы Комиссия айқындаған, аумағында межелі кеден органы орналасқан Еуразиялық экономикалық одаққа мүше мемлекеттің кеден органы Комиссия айқындаған, аумағында жөнелтуші кеден органы орналасқан Еуразиялық экономикалық одаққа мүше мемлекеттің кеден органына табыс еткен мұндай тауарларды кедендік баждар, салықтар төлеу жөніндегі міндеттің орындалуын қамтамасыз етуді ұсынбай және (немесе) арнайы, демпингке қарсы, өтем баждарын төлеу жөніндегі міндеттің орындалуын қамтамасыз етуді ұсынбай шығару туралы өтінішхат берген мүдделі Еуразиялық экономикалық одаққа мүше мемлекеттің тиісті мемлекеттік органының растауы болса;

      14) автомобиль көлігімен тасымалданатын тауарларға қатысты, кедендік транзит кедендік рәсіміне сәйкес тасымалдау тауарларға арналған декларация берілген Еуразиялық экономикалық одаққа мүше мемлекеттің аумағы арқылы ғана жүзеге асырылған және кедендік транзит кедендік рәсімімен орналастырылған тауарлардың декларанты және ішкі тұтыну үшін шығару кедендік рәсімімен орналастырылатын тауарлардың декларанты бір тұлға болған жағдайда, оларды ішкі тұтыну үшін шығару кедендік рәсімімен орналастыру мақсатында және осы Кодекстің 185-бабында айқындалған ерекшеліктерімен кедендік декларациялау жүзеге асырылса және мұндай тауарларға қатысты кедендік баждар, салықтар, арнайы, демпингке қарсы, өтем баждары төленсе, ұсынылмайды.

      5. Кедендік транзит кедендік рәсімімен орналастырылатын тауарларға қатысты кедендік баждар, салықтар төлеу жөніндегі міндеттің орындалуын қамтамасыз етудің белгілі бір мөлшері және кедендік баждар, салықтар және арнайы, демпингке қарсы, өтем баждарын төлеу жөніндегі міндеттің орындалуын қамтамасыз ету мөлшері, егер осындай қамтамасыз етуді табыс ету осы Кодекстің 223-бабы 1-тармағының 2) тармақшасына сәйкес тауарларды кедендік транзит кедендік рәсімімен орналастыру шарты болып табылса, жиынтығында осы Кодекстің 227-бабында айқындалған құжаттарда көрсетілген сомадан асып түсіп, бірақ транзиттік декларацияны тіркеген күні қолданыста болған валюта бағамы бойынша баламалы бес жүз еуро сомасынан аспаса, кедендік баждарды, салықтарды төлеу жөніндегі міндеттің орындалуын қосымша қамтамасыз етуді және (немесе) арнайы, демпингке қарсы, өтем баждарын төлеу жөніндегі міндеттің орындалуын қамтамасыз етуді ұсыну талап етілмейді.

      6. Кедендік баждарды, салықтарды төлеу жөніндегі міндеттің орындалуын қамтамасыз ету бір транзиттік декларация бойынша тасымалданатын тауарларға қатысты ұсынылады. Кедендік баждарды, салықтарды төлеу жөніндегі міндеттің орындалуын бас қамтамасыз ету бірнеше транзиттік декларациялар бойынша тасымалданатын тауарларға қатысты ұсынылуы мүмкін.

      7. Бір транзиттік декларация бойынша тасымалданатын тауарларға қатысты кедендік баждарды, салықтарды төлеу жөніндегі міндеттің орындалуын қамтамасыз ету жөнелтуші кеден органына немесе межелі кеден органына ұсынылуы мүмкін.

      Кедендік баждарды, салықтарды төлеу жөніндегі міндеттің орындалуын бас қамтамасыз ету жөнелтуші кеден органына, межелі кеден органына не аумағында жөнелтуші кеден органы немесе межелі кеден органы орналасқан Еуразиялық экономикалық одаққа мүше мемлекеттің өзге де кеден органына және Еуразиялық экономикалық одаққа мүше мемлекеттің кедендік реттеу туралы осындай заңнамасында айқындалатын кеден органына ұсынылуы мүмкін.

      8. Тауарларды кедендік транзит кедендік рәсімімен орналастыруды бір мүше мемлекеттің кеден органы жүзеге асырған, ал кедендік баждарды, салықтарды төлеу жөніндегі міндеттің орындалуын бас қамтамасыз ету басқа мүше мемлекеттің кеден органына ұсынылған жағдайда, кедендік баждарды, салықтарды төлеу жөніндегі міндеттің орындалуын бас қамтамасыз етуді қолдану ерекшеліктері Еуразиялық экономикалық одақ шеңберіндегі халықаралық шарттарда айқындалады.

      Тауарларды кедендік транзит кедендік рәсімімен орналастыруды өзінің кеден органына, кедендік баждарды, салықтарды төлеу жөніндегі міндеттің орындалуын бас қамтамасыз ету ұсынылған Еуразиялық экономикалық одаққа мүше мемлекеттің кеден органы жүзеге асырған жағдайда, кедендік баждарды, салықтарды төлеу жөніндегі міндеттің орындалуын бас қамтамасыз етуді қолдану ерекшеліктері осы Еуразиялық экономикалық одаққа мүше мемлекеттің заңнамасында белгіленеді.


      227-бап. Кедендік транзит кезінде кедендік баждарды, салықтарды төлеу жөніндегі міндеттің орындалуын қамтамасыз етуді ұсынуды растау ерекшеліктері

      1. Егер тауарларды кедендік транзит кедендік рәсімімен орналастыруды бір Еуразиялық экономикалық одаққа мүше мемлекеттің кеден органы жүзеге асыратын болса, ал кедендік баждарды, салықтарды төлеу жөніндегі міндеттің орындалуын қамтамасыз ету межелі кеден органы орналасқан басқа Еуразиялық экономикалық одаққа мүше мемлекеттің кеден органына ұсынылса, мұндай қамтамасыз етудің ұсынылуын растау мақсатында кедендік баждарды, салықтарды төлеу жөніндегі міндеттің орындалуын қамтамасыз ету сертификаты (бұдан әрі – қамтамасыз ету сертификаты) қолданылады.

      2. Қамтамасыз ету сертификаты электрондық құжат түрінде ресімделеді.

      Жеке пайдалануға арналған тауарларға қатысты кедендік баждарды, салықтарды төлеу жөніндегі міндеттің орындалуын қамтамасыз ету кезінде, сондай-ақ кеден органында байланыс құралдары (телекоммуникациялық желілер және Интернет желілері) жұмысындағы техникалық іркілістер, бұзылулар салдарынан туындаған кеден органдары пайдаланатын ақпараттық жүйелердің ақауларына, электр энергиясының өшіп қалуына байланысты электрондық құжат түрінде қамтамасыз ету сертификатын ұсыну мүмкіндігі болмаған жағдайда, қағаз жеткізгіштегі құжат түрінде қамтамасыз ету сертификатын ресімдеуге жол беріледі.

      3. Қамтамасыз ету сертификаты кедендік баждарды, салықтарды төлеу жөніндегі міндеттің орындалуын қамтамасыз етудің ұсынылған мөлшері шегінде кедендік баждарды, салықтарды төлеу жөніндегі міндеттің орындалуын қамтамасыз етуді ұсынған тұлға айқындаған сомада ресімделеді. Осы Кодекстің 226-бабының 8-тармағында көзделген Еуразиялық экономикалық одақ шеңберіндегі халықаралық шартта кедендік баждарды, салықтарды төлеу жөніндегі міндеттің орындалуын бас қамтамасыз ету кезінде қамтамасыз ету сертификатын (қамтамасыз ету сертификаттарын) кедендік баждарды, салықтарды төлеу жөніндегі міндеттің орындалуын қамтамасыз етудің ұсынылған мөлшерінен асатын сомаға ресімдеу жағдайлары мен шарттары айқындалуы мүмкін.

      4. Бір транзиттік декларация бойынша тасымалданатын тауарларға қатысты кедендік баждарды, салықтарды төлеу жөніндегі міндеттің орындалуын қамтамасыз етуді ұсыну бір немесе бірнеше қамтамасыз ету сертификаттарымен расталады.

      Кедендік баждарды, салықтарды төлеу жөніндегі міндеттің орындалуын бас қамтамасыз ету кезінде бірнеше транзиттік декларациялар бойынша тасымалданатын тауарларға қатысты кедендік баждарды, салықтарды төлеу жөніндегі міндеттің орындалуын қамтамасыз ету бір қамтамасыз ету сертификатымен расталуы мүмкін.

      5. Қамтамасыз ету сертификатының нысанын, электрондық құжат түріндегі осындай сертификаттың құрылымы мен форматын, оларды толтыру және қамтамасыз ету сертификатына өзгерістер (толықтырулар) енгізу тәртібін, оның қолданылу мерзімін айқындау тәртібін, қамтамасыз ету сертификатын пайдалану тәртібін, оның ішінде оны кеден органына табыс ету, тіркеу, тіркеуден бас тарту, тіркеуді жою, қолданысын тоқтату (жабу) тәртібін, сондай-ақ қамтамасыз ету сертификатын тіркеуден бас тартудың, тіркеуді жоюдың, қолданысын тоқтатудың (жабудың) негіздерін Комиссия айқындайды.

      6. Жөнелтуші кеден органы үшін:

      1) кеден органы тіркеген және жөнелтуші кеден органы кеден органының ақпараттық жүйелерін пайдалану арқылы алған электрондық құжат түрінде ресімделген қамтамасыз ету сертификаты;

      2) қағаз жеткізгіштегі құжат түрінде ресімделген қамтамасыз ету сертификаты және кеден органы тіркеген және кеден органдарының ақпараттық жүйелерін пайдалану арқылы жөнелтуші кеден органы алған осындай қамтамасыз ету сертификаты туралы және осындай қамтамасыз ету сертификатынан алынған мәліметтер кедендік баждарды, салықтарды төлеу жөніндегі міндеттің орындалуын қамтамасыз етуді ұсынуды растау болып табылады.

      7. Осы Кодекстің 226-бабының 8-тармағында көзделген Еуразиялық экономикалық одақ шеңберіндегі халықаралық шартта кедендік баждарды, салықтарды төлеу жөніндегі міндеттің орындалуын бас қамтамасыз етуді ұсынуды растаудың ерекшеліктері айқындалуы мүмкін.

      8. Жөнелтуші кеден органы мынадай:

      1) транзиттік декларацияны беру кезінде қамтамасыз ету сертификатының қолданылу мерзімі өткен;

      2) электрондық құжат түрінде ресімделген қамтамасыз ету сертификатында көрсетілген мәліметтер не қағаз жеткізгіштегі құжат түрінде ресімделген және (немесе) кеден органдарының ақпараттық жүйелерінде бар осындай қамтамасыз ету сертификатынан мәліметтер транзиттік декларацияда көрсетілген мәліметтерге сәйкес келмеген;

      3) жөнелтуші кеден органы қағаз жеткізгіштегі құжат түрінде ресімделген қамтамасыз ету сертификатын қолдану кезінде қамтамасыз ету сертификаты туралы мәліметтерді және (немесе) осы баптың 6-тармағына сәйкес олардан мәліметтерді алмаған жағдайларда қамтамасыз ету сертификатын, ол туралы транзиттік декларацияда мәлімделген мәліметтерді кедендік баждар, салықтар төлеу жөніндегі міндеттің орындалуын қамтамасыз етуді ұсынуды растау ретінде қабылдамайды.

      9. Осы Кодекстің 442-бабына сәйкес кеден органдары электрондық құжат түрінде ресімделген қамтамасыз ету сертификаттарымен, қағаз жеткізгіштегі құжат түрінде ресімделген, тіркелген қамтамасыз ету сертификаттары туралы мәліметтермен және олардағы мәліметтермен, сондай-ақ қолданысы тоқтатылған қамтамасыз ету сертификаттары туралы (жабылған қамтамасыз ету сертификаттары туралы), қамтамасыз ету сертификатын пайдаланбау, қамтамасыз ету сертификатын тіркеуді жою туралы, қамтамасыз ету сертификатының қолданысын тоқтату (жабу) мүмкіндігі туралы ақпараттармен алмасады.


      228-бап. Тауарларды түсіру, қайта тиеу (ауыстырып тиеу) және олармен жасалатын өзге де жүк операциялары, сондай-ақ Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тауарларды тасу (тасымалдау) кезінде көлік құралдарын өткізу

      1. Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тасымалданатын тауарларды түсіруге, қайта тиеуге (ауыстырып тиеуге), оның ішінде бір көлік түрінің көлік құралынан көліктің басқа түрінің көлік құралына және олармен тасымалданатын өзге де жүк операцияларына, сондай-ақ мұндай тауарларды тасымалдайтын көлік құралдарын өткізуге осы баптың 2-тармағында көрсетілген жағдайды қоспағанда, қызмет аймағында осындай операциялар жасалатын кеден органының рұқсатымен жол беріледі.

      2. Егер осы баптың 1-тармағында көрсетілген тауарлар мен көлік құралдарына қатысты операциялар салынған кедендік пломбалар мен мөрлерді алусыз жасалса не, егер тауарларға кедендік пломбалар мен мөрлер салынбаса, қызмет аймағында осындай операциялар жасалатын кеден органын электрондық немесе жазбаша нысанда тиісті түрде хабардар еткеннен кейін мұндай операцияларды жасауға жол беріледі.

      3. Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тасымалданатын тауарларды түсіруге, қайта тиеуге (ауыстырып тиеуге) және олармен жасалатын өзге де жүк операцияларына, сондай-ақ осындай тауарларды тасымалдайтын көлік құралдарын ауыстыруға кеден органынан рұқсат алуға байланысты кедендік операцияларды жасау немесе осындай операцияларды жасау туралы кеден органын хабардар ету тәртібін Комисссия айқындайды.

      4. Кеден органы Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тасымалданатын тауарлармен жүк операцияларын жасауға рұқсат беруден көлік (тасымалдау) құжаттарында, шектеулердің сақталуын растайтын құжаттарда не Қазақстан Республикасының мемлекеттік органдары берген өзге де құжаттарда осындай операцияларды жасауға тыйым болған кезде бас тартуға құқылы.

      5. Еуразиялық экономикалық одақтың кедендік аумағы бойынша кедендік транзит кедендік рәсіміне сәйкес тасымалданатын тауарлармен жүк операциялары кеден органының рұқсатымен тұлғаның өтініші бойынша кеден органының жұмыс уақытынан тыс кезде жасалуы мүмкін.


      229-бап. Кедендік транзит кедендік рәсіміне сәйкес тауарларды тасу (тасымалдау) кезінде туындаған болған авария, еңсерілмейтін күштің әсері немесе өзге де мән-жайлар кезінде қолданылатын шаралар

      1. Тасымалдаушының осы Кодекстің 230-бабында көзделген міндеттерді сақтауына кедергі келтіретін авария, еңсерілмейтін күштің әсері немесе өзге де мән-жайлар кезінде тасымалдаушы тауарлар мен көлік құралдарының сақталуын қамтамасыз ету үшін барлық шараларды қабылдауға, осы мән-жайлар және тауарлардың тұрған жері туралы жақын кеден органына дереу хабарлауға, сондай-ақ тауарлардың орнын ауыстыруға немесе оларды жақын кеден органына не кеден органы көрсеткен өзге жерге тасуды (тасымалдауды) қамтамасыз етуге (егер оның көлік құралы бұзылған болса) міндетті.

      Осы мән-жайлар туралы хабар алған кеден органы кедендік транзит кедендік рәсіміне сәйкес тауарларды тасуға (тасымалдауға) кедергі болатын мән-жайлар туралы жөнелтуші кеден органын және межелі кеден органын хабардар етуге міндетті.

      2. Тауарларды кедендік транзит кедендік рәсіміне сәйкес тасу (тасымалдау) кезінде туындаған болған авария, еңсерілмейтін күштің әсері немесе өзге де мән-жайлар кезінде кедендік операцияларды жасау тәртібін Комиссия айқындайды.

      3. Осы баптың 1-тармағының талаптарын сақтауға байланысты тасымалдаушы шеккен шығыстарды кеден органдары өтемейді.


      230-бап. Тасымалдаушының тауарларды кедендік транзит кедендік рәсіміне сәйкес тасу (тасымалдау) кезіндегі міндеттері

      1. Тауарларды кедендік транзит кедендік рәсіміне сәйкес тасымалдау кезінде тасымалдаушы осы баптың 2-тармағында көрсетілген жағдайды қоспағанда, өзінің осындай кедендік рәсіммен орналасқан тауарлардың декларанты болу-болмауына қарамастан:

      1) тауарларды және оларға арналған құжаттарды жөнелтуші кеден органы белгілеген мерзімде, егер белгіленген болса, тауарларды тасудың (тасымалдаудың) белгілі бір маршруты бойынша жүре отырып, тауарларды жеткізу орнына жеткізуге;

      2) тауарлардың, кедендік пломбалар мен мөрлердің не, егер қолданылған болса, өзге де идентификаттау құралдарының сақталуын қамтамасыз етуге;

      3) осы Кодекстің 228-бабының 2-тармағында көрсетілген жағдайды қоспағанда, кедендік транзит кедендік рәсіміне сәйкес тасылатын (тасымалданатын) тауарларды түсіруге, қайта тиеуге (ауыстырып тиеуге) және олармен жасалатын өзге де жүк операцияларына, сондай-ақ осындай тауарларды тасымалдайтын көлік құралдарын ауыстыруға кеден органдарының рұқсатынсыз жол бермеуге міндетті.

      2. Егер тауарларды тасу (тасымалдау) екі және одан да көп көлік түрлерін пайдалана отырып жүзеге асырылса, осы баптың 1-тармағында көрсетілген міндеттер кедендік транзит кедендік рәсімімен орналастырылған тауарлардың декларантына жүктеледі.

      3. Теміржол көлігімен тасымалданатын кедендік транзит кедендік рәсімімен орналастырылған тауарлар жөнелтуші кеден органы айқындаған тауарларды жеткізу орнына жеткізілмеген кезде көрсетілген тауарларды тасымалдауға қабылдаған Еуразиялық экономикалық одаққа мүше мемлекеттің әрбір теміржол тасымалдаушысы кеден органының талап етуі бойынша осы жеткізілмеген тауарлар туралы ақпаратты табыс етуге міндетті. Тиісті талап және ақпарат жазбаша нысанда да, ақпараттық жүйелер мен ақпараттық технологияларды пайдалану арқылы да берілуі мүмкін.


      231-бап. Кедендік транзит кедендік рәсімі қолданысының аяқталуы мен тоқтатылуы

      1. Кедендік транзит кедендік рәсімнің қолданысы жөнелтуші кеден органы айқындаған тауарларды жеткізу орнына тауарлар жеткізілгеннен кейін аяқталады.

      2. Тауарларды жеткізу орнында кедендік транзит кедендік рәсімнің қолданысы аяқталғанға дейін тауарлар кедендік бақылау аймағында, оның ішінде тауарлар олар жеткізілген көлік құралынан түсірмей орналастырылады.

      Тауарлар кедендік бақылау аймағына тәуліктің кез келген уақытында орналастырылады.

      3. Кедендік транзит кедендік рәсімнің қолданысын аяқтау үшін тасымалдаушы не кедендік транзит кедендік рәсімімен орналастырылған тауарлар декларанты межелі кеден органына транзиттік декларацияны, сондай-ақ өзінде бар басқа дақұжаттарды:

      1) автомобиль көлігімен тасымалданатын тауарларға қатысты – олардың тауарларды жеткізу орнына келген кезінен бастап үш сағат ішінде, ал тауарлар кеден органының жұмыс уақытынан тыс кезде келген жағдайда – осы кеден органының жұмыс уақыты басталған кезден бастап үш сағат ішінде;

      2) су, әуе және теміржол көлігін пайдалана отырып тасымалданатын тауарларға қатысты – халықаралық тасымалды жүзеге асыру кезінде порттың, әуежайдың немесе теміржол станциясының технологиялық процесінде (кестесінде) белгіленген уақыт ішінде, бірақ көлік құралының тауарларды жеткізу орнына келу кезінен бастап межелі кеден органының келесі жұмыс күнінің аяқталу уақытынан кешіктірмей табыс етуге міндетті.

      4. Тасымалдаушы атынан осы баптың 3-тармағында көзделген әрекеттерді, осындай тасымалдаушының тапсырмасы бойынша әрекет ететін тұлғалар жасауы мүмкін.

      5. Кеден органының талабы бойынша тасымалдаушы тауарларды көрсетуге тиіс.

      6. Межелі кеден органы осы баптың 3-тармағында көрсетілген құжаттарды ұсынған кезден бастап бір сағат ішінде олардың берілуін уәкілетті орган бекіткен тәртіппен тіркейді.

      7. Межелі кеден органы кедендік транзит кедендік рәсімін мүмкіндігінше қысқа мерзімде, бірақ осы баптың 3-тармағында көрсетілген құжаттарды беруді тіркеген кезден бастап кеден органы жұмысының төрт сағатынан кешіктірмей, ал егер мұндай құжаттарды беру кеден органы жұмысының аяқталуына дейін төрт сағаттан аз уақыт қалған кезде тіркелген болса – осы кеден органының жұмысы басталған кезден бастап төрт сағат ішінде аяқтайды.

      8. Кеден органы кедендік тексеріп қарауды өткізу туралы шешім қабылдаған жағдайда кедендік транзит кедендік рәсімнің қолданысын аяқтау мерзімі межелі кеден органы басшысының, ол уәкілеттік берген межелі кеден органы басшысы орынбасарының не оларды алмастыратын адамдардың жазбаша рұқсатымен кедендік тексеріп қарау өткізу үшін қажетті уақытқа, бірақ осы баптың 3-тармағында көрсетілген құжаттардың берілуін тіркеу күнінен кейінгі күннен бастап бес жұмыс күнінен аспайтын мерзімге ұзартылуы мүмкін.

      9. Кедендік транзит кедендік рәсімі қолданысының аяқталуы кеден органының ақпараттық жүйесін пайдалана отырып, электрондық құжат жасау не транзиттік декларацияда немесе транзиттік декларация ретінде пайдаланатын өзге де құжаттарда тиісті белгілер қою арқылы ресімделеді.

      10. Кедендік транзит кедендік рәсімі қолданысының аяқталуына байланысты кедендік операцияларды, оның ішінде тауарларды тасу (тасымалдау) жүзеге асырылатын көлік түріне байланысты жасау тәртібін Комиссия айқындайды.

      11. Кедендік транзит кедендік рәсімнің қолданысы тауарларды уақытша сақтауға орналастырумен, тауарларды шығарумен аяқталған жағдайларды, сондай-ақ кедендік транзит кедендік рәсімі қолданысының аяқталуына байланысты кедендік операцияларды жасау тәртібін, оның ішінде көлік түріне байланысты тәртіпті бұл жағдайларда уәкілетті орган бекітеді.

      12. Осы Кодекстің 225-бабының 7-тармағында көзделген жағдайда, сондай-ақ, егер тауарлар межелі кеден органынан ерекшеленетін кеден органына жеткізілген болса, кедендік транзит кедендік рәсімнің қолданысы осы бапта белгіленген тәртіппен аяқталады.

      13. Егер тауарларды жеткізу орнына тауарлар толықтай немесе ішінара жеткізілмесе және кедендік рәсімнің қолданысы осы баптың 12-тармағында көзделген жағдайларда аяқталмаса, кедендік транзит кедендік рәсімнің қолданысы тоқтатылады.

      Кедендік транзит кедендік рәсімі қолданысының тоқтатылуына байланысты кедендік операцияларды жасау тәртібін, кедендік транзит кедендік рәсімі тоқтатылуға жататын мерзімдерді, сондай-ақ кедендік транзит кедендік рәсімі қолданысының тоқтатылуын ресімдеу тәртібін Комиссия айқындайды.

      14. Екінші немесе үшінші типтегі куәлігі бар уәкілетті экономикалық оператордың құрылысжайларында, үй-жайларында (үй-жайлардың бөліктерінде) және (немесе) ашық алаңқайларда (ашық алаңқайлардың бөліктерінде) құрылған кедендік бақылау аймағына тауарларды жеткізу кезінде кедендік транзит кедендік рәсімнің қолданысы осы Кодекстің 538-бабында белгіленген ерекшеліктермен аяқталады.


      232-бап. Тауарларды жеткізу орнына тауарларды жеткізгеннен кейін жасалатын кедендік операциялар

      1. Межелі кеден органы осы Кодекстің 231-бабының 3-тармағында көрсетілген құжаттардың берілуін тіркегеннен кейін осы Кодекстің 149-бабы 1-тармағының 1), 2) және 3) тармақшаларында аталған адамдар тауарларды уақытша сақтауға орналастыруға немесе оларды:

      1) автомобиль көлігімен тасымалданатын тауарларға қатысты – межелі кеден органы құжаттардың берілуін тіркегеннен кейін кеден органы жұмыс уақытының сегіз сағатынан кешіктірмей;

      2) су, әуе кемелерін немесе теміржол көлігін пайдалана отырып тасымалданатын тауарларға қатысты – халықаралық тасымалды жүзеге асыру кезінде порттың, әуежайдың немесе теміржол станциясының технологиялық процесінде (кестесінде) белгіленген уақыт ішінде, бірақ көлік құралының тауарларды жеткізу орнына келу кезінен бастап межелі кеден органының келесі жұмыс күні аяқталатын уақытынан кешіктірмей кедендік декларациялауға байланысты кедендік операцияларды жасауға міндетті.

      2. Су кемелері пайдаланылып тасымалданатын тауарларға қатысты тауарларды уақытша сақтауға орналастыруға байланысты кедендік операцияларды осы Кодекстің 149-бабының 1-тармағы 1) тармақшасының алтыншы абзацында және 4) тармақшасында көрсетілген адамдар жасауға міндетті.

      3. Кеден органы осы баптың 1-тармағында көрсетілген мерзім өткен кезден бастап кеден органының жұмыс уақытының үш сағаты ішінде осы Кодекстің 149-бабы 1-тармағының 1), 2) және 3) тармақшаларында көрсетілген адамдар осы баптың 1-тармағының бірінші абзацында көзделген кедендік операцияларды жасамағаны туралы тасымалдаушыға еркін нысандағы хабарламаны жолдайды.

      Осы Кодекстің 144-бабы 1-тармағының 1), 2) және 3) тармақшаларында көрсетілген адамдар осы баптың 1-тармағының бірінші абзацында көзделген кедендік операцияларды жасамаған жағдайда, тасымалдаушы осы Кодекстің 17-тарауына сәйкес тауарларды уақытша сақтауға орналастырумен байланысты кедендік операцияларды осы баптың 1-тармағында көрсетілген мерзім өткен күннен кейінгі бір жұмыс күнінен кешіктірмей жасауға міндетті.

      4. Осы баптың 1, 2 және 3-тармақтарының ережелері, егер тауарларға қатысты алдын ала кедендік декларациялау жүзеге асырылған болса, қолданылмайды.

      5. Осы баптың 1-тармағына сәйкес тауарларды декларациялаумен байланысты кедендік операцияларды жасау кезінде осы Кодекстің 149-бабы 1-тармағының 1), 2) және 3) тармақшаларында көрсетілген тұлғалар тауарларды осы Кодекстің 17-тарауына сәйкес уақытша сақтауға орналастырумен байланысты кедендік операцияларды:

      1) осы Кодекстің 184-бабына сәйкес кедендік декларацияны қайтарып алуға кеден органының рұқсатын;

      2) осы Кодекстің 198-бабына сәйкес тауарларды шығару мерзімін тоқтата тұру туралы кеден органының шешімін;

      3) осы Кодекстің 201-бабына сәйкес тауарларды шығарудан бас тартуды алған кезден бастап үш сағат ішінде жасауға міндетті.

      6. Осы баптың 1 және 5-тармақтарында көрсетілген мерзімде осы бапта белгіленген кедендік операциялар жасалмаған тауарларды кеден органдары осы Кодекстің 52-тарауына сәйкес кідіртеді.

      7. Осы баптың ережелері:

      1) Еуразиялық экономикалық одақтың кедендік аумағына әкелінген Еуразиялық экономикалық одақтың тауарларына және осы Кодекстің 385-бабының 4-тармағында көрсетілген, Еуразиялық экономикалық одақ мүшесі болып табылмайтын мемлекеттің аумағы арқылы тасу (тасымалдау) үшін кедендік транзит кедендік рәсімімен орналастырылған шетелдік тауарларға қатысты;

      2) халықаралық пошта жөнелтілімдеріне қатысты;

      3) Еуразиялық экономикалық одақтың кедендік аумағынан әкетілетін тауарларға қатысты кету орнында кедендік транзит кедендік рәсімнің қолданысы аяқталған кезде;

      4) екінші немесе үшінші типтегі куәлігі бар уәкілетті экономикалық оператордың құрылысжайларында, үй-жайларында (үй-жайлардың бөліктерінде) және (немесе) ашық алаңқайларында (ашық алаңқайлардың бөлітерінде) құрылған кедендік бақылау аймағына жеткізілген тауарларға қатысты кедендік транзит кедендік рәсімнің қолданысы аяқталған кезде қолданылмайды.


      233-бап. Еуразиялық экономикалық одақтың кедендік аумағы бойынша тасу (тасымалдау) кезінде кедендік транзит кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу мерзімі және есептеу

      1. Кедендік транзит кедендік рәсімімен орналастырылатын шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет:

      1) декларантта – кеден органы транзиттік декларацияны тіркеген кезден бастап;

      2) егер тауарларды беру Еуразиялық экономикалық одаққа мүше мемлекеттердің теміржол тасымалдаушылары арасында жүзеге асырылса, теміржол көлігі саласындағы халықаралық шарттарда және Тәуелсіз Мемлекеттер Достығына қатысушы мемлекеттердің Теміржол көлігі жөніндегі кеңесінің актілерінде белгіленген тәртіппен не, егер тауарларды беру Қазақстан Республикасының теміржол тасымалдаушылары арасында жүзеге асырылса, Қазақстан Республикасының көлік саласындағы заңнамасында белгіленген тәртіппен кедендік транзит кедендік рәсімімен орналастырылған тауарларды Қазақстан Республикасының аумағы шегінде теміржол көлігімен тасымалдауға қабылдаған Қазақстан Республикасының теміржол тасымалдаушысында – тауарларды белгіленген тәртіппен тасымалдауға қабылдаған кезден бастап туындайды.

      2. Арнайы, демпингке қарсы, өтем баждарын төлеу жөніндегі міндет жеке пайдалануға және халықаралық пошта жөнелтілімдеріне арналған тауарларды кедендік транзит кедендік рәсімімен орналастыру кезінде туындамайды.

      3. Кедендік транзит кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет:

      декларантта, сондай-ақ жөнелтуші кеден органы айқындаған тауарларды жеткізу орнына дейін тауарларды тасуды (тасымалдауды) жүзеге асыратын, осы баптың 1-тармағының 2) тармақшасында көрсетілген Еуразиялық экономикалық одаққа мүше мемлекеттің теміржол тасымалдаушысында мынадай мән-жайлар басталған кезде:

      1) осы тармақтың 2) тармақшасында көрсетілген жағдайды қоспағанда, осы Кодекстің 231-бабына сәйкес кедендік транзит кедендік рәсімнің қолданылуы аяқталған;

      2) уәкілетті экономикалық оператор тауарларды осы Кодекстің 539-бабына сәйкес қабылдағанда;

      3) кедендік транзит кедендік рәсімнің қолданысы аяқталған тауарларды осы Кодекстің 209-бабының 6-тармағына сәйкес уақытша сақтауға орналастырған;

      4) кедендік транзит кедендік рәсімнің қолданысы аяқталған тауарларды осы Кодекстің 209-бабының 7-тармағына сәйкес кедендік рәсіммен орналастырған;

      5) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетті орындаған және (немесе) оларды осы баптың 6-тармағына сәйкес есептелген және төлеуге жататын мөлшерлерде өндіріп алған;

      6) уәкілетті орган бекіткен тәртіппен кеден органы, осы Кодекске сәйкес осындай жойылғанға дейін немесе қайтарымсыз жоғалғанға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, осындай шетелдік тауарлардың осындай жойылу фактісін және (немесе) авария салдарынан немесе еңсерілмейтін күштің әсерінен не тасудың (тасымалдаудың) және (немесе) сақтаудың қалыпты жағдайы кезіндегі табиғи кему нәтижесінде осы тауарлардың қайтарымсыз жоғалу фактісін таныған;

      7) транзиттік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – тауарларды кедендік транзит кедендік рәсіміне сәйкес шығарудан бас тартқан;

      8) транзиттік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес транзиттік декларациядан бас тартқан және (немесе) осы Кодекстің 192-бабының 5-тармағына сәйкес тауарларды шығарудың күшін жойған;

      9) Қазақстан Республикасының заңнамасына сәйкес тауарларды тәркілегенде және мемлекеттің меншігіне айналдырған;

      10) осы Кодекстің 52-тарауына сәйкес тауарларды кеден органы кідірткенде;

      11) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу (әкімшілік процесті жүргізу) барысында алынған немесе тыйым салынған және бұрын мұндай тауарлар шығарылмаған болса, оларға қатысты қайтару туралы шешім қабылданған тауарларды уақытша сақтауға орналастырған немесе кедендік рәсімдердің бірімен орналастырған мән-жайлар басталған кезде тоқтатылады.

      4. Кедендік транзит кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет теміржол көлігі саласындағы халықаралық шарттарда және Тәуелсіз Мемлекеттер Достығына қатысушы мемлекеттердің Теміржол көлігі жөніндегі кеңесінің актілерінде белгіленген тәртіппен теміржол көлігімен тасымалданатын кедендік транзит кедендік рәсімімен орналастырылған тауарларды Еуразиялық экономикалық одаққа мүше мемлекеттің басқа теміржол тасымалдаушысына не көлік саласындағы Қазақстан Республикасының заңнамасында белгіленген тәртіппен Қазақстан Республикасының басқа теміржол тасымалдаушысы берген Қазақстан Республикасының теміржол тасымалдаушысында – тауарларды белгіленген тәртіппен берген кезде тоқтатылады.

      5. Тауарлар кеден органы белгілеген кедендік транзит мерзімінде жеткізу орнына жеткізілмесе және осы Кодекстің 231-бабының 12-тармағында көзделген жағдайларда кедендік рәсімнің қолданысы аяқталмаса, кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалуға жатады.

      Көрсетілген мән-жайлар басталған кезде тауарларды кедендік транзит кедендік рәсімімен орналастыру күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      6. Осы баптың 5-тармағында көрсетілген мән-жайлар басталған кезде, егер кедендік транзит кедендік рәсімімен орналастылыған шетел тауарлары тарифтік преференцияларды және кедендік әкелу баждарын, салықтарды төлеу жөніндегі жеңілдіктерді қолданбай ішкі тұтыну үшін шығару кедендік рәсімімен орналастырылса, ал жеке пайдалануға арналған тауарларға қатысты – егер жеке пайдалануға арналған тауарларды еркін айналымға шығару жүргізілсе, кедендік әкелу баждары, салықтар, арнайы, демпингке қарсы, өтем баждары төленуге жатады.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін кеден органы транзиттік декларацияны тіркеу күні қолданылатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Кеден органында тауарлар (сипаты, атауы, саны, шығарылған жері және (немесе) кедендік құны) туралы нақты мәліметтері болмаған жағдайда, төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеуге арналған база кеден органында бар мәліметтер негізінде айқындалады, ал тауарларды сыныптау осы Кодекстің 40-бабының 4-тармағын ескере отырып жүзеге асырылады.

      Егер Сыртқы экономикалық қызметтің тауар номенклатурасына сәйкес тауарлар коды оннан аз белгілер санымен топтама деңгейінде айқындалса:

      осындай топтамаға кіретін тиісті тауарларға сәйкес келетін кедендік әкелу баждарының ең көп мөлшерлемесі кедендік әкелу баждарын есептеу үшін қолданылады;

      кедендік әкелу баждарының ең көп мөлшерлемесі белгіленген осындай топтамаға кіретін тауарларға сәйкес келетін акциздердің ең көп мөлшерлемесі және қосылған құн салығының ең көп мөлшерлемесі салықтарды есептеу үшін қолданылады;

      осы тармақтың сегізінші абзацы ескеріле отырып, осындай топтамаға кіретін тауарларға сәйкес келетін арнайы, демпингке қарсы, өтем баждарының ең көп мөлшерлемесі арнайы, демпингке қарсы, өтем баждарын есептеу үшін қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шығарылған жері және (немесе) көрсетілген баждарды айқындау үшін қажетті өзге де мәліметтер негізге алына отырып есептеледі. Тауарлардың шығарылған жері және (немесе) көрсетілген баждарды айқындау үшін қажетті өзге де мәліметтер расталмаған жағдайда, арнайы, демпингке қарсы, өтем баждары, егер тауардың сыныптамасы он белгі деңгейінде жүзеге асырылса, Сыртқы экономикалық қызметтің тауар номенклатурасының сол бір кодындағы тауарларға не, егер Сыртқы экономикалық қызметтің тауар номенклатурасына сәйкес тауарлардың кодтары оннан кем белгілері бар топтама деңгейінде айқындалса, топтамаға кіретін тауарларға қатысты белгіленген арнайы, демпингке қарсы, өтем баждарының ең көп мөлшерлемесі негізге алына отырып есептеледі.

      Тауарлар туралы дәл мәліметтерді кейіннен анықтаған кезде кедендік әкелу баждары, салықтар, арнайы, демпингке қарсы, өтем баждары осындай дәл мәліметтерді негізге ала отырып есептеледі және кедендік әкелу баждарының, салықтардың, арнайы, демпингке қарсы, өтем баждарының артық төленген және (немесе) артық өндіріп алынған сомаларын есепке жатқызу (қайтару) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекет, осы Кодекстің 12-тарауына және 142-бабына сәйкес төленбеген сомаларды өндіріп алу жүргізіледі.

      Халықаралық пошта жөнелтімдеріне қатысты кедендік әкелу баждары, салықтар осы Кодекстің 370-бабының 7-тармағында белгіленген мөлшерде төленуге жатады.

      7. Осы Кодекстің 209-бабының 6-тармағына сәйкес тауарларды кедендік транзит кедендік рәсімімен уақытша сақтауға орналастырған не осындай тауарларды осы Кодекстің 209-бабының 7-тармағына сәйкес кедендік рәсіммен орналастырған не кедендік баждарды, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толықтай немесе ішінара) жөніндегі міндет орындалғаннан кейін кеден органдары тауарларды осы Кодекстің 52-тарауына сәйкес кідірткен жағдайда, осы бапқа сәйкес төленген және (немесе) өндіріп алынған кедендік баждардың, салықтардың, арнайы, демпингке қарсы, өтем баждарының сомалары осы Кодекстің 1-тарауына және 141-бабына сәйкес есепке жатқызуға (қайтаруға) жатады.

      8. Осы Кодекстің 96-бабының 3-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің орындалуын қамтамасыз етуді кедендік транзит кедендік рәсімімен орналастырылған тауарлардың декларантынан өзге тұлға табыс еткен жағдайда, мұндай өзге тұлға кедендік баждарды, салықтарды, арнайы, демпингке қарсы, өтем баждарын төлеу бойынша декларантпен ортақ міндетті көтереді.

      9. Тауарларды теміржол көлігімен тасымалдаған кезде кедендік транзит кедендік рәсімімен орналастырылған тауарлардың декларанты теміржол көлігі саласындағы халықаралық шарттарда және Тәуелсіз Мемлекеттер Достастығына қатысушы мемлекеттердің Теміржол көлігі жөніндегі кеңесінің актілерінде не Қазақстан Республикасының көлік саласындағы заңнамасында белгіленген тәртіппен кедендік транзит кедендік рәсімімен орналастырылған тауарларды тасымалдауға қабылдаған Қазақстан Республикасының теміржол тасымалдаушысы болып табылмаса, мұндай теміржол тасымалдаушысы кедендік әкелу баждарын, салықтарды, арнайы, демпингке қарсы, өтем баждарын төлеу бойынша декларантпен ортақ міндетті көтереді.


      234-бап. Тұлғалардың кедендік транзит кедендік рәсімін бұзған кездегі жауапкершілігі

      1. Осы Кодекстің 230-бабында көрсетілген тұлғалар кедендік транзит кедендік рәсімімен орналастырылған барлық тауарларды және оларға арналған құжаттарды тауарларды жеткізу орнына жеткізбеген кезде, Қазақстан Республикасының заңдарымен белгіленген жауаптылықта болады.

      Тауарларды кедендік транзит кедендік рәсіміне сәйкес тасу (тасымалдау) кезінде міндеттер орындалмаған өзге жағдайларда, оның ішінде кедендік транзит кедендік рәсімімен орналастырылған тауарлардың бір бөлігі жеткізілмеген жағдайда, осы Кодекстің 230-бабында көрсетілген тұлғалар аумағында бұзушылықтар анықталған Еуразиялық экономикалық одаққа мүше мемлекеттің заңнамасында белгіленген жауаптылықта болады.

      2. Тауарларды кедендік транзит кедендік рәсіміне сәйкес теміржол көлігімен тасымалдау кезінде тасымалдаушының міндеттерді орындамағаны үшін теміржол көлігі саласындағы халықаралық шарттарда және Тәуелсіз Мемлекеттер Достастығына қатысушы мемлекеттердің Теміржол көлігі жөніндегі кеңесінің актілерінде не, егер тауарларды беру Қазақстан Республикасының теміржол тасымалдаушылары арасында жүзеге асырылса, Қазақстан Республикасының көлік саласындағы заннамасында белгіленген тәртіппен тауарларды Қазақстан Республикасының аумағы бойынша тасымалдауға қабылдаған теміржол тасымалдаушысы жауаптылықта болады.

      Тауарларды кедендік транзит кедендік рәсіміне сәйкес теміржол көлігімен тасымалдау кезінде міндеттерін орындамағаны үшін осы тармақтың бірінші абзацында көрсетілген теміржол тасымалдаушысы Қазақстан Республикасының заңдарында белгіленген жауаптылықта болады.

25-тарау. Кеден қоймасы кедендік рәсімі

      235-бап. Кеден қоймасы кедендік рәсімінің мазмұны және қолданылуы

      1. Кеден қоймасы кедендік рәсімі – шетелдік тауарларға қатысты қолданылатын кедендік рәсім, оған сәйкес мұндай тауарлар, оларды осындай кедендік рәсіммен орналастырудың және оларды осындай кедендік рәсімге сәйкес пайдаланудың шарттары сақталған жағдайда кедендік әкелу баждары, салықтар, арнайы, демпингке қарсы, өтем баждары төленбей кеден қоймасында сақталады.

      2. Кеден қоймасы кедендік рәсімімен орналастырылған тауарлар шетелдік тауарлар мәртебесін сақтайды.

      3. Кеден қоймасы кедендік рәсімін қолдануға:

      1) бұрын уақытша әкелу (рұқсат беру) кедендік рәсімімен орналастырылған тауарларды кеден қоймасы кедендік рәсімімен орналастыру арқылы уақытша әкелу (рұқсат беру) кедендік рәсімінің;

      2) кедендік аумақта қайта өңдеу кедендік рәсімімен орналастырылған тауарларды және (немесе) бұрын кедендік аумақта қайта өңдеу кедендік рәсімімен орналастырылған тауарларды қайта өңдеу өнімдерін кеден қоймасы кедендік рәсімімен орналастыру арқылы кедендік аумақта қайта өңдеу кедендік рәсімінің;

      3) ішкі тұтыну үшін қайта өңдеу кедендік рәсімімен орналастырылған тауарларды және (немесе) бұрын ішкі тұтыну үшін қайта өңдеу кедендік рәсімімен орналастырылған тауарларды қайта өңдеу өнімдерін кеден қоймасы кедендік рәсімімен орналастыру арқылы ішкі тұтыну үшін қайта өңдеу кедендік рәсімнің қолданысын тоқтата тұруға жол беріледі.

      4. Кеден қоймасы кедендік рәсімін өздерінің үлкендігіне көлемінің немесе тиеудің, түсірудің және (немесе) сақтаудың ерекше шарттарына байланысты кеден қоймасында орналастыруға болмайтын тауарларға қатысты қолдануға жол беріледі.

      Мұндай тауарларды сақтау уәкілетті орган бекіткен тәртіппен, сондай-ақ осы Кодекстің 10-тарауына сәйкес кедендік баждардың, салықтардың төленуін қамтамасыз ету шартында берілетін, осындай орындарда сақтауға кеден органының рұқсаты болған жағдайда, кеден қоймалары болып табылмайтын орындарда жүзеге асырылуы мүмкін.

      5. Комиссия кеден қоймасы кедендік рәсімі қолданылмайтын тауарлар тізбесін айқындауға құқылы.


      236-бап. Тауарларды кеден қоймасы кедендік рәсімімен орналастыру және оларды осындай кедендік рәсімге сәйкес пайдалану шарттары

      1. Тауарларды кеден қоймасы кедендік рәсімімен орналастыру шарттары:

      1) тауарлардың жарамдылық және (немесе) өткізілу мерзімі оларды кеден қоймасы кедендік рәсіміне кедендік декларациялау күніне күнтізбелік бір жүз сексен күннен астатын күннен мерзімді құрауы;

      2) осы Кодекстің 8-бабына сәйкес тауарларды кеден қоймасы кедендік рәсімімен орналастыру шарттары болып табылады.

      2. Мыналар:

      1) тауарлардың кеден қоймасында, ал осы Кодекстің 235-бабының 4-тармағында көрсетілген тауарлардың – кеден органының тауарларды кеден қоймасы болып табылмайтын орында сақтауға берілген рұқсатында көрсетілген орындарда орналастырылуы және болуы;

      2) кеден қоймасы кедендік рәсімін қолдану мерзімінің сақталуы;

      3) кеден қоймасы кедендік рәсімімен орналастырылған тауарлармен операциялар жасау кезінде осы Кодекстің 238-бабы ережелерінің сақталуы тауарларды кеден қоймасы кедендік рәсіміне сәйкес пайдалану шарттары болып табылады.


      237-бап. Кеден қоймасы кедендік рәсімінің қолданылу мерзімі

      1. Кеден қоймасы кедендік рәсімінің қолданылу мерзімі осы баптың 3 және 4-тармақтарында көзделген жағдайларды қоспағанда, тауарларды осындай кедендік рәсіммен орналастырған күннен бастап үш жылдан аспайды.

      2. Еуразиялық экономикалық одақтың кедендік аумағында тұрған шетелдік тауарларға қатысты кеден қоймасы кедендік рәсімі бірнеше рет қолданылған, оның ішінде осы тауарлардың декларанттары әртүрлі тұлғалар болып табылған жағдайда, кеден қоймасы кедендік рәсімінің жалпы қолданылу мерзімі осы баптың 1-тармағында көзделген мерзімнен аспайды.

      3. Кеден қоймасы кедендік рәсімімен орналастырылған тауарлар осы баптың 1-тармағында көзделген мерзім өткенге дейін осы Кодексте көзделген кедендік рәсімдермен орналастырылуға не осы Кодекстің 41-тарауына сәйкес керек-жарақтар ретінде шығарылуға тиіс.

      Жарамдылық және (немесе) өткізілу мерзімі шектеулі тауарлар жарамдылық және (немесе) өткізілу мерзімі өткенге дейін күнтізбелік бір жүз сексен күннен кешіктірілмей, өзге кедендік рәсіммен орналастырылуға тиіс.

      4. Кеден қоймасы жұмыс істеуін тоқтатқан жағдайда, кеден қоймасы кедендік рәсімімен орналастырылған және осындай кеден қоймасында тұрған тауарлар осы кеден қоймасы жұмыс істеуін тоқтатқан күннен кейінгі күннен бастап күнтізбелік алпыс күннен кешіктірілмей басқа кеден қоймасына орналастырылуға не осы Кодексте көзделген кедендік рәсімдермен орналастырылуға не осы Кодекстің 41-тарауына сәйкес керек-жарақтар ретінде шығарылуға тиіс.


      238-бап. Кеден қоймасы кедендік рәсімімен орналастырылған тауарлармен жасалатын операциялар

      1. Тауарларға қатысты өкілеттіктері бар адамдар немесе олардың өкілдері осы операциялар тауарлар жай-күйінің өзгеруіне, олардың орамаларының және (немесе) идентификаттау құралдарының бұзылуына алып келмейтін жағдайда, кеден қоймасы кедендік рәсімімен орналастырылған тауарлармен олардың сақталуын қамтамасыз ету үшін қажетті әдеттегі операцияларды жасауға, оның ішінде тауарларды қарап-тексеруге және өлшеуге, кеден қоймасы шегінде олардың орнын ауыстыруға, ал осы Кодекстің 235-бабының 4-тармағында көрсетілген тауарларға қатысты – осындай тауарларды сақтау орындары шегінде олардың орнын ауыстыруға құқылы.

      2. Кеден органының рұқсатымен кеден қоймасы кедендік рәсімімен орналастырылған тауарлармен қарапайым жинақтау операциялары, сондай-ақ:

      1) тауарлардың сынамаларын және (немесе) үлгілерін алу;

      2)  партияларды бөлшектеуді, жөнелтілімдерді, сұрыптауды, орауды, қайта орауды, таңбалауды, қалыптастыруда тауардың сыртқы пішінін жақсарту жөніндегі операцияларды қоса алғанда, тауарларды сатуға және тасуға (тасымалдауға) дайындау;

      3) сақтау мерзімі ішінде осындай операцияларды жасау талап етілетін тауарларға қатысты техникалық қызмет көрсету жөніндегі операциялар жасалуы мүмкін.

      3. Кеден қоймасы кедендік рәсімімен орналастырылған тауарлармен жасалатын операциялар осы тауарлардың Сыртқы экономикалық қызметтің тауар номенклатурасына сәйкес кодын өзгертумен байланысты сипаттамасын өзгертпеуге тиіс.

      4. Кеден қоймасы кедендік рәсімімен орналастырылған тауарларды олардың функционалдық нысанасы бойынша пайдалануға жол берілмейді.

      5. Кеден қоймасы кедендік рәсімімен орналастырылған тауарлардың барлығына немесе бір бөлігіне қатысты осы тауарларды иелену, пайдалану және (немесе) оларға билік ету құқықтарын беруді көздейтін мәмілелер жасалуы мүмкін.


      239-бап. Тауарларды кеден қоймасында сақтау

      1. Тауарлар кеден қоймасы кедендік рәсімімен орналастырылған күннен кейінгі күннен бастап бес жұмыс күні ішінде олар кеден қоймасында не кеден органының тауарларды кеден қоймасы болып табылмайтын орында сақтауға берілген рұқсатында көрсетілген орындарда орналастырылуға тиіс.

      2. Басқа тауарларға зиян келтіруі мүмкін немесе сақтаудың ерекше жағдайларын талап ететін тауарлар, осындай тауарларды сақтау талаптарына сәйкес жабдықталған кеден қоймаларында орналастырылуға тиіс.


      240-бап. Кеден қоймасында сақтаған кезеңде жарамсыз болған, бүлінген немесе зақымданған тауарлар

      Кеден қоймасында сақталған кезеңде, оларды декларант таңдаған кедендік рәсіммен орналастыру кезінде аварияның немесе еңсерілмейтін күштің әсері салдарынан жарамсыз болған, бүлінген немесе зақымданған тауарлар Еуразиялық экономикалық одақтың кедендік аумағына жарамсыз болған, бүлінген немесе зақымданған күйде әкелінгендей қаралады.


      241-бап. Кеден қоймасы кедендік рәсімі қолданылуының аяқталуы және тоқтатылуы

      1. Осы Кодекстің 237-бабында көзделген кеден қоймасы кедендік рәсімінің қолданылу мерзімі өткенге дейін осы кедендік рәсімнің қолданылуы:

      1) егер осы тармақта өзгеше белгіленбесе, кедендік транзит кедендік рәсімін қоспағанда, осы Кодексте көзделген шарттарда тауарларды шетелдік тауарларға қатысты қолданылатын кедендік рәсімдермен орналастырумен;

      2) қолданылуы осы Кодекстің 253-бабының 3-тармағына сәйкес тоқтатыла тұрған кедендік аумақта қайта өңдеу кедендік рәсімінің қолданылуын жаңартумен;

      3) қолданылуы осы Кодекстің 277-бабының 3-тармағына сәйкес тоқтатыла тұрған ішкі тұтыну үшін қайта өңдеу кедендік рәсімінің қолданылуын жаңартумен;

      4) қолданылуы осы Кодекстің 305-бабының 3-тармағына сәйкес тоқтатыла тұрған уақытша әкелу (рұқсат беру) кедендік рәсімінің қолданылуын жаңартумен;

      5) егер тауарлар осы кедендік рәсіммен тауарларды кеден қоймасы кедендік рәсімімен орналастыру кезінде кеден органы тауарлар шығаруды жүргізген Еуразиялық экономикалық одаққа мүше мемлекеттің аумағынан Еуразиялық экономикалық одаққа мүше басқа мемлекеттің аумағына тасымалдау үшін орналастырылған болса, осындай тауарларды кедендік транзит кедендік рәсімімен орналастырумен;

      6) осы Кодекстің 41-тарауына сәйкес тауарлардың керек-жарағы ретінде шығарылуымен;

      7) уәкілетті орган бекіткен тәртіппен кеден органдарының авария немесе еңсерілмейтін күштің әсері салдарынан тауарлардың жойылу және (немесе) қайтарымсыз жоғалу фактісін не осы тауарларды (тасымалдаудың) және (немесе) сақтаудың қалыпты жағдайлары кезінде табиғи кему нәтижесінде қайтарымсыз жоғалу фактісін тануымен;

      8) олар басталғанға дейін тауарлар кедендік бақылауда тұратын, Комиссия айқындайтын және (немесе) осы Кодексте айқындалатын мән - жағдайлардың басталуымен аяқталады.

      2. Кеден қоймасы кедендік рәсімімен орналастырылған тауарлар кедендік рәсімге бір немесе бірнеше партиямен орналастырылуы мүмкін.

      3. Кеден қоймасы кедендік рәсімімен жинақталмаған немесе бөлшектелген түрде, оның ішінде жиынтықталмаған немесе жасалып бітпеген түрде орналастырылған тауарлар, Сыртқы экономикалық қызметтің тауар номенклатурасына сәйкес, Сыртқы экономикалық қызметтің тауар номенклатурасының XVI бөліміне ескертпелерді және (немесе) Сыртқы экономикалық қызметтің тауар номенклатурасын түсіндіру қағидаларын 2 а) қолдану мүмкін болған жағдайда, мынадай шарттар сақталған кезде:

      1) кеден қоймасы кедендік рәсімімен орналастырылған тауарлардың және кеден қоймасы кедендік рәсімінің қолданылуын аяқтау үшін кедендік рәсімдермен орналастырылатын тауарлардың декларанты бір және сол бір тұлға болып табылғанда;

      2) тауарлар Еуразиялық экономикалық одақтың кедендік шекарасы арқылы бір мәміле шеңберінде өткізілгенде;

      3) Комиссия айқындайтын жағдайларда, Еуразиялық экономикалық одақтың кедендік шекарасы арқылы жинақталмаған немесе бөлшектелген түрде, оның ішінде жиынтықталмаған немесе жасалып бітпеген түрде орналастырылатын тауарларды сыныптау туралы шешім ұсынылғанда;

      4) Комиссия айқындайтын өзге де шарттар сақталғанда Сыртқы экономикалық қызметтің тауар номенклатурасына сәйкес жиынтықталған немесе жасалып біткен түрдегі тауардың кодына сәйкес келетін тауардың кодын мәлімдеу арқылы кеден қоймасы кедендік рәсімінің қолданылуын аяқтау үшін өзге де кедендік рәсімдермен орналастырылуы мүмкін.

      4. Кеден қоймасы кедендік рәсімінің қолданылуы аяқталғаннан кейін тауарлар осы баптың 1-тармағы 1), 2), 3), 4), 5), 6) және 8) тармақшаларында көзделген мән-жайлар басталған күннен кейінгі күннен бастап бес жұмыс күнінен кешіктірмей кеден қоймасынан әкетілуге жатады.

      5. Кеден қоймасы кедендік рәсімінің қолданылуы аяқталмаған кезде осы баптың 1-тармағына сәйкес кеден қоймасы кедендік рәсімінің қолданылуы осы Кодекстің 237-бабының 1 және 2-тармақтарында көрсетілген мерзімдер өткеннен кейін тоқтатылады, ал мұндай тауарларды осы Кодекстің 52-тарауына сәйкес кеден органдары кідіртеді.

      6. Осы Кодекстің 237-бабы 3-тармағының екінші абзацында және 4-тармағында көрсетілген әрекеттер, онда көрсетілген мерзім аяқталмаған жағдайда, кеден қоймасы кедендік рәсімінің қолданылуы осы мерзімдер өткеннен кейін тоқтатылады, ал мұндай тауарларды осы Кодекстің 52-тарауына сәйкес кеден органдары кідіртеді.


      242-бап. Кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу мерзімі және есептеу

      1. Кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет:

      1) декларантта – кеден органы тауарларға арналған декларацияны тіркеген кезден бастап;

      2) кеден қоймасы иесінде – тауарларды кеден қоймасында орналастырған кезден бастап туындайды.

      2. Кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет декларантта мынадай:

      1) тауарларды кеден қоймасында орналастырған;

      2) кеден қоймасы кедендік рәсімінің қолданылуы, егер тауарларды сақтау кеден қоймасында жүзеге асырылмаса, осы Кодекстің 241-бабына сәйкес аяқталған, оның ішінде кеден қоймасы кедендік рәсімінің қолданылуы осы баптың 6-тармағының 1) тармақшасында көрсетілген мән-жайлар басталған кезде тоқтатылады.

      3. Кеден қоймасы иесінде кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет осы Кодекстің 241-бабына сәйкес кеден қоймасы кедендік рәсімінің қолданылуы аяқталған кезде, оның ішінде кеден қоймасы кедендік рәсімінің қолданылуы осы баптың 6-тармағының 2) тармақшасында көрсетілген мән-жайлар басталғаннан кейін аяқталған кезде тоқтатылады.

      4. Осы баптың 2) және 3) тармақшаларында көрсетілген тұлғаларда кеден қоймасы кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет мынадай:

      1) кеден қоймасы кедендік рәсімінің қолданылуы тоқтатылған тауарлар осы Кодекстің 209-бабының 7-тармағына сәйкес кедендік рәсіммен орналастырылған;

      2) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетті орындаған және (немесе) оларды осы баптың 7-тармағына сәйкес есептелген және төлеуге жататын мөлшерлерде өндіріп алған;

      3) уәкілетті орган бекіткен тәртіппен шетелдік тауарлардың авария немесе еңсерілмейтін күштің әсері салдарынан жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде осы тауарлардың қайтарымсыз жоғалу фактісін кеден органы, осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі осы Кодекске сәйкес осындай жоюға немесе қайтарымсыз жоғалуға дейін басталған жағдайларды қоспағанда, таныған;

      4) тауарларға арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – кеден қоймасы кедендік рәсіміне сәйкес тауарларды шығарудан бас тартылған

      5) осы Кодекстің 184-бабына сәйкес тауарларға арналған декларация қайтарып алынған және (немесе) тауарларға арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – осы Кодекстің 192-бабының 4-тармағына сәйкес тауарлардың шығарылымы жойылған;

      6) Қазақстан Республикасының заңнамасына сәйкес тауарларды тәркілеген немесе мемлекеттің меншігіне (кірісіне) айналдырған;

      7) осы Кодекстің 52-тарауына сәйкес кеден органы тауарларды кідірткен;

      8) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алынған немесе тыйым салынған, егер бұрын мұндай тауарлар шығарылмаған болса, олардың жасы туралы шешім қабылданған тауарларды уақытша сақтауға қою немесе кедендік рәсімдердің бірімен орналастыру мән-жайлары басталған кезде тоқтатылады.

      5. Кеден қоймасы кедендік рәсімімен орналастырылған тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет осы баптың 6-тармағында көрсетілген мән-жайлар басталған кезде орындалуға жатады.

      6. Мынадай мән-жайлар басталған кезде:

      1) декларантта:

      авария немесе еңсерілмейтін күштің әсері салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде қайтарымсыз жоғалуды қоспағанда, тауарлар кеден қоймасына орналастырылғанға дейін жоғалған жағдайда – осындай жоғалу күні, ал егер бұл күн белгіленбеген болса – тауарларды кеден қоймасы кедендік рәсімімен орналастыру күні;

      авария немесе еңсерілмейтін күштің әсері салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде қайтарымсыз жоғалуды қоспағанда, егер тауарларды сақтау кедендік емес қоймада жүзеге асырылса, кеден қоймасы кедендік рәсімінің қолданылуы аяқталғанға дейін тауарлар жоғалған немесе өзге адамға берілген жағдайда – осындай жоғалту немесе беру күні, ал егер бұл күн белгіленбеген болса – тауарларды кеден қоймасы кедендік рәсімімен орналастыру күні;

      егер тауарларды сақтау осы Кодекстің 235-бабының 4-тармағына сәйкес кедендік емес қоймада жүзеге асырылса, тауарлар сақтау орнынан тыс жерлерге әкетілген жағдайда – осындай әкету күні, ал егер бұл күн белгіленбеген болса – тауарларды кеден қоймасы кедендік рәсімімен орналастыру күні;

      2) кеден қоймасының иесінде:

      авария немесе еңсерілмейтін күштің әсері салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде қайтарымсыз жоғалуды қоспағанда, тауарлар жоғалған жағдайда – тауарларды жоғалту күні, ал егер бұл күн белгіленбеген болса – тауарларды кеден қоймасында орналастыру күні;

      кеден қоймасы кедендік рәсімінің қолданылуы аяқталғанын растайтын құжаттарды оның иесіне берместен, кеден қоймасынан тауарлар берілген жағдайда – тауарларды беру күні, ал егер бұл күн белгіленбеген болса – тауарларды кеден қоймасында орналастыру күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      7. Осы баптың 6-тармағында көрсетілген мән-жайлар басталған кезде кедендік әкелу баждары, салықтар, арнайы, демпингке қарсы, өтем баждары, егер кеден қоймасы кедендік рәсімімен орналастырылған тауарлар ішкі тұтыну үшін шығару кедендік рәсімімен кедендік әкелу баждарын, салықтарды төлеу жөніндегі тарифтік преференциялар мен жеңілдіктер төленбей орналастырылса, төлеуге жатады.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін тауарларды кеден қоймасы кедендік рәсімімен орналастыру үшін берілген тауарларға арналған декларацияны кеден органы тіркеген күнгі қолданыста болған кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер кеден органында тауарлардың кедендік құнын айқындау үшін қажетті нақты мәліметтер болмаса, тауарлардың кедендік құны кеден органының қолында бар мәліметтердің негізінде айқындалады.

      Кейіннен тауарлардың кедендік құнын айқындау үшін қажетті нақты мәліметтер белгіленген кезде тауарлардың кедендік құны осындай нақты мәліметтер негізге алына отырып айқындалады және кедендік әкелу баждарының, салықтардың, арнайы, демпингке қарсы, өтем баждарының артық төленген және (немесе) артық өндіріп алынған сомаларын есепке жатқызу (қайтару) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекет, осы Кодекстің 12-тарауына және 142-бабына сәйкес төленбеген сомаларды өндіріп алу жүргізіледі.

      8. Кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалғаннан және (немесе) кедендік әкелу баждарының, салықтардың, арнайы, демпингке қарсы, өтем баждарының сомаларын (толығымен немесе ішінара) өндіріп алғаннан кейін осы Кодекстің 241-бабына сәйкес кеден қоймасы кедендік рәсімінің қолданылуы аяқталған не осы Кодекстің 209-бабының 7-тармағына сәйкес шетелдік тауарларға қолданылатын кедендік рәсімдермен орналастырылған не осы Кодекстің 52-тарауына сәйкес кеден органдары мұндай тауарларды кідірткен жағдайда, осы бапқа сәйкес төленген және (немесе) өндіріп алынған сомалар осы Кодекстің 11-тарауына және 141-бабына сәйкес есепке жатқызуға (қайтаруға) жатады.

26-тарау. Кедендік аумақта қайта өңдеу кедендік рәсімі

      243-бап. Кедендік аумақта қайта өңдеу кедендік рәсімінің мазмұны және қолданылуы

      1. Кедендік аумақта қайта өңдеу кедендік рәсімі – шетелдік тауарларға қатысты қолданылатын кедендік рәсім, оған сәйкес тауарларды осы кедендік рәсіммен орналастыру және оларды осындай кедендік рәсімге сәйкес пайдалану шарты сақталған кезде осындай шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлемей, Еуразиялық экономикалық одақтың кедендік аумағынан кейіннен әкетілуге арналған осы тауарларды қайта өңдеу өнімдерінде алу мақсатында осындай тауарлармен Еуразиялық экономикалық одақтың кедендік аумағында қайта өңдеу жөніндегі операциялар жасалады.

      2. Кедендік аумақта қайта өңдеу кедендік рәсімімен орналастырылған тауарлар шетелдік тауарлар мәртебесін сақтайды, ал кедендік аумақта қайта өңдеу жөніндегі операциялар нәтижесінде алынған (пайда болған) тауарлар (қайта өңдеу өнімдері, қалдықтар, қалған қалдықтар) шетелдік тауарлар мәртебесіне ие болады.

      3. Уақытша әкелу (рұқсат беру) кедендік рәсімінің қолданысын оған уақытша әкелу (рұқсат беру) кедендік рәсімімен орналастырылған тауарларды орналастыру арқылы тоқтата тұру үшін кедендік аумақта қайта өңдеу кедендік рәсімін қолдануға жол беріледі.

      4. Комиссия кедендік аумақта қайта өңдеу кедендік рәсімі қолданылмайтын тауарлардың тізбесін айқындауға құқылы.


      244-бап. Тауарларды кедендік аумақта қайта өңдеу кедендік рәсімімен орналастырудың және оларды осындай кедендік рәсімге сәйкес пайдаланудың шарттары

      1. Мыналар:

      1) Қазақстан Республикасының уәкілетті мемлекеттік органы берген Еуразиялық экономикалық одақтың кедендік аумағында тауарларды қайта өңдеудің шарттары туралы және осы Кодекстің 248-бабында айқындалған мәліметтері бар құжаттың бар-жоғы болып табылады. Егер кедендік аумақта қайта өңдеу кедендік рәсімін қолданудың мақсаты тауарларды жөндеу болып табылса, сондай-ақ Комиссия айқындайтын өзге де жағдайларда, тауарларға арналған декларация осындай құжат ретінде пайдаланылуы мүмкін;

      2) осы Кодекстің 252-бабына сәйкес шетелдік тауарларды балама тауарлармен өткізу жағдайларын қоспағанда, кеден органдарының кедендік аумақта қайта өңдеу кедендік рәсімімен орналастырылған шетелдік тауарларды идентификаттау мүмкіндігі;

      3) осы Кодекстің 8-бабына сәйкес тыйым салулар мен шектеулерді сақтау тауарларды кедендік аумақта қайта өңдеу кедендік рәсімімен орналастыру шарттары болып табылады.

      2. Мыналар:

      1) кедендік аумақта қайта өңдеу кедендік рәсімінің белгіленген қолданылу мерзімін сақтау;

      2) кедендік аумақта қайта өңдеу кедендік рәсімімен орналастырылған тауарлармен операциялар жасаған кезде осы Кодекстің 246-бабының ережелерін сақтау;

      3) кедендік аумақта қайта өңдеу кедендік рәсімімен орналастырылған тауарлардың Еуразиялық экономикалық одақтың кедендік аумағында қайта өңдеудің шарттары туралы құжатта көрсетілген тұлғаларда орналасуы және осындай тауарларды осы тұлғалардың тауарларды қайта өңдеу жөніндегі операцияларды жасау үшін пайдалануы тауарларды кедендік аумақта қайта өңдеу кедендік рәсіміне сәйкес пайдалану шарттары болып табылады.

      3. Осы тарауды қолдану мақсаттары үшін кеден органының шетелдік тауарларды олардың қайта өңдеу өнімдерінде идентификаттау деп қайта өңдеу өнімдерін алу мақсатында Еуразиялық экономикалық одақтың кедендік аумағында тауарларды қайта өңдеу бойынша операцияларға кедендік аумақта қайта өңдеу кедендік рәсімімен орналастырылған тауарлар ғана ұшырайтыны жөнінде осы Кодекстің 247-бабында айқындалған тәсілдердің бірін белгілеу түсініледі.


      245-бап. Кедендік аумақта қайта өңдеу кедендік рәсімінің қолданылу мерзімі

      1. Кедендік аумақта қайта өңдеу кедендік рәсімінің қолданылу мерзімі Еуразиялық экономикалық одақтың кедендік аумағында тауарларды қайта өңдеу шарттары туралы құжатта айқындалған Еуразиялық экономикалық одақтың кедендік аумағында тауарларды қайта өңдеу мерзімі негізінде белгіленеді.

      2. Кедендік аумақта қайта өңдеу кедендік рәсімінің белгіленген қолданылу мерзімі Еуразиялық экономикалық одақтың кедендік аумағында тауарларды қайта өңдеу мерзімін ұзарту кезінде тұлғаның өтініші бойынша ұзартылады.

      3.  Кедендік аумақта қайта өңдеу кедендік рәсімінің қолданылу мерзімін ұзарту үшін Еуразиялық экономикалық одақтың кедендік аумағында тауарлардың қайта өңдеу мерзімін ұзарту кезінде декларант көрсетілген кедендік рәсімнің қолданылу мерзімінің аяқталуынан кешіктірмей тауарлардың кедендік рәсімге орналасуы жүргізілген кеден органына осындай құжатта көрсетілген Еуразиялық экономикалық одағының кедендік аумағына тауарлардың қайта өңдеу мерзімінің ұзартылуын растайтын уәкілетті мемлекеттік органның құжатын қоса бере отырып осындай ұзарту қажеттілігі туралы өтінішін табыс етеді.

      Декларанттың кедендік аумақта тауарларды қайта өңдеу кедендік рәсімінің қолданылу мерзімін ұзарту туралы өтінішін кеден органы көрсетілген өтініштің кеден органында тіркелген күнінен бастап он жұмыс күнінен кешіктірмей қарауы тиіс. Өтінішті қарау нәтижелері бойынша кеден органы кедендік аумақта тауарларды қайта өңдеу кедендік рәсімінің қолданылу мерзімін ұзарту туралы не осындай ұзартудан бас тарту туралы шешім қабылдайды.

      Көрсетілген кезеңде кедендік аумақта тауарларды қайта өңдеу кедендік рәсімінің қолданылу мерзімі тоқтатыла тұрады. Кеден органы кедендік аумақта тауарларды қайта өңдеу кедендік рәсімінің қолданылу мерзімін ұзарту туралы шешім қабылдаған жағдайда, көрсетілген мерзім осындай шешімді қабылдаған күнге қарамастан алдыңғы мерзімнің аяқталған күнінен бастап ұзартылады.

      Декларант Еуразиялық экономикалық одақтың кедендік аумағында тауарларды қайта өңдеу шарттары туралы құжатында көрсетілген Еуразиялық экономикалық одақтың кедендік аумағында тауарларды қайта өңдеу мерзімінің ұзартылуын растайтын уәкілетті мемлекеттік органның құжатын ұсынбаған жағдайда, кеден органы кедендік аумақта тауарларды қайта өңдеу кедендік рәсімінің қолданылу мерзімін ұзартудан бас тартады.

      Көрсетілген жағдайда, кеден органының лауазымды тұлғасы, кеден органының кедендік аумақта қайта өңдеу кедендік рәсімінің қолданылу мерзімін ұзартудан бас тарту туралы шешімін декларантқа жолдайды.

      Еуразиялық экономикалық одақтың кедендік аумағында тауарларды қайта өңдеу кедендік рәсімінің қолданылу мерзімі ұзартылған жағдайда, кедендік бақылауды жүзеге асыратын кеден органының лауазымды тұлғасы тауарларға арналған декларацияға, осындай өзгерістердің енгізілгені туралы декларантқа хабарлай отырып, тиісті өзгерістерді енгізеді.

      Еуразиялық экономикалық одақтың кедендік аумағында тауарларды қайта өңдеу кедендік рәсімінің қолданылу мерзімін ұзартудан бас тартылған жағдайда, осындай кедендік рәсімнің қолданысы осы Кодекстің 253-бабына сәйкес аяқталуға жатады.


      246-бап. Еуразиялық экономикалық одақтың кедендік аумағында қайта өңдеу жөніндегі операциялар

      1. Еуразиялық экономикалық одақтың кедендік аумағында қайта өңдеу жөніндегі операциялар:

      1) тауарларды қайта өңдеуді және өңдеуді;

      2) монтаждауды, жинауды, бөлшектеуді және шақтауды қоса алғанда, тауарларды дайындауды;

      3) қалпына келтіруді, құрамдас бөлшектерді ауыстыруды, жаңартуды қоса алғанда, тауарларды жөндеуді;

      4) тауарлардың қайта өңдеу процесінде толық немесе ішінара тұтынылатынына қарамастан, қайта өңдеу өнімдерінің өндірісіне жәрдемдесетін немесе оны жеңілдететін осы тауарларды пайдалануды қамтиды. Бұл операция осы тармақтың 1), 2) және 3) тармақшаларында көрсетілген операциялардың бірімен бір мезгілде жасалуға тиіс.

      2. Еуразиялық экономикалық одақтың кедендік аумағында қайта өңдеу жөніндегі операцияларға:

      1) тауарларды сатуға және тасуға (тасымалдауға) дайындау кезінде олардың сақталуын қамтамасыз ету жөніндегі операциялар, оның ішінде тауарлар өз дербес сипаттамаларын жоғалтпайтын тауарларды буып-түю, өлшеп орау және сұрыптау;

      2) төл алу, құстарды, балықтарды қоса алғанда, жануарларды өсіру және бордақылау, сондай-ақ шаян тектестер мен моллюскілер өсіру;

      3) ағаштар мен өзге де өсімдіктер өсіру;

      4) ақпаратты, дыбыс және бейне жазбаларды ақпарат жеткізгіштердің кез келген түрлеріне көшіру және көбейту;

      5) технологиялық процесте шетелдік тауарларды көмекші құралдар (жабдық, станоктар, керек-жарақтар және басқасы) ретінде пайдалану;

      6) Комиссия айқындайтын өзге де операциялар жатпайды.

      3. Еуразиялық экономикалық одақтың кедендік аумағында қайта өңдеу жөніндегі операцияларды жасау кезінде Еуразиялық экономикалық одаққа мүше мемлекеттердің заңнамасында кедендік әкету баждарының мөлшерлемелері белгіленген және Комиссия айқындайтын тізбеге кірген тауарларды қоспағанда, Еуразиялық экономикалық одақ тауарларын пайдалануға жол беріледі.

      Комиссия Еуразиялық экономикалық одаққа мүше мемлекеттердің заңнамасында кедендік әкету баждарының мөлшерлемелері белгіленген және осы тармақтың бірінші абзацында көзделген тізбеге кірген Еуразиялық экономикалық одақ тауарлары Еуразиялық экономикалық одақтың кедендік аумағында қайта өңдеу жөніндегі операциялар жасау кезінде пайдаланылуы ықтимал жағдайларды айқындауға құқылы.


      247-бап. Шетелдік тауарларды қайта өңдеу өнімдерінде идентификаттау

      Шетелдік тауарларды қайта өңдеу өнімдерінде идентификаттау мақсатында мынадай тәсілдер пайдаланылуы мүмкін:

      декларанттың, қайта өңдеу жөніндегі операцияларды жасайтын тұлғаның немесе кеден органдары лауазымды адамдарының шетелдік тауарларға мөрлерді, мөртабандарды қоюы, цифрлық және басқа да таңбаларды салуы;

      шетелдік тауарлардың ауқымын егжей-тегжейлі сипаттау, фотосуретке түсіру, бейнелеу;

      шетелдік тауарлардың және оларды қайта өңдеу өнімдерінің алдын ала іріктеп алынған сынамаларын және (немесе) үлгілерін салыстыру;

      тауарларда бар таңбаларды, оның ішінде сериялық нөмірлер түрінде пайдалану;

      тауарлар сипатын және Еуразиялық экономикалық одақтың кедендік аумағында қайта өңдеу жөнінде жасалатын операцияларды негізге ала отырып, оның ішінде Еуразиялық экономикалық одақтың кедендік аумағында қайта өңдеу жөніндегі операцияны жасаудың технологиялық процесінде шетелдік тауарларды пайдалану туралы, сондай-ақ қайта өңдеу өнімдері өндірісінің технологиясы туралы егжей-тегжейлі мәліметтерді қамтитын құжаттарды зерттеу арқылы немесе Еуразиялық экономикалық одақтың кедендік аумағында қайта өңдеу жөніндегі операцияларды жасау уақытында кедендік бақылауды жүзеге асыру арқылы қолданылуы ықтимал өзге де тәсілдер.


      248-бап. Тауарларды Еуразиялық экономикалық одақтың кедендік аумағында қайта өңдеу шарттары туралы құжат

      1. Тауарларды Еуразиялық экономикалық одақтың кедендік аумағында қайта өңдеу шарттары туралы Қазақстан Республикасының уәкілетті мемлекеттік органы беретін құжатты, оның ішінде қайта өңдеу жөніндегі операцияларды жүзеге асыратын немесе тікелей осындай операцияларды жасамайтын Қазақстан Республикасының кез келген тұлғасы ала алады.

      2. Тауарларды Еуразиялық экономикалық одақтың кедендік аумағында қайта өңдеу шарттары туралы құжатта:

      1) құжатты берген Қазақстан Республикасының уәкілетті мемлекеттік органы;

      2) құжат берілген тұлға;

      3) Еуразиялық экономикалық одақтың кедендік аумағында қайта өңдеу жөніндегі операцияларды тікелей жасайтын тұлға (тұлғалар) ;

      4) шетел тауарлары және оларды қайта өңдеу өнімдері туралы (Сыртқы экономикалық қызметтің тауар номенклатурасына сәйкес атауы, коды, саны мен құны);

      5)  Қазақстан Республикасының заңнамасында шетелдік тауарларды қайта өңдеудің технологиялық процесін жүзеге асыруды қамтамасыз ететін (Сыртқы экономикалық қызметтің тауар номенклатурасына сәйкес атауы, коды, саны мен құны) кедендік әкету баждарының мөлшерлемелері белгіленген Еуразиялық экономикалық одақ тауарлары;

      6) тауарларды иемдену, пайдалану және (немесе) оларға билік ету құқығын растайтын құжаттар;

      7) қайта өңдеу өнімдерінің сандық және (немесе) пайыздық көріністегі шығу нормалары;

      8) кедендік аумақта қайта өңдеу жөніндегі операциялар, оларды жасау тәсілдері;

      9) кедендік аумақта қайта өңдеу кедендік рәсімімен орналастырылатын тауарларды қайта өңдеу өнімдерінде идентификаттау тәсілдері;

      10) қалдықтар мен қалған қалдықтар туралы (Сыртқы экономикалық қызметтің тауар номенклатурасына сәйкес атауы, коды, саны мен құны);

      11) тауарларды Еуразиялық экономикалық одақтың кедендік аумағында қайта өңдеу мерзімі;

      12) тауарларды осы Кодекстің 252-бабында айқындалғандай, егер мұндай өткізуге жол берілсе, балама тауарлармен өткізу;

      13) қалдықтарды одан әрі коммерциялық пайдалану мүмкіндіктері;

      14) тауарларды кедендік аумақта қайта өңдеу кедендік рәсімімен орналастыру және осы кедендік рәсімнің қолданылуын аяқтау болжанатын кеден органы (кеден органдары);

      15) кедендік аумақта қайта өңдеу кедендік рәсімімен орналастырылған тауарларды пайдалану шарттарын сақтау;

      16) Қазақстан Республикасының Үкіметі айқындайтын өзге де мәліметтер қамтылуға тиіс.

      3. Тауарларды Еуразиялық экономикалық одақтың кедендік аумағында қайта өңдеу мерзімі үш жылдан не тауарлардың жекелеген санаттары үшін Комиссия айқындайтын неғұрлым ұзақ мерзімнен аспауға тиіс.

      4. Тауарларды Еуразиялық экономикалық одақтың кедендік аумағында қайта өңдеу мерзімі:

      1) тауарларды қайта өңдеудің өндірістік процесінің ұзақтығын;

      2) Еуразиялық экономикалық одақтың кедендік аумағынан қайта өңдеу өнімдерін нақты әкету және шетелдік тауарлардың қалдықтары мен қалған қалдықтарын қолдануға байланысты кедендік операцияларды жасау үшін қажетті уақытты қамтиды.

      5. Тауарларды Еуразиялық экономикалық одақтың кедендік аумағында қайта өңдеу мерзімі – тауарларды кедендік аумақта қайта өңдеу кедендік рәсімімен орналастырылған күннен бастап, ал тауарларды бірнеше партиямен кедендік декларациялаған кезде кедендік аумақта қайта өңдеу кедендік рәсімімен орналастырылған тауарлардың бірінші партиясын орналастырған күннен бастап есептеледі.

      6. Тауарларды Еуразиялық экономикалық одақтың кедендік аумағында қайта өңдеу мерзімі осы баптың 3-тармағында көрсетілген мерзім шегінде ұзартылуы мүмкін.

      7. Тауарларды Еуразиялық экономикалық одақтың кедендік аумағында қайта өңдеудің шарттары туралы уәкілетті мемлекеттік органдар беретін құжат нысанын, оны толтыру тәртібі мен осындай құжаттың берілу тәртібін, оған өзгерістер (толықтырулар) енгізу, тауарларды Еуразиялық экономикалық одақтың кедендік аумағында қайта өңдеудің мерзімін ұзарту, сондай-ақ оны қайтарып алу (жою) және (немесе) оның қолданысын қалпына келтіру тәртібін Қазақстан Республикасының Үкіметі белгілейді.

      8. Тауарларға арналған декларацияны тауарларды Еуразиялық экономикалық одақтың кедендік аумағында қайта өңдеу шарттары туралы құжат ретінде пайдаланған жағдайда, тауарларды Еуразиялық экономикалық одақтың кедендік аумағында қайта өңдеу шарттары туралы мәліметтерді декларант тауарларға арналған декларацияда көрсетеді.


      249-бап. Қайта өңдеу өнімдерінің шығу нормалары

      1. Қайта өңдеу өнімдерінің шығу нормасы деп шетелдік тауарлардың белгілі бір санын Еуразиялық экономикалық одақтың кедендік аумағында қайта өңдеу жөніндегі операцияларды жасау нәтижесінде пайда болған қайта өңдеу өнімдерінің саны және (немесе) пайыздық құрамы түсініледі.

      2. Егер Еуразиялық экономикалық одақтың кедендік аумағында қайта өңдеу жөніндегі операциялар сипаттамалары белгіленген техникалық талаптарға сәйкес іс жүзінде тұрақты күйінде қалатын және қайта өңдеудің өзгермеген сападағы өнімдерін алуға әкеп соғатын тауарларға қатысты жасалса, Қазақстан Республикасының уәкілетті мемлекеттік органдары қайта өңдеу өнімдерінің стандартты шығу нормаларын белгілеуі мүмкін.


      250-бап. Еуразиялық экономикалық одақтың кедендік аумағында қайта өңдеу жөніндегі операциялар нәтижесінде пайда болған қалдықтар және өндірістік ысыраптар

      1. Еуразиялық экономикалық одақтың кедендік аумағында қайта өңдеу жөніндегі операциялар нәтижесінде пайда болған қалдықтар, көрсетілген қалдықтар Қазақстан Республикасының Үкіметі белгілеген тәртіппен одан әрі коммерциялық пайдалану үшін жарамсыз деп танылған жағдайда не мұндай қалдықтар Қазақстан Республикасының заңнамасына сәйкес көмілуге, залалсыздандырылуға, кәдеге жаратылуға немесе өзге де тәсілмен жойылуға жататын жағдайларды қоспағанда, осы Кодексте көзделген кедендік рәсіммен орналастырылуға жатады.

      2. Еуразиялық экономикалық одақтың кедендік аумағында қайта өңдеу жөніндегі операциялар нәтижесінде пайда болған қалдықтар декларант таңдаған кедендік рәсіммен орналастырылған кезде Еуразиялық экономикалық одақтың кедендік аумағына осы күйінде әкелінгендей қарастырылады.

      3. Осы баптың 1-тармағында көрсетілген, кедендік рәсіммен орналастыруға жатпайтын қалдықтар Еуразиялық экономикалық одақтың тауарлары мәртебесіне ие болады және одан әрі коммерциялық пайдалану үшін жарамсыз деп танылған күнінен бастап не кеден органына пайда болған қалдықтарды көму, залалсыздандыру, кәдеге жарату немесе өзге де тәсілмен жою фактісін не осындай операцияларды жүзеге асыру үшін олардың тапсырылу фактісін растайтын құжаттарды табыс еткен күннен бастап кедендік бақылауда емес деп есептеледі.

      Еуразиялық экономикалық одақтың кедендік аумағында қайта өңдеу жөніндегі операциялар нәтижесінде пайда болған қалдықтарды, одан әрі коммерциялық пайдалануға жарамсыз деп тану тәртібін Қазақстан Республикасының Үкіметі белгілейді.

      4. Кедендік аумақта қайта өңдеу кедендік рәсімімен орналастырылған, Еуразиялық экономикалық одақтың кедендік аумағында қайта өңдеу жөніндегі операцияларды жүзеге асыру нәтижесінде қайтарымсыз жоғалған және кеден органдары өндірістік ысыраптар деп таныған шетелдік тауарлар кедендік аумақта қайта өңдеу кедендік рәсімінің қолданылуы аяқталған кезде кедендік рәсіммен орналастыруға жатпайды.


      251-бап. Еуразиялық экономикалық одақтың кедендік аумағында қайта өңдеу жөніндегі операцияларды жасау нәтижесінде пайда болатын шетелдік тауарлардың қалған қалдықтары

      Қайта өңдеу өнімдерінің шығу нормаларына сәйкес Еуразиялық экономикалық одақтың кедендік аумағында қайта өңдеу жөніндегі операцияларды жасау нәтижесінде пайда болған шетелдік тауарлардың қалған қалдықтары осы Кодекстің 253-бабына сәйкес кедендік рәсімдермен орналастырылуға жатады. Бұл ретте шетелдік тауарлардың қалған қалдықтары болып қайта өңдеу жөніндегі операциялар жасалған кезде пайдаланылмаған тауарлар түсініледі.


      252-бап. Шетелдік тауарларды балама тауарлармен ауыстыру

      1. Кеден органының рұқсатымен кедендік аумақта қайта өңдеу кедендік рәсімімен орналастырылған не тауарларды Еуразиялық экономикалық одақтың кедендік аумағында қайта өңдеу шарттары туралы құжатқа сәйкес кедендік аумақта қайта өңдеу кедендік рәсімімен орналастыру жоспарланған шетелдік тауарларды өздерінің сипаты, сапасы және техникалық сипаттамалары бойынша осындай шетелдік тауарларға сәйкес келетін Еуразиялық экономикалық одақтың тауарларымен (осы бапта бұдан әрі – балама тауарлар) ауыстыруға жол беріледі.

      Еуразиялық экономикалық одақтың кедендік аумағына бұрын экспорт кедендік рәсіміне сәйкес Еуразиялық экономикалық одақтың кедендік аумағынан әкетілген, тауарлардың құрамына кіретін бөліктердің, тораптардың, агрегаттардың ақаулы түрлерін жөндеу үшін әкелінген жағдайда, өздерінің сипаты, сапасы және техникалық сипаттамалары бойынша Еуразиялық экономикалық одақтың кедендік аумағына әкелінген осындай бөліктерге, тораптарға, агрегаттарға сәйкес келетін Еуразиялық экономикалық одақтың тауарлары, олардың жарамдылық және (немесе) тозу жай-күйі ескерілмей, балама тауарлар ретінде қарастырылады.

      2. Балама тауарларды Еуразиялық экономикалық одақтың кедендік аумағында қайта өңдеу жөніндегі операциялар нәтижесінде алынған қайта өңдеу өнімдері осы тараудың ережелеріне сәйкес шетелдік тауарларды қайта өңдеу өнімдері ретінде қарастырылады.

      3. Балама тауарлар шетелдік тауарлар мәртебесін алады, ал оларға ауыстырған тауарлар Еуразиялық экономикалық одақ тауарлары мәртебесін алады.

      4. Егер шетелдік тауарларды балама тауарлармен ауыстыруға рұқсат етілсе, балама тауарлардан алынған қайта өңдеу өнімдерін Еуразиялық экономикалық одақтың кедендік аумағынан әкетуге шетелдік тауарларды Еуразиялық экономикалық одақтың кедендік аумағына әкелінгенге дейін жол беріледі.

      Егер кеден органы шетелдік тауарларды балама тауарларға ауыстыруға рұқсат берген жағдайда, Еуразиялық экономикалық одақтың тауарлары Еуразиялық экономикалық одақтың кедендік аумағына шетелдік тауарлар әкелінгенге дейін кедендік аумақта қайта өңдеу кедендік рәсімімен орналастырылады. Балама тауарлардан алынған қайта өңдеу өнімдері шетелдік тауарларды қайта өңдеу өнімдері ретінде қарастырылады.

      5. Шетелдік тауарлар сипаты, сапасы, саны және техникалық сипаттамалары бойынша балама тауарларға сәйкес келуге тиіс. Бұл ретте осы Кодекстің 10-тарауына сәйкес кедендік әкелу баждарын төлеуді қамтамасыз ету мұндай ауыстырудың міндетті шарты болып табылады.

      6. Балама тауарлардан алынған қайта өңдеу өнімдері кері импорттың кедендік рәсімімен, ал әкелінетін шетелдік тауарлар кері импорттың кедендік рәсімімен әкетіледі.

      7. Шетелдік тауарларды әкелу кезінде кеден органы балама тауарлардан алынған қайта өңдеу өнімдерінің сапасымен, мөлшерімен және техникалық сипаттамаларымен салыстырады.


      253-бап. Кедендік аумақта қайта өңдеу кедендік рәсімі қолданылуының аяқталуы, тоқтатыла тұруы және тоқтатылуы

      1. Кедендік аумақта қайта өңдеу кедендік рәсімі қолданысының белгіленген мерзімі өткенге дейін осы кедендік рәсімнің қолданылуы Еуразиялық экономикалық одақтың кедендік аумағында қайта өңдеу жөніндегі операциялардың нәтижесінде алынған (пайда болған) тауарларды (қайта өңдеу өнімдерін, қалдықтарды осы Кодекстiң 250-бабының 3-тармағында көрсетілген қалдықтарды қоспағанда,) және (немесе) қалған қалдықтарды кедендік аумақта қайта өңдеу кедендік рәсімімен орналастырылған және Еуразиялық экономикалық одақтың кедендік аумағында қайта өңдеу жөніндегі операцияларға ұшырамаған шетелдік тауарларды кері экспорт кедендік рәсімімен орналастыру арқылы аяқталады.

      2. Кедендік аумақта қайта өңдеу кедендік рәсімі қолданылуының белгіленген мерзімі өткенге дейін осы кедендік рәсімнің қолданылуы:

      1) Еуразиялық экономикалық одақтың кедендік аумағында қайта өңдеу жөніндегі операциялардың нәтижесінде алынған (пайда болған) тауарларды (қайта өңдеу өнімдерін, осы Кодекстiң 250-бабының 3-тармағында көрсетілген қалдықтарды қоспағанда, қалдықтарды және (немесе) қалған қалдықтарды) және (немесе) кедендік аумақта қайта өңдеу кедендік рәсімімен орналастырылған және Еуразиялық экономикалық одақтың кедендік аумағында қайта өңдеу жөніндегі операцияларға ұшырамаған шетелдік тауарларды ішкі тұтынуға арналған шығару кедендік рәсімімен немесе кедендік транзит кедендік рәсімін, уақытша әкелу (рұқсат беру) кедендік рәсімін қоспағанда, осы Кодексте көзделген шарттарда шетелдік тауарларға қатысты қолданылатын өзге де кедендік рәсіммен орналастырғанда аяқталуы мүмкін. Бұл ретте қайта өңдеу өнімдеріне қатысты арнайы, демпингке қарсы, өтем баждары төленбейді және арнайы, демпингке қарсы, өтем баждарына және (немесе) Еуразиялық экономикалық одақ туралы шарттың 50-бабына сәйкес белгіленген өзге де баждарға қарағанда, өзгеше түрде ішкі нарықты қорғау шараларының сақталуын растайтын құжаттарды ұсыну талап етілмейді;

      2) қолданысы осы Кодекстiң 305-бабының 3-тармағына сәйкес тоқтатыла тұрған уақытша әкелу (рұқсат беру) кедендік рәсімінің қолданысын қайта қалпына келтіргенде;

      3) уәкілетті орган бекіткен тәртіппен кеден органдары Еуразиялық экономикалық одақтың кедендік аумағында қайта өңдеу жөніндегі операциялар нәтижесінде алынған (пайда болған) тауарлардың (қайта өңдеу өнімдерінің, қалдықтардың және (немесе) қалған қалдықтардың) және (немесе) кедендік аумақта қайта өңдеу кедендік рәсімімен орналастырылған және Еуразиялық экономикалық одақтың кедендік аумағында қайта өңдеу жөніндегі операцияларға ұшырамаған шетелдік тауарларды авария немесе еңсерілмейтін күштің әсері салдарынан жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде қайтарымсыз жоғалу фактісін танығанда;

      4) Қазақстан Республикасының Үкіметі белгілеген тәртіппен Еуразиялық экономикалық одақтың кедендік аумағында қайта өңдеу операциялары нәтижесінде пайда болған қалдықтарды одан әрі коммерциялық пайдалану үшін жарамсыз деп танығанда не кеден органына өзге тәсілмен пайда болған қалдықтарды көму, залалсыздандыру, кәдеге жарату немесе жою фактісін не оларды осындай операциялар жасау үшін беру фактісін растайтын құжаттар табыс етілгенде;

      5) кеден органдары кедендік аумақта қайта өңдеу кедендік рәсімімен орналастырылған шетелдік тауарлардың бір бөлігін өндірістік ысыраптар деп танығанда;

      6) Комиссия және (немесе) осы Кодексте айқындалатын мән-жайлар басталғанға дейін тауарлар кедендік бақылауда болса, осындай мән-жайлар басталған кезде аяқталуы мүмкін.

      3. Кедендік аумақта қайта өңдеу кедендік рәсімі қолданылуының белгіленген мерзімі өткенге дейін осы кедендік рәсімнің қолданылуы кедендік аумақта қайта өңдеу кедендік рәсімімен орналастырылған тауарларды және (немесе) оларды қайта өңдеу өнімдерін кедендік қойма кедендік рәсімімен немесе оларды қайта өңдеу өнімдерін уақытша әкелу (рұқсат беру) кедендік рәсімімен орналастырған жағдайда тоқтатыла тұруы мүмкін.

      4. Қайта өңдеу өнімдері кедендік рәсімдермен бір немесе бірнеше партиялармен орналастырылуы мүмкін.

      5. Кедендік аумақта қайта өңдеу кедендік рәсімі қолданылуының белгіленген мерзімі өткеннен кейін осы кедендік рәсімнің қолданысы тоқтатылады.

      6. Кедендік аумақта қайта өңдеу кедендік рәсімімен тауарларды орналастырушы тұлға бақылауды жүзеге асырушы кеден органына Еуразиялық экономикалық одақтың кедендік аумағында қайта өңдеу кедендік рәсімнің қолданылу мерзімі аяқталған күннен бастап күнтізбелік отыз күн ішінде кедендік аумақта қайта өңдеу кедендік рәсімін қолдану туралы есеп беруге міндетті.

      Кеден аумағында қайта өңдеу кедендік рәсімін қолдану туралы есептің нысанын уәкілетті орган бекітеді.


      254-бап. Кедендік аумақта қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімі

      1. Кедендік аумақта қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндет декларантта – тауарларға декларацияны кеден органы тіркеген кезден бастап, ал тауарларға арналған декларация берілгенге дейін тауарлар шығару туралы өтініш берілген тауарларға қатысты тауарлар шығару туралы өтініш берген тұлғада – тауарларға арналған декларация берілгенге дейін тауарлар шығару туралы өтінішті кеден органы тіркеген кезден бастап туындайды.

      2. Кедендік аумақта қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндет декларантта мынадай:

      1) кеден органы белгілеген кедендік аумақтағы қайта өңдеу кедендік рәсімінің қолданылу мерзімі өткенге дейін, оның ішінде осы баптың 4-тармағының 1) және 2) тармақшаларында көрсетілген мән-жайлар басталғаннан кейін осы Кодекстің 253-бабының 1-тармағына және 2-тармағының 1, 2, 4, 5) және 6) тармақшаларына сәйкес кедендік аумақта қайта өңдеу кедендік рәсімінің қолданысы аяқталған;

      2) кедендік аумақта қайта өңдеу кедендік рәсімінің қолданысы тоқтатылған тауарларды және (немесе) қолданысы тоқтатылған осындай кедендік рәсімді қолдану шеңберінде Еуразиялық экономикалық одақтың кедендік аумағында қайта өңдеу жөніндегі операциялар нәтижесінде алынған (пайда болған) тауарларды осы Кодекстің 209-бабының 6-тармағына сәйкес уақытша сақтауға орналастырған;

      3) кедендік аумақта қайта өңдеу кедендік рәсімінің қолданысы тоқтатылған тауарларды және (немесе) қолданысы тоқтатылған осындай кедендік рәсімді қолдану шеңберінде Еуразиялық экономикалық одақтың кедендік аумағында қайта өңдеу жөніндегі операциялар нәтижесінде алынған (пайда болған) тауарларды осы Кодекстің 209-бабының 7-тармағына сәйкес кедендік рәсіммен орналастырған;

      4) кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндетті орындаған және (немесе) оларды осы баптың 5-тармағына сәйкес есептелген және төленуге жататын мөлшерлерде өндіріп алған;

      5) уәкілетті орган бекіткен тәртіппен кеден органы кедендік аумақта қайта өңдеу кедендік рәсімімен орналастырылған шетелдік тауарларды және (немесе) кедендік аумақта қайта өңдеу жөніндегі операциялар нәтижесінде алынған (пайда болған) тауарлардың авария немесе еңсерілмейтін күштің әсері салдарынан жойылу және (немесе) қайтарымсыз жоғалу фактісін не осы Кодекске сәйкес осындай жоюға немесе қайтарымсыз жоғалуға дейін бұл тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу мерзімі басталған жағдайларды қоспағанда, тасудың (тасымалдаудың) және (немесе) сақтаудың қалыпты жағдайлары кезіндегі табиғи кему нәтижесінде осы тауарлардың қайтарымсыз жоғалу фактісін танығанда;

      6) тауарларға арналған декларация не тауарларға арналған декларация берілгенге дейін тауарлар шығару туралы өтінішті тіркеу кезінде туындаған кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндетке қатысты – кедендік аумақта қайта өңдеу кедендік рәсіміне сәйкес тауарларды шығарудан бас тартқан;

      7) тауарларға арналған декларацияны тіркеу кезінде туындаған кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларацияны қайтарып алу және (немесе) осы Кодекстің 192-бабы 5-тармағына сәйкес тауарлар шығарылымының күшін жойған;

      8) Қазақстан Республикасының заңнамасына сәйкес тауарларды тәркілеген немесе мемлекеттің меншігіне (кірісіне) айналдырған;

      9) осы Кодекстің 52-тарауына сәйкес кеден органы тауарларды кідірткен;

      10) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу (әкімшілік процесті жүргізу) барысында алынған немесе тыйым салынған және оларға қатысты оларды қайтару туралы шешім қабылданған тауарларды, егер бұрын мұндай тауарлар шығарылмаған болса, уақытша сақтауға орналастырған немесе кедендік рәсімдердің бірімен орналастырған мән-жайлар басталған кезде тоқтатылады.

      3. Кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндет осы баптың 4-тармағында көрсетілген мән-жайлар басталған кезде орындалуға жатады.

      4. Мынадай мән-жайлар басталған кезде:

      1) кедендік аумақта қайта өңдеу кедендік рәсімімен орналастырылған шетелдік тауарларды осындай кедендік рәсімнің қолданысы аяқталғанға дейін кедендік аумақта қайта өңдеу шарттары туралы құжатта көрсетілмеген тұлғаға (тұлғаларға) берген жағдайда – тауарларды беру күні, ал егер бұл күн белгіленбесе – тауарларды кедендік аумақта қайта өңдеу кедендік рәсімімен орналастыру күні;

      2) авария немесе еңсерілмейтін күштің әсері салдарынан жойылуды және (немесе) қайтарымсыз жоғалуды немесе тасудың (тасымалдаудың) және сақтаудың қалыпты жағдайлары кезіндегі табиғи кему нәтижесінде қайтарымсыз жоғалуды қоспағанда, кедендік аумақта қайта өңдеу кедендік рәсімімен орналастырылған шетелдік тауарларды осындай кедендік рәсімнің қолданысы аяқталғанға дейін жоғалған жағдайда – тауарларды жоғалту күні, ал бұл күн белгіленбесе – тауарларды кедендік аумақта қайта өңдеу кедендік рәсімімен орналастыру күні;

      3) кеден органы белгілеген кедендік аумақта қайта өңдеу кедендік рәсімі қолданысының мерзімі өткенге дейін кедендік аумақта қайта өңдеу кедендік рәсімінінің қолданысы аяқталмаған жағдайда – кеден органы белгілеген кедендік аумақта қайта өңдеу кедендік рәсімі қолданысының мерзімі өткен күн кедендік әкелу баждарын, салықтарды, арнайы, демпинге қарсы, өтем баждарын төлеу мерзімі болып есептеледі.

      5. Осы баптың 4-тармағында көрсетілген мән-жайлар басталған кезде кедендік әкелу баждары, салықтар, арнайы, демпинге қарсы, өтем баждары, егер кедендік аумақта қайта өңдеу кедендік рәсімімен орналастырылған тауарлар кедендік әкелу баждарын, салықтарды төлеу жөніндегі тарифтік преференциялар мен жеңілдіктерді қолданбай ішкі тұтынуға арналған шығару кедендік рәсімімен орналастырылған болса, төленуге жатады.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін кеден органы кедендік аумақта қайта өңдеу кедендік рәсімімен орналастыру үшін берген тауарларға арналған декларацияны тіркеген күні, ал тауарларға арналған декларация берілгенге дейін шығарылған тауарларға қатысты – кеден органы тауарларға арналған декларацияны бергенге дейін тауарлар шығару туралы өтінішті тіркеген күні қолданыста болған кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      6. Осы баптың 5-тармағына сәйкес төленетін (өндіріп алынатын) кедендік әкелу баждарының, салықтардың, арнайы, демпинге қарсы, өтем баждарының сомаларынан тауарларды кедендік аумақта қайта өңдеу кедендік рәсімімен орналастырған күннен бастап, егер көрсетілген сомаларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу мерзімі өткен күн аралығында оларды төлеу мерзімін кейінге қалдырылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      Егер кедендік аумақта қайта өңдеу кедендік рәсімінің қолданысы осы Кодекстің 253-бабының 3-тармағына сәйкес тоқтатыла тұрған болса, осы тармақта көзделген пайыздар кедендік рәсімнің қолданысы тоқтатыла тұрған кезде есептелмейді және төленбейді.

      7. Кедендік аумақта қайта өңдеу кедендік рәсімінің қолданысы аяқталған не кедендік аумақта қайта өңдеу кедендік рәсімімен орналастырылған тауарларды және (немесе) кедендік аумақта қайта өңдеу жөніндегі операциялар нәтижесінде алынған (пайда болған) тауарларды осы Кодекстің 209-бабының 6-тармағына сәйкес уақытша сақтауға орналастырған немесе мұндай тауарларды осы Кодексте көзделген кедендік рәсімдермен осы Кодекстің 209-бабының 7-тармағына сәйкес орналастырған не кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндетті орындағаннан және (немесе) оларды (толығымен немесе ішінара) өндіріп алғаннан кейін мұндай тауарларды кеден органдары осы Кодекстің 52-тарауына сәйкес кідірткен жағдайда, осы бапқа сәйкес төленген және (немесе) өндіріп алынған кедендік әкелу баждарының, салықтардың, арнайы, демпинге қарсы, өтем баждарының сомалары осы Кодекстің 11-тарауына және 141-бабына сәйкес қайтарылуға (есепке жатқызуға) жатады.


      255-бап. Қайта өңдеу өнімдерін ішкі тұтыну үшін шығару кедендік рәсімімен орналастырған кезде оларға қатысты кедендік әкелу баждарын, салықтарды, арнайы, демпингке қарсы, өтем баждарын есептеу және төлеу ерекшеліктері

      1. Қайта өңдеу өнімдерін ішкі тұтыну үшін шығару кедендік рәсімімен орналастырған кезде кедендік әкелу баждары, салықтар, арнайы, демпингке қарсы, өтем баждары, егер Еуразиялық экономикалық одақтың кедендік аумағында қайта өңдеу кедендік рәсімімен орналастырылған және қайта өңдеу өнімдерінің шығу нормаларына сәйкес қайта өңдеу өнімдерін дайындау үшін пайдаланылған шетелдік тауарларды ішкі тұтыну үшін шығару кедендік рәсімімен орналастырылғандай төленуге жататын кедендік әкелу баждарының, салықтардың, арнайы, демпингке қарсы, өтем баждарының сомалары мөлшерінде төленуге жатады.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін кеден органы кедендік аумақта қайта өңдеу кедендік рәсімімен орналастыру үшін берген тауарларға арналған декларацияны тіркеген күні, ал тауарларға декларация бергенге дейін шығарылған тауарларға қатысты – кеден органы тауарларға арналған декларацияны бергенге дейін тауарлар шығару туралы өтінішті тіркеген күні қолданыста болған кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер кедендік баждарды, салықтарды есептеу үшін Қазақстан Республикасының ұлттық валютасына шетел валютасын қайта есептеуді жүргізу қажет болса, мұндай қайта есептеу осы тармақтың бірінші абзацында көрсетілген күні қолданыста болған валюта бағамы бойынша жүргізіледі.

      2. Осы баптың 1-тармағына сәйкес төленетін (өндіріп алынатын) кедендік әкелу баждарының, салықтардың, арнайы, демпингке қарсы, өтем баждарының сомаларынан тауарларды кедендік аумақта қайта өңдеу кедендік рәсімімен орналастырған күннен бастап, егер көрсетілген сомаларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу мерзімі өткен күн аралығында оларды төлеу мерзімі кейінге қалдырылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      Егер кедендік аумақта қайта өңдеу кедендік рәсімінің қолданысы осы Кодекстің 253-бабының 3-тармағына сәйкес тоқтатыла тұрған болса, осы тармақта көзделген пайыздар кедендік рәсімнің қолданысы тоқтатыла тұрған жағдайда есептелмейді және төленбейді.

27-тарау. Кедендік аумақтан тыс жерде қайта өңдеу кедендік рәсімі

      256-бап. Кедендік аумақтан тыс жерде қайта өңдеу кедендік рәсімінің мазмұны мен қолданылуы

      1. Кедендік аумақтан тыс жерде қайта өңдеу кедендік рәсімі – Еуразиялық экономикалық одақтың тауарларына қатысты қолданылатын кедендік рәсім, оған сәйкес тауарларды осы кедендік рәсіммен орналастыру және оларды осындай кедендік рәсімге сәйкес пайдалану шарттары сақталған кезде Еуразиялық экономикалық одақтың осындай тауарларға қатысты кедендік баждарды төлемей, Еуразиялық экономикалық одақтың кедендік аумағына кейіннен әкелуге арналған Еуразиялық экономикалық одақтың кедендік аумағына тыс жерде қайта өңдеу жөніндегі операциялар нәтижесінде оларды қайта өңдеу өнімдерінде алу мақсатында осындай тауарлар Еуразиялық экономикалық одақтың кедендік аумағынан әкетіледі.

      2. Кедендік аумақтан тыс жерде қайта өңдеу кедендік рәсімімен орналастырылған және Еуразиялық экономикалық одақтың кедендік аумағынан нақты әкетілген тауарлар Еуразиялық экономикалық одақтың тауарлары мәртебесін жоғалтады.

      3. Кедендік аумақтан тыс жерде қайта өңдеу кедендік рәсімін:

      1) осындай тауарларды пайдалану және (немесе) билік ету бойынша шектеулермен байланысты кедендік әкелу баждарын, салықтарды төлеу жөніндегі жеңілдіктерді қолдана отырып ішкі тұтыну үшін шығару кедендік рәсімімен бұрын орналастырылған тауарларға, не олардың бөліктеріне осындай тауарлар не олардың бөліктері Еуразиялық экономикалық одақтың кедендік аумағынан оларды жөндеу үшін әкетілетін және кедендік аумақтан тыс жерде қайта өңдеу кедендік рәсімімен орналастырылу кезінде шетелдік тауарлар мәртебесі бар тауарларға қатысты;

      2) Еуразиялық экономикалық одақтың кедендік аумағынан әкетілген:

      осы Кодекстің 312-бабының 2-тармағына сәйкес уақытша әкету кедендік рәсімінің қолданысын аяқтау үшін уақытша әкету кедендік рәсімімен орналастырылған тауарларға;

      осы Кодекстің 360-бабы 3-тармағының бірінші абзацында көзделген жағдайда халықаралық тасымалдаудың көлік құралдарына қатысты қолдануға жол беріледі.

      4. Осы баптың 3-тармағының 2) тармақшасында көрсетілген тауарлар Еуразиялық экономикалық одақтың кедендік аумағына әкелінбестен кедендік аумақтан тыс жерде қайта өңдеу кедендік рәсімімен орналастырылады.

      5. Комиссия кедендік аумақтан тыс қайта өңдеу кедендік рәсімі қолданылмайтын тауарлардың тізбесін айқындауға құқылы.


      257-бап. Тауарларды кедендік аумақтан тыс жерде қайта өңдеу кедендік рәсімімен орналастыру және оларды осындай кедендік рәсімге сәйкес пайдалану шарттары

      1. Мыналар:

      1) Қазақстан Республикасының уәкілетті мемлекеттік органы берген және осы Кодекстің 261-бабында айқындалған мәліметтер қамтылған тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжаттың болуы тауарларды кедендік аумақтан тыс жерде қайта өңдеу кедендік рәсімімен орналастыру шарттары болып табылады. Егер тауарларды жөндеу кедендік аумақтан тыс жерде қайта өңдеу кедендік рәсімін қолданудың мақсаты болып табылса, осындай құжат ретінде тауарларға арналған декларация пайдаланылуы мүмкін;

      2) осы Кодекстің көрсетілген бабына сәйкес осы Кодекстің 263-бабында айқындалғандай қайта өңдеу өнімдерін балама тауарлармен ауыстыру жағдайын қоспағанда, кеден органдарының кедендік аумақтан тыс жерде қайта өңдеу кедендік рәсімімен орналастырылған Еуразиялық экономикалық одақтың тауарларын оларды қайта өңдеу өнімдерінде идентификаттау мүмкіндігі;

      3) тәуекелдерді басқару жүйесімен айқындалған жағдайларды қоспағанда, осы Кодекстің 10-тарауына сәйкес кедендік әкету баждарын төлеу бойынша міндеттің орындалуын ұсыну;

      4) осы Кодекстің 8-бабына сәйкес тыйым салулар мен шектеулердің сақталуы тауарларды кедендік аумақтан тыс жерде қайта өңдеу кедендік рәсімімен орналастыру шарттары болып табылады.

      2. Мыналар:

      1) кедендік аумақтан тыс жерде қайта өңдеу кедендік рәсімі қолданысының белгіленген мерзімінің сақталуы;

      2) кедендік аумақтан тыс жерде қайта өңдеу кедендік рәсімімен орналастырылған тауарлармен Еуразиялық экономикалық одақтың кедендік аумағынан тыс жерде қайта өңдеу жөніндегі операциялар жасаған кезде осы Кодекстің 259-бабының ережелерінің сақталуы тауарларды кедендік аумақтан тыс жерде қайта өңдеу кедендік рәсіміне сәйкес пайдалану шарттары болып табылады.

      3. Осы тарауды қолдану мақсаттары үшін кеден органының Еуразиялық экономикалық одақ тауарларын оларды қайта өңдеу өнімдерінде идентификаттау деп осы Кодекстің 260-бабында айқындалған тәсілдердің бірінде белгіленген, қайта өңдеу өнімдерін алу мақсатында кедендік аумақтан тыс жерде қайта өңдеу кедендік рәсімімен орналастырылған тауарлардың Еуразиялық экономикалық одақтың кедендік аумағынан тыс жерде қайта өңдеу жөніндегі операцияларға ұшырауы түсініледі.


      258-бап. Кедендік аумақтан тыс жерде қайта өңдеу кедендік рәсімінің қолданылу мерзімі

      1. Кедендік аумақтан тыс жерде қайта өңдеу кедендік рәсімінің қолданылу мерзімі Еуразиялық экономикалық одақтың кедендік аумағынан тыс жерде тауарларды қайта өңдеу шарттары туралы құжатта айқындалған Еуразиялық экономикалық одақтың кедендік аумағынан тыс жерде тауарларды қайта өңдеу мерзімі негізінде белгіленеді.

      2. Кедендік аумақтан тыс жерде қайта өңдеу кедендік рәсімінің қолданылуының белгіленген мерзімі Еуразиялық экономикалық одақтың кедендік аумағынан тыс жерде тауарларды қайта өңдеу мерзімін ұзарту кезінде тұлғаның өтініші бойынша ұзартылады.

      3. Кедендік аумақтан тыс жерде қайта өңдеу кедендік рәсімінің қолдану мерзімін ұзарту үшін Еуразиялық экономикалық одақтың кедендік аумағынан тыс жерде тауарларды қайта өңдеу мерзімін ұзарту кезінде, декларант көрсетілген кедендік рәсімнің қолдану мерзімінің аяқталуынан кешіктірмей тауарларды кедендік рәсіммен орналастыру жүргізілген кеден органына Еуразиялық экономикалық одақтың кедендік аумағынан тыс жерлерде тауарларды қайта өңдеу мерзімін растайтын уәкілетті мемлекеттік органның құжатын қоса бере отырып, осы құжатта көрсетілген осындай ұзартудың қажеттігі туралы өтінішті ұсынады.

      Декларанттың тауарларды кедендік аумақтан тыс жерде қайта өңдеуге кедендік рәсімінің қолдану мерзімін ұзарту туралы өтініші кеден органына көрсетілген өтінішті тіркеген күннен бастап он жұмыс күнінен кешіктірілмей кеден органында қаралуы тиіс. Өтінішті қарау нәтижелері бойынша кедендік аумақтан тыс жерде қайта өңдеу кедендік рәсімінің қолдану мерзімін ұзарту туралы шешім қабылданады не осындай ұзартудан бас тартылады.

      Көрсетілген кезеңге кедендік аумақтан тыс жерде тауарларды қайта өңдеу кедендік рәсімінің қолдану мерзімінің өтуі тоқтатыла тұрады. Кеден органы кедендік аумақтан тыс жерде қайта өңдеу кедендік рәсімінің қолданылу мерзімін ұзарту туралы шешім қабылдаған жағдайда, көрсетілген мерзім осындай шешімді қабылдаған күнге қарамастан алдыңғы мерзім аяқталған күннен бастап ұзартылады.

      Еуразиялық экономикалық одақтың кедендік аумағынан тыс жерде тауарларды қайта өңдеу шарттары туралы көрсетілген құжатты, Еуразиялық экономикалық одақтың кедендік аумағынан тыс жерде тауарларды қайта өңдеу мерзімін ұзартуды растайтын уәкілетті мемлекеттік органның құжатын декларант тапсырмаған жағдайда кеден органы кедендік аумақтан тыс жерде тауарларды қайта өңдеу мерзімін ұзартудан бас тартады.

      Көрсетілген жағдайда, кеден органының лауазымды тұлғасы кедендік аумақтан тыс жерде қайта өңдеу кедендік рәсімінің қолдану мерзімін ұзартудан бас тарту туралы кеден органының шешімін декларантқа жолдайды.

      Еуразиялық экономикалық одақтың кедендік аумағынан тыс жерде тауарларды қайта өңдеу кедендік рәсімінің қолдану мерзімін тауарларды кедендік рәсіммен орналастыру жүргізілген кеден органының лауазымды тұлғасы ұзартқан жағдайда, тауарларға арналған декларацияға осындай өзгерістер енгізілгені туралы декларантқа хабарлана отырып, тиісті өзгертулер енгізіледі.

      Еуразиялық экономикалық одақтың кедендік аумағынан тыс жерде тауарларды қайта өңдеу кедендік рәсімінің қолдану мерзімін ұзартудан бас тартылған жағдайда, осындай кедендік рәсімнің қолдануы осы Кодекстің 264-бабына сәйкес аяқталуға жатады.


      259-бап. Еуразиялық экономикалық одақтың кедендік аумағынан тыс жерде қайта өңдеу жөніндегі операциялар

      Еуразиялық экономикалық одақтың кедендік аумағынан тыс жерде қайта өңдеу жөніндегі операциялар:

      тауарларды қайта өңдеуді немесе өңдеуді;

      монтаждауды, жинақтауды, бөлшектеуді және шақтауды қоса алғанда, тауарларды дайындауды;

      тауарларды қалпына келтіруді, құрамдас бөлшектерді ауыстыруды, жаңартуды қоса алғанда, оларды жөндеуді қамтиды.


      260-бап. Еуразиялық экономикалық одақтың тауарларын оларды қайта өңдеу өнімдеріне идентификаттау

      Еуразиялық экономикалық одақтың тауарларын оларды қайта өңдеу өнімдерінде идентификаттау мақсатында мынадай тәсілдер:

      декларанттың, Еуразиялық экономикалық одақтың кедендік аумағынан тыс жерде қайта өңдеу жөніндегі операцияларды жасайтын тұлғаның немесе кеден органдары лауазымды адамдарының Еуразиялық экономикалық одақтың тауарларына мөрлерді, мөртабандарды қоюы, цифрлық және басқа да таңбалауды салуы;

      Еуразиялық экономикалық одақтың тауарлары ауқымында егжей-тегжейлі сипаттау, фотосуретке түсіру, бейнелеу;

      Еуразиялық экономикалық одақтың тауарларының және оларды қайта өңдеу өнімдерінің алдын ала іріктеп алынған сынамаларын және (немесе) үлгілерін салыстыру;

      тауарлардағы таңбалауды, оның ішінде сериялық нөмірлер түрінде пайдалану;

      тауарлар сипатын және Еуразиялық экономикалық одақтың кедендік аумағынан тыс жерде қайта өңдеу бойынша жасалатын операцияларды негізге ала отырып, оның ішінде Еуразиялық экономикалық одақтың кедендік аумағынан тыс жерде қайта өңдеу жөніндегі операцияларды жасаудың технологиялық процесінде Еуразиялық экономикалық одақтың тауарларын пайдалану туралы, сондай-ақ қайта өңдеу өнімдері өндірісінің технологиясы туралы толық мәліметтері бар, ұсынылған құжаттарды зерттеу жолымен қолданылуы мүмкін өзге де тәсілдер пайдаланылуы мүмкін.


      261-бап. Тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжат

      1. Қазақстан Республикасының уәкілетті органы беретін тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжатты Қазақстан Республикасының кез келген тұлғасы ала алады.

      2. Тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжатта:

      1) құжатты берген Қазақстан Республикасының уәкілетті мемлекеттік органы туралы;

      2) құжат берілген тұлға туралы;

      3) Еуразиялық экономикалық одақтың кедендік аумағынан тыс жерде қайта өңдеу жөніндегі операцияларды тікелей жасайтын тұлға (тұлғалар) туралы;

      4) Еуразиялық экономикалық одақтың тауарлары және оларды қайта өңдеу өнімдері туралы (Сыртқы экономикалық қызметтің тауар номенклатурасына сәйкес атауы, коды, саны мен құны);

      5) тауарларды иемдену, пайдалану және (немесе) оларға билік ету құқығын растайтын құжаттар туралы;

      6) қайта өңдеу өнімдерінің сандық және (немесе) пайыздық мәнде шығу нормалары туралы;

      7) Еуразиялық экономикалық одақтың кедендік аумағынан тыс жерде қайта өңдеу жөніндегі операциялар және оларды жасау тәсілдері туралы;

      8) кедендік аумақтан тыс жерде қайта өңдеу кедендік рәсімімен орналастырылған Еуразиялық экономикалық одақтың тауарларын оларды қайта өңдеу өнімдерінде идентификаттау тәсілдері туралы;

      9) Еуразиялық экономикалық одақтың кедендік аумағынан тыс жерде тауарларды қайта өңдеу мерзімі;

      10) осы Кодекстің 263-бабында айқындалғандай, егер осылай ауыстыруға жол берілсе, қайта өңдеу өнімдерін баламалы шетелдік тауарлармен ауыстыру туралы;

      11) тауарларды кедендік аумақтан тыс жерде қайта өңдеу кедендік рәсімімен орналастыру және осы кедендік рәсімді аяқтау болжанатын кеден органы (кеден органдары) туралы мәліметтер болуға тиіс.

      12) қалдық, қалдықтар және өндірістік ысыраптар туралы (атауы, тауарлар позициясы деңгейіндегі Сыртқы экономикалық қызметінің тауар номенклатурасын сәйкес код, саны және құны);

      13) кедендік аумақтан тыс жерде қайта өңдеу кедендік рәсімін жасауға орналастырылған тауарларды пайдалану шарттарының сақталуы туралы;

      14) Қазақстан Республикасының Үкіметі айқындаған басқа да мәліметтер.

      3. Еуразиялық экономикалық одақтың кедендік аумағынан тыс жерде тауарларды қайта өңдеу мерзімі екі жылдан аспауға тиіс.

      4. Еуразиялық экономикалық одақтың кедендік аумағынан тыс жерде тауарларды қайта өңдеу мерзімі:

      1) тауарларды қайта өңдеудің өндірістік процесінің ұзақтығы;

      2) Еуразиялық экономикалық одақтың кедендік аумағына қайта өңдеу өнімдерін іс жүзінде әкелу үшін және оларды кедендік аумақтан тыс жерде қайта өңдеу кедендік рәсімнің қолданысын аяқтайтын кедендік рәсімдермен орналастыруға қажетті уақытты қамтиды.

      5. Еуразиялық экономикалық одақтың кедендік аумағынан тыс жерде тауарларды қайта өңдеу мерзімі тауарларды кедендік аумақтан тыс жерде қайта өңдеу кедендік рәсімімен орналастырылған күннен бастап, ал тауарлардың бірнеше партиямен кедендік декларациялануы кезінде – кедендік аумақтан тыс жерде қайта өңдеу кедендік рәсімімен орналастырылған тауарлардың бірінші партиясын орналастырған күннен бастап есептеледі.

      6. Еуразиялық экономикалық одақтың кедендік аумағынан тыс жерде тауарларды қайта өңдеу мерзімі осы баптың 3-тармағында көрсетілген мерзім шегінде ұзартылуы мүмкін.

      7. Уәкілетті мемлекеттік органдар беретін тауарларды Еуразиялық экономикалық одақтың кедендік аумағынан тыс жерде қайта өңдеу шарттары туралы құжат нысанын, оны толтыру тәртібі мен осындай құжатты беру тәртібін, оған өзгерістер (толықтырулар) енгізу, Еуразиялық экономикалық одақтың кедендік аумағынан тыс жерде тауарларды қайта өңдеу мерзімін ұзарту тәртібі, сондай-ақ оны кері қайтарып алуды (жоюды) және (немесе) оның қолданысын қайта жаңғырту тәртібін Қазақстан Республикасының Үкіметі белгілейді.

      8. Еуразиялық экономикалық одақтың кедендік аумағынан тыс жерде тауарларды қайта өңдеу шарттары туралы құжат ретінде тауарларға арналған декларацияны пайдаланған жағдайда Еуразиялық экономикалық одақтың кедендік аумағынан тыс жерде тауарларды қайта өңдеу шарттары туралы мәліметтерді декларант тауарларға арналған декларацияда көрсетеді.


      262-бап. Қайта өңдеу өнімдерінің шығу нормалары

      1. Қайта өңдеу өнімдерінің шығу нормасы деп Еуразиялық экономикалық одақтың тауарларының белгілі бір санын Еуразиялық экономикалық одақтың кедендік аумағынан тыс жерде қайта өңдеу жөніндегі операцияларды жасау нәтижесінде пайда болған қайта өңдеу өнімдерінің саны және (немесе) пайыздық құрамы түсініледі.

      2. Егер Еуразиялық экономикалық одақтың кедендік аумағынан тыс жерде қайта өңдеу жөніндегі операциялар белгіленген техникалық талаптарға сәйкес сипаттамалары негізінен тұрақты болып қалатын және қайта өңдеудің өзгермеген сападағы өнімдерін алуға әкелетін тауарларға қатысты жасалған жағдайда, Қазақстан Республикасының уәкілетті мемлекеттік органдар қайта өңдеу өнімдерінің стандартты шығу нормалары белгілеуі мүмкін.


      263-бап. Қайта өңдеу өнімдерін шетелдік балама тауарлармен ауыстыру

      1. Егер Еуразиялық экономикалық одақтың кедендік аумағынан тыс жерде қайта өңдеу жөніндегі операциялар жөндеу болып табылған, сондай-ақ Еуразиялық экономикалық одақтың кедендік аумағынан тыс жерде қайта өңдеу жөніндегі операциялар құбыржолмен тасымалданатын тауарларға қатысты жүзеге асырылған жағдайда кеден органының рұқсатымен өз сипаты, сапасы және техникалық сипаттамалары бойынша қайта өңдеу өнімдеріне сәйкес келетін қайта өңдеу өнімдерін шетелдік тауарлармен (осы бапта бұдан әрі – шетелдік балама тауарлар) ауыстыруға жол беріледі.

      Еуразиялық экономикалық одақтың кедендік аумағына бұрын әкелінген және ішкі тұтыну үшін арналған шығару кедендік рәсімімен орналастырылған тауарлардың құрамына енетін бөліктердің, тораптардың, агрегаттардың ақаулы түрлері кепілдік беріліп жөндеу үшін Еуразиялық экономикалық одақтың кедендік аумағынан әкетілген жағдайда, өздерінің сипаты, сапасы және техникалық сипаттамалары бойынша қайта өңдеу өнімдеріне сәйкес келетін шетелдік тауарлар олардың жарамдылық және (немесе) тозу жай-күйі ескерілместен шетелдік балама тауарлар ретінде қаралады.

      2. Егер қайта өңдеу өнімдерін шетелдік балама тауарлармен ауыстыруға рұқсат етілген жағдайда, осы шетелдік балама тауарларды Еуразиялық экономикалық одақтың кедендік аумағына әкелуге Еуразиялық экономикалық одақтың тауарлары Еуразиялық экономикалық одақтың кедендік аумағынан әкетілгенге дейін жол беріледі.

      3. Тауарларды жөндеу кезінде қайта өңдеу өнімдерін ауыстыруға қайта өңдеу өнімдерін ауыстыратын тауарлар кедендік аумақтан тыс қайта өңдеудің кедендік рәсіміне сәйкес жөндеуге арналған тауарларға қатысты ұқсас немесе біртекті болып табылған жағдайда жол беріледі. Бұл ретте тауарлардың ауыстырылатын бөліктері жаңа болуы да, бұрын қолданылған болуы да мүмкін.

      4. Тауарларды жөндеу кезінде, мұндай жөндеу алынған өнімге бастапқы өнімнен елеулі айырмашылығы бар сипат беретін болса, қайта өңдеу өнімдерін ауыстыруға жол берілмейді.

      5. Шарттың (келісімшарттың) тиісті ережелері және тауарларды жөндеуді жүзеге асыратын тұлғаның кепілдік берілген міндеттемелері тауарларды жөндеу кезінде қайта өңдеу өнімдерін ауыстыруға негіздеме болып табылады.


      264-бап. Кедендік аумақтан тыс жерде қайта өңдеу кедендік рәсімі қолданысының аяқталуы және тоқтатылуы

      1. Кедендік аумақтан тыс жерде қайта өңдеу кедендік рәсімі қолданысының белгіленген мерзімі өткенге дейін осы кедендік рәсімнің қолданылуы қайта өңдеу өнімдерін – ішкі тұтыну үшін шығару кедендік рәсімімен орналастыру, осы тармақтың екінші абзацында көзделген жағдайды қоспағанда, ал Еуразиялық экономикалық одақтың кедендік аумағынан өтеусіз (кепілдік беріп) жөндеу үшін шығарылған тауарлардың қайта өңдеу өнімдерін – кері импорт кедендік рәсімімен орналастыру арқылы аяқталады.

      Кедендік аумақтан тыс жерде қайта өңдеу кедендік рәсімнің қолданылуы, егер осындай қайта өңдеу өнімдері ішкі тұтыну үшін шығару кедендік рәсіміне сәйкес шығарылуы кезінде осы тауарларды өтеусіз (кепілдік беріп) жөндеу себебі болып табылатын ақаудың (ақаулардың) болуы ескерілген тауарлардың қайта өңдеу өнімдері болып табылса, кері импорт кедендік рәсімімен қайта өңдеу өнімдерін орналастыру арқылы аяқтала алмайды.

      2. Кедендік аумақтан тыс жерде қайта өңдеу кедендік рәсімі қолданысының белгіленген мерзімі өткенге дейін осы кедендік рәсімнің қолданылуы:

      1) осы тармақтың 2) тармақшасында көрсетілген тауарларды қоспағанда, кедендік аумақтан тыс жерде қайта өңдеу кедендік рәсімімен орналастырылған экспорт кедендік рәсімімен немесе кері импорт кедендік рәсімімен орналастырылған тауарларды орналастыру;

      2) осы Кодекстің 256-бабы 3-тармағының 1) тармақшасында көрсетілген кедендік аумақтан тыс жерде қайта өңдеу кедендік рәсімімен орналастырылған тауарларды, кері экспорт кедендік рәсімімен орналастыру;

      3) Комиссия айқындайтын жағдайларда, шарттарда және тәртіппен қайта өңдеу өнімдерін экспорт кедендік рәсімімен орналастыру арқылы аяқталуы мүмкін.

      3. Егер Қазақстан Республикасының заңнамасында кедендік аумақтан тыс жерде қайта өңдеу кедендік рәсімімен орналастырылған тауарлар және (немесе) оларды қайта өңдеу өнімдері Қазақстан Республикасының аумағына міндетті түрде қайтарылуға жататыны белгіленсе, кедендік аумақтан тыс жерде қайта өңдеу кедендік рәсімнің қолданылуы тауарларды экспорт кедендік рәсімімен орналастырумен аяқтала алмайды.

      4. Қайта өңдеу өнімдері кедендік рәсімдермен бір немесе бірнеше партиямен орналастырылуы мүмкін.

      5. Кедендік аумақтан тыс жерде қайта өңдеу кедендік рәсімінің белгіленген қолдану мерзімі өткеннен кейін осы кедендік рәсімнің қолданылуы тоқтатылады.

      6. Кедендік аумақтан тыс қайта өңдеу нәтижесінде пайда болған қалдықтар, олар кейін коммерциялық пайдалану үшін жарамсыз күйге қайта өңделетін жағдайларды қоспағанда, өзге де кедендік рәсіммен орналастырылуға жатады. Бұл ретте тауарларды кедендік аумақта қайта өңдеу жөніндегі операцияларды жасау нәтижесінде пайда болған қалдықтар деп түсініледі.

      7. Еуразиялық экономикалық одақтың кедендік аумағынан тыс жерде қайта өңдеу кедендік рәсімімен орналастырылған, кедендік аумақтан тыс жерде қайта өңдеу жөніндегі жасалған операциялардың нәтижесінде қайтарымсыз жоғалған және Еуразиялық экономикалық одақтың кедендік аумағынан тыс жерде қайта өңдеу шарттары туралы құжатта көрсетілген құны мен саны шегінде кеден органдары өндірістік ысыраптар деп таныған тауарларды кедендік аумақтан және қайта өңдеу кедендік рәсімнің қолданылуы аяқталған кезде кедендік рәсіммен орналастырылуға жатпайды.

      8. Қайта өңдеу жөніндегі операцияларды жасау нәтижесінде пайда болған тауарлардың қалдықтары шығу нормаларына сәйкес өзге кедендік рәсіммен орналастырылуға жатады. Бұл ретте тауарларды қайта өңдеу жөніндегі операцияларды жасау кезінде пайдаланылмаған тауарлар тауарлардың қалдықтары деп түсініледі.

      9. Кедендік аумақта қайта өңдеу кедендік рәсімімен тауарларды орналастырушы тұлға бақылауды жүзеге асырушы кеден органына қайта өңдеу мерзімі аяқталған күннен бастап күнтізбелік отыз күн ішінде кедендік аумақта қайта өңдеу кедендік рәсімін қолдану туралы есеп беруге міндетті.

      Есептің нысанын уәкілетті орган белгілейді.


      265-бап. Кедендік аумақтан тыс жерде қайта өңдеу кедендік рәсімімен орналастырылатын (орналастырылған) Еуразиялық экономикалық одақтың тауарларына қатысты кедендік әкету баждарын төлеу жөніндегі міндеттердің туындауы және тоқтатылуы, оларды төлеу және есептеу мерзімі

      1. Кедендік аумақтан тыс жерде қайта өңдеу кедендік рәсімімен орналастырылатын Еуразиялық экономикалық одақтың тауарларына қатысты кедендік әкету баждарын төлеу жөніндегі міндет декларантта кеден органы тауарларға арналған декларацияны тіркеген кезінен бастап туындайды.

      2. Кедендік аумақтан тыс жерде қайта өңдеу кедендік рәсімімен орналастырылатын (орналастырылған) Еуразиялық экономикалық одақтың тауарларына қатысты кедендік әкету баждарын төлеу жөніндегі міндет декларантта мынадай:

      1) осы Кодекстің 264-бабына сәйкес кедендік аумақтан тыс жерде қайта өңдеу кедендік рәсімі қолданысының аяқталған, оның ішінде осы баптың 4-тармағының 1) тармақшасында көрсетілген мән-жайлар басталғаннан кейін;

      2) оларға қатысты кедендік аумақтан тыс жерде қайта өңдеу кедендік рәсімінің қолданысы тоқтатылған тауарларды және (немесе) қолданысы тоқтатылған осындай кедендік рәсімді қолдану шеңберінде Одақтың кедендік аумағынан тыс жерде қайта өңдеу жөніндегі операциялары нәтижесінде алынған (қалыптасқан) тауарларды осы Кодекстің 209-бабының 7-тармағына сәйкес кедендік рәсімдермен орналастырған;

      3) кедендік әкету баждарын төлеу жөніндегі міндет орындалған және (немесе) оларды осы баптың 5-тармағына сәйкес есептелген және төленуге жататын мөлшерде өндіріп алған;

      4) тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты – кедендік аумақтан тыс жерде қайта өңдеу кедендік рәсіміне сәйкес тауарлар шығарудан бас тартылған;

      5) тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларацияны қайтарып алған және (немесе) осы Кодекстің 192-бабы 5-тармағына сәйкес тауарлардың шығарылуын жойған;

      6) осы Қазақстан Республикасының заңнамасына сәйкес тауарлар тәркіленген немесе мемлекеттің меншігіне айналдырылған;

      7) осы Кодекстің 52-тарауына сәйкес кеден органы тауарларды ұстаған;

      8) егер бұрын осындай тауарларды шығару жүзеге асырылмаған болса, қылмыстық құқық бұзушылық туралы хабарламаны тексеру барысында, қылмыстық іс бойынша немесе әкімшілік құқық бұзушылық туралы іс бойынша іс жүргізу (әкімшілік процесті жүргізу) барысында алынған немесе тыйым салынған және оларға қатысты оларды қайтару туралы шешім қабылданған тауарлар уақытша сақтауға орналастырылған немесе кедендік рәсімдердің бірімен орналастырылған мән-жайлар басталған кезде тоқтатылады.

      3. Кедендік аумақтан тыс жерде қайта өңдеу кедендік рәсімімен орналастырылған Еуразиялық экономикалық одақ тауарларына қатысты кедендік әкету баждарын төлеу жөніндегі міндет осы баптың 4-тармағында көрсетілген мән-жайлар туындаған кезде орындалуға жатады.

      4. Мынадай мән-жайлар туындаған кезде:

      1) осы баптың 1-тармағында көрсетілген тауарлар кедендік аумақтан тыс жерде қайта өңдеу кедендік рәсімнің қолданылуы аяқталғанға дейін жоғалған жағдайда – осы тауарлардың жоғалған күні, ал егер бұл күн анықталмаса – кеден органының осы тауарларды жоғалту фактісін анықтаған күн;

      2) осы Кодекстің 264-бабына сәйкес кедендік аумақтан тыс жерде қайта өңдеу кедендік рәсімінің қолданылуы аяқталмаған жағдайда – кедендік аумақтан тыс жерде қайта өңдеу кедендік рәсімінің қолданылу мерзімі өткен күн кедендік әкету баждарын төлеу мерзімі болып саналады.

      5. Осы баптың 4-тармағында көрсетілген мән-жайлар туындаған кезде кедендік әкету баждары кедендік аумақтан тыс жерде қайта өңдеу кедендік рәсімімен орналастырылған Еуразиялық экономикалық одақтың тауарлары кедендік әкету баждарын төлеу жөніндегі жеңілдіктерді қолданбай, экспорт кедендік рәсімімен орналастырылғанындай төленуге жатады.

      Кедендік әкету баждарын есептеу үшін кедендік аумақтан тыс жерде қайта өңдеу кедендік рәсімімен тауарларды орналастыру үшін берілген тауарларға арналған декларацияны кеден органы тіркеген күні қолданыста болған кедендік әкету баждарының мөлшерлемелері қолданылады.

      6. Кедендік аумақтан тыс жерде қайта өңдеу кедендік рәсімінің қолданысы аяқталған не тауарлары осы Кодекстің 209-бабының 7-тармағына сәйкес осы Кодексте көзделген кедендік рәсімдермен орналастырылған не тауарларды кеден органдары осы Кодекстің 52-тарауына сәйкес кедендік әкету баждарын төлеу жөніндегі міндеттерді орындағаннан кейін ұстаған және (немесе) оларды осы бапқа сәйкес төленген және (немесе) өндіріп алынған кедендік әкету баждарының сомаларынан (толық немесе ішінара) өндіріп алған жағдайда осы Кодекстің 11-тарауына сәйкес қайтарылуға (есепке алынуға) жатады.


      266-бап. Қайта өңдеу өнімдерін ішкі тұтыну үшін шығару кедендік рәсімімен орналастырған кезде оларға қатысты кедендік әкелу баждарын, салықтарды есептеу және төлеу ерекшеліктері

      1. Қайта өңдеу өнімдерін ішкі тұтыну үшін шығару кедендік рәсімімен орналастырылған кезде кедендік әкелу баждары Еуразиялық экономикалық одақтың кедендік аумағынан тыс жерде қайта өңдеу жөніндегі операциялар құнына негізделе отырып есептеледі.

      2. Еуразиялық экономикалық одақтың кедендік аумағынан тыс жерде қайта өңдеу жөніндегі операциялардың құны мыналарға:

      1) қайта өңдеу (жөндеу) жөніндегі операцияларға;

      2) егер олар қайта өңдеу (жөндеу) жөніндегі операциялар шығыстарына қосылмаған болса, қайта өңдеу (жөндеу) процесінде пайдаланылған шетелдік тауарлар нақты жұмсалған шығыстар жиынтығы ретінде айқындалады.

      3. Егер Еуразиялық экономикалық одақтың кедендік аумағынан тыс жерде қайта өңдеу жөніндегі операциялардың қайта өңдеу өнімдерін кедендік декларациялау кезінде мәлімделген құны құжат түрінде расталмаған не ұсынылған құжаттар мұндай операциялардың құны туралы мәлімделген мәліметтерді растамаған жағдайда, ол қайта өңдеу өнімдерінің кедендік құны мен кедендік аумақтан тыс жерде қайта өңдеу кедендік рәсімімен орналастырылған тауарлар құнының айырмасы ретінде айқындалады.

      4. Егер қайта өңдеу өнімдеріне кедендік әкелу баждарының ерекшелікті мөлшерлемелері қолданылған жағдайда, төленуге жататын кедендік әкелу баждарының сомасы қайта өңдеу өнімдерінің кедендік құнының Еуразиялық экономикалық одақтың кедендік аумағынан тыс жерде қайта өңдеу жөніндегі операциялар құнының арақатынасына қайта өңдеу өнімдеріне қатысты ерекшелікті мөлшерлеме бойынша есептелген кедендік әкелу баждарының сомасын көбейту ретінде, қайта өңдеу өнімдері ішкі тұтыну үшін шығару кедендік рәсімімен орналастырылғандай айқындалады.

      5. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде қайта өңдеу өнімдеріне қатысты салықтар Қазақстан Республикасының салық заңнамасына сәйкес есептеледі.

      Егер Еуразиялық экономикалық одақтың кедендік аумағынан тыс жерде қайта өңдеу жөніндегі операциясы Еуразиялық экономикалық одақтың кедендік аумағынан әкетілген тауарларды жөндеу болып табылған жағдайда, акциздер (акциздік салық немесе акциздік алым) есептелмейді және төленбейді.

      6. Осы баптың 7-тармағында өзгеше белгіленбесе, қайта өңдеу өнімдерін ішкі тұтыну үшін шығару кедендік рәсімімен орналастырған кезде кедендік әкелу баждары, салықтар осы баптың 1, 2, 3, 4 және 5-тармақтарына сәйкес есептелген кедендік әкелу баждары, салықтар сомаларының мөлшерінде төленуге тиіс.

      7. Осы Кодекстің 256-бабы 3-тармағының 1) тармақшасында көрсетілген шетелдік тауарларға қатысты Еуразиялық экономикалық одақтың кедендік аумағынан тыс жерде қайта өңдеу жөніндегі операциялар жасау нәтижесінде алынған қайта өңдеу өнімдерін ішкі тұтыну үшін шығару кедендік рәсімімен орналастыру кезінде осы Кодекстің 216-бабының 11-тармағына сәйкес осы шетелдік тауарларға қатысты кедендік әкелу баждарын, салықтарды төлеу мерзімі басталатын жағдайларды қоспағанда, осы баптың 1, 2, 3, 4 және 5-тармақтарына сәйкес есептелген кедендік әкелу баждары, салықтар төленбейді.

      Осы Кодекстің 256-бабының 3-тармағының 1) тармақшасында көрсетілген шетелдік тауарларға қатысты Еуразиялық экономикалық одақтың кедендік аумағынан тыс жерде қайта өңдеу жөніндегі операциялар жасау нәтижесінде алынған қайта өңдеу өнімдеріне қатысты кедендік әкелу баждарын, салықтарды төлеу жөніндегі міндет осы шетелдік тауарларға қатысты кедендік әкелу баждарын, салықтарды төлеу жөніндегі міндет тоқтатылған кезде тоқтатылады.


      267-бап. Еуразиялық экономикалық одақтың кедендік аумағынан тыс жерде қайта өңдеу жөніндегі операцияларға ұшырамаған тауарларға және оларды экспорт кедендік рәсімімен орналастырған кезде қайта өңдеу өнімдеріне қатысты кедендік әкелу баждарын есептеу және төлеу ерекшеліктері

      1. Еуразиялық экономикалық одақтың кедендік аумағынан тыс жерде қайта өңдеу жөніндегі операцияларға ұшырамаған тауарларды экспорт кедендік рәсімімен орналастырған кезде кедендік әкету баждарын есептеу үшін кедендік аумақтан тыс жерде қайта өңдеу кедендік рәсімімен орналастыру үшін берілген тауарларға арналған декларацияны кеден органының тіркеген күні қолданыста болған кедендік әкету баждарының мөлшерлемелері қолданылады.

      Егер кедендік әкету баждарын есептеу үшін Қазақстан Республикасының ұлттық валютасына шетел валютасын қайта есептеу жүргізу талап етілген жағдайда, мұндай қайта есептеу осы тармақтың бірінші абзацында көрсетілген күні қолданыста болған валюта бағамы бойынша жүргізіледі.

      2. Осы Кодекстің 264-бабының 2-тармағының 3) тармақшасына сәйкес белгіленген жағдайларда экспорт кедендік рәсімімен орналастырылатын қайта өңдеу өнімдеріне қатысты кедендік әкету баждарын, салықтарды есептеу және төлеу ерекшеліктерін Комиссия осындай жағдайлар анықталған кезде айқындайды.

28-тарау. Ішкі тұтынуға арналған қайта өңдеу кедендік рәсімі

      268-бап. Ішкі тұтынуға арналған қайта өңдеу кедендік рәсімінің мазмұны және оның қолданылуы

      1. Ішкі тұтынуға арналған қайта өңдеу кедендік рәсімі – шетелдік тауарларға қатысты пайдаланылатын кедендік рәсім, оған сәйкес тауарларды осы кедендік рәсіммен орналастыру шарттары сақталған және оларды осындай кедендік рәсімге сәйкес пайдаланған кезде осындай шетелдік тауарларға қатысты кедендік әкелу баждары төленбей, кейіннен ішкі тұтынуға арналған шығару кедендік рәсімімен орналастыруға арналған оларды қайта өңдеу өнімдерінде алу мақсатында осындай тауарлармен ішкі тұтынуға арналған қайта өңдеу жөніндегі операциялар жасалады.

      2. Ішкі тұтынуға арналған қайта өңдеу кедендік рәсімімен орналастырылған тауарлар шетелдік тауарлар мәртебесін сақтайды, ал ішкі тұтынуға арналған қайта өңдеу жөніндегі операциялар нәтижесінде алынған (пайда болған) тауарлар (қайта өңдеу өнімдері, қалдықтар мен ұсақ-түйек қалдықтар) шетелдік тауарлар мәртебесін алады.

      3. Ішкі тұтынуға арналған қайта өңдеу кедендік рәсімі, тізбесі Қазақстан Республикасының заңнамасымен бекітілетін тауарларға қатысты қолданылады.


      269-бап. Тауарларды ішкі тұтынуға арналған қайта өңдеу кедендік рәсімімен орналастыру және оларды осы кедендік рәсімге сәйкес пайдалану шарттары

      1. Мыналар:

      1) Қазақстан Республикасының уәкілетті мемлекеттік органы берген және осы Кодекстің 273-бабында анықталған мәліметтер қамтылған тауарларды ішкі тұтынуға арналған қайта өңдеу шарттары туралы құжаттың болуы;

      2) кеден органдарының ішкі тұтынуға арналған қайта өңдеу кедендік рәсімімен орналастырылған шетелдік тауарларды олардың қайта өңдеу өнімдерінде идентификаттау мүмкіндігі;

      3) тауарлар ішкі тұтынуға арналған қайта өңдеу кедендік рәсімімен орналастырылған күні қайта өңдеу өнімдеріне қатысты есептелген, ішкі тұтыну үшін тауарларды қайта өңдеу шарттары туралы құжатта көрсетілген қайта өңдеу өнімдерінің шығу нормалары ескеріле отырып, Еуразиялық экономикалық одақтың кедендік аумағына әкелу кезінде ішкі тұтынуға арналған шығару кедендік рәсімімен орналастырылғандай кедендік әкелу баждарының сомалары ішкі тұтыну үшін қайта өңдеу рәсімімен орналастырылатын тауарлар ішкі тұтынуға арналған шығару кедендік рәсімімен орналастырылғандай есептелген кедендік әкелу баждарының сомаларынан аз болса;

      4) қайта өңдеу өнімдерін экономикалық тиімді тәсілмен бастапқы жай-күйіне келтіре алмау;

      5) арнайы, демпингке қарсы, өтем баждарын төлеу;

      6) салықтарды төлеу бойынша жеңілдіктер ұсынылмаса, салықтарды төлеу;

      7) арнайы, демпингке қарсы, өтем баждарын және (немесе) Одақ туралы шарттың 50-бабына сәйкес белгіленген өзге де баждармен салыстырғанда, өзгеше белгіленген ішкі нарықты қорғау шараларының сақталуы;

      8) осы Кодекстің 8-бабына сәйкес тыйым салулар мен шектеулерді сақталуы тауарларды ішкі тұтынуға арналған қайта өңдеу кедендік рәсімімен орналастыру шарттары болып табылады:

      2. Мыналар:

      1) ішкі тұтынуға арналған қайта өңдеу кедендік рәсімі қолданысының белгіленген мерзімінің сақталуы;

      2) ішкі тұтынуға арналған қайта өңдеу кедендік рәсімімен орналастырылған тауарлармен операциялар жасаған кезде осы Кодекстің 271-бабының ережелерінің сақталуы;

      3) ішкі тұтынуға арналған қайта өңдеу кедендік рәсімімен орналастырылған тауарлардың ішкі тұтынуға арналған қайта өңдеу шарттары туралы құжатта көрсетілген тұлғаларда орналасуы және осы тұлғалардың тауарларды қайта өңдеу жөніндегі операцияларды жасау үшін осындай тауарларды пайдалануы тауарларды ішкі тұтынуға арналған қайта өңдеу кедендік рәсіміне сәйкес пайдалану шарттары болып табылады.

      3. Осы тарауды қолдану мақсаттары үшін кеден органының шетелдік тауарларды оларды қайта өңдеу өнімдерінде идентификаттауы деп осы Кодекстің 272-бабында айқындалған тәсілдердің бірінде белгіленген, қайта өңдеу өнімдерін алу мақсатында ішкі тұтынуға арналған қайта өңдеу кедендік рәсімімен орналастырылған тауарлардың, ішкі тұтынуға арналған тауарларды қайта өңдеу жөніндегі операцияларға ұшырауы түсініледі.


      270-бап. Ішкі тұтынуға арналған қайта өңдеу кедендік рәсімінің қолданылу мерзімі

      1. Ішкі тұтынуға арналған қайта өңдеу кедендік рәсімінің қолданылу мерзімі ішкі тұтынуға арналған тауарларды қайта өңдеу шарттары туралы құжатта айқындалған ішкі тұтынуға арналған тауарларды қайта өңдеу мерзімі негізінде белгіленеді.

      2. Ішкі тұтынуға арналған қайта өңдеу кедендік рәсімі қолданылуының белгіленген мерзімі ішкі тұтынуға арналған тауарларды қайта өңдеу мерзімін ұзарту кезінде тұлғаның өтініші бойынша ұзартылады.

      3. Ішкі тұтынуға арналған қайта өңдеу кедендік рәсімінің қолданылу мерзімін ұзарту үшін ішкі тұтынуға арналған тауарларды қайта өңдеу мерзімін ұзарту кезінде декларант көрсетілген кедендік рәсімнің қолданылу мерзімінің аяқталуынан кешіктірмей тауарларды кедендік рәсіммен орналастыру жүргізілген кеден органына, ішкі тұтынуға арналған тауарларды қайта өңдеу мерзімін ұзартуды растайтын уәкілетті мемлекеттік органның құжатын қоса бере отырып, құжатта көрсетілген осындай ұзартудың қажеттілігі туралы өтінішті ұсынады.

      Декларанттың ішкі тұтынуға арналған тауарларды қайта өңдеу мерзімін ұзарту туралы өтініші көрсетілген өтінішті кеден органына тіркеген күннен бастап он жұмыс күнінен кешіктірілмей кеден органында қаралуға тиіс. Өтінішті қарау нәтижелері бойынша кеден органы ішкі тұтынуға арналған тауарларды қайта өңдеу кедендік рәсімінің қолданылу мерзімін ұзарту туралы не осындай ұзартудан бас тарту туралы шешім қабылдайды.

      Көрсетілген кезеңге ішкі тұтынуға арналған тауарларды қайта өңдеу кедендік рәсімінің қолданылу мерзімі ішінде тоқтатыла тұрады. Кеден органы ішкі тұтынуға арналған тауарларды қайта өңдеу кедендік рәсімінің қолданылу мерзімін ұзарту туралы шешім қабылдаған жағдайда, көрсетілген мерзім осындай шешімді қабылдаған күнге қарамастан алдыңғы мерзім аяқталған күннен бастап ұзартылады.

      Кеден органы декларант ішкі тұтынуға арналған тауарларды қайта өңдеу шарттары туралы құжатта көрсетілген ішкі тұтынуға арналған тауарларды қайта өңдеу кедендік рәсімінің қолданылу мерзімін ұзартуды растайтын уәкілетті мемлекеттік органның құжатын тапсырмаған жағдайда ішкі тұтынуға арналған қайта өңдеу кедендік рәсімінің қолданылу мерзімін ұзартутан бас тартады.

      Көрсетілген жағдайда, кеден органының лауазымды тұлғасы ішкі тұтынуға арналған қайта өңдеу кедендік рәсімінің қолданылу мерзімін ұзартудан бас тартылғаны туралы кеден органының шешімін декларантқа жолдайды.

      Тауарларды кедендік рәсіммен орналастыруды жүргізген кеден органының лауазымды тұлғасы ішкі тұтынуға арналған тауарларды қайта өңдеу кедендік рәсімінің қолданылу мерзімін ұзартқан жағдайда, тауарларға арналған декларацияға осындай өзгертулер енгізілгені туралы декларантқа хабарлай отырып, тиісті өзгертулерді енгізеді.

      Ішкі тұтынуға арналған қайта өңдеу кедендік рәсімінің қолданылу мерзімін ұзартудан бас тартылған жағдайда, осындай кедендік рәсімнің қолданылуы осы Кодекстің 277-бабына сәйкес аяқталуға жатады.


      271-бап. Ішкі тұтынуға арналған қайта өңдеу жөніндегі операциялар

      1. Ішкі тұтынуға арналған қайта өңдеу жөніндегі операциялар:

      1) тауарларды қайта өңдеуді және өңдеуді;

      2) монтаждауды, жинауды, бөлшектеуді және шақтауды қоса алғанда, тауарларды дайындауды қамтиды.

      2. Ішкі тұтынуға арналған қайта өңдеу жөніндегі операцияларға:

      1) тауарларды сатуға және тасымалдауға (тасымалға) дайындау кезінде олардың сақталуын қамтамасыз ету жөніндегі операциялар, оның ішінде тауарлар өзінің дербес сипаттамаларын жоғалтпайтын тауарларды орау, қаптау және сұрыптау;

      2) төл алу, құстарды, балықтарды қоса алғанда, жануарларды өсіру және бордақылау, сондай-ақ шаян тәріздестер мен моллюскілер өсіру;

      3) ағаштар мен өзге де өсімдіктерді өсіру;

      4) ақпаратты, дыбыс және бейне жазбаларды ақпарат жеткізгіштердің кез келген түрлеріне көшіру және көбейту;

      5) Комиссия айқындайтын өзге де операциялар жатпайды.

      3. Ішкі тұтынуға арналған қайта өңдеу жөніндегі операциялар жасаған кезде Еуразиялық экономикалық одақ тауарларын пайдалануға жол беріледі.


      272-бап. Шетелдік тауарлардың қайта өңдеу өнімдерінде идентификатталуы

      Шетелдік тауарларды қайта өңдеу өнімдерінде идентификаттау мақсатында мынадай тәсілдер пайдаланылуы мүмкін:

      декларанттың, қайта өңдеу жөніндегі операцияларды жүзеге асыратын тұлғаның немесе кеден органдары лауазымды адамдарының шетелдік тауарларға мөрлерді, мөртабандарды қоюы, цифрлық және басқа да таңбалауды салуы;

      шетелдік тауарлар ауқымында егжей-тегжейлі сипаттау, фотосуретке түсіру, бейнелеу;

      шетелдік тауарлардың және оларды қайта өңдеу өнімдерінің алдын ала іріктеп алынған сынамаларын және (немесе) үлгілерін салыстыру;

      тауарлардағы таңбалауды, оның ішінде сериялық нөмірлер түрінде пайдалану;

      ішкі тұтынуға арналған қайта өңдеу бойынша жасалатын операцияларды және тауарлар сипатын негізге ала отырып, оның ішінде ішкі тұтынуға арналған қайта өңдеу бойынша операциялар жасаудың технологиялық процесінде шетелдік тауарларды пайдалану туралы, сондай-ақ қайта өңдеу өнімдерін өндіру технологиясы туралы егжей-тегжейлі мәліметтер қамтылған құжаттарды зерттеу немесе ішкі тұтынуға арналған қайта өңдеу бойынша операцияларды жасау кезінде кедендік бақылау жүргізу жолымен қолданылуы мүмкін өзге де тәсілдер.


      273-бап. Тауарларды ішкі тұтынуға арналған қайта өңдеу шарттары туралы құжат

      1. Қазақстан Республикасының уәкілетті мемлекеттік органы беретін тауарларды ішкі тұтынуға арналған қайта өңдеу шарттары туралы құжатты осы құжат берілетін Қазақстан Республикасының аумағындағы кез келген тұлға, оның ішінде тауарларды қайта өңдеу бойынша операцияларды тікелей жасамайтын тұлға ала алады.

      2. Тауарларды ішкі тұтынуға арналған қайта өңдеу шарттары туралы құжатта:

      1) құжатты берген Қазақстан Республикасының уәкілетті мемлекеттік органы туралы;

      2) құжат берілген тұлға туралы;

      3) ішкі тұтынуға арналған қайта өңдеу жөніндегі операцияларды тікелей жасайтын тұлға (тұлғалар) туралы;

      4) шетелдік тауарлар және оларды қайта өңдеу өнімдері туралы (Сыртқы экономикалық қызметтің тауар номенклатурасына сәйкес атауы, коды, саны және құны);

      5) тауарларды иемдену, пайдалану және (немесе) оларға билік ету құқығын растайтын құжаттар туралы;

      6) қайта өңдеу өнімдерінің сандық және (немесе) пайыздық тұрғыдан шығу нормалары туралы;

      7) кедендік аумақта қайта өңдеу жөніндегі операциялар және оларды жасау тәсілдері туралы;

      8) ішкі тұтынуға арналған қайта өңдеу кедендік рәсімімен орналастырылған шетелдік тауарларды қайта өңдеу өнімдерінде сәйкестендіру тәсілдері туралы;

      9) қалдықтар мен ұсақ-түйек қалдықтар туралы (Сыртқы экономикалық қызметтің тауар номенклатурасына сәйкес атауы, коды, саны мен құны);

      10) ішкі тұтынуға арналған тауарларды қайта өңдеу мерзімі;

      11) қалдықтарды одан әрі коммерциялық пайдалану мүмкіндіктері туралы;

      12) тауарларды кедендік аумақта ішкі тұтынуға арналған қайта өңдеу кедендік рәсімімен орналастыру және осы кедендік рәсімді аяқтау болжанатын кеден органы (кеден органдары) туралы;

      13) қайта өңдеу өнімдері экономикалық тиімді тәсілмен бастапқы жай-күйіне дейін келтіре алмау мүмкіндігі туралы мәліметтер болуға тиіс.

      14) ішкі тұтынуға арналған қайта өңдеу кедендік рәсімімен орналастырылған тауарларды пайдалану шарттарын сақтау туралы;

      15) Қазақстан Республикасының Үкіметі айқындаған өзге де мәліметтер қамтылуға тиіс.

      3. Тауарларды ішкі тұтынуға арналған қайта өңдеу мерзімі бір жылдан не Комиссия тауарлардың жекелеген санаттары үшін белгілейтін неғұрлым ұзақ мерзімнен аспауы мүмкін.

      4. Тауарларды ішкі тұтынуға арналған қайта өңдеу мерзімі:

      1) тауарларды қайта өңдеудің өндірістік процесінің ұзақтығын;

      2) қайта өңдеу өнімдерін ішкі тұтынуға арналған шығару кедендік рәсімімен орналастыру үшін қажетті уақытты қамтиды.

      5. Тауарларды ішкі тұтынуға арналған қайта өңдеу мерзімі тауарларды ішкі тұтынуға арналған қайта өңдеу кедендік рәсімімен орналастырған күннен бастап, ал тауарларды бірнеше партиямен кедендік декларациялау кезінде – ішкі тұтынуға арналған қайта өңдеу кедендік рәсімімен орналастырылған тауарлардың бірінші партиясын орналастырған күннен бастап есептеледі.

      6. Тауарларды ішкі тұтынуға арналған қайта өңдеу мерзімі осы баптың 3-тармағында көрсетілген мерзім шегінде ұзартылуы мүмкін.

      7. Уәкілетті мемлекеттік орган беретін ішкі тұтынуға арналған тауарларды қайта өңдеудің шарттары туралы құжат нысанын, оны толтыру тәртібін және ішкі тұтынуға арналған тауарларды қайта өңдеу мерзімін ұзарту тәртібін, сондай-ақ оны қайтарып алу (жою) және (немесе) қалпына келтіру тәртібін Қазақстан Республикасының Үкіметі белгілейді.


      274-бап. Қайта өңдеу өнімдерінің шығу нормалары

      1. Қайта өңдеу өнімдерінің шығу нормасы деп шетелдік тауарлардың белгілі бір санын ішкі тұтынуға арналған қайта өңдеу жөніндегі операциялар жасау нәтижесінде пайда болған қайта өңдеу өнімдерінің саны және (немесе) пайыздық құрамы түсініледі.

      2. Егер ішкі тұтынуға арналған қайта өңдеу жөніндегі операциялар сипаттамалары белгіленген техникалық талаптарға сәйкес негізінен тұрақты болып қалатын және қайта өңдеудің өзгермеген сападағы өнімдерін алуға әкелетін тауарларға қатысты жасалса, Қазақстан Республикасының уәкілетті мемлекеттік органы қайта өңдеу өнімдерінің стандартты шығу нормаларын белгілеуі мүмкін.


      275-бап. Ішкі тұтынуға арналған қайта өңдеу жөніндегі операциялар нәтижесінде пайда болған қалдықтар және өндірістік ысыраптар

      1. Ішкі тұтынуға арналған қайта өңдеу жөніндегі операциялар нәтижесінде пайда болған қалдықтар, аталған қалдықтар Қазақстан Республикасының Үкіметі айқындаған тәртіпте одан әрі коммерциялық пайдалану үшін жарамсыз күйде деп танылған не осындай қалдықтар Қазақстан Республикасының заңнамасына сәйкес көмілуге, залалсыздандырылуға, кәдеге жаратылуға немесе өзге де тәсілмен жойылуға тиіс жағдайларды қоспағанда, осы Кодексте көзделген кедендік рәсіммен орналастырылуға жатады.

      2. Ішкі тұтынуға арналған қайта өңдеу жөніндегі операциялар нәтижесінде пайда болған қалдықтар декларант таңдаған кедендік рәсіммен орналастырылған кезде Еуразиялық экономикалық одақтың кедендік аумағына осы күйінде әкелінгендей қарастырылады.

      3. Кедендік рәсіммен орналастырылуға жатпайтын, осы баптың 1-тармағында көрсетілген қалдықтар Еуразиялық экономикалық одақтың тауарлары мәртебесіне ие болады және одан әрі коммерциялық пайдалану үшін жарамсыз күйде деп танылған күннен бастап не кеден органына пайда болған қалдықтарды көму, залалсыздандыру, кәдеге жарату немесе өзге де тәсілмен жою фактісін не осындай операцияларды жасау үшін оларды беру фактісін растайтын құжаттар ұсынылған күннен бастап кедендік бақылауда болмайды деп есептеледі.

      Одан әрі коммерциялық пайдалану үшін жарамсыз ішкі тұтынуға арналған қайта өңдеу жөніндегі операциялар нәтижесінде пайда болған қалдықтарды тану тәртібін Қазақстан Республикасының Үкіметі белгілейді.

      4. Ішкі тұтынуға арналған қайта өңдеу кедендік рәсімімен орналастырылған, ішкі тұтынуға арналған қайта өңдеу жөніндегі операцияларды жасау нәтижесінде біржола жоғалған және кеден органдары өндірістік ысырап деп таныған шетелдік тауарлар ішкі тұтынуға арналған қайта өңдеу кедендік рәсімінің қолданылуы аяқталған кезде кедендік рәсіммен орналастыруға жатпайды.


      276-бап. Ішкі тұтынуға арналған қайта өңдеу жөніндегі операцияларды жасау нәтижесінде пайда болатын шетелдік тауарлардың қалдықтары

      Шығу нормаларына сәйкес ішкі тұтынуға арналған қайта өңдеу жөніндегі операцияларды жасау нәтижесінде пайда болған шетелдік тауарлардың қалдықтары осы Кодекстің 201-бабына сәйкес кедендік рәсімдермен орналастырылуға жатады.


      277-бап. Ішкі тұтынуға арналған қайта өңдеу кедендік рәсімдері қолданысының аяқталуы, тоқтатыла тұруы және тоқтатылуы

      1. Ішкі тұтынуға арналған қайта өңдеу кедендік рәсімін қолданудың белгіленген мерзімі өткенге дейін осындай кедендік рәсімнің қолданылуы ішкі тұтынуға арналған қайта өңдеу жөніндегі операциялар нәтижесінде алынған (пайда болған) тауарларды (қайта өңдеу өнімдерін, осы Кодекстiң 275-бабының 3-тармағында көрсетілген қалдықтарды қоспағанда, қалдықтар және (немесе) ұсақ-түйек қалдықтар) және (немесе) ішкі тұтынуға арналған қайта өңдеу кедендік рәсімімен орналастырылған және ішкі тұтынуға арналған қайта өңдеу жөніндегі операцияларға ұшырамаған шетелдік тауарлардың орналастырылуымен аяқталады. Бұл ретте қайта өңдеу өнімдеріне қатысты арнайы, демпингке қарсы, өтем баждары төленбейді және арнайы, демпингке қарсы, өтем баждарына және (немесе) Одақ туралы шарттың 50-бабына сәйкес белгіленген өзге де баждарға қарағанда өзге түрде ішкі нарықты қорғау шараларын сақтауды растайтын құжаттарды ұсыну талап етілмейді.

      2. Ішкі тұтынуға арналған қайта өңдеу кедендік рәсімі қолданысының белгіленген мерзімі өткенге дейін бұл кедендік рәсімнің қолданылуы мынадай:

      1) ішкі тұтынуға арналған қайта өңдеу кедендік рәсімімен орналастырылған және ішкі тұтынуға арналған қайта өңдеу жөніндегі операцияларға ұшырамаған шетелдік тауарларды, осы Кодекстiң 275-бабының 3-тармағында көрсетілген қалдықтарды қоспағанда, қалдықтарды және (немесе) ішкі тұтынуға арналған қайта өңдеу жөніндегі операциялар нәтижесінде қалыптасқан ұсақ-түйек қалдықтарды кедендік транзит кедендік рәсімін қоспағанда, осы Кодексте көзделген шарттарда шетелдік тауарларға қатысты қолданылатын өзге кедендік рәсіммен орналастырған;

      2) уәкілетті орган бекіткен тәртіпте, авария немесе еңсерілмейтін күш әсері салдарынан жойылу және (немесе) біржола жоғалу фактісін не ішкі тұтынуға арналған қайта өңдеу жөніндегі операциялар нәтижесінде алынған (пайда болған) тауарларды (қайта өңдеу өнімдерін, қалдықтарды және (немесе) ұсақ-түйек қалдықтарды) және (немесе) ішкі тұтынуға арналған қайта өңдеу кедендік рәсімімен орналастырылған және ішкі тұтынуға арналған қайта өңдеу жөніндегі операцияларға ұшырамаған шетелдік тауарларды тасудың (тасымалдаудың) және (немесе) сақтаудың қалыпты жағдайларында табиғи кему нәтижесінде біржола жоғалу фактісін кеден органдары мойындаған;

      3) Қазақстан Республикасының Үкіметі айқындаған тәртіпте, ішкі тұтынуға арналған қайта өңдеу операциялары нәтижесінде пайда болған қалдықтарды одан әрі коммерциялық пайдалану үшін жарамсыз деп танылған не кеден органына өзгеше жолмен пайда болған қалдықтарды көму, залалсыздандыру, кәдеге жарату немесе жою фактісін не оларды осындай операцияларды жүзеге асыру үшін беру фактісін растайтын құжаттарды ұсынған;

      4) кеден органдары ішкі тұтынуға арналған қайта өңдеу кедендік рәсімімен орналастырылған шетелдік тауарлардың бөлігін өндірістік ысыраптар деп таныған;

      5) осы Кодексте және (немесе) Комиссия айқындаған мән-жайлар туындағаннан, тауарлар кедендік бақылауда болатын мән-жайлар туындағанға дейін аяқталуы мүмкін.

      3. Ішкі тұтынуға арналған қайта өңдеу кедендік рәсімін қолданудың белгіленген мерзімі өткенге дейін осы кедендік рәсімнің қолданылуы ішкі тұтынуға арналған қайта өңдеу кедендік рәсімімен орналастырылған тауарларды және (немесе) қайта өңдеу өнімдерін ішкі тұтынуға арналған қайта өңдеу кедендік рәсімімен орналастырған жағдайда тоқтатыла тұруы мүмкін.

      4. Ішкі тұтынуға арналған қайта өңдеу кедендік рәсімінің белгіленген қолданылу мерзімі өткеннен кейін осы кедендік рәсімінің қолданылуы тоқтатылады.

      5. Ішкі тұтынуға арналған қайта өңдеу кедендік рәсімімен тауарларды орналастырушы тұлға бақылауды жүзеге асырушы кеден органына қайта өңдеу мерзімі аяқталған күннен бастап күнтізбелік отыз күн ішінде ішкі тұтынуға арналған қайта өңдеу кедендік рәсімін қолдану туралы есеп беруге міндетті. Ішкі тұтынуға арналған қайта өңдеу кедендік рәсімін қолдану туралы есептің нысанын уәкілетті орган бекітеді.


      278-бап. Ішкі тұтынуға арналған қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндеттің туындауы және тоқтатылуы, оларды төлеу және есептеу мерзімдері

      1. Декларантта ішкі тұтынуға арналған қайта өңдеу кедендік рәсімімен орналастырылатын тауарларға қатысты кеден органы тауарларға арналған декларацияны тіркеген кезден бастап, ал тауарларға арналған декларацияны бергенге дейін тауарларды шығару туралы өтініш берген тұлғада тауарларға арналған декларацияны бергенге дейін шығарылуы мәлімделген тауарларға қатысты, – кеден органы тауарларға арналған декларацияны бергенге дейін тауарларды шығару туралы өтінішті тіркеген кезден бастап кедендік әкелу баждарын, салықтарды, арнайы, демпинге қарсы, өтем баждарын төлеу жөніндегі міндет туындайды.

      2. Ішкі тұтынуға арналған қайта өңдеу кедендік рәсімімен орналастырылатын (орналастырылған) тауарларға қатысты кедендік әкелу баждарын төлеу жөніндегі міндет декларантта мынадай:

      1) осы Кодестің 277-бабының 1-тармағына және 2-тармағының 1), 3), 4) және 5) тармақшаларына сәйкес ішкі тұтынуға арналған қайта өңдеу кедендік рәсімі қолданылуының аяқталуы, оның ішінде осы баптың 6-тармағының 1 және 2) тармақшаларында көзделген жағдайлар басталғаннан кейін;

      2) ішкі тұтынуға арналған қайта өңдеу кедендік рәсімінің қолданысы оларға қатысты тоқтатылған тауарлар және (немесе) осындай кедендік рәсімді қолдану шеңберінде оларға қатысты қолданылуы тоқтатылған, ішкі тұтынуға арналған қайта өңдеу жөніндегі операциялар нәтижесінде алынған (пайда болған) тауарлар осы Кодекстің 209-бабының 6-тармағына сәйкес уақытша сақтауға орналастырылған;

      3) ішкі тұтынуға арналған қайта өңдеу кедендік рәсімінің қолданысы оларға қатысты тоқтатылған тауарлар және (немесе) осындай кедендік рәсімді қолдану шеңберінде оларға қатысты қолданысы тоқтатылған, ішкі тұтынуға арналған қайта өңдеу жөніндегі операциялар нәтижесінде алынған (пайда болған) тауарлар осы Кодекстің 209-бабының 7-тармағына сәйкес кедендік рәсімдермен орналастырылған;

      4) кедендік әкелу баждарын төлеу жөніндегі міндетті орындаған және (немесе) оларды осы баптың 7-тармағына сәйкес есептелген және төленуге жататын мөлшерлерде өндіріп алынған;

      5) уәкілетті орган бекіткен тәртіпте, кеден органының авария немесе еңсерілмейтін күш әсері салдарынан кедендік аумақта қайта өңдеу кедендік рәсімімен орналастырылған шетелдік тауарлардың және (немесе) ішкі тұтыну үшін қайта өңдеу жөніндегі операциялар нәтижесінде алынған (пайда болған) тауарлардың жойылуы және (немесе) біржола жоғалу фактісін не осы Кодекске сәйкес осындай жою немесе біржола жоғалтуға дейін бұл тауарларға қатысты кедендік әкелу баждарын төлеу мерзімі басталған жағдайларды қоспағанда, осы тауарларды тасудың (тасымалдаудың) және (немесе) сақтаудың қалыпты жағдайларында табиғи кему нәтижесінде біржола жоғалу фактісін мойындаған;

      6) тауарларға арналған декларацияны не тауарларға арналған декларацияны тапсырғанға дейін тауарлар шығару туралы өтінішті тіркеу кезінде туындаған кедендік әкелу баждарын төлеу жөніндегі міндеттерге қатысты - кедендік аумақтан тыс жерде қайта өңдеу кедендік рәсіміне сәйкес тауарларды шығарудан бас тартылған;

      7) тауарларға арналған декларацияны тіркеу кезінде туындаған кедендік әкелу баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларация қайтарып алынған және (немесе) осы Кодекстің 192-бабының 4-тармағына сәйкес тауарлардың шығарылуының күші жойылған;

      8) Қазақстан Республикасының заңнамасына сәйкес тауарлар тәркіленген немесе мемлекеттің меншігіне айналдырылған;

      9) осы Кодекстің 52-тарауына сәйкес кеден органы тауарларды кідірткен;

      10) қылмыстық құқық бұзұшылықтар туралы хабарламаны тексеру барысында, қылмыстық іс бойынша немесе әкімшілік құқық бұзушылық іс бойынша іс жүргізу (әкімшілік процесті жүргізу) барысында алып қойған немесе тыйым салынған тауарлар уақытша сақтауға орналастырылған немесе кедендік рәсімдердің біріне орналастырылған және егер осындай тауарларды шығару бұрын жүргізілмесе, оларды қайтару туралы оларға қатысты шешім қабылданған мән-жайлар туындаған кезде тоқтатылады.

      3. Ішкі тұтынуға арналған қайта өңдеу кедендік рәсімімен орналастырылатын тауарларға қатысты салықтарды, арнайы, демпинге қарсы, өтем баждарды төлеу жөніндегі міндет осы баптың 4-тармағында өзгеше белгіленбесе, декларантта мынадай:

      1) салықтарды, арнайы, демпинге қарсы, өтем баждарын төлеу жөніндегі міндетті орындау және (немесе) оларды осы баптың 13-тармағына сәйкес есептелген және төленуге жататын мөлшерлерде өндіріп алу;

      2) уәкілетті орган бекіткен тәртіпте, кеден органының авария немесе еңсерілмейтін күш әсері салдарынан ішкі тұтынуға арналған қайта өңдеу кедендік рәсімімен орналастырылатын шетелдік тауарлардың жойылуы және (немесе) біржола жоғалуы фактісін немесе осындай жою немесе біржола жоғалтуға дейін осы Кодекске сәйкес бұл тауарларға қатысты кедендік әкелу баждарын, салықтарды, арнайы, демпинге қарсы, өтем баждарды төлеу мерзімі басталған жағдайларды қоспағанда, осы тауарларды тасудың (тасымалдаудың) және (немесе) сақтаудың қалыпты жағдайларында табиғи кему нәтижесінде біржола жоғалту фактісін мойындау;

      3) тауарларға арналған декларацияны не тауарларға арналған декларацияны тапсырғанға дейін тауарлар шығару туралы өтінішті тіркеу кезінде туындаған кедендік әкелу баждарын, салықтарды, арнайы, демпинге қарсы, өтем баждарды төлеу жөніндегі міндеттерге қатысты – ішкі тұтыну үшін қайта өңдеу кедендік рәсіміне сәйкес тауарларды шығарудан бас тарту;

      4) тауарларға арналған декларацияны тіркеу кезінде туындаған салықтарды, арнайы, демпинге қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларацияны қайтарып алу және (немесе) осы Кодекстің 192-бабының 4-тармағына сәйкес тауарлар шығарылуының күшін жою;

      5) Қазақстан Республикасының заңнамасына сәйкес тауарлар тәркіленген немесе мемлекеттің меншігіне айналдырылған;

      6) осы Кодекстің 52-тарауына сәйкес кеден органы тауарларды ұстаған;

      7) қылмыстық құқық бұзұшылықтар туралы хабарламаны тексеру барысында, қылмыстық іс бойынша немесе әкімшілік құқық бұзушылық іс бойынша іс жүргізу (әкімшілік процесті жүргізу) барысында алып қойған немесе тыйым салынған тауарлар уақытша сақтауға орналастырылған немесе кедендік рәсімдердің біріне орналастырылған және егер осындай тауарларды шығару бұрын жүгізілмесе, оларды қайтару туралы оларға қатысты шешім қабылданған мән-жайлар туындаған кезде тоқтатылады.

      4. Ішкі тұтыну үшін қайта өңдеу кедендік рәсімімен орналастырылып, шығарылуы тауарларға арналған декларацияны бергенге дейін жүргізілген тауарларға қатысты салықтарды, арнайы, демпинге қарсы, өтем баждарды төлеу жөніндегі міндет декларантта мынадай мән-жайлар басталған:

      1) салықтарды, арнайы, демпинге қарсы, өтем баждарды төлеу жөніндегі міндетті орындау, сондай-ақ осы Кодекстің 194-бабының 17-тармағында көрсетілген электрондық құжатты кеден органы жолдаған не кеден органы тиісті белгілер қойған;

      2) Қазақстан Республикасының заңнамасына сәйкес тауарларды тәркілеу немесе мемлекеттің меншігіне айналдырған кезде тоқтатылады.

      5. Ішкі тұтыну үшін қайта өңдеу кедендік рәсімімен орналастырылған тауарларға қатысты кедендік әкелу баждарын төлеу жөніндегі міндет осы баптың 6-тармағында көрсетілген мән-жайлар басталған кезде орындалуға тиіс.

      6. Мынадай мән-жайлар басталған кезде:

      1) ішкі тұтыну үшін қайта өңдеу кедендік рәсімінің қолданысы аяқталғанға дейін шетелдік тауарларды, тауарларды ішкі тұтыну үшін қайта өңдеу шарттары туралы құжатта көрсетілмеген тұлғаға (тұлғаларға) берген жағдайда – тауарларды берген күн, ал егер бұл күн белгіленбесе – тауарларды ішкі тұтыну үшін қайта өңдеу кедендік рәсімімен орналастырған күн;

      2) авария немесе еңсерілмейтін күш әсерi салдарынан жойылуды (біржола жоғалтуды) не тасудың (тасымалдаудың) және сақтаудың қалыпты жағдайларында табиғи кему нәтижесінде біржола жоғалтуды қоспағанда, ішкі тұтыну үшін қайта өңдеу кедендік рәсімінің қолданысы аяқталғанға дейін ішкі тұтыну үшін қайта өңдеу жөніндегі операциялар нәтижесінде алынған (пайда болған) тауарлар және (немесе) ішкі тұтыну үшін қайта өңдеу кедендік рәсімімен орналастырылған шетелдік тауарлар жоғалған жағдайда – тауарлардың жоғалған күні, ал егер бұл күн анықталмаса, тауарларды ішкі тұтыну үшін қайта өңдеу кедендік рәсімімен орналастырған күн;

      3) осы Кодекстің 277-бабына сәйкес ішкі тұтыну үшін қайта өңдеу кедендік рәсімінің қолданысы аяқталмаған жағдайда – кеден органы белгілеген ішкі тұтыну үшін қайта өңдеу кедендік рәсімінің қолданылу мерзімі өткен күн кедендік әкелу баждарын төлеу мерзімі болып есептеледі.

      7. Осы баптың 6-тармағында көрсетілген жағдайлар туындаған кезде кедендік әкелу баждары ішкі тұтыну үшін қайта өңдеу кедендік рәсімімен орналастырылған тауарлар кедендік әкелу баждарын төлеу жөніндегі тарифтік преференциялар мен жеңілдіктер қолданылмай, ішкі тұтыну үшін шығарудың кедендік рәсімімен орналастырылғандай болып төленуге жатады.

      Кедендік әкелу баждарын есептеу үшін кеден органы ішкі тұтыну үшін қайта өңдеу кедендік рәсімімен орналастыру үшін берілген тауарларға арналған декларацияны тіркеген күні, ал шығарылуы тауарларға арналған декларацияны бергенге дейін жүргізілген тауарларға қатысты – кеден органы тауарларға арналған декларацияны бергенге дейін тауарларды шығару туралы өтінішті тіркеген күні қолданыста болған кедендік әкелу бажының мөлшерлемелері қолданылады.

      8. Осы баптың 7-тармағына сәйкес төленетін (өндіріп алынатын) кедендік әкелу баждары сомасынан тауарларды ішкі тұтыну үшін қайта өңдеу кедендік рәсімімен орналастырған күннен бастап кедендік әкелу баждарын төлеу мерзімі өткен күн аралығындағы мерзімге көрсетілген сомаға қатысты олардың төлеу мерзіміне ұзарту берілген ретінде пайыздар төленуге тиіс. Көрсетілген пайыздар осы Кодекстің 93-бабына сәйкес есептеледі және төленеді.

      Егер ішкі тұтыну үшін қайта өңдеу кедендік рәсімінің қолданысы осы Кодекстің 277-бабының 3-тармағына сәйкес тоқтатыла тұрған жағдайда осы тармақта көзделген пайыздар кедендік рәсімнің қолданысын тоқтата тұру кезеңінде есептелмейді және төленбейді.

      9. Ішкі тұтыну үшін қайта өңдеу кедендік рәсімінің қолданысы аяқталған не ішкі тұтыну үшін қайта өңдеу кедендік рәсімімен орналастырылған тауарларды және (немесе) ішкі тұтыну үшін қайта өңдеу жөніндегі операциялар нәтижесінде алынған (пайда болған) тауарларды осы Кодекстің 209-бабының 6-тармағына сәйкес уақытша сақтауға орналастырған не осындай тауарларды осы Кодексте көзделген кедендік рәсімдермен осы Кодекстің 209-бабының 7-тармағына сәйкес орналастырған, не кедендік әкелу баждарын төлеу жөніндегі міндетті орындағаннан және (немесе) оларды (толығымен немесе ішінара) өндіріп алғаннан кейін осындай тауарларды кеден органдары осы Кодекстің 52-тарауына сәйкес ұстаған жағдайда осы бапқа сәйкес төленген және (немесе) өндіріп алынған кедендік әкелу баждарының сомалары осы Кодекстің 11-тарауына сәйкес есепке алынуға (қайтарылуға) жатады.

      10. Тауарларға арналған декларация берілгенге дейін шығарылуы мәлімделген тауарларды қоспағанда, ішкі тұтыну үшін қайта өңдеу кедендік рәсімімен орналастырылатын тауарларға қатысты салықтарды, арнайы, демпингке қарсы, өтем баждарды төлеу жөніндегі міндет ішкі тұтыну үшін қайта өңдеу кедендік рәсіміне сәйкес тауарлар шығарылғанға дейін (салықтар, арнайы, демпингке қарсы, өтем баждары төленуге тиіс) орындалуға тиіс.

      11. Шығарылуы тауарларға арналған декларация берілгенге дейін жүргізілген ішкі тұтыну үшін шығарудың кедендік рәсімімен орналастырылған және тауарларға арналған декларация осы Кодекстің 194-бабының 16-тармағында көрсетілген мерзімнен кешіктірілмей берілген тауарларға қатысты, ал декларанты уәкілетті экономикалық оператор болып табылатын тауарларға қатысты – осы Кодекстің 540-бабының 4-тармағында көрсетілген мерзімнен кешіктірмей салықтарды, арнайы, демпингке қарсы, өтем баждарды төлеу жөніндегі міндет тауарларға арналған декларация берілгенге дейін (салықтар, арнайы, демпингке қарсы, өтем баждары төленуге тиіс) орындалуға тиіс.

      12. Ішкі тұтыну үшін қайта өңдеу кедендік рәсімімен орналастырылған, оларды шығару тауарларға арналған декларация берілгенге дейін жүргізілген және осы Кодекстің 194-бабының 16-тармағында көрсетілген мерзім өткенге дейін тауарларға арналған декларация берілмеген тауарларға қатысты, ал уәкілетті экономикалық оператор декларант болатын тауарларға қатысты, – осы Кодекстің 540-бабының 4-тармағында көрсетілген мерзім өткенге дейін осы Кодекстің 194-бабының 16-тармағында көрсетілген мерзімнің соңғы күні, ал уәкілетті экономикалық оператор декларант болатын тауарларға қатысты, – осы Кодекстің 540-бабының 4-тармағында көрсетілген мерзімнің соңғы күні салықтарды, арнайы, демпингке қарсы, өтем баждарды төлеу мерзімі болып саналады.

      13. Осы баптың 10 және 11-тармақтарында көрсетілген тауарларға қатысты салықтар, арнайы, демпингке қарсы, өтем баждар осы Кодекстің 13-тарауында көзделген ерекшеліктер ескеріле отырып, осы Кодекске сәйкес тауарларға арналған декларацияда есептелген мөлшерде төленуге тиіс.

      14. Осы баптың 12-тармағында көрсетілген тауарларға қатысты төленуге тиіс салықтарды, арнайы, демпингке қарсы, өтем баждарды есептеу базасы тауарлар шығарылымы туралы өтініште және осы өтінішпен бірге ұсынылған құжаттарда көрсетілген мәліметтер негізінде анықталады.

      Егер тауарлар кодтары Сыртқы экономикалық қызметтің тауар номенклатурасына сәйкес он белгіден аз мөлшердегі топтама деңгейінде анықталған болса:

      салықтарды есептеу үшін кедендік баждар мөлшерлемелерінің ең жоғарысы белгіленген топтамаға кіретін тауарларға сәйкес келетін қосылған құн салығының ең көп мөлшерлемесі, акциздердің ең көп мөлшерлемесі қолданылады;

      арнайы, демпингке қарсы, өтем баждарды есептеу үшін осы тармақтың бесінші абзацы ескеріле отырып, осындай топтамаға кіретін тауарларға сәйкес келетін арнайы, демпингке қарсы, өтем баждардың ең көп мөлшерлемесі қолданылады.

      Арнайы, демпингке қарсы, өтем баждар осы Кодекстің 5-тарауына сәйкес расталған тауарлардың шығарылған жеріне және (немесе) көрсетілген баждарды айқындау үшін қажетті өзге де мәліметтерге негізделе отырып есептеледі. Егер тауарлардың шығарылған жері және (немесе) көрсетілген баждарды айқындау үшін қажетті өзге де мәліметтер расталмаған жағдайда, арнайы, демпингке қарсы, өтем баждары, егер тауардың сыныптамасы он белгі деңгейінде жүзеге асырылған болса, Сыртқы экономикалық қызметтің тауар номенклатурасының сол кодындағы тауарларға, не егер Сыртқы экономикалық қызметтің тауар номенклатурасына сәйкес тауарлардың коды он белгіден аз мөлшердегі топтама деңгейінде анықталса, топтамаға кіретін тауарларға қатысты белгіленген арнайы, демпингке қарсы, өтем баждарының ең көп мөлшерлемесіне негізделе отырып есептеледі.

      Егер осы баптың 12-тармағында көрсетілген тауарларға қатысты кейіннен тауарларға арналған декларация берілген жағдайда салықтар, кедендік баждар, арнайы, демпингке қарсы, өтем баждар осы Кодекске сәйкес тауарларға арналған декларацияда көрсетілген мәліметтерге негізделе отырып есептелген сомалар мөлшерінде төленеді. Салықтардың, арнайы, демпингке қарсы, өтем баждардың артық төленген және (немесе) артық өндіріп алынған сомаларын есепке алу (қайтару) осы Кодекстің 11-тарауына және 141-бабына сәйкес жүзеге асырылады.


      279-бап. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде оларға қатысты кедендік әкелу баждарын, салықтарды, арнайы, демпингке қарсы, өтем баждарды есептеу және төлеу ерекшеліктері

      1. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде кедендік әкелу баждары осы Кодекстің 216-бабына сәйкес қайта өңдеу өнімдеріне қатысты есептеледі және төленеді.

      2. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде декларантта салықтарды, арнайы, демпингке қарсы, өтем баждарды төлеу міндеті туындамайды.


      280-бап. Қайта өңдеу жөніндегі операцияларға ұшырамаған шетелдік тауарларға, ішкі тұтыну үшін қайта өңдеу жөніндегі операцияларды жасау нәтижесінде пайда болған қалдықтар мен ұсақ қалдықтарға қатысты оларды ішкі тұтыну үшін шығару кедендік рәсімімен орналастыру кезінде салықтарды, арнайы, демпингке қарсы, өтем баждарды төлеу ерекшеліктері

      Қайта өңдеу жөніндегі операцияларға ұшырамаған шетелдік тауарларды, сондай-ақ ішкі тұтыну үшін қайта өңдеу жөніндегі операцияларды жасау нәтижесінде пайда болған қалдықтар мен ұсақ қалдықтарды ішкі тұтыну үшін шығару кедендік рәсімімен орналастыру кезінде декларантта салықтарды, арнайы, демпингке қарсы, өтем баждарды төлеу міндеті туындамайды.

29-тарау. Еркiн кедендiк аймақтың кедендiк рәсiмi

      281-бап. Еркiн кедендiк аймақтың кедендiк рәсiмiнің мазмұны мен қолданысы

      1. Еркiн кедендiк аймақтың кедендiк рәсiмi – шетелдік тауарларға және Еуразиялық экономикалық одақтың тауарларына қатысты қолданылатын кедендік рәсім, оған сәйкес осы кедендік рәсіммен тауарларды орналастыру және осындай кедендік рәсімге сәйкес оларды пайдалану шарттары сақталған кезде кедендік баждарды, салықтарды, арнайы, демпингке қарсы, өтем баждарды төлемей, осындай тауарлар ЕЭА аумағының шегінде немесе оның бөлігінде орналастырылады және пайдаланылады.

      2. Еркін кедендік аймақтың кедендік рәсімімен, ЕЭА аумағында қызметті жүзеге асыру туралы келісімшартқа, ЕЭА-дағы қызметтің шарттары туралы келісімшартқа сәйкес ЕЭА қатысушылары кәсіпкерлік және өзге де қызметті жүзеге асыру мақсатында, сондай-ақ арнайы экономикалық аймақ туралы Қазақстан Республикасының заңнамасына сәйкес өзге де мақсатта ЕЭА қатысушылары ЕЭА аумағында орналастыруға және (немесе) пайдалануға арналған тауарлар орналастырылады.

      3. Еуразиялық экономикалық одақтың тауарлары болып табылатын, осы баптың 2-тармағында көрсетілген тауарлар, порттық ЕЭА немесе логистикалық ЕЭА аумағында орналастыру және (немесе) пайдалану үшін әкелінетіндерін қоспағанда, сондай-ақ осы тармақтың екінші және үшінші абзацтарында көзделген жағдайларды қсопағанда, ЕЭА қатысушысының таңдауы бойынша еркін кедендік аймақтың кедендік рәсімімен орналастырылады.

      Осы Кодекстің 291-бабында көзделген жағдайда Еуразиялық экономикалық одақтың тауарлары міндетті тәртіпте еркін кедендік аймақтың кедендік рәсімімен орналастырылады.

      Еуразиялық экономикалық одақтың тауарлары, оларға қатысты осы Кодекстің 285-бабы 1-тармағының 4) тармақшасында көзделген операциялар жасалса, міндетті тәртіпте еркін кедендік аймақтың кедендік рәсімімен орналастырылады.

      4. Еркін кедендік аймақтың кедендік рәсімімен порттық ЕЭА немесе логистикалық ЕЭА резиденттері (қатысушылары, субъектілері) болып табылмайтын және порттық ЕЭА немесе логистикалық ЕЭА қатысушыларымен тауарларды жинау (сақтау), тиеу (түсіру) бойынша және тауарларды сақтауға, сондай-ақ сақталуын қамтамасыз етуге байланысты өзге де жүк операциялары бойынша қызметтер көрсетуге, Сыртқы экономикалық қызметтің тауар номенклатурасына сәйкес кодтың өзгеруіне байланысты тауарлардың сипаттамаларын өзгертпейтін осындай қызметтерді көрсету кезінде тауарлармен жасалатын операциялар жағдайында партияларды ұсақтауды, жөнелтілімдерді қалыптастыруды, сұрыптауды, буып-түюді, қайта буып-түюді, таңбалауды (осы тарауда бұдан әрі – қызметтерді көрсету туралы шарт) қоса алғанда, тауарларды тасуға (тасымалдауға) дайындау жөніндегі шарт жасасқан тұлғалардың порттық ЕЭА немесе логистикалық ЕЭА аумағына орналастыруға арналған тауарлар орналастырылады.

      5. ЕЭА аумағындағы және еркін кедендік аймақтың кедендік рәсімімен орналастырылмаған Еуразиялық экономикалық одақтың тауарларына қатысты кез келген, оның ішінде осы Кодекстің 285-бабының 1-тармағында көзделген операцияларды жасауға жол беріледі.

      6. Еркін кедендік аймақтың кедендік рәсімімен ЕЭА аумағына жүктерді, жолаушыларды және (немесе) багажды тасымалдауды жүзеге асыратын және (немесе) осындай ЕЭА аумағынан тауарларды, сондай-ақ осындай көлік құралдарындағы керек-жарақтарды тасымалдауды жүзеге асыратын көлік құралдары орналастырылмайды.

      7. Еркін кедендік аймақтың кедендік рәсімімен орналастырылған шетелдік тауарлар шетелдік тауарлар мәртебесін сақтайды, ал еркін кедендік аймақтың кедендік рәсімімен орналастырылған Еуразиялық экономикалық одақтың тауарлары Еуразиялық экономикалық одақтың тауарлары мәртебесін сақтайды.

      8. Еркін кедендік аймақтың кедендік рәсімімен орналастырылған Еуразиялық экономикалық одақтың тауарларынан жасалған (алынған) тауарлар, сондай-ақ еркін кедендік аймақтың кедендік рәсімімен орналастырылған Еуразиялық экономикалық одақтың тауарларынан және еркін кедендік аймақтың кедендік рәсімімен орналастырылмаған Еуразиялық экономикалық одақтың тауарларынан жасалған (алынған) тауарлары Еуразиялық экономикалық одақтың тауарлары мәртебесін алады.

      9. Еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлар мен еркін кедендік аймақтың кедендік рәсімімен орналастырылған шетелдік тауарлардан және Еуразиялық экономикалық одақтың тауарларынан жасалған (алынған) тауарлар (бұдан әрі - еркін кедендік аумақтың кедендік рәсімімен орналастырылған шетелдік тауарлардан жасалған (алынған) тауарлар) осы тармақтың екінші абзацы ескеріле отырып, шетелдік тауарлар мәртебесін алады.

      Егер еркін кедендік аймақтың кедендік рәсімімен орналастырылған шетелдік тауарлардан жасалған (алынған) Еуразиялық экономикалық одақтың тауарлары кеден аумағынан әкетілген жағдайда, мұндай тауарлардың мәртебесі осы Кодекстің 290-бабына сәйкес айқындалады.

      10. Егер ЕЭА аумағындағы тауарларды кеден органы ЕЭА аумағындағы, ол құрылғанға дейінгі тауарлар ретінде немесе ЕЭА аумағына әкелінген немесе ЕЭА аумағында жасалған (алынған) тауарлар ретінде идентификаттай алмаса, онда мұндай тауарлар оларды ЕЭА аумағынан Еуразиялық экономикалық одақтың кедендік аумағынан әкету мақсаттары үшін Еуразиялық экономикалық одақтың тауарлары, ал өзге мақсаттарда – Еуразиялық экономикалық одақтың кедендік аумағына әкелінетін шетелдік тауарлар ретінде қарастырылады.

      11. Бұрын ЕЭА аумағынан Еуразиялық экономикалық одақтың кедендік аумағынан тысқары жерлерге әкетілген, осы баптың 10-тармағында көрсетілген тауарларды Еуразиялық экономикалық одақтың кедендік аумағына әкелу кезінде осындай тауарларға қатысты кері импорт кедендік рәсімі қолданылмайды.

      12. Еркін кедендік аймақтың кедендік рәсімімен орналастырылған, ішкі нарықты қорғау шараларының әсеріне жатқызылатын шетелдік тауарлар ЕЭА аумағынан Еуразиялық экономикалық одақтың кедендік аумағының қалған бөлігіне еркін кедендік аймақтың кедендік рәсімімен орналастырылған шетелдік тауарлардан жасалған (алынған) шетелдік тауарларды әкету үшін осындай тауарлар да идентификатталуы тиіс.

      Егер еркін кедендік аймақтың кедендік рәсімімен орналастырылған, ішкі нарықты қорғау шараларының әсеріне жатқызылатын шетелдік тауарлар еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларды жасау үшін пайдаланылған жағдайда, бірақ мұндай тауарларды идентификаттай алмаса, еркін кедендік аймақтың кедендік рәсімімен орналастырылған мұндай шетелдік тауарлардан жасалған (алынған) тауарлар Еуразиялық экономикалық одақтың кедендік аумағынан әкетілуге тиіс.

      13. Комиссия еркін кедендік аймақтың кедендік рәсімімен орналастыруға жатпайтын тауарлардың тізбесін және (немесе) тауарлардың санатын айқындауға құқылы.

      Қазақстан Республикасының аумағында құрылған (құрылатын) ЕЭА-да немесе жекелеген ЕЭА-да еркін кедендік аймақтың кедендік рәсімімен орналастыруға жатпайтын тауарлардың тізбесін және (немесе) тауарлардың санатын уәкілетті органмен келісу бойынша арнайы экономикалық аймақтарды құру, олардың жұмыс істеуі және оларды тарату саласындағы уәкілетті орган бекітеді.

      14. Кеден органы еркін кедендік аймақтың кедендік рәсімімен орналастырылған тауарлардың құрамына кіретіндей (кіргендей) идентификатталуы мүмкін бөлшектер, тораптар, агрегаттар, еркін кедендік аймақтың кедендік рәсімімен орналастырылған тауарлар ретінде оларды ЕЭА аумағынан әкету мақсатында қарастырылады және оларға қатысты осы Кодекстің ережелері қолданылады.


      282-бап. Тауарларды еркін кедендік аймақтың кедендік рәсімімен орналастыру және оларды осындай кедендік рәсімге сәйкес пайдалану шарттары

      1. Мыналар:

      1) ЕЭА қатысушылары ЕЭА аумағында қызметті жүзеге асыру туралы келісімге сәйкес кәсіпкерлік және өзге де қызметті жүзеге асыру мақсатында, сондай-ақ арнайы экономикалық аймақ туралы Қазақстан Республикасының заңнамасында айқындалған өзге де мақсатта ЕЭА қатысушылары ЕЭА аумағында орналастырылуға және (немесе) пайдалануға арналған тауарлар;

      2) тауарлардың порттық ЕЭА немесе логистикалық ЕЭА қатысушылары болып табылмайтын және Сыртқы экономикалық қызметтің тауар номенклатурасына сәйкес кодтың өзгеруіне байланысты тауарлармен осындай қызметті көрсету кезінде жасалатын операциялар тауарлардың сипаттамаларын өзгертпейтін жағдайда, порттық ЕЭА немесе логистикалық ЕЭА қатысушыларымен қызмет көрсету туралы келісімшарт жасасқан тұлғалар порттық ЕЭА немесе логистикалық ЕЭА аумағына орналастырылуға арналған тауарлар;

      3) осы Кодекстің 8-бабына сәйкес шетелдік тауарларға қатысты тыйым салулар мен шектеулердің сақталуы тауарларды еркін кедендік аймақтың кедендік рәсімімен орналастыру шарттары болып табылады.

      2. Еркін кедендік аймақтың кедендік рәсімімен орналастырылатын тауарлардың декларанттары, аумақтарында осы тауарлар орналастырылатын ЕЭА қатысушылары болып табылатын тұлғалар, ал осы баптың 3 және 4-тармақтарында көзделген жағдайларда – осы баптың 3-тармағында көрсетілген немесе осы баптың 4-тармағына сәйкес Комиссия айқындаған өзге де тұлғалар бола алады.

      3. Осы баптың 1-тармағының 2) тармақшасында көрсетілген порттық ЕЭА немесе логистикалық ЕЭА аумағына әкелінетін немесе порттық ЕЭА немесе логистикалық ЕЭА аумағынан Еуразиялық экономикалық одақтың кедендік аумағының қалған бөлігіне немесе оның шегінен тысқары әкетілетін тауарлардың декларанттары қызмет көрсету туралы шарттың негізінде осы Кодекстің 149-бабы 1-тармағының 1) тармақшасында және 2) тармақшасының үшінші абзацында көрсетілген тұлғалар болуы мүмкін.

      4. Комиссия ЕЭА резиденттері (қатысушылары, субъектілері) болып табылмайтын Еуразиялық экономикалық одаққа мүше мемлекеттердің тұлғаларын, осы тұлғалардың еркін кедендік аймақтың кедендік рәсімімен орналастырылатын тауарлардың декларанттары болуы мүмкін жағдайларды да айқындауға құқылы.

      5. Еркін кедендік аймақтың кедендік рәсіміне сәйкес:

      1) ЕЭА аумағында ЕЭА жұмыс істеген мерзім немесе ЕЭА аумағында еркін кедендік аймақ кедендік рәсімінің қолданылу мерзімі ішінде не тұлғаның осы Кодекстің 285-бабының 4-тармағы ескеріле отырып, ЕЭА қатысушы мәртебесін жоғалтқанға дейін еркін кедендік аймақтың кедендік рәсімімен орналастырылған тауарларды орналастыру және табу;

      2) ЕЭА аумағында еркін кедендік аймақтың кедендік рәсімімен орналастырылған тауарларды:

      ЕЭА аумағында қызметті жүзеге асыру туралы келісімде не арнайы экономикалық аймақ туралы Қазақстан Республикасының заңнамасында белгіленген өзге де мақсаттарға;

      егер тауарлар осындай қызметтерді көрсету үшін порттық ЕЭА немесе логистикалық ЕЭА аумағында еркін кедендік аймақ кедендік рәсімімен орналастырылса, порттық ЕЭА немесе логистикалық ЕЭА қатысушысы болып табылмайтын тұлға мен порттық ЕЭА немесе логистикалық ЕЭА қатысушысы арасында жасалған қызмет көрсету туралы келісімге сәйкес пайдалану;

      3) мыналар:

      осындай тауарлардың декларанты не осы Кодексте айқындалған өзге де тұлғалар;

      егер ол қызмет көрсету туралы келісім бойынша тауарларды сақтауды жүзеге асыратын және осындай тауарлардың декларанты болып табылмаса, порттық ЕЭА немесе логистикалық ЕЭА қатысушысы жүзеге асыратын ЕЭА аумағында еркін кедендік аймақтың кедендік рәсімімен орналастырылған тауарларды орналастыру және пайдалану тауарларды пайдалану шарттары болып табылады.

      6. ЕЭА жұмыс істеуін тоқтатқан немесе ЕЭА аумағында еркін кедендік аймақтың кедендік рәсімінің қолданылуын тоқтату туралы шешім қабылданған кезде не тұлғаның ЕЭА қатысушысы мәртебесін жоғалтқан кезде осы баптың 5-тармағында айқындалған еркін кедендік аймақтың кедендік рәсіміне сәйкес тауарларды пайдалану шарттары осы Кодекстің 287-бабының 3 және 4-тармақтарына сәйкес осы кедендік рәсім аяқталғанға немесе оның қолданысы тоқтатылғанға дейін сақталуға тиіс.

      7. Егер порттық ЕЭА немесе логистикалық ЕЭА қатысушысы қызмет көрсету туралы шарт бойынша өзі декларанты болып табылмайтын тауарлардың сақталуын жүзеге асырған жағдайда, ол еркін кедендік аймақтың кедендік рәсіміне сәйкес тауарларды пайдалану шартын сақтауға тиіс.


      283-бап. ЕЭА аумағы және ЕЭА аумағында жасалатын кедендік операциялар

      1. ЕЭА аумағы осы тармақтың екінші абзацының ережелері ескеріле отырып, кедендік бақылау аймағы болып табылады.

      Қазақстан Республикасының аумағында құрылған жекелеген ЕЭА-ның аумақтарында кедендік операцияларды жасауға және (немесе) еркін кедендік аймақтың кедендік рәсіміне орналастырылған тауарларды пайдалануға арналған ЕЭА аумағының бөлігі (бөліктері) кедендік бақылау аймағы болып табылады.

      2. ЕЭА аумағы кедендік бақылауды жүргізу мақсатында жайластырылуға тиіс.

      ЕЭА аумағын жайластыруға қойылатын талаптарды, осындай аумақтың периметрін қоршау және бейнебақылау жүйесімен жарақтандыру бойынша талаптарды қоса алғанда, уәкілетті орган анықтайды.

      ЕЭА аумағында бақылау-өткізу режимін қамтамасыз ету, осындай аумаққа адамдардың кіру тәртібін айқындауды қоса алғанда, уәкілетті орган бекіткен тәртіпте жүзеге асырылады.

      3. ЕЭА аумағында орналастырылатын тауарларға қатысты кедендік операциялар осы бапта көзделген ерекшеліктер ескеріле отырып осы Кодекске сәйкес жүзеге асырылады.

      4. Порттық ЕЭА және логистикалық ЕЭА-ны қоспағанда, ЕЭА аумағына тауарларды әкелу осындай әкелу туралы кеден органын хабардар ете отырып жүзеге асырылады, ал ЕЭА аумағынан тауарларды әкету кеден органының рұқсатымен жүзеге асырылады.

      Порттық ЕЭА және логистикалық ЕЭА аумағына тауарларды әкелу кеден органының рұқсатымен жүзеге асырылады.

      ЕЭА аумағына тауарларды әкелу туралы көрсетілген хабарламаны беру және ЕЭА аумағынан тауарларды әкетуге және порттық ЕЭА және логистикалық ЕЭА-ны әкелуге көрсетілген рұқсаттарды беру тәртібін, сондай-ақ мұндай хабарлама мен рұқсаттардың нысандарын уәкілетті орган бекітеді.

      Экспорт кедендік рәсімімен, кері экспорт кедендік рәсімімен, кедендік аумақтан тыс қайта өңдеудің кедендік рәсімімен, уақытша әкету кедендік рәсімімен, арнайы кедендік рәсіммен осындай ЕЭА аумағынан тысқары орналастырылған тауарларды порттық ЕЭА немесе логистикалық ЕЭА аумағынан әкеткен кезде, порттық ЕЭА немесе логистикалық ЕЭА қатысушысы кеден органына түсіру орны (порт, әуежай) Еуразиялық экономикалық одақтың кедендік аумағынан тысқары жерлерде орналасқан орын болып табылатынын растайтын көліктік (тасымалдау) құжатын ұсынады.

      5. Осы Кодекстің 284-бабының 4-тармағына сәйкес кедендік декларациялауға жатпайтын тауарларға қатысты порттық ЕЭА немесе логистикалық ЕЭА аумағына әкелу кезінде, осы Кодекстің 154-бабының 1, 2, 3, 4 және 5-тармақтарында көзделген Еуразиялық экономикалық одақтың кедендік аумағына тауарлардың келуімен байланысты кедендік операциялар ғана жасалады.

      6. Кеден органдары ЕЭА аумағына әкелінетін тауарларды сәйкестендіруді жүзеге асыруға құқылы. Кеден органының ЕЭА аумағына әкелінетін тауарларды сәйкестендіруді жүзеге асырудың тәртібін уәкілетті орган бекітеді.

      7. Декларант еркін кедендік аймақтың кедендік рәсімімен орналастырылған тауарлардың және еркін кедендік аймақтың кедендік рәсімімен орналастырылған тауарлардан жасалған (алынған) тауарлардың есебін жүргізеді және кедендік рәсіммен тауарларды орналастыру жүргізілген кеден органына осындай тауарлар туралы есептілікті ұсынады.

      Еркін кедендік аймақтың кедендік рәсімімен орналастырылған тауарларда болған кез келген өзгерістер есеп құжаттарында көрсетілуге тиіс.

      Еркін кедендік аймақтың кедендік рәсімімен орналастырылған тауарлардың және еркін кедендік аймақтың кедендік рәсімімен орналастырылған тауарлардан жасалған (алынған) тауарлардың есебін жүргізу тәртібін, сондай-ақ кеден органына осындай тауарлар туралы есептілікті ұсыну тәртібін уәкілетті орган бекітеді.


      284-бап. Порттық ЕЭА немесе логистикалық ЕЭА аумағына әкелінетін тауарларды еркін кедендік аймақтың кедендік рәсімімен орналастыру ерекшеліктері

      1. Порттық ЕЭА немесе логистикалық ЕЭА аумағына әкелінетін тауарлар осы баптың 3-тармағына сәйкес еркін кедендік аймақтың кедендік рәсімімен орналастырылуға жатпайтын тауарларды қоспағанда, оларды порттық ЕЭА немесе логистикалық ЕЭА аумағына әкелген күннен бастап еркін кедендік аймақтың кедендік рәсімімен орналастырылған болып саналады.

      2. Осы баптың 1-тармағының ережелері порттық ЕЭА немесе логистикалық ЕЭА аумағына әкелінген халықаралық пошта жөнелтілімдері мен халықаралық пошта жөнелтілімдерімен жіберілетін тауарларға қатысты қолданылмайды. Мұндай халықаралық пошта жөнелтілімдері мен халықаралық пошта жөнелтілімдерімен жіберілетін тауарларға қатысты кедендік операциялар осы Кодекске сәйкес порттық ЕЭА немесе логистикалық ЕЭА аумағында орналасқан халықаралық пошталық алмасу орнында (мекемесінде) жасалады.

      3. Мыналар:

      1) порттық ЕЭА немесе логистикалық ЕЭА аумағына әкелінетін халықаралық тасымалдың көлік құралдары немесе осы көлік құралдарымен тауарларды халықаралық тасымалдауды жүзеге асыруға байланысты порттық ЕЭА немесе логистикалық ЕЭА аумағынан әкетілетін көлік құралдары, сондай-ақ порттық ЕЭА немесе логистикалық ЕЭА аумағына әкелінетін және порттық ЕЭА немесе логистикалық ЕЭА аумағынан әкетілетін және Еуразиялық экономикалық одақтың кедендік аумағы арқылы тауарларды осы аумақтан шықпай тасымалдауды жүзеге асыруға арналған көлік құралдары;

      2) теңіз порты, өзен порты, әуежай әкімшілігі, сондай-ақ ЕЭА резиденті (қатысушысы, субъектісі) болып табылмайтын және теңіз портында, өзен портында, әуежайда кеме қатынасының қауіпсіздігін, әуе кемелерінің ұшу қауіпсіздігін, теңіз портының, өзен портының, әуежайдың инфрақұрылым объектілерін пайдалану қауіпсіздігін қамтамасыз ету жөніндегі функцияларды не теңіз портында, өзен портында, әуежайда қызметті жүзеге асыруға байланысты өзге де функцияларды жүзеге асыратын тұлғалар порттық ЕЭА аумағына әкелінетін немесе порттық ЕЭА аумағынан Еуразиялық экономикалық одақтың кедендік аумағының қалған бөлігіне әкетілетін Еуразиялық экономикалық одақтың тауарлары;

      3) осы ЕЭА-ның жұмыс істеуін қамтамасыз етуге байланысты порттық ЕЭА немесе логистикалық ЕЭА әкімшілігі Еуразиялық экономикалық одақтың кедендік аумағының қалған бөлігіне порттық ЕЭА аумағына немесе логистикалық ЕЭА аумағынан әкелінетін порттық ЕЭА немесе логистикалық ЕЭА аумағынан әкетілетін Еуразиялық экономикалық одақтың тауарлары;

      4) порттық ЕЭА немесе логистикалық ЕЭА аумағына әкелінетін және кедендік аумақтан тыс қайта өңдеу кедендік рәсімімен, уақытша әкету кедендік рәсімімен, кері экспорт кедендік рәсімімен арнайы кедендік рәсімімен осындай әкелуге дейін одан тысқары жерлерде орналастырылған тауарлар;

      5) теміржол табанының енін өзгертудің технологиялық қажеттілігіне байланысты теміржол көлігімен тауарлар тасымалданған жағдайларда порттық ЕЭА немесе логистикалық ЕЭА аумағына әкелінетін және экспорт кедендік рәсімімен немесе кедендік транзит кедендік рәсімімен осындай әкелуге дейін одан тысқары жерлерде орналастырылған тауарлар;

      6) порттық ЕЭА аумағына әкелінетін және порттық ЕЭА аумағынан әкетілетін, осындай кемелердің ауланған су биологиялық ресурстарын, балықты және (немесе) аталған кемелерде су биологиялық ресурстарынан өндірілген өзге де өнімді түсіру және (немесе) осындай кемелердің керек-жарақтары болып табылатын тауарларды бортына тиеу мақсатында жүзеге асыруға байланысты балық кәсіпшілігі флотының кемелері;

      7) осы тармақтың 1) және 6) тармақшаларында көрсетілген көлік құралдарымен өткізілген керек-жарақтар еркін кедендік аймақтың кедендік рәсімімен орналастырылуға жатпайды.

      4. Осы тармақтың екінші абзацында белгіленген жағдайларды қоспағанда, порттық ЕЭА немесе логистикалық ЕЭА аумағына әкелінген тауарлар кедендік декларациялауға жатпайды.

      Кедендік декларациялауға порттық ЕЭА аумағында орналасқан теңіз портының, өзен портының, әуежайдың инфрақұрылым объектілерін немесе логистикалық ЕЭА инфрақұрылым объектілерін салу, қайта құру мақсатында ЕЭА қатысушылары әкелген тауарлар жатады.


      285-бап. Еркін кедендік аймақтың кедендік рәсімімен орналастырылған тауарларға қатысты және еркін кедендік аймақтың кедендік рәсімімен орналастырылған тауарлардан жасалған (алынған) тауарларға қатысты жасалатын іс-әрекеттер

      1. Еркін кедендік аймақтың кедендік рәсімімен орналастырылған тауарларға және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларға қатысты ЕЭА аумағында кез келген операцияларды жасауға, оның ішінде:

      1) сақтауға;

      2) тауарларды тиеу (түсіру) жөніндегі операциялар және сақтауға байланысты өзге де жүк операциялары;

      3) тауарлардың сақталуын қамтамасыз етуге қажетті операциялар, сондай-ақ партияларды бөлшектеуді, жөнелтімдерді қалыптастыруды, сұрыптауды, орауды, қайта орауды, таңбалауды, тауар сапасын жақсарту жөніндегі операцияларды қоса алғанда, тауарларды тасуға (тасымалдауға) және сатуға дайындау жөніндегі жай операциялар;

      4) тауарларды қайта өңдеу (өңдеу), тауарларды дайындау (жинақтауды, бөлшектеуді, монтаждауды, шақтауды қоса алғанда), тауарларды жөндеу немесе тауарларға техникалық қызмет көрсету, оның ішінде оларды жасаған кезде еркін кедендік аймақтың кедендік рәсімімен орналастырылған шетелдік тауарлар осындай шетелдік тауарлар тауарларды дайындау (алу) процесінде толық немесе ішінара жұмсалса да (тұтынылса да) және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарлардың құрамында болмаса да (осы тарауда бұдан әрі – еркін кедендік аймақтың кедендік рәсімімен орналастырған қайта өңдеу жөніндегі операциялар) тауарларды дайындауға (алуға) қатысады немесе жәрдемдеседі. Еркін кедендік аймақтың кедендік рәсімімен орналастырылған тауарларды қайта өңдеу жөніндегі операцияларды жасаған кезде тауарларды дайындауға (алуға) қатысатын немесе жәрдемдесетін шетелдік тауарларға технологиялық процесте қосалқы құралдар болып табылатын тауарлар (мысалы, жабдықтар, станоктар, керек-жарақтар) жатқызылмайды;

      5) Комиссия айқындаған жағдайларда, тауарлардың тұтынылуы осы тармақтың 4) тармақшасында көрсетілген еркін кедендік аймақтың кедендік рәсімімен орналастырылған тауарларды қайта өңдеу жөніндегі операцияларды жасау кезінде тауарлардың жұмсалуынан (тұтынылуынан) өзгеше;

      6) осы Кодекстің 37-бабына сәйкес тауарлардың сынамалары және (немесе) үлгілерін алуға рұқсат беріледі.

      2. Тауарларды толық немесе ішінара тұтыну, оның ішінде тауарларды дайындау (алу) процесінде жұмсау (тұтыну) кезінде ЕЭА аумағында жылжымайтын мүлік объектілерін салу, өндірістік процестерді қамтамасыз ету, ЕЭА аумағында пайдаланылатын жабдықтарды, машиналар мен агрегаттарды күтіп ұстау және пайдалану фактісі осы Кодекстің 283-бабының 7-тармағына сәйкес кеден органына ұсынылатын есептілікте көрсетілуге тиіс.

      3. Еркін кедендік аймақтың кедендік рәсімімен орналастырылған тауарларға және (немесе) ЕЭА аумағында еркін кедендік аймақтың кедендік рәсімімен орналастырылған тауарлардан жасалған (алынған) тауарларға қатысты, егер осындай операциялар ЕЭА аумағында қызметін жүзеге асыру туралы келісімнің шарттарына сәйкес келсе, осы баптың 1-тармағында көрсетілген операцияларды жасауға жол беріледі.

      4. Кеден органының рұқсатымен еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды ЕЭА аумағынан еркін кедендік аймақтың кедендік рәсімінің қолданысын аяқтамай мынадай:

      1) ЕЭА қатысушысы пайдалануға енгізген және қолданатын жабдық, өзге де негізгі өндірістік құралдар, не аталған негізгі өндірістік құралдардың бөлшектері болып табылатын көрсетілген тауарлар (күрделі жөндеу, жаңартуды қоспағанда) Еуразиялық экономикалық одақтың кедендік аумағының қалған бөлігіне оларды жөндеу,техникалық қызмет көрсету немесе осындай тауарларды қалыпты (жұмыс) күйінде ұстау үшін қажетті басқа да операцияларды жасау үшін әкетілетін;

      2) көрсетілген тауарлар Еуразиялық экономикалық одақтың кедендік аумағының қалған бөлігіне оларды техникалық сынау, зерттеу, тестілеу, тексеру, оның ішінде өндірістік процесте көзделген тексеру бойынша операциялар жасау үшін, сондай-ақ оларды үлгілер ретінде көрсету үшін әкетілетін;

      3) көрсетілген тауарлар Қазақстан Республикасы аумағының қалған бөлігіне осындай тауарларға қатысты кедендік операцияларды жасауға құқығы бар кеден органында еркін кедендік аймақтың кедендік рәсімінің қолданысын аяқтау жөніндегі кедендік операцияларды жасау үшін әкетілетін;

      4) көрсетілген тауарлар Қазақстан Республикасы аумағының қалған бөлігіне өзінің өндірістік және технологиялық мұқтаждықтары үшін әкетілетін жағдайларда әкетуге жол беріледі. Бұл жағдайда көрсетілген тауарларды ЕЭА аумағынан әкетуге жол беретін шарттар, сондай-ақ мұндай әкетуге жол берілетін Қазақстан Республикасы аумағының бір бөлігін Комиссия айқындайды;

      5) осы ЕЭА аумағында осындай тауарларға қатысты осындай операцияларды жасауға жағдайлар мен мүмкіндіктер болмаған жағдайда, көрсетілген тауарлар Еуразиялық экономикалық одақтың кедендік аумағының қалған бөлігіне тауарларды қайта өңдеу (өңдеу), жинауды, монтаждауды, шақтауды және Комиссия айқындайтын өзге де операцияларды қоса алғанда, тауарларды дайындау жөніндегі операцияларды жасау үшін әкетілетін жағдайларда әкетуге жол беріледі. Бұл жағдайда көрсетілген тауарларды ЕЭА аумағынан әкетуге жол берілетін жағдайлар мен шарттарды Комиссия айқындайды.

      5. Осы баптың 4-тармағының 1) 2) 4) және 5) тармақшаларында көрсетілген тауарлар ЕЭА аумағына осындай операциялар жасаудың мақсаттары мен мән-жайлары негізінде кеден органы белгілеген мерзім өткенге дейін кері әкелуге жатады. Кеден органы белгілеген мерзім ЕЭА қатысушысының уәжді өтініші бойынша ұзартылуы мүмкін.

      Осы баптың 4-тармағының 3) тармақшасында көрсетілген тауарларға қатысты еркін кедендік аймақтың кедендік рәсімінің қолданылуы кеден органы белгілеген мерзім өткенге дейін аяқталуға тиіс. Кеден органы белгілеген мерзім ЕЭА қатысушысының уәжді өтініші бойынша ұзартылуы мүмкін.

      6. Кеден органының осы баптың 4-тармағында көрсетілген рұқсатты беру тәртібін уәкілетті орган бекітеді.

      7. Еркін кедендік аймақтың кедендік рәсімімен орналастырылған тауарлардың және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарлардың бәріне немесе бөлігіне қатысты ЕЭА аумағында осы тауарларды иелену, оларды пайдалану және (немесе) оларға билік ету құқықтарын беруді көздейтін мәмілелер жасалуы мүмкін. Бұл ретте еркін кедендік аймақтың кедендік рәсімінің қолданысы осы баптың 8 және 10-тармақтарына сәйкес еркін кедендік аймақтың кедендік рәсімінің қолданысын аяқтамай, көрсетілген тауарларды беруге жол берілетін жағдайларды қоспағанда, осы Кодексте белгіленген тәртіпте аяқталуға тиіс.

      8. Еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды еркін кедендік аймақтың кедендік рәсімінің қолданылуын аяқтамастан:

      1) мердігерге (қосалқы мердігерлерге) немесе өзге де, оның ішінде ЕЭА аумағында құрылыс және (немесе) монтаждаудың мердігерлік жұмыстарын жүзеге асыру үшін ЕЭА қатысушысы болып табылмайтын тұлғаларға беруге;

      2) тасымалдаушыға оларды тасымалдау үшін;

      3) жөндеуді (күрделі жөндеуді, қайта жаңғыртуды қоспағанда), техникалық қызмет көрсетуді жүзеге асыратын және (немесе) осындай тауарларды қалыпты (жұмыс) күйінде ұстауға қажетті басқа да операцияларды жасайтын тұлғаларға;

      4) өндірістік процесте көзделген осындай тауарларды техникалық сынау, зерттеу, тестілеу, тексеру жөніндегі операцияларды, сондай-ақ оларды үлгілер ретінде көрсететін тұлғаларға;

      5) порттық ЕЭА немесе логистикалық ЕЭА аумағында, ал мүше мемлекеттердің заңнамасында көзделген жағдайларда – порттық ЕЭА немесе логистикалық ЕЭА болып табылмайтын ЕЭА аумақтарында да осы баптың 1-тармағының 2-тармақшасында көзделген операцияларды жасайтын тұлғаларға;

      6) осы баптың 4-тармағының 1, 2, 4 және 5-тармақшаларында көзделген жағдайларда, ЕЭА аумағынан әкетілетін тауарларға қатысты операцияларды жасайтын тұлғаларға иеленуге және (немесе) пайдалануға беруге жол беріледі.

      9. Осы баптың 8-тармағында көрсетілген тұлғаларға тауарларды иеленуге және (немесе) пайдалануға беру еркін кедендік аймақтың кедендік рәсімімен орналастырылған тауарлардың декларантын осы тарауда көзделген, еркін кедендік аймақтың кедендік рәсіміне сәйкес тауарларды пайдалану шарттарын сақтаудан босатпайды.

      10. Уәкілетті орган белгілеген жағдайларда, ЕЭА қатысушысының еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) оларға билік ету құқықтарын, еркін кедендік аймақтың кедендік рәсімінің қолданысын аяқтамай, осы ЕЭА-ның өзге қатысушысына беруге жол беріледі.

      Осы тармақтың бірінші абзацында көрсетілген жағдайларда тауарларды берудің тәртібі мен шартын уәкілетті орган бекітеді.

      Еркін кедендік аймақтың кедендік рәсіміне сәйкес тауарларды пайдалану шарттарын сақтау бойынша декларанттың міндеттемесі мен осындай кедендік рәсімінің қолданылуын аяқтау бойынша міндеттемесі ЕЭА қатысушысына еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан дайындалған (алынған) тауарларды иелену, пайдалану және (немесе) иелік ету құқығын беру туралы хабарлама тауарларды шығаруды жүзеге асыратын кеден органында тіркелген сәттен бастап көрсетілген тауарларды иелену, пайдалану және (немесе) билік ету құқықтары берілген тұлғаларға, осы ЕЭА өзге қатысушысына жүктеледі.

      Осы тармақтың ережелері Қазақстан Республикасының аумағында құрылған, шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА қатысты қолданылмайды.

      11. Тұлға порттық ЕЭА немесе логистикалық ЕЭА қатысушысы мәртебесін жоғалтқан жағдайда, еркін кедендік аймақтың кедендік рәсімімен орналастырылған тауарлар тұлға осындай мәртебесін жоғалтқан күннен бастап төрт ай ішінде ЕЭА осындай қатысушысымен қызмет көрсету туралы шартты жасасқан тұлғалар порттық ЕЭА немесе логистикалық ЕЭА өзге қатысушысына ЕЭА осындай өзге қатысушысымен жасасқан қызмет көрсету туралы шарттың негізінде беруі не осы Кодексте көзделген кедендік рәсімдермен орналастырылуы мүмкін.

      Егер осындай іс-әрекеттер көрсетілген мерзімде жасалмаған жағдайда, осы мерзімнің өтуі бойынша еркін кедендік аймақтың кедендік рәсімнің қолданысы тоқтатылады, ал тауарларды кеден органдары осы Кодекстің 52-тарауына сәйкес ұстайды.

      12. Комиссия іс-қимылдардың, оның ішінде еркін кедендік аймақтың кедендік рәсімімен орналастырылған тауарлармен жасалуы мүмкін емес операциялардың тізбесін айқындауға құқылы.


      286-бап. Еркін кедендік аймақтың кедендік рәсімімен орналастырылған шетелдік тауарларды, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларда идентификаттау

      1. Еркін кедендік аймақ кедендік рәсімімен орналастырылған шетелдік тауарларды, еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларда идентификаттау мақсатында мынадай тәсілдер:

      1) еркін кедендік аймақтың кедендік рәсімімен орналастырылған шетелдік тауарларға мөрлерді, мөртаңбаларды қою, цифрлық және басқа да таңбаларды салу;

      2) шетелдік тауарлардың ауқымында егжей-тегжейлі сипаттау, фотосуретке түсіру, бейнелеу;

      3) шетелдік тауарлардың және еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлардың алдын ала іріктеп алынған сынамаларын және (немесе) үлгілерін салыстырып тексеру;

      4) тауарларда бар таңбалауды, оның ішінде сериялық нөмірлер түрінде пайдалану;

      5) еркін кедендік аймақтың кедендік рәсімімен орналастырылған тауарлардың сипатын және еркін кедендік аймақтың кедендік рәсімімен орналастырылған тауарларды қайта өңдеу бойынша жасалатын операцияларды негізге ала отырып, оның ішінде еркін кедендік аймақтың кедендік рәсімімен орналастырылған шетелдік тауарларды еркін кедендік аймақтың кедендік рәсімімен орналастырылған тауарларды қайта өңдеу бойынша операцияларды жасаудың технологиялық процесінде пайдалану туралы, сондай-ақ оларды өндірудің технологиялары туралы егжей-тегжейлі мәліметтерден тұратын ұсынылған құжаттарды зерттеу жолымен немесе еркін кедендік аймақтың кедендік рәсімімен орналастырылған тауарларды қайта өңдеу бойынша операциялар жасау кезінде кедендік бақылау жүргізу жолымен өзге де тәсілдер қолданылуы мүмкін өзге тәсілдер пайдаланылуы мүмкін.

      2. Еркін кедендік аймақтың кедендік рәсімімен орналастырылған шетелдік тауарларды, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларда идентификаттауды жүзеге асыру тәртібін уәкілетті орган бекітеді.


      287-бап. Еркін кедендік аймақтың кедендік рәсімі қолданысының аяқталуы және тоқтатылуы

      1. Еркін кедендік аймақтың кедендік рәсімінің қолданысы мынадай:

      1) ЕЭА-ның жұмыс істеуін тоқтатқан немесе ЕЭА аумағында еркін кедендік аймақтың кедендік рәсімінің қолданысын тоқтату туралы шешім қабылданған жағдайда – ЕЭА-ның жұмыс істеуін тоқтатқан немесе осындай шешім қабылдаған күннен бастап алты ай ішінде;

      2) тауарларды еркін кедендік аймақтың кедендік рәсімімен орналастырған тұлға ЕЭА қатысушысы мәртебесін жоғалтқан жағдайда – тұлға осы мәртебені жоғалтқан күннен бастап алты ай ішінде;

      3) еркін кедендік аймақтың кедендік рәсімімен орналастырылған тауарларды, еркін кедендік аймақтың кедендік рәсімімен орналастырылған тауарлардан жасалған (алынған) тауарларды:

      осы Кодекстің 285-бабының 4-тармағында көрсетілген мақсаттарда;

      осы баптың 8-тармағында белгіленген жағдайда кедендік транзит кедендік рәсіміне сәйкес оларды бір ЕЭА аумағынан екінші ЕЭА аумағына тасымалдау үшін;

      егер мұндай тауарлар өзінің тұтынушылық қасиеттерін жоғалтқан және олардың сапасы түпкі мақсаттары үшін пайдалануға жарамсыз болса, Қазақстан Республикасының заңнамасына сәйкес оларды көму, залалсыздандыру, кәдеге жарату немесе оларды өзге де тәсілмен жою үшін осындай тауарларды әкету жағдайларын қоспағанда, осындай тауарларды ЕЭА аумағынан әкеткен жағдайда;

      4) осы Кодекстің 285-бабы 1-тармағының 5) тармақшасына сәйкес тауарларды тұтынған жағдайда;

      5) ЕЭА қатысушысы еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) оларға билік ету құқықтарын ЕЭА-ның өзге қатысушына осы Кодекстің 285-бабының 8 және 10-тармақтарында көрсетілген жағдайларда тауарларды беруді қоспағанда, осы баптың 8 және 9-тармақтарына сәйкес ЕЭА қатысушысы болып табылмайтын тұлғаға берген жағдайда аяқталуға тиіс.

      2. Еркін кедендік аймақтың кедендік рәсімінің қолданысы аяқталған кезде мыналар:

      1) тауарларды еркін кедендік аймақтың кедендік рәсімімен орналастырған кезде, олардың декларанты болып табылатын тұлға;

      2) осы Кодекстің 285-бабының 10-тармағына сәйкес еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) оларға билік ету құқықтары берілген ЕЭА қатысушысы;

      3) порттық ЕЭА немесе логистикалық ЕЭА аумағындағы тауарларға қатысты – ЕЭА қатысушысы немесе осы Кодекстің 282-бабының 3-тармағында көрсетілген тұлға;

      4) егер еркін кедендік аймақтың кедендік рәсімінің қолданысы осы баптың 5-тармағының 3) тармақшасына немесе 6-тармағының 1) тармақшасына сәйкес аяқталса, еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) оларға билік ету құқықтары берілген, ЕЭА қатысушысы болып табылмайтын тұлға тауарлардың декларанты бола алады.

      3. ЕЭА-ның жұмыс істеуі тоқтатылған немесе ЕЭА аумағында еркін кедендік аймақтың кедендік рәсімін қолдануды тоқтату туралы шешім қабылданған кезде еркін кедендік аймақтың кедендік рәсімінің қолданысы, осы баптың 5, 6, 8 және 9-тармақтары ескеріле отырып, еркін кедендік аймақтың кедендік рәсімімен орналастырылған тауарлар және еркін кедендік аймақтың кедендік рәсімімен орналастырылған тауарлардан жасалған (алынған) тауарлар, оның аумағындағы кедендік транзит кедендік рәсімін қоспағанда, осы Кодексте көзделген кедендік рәсіммен орналастырумен аяқталады не осы баптың 10 және 12-тармақтарына сәйкес кедендік рәсіммен орналастырылмастан аяқталады.

      Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА жұмыс істеуі тоқтатылған кезде немесе осындай ЕЭА аумағында еркін кедендік аймақтың кедендік рәсімін қолдануды тоқтату туралы шешім қабылданған кезде, Комиссия еркін кедендік аймақтың кедендік рәсімінің қолданысын аяқтаудың өзге де тәртібін айқындауға құқылы.

      Еркін кедендік аймақтың кедендік рәсімнің қолданылуы аяқталмаған кезде осы баптың 1-тармағының 1) тармақшасында көрсетілген мерзім өткеннен кейін осы тармақтың бірінші абзацына сәйкес осы кедендік рәсімінің қолданысы тоқтатылады, ал кеден органдары тауарларды осы Кодекстің 52-тарауына сәйкес кідіртеді.

      4. Тұлға ЕЭА қатысушысы мәртебесін жоғалтқан кезде еркін кедендік аймақтың кедендік рәсімінің қолданысы, кедендік транзит кедендік рәсімін қоспағанда, осы баптың 5, 6, 8 және 9-тармақтары ескеріле отырып, еркін кедендік аймақтың кедендік рәсімімен орналастырылған тауарларды және еркін кедендік аймақтың кедендік рәсімімен орналастырылған тауарлардан жасалған (алынған) тауарларды осы Кодексте көзделген кедендік рәсіммен орналастырумен аяқталады не осы баптың 10 және 13-тармақтарына сәйкес кедендік рәсіммен орналастырылмастан аяқталады.

      Еркін кедендік аймақтың кедендік рәсімінің қолданысы аяқталмаған кезде осы баптың 1-тармағының 2) тармақшасында көрсетілген мерзім өткеннен кейін осы тармақтың бірінші абзацына сәйкес осы кедендік рәсімнің қолданысы тоқтатылады, ал кеден органдары тауарларды осы Кодекстің 52-тарауына сәйкес ұстайды.

      5. ЕЭА аумағынан тауарларды Еуразиялық экономикалық одақтың кедендік аумағынан тысқары жерлерге әкету үшін еркін кедендік аймақтың кедендік рәсімінің қолданысы:

      1) мыналардың:

      еркін кедендік аймақтың кедендік рәсімімен орналастырылған және тасудың (тасымалдаудың) және (немесе) сақтаудың қалыпты жағдайларында табиғи тозу салдарынан болған өзгерістерден, сондай-ақ табиғи кему салдарынан болған өзгерістерден басқа, өзгеріссіз күйде әкетілетін шетелдік тауарларды;

      егер еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлар осы Кодекстің 290-бабына сәйкес Еуразиялық экономикалық одақтың тауарлары болып танылмаған жағдайда, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлар кері экспорт кедендік рәсімімен;

      2) мыналар:

      еркін кедендік аймақтың кедендік рәсімімен орналастырылған Еуразиялық экономикалық одақтың тауарлары;

      Еуразиялық экономикалық одақтың тауарларынан жасалған (алынған), оның ішінде еркін кедендік аймақтың кедендік рәсімімен орналастырылмаған тауарлар;

      егер еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлар осы Кодекстің 290-бабына сәйкес Еуразиялық экономикалық одақтың тауарлары болып танылған жағдайда, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлар экспорт кедендік рәсімімен;

      3) еркін кедендік аймақтың кедендік рәсімімен және тасудың (тасымалдаудың) және (немесе) сақтаудың қалыпты жағдайларында табиғи тозу салдарынан болған өзгерістерден немесе табиғи кему салдарынан болған өзгерістерден басқа, өзгеріссіз күйде порттық ЕЭА немесе логистикалық ЕЭА аумағынан әкетілетін, орналастырылған шетелдік тауарларды осы Кодекстің 222-бабы 3-тармағының 1) және 3) тармақшаларына сәйкес кедендік транзит кедендік рәсімімен орналастырылмай аяқталады.

      6. ЕЭА аумағынан тауарларды Еуразиялық экономикалық одақтың кеден аумағының қалған бөлігіне әкету үшін еркін кедендік аймақтың кедендік рәсімінің қолданылуы:

      1) еркін кедендік аймақтың кедендік рәсімімен орналастырылған және еркін кедендік аймақтың кедендік рәсімімен орналастырылған тауарларды қайта өңдеу жөніндегі операциялар жасалмаған шетелдік тауарларды және осы баптың 7-тармағын ескере отырып, еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларды осы Кодекстің 207-бабы 2-тармағының 1), 4), 5), 7), 10), 14), 15) және 16) тармақшаларында көрсетілген кедендік рәсімдермен;

      2) мыналарды:

      тасудың (тасымалдаудың) және (немесе) сақтаудың қалыпты жағдайларында табиғи тозу салдарынан болған өзгерістердің, сондай-ақ табиғи кему салдарынан болған өзгерістерден басқа, өзгеріссіз күйде әкетілетін еркін кедендік аймақтың кедендік рәсімімен орналастырылған Еуразиялық экономикалық одақтың тауарлары;

      еркін кедендік аймақтың кедендік рәсімімен орналастырылған, тек қана Еуразиялық экономикалық одақтың тауарларынан, оның ішінде еркін кедендік аймақтың кедендік рәсімімен орналастырылмаған Еуразиялық экономикалық одақтың тауарлары пайдаланыла отырып жасалған (алынған) тауарлар кері импорт кедендік рәсімімен;

      3) еркін кедендік аймақтың кедендік рәсімімен орналастырылған және тасудың (тасымалдаудың) және (немесе) сақтаудың қалыпты жағдайларында табиғи тозу салдарынан болған өзгерістердің, сондай-ақ табиғи кему салдарынан болған өзгерістерден басқа, өзгеріссіз күйде Еуразиялық экономикалық одаққа бір мүше мемлекеттің порттық ЕЭА немесе логистикалық ЕЭА аумағынан Еуразиялық экономикалық одаққа екінші мүше мемлекеттің аумағына әкетілетін шетелдік тауарларды кедендік транзит кедендік рәсімімен орналастырумен аяқталады.

      7. Егер еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарлардың құрамына ішкі нарықты қорғау шараларының қолданылу аясына жататын шетелдік тауарлар кіретін болса, мұндай тауарлар ЕЭА-ның аумағынан Еуразиялық экономикалық одаққа кедендік аумағының қалған бөлігіне әкету үшін осы тауарларда еркін кедендік аймақтың кедендік рәсімімен орналастырылған шетелдік тауарлар идентификатталған жағдайда осы Кодекстің 207-бабы 2-тармағының 1) және
7) тармақшаларында көрсетілген кедендік рәсімдермен орналастырылуы мүмкін.

      8. Еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды еркін кедендік аймақтың кедендік рәсімімен орналастырған ЕЭА қатысушысы көрсетілген тауарларды иелену, пайдалану және (немесе) оларға билік ету құқығын ЕЭА-ның өзге қатысушысына берген кезде еркін кедендік аймақтың кедендік рәсімінің қолданысы мұндай таураларды иелену, пайдалану және (немесе) оларға билік ету құқығы берілген ЕЭА қатысушысының осындай тауарларды еркін кедендік аймақтың кедендік рәсімімен орналастыруымен аяқталады.

      Егер көрсетілген жағдайда тауарларды ЕЭА бір аумағынан ЕЭА басқа аумағына тасымалдау қажет болғанда, мұндай тасымалдау осы тармақтың үшінші абзацында көзделген жағдайды қоспағанда, осы Кодекстің 24-тарауында көзделген тәртіппен және шарттарда кедендік транзит кедендік рәсіміне сәйкес жүзеге асырылады.

      Еуразиялық экономикалық одақтың тауарлары, Еуразиялық экономикалық одақтың мүшелері болып табылмайтын мемлекеттердің аумағы және (немесе) теңіз арқылы тасымалданатын Еуразиялық экономикалық одақтың тауарларын қоспағанда, ЕЭА-ның бір аумағынан ЕЭА басқа аумағына, егер осындай ЕЭА Еуразиялық экономикалық одаққа бір мүше мемлекеттің аумағында орналасқан болса, мұндай тауарлар кедендік транзит кедендік рәсімімен орналастырылмай тасымалданады.

      9. Еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды еркін кедендік аймақтың кедендік рәсімімен орналастырған ЕЭА қатысушысы көрсетілген тауарларды иелену, пайдалану және (немесе) оларға билік ету құқығын ЕЭА қатысушысы болып табылмайтын тұлғаға берген кезде оларды ЕЭА аумағынан Еуразиялық экономикалық одақтың кедендік аумағының қалған бөлігіне әкету үшін еркін кедендік аймақтың кедендік рәсімінің қолданысы осы баптың 1-тармағының 3) тармақшасына сәйкес тауарлар еркін кедендік аймақтың кедендік рәсімінің қолданысы аяқталмай, ЕЭА аумағынан әкетілуі мүмкін жағдайды қоспағанда, осындай тауарларды осы баптың 6-тармағының 1) тармақшасында көрсетілген кедендік рәсіммен орналастырумен аяқталады.

      10. Еркін кедендік аймақтың кедендік рәсімінің қолданысы осы баптың 12 және 13-тармақтарында көзделген жағдайларда, сондай-ақ мынадай:

      1) 10. Еркін кедендік аймақтың кедендік рәсімінің қолданысы осы баптың 12 және 13-тармақтарында көзделген жағдайларда, сондай-ақ мынадай:

      1) еркін кедендік аймақтың кедендік рәсімімен орналастырылған және (немесе) еркін кедендік аумақтың кедендік рәсіміне орналастырылған тауарлардан жасалған (алынған) тауарлар өздерінің тұтынушылық қасиеттерін жоғалтып және өздері арналған сапада пайдалану үшін жарамсыз болып қалған тауарлар көму, залалсыздандыру, кәдеге жарату немесе Қазақстан Республикасының экологиялық заңнамасына сәйкес өзге де тәсілмен жою үшін СЭҚ аумағына шығарылады. Бұл ретте еркін кеден аумағының кеден рәсімінің қолданысы көмілген, залалсыздандырылған, кәдеге жаратылған және (немесе) өзге тәсілмен жойылған тауар санына сәйкес және Қазақстан Республикасының заңнамасына сәйкес айқындалатын еркін кеден аумағының кеден рәсіміне орналастырылған тауарлардың бір бөлігіне қатысты, көму, залалсыздандыру, кәдеге жарату және (немесе) өзге тәсілмен жою мүмкіндігі туралы мемлекеттік экологиялық сараптамалық қорытынды беру тәртібімен аяқталады, онда көму, залалсыздандыру, кәдеге жарату және (немесе) өзге тәсілмен жою тәсілі мен орны көрсетіледі. Еркін кеден аумағының кеден рәсіміне орналастырылған тауарларды көму, залалсыздандыру, кәдеге жарату және (немесе) өзге тәсілмен жою туралы экологиялық сараптама қорытындысын беру Қазақстан Республикасының экологиялық заңнамасына сәйкес жүзеге асырылады.

      Мемлекеттік экологиялық сараптаманың қорытындысы тауар авария немесе еңсерілмейтін күш салдарынан қалпына келмейтіндей жойылғанда талап етілмейді. Осындай тауарларға қатысты еркін кедендік аймақтың кедендік рәсімін аяқтау үшін авария немесе еңсерілмейтін күш салдарынан қалпына келмейтіндей жойылу фактісін растайтын құжаттар ұсынылуы тиіс.

      Еркін кедендік аймақтың кедендік рәсімімен орналастырылған тауарларды көму, залалсыздандыру, кәдеге жарату және (немесе) өзге тәсілмен жою кеден органы осы тауарларды көму, залалсыздандыру, кәдеге жарату және (немесе) өзге тәсілмен жою үшін қажетті уақытқа, көму, залалсыздандыру, кәдеге жарату және (немесе) өзге тәсілмен жою тәсілі мен орнына, сондай-ақ көму, залалсыздандыру, кәдеге жарату және (немесе) өзге тәсілмен жою мүмкіндігі туралы мемлекеттік экологиялық сараптама қорытындысында көрсетілген мерзімдерді есепке алып, егер онда осындай мерзімдер болса, жүргізіледі.

      Тауарларды көму, залалсыздандыру, кәдеге жарату (және) немесе өзге де тәсілмен жою еркін кедендік аймақтың кедендік рәсімімен орналастырылған тауарлардың декларантының есебінен жүргізіледі.

      Тауарларды көму, залалсыздандыру, кәдеге жарату (және) немесе өзге де тәсілмен жою еркін кедендік аймақтың кедендік рәсімімен орналастырылған тауарларға бақылауды жүзеге асыратын кеден органы кеден органының, қоршаған ортаны қорғау саласындағы уәкілетті органнның аумақтық бөлімшесінің өкілдерінен құрған комиссияның қатысуымен және декларанттың қатысуымен жүргізіледі. Қажет болған жағдайда, еркін кедендік аймақтың кедендік рәсімімен орналастырылған тауарларға бақылауды жүзеге асыратын кеден органы өзге мемлекеттік органдардың мамандарын және тәуелсіз сарапшыларды тартуға құқылы.

      Тауарлар нақты көмілгеннен, залалсыздандырылғаннан, кәдеге жаратылғаннан (және) немесе өзге де тәсілмен жойылғаннан кейін мынадай негізгі мәліметтерді:

      тауарларды көму, залалсыздандыру, кәдеге жарату (және) немесе өзге де тәсілмен жою күні мен орнын;

      еркін кедендік аймақтың кедендік рәсіміне өтініш берген тұлға туралы мәліметтерді;

      тауарларды көму, залалсыздандыру, кәдеге жарату (және) немесе өзге де тәсілмен жою кезінде қатысқан тұлғалар туралы мәліметтерді;

      көмілген, залалсыздандырылған, кәдеге жаратылған (және) немесе өзге де тәсілмен жойылған тауарлардың атауы және олардың өлшем бірлігінде саны;

      уәкілетті орган бекіткен нысанға сәйкес өзге де мәліметтер;

      уәкілетті орган бекіткен нысанға сәйкес өзге де мәліметтерді қамтитын уәкілетті орган бекіткен нысан бойынша тауарларды көму, залалсыздандыру, кәдеге жарату (және) немесе өзге де тәсілмен жою актісі жасалады.

      Тауарларды көму, залалсыздандыру, кәдеге жарату (және) немесе өзге де тәсілмен жою актісі барлық комиссия мүшелерінің және қатысушы адамдардың қолымен расталады, үш данада ресімделеді: бірінші дана кеден органында сақталады; екінші дана қоршаған ортаны қорғау саласындағы уәкілетті органының аумақтық бөлімшесіне беріледі; үшінші дана декларантта қалады.

      Тауарларды көму, залалсыздандыру, кәдеге жарату (және) немесе өзге де тәсілмен жою фактісі фото - және (немесе) бейне түсірілімдер қолданыла отырып тіркеледі, нәтижесі кеден органында сақталатын тауарларды көму, залалсыздандыру, кәдеге жарату (және) немесе өзге де тәсілмен жою актісіне қоса тіркеледі.

      Еркін кедендік аймақтың кедендік рәсімі осы тармақшаның ережелері ескеріле отырып, тауарлардың нақты көмілуі, залалсыздандырылуы, кәдеге жаратылуы (және) немесе өзге де тәсіл арқылы жойылуымен аяқталады.

      2) еркін кедендік аймақтың кедендік рәсімімен орналастырылған тауарлар авария немесе еңсерілмейтін күш әсері салдарынан жойылған және (немесе) біржола жоғалған не тасудың (тасымалдаудың) және сақтаудың қалыпты жағдайларында табиғи кему салдарынан біржола жоғалған және осындай жойылу немесе біржола жоғалу фактісін кеден органы уәкілетті орган бекіткен тәртіпте мойындаған;

      3) еркін кедендік аймақтың кедендік рәсімімен орналастырылған тауарлар және еркін кедендік аймақтың кедендік рәсімімен орналастырылған тауарлардан жасалған (алынған) тауарлар осы Кодекстің 285-бабы 1-тармағының 5) тармақшасына сәйкес тұтынылған;

      4) тасудың (тасымалдаудың) және (немесе) сақтаудың қалыпты жағдайларында табиғи тозу салдарынан болған өзгерістерден, сондай-ақ табиғи кему салдарынан болған өзгерістерден басқа, өзгеріссіз күйде порттық ЕЭА немесе логистикалық ЕЭА аумағында еркін кедендік аймақтың кедендік рәсімімен орналастырылған шетелдік тауарлар мүше мемлекеттердің заңнамасында белгіленген жағдайларда, Еуразиялық экономикалық одақтың кедендік аумағынан тысқары жерлерге осындай порттық ЕЭА немесе логистикалық ЕЭА шектесетін әкету орны арқылы әкетілген жағдайларда тауарларды кедендік рәсімдермен орналастырмай аяқталады.

      11. Еркін кедендік аймақтың кедендік рәсімі қолданысының аяқталу тәртібін осы баптың 10-тармағы 1), 2) және 4) тармақшаларында көзделген жағдайларда, уәкілетті орган бекітеді.

      Еркін кедендік аймақтың кедендік рәсімінің қолданысын аяқтау тәртібін осы баптың 10-тармағы 3) тармақшасында көзделген жағдайларда, Комиссия айқындайды.

      12. ЕЭА жұмыс істеуі тоқтатылған немесе ЕЭА аумағында еркін кедендік аймақтың кедендік рәсімінің қолданылуын тоқтату туралы шешім қабылданған кезде еркін кедендік аймақтың кедендік рәсімімен орналастырылған және ЕЭА қатысушысы ЕЭА аумағында қызметін жүзеге асыру (жүргізу) туралы келісімді (шартты) (ЕЭА-дағы қызметтің шарттары туралы шартты, инвестициялық декларацияны, кәсіпкерлік бағдарламаны) жүзеге асыру үшін пайдалануға енгізген жабдық немесе ЕЭА аумағында жылжымайтын мүлік объектілерін салу үшін пайдаланылатын және осындай объектілерінің құрамдас бөлігі болып табылатын тауарлар болып табылатын тауарларға қатысты еркін кедендік аймақтың кедендік рәсімінің қолданысы уәкілетті орган бекіткен тәртіпте көрсетілген тауарлар кедендік рәсіммен орналастырылмай аяқталады.

      Комиссия көрсетілген тауарларға қатысты еркін кедендік аймақтың кедендік рәсімінің қолданысын аяқтау тәртібін айқындауға құқылы.

      Көрсетілген тауарлар еркін кедендік аймақ кедендік рәсімінің қолданысы аяқталған күннен бастап Еуразиялық экономикалық одақтың тауарлары мәртебесіне ие болады.

      13. Тұлға ЕЭА аумағында қызметін жүзеге асыру (жүргізу) туралы келісімнің (шарттың) (ЕЭА-дағы қызметтің шарттары туралы шарттың, инвестициялық декларацияның,кәсіпкерлік бағдарламаның) қолданылу мерзімінің өтуіне және осы келісімшарттың талаптарын орындауға байланысты ЕЭА қатысушысы мәртебесін жоғалтқан жағдайда еркін кедендік аймақтың кедендік рәсімімен орналастырылған және ЕЭА аумағында қызметін жүзеге асыру (жүргізу) туралы келісімді (шартты) (ЕЭА-дағы қызметтің шарттары туралы шартты, инвестициялық декларацияны, кәсіпкерлік бағдарламаны) іске асыру үшін ЕЭА қатысушысы пайдалануға енгізген және қолданатын жабдық немесе ЕЭА аумағында жылжымайтын мүлік объектілерін салу үшін пайдаланылған және осындай жылжымайтын мүлік объектілерінің құрамдас бөлігі болып табылатын тауарлар болып табылатын тауарларға қатысты еркін кедендік аймақтың кедендік рәсімінің қолданысы көрсетілген тауарлар уәкілетті орган бекіткен тәртіпте кедендік рәсіммен орналастырылмай аяқталады.

      Комиссия көрсетілген тауарларға қатысты еркін кедендік аймақтың кедендік рәсімінің қолданысын аяқтау тәртібін айқындауға құқылы.

      Көрсетілген тауарлар еркін кедендік аймақтың кедендік рәсімінің қолданысы аяқталған күннен бастап Еуразиялық экономикалық одақтың тауарлары мәртебесіне ие болады.

      14. ЕЭА қатысушысы болып табылатын тұлға таратылған (қызметі тоқтатылған) кезде еркін кедендік аймақтың кедендік рәсімінің аяқталуы, уәкілетті орган бекіткен тәртіпте жүзеге асырылады.


      288-бап. Еркін кедендік аймақтық кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндеттің туындауы мен тоқтатылуы, оларды төлеу және есептеу мерзімі

      1. Еркін кедендік аймақтың кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет декларантта осы тармақтың екінші және үшінші абзацтарында көзделген жағдайларды қоспағанда, кеден органы тауарларға арналған декларацияларды тіркеген кезден бастап туындайды.

      Еркін кедендік аймақтың кедендік рәсімімен орналастырылатын (орналастырылған), тауарларға арналған декларацияны бергенге дейін шығаруға мәлімделген шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет тауарларға арналған декларацияны бергенге дейін тауарларды шығару туралы өтініш берген тұлғада тауарларға арналған декларация берілгенге дейін кеден органы тауарларды шығару туралы өтінішті тіркеген кезден бастап туындайды.

      Порттық ЕЭА немесе логистикалық ЕЭА аумағында еркін кедендік аймақтың кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет декларанттың оларды порттық ЕЭА немесе логистикалық ЕЭА аумағына әкелген кезінен бастап туындайды.

      2. Еуразиялық экономикалық одаққа мүше болып табылмайтын мемлекеттің аумағынан порттық ЕЭА немесе логистикалық ЕЭА аумағына әкелінетін және осы Кодекстің 284-бабының 4-тармағына сәйкес кедендік декларациялауға жатпайтын шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет қызметтер көрсету туралы шарт жасасқан порттық ЕЭА немесе логистикалық ЕЭА қатысушысында осындай тауарлар порттық ЕЭА немесе логистикалық ЕЭА аумағына әкелінген кезде туындайды.

      3. Еркін кедендік аймақтың кедендік рәсімімен орналастырылған шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет осы Кодекстің 285-бабының 10-тармағына сәйкес осындай тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) билік ету құқықтары берілген және оларға осы Кодекске сәйкес еркiн кеден аймақтың кедендік рәсіміне сәйкес тауарларды пайдалану шарттарын сақтау жөніндегі декларанттың міндеті және осындай кедендік рәсімінің қолданысын аяқтау жөніндегі міндет жүктелген тұлғаларда осындай тұлғаларға декларанттың көрсетілген міндеттері жүктелетін кезден бастап туындайды.

      4. Еркiн кедендік аймақтың кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет осы баптың 1, 2 және 3-тармақтарында көрсетілген тұлғаларда мынадай:

      1) осы Кодекстің 287-бабының 5-тармағы 2) тармақшасының төртінші абзацында көрсетілген тауарларды экспорт кедендік рәсімімен орналастырумен еркін кедендік аймақтың кедендік рәсімінің қолданысын аяқтауды қоспағанда, осы Кодекстің 287-бабына сәйкес, оның ішінде осы баптың 7-тармағында көрсетілген жағдайлар басталғаннан кейін еркін кедендік аймақтың кедендік рәсім қолданысын аяқтаған;

      2) экспорт кедендік рәсімімен орналастырылған, осы Кодекстің 287-бабының 5-тармағы 2) тармақшасының төртінші абзацында көрсетілген тауарларды Еуразиялық экономикалық одақтың кедендік аумағынан әкеткен;

      3) оларға қатысты еркін кедендік аймақтың кедендік рәсімінің қолданысы тоқтатылған тауарларды және (немесе) осындай кедендік рәсімді қолдану шеңберінде қолданысы тоқтатылған, еркін кедендік аймақтың кедендік рәсімімен орналастырылған тауарлардан жасалған (алынған) тауарларды осы Кодекстің 209-бабының 7-тармағына сәйкес кедендік рәсіммен орналастырған;

      4) кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндетті орындаған және (немесе) осы баптың 8-тармағына сәйкес оларды есептелген және төлеуге жататын мөлшерде өндіріп алған;

      5) еркін кедендік аймақтың кедендік рәсімімен орналастырылған шетелдік тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарлардың жойылу және (немесе) біржола жоғалу, авария немесе еңсерілмейтін күш әсері салдарынан не тасудың (тасымалдаудың) және (немесе) сақтаудың қалыпты жағдайларында табиғи кему нәтижесінде олардың жойылу немесе біржола жоғалу фактісін, осы Кодекске сәйкес осындай жойылған немесе біржола жоғалған осы тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу мерзімі басталған жағдайларды қоспағанда, кеден органы уәкілетті орган бекітілген тәртіпте мойындаған;

      6) тауарларға арналған декларацияны не тауарларға арналған декларация берілгенге дейін тауарларды шығару туралы өтінішті тіркеген кезде туындаған кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндеттемеге қатысты еркін кедендік аймақтың кедендік рәсіміне сәйкес тауарларды шығарудан бас тартқан;

      7) тауарларға арналған декларацияларды тіркеу кезінде кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттемеге қатысты – осы Кодекстің 184-бабына сәйкес тауарларға арналған декларацияны кері қайтару және (немесе) осы Кодекстің 192-бабы 5-тармағына сәйкес тауарларды шығарудың күші жойылған;

      8) Қазақстан Республикасының заңнамасына сәйкес тәркілеу немесе тауарларды мемлекеттің меншігіне (пайдасына) айналдыру;

      9) осы Кодекстің 52-тарауына сәйкес кеден органының тауарларды ұстауы;

      10) қылмыстық құқық бұзұшылықтар туралы хабарламаны тексеру барысында, қылмыстық іс бойынша немесе әкімшілік құқық бұзушылық туралы іс жүргізу кезінде алып қойылған немесе тыйым салынған тауарларды уақытша сақтауға орналастыру немесе кедендік рәсімдердің біріне орналастыру және оларға қатысты, егер осындай тауарларды шығару бұрын жүргізілмесе, оларды қайтару туралы шешім қабылданған жағдайларда тоқтатылады.

      5. Еркін кедендік аймақтың кедендік рәсімімен орналастырылған шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет, осы баптың 1 және 3-тармақтарында көрсетілген тұлғаларда, егер осындай тауарларды иелену, пайдалану және (немесе) билік ету құқықтарын беру кезінде осындай құқықтар берілген тұлғаға еркін кедендік аймақтың кедендік рәсіміне сәйкес тауарларды пайдалану шарттарын сақтау бойынша декларанттың міндеті және осындай кедендік рәсімінің қолданысын аяқтау бойынша декларанттың міндеті жүктелген кезде, еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) оларға билік ету құқықтарын беру кезінде осы Кодекстің 280-бабының 10-тармағына сәйкес еркін кедендік аймақтың кедендік рәсімінің қолданысы аяқталмай тоқтатылады.

      6. Кедендік әкелу баждарын, салықтарды, арнайы, демпингке қарсы, өтем баждарды төлеу жөніндегі міндет осы баптың 7-тармағында көрсетілген мән-жайлар басталған кезде орындалуға жатады.

      7. Мынадай мән-жайлар басталған кезде:

      1) еркін кедендік аймақтың кедендік рәсімімен орналастырылған шетелдік тауарларды және (немесе) еркін кедендік аймақ кедендік рәсімімен орналастырылған тауарлардан жасалған (алынған) тауарларды осы Кодекстің 287-бабы 1-тармағының 3) тармақшасының үшінші және төртінші абзацтарында көзделген жағдайларда, осындай тауарлар еркін кедендік аймақ кедендік рәсімі аяқталмай әкетілуі мүмкін жағдайларды қоспағанда, осындай тауарларға қатысты еркін кедендік аймақтың кедендік рәсімінің қолданысы аяқталғанға дейін не осы Кодекстің 285-бабының 4-тармағында көрсетілген жағдайларда кеден органының рұқсатынсыз ЕЭА аумағынан әкеткен жағдайда – ЕЭА аумағынан әкету күні, ал егер бұл күн анықталмаса, – еркін кедендік аймақтың кедендік рәсімі қолданылатын ЕЭА аумағынан осындай әкету фактісі анықталатын күн;

      2) еркін кедендік аймақтың кедендік рәсімімен орналастырылған тауарларды және (немесе) еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларды еркін кедендік аймақтың кедендік рәсімінің қолданысын аяқтамастан өзге тұлғаға берген жағдайда, осы Кодекстің 285-бабының 8 және 10-тармақтарына сәйкес осындай тауарларды беруді қоспағанда – тауарларды беру күні, ал егер бұл күн анықталмаса, – осындай беру фактісі анықталған күн;

      3) осы Кодекстің 285-бабы 4-тармағының 1) 2) 4) және 5) тармақшаларында көрсетілген жағдайларда, ЕЭА-ның аумағынан әкетілген тауарлар, осы Кодекстің 285-бабы 5-тармағының бірінші абзацына сәйкес кеден органы белгілеген мерзім өткенге дейін ЕЭА аумағына қайтарылмаған жағдайда – осы мерзім аяқталған күн;

      4) осы Кодекстің 285-бабы 5-тармағының екінші абзацына сәйкес кеден органы белгілеген мерзім өткенге дейін еркін кедендік аймақ кедендік рәсімінің қолданысы аяқталмаған жағдайда, осы Кодекстің 285-бабы 4-тармағының 3) тармақшасында көрсетілген жағдайларда, ЕЭА аумағынан әкетілген тауарларға қатысты, – осы мерзім өткен күн;

      5) авария немесе еңсерілмейтін күш салдарынан осындай тауарлардың жойылуын және (немесе) біржола жоғалуын не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде біржола жоғалуды қоспағанда, еркін кедендік аймақтың кедендік рәсімімен орналастырылған шетелдік тауарларды және (немесе) еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларды жоғалтқан жағдайда – тауарларды жоғалтқан күн, ал ол күн белгіленбесе - осындай жоғалу фактісі анықталған күн;

      6) осы Кодекстің 287-бабы 10-тармағының 1) тармақшасында көрсетілген тауарларды көму, залалсыздандыру, кәдеге жарату немесе өзге тәсілмен жою фактісін растайтын құжаттарды кеден органына уәкілетті орган белгілеген мерзімде ұсынбаған жағдайда – мұндай тауарларды ЕЭА аумағынан тыс жерге әкеткен күн;

      7) осындай кедендік рәсім тоқтатылған кезде ЕЭА аумағындағы көрсетілген тауарларға қатысты экспорт кедендік рәсімінің қолданысының тоқтатылуын қоспағанда, осы Кодекстің 287-бабының 5-тармағы 2) тармақшасының төртінші абзацында көрсетілген тауарларға қатысты экспорт кедендік рәсімінің қолданылуы осы Кодекстің 219-бабы 5-тармағының үшінші абзацына сәйкес тоқтатылған жағдайда, – осы Кодекстің 219-бабының 5-тармағының бірінші абзацында белгіленген мерзім өткен күннен кейінгі күн кедендік әкелу баждарын, салықтарды, арнайы, демпингке қарсы, өтем баждарды төлеу мерзімі болып саналады.

      8. Егер осы баптың 7-тармағында көрсетілген жағдайлар еркін кедендік аймақ кедендік рәсімімен орналастырылған шетелдік тауарларға қатысты мән-жайлар туындаған жағдайда, егер осындай шетелдік тауарлар тарифтік преференциялар және кедендік әкелу баждарын, салықтарды төлеу бойынша жеңілдіктер қолданылмай ішкі тұтыну үшін шығару кедендік рәсімімен орналастырылғандай, кедендік әкелу баждары, салықтар, арнайы, демпингке қарсы, өтем баждары төленуге жатады.

      Егер осы баптың 7-тармағында көрсетілген мән-жайлар еркін кедендік аймақтың кедендік рәсімімен орналастырылған шетелдік тауарлардан жасалған (алынған) тауарларға қатысты туындаған және осы Кодекстің 286-бабына сәйкес осындай тауарларға еркін кедендік аймақ кедендік рәсімімен орналастырылған шетелдік тауарлар идентификатталған жағдайда, егер осындай шетелдік тауарлар тарифтік преференциялар және кедендік әкелу баждарын, салықтарды төлеу бойынша жеңілдіктер қолданылмастан ішкі тұтыну үшін шығару кедендік рәсімімен орналастырылғандай, еркін кедендік аймақ кедендік рәсімімен орналастырылған және еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды дайындау үшін пайдаланылған шетел тауарларына қатысты кедендік әкелу баждары, салықтар, арнайы, демпингке қарсы, өтем баждары төленуге жатады.

      Осы тармақтың бірінші және екінші абзацтарында көрсетілген жағдайларда кедендік әкелу баждарын, салықтарды, арнайы, демпингке қарсы, өтем баждарын есептеу үшін, тауарларды еркін кедендік аймақ кедендік рәсімімен орналастыру үшін берілген осындай тауарларға арналған декларацияны кеден органы тіркеген күні, тауарларды еркін кедендік аймақ кедендік рәсімімен орналастыру кезінде тауарларға арналған декларацияны бергенге дейін шығарылуы жүргізілген тауарларға қатысты, – тауарларға арналған декларацияны бергенге дейін тауарларды шығару туралы өтінішті кеден органы тіркеген күні, ал егер осы Кодекске сәйкес еркін кедендік аймақ кедендік рәсімімен тауарларды орналастыру кедендік декларациялаусыз жүзеге асырылса, – порттық ЕЭА немесе логистикалық ЕЭА аумағына тауарларды әкелу күні қолданыста болатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      9. Егер осы баптың 7-тармағында көрсетілген мән-жайлар еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты туындаған және осындай тауарларда осы Кодекстің 286-бабына сәйкес еркін кедендік аймақ кедендік рәсімімен орналастырылған шетелдік тауарлар идентификатталмаған жағдайда, егер осындай кедендік аймақ кедендік рәсімімен орналастырылған шетелдік тауарлардан жасалған (алынған) тауарлар тарифтік преференцияларды және кедендік әкелу баждарын, салықтарды төлеу бойынша жеңілдіктер қолданылмай ішкі тұтыну үшін шығару кедендік рәсімімен орналастырылғандай, кедендік әкелу баждары, салықтар, арнайы, демпингке қарсы, өтем баждары төленуге жатады.

      Көрсетілген жағдайда кедендік әкелу баждары, салықтар, арнайы, демпингке қарсы, өтем баждары осы Кодекстің 8 және 13-тарауларына сәйкес есептеледі.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты осы баптың 7-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыста болатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер тауарлардың кедендік құнын айқындау үшін, сондай-ақ кедендік әкелу баждарын, салықтарды, арнайы, демпингке қарсы, өтем баждарын есептеу үшін шетел валютасын Қазақстан Республикасының ұлттық валютасында қайта есептеуді жүргізу талап етілген жағдайда, мұндай қайта есептеу осы баптың 7-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыстағы валюта бағамы бойынша жүргізіледі.

      Егер кеден органында тауарлар туралы (сипаты, атауы, мөлшері, шығарылған жері және (немесе) кедендік құны) нақты мәліметтер болмаған жағдайда, төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін база кеден органының қолда бар мәліметтерінің негізінде айқындалады, тауарларды жіктеу осы Кодекстің 40-бабының 4-тармағы ескеріле отырып жүзеге асырылады.

      Егер тауардың коды Сыртқы экономикалық қызметтің тауар номенклатурасына сәйкес белгілер саны оннан аз топтама деңгейінде анықталған жағдайда:

      кедендік әкелу баждарын есептеу үшін осындай топтамаға кіретін тауарларға сәйкес келетін кедендік баждың ең көп мөлшерлемесі қолданылады;

      салықтарды есептеу үшін оларға қатысты кедендік баж мөлшерлемесінің ең көбі белгіленген, осындай топтамаға кіретін тауарларға сәйкес келетін акциздердің (акциздік салық немесе акциздік алым) ең көп мөлшерлемесі, қосылған құн салығының ең көп мөлшерлемесі қолданылады;

      арнайы, демпингке қарсы, өтем баждарын есептеу үшін осы тармақтың оныншы абзацы ескеріле отырып, осындай топтамаға кіретін тауарларға сәйкес келетін арнайы, демпингке қарсы, өтем баждарының ең көп мөлшерлемесі қолданылады.

      Арнайы, демпингке қарсы, өтем баждары, осы Кодекстің 5-тарауына сәйкес расталған тауарлардың шыққан жері және (немесе) көрсетілген баждарды айқындау үшін қажетті өзге де мәліметтерді негізге ала отырып есептеледі. Егер тауарлардың шыққан жері және (немесе) көрсетілген баждарды айқындау үшін қажетті өзге де мәліметтер расталмаған жағдайда, егер тауарды жіктеу он белгі деңгейінде жүзеге асырылса, не тауарлар топтауға кірсе, егер тауарлардың коды Сыртқы экономикалық қызметтің тауар номенклатурасына сәйкес белгілер саны оннан аз топтама деңгейінде айқындалса, Сыртқы экономикалық қызметтің тауар номенклатурасының сол кодындағы тауарларға қатысты белгіленген арнайы, демпингке қарсы, өтем баждарының ең көп мөлшерлемесіне негізделе отырып есептеледі.

      Тауарлар туралы нақты мәліметтерді кейіннен белгілеген кезде, кедендік әкелу баждары, салықтар, арнайы, демпингке қарсы, өтем баждары осындай нақты мәліметтер негізге ала отырып есептеледі және кедендік әкелу баждарының, салықтардың, арнайы, демпингке қарсы, өтем баждарының артық төленген және (немесе) артық өндіріп алынған сомаларын қайтару (есепке жатқызу) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекеттер және осы Кодекстің 12-тарауына және 142-бабына сәйкес төленбеген сомаларын өндіріп алу жүзеге асырылады.

      10. Осы баптың 8-тармағына сәйкес төленетін (өндіріп алынатын) кедендік әкелу баждарының, салықтардың, арнайы, демпингке қарсы, өтем баждарының сомасынан, егер көрсетілген сомаларға қатысты тауарлар еркін кеден аймақ кедендік рәсімімен орналастырылған күннен бастап кедендік әкелу баждарын, салықтарды, арнайы, демпингке қарсы, өтем баждарын төлеу мерзімі өткен күні бойынша оларды төлеуді кейінге қалдыру ұсынылғандай пайызын төлеуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      11. Еркін кедендік аймақ кедендік рәсімінің қолданысы аяқталған жағдайда, не Еуразиялық экономикалық одақтың кедендік аумағынан осы Кодекстің 287-бабының 5-тармағы 2) тармақшасының төртінші абзацында көрсетілген, экспорт кедендік рәсімімен орналастырылған тауарларды әкеткен, не осы Кодекстің 209-бабы 7-тармағына сәйкес тауарларды шетелдік тауарларға қолданатын, кедендік рәсіммен орналастырған, не кедендік баждарды, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толығымен немесе ішінара) жөніндегі міндет орындалғаннан кейін мұндай тауарларды кеден органдары осы Кодекстің 52-тарауына сәйкес ұстаған жағдайда, осы бапқа сәйкес төленген және (немесе) өндіріп алынған кедендік баждардың, салықтардың, арнайы, демпингке қарсы, өтем баждарының сомасы, осы Кодекстің 11-тарауына және 141-бабына сәйкес қайтарылуға (есепке жатқызуға) жатады.


      289-бап. Еркін кедендік аймақ кедендік рәсімімен орналастырылған шетелдік тауарларға және еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты, оларды жекелеген кедендік рәсімдермен орналастырған кезде кедендік әкелу баждарын, салықтарды, арнайы, демпингке қарсы, өтем баждарын есептеу және төлеу ерекшеліктері

      1. Еркін кедендік аймақ кедендік рәсімімен орналастырылған және еркін кедендік аймақ кедендік рәсімімен орналастырылған тауарлар қайта өңдеу бойынша операцияларға ұшырамаған шетелдік тауарларды ішкі тұтыну үшін шығару кедендік рәсімімен орналастырған кезде, кедендік әкелу баждарын, салықтарды, арнайы, демпингке қарсы, өтем баждарын есептеу үшін, кеден органы еркін кедендік аймақ кедендік рәсімімен тауарларды орналастыру үшін берілген тауарларға арналған декларацияны тіркеген күні, оларды еркін кедендік аймақ кедендік рәсімімен орналастыру кезінде, шығарылуы тауарларға арналған декларация берілгенге дейін жүргізілген тауарларға қатысты, – осы тармақтың екінші абзацында көрсетілген жағдайды қоспағанда, кеден органы тауарға арналған декларацияны табыс еткенге дейін тауарларды шығару туралы өтінішті тіркеген күні қолданыста болатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      ЕЭА аумағында қызметін жүзеге асыру туралы келісімді (шартты) іске асыру үшін қолданатын және пайдалануға енгізілген жабдықты, сондай-ақ порттық ЕЭА немесе логистикалық ЕЭА аумағындағы еркін кедендік аймақ кедендік рәсімімен орналастырылған тауарларды ішкі тұтыну үшін шығару кедендік рәсімімен орналастырған кезде, сондай-ақ кедендік әкелу баждарын, салықтарды, арнайы, демпингке қарсы, өтем баждарын есептеу үшін, кеден органы ішкі тұтыну үшін шығару кедендік рәсімімен тауарларды орналастыру үшін табыс етілген тауарға арналған декларацияларды тіркеген күні қолданыста болатын кедендік әкелу баждары, салықтар, арнайы, демпингке қарсы және өтем баждарының мөлшерлемелері қолданылады.

      2. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды, осы Кодекстің 207-бабы 2-тармағының 1), 5), 7), 10) және 14) тармақшаларында көрсетілген кедендік рәсімдермен орналастыру кезінде:

      1) осы Кодекстің 286-бабына сәйкес жүзеге асырылатын еркін кедендік аймақ кедендік рәсімімен орналастырылған шетелдік тауарларды, көрсетілген тауарларда сәйкестендіру шарты кезінде, еркiн кедендiк аймақ кедендiк рәсiмiмен орналастырылған және еркін кедендік аймақ кедендік рәсімімен орналастырған шетелдік тауарлардан жасалған (алынған) тауарларды дайындау үшін пайдаланылған шетелдік тауарларға қатысты кедендік әкелу баждары, салықтар, арнайы, демпингке қарсы, өтем баждары есептеледі. Бұл ретте кедендік әкелу баждарының, салықтардың, арнайы, демпингке қарсы, өтем баждары мөлшерлемелерін есептеу үшін, кеден органы еркін кедендік аймақ кедендік рәсімімен тауарларды орналастыру үшін табыс етілген тауарға арналған декларацияларды тіркеген күні, оларды еркін кедендік аймақ кедендік рәсімімен орналастыру кезінде, шығару жүргізілген тауарларға қатысты, – кеден органы тауарға арналған декларацияны табыс еткенге дейін тауарларды шығару туралы өтінішті тіркеген күні қолданыста болатын кедендік әкелу баждары, салықтар, арнайы, демпингке қарсы және өтем баждарының мөлшерлемелері қолданылады;

      3. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды орналастыра отырып еркін кедендік аймақ кедендік рәсімінің қолданысы аяқталған кезде, осы Кодекстің 287-бабы 8 және 9-тармақтарына сәйкес еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты кедендік әкелу баждары, салықтар есептеледі. Бұл ретте, кедендік әкелу баждарын, салықтарды есептеу үшін, кеден органы осы Кодекстің 207-бабы 1, 4, 5, 7, 10 және 14) тармақшаларында көрсетілген кедендік рәсімімен тауарларды орналастыру үшін табыс етілген, тауарға арналған декларацияларды тіркеген күні қолданыста болатын кедендік әкелу баждарының, салықтардың мөлшерлемелері қолданылады.

      4. Осы баптың 1, 2 және 3-тармақтарында көрсетілген жағдайларда, кедендік әкелу баждарын, салықтарды, арнайы, демпингке қарсы, өтем баждарын есептеу үшін шетелдік валютаны Қазақстан Республикасының ұлттық валютасында қайта есептеуді жүргізу талап етілген жағдайда, мұндай қайта есептеу әрбір жағдай үшін белгіленген, кедендік әкелу баждардың, салықтардың, арнайы, демпингке қарсы, өтем баждарының мөлшерлемелерін қолдану күні қолданыста болатын валюта бағамы бойынша жүргізіледі.


      290-бап. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлардың мәртебесін айқындау

      1 Егер еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлар Еуразиялық экономикалық одақтың кедендік аумағынан әкетілетін жағдайда, мұндай тауарлардың мәртебесі тауарлардың жеткілікті қайта өңдеу өлшемшарттарына сәйкес айқындалады, олар:

      1) тауарлар кодын Сыртқы экономикалық қызметтің тауар номенклатурасына сәйкес кезкелген алғашқы төрт белгісінің деңгейіндегі өзгерісі;

      2) пайдаланылатын материалдар құнының пайыздық үлесі немесе қосылған құны түпкілікті өнімнің бағасындағы белгіленген үлеске жеткен кездегі, тауар құнының өзгерісінен (адвалорлық үлес ережесі);

      3) тауарларды Еуразиялық экономикалық одақтың тауары деп тану үшін жеткілікті өндірістік және технологиялық операциялар жасаудың қажетті шарттарын орындаудан көрінуі мүмкін.

      2. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлар Еуразиялық экономикалық одақтың кедендік аумағынан әкету мақсаты үшін, егер тауарлары жасау (алу) бойынша операцияларды жасау нәтижесінде мына шарттардың бірі орындалса:

      1) осы баптың 3-тармағында көрсетілген жағдайларды қоспағанда, тауарлардың коды Сыртқы экономикалық қызметтің тауар номенклатурасына сәйкес кез келген алғашқы төрт белгісі деңгейінде өзгертілгенде;

      2) осы баптың 3-тармағында көрсетілген жағдайларды қоспағанда, еркін кедендік аймақ кедендік рәсімімен орналастырылған шетелдік тауарлар құнының пайыздық үлесі түпкілікті өнімнің бағасындағы белгіленген үлестен аспаса немесе қосылған құн түпкілікті өнімнің бағасындағы белгіленген үлеске жететін болса;

      3) осы баптың 3-тармағының бірінші абзацында көрсетілген жағдайды қоспағанда, тауарларға қатысты, еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды Еуразиялық экономикалық одақтың тауары деп тану үшін жеткілікті шарттар орындалғанда, өндірістік және технологиялық операциялар жасалғанда, Еуразиялық экономикалық одақтың тауарлары деп танылады.

      3. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлар, тауарға қатысты өзге шарттардың орындалуына қарамай, егер жеткілікті қайта өңдеу өлшемшарттарына жауап бермейтін операциялар ғана жасалса, Еуразиялық экономикалық одақтың тауарлары деп танылмайды.

      Сыртқы экономикалық қызметтің тауар номенклатурасына сәйкес кез келген алғашқы төрт белгісі деңгейінде тауарлар кодының өзгеруі және адвалорлық үлес қағидасы, егер еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларға қатысты, еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды Еуразиялық экономикалық одақтың тауарлары деп тану үшін жеткілікті шарттардың, өндірістік және технологиялық операциялардың тізбесі белгіленген жағдайда, еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды жеткілікті қайта өңдеу өлшемшарттары ретінде қолданылмайды.

      4. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды Еуразиялық экономикалық одақтың тауары деп тану үшін жеткілікті шарттардың, өндірістік және технологиялық операциялардың тізбесін, сондай-ақ еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлардың мәртебесін айқындау кезінде жеткілікті қайта өңдеу өлшемшарттарына жауап бермейтін операциялар тізбесін Комиссия айқындайды.

      5. Адвалорлық үлес қағидасын еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды жеткілікті қайта өңдеу өлшемшарттары ретінде пайдалану тәртібін Комиссия айқындайды.

      Адвалорлық үлес қағидасы Еуразиялық экономикалық одақтың тауарларын жөндеу жөніндегі операцияларды жасау кезінде жеткілікті қайта өңдеу өлшемшарттары ретінде пайдаланылмайды.

      6. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарлардың мәртебесін уәкілетті мемлекеттік орган немесе Еуразиялық экономикалық одаққа мүше мемлекеттің уәкілетті ұйымы айқындайды.

      7. Еркін кедендік аймақ кедендік рәсімімен орналастырылған шетелдік тауарлардан жасалған (алынған) тауардың мәртебесін растайтын құжат ретінде Еуразиялық экономикалық одаққа мүше мемлекеттің уәкілетті мемлекеттік органы немесе уәкілетті ұйымы еркін кедендік аймақ кедендік рәсімімен орналастырылған, шетелдік тауарлардан жасалған (алынған) тауарларды Еуразиялық экономикалық одақтың тауарлары деп тану туралы қорытындыны немесе еркін кедендік аймақ кедендік рәсімімен орналастырылған шетелдік тауарлардан жасалған (алынған) тауарларды Еуразиялық экономикалық одақтың тауарлары болып табылмайды деп тану туралы қорытынды береді.

      Көрсетілген қорытындылардың нысандарын, осындай қорытындылардың электрондық құжаттар түріндегі құрылымы мен форматын, оларды толтыру тәртібін, сондай-ақ оларды беру және қолдану тәртібін Комиссия айқындайды.

      8. Еркін кедендік аймақ кедендік рәсімімен орналастырылған, шетелдік тауарлардан жасалған (алынған), тауарлардың мәртебесін растайтын құжат жоқ болған, жойылған немесе жарамсыз деп танылған кезде мұндай тауар еркін кедендік аймақ кедендік рәсімінің қолданысы аяқталған кезде - оларды Еуразиялық экономикалық одақтың кедендік аумағынан шығару мақсатында Еуразиялық экономикалық одақтың тауарлары ретінде, ал өзге мақсаттарда - шетелдік тауарлар ретінде қаралады.


      291-бап. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА еркін кедендік аймақтың кедендік рәсімін қолдану ерекшеліктері

      1. Осы бапта көзделген, еркін кедендік аймақтың кедендік рәсімін қолдану ерекшеліктері арнайы экономикалық аймақтар туралы Қазақстан Республикасының заңнамасында айқындалған, шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін бір ЕЭА қатысты қолданылады.

      2. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін арнайы экономикалық аймақтың кедендік бақылау аймақтары уәкілетті орган белгілеген тәртіпте айқындалатын, кедендік операцияларды жасауға және (немесе) еркін кедендік аймақтың кедендік рәсіміне орналастырылған тауарларды пайдалануға (сақтауға) арналған арнайы экономикалық аймақтың аумағының бөлігі болып табылады.

      3. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағын жайластыру, мұндай аумақты бейне бақылау жүйесімен қоршау және жайластыру ерекшеліктерін уәкілетті орган бекітеді.

      4. Осындай аумаққа адамдардың кіру тәртібін белгілеуді коса алғанда, шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында бақылау-өткізу режимін қамтамасыз етуді мемлекеттік шекараны қорғау мен күзетуді жүзеге асыратын уәкілетті органмен келісу бойынша уәкілетті орган бекіткен тәртіпте жүзеге асырылады.

      5. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына әкелінген тауарлар, оларды осындай ЕЭА аумағына әкелген сәттен бастап еркін кедендік аймақтың кедендік рәсіміне орналастырылды деп саналады.

      6. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін шет мемлекеттің аумағымен шектесетін ЕЭА аумағына әкелінген тауарлар, мыналарды: оларды осындай ЕЭА аумағына әкелген сәттен бастап еркін кедендік аймақтың кедендік рәсіміне орналастырылды деп саналады

      1) шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына осындай тауарлар әкетілген;

      2) осындай тауарлар декларанттың таңдауы бойынша декларацияланған;

      3) тауарларды арнайы экономикалық аймақ туралы заңнамаға сәйкес жылжымайтын мүлік объектілерін және (немесе) инфрақұрылым объектілерін салу және (немесе) қайта құру үшін әкелген;

      4) ЕЭА аумағына тауарлар осы Кодекстің 285-бабы 1-тармағының 4) тармақшасында айқындалған операцияларды жасау үшін әкелінген жағдайларды қоспағанда, кедендік декларациялауға жатпайды.

      7. Осы баптың 6-тармағында көрсетілген тауарларға қатысты осы Кодекстің 285-бабы 1-тармағының 1), 2), 3) тармақшаларында айқындалған операцияларды жасауға, сондай-ақ халықаралық пошта жөнелтілімдерінің партиясын қалыптастыруға рұқсат етіледі.

      8. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына еркін кедендік аймақтың кедендік рәсімімен орналастырылған тауарларды, сондай-ақ кедендік транзиттің кедендік рәсімін қоспағанда, өзге де кедендік рәсімімен орналастырылған тауарларды орналастыруы және пайдалануы мүмкін.

      Уәкілетті орган еркін кедендік аймақтың кедендік рәсімімен орналастыруға жатпайтын тауарлардың тізбесін шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына әкелу кезінде бекітуі мүмкін.

      9. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында тауарларды пайдалану және (немесе) иелік ету, осындай тауарларды өткізуді қоса алғанда, шектелмей жүзеге асырылады.

      Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына әкелінген шетелдік тауарларды өткізу осындай ЕЭА аумағындағы бажсыз сауда дүкендерінде жүзеге асырылады.

      Осы тармақтың екінші абзацында және осы баптың 14-тармағында көрсетілген жағдайларды қоспағанда, жеке тұлғалардың шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағына шетелдік тауарларды өткізуіне тыйым салынады.

      10. Шет мемлекеттің шектесаумағынан шегі Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА тауарларды әкелу кезінде, осы баптың 6-тармағында айқындалған жағдайларда кедендік декларциялауға жататын тауарларды тасымалдаушылар Қазақстан Республикасының Үкіметі айқындаған келу орнына немесе осындай ЕЭА аумағында орналасқан кедендік бақылау аймағына жеткізуі тиіс.

      Бұл ретте тауарлардың орамын бұзуға, сондай-ақ салынған пломбаларды, мөрлерді және өзге де сәйкестендіру құралдарын өзгертуге, алып тастауға, жоюға зақымдауға немесе алмастыруға жол берілмейді.

      11. Тасымалдаушы осы баптың 6-тармағында айқындалған жағдайларда осы баптың 12-тармағында көзделген құжаттар мен мәліметтерді ұсыну арқылы кеден органын Еуразиялық экономикалық одақтың кедендік аумағына тауарлардың келуі және келу орнына немесе осындай ЕЭА аумағында орналасқан кедендік бақылау аймағына тауарлардың және көлік құралдарының жеткізілуі туралы келу орнына немесе осындай ЕЭА аумағында орналасқан кедендік бақылау аймағына тауарлар жеткізілген кезден бастап - бір сағаттың ішінде, ал тауарлар кеден органының жұмыс уақытынан тыс жеткізілген жағдайда кеден органының жұмыс уақыты басталған кезден бастап - бір сағат ішінде хабардар етуге міндетті.

      12. Тауарлар және көлік құралдары келу орнына немесе шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында орналасқан кедендік бақылау аймағына келген кезде тасымалдаушы мынадай:

      құжаттар:

      көлік құралына арналған құжаттар;

      көлік (тасымалдау) құжаттары;

      тасымалданатын тауарларға арналған тасымалдаушыда бар коммерциялық құжаттар;

      мәліметтер:

      тауарларды жөнелтуші елдің және межелі елдің атауы;

      тауарларды жөнелтуші мен алушының атауы және мекенжайы;

      жүк орындарының саны, оларды таңбалау және тауарлар орамаларының түрлері туралы;

      тауарлардың атауы, тауарлардың брутто салмағы (килограммен) не өте ауқымды жүктерді қоспағанда, тауарлардың көлемі (текше метрмен);

      Еуразиялық экономикалық одақтың кедендік аумағына әкелуге тыйым салынған немесе шектеу қойылған тауарлардың болуы туралы құжаттар мен мәліметтерді ұсынады.

      13. Тасымалдаушы немесе осы Кодекстің 149-бабында көрсетілген өзге де мүдделі тұлға осы баптың 6-тармағында айқындалған жағдайларда кеден органының жұмыс уақытында келу туралы хабарланған кезден бастап үш сағаттың ішінде кедендік декларациялауға жататын тауарларға қатысты:

      1) тауарларды уақытша сақтауға орналастыруға;

      2) тауарларды келу орнынан уақытша сақтау орнына дейін тасуға (тасымалдауға);

      3) тауарлардың кедендік декларациялануына;

      4) тауарларды Еуразиялық экономикалық одақтың кедендік аумағынан әкетуге байланысты кедендік операциялардың бірін орындауға міндетті.

      14. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында орналасқан кедендік бақылау аймағына тауарларды әкелген кезде, осы баптың 8-тармағына сәйкес берілген хабарлама осындай ЕЭА тауарларды әкелу туралы хабарлама болып табылады.

      15. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында:

      1) радиациялық және мемлекеттік бақылаудың өзге де түрлерін Қазақстан Республикасының заңнамасында белгіленген тәртіпте тиісті уәкілетті органдар жүзеге асырады;

      2) осы Кодекске сәйкес кеден органдарына жүктелген радиациялық бақылауды келу (кету) орны болып табылатын бақылау – өткізу пункті арқылы тауарларды өткізген кезде кеден органдары жүзеге асырады;

      16. Еркін кедендік аймақтың кедендік рәсімімен орналастырылған және (немесе) еркін кедендік аймақ кедендік рәсімімен орналастырылған тауарларды пайдалана отырып дайындалған (алынған) тауарларға қатысты шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін ЕЭА аумағында басқа да операциялармен қатар осы Кодекстің 280-бабы 1-тармағының 4) тармақшасында көрсетілген еркін кедендік аймақтың кедендік рәсімімен орналастырылған тауарларды қайта өңдеу бойынша операцияларды жасаған кездегі тауарларды шығындауға (тұтынуға) қарағанда, өзгеше тауарларды тұтынуға жол беріледі.

      Осы тармақтың бірінші абзацында көрсетілген тауарларды өзге де тұтыну деп ЕЭА қатысушы осындай ЕЭА аумағының шегінде АЭА мынадай жағдайларда:

      1) осы тармақтың 3) тармақшасының ережелері ескеріле отырып, ЕЭА қызметтің шарттары туралы келімге сәйкес тауарларды тұтыну;

      2) жеке тұлғаларға Еуразиялық экономикалық одақтың қатысушысының тауарларды өткізуі;

      3) ЕЭА қызметтің шарттары туралы келімге сәйкес АЭА қатысушысының негізгі кәсіпкерлік қызметі болып табылатын жағдайларды қоспағанда,, осындай тауарларды АЭА қатысушысы шетелдік тауарларды жеке тұлғаларға өткізу түсініледі.

      Осы тармақта көзделген еркін кеден аймағының кедендік рәсімдерінің қолданысы уәкілетті орган бекіткен тәртіпте есептілікті ұсынған жағдайларда аяқталады

      17. Шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін арнайы экономикалық аймақтың аумағына орналастыру және (немесе) пайдалану үшін еркін кедендік аймақтың кедендік рәсімімен орналастырылған тауарлардың декларанты шектері Еуразиялық экономикалық одақтың кедендік шекарасының учаскелерімен толық немесе ішінара тұспа-тұс келетін арнайы экономикалық аймақтың қатысушысы болып табылмайтын Қазақстан Республикасының заңды тұлғасы боған жағдайда уәкілетті орган айқындайды.

      18. Уәкілетті орган шегі Еуразиялық экономикалық одақтың кедендік шекарасының учаскесімен толық немесе шінара тұспа-тұс келетін ЕЭА аумағына тауарларды өткізу орнында жеке тұлға кесіп өткен кезде ақпараттық жүйені пайдалан отырып кедендік бақылауды жүргізу тәртібін бекітуі мүмкін.

      19. Уәкілетті орган шегі Еуразиялық экономикалық одақтың кедендік шекарасының учаскесімен толық немесе шінара тұспа-тұс келетін ЕЭА аумағына тауарларды өткізу кезінде оны қолдану тәртібін және ақпараттық жүйені пайдалан отырып тауарларды есепке алу жүйесіне талаптарды белгілеуі мүмкін.

30-тарау. Еркін қойма кедендік рәсімі

      292-бап. Еркін қойма кедендік рәсімінің мазмұны және қолданылуы

      1. Еркін қойма кедендік рәсімі – шетелдік тауарларға және Еуразиялық экономикалық одақтың тауарларына қатысты қолданылатын кедендік рәсім, оған сәйкес осы кедендік рәсіммен тауарларды орналастыру және осындай кедендік рәсімге сәйкес оларды пайдалану шарттары сақталған кезде, мұндай тауарлар кедендік баждарды, салықтарды, арнайы, демпингке қарсы, өтем баждарын төлемей, еркін қоймада орналастырылады және пайдаланылады.

      2. Еркін қоймада еркін қойма кедендік рәсімімен орналастырылған тауарлар, сондай-ақ еркін қойма кедендік рәсімімен орналастырылмаған Еуразиялық экономикалық одақтың тауарлары және өзге де кедендік рәсімдермен орналастырылған шетелдік тауарлар орналастырылуы және пайдаланылуы мүмкін.

      3. осы тармақтың екінші абзацында көрсетілген Еуразиялық экономикалық одақтың тауарлары еркін қойма кедендік рәсімімен декларанттың таңдауы бойынша орналастырылады.

      Қазақстан Республикасының аумағында құрылған еркін қоймаға орналастыру үшін еркін қойма кедендік рәсімімен міндетті түрде орналастыруға жататын Еуразиялық экономикалық одақтың тауарларының жекелеген тізбесін уәкілетті орган бекітеді.

      4. Еркін қоймада орналасқан және еркін қойма кедендік рәсімімен орналастырылмаған Еуразиялық экономикалық одақтың тауарларына қатысты кез келген, оның ішінде осы Кодекстің 294-бабының 1-тармағында көзделген операцияларды жасауға жол беріледі.

      5. Еркін қойма кедендік рәсімімен орналастырылған шетелдік тауарлар шетелдік тауарлар мәртебесін сақтайды, ал еркін қойма кедендік рәсімімен орналастырған Еуразиялық экономикалық одақтың тауарлары Еуразиялық экономикалық одақтың тауарлары мәртебесін сақтайды.

      6. Еркін қойма кедендік рәсімімен орналастырылған, Еуразиялық экономикалық одақтың тауарларынан жасалған (алынған) тауарлар Еуразиялық экономикалық одақтың тауарлары мәртебесін алады.

      Егер Қазақстан Республикасының заңнамасында еркін қойма кедендік рәсімімен орналастырылмаған Еуразиялық экономикалық одақтың тауарларын орналастыру мен пайдалануға жол берілсе, онда еркін қойма кедендік рәсімімен орналастырылмаған Еуразиялық экономикалық одақтың тауарларынан жасалған (алынған) тауарлар мен еркін қойма кедендік рәсімімен орналастырылмаған Еуразиялық экономикалық одақтың тауарлары Еуразиялық экономикалық одақтың тауарлары мәртебесін алады.

      7. Еркін қойма кедендік рәсімімен орналастырылған шетел тауарларынан жасалған (алынған) тауарлар және еркін қойма кедендік рәсімімен орналастырған шетелдік тауарлардан және Еуразиялық экономикалық одақтың тауарларынан жасалған (алынған) тауарлар (бұдан әрі – еркін қойма кедендік рәсімімен орналастырылған шетел тауарларынан жасалған (алынған) тауарлар) осы тармақтың екінші абзацында көрсетілген жағдайларды қоспағанда, шетел тауарлары мәртебесін алады.

      Егер еркін қойма кедендік рәсімімен орналастырылған шетел тауарларынан жасалған (алынған) Еуразиялық экономикалық одақтың тауарлары кеден аумағынан әкетілетін болса, мұндай тауарлардың мәртебесі осы Кодекстің 299-бабына сәйкес айқындалады.

      8. Егер еркін қоймада орналасқан тауарларды оны құрғанға дейін кеден органы еркін қойма аумағында орналасқан тауарлар ретінде немесе еркін қойма кедендік рәсімімен орналастырылған тауарлар ретінде немесе еркін қоймада жасалған (алынған) тауарлар ретінде идентификаттай алмаса, онда мұндай тауарлар оларды еркін қойма аумағынан Еуразиялық экономикалық одақтың кедендік аумағынан тысқары әкету мақсатында Еуразиялық экономикалық одақтың тауарлары ретінде, ал өзге мақсаттарда – Еуразиялық экономикалық одақтың кедендік аумағына әкелінетін тауарлар ретінде қарастырылады.

      9. Бұрын экспорт кедендік рәсіміне сәйкес Еуразиялық экономикалық одақтың кедендік аумағынан әкетілген, осы баптың 8-тармағында көрсетілген тауарларды Еуразиялық экономикалық одақтың кедендік аумағына әкелу кезінде мұндай тауарларға кері импорт кедендік рәсімі қолданылмайды.

      10. Ішкі нарықты қорғау шаралары қолданылатын, еркін қойма кедендік рәсімімен орналастырылған шетелдік тауарлар, мұндай тауарларды еркін қойманың аумағынан Еуразиялық экономикалық одақтың кедендік аумағының қалған бөлігіне әкету үшін еркін қойма кедендік рәсімімен орналастырылған шетелдік тауарлардан жасалған (алынған) шетелдік тауарларда идентификатталуға тиіс.

      Егер ішкі нарықты қорғау шаралары қолданылатын, еркін қойма кедендік рәсімімен орналастырылған шетел тауарлары еркін қойма кедендік рәсімімен орналастырылған шетел тауарларынан жасалған (алынған) тауарларды дайындау үшін пайдаланылған, бірақ еркін қойма кедендік рәсімімен орналастырылған осындай шетел тауарларынан жасалған (алынған) тауарлар, осындай тауарларда идентификатталмаса Еуразиялық экономикалық одақтың кедендік аумағынан әкетілуі тиіс.

      11. Еркін қойманың иесі Еуразиялық экономикалық одақтың тауарларын осы баптың 3-тармағын ескере отырып, оларды еркін қойма кедендік рәсімімен орналастырмай еркін қойма аумағына орналастыра және (немесе) пайдалана алады.

      12. Комиссия оларға қатысты еркін қойма кедендік рәсімі қолданылмайтын тауарлар тізбесін және (немесе) тауарлар санатын айқындауға құқылы.

      Қазақстан Республикасының аумағында еркін қойма кедендік рәсімі қолданылмайтын шетел тауарларының тізбесі және (немесе) шетел тауарларының санаттарын уәкілетті орган бекітеді.

      13. Кеден органы еркін қойма кедендік рәсімімен орналастырылған тауарлардың құрамына кіретін (кірген) ретінде идентификатталуы мүмкін бөлшектер, тораптар, агрегаттар, оларды еркін қойманың аумағынан әкету мақсатында еркін қойма кедендік рәсімімен орналастырылған тауарлар ретінде қарастырылады және оларға қатысты осы Кодекстің ережелері қолданылады.


      293-бап. Тауарларды еркін қойма кедендік рәсімімен орналастыру шарттары және оларды осындай кедендік рәсімге сәйкес пайдалану

      1. Тауарларды еркін қойма кедендік рәсімімен орналастыру шарттары осы Кодекстің 8-бабына сәйкес шетелдік тауарларға қатысты тыйым салулар мен шектеулерді сақтау болып табылады.

      2. Еркін қойма кедендік рәсімімен орналастыратын тауарлардың декларанты болып еркін қойманың иесі болып табылатын тұлға, сондай-ақ мұндай тұлғалар:

      еркін қойма кедендік рәсімімен орналастырған тауарларды және (немесе) еркін қойма кедендік рәсімімен орналастырған тауарлардан жасалған (алынған) тауарларды еркін қойманың кедендік рәсімінің қолданысын аяқтамай, осы Кодекстің 294-бабы 8-тармағының 1), 3) және 4) тармақшаларына сәйкес иеленуге және (немесе) пайдалануға беруге жол беріледі;

      еркін қойма кедендік рәсімімен орналастырған тауарларға және еркін қойма кедендік рәсімімен орналастырылған тауарлардан жасалған (алынған) тауарларға қатысты еркін қойма аумағында осы Кодекстің 294-бабы 1-тармағының 6) және 7) тармақшаларына сәйкес операцияларды жасауға жол беріледі.

      3. Еркін қойма кедендік рәсіміне сәйкес тауарларды қолданудың шарттары:

      1) еркін қойма кедендік рәсімімен орналастырылған тауарлардың еркін қойма аумағында осы баптың 5-тармағын және осы Кодекстің 294-бабының 5-тармағы ескеріле отырып, оның қызмет ету мерзімі ішінде орналастырылуы және жайғастырылуы;

      2) еркін қойма кедендік рәсімімен орналастырылған тауарларды осы кедендік рәсімімен орналастырған декларанттың не осы тарауға сәйкес айқындалған өзге де тұлғалардың пайдалануы;

      3) еркін қойма кедендік рәсімімен орналастырылған тауарларға қатысты осы Кодекстің 294-бабына сәйкес әрекеттерді жасау болып табылады.

      4. Еркін қойманың жұмыс істеуі тоқтатылған кезде, осы баптың 3-тармағында айқындалған еркін қойма кедендік рәсіміне сәйкес тауарларды пайдалану шарттары, осы Кодекстің 296-бабының 3-тармағына сәйкес осы кедендік рәсімнің қолданылуы аяқталғанға немесе тоқтатылғанға дейін сақталуы тиіс.

      5. Қазақстан Республикасының заңнамасында, еркін қойма кедендік рәсімімен орналастырылған тауарлар, еркін қойма кедендік рәсімімен орналастырылған тауардың декларанты болып табылатын заңды тұлға, еркін қойманың иесі болып табылатын, бірнеше еркін қойманың аумағында орналасуы және болуы мүмкін жағдайлар, мұндай тауарларды, осындай қоймалардың арасында, еркін қойма кедендік рәсімімен орналастырылған тауарлардан жасалған (алынған) тауарларды ауыстыру, сондай-ақ мұндай жағдайда кедендік операцияларды жасаудың ерекшеліктері мен мұндай тауарларға қатысты кедендік бақылауды жүргізудің ерекшеліктерін уәкілетті орган бекітеді.


      294-бап. Еркін қойма кедендік рәсімімен орналастырылған тауарларға қатысты және еркін қойма кедендік рәсімімен орналастырылған тауарлардан жасалған (алынған) тауарларға қатысты жасалатын іс-қимылдар

      1. Еркін қойма кедендік рәсімімен орналастырған тауарларға және еркін қойма кедендік рәсімімен орналастырылған тауарлардан жасалған (алынған) тауарларға қатысты еркін қойма аумағында мынадай операцияларды жасауға жол беріледі:

      1) сақтау;

      2) тауарларды тиеу (түсіру) бойынша операциялар және сақтаумен байланысты өзге де жүк операциялары;

      3) тауарлардың сақталуын қамтамасыз ету үшін қажетті операциялар, сондай-ақ партияларды бөлшектеуді, жөнелтімдерді құруды, сұрыптауды, орауды, қайта орауды, таңбалауды, тауарлық сапаларын жақсарту бойынша операцияларды қоса алғанда, тауарларды тасуға (тасымалдауға) және сатуға дайындау бойынша қарапайым операциялар;

      4) тауарларды қайта өңдеу (өңдеу), тауарларды жасау (жинау, бұзу, монтаждау, қиыстыруды қоса алғанда) тауарларды жөндеу және техникалық қызмет көрсету бойынша операциялар, оның ішінде оны жасағанда еркін қойма кедендік рәсімімен орналастырылған шетелдік тауарлар, тіпті егер мұндай шетелдік тауарлар жасау (алу) процесінде толық не ішінара шығындалса (тұтынылса) және (немесе) еркін қойма кедендік рәсімімен орналастырылған тауарлардан жасалған (алынған) тауарлардың құрамында жоқ болса да (бұдан әрі осы тарауда – еркін қойма кедендік рәсімімен орналастырылған тауарларды қайта өңдеу бойынша әрекеттер), тауарларды жасауға (алуға) қатысады немесе ықпал етеді. Еркін қойма кедендік рәсімімен орналастырылған тауарларды қайта өңдеу бойынша операцияларды жасау кезінде тауарларды жасауға (алуға) қатысатын немесе ықпал ететін шетелдік тауарларға технологиялық процесте көмекші құралдар болып табылатын тауарлар (мысалы, жабдықтар, станоктар, жабдықтар) жатқызылмайды;

      5) еркін қойма кедендік рәсімімен орналастырылған тауарларды қайта өңдеу бойынша операцияларды, сондай-ақ еркін қойманы пайдалану мен қызмет етуіне байланысты өзге операцияларды жасау мақсатында жабдықтарды, машиналар мен агрегаттарды қолдану (пайдалану);

      6) тауарларды еркін қойма аумағында өндірістік бағыттағы және көмекші инфрақұрылымның жылжымайтын объектілері (бұдан әрі осы тарауда – жылжымайтын объектілер) құру мақсатында пайдалану;

      7) осы Кодекстің 37-бабына сәйкес тауарлар сынамасын және (немесе) үлгісін іріктеу;

      8) еркін қойма қызмет аймағында орналасқан кеден органының рұқсатымен жүзеге асырылатын еркін қойманы пайдалану мен қызмет етуіне байланысты өзге де операциялар.

      2. Тауарларды толық не ішінара тұтыну фактісі, оның ішінде тауарды жасау (алу) процесінде шығындалу (тұтынылу), өндірістік процестерді қамтамасыз ету, еркін қойманың аумағында қолданылатын жабдықтарды, машиналар мен агрегаттарды ұсату және пайдалану кезінде, сондай-ақ жылжымайтын объектілерді құру мақсатында осы Кодекстің 514-бабы 1-тармағының 5) тармақшасына сәйкес кеден органына ұсынылатын есептілікте көрсетілуге тиіс.

      3. Осы баптың 1-тармағы 1), 2), 3), және 5) тармақшаларында көзделген операциялар тек еркін қойма иесінің рұқсатымен ғана жасалады.

      Уәкілетті орган осы баптың 1-тармағының 1), 2), 3) және 5) тармақшаларында көзделген операцияларды өзге де адамдардың, еркін қойманың иесіне қарағанда жасауға уәкілетті орган белгілейтін шарттарда және тәртіппен белгілеуі мүмкін. 

      4. Кеден органының рұқсатымен еркін қойма кедендік рәсімімен орналастырылған тауарларды және (немесе) еркін қойма кедендік рәсімімен орналастырылған тауарлардан жасалған (алынған) тауарларды еркін қойманың аумағынан еркін қойма кедендік рәсімінің қолданысын аяқтамай әкетуге мынадай жағдайларда жол беріледі:

      1) еркін қойманың иесі қолдануға енгізген және пайдаланылатын жабдықтар немесе өзге де негізгі өндірістік құрал, не болмаса аталған негізгі өндірістік құралдардың бөлшектері болып табылатын көрсетілген тауарлар, оларды жөндеу (күрделі жөндеуді, жаңартуды қоспағанда), техникалық қызмет көрсету немесе қалыпты (жұмыс) күйінде ұстау үшін қажетті өзге де операцияларды жасау үшін Еуразиялық экономикалық одақтың кедендік аумағынан қалған бөлігіне әкетіледі;

      2) көрсетілген тауарлар Еуразиялық экономикалық одақтың кедендік аумағынан қалған бөлігіне оларды техникалық сынау, зерттеу, тестілеу, тексеру, соның ішінде өндірістік процесте көзделген тексеру бойынша операциялар іске асыру үшін, сондай-ақ үлгілер ретінде көрсету үшін әкетіледі;

      3) көрсетілген тауарлар Қазақстан Республикасының қалған бөлігіне, осындай тауарларға қатысты кедендік операцияларды жасауға құқылы кеден органында еркін қоймадан тысқары еркін қойманың кедендік рәсіміннің қолданысын аяқтау бойынша кедендік операцияларды жасау үшін әкетіледі;

      4) көрсетілген тауарлар осы Кодекстің 293-бабы 5-тармағына сәйкес Қазақстан Республикасының заңнамасында көзделген жағдайларда, өзге еркін қойманың аумағына орналастыру және сонда болуы үшін әкетіледі.

      5. Осы Кодекстің 4-тармағы 1 және 2) тармақшаларында көрсетілген тауарлар осындай операцияларды жасау мақсаттары мен жағдайларына негізделе отырып, кеден органы белгілеген мерзім аяқталғанға дейін еркін қойманың аумағына кері әкелуге жатады. Кеден органы белгілеген мерзім осы тауарлар декларантының дәйекті өтініші бойынша ұзартылуы мүмкін.

      Осы баптың 4-тармағы 3) тармақшасында көрсетілген тауарларға қатысты еркін қойманың кедендік рәсімінің қолданысы кеден органы белгілеген мерзім біткенге дейін аяқталуы тиіс. Кеден органы белгілеген мерзім осы тауарлар декларантының дәйекті өтініші бойынша ұзартылуы мүмкін.

      Осы баптың 4-тармағы 4) тармақшасында көрсетілген тауарлар өзге еркін қойма аумағында кеден органы белгілеген мерзім біткенге дейін өзге еркін қойманың аумағына орналастырылуы тиіс. Кеден органы белгілеген мерзім осы тауарлар декларантының дәйекті өтініші бойынша ұзартылуы мүмкін.

      6. Осы баптың 5-тармағында көрсетілген кеден органының рұқсат беру тәртібін уәкілетті орган бекітеді.

      7. Еркін қойма кедендік рәсімімен орналастырылған тауарлардың барлығына немесе бөлігіне және (немесе) еркін қойма кедендік рәсімімен орналастырылған тауарлардан жасалған (алынған) тауарларға қатысты осы тауарларды иелену, пайдалану және (немесе) иелік ету құқықтарын беруді көздейтін мәмілелердің жасалуы мүмкін. Бұл ретте осы баптың 9-тармағына сәйкес еркін қойманың кедендік рәсім қолданысын аяқтамастан көрсетілген тауарларды беруге жол берілетін жағдайларды қоспағанда, осы Кодексте белгіленген тәртіпте еркін қойманың кедендік рәсім қолданысы аяқталуы тиіс.

      8. Еркін қойма кедендік рәсімімен орналастырған тауарларды және (немесе) еркін қойма кедендік рәсімімен орналастырған тауарлардан жасалған (алынған) тауарларды еркін қойманың кедендік рәсімінің қолданысын аяқтамай:

      1) мердігер (қосалқы мердігер) немесе өзге де, оның ішінде еркін қойманың аумағында құрылыс және (немесе) мердігерлік монтаж жұмыстарын жүзеге асыратын тұлғаларға;

      2) тасымалдаушыға оларды тасымалдау үшін;

      3) жөндеу (күрделі жөндеуді, қайта жаңғыртуды қоспағанда), техникалық қызмет көрсету және (немесе) осындай тауарларды қалыпты (жұмыс) күйінде ұстауға қажетті басқа да операцияларды жүзеге асыратын тұлғаларға;

      4) өндірістік процесте көзделген осындай тауарларды техникалық сынау, зерттеу, тестілеу, тексеру бойынша операцияларды, сондай-ақ оларды үлгі ретінде көрсететін тұлғаларға;

      5) осы баптың 4-тармағы 1 және 2) тармақшаларында көзделген жағдайларда еркін қойма аумағынан әкетілетін тауарларға қатысты операцияларды жасайтын тұлғаларға иеленуге және (немесе) пайдалануға беруге жол беріледі.

      9. Осы баптың 8-тармағында көрсетілген тұлғаларға иеленуге және (немесе) пайдалануға тауарларды беру, еркін қойма кедендік рәсімімен орналастырылған тауарлардың декларантын осы тарауда көзделген, еркін қойма кедендік рәсіміне сәйкес тауарларды пайдалану шарттарын сақтаудан босатпайды.


      295-бап. Еркін қойма кедендік рәсімімен орналастырған тауарларды, еркін қойма кедендік рәсімімен орналастырған шетелдік тауарлардан жасалған (алынған) тауарларда идентификаттау

      1. Еркін қойма кедендік рәсімімен орналастырылған тауарларды, еркін қойма кедендік рәсімімен орналастырылған шетелдік тауарлардан жасалған (алынған) тауарларда идентификаттау мақсатында, мынадай тәсілдер пайдаланылуы мүмкін:

      1) еркін қойма иесінің немесе кеден органының лауазымды тұлғасының еркін қойма кедендік рәсімімен орналастырылған шетел тауарларына мөрлер, мөртаңбалар қоюы, цифрлық және басқа да таңбалау жүргізу;

      2) шетелдік тауарлар масштабында егжей-тегжейлі сипаттау, суретке түсіру, бейнелеу;

      3) шетелдік тауарлардың және шетелдік тауарлардан жасалған (алынған) тауарлардың алдын ала іріктеп алынған сынамаларын және (немесе) үлгілерін салыстыру;

      4) тауарлардағы, оның ішінде сериялық нөмірлер түрінде таңбалауды пайдалану;

      5) еркін қойма кедендік рәсімімен орналастырылған тауарлардың сипатына және еркін қойма кедендік рәсімімен орналастырған тауарларды қайта өңдеу бойынша жасалатын операцияларға, оның ішінде еркін қойма кедендік рәсімімен орналастырылған шетелдік тауарларды пайдалану туралы егжей-тегжейлі мәліметтен тұратын ұсынылған құжаттарды зерттеу жолымен, сондай-ақ оларды өндіру технологиясы туралы немесе еркін қойма кедендік рәсімімен орналастырылған тауарларды қайта өңдеу бойынша операцияларды жасау кезінде кедендік бақылау жүргізу жолымен өзге де тәсілдер қолданылуы мүмкін.

      2. Еркін қойма кедендік рәсімімен орналастырылған шетелдік тауарларды, еркін қойма кедендік рәсімімен орналастырылған шетел тауарларынан жасалған (алынған) тауарларда идентификаттауды жүзеге асыру тәртібін уәкілетті орган бекітеді.


      296-бап. Еркін қойма кедендік рәсім қолданысын аяқтау және тоқтату

      1. Еркін қойма кедендік рәсім қолданысы мынадай жағдайларда аяқталуы тиіс:

      1) еркін қойманың жұмыс істеуін тоқтатқан күннен бастап алты ай ішінде еркін қойманың жұмыс істеуін тоқтату;

      2) еркін қойма кедендік рәсімімен орналастырған тауарларды, еркін қойма кедендік рәсімімен орналастырған шетелдік тауарлардан жасалған (алынған) тауарларды, мұндай тауарларды әкету жағдайларын қоспағанда әкету:

      осы Кодекстің 294-бабы 4-тармағында көрсетілген мақсаттарда;

      егер мұндай тауарлар өзінің тұтынушылық қасиеттерін жоғалтқан және олардың сапасы түпкі мақсаттары үшін пайдалануға жарамсыз болса, Қазақстан Республикасының заңнамасына сәйкес көму, залалсыздандыру, кәдеге жарату немесе оларды өзге де тәсілдермен жою үшін;

      3) осы Кодекстің 294-бабы 8-тармағында көрсетілген жағдайларда тауарларды беруді қоспағанда, декларант еркін қойма кедендік рәсімімен орналастырған тауарларды және (немесе) еркін қойма кедендік рәсімімен орналастырған тауарлардан жасалған (алынған) тауарларды иелену, пайдалану және (немесе) билік ету құқықтарын осы баптың 10-тармағына сәйкес өзге тұлғаға береді.

      2. Еркін қойманың кедендік рәсімін аяқтаған кезде тауарлардың декларанты болып оларды еркін қойма кедендік рәсімімен орналастырылған кезінде тауарлардың декларанты болып табылған тұлға бола алады.

      3. Еркін қойманың қызмет етуінің тоқталуы кезінде еркін қойма кедендік рәсімінің қолданылуы еркін қойма кедендік рәсімімен орналастырылған тауарлар, еркін қойма кедендік рәсімімен орналастырылған тауарлардан жасалған (алынған) тауарлар орналастырылған еркін қоймалар аумағындағы кедендік транзиттік кедендік рәсімдеуді қоспағанда, осы баптың 4 және 5-тармақтарын ескере отырып, осы Кодексте көзделген кедендік рәсіммен орналастырумен аяқталады не осы баптың 7 және 9-тармақтарына сәйкес кедендік рәсіммен орналастырмай аяқталады.

      Еркін қойма кедендік рәсім қолданысы аяқталмаған жағдайда, осы тармақтың бірінші абзацына сәйкес осы баптың 1-тармағы 1) тармақшасында көрсетілген мерзімнің өтуі бойынша осы кедендік рәсім қолданысы тоқтатылады, ал тауарларды кеден органы осы Кодекстің 52-тарауына сәйкес кідіртеді.

      4. Тауарларды еркін қойманың аумағынан Еуразиялық экономикалық одақтың кедендік аумағынан тысқары жерлерге әкету үшін:

      1) кері экспорт кедендік рәсімімен:

      табиғи тозу салдарынан өзгеруден басқа, сондай-ақ тасудың (тасымалдаудың) және (немесе) сақтаудың қалыпты жағдайларында табиғи шығындар салдарынан болған өзгерістерден басқа, еркін қойма кедендік рәсімімен орналастырылған шетелдік тауарларды және еркін қойма аумағынан өзгертілмеген күйде шығарылатын тауарларды;

      еркін қойма кедендік рәсімімен орналастырылған шетелдік тауарлардан жасалған (алынған) тауарлардан және осы Кодекстің 299-бабына сәйкес Еуразиялық экономикалық одақтың тауарлары деп танылмаған тауарларды;

      2) экспорт кедендік рәсімімен:

      еркін қойма кедендік рәсімімен орналастырылған Еуразиялық экономикалық одақтың тауарларын;

      Еуразиялық экономикалық одақтың тауарларынан жасалған (алынған) тауарларды;

      еркін қойма кедендік рәсімімен орналастырылған шетелдік тауарлардан жасалған (алынған) тауарлардан және осы Кодекстің 299-бабына сәйкес Еуразиялық экономикалық одақтың тауарлары деп танылған тауарларды орналастыра отырып еркін қойма кедендік рәсімінің қолданылуы аяқталады.

      5. Еркін қойма аумағынан тауарларды Еуразиялық экономикалық одақтың кедендік аумағының қалған бөлігіне әкету үшін:

      1) осы Кодекстің 207-бабы 2-тармағының 1), 4), 5), 7), 10), 14), 15) және 16) тармақшаларында көрсетілген кедендік рәсімдерге, өзгертілмеген күйде еркін қойманың аумағынан әкетілетін еркін қойма кедендік рәсімімен орналастырылған шетелдік тауарларды, табиғи тозу салдарынан өзгеруден, сондай-ақ тасудың (тасымалдаудың) және (немесе) сақтаудың қалыпты жағдайларында табиғи шығындар салдарынан болған өзгерістерден басқа, осы баптың 6-тармағын ескере отырып, еркін қойма кедендік рәсімімен орналастырылған шетелдік тауарлардан жасалған (алынған) тауарларды;

      2) кері импорт кедендік рәсімімен:

      табиғи тозу салдарынан өзгеруден, сондай-ақ тасудың (тасымалдаудың) және (немесе) сақтаудың қалыпты жағдайларында табиғи шығындар салдарынан болған өзгерістерден басқа, өзгертілмеген күйде қалған еркін қойма кедендік рәсімімен орналастырылған Еуразиялық экономикалық одақтың тауарларын;

      еркін қойма кедендік рәсіміне орналастырылған Еуразиялық экономикалық одақтың тауарларынан ғана, оның ішінде еркін қойма кедендік рәсіміне орналастырылмаған Еуразиялық экономикалық одақтың тауарларын пайдаланумен жасалған (алынған) тауарлар, Еуразиялық экономикалық одақтың тауарларына қатысты еркін қойма кедендік рәсімінің қолданылуын аяқтаған кезде еркін қойма кедендік рәсімінің қолданылуы аяқталады.

      6. Егер де еркін қойма кедендік рәсіммен орналастырылған шетелдік тауарлардан жасалған (алынған) тауарлар құрамына ішкі нарықты қорғау шараларының әрекеті қолданылатын шетелдік тауарлар кірсе, мұндай тауарларды еркін қойманың аумағынан Еуразиялық экономикалық одақтың кедендік аумағының басқа бөлігіне әкету үшін, осы тауарларда еркін қойма кедендік рәсімімен орналастырылған шетелдік тауарларды идентификаттау шартымен осы Кодекстің 207-бабының 2-тармағы 1) және 7) тармақшаларында көрсетілген кедендік рәсіммен орналасуы мүмкін.

      7. Осы баптың 9-тармағында көзделген жағдайда, сондай-ақ мынадай:

      1) еркін қойма кедендік рәсімімен орналастырылған тауарлар және еркін қойма кедендік рәсімімен орналастырылған тауарлардан жасалған (алынған) тауарлар, оның ішінде қалдықтар өздерінің тұтынушылық қасиеттерін жоғалтқанда және олар тағайындалған сапада қолдану үшін жарамсыз болғанда, Қазақстан Республикасының заңнамасына сәйкес мұндай көму, залалсыздандыру, кәдеге жарату және (немесе) өзге де тәсілмен жою мүмкіндігі туралы мемлекеттік экологиялық сараптаманың қорытындысы болған жағдайда, қоршаған орта саласындағы уәкілетті органның тиісті бөлімшелерінің қорытындысы болған жағдайда еркін қойманың аумағынан көму, залалсыздандыру, кәдеге жарату және (немесе) өзге де тәсілмен жою үшін әкетіледі. Бұл ретте, көмілген, залалсыздандырылған, кәдеге жаратылған және (немесе) өзге де тәсілдермен жойылған және Қазақстан Республикасының заңнамасына сәйкес мұндай көму, залалсыздандыру, кәдеге жарату және (немесе) өзге де тәсілмен жою мүмкіндігі туралы мемлекеттік экологиялық сараптаманың қорытындысын беру арқылы қоршаған орта саласындағы уәкілетті органның тиісті бөлімшелерінің қорытындысын ұсыну арқылы айқындалған тауарлардың санына сәйкес келетін, еркін қойма кедендік рәсімімен орналастырылған тауарларға қатысты еркін қойма кедендік рәсім қолданысы аяқталады, онда көму, залалсыздандыру, кәдеге жарату және (немесе)өзге тәсілмен жою тәсілі мен орны көрсетіледі. Еркін қойма кедендік рәсімімен орналастырылған тауарларды көму, залалсыздандыру, кәдеге жарату және (немесе) өзге де тәсілмен жою мүмкіндігі туралы қорытындыларды беру Қазақстан Республикасының экологиялық заңнамасына сәйкес жүзеге асырылады.

      Мемлекеттік экологиялық сараптаманың қорытындысы тауарлар аварияның немесе еңсерілмейтін күш әсерінің салдарынан біржола жоғалған жағдайларда талап етілмейді. Мұндай тауарларды жою кедендік рәсімімен орналастыру үшін тауарларды аварияның немесе еңсерілмейтін күш әсерінің салдарынан біржола жоғалту фактілерін растайтын құжаттар табыс етілуге тиіс.

      Еркін қойма кедендік рәсімімен орналастырылған тауарларды көму, залалсыздандыру, кәдеге жарату және (немесе) өзге де тәсілмен жою осы тауарларды іс жүзінде көму, залалсыздандыру, кәдеге жарату және (немесе) өзге де тәсілмен жоюға қажетті уақыт, оларды жою тәсілі мен орны негізге алынып, кеден органы белгілеген мерзімде жүргізіледі, сондай-ақ көму, залалсыздандыру, кәдеге жарату және (немесе) өзге де тәсілмен жою мүмкіндігі туралы мемлекеттік экологиялық сараптаманың қорытындысында көрсетілеген мерзімде, егер онда осындай мерзімдер болса жүргізіледі.

      Тауарларды көму, залалсыздандыру, кәдеге жарату және (немесе) өзге де тәсілмен жою тауарларды еркін қойманың кедендік рәсімімен орналастырған декларанттың есебінен жүргізіледі.

      Көму, залалсыздандыру, кәдеге жарату және (немесе) өзге де тәсілмен жою кеден органының, қоршаған ортаны қорғау саласындағы уәкілетті органы аумақтық бөлімшесі өкілдерінің және декларанттың қатысуымен көму, залалсыздандыру, кәдеге жарату және (немесе) өзге де тәсілмен жою еркін қойманың кедендік рәсімімен тауарды орналастыруға бақылауды жүзеге асырушы кеден органы құратын комиссияның қатысуымен жүргізіледі. Кедендік рәсімімен тауарды орналастыруға бақылауды жүзеге асырушы кеден органы қажет болған жағдайда өзге мемлекеттік органдардың мамандары мен тәуелсіз сарапшыларды тартуға құқылы.

      Тауарларды нақты көмуден, залалсыздандырудан, кәдеге жаратудан және (немесе) өзге де тәсілмен жоюдан кейін, мынадай негізгі мәліметтерден тұратын:

      көмудің, залалсыздандырудың, кәдеге жаратудың және (немесе) өзге де тәсілмен жоюдың күні мен орнын;

      еркін қойма кедендік рәсімін мәлімдеген адам туралы мәліметті;

      көму, залалсыздандыру, кәдеге жарату және (немесе) өзге де тәсілмен жою кезінде қатысқан адамдар туралы мәліметтерді;

      көмуілген, залалсыздандырған, кәдеге жаратқан және (немесе) өзге де тәсілмен жойылған тауарлардың атауларын, олардың өлшем бірлігіндегі санын;

      көмудің, залалсыздандырудың, кәдеге жаратудың және (немесе) өзге де тәсілмен жоюдың тәсілін уәкілетті орган бекіткен нысанға сәйкес көмудің, залалсыздандырудың, кәдеге жаратудың және (немесе) өзге де тәсілмен жоюдың актісі жасалады.

      Тауарларды көмудің, залалсыздандырудың, кәдеге жаратудың және (немесе) өзге де тәсілмен жоюдың актісі барлық комиссия мүшелерінің және қатысушы адамдардың қолымен расталады, үш данада ресімделеді: бірінші дана кеден органында сақталады; екінші дана қоршаған ортаны қорғау саласындағы уәкілетті мемлекеттік органының аумақтық бөлімшесіне беріледі; үшінші дана декларантта қалады.

      Тауарларды көму, залалсыздандыру, кәдеге жарату және (немесе) өзге де тәсілмен жою фактісі фото - және (немесе) бейне түсірілімдер қолданыла отырып тіркеледі, оның нәтижесі кеден органында сақталатын көму, залалсыздандыру, кәдеге жарату және (немесе) өзге де тәсілмен жою актісіне қоса тіркеледі.

      Еркін қойма кедендік рәсімі осы тармақшаның ережелерін ескере отырып, тауарларды нақты көмумен, залалсыздандырумен, кәдеге жаратумен және (немесе) өзге де тәсіл арқылы жоюмен аяқталады.

      2) еркін қойма кедендік рәсімімен орналастырылған тауарлар авария немес еңсерілмейтін күш салдарынан жойылған және (немесе) біржола жоғалғанда не тасудың (тасымалдаудың) және (немесе) сақтаудың қалыпты жағдайларында табиғи шығындалу нәтижесінде біржола жоғалғанда және осындай жойылу немесе біржола жоғалу фактісін уәкілетті орган бекіткен тәртіпте кеден органы таныған жағдайларда еркін қойма кедендік рәсімінің қолдануы, кедендік рәсімімен орналастырмастан аяқталады.

      Мұндай жағдайларда еркін қойманың кедендік рәсімін аяқтау тәртібін уәкілетті орган бекітеді.

      3) еркін қойманың кедендік рәсімімен орналастырылған тауарларды толық немесе ішінара жұмсау (тұтыну) (өндірістік шығындар), тауарларды дайындауға (алуға) қатысатын немесе жәрдемдесетін, тауарларды дайындау (алу) процесінде біржола жоғалған, өндірістік процестерді қамтамасыз ету, еркін қойма аумағында жабдықтарды, машиналар мен агрегаттарды күтіп ұстау және пайдалану, сондай-ақ жылжымайтын мүлік объектілерінің құрылысы мақсатында.

      Бұл реттееркін қойманың кедендік рәсімімен орналастырылған тауарлар, өндірістік шығындар санына сәйкес келетін және еркін қойманың кедендік рәсімімен орналастырылған тауарларды қайта өңдеу жөніндегі операцияларды жасаудың технологиялық процесіне, сондай-ақ оларды өндіру технологиясына сәйкес анықталатын бөлігінде осы Кодекстің 514-бабы 1-тармағының 5) тармақшасында көрсетілуі тиіс.

      Еркін қойманың кедендік рәсімін қолданылуды аяқтау тәртібі осы тармақшада көзделген жағдайда, уәкілетті орган айқындайды.

      8. Еркін қойма кедендік рәсімімен орналастырылған және еркін қойма кедендік рәсімімен орналастырылған, пайдалануға енгізілген және еркін қойманың иесі пайдаланатын жабдықтар немесе еркін қойманың аумағында жылжымайтын объектілерді құру үшін еркін қойманың иесі пайдаланған тауарлар және осындай жылжымайтын объектілердің құрамды бөлігі болып табылатын тауарларға қатысты еркін қойма кедендік рәсім қолданысы, көрсетілген тауарларды уәкілетті орган бекіткен тәртіпте кедендік рәсіммен орналастырмай аяқталады.

      Көрсетілген тауарлар еркін қойма кедендік рәсімін қолдану аяқталған күннен бастап Еуразиялық экономикалық одақтың тауарларының мәртебесін алады.

      9. Декларанттың еркін қойма кедендік рәсімімен орналастырылған тауарларды, еркін қойма кедендік рәсімімен орналастырылған тауарлардан жасалған (алынған) тауарларды иелену, пайдалану және (немесе) билік ету құқығын өзге тұлғаға берген кезде осы баптың 5-тармағы 1) тармақшасына сәйкес еркін қойма кедендік рәсімін қолдану аяқталады.

      10. Еркін қойма иесін тарату кезінде еркін қойма кедендік рәсім қолданысын аяқтау уәкілетті орган бекіткен тәртіпте жүзеге асырылады.


      297-бап. Еркін қойма кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы және тоқтатылуы, оларды төлеу мерзімдері және есептеу

      1. Еркін қойма кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарды, салықтарды, арнайы, демпингке қарсы, өтем баждарын төлеу жөніндегі міндет декларантта кеден органы тауарларға арналған декларацияны тіркеген кезден бастап, ал тауарларға арналған декларацияны бергенге дейін тауарларды шығару туралы өтінішті берген тұлғаға, тауарларға арналған декларацияны бергенге дейін шығаруға мәлімделген тауарларға қатысты – кеден органы тауарларға арналған декларацияны бергенге дейін тауарларды шығару туралы өтінішті тіркеген кезден бастап туындайды.

      2. Еркін қойма кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарына қатысты баждарды, салықтарды, арнайы, демпингке қарсы, өтем баждарын төлеу жөніндегі міндеттер декларантта мынадай мән-жайлар болған кезде:

      1) осы Кодекстің 296-бабының 4-тармағы 2) тармақшасының төртінші абзацында көрсетілген тауарларды экспорт кедендік рәсімімен орналастырумен еркін қойма кедендік рәсімінің қолданылуын аяқтауды қоспағанда, осы Кодекстің 296-бабына сәйкес еркін қойма кедендік рәсімінің қолданылуын аяқтау, оның ішінде осы баптың 4-тармағында көрсетілген мән-жайлар басталғаннан кейін;

      2) экспорт кедендік рәсімімен орналастырылған тауарларды осы Кодекстің 296-бабы 4-тармағының 2) тармақшасының төртінші абзацында көрсетілген Еуразиялық экономикалық одақтың кедендік аумағынан әкету;

      3) осы Кодекстің 207-бабы 7-тармағына сәйкес кедендік рәсіммен әрекеттері тоқтатылған, осындай кедендік рәсімдерді қолдану шеңберінде еркін қойма кедендік рәсімімен орналастырылған тауарлардан жасалған (алынған) тауарларды және (немесе) оларға еркін қойма кедендік рәсімінің әрекеттері тоқтатылғандарға қатысты, тауарларды орналастырылған;

      4) осы баптың 5-тармағына сәйкес төленуге жататын кедендік әкелу баждарын, салықтарды, арнайы, демпингке қарсы, өтем баждарын және (немесе) есептелген мөлшерде оларды өндіріп алу жөніндегі міндеттеме орындалған;

      5) осы Кодекске сәйкес мұндай жойылуға немесе біржолғы жоғалуға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайды қоспағанда, еркін қойма кедендік рәсімімен орналастырылған шетелдік тауарларды және (немесе) еркін қойма кедендік рәсімімен орналастырылған тауарлардан жасалған (алынған) тауарларды авария салдарынан немесе еңсерілмейтін күш әрекетінен жойылу және (немесе) біржолғы жоғалу фактісін не тасудың (тасымалдаудың) және (немесе) сақтаудың қалыпты жағдайларында табиғи шығындалу нәтижесінде осындай тауарлардың өтеусіз жоғалу фактісін уәкілетті орган бекіткен тәртіппен кеден органы тануы;

      6) тауарларға арналған декларацияны тауарларға арналған декларацияны бергенге дейін тауарларды шығару туралы өтінішті тіркеу туындаған кезінде, кедендік әкелудің баждарын, салықтарды, арнайы, демпингке қарсы, өтем баждарын төлеу жөніндегі міндеттемеге қатысты – еркін қойманың кедендік рәсіміне сәйкес тауарларды шығарудан бас тарту;

      7) тауарларға арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндеттемеге қатысты – осы Кодекстің 184-бабына сәйкес тауарларға арналған декларацияны қайтарып алу және (немесе) осы Кодекстің 192-бабының 4-тармағына сәйкес тауарларды шығаруды жою;

      8) Қазақстан Республикасының заңнамасына сәйкес тауарларды мемлекет меншігіне айналдыру немесе тәркілеу;

      9) осы Кодекстің 52-тарауына сәйкес кеден органының тауарларды ұстауы;

      10) қылмыстық құқық бұзушылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы (әкімшілік процесті жүргізу) іс жүргізу барысында алып қойылған немесе тыйым салынған және оларға қатысты, егер бұрын осындай тауарлар шығарылмаған болса, оларды қайтару туралы шешім қабылданған жағдайларда тауарларды уақытша сақтауға орналастыру немесе кедендік рәсімдердің біріне орналастыру тоқтатылады.

      3. Кедендік әкелу баждарын, баждарды, салықтарды, арнайы, демпингке қарсы, өтем баждарын төлеу жөніндегі міндет осы баптың 4-тармағында көрсетілген мән-жайлар туындаған кезде орындалуға тиіс.

      4. Кедендік әкелу баждарын, салықтар, арнайы, демпингке қарсы, өтемлық баждарды төлеу мерзімі көрсетілген жағдайлар туындаған кезде деп есептеледі:

      1) еркін қойма кедендік рәсімімен орналастырылған тауарларды және (немесе) еркін қойма кедендік рәсімімен орналастырылған шетелдік тауарлардан жасалған (алынған) тауарларды, осы Кодекстің 296-бабы 1-тармағының 2) тармақшасында көзделген жағдайларда мұндай тауарлар еркін қойма кедендік рәсімі аяқталмастан еркін қойманың аумағынан әкетуі мүмкін жағдайларды қоспағанда, еркін қойманың аумағынан осындай тауарларға қатысты еркін қойма кедендік рәсімі аяқталғанға дейін не осы Кодекстің 294-бабының 4-тармағында көрсетілген жағдайларда кеден органының рұқсатынсыз әкетілген жағдайда – еркін қойманың аумағынан әкету күні, ал егер бұл күн анықталмаса – еркін қойманың аумағынан осындай әкету фактісі анықталған күн;

      2) осы Кодекстің 294-бабының 8-тармағында көзделген жағдайларда, мұндай тауарлар берілуі мүмкін жағдайларды қоспағанда, еркін қойма кедендік рәсімімен орналастырылған тауарларды және (немесе) еркін қойма кедендік рәсімімен орналастырылған шетелдік тауарлардан жасалған (алынған) тауарларды осындай тауарларға қатысты еркін қойма кедендік рәсімі аяқталғанға дейін өзге тұлғаға берілген жағдайда – тауарларды беру күні, ал егер бұл күн анықталмаса – осындай беру фактісі анықталған күн;

      3) осы Кодекстің 294-бабы 4-тармағының 1 және 2) тармақшаларында көрсетілген жағдайларда еркін қойманың кедендік аумағынан әкетілген тауарлар осы Кодекстің 294-бабы 5-тармағының бірінші абзацына сәйкес кеден органы белгілеген мерзім аяқталғанға дейін еркін қойманың аумағына қайтарылмаған жағдайда – осы Кодекстің 294-бабы 5-тармағының бірінші абзацына сәйкес кеден органы белгілеген мерзім аяқталған күн;

      4) осы Кодекстің 294-бабы 4-тармағының 3) тармақшасында көрсетілген жағдайда еркін қойманың кедендік аумағынан әкетілген тауарларға қатысты, еркін қойма кедендік рәсімінің қолданылуы аяқталмаған жағдайда, осы Кодекстің 294-бабы 5-тармағының екінші абзацына сәйкес кеден органы белгілеген мерзім аяқталғанға дейін – осы мерзім аяқталған күн;

      5) осы Кодекстің 294-бабы 4-тармағының 4) тармақшасында көрсетілген жағдайда еркін қойманың аумағынан әкетілген тауарлар осы Кодекстің 288-бабы 5-тармағының үшінші абзацына сәйкес кеден органы белгілеген мерзім аяқталғанға дейін өзге еркін қойманың аумағында орналастырылмаған жағдайда – осы Кодекстің 294-бабы 5-тармағының үшінші абзацына сәйкес кеден органы белгілеген мерзім аяқталған күн;

      6) авария немесе еңсерілмейтін күштің әрекеті салдарынан не тасымалдаудың (тасымалдың) және сақтаудың және (немесе) пайдаланудың қалыпты жағдайлары кезінде табиғи кему нәтижесінде біржола жойылуын және (немесе) жоғалуын қоспағанда, еркін қойма кедендік рәсімімен орналастырылған шетелдік тауарларды және (немесе) еркін қойма кедендік рәсімімен орналастырылған шетелдік тауарлардан жасалған (алынған) тауарларды жоғалтқан жағдайда – тауарларды жоғалтқан күн, ал егер бұл күн анықталмаса – мұндай жоғалу фактісі анықталған күн;

      7) осы Кодекстің 296-бабы 1-тармағы 2) тармақшасының үшінші абзацында көрсетілген тауарларды көму, залалсыздандыру, кәдеге жарату және (немесе) өзге де тәсілмен жою фактісін растайтын, уәкілетті орган айқындаған құжаттарды кеден органына, ол белгілеген мерзімде ұсынылмаған жағдайда – мұндай тауарлар еркін қойманың аумағынан тыс жерлерге әкетілген күн;

      8) осы Кодекстің 296-бабы 4-тармағы 2) тармақшасының төртінші абзацында көрсетілген тауарларға қатысты экспорттық кедендік рәсімінің қолданылуын осы Кодекстің 219-бабы 5-тармағының үшінші абзацына сәйкес тоқтатылған жағдайда, осындай тоқтату кезінде еркін қойманың аумағындағы көрсетілген тауарларға қатысты экспорттық кедендік рәсімінің қолданылуының тоқтатылуын қоспағанда, – осы Кодекстің 219-бабы 5-тармағының бірінші абзацында белгіленген мерзім аяқталғаннан күннен кейінгі күн кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      5. Егер осы баптың 4-тармағында көрсетілген мән-жайлар еркін қойма кедендік рәсімімен орналастырылған шетелдік тауарларға қатысты басталған жағдайда, егер мұндай шетелдік тауарлар тарифтік преференцияларды және кедендік әкелу баждарын, салықтарды төлеу бойынша жеңілдіктер қолданылмай, ішкі тұтыну үшін шығарудың кедендік рәсімімен орналастырылған болса, кедендік әкелу баждары, салықтар, арнайы, демпингке қарсы, өтем баждары төленуге жатады.

      Егер осы баптың 4-тармағында көрсетілген мән-жайлар еркін қойма кедендік рәсімімен орналастырылған шетелдік тауарлардан жасалған (алынған) тауарларға қатысты басталған және осы Кодекстің 295-бабына сәйкес осындай тауарларда еркін қойма кедендік рәсімімен орналастырылған шетелдік тауарлар идентификатталған жағдайда, егер мұндай шетелдік тауарлар тарифтік преференцияларды және кедендік әкелу баждарын, салықтарды төлеу бойынша жеңілдіктер қолданылмай, ішкі тұтыну үшін шығару кедендік рәсімімен орналастырылған болса, еркін қойма кедендік рәсімімен орналастырылған және еркін қойма кедендік рәсімімен орналастырылған шетелдік тауарлардан жасалған (алынған) тауарларды дайындау үшін пайдаланылған шетелдік тауарларға қатысты кедендік әкелу баждары, салықтар, арнайы, демпингке қарсы, өтем баждары төленуге жатады.

      Осы тармақтың бірінші және екінші абзацтарында көрсетілген жағдайларда, кедендік әкелу баждары, салықтар, арнайы, демпингке қарсы, өтем баждары үшін еркін қойманың кедендік рәсімімен тауарларды орналастыру үшін берілген, тауарларға арналған декларацияны кеден органы тіркеу күніне қолданыстағы кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады, ал шығару тауарларға арналған декларацияны бергенге дейін еркін қойма кедендік рәсімімен оларды орналастыру кезінде жүргізілген тауарларға қатысты, – тауарларға арналған декларация бергенге дейін тауарларды шығару туралы өтінішті кеден органы тіркеген күнінен есептеледі.

      6. Егер осы баптың 4-тармағында көрсетілген мән-жайлар еркін қойма кедендік рәсімімен орналастырылған шетелдік тауарлардан жасалған (алынған) тауарларға қатысты басталған және осындай тауарларда осы Кодекстің 295-бабына сәйкес еркін қойма кедендік рәсімімен орналастырылған шетелдік тауарлар идентификатталмаған жағдайда, егер еркін қойма кедендік рәсімімен орналастырылған шетелдік тауарлардан жасалған (алынған) мұндай тауарлар тарифтік преференцияларды және кедендік әкелу баждарын, салықтарды төлеу бойынша жеңілдіктер қолданылмай ішкі тұтыну үшін шығарудың кедендік рәсімімен орналастырылған болса, кедендік әкелу баждары, салықтар, арнайы, демпингке қарсы, өтем баждары төленуге жатады.

      Көрсетілген жағадайларда кедендік әкелу баждары, салықтар, арнайы, демпингке қарсы, өтем баждары осы Кодекстің 8 және 13-тарауларына сәйкес есептеледі.

      Кедендік әкелу баждарын, салықтар, арнайы, демпингке қарсы, өтем баждарын есептеу үшін, еркін қойманың кедендік рәсімімен орналастырылған шетелдік тауарлардан жасалынған (алынған) тауарларға қатысты осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыстағы, кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер тауарлардың кедендік құнын айқындау үшін, сондай-ақ кедендік әкелу баждарын, салықтарды, арнайы, демпингке қарсы, өтем баждарын есептеу үшін шетел валютасын Қазақстан Республикасының ұлттық валютасында қайта есептеу талап етілген жағдайда, осындай қайта есептеу осы баптың 4-тармағына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып табылатын күні қолданыста болатын валюта бағамы бойынша жүргізіледі.

      Егер кеден органында тауарлар туралы нақты мәліметтер (сипаты, атауы, мөлшері, шығу жері және (немесе) кедендік құны) болмаған жағдайда, төленуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін база кеден органының қолда бар мәліметтерінің негізінде айқындалады, тауарларды сыныптау осы Кодекстің 40-бабының 4-тармағы ескеріле отырып жүзеге асырылады.

      Егер тауардың коды Сыртқы экономикалық қызметтің тауар номенклатурасына сәйкес оннан кем белгі санымен топтау деңгейінде айқындалған жағдайда:

      кедендік әкелу баждарын есептеу үшін осындай топқа кіретін тиісті тауарларға кедендік баждар мөлшерлемелерінің ең үлкені қолданылады;

      осындай топқа кіретін тиісті тауарларға, оларға қатысты кедендік баж мөлшерлемелерінің ең үлкені белгіленген, салықтарды есептеу үшін қосылған құн салығының ең үлкен мөлшерлемелерді, акциздер (акциздік салық немесе акциздік алым) мөлшерлемелерінің ең үлкені қолданылады;

      осындай топқа кіретін тиісті тауарларға, оған қатысты кедендік баж мөлшерлемелерінің ең үлкені белгіленген, арнайы, демпингке қарсы, өтем баждарын есептеу үшін арнайы, демпингке қарсы, өтем баждары мөлшерлемелерінің ең үлкені қолданылады;

      осындай топқа кіретін тиісті тауарларға, осы тармақтың оныншы абзацын есепке ала отырып, арнайы, демпингке қарсы, өтем баждарын есептеу үшін арнайы, демпингке қарсы, өтем баждары мөлшерлемелерінің ең үлкені қолданылады;

      Арнайы, демпингке қарсы, өтем баждары, осы Кодекстің 5-тарауына сәйкес расталған тауарлардың шығу және (немесе) көрсетілген баждарды айқындау үшін қажетті өзге де мәліметтер негізге алына отырып есептеледі. Егер тауарлардың шығу және (немесе) көрсетілген баждарды айқындау үшін қажетті өзге де мәліметтер расталмаған жағдайда, егер тауарды не топқа кіретін тауарларды сыныптау он белгі деңгейінде жүзеге асырылса, егер тауарлардың коды Сыртқы экономикалық қызметтің тауар номенклатурасына сәйкес оннан кем белгі санымен топтау деңгейінде айқындалса, арнайы, демпингке қарсы, өтем баждары Сыртқы экономикалық қызметтің тауар номенклатурасының сол кодының тауарларына қатысты белгіленген арнайы, демпингке қарсы, өтем баждарының ең үлкен мөлшерлемелеріне негізделе отырып есептеледі.

      Тауарлар туралы нақты мәліметтердің салдарын белгілеген кезде, кедендік әкелу баждары, салықтар, арнайы, демпингке қарсы, өтем баждары осындай нақты мәліметтер негізге алына отырып есептеледі, кедендік әкелу баждарының, салықтардың, арнайы, демпингке қарсы, өтем баждарының артық төленген және (немесе) артық өндіріп алынған сомаларын қайтару (есепке жатқызу) осы Кодекстің 11-тарауына және 141-бабына сәйкес жүзеге асырылады, не осы Кодекстің 87 және 137-баптарына сәйкес әрекеттер және осы Кодекстің 12-тарауына және 142-бабына сәйкес төленбеген сомаларын өндіріп алу жүзеге асырылады.

      7. Осы баптың 5-тармағына сәйкес төленетін (өндіріп алынатын) кедендік әкелу баждарының, салықтардың, арнайы, демпингке қарсы, өтем баждарының сомаларынан, егер көрсетілген сомаларға қатысты еркін қойма кедендік рәсімімен орналастырылған күннен бастап кедендік әкелу баждарын, салықтарды, арнайы, демпингке қарсы, өтем баждарын төлеу мерзімі аяқталған күні аралығында оларды төлеудің мерзімін кейінге қалдыру ұсынылған болса, пайыздары төленуге тиіс. Көрсетілген пайыздар осы Кодекстің 93-бабына сәйкес есептеледі және төленеді.

      8. Еркін қойма кедендік рәсімінің қолданылуын аяқтаған жағдайда не экспорт кедендік рәсімімен орналастырылған тауарлар осы Кодекстің 296-бабы 4-тармағы 2) тармақшасының төртінші абзацында көрсетілген Еуразиялық экономикалық одақтың кедендік аумағынан әкетілген не шетелдік тауарларға қолданылатын, осы Кодекстің 207-бабының 7-тармағына сәйкес орналастырылған, не кеден органдары осы Кодекстің 52-тарауына сәйкес осындай тауарларды ұстаған кедендік баждарды, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толығымен немесе ішінара) жөніндегі міндет орындалғаннан кейінгі жағдайда, осы бапқа сәйкес төленген және (немесе) өндіріп алынған кедендік баждардың, салықтардың, арнайы, демпингке қарсы, өтем баждарының сомалары, осы Кодекстің 11-тарауына және 141-бабына сәйкес есепке жатқызылуға (қайтарылуға) жатады.


      298-бап. Еркін қойма кедендік рәсімімен орналастырылған тауарларды және еркін қойма кедендік рәсімімен орналастырылған шетелдік тауарлардан жасалған (алынған) тауарларды жекелеген кедендік рәсімдермен орналастыру кезінде, кедендік әкелудің баждарын, салықтарды, арнайы демпингке қарсы, өтем баждарын есептеудің және төлеудің ерекшеліктері

      1. Еркін қойма кедендік рәсімімен орналастырылған және еркін қойманың аумағында тауарларды қайта өңдеу операцияларына ұшырамаған, еркін қойма кедендік рәсімімен орналастырылған шетелдік тауарларды ішкі тұтыну үшін шығарудың кедендік рәсімімен орналастырған кезде кедендік әкелу баждарына, салықтарға, арнайы демпингке қарсы және өтем баждарына тауарларды еркін қойма кедендік рәсімімен орналастыру үшін берілген тауарларға арналған кеден органы декларацияны тіркеу күні қолданыстағы кедендік әкелу баждарының, салықтардың, арнайы демпингке қарсы және өтем баждарының мөлшерлемелері қолданылады, еркін қойма кедендік рәсімімен оларды орналастыру кезінде жүргізілген тауарларға қатысты, – осы тармақтың екінші абзацында көрсетілген жағдайларды қоспағанда, тауарларға арналған декларацияны бергенге дейін тауарларды шығару туралы өтінішті кеден органы тіркеген күніне есептеледі.

      Еркін қойма кедендік рәсімімен орналастырылған, пайдалануға берілген және осы Кодекстің 294-бабының 1-тармағында көзделген операцияларды жасау үшін еркін қойма иесі пайдаланатын жабдықты ішкі тұтыну үшін шығарудың кедендік рәсімімен орналастыру кезінде кедендік әкелу баждары, салықтар, арнайы демпингке қарсы және өтем баждарын есептеу үшін, өтем баждарының мөлшерлемері кеден органы жабдықты ішкі тұтыну үшін шығару кедендік рәсімімен орналастыру үшін берілген тауарларға арналған декларацияны тіркеген күні қолданыста болған валюта бағамы қолданылады.

      2. Еркін қойма кедендік рәсімімен орналастырылған шетелдік тауарлардан жасалған (алынған) тауарларды осы Кодекстің 207-бабы 2-тармағының 1), 5), 7), 10) және 14) тармақшаларында көрсетілген кедендік рәсімдермен орналастыру кезінде:

      1) осы Кодекстің 295-бабына сәйкес жүзеге асырылатын көрсетілген тауарларда еркін қойма кедендік рәсімімен орналастырылған шетелдік тауарларды идентификаттаған жағдайда, кедендік әкелу баждары, салықтар, арнайы, демпингке қарсы, өтем баждары еркін қойма кедендік рәсімімен орналастырған және еркін қойма кедендік рәсімімен орналастырылған шетелдік тауарлардан жасалған (алынған) тауарларды дайындау кезінде пайдаланылған шетелдік тауарларға қатысты есептеледі. Бұл ретте кедендік әкелу баждары, салықтар, арнайы, демпингке қарсы және өтем баждарын есептеу үшін тауарларды еркін қойма кедендік рәсімімен орналастыру үшін берілген тауарларға арналған декларацияны кеден органы тіркеген күні қолданыста болған кедендік әкелу баждарының, салықтардың, арнайы, демпингке қарсы, өтем баждарының мөлшерлемері және валюта бағамы, ал шығару тауарға арналған декларацияны бергенге дейін, еркін қойма кедендік рәсімімен оларды орналастыру кезінде жүргізілген тауарларға қатысты, – тауарларға арналған декларацияны бергенге дейін тауарларды шығару туралы өтінішті кеден органы тіркеген күніне қолданылады;

      2) еркін қойма кедендік рәсімімен орналастырылған шетелдік тауарлардан дайындалған (алынған) тауарларға қатысты кеден органы тауарларға арналған декларацияны тіркеген күні осы Кодекстің 295-бабына сәйкес жүзеге асырылатын еркін қойманың кедендік рәсімімен орналастырған шетелдік тауарлардан дайындалған (алынған) тауарларда еркін қойманың кедендік рәсімімен орналастырылған шетелдік тауарларды идентификаттау болмаған кезде кедендік әкелу баждары, салықтар еркін қойманың кедендік рәсімімен орналастырылған шетелдік тауарлардан дайындалған (алынған) тауарларға қатысты есептеледі. Бұл ретте осы Кодекстің 207-бабы 2-тармағының 1), 5), 7), 10) және 14) тармақшаларында көрсетілген кедендік рәсіммен орналастыру үшін берілген тауарларға арналған декларацияны кеден органы тіркеген күні қолданыста болған, кедендік әкелу баждары, салықтар есептеу үшін, кедендік әкелу баждары, салықтар мөлшерлемелері қолданылады. Бұл жағдайда адвалорлық мөлшерлеме бойынша кедендік әкелу баждарын есептеу үшін еркін қойманың кедендік рәсімімен орналастырылған шетелдік тауарлардан дайындалған (алынған) тауарлардың есептік құны база болып табылады, оны айқындау тәртібін Комиссия белгілейді.

      3. Еркін қойма кедендік рәсімімен орналастырылған шетелдік тауарлардан дайындалған (алынған) тауарларға қатысты еркін қойма кедендік рәсімін аяқтау кезінде осы Кодекстің 296-бабы 10-тармағына сәйкес кедендік әкелу баждары, салықтар еркін қойма кедендік рәсімімен орналастырылған шетелдік тауарлардан дайындалған (алынған) тауарларға қатысты есептеледі. Бұл ретте кедендік әкелу баждары, салықтар, есептеу үшін кедендік әкелу баждары мен салықтардың мөлшерлемелері осы Кодекстің 207-бабы 2-тармағының 1), 5), 7), 10) және 14) тармақшаларында көрсетілген кедендік рәсімдерге орналастыру үшін берілген тауарға арналған декларацияны кеден органы тіркелген күніне қолданылады.

      4. Егер кедендік әкелу баждарын, салықтар, арнайы, демпингке қарсы, өтем баждарын есептеу үшін осы баптың 1 – 3-баптарында көрсетілген жағдайларда, шетелдік валютаны Қазақстан Республикасының ұлттық валютасында қайта есептеу жүргізу талап етіледі, ондай қайта есептеу әрбір жағдай үшін белгіленген кедендік әкелу баждарының, салықтар, арнайы, демпингке қарсы, өтем баждарының мөлшерлемелерін қолдану күні қолданыста болған валюта бағамы бойынша жүргізіледі.


      299-бап. Еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін айқындау

      1. Егер еркін қойма кедендік рәсімімен орналастырылған шетелдік тауарлардан дайындалған (алынған) тауарлар Еуразиялық экономикалық одақтың кедендік аумағынан әкетілген жағдайда, мұндай тауарлардың мәртебесі жеткілікті қайта өңдеу өлшемшарттарына сәйкес айқындалады, олар:

      1) тауарлар кодының Сыртқы экономикалық қызметтің тауар номенклатурасына сәйкес кез келген алғашқы төрт белгі деңгейінде өзгеруінен;

      2) пайдаланылатын материалдар құнының пайыздық үлесі немесе қосылған құны түпкілікті өнімнің бағасындағы белгіленген үлеске жеткен кезде, тауарлар құнының өзгеруінен (адвалорлық үлес қағидасы);

      3) тауарларды Еуразиялық экономикалық одақтың тауарлары деп тану үшін жеткілікті өндірістік және технологиялық операцияларды жасаудың қажетті шарттарын орындаудан көрінуі мүмкін.

      2. Еуразиялық экономикалық одақтың кедендік аумағынан әкету мақсаттары үшін, еркін қойма кедендік рәсімімен орналастырылған шетелдік тауарлардан дайындалған (алынған) тауарлар, егер тауарлары дайындау (алу) жөніндегі операцияларды жасау нәтижесінде мына шарттардың бірі орындалса:

      1) осы баптың 3-тармағында көрсетілген жағдайларды қоспағанда, тауарлардың коды Сыртқы экономикалық қызметтің тауар номенклатурасына сәйкес кез келген алғашқы төрт белгі деңгейінде өзгергенде;

      2) осы баптың 3-тармағында көрсетілген жағдайларды қоспағанда, еркін қойма кедендік рәсімімен орналастырылған шетелдік тауарлар құнының пайыздық үлесі түпкілікті өнімнің бағасында белгіленген үлестен аспаса немесе қосылған құны түпкілікті өнімнің бағасындағы белгіленген үлеске жетсе;

      3) осы баптың 3-тармағынның бірінші абзацында көрсетілген жағдайларды қоспағанда, тауарларға қатысты еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақтың тауарлары деп тану үшін жеткілікті шарттар орындалса, өндірістік және технологиялық операциялар жасалса, Еуразиялық экономикалық одақтың тауарлары деп танылады.

      3. Еркін қойма кедендік рәсімімен орналастырылған шетелдік тауарлардан дайындалған (алынған) тауарлар, егер осындай тауарларға қатысты өзге шарттардың орындалуына қарамастан, жеткілікті қайта өңдеу өлшемшарттарына сай келмейтін операциялар ғана жүзеге асырылса, Еуразиялық экономикалық одақтың тауарлары деп танылмайды.

      Сыртқы экономикалық қызметтің тауар номенклатурасына сәйкес кез келген алғашқы төрт белгі деңгейінде тауарлар кодының өзгеруі және адвалорлық үлес қағидасы, егер еркін қойма кедендік рәсімімен орналастырылған шетелдік тауарлардан дайындалған (алынған) тауарларға қатысты еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақтың тауарлары деп тану үшін жеткілікті шарттардың, өндірістік және технологиялық операциялардың тізбесі айқындалған жағдайда, еркін қойма кедендік рәсімімен орналастырылған шетелдік тауарлардан дайындалған (алынған) тауарларды жеткілікті қайта өңдеу өлшемшарттары ретінде қолданылмайды.

      4. Еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақтың тауарлары деп тану үшін жеткілікті шарттардың, өндірістік және технологиялық операциялардың тізбесін, сондай-ақ жасалуы еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін айқындау кезінде жеткілікті қайта өңдеу өлшемшарттарына сай келмейтін операциялар тізбесін Комиссия айқындайды.

      5. Еркін қойма кедендік рәсімімен орналастырылған шетелдік тауарлардан дайындалған (алынған) тауарларды жеткілікті қайта өңдеу өлшемшарттары ретінде адвалорлық үлес қағидасын пайдалану тәртібін Комиссия айқындайды.

      Адвалорлық үлес қағидасы еркін қойма кедендік рәсімімен орналастырылған, Еуразиялық экономикалық одақтың тауарларын жөндеу жөніндегі операцияларды жасау кезінде жеткілікті қайта өңдеу өлшемшарттары ретінде пайдаланылмайды.

      6. Еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін осындай Еуразиялық экономикалық одақтың уәкілетті мемлекеттік органы немесе уәкілетті ұйымы айқындайды.

      7. Еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін растайтын құжат ретінде Еуразиялық экономикалық одаққа мүше мемлекеттің уәкілетті мемлекеттік органы немесе уәкілетті ұйымдармен еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақтың тауарлары деп тану туралы қорытындыны немесе еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақтың тауарлары болып табылмайды деп тану туралы қорытынды береді.

      Көрсетілген қорытындылардың нысандарын, мұндай қорытындылардың электрондық құжаттар түріндегі құрылымы мен форматын, оларды толтыру тәртібін, сондай-ақ оларды беру және қолдану тәртібін Комиссия айқындайды.

      8. Еркін қойма кедендік рәсімімен орналастырылған шетелдік тауарлардан дайындалған (алынған) тауарлардың мәртебесін растайтын құжат болмаған, жойылған немесе жарамсыз деп танылған кезде мұндай тауарлар еркін қойма кедендік рәсімі аяқталған кезде – оларды Еуразиялық экономикалық одақтың кедендік аумағынан әкету мақсатында Еуразиялық экономикалық одақтың тауарлары ретінде, ал өзге мақсаттарда шетелдік тауар ретінде қаралады.

31-тарау. Уақытша әкелу (жіберу) кедендік рәсімі

      300-бап. Уақытша әкелу (жіберу) кедендік рәсімінің мазмұны және қолданылуы

      1. Уақытша әкелу (жіберу) кедендік рәсімі –шетелдік тауарларға, оған сәйкес, тауарларды осы кедендік рәсімімен орналастыру және оларды, ішінара әкелу кедендік баждарын, салықтарды төлей отырып және арнайы, демпингке қарсы, өтем баждарын төлемей не әкелу кедендік баждарын, салықтарды төлемей және арнайы, демпингке қарсы, өтем баждарын төлемей пайдалану шарттары сақталған кезде Еуразиялық экономикалық одақтың аумағында уақытша болатын және пайдаланылатын тауарларға қатысты қолданылатын кедендік рәсім.

      2. Уақытша әкелу (жіберу) кедендік рәсімімен орналастырылған тауарлар (бұдан әрі осы тарауда – уақытша әкелінген тауарлар) шетелдік тауарлар мәртебесін сақтайды.

      3. Еуразиялық экономикалық одақтың кедендік аумағында уақытша болуы мен пайдалануы уақытша әкелу (жіберу) кедендік рәсіміне сәйкес әкелу кедендік баждарын және салықтарды төлеместен жол берілетін тауарлар санаттарын, осындай уақытша болу және пайдалану шарттарын, сондай-ақ осындай уақытша болу және пайдаланудың шекті мерзімдерін Комиссия және (немесе) Қазақстан Республикасының халықраралық шарттарында айқындайды.

      4. Уақытша әкелу (жіберу) кедендік рәсімі мынадай тауарлар санаттарына:

      1) оларды Еуразиялық экономикалық одақтың кедендік аумағына жарнамалық және (немесе) көрсету мақсатында немесе көрме жәдігерлері не өнеркәсіп үлгілері ретінде бірлі-жарым даналарда әкелу жағдайларын қоспағанда, алкоголь, темекі және темекі бұйымдарын, шикізат пен жартылай фабрикаттарды, жұмсалатын материалдар мен үлгілерді қоса алғанда, тамақ өнімдеріне, сусындарға;

      2) қалдықтарға, оның ішінде өнеркәсіп қалдықтарына;

      3) Еуразиялық экономикалық одақтың кедендік аумағына әкелуге тыйым салынған тауарларға қатысты қолданылмайды.

      5. Бұрын кеден аумағында қайта өңдеу кедендік рәсімімен орналастырылған тауарларды өңдеу өнімдерін осы кедендік рәсімімен орналастыру арқылы кеден аумағында қайта өңдеу кедендік рәсімінің қолданысын тоқтата тұру үшін уақытша әкелу (жіберу) кедендік рәсімін қолдануға жол беріледі.  


      301-бап. Тауарларды уақытша әкелу (жіберу) кедендік рәсімімен орналастыру және оларды осындай кедендік рәсімге сәйкес пайдалану шарттары

      1. Тауарларды уақытша әкелу (жіберу) кедендік рәсімімен орналастыру:

      1) осы кедендік рәсімді аяқтау мақсатында оларды кейін кедендік рәсімімен орналастырған кезде уақытша әкелу (жіберу) кедендік рәсімімен орналастырылған тауарларды идентификаттау мүмкіндігі:

      Қазақстан Республикасының халықаралық шарттарына сәйкес уақытша әкелінген тауарларды ауыстыруға жол берілген кездегі жағдайларда тауарларды идентификаттау талап етілмейді;

      2) осы Кодекстің 300-бабының 3-тармағына сәйкес Еуразиялық экономикалық одақтың кедендік аумағында тауарлардың уақытша әкелу (жіберу) кедендік рәсіміне сәйкес әкелу кедендік баждарын, салықтарды төлемей уақытша болуына және пайдаланылуына жол берілетін жағдайды қоспағанда, осы Кодекстің 304-бабына сәйкес әкелу кедендік баждарын, салықтарды ішінара төлеу;

      3) егер мұндай шарттарды осы Кодекстің 300-бабының 3-тармағына сәйкес Комиссия айқындаса және (немесе) Қазақстан Республикасының халықаралық шарттарында көзделсе, тауарлардың уақытша әкелу (жіберу) кедендік рәсіміне сәйкес әкелу кедендік баждарын, салықтарды төлемей уақытша болуы және пайдаланылуы шарттарын сақтау;

      4) осы Кодекстің 8-бабына сәйкес тыйым салулар мен шектеулерді сақтау болып табылады.

      2. Тауарларды уақытша әкелу (жіберу) кедендік рәсіміне сәйкес пайдалану шарттары:

      1) кеден органы белгілеген, уақытша әкелу (жіберу) кедендік рәсімінің қолданылу мерзімін сақтау;

      2) осы Кодекстің 303-бабында белгіленген уақытша әкелінген тауарларды иелену және пайдалану бойынша шектеулерді сақтау;

      3) осы Кодекстің 300-бабының 3-тармағына сәйкес Еуразиялық экономикалық одақтың кедендік аумағында тауарлардың уақытша әкелу (жіберу) кедендік рәсіміне сәйкес әкелу кедендік баждарын, салықтарды төлемей уақытша болуына және пайдаланылуына жол берілетін жағдайды қоспағанда, осы Кодекстің 304-бабына сәйкес әкелу кедендік баждарын, салықтарды ішінара төлеу;

      4) егер мұндай шарттарды осы Кодекстің 300-бабының 3-тармағына сәйкес Комиссия айқындаған және (немесе) Қазақстан Республикасының халықаралық шарттарында көзделген, тауарлардың уақытша әкелу (жіберу) кедендік рәсіміне сәйкес әкелу кедендік баждарын, салықтарды төлемей уақытша болу және пайдаланылу шарттарын сақтау болып табылады.


      302-бап. Уақытша әкелу (жіберу) кедендік рәсімінің қолданылу мерзімі

      1. Уақытша әкелу (жіберу) кедендік рәсімінің қолданылу мерзімі тауарлар уақытша әкелу (жіберу) кедендік рәсімімен орналастырылған күннен бастап екі жылдан не осы баптың 2-тармағына сәйкес Комиссия айқындаған мерзімнен аспауы мүмкін.

      2. Оларды Еуразиялық экономикалық одақтың кедендік аумағына әкелу мақсатына қарай жекелеген тауарлардың санаттары үшін Комиссия екі жылға қарағанда неғұрлым қысқа немесе неғұрлым ұзақ уақытша әкелу (жіберу) кедендік рәсімінің қолданылу мерзімін айқындауға құқылы.

      3. Тауарларды уақытша әкелу (жіберу) кедендік рәсімімен орналастыру кезінде кеден органы декларанттың өтініші негізінде, тауарларды Еуразиялық экономикалық одақтың кедендік аумағына әкелу мақсатына және мән-жайларына қарай, осы баптың 4-тармағын ескере отырып, осы баптың 1-тармағында көзделген мерзімнен немесе осы баптың 2-тармағына сәйкес Комиссия айқындаған мерзімнен аса алмайтын мерзімді белгілейді.

      4. Кеден органы белгілеген, тұлғаның өтініші бойынша тауарларды кедендік рәсіммен орналастыру жүргізілген кеден органына уақытша әкелу (жіберу) кедендік рәсімінің қолданылу мерзімі осы мерзім өткенге дейін не ол өткеннен кейін бір айдан кешіктірілмей, осы баптың 1-тармағында көзделген осы кедендік рәсімнің қолданылу мерзімі шегінде немесе осы баптың 2-тармағына сәйкес Комиссия айқындаған осы кедендік рәсімнің қолданылу мерзіміне ұзартылуы мүмкін.

      Уақытша әкелу (жіберу) кедендік рәсімінің қолданылу мерзімін ұзарту туралы өтінішті қарау мерзімі өтінішіті кеден органында тіркелген күннен бастап он жұмыс күнінен аса алмайды. Көрсетілген мерзімге кедендік рәсімнің қолданылуы тоқтатыла тұрады.

      Уақытша әкелу (жіберу) кедендік рәсімінің қолданылу мерзімін ұзартуды осы баптың 1-тармағында көзделген немесе осы баптың 2-тармағына сәйкес Комиссия айқындаған осы кедендік рәсімнің қолданылу мерзімі шегінде кеден органы жүзеге асырады.

      Кеден органы уақытша әкелу (жіберу) кедендік рәсімінің қолданылу мерзімін ұзарту туралы шешім қабылдаған жағдайда көрсетілген мерзім осындай шешім қабылданған күнге қарамастан, алдыңғы мерзім аяқталған күннен бастап ұзартылады. Бұл жағдайда, кеден органының лауазымды тұлғасы, уақытша әкелу (жіберу) кедендік рәсімінің қолданылу мерзімін ұзарту туралы және тауарларға арналған декларацияға осындай өзгерістер енгізілетіні туралы декларантқа хабарлай отырып, тауарларға арналған декларацияға тиісті өзгерістерді енгізеді.

      Кеден органы белгілеген уақытша әкелу (жіберу) кедендік рәсімінің қолданылу мерзімі ұзартылған кезде ол өткеннен кейін мұндай кедендік рәсімнің қолданылу мерзімі осы кедендік рәсімнің қолданысы тоқтатылған күннен бастап қайтадан жаңартылады.

      5. Кеден органы белгілеген уақытша әкелу (жіберу) кедендік рәсімінің қолданылу мерзімін ұзартудан бас тарту туралы шешімді кеден органы декларант осы Кодекстің 301-бабының 2-тармағында көзделген уақытша әкелу (жіберу) кедендік рәсіміне сәйкес тауарларды пайдалану шарттарын сақтамаған жағдайда қабылдайды. Көрсетілген жағдайда кеден органының лауазымды тұлғасы декларантқа мұндай бас тартудың себептерін көрсете отырып, кеден органының уақытша әкелу (жіберу) кедендік рәсімінің қолданылу мерзімін ұзартудан бас тарту туралы шешімін жібереді.

      Уақытша әкелу (жіберу) кедендік рәсімінің қолданылу мерзімін ұзартудан бас тартқан жағдайда, кеден органы мерзімін ұзартудан бас тарту туралы шешім қабылдаған күннен бастап он бес жұмыс күні ішінде мұндай кедендік рәсіммен орналастырылған тауарлар өзге кедендік рәсіммен орналастырылуға жатады. Өзге кедендік рәсіммен орналастырылмаған тауарларды көрсетілген мерзімде уақытша әкелу (жіберу) кедендік рәсімін аяқтау не тоқтата тұру мақсатында осы Кодекстің 52-тарауына сәйкес кеден органы кідіртеді.

      6. Декларант кеден органы белгілеген уақытша әкелу (жіберу) кедендік рәсімінің қолданылу мерзімін ұзарту туралы өтініш берген кезде кедендік қарау актісін жасай отырып, кеден органы өзгермеген күйінде тауарлардың болуын анықтау мақсатында кедендік қарауды жүргізуі тиіс. Тауарлар тауарларды кедендік рәсіммен орналастыру жүргізілген кеден органының қызметі аймағынан тыс жерде болған жағдайда, көрсетілген тауарлар қызметі аймағында тұрған кеден органы кедендік қарау актісін жасайды.

      Тауарлар тауарларды кедендік рәсіммен орналастыру жүргізілген кеден органының қызметі аймағынан тыс жерде болған жағдайда, осы баптың 4-тармағының екінші абзацында көрсетілген уақытша әкелу (жіберу) кедендік рәсімінің қолданылу мерзімін ұзарту туралы өтінішті қарау мерзімі он жұмыс күніне ұзартылады.

      7. Еуразиялық экономикалық одақтың кедендік аумағында тұрған шетелдік тауарларға қатысты уақытша әкелу (жіберу) кедендік рәсімі бірнеше рет қолданылған, оның ішінде бұл тауарлардың декларанттары әртүрлі адамдар болған кезде уақытша әкелу (жіберу) кедендік рәсімі қолданылуының жалпы мерзімі осы баптың 1-тармағында көзделген мерзімнен немесе осы баптың 2-тармағына сәйкес Комиссия айқындаған мерзімнен асуы мүмкін емес.


      303-бап.  Уақытша әкелінген тауарларды иелену және пайдалану бойынша шектеулер

      1. Уақытша әкелінген тауарлар табиғи тозу немесе тасудың (тасымалдаудың) және (немесе) сақтаудың қалыпты жағдайы кезіндегі табиғи кему салдарынан болған өзгерістерден басқа, өзгеріссіз күйінде қалуға тиіс.

      Осы Кодекстің 305-бабының 1 және 2-тармақтарына сәйкес уақытша әкелу (жіберу) кедедік рәсімін жасаған кезде кеден органы тауарларды идентификаттауды қамтамасыз еткен кезде уақытша әкелінген тауарлармен оларды сақтауды қамтамасыз ету үшін қажет (күрделі жөндеуді, жаңғыртуды қоспағанда) операцияларды жасауға, техникалық қызмет көрсетуге және тауарларды қалыпты жағдайда ұстау үшін қажет басқа да операцияларды жасауға жол беріледі.

      Уақытша әкелінген тауарлармен сынақтар жүргізуге, зерттеуге, тестілеулерге, тексерулерге, тәжірибелер немесе эксперименттер жүргізуге не оларды сынақтар, зерттеулер, тестілеулер, тексерулер, тәжірибелер немесе эксперименттер жүргізу барысында пайдалануға жол беріледі.

      2. Уақытша әкелінген тауарлар, осы баптың 3 және 4-тармақтарына сәйкес оларды өзге тұлғалардың иеленуіне және пайдалануына жол берілетін жағдайларды қоспағанда,  декларанттың іс жүзінде иелегінде және пайдалануында болуы тиіс.

      3. Декларанттың кеден органының рұқсатынсыз өзге тұлғаларға:

      1) Еуразиялық экономикалық одақтың кедендік аумағына әкелінген тауарларды орауға және қорғауға арналған, уақытша әкелінген көп айналымды (қайтарымды) ыдысты;

      2) оларға техникалық қызмет көрсету, жөндеу (күрделі жөндеуді, жаңғыртуды қоспағанда), сақтау, тасу (тасымалдау) мақсатында уақытша әкелінген тауарларды;

      3) сынақтар жүргізуге, зерттеуге, тестілеулерге, тексерулерге, тәжірибелер немесе эксперименттер жүргізу мақсатында уақытша әкелінген тауарларды;

      4) Комиссия айқындайтын және (немесе) Қазақстан Республикасының халықаралық шарттарында көзделген жағдайларда өзге де мақсаттарда уақытша әкелінген тауарларды өзге тұлғалардың иеленуіне және пайдалануына беруіне жол беріледі.

      4. Осы баптың 3-тармағында белгіленгеннен өзге жағдайларда, декларанттың уақытша әкелінген тауарларды өзге тұлғалардың иеленуіне және пайдалануына кеден органының рұқсатымен не кеден органына хабарлағаннан кейін Комиссия айқындаған жағдайларда, тәртіппен және мерзімдерде жол беріледі.

      5. Уақытша әкелінген тауарларды өзге тұлғалардың иеленуіне және пайдалануына беруге кеден органының рұқсатын алу мақсатында декларант кедендік рәсіммен орналастыру жүргізілген кеден органына уақытша әкелінген тауарларды беру себептері мен осы тұлға туралы мәліметтерді көрсете отырып, өтініш береді.

      6. Уақытша әкелінген тауарларды өзге тұлғалардың иеленуіне және пайдалануына беру осы тауарлардың декларантын осы тарауда белгіленген уақытша әкелу (жіберу) кедендік рәсіміне сәйкес тауарларды пайдаланудың өзге де шарттарын сақтаудан босатпайды, сондай-ақ уақытша әкелу мерзімін тоқтата тұрмайды және ұзартпайды.

      7. Уақытша әкелу (жіберу) кедендік рәсімі әкелу кедендік баждарын, салықтарды төлемей қолданылатын, осы Кодекстің 300-бабының 3-тармағына сәйкес Комиссия айқындаған және (немесе) Қазақстан Республикасының халықаралық шарттарында көзделген тауарлар, егер Комиссия өзгеше айқындамаса, Еуразиялық экономикалық одақтың кедендік аумағы шегінде пайдаланылады.

      8. Көлік құралы болып табылатын, уақытша әкелінген тауарларды, егер олар халықаралық тасымалдау көлік құралы ретінде пайдаланылса және оларға осы Кодекстің 40-тарауының ережелері қолданылса, Еуразиялық экономикалық одақтың кедендік аумағынан тыс жерлерде пайдалануға жол беріледі.

      Көлік құралы болып табылатын, уақытша әкелінген тауарларды Еуразиялық экономикалық одақтың кедендік аумағынан тыс жерлерде пайдаланған кезде мұндай тауарларға қатысты осы Кодекстің 360-бабының 1 және 2-тармақтарында көзделген операцияларды жасауға жол беріледі.

      Кодекстің 360-бабының 1 және 2-тармақтарында көзделмеген операцияларды жасауға Кодекстің 360-бабының 4-тармағына сәйкес жол беріледі.

      Көлік құралы болып табылатын, уақытша әкелінген тауарларды, Еуразиялық экономикалық одақтың кедендік аумағынан тыс жерлерде халықаралық тасымалдау көлік құралы ретінде пайдалану уақытша әкелу (жіберу) кедендік рәсімінің қолданысын тоқтатпайды және тоқтата тұрмайды.


      304-бап. Уақытша әкелу (жіберу) кедендік рәсімін қолдану кезіндегі әкелу кедендік баждарын, салықтарды есептеу мен төлеудің ерекшеліктері

      1. Әкелу кедендік баждарын, салықтарды ішінара төлей отырып, уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждары, салықтар оларды уақытша әкелу (жіберу) кедендік рәсімімен орналастырған күнінен бастап оның қолданылуы аяқталған күнге дейін төленуі тиіс.

      2. Әкелу кедендік баждарын, салықтарды төлемей, уақытша әкелу (жіберу) кедендік рәсімімен орналастырылған тауарларға қатысты декларанттың өтініші бойынша декларанттың өтінішінде көрсетілген күннен бастап уақытша әкелу (жіберу) кедендік рәсімінің қолданылуы аяқталған күнді қоса алған күнгі кезеңге әкелу кедендік баждары, салықтарды ішінара төлеу жүргізіледі. Көрсетілген декларанттың өтініші осы Кодекстің 300-бабының 3-тармағына сәйкес белгіленген шекті мерзім өткенге дейін, оларды уақытша әкелу (жіберу) кедендік рәсімімен орналастырған кезде тауарларды шығару жүргізілген кеден органына беріледі.

      Декларанттың өтініші ретінде тауарларға арналған декларацияны түзету – кедендік құжаты пайдаланылады.

      3. Әкелу кедендік баждары, салықтар ішінара төленген кезде осы баптың 1 және 2-тармақтарына сәйкес айқындалған уақыт кезеңінің әрбір күнтізбелік (толық немесе толық емес) айы үшін (бұдан әрі осы тарауда - әкелу кедендік баждарын, салықтарды ішінара қолдану кезеңі) мұндай тауарларды уақытша әкелу (жіберу) кедендік рәсімімен орналастыру үшін берілген кедендік декларацияны тіркеген күнге есептелген үш пайыз төленуі тиіс, ал шығарылуы тауарларға арналған декларация берілгенге дейін жүргізілген тауарларға қатысты - тауарларға арналған декларация берілгенге дейін тауарларды шығару туралы өтінішті кеден органы тіркеген күнге, егер уақытша әкелу (жіберу) кедендік рәсімімен орналастырылған тауарлар ішкі тұтыну үшін шығару кедендік рәсімімен орналастырылған кездегідей төленуге жататындай сома төленуі тиіс.

      4. Осы Кодекстің 305-бабының 3-тармағына сәйкес уақытша әкелу (жіберу) кедендік рәсімінің қолданылуы тоқтатыла тұрған кезде осындай тоқтатыла тұру кезеңіне әкелу кедендік баждарын, салықтарды ішінара төлеу жүргізілмейді.  Осы тармақты қолдану мақсатында кедендік рәсімнің қолданысын тоқтата тұру кезеңі уақытша әкелу (жіберу) кедендік рәсімінің қолданылуы тоқтатыла тұратын толық күнтізбелік айдың санымен айқындалады.

      5. Әкелу кедендік баждары, салықтар ішінара төленген кезде әкелу кедендік баждарының, салықтардың сомасы декларанттың таңдауы бойынша әкелу кедендік баждарын, салықтарды ішінара төлеуді қолданудың бүкіл кезеңіне (осы тарауда - әкелу кедендік баждарын, салықтарды біржолғы төлеу) немесе мерзімді (бұдан әрі осы тарауда - әкелу кедендік баждарды, салықтарды мерзімді төлеу) төленеді. Әкелу кедендік баждар, салықтар мерзімді төленген кезде мұндай төлеу кемінде бір күнтізбелік (толық немесе толық емес) ай бұрын осы баптың 3-тармағына сәйкес төленуі тиіс мөлшерде жүргізіледі. Әкелу кедендік баждарды, салықтарды төлеудің мерзімділігін тауарларға арналған декларацияда декларант айқындайды.

      Мерзімді төленетін әкелу кедендік баждары, салықтар сомасы осы Кодекстің 306-бабының 7-тармағының 2) және 3) тармақшаларында белгіленген мерзімдерде төленбеген немесе толық төленбеген жағдайда әкелу кедендік баждары, салықтар әкелу кедендік баждарды, салықтарды ішінара төлеуді қолданудың бүкіл қалған кезеңі үшін біржолғы төленуі тиіс.

      6. Әкелу кедендік баждарды, салықтарды ішінара төлеуді қолдану кезеңінде төленген және (немесе) өндіріліп алынған әкелу кедендік баждарының, салықтардың жалпы сомасы уақытша әкелу (жіберу) кедендік рәсімімен орналастыру үшін берілген кедендік декларацияны тіркеген күнге есептелген, ал шығарылуы тауарларға арналған декларация берілгенге дейін жүргізілген тауарларға қатысты - тауарларға арналған декларация берілгенге дейін тауарларды шығару туралы өтінішті кеден органы тіркеген күнге, егер уақытша әкелу (жіберу) кедендік рәсімімен орналастырылған тауарлар ішкі тұтыну үшін шығару кедендік рәсімімен орналастырылған кездегідей төленуге жататындай сомадан аспауы тиіс.

      7. Осы Кодекстің 305-бабының 1, 2 және 5 -тармақтарына сәйкес уақытша әкелу (жіберу) кедендік рәсімінің қолданысы аяқталған не тоқтатыла тұрған кезде, егер осы Кодексте өзгеше белгіленбесе, Әкелу кедендік баждары, салықтар ішінара төлеуді қолдану кезеңінде төленген және немесе өндіріліп алынған әкелу кедендік баждарының, салықтардың сомалары есепке жатқызылуға (қайтаруға) жатпайды.


      305-бап.  Уақытша әкелу (жіберу) кедендік рәсімін аяқтау, тоқтата тұру және қолданысын тоқтату

      1. Кеден органы белгілеген уақытша әкелу (жіберу) кедендік рәсімінің қолданылу мерзімі өткенге дейін бұл кедендік рәсімнің қолданысы:

      1) уақытша әкелінген тауарларды кері экспорт кедендік рәсімімен, оның ішінде осы Кодекстің 359-бабының 7-тармағына сәйкес орналастырумен;

      2) уәкілетті орган бекіткен тәртіппен кеден органдарының аварияның немесе еңсерілмес күш әсерінің салдарынан уақытша әкелінген тауарлардың жойылу және (немесе) қайтарымсыз жоғалу фактісін не бұл тауарлардың тасудың (тасымалдаудың) және (немесе) сақтаудың қалыпты жағдайы кезіндегі табиғи кему нәтижесінде қайтарымсыз жойылу фактісін тануымен;

      3) мән-жайлар туындағанға дейін тауарлар кедендік бақылауда болатын, Комиссия айқындайтын және (немесе) осы Кодексте айқындалатын мән-жайлардың туындауымен аяқталады.

      2. Кеден органы белгілеген уақытша әкелу (жіберу) кедендік рәсімінің қолданылу мерзімі өткенге дейін бұл кедендік рәсімнің қолданысы:

      1) егер осы тармақта өзгеше белгіленбесе, кедендік транзит кедендік рәсімін қоспағанда, уақытша әкелінген тауарларды осы Кодексте көзделген шарттармен шетелдік тауарларға қолданылатын кедендік рәсімдермен орналастырумен;

      2) қолданысы осы Кодекстің 253-бабының 3-тармағына сәйкес тоқтатыла тұрған, кеден аумағында қайта өңдеу кедендік рәсімі қолданысының қайта басталуымен;

      3) егер бұл тауарлар Еуразиялық экономикалық одаққа өзге мүше мемлекеттің аумағында оларды уақытша әкелу (жіберу) кедендік рәсімімен орналастырған кезде кеден органы тауарларды шығаруды жүргізген Еуразиялық экономикалық одаққа мүше мемлекеттің аумағынан Еуразиялық экономикалық одақтың кедендік аумағы бойынша тасу (тасымалдау) үшін осы кедендік рәсіммен орналастырылса, уақытша әкелінген тауарларды кедендік транзит кедендік рәсімімен орналастырумен аяқталуы мүмкін.

      3. Кеден органы белгілеген уақытша әкелу (жіберу) кедендік рәсімінің қолданылу мерзімі өткенге дейін осы кедендік рәсімнің қолданылу уақытша әкелінген тауарлар кеден қоймасы кедендік рәсімімен, кеден аумағында қайта өңдеу кедендік рәсімімен не Комиссия айқындаған жағдайларда - арнайы кедендік рәсіммен орналастырылған жағдайда тоқтатыла тұруы мүмкін.

      Уақытша әкелінген тауарларды арнайы кедендік рәсіммен орналастыру нәтижесінде уақытша әкелу (жіберу) кедендік рәсімінің қолданылуын тоқтата тұру жағдайын айқындау кезінде Комиссия әкелу кедендік баждарын, салықтарды есептеу және төлеу ерекшеліктерін, сондай-ақ уақытша әкелінген тауарларға қатысты әкелу кедендік баждарын, салықтарды төлеу мерзімін айқындауға құқылы.

      4. Уақытша әкелінген тауарлар кері экспорт кедендік рәсімімен не өзге кедендік рәсіммен бір немесе бірнеше партиямен орналастырылуы мүмкін.

      5. Кеден органы белгілеген уақытша әкелу (жіберу) кедендік рәсімінің қолданылу мерзімі өткен соң кедендік рәсімнің қолданысы тоқтайды.

      6. Кеден органы мұндай тауарларды уақытша әкелу (жіберу) кедендік рәсімімен орналастырған Еуразиялық экономикалық одаққа мүше мемлекетке қарағанда Еуразиялық экономикалық одаққа мүше өзге мемлекеттің аумағында уақытша әкелу (жіберу) кедендік рәсімінің қолданысын аяқтау жағдайларын, шарттары мен тәртібін Комиссия айқындайды.


      306-бап. Уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мерзімі мен есептеу

      1. Уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет декларантта кеден органы тауарларға арналған декларацияны тіркеген кезден бастап, ал тауарларға арналған декларацияны бергенге дейін тауарларды шығару туралы өтініш берген тұлғада тауарларға арналған декаларацияны бергенге дейін шығару мәлімделген тауарларға қатысты – кеден органы тауарларға арналған декларацияны бергенге дейін тауарларды шығару туралы өтінішті тіркеген кезден туындайды.

      2. Бір көліктік (тасымалдау) құжаты бойынша бір жөнелтушіден бір алушының атына әкелінетін, уақытша әкелу (жіберу) кедендік рәсімімен орналастырылатын, жалпы кедендік құны екі жүз еуроға баламалы сомадан, ал егер Комиссия мұндай соманың өзге мөлшерін айқындаса - кеден органы тауарларға арналған декларацияны тіркеген күні қолданыста болған валюта бағамы бойынша Комиссия айқындаған соманың мөлшерінен аспайтын тауарларға қатысты әкелу кедендік баждарын, салықтарды төлеу жөніндегі міндет туындамайды. Бұл ретте, осы тармақтың мақсаттары үшін Еуразиялық экономикалық одақтың кедендік аумағына әкелінетін тауарларды межелі жеріне дейін тасуға (тасымалдауға) жұмсалған шығыстар, осындай тауарларды тиеуге, түсіруге немесе қайта тиеуге жұмсалған шығыстар мен осындай тауарларды осылай тасуға (тасымалдауға), тиеуге, түсіруге, қайта тиеуге байланысты сақтандыруға жұмсалған шығыстар кедендік құнға қосылмайды.

      Комиссия шегінде бір көліктік (тасымалдау) құжаты бойынша бір жөнелтушіден бір алушының атына әкелінетін, уақытша әкелу (жіберу) кедендік рәсімімен орналастырылатын тауарларға қатысты әкелу кедендік баждарын, салықтарды жөніндегі төлеу міндет туындамайтын, осы тармақтың екінші абзацында көзделген сомаға қарағанда өзге сома мөлшерін айқындауға құқылы.

      3. Уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет Декларантта мынадай мән-жайлар басталған:

      1) осы кедендік рәсімді қолдану мерзімі аяқталғанға дейін әкелу кедендік баждарын, салықтарды, арнайы, демпингке қарсы, өтем баждарын төлеу мерзімі басталған жағдайды қоспағанда, осы Кодекстің 300-бабының 3-тармағына сәйкес белгіленген шекті мерзім өткенге дейін осы Кодекстің 305-бабының 1 және 2-тармақтарына сәйкес уақытша әкелу (жіберу) кедендік рәсімінің қолданысы аяқталған;

      2) егер осы кедендік рәсімді қолдану мерзімі өткенге дейін әкелу кедендік баждарын, салықтарды, арнайы, демпингке қарсы, өтем баждарын төлеу мерзімі басталған жағдайды қоспағанда, уақытша әкелу (жіберу) кедендік рәсімімен орналастырылған тауарларға қатысты әкелу кедендік баждарын, салықтарды төлеу бойынша жеңілдіктер қолданылса, осы Кодекстің 305-бабының 1 және 2-тармақтарына сәйкес уақытша әкелу (жіберу) кедендік рәсімінің қолданысы аяқталған;

      3) осы Кодекстің 305-бабының 1 және 2-тармақтарына сәйкес уақытша әкелу (жіберу) кедендік рәсімінің қолданысы аяқталған және әкелу кедендік баждарын, салықтарды төлеу жөніндегі міндет орындалған және (немесе) олар осы бапқа сәйкес төленуі тиіс мөлшерлерде өндіріп алынған;

      4) әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет орындалған және (немесе) олар осы баптың 7-тармағының 6), 7) және 8) тармақшаларында және 13-тармағында көзделген мән-жайлар басталған кезде төленуі тиіс мөлшерде өндіріп алынған;

      5) уәкілетті орган бекіткен тәртіппен кеден органы аварияның немесе еңсерілмес күш әсерінің салдарынан шетелдік тауарлардың жойылу және (немесе) қайтарымсыз жоғалу фактісін не бұл тауарлардың тасудың (тасымалдаудың) және (немесе) сақтаудың қалыпты жағдайы кезіндегі табиғи шығын нәтижесінде қайтарымсыз жойылу фактісін таныған және әкелу кедендік баждарын, салықтарды төлеу жөніндегі міндет орындалған және (немесе) олар осындай мән-жайлар басталғанға дейінгі кезең үшін осы бапқа сәйкес төленуі тиіс мөлшерлерде өндіріп алынған;

      6) тауарларға арналған декларация не тауарларға арналған декларация берілгенге дейін тауарларды шығару туралы өтінішті тіркеу кезінде туындаған, әкелу кедендік баждарын, салықтарды арнайы, демпингке қарсы, өтем баждарын төлеу жөніндегі міндетке қатысты – уақытша әкелу (жіберу) кедендік рәсіміне сәйкес тауарларды шығарудан бас тартылған;

      7) тауарларға арналған декларацияны тіркеу кезінде туындаған әкелу кедендік баждарын, салықтарды арнайы, демпингке қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларация кері қайтарып алынған және (немесе) осы Кодекстің 192-бабының 4-тармағына сәйкес тауарларды шығарудың күші жойылған;

      8) Қазақстан Республикасының заңнамасына сәйкес тауарларды тәркілеген немесе мемлекет меншігіне айналдырған және әкелу кедендік баждарын, салықтарды төлеу жөніндегі міндет орындалған және (немесе) олар осындай мән-жайлар басталғанға дейінгі кезең үшін осы бапқа сәйкес төленуі тиіс мөлшерлерде өндіріп алынған;

      9) осы Кодекстің 52-тарауына сәйкес тауарларды кеден органы кідірткен және әкелу кедендік баждарын, салықтарды төлеу жөніндегі міндет орындалған және (немесе) олар осындай мән-жайлар басталғанға дейінгі кезең үшін осы бапқа сәйкес төленуі тиіс мөлшерде өндіріп алынған;

      10) егер бұрын мұндай тауарларды шығару жүргізілмесе, қылмыстық құқық бұзушылықтар туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған тауарлар уақытша сақтауға қойылған немесе кедендік рәсімдердің бірімен орналастырылған және әкелу кедендік баждарын, салықтарды төлеу жөніндегі міндет орындалған және (немесе) олар қылмыс туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында мұндай тауарлар алып қойылған немесе тыйым салынғанға дейінгі кезең үшін осы бапқа сәйкес төленуі тиіс мөлшерде өндіріп алынған кезде тоқтайды.

      4. Әкелу кедендік баждарын, салықтарды ішінара төлей отырып, уақытша әкелу (жіберу) кедендік рәсімімен орналастырылатын (орналастырылған) тауарларға қатысты әкелу кедендік баждарын, салықтарды төлеу жөніндегі міндет:

      1) әкелу кедендік баждарын, салықтарды біржолғы төлеу кезінде не әкелу кедендік баждарын, салықтарды мерзімді төлеу кезінде әкелу кедендік баждары, салықтар сомасының бірінші бөлігін төлеу кезінде – уақытша әкелу (жіберу) кедендік рәсіміне сәйкес тауарлар шығарылғанға дейін;

      2) әкелу кедендік баждарын, салықтарды мерзімді төлеу кезінде әкелу кедендік баждары, салықтар сомасының екінші және кейінгі бөліктерін төлеу кезінде – әкелу кедендік баждары, салықтары сомасының кезекті бөлігі төленетін кезең басталғанға дейін орындалуы тиіс (әкелу кедендік баждары, салықтар төленуге жатады).

      5. Осы баптың 4-тармағында көрсетілген тауарларға қатысты әкелу кедендік баждары, салықтар осы Кодекстің 304-бабына сәйкес айқындалған мөлшерлерде төленуге жатады.

      6. Уақытша әкелу (жіберу) кедендік рәсімімен орналастырылған тауарларға қатысты әкелу кедендік баждарын, салықтарды төлеу жөніндегі міндет осы баптың 7-тармағында көрсетілген мән-жайлар басталған кезде орындалуға жатады.

      7. Мынадай мән-жайлар басталған кезде:

      1) осы Кодекстің 300-бабының 3-тармағына сәйкес белгіленген, тауарлардың уақытша болу және пайдаланылу шарттары сақталмаған жағдайда – көрсетілген тауарлар уақытша әкелу (жіберу) кедендік рәсімімен орналастырылған күн;

      2) осы Кодекстің 300-бабының 3-тармағына сәйкес белгіленген шекті мерзім өткен жағдайда:

      әкелу кедендік баждарын, салықтарды мерзімді төлеу кезінде әкелу кедендік баждарын, салықтарды біржолғы төлеу кезінде әкелу кедендік баждары, салықтар сомасының бірінші бөлігін төлеу кезінде – осындай шекті мерзім өткен күн;

      әкелу кедендік баждарын, салықтарды мерзімді төлеу кезінде әкелу кедендік баждары, салықтар сомасының екінші және кейінгі бөліктерін төлеу кезінде – әкелу кедендік баждары, салықтар сомасының кезекті бөлігі төленетін кезең басталған күннің алдындағы күн;

      3) Кодекстің 304-бабының 2-тармағына сәйкес декларант өтініш берген жағдайда:

      әкелу кедендік баждарын, салықтарды біржолғы төлеу кезінде не әкелу кедендік баждарын, салықтарды мерзімді төлеу кезінде әкелу кедендік баждары, салықтар сомасының бірінші бөлігін төлеу кезінде – декларанттың өтінішінде көрсетілген күннің алдындағы күн;

      әкелу кедендік баждарын, салықтарды мерзімді төлеу кезінде әкелу кедендік баждары, салықтар сомасының екінші және кейінгі бөліктерін төлеу кезінде – әкелу кедендік баждарының, салықтар сомасының кезекті бөлігі төленетін кезең басталған күннің алдындағы күн;

      4) осы тауарларды пайдалану және (немесе) оларға иелік ету бойынша шектеулермен ұштасатын әкелу кедендік баждарын, салықтарды төлеу бойынша жеңілдіктерден декларант бас тартқан жағдайда – тауарларды уақытша әкелу (жіберу) кедендік рәсімімен орналастыру үшін берілген тауарларға арналған декларацияға әкелу кедендік баждарын, салықтарды төлеу бойынша жеңілдіктерден бас тарту бөлігінде өзгерістер енгізілген күн;

      5) осындай іс-қимылдарды жасау осы тармақтың 6) және 7) тармақшаларында көзделген мән-жайлардың басталуына әкеп соқтыратын жағдайларды қоспағанда, әкелу кедендік баждарын, салықтарды төлеу бойынша жеңілдіктер және (немесе) осындай жеңілдіктерді қолдануға байланысты осы тауарларды пайдалану және (немесе) оларға иелік ету бойынша шектеулер беру мақсаттары мен шарттары бұзылып, іс-қимылдар жасалған жағдайда – көрсетілген іс-қимылдар жасалған бірінші күн, ал бұл күн анықталмаса – көрсетілген тауарлар уақытша әкелу (жіберу) кедендік рәсімімен орналастырылған күн;

      6) уақытша әкелу (жіберу) кедендік рәсімінің қолданысы аяқталғанға дейін уақытша әкелінген тауарлар кеден органдарының рұқсатынсыз өзге тұлғаларға берілген жағдайда – тауарлар берілген күн, ал бұл күн анықталмаса – көрсетілген тауарлар уақытша әкелу (жіберу) кедендік рәсімімен орналастырылған күн;

      7) уақытша әкелу (жіберу) кедендік рәсімінің қолданысы аяқталғанға дейін уақытша әкелінген тауарлар жоғалған (аварияның немесе еңсерілмес күш әсерінің салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде қайтарымсыз жоғалуды қоспағанда) жағдайда – тауарлар жоғалған күн, ал бұл күн анықталмаса – көрсетілген тауарлар уақытша әкелу (жіберу) кедендік рәсімімен орналастырылған күн;

      8) кеден органы белгілеген уақытша әкелу (жіберу) кедендік рәсімінің қолданылу мерзімі өткенге дейін осы Кодекстің 305-бабының 1 және 2-тармақтарына сәйкес уақытша әкелу (жіберу) кедендік рәсімінің қолданысы аяқталмаған жағдайда – осы кедендік рәсімнің қолданысы осы Кодекстің 302-бабының 4-тармағына сәйкес ұзартылатын жағдайды қоспағанда, кеден органы белгілеген уақытша әкелу (жіберу) кедендік рәсімінің қолданылу мерзімі өткен күн әкелу кедендік баждарын, салықтарды төлеу мерзімі болып есептеледі.

      8. Осы баптың 7-тармағында көрсетілген мән-жайлар басталған кезде, әкелу кедендік баждары, салықтар:

      1) осы баптың 7-тармағы 1) тармақшасында көрсетілген мән-жайлар басталған кезде – туарлар уақытша әкелу (жіберу) рәсімімен орналастырылған күннен бастап оның қолданысы аяқталған күн аралығындағы кезеңге, уақытша әкелу (жіберу) кедендік рәсімімен орналастырылған тауарларға қатысты осы Кодекстің 304-бабына сәйкес әкелу кедендік баждарын, салықтарды ішінара төлеу қолданылған сияқты;

      2) осы баптың 7-тармағының 2) тармақшасында көрсетілген мән-жайлар басталған кезде – осы Кодекстің 304-бабының 3-тармағына сәйкес белгіленген шекті мерзім өткен күннен кейінгі күннен бастап уақытша әкелу (жіберу) кедендік рәсімі аяқталған күн күн аралығындағы кезеңге уақытша әкелу (жіберу) кедендік рәсімімен орналастырылған тауарларға қатысты осы Кодекстің 304-бабына сәйкес әкелу кедендік баждарын, салықтарды ішінара төлеу қолданылған сияқты;

      3) осы баптың 7-тармағының 3) тармақшасында көрсетілген мән-жайлар басталған кезде – осы Кодекстің 304-бабына сәйкес айқындалған мөлшерде;

      4) осы баптың 7-тармағының 4) және 5) тармақшаларында көрсетілген мән-жайлар басталған кезде – осы Кодекстің 304-бабына сәйкес айқындалған және осы баптың 7-тармағының 4) және 5) тармақшаларында айқындалған әкелу кедендік баждарын, салықтарды төлеу мерзімі басталған күннен бастап уақытша әкелу (жіберу) кедендік рәсімінің қолданысы аяқталған күн аралығындағы кезеңге әкелу кедендік баждарын, салықтарды төлеу бойынша жеңілдіктерді қолдануға байланысты төленбеген мөлшерде;

      5) осы баптың 7-тармағының 6), 7) және 8) тармақшаларында көрсетілген мән-жайлар басталған кезде – егер осы баптың 10-тармағында өзге мөлшер көзделмесе, уақытша әкелу (жіберу) кедендік рәсімімен орналастырылған тауарлар әкелу кедендік баждарын, салықтарды ішінара төлеу кезінде төленген және (немесе) өндіріліп алынған әкелу кедендік баждарының, салықтардың сомасын шегере отырып, ішкі тұтыну үшін шығару кедендік рәсімімен орналастырылған сияқты төленуге жатады. Әкелу кедендік баждарын, салықтарды есептеу үшін тауарларды уақытша әкелу (жіберу) кедендік рәсімімен орналастыру үшін берілген тауарларға арналған декларацияны кеден органы тіркеген күні, ал шығарылуы тауарларға арналған декларация берілгенге дейін жүргізілген тауарларға қатысты – кеден органы тауарларды шығару туралы өтінішті тауарларға арналған декларация берілгенге дейін тіркеген күні қолданыста болатын әкелу кедендік баждарының, салықтардың мөлшерлемелері қолданылады.

      9. Осы баптың 8-тармағының 5) тармақшасына сәйкес тауарларға қатысты төленетін (өндіріліп алынатын) әкелу кедендік баждарының, салықтардың сомасынан, сондай-ақ әкелу кедендік баждары, салықтар ішінара төлеу кезінде осы тауарларға қатысты төленген әкелу кедендік баждарының, салықтардың сомасынан тауарлар уақытша әкелу (жіберу) кедендік рәсімімен орналастырылған күннен бастап осы баптың 7-тармағының 6), 7) және 8) тармақшаларында белгіленген әкелу кедендік баждарын, салықтарды төлеу мерзімдері өтетін күн аралығындағы көрсетілген сомаға қатысты оларды төлеуді кейінге қалдыру (бөліп төлеу) ұсынылған сияқты пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      10. Егер осы баптың 7-тармағының 6) және 7) тармақшаларында көрсетілген мән-жайлар басталғаннан кейін уақытша әкелу (жіберу) кедендік рәсімінің қолданысы осы Кодекстің 305-бабының 1 және 2-тармақтарына сәйкес аяқталса, әкелу кедендік баждары, салықтар осы баптың 7-тармағының 6) және 7) тармақшаларына сәйкес айқындалған әкелу кедендік баждарын, салықтарды төлеу мерзімі басталған күннен бастап әкелу (жіберу) кедендік рәсімінің қолданысы аяқталған күн аралығындағы кезеңге осы Кодекстің 304-бабына сәйкес әкелу кедендік баждарын, салықтарды ішінара төлеу қолданылған сияқты төленуге жатады. Бұл ретте, осы баптың 7-тармағының 6) және 7) тармақшаларында көрсетілген мән-жайлар басталғанға дейінгі кезеңге әкелу кедендік баждарын, салықтарды ішінара төлеу кезінде төленген және (немесе) өндіріліп алынған әкелу кедендік баждарының, салықтардың сомасы есепке алынбауы (қайтарылмауы) тиіс.

      11. Егер осы баптың 7-тармағының 6), 7) және 8) тармақшаларында көрсетілген мән-жайлар басталғаннан кейін оларға қатысты уақытша әкелу (жіберу) кедендік рәсімінің қолданысы тоқтаған тауарлар осы Кодекстің 209-бабының 6-тармағына сәйкес уақытша сақтауға орналастырылса немесе осы Кодекстің 209-бабының 6-тармағына сәйкес кедендік рәсіммен орналастырылса, әкелу кедендік баждары, салықтар уақытша әкелу (жіберу) кедендік рәсімімен орналастырылған тауарларға қатысты осы Кодекстің 304-бабына сәйкес әкелу кедендік баждарын, салықтарды ішінара төлеу қолданылған сияқты төленуге жатады.

      Көрсетілген жағдайда әкелу кедендік баждары, салықтар осы баптың 7-тармағының 6), 7) және 8) тармақшаларында айқындалған әкелу кедендік баждарын, салықтарды төлеу мерзімі басталған күннен бастап мұндай тауарларды уақытша сақтауға қою немесе оларды кедендік рәсіммен орналастыру күні аралығындағы кезеңге төленуге жатады. Бұл ретте әкелу кедендік баждары, салықтар, егер уақытша әкелу (жіберу) кедендік рәсімімен орналастырылған тауарлар ішкі тұтыну үшін шығару кедендік рәсімімен орналастырылса және кеден органы тауарларды уақытша әкелу (жіберу) кедендік рәсімімен орналастыру үшін берілген кедендік декларацияны тіркеген күнге төленуге тиіс, ал шығарылуы тауарларға арналған декларация берілген күнге дейін жүргізілген тауарларға қатысты – тауарларды кеден органы тауарларға арналған декларация берілгенге дейін шығару туралы өтінішті тіркеген күні есептелген әкелу кедендік баждары, салықтардың сомасынан аспайтын мөлшерлерде төленуге жатады.

      Бұл ретте, осы баптың 7-тармағының 6), 7) және 8) тармақшаларында көрсетілген мән-жайлар басталғанға дейінгі кезеңге әкелу кедендік баждарын, салықтарды ішінара төлеу кезінде төленген және (немесе) өндіріліп алынған әкелу кедендік баждарының, салықтардың сомасы есепке алынбауы (қайтарылмауы) тиіс.

      12. Уақытша әкелу (жіберу) кедендік рәсімімен орналастырылған тауарларға қатысты арнайы, демпингке қарсы, өтем баждарын төлеу жөніндегі міндет осы баптың 13-тармағында көрсетілген мән-жайлар басталған кезде орындалуы тиіс.

      13. Мынадай мән-жайлар басталған кезде:

      1) уақытша әкелу (жіберу) кедендік рәсімінің қолданысы аяқталғанға дейін уақытша әкелінген тауарлар кеден органдарының рұқсатынсыз өзге тұлғаларға берілген жағдайда – тауарлар берілген күн, ал бұл күн анықталмаса – көрсетілген тауарлар уақытша әкелу (жіберу) кедендік рәсімімен орналастырылған күн;

      2) аварияның немесе еңсерілмес күш әсерінің салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде қайтарымсыз жоғалуды қоспағанда, уақытша әкелу (жіберу) кедендік рәсімінің қолданысы аяқталғанға дейін уақытша әкелінген тауарлар жоғалған жағдайда – тауарлар жоғалған күн, ал бұл күн анықталмаса – көрсетілген тауарлар уақытша әкелу (жіберу) кедендік рәсімімен орналастырылған күн;

      3) кеден органы белгілеген уақытша әкелу (жіберу) кедендік рәсімінің қолданылу мерзімі өткенге дейін осы Кодекстің 305-бабының 1 және 2-тармақтарына сәйкес уақытша әкелу (жіберу) кедендік рәсімінің қолданысы аяқталмаған жағдайда – осы кедендік рәсімнің қолданысы осы Кодекстің 304-бабының 4-тармағына сәйкес ұзартылатын жағдайды қоспағанда, кеден органы белгілеген уақытша әкелу (жіберу) кедендік рәсімінің қолданылу мерзімі өткен күн арнайы, демпингке қарсы өтем баждарын төлеу мерзімі болып есептеледі.

      14. Осы баптың 13-тармағында көрсетілген мән-жайлар басталған кезде арнайы, демпингке қарсы, өтем баждары уақытша әкелу (жіберу) кедендік рәсімімен орналастырылған тауарлар ішкі тұтыну үшін кедендік шығару рәсімімен орналастырылғандай мөлшерде төленуге жатады.

      Арнайы, демпингке қарсы, өтем баждарын есептеу үшін тауарларды уақытша әкелу (жіберу) кедендік рәсімімен орналастыру үшін берілген тауарларға арналған декларацияны кеден органы тіркеген күні, ал шығарылуы тауарларға арналған декларация берілгенге дейін жүргізілген тауарларға қатысты – кеден органы тауарларды шығару туралы өтінішті тауарларға арналған декларация берілгенге дейін тіркеген күнге қолданыста болатын арнайы, демпингке қарсы, өтем баждарының мөлшерлемелері қолданылады.

      15. Осы баптың 14-тармағына сәйкес төленетін (өндіріліп алынатын) арнайы, демпингке қарсы, өтем баждарының сомасынан, егер көрсетілген сомаларға қатысты тауарлар уақытша әкелу (жіберу) кедендік рәсімімен тауарлар орналастырылған күннен бастап осы баптың 13-тармағында белгіленген арнайы, демпингке қарсы, өтем баждарын төлеу мерзімдері өткен күн аралығындағы оларды төлеу мерзімін кейінге қалдыру ұсынылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.


      307-бап. Уақытша әкелінген тауарлар ішкі тұтыну үшін шығару кедендік рәсімімен орналастырылған кезде әкелу оларға қатысты кедендік баждарын, салықтарды, арнайы, демпингке қарсы, өтем баждарын есептеу және төлеу ерекшеліктері

      1. Уақытша әкелінген тауарлар ішкі тұтыну үшін шығару кедендік рәсімімен орналастырған кезде әкелу кедендік баждарын, салықтарды, арнайы, демпингке қарсы, өтем баждарын есептеу үшін кеден органы тауарларды уақытша әкелу (жіберу) кедендік рәсімімен орналастыру үшін берілген тауарларға арналған декларацияны тіркеген күні қолданыста болатын әкелу кедендік баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер әкелу кедендік баждарын, салықтарды, арнайы, демпингке қарсы, өтем баждарын есептеу үшін шетел валютасын Қазақстан Республикасының ұлттық валютасына қайта есептеу талап етілген жағдайда мұндай қайта есептеу осы тармақтың бірінші абзацында көрсетілген күні қолданыста болатын валюта бағамы бойынша жүргізіледі.

      2. Уақытша әкелінген тауарлар ішкі тұтыну үшін шығару кедендік рәсімімен орналастырылған кезде әкелу кедендік баждары, салықтар осы Кодекстің 216-бабына сәйкес осындай тауарларды ішкі тұтыну үшін шығару кедендік рәсімімен орналастырған кезде төленуі тиіс әкелу кедендік баждары, салықтар мен ішкі тұтыну үшін шығару кедендік рәсімімен орналастырған тауарлардың декларанты әкелу кедендік баждарын, салықтарды ішінара төлеу кезінде төлеген әкелу кедендік баждарының, салықтардың және (немесе) кеден органы осы декларанттан өндіріп алған соманың айырмасы мөлшерінде төленуге жатады.

      3. Осы баптың 2-тармағына сәйкес төленетін (өндіріліп алынатын) әкелу кедендік баждарының, салықтардың сомасынан, сондай-ақ әкелу кедендік баждарын, салықтарды ішінара төлеу кезінде төленген (өндіріліп алынған) әкелу кедендік баждарының, салықтардың сомасынан, егер көрсетілген сомаға қатысты тауарлар уақытша әкелу (жіберу) кедендік рәсімімен орналастырылған күннен бастап әкелу кедендік баждарын, салықтарды төлеу бойынша міндетті тоқтату аралығында оларды төлеу мерзімін кейінге қалдыру ұсынылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      Ішкі тұтыну үшін шығару кедендік рәсімімен орналастырылатын (орналастырылған) тауарларға қатысты төленетін (өндіріліп алынатын) арнайы, демпингке қарсы, өтем баждарының сомаларынан, егер көрсетілген сомаға қатысты тауарлар уақытша әкелу (жіберу) кедендік рәсімімен тауарлар орналастырылған күннен бастап арнайы, демпингке қарсы, өтем баждарын төлеу бойынша міндетті тоқтату аралығында оларды төлеу мерзімін кейінге қалдыру ұсынылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      Тауарлар уақытша әкелу (жіберу) кедендік рәсіміне сәйкес шығарылғанға дейін төленген уақытша әкелу кедендік баждарының, салықтардың сомасынан осы тармақтың бірінші абзацында көзделген пайыздар есептелмейді және төленбейді.

      Егер осы Кодекстің 305-бабының 3-тармағына сәйкес уақытша әкелу (жіберу) кедендік рәсімінің қолданысы тоқтатыла тұрса, кедендік рәсімнің қолданылуы тоқтатыла тұрған кезеңге осы тармақта көзделген пайыздар есептелмейді және төленбейді.

      4. Егер осы Кодекстің 305-бабының 5-тармағына сәйкес уақытша әкелу (жіберу) кедендік рәсімінің қолданысы аяқталған кезде не уақытша әкелу (жіберу) кедендік рәсімінің қолданылуы тоқтағаннан кейін уақытша әкелінген тауарларды уақытша әкелінген тауарлардың декларанты ішкі тұтыну үшін шығару рәсімімен орналастырған жағдайда осы баптың ережелері қолданылады.

      Осы баптың ережелері егер уақытша әкелу (жіберу) кедендік рәсімінің қолданылуы уақытша әкелінген тауарларды кеден қоймасы кедендік рәсімімен орналастырумен аяқталған жағдайда да қолданылады.

32-тарау. Уақытша әкету кедендік рәсімі

      308-бап. Уақытша әкету кедендік рәсімінің мазмұны мен қолданылуы

      1. Уақытша әкету кедендік рәсімі – Еуразиялық экономикалық одақтың тауарларына қатысты қолданылатын, оған сәйкес мұндай тауарлар олардың уақытша болуы және тауарларды осы кедендік рәсіммен орналастыру және оларды мұндай кедендік рәсімге сәйкес пайдалану шарттары сақталған кезде кедендік әкету баждары төленбестен оларды шегінен тыс жерде пайдалану үшін Еуразиялық экономикалық одақтың кедендік аумағынан әкетілетін кедендік рәсім.

      2. Уақытша әкету кедендік рәсімімен орналастырылған және Еуразиялық экономикалық одақтың кедендік аумағынан іс жүзінде әкетілген тауарлар (бұдан әрі осы тарауда - уақытша әкетілген тауарлар) Еуразиялық экономикалық одақтың тауарларының мәртебесін жоғалтады.

      3. Еуразиялық экономикалық одақтың кедендік аумағынан әкетілген:

      1) осы Кодекстің 312-бабының 2-тармағына сәйкес уақытша әкету кедендік рәсімінің қолданысын аяқтау үшін уақытша әкету кедендік рәсімімен орналастырылған тауарларға;

      2) осы Кодекстің 386-бабының 2-тармағының 2) тармақшасында көрсетілген Еуразиялық экономикалық одақтың тауарларына қатысты уақытша әкету кедендік рәсімін қолдануға жол беріледі.

      4. Уақытша әкету кедендік рәсімі мынадай тауарларға қатысты:

      1) алкогольді, темекі және темекі бұйымдарын, шикізатты және жартылай фабрикаттарды, жұмсалатын материалдар мен үлгілерді қоса алғанда, оларды жарнама және (немесе) көрсету мақсатында немесе көрме жәдігерлері не өнеркәсіптік үлгілер ретінде санаулы данада Еуразиялық экономикалық одақтың кедендік аумағынан әкеткен жағдайларды қоспағанда, тамақ өнімдеріне, сусындарға;

      2) қалдықтарға, оның ішінде өнеркәсіптік қалдықтарға қолданылмайды.

      5. Комиссия оларға қатысты оларды шетелдік тауарлармен ауыстыруға жол берілетін уақытша әкетілетін тауарлардың санаттарын, сондай-ақ осындай ауыстыру жағдайларын айқындауға құқылы.


      309-бап. Тауарларды уақытша әкету кедендік рәсімімен орналастыру және оларды осындай кедендік рәсімге сәйкес пайдалану шарттары

      1. Тауарларды уақытша әкету кедендік рәсімімен орналастыру шарттары:

      1) уақытша әкету кедендік рәсімімен орналастырылатын тауарларды осы кедендік рәсімнің қолданысын аяқтау мақсатында оларды кейіннен кедендік рәсіммен орналастыру кезінде сәйкестендіру мүмкіндігі.

      Тауарларды сәйкестендіру Қазақстан Республикасының халықаралық шарттарына сәйкес жағдайларда немесе осы Кодекстің 308-бабының 5-тармағына сәйкес айқындалған жағдайларда уақытша әкетілген тауарларды ауыстыруға жол берілетін жағдайларда талап етілмейді;

      2) осы Кодекстің 8-бабына сәйкес тыйым салулар мен шектеулерді сақтау болып табылады.

      2. Уақытша әкету кедендік рәсіміне сәйкес тауарларды пайдалану шарттары:

      1) кеден органы белгілеген уақытша әкету кедендік рәсімінің қолданылу мерзімін сақтау;

      2) осы Кодекстің 311-бабында белгіленген уақытша әкетілген тауарларды пайдалану және иелік ету бойынша шектеулерді сақтау болып табылады.


      310-бап. Уақытша әкету кедендік рәсімінің қолданылу мерзімі

      1. Осы баптың екінші тармағында көзделген жағдайларды қоспағанда, уақытша әкету кедендік рәсімінің қолданылу мерзімі шектелмеген.

      Бұл ретте, тауарлар уақытша әкету кедендік рәсімімен орналастырылған кезде кеден органы тауарларды Еуразиялық экономикалық одақтың кедендік аумағынан әкету мақсаттары мен мән-жайларына сүйене отырып, декларанттың өтініші негізінде осы кедендік рәсімнің қолданылу мерзімін белгілейді.

      2. Қазақстан Республикасының заңнамасына сәйкес оларға қатысты Қазақстан Республикасының аумағына қайтару міндеттілігі және осындай тауарларды қайтару мерзімі белгіленген тауарлар үшін уақытша әкету кедендік рәсімінің қолданылу мерзімін мұндай тауарларды Қазақстан Республикасының аумағына қайтару үшін көзделген мерзімдер шегінде кеден органы белгілейді.

      Қазақстан Республикасының дипломатиялық өкілдіктерінің, сондай-ақ олармен бірге тұратын отбасы мүшелерін қоса алғанда, олардың қызметкерлерінің ресми және жеке пайдалануы үшін әкетілетін тауарларды осындай өкілдіктер мен көрсетілген адамдардың шет мемлекетте аккредиттелуінің бүкіл мерзімінің Қазақстан Республикасынан уақытша әкетуге жол беріледі.

      Осы тармақтың бірінші және екінші абзацтарында белгіленген жағдайларда тауарларды уақытша әкету кедендік рәсімімен орналастырған кезде кеден органы декларанттың өтініші негізінде, Қазақстан Республикасының заңнамасына сәйкес мұндай тауарларды Қазақстан Республикасының аумағына қайтару үшін көзделген шекті мерзімнен немесе Қазақстан Республикасының дипломатиялық өкілдіктерінің, сондай-ақ олармен бірге тұратын отбасы мүшелерін қоса алғанда, олардың қызметкерлерінің шет мемлекетте аккредиттелу мерзімінен аспайтын, осы кедендік рәсімнің қолданылу мерзімін белгілейді.

      3. Кеден органы белгілеген уақытша әкету кедендік рәсімінің қолданылу мерзімі декларанттың өтініші бойынша осы мерзім өткенге дейін не ол өткеннен кейін бір айдан кешіктірмей ұзартылуы мүмкін.

      Кеден органы осы баптың 2-тармағының үшінші абзацына сәйкес белгілеген уақытша әкету кедендік рәсімінің қолданылу мерзімін кеден органы декларанттың өтініші бойынша осы баптың 2-тармағының бірінші және екінші абзацтарына сәйкес шекті мерзімнен аспайтын мерзімге ұзартады.

      4. Уақытша әкету кедендік рәсімінің қолданылу мерзімін ұзарту үшін декларант кеден органы белгілеген уақытша әкету кедендік рәсімінің қолданылу мерзімінің аяқталуынан кешіктірмей тауарларды кедендік рәсіммен орналастыру жүргізілген кеден органына осындай ұзартудың қажеттігі туралы өтініш береді.

      Уақытша әкету кедендік рәсімінің қолданылу мерзімін ұзарту туралы өтінішті кеден органы көрсетілген өтініш кеден органында тіркелген күннен бастап он жұмыс күнінен кешіктірмей қарауы тиіс. Кедендік рәсімнің қолданысы көрсетілген кезеңге тоқтатыла тұрады.

      Уақытша әкету кедендік рәсімінің қолданылу мерзімін кеден органы осы баптың 2-тармағына сәйкес мерзім шегінде, ал егер уақытша әкету кедендік рәсімінің қолданылу мерзімі осы баптың 1-тармағына сәйкес шектелмеген болса, декларанттің уақытша әкету кедендік рәсімінің қолданылу мерзімін ұзарту туралы өтінішінде көрсетілген мерзімге ұзартуды жүзеге асырады.

      Кеден органы уақытша әкету кедендік рәсімінің қолданылу мерзімін ұзарту туралы шешім қабылдаған жағдайда, көрсетілген мерзім осындай шешім қабылданған күнге қарамастан, алдыңғы мерзім ақяталған күннен бастап ұзартылады. Көрсетілген жағдайда, кеден органының лауазымды тұлғасы уақытша әкету кедендік рәсімінің қолданылу мерзімін ұзартылуы туралы және тауарларға арналған декларацияға осындай өзгерістер енгізу туралы декларантты хабардар ете отырып, тауарларға арналған декларацияға тиісті өзгерістер енгізеді.

      Кеден органы белгілеген уақытша әкету кедендік рәсімінің қолданылу мерзімін ұзартылуы кезінде ол өткеннен кейін мұндай кедендік рәсімнің қолданысы осы кедендік рәсімнің қолданысы тоқтатылған күннен бастап қайтадан басталады.

      5. Декларант осы Кодекстің 303-бабының 2-тармағында көзделген уақытша әкету кедендік рәсіміне сйкес тауарларды пайдалану шарттарын сақтамаған жағдайда кеден органы уақытша әкету мерзімін ұзартудан бас тарту туралы шешім қабылдайды.

      6. Шетелдік тұлғаға уақытша әкелінетін тауарларға қатысты Қазақстан Республикасының заңнамасымен оларды осы мемлекеттің аумағына қайтару міндеттілігі белгіленбеген, уақытша әкелінетін тауарларға меншік құқығы берілген жағдайда, осы тауарларды уақытша әкету кедендік рәсімінің қолданылу мерзімі ұзартылуға жатпайды, ал көрсетілген тауарлар экспорттың кедендік рәсімімен орналастыруға жатады.


      311-бап. Уақытша әкетілген тауарларды пайдалану және иелік ету бойынша шектеулер

      1. Уақытша әкетілген тауарлар табиғи тозу салдарынан болған өзгерістерден, сондай-ақ тасудың (тасымалдаудың) және (немесе) сақтаудың қалыпты жағдайында табиғи кему салдарынан болған өзгерістерден басқа, өзгеріссіз күйде қалуға тиіс.

      2. Күрделі жөндеуді, жаңғыртуды қоспағанда, жөндеуге техникалық қызмет көрсетуді және кеден органы оларды кері импорт кедендік рәсімімен орналастыру кезінде тауарларды идентификаттауды қамтамасыз еткен жағдайда, тауарларды қалыпты күйде ұстау үшін қажетті басқа да операцияларды қоса алғанда, уақытша әкелінген тауарлармен олардың сақталуын қамтамасыз ету үшін қажет операцияларды жасауға жол беріледі.


      312-бап.  Уақытша әкету кедендік рәсімі қолданылуының аяқталуы

      және тоқтатуы

      1. Кеден органы белгілеген уақытша әкету кедендік рәсімінің қолданылу мерзімі өткенге дейін осы кедендік рәсімнің қолданысы осы баптың 4-тармағының 2) тармақшасында көзделген жағдайды қоспағанда, уақытша әкетілген тауарларды кері импорт кедендік рәсімімен орналастырумен аяқталады.

      2. Кеден органы белгілеген уақытша әкету кедендік рәсімінің қолданылу мерзімі өткенге дейін осы кедендік рәсімнің қолданысы осы баптың 4-тармағының 2) тармақшасында көзделген, сонда-ақ Қазақстан Республикасының заңнамасына сәйкес көзделген жағдайды қоспағанда, уақытша әкетілген тауарларды экспорт кеден аумағынан тыс жерде қайта өңдеу, уақытша әкету кедендік рәсімдерімен орналастыру арқылы аяқталуы мүмкін, сондай-ақ Қазақстан Республикасының заңнамасы уақытша әкетілген тауарлар міндетті түрде Қазақстан Республикасының аумағына қайтарылуға жатады.

      3. Уақытша әкетілген тауарлар осы баптың 1 және 2-тармақтарында көрсетілген кедендік рәсімдермен бір немесе бірнеше партиямен орналастырылуы мүмкін.

      4. Кедендік рәсімнің қолданысы:

      1) егер мұндай кедендік рәсімнің қолданысы ұзартылмаса, кеден органы белгілеген уақытша әкету кедендік рәсімінің қолданылу мерзімі өткен соң;

      2) кедендік рәсімнің қолданысы аяқталғанға дейін уақытша әкетілген тауарларға қатысты, осы Кодекстің 311-бабының 2-тармағын бұзып, күрделі жөндеу, жаңғырту бойынша операциялар жасау фактісі анықталған кезде тоқтатылады.

      5. Осы баптың 4-тармағының 2) тармақшасында көзделген негіз бойынша оларға қатысты уақытша әкету кедендік рәсімінің қолданысы тоқтатылған, Еуразиялық экономикалық одақтың кедендік аумағына әкелінген тауарлар, Еуразиялық экономикалық одақтың кедендік аумағында болуы үшін, кері импорт кедендік рәсімін қоспағанда, шетелдік тауарларға қатысты қолданылатын кедендік рәсімдермен, ал Еуразиялық экономикалық одақтың кедендік аумағынан әкету үшін – экспорт кедендік рәсімімен ораналастыруға жатады.


      313-бап. Уақытша әкету кедендік рәсімімен орналастырылатын (орналастырылған) тауарларға қатысты кедендік әкету баждарын төлеу жөніндегі міндеттің туындауы және тоқтатылуы, оларды төлеу мерзімі мен есептеу

      1. Уақытша әкету кедендік рәсімімен орналастырылатын тауарларға қатысты кедендік әкету баждарын төлеу жөніндегі міндет кеден органы тауарларға арналған декларацияны тіркеген кезден бастап туындайды.

      2. Декларанттың уақытша әкету кедендік рәсімімен орналастырылатын (орналастырылған) тауарларға қатысты кедендік әкету баждарын төлеу жөніндегі міндеті мынадай мән-жайлар басталған:

      1) осы Кодекстің 312-бабының 1 және 2-тармақтарына сәйкес уақытша әкету кедендік рәсімінің қолданылуы аяқталған;

      2) оларға қатысты уақытша әкету кедендік рәсімінің қолданысы тоқтатылған тауарлар осы Кодекстің 209-бабының 7-тармағына немесе 312-бабының 5-тармағына сәйкес кедендік рәсімдермен орналастырылған;

      3) тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты – уақытша әкету кедендік рәсіміне сәйкес тауарларды шығарудан бас тартылған;

      4) тауарларға арналған декларацияны тіркеу кезінде туындаған кедендік әкету баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларация кері қайтарып алынған және (немесе) осы Кодекстің 192-бабының 5-тармағына сәйкес тауарларды шығарудың күші жойылған;

      5) Қазақстан Республикасының заңнамасына сәйкес тауарлар тәркіленген немесе мемлекет меншігіне айналдырылған;

      6) осы Кодекстің 52-тарауына сәйкес тауарларды кеден органдары кідірткен;

      7) қылмыстық құқық бұзушылықтар туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және егер бұрын тауарларды шығару жүргізілмеген болса, оларды қайтару туралы шешім қабылданған тауарлар уақытша сақтауға қойылған немесе кедендік рәсімдердің бірімен орналастырылған кезде тоқтатылады.

      3. Кеден органы белгілеген уақытша әкету кедендік рәсімінің қолданылу мерзімі өткенге дейін осы Кодекстің 312-бабының 1 және 2-тармақтарына сәйкес уақытша әкету кедендік рәсімінің қолданысы аяқталмаған жағдайда кедендік әкету баждарын төлеу жөніндегі міндет орындалуы тиіс.

      Көрсетілген мән-жай басталған кезде кеден органы белгілеген уақытша әкету кедендік рәсімінің қолданылу мерзімі өткен күн кедендік әкету баждарын төлеу мерзімі болып есептеледі.

      4. Осы баптың 3-тармағында көрсетілген мән-жайлар басталған кезде кедендік әкету баждары уақытша әкету кедендік рәсімімен орналастырылған тауарлар кедендік әкету баждарын төлеу бойынша жеңілдіктер қолданылмай экспорт кедендік рәсімімен орналастырылған сияқты төленуге жатады.

      Әкету кедендік баждарын есептеу үшін тауарларды уақытша әкету кедендік рәсіммен орналастыру үшін берілген тауарларға арналған декларацияны кеден органы тіркеген күнге қолданыста болатын әкету кедендік баждарының мөлшерлемелері қолданылады.

      5. Әкету кедендік баждарын төлеу және (немесе) оларды өндіріп алу (толық немесе ішінара) жөніндегі міндеттер орындалғаннан кейін тауарлар осы Кодекстің 209-бабының 7-тармағының үшінші абзацына немесе 312-бабының 5-тармағына сәйкес кедендік рәсімдермен орналастырылған жағдайда осы бапқа сәйкес төленген және (немесе) өндіріліп алынған әкету кедендік баждарының сомасы осы Кодекстің 11-тарауына сәйкес есепке алынуға (қайтарылуға) жатады.


      314-бап.  Уақытша әкетілген тауарларға қатысты экспорт кедендік

      рәсімімен орналастырылған кезде оларға әкету кедендік баждарын есептеу және төлеу ерекшеліктері

      Уақытша әкетілген тауарлар экспорт кедендік рәсімімен орналастырылған кезде әкету кедендік баждарын есептеу үшін, егер осы Кодекстің 84-бабының 1-тармағының екінші абзацына сәйкес осы Кодексте өзге күн белгіленбесе, тауарларды экспорт кедендік рәсімімен орналастыру үшін берілген тауарларға арналған декларацияны кеден органы тіркеген күні қолданыста болатын әкету кедендік баждарының мөлшерлемелері қолданылады.

      Егер әкету кедендік баждарын есептеу үшін шетел валютасын Қазақстан Республикасының ұлттық валютасына қайта есептеу талап етілсе, мұндай қайта есептеу осы тармақтың бірінші абзацында көрсетілген күні қолданыста болатын валюта бағамы бойынша жүргізіледі.


      315-бап. Оларға қатысты уақытша әкету кедендік рәсімінің қолданысы тоқтатылған тауарлар экспорт кедендік рәсімімен орналастырылған кезде әкету кедендік баждарын есептеу және төлеу ерекшеліктері

      Оларға қатысты уақытша әкету кедендік рәсімінің қолданысы тоқтатылған тауарлар экспорт кедендік рәсімімен орналастырылған кезде әкету кедендік баждарын есептеу үшін егер осы Кодекстің 84-бабының 1-тармағының екінші абзацына сәйкес осы Кодексте өзге күн белгіленбесе, тауарларды уақытша әкету кедендік рәсімімен орналастыру үшін берілген тауарларға арналған декларацияны кеден органы тіркеген күні қолданыста болатын әкету кедендік баждарының мөлшерлемелері қолданылады.

      Егер әкету кедендік баждарын есептеу үшін шетел валютасын Қазақстан Республикасының ұлттық валютасына қайта есептеу талап етілсе, мұндай қайта есептеу осы тармақтың бірінші абзацында көрсетілген күнге қолданыста болатын валюта бағамы бойынша жүргізіледі.

33-тарау. Кері импорт кедендік рәсімі

      316-бап.  Кері импорт кедендік рәсімінің мазмұны мен қолданылуы

      1. Кері импорт кедендік рәсімі – шетелдік тауарларға қатысты қолданылатын кедендік рәсім, оған сәйкес бұрын Еуразиялық экономикалық одақтың аумағынан әкетілген мұндай тауарлар тауарларды осы кедендік рәсіммен орналастыру шарттары сақталған кезде әкелу кедендік баждарын, салықтарды, арнайы, демпингке қарсы, өтем баждары төленбей Еуразиялық экономикалық одақтың кедендік аумағына әкелінеді.

      2. Кері импорт кедендік рәсімі бұрын Еуразиялық экономикалық одақтың кедендік аумағынан әкетілген, оларға қатысты:

      1) экспорт кедендік рәсімі;

      2) осы Кодекстің 264-бабының 2-тармағының 1) тармақшасына сәйкес осы кедендік рәсімнің қолданысын аяқтау үшін кеден аумағынан тыс қайта өңдеу кедендік рәсімі;

      3) осы Кодекстің 312-бабының 1-тармағына сәйкес осы кедендік рәсімнің қолданысын аяқтау үшін уақытша әкету кедендік рәсімі қолданылған тауарларға қатысты қолданылады.

      3. Бұрын Еуразиялық экономикалық одақтың аумағынан әкетілген, оларға қатысты уақытша әкету кедендік рәсімі немесе кеден аумағынан тыс қайта өңдеу кедендік рәсімі қолданылған және осы Кодекстің 256-бабының 3-тармағының 1) тармақшасында көрсетілген тауарлар не оларды қайта өңдеу өнімдері болып табылатын тауарларды қоспағанда, кері импорт кедендік рәсімімен орналастырылған тауарлар Еуразиялық экономикалық одақтың тауарлары мәртебесіне ие болады.

      4. Мынадай:

      1)  осы Кодекстің 287-бабының 6-тармағының 2) тармақшасына сәйкес еркін кеден аймағы кедендік рәсімінің немесе осы Кодекстің 296-бабының 5-тармағының 2) тармақшасына сәйкес еркін қойма кедендік рәсімінің қолданысын аяқтау үшін Еуразиялық экономикалық одақтың тауарларына;

      2) осы Кодекстің 264-бабының 1-тармағының екінші абзацында көрсетілген тауарларды қайта өңдеу өнімдерін қоспағанда, оларды өтеусіз (кепілдендірілген) жөндеу үшін Еуразиялық экономикалық одақтың кедендік аумағынан әкетілген, кеден аумағынан тыс қайта өңдеу кедендік рәсімімен орналастырылған тауарларды қайта өңдеу өнімдеріне қатысты кері импорт кедендік рәсімін қолдануға жол беріледі.

      5. Осы Кодекстің 281-бабының 11-тармағында көрсетілген тауарларға қатысты кері импорт кедендік рәсімін қолдануға жол берілмейді.


      317-бап. Тауарларды кері импорт кедендік рәсімімен орналастыру шарттары

      1. Тауарларды кері импорт кедендік рәсімімен орналастыру шарттары:

      1) осы Кодекстің 8-бабына сәйкес тыйым салулар мен шектеулерді сақтау;

      2) тауарларды Еуразиялық экономикалық одақтың кедендік аумағынан әкетудің мән-жайлары, егер Еуразиялық экономикалық одақтың кедендік аумағынан тыс жерде тауарларға жөндеу операциялары жасалса және кедендік және (немесе) өзге де құжаттарды немесе осындай құжаттар туралы мәліметтерді ұсынумен расталса, осындай операциялар туралы мәліметтерді кеден органына ұсыну;

      3) тауарлардың жекелеген санаттарына қатысты осы баптың 2, 4, 5 және 6-тармақтарында белгіленген өзге де шарттар болып табылады.

      2. Бұрын Еуразиялық экономикалық одақтың кедендік аумағынан әкетілген, оларға қатысты экспорт кедендік рәсімі қолданылған тауарларды кері импорт кедендік рәсімімен орналастыру шарттары:

      1) оларды Еуразиялық экономикалық одақтың кедендік аумағынан іс жүзінде әкеткен күннен кейін күннен бастап үш жыл өткенге дейін немесе осы баптың 3-тармағына сәйкес Комиссия айқындаған өзге мерзім өткенге дейін тауарларды кері импорт кедендік рәсімімен орналастыру;

      2) табиғи тозу салдарынан болған өзгерістерді, сондай-ақ тасудың (тасымалдаудың) және (немесе) сақтаудың қалыпты жағдайы кезінде табиғи кему салдарынан болған өзгерістерді қоспағанда, тауарларды Еуразиялық экономикалық одақтың кедендік аумағынан әкетілген өзгеріссіз күйінде сақтау;

      3) тауарларды Еуразиялық экономикалық одақтың кедендік аумағынан әкетуге байланысты мұндай салықтардың сомасы төленбесе не Қазақстан Республикасының салық заңнамасында белгіленген тәртіппен және шарттармен тауарларды экспорт кедендік рәсімімен орналастыруға байланысты қайтарса, салықтардың өтелуін растау болып табылады.

      3. Тауарлардың жекелеген санаттарына қатысты Комиссия осы баптың 2-тармағының 1) тармақшасында көрсетілген мерзімнен асатын мерзімді айқындауға құқылы.

      4. Бұрын Еуразиялық экономикалық одақтың кедендік аумағынан әкетілген, оларға қатысты уақытша әкету кедендік рәсімі қолданылған тауарларды кері импорт кедендік рәсімімен орналастыру шарттары:

      1) уақытша әкету кедендік рәсімінің қолданылу мерзімі ішінде тауарларды Еуразиялық экономикалық одақтың кедендік аумағына әкелу;

      2) табиғи тозу салдарынан болған өзгерістерді, сондай-ақ тасудың (тасымалдаудың) және (немесе) сақтаудың қалыпты жағдайы кезінде табиғи кему салдарынан болған өзгерістерді, сондай-ақ оларды уақытша әкету кедендік рәсіміне сәйкес пайдалану кезінде мұндай тауарларға қатысты жол берілетін өзгерістерді қоспағанда, тауарларды Еуразиялық экономикалық одақтың кедендік аумағынан әкетілген күйінен өзгеріссіз күйінде сақтау болып табылады.

      5. Бұрын Еуразиялық экономикалық одақтың кедендік аумағынан әкетілген, оларға қатысты кеден аумағынан тыс қайта өңдеу кедендік рәсімі қолданылған тауарларды кері импорт кедендік рәсімімен орналастыру шарттары:

      1) кеден органы белгілеген кеден аумағынан тыс қайта өңдеу кедендік рәсімінің қолданылу мерзімі ішінде тауарларды Еуразиялық экономикалық одақтың кедендік аумағына әкелу;

      2) табиғи тозу салдарынан болған өзгерістерді, сондай-ақ тасудың (тасымалдаудың) және (немесе) сақтаудың қалыпты жағдайы кезінде табиғи кему салдарынан болған өзгерістерді қоспағанда, тауарларды Еуразиялық экономикалық одақтың кедендік аумағынан әкетілген күйінен өзгеріссіз күйінде сақтау болып табылады.

      6. Оларға қатысты кеден аумағынан тыс қайта өңдеу кедендік рәсімі қолданылған тауарларды өңдеу өнімдерін кері импорт кедендік рәсімімен орналастыру шарттары:

      1) кеден аумағынан тыс қайта өңдеу кедендік рәсімімен орналастырылған тауарларды оларды өтеусіз (кепілдендерілген) жөндеу үшін Еуразиялық экономикалық одақтың кедендік аумағынан әкету;

      2) кеден органы белгілеген кеден аумағынан тыс қайта өңдеу кедендік рәсімінің қолданылу мерзімі ішінде қайта өңдеу өнімдерін кері импорт кедендік рәсімімен орналастыру болып табылады.

      7. Осы баптың 2, 4, 5 және 6-тармақтарында көрсетілген кеден рәсімдерінің біріне сәйкес тауарлар Еуразиялық экономикалық одақтың кедендік аумағынан әкетілген, соның біріне орналастырылған тауарлардың декларанты болып табылатын тұлға кері импорт кедендік рәсімімен орналастырылған тауарлардың декларанты болып әркет етуі мүмкін.


      318-бап. Әкету кедендік баждарының сомасы есепке жатқызу (қайтару)

      1. Осы Кодекстің 317-бабының 2-тармағында көрсетілген, кері импорт кедендік рәсімімен орналастырылған тауарларға әкету кедендік баждарының төленген сомасын мұндай тауарлар экспорт кедендік рәсімімен орналастырылған күннен кейінгі күннен бастап алты айдан кешіктірілмей көрсетілген тауарлар кері импорт кедендік рәсімімен орналастырылған жағдайда есепке жатқызу (қайтару) жүзеге асырылады.

      2. Егер тауарларды экспорт кедендік рәсімімен орналастыру кезінде тауарларды кедендік декларациялау осы Кодекстің 186, 187, 189 және 190-баптарында айқындалған ерекшеліктермен жүзеге асырылса, мұндай тауарлар экспорт кедендік рәсімімен орналастырылған күннен кейінгі күннен бастап тоғыз ай мерзімінен кешіктірілмей көрсетілген тауарлар кері импорт кедендік рәсімімен орналастырылған жағдайда кері импорт кедендік рәсімімен орналастырылған мұндай тауарларға әкету кедендік баждарының сомасын есепке жатқызу (қайтару) жүзеге асырылады.

34-тарау. Кері экспорт кедендік рәсімі

      319-бап. Кері экспорт кедендік рәсімінің мазмұны мен қолданылуы

      1. Кері экспорт кедендік рәсімі – шетелдік тауарларға және Еуразиялық экономикалық одақтың тауарларына қатысты қолданылатын кедендік рәсім, соған сәйкес шетелдік тауарлар Еуразиялық экономикалық одақтың кедендік аумағынан әкелу кедендік баждарын, салықтарды, арнайы, демпингке қарсы, өтем баждары төленбей және (немесе) Кодекстің 323-бабына сәйкес осы баждар мен салықтардың сомасы есепке жатқызылып (қайтарылып), ал Еуразиялық экономикалық одақтың тауарлары – тауарларды осы кедендік рәсіммен орналастыру шарттары сақталған кезде әкету кедендік баждары төленбей әкелінеді.

      2. Кері экспорт кедендік рәсімі:

      1) Еуразиялық экономикалық одақтың кедендік аумағына әкелінген және Еуразиялық экономикалық одақтың кедендік аумағында тұрған шетелдік тауарларға. оның ішінде кедендік рәсімдермен орналастырылған шетелдік тауарларға;

      2) осы Кодекстің 253-бабының 1-тармағына сәйкес кеден аумағында қайта өңдеу кедендік рәсімінің қолданысын аяқтау үшін, Еуразиялық экономикалық одақтың кедендік аумағында қайта өңдеу бойынша жасалған операциялардың нәтижесінде алынған (қалыптасқан) тауарларға (қайта өңдеу өнімдерін, осы Кодекстің 250-бабының 3-тармағында көрсетілген ысыраптарды қоспағанда, ысыраптарға және (немесе) қалдықтарға);

      3) осы Кодекстің 277-бабының 2-тармағының 1) тармақшасына сәйкес ішкі тұтыну үшін қайта өңдеу кедендік рәсімінің қолданысын аяқтау үшін, осы Кодекстің 275-бабының 3-тармағында көрсетілген ысыраптарды қоспағанда, ысырыптарға және (немесе) ішкі тұтыну үшін қайта өңдеу бойынша операцияларды жасау нәтижесінде қалыптасқан ысырыптарға;

      4) осы Кодекстің 287-бабының 5-тармағының 1) тармақшасына сәйкес еркін кеден аймағы кедендік рәсімінің қолданысын аяқтау үшін еркін кеден аймағы кедендік рәсімімен орналастырылған шетелдік тауарлардан дайындалған (алынған) тауарларға;

      5) осы Кодекстің 296-бабының 4-тармағының 1) тармақшасына сәйкес еркін қойма кедендік рәсімінің қолданысын аяқтау үшін еркін қойма кедендік рәсімімен орналастырылған шетелдік тауарлардан дайындалған (алынған) тауарларға;

      6) тауарларды Еуразиялық экономикалық одақтың кедендік шекарасы арқылы өткізуге негіз болған мәміленің талаптары орындалмауы себебінен, оның ішінде саны, сапасы, сипаттамасы немесе орауышы бойынша Еуразиялық экономикалық одақтың кедендік аумағынан әкетілетін болса, осы Кодекстің 320-бабының 2-тармағында белгіленген шарттар сақталған жағдайда, ішкі тұтыну үшін шығару кедендік рәсімі қолданылған Еуразиялық экономикалық одақтың тауарларына;

      7) осы Кодекстің 320-бабының 2-тармағында белгіленген шарттар сақталған жағдайда, егер тауарлар Еуразиялық экономикалық одақтың кедендік шекарасы арқылы өткізуге негіз болған мәміленің талаптары орындалмауы себебінен, оның ішінде саны, сапасы, сипаттамасы немесе орауышы бойынша Еуразиялық экономикалық одақтың кедендік аумағынан көрсетілген тауарлар әкетілетін болса, оларға қатысты Еуразиялық экономикалық одақ шеңберіндегі халықаралық шарттарға немесе Еуразиялық экономикалық одаққа кіру туралы халықаралық шарттарға сәйкес Еуразиялық экономикалық одақтың Бірыңғай кедендік тарифінде белгіленгендерге қарағанда әкелу кедендік баждарының неғұрлым төмен мөлшерлемелері қолданылған, ішкі тұтыну үшін шығару кедендік рәсімімен орналастырылған тауарларға қатысты қолданылады.

      3. Осы баптың 2-тармағының 6) тармақшасында көрсетілген, кері экспорт кедендік рәсімімен орналастырылған және Еуразиялық экономикалық одақтың кедендік аумағынан іс жүзінде әкетілген Еуразиялық экономикалық одақтың тауарлары Еуразиялық экономикалық одақ тауарларының мәртебесін жоғалтады.

      4. Еуразиялық экономикалық одақтың кедендік аумағынан әкетілген тауарларға:

      1) осы Кодекстің 264-бабының 2-тармағының 2) тармақшасына сәйкес кеден аумағынан тыс қайта өңдеу кедендік рәсімінің қолданысын аяқтау үшін Кодекстің 256-бабының 3-тармағының 1) тармақшасында көрсетілген, кеден аумағынан тыс қайта өңдеу кедендік рәсімімен орналастырылған осы тауарларға;

      2) Комиссия айқындайтын жағдайларда арнайы кедендік рәсіммен орналастырылған;

      3) Кодекстің 359-бабының 7-тармағына сәйкес халықаралық тасымалдаудың көлік құралдарына;

      4) осы Кодекстің 386-бабының 5-тармағының 2) тармақшасында көрсетілген шетелдік тауарларға  қатысты кері экспорт кедендік рәсімін қолдануға жол беріледі.

      5. Осы баптың 4-тармағында көрсетілген тауарлар оларды Еуразиялық экономикалық одақтың кедендік аумағына әкелместен кері экспорт кедендік рәсімімен орналастырылады.


      320-бап. Тауарларды кері экспорт кедендік рәсімімен орналастыру шарттары

      1. Осы Кодекстің 319-бабының 2-тармағының 1), 2), 3), 4) және 5) тармақшаларында көрсетілген тауарларды кері экспорт кедендік рәсімімен орналастыру шарттары:

      1) осы Кодекстің 8-бабына сәйкес тыйым салулар мен шектеулерді сақтау;

      2) кедендік және (немесе) өзге құжаттарды немесе осындай құжаттар туралы мәліметтерді ұсынумен расталатын Еуразиялық экономикалық одақтың кедендік аумағына тауарларды әкелудің мән-жайлары, Еуразиялық экономикалық одақтың кедендік аумағынан тауарларды әкетудің мән-жайлары туралы мәліметтерді кеден органына ұсыну болып табылады.

      2. Осы Кодекстің 319-бабының 2-тармағының 6) және 7) тармақшаларында көрсетілген тауарларды кері экспорт кедендік рәсімімен орналастыру шарттары:

      1) олар ішкі тұтыну үшін шығару кедендік рәсімімен орналастырылған күннен кейінгі күннен кейінгі күннен бастап бір жыл бойы кері экспорт кедендік рәсімімен орналастыру;

      2) кедендік және (немесе) өзге құжаттарды немесе осындай құжаттар туралы мәліметтерді ұсынумен расталатын, Еуразиялық экономикалық одақтың кедендік аумағына әкелудің мән-жайлары, тауарларды Еуразиялық экономикалық одақтың кедендік шекарасы арқылы өткізуге негіз болған мәміле талаптарының орындалмауы, осы тауарлардың ішкі тұтыну үшін шығару кедендік рәсімімен орналастырылуы, осы тауарлардың ішкі тұтыну үшін шығару кедендік рәсімімен орналастырылғаннан кейін пайдаланылуы туралы мәліметтерді кеден органына ұсыну. Тауарларды Еуразиялық экономикалық одақтың кедендік шекарасынан өткізуге негіз болған мәміле талаптарының орындалмауын растау мақсаттары үшін кеден органына Қазақстан Республикасының заңнамасына сәйкес уәкілетті ұйымдар беретін құжаттар ұсынылуы мүмкін;

      3) тауарларды пайдалану тауарларды Еуразиялық экономикалық одақтың кедендік аумағынан әкетуге әкеп соқтырған ақаулықтарды немесе өзге мән-жайларды анықтау үшін қажет болған жағдайларды қоспағанда, тауарларды Еуразиялық экономикалық одақтың кедендік аумағында пайдаланбау және оларды жөндеуді жүргізбеу;

      4) кеден органының тауарларды идентификаттау мүмкіндігі;

      5) осы Кодекстің 8-бабына сәйкес тыйым салулар мен шектеулерді сақтау болып табылады.


      321-бап. Кері экспорт кедендік рәсімімен орналастырылған тауарлармен жасалатын іс-қимылдар

      1. Еуразиялық экономикалық одақтың кедендік аумағы арқылы тасу (тасымалдау) үшін кері экспорт кедендік рәсімімен орналастырылған тауарлар:

      1) осы Кодекстің 319-бабының 2-тармағының 6) тармақшасында көрсетілген тауарларды;

      2) порттық ЕЭА немесе логистикалық ЕЭА аумағынан әкетілетін және мұндай тауарлардың кету орны осындай порттық ЕЭА немесе логистикалық ЕЭА іргелес жатқан Еуразиялық экономикалық одақтың кедендік шекарасы арқылы тауарлар өткізілетін жер болып табылатын тауарларды;

      3) Комиссия айқындайтын өзге де тауарлар санаттарын қоспағанда, кедендік транзит кедендік рәсімімен орналастырылады.

      2. Кері экспорт кедендік рәсімімен орналастырылған тауарлар порттық ЕЭА немесе логистикалық ЕЭА аумағына әкелінген тауарларды қоспағанда, мұндай тауарлар осындай кедендік рәсіммен орналастырылған күннен кейінгі күннен бастап төрт айдан аспайтын мерзімде Еуразиялық экономикалық одақтың кедендік аумағынан әкетілуге тиіс.

      3. Шетелдік тауарлар кері экспорт кедендік рәсімімен орналастырылған күннен кейінгі үш жұмыс күні ішінде мұндай тауарлар кедендік транзит кедендік рәсімімен орналастырылмаған не Еуразиялық экономикалық одақтың кедендік аумағынан кетпеген жағдайда олар уақытша сақтауға орналастырылуы тиіс.

      4. Осы баптың 2-тармағында белгіленген мерзім өткенге дейін кері экспорт кедендік рәсімімен орналастырылған шетелдік тауарлар Еуразиялық экономикалық одақтың кедендік аумағынан әкетілмеген кезде, оларды жою және (немесе) аварияның немесе еңсерілмес күш әсерінің салдарынан қайтарымсыз жойылу не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде қайтарымсыз жойылу жағдайларын қоспағанда, кері экспорт кедендік рәсімінің қолданысы тоқтатылады, ал мұндай шетелдік тауарларды осы Кодекстің 52-тарауына сәйкес кеден органдары кідіртеді.


      322-бап. Кері экспорт кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мерзімі мен есептеу

      1. Кері экспорт кедендік рәсімімен орналастырылатын (орналастырылған)шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет декларанттакеден органы тауарларға арналған декларацияны тіркеген кезден бастап туындайды.

      2. Декларанттың кері экспорт кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеті мынадай мән-жайлар басталған кезде:

      1) осы Кодекстің 159-бабына сәйкес Комиссия айқындаған тәртіппен бекіткен кету орнына кеден органы растаған шетелдік тауарлар Еуразиялық экономикалық одақтың кедендік аумағынан іс жүзінде әкетілген;

      2) оларға қатысты кері экспорт кедендік рәсімінің қолданылуы тоқтатылған тауарлар осы Кодекстің 209-бабының 7-тармағына сәйкес кедендік рәсімдермен орналастырылған;

      3) әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің орындалған және (немесе) оларды осы баптың 4, 5 және 6-тармақтарына сәйкес есептелген және төленуі тиіс мөлшерде өндіріп алынған;

      4) осы Кодекске сәйкес осындай жою немесе қайтарымсыз жоғалуға дейін мұндай шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу мерзімі басталған қоспағанда, уәкілетті орган бекіткен тәртіппен кеден органы аварияның немесе еңсерілмес күш әсерінің салдарынан шетелдік тауарлардың жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде осы тауарлардың қайтарымсыз жоғалу фактісін таныған;

      5) тауарларға арналған декларацияны тіркеу кезінде туындаған әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – кері экспорт кедендік рәсіміне сәйкес тауарларды шығарудан бас тартылған;

      6) тауарларға арналған декларацияны тіркеу кезінде туындаған әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларацияны кері қайтарып алу және (немесе) осы Кодекстің 192-бабының 5-тармағына сәйкес тауарларды шығарудың күші жойылған;

      7) Қазақстан Республикасының заңнамасына сәйкес тауарларды тәркіленген немесе мемлекет меншігіне айналдырылған;

      8) осы Кодекстің 52-тарауына сәйкес тауарларды кеден органы кідірткен;

      9) қылмыстық құқық бұзушылық туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және егер бұрын мұндай тауарларды шығару жүргізілмеген болса, оларға қатысты оларды қайтару туралы шешім қабылданған тауарлар уақытша сақтауға қойылған немесе кедендік рәсімдердің бірімен орналастырылған кезде тоқтатылады.

      3. Осы Кодекстің 321-бабының 2-тармағында белгіленген мерзім өткенге дейін кері экспорт кедендік рәсімімен орналастырылған шетелдік тауарлар Еуразиялық экономикалық одақтың кедендік аумағынан әкетілмеген жағдайда туындаған әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет орындалуға тиіс.

      Көрсетілген мән-жай басталған кезде тауарлар кері экспорт кедендік рәсімімен орналастырылған күн әкелу кедендік баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      4. Осы баптың 5 және 6-тармақтарында көрсетілген жағдайларды қоспағанда, осы баптың 3-тармағында көрсетілген мән-жай басталған кезде әкелу кедендік баждары, салықтар, арнайы, демпингке қарсы, өтем баждары кері экспорт кедендік рәсімімен орналастырылған шетелдік тауарлар әкелу кедендік баждары, салықтарды төлеу бойынша тарифтік преференциялар мен жеңілдіктері қолданылмай, ішкі тұтыну үшін шығару кедендік рәсімімен орналастырылған сияқты төленуге жатады.

      5. Осы баптың 3-тармағында көрсетілген мән-жай осы Кодекстің 202-бабының 1-тармағында 1) тармақшасында көрсетілген шартты түрде шығарылған тауарларға қатысты басталған жағдайда, әкелу кедендік баждары, салықтар әкелу кедендік баждарын, салықтарды төлеу бойынша жеңілдіктерді қолдануға байланысты ішкі тұтыну үшін шығару кедендік рәсіміне сәйкес тауарларды шығару кезінде төленбеген әкелу кедендік баждарының, салықтардың сомасы мөлшерінде төленуге жатады. Арнайы, демпингке қарсы, өтем баждары көрсетілген тауарларға қатысты төленуге жатпайды.

      6. Осы баптың 3-тармағында көрсетілген мән-жай кеден аумағында қайта өңдеу кедендік рәсімімен орналастырылған тауарлардың қайта өңдеу өнімдеріне қатысты басталған жағдайда, әкелу кедендік баждары, салықтар, арнайы, демпингке қарсы, өтем баждары кеден аумағында қайта өңдеу кедендік рәсімімен орналастырылған және қайта өңдеу өнімдерін шығару нормаларына сәйкес қайта өңдеу өнімдерін дайындау үшін пайдаланылған шетелдік тауарлар ішкі тұтыну үшін шығару кедендік рәсімімен орналастырылғандай төленуге жататын әкелу кедендік баждарының, салықтардың, арнайы, демпингке қарсы, өтем баждарының мөлшерінде төленуге жатады.

      Әкелу кедендік баждары, салықтар, арнайы, демпингке қарсы, өтем баждарын есептеу үшін кеден аумағында қайта өңдеу кедендік рәсімімен орналастыру үшін берілген тауарларға арналған декларацияны кеден оганы тіркеген күні, ал шығарылуы оларды кеден аумағында қайта өңдеу кедендік рәсімімен орналастыру кезінде тауарларға арналған декларация берілгенге дейін жүргізілген тауарларға қатысты –тауарларға арналған декларация берілгенге дейін тауарлардышығару туралы өтінішті кеден органы тіркеген күні қолданыста болатын әкелу кедендік баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер әкелу кедендік баждарының, салықтардың, арнайы, демпингке қарсы, өтем баждарын есептеу үшін шетел валютасын Қазақстан Республикасының ұлттық валютасына қайта есептеу талап етілсе, мұндай қайта есептеу осы тармақтың екінші абзацында көрсетілген күні қолданыста болатын валюта бағамы бойынша жүргізіледі.

      7. Осы баптың 6-тармағына сәйкес әкелу кедендік баждарының, салықтардың, арнайы, демпингке қарсы, өтем баждарының сомасынан көрсетілген сомаға қатысты тауарлар кеден аумағында қайта өңдеу кедендік рәсімімен орналастырылған күннен бастап тауарлар кері экспорт кедендік рәсімімен орналастырылған күн аралығында оларды төлеу мерзімін кейінге қалдыру ұсынылғандай пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      Егер осы Кодекстің 253-бабының 3-тармағына сәйкес кеден аумағында қайта өңдеу кедендік рәсімінің қолданылуы тоқтатыла тұрса, осы тармақта көзделген пайыздар кедендік рәсімнің қолданысы тоқтатыла тұрған кезеңге есептелмейді және төленбейді.

      8. Шетелдік тауарлар Еуразиялық экономикалық одақтың кедендік аумағынан Комиссия айқындаған тәртіппен кеден органы бекіткен кету орнына іс жүзінде әкетілген не осы Кодекстің 209-бабының 7-тармағына сәйкес мұндай тауарлар шетелдік тауарларға қолданылатын кедендік рәсімдермен орналастырылған не осы Кодекстің 52-тарауына сәйкес мұндай тауарларды кеден органдары кідірткен жағдайда әкелу кедендік баждарын, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толық немесе ішінара) жөніндегі міндет орындалғаннан кейін осы бапқа сәйкес төленген және (немесе) өндіріліп алынған әкелу кедендік баждары, салықтар, арнайы, демпингке қарсы, өтем баждары осы Кодекстің 11-тарауына және 141-бабына сәйкес қайтарылуға жатады.

      9. Кері экспорт кедендік рәсімімен орналастырылатын тауарларға қатысты әкелу кедендік баждарын төлеу жөніндегі міндет декларантта туындамайды.


      323-бап. Әкелу кедендік баждарының, салықтардың, арнайы, демпингке қарсы, өтем баждарының сомасын есепке жатқызу (қайтару)

      1. Осы Кодекстің 319-бабының 2-тармағының 6) және 7) тармақшаларында көрсетілген, кері экспорт кедендік рәсімімен орналастырылған және Еуразиялық экономикалық одақтың кедендік аумағынан іс жүзінде әкетілген тауарларға қатысты әкелу кедендік баждарының, салықтардың сомасы әкелу кедендік баждарын, салықтарды төлеу бойынша жеңілдіктер беру мақсаттары мен шарттары бұзылып және (немесе) осындай жеңілдіктерді қолдануға байланысты мұндай тауарларды пайдалану және (немесе) оларға иелік ету бойынша шектеулер бұзылып іс-қимылдар жасауға байланысты төленген (өндіріліп алынған) жағдайды қоспағанда, ішкі тұтыну үшін шығару кедендік рәсімін қолдануға байланысты төленген (өндіріп алынған) әкелу кедендік баждарының, салықтардың, арнайы, демпингке қарсы, өтем баждарының сомасын есепке жатқызу (қайтару) жүзеге асырылады.

      2. Осы баптың 1-тармағына сәйкес әкелу кедендік баждарының, салықтардың, арнайы, демпингке қарсы, өтем баждарының сомаларын есепке жатқызу (қайтару) осы Кодекстің 11-тарауына және 141-бабына сәйкес жүзеге асырылады.

35-тарау. Бажсыз сауда кедендік рәсімі

      324-бап. Бажсыз сауда кедендік рәсімінің мазмұны мен қолданылуы

      1. Бажсыз сауда кедендік рәсімі – шетелдік тауарларға және Еуразиялық экономикалық одақтың тауарларына қатысты қолданылатын кедендік рәсім, соған сәйкес тауарларды осы кедендік рәсіммен орналастыру шарттары сақталған және олар осындай кедендік рәсімге сәйкес пайдаланылған кезде мұндай тауарлар баждары төленбей бажсыз сауда дүкендерінде болады және шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем бөлшек саудада өткізіледі.

      2. Бажсыз сауда кедендік рәсімімен орналастырылған тауарлар:

      1) Еуразиялық экономикалық одақтың кедендік аумағынан кететін жеке тұлғаларға;

      2) Еуразиялық экономикалық одақтың кедендік аумағына келетін жеке тұлғаларға;

      3) Еуразиялық экономикалық одаққа мүше бір мемлекеттен Еуразиялық экономикалық одаққа мүше басқа мемлекетке кететін жеке тұлғаларға және Еуразиялық экономикалық одаққа мүше бір мемлекеттен Еуразиялық экономикалық одаққа мүше басқа мемлекетке келетін жеке тұлғаларға;

      4)  дипломатиялық өкілдіктерге, консулдық мекемелерге, мемлекеттердің халықаралық ұйымдардың жанындағы өкілдіктеріне, халықаралық ұйымдарға немесе олардың Еуразиялық экономикалық одақтың кедендік аумағында орналасқан өкілдіктеріне, сондай-ақ дипломатиялық өкілдіктің дипломатиялық персоналының мүшелеріне, консулдық лауазымды тұлғаларға және олармен бірге тұратын отбасы мүшелеріне, мемлекеттердің халықаралық ұйымдардың жанындағы өкілдіктерінің, халықаралық ұйымдардың немесе олардың өкілдіктерінің персоналына (қызметкерлеріне, лауазымды тұлғаларына) өткізіледі.

      3. Бажсыз сауда кедендік рәсімімен орналастырылған тауарлар осы баптың 2-тармағының 1), 2) және 3) тармақшаларында көрсетілген тұлғаларға Еуразиялық экономикалық одақтың кедендік шекарасы арқылы тауарлар өткізілетін орындарда жұмыс істейтін бажсыз сауда дүкендерінде сатылады.

      4. Осы баптың 2-тармағының 2) тармақшасында көрсетілген тұлғаларға тауарларды Еуразиялық экономикалық одақтың кедендік шекарасы арқылы тауарлар әуе және су көлігі түрлерімен өткізілетін орындарда, сондай-ақ Еуразиялық экономикалық одақтың кедендік шекарасы арқылы тауарлар өткізілетін өзге де жерлерде және шектері толық немесе ішінара Еуразиялық экономикалық одақтың кедендік шекарасының учаскелерімен сәйкес келетін ЕЭА аумағында жұмыс істейтін бажсыз сауда дүкендерінде сатуға жол беріледі.

      5. Осы баптың 2-тармағының 3) тармақшасында көрсетілген тұлғаларға тауарларды Еуразиялық экономикалық одақтың кедендік шекарасы арқылы тауарлар әуе көлігі түрлерімен өткізілетін орындарда жұмыс істейтін бажсыз сауда дүкендерінде сатуға жол беріледі.

      6. Бажсыз сауда кедендік рәсімімен орналастырылған тауарлар осы баптың 2-тармағының 4) тармақшасында көрсетілген тұлғаларға уәкілетті органмен келісім бойынша сыртқы саясат саласындағы уәкілетті орган айқындаған бажсыз сауда дүкендерінде сатылады.

      7. Бажсыз сауда кедендік рәсімімен орналастырылған, осы баптың 2-тармағының 1) тармақшасында көрсетілген жеке тұлғаларға сатылған Еуразиялық экономикалық одақтың тауарлары Еуразиялық экономикалық одақ тауарларының мәртебесін жоғалтады.

      8. Бажсыз сауда кедендік рәсімі Қазақстан Республикасының заңнамасына сәйкес айналымына тыйым салынған тауарларға қатысты қолданылмайды.

      Комиссия оларға қатысты бажсыз сауда кедендік рәсімі қолданылмайтын өзге тауарлардың тізбесін айқындауға құқылы.

      9. Бажсыз сауда дүкендерінде бажсыз сауда кедендік рәсімімен орналастырылмай осы бажсыз сауда дүкендерінің жұмыс істеуін қамтамасыз ету үшін қажет тауарлар орналастырылуы және пайдаланылуы мүмкін.


      325-бап. Тауарларды бажсыз сауда кедендік рәсімімен орналастыру және осындай кедендік рәсімге сәйкес оларды пайдалану шарттары

      1. Тауарларды бажсыз сауда кедендік рәсімімен орналастыру шарттары осы Кодекстің 8-бабына сәйкес тыйым салулар мен шектеулерді сақтау болып табылады.

      2. Осы тауарлар тұратын және сатылатын бажсыз сауда дүкенінің иесі болып табылатын тұлға ғана бажсыз сауда кедендік рәсімімен орналастырылған тауарлардың декларанты болып әрекет ете алады.

      3. Тауарларды бажсыз сауда кедендік рәсіміне сәйкес пайдалану шарттары:

      1) тауарлардың бажсыз сауда дүкендерінде болуы;

      2) бажсыз сауда дүкендерінде тауарларды осы Кодекстің 324-бабының 2-тармағында көрсетілген тұлғаларға сату;

      3) осы Кодекстің 326-бабында көзделген бажсыз сауда кедендік рәсімімен орналастырылған шетелдік тауарлардың жекелеген санаттарын сату шарттарын сақтау болып табылады.


      326-бап. Бажсыз сауда дүкендерінде бажсыз сауда кедендік рәсімімен орналастырылған тауарлардың жекелеген санаттарын сату шарты

      Бажсыз сауда кедендік рәсімімен орналастырылған алкогольдік ішімдіктер және сыра, темекі және темекі бұйымдары сияқты тауарлар бажсыз сауда дүкендерінде осы Кодекстің 324-бабының 2-тармағының 2) тармақшасында көрсетілген тұлғаларға оның шегінде жеке пайдалануға арналған тауарлар кедендік баждарды, салықтарды төлемей, Еуразиялық экономикалық одақтың кедендік аумағына әкелінетін сандық нормалармен сатылады.

      Уәкілетті орган шектері кедендік бақылау мақсаттары үшін Еуразиялық экономикалық одақтың кедендік шекарасының учаскелерімен толық немесе ішінара сәйкес келетін АЭА аумағында орналасқан бажсыз сауда дүкендерінде тауарларды өткізу кезінде ақпараттық жүйесін пайдалана отырып тауарларды есепке алу тәртібіне қойылатын талаптарды және оны қолдану тәртібін белгілеуі мүмкін.


      327-бап. Бажсыз сауда кедендік рәсімінің қолданысын аяқтау және тоқтату

      1. Бажсыз сауда кедендік рәсімінің қолданысы шетелдік тауарларды осы Кодекстің 324-бабының 2-тармағының 3) тармақшасында көрсетілген тұлғаларға сатуды қоспағанда, осы кедендік рәсіммен орналастырылған тауарларды бажсыз сауда дүкендерінде осы Кодекстің 324-бабының 2-тармағында көрсетілген тұлғаларға сатумен аяқталады.

      2. Бажсыз сауда дүкендерінде бажсыз сауда кедендік рәсімімен орналастырылған шетелдік тауарларды осы Кодекстің 324-бабының 2-тармағының 3) тармақшасында көрсетілген тұлғаларға өткізу кезінде, бажсыз сауда кедендік рәсімінің қолданысы ішкі тұтыну үшін осы шетелдік тауарларды шығару кедендік рәсімімен орналастырумен аяқталады.

      3. Осы баптың 2-тармағында көрсетілген шетелдік тауарларға қатысты тауарларға арналған декларацияны ішкі тұтыну үшін шығару кедендік рәсімімен оларды орналастыру үшін бажсыз сауда дүкенінің иесі осы тауарларды өткізген айдан кейінгі айдың оны күнінен кешіктірмей беруге тиіс.

      Тауарларды шығарудан бас тартылған кезде көрсетілген тауарларға қатысты тауарларға арналған декларацияны ішкі тұтыну үшін шығару кедендік рәсімімен орналастыру үшін оларды бажсыз сауда дүкенінің иесі тауарларды шығарудан бас тартқан күннен кейінгі күннен бастап бес жұмыс күнінен кешіктірмей беруге тиіс.

      4. Бажсыз сауда кедендік рәсімімен орналастырылған шетелдік тауарларға қатысты бажсыз сауда кедендік рәсімінің қолданылуы:

      1) осы Кодексте көзделген жағдайларда тауарларды шетелдік тауарларға қатысты қолданылатын кедендік рәсімдермен орналастырумен;

      2) осы Кодекстің 41-тарауына сәйкес әуе немесе су кемелерінің борттарында Еуразиялық экономикалық одақтың кедендік аумағынан әкетілетін керек-жарақтар ретінде пайдалану үшін тауарларды шығарумен аяқталуы мүмкін.

      5. Бажсыз сауда кедендік рәсімімен орналастырылған Еуразиялық экономикалық одақтың тауарларына қатысты бажсыз сауда кедендік рәсімінің қолданылуы:

      1) тауарларды экспорт кедендік рәсімімен орналастырумен;

      2) осындай тауарлар декларантының өтініші негізінде тауарларды бажсыз сауда дүкенінен Еуразиялық экономикалық одақтың кедендік аумағына әкетумен аяқталуы мүмкін.

      6. Бажсыз сауда дүкені жұмыс істеуін тоқтатқан жағдайда көрсетілген бажсыз сауда дүкені жұмыс істеуін тоқтатқан күннен кейінгі күннен бастап үш ай ішінде бажсыз сауда кедендік рәсімімен орналастырылған шетелдік тауарлар шетелдік тауарларға қолданылатын кедендік рәсімдермен орналастырылуға, ал Еуразиялық экономикалық одақтың тауарлары – экспорт кедендік рәсімімен орналастырылуға немесе бажсыз сауда дүкенінен Еуразиялық экономикалық одақтың кедендік аумағына әкетуге жатады.

      Егер мұндай іс-қимылдар көрсетілген мерзімде жасалмаған жағдайда, бажсыз сауда кедендік рәсімінің қолданысы осы мерзім өткен соң тоқтатылады, ал тауарларды осы Кодекстің 52-тарауына сәйкес кеден органдары кідіртеді.


      328-бап. Бажсыз сауда кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылуы, оларды төлеу мерзімі мен есептеу

      1. Бажсыз сауда кедендік рәсімімен орналастырылатын шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет декларантта кеден органы тауарларға арналған декларацияны тіркеген кезден бастап туындайды.

      2. Декларанттың бажсыз сауда кедендік рәсімімен орналастырылатын (орналастырылған) шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндеті мынадай мән-жайлар басталған:

      1) осы тауарлар осы Кодекстің 324-бабының 2-тармағының 1), 2) және 4) тармақшаларында көрсетілген тұлғаларға өткізілген;

      2) осы Кодекстің 324-бабының 2-тармағының 3) тармақшасында көрсетілген тұлғаларға өткізілген осы тауарлар ішкі тұтыну үшін шығару кедендік рәсімімен орналастырылған;

      3) осы тауарларды осы Кодексте көзделген кедендік рәсімдермен орналастырылған, оның ішінде осы тауарлар осы баптың 4-тармағының 2) тармақшасында көрсетілген мән-жайлар басталғаннан кейін кедендік рәсімдермен орналастырылған және (немесе) осы Кодекстің 41-тарауына сәйкес әуе немесе су кемелерінің борттарында Еуразиялық экономикалық одақтың кедендік аумағынан әкетілетін керек-жарақтар ретінде оларды пайдалану үшін шығарылған;

      4) оларға қатысты бажсыз сауда кедендік рәсімінің қолданысы тоқтатылған тауарлар осы Кодекстің 209-бабының 7-тармағына сәйкес кедендік рәсімдермен орналастырылған;

      5) әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндет орындалған және (немесе) оларды осы баптың 5-тармағына сәйкес есептелген және төленуі тиіс мөлшерде өндіріп алынған;

      6) осы Кодекске сәйкес осындай жою немесе қайтарымсыз жоғалуға дейін мұндай шетелдік тауарларға қатысты әкелу кедендік баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, уәкілетті орган бекіткен тәртіппен кеден органы аварияның немесе еңсерілмес күш әсерінің салдарынан шетелдік тауарлардың жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде қайтарымсыз жоғалу фактісін таныған;

      7) тауарларға арналған декларацияны тіркеу кезінде туындаған әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – бажсыз сауда кедендік рәсіміне сәйкес тауарларды шығарудан бас тартылған;

      8) тауарларға арналған декларацияны тіркеу кезінде туындаған әкелу кедендік баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты – осы Кодекстің 184-бабына сәйкес тауарларға арналған декларация кері қайтарып алынған және (немесе) осы Кодекстің 192-бабының 4-тармағына сәйкес тауарларды шығарудың күші жойылған;

      9) Қазақстан Республикасының заңнамасына сәйкес тауарлар тәркіленген немесе мемлекет меншігіне айналдырылған;

      10) осы Кодекстің 52-тарауына сәйкес кеден органы тауарларды кідірткен;

      11) қылмыстық құқық бұзушылық туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу барысында алып қойылған немесе тыйым салынған және егер бұрын мұндай тауарларды шығару жүргізілмеген болса, оларды қайтару туралы шешім қабылданған тауарлар уақытша сақтауға қойылған немесе кедендік рәсімдердің бірімен орналастырылған кезде тоқтатылады.

      3. Осы баптың 4-тармағында көрсетілген мән-жайлар басталған кезде әкету кедендік баждарын, салықтарды, арнайы, демпингке қарсы, өтем баждарын төлеу жөніндегі міндет орындалуға жатады.

      4. Мынадай мән-жайлар басталған кезде:

      1) бажсыз сауда кедендік рәсіміне сәйкес тауарларды пайдалану шарттары бұзылған жағдайда – тауарларды пайдаланудың белгіленген шарттарын бұзатын іс-әрекеттер жасалған күн, ал бұл күн анықталмаса – тауарлар бажсыз сауда кедендік рәсімімен орналастырылған күн;

      2) аварияның немесе еңсерілмес күш әсерінің салдарынан жойылуды және (немесе) қайтарымсыз жоғалуды не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде қайтарымыз жоғалуды қоспағанда, шетелдік тауарлар жоғалған жағдайда – тауарлар жоғалған күн, ал бұл күн анықталмаса – тауарлар бажсыз сауда кедендік рәсімімен орналастырылған күн;

      3) осы Кодекстің 327-бабының 3-тармағының бірінші абзацында көрсетілген мерзім ішінде осы Кодекстің 324-бабының 2-тармағының 3) тармақшасында көрсетілген тұлғаларға сатылған шетелдік тауарларға қатысты тауарларға арналған декларация берілмеген жағдайда – осы Кодекстің 327-бабының 3-тармағының бірінші абзацында көрсетілген мерзімнің соңғы күні;

      4) осы Кодекстің 327-бабының 3-тармағының екінші абзацында көрсетілген мерзім ішінде осы Кодекстің 324-бабының 2-тармағының 3) тармақшасында көрсетілген тұлғаларға сатылған шетелдік тауарларға қатысты тауарларға арналған декларация берілмеген жағдайда – осы Кодекстің 327-бабының 3-тармағының екінші абзацында көрсетілген мерзімнің соңғы күні әкету кедендік баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      5. Осы баптың 4-тармағында көрсетілген мән-жайлар басталған кезде әкелу кедендік баждары, салықтар, арнайы, демпингке қарсы, өтем баждары бажсыз сауда кедендік рәсімімен орналастырылған шетелдік тауарлар әкелу кедендік баждарын, салықтарды төлеу бойынша тарифтік преференциялар мен жеңілдіктер қолданылмай, ішкі тұтыну үшін шығару кедендік рәсімімен орналастырылған сияқты төленуге жатады.

      Әкету кедендік баждарын, салықтарды, арнайы, демпингке қарсы, өтем баждарын есептеу үшін тауарларды бажсыз сауда кедендік рәсімімен орналастыру үшін берілген тауарларға арналған декларацияны кеден органы тіркеген күні қолданыста болатын әкелу кедендік баждарының, салықтардың, арнайы, демпингке қарсы, өтем баждарының мөлшерлемелері қолданылады.

      6. Осы баптың 5-тармағына сәйкес төленетін (өндіріліп алынатын) әкелу кедендік баждарының, салықтардың, арнайы, демпингке қарсы, өтем баждарының сомасынан, көрсетілген сомаға қатысты тауарлар бажсыз сауда кедендік рәсімімен орналастырылған күннен бастап әкелу кедендік баждарының, салықтардың, арнайы, демпингке қарсы, өтем баждарын төлеу мерзімдері өткен күн аралығында оларды төлеуді мерзімін кейінгі қалдыру ұсынылған сияқты пайыздар төленуге жатады. Көрсетілген пайыздар осы Кодекстің 93-бабына сәйкес есептеледі және төленеді.

      7. Тауарлар осы Кодексте көзделген кедендік рәсімдермен орналастырылған және (немесе) осы Кодекстің 41-тарауына сәйкес, әуе немесе су кемелерінің борттарында Еуразиялық экономикалық одақтың кедендік аумағынан әкетілетін керек-жарақтар ретінде олар пайдалану үшін шығарылған жағдайда, әкелу кедендік баждарын, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толық немесе ішінара) жөніндегі міндет орындалғаннан кейін осы бапқа сәйкес төленген және (немесе) өндіріліп алынған әкелу кедендік баждары, салықтар, арнайы, демпингке қарсы, өтем баждары осы Кодекстің 11-тарауына және 141-бабына сәйкес есепке жатқызылуға (қайтарылуға) тиіс.

36-тарау. Жою кедендік рәсімі

      329-бап. Жою кедендік рәсімінің мазмұны мен қолданылуы

      1. Жою кедендік рәсімі – шетелдік тауарларға қатысты қолданылатын кедендік рәсім, соған сәйкес тауарларды осындай кедендік рәсіммен орналастыру шарттары сақталған кезде мұндай тауарлар әкелу кедендік баждары, салықтар, арнайы, демпингке қарсы, өтем баждары төленбей жойылады.

      Тауарларды жою деп тауарлар ішінара немесе толығымен жойылатын не өзінің тұтыну және (немесе) өзге де қасиеттерін жоғалтатын және экономикалық жағынан тиімді тәсілмен бастапқы күйіне келтіру мүмкін болатын күйге келтіру түсініледі.

      2. Жою кедендік рәсімі мынадай тауарларға:

      1) мәдени, археологиялық, тарихи құндылықтарға;

      2) індеттердің, эпизоотиялардың және карантиндік объектілердің таралуының болдырмау мақсатында жоюды қоспағанда, Қазақстан Республикасының заңнамасына және (немесе) Қазақстан Республикасының халықаралық шарттарына сәйкес қорғалатын түрлерге жататын жануарлар мен өсімдіктерге;

      3) кепіл қатынасы тоқтатылғанға дейін кеден органадары кепіл заты ретінде қабылдаған тауарларға;

      4) алып қойылған тауарларға немесе тыйым салынған, оның ішінде Қазақстан Республикасының заңнамасына сәйкес заттай дәлелдемелер болып табылатын тауарларға қатысты қолданылмайды.

      3. Комиссия осы баптың 2-тармағында көзделгендерге қарағанда, оларға қатысты жою кедендік рәсімі қолданылмайтын өзге тауарлардың тізбесін айқындауға құқылы.

      4. Егер тауарларды жою:

      1) қоршаған ортаға зиян келтіретін болса немесе адамдардың өмірі мен денсаулығына қауіп төндірсе;

      2) тауарларды әдеттегі мақсатына сәйкес тұтыну арқылы жүргізілсе;

      3) Казақстан Республикасының мемлекеттік органдарын шығыстарға әкеп соқтыратын болса, жою кедендік рәсімі қолданылмайды.


      330-бап. Тауарларды жою кедендік рәсімімен орналастыру шарттары

      Тауарларды жою кедендік рәсімімен орналастыру шарттары:

      1) Қазақстан Республикасының заңнамасына сәйкес берілетін мемлекеттік экологиялық сараптаманың оң қорытындысының болуы, онда жоюдың тәсілі мен орны көрсетіледі. Жоюдың кедендік рәсіміне орналастырылатын тауарларды жою мүмкіндігі туралы мемлекеттік экологиялық сараптама қорытындысының беру Қазақстан Республикасының экологиялық заңнамасына сәйкес жүзеге асырылады. Тауарлар авария немесе еңсерілмейтін күш әсерінің салдарынан қайтарымсыз жоғалған жағдайларда мемлекеттік экологиялық сараптаманың қорытындысы талап етілмейді. Мұндай тауарларды жоюдың кедендік рәсіміне орналастыру үшін аварияның немесе еңсерілмейтін күш әсерінің салдарынан қайтарымсыз жоғалу фактісін растайтын құжаттар ұсынылуға тиіс;

      2) осы Кодекстің 8-бабына сәйкес тыйым салулар мен шектеулерді сақтау болып табылады.


      331-бап. Жою кедендік рәсімін қолданудың ерекшеліктері

      1. Жою кедендік рәсімімен орналастырылған тауарларды жою осы тауарларды іс жүзінде жою үшін қажет уақытты негізге ала отырып, оларды жою тәсілі мен орнына, сондай-ақ мұндай мерзімдер болған кезде тауарларды жою мүмкіндігі туралы қорытындысында көрсетілген мерзімдерді есепке ала отырып, кеден органы белгілеген мерзімде жүргізіледі.

      2. Жою кедендік рәсімімен орналастырылған тауарлардың декларанты есебінен тауарларды жою жүргізіледі.

      3. Жою тауардың жою кедендік рәсімімен орналастырылуын бақылауды жүзеге асыратын кеден органы кеден органының, қоршаған ортаны қорғау саласындағы уәкілетті органның аумақтық бөлімшесінің өкілдерінің ішінен құрайтын комиссияның қатысуымен және декларанттың қатысуымен жүргізіледі. Қажет болған жағдайда тауардың жою кедендік рәсімімен орналастырылуын бақылауды жүзеге асыратын, кеден органы өзге мемлекеттік органдардан мамандарды және тәуелсіз сарапшыларды тартуға құқылы.

      Жою:

      1) нәтижесінде тауарлар толығымен жойылатын термиялық, химиялық, механикалық не өзге де әсер ету (өртеу, бұзу, көму және тағы басқа) жолмен жүргізіледі. Тауарларды жою тәсілі оларды мақсаты бойынша пайдалану үшін қалпына келтіру бастапқы күйіне келтіру мүмкіндіктерін болдырмауды қамтамасыз етуі тиіс;

      2) тауарларды кейіннен қалпына келтіруді және оларды пайдалану мүмкіндігін болдырмайтындай жағдайда, мұндай зақымдаулар тесіп тастауды, жарықтар салуды, өзге де тәсілдермен зақымдауды қоса алғанда, бөлшектеу, бұзу механикалық зақымдау жолымен жүргізіледі.

      Сақтаудың ерекше жағдайларын талап ететін, технологиялық себептерге байланысты сақталу орындарынан алынуы және пайдаланылуы мүмкін болмайтын тауарларды жою комиссияның тауарларды сақталу орындарынан алудың және оларды одан әрі пайдаланудың мүмкін еместігі туралы актісі негізінде жүргізілген болып есептеледі.

      4. Тауарлар іс жүзінде жойылғаннан кейін мынадай негізгі мәліметтер:

      тауарларды жою күні мен орны;

      жою кедендік рәсімін мәлімдеген тұлға туралы мәліметтер;

      жою кезінде қатысқан тұлғалар туралы мәліметтер;

      жойылатын тауарлардың атаулары, бірлік өлшемдерімен олардың саны; тауарларды жою тәсілі; жойылғаннан кейінгі қалдықтардың болуы мен саны, оларды одан әрі пайдалану мүмкіндігі; уәкілетті орган бекіткен нысанға сәйкес өзге де мәліметтер қамтылатын уәкілетті орган бекіткен нысан бойынша акт жасалады.

      5. Жою актісі барлық комиссия мүшелерінің және қатысқан адамдардың қолымен расталады, үш данада ресімделеді: бірінші данасы кеден органында сақталады; екінші данасы қоршаған ортаны қорғау саласындағы уәкілетті органның аумақтық бөлімшесіне беріледі; үшінші данасы декларантта қалады.

      6. Тауарларды жою фактісі нәтижесі кеден органында сақталатын жою актісіне қоса тіркелетін фото және (немесе) бейне түсірілімдер қолданыла отырып тіркеледі.


      332-бап. Жою кедендік рәсімінің аяқталуы

      1. Жою кедендік рәсімі осы баптың ережелері ескеріле отырып, осы Кодекстің 331-бабының 4-тармағында көзделген жою актісінің негізінде тауарларды іс жүзінде жоюмен аяқталады.

      2. Осы баптың 4-тармағында көрсетілген ысыраптарды қоспағанда, тауарларды жою нәтижесінде ысыраптар шетелдік тауарлар мәртебесіне ие болады.

      3. Қалыптасқан қалдықтар оларды одан әрі коммерциялық пайдалануға жарамсыз не Қазақстан Республикасының заңнамасына сәйкес көмуге, залалсыздандырылуға немесе өзге тәсілмен кәдеге жаратылуға, жойылуға тиіс болатын жағдайларды қоспағанда, жою нәтижесінде қалыптасқан қалдықтар осы Кодексте көзделген жағдайларда шетелдік тауарларға қатысты қолданылатын кедендік рәсімдермен орналастырылуға жатады.

      Жою нәтижесінде қалыптасқан ысыраптар декларант таңдаған кедендік рәсіммен орналастырылған кезде сол күйінде Еуразиялық экономикалық одақтың кедендік аумағына әкелінген тауарлар ретінде қарастырылады.

      4. Кедендік рәсімдермен орналастырылуға жатпайтын, жою нәтижесінде қалыптасқан ысыраптар Еуразиялық экономикалық одақтың тауарлары мәртебесін алады және Қазақстан Республикасының Үкіметі айқындаған тәртіппен қалыптасқан ысыраптарды оларды одан әрі коммерциялық пайдалану үшін жарамсыз деп танылған күннен бастап не көму, залалсыздандырылу өзге тәсілмен кәдеге жарату немесе жойылу фактісін не оларды осындай операциялар жасау үшін беру фактісін растайтын құжаттар кеден органына берілген күннен бастап кедендік бақылауда емес деп саналады.

37-тарау. Мемлекет пайдасына бас тарту кедендік рәсімі

      333-бап. Мемлекет пайдасына бас тарту кедендік рәсімінің мазмұны мен қолданылуы

      1. Мемлекет пайдасына бас тарту кедендік рәсімі – шетелдік тауарларға қатысты қолданылатын кедендік рәсім, соған сәйкес тауарларды осы кедендік рәсіммен орналастыру шарттары сақталған кезде мұндай тауарлар әкелу кедендік баждары, салықтар, арнайы, демпингке қарсы, өтем баждары төленбей мемлекет меншігіне өтеусіз беріледі.

      2. Мемлекет пайдасына бас тарту кедендік рәсімімен орналастырылған тауарлар Еуразиялық экономикалық одақ тауарларының мәртебесіне ие болады.

      3. Мемлекет пайдасына бас тарту кедендік рәсімі мына тауарларға:

      1) Қазақстан Республикасының заңнамасына сәйкес айналымына тыйым салынған тауарларға;

      2) жарамдылық (тұтыну, сату) мерзімі өткен тауарларға қатысты қолднылмайды.

      4. Мемлекет пайдасына бас тарту кедендік рәсімін қолдану тәртібі осы Кодекстің 335-бабына сәйкес белгіленеді.


      334-бап. Тауарларды мемлекет пайдасына бас тарту кедендік рәсімімен орналастыру шарттары

      Тауарларды мемлекет пайдасына бас тарту кедендік рәсімімен орналастыру шарттары:

      осы Кодекстің 8-бабына сәйкес тыйым салулар мен шектеулерді сақтау;

      көрсетілген кедендік рәсімді қолдану нәтижесінде кеден органдары үшін қандай да бір шығыстардың болмауы;

      осы Кодекстің 335-бабында белгіленген талаптардың сақталуы болып табылады.


      335-бап. Мемлекет пайдасына бас тарту кедендік рәсімінің аяқталуы және тауарлардан мемлекет пайдасы үшін бас тарту тәртібі

      1. Мемлекет пайдасына бас тарту кедендік рәсімі Қазақстан Республикасының заңнамасына сәйкес тауарларды декларанттың Қазақстан Республикасының тиісті уәкілетті мемлекеттік органына беруімен аяқталады. Бұл ретте, көшірмесі кедендік декларацияға қоса тіркелетін қабылдау-тапсыру актісі жасалады. Кедендік декларациялау аяқталғаннан кейін көрсетілген кедендік рәсімді өзгертуге жол берілмейді.

      Мемлекет пайдасына бас тарту кедендік рәсімімен орналастырылған тауарларды кедендік декларациялау аяқталғаннан мұндай тауарлар осы Кодекстің 20-тарауына сәйкес мемлекет меншігіне айналады.

38-тарау. Арнайы кедендік рәсім

      336-бап. Арнайы кедендік рәсімнің мазмұны мен қолданылуы

      1. Арнайы кедендік рәсім – шетелдік тауарлардың жекелеген санаттарына және Еуразиялық экономикалық одақ тауарларына қатысты қолданылатын кедендік рәсім, соған сәйкес тауарларды осы кедендік рәсіммен орналастыру және (немесе) оларды осындай кедендік рәсімге сәйкес пайдалану шарттары сақталған кезде мұндай тауарлар әкелу кедендік баждары, салықтар, арнайы, демпингке қарсы, өтем баждары төленбей Еуразиялық экономикалық одақтың кедендік шекарасы арқылы өткізіледі, Еуразиялық экономикалық одақтың кедендік аумағында немесе оның шегінен тыс жерде болады және (немесе) пайдаланылады.

      2. Арнайы кедендік рәсім мынадай тауарлар санаттарына қатысты:

      1) Еуразиялық экономикалық одақтың кедендік аумағынан әкетілетін, дипломатиялық өкілдіктердің, консулдық мекемелердің, Еуразиялық экономикалық одақтың кедендік аумағы шегінен тыс орналасқан халықаралық ұйымдар жанындағы Қазақстан Республикасы өкілдіктерінің жұмыс істеуін қамтамасыз етуге арналған тауарларға;

      2) Еуразиялық экономикалық одақтың кедендік аумағы арқылы өткізілетін, құрметті консулдық лауазымды тұлғалар басқаратын консулдық мекемелерді қоспағанда, Еуразиялық экономикалық одақтың кедендік аумағында орналасқан димпломатиялық өкілдіктер мен консулдық мекемелер ресми пайдалануына арналған тауарларға;

      3) Еуразиялық экономикалық одақтың кедендік аумағына әкелінетін, құрметті консулдық лауазымды тұлғалар басқаратын, Еуразиялық экономикалық одақтың кедендік аумағында орналасқан консулдық мекемелер ресми пайдалануына арналған, консулдық мекемелер өздері білдіретін мемлекеттен немесе өздері білдіретін мемлекеттің талабы бойынша алатын мемлекеттік елтаңбаларға, туларға, маңдайшаларға, мөрлер мен мөртабандарға, кітаптарға, ресми баспа материалдарға, кеңсе жиһазына, кеңсе жабдығы мен басқа да ұқсас тауарларға;

      4) Қазақстан Республикасының халықаралық шарттарына сәйкес оларға қатысты кедендік баждарды, салықтарды төлеуден босату көзделген, Еуразиялық экономикалық одақтың кедендік шекарасы арқылы өткізілетін, халықаралық ұйымдардың жанындағы өкілдіктердің, халықаралық ұйымдардың немесе олардың Еуразиялық экономикалық одақтың кедендік аумағында орналасқан өкілдіктерінің ресми түрде пайдалануына арналған тауарларға;

      5) Қазақстан Республикасының халықаралық шарттарына сәйкес оларға қатысты кедендік баждарды, салықтарды төлеуден босату көзделген, Еуразиялық экономикалық одақтың кедендік шекарасы арқылы өткізілетін, өзге де ұйымдардың немесе олардың Қазақстан Республикасының аумағында орналасқан өкілдіктерінің ресми түрде пайдалануына арналған тауарларға қолданылады. Комиссия осы тауарлар санатына жатпайтын тауарларды айқындауға құқылы;

      6) Еуразиялық экономикалық одақтың кедендік аумағында және (немесе) оның шегінен тыс орналасқан Еуразиялық экономикалық одаққа мүше мемлекеттердің әскери бөлімшелерінің (мекемелерінің, жасақтарының) қойылған міндеттерін орындау үшін әскери даярлығын сақтау, қолайлы жағдайлар жасау мақсатында Еуразиялық экономикалық одақтың кедендік шекарасы арқылы өткізілетін, Еуразиялық экономикалық одақтың тауарлары болып табылатын қару-жарақ, әскери техника, оқ-дәрілер мен өзге де материалдық құралдарға;

      7) Еуразиялық экономикалық одаққа мүше мемлекеттердің және Еуразиялық экономикалық одаққа мүше болып табылмайтын мемлекеттердің қарулы күштерінің (басқа да әскерлерінің және әскери құралымдарының, уәкілетті ұйымдарының) бірлескен (халықаралық) оқу-жаттығуларға, жарыстарға, сондай-ақ шерулер мен өзге де салтанатты іс-шараларға қатысуы үшін Еуразиялық экономикалық одақтың кедендік шекарасы арқылы өткізілетін қару-жарақ, әскери техника, оқ-дәрілер мен өзге де материалдық құралдарға;

      8) алкоголь өнімдерін (этил спиртінен басқа), сыраны, темеке өнімін, бағалы металдар мен асыл тастарды, сондай-ақ олардан жасалатын бұйымдарды қоспағанда, Еуразиялық экономикалық одақтың кедендік шекарасы арқылы өткізілетін, табиғи зілзалалар мен өзге де төтенше жағдайлардың алдын алу мен олардың зардаптарын жоюға арналған тауарлар мен көлік құралдарына, оның ішінде Қазақстан Республикасының мемлекеттік органдарының, олардың құрылымдық бөлімшелерінің немесе Қазақстан Республикасының заңнамасына сәйкес уәкілеттік берілген ұйымдардың төтенше жағдайлардың салдарынан зардап шеккен адамдарға тегін таратуына арналған тауарларға, сондай-ақ авариялық-құтқару және басқа да кезек күттірмейтін жұмыстарды жүргізу және құзыретіне төтенше жағдайлардың медициналық-санитариялық зардаптарын жою, медициналық эвакуациялауды қоса алғанда, медициналық көмекті ұйымдастыру мен көрсету саласындағы мәселелерді шешу кіретін авариялық-құтқару құралымдарының, медициналық қызметтер мен ұйымдардың тыныс-тіршілігін қамтамасыз ету үшін қажет тауарлар мен көлік құралдарына;

      9) Еуразиялық экономикалық одақтың кедендік шекарасы арқылы өткізілетін, Еуразиялық экономикалық одаққа мүше мемлекеттердің мүддесінде Арктика мен Антарктикада Еуразиялық экономикалық одаққа мүше мемлекеттер тұлғаларының ғылыми-зерттеу жұмыстарын коммерциялық емес негізде жүргізуіне, сондай-ақ көрсетілген жұмыстарды жүргізу үшін ұйымдастырылған Еуразиялық экономикалық одаққа мүше мемлекеттердің ғылыми-зерттеу экспедицияларының қызметін қамтамасыз етуге арналған тауарларға;

      10) Еуразиялық экономикалық одақтың кедендік шекарасы арқылы өткізілетін, допинг-бақылау мақсаттарына арналған тауарларға қолданылады. Осы санатқа жататын тауарларды Комиссия айқындайды;

      11) Еуразиялық экономикалық одақтың кедендік шекарасы арқылы өткізілетін, Еуразиялық экономикалық одаққа мүше мемлекеттердің мүддесінде спорт түрлері бойынша ұлттық және құрама командаларға кандитаттарға, мұндай командалардың мүшелеріне қатысты емдеу және қалпына келтіру іс-шараларын коммерциялық емес негізде өткізуге, сондай-ақ Еуразиялық экономикалық одаққа мүше мемлекеттер министрліктері қатысатын жоғарғы (жоғары) жетістікті спорт саласындағы ғылыми-зерттеу топтарының қызметін қамтамасыз етуге арналған шетелдік тауарларға (дәрілік препараттар (дәрілік заттар), арнайы спорт тағамы, тамаққа биологиялық белсенді қоспалар);

      12) Еуразиялық экономикалық одақтың кедендік шекарасы арқылы өткізілетін (өткізілген) спорт жарақтары мен жабдығы, ресми халықаралық спорттық іс-шараларды ұйымдастыру және өткізу немесе жаттығу іс-шараларын өткізу кезінде оған дайындалу кезінде пайдалануға ғана арналған өзге де тауарларға қолданылады. Тауарлардың осы санатына жататын тауарларды Комиссия айқындайды;

      13) Қазақстан Республикасының аумағынан тыс жерде орналасқан, Қазақстан Республикасының айрықша юрисдикциясына ие, жасанды аралдар, қондырғыларды, құрылысжайларды немесе өзге объектілерді салуға (жасауға, тұрғызуға), жұмыс істеуін қамтамасыз етуге арналған шетелдік тауарларға қолданылады. Тауарлардың осы санатына жатпайтын тауарларды Комиссия айқындайды;

      14) ғарыш кеңістігін зерттеу және пайдалану, оның ішінде ғарыш аппараттарын ұшыру бойынша қызметтер көрсету саласында халықаралық ынтымақтастық шеңберінде пайдалануға арналған тауарларға қолданылады. Тауарлардың осы санатына жататын тауарларды Комиссия айқындайды;

      15) Еуразиялық экономикалық одақтың кедендік шекарасы арқылы өткізілетін, сипаттамасын Комиссия айқындайтын, ресми халықаралық көрмелерді ұйымдастыруға және өткізуге арналған, шетелдік тауарларға қолданылады. Тауарлардың осы санатына жатпайтын тауарларды Комиссия айқындайды.

      3. Тауарлардың осы санатына жататын немесе жатпайтын тауарларды қоса алғанда, оларға қатысты арнайы кедендік рәсім қолданылатын тауарлардың өзге санатын Комиссия айқындауға құқылы.


      337-бап. Арнайы кедендік рәсіммен орналастыру шарттары және арнайы кедендік рәсім қолданылатын тауарлар санатына қарай оны қолдану тәртібі

      Арнайы кедендік рәсім қолданылатын тауарлар санатына қарай Комиссия және Комиссия көздеген жағдайларда Қазақстан Републикасының кедендік заңнамасында (Үкімет) тауарларды арнайы кедендік рәсіммен орналастыру, оның ішінде тарифтік емес реттеу, техникалық реттеу шараларын, санитариялық, ветеринариялық-санитариялық және карантиндік фитосанитариялық шараларды қолдану шарттары және мыналарды:

      Еуразиялық экономикалық одақтың кедендік аумағына әкелінетін және (немесе) Еуразиялық экономикалық одақтың кедендік аумағынан әкетілетін тауарлардың мәртебесін айқындауды;

      арнайы кедендік рәсімге сәйкес тауарларды пайдалану мерзімі мен өзге де шарттарды;

      арнайы кедендік рәсімнің қолданылуын аяқтау тәртібін;

      арнайы кедендік рәсімді тоқтата тұру және қолданысын қайта бастау жағдайлары мен тәртібін;

      арнайы кедендік рәсіммен орналастырылатын (орналастырылған) тауарларға кедендік баждарды, салықтарды, арнайы, демпингке қарсы, өтем баждарын төлеу жөніндегі міндет орындалуы тиіс кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттің туындауы мен тоқтатылу мән-жайларын және оларды төлеу мерзімін;

      арнайы кедендік рәсімді аяқтау және қолданылуын тоқтата тұру үшін тауарлар орналастырылуы мүмкін кедендік рәсімдерді, тауарлар осы кедендік рәсімдермен орналастырылған кезде кедендік баждарды, салықтарды, арнайы, демпингке қарсы, өтем баждарын есептеу мен төлеу ерекшеліктерін және оларды төлеу мерзімін;

      Қазақстан Республикасының аумағына әкелінетін және (немесе) Қазақстан Республикасының аумағынан әкетілетін тауарларды арнайы кедендік рәсіммен орналастыруға құқығы бар тұлғалардың тізбесін қоса алғанда, арнайы кедендік рәсімнің қолдану тәртібін айқындайды.

5-БӨЛІМ. ТАУАРЛАРДЫҢ ЖЕКЕЛЕГЕН САНАТТАРЫН ЕУРАЗИЯЛЫҚ ЭКОНОМИКАЛЫҚ ОДАҚТЫҢ КЕДЕНДІК ШЕКАРАСЫ АРҚЫЛЫ ӨТКІЗУ ШАРТТАРЫ МЕН ТӘРТІБІНІҢ ЕРЕКШЕЛІКТЕРІ 39-тарау. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу тәртібі мен шарттарының ерекшеліктері

      338-бап. Осы тарауда пайдаланылатын анықтамалар

      Осы тараудың мақсаттары үшін мыналарды білдіретін ұғымдар пайдаланылады:

      1) кедендік баждарды, салықтарды төлеуден босата отырып әкелу – Комиссия айқындаған жағдайларда және шарттар сақталған кезде кедендік баждарды, салықтарды төлеуден босатыла отырып, Еуразиялық экономикалық одақтың кедендік аумағына жеке пайдалануға арналған тауарларды әкелу;

      2) иесімен бірге жөнелтілмейтін багаж – жеке тұлғаға тиесілі, осы жеке тұлғаның Еуразиялық экономикалық одақтың кедендік аумағына кіруі немесе оның Еуразиялық экономикалық одақтың кедендік аумағынан кетуіне байланысты Еуразиялық экономикалық одақтың кедендік шекарасы арқылы іс жүзінде өткізу үшін көліктік (тасымалдау) құжаттармен расталатын халықаралық тасымалдау (көлік экспедициясы) шарты бойынша тасымалдаушыға берілген немесе берілетін жеке пайдалануға арналған тауарлар;

      3) қос дәліз жүйесі –Еуразиялық экономикалық одақтың кедендік шекарасы арқылы өтетін жеке тұлғаларға "жасыл" және "қызыл" дәліздер арасында дербес таңдауды жүзеге асыруға мүмкіндік беретін, кедендік бақылау жүргізудің оңайлатылған жүйесі;

      4) иесімен бірге жөнелтілетін багаж – жеке тұлға іс жүзінде Еуразиялық экономикалық одақтың кедендік аумағына кірген немесе ол Еуразиялық экономикалық одақтың кедендік аумағынан шыққан кезде Еуразиялық экономикалық одақтың кедендік шекарасы арқылы өткізілген қолжүгін қоса алғанда, жеке пайдалануға арналған тауарлар;

      5) тасымалдаушы жеткізетін жеке пайдалануға арналған тауарлар – Еуразиялық экономикалық одақтың кедендік шекарасы арқылы өтпеген жеке тұлғаның атына не Еуразиялық экономикалық одақтың кедендік шекарасы арқылы өтпеген жеке тұлғаның атынан көліктік (тасымалдау) құжаттармен расталатын халықаралық тасымалдау шарты бойынша тасымалдаушы (көлік экспедициясы) Еуразиялық экономикалық одақтың кедендік шекарасы арқылы өткізетін, жеке пайдалануға арналған тауарлар.


      339-бап. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу тәртібі мен шарттары туралы жалпы ережелер

      1. Осы тарау жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу тәртібі мен шарттарының Еуразиялық экономикалық одақтың кедендік аумағында немесе одан тыс жерде олардың болу және пайдалану ерекшеліктерін, жеке пайдалануға арналған тауарларды уақытша сақтауға кедендік декларациялау және шығаруға байланысты кедендік операциялар жасау тәртібінің ерекшеліктерін, жеке пайдалануға арналған тауарларға қатысты кедендік транзит кедендік рәсімін қолдану ерекшеліктерін,сондай-ақ жеке пайдалануға арналған тауарлардың құнын анықтау және осындай тауарларға қатысты кедендік төлемдерді қолдану тәртібін айқындайды.

      2. Осы тараудың ережелері жеке тұлғалар Еуразиялық экономикалық одақтың кедендік шекарасы арқылы өткізетін қолма-қол ақша қаражаты мен ақшалай құралдарға қатысты, сондай-ақ осы Кодекстің 35-тарауына сәйкес Еуразиялық экономикалық одақтың кедендік шекарасы арқылы тауарларды өткізу орындарында орналасқан бажсыз сауда дүкендерінде Еуразиялық экономикалық одақтың кедендік аумағына келген жеке тұлғалар сатып алған тауарларға қатысты қолданылады.

      3. Жеке пайдалануға арналған тауарлар Еуразиялық экономикалық одақтың кедендік шекарасы арқылы мынадай тәсілдермен:

      1) Еуразиялық экономикалық одақтың кедендік шекарасы арқылы жеке тұлға өтетін кезде иесімен бірге жөнелтілетін немесе иесімен бірге жөнелтілмейтін багажда;

      2) халықаралық пошта жөнелтілімдерімен;

      3) Еуразиялық экономикалық одақтың кедендік шекарасын кесіп өтетін жеке тұлғаның атына не Еуразиялық экономикалық одақтың кедендік шекарасын кесіп өтпеген жеке тұлғаның атынан тасымалдаушы арқылы өткізілуі мүмкін.

      4. Еуразиялық экономикалық одақтың кедендік шекарасы арқылы өткізілетін тауарларды жеке пайдалануға арналған тауарларға жатқызуды кеден органдары мынадай:

      1) жеке тұлғаның тауарларды Еуразиялық экономикалық одақтың кедендік шекарасы арқылы өткізілетін тауарлар туралы ауызша нысанда немесе жолаушыларға арналған кедендік декларацияны пайдалана отырып жазбаша нысанда жазған өтінішін;

      2) тауарлардың сипаты мен санын;

      3) Еуразиялық экономикалық одақтың кедендік шекарасын жеке тұлғаның кесіп өту және (немесе) осы жеке тұлғаның немесе оның атына Еуразиялық экономикалық одақтың кедендік шекарасы арқылы тауарларды өткізу жиілігін негізге ала отырып жүзеге асырады.

      5. осы баптың 4-тармақтың 2) және 3) тармақшаларында көрсетілген өлшемшарттардың сандық сипаттамалары және (немесе) Еуразиялық экономикалық одақтың кедендік шекарасы арқылы өткізілетін тауарларды жеке пайдалануға арналған тауарларға жатқызудың қосымша өлшемшарттарын Комиссия айқындайды.

      6. Осы баптың 4-тармағында көрсетілген өлшемшарттарға қарамастан, жеке пайдалануға арналған тауарларға мынадай:

      1) осы Кодекстің 346-бабы 1-тармағында көзделген жағдайларда мәлімделген кедендік транзит кедендік рәсімін қоспағанда, осы Кодексте көзделген кедендік рәсімдермен орналастыру үшін кедендік декларациялауды жүзеге асыратын жеке тұлғаларға қатысты тауарлар;

      2) Комиссия айқындаған тауарлардың санаты жатпайды.

      7. Осы тарауға сәйкес жеке пайдалануға арналған тауарларға жатқызылмаған жеке тұлғаның Еуразиялық экономикалық одақтың кедендік шекарасы арқылы өткізілетін тауарларына қатысты осы тараудың ережелері қолданылмайды. Осындай тауарлар осы Кодекстің өзге де тарауларында белгіленген тәртіппен және шарттармен Еуразиялық экономикалық одақтың кедендік шекарасы арқылы өткізуге жатады.

      8. Еуразиялық экономикалық одақтың кедендік шекарасы арқылы тауарларды өткізу орындарында орналасқан бажсыз сауда дүкендеріндегі Еуразиялық экономикалық одақтың кедендік аумағына келген жеке тұлғалар сатып алған тауарлар, осы тарауды қолдану мақсаттары үшін Еуразиялық экономикалық одақтың кедендік шекарасы арқылы жеке тұлға өткен кезде өзімен бірге багажында Еуразиялық экономикалық одақтың кедендік аумағына әкелінетін жеке пайдалануға арналған тауарлар ретінде қаралады.

      9. Комиссия тыйым салулар мен шектеулерді белгілейтін Еуразиялық экономикалық одақтың құқығына кіретін актілердің негізінде Еуразиялық экономикалық одақтың кедендік шекарасы арқылы өткізу кезінде тыйым салулар мен шектеулер салуларды сақтауға тиіс жеке пайдалануға арналған тауарлардың жиынтық тізбесін қалыптастырады және Еуразиялық экономикалық одақтың ресми сайтында оны орналастыруды қамтамасыз етеді.


      340-бап. Жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу кезінде қос дәліз жүйесін қолдану

      1. Еуразиялық экономикалық одақтың кедендік шекарасы арқылы тауарларды өткізу орындарында қос дәліз жүйесі қолданылуы мүмкін.

      "Жасыл" дәліз Еуразиялық экономикалық одақтың кедендік шекарасы арқылы тауарларды өткізу орындарында арнайы белгіленген, кедендік декларациялауға жатпайтын, иесімен бірге жөнелтілетін багаждағы жеке пайдалануға арналған тауарларды Еуразиялық экономикалық одақтың кедендік шекарасы арқылы өткізуге арналған орын болып табылады.

      "Қызыл" дәліз Еуразиялық экономикалық одақтың кедендік шекарасы арқылы тауарларды өткізу орындарында арнайы белгіленген, кедендік декларациялауға жататын, иесімен бірге жөнелтілетін багаждағы жеке пайдалануға арналған тауарларды, сондай-ақ жеке тұлғаның қалауы бойынша кедендік декларациялау жүзеге асырылатын тауарларды Еуразиялық экономикалық одақтың кедендік шекарасы арқылы өткізуге арналған орын болып табылады.

      2. Қос дәліз жүйесін қолдану Еуразиялық экономикалық одақтың кедендік шекарасы арқылы өтетін жеке тұлғаның жеке пайдалануға арналған тауарларды кедендік декларациялауға байланысты кедендік операцияларды жасау (жасамау) үшін тиісті дәлізді ("қызыл" немесе "жасыл") дербес таңдауын көздейді.

      3. "Жасыл" дәлізге кіру (келу) сызығынан жеке тұлғаның өтуі кедендік декларациялауға жататын тауарлардың жоқтығы туралы жеке тұлғаның мәлімдеуі болып табылады.

      4. Еуразиялық экономикалық одақтың кедендік шекарасы арқылы тауарларды өткізу орындарындағы қос дәліз жүйесіне жағдай жасау талаптарын Комиссия айқындайды.

      5. Қос дәліз жүйесі қолданылатын Еуразиялық экономикалық одақтың кедендік шекарасы арқылы тауарларды өткізу орындарының тізбесін, сондай-ақ осындай тізбені қалыптастыру тәртібін уәкілетті орган бекітеді.

      6. Қос дәліз жүйесі Еуразиялық экономикалық одақтың кедендік шекарасы арқылы тауарларды өткізу орындарында ұйымдастырылған ресми тұлғалар мен делегациялар залдарында қолданылмауы мүмкін.

      7.  Кедендік бақылаудың жекелеген нысандарын "жасыл" дәлізде қолданбау жеке тұлғаның Еуразиялық экономикалық одақтың кеден заңнамасын және (немесе) Қазақстан Республикасының заңнамасын сақтау міндетінен босатылатынын білдірмейді.

      8. Еуразиялық экономикалық одақтың кедендік шекарасы арқылы тауарларды өткізу орындарында қалыптасқан жедел жағдайлар ескеріле отырып, кеден органының шешімі бойынша айрықша жағдайларда қос дәліз жүйесі уақытша қолданылмауы мүмкін.

      9. Еуразиялық экономикалық одақтың кедендік шекарасы арқылы тауарларды өткізу орындарында қос дәліз жүйесін қолданбау осы тарауға сәйкес кедендік декларациялауға жатпайтын тауарларды кедендік декларациялауды жүзеге асыруға жеке тұлғаны міндеттеуге әкеліп соқпайды, сондай-ақ кедендік декларациялауға жататын тауарларды декларациялау қажеттілігінен жеке тұлғаны босатпайды.


      341-бап. Жеке пайдалануға арналған тауарларға қатысты жасалатын кедендік операциялар

      1. Жеке пайдалануға арналған тауарларға қатысты кедендік операциялар Еуразиялық экономикалық одақтың кедендік шекарасы оларды өткізу тәсілдеріне қарай Еуразиялық экономикалық одақтың кедендік шекарасы арқылы тауарларды өткізу орындарында не қызмет аймағында мұндай тауарлардың декларанты болып әрекет ете алатын жеке тұлға тұрақты немесе уақытша тұратын не уақытша келетін кеден органда жасалады.

      Жеке пайдалануға арналған тауарларға қатысты кедендік операциялар теміржол көлігімен оларды тасымалдау кезінде жолаушылар пойыздарының жол жүруі кезінде жасалуы мүмкін.

      2. Жеке тұлғалар жеке пайдалануға арналған тауарларды Еуразиялық экономикалық одақтың кедендік шекарасы арқылы әуе және су кемелерін қоспағанда, көлік құралдарымен өткізуі кезінде кеден органдары, Еуразиялық экономикалық одақтың және (немесе) Қазақстан Республикасының кеден заңнамасын сақтау үшін қажет болатын жағдайларды қоспағанда, осы тұлғаларға осындай көлік құралдарынан шықпай, кедендік операцияларды жасауға мүмкіндік береді.

      3. Кедендік транзит кедендік рәсімін қоспағанда, осындай тауарларды кедендік рәсіммен орналастырмай, осы тарауда көзделген тәртіппен және шарттармен осы Кодекстің 345-бабы 5-тармағында көзделген оқиғалар туындаған кезде жеке пайдалануға арналған осындай тауарлар шығарылған деп есептелетін жағдайларды қоспағанда, Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар, оларды Еуразиялық экономикалық одақтың кедендік аумағында немесе одан тыс жерде орналастыру және пайдалану үшін кеден органдары шығаруы керек.

      4. Еуразиялық экономикалық одақтың кедендік шекарасы арқылы иесімен бірге жөнелтілетін және иесімен бірге жөнелтілмейтін багажда өткізілетін не тасымалдаушы жеткізетін кедендік декларациялауға жататын жеке пайдалануға арналған тауарларға қатысты осы Кодекске сәйкес жеке пайдалануға арналған осындай тауарлардың декларанты әрекет ете алатын жеке тұлғалар оларды Еуразиялық экономикалық одақтың кедендік аумағына әкелгеннен кейін не Еуразиялық экономикалық одақтың кедендік аумағынан әкету үшін егер осы Кодекстің 346-бабына сәйкес жеке пайдалануға арналған тауарлар кедендік транзит кедендік рәсімімен орналастырылуы мүмкін болса, еркін айналымға шығару, уақытша әкелу, әкету, уақытша әкету үшін не кедендік транзит кедендік рәсімімен орналастыру үшін оларды кедендік декларациялауға байланысты кедендік операциялар жасалуға тиіс.

      Кедендік транзит кедендік рәсімімен орналастырылған жеке пайдалануға арналған тауарларға қатысты, еркін айналымға шығару немесе уақытша әкелу үшін оларды кедендік декларациялауға байланысты кедендік операцияларды кедендік транзит кедендік рәсімінің қолданысы аяқталғаннан кейін, осы Кодекске сәйкес жеке пайдалануға арналған тауарларға декларант болып әрекет ете алатын жеке тұлғалар жасалға тиіс.

      Кедендік декларациялауға байланысты кедендік операциялар жасалғанға дейін не жеке пайдалануға арналған тауарларды кеден органдары шығарудан бас тартқан кезде, ал Еуразиялық экономикалық одақтың кедендік шекарасы арқылы тауарларды өткізу орындарындағы жеке пайдалануға арналған тауарлар, егер осындай тауарлар Еуразиялық экономикалық одақтың кедендік аумағына әкелгеннен кейін келген орнынан әкетілмесе не Еуразиялық экономикалық одақтың кедендік аумағына кету орнынан кері әкелінсе, сол сияқты Еуразиялық экономикалық одақтың кедендік аумағынан әкетілсе, жеке пайдалануға арналған тауарлар уақытша сақтауға орналастыруы мүмкін.

      Осы тармақтың бірінші және екінші абзацтарында көрсетілген кедендік операцияларды осы Кодекстің 343-бабының 11-тармағына сәйкес Комиссия айқындаған жағдайларда өзге тұлғалар жасайды.

      5. Осы баптың 4-тармағында көзделген жеке пайдалануға арналған тауарларды шығару шарттарының сақталмауы және оларға қатысты кедендік операциялардың жасалмауы себебінен кеден органы жеке пайдалануға арналған тауарларды шығаруы мүмкін болмаған жағдайда, осындай тауарларды осы Кодекстің 52-тарауына сәйкес кеден органдары кідіртеді.

      6. Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарларға не Еуразиялық экономикалық одақтың кедендік аумағына уақытша әкелінген (бұдан әрі осы тарауда – уақытша әкелінген) жеке пайдалануға арналған тауарларға қатысты кедендік операцияларды жасау осындай тауарларды шығару және оларды кедендік бақылаудағы емес деп тану фактілерін көрсету тәртібін Комиссия және Комиссия көздеген немесе Комиссия реттемеген бөлігінде жағдайларда уәкілетті орган айқындайды.

      Халықаралық пошта жөнелтімдерімен жіберілетін жеке пайдалануға арналған тауарларға қатысты кедендік операциялар осы Кодекстің 42-тарауында белгіленген ерекшеліктер ескеріле отырып, ал осы Кодекстің 42-тарауында реттелмеген бөлігінде – уәкілетті орган бекіткен тәртіппен және ерекшеліктер ескеріле отырып жасалады.

      7. Еуразиялық экономикалық одақтың кедендік шекарасы арқылы өткізілуін кедендік декларациялаусыз жеке тұлғалар жүзеге асыратын тауарларға қатысты кедендік бақылауды жүргізу кезінде кеден органының лауазымды тұлғасы жеке тұлғадан осындай тауарларды көрсетуді, сондай-ақ жеке тұлға мәлімдеген мәліметтердің дұрыстығын растайтын, оның ішінде ауызша сауалнамасының нәтижелері бойынша қолында бар құжаттарын беруді талап етуге құқылы.

      8. Қос дәліз жүйесі қолданылмайтын, Еуразиялық экономикалық одақтың кедендік шекарасы арқылы тауарларды өткізу орындарында кедендік декларациялауға байланысты кедендік операцияларды жасау орындары жүру жолағында кедендік операциялардың басталу және аяқталу сызықтарымен белгіленеді.

      Жолаушыларға арналған кедендік декларацияны ұсынбай жеке тұлғаның кедендік операциялардың аяқталу сызығын кесіп өтуі жеке тұлғаның кедендік декларациялауға жататын тауарлардың жоқтығы туралы өтініші болып табылады.

      Жеке тұлға көлік құралымен келген және оған көлiк құралынан шықпай өткізілетін жеке пайдалануға арналған тауарларға қатысты кедендік операциялар жасау мүмкіндіктері берілген жағдайда, жеке тұлғаның кедендік декларациялауға жататын тауарлардың жоқтығы туралы мәлімдеуі, кеден органының лауазымды тұлғасына ауызша сауалнама нәтижелері бойынша жолаушыларға арналған кедендік декларация ұсынбауы болып табылады.

      9. Комиссия осындай тауарларға қатысты кедендік операциялар жасау үшін кету орындарын (келу орындарын) жабдықтауға және техникалық жарақтандыруға қойылатын талаптарды келу орнындағы аралық қонған Еуразиялық экономикалық одақтың кедендік аумағындағы межелі орынға Еуразиялық экономикалық одақтың кедендік аумағынан тысқары жерлердегі жөнелту орнынан немесе Еуразиялық экономикалық одақтың кедендік аумағынан тысқары жерлердегі межелі орынға Еуразиялық экономикалық одақтың кедендік аумағынан тысқары жерлердегі жөнелту орнынан әуе тасымалдаушылар алып жүретін багажда тасымалдауға қабылданған жеке пайдалануға арналған тауарларға қатысты кедендік бақылау жүргізу және кедендік операциялар жасау, сондай-ақ осындай ерекшеліктеріне кедендік бақылау жүргізу және кедендік операциялар жасау үшін қажетті кеден органдарының, әуе тасымалдаушыларының және жеке тұлғалардың өзара іс-қимыл жасау шарттарының ерекшеліктерін айқындауға құқылы.


      342-бап. Жеке пайдалануға арналған тауарларды уақытша сақтау

      1. Жеке пайдалануға арналған тауарларды уақытша сақтау осы бапты ескере отырып, осы Кодекстің 17-тарауында белгіленген тәртіппен және шарттармен жүзеге асырылады.

      2.  Қазақстан Республикасына тұрақты тұруға қоныс аударуға, Қазақстан Республикасының заңнамасына сәйкес, босқын, мәжбүрлі қоныс аударушы мәртебесін алуға ниеті бар шетелдік жеке тұлғаның жеке пайдалануға арналған тауарларын уақытша сақтау осындай тұлғаның тұрақты немесе уақытша (келген) тұратын жерінде жүзеге асырылуы мүмкін.

      3. Осы баптың 2-тармағында көрсетілген шетелдік жеке тұлғаның жеке пайдалануға арналған тауарларын уақытша сақтауға орналастыру үшін мұндай тұлға кеден органына Комиссия айқындайтын мәліметтерді көрсете отырып, мәлімделген мәліметтерді растайтын құжаттарды қоса бере отырып, еркін нысанда өтінішті, сондай-ақ шетелдік жеке тұлғаның Қазақстан Республикасына тұрақты тұруға қоныс аудару, Қазақстан Республикасының заңнамасына сәйкес мәжбүрлі босқын, қоныс аударушы мәртебесін алу ниетін растайтын құжаттарды ұсынады.

      Комиссия шетелдік жеке тұлғаның Қазақстан Республикасына тұрақты тұруға қоныс аудару Қазақстан Республикасының заңнамасына сәйкес босқын, мәжбүрлі қоныс аударушы мәртебесін алу ниетін растайтын құжаттар тізбесін қалыптастырады және Еуразиялық экономикалық одақтың ресми сайтына орналастыруды қамтамасыз етеді.

      4. Осы баптың 2-тармағында көрсетілген жеке тұлғаның жеке пайдалануға арналған тауарлары осындай тауарларды уақытша сақтауға орналастыруға ұсынылған өтінішті кеден органы тіркеген күннен кейінгі күннен бастап есептелетін мерзімге:

      1)  егер осы мерзім өткенге дейін шетелдік жеке тұлға осы баптың 3-тармағының бірінші абзацында көрсетілген өтінішті тіркеген кеден органын осы тұлғаны Қазақстан Республикасына тұрақты тұруға қоныс аударушы деп тануды растайтын құжатты не Қазақстан Республикасының заңнамасына сәйкес босқын, мәжбүрлі қоныс аударушы мәртебесін осы тұлғаның алғанын растайтын құжатты алуға бағытталған іс-қимылдар жасағаны туралы хабардар етпесе, осы баптың 5-тармағында көрсетілген мерзім өтетін күнге дейін,

      2) шетелдік жеке тұлғаны Қазақстан Республикасына тұрақты тұруға қоныс аударушы деп тануды растайтын құжатты не осы тұлғаның Қазақстан Республикасының заңнамасына сәйкес босқын, мәжбүрлі қоныс аударушы мәртебесін алғанын растайтын құжатты алған күннен кейінгі күннен бастап бес жұмыс күні өткен күнге дейін;

      3) осы тармақтың 2) тармақшасында көрсетілген құжаттарды беруден бас тарту алған күннен кейінгі күннен бастап он жұмыс күні өткен күнге дейін уақытша сақтауға орналастырылады.

      5.  Осы баптың 3-тармағының бірінші абзацында көрсетілген өтінішті кеден органы тіркеген күннен кейінгі күннен бастап екі ай өткенге дейін осы баптың 2-тармағында көрсетілген шетелдік жеке тұлға осы баптың 3-тармағының бірінші абзацында көрсетілген өтінішті тіркеген кеден органын осындай тұлғаны Қазақстан Республикасына тұрақты тұруға қоныс аударушы деп тануды растайтын құжатты не Қазақстан Республикасының азаматтық, халқының көшi-қоны және босқындар саласындағы уәкілетті органы берген құжатты ұсыну арқылы осы тұлғаның босқын, мәжбүрлі қоныс аударушы мәртебесін алғанын растайтын құжатты алуға бағытталған іс-қимылдар жасағаны туралы хабардар етуге міндетті.

      6.  Жеке пайдалануға арналған тауарларды уақытша сақтау мерзімі өткенге дейін осы баптың 2-тармағында көрсетілген шетелдік жеке тұлға уақытша сақтауда тұрған жеке пайдалануға арналған тауарларды еркін айналымға шығару, Еуразиялық экономикалық одақтың кедендік аумағынан әкету не осы Кодексте белгіленген кедендік рәсімдермен орналастыру үшін кедендік декларациялауды жүзеге асыруға міндетті. Уақытша сақтау мерзімі өткен соң кедендік декларациялау жүзеге асырылмаған жеке пайдалануға арналған тауарларды осы Кодекстің 52-тарауына сәйкес кеден органдары кідіртеді.

      7. Уақытша сақтауда тұрған жеке пайдалануға арналған тауарларды еркін айналымға шығарғанға дейін, жеке пайдалануға арналған осындай тауарлар осы баптың 2-тармағында көрсетілген шетелдік жеке тұлғаның іс жүзінде иелігінде болуға тиіс және осы тармақтың екінші абзацына сәйкес оларды тапсыруды қоспағанда, өзге тұлғаларға иеленуге, пайдалануға және (немесе) иелік етуге берілмейді.

      Уақытша сақтауда тұрған жеке пайдалануға арналған тауарларды кеден органының рұқсатынсыз жөндеуге, техникалық қызмет көрсетуге және жеке пайдалануға арналған тауарларды қалыпты жай-күйде ұстау үшін қажетті басқа да операциялар жасауға беруге жол беріледі.

      8. Осы баптың 2-тармағында көрсетілген шетелдік жеке тұлғаның уақытша сақтауда тұрған, оның ішінде оларды уақытша сақтау орнынан тыс жердегі жеке пайдалануға арналған тауарларды осы тармақтың екінші абзацын ескере отырып пайдалануға құқығы бар.

      Уақытша сақтауда тұрған жеке пайдалануға арналған көлік құралдары болып табылатын авто және мотокөлік құралдарын және (немесе) авто және мотокөлік құралдарының тіркемелерін пайдалануға осы Кодекстің 3-бабына сәйкес кедендік баж, салықтарды төлеу жөніндегі міндеттің орындалуы қамтамасыз етілген жағдайда кеден органының жазбаша рұқсатымен жол беріледі.


      343-бап. Жеке пайдалануға арналған тауарларды кедендік декларациялау

      1. Мыналар:

      1) Еуразиялық экономикалық одақтың кедендік шекарасы арқылы өткізілетін иесімен бірге жөнелтілмейтін багаждағы жеке пайдалануға арналған көлік құралдарын қоспағанда, жеке пайдалануға арналған тауарлар немесе тасымалдаушы жеткізетін жеке пайдалануға арналған тауарлар;

      2) осы Кодекстің 8-бабына сәйкес тыйым салулар мен шектеулер сақталуы тиіс және осындай тыйым салулар мен шектеулер сақталғанын растайтын құжаттарды және (немесе) мәліметтерді ұсыну талап етілетін Еуразиялық экономикалық одақтың кедендік шекарасы арқылы кез келген тәсілмен өткізілетін жеке пайдалануға арналған көлік құралдарын қоспағанда, жеке пайдалануға арналған тауарлар;

      3) кедендік баждар, салықтар төлеуге жататын Еуразиялық экономикалық одақтың кедендік шекарасы арқылы өткізілетін иесімен бірге жөнелтілетін багаждағы жеке пайдалануға арналған көлік құралдарын қоспағанда, жеке пайдалануға арналған тауарлар;

      4) кедендік баждар, салықтар төлеуден босатыла отырып, иесімен бірге жөнелтілетін багажда әкелінетін жеке пайдалануға арналған көлік құралдарын қоспағанда, жеке пайдалануға арналған тауарлар;

      5) Еуразиялық экономикалық одаққа мүше мемлекеттерде тіркелген жеке пайдалануға арналған көлік құралдарын қоспағанда, Еуразиялық экономикалық одақтың кедендік шекарасы арқылы кез келген тәсілмен өткізілетін жеке пайдалануға арналған көлік құралдары;

      6) осы Кодекстің 347-бабы 5, 7 және 12-тармақтарында көзделген жағдайларда, Еуразиялық экономикалық одақтың кедендік аумағындағы уақытша әкелінген жеке пайдалануға арналған көлік құралдары;

      7) егер Еуразиялық экономикалық одақтың кедендік аумағына бір уақытта әкелу немесе Еуразиялық экономикалық одақтың кедендік аумағынан бір уақытта әкету кезінде мұндай қолма-қол ақша қаражатының және (немесе) жол чектерінің жалпы сомасы кеден органына жолаушыларға арналған кедендік декларацияны ұсынған күні қолданыста болатын валюта бағамы бойынша он мың АҚШ долларына балама сомадан асатын болса, қолма-қол ақша қаражаты және (немесе) жол чектері;

      8) жол чектерін қоспағанда, ақша құралдары;

      9) осы Кодекстің 8-бабына сәйкес тыйым салулар мен шектеулерді сақталуы тиіс мәдени құндылықтар;

      10) халықаралық пошта жөнелтілімдерімен жіберілетін жеке пайдалануға арналған тауарлар;

      11) осы Кодекстің 348-бабы 3-тармағының екінші абзацында көрсетілген жеке пайдалануға арналған көлік құралдарының бөлшектері;

      12) осы баптың 18-тармағында көрсетілген тауарлар кедендік декларациялауға жатады.

      2. Егер осындай тұлға Еуразиялық экономикалық одақтың кедендік аумағына келгеннен кейін халықаралық әуежайдың транзиттік аймағынан кетпей, Еуразиялық экономикалық одақтың кедендік аумағынан кететін болса, Еуразиялық экономикалық одақтың кедендік аумағы арқылы әуе көлігі транзитімен жеке тұлғамен бірге жөнелтілетін багажда өткізілетін, осы баптың 1-тармағында көрсетілген жеке пайдалануға арналған тауарлар кедендік декларациялауға жатпайды.

      3. Жеке пайдалануға арналған, оның ішінде осы Кодекстің 346-бабына сәйкес кедендік транзит кедендік рәсімімен орналастырылатын тауарларды кедендік декларациялау жолаушыларға арналған кедендік декларация пайдаланылып жүргізіледі.

      Жолаушыларға арналған кедендік декларацияда көрсетілуге тиіс мәліметтерді осы баптың 8-тармағын ескере отырып, осындай кедендік декларацияны толтыру тәртібін айқындау кезінде Комиссия айқындайды.

      Жолаушыларға арналған кедендік декларация қазақ тілінде немесе орыс тілінде не ағылшын тілінде, ал кеден органының рұқсатымен осындай кедендік декларация берілетін кеден органының лауазымды тұлғасы меңгерген басқа шет тілінде толтырылады.

      Жолаушыларға арналған кедендік декларация ретінде Дүниежүзілік пошта одағының актілерінде көзделген халықаралық пошта жөнелтілімдерімен бірге жіберілетін және құжаттар пайдаланылған жағдайда, онда мұндай құжаттар осындай актілерде айқындалған тілдерде толтырылады.

      Жолаушыларға арналған кедендік декларация ретінде осы Кодексте, Еуразиялық экономикалық одақтың шеңберіндегі халықаралық шарттарда белгіленген және (немесе) Комиссия айқындайтын жағдайларда және тәртіппен жеке пайдалануға арналған тауарларды шығару үшін қажетті мәліметтерді қамтитын құжаттар пайдаланылуы мүмкін.

      4. Халықаралық пошта жөнелтілімдерімен жіберілетін жеке пайдалануға арналған тауарларды кедендік декларациялау осы Кодекстің 369-бабы ескеріле отырып жүргізіледі.

      5. Қолма-қол ақша қаражатын және (немесе) ақша құралдарын кедендік декларациялау осы баптың 16 және 17-тармақтары ескеріле отырып жүргізіледі.

      6. Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін жеке пайдалануға арналған тауарларды кедендік декларациялауды жеке тұлғалар осы тауарларды кеден органына бір уақытта бере отырып, Еуразиялық экономикалық одақтың кедендік шекарасы арқылы өту кезінде жүргізеді.

      Еуразиялық экономикалық одақтың кедендік шекарасы арқылы әуе көлігімен иесімен бірге жөнелтілетін багажда өткізілетін жеке пайдалануға арналған тауарларды кедендік декларациялауды осы тұлғаға иесімен бірге жөнелтілетін багаж берілген халықаралық әуежай орналасқан және тұлға осы халықаралық әуежайдың кедендік бақылау аймағынан кететін Еуразиялық экономикалық одаққа мүше мемлекет аумағындағы жеке тұлғалар жүргізеді.

      7. Еуразиялық экономикалық одақтың кедендік шекарасы арқылы иесімен бірге жөнелтілмейтін багажда өткізілетін жеке пайдалануға арналған тауарларды кедендік декларациялауды жеке тұлғаның тұрақты немесе уақытша тұратын не осындай жеке тұлғалар уақытша келетін Еуразиялық экономикалық одаққа мүше мемлекеттегі жеке тұлғалар жүргізеді.

      8. Тасымалдаушы жеткізетін не халықаралық пошта жөнелтілімдерімен өткізілетін жеке пайдалануға арналған тауарларды кедендік декларациялау жеке пайдалануға арналған осындай тауарларды жөнелтуші немесе алушы болып табылатын жеке тұлға тұрақты немесе уақытша тұратын не уақытша келген Еуразиялық экономикалық одаққа мүше мемлекетте жүзеге асырылады.

      9. Халықаралық пошта жөнелтілімдерімен өткізілетін немесе кедендік транзит кедендік рәсімімен орналастырылған жеке пайдалануға арналған тауарларды қоспағанда, жеке пайдалануға арналған тауарларды кедендік декларациялау кезінде оларды Еуразиялық экономикалық одақтың кедендік аумағына әкелу және (немесе) Еуразиялық экономикалық одақтың кедендік аумағында болу не Еуразиялық экономикалық одақтың кедендік аумағынан әкету мақсаттардың бірі мәлімделеді:

      1) еркін айналым;

      2) уақытша әкелу. Уақытша әкелу тек осы Кодекстің 341-бабында көрсетілген жеке пайдалануға арналған көлік құралдарына қатысты мәлімделуі мүмкін.

      3) әкету;

      4) уақытша әкету.

      10. Жеке тұлға кедендік декларациялауға жатпайтын жеке пайдалануға арналған тауарларды кедендік декларациялауды өз еркімен жүзеге асыруға құқылы.

      Жеке тұлға Еуразиялық экономикалық одақтың кедендік шекарасы арқылы жеке пайдалануға арналған тауарларды иесімен бірге жөнелтілетін және иесімен бірге жөнелтілмейтін багаждарда өткізген жағдайда, осындай тұлға өзімен бірге алып жүретін багажда Еуразиялық экономикалық одақтың кедендік аумағына кедендік баждарды, салықтарды төлемей әкелінетін жеке пайдалануға арналған тауарлардың шегінде құндық, салмақтық және (немесе) сандық нормаларын есепке алу мақсатында кедендік декларациялауға жатпайтын жеке пайдалануға арналған тауарларға кедендік декларациялауды жүргізуге құқығы бар.

      11. Жеке пайдалануға арналған тауарларды кедендік декларациялауды декларант не кеден өкілі, ал Комиссия анықтайтын жағдайларда – декларанттың атынан және тапсырмасы бойынша әрекет ететін өзге тұлға жүзеге асырады.

      12. Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін жеке пайдалануға арналған тауарларға қатысты, жолаушыларға арналған кедендік декларация Еуразиялық экономикалық одақтың кедендік шекарасы арқылы тауарларды өткізетін орында орналасқан кеден органына, оның ішінде кедендік транзит кедендік рәсімімен жеке пайдалануға арналған тауарларды орналастыру үшін беріледі.

      Егер Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін жеке пайдалануға арналған тауарлар кедендік транзит кедендік рәсімімен орналастырылған болса, осындай тауарларды еркін айналымға шығару үшін немесе уақытша әкелу үшін жолаушыларға арналған кедендік декларация осы тармақтың үшінші абзацында көзделген жағдайларды қоспағанда, жеткізу орнындағы кеден органына беріледі.

      Осы Кодекстің 342-бабына сәйкес уақытша сақтауға орналастырылған жеке пайдалануға арналған тауарларға қатысты осындай тауарларды еркін айналымға шығару үшін жолаушыларға арналған кедендік декларация осы Кодекстің 342-бабы 4-тармағының бірінші абзацында көрсетілген өтінішті тіркеген кеден органына беріледі.

      Еуразиялық экономикалық одақтың кедендік шекарасы арқылы иесімен бірге жөнелтілмейтін багажда өткізілетін не тасымалдаушы жеткізетін жеке пайдалануға арналған тауарларға қатысты жолаушыларға арналған кедендік декларация Қазақстан Республикасының заңнамасына сәйкес жолаушыларға арналған кедендік декларацияны тіркеуге құқылы кеден органына беріледі.

      13. Егер жеке пайдалануға арналған тауарлар уақытша сақтауға орналастырылған болса, жолаушыларға арналған кедендік декларация осы Кодекстің 181-бабы 1-тармағына сәйкес беріледі.

      14. Жеке пайдалануға арналған тауарлардың декларанттары болып Еуразиялық экономикалық одаққа мүше мемлекеттердің он алты жасқа толған жеке тұлғалары немесе мынадай:

      1) Еуразиялық экономикалық одақтың кедендік шекарасынан өткен кезде Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін жеке пайдалануға арналған тауарларға қатысты иелену, пайдалану және (немесе) иелік ету құқығы бар;

      2) Еуразиялық экономикалық одақтың кедендік шекарасы арқылы иесімен бірге жөнелтілмейтін багажда өткізілетін жеке пайдалануға арналған тауарларды, оның ішінде жеке пайдалануға арналған көлік құралдарын тасымалдаушыға тапсырған (тапсыратын);

      3) жеке пайдалануға арналған тауарларды жөнелтуші немесе халықаралық пошта жөнелтілімдерімен жіберілетін жеке пайдалануға арналған тауарларды алушы болып табылатын;

      4) жеке пайдалануға арналған тауарларды, оның ішінде жеке пайдалануға арналған көлік құралдарын оның атына немесе атынан тауарларды тасымалдаушы жеткізетін;

      5)  еркін айналымға шығару үшін кедендік декларациялау жүзеге асырылатын жеке пайдалануға арналған көлік құралдарына қатысты меншік құқығы бар;

      6) егер осы тарауда өзгеше белгіленбесе, Еуразиялық экономикалық одақтың кедендік шекарасы арқылы өзіне иелену, пайдалану және (немесе) иелік ету құқығы тиесілі жеке пайдалануға арналған көлік құралымен өтетін;

      7)  Еуразиялық экономикалық одақтың кедендік аумағындағы кедендік бақылаудағы жеке пайдалануға арналған көлік құралын иелену, пайдалану және (немесе) иелік ету құқығын, оның ішінде сот шешімімен не мұрагерлік құқық бойынша иеленген;

      8) Еуразиялық экономикалық одақтың кедендік аумағындағы кедендік транзит кедендік рәсімімен орналастырылатын кедендік бақылаудағы жеке пайдалануға арналған көлік құралын иелену, пайдалану және (немесе) оларға иелік ету құқығын иеленген;

      9)  осы Кодекстің 347-бабы 8-тармағының 2) және 3) тармақшаларына және 9-тармағына сәйкес оларға берілген жеке пайдалануға арналған уақытша әкелінген көлік құралын Еуразиялық экономикалық одақтың кедендік аумағынан шығаруды жүзеге асыратын;

      10) он алты жасқа толмаған жеке тұлғалардың жеке пайдалануға арналған тауарларына қатысты – он алты жасқа толмаған жеке тұлғаларды алып жүретін (ата-анасының, осы тұлғаны асырап алушылардың, қорғаншыларының немесе қамқоршыларының бірі, оны алып жүретін өзге де тұлға не алып жүретін тұлғалар болмаған кезде тасымалдаушының өкілі, ал ата-аналарының, асырап алушылары, қорғаншылары немесе қамқоршылары алып жүрмей, кәмелеттік жасқа толмаған адамдар тобының ұйымдасып шығуы (кіруі) кезінде – топ жетекшісі не тасымалдаушының өкілі);

      11) осы баптың 18-тармағы бірінші абзацында көрсетілген жеке тұлғалар әрекет ете алады.

      15. Еуразиялық экономикалық одақтың кедендік аумағындағы жеке тұлғалардың атына халықаралық пошта жөнелтілімдерімен жеке пайдалануға арналған тауарларды жіберу кезінде осындай тауарларды жөнелтуші болып табылатын заңды тұлғалар осындай тауарлардың декларанттары болып әрекет ете алады.

      16. Жол чектерін қоспағанда, ақша құралдарын кедендік декларациялау кезінде жолаушыларға арналған кедендік декларацияда номиналдық құны не Қазақстан Республикасының ұлттық валютасындағы немесе ақша құралы алу құқығын куәландыратын шетел валютасындағы тиісті сома көрсетіледі. Номиналдық құны болмаған және Қазақстан Республикасының ұлттық валютасындағы немесе ақша құралын алу құқығын куәландыратын шетел валютасындағы соманы айқындау мүмкін болмаған жағдайда, жолаушыларға арналған кедендік декларацияда Еуразиялық экономикалық одақтың кедендік шекарасы арқылы өткізілетін ақша құралының саны көрсетіледі.

      17. Жеке тұлғалардың Еуразиялық экономикалық одақтың кедендік шекарасы арқылы кедендік декларациялауға жататын қолма-қол ақша қаражатын және (немесе) ақша құралдарын өткізуі кезде қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимылды қамтамасыз ету мақсатында жолаушыларға арналған кедендік декларациясында мынадай мәліметтер:

      1) шетел азаматының немесе азаматтығы жоқ тұлғаның Қазақстан Республикасының аумағында болу (тұру) құқығын растайтын құжаттың деректемелері, тұрғылықты (тіркелген) жерінің немесе Қазақстан Республикасының аумағында болу орнының мекенжайы;

      2) жол чектерін қоспағанда, ақша құралдары туралы мәліметтер (ақша құралының түрі, эмитенттің атауы, шығарылған күні және (болған жағдайда) идентификаттау нөмірі;

      3) егер өткізілетін қолма-қол ақша қаражаты және (немесе) ақша құралдары декларанттың меншігі болып табылмаса, қолма-қол ақша қаражатының және (немесе) ақша құралдарының көзі туралы, олардың иелері туралы мәліметтер, сондай-ақ осындай қолма-қол ақша қаражатын және (немесе) ақша құралдарын болжамды пайдалану туралы мәліметтер;

      4) қолма-қол ақша қаражатын және (немесе) ақша құралдарын тасымалдау маршруты және тәсілі туралы (тасымалдау жүзеге асырылатын көліктің түрі) мәліметтер көрсетілуі керек.

      18. Еуразиялық экономикалық одақтың кедендік шекарасы арқылы қайтыс болғандардың денесі (сүйектері) салынған табыттарды және мәйіті (күлі) салынған сауыттарды өткізу кезінде жолаушыларға арналған кедендік декларация ретінде қайтыс болған адамның денесі (сүйектері) салынған табытты немесе мәйіті (күлі) салынған сауыттарды алып жүретін адам берген еркін нысандағы өтініш пайдаланыла алады.

      19. Еуразиялық экономикалық одақтың кедендік аумағынан әкетілетін қайтыс болғандардың денесі (сүйектері) салынған табыттарды және мәйіті (күлі) салынған сауыттарды кедендік декларациялау кезінде мынадай құжаттар:

      1) Қазақстан Республикасында азаматтық хал актілерін тіркеу үшін белгіленген тәртіппен азаматтық хал актілерінің жазу бөлімдері беретін қайтыс болуы туралы куәлік не қайтыс болуы туралы медициналық куәлік не көрсетілген құжаттардың нотариалды расталған көшірмелері, ал жерленгеніне ұзақ уақыт өтуіне байланысты осындай құжаттары болмаған кезде - шығарылған сүйектерді идентификаттауға мүмкіндік беретін өзге де құжаттар;

      2) қайта жерленген жағдайда, эксгумация өткізу мүмкіндігі туралы жергілікті мемлекеттік санитарлық қадағалау органдарының еркін нысандағы қорытындысы;

      3) мырыш табыттарды дәнекерлеумен жерлеу қызметтерін көрсетуді жүзеге асыратын мамандандырылған ұйымның оларда бөгде салынымдардың жоқтығын көрсете отырып және қайтыс болған адамның заттары мен құндылықтары қайтыс болған адамның денесімен (сүйектерімен) бірге жөнелтілген жағдайда, олардың тізімдемесі қоса беріле отырып, еркін нысандағы актісі (анықтамасы) табыс етіледі.

      20. Еуразиялық экономикалық одақтың кедендік аумағына әкелінетін қайтыс болғандардың денелері (сүйектері) салынған табыттарды және мәйіті (күлі) салынған сауыттарды кедендік декларациялау кезінде мынадай құжаттар:

      1) жөнелтуші елдің уәкілетті мекемесі берген қайтыс болуы туралы куәлік не қайтыс болуы туралы медициналық куәлік не осы құжаттардың көшірмесі, ал мәйіттің жерленгеніне ұзақ уақыт өтуіне байланысты ондай құжаттар болмаған кезде – әкелінетін сүйекті идентификаттауға мүмкіндік беретін өзге де құжаттар;

      2) мырыш табыттарды дәнекерлеумен жерлеу қызметтерін көрсетуді жүзеге асыратын мамандандырылған ұйымның оларда бөгде салынымдардың жоқтығын көрсете отырып және қайтыс болған адамның заттары мен құндылықтары қайтыс болған адамның денесімен (сүйектерімен) бірге жөнелтілген жағдайда, олардың тізімдемесі қоса беріле отырып, еркін нысандағы актісі (анықтамасы) табыс етіледі.


      344-бап. Жеке пайдалануға арналған тауарларды кедендік декларациялау кезінде құжаттарды ұсыну

      1. Жолаушыларға арналған кедендік декларацияда мәлімделген мәліметтерді растайтын құжаттарға мыналар:

      1) жеке басын (оның ішінде кәмелетке толмаған адамның) куәландыратын құжаттар;

      2) жеке тұлғада бар кедендік декларациялау жүзеге асырылатын жеке пайдалануға арналған тауарлардың құнын растайтын құжаттар;

      3) егер тыйым салулар мен шектеулерді сақтау осындай құжаттарды ұсынумен расталса, осы Кодекстің 8-бабына сәйкес жеке тұлғалар сақтауға тиіс тыйым салулар мен шектеулер сақталғанын растайтын құжаттар;

      4) көлік (тасымалдау) құжаттары;

      5) кедендік баждар, салықтар төлеуден босатыла отырып әкелу шартарының сақталуын растайтын, оның ішінде шетелдік жеке тұлғаны Қазақстан Ресепубликасына тұрақты тұруға қоныс аударушы деп тануды не шетелдік жеке тұлғаның Қазақстан Республикасының заңнамасына сәйкес босқын, мәжбүрлі қоныс аударушы мәртебесін алуын растайтын құжаттар;

      6) Еуразиялық экономикалық одақтың кедендік аумағына жеке пайдалануға арналған көлік құралын әкелу кезінде рәсімделген және Еуразиялық экономикалық одақтың кедендік аумағында уақытша болатын осындай көлік құралының шығуын растайтын жолаушыларға арналған кедендік декларациясы;

      7) осы Кодекстің 343-бабы 1-тармағының 11) тармақшасына сәйкес кедендік декларациялауға жататын жеке пайдалануға арналған көлік құралын немесе жеке пайдалануға арналған осындай көлік құралының бір бөлігін идентификаттауға мүмкіндік беретін мәліметтер қамтылған құжаттар;

      8) жеке пайдалануға арналған көлік құралын иелену, пайдалану және (немесе) оған иелік ету құқығын растайтын құжаттар;

      9) Комиссия айқындайтын жағдайларда қолма-қол ақша қаражаты мен (немесе) ақша құралының шығу тегін растайтын құжаттар;

      10) осы Кодекстің 343-бабы 19 және 20-тармақтарында көрсетілген құжаттар;

      11) осы Кодекстің 343-бабының 11-тармағына сәйкес Комиссия айқындаған жағдайларда, атынан декларант және тапсырмасы бойынша әрекет ететін тұлғаның өкілеттігін растайтын сенімхат немесе өзге құжат жатады.

      2. Егер осы баптың 1-тармағында көрсетілген құжаттарда жолаушыларға арналған кедендік декларацияда мәлімделген мәліметтерді растайтын мәліметтер қамтылмаған жағдайда, мұндай мәліметтер өзге құжаттармен расталуы мүмкін.

      3. Кеден органдары жеке пайдалануға арналған тауарларға қатысты кедендік операцияларды жасауы кезінде мәліметтерді шет тілінен аударуды талап етпейтін құжаттар тізбесін Комиссия айқындайды.

      4. Жеке тұлға Еуразиялық экономикалық одақтың кедендік шекарасы арқылы жеке пайдалануға арналған тауарларды иесімен бірге жөнелтілетін және иесімен бірге жөнелтілмейтін багажда не иесімен бірге жөнелтілмейтін багажда ғана өткізу кезінде Еуразиялық экономикалық одақтың кедендік аумағына иесімен бірге жөнелтілмейтін багажда әкелінетін жеке пайдалануға арналған тауарларды кедендік декларациялау кезінде осы баптың 1-тармағында көзделген құжаттарға қосымша осы Кодекстің 343-бабы
10-тармағына сәйкес берілген жолаушыларға арналған кедендік декларацияның данасы табыс етіледі.

      Кеден органына көрсетілетін жолаушыларға арналған кедендік декларация ұсынылмаған кезде, Еуразиялық экономикалық одақтың кедендік шекарасына иесімен бірге жөнелтілмейтін багажда әкелінген жеке пайдалануға арналған тауарлар, егер жеке тұлға басқаша дәлелдей алмаса, шегінде кедендік баждарды, салықтар төленбей Еуразиялық экономикалық одақтың кедендік аумағына жеке пайдалануға арналған тауарлар әкелінетін, Еуразиялық экономикалық одақтың кедендік аумағына құндық, салмақтық және (немесе) сандық нормалардан асыра әкелінген таарлар ретінде қарастырылады.

      5. Егер оларды кеден органдары мен декларанттың немесе декларанттың тапсырмасы бойынша және атынан әрекет ететін адамның жолға қойылған ақпараттық өзара іс-қимылы шеңберінде кеден органы алуы мүмкін болса, осы баптың 1-тармағында көрсетілген құжаттар, ұсынылмауы мүмкін. Ақпараттық өзара іс-қимыл тәртібін уәкілетті орган бекітеді.

      6. Жолаушыларға арналған кедендік декларацияны қабылдауды мен оны тіркеуді кеден органы өтеусіз негізде жүзеге асырады.


      345-бап. Жеке пайдалануға арналған тауарларды шығару

      1. Халықаралық пошта жөнелтілімдерімен жіберілетіндерді қоспағанда, жеке пайдалануға арналған тауарларды кедендік декларациялау кезінде мәлімделген оларды Еуразиялық экономикалық одақтың кедендік аумағына әкелу және (немесе) Еуразиялық экономикалық одақтың кедендік аумағында болу не Еуразиялық экономикалық одақтың кедендік аумағынан әкету мақсатына байланысты мынадай тауарлар:

      1) еркін айналымға;

      2) шығару үшін;

      3) Еуразиялық экономикалық одақтың кедендік аумағында уақытша болуы үшін;

      4) Еуразиялық экономикалық одақтың кедендік аумағынан тыс жерде уақытша болуы үшін шығарылуға жатады.

      2. Кедендік декларациялауға жататын жеке пайдалануға арналған тауарларды еркін айналымға немесе әкету үшін шығаруды:

      1) осы баптың 3-тармағын ескере отырып, осы тарауға сәйкес кедендік баждар, салықтар төленген;

      2) осы Кодекстің 8-бабына сәйкес тыйымдар мен шектеулер сақталған жағдайда кеден органы жүргізеді.

      3. Еуразиялық экономикалық одақтың кедендік аумағы арқылы иесімен бірге жөнелтілетін багажда өткізілетін жеке пайдалануға арналған тауарларды шығаруды кеден органы тиісті шоттарға жеке пайдалануға арналған тауарларға қатысты төленген кедендік баждар, салықтар сомасы аударылғанға дейін жүргізеді.

      Халықаралық пошта жөнелтілімдерімен жіберілетін жеке пайдалануға арналған тауарларды шығаруды кедендік баждар, салықтар төленгенге дейін кеден органы жүргізеді.

      4. Кедендік декларациялауға жататын жеке пайдалануға арналған тауарларды Еуразиялық экономикалық одақтың кедендік аумағында уақытша болуы не Еуразиялық экономикалық одақтың кедендік аумағынан тыс жерде уақытша болуы үшін шығаруды кеден органы мынадай:

      1) жеке пайдалануға арналған тауарлар осы Кодекстің 347 және 348-баптарына сәйкес уақытша әкелінуі не уақытша әкетілуі мүмкін болатын;

      2) осы Кодекстің 354-бабына сәйкес кедендік баждарды, салықтарды төлеу бойынша міндеттемелерді орындау қамтамасыз етілген;

      3) осы Кодекстің 8-бабына сәйкес тыйымдар мен шектеулер сақталған жағдайда жүргізеді.

      5. Кедендік декларациялауға жатпайтын, Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар еркін айналымға шығарылған немесе "жасыл" дәлізден шығу (кіру) сызығын не келу немесе кету орындарында кедендік операцияларды аяқтау сызығын кесіп өткен кезден бастап әкету үшін шығарылған деп есептеледі.

      Кедендік декларациялауға жатпайтын және оларға қатысты кедендік операцияларды көлік құралынан шықпай жасау мүмкіндігі берілетін Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар осындай тауарларға қатысты келу немесе кету орындарында кедендік бақылауды жүргізу аяқталған кезден бастап еркін айналымға шығарылған немесе әкету үшін шығарылған болып есептеледі.

      6. Кедендік транзит кедендік рәсімімен орналастырылатын жеке пайдалануға арналған тауарларды шығару осы Кодекстің 192-бабына сәйкес белгіленген шарттар сақтаған кезде және тәртіппен жүргізіледі.

      7. Жеке пайдалануға арналған тауарларды шығару, осы тармақтың екінші абзацында көрсетілген жағдайды қоспағанда, осы Кодекстің 193-бабында белгіленген мерзімде аяқталуы керек.

      Тауарларды Еуразиялық экономикалық одақтың кедендік шекарасы арқылы өткізетін орындарда Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін жеке пайдалануға арналған тауарларды шығару, кедендік транзит кедендік рәсімімен орналастырылатын жеке пайдалануға арналған тауарларды қоспағанда, декларант жеке пайдалануға арналған тауарларды шығару шарттарының сақталғанын растағаннан кейін және кедендік бақылау жүргізілгеннен кейін тез арада аяқталуға тиіс.

      8. Санитариялық-карантиндік, ветеринариялық, карантиндік фитосанитариялық және мемлекеттік бақылаудың (қадағалаудың) басқа да түрлеріне жататын жеке пайдалануға арналған тауарларды шығару мемлекеттік бақылаудың (қадағалаудың) тиісті түрі жүзеге асырылғаннан кейін жүргізіледі.

      9. Еуразиялық экономикалық одақтың кедендік аумағына әкелінген жеке пайдалануға арналған тауарлар мынадай тауарлар санаттарын:

      1) осы Кодекстің 381 және 382-баптарына сәйкес әкелінетін жеке пайдалануға арналған көлік құралдарын;

      2) осы Кодекстің 349-бабы 8-тармағына сәйкес пайдалану және (немесе) иелік ету бойынша оларға қатысты шектеулер қойылған тауарларды қоспағанда, олар еркін айналымға шығарылған кезден бастап Еуразиялық экономикалық одақ тауарларының мәртебесіне ие болады.

      10. Еуразиялық экономикалық одақ тауарларының мәртебесіне ие болған жеке пайдалануға арналған тауарлар Еуразиялық экономикалық одақтың кедендік аумағында болады және пайдалануы және (немесе) иелік ету бойынша шектеулерсіз пайдаланылады.


      346-бап. Иесімен бірге жөнелтілетін багажда өткізілетін жеке пайдалануға арналған тауарларға қатысты кедендік транзит кедендік рәсімдерін қолдану ерекшеліктері

      1. Еуразиялық экономикалық одақтың кедендік аумағы арқылы тасымалдау үшін кедендік транзит кедендік рәсімімен Еуразиялық экономикалық одақтың кедендік шекарасы арқылы иесімен бірге жөнелтілетін багажда өткізілетін мынадай:

      1) Еуразиялық экономикалық одаққа мүше мемлекеттерде немесе Еуразиялық экономикалық одақтың мүшесі болып табылмайтын мемлекеттерде тіркелмеген жеке пайдалануға арналған көлік құралдары;

      2) осы тармақтың 3) тармақшасында көрсетілген тауарларды қоспағанда, оларды келу орнынан кеден органына дейін тасымалдау үшін жеке тұлға тұрақты немесе уақытша тұратын қызмет аймағында осындай тауарларды Еуразиялық экономикалық одақтың кедендік аумағына әкелуді жүзеге асыратын, кедендік баждарды, салықтарды төлеуден босатыла отырып әкелінетін жеке пайдалануға арналған тауарлар;

      3) Еуразиялық экономикалық одақтың кедендік аумағына кедендік баждарды, салықтарды төлеуден босатыла отырып әкелінетін жеке пайдалануға арналған тауарлар, дипломатиялық өкілдік басшылары, Еуразиялық экономикалық одаққа мүше мемлекеттердің дипломатиялық өкілдігінің дипломатиялық мүшелері және әкімшілік-техникалық қызметкерлері, консулдық мекеме басшылары және басқа да консулдық лауазымды тұлғалар, Еуразиялық экономикалық одаққа мүше мемлекеттердің консулдық мекемелерінің консулдық қызметкерлері, Еуразиялық экономикалық одақтың кедендік аумағынан тыс орналасқан халықаралық ұйымдардың жанындағы Еуразиялық экономикалық одаққа мүше мемлекеттердің өкілдік қызметкерлері, солардың бірге тұратын отбасы мүшелері не осындай тұлғалардың атынан және тапсырмасы бойынша өзге адамдармен тауарларды келу орнынан кеден органына дейін тасымалдау үшін осындай тауарларды Еуразиялық экономикалық одақтың кедендік аумағына әкелуді жүзеге асыратын тұлғалардың арызы бойынша Еуразиялық экономикалық одақтың кедендік аумағына әкелінетін жеке пайдалануға арналған тауарлар;

      4) бастапқы жайғасуға арналған тауарларды қоса алғанда, Еуразиялық экономикалық одақтың кедендік аумағына дипломатиялық өкілдік қызметкерлері, консулдық мекеме жұмысшылары, халықаралық ұйымдардағы мемлекеттер өкілдіктерінің жұмысшылары (қызметкерлері, лауазымды тұлғалары), халықаралық ұйымдар немесе олардың өкілдіктері, Еуразиялық экономикалық одақтың кедендік аумағында орналасқан өзге де ұйымдар мен олардың өкілдіктері солармен бірге тұратын отбасы мүшелері әкелетін тауарларды әкелу орнынан кеден органына дейін тасымалдау үшін қызмет өңірінде орналасқан дипломатиялық өкілдіктер, консулдық мекемелер, халықаралық ұйымдар жанындағы мемлекеттер өкілдіктері, халықаралық ұйымдар немесе олардың өкілдіктері, басқа да ұйымдар мен олардың өкілдіктерінің қызметкерлері, жұмысшылары, персоналы (қызметкерлері, лауазымды тұлғалары) болып табылатын жеке тұлғалардың жеке пайдалануға арналған тауарлары;

      5) Еуразиялық экономикалық одақтың кедендік аумағына дипломатиялық өкілдік және консулдық мекеме басшылары, дипломатиялық өкілдіктің дипломатиялық қызметкерлер мүшелері және консулдық мекемелердің консулдық лауазымды тұлғалары, солармен бірге тұратын отбасы мүшелері Еуразиялық экономикалық одақтың кедендік аумағы бойынша оларды келу орнынан кету орнына дейін тасымалдау үшін әкелетін жеке пайдалануға арналған тауарлар.

      2. Кедендік транзит кедендік рәсімімен жеке пайдалануға арналған тауарларды орналастыру кезінде жолаушыларға арналған кедендік декларациясында көрсетілуге тиіс мәліметтерді Комиисия белгілейді.

      3. Осы баптың 1-тармағында көрсетілген жеке пайдалануға арналған тауарлардың жеткізілу орнын кедендік транзит кедендік рәсімімен орналастырған кезде:

      1) осындай көлік құралдары иеленушісінің тапсырмасы бойынша әкелінетін жеке пайдалануға арналған көлік құралдарына қатысты – жеке тұлғаның – жеке пайдалануға арналған көлік құралының меншік иесінің тұрақты не уақытша тұрғылықты жері туралы мәліметтері негізінде, ал өзге де жеке пайдалануға арналған көлік құралдарына қатысты – жеке пайдалануға арналған көлік құралын әкелетін жеке тұлғаның өтініші негізінде;

      2) осы баптың 1-тармағының 3) тармақшасында көрсетілген тауарларды қоспағанда, кедендік баждарды, салықтарды төлеуден босатыла отырып әкелінетін жеке пайдалануға арналған тауарларға қатысты – осындай тауарлар декларанттың орны немесе болжамды тұрақты не уақытша тұрғылықты жері туралы мәліметтері негізінде;

      3) осы баптың 1-тармағының 3) тармақшасында көрсетілген жеке пайдалануға арналған тауарларға қатысты – осындай тауарларды Еуразиялық экономикалық одақтың кедендік аумағына әкелуді жүзеге асыратын тұлға мәлімдеген мәліметтері негізінде;

      4) осы баптың 1-тармағының 4) тармақшасында көрсетілген жеке пайдалануға арналған тауарларға қатысты – Еуразиялық экономикалық одақтың кедендік аумағына жеке пайдалану үшін әкелінетін тауарлардың дипломатиялық өкілдіктердің, консулдық мекемелердің, халықаралық ұйымдар жанындағы мемлекет өкілдіктерінің, халықаралық ұйымдардың немесе олардың өкілдіктерінің, өзге де ұйымдар мен олардың өкілдіктерінің қызметкерлері, жұмысшылары, персоналы (қызметкерлері, лауазымды тұлғалары) болып табылатын жеке тұлғалардың орналасқан жері туралы мәліметтер негізінде;

      5) осы баптың 1-тармағының 5) тармақшасында көрсетілген жеке пайдалануға арналған тауарларға қатысты – кету орны туралы мәліметтер негізінде жөнелтуші кеден органы айқындайды.

      4. Осы баптың 1-тармағында көрсетілген жеке пайдалануға арналған тауарларды тасымалдау кезінде кедендік транзит кедендік рәсіміне сәйкес декларант ретінде шығатын жеке тұлға осы Кодекстің 230-бабында тасымалдаушы үшін көзделген міндеттерді орындайды.

      5. Кедендік транзит кедендік рәсімімен орналастырылатын жеке пайдалануға арналған тауарларға қатысты кедендік баждарды, салықтарды төлеу бойынша міндеттің орындалуын қамтамасыз ету осы Кодекстің 354-бабын ескере отырып, осы Кодекстің 226-бабына сәйкес ұсынылады.


      347-бап. Жеке пайдалануға арналған көлік құралдарын уақытша әкелу

      1. Жеке пайдалануға арналған көлік құралдарын Еуразиялық экономикалық одаққа мүше болып табылмайтын мемлекетте тіркелген шетелдік жеке тұлғалардың Еуразиялық экономикалық одақтың кедендік аумағына уақытша бір жылдан аспайтын мерзімге әкелуіне рұқсат етіледі.

      Осы Кодекстің 342-бабы 2-тармағында көрсетілген Еуразиялық экономикалық одаққа мүшесі болып табылмайтын мемлекетте және Еуразиялық экономикалық одаққа мүше мемлекеттерде тіркелмеген шетелдік жеке тұлғалардың Еуразиялық экономикалық одақтың кедендік аумағына жеке пайдалануға арналған көлік құралдарын уақытша бір жылдан аспайтын мерзімге әкелуге рұқсат етіледі.

      Еуразиялық экономикалық одаққа мүшесі болып табылмайтын мемлекетте тіркелген жеке пайдалануға арналған көлік құралдарын Еуразиялық экономикалық одаққа мүше мемлекеттердің жеке тұлғалары Еуразиялық экономикалық одақтың кедендік аумағына уақытша 1 жылдан аспайтын мерзімге әкелуіне рұқсат етіледі.

      2. Осы баптың 1 және 4-тармақтарындағы ережелер осы Кодекстің 381 және 382-баптарына сәйкес Еуразиялық экономикалық одақтың кедендік аумағына жеке пайдалануға арналған көлік құралдарын кедендік баждар, салықтар төлеуден босата отырып әкелуге құқығы бар, жеке тұлғалардың Еуразиялық экономикалық одақтың кедендік аумағына уақытша әкелінетін Еуразиялық экономикалық одаққа мүше болып табылмайтын мемлекетте және Еуразиялық экономикалық одаққа мүше мемлекеттерде тіркелмеген және Еуразиялық экономикалық одаққа мүше болып табылмайтын мемлекеттерде тіркелген жеке пайдалануға арналған көлік құралдарына қатысты қолданылмайды.

      Көрсетілген жеке пайдалануға арналған көлік құралдарын Еуразиялық экономикалық одақтың кедендік аумағына уақытша әкелу Қазақстан Республикасының заңнамасына сәйкес расталатын көрсетілген жеке тұлғаларға келу мемлекетінде ұсынылған артықшылықтарды ұсыну мерзімінде рұқсат етіледі.

      Жеке пайдалануға арналған көлік құралдарын Еуразиялық экономикалық одақтың кедендік аумағына уақытша әкелу мерзімін көрсетілген мерзімнен ұзарту жағдайында осы тармақтың бірінші абзацында көрсетілген осындай ұзарту кезеңіне тұлғалардың кеден органына жүгінуі бойынша ұзартылады.

      3. Осы баптың 1-тармағының екінші және үшінші абзацтарында көрсетілген, Еуразиялық экономикалық одақтың кедендік аумағынан тыс орналасқан Еуразиялық экономикалық одаққа мүше мемлекеттердің дипломатиялық өкілдіктерінің қызметкерлері, Еуразиялық экономикалық одаққа мүше мемлекеттердің консулдық мекемелерінің жұмысшылары, халықаралық ұйымдар жанындағы Еуразиялық экономикалық одаққа мүше мемлекеттері өкілдіктерінің қызметкерлері болып табылатын, Еуразиялық экономикалық одаққа мүше мемлекеттердің жеке тұлғалары уақытша әкелетін жеке пайдалануға арналған көлік құралдарын қоспағанда, Еуразиялық экономикалық одақтың кедендік аумағына жеке пайдалануға арналған көлік құралдарын уақытша әкелу осы Кодекстің 354-бабына сәйкес кедендік баждарды, салықтарды төлеу бойынша міндеттердің орындалуы қамтамасыз етілген жағдайда рұқсат етіледі.

      4. Еуразиялық экономикалық одақтың мүшесі болып табылмайтын мемлекеттерде тіркелген шетелдік жеке тұлғалардың Еуразиялық экономикалық одақтың кедендік аумағына жеке пайдалануға арналған екінші және келесі көлік құралдарын уақытша әкелу осындай тұлғалардың Еуразиялық экономикалық одақтың кедендік аумағынан әкетілмеген, бұрын уақытша әкелінген жеке пайдалануға арналған көлік құралдарының болуы жағдайында осы Кодекстің 354-бабына сәйкес кедендік баждарды, салықтарды төлеу бойынша міндеттердің орындалуы қамтамасыз етілген жағдайда рұқсат етіледі.

      Осы тармақтың қолдану мақсаттары үшін екінші және келесі жеке пайдалануға арналған көлік құралдары ретінде жеке пайдалануға арналған сол типтес жеке пайдалануға арналған көлік құралдары (авто- және мотокөлік құралдары, авто- және мотокөлік құралдарының тіркемелері, су немесе әуе кемелері) сияқты Еуразиялық экономикалық одақтың кедендік аумағына бұрын уақытша әкелінген және Еуразиялық экономикалық одақтың кедендік аумағынан әкетілмеген жеке пайдалануға арналған көлік құралдары түсініледі.

      5. Еуразиялық экономикалық одақтың кедендік аумағына уақытша әкелінген жеке пайдалануға арналған көлік құралдары мерзімі өткенге дейін, көрсетілген жеке пайдалануға арналған көлік құралдары тәркіленген немесе сот шешімі бойынша мемлекет меншігіне берілген не 456-бабының 6-тармағына және 36-баптың 2-тармағына сәйкес Еуразиялық экономикалық одақ тауарларының мәртебесін алған не көрсетілген жеке пайдалануға арналған көлік құралдарына қатысты осы Кодекстің 34-бабы 7-тармағының 8) тармақшасында көзделген жағдайлар басталған жағдайларды қоспағанда, осындай көлік құралдары Еуразиялық экономикалық одақтың кедендік аумағында уақытша болу мерзімі ішінде осы бапқа сәйкес Еуразиялық экономикалық одақтың кедендік аумағынан еркін айналымға шығару немесе өзге де мақсаттарда кедендік декларациялауға жатады.

      Еуразиялық экономикалық одақтың кедендік аумағына уақытша әкелінген жеке пайдалануға арналған көлік құралдары мерзімі өткенге дейін декларант осы Кодексте белгіленген тәртіпте осындай көлік құралдарын кедендік рәсімдерге орналастыруға құқылы.

      Еуразиялық экономикалық одақтың кедендік аумағына уақытша әкелінген жеке пайдалануға арналған көлік құралдары мерзімі өткенге дейін Еуразиялық экономикалық одақтың кедендік аумағында уақытша бола алады, мұндай көлік құралдары осы Кодексте белгіленген тәртіпте кедендік рәсімдерге орналастырылады не осындай көлік құралдарына қатысты әкету, еркін айналымға шығару мақсатында немесе осы бапқа сәйкес өзге де мақсаттарда кедендік декларациялау жүзеге асырылады.

      Қазақстан Республикасының заңнамасына сәйкес уақытша әкелінген жеке пайдалануға арналған көлік құралдары алып қойылған не оларға тыйым салынған жағдайда уақытша әкелу мерзімі ішінде осындай жеке пайдалануға арналған көлік құралдарына қатысты тыйым тоқтатылады.

      Уақытша әкелінген жеке пайдалануға арналған көлік құралдары алып қойылған не оларға тыйым салу тоқтатылған жағдайда, осындай жеке пайдалануға арналған көлік құралдарына қатысты тыйым, осы баптың 9-тармағында көзделген Еуразиялық экономикалық одақтың кедендік аумағына әкелінген осындай жеке пайдалануға арналған көлік құралдарын алып қою не оларға тыйым салу Еуразиялық экономикалық одақтың кедендік шекарасында декларант тапсырған кездегі бұзушылықтарға байланысты болған жағдайларды қоспағанда, осындай шешім заңды күшіне енген күнінен бастап жаңғыртылады.

      Осы баптың 1-тармағында немесе 2-тармағында көзделген уақытша әкелінген жеке пайдалануға арналған көлік құралдарына қатысты мерзімі өткенге дейін осы тармақта көзделген әрекеттер жасалмаса, осы Кодекстің 351-бабы 2-тармағының 5) тармақшасында көрсетілген мән-жайлар басталғанға дейін болған осындай кідірту жағдайын қоспағанда, осы Кодекстің 52-тарауына сәйкес қызмет аймағында осындай көлік құралдары болатын кеден органы ұстайды.

      6. Жеке пайдалануға арналған уақытша әкелінген көлік құралдары, егер осы бапта өзгеше белгіленбесе, Еуразиялық экономикалық одақтың кедендік аумағындағы декларанттың іс жүзіндегі иелігінде және пайдаланылуында болуы тиіс.

      Уақытша әкелінген жеке пайдалануға арналған көлік құралдарын декларант өзге тұлғаға, оның ішінде осындай көлік құралы меншік құқығы бойынша тиесілі тұлғаға осы бапта белгіленген жағдайлар мен шарттарда тапсыруы мүмкін.

      7. Егер осындай жеке пайдалануға арналған көлік құралдарын беруге болатын болса, осы баптың 2-тармағында көрсетілген уақытша әкелінген жеке пайдалануға арналған көлік құралдарын:

      1) осы Кодекстің 381 және 382-баптарына сәйкес Еуразиялық экономикалық одақтың кедендік аумағына жеке пайдалануға арналған көлік құралдарын кедендік баждарды, салықтарды төлеуден босатыла отырып әкелуге құқығы бар жеке тұлғаларға – осындай тапсыру жүзеге асырылатын жеке тұлғаларға осындай жеке пайдалануға арналған көлік құралдарын Еуразиялық экономикалық одақтың кедендік аумағына уақытша әкелу мақсатында кедендік декларацияны жүргізгеннен кейін;

      2) осы тармақтың 1-тармақшасында көрсетілген тұлғаларға – осындай тапсыру жүзеге асырылатын жеке тұлғаларға осындай жеке пайдалануға арналған көлік құралдарын еркін айналымға шығару мақсатында кедендік декларацияны жүргізгеннен кейін беруге рұқсат етіледі.

      8. Кеден органының рұқсатынсыз және кедендік декларациялаусыз декларанттың мынадай:

      1) уақытша әкелінген жеке пайдалануға арналған көлік құралдары – техникалық қызмет көрсету, жөндеу жүргізу және (немесе) сақтау үшін (күрделі жөндеу, түрлендіруді қоспағанда) өзге тұлғаға иелік етуіне;

      2) Еуразиялық экономикалық одаққа мүше мемлекеттің жеке тұлғасы уақытша әкелген жеке пайдалануға арналған көлік құралы – оның ата-анасына, балаларына, тіркелген некеде тұрған жұбайына (зайыбына);

      3) шетелдік жеке тұлға уақытша әкелген жеке пайдалануға арналған көлік құралы – өзге шетелдік жеке тұлғаларға;

      4) уақытша әкелінген жеке пайдалануға арналған су немесе әуе кемесі – су кемесінің капитанына, әуе кемесінің командиріне, экипаж мүшелеріне осы көлік құралдарын пайдалану мақсатында басқару үшін, техникалық құрылғыны көрсетілген тұлғалардың қатысуынсыз пайдаланылуы мүмкін болмаған жағдайда;

      5) Еуразиялық экономикалық одақтың кедендік аумағынан тысқары орналасқан Еуразиялық экономикалық одаққа мүше мемлекеттердің дипломатиялық өкілдіктеріне және (немесе) Еуразиялық экономикалық одаққа мүше мемлекеттердің консулдық мекемесіне, халықаралық ұйымдар жанындағы Еуразиялық экономикалық одаққа мүше мемлекеттердің өкілдіктеріне тіркелген жеке пайдалануға арналған көлік құралы, осындай Еуразиялық экономикалық одаққа мүше мемлекеттің дипломатиялық өкілдіктерінде және (немесе) Еуразиялық экономикалық одаққа мүше мемлекеттердің консулдық мекемесінде, халықаралық ұйымдар жанындағы Еуразиялық экономикалық одаққа мүше мемлекеттері өкілдіктерінде жұмыс істейтін жеке тұлға уақытша әкелген жеке пайдалануға арналған көлік құралы – Еуразиялық экономикалық одақтың кедендік аумағынан тысқары орналасқан осындай Еуразиялық экономикалық одаққа мүше мемлекеттердің дипломатиялық өкілдіктеріне және (немесе) Еуразиялық экономикалық одаққа мүше мемлекеттердің консулдық мекемесіне, халықаралық ұйымдар жанындағы Еуразиялық экономикалық одаққа мүше мемлекеттері өкілдіктерінің өзге қызметкерлеріне жеке пайдалануға арналған көлік құралдарын беруіне рұқсат етіледі.

      9. Кеден органының рұқсатымен және кедендік декларациялаусыз декларантқа мынадай көлік құралдарын беруге:

      1) шетелдік жеке тұлға уақытша әкелген жеке пайдалануға арналған көлік құралы – Еуразиялық экономикалық одаққа мүше мемлекеттің жеке тұлғасына осы Кодекстің 354-бабына сәйкес кедендік баждарды, салықтарды төлеу бойынша міндеттерін орындауды қаматамасыз еткен жағдайда;

      2) уақытша әкелінген жеке пайдалануға арналған көлік құралы – егер осындай әкету декларанттың қайтыс болуы, ауыр науқасы немесе өзге де нақты себепке байланысты жүзеге асуы мүмкін болмаған жағдайда, Еуразиялық экономикалық одақтың кедендік аумағынан жеке пайдалануға арналған көлік құралын әкету үшін өзге тұлғаға рұқсат етіледі.

      10. Осы баптың 9-тармағының бірінші абзацында көрсетілген кеден органының рұқсат беру нысанын және оны кеден органының беру тәртібін Комиссия айқындайды.

      11. Осы баптың 8 және 9-тармақтарында белгіленген жағдайларда уақытша әкелінген жеке пайдалануға арналған көлік құралы тапсырылған жеке тұлғалар декларантты қоспағанда, осындай көлік құралын Еуразиялық экономикалық одақтың кедендік аумағындағы өзге тұлғаларға тапсыруға құқығы жоқ.

      12. Еуразиялық экономикалық одақтың кедендік аумағында уақытша әкелінген жеке пайдалануға арналған көлік құралын декларант осы баптың 7, 8 және 9-тармақтарында белгіленген жағдайларда еркін айналымға шығару мақсатында оларды кедендік декларациялау жүргізгеннен кейін береді.

      Уақытша әкелінген жеке пайдалануға арналған көлік құралын осы баптың 7, 8 және 9-тармақтарында белгіленген жағдайлардан өзге фактілер айқындалған жағдайда, еркін айналымға шығару мақсатында оларға кедендік декларациялау жүргізгенге дейін осы Кодекстің 52-тарауына сәйкес осындай аталған бұзушылықтар анықталған және осындай көлік құралдары тұрған кеден органы кідіртеді.

      13. Еуразиялық экономикалық одақтың кедендік аумағына уақытша әкелінген жеке пайдалануға арналған көлік құралдарын декларант осы баптың 8 және 9-тармақтарында белгіленген тұлғалардан өзге тұлғаларға тапсырған жағдайларда, декларант осы бапта белгіленген талаптарды сақтау міндеттерінен босатылмайды, сондай-ақ осындай жеке пайдалануға арналған көлік құралдарының әкелу мерзімін тоқтата тұрмайды және ұзартпайды.


      348-бап. Жеке пайдалануға арналған тауарларды жеке тұлғалардың уақытша әкетуі

      1. Еуразиялық экономикалық одақтың тауарлары болып табылатын жеке пайдалануға арналған тауарларды жеке тұлғалардың Еуразиялық экономикалық одақтың кедендік аумағынан уақытша әкетуі Еуразиялық экономикалық одақтың кедендік аумағынан тысқары жерлерде уақытша болу кезеңінде рұқсат етіледі.

      2. Егер уақытша әкетілетін жеке пайдалануға арналған тауарларды идентификаттау оларды кедендік баждарын, салықтарды төлемей Еуразиялық экономикалық одақтың кедендік аумағына қайта әкелуге жағдай жасайтын болса, жеке тұлғаның өтініші бойынша кеден органы осындай тауарлардың идентификаттауын жүргізеді. Жеке пайдалануға арналған тауарларды идентификаттау туралы жолаушыларға арналған кедендік декларациясында көрсетіледі, оның бір данасы Еуразиялық экономикалық одақтың кедендік аумағынан осындай тауарлардың уақытша әкетілуін жүзеге асыратын жеке тұлғаға беріледі.

      Осындай идентификаттаудың болмауы жеке тұлғалар жеке пайдалануға арналған тауарларды уәкілетті орган бекіткен тәртіпте кедендік баждарды, салықтарды төлемей кеден органына бұл тауарлар Еуразиялық экономикалық одақтың кедендік аумағынан оларды әкеткеннен кейін Еуразиялық экономикалық одақтың кедендік аумағына қайта әкелінетінін растаған жағдайда, Еуразиялық экономикалық одақтың кедендік аумағына қайта әкелуіне кедергі болмайды.

      3. Уақытша әкетілген жеке пайдалануға арналған көлік құралдарына техникалық қызмет көрсету немесе жөндеу бойынша операциялар жүргізуге осындай жеке пайдалануға арналған көлік құралдары Еуразиялық экономикалық одақтың кедендік аумағынан тысқары жерлерде болған кезде қажет болғанда рұқсат етіледі.

      Осы тармақтың бірінші абзацына сәйкес жеке пайдалануға арналған көлік құралына Қазақстан Республикасының тиісті уәкілетті мемлекеттік органдарда есепке алуға (тіркелуге) жататын оның бөлшегін ауыстыруға байланысты жөндеу жүргізу кезінде, ауыстырылған бөлшегі мұндай жеке пайдалануға арналған көлік құралын Еуразиялық экономикалық одақтың кедендік аумағына қайта әкелу кезінде еркін айналымға шығару мақсатында кедендік декларациялауға жатады.


      349-бап. Жеке пайдалануға арналған тауарларға қатысты кедендік төлемдерді қолдану

      1. Еуразиялық экономикалық одақтың кедендік аумағына әкелінетін жеке пайдалануға арналған тауарларға қатысты бірыңғай мөлшерлеме бойынша өндіріп алынатын кедендік баждар, салықтар не осы бапта осындай жеке пайдалануға арналған тауарларға қатысты кедендік баждар, салықтар қолданудың өзгеше тәртібі белгіленген жағдайларды қоспағанда, жиынтық кедендік төлем түрінде өндіріліп алынатын кедендік баждар, салықтар төленуге жатады.

      2. Жеке пайдалануға арналған тауарлардың санаттарына байланысты кедендік баждардың, салықтардың бірыңғай мөлшерлемесін, Еуразиялық экономикалық одақтың кедендік аумағына жеке пайдалануға арналған тауарларды әкелудің құндық, салмақтық және (немесе) сандық нормалары мен әдістерін, сондай-ақ оларға қатысты жиынтық кедендік төлем түрінде өндіріліп алынатын кедендік баждарды, салықтарды төлеуге жататын жеке пайдалануға арналған тауарлардың санаттарын Комиссия айқындайды.

      3. Осы бапта Еуразиялық экономикалық одақтың кедендік аумағына әкелінетін жеке пайдалануға арналған тауарларға қатысты кедендік баждарды, салықтарды қолданудың өзгеше тәртібі белгіленген жағдайларды қоспағанда, кедендік баждарды, салықтарды төлемей, жеке пайдалануға арналған тауарлар Еуразиялық экономикалық одақтың кедендік аумағына Комиссия айқындайтын құндық, салмақтық және (немесе) сандық нормалары шегінде әкелінеді.

      Кедендік баждарды, салықтарды төлемей Еуразиялық экономикалық одақтың кедендік аумағына әкелінетін жеке пайдалануға арналған тауарлардың құндық, салмақтық және (немесе) сандық нормаларын Еуразиялық экономикалық одақтың кедендік аумағына жеке пайдалануға арналған тауарларды әкелу тәсіліне байланысты Комиссия айқындайды. Еуразиялық экономикалық одақтың кедендік аумағына иесімен бірге жөнелтілетін және (немесе) иесімен бірге жөнелтілмейтін багажда жеке пайдалануға арналған тауарларды әкелудің осындай нормалары бұрын қолданыста болған және жүру жолы мен межелі орнында қажетті жеке пайдалануға арналған тауарларға, Комиссия айқындайтын тауарларды жатқызу өлшемшарттарын есепке алмай анықталады.

      Комиссияның уәкілетті орган Комиссия анықтағаннан да анағұрлым қатаң кедендік баждарды, салықтарды төлемей жеке пайдалануға арналған тауарларды Еуразиялық экономикалық одақтың кедендік аумағына әкелудің құндық, салмақтық және (немесе) сандық нормаларын белгілеуі мүмкін Еуразиялық экономикалық одақтың кедендік аумағына әкелу тәсіліне байланысты болатын тауарлар санаттарын анықтауға құқығы бар.

      Кедендік баждарды, салықтарды төлемей, жеке пайдалануға арналған тауарларды Еуразиялық экономикалық одақтың кедендік аумағына әкелу шегінде құндық, салмақтық және (немесе) сандық нормаларын анықтау кезінде Комиссия осындай нормаларды қолдану тәртібін, оның ішінде көрсетілген нормалар шегінде әкелінетін осындай тауарларды есепке алу мақсатында Еуразиялық экономикалық одақтың кедендік аумағына тауарларды әкелу күнін анықтау тәртібін айқындауға құқылы.

      4. Жеке пайдалануға арналған тауарлар олардың құнына, салмағына және (немесе) санына қарамастан, Еуразиялық экономикалық одақтың кедендік аумағынан кедендік баждарды, салықтарды төлемей шығарылады.

      5. Еуразиялық экономикалық одақтың кедендік аумағына әкелінетін Еуразиялық экономикалық одаққа мүше мемлекеттерде тіркелген жеке пайдалануға арналған тауарлар, Еуразиялық экономикалық одақтың кедендік аумағынан оларды уақытша әкеткеннен кейін, табиғи тозу салдарынан өзгерген, сондай-ақ қалыпты тасу (тасымалдау) және (немесе) сақтау жағдайларында табиғи кемусалдарынан өзгергенін қоспағанда, оларды өзгермеген жағдайында сақтау және Еуразиялық экономикалық одақтың кедендік аумағынан кедендік баждарды, салықтарды төлемей уақытша әкетілгеннен кейін қайта Еуразиялық экономикалық одақтың кедендік аумағына осы Кодекстің 348-бабының 2-тармағына сәйкес белгіленген тәртіпте әкелінетінін кеден органы растаған жағдайда құнына, салмағына және (немесе) санына қарамастан әкелінеді.

      Еуразиялық экономикалық одаққа мүше мемлекеттерде тіркелген жеке пайдалануға арналған тауарларды, жеке пайдалануға арналған көлік құралдарын қоспағанда, кеден органында Еуразиялық экономикалық одақтың кедендік аумағына оларды Еуразиялық экономикалық одақтың кедендік аумағынан уақытша әкетілгеннен кейін қайта әкелінуі расталмаған кезде, осындай тауарларға осы баптың 1, 3 және 8-тармақтарында белгіленген кедендік баждарды, салықтарды қолданудың тәртібі қолданылады.

      Еуразиялық экономикалық одаққа мүше мемлекеттерде тіркелген Еуразиялық экономикалық одақтың кедендік аумағына әкелінетін жеке пайдалануға арналған көлік құралдары Еуразиялық экономикалық одақтың кедендік аумағынан уақытша әкетілгеннен кейін Еуразиялық экономикалық одақтың кедендік аумағына кедендік баждарды, салықтарды төлемей әкелінеді.

      6. Тізбесі мен санын Комиссия айқындайтын бұрын қолданыста болған жеке пайдалануға арналған тауарларды шетелдік жеке тұлғалар осындай тауарлардың құнына және (немесе) салмағына қарамастан өздері Еуразиялық экономикалық одақтың кедендік аумағында болу кезеңінде кедендік баждарды, салықтарды төлемей әкелуі мүмкін.

      Осы тармақтың бірінші абзацында көрсетілмеген шетелдік жеке тұлғалар өздері Еуразиялық экономикалық одақтың кедендік аумағында болу кезеңінде әкелетін жеке пайдалануға арналған тауарларға 1 және 3-тармақтарында, 7-тармақтың бірінші абзацында, сондай-ақ осы баптың 8-тармағында белгіленген кедендік баждарды, салықтарды қолдану тәртібін қолданады.

      7. Еуразиялық экономикалық одақтың мүше болып табылмайтын мемлекетте тіркелген жеке пайдалануға арналған көлік құралдарын шетелдік жеке тұлғалар және Еуразиялық экономикалық одаққа мүше мемлекеттердің жеке тұлғалары кедендік баждарды, салықтарды төлемей бір жылдан аспайтын мерзімге әкелуі мүмкін.

      Жеке пайдалануға арналған көлік құралдарына қатысты осы Кодекстің 347-бабы 7-тармағының 2) тармақшасында және 12-тармағында белгіленген жағдайларда осы тарауға сәйкес кедендік баждар, салықтар төленеді.

      8. Комиссия жеке пайдалануға арналған тауарлар санаттарына, Еуразиялық экономикалық одақтың кедендік аумағына осындай тауарларды әкелетін тұлғаларға, және (немесе) Еуразиялық экономикалық одақтың кедендік аумағына осындай жеке пайдалануға арналған тауарларды әкелу тәсілдеріне қарамастан, Еуразиялық экономикалық одақтың кедендік аумағына кедендік баждарды, салықтарды төлеуден босатыла отырып жеке пайдалануға арналған тауарларды әкелу жағдайлары мен шарттарын, сондай-ақ осындай жеке пайдалануға арналған тауарларды пайдалану және (немесе) билік ету бойынша шектеулерді анықтауға құқылы.

      Жеке пайдалануға арналған тауарларды, соның ішінде жеке пайдалануға арналған көлік құралдарын осы Кодекстің 381 және 382-баптарында көрсетілген тұлғалардың кедендік баждарды, салықтарды төлеуден босатыла отырып әкелу жағдайлары мен шарттары осы Кодекстің аталған баптарында, ал осы Кодекстің 379-бабының 2-тармағында көрсетілген тұлғалар – Қазақстан Республикасының халықаралық шарттарында және Еуразиялық экономикалық одаққа мүше мемлекеттер арасындағы халықаралық шарттарында анықталады.

      9. Кедендік транзит кедендік рәсімімен орналастырылатын жеке пайдалануға арналған тауарларға қатысты кедендік баждарды, салықтарды қолдану тәртібі, осындай тауарларға қатысты кедендік баждарды, салықтарды төлеу бойынша міндеттердің туындауы мен тоқтатылуы, сондай-ақ оларды төлеу мерзімі осы Кодекстің 24-тарауына сәйкес айқындалады.

      10. Жеке пайдалануға арналған тауарлар бірыңғай мөлшерлемелер не жиынтық кедендік төлем түрінде өндіріліп алынатын кедендік баждар, салықтар бойынша өндірілетін кедендік баждарды, салықтарды салу объектісі болып табылады.

      11. Бірыңғай мөлшерлемелер бойынша өндірілетін кедендік баждарды, салықтарды есептеу мақсаттары үшін жеке пайдалануға арналған тауарлардың санатына және қолданылатын мөлшерлемелер түрлеріне байланысты оларды есептеу базасы болып жеке пайдалануға арналған тауарлар құны және (немесе) олардың табиғи сипаттағы физикалық сипаттамалары (саны, соның ішінде бөлшектеп сату үшін ұсынылатын тауар және (немесе) оны тұтынуға дейінгі тауардың бастапқы орамасын есепке ала отырып салмағы, көлемі немесе тауардың өзге де сипаттамалары) болып табылады.

      Жиынтық кедендік төлем түрінде өндіріп алынатын кедендік баждарды, салықтарды есептеу мақсаттары үшін тауарлардың түріне және қолданылатын мөлшерлемелер түріне байланысты жиынтық кедендік төлем құрамына кіретін кедендік баждарды есептеу базасы болып жеке пайдалануға арналған тауарлардың құны және (немесе) олардың табиғи сипаттағы физикалық сипаттамалары (саны, соның ішінде бөлшектеп сату үшін ұсынылатын тауар және (немесе) оны қолдануға дейінгі тауардың бастапқы қаптамасын есепке ала отырып салмағы, көлемі немесе тауардың өзге де сипаттамалары) болып табылады. Жиынтық кедендік төлем құрамына кіретін салықтарды есептеу базасы осы Кодекстің 82-бабы 3-тармағына сәйкес айқындалады.

      Кедендік баждарды, салықтарды есептеу мақсаттары үшін жеке пайдалануға арналған көлік құралдары болып табылатын авто- және мотокөлік құралдарын шығару сәті мен қозғалтқышының жұмыс көлемін айқындау тәртібін Комиссия айқындайды.

      12. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды есептеу, Қазақстан Республикасының ұлттық валютасында жүзеге асырылады.

      13. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды есептеу мақсаттары үшін егер осы Кодексте өзгеше белгіленбесе, жолаушыларға арналған кедендік декларациясы кеден органында тіркелген күніне қолданылатын мөлшерлемелер қолданылады.

      14. Кедендік баждардың, салықтардың бірыңғай мөлшерлемелерін қолдану арқылы төлеуге және (немесе) өндіріп алуға жататын кедендік баждардың, салықтардың сомасы кедендік баждарды, салықтарды есептеу базасын және кедендік баждардың, салықтардың тиісті бірыңғай мөлшерлемесін қолдану арқылы анықталады.

      15. Жиынтық кедендік төлем түрінде өндіріп алынатын кедендік баждарды, салықтарды төлеуге және (немесе) өндіріп алуға жататын сомасы есептелген кедендік баждардың сомасы мен есептелген салықтардың сомасын қосу арқылы анықталады. Жиынтық кедендік төлем түрінде өндіріп алынатын кедендік баждардың, салықтардың сомасын есептеу мынадай тәсілдермен:

      1) кедендік баждар сомасын есептеу кедендік баждарды есептеу үшін базаны және кедендік баждар мөлшерлемелерінің тиісті түрін қолдану арқылы;

      2) салықтар сомасын есептеу Қазақстан Республикасының салық заңнамасына сәйкес жүргізіледі.

      16. Декларант немесе кедендік баждарды, салықтарды төлеу бойынша міндет туындаған өзге де тұлғалар жеке пайдалануға арналған тауарларға қатысты кедендік баждардың, салықтардың төлеушісі болып табылады.

      17. Жеке пайдалануға арналған тауарларға қатысты кедендік баждарды, салықтарды есептеу мақсаты үшін шетелдік валютаны қайта есептеу тәртібі, оларды төлеу бойынша міндеттерді орындау сәті (төлем күні), кедендік баждар, салықтар сомасы мен өзге де ақша қаражатын (ақша) есепке жатқызу (қайтару) тәртібі осы Кодекстің 8, 9, 10 және 11-тарауларына сәйкес айқындалады.

      Егер халықаралық пошта жөнелтілімдерімен жіберілетін жеке пайдалануға арналған тауарларға қатысты шетелдік валютаны Қазақстан Республикасының ұлттық валютасына қайта есептеу жүргізу талап етілсе, мұндай қайта есептеу жолаушыларға арналған кедендік декларация тіркелген күніне қолданатын валюта бағамы бойынша жүргізіледі.

      18. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлем түрінде өндірілетін кедендік баждар, салықтар осы тармақтың екінші абзацын ескере отырып осы Кодекстің 94-бабының 1, 2, 3-тармақтарына сәйкес төленуге жатады.

      Еуразиялық экономикалық одақтың кедендік аумағына шетелдік жеке тұлғалар уақытша әкелетін жеке пайдалануға арналған көлік құралдарына қатысты бірыңғай мөлшерлемелер бойынша өндірілетін кедендік баждар, салықтар не жиынтық кедендік төлемдер түрінде өндірілетін кедендік баждар, салықтар, аумағында осы Кодекстің 351-бабы 6-тармағында көрсетілген мән-жайлар анықталған Еуразиялық экономикалық одаққа мүше мемлекетте төленуге жатады.

      19. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлемдер түрінде өндірілетін кедендік баждар, салықтар Қазақстан Республикасының ұлттық валютасында төленуге жатады.

      20. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлемдер түрінде өндірілетін кедендік баждар, салықтар осы баптың 17-тармағына сәйкес кедендік баждар төленуге жататын мүше мемлекеттің заңнамасына сәйкес айқындалған шотта төленеді.

      21. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды төлеу Қазақстан Республикасының заңнамасына сәйкес қолма-қол ақшасыз тәртіпте не қолма-қол ақша қаражатында (ақшада) жүзеге асырылады.

      22. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлем түрінде өндірілетін кедендік баждар, салықтар осы тармақтың екінші абзацымен айқындалған жағдайды қоспағанда, осы баптың 17-тармағына сәйкес кедендік баждар төленуге жататын мүше мемлекеттің валютасында төленеді.

      23. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды төлеу кезінде осы Кодекстің 74-бабының 1-тармағының 1), 2), 3) және 4) тармақшаларында көрсетілген кедендік баждар төленбейді.

      24. Кедендік декларациялау осы тарауға сәйкес жүгізілетін тауарларға қатысты бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды жеке тұлғалар кедендік кіріс ордері негізінде не Комиссия айқындайтын өзге де кедендік құжат негізінде төлейді.

      25. Жеке пайдалануға арналған тауарларға қатысты кедендік төлемдерді осындай тауарлардың шығаруын жүргізетін кеден органы кедендік декларациялау кезінде декларант мәлімдеген мәліметтер негізінде, сондай-ақ кедендік бақылауды жүргізу нәтижелері бойынша есептейді.

      Кеден органының төленуге жататын кедендік төлемдер сомасын анықтау үшін қажетті жеке пайдалануға арналған тауарлар туралы толық және дәйекті мәліметтерді мәлімдеу міндеті декларантқа жүктеледі.

      26. Осы Кодекстің 351-бабы 6, 7 және 15-тармақтарында көрсетілген мән-жайлар басталған кезде, бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды кеден органы бірыңғай мөлшерлемелер бойынша өндірілетін кедендік баждар, салықтар не жиынтық кедендік төлем түрінде өндірілетін кедендік баждар, салықтар есебінде есептейді.

      Көрсетілген есеп нысанын, оны толтыру тәртібі мен осындай есепке өзгерістер (толықтырулар) енгізуді уәкілетті орган белгілейді.


      350-бап. Жеке пайдалануға арналған тауарлар құны

      1. Жеке пайдалануға арналған тауарлар құны жеке пайдалануға арналған тауарларды кедендік декларациялау кезінде жолаушыларға арналған кедендік декларациясында чектерде, шоттарда, биркаларда және зат белгілерде немесе жолаушыларға арналған кедендік декларациясы ретінде Дүниежүзілік пошта одағының және халықаралық пошта жөнелтілімдеріне ілеспе актілерде көзделген құжаттар пайдаланылатын халықаралық пошта жөнелтілімдерімен жіберілетін жеке пайдалануға арналған тауарларды қоспағанда, жеке пайдалануға арналған тауарлардың құны туралы мәліметті қамтитын осындай тауарларды сатып алу туралы өзге де құжаттарда көрсетілген құн негізінде мәлімденеді.

      Жеке пайдалануға арналған тауарлар құнын растау үшін жеке тұлға оның негізінде жеке пайдалануға арналған тауар құны мәлімделген құжаттардың түпнұсқаларын, ал тасымалдаушы жеткізетін жеке пайдалануға арналған тауарларға қатысты – құжаттар түпнұсқаларын не олардың көшірмелерін ұсынады.

      Халықаралық пошта жөнелтілімдерімен жіберілетін жеке пайдалануға арналған тауарлар құны Дүниежүзілік пошта одағының және мұндай халықаралық пошта жөнелтілімдерімен жіберілетін актілерде көзделген құжаттарда мәлімденеді. Бұл ретте жеке пайдалануға арналған тауарлар құны ретінде, егер Дүниежүзілік пошта одағының актілерінде көзделген құжаттарда көрсетілген жеке пайдалануға арналған тауарлар құнынан асатын болған жағдайда ғана, халықаралық пошта жөнелтілімдер жариялаған құндылық қарастырылады.

      Жеке пайдалануға арналған тауарлар құнына оларды тасымалдау мен сақтандыру бойынша шығындар кірмейді.

      2. Жеке тұлға жеке пайдалануға арналған тауарлар құнын растауға ұсынылған құжаттардағы мәліметтердің дәйектілігін дәлелдеуге құқылы.

      Жеке тұлға баламалы тауарлардың бөлшек саудамен сатуды жүзеге асыратын шетелдік ұйымдардың прайс-парақтарын, каталогтарын, жарнамалық проспектілерін және бүктемелерін қосымша ұсынуы мүмкін.

      3. Кеден органы жеке пайдалануға арналған тауарлар құнын баламалы тауарларға арналған баға туралы оның билік етуіндегі ақпараттың негізінде мынадай:

      1) жеке тұлғада осы баптың 1-тармағында көрсетілген жеке пайдалануға арналған тауарлар құны туралы мәлімет қамтылған қажетті құжаттар болмаған;

      2) халықаралық пошта жөнелтілімдерімен жіберілетін Дүниежүзілік пошта одағының актілерінде көзделген құжаттарда жеке пайдалануға арналған тауарлар құны туралы мәліметтердің болмауы және осындай тауарлармен ілесіп жүретін және халықаралық пошта жөнелтілімдерінде жеке пайдалануға арналған тауарлар құны туралы мәліметтер қамтылған құжаттар болмаған;

      3) жеке пайдалануға арналған тауарлар декларацияланатын жеке пайдалануға арналған тауарлар құнын растауда мәліметі жеке тұлға ұсынатын құжаттарда қамтылған жеке пайдалануға арналған тауарларды сәйкестендіру мүмкіндігі болмаған;

      4) егер жеке тұлға осы баптың 2-тармағына сәйкес жеке пайдалануға арналған тауарлар құнын растауға ұсынған құжаттарда қамтылған мәліметтердің дәйектілігін дәлелдемесе, осы баптың 1-тармағында көрсетілген жеке тұлға ұсынған құжаттарда немесе халықаралық пошта жөнелтілімдерімен жіберілетін Дүниежүзілік пошта одағының актілерінде көзделген құжаттарда дұрыс емес мәліметтер барлығын пайымдауға негізделген себептер болған;

      5) сол бойынша осындай баламалы тауарлар қалыпты (нарықтық) сауда жағдайларында сатылатын немесе ұсынылатын сатып алу елінде баламалы тауарлардың нарықтық құнының мәлімделген жеке пайдалануға арналған тауарлар құнымен сәйкессіздігі жағдайларында анықтайды.

      4. Жеке пайдалануға арналған тауарлар құны туралы ақпарат ретінде кеден органы, оның ішінде жеке тұлға ұсынған мәліметтерді есепке ала отырып, баламалы тауарлардың бөлшек сауданы жүзеге асыратын шетелдік ұйымдардың каталогтары мен сайттарында көрсетілген мәліметтерді пайдалана алады.

      5. Осы бапты қолдану мақсаттары үшін баламалы тауар ретінде әкелінетін жеке пайдалануға арналған тауарлардың сипаттамасына жақын сипаттамалары бар тауар түсініледі, яғни жеке пайдалануға арналған декларацияланатын тауармен өзінің мақсаты, қолданылуы, сапалық, техникалық және өзге де сипаттамалары бойынша салыстырамыз.


      351-бап. Халықаралық пошта жөнелтімдерімен жіберілетін жеке пайдалануға арналған тауарларды қоспағанда, Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндеттің туындауы және тоқтатылуы, оларды есептеу және төлеу мерзімдері

      1. Жолаушыларға арналған кедендік декларацияны қолдана отырып, кедендік декларациялауға жататын, халықаралық пошта жөнелтімдерімен жіберілетін жеке пайдалануға арналған тауарларды қоспағанда, Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндет, декларантта кеден органы жолаушыларға арналған кедендік декларацияны тіркеген кезден бастап пайда болады.

      2. Халықаралық пошта жөнелтімдерімен жіберілетін жеке пайдалануға арналған тауарларды қоспағанда, жолаушыларға арналған кедендік декларацияны қолдана отырып, кедендік декларациялауға жататын Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндет декларантта мынадай:

      1) осы Кодекске сәйкес есептелген және төленуге жататын мөлшерде кедендік баждарды, салықтарды төлеу бойынша және (немесе) кедендік баждарды, салықтарды өндіру бойынша міндеттерді орындаған;

      2) егер жеке пайдалануға арналған тауарларға қатысты осы Кодекстің 349-бабы 8-тармағына сәйкес оларды пайдалану және (немесе) оларға билік ету бойынша шектеулер белгіленбесе, кедендік баждар, салықтар төлемей не кедендік баждар, салықтар төлеуден босатыла отырып, Еуразиялық экономикалық одақтың кедендік шекарасы арқылы өткізілетін осы жеке пайдалануға арналған тауарларды еркін айналымға шығару;

      3) осы баптың 7-тармағында белгіленген кедендік баждар, салықтарды төлеу мерзімі басталмаған жағдайда, осы Кодекстің 349-бабының 8-тармағына сәйкес айқындалған жеке пайдалануға арналған тауарларды пайдалану және (немесе) билік ету бойынша шектеулердің қолданылу мерзімі өткен;

      4) Еуразиялық экономикалық одақтың кедендік аумағында осындай көлік құралдарының уақытша болу мерзімі өткенге дейін Еуразиялық экономикалық одақтың кедендік аумағынан уақытша әкелінген жеке пайдалануға арналған көлік құралдарын шығарған;

      5) Еуразиялық экономикалық одақтың кедендік аумағында осындай көлік құралдарының уақытша болу мерзімі өткенге дейін Еуразиялық экономикалық одақтың кедендік аумағынан уақытша әкелінген жеке пайдалануға арналған көлік құралдарын мынадай:

      Еуразиялық экономикалық одақтың кедендік аумағынан шығару мақсатында осындай көлік құралдарын кедендік декларациялау уақытша әкелінген жеке пайдалануға арналған көлік құралдары Еуразиялық экономикалық одақтың кедендік аумағында уақытша бола алатын мерзім өткен күннен бастап алты айдан кешіктірілмей немесе Комиссия айқындауға құқылы неғұрлым ұзақ мерзімнен кешіктірілмей жүзеге асырылатын;

      осындай көлік құралдарына қатысты осы баптың 6-тармағының 1) тармақшасына сәйкес кедендік баждар, салықтарды төлеу мерзімі басталмаған төмендегі шарттарды бір мезгілде сақтай отыра шығарған:

      6) жеке пайдалануға арналған көлік құралдарын осы Кодекстің 347-бабының 5-тармағының екінші абзацына сәйкес кедендік рәсімдерге орналастыру, осындай орналастыруға дейін осы баптың 6-тармағында белгіленген кедендік баждар, салықтарды төлеу мерзімі басталмаған жағдайда;

      7) осындай жойылған немесе өтеусіз жоғалғанға дейін осы бапқа сәйкес осындай тауарларға қатысты кедендік баждарды, салықтарды төлеу мерзімінің басталуын қоспағанда, жеке пайдалануға арналған тауарларды авария салдарынан немесе еңсерілмейтін күш әрекеті салдарынан не тасудың (тасымалдаудың) және (немесе) сақтаудың қалыпты жағдайы кезінде табиғи кему нәтижесінде жеке пайдалануға арналған тауарлардың жойылу және (немесе) өтеусіз жоғалу фактілерін уәкілетті орган бекіткен тәртіппен кеден органы таныған;

      8) Қазақстан Республикасының заңнамасына сәйкес жеке пайдалануға арналған тауарлар мемлекеттің меншігіне тәркілеген немесе айналымға шығарған;

      9) жолаушының кедендік декларациясын кеден органы тіркеген кезде туындаған кедендік баждар, салықтарды төлеу жөніндегі міндеттерге қатысты – жеке пайдалануға арналған тауарларды шығарудан кеден органы бас тартқан;

      10) осы Кодекстің 184-бабына сәйкес осындай жолаушының кедендік декларациясын кеден органы тіркеген кезде туындаған кедендік баждар, салықтар төлеу жөніндегі міндетке қатысты жолаушының кедендік декларациясы қайтарылған;

      11) осындай кідірту туындағанға дейін кедендік баждар, салықтарды төлеу жөніндегі міндеттерге қатысты – осы Кодекстің 52-тарауына сәйкес жеке пайдалануға арналған тауарларды кеден органы кідірткен;

      12) егер бұрын осындай тауарлар еркін айналымға шығарылмаған, – мұндай шешім қабылданғанға дейін туындаған кедендік баждар, салықтарды төлеу жөніндегі міндеттерге қатысты оларды қайтару туралы шешім қабылданған, қылмыстық құқық бұзұшылықтар туралы хабарламаны тексеру, қылмыстық іс немесе әкімшілік құқық бұзушылық туралы іс бойынша іс жүргізу барысында алынған немесе тыйым салынған жеке пайдалануға арналған тауарлар осы Кодекске сәйкес Еуразиялық экономикалық одақтың кедендік аумағынан әкетілген, уақытша сақтауға орналастырылған не шығарылған;

      13) осы Кодекстің 353-бабының 5-тармағында көрсетілген жағдайларда;

      14) осы Кодекстің 353-бабының 8-тармағында көрсетілген жағдайларда;

      15) Қазақстан Республикасының заңнамасына сәйкес өндіріп алу үмітсіз деп танылған кедендік баждар, салықтар сомасына қатысты – осы Кодекстің 353-бабы 10-тармағының 4) тармақшасына сәйкес жеке пайдалануға арналған тауарларға қатысты кедендік баждар, салықтарды өндіріп алу бойынша шаралар қолданылмайтын;

      16) осы Кодекстің 353-бабы 9-тармағының 5) тармақшасына сәйкес жеке пайдалануға арналған тауарларға қатысты кедендік баждарды, салықтарды өндіріп алу бойынша шаралар қабылданбайтын жағдайлар басталған кезде тоқтатылады.

      3. Комиссия бір және сол жеке пайдалануға арналған тауарларға қатысты кедендік баждар, салықтар төлеу жөніндегі міндет әртүрлі тұлғаларда әр түрлі мән-жайлар бойынша және (немесе) бірнеше рет, оның ішінде Еуразиялық экономикалық одаққа бір мүше мемлекетте кедендік баждар, салықтар төлеу жөніндегі міндет туындаған, ал кедендік баждар, салықтар төлеу жөніндегі міндет тоқтатылатын мән-жайлар Еуразиялық экономикалық одаққа өзге мүше мемлекетте басталған жағдайларда, кедендік баждар, салықтар төлеу жөніндегі міндет тоқтатылатын мән-жайларды, сондай-ақ кеден органдарының осындай мән-жайлардың басталғанын растау жөніндегі өзара іс-қимыл тәртібін айқындауға құқылы.

      4. Еркін айналым мақсатында декларацияланатын жеке пайдалануға арналған тауарларға қатысты, халықаралық пошта жөнелтілімдерімен жіберілетін тауарларды қоспағанда, кедендік баждар, салықтар төлеу жөніндегі міндеттер (кедендік баждар, салықтар төленуге жатады) жеке пайдалануға арналған тауарларды еркін айналымға шығарғанға дейін орындалуы тиіс.

      5. Уақытша әкелінген жеке пайдалануға арналған көлік құралдарына қатысты кедендік баждар, салықтар төлеу жөніндегі міндеттер осы Кодекстің 6-тармағанда көрсетілген мән-жайлар басталған кезде төленуге жатады.

      6. Осы баптың 5-тармағында көрсетілген тауарларға қатысты кедендік баждарды, салықтарды төлеу мерзімі мынадай жағдайлар басталған кезде:

      1) осындай жеке пайдалануға арналған көлік құралдарының осы Кодекстің 347-бабының талаптарын бұза отырып, өзге тұлғаларға берген жағдайда – беру күні, егер бұл күн белгіленбесе, – Еуразиялық экономикалық одақтың кедендік аумағында уақытша болу үшін жеке пайдалануға арналған көлік құралының шығу күні;

      2) осындай жеке пайдалануға арналған көлік құралдарын олардың Еуразиялық экономикалық одақтың кедендік аумағында уақытша болу мерзімі шегінде жоғалту жағдайында, авария салдарынан немесе еңсерілмейтін күш салдарынан жойылған және (немесе) өтеусіз жоғалған жағдайларды қоспағанда, – жеке пайдалануға арналған көлік құралдарын жоғалту күні, ал егер бұл күн белгіленбесе – Еуразиялық экономикалық одақтың кедендік аумағында уақытша болу үшін жеке пайдалануға арналған көлік құралдарының шығу күні;

      3) осындай жеке пайдалануға арналған көлік құралдарын Еуразиялық экономикалық одақтың кедендік аумағынан әкетілмеуіне байланысты Еуразиялық экономикалық одақтың кедендік аумағында болған жағдайда – осы Кодекстің 347-бабының 1 және 2-тармақтарына сәйкес осындай жеке пайдалануға арналған көлік құралдарының Еуразиялық экономикалық одақтың кедендік аумағында уақытша болу мерзімінің өту күні боп есептеледі.

      7. Кедендік баждар, салықтар төлеуден босатыла отырып әкелінген жеке пайдалануға арналған тауарларға қатысты, кедендік баждар, салықтар төлеу жөніндегі міндет осы Кодекстің 349-бабының 8-тармағына сәйкес белгіленген кедендік баждар, салықтарды төлеуден босата отырып әкелу және (немесе) осындай тауарларды пайдалану және (немесе) билік ету бойынша шектеулер талаптарын бұзу әрекеттері жасалған жағдайда орындауға жатады.

      Көрсетілген мән-жайлар болған кезде кедендік баждарды, салықтарды төлеу мерзімі болып осындай әрекеттерді жасаудың бірінші күні, ал егер бұл күн белгіленбесе – жеке пайдалануға арналған тауарларды еркін айналымға шығару күні есептеледі.

      8. Осы Кодекстің 347-бабы 9-тармағының 2) тармақшасына сәйкес Еуразиялық экономикалық одақтың кедендік аумағынан әкету үшін жеке пайдалануға арналған көлік құралдарын берген жағдайда осындай уақытша әкелінген көлік құралы берілген тұлғаға декларантпен бірге кедендік баждарды, салықтарды төлеу жөніндегі ортақ міндеттер жүктеледі.

      9. Осы Кодекстің 347-бабының талаптарын бұза отырып, уақытша әкелінген жеке пайдалануға арналған көлік құралдарын өзге тұлғаларға берген жағдайда, осындай тұлғада осындай жеке пайдалануға арналған көлік құралдарының декларантымен бірге кедендік баждар, салықтарды төлеу жөніндегі ортақ міндет жүктеледі.

      10. Егер жеке пайдалануға арналған көлік құралдарын еркін айналымға шығару жүргізілген болса, уақытша әкелінген жеке пайдалануға арналған көлік құралдарын еркін айналымға шығару мақсатында кедендік декларациялау кезінде, сондай-ақ осы баптың 6-тармағында көрсетілген жағдайлар басталған кезде кедендік баждар, салықтар төленуге жатады.

      Осындай көлік құралдарына қатысты кедендік баждарды, салықтарды есептеу үшін Еуразиялық экономикалық одақтың кедендік аумағына уақытша әкелу мақсатында шығарылған көрсетілген жеке пайдалануға арналған көлік құралдарына жолаушының кедендік декларациясын кеден органында тіркеу күніне қолданылатын кедендік баждардың, салықтардың мөлшерлемелері қолданылады.

      11. Осы баптың 7-тармағында көрсетілген мән-жайлар басталған кезде кедендік баждар, салықтар төлеуден босатыла отырып әкелінген жеке пайдалануға арналған тауарларға қатысты жолаушының кедендік декларациясын кеден органда тіркеген күні есептелген соған сәйкес аталған жеке пайдалануға арналған тауарлар еркін айналым үшін шығарылған және кедендік баждар, салықтар төлеуден босатылуына байланысты төленбеген кедендік баждар, салықтар сомасы мөлшерінде төленуге жатады.

      12. Осы Кодекстің 342-бабының 2-тармағында көрсетілген жеке тұлғалардың жеке пайдалануға арналған тауарларына қатысты кедендік баждар, салықтар төлеу жөніндегі міндет осындай жеке пайдалануға арналған тауарларды өзінің тұрақты немесе уақытша тұру орнында уақытша сақтауды жүзеге асыратын тұлғада жеке пайдалануға арналған тауарларды уақытша сақтауға орналастыру үшін өтінішті кеден органы тіркеген кезден бастап пайда болады.

      13. Осы Кодекстің 342-бабының 2-тармағында көрсетілген жеке тұлғалардың жеке пайдалануға арналған тауарларына қатысты кедендік баждар, салықтар төлеу жөніндегі міндет өзінің тұрақты және уақытша тұратын орындарында осындай жеке пайдалануға арналған тауарларды уақытша сақтау жүзеге асыратын тұлғада мынадай:

      1) осы Кодекске сәйкес есептелген және төленуге жататын мөлшерде кедендік баждар, салықтар төлеу бойынша және (немесе) кедендік баждар, салықтарды өндіру жөніндегі міндеттерді орындау;

      2)  егер жеке пайдалануға арналған тауарларға қатысты осы Кодекстің 349-бабының 8-тармағына сәйкес осындай тауарларды пайдалану және (немесе) оларға билік ету бойынша шектеулер белгіленбесе, кедендік баждар, салықтар төлеуден босатыла отырып, жеке пайдалануға арналған тауарларды еркін айналымға шығару;

      3) Еуразиялық экономикалық одақтың кедендік аумағынан осындай жеке пайдалануға арналған тауарларды уақытша сақтау мерзімі өткенге дейін шығару;

      4) осы бапқа сәйкес осындай жойылу немесе өтеусіз жоғалуға дейінгі осындай тауарларға қатысты кедендік баждар, салықтар төлеу мерзімінің басталуын қоспағанда, авария немесе еңсерілмейтін күш салдарынан не тасудың (тасымалдаудың) және (немесе) сақтаудың қалыпты жағдайы кезінде табиғи кему салдарынан жеке пайдалануға арналған тауарлар жойылған және (немесе) өтеусіз жоғалған фактілерді уәкілетті орган бекітген тәртіппен кеден органы таныған;

      5) Қазақстан Республикасының заңнамасына сәйкес жеке пайдалануға арналған тауарлар мемлекеттің меншігіне тәркіленген немесе айналымға шығарған;

      6) тауарларды жою кедендік рәсімімен немесе мемлекет пайдасына бас тарту кедендік рәсімімен орналастырған;

      7)  осындай кідіртуге дейінгі туындаған кедендік баждар, салықтар төлеу жөніндегі міндеттерге қатысты осы Кодекстің 52-тарауына сәйкес кеден органдарының жеке пайдалануға арналған тауарларды кідірту;

      8) осы Кодекстің 353-бабының 5-тармағында көрсетілген жағдайларда;

      9) Қазақстан Республикасының заңнамасына сәйкес өндіріп алу үмітсіз деп танылған кедендік баждар, салықтар сомасына қатысты – осы Кодекстің 353-бабы 9-тармағының 4) тармақшасына сәйкес жеке пайдалануға арналған тауарларға қатысты кедендік баждар, салықтарды өндіріп алу бойынша шаралар қабылданбайтын;

      10) осы Кодекстің 353-бабы 9-тармағының 5) тармақшасына сәйкес жеке пайдалануға арналған тауарларға қатысты кедендік баждар, салықтарды өндіріп алу бойынша шаралар қабылданбайтын мән-жайлар басталған кезде тоқтатылады.

      14. Осы Кодекстің 342-бабының 2-тармағында көрсетілген жеке тұлғалардың жеке пайдалануға арналған тауарларға қатысты уақытша сақтау кезінде кедендік баждар, салықтарды төлеу жөніндегі міндеті осы баптың 15-тармағында көрсетілген мән-жайлар басталған кезде орындалуға жатады.

      15. Осы баптың 14-тармағында көрсетілген тауарларға қатысты кедендік баждарды, салықтарды төлеу мерзімі, мынадай мән-жайлар басталған кезде:

      1) авария салдарынан немесе еңсерілмейтін күш салдарынан жойылуды және (немесе) қайтарусыз жоғалуды не тасудың (тасымалдаудың) және (немесе) сақтаудың қалыпты жағдайларында табиғи кему нәтижесінде қайтарусыз жоғалтуды қоспағанда, осындай жеке пайдалануға арналған тауарлар жоғалған жағдайда, – осындай жоғалту күні, ал егер бұл күн белгіленбесе, – жеке пайдалануға арналған тауарларды уақытша сақтауға ұсынылған өтінішті кеден органы тіркеген күні;

      2) осындай жеке пайдалануға арналған тауарларды өзге тұлғаға берген жағдайда – осындай беру күні, ал егер бұл күн белгіленбесе, – жеке пайдалануға арналған тауарларды уақытша сақтауға ұсынылған өтінішті кеден органы тіркеген күні есептеледі.

      16. Егер жеке пайдалануға арналған тауарлар еркін айналымға шығарылған болса, осы баптың 15-тармағында көрсетілген мән-жайлар басталған кезде кедендік баждар, салықтар төленуге жатады.

      Кедендік баждарды, салықтарды есептеу үшін осындай көлік құралдарына қатысты кедендік баждарды, салықтарды төлеу мерзімі болып табылатын күні қолданыста болатын кедендік баждардың, салықтардың мөлшерлемелері қолданылады.

      17. Осы Кодекстің 174-бабының ережелері Қазақстан Республикасына тұрғылықты тұруға қоныс аударуға ниеті бар, Қазақстан Республикасының заңнамасына сәйкес босқын мәжбүрлі қоныс аударушы, мәртебесін алушы шетелдік жеке тұлға өткізетін жеке пайдалануға арналған тауарларға қатысты қолданылмайды.

      18. Еуразиялық экономикалық одақтың кедендік шекарасы арқылы жеке пайдалануға арналған тауарларды дәйексіз кедендік декларациялай отырып, заңсыз өткізу кезінде кедендік баждар, салықтар осы тармақтың екінші абзацында белгіленген жағдайларды қоспағанда, осы тарауға сәйкес есептеледі. Бұл ретте жеке пайдалануға арналған тауарларды кедендік декларациялау кезінде нақты төленген кедендік баждар, салықтар сомасы қайтадан төленбейді (өндіріліп алынбайды), ал артығымен төленген және (немесе) өндірілген кедендік баждар, салықтар сомалары осы Кодекске сәйкес қайтаруға жатады.

      Еуразиялық экономикалық одақтың кедендік шекарасына әкелу кезінде осы тараудың ережелеріне сәйкес жеке пайдалануға арналған тауарларға жатпайтын тауар ретінде осындай әкелу кезінде мәлімделген жеке тұлғаның жеке пайдалануға арналған тауарларды әкелу және еркін айналымға шығару фактілері анықталған кезде кедендік баждар, салықтар осы Кодекстің 2-бөліміне сәйкес есептеледі.


      352-бап. Халықаралық пошта жөнелтімдерімен жіберілетін Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндеттің туындауы және тоқтатылуы, оларды есептеу және төлеу мерзімдері

      1. Халықаралық пошта жөнелтімдерімен жіберілетін Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу жөніндегі міндет:

      1) тағайындалған пошта байланысының операторында – халықаралық пошта жөнелтілімдерімен жіберілетін жеке пайдалануға арналған тауарларға қатысты жолаушының кедендік декларациясын кеден органы тіркеу сәтінен бастап;

      2) халықаралық пошта жөнелтілімдерімен жіберілетін жеке пайдалануға арналған тауарларды алушыда – тағайындалған пошта байланысы операторы аталған тұлғаның мекенжайына оның атында жеке пайдалануға арналған тауарлардың түскені туралы хабарлама жіберген кезден бастап туындайды.

      2. Еуразиялық экономикалық одақтың кедендік аумағына әкелінетін (әкетілетін) халықаралық пошта жөнелтілімдерімен жіберілетін жеке пайдалануға арналған тауарларға қатысты кедендік баждар, салықтарды төлеу жөніндегі міндет тағайындалған пошта байланысының операторында мынадай:

      1) осы баптың 6-тармағында көрсетілген мән-жайлар басталған кезде осы тарауға сәйкес есептелген және төленуге жататын мөлшерде кедендік баждар, салықтар төлеу және (немесе) кедендік баждар, салықтар өндіріп алу жөніндегі міндетті орындау;

      2) кедендік баждар, салықтар төлемей, Еуразиялық экономикалық одақтың кедендік шекарасы арқылы өткізілетін не кедендік баждар, салықтар төлеуден босатыла отырып, әкелінетін тауарларды алушыға оларды еркін айналымға шығарғаннан кейін беру;

      3) жеке пайдалануға арналған тауарлардың алушысы төлеген кедендік баждар, салықтар Қазақстан Республикасының заңнамасына сәйкес анықталған шотқа аударылған;

      4) осы бапқа сәйкес осындай жоюға немесе осындай қайтарусыз жоғалтуға дейін осы тауарларға қатысты кедендік баждар, салықтар төлеу мерзімі басталған жағдайларды қоспағанда, авария немесе еңсерілмейтін күш салдарынан жеке пайдалануға арналған тауарлардың жойылу және (немесе) қайтарусыз жоғалу фактісін не тасудың (тасымалдаудың) және (немесе) сақтаудың қалыпты жағдайлары кезінде табиғи кему нәтижесінде осындай тауарлардың қайтарусыз жоғалту фактісін уәкілетті орган бекіткен тәртіппен кеден органы таныған;

      5) Қазақстан Республикасының заңнамасына сәйкес мемлекеттің меншігіне жеке пайдалануға арналған тауарлар тәркіленген немесе айналымға шығарылған;

      6) осы Кодекстің 369-бабының 14-тармағына немесе 17-тармағына сәйкес жеке пайдалануға арналған тауарлар оның жөнелтушісіне қайтарылған мән-жайлары басталған кезде тоқтатылады.

      3. Еуразиялық экономикалық одақтың кедендік аумағына әкелінетін (әкелінген) халықаралық пошта жөнелтілімдерінде жіберілетін жеке пайдалануға арналған тауарларға қатысты кедендік баждар, салықтарды төлеу жөніндегі міндет халықаралық пошта жөнелтілімдерінде жіберілетін жеке пайдалануға арналған тауарларды алушыларда мынадай:

      1) осы тарауға сәйкес есептелген және төлеуге жататын мөлшерде кедендік баждар, салықтар төлеу және (немесе) кедендік баждар, салықтар өндіріп алу жөніндегі міндетті орындау;

      2) егер осы Кодекстің 349-бабының 8-тармағына сәйкес мұндай тауарларға қатысты осындай тауарларды пайдалану және (немесе) билік ету бойынша шектеулер белгіленбесе, кедендік баждар, салықтарды төлемей Еуразиялық экономикалық одақтың кедендік шекарасы арқылы өткізілетін не кедендік баждар, салықтар төлеуден босатыла отырып әкелінетін тауарларды алушыға оларды еркін айналымға шығарғаннан кейін беру;

      3) осы бапқа сәйкес осындай жоюға немесе осындай қайтарусыз жоғалуға дейін осы тауарларға қатысты кедендік баждар, салықтарды төлеу мерзімі басталған жағдайларды қоспағанда, авария салдарынан немесе еңсерілмейтін күш салдарынан жеке пайдалануға арналған тауарлардың жойылу және (немесе) қайтарусыз жоғалту фактісін не тасудың (тасымалдаудың) және (немесе) сақтаудың қалыпты жағдайлары кезінде табиғи кему нәтижесінде осындай тауарлардың қайтарусыз жоғалту фактісін уәкілетті орган бекіткен тәртіппен кеден органы таныған;

      4) Қазақстан Республикасының заңнамасына сәйкес мемлекеттің меншігіне жеке пайдалануға арналған тауарлар тәркіленген немесе айналымға шығарылған;

      5) осы Кодекстің 369-бабының 14-тармағына немесе 17-тармағына сәйкес жеке пайдалануға арналған тауарлар оның жөнелтушісіне қайтарылған мән-жайлары басталған кезде:тоқтатылады.

      4. Еуразиялық экономикалық одақтың кедендік аумағына әкелінетін (әкетілетін) халықаралық пошта жөнелтілімдерінде жіберілетін жеке пайдалануға арналған тауарларға қатысты кедендік баждар, салықтар төлеу жөніндегі міндетті осындай жеке пайдалануға арналған тауарларды алушыға бергенге дейін осындай жеке пайдалануға арналған тауарларды алушы орындауға тиіс (кедендік баждар, салықтарды төлеуге тиіс).

      5. Еуразиялық экономикалық одақтың кедендік аумағына әкелінетін (әкетілетін) халықаралық пошта жөнелтілімдерінде жіберілетін жеке пайдалануға арналған тауарларға қатысты кедендік баждар, салықтарды төлеу жөніндегі міндетті осы баптың 6-тармағында көрсетілген мән-жайлар басталған кезде пошта байланысын тағайындаған оператор орындауға тиіс.

      6. Осы баптың 5-тармағында көрсетілген тауарларға қатысты кедендік баждарды, салықтарды төлеу мерзімі мынадай мән-жайлар басталған кезде:

      1) авария салдарынан немесе еңсерілмейтін күш салдарынан жойылу және (немесе) қайтарусыз жоғалту не тасудың (тасымалдаудың) және (немесе) сақтаудың қалыпты жағдайлары кезінде табиғи кему нәтижесінде қайтарусыз жоғалтуды қоспағанда, жеке пайдалануға арналған тауарлар жоғалған жағдайда, – осындай жоғалту күні, ал егер бұл күн белгіленбесе – осындай жоғалтуды кеден органы анықтаған күні;

      2) кедендік баждар, салықтарды төлемей жеке пайдалануға арналған тауарларды берген жағдайда – осындай тауарларды беру күні, ал егер бұл күн белгіленбесе, – осындай беруді кеден органы анықтаған күні есептеледі.

      7. Егер жеке пайдалануға арналған тауарлары еркін айналымға шығарылған болса, осы баптың 6-тармағында көрсетілген мән-жайлар басталған кезде кедендік баждар, салықтар төленуге тиіс.

      Кедендік баждарды, салықтарды есептеу үшін халықаралық пошта жөнелтілімдерінде жіберілетін жеке пайдалануға арналған тауарларға қатысты жолаушының кедендік декларациясын кеден органы тіркеген күні қолданыста болатын кедендік баждардың, салықтардың мөлшерлемелері қолданылады.


      353-бап. Жеке пайдалануға арналған тауарларға қатысты кедендік баждар, салықтар төлеу жөніндегі міндеті орындау және сондай кедендік баждар, салықтар өндіру тәртібі

      1. Жеке пайдалануға арналған тауарларға қатысты кедендік баждар, салықтарды төлеу жөніндегі міндетті кедендік баждарды, салықтарды төлеуші осы Кодекске сәйкес кедендік баждар, салықтарды төлеу бойынша ортақ міндетті кедендік баждарды, салықтарды төлеушімен бірге көтеретін тұлғалар орындайды.

      2. Жеке пайдалануға арналған тауарларға қатысты кедендік баждар, салықтар төлеу жөніндегі міндет осы Кодекстің 349, 351 және 352-баптарында белгіленген тәртіппен және мерзімде осы Кодекске сәйкес есептелген және төлеуге жататын сомалар мөлшерінде төлеу арқылы орындалады.

      Қазақстан Республикасының заңнамасына сәйкес жеке тұлғаны хабарсыз кеткен немесе әрекетке қабілетсіз деп таныған жағдайда жеке пайдалануға арналған тауарларға қатысты кедендік баждар, салықтар төлеу жөніндегі міндеттер Қазақстан Республикасының заңнамасына сәйкес орындалады.

      3. Осы Кодексте белгіленген мерзімде кедендік баждар, салықтар төлеу жөніндегі міндетті төлеуші орындамаған немесе тиісінше орындамаған кезде өсімпұл төленеді.

      Осы Кодекстің 349-бабының 18-тармағына сәйкес осы Еуразиялық экономикалық одаққа мүше мемлекеттің заңнамасына сәйкес кедендік баждар, салықтар төлеуге жататын Еуразиялық экономикалық одаққа мүше мемлекетте өсімпұлды есептеу, төлеу, өндіріп алу мен қайтару жүргізіледі.

      Осы Кодекстің 351-бабының 3-тармағына сәйкес Комиссия айқындаған тәртіпте кедендік баждар, салықтар өндіріп алуды жүзеге асыратын кеден органы кедендік баждар, салықтар төлеу жөніндегі міндет тоқтатылатын мән-жайлардың басталғаны туралы растау алған жағдайда өсімпұлдар төленбейді.

      Осы Кодекстің 124-бабына сәйкес өсімпұлды есептеу, осы Кодекстің 11-тарауына сәйкес – өсімпұлды төлеу, есепке жатқызу (қайтару) жүзеге асырылады.

      4. Жеке пайдалануға арналған тауарларға қатысты кедендік баждар, салықтар төлеу жөніндегі міндет орындалмаған немесе тиісінше орындалмаған жағдайда, кеден органы кедендік баждар, салықтар төлеушіге, сондай-ақ осы Кодекске сәйкес кедендік баждар, салықтар төлеу бойынша ортақ міндетті кедендік баждар, салықтарды төлеушімен бірге көтеретін тұлғаларға, осы баптың 5-тармағымен көзделген жағдайларды қоспағанда, осы Кодекстің 86-бабына сәйкес белгіленген мерзімде төленбеген кедендік баждардың, салықтардың сомалары туралы хабарлама жолдайды.

      Осы Кодекстің 349-бабының 18-тармағына сәйкес жеке пайдалануға арналған тауарларға қатысты кедендік баждар, салықтар Еуразиялық экономикалық одаққа бір мүше мемлекетте төленуге тиіс, ал осы баптың 12-тармағының екінші абзацына сәйкес кедендік баждарды, салықтарды өндіріп алуды Еуразиялық экономикалық одаққа басқа мүше мемлекеттің кеден органы жүргізген жағдайларда, көрсетілген хабарламаны Еуразиялық экономикалық одақтың Кеден кодексіне 1-қосымшада көзделген тәртіпте кедендік баждарды, салықтарды өндіріп алу үшін қажетті құжаттарды алғаннан кейін, кедендік баждарды, салықтарды өндіріп алуды жүзеге асыратын кеден органы жолдайды.

      5. Кеден органы осы баптың 4-тармағында көрсетілген хабарламаны мынадай:

      1)  осы Кодекске сәйкес кедендік баждар, салықтар есептеу үшін валюта бағамын қолдану күні қолданыста болатын валюта бағамы бойынша екі евроға барабар жиынтық сомадан аспайтын мөлшерде осы Кодекстің 349-бабының 24-тармағына сәйкес Комиссия айқындаған бір кедендік кіріс ордерінде не басқа кедендік құжатта есептелген кедендік баждар, салықтар төлемеу фактісі жеке пайдалануға арналған тауарларды шығарғаннан кейін анықталған;

      2) осы Кодекске сәйкес кедендік баждарды, салықтарды есептеу үшін валюта бағамын қолдану күніне қолданыста болатын валюта бағамы бойынша екі евроға барабар жиынтық сомадан аспайтын мөлшерде осы Кодекстің 349-бабының 26-тармағында көрсетілген кедендік баждар, салықтар бір есепте есептелген кедендік баждар, салықтар төлемеу фактісі анықталған жағдайларда жолдамайды.

      6. Осы баптың 5-тармағына көрсетілген жағдайларда жеке пайдалануға арналған тауарларға қатысты кедендік баждар, салықтар төлеу жөніндегі міндет тоқтатылады.

      7. Осы баптың 4-тармағына сәйкес жолданған хабарламада көрсетілген мерзімде жеке пайдалануға арналған тауарларға қатысты кедендік баждар, салықтар төлеу жөніндегі міндет орындалмаған немесе тиісінше орындалмаған жағдайда, кеден органы осы Кодекстің 116-бабының 7-1-тармағында көзделген іс-қимылды жүзеге асырады.

      8. Кедендік баждар, салықтар төленбеген жеке пайдалануға арналған тауарларға қатысты өндіріп алуға жүгіну осындай тауарларға қатысты кедендік баждар, салықтар төлеу жөніндегі міндетті тоқтатады.

      9. Жеке пайдалануға арналған тауарларға қатысты кедендік баждар, салықтарды өндіріп алу бойынша шаралар мынадай:

      1) Қазақстан Республикасының заңнамасында белгіленген кедендік баждар, салықтар өндіріп алуды жүзеге асыратын кеден органының жеке пайдалануға арналған тауарларға қатысты төленбеген кедендік баждар, салықтарды өндіріп алу мерзімі өткен;

      2) жеке пайдалануға арналған тауарларға қатысты кедендік баждар, салықтар төлеу жөніндегі міндет кедендік баждарды, салықтарды төлеуге байланысты не осы Кодекстің 351-бабының 2 және 13-тармақтарында және 352-бабының 2 және 3-тармақтарында көзделген өзге мән-жайларға байланысты тоқтатылған;

      3) жеке пайдалануға арналған тауарларға қатысты кедендік баждар, салықтар төлеу жөніндегі міндет осы баптың 9-тармағына сәйкес белгіленген кедендік баждарды, салықтарды өндіріп алу бойынша шараларды қолдануға байланысты тоқтатылған;

      4) Еуразиялық экономикалық одаққа мүше мемлекеттің заңнамасына сәйкес кедендік баждар, салықтар сомасын өндіріп алу мүмкін болмаған, осы сомаларды өндіріп алуды жүзеге асырған кеден органы өндіріп алу үмітсіз деп танылған;

      5) осы Кодекске сәйкес жеке пайдалануға арналған тауарларға қатысты кедендік баждар, салықтар төлеу жөніндегі міндеті туындаған жеке тұлғаның өлімі немесе Қазақстан Республикасының заңнамасына сәйкес оның қайтыс болғаны жарияланған;

      6) Қазақстан Республикасының заңнамасында белгіленген өзге жағдайларда қолданбайды.

      10. Жеке пайдалануға арналған тауарларға қатысты кедендік баждарды, салықтарды осы тармақтың екінші абзацындағы ережелерді ескере отырып, осы Кодекстің 119-бабында көрсетілген кеден органдары өндіріп алады.

      Осы Кодекстің 351-бабының 6-тармағында көрсетілген мән-жайлар басталған кезде, аумағында осындай мән-жайлар анықталған Еуразиялық экономикалық одаққа мүше мемлекеттің кеден органы кедендік баждарды, салықтарды өндіріп алады, ол Еуразиялық экономикалық одақтың кедендік аумағына шетелдік жеке тұлғалар уақытша әкелген жеке пайдалануға арналған көлік құралдарына қатысты кедендік баждар, салықтарды төлеу жөніндегі міндетті орындауды қамсыздандыру ұсынылған жағдайда, - осындай қамсыздандыру есебінен кедендік баждар, салықтар төлеу жөніндегі міндетті орындауды қамтамасыз ету ұсынылған кеден органына Еуразиялық экономикалық одаққа мүше мемлекеттің кеден органы өндіреді.

      Кедендік баждар, салықтар төлеу бойынша міндетті орындауды қамтамасыз ету және кедендік баждар, салықтар төленуге жататын Еуразиялық экономикалық одаққа мүше мемлекетке өндірілген кеден баждарының, салықтардың сомасын аудару есебінен кеден органдарының кедендік баждары кедендік баждарды, салықтарды өндіру кезіндегі өзара іс-қимылы Еуразиялық экономикалық одақтың Кеден кодексіне 1-қосымшада көзделген тәртіпте, ал Еуразиялық экономикалық одақтың Кеден кодексінде реттелмеген бөлігі, – Комиссия айқындаған тәртіпте жүзеге асырылады.

      11. Өндіріп алу мүмкін болмаған жеке пайдалануға арналған тауарларға қатысты кедендік баждар, салықтар, өсімпұлдар сомасы өндіріп алуға үмітсіз деп танылады және осы Кодекстің 121-бабы 1-тармағының 3) тармақшасына сәйкес есептен шығарылады.

      12. Комиссия бір және сол жеке пайдалануға арналған тауарларға қатысты кедендік баждар, салықтар төлеу жөніндегі міндет әр түрлі мән-жайлар бойынша және (немесе) бірнеше рет туындаған жағдайда, кедендік баждар, салықтар төлеу жөніндегі міндеттің орындалу ерекшеліктерін, сондай-ақ егер осы Кодекске сәйкес кедендік баждар, салықтар Еуразиялық экономикалық одаққа әртүрлі мүше мемлекеттерде әртүрлі мән-жайлар бойынша төленуге тиіс жағдайларда кеден органдарының өзара іс-қимыл тәртібін айқындауға құқылы.


      354-бап. Жеке пайдалануға арналған тауарларға қатысты кедендік баждар, салықтар төлеу жөніндегі міндеттің орындалуын қамтамсыз ету

      1. Жеке пайдалануға арналған тауарларға қатысты кедендік баждарды, салықтарды төлеу жөніндегі міндеттердің орындалуы, осы Кодекстің 342-бабының 8-тармағының екінші абзацында, 347-баптың 3, 4 және 9-тармақтарында көзделген жағдайларда осындай тауарларды кедендік транзиттің кедендік рәсімімен орналастыру кезінде қамтамсыз етіледі.

      2. Осы Кодекстің 346-бабына сәйкес жеке пайдалануға арналған тауарларды кедендік транзит кедендік рәсімімен орналастыру кезінде жеке пайдалануға арналған тауарларға қатысты кедендік баждарды, салықтарды төлеу жөніндегі міндеттерді орындауды қамтамасыз ету осы Кодекстің 226-бабының 4-тармағында көзделген жағдайларда, сондай-ақ мынадай:

      1) жеке пайдалануға арналған тауарларды Еуразиялық экономикалық одақтың кедендік аумағына Қазақстан Республикасына тұрақты қоныс аударған немесе Қазақстан Республикасының заңнамасына сәйкес босқын мәжбүрлі қоныс аударушы, мәртебесін алған, осындай тануды не осындай мәртебені растайтын құжаттарды ұсынуы шартымен шетелдік жеке тұлғалар әкелген;

      2) жеке пайдалануға арналған тауарларды Еуразиялық экономикалық одақтың кедендік аумағына Қазақстан Республикасына тұрақты қоныс аударуға, Қазақстан Республикасының заңнамасына сәйкес босқын мәжбүрлі қоныс аударушы, мәртебесін алған, осындай ниетін растайтын құжаттарды ұсынуы шартымен шетелдік жеке тұлғалар әкелген;

      3) осы Кодекстің 346-бабы 1-тармағының 3) тармақшасында көрсетілген жеке пайдалануға арналған тауарлар Еуразиялық экономикалық одақтың кедендік аумағына дипломатиялық өкілдік басшылары, Еуразиялық экономикалық одаққа мүше мемлекеттің дипломатиялық өкілдіктерінің дипломатиялық және әкімшілік-техникалық персонал мүшелері, консулдық мекеме басшылары және өзге консулдық лауазымды тұлғалар, мүше мемлекеттің консулдық мекемелерінің консулдық қызметкерлері, Еуразиялық экономикалық одақтың кедендік аумағынан тысқары жерлерде орналасқан халықаралық ұйымдар жанындағы Еуразиялық экономикалық одаққа мүше мемлекеттердің өкілдіктері қызметкерлері, олармен бірге тұратын отбасы мүшелері не осындай тұлғалардың атынан және тапсырмасы бойынша әрекет ететін өзге де тұлғалар кедендік баждарды, салықтарды төлеуден босатыла отырып, әкелу шарттарын сақтауды растайтын Еуразиялық экономикалық одақтың мүше-мемлекеттердің заңнамасына сәйкес берілетін құжаттарды ұсынған жағдайларда әкелінеді.

      Комиссия көрсетілген тұлғалар кедендік баждар, салықтар төлеуден босатыла отырып, әкелу шарттарын сақтауды растайтын Еуразиялық экономикалық одаққа мүше мемлекеттердің заңнамасына сәйкес берілген құжаттардың тізбесін Еуразиялық экономикалық одақтың ресми сайтына Интернет желісінде орналастыруды және қалыптастыруды қамтамасыз еткен;

      4) осы Кодекстің 346-бабы 1-тармағының 4) тармақшасында көрсетілген жеке пайдалануға арналған тауарларды Еуразиялық экономикалық одақтың кедендік аумағына дипломатиялық өкілдік қызметкерлері, консулдық мекеме қызметшілері, халықаралық ұйымдар жанындағы мемлекеттік өкілдіктер персоналдары (қызметкерлері, лауазымды тұлғалары), Еуразиялық экономикалық одақтың кедендік аумағында орналасқан халықаралық ұйымдар немесе олардың өкілдіктері, өзге ұйымдар немесе олардың өкілдіктері, олармен бірге тұратын отбасы мүшелері, олардың осындай қызметкерлер, жұмысшылар, персонал немесе олардың отбасы мүшелері болып табылатынын растаған кезде әкелінетін;

      5) осы Кодекстің 346-бабы 1-тармағының 5) тармақшасында көрсетілген жеке пайдалануға арналған тауарларды Одақтың кедендік аумағына дипломатиялық өкілдіктердің және консулдық мекемелердің басшылары, дипломатиялық өкілдіктің дипломатиялық персонал мұшелері және консулдық мекеменің консулдық лауазымды тұлғалары, олармен бірге тұратын отбасы мүшелері олар осындай тұлғалар немесе олардың отбасы мүшелері болып табылатынын растаған кезде әкелінетін жағдайларда ұсынылмайды.

      3. Жеке пайдалануға арналған тауарларға қатысты кедендік баждар, салықтар төлеу жөніндегі міндеттерді орындауды кедендік баждар, салықтарды төлеуші, не өзге тұлғалар қамтамасыз етеді.

      Егер жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды кедендік баждар, салықтар төлеуші болып табылмайтын тұлғалар қамтамасыз ететін болса, онда мұндай тұлғалар кедендік баждар, салықтар төлеушімен бірге кедендік баждар, салықтар төлеу жөніндегі ортақ міндетте болады.

      4. Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды қамтамасыз ету осы Кодекстің 226-бабының 7-тармағында көрсетілген жағдайларды, сондай-ақ осы тармақтың екінші және үшінші абзацтарында көзделген жағдайларды қоспағанда, тауарларды шығаруды жүргізетін кеден органына ұсынылады.

      Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды қамтамасыз ету осы Кодекстің 342-бабының 8-тармағының екінші абзацына сәйкес уақытша сақтауда тұрған жеке пайдалануға арналған көлік құралдары болып табылатын авто және мотокөлік құралдары және (немесе) авто және мотокөлік құралдарына тіркемелерді пайдалануға рұқсат беретін кеден органына беріледі.

      Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды қамтамасыз ету осы Кодекстің 347-бабының 9-тармағының 1) тармақшасына сәйкес жеке пайдалануға арналған көлік құралдарын беруге рұқсаты бар кеден органына ұсынылады.

      5. Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындау осы Кодекстің 97-бабының 1-тармағында көрсетілген тәсілдермен және кедендік баждарды, салықтарды төлеу жөніндегі міндетті орындау үшін осы Кодекске сәйкес белгіленген тәртіпте қамтамасыз етіледі.

      6. Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды қамтамасыз ету мөлшері осындай тауарларды еркін айналымға шығарған кезде төленуге тиіс болатын кедендік баждар, салықтар сомасы ретінде анықталады.

      7. Жеке пайдалануға арналған тауарларға қатысты кедендік баждар, салықтар төлеу жөніндегі міндетті орындауды қамтамасыз ету ретінде салынған ақша қаражатын (ақшаны) қайтару (есептеу) осы Кодекстің 11-тарауына сәйкес айқындалған жағдайлар мен тәртіпте жүзеге асырылады.

40-тарау. Еуразиялық экономикалық одақтың кедендік шекарасы арқылы халықаралық тасымалдаудың көлік құралдарын өткізу тәртібінің шарттары мен ерекшеліктері

      355-бап. Еуразиялық экономикалық одақтың кедендік шекарасы арқылы халықаралық тасымалдаудың көлік құралдарын өткізу тәртібі мен шарттары туралы жалпы ережелер

      1. Халықаралық тасымалдаудың көлік құралдары Еуразиялық экономикалық одақтың кедендік шекарасы арқылы өткізіледі және осы тарауда белгіленген тәртіпте Еуразиялық экономикалық одақтың кедендік аумағында немесе оның шегінен тысқары жерлерде, ал осы тарауда реттелмеген бөлігінде, - осы Кодекстің өзге де тарауларында белгіленген тәртіпте пайдаланылады.

      2. Осы тараудың ережелері мыналарға:

      1) Еуразиялық экономикалық одақтың мүшесі болып табылмайтын мемлекеттерде шетелдік тұлғаларға тіркелген осындай аумақта және (немесе) одан тысқары жерлерде халықаралық тасымалдауды аяқтау және (немесе) бастау үшін Еуразиялық экономикалық одақтың кедендік аумағына уақытша әкелінген халықаралық тасымалдаудың көлік құралдарына (бостарын қоса алғанда);

      2) Еуразиялық экономикалық одақтың кедендік аумағынан тысқары жерлерде халықаралық тасымалдауды аяқтау және (немесе) бастау үшін Еуразиялық экономикалық одақтың кедендік аумағынан уақытша әкетілген:

      осы Кодекстің 202-бабы 1-тармағының 1) тармақшасына сәйкес Еуразиялық экономикалық одаққа мүше мемлекеттерде мүше мемлекеттердің тұлғаларына тіркелген және Еуразиялық экономикалық одақтың тауарлары болып табылатын не шартты түрде шығарылған тауар деп есептелетін (әуе кемелерін қоспағанда);

      осы Кодекстің 202-бабы 1-тармағының 1) тармақшасына сәйкес Еуразиялық экономикалық одақтың тауарлары болып табылатын не шартты түрде шығарылған тауар деп есептелетін, халықаралық тасымалдау мақсатында Еуразиялық экономикалық одаққа мүше мемлекеттің тұлғалары пайдаланатын әуе кемелеріне халықаралық тасымалдау (бастарын қоса алғанда) көлік құралдарына;

      уақытша әкелу (рұқсат беру) кедендік рәсімімен орналастырылған тауарларға қатысты қолданылады.

      3. Осы тарауда уақытша әкелінетін (уақытша әкелінген) халықаралық тасымалдаудың көлік құралдары деп осы баптың 2-тармағының 1) тармақшасында көрсетілген халықаралық тасымалдаудың көлік құралдары, уақытша әкетілетін (уақытша әкетілген) халықаралық тасымалдаудың көлік құралдары деп – осы баптың 2-тармағының 2) тармақшасында көрсетілген халықаралық тасымалдаудың көлік құралдары түсініледі.

      4. Осы баптың 2-тармағында көрсетілген Еуразиялық экономикалық одақтың кедендік аумағында уақытша болуға және пайдалануға, Еуразиялық экономикалық одақтың кедендік аумағынан уақытша әкетуге, Еуразиялық экономикалық одақтың кедендік аумағынан тысқары жерлерде болуға және пайдалануға арналған халықаралық тасымалдаудың көлік құралдары, егер осы тарауда өзгеше белгіленбесе, кедендік декларациялауға және кедендік рәсіммен орналастырмай шығаруға жатады.

      5. Осы баптың 2-тармағында көрсетілген халықаралық тасымалдаудың көлік құралдарын кедендік декларациялауға және шығаруға байланысты кедендік операциялар Еуразиялық экономикалық одақтың кедендік шекарасы арқылы тауарлар өткізлетін орындарда жасалады.

      6. Еуразиялық экономикалық одақтың кедендік аумағынан уақытша әкелінген халықаралық тасымалдаудың көлік құралдарын әкету және Еуразиялық экономикалық одақтың кедендік аумағына уақытша әкетілген халықаралық тасымалдаудың көлік құралдарын әкелу Еуразиялық экономикалық одақтың кедендік аумағы арқылы тауарлар өткізілетін кез келген орында жүзеге асырылуы мүмкін.

      7. Осы тараудың ережелері:

      1) Еуразиялық экономикалық одақтың кедендік аумағынан уақытша әкетілетін және Еуразиялық экономикалық одақтың кедендік аумағына кері әкелетін:

      балық аулау, теңіз түбі мен оның жер қойнауларының минералдық және басқа да жансыз ресурстарын барлау мен игеру, лоцмандық және мұз жарып жол ашу, іздестіру, құтқару және тіркеуге алу операциялары, теңізге батқан мүлікті көтеру, гидротехникалық, су асты техникалық, жөндеу-қалпына келтіру және өзге де осыған ұқсас жұмыстар, санитариялық, карантиндік және басқа да бақылау, теңіздің аумағын қорғау мен сақтау, теңіз ғылыми зерттеулерін жүргізу, оқу, спорт және мәдени мақсаттарда, сондай-ақ саудамен теңізде жүзуге байланысты өзге де мақсаттарда пайдаланылатын су кемелеріне;

      тауарлар мен жолаушыларды халықаралық тасымалдау үшін пайдаланылмайтын коммерциялық емес азаматтық және мемлекеттік әуе кемелеріне, эсперименттік авиацияда пайдаланылатын (эксперименттік ұшуларды жүзеге асыратын) әуе кемелеріне;

      кәсіпкерлік қызметті жүзеге асыруға байланысты емес жөндеу-қалпына келтіру және өзге де жұмыстар үшін пайдаланылатын теміржол көлік құралдарына (жылжымалы теміржол құрамы, жылжымалы теміржол құрамының бірлігі) (осы тарауда бұдан әрі – теміржол көлік құралы);

      2) Еуразиялық экономикалық одақтың кедендік шекарасы арқылы өткізілетін:

      айналымға көп түсетін ыдыс болып табылатын және мәміле шартына сәйкес қайтаруға жататын цистерна, клетей, поддондарға;

      Еуразиялық экономикалық одақтың кедендік шекарасы арқылы өткізілетін халықаралық тасымалдаудың көлік құралдарындағы және Еуразиялық экономикалық одақтың кедендік аумағында немесе одан тысқары жерлерде тұрған өзге халықаралық тасымалдаудың көлік құралдарын жөндеу және (немесе) пайдалану үшін көзделген қосалқы бөлшектер мен жабдықтарға;

      3) тасымалдау шарттарына сәйкес ондағы тауарларды Еуразиялық экономикалық одақтың кедендік аумағындағы немесе Еуразиялық экономикалық одақтың кедендік аумағынан тысқары жерлердегі алушыға дейін өзге көлік түрлерімен жеткізу үшін пайдаланылатын Еуразиялық экономикалық одақтың кедендік аумағына уақытша әкелінген су және әуе кемелері контейнерлеріне қатысты қолданылуы мүмкін.

      8. Осы баптың 7-тармағында көрсетілген көлік құралдарына және өзге де тауарларға осы тарауда көзделген ерекшеліктерді ескере отырып, уақытша әкелінетін (уақытша әкелінген) және уақытша әкетілетін (уақытша әкетілген) халықаралық тасымалдаудың көлік құралдарына қатысты осы тараудың ережелері қолданылады.

      9. Еуразиялық экономикалық одақтың кедендік аумағынан әкетілетін немесе Еуразиялық экономикалық одақтың кедендік аумағына әкелінетін осы баптың 7-тармағы 2) тармақшасының үшінші абзацында көрсетілген қосалқы бөлшектері мен жабдықтары ауыстырылған халықаралық тасымалдау көлік құралдарының бөлшектері мен жабдықтарына, уақытша әкелінген халықаралық тасымалдаудың көлік құралдарын Еуразиялық экономикалық одақтың кедендік аумағынан кері әкетуді не уақытша әкетілген халықаралық тасымалдаудың көлік құралдарын Еуразиялық экономикалық одақтың кедендік аумағына кері әкелуді реттейтін осы тараудың ережелері қолданылады.

      Осы тармақтың бірінші абзацында көрсетілген Еуразиялық экономикалық одақтың кедендік аумағынан белгіленген мерзімде әкетілмеген халықаралық тасымалдау көлік құралдарының бөлшектері мен жабдықтары, кедендік транзит кедендік рәсімін қоспағанда, шетелдік тауарларға қолданылатын кедендік рәсіммен орналастыруға жатады.


      356-бап. Еуразиялық экономикалық одақтың кедендік аумағына уақытша әкелінетін (уақытша әкелінген) халықаралық тасымалдаудың көлік құралдарын әкелу шарты

      1. Уақытша әкелінетін халықаралық тасымалдаудың көлік құралдары кедендік әкелу баждарын, салықтарды, арнайы, демпингке қарсы, өтем баждары төленбей, Еуразиялық экономикалық одақтың кедендік аумағына әкелінеді.

      2. Еуразиялық экономикалық одақтың кедендік аумағына уақытша әкелінген халықаралық тасымалдаудың көлік құралдары шетелдік тауарлар мәртебесін сақтайды.

      3. Уақытша әкелінетін халықаралық тасымалдаудың көлік құралдары осы Кодекстің 357-бабына сәйкес белгіленген (ұзартылған) мерзім өткенге дейін кедендік транзит кедендік рәсімін қоспағанда, Еуразиялық экономикалық одақтың кедендік аумағынан кері әкетуге не шетелдік тауарларға қолданылатын кедендік рәсімдермен орналастыруға жатады.

      Уақытша әкелінетін халықаралық тасымалдаудың көлік құралдарын кедендік рәсімдермен орналастырғаннан кейін, мұндай халықаралық тасымалдаудың көлік құралдары Еуразиялық экономикалық одақтың кедендік аумағында мәлімделген кедендік рәсімге сәйкес пайдаланылады және осы тараудың ережелері оларға қолданылмайды.


      357-бап. Уақытша әкелінетін (уақытша әкелінген) халықаралық тасымалдау көлік құралының Еуразиялық экономикалық одақтың кедендік аумағында болу мерзімі

      1. Еуразиялық экономикалық одақтың кедендік аумағында уақытша әкелінген халықаралық тасымалдау көлік құралының болу мерзімін, осы Кодекстің 224-бабын және осы баптың 2-тармағын ескере отырып, Еуразиялық экономикалық одақтың кедендік аумағына әкелуге байланысты тасымалдау операциялары аяқталғаннан кейін Еуразиялық экономикалық одақтың кедендік аумағынан мұндай халықаралық тасымалдаудың көлік құралын әкету үшін қажетті уақытты негізге ала отырып тасымалдаушының өтініші негізінде кеден органы белгілейді.

      2. Осы Кодекстің 358-бабы 5-тармағына сәйкес Еуразиялық экономикалық одақтың кедендік аумағында басталатын және аяқталатын жүктерді, жолаушыларды және (немесе) багажды тасымалдау (бұдан әрі осы тарауда – ішкі тасымалдау) үшін пайдалануға болатын уақытша әкелінетін халықаралық тасымалдау көлік құралының Еуразиялық экономикалық одақтың кедендік аумағына болу мерзімі осындай ішкі тасымалдауды жүзеге асыру үшін қажетті, бірақ Еуразиялық экономикалық одаққа мүше мемлекеттердің бірінің аумағына уақытша әкелінген халықаралық тасымалдаудың көлік құралдарының күнтізбелік тоқсан күннен аспайтын болу уақыты белгіленеді.

      3. Осы Кодекстің 358-бабы 7-тармағының 2) тармақшасында көрсетілген тауарлардың Еуразиялық экономикалық одақтың кедендік аумағында болу мерзімін, соған байланысты олар Еуразиялық экономикалық одақтың кедендік аумағына әкелінетін операцияларды жасау үшін қажетті уақытты негізге ала отырып тасымалдаушының өтініші негізінде кеден органы белгілейді.

      4. Осы баптың 1 және 2-тармақтарына сәйкес кеден органы белгілеген мерзімде уақытша әкелінген халықаралық тасымалдаудың көлік құралын Еуразиялық экономикалық одақтың кедендік аумағынан кері әкетуі мүмкін болмаған кезде осы Кодекстің 358-бабы 4-тармағы 2) тармақшасының екінші – төртінші абзацтарына сәйкес тасымалдаушының, осындай көлік құралдары иелігіне берілген тұлғалардың, өзге де мүдделі тұлғалардың дәлелді сұрау салуы бойынша кеден органы бұл мерзімді Еуразиялық экономикалық одақтың кедендік аумағынан оны кері әкетудің мүмкін болмау себептерін жою үшін қажетті уақытқа ұзартады.

      5. Осы Кодекстің 355-бабы 7-тармағының 2) тармақшасында көрсетілген тауарларды Еуразиялық экономикалық одақтың кедендік аумағынан кері әкету осы баптың 3-тармағына сәйкес кеден органы белгілейтін мерзімде мүмкін болмаған кезде тасымалдаушының, өзге де мүдделі тұлғалардың дәлелді сұрау салуы бойынша кеден органы мұндай мерзімді, ол бойынша Еуразиялық экономикалық одақтың кедендік аумағынан кері әкету мүмкін болмаған себептерді жою үшін қажетті уақытқа ұзартады.

      6. Еуразиялық экономикалық одақтың кедендік аумағында уақытша әкелінген халықаралық тасымалдау көлік құралдарының болу мерзімін ұзартуға байланысты кедендік операцияларды жасау тәртібін Космиссия айқындайды.


      358-бап. Еуразиялық экономикалық одақтың кедендік аумағында уақытша әкелінген халықаралық тасымалдау көлік құралдарының болу және пайдалану шарты

      1. Еуразиялық экономикалық одақтың кедендік аумағында уақытша әкелінген халықаралық тасымалдаудың көлік құралдары кедендік әкелу баждарын, салықтарды, арнайы, демпингке қарсы, өтем баждарын төлемей, осы бапта белгіленген шарттарды сақтаған кезде болады және пайдаланылады.

      2. Уақытша әкелінген халықаралық тасымалдаудың көлік құралдары осы бапқа сәйкес осындай көлік құралдары өзге тұлғаларға берілетін жағдайларды қоспағанда, Еуразиялық экономикалық одақтың кедендік аумағына оларды әкелуді жүзеге асырған тұлғаның іс жүзінде иелігінде және пайдалануында болуға тиіс.

      3. Уақытша әкелінген халықаралық тасымалдаудың көлік құралдарымен Еуразиялық экономикалық одақтың кедендік аумағына олар келген кезде не осындай аумақта болған кезде талап етілетін оларға техникалық қызмет көрсету және (немесе) жөндеу бойынша операцияларды жасауға жол беріледі.

      4. Еуразиялық экономикалық одақтың кедендік аумағында:

      1) осы баптың 5, 7 және 8-тармақтарында көрсетілген жағдайлардағы осындай тасымалдауды қоспағанда, ішкі тасымалдау үшін уақытша әкелінген халықаралық тасымалдаудың көлік құралдарын пайдалануға;

      2) уақытша әкелінген халықаралық тасымалдаудың көлік құралдарын:

      оларды жөндеу, техникалық қызмет көрсету және (немесе) сақтау үшін беруді;

      Еуразиялық экономикалық одақтың кедендік аумағынан халықаралық тасымалдаудың техникалық құралын әкету жолымен тасымалдау операциясын аяқтау мақсатында оларды беруді;

      осы баптың 9-тармағында көзделген жағдайларда уақытша әкелінген халықаралық тасымалдаудың теміржол көлік құралдарын және (немесе) теміржол көлік құралдарында тасымалданатын контейнерлерді беруді қоспағанда, өзге тұлғаларға, оның ішінде жалға (қосалқы жалға) беруге жол берілмейді.

      5. Уақытша әкелінген халықаралық тасымалдаудың теміржол көлік құралдары және (немесе) теміржол көлік құралдары арқылы тасымалданатын контейнерлер, егер мұндай тасымалдаулар:

      1) халықаралық тасымалдаудың теміржол көлік құралы және (немесе) теміржол көлік құралдарында тасымалданатын контейнерлер Еуразиялық экономикалық одақтың кедендік аумағына әкелінген халықаралық тасымалдау аяқталғаннан кейін;

      2)  орындау үшін Еуразиялық экономикалық одақтың кедендік аумағына халықаралық тасымалдаудың теміржол көлік құралы және (немесе) теміржол көлік құралдарында тасымалданатын контейнерлер әкелінген халықаралық тасымалдауды бастау үшін Еуразиялық экономикалық одақтың кедендік аумағы бойынша бос халықаралық тасымалдаудың теміржол көлік құралдары және (немесе) теміржол көлік құралдарында тасымалданатын контейнерлер келген кезде;

      3) бос халықаралық тасымалдаудың теміржол көлік құралы және (немесе) теміржол көлік құралдарында тасымалданатын контейнерлер Еуразиялық экономикалық одақтың кедендік аумағы арқылы келген кезде жүзеге асырылса, ішкі тасымалдау үшін пайдалануы мүмкін.

      6. Қазақстан аумағы бойынша ішкі тасымалдау үшін осы баптың 5-тармағында көрсетілген халықаралық тасымалдау теміржол көлік құралдарын және (немесе) теміржол көлік құралдары арқылы тасымалданатын контейнерлерді бірнеше рет пайдалану санына осы Кодекстің 357-бабының 3-тармағында белгіленген жолдар шеңберінде шектелмеген.

      7. Халықаралық тасымалдау көлік құралдары болып табылатын уақытша әкелінген халықаралық тасымалдау автомобиль және көлік құралдары, тіркемелер, жартылай тіркемелер және (немесе) олар арқылы тасымалданатын контейнерлер Еуразиялық экономикалық одаққа бір мүше мемлекеттің аумағында басталатын және Еуразиялық экономикалық одаққа екінші мүше мемлекеттің аумағында аяқталатын жүктерді, жолаушыларды және (немесе) багажды ішкі тасымалдау үшін мынадай жағдайларда, пайдалануы мүмкін:

      1) мұндай тасымалдауға Еуразиялық экономикалық одаққа мүше мемлекеттердің үшінші тараппен автомобиль көлігі саласындағы халықаралық шарттарында жол беріледі;

      2) мұндай тасымалдау Көлік министрлерінің Еуропа конференциясының көпжақты квоталары шеңберінде жүзеге асырылады және мұндай тасымалдау басталатын және аяқталатын Еуразиялық экономикалық одаққа мүше мемлекеттер көрсеткен конференцияның қатысушылары болып табылады.

      8. Белгіленген бағыт шеңберінде жолаушыларды және багажды тасымалдауды жүзеге асыратын уақытша әкелінетін халықаралық тасымалдау автомобиль және теміржол көлік құралдары, егер Қазақстан Республикасының халықаралық шарттарында, Еуразиялық экономикалық одаққа мүше мемлекеттер мен (немесе) Қазақстан Республикасының заңнамасы арасындағы халықаралық шарттарда өзгеше белгіленбесе, халықаралық тасымалдаудың жүру бағыты бойынша аялдау пункттерінде жолаушыларды отырғызу (түсіру) және багажды тиеу (түсіру) үшін Еуразиялық экономикалық одақтың кедендік аумағында тоқтауы мүмкін.

      9. Жүктердің, жолаушылардың және (немесе) багажды тасымалдауды жүзеге асыратын уақытша әкелінген халықаралық тасымалдау теміржол көлік құралы, сондай-ақ теміржол көлік құралдары арқылы тасымалданатын контейнерлер Еуразиялық экономикалық одақтың кедендік аумағында:

      1) Еуразиялық экономикалық одаққа мүше мемлекеттердің теміржол тасымалдаушылары арасында, оның ішінде Еуразиялық экономикалық одаққа бір мүше мемлекеттің теміржол тасымалдаушылары арасында;

      2) көліктің әр түрімен тасымалдаудың бірыңғай шарты шеңберінде Еуразиялық экономикалық одаққа мүше мемлекеттердің теміржол тасымалдаушылары мен өзге тасымалдаушылар арасында;

      3) халықаралық тасымалдау теміржол көлік құралын және (немесе) теміржол көлік құралдары арқылы тасымалданатын контейнерлерді Еуразиялық экономикалық одақтың кедендік аумағынан кері әкету үшін Еуразиялық экономикалық одаққа мүше мемлекеттердің теміржол тасымалдаушыларының тасымалдау шартына сәйкес тауарлардың алушысы болып табылатын тұлғаларға (бұдан әрі осы тарауда – алушы) немесе мұндай алушылардан Еуразиялық экономикалық одаққа мүше мемлекеттің теміржол тасымалдаушысына не өзге тасымалдаушыға берілуі мүмкін.

      10. Жүктерді, жолаушыларды және (немесе) багажды тасымалдауды жүзеге асыратын уақытша әкелінген халықаралық тасымалдау теміржол көлік құралын, сондай-ақ теміржол көлік құралдары арқылы тасымалданатын контейнерлерді Еуразиялық экономикалық одаққа бір мүше мемлекеттің теміржол тасымалдаушысынан басқа Еуразиялық экономикалық одаққа мүше мемлекеттің теміржол тасымалдаушысына, Еуразиялық экономикалық одаққа бір мүше мемлекеттің теміржол тасымалдаушылары арасында, көліктің әр түрімен тасымалдаудың бірыңғай шарты шеңберінде Еуразиялық экономикалық одаққа мүше мемлекеттердің теміржол тасымалдаушылары мен өзге тасымалдаушылар арасында, тасымалдау шартына сәйкес Еуразиялық экономикалық одаққа мүше мемлекеттің теміржол тасымалдаушысынан алушыға және мұндай алушылардан теміржол тасымалдаушысына Еуразиялық экономикалық одақтың кедендік аумағынан әкету үшін беру Еуразиялық экономикалық одаққа мүше мемлекеттердің үшінші тараппен теміржол көлігі саласындағы халықаралық шарттарына және Тәуелсіз Мемлекеттер Достастығына қатысушы мемлекеттердің теміржол көлігі бойынша Кеңес актілеріне сәйкес жүзеге асырылады.

      11. Осы баптың 9-тармағының 3) тармақшасында көзделген жағдайларда, уақытша әкелінген халықаралық тасымалдау теміржол көлік құралын және (немесе) теміржол көлік құралы арқылы тасымалданатын контейнерлерді берген кезде теміржол тасымалдаушы (көрсетілген теміржол көлік құралдарын және (немесе) контейнерлерді алушыға берген кезде) және алушы (көрсетілген теміржол көлік құралын және (немесе) контейнерлерді мүше мемлекеттің теміржол тасымалдаушысына не өзге тасымалдаушыға кері әкету үшін берген кезде), қызмет өңірінде алушы орналасқан кеден органы Комиссия айқындайтын тәртіпте және мерзімде көлік құралдарына арналған кедендік декларацияның тіркеу нөмірі және кеден органы белгілеген уақытша әкелу мерзімі және мұндай беру туралы хабардар ету туралы ақпаратты ұсынуға міндетті.

      12. Осы баптың 9-тармағының 3) тармақшасында көзделген жағдайларда, уақытша әкелінген халықаралық тасымалдау теміржол көлік құралын және (немесе) теміржол көлік құралдары арқылы тасымалданатын контейнерлерді берген кезде, осындай алушы кедендік аумақтан уақытша әкелінген халықаралық тасымалдау теміржол көлік құралын және (немесе) теміржол көлік құралдарында тасымалданатын контейнерлерді кері әкету үшін берген алушы мен тасымалдаушы осы Кодекстің 356-бабы 3-тармағының және 357-бабы 4-тармағының ережелерін, сондай-ақ осы бапта көзделген Еуразиялық экономикалық одақтың кедендік аумағына уақытша әкелінген халықаралық тасымалдау көлік құралдарының болу және пайдалану шартын сақтауға міндетті.

      13. Еуразиялық экономикалық одаққа мүше мемлекеттердің теміржол тасымалдаушылары осы баптың 5-тармағына сәйкес ішкі тасымалдау үшін пайдаланатын халықаралық тасымалдау теміржол көлік құралдарының және (немесе) теміржол көлік құралдарында тасымалданатын контейнерлердің болу орны туралы ақпаратты кеден органының талабы бойынша ұсынады.

      Теміржол тасымалдаушыларының көрсетілген ақпаратты кеден органдарына ұсыну тәртібін көлік саласындағы уәкілетті органмен келісу бойынша уәкілетті орган бекітеді.


      359-бап. Уақытша әкетілетін (уақытша әкетілген) халықаралық тасымалдаудың көлік құралдарын Еуразиялық экономикалық Одақтың кедендік аумағынан әкету және Еуразиялық экономикалық одақтың кедендік аумағынан тысқары жерлерде болу шарты

      1. Уақытша әкетілетін халықаралық тасымалдаудың көлік құралдары Еуразиялық экономикалық одақтың кедендік аумағынан кедендік әкету баждарын төлемей әкетіледі.

      2. Еуразиялық экономикалық одақтың кедендік аумағынан әкетілген және мұндай аумаққа кері әкелінетін уақытша әкетілген халықаралық тасымалдаудың көлік құралдары Еуразиялық экономикалық одақ тауарлары мәртебесін, ал осы Кодекстің 355-бабы 2-тармағының 2) тармақшасының екінші және үшінші абзацтарында көрсетілген және осы Кодекстің 202-бабы 1-тармағының 1) тармақшасына сәйкес шартты түрде шығарылған тауарлар деп саналатын, сондай-ақ осы Кодекстің 355-бабы 2-тармағының 2) тармақшасының төртінші абзацында көрсетілген халықаралық тасымалдаудың көлік құралдары – шетелдік тауарлар мәртебесін сақтайды.

      3. Уақытша әкетілген халықаралық тасымалдаудың көлік құралдары Еуразиялық экономикалық одақтың кедендік аумағына Еуразиялық экономикалық одақтың кедендік аумағынан тысқары жерлерде халықаралық тасымалдау көлік құралдарының болу және пайдалану шарттарын сақтаған кезде кедендік әкелу баждарын, салықтар төлемей әкелінеді.

      4. Еуразиялық экономикалық одақтың кедендік аумағынан тысқары жерлерде уақытша әкетілген халықаралық тасымалдау көлік құралдарының болу мерзімі шектелмейді.

      5. Еуразиялық экономикалық одақ тауарлары болып табылатын Еуразиялық экономикалық одақтың кедендік аумағынан тысқары жерлерде болатын уақытша әкетілген халықаралық тасымалдаудың көлік құралдары экспорт кедендік рәсімімен орналастырылуы мүмкін.

      6. Осы Кодекстің 355-бабы 2-тармағының 2) тармақшасының екінші және үшінші абзацтарында көрсетілген және Еуразиялық экономикалық Одақтың кедендік аумағынан тысқары жерлерде орналасқан осы Кодекстің 202-бабы 1-тармағының 1) тармақшасына сәйкес шартты түрде шығарылған тауарлар деп саналатын уақытша әкетілген халықаралық тасымалдаудың көлік құралдары кері экспорт кедендік рәсімімен орналастырылуы мүмкін.

      7. Еуразиялық экономикалық одақтың кедендік аумағынан тысқары жерлерде орналасқан осы Кодекстің 355-бабы 2-тармағының 2) тармақшасының төртінші абзацында көрсетілген уақытша әкетілген халықаралық тасымалдау көлік құралдары кері экспорт кедендік рәсімімен орналастырылуы мүмкін.

      8. Шетелдік тұлғаға уақытша әкетілген халықаралық тасымалдаудың көлік құралына меншік құқығын берген кезде, мұндай мәміленің тарапы ретінде әрекет еткен Еуразиялық экономикалық одаққа мүше мемлекеттің тұлғасы осындай уақытша әкетілген халықаралық тасымалдаудың көлік құралдарына меншік құқығы берілген күннен бастап күнтізбелік отыз күн ішінде экспорт кедендік рәсімімен, ал шетелдік тұлғаға осы Кодекстің
355-бабы 2-тармағының 2) тармақшасының екінші және үшінші абзацтарында көрсетілген және 202-бабы 1-тармағының 1) тармақшасына сәйкес шартты түрде шығарылған тауарлар деп саналатын немесе осы Кодекстің 355-бабы 2-тармағының 2) тармақшасының төртінші абзацында көрсетілген халықаралық тасымалдау көлік құралдарына меншік құқығын берген кезде – кері экспорт кедендік рәсімімен орналастырады.


      360-бап. Еуразиялық экономикалық одақтың кедендік аумағынан тысқары жерлерде уақытша әкетілген халықаралық тасымалдау көлік құралдарын пайдалану шарты

      1. Еуразиялық экономикалық одақтың кедендік аумағынан тысқары жерлерде уақытша әкетілген халықаралық тасымалдау көлік құралдарымен мынадай:

      1) егер осындай операцияларға қажеттілік мұндай халықаралық тасымалдау көлік құралдарын Еуразиялық экономикалық одақтың кедендік аумағынан тысқары жерлерде пайдалану уақытында пайда болса, оларды Еуразиялық экономикалық одақтың кедендік аумағынан әкету күніне олардың сақталуын, пайдалануын және қалпында ұстауын қамтамасыз ету үшін қажетті техникалық қызмет көрсету және (немесе) жөндеу (күрделі жөндеу жұмысын, жаңғыртуды қосапағанда) бойынша операцияларды;

      2) өтеусіз (кепілді) жөндеу жұмысы бойынша операцияларды;

      3) Еуразиялық экономикалық одақтың кедендік аумағынан тысқары жерлерде орын алған аварияның немесе еңсерілмейтiн күш салдарынан зақымданғаннан кейін уақытша әкетілген халықаралық тасымалдау көлік құралдарын қалпына келтіру үшін жүзеге асырылатын күрделі жөндеу жұмысын қоса алғанда, жөндеу бойынша операцияларды жасауға жол беріледі.

      2. Осы баптың 1-тармағы 1) тармақшасының ережесі Еуразиялық экономикалық одаққа мүше мемлекеттердің халықаралық кеме тізілімінде тіркелген халықаралық тасымалдау көлік құралдары ретінде уақытша әкетілген су кемелеріне қолданылмайды. Мұндай кемелерге қатысты оларға техникалық қызмет көрсету және (немесе) жөндеу бойынша операцияларды жүргізуге жол беріледі.

      3. Осы Кодекстің 355-бабы 2-тармағының 2) тармақшасының төртінші абзацында көрсетілген халықаралық тасымалдау көлік құралдарын қоспағанда, Еуразиялық экономикалық одақтың кедендік аумағынан тысқары жерлерде орналасқан уақытша әкетілген халықаралық тасымалдау көлік құралдарына қатысты осы баптың 1 және 2-тармақтарында көзделмеген операцияларды жасау, мұндай көлік құралдарын кедендік аумақтан тыс қайта өңдеу кедендік рәсіммен орналастыру шарты кезінде жол беріледі.

      Уақытша әкетілген халықаралық тасымалдау көлік құралдарын Еуразиялық экономикалық одақтың кедендік аумағына әкелген кезде кедендік аумақтан тыс қайта өңдеу кедендік рәсіммен орналастырмай, осы баптың 1 және 2-тармақтарында көзделмеген операцияларды жасаған жағдайда, мұндай халықаралық тасымалдау көлік құралдары осы Кодекстің 266-бабына сәйкес кедендік әкелу баждарды, салықтарды төлей отырып, ішкі тұтыну үшін шығару кедендік рәсіммен орналастыруға жатады.

      Уақытша әкетілген халықаралық тасымалдау көлік құралдары ішкі тұтыну үшін шығару кедендік рәсіммен орналастырылмаған жағдайда, осы Кодекстің 88-бабына және 136-бабының 5-тармағына сәйкес кедендік әкелу баждарын, салықтарды, арнайы, демпингке қарсы, өтем баждары төленуге тиіс.

      4. Еуразиялық экономикалық одақтың кедендік аумағынан тысқары жерлерде орналасқан осы Кодекстің 355-бабы 2-тармағының 2) тармақшасының төртінші абзацында көрсетілген халықаралық тасымалдау көлік құралдарына қатысты осы баптың 1 және 2-тармақтарында көзделмеген операцияларды жасау, кедендік аумақтан тысқары жерлерде қайта өңдеу кедендік рәсіммен орналастырмай, жол беріледі.

      Осы баптың 1 және 2-тармақтарында көзделмеген операцияларды мұндай халықаралық тасымалдау көлік құралдарына қатысты жасаған жағдайда, уақытша әкелу (жіберу) кедендік рәсіммен орналастырылған және халықаралық тасымалдау көлік құралдары ретінде пайдаланылатын тауарлардың декларанты, мұндай операцияларды жасаған күннен кейінгі күннен бастап күнтізбелік отыз күннен кешіктірмей осы баптың 1 және 2-тармақтарында көзделмеген операцияларды жасау туралы өтінішін және жасалған операциялардың құнын растайтын құжаттарды береді.

      Көрсетілген өтініш тауарды уақытша әкелу (рұқсат беру) кедендік рәсіммен орналастырған кеден органына беріледі.

      Кеден органы көрсетілген өтініштің берілгенін тіркеген сәттен бастап мұндай өтініш заңды мәні бар фактілер туралы куәландыратын құжатқа айналады.

      Көрсетілген өтініштің нысанын, құрылымын және мұндай өтініштің электрондық түрдегі форматын, оларды толтыру, осындай өтінішке өзгерістер (толықтырулар) енгізу тәртібін, сондай-ақ мұндай өтінішті беруге, тіркеуге және бас тартуға байланысты кедендік операцияларды жасау тәртібін Комиссия айқындайды, ал Комиссия реттемейтін бөлікте – уәкілетті орган бекіткен тәртіпте.

      Еуразиялық экономикалық одақтың кедендік аумағынан тысқары жерлерде орналасқан осы Кодекстің 355-бабы 2-тармағының 2) тармақшасының төртінші абзацында көрсетілген халықаралық тасымалдау көлік құралдарына қатысты осы баптың 1 және 2-тармақтарында көзделмеген операцияларды жасау кезінде уақытша әкелу (рұқсат беру) кедендік рәсіммен орналастырылған және халықаралық тасымалдау көлік құралдары ретінде пайдаланылатын тауарлардың декларантында кедендік әкелу баждарын, салықтарды төлеу жөніндегі міндет туындайды.

      Кедендік әкелу баждарын, салықтарды төлеу бойынша міндет осы баптың екінші абзацында көрсетілген кедендік құжатты кеден органы тіркегенге дейін орындауға жатады.

      Кедендік әкелу баждар, салықтар осы Кодекстің 266-бабына сәйкес есептелген мөлшерде төлеуге жатады.

      Кедендік әкелу баждарын, салықтарды төлеу бойынша міндет кедендік әкелу баждарын, салықтарды төлеу және (немесе) кедендік әкелу баждарын, салықтарды осы тармаққа сәйкес есептелген және төлеуге жататын мөлшерде өндіріп алу бойынша міндетті орындаған кезде тоқтатылады.


      361-бап. Халықаралық тасымалдаудың көлік құралдарын кедендік декларациялау және шығару

      1. Еуразиялық экономикалық одақтың кедендік шекарасы арқылы өткізілетін халықаралық тасымалдаудың көлік құралдары:

      1) уақытша әкелінетін халықаралық тасымалдау көлік құралдарын Еуразиялық экономикалық одақтың кедендік аумағына әкелу және мұндай халықаралық тасымалдау көлік құралдарын Еуразиялық экономикалық одақтың кедендік аумағынан кері әкету кезінде;

      2) уақытша әкетілетін халықаралық тасымалдау көлік құралдарын Еуразиялық экономикалық одақтың кедендік аумағынан әкету және мұндай халықаралық тасымалдау көлік құралдарын Еуразиялық экономикалық одақтың кедендік аумағына кері әкелу кезінде шығаруға және кедендік декларациялауға жатады.

      2. Тасымалдаушы халықаралық тасымалдау көлік құралдарының декларанты болып шығады.

      Тасымалдаушы атынан халықаралық тасымалдау көлік құралдарын кедендік декларациялауға байланысты кедендік операцияларды тасымалдаушының тапсырмасы бойынша әрекет ететін өзге тұлғалар да жасауы мүмкін.

      3. Халықаралық тасымалдау көлік құралдарын кедендік декларациялау көлік құралына арналған декларацияны пайдана отырып жүзеге асырылады.

      Көлік құралына арналған декларацияда көрсетуге жататын мәліметтер тауарларды тасымалдау, жүзеге асырылатын көлік түріне Еуразиялық экономикалық одақтың кедендік шекарасы арқылы халықаралық тасымалдау көлік құралының бағытына, сондай-ақ осы Кодекстің 355-бабы 7-тармағының 2) тармақшасында көрсетілген тауарлардың санаттарына қарай мұндай кедендік декларацияның толтыру тәртібін айқындаған кезде Комиссия анықтайды.

      4. Көлік құралына арналған декларация ретінде көлік саласындағы Еуразиялық экономикалық одаққа мүше мемлекеттердің үшінші тараппен жасалған халықаралық шарттарында көзделген тасымалдаушының стандартты құжаттары пайдаланылуы мүмкін.

      Егер көлік құралына арналған декларация ретінде көлік саласындағы Еуразиялық экономикалық одаққа мүше мемлекеттердің үшінші тараппен жасалған халықаралық шарттарында көзделген тасымалдаушының ұсынылған стандартты құжаттарында көлік құралына арналған декларацияда көрсетуге жататын мәліметтер болмаса, халықаралық тасымалдау көлік құралдарына кедендік декларациялау белгіленген нысандағы көлік құралына арналған декларацияны ұсыну арқылы жүзеге асырылады. Бұл ретте тасымалдаушы ұсынған стандартты құжаттар көлік құралына арналған декларацияның ажырамас бөлігі ретінде қаралады.

      Тауарларды тасымалдау жүзеге асырылатын көліктің түріне және Еуразиялық экономикалық одақтың кедендік шекарасы арқылы халықаралық тасымалдаудың көлік құралын өткізу бағытына байланысты көрсетілген құжаттардың тізбесін Комиссия айқындайды.

      Комиссия айқындаған тәртіпте электрондық құжат түрінде ұсынылған алдын ала ақпаратты көлік құралына арналған декларация ретінде пайдалануға жол беріледі.

      5. Электрондық құжат түрінде көлік құралына арналған декларацияны берген кезде кеден органына көлік құралына арналған декларацияда мәлімделген мәліметті растайтын құжаттарды ұсыну қажет емес.

      Көлік құралына арналған декларацияны қағаз түрінде беру көлік құралына арналған декларацияда мәлімделген мәліметтерді растайтын құжаттар Кеден органына ұсынумен ілесіп жүреді.

      6. Кедендік декларациялауы жазбаша нысанда жүзеге асырылған уақытша әкелінген халықаралық тасымалдаудың көлік құралдарын Еуразиялық экономикалық одақтың кедендік аумағынан кері әкету кезінде және уақытша әкетілген халықаралық тасымалдаудың көлік құралдарын Еуразиялық экономикалық одақтың кедендік аумағына кері әкелу кезінде көлік құралына арналған декларация ретінде уақытша әкелінетін және уақытша әкетілетін халықаралық тасымалдаудың көлік құралдарын кедендік декларациялау кезінде кеден органына берілген көлік құралына арналған декларацияны пайдалануға жол беріледі.

      Комиссия Еуразиялық экономикалық одақтың кедендік аумағына уақытша әкелінетін немесе Еуразиялық экономикалық одақтың кедендік аумағынан уақытша әкетілетін халықаралық тасымалдаудың көлік құралдарын кедендік декларациялау кезінде кеден органына берілген көлік құралына арналған декларация тауарларды халықаралық тасымалдауды жүзеге асыру барысында Еуразиялық экономикалық одақтың кедендік шекарасы арқылы бірнеше рет өткізу кезінде осы халықаралық тасымалдаудың көлік құралдарын кедендік декларациялау кезінде пайдалануы мүмкін өзге жағдайды да айқындауға құқылы.


      362-бап. Уақытша әкелінетін (уақытша әкелінген) халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттердің туындауы және тоқтатылуы, оларды төлеу және есептеу мерзімі

      1. Уақытша әкелінетін (уақытша әкелінген) халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет:

      1) уақытша әкелінетін халықаралық тасымалдаудың көлік құралдары декларантында – кеден органы көлік құралына арналған декларацияны тіркеген сәттен бастап;

      2) Еуразиялық экономикалық одаққа мүше мемлекеттің басқа теміржол тасымалдаушысынан уақытша әкелінген халықаралық тасымалдаудың теміржол көлік құралын және (немесе) теміржол көлік құралдарында тасымалданатын контейнерлерді Еуразиялық экономикалық одақтың кедендік аумағы шегінде тасымалдауға алған Еуразиялық экономикалық одаққа мүше мемлекеттің теміржол тасымалдаушысында – осы Кодекстің 358-бабы 10-тармағына сәйкес көрсетілген теміржол көлік құралын және (немесе) контейнерлерді тасымалдауға қабылдаған сәттен бастап;

      3) Еуразиялық экономикалық одақтың кедендік аумағы шегінде көліктің әр түрімен тасымалдаудың бірыңғай шартының шеңберінде уақытша әкелінген халықаралық тасымалдаудың теміржол көлік құралдарын және (немесе) теміржол көлік құралдарында тасымалданатын контейнерлерді тасымалдауға қабылдаған тасымалдаушыда – осы Кодекстің 358-бабы 10-тармағына сәйкес көрсетілген теміржол көлік құралдарын және (немесе) контейнерлерді тасымалдауға қабылдаған сәттен бастап;

      4) уақытша әкелінген халықаралық тасымалдаудың теміржол көлік құралдарын және (немесе) теміржол көлік құралдарында тасымалданатын контейнерлерді Еуразиялық экономикалық одаққа мүше мемлекеттің теміржол тасымалдаушысынан тасымалдау шартына сәйкес қабылдаған тасымалдаушыда – осы Кодекстің 358-бабы 10-тармағына сәйкес көрсетілген теміржол көлік құралдарын және (немесе) контейнерлерді тасымалдауға қабылдаған сәттен бастап;

      5) уақытша әкелінген халықаралық тасымалдаудың теміржол көлік құралдарын және (немесе) теміржол көлік құралдарында тасымалданатын контейнерлерді Еуразиялық экономикалық одақтың кедендік аумағынан кері әкету үшін тасымалдау шартына сәйкес алушыдан қабылдаған Еуразиялық экономикалық одаққа мүше мемлекеттің теміржол тасымалдаушысында – осы Кодекстің 358-бабы 9-тармағының 3)-тармақшасына сәйкес көрсетілген теміржол көлік құралдарын және (немесе) контейнерлерді тасымалдауға қабылдаған сәттен бастап;

      6) теміржол көлік құралдарында уақытша әкелінетін контейнерді Еуразиялық экономикалық одақтың кедендік аумағынан кері әкету үшін тасымалдау шартына сәйкес алушыдан қабылдаған мүше мемлекеттің теміржол тасымалдаушысын қоспағанда, тасымалдаушыда – тасымалдау шартына сәйкес көрсетілген контейнерді тасымалдауға қабылдаған сәттен бастап туындайды.

      2. Уақытша әкелінген халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы баптың 1-тармағының 1), 2) 3) және 4) тармақшаларында көрсетілген тұлғаларда мынадай:

      1) уақытша әкелінген халықаралық тасымалдаудың көлік құралдарын әкеткенге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмай тұрып, уақытша әкелінген халықаралық тасымалдаудың көлік құралдарын кері әкету;

      2) осы баптың 8-тармағында көрсетілген мән-жайлар орын алғаннан кейін уақытша әкелінген халықаралық тасымалдаудың көлік құралдарын кері әкету және (немесе) осы баптың 11-тармағына сәйкес кедендік баждарды, салықтарды төлеу және өндіріп алу;

      3) уақытша әкелінген халықаралық тасымалдаудың көлік құралдарын ішкі тұтыну үшін шығару кедендік рәсімімен орналастыру;

      4) уақытша әкелінген халықаралық тасымалдаудың көлік құралдарын мұндай кедендік рәсіммен орналастыруға дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмай тұрып ішкі тұтыну үшін шығару кедендік рәсімін қоспағанда, осы Кодексте көзделген кедендік рәсіммен орналастыру;

      5) уақытша әкелінген халықаралық тасымалдаудың көлік құралдарын ішкі тұтыну үшін шығару кедендік рәсімін қоспағанда, осы баптың 8-тармағында көрсетілген мән-жайлар орын алғаннан кейін осы Кодексте көзделген кедендік рәсіммен орналастыру және осы баптың 12-тармағына сәйкес айқындалған мөлшерде кедендік баждарды, салықтарды төлеу;

      6) кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетті орындау және (немесе) оларды осы баптың 10-тармағына сәйкес есептелген және төлеуге жататын мөлшерде өндіріп алу;

      7) кеден органының уәкілетті орган бекіткен тәртіппен аварияның немесе еңсерілмейтін күш салдарынан уақытша әкелінген халықаралық тасымалдаудың көлік құралдарын жою және (немесе) қайтарусыз жоғалту фактісін, осы Кодекске сәйкес мұндай жоюға немесе қайтарусыз жоғалтуға дейін осы халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, тануы;

      8) Қазақстан Республикасының заңнамасына сәйкес мемлекеттің меншігіне уақытша әкелінген халықаралық тасымалдаудың көлік құралдарын тәркілеу және айналымға шығару;

      9) кеден органының осы Кодекстің 52-тарауына сәйкес уақытша әкелінген халықаралық тасымалдаудың көлік құралдарын ұстауы;

      10) қылмыстық іс немесе әкімшілік құқық бұзушылық туралы іс бойынша өндіріс барысында қылмыстық құқық бұзұшылық туралы хабарламаны тексеру барысында алынған немесе тыйым салынған және оған қатысты егер бұрын мұндай уақытша әкелінген халықаралық тасымалдаудың көлік құралын шығару жүргізілмесе, оны қайтару туралы шешім қабылданған уақытша әкелінген халықаралық тасымалдаудың көлік құралын уақытша сақтауға орналастыру немесе кедендік рәсімдердің біріне орналастыру мән-жайларында орын алған кезде тоқтатылады.

      3. Уақытша әкелінген халықаралық тасымалдаудың теміржол көлік құралдарының және (немесе) теміржол көлік құралдарында тасымалданатын контейнерлердің декларанты әрекет ететін Еуразиялық экономикалық одаққа мүше мемлекеттің теміржол тасымалдаушысында уақытша әкелінген халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет көрсетілген теміржол көлік құралдарын және (немесе) контейнерлерді белгіленген тәртіппен Еуразиялық экономикалық одаққа мүше мемлекеттің басқа теміржол тасымалдаушысына, көліктің әр түрімен тасымалдаудың бірыңғай шартының шеңберінде тасымалдау кезінде басқа тасымалдаушыға не тасымалдау шартына сәйкес алушыға мұндай беруге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмай берген кезде тоқтатылады.

      4. Осы баптың 1-тармағының 2 және 3-тармақшаларында көрсетілген тұлғаларда уақытша әкелінген халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет уақытша әкелінген халықаралық тасымалдаудың теміржол көлік құралын немесе теміржол көлік құралдарында тасымалданатын контейнерлерді белгіленген тәртіппен Еуразиялық экономикалық одаққа мүше мемлекеттің басқа теміржол тасымалдаушысына, көліктің әр түрімен тасымалдаудың бірыңғай шартының шеңберінде тасымалдау кезінде басқа тасымалдаушыға не тасымалдау шартына сәйкес алушыға мұндай беруге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмай берген кезде тоқтатылады.

      5. Осы баптың 1-тармағының 4) тармақшасында көрсетілген тұлғада уақытша әкелінген халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет уақытша әкелінген халықаралық тасымалдаудың теміржол көлік құралын немесе теміржол көлік құралдарында тасымалданатын контейнерлерді белгіленген тәртіппен Еуразиялық экономикалық одаққа мүше мемлекеттің теміржол тасымалдаушысына не мұндай беруге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмау шарты кезде Еуразиялық экономикалық одақтың кедендік аумағынан кері әкету үшін өзге де тасымалдаушыға берген кезде тоқтатылады.

      6. Осы баптың 1-тармағының 5 және 6-тармақшаларында көрсетілген тұлғаларда уақытша әкелінген халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет мынадай:

      1) уақытша әкелінген халықаралық тасымалдаудың теміржол көлік құралын және (немесе) теміржол көлік құралдарында тасымалданатын контейнерлерді мұндай әкетуге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмаған кезде кері әкету;

      2) осы баптың 3-тармағында көрсетілген мән-жайлар орын алғаннан кейін уақытша әкелінген халықаралық тасымалдаудың көлік құралдарын кері әкету және осы баптың 5-тармағына сәйкес кедендік баждарды, салықтарды төлеу;

      3) уақытша әкелінген халықаралық тасымалдаудың теміржол көлік құралын және (немесе) теміржол көлік құралдарында тасымалданатын контейнерлерді белгіленген тәртіппен Еуразиялық экономикалық одаққа мүше мемлекеттің теміржол тасымалдаушысына не мұндай беруге дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмаған шартымен Еуразиялық экономикалық одақтың кедендік аумағынан кері әкету үшін өзге де тасымалдаушыға беру;

      4) уақытша әкелінген халықаралық тасымалдаудың теміржол көлік құралын ішкі тұтыну үшін шығару кедендік рәсімімен орналастыру;

      5) мұндай кедендік рәсіммен орналастыруға дейін кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталмаған шартымен, ішкі тұтыну үшін шығару кедендік рәсімін қоспағанда, уақытша әкелінген халықаралық тасымалдаудың көлік құралын осы Кодексте көзделген кедендік рәсіммен орналастыру;

      6) уақытша әкелінген халықаралық тасымалдаудың көлік құралдарын ішкі тұтыну үшін шығару кедендік рәсімін қоспағанда, осы баптың 8-тармағында көрсетілген мән-жайлар басталғаннан кейін осы Кодексте көзделген кедендік рәсіммен орналастыру және осы баптың 12-тармағына сәйкес айқындалған мөлшерде кедендік баждарды, салықтарды төлеу;

      7) кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетті орындау және (немесе) оларды осы баптың 10-тармағына сәйкес есептелген және төлеуге жататын мөлшерде өндіріп алу;

      8) кеден органының уәкілетті орган бекіткен тәптіппен аварияның немесе еңсерілмейтін күш салдарынан уақытша әкелінген халықаралық тасымалдаудың көлік құралдарын жою және (немесе) қайтарусыз жоғалту фактісін, осы Кодекске сәйкес мұндай жоюға немесе қайтарусыз жоғалтуға дейін осы халықаралық тасымалдаудың көлік құралдарына қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, тануы;

      9) Қазақстан Республикасының заңнамасына сәйкес мемлекеттің меншігіне уақытша әкелінген халықаралық тасымалдаудың көлік құралын тәркілеу және айналымға шығару;

      10) кеден органының осы Кодекстің 52-тарауына сәйкес уақытша әкелінген халықаралық тасымалдаудың көлік құралын ұстауы;

      11) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша өндіріс барысында алынған немесе тыйым салынған уақытша әкелінген халықаралық тасымалдаудың көлік құралын және оған қатысты егер бұрын осындай уақытша әкелінген халықаралық тасымалдаудың көлік құралын шығаруы жүргізілмесе, оны қайтару туралы шешім қабылданған уақытша сақтауға орналастыру немесе кедендік рәсімдердің біріне орналастыру мән-жайлары орын алған кезде тоқтатылады.

      7. Кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы баптың 8-тармағында көрсетілген мән-жайлар басталған кезде орындауға жатады.

      8. Мынадай мән-жайлар басталған кезде:

      1) осы Кодекстің 358-бабының 4-тармағында көрсетілген әрекеттер жасалған жағдайда – көрсетілген әрекеттерді жасаудың бірінші күні, ал егер бұл күн белгіленбесе – уақытша әкелінген халықаралық тасымалдау көлік құралдары ретінде мұндай тауарларды шығарған күні;

      2) аварияның немесе еңсерілмейтін күш салдарынан жою және (немесе) қайтарусыз жоғалтуды не қалыпты тасымалдау (өткізу) және (немесе) сақтау жағдайында табиғи кему нәтижесінде қайтарусыз жоғалтуды қоспағанда, уақытша әкелінген халықаралық тасымалдаудың көлік құралдары жоғалған жағдайда – мұндай халықаралық тасымалдаудың көлік құралдарының жоғалған күні, ал егер мұндай күн белгіленбесе – уақытша әкелінген халықаралық тасымалдау көлік құралдары ретінде мұндай тауарларды шығарған күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып саналады.

      9. Осы баптың 8-тармағында көрсетілген мән-жайлар басталған кезде кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы Кодекстің 358-бабының 4-тармағында көрсетілген әрекеттерді жасаған не уақытша әкелінген халықаралық тасымалдаудың көлік құралдарын жоғалтқан тұлғаның орындауына жатады.

      10. Осы баптың 8-тармағында көрсетілген мән-жайлар басталған кезде кедендік әкелу баждары, салықтар, арнайы, демпингке қарсы, өтем баждары, егер осы баптың 11 және 12-тармақтарында өзгеше мөлшер көзделмесе, тарифтік преференцияларды және кедендік әкелу баждарын, салықтарды төлеу бойынша жеңілдіктерді қолданбай уақытша әкелінген халықаралық тасымалдаудың көлік құралдарын ішкі тұтыну үшін шығару кедендік рәсіміне орналастырылғандай төлеуге жатады.

      Кедендік әкелу баждары, салықтар, арнайы, демпингке қарсы, өтем баждарын есептеу үшін кеден органы көлік құралына арналған декларацияны тіркеу күніне қолданыста болатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Егер кеден органында тауарлар (сипаты, атауы, саны, шығарылған жері және (немесе) кедендік құны) туралы нақты мәліметтер болмаған жағдайда, төлеуге жататын кедендік әкелу баждарын, салықтарды, арнайы, демпингке қарсы, өтем баждарын есептеу үшін база кеден органында бар мәліметтердің негізінде айқындалады, ол тауарлардың жіктелуі осы Кодекстің 40-бабының 3-тармағы ескеріле отырып жүзеге асырылады.

      Егер тауар коды Сыртқы экономикалық қызметтің тауар номенклатурасына сәйкес оннан кем белгі мөлшерімен топтау деңгейінде айқындалған жағдайда:

      кедендік әкелу баждарын есептеу үшін мұндай топтауға кіретін тауарларға тиісті кедендік баждар мөлшерлемелерінің ең жоғарғысы қолданылады;

      салықтарды есептеу үшін, оларға қатысты кедендік баждар мөлшерлемелерінің ең жоғарғысы белгіленген мұндай топтауға кіретін тауарларға тиісті қосылған құн салығы мөлшерлемелерінің ең жоғарғысы және акциздер мөлшерлемелерінің ең жоғарғысы қолданылады;

      арнайы, демпингке қарсы, өтем баждарын есептеу үшін осы тармақтың сегізінші абзацын ескере отырып, мұндай топтастыруға кіретін тауарларға тиісті арнайы, демпингке қарсы, өтем баждары мөлшерлемелерінің ең жоғарғысы қолданылады.

      Арнайы, демпингке қарсы, өтем баждары осы Кодекстің 5-тарауына сәйкес арнайы, демпингке қарсы, өтем баждарын есептеу мақсаты үшін расталған тауарлардың шығарылған жерінен шыға отырып есептеледі. Егер мұндай тауарлардың шығарылған жері туралы құжаттардың болмауына байланысты тауарлардың шығарылған жерін айқындау мүмкін болмаған жағдайда, арнайы, демпингке қарсы, өтем баждары Сыртқы экономикалық қызметінің Тауар номенклатурасының сол кодының тауарларына қатысты, (егер тауарды жіктеу он белгі деңгейінде жүзеге асырылса) не топтауға кіретін тауарларға, (егер тауар коды Сыртқы экономикалық қызметінің Тауар номенклатурасына сәйкес оннан кем белгі мөлшерінде топтау деңгейінде айқындалса), белгіленген арнайы, демпингке қарсы, өтем баждары мөлшерлемелерінің ең жоғарғысынан шыға отырып есептеледі.

      Кейіннен тауарлар туралы нақты мәліметтерді белгілеген кезде кедендік әкелу баждары, салықтар, арнайы, демпингке қарсы, өтем баждары мұндай нақты мәліметтерден шыға отырып есептеледі және осы Кодекстің 11-тарау және 141-бабына сәйкес артық төленген және (немесе) артық өндіріліп алынған кедендік әкелу баждары, салықтар, арнайы, демпингке қарсы, өтем баждары сомаларын есепке жатқызу (қайтару) жүзеге асырылады не осы Кодекстің 86 және 137-баптарына сәйкес әрекеттер, осы Кодекстің 12-тарау және 142-баптарына сәйкес төленбеген сомаларды өндіріп алу жүзеге асырылады.

      11. Осы баптың 8-тармағында көрсетілген мән-жайлар басталғаннан кейін уақытша әкелінген халықаралық тасымалдаудың көлік құралдары кері әкетілген жағдайда кедендік әкелу баждары, салықтар, егер мұндай тауарлар уақытша әкелінген халықаралық тасымалдаудың көлік құралдары ретінде мұндай тауарларды шығарған күннен кейінгі күннен басталған кезең үшін кедендік әкелу баждарын, салықтарды ішінара төлеумен уақытша әкелу (рұқсат беру) кедендік рәсіммен оларды іс жүзінде әкету күні бойынша орналастырылғандай төлеуге жатса, кедендік әкелу баждарының, салықтардың тиісті сомасының мөлшерінде төленуге жатады.

      12. Осы баптың 8-тармағында көрсетілген мән-жайлар орын алғаннан кейін ішкі тұтыну үшін шығару кедендік рәсімін қоспағанда, осы Кодексте көзделген кедендік рәсіммен орналастырылған жағдайда, уақытша әкелінген халықаралық тасымалдаудың көлік құралдары уақытша кедендік әкелу баждары, салықтар, егер мұндай тауарлар уақытша әкелінген халықаралық тасымалдаудың көлік құралдары ретінде мұндай тауарларды шығару күнінен кейінгі күннен басталған кезең үшін кедендік әкелу баждарын, салықтарды ішінара төлеумен уақытша әкелу (рұқсат беру) оларды кедендік рәсіммен орналастыру күні бойынша орналастырылғандай төленуге жатса, кедендік әкелу баждарының, салықтардың тиісті сомасының мөлшерінде төленуге жатады.

      13. Кедендік әкелу баждарын, салықтарды төлеу және (немесе) оларды өндіріп алу (толық немесе ішінара) бойынша міндетті орындағаннан кейін уақытша әкелінген халықаралық тасымалдаудың көлік құралдары ішкі тұтыну үшін шығару кедендік рәсімімен орналастырылған жағдайда, осы бапқа сәйкес төленген және (немесе) өндіріліп алынған кедендік әкелу баждарының, салықтардың сомалары осы Кодекстің 11-тарауына сәйкес есепке жатқызуға (қайтаруға) жатады.


      363-бап. Уақытша әкетілетін (уақытша әкетілген) халықаралық тасымалдаудың көлік құралдарына қатысты кедендік әкету баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      1. Еуразиялық экономикалық одақтың тауарлары болып табылатын уақытша әкетілетін халықаралық тасымалдаудың көлік құралдарына қатысты кедендік әкету баждарын төлеу бойынша міндет, көлік құралына арналған декларацияны кеден органы тіркеген сәттен бастап осындай халықаралық тасымалдаудың көлік құралдарының декларантында туындайды.

      2. Еуразиялық экономикалық одақтың тауарлары болып табылатын уақытша әкетілген халықаралық тасымалдаудың көлік құралдарына кедендік әкету баждарын төлеу бойынша міндет, осындай халықаралық тасымалдаудың көлік құралдарының декларантында, мынадай:

      1) уақытша әкетілген халықаралық тасымалдаудың көлік құралдарын Еуразиялық экономикалық одақтың кедендік аумағына кері әкелу;

      2) уақытша әкетілген халықаралық тасымалдаудың көлік құралдарын экспорт кедендік рәсімімен орналастыру;

      3) осы баптың 4-тармағына сәйкес есептелген және төлеуге жататын мөлшерде әкету кедендік әкету баждарын төлеу және (немесе) өндіріп алу бойынша міндетті орындау;

      4) Қазақстан Республикасының заңнамасына сәйкес мемлекеттің меншігіне уақытша әкетілген халықаралық тасымалдаудың көлік құралдарын тәркілеу немесе айналымы;

      5) осындай ұстауға дейін туындаған кедендік әкету баждарын төлеу бойынша міндетке қатысты - кеден органдарының осы Кодекстің 52-тарауына сәйкес уақытша әкетілген халықаралық тасымалдаудың көлік құралдарын ұстауы;

      6) қылмыстық құқық бұзушылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша өндіріс барысында алынған немесе тыйым салынған және оларға қатысты егер бұрын осындай уақытша әкетіген халықаралық тасымалдаудың көлік құралдарын шығаруы жүргізілмесе, оларды қайтару туралы шешім қабылданған уақытша әкетілген халықаралық тасымалдаудың көлік құралдарын уақытша сақтауға орналастыру немесе кедендік рәсімдердің біріне орналастыру мән-жайлары басталған кезінде тоқтатылады.

      3. Еуразиялық экономикалық одақтың тауарлары болып табылатын уақытша әкетілген халықаралық тасымалдаудың көлік құралдарына қатысты кедендік әкету баждарын төлеу бойынша міндет осы баптың 4-тармағында көрсетілген мән-жайлар басталған кезде орындалуға жатады.

      4. Мынадай мән-жайлар басталған кезде:

      1) Еуразиялық экономикалық одақтың тауарлары болып табылатын уақытша әкетілген халықаралық тасымалдаудың көлік құралдары жоғалған жағдайда, – осындай жоғалу күні, ал егер осындай күн белгіленбесе – уақытша әкетілген халықаралық тасымалдаудың көлік құралдары ретінде осындай тауарларды шығару күні;

      2) шетелдік тұлғаға осы Кодекстің 359-бабының 5-тармағына сәйкес осындай көлік құралдарын экспорт кедендік рәсіміне орналастырмай, Еуразиялық экономикалық одақтың тауарлары болып табылатын уақытша әкетілген халықаралық тасымалдаудың көлік құралдарына меншік құқығын берген жағдайда – осындай беру күні, ал егер осындай күн белгіленбесе – уақытша әкетілген халықаралық тасымалдаудың көлік құралдары ретінде осындай тауарларды шығару күні кедендік әкету баждарын төлеу мерзімі болып саналады.

      5. Осы баптың 4-тармағында көрсетілген мән-жайлар басталған кезде, кедендік әкету баждары, кедендік әкету баждарын төлеу бойынша жеңілдіктерді қолданбай уақытша әкетілген халықаралық тасымалдаудың көлік құралдары экспорт кедендік рәсімімен орналастырылатындай төленуге жатады.

      Кедендік әкету баждарын есептеу үшін кеден органы көлік құралына арналған декларацияны тіркеген күні қолданыста болатын кедендік әкету баждарының мөлшерлемелері қолданылады.

      Егер кеден органында тауарлар (сипаты, атауы, саны, шығарылған жері және (немесе) кедендік құны) туралы нақты мәліметтер болмаған жағдайда, төлеуге жататын кедендік әкету баждарын есептеуге арналған база кеден органында бар мәліметтердің негізінде айқындалады, ал тауарларды жіктеу осы Кодекстің 40-бабы 3-тармағының ережелері ескеріле отырып жүзеге асырылады.

      Егер Сыртқы экономикалық қызметтің тауар номенклатурасына сәйкес тауар коды кедендік әкету баждарын есептеу үшін оннан аз белгілердің санымен топтау деңгейінде айқындалса, мұндай топтауға кіретін тауарларға сәйкес келетін кедендік әкету баждары мөлшерлемелерінің ең жоғарғысы қолданылады.

      Кейіннен тауарлар туралы нақты мәліметтерді анықтау үшін кедендік әкету баждары мұндай нақты мәліметтерден шыға отырып есептеледі және осы Кодекстің 11-тарауына сәйкес артық төленген және (немесе) артық өндіріп алынған кедендік әкету баждарының сомаларын қайтару (есепке жатқызу) жүзеге асырылады не осы Кодекстің 86-бабына сәйкес әрекеттер, осы Кодекстің 12-тарауына сәйкес төленбеген сомаларды өндіру жүзеге асырылады.

      6. Кедендік әкету баждарын төлеу және (немесе) оларды өндіріп алу (толық немесе ішінара) бойынша міндетті орындағаннан кейін уақытша әкетілген халықаралық тасымалдаудың көлік құралдарын Еуразиялық экономикалық одақтың кедендік аумағына кері әкелу не мұндай уақытша әкетілген халықаралық тасымалдаудың көлік құралдарын экспорт кедендік рәсіммен орналастырған жағдайда, осы бапқа сәйкес төленген және (немесе) өндіріп алынған кедендік әкету баждары осы Кодекстің 11-тарауына сәйкес қайтаруға жатады.

41-тарау. Еуразиялық экономикалық Еуразиялық экономикалық одақтың кедендік шекарасы арқылы керек-жарақтарды өткізу тәртібінің ерекшеліктері мен шарттары

      364-бап. Еуразиялық экономикалық Еуразиялық экономикалық одақтың кедендік шекарасы арқылы керек-жарақтарды өткізу тәртібі мен шарттары туралы жалпы ережелер

      1. Керек-жарақтар Еуразиялық экономикалық одақтың кедендік шекарасы арқылы және Еуразиялық экономикалық одақтың кедендік аумағында немесе Еуразиялық экономикалық одақтың кедендік аумағынан тысқары жерлерде осы тарауда белгіленген тәртіппен, ал осы тарауда реттелмеген бөлігінде, – осы Кодекстің өзге тарауларында белгіленген тәртіппен өткізіледі және пайдаланылады.

      2. Еуразиялық экономикалық одақтың кедендік аумағында болу және пайдаланылу не Еуразиялық экономикалық одақтың кедендік аумағынан әкету және Еуразиялық экономикалық одақтың кедендік аумағынан тысқары жерлерде пайдалану үшін Еуразиялық экономикалық одақтың кедендік шекарасы арқылы өткізілетін керек-жарақтар кедендік рәсімдермен орналастырылмай, осы тарауда көзделген тәртіппен және шарттарда кедендік декларациялауға және шығаруға жатады.

      3. Еуразиялық экономикалық одақтың кедендік аумағына әкелінген, керек-жарақтар ретінде пайдаланылатын шетелдік тауарлар шетелдік тауарлар мәртебесін сақтайды.

      4. Еуразиялық экономикалық одақтың кедендік аумағынан әкетілген және Еуразиялық экономикалық одақтың кедендік аумағынан кері әкелінетін, керек-жарақтар ретінде пайдаланылатын Еуразиялық экономикалық одақ тауарлары кеден органының оларды идентификаттауы шартында Еуразиялық экономикалық одақ тауарлары мәртебесін сақтайды.

      Керек-жарақтар ретінде пайдаланылатын Еуразиялық экономикалық одақ тауарлары ретінде Еуразиялық экономикалық одақтың кедендік аумағына әкелінетін тауарларды кеден органдарының идентификаттау мүмкіндігі болмаған жағдайда, мұндай тауарлар шетелдік тауарлар ретінде қарастырылады.

      5. Бажсыз сауда кедендік рәсіміне орналастырылған тауарлар Еуразиялық экономикалық одақтың кедендік аумағынан әкетілетін керек-жарақтар ретінде, егер мұндай тауарлар су немесе әуе кемелерінің бортына тиелсе, Еуразиялық экономикалық одақтың кедендік аумағынан әкетілетін мұндай көлік құралдарынан, Еуразиялық экономикалық одақтың кедендік шекарасы арқылы тауарларды өткізу орындарында орналасқан пойыздарда, бажсыз сауда дүкендерінде декларациялануы және шығарылуы мүмкін. Мұндай тауарлар керек-жарақтар ретінде кедендік декларацияланғаннан және шығарылғаннан кейін шетелдік тауарлар мәртебесін сақтайды.

      6. Кеден қоймасы кедендік рәсіміне орналастырылған тауарлар, су кемелерін қалыпты пайдалануды және оларға техникалық қызмет көрсетуді қамтамасыз ету үшін қажетті және Еуразиялық экономикалық одақтың кедендік аумағынан әкетілетін керек-жарақтар ретінде декларациялануы және шығарылуы мүмкін. Мұндай тауарлар керек-жарақтар ретінде кедендік декларацияланғаннан және шығарылғаннан кейін шетелдік тауарлар мәртебесін сақтайды.

      Егер кеден қоймасы су кемесі орналасқан Еуразиялық экономикалық одақтың кедендік шекарасы арқылы тауарларды өткізу орнында орналастырылса, оларды мұндай кеден қоймасынан тасымалдау үшін бортына мұндай тауарлар тиелетін су кемесі орналасқан Еуразиялық экономикалық одақтың кедендік шекарасы арқылы тауарларды өткізу орнына дейін керек-жарақтар ретінде шығарылған тауарлар кедендік транзит кедендік рәсіміне орналастырылады.

      7. Осы Кодекстің 8-бабына сәйкес шектеулер мен тыйым салулар сақтала отырып, осы Кодекстің 366-бабына сәйкес пайдалану шартында керек-жарақтар Еуразиялық экономикалық одақтың кедендік шекарасы арқылы кедендік баждарды, салықтарды төлемей және ішкі нарықты қорғау шараларын сақтамай өткізіледі.

      8. Тасымалдаушы, сондай-ақ осы тармақтың екінші абзацында көрсетілген жағдайды қоспағанда, осы Кодекстің 149-бабы 1-тармағының 1) тармақшасының екінші – бесінші абзацтарында көрсетілген тұлғалар Керек-жарақтың декларанты бола алады.

      Еуразиялық экономикалық одақтың кедендік аумағынан әкетілетін керек-жарақтар ретінде пайдалану үшін бажсыз сауда дүкендерінен әуе немесе су кемелерінің бортына тиелетін керек-жарақтардың декларанты болып кедендік декларациялау кезінде тауарлар болған бажсыз сауда дүкенінің иесі болады.

      9. Комиссия керек-жарақтар ретінде пайдаланылатын тауарлардың жекелеген санаттарының санды нормаларын, сондай-ақ көлік құралына қарай керек-жарақтар ретінде пайдаланылатын тауарларға тауарлардың жекелеген санаттарын жатқызу өлшемшарттарын айқындауға құқылы.

      Комиссия айқындаған Еуразиялық экономикалық одақтың кедендік шекарасы арқылы өткізілетін сандық нормаларынан асатын керек-жарақтар ретінде пайдаланылатын тауарларға қатысты осы тараудың ережелері қолданылмайды, және мұндай тауарлар осы Кодекске сәйкес кедендік рәсімдермен орналастырылуға жатады.

      10. Көлік құралдарындағы жеке пайдалануға арналған тауарларға қатысты осы тараудың ережелері қолданылмайды.


      365-бап. Керек-жарақтарға қатысты кедендік операцияларды жасау ерекшеліктері

      1. Еуразиялық экономикалық одақтың кедендік аумағына әкелу кезінде керек-жарақтарды кедендік декларациялауға және шығаруға байланысты кедендік операциялар келу орындарында не халықаралық тасымалдауды аяқтау орындарында жасалады.

      2. Еуразиялық экономикалық одақтың кедендік аумағына әкелу кезінде керек-жарақтарды кедендік декларациялауға және шығаруға байланысты кедендік операциялар халықаралық тасымалдау басталған орындарда не кету орындарында жасалады.

      Кеден қоймасына кедендік рәсімімен орналастырылған тауарлар керек-жарақтары ретінде кедендік декларациялаумен және шығарумен байланысты кедендік операциялар, қызмет аймағында кеден қоймасы бар кеден органында жасалады.

      3. Еуразиялық экономикалық одақтың кедендік аумағына келген және Еуразиялық экономикалық одақтың мұндай кедендік аумағынан кететін (су немесе әуе кемелері бортында не поезда) халықаралық тасымалдаудың көлік құралдарындағы керек-жарақтарды кедендік декларациялау, көлік құралына арналған декларацияны пайдалана отырып, халықаралық тасымалдаудың көлік кұралын кедендік декларациялаумен қатар бір уақытта жүзеге асырылуы мүмкін.

      Керек-жарақтарды декларациялау, егер мұндай керек-жарақтар Еуразиялық экономикалық одақтың кедендік аумағына келген және мұндай аумақтан кететін әуе кемелерінің бортында осы әуе кемелерінің бортынан осы керек-жарақтарды түсіру (қайта тиеу) бойынша операцияларды жасамай орналасса, жүзеге асырылмайды.

      4. Еуразиялық экономикалық одақтың кедендік аумағына келген немесе осындай Еуразиялық экономикалық одақтың кедендік аумағынан кететін су және әуе кемелерінің бортына немесе поездарға түсірілетін, қайта тиелетін, тиелетін, керек-жарақтарды кедендік декларациялау тауарларға арналған декларацияны пайдалана отырып жүзеге асырылады.

      Тауарларға арналған декларацияны пайдалана отырып, керек-жарақтарды кедендік декларациялау кезінде осындай тауарларға арналған декларация ретінде тауарларды шығару үшін қажетті мәліметтерді қамтитын көлік (тасымалдау), коммерциялық және (немесе) өзге де құжаттар пайдаланылуы мүмкін.

      Көрсетілген керек-жарақтарды кедендік декларациялау кезінде тауарларға арналған декларацияда көрсетуге жататын мәліметтерді Комиссия айқындайды.

      5. Керек-жарақтар ретінде кеден қоймасына кедендік рәсімімен және бажсыз сауда кедендік рәсімдерімен орналастырылған тауарларды кедендік декларациялау тауарларға арналған декларацияны пайдалана отырып жүзеге асырылады.

      6. Керек-жарақтарға қатысты кедендік операциялар тіркелу еліне немесе су, әуе кемелерінің немесе поездардың ұлттық тиесілігіне қарамастан, бірдей жасалады.

      7. Комиссия кедендік декларациялау және керек-жарақтарға қатысты өзге де кедендік операцияларды жасау ерекшеліктерін айқындауға құқылы.


      366-бап. Еуразиялық экономикалық одақтың кедендік аумағында керек-жарақтарды пайдалану

      1. Жолаушылардың және су кемелерінің экипаж мүшелерінің тұтынуына және (немесе) пайдалануына арналған керек-жарақтар және (немесе) осы кемелерді қалыпты пайдалануды және техникалық қызмет көрсетуді қамтамасыз ету үшін қажетті керек-жарақтар, жолаушылардың санына, экипаж мүшелерінің санына және (немесе) аялдау ұзақтығына сәйкес мөлшерде олардың Еуразиялық экономикалық одақтың кедендік аумағында болуы, оның ішінде су кемелерін докта, верфьте немесе кеме жөндеу зауытында жөндеу уақытында осы кемелерде тұтынылуы және пайдаланылуы мүмкін.

      2. Әуе кемелерінің Еуразиялық экономикалық одақтың кедендік аумағында орналасқан бір әуежайға немесе бірнеше әуежайға қонуы кезінде осы кемелерді қалыпты пайдалануды және техникалық қызмет көрсетуді қамтамасыз етуге арналған керек-жарақтар және әуе кемелерінің қону пункттерінде болуы кезінде және олардың арасында ұшу кезінде экипаж жолаушылардың және мүшелерінің тұтынуына және пайдалануына арналған керек-жарақтар әуе кемелерінің қону пункттерінде болуы кезінде және олардың арасында ұшу кезінде пайдаланылуы мүмкін.

      Еуразиялық экономикалық одақтың кедендік аумағында әуе кемелері болған уақытында әуе кемелерінің жолаушылары мен экипаж мүшелеріне таратуға және сатуға арналған керек-жарақтар, оларды осы кемелердің борттарында жолаушыларына немесе экипаж мүшелеріне таратуды және сатуды жүзеге асырылуы шартымен таратылуы және сатылуы мүмкін.

      3. Поездар жолаушыларының және поезд бригадалары жұмыскерлерінің тұтынуына және пайдалануына арналған керек-жарақтар және осы поездарды қалыпты пайдалану және оларға техникалық қызмет көрсету үшін қажетті керек-жарақтар осы поездардың жүру жолында немесе аралық тоқтау не Еуразиялық экономикалық одақтың кедендік аумағында тұру пункттерінде жолаушылардың және поезд бригадалары жұмыскерлерінің санына, сондай-ақ тұру ұзақтығына және жолда болу уақытына сәйкес мөлшерде тұтынылуы және пайдаланылуы мүмкін.

      Поездар жолаушыларының және поезд бригадаларының жұмыскерлеріне таратуға және өткізуге арналған керек-жарақтар, оларды тарату және сату осы поездарда жүзеге асырылған жағдайда поездар Еуразиялық экономикалық одақтың кедендік аумағында болған уақытта таратылуы және сатылуы мүмкін.

      4. Тасымалдаушы су кемелерінің, әуе кемелерінің немесе поездардың Еуразиялық экономикалық одақтың кедендік аумағында болған уақытында осы бапқа сәйкес керек-жарақтарды пайдалану үшін қажетті шараларды қабылдауға міндетті. Кеден органының шешімі бойынша керек-жарақтар сақталатын орын кедендік пломбалар мен мөрлерді салу арқылы мөрленуі мүмкін.

      5. Су және әуе кемелерінің борттарындағы немесе поездардағы керек-жарақтар кеден органдарының рұқсатымен осы тарауда көзделген шарттар сақталған кезде жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға уақытша түсірілуі, берілуі мүмкін.

      6. Еуразиялық экономикалық одақтың кедендік аумағында су және әуе кемелерінен, пойыздардан түсірілген керек-жарақтар, оларды жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға тиегенге дейін жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға оларды түсіруге, беруге рұқсат берген кеден органы қызметінің өңірінде орналасқан кедендік бақылау аймағында орналастыруға жатады.

      Еуразиялық экономикалық одақтың кедендік аумағында су және әуе кемелерінен немесе пойыздардан түсірілген керек-жарақтармен жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға оларды тиеу үшін беруге дайындау үшін қажетті операцияларды жасауға жол беріледі.

      7. Керек-жарақтар ретінде шығарылған, Еуразиялық экономикалық одақтың кедендік аумағынан әкетілетін, осы Кодекстің 364-бабының 5 және 6-тармақтарында көрсетілген тауарлардың декларанты мұндай тауарлардың әуе және (немесе) су кемелерінің бортына, мұндай тауарларды қалыпты тасу (тасымалдау) және сақтау жағдайында тауарлардың табиғи тозуы немесе кемуі не табиғи қасиеттерінің өзгеруі салдарынан өзгерген саны мен (немесе) жай-күйін қоспағанда, керек-жарақтар ретінде оларды шығару сәтіндегі мөлшерде және жай-күйде тиелуін қамтамасыз етуге міндетті.

      8. Керек-жарақтар ретінде шығарылған шетелдік тауарлар осы Кодексте көзделген кедендік рәсімдермен орналастырылған жағдайда, осы тарауда көзделмеген мақсаттарда Еуразиялық экономикалық одақтың кедендік аумағында пайдаланылуы мүмкін.


      367-бап. Керек-жарақтар ретінде декларацияланатын (шығарылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      1. Керек-жарақтар ретінде декларацияланатын шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет кеден органдары кедендік декларацияны тіркеген сәттен бастап декларантта туындайды.

      2. Керек-жарақтар ретінде декларацияланатын (шығарылған) шет елдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет декларантта мынадай мән-жайлар:

      1) Еуразиялық экономикалық одақтың кедендік аумағынан керек-жарақтар ретінде шығарылған шетелдік тауарлардың іс жүзінде әкетілуі;

      2) керек-жарақтар ретінде шығарылған шетелдік тауарлардың осы Кодекстің 366-бабына сәйкес пайдаланылуы;

      3) мұндай тауарларды осы Кодекске сәйкес кедендік рәсімдермен орналастыру;

      4) осы баптың 4-тармағына сәйкес есептелген және төленуге тиісті мөлшерде кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттемелерді орындау және (немесе) оларды өндіріп алу;

      5) кеден органының уәкілетті орган бекіткен тәртіппен аварияның немесе еңсерілмейтін күш салдарынан осындай шетелдік тауарларды жою және (немесе) қайтарусыз жоғалту фактісін не осы Кодекске сәйкес мұндай жоюға немесе қайтарусыз жоғалтуға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, қалыпты тасу (тасымалдау) және (немесе) сақтау жағдайында табиғи кему нәтижесінде мұндай тауарларды қайтарусыз жоғалту фактісін тануы;

      6) кедендік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттерге қатысты – керек-жарақ ретінде декларацияланатын шетелдік тауарларды шығарудан бас тарту;

      7) кедендік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттерге қатысты - осы Кодекстің 184-бабына сәйкес тауарларға арналған декларацияны кері қайтару және (немесе) осы Кодекстің 192-бабының 4-тармағына сәйкес тауарларды шығарудан бас тарту;

      8) Қазақстан Республикасының заңнамасына сәйкес мемлекеттің меншігіне осындай тауарларды тәркілеу немесе айналдыру;

      9) кеден органының осы Кодекстің 52-тарауына сәйкес осындай тауарларды ұстауы;

      10) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық (әкімшілік процесті жүргізу) туралы іс бойынша өндіріс барысында алынған немесе тыйым салынған және оларға қатысты егер бұрын мұндай тауарлар шығарылмаған болса, оларды қайтару туралы шешім қабылданған, осындай тауарларды уақытша сақтауға орналастыру немесе кедендік рәсімдердің біріне орналастыру кезінде тоқтатылады.

      3. Осы баптың 4-тармағында көрсетілген мән-жайлар орын алған кезде кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет орындалуға жатады.

      4. Мынадай мән-жайлар орын алған кезде:

      1) аварияның немесе еңсерілмейтін күш салдарынан оларды жою және (немесе) қайтарусыз жоғалтуды не қалыпты тасымалдау (өткізу) және (немесе) сақтау жағдайында табиғи кему нәтижесінде қайтарусыз жоғалтуды қоспағанда, керек-жарақтар ретінде декларацияланатын (шығарылған) шетелдік тауарларды жоғалтқан жағдайда – мұндай жоғалту күні, ал егер бұл күн белгіленбесе – керек-жарақтар ретінде тауарларды шығару күні;

      2) осы тарауда көзделмеген мақсаттарда Еуразиялық экономикалық одақтың кедендік аумағында осындай шетелік тауарларды пайдаланған жағдайда – осындай пайдаланудың бірінші күні, ал егер ондай күн белгіленбесе – керек-жарақтар ретінде тауарларды шығару күні керек-жарақтар ретінде декларацияланатын (шығарылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып саналады.

      5. Осы баптың 4-тармағында көрсетілген мән-жайлар орын алған кезде, кедендік әкелу баждары, салықтар, арнайы, демпингке қарсы, өтем баждары керек-жарақтар ретінде шығарылған шетелдік тауарлар тарифтік преференциялар мен кедендік әкелу баждарын, салықтарды төлеу бойынша жеңілдіктерді қолданбай ішкі тұтыну үшін шығарудың кедендік рәсімімен орналастырылғандай төлеуге жатады.

      Кедендік әкелу баждарын, салықтарды, арнайы, демпингке қарсы, өтем баждарын есептеу үшін керек-жарақтар ретінде тауарларды шығару үшін ұсынылған тауарларға арналған декларацияны кеден органы тіркеген күні қолданыста болатын кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      Кеден органында тауарлар (сипаты, атауы, саны, шығарылған жері және (немесе) кедендік құны) туралы мәліметтер болмаған жағдайда, төлеуге жататын кедендік әкелу баждарын, салықтарды, арнайы, демпингке қарсы, өтем баждарын есептеуге арналған база кеден органында бар мәліметтердің негізінде айқындалады, ал тауарларды жіктеу осы Кодекстің 40-бабының 3-тармағы ескеріле отырып жүзеге асырылады.

      Тауар коды Сыртқы экономикалық қызметтің тауар номенклатурасына сәйкес оннан кем белгі мөлшерімен топтау деңгейінде айқындалған жағдайда:

      кедендік әкелу баждарын есептеу үшін мұндай топтауға кіретін тауарларға сәйкес келетін кедендік баждар мөлшерлемелерінің ең жоғарғысы қолданылады;

      салықтарды есептеу үшін, оларға қатысты кедендік әкелу баждары мөлшерлемелерінің ең жоғарғысы белгіленген мұндай топтауға кіретін тауарларға сәйкес келетін қосылған құн салығы мөлшерлемелерінің жоғарғысы және акциздер мөлшерлемелерінің ең жоғарғысы қолданылады;

      арнайы, демпингке қарсы, өтем баждарын есептеу үшін осы тармақтың сегізінші абзацын ескере отырып, мұндай топтауға кіретін тауарларға сәйкес келетін арнайы, демпингке қарсы, өтем баждары мөлшерлемелерінің ең жоғарғысы қолданылады.

      Арнайы, демпингке қарсы, өтем баждары осы Кодекстің 5-тарауына сәйкес расталған тауарлардың шығарылған жерін және (немесе) көрсетілген баждарды анықтау үшін қажетті өзге де мәліметтерді ескере отырып есептеледі. Тауарлардың шығарылған жері және (немесе) көрсетілген баждарды айқындау үшін қажетті өзге де мәліметтер расталмаған жағдайда, арнайы, демпингке қарсы, өтем баждары, егер тауарды жіктеу он белгі деңгейінде жүзеге асырылса, Сыртқы экономикалық қызметтің тауар номенклатурасының сол кодының тауарларына не егер тауар коды Сыртқы экономикалық қызметтің тауар номенклатурасына сәйкес оннан кем белгі мөлшерінде топтау деңгейінде айқындалса, топтауға кіретін тауарларға қатысты белгіленген арнайы, демпингке қарсы, өтем баждары мөлшерлемелерінің ең жоғарғысынан шыға отырып есептеледі.

      Кейіннен тауарлар туралы нақты мәліметтерді белгілеген кезде кедендік әкелу баждары, салықтар, арнайы, демпингке қарсы, өтем баждары мұндай нақты мәліметтерден шыға отырып есептеледі, артық төленген және (немесе) артық өндіріліп алынған кедендік әкелу баждары, салықтар, арнайы, демпингке қарсы, өтем баждары сомаларын есепке жатқызу (қайтару) осы Кодекстің 11-тарауына және 141-бабына сәйкес жүзеге асырылады не осы Кодекстің 86 және 137-баптарына сәйкес әрекет жүзеге асырылады, осы Кодекстің 12-тарауына сәйкес төленбеген сомалар өндіріліп алынады.

      6. Еуразиялық экономикалық одақтың кедендік ауағынан керек-жарақтар ретінде шығарылған шетелдік тауарларды іс жүзінде әкету, кеден органдарының мұндай тауарларды осы Кодекстің 52-тарауына сәйкес ұстауы не мұндай тауарларды кедендік әкелу баждарын, салықтарды, арнайы, демпингке қарсы, өтем баждарын төлеу және (немесе) оларды өндіріп алу (толық немесе ішінара) бойынша міндетті орындағаннан кейін осы Кодекске сәйкес кедендік рәсімдермен орналасутыру жағдайында, осы бапқа сәйкес төленген және (немесе) өндіріліп алынған кедендік әкелу баждарының, салықтардың, арнайы, демпингке қарсы, өтем баждарының сомалары осы Кодекстің 11-тарауына және 141-бабына сәйкес есепке жатқызуға (қайтаруға) жатады.

42-тарау. Халықаралық пошта жөнелтілімдерін және оларда жіберілетін тауарларды Еуразиялық экономикалық одақтың кедендік шекарасы арқылы өткізу тәртібінің және шартының ерекшеліктері

      368-бап. Халықаралық пошта жөнелтілімдерінде тауарларды жіберу ерекшеліктері

      1. Халықаралық пошта жөнелтілімдерінде жіберілетін мынадай:

      1) Дүниежүзілік пошта одағының актілеріне сәйкес тасымалдауға тыйым салынған тауарларын;

      2) тізбесін Комиссия айқындайтын халықаралық пошта жөнелтілімдерінде жіберуге тыйым салынған тауарларды жіберуге рұқсат етілмейді.

      2. Халықаралық пошта жөнелтілімдері осы Кодекске сәйкес халықаралық пошта жөнелтілімдерімен жіберілетін тауарларды шығару және мұндай тауарларға қатысты кедендік төлемдерді, салықтарды, арнайы, демпингке қарсы, өтем баждарын төлеген жағдайда пошта байланысының операторы тағайындаған олардың алушыларына беріледі.


      369-бап. Халықаралық пошта жөнелтілімдеріне және халықаралық пошта жөнелтілімдерінде жіберілетін тауарларға қатысты кедендік операциялар жасау ерекшеліктері

      1. Еуразиялық экономикалық одақтың кедендік аумағына халықаралық пошта жөнелтілімдері келген кезде немесе олар Еуразиялық экономикалық одақтың кедендік аумағынан шыққан кезде тасымалдаушы кеден органына ұсынатын өткізілетін халықаралық пошта жөнелтілімдері туралы мәліметті оларды тасымалдау кезінде халықаралық пошта жөнелтілімдерін сүйемелдейтін Дүниежүзілік пошта одағының актілерінде айқындалған құжаттарда бар мынадай:

      1) халықаралық пошта жөнелтілімдерінің жөнелтушісі және алушысы болып табылатын халықаралық пошта алмасу орнының (мекеменің) атауы;

      2) халықаралық поштамен жөнелтілімдерінің брутто салмағы (килограммен);

      3) жүк орындарының саны мәліметтерімен шектеледі.

      2. Халықаралық пошта жөнелтілімдерімен жіберуге тыйым салынған және шектеу белгіленген тауарлардың халықаралық пошта жөнелтілімдерінде бар болуы туралы мәліметті тасымалдаушы, егер онда мұндай ақпарат мәлімет болса, кеден органына ұсынады.

      3. Аэрограммалар, хаттар, пошта карточкалары мен зағиптерге арналған жөнелтілімдер кедендік декларациялаусыз және кедендік рәсімдерге орналастырылмай кеден органының рұқсатымен Еуразиялық экономикалық одақтың кедендік шекарасы арқылы өткізіледі.

      4. Халықаралық пошта жөнелтілімдерінде жіберілетін тауарларға қатысты кедендік операцияларды кеден органдары халықаралық пошта алмасу орындарында (мекемелерде) не кеден органы айқындаған өзге де орындарда жасайды.

      Халықаралық пошта алмасу орындары (мекемелер) Қазақстан Республикасының заңнамасына сәйкес айқындалады.

      Халықаралық пошта алмасу орындары (мекемелері) туралы ақпаратты кеден органдары Комиссияға халықаралық пошта алмасу орындарының (мекемелерінің) ортақ тізбесін қалыптастыру және оны Еуразиялық экономикалық одақтың ресми сайтында Интернет желісінде орналастыру үшін жолдайды.

      5. Белгіленген тыйымдар мен шектеулерге сәйкес Еуразиялық экономикалық одақтың кедендік аумағына әкелуге жатпайтын халықаралық пошта жөнелтілімдерінде жіберілетін тауарлар, егер осы Кодексте, Қазақстан Республикасының халықаралық шарттарында және (немесе) Қазақстан Республикасының заңнамасында өзгеше көзделмесе, Еуразиялық экономикалық одақтың кедендік аумағынан дереу әкетілуі тиіс.

      Көрсетілген тауарларды Еуразиялық экономикалық одақтың кедендік аумағынан әкету бойынша шараларды, егер өзге тұлғалар Қазақстан Республикасының халықаралық шарттарында және (немесе) Қазақстан Республикасының заңнамасында белгіленбесе, аумағында халықаралық пошта алмасу орны (мекемесі) орналасқан, тағайындалған Еуразиялық экономикалық одаққа мүше мемлекеттің пошта байланысының операторы қабылдайды.

      6. Халықаралық пошта алмасу орнында (кәсіпорында) тыйым салулар мен шектеулердің сақталмауы айқындалған жағдайда кеден органы Еуразиялық экономикалық одақтың кедендік аумағына тауарларды әкелуге тыйым салынғаны туралы шешім қабылдайды және Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттарда Еуразиялық экономикалық одақтың кедендік аумағына тауарларды әкелуге тыйым салынғаны туралы белгіні қою арқылы осындай тыйым салу туралы шешімді кеден органы қабылдаған сәттен бастап үш сағаттан кешіктірмей тағайындалған пошта байланысы операторының назарына ұсынады.

      7. Кеден органының Еуразиялық экономикалық одақтың кедендік аумағына тауарларды әкелуге тыйым салынғаны туралы шешімді алғаннан кейін осы баптың 4-тармағының бірінші абзацында көрсетілген тауарларды мұндай аумақтан дереу әкету мүмкін болмаған жағдайда, мұндай тауарларды кеден органдары осы Кодекстің 52-тарауына сәйкес ұстайды.

      8. Халықаралық пошта жөнелтілімдерінде жіберілетін тауарларды кедендік декларациялау кезінде Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттар жолаушының кедендік декларациясы ретінде, ал осы баптың 9-тармағында көзделген жағдайларда – тауарларға арналған декларация ретінде пайдаланылуы мүмкін.

      9. Дүниежүзілік пошта одағының актілерінде көзделген құжаттар және халықаралық пошта жөнелтілімдеріне ілеспе құжаттар, ішкі тұтыну үшін шығарудың кедендік рәсіміне сәйкес халықаралық пошта жөнелтілімдерінде жіберілетін тауарларды кедендік декларациялау кезінде тауарларға арналған декларация ретінде мынадай жағдайларда пайдаланылуы мүмкін:

      1) мұндай тауарларға қатысты кедендік баждар, салықтар төленбейді;

      2) мұндай тауарларға қатысты тыйым салулар мен шектеулер белгіленбеген, ішкі нарықты қорғау шаралары қолданылмайды.

      10.  Дүниежүзілік пошта одағының актілерінде және халықаралық пошта жөнелтілімдеріне ілеспе құжаттарында көзделген тауарларға арналған декларация немесе жолаушының кедендік декларациясы ретінде құжаттарды

      пайдалану кезінде мұндай кедендік декларацияны беру, егер Қазақстан Республикасының заңнамасында өзгеше белгіленбесе, оны электрондық түрде ұсынумен сүйемелденбейді.

      Мүше мемлекеттердің заңнамасында Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттарды экспорттың кедендік рәсіміне, сондай-ақ кері импорттың кедендік рәсіміне сәйкес халықаралық пошта жөнелтілімдерінде жіберілетін тауарларды кедендік декларациялау кезінде тауарларға арналған декларация ретінде халықаралық пошта жөнелтілімдерінде және алушыға табыс етілмеген Еуразиялық экономикалық одақтың кедендік аумағынан пайдаланылуы мүмкін, сондай-ақ кері импорттың кедендік рәсіміне сәйкес әкетілген тауарларды пайдалануға болатын жағдайлар мен шарттар белгіленуі мүмкін.

      Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттарды, тауарларға арналған декларация немесе жолаушыларға арналған кедендік декларация ретінде пайдалану кезінде тағайындалған пошта байланысы операторының электрондық нысанда ұсынған тауарларға арналған декларациясында немесе жолаушыларға арналған кедендік декларациясында көрсетілуге жататын мәліметтерді құрайтын жіберілетін тауарлар туралы ақпарат кеден органы мен тағайындалған пошта операторының ақпараттық жүйелері арасында ақпараттық өзара іс-қимыл болған кезде осындай тауарларға арналған декларацияның немесе жолаушыларға арналған кедендік декларацияның электрондық түрі ретінде пайдаланылуы мүмкін.

      11. Халықаралық пошта жөнелтілімдері, егер мұндай халықаралық пошта жөнелтілімдерінде жіберілетін тауарларға қатысты оларды кедендік декларациялау бойынша кедендік операциялар жасалмаған не мұндай тауарларды шығарудан бас тартқан жағдайда, тағайындалған пошта байланысы операторының кедендік транзит кедендік рәсімінің қолданысы аяқталғаннан кейін күнтізбелік екі күннен кешіктірмей халықаралық пошта алмасу орнына (кәсіпорнына) уақытша сақтауға орналастыруға жатады.

      12. Кедендік декларациялау және халықаралық пошта жөнелтілімдерінде жіберілетін, Еуразиялық экономикалық одақтың кедендік аумағынан әкетілетін жеке пайдалануға арналған тауарларды қоспағанда, тауарларды шығару оларды жөнелту үшін тағайындалған пошта байланысы операторларына бергенге дейін жүзеге асырылады.

      13. Еуразиялық экономикалық одақтың кедендік аумағына әкелінген халықаралық пошта жөнелтілімдерінде жіберілетін жөнелтушіге қайтаруға жататын тауарлар мұндай аумақтан кедендік декларациялаусыз және кедендік рәсімдермен орналастырылмай кеден органының рұқсатымен әкетіледі.

      Осы тармақтың бірінші абзацында көрсетілген тауарларды Еуразиялық экономикалық одақтың кедендік аумағынан әкетуге кеден органының рұқсатын алу үшін тағайындалған пошта байланысының операторы кеден органына қаптамасының сыртында қайтарылу себебі көрсетілген қайтарылатын халықаралық пошта жөнелтілімін және Дүниежүзілік пошта одағының актілерінде көзделген құжаттарды және халықаралық пошта жөнелтілімдеріне ілеспе құжаттарды ұсынады.

      14. Халықаралық пошта жөнелтілімдерінде жіберілетін, Еуразиялық экономикалық одақтың кедендік аумағынан әкетілетін және жөнелтушіге берілмеген жеке пайдалануға арналған тауарлар, Еуразиялық экономикалық одақтың кедендік аумағына әкелінген мұндай тауарлар орамасының тұтастығын сақтаған жағдайда кедендік декларациялаусыз кеден органының рұсқатымен Еуразиялық экономикалық одақтың кедендік аумағына әкелінеді.

      Осы тармақтың бірінші абзацында көрсетілген тауарларды Еуразиялық экономикалық одақтың кедендік аумағына әкелуге кеден органының рұқсатын алу үшін тағайындалған пошта байланысының операторы кеден органына қаптамасының сыртында қайтарылу себебі көрсетілген, қайтарылатын халықаралық пошта жөнелтілімін және Дүниежүзілік пошта одағының актілерінде көзделген құжаттарды және халықаралық пошта жөнелтілімдеріне ілеспе құжаттарды ұсынады.

      15. Бос пошта ыдысы Еуразиялық экономикалық одақтың кедендік шекарасы арқылы кеден органының рұқсатымен кедендік декларациялаусыз және кедендік рәсімдермен орналастырылмай өткізіледі.

      Еуразиялық экономикалық одақтың кедендік шекарасы арқылы бос пошта ыдысын өткізуге кеден органының рұқсатын алу үшін тағайындалған пошта байланысының операторы кеден органына Дүниежүзілік пошта одағының актілерінде көзделген және бос пошта ыдысына ілеспе құжаттарды ұсынады.

      16. Дүниежүзілік пошта одағының актілерінде көзделген, халықаралық пошта жөнелтілімдеріне ілеспе және жолаушының кедендік декларациясы ретінде пайдаланылатын құжаттарда көрсетілген тауарлар туралы мәліметтердің, егер мұндай алшақтықтар іс жүзінде жөнелтілетін тауарларға қатысты тыйымдар мен шектеулерді қолдануға әкелмесе, іс жүзінде жөнелтілетін тауарлармен алшақтық фактілерінің анықталуына байланысты халықаралық пошта жөнелтілімдерімен жіберілетін жеке пайдалануға арналған тауарларды шығарудан бас тартқан жағдайда, мұндай халықаралық пошта жөнелтілімдері, егер мұндай тауарларға қатысты тауарларға арналған декларация немесе жолаушының кедендік декларациясы берілмесе, осы баптың 13-тармағында көзделген тәртіппен жөнелтушіге қайтаруға жатады.

      17. Еуразиялық экономикалық одақтың кедендік шекарасы арқылы осы баптың 13, 14, 15 және 16-тармақтарында көрсетілген тауарларды өткізуге кеден органының рұқсаты осы баптың 13, 14, 15 және 16-тармақтарында көрсетілген құжаттарға тиісті белгілерді кеден органының қоюы жолымен ресімделеді.


      370-бап. Халықаралық пошта жөнелтілімдеріне қатысты кедендік транзит кедендік рәсімін қолдану ерекшеліктері

      1. Кедендік транзит кедендік рәсімі мыналарға қатысты:

      1) Еуразиялық экономикалық одақтың кедендік аумағына әкелінген халықаралық пошта жөнелтілімдері:

      оларды кету орнынан халықаралық пошта алмасу орнына (мекемесіне) не кету орнына дейін тасымалдаған кезде;

      халықаралық пошта алмасу орындары (мекемелері) арасында оларды тасымалдаған кезде;

      2) кері экспорт кедендік рәсімімен орналастырылған тауарлары немесе осы Кодекстің 369-бабының 5-тармағында көрсетілген тауарлары бар Еуразиялық экономикалық одақтың кедендік аумағынан әкетілетін халықаралық пошта жөнелтілімдерін халықаралық пошта алмасу орнынан (мекемесінен) кету орнына дейін тасымалдаған кезде қолданылады.

      2. Халықаралық пошта жөнелтілімдері осы бапта көзделген ерекшеліктер ескеріле отырып, осы Кодекстің 24-тарауына сәйкес кедендік транзит кедендік рәсімімен орналастырылады.

      3. Халықаралық пошта жөнелтілімдерін кедендік транзит кедендік рәсімімен орналастырған кезде транзиттік декларация ретінде пайдаланылатын, оның ішінде Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттар тізбесін Комиссия айқындайды.

      Дүниежүзілік пошта одағының актілерінде көзделген және халықаралық пошта жөнелтілімдеріне ілеспе құжаттарды транзиттік декларация ретінде пайдаланған кезде мұндай транзиттік декларация электрондық түрде ұсынылмайды.

      4. Халықаралық пошта жөнелтілімдерін кедендік транзит кедендік рәсімімімен орналастырған кезде кедендік әкелу баждарын, салықтарды төлеу бойынша міндеттің орындалуын қамтамасыз ету мөлшері бекітілген – халықаралық пошта жөнелтілімдерінің брутто салмағының бір килограмы үшін төрт евро мөлшерінде есептелген кедендік әкелу баждарының, салықтардың сомасы ретінде айқындалады. Бұл ретте мұндай халықаралық пошта жөнелтілімдерінің брутто салмағына жазбаша хат-хабарлардың (аэрограммалар, пошта карточкалары, хаттар мен зағиптерге арналған жөнелтілімдер) жекелеген түрлерінің салмағы қосылмайды.

      5. Халықаралық пошта жөнелтілімдерін кедендік транзит кедендік рәсімімен орналастырған кезде кедендік әкелу баждарын, салықтарды төлеу бойынша міндеттің орындалуы мынадай жағдайларда:

      1) декларант ретінде тағайындалған пошта байланысының операторы болса;

      2) халықаралық пошта жөнелтілімдері халықаралық пошта алмасудың орнына (кәсіпорнына) жеткізуге жатса қамтамасыз етілмейді.

      6. Осы баптың 5-тармағының 2) тармақшасында көзделген, аумағында халықаралық пошта алмасу орны (кәсіпорны) орналасқан, Еуразиялық экономикалық одаққа мүше мемлекеттің тағайындалған пошта байланысының операторы кедендік транзит кедендік рәсімімен орналастырылған, халықаралық пошта жөнелтілімдерінің декларантымен халықаралық пошта жөнелтілімдеріне қатысты кедендік әкелу баждарын, салықтарды төлеу бойынша бірдей міндетті болады.

      7. Осы Кодекстің 233-бабының 5-тармағында көрсетілген мән-жайлар басталған кезде, кедендік әкелу баждары, салықтар осы баптың 4-тармағында белгіленген мөлшерде кедендік әкелу баждарын, салықтарды төлеу бойынша міндеттің орындалуын қамтамасыз етуді есептеу үшін төлеуге жатады. Бұл ретте мұндай халықаралық пошта жөнелтілімдерінің брутто салмағына жазбаша хат-хабарлардың (аэрограммалар, пошта карточкалары, хаттар мен зағиптарға арналған жөнелтілімдер) жекелеген түрлерінің салмағы қосылмайды.


      371-бап. Халықаралық пошта жөнелтілімдерін халықаралық пошта алмасу орнындағы (мекемесіндегі) кедендік бақылау аймағына орналастыру кезінде оларға қатысты тағайындалған пошта байланысының операторында кедендік әкелу баждарын, салықтарды төлеу бойынша міндеттің туындауы және тоқтатылуы, оларды төлеу және есептеу мерзімі

      1. Халықаралық пошта жөнелтілімдеріне қатысты тағайындалған пошта байланысының операторында кедендік баждарды, салықтарды төлеу бойынша міндет халықаралық пошта жөнелтілімдерін халықаралық пошта алмасу орнындағы (мекемесіндегі) кедендік бақылау аймағында халықаралық пошта жөнелтілімдерін орналастыру сәтінен бастап туындайды.

      2. Халықаралық пошта жөнелтілімдеріне қатысты кедендік баждарды, салықтарды төлеу бойынша міндет тағайындалған пошта байланысының операторында мынадай жағдайлар болған кезде тоқтатылады:

      1) халықаралық пошта жөнелтілімдерінде жіберілетін тауарларды оның алушысына халықаралық пошта жөнелтілімдерінде жіберілетін тауарларды шығаруға байланысты бергенде;

      2) осы Кодекстің 369-бабының 14-тармағына немесе 17-тармағына сәйкес халықаралық пошта жөнелтілімдерінде жіберілетін тауарларды оның жөнелтушісіне қайтарғанда;

      3) осы баптың 4-тармағына сәйкес есептелген және төленуге жататын мөлшерде кедендік әкелу баждарын, салықтарды төлеу және (немесе) оларды өндіріп алу бойынша міндеттері орындалғанда;

      4) кеден органының уәкілетті орган бекіткен тәртіппен аварияның немесе еңсерілмейтін күш салдарынан халықаралық почта жөнелтілімдерін жою және (немесе) қайтарусыз жоғалту фактін не осы Кодекске сәйкес мұндай жоюға немесе қайтарусыз жоғалтуға дейін осы халықаралық почта жөнелтілімдеріне қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болған жағдайларды қоспағанда, қалыпты өткізу (тасымалдау) және (немесе) сақтау жағдайында табиғи кему нәтижесінде осындай халықаралық почта жөнелтілімдерін қайтарусыз жоғалту фактін тану;

      5) Қазақстан Республикасының заңнамасына сәйкес мемлекеттің меншігіне халықаралық почта жөнелтілімдерінде жіберілетін тауарларды тәркілеу немесе айналымы;

      6) кедендік органдардың осы Кодекстің 52-тарауына сәйкес халықаралық почта жөнелтілімдерінде жіберілетін тауарларды ұстауы;

      7) қылмыстық құқық бұзұшылықтар туралы хабарламаны тексеру барысында қылмыстық іс және әкімшілік құқық бұзушылық (әкімшілік процесті жүргізу) туралы іс бойынша өндіріс барысында алынған немесе тыйым салынған және оларға қатысты егер бұрын мұндай тауарлардың шығаруы жүргізілмесе, оларды қайтару туралы шешім қабылданған халықаралық почта жөнелтілімдерінде жіберілетін тауарларды уақытша сақтауға орналастыру немесе кедендік рәсімдердің біріне орналастыру тоқтатылады.

      3. Осы баптың 4-тармағында көрсетілген мән-жайлар орын алған кезде кедендік әкелу баждарын, салықтарды төлеу бойынша міндет орындалуға жатады.

      4. Мынадай мән-жайлар басталған кезде:

      1) аварияның немесе еңсерілмейтін күш салдарынан оларды жою және (немесе) қайтарусыз жоғалтуды не қалыпты тасымалдау (өткізу) және (немесе) сақтау жағдайында табиғи кему нәтижесінде қайтарусыз жоғалтуды қоспағанда, халықаралық пошта жөнелтілімдерін жоғалтқан жағдайда – халықаралық пошта жөнелтілімдерін жоғалту күні, ал егер бұл күн белгіленбесе – мұндай жоғалтуды анықтаған күні;

      2) халықаралық пошта жөнелтілімдерін кеден органы халықаралық пошта жөнелтілімдерінде жіберілетін тауарларды шығарғанға дейін алушыға берген жағдайда, – оларды алушыға берген күні, ал егер ондай күн белгіленбесе – мұндай айқындауды анықтаған күні халықаралық пошта жөнелтілімдеріне қатысты кедендік баждарды, салықтарды төлеу төлеу мерзімі болып саналады.

      5. Осы баптың 4-тармағында көрсетілген мән-жайлар орын алған кезде, кедендік әкелу баждары, салықтар кедендік әкелу баждарын, салықтарды төлеу бойынша міндеттің орындалуын осы Кодекстің 370-бабының 4-тармағында белгіленген мөлшерде қамтамасыз ету үшін төленуге жатады. Бұл ретте мұндай халықаралық пошта жөнелтілімдерінің брутто салмағына жазбаша хат-хабарлардың (аэрограммалар, пошта карточкалары, хаттар мен зағиптерге арналған жөнелтімдер) жекелеген түрлерінің салмағы қосылмайды.

43-тарау. Құбыржол көлігімен немесе электр беру желісі бойынша өткізілетін тауарларды Еуразиялық экономикалық одақтың кедендік шекарасы арқылы өткізу тәртібі мен шартының ерекшеліктері

      372-бап. Құбыржол көлігімен немесе электр беру желісі бойынша өткізілетін тауарларды Еуразиялық экономикалық одақтың кедендік шекарасы арқылы өткізу тәртібі және шарты туралы жалпы ережелер

      Осы тарауда құбыржол көлігімен немесе электр беру желісі бойынша өткізілетін тауарларды Еуразиялық экономикалық одақтың кедендік шекарасы арқылы өткізу тәртібі мен шартының ерекшеліктері, мұндай тауарларды кедендік декларациялауға және шығаруға байланысты кедендік операцияларды жасау тәртібінің ерекшеліктері, құбыржол көлігімен өткізілетін тауарларға қатысты кедендік транзит кедендік рәсімін қолдану ерекшеліктері айқындалады.


      373-бап. Құбыржол көлігімен өткізілетін тауарларды Еуразиялық экономикалық одақтың кедендік аумағына әкелу, Еуразиялық экономикалық одақтың кедендік аумағынан әкету және кедендік декларациялау ерекшеліктері

      1. Құбыржол көлігімен өткізілетін тауарларды Еуразиялық экономикалық одақтың кедендік аумағына әкелуге осы Кодексте көзделген кедендік рәсімдермен олар орналастырылғаннан кейін жол беріледі.

      Тауарларды әкелу кезінде тауарларды уақытша декларациялау бойынша оларды шығарғаннан кейін Еуразиялық экономикалық одақ тауарлары мәртебесін алады.

      2. Құбыржол көлігімен өткізілетін тауарларды осы Кодексте көзделген кедендік рәсімдермен олар орналастырылғаннан кейін Еуразиялық экономикалық одақтың кедендік аумағынан әкетуге жол беріледі.

      3. Кеден органына кедендік декларацияны берген кезде құбыржол көлігімен өткізілетін тауарларды ұсыну талап етілмейді.

      4. Құбыржол көлігімен өткізілетін тауарларды Еуразиялық экономикалық одақтың кедендік аумағына әкелу және Еуразиялық экономикалық одақтың кедендік аумағынан әкету кезінде тауарларды араластыруға, сондай-ақ Еуразиялық экономикалық одаққа мүше мемлекеттердің қолданыстағы техникалық регламенттеріне және стандарттарына сәйкес тауарларды тасымалдаудың технологиялық ерекшеліктерінің және спецификалық сипаттамасының салдарынан тауарлардың санын және жай-күйін (сапасын) өзгертуге жол беріледі.

      5. Құбыржол көлігімен өткізілетін тауарлардың саны мен (немесе) сапасы осы Кодекстің 375-бабының 1 және 2-тармақтарында көрсетілген құбыржол көлігімен өткізілетін тауарларды есептеу құрылғыларының көрсеткіштері негізінде, ал олар болмаған кезде – егер өлшеудің мұндай құралдары мен әдістерін қолдану Қазақстан Республикасының заңнамасына сәйкес көзделсе, мұндай тауарлардың өзге құралдарының және мөлшерін өлшеу әдістері көрсеткіштерінің негізінде, сондай-ақ тиісті шарттар бойынша іс жүзінде жеткізілген тауарлар туралы құжаттардың, құбыржол көлігімен өткізілетін тауарларды қабылдап тапсыру-беру актілерінің (қабылдау-тапсыру), мұндай тауарлардың сапа паспорттары және (немесе) сапа сертификаттарының және мүше мемлекеттердің заңнамасына сәйкес айқындалатын жеткізу күнтізбелік бір ай ішінде құбыржол көлігімен өткізілетін тауарлардың өндірілген, жеткізілген және тұтынылған көлемдерінің атаулы бөлінуін растайтын өзге де құжаттардың негізінде айқындалады.

      6. Құбыржол көлігімен өткізілетін тауарларды кедендік декларациялау ерекшеліктері осы Кодекстің 175-бабының 8-тармағына сәйкес айқындалады.

      7. Еуразиялық экономикалық одақтың кедендік аумағында құбыржол көлігімен өткізілетін шетелдік тауарларды, сондай-ақ құбыржол көлігімен өткізілетін кедендік бақылаудағы Еуразиялық экономикалық одақ тауарларын құбыржол көлігінен көліктің өзге түрлеріне не көліктің өзге түрінен құбыржол көлігіне қайта тиеуге (ауыстырып тиеуге) қызмет аймағында мұндай жүк операциясы жасалатын кеден органының рұқсатымен жол беріледі.

      8. Құбыржол көлігімен өткізілетін тауарлар туралы ақпарат алмасу бойынша, оның ішінде мұндай тауарлар Еуразиялық экономикалық одаққа мүше бірнеше мемлекеттердің аумақтары бойынша өткізілген жағдайда құбыржол көлігін пайдалана отырып, аралас тасымалдауды жүзеге асыру кезінде Еуразиялық экономикалық одаққа мүше мемлекеттердің кеден органдарының өзара іс-қимыл тәртібін Комиссия айқындайды.

      9. Құбыржол көлігімен өткізілетін тауарларға қатысты кедендік операцияларды жасау ерекшеліктері және кедендік бақылауды жүргізу ерекшеліктері осы Кодекстің 189-бабында айқындалады.

      10. Егер оның негізінде тауарларды өткізу жүзеге асырылатын сыртқы сауда шартының (келісімшартының) қолданыс мерзімінің аяқталуы бойынша келесі мерзімге жаңа сыртқы сауда шарты (келісімшарты) жасалмаса, онда декларанттың жазбаша өтініші бойынша қолданыстағы сыртқы сауда шартының (келісімшартының) шеңберінде алдағы күнтізбелік айға уақытша тауарларға арналған декларацияны беруге жол беріледі. Жаңа сыртқы сауда шартын (келісімшартын) табыс етудің шекті мерзімі тауарларға арналған толық декларацияны кеден органы тіркеген күнмен шектеледі.


      374-бап. Электр беру желісі бойынша өткізілетін тауарларды Еуразиялық экономикалық одақтың кедендік аумағына әкелу, Еуразиялық экономикалық одақтың кедендік аумағынан әкету және кедендік декларациялау ерекшеліктері

      1. Электр беру желісі бойынша (бұдан әрі осы бапта – электр энергиясы) өткізілетін тауарларды Еуразиялық экономикалық одақтың кедендік аумағына әкелуге және Еуразиялық экономикалық одақтың кедендік аумағынан әкетуге кеден органына кедендік декларацияны бергенге дейін жол беріледі.

      2. Электр энергиясын ішкі тұтыну үшін шығару немесе экспорт кедендік рәсімімен орналастыру үшін кедендік декларация әрбір күнтізбелік айдан кейінгі күнтізбелік айдың соңғы күнінен кешіктірілмей беріледі.

      3. Кедендік декларацияны берген кезде электр энергиясын кеден органына ұсыну талап етілмейді.

      4. Еуразиялық экономикалық одақтың кедендік аумағына әкелінген немесе Еуразиялық экономикалық одақтың кедендік аумағынан әкетілген электр энергиясының нақты мөлшері кедендік декларациялауға жатады.

      Электр энергиясының мөлшері, егер электр энергиясының мөлшерін анықтаудың өзгеше тәртібі мүше мемлекеттердің заңнамасында белгіленбесе, технологиялық келісілген және электр энергиясының өтуін белгілейтін жерлерде орнатылған есепке алу аспаптары көрсеткіштерінің, тиісті шарт бойынша электр энергиясын іс жүзінде жеткізу туралы актілердің, тапсыру-қабылдау (қабылдау-тапсыру) актілерінің және электр энергиясының сальдо-артық легі ретінде (кернеудің барлық сыныптарының барлық жұмыс істеп тұрған мемлекетаралық электр беру желілері бойынша қарсы бағыттардағы электр энергиясы артық легінің алгебралық сомасы) электр энергиясының іс жүзінде өтуін растайтын басқа да құжаттардың негізінде әрбір күнтізбелік ай үшін айқындалады.

      Егер бұл мемлекетаралық электр беру желілерін пайдалану және мемлекетаралық электр беру желілері бойынша өткізілетін тауарларды есепке алу үшін жауапты ұйымдар арасында жасалған электр энергиясының артық легінің есепке алуын ұйымдастыру туралы келісімдерде көзделсе, электр энергиясының сальдо-артық легінің есептелген мәні электр энергиясын өткізген кезде қолданатын мұндай келісімдерге сәйкес айқындалатын желілерде электр энергиясының жоғалу шамасына түзетулер енгізіледі.

      Бір сыртқы сауда шарты (келісімшарты) бойынша жеткізудің күнтізбелік бір айы ішінде жеткізілетін электр энергиясы тауарлардың бір партиясы ретінде декларацияланады.

      5. Энергожүйенің қатарласа жұмыс істеуі кезінде жоспардан тыс (технологиялық) электр энергиясының артық легін кедендік декларациялау жоспардан тыс (технологиялық) электр энергиясының артық легінің көлемі көрсетілетін, шаруашылық субъектілерінің шарттарына сәйкес ресімделген электр энергиясын іс жүзінде нақты жеткізу туралы актіге қол қойылғаннан кейін күнтізбелік он күннен кешіктірмей жүргізіледі. Бұл ретте тауарларға арналған декларацияны беру мерзімі іс жүзінде ол жеткізілген күнтізбелік ай аяқталғаннан кейінгі күнтізбелік екі айдан аспауға тиіс.

      6. Еуразиялық экономикалық одақ тауары мәртебесіне ие электр энергиясы, Еуразиялық экономикалық одаққа мүшесі болып табылмайтын мемлекеттің аумағы арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне өткізу үшін кедендік транзит кедендік рәсімімен орналастырылмайды.

      7. Еуразиялық экономикалық одақ тауары мәртебесіне ие электр энергиясы Еуразиялық экономикалық одаққа мүшесі болып табылмайтын мемлекеттің аумағы арқылы өткізілген кезде, мұндай тауарлардың өткізілуі Қазақстан Республикасының аумағынан басталған жағдайда Қазақстан Республикасының жөнелтушісі (жөнелтушілері) немесе тасымалдаушысы (тасымалдаушылары) және мұндай тауарлардың өткізілуі Қазақстан Республикасының аумағында аяқталған жағдайда Қазақстан Республикасының алушысы (алушылары) немесе тасымалдаушы (тасымалдаушылары) тауарларды өткізу күнтізбелік айдан кейінгі күнтізбелік айдың соңғы күніне дейін кеден органына мынадай мәліметтерді көрсете отырып, өтініш ұсынады:

      1) электр беру желісі бойынша өткізілген электр энергиясы жөнелтушісінің және алушысының немесе тасымалдаушының (тасымалдаушыларының) атауы;

      2) оның негізінде электр энергиясының өткізілуі жүзеге асырылатын шарт қорытындысының нөмірі мен күні;

      3) электр энергиясын өткізу кезеңі;

      4) өткізілген электр энергиясының мөлшері;

      5) электр энергиясының өткізілуі жүзеге асырылған электр энергиясын есепке алу аспаптарын орнату орындарының атауы және (немесе) мемлекетаралық электр беру желілерінің атауы.

      8. Электр беру желілері бойынша Еуразиялық экономикалық одақ тауары мәртебесіне ие электр энергиясын Еуразиялық экономикалық одаққа мүшесі болып табылмайтын мемлекеттің аумағы арқылы өткізген кезде, электр энергиясы Еуразиялық экономикалық одақ тауары мәртебесін сақтайды.

      9. Еуразиялық экономикалық одақтың кедендік аумағы арқылы электр энергиясын өткізген кезде оның аумағы бойынша мұндай тауарлардың өткізілуі жүзеге асырылған Қазақстан Республикасының тасымалдаушысы (тасымалдаушылары) электр энергиясын өткізу күнтізбелік айдан кейінгі күнтізбелік айдың соңғы күніне дейін кеден органына есептік кезең ішінде электр энергиясының өткізілген көлемдері туралы мәліметтерді көрсете отырып өтінішті ұсынады.

      10. Электр беру желісі бойынша өткізілетін тауарлар Еуразиялық экономикалық одаққа бірнеше мүше мемлекеттердің аумақтары бойынша өткен жағдайда, мұндай тауарлар туралы ақпарат алмасу бойынша Еуразиялық экономикалық одаққа мүше мемлекеттердің кеден органдарының өзара іс-қимыл тәртібін Комиссия айқындайды.


      375-бап. Құбыржол көлігімен немесе электр беру желісі бойынша өткізілетін тауарларды есепке алу аспаптарының көрсеткіштерін пайдалану

      1. Еуразиялық экономикалық одақтың кедендік аумағынан әкетіліп, құбыржол көлігімен өткізілетін тауарларды кедендік декларациялау кезінде:

      1) мұндай тауарлардың жөнелтуші елі болып табылатын Еуразиялық экономикалық одаққа мүше мемлекет;

      2) кеден органдары лауазымды тұлғаларының осы есепке алу аспаптарына қол жетімділік тәртібін айқындайтын осындай мемлекетпен Қазақстан Республикасының халықаралық шарттары болған жағдайда – шектес мемлекет аумағында орналасқан есепке алу аспаптарының көрсеткіштері пайдаланылады.

      2. Еуразиялық экономикалық одақтың кедендік аумағына әкелініп, құбыржол көлігімен өткізілетін тауарларды кедендік декларациялау кезінде:

      1) мұндай тауарлардың межелі елі болып табылатын Еуразиялық экономикалық одаққа мүше мемлекет;

      2) кеден органдары лауазымды тұлғаларының осы есепке алу аспаптарына қол жетімділік тәртібін айқындайтын осындай мемлекетпен Қазақстан Республикасының халықаралық шарттары болған кезде – шектес мемлекет;

      3) оның негізінде мұндай тауарлар Еуразиялық экономикалық одақтың кедендік аумағына әкелінетін мәміленің шарттарына сәйкес айқындалған орындардағы, шектес және (немесе) өзге мемлекеттер аумағында орналасқан есепке алу аспаптарының көрсеткіштері пайдаланылады.

      3. Еуразиялық экономикалық одақтың кедендік аумағынан әкетілетін электр энергиясын кедендік декларациялау кезінде:

      1) мұндай электр энергиясының жөнелтуші елі болып табылатын Еуразиялық экономикалық одаққа мүше мемлекет;

      2) кеден органдары лауазымды тұлғаларының осы есепке алу аспаптарына қол жетімділік тәртібін айқындайтын осындай мемлекетпен Қазақстан Республикасының халықаралық шарттары болған кезде – шектес мемлекет;

      3) егер бұл мүше мемлекеттердің заңнамасында көзделсе, мемлекетаралық электр беру желілерін пайдалану және мемлекетаралық электр беру желілері бойынша өткізілетін тауарларды есепке алу үшін жауапты ұйымдар арасында электр энергиясының артық легінің есепке алуын ұйымдастыру туралы жасалған келісімнің шарттарына сәйкес айқындалған орындардағы шектес және (немесе) өзге мемлекеттер аумағында орналасқан есепке алу аспаптарының көрсеткіштері пайдаланылады.

      4. Еуразиялық экономикалық одақтың кедендік аумағына әкелінетін электр энергиясын кедендік декларациялау кезінде:

      1) мұндай электр энергиясының межелі елі болып табылатын Еуразиялық экономикалық одаққа мүше мемлекет;

      2) кеден органдары лауазымды тұлғаларының осы есепке алу аспаптарына қол жетімділік тәртібін айқындайтын осындай мемлекетпен Қазақстан Республикасының халықаралық шарттары болған кезде шектес мемлекет;

      3) егер бұл мүше мемлекеттердің заңнамасында көзделсе, мемлекетаралық электр беру желілерін пайдалану және мемлекетаралық электр беру желілері бойынша өткізілетін тауарларды есепке алу үшін жауапты ұйымдар арасында электр энергияның артық легінің есепке алуын ұйымдастыру туралы жасалған келісімнің шарттарына сәйкес айқындалған орындардағы шектес және (немесе) өзге мемлекеттер аумағында орналасқан есепке алу аспаптарының көрсеткіштері пайдаланылады.

      5. Осы баптың 1, 2, 3, 4-тармақтарында айқындалған, олардың көрсеткіштері тауарларды кедендік декларациялау кезінде пайдаланылатын есепке алу аспаптарының болу орындарының тізбесін тасымалдаушының, жүйелік оператордың немесе өңірлік электр желісі компаниясының жазбаша өтініші бойынша уәкілетті орган айқындайды.

      6. Құбыржол көлігімен немесе электр беру желілері бойынша өткізілетін тауарларды есепке алу аспаптары істен шыққан жағдайда, кедендік декларациялау мақсаттары және кедендік бақылау жүргізу үшін тасымалдаушының өткізілген тауарлардың нақты саны туралы мәліметі пайдаланылады.

      7. Еуразиялық экономикалық одақтың кедендік аумағындағы құбыржол көлігімен немесе электр беру желісі бойынша өткізілетін тауарларды есепке алу аспаптарының көрсеткіштеріндегі ақпаратқа санкцияланбаған қол жетімділікті және өзгертуді болдырмау мақсатында, кеден органдары мұндай аспаптарға идентификаттау құралдарын қояды.

      Құбыржол көлігімен немесе электр беру желілері бойынша өткізілетін тауарларды есепке алу аспаптары орнатылған объектінің иесі немесе оған уәкілетті тұлға, аумағында кедендік бақылау жүргізу және сәйкестендіру құралдарын қою (алу) үшін мұндай есепке алу аспаптары орналасқан мүше мемлекет кеден органдарының уәкілетті лауазымды тұлғаларының мұндай есепке алу аспаптарына қолжетімділігін қамтамасыз етуге міндетті.

      8. Құбыржол көлігімен немесе электр беру желілері бойынша өткізілетін тауарларды есепке алу аспаптары орнатылған объектінің иесі немесе оған уәкілетті тұлға, құбыржол көлігімен немесе электр беру желілері бойынша өткізілетін тауарларды есепке алу (өлшеу) тәртібі және (немесе) қолданылатын тәсілі туралы ақпаратты кеден органына мынадай жағдайда:

      1) қызмет аймағында мұндай тауарларды есепке алу аспаптарын орнату орны бар кеден органының сұрау салуы бойынша;

      2) құбыржол көлігімен немесе электр беру желілері бойынша өткізілетін тауарларды есепке алу (өлшеу) тәртібі және (немесе) қолданылатын тәсілі өзгерген кезде ұсынады.

      9. Осы баптың 8-тармағында көрсетілген ақпарат кеден органынан сұрау салуды алған немесе құбыржол көлігімен немесе электр беру желілері бойынша өткізілетін тауарларды есепке алу (өлшеу) тәртібі және (немесе) қолданылатын тәсілі өзгерген күннен кейінгі күннен бастап он бес жұмыс күнінен кешіктірмей ұсынылуы тиіс.

      10. Идентификаттау құралдарын салуды (алуды), аумағында құбыржол көлігімен немесе электр беру желілері бойынша өткізілетін тауарларды есепке алу аспаптары орнатылған мүше мемлекеттің кеден органдары объекті иесінің немесе оған уәкілетті тұлғаның қатысуымен жүзеге асырылады.

      Идентификаттау құралдарын салу (алу) нәтижелері бойынша уәкілетті орган бекіткен нысан бойынша акті жасалады.

      11. Егер құбыржол көлігімен немесе электр беру желілері бойынша өткізілетін тауарларды есепке алу аспаптары орнатылған объектінің иесі немесе оған уәкілетті тұлға салынған идентификаттау құралдарының тұтастығын бұзуға және (немесе) бөлшектеуге байланысты жабдықтың ағымдағы немесе күрделі жөндеу бойынша жоспарлы жұмыстарды жүргізген жағдайда, ол туралы қызмет аймағында мұндай тауарларды есепке алу аспаптарын орнату орындары бар кеден органына, оларды өткізу күнін және ұзақтығын көрсете отырып көрсетілген жұмыстардың жүргізуін бастағанға дейін кемінде үш жұмыс күні бұрын хабардар етеді.

      Құбыржол көлігімен немесе электр беру желілері бойынша өткізілетін тауарларды есепке алу аспаптары орнатылған объектінің иесі немесе оған уәкілетті тұлға тауарлардың немесе авариялық және өрт қауіпті жағдайлардың санын және сапасын өлшеу жүйесі жұмысының бұзылу қаупі туындаған жағдайда, қызмет аймағында мұндай тауарларды есепке алу аспаптарын орнату орындары бар кеден органына, кейіннен салынған идентификаттау құралдарының бұзылуына әкелген себептер туралы хабардар етіп, мұндай қауіптің алдын алу және оны жою бойынша жұмыстардың өткізілгені туралы хабарлайды.


      376-бап. Құбыржол көлігімен немесе электр беру желілері бойынша өткізілетін тауарларды идентификаттау

      Құбыржол көлігімен немесе электр беру желілері бойынша өткізілетін тауарларды идентификаттау жүзеге асырылмайды, бұл кедендік мақсаттарда кеден органдарына тауарлардың санын, сапасын және басқа да сипаттамаларын құжаттарда бар мәліметтерді, есептеуіштердің және басқа да өлшеу аспаптарының көрсеткіштерін пайдалана отырып белгілеуге кедергі келтірмейді.


      377-бап. Құбыржол көлігімен өткізілетін тауарларға қатысты кедендік транзиттің кедендік рәсімін қолдану ерекшеліктері

      1. Осы бапты қолдану мақсаттары үшін онда пайдаланылатын ұғымдар мынаны білдіреді:

      1) әкелу орны – көрсеткіштері Еуразиялық экономикалық одақтың кедендік аумағына құбыржол көлігімен әкелінетін тауарлардың санын анықтау үшін пайдаланылатын, құбыржол көлігімен өткізілетін тауарларды есепке алу аспаптарының орнатылған орны;

      2) әкету орны – көрсеткіштері Еуразиялық экономикалық одақтың кедендік аумағынан құбыржол көлігімен әкетілетін тауарлардың санын анықтау үшін пайдаланылатын, Еуразиялық экономикалық одақтың кедендік аумағы арқылы құбыржол көлігімен өткізілетін тауарларды есепке алу аспаптарының орнатылған орны;

      3) межелі орны – аумағында мұндай тауарлардың өткізілуі аяқталатын, көрсеткіштері тауарлардың санын (жалпы санын) анықтау мақсатында пайдаланылатын Еуразиялық экономикалық одаққа мүше мемлекетте орналасқан, құбыржол көлігімен өткізілетін тауарларды есепке алу аспаптарының орнатылған орны, ал аумағында тауарлардың өткізілуі аяқталатын Еуразиялық экономикалық одаққа мүше мемлекеттің аумағында мұндай аспаптар орнатылғанға дейін – Еуразиялық экономикалық одаққа басқа мүше мемлекеттің аумағында орналасқан және мұндай тауарларды алып жүру жолында соңғысы болып табылатын, тауарларды есепке алу аспаптарының орнатылған орны;

      4) жөнелту орны – аумағынан осындай тауарлар жөнелтіле бастайтын, көрсеткіштері тауарлардың санын (жалпы санын) айқындау мақсатында пайдаланылатын, Еуразиялық экономикалық одаққа мүше мемлекетте орналасқан, құбыржол көлігімен өткізілетін тауарларды есепке алу аспаптарының орнатылған орны, ал аумағынан тауарлардың өткізілуі басталатын Еуразиялық экономикалық одаққа мүше мемлекеттің аумағында мұндай аспаптар орнатылғанға дейін – Еуразиялық экономикалық одаққа басқа мүше мемлекеттің аумағында орналасқан және мұндай тауарларды алып жүру жолында соңғысы болып табылатын, тауарларды есепке алу аспаптарының орнатылған орны;

      2. Осы баптың 3-тармағында көрсетілген тауарларды қоспағанда, құбыржол көлігімен өткізілетін тауарлар кедендік транзиттің кедендік рәсімімен орналастырылады:

      1) Еуразиялық экономикалық одақтың кедендік аумағы бойынша оларды тасу (тасымалдау) үшін мынадай жағдайларда:

      құбыржол көлігімен өткізілетін шетелдік тауарлар әкелу орнынан әкету орнына дейін тасылады (тасымалданады);

      құбыржол көлігімен өткізілетін шетелдік тауарлар әкелу орнынан межелі орнына дейін тасылады (тасымалданады);

      құбыржол көлігімен өткізілетін шетелдік тауарлар және экспорттың кедендік рәсімімен орналастырылған, құбыржол көлігімен өткізілетін Еуразиялық экономикалық одақ тауарлары осы Кодекстің 222-бабы 2-тармағы 1) тармақшасының екінші абзацына сәйкес Комиссия айқындаған жағдайларда жөнелту орнынан әкету орнына дейін тасылады (тасымалданады);

      құбыржол көлігімен өткізілетін шетелдік тауарлар жөнелту орнынан межелі орнына дейін тасылады (тасымалданады);

      2) егер құбыржол көлігімен өткізілетін Еуразиялық экономикалық одақ тауарлары әкету орнынан әкелу орнына дейін тасылған (тасымалданған) жағдайда, Еуразиялық экономикалық одақтың мүшелері болып табылмайтын мемлекеттердің аумақтары арқылы оларды тасу (тасымалдау) үшін.

      3. Еуразиялық экономикалық одақтың кедендік аумағы бойынша тасу (тасымалдау) үшін, құбыржол көлігімен өткізілетін тауарлар, егер мұндай тасу (тасымалдау) басталғанға дейін осы тауарлар ішкі тұтыну үшін шығарудың кедендік рәсімімен, кедендік аумақта қайта өңдеудің кедендік рәсімімен, ішкі тұтыну үшін қайта өңдеудің кедендік рәсімімен, уақытша әкелу (рұқсат беру) кедендік рәсімімен немесе кері импорттың кедендік рәсімімен орналастырылса, кедендік транзиттің кедендік рәсімімен орналастырылмайды.

      Кедендік транзиттің кедендік рәсімі, егер мұндай тасу (тасымалдау) табиғи газды құбыржол көлігімен тасудың (тасымалдаудың) технологиялық ерекшеліктеріне негізделсе, уақытша әкету кедендікрәсіміне сәйкес Еуразиялық экономикалық одақтың кедендік аумағынан бұрын әкетілген, экспорттың кедендік рәсімімен орналастырылған табиғи газды Еуразиялық экономикалық одақтың кедендік аумағы бойынша тасу (тасымалдау) үшін қолданылмайды.

      4. Декларант кедендік транзит кедендік рәсіміне сәйкес іс жүзінде тасылған (тасымалданған), құбыржол көлігімен өткізілетін тауарлар туралы нақты мәліметтерді Қазақстан Республикасының аумағында осындай кедендік рәсімімен орналастырған кезде жеткізудің әрбір күнтізбелік айы үшін тауарлар құбыржол көлігімен іс жүзінде өткізілетін әрбір күнтізбелік айыдан кейінгі айдың онынан кеш емес мерзімде ұсынуға міндетті.

      5. Құбыржол көлігімен өткізілетін тауарлардың кедендік транзит кедендік рәсімінің қолданысы:

      1) әкелу орнынан немесе жөнелту орнынан әкету орнына дейін тасылатын (тасымалданатын) шетелдік тауарларға, сондай-ақ жөнелту орнынан әкету орнына дейін тасылатын (тасымалданатын), осы Кодекстің 222-бабы 2-тармағы 1) тармақшасының екінші абзацына сәйкес Комиссия айқындаған жағдайларда, сондай-ақ экспорттың кедендік рәсімімен орналастырылған Еуразиялық экономикалық одақ тауарларына қатысты – осы Кодекстің 175-бабының 8-тармағына сәйкес белгіленген кедендік декларациялаудың ерекшеліктеріне сәйкес берілетін кедендік декларацияда кедендік транзит кедендік рәсімі қолданысының аяқталғаны туралы кеден органының белгі қоюы арқылы тауарларды Еуразиялық экономикалық одақтың кедендік аумағынан әкеткеннен кейін;

      2) жөнелту орнынан немесе әкелу орнынан межелі орынға дейін тасылатын (тасымалданатын) шетелдік тауарларға қатысты – осы баптың 4-тармағына сәйкес іс жүзінде тасылған (тасымалданған) тауарлар туралы нақты мәліметтерді кеден органына табыс ету үшін белгіленген мерзім шегінде не осы Кодекстің 175-бабының 8-тармағына сәйкес белгіленген кедендік декларациялаудың ерекшеліктеріне сәйкес берілетін кедендік декларацияда кедендік транзит кедендік рәсімі қолданысының аяқталғаны туралы кеден органының белгі қоюы арқылы шетелдік тауарларға қатысты қолданылатын кедендік рәсіммен тауарларды межелі орынға орналастырумен;

      3) әкету орнынан әкелу орнына дейін тасылатын (тасымалданатын) Еуразиялық экономикалық одақ тауарларына қатысты – тауарларды Еуразиялық экономикалық одақтың кедендік аумағына әкелгеннен кейін және осы Кодекстің 175-бабының 8-тармағына сәйкес белгіленген кедендік декларациялаудың ерекшеліктеріне сәйкес берілетін кедендік декларацияда кедендік транзит кедендік рәсімі қолданысының аяқталғаны туралы кеден органы белгі қойғаннан кейін аяқталады.

      6. Қазақстан Республикасында қолданылатын техникалық регламенттерге және стандарттарға сәйкес тасудың (тасымалдаудың) технологиялық ерекшеліктеріне байланысты құбыржол көлігімен өткізілетін, кедендік транзиттің кедендік рәсімімен орналастырылған, Еуразиялық экономикалық одақтың кедендік аумағы арқылы тасылатын (тасымалданатын) тауарлардың ерекше сипаттамаларын өзгертуге жол беріледі.

      7. Құбыржол көлігімен өткізілетін тауарларды тасу (тасымалдау) кезінде кедендік транзит кедендік рәсіміне сәйкес осы Кодекстің 28, 224, 225, 227-баптарының, 228-бабы 1 және 2-тармақтарының, 231, 232, 233, 387, 388, 389, 392, 429 және 430-баптарының ережелері қолданылмайды.

      8. Құбыржол көлігімен өткізілетін, Еуразиялық экономикалық одаққа бірнеше мүше мемлекеттердің аумақтары бойынша тасылатын (тасымалданатын) шетелдік тауарларға қатысты кедендік транзиттің кедендік рәсімін қолдану Еуразиялық экономикалық одақ шеңберінде халықаралық шартқа сәйкес, ал мұндай халықаралық шарт қабылданғанға дейін – Қазақстан Республикасының заңнамасында айқындалады.


      378-бап. Құбыржол көлігімен өткізілетін, кедендік транзиттің кедендік рәсімімен орналастырылатын (орналастырылған) тауарларға қатысты кедендік баждарды, салықтарды, арнайы, демпингке қарсы, өтем баждарын төлеу бойынша міндеттердің туындауы мен тоқтатылуы, оларды төлеу мерзімі және есептеу

      1. Құбыржол көлігімен өткізілетін, кедендік транзиттің кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет декларантта кеден органы транзиттік декларацияны тіркеген кезден бастап туындайды.

      2. Құбыржол көлігімен өткізілетін, кедендік транзиттің кедендік рәсімімен орналастырылатын (орналастырылған) шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет декларантта мынадай мән-жайлар орын алған кезде:

      1) осы Кодекстің 377-бабы 5-тармағының 1) және 2) тармақшаларына сәйкес кедендік транзит кедендік рәсімі қолданысының аяқталуы;

      2) осы баптың 4-тармағына сәйкес есептелген және төлеуге жататын мөлшерлерде кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетті орындау және (немесе) оларды өндіріп алу;

      3) уәкілетті орган бекіткен тәртіппен шетелдік тауарлардың авария немесе еңсерілмейтін күш салдарынан жойылуы және (немесе) қайтарымсыз жоғалту фактісін не осы Кодекске сәйкес мұндай жойылуға немесе қайтарымсыз жоғалтуға дейін осы шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, тасудың (тасымалдау) және (немесе) сақтаудың қалыпты жағдайларында табиғи кему нәтижесінде мұндай тауарларды қайтарымсыз жоғалту фактісін кеден органының тануы;

      4) транзиттік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетке қатысты – кедендік транзит кедендік рәсіміне сәйкес тауарларды шығарудан бас тарту;

      5) транзиттік декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетке қатысты – осы Кодекстің 184-бабына сәйкес транзиттік декларацияны кері қайтару және (немесе) осы Кодекстің 192-бабының 4-тармағына сәйкес тауарлар шығару тоқтатылады.

      3. Кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы Кодекстің 377-бабы 5-тармағының 1) және 2) тармақшаларына сәйкес шетелдік тауарларға қатысты кедендік транзиттің кедендік рәсімінің қолданысы аяқталмаған жағдайда орындалады.

      Көрсетілген мән-жайлар орын алған кезде шетелдік тауарларды кедендік транзиттің кедендік рәсімімен орналастыру күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып есептеледі.

      4. Осы баптың 3-тармағында көрсетілген мән-жайлар орын алған кезде кедендік әкелу баждары, салықтар, арнайы, демпингке қарсы, өтем баждары құбыржол көлігімен өткізілетін, кедендік транзиттің кедендік рәсімімен орналастырылған шетелдік тауарлар тарифтік преференцияларды және кедендік әкелу баждарын, салықтарды төлеу бойынша жеңілдіктерді қолданбай, ішкі тұтыну үшін шығарудың кедендік рәсімімен орналастырылғандай болып төленеді.

      Кедендік әкелу баждарын, салықтар, арнайы, демпингке қарсы, өтем баждарын есептеу үшін транзиттік декларацияны кеден органы тіркеген күні қолданыста болған кедендік әкелу баждарының, салықтардың, арнайы, демпингке қарсы, өтем баждарының мөлшерлемелері қолданылады.

      5. Кедендік транзит кедендік рәсімімен орналастырылған тауарларды осы Кодекстің 209-бабы 7-тармағына сәйкес кедендік рәсіммен орналастырған немесе кедендік баждарды, салықтарды, арнайы, демпингке қарсы, өтем баждарын төлеу бойынша міндетті орындағаннан және (немесе) оларды өндіріп алғаннан (толық немесе ішінара) кейін кеден органдары мұндай тауарларды осы Кодекстің 52-тарауына сәйкес ұстаған жағдайда, осы бапқа сәйкес төленген және (немесе) өндіріп алынған кедендік баждардың, салықтардың, арнайы, демпингке қарсы, өтем баждарының сомалары осы Кодекстің 11-тарауына және 141-бабына сәйкес қайтаруға (есепке жатқызуға) болады.

      6. Құбыржол көлігімен өткізілетін, кедендік транзиттің кедендік рәсімімен орналастырылатын (орналастырылған), Еуразиялық экономикалық одаққа мүшелері болып табылмайтын мемлекеттердің аумақтары арқылы тасылатын (тасымалданатын) Еуразиялық экономикалық одақ тауарларына қатысты кедендік әкету баждарын төлеу бойынша міндет декларантта транзиттік декларацияны кеден органы тіркеген кезден бастап туындайды.

      7. Осы баптың 6-тармағында көрсетілген Еуразиялық экономикалық одақ тауарларына қатысты кедендік әкету баждарын төлеу бойынша міндет декларантта мынадай мән-жайлар орын алған кезде:

      1) осы Кодекстің 377-бабы 5-тармағының 1) және 3) тармақшаларына сәйкес кедендік транзиттің кедендік рәсімі қолданысының аяқталуы;

      2) кедендік әкету баждарын осы баптың 9-тармағына сәйкес есептелген және төлеуге жататын мөлшерлерде төлеу бойынша міндетті орындау және (немесе) оларды өндіріп алу;

      3) транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты – кедендік транзиттің кедендік рәсіміне сәйкес тауарлар шығарудан бас тарту;

      4) транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты – осы Кодекстің 184-бабына сәйкес транзиттік декларацияны кері қайтару және (немесе) осы Кодекстің 192-бабының 4-тармағына сәйкес тауарлар шығару тоқтатылады.

      8. Кедендік әкету баждарын төлеу бойынша міндет осы Кодекстің 377-бабы 5-тармағының 1) және 3) тармақшаларына сәйкес Еуразиялық экономикалық одақ тауарларына қатысты кедендік транзиттің кедендік рәсімінің қолданысы аяқталмаған жағдайда орындалады.

      Көрсетілген мән-жайлар орын алған кезде Еуразиялық экономикалық одақ тауарларын кедендік транзиттің кедендік рәсімімен орналастыру күні кедендік әкету баждарын төлеу мерзімі болып есептеледі.

      9. Осы баптың 8-тармағында көрсетілген мән-жайлар орын алған кезде кедендік әкету баждары құбыржол көлігімен өткізілетін, кедендік транзиттің кедендік рәсімімен орналастырылған, Еуразиялық экономикалық одаққа мүшелері болып табылмайтын мемлекеттердің аумақтары арқылы тасылатын (тасымалданатын) Еуразиялық экономикалық одақ тауарлары кедендік әкету баждарын төлеу бойынша жеңілдіктерді қолданбай, экспорттың кедендік рәсімімен орналастырылғандай болып төленеді.

      Кедендік әкету баждарын есептеу үшін транзиттік декларацияны кеден органы тіркеген күні қолданыста болған кедендік әкету баждарының мөлшерлемелері қолданылады.

44-тарау. Тұлғалардың жекелеген санаттарының Еуразиялық экономикалық одақтың кедендік шекарасы арқылы дипломатиялық пошта мен консулдық вализа тауарларын өткізудің тәртібі мен шарттарының ерекшеліктері

      379-бап. Тұлғалардың жекелеген санаттарының Еуразиялық экономикалық одақтың кедендік шекарасы арқылы тауарларды өткізудің тәртібі мен шарттарының ерекшеліктері туралы жалпы ережелер

      1. Қазақстан Республикасының аумағында орналасқан дипломатиялық өкілдіктер мен консулдық мекемелердің, мемлекеттердің халықаралық ұйымдар жанындағы өкілдіктерінің, Қазақстан Республикасының халықаралық шарттарына және Еуразиялық экономикалық одаққа мүше мемлекеттер, өзге де ұйымдар немесе олардың өкілдіктері арасындағы халықаралық шарттарға сәйкес артықшылықтарды және (немесе) иммунитеттерді пайдаланатын халықаралық ұйымдардың немесе олардың өкілдіктерінің ресми пайдалануға арналған тауарларды, сондай-ақ Қазақстан Республикасының халықаралық шарттарына және Еуразиялық экономикалық одаққа мүше мемлекеттер арасындағы халықаралық шарттарға сәйкес артықшылықтарды және (немесе) иммунитеттерді пайдаланатын жеке тұлғалардың жекелеген санаттарының жеке пайдалануына арналған тауарларды Еуразиялық экономикалық одақтың кедендік шекарасы арқылы өткізу осы Кодексте белгiленген тәртіппен және шарттарда осы тараудың ережелерi ескеріле отырып жүзеге асырылады.

      2. Қазақстан Республикасының аумағында орналасқан халықаралық ұйымдардың немесе олардың өкілдіктерінің персоналы (қызметкерлері, лауазымды адамдары) мемлекеттердің халықаралық ұйымдар жанындағы өкілдіктерінің қызметкерлері, өзге де ұйымдардың немесе олардың өкілдіктерінің персоналы және олардың отбасы мүшелері жеке пайдалануға арналған тауарларды Еуразиялық экономикалық одақтың кедендік шекарасы арқылы осы Кодекске сәйкес мұндай тұлғаларға Қазақстан Республикасының халықаралық шарттарымен және Еуразиялық экономикалық одаққа мүше мемлекеттер арасындағы халықаралық шарттармен берілген артықшылықтардың және (немесе) иммунитеттердің көлемі ескеріле отырып өткізіледі.


      380-бап. Қазақстан Республикасының аумағында орналасқан дипломатиялық өкілдіктер мен консулдық мекемелердің, халықаралық ұйымдардың немесе олардың өкілдіктерінің, мемлекеттердің халықаралық ұйымдар жанындағы өкілдіктерінің, өзге де ұйымдардың немесе олардың өкілдіктерінің ресми пайдалануына арналған тауарларды кедендік рәсімдермен орналастыру

      1. Еуразиялық экономикалық одақтың кедендік аумағында орналасқан дипломатиялық өкілдіктер мен консулдық мекемелердің ресми пайдалануына арналған, Еуразиялық экономикалық одақтың кедендік шекарасы арқылы өткізілетін тауарлар осы Кодекстің 39-тарауына сәйкес арнайы кедендік рәсіммен не осы Кодексте көзделген өзге де кедендік рәсімдермен осы баптың ережелерi ескеріле отырып орналастырылады.

      2. Еуразиялық экономикалық одақтың кедендік аумағында орналасқан мемлекеттердің халықаралық ұйымдар жанындағы өкілдіктерінің, халықаралық ұйымдардың немесе олардың өкілдіктерінің, оларға қатысты мүше мемлекеттердің аумағында орналасқан Қазақстан Республикасының үшінші тараппен халықаралық шарттарына және Еуразиялық экономикалық одаққа мүше мемлекеттердің, Қазақстан Республикасының аумағында орналасқан өзге де ұйымдардың немесе олардың өкілдерінің арасындағы халықаралық шарттарына сәйкес кедендік баждарды, салықтарды төлеуден босату көзделген жеке пайдалануға арналған тауарлары, оларға қатысты осы Қазақстан Республикасының халықаралық шарттарына сәйкес кедендік баждарды, салықтарды төлеуден босату көзделген осы Кодекстің 39-тарауына сәйкес арнайы кедендік рәсімдермен не осы баптың ережелері ескеріле отырып осы Кодексте көзделген өзге де кедендік рәсімдермен орналастырылады.

      3. Осы баптың 1 және 2-тармақтарында көрсетілген тауарларды арнайы кедендік рәсімнен гөрі өзге кедендік рәсіммен орналастырған кезде Қазақстан Республикасының аумағында орналасқан дипломатиялық өкілдіктер мен консулдық мекемелер, халықаралық ұйымдар немесе олардың өкілдіктері, мемлекеттердің халықаралық ұйымдар жанындағы өкілдіктері, өзге де ұйымдар немесе олардың өкілдіктері Еуразиялық экономикалық одақ туралы шартқа сәйкес көзделген, кедендік баждарды төлеу бойынша жеңілдіктерді және (немесе) Қазақстан Республикасының заңнамасында белгіленген салықтарды төлеу бойынша жеңілдіктерді пайдалануға құқылы.

      4. Осы Кодекстiң 149-бабы 1-тармағының 3) тармақшасында көрсетілген тұлғалар осы баптың 1 және 2-тармақтарында көрсетілген кедендік транзит кедендік рәсімін қоспағанда, осы Кодексте көзделген кедендік рәсімдермен орналастырылған тауарлардың декларанттары болып табылады.


      381-бап. Дипломатиялық өкілдіктер, консулдық мекемелер басшыларының, дипломатиялық өкілдіктердің дипломатиялық персоналы мүшелерінің, консулдық мекемелердің консулдық лауазымды тұлғаларының, сондай-ақ олардың отбасы мүшелерінің Еуразиялық экономикалық одақтың кедендік шекарасы арқылы тауарларды өткізу шарттары

      1. Егер дипломатиялық өкілдіктердің басшылары, дипломатиялық өкілдіктердің дипломатиялық персоналының мүшелері болу мемлекеті болып табылатын Қазақстан Республикасында тұрақты тұрмаса және Қазақстан Республикасының азаматтары болмаса, сондай-ақ олардың өздерімен бірге тұратын отбасы мүшелері, егер ол болу мемлекеті болып табылатын Қазақстан Республикасының азаматтары болып табылмаса, олар:

      1) кедендік баждарды, салықтарды төлеуден босатыла отырып, Еуразиялық экономикалық одақтың кедендік аумағына:

      Қазақстан Республикасының заңнамасына сәйкес расталатын, болу мемлекетте мұндай тұлғаларға артықшылықтар беру мерзімінде жеке пайдалану үшін көлік құралдарын;

      бастапқы жайғасуға арналған тауарларды қоса алғанда, жеке пайдалануға арналған өзге де тауарларды әкелуге;

      2) кедендік баждарды төлемей, Еуразиялық экономикалық одақтың кедендік аумағынан жеке пайдалануға арналған тауарларды әкетуге құқылы.

      2. Егер консулдық мекемелердің басшылары және консулдық мекемелердің өзге де консулдық лауазымды адамдары, олардың өздерімен бірге тұратын отбасы мүшелері болу мемлекеті болып табылатын Қазақстан Республикасында тұрақты тұрмаса және Қазақстан Республикасының азаматтары болмаса, олар:

      1) кедендік баждарды, салықтарды төлеуден босатыла отырып, Еуразиялық экономикалық одақтың кедендік аумағына:

      Қазақстан Республикасының заңнамасына сәйкес расталатын, Қазақстан Республикасында мұндай тұлғаларға артықшылықтар беру мерзімінде жеке пайдалану үшін көлік құралдарын;

      бастапқы жайғасуға арналған тауарларды қоса алғанда, жеке пайдалануға арналған өзге де тауарларды әкелуге;

      2) кедендік баждарды төлемей Еуразиялық экономикалық одақтың кедендік аумағынан жеке пайдалануға арналған тауарларды әкетуге құқылы.

      3. Осы баптың 2-тармағының ережелері:

      1) құрметті консулдық лауазымды адамдар;

      2) құрметті консулдық қызметшілерді басқаратын консулдық мекемелерде қызмет арқаратын консулдық лауазымды адамдары;

      3) осы тармақтың 1) және 2) тармақшаларында көрсетілген адамдардың отбасы мүшелері Еуразиялық экономикалық одақтың кедендік шекарасы арқылы өткізілген кезде қолданылмайды.

      4. Қазақстан Республикасында тұрақты тұрмайтын, дипломатиялық өкілдерінің басшылары, дипломатиялық өкілдігінің дипломатиялық персоналының мүшелері, сондай-ақ олармен бірге тұратын отбасы мүшелері иесімен бірге ілесіп жүретін және (немесе) иесімен бірге жөнелтілмейтін багажда Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар, егер олар келу мемлекеті болып табылатын Қазақстан Республикасының азаматы болып табылмаса және мұндай Қазақстан Республикасының азаматы болып табылмаса, мұндай багажда оларға қатысты әкелу және (немесе) әкету тыйым салуы енгізілген немесе мұндай тауарларға әкелу және (немесе) әкетудің рұқсат беру тәртібі қолданылатын, сондай-ақ оларға санитариялық, ветеринаринариялық-санитариялық және карантиндік фитосанитариялық шаралар мен радиациялық талаптары қолданылатын тауарлар бар екеніне елеулі негіздемелер болмаса, кедендік тексеріп-қараудан босатылады. Мұндай тауарларға кедендік тексеріп қарау көрсетілген тұлғалардың немесе олардың өкілдерінің қатысуымен ғана жүргізілуі тиіс.

      5. Консулдық мекемелердің басшылары және консулдық мекемелердің өзге де лауазымды тұлғалары, егер олар болу мемлекеті болып табылатын Қазақстан Республикасында тұрақты тұрмайтын болса және Қазақстан Республикасының азаматы болмаса, олар иесімен бірге ілесіп жүретін және (немесе) иесімен бірге ілесіп жүрмейтін багажда Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар, сондай-ақ олармен бірге тұратын көрсетілген отбасы мүшелері иесімен бірге жөнелтілетін және (немесе) иесімен бірге жөнелтілмейтін багажда Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар, егер олар келу мемлекеті болып табылатын Қазақстан Республикасында тұрақты тұрмайтын болса және Қазақстан Республикасының азаматы болып табылмаса, мұндай багажда оларға қатысты әкелу және (немесе) әкету тыйым салуы енгізілген немесе мұндай тауарларға әкелу және (немесе) әкетудің рұқсат беру тәртібі қолданылатын, сондай-ақ оларға санитариялық, ветеринаринариялық-санитариялық және карантиндік фитосанитариялық шаралар мен радиациялық талаптар қолданылатын тауарлар бар екеніне елеулі негіздемелер болмаса, кедендік тексеріп-қараудан босатылады. Мұндай тауарларға кедендік тексеріп қарау көрсетілген тұлғалардың немесе олардың өкілдерінің қатысуымен ғана жүргізілуі тиіс.

      6. Егер Қазақстан Республикасының халықаралық шарттарында және Еуразиялық экономикалық одаққа мүше мемлекеттердің арасындағы халықаралық шарттарында, осы бапта көрсетілген оның ішінде тұрақты тұратын және (немесе) келу мемлекеттің азаматтары болып табылатын жеке тұлғалар үшін, осы бапқа қарағанда артықшылықтар мен иммунитеттердің үлкен көлемі қарастырылса, онда мұндай тұлғаларға Еуразиялық экономикалық одақтың кедендік аумағы арқылы өткізілетін тауарларға қатысты Қазақстан Республикасының халықаралық шарттарында және Еуразиялық экономикалық одаққа мүше мемлекеттер арасындағы халықаралық шарттарда көзделген артықшылықтар мен иммунитеттердің көлемі ұсынылады.


      382-бап. Дипломатиялық өкілдіктердің әкімшілік-техникалық персоналы мүшелерінің, консулдық мекемелердің консулдық қызметшілерінің, консулдық мекемелердің қызмет көрсетуші персонал жұмыскерлерінің, сондай-ақ олардың отбасы мүшелерінің Еуразиялық экономикалық одақтың кедендік шекарасы арқылы тауарларды тасымалдау шарттары

      1. Дипломатиялық өкілдіктердің әкімшілік-техникалық персоналының мүшелері және олармен бiрге тұрып жатқан олардың отбасы мүшелері, консулдық мекемелердің консулдық қызметшілері, егер олар келу мемлекеті болып табылатын Қазақстан Республикасында тұрақты тұрмаса және Қазақстан Республикасының азаматы болып табылмаса:

      1) кедендік баждарды, салықтарды төлеуден босатыла отырып Еуразиялық экономикалық одақтың кедендік аумағына бастапқы жайғасуға арналған:

      Қазақстан Республикасында мұндай адамдарға Қазақстан Республикасының заңнамасына сәйкес расталатын артықшылықтарды ұсыну мерзіміне жеке пайдалануға арналған көлік құралдарын;

      жеке пайдалануға арналған өзге де тауарларды әкелуге;

      2) Еуразиялық экономикалық одақтың кедендік аумағынан жеке пайдалануға арналған тауарларды кедендік баждарды төлемей әкетуге құқылы.

      2. Консулдық мекемелердің консулдық қызметшілерімен бірге тұратын, келу мемлекеті болып табылатын Қазақстан Республикасында тұрақты тұрмайтын және Қазақстан Республикасының азаматы болып табылмайтын олардың отбасы мүшелері, егер олар келу мемлекеті болып табылатын Қазақстан Республикасында тұрақты тұрмаса және Қазақстан Республикасының азаматы болып табылмаса:

      1) кедендік баждарды, салықтарды төлеуден босатыла отырып Еуразиялық экономикалық одақтың кедендік аумағына бастапқы жайғасуға арналған:

      Қазақстан Республикасында мұндай адамдарға Қазақстан Республикасының заңнамасына сәйкес расталатын артықшылықтарды ұсыну мерзіміне жеке пайдалануға арналған көлік құралдарын;

      жеке пайдалануға арналған өзге де тауарларды әкелуге;

      2) Еуразиялық экономикалық одақтың кедендік аумағынан жеке пайдалануға арналған тауарларды кедендік баждарды төлемей әкетуге құқылы.

      3. Консулдық мекемелердің қызмет көрсетуші персонал жұмыскерлері, сондай-ақ олардың отбасы мүшелері, егер олар келу мемлекеті болып табылатын Қазақстан Республикасында тұрақты тұрмаса, егер бұл Қазақстан Республикасының халықаралық шарттарында немесе Еуразиялық экономикалық одаққа мүше мемлекеттер арасындағы халықаралық шарттарда көзделсе, кедендік баждарды, салықтарды төлеуден босатыла отырып Еуразиялық экономикалық одақтың кедендік аумағына Қазақстан Республикасында мұндай адамдарға Қазақстан Республикасының заңнамасына сәйкес расталатын артықшылықтарды ұсыну мерзіміне жеке пайдалануға арналған көлік құралдарын және жеке пайдалануға арналған өзге де тауарларды әкелуге құқылы.

      4. Егер осы бапта көрсетілген, оның ішінде Қазақстан Республикасының азаматтары болып табылатын және (немесе) онда тұрақты тұратын жеке тұлғалар үшін Қазақстан Республикасының халықаралық шарттарында және Еуразиялық экономикалық одаққа мүше мемлекеттер арасындағы халықаралық шарттарда осы бапта көзделген көлемнен астам артықшылықтар мен иммунитеттер көлемі көзделсе, онда мұндай адамдарға Еуразиялық экономикалық одақтың кедендік аумағы арқылы өткізілетін тауарларға қатысты мұндай Қазақстан Республикасының халықаралық шарттарында және Еуразиялық экономикалық одаққа мүше мемлекеттер арасындағы халықаралық шарттарда көзделген артықшылықтар мен иммунитеттер көлемі ұсынылады.


      383-бап. Еуразиялық экономикалық одақ мүшесі болып табылмайтын мемлекеттер делегациялары өкілдерінің және мүшелерінің Еуразиялық экономикалық одаққа кедендік аумағына тауарларды әкелуі

      Еуразиялық экономикалық одақ мүшесі, мұндай мемлекеттердің парламенттік және үкіметтік делегациялар мүшелері болып табылмайтын, Еуразиялық экономикалық одақ мүшелері болып табылмайтын мемлекеттер делегацияларының өкілдерімен әрбір жекелеген Еуразиялық экономикалық одаққа мүше мемлекетке қатысты өзара түсіністік қағидатынан шыға отырып, Еуразиялық экономикалық одаққа мүше мемлекеттердің аумағына халықаралық келіссөздерде, халықаралық конференцияларға және кеңестерге немесе басқа да ресми тапсырмалармен келетін мемлекеттер өкілдерінің, сондай-ақ көрсетілген тұлғалармен ілесіп жүрген олардың отбасы мүшелері иесімен бірге жөнелтілетін немесе иесімен бірге жөнелтілмейтін багажда Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарлар, мұндай багажда оларға қатысты әкелу және (немесе) әкету тыйым салуы енгізілген немесе мұндай тауарларға әкелу және (немесе) әкетудің рұқсат беру тәртібі қолданылатын, сондай-ақ оларға санитариялық, ветеринариялық-санитариялық және карантиндік фитосанитариялық шаралар және радиациялық талаптар қолданылатын тауарлар бар екенiне елеулi негiздер болмаған кезде кедендік тексеріп қараудан босатылады. Мұндай тауарларға кедендік тексеріп қарау көрсетілген тұлғалардың немесе олардың өкілдерінің қатысуымен ғана жүргізілуі тиіс.


      384-бап. Дипломатиялық поштаны және консулдық вализаларды Еуразиялық экономикалық одақтың кедендік шекарасы арқылы өткізу

      1. Еуразиялық экономикалық одақтың кедендік шекарасы арқылы өткізілетін дипломатиялық поштаны ашуға не ұстауға болмайды.

      2. Еуразиялық экономикалық одақтың кедендік шекарасы арқылы өткізілетін консулдық вализаны ашуға не ұстауға болмайды.

      Консулдық вализарда ресми пайдалануға ғана арналмаған құжаттар және (немесе) тауарлар бар екенiне елеулi негiздер болған кезде кеден органы ұсынатын мемлекеттің уәкілетті тұлғаларының консулдық вализаны кеден органының лауазымды тұлғасының қатысуымен ашуын талап етуге құқылы. Ашудан бас тартылған жағдайда, консулдық вализа жөнелту жеріне қайтарылады.

      3. Дипломатиялық поштаны және консулдық вализаны құрайтын барлық орындарда осы орындардың сипатын көрсететін сыртқы көрнекі белгісі болуға тиіс.

      4. Дипломатиялық пошта ресми пайдалануға ғана арналған дипломатиялық құжаттар мен тауарларды, ал консулдық вализа – ресми пайдалануға ғана арналған ресми хат-хабарларды, құжаттарды және тауарларды қамтуы мүмкін.

      5. Дипломатиялық поштаны және консулдық вализаны Еуразиялық экономикалық одақтың кедендік шекарасы арқылы дипломатиялық және консулдық курьерлер өткізеді. Дипломатиялық пошта және консулдық вализа сондай-ақ осы дипломатиялық поштаны және консулдық вализаны ғана тасымалдауға тағайындалған дипломатиялық және консулдық курьерлерге не азаматтық әуе кемесі экипажының командиріне сеніп тапсырылуы мүмкін.

      Көрсетілген дипломатиялық және консулдық курьерлерде дипломатиялық пошта мен консулдық вализаны құрайтын орын саны мен олардың мәртебесі көрсетілетін курьерлік парақ не оны алмастыратын өзге ресми құжат болуы тиіс. Курьерлік параққа не оны алмастыратын өзге ресми құжатқа дипломатиялық пошта мен консулдық вализаны жөнелтетін мекеме қол қояды және мөрімен бекітеді.

      Азаматтық әуе кемесі экипажының командиріне сеніп тапсырылған дипломатиялық пошта мен консулдық вализа дипломатиялық пошта мен консулдық вализаны құрайтын орын саны көрсетілетін ресми құжатпен бірге жөнелтілуге тиіс.

      6. Дипломатиялық және консулдық курьерлер Қазақстан Республикасының заңнамасына сәйкес кедендік тексеріп қараудан босатылып және кедендік баждарды, салықтарды төлемей әрбір жекелеген мемлекетке қатысты өзара түсіністік қағидатынан шыға отырып жеке пайдалануға арналған тауарларды Еуразиялық экономикалық одақтың кедендік шекарасы арқылы өткізуі мүмкін.

      7. Дипломатиялық пошта мен консулдық вализа Еуразиялық экономикалық одақтың кедендік шекарасы арқылы кеден органының рұқсатымен кедендік декларациялаусыз және кедендік рәсіммен орналастырылмай өткізіледі.

      Дипломатиялық пошта мен консулдық вализаны Еуразиялық экономикалық одақтың кедендік шекарасы арқылы өткізуге кеден органының рұқсатын алу үшін кеден органына осы баптың 5-тармағында көзделген құжаттар ұсынылады.

      Дипломатиялық пошта мен консулдық вализаны Еуразиялық экономикалық одақтың кедендік шекарасы арқылы өткізуге кеден органының рұқсаты осы баптың 5-тармағында көзделген құжаттарға кеден органының тиісті белгілерін қою жолымен ресімделеді.

45-тарау. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын тауарларды Еуразиялық экономикалық одақтың кедендік шекарасы арқылы өткізу тәртібі мен шарттарының ерекшеліктері

      385-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын тауарларды Еуразиялық экономикалық одақтың кедендік шекарасы арқылы өткізу туралы жалпы ережелер

      1. Осы тарауда Еуразиялық экономикалық одақтың кедендік шекарасы арқылы Еуразиялық экономикалық одақтың, оның ішінде пошта жөнелтілімдерінде жөнелтілетін тауарларын және Еуразиялық экономикалық одақтың кедендік шекарасы арқылы жеке тұлғалар өткізетін жеке пайдалануға арналған тауарларды, сондай-ақ құбыржол көлігімен және электр беру желілері арқылы өткізілетін тауарларды қоспағанда, Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын, осы баптың 4-тармағында көрсетілген шетелдік тауарларды өткізу тәртібінің және шарттарының ерекшеліктері айқындалады.

      2. Осы баптың 1-тармағында көрсетілген тауарлардың Еуразиялық экономикалық одақтың кедендік аумағына келуі және мұндай тауарлардың Еуразиялық экономикалық одақтың кедендік аумағынан кетуі осы тарауда көзделген ерекшеліктер ескеріле отырып, осы Кодекстің 15 және 16-тарауларына сәйкес жүзеге асырылады.

      3. Еуразиялық экономикалық одақтың тауарлары, оларды Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалдау үшін осы баптың 5-тармағында көзделген жағдайларда Еуразиялық экономикалық одақтың мұндай тауарларының өткізілуін (тасымалдауын) қоспағанда, кедендік транзиттік кеден рәсімімен орналастыруға жатады.

      4. Кедендік аумақта қайта өңдеудің кедендік рәсімімен, ішкі тұтыну үшін қайта өңдеудің кедендік рәсімімен, уақытша әкелудің (жіберудің) кедендік рәсіммен орналастырылған шетелдік тауарлар, сондай-ақ Еуразиялық экономикалық одақтың кедендік аумағында қайта өңдеу бойынша операциялар нәтижесінде немесе ішкі тұтыну үшін қайта өңдеу бойынша операциялардың нәтижесінде (қайта өңдеу өнімдері, ысырыптар мен қалдықтар) алынған (қалыптасқан) шетелдік тауарлар, оларды Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалдау үшін осы баптың 5-тармағының 1) тармақшасында көзделген жағдайларда мұндай шетелдік тауарлардың өткізілуін (тасымалдауын) қоспағанда, кедендік транзиттің кеден рәсімімен орналастыруға жатады.

      Осы тармақтың ережесі халықаралық тасымалдаудың көлік құралдары ретінде пайдаланылатын уақытша әкелу (жіберу) кедендік рәсіммен орналастырылған көлік құралдарына қолданылмайды.

      5. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен өткізу (тасымалдау) үшін кедендік транзит кеден рәсімімен орналастыруға мыналар:

      1) Еуразиялық экономикалық одақтың мүшесі болып табылмайтын мемлекеттің аумағында тиісінше әуе кемесінің қонуын не Еуразиялық экономикалық одақтың мүшелері болып табылмайтын мемлекеттердің порттарына су кемесінің кіруін жасамай әуе немесе су көлігімен тасымалданатын шетелдік тауарлар осы баптың 4-тармағында көрсетілген Еуразиялық экономикалық одақтың тауарлары және шетелдік тауарлар (бұдан әрі осы тарауда – Еуразиялық экономикалық одақтың мүшесі болып табылмайтын мемлекеттің аумағында әуе кемесінің қонуын не мұндай мемлекеттің портына су кемесінің кіруін жасамай әуе немесе су көлігімен тасымалданатын Еуразиялық экономикалық одақтың тауарлары және шетелдік тауарлар);

      2) кету орнына жеткізу үшін көліктің кез келген түрімен өткізілетін (тасымалданатын) Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен өткізуге (тасымалдауға) жататын экспорт кеден рәсімімен орналастырылған Еуразиялық экономикалық одақтың тауарлары;

      3) құрылыс (құру, тұрғызу), Еуразиялық экономикалық одаққа мүше мемлекеттердің айрықша заңдық құзыры болатын Еуразиялық экономикалық одаққа мүше мемлекеттердің аумағынан тысқары орналасқан жасанды аралдардың, қондырғылардың, құрылысжайлардың, жұмыс істеуін (пайдалануын, қолдануын) және тіршілік етуін қамтамасыз ету мақсатында әуе немесе су көлігімен тасымалданатын Еуразиялық экономикалық одақтың тауарлары (бұдан әрі осы тарауда – объектілер);

      4) бұрын объектілерге Еуразиялық экономикалық одақтың кедендік аумағының қалған бөлігінен әкелінген Еуразиялық экономикалық одақтың тауарлары, сондай-ақ көмірсутек шикізатын қоса алғанда, Еуразиялық экономикалық одаққа мүше мемлекеттердің құрылықтық қайраңында орналасқан объектілерде өндірілген Еуразиялық экономикалық одақтың тауарлары және (немесе) олардың қайта өңдеу өнімдері жатпайды.

      6. Құрылыс салу (құру, тұрғызу), объектілерде жұмыс істеуді (пайдалануды, қолдануды) және тіршілік етуді қамтамасыз ету мақсатында, сондай-ақ жеке тұлғаларды және тауарларды Еуразиялық экономикалық одаққа мүше мемлекеттер және объектілер арасында тасымалдауды жүзеге асыратын әуе және су кемелерін қалыпты пайдалануды және оларға техникалық қызмет көрсетуді қамтамасы ету мақсатында әуе және су кемелерімен тасымалданатын Еуразиялық экономикалық одақтың тауарлары Еуразиялық экономикалық одақтың кедендік аумағының бір бөлігінен оған қатысты Еуразиялық экономикалық одаққа мүше мемлекеттердің құрылықтық қайраңын қоса алғанда, Еуразиялық экономикалық одаққа мүше мемлекеттің егеменді құқықтары және айрықша заңдық құзыры болатын аумаққа тасымалдауға өткізу (тасымалдау) үшін кеден транзитінің кедендік рәсіміне жатпайды.

      7. Осы баптың 5-тармағының 2) тармақшасында көрсетілген, осы баптың 5-тармағының 1) тармақшасына сәйкес тасымалданатын Еуразиялық экономикалық одақтың тауарларына қатысты Еуразиялық экономикалық одақтың мүшесі болып табылмайтын мемлекеттің аумағында әуе кемесінің қонуын не мұндай мемлекеттің портына су кемесінің кіруін жасамай әуе немесе су көлігімен тасымалданатын Еуразиялық экономикалық одақтың тауарларын және шетелдік тауарларды Еуразиялық экономикалық одақтың кедендік шекарасы арқылы өткізудің тәртібін және шарттарын реттейтін осы тараудың ережелері қолданылады.

      8. Кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы баптың 4-тармағында көрсетілген шетелдік тауарларды кедендік транзиттің кеден рәсімімен орналастырған кезде туындамайды.

      9. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен өткізілетін жеке пайдалануға арналған тауарларды Еуразиялық экономикалық одақтың кедендік шекарасы арқылы өткізу ерекшеліктерін Комиссия айқындайды.


      386-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы және (немесе) теңізбен өткізілетін тауарларға қатысты кедендік операцияларды кедендік транзиттің кедендік рәсімімен орналастырмай жасау ерекшеліктері және мұндай тауарлардың мәртебесі

      1. Осы Кодекстің 15-тарауының ережелері Еуразиялық экономикалық одақтың мүшесі болып табылмайтын мемлекеттің аумағында әуе кемесінің қонуын не мұндай мемлекеттің портына су кемесінің кіруін жасамай әуе немесе су көлігімен тасымалданатын Еуразиялық экономикалық одақтың тауарларына және шетелдік тауарларға қатысты, мұндай тауарлар Еуразиялық экономикалық одақтың кедендік аумағына, оның ішінде қонғаннан кейін тасымалданатын тауарларды түсіру, қайта тиеу (қайта аудару) және өзге де жүк операциялары жасалған Еуразиялық экономикалық одақтың мүшелері болып табылмайтын мемлекеттің аумағында әуе кемесінің мәжбүрлі қонуынан кейін, не аварияның, еңсерілмейтін күштің әсерінен не өзге де мән-жайлар салдарынан, оның ішінде кіргеннен кейін тасымалданатын тауарларды түсіру, қайта тиеу (қайта аудару) және өзге де жүк операциялары жасалған Еуразиялық экономикалық одақтың мүшесі болып табылмайтын мемлекет портына су кемесі мәжбүрлі кіргеннен кейін келген жағдайларды қоспағанда, қолданылмайды.

      2. Осы Кодекстің 16-тарауының ережелер Еуразиялық экономикалық одақтың мүшесі болып табылмайтын мемлекеттің аумағында әуе кемесінің қонуын не мұндай мемлекеттің портына су кемесінің кіруін жасамай әуе немесе су көлігімен тасымалданатын Еуразиялық экономикалық одақтың тауарларына және шетелдік тауарларға қатысты қолданылмайды.

      3.  Еуразиялық экономикалық одақтың кеден аумағына Еуразиялық экономикалық одақ тауарларының және тасымалдау кезінде Еуразиялық экономикалық одақтың мүшесі болып табылмайтын мемлекет аумағында әуе кемесінің тиісті мәжбүрлі қонуы, оның ішінде тасымалданатын тауарды түсіру, қайта тиеу (қайта аудару) және өзге де жүк операциялары жасалған не авария, еңсерілмейтін күштің әсері не өзге де мән-жайлар салдарынан су кемесінің Еуразиялық экономикалық одақтың мүшесі болып табылмайтын мемлекет портына кіруі, оның ішінде тасымалданатын тауарларды түсіру, қайта тиеу (қайта аудару) және өзге де жүк операциялары жасалған кезде Кодекстің 385-бабы 4-тармағында көрсетілген шетелдік тауарлардың келуі туралы кеден органын хабардар еткеннен кейін Тасымалдаушы не осы Кодекстің 149-бабында көрсетілген өзге де тұлғалар жасауға міндетті кедендік операцияларды, сондай-ақ осы операциялар жасалуы тиіс мерзімді Комиссия айқындайды

      4. Еуразиялық экономикалық одақтың мүшесі болып табылмайтын мемлекеттің аумағында әуе кемесінің қонуын не мұндай мемлекеттің портына су кемесінің кіруін жасамай әуе немесе су көлігімен тасымалданатын Еуразиялық экономикалық одақтың тауарлары және шетелдік тауарлар, мұндай тасымалдаудан кейін тиісінше Еуразиялық экономикалық одақтың тауарлары және шетелдік тауарлар мәртебесін сақтайды.

      5. Егер осы баптың 4-тармағында көрсетілген тауарларды тасымалдау кезінде әуе кемесі Еуразиялық экономикалық одақтың мүшесі болып табылмайтын мемлекеттің аумағына тиісті мәжбүрлі қонған болса, оның ішінде тасымалданатын тауарларды түсіру, қайта тиеу (қайта аудару) және өзге де жүк операциялары жасалған қонған болса не аварияның, еңсерілмейтін күштің әсерінен не өзге де мән-жайлардың салдарынан Еуразиялық экономикалық одақтың мүшесі болып табылмайтын мемлекеттің портына кірсе, оның ішінде тасымалданатын тауарларды түсіру, қайта тиеу (қайта аудару) және өзге де жүк операциялары жасалған кіру болған жағдайда:

      1) Еуразиялық экономикалық одақтың кедендік аумағына тауарлар әкелінгеннен кейін бұл тауарлардың осы Кодекстің 385-бабының 4-тармағында көрсетілген Еуразиялық экономикалық одақтың тауарлары немесе шетелдік тауарлар ретіндегі мәртебесі Комиссия айқындайтын тәртіппен расталады;

      2) тауарларды Еуразиялық экономикалық одақтың кедендік аумағынан тысқары жерлерде қалдырған кезде Еуразиялық экономикалық одақтың тауарлары экспорттың кеден рәсімімен не уақытша әкетудің кеден рәсімімен, ал шетелдік тауарлар – кері экспорттың кеден рәсімімен орналастырылады.

      6. Осы Кодекстің 385-бабы 5-тармағының 2) тармақшасында көрсетілген Еуразиялық экономикалық одақтың тауарларының Еуразиялық экономикалық одақтың кедендік аумағынан әкетілуіне және олардың Еуразиялық экономикалық одақтың кедендік аумағына әкелінуіне байланысты кедендік операцияларды жасау тәртібін Комиссия айқындайды.

      7. Осы Кодекстің 219-бабының 2-тармағының ережелеріне қарамастан, осы тармақтың екінші абзацының ережелерін сақтай отырып, Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне әкелінген, осы Кодекстің 385-бабы 5-тармағының 2) тармақшасында көрсетілген Еуразиялық экономикалық одақтың тауарлары Еуразиялық экономикалық одақтың тауарлары мәртебесін сақтайды және бұл мәртебесін Еуразиялық экономикалық одақтың кедендік аумағынан іс жүзінде әкетілгеннен кейін жоғалтады.

      Көрсетілген тауарлар болу орнындағы кеден органына кедендік декларацияны ұсынған жағдайда Еуразиялық экономикалық одақтың тауарлары ретінде қарастырылады, сол декларацияға мұндай тауарлар экспорттың кеден рәсімімен орналастырылған болатын және Еуразиялық экономикалық одақтың тауарлар әкелінген кедендік аумағының бөлігінде орналасқан әкету орнының кеден органы туралы мәліметті қамтиды.


      387-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын Еуразиялық экономикалық одақтың тауарларына қатысты кедендік транзиттің кедендік рәсімін қолдану, оның аяқталуы және қолданысын тоқтату ерекшеліктері

      1. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын Еуразиялық экономикалық одақтың тауарларын кедендік транзиттің кеден рәсімімен орналастыру шарттары мыналар:

      1) егер аумағында Еуразиялық экономикалық одақтың тауарлары кедендік транзиттің кедендік рәсімімен орналастырылатын Еуразиялық экономикалық одаққа мүше мемлекетте мұндай тауарларға қатысты кедендік әкету баждарының мөлшерлемелері белгіленсе, мыналарды:

      Еуразиялық экономикалық одақтың тауарлары кедендік транзиттің кеден рәсімімен орналастырылатын Еуразиялық экономикалық одаққа мүше мемлекетте транзиттік декларацияны тіркеу күніне:

      Еуразиялық экономикалық одаққа мүше мемлекеттің тұлғасы кедендік транзит кедендік рәсіммен орналастыратын Еуразиялық экономикалық одақ тауарларының декларанты ретінде Еуразиялық экономикалық одаққа мүше мемлекетінде Еуразиялық экономикалық одақтың тауарлары кедендік транзит кедендік рәсіммен орналастырылатын транзиттік декларацияны тіркеу күніне белгіленген мерзімде;

      кедендік баждарды, салықтарды, арнайы, демпингке қарсы, өтем баждарын, пайыздарды, өсімпұлдарды төлеу бойынша белгіленген мерзімде орындалмаған міндеті,

      1997 жылғы 16 шілдедегі Қазақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасы Қылмыстық кодексінің 234, 236, 258 және 286-баптарына сәйкес тұлғаны қылмыстық жауаптылыққа тарту туралы соттың заңды күшіне енген шешімі және Қазақстан Республикасы Қылмыстық кодексінің мұндай баптары бойынша өтелмеген соттылығы болмайтын Еуразиялық экономикалық одаққа мүше мемлекеттің тұлғасы кедендік транзиттің кеден рәсімімен орналастырылатын Еуразиялық экономинкалық тауарлардың декларанты болған жағдайларды;

      Комиссия айқындайтын жағдайларды қоспағанда осы Кодекстің 226-бабына сәйкес кедендік әкету баждарды төлеу бойынша міндеттің орындалуын қамтамасыз ету.

      2) осы Кодекстің 223-бабы 1-тармағының 3) және 4) тармақшаларында көзделген шарттарды сақтау;

      3) Комиссия айқындайтын жағдайды қоспағанда, Еуразиялық экономикалық одақ тауарларының мәртебесін растайтын құжаттарды және (немесе) мәліметтерді ұсыну болып табылады.

      2. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне теміржол көлігімен тасымалдау үшін кедендік транзиттің кеден рәсімімен орналастырылатын Еуразиялық экономикалық одақ тауарларының декларанты, сондай-ақ осы Кодекстің 390-бабының
5-тармағында көрсетілген кедендік операцияларды жасайтын тұлға болы осы Кодекстің 149-бабы 1-тармағының 1) тармақшасында көрсетілген тұлғалар ғана, ал пошта жөнелтілімдері тасымалданған жағдайда – пошта байланысының тағайындалған операторы бола алады.

      3. Осы бапты қолдану мақсатында Еуразиялық экономикалық одақ тауарларының мәртебесін растайтын құжаттарды және (немесе) мәліметтерді Комиссия айқындайды.

      4. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын Еуразиялық экономикалық одақтың тауарларын кедендік транзиттің кеден рәсіміне орналастыруға байланысты кедендік операциялар Еуразиялық экономикалық одақтың кедендік аумағынан кету орнында не қызмет өңірінде Еуразиялық экономикалық одақтың тауарларын жөнелтуші орналасқан кеден органында осы баптың 5, 6 және 7-тармақтары ескеріле отырып жасалады.

      5. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын Еуразиялық экономикалық одақтың тауарларын кедендік транзиттің кеден рәсіміне орналастыруға байланысты кедендік операциялар қызмет өңірінде Еуразиялық экономикалық одақтың тауарларын жөнелтуші орналасқан кеден органында ғана мынадай:

      1) жолаушылар пойыздарының құрамында жүретін пошта, багаж (пошта-багаж) вагондарында тасымалданатын Еуразиялық экономикалық одақтың тауарларын қоспағанда, Еуразиялық экономикалық одақтың тауарлары теміржол көлігімен тасымалданған;

      2) Еуразиялық экономикалық одақтың тауарлары аумағында кедендік транзиттің кеден рәсімімен орналастырылатын Еуразиялық экономикалық одаққа мүше мемлекетте, мұндай тауарларға қатысты кедендік әкету баждары мөлшерлемелері белгіленген;

      3) тасымалдау шарттарында Еуразиялық экономикалық одақтың мүшелері болып табылмайтын мемлекеттер аумақтарында жүк операцияларын жасау қарастырылған жағдайларда жасалады.

      6. Осы баптың 5-тармағының ережелеріне қарамастан, Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне әуе көлігімен тасымалданатын Еуразиялық экономикалық одақтың тауарларын кедендік транзиттің кедендік рәсіміне орналастыруға байланысты кедендік операциялар кету орнының кеден органында ғана жасалады.

      7. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне теміржол көлігімен жолаушылар поездарының құрамында жүретін пошта, багаж (пошта-багаж) вагондарында тасымалданатын Еуразиялық экономикалық одақтың тауарларын кедендік транзиттік кеден рәсіміне орналастыруға байланысты кедендік операциялар, қызмет аймағында Еуразиялық экономикалық одақ тауарларының жөнелтушісі орналасқан кеден органында жасалады.

      8. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізбен тасымалданатын Еуразиялық экономикалық одақтың тауарларын жеткізу орны, осы баптың 6-тармағында көрсетілген жағдайды қоспағанда, қызмет өңірінде келу орны орналасқан кеден органының кедендік бақылау аймағы болып табылады.

      9. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне теміржол көлігімен жолаушылар поездарының құрамында жүретін пошта, багаж (пошта-багаж) вагондарда тасымалданатын, Еуразиялық экономикалық одақтың тауарларын жеткізу орны қызмет аймағында Еуразиялық экономикалық одақтың мұндай тауарларын түсіру жүзеге асырылатын кеден органының кедендік бақылау аймағы болып табылады.

      10. Осы баптың 8-тармағында көрсетілген Еуразиялық экономикалық одақтың тауарлары Еуразиялық экономикалық одақтың кедендік аумағына әкелінген кезде қызмет өңірінде келу орны орналасқан кеден органы жөнелтуші кеден органы теміржол көлік құралдарының жүк орынжайларына (бөлімдеріне) салған идентификаттау құралдарын жоюды жүзеге асырады.

      11. Осы баптың 9-тармағына сәйкес идентификаттау құралдарын жойған кезде осы Кодекстің 427-бабы 5-тармағының екінші абзацында көзделген акт мыналар:

      1) идентификаттау құралдарын жоюды жүзеге асыратын кеден органы;

      2) Еуразиялық экономикалық одақтың тауарларына қатысты өкілеттікке ие тұлға;

      3) барлық кейінгі межелі кеден органдары үшін бір данадан деп есептегенде қажетті даналар мөлшерінде жасалады.

      12. Комиссия осы баптың 10 және 11-тармақтары қолданылмайтын жағдайларды айқындауға құқылы.

      13. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын Еуразиялық экономикалық одақтың тауарларына қатысты кедендік транзиттік кеден рәсімінің қолданысы осы Кодекстің 231-бабына сәйкес тауарларды жеткізу орынында аяқталады.

      14. Егер Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын кедендік транзиттік кеден рәсімімен орналастырылған және Еуразиялық экономикалық одақтың кедендік аумағынан шығарылған Еуразиялық экономикалық одақтың тауарлары, тауарларды жеткізу орнына жеткізілмей, Еуразиялық экономикалық одақтың кедендік аумағына қайтарылса және жөнелтуші кеден органына жеткізілсе, мұндай кеден органы осы Кодекстің 156-бабына сәйкес кедендік транзиттің кеден рәсімінің қолданысын аяқтайды және межелі кеден органына кедендік транзиттің кеден рәсімі қолданысының аяқталғаны туралы хабарлайды.

      15. Егер Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын кедендік транзиттің кеден рәсімімен орналастырылған Еуразиялық экономикалық одақтың тауарлары Еуразиялық экономикалық одақтың кедендік аумағына әкелу кезінде межелі кеден органынан және жөнелтуші кеден органынан ерекше кеден органына жеткізілсе, мұндай кеден органы осы Кодекстің 156-бабына сәйкес кедендік транзиттің кеден рәсімінің қолданысын аяқтайды және межелі кеден органына және жөнелтуші кеден органын кедендік транзиттің кеден рәсімі қолданысының аяқталғаны туралы хабарлайды.

      16. Егер Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын кедендік транзит кедендік рәсіммен орналастырылған және Еуразиялық экономикалық одақтың кедендік аумағынан әкетілген Еуразиялық экономикалық одақтың тауарлары Еуразиялық экономикалық одақтың кедендік аумағына әкелінбесе, жөнелтуші кеден органы Комиссия айқындайтын тәртіппен кедендік транзит кедендік рәсімінің қолданысын тоқтатады.

      17. Комиссия осы Кодекстің 390-бабының 3-тармағында көзделген Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде өткізілетін (тасымалданатын) Еуразиялық экономикалық одақтың тауарлары Еуразиялық экономикалық одақ тауарларының мәртебесін жоғалтқаннан өзге жағдайларды айқындауға құқылы және Еуразиялық экономикалық одақтың кедендік аумағына әкелінген кезде шетелдік тауарлар ретінде қарастырылады.


      388-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын шетелдік тауарлардың жекелеген санаттарына қатысты кедендік транзиттің кеден рәсімін қолдану, аяқталуы және қолданысын тоқтату ерекшеліктері

      1. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде тасымалданатын кедендік аумақта қайта өңдеудің кеден рәсімімен немесе ішкі тұтыну үшін қайта өңдеудің кеден рәсімімен орналастырылған шетелдік тауарларды, кедендік аумақта қайта өңдеу бойынша операциялар нәтижесінде немесе ішкі тұтыну үшін қайта өңдеу бойынша операциялардың нәтижесінде (қайта өңдеу өнімдері, ысырап пен қалдықтар) алынған (пайда болған) шетелдік тауарларды кедендік транзиттің кеден рәсімімен орналастыру шарттары мыналар:

      1) осы Кодекстің 223-бабы 1-тармағының 3) және 4) тармақшаларында көзделген шарттарды сақтау;

      2) тауарларды Еуразиялық экономикалық одақтың мүшелері болып табылмайтын мемлекеттердің аумақтары арқылы және (немесе) теңізде Еуразиялық экономикалық одақтың кедендік аумағында тауарларды қайта өңдеу бойынша операцияларды немесе ішкі тұтыну үшін қайта өңдеу бойынша операцияларды жасайтын тұлғаның мекенжайына не мұндай операцияларды жасаған тұлғалардан, кедендік аумақта қайта өңдеудің кеден рәсімімен немесе ішкі тұтыну үшін қайта өңдеудің кеден рәсімімен орналастырылған шетелдік тауарлар декларантының мекенжайына тасу (тасымалдау) болып табылады, бұл кеден органына кедендік аумақта тауарларды қайта өңдеу шарттары туралы құжатты немесе ішкі тұтыну үшін тауарларды қайта өңдеу шарттары туралы құжатты ұсынумен расталады.

      2. Осы баптың 1-тармағында көрсетілген шетелдік тауарларды кедендік декларациялау кезінде кедендік транзиттің кеден рәсіміне сәйкес транзиттік декларация ретінде көліктік (тасымалдау), коммерциялық және (немесе) өзге де құжаттар, оның ішінде Еуразиялық экономикалық одаққа мүше мемлекеттердің үшінші тараппен халықаралық шарттарында көзделген құжаттар пайдаланылуы мүмкін емес.

      3. Осы баптың 1-тармағында көрсетілген шетелдік тауарларды кедендік транзиттің кеден рәсіміне орналастыруға байланысты кедендік операциялар мынадай:

      1) шетелдік тауарлар кедендік аумақта қайта өңдеу кедендік рәсімімен немесе ішкі тұтыну үшін қайта өңдеудің кеден рәсімімен орналастырылған;

      2) қызмет өңірінде осы баптың 1-тармағында көрсетілген шетелдік тауарларға қатысты кедендік аумақта тауарларды қайта өңдеу бойынша тиісті операциялар немесе ішкі тұтыну үшін қайта өңдеу бойынша тиісті операциялар жасалған (жасалуы тиіс болған) кеден органында жасалады

      4. Осы баптың 1-тармағында көрсетілген шетелдік тауарларға қатысты кедендік транзиттік кеден рәсімінің қолданысы осы Кодекстің 231-бабына сәйкес тауарларды жеткізу орнында аяқталады.

      5. Егер кедендік транзиттің кеден рәсімімен орналастырылған, осы баптың 1-тармағында көрсетілген шетелдік тауарлар Еуразиялық экономикалық одақтың кедендік аумағына әкелу кезінде межелі кеден органынан және жөнелтуші кеден органынан ерекше кеден органына жеткізілсе, мұндай кеден органы осы Кодекстің 231-бабына сәйкес кедендік транзиттің кеден рәсімі қолданысын аяқтайды және межелі кеден органына және жөнелту кеден органына кедендік транзиттің кеден рәсімі қолданысының аяқталғаны туралы хабарлайды.

      6. Егер кедендік транзиттің кеден рәсімімен орналастырылған, Еуразиялық экономикалық одақтың кедендік аумағынан әкетілген, осы баптың 1-тармағында көрсетілген шетелдік тауарлар Еуразиялық экономикалық одақтың кедендік аумағына әкелінбесе, жөнелтуші кеден органы Комиссия айқындайтын тәртіппен кедендік транзиттің кеден рәсімін тоқтатады.


      389-бап. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде өткізілетін (тасымалданатын) уақытша әкелудің (жіберудің) кеден рәсімімен орналастырылған шетелдік тауарларға қатысты кедендік транзиттің кеден рәсімін қолдану, оның аяқталуы және қолданысын тоқтату ерекшеліктері

      1. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізде өткізілетін (тасымалданатын) уақытша әкелудің (жіберудің) кеден рәсімімен орналастырылған шетелдік тауарларды кедендік транзиттің кеден рәсімімен орналастыру шарттары мыналар:

      1) осы Кодекстің 223-бабы 1-тармағының 3) және 4) тармақшаларында көзделген шарттарды сақтау;

      2)  шетелдік тауарларды уақытша әкелудің (жіберудің) кеден рәсімімен орналастыру, тауарларды өткізудің (тасымалдаудың) мақсаты және оларды пайдалану орны туралы, егер мұндай беру орын алса, пайдаланылуына шетелдік тауарлар берілетін тұлға туралы, егер мұндай беру орын алса, уақытша әкелінген тауарларды өзге тұлғалардың иелік етуіне және пайдалануына кеден органының рұқсаты туралы мәліметтерді кеден органына беру, олар кеден органына кедендік және (немесе) өзге құжаттарды және (немесе) осындай құжаттар туралы мәліметтерді берумен расталады. Көрсетілген құжаттар болмаған кезде декларант кеден органына қажетті мәліметтерді көрсетумен еркін нысандағы өтінішті ұсынады.

      2. Уақытша әкелудің (жіберудің) кеден рәсімімен орналастырылған шетелдік тауарлар осы бапқа сәйкес бір немесе бірнеше партиялармен кедендік транзиттің кеден рәсімімен орналастырылуы мүмкін.

      3. Осы баптың 1-тармағында көрсетілген шетелдік тауарларды кедендік декларациялау кезінде кедендік транзиттің кеден рәсіміне сәйкес транзиттік декларация ретінде көліктік (тасымалдау), коммерциялық және (немесе) өзге де құжаттар оның ішінде Еуразиялық экономикалық одаққа мүше мемлекеттердің үшінші тараппен халықаралық шарттарында көзделген құжаттар пайдаланылуы мүмкін емес.

      4. Осы баптың 1-тармағында көрсетілген шетелдік тауарларды кедендік транзиттің кеден рәсіміне орналастыруға байланысты кедендік операциялар:

      1) шетелдік тауарлар уақытша әкелудің (жіберудің) кеден рәсімімен орналастырылған;

      2) уақытша әкелудің (жіберудің) кеден рәсімімен орналастырылған және Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізілетін (тасымалданатын) шетелдік тауарларға қатысты кедендік транзиттің кеден рәсімінің қолданысы аяқталған кеден органында жасалады.

      5. Осы баптың 1-тармағында көрсетілген шетелдік тауарлардың кедендік транзиттің кеден рәсімінің қолданысы осы Кодекстің 231-бабына сәйкес тауарларды жеткізу орнында аяқталады.

      6. Егер кедендік транзиттің кеден рәсімімен орналастырылған осы баптың 1-тармағында көрсетілген шетелдік тауарлар Еуразиялық экономикалық одақтың кедендік аумағына әкелу кезінде межелі кеден органынан және жөнелтуші кеден органынан ерекше кеден органына жеткізілсе, мұндай кеден органы осы Кодекстің 231-бабына сәйкес кедендік транзит кедендік рәсімі қолданысын аяқтайды және межелі кеден органын және жөнелтуші кеден органын кеден транзиттің кеден рәсімі қолданысының аяқталғаны туралы хабарлайды.

      7. Егер кедендік транзиттің кеден рәсімімен орналастырылған және Еуразиялық экономикалық одақтың кедендік аумағынан әкетілген осы баптың 1-тармағында көрсетілген шетелдік тауарлар Еуразиялық экономикалық одақтың кедендік аумағына әкелінбесе, жөнелтуші кеден органы Комиссия айқындайтын тәртіппен кедендік транзиттің кеден рәсімінің қолданысын тоқтатады.


      390-бап. Кедендік транзиттің кеден рәсіміне сәйкес Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың тауарларын Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезінде Еуразиялық экономикалық одақтың тауарларын түсіру, қайта тиеу (қайта аудару) және өзге де жүк операциялары, сондай-ақ көлік құралдарын ауыстыру

      1. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізілетін (тасымалданатын) Еуразиялық экономикалық одақтың тауарларын түсіру, қайта тиеу (қайта аудару) және өзге де жүк операциялары, Еуразиялық экономикалық одақтың мүшелері болып табылмайтын мемлекеттердің аумақтарында Еуразиялық экономикалық одақтың мұндай тауарларын тасымалдайтын көлік құралдарын ауыстыру, жөнелту кеден органдарының рұқсатымен көліктің бір түрінің көлік құралынан көліктің басқа түрінің көлік құралына Еуразиялық экономикалық одақтың тауарларын қайта тиеу (қайта аудару) жүзеге асыру, көліктік құралдарының жүк орынжайларына (бөлімдерін) салынған кедендік пломбыларды және мөрлерді жою не көліктік (тасымалдау) және коммерциялық құжаттарды ауыстыру жағдайларында жол беріледі.

      Көрсетілген шешім транзиттік декларация берілгенге дейін алынуға тиіс.

      2. Егер осы баптың 1-тармағында көрсетілген Еуразиялық экономикалық одақтың тауарларына және көлік құралдарына қатысты операциялар салынған кедендік пломбыларды және мөрлерді жоюсыз жасалуы мүмкін болса не Еуразиялық экономикалық одақтың мұндай тауарларына кедендік пломбылар және мөрлер салынбаса, осындай операцияларды жасау Еуразиялық экономикалық одақтың кедендік аумағына Еуразиялық экономикалық одақтың мұндай тауарларының және көлік құралдарының келуіне дейін жөнелту кеден органын және межелі кеден органын электрондық немесе жазбаша нысанда хабардар ете отырып жол беріледі.

      3. Егер осы баптың 1-тармағында көрсетілген операциялар жөнелтуші кеден органының рұқсатынсыз жасалса, кедендік транзиттің кеден рәсімімен орналастырылған тауарлар Еуразиялық экономикалық одақ тауарларының мәртебесінен айырылады және Еуразиялық экономикалық одақтың кедендік аумағына әкелу кезінде, аварияның немесе еңсерілмейтін күштің әсерінің салдарынан мұндай операциялар жасалатын жағдайларын. қоспағанда, шетелдік тауарлар ретінде қаралады, бұл Еуразиялық экономикалық одақтың мүшесі болып табылмайтын мемлекеттің тиісті құзыретті органдарының құжаттарымен расталады.

      4. Осы баптың 1, 2 және 3-тармақтарының ережелері, егер осы баптың 1-тармағында көрсетілген операциялар Еуразиялық экономикалық одақтың мүшелері болып табылмайтын мемлекеттердің мемлекеттік органдарының талаптары бойынша жасалса, қолданылмайды, бұл құжаттама түрінде не мұндай мемлекеттік органдар қолданған идентификаттау құралдарымен расталады.

      5. Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізілетін (тасымалданатын) Еуразиялық экономикалық одақтың тауарларын түсіру, қайта тиеу (қайта аудару) және онымен өзге де жүк операцияларын жүзеге асыруға, Еуразиялық экономикалық одақтың мүшелері болып табылмайтын мемлекеттердің аумақтарында Еуразиялық экономикалық одақтың мұндай тауарларын тасымалдайтын көлік құралдарын ауыстыруға кеден органының рұқсатын алумен немесе мұндай операциялардың жасалғаны туралы кеден органын хабардар етумен байланысты кедендік операцияларды жасау тәртібін Комиссия айқындайды.


      391-бап. Кедендік транзиттің кеден рәсіміне сәйкес Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезіндегі тасымалдаушы мен экспедитордың міндеті

      1. Еуразиялық экономикалық одақтың тауарларын Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезінде осы баптың
2-тармағында көрсетілген жағдайларды қоспағанда, кедендік транзит кедендік рәсімімен орналастырылған Еуразиялық экономикалық одақ тауарларының декларанты болып табылатынына не табылмайтынына қарамастан тасымалдаушы:

      1) осы Кодекстің 230-бабы 1-тармағының 1) және 2) тармақшаларында көзделген міндеттердің орындалуын қамтамасыз етуге;

      2) Еуразиялық экономикалық одақтың мүшелері болып табылмайтын мемлекеттердің аумақтарында, кедендік транзиттің кеден рәсіміне сәйкес өткізілетін (тасымалданатын) Еуразиялық экономикалық одақтың тауарларын түсіруді, қайта тиеуді (қайта аударуды) және өзге де жүк операцияларын, сондай-ақ мемлекеттік органдар не ұйымдар Қазақстан Республикасының заңнамасына сәйкес немесе үшінші тарап Еуразиялық экономикалық одақтың мүше мемлекеттерінің халықаралық шарттарына сәйкес берген құжаттармен расталатын, осындай операциялар авария немесе еңсерілмейтін күш әсерінің салдарынан болған жағдайларды қоспағанда, осы Кодекстің 390-бабының 1-тармағында көзделген кеден органының рұқсатынсыз, Еуразиялық экономикалық одақтың осындай тауарларын өткізетін көлік құралдарын ауыстыруға жол берілмейді.

      2. Егер Еуразиялық экономикалық одақтың тауарларын Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізу (тасымалдау) кезінде кедендік транзиттің кеден рәсімімен орналастырылатын Еуразиялық экономикалық одақ тауарларының декларанты болып осы Кодекстің 387-бабының 2-тармағында көрсетілген тұлғалар болса, осы баптың 1-тармағында көрсетілген әрекеттерді орындау бойынша міндет осы тұлғаларға жүктеледі.


      392-бап. Кедендік транзиттің кеден рәсімімен орналастырылатын (орналастырылған) Еуразиялық экономикалық одақтың тауарларына қатысты кедендік әкету баждарын төлеу бойынша міндеттің туындауы және тоқтатылуы, оларды төлеу және есептеу мерзімі

      1. Кедендік транзит кедендік рәсімімен орналастырылатын Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізілетін (тасымалданатын) Еуразиялық экономикалық одақтың тауарларына қатысты кедендік әкету баждарын төлеу бойынша міндет декларантта кеден органы транзиттік декларацияны тіркеген сәттен бастап туындайды.

      2. Кедендік транзит кедендік рәсімімен орналастырылатын Еуразиялық экономикалық одақтың тауарларына қатысты кедендік әкету баждарын төлеу бойынша міндет декларантта мынадай мән-жайларда тоқтатылады:

      1) осы Кодекстің 231-бабына сәйкес кедендік транзит кедендік рәсімнің қолданысы аяқталғанда;

      2) кедендік транзит кедендік рәсім қолданысы оларға қатысты аяқталған Еуразиялық экономикалық одақтың тауарлары осы Кодекстің 209-бабының 7-тармағына сәйкес кедендік рәсіммен орналастырғанда;

      3) кедендік әкету баждарын төлеу бойынша міндетті орындағанда және (немесе) осы баптың 4-тармағына сәйкес есептелген және төлеуге жататын мөлшерде оларды өндіріп алғанда;

      4) кедендік транзит кедендік рәсіміне сәйкес Еуразиялық экономикалық одақтың тауарларын шығарудан бас тартқанда – транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты;

      5) осы Кодекстің 184-бабына сәйкес транзиттік декларацияны кері шақыртқанда және (немесе) Еуразиялық экономикалық одақтың тауарларын шығару осы Кодекстің 192-бабының 4-тармағына сәйкес жойғанда - транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты;

      6) Қазақстан Республикасының заңнамасына сәйкес мемлекеттің меншігіне (кірісіне) Еуразиялық экономикалық одақтың тауарларын тәркілеу немесе олардың айнылымы;

      7) кеден органы Еуразиялық экономикалық одақтың тауарларын осы Кодекстің 52-тарауына сәйкес ұстағанда;

      8) қылмыстық құқық бұзұшылықтар туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша өндіріс барысында (әкімшілік процесті жүргізу) алынған немесе тыйым салынған және оларға қатысты егер бұрын Еуразиялық экономикалық одақтың мұндай тауарларын шығару жүргізілмесе, оларды қайтару туралы шешім қабылданған Еуразиялық экономикалық одақтың тауарларын уақытша сақтауға қойғанда немесе бір рәсімге орналастырғанда.

      3. Кедендік әкету баждарын төлеу бойынша міндет, егер кедендік транзит кедендік рәсіммен орналастырылған және Еуразиялық экономикалық одақтың кедендік аумағынан әкетілген Еуразиялық экономикалық одақтың мүшелері болып табылмайтын мемлекеттердің аумақтары арқылы Еуразиялық экономикалық одақтың кедендік аумағының бір бөлігінен Еуразиялық экономикалық одақтың кедендік аумағының басқа бөлігіне және (немесе) теңізден өткізілетін (тасымалданатын) Еуразиялық экономикалық одақтың тауарлары, Еуразиялық экономикалық одақтың кедендік аумағына әкелінбеген жағдайда, орындауға жатады.

      Көрсетілген мән-жайлар орын алған кезде Еуразиялық экономикалық одақтың тауарларын кедендік транзит кедендік рәсіммен орналастырылған күні кедендік әкету баждарын төлеу мерзімі болып саналады.

      4. Осы баптың 3-тармағында көрсетілген мән-жайлар орын алған кезде кедендік әкету баждары, егер кедендік транзит кедендік рәсіммен орналастырылған Еуразиялық экономикалық одақтың тауарлары кедендік әкету баждарын төлеу бойынша жеңілдіктерін қолданбай экспорт кедендік рәсімімен орналастырылатындай болса, төлеуге жатады.

      Кедендік әкету баждарын есептеу үшін кеден органы транзиттік декларацияны тіркеген күні қолданыста болатын кедендік әкету баж мөлшерлемелері қолданылады.

      Егер кеден органында Еуразиялық экономикалық одақтың тауарлары туралы (сипаты, атауы, саны, шығарылған жері және (немесе) кедендік құны) нақты мәліметтер болмаса, төлеуге жататын кедендік әкету баждарын есептеуге арналған база кеден органында бар мәліметтер негізінде айқындалады, ал Еуразиялық экономикалық одақтың тауарларын жіктеу осы Кодекстің 40-бабының 3-тармағы ескеріле отырып жүзеге асырылады.

      Егер Сыртқы экономикалық қызметтің Тауар номенклатурасына сәйкес тауарлар коды кедендік әкету баждарын есептеу үшін оннан аз белгілерінің санымен топтау деңгейінде айқындалса, мұндай топтарға кіретін тауарларға сәйкес келетін кедендік әкету баждары мөлшерлемелерінің жоғарғысы қолданылады.

      Кейіннен Еуразиялық экономикалық одақтың тауарлары туралы мәліметтерді анықтау үшін кедендік әкету баждары мұндай нақты мәліметтерден шыға отырып есептеледі, және артық төленген және (немесе) артық өндіріп алынған кедендік әкету баждарының сомаларын қайтару (есепке жатқызу) не төленбеген сомаларын өндіріп алу осы Кодекстің 11 және 12-тарауларына сәйкес жүзеге асырылады.

      5. Еуразиялық экономикалық одақтың кедендік аумағынан әкетілген кедендік транзит кедендік рәсімімен орналастырылған тауарларды Еуразиялық экономикалық одақтың кедендік аумағына әкелген жағдайда, мұндай тауарларды осы Кодекстің 209-бабының 7-тармағына сәйкес кедендік рәсімдерге орналастыру, кедендік әкету баждарын төлеу және (немесе) оларды өндіріп алу (толық немесе ішінара) бойынша міндетті орындағаннан кейін осы бапқа сәйкес төленген және (немесе) өндіріп алынған кедендік әкету баждарының сомалары осы Кодекстің 11-тарауына сәйкес есепке жатқызуға (қайтаруға) жатады.

      6. Егер кедендік әкету баждарын, салықтарын төлеу бойынша міндеттің орындалуын қамтамасыз ету, осы Кодекстің 96-бабының 3-тармағына сәйкес кедендік транзит кедендік рәсімімен орналастырылған тауарлардың декларантына қарағанда, өзге тұлғаға берілсе, мұндай өзге тұлға декларантпен кедендік әкету баждарын төлеу бойынша ортақ міндетте болады.

6-БӨЛІМ. КЕДЕНДІК БАҚЫЛАУДЫ ЖҮРГІЗУ 46-тарау. Кедендік бақылауды жүргізу туралы жалпы ережелер

      393-бап. Кедендік бақылауды жүргізу

      1. Кедендік бақылауды Еуразиялық экономикалық одақтың және Қазақстан Республикасының кеден заңнамаларына сәйкес кеден органдары жүргізеді.

      2. Кедендік бақылау кедендік бақылау объектілеріне қатысты осы Кодексте айқындалған кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды қолданумен жүргізіледі.

      Еуразиялық экономикалық одақтың және Қазақстан Республикасының кеден заңнамаларын бұзуда Еуразиялық экономикалық одақтың кедендік шекарасы арқылы өткізілетін тауарларды анықтау мақсатында кедендік бақылау Еуразиялық экономикалық одақтың кедендік шекарасын кесіп өтетін жеке тұлғаларға қатысты жүргізілуі мүмкін.

      3. Кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды қолданумен кедендік бақылауды жүргізу тәртібі осы Кодексте, атап айтқанда осы Кодекспен реттелмеген, немесе мүше мемлекеттердің кедендік реттеу туралы заңнамасына сәйкес жағдайларда қарастырылған бөлікте айқындалады.

      Кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды қолдану технологиясы (нұсқаулығы) мүше мемлекеттердің кедендік реттеу туралы заңнамасына сәйкес белгіленеді.

      4. Кедендік бақылауды жүргізу кезінде кеден органдары кедендік бақылау объектілерінің іріктеу қағидатын, кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды негізге алады.

      Кедендік бақылау объектілерін, кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды таңдаған кезде мүше мемлекеттердің кедендік реттеу туралы заңнамасына сәйкес тәуекелдерді басқару жүйесі пайдаланылады.

      5. Кеден органдары кедендік бақылаудың нысандары мен (немесе) кедендік бақылаудың жүргізілуін қамтамасыз ететін шараларды, егер бұл мүше мемлекеттердің заңнамасында белгіленген болса, мүше мемлекеттің заңнамасының сақталуын бақылау осы мүше мемлекеттің кеден органына жүктелген заңнаманың сақталуын қамтамасыз ету үшін қолдануы мүмкін.

      Шығарғанға дейін кедендік тазартумен байланысты кедендік операцияларды жасау кезінде кеден органының кедендік бақылау нысанын және (немесе) кедендік бақылауды жүргізуді қамтамасыз ету шараларын қолдануы тәуекелдерді басқарудың автоматтандырылған жүйесінің негізінде ғана жүзеге асырылады.

      6. Кеден органдары өзінің құзыреті шегінде Қазақстан Республикасының заңнамасына сәйкес бақылаудың өзге де түрлерін, оның ішінде экспорттық, валюталық, радиациалық бақылауды жүзеге асырады.

      7. Кеден органдарының атынан кедендік бақылауды өздерінің лауазымдық (қызметтік) міндеттеріне сәйкес кедендік бақылауды жүргізуге уәкілеттік берілген кеден органдарының лауазымды тұлғалары жүргізеді.

      Кедендік бақылауды кедендік, өзге құжаттарды және (немесе) мәліметтерді тексеру нысанында, сондай-ақ өзге нысандарда немесе кедендік бақылаудың жүргізілуін қамтамасыз ету шараларын қолданумен кеден органдары лауазымды тұлғаларының қатысуынсыз кеден органдарының ақпараттық жүйелері арқылы кеден органдары жүргізеді.

      8. Кедендік бақылау тауарлардың осы Кодекстің 34-бабына сәйкес айқындалатын кедендік бақылауда болу кезеңінде жүргізіледі.

      Алдын ала кедендік декларациялау және мерзімдік кедендік декларациялау кезінде осы Кодекстің 394-бабының бесінші абзацында көрсетілген кедендік бақылау объектілеріне қатысты кедендік бақылау кедендік декларация тіркелген сәттен бастап жүргізіледі.

      Осы Кодекстің 34-бабының 7, 8, 9, 10, 11, 12, 13, 14 және 15-тармақтарында көрсетілген мән-жайлар орын алғаннан кейін кедендік бақылау мұндай мән-жайлар орын алған күннен бастап бес жыл өткенге дейін жүргізілуі мүмкін.

      Мүше мемлекеттердің кедендік реттеу туралы заңнамасында, кедендік бақылау көрсетілген мән-жайлар орын алғаннан кейін мұндай мән-жайлар орын алған күннен бастап бес жыл өткенге дейін жүргізілуі мүмкін екендігі анықталуы мүмкін.

      9. Тауарлардың шығарылу фактісін растайтын мәліметтерді тексеру мақсатында кеден органдары, Еуразиялық экономикалық одақтың және (немесе) Қазақстан Республикасының кеден заңнамаларын бұза отырып, тауарлардың Еуразиялық экономикалық одақтың кедендік аумағына әкелінгені және (немесе) Еуразиялық экономикалық одақтың кедендік аумағында болуы туралы ақпарат кеден органдарында болған кезде, кедендік бақылауды Еуразиялық экономикалық одақтың кедендік аумағында орналасқан тауарларға қатысты жүргізуі мүмкін.

      10. Кедендік бақылауды жүргізу кезінде кеден органдарына оны жүргізуге Қазақстан Республикасының өзге мемлекеттік органдарының қандай да бір рұқсаттары, ұйғарымдары не қаулылары талап етілмейді.

      11. Кеден органдары және олардың лауазымды тұлғалары кедендік бақылауды жүргізу кезінде Еуразиялық экономикалық одақтың кеден заңнамасында, Қазақстан Республикасының кеден және өзге заңнамаларында көзделмеген талаптар мен шектеулерді белгілеуге құқылы емес.

      12. Кедендік бақылауды жүргізу кезінде мүдделері кеден органдарының немесе олардың лауазымды тұлғаларының шешімдерімен, әрекеттерімен (әрекетсіздіктерімен) қозғалатын тасымалдаушыға, декларантқа, кеден ісі саласында қызметті жүзеге асыратын тұлғаларға және өзге тұлғаларға, сондай-ақ тауарлар мен көлік құралдарына кедендік бақылауды жүргізу кезінде заңсыз зиян келтіруге жол берілмейді.

      13. Кедендік бақылау кедендік бақылау аймағында және кедендік бақылауға жатататын тауарлар, оның ішінде халықаралық тасымалдаудың көлік құралдары және жеке пайдалануға арналған көлік құралдары, мұндай тауарлар туралы мәліметтері бар құжаттар және (немесе) ақпараттық жүйелер орналасқан (орналасуы тиіс немесе мүмкін) өзге орындарда өткізіледі.

      14. Осы Кодексте көзделген жағдайларда, кедендік бақылау нысандарын қолданумен кедендік бақылауды жүргізу нәтижелері белгіленген нысандағы кедендік құжаттарды жасау жолымен немесе осы Кодекстен көзделген өзге тәсілмен ресімделеді.


      394-бап. Кедендік бақылау объектілері

      Мыналар:

      осы Кодекстің 34-бабына сәйкес кедендік бақылаудағы тауарлар;

      Еуразиялық экономикалық одақ тауарлары мәртебесіне ие болған ішкі тұтыну үшін шығару кедендік рәсіміне орналастырылған тауарлар, кері импорт кедендік рәсіміне орналастырылған тауарлар, еркін айналымға шығарылған жеке пайдалануға арналған тауарлар, сондай-ақ тауарлар Еуразиялық экономикалық одақтың кедендік аумағына қайта әкелген кезде Еуразиялық экономикалық одақ тауарлары мәртебесін сақтап қалған тауарлар, – осы Кодекстің 393-бабының 7-тармағының үшінші абзацында көрсетілген мерзім ішінде;

      Еуразиялық экономикалық одақтың кедендік аумағындағы тауарлар, – кеден органдарында Еуразиялық экономикалық одақтың және (немесе) Қазақстан Республикасының кеден заңнамаларын бұза отырып, мұндай тауарлардың Еуразиялық экономикалық одақтың кедендік аумағына әкелінгені және (немесе) Еуразиялық экономикалық одақтың кедендік аумағында болуы туралы ақпарат болған кезде;

      кеден органдарына ұсынылуы Еуразиялық экономикалық одақтың кеден заңнамасына, Қазақстан Республикасының халықаралық шарттарына және (немесе) Қазақстан Республикасының кеден және өзге заңнамаларына сәйкес көзделген кедендік және өзге де құжаттар, сондай-ақ мұндай құжаттарда қамтылған мәліметтер;

      тұлғалардың, оның ішінде Еуразиялық экономикалық одақтың кедендік шекарасы арқылы тауарларды өткізуге, кеден ісі саласындағы қызметтерді көрсетуге байланысты уәкілетті экономикалық операторлардың не жекелеген кедендік рәсімдер шеңберінде жүзеге асырылатын қызмет;

      уақытша сақтау қоймалары, кеден қоймалары, еркін қоймалар, бажсыз сауда дүкендері ретінде пайдалануға арналған немесе пайдаланылатын, уәкілетті экономикалық операторлардың тауарларын уақытша сақтау үшін пайдалануға арналған немесе пайдаланылатын, сондай-ақ кедендік бақылау аймағы ретінде пайдалануға арналған немесе пайдаланылатын құрылыстар, үй-жайлар (үй-жайлардың бөліктері) және (немесе) ашық алаңдар (ашық алаңдардың бөліктері) кедендік бақылау объектілері болып табылады.


      395-бап. Кедендік рәсімге сәйкес тауарларды пайдалану шарттарының сақталуына кедендік бақылау

      1. Кедендік рәсімге сәйкес тауарларды пайдалану шарттарының сақталуына кедендік бақылауды кеден органдары жүргізеді.

      2. Осы баптың 1-тармағында көрсетілген, кеден органы тауарларды кедендік рәсіммен орналастырған Еуразиялық экономикалық одаққа мүше мемлекетке қарағанда, өзге Еуразиялық экономикалық одаққа мүше мемлекеттің аумағында орналасқан тауарларға қатысты кедендік бақылау, Комиссия айқындайтын ерекшеліктерді ескере отырып осы Кодекстің 447-бабына сәйкес жүргізіледі.

      3. Кедендік транзит кедендік рәсімімен орналастырылған тауарларға қатысты осы Кодекстің 24-тарауы талаптарының сақталуына кедендік бақылауды, аумағы бойынша мұндай тауарлардың тасымалдауы жүзеге асырылатын және (немесе) аумағында кедендік транзит кедендік рәсімнің қолданысы аяқталатын, аумағында тауарлар кедендік рәсіммен орналастырылған Еуразиялық экономикалық одаққа мүше мемлекеттің кеден органдары жүргізеді.


      396-бап. Тауарлардың кедендік құнына кедендік бақылауды жүргізу ерекшелігі

      1. Кедендік декларациялау кезінде мәлімделген тауарлардың кедендік әкелу құнына кедендік бақылауды жүргізу кезінде (бұдан әрі осы бапта - тауарлардың кедендік әкелу құнын бақылау) кеден органдары тауарлардың кедендік құнын дұрыс айқындауына және мәлімдеуіне тексеруді жүзеге асырады (тауарлардың кедендік құнын айқындау әдісін таңдау және қолдану, тауарлардың кедендік құнының құрылымы мен шамасы, тауарлардың кедендік құны туралы мәліметтерді құжаттамалық растау).

      2. Тауарлардың кедендік әкелу құнына бақылауды жүргізу кезінде кеден органы декларанттан тауарлардың бағасын қалыптастыруға әсер ететін факторлар туралы, сондай-ақ Еуразиялық экономикалық одақтың кедендік аумағына әкелінетін тауарларға қатысы бар өзге де мән-жайлар туралы жазбаша нысанда түсіндіруді сұратуға құқылы.

      3. Еуразиялық экономикалық одақтың кедендік аумағына әкелінетін тауарлардың кедендік құнына бақылаудың өзге де ерекшеліктерін, оның ішінде тауарлардың кедендік құнын дұрыс айқындамау белгілерін, тауарлардың кедендік құны туралы мәліметтерді дұрыс емес деп тануға негіздемені Комиссия айқындайды.

      4. Комиссия оларға қатысты кедендік әкелу баждарын, салықтарды төлеу бойынша міндетін осы Кодекстің 216-бабының 2-тармағының бірінші абзацына және 306-бабының 2-тармағының бірінші абзацына сәйкес туындамайтын тауарлардың кедендік әкелу құнын бақылау ерекшелігін айқындауға құқылы.

      5. Кедендік декларациялау кезінде мәлімделген Еуразиялық экономикалық одақтың кедендік аумағынан әкетілетін тауарлардың кедендік құнына бақылауды жүргізу кезінде кеден органдары тауарлардың кедендік әкету құнын дұрыс айқындауына және мәлімдеуіне тексеруді жүзеге асырады (тауарлардың кедендік құнының құрылымы мен шамасы, тауарлардың кедендік құны туралы мәліметтерді құжаттамалық растау).

      Тауарлардың кедендік әкету құнына бақылауды жүргізу кезінде кеден органы декларанттан тауарлардың бағасын қалыптастыруға әсер ететін факторлар туралы, сондай-ақ Еуразиялық экономикалық одақтың кедендік аумағына әкетілетін тауарларға қатысы бар өзге де мән-жайлар туралы жазбаша нысанда түсіндіруді сұратуға құқылы.


      397-бап. Тауарлардың шығарылған жеріне кедендік бақылау ерекшеліктері

      1. Тауарлардың шығарылған жеріне кедендік бақылауды жүргізу кезінде тауарлардың шығарылған жері туралы құжаттар, кедендік декларацияда мәлімделген және (немесе) кеден органы ұсынған құжаттардағы тауарлардың шығарылған жері туралы мәліметті, оның ішінде тауарлардың шығарылған жері туралы құжаттарда қамтылған мәліметтердің дұрыстығын, сондай-ақ тауарлардың шығарылған жері туралы сертификаттардың түпнұсқалығы, олардың дұрыс ресімделуі және (немесе) толтырылуы тексеріледі.

      2. Кеден органы тауарлардың шығарылған жері туралы сертификаттарда қамтылған мәліметтердің дұрыстығына, сондай-ақ тауарлардың шығарылған жері туралы сертификаттың түпнұсқалығын тексеру мақсатында тауарлардың шығарылған жері туралы сертификатын берген және (немесе) тексеруге уәкілетті мемлекеттік органға немесе уәкілетті ұйымға сұрау салу (сұрау салулар) жолдауға және (немесе) әкелінетін тауарлардың шығарылған жерін айқындау қағидаларына сәйкес қосымша құжаттар мен (немесе) мәліметтерді алуға құқылы.

      3. Кедендік бақылау нысаны тауарлар шығарылғанға дейін басталған кедендік, өзге де құжаттарды және (немесе) мәліметтерді тексеру кеден органы осы баптың 2-тармағына сәйкес жолдаған сұрау салуларға жауаптарды алған күнінен бастап, не әкелінетін тауарлардың шығарылған жерін айқындау қағидаларымен белгіленген мұндай жауаптарды алу мерзімі өтіп кеткен күннен бастап күнтізбелік отыз күннен кешіктірмей аяқтайды.

      4. Егер кедендік декларацияда тауарлардың шығарылған жері белгісіз екені мәлімделсе және кедендік бақылау жүргізу кезінде декларацияланатын тауарларға қатысты кедендік-тарифтік реттеу шаралары, тыйымдар мен шектеулер, тауарлардың шығарылған жеріне тәуелді ішкі нарықты қорғау шаралары қолданылуы мүмкін екендігі анықталса, кеден органы тауарлардың шығарылған жері туралы құжаттарды сұратуға құқылы.

      5. Мынадай:

      1) егер мұндай құжаттар осы Кодекстің 56-бабына сәйкес ұсынылуы тиіс болса, кедендік бақылау нысандарын қолдану кезінде кедендік, өзге де құжаттарды және (немесе) мәліметтерді тексеру, тауарлардың шығарылған жері туралы құжаттар ұсынылмағанда;

      2) тауарлардың шығарылған жеріне жүргізілген кедендік бақылау нәтижелері бойынша тауарлардың шығарылған жері туралы құжаттарда қамтылған мәліметтердің дұрыс еместігі анықталғанда;

      3) тауарлардың шығарылған жеріне жүргізілген кедендік бақылау нәтижелері бойынша тауарлардың шығарылған жері туралы сертификат түпнұсқа болып табылмайтыны не тауарлардың шығарылған елі туралы мұндай сертификат оны ресімдеу және (немесе) толтыру тәртібіне қойылатын талаптарын бұза отырып ресімделгені және (немесе) толтырылғаны анықталғанда;

      4) тауарлардың шығарылған жері туралы сертификатын берген және (немесе) тексеруге уәкілетті мемлекеттік орган немесе уәкілетті ұйым әкелінетін тауарлардың шығарылған жерін айқындау қағидаларымен белгіленген мерзімде, егер мұндай сұрау салу осы баптың 2-тармағына сәйкес жолданған болса, сұрау салуға жауап және (немесе) қосымша құжаттар мен (немесе) мәліметтерді ұсынбағанда;

      5) Комиссия айқындайтын өзге де жағдайлар, тауарлардың шығарылған жері расталмаған деп саналады.

      6. Егер кедендік декларацияда тауарлардың шығарылған жері белгісіз екені мәлімделсе не тауарлардың шығарылған жері расталмаған деп саналса:

      1) кедендік әкелу баждар, егер Одақ туралы шартқа сәйкес өзгеше белгіленбесе, Еуразиялық экономикалық одақтың Бірыңғай кедендік тарифімен белгіленген мөлшерлемелердің негізінде есептеледі;

      2) арнайы, демпингке қарсы, өтемақы баждары, егер Одақ туралы шартқа сәйкес өзгеше белгіленбесе, Сыртқы экономикалық қызметтің Тауар номенклатурасына сәйкес сол кодтың тауарына және (немесе) атауына қатысты белгіленген арнайы, демпингке қарсы, өтемақы баждарының ең жоғары мөлшерлемеден шыға отырып есептеледі;

      3) тауарға қатысты, егер Одақ туралы шартқа сәйкес өзгеше белгіленбесе, кедендік-тарифтік реттеудің өзге де шаралары, тыйым салулар мен шектеулер, мұндай шараларды қолдану тауарлардың шығарылған жеріне тәуелді болған жағдайларда ішкі нарықты қорғау шаралары қолданылады.

      7. Кейіннен тауарлардың шығарылған жері расталған кезде кедендік-тарифтік реттеу шаралары, тыйым салулар мен шектеулер, мұндай шараларды қолдану тауарлардың шығарылған жеріне тәуелді болған жағдайларда ішкі нарықты қорғау шаралары, тауарлардың расталған шығарылған жерінен шыға отырып қолданылады.


      398-бап. Кедендік баждарды, кедендік алымдарды, салықтарды, арнайы, демпингке қарсы, өтемақы баждарын, өсімпұлдарды, пайыздарды төлеуді қабылау

      Кеден органы:

      Қазақстан Республикасында төлеуге жататын кедендік баждарды, кедендік алымдарды, салықтарды, арнайы, демпингке қарсы, өтемақы баждарын дұрыс есептеуді және уақытылы төлеуді;

      пайыздарды дұрыс есептеуді және уақытылы төлеуді;

      өсімпұлдарды дұрыс есептеуді және төлеуді бақылауды жүзеге асырады.


      399-бап. Егер кеден органына тауарлар шығарылғаннан кейін кедендік бақылауды жүргізу кезінде, кедендік декларацияда мәлімделген мәліметтерді растайтын құжаттар ұсынылмаған жағдайда, кедендік баждарды, салықтарды, арнайы, демпингке қарсы, өтемақы баждарды есептеу ерекшеліктері

      1. Тауарлар шығарылғаннан кейін кедендік бақылауды жүргізу нәтижелері бойынша, егер кеден органына:

      1) кедендік декларацияда мәлімделген төленген кедендік баждардың, салықтардың, арнайы, демпингке қарсы, өтемақы баждардың мөлшеріне әсер ететін мәліметтерді тексеру үшін кеден органы сұрау салған (талап еткен) кедендік декларацияда көрсетілген бірде-бір құжаттар, олар туралы мәліметтер ұсынылмаса;

      2) кедендік декларацияда мәлімделеген төленген кедендік баждардың, салықтардың, арнайы, демпингке қарсы, өтемақы баждардың мөлшеріне әсер ететін мәліметтерді тексеру үшін кеден органы сұрау салған (талап еткен) кедендік декларацияда көрсетілген құжаттар, олар туралы мәліметтер ұсынылса, бірақ мұндай құжаттар тексерілетін мәліметтерді растамаса, осы Кодекстің 411-бабында немесе 416-бабында көзделген нысандарда кеден органы кедендік баждарды, салықтарды, арнайы, демпингке қарсы, өтемақы баждарды осы бапқа сәйкес есептейді.

      2. Төлеуге жататын кедендік баждарды, салықтарды, арнайы, демпингке қарсы, өтемақы баждарды есептеуге арналған база кеден органында бар мәліметтер негізінде айқындалады, ал тауарларды сыныптау осы Кодекстің 40-бабының 3-тармағын есепке ала отырып жүзеге асырылады.

      Егер Сыртқы экономикалық қызметтің Тауар номенклатурасына сәйкес тауарлар коды оннан аз белгілерінің санымен топтау деңгейінде айқындалса:

      кедендік баждарды есептеу үшін мұндай топтарға кіретін тауарларға сәйкес келетін кедендік баждар мөлшерлемесінің жоғарғысы қолданылады;

      салықтарды есептеу үшін, кедендік баждар мөлшерлемесінің жоғарғысы белгіленген мұндай топтарға кіретін тауарларға сәйкес келетін қосылған құн салығы мөлшерлемесінің, акциздер мөлшерлемесінің жоғарғысы қолданылады;

      арнайы, демпингке қарсы, өтемақы баждарды есептеу үшін мұндай топтарға кіретін тауарларға сәйкес келетін арнайы, демпингке қарсы, өтемақы баждары мөлшерлемесінің жоғарғысы қолданылады.

      Арнайы, демпингке қарсы, өтемақы баждары осы Кодекстің 397-бабының ережелерін есепке ала отырып, осы Кодекстің 5-тарауына сәйкес расталған тауарлардың шығарылған жерінен шыға отырып есептеледі.

      Егер тауарлардың шығарылған жері туралы құжаттардың жоқтығына байланысты тауарлардың шығарылған жерін анықтау мүмкін болмаған жағдайда, арнайы, демпингке қарсы, өтемақы баждары Сыртқы экономикалық қызметтің Тауар номенклатурасының сол кодының тауарларына (егер тауарларды жіктеу он белгі деңгейінде жүзеге асырылса) не топқа кіретін тауарларға қатысты белгіленген (егер Сыртқы экономикалық қызметтің Тауар номенклатурасына сәйкес тауарлар коды оннан аз белгілерінің санымен топтау деңгейінде айқындалса) арнайы, демпингке қарсы, өтемақы баждары мөлшерлемесінің жоғарғысынан шыға отырып есептеледі.

      Кейіннен тауарлар туралы нақты мәліметтер анықталған кезде кедендік баждар, салықтар, арнайы, демпингке қарсы, өтемақы баждары мұндай нақты мәліметтерден шыға отырып есептеледі, осы Кодекстің 11-тарауына және 141-бабына сәйкес артық төленген және (немесе) артық өндіріп алынған кедендік баждар, салықтар, арнайы, демпингке қарсы, өтемақы баждары сомаларының есепке жатқызуы (қайтаруы) жүзеге асырылады не осы Кодекстің 12-тарауына және 142-бабына сәйкес төленбеген сомаларды өндіріп алу іс-қимылы осы Кодекстің 84 және 137-баптарына сәйкес жүзеге асырылады.


      400-бап. Тауарлар шығарылғаннан кейін шартты шығарылған тауарларға қатысты кедендік бақылау ерекшеліктері

      1. Осы Кодекстің 202-бабы 1-тармағының 1) тармақшасында көрсетілген шартты шығарылған тауарларға қатысты кедендік әкелу баждарын, салықтарды төлеу бойынша жеңілдіктерді және (немесе) кедендік әкелу баждарын, салықтарды төлеу бойынша жеңілдіктерді қолданумен байланысты мұндай тауарларды билік етуі және (немесе) пайдалануы бойынша шектеулерді ұсыну мақсаттары мен шарттарын сақтау, егер мұндай тауарларға қатысты кеден органдарына жиынтықта кедендік бақылауды жүргізу кезінде расталмаған деп саналады:

      1) көрсетілген тауарлардың кедендік әкелу баждарын, салықтарды төлеу бойынша жеңілдіктерді, сондай-ақ мұндай тауарлардың билік етуі және (немесе) пайдалану бойынша шектеулерді ұсыну мақсаттарында және шарттарын сақтаумен пайдалануын растайтын құжаттарды ұсынбағанда;

      2) көрсетілген тауарлар ұсынылмағанда не олардың орналасу орны расталмағанда.

      Осы баптың 1-тармағының 2) тармақшасын тауарлардың жекелеген санаттарына қатысты қолданудың ерекшелігін уәкілетті орган бекітеді.

      2. Тауарлар шығарылғаннан кейін осы Кодекстің 202-бабының 1-тармағында көрсетілген шартты шығарылған тауарларға қатысты кедендік бақылауды жүргізуге өзге де талаптарды және жүргізу кезеңділігін уәкілетті орган бекітеді.


      401-бап. Халықаралық пошта жөнелтілімдерде жөнелтілетін тауарларға қатысты кедендік бақылау ерекшеліктері

      1. Халықаралық пошта жөнелтілімдерде жөнелтілетін тауарларға қатысты кедендік бақылауды жүргізу үшін халықаралық пошта жөнелтілімдерін кеден органдарына пошта байланысының тағайындалған операторы береді.

      Жазбаша хат-хабарлардың жекелеген түрлері (аэрограммалар, пошталық карточкалар, зағиптарға арналған хаттар мен жөнелтілімдер) кеден органына көрсетілген пошта жөнелтілімдерде тыйымдар мен шектеулер белгіленген тауарлар бар екеніне жеткілікті негіздер болған кезде оның талабы бойынша беріледі.

      2. Халықаралық пошта алмасу орнына (мекемесіне) бүлінген түрде, салмағында өзгерістер бар, ішіндегісі бұзылған, қажетті ілеспе құжаттары салынбаған және (немесе) құжаттарсыз келіп түскен халықаралық пошта жөнелтілімдері Дүниежүзілік пошта одағының актілерімен айқындалған, тағайындалған пошта операторы ресімдеген қосымша құжаттар кеден органдарына беріледі.

      3. Егер оны кеден органдары кедендік операцияларды жасау және (немесе) кедендік бақылауды жүргізу кезінде пайдаланса, халықаралық пошта жөнелтілімдеріне қатысты кедендік тексеріп қарау актісін ресімдеу жүргізіледі. Егер кедендік тексеріп қарау актісі жасалмаса, кедендік тексеріп қарау нәтижелері туралы мәліметті кеден органының лауазымды тұлғалары халықаралық пошта жөнелтілімдерімен ілесіп жүретін Дүниежүзілік пошта одағының актілерімен көзделген құжаттарда көрсетіледі.


      402-бап. Еуразиялық экономикалық одақтың кедендік шекарасында мемлекеттік бақылауды (қадағалауды) жүзеге асыратын Қазақстан Республикасының мемлекеттік органдары мен кеден органдары арасындағы өзара іс-қимыл

      1. Еуразиялық экономикалық одақтың кедендік шекарасы арқылы өткізілетін және Еуразиялық экономикалық одақтың кедендік шекарасында мемлекеттік бақылауды (қадағалауды) жүзеге асыратын Қазақстан Республикасының басқа да мемлекеттік органдарымен бақылауға жататын тауарларға қатысты кедендік бақылауды жүргізу кезінде кеден органдары басқа бақылаушы мемлекеттік органдардың әрекеттеріне жалпы үйлестіруді және бірлескен актімен айқындалатын тәртіпте бір уақытта бірлескен бақылаудың жүргізілуін қамтамасыз етеді.

      2. Еуразиялық экономикалық одақтың кедендік шекарасында мемлекеттік бақылауды (қадағалауды) жүзеге асыратын Қазақстан Республикасының мемлекеттік органдары мен кеден органдары ақпараттық жүйелерді пайдаланумен кедендік және мемлекеттік бақылаудың (қадағалаудың) өзге де түрлерін жүргізу үшін қажетті құжаттармен және (немесе) ақпаратпен (мәліметтермен) алмасады.

      3. Еуразиялық экономикалық одақтың кедендік шекарасы арқылы тауарларды өткізу кезінде мемлекеттік бақылаудың (қадағалаудың) жүргізілуін тездету мақсатында кедендік тексеріп қарау Еуразиялық экономикалық одақтың кедендік шекарасында мемлекеттік бақылауды (қадағалауды) жүзеге асыратын Қазақстан Республикасының басқа да мемлекеттік органдарының қатысуымен жүргізілуі мүмкін. Бұл ретте кедендік тексеріп қарау актісі жасалады.

      4. Еуразиялық экономикалық одақтың кедендік шекарасы арқылы өткізілетін тауарлардың және (немесе) көлік құралдарының иондаушы сәуле шығару деңгейін тексеру және халықтың және қоршаған ортаның қауіпсіздігін қамтамасыз ету мақсатында оны табиғи ортамен салыстыру радиациялық бақылау болып табылады.

      Радиациялық бақылауды Еуразиялық экономикалық одақтың кедендік шекарасы арқылы өткізу пункттерінде және тауарлар мен көлік құралдары өткізілетін өзге де орындарда орналасқан кеден органдары радиациялық бақылаудың техникалық құралдарын пайдалана отырып, автоматты түрде не қолмен тексеру режимінде жүргізеді.

      Радиациялық бақылауды жүргізу тәртібін уәкілетті орган тиісті уәкілетті мемлекеттік органдармен келісе отырып белгілейді.

      5. Кеден органдары экспорттық бақылауға жататын тауарлар Еуразиялық экономикалық одақтың кедендік шекарасы арқылы өткізілген кезде аталған тауарларға кедендік бақылауды жүзеге асырады.

      Кеден органдары экспорттық бақылауға жататын тауарлардың Еуразиялық экономикалық одақтың кедендік шекарасынан заңсыз өткізілуінің алдын алады және жолын кеседі.

      6. Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік ветеринариялық-санитариялық бақылау Қазақстан Республикасының ветеринария саласындағы заңнамасының талаптарын орындау мақсатында жүзеге асырылады және Еуразиялық экономикалық одақтың кедендік аумағын Еуразиялық экономикалық одақтың мүшесі болып табылмайтын басқа мемлекеттерден жануарлардың жұқпалы және экзотикалық ауруларын қоздырушылардың әкелінуі мен таралуынан қорғауға бағытталған.

      Зертханалық бақылауды қоспағанда, кеден органдарының лауазымды адамдарының Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік ветеринариялық-санитариялық бақылауды жүзеге асыруы тәртібін, сондай-ақ ветеринария саласындағы уәкілетті орган мен кеден органдарының өзара іс-қимыл жасау тәртібін ветеринария саласындағы уәкілетті орган уәкілетті органмен келісу бойынша бекітеді.

      7. Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік карантиндік фитосанитариялық бақылау Қазақстан Республикасының өсімдіктер карантині саласындағы заңнамасының талаптарын орындау мақсатында жүзеге асырылады және Еуразиялық экономикалық одақтың кедендік аумағын Еуразиялық экономикалық одақтың мүшесі болып табылмайтын басқа мемлекеттерден тізбесін өсімдіктер карантині жөніндегі уәкілетті орган бекітетін карантинді объектілердің әкелінуінен қорғауға бағытталған.

      Зертханалық сараптаманы қоспағанда, кеден органдарының лауазымды адамдарының Еуразиялық экономикалық одақтың кедендік шекарасы арқылы автомобиль өткізу пункттерінде мемлекеттік карантиндік фитосанитариялық бақылауды жүзеге асыруы тәртібін, сондай-ақ өсімдіктер карантині жөніндегі уәкілетті орган мен кеден органдарының өзара іс-қимыл жасау тәртібін өсімдіктер карантині саласындағы уәкілетті орган уәкілетті органмен келісу бойынша бекітеді.

      8. Адамдар мен тауарларды (жүктерді) Еуразиялық экономикалық одақтың кедендік шекарасы арқылы өткізген кезде Еуразиялық экономикалық одақтың кедендік аумағына инфекциялық және паразиттік аурулардың, сондай-ақ адамның денсаулығы үшін ықтимал қауіпті заттар мен өнімдердің әкелінуіне жол бермеу мақсатында жүргізілетін тауарлардың (жүктердің) санитарлық-эпидемиологиялық жай-күйін және адамдардың денсаулық жағдайын бақылау санитарлық-карантиндік бақылау болып табылады.

      Еуразиялық экономикалық одақтың кедендік шекарасы арқылы автомобильмен өту пункттерінде санитарлық-карантиндік бақылауды кеден органдарының лауазымды адамдары уәкілетті орган мен халықтың санитарлық-эпидемиологиялық салауаттылығы саласындағы уәкілетті орган арасында жасалатын бірлескен актіде айқындалған тәртіппен жүргізеді.

      Еуразиялық экономикалық одақтың мүшесі болып табылмайтын басқа мемлекеттен инфекциялық және паразиттік аурулардың, сондай-ақ адамның денсаулығы үшін ықтимал қауіпті заттар мен өнімдердің әкелінуінің нақты қаупі туындаған жағдайда кеден органдары санитарлық-карантиндік бақылау жүргізу мақсатында уәкілетті орган мен халықтың санитарлық-эпидемиологиялық салауаттылығы саласындағы уәкілетті органның бірлескен актілерінде айқындалған тәртіппен халықтың санитарлық-эпидемиологиялық салауаттылығы саласындағы аумақтық органдарды тартады.

      9. Еуразиялық экономикалық одақтың кедендік шекарасы арқылы автомобиль, теңіз өткізу пункттерінде кеден органдарына жүктелген көлік бақылауы Қазақстан Республикасының автомобиль көлігі саласындағы заңнамасының талаптарын жеке және заңды тұлғалардың сақтауын тексеру мақсатында жүзеге асырылады.

      Еуразиялық экономикалық одақтың кедендік шекарасы арқылы автомобиль, теңіз өткізу пункттеріндегі кеден органдарына жүктелген көлік бақылауын уәкілетті орган мен көлік саласындағы уәкілетті орган арасында жасалатын бірлескен актіде белгіленген тәртіппен кеден органдарының лауазымды адамдары жүзеге асырады.

      10. Қазақстан Республикасының валюталық заңнамасын сақтау мақсатында кеден органдары:

      1) өз құзыреті шегінде сыртқы экономикалық қызметке қатысушылар мен жеке тұлғалардың Қазақстан Республикасының валюта заңнамасын сақтауын бақылауды жүзеге асырады;

      2) Қазақстан Республикасының валюталық заңнамасына сәйкес тауарлардың Еуразиялық экономикалық одақтың кедендік шекарасы арқылы қозғалысы туралы Қазақстан Республикасының Ұлттық Банкін хабардар етіп отырады;

      3) кеден органдары анықтаған Қазақстан Республикасының валюталық заңнамасы талаптарының бұзылғандығы туралы Қазақстан Республикасының Ұлттық Банкін хабардар етіп отырады.


      403-бап. Кеден органдарының мемлекеттік органдармен өзара іс-қимылы

      1. Кеден органдары өз функцияларын тиісті мемлекеттік органдармен бірлескен актілерде айқындалатын тәртіппен немесе көрсетілген органдармен келісу бойынша өзге де мемлекеттік органдармен өзара іс-қимыл жасай отырып жүзеге асырады.

      2. Қазақстан Республикасының заңнамалық актілерінде көзделген жағдайларды қоспағанда, кеден органдарының қызметіне араласуға тыйым салынады.

      3. Қазақстан Республикасының валюталық заңнамасын сақтау мақсатында кеден органдары:

      1) өз құзыреті шегінде сыртқы экономикалық қызметке қатысушылар мен жеке тұлғалардың Қазақстан Республикасының валюта заңнамасын сақтауын бақылауды жүзеге асырады;

      2) Қазақстан Республикасының валюталық заңнамасына сәйкес тауарлардың Еуразиялық экономикалық одақтың кедендік шекарасы арқылы қозғалысы туралы Қазақстан Республикасының Ұлттық Банкін хабардар етіп отырады;

      3) кеден органдары анықтаған Қазақстан Республикасының валюталық заңнамасы талаптарының бұзылғандығы туралы Қазақстан Республикасының Ұлттық Банкін хабардар етіп отырады.


      404-бап. Кедендік бақылау аймақтары

      1. Еуразиялық экономикалық одақтың кедендік шекарасы арқылы тауарларды өткізу орындары, меншікті тауарларды сақтау қоймаларының, уақытша сақтау қоймаларының, кеден қоймаларының, еркін қоймаларының аумақтары, бажсыз сауда дүкендерінің аумақтары және осы Кодексте белгіленген өзге де орындар кедендік бақылау аймақтары болып табылады.

      Еуразиялық экономикалық одақтың кедендік шекарасы арқылы өткізу пункттерінде көліктік-логистикалық орталықтарында, сондай-ақ кедендік декларациялау және өзге де кедендік операциялар жүргізу орындарында кедендік бақылауды жүзеге асыру мақсаттары үшін кеден органдары кедендік бақылау аймақтарын құрады.

      Кедендік бақылау аймақтарының өзге де орындарында тауарларды уақытша сақтау, жүк және өзге де операцияларды жасау осы баптың 2-тармағында көзделген жағдайларды қоспағанда, тауарлар мен көлік құралдарына қатысты тауарларды кедендік тексеріп қарау және (немесе) қарап тексеру нысанында кедендік бақылауды жүргізу үшін құрылады.

      2. Кедендік бақылау аймақтарын құрмай:

      1) көшпелі кедендік тексеру барысында не осы Кодекстің 18-бабының 1-тармағына сәйкес кедендік бақылау аймақтарынан тыс көлік құралдарын тоқтатқан кезде, сондай-ақ Еуразиялық экономикалық одақтың кедендік шекарасы арқылы заңсыз өткізілетін тауарлар анықталған кезде жүзеге асырылатын кедендік қарап тексеру;

      2) көшпелі кедендік тексеру және (немесе) аумақтар мен үй-жайларды кедендік қарап тексеру барысында не осы Кодекстің 18-бабының 1-тармағына сәйкес кедендік бақылау аймақтарынан тыс көлік құралдарын тоқтатқан кезде, сондай-ақ Еуразиялық экономикалық одақтың кедендік шекарасы арқылы заңсыз өткізілетін тауарлар анықталған кезде жүзеге асырылатын кедендік тексеріп қарау жүргізілуі мүмкін.

      3. Кедендік бақылау аймақтары, егер олар кедендік бақылауда орналасқан тауарларды тұрақты, немесе уақытша – оларды кедендік бақылау жүргізу уақытына, тауарлар мен көлік құралдарына қатысты жүк және өзге де операцияларды жасауға құрылған жағдайда, орналастыру үшін арналған болса, тұрақты болуы мүмкін.

      4. Тұрақты кедендік бақылау аймақтары уәкілетті органның немесе кеденнің аумақтық бөлімшесі басшысының (оны алмастыратын адамның) осы баптың 1-тармағында көзделген орындарда кедендік бақылау аймақтарын белгілеу туралы бұйрығының негізінде құрылады және жұмыс істеуін тоқтатады.

      Уақытша кедендік бақылау аймақтарын құру (оның ішінде мүдделі тұлғаның өтініші бойынша), жұмыс істеуін тоқтату тәртібін, оларға қойылатын талаптарды, сондай-ақ уақытша кедендік бақылау аймақтарының құқықтық режимін уәкілетті орган бекітеді.

      5. Тұрақты кедендік бақылау аймақтарының шекаралары шартты сызықпен шектеледі және:

      1) кедендік рәсімдер өткізу орындарында – өлшемдері: биіктігі – 50 сантиметр, ені – 100 сантиметр болатын белгілермен белгіленеді. Белгінің көк түсті тақтасына биіктігі 10 сантиметр және ені 3,7 сантиметр ақ түсті әріптермен, үш жолға, үш тілде (қазақ, орыс және ағылшын) "Кедендік бақылау аймағы" деген жазу жазылады;

      2) суда жарық шағылыстырғыш бояудың көмегімен орындалған "Кедендік бақылау аймағы" деген жазуы бар қызыл түсті қалтқылармен белгіленеді.

      6. Тұрақты кедендік бақылау аймақтарына жіберу:

      1) кедендік бақылау аймақтарында қызметті жүзеге асыратын Қазақстан Республикасының тиісті бақылаушы органдарының лауазымды адамдары үшін, қызметтік куәлікті ұсынған кезде, тұрақты рұқсат қағазы;

      2) Қазақстан Республикасының заңнамасында белгіленген тәртіппен құқық қорғау немесе арнайы органдардың лауазымды адамдары үшін қаулы;

      3) лауазымдық міндеттерін орындау тікелей кедендік бақылау аймағында болумен байланысты ұйымдардың лауазымды адамдары үшін рұқсат қағазы негізінде жүзеге асырылады.

      Тұрақты рұқсат қағаздары тиісті бақылаушы органдардың, ұйымдардың жазбаша өтініші негізінде күнтізбелік бір жыл мерзімге беріледі және оған уәкілетті орган аумақтық бөлімшесінің немесе кеденнің басшысы не оны алмастыратын адам қол қояды. Рұқсат қағаздарын арнайы журналда тіркеуді аталған рұқсат қағазын берген кеден органы жүргізеді.

      4) мемлекеттік органдардың және ұйымдардың лауазымды адамдары кедендік бақылау аймағында қысқа уақыт болуымен тікелей байланысты өздеріне жүктелген функцияларды орындау мақсатында оларға берілетін уақытша рұқсат қағазы негізінде жүзеге асырылады.

      Уақытша рұқсат қағаздары адамның кедендік бақылау аймағында уақытша болу мерзіміне, оның жазбаша өтініші негізінде беріледі.

      7. Тұрақты және уақытша рұқсат қағаздарының, тұрақты және уақытша рұқсат қағаздарын тіркеу журналының нысанын уәкілетті орган бекітеді.

      8. Уақытша кедендік бақылау аймақтарына жіберу:

      қызметтік куәлікті ұсынған кезде, кедендік бақылау аймақтарында қызметті жүзеге асыратын Қазақстан Республикасының тиісті бақылаушы органдарының лауазымды адамдарына;

      құқық қорғау немесе арнайы органдардың лауазымды адамдарына;

      лауазымдық міндеттерін орындау тікелей кедендік бақылау аймағында болумен байланысты ұйымдардың лауазымды адамдарына;

      кедендік бақылау аймағында қысқа уақыт болуымен тікелей байланысты өздеріне жүктелген функцияларды орындау мақсатында мемлекеттік органдардың және ұйымдардың лауазымды адамдарына жазбаша өтініштің негізінде кедендік бақылау аймағына уақытша келу мерзіміне уақытша рұқсат қағазын беру жолымен жүзеге асырылады.

      7. Рұқсат қағаздарын ресімдемей, тұрақты кедендік бақылау аймағына жіберу:

      1) қызметтік куәлікті ұсынған кезде кедендік бақылау аймағында өздеріне жүктелген функцияларды өз жұмыс уақыты кезеңінде орындайтын кеден органдарының лауазымды адамдарына;

      2) кедендік бақылау аймағындағы тауарлар мен көлік құралдарына өкілдік ететін адамдарға, сондай-ақ Еуразиялық экономикалық одағының кедендік шекарасынан кесіп өтетін жеке тұлғаларға қатысты жүзеге асырылады.

      Кеден органының лауазымды адамдарының өз жұмыс уақытынан тыс кезде кеден органы басшысының рұқсатынсыз кедендік бақылау аймағында болуына жол берілмейді.

      8. Тұрақты кедендік бақылау аймағының шекарасы арқылы және оның шегінде тауарлар мен көлік құралдарының өтуіне кеден органының рұқсатымен жол беріледі.

      9. Өндірістік және өзге кәсіпкерлік қызметті жүзеге асыруға, аталған қызмет уақытша сақтау орнының немесе қоймасының, еркін қойманың, кеден қоймасының және бажсыз сауда дүкенінің мақсатына сәйкес келген жағдайларды қоспағанда, сондай-ақ режимдік объектілердің кедендік бақылау аймақтарында болуына жол берілмейді.


      405-бап. Кедендік бақылау жүргізу үшін қажетті құжаттарды сақтау

      1. Кедендік бақылау жүргізу үшін қажетті сақтауға жататын құжаттар мыналар:

      1) кедендік құжаттар;

      2) осы Кодекстің 179-бабында көрсетілген құжаттар;

      3) кедендік баждарды, салықтарды төлеу бойынша жеңілдіктерді қолданумен байланысты тауарларды пайдалану және (немесе) билік етуі бойынша шектеулердің сақталғанын растайтын құжаттар;

      4) кедендік операцияларды жасау кезінде ресімделген құжаттар;

      5) кедендік рәсімдерге сәйкес мәлімделген тауарларды пайдалану шарттарын растайтын құжаттар болып табылады.

      2. Осы баптың 1-тармағында көрсетілген құжаттарды тұлғалар және кеден органдары, олардың кедендік декларацияны беру кезінде ұсынылғанына немесе ұсынылмағанына қарамастан, осы Кодекстің 34-бабының 7, 8, 9, 10, 11, 12, 13, 14 және 15 -тармақтарында көрсетілген мән-жайлар пайда болған күннен бастап бес жыл өткенге дейін сақтауы тиіс.

      3. Кеден ісі саласында қызметті жүзеге асыратын тұлғалар, кеден ісі саласында қызметтер көрсетумен байланысты олардың қызметтеріне қатысты кедендік бақылауды жүргізу үшін қажетті құжаттарды кедендік операциялар жасалған жыл аяқталғаннан кейін бес жыл ішінде сақтауы тиіс.


      406-бап. Кеден органдарының кедендік бақылаудың белгілі бір нысандарын қолдануынан босату

      1. Кеден органдарының кедендік бақылаудың белгілі бір нысандарын қолдануынан босату осы Кодексте және Қазақстан Республикасының халықаралық шарттарында белгіленеді.

      2. Мынадай тұлғалардың:

      1) Еуразиялық экономикалық одаққа мүше мемлекеттер басшыларының және олармен еріп жүретін отбасы мүшелерінің;

      2) егер көрсетілген тұлғалар қызметтік міндеттерін орындауға байланысты Еуразиялық экономикалық одақтың кедендік шекарасын кесіп өтсе, Еуразиялық экономикалық одаққа мүше мемлекеттер үкіметтері басшыларының, үкіметтері мүшелерінің;

      3) Еуразиялық экономикалық одаққа мүше мемлекетке ресми сапармен келетін шетел мемлекеттер басшыларының, шетел мемлекеттердің үкіметтер басшыларының, шетел мемлекеттерінің сыртқы істер министрлерінің;

      4) өкілеттіктері өтіп кеткен Еуразиялық экономикалық одаққа мүше мемлекеттер президенттерінің және олармен бірге еріп жүретін отбасы мүшелерінің;

      5) егер көрсетілген тұлғалар қызметтік міндеттерін орындауға байланысты Еуразиялық экономикалық одақтың кедендік шекарасын кесіп өтсе, Армения Республикасы Президенті Әкімшілігі басшысының, Армения Республикасының Конституциялық Сот төрағасының, Армения Республикасының Ұлттық жиналыс депутаттарының, Армения Республикасының Кассациялық Сот төрағасының, Армения Республикасы Бас прокурорының, Армения Республикасының Орталық банк төрағасының, Армения Республикасы Президентінің Күзет қызметі бастығының;

      6) егер көрсетілген тұлғалар қызметтік міндеттерін немесе депутаттық өкілеттіктерін орындауға байланысты Еуразиялық экономикалық одақтың кедендік шекарасын кесіп өтсе, Беларусь Республикасының Конституциялық сот төрағасының, Беларусь Республикасының Жоғарғы Сот төрағасының, Беларусь Республикасының Президент Әкімшілігі басшысының, Беларусь Республикасының Мемлекеттік қауіпсіздік кеңесі хатшысының, Беларусь Республикасының Мемлекеттік бақылау комитеті басшысының, Беларусь Республикасының Бас прокурорының, Беларусь Республикасының Ұлттық банк басқармасы басшысының, Беларусь Республикасы Президентінің Іс басқарушының, Беларусь Республикасы Ұлттық жиналыс республикасы Кеңесі мүшелерінің, Беларусь Республикасының Ұлттық Банк Басқармасы төрағасының, Беларусь Республикасының Ұлттық жиналыс өкілдері палатасы депутаттарының;

      7) егер көрсетілген тұлғалар қызметтік міндеттерін немесе депутаттық өкілеттіктерін орындауға байланысты Еуразиялық экономикалық одақтың кедендік шекарасын кесіп өтсе, Қазақстан Республикасының Мемлекеттік хатшысының, Қазақстан Республикасы Президенті Әкімшілігі Басшысының, Қазақстан Республикасы Конституциялық Кеңесі төрағасының, Қазақстан Республикасы Жоғарғы Сот төрағасының, Қазақстан Республикасы Бас прокурорының, Қазақстан Республикасы Ұлттық Банк төрағасының, Қазақстан Республикасы Ұлттық қауіпсіздік комитеті төрағасының, Қазақстан Республикасы Президентінің Іс Басқарушысының, Қазақстан Республикасы Мемлекеттік күзет қызметі бастығының және Қазақстан Республикасының Парламенті депутаттарының;

      8) егер көрсетілген тұлғалар қызметтік міндеттерін орындауға байланысты Еуразиялық экономикалық одақтың кедендік шекарасын кесіп өтсе, Қырғыз Республикасы Президенті Аппаратының Басшысының, Қырғыз Республикасының Жоғарғы сот төрағасының, Қырғыз Республикасы Жоғарғы соты Конституциялық палатасы төрағасының, Қырғыз Республикасы Жогорку Кенеші депутаттарының, Қырғыз Республикасының Қорғаныс кеңесі хатшысының, Қырғыз Республикасы Бас прокурорының, Қырғыз Республикасының Ұлттық Банк төрағасының, Қырғыз Республикасының Президенті және Үкіметі Іс басқарушысының, Қырғыз Республикасы Мемлекеттік Ұлттық қауіпсіздік комитеті төрағасының, Төрағаның орынбасары – Қырғыз Республикасы Мемлекеттік ұлттық қауіпсіздік комитеті 9-қызметі бастығының;

      9) егер көрсетілген тұлғалар қызметтік міндеттерін немесе депутаттық өкілеттіктерін орындауға байланысты Еуразиялық экономикалық одақтың кедендік шекарасын кесіп өтсе, Ресей Федерациясы Конституциялық сот төрағасының, Ресей Федерациясы Жоғарғы Сот төрағасының, Ресей Федерациясының Федералдық Жиналыс Федерациясы Кеңесі мүшелерінің, Ресей Федерациясының Федералдық қауіпсіздік қызметі директорының, Ресей Федерациясы Федералдық Жиналысы Мемлекеттік Думасы депутаттарының жеке багажы кедендік тексеріп қарауға жатпайды.

      3. Кедендік тексеріп қараудан:

      1) шетелдік әскери корабльдер (кемелер), әскери әуе кемелері және өздігінен жүретін әскери техника;

      2) Еуразиялық экономикалық одаққа мүше мемлекеттердің тиісті мемлекеттік органдарының арнайы өтініштеріне сәйкес Еуразиялық экономикалық одақтың кедендік шекарасы арқылы өткізілетін әскери мүлік босатылады.


47-тарау. Кедендік бақылау нысандары және оларды қолдану

      407-бап. Кедендік бақылау нысандары

      Кедендік бақылауды жүргізу кезінде кеден органдары кедендік бақылаудың мынадай:

      түсіндірулерді алу;

      кедендік, өзге де құжаттарды және (немесе) мәліметтерді тексеру;

      кедендік қарап тексеру;

      кедендік тексеріп қарау;

      жеке кедендік тексеріп қарау;

      үй-жайларды және аумақтарды кедендік қарап тексеру;

      кедендік тексеру нысандарын қолданады.


      408-бап. Түсіндірулерді алу

      1. Түсіндірулерді алу – кеден органдарының лауазымды тұлғалары тасымалдаушылардан, декларанттардан және мұндай мәліметтері бар өзге де тұлғалардан кедендік бақылау жүргізу үшін маңызы бар мәліметтерді алуда жасасқан кедендік бақылау нысаны.

      2. Түсіндірулер кедендік құжатты жасау арқылы ресімделеді, оның нысанын Комиссия айқындайды.

      3. Түсіндірулер алу үшін тұлғаны шақырту қажет болған кезде кеден органы шақырылатын тұлғаға табыс етілетін немесе жолданатын хабарламаны ресімдейді.


      409-бап. Кедендік, өзге де құжаттарды және (немесе) мәліметтерді тексеру

      1. Кедендік, өзге де құжаттарды және (немесе) мәліметтерді тексеру – мыналарды:

      1) кедендік декларацияны;

      2) кеден органдары жасайтын құжаттарды қоспағанда, өзге де кедендік құжаттарды;

      3) кедендік декларацияда мәлімделген мәліметтерді растайтын құжаттарды;

      4) кеден органына осы Кодекске сәйкес ұсынылған өзге де құжаттарды;

      5) кедендік декларацияда мәлімделген және (немесе) кеден органына ұсынылған құжаттарда бар мәліметтерді;

      6) кеден органына ұсынылған немесе олар осы Кодекске сәйкес немесе Қазақстан Республикасының заңнамасымен алынған өзге де мәліметтерді тексеруде жасасқан кедендік бақылау нысаны.

      2. Кедендік, өзге де құжаттарды және (немесе) мәліметтерді тексеру мәліметтердің дұрыстығын, құжаттардың дұрыс толтыруын және (немесе) ресімделуін тексеру, кедендік рәсімге сәйкес тауарларды пайдалану шарттарын сақтау, кедендік баждарды, салықтарды төлеу бойынша жеңілдіктерді қолдануға байланысты тауарларды пайдалану және (немесе) билік етуі бойынша шектеулерді сақтау, осы Кодекске сәйкес кедендік рәсімдерге орналастыруға жатпайтын тауарлардың жекелеген санаттарына қатысты белгіленген тауарларды пайдалану тәртібін және шарттарын сақтау мақсатында, сондай-ақ Еуразиялық экономикалық одақтың және (немесе) Қазақстан Республикасының кеден заңнамасының сақталуын қамтамасыз етудің өзге де мақсатында жүргізіледі.

      3. Кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияда мәлімделген және (немесе) кеден органдарына ұсынылған құжаттарда бар мәліметтерді тексеру тауарлар шығарылғанға дейін, сол сияқты шығарылғаннан кейін де жүргізілуі мүмкін.

      4. Егер декларант, кеден органы тауарлардың шығарылуын жүргізген кезде осы Кодекстің 195-бабында көзделген шарттарды сақтаса, сондай-ақ тәуекелдерді басқару жүйесінде айқындалатын жағдайларда тауарлар шығарылғанға дейін басталған кедендік, өзге де құжаттарды және (немесе) мәліметтерді тексеру тауарлар шығарылғаннан кейін аяқталады.

      5. Кедендік тексеру жүргізу кезінде кеден органы кедендік декларацияға қатысты кедендік, өзге құжаттарға және (немесе) мәліметтерге, кедендік декларацияда мәлімделген мәліметтерді растайтын құжаттарға, кедендік декларацияларда мәлімделген және (немесе) кеден органдарына ұсынылған құжаттарда бар мәліметтерге тексеруді осы Кодекстің 411-бабында белгіленген тәртіппен жүргізуге құқылы.

      6. Кедендік, өзге құжаттарды және (немесе) мәліметтерді тексеру осы баптың 1-тармағында көрсетілген құжаттар мен мәліметтерді талдау арқылы, оның ішінде бір құжатта бар мәліметтерді олардың арасында, сондай-ақ өзге құжаттарда, оның ішінде кедендік декларацияда мәлімделген мәліметтерді растайтын құжаттарда бар мәліметтермен, кеден органдары пайдаланатын ақпараттық жүйелерден және (немесе) ақпараттық өзара іс-қимыл шеңберінде Қазақстан Республикасының мемлекеттік органдарының (ұйымдарының) ақпараттық жүйелерінен, тексеру жүргізу кезінде кеден органының билігінде бар басқа да көздерден алынған мәліметтермен салыстыру арқылы, сондай-ақ Еуразиялық экономикалық одағының кеден заңнамасына және (немесе) Қазақстан Республикасының кеден және өзге заңнамасына сәйкес басқа да тәсілдермен жүргізіледі.

      7. Кедендік, өзге құжаттарды және (немесе) мәліметтерді тексеру шеңберінде кеден органы қосымша ақпаратты жинауды және талдауды жүзеге асыруға, оның ішінде мемлекеттік органдарға және өзге ұйымдарға сұрау салуларды жолдауға құқылы.

      8. Тауарлар шығарылғанға дейін басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру осы Кодекстің 410-бабына сәйкес жүргізіледі.

      9. Осы баптың 10-тармағында көзделген жағдайда кедендік, өзге құжаттар және (немесе) мәліметтер тексеруді жүргізуді қоспағанда, тауарлар шығарылғаннан кейін не кедендік бақылаудың осы нысанын қолданудың өзге жағдайларында басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияда мәлімделген және (немесе) кеден органдарына ұсынылған құжаттарда бар мәліметтерді тексеру осы Кодекстің 411-бабына сәйкес жүргізіледі.

      10. Осы Кодекстің 194-бабына сәйкес шығарылған тауарларға қатысты берілген кедендік, өзге құжаттарды және (немесе) мәліметтерді, мұндай декларацияда мәлімделген мәліметтерді растайтын құжаттарды, және көрсетілген тауарларға арналған декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру Комиссия айқындайтын тәртіппен жүргізіледі.

      11. Тауарларға арналған декларацияларды бергенге дейін тауарлардың шығарылғаны туралы өтінішке, осы Кодекстің 194-бабының 4-тармағына сәйкес мұндай өтінішпен бірлесіп ұсынылатын құжаттарға қатысты кедендік, өзге құжаттардың және (немесе) мәліметтердің, және көрсетілген өтініште және (немесе) құжаттарда мәлімделген мәліметтердің тексеруін қолданған кезде құжаттарды сұрату тауарлар шығарылғанға дейін жүргізілмейді.

      12. Тауарлардың кедендік құнын тексерген кезде кедендік, өзге құжаттарды және (немесе) мәліметтерді тексеру осы Кодекстің 396-бабында көзделген ерекшеліктер ескеріле отырып жүргізіледі.

      13. Тауарлардың шығарылған жерін тексеру кезінде кедендік, өзге құжаттарды және (немесе) мәліметтерді тексеру осы Кодекстің 397-бабында көзделген ерекшеліктер ескеріле отырып жүргізіледі.


      410-бап. Тауарлар шығарылғанға дейін басталған кедендік, өзге құжаттарды және (немесе) мәліметтерді тексеру

      1. Егер кедендік декларация кедендік декларацияда мәлімделген мәліметтерді растайтын құжаттарды ұсынумен бірге берілмесе, кеден органы:

      1) тәуекелдерді басқару жүйесінде айқындалған;

      2) тауарлардың шығарылған елі, тыйымдар мен шектеулердің сақталуы туралы мәліметтерді растайтын құжаттар туралы мәліметтер олардан осы Кодекстің 146-бабының 2-тармағына сәйкес кеден органы алынуы мүмкін болмаған жағдайларда, тексерілетін мәліметтерге қатысты кедендік декларацияда мәліметтері көрсетілген құжаттарды декларанттан сұратады.

      2. Декларант осы баптың 1-тармағына сәйкес сұратылған құжаттарды осы Кодекстің 193-бабының 3-тармағында көрсетілген мерзім аяқталғанға дейін кемінде төрт сағат бұрын ұсынуы тиіс.

      3. Егер декларант осы баптың 1-тармағына сәйкес сұратылған құжаттарды ұсынбаса, кеден органы осы Кодекстің 201-бабына сәйкес тауарларды шығарудан бас тартады.

      4. Кеден органы коммерциялық, бухгалтерлік құжаттарды, тауарлардың шығарылған жері туралы сертификатты және (немесе) өзге құжаттарды және (немесе) мәліметтерді, оның ішінде кедендік декларацияда мәлімделген тексерілетін мәліметтердің, және (немесе) өзге құжаттарда бар мәліметтердің дұрыстығы мен толықтығын анықтау үшін қажетті жазбаша түсіндірулерді мынадай:

      1) кедендік декларацияны беру кезінде не осы баптың 2-тармағына сәйкес ұсынылған құжаттарда қажетті мәліметтер болмаған немесе мәлімделген мәліметтер тиісті түрде расталмаған;

      2) кеден органы Еуразиялық экономикалық одағының кеден заңнамасының, Қазақстан Республикасының кеден және өзге заңнамасының ережелерін сақтамау белгілерін, оның ішінде мұндай құжаттарда бар мәліметтердің дұрыс еместігін анықтаған жағдайларда сұратуға құқылы.

      5. Декларанттан осы баптың 4-тармағына сәйкес құжаттарды және (немесе) мәліметтерді сұрату негізделген болуы тиіс және кедендік декларацияда мәлімделген мәліметтер және (немесе) өзге құжаттарда бар мәліметтер тиісті түрде расталмағанын не дұрыс болмауы мүмкін екендігін көрсететін белгілер тізбесін, қосымша сұрау салынатын құжаттардың және (немесе) мәліметтердің тізбесін, сондай-ақ мұндай құжаттарды және (немесе) мәліметтерді ұсыну мерзімін қамтуы тиіс.

      Сұрау салынатын құжаттардың және (немесе) мәліметтердің тізбесін кеден органының лауазымды адамы тауарлармен мәміле шарттарын, тауар сипатын, оның мақсатын, сондай-ақ өзге де мән-жайларын ескере отырып тексерілетін мәліметтердің негізінде айқындайды.

      6. Кедендік баждардың, салықтардың, арнайы, демпингке қарсы, өтем баждарының мөлшеріне әсер ететін мәліметтерді растау мақсатында осы баптың 4-тармағына сәйкес құжаттарды және (немесе) мәліметтерді сұрату кезінде кеден органы декларантты осы Кодекстің 195-бабына сәйкес тауарларды шығаруды жүргізу мүмкіндігі туралы хабарлайды. Бұл ретте кеден органы декларантқа осы Кодекстің 195-бабына сәйкес айқындалған кедендік баждардың, салықтардың, арнайы, демпингке қарсы, өтем баждарының төленуін қамтамасыз етуді беру талап етілмеген жағдайларды қоспағанда, кедендік баждарды, салықтарды, арнайы, демпингке қарсы, өтем баждарын төлеу бойынша міндеттің орындалуын қамтамасыз ету мөлшерінің есептемесін жолдайды.

      Кедендік баждарды, салықтарды, арнайы, демпингке қарсы, өтем баждарын төлеу бойынша міндеттің орындалуын қамтамасыз ету мөлшері есептемесінің нысанын, электрондық құжат түріндегі мұндай есептеменің құрылымы мен форматын және оларды толтыру тәртібін Комиссия айқындайды.

      7. Осы баптың 4-тармағына сәйкес сұратылған құжаттарды және (немесе) мәліметтерді не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіруді декларант:

      1) егер құжаттарды және (немесе) мәліметтерді сұрату кедендік декларацияда және кедендік декларацияны беру кезінде ұсынылған құжаттарда бар мәліметтерді тексерумен байланысты болса – осы Кодекстің 193-бабының 3-тармағында көрсетілген мерзім аяқталғанға дейін кемінде төрт сағат бұрын;

      2) егер құжаттарды және (немесе) мәліметтерді сұрату кедендік декларацияда және осы баптың 2-тармағына сәйкес ұсынылған құжаттарда бар мәліметтерді тексерумен байланысты болса және тексерілетін мәліметтер кедендік баждардың, салықтардың, арнайы, демпингке қарсы, өтем баждардың мөлшеріне әсер етпесе – осы Кодекстің 193-бабының 3-тармағында көрсетілген мерзім аяқталғанға дейін кемінде екі сағат бұрын;

      3) егер құжаттарды және (немесе) мәліметтерді сұрату кедендік декларацияда және осы баптың 2-тармағына сәйкес ұсынылған құжаттарда бар мәліметтерді тексерумен байланысты болса және тексерілетін мәліметтер кедендік баждардың, салықтардың, арнайы, демпингке қарсы, өтем баждардың мөлшеріне әсер етсе – осы Кодекстің 193-бабының 4, 5 және 6-тармақтарына сәйкес тауарларды шығару мерзімі ұзартылған кезде кеден органы белгілеген мерзім аяқталғанға дейін кемінде бір жұмыс күні бұрын ұсынуға тиіс.

      8. Егер осы баптың 4-тармағына сәйкес сұратылған құжаттар және (немесе) мәліметтер, оның ішінде жазбаша түсіндірмелер не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру осы баптың 7-тармағында белгіленген мерзімде ұсынылмаса және осы Кодекстің 195-бабында көзделген шарт сақталмаса, кеден органы осы Кодекстің 201-бабына сәйкес тауарларды шығарудан бас тартады.

      9. Осы баптың 1 және 4-тармақтарына сәйкес сұратылған құжаттарды және (немесе) мәліметтерді олар сұратылған тұлғалар әрбір сұрау салу бойынша бір жиынтықта (бір уақытта) ұсынуға тиіс.

      Кеден органы сұратқан құжаттармен және (немесе) мәліметтермен бір уақытта олар сұратылған тұлғалар кедендік декларацияда мәлімделген мәліметтердің және (немесе) өзге құжаттарда бар мәліметтердің дұрыстығын және толықтығын растау мақсатында өзге де құжаттарды және (немесе) мәліметтерді ұсынуы мүмкін.

      10. Тауарлар шығарылғанға дейін кедендік, өзге құжаттарды және (немесе) мәліметтерді тексеру аяқталған кезде, егер осы бапқа сәйкес ұсынылған құжаттар және (немесе) мәліметтер, не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру не мұндай тексеру шеңберінде жүргізілген тауарларды және (немесе) құжаттарды өзге нысандарда кедендік бақылау және (немесе) олардың кедендік сараптамасы нәтижелері тексерілетін мәліметтердің дұрыстығын және (немесе) толықтығын растаған жағдайда, кеден органы осы Кодекстің 192-бабына сәйкес тауарлардың шығаруын жүргізеді.

      11. Тауарлар шығарылғанға дейін кедендік, өзге құжаттарды және (немесе) мәліметтерді тексеру аяқталған кезде, егер осы бапқа сәйкес ұсынылған құжаттар мен (немесе) мәліметтер не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру не мұндай тексеру шеңберінде жүргізілген тауарларды және (немесе) құжаттарды өзге нысандарда кедендік бақылау және (немесе) олардың кедендік сараптамасы нәтижелері тексерілетін мәліметтердің дұрыстығын және (немесе) толықтығын растамаған және (немесе) кедендік, өзге құжаттардың және (немесе) мәліметтердің тексеруін жүргізу үшін негіздемелерді жоймаған жағдайда, кеден органы оның билігіндегі ақпараттың негізінде осы Кодекстің 183-бабына сәйкес тауарлар шығарылғанға дейін кедендік декларацияда мәлімделген мәліметтерді өзгерту (толықтыру) туралы талабын жолдайды.

      12. Егер кедендік, өзге құжаттарды және (немесе) мәліметтерді тексеру осы Кодекстің 193-бабында белгіленген тауарларды шығару мерзімінде, оның ішінде осы баптың 7-тармағында белгіленген мерзімде құжаттарды және (немесе) мәліметтерді ұсынбаумен байланысты аяқталмаған жағдайда, кеден органы декларантқа тауарлардың шығаруын осы Кодекстің 195-бабына сәйкес жүргізу мүмкін екендігі туралы хабарлайды.

      13. Осы Кодекстің 195-бабына сәйкес тауарларды шығарған кезде кедендік, өзге құжаттарды және (немесе) мәліметтерді тексеру осы баптың 14, 15, 16, 17 және 18-тармақтарына сәйкес тауарлар шығарылғаннан кейін аяқталады.

      14. Кедендік, өзге құжаттарды және (немесе) мәліметтерді тексеруді аяқтау үшін кеден органы сұратқан және осы баптың 7-тармағында көрсетілген мерзімде ұсынылмаған құжаттарды және (немесе) мәліметтерді декларант тауарларды шығарғаннан кейін, осы Кодекстің 397-бабының 2-тармағында көзделген жағдайды қоспағанда, кедендік декларацияның тіркелген күнінен бастап күнтізбелік алпыс күннен аспайтын мерзімде ұсынуы мүмкін.

      Кедендік, өзге құжаттарды және (немесе) мәліметтерді тексеруді кеден органы сұратылған құжаттар және (немесе) мәліметтер ұсынылған күннен бастап, ал егер мұндай құжаттар және (немесе) мәліметтер осы тармақтың бірінші абзацында белгіленген мерзімде ұсынылмаса, - мұндай мерзім аяқталған күннен бастап күнтізбелік отыз күннен кешіктірмей аяқтайды.

      15. Егер осы бапқа сәйкес ұсынылған құжаттар және (немесе) мәліметтер не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру кедендік, өзге құжаттарды және (немесе) мәліметтерді тексеруді жүргізу үшін негіздемелерді жоймаса, кеден органы осы баптың 14-тармағының екінші абзацында белгіленген мерзім аяқталғанға дейін қосымша құжаттарды және (немесе) мәліметтерді, оның ішінде кедендік декларацияда мәлімделген мәліметтердің және (немесе) өзге құжаттарда бар мәліметтердің дұрыстығын және толықтығын анықтау үшін қажетті жазбаша түсіндірмелерді сұратуға құқылы. Мұндай қосымша құжаттар және (немесе) мәліметтер, оның ішінде жазбаша түсіндірмелер кеден органы сұрау салуды тіркеген күннен бастап күнтізбелік он күннен кешіктірілмей ұсынылуға тиіс.

      16. Қосымша құжаттарды және (немесе) мәліметтерді, оның ішінде жазбаша түсіндірмелерді ұсыну туралы сұрау салу жолданған кезде осы баптың 14-тармағының екінші абзацында көрсетілген мерзім кеден органы мұндай сұрау салуды тіркеген күннен бастап тоқтатыла тұрады және кеден органы қосымша құжаттарды және (немесе) мәліметтерді, оның ішінде жазбаша түсіндірмелерді алған күннен бастап, ал оларды ұсынбаған жағдайда – оларды ұсыну мерзімі аяқталған күннен бастап жалғасады.

      17. Кедендік, өзге құжаттарды және (немесе) мәліметтерді тексеру аяқталған кезде, егер осы бапқа сәйкес ұсынылған құжаттар және (немесе) мәліметтер не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру не мұндай тексеру шеңберінде жүргізілген тауарларды және (немесе) құжаттарды өзге нысандарда кедендік бақылау және (немесе) олардың кедендік сараптамасы нәтижелері Еуразиялық экономикалық одағының кеден заңнамасының, Қазақстан Республикасының кеден және өзге заңнамасының ережелерін сақтауды, оның ішінде тексерілетін мәліметтердің дұрыстығын және (немесе) толықтығын растамаған және (немесе) кедендік, өзге құжаттарды және (немесе) мәліметтерді тексеруді жүргізу үшін негіздемелерді жоймаған жағдайда, кеден органы оның билігіндегі ақпараттың негізінде осы Кодекстің 183-бабына сәйкес кедендік декларацияда мәлімделген мәліметтерге өзгерістер (толықтырулар) енгізу туралы шешім қабылдайды.

      18. Кедендік, өзге құжаттарды және (немесе) мәліметтерді тексеру аяқталған кезде, егер осы баптың 4 және 15-тармақтарына сәйкес сұратылған құжаттар және (немесе) мәліметтер не мұндай құжаттар және (немесе) мәліметтер ұсынылуы мүмкін еместігінің және (немесе) олардың жоқтығының себептерін түсіндіру осы бапта белгіленген мерзімде ұсынылмаса, кеден органы оның билігіндегі ақпараттың негізінде осы Кодекстің 183-бабына сәйкес кедендік декларацияда мәлімделген мәліметтерге өзгерістер (толықтырулар) енгізу туралы шешім қабылдайды.

      19. Кедендік, өзге құжаттарды және (немесе) мәліметтерді тексеру аяқталған кезде, егер осы бапқа сәйкес ұсынылған құжаттар және (немесе) мәліметтер, мұндай тексеру шеңберінде жүргізілген тауарларды және (немесе) құжаттарды өзге нысандарда кедендік бақылау және (немесе) олардың кедендік сараптамасы нәтижелері тексерілетін мәліметтердің дұрыстығын және (немесе) толықтығын растаған жағдайда, кеден органы кедендік, өзге құжаттарды және (немесе) мәліметтерді тексерудің аяқталғаны туралы және осы Кодекстің 195-бабының 1-тармағына сәйкес ұсынылған кедендік баждарды, салықтарды, арнайы, демпингке қарсы, өтем баждарын төлеу бойынша міндеттің орындалуын қамтамасыз етуді қайтару (есепке жатқызу) мүмкіндігі туралы декларантқа хабарлайды.

      20. Кедендік баждарды, салықтарды, арнайы, демпингке қарсы, өтем баждарын төлеу бойынша міндеттің орындалуын қамтамасыз етуді есепке жатқызу (қайтару) осы Кодекстің 97-бабының 7-тармағына, 11-тарауына және 141-бабына сәйкес жүзеге асырылады.


      411-бап. Тауарлар шығарылғаннан кейін, және өзге жағдайларда басталған кедендік, өзге құжаттарды және (немесе) мәліметтерді тексеру

      1. Тауарлар шығарылғанға дейін басталған және тауарлар шығарылғаннан кейін аяқталатын, сондай-ақ тауарлар шығарылғаннан кейін басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру кезінде не кедендік бақылаудың осы нысанын қолданудың өзге жағдайларында кеден органы осы Кодекстің 426-бабына сәйкес кедендік бақылауды жүргізу үшін қажетті құжаттарды және (немесе) мәліметтерді сұратуға және алуға құқылы.

      2. Тауарлар шығарылғаннан кейін басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру нәтижелері бойынша кеден органы осы Кодекске сәйкес шешім қабылдайды.

      Осы тармақта көрсетілген тексеруді өткізу туралы, сондай-ақ осындай тексеру жүргізуді нәтижелері туралы тұлғаға хабарлау тәртібін уәкілетті орган бекітеді.


      412-бап. Кедендік қарап тексеру

      1. Кедендік қарап тексеру – кедендік бақылау барысында үй-жайларды және аумақтарды кедендік қарап тексерудің нысанында жүргізілетін мұндай қарап тексеруді қоспағанда, көлік құралдарының жүк тиейтін орын жайларын (бөліктерін) және тауарлардың орамасын ашпай, тексерілетін объектілер (жеке тұлғалардың бағажын қоса алғанда) мен олардың бөліктерін бөлшектемей, демонтаждаусыз өзге де тәсілдермен бүтіндігін бұзбай тауарларға, оның ішінде көлік құралдарына және жеке тұлғалардың багажына, жүк тиелетін ыдысқа, кедендік пломбыларға, мөрлерге және өзге идентификаттау құралдарына көзбен қарап тексеру жүргізуді білдіретін кедендік бақылау нысаны.

      2. Кедендік қарап тексеру оларға қатысты кедендік бақылау жүргізілетін тауарлар туралы мәліметтерді тексеру және (немесе) алу мақсатында, сондай-ақ тауарларда, көлік құралдарында және олардың жүк тиейтін орынжайларында (бөліктерінде) кедендік пломбылардың, мөрлердің және өзге идентификаттау құралдарының бар болуын тексеру мақсатында жүргізіледі.

      Кедендік қарап тексеруді жүргізу тәртібін уәкілетті орган бекітеді.

      3. Кедендік қарап тексеру декларант, тауарларға қатысты өкілеттілігі бар өзге тұлғалар және олардың өкілдері кедендік қарап тексеру кезінде қатысуға ниет білдіретін жағдайларды қоспағанда, аталған адамдардың қатысуынсыз жүргізілуі мүмкін.

      4. Кедендік қарап тексеру нәтижелері Комиссия айқындаған нысанда кедендік тексеріп қарау актісін жасау не кеден органына ұсынылған көліктік (тасымалдау), коммерциялық немесе кедендік құжаттарға кедендік қарап тексерудің өткізілу фактісі туралы белгіні қою арқылы ресімделеді.

      Жеке тұлғалардың багажына және (немесе) жеке пайдалануға арналған көлік құралдарына кедендік қарап тексеру жүргізу кезінде кедендік қарап тексерудің актісі, егер оны кеден органдары кедендік операцияларды жасау және (немесе) кедендік бақылауды жүргізу кезінде пайдаланған жағдайда ғана жасалады.

      5. Егер кедендік қарап тексеруді жүргізу нәтижелері тауарларға қатысты өкілеттілігі бар тұлғаның талабы бойынша кеден органына ұсынылған көліктік (тасымалдау), коммерциялық немесе кедендік құжаттарға кедендік қарап тексерудің өткізілу фактісі туралы белгіні қою арқылы ресімделген жағдайда, кеден органының лауазымды тұлғалары кедендік қарап тексерудің актісін:

      1) Еуразиялық экономикалық одақтың кедендік шекарасы арқылы тауарларды өткізу орындарында кедендік қарап тексеруді жүргізу кезінде – кедендік қарап тексеруді жүргізгеннен кейін жұмыс уақытының екі сағатынан кешіктірмей;

      2) кедендік қарап тексеруді өзге орындарда жүргізу кезінде – кедендік қарап тексеруді жүргізген күннен кейінгі жұмыс күні басталған кезден бастап екі сағаттан кешіктірмей жасауға міндетті.

      6. Кедендік қарап тексерудің актісі екі данада жасалады, олардың біреуі тауарларға қатысты өкілеттілігі бар тұлғаға, не оның өкіліне, егер бұл тұлғалар бұзушылық анықталған жағдайда немесе оның талабы бойынша белгіленсе, тапсырылады (жолданады).


      413-бап. Кедендік тексеріп қарау

      1. Кедендік тексеріп қарау – тауарлардың орамасын, көлік құралдарының жүк тиейтін орынжайларын (бөліктерін), ыдыстарды, контейнерлерді тауарлар орналасқан немесе орналасуы мүмкін өзге де орындарды ашумен және (немесе) оларға қолданылған кедендік пломбаларды, мөрлерді немесе өзге сәйкестендіру құралдарын жоюмен, тексерілетін объектілер мен олардың бөліктерін бөлшектеумен, демонтаждаумен немесе өзге де тәсілдермен бүтіндігін бұзумен тауарларға, оның ішінде көлік құралдарына және жеке тұлғалардың багажына қатысты қарап тексеруді жүргізуді және өзге де әрекеттерді жасауды білдіретін кедендік бақылау нысаны.

      2. Кедендік тексеріп қарау оларға қатысты кедендік бақылау жүргізілетін тауарлар туралы мәліметтерді тексеру және (немесе) алу мақсатында жүргізіледі.

      Кедендік тексеріп қарауды жүргізу тәртібін уәкілетті орган бекітеді.

      3. Кеден органы кедендік тексеріп қарауды жүргізу орны мен уақыты туралы, егер бұл тұлғалар белгіленсе, декларанттың немесе тауарларға қатысты өкілеттілігі бар өзге тұлғаның хабарламаны алуы фактісін растауға мүмкіндік беретін кез келген тәсілмен хабарлайды. Бұл ретте декларанттың, тауарларға қатысты өкілеттілігі бар өзге тұлғаның келуі үшін мерзім осы Кодекстің 193-бабының 6-тармағына сәйкес кедендік бақылауды жүргізу мерзімін ескеруі тиіс.

      4. Осы баптың 6-тармағында белгіленген жағдайларды қоспағанда, декларант, тауарларға қатысты өкілеттілігі бар өзге тұлғалар және олардың өкілдері өз бастамалары бойынша кедендік тексеріп қарауды жүргізген кезде қатысуға құқылы.

      5. Кеден органының талабы бойынша декларант немесе тауарларға қатысты өкілеттілігі бар өзге тұлғалар және олардың өкілдері кедендік тексеріп қарауды жүргізген кезде қатысуға және кеден органының лауазымды тұлғаларына қажетті жәрдем көрсетуге міндетті. Тасымалдаушы арнайы уәкілетті еткен өкіл болмаған кезде көлік құралын басқаратын жеке тұлға өкіл болып табылады.

      6. Кеден органы мынадай:

      1) көрсетілген тұлғалардың келмеуі не мұндай тұлғалар белгіленбеген жағдайларда;

      2) ұлттық (мемлекеттік) қауіпсіздікке, адамның өмірі мен денсаулығына, жануарлар мен өсімдіктерге, қоршаған ортаға, Еуразиялық экономикалық одаққа мүше мемлекеттердің ұлттық мәдени игілік объектілерінің сақталуына қауіп төнген және кейінге қалдыруға болмайтын өзге мән-жайлар пайда болған, оның ішінде тауарлар тез тұтанатын заттар, жарылу қауіптілігі бар заттар, жарылғыш, улайтын, қауіпті химиялық және биологиялық заттар, есірткі құралдары, психотропты, қатты әсер ететін, улы, уытты, радиоактивті заттар, ядролық материалдар және басқа да сондай тауарлар болып табылатынын көрсететін белгілері болған, сондай-ақ тауарлар жағымсыз иіс таратқан жағдайларда;

      3) тауарларды халықаралық пошта жөнелтілімдерде жөнелткен;

      4) тауарларды Еуразиялық экономикалық одақтың кедендік аумағынан әкетуді көздейтін кедендік рәсімді немесе осы Кодекске сәйкес кедендік рәсімге орналастыруға жатпайтын тауарлардың жекелеген санаттарын пайдалану үшін белгіленген шарттарды бұза отырып, оларды Еуразиялық экономикалық одақтың кедендік аумағында қалдырған жағдайларда декларант, тауарларға қатысты өкілеттілігі бар өзге тұлғалар, және олардың өкілдері болмағанда кедендік тексеріп қарауды жүргізуге құқылы.

      7. Кедендік тексеріп қарау осы баптың 6-тармағының 1), 2) және 4) тармақшаларында көрсетілген жағдайларда екі куәгердің қатысуымен, ал осы баптың 6-тармағының 3) тармақшасында көрсетілген жағдайда, – пошта байланысының тағайындалған операторы өкілінің қатысуымен, ал ол болмаған кезде – екі куәгердің қатысуымен жүргізіледі.

      8. Кедендік тексеріп қарау нәтижелері осы Кодекстің 401-бабының 3-тармағында көзделген жағдайды қоспағанда, нысанын Комиссия айқындаған кедендік тексеріп қарау актісін жасау арқылы ресімделеді.

      9. Кедендік тексеріп қарау актісінде мынадай мәліметтер:

      1) кедендік тексеріп қарауды жүргізген кеден органының лауазымды тұлғалары және оны жүргізген кезде қатысқан тұлғалар туралы мәліметтер;

      2) декларант немесе тауарларға қатысты өкілеттілігі бар өзге тұлға болмағанда кедендік тексеріп қарауды жүргізу себептері;

      3) кедендік тексеріп қарау нәтижелері;

      4) акт нысанында көзделген өзге де мәліметтер көрсетіледі.

      10. Кедендік тексеріп қарау актісі екі данада жасалады, олардың біреуі егер бұл тұлғалар бұзушылық анықталған жағдайда немесе оның талабы бойынша белгіленсе, декларантқа немесе тауарларға қатысты өкілеттілігі бар өзге тұлғаға, не олардың өкілдеріне тапсырылады (жолданады).


      414-бап. Жеке кедендік тексеріп қарау

      1. Жеке кедендік тексеріп қарау – жеке тұлғалардың тексеріп қарауын жүргізуді білдіретін кедендік бақылау нысаны.

      2. Жеке кедендік тексеріп қарау Еуразиялық экономикалық одақтың кедендік шекарасы арқылы өтетін және кедендік бақылау аймағындағы немесе халықаралық әуежайдың транзит аймағындағы жеке тұлғалар кедендік реттеу саласындағы халықаралық шарттарды және актілерді, Қазақстан Республикасының кеден және өзге де, Еуразиялық экономикалық одақтың кеден заңнамаларын бұза отырып, Еуразиялық экономикалық одақтың кедендік шекарасы арқылы өткізілетін тауарларды өзінде жасырып және ерікті түрде бермей тұр деп ойлауға жеткілікті негіздер болған кезде, сол жеке тұлғаларға қатысты ғана жүргізілуі мүмкін.

      3. Жеке кедендік тексеріп қарау осы баптың 2-тармағында көрсетілген жеке тұлғаларда кедендік реттеу саласындағы Қазақстан Республикасының кеден және өзге де, Еуразиялық экономикалық одақтың кеден заңнамаларын бұза отырып, Еуразиялық экономикалық одақтың кедендік шекарасы арқылы өткізілетін өзінде жасырып тұрған тауарларды анықтау мақсатында жүргізіледі және кедендік бақылаудың ерекше нысаны болып табылады.

      4. Жеке кедендік тексеріп қарау кеден органы басшысының, ол уәкілетті еткен кеден органы басшысы орынбасарының не оларды алмастыратын тұлғалардың шешімі бойынша, сондай-ақ кедендік бақылау жүргізуге уәкілетті кеден органы бөлімшесі басшысының, ол уәкілетті еткен кеден органы бөлімшесі басшысы орынбасарының не оларды алмастыратын тұлғалардың шешімі бойынша жүргізіледі.

      Көрсетілген шешім жазбаша нысанда рәсімделеді.

      5. Жеке кедендік тексеріп қарауды тексеріліп қаралатын адаммен бір жыныстағы кеден органының лауазымды тұлғалары сол жыныстағы екі куәгердің қатысуымен санитариялық-гигиеналық талаптарға сай келетін оқшауланған үй-жайда жүргізеді. Бұл үй-жайға осы бапта көрсетілген тұлғалардан басқа жеке тұлғалардың кіруіне, және басқа жеке тұлғалардың жеке кедендік тексеріп қараудың жүргізілуін қадағалау мүмкіндігіне жол берілмеуге тиіс.

      Жеке тексеріп қаралатын адамның денесін тексеріп зерттеуді, қажет болған жағдайда арнайы медициналық техниканы пайдалана отырып, медицина қызметкері ғана жүргізеді.

      Кәмелетке толмағанды немесе әрекетке қабілетсіз жеке тұлғаны жеке кедендік тексеріп қарау кезінде оның заңды өкілдері (ата-аналары, асырап алушылары, қорғаншылары не қамқоршылары) немесе оны алып жүретін адамдар қатысуға міндетті.

      6. Жеке кедендік тексеріп қарау басталар алдында кеден органының лауазымды тұлғасы жеке тұлғаны жеке тексеріп қарауды жүргізу туралы шешіммен, мұндай жеке тексеріп қарауды жүргізу кезіндегі оның құқықтарымен таныстыруға, сондай-ақ оған Қазақстан Республикасының кеден және өзге де, Еуразиялық экономикалық одақтың кеден заңнамаларын бұза отырып, Еуразиялық экономикалық одақтың кедендік шекарасы арқылы өткізілетін тауарларды өз еркімен беруіне ұсынуға міндетті.

      Жеке тұлғаның жеке кедендік тексеріп қарау жүргізу туралы шешіммен танысу фактісін осы жеке тұлға мұндай тексеріп қарауды жүргізу туралы шешімге тиісті жазба жасау арқылы куәландырады. Жеке тұлға мұндай жазба жасаудан бас тартқан жағдайда жеке кедендік тексеріп қарауды жүргізу туралы шешімге осындай тексеріп қарауды жүргізу туралы шешімді жариялаған кеден органының уәкілетті лауазымды тұлғасының және жеке кедендік тексеріп қарау жүргізу кезінде қатысатын куәгерлердің қолымен куәландырылатын тиісті белгі қойылады.

      7. Жеке кедендік тексеріп қарауды жүргізу кезінде кеден органы лауазымды тұлғасының әрекеті өзіне қатысты жеке кедендік қарап тексеру жүргізіліп отырған жеке тұлғаның ар-намысы мен абыройына нұқсан келтірмеуге және осы жеке тұлғаның денсаулығына зиян және мүлкіне залал келтірмеуге тиіс.

      8. Өзіне қатысты жеке кедендік тексеріп қарау жүргізіліп отырған жеке тұлғаның:

      1) жеке кедендік тексеріп қарауды жүргізу басталғанға дейін жеке кедендік тексеріп қарауды жүргізу туралы шешіммен және оны жүргізу тәртібімен танысуға;

      2) өз құқықтары мен міндеттерімен танысуға;

      3) түсіндірмелер беруге және қолдаухаттарды мәлімдеуге;

      4) Қазақстан Республикасының кеден және өзге де, Еуразиялық экономикалық одақтың кеден заңнамаларын бұза отырып, Еуразиялық экономикалық одақтың кедендік шекарасы арқылы өткізілетін өзі жасырып отырған тауарларды өз еркімен беруге;

      5) жеке кедендік тексеріп қарауды жүргізетін кеден органының лауазымды тұлғасы жеке кедендік тексеріп қарауды жүргізу актісіне міндетті түрде енгізе отырып, мәлімдеме жасауға;

      6) ана тілін және аудармашының қызметтерін пайдалануға;

      7) жеке кедендік тексеріп қарауды жүргізу туралы акті жасалып болған соң онымен танысуға және оған жазбаша нысанда мәлімдемелер жасауға;

      8) жеке кедендік тексеріп қарау жүргізетін кеден органының лауазымды тұлғаларының әрекеттеріне осы Кодекске сәйкес шағымдануға құқығы бар.

      9. Жеке кедендік тексеріп қарау жүргізу барысында жеке тексеріліп қаралатын жеке тұлға және оның заңды өкілі жеке кедендік тексеріп қарау жүргізетін кеден органының лауазымды тұлғасының заңды талаптарын орындауға міндетті.

      10. Жеке кедендік тексеріп қарауды жүргізу нәтижелері жеке кедендік тексеріп қарау актісін жасау арқылы ресімделеді, оның нысанын Комиссия айқындайды.

      Көрсетілген акт жеке кедендік тексеріп қарауды жүргізу барысында не ол аяқталғаннан кейін бір сағат ішінде жасалуы тиіс.

      11. Жеке кедендік тексеріп қарау актісіне жеке кедендік тексеріп қарауды жүргізген кеден органының лауазымды тұлғасы, өзіне қатысты жеке кедендік тексеріп қарау жүргізілген жеке тұлға немесе оның заңды өкілі немесе оны алып жүрген адам, куәгерлер, ал өзіне қатысты жеке кедендік тексеріп қарау жүргізілген жеке тұлғаның денесіне тексеріп зерттеу жүргізілген кезде – медициналық қызметкер де қолдарын қояды.

      12. Жеке кедендік тексеріп қарау актісі екі данада жасалады, олардың біреуі өзіне қатысты жеке кедендік тексеріп қарау жүргізілген жеке тұлғаға, оның заңды өкіліне немесе оны алып жүрген адамға, куәгерлерге ол жасалғаннан кейін дереу табыс етіледі.


      415-бап. Үй-жайлар мен аумақтарды кедендік қарап тексеру

      1. Үй-жайлар мен аумақтарды кедендік қарап тексеру – үй-жайлар мен аумақтарға, оның ішінде көрсетілген орындардағы тауарларға және (немесе) құжаттарға көзбен қарап тексеру жүргізуді білдіретін кедендік бақылау нысаны.

      2. Үй-жайлар мен аумақтарды кедендік қарап тексеру қарап тексерілетін үй-жайларда және (немесе) аумақтарда кедендік бақылау объектілері болып табылатын тауарлардың және (немесе) құжаттардың бар немесе жоқ болуын тексеру мақсатында, сондай-ақ мұндай тауарлар және (немесе) құжаттар туралы мәліметтерді тексеру және (немесе) алу және тауарларда, көлік құралдарында және олардың жүк тиейтін орынжайларында (бөліктерде) кедендік пломбалардың, мөрлердің және басқа сәйкестендіру құралдарының бар болуын тексеру мақсатында жүргізіледі.

      3. Үй-жайлар мен аумақтарды кедендік қарап тексеруді кеден органдары жеке тауарларын сақтау қоймалары, уақытша сақтау қоймалары, кеден қоймалары, еркін қоймалары, бажсыз сауда дүкендері ретінде пайдалануға арналған немесе пайдаланылатын, сондай-ақ уәкілетті экономикалық операторлардың тауарларды уақытша сақтауына арналған немесе пайдаланылатын құрылыстардың, орынжайлардың (орынжай бөліктерінің) және (немесе) ашық алаңдардың (ашық алаңдар бөліктерінің) сәйкестігін, осы Кодекстің 165-бабының 3-тармағына, 200-бабының 3-тармағына, 503, 509, 516, 523-баптарына және 532-бабы 3-тармағының 4-тармақшасына сәйкес белгіленген талаптар мен шарттарға сәйкес келуін тексеру мақсатында жүргізуі мүмкін.

      4. Тұратын үй-жайлардың аумағын және үй жайларды кедендік қарап тексеру жүргізуге жол берілмейді.

      5. Үй-жайлар мен аумақтарды кедендік қарап тексеру үй-жайлар мен аумақтарды кедендік қарап тексеру жүргізуге арналған ұйғарым және кеден органы лауазымды тұлғасының қызметтік куәлігі ұсынылған кезде жүргізіледі.

      Үй-жайлар мен аумақтарды кедендік қарап тексеру жүргізуге арналған ұйғарым нысаны, сондай-ақ осындай нұсқаманы тіркеу журналының нысаны уәкілетті органмен бекітіледі.

      Үй-жайлар мен аумақтарды кедендік қарап тексеруді жүргізу кезінде осы баптың бірінші абзацында көрсетілген құжаттарды, өздеріне қатысты (өздерінде) көшпелі кедендік тексеру жүргізіліп жатқан тұлғалардың ұсынуы талап етілмейді.

      6. Аумаққа және үй-жайларға жіберуден бас тартылған жағдайда, кеден органдарының лауазымды адамдары аумаққа және үй-жайларға екі куәгердің қатысуымен қарсылықтың жолын кесу және жабық үй-жайларды ашу арқылы кіруге құқылы. Үй-жайларға қарсылықтың жолын кесу және жабық үй-жайларды ашу арқылы кірудің барлық жағдайлары туралы кеден органдары жиырма төрт сағаттың ішінде прокурорды хабардар етеді. Кеден органдары лауазымды адамдарының аумақтарға және үй-жайларға кіруіне кедергі келтірген адамдар Қазақстан Республикасының заңдарына сәйкес жауапты болады.

      7. Мемлекеттік органның лауазымды тұлғалары жекелеген объектілерге кірудің арнайы тәртібі Қазақстан Республикасының заңдарымен айқындалады.

      8. Үй-жайлар мен аумақтарды кедендік қарап тексеру оны өткізу үшін қажет болатын қысқа мерзімде жүргізілуі тиіс және бір жұмыс күнінен артық созылуы мүмкін емес. Кедендік қарап тексеру жүргізілетін уақыт кезеңі, үй-жайлар мен аумақтарды кедендік қарап тексеруге нұсқаманы ұзарту туралы мәліметтер көрсетілген кеден органы басшысымен не оны алмастыратын тұлғалармен, немесе кеден органы басшысы орынбасарымен бес жұмыс күнінен артық емес уақытқа ұзартылуы мүмкін.

      9. Үй-жайлар мен аумақтарды кедендік қарап тексеру нәтижелері нысанын Комиссия айқындайтын үй-жайлар мен аумақтарды кедендік қарап тексеру актісін жасау арқылы ресімделеді.

      10. Үй-жайлар мен аумақтарды кедендік қарап тексеру актісі екі данада жасалады, олардың бірі үй-жайы және (немесе) аумағы қарап тексерілген тұлғаға, егер бұл тұлға белгіленсе, табыс етіледі.


      416-бап. Кедендік тексеру

      1. Кедендік тексеру – осы Кодексте белгіленген кедендік бақылаудың өзге нысандарын және осы Кодексте көзделген кедендік бақылауды жүргізуді қамтамасыз ететін шараларды қолданумен тауарлар шығарылғаннан кейін тұлғалардың Қазақстан Республикасының және (немесе) Еуразиялық экономикалық одақтың кеден заңнамалары сақталуын тексеру мақсатында кеден органы жүргізетін кедендік бақылау нысаны.

      2. Кедендік тексеру кедендік декларацияларда мәлімделген және (немесе) кеден органдарына ұсынылған құжаттарда бар мәліметтерді және (немесе) кеден органына ұсынылған Қазақстан Республикасының кеден және өзге де заңнамаларына сәйкес өзі алған өзге мәліметтерді бухгалтерлік есеп және есептілік құжаттарымен және (немесе) деректерімен, шоттармен Қазақстан Республикасының кеден және өзге де заңнамаларымен белгіленген тәртіпте алынған өзге де ақпаратпен салыстыру арқылы жүргізіледі.

      3. Кедендік тексеру осы Кодекстің 393-бабының 8-тармағына сәйкес, сондай-ақ осы Кодекстің 484-бабының 4-тармағында және 528-бабының 6-тармағында көзделген жағдайларда кедендік бақылау жүргізу кезінде қолданылуы мүмкін.

      4. Қазақстан Республикасының аумағында тұрақты орналасқан орны бар және (немесе) Қазақстан Республикасының заңдарына сәйкес құрылған, тіркелген тексерілетін тұлғаларға қатысты кеден органы жүргізеді.

      5. Тексерілетін тұлғалар деп мынадай тұлғалар:

      1) декларант;

      2) тасымалдаушы;

      3) уақытша сақтау қоймасы болып табылмайтын орындарда тауарлардың уақытша сақталуын жүзеге асыратын тұлға;

      4) кеден ісі саласында қызметті жүзеге асыратын тұлға;

      5) тауарлар шығарылғаннан кейін оларға қатысты өкілеттіктері бар тұлға;

      6) уәкілетті экономикалық оператор;

      7) кедендік рәсімге орналастырылған тауарлармен жасалған мәмілелерге тікелей немесе жанама қатысқан тұлға;

      8) иелігінде және (немесе) пайдалануында Қазақстан Республикасының кеден және өзге де, Еуразиялық экономикалық одақтың кеден заңнамаларын бұза отырып, оның ішінде Еуразиялық экономикалық одақтың кедендік шекарасы арқылы заңсыз өткізілген тауарлардың болуын (болғандығын) куәландыратын өзіне қатысты ақпарат бар тұлға түсініледі.

      6. Кеден органдары кедендік тексеруді жүргізу кезінде:

      1) тауарларды кедендік рәсімге орналастыру фактісін;

      2) кедендік декларацияда мәлімделген және (немесе) кедендік декларацияда мәлімделген мәліметтерді растайтын құжаттарда бар мәліметтердің дұрыстығын;

      3) шартты шығарылған тауарларды пайдалану және (немесе) оларға билік ету бойынша шектеулердің сақталуын;

      4) кеден ісі саласындағы қызметті жүзеге асыратын тұлғалардың кеден ісі саласындағы қызметтің әрбір түрі үшін осы Кодексте көзделген міндеттерінің орындауын;

      5) уәкілетті экономикалық операторлар тізіліміне енгізуге үміткер заңды тұлғаның мұндай тізілімге енгізу шарттарын сақтауын, сондай-ақ уәкілетті экономикалық оператордың уәкілеттік экономикалық операторлар тізіліміне енгізу шарттарын сақтауын және осы Кодексте көзделген өзге міндеттерді орындауын;

      6) осы Кодексте көзделген кедендік рәсімдерге сәйкес тауарларды пайдалану шарттарының сақталуын;

      7) Қазақстан Республикасының кеден және өзге де, Еуразиялық экономикалық одақтың кеден заңнамаларымен белгіленген өзге талаптардың сақталуын тексеруі мүмкін.

      7. Кедендік тексеру камералдық немесе көшпелі болуы мүмкін.

      8. Арнаулы білім мен дағдыларды талап ететін мәселелерді зерттеу және консультация алу үшін кеден органдары кедендік тексеруге Қазақстан Республикасының басқа да бақылаушы мемлекеттік органдарының лауазымды тұлғаларын тартуы мүмкін.

      Кедендік тексеруге қатысушы болып табылатын кедендік органның лауазымды тұлғасының жазбаша сауалы бойынша кедендік тексеруге тартылған лауазымды тұлға кедендік тексеру барысында пайдаланылатын қорытынды жасайды. Мұндай қорытындылардың көшірмелері кедендік тексеру актісіне қоса тіркеледі.

      9. Кедендік тексеруді жүргізу барысында әкімшілік немесе қылмыстық құқық бұзұшылықтар белгілері анықталған кезде кеден органдары мүше мемлекеттердің заңнамасына сәйкес шаралар қабылдайды.

      10. Кедендік тексеру нәтижелері және кедендік тексеру жүргізу нәтижелері бойынша шешім қабылдау тәртібі осы тараумен айқындалады.


      417-бап. Камералдық кедендік тексеру

      1. Камералдық кедендiк тексеру кедендік операцияларды жасау кезінде және (немесе) кеден органдарының талабы бойынша тексерiлетiн тұлға табыс еткен кедендiк декларацияларда және (немесе) коммерциялық, көлiктiк (тасымалдау) және өзге де құжаттарда бар мәлiметтердi, Қазақстан Республикасының мемлекеттік органдарының құжаттары мен мәліметтерін, сондай-ақ кеден органдарында бар және тексерілетін тұлғаға қатысты басқа да құжаттарды және мәліметтерді, оның ішінде тәуекелдерді басқару жүйесін қолдану нәтижелері бойынша зерделеу және талдау арқылы жүргізіледі.

      2. Камералдық кедендік тексеруді кеден органы тексерілетін тұлғаға бармастан, сондай-ақ кеден органының камералдық кедендік тексеру жүргізу туралы шешімін (ұйығарымын) ресімдеместен кеден органының тұрған жері бойынша жүргізеді.

      Камералдық кедендік тексеру кеден органы басшысының, кеден органының басшысы орынбасарының рұқсатымен тағайындалады.

      Кеден органы басшысының, кеден органы басшысы орынбасарының шешімі шыққан күн камералдық кедендік тексеруді жүргізу басталған күн болып саналады.

      Камералдық кедендік тексеруді жүргізу мерзімі алты айдан аспауға тиіс.

      3. Камералдық кедендік тексеруді тағайындау үшін:

      1) Қазақстан Республикасының кеден және өзге мемлекеттік органдарының ақпараттық ресурстарында қамтылған және Еуразиялық экономикалық одақтың кеден заңнамасын, Қазақстан Республикасының кеден және өзге де заңнамаларын бұзу мүмкіндігі туралы куәландыратын ақпараттарды талдау нәтижесінде алынған деректер;

      2) Еуразиялық экономикалық одақтың кеден заңнамасын, Қазақстан Республикасының кеден және өзге де заңнамаларын бұзу мүмкіндігі туралы куәландыратын ақпараттар;

      3) Еуразиялық экономикалық одаққа мүше болып табылмайтын мемлекеттің кұзырлы органының, шетелдік тұлғаның Еуразиялық экономикалық одақтың кедендік шекарасы арқылы тауарларды өткізумен байланысты мәміле жасаған тұлғаны тексеру жүргізу туралы өтініші (сұрау салуы);

      4) шет мемлекеттің салық, кеден және құқық қорғау органдарымен ақпараттық алмасу нәтижесінде алынған тексеру мәліметтері;

      5) Еуразиялық экономикалық одақтың кеден заңнамасын, Қазақстан Республикасының кеден және өзге де заңнамаларын бұзу мүмкіндігі туралы куәландыратын, жеке және заңды тұлғалардың, мемлекеттік органдардың өтініші;

      6) камералдық кедендік тексеру жүргізу туралы тұлға бастамашылық жасаған өтініш;

      7) өзге нысандарда салықтық бақылау, кедендік бақылау жүргізудің және (немесе) Қазақстан Республикасының кеден заңнамасын бұзу мүмкіндігі туралы куәландыратын, кедендік бақылау жүргізуді қамтамасыз ететін шараларды қолданудың нәтижелері;

      8) кеден органының бұрын жолданған сұрау салуы бойынша алдыңғы кедендік тексеру барасында келіп түспеген жауаптарды алу жағдайы;

      9) тексерілетін тұлғаны қайта ұйымдастыру және (немесе) тексерілетін тұлға банкроттыққа (таратуға) құжаттарды беруі негіз болып табылады.

      4. Камералдық кедендік тексерулер оларды жүргізу кезеңділігі шектелмей жүзеге асырылады.

      5. Камералдық кедендік тексеру жүргізу барысында кеден органы кедендік декларацияда мәлімделген құжаттарды ұсыну бойынша талапты тексерілетін тұлғаға жібереді.

      Кедендік декларацияда мәлімделген құжаттарды табыс ету мерзімі талап тапсырылған (алынған) күннен кейінгі күннен бастап он жұмыс күнінен аспауға тиіс. Қажет болған кезде, құжаттарды табыс ету мерзімі тексерілетін тұлғаның уәжді сауалы бойынша бес жұмыс күніне дейін ұзартылуы мүмкін.

      6. Тексерілетін адам камералдық кедендік тексеру кезінде кеден органының жазбаша талабымен белгіленген мерзімдерде электрондық құжат түрінде берілген кедендік декларацияда мәлімделген құжаттарды ұсынбаған жағдайда, кедендік декларацияда осындай құжаттардың негізінде мәлімделген мәліметтер дұрыс мәлімделмеген болып есептеледі.

      Кедендік декларацияда мәлімделген мәліметтерді растайтын құжаттар болмаған кезде, кедендік баждардың, салықтардың сомаларын кеден органы кедендік баждар, салықтар мөлшерлемелерінің неғұрлым жоғары шамасын, сондай-ақ кеден органының қолда бар мәліметтерінің негізінде айқындалуы мүмкін тауарлардың санын және (немесе) құнын негізге ала отырып айқындайды.

      7. Кеден органдары камералдық кедендік тексеру нәтижелері бойынша кедендік декларациядағы бұзушылықтарды анықтаған жағдайда, тексерілетін тұлғаға оларды өз бетінше жою құқығы беріледі.

      8. Хабарламада көрсетілген бұзушылықтармен келіскен жағдайда, бұзушылықтарды жою туралы хабарламадағы талаптарды орындау, оның ішінде тексерілетін тұлғаның кедендік декларацияға өзгерту (толықтыру) енгізу туралы құжатта, оның ішінде тауарлардың кедендік құны бойынша мәліметтер, қажет болған кезде, кедендік төлемдер мен салықтар бойынша берешек сомаларын өтеуді растайтын мәліметтер және (немесе) құжаттардың көшірмесін қоса бере отырып орындау камералдық кедендік тексеру нәтижелері бойынша анықталған бұзушылықтарды өз бетінше жою деп танылады.

      Камералдық кедендік тексеру нәтижелері бойынша бұзушылықтарды жою туралы хабарламаны орындау мерзімі тексерілетін тұлғаға мұндай хабарлама тапсырылған күннен кейінгі күннен бастап отыз жұмыс күнінен аспайтын мерзімді құрайды.

      Камералдық кедендік тексеру нәтижелері бойынша бұзушылықтарды жою туралы хабарламаның нысаны уәкілетті органмен бекітіледі.

      Хабарламада көрсетілген бұзушылықтармен келіспеген жағдайда тексерілетін тұлға осы Кодекстің 55-тарауында белгіленген тәртіппен мұндай хабарламаға шағым жасай алады.

      9. Камералдық кедендік тексеру нәтижелері бойынша камералдық кедендік тексеруді аяқтау нысаны болып табылатын камералдық кедендік тексеру актісі жасалады. Еуразиялық экономикалық одақтың және (немесе) Қазақстан Республикасының кеден заңнамасының бұзылуы анықталған жағдайда бұзушылықтарды жою туралы хабарлама шығарылады.

      Камералдық кедендік тексеру актісінің нысаны уәкілетті органмен бекітіледі.

      Камералдық кедендік тексеруді аяқтау күні камералдық кедендік тексеру актісінің екі данада ресімделген және кедендік тексеруді жүргізген лауазымды адамдар қолы қойылған күн деп есептеледі.

      Камералдық кедендік тексеру актісінің бірінші данасы камералдық кедендік тексеру материалдарына қоса тігіледі, актінің екінші данасы кедендік тексеруді аяқтау күнінен бастап күнтізбелік бес күннен кешіктірілмей тексерілген тұлғаға қол қойғызып өз қолына тапсырылады немесе алғаны туралы хабарламасы бар тапсырысты пошта жөнелтілімімен жіберіледі.

      Камералдық кедендік тексеру актісіне құжаттардың көшірмелері, кеден органының лауазымды адамы жүргізген есеп-қисаптар және кедендік тексеру барысында алынған басқа да материалдар қоса беріледі.

      Камералдық кедендік тексеру актісі арнайы камералдық кедендік тексеру актілерін тіркеу журналында тіркеледі, ол нөмірленуге, тігілуге және кеден органының мөрімен бекемделуге тиіс.

      10. Бұзушылықтарды жою туралы хабарлама тексерілетін тұлғаға камералдық кедендік тексеру актісімен бір мезгілде жіберіледі және (немесе) табыс етіледі.

      Бұзушылықтарды жою туралы хабарлама тексерілетін тұлғаға қолын қойғыза отырып, немесе осы бапта өзгеше белгіленбесе жөнелту және алу фактілерін растайтын өзге де тәсілдермен табыс етілуге тиіс.

      Бұл ретте төменде келтірілген тәсілдердің бірімен жолданған хабарлама мынадай жағдайларда:

      1) пошта арқылы хабарламасы бар тапсырыс хатпен жiберiлгенде - төлеушiнiң поштаның немесе өзге де байланыс ұйымының хабарламасына белгi қойған күнінен бастап;

      2) электрондық тәсiлмен жiберiлгенде - веб-қосымшада хабарлама жеткізілген күннен бастап төлеушіге берілген болып саналады.

      Көрсетілген тәсіл мына т:

      кеден органының ақпараттық жүйесін уәкілетті органмен бекітілген тәртіпте пайдаланушы ретінде тіркелген;

      Қазақстан Республикасының салық заңнамасымен белгіленген тәртіпте электрондық салық төлеуші ретінде тіркелген төлеушілерге таралады.

      11. Осы баптың 9 және 10-тармақтарында көрсетілген құжаттарды тексерілетін тұлғаның тіркеу деректерінде көрсетілген орналасқан жері бойынша болмауы себебінен пошта немесе өзге де байланыс ұйымы қайтарған жағдайда, осындай құжатты қайтарған күннен бастап бес жұмыс күні ішінде кеден органы осындай тұлғаның орналасқан жері бойынша куәгерлерді (екі адамнан кем емес) тарта отырып, зерттеп-қарауды жүргізеді.

      Зерттеп-қарау актісінде мынадай мәліметтер көрсетіледі:

      актінің жасалған орны, күні мен уақыты;

      актіні жасаған кеден органының лауазымды адамының лауазымы, тегі, аты және әкесінің аты (егер ол жеке басын куәландыратын құжатта көрсетілген болса);

      кеден органының атауы;

      тартылған куәгерлердің тегі, аты және әкесінің аты (егер ол жеке басын куәландыратын құжатта көрсетілген болса), жеке басын куәландыратын құжаттың атауы мен нөмірі, тұрғылықты жерінің мекенжайы;

      тексерілетін тұлғаның тегі, аты және әкесінің аты (егер ол жеке басын куәландыратын құжатта көрсетілген болса) және (немесе) атауы, оның сәйкестендіру нөмірі;

      зерттеп-қараудың нәтижелері туралы ақпарат.

      Куәгерлер ретінде кеден органдарының лауазымды адамы мен тексерілетін тұлғаның әрекеттерінің нәтижесіне мүдделі емес, саны екі адамнан кем емес, кез келген кәмелетке толған, әрекетке қабілетті азаматтар шақырылуы мүмкін. Мемлекеттік органдардың лауазымды адамдары мен тексерілетін тұлғаның жұмыскерлерінің, құрылтайшыларының куәгерлер ретінде қатысуына жол берілмейді.

      Зерттеп-қарау нәтижесінде тексерілетін тұлғаның тіркеу деректерінде көрсетілген орналасқан жері бойынша нақты болмауы анықталған жағдайда, осы бапта көрсетілген құжаттарды табыс ету күні зерттеп-қарау актісін жасаған күн болып табылады.

      12. Тексерілетін тұлғаның кедендік тексеруді жүзеге асыратын кеден органынан бөлек кеден органы шығарған кеден декларацияларына қатысты камералдық кедендік тексеру жүргізілген кезде, камералдық кедендік тексеру актісі мен бұзушылықтарды жою туралы хабарламаның көшірмелері бұзушылықтарды жою туралы хабарлама шығарылған күннен бастап үш жұмыс күнінен кешіктірілмей, тауарларды шығару жүргізілген кеден органына жіберілуге тиіс.

      13. Камералдық кедендік тексеруді жүргізу нәтижелері бойынша, оның ішінде кеден органының талабы бойынша белгіленген мерзімде құжаттарды және (немесе) мәліметтерді ұсынбаған кезде көшпелі кедендік тексеру тағайындалуы мүмкін.


      418-бап. Көшпелі кедендік тексеру

      1. Көшпелі кедендік тексеруді кеден органы заңды тұлғаның тұрған жеріне (жерлеріне), жеке кәсіпкердің қызметін жүзеге асыру жеріне (жерлеріне) және (немесе) мұндай тұлғалардың қызметін іс жүзінде жүзеге асыру жеріне (жерлеріне) (бұдан әрі осы тарауда – тексерілетін тұлғаның объектілері) бару арқылы жүргізеді.

      2. Көшпелі кедендік тексерулер мынадай түрлерге бөлінеді:

      1) жоспарлы көшпелі кедендік тексеру;

      2) жоспардан тыс көшпелі кедендік тексеру;

      3. Көшпелі кедендік тексеру ұйғарымның негізінде жүргізіледі. Ұйғарымға кеден органының басшысы (оны алмастыратын адам) қол қоюға тиіс. Ұйғарымның нысанын уәкілетті орган бекітеді.

      4. Көшпелі кедендік тексеру жүргізу туралы шешімде (ұйғарымда) мынадай:

      1) осы шешімнің (ұйғарымның) күні және тіркелу нөмірі;

      2) көшпелі кедендік тексерудің түрі;

      3) көшпелі кедендік тексеруді жүргізетін кеден органының атауы;

      4) көшпелі кедендік тексеруді тағайындау үшін негіздеме – тексерулер жоспарына сілтеме не осы баптың 9-тармағында көзделген негіздеме;

      5) тексерілетін тұлғаның атауы (тегі, аты және әкесінің аты (болған кезде)), оның орналасқан жері (жерлері) (тұрғылықты жері) және (немесе) қызметті іс жүзінде жүзеге асыру орны (орындары), оның сәйкестендіру және (немесе) тіркеу нөмірлері;

      6) көшпелі кедендік тексеруді жүргізетін кеден органының лауазымды тұлғаларының тегі, аты, әкесінің аты (болған кезде) және лауазымы;

      7) көшпелі кедендік тексеруді жүргізуге қатысу үшін тартылатын лауазымды тұлғалардың тегі, аты, әкесінің аты (болған кезде) және лауазымы;

      8) осы Кодекстің 416-бабының 3-тармағына сәйкес көшпелі кедендік тексерудің нысанасы;

      9) көшпелі кедендік тексеру жүргізетін мерзімі;

      10) тексерілетін кезең туралы мәліметтер болуға тиіс.

      5. Ұйғарымның нысаны уәкілетті органмен бекітіледі.

      6. Бір ұйғарымның негізінде тексерілетін тұлғаға бір ғана тексеру жүргізіледі. Нұсқама тексеру басталғанға дейiн құқықтық статистика және арнайы есепке алу жөнiндегi уәкiлеттi органда, оны тексерiлетiн субъектiнiң орналасқан жерi бойынша құқықтық статистика және арнайы есепке алу жөнiндегi уәкiлеттi органның аумақтық бөлiмшесiне ұсыну, оның iшiнде электрондық нысанда ұсыну арқылы тіркеледі.

      7. Көшпелі кедендік тексерудің мерзімі ұзартылған, сондай-ақ ол тоқтатыла тұрған жағдайда, ұйғарымға тиісті жазбалар енгізіледі және тексерілетін тұлға хабардар етіледі.

      Бұл ретте көшпелі кедендік тексеру жүргізу мерзімі ұзартылған және (немесе) тексеруді жүргізетін тұлғалар саны өзгертiлген және (немесе) ауыстырылған және (немесе) тексерілетін кезең өзгерген жағдайда қосымша нұсқама ресімделіп, онда бұдан бұрынғы нұсқаманың нөмірі мен тіркелген күні, осы Кодекске сәйкес тексеру жүргізуге тартылатын тұлғалардың тегі, аты, әкесінің аты (олар болған жағдайда) көрсетіледі.

      Қосымша нұсқама тексерілетін субъектінің орналасқан жері бойынша құқықтық статистика және арнайы есепке алу жөнiндегi уәкілетті органның аумақтық бөлімшесіне, оның ішінде электрондық нысанда оны ұсыну жолымен уәкiлеттi органда мiндеттi түрде тiркеледi.

      8. Көшпелі кедендік тексеру өзге нысандарда кедендік бақылау жүргізу нәтижелері бойынша, сондай-ақ камералдық кедендік тексеру жүргізу нәтижелері бойынша тағайындалуы мүмкін.

      9. Жоспардан тыс көшпелі кедендік тексеру осындай тексеруді жүргізу кезеңін шектемей жүргізіледі.

      Бір және сол аумақтық кеден органының бұрын тексерілген кезеңге жоспардан тыс көшпелі кедендік тексеруді қайта жүргізуіне осы баптың 10-тармағының 3), 4), 6), 7), 8), 9), 10), 11) 12), 19), 20) тармақшаларында көзделген негіздер бойынша тексеруді қоспағанда, уәкілетті органмен келісім бойынша жол беріледі.

      10. Жоспардан тыс көшпелі кедендік тексерулерді тағайындау үшін мыналар:

      1) кеден органдарының және Қазақстан Республикасының өзге мемлекеттік органдарының ақпараттық жүйелерінде бар және кедендік реттеу саласындағы халықаралық шарттар мен актілерді және (немесе) Еуразиялық экономикалық одақтың заңнамасын бұзу мүмкіндігі туралы куәландыратын ақпаратты талдау нәтижесінде алынған деректер;

      2) Қазақстан Республикасының кеден және өзге де, Еуразиялық экономикалық одақтың кеден заңнамалары бұзу мүмкіндігі туралы куәландыратын ақпарат;

      3) тұлғаның уәкілетті экономикалық операторлар тізіліміне енгізу туралы өтініші;

      4) уәкілетті экономикалық оператордың уәкілетті экономикалық операторлар тізіліміне енгізу кезінде тауарларды уақытша сақтауға арналған меншіктегі, шаруашылық жүргізудегі, жедел басқарудағы немесе жалдаудағы құрылыстар, үй-жайлар (үй-жайлардың бөліктері) және (немесе) ашық алаңдар (ашық алаңдардың бөліктері) туралы мәлімделген мәліметтердің өзгергені туралы ақпаратты кеден органына ұсыну;

      5) осы баптың 11-тармағына сәйкес қарсы жоспардан тыс көшпелі кедендік тексеруді жүргізу қажеттігі;

      6) Еуразиялық экономикалық одақтың мүшесі болып табылмайтын мемлекеттің құзыретті органының Еуразиялық экономикалық одақтың кедендік шекарасы арқылы тауарларды өткізумен байланысты шетелдік тұлғамен мәмілені жасаған тұлғаға тексеру жүргізу туралы өтініші (сұрау салуы);

      7) қылмыстық құқық бұзұшылықтар туралы хабарламаны тексеру материалдары немесе қозғалған қылмыстық іс бойынша Еуразиялық экономикалық одаққа мүше мемлекеттердің алдын ала тергеу органдарының (қылмыстық қудалау органдарының) тапсырмасы (сұрау салуы);

      8) Еуразиялық экономикалық одақтың бір мүше мемлекетінің кеден органының басқа Еуразиялық экономикалық одаққа мүше мемлекеттің кеден органына осы Кодекстің 447-бабы 3-тармағының 1) және (немесе) 3) тармақшаларында көзделген негіздер бойынша кеден органына жолданатын Қазақстан Республикасының заңнамасына сәйкес құрылған және (немесе) тіркелген тұлғаға көшпелі кедендік тексеру жүргізу туралы тапсырмасы;

      9) шет мемлекеттердің салық, кеден және құқық қорғау органдарымен ақпараттық алмасу нәтижесінде алынған мәліметтерді тексеру;

      10) Қазақстан Республикасының қылмыстық іс жүргізу заңнамасында көзделген жағдайлар;

      11) мемлекеттік бақылау (қадағалау) органдарының дерекқорындағы Қазақстан Республикасының кеден және өзге де, Еуразиялық экономикалық одақтың кеден заңнамасы бұзылуы мүмкіндіктері туралы куәландыратын мемлекеттік органдардың, жеке және заңды тұлғалардың өтініштері;

      12) тұлғаның кедендік тексеру жүргізу туралы бастамамен жүгінуі;

      13) тексеру нәтижелері туралы хабарламаға шағымда жазылған мәселелер бойынша тексеру жүргізу қажеттігі;

      14) төлеушінің касса бойынша шығыс операцияларын тоқтата тұру туралы өкімнің талаптарын сақтауына тексерулер жүргізу қажеттігі;

      15) кеден органының талаптары бойынша белгіленген мерзімде дебиторлар тiзiмiнің ұсынылмауы не болмаса дебиторлардың жоқ екендігі туралы мәліметтердің ұсынылмауы;

      16) кеден органының талаптары бойынша белгіленген мерзімде дебитордың төлеушімен өзара есеп айырысу салыстыру актілерінің ұсынылмауы;

      17) кедендік реттеу саласындағы Қазақстан Республикасының заңнамасы бұзылуы мүмкіндіктері туралы куәландыратын камералдық кедендік тексеру жүргізу нәтижелері, оның ішінде мемлекеттік кірістер органының талаптары бойынша белгіленген мерзімде құжаттардың және (немесе) мәліметтердің ұсынылмауы;

      18) Қазақстан Республикасының кеден заңнамасы бұзылуы мүмкіндіктері туралы куәландыратын кедендік бақылау жүргізуді қамтамасыз ететін іс-шараларды қолдану және (немесе) өзге де нысандағы салықтық бақылау, кедендік бақылау жүргізу нәтижелері;

      19) кеден органының сұранымына бұрын жіберілген, алдындағы кедендік тексеру барысында келіп түспеген жауапты алған жағдайда;

      20) тексерілетін тұлғаның қайта ұйымдастырылуы және (немесе) тексерілетін тұлғаның банкроттыққа (таратылуға) арналған құжаттарды беруі негіз болуы мүмкін.

      11. Тексерілетін тұлға ұсынған мәліметтердің дұрыстығын растау қажет болған кезде кеден органы көшпелі кедендік тексеруді кеден органы жүргізетін Қазақстан Республикасының заңнамасына сәйкес құрылған және (немесе) тіркелген және тауарлармен мәмілелер (операциялар) бойынша тұлғамен байланысты тұлғаларды қарсы жоспардан тыс көшпелі кедендік тексеруді жүргізеді.

      12. Көшпелі кедендік тексеру жүргізудің басталған күні тексерілетін тұлғаға кедендік тексеру жүргізу туралы ұйғарымның көшірмесін табыс еткен күн есептеледі.

      Кедендік тексеру жүргізу туралы ұйғарымның көшірмесін тексерілетін тұлғаға кеден органының лауазымды адамы тапсырады не тапсыру туралы хабарламасы бар тапсырысты почта жөнелтімімен жібереді.

      Кедендік тексеру жүргізу туралы ұйғарымның көшірмесін табыс ету кезінде тексерілетін тұлғаның басшысы не оның өкілі кедендік тексеру жүргізу туралы ұйғарымның түпнұсқасына онымен танысқаны туралы, сондай-ақ кедендік тексеру жүргізу туралы ұйғарымның көшірмесін алған күні және уақыты туралы белгі қояды.

      Кедендік тексеру жүргізу туралы ұйғарымның көшірмесін алудан бас тартқан жағдайда, кеден органының лауазымды адамы кедендік тексеру жүргізу туралы ұйғарымға бұл туралы тиісті жазба жасайды.

      13. Тексерілетін тұлғаның кедендік тексеру жүргізу туралы ұйғарымның көшірмесін алудан бас тартуы, сондай-ақ почта жөнелтімінің тұлғаның тұрған жерінде болмауына байланысты адресатқа хаттың тапсырылмағандығын куәландыратын белгімен қайтып келуі көшпелі кедендік тексеру жүргізудің күшін жою үшін негіздеме болып табылмайды.

      Бұл жағдайда ұйғарымда кедендік тексеруді жүргізу туралы ұйғарымның көшірмесін алудан бас тарту туралы жазба жазылған күн не адресатқа хаттың тапсырылмағаны туралы белгі қойылған почта жөнелтімі кеден органына келіп түскен күн тексеру басталатын күн болып саналады.

      14. Тексерілетін тұлғаның объектісінде көшпелі кедендік тексеру жүргізуді бастар алдында кеден органының лауазымды адамдары тексерілетін тұлғаның басшысының, басшыны ауыстыратын тұлғаның не тексерілетін тұлғаның өкілінің қызметтік куәліктерін көрсетуге міндетті.

      15. Көшпелі кедендік тексеруді жүргізу кезеңінде тексерілетін тұлға оның қызметімен байланысты тексерілетін құжаттарға өзгерістер (толықтырулар) енгізуге құқылы емес.

      16. Көшпелі кедендік тексеруді жүргізу мерзімі екі айдан аспауға тиіс. Көрсетілген мерзімге тексерілетін тұлғаға құжаттарды және (немесе) мәліметтерді ұсыну туралы талапты табыс ету күні мен мұндай құжаттарды және (немесе) мәліметтерді алу күні арасындағы уақыт кезеңі кірмейді.

      17. Көшпелі кедендік тексеруді жүргізу мерзімі мұндай тексеруді жүргізіп жатқан кеден органының шешімі бойынша бір айға ұзартылуы мүмкін.

      18. Көшпелі кедендік тексеруді жүргізу кедендік тексеруді жүзеге асыратын кеден органы басшысының, ол уәкілетті еткен кеден органы басшысы орынбасарының не оларды алмастыратын адамдардың шешімі бойынша қажет болған кезде:

      1) қарсы жоспардан тыс көшпелі кедендік тексеруді жүргізу;

      2) кедендік сараптаманы жүргізу;

      3) сұрау салуларды Еуразиялық экономикалық одаққа мүше мемлекеттердің немесе Еуразиялық экономикалық одақтың мүшелері болып табылмайтын мемлекеттердің Қазақстан Республикасының құзыретті органдарына жолдау;

      4) тексерілетін тұлғаның көшпелі кедендік тексеруді жүргізу үшін қажетті құжаттарды қалпына келтіру;

      5) көшпелі кедендік тексеру нәтижелері бойынша қорытындыға әсер ететін тексерілетін кезеңге жататын қосымша құжаттарды ұсыну;

      6) Көшпелі кедендік тексеру актісі тексерілетін тұлғаға алдын ала табыс етілген жағдайда, сондай-ақ Қазақстан Республикасының заңымен белгіленген тәртіпте алдын ала табыс етілген көшпелі кедендік тексеру актісіне тексерілетін тұлғаның жазбаша қарсылығын кеден органы қарау үшін кедендік тексеруді жүзеге асыратын кеден органы басшысының, оған уәкілетті кеден органы басшысы орынбасарының немесе оларды алмастыратын адамдардың шешімі бойынша көшпелі кедендік тексеруді жүргізу тоқтатыла тұруы мүмкін.

      Көшпелі кедендік тексерудің жүргізілуін тоқтата тұру мерзімі жиырма төрт айдан аспауға тиіс. Бұл ретте прокуратура органына хабарлай отырып, көшпелі кедендік тексеру жүргізуді тоқтата тұру немесе қайта бастау күнінен бастап бір жұмыс күнінен кешіктірмей, тексеруді тоқтата тұру немесе қайта бастау туралы хабарлама тексерілетін тұлғаға қолын қойғызып тапсырылады немесе хабарламасы бар тапсырыс хатпен пошта арқылы жіберіледі.

      Көшпелі кедендік тексеру жүргізу туралы ұйғарымға көшпелі кедендік тексеру мерзімін ұзарту туралы, сондай-ақ оның жүргізілуін тоқтата тұру туралы тиісті жазбалар жасалады, ол туралы тексерілетін тұлға хабардар етіледі.

      Көшпелі кедендік тексерудің жүргізілуін осы тармақта белгіленген негіздеулер бойынша тоқтата тұру мерзімі, көшпелі кедендік тексеру жүргізу мерзіміне кірмейді.

      19. Көшпелі кедендік тексеру нәтижелері кедендік тексеру актісімен ресімделеді.

      Көшпелі кедендік тексеру актісінде мынадай мәліметтер:

      1) кедендік тексеру жүргізу орны, оны толтырған күні және нөмірі;

      2) тексеру жүргізген кеден органының атауы;

      3) көшпелі кедендік тексерудің түрі және тағайындауға негіздеме;

      4) көшпелі кедендік тексеру жүргізу туралы ұйғарымның шыққан күні және нөмірі;

      5) кеден органының көшпелі кедендік тексеруді жүргізген лауазымды адамдарының лауазымы, тегі, аты және әкесінің аты (егер ол жеке басын куәландыратын құжатта көрсетілген болса);

      6) тексерілетін тұлғаның тегі, аты, әкесінің аты (егер ол жеке басын куәландыратын құжатта көрсетілген болса) не тұлғаның толық атауы, тексерілетін тұлғаның орналасқан жері және қызметін іс жүзінде жүзеге асыратын орны туралы мәліметтер, оның сәйкестендіру нөмірлері;

      7) тексерілетін тұлғаның банк шоттарының деректемелері;

      8) тексерілетін тұлға басшысының және тексерілетін тұлғаның кедендік және қаржылық есептілікті жүргізуге, кеден органдары алатын кедендік төлемдер мен салықтарды төлеуге жауапты лауазымды адамдарының тегі, аты, әкесінің аты (егер ол жеке басын куәландыратын құжатта көрсетілген болса);

      9) көшпелі кедендік тексеруді жүргізуге қатысу үшін тартылған лауазымды адамдардың тегі, аты, әкесінің аты (егер ол жеке басын куәландыратын құжатта көрсетілген болса) және лауазымы;

      10) тексерілетін кезең және тексерілген, оның ішінде тексерілетін тұлға ұсынған құжаттар туралы мәліметтер;

      11) көшпелі кедендік тексеру жүргізудің басталған және аяқталған күні, ал көшпелі кедендік тексеру жүргізудің мерзімі тоқтатыла тұрған және (немесе) ұзартылған жағдайда мұндай тоқтата тұрудың және (немесе) ұзартудың кезеңі;

      12) кедендік бақылау нысандары, көшпелі кедендік тексеру барысында жүргізілген өзге де әрекеттер туралы мәліметтер;

      13) алдыңғы тексеру және Еуразиялық экономикалық одақтың және (немесе) Қазақстан Республикасының кеден заңнамасын бұрын анықталған бұзушылықтарды жою жөнінде қолданылған шаралар туралы мәліметтер;

      14) талаптары бұзылған Еуразиялық экономикалық одақтың және (немесе) Қазақстан Республикасының кеден заңнамасының ережелері көрсетіле отырып, Еуразиялық экономикалық одақтың және (немесе) Қазақстан Республикасының кеден заңнамасының бұзылғандығын куәландыратын анықталған фактілерді сипаттау, не олардың жоқтығы туралы мәліметтер;

      15) көшпелі кедендік тексеруді жүргізу нәтижелері бойынша қорытындылар көрсетілуге тиіс.

      20. Еуразиялық экономикалық одақтың және (немесе) Қазақстан Республикасының кеден заңнамасының бұзылғандығы анықталған жағдайда, осы баптың 19-тармағында көзделген көшпелі кедендік тексеру актісін жасағанға дейін, кеден органының лауазымды тұлғасы тексерілетін тұлғаға көшпелі кедендік тексеру актісін алдын ала табыс етеді.

      Осы Кодекстін мақсаттары үшін көшпелі кедендік тексеру актісін алдын ала табыс ету деп, кеден органының лауазымды тұлғасының жасаған көшпелі кедендік тексерудің алдын ала нәтижелері туралы құжат түсініледі.

      Бұл ретте тексерілетін тұлға көшпелі кедендік тексерудің алдын ала актісіне жазбаша қарсылық ұсынуға құқылы.

      Осы баптың ережелері қолданылатындарға қатысты тексерілетін тұлғаның санаттары, сондай-ақ көшпелі кедендік тексерудің алдын ала актісін тексерілетін тұлғаға табыс ету тәртібі және мерзімі, көшпелі кедендік тексерудің алдын ала актісіне тексерілетін тұлғаның жазбаша қарсылығы, сондай-ақ кеден органының осындай қарсылықты қарау тәртібі және мерзімі уәкілетті органмен бекітіледі.

      21. Көшпелі кедендік тексеру нәтижелері бойынша ресімделген, екі данада жасалатын және кедендік тексеруді жүргізген лауазымды адамдар қол қоятын көшпелі кедендік тексеру актісі жасалған күн көшпелі кедендік тексеру аяқталған күн деп есептеледі.

      Көшпелі кедендік тексеру актісін кедендік тексеруді жүргізген кеден органының басшысы (оны алмастыратын адам) бекітеді.

      Көшпелі кедендік тексеру актісінің бірінші данасы кедендік тексеру материалдарына қоса тігіледі, актінің екінші данасы есеп-қисаптары қоса беріле отырып, көшпелі кедендік тексеру аяқталған күннен бастап күнтізбелік бес күннен кешіктірілмей тексерілетін тұлғаға табыс етіледі немесе табыс етілгені туралы хабарламасы бар тапсырысты пошта жөнелтілімімен жіберіледі.

      22. Егер көшпелі кедендік тексеру аяқталғаннан кейін Еуразиялық экономикалық одақтың және (немесе) Қазақстан Республикасының кеден заңнамасын бұзушылықтар анықталмаған жағдайда, тексеру актісінде тиісті жазба жасалады.

      23. Көшпелі кедендік тексеру актісіне құжаттардың көшірмелері, кеден органының лауазымды адамы жүргізген есеп-қисаптар және кедендік тексеру барысында алынған басқа да материалдар қоса беріледі.

      24. Көшпелі кедендік тексеру актісі кедендік тексеру актілерін тіркейтін арнайы журналда тіркеледі, ол нөмірленуге, тігілуге және кеден органының мөрімен бекемделуге тиіс.

      25. Тексерілетін тұлға кедендік тексеру нәтижелерімен келіспеген жағдайда тексеру актісінде тиісті жазба жасалады.

      26. Көшпелі кедендік тексеру нәтижелері бойынша оны жүргізу кезінде анықталған Еуразиялық экономикалық одақтың кеден заңнамасын және (немесе) Қазақстан Республикасының заңнамасын бұзушылықтарға тексеру нәтижелері туралы хабарлама шығарылады.

      Тексеру нәтижелері туралы хабарлама тексерілетін тұлғаға осы Кодекстің 419-бабында көзделген тәртіппен табыс етіледі.

      Хабарламаның нысаны уәкілетті органмен бекітіледі.

      27. Осы тармақта көрсетілген құжаттарды тексерілетін тұлғаның тіркеу деректерінде көрсетілген орналасқан жері бойынша болмауы себебінен пошта немесе өзге де байланыс ұйымы қайтарған жағдайда, осындай құжаттарды қайтарған күннен бастап бес жұмыс күні ішінде кеден органы осындай тұлғаның орналасқан жері бойынша екі куәгерлерді тарта отырып, зерттеп-қарауды жүргізеді.

      Зерттеп-қарау пошта немесе өзге де байланыс ұйымы мынадай құжаттарды қайтарған кезде жүргізіледі:

      көшпелі кедендік тексеру актісі;

      тексеру нәтижелері туралы хабарлама.

      Зерттеп-қарау нәтижелері бойынша зерттеп-қарау актісі жасалады, онда мынадай мәліметтер көрсетіледі:

      актінің жасалған орны, күні мен уақыты;

      актіні жасаған кеден органының лауазымды адамының лауазымы, тегі, аты және әкесінің аты (егер ол жеке басын куәландыратын құжатта көрсетілген болса);

      кеден органының атауы;

      тартылған куәгерлердің тегі, аты және әкесінің аты (егер ол жеке басын куәландыратын құжатта көрсетілген болса), жеке басын куәландыратын құжатының атауы мен нөмірі, тұрғылықты жерінің мекенжайы;

      тексерілетін тұлғаның тегі, аты және әкесінің аты (егер ол жеке басын куәландыратын құжатта көрсетілген болса) және (немесе) атауы, оның сәйкестендіру нөмірі;

      зерттеп-қарау нәтижелері туралы ақпарат.

      Кеден органдарының лауазымды адамы мен тексерілетін тұлғаның әрекеттерінің нәтижесіне мүдделі емес, кез келген кәмелетке толған, әрекетке қабілетті азаматтар куәгерлер ретінде шақырылуы мүмкін. Мемлекеттік органдардың лауазымды адамдары мен тексерілетін тұлғаның жұмыскерлерінің, құрылтайшыларының куәгерлер ретінде қатысуына жол берілмейді.

      Зерттеп-қарау нәтижесінде тексерілетін тұлғаның тіркеу деректерінде көрсетілген орналасқан жері бойынша нақты болмауы анықталған жағдайда осы тармақта көрсетілген құжаттарды табыс ету күні зерттеп-қарау актісін жасаған күн болып табылады.

      28. Көшпелі кедендік тексеру Қазақстан Республикасының заңнамасына сәйкес тіркелген дара кәсіпкерлерді қоспағанда, жеке тұлғаларға қатысты жүргізілмейді.


      419-бап. Тексеру нәтижелері туралы хабарламаны табыс ету және орындау тәртібі

      1. Тексеру нәтижелері туралы хабарлама тексерілетін тұлғаға көшпелі кедендiк тексеру актiсi тапсырылған күннен бастап бес жұмыс күнiнен кешiктiрiлмей жiберiледi.

      2. Тексеру нәтижелері туралы хабарлама тексерілетін тұлғаға оның әкімшілік немесе қылмыстық жауаптылыққа тартылғанына қарамастан жіберіледі.

      3. Тексеру нәтижелері туралы хабарламада:

      1) төлеушінің сәйкестендіру нөмірі;

      2) төлеушінің тегі, аты, әкесінің аты (егер ол жеке басын куәландыратын құжатта көрсетілген болса) немесе толық атауы және заңды мекенжайы;

      3) кеден органының атауы;

      4) хабарламаның тіркеу күні мен нөмірі;

      5) көшпелі кедендiк тексеру нәтижелері бойынша кедендік төлемдер мен салықтар бойынша сома;

      6) хабарлама берілген күнгі өсімпұлдар сомасы;

      7) кедендік төлемдерді, салықтарды және өсімпұлдарды төлеу бойынша міндеттемені орындау туралы талап;

      8) хабарламаны жіберу үшін негіздеме;

      9) кедендік төлемдер мен салықтарды төлеу бойынша берешекті өтеу кезінде өсімпұлды, пайыздарды есептеу тәртібі;

      10) шағым жасау тәртібі;

      11) кедендік төлемдерді және салықтарды төлеу жөніндегі міндеттерге әсер етпеген бұзушылықтарды жою бойынша талап;

      12) тауарларға арналған декларацияны түзетуді ресімдеу жөніндегі талап көрсетілуге тиіс.

      4. Тексеру нәтижелері туралы хабарлама, тексерілетін тұлғаға қолын қойғыза отырып, жеке өзіне немесе осы бапта өзгеше белгіленбесе, жөнелту және алу фактілерін растайтын өзге тәсілмен берілуі тиіс.

      Тексеру нәтижелері туралы хабарлама тексерілетін тұлғаға қолын қойғыза отырып, жеке өзіне табыс етілуге немесе хабарламасы бар тапсырыс хатпен пошта арқылы жіберілуге тиіс.

      Бұл ретте төменде келтірілген тәсілдердің бірімен жолданған хабарлама мынадай жағдайларда:

      1) пошта арқылы хабарламасы бар тапсырыс хатпен жiберiлгенде - төлеушiнiң поштаның немесе өзге де байланыс ұйымының хабарламасына белгi қойған күнінен бастап;

      2) электрондық тәсiлмен жiберiлгенде - веб-қосымшада хабарлама жеткізілген күннен бастап төлеушіге берілген болып саналады.

      Бұл тәсiл:

      Қазақстан Республикасының салық заңнамасында белгіленген тәртіппен кеден органының ақпараттық жүйесін пайдаланушы ретінде қолданылады.

      5. Көрсетілген хабарламаға тексерілетін тұлғаның шағым жасау жағдайын қоспағанда, тексеру нәтижелері туралы хабарламадағы талаптар тексерілетін тұлғаға хабарлама тапсырылған күннен кейінгі күннен бастап отыз жұмыс күні ішінде орындалуға жатады.

      6. Тексерілетін тұлға тексеру нәтижелері туралы хабарламада көрсетілген кедендік төлемдердің, салықтардың және өсімпұлдардың есепке жазылған сомаларымен келіскен жағдайда, кедендік төлемдерді, салықтарды және өсімпұлдарды төлеу бойынша міндеттемені орындау мерзімі төлеу кестесі қоса берілетін тексерілетін тұлғаның өтініші бойынша алпыс жұмыс күніне ұзартылуы мүмкін.

      Бұл ретте көрсетілген сома бюджетке төлеу мерзімі ұзартылған әрбір күнге өсімпұл есептеле отырып төленуге жатады және осы кезеңнің әрбір он бес жұмыс күні сайын тең үлестермен төленіп отырады.

      Тексеру нәтижелеріне шағым жасалған жағдайда, кедендік тексеру нәтижелері бойынша есепке жазылған кедендік төлемдердің, салықтардың және өсімпұлдардың осы тармақта көзделген тәртiппен кедендік төлемдер, салықтар және өсімпұлдар бойынша міндеттемелерінің орындалу мерзімі ұзартылуға жатпайды.

      7. Егер көшпелі кедендік тексеру аяқталған соң Еуразиялық экономикалық одақтың кеден заңнамасын және Қазақстан Республикасының заңнамасын бұзушылықтар анықталмаған жағдайда, кедендік тексеру нәтижелері туралы хабарлама шығарылмайды.

      8. Тексерілетін тұлғаның кедендік тексеруді жүзеге асыратын кеден органынан бөлек кеден органы шығарған кеден декларацияларына қатысты көшпелі кедендік тексеру жүргізілген кезде көшпелі кедендік тексеру актісінің және тексеру нәтижелері туралы хабарламаның көшірмелері тексеру нәтижелері туралы хабарлама шығарылған күннен бастап үш жұмыс күнінен кешіктірілмей тауарларды шығару жүргізілген кеден органына жіберілуге жатады.


      420-бап. Кеден және өзге мемлекеттік органдардың лауазымды адамдарының көшпелі кедендік тексеру жүргізу үшін тексерілетін тұлғаның объектісіне қолжетімділігі

      1. Тексерілетін тұлға кеден органының лауазымды адамдары көшпелі кедендік тексеру жүргізу туралы ұйғарымды және қызметтік куәліктерін көрсеткен кезде осы лауазымды адамдардың және көшпелі кедендік тексеруді жүргізуге қатысу үшін тартылатын өзге мемлекеттік органдардың лауазымды адамдарының көшпелі кедендік тексеру жүргізу үшін тексерілетін тұлғаның объектісіне (тұрғын үй-жайларды қоспағанда) лауазымды тұлғаның қолжетімділігін қамтамасыз етуге міндетті.

      2. Егер Қазақстан Республикасының заңнамасында жекелеген объектілерге мемлекеттік органның лауазымды тұлғасының қолжетімділігінің арнайы тәртібі белгіленген жағдайда, онда мұндай қолжетімділік осы заңнамамен белгіленген тәртіппен жүзеге асырылады.

      3. Тексерілетін тұлға кеден органының лауазымды адамдарына және көшпелі кедендік тексеруді жүргізуге қатысу үшін тартылатын өзге мемлекеттік органдардың лауазымды адамдарына тексерілетін тұлғаның объектісіне қолжетімділіктен мынадай жағдайларда:

      1) көрсетілген осы лауазымды адамдар көшпелі кедендік тексеру жүргізу туралы шешімді (ұйғарымды) және (немесе) қызметтік куәліктерді көрсетпесе;

      2) осы лауазымды адамдар көшпелі кедендік тексеру жүргізу туралы ұйғарымда көрсетілмесе;

      3) егер мұндай рұқсат Қазақстан Республикасының заңнамасына сәйкес қажет болса, осы лауазымды адамдардың тексерілетін тұлғаның объектісіне қолжетімділікке арнайы рұқсаты болмаса, бас тартуға құқылы.

      4. Тексерілетін тұлға көшпелі кедендік тексеруді жүргізетін кеден органының лауазымды адамдарының және көшпелі кедендік тексеруді жүргізуге қатысу үшін тартылатын Қазақстан Республикасының өзге мемлекеттік органдардың лауазымды адамдарының тексерілетін тұлғаның объектісіне қолжетімділігін қамтамасыз етуден негізсіз бас тартқан жағдайда, уәкілетті мемлекеттік оргшанмен бекітілген нысан бойынша тиісті акт хаттама жасалады.

      5. Хаттамаға тексеруді жүргізуші лауазымды тұлға, тексерілетін тұлға немесе оның өкілі қол қойады.

      Көрсетілген хаттамаға тексерілетін тұлға қол қоюдан бас тартқан жағдайда бас тарту себебі туралы жазбаша түсініктеме беруге міндетті.

      Хаттаманың көшірмесі тексерілетін тұлғаға немесе оның өкіліне табыс етіледі.

      Тексерілетін тұлға көшпелі кедендік тексеруді жүргізетін кеден органының лауазымды адамдарының және көшпелі кедендік тексеруді жүргізуге қатысу үшін тартылатын Қазақстан Республикасының өзге мемлекеттік органдардың лауазымды адамдарының тексерілетін тұлғаның объектісіне қолжетімділігін қамтамасыз етуден негізсіз бас тартқан жағдайда, мүше мемлекеттердің заңнамасына сәйкес олар қарсыласудың жолын кесе отырып және (немесе) жабық үй-жайларды ашып екі куәгердің қатысуымен осы объектіге кіруге құқылы.

      Қарсыласудың жолын кесе отырып және (немесе) жабық үй-жайларды ашып объектіге кіргенін кеден органы барлық мән-жай туралы жиырма төрт сағаттың ішінде прокурорға хабарлайды.


      421-бап. Кеден органының лауазымды адамдарының кедендік тексеру жүргізу кезіндегі құқықтары мен міндеттері

      1. Кеден органының лауазымды адамдарының кедендік тексеру жүргізу кезінде:

      1) тексерілетін тұлғадан коммерциялық, көлiктік (тасымалдау) құжаттарды, бухгалтерлiк есеп және есептiлiк құжаттарын, сондай-ақ тексерілетін тауарларға қатысты тексерілетін тұлғаның бұдан кейінгі мәмілелеріне қатысты ақпаратты қоса алғанда, осы тауарларға қатысты басқа да ақпаратты, оның iшiнде электрондық тасымалдағыштарда талап етуге және алуға;

      2) осы Кодекстің 38-бабына сәйкес тексерілетін тұлғадан есептілікті ұсынуды талап етуге;

      3) тексерілетін тұлғамен кедендік тексеру жүргізіліп жатқан тауарлармен мәмілелер (операциялар) бойынша байланысты тұлғалардан тексерілетін тұлға немесе мұндай тауарлармен мәмілелерге (операцияларға) қатысы бар үшінші тұлғалар жасайтын операциялар мен есептер бойынша құжаттардың көшірмелерін және өзге де ақпаратты ұсынуды талап етуге;

      4) банктерден және банктік операциялардың жекелеген түрлерін жүзеге асыратын ұйымдардан, Еуразиялық экономикалық одаққа мүше мемлекеттердің ұйымдары мен дара кәсіпкерлерінің банк шоттарының бар екені және нөмірлері туралы құжаттармен мәліметтерді, сондай-ақ ұйымдардың және дара кәсіпкерлердің шарттары бойынша ақшалай қаражат қозғалысына қатысты, оның ішінде Қазақстан Республикасының заңнамасына сәйкес банктік құпиясы бар кедендік тексеруді жүргізу үшін қажетті құжаттарды және мәліметтерді талап етуге және олардан алуға;

      5) Қазақстан Республикасының салық және өзге де мемлекеттік органдарынан кедендік тексеруді жүргізу үшін қажетті құжаттар мен мәліметтерді, оның ішінде Қазақстан Республикасының заңнамасына сәйкес коммерциялық, банктік, салықтық және заңмен қорғалатын өзге де құпияны құрайтын құжаттар мен мәліметтерді сұратуға және алуға;

      6) кедендік тексеруді жүргізумен байланысты Еуразиялық экономикалық одақтың және Еуразиялық экономикалық одақтың мүшелері болып табылмайтын мемлекеттердің ұйымдарына, мемлекеттік және өзге де органдарына (ұйымдарына) сұрау салулар жолдауға;

      7) кедендік сараптама тағайындауға;

      8) тауарларға және көлік құралдарына сүргі салуға;

      9) мамандар тартуға;

      10) әкiмшiлiк құқық бұзушылық туралы Қазақстан Республикасының Кодексімен айқындалған тәртіпте, әкiмшiлiк құқық бұзушылық жасалғаны туралы куәландыратын құжаттарды тексерілетін тұлғадан алуды жүргізуге;

      11) Еуразиялық экономикалық одақтың кеден заңнамасымен, Қазақстан Республикасының кеден және өзге де заңдарымен көзделінген басқа да іс-қимылдар жасауға құқылы.

      2. Кеден органының лауазымды адамдарының көшпелі кедендік тексеру жүргізу кезінде:

      1) тексерілетін тұлғадан көшпелі кедендік тексеру жүргізілетін тауарларды ұсынуды талап етуге;

      2) Қазақстан Республикасының заңнамасында белгіленген тәртіппен көшпелі кедендік тексеру жүргізу кезінде тауарларға (түгендеу жүргізуді талап етуге) түгендеу жүргізуге;

      3) лауазымды адамдар көшпелі кедендік тексеру жүргізілетіні туралы ұйғарымды және қызметтік куәліктерін ұсынған жағдайда тексерілетін тұлғаның объектілеріне қолжетімділік алуға;

      4) осы Кодекстің 418-бабына сәйкес көшпелі кедендік тексеру жүргізу кезінде акті жасап тауарлардың сынамаларын және үлгілерін іріктеп алуды жүзеге асыруға;

      5) уәкілетті органмен бекітілген нысан бойынша алып қою актісін жасай отырып, тексерілетін тұлғадан құжаттарды не олардың көшірмелерін алып қоюға;

      6) Қазақстан Республикасының заңнамасында белгіленген тәртіппен көшпелі кедендік тексеру жүргізілетін тауарларды иеліктен айыруға не өзге тәсілмен осы тауарларға билік етуге бағытталған әрекеттердің жолын кесу үшін көшпелі кедендік тексеру жүргізу мерзіміне тауарларға тыйым салуға немесе оларды алып қоюға;

      7) үй-жайларға, қоймаларға, архивтерге және көшпелі кедендік тексеру жүргізіліп жатқан құжаттардың және тауарлар орналасқан (сақталған) өзге де жерлерге сүргі салуға;

      8) тексерілетін тұлғаның өкілдерінен жеке басын куәландыратын құжаттарды және (немесе) өкілеттіктерді растайтын құжаттарды ұсынуды талап етуге;

      9) тексерілетін тұлғаның ақпараттық жүйелерінің базаларына және деректер банкіне өз құзыреті шегінде қолжетімділік алуға;

      10) тексерілетін тұлғадан тексеруге жататын мәселелер шеңберінде қажетті құжаттарды (олардың көшірмелерін), оның қызметіне және мүлкіне қатысты өзге де ақпаратты, соның ішінде электрондық түрінде талап етуге және алуға құқығы бар. Егер осы құжаттар (олардың көшірмелері) Қазақстан Республикасының заңнамасына сәйкес көшпелі кедендік тексеру жүргізілетін орында болмауға тиіс болса, кеден органының лауазымды адамы оларды ұсыну үшін жеткілікті, бірақ кемінде 3 жұмыс күн болатын мерзімді белгілейді;

      11) техникалық құралдарды (оның ішінде аудио- және бейне жазбаларды, фототүсірілімді жүзеге асыратын аппаратураны), сондай-ақ тексерілетін тұлға электрондық нысанда ұсынған ақпаратты өңдеуге арналған бағдарламалық өнімдерді пайдалануға;

      12) тексерілетін тұлғадан бухгалтерлiк есепті автоматтандыруға арналған бағдарламалық қамтамасыз етілімнің және (немесе) бастапқы есепке алу құжаттарының, бухгалтерлік есеп тіркелімдерінің тексерiлетiн тауарларға қатысты деректері қамтылған ақпараттық жүйенің деректерін көруге рұқсат беруді, сондай-ақ көрсетілген деректерді электрондық жеткізгіштерде және (немесе) олардың көшірмелерін қағаз жеткізгіштерде ұсынуды талап етуге;

      13) Қазақстан Республикасының заңнамасында көзделген өзге де әрекеттерді жүзеге асыруға құқығы бар.

      3. Кеден органының лауазымды адамдары кедендік тексеруді жүргізу кезінде:

      1) тексерілетін тұлғаның құқықтарын және заңды мүдделерін сақтауға, заңсыз шешімдермен және әрекеттермен (әрекетсіздікпен) тексерілетін тұлғаға зиян келтіруге жол бермеуге;

      2) осы Кодекстің 19-бабына сәйкес кедендік тексеруді жүргізу кезінде алынған ақпаратты пайдалануға;

      3) мүше мемлекеттердің заңнамасында көзделген жағдайларды қоспағанда, кедендік тексерулер жүргізу кезінде алынған және жасалған құжаттардың сақталуын қамтамасыз етуге, олардың мазмұнын тексерілетін тұлғаның келісімінсіз жария етпеуге;

      4) қызмет этикасын сақтауға;

      5) тексерілетін тұлғаға оның кедендік тексеру жүргізу, кедендік сараптама тағайындау, тауарлардың сынамаларын және (немесе) үлгілерін іріктеу кезіндегі құқықтары мен міндеттері туралы, сондай-ақ кедендік тексеруді жүргізу кезінде кеден органының лауазымды адамдарының құқықтары мен міндеттері туралы ақпарат беруге;

      6) көшпелі кедендік тексеруді жүргізу кезеңінде тексерілетін тұлғаның белгіленген жұмыс режимін бұзбауға;

      7) тексерілетін тұлғаның талабы бойынша осы Кодекстің және мүше мемлекеттер заңнамасының көшпелі кедендік тексеруді жүргізу тәртібіне қатысты ережелері туралы қажетті ақпаратты беруге;

      8) көшпелі кедендік тексеруді жүргізу кезінде тексерілетін тұлғаның өкілдеріне көшпелі кедендік тексеруді жүргізу туралы шешімді (ұйғарымды) және өздерінің қызметтік куәліктерін көрсетуге;

      9) кедендік тексеруді жүзеге асыру кезінде белгілі болған құпия мәліметтерді және салықтық, банктік және заңмен қорғалатын өзге де құпиясы бар мәліметтерді жария етпеуге;

      10) осы Кодексте көзделінген өзге де міндеттерді орындауға міндетті.


      422-бап. Тексерілетін тұлғаның кедендік тексеру жүргізу кезіндегі құқықтары мен міндеттері

      1. Тексерілетін тұлға кедендік тексеру жүргізу кезінде:

      1) Еуразиялық экономикалық одақтың кеден заңнамасымен, Қазақстан Республикасының кеден және өзге де заңдарымен кедендік тексерулерді жүргізу тәртібіне қатысты ережелері туралы ақпаратты сұратуға және алуға;

      2 Еуразиялық экономикалық одақтың кеден заңнамасының, Қазақстан Республикасының кеден және өзге де заңдарының сақталғанын растайтын өзінің билігіндегі барлық құжаттар мен мәліметтерді ұсынуға;

      3) осы Кодексте белгіленген тәртіппен кеден органдарының шешімдеріне және әрекеттеріне (әрекетсіздіктеріне) шағымдануға;

      4) көшпелі кедендік тексеруді жүргізетін кеден органының лауазымды адамдарынан көшпелі кедендік тексеруді жүргізу туралы ұйғарымды және қызметтік куәліктерін көрсетуді талап етуге;

      5) көшпелі кедендік тексеруді жүргізу кезінде қатысуға және көшпелі кедендік тексеру нысанасына қатысты мәселелер бойынша түсіндірулер беруге;

      6) Қазақстан Республикасының заңымен белгіленген тәртіпте көшпелі кедендік тексерудің алдын ала актісіне жазбаша қарсылығын ұсынуға;

      7) осы Кодексте көзделінген өзге де құқықтарды пайдалануға құқылы.

      2. Тексерілетін тұлға кедендік тексеру жүргізу кезінде:

      1) көшпелі кедендік тексеру жүргізілетін тауарларды көрсету мүмкіндігі бар болған кезде мұндай тауарларды көрсетуге;

      2) кеден органының талабы бойынша белгіленген мерзімде қағаз тасымалдағышта, қажет болған кезде өзге де тасымалдағышта құжаттар мен мәліметтерді ұсынуға;

      3) көшпелі кедендік тексеруді жүргізетін кеден органының лауазымды адамдарының және мұндай тексеруді жүргізуге қатысу үшін тартылатын лауазымды адамдардың тексерілетін тұлғаның объектілеріне кедергісіз қолжетімділігін қамтамасыз етуге және оларға жұмыс орнын ұсынуға;

      4) егер кедендік тексеру мақсаттары үшін қажетті құжаттама кеден органы кедендік тексеруді жүргізіп отырған қазақ және орыс тілінен өзге тілде жасалса, - кедендік тексеруді жүргізетін кеден органының лауазымды адамдарына көрсетілген құжаттаманың аудармасын ұсынуға;

      5) көшпелі кедендік тексеруді жүргізу туралы ұйғарымды ұсынған күннен бастап күнтізбелік екі күннен кешіктірмей кедендік тексеруді жүргізетін кеден органының лауазымды адамдарына құжаттар мен мәліметтерді ұсыну үшін жауапты тұлғалар аясын айқындауға;

      6) көшпелі кедендік тексеруді жүргізу кезінде түгендеудің жүргізілуін қамтамасыз етуге;

      7) көшпелі кедендік тексеруді жүргізетін кеден органының лауазымды адамдар кедендік сараптаманы тағайындау туралы шешім қабылдаған жағдайда тауарлардың сынамаларын және (немесе) үлгілерін іріктеп алу мүмкіндігін қамтамасыз етуге;

      8) көшпелі кедендік тексеруді жүргізетін кеден органының лауазымды адамдарының талабы бойынша тексерілетін тұлғаның қызметі мәселелері бойынша жазбаша және ауызша түсіндірулер беруге, сондай-ақ анықтамалар мен есептеулер беруге;

      9) көшпелі кедендік тексеруді жүргізу туралы ұйғарымның түпнұсқасын алғаны туралы қолын қоюға;

      10) көшпелі кедендік тексеру жүргізетін кеден органдарының лауазымды адамдарына көшпелі кедендік тексеру жүргізу үшін қажетті құжаттарға (ақпаратқа) қолжетімділікті қамтамасыз етуге;

      11) көшпелі кедендік тексеру жүргізетін кеден органдарының лауазымды тұлғасына бухгалтерлiк есепті автоматтандыруға арналған бағдарламалық қамтамасыз етілімнің және (немесе) бастапқы есепке алу құжаттарының, бухгалтерлік есеп тіркелімдерінің тексерiлетiн тауарларға қатысты деректері қамтылған ақпараттық жүйенің деректерін көруге рұқсат беруді, сондай-ақ көрсетілген деректерді электрондық жеткізгіштерде және (немесе қағаз жеткізгіштерде ұсынуды қамтамасыз етуге;

      12) Еуразиялық экономикалық одақтың кеден заңнамасымен, Қазақстан Республикасының кеден және өзге де заңдарымен көзделген өзге де міндеттерді орындауға міндетті.


      423-бап. Кедендік тексеруді жүргізу үшін қажетті құжаттар мен мәліметтерді ұсыну

      1. Қазақстан Республикасының салық және өзге де мемлекеттік органдары кеден органының сұрау салуы бойынша ұйымдарды және дара кәсіпкерлерді тіркеуге, салықтарды төлеуге және есептеуге қатысты өздерінің иелігіндегі құжаттарды және мәліметтерді, бухгалтерлік есеп және есептілік деректерін және (немесе) құжаттарын, сондай-ақ кедендік тексеруді жүргізу үшін қажетті, оның ішінде коммерциялық, банктік, салықтық және заңмен қорғалатын өзге де құпияны құрайтын өзге де құжаттарды және мәліметтерді Қазақстан Республикасының мемлекеттік, коммерциялық, банктік, салықтық және заңмен қорғалатын өзге де құпияны қорғау туралы заңнамасының талаптарын сақтай отырып ұсынады.

      2. Банктер және банк операцияларының жекелеген түрлерін жүзеге асыратын ұйымдар кеден органының талабы бойынша ұйымдар мен дара кәсіпкерлердің банк шоттарының бар болуы және нөмірлері туралы құжаттарды және мәліметтерді, сондай-ақ мұндай ұйымдар мен дара кәсіпкерлердің шоттары бойынша ақшалай қаражат қозғалысына қатысты кедендік тексеру жүргізу үшін қажетті, оның ішінде Қазақстан Республикасының заңнамасына сәйкес банктік құпиясы бар құжаттарды және мәліметтерді ұсынады.

      3. Тексерілетін тұлғамен кедендік тексеру жүргізілетін тауарлармен мәмілелер (операциялар) бойынша байланысты тұлғалар кеден органының талабы бойынша тексерілетін тұлғамен немесе сол тауарлармен мәмілелерге (операцияларға) қатысы бар үшінші тұлғалармен жүргізілетін операциялар және есептеулер бойынша кедендік тексеруді жүргізу үшін қажетті құжаттардың көшірмелерін және өзге де ақпаратты ұсынуға міндетті.

48-тарау. Кедендік бақылаудың жүргізілуін қамтамасыз ету шаралары және оларды қолдану

      424-бап. Кедендік бақылаудың жүргізілуін қамтамасыз ету шаралары

      1. Кедендік бақылауды жүргізу кезінде кедендік бақылау объектілеріне қарай кеден органдары осы Кодекске сәйкес кедендік бақылаудың жүргізілуін қамтамасыз ететін мынадай шараларды:

      1) ауызша сауалнама өткізуге;

      2) кедендік бақылау жүргізу үшін қажетті құжаттарды және (немесе) мәліметтерді сұратуға, талап етуге және алуға;

      3) кедендік сараптаманың жүргізілуін тағайындауға, тауарлардың сынамаларын және (немесе) үлгілерін іріктеп алуға;

      4) тауарлардың, құжаттардың, көлік құралдарының, үй-жайлардың және басқа орындардың сәйкестендіруін жүзеге асыруға;

      5) кеден органдарының кедендік бақылаудың техникалық құралдарын, өзге техникалық құралдарын, су және әуе кемелерін пайдалануға;

      6) кедендік алып жүруді қолдануға;

      7) тауарларды тасымалдау маршрутын белгілеуге;

      8) кедендік бақылаудағы тауарлардың, олармен жасалатын кедендік операциялардың есебін жүргізуге;

      9) маманды тартуға;

      10) басқа мемлекеттік органдардың мамандарын және сарапшыларын тартуға;

      11) тауарлар мен көлік құралдарына қатысты жүк және өзге операциялардың жасалуын талап етуге;

      12) кедендік қадағалауды жүзеге асыруға;

      13) тауарларды есепке алу жүйесінің болуын және тауарларды есепке алудың жүргізілуін тексеруге;

      14) тауарлардың арнайы таңбалармен таңбалануын, оларда сәйкестендіру белгілерінің болуын тексеруге

      15) электрондық кедендік алып жүруді қолдануға құқылы.

      2. Кедендік бақылаудың жүргізілуін қамтамасыз ететін шаралар дербес немесе кедендік бақылау нысандарының қолданылуын қамтамасыз ету үшін қолданылады.

      3. Кедендік бақылаудың жүргізілуін қамтамасыз ететін шаралар осы тарауға сәйкес, ал кедендік сараптаманың жүргізілуін тағайындау – осы Кодекстің 54-тарауына сәйкес қолданылады.


      425-бап. Ауызша сауалнама

      Кедендік бақылауды жүргізу үшін маңызы бар мәліметтерді алу мақсатында кеден органдарының лауазымды адамдары жеке тұлғалармен, олардың өкілдерімен, сондай-ақ ұйымдардың өкілдері болып табылатын адамдармен, сауалнама нәтижелерін ресімдеместен, ауызша сауалнама жүргізуге құқылы.


      426-бап. Кеден органдарының кедендік бақылау жүргізу үшін қажетті құжаттарды және (немесе) мәліметтерді сұратуы, талап етуі және алуы

      1. Кеден органдары декларанттан, кеден ісі саласында қызметті жүзеге асыратын тұлғаларды кедендік бақылау жүргізу үшін қажетті құжаттарды және (немесе) мәліметтерді кедендік бақылауды жүргізген кезде сұратуға, ал осы Кодексте белгіленген жағдайларда – талап етуге, сондай-ақ сұрау салынатын (талап етілген) құжаттарды және (немесе) мәліметтерді ұсыну үшін жеткілікті болуға тиіс оларды ұсынудың мерзімін белгілеуге құқылы.

      2. Сұрау салынатын (талап етілген) құжаттардың және (немесе) мәліметтердің тізбесін кеден органы мәміле шарттарын, тауар сипатын, оның мақсатын, сондай-ақ өзге де мән-жайларды ескере отырып, тексерілетін құжаттарға және (немесе) мәліметтерге сүйене отырып айқындайды.

      3. Кеден органы құжаттарды және (немесе) мәліметтерді ұсыну туралы сұрау салуда (талапта) белгілеген мұндай құжаттарды және (немесе) мәліметтерді ұсыну мерзімі сұрау салу (талап), оның ішінде жоғалтып алған құжаттарды қалпына келтіру үшін жолданған тұлғаның уәждемелі өтінішінің негізінде ұзартылуы мүмкін. Құжаттардың және (немесе) мәліметтерді ұсыну ұзартылатын мерзім сұрау салу жолданған тұлғаның өтініші негізінде айқындалады, бірақ құжаттарды және (немесе) мәліметтерді ұсынудың кеден органы белгілеген мерзімі өткен күннен бастап екі айдан аспауы тиіс.

      4. Кедендік бақылауды кедендік, өзге құжаттарды және (немесе) мәліметтерді тексеру нысанында жүргізген кезде кеден органы осы Кодекстің 411-бабында көзделген құжаттар және (немесе) мәліметтер осы бапқа сәйкес сұратылған жағдайларды қоспағанда, осы Кодекстің 410-бабына сәйкес құжаттарды және (немесе) мәліметтерді сұратады.

      5. Кеден органдары сұратқан құжаттар түпнұсқалар немесе олардың көшірмелері, оның ішінде, егер Еуразиялық экономикалық одақтың және (немесе) Қазақстан Республикасының кедендік заңнамасында құжаттардың түпнұсқаларын міндетті түрде ұсыну белгіленбесе, электрондық құжаттардың қағаз көшірмелері түрінде ұсынылады.

      Ұсынылған құжаттардың көшірмелерін оларды ұсынған тұлғалар куәландыруға тиіс.

      Кеден органдары ұсынылған құжаттардың көшірмелерін олардың түпнұсқалармен сәйкес келуін тексеруге құқылы.

      Егер ұсынылған құжаттар қазақ тілінен және орыс тілінен өзге тілде жасалған жағдайда, оларды ұсынған тұлғалар кеден органы лауазымды тұлғасының талабы бойынша көрсетілген құжаттардың аудармасын қамтамасыз етуге міндетті.

      6. Декларант, тасымалдаушы, кеден ісі саласында қызметті жүзеге асыратын тұлғалар, және өзге тұлғалар кеден органдарына кедендік бақылау жүргізу үшін қажетті құжаттарды және (немесе) мәліметтерді ауызша, жазбаша және (немесе) электрондық нысандарда ұсынуға міндетті.

      7. Кеден органдары Қазақстан Республикасының және Еуразиялық экономикалық одаққа мүше басқа мемлекеттің мемлекеттік органдарынан, сондай-ақ Қазақстан Республикасының және Еуразиялық экономикалық одаққа мүше басқа мемлекеттің өзге де ұйымдарынан Қазақстан Республикасының заңнамасына сәйкес кедендік бақылау жүргізу үшін қажетті құжаттарды және (немесе) мәліметтерді сұратуға және алуға құқылы.

      8. Кедендік бақылауды жүргізу үшін кеден органдары прокурордың санкциясымен Қазақстан Республикасының заңнамасына сәйкес екінші деңгейдегі банктерден және банк операцияларының жекелеген түрлерін жүзеге асыратын ұйымдардан жүзеге асырылатын мәмілелер бойынша ақша операциялары туралы құжаттарды және (немесе) мәліметтерді алуға құқылы.


      427-бап. Тауарларды, құжаттарды, көлік құралдарын, сондай-ақ үй-жайларды және басқа орындарды cәйкестендіру

      1. Кедендік бақылаудағы тауарларды және оларға құжаттарды, көлік құралдарының жүк тиейтін орынжайларды (бөліктерді), кедендік бақылауға жататын тауарлар орналасқан немесе орналасуы мүмкін орынжайларды, ыдыстарды және өзге орындарды кеден органдары cәйкестендіру құралдарын қолдану арқылы, сондай-ақ тауарлардың сынамаларын және (немесе) үлгілерін іріктеу, тауарларды толық сипаттау, сызбаларды жасау, ауқымды бейнелерді, фотосуреттерді, безендіруді жасау, тауарға ілеспе құжаттаманы және өзге құжаттаманы пайдалану арқылы, сондай-ақ өзге де тәсілдермен cәйкестендіруі мүмкін.

      2. Сәйкестендіру құралдарына пломбалар, мөрлер, цифрлық, әріптік және өзге де таңбалау, cәйкестендіру белгілері, мөртаңбалар, сынамалар сейфті-пакеттер және тауарлардың cәйкестендірілуін қамтамасыз ететін өзге де құралдар жатады.

      Кеден органдары пайдаланатын cәйкестендіру құралдарын қолдану тәртібін және дайындау бойынша оларға қойылатын талаптарды уәкілетті орган бекітеді.

      3. Кеден органдары пайдаланатын cәйкестендіру тәсілдерін қолдану тәртібін, оның ішінде осы Кодекстің 171, 184, 196, 211 және 219-баптарында көзделген cәйкестендіру тәсілдерін қолдану тәртібін уәкілетті орган бекітеді.

      4. Сәйкестендіру құралдары ретінде кеден органдары пломбаларды, мөрлерді немесе Еуразиялық экономикалық одақтың мүшелері болып табылмайтын мемлекеттердің кеден органдары, сондай-ақ тауарлардың немесе тасымалдаушылардың жөнелтушілері қолданатын өзге де cәйкестендіру құралдарын тануы мүмкін.

      Кеден органдары пломбаларды, мөрлерді немесе Еуразиялық экономикалық одақтың мүшелері болып табылмайтын мемлекеттердің кеден органдары, сондай-ақ тауарлардың немесе тасымалдаушылардың жөнелтушілері қолданатын өзге де cәйкестендіру құралдарын танудың тәртібін уәкілетті орган бекітеді.

      5. Тауарлардың жойылуының, қайтарымсыз жоғалуының немесе елеулі түрде бүлінуінің нақты қаупі болған жағдайларды қоспағанда, cәйкестендіру құралдарын тек кеден органдары немесе олардың рұқсатымен өзгертілуі, алып тасталуы, жойылуы немесе ауыстырылуы мүмкін. Көрсетілген жағдайларда кеден органына cәйкестендіру құралдарының өзгертілгені, алып тасталғаны, жойылғаны немесе ауыстырылуы туралы тез арада хабарланады және аталған қауіптің бар екендігіне дәлелдер ұсынылады.

      Кеден органының cәйкестендіру құралдарын өзгертуі, алып тастауы, жоюы немесе ауыстыруы Комиссия айқындайтын нысанда cәйкестендіру құралдарының өзгеруі, алып тасталуы, жойылуы немесе ауыстырылуы туралы актісін жасау арқылы не кеден органына ұсынылған көліктік (тасымалдау), коммерциялық немесе кедендік құжаттарда қойылған cәйкестендіру құралдарының өзгеруі, алып тасталуы, жойылуы немесе ауыстырылуы туралы белгілер қоюмен ресімделеді.


      428-бап. Кеден органдарының кедендік бақылаудың техникалық құралдарын, өзге де техникалық құралдарын, су және әуе кемелерін пайдалануы

      1. Кеден органдары кедендік бақылауды жүргізу кезінде кедендік бақылаудың техникалық құралдарын (жабдық, аспаптар, өлшеу құралдары, құрылғылар және керек-жарақтар) және өзге де техникалық құралдарды пайдалануы мүмкін.

      Кедендік бақылаудың техникалық құралдарын қолдану тізбесі мен тәртібін уәкілетті орган бекітеді.

      2. Кедендік бақылаудың техникалық құралдары адамның, жануарлардың және өсімдіктердің өміріне және денсаулығына қауіпсіз болуға және адамдарға, тауарларға және көлік құралдарына зиян келтірмеуге тиіс.

      3. Комиссия кеден органдары пайдаланатын кедендік бақылаудың жекелеген техникалық құралдарына қойылатын үлгілік техникалық талаптар бойынша ұсынымдарды қабылдауға құқылы.

      4. Кедендік бақылаудың техникалық құралдарын кеден органдары Қазақстан Республикасының заңнамасына сәйкес кеден органдары жүзеге асыратын мемлекеттік бақылаудың (қадағалаудың) өзге түрлерін жүргізу кезінде пайдалануы мүмкін.

      5. Еуразиялық экономикалық одақтың кедендік шекарасы арқылы өткізілетін тауарларға қатысты кедендік бақылау кеден органдарының су және әуе кемелерін пайдаланумен жүргізілуі мүмкін.

      Кедендік бақылау жүргізу мақсатында кеден органдарының су және әуе кемелерін пайдалану тәртібін уәкілетті орган бекітеді.


      429-бап. Кедендік алып жүру

      1 Кеден органдары кедендік бақылаудағы тауарлардың Еуразиялық экономикалық одақтың кедендік аумағы арқылы тасымалдануын қамтамасыз ету мақсатында кедендік алып жүруді қолданады.

      2. Кедендік алып жүру кедендік бақылаудағы тауарларды тасымалдайтын көлік құралдарын немесе кедендік бақылаудағы көлік құралдарын кедендік алып жүруді білдіреді.

      3. Кедендік алып жүруді кеден органдарының лауазымды адамдары жүзеге асырады.

      4. Кеден органдары кедендік алып жүруді:

      1) кедендік транзиттің кедендік рәсіміне сәйкес тауарлар мынадай жағдайларда:

      осы Кодекстің 226-бабына сәйкес кедендік әкелу баждарын, салықтарды, арнайы, демпинге қарсы, өтем баждарын төлеу бойынша міндеттің орындалуын қамтамасыз ету ұсынылмаған не осы Кодекстің 226-бабына сәйкес айқындалған мөлшерден кем мөлшерде мұндай міндеттің орындалуын қамтамасыз ету ұсынылған;

      тасымалдаушы, егер көрсетілген қаулылардың кемінде біреуі орындалмаса, әкімшілік жауапкершілікке тарту туралы заңды күшіне енген қаулыларда белгілі болған кедендік транзиттің кедендік рәсіміне сәйкес тауарларды тасымалдау кезінде міндетті бірнеше рет орындамаған;

      тасымалдаушы осы Кодекстің 233-бабына сәйкес кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндетті белгіленген мерзімде орындамаған;

      Еуразиялық экономикалық одақтың құқығын құрайтын халықаралық шарттарды және актілерді және (немесе) Қазақстан Республикасының заңнамасын сақтамау белгілері анықталған кездегі өзге де жағдайларда тасымалданған кезде;

      2) осы Кодекске сәйкес мұндай тауарлар Еуразиялық экономикалық одақтың кедендік аумағы арқылы кедендік транзиттің кедендік рәсіміне орналастырылмай тасымалдануы мүмкін болғанда кедендік бақылаудағы шетел тауарларын тасымалдау кезінде қолдануға құқылы.

      5. Егер бірінші немесе үшінші үлгідегі куәлігі бар уәкілетті экономикалық оператор кедендік транзиттің кедендік рәсіміне орналастырылатын тауарлардың декларанты болса, осы баптың 4-тармағы 1) тармақшасының бесінші абзацының ережелері қолданылмайды.

      6. Кеден органы кедендік алып жүруді қолдану туралы шешімді қабылдаған жағдайда кеден органы тасымалдаушыға мұндай шешімнің қабылданғаны туралы хабарлайды және мұндай шешім қабылданған кезден бастап жиырма төрт сағаттан кешіктірмей кедендік алып жүруді ұйымдастырады.

      7. Қазақстан Республикасының аумағы арқылы ғана көлік құралдарының кедендік алып жүруі кезінде кедендік алып жүруді ұйымдастыру тәртібін уәкілетті орган бекітеді.

      8. Еуразиялық экономикалық одаққа екі және одан да көп мүше мемлекеттердің аумақтары арқылы көлік құралдарының кедендік алып жүруі кезінде кедендік алып жүруді ұйымдастыру тәртібі Еуразиялық экономикалық одақ шеңберіндегі халықаралық шартта айқындалады.

      9. Осы баптың 4-тармағының 1) тармақшасының үшінші абзацын қолдану мақсаты үшін кедендік транзиттің кедендік рәсіміне сәйкес тауарларды тасымалдау кезінде тасымалдаушыны өз міндеттерін орындамағаны үшін оны әкімшілік жауапкершілікке тарту және оларды орындау туралы қаулылардың заңды күшіне енгені туралы ақпарат алмасу Еуразиялық экономикалық одақ шеңберіндегі халықаралық шартқа сәйкес жүзеге асырылады.


      430-бап. Тауарларды тасымалдау маршруты

      1. Тауарларды тасымалдау маршрутын кеден органдары Еуразиялық экономикалық одақтыңкедендік аумағы арқылы кедендік бақылаудағы тауарларды тасымалдауға бақылауды қамтамасыз ету мақсатында белгілейді.

      2. Тауарларды тасымалдау маршруты кедендік транзиттің кедендік рәсіміне орналастырылған тауарларға не кедендік бақылаудағы тауарларға қатысты белгіленеді, осы Кодекске сәйкес мұндай тауарлар Еуразиялық экономикалық одақтыңкедендік аумағы арқылы кедендік транзиттің кедендік рәсіміне орналастырылмай тасымалдануы мүмкін.

      3. Тауарларды тасымалдау маршруты шетел тауарларын Қазақстан Республикасының және (немесе) Еуразиялық экономикалық одаққамүше мемлекеттердің ішкі су жолдарына кірмейтін Қазақстан Республикасының және (немесе) Еуразиялық экономикалық одаққамүше мемлекеттердің теңіз порттары арасында су кемелерімен, оның ішінде аралас жүзу (өзен-теңіз) кемелерімен тасымалдауды қоспағанда, тауарларды автомобиль және су көлігімен тасымалдау кезінде белгіленеді.

      4. Кедендік транзиттің кедендік рәсімімен орналастырылған тауарларға қатысты белгіленген тауарларды тасымалдау маршрутын жөнелтуші кеден органы көліктік (тасымалдау) құжаттарда көрсетілген мәліметтерді негізге ала отырып белгілейді.

      5. Тасымалдаушының кедендік транзиттің кедендік рәсімімен орналастырылған тауарларға қатысты белгіленген тауарларды тасымалдаудың маршрутын өзгертуіне жөнелтуші кеден органының не оның жүру жолындағы кез келген кеден органының рұқсатымен жол беріледі, ол тасымалдаушының назарына электрондық немесе жазбаша нысанда жеткізіледі.

      6. Тауарларды тасымалдау маршруты Қазақстан Республикасының аумағы арқылы тасымалданатын тауарларға қатысты белгіленген жағдайда, кеден органдары көлік құралдарының орын ауыстыруына және тауарларды тасымалдаудың белгіленген маршрутын сақтауға қашықтықтан бақылауды қамтамасыз ететін ақпараттық жүйелерді және кедендік бақылаудың техникалық құралдарын пайдалануы мүмкін.

      7. Кедендік транзиттің кедендік рәсімімен орналастырылған тауарларға қатысты белгіленген тауарларды тасымалдау маршрутын белгілеуге, өзгертуге және сақтауға байланысты кедендік операцияларды жасау тәртібін – Комиссия, ал осы Кодекске сәйкес мұндай тауарлар Еуразиялық экономикалық одақтың кедендік аумағы арқылы кедендік транзиттің кедендік рәсімімен орналастырылмай тасымалдануы мүмкін болатын кедендік бақылаудағы тауарларға қатысты уәкілетті орган бекітеді.


      431-бап. Кедендік бақылаудағы тауарларды және олармен жасалатын кедендік операцияларды есепке алу

      1. Кеден органдары кедендік бақылаудағы тауарлардың және олармен жасалатын кедендік операциялардың есепке алынуын жүргізеді.

      Кедендік бақылаудағы тауарларды және олармен жасалатын кедендік операцияларды есепке алуға ақпараттық жүйелер мен ақпараттық коммуникациялық технологияларды пайдалана отырып, уәкілетті орган бекіткен тәртіппен жол беріледі.

      2. Кедендік бақылаудағы тауарларды және олармен жасалатын кедендік операцияларды есепке алу тәртібі мен нысанын уәкілетті орган бекітеді.


      432-бап. Кедендік бақылауды жүргізу кезінде маманның қатысуы

      1. Кедендік бақылауды жүргізу кезінде кеден органдары қажет болған жағдайда жекелеген әрекеттерді жасау үшін мұндай әрекеттердің нәтижесіне мүдделі емес, кеден органдарына жәрдем көрсету үшін, оның ішінде кедендік бақылаудың техникалық құралдарын қолдану кезінде қажет болатын арнайы білімі мен дағдылары бар маманды тартуы мүмкін.

      2. Кедендік бақылау жүргізу кезінде маман ретінде тұлғаны тарту шарттық негізде жүзеге асырылады.

      3. Маманның:

      1) өзі қатысатын әрекеттерді жүзеге асыруға байланысты материалдармен танысуға;

      2) өзі қатысқан әрекеттер жасау нәтижелері бойынша ресімделетін құжаттармен танысуға және өзі жасаған әрекеттер бойынша мұндай құжаттарға енгізілуге жататын өтініштер немесе ескертулер жасауға құқығы бар.

      4. Маман:

      1) арнайы білімді және дағдыны талап ететін әрекеттер жасауға қатысуға не осындай әрекеттерді жасауға, өзі жасап жатқан әрекеттер бойынша түсіндірме беруге;

      2) осы тармақтың 1) тармақшасында көрсетілген әрекеттерді жасау фактісін, олардың мазмұны мен нәтижелерін өз қолымен куәландыруға міндетті.

      5. Маман Қазақстан Республикасының заңнамасында көзделген жағдайларды қоспағанда, өзі алған коммерциялық, банктік, салықтық немесе заңмен қорғалатын өзге де құпияны құрайтын ақпаратты, сондай-ақ өзге де құпия ақпаратты жарияламауға, өзге де мақсаттарда пайдаланбауға, үшінші тұлғаларға бермеуге тиіс.

      6. Егер кедендік бақылауды жүргізу барысында Еуразиялық экономикалық одақтың және (немесе) Қазақстан Республикасының кедендік заңнамасын бұзушылық анықталса, кеден органдарының маманды тартуға байланысты туындаған шығыстары қызметіне және (немесе) тауарларына қатысты кедендік бақылау жүргізілетін тұлғаның қаражаты есебінен өтеледі. Өзге жағдайларда мұндай көрсетілетін қызметтерге ақы төлеу Қазақстан Республикасының бюджет заңнамасында белгіленген тәртіппен бюджет қаражаты есебінен жүзеге асырылады.


      433-бап. Кедендік бақылауды жүргізуге жәрдем көрсету үшін басқа мемлекеттік органдардан мамандар мен сарапшыларды тарту

      1. Кеден органдары кедендік бақылауды жүргізуге жәрдем көрсету үшін басқа мемлекеттік органдардан мамандар мен сарапшыларды тартуға құқылы.

      2. Басқа мемлекеттік органдардан тартылатын мамандар мен сарапшылар мемлекеттік, коммерциялық, салықтық, банктік және заңмен қорғалатын өзге де құпияларды құрайтын мәліметтерді, сондай-ақ сыртқы экономикалық және кеден ісі саласындағы өзге де қызметке қатысушыларға қатысты құпия ақпаратты жария етпеуге тиіс.

      3. Басқа мемлекеттік органдардан мамандар мен сарапшыларды тартуға байланысты шығыстар, егер кеден органдарының тапсырмасы бойынша олар орындаған жұмыс олардың қызметтік міндеттерінің аясына кірмесе, осы Кодекстің 432-бабының 6-тармағында айқындалатын тәртіппен өтеледі.


      434-бап. Кедендік бақылауды жүргізу үшін қажетті тауарлар мен көлік құралдарына қатысты жүк және өзге де операциялар

      1. Кедендік бақылауды жүргізу кезінде кеден органының талабы бойынша декларант, уақытша сақтау қоймасының немесе кеден қоймасының иесі, кеден өкілі және (немесе) тауарларға қатысты өкілеттікке ие өзге де тұлға кедендік бақылауға жататын тауарларды тасуды (тасымалдауды), өлшеуді жүргізуге немесе өзге тәсілмен тауарлардың санын анықтауды қамтамасыз етуге, тиеуді, түсіруді, қайта тиеуді, зақымданған ораманы жөндеуді, ораманы ашуды, орауды не қайта орауды, сондай-ақ осындай тауарлар орналасқан (орналасуы мүмкін) үй-жайларды, ыдыстарды және өзге де орындарды ашуды жүргізуге міндетті.

      2. Тасымалдаушы өзі таситын (тасымалдайтын) тауарларға және мұндай тауарларды тасу (тасымалдау) жүзеге асырылатын көлік құралдарына қатысты жүк және өзге де операциялардың жасалуына ықпал етуге міндетті.

      3. Тауарлар мен көлік құралдарына қатысты жүк және өзге де операциялар кеден органы үшін қандай да бір шығыстарға әкеп соқпауға тиіс.


      435-бап. Кедендік байқау

      Кеден органдарының лауазымды адамдары тауарларға, оның ішінде кедендік бақылау объектілері болып табылатын көлік құралдарына және оларға қатысты жүк және өзге де операциялардың жасалуына, сондай-ақ Еуразиялық экономикалық одақтың кедендік шекарасы арқылы өтетін және халықаралық әуежайдың кедендік бақылау аймағында немесе транзиттік аймағында болған жеке тұлғаларға тікелей немесе жанама түрде, оның ішінде техникалық құралдарды пайдалана отырып байқауды жүзеге асыруға құқылы.


      436-бап. Тауарларды есепке алу жүйесінің болуын және тауарлардың есепке алынуын жүргізуді тексеру

      1. Кеден органдары осы Кодексте және (немесе) Қазақстан Республикасының заңнамасында белгіленген талаптардың сақталуын қамтамасыз ету мақсатында:

      1) уәкілетті экономикалық операторлар тізіліміне, кеден ісі саласында қызметін жүзеге асыратын тұлғалар тізіліміне енгізілуге үміткер тұлғаларда және осындай тізілімдерге енгізілген тұлғаларда белгіленген талаптарға сәйкес келетін тауарларды есепке алу жүйесінің болуын;

      2) кеден ісі саласында қызметті жүзеге асыратын тұлғалардың, уәкілетті экономикалық операторлардың және тауарлардың есепке алынуын көздейтін кедендік рәсіммен орналастырылған тауарларды иеленетін және (немесе) пайдаланатын тұлғалардың тауарларды есепке алуды жүргізуін тексереді.

      2. Белгіленген талаптарға сәйкес келетін тауарларды есепке алу жүйесінің болуын тексеру және тауарлардың есепке алынуын жүргізу тәртібін уәкілетті орган бекітеді.


      437-бап. Электрондық кедендік алып жүру

      Спутниктік навигацияның техникалық құралын пайдалана отырып, жанама түрде визуалды алып жүруді пайдалану арқылы кедендік транзиттің кедендік рәсімінің сақталуын қамтамасыз ету мақсатында жүзеге асырылатын тауарларды кедендік транзиттің кедендік рәсіміне сәйкес тасымалдайтын көлік құралдарын алып жүру электрондық кедендік алып жүру болып табылады.

      Электрондық кедендік алып жүру тәуекелдерді басқару жүйесі негізінде айқындалатын жағдайларда жүзеге асырылады.

      2. Электрондық кедендік алып жүру:

      1) Қазақстан Республикасы аумағына келу орнындағы кеден органынан Қазақстан Республикасы аумағынан кету орнындағы кеден органына дейін;

      2) Қазақстан Республикасы аумағына келу орнындағы кеден органынан Қазақстан Республикасы аумағындағы ішкі кеден органына дейін;

      3) Қазақстан Республикасы аумағындағы ішкі кеден органынан Қазақстан Республикасы аумағынан кету орнындағы кеден органына дейін;

      4) Қазақстан Республикасы аумағындағы бір ішкі кеден органынан екінші кеден органына дейін кедендік транзиттің кедендік рәсіміне сәйкес өткізілетін шетелдік тауарларға қатысты қолданылады.

      3. Электрондық кедендік алып жүру байланыс арналары бойынша дабыл беру арқылы көлік құралының орналасқан жерін айқындауға мүмкіндік беретін спутниктік навигация жүйесінің техникалық жабдығы орнатылған көлік құралын өткізуді бақылау арқылы жүзеге асырылады.

      4. Кедендік транзиттің кедендік рәсіміне орналастырылатын шетелдік тауарларға қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндеттемелердің туындауы мен тоқтатылуы осы Кодекстің 233-бабына сәйкес айқындалады.

      5. Кеден органы электрондық кедендік алып жүруді қолдану туралы шешімді қабылдаған жағдайда кеден органы тасымалдаушыға мұндай шешімнің қабылданғаны туралы хабарлайды және электрондық кедендік алып жүруді мұндай шешім қабылданған кезден бастап жиырма төрт сағаттан кешіктірмей қолданады.

      6. Көлік құралдарына электрондық кедендік алып жүруді қолдану тәртібін уәкілетті орган бекітеді.

49-тарау. Кеден органдары пайдаланатын ақпараттық жүйелер мен ақпараттық технологиялар

      438-бап. Кеден органдары пайдаланатын ақпараттық жүйелер мен ақпараттық-коммуникациялық технологиялар

      1. Кедендік операциялар кеден органдарының, декларанттардың және өзге де мүдделі тұлғалардың ақпараттық жүйелері мен ақпараттық-коммуникациялық технологияларын, сондай-ақ ақпараттық өзара іс-қимыл шеңберінде Еуразиялық экономикалық одаққа мүше мемлекеттердің мемлекеттік органдарының (ұйымдарының) ақпараттық жүйелері пайдаланыла отырып жасалуы мүмкін.

      2. Кедендік операцияларды жасау кезінде пайдаланылатын ақпараттық жүйелерді, ақпараттық технологияларды және ақпаратты қорғау құралдарын әзірлеу, жасау және дамыту, енгізу, пайдалану, алып жүру, жаңғырту Қазақстан Республикасының ақпараттандыру туралы заңнамасына сәйкес жүзеге асырылады.

      3. Кеден органдары Қазақстан Республикасының заңнамасына сәйкес кеден органдары әзірлейтін, шығаратын және (немесе) сатып алатын ақпараттық жүйелер мен ақпараттық технологияларды қолданады.

      4. Кеден органдарының ақпараттық жүйелерінде қамтылған ақпаратқа тұлғалардың қол жеткізуі, оны алуы және пайдалануы тәртібін, сондай-ақ мұндай ақпаратты ұсынудың құрамы мен тәртібін уәкілетті орган бекітеді.


      439-бап. Декларанттардың және кеден ісі саласындағы қызметті жүзеге асыратын тұлғалардың меншігіндегі бағдарламалық өнімдер

      Осы Кодексте көзделген құжаттар мен мәліметтерді ұсыну үшін декларанттар немесе кеден ісі саласындағы қызметті жүзеге асыратын тұлғалар пайдаланатын бағдарламалық өнімдер сәйкес болуға тиіс талаптарды уәкілетті орган белгілейді. Көрсетілген талаптар уәкілетті органның ресми интернет-ресурсында, веб-порталында орналастырылады.


      440-бап. Кеден органдарының ақпараттық ресурстары

      1. Кеден органдарының ақпараттық ресурстарын қалыптастыру мақсатында кеден органдары Еуразиялық экономикалық одақтың кедендік шекарасы арқылы өткізілетін тауарлар және оларды өткізетін тұлғалар туралы мәліметтерді жинауды және өңдеуді жүргізеді.

      2. Кеден органдарының ақпараттық ресурстары кедендік операцияларды жасау кезінде ұсынылатын құжаттар мен мәліметтердің негізінде қалыптастырылады және шектеулі қолжетімділікке ие.

      Кеден органдарының ақпараттық ресурстарын қалыптастыру және оларға қол жеткізу тәртібі Қазақстан Республикасының заңнамасында белгіленеді.

      3. Еуразиялық экономикалық одақтың және Қазақстан Республикасының кеден заңнамасы туралы ақпаратты қамтитын кеден органдарының ақпараттық ресурстары ашық және жалпыға қолжетімді болып табылады.

      Кеден органдарының жалпыға қолжетімді ақпараттық ресурстары уәкілетті органның ресми интернет-ресурсында және (немесе) Еуразиялық экономикалық одақтың интернет-ресурсында орналастырылады.

      4. Кеден органдарының ақпараттық ресурстарында қамтылған шектеулі қолжетімділікке ие және кеден органдарының жүргізуіндегі ақпаратқа тұлғалардың қол жеткізуі, оны алуы және пайдалануы тәртібін, сондай-ақ мұндай ақпаратты ұсынудың құрамы мен тәртібін уәкілетті орган бекітеді.


      441-бап. Ақпаратты және ақпараттық процестерде және ақпараттандыруға қатысатын тұлғалардың құқықтарын қорғау

      1. Кеден органдары пайдаланатын ақпаратты қорғау, ақпараттық жүйелердегі ақпаратты қорғау құралдарын қолдану және кеден органдары пайдаланатын ақпараттық ресурстардағы және ақпараттық жүйелердегі ақпаратты қорғау деңгейін бағалау Қазақстан Республикасының ақпараттандыру туралы заңнамасына сәйкес жүзеге асырылады.

      2. Осы Кодекске сәйкес кеден органдары пайдаланатын ақпараттық жүйелерге ақпарат ұсынатын тұлғалардың құқықтарын қорғау Қазақстан Республикасының заңнамасына сәйкес жүзеге асырылады.


50-тарау. Кеден органдарының басқа мемлекеттердің кеден органдарымен ақпараттық және өзге де өзара іс-қимылы

      442-бап. Кеден органдарының Еуразиялық экономикалық одақтың шеңберінде Еуразиялық экономикалық одаққа мүше басқа мемлекеттердің кеден органдарымен өзара іс-қимылы

      1. Кеден органдары өздеріне жүктелген міндеттерді орындау және функцияларды жүзеге асыру мақсатында Еуразиялық экономикалық одаққа мүше басқа мемлекеттердің кеден органдарымен, сондай-ақ осы Кодекске, Одақ туралы Шартқа, Еуразиялық экономикалық одақ шеңберіндегі халықаралық шарттарға және (немесе) Қазақстан Республикасының заңнамасына сәйкес Қазақстан Республикасының және Еуразиялық экономикалық одаққа мүше басқа мемлекеттердің мемлекеттік органдарымен, өзге де органдарымен және ұйымдарымен және Комиссиямен өзара іс-қимыл жасайды.

      2. Кеден органдарының Еуразиялық экономикалық одаққа мүше басқа мемлекеттердің кеден органдарымен өзара іс-қимылы мыналар:

      1) Еуразиялық экономикалық одақтың ортақ процестері шеңберінде Одақ туралы шартқа сәйкес іске асырылатын ақпарат алмасу;

      2) осы Кодекстің 444-бабына сәйкес тұрақты негізде электрондық нысанда, сондай-ақ осы Кодексте және (немесе) Еуразиялық экономикалық одақ шеңберіндегі халықаралық шарттарда белгіленген өзге де жағдайларда ақпарат алмасу;

      3) құжаттардың және (немесе) мәліметтердің көшірмелерін ұсыну туралы сұрау салуды орындау;

      4) Еуразиялық экономикалық одаққа мүше бір мемлекеттің кеден органы Еуразиялық экономикалық одақтың мүше басқа мемлекеттің кеден органына ақпарат жолдау;

      5) өзара әкімшілік көмекті жүзеге асыру;

      6) құбыр жолы көлігімен немесе есепке алу құралдары орнатылған жерлерде электр беру желілері арқылы өткізілетін тауарларға қатысты кедендік бақылауды жүргізу кезінде қатысу;

      7) өзге де тәсілмен өзара іс-қимыл арқылы жүзеге асырылады.

      3. Кедендік реттеу саласында Еуразиялық экономикалық одақ шеңберіндегі жалпы процестер осы Кодекстің ережелерін сақтауды қамтамасыз ету, оның ішінде кедендік транзиттің кедендік рәсіміне сәйкес Еуразиялық экономикалық одақтың кедендік аумағы арқылы өткізілетін тауарларға, халықаралық тасымалдаудың уақытша әкелінген көлік құралдарына жеке пайдалану үшін уақытша әкелінген көлік құралдарына қатысты кедендік бақылауды қамтамасыз ету, сондай-ақ Еуразиялық экономикалық одақтың кедендік аумағынан тауарларды нақты әкетуді растау мақсатында айқындалады.

      4. Өз өкілеттіктерін жүзеге асыру үшін Комиссия кеден органдарынан Қазақстан Республикасының заңнамасына сәйкес мемлекеттік құпияға немесе таратылуы шектеулі мәліметтерге жататын мәліметтерді қамтымайтын ақпаратты электрондық нысанда сұратуға және алуға құқылы.


      443-бап. Кеден органдарының Еуразиялық экономикалық одаққа мүше болып табылмайтын мемлекеттердің кеден және өзге де органдарымен және халықаралық ұйымдармен өзара іс-қимылы және ынтымақтастығы

      Кеден органдары Еуразиялық экономикалық одақтың үшінші тараппен халықаралық шарттарына және (немесе) Қазақстан Республикасының халықаралық шарттарына сәйкес Еуразиялық экономикалық одаққа мүше болып табылмайтын мемлекеттердің кеден және өзге де органдарымен, сондай-ақ халықаралық ұйымдармен өзара іс-қимыл жасайды және ынтымақтасады.


      444-бап. Тұрақты негізде Еуразиялық экономикалық одаққа мүше мемлекеттердің кеден органдары арасында ақпарат алмасу

      1. Кеден органдары Еуразиялық экономикалық одаққа мүше басқа мемлекеттердің кеден органдарымен тұрақты негізде осы Кодекстің 83-бабының 4-тармағында және 360-баптың 4-тармағының екінші абзацында көрсетілген тауарларға арналған декларациялардан, кедендік құжаттардан, тауарларды жіктеу туралы алдын ала шешімдерден алынатын мәліметтер, оның ішінде Еуразиялық экономикалық одаққа мүше мемлекеттердің кеден органдарының ақпараттық ресурстарында қамтылатын мұндай кедендік құжаттардағы мәліметті өзгертетін (толықтыратын) мәліметтер және мемлекеттік құпияны құрайтын мәліметтерге жатпайтын мәліметтер алмасады.

      Тұрақты негізде ақпарат алмасу үшін мәліметтер Еуразиялық экономикалық одақтың Кеден кодексіне 2-қосымшаға сәйкес тізбе бойынша айқындалады.

      2. Тұрақты негізде ақпарат алмасу мұндай ақпарат алмасуды жүзеге асыратын Еуразиялық экономикалық одаққа мүше мемлекеттердің кеден органдары алмасу үшін мәліметтердің құрылымы және форматы, регламенті, мұндай алмасу мерзімі және тәсілдері айқындалатын техникалық шарттарға сәйкес электрондық нысанда жүзеге асырылады.

      Тұрақты негізде электрондық нысанда ақпарат алмасудың техникалық шарттарын Еуразиялық экономикалық одаққа мүше мемлекеттердің кеден органдары айқындайды.

      Еуразиялық экономикалық одаққа мүше мемлекеттердің кеден органдары тұрақты негізде ақпаратты дайындау, беру және алуға жауапты Еуразиялық экономикалық одаққа мүше мемлекеттердің кеден органдарының лауазымды адамдары туралы бір-біріне ресми түрде хабарлайды.


      445-бап. Кеден органдарының Еуразиялық экономикалық одаққа мүше басқа мемлекеттердің кеден органдарына құжаттардың және (немесе) мәліметтердің көшірмелерін ұсыну туралы сұрау салуларды жолдау және Еуразиялық экономикалық одаққа мүше мемлекеттердің кеден органдарынан алынған осындай сұрау салуларды орындау тәртібі

      1. Кеден органдарына жүктелген міндеттерді орындау мақсатында Еуразиялық экономикалық одаққа мүше бір мемлекеттің кеден органы Еуразиялық экономикалық одаққа мүше басқа мемлекеттердің кеден органдарының сұрау салулары негізінде өзінің билігіндегі немесе осы баптың 7-тармағына сәйкес алынған құжаттардың және (немесе) мәліметтердің көшірмелерін ұсынады.

      2. Құжаттардың және (немесе) мәліметтердің көшірмелерін ұсыну туралы сұрау салуды (бұдан әрі осы бапта – сұрау салу) жолдау үшін мыналар:

      1) ақпараттық алмасу нәтижесінде алынған ақпаратты талдау кезінде тауарлар, халықаралық тасымалдаудың көлік құралдары және (немесе) тауарларға қатысты өкілеттікке ие тұлғалар туралы мәліметтердің сәйкессіздіктерін анықтау;

      2) кеден органы сұрау салуды жолдау кезінде Еуразиялық экономикалық одақтың және (немесе) Қазақстан Республикасының кедендік заңнамасының ықтимал бұзылуы туралы куәландыратын ақпараттың болуы;

      3) уәкілетті экономикалық операторлар тізіліміне енуге үміткер заңды тұлғаның осы Кодекстің 532-бабы 1-тармағының 3), 5) және 6) тармақшаларында көзделген мұндай тізілімге ену шарттарын сақтауын тексеру негіздемелер болып табылады.

      3. Сұрау салу электрондық құжат немесе қағаз жеткізгіштегі құжат түрінде хатпен ресімделеді, оған сұрау салу жолдайтын кеден органының басшысы, кеден органының басшысы уәкілеттік берген орынбасары немесе оларды алмастыратын адамдар қол қояды.

      4. Сұрау салу:

      1) сұрау салуды жолдайтын Еуразиялық экономикалық одаққа мүше мемлекеттің кеден органының және сұрау салу жолданатын Еуразиялық экономикалық одаққа мүше мемлекеттің кеден органының атауын;

      2) осы бапқа сілтемені;

      3) Еуразиялық экономикалық одақтың және (немесе) Қазақстан Республикасының кеден заңнамасының сақталуы тексерілетін ережелері көрсетіле отырып, сұрау салудың жолдану мән-жайларын жазуды;

      4) осы баптың 2-тармағына сәйкес сұрау салуды жолдау үшін негіздемені;

      5) көшірмелері сұратылатын құжаттардың және (немесе) сұратылатын мәліметтердің тізбесін;

      6) сұрау салуды жолдайтын Еуразиялық экономикалық одаққа мүше мемлекеттің кеден органының пікірінше сұрау салуды орындау үшін талап етілетін өзге де ақпаратты қамтуға тиіс.

      5. Сұрау салуға сұрау салудың мәтінінде сілтеме бар құжаттардың көшірмелері және сұрау салу жолданатын мән-жайларға қатысы бар өзге де құжаттар қоса берілуі мүмкін.

      6. Осы баптың 8 және 9-тармақтарында көрсетілген жағдайларды қоспағанда, сұрау салу кеден органына келіп түскен күнінен бастап бір ай ішінде орындалады.

      7. Егер кеден органы сұратылып отырған құжаттарға және (немесе) мәліметтерге ие болмаса, онда ол Қазақстан Республикасының өзге мемлекеттік органдары мен ұйымдарынан Қазақстан Республикасының заңнамасына сәйкес сұрау салуды орындау үшін қажетті құжаттардың және (немесе) мәліметтердің көшірмелерін сұратады.

      8. Сұрау салуды орындау кезінде кеден органы:

      1) сұрау салуды жолдаған Еуразиялық экономикалық одаққа мүше мемлекеттің кеден органынан сұрау салуды орындау үшін қажетті қосымша ақпаратты сұратуға;

      2) Қазақстан Республикасының өзге де мемлекеттік органдары мен ұйымдарынан сұрау салуды орындау үшін қажетті құжаттардың және (немесе) мәліметтердің көшірмелерін алу қажеттігі кезінде осы баптың 6-тармағында көрсетілген сұрау салуды орындау мерзімін сұрау салуды жолдаған кеден органын мұндай ұзартудың себептерін жазбаша хабардар ете отырып, бір айға ұзартуға құқылы.

      9. Осы баптың 8-тармағының 1) тармақшасына сәйкес сұрау салуды жолдау кезінде сұрау салуды орындау мерзімі сұрау салу жолданған күннен бастап тоқтатыла тұрады және сұратылған қосымша ақпарат келіп түскен күннен бастап жаңартылады.

      10. Кеден органы мынадай:

      1) сұрау салу осы баптың 4-тармағында көрсетілген талаптарға сәйкес келмеген;

      2) осы баптың 8-тармағының 1) тармақшасына сәйкес сұратылған қосымша ақпарат мұндай сұрау салу жолданған күннен бастап екі ай ішінде келіп түспеген;

      3) сұрау салуды орындау ұлттық қауіпсіздікке нұқсан келтіруі мүмкін, Қазақстан Республикасының заңнамасына немесе Қазақстан Республикасының халықаралық шарттарына қайшы болған;

      4) сұрау салу келіп түскен кеден органына байланысты емес себептер бойынша сұрау салуды орындау мүмкін емес жағдайларда сұрау салуды орындаудан бас тартады.

      11. Кеден органы сұрау салуды жолдаған Еуразиялық экономикалық одаққа мүше мемлекеттің кеден органын сұрау салуды орындаудан бас тарту себептері туралы хабардар етеді.

      12. Осы бапқа сәйкес сұрау салуларды жолдауды және орындауды Комиссия айқындайтын Еуразиялық экономикалық одаққа мүше мемлекеттің кеден органдары жүзеге асырады.


      446-бап. Кеден органының Еуразиялық экономикалық одаққа мүше басқа мемлекеттің кеден органына ақпаратты жолдауы

      1. Кеден органы Еуразиялық экономикалық одаққа мүше басқа мемлекеттің кеден органына мынадай:

      1) осы Кодекстің 533-бабы 1-тармағының 6), 11) және 12) тармақшаларында көзделген уәкілетті экономикалық операторлар тізіліміне енгізу туралы куәліктің қолданысын тоқтата тұру үшін негіздемелер анықталған;

      2) осы Кодекстің 358-бабының талаптары бұзыла отырып, халықаралық тасымалдаудың көлік құралдарын пайдалану фактілері анықталған;

      3) осы Кодекске сәйкес Еуразиялық экономикалық одаққа мүше мемлекеттің кеден органдарының өзара іс-қимылы көзделген өзге де жағдайларда ақпаратты жолдайды.

      2. Осы баптың 1-тармағына сәйкес ақпаратты жолдау тәртібі мен мерзімі, сондай-ақ жолданатын мәліметтердің құрамын және (немесе) жолданатын құжаттарды Комиссия айқындайды.

      3. Кеден органы Еуразиялық экономикалық одаққа мүше басқа мемлекеттің кеден органына мынадай:

      1) ақпарат Еуразиялық экономикалық одақтың кедендік заңнамасының және (немесе) Еуразиялық экономикалық одақтың ол жолданатын мүше мемлекетінің кеден органының кедендік реттеуі туралы заңнаманың бұзылушылықтарын не бұзушылықтарының ықтимал тәуекелдерін куәландыруы мүмкін;

      2) аталған ақпараттың ақпарат жолданатын кеден органы үшін қызығушылық тудыруы мүмкін деген негіздемелер болған жағдайларда өз бастамасымен ақпаратты жолдауға құқылы.


      447-бап. Өзара әкімшілік көмек

      1. Кеден органының Еуразиялық экономикалық одаққа мүше басқа мемлекеттің кеден органының тапсырмасы бойынша немесе Еуразиялық экономикалық одақтың кеден заңнамасын сақтауды, Еуразиялық экономикалық одақтың кеден заңнамасын бұзудың алдын алуды және жолын кесуді қамтамасыз ету мақсатында онымен бірлесіп жасалатын іс-әрекеттер өзара әкімшілік көмек деп түсініледі.

      2. Кеден органы Еуразиялық экономикалық одаққа мүше басқа мемлекеттің кеден органына кедендік бақылау жүргізу туралы тапсырманы (бұдан әрі осы бапта – тапсырма) жолдауға құқылы.

      3. Тапсырма жолдау үшін:

      1) тексерілетін тұлға көшпелі кедендік тексеруді жүргізетін кеден органына ұсынған мәліметтердің дұрыстығын, егер мұндай тұлғалар Еуразиялық экономикалық одаққа мүше басқа мемлекеттің заңнамасына сәйкес құрылған немесе тіркелген болса, мұндай тексерілетін тұлғамен тауарлар жасалатын мәмілелер (операциялар) бойынша байланысты тұлғаларды тексеру қажеттілігі;

      2) осы Кодекстің 395-бабының 2-тармағына сәйкес тауарларды шығару жүргізілген Қазақстан Республикасына қарағанда, Еуразиялық экономикалық одаққа мүше басқа мемлекеттің аумағындағы тауарларға қатысты кедендік бақылау жүргізу қажеттілігі;

      3) Еуразиялық экономикалық одақтың және (немесе) Қазақстан Республикасының кеден заңнамасының ықтимал бұзылуын куәландыратын ақпараттың болуы негіз болып табылады.

      4. Тапсырма хат түрінде ресімделеді, оған тапсырманы жолдайтын кеден органының басшысы, ол уәкілеттік берген басшының орынбасары немесе оларды алмастыратын адамдар қол қояды.

      5. Тапсырмада:

      1) тапсырманы жолдайтын кеден органының және тапсырма жолданған Еуразиялық экономикалық одаққа мүше басқа мемлекеттің кеден органының атауы;

      2) Еуразиялық экономикалық одақтың кеден заңнамасының 379-бабына сілтеме;

      3) Еуразиялық экономикалық одақтың кеден заңнамасының ережелері көрсетіле отырып, тапсырманың жолдануына байланысты мән-жайлардың жазылуы;

      4) осы баптың 3-тармағына сәйкес тапсырманы жолдау үшін негіз;

      5) кедендік бақылау нысандары және (немесе) қолданылуы қажет кедендік бақылауды қамтамасыз ететін шараларға нұсқау, кедендік бақылау жүргізу мақсаттары, ал кедендік тексеру жүргізу туралы тапсырма жолданған кезде – оның осы Кодекстің 416-бабының 6-тармағына сәйкес нысанасы да және оны жүргізу барысында қаралуы қажет мәселелердің тізбесі;

      6) кедендік бақылауды жүргізу талап етілетін тауарлар, тұлғалар, құжаттар және (немесе) мәліметтер туралы ақпарат және (немесе) олар туралы мәліметтер, сондай-ақ тапсырманы орындау үшін қажетті өзге де ақпарат қамтылуға тиіс.

      6. Тапсырмаға оны жолдауға байланысты мән-жайларға қатысы бар материалдар, оның ішінде тапсырма мәтінінде сілтеме бар құжаттардың көшірмелері және көрсетілген мән-жайларға қатысы бар өзге де құжаттар қоса беріледі.

      7. Осы бапта көрсетілген жағдайларды қоспағанда, тапсырма кеден органына келіп түскен күннен бастап екі ай ішінде орындалуға жатады.

      8. Тапсырманы орындау кезінде кеден органы:

      1) тапсырманы жолдаған Еуразиялық экономикалық одаққа мүше басқа мемлекеттің кеден органынан оны орындау үшін қажетті қосымша ақпаратты сұратуға;

      2) тапсырмада көрсетілген кедендік бақылау нысандарына және (немесе) кедендік бақылаудың жүргізілуін қамтамасыз ететін шараларға қосымша кедендік бақылауды өзге де нысандарда жүргізуге немесе кедендік бақылаудың жүргізілуін қамтамасыз ететін өзге де шараларды қолдануға;

      3) егер тапсырмада көрсетілген кедендік бақылау нысандарын және (немесе) кедендік бақылаудың жүргізілуін қамтамасыз ететін шараларды тапсырма жолдаған кеден органына байланысты емес себептер бойынша қолдану мүмкін болмаса, тапсырмада көрсетілгеннен басқа кедендік бақылаудың өзге де нысандарын және (немесе) кедендік бақылаудың жүргізілуін қамтамасыз ететін шараларды қолдануға;

      4) осы Кодексте көзделген кедендік бақылаудың жекелеген нысандарын жүргізу мерзімі шегінде тапсырманы орындау мерзімін тапсырма жолдаған Еуразиялық экономикалық одаққа мүше басқа мемлекеттің кеден органына мұндай ұзартудың себептерін жазбаша хабардар ете отырып ұзартуға құқылы.

      9. Осы баптың 8-тармағының 1) тармақшасына сәйкес сұрау салуды жолдау кезінде тапсырманы орындау мерзімі сұрау салу жолданған күннен бастап тоқтатыла тұрады және сұратылған ақпарат келіп түскен күннен бастап жаңартылады.

      10. Тапсырманы орындау қорытындысы бойынша кеден органы кедендік бақылау нәтижелері бойынша ресімделген кедендік құжаттардың куәландырылған көшірмелерін және тапсырманы орындау барысында алынған өзге де құжаттардың және (немесе) мәліметтердің көшірмелерін қоса бере отырып, жүргізілген кедендік бақылаудың нәтижелері туралы ақпаратты жолдайды.

      11. Кеден органы мынадай:

      1) тапсырма осы баптың 5-тармағында көрсетілген талаптарға сәйкес келмеген;

      2) осы баптың 8-тармағының 1) тармақшасына сәйкес сұратылған ақпарат сұрау салу жолданған күннен бастап екі ай ішінде келіп түспеген;

      3) тапсырманы орындау Қазақстан Республикасының ұлттық қауіпсіздігіне нұқсан келтіруі мүмкін, Қазақстан Республикасының заңнамасына немесе Қазақстан Республикасының халықаралық шарттарына қайшы келген;

      4) тапсырма жолданған кеден органына байланысты емес себептер бойынша тапсырма орындалуы мүмкін емес жағдайларда тапсырманы орындаудан бас тартады.

      12. Кеден органы тапсырма жолдаған Еуразиялық экономикалық одаққа мүше басқа мемлекеттің кеден органын тапсырманы орындаудан бас тарту себептері туралы хабардар етеді.

      13. Осы бапқа сәйкес тапсырмаларды жолдауды және оның орындалуын қамтамасыз етуді Комиссия айқындайтын Еуразиялық экономикалық одаққа мүше мемлекеттің кеден органы жүзеге асырады.


      448-бап. Құбыржол көлігі немесе электр беру желілері арқылы өткізілетін тауарларды есепке алу аспаптарын орнату орындарына қол жеткізу

      1. Кеден органдарының уәкілетті лауазымды адамдары Еуразиялық экономикалық одаққа мүше басқа мемлекеттің шектес аумағындағы құбыржол көлігі немесе электр беру желілері арқылы өткізілетін тауарларды есепке алу аспаптарын орнату орындарында, егер бұл есепке алу аспаптарының көрсеткіштерін кедендік бақылау шеңберінде осындай кеден органдары пайдаланса, мұндай есепке алу аспаптары орналасқан аумақтағы Еуразиялық экономикалық одаққа мүше мемлекеттің кеден органдарының уәкілетті лауазымды адамдарымен бірлесе отырып, кедендік бақылау жүргізу кезінде қатысуға құқылы.

      2. Есепке алу аспаптарын орнату орындарына қол жеткізу тәртібін, Еуразиялық экономикалық одаққа мүше мемлекеттердің кеден органдарының өзара іс-қимыл тәртібін, кедендік бақылаудың қолданылатын нысандарын, сондай-ақ осы баптың 1-тармағында көрсетілген есепке алу аспаптарын орнату орындарының тізбесін Комиссия айқындайды.


      449-бап. Еуразиялық экономикалық одаққа мүше мемлекеттердің кеден органдарының өзара іс-қимылы шеңберінде алынған ақпаратты пайдалану

      1. Осы тарауға сәйкес кеден органы Еуразиялық экономикалық одаққа мүше басқа мемлекеттің кеден органынан алған ақпаратты кеден органдары кеден органдарына жүктелген міндеттерді орындау және функцияларды жүзеге асыру үшін ғана пайдаланады және мұндай ақпаратты ұсынған Еуразиялық экономикалық одаққа мүше мемлекеттің кеден органының жазбаша келісімінсіз өзге тұлғаларға және өзге мақсаттарда пайдалануға беруге болмайды.

      2. Кеден органдары осы тарауға сәйкес алынған ақпараттың заңсыз таратылуынан қорғау бойынша қажетті шараларды қолданады және алынған ақпаратқа рұқсаты бар тұлғалар аясын шектеуді, сондай-ақ Қазақстан Республикасының заңнамасына сәйкес оның қорғалуын қамтамасыз етеді.

51-тарау. Кеден органдары қолданатын тәуекелдерді басқару жүйесі

      450-бап. Жалпы ережелер

      1. Осы тарауда айқындалған мақсаттарды іске асыру үшін кеден органдары жүргізетін іс-шаралардың кешені тәуекелдерді басқарудың шағын жүйесі деп түсініледі.

      2. Осы тараудың мақсаттары үшін мынадай негізгі ұғымдар пайдаланылады:

      1) тәуекел – Еуразиялық экономикалық одақтың және Қазақстан Республикасының кеден заңнамасын сақтамау ықтималдығы;

      2) тәуекелді сәйкестендіру – тәуекелді анықтау, тану және сипаттауға бағытталған әрекеттер;

      3) тәуекелді талдау – тәуекел саласын және индикаторларын айқындау үшін кеден органдарындағы ақпаратты пайдалану;

      4) тәуекелді бағалау – тәуекелді сәйкестендіру, талдау және тәуекел деңгейін айқындау бойынша әрекеттер;

      5) тәуекел саласы – туындайтын тәуекелді және жағдайларды сипаттау;

      6) тәуекел индикаторы – кедендік бақылау объектісін таңдауға мүмкіндік беретін белгілердің белгісі немесе жиынтығы;

      7) тәуекел деңгейі – Еуразиялық экономикалық одақтың және Қазақстан Республикасының кеден заңнамасын сақтамауға байланысты оқиғалардың басталу жиілігінің және көрсетілген оқиғаның басталуынан ықтимал салдардың (залалдың) арақатынасын сипаттайтын шама.

      8) тәуекел бейіні – тәуекел саласы, тәуекел индикаторлары және тәуекелдерді азайту бойынша шаралар туралы мәліметтердің жиынтығы;

      9) тәуекелдерді басқару – Еуразиялық экономикалық одақтың және Қазақстан Республикасының кеден заңнамасын сақтамауға байланысты оқиғалардың басталуын және олардың басталуынан ықтимал залалды азайту бойынша кеден органдарының жүйеге келтірілген қызметі;

      10) тәуекелдерді азайту бойынша шаралар – осы Кодексте көзделген кедендік бақылау нысандары, кедендік бақылаудың жүргізілуін қамтамасыз ететін шаралар, сондай-ақ Еуразиялық экономикалық одақтың және Қазақстан Республикасының кеден заңнамасында белгіленген, тәуекелдерді бағалау негізінде қолданылатын өзге де шаралар.


      451-бап. Кеден органдарының тәуекелдерді басқару жүйесін пайдалануы

      1. Кеден органдары кедендік бақылау объектілерін және тәуекелдерді басқару бойынша шараларды таңдау үшін тәуекелдерді басқару жүйесін пайдаланады.

      Кеден органдары тауарлардың кедендік бақылауда болу кезеңінде және осы Кодекстің 393-бабы 7-тармағының үшінші және төртінші абзацтарында белгіленген мерзімде кедендік бақылау жүргізу үшін, сондай-ақ осы Кодекстің 393-бабының 8-тармағына сәйкес кедендік бақылауды жүргізу үшін тәуекелдерді басқару жүйесін пайдаланады.

      2. Кеден органдарының тәуекелдерді басқару жүйесін пайдалануының негізгі мақсаттары:

      1) кедендік бақылаудың тиімділігін қамтамасыз ету;

      2) деңгейі жоғары тәуекел салаларына назарды шоғырландыру және кеден органдарының ресурстарын тиімді пайдаланылуын қамтамасыз ету;

      3) тәуекелдерді азайту бойынша шараларды қолдану қажеттілігі анықталмаған тауарларды Еуразиялық экономикалық одақтың кедендік шекарасы арқылы өткізуді жеделдету және оңайлату үшін жағдайлар жасау болып табылады.

      3. Кеден органдары өздеріне Еуразиялық экономикалық одақтың кеден заңнамасында және (немесе) Қазақстан Республикасының заңнамасында жүктелген мемлекеттік бақылаудың (қадағалаудың) өзге де түрлерін жүргізу кезінде тәуекелдерді басқару жүйесін пайдалана алады.

      4. Кеден органдарының тәуекелдерді басқару жүйелерін қолдану стратегиясы мен тактикасын, сондай-ақ оның жұмыс істеу тәртібін уәкілетті орган бекітеді.


      452-бап. Кеден органдарының тәуекелдерді басқару процесін ұйымдастыруы

      1. Кеден органдарының тәуекелдерді басқару процесі:

      1) кедендік бақылау объектілері, жасалған кедендік операциялар және тауарлар шығарылғанға дейін және шығарылғаннан кейін жүргізілген кедендік бақылау нәтижелері туралы ақпаратты жинауды және өңдеуді;

      2) тәуекелді бағалауды;

      3) тәуекел индикаторының сипаттамасын;

      4) тәуекелдерді азайту бойынша шараларды және осындай шараларды қолдану тәртібін айқындауды;

      5) тәуекелдер бейіндерін әзірлеуді және бекітуді;

      6) кедендік бақылау объектілерін таңдауды;

      7) тәуекелдерді азайту бойынша шараларды қолдануды;

      8) тәуекелдерді азайту бойынша шараларды қолдану нәтижелерін талдауды және бақылауды;

      9) осы тармақта көрсетілген іс-шараларды бағалау тиімділігін қамтиды.

      2. Тәуекелдерді азайту бойынша шараларды саралап қолдану мақсатында кеден органдары кедендік операцияларды жасайтын тұлғаларды тәуекелдің төменгі, орташа немесе жоғары деңгейі санаттарына жатқызу арқылы санатқа бөлуді жүзеге асыруы мүмкін.

      3. Тәуекелдерді басқару бойынша қызметтерді жүзеге асыру кезінде кеден органдары ақпараттық жүйелерді және ақпараттық-коммуникациялық технологияларды басым пайдаланады.

      4. Кеден органдарының тәуекелдерді басқару процесін іске асыруы уәкілетті орган бекіткен тәртіппен жүзеге асырылады.

      5. Тәуекелдер бейіндері және индикаторларындағы ақпарат, Қазақстан Республикасының заңнамасында белгіленген жағдайларды қоспағанда, сондай-ақ мынадай:

      1) кеден заңнамасын бұзғаны үшін қылмыстық және (немесе) әкімшілік жауапкершілікке тарту фактісі;

      2) кедендік төлемдер мен салықтар бойынша берешегінің болуы индикаторларды қоспағанда, құпия болып табылады.

      6. Комиссия кеден органдарына тәуекелдер бейінін бекіту және тәуекелдерді азайту бойынша шараларды қолдану ұсынылатын тәуекелдер саласын айқындауға құқылы.

52-тарау. Кеден органдарының тауарларды және оларға берілетін құжаттарды кідіртуі

      453-бап. Кеден органдарының тауарларды және оларға берілетін құжаттарды кідіртуі және сақтауы

      1. Әкімшілік немесе қылмыстық құқық бұзушылықтар нысанасы болып табылмайтын не сондай нысанасы болып табылатын, бірақ қылмыстық құқық бұзушылықтар туралы хабарламаны тексеру барысында қылмыстық іс бойынша немесе әкімшілік құқық бұзушылық туралы іс бойынша іс жүргізу барысында алынбаған не тыйым салынбаған тауарларды және оларға берілетін құжаттарды кеден органдары осы Кодекстің 32-бабының 4 және 5-тармақтарында, 154-бабының 10-тармағында, 164-бабының 5-тармағында, 172-бабының 3-тармағында, 213-бабының 5-тармағында, 219-бабының 5-тармағында, 232-бабының 6-тармағында, 241-бабының 5 және 6-тармақтарында, 285-бабының 12-тармағында, 287-бабының 3 және 4-тармақтарында, 296-бабының 3-тармағында, 321-бабының 4-тармағында, 327-бабының 6-тармағында, 341-бабының 5-тармағында, 342-бабының 7-тармағында, 347-бабының 5 және 12-тармақтарында, 369-бабының 7-тармағында және 471-бабының 9-тармағында көзделген жағдайларда кідіртеді.

      2. Тауарларды және оларға берілетін құжаттарды кідірту тауарларды және оларға берілетін құжаттарды кідірту туралы хаттаманы жасау арқылы ресімделеді, оның нысанын Комиссия айқындайды.

      3. Кідіртілген тауарларды және оларға берілетін құжаттарды кеден органдары осы Кодексте белгіленген мерзім ішінде алып қояды және сақтайды.

      Кідіртілген тауарлар кеден органы айқындайтын және осындай тауарларды сақтау үшін жабдықталған уақытша сақтау қоймаларында немесе өзге орындарда сақтау үшін орналастырылады.

      4. Кеден органдары тауарларды кідірткен кезде осы баптың 3-тармағына сәйкес кідіртілген тауарларды сақтау бойынша шығыстарды іс жүзінде тауарлар қайтарылатын осы Кодекстің 456-бабында көрсетілген тұлғалар өтейді. Осы Кодекстің 455-бабының 1 және 2-тармақтарында көзделген мерзімде мұндай тұлғалар талап етпеген кідіртілген тауарларды сақтау бойынша шығыстар осы Кодекстің 457-бабының 1-тармағының ережелерін ескере отырып, көрсетілген тауарларды іске асырудан алынған сома есебінен өтеледі.

      5. Кідіртілген тауарларды сақтау бойынша шығыстарды өтеу тәртібін уәкілетті орган бекітеді.


      454-бап. Кідіртілген тауарларды және оларға берілетін құжаттарды сақтау мерзімі

      1. Осы баптың 2-тармағында көрсетілген тауарларды қоспағанда, кідіртілген тауарларды және оларға берілетін құжаттарды кеден органдары күнтізбелік отыз күн ішінде, ал тез бұзылатын тауарларды – жиырма төрт сағат ішінде сақтайды.

      2. Кеден органы осы Кодекстің 32-бабының 4 және 5-тармақтарына сәйкес кідірткен тауарларды және оларға берілетін құжаттарды кеден органдары күнтізбелік үш күн ішінде сақтайды.

      3. Кідіртілген тауарларды және оларға берілетін құжаттарды сақтау мерзімі оларды кідірткен күннен бастап есептеледі.

      4. Тез бұзылатын тауарлардың тізбесі осы Кодекстің 147-бабына сәйкес айқындалады.


      455-бап. Кідіртілген тауарларды және оларға берілетін құжаттарды қайтару

      1. Кідіртілген тауарларды және оларға берілетін құжаттарды қайтару – декларанттарға, ал егер тауарлардың кедендік декларациялануы жүзеге асырылмаса – тауардың меншік иелеріне, ал егер меншік иесі шетелдік тұлға болса не тауардың меншік иесі туралы мәліметтер кеден органында болмаған жағдайда, – осы бапта белгіленген ерекшеліктер ескеріле отырып, кідірту кезінде тауарлар билігінде болған тұлғаларға (бұдан әрі осы тарауда – декларант немесе өзге де тұлғалар) жүргізіледі.

      2. Осы Кодекстің 32-бабының 3-тармағына сәйкес кеден органы Еуразиялық экономикалық одақтың кедендік аумағына әкелуге тыйым салу туралы шешім қабылдаған тауарлар және Еуразиялық экономикалық одақтың кедендік аумағына әкету кезінде кідіртілген оларға берілетін құжаттар Еуразиялық экономикалық одақтың кедендік аумағынан кері әкету үшін не осы Кодекске сәйкес тауарлар шығарылғаннан кейін декларантқа немесе өзге де тұлғаларға қайтарылады.

      3. Осы Кодекстің 32-бабының 3-тармағына сәйкес кеден органы Еуразиялық экономикалық одақтың кедендік аумағынан әкетуге тыйым салу туралы шешім қабылдаған тауарлар және Еуразиялық экономикалық одақтың кедендік аумағынан кету кезінде кідіртілген оларға берілетін құжаттар, егер бұл тауарларды Қазақстан Республикасының заңнамасында иеленуге рұқсат етілген болса, Еуразиялық экономикалық одақтың кедендік аумағында пайдалану үшін декларантқа немесе өзге де тұлғаларға қайтарылады.

      4. Осы баптың 2 және 3-тармақтарында көрсетілмеген жағдайларда ұсталған тауарлар декларанттарға оларды кеден органы шығарғаннан кейін қайтарылады.

      5. Тауарларды кедендік декларациялауға байланысты кедендік операцияларды жасау қажеттілігі кезінде мұндай кедендік операцияларды жасауға құқылы тұлғаның сұрау салуы бойынша тауармен бірге кідіртілген құжаттарды кеден органы мұндай тұлғаға тауарларды шығарғанға дейін қайтарады.

      6. Кідіртілген тауарларды тасу (тасымалдау), қайта тиеу (тиеу, түсіру) және сақтау бойынша шығыстарды, тауарлар нақты қайтарылатын, осы бапта көрсетілген тұлғалар уәкілетті орган бекіткен тәртіппен өтейді.


      456-бап. Сақтау мерзімі өткен кідіртілген тауарлармен жасалатын әрекеттер

      1. Кеден органдары кідірткен және осы Кодекстің 455-бабында көрсетілген тұлғалар осы Кодекстің 454-бабының 1 және 2-тармақтарында көзделген мерзімде талап етпеген тауарларды уәкілетті заңды тұлға өткізуге тиіс, ал осы баптың 2-тармағында белгіленген жағдайда мұндай тауарларды пайдаланылуы немесе жойылуы тиіс.

      2. Егер осы баптың 1-тармағында көрсетілген кідіртілген тауарларды өткізуді дайындауға байланысты тасу (тасымалдау), қайта тиеу (тиеу, түсіру), сақтау бойынша шығыстар, өзге де шығыстар олардың құнынан жоғары болса, сондай-ақ уәкілетті орган айқындайтын басқа да жағдайларда мұндай тауарлар уәкілетті орган бекіткен тәртіппен пайдаланылуы немесе жойылуы тиіс.

      Жою, сондай-ақ мұндай тауарларды сақтауға және тасымалдауға байланысты шығыстарды өтеу декларанттың немесе өзге тұлғаның, ал аталған тұлғалар болмаған кезде, егер тауарлардың жеке санаттарына қатысты өзгеше көзделмесе, Қазақстан Республикасының бюджет заңнамасында белгіленген тәртіппен бюджет қаражаты есебінен жүзеге асырылады.

      3. Осы баптың 1-тармағында көрсетілген тауарларды өткізу, пайдалану немесе жою, оның ішінде тасуға (тасымалдауға), қайта тиеуге (тиеуге, түсіруге), сақтауға байланысты шығыстарды, мұндай тауарларды өткізуді дайындауға, өткізуге немесе жоюға байланысты өзге де шығыстарды есептеу осы Кодексте айқындалған ерекшеліктер ескеріле отырып, уәкілетті орган бекіткен тәртіппен жүзеге асырылады.

      4. Осы Кодекстің 454-бабының 1 және 2-тармақтарында көзделген мерзімде декларанттар немесе өзге тұлғалар талап етпеген, кідіртілген тауарларды тасуға (тасымалдауға), қайта тиеуге (тиеуге, түсіруге), сақтауға байланысты шығыстар осы Кодекстің 457-бабының 1-тармағы ескеріле отырып, көрсетілген тауарларды өткізуден алынған сомалар есебінен өтеледі.

      5. Осы баптың 2-тармағында көрсетілген жағдайларда тауарларды тасуға (тасымалдауға), қайта тиеуге (тиеуге, түсіруге), сақтауға байланысты шығыстарды декларант немесе өзге тұлғалар өтейді. Көрсетілген тұлғалар болмаған кезде көрсетілген шығыстар Қазақстан Республикасының бюджет заңнамасында белгіленген тәртіппен бюджет қаражаты есебінен өтеледі.

      6. Кідіртілген тауарларды өткізгеннен немесе өзге пайдалану үшін бергеннен кейін, сондай-ақ мұндай тауарларды жою нәтижесінде пайда болған қалдықтар Еуразиялық экономикалық одақтың тауары мәртебесін алады.


      457-бап. Сақтау мерзімі өткен, кідіртілген тауарларды өткізуден түскен сомаларға билік ету

      1. Осы Кодекстің 446-бабының 1-тармағында көрсетілген тауарларды өткізуден алынған сомалардан, бірінші кезекте, бұл тауарларды кідірткен күні кідіртілген тауарларды ішкі тұтыну үшін шығару кедендік рәсіммен орналастыру кезінде төленуге тиіс есептелген кедендік әкелу баждары, салықтар мөлшеріндегі сомасы, екінші кезекте - кідіртілген тауарларды тасуға (тасымалдауға), қайта тиеуге (тиеуге, түсіруге), сақтауға байланысты шығыстар ұсталады.

      2. Осы баптың 1-тармағында көзделген ұстап қалулар ескеріле отырып есептелген кідіртілген тауарларды өткізуден алынған сомалар декларанттарға, ал егер тауарларды декларациялау жүзеге асырылмаса - кеден органында тауарлардың меншік иелері туралы мәліметтің болуы кезінде оларға және бұл тұлғалар мұндай тауарларды өткізуден ақшалай қаражат түскен күннен кейінгі күннен бастап үш жыл ішінде кеден органына жүгінген жағдайда уәкілетті орган бекіткен тәртіппен қайтарылады.

      Кеден органдары тауарларды өткізуден алынған қайтаруға жататын сомалардың болуы туралы көрсетілген тұлғаларды хабардар етеді.

      3. Кеден органдары тауарларды өткізуден алынған қайтаруға жататын сомалардың болуы туралы көрсетілген тұлғаларды хабардар етеді.

53-тарау. Кеден органдары қабылдайтын зияткерлік меншік объектілеріне құқықтарды қорғау жөніндегі шаралар

      458-бап. Кеден органдары қабылдайтын зияткерлік меншік объектілеріне құқықтарды қорғау жөніндегі шаралар туралы жалпы ережелер

      1. Тауарларды кедендік транзиттің кедендік рәсімімен, кедендік жою рәсімімен, сондай-ақ осы баптың 2-тармағын ескере отырып, арнайы кедендік рәсіммен орналастыруды қоспағанда, кеден органдары тауарларды кедендік рәсіммен орналастыру кезінде осы Кодекстің 198, 199-баптарында көзделген зияткерлік меншік объектілеріне құқықтарды қорғау жөніндегі шараларды қолданады.

      2. Еуразиялық экономикалық одаққа мүше мемлекеттердің өтініштерінің негізінде Комиссия арнайы кедендік рәсім қолданылатын тауарлардың жекелеген санаттарына қатысты зияткерлік меншік объектілеріне құқық иеленушілердің құқықтарын қорғау жөніндегі шаралар қолданудың жағдайы мен тәртібін айқындауға құқылы.

      3. Кеден органдары зияткерлік меншік объектілеріне құқықтарды қорғау жөніндегі шараларды Қазақстан Республикасының аумағында орналасқан дипломатиялық өкілдіктердің, консулдық мекемелердің, халықаралық ұйымдар жанындағы мемлекеттер өкілдіктерінің, халықаралық ұйымдардың немесе олардың өкілдіктерінің, өзге де ұйымдардың немесе олардың өкілдіктерінің ресми пайдалануы үшін арналған тауарларды Еуразиялық экономикалық одақтың кедендік шекарасы арқылы орын ауыстырылатын кедендік рәсімдермен орналастыру кезінде қолданбайды.

      Кеден органдары зияткерлік меншік объектілеріне құқық қорғау бойынша шараларды жеке тұлғалар жеке пайдалану үшін, соның ішінде олардың атына халықаралық пошта жөнелтілімдерінде Еуразиялық экономикалық одақтың кедендік шекарасы арқылы жіберілетін тауарларға қатысты қолданбайды.

      4. Кеден органдары қабылдайтын зияткерлік меншік объектілеріне құқық иеленушілердің құқықтарын қорғау жөніндегі шаралар құқық иеленушінің Қазақстан Республикасының заңнамасына және Қазақстан Республикасының халықаралық шарттарына сәйкес кез келген басқа қорғау құралдарын қолдану құқықтарын жоққа шығармайды.

      5. Кеден органдары Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне және (немесе) Қазақстан Республикасының зияткерлік меншік объектілерінің кедендік тізіліміне енгізілген, сондай-ақ осындай тізілімге енгізілген зияткерлік меншік объектілеріне құқық иеленушілердің құқықтарын қорғау жөніндегі шараларды қолданады.

      6. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізілген тауарлардың шығарылған жерінің атауы сияқты зияткерлік меншік объектілерін құрайтын тауарларға қатысты зияткерлік меншік объектілеріне құқық иеленушілердің құқықтарды қорғау жөніндегі шаралар Комиссия айқындайтын тәртіпке сәйкес қолданылады.


      459-бап. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізілімі

      1. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізілімін Комиссия жүргізеді.

      2. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне құқық иеленушінің немесе оның мүдделерін немесе бірнеше құқық иеленушілердің мүдделерін білдіретін тұлғаның өтініші негізінде әрбір Еуразиялық экономикалық одаққа мүше мемлекетте қорғалатын зияткерлік меншік объектілері енгізіледі.

      Бірнеше құқық иеленушінің мүддесін білдіретін тұлға ретінде басқа құқық иеленушілермен уағдаластық бойынша зияткерлік меншіктің ұқсас объектілерінің құқық иеленушісінің бірі бола алады.

      3. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізілуі мүмкін зияткерлік меншік объектілеріне авторлық құқық және сабақтас құқықтар объектілері, тауар белгілері, қызмет көрсету таңбалары және тауарлардың шығарылған жерлерінің атаулары жатады.

      4. Еуразиялық экономикалық одақтың кедендік шекарасы арқылы тауарларды өткізуге байланысты немесе кедендік бақылаудағы тауарлармен өзге де әрекеттер жасалған кезде Еуразиялық экономикалық одақтың құқығын құрайтын халықаралық шарттарда және актілерде және (немесе) Қазақстан Республикасының заңнамасында көзделген зияткерлік меншік объектілеріне құқықтарының бұзылғаны орын алуы мүмкін деп пайымдауға жеткілікті негіздері бар құқық иеленуші Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне зияткерлік меншік объектісін енгізу туралы өтініш (бұдан әрі осы тарауда - өтініш) беруге құқылы.

      5. Өтініш Комиссияға зияткерлік меншік объектілерінің бір түрі бойынша беріледі.

      Еуразиялық экономикалық одақтың кедендік аумағында тұрақты өкілдігі жоқ құқық иеленушінің атынан өтініш Еуразиялық экономикалық одаққа мүше мемлекеттің бірінің аумағында тұрақты орналасқан жері бар (тіркелген) тұлғалар арқылы берілуі мүмкін.

      6. Өтінішке Еуразиялық экономикалық одаққа мүше әрбір мемлекетте зияткерлік меншік объектілеріне құқығының болуын растайтын құжаттар (куәліктер, шарттар, оның ішінде құқықтарды беру және лицензиялық шарттар, құқық иеленуші не құқық иеленушінің (бірнеше құқық иеленушінің) мүдделерін білдіретін тұлға әрбір Еуразиялық экономикалық одаққа мүше мемлекеттің заңнамасына сәйкес Еуразиялық экономикалық одаққа мүше әрбір мемлекетте зияткерлік меншік объектілеріне өзінің құқығын растауға ұсына алатын басқа да құжаттар), сондай-ақ өтініште көрсетілуге тиіс мәліметтерді растайтын құжаттар қоса беріледі.

      Өтінішке құқық иеленушінің не құқық иеленушінің (бірнеше құқық иеленушінің) мүдделерін білдіретін тұлғаның пікірі бойынша зияткерлік меншік объектілеріне оның құқығын бұзу фактісін растауы мүмкін тауарлардың үлгілері қоса берілуі мүмкін.

      7. Егер өтінішті құқық иеленушінің (бірнеше құқық иеленушінің) мүдделерін білдіретін тұлға берсе, өтінішке құқық иеленушінің (бірнеше құқық иеленушінің) мұндай тұлғаға берген сенімхаты (сенімхаттары) да қоса беріледі. Сенімхат (сенімхаттар) Еуразиялық экономикалық одақтың бүкіл аумағында қолданылуға тиіс.

      Егер Еуразиялық экономикалық одаққа мүше мемлекеттердің аумақтарында зияткерлік меншіктің ұқсас объектілеріне құқық әртүрлі құқық иеленушілерге тиесілі болған жағдайда, өтінішке әрбір құқық иеленушіден сенімхаттар қоса берілуге тиіс.

      8. Өтініш және оған қоса берілетін құжаттар орыс немесе өзге тілде ұсынылады. Құжаттар өзге тілде ұсынылған жағдайда өтінішке олардың орыс тіліндегі аудармасы қоса беріледі.

      9. Өтінiшпен бiр уақытта құқық иеленушінің (бірнеше құқық иеленушінің) тауарлардың шығарылуын тоқтата тұруға байланысты декларантқа, меншік иесіне, тауарларды алушыға немесе өзге тұлғаларға келтірілуі мүмкін мүліктік зиянның өтелуі туралы міндеттеме ұсынылады.

      Егер Еуразиялық экономикалық одақтың аумақтарында зияткерлік меншіктің ұқсас объектілеріне құқық әртүрлі құқық иеленушілерге тиесілі болған жағдайда, әрбір құқық иеленушінің мүліктік зиянын өтеу туралы міндеттеме берілуге тиіс.

      10. Комиссия өтінішті ресімдеуге және қарауға, ұсынылатын мәліметтер мен құжаттардың құрамына қойылатын талаптарды, өтінішті қарау мерзімі мен тәртібін, сондай-ақ мұндай тізілімге зияткерлік меншік объектілерін енгізу, одан мұндай объектілерді алып тастау, оған өзгерістерді (толықтыруларды) енгізу, зияткерлік меншік объектілеріне құқық иеленушінің құқығын қорғау белгіленген мерзімді ұзарту тәртібін, Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне зияткерлік меншік объектісін енгізу кезінде кеден органдары мен Комиссияның өзара әрекет ету және мұндай тізілімді жүргізу тәртібін қамтитын Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізілімін жүргізу регламентін (бұдан әрі осы бапта - регламент) айқындайды.

      11. Құқық иеленуші осы баптың 9-тармағында көзделген міндеттемені орындау кепілдігі мақсатында Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне зияткерлік меншік объектілерін енгізу мүмкіндігі туралы хабарлама жолданған күннен бастап бір ай ішінде Еуразиялық экономикалық одаққа мүше мемлекеттерде заңдық күші бар тауарлардың шығарылуын тоқтата тұруға байланысты тұлғаларға мүліктік зиян келтіргені үшін жауапкершілікті сақтандыру шартын (шарттарын) немесе көрсетілген міндеттеменің орындалуын қамтамасыз етілуін растайтын өзге де шартты (шарттарды) Комиссияға ұсынуға міндетті.

      Бұл ретте сақтандыру сомасы немесе міндеттеменің орындалуын қамтамасыз ету сомасы жауапкершілікті сақтандыру шарты (шарттары) немесе өзге де шартты (шарттарды) не мұндай шарттарға өзгерістер енгізу шарты жасалған күні қолданылатын валюта бағамы бойынша кемінде он мың еуроға балама соманы құрауға тиіс.

      Кеден органдарында құқық иеленушінің (бірнеше құқық иеленушінің) мүдделерін білдіруге тиісті түрде ресімделген сенімхат (сенімхаттар) не мұндай өкілеттікті растайтын өзге де құжат болған кезде осы баптың 9-тармағында көрсетілген міндеттеме және осы тармақтың бірінші абзацында көзделген шарттарды құқық иеленушінің (бірнеше құқық иеленушінің) мүдделерін білдіретін тұлға ресімдеп, ұсынуы мүмкін.

      12. Осы баптың 11-тармағының бірінші абзацында көзделген шарт (шарттар) ұсынылмаған жағдайда зияткерлік меншік объектілері Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізілмейді, бұл туралы өтініш беруші регламентте көзделген тәртіппен және мерзімде хабардар етіледі.

      13. Зияткерлік меншік объектілері Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізілгені үшін төлем алынбайды.

      14. Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізілімінде қамтылған мәліметтер Еуразиялық экономикалық одақтың және Еуразиялық экономикалық одаққа мүше мемлекеттердің кеден органдарының ресми интернет сайттарында желісінде орналастырылады.


      460-бап. Қазақстан Республикасының зияткерлік меншік объектілерінің кедендік тізілімі

      1. Зияткерлік меншік объектілеріне құқық иеленушілердің құқықтарын қорғау бойынша шараларды қолдану мақсатында Қазақстан Республикасының Еуразиялық экономикалық одаққа кедендік тізілімін (бұдан әрі осы бапта – кедендік тізілім) жүргізеді және оның жариялануын, оның ішінде ресми интернет-ресурста, уәкілетті органның веб-порталында жариялануын қамтамасыз етеді.

      2. Кедендік тізілімді жүргізу нысаны мен тәртібін уәкілетті орган бекітеді.


      461-бап. Зияткерлік меншік объектілерін кедендік тізілімге енгізу тәртібі

      1. Уәкілетті орган авторлық құқық пен сабақтас құқық, тауар белгілері, қызмет көрсету таңбалары объектілерін және тауарлардың шығарылған жерлерінің атауларын (бұдан әрі – зияткерлік меншік объектілері) зияткерлік меншік объектілерінің кедендік тізіліміне енгізуді құқық иеленушінің немесе құқық иеленушінің мүддесін білдіретін өзге тұлғаның өтініші бойынша жүзеге асырады.

      2. Зияткерлік меншік объектілерінен тұратын тауарларды кедендік рәсіммен орналастыру кезінде зияткерлік меншік объектілеріне өздерінің құқықтары бұзылды немесе бұзылуы мүмкін деп пайымдауға жеткілікті негіздері бар құқық иеленуші немесе құқық иеленушінің мүдделерін білдіретін өзге тұлға уәкілетті орган бекіткен нысан бойынша зияткерлік меншік объектілеріне құқықтарды қорғау туралы өтінішті уәкілетті органға ұсынуға құқылы.

      3. Өтініште:

      1) құқық иеленуші туралы, ал өтінішті құқық иеленушінің мүдделерін білдіретін өзге тұлға берген жағдайда, сондай-ақ осындай тұлға туралы;

      2) зияткерлік меншіктің тиісті объектілері туралы, құқық иеленушіге оның құқығын қорғауда кеден органдарының жәрдемдесуі қажет болатын мерзім туралы ақпарат, оның ішінде электрондық түрде ақпарат, сондай-ақ Сыртқы экономикалық қызметінің бірыңғай тауар номенклатурасына сәйкес бірінші алты таңба деңгейінде тауарлар коды көрсетіле отырып, зияткерлік меншік объектілері бар тауарлардың сипаттамасы, кеден органдарына зияткерлік меншік құқықтары бұзылған тауарын анықтауға мүмкiндiк беретiн құқық иеленушінің тауарлар туралы егжей-тегжейлі мәліметтері;

      3) зияткерлік меншік құқығы бұзыла отырып, Еуразиялық экономикалық одақтың кедендік шекарасы арқылы тауарларды өткізу фактісін растайтын құжат;

      4) құқық иеленуші зияткерлік меншік объектілерін пайдалануға келісім берілген адамдар туралы мәліметтер қамтылуға тиіс.

      4. Өтінішке:

      зияткерлік меншік құқығының бар екендігін және тиесілі екендігін растайтын (түпнұсқалар не олардың нотариат куәландырған көшірмелері) құжаттар (куәлік немесе құқығын беру туралы, оның ішінде лицензиялық шарт не Қазақстан Республикасы зияткерлік меншік объектілерінің мемлекеттік тізілімінен үзінді көшірме немесе халықаралық тіркеу бойынша тауар таңбасының құқықтық мәртебесі туралы анықтама (үзінді көшірме) немесе құқық иеленуші немесе құқық иеленушінің мүдделерін білдіретін өзге тұлға зияткерлік меншік объектілеріне өзінің құқықтарын растауға ұсына алатын өзге де құжаттар);

      құқық иеленушінің мүдделерін білдіретін тұлғаға берген сенімхаты;

      зияткерлік меншік объектілерінен тұратын бірегей тауарлардың ерекше белгілері мен зияткерлік меншік құқығын бұзу белгілерінен тұратын тауарлардың бейнелері;

      зияткерлік меншік объектілерінен тұратын тауарларды шығаруды тоқтата тұруға байланысты туындауы мүмкін, оларға қатысты, олардың зияткерлік меншік құқықтары бұзылған болып табылатын тауарлар деген болжам бойынша, - егер уәкілетті орган бекіткен нысан бойынша зияткерлік меншік құқықтарын бұзатын тауарлар болып табылмайтыны анықталса, декларантқа және өзге тұлғаларға мүліктік зиянды өтеу туралы құқық иеленуші немесе құқық иеленушінің мүдделерін білдіретін өзге тұлғаның міндеттемесі,

      өтініш берушінің басқа тұлғаларға келтірген зияны үшін жауапкершілігін сақтандыру шарты қоса беріледі.

      Бұл ретте сақтандыру сомасы тиісті қаржы жылына республикалық бюджет туралы заңда белгіленген айлық есептік көрсеткіштің 1000 еселенген мөлшерінен кем болмайды.

      5. Құқық иеленуші немесе құқық иеленушінің мүддесін білдіретін өзге тұлға мемлекеттік кірістер органдарына зияткерлік меншік құқықтары бұзылған тауарларды анықтауға мүмкіндік беретін зияткерлік меншік объектілері бар тауарлардың және зияткерлік меншік құқықтарын бұзу белгілері бар үлгілерін өтінішке қоса беруге құқылы.

      6. Өтініш және оған қоса берілетін құжаттар уәкілетті органға жазбаша және (немесе) электрондық нысанда ұсынылады.

      7. Уәкілетті орган өтініштің түскен күнінен бастап жиырма жұмыс күнінен аспайтын мерзiмде қарайды және зияткерлік меншiк объектiлерін кедендік тiзілімге енгізу туралы шешім қабылдайды.

      Уәкілетті орган құқық иеленуші немесе құқық иеленушінің мүдделерін білдіретін өзге тұлға табыс еткен құжаттар мен мәлiметтердiң дұрыстығын тексеру мақсатында үшiншi тұлғалардан, сондай-ақ Қазақстан Республикасының тиiстi мемлекеттік органдарынан құқық иеленуші немесе оның өкілі табыс еткен құжаттарды және (немесе) мәлiметтердi растайтын құжаттарды және (немесе) мәлiметтердi сұратуға құқылы. Көрсетілген тұлғалар мен Қазақстан Республикасының мемлекеттік органдары сұрау салуды алған күннен бастап он жұмыс күні ішінде уәкілетті органға сұратылған құжаттарды табыс етуге мiндетті.

      Аталған жағдайда уәкілетті орган өтінішті қарау мерзімін, бірақ жиырма жұмыс күнінен аспайтын мерзімге ұзартады.

      Уәкілетті органның зияткерлік меншiк объектiлерін кедендік тiзілімге енгізу туралы шешiмi уәкілетті орган басшысының не оны алмастыратын адамның бұйрығымен ресiмделедi.

      Уәкілетті органның зияткерлік меншiк объектiлерін кедендік тiзілімге енгізуден бас тарту туралы шешімі құқық иеленуші немесе құқық иеленушінің мүдделерін білдіретін өзге тұлға толық емес немесе дұрыс емес мәліметтер берген жағдайда, құқық иеленуші немесе құқық иеленушінің мүдделерін білдіретін өзге тұлға осы баптың 4-тармағында көрсетілген құжаттарды табыс етпеген кезде, сондай-ақ зияткерлік меншік объектілерінен тұратын бірегей тауарлардың ерекше белгілері мен зияткерлік меншік құқығын бұзу белгілерінен тұратын тауарлардың сипаттамалар мен бейнелерін табыс етпеген кезде қабылданады.

      Құқық иеленуші немесе құқық иеленушінің мүдделерін білдіретін өзге тұлға уәкілетті органның тиісті шешімі туралы жазбаша немесе электрондық нысанда хабардар етіледі. Бұл ретте өтінішке қоса берілетін құжаттар құқық иеленушіге немесе құқық иеленушінің мүдделерін білдіретін өзге тұлғаға қайтарылады.

      8. Зияткерлік меншік объектілері кедендік тізілімге енгізілгеннен кейін бұрын берілген өтініште немесе оған қоса берілетін құжаттарда көрсетілген мәліметтер өзгертілген жағдайларда құқық иеленуші немесе құқық иеленушінің мүдделерін білдіретін өзге тұлға бұл туралы уәкілетті органға мәліметтер өзгертілген күннен бастап күнтізбелік он бес күннен кешіктірмей хабарлауға міндетті.

      Құқық иеленуші немесе құқық иеленушінің мүдделерін білдіретін өзге тұлға ұсынған ақпараттың негізінде, уәкілетті орган өзгертілген мәліметтерді кедендік тізілімге кейіннен құқық иеленушіге немесе құқық иеленушінің мүдделерін білдіретін өзге тұлғаға енгізілген өзгерістер туралы хабарламаны жазбаша немесе электрондық нысанда жібере отырып енгізеді.


      462-бап. Зияткерлік меншік объектілеріне құқықтарды қорғау мерзімін ұзарту тәртібі

      1. Кедендік тізілімге енгізілген зияткерлік меншік объектілеріне құқықтарды қорғау мерзімі (бұдан әрі – қорғау мерзімі) осы Кодекстің 461-бабының 4-тармағында көрсетілген құжаттардың және қорғау мерзімін ұзарту туралы өтінішке қоса берілетін құжаттардың қолданыс мерзімі ескеріле отырып, құқық иеленушінің немесе құқық иеленушінің мүдделерін білдіретін өзге тұлғаның өтінішінің негізінде ұзартылады.

      Қорғау мерзімін ұзарту туралы өтініш уәкілетті орган бұрын белгілеген қорғау мерзімі аяқталғанға дейін күнтізбелік он бес күннен кешіктірілмей берілуі тиіс.

      2. Құқық иеленуші немесе оның мүдделерін білдіретін өзге тұлға Зияткерлік меншіктің тиісті объектісіне құқық иеленушінің құқықтарының қолданылу мерзімін ұзартуын растайтын құжатты ұсынбай, қорғау мерзімін ұзарту туралы тұлға өтініш берген кезде қорғау мерзімі зияткерлік меншіктің тиісті объектісіне құқықтардың тоқтату күнінен екі айдан аспайтын мерзімге тоқтатыла тұрады және зияткерлік меншіктің тиісті объектісіне құқық иеленушінің құқықтарының қолданылу мерзімін ұзартуын растайтын құжат кейіннен ұсынылған кезде ұзартылады.

      3. Қорғау мерзімін ұзарту туралы мәліметтерді уәкілетті орган кедендік тізілімге кейіннен құқық иеленушіге немесе оның мүддесін білдіретін өзге тұлғаға жазбаша немесе электрондық нысанда қорғау мерзімін ұзарту туралы хабарламаны жолдай отырып енгізеді.


      463-бап. Зияткерлік меншік объектілерін кедендік тізілімінен шығару үшін негіздер

      1. Зияткерлік меншік объектілері кедендік тізілімінен:

      1) құқық иеленушінің немесе құқық иеленушінің мүдделерін білдіретін өзге тұлғаның өтінішхаты бойынша;

      2) 464-баптың 2-тармағының ережелерін ескере отырып, қорғау мерзімінің аяқталуы бойынша;

      3) құқықтарды қорғауды тоқтата тұру мерзімінің аяқталуы және құқық иеленушінің тиісті зияткерлік меншік объектісіне құқықтарының қолданылу мерзімін ұзартуды растайтын құжаттың (халықаралық куәліктің) ұсынылмауы бойынша;

      4) уәкілетті орган зияткерлік меншік объектілерін кедендік тізілімге енгізу туралы өтінішті беру кезінде ұсынылған мәліметтердің дұрыс емес екені анықталған кезде;

      5) тиісті зияткерлік меншік объектілеріне құқықтың қолданысы тоқтатылған кезде шығарылуы мүмкін.

      Зияткерлік меншік объектілеріне құқықтардың қолданысы тоқтатылған жағдайда құқық иеленуші немесе оның өкілі бұл туралы уәкілетті органды күнтізбелік бес күн ішінде жазбаша немесе электрондық нысанда хабардар етуге міндетті.

      6) құқық иеленуші немесе құқық иеленушінің мүдделерін білдіретін өзге тұлға осы тараудың ережелерін сақтамаған кезде шығарылуы мүмкін.

      2. Уәкілетті органның зияткерлік меншiк объектiлерін кедендік тiзілімнен шығару туралы шешiмi уәкілетті орган басшысының не оны алмастыратын адамның бұйрығымен ресiмделедi.

      3. Уәкiлеттi орган зияткерлiк меншiк объектiлерін кедендік тiзiлiмнен шығару туралы шешiмдi қабылдаған күннен бастап үш жұмыс күні ішінде құқық иеленушіге немесе құқық иеленушінің мүдделерін білдіретін өзге тұлғаны жазбаша немесе электрондық нысанда хабардар етеді.


      464-бап. Кеден органдарының зияткерлік меншік объектілеріне құқықтарды қорғау мерзімі

      1. Кеден органдарының зияткерлік меншік объектілеріне құқықтарды қорғау мерзімі зияткерлік меншік объектілері Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне не кедендік тізілімге енгізілген кезде, құқық иеленуші өтінішінде көрсеткен мерзімі, сондай-ақ өтінішке қоса берілетін құжаттардың қолданыс мерзімі ескеріле отырып, бірақ мұндай тізілімге енгізілген күннен бастап екі жылдан аспайтын мерзімге белгіленеді.

      2. Осы баптың 1-тармағында көрсетілген мерзім құқық иеленушінің немесе құқық иеленушінің (бірнеше құқық иеленушінің) мүдделерін білдіретін тұлғаның өтініші негізінде бірнеше рет шектеусіз, бірақ әрбір ретте осы тарауда көзделген талаптар сақталған жағдайда, екі жылдан аспайтын мерзімге ұзартылады.

      3. Кеден органдарының зияткерлік меншік объектілеріне құқық иеленуші құқығын қорғау мерзімі құқық иеленушінің тиісті зияткерлік меншік объектілеріне айрықша құқық қолданысының мерзімінен аспайды.

      Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізу кезінде белгіленетін кеден органдарының зияткерлік меншік объектілеріне құқық иеленушінің құқықтарды қорғау мерзімі, осы мерзім бұрын өтіп кететін Еуразиялық экономикалық одаққа мүше мемлекетте зияткерлік меншік объектісіне құқықтық қорғау мерзімінен аспайды.

54-тарау. Кеден органдары тағайындайтын кедендік сараптама

      465-бап. Осы тарауда пайдаланылатын анықтамалар

      Осы тараудың мақсаттары үшін мынаны білдіретін ұғымдар пайдаланылады:

      1) кедендік сарапшының (сарапшының) қорытындысы – жүргізілген зерттеулердің және (немесе) сынақтардың нәтижелерін және қойылған сұрақтарға жауаптар түріндегі кедендік сараптаманың қорытындыларын қамтитын кедендік құжат;

      2) үлгі – тауарлардың бүкіл партиясының құрылымына, құрамына және қасиеттеріне сәйкес келетін тауар бірлігі не іріктеу одан әрі зерттеу мақсатында белгіленген тәртіппен тіркелетін жалғыз дара объект (тауар – тауар партиясы болмаған кезде);

      3) сынама – іріктеу белгіленген тәртіппен жүргізілетін, ұсынылатын және зерттелетін тауардың бүкіл көлемінің құрамы мен қасиетін сипаттайтын тауардың бір бөлігі;

      4) кедендік сараптама – кедендік сарапшы (сарапшылар)кеден органына жүктелген міндеттерді шешу үшін арнайы және (немесе) ғылыми білімдерді пайдалана отырып, жүргізетін зерттеулер мен сынақтар;

      5) кедендік сарапшы – кедендік сараптама жүргізуге уәкілеттік берілген және қажетті арнайы және (немесе) ғылыми білімі бар кеден органының лауазымды адамы;

      6) уәкілетті кеден органы - Қазақстан Республикасының заңнамасына сәйкес кедендік сараптама жүргізуге уәкілеттік берілген мамандандырылған кедендік мекеме (оның аумақтық бөлімшелері).


      466-бап. Кедендік сараптама тағайындау және оны жүргізу

      1. Кедендік сараптаманы кеден органы, егер кеден органдары кедендік операцияларды және (немесе) кедендік бақылауды жүргізген кезде туындайтын мәселелерді түсіндіру үшін арнайы және (немесе) ғылыми білім талап етілетін жағдайда тағайындайды.

      2. Кедендік сараптаманы уәкілетті кеден органы жүргізеді.

      Уәкілетті кеден органының кедендік сараптаманы жүргізуге мүмкіндігі болмаған жағдайда Қазақстан Республикасының заңнамасына сәйкес өзге уәкілетті сараптама ұйымын (сарапшыны) өз бетінше тартады.

      Уәкілетті кеден органы өзге уәкiлетті сарапшы ұйымдарды (сарапшыларды) тартуға мүмкіндігі болмаған жағдайда кедендік сараптама уәкілетті орган бекіткен тәртіппен өзге уәкiлетті сараптама ұйымы (сарапшы) жүргізу үшін тағайындалуы мүмкін.

      3. Кедендік сараптама тауарларға, кедендік, көліктік (тасымалдау), коммерциялық және өзге де құжаттарға, сондай-ақ мұндай тауарларды және құжаттарды сәйкестендіру құралдарына қатысты тағайындалады.

      4. Уәкілетті кеден органы тауартанушылық, материалтанушылық, технологиялық, криминалистік, химиялық және жүргізілуіне қажеттілік туындайтын сараптаманың өзге де түрлерін жүргізеді.

      5. Тартылатын кедендік сарапшының (сарапшылардың) санына қарай жеке-дара, комиссиялық немесе кешенді кедендік сараптама тағайындалады.

      Жеке-дара кедендік сараптаманы кедендік сарапшы (сарапшы) жеке-дара жүргізеді.

      Комиссиялық кедендік сараптаманы бір мамандықтағы кедендік сарапшылардың (сарапшылардың) комиссиясы жүргізеді. Кедендік сарапшылардың (сарапшылардың) арасында келіспеушіліктер болған кезде олардың әрқайсысы немесе сарапшылардың бір бөлігі кедендік сарапшының (сарапшының) бөлек қорытындысын ұсынуға құқылы.

      Кешенді кедендік сараптаманы іс үшін маңызы бар мәнжайларды анықтау үшін кедендік сарапшылардың (сарапшылардың) құзыреті шегінде әр түрлі мамандықтағы білімдерді пайдалану негізінде зерттеу қажет болған жағдайда, кедендік сарапшылардың (сарапшылардың) комиссиясы жүргізеді. Әрбір кедендік сарапшы (сарапшы) кедендік сарапшы (сарапшы) қорытындысының өзі жүргізген кедендік сараптама бөлігіне қол қояды.

      6. Кеден органының уәкілетті лауазымды адамы жазбаша нысанда кедендік сараптама тағайындау туралы шешім қабылдайды, онда оны жүргізу негіздемесі, сарапшының тегі, аты, әкесінің аты (болған кезде) немесе кедендік сараптама жүргізілетін ұйымның не кеден органының атауы, кедендік сарапшының (сарапшының) алдына қойылған мәселелер, кедендік сарапшының (сарапшының) иелігіне ұсынылатын материалдар мен құжаттардың тізбесі көрсетіледі.

      Шешімде кедендік сарапшының (сарапшының) көрінеу жалған қорытынды бергені үшін Қазақстан Республикасының заңдарында белгіленген жауапкершілігі жөнінде кедендік сарапшыға (сарапшыға) ескертілгені туралы көрсетіледі.

      Кеден органының кедендік сараптама тағайындау туралы шешімінің нысанын уәкілетті орган бекітеді.

      Кеден органының кедендік сараптаманы тағайындау туралы шешіміне тауарлардың сынамалары және (немесе) үлгілері, алынып қойылған құжаттар және (немесе) сәйкестендіру құралдары, кедендік сараптаманы жүргізу үшін қажетті өзге де материалдар мен құжаттар қоса беріледі.

      7. Кедендік сараптаманы жүргізуден мынадай негіздер бойынша:

      1) кедендік сараптаманы жүргізу үшін ұсынылған кедендік сараптаманы тағайындау туралы шешім, тауарлардың сынамаларын және (немесе) үлгілерін іріктеу туралы акт, құжаттарды, сәйкестендіру құралдарын алып қою туралы акт, тиісінше ресімделмегенде;

      2) тауарлардың сынамалары және (немесе) үлгілері тауарлардың сынамаларын және (немесе) үлгілерін іріктеу актісінде көрсетілген мәліметтерге олардың саны сәйкес келмегенде;

      3) ораманың бұзылуы, орама тауарлардың сынамаларын және (немесе) үлгілерін іріктеу актісінде көрсетілген сипаттамаға сәйкес келмегенде;

      4) уәкілетті кеден органында кедендік сараптаманы жүргізу үшін қажетті материалдық-техникалық база, арнайы жағдайлар немесе талап етілетін біліктілігі бар кедендік сарапшы болмағанда;

      5) қойылған мәселелер бойынша кедендік сараптаманы жүргізуге мүмкіндік беретін ақпарат, құжаттар болмағанда;

      6) кедендік сараптаманы жүргізу үшін тауарлар сынамалары және (немесе) үлгілері болмағанда немесе жетпегенде;

      7) кедендік сараптаманы тағайындаған кеден органының тауарлардың сынамаларына және (немесе) үлгілеріне, құжаттарға, сәйкестендіру құралдарына кедендік сараптама жүргізу барысында ішінара немесе толық жоюға, оларды бұзуға тыйым салу болғанда бас тартылуы мүмкін, ал зерттеуді және (немесе) сынақтарды жүргізу тек бұзатын әдістерді пайдалана отырып жүргізуге болады.

      8. Уәкілетті кеден органы кедендік сараптаманы тағайындау туралы кеден органының шешімі келіп түскен тіркеу күнінен бастап үш жұмыс күнінен кешіктірмей кедендік сараптаманы жүргізу немесе осы баптың 6-тармағында көрсетілген негіздер бойынша оны жүргізуден бас тарту туралы шешім қабылдайды.

      Кедендік сараптаманы жүргізуден бас тарту шешімінде мұндай бас тартудың себептері көрсетіледі.

      Кедендік сараптаманы жүргізуден бас тарту туралы шешім ұсынылған материалдар, құжаттар, тауарлардың сынамалары және (немесе) үлгілері қоса беріле отырып, кедендік сараптаманы тағайындаған кеден органына жолданады.

      9. Кедендік сараптаманы тағайындаған кеден органы кедендік сараптаманы тағайындау туралы шешім қабылданған күннен кейінгі күннен кешіктірмей декларантты немесе тауарларға қатысты өкілеттігі бар өзге де тұлғаны кедендік сараптаманың тағайындалуы туралы шешімнің көшірмесін табыс ету (жолдау) арқылы хабардар етеді.

      10. Кедендік сараптаманы жүргізуге арналған шығыстар осы тармақтың екінші абзацын қоспағанда, Қазақстан Республикасының бюджет заңнамасында белгіленген тәртіппен бюджет қаражаты есебінен өтеледі.

      Кедендік сараптама осы баптың 2-тармағының екінші абзацына сәйкес тағайындалған жағдайда мұндай кедендік сараптаманы жүргізуге байланысты туындаған шығыстар, егер кедендік сараптаманы жүргізу нәтижелері бойынша Еуразиялық экономикалық одақтың және (немесе) Қазақстан Республикасының заңнамасын бұзушылықтар анықталса, кедендік сараптама жүргізілетін тауарларға және (немесе) құжаттарға қатысты тұлғаның қаражаты есебінен өтеледі.

      11. Уәкілетті кеден органы уәкілетті орган белгілеген тәртіппен өзге де сараптамаларды (зерттеулерді) жүргізуі мүмкін.

467-бап. Кедендік сараптама жүргізу үшін кеден органдарының лауазымды адамы болып табылмайтын сарапшыны (маманды) тарту тәртібі

      1. Кедендік сараптама жүргізу үшін кеден органдарының лауазымды адамы болып табылмайтын сарапшыны (маманды) тарту тәртібін уәкілетті орган бекітеді.

      2. Кеден органдарының лауазымды адамы болып табылмайтын сарапшы (маман) кедендік сараптаманы тағайындаған кеден органына сарапшыда (маманда) қажетті арнайы және (немесе) ғылыми танымдардың болуын растайтын құжаттарды табыс етуге міндетті.


      468-бап. Кедендік сараптама жүргізу мерзімі мен тәртібі

      1. Егер осы бапта өзгеше көзделмесе, кедендік сараптма жүргізу үшін материалдар мен құжаттарды кедендік сарапшы (сарапшы) қабылдаған күннен бастап жиырма жұмыс күнінен аспайтын мерзімде кедендік сараптма жүргізіледі.

      Зерттеудің салыстыру (салыстырмалы) әдістерін қолдануды және әртүрлі ғылыми-техникалық құралдарды қолдануды талап ететін, ұзақ уақытты алатын екі және кедендік сараптаманың оданда көп объектілеріне зерттеу жүргізу кезінде, егер кедендік сараптама нәтижелерін алғанға дейін тауарларды шығару жүзеге асырылмайтын болса, тауарларды уақытша сақтау мерзімінен аспайтын мерзімде ұзарту мерзімінің себебін көрсетіп, уәкілетті кеден органы басшысының немесе оны алмастыратын тұлғаның жазбаша рұқсатымен кедендік сараптама мерзімі ұзартылады.

      2. Кедендік сараптаманы жүргізу мерзімі:

      кедендік сарапшының (сарапшының) кедендік сараптаманы тағайындаған кеден органы алдында оған қосымша материалдарды, сондай-ақ сынамаларды және (немесе) үлгілерді ұсыну туралы өтініші болған;

      кедендік сараптаманы тағайындаған кеден органының лауазымды адамынан зерттеулер немесе сынақтар жүргізу барысында кедендік сараптамаға ұсынылған, кедендік сараптаманы тағайындаған кеден органына қайтаруға жататын тауарларды, құжаттарды, сынамаларды немесе үлгілерді елеулі зақымдауға немесе жоюға жазбаша рұқсат алу қажет болған;

      кедендік сараптама жүргізуге кіріскен кедендік сарапшы (сарапшы) дәлелді себеппен (еңбекке уақытша жарамсыздық, іссапар) болмаған;

      уәкілетті кеден органының өзге уәкілетті сараптама ұйымдарына (сарапшыларына) өтініш жасаса;

      кедендік сараптама жүргізу үшін кеден органдарының лауазымды тұлғасы болып табылмайтын сарапшыны (маманды)тартқан жағдайда тоқтатыла тұрады.

      Кедендік сараптама жүргізу тоқтатыла тұрған мерзім, сондай-ақ осындай тоқтата тұрудың тәртібін уәкілетті орган бекітеді.

      3. Уәкілетті кеден органдарының кедендік сараптама жүргізу тәртібін уәкілетті орган бекітеді.


      469-бап. Кедендік сарапшының (сарапшының) қорытындысы

      1. Кедендік сараптама жүргізудің нәтижелері кедендік сарапшының (сарапшының) қорытындысында ресімделеді.

      2. Кедендік сарапшының (сарапшының) қорытындысында:

      1) кедендік сараптама жүргізу орны, ол басталған және аяқталған күн;

      2) кедендік сараптама жүргізу үшін негіздеме;

      3) кедендік сараптаманы жүргізген кедендік сарапшының (сарапшының) тегі, аты және әкесінің аты (болған кезде) және оның біліктілігі;

      4) кедендік сарапшының (сарапшының) кедендік сараптама жүргізу кезінде кедендік сараптама қорытындысын қасақана жалған бергені үшін Қазақстан Республикасының заңнамасында белгіленген жауаптылығы туралы ескертілгені туралы қол қойып куәландырылған мәліметтері осындай қорытынды жүргізген уәкілетті кеден органының және (немесе) уәкілетті сараптама ұйымының мөр бедерімен куәландырылады;

      5) кедендік сарапшының (сарапшының) алдына қойылған мәселелер;

      6) кедендік сараптама жүргізу үшін кедендік сарапшыға (сарапшыға) ұсынылған құжаттардың, материалдардың, тауарлар сынамаларының және (немесе) үлгілерінің, алып қойылған құжаттардың немесе идентификаттау құралдарының тізбесі;

      7) қолданылған әдістер, пайдаланылған аспаптар мен жабдықтар көрсетіле отырып, зерттеулердің мазмұны мен нәтижелері, зерттеулердің нәтижелерін бағалау, қойылған мәселелер бойынша түйіндер және олардың негіздемесі көрсетіледі.

      3. Кедендік сарапшының (сарапшының) қорытындысына кедендік сарапшы (сарапшы) қол қояды. Егер кедендік сараптама бірнеше кедендік сарапшылардың (сарапшылардың) қатысуымен жүргізілген болса, кедендік сарапшының (сарапшының) қорытындысына барлық кедендік сарапшылар (сарапшылар) қол қояды. Қағаз жеткізгіште ресімделген кедендік сарапшының (сарапшының) қорытындысы да уәкілетті кеден органының және (немесе) уәкілетті сараптама ұйымының мөр бедерімен куәландырылады.

      Кедендік сарапшының (сарапшының) қорытындысын көрсететін материалдар мен құжаттар осындай қорытындыға қоса беріледі, кедендік сарапшының (сарапшының) қолтаңбасымен, егер кедендік сараптама бірнеше кедендік сарапшылардың (сарапшылардың) қатысуымен жүргізілген болса, бірнеше кедендік сарапшылардың (сарапшылардың) қолтаңбасымен) куәландырылады. Қағаз жеткізгіште ресімделген материалдар мен құжаттарда уәкілетті кеден органының және (немесе) уәкілетті сараптама ұйымының мөр бедерімен куәландырылады және осындай қорытындының құрамдас бөлігі болып табылады.

      4. Кедендік сарапшының (сарапшының) қорытындысы кедендік сараптаманы тағайындаған кеден органына жолданады.

      Кедендік сарапшының (сарапшының) қорытындысы қағаз жеткізгіштегі құжат түрінде ресімделген жағдайда мұндай қорытынды үш данада ресімделеді, оның бірі уәкілетті кеден органында қалады, ал басқалары кедендік сараптаманы тағайындаған кеден органына жолданады.

      5. Еуразиялық экономикалық одаққа мүше бір мемлекетте Еуразиялық экономикалық одаққа мүше екінші мемлекеттің кеден органдары жүргізген кедендік сараптама нәтижелерін тану жағдайлары мен тәртібін Комиссия айқындайды.


      470-бап. Қосымша және қайталама кедендік сараптамалар

      1. Бұрын зерттелген тауарларға, кедендік, көліктік (тасымалдау), коммерциялық және өзге де құжаттарға, идентификаттау құралдарына қатысты жаңа мәселелер туындаған кезде кеден органдары қосымша кедендік сараптама тағайындауы мүмкін.

      Қосымша кедендік сараптама уәкілетті кеден органына не кедендік сараптама жүргізген Қазақстан Республикасының сараптама ұйымына (сарапшысы) тағайындалады.

      2. Декларант кедендік, оның ішінде қосымша сараптама нәтижелерімен келіспеген жағдайда кеден органы қайталама кедендік сараптама тағайындауы мүмкін.

      Қайталама кедендік сараптама бұрын жүргізілген кедендік сараптама кезінде зерттелген сол тауарларды, кедендік, көліктік (тасымалдау), коммерциялық және өзге де құжаттарды, идентификаттау құралдарын зерттеу үшін және сол мәселелерді шешу үшін тағайындалады.

      Кедендік сараптама жүргізген уәкілетті кеден органына немесе сараптама ұйымына сияқты, өзге де уәкілетті кеден органына немесе сараптама ұйымына да қайталама кедендік сараптама тағайындалуы мүмкін.

      Қайталама кедендік сараптама жүргізу кедендік, оның ішінде қосымша сараптаманы жүргізген кедендік сарапшыны (сарапшыны) қоспағанда, екі және одан да көп кедендік сарапшылардан (сарапшылардан) тұратын комиссияға тапсырылады. Кедендік, оның ішінде қосымша сараптаманы жүргізген кедендік сарапшылар (сарапшылар) қайталама кедендік сараптама жүргізген кезде оған қатысуы және комиссияға қажетті түсіндірме беруі мүмкін.

      3. Қосымша және қайталама кедендік сараптамаларды жүргізу кезінде кедендік сарапшыға (сарапшыға) міндетті түрде бұрын жүргізілген кедендік сараптаманың нәтижелері ұсынылады.


      471-бап. Кедендік сараптаманы жүргізу үшін тауарлардың сынамаларын және (немесе) үлгілерін іріктеу, кедендік, көліктік (тасымалдау), коммерциялық және өзге де құжаттарды, идентификаттау құралдарын алып қою

      1. Кеден органдарының лауазымды адамдары кедендік сараптаманы жүргізу үшін тауарлардың сынамаларын және (немесе) үлгілерін іріктеп алады.

      2. Тауарлардың сынамаларын және (немесе) үлгілерін іріктеудің арнайы білімдерін пайдалану және техникалық құралдарды қолдану қажет болған кезде кедендік сарапшының қатысуымен жүргізілуі мүмкін. Тауарлардың сынамаларын және (немесе) үлгілерін іріктеуге кедендік сарапшының (сарапшының) қатысуы үшін кеден органдарының лауазымды тұлғасының уәкілетті кеден органына өтінішхаты негіз болып табылады.

      3. Тауарлардың сынамалары және (немесе) үлгілері олардың зерттеу мүмкіндігін және Қазақстан Республикасының заңнамасына сәйкес стандарттау бойынша нормативтік құжаттамаға сәйкес талаптардың сақталуын қамтамасыз ететін аз мөлшерде іріктеп алынады.

      4. Тауарлардың сынамаларына және (немесе) үлгілеріне іріктеу жүргізу нәтижелері бойынша тауарлардың сынамаларын және (немесе) үлгілерін іріктеу актісі жасалады, оның нысанын Комиссия айқындайды.

      Тауарлардың сынамаларын және (немесе) үлгілерін іріктеу актісі үш данада жасалады, оның біреуі декларантқа, ол болмаған жағдайда, егер бұл белгіленсе, тауарларға қатысты өкілеттіктерге ие өзге де тұлғаға, ал халықаралық пошта жөнелтілімдерінде өткізілетін тауарлардың сынамаларын және (немесе) үлгілерін іріктеу кезінде тағайындалған пошта байланысы операторына табыс етілуге (жолдануға) жатады.

      5. Кеден органдарының лауазымды адамдары тауарлардың сынамаларын және (немесе) үлгілерін іріктеуді декларанттың қатысуымен, ол болмаған жағдайда, егер бұл белгіленсе, тауарларға қатысты өкілеттіктерге ие өзге де тұлғаның қатысуымен, ал халықаралық пошта жөнелтілімдерінде өткізілетін тауарлардың сынамаларын және (немесе) үлгілерін іріктеу кезінде тағайындалған пошта байланысы операторы өкілінің қатысуымен іріктеп алады.

      Кеден органының талап етуі бойынша көрсетілген тұлғалар кеден органдарының лауазымды адамдарына тауарлардың сынамаларын және (немесе) үлгілерін іріктеп алу кезінде жәрдемдесуге, оның ішінде өз есебінен қажетті жүк және өзге де операцияларды жасауға міндетті.

      6. Тауарлардың сынамаларын және (немесе) үлгілерін декларант немесе тауарларға қатысты өкілеттіктерге ие өзге де тұлға болмаған кезде, осы Кодекстің 413-бабы 6-тармағының 1), 2) және 4) тармақшаларында көзделген жағдайда, екі куәгердің қатысуымен, ал осы Кодекстің 413-бабы 6-тармағының 3) тармақшасында көрсетілген жағдайда, тағайындалған пошта байланысы операторы өкілінің, ал ол болмаған кезде, екі куәгердің қатысуымен іріктеп алынады.

      7. Кеден органы декларантта немесе тауарларға қатысты өкілеттіктерге ие өзге де тұлғада тауарлардың сынамаларын және (немесе) үлгілерін іріктеп алу нәтижесінде туындаған шығыстарды өтемейді.

      8. Қазақстан Республикасының заңнамасына сәйкес тауарлардың сынамалары және (немесе) үлгілері көмілуге, жойылуға немесе кәдеге жаратылуға жататын жағдайларды қоспағанда, кедендік сараптаманы тағайындаған кеден органы кедендік сараптама аяқталғаннан кейін оны жүргізу барысында жұмсалмаған тауарлардың сынамаларын және (немесе) үлгілерін декларантқа немесе тауарларға қатысты өкілеттіктерге ие өзге де тұлғаға, ал халықаралық пошта жөнелтілімдерінде өткізілетін тауарлардың сынамаларын және (немесе) үлгілерін іріктеу кезінде тағайындалған пошта байланысы операторына қайтарады.

      Кедендік сараптаманы тағайындаған кеден органы кедендік сараптаманы жүргізген уәкілетті кеден органынан тауарлардың сынамаларын және (немесе) үлгілерін алған күннен бастап үш жұмыс күнінен кешіктірмей декларантқа немесе тауарларға қатысты өкілеттіктерге ие өзге де тұлғаға мұндай тауарлардың сынамаларын және (немесе) үлгілерін қайтару туралы хабарлайды.

      9. Декларант немесе тауарларға қатысты өкілеттіктерге ие өзге де тұлға алмаған тауарлардың сынамалары және (немесе) үлгілері, олар көрсеткен ақпаратты алған күннен бастап он бес жұмыс күні ішінде осы Кодекстің 52-тарауына сәйкес кеден органдарында кідіртіледі.

      10. Кедендік, көліктік (тасымалдау), коммерциялық және өзге де құжаттарға, идентификаттау құралдарына қатысты кедендік сараптаманы жүргізу үшін мұндай құжаттар мен идентификаттау құралдарын кеден органдары уәкілетті орган бекіткен тәртіппен алып қояды. Кедендік, көліктік (тасымалдау), коммерциялық және өзге де құжаттарды, идентификаттау құралдарын алып қою туралы нысанын уәкілетті орган бекіткен құжаттарды, идентификаттау құралдарын алып қою туралы акт толтырылады.

      11. Кедендік сараптама аяқталғаннан кейін кедендік, көліктік (тасымалдау), коммерциялық және өзге де құжаттарды кедендік сараптаманы тағайындаған кеден органы мұндай құжаттар алып қойылған тұлғаға қайтарады.

      Кедендік сараптаманы тағайындаған кеден органы кедендік сараптаманы жүргізген уәкілетті кеден органынан алып қойылған құжаттарды алған күннен бастап үш жұмыс күнінен кешіктірмей мұндай құжаттар алып қойылған тұлғаға оларды қайтару туралы хабарлайды.


      472-бап. Кедендік сарапшының (сарапшының) кедендік сараптаманы жүргізу кезіндегі құқықтары мен міндеттері

      1. Кедендік сарапшы (сарапшы) кедендік сараптаманы жүргізу кезінде:

      1) кедендік сараптаманы жүргізуге қатысты материалдармен танысуға;

      2) уәкілетті кеден органы басшысының келісімімен кедендік сараптаманы жүргізуге басқа да кедендік сарапшыларды тартуға;

      3) егер қойылған мәселелер оның құзыретінен тыс болса, материалдарды және құжаттарды, тауарлардың сынамаларын және (немесе) үлгілерін алған күннен бастап бір жұмыс күні ішінде кедендік сараптама жүргізуден немесе өз құзыретіне жатпайтын мәселелерге жауап беруден бас тартуға;

      4) кедендік сараптама жүргізу үшін материалдарды алған күннен бастап үш жұмыс күні ішінде кедендік сараптама жүргізуге қажетті қосымша материалдар мен құжаттарды, оның ішінде тауарлардың сынамаларын және (немесе) үлгілерін жазбаша нысанда сұратуға;

      5) өзінің арнайы және (немесе) ғылыми білімі мен құзыретіне сәйкес алдына қойылған мәселелерді нақтылауға;

      6) кедендік сарапшының (сарапшының) қорытындысына кеден органдары үшін маңызы бар және олар бойынша мәселелер қойылмаған мән-жайлар туралы тұжырым қосуға;

      7) арнайы және өзге де деректерде жарияланған ғылыми-техникалық ақпаратты пайдалануға;

      8) өзі жүргізген тауарлардың сынамаларының және (немесе) үлгілерінің сынақтары мен зерттеулерінің нәтижелерін және (немесе) басқа зерттеу немесе сараптама ұйымдары жүргізген тауарлардың сынамаларын және (немесе) үлгілерін зерттеу нәтижелерін пайдалануға құқылы.

      2. Кедендік сарапшы (сарапшы) кедендік сараптаманы жүргізу кезінде:

      1) кедендік сараптамаға қатысты материалдармен танысуға;

      2) егер тауарлардың сынамаларының және (немесе) үлгілерінің саны оны жүргізуге жеткіліксіз болса, материалдарды, құжаттарды, тауарлардың сынамаларын және (немесе) үлгілерін алған күннен бастап үш жұмыс күні ішінде кедендік сараптама жүргізуден бас тартуға;

      3) зерттеулердің нәтижелерін толық, жан-жақты және объективті бағалау негізінде кедендік сарапшының қорытындысын дайындауға;

      4) Қазақстан Республикасының заңнамасында көзделген жағдайларды қоспағанда, кедендік сараптаманы жүргізу нәтижесінде алынған мәліметтерді жария етпеуге және оны үшінші тұлғаларға бермеуге;

      5) кедендік сараптама жүргізудің белгіленген мерзімдерін сақтауға міндетті.

      3. Кедендік сарапшы өз міндеттерін орындамаған немесе тиісінше орындамаған жағдайда Қазақстан Республикасының заңнамасында белгіленген жауаптылықта болады.


      473-бап. Кедендік сараптаманы тағайындау және жүргізу кезінде декларанттың, тауарларға қатысты өкілеттіктерге ие өзге тұлғаның құқықтары

      1. Кедендік сараптаманы тағайындау және жүргізу кезінде декларант, тауарларға қатысты өкілеттіктерге ие өзге тұлға:

      1) олар бойынша кедендік сарапшының қорытындысын алу үшін кедендік сарапшыға қосымша сұрақтар қою туралы уәжді өтінішхатты мәлімдеуге;

      2) кедендік сараптаманы тағайындаған кеден органында кедендік сарапшының қорытындысын алуға;

      3) кедендік сараптама жүргізу үшін кеден органдарының тауарлардың сынамаларын және (немесе) үлгілерін іріктеп алу кезінде қатысуға;

      4) қайталама кедендік сараптама жүргізу туралы уәжді өтінішхатты мәлімдеуге;

      5) кедендік сараптама жүргізу үшін қажетті ақпаратты және (немесе) құжаттарды ұсынуға құқылы.

      2. Декларанттың, тауарларға қатысты өкілеттіктерге ие өзге тұлғаның өтінішхаты қанағаттандырылған жағдайда кедендік сараптаманы тағайындаған кеден органы тиісті шешім қабылдайды.

      Өтінішхатты қанағаттандырудан бас тартылған кезде кедендік сараптаманы тағайындаған кеден органы өтінішхат берген тұлғаға бұл туралы бас тарту себебін көрсете отырып хабарлайды.


      474-бап. Сараптама қызметі саласындағы ынтымақтастық

      Кедендік сараптамалар жүргізетін уәкілетті кеден органдары бірлескен зерттеулер жүргізу, ғылыми және әдістемелік ақпарат алмасу, кедендік сарапшылардың кәсіби даярлығын және біліктілігін арттыру мақсатында сараптама қызметін жүзеге асыратын ұйымдармен және мекемелермен ынтымақтасуға құқылы.

55-тарау. Тексеру нәтижелері туралы хабарламаға және (немесе) бұзушылықтарды жою туралы хабарламаға шағым жасау тәртібі

      475-бап. Шағым жасау құқығы

      1. Тексеру нәтижелері туралы хабарламаға және (немесе) бұзушылықтарды жою туралы хабарламаға шағым жасау (бұдан әрі - осы тараудың мақсатында бұдан әрі - хабарлама) осы бөлімде көзделген ерекшеліктер ескеріле отырып, Қазақстан Республикасының заңнамасында белгіленген тәртіппен жүзеге асырылады.

      2. Хабарламаға:

      1) өзіне қатысты тексеру нәтижелері туралы хабарлама шығарылған декларанттың не оның өкілінің;

      2) өзіне қатысты хабарлама шығарылған қызметті жүзеге асыратын тұлғаның не оның өкілінің шағым жасау құқығы бар.

      3. Осы баптың 2-тармағында көрсетілген тұлғалар Қазақстан Республикасының заңнамасына сәйкес хабарламаға сот тәртібімен шағымдануға құқылы.


      476-бап. Шағым беру тәртібі мен мерзімдері

      1. Шағым хабарлама тапсырылған күннен кейінгі күннен бастап отыз жұмыс күнi iшiнде уәкілетті органға берiледi.

      Бұл ретте шағымның көшiрмесi хабарламаны шығарған кеден органына жiберілуге тиiс.

      Уәкілетті органға шағым беру күнi оны беру тәсiлiне қарай:

      1) өзi келу тәртібімен - уәкілетті органның шағымды алған күні;

      2) пошта арқылы - поштаның немесе өзге де байланыс ұйымының қабылдау туралы белгiсi қойылған күн болып табылады.

      2. Осы баптың 1-тармағында белгіленген мерзімді дәлелді себеппен өткізіп алған жағдайда шағым беруші тұлғаның өтінішхаты бойынша уәкілетті орган бұл мерзімді қалпына келтіруі мүмкін.

      3. Уәкілетті орган шағым берудің өткізіп алған мерзімін қалпына келтіру мақсатында өзіне қатысты тексеру жүргізілген жеке тұлғаның, сондай-ақ шағым беретін тұлға басшысының және (немесе) бас бухгалтерінің (ол болған жағдайда) уақытша еңбекке жарамсыздығы дәлелді себеп ретінде танылады.

      Осы тармақтың ережелері өздеріне қатысты кедендік тексеру жүргізілген жеке тұлғаларға, сондай-ақ ұйымдық құрылымы жоғарыда көрсетілген тұлғалар болмаған кезде оларды алмастыратын тұлғалардың болуын көзделмейтін осы Кодекстің 475-бабының 2-тармағында көрсетілген тұлғаларға да қолданылады.

      Бұл ретте шағым берудің өткізіп алған мерзімін қалпына келтіру туралы өтінішхатқа осы тармақтың бірінші бөлігінде көрсетілген адамдардың уақытша еңбекке жарамсыздық кезеңін растайтын құжат және шағым берген тұлғаның ұйымдық құрылымын белгілейтін құжат қоса берілуге тиіс.

      4. Осы Кодекстің 475-бабы 2-тармағында көрсетілген тұлғаның шағым берудің өткізіп алған мерзімін уәкілетті органының қалпына келтіруі туралы өтінішхаты осы баптың 3-тармағында көрсетілген тұлғалар шағым мен өтінішхатты уақытша еңбекке жарамсыздық кезеңі аяқталған күннен бастап он жұмыс күнінен кешіктірмей берген жағдайда ғана қанағаттандырылады.

      5. Уәкілетті органға шағым берген тұлға осы шағым бойынша шешім қабылданғанға дейін оны өзінің жазбаша өтініші негізінде қайтарып ала алады.

      Шағымды қайтарып алуы осы баптың 1-тармағында белгіленген мерзім сақталған жағдайда оны қайтадан шағым беру құқығынан айырмайды.

      Осы Кодекстің 475-бабы 2-тармағында көрсетілген тұлға көшпелі кедендік тексеру жүргізу тағайындалған күннен бастап оны аяқтау күніне дейін шағым бойынша шешім шығарылғанға дейінгі кезеңде шағымды қайтарып алуды жүргізуге құқығы жоқ.


      477-бап. Шағымның нысаны мен мазмұны

      1. Шағым жазбаша нысанда беріледі.

      2. Шағымда:

      1) шағымға қол қойған күнi;

      2) шағым берілетін уәкілетті органның атауы;

      3) шағым беретін адамның тегі, аты, әкесінің аты (егер ол жеке басын куәландыратын құжатта көрсетілген болса) не толық атауы, оның тұрғылықты жері (орналасқан жері);

      4) идентификаттау нөмірі;

      5) хабарлама шығарған кеден органының атауы;

      6) шағым беруші тұлға өз талаптарын негіздейтін мән-жайлар, сондай-ақ осы мән-жайларды растайтын мәліметтер;

      7) қоса беріліп отырған құжаттардың тізбесі көрсетілуге тиіс.

      3. Шағымда оны қарау үшін маңызы бар өзге мәліметтер көрсетілуі мүмкін.

      4. Шағымға оны берген тұлға, не оның өкілі қол қояды.

      5. Шағымға:

      1) шағымданатын хабарламаның және кедендік тексеру актісінің көшірмесі;

      2) шағым берген тұлға өз талаптарын негіздеген мән-жайларды растайтын құжаттар;

      3) іске қатысы бар өзге де құжаттар қоса беріледі.


      478-бап. Шағымды қараудан бас тарту

      1. Уәкілетті органы:

      1) шағым осы Кодекстің 476-бабында белгіленген шағым жасау мерзімі бұзыла отырып берілген;

      2) шағым осы Кодекстің 477-бабында белгіленген талаптарға сәйкес келмеген;

      3) шағымды осы Кодекстің 475-бабы 2-тармағында көрсетілмеген тұлға берген;

      4) осы Кодекстің 475-бабы 2-тармағында көрсетілген тұлға шағымда жазылған мәселелер бойынша сотқа талап арыз берген жағдайларда шағымды қараудан бас тартады.

      2. Уәкілетті орган осы баптың 1-тармағының 1), 2) және 3) тармақшаларында көзделген жағдайларда шағымды берген тұлғаға шағымды қараудан бас тарту туралы шағым тiркелген күннен бастап он жұмыс күнi ішінде жазбаша нысанда хабарлайды.

      Уәкілетті орган осы баптың 1-тармағының 4) тармақшасында көзделген жағдайда тұлғаның сотқа жүгіну фактісі анықталған күннен бастап он жұмыс күнi ішінде шағымды берген тұлғаға шағымды қараудан бас тарту туралы мұндай бас тартудың себебiн көрсете отырып жазбаша нысанда хабарлайды.

      3. Уәкілетті органның осы баптың 1-тармағының 1), 2) және 3) тармақшаларында көзделген жағдайларда шағымды қараудан бас тартуы тұлғаны осы Кодекстiң 476-бабында белгiленген мерзiм шегiнде шағымды қайта беру құқығынан айырмайды.


      479-бап. Шағымды қарау тәртібі

      1. Осы Кодекстің 481-бабына сәйкес шағымды қарау мерзімдерін ұзарту және тоқтата тұру жағдайларын қоспағанда, уәкілетті орган шағым бойынша шағым тіркелген күннен бастап - отыз жұмыс күнінен аспайтын мерзімде, ал салық заңнамасына сәйкес мониторингке жататын ірі салық төлеушілердің шағымы бойынша - шағым тіркелген күннен бастап қырық бес жұмыс күнінен аспайтын мерзімде уәжделген шешім шығарылады.

      2. Уәкілетті орган шағымды қарау кезінде осы Кодекстің 418-бабында белгіленген тәртіппен жоспардан тыс көшпелі кедендік тексеру тағайындауға құқылы.

      Шағымды қарау мерзімі осы Кодекстің 481-бабында айқындалған тәртіппен ұзартылуы және (немесе) тоқтатыла тұруы мүмкін.

      Шағым жасалатын мәселелер шегінде қаралады.

      Осы Кодекстің 475-бабы 2-тармағында аталған тұлға шағымды қарауға өзі тексеру барысында ұсынбаған құжаттарды ұсынған жағдайда жоғары тұрған кеден органы мұндай құжаттарды қарау кезінде тағайындалған көшпелі кедендік тексеру барысында олардың анықтығын айқындауға құқылы.

      Уәкілетті орган шағымды қарау кезiнде:

      1) шағым берген тұлғаға және (немесе) кеден органынфа шағымда жазылған мәселелер бойынша қосымша ақпаратты не түсіндірмелерді жазбаша нысанда беру туралы сұрау салу жіберуге;

      2) мемлекеттік органдарға, сондай-ақ шет мемлекеттердің тиісті органдары мен мұндай органдар мен ұйымдардың құзыретіндегі мәселелер бойынша өзге де ұйымдарға сұрау салу жіберуге;

      3) шағымда жазылған мәселелер бойынша шағым берген адаммен кездесу өткізуге;

      4) кеден органдарының тексеру жүргізуге қатысқан лауазымды адамдарынан туындаған мәселелер бойынша түсіндірмелер сұратуға құқылы.

      Уәкілетті органның шағымды қарау жөніндегі өз өкiлеттiктерiн жүзеге асыруы кезiнде оның қызметiне араласуға және шағымды қарауға қатысы бар лауазымды адамдарға қандай да бiр ықпал етуге тыйым салынады.


      480-бап. Шағымды қарау нәтижелері бойынша шешім шығару

      1. Тексеру нәтижелері туралы хабарламаға және (немесе) бұзушылықтарды жою туралы хабарламаға шағымдарды қарау үшін уәкілетті орган Апелляциялық комиссия құрады.

      Апелляциялық комиссияның құрамын және ол туралы ережені уәкілетті орган бекітеді.

      Шағымды қарау аяқталған соң уәкілетті орган Апелляциялық комиссияның шешiмін ескере отырып, жазбаша нысанда шешiм шығарады.

      1-1. Тексеру нәтижелері туралы хабарламаға және (немесе) бұзушылықтарды жою туралы хабарламаға шағымды қарау кезінде кеден заңнамасының барлық анық емес және реттелмеген мәселелері шағым берген адамның пайдасына шешім қабылданады.

      2. Шағымды қарау қортындысы бойынша уәкілетті орган мынадай шешімдердің бірін шығарады:

      шағым жасалған хабарламаны - өзгеріссіз, ал шағымды қанағаттандырусыз қалдырылсын;

      шағым жасалған хабарламаның толық немесе оның бір бөлігінің күші жойылсын.

      3. Шағым бойынша шешім жазбаша нысанда шағым жасаған адамға жiберіледi немесе қолына табыс етіледі, ал көшiрмесi хабарлама шығарған кеден органына жіберіледi.

      4. Шағымды қарау нәтижелері бойынша шағым жасалған хабарламаның бір бөлігінің күші жойылған жағдайда хабарлама шығарған кеден органы хабарламаға шағымды қарау қорытындылары туралы хабарлама шығарады және оны шағым бойынша шешім қабылданған күннен бастап бес жұмыс күнінен кешіктірмей, шағымды берген тұлғаға жібереді. Хабарламаға шағымды қарау қортындысы туралы хабарламаның нысанын уәкілетті орган бекітеді.

      Осы Кодексте белгіленген негізде және тәртіппен шығарылған уәкілетті органның шешімі кеден органдарының орындауы үшін міндетті.


      481-бап. Шағымды қарау мерзімін тоқтата тұру және (немесе) ұзарту

      1. Шағымды қарау мерзімі мынадай жағдайларда:

      1) шағымды қарау барысында тағайындалған жоспардан тыс көшпелі кедендік тексеру жүргізілген жағдайда - осы Кодекстің 418-бабында белгіленген тәртіппен осындай тексеруді тағайындаған күннен бастап уәкілетті орган тексеру актісін алған күннен бастап он бес жұмыс күні уақыт кезеңіне;

      2) мемлекеттік органдарға, сондай-ақ осындай органдар мен ұйымдардың құзыретіндегі мәселелер бойынша шет мемлекеттердің тиісті органдарына және өзге де ұйымдарға сұрау салулар жіберілген жағдайда - осындай сұрау салу жіберілген күннен бастап жауап алынған күнге дейінгі уақыт кезеңіне тоқтатыла тұрады.

      2. Уәкілетті орган шағымды қарау мерзiмiн тоқтата тұру туралы мерзімді тоқтата тұру себептерiн көрсете отырып, сұрау салу жіберілген күннен бастап үш жұмыс күні ішінде шағымды берген тұлғаға жазбаша нысанда хабарлайды.

      3. Осы баптың 1-тармағында белгіленген шағымды қарау мерзiмi мынадай жағдайларда:

      1) осы Кодекстің 475-бабының 2-тармағында көрсетілген тұлға шағымға толықтыруларды ұсынғанда - он бес жұмыс күніне ұзартылады.

      Бұл ретте осы баптың 1-тармағында белгіленген мерзім шағымға кейіннен толықтыруларды берудің әрбір жағдайында осы тармақшада көрсетілген мерзімге ұзартылады;

      2) уәкілетті орган шағым жасалған мәселені қосымша зерделеу қажет болған жағдайда - тоқсан жұмыс күніне дейін ұзартады.

      Уәкілетті орган шағымды қарау мерзімін ұзартқан жағдайда, шағымды қарау мерзімі ұзартылған күннен бастап үш жұмыс күні ішінде шағым берген тұлғаға хабарлама жіберіледі.


      482-бап. Уәкілетті орган шешімінің нысаны мен мазмұны

      Уәкілетті органның шағымды қарау нәтижелерi бойынша шешiмiнде:

      1) шешім қабылданған күн;

      2) шағым жіберілген уәкілетті органның атауы;

      3) шағым берген тұлғаның тегі, аты, әкесінің аты (ол бар болған жағдайда) не оның толық атауы;

      4) идентификаттау нөмірі;

      5) шағым жасалатын хабарламаның қысқаша мазмұны;

      6) шағымның мәні;

      7) кеден органы шағым бойынша шешiм шығару кезiнде басшылыққа алған Еуразиялық экономикалық одағының кеден заңнамасының және (немесе) Қазақстан Республикасы заңнамасының нормаларына сiлтеме жасалған негiздеме көрсетiлуге тиiс.


      483-бап. Уәкілетті органға немесе сотқа шағым (арыз) беру салдары

      1. Уәкілетті органға немесе сотқа шағым (арыз) беру шағым жасалатын бөлігінде хабарламаның орындалуын тоқтата тұрады.

      2. Уәкілетті органға шағым берген кезде шағым жасалған бөлiгiнде хабарламаның орындалу мерзімін уәкілетті органның жазбаша шешiмi шыққанға дейiн тоқтатыла тұрады.

      Сотқа арыз берілген жағдайда шағым жасалған бөлігінде хабарламаның орындалуы сот шағымды іс жүргізуге қабылдап алған күннен бастап сот актісі заңды күшіне енгенге дейін тоқтатыла тұрады.

7-БӨЛІМ. КЕДЕН ІСІ САЛАСЫНДАҒЫ ҚЫЗМЕТ. УӘКІЛЕТТІ ЭКОНОМИКАЛЫҚ ОПЕРАТОР 56-тарау. Кеден ісі саласындағы қызмет туралы жалпы ережелер

      484-бап. Кеден ісі саласындағы қызмет

      1. Кеден органдары бақылайтын және Еуразиялық экономикалық одақтың және Қазақстан Республикасының кеден заңнамасында реттелетін, тұлғалардың кедендік өкілдер, кедендік тасымалдаушылар, уақытша сақтау қоймаларын иеленушілер, кедендік қоймаларды иеленушілер, еркін қоймаларды иеленушілер мен бажсыз сауда дүкендерін иеленушілер ретінде қызмет көрсетуге байланысты қызметі кеден ісі саласындағы қызмет болып табылады.

      2. Қазақстан Республикасының заңнамасына сәйкес құрылған және кеден органдары, тиісінше, кедендік өкілдер тізіліміне, кедендік тасымалдаушылар тізіліміне, уақытша сақтау қоймаларын иеленушілер тізіліміне, кедендік қоймаларды иеленушілер тізіліміне, еркін қоймаларды иеленушілер тізіліміне және бажсыз сауда дүкендерін иеленушілер тізіліміне (бұдан әрі - кеден ісі саласында қызметін жүзеге асыратын тұлғалар тізілімі) енгізген заңды тұлғалар кеден ісі саласындағы қызметті жүзеге асыруға құқылы.

      3. Кеден органының кеден ісі саласында қызметін жүзеге асыруға үміткер заңды тұлғаларды кеден ісі саласында қызметін жүзеге асыратын тұлғалар тізіліміне енгізу шарттары мен тәртібі, оларға енгізілген заңды тұлғаларды осы тізілімнен алып тастауға негіздер, осындай тізілімдерге өзгерістер енгізу тәртібі, оларға енгізілген заңды тұлғаларды осы тізілімнен алып тастау тәртібі, сондай-ақ осындай тұлғалардың қызметін тоқтата тұру мен қайтадан қалпына келтіру негіздері мен тәртібі әрбір кеден ісі саласындағы қызмет түріне қатысты осы Кодексте айқындалады.

      4. Кеден ісі саласында қызметін жүзеге асыруға үміткер заңды тұлғаларды кеден ісі саласында қызметін жүзеге асыратын тұлғалар тізіліміне енгізу шарттарының сақталуын тексеру, сондай-ақ кеден ісі саласында қызметін жүзеге асыратын заңды тұлғалардың қызметін бақылау кезінде осы Кодексте көзделген кедендік бақылау нысандары мен кедендік бақылау жүргізуді қамтамасыз ететін шаралар қолданылуы мүмкін.


      485-бап. Кеден ісі саласында қызметін жүзеге асыратын тұлғалардың тізілімдері

      1. Кеден органдары осы Кодексте белгіленген тәртіппен кеден ісі саласында қызметін жүзеге асыратын тұлғалар тізілімдерін жүргізеді.

      Кеден органының кеден ісі саласында қызметін жүзеге асыратын заңды тұлғаларды кеден ісі саласында қызметін жүзеге асыратын тұлғалар тізіліміне енгізу туралы, оларға енгізілген заңды тұлғаларды осы тізілімнен алып тастау туралы, тізілімге енгізу кезінде заңды тұлға мәлімдеген мәліметтердің өзгеруі туралы, сондай-ақ осындай тұлғалардың қызметін тоқтата тұру мен қайтадан қалпына келтіру туралы ақпарат тиісті бұйрық қабылданған күннен кейінгі екі жұмыс күнінен кешіктірмей уәкілетті органның ресми интернет-ресурстарында орналастырылады.

      2. Комиссия Еуразиялық экономикалық одаққа мүше мемлекеттердің кеден органдары жүргізетін, кеден ісі саласында қызметін жүзеге асыратын тұлғалар тізілімдері негізінде кеден ісі саласында қызметін жүзеге асыратын тұлғалардың ортақ тізілімдерін қалыптастырады және оларды кемінде айына бір рет Еуразиялық экономикалық одақтың ресми сайтына орналастырылуын қамтамасыз етеді.

      Еуразиялық экономикалық одаққа мүше мемлекеттердің кеден органдары жүргізетін кеден ісі саласында қызметін жүзеге асыратын тұлғалардың ортақ тізілімдерінің нысандарын, оларды қалыптастыру мен жүргізу тәртібін, сондай-ақ кеден ісі саласында қызметін жүзеге асыратын тұлғалардың ортақ тізілімдерінде қамтылған деректерді ұсынудың техникалық шарттарын Комиссия айқындайды.


      486-бап. Кеден ісі саласында қызметін жүзеге асыратын заңды тұлғаның міндеттерді орындауын қамтамасыз ету

      1. Кеден ісі саласында қызметін жүзеге асыратын заңды тұлғаның міндеттерді орындауын қамтамасыз ету мұндай қамтамасыз ету кеден ісі саласында қызметін жүзеге асыратын тұлғалардың тізілімдеріне енгізудің шарты болып табылған жағдайларда беріледі.

      2. Кеден ісі саласында қызметін жүзеге асыратын заңды тұлғаның осы Кодекске сәйкес осындай тұлғаның кедендік баждарды, арнайы, демпингке қарсы, өтем баждарын, өтемақылар төлеу міндеті туындаған не кедендік баждарды, арнайы, демпингке қарсы, өтем баждарын, өтемақылар төлеушімен кедендік баждарды, арнайы, демпингке қарсы, өтем баждарын, өтемақылар төлеу бойынша ортақ міндеті болса, осындай міндеттерді орындауын қамтамасыз ету кеден ісі саласында қызметін жүзеге асыратын заңды тұлғаның кедендік баждарды, арнайы, демпингке қарсы, өтем баждарын, өтемақылар, пайыздар төлеу жөніндегі міндетінің орындалуын қамтамасыз етеді.

      3. Кеден ісі саласында қызметін жүзеге асыратын заңды тұлғаның міндеттерді орындауын қамтамасыз етуді кеден ісі саласында қызметін жүзеге асыруға үміткер заңды тұлға кеден ісі саласында қызметін жүзеге асыратын тұлғалардың тізіліміне енгізу туралы өтініш берілген, кеден ісі саласында қызметін жүзеге асыратын тұлғалардың тиісті тізілімін жүргізуге уәкілетті кеден органына не осы Кодекске сәйкес айқындалатын өзге кеден органына береді.

      4. Кеден ісі саласында қызметін жүзеге асыратын заңды тұлғаның міндетінің орындалуы осы Кодекстің 97-бабының 1-тармағында көрсетілген кедендік баждарды, салықтарды төлеу жөніндегі міндеттің орындалуын қамтамасыз ету тәсілдерімен қамтамасыз етіледі.

      5. Кеден ісі саласында қызметін жүзеге асыратын заңды тұлғаның міндетінің орындалуын қамтамасыз ету үшін мұндай тұлға осы Кодекстің 97-бабының 1-тармағында көрсетілген кез келген тәсілді таңдауға құқылы.

      6. Кеден ісі саласында қызметін жүзеге асыратын заңды тұлғаның міндетінің орындалуы осы баптың 5-тармағын ескере отырып, осындай қамтамасыз етуді беретін заңды тұлғаның таңдауы бойынша бірнеше тәсілмен қамтамасыз етілуі мүмкін.

      7. Егер осы Кодекстің 12-тарауына, 142 және 353-баптарына сәйкес ауыстырылатын кеден ісі саласында қызметін жүзеге асыратын заңды тұлғаның міндетінің орындалуын қамтамасыз етуге өндіріп алу қолданылмаса және (немесе) кеден органы осы тарауға сәйкес кедендік баждардың, салықтардың, өтемақылардың, пайыздардың тиесілі сомаларын төлеу туралы талабын жібермеген және (немесе) Қазақстан Республикасының азаматтық заңнамасына сәйкес кепіл затына өндіріп алу қолданылмаса, кеден ісі саласында қызметін жүзеге асыратын заңды тұлғаның міндетінің орындалуын қамтамасыз етуді берген заңды тұлға осы баптың 5-тармағын ескере отырып, кеден ісі саласында қызметін жүзеге асыратын заңды тұлғаның міндетінің орындалуын қамтамасыз етудің бір тәсілін екінші тәсілмен ауыстыруға құқылы.

      8. Кеден ісі саласында қызметін жүзеге асыратын заңды тұлғаның міндетінің орындалуы кеден ісі саласында қызметін жүзеге асырудың бүкіл кезеңі ішінде үздіксіз қамтамасыз етілуі, ал кедендік баждарды, арнайы, демпингке қарсы, өтем баждарын төлеу жөніндегі, оның ішінде ортақ міндетін орындау, осы Кодексте көзделген жағдайларда – кедендік баждарды, арнайы, демпингке қарсы, өтем баждарын төлеу жөніндегі міндет тоқтатылғанға дейін қамтамасыз етілуі тиіс.

      9. Кеден ісі саласында қызметін жүзеге асыратын заңды тұлғаның міндетінің орындалуын қаматмасыз ету тәсілдерін қолдану тәртібін, бір қамтамасыз ету тәсілін екіншісімен ауыстыру тәртібін уәкілетті орган бекітеді.

      10. Егер кеден ісі саласында қызметін жүзеге асыратын заңды тұлғаның міндетінің орындалуын қамтамасыз етуді беру үшін осындай қамтамасыз ету мөлшері белгіленген шетел валютасын Қазақстан Республикасының ұлттық валютасына қайта есептеу жүргізу қажет болса, мұндай қайта есептеу кепілгерлік шартын немесе кепіл мүлігі туралы шартты немесе сақтандыру шартын жасасқан күні қолданыстағы (мұндай шарттарға өзгерістер енгізілген кезде – кепілгерлік шартына немесе кепіл мүлігі туралы шартқа немесе сақтандыру шартына өзгерістер енгізу туралы шарт жасақан күнге) валюта бағамы бойынша, ал кеден ісі саласында қызметін жүзеге асыратын заңды тұлғаның міндетінің орындалуын қамтамасыз ету берілген кезде, өзге тәсілдермен:

      1) кеден ісі саласында қызметін жүзеге асыруға үміткер заңды тұлғаға жіберілетін кеден ісі саласында қызметін жүзеге асыратын заңды тұлғалардың тізіліміне енгізудің өзге де шарттарының сақталуы туралы хабарламаны кеден органында тіркеу күніне - оны тиісті тізілімге енгізу мақсатында кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз етуді беру кезінде;

      2) кеден ісі саласында қызметін жүзеге асыратын заңды тұлғаның бір тәсілді екіншісімен ауыстыру туралы өтінішін кеден органы тіркеген күні не заңды тұлғаны кеден ісі саласында қызметін жүзеге асыратын тұлғалар тізіліміне енгізу шартын сақтау мақсатында басқа кеден ісі саласында қызметін жүзеге асыратын заңды тұлғаның міндетінің орындалуын қамтамасыз етуді беру кезінде жүргізіледі.

      11. Кеден ісі саласында қызметін жүзеге асыратын заңды тұлғаның міндетінің орындалуын қамтамасыз етуді қайтару мынадай:

      1) кеден ісі саласында қызметін жүзеге асыруға үміткер заңды тұлғаға кеден ісі саласында қызметін жүзеге асыратын тұлғалар тізіліміне енгізуден бас тартқан;

      2) осы баптың 7-тармағына сәйкес бір тәсілді екіншісімен ауыстырған;

      3) заңды тұлғаны кеден ісі саласында қызметін жүзеге асыратын тұлғалар тізілімінен алып тастаған жағдайларда, осындай тұлғада белгіленген мерзімде кедендік баждарды, салықтарды, арнайы, демпингке қарсы, өтем баждарын, өтемақыларды, пайыздарды төлеу жөніндегі міндеті болмаған кезде жүзеге асырылады.

      12. Кеден ісі саласында қызметін жүзеге асыратын заңды тұлғаның міндеттірінің орындалуын қамтамасыз ету ретінде пайдаланылған ақшалай қаражатты (ақшаны) есепке жатқызуды (қайтаруды) осы Кодекстің 113, 114-баптарына сәйкес осындай қамтамасыз ету берілген кеден органы жүзеге асырады.

      13. Егер кеден өкілі және (немесе) кедендік тасымалдаушы ретінде қызметін жүзеге асыратын (қызметін жүзеге асыруға үміткер) заңды тұлға бір мезгілде уәкілетті экономикалық оператор болып табылса (уәкілетті экономикалық операторлар тізіліміне енгізілуге үміткер болса) кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз ету және (немесе) уәкілетті экономикалық оператордың міндеттерінің орындалуын қамтамасыз ету заңды тұлғаны:

      1) кедендік өкілдер тізілімі мен кедендік тасымалдаушылар тізіліміне;

      2) кедендік өкілдер тізілімі мен уәкілетті экономикалық операторлар тізіліміне;

      3) кедендік тасымалдаушылар тізілімі мен уәкілетті экономикалық операторлар тізіліміне егізген кезде осы Кодекстің 496-бабының 1-тармағының 2) тармақшасына, 483-бабының 1-тармағының 2) тармақшасына және 535-бабының 12, 13, 14, 15, 16, 19, 20 және 21-баптарына сәйкес айқындалған қамтамасыз етулердің бірінің ең жоғары сомасы мөлшерінде беріледі.

      14. Осы баптың 13-тармағына сәйкес берілген, кедендік өкіл және (немесе) кедендік тасымалдаушы ретінде қызметін жүзеге асыратын заңды тұлғаның міндеттемелерінің орындалуын қамтамасыз ету осы баптың 2-тармағына және 535-бабының 2-тармағына сәйкес кедендік баждарды, салықтарды, арнайы, демпингке қарсы, өтем баждарын, өтемақыларды, пайыздарды төлеу жөніндегі міндетінің орындалуын қамтамасыз етеді.

      15. Кеден ісі саласында қызметін жүзеге асыратын заңды тұлғалар кедендік баждарды, салықтарды, арнайы, демпингке қарсы, өтем баждарын, өтемақыларды, пайыздарды төлеу жөніндегі міндеттерін орындамаған жағдайда кеден органы, банктің кепілдігінде және (немесе) кепілгерлік шартында көзделген кедендік баждардың, салықтардың, өтемақылардың, пайыздардың тиесілі сомаларын төлеу жөніндегі міндетті орындау мерзімі аяқталғаннан кейін бес жұмыс күні ішінде банкке және (немесе) кепілгерге кедендік баждардың, салықтардың, өтемақылардың, пайыздардың тиесілі сомаларын төлеу туралы талабын жібереді.

      Бұл ретте кедендік баждардың, салықтардың, өтемақылардың, пайыздардың тиесілі сомаларын төлеу жөніндегі міндетті орындау мерзімі аяқталғаннан кейінгі күннен бастап үстемеақы есептеледі.

      Кеден органының кедендік баждардың, салықтардың, өтемақылардың, пайыздардың тиесілі сомаларын төлеу жөніндегі талабын:

      банк - осындай талапты алған күннен бастап екі жұмыс күні ішінде;

      кепілгер - осындай талапты алған күннен бастап бес жұмыс күні ішінде сөзсіз және міндетті түрде орындауы тиіс.

      Банк көрсетілген талапты орындамаған немесе орындау мерзімін бұзған кезде Қазақстан Республикасының заңдарында белгіленген жауаптылықта болады.

      Үстемақыларды, пайыздарды қоса алғанда, әкелу кедендік баждарды төлеуді кейінге қалдыру немесе бөліп төлеу үшін осындай пайыздар есептелген жағдайда кепілгер кеден органы алдында төлеушілер сияқты көлемде жауапкершілікте болады.

      Өндіріп алуды кепіл затына айналдыру Қазақстан Республикасының азаматтық заңнамасына сәйкес жүргізіледі.


      487-бап. Кеден ісі саласында қызметін жүзеге асыратын заңды тұлғалардың жауапкершілігі

      Еуразиялық экономикалық одақтың және (немесе) Қазақстан Республикасының кедендік заңнамасының талаптарын орындамағаны үшін кеден ісі саласында қызметін жүзеге асыратын заңды тұлғалар Қазақстан Республикасының заңдарында белгіленген жауапкершілікте болады.

57-тарау. Кеден өкілі

      488-бап. Кеден өкілінің қызметі

      1. Осы Кодекстің 489-бабында айқындалған шарттарға жауап беретін Қазақстан Республикасының заңды тұлғасы кеден өкілі болып табылады.

      Заңды тұлға кеден өкілдері тізіліміне енгізілгеннен кейін кеден өкілі болып танылады.

      Кеден өкілдері тізілімін уәкілетті орган жүргізеді.

      2. Кеден өкілі декларантті немесе өзге мүдделі тұлғалардың атынан және тапсырмасы бойынша Еуразиялық экономикалық одақтың және (немесе) Қазақстан Республикасының кедендік заңнамасына сәйкес Қазақстан Республикасының аумағында кедендік операцияларды жасайды.

      3. Кеден өкілінің декларанттармен және өзге де мүдделі тұлғалармен қарым-қатынасы шарттық негізде құрылады.

      4. Кедендік операцияларды жасаған кезде кеден өкілі үшін неғұрлым қолайсыз жағдайлар белгіленбеуі немесе декларант немесе өзге де мүдделі тұлғалар кеден операциялар жасаған кезде осы Кодекске сәйкес белгіленген және қойылатын талаптарға қарағанда неғұрлым қатаң талаптар қойылмауы тиіс.


      489-бап. Кеден өкілдері тізіліміне енгізу шарттары

      Кеден өкілі ретінде қызметін жүзеге асыруға үміткер заңды тұлғаны кеден өкілдерінің тізіліміне енгізу шарттары:

      1) ұсынылатын тұлғалардың мүлкіне зиян келтіру немесе сақтандыру шартында белгіленген сақтандыру сомасына осы тұлғалармен жасалған шарттарды бұзу салдарынан болуы мүмкін, кеден өкілінің азаматтық жауапкершілігінің тәуекелін сақтандыру шартының болуы;

      2) кеден ісі саласында қызметін жүзеге асыратын заңды тұлғаның міндеттерін Комиссия айқындайтын мөлшерде, ал кеден өкілі ретіндегі қызметінің саласы кеденді баждар салынбайтын және экспорт кедендік рәсімімен орналастырылатын тауарларға қатысты кедендік операциялар жасаумен шектелетін заңды тұлғаға қатысты Қазақстан Республикасының салық заңнамасына сәйкес нарықтық валюта бағамын қолданумен жүз елу мың евроға баламалы мөлшерде заңды тұлғаның міндеттерінің орындалуын қамтамасыз ету;

      3) кеден өкілдері тізіліміне енгізу туралы кеден органына өтініш жасаған күні мерзімінде орындалмаған кедендік төлемдерді, салықтарды, арнайы, демпингке қарсы, өтем баждарын, өтемақыларды, пайыздарды төлеу жөніндегі міндеті болмау;

      4) электрондық шот-фактуралар ақпараттық жүйесін пайдалану туралы шарттың (келісімнің) болуы.


      490-бап. Кеден өкілдері тізіліміне енгізу тәртібі

      1. Кеден өкілдері тізіліміне енгізу туралы өтініш уәкілетті орган бекіткен нысан бойынша ұсынылады.

      Кеден өкілдері тізіліміне енгізу туралы өтінішті заңды тұлға электрондық құжат түрінде беруге құқылы.

      2. Өтінішке мәлімделген мәліметтерді растайтын мынадай құжаттар қоса беріледі:

      2) осы Кодекстің 10-тарауына сәйкес кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз етуді тіркеу туралы мәліметтер;

      3) азаматтық-құқықтық жауапкершілікті сақтандыру шарты.

      3. Осы баптың 2-тармағында көзделген құжаттарды оларда қамтылған ақпаратты мемлекеттік ақпараттық жүйелерден және (немесе) мәліметтер нысанынан алу мүмкін болған жағдайда талап етілмейді.

      4. Қоса берілген құжаттары бар өтінішті уәкілетті орган ол уәкілетті органға келіп түскен бастап он жұмыс күні ішінде қарайды.

      5. Тізілімге енгізу туралы өтініш уәкілетті орган басшысының не оны ауыстыратын тұлғаның, не уәкілетті орган басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      6. Осы баптың 2-тармағында көрсетілген құжаттар ұсынылмаған немесе өтініш беруші осы Кодекстің 489-бабында белгіленген талаптарға сай келмеген жағдайда кеден өкілдері тізіліміне енгізуден бас тарту туралы шешім қабылданады. Өтініш беруші осы бұзушылықтарды жойғаннан кейін өтініш осы Кодексте белгіленген тәртіппен қарастырылады.

      7. Тұлғаны кеден өкілдері тізіліміне енгізген немесе енгізуден бас тартқан жағдайда уәкілетті орган өтініш берушіге жазбаша нысанда хабарлайды.


      491-бап. Кеден өкілдері тізіліміне енгізілген тұлғалардың қызметін тоқтата тұру мен қалпына келтірудің негіздері мен тәртібі

      1. Кеден өкілдері тізіліміне енгізілген тұлғалардың қызметін тоқтата тұрудың негіздері:

      1) кеден өкілінің оның кеден өкілі ретінде қызметін тоқтаты тұруы туралы жазбаша өтініші;

      2) кеден органы осы Кодекстің 489-бабының 1), 2), 4) тармақшаларында көзделген кеден өкілдерінің тізіліміне енгізу шарттарын бұзғаны анықталған кезде;

      3) осы Кодекстің 86-бабының 3-тармағына және 137-бабының 3-тармағына сәйкескеден органы жіберген хабарламада көрсетілген мерзімде осы Кодекстің 494-бабының 1-тармағының 4) тармақшасында көзделген міндеттерін орындамаған не тиісті орындамаған кезде;

      4) осы Кодекстің 494-бабының 1-тармағының 2) тармақшасында көзделген міндеттерін орындамаған жағдайда;

      5) 1997 жылғы 16 шілдедегі Казақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Казақстан Республикасы Қылмыстық кодексінің 234, 236 және 286-баптарына сәйкес кеден өкілі ретіндегі қызметі шеңберінде кеден өкілдерінің басшылары, бас бухгалтерлері болып табылған жеке тұлғаларға қатысты қылмыстық іс қозғау болып табылады.

      2. Осы баптың 1-тармағының 1) тармақшасында белгіленген негіздер бойынша кеден өкілінің қызметі алты айға дейінгі мерзімге тоқтатыла тұрады.

      Осы баптың 1-тармағының 2), 3) және 4) тармақшаларында белгіленген негіз бойынша кеден өкілінің қызметі кеден өкілдері тізіліміне енгізілген тұлғаның қызметін тоқтата тұруға әкеп соқтырған себептерді жоюға қажет, бірақ күнтізбелік алпыс күннен аспайтын мерзімге тоқтатыла тұрады.

      Осы баптың 1-тармағының 5) тармақшасында белгіленген негіз бойынша кеден өкілінің қызметі:

      қылмыстың жауапкершіліктен босату туралы сот шешімі;

      қылмыстық жауапкершілікке тарту туралы сот шешімі;

      қылмыстық іс бойынша іс жүргізуді тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатыла тұрады.

      3. Кеден өкілінің қызметін тоқтата тұру туралы шешім заңды тұлғаны кеден өкілдерінің тізіліміне енгізген кеден органы басшысының не оны ауыстыратын тұлғаның не кеден органының басшысы орынбасарының бұйрығымен:

      осы баптың 1-тармағының 1) тармақшасына сәйкес өтініш кеден органында тіркелген күннен бастап және бұйрық қабылданған күннен бастап күшіне енеді;

      осы баптың 1-тармағының 2), 3), 4) және 5) тармақшаларына сәйкес кеден органы мән-жайларды анықтаған күннен бастап бес жұмыс күні ішінде ресімделеді.

      Кеден өкілінің қызметін тоқтата тұру туралы шешім бұйрық қабылданған күннен бастап күшіне енеді.

      4. Осы баптың 2-тармағында көзделген бұйрық қабылданған күннен бастап заңды тұлғаның кеден өкілі ретінде қызметін жүзеге асыруына жол берілмейді.

      5. Кеден өкілі өзінің қызметін қайта қалпына келтіру үшін заңды тұлғаны кеден өкілдері тізіліміне енгізген кеден органына кеден өкілдері тізіліміне енгізілген тұлғаның қызметін тоқтата тұруға әкеп соқтырған себептердің жойылуын растайтын құжаттарды қоса жазбаша өтініш ұсынады.

      Кеден өкілі ретіндегі қызмет заңды тұлғаны кеден өкілдерінің тізіліміне енгізген кеден органы басшысының не оны ауыстыратын тұлғаның не кеден органының басшысы орынбасарының бұйрығымен, кеден өкілінің қызметін тоқтата тұруға әкеп соқтырған себептер жойылған кезде көрсетілген тұлға кеден органында тіркелген күннен бастап бес жұмыс күні ішінде қайта қалпына келтіріледі.

      Осы баптың 1-тармағының 1) тармақшасында көзделген кеден өкілінің қызметі тоқтатыла тұрған жағдайда кеден өкілінің қызметін қайта қалпына келтіру үшін кеден өкілінің осы баптың 2-тармағының бірінші абзацында белгіленген мерзім өткенге дейін берген оның кеден өкілі ретінде қызметін қайта қалпына келтіруі туралы жазбаша өтініші болып табылады.

      6. Кеден өкілінің қызметін тоқтата тұру немесе көрсетілген тұлғаның осындай қызметін қайта қалпына келтіруі туралы шешім кеден өкіліне жазбаша немесе электронды нысанда тиісті шешім қабылданған күннен кейінгі бір жұмыс күнінен кешіктірмей жеткізіледі.


      492-бап. Кеден өкілдері тізілімінен алып тастау үшін негіздер

      1. Кеден өкілін кеден өкілдері тізілімінен алып тастау үшін негіздер:

      1) осы Кодекстің 86-бабының 3-тармағына және 137-бабының 3-тармағына және 353-бабының 4-тармағына сәйкес кеден органы жіберген хабарламада көрсетілген мерзімде осы Кодекстің 494-бабының 1-тармағының 4) тармақшасында көзделген міндетін орындамауы не тиісті орындалмауы;

      2) кеден өкілінің оны кеден өкілдері тізілімінен алып тастау туралы өтініші;

      3) кеден өкілдері тізіліміне енгізілген заңды тұлғаның жойылуы;

      4) заңды тұлғаны қайта құру нысанында қайта ұйымдастыруды қоспағанда, кеден өкілдері тізіліміне енгізілген заңды тұлғаның қайта ұйымдастырылуы;

      5) кеден өкілінің қызметін қайта қалпына келтіруі туралы кеден өкілінің өтініші болмаған кезде осы Кодекстің 491-бабының 2-тармағында көрсетілген, кеден өкілі қызметін тоқтата тұру мерзімінің өтуі;

      6) Кодекстің 491-бабының 2-тармағында көзделген мерзімде Кодекстің 491-бабының 1-тармағының 2), 3) және 4) тармақшаларында көзделген негіздер бойынша кеден өкілінің қызметі тоқтатыла тұрған себептерді жоймау.

      7) бір күнтізбелік жыл бойы Қазақстан Республикасының Әкімшілік құқық бұзушылықтар туралы кодексінің 551-бабына сәйкес екіден астам әкімшілік құқық бұзушылықтар үшін әкімшілік жауапкершілікке тартылуы;

      8) 1997 жылғы 16 шілдедегі Казақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Казақстан Республикасы Қылмыстық кодексінің 234, 236 және 286-баптарына сәйкес кеден өкілі ретіндегі қызметі шеңберінде кеден өкілдерінің басшылары, бас бухгалтерлері болып табылған жеке тұлғаларды қылмыстық жауапкершілікке тарту туралы шешімнің заңды күшіне енуі болып табылады.

      2. Кеден өкілдері тізілімінен алып тастау туралы шешім, алып тастау себептері көрсетіле отырып, уәкілетті орган басшысының не оны ауыстыратын тұлғаның не уәкілетті органның басшысы орынбасарының бұйрығымен ресімделеді.

      3. Кеден өкілін тізілімнен алып тастау туралы шешім кеден өкіліне жазбаша немесе электронды нысанда тиісті шешім қабылданған күннен кейінгі бір жұмыс күнінен кешіктірмей жеткізіледі.

      4. Осы баптың 1-бабының 1), 2), 4), 5), 7), 8) және 9) тармақшаларында көзделген негіздер бойынша тұлғаны кеден өкілдері тізілімінен алып тасаған жағдайда көрсетілген тұлғаның тиісті тізілімге енгізу туралы қайталап берілген өтінішін уәкілетті орган тұлғаны осындай тізілімнен шығару туралы бұйрық қабылданған күннен бастап бір жыл өткен соң қарастырады.


      493-бап. Кеден өкілінің құқықтары

      1. Кедендік операцияларды жасаған кезде кеден өкілі оны кеден органдарымен өзара қарым-қатынастарда өзінің мүдделерін білдіруға уәкілеттік берген тұлғаның құқықтары сияқты құқықтарды иеленеді.

      2. Өз қызметін жүзеге асырған кезде кеден өкілі:

      өзі білдіретін тұлғадан кедендік операцияларды жасау үшін қжет, оның ішінде коммерциялы, банктік және өзге де заңмен қорғалатын құпияны не бас құпия ақпаратты қамтитын құжаттар мен мәліметтерді талап етуге және мұндай құжаттар мен мәліметтерді осы Кодексте белгіленген сақтауды қамтамасыз ету мерзімінде алуға;

      осы Кодекстің 49-тарауында белгіленген тәртіппен кеден органдарының ақпаратты автоматтандырылған түрде өңдеу, кедендік мақсаттарды қажет деректерді электронды түрде беру үшін пайдаланатын ақпараттың жүйлер мен ақпараттық ресурстарға қол жеткізуге құқылы.

      3. Кеден өкілі тауарлардың жекелеген санаттарына қатысты кеденді операциялау жасауымен, жекелеген қызмет өңірінде жекелеген кедендік операцияларды немесе кедендік операцияларды жасауымен өзінің қызмет саласын шектеуге құқылы.

      Егер кеден өкілі ретіндегі қызмет саласын әкелу кедендік баждар салынбайтын және экспорт кедендік рәсімімен орналастырылған тауарларға қатысты кедендік операциялау жасаумен шектесе және кеден өкілдері тізіліміне енгізілген кезде ол кеден ісі саласында қызметін жүзеге асыратын заңды тұлғаның міндеттерінің орындалуын жүз елу мың евроға баламалы мөлшерде қамтамасыз етсе, онда мұндай кеден өкілі өзге тауарларға қатысты кедендік операцияларды және өзге кедендік рәсімдермен орналастыруға байланысты кедендік операцияларды жасауға құқылы емес.

      3. Жекелеген кеден өкілдеріне айрықша (эксклюзивті) құқықтар мен жеке сипаттағы өзге де артықшылықтарды беруге тыйым салынады.


      494-бап. Кеден өкілінің міндеттері

      1. Кеден өкілі:

      1) осы Кодекстің 489-бабында белгіленген кеден өкілдерінің тізіліміне енгізу шарттарын сақтауға;

      2) уәкілетті орган бекіткен тәртіппен, оның ішінде ақпараттық-коммуникациялық технологияларды пайдалана отырып, кеден органдарына есептілік ұсынуға;

      3) Қазақстан Республикасының заңнамасында белгіленген жағдайларды қоспағанда, оның және (немесе) оның жұмыскерлерінің өз мақсаттарында оларды ұсынған тұлғалардан алынған, мемлекеттік, коммерциялық, банктік құпияны және өзге заңдармен қорғалатын құпияны (құпияларды), сондай-ақ басқа құпия ақпаратты таратпауға, пайдаланбауға;

      4) осы баптың 4-тармағында көзделген, осы баптың 5-тармағына сәйкес кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттерін кеден органы осы Кодекстің 86-бабының 3-тармағына және 137-бабының 3-тармағына және 353-бабының 4-тармағына сәйкес кеден органы жіберген хабарламада көрсетілген мерзімнің соңғы күнінен кешіктірмей орындауға;

      5) оның кеден өкілдерінің тізіліміне енгізген кеден органын ол кеден өкілдерінің тізіліміне енгізілген кезде мәлімдеген мәліметтердің өзгеруі туралы хабардар етуге және мұндай мәліметтер өзгерген күннен бастап немесе оған олардың өзгергені белгілі болған күннен бастап бес жұмыс күні ішінде мұндай өзгерстерді растайтын құжаттарды ұсынуға;

      6) осы Кодексте белгіленген өзге де міндеттерді сақтауға міндетті.

      2. Кеден өкілінің кедендік операцияларды жасау кезіндегі міндеттері Еуразиялық экономикалық одақтың және (немесе) Қазақстан Республикасының кедендік заңнамасында белгіленген талаптар мен шарттарға негізделген.

      3. Кеден өкілінің міндетіне Еуразиялық экономикалық одақтың және Қазақстан Республикасының кедендік заңнамасына сәйкес олар ұсынатын тұлғаларға ғана жүктелетін кедендік рәсімдер мен өзге де міндеттерге сәйкес тауарларды пайдалану шарттарын сақтау кірмейді.

      4. Кеден өкілі декларанттың атынан кедендік операциялар жасаған жағдайда кеден өкілі осындай декларантпен кедендік баждарды, салықтарды, арнайы, демпингке қарсы, өтем баждарын төлеу жөніндегі міндетін орындауы тиіс кедендік баждарды, салықтарды, арнайы, демпингке қарсы, өтем баждарын төлеу жөніндегі ортақ міндетін көтереді.

      5. Осы Кодесте көзделген, кедендік баждарды, салықтарды, арнайы, демпингке қарсы, өтем баждарын төлеу жөніндегі міндет орындалуы тиіс кездегі мән-жайлар басталған кезде, мұндай міндетті орындау:

      1) тауарлар орналастырылған кедендік рәсімге сәйкес тауарларды пайдалану шарттары сақталмауға;

      2) осы Кодекстің 9-тарауға сәйкес кедендік баждарды, салықтарды төлеу мерзімдері өзгеруге;

      3) кедендік баждарды, салықтарды төлеу бойынша жеңілдіктер берудің мақсаттары мен шарттарын бұза отырып және (немесе) осындай жеңілдіктерді қолдануға байланысты тауарларды пайдалану және (немесе) билік ету бойынша шектеулер жасауға;

      4) декларанттан не мүдделі тұлғадан алдына дұрыс емес (жалған) мәліметтерді және (немесе) оның негізінде кедендік декларация берілген жалған құжаттарды пайдалануға байланысты жағлайларды қоспағанда, кеден өкілі өзі ұсынатын тұлғамен ортақ орындайды. Декларанттан не мүдделі тұлғадан алдына дұрыс емес (жалған) мәліметтерді және (немесе) жалған құжаттарды алу фактісі, сондай-ақ мұндай жағдайларда кеден өкілінің кінәсының болмауы соттың, уәкілетті кеден органының (лауазымды тұлғаның) шешімімен не медиация туралы заңнамада белгіленген тәртппен расталады.

      6. Кеден өкілінің кеден органдары алдындағы міндеттері ұсынылатын тұлғамен жасалатын шартпен шектеле алмайды.

      7. Міндеттер барлық кеден органдары үшін бірдей болып табылады.

58-тарау.Кедендік тасымалдаушы

      495-бап. Кедендік тасымалдаушының қызметі

      1. Кедендік тасымалдаушы осы Кодекстің 496-бабында айқындалған шарттарға сай келетін Қазақстан Республикасының заңды тұлғасы болып табылады.

      Заңды тұлға кедендік тасымалдаушылар тізіліміне енгізілгеннен кейін кедендік тасымалдаушы болып танылады.

      Кедендік тасымалдаушылар тізілімін уәкілетті орган жүргізеді.

      2. Кедендік тасымалдаушы кедендік бақылаудағы тауарларды Еуразиялық экономикалық одақтың аумағы бойынша тасымалдауды (тасуды) жүзеге асырады.

      3. Аумақтық кеден органдары кедендік тасымалдаушылар тізіліміне енгізілуі туралы ақпаратты, сондай-ақ тиісті қызметті тоқтата тұру, қайта қалпына келтіру немесе көрсетілген тұлғаларды тізілімнен алып тастау туралы ақпаратты уәкілетті органға жібереді.

      4. Кедендік тасымалдаушының мәртебесі нысанын Комиссия айқындайтын құжатпен расталады. Көрсетілген құжатты заңды тұлға кедендік тасымалдаушылар тізіліміне енгізілгеннен кейін аумақтық кеден органы береді.

      5. Егер мұндай құжат туралы мәліметтер осы Кодекстің 146-бабының 2-тармағына сәйкес кеден органдарының ақпараттық жүйелерінен алынуы мүмкін болса, тауарлар кедендік транзит кедендік рәсіммен орналастырылған кезде кедендік тасымалдаушының мәртебесін осы баптың 4-тармағында көрсетілген құжатты ұсынбай растауға болады.


      496-бап. Кедендік тасымалдаушылар тізіліміне енгізу шарттары

      1. Кедендік тасымалдаушы ретінде қызметін жүзеге асыруға үміткер заңды тұлғаны кедендік тасымалдаушылар тізіліміне енгізу шарттары:

      1) кеден органына жүгіну күніне кемінде екі жыл бойы жүктер тасымалдау қызметін жүзеге асыру;

      2) осындай қамтамасыз етуді шығару күніне Қазақстан Республикасының салық заңнамасына сәйкес нарықтық валюта бағамын қолдана отырып, екі жүз мың евроға баламалы мөлшерде, ал Комиссия өзге қамтамасыз ету мөлшерін айқындаса – Комиссия айқындаған мөлшерде кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз ету;

      3) егер мұндай қызмет түрі Қазақстан Республикасының заңнамасына сәйкес көрсетілген құжаттың болуын талап етсе, жүктерді тасымалдау жөніндегі қызметті жүзеге асыруға арналған рұқсат ету құжатының болуы;

      4) тауарларды тасымалдауға пайдаланылатын көлік құралы, оның ішінде кедендік пломбамен және мөрлермен бекітілген тауарларды тасымалдауға жарамды көлік құралдары жеке меншікте, жедел басқаруда немесе жалда болуы;

      5) кеден органына жүгіну күніне белгілнген мерзімде кедендік төлемдерді, салықтарды, арнайы, демпингке қарсы, өтем баждарын, өсімақыларды, пайыздарды төлеу бойынша орындалмаған міндеттерінің болмауы;

      6) кеден органына жүгінген күнге дейін бір жыл бойы Қазақстан Республикасының Әкімшілік құқық бұзушылық кодексінің 521, 523, 524, 525, 526, 527, 528, 529 және 530,  533 және 534, 549, 550, 555, 558-баптарына сәйкес әкімшілік жауапкершілікке тарту фактілерінің болмауы;

      7) байланыс арналары бойынша дабыл беру арқылы көлік құралының орналасқан жерін айқындуға мүмкіндік беретін спутниктік навигация жүйесі техникалық жабдығының болуы;

      8) электрондық шот-фактуралардың ақпараттық жүйесін пайдалану туралы шарттың (келісімнің) болуы.

      Техникалық жабдыққа қойылатын талаптар, оны қалдану тәртібі мен ерекшеліктерін көлік түріне қарай уәкілетті орган бекітеді.

      2. Комиссия кеден іс саласында қызметін жүзеге асыратын заңды тұлғаның міндеттерінің орындалуын қамтамасыз етудің осы баптың 1-тармағының 2) тармақшасында көзделгеннен өзге мөлшерін айқындауға құқылы.


      497-бап. Кедендік тасымалдаушыларды тізілімге енгізу тәртібі

      1. Кедендік тасымалдаушыларды тізілімге енгізу туралы өтініш уәкілетті орган бекіткен нысан бойынша ұсынылады.

      Кедендік тасымалдаушыларды тізілімге енгізу туралы өтінішті заңды тұлға электрондық құжат түрінде беруге құқылы.

      2. Өтінішке мәлімделген мәліметтерді растайтын мынадай құжаттар қоса беріледі:

      2) осы Кодекстің 10-тарауына сәйкес кеден ісі саласында қызметін жүзеге асыратын заңды тұлғаның міндеттерінің орындалуын қамтамасыз ету тіркелгені туралы мәліметтер;

      2) кедендік тасымалдаушы ретінде қызметін жүзеге асыру кезінде пайдаланылуы болжанған, халықаралық тасымалдау көлік құралын иелену құқығын растайтын құжаттардың нотариалды расталған көшірмелері;

      3) халықаралық тасымалдау көлік құралына кедендік пломбамен және мөрлермен бекітілген тауарларды тасымалдауға жол берілгені туралы куәліктердің көшірмесі;

      4) егер мұндай қызмет түрі Қазақстан Республикасының заңнамасына сәйкес көрсетілген құжаттың болуы талап етсе, жүктерді тасымалдау бойынша қызметті жүзеге асыруға арналған рұқсат беру құжаттарының көшірмесі;

      5) қызмет аймағында заңды тұлға тіркелген аумақтық кеден органының осы Кодекстің 496-бабының 1-тармағының 4) және 7) тармақшаларында айқындалған шарттарға сәйкестігіне қорытындысы.

      Оларда қамтылған ақпаратты мемлекеттік ақпарат жүйелерінен және (немесе) мәліметтер нысанынан алуға мүмкін болған жағдайда, осы тармақта көзделген құжаттарды ұсыну талап етілмейді.

      3. Қоса берілген құжаттары бар өтінішті аумақтық кеден органы оны аумақтық кеден органында тіркеген күннен бастап он жұмыс күні ішінде қарайды.

      4. Тізілімге енгізу туралы шешім уәкілетті орган басшысының не оны ауыстыратын тұлғаның, не уәкілетті орган басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Кедендік тасымалдаушылар тізіліміне енгізуден бас тарту туралы шешім осы баптың 2-тармағында көрсетілген құжаттар ұсынылмаған немесе өтініш беруші осы Кодекстің 496-бабында белгіленген талаптарға сәйкес келмеген жағдайда қабылданады. Өтініш беруші аталған бұзушылықтарды жойғаннан кейін өтініш осы Кодексте белгіленген тәртіппен қарастырылады.

      6. Тұлғаны кедендік тасымалдаушылар тізіліміне енгізген немесе енгізуден бас тартқан жағдайда, аумақтық кеден органы өтініш берушіге жазбаша нысанда хабарлайды.


      498-бап. Кедендік тасымалдаушылар тізіліміне енгізілген тұлғалардың қызметін тоқтата тұру мен қайта қалпына келтірудің негіздері мен тәртібі

      1. Кедендік тасымалдаушылар тізіліміне енгізілген тұлғалардың қызметін тоқтата тұру мен қайта қалпына келтірудің негіздері:

      1) кедендік тасымалдаушының кедендік тасымалдаушылар тізілімінен алып тастау туралы өтініші;

      2) кеден органы осы Кодекстің 483-бабының 1-тармағының 3), 4), 7) және 8) тармақшаларында көзделген кедендік тасымалдаушылар тізіліміне енгізу шарттарының бұзылғанын анықтаған кезде;

      3) осы Кодекстің 86-бабының 3-тармағына және 137-бабының 3-тармағына және 347-бабының 4-тармағына сәйкес кеден органы жіберген хабарламада көрсетілген мерзімде осы Кодекстің 500-бабының 5) тармақшасында көзделген міндетті орындамаған не тиісті орындамаған кезде;

      4) Кодекстің 500-бабының 3) тармақшасында көзделген міндетті орындамаған жағдайда;

      5) 1997 жылғы 16 шілдедегі Казақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Казақстан Республикасы Қылмыстық кодексінің 234, 236 және 286-баптарына сәйкес кедендік тасымалдаушы ретіндегі қызметі шеңберінде кедендік тасымалдаушлардың басшылары, бас бухгалтерлері болып табылған жеке тұлғаларды қылмыстық іс қозғалғанда.

      2. Осы баптың 1-тармағының 1) тармақшасында белгіленген негіздер бойынша кедендік тасымалдаушының қызметі алты айға дейінгі мерзімге тоқтатыла тұрады.

      Осы баптың 1-тармағының 2), 3), 4) тармақшаларында белгіленген негіз бойынша кедендік тасымалдаушының қызметі кедендік тасымалдаушылар тізіліміне енгізілген тұлғаның қызметін тоқтата тұруға әкеп соқтырған себептерді жоюға қажет, бірақ күнтізбелік алпыс күннен аспайтын мерзімге тоқтатыла тұрады.

      Осы баптың 1-тармағының 5) тармақшааында белгіленген негіз бойынша кедендік тасымалдаушының қызметі:

      қылмыстың жауапкершіліктен босату туралы сот шешімі;

      қылмыстық жауапкершілікке тарту туралы сот шешімі;

      қылмыстық іс бойынша іс жүргізуді тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатыла тұрады.

      3. Кедендік тасымалдаушының қызметін тоқтата тұру туралы шешім заңды тұлғаны кедендік тасымалдаушылар тізіліміне енгізген кеден органы басшысының не оны ауыстыратын тұлғаның не кеден органының басшысы орынбасарының бұйрығымен:

      осы баптың 1-тармағының 1) тармақшасына сәйкес өтініш кеден органында тіркелген күннен бастап және бұйрық қабылданған күннен бастап күшіне енеді;

      осы баптың 1-тармағының 2), 3), 4) 5) тармақшаларына сәйкес кеден органы мән-жайларды анықтаған күннен бастап бес жұмыс күні ішінде ресімделеді.

      Кедендік тасымалдаушының қызметін тоқтата тұру туралы шешім бұйрық қабылданған күннен бастап күшіне енеді.

      4. Осы баптың 3-тармағында көзделген бұйрық қабылданған күннен бастап заңды тұлғаның кедендік тасымалдаушы ретінде қызметін жүзеге асыруына жол берілмейді.

      5. Кедендік тасымалдаушы өзінің қызметін қайта қалпына келтіру үшін заңды тұлғаны кедендік тасымалдаушылар тізіліміне енгізген кеден органына кедендік тасымалдаушылар тізіліміне енгізілген тұлғаның қызметін тоқтата тұруға әкеп соқтырған себептердің жойылуын растайтын құжаттарды қоса, жазбаша өтініш ұсынады.

      Кедендік тасымалдаушы ретіндегі қызмет заңды тұлғаны кедендік тасымалдаушылар тізіліміне енгізген кеден органы басшысының не оны ауыстыратын тұлғаның не кеден органының басшысы орынбасарының бұйрығымен, кедендік тасымалдаушының қызметін тоқтата тұруға әкеп соқтырған себептер жойылған кезде көрсетілген тұлға кеден органында тіркелген күннен бастап бес жұмыс күні ішінде қайта қалпына келтіріледі.

      Осы баптың 1-тармағының 1) тармақшасында көзделген кедендік тасымалдаушының қызметі тоқтатыла тұрған жағдайда кедендік тасымалдаушының қызметін қайта қалпына келтіру үшін кедендік тасымалдаушының осы баптың 2-тармағының бірінші абзацында белгіленген мерзім өткенге дейін берген оның кедендік тасымалдаушы ретінде қызметін қайта қалпына келтіруі туралы жазбаша өтініші болып табылады.

      6. Кедендік тасымалдаушының қызметін қызметін қайта қалпына келтіруі туралы өтінішті қарау кезінде аумақтық кеден органы, егер кедендік тасымалдаушының қызметі осы Кодекстің 496-бабының 1-тармағының 7) тармақшасында көзделген негіздер бойынша тоқтатыла тұрған болса, осындай қызметті тоқтата тұруға әкеп соқтырған себептердің жойылуын растайтын құжаттарды тексереді, сондай-ақ осындай қызметті тоқтата тұруға әкеп соқтырған себептердің жойылуын растау мақсатында өтініш берушінің көлік құралын тексеріп қарауды жүргізеді.

      Көлік құралдарын тексеріп қарау нысанын уәкілеттін орган бекітеді.

      7. Кедендік тасымалдаушының қызметін тоқтата тұру туралы немесе көрсетілген тұлғаның мұндай қызметін қайта қалпына келтіруі туралы шешім кедендік тасымалдаушыға тиісті шешім қабылданған күннен кейінгі бір жұмыс күнінен кешіктірілмей жеткізіледі


      499-бап. Кедендік тасымалдаушылар тізілімінен шығару үшін негіздер

      1. Кедендік тасымалдаушыны кедендік тасымалдаушылардың тізілімінен шығару үшін мыналар:

      1) кедендік тасымалдаушының осы Кодекстің 500-бабының 2), 4) тармақшаларында көзделген міндеттерді орындамауы;

      2) кедендік тасымалдаушының кедендік тасымалдаушылардың тізілімінен шығару туралы өтініші;

      3) кедендік тасымалдаушылардың тізіліміне енгізілген заңды тұлғаның таратылуы;

      4) қайта құру нысанындағы қайта ұйымдастырылуды қоспағанда, кедендік тасымалдаушылардың тізіліміне енгізілген заңды тұлғаның қайта ұйымдастырылуы;

      5) кедендік тасымалдаушының кедендік тасымалдаушы қызметін қайта бастау туралы өтініші болмаған кезде, осы Кодекстің 497-бабы 2-тармағының бірінші абзацында көрсетілген кедендік тасымалдаушының қызметін тоқтата тұру мерзімінің өтуі;

      6) осы Кодекстің 498-бабы 2-тармағының екінші абзацында көзделген мерзімнің өтуі бойынша осы Кодекстің 497-бабы 1-тармағының 2), 3), 4) тармақшаларында көзделген негіздер бойынша кедендік тасымалдаушының қызметі тоқтатылған себептерді жоймауы;

      7) Қазақстан Республикасының Әкімшілік құқық бұзушылық туралы Кодексінің 521, 523, 524, 525, 526, 527, 528, 529 және 530,  533 және 534, 549, 550 және 555, 558-баптарына сәйкес күнтізбелік бір жыл ішінде кедендік тасымалдаушының әкімшілік құқық бұзушылық үшін екі реттен көп әкімшілік жауапкершілікке тартылуы;

      8) кедендік тасымалдаушы ретіндегі қызмет шеңберінде 1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына сәйкес, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236, 258 және 286-баптарына сәйкес қылмыстық жауаптылыққа кедендік тасымалдаушының басшысы, бас бухгалтері болып табылатын жеке тұлғаның қылмыстық жауаптылыққа тартылуы туралы сот шешімінің заңды күшіне енуі негіз болып табылады.

      2. Кедендік тасымалдаушыларды тізілімінен шығару туралы шешім, шығару себебі көрсетіле отырып, аумақтық кеден орган басшысының не оны алмастыратын адамның не аумақтық кеден органының басшысы орынбасарының бұйрығымен ресімделеді.

      3. Кедендік тасымалдаушыны тізілімінен шығару туралы шешім, тиісті шешім қабылданған күннен күннен кейінгі бір жұмыс күнінен кешіктірмей кеден өкіліне жазбаша немесе электронды нысанда жеткізіледі.

      4. Тұлға осы баптың 1-тармағының 1), 3), 4), 6), 7), 8) тармақшаларында көзделген негіздемелер бойынша кедендік тасымалдаушылар тізілімінен шығарылған жағдайда, аталған тұлғаның тиісті тізілімге енгізу туралы қайтадан берілген өтінішін аумақтық кеден органы шығару туралы бұйрық қабылданған күннен бастап бір жыл өткен соң қарайды.


      500-бап. Кедендік тасымалдаушының міндеттері

      1. Кедендік тасымалдаушы:

      1) осы Кодекстің 496-бабы 1-тармағының 2), 3), 4), 6), 7) және 8) тармақшаларында кедендік тасымалдаушылардың тізіліміне енгізу шарттарын сақтауға;

      2) кедендік транзит кедендік рәсіміне сәйкес тауарларды тасымалдау кезінде осы Кодексте белгіленген шарттарды сақтауға және талаптарды орындауға;

      3) кедендік транзит кедендік рәсіміне сәйкес тасымалданатын (тасылатын) тауарлардың есебін жүргізуге және уәкілетті орган бекіткен тәртіппен кеден органдарына мұндай тауарларды тасымалдау (тасу) туралы есептілік, оның ішінде ақпараттық технологияларды пайдалана отырып ұсынуға;

      4) Қазақстан Республикасының заңнамасында белгіленген жағдайларды қоспағанда, тауарларды жөнелтушіден, оларды алушыдан немесе экспедитордан алған мемлекеттік, коммерциялық, банктік және заңмен қорғалатын өзге де құпияны құрайтын ақпаратты, сондай-ақ басқа да құпия ақпаратты жария етпеуге, өз мақсаттары үшін пайдаланбауға және өзге тұлғаларға бермеуге;

      5) осы Кодекстің 233 және 392-баптарына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша міндеттерді осы Кодекстің 86-бабының 3-тармағына, 137-бабының 3-тармағына және 353-бабының 4-тармағына сәйкес кеден органы жолдаған хабарламада көрсетілген мерзімнің соңғы күнінен кешіктірмей орындауға;

      6) кедендік тасымалдаушылардың тізіліміне енгізген кеден органына кедендік тасымалдаушылардың тізіліміне енгізілген кезде өзі мәлімдеген мәліметтердің өзгергені туралы хабарлауға және мұндай мәліметтер өзгерген күннен бастап немесе өзіне мұндай өзгерістер белгілі болған күннен бастап бес жұмыс күні ішінде мұндай өзгерістерді растайтын құжаттарды ұсынуға міндетті.

59-тарау. Уақытша сақтау қоймасының иесі

      501-бап. Уақытша сақтау қоймасы иесінің қызметі

      1. Осы Кодекстің 503-бабында айқындалған шарттарға жауап беретін, Қазақстан Республикасының аумағында құрылған, Қазақстан Республикасының заңды тұлғасы уақытша сақтау қоймасынің иесі болып табылады.

      Заңды тұлға уақытша сақтау қоймасы иелерінің тізіліміне енгізілгенген кейін уақытша сақтау қоймасының иесі болып танылады.

      2. Уақытша сақтау қоймасының иесі осы Кодексте белгіленген жағдайларда және шарттарда кедендік бақылаудағы тауарларды уақытша сақтау қоймасында сақтауды жүзеге асырады.

      3. Уақытша сақтау қоймасы иесінің декларантпен немесе өзге де мүдделі тұлғалармен қатынасы шарт негізінде құрылады.

      4. Аумақтық кеден органы уақытша сақтау қоймасы иелерінің тізіліміне енгізу туралы ақпаратты, сондай-ақ тиісті қызметтің тоқтатылғаны, қайта басталғаны немесе көрсетілген тұлғалардың тізілімнен шығарылғаны туралы деректерді уәкілетті органға жолдайды.


      502-бап. Уақытша сақтау қоймалары

      1. Тауарларды уақытша сақтауға арналған арнайы белгіленген және жайластырылған құрылыстар, үй-жай (үй-жайдың бөлігі) және (немесе) ашық алаңдар уақытша сақтау қоймалары болып табылады.

      2. Уақытша сақтау қоймасы мүше мемлекеттің тұлғасы уақытша сақтау қоймалары иелерінің тізіліміне енгізілген күннен кейінгі күннен бастап құрылған болып саналады.

      3. Уақытша сақтау қоймасының жұмыс істеуі уақытша сақтау қоймасының иесі уақытша сақтау қоймалары иелерінің тізілімінен шығарылған күннен кейінгі күннен бастап тоқтатылады.

      4. Уақытша сақтау қоймасы ретінде пайдалануға арналған немесе пайдаланылатын құрылыстарды, үй-жайды (үй-жайдың бөлігі) және (немесе) ашық алаңдарды орналастыруға, жайластыруға және жабдықтауға қойылатын талаптарды уәкілетті орган бекітеді.


      503-бап. Уақытша сақтау қоймалары иелерінің тізіліміне енгізу шарттары

      1. Мыналар:

      1) меншігінде, шаруашылық жүргізуінде, оралымды басқаруында немесе жалға алынған, уақытша сақтау қоймасы ретінде пайдалануға арналған және мынадай талаптарға сай келетін:

      көлік құралдарының аумаққа кіруін және аумақтан шығуын, адамдардың қойма аумағында күнтізбелік отыз күн ішінде болған оқиғалар туралы бейне ақпараттарды қарауды жүзеге асыруға мүмкіндік беретін, тәулік бойғы режимде жұмыс істейтін бейне бақылау құралдарымен жабдықталған аумаққа және (немесе) үй-жайларға (кедендік бақылауға жататын құжаттар, тауарлар мен көлік құралдары тұрған) кіруін және аумақтан және (немесе) үй-жайлардан шығуын бақылау жүйесінің болуы;

      қажетті тиеу-түсіру механизмдерінің және арнаулы техниканың, сондай-ақ орналастырылатын тауарлар мен көлік құралдарының сипатына сәйкес сертификатталған таразы жабдығының, ал арнаулы сақтау орнына газ орналастырылатын жағдайда тиісті есептеу аспаптарының болуы;

      техникалық жарамды кіреберіс жолдарының болуы;

      тауарларды тексеріп қарау үшін орындардың, оның ішінде электр жарығымен жарақтандырылған және соңғы күнтізбелік отыз күн ішінде бейне ақпараттарды қарауды жүзеге асыруға мүмкіндік беретін, тәулік бойғы режимде жұмыс істейтін бейне бақылау құралдарымен жабдықталған орындары бар жабық алаңдардың болуы. Бұл ретте тексеріп қарау орны периметрі бойынша сары түсті бояумен белгіленген (сызылған) болуы және бейнебақылау құралдары үшін көрінбей қалатын аймақтар (учаскелер) болмауға тиіс;

      аумақта қойма қызметіне байланысы жоқ ғимараттар (құрылыстар) мен құрылысжайлар орналаспауға тиіс;

      заңды тұлғаны уақытша сақтау қоймасы иелерінің тізіліміне енгізу кезінде:

      табиғи өскен ағаш бұтақты және шөпті өсімдіктер өскен аумақ учаскелерін қоспағанда, жапсарлас тиеу-түсіру алаңдарын қоса алғанда, аумақ осы Кодекстің 404-бабының 5-тармағына сәйкес белгіленуге және оның бетон немесе асфальт төсемі болуға тиіс;

      2) сақтауда тұрған басқа тұлғалардың тауарларына зиян келтіру немесе басқа тұлғалармен жасалған сақтау шарттарының өзге талаптарын бұзу салдарынан туындауы мүмкін, шартта белгіленген сақтандыру сомасындағы уақытша сақтау қоймасы иесінің азаматтық жауапкершілік тәуекелін сақтандыру шартының болуы;

      3) кеден органына өтініш берген күні белгіленген мерзімде кедендік төлемдерді, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша орындалмаған міндеттемелердің болмауы;

      4) кеден органына өтініш берілген күнге дейін бір жыл ішінде Қазақстан Республикасы Әкімшілік құқық бұзушылық туралы кодексінің 521, 528, 532, 533, 534, 539, 540, 555, 558-баптарына сәйкес әкімшілік жауаптылыққа тартылу фактілерінің болмауы;

      5) электрондық шот-фактуралардың ақпараттық жүйесін пайдалану туралы шарттың (келісімнің) болуы заңды тұлғаны уақытша сақтау қоймалары иелерінің тізіліміне енгізу шарттары болып табылады.

      2. Егер уақытша сақтау қоймалары иелерінің тізіліміне енгізу туралы өтінішті берген күні құрылыс, үй-жай (үй-жайдың бөлігі) және (немесе) ашық алаңдар жалға алынған болса, мұндай құрылыс, үй-жай (үй-жайдың бөлігі) және (немесе) ашық алаңдарға қатысты жалға алу шарты кемінде бір жыл мерзімге жасалуға тиіс.


      504-бап. Уақытша сақтау қоймалары иелерінің тізіліміне енгізу тәртібі

      1. Уақытша сақтау қоймалары иелерінің тізіліміне енгізу туралы өтініш уақытша сақтау қоймалары иесінің азаматтық-құқықтық жауапкершілігін сақтандыру шарты қоса беріле отырып, уәкілетті орган бекіткен нысанда ұсынылады.

      Уақытша сақтау қоймалары иелерінің тізіліміне енгізу туралы өтінішті заңды тұлға электрондық құжат түрінде беруге құқылы.

      2. Өтінішті қызмет аймағында уақытша сақтау қоймасы құрылатын аумақтық кеден органында оны тіркеген күннен бастап он жұмыс күні ішінде аумақтық кеден органы қарайды.

      3. Аумақтық кеден органының лауазымды тұлғасы осы Кодекстің 415-бабының 3-тармағына сәйкес өтініш берушінің үй-жайлары мен аумақтарының осы Кодекстің 503-бабы 1-тармағының 1) тармақшасында айқындалған талаптарға сәйкестігін қарап-тексереді.

      Қарап-тексеруді жүргізу кезінде өтініш беруші аумақтық кеден органының лауазымды тұлғасына түпнұсқаларын көрсете отырып, мынадай құжаттардың:

      1) уақытша сақтау қоймасы ретінде пайдалануға арналған құрылыстың, үй-жайлардың (үй-жайдың бөлігінің) және (немесе) ашық алаңдардың меншігінде, шаруашылық жүргізуінде, жедел басқаруында немесе жалға алынғандығын растайтын құжаттарды;

      2) уақытша сақтау қоймасының иесі бекіткен және аумақтық кеден органымен келісілген, уақытша сақтау қоймасы ретінде мәлімделген үй-жайлар мен аумақтардың жоспарларын, сызбаларын;

      3) қажетті тиеу-түсіру механизмдері мен арнаулы техниканың, сондай-ақ орналастырылатын тауарлар мен көлік құралдарының сипатына сай келетін сертификатталған таразы жабдығының, ал арнаулы сақтау орнына газ орналастырылатын жағдайда тиісті есептеу аспабының бар екенін растайтын құжаттарды ұсынады.

      Бұл ретте ұсынылған құжаттардың көшірмелері аумақтық кеден органында қалатын, үй-жайлар мен аумақтарды кедендік қарап-тексеру актісіне қоса беріледі.

      Үй-жайлар мен аумақтарды кедендік қарап-тексерудің аяқталуы бойынша үй-жайлар мен аумақтарды кедендік қарап-тексеру актінің бір данасы заңды тұлғаға беріледі.

      Осы баптың 3-тармағының 2) тармақшасында көзделген құжаттарды кеден органымен келісу үй-жайлар мен аумақтарды кедендік қарап-тексеру жүргізілгеннен кейін мұндай құжаттарға аумақтық кеден органы басшысының, ол өкілеттік берген аумақтық кеден органы басшысы орынбасарының не оны алмастыратын адамның келісімі туралы жазбаша белгі қою арқылы жүзеге асырылады.

      4. Тізілімге енгізу туралы шешім аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Уақытша сақтау қоймалары иелерінің тізіліміне енгізуден бас тарту туралы шешім осы баптың 1 және 3-тармақтарында көрсетілген құжаттар ұсынылмаған немесе өтініш беруші осы Кодекстің 503-бабында белгіленген талаптарға сәйкес келмеген жағдайда қабылданады.

      6. Тұлғаны уақытша сақтау қоймалары иелерінің тізіліміне енгізген немесе енгізуден бас тартқан жағдайда аумақтық кеден органы бас тартудың себебін көрсете отырып, өтініш берушіні жазбаша немесе электронды нысанда хабардар етеді.


      505-бап. Уақытша сақтау қоймасы иесінің қызметін тоқтата тұру және қайта бастау

      1. Заңды тұлғаның уақытша сақтау қоймасының иесі ретіндегі қызметі мынадай жағдайларда:

      1) еркін қойманың қызметін тоқтата тұру себептерін көрсете отырып, уақытша сақтау қоймасы иесінің жазбаша өтініші бойынша;

      2) кеден органы осы Кодекстің 503-бабы 1-тармағының 1), 2), 5) тармақшаларында көзделген уақытша сақтау қоймасы иесінің тізіліміне енгізу шарттарының бұзылғанын анықтаған кезде тоқтатылады;

      3) осы Кодекстің 86-бабының 3-тармағына және 137-бабының 3-тармағына сәйкес кеден органы жолдаған хабарламада көрсетілген мерзімде осы Кодекстің 507-бабы 1-тармағының 9) тармақшасында көзделген міндеттерді орындамаған не тиісінше орындамаған кезде;

      4) осы Кодекстің 507-бабы 1-тармағының 1), 2), 4), 5), 6) тармақшаларында көзделген міндеттерді орындамаған жағдайда;

      5) 1997 жылғы 16 шілдедегі Қазақстан Республикасының Қылмыстық кодексінің 209, 217 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес уақытша сақтау қоймасының иесі ретіндегі қызметінің шеңберінде уақытша сақтау қоймасы иесінің басшысы, бас бухгалтері болып табылатын жеке тұлғаларға қатысты қылмыстық іс қозғау.

      2. Уақытша сақтау қоймасы иесінің қызметі осы баптың 1-тармағының 1) тармақшасында белгіленген негіздер бойынша алты айға дейінгі мерзімге тоқтатылады.

      Уақытша сақтау қоймасы иесінің қызметі осы баптың 1-тармағының 2), 3), 4) тармақшаларында белгіленген негіздер бойынша уақытша сақтау қоймалары иелерінің тізіліміне енгізілген тұлғаның қызметін тоқтатуға алып келген себептерді жою үшін қажетті мерзімге, бірақ күнтізбелік алпыс күннен аспайтын мерзімге тоқтатылады.

      Уақытша сақтау қоймасы иесінің қызметі осы баптың 1-тармағының 5) тармақшасында белгіленген негіздер бойынша:

      қылмыстық жауапкершіліктен босату туралы соттың шешімі;

      қылмыстық жауапкершілікке тарту туралы соттың шешімі;

      қылмыстық іс бойынша өндірісті тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатылады.

      2. Уақытша сақтау қоймасы иесінің қызметі осы баптың 1-тармағының 1) тармақшасында белгіленген негіздер бойынша алты айға дейінгі мерзімге тоқтатылады.

      Уақытша сақтау қоймасы иесінің қызметі осы баптың 1-тармағының 2), 3), 4) тармақшаларында белгіленген негіздер бойынша уақытша сақтау қоймалары иелерінің тізіліміне енгізілген тұлғаның қызметін тоқтатуға алып келген себептерді жою үшін қажетті мерзімге, бірақ күнтізбелік алпыс күннен аспайтын мерзімге тоқтатылады.

      Уақытша сақтау қоймасы иесінің қызметі осы баптың 1-тармағының 5) тармақшасында белгіленген негіздер бойынша:

      қылмыстық жауапкершіліктен босату туралы соттың шешімі;

      қылмыстық жауапкершілікке тарту туралы соттың шешімі;

      қылмыстық іс бойынша өндірісті тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатылады.

      3. Уақытша сақтау қоймасы иесінің қызметін тоқтата тұру туралы шешім:

      осы баптың 1-тармағының 1) тармақшасына сәйкес кеден органында өтініш тіркелген күннен бастап және бұйрық қабылданған күннен бастап күшіне енеді.

      осы баптың 1-тармағының 2), 3), 4) тармақшаларына сәйкес кеден органы мән-жайларды анықтаған күннен бастап бес жұмыс күні ішінде кеден органы басшысының не оны алмастыратын адамның не уақытша сақтау қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен ресімделеді.

      Уақытша сақтау қоймасы иесінің қызметін тоқтата тұру туралы шешім бұйрық қабылданған күннен бастап күшіне енеді.

      4. Осы баптың 3-тармағында көзделген бұйрық қабылданған күннен бастап тауарларды уақытша сақтау қоймасына орналастыруға жол берілмейді.

      5. Уақытша сақтаудағы халықаралық тасымалдаудың тауарлары мен көлік құралдарын осы Кодекстің 149-бабы 1-тармағының 1), 2), 3) тармақшаларында көрсетілген тұлғалар, олар болмаған кезде уақытша сақтау қоймасының иесі осы баптың 2-тармағында көзделген бұйрық қабылданған күннен бастап күнтізбелік алпыс күн ішінде өзге уақытша сақтау орындарына орналастыруға және (немесе) басқа кедендік рәсіммен орналастыруға мәлімделуге тиіс.

      6. Уақытша сақтау қоймасының иесі өзінің қызметін қайта бастау үшін уақытша сақтау қоймалары иелерінің тізіліміне заңды тұлғаны енгізген кеден органына уақытша сақтау қоймасы иесінің қызметін тоқтатуға алып келген себептердің жойылғанын растайтын құжаттарды қоса бере отырып, жазбаша өтініш береді.

      Уақытша сақтау қоймасының иесі ретіндегі қызмет уақытша сақтау қоймасы иесінің қызметін тоқтатуға алып келген себептерді жойған кезде кеден органына аталған тұлғаның өтініші тіркелген күннен бастап бес жұмыс күні ішінде кеден органы басшысының не оны алмастыратын адамның не уақытша сақтау қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен қайта басталады.

      Осы баптың 1-тармағының 1) тармақшасында көзделген уақытша сақтау қоймасы иесінің қызметі тоқтатылған жағдайда, уақытша сақтау қоймасы иесінің осы баптың 2-тармағының бірінші абзацында белгіленген мерзім өткенге дейін, олардың уақытша сақтау қоймасының иесі ретіндегі қызметін қайта бастау туралы жазбаша өтініші уақытша сақтау қоймасы иесінің қызметін қайта бастау үшін негіз болып табылады.

      7. Уақытша сақтау қоймасы иесінің қызметін қайта бастау туралы өтінішті қарау кезінде, аумақтық кеден органы уақытша сақтау қоймасы иесінің қызметін тоқтатуға алып келген себептердің жойылғанын растайтын құжаттарды текереді, сондай-ақ егер уақытша сақтау қоймасы иесінің қызметі осы Кодекстің 503-бабы 1-тармағының 1) тармақшасында көзделген негіздер бойынша тоқтатылған жағдайларда, мұндай қызметті тоқтатуға алып келген себептердің жойылғанын растау мақсатында өтініш берушінің үй-жайлары мен аумағына тексеру жүргізеді.

      8. Уақытша сақтау қоймасы иесінің қызметін тоқтата тұру туралы немесе аталған тұлғаның мұндай қызметті қайта бастау туралы шешімі тиісті шешім қабылданған күнінен кейінгі бір жүмыс күнінен кешіктірілмей уақытша сақтау қоймасы иесінің назарына жеткізіледі.


      506-бап. Уақытша сақтау қоймалары иелерінің тізілімінен шығару үшін негіздер

      1. Уақытша сақтау қоймасының иесін уақытша сақтау қоймалары иелерінің тізілімінен шығару үшін:

      1) уақытша сақтау қоймасы иесінің осы Кодекстің 507-бабы 1-тармағының 3) тармақшасында көзделген міндеттерді орындамауы;

      2) уақытша сақтау қоймасы иесінің уақытша сақтау қоймалары иелерінің тізілімінен шығару туралы өтініші;

      2) уақытша сақтау қоймасы иесінің уақытша сақтау қоймалары иелерінің тізілімінен шығару туралы өтініші;

      4) мұндай тұлғаны қайта құру нысанында қайта ұйымдастыруды қоспағанда, уақытша сақтау қоймалары иелерінің тізіліміне енгізілген заңды тұлғаның қайта ұйымдастырылуы.

      5) уақытша сақтау қоймасының қызметін қайта бастау туралы уақытша сақтау қоймасы иесінің өтініші болмаған кезде, осы Кодекстің 505-бабы 2-тармағының бірінші абзацында көрсетілген уақытша сақтау қоймасы иесінің қызметін тоқтата тұру мерзімінің өтуі;

      6) осы Кодекстің 505-бабы 2-тармағының бірінші абзацында көзделген мерзімнің өтуі бойынша, осы Кодекстің 505-бабы 1-тармағының 2), 3), 4) тармақшаларында көзделген негіздер бойынша уақытша сақтау қоймасы иесінің қызметін тоқтата тұру бойынша себептерді жоймауы.

      7) Қазақстан Республикасының әкімшілік құқық бұзушылық туралы кодексінің 521, 528, 532, 533, 534, 539, 540, 555, 558-баптарына сәйкес уақытша сақтау қоймасы иесінің бір жылдың ішінде екі реттен артық әкімшілік құқық бұзушылықты жасағаны үшін әкімшілік жауаптылыққа тартылуы;

      8) 1997 жылғы 16 шілдедегі Қазақстан Республикасының Қылмыстық кодексінің 209, 217 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236,258 және 286-баптарына сәйкес уақытша сақтау қоймасының иесі ретіндегі қызметінің шеңберінде уақытша сақтау қоймасы иесінің басшысы, бас бухгалтері болып табылатын жеке тұлғаны қылмыстық жауаптылыққа тарту туралы сот шешімінің заңды күшіне енуі негіз болып табылады.

      2. Уақытша сақтау қоймалары иелерінің тізілімінен шығару туралы шешім шығару себептері көрсетіле отырып, аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді.

      3. Тізілімнен уақытша сақтау қоймасының иесін шығару туралы шешім тиісті шешім қабылданған күннен кейінгі бір жүмыс күнінен кешіктірілмей жазбаша немесе электрондық нысанда уақытша сақтау қоймасы иесінің назарына жеткізіледі.

      4. Осы баптың 1-тармағының 1), 3), 4), 6), 7) және 8) тармақшаларында көзделген негіздер бойынша уақытша сақтау қоймалары иелерінің тізілімінен шығарылған жағдайда, аталған тұлғаның тиісті тізілімге енгізу туралы қайтадан берген өтінішін аумақтық кеден органы тұлғаны мұндай тізілімнен шығару туралы бұйрық қабылданған күннен бастап бір жыл өткеннен кейін қарайды.

      5. Уақытша сақтаудағы халықаралық тасымалдаудың тауарлары мен көлік құралдарын осы Кодекстің 149-бабы 1-тармағының 1), 2), 3) тармақшаларында көрсетілген тұлғалар, олар болмаған кезде уақытша сақтау қоймасының иесі осы баптың 2-тармағында көзделген бұйрық қабылданған күннен бастап күнтізбелік алпыс күн ішінде өзге уақытша сақтау орындарына орналастыруға және (немесе) басқа кедендік рәсіммен орналастыруға мәлімделуге тиіс.


      507-бап. Уақытша сақтау қоймасы иесінің міндеттері

      1. Уақытша сақтау қоймасының иесі:

      1) осы Кодекстің 503-бабы 1-тармағының 1), 2) және 5) тармақшаларында белгіленген, уақытша сақтау қоймалары иелерінің тізіліміне енгізу шарттарын сақтауға;

      2) тауарларды сақтауға және уақытша сақтау қоймасында операцияларды жасауға қатысты осы Кодексте шарттарды сақтауға және талаптарды орындауға;

      3) уақытша сақтау қоймасындағы тауарлардың сақталуын қамтамасыз етуге;

      4) кедендік бақылауды жүргізу мүмкіндігін қамтамасыз етуге;

      5) уақытша сақтау қоймасындағы тауарлардың есебін жүргізуге және уәкілетті орган бекіткен тәртіпте кеден органдарына мұндай тауарлар туралы есептілікті, оның ішінде ақпараттық технологияларды пайдалана отырып ұсынуға;

      6) уақытша сақтау қоймасының қызметкерлері болып табылмайтын немесе уақытша сақтау қоймасында сақталатын тауарларға қатысты өкілеттігі жоқ бөгде адамдарды уақытша сақтау қоймасына кеден органдарының рұқсатынсыз кіргізбеуге;

      7) уақытша сақтау қоймасында сақталатын тауарларға кеден органдарының лауазымды адамдарының қолжетімділігіне қатысты кеден органдарының талаптарын орындауға;

      8) уақытша сақтау қоймасының жұмыс істеуі тоқтатылған жағдайда уақытша сақтау қоймасына тауарларды орналастырған тұлғаларға осы қойманың жұмыс істеуін тоқтату туралы шешім қабылданған күннен кейінгі күннен бастап үш жұмыс күні ішінде мұндай шешім туралы хабарлауға;

      9) осы Кодекстің 174-бабына сәйкес кедендік баждарды, салықтарды, арнайы, демпингке қарсы, өтемдік баждарын төлеу бойынша міндеттерді осы Кодекстің 86-бабы 3-тармағына, 137-бабы 3-тармағына және 353-бабы 4-тармағына сәйкес кеден органдары жолдаған хабарламада көрсетілген мерзімнің соңғы күнінен кешіктірмей орындауға;

      10) уақытша сақтау қоймалары иелерінің тізіліміне енгізілген кезде өзі мәлімдеген мәліметтердің өзгергені туралы уақытша сақтау қоймалары иелерінің тізіліміне енгізген кеден органына хабарлауға және мұндай мәліметтер өзгерген күннен бастап немесе өзіне мұндай өзгерістер белгілі болған күннен бастап бес жұмыс күні ішінде мұндай өзгерістерді растайтын құжаттарды ұсынуға;

      11) уәкілетті органмен бекітілген тәртіпте кеден органдарының бейнеақпараттарға қол жеткізуін қамтамасыз етуге;

      12) уақытша сақтау қоймасына орналастыру үшін тауарларды көлік құралдарынан түсіру қажет болған кезде қоймаға орналастыру мақсаты үшін тасымалдаушы түсіру жұмыстарының басталуын тауарға ілеспе құжаттарды табыс еткен кезден бастап төрт сағаттан кешіктірілмейтін мерзімде қамтамасыз етуге міндетті.

      2. Уақытша сақтау қоймасының аумағы тек осы Кодексте белгіленген талаптарға сәйкес пайдаланылуға тиіс. Көрсетілген орындарды өзге мақсаттарда пайдалануға жол берілмейді.

60-тарау. Кеден қоймасының иесі

      508-бап. Кеден қоймасы иесінің қызметі

      1. Кеден қоймасының иесі осы Кодекстің 510-бабында айқындалған шарттарға сәйкес келетін Қазақстан Республикасының заңды тұлғасы болып табылады.

      Заңды тұлға, кеден қоймалары иелерінің тізіліміне енгізгеннен кейін кеден қоймасының иесі болып танылады.

      2. Кеден қоймасының иесі осы Кодексте белгіленген жағдайларда және шарттарда кеден қоймасына кедендік рәсіммен орналастырылған тауарларды не өзге де тауарларды сақтауды жүзеге асырады.

      3. Кеден қоймасы иесінің декларанттармен немесе өзге мүдделі тұлғалармен қатынасы шарт негізінде құрылады.

      4. Аумақтық кеден органдары кеден қоймалары иелерінің тізіліміне енгізгені туралы ақпаратты, сондай-ақ тиісті қызметті тоқтата тұрғаны, қайта бастағаны немесе аталған тұлғаларды тізілімінен шығарғаны туралы деректерді уәкілетті органға жібереді.


      509-бап. Кеден қоймалары және олардың түрлері

      1. Кеден қоймасының кедендік рәсімімен орналастырылған тауарларды сақтауға арналған арнайы белгіленген және жайластырылған құрылыстар, үй-жайлар (үй-жайлардың бөлігі) және (немесе) ашық алаңдар кеден қоймалары болып табылады.

      Осы тараудың талаптарын сақтау шарттары кезінде экспорттың кеден рәсімімен орналастырылған Еуразиялық экономикалық одақтың тауарларын сақтауға рұқсат етіледі.

      2. Кеден қоймасы кеден қоймалары иелерінің тізіліміне Қазақстан Республикасының заңды тұлғасын енгізген күннен кейінгі күннен бастап құрылған болып саналады.

      3. Кеден қоймасының жұмыс істеуі кеден қоймасының иесін кеден қоймалары иелерінің тізілімінен шығарған күннен кейінгі күннен бастап тоқтатылады.

      4. Кеден қоймалары ашық немесе жабық типте болуы мүмкін.

      Кеден қоймалары, егер олар кез келген тауарларды сақтау және тауарларға қатысты өкілеттіктерге ие кез келген тұлғалардың пайдалануы үшін қолжетімді болса, ашық типтегі қоймалар болып табылады.

      Кеден қоймалары, егер олар осы кеден қоймасы иесінің тауарларын сақтауға арналған болса, жабық типтегі қоймалар болып табылады.

      Ашық типтегі кеден қоймасы үй-жайының бір бөлігі уақытша сақтау қоймалары иелерінің тізіліміне енгізілмей, тауарларды уақытша сақтау қоймасы ретінде пайдалануы мүмкін. Кеден қоймасы үй-жайының бір бөлігі тауарларды уақытша сақтау қоймасы ретінде пайдаланған жағдайда, ол үй-жайдың қалған бөлігінен тұтас қоршаумен оқшаулануға тиіс.

      4. Кеден қоймасы ретінде пайдалануға арналған немесе пайдаланылатын құрылыстар, үй-жай (үй-жайдың бөлігі) және (немесе) ашық алаңдарды орналастыруға, жайластыруға және жабдықтауға қойылатын талаптарды уәкілет орган бекітеді.


      510-бап. Кеден қоймалары иелерінің тізіліміне енгізу шарттары

      1. Мыналар:

      1) меншігінде, шаруашылық жүргізуінде, оралымды басқаруында немесе жалға алынған, уақытша сақтау қоймасы ретінде пайдалануға арналған және мынадай талаптарға сай келетін құрылыстардың, үй-жайлардың (үй-жайдың бөлігі) және (немесе) ашық алаңдардың болуы:

      ашық типтегі қоймалар үшін - қойма аумағында соңғы күнтізбелік отыз күн ішінде болған оқиғалар туралы бейне ақпараттарды қарауды жүзеге асыруға мүмкіндік беретін, тәулік бойғы режимде жұмыс істейтін бейне бақылау құралдарымен жабдықталған аумаққа көлік құралдарының кіруін және аумақтан шығуын, адамдардың және аумаққа (немесе) үй-жайларға (кедендік бақылауға жататын құжаттар, тауарлар мен көлік құралдары тұрған) кіруін және аумақтан және (немесе) үй-жайлардан шығуын бақылау жүйесінің болуы;

      қажетті тиеу-түсіру механизмдерінің және арнаулы техниканы иелену, пайдалану және (немесе) билік ету құқығын растаудың, сондай-ақ орналастырылатын тауарлар мен көлік құралдарының сипатына сәйкес сертификатталған таразы жабдығының, ал арнаулы сақтау орнына газ орналастырылатын жағдайда тиісті есептеу аспаптарының болуы;

      техникалық жарамды кіреберіс жолдарының болуы;

      тауарларды тексеріп қарау үшін орындардың, оның ішінде электр жарығымен жарақтандырылған және күнтізбелік отыз күн ішінде болған оқиғалар туралы бейне ақпараттарды қарауды жүзеге асыруға мүмкіндік беретін, тәулік бойы режимде жұмыс істейтін бейне бақылау құралдарымен жабдықталған жабық алаңдардың болуы. Бұл ретте, тексеріп қарау орындары сары түсті бояумен немесе жабысқақ жолақпен белгіленген болуға және бейнебақылау құралдары үшін көрінбей қалатын аймақтар (учаскелер) болмауға тиіс;

      заңды тұлғаны кеден қоймалары иелерінің тізіліміне енгізген кезде:

      аумағында шығу тегі табиғи сүректі-бұта және шөптесін өсімдіктер орналасқан учаскелерді қоспағанда, жапсарлас тиеу-түсіру алаңын қоса алғанда, аумақ осы Кодекстің 396-бабының 5-тармағына сәйкес белгіленуге және бетон, асфальт не өзге де қатты төсемі болуға тиіс;

      аумақта қойма қызметіне байланысы жоқ ғимараттар (жапсарлас құрылыстар) мен құрылыстар орналаспауға тиіс;

      жапсарлас тиеу-түсіру алаңын қоса алғанда, аумақ (бір немесе бірнеше қойма үй-жайы мен алаң) біртұтас және бөлінбейтін кешен болуға, бір почта мекенжайы бойынша орналасуға және барлық периметрі бойынша бірыңғай үздіксіз қоршауы болуға тиіс;

      2) ашық типтегі кеден қоймаларының иелері ретіндегі кеден қоймалары иелерінің тізіліміне енгізуге үміткер заңды тұлғалар үшін - басқа тұлғалардың сақтауда тұрған тауарларына зиян келтіру немесе басқа тұлғалармен шартта белгіленген сақтандыру сомасына жасалған, сақтау шарттарының өзге талаптарын бұзу салдарынан туындауы мүмкін кеден қоймалары иелерінің азаматтық жауапкершілігі тәуекелін сақтандыру шартының бар болуы;

      3) кеден органына жүгіну күні белгіленген мерзімде кедендік баждарды, салықтарды, арнайы, демпингке қарсы, өтемдік баждарын, өсімпұлдарды, пайыздарды төлеу бойынша орындалмаған міндеттердің болмауы;

      4) кеден органына жүгіну күніне дейін бір жылдың ішінде Қазақстан Республикасының әкімшілік құқық бұзушылық туралы кодексінің 521, 528, 532, 533, 534, 539, 540, 544, 555, 558-баптарына сәйкес әкімшілік жауаптылыққа тартылу фактілерінің болмауы;

      5) электрондық шот-фактуралардың ақпараттық жүйесін пайдалану туралы шарттың (келісімнің) болуы кеден қоймасының иесі ретінде қызметті жүзеге асыруға үміткер заңды тұлғаны кеден қоймалары иелерінің тізіліміне енгізу шарттары болып табылады.

      2. Егер құрылыстар, үй-жай (үй-жайдың бөлігі) және (немесе) ашық алаңдар кеден қоймалары иелерінің тізіліміне енгізу туралы өтініш берілген күні жалға алынған болса, мұндай құрылыстар, үй-жай (үй-жайдың бөлігі) және (немесе) ашық алаңдарға қатысты жалға алу шарты кемінде үш жыл мерзімге жасалуға тиіс.


      511-бап. Кеден қоймалары иелерінің тізіліміне енгізу тәртібі

      1. Кеден қоймалары иелерінің тізіліміне енгізу туралы өтініш кеден қоймасы иесінің азаматтық-құқықтық жауапкершілігін сақтандыру шарты қоса беріле отырып, уәкілетті орган бекіткен нысанда ұсынылады.

      Кеден қоймалары иелерінің тізіліміне енгізу туралы өтінішті заңды тұлға электрондық құжат түрінде беруге құқылы.

      2. Өтінішті аумақтық кеден органы тіркеген күннен бастап он жұмыс күні күн ішінде қызмет аймағында кеден қоймасы құрылатын аумақтық кеден орган қарайды.

      3. Аумақтық кеден органының лауазымды адамы осы Кодекстің 415-бабының 3-тармағына сәйкес өтініш берушінің үй-жайлары мен аумақтарының осы Кодекстің 510-бабы 1-тармағының 1) тармақшасында айқындалған талаптарға сәйкестігін қарап-тексереді.

      Қарап-тексеруді жүргізу кезінде өтініш беруші аумақтық кеден органының лауазымды адамына түпнұсқаларын көрсете отырып, мынадай құжаттардың:

      1) кеден қоймасы ретінде пайдалануға арналған құрылыстар, үй-жай (үй-жайдың бөлігі) және (немесе) ашық алаңдардың меншігінде, шаруашылық жүргізуінде, оралымды басқаруында немесе жалға алынған растайтын;

      2) кеден қоймасының иесі бекіткен және аумақтық кеден органымен келісілген кеден қоймасы ретінде мәлімделген үй-жайлар мен аумақтардың жоспарларының, сызбаларының;

      3) қажетті тиеу-түсіру механизмдері мен арнаулы техниканы, сондай-ақ орналастырылатын тауарлар мен көлік құралдарының сипатына сай келетін сертификатталған таразы жабдығын, ал арнаулы сақтау орнына газ орналастырылатын жағдайда тиісті есептеу аспабын иелену, пайдалану және (немесе) билік ету құқығын растайтын құжаттардың көшірмелерін ұсынады.

      Бұл ретте ұсынылған құжаттардың көшірмелері аумақтық кеден органында қалатын, үй-жайлар мен аумақтарды кедендік қарап-тексеру актісіне қоса беріледі.

      Үй-жайлар мен аумақтарды кедендік тексеру аяқталғаннан кейін кедендік тексеру актісінің екінші данасы заңды тұлғаға табыс етіледі.

      Осы баптың 3-тармағы 2) тармақшасында көзделген құжаттарды кеден органымен келісу аумақтық кеден органы басшысының, ол уәкілеттік берген аумақтық кеден органы басшысының орынбасары не олардың орнын алмастыратын адамдар осындай құжаттарға келіскені туралы жазбаша белгі қою жолымен үй-жайлар мен аумақтарды кедендік қарап-тексеруді жүргізгеннен кейін жүзеге асырылады.

      4. Тізілімге енгізу туралы шешім аумақтық кеден орган басшысының не оны алмастыратын адамның, аумақтық кеден органының басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Еркін қоймалары иелерінің тізіліміне енгізуден бас тарту туралы шешім осы баптың 1 және 3-тармақтарында көрсетілген барлық құжаттар ұсынылмаған немесе өтініш беруші осы Кодекстің 510-бабында белгіленген талаптарға сай келмеген жағдайларда қабылданады.

      Аталған бұзушылықтарды өтініш беруші жойғаннан кейін өтініш осы Кодексте белгіленген тәртіппен қаралады.

      6. Тұлғаны кеден қоймалары иелерінің тізіліміне енгізген немесе енгізуден бас тартылған жағдайда аумақтық кеден органы өтініш берушіні жазбаша нысанда хабардар етеді.


      512-бап. Кеден қоймасы иесінің қызметін тоқтата тұру және қайта бастау

      1. Заңды тұлғаның кеден қоймасының иесі ретіндегі қызметі мынадай жағдайларда:

      1) еркін қойманың қызметін тоқтата тұру себептерін көрсете отырып, кеден қоймасы иесінің жазбаша өтініші бойынша;

      2) кеден органы осы Кодекстің 510-бабы 1-тармағының 1), 2), 5) тармақшаларында көзделген кеден қоймасы иесінің тізіліміне енгізу шарттарының бұзылғанын анықтаған кезде тоқтатыла тұрады;

      3) осы Кодекстің 86-бабының 3-тармағына және 137-бабының 3-тармағына сәйкес кеден органы жолдаған хабарламада көрсетілген мерзімде осы Кодекстің 514-бабы 1-тармағының 9) тармақшасында көзделген міндеттерді орындамаған не тиісінше орындамаған кезде;

      4) осы Кодекстің 514-бабы 1-тармағының 1), 2), 4), 5), 6) тармақшаларында көзделген міндеттерді орындамаған жағдайда;

      5) 1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес кеден қоймасының иесі ретіндегі қызметінің шеңберінде Кеден қоймасы иесінің басшысы, бас бухгалтері болып табылатын жеке тұлғаларға қатысты қылмыстық іс қозғау.

      2. Кеден қоймасы иесінің қызметі осы баптың 1-тармағының 1) тармақшасында белгіленген негіздер бойынша алты айға дейінгі мерзімге тоқтатылады.

      Кеден қоймасы иесінің қызметі осы баптың 1-тармағының 2), 3), 4) тармақшаларында белгіленген негіздер бойынша Кеден қоймалары иелерінің тізіліміне енгізілген тұлғаның қызметін тоқтатуға алып келген себептерді жою үшін қажетті мерзімге, бірақ күнтізбелік алпыс күннен аспайтын мерзімге тоқтатылады.

      Кеден қоймасы иесінің қызметі осы баптың 1-тармағының 5) тармақшасында белгіленген негіздер бойынша:

      қылмыстық жауапкершіліктен босату туралы соттың шешімі;

      қылмыстық жауапкершілікке тарту туралы соттың шешімі;

      қылмыстық іс бойынша өндірісті тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатылады.

      3. Кеден қоймасы иесінің қызметін тоқтата тұру туралы шешім:

      осы баптың 1-тармағының 1) тармақшасына сәйкес кеден органында өтініш тіркелген күннен бастап және бұйрық қабылданған күннен бастап күшіне енеді.

      осы баптың 1-тармағының 2), 3), 4), 5) тармақшаларына сәйкес кеден органы мән-жайларды анықтаған күннен бастап бес жұмыс күні ішінде кеден органы басшысының не оны алмастыратын адамның не кеден қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен ресімделеді.

      Кеден қоймасы иесінің қызметін тоқтата тұру туралы шешім бұйрық қабылданған күннен бастап күшіне енеді.

      4. Осы баптың 2-тармағында көзделген бұйрық қабылданған күннен бастап тауарларды кеден қоймасына орналастыруға жол берілмейді.

      5. Кеден қоймасы кедендік рәсімімен орналастырылған және осындай кеден қоймасында тұрған тауарлар осы кеден қоймасы иесінің қызметі тоқтатыла тұруы туралы шешім шыққан күннен кейінгі күннен бастап күнтізбелік алпыс күннен кешіктірілмей, осы Кодекстің 149-бабы 1-тармағының 1), 2), 3) тармақшаларында көрсетілген тұлғалар орналастырылуы тиіс, ал олар болмаған кезде кеден қоймасының иесі басқа кеден қоймасында не осы Кодексте көзделген кедендік рәсімдермен орналастырылуға, не болмаса осы Кодекстің 237-бабы 4-тармағына сәйкес осы Кодекстің 41-тарауына сәйкес керек-жарақтар ретінде шығарылуға тиіс.

      6. Кеден қоймасының иесі өзінің қызметін қайта бастау үшін кеден қоймалары иелерінің тізіліміне заңды тұлғаны енгізген кеден органына кеден қоймасы иесінің қызметін тоқтатуға алып келген себептердің жойылғанын растайтын құжаттарды қоса бере отырып, жазбаша өтініш береді.

      Кеден қоймасының иесі ретіндегі қызмет кеден қоймасы иесінің қызметін тоқтатуға алып келген себептерді жойған кезде кеден органына аталған тұлғаның өтініші тіркелген күннен бастап бес жұмыс күні ішінде кеден органы басшысының не оны алмастыратын адамның не кеден қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен қайта басталады.

      Осы баптың 1-тармағының 1) тармақшасында көзделген кеден қоймасы иесінің қызметі тоқтатылған жағдайда, кеден қоймасы иесінің осы баптың 2-тармағының бірінші абзацында белгіленген мерзім өткенге дейін, олардың кеден қоймасының иесі ретіндегі қызметін қайта бастау туралы жазбаша өтініші кеден қоймасы иесінің қызметін қайта бастау үшін негіз болып табылады.

      Кеден қоймасы иесінің қызметін осы Кодекстің 514-бабы 1-тармағының 6) және 7) тармақшаларында көзделген міндеттерді орындамау нәтижесінде тоқтата тұрған жағдайда кеден қоймасы иесінің қызметі кеден қоймасы иесінің қызметін тоқтата тұру туралы бұйрықты қабылдаған күнінен он күнтізбелік күнінен кейін қайта басталады.

      7. Кеден қоймасы иесінің қызметін қайта бастау туралы өтінішті қарау кезінде, аумақтық кеден органы кеден қоймасы иесінің қызметін тоқтатуға алып келген себептердің жойылғанын растайтын құжаттарды текереді, сондай-ақ егер Кеден қоймасы иесінің қызметі, егер осы Кодекстің 510-бабы 1-тармағының 1) тармақшасында көзделген негіздер бойынша тоқтатылған жағдайларда, мұндай қызметті тоқтатуға алып келген себептердің жойылғанын растау мақсатында өтініш берушінің үй-жайлары мен аумағына тексеру жүргізеді.

      8. Кеден қоймасы иесінің қызметін тоқтата тұру туралы немесе аталған тұлғаның мұндай қызметті қайта бастау туралы шешімі тиісті шешім қабылданған күнінен кейінгі бір жүмыс күнінен кешіктірілмей кеден қоймасы иесінің назарына жеткізіледі.


      513-бап. Кеден қоймалары иелерінің тізілімінен шығару үшін негіздер

      1. Кеден қоймасының иесін Кеден қоймалары иелерінің тізілімінен шығару үшін:

      1) Кеден қоймасы иесінің осы Кодекстің 514-бабы 1-тармағының 3) тармақшасында көзделген міндеттерді орындамауы;

      2) Кеден қоймасы иесінің Кеден қоймалары иелерінің тізілімінен шығару туралы өтініші;

      3) Кеден қоймасы иесінің Кеден қоймалары иелерінің тізілімінен шығару туралы өтініші;

      4) мұндай тұлғаны қайта құру нысанында қайта ұйымдастыруды қоспағанда, Кеден қоймалары иелерінің тізіліміне енгізілген заңды тұлғаның қайта ұйымдастырылуы.

      5) Кеден қоймасының қызметін қайта бастау туралы Кеден қоймасы иесінің өтініші болмаған кезде, осы Кодекстің 491-бабы 2-тармағының бірінші абзацында көрсетілген Кеден қоймасы иесінің қызметін тоқтата тұру мерзімінің өтуі;

      6) осы Кодекстің 512-бабы 2-тармағының бірінші абзацында көзделген мерзімнің өтуі бойынша, осы Кодекстің 512-бабы 1-тармағының 2), 3), 4) тармақшаларында көзделген негіздер бойынша Кеден қоймасы иесінің қызметін тоқтата тұру бойынша себептерді жоймауы.

      7) Қазақстан Республикасының әкімшілік құқық бұзушылық туралы кодексінің 521, 528, 532, 533, 534, 539, 540, 555, 558-баптарына сәйкес Кеден қоймасы иесінің бір жылдың ішінде екі реттен артық әкімшілік құқық бұзушылықты жасағаны үшін әкімшілік жауаптылыққа тартылуы;

      8) 1997 жылғы 16 шілдедегі Қазақстан Республикасының Қылмыстық кодексінің 209, 217 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236,258 және 286-баптарына сәйкес Кеден қоймасының иесі ретіндегі қызметінің шеңберінде Кеден қоймасы иесінің басшысы, бас бухгалтері болып табылатын жеке тұлғаны қылмыстық жауаптылыққа тарту туралы сот шешімінің заңды күшіне енуі негіз болып табылады.

      2. Кеден қоймалары иелерінің тізілімінен шығару туралы шешім шығару себептері көрсетіле отырып, аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді.

      3. Осы баптың 1-тармағының 1), 3), 4), 6), 7) және 8) тармақшаларында көзделген негіздер бойынша Кеден қоймалары иелерінің тізілімінен шығарылған жағдайда, аталған тұлғаның тиісті тізілімге енгізу туралы қайтадан берген өтінішін аумақтық кеден органы тұлғаны мұндай тізілімнен шығару туралы бұйрық қабылданған күннен бастап бір жыл өткеннен кейін қарайды.

      4. Кеден қоймасы кедендік рәсімімен орналастырылған және осындай кеден қоймасында тұрған тауарлар тізілімінен кеден қоймасының иесін шығару туралы шешім қабылдаған күннен кейінгі күннен бастап күнтізбелік алпыс күннен кешіктірілмей осы Кодекстің 149-бабының 1), 2) және
3) тармақшаларында аталған тұлғалар орналастыруы тиіс, ал олардың болмаған жағдайында кеден қоймасының иесі басқа кеден қоймасына орналастырылуға не осы Кодексте көзделген кедендік рәсімдермен орналастырылуға не осы Кодекстің 237-бабы 4-тармағына сәйкес осы Кодекстің 39-тарауына сәйкес керек-жарақтар ретінде шығарылуға тиіс.


      514-бап. Еркін қойма иесінің міндеттері

      1. Еркін қойманың иесі:

      1) осы Кодекстің 510-бабының 1) және 2) тармақшаларында белгіленген, еркін қойма иелерінің тізіліміне енгізу шарттарын сақтауға;

      2) кеден қоймасында тауарлардың болуы және кеден қоймасының кедендік рәсімімен орналастырылған тауарлармен операцияларды жасау бөлігінде осы Кодекстің 236-бабы 2-тармағында белгіленген кеден қоймасының кедендік рәсіміне сәйкес тауарларды пайдалану шарттарын сақтауға;

      3) кеден қоймасындағы тауарлардың сақталуын қамтамасыз етуге;

      4) кедендік бақылауды жүргізу мүмкіндігін қамтамасыз етуге;

      5) кеден қоймасындағы тауарлардың есебін жүргізуге және уәкілетті орган бекіткен тәртіпте кеден органдарына мұндай тауарлар туралы есептілікті, оның ішінде ақпараттық технологияларды пайдалана отырып ұсынуға;

      6) кеден қоймасының қызметкерлері болып табылмайтын немесе кеден қоймасында сақталатын тауарларға қатысты өкілеттігі жоқ бөгде адамдарды кеден қоймасына кеден органдарының рұқсатынсыз кіргізбеуге;

      7) кеден қоймасында сақталатын тауарларға кеден органдарының лауазымды адамдарының қолжетімділігіне қатысты кеден органдарының талаптарын орындауға;

      8) кеден қоймасының жұмыс істеуі тоқтатылған жағдайда кеден қоймасына тауарларды орналастырған тұлғаларға осы қойманың жұмыс істеуін тоқтату туралы шешім қабылданған күннен кейінгі күннен бастап үш жұмыс күні ішінде мұндай шешім туралы хабарлауға;

      9) осы Кодекстің 242-бабына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша міндеттерді осы Кодекстің 86-бабы 3-тармағына, 137-бабы 3-тармағына және 353-бабы 4-тармағына сәйкес кеден органдары жолдаған хабарламада көрсетілген мерзімнің соңғы күнінен кешіктірмей орындауға;

      10) кеден қоймалары иелерінің тізіліміне енгізілген кезде өзі мәлімдеген мәліметтердің өзгергені туралы кеден қоймалары иелерінің тізіліміне енгізген кеден органына хабарлауға және мұндай мәліметтер өзгерген күннен бастап немесе өзіне мұндай өзгерістер белгілі болған күннен бастап бес жұмыс күні ішінде мұндай өзгерістерді растайтын құжаттарды ұсынуға;

      2. Кеден қоймасының аумағы тек осы Кодексте белгіленген талаптарға сәйкес пайдаланылуға тиіс. Көрсетілген орындарды өзге мақсаттарда пайдалануға жол берілмейді.

61-тарау. Еркін қойма иесі

      515-бап. Еркін қойма иесінің қызметі

      1. Еркін қойманың иесі - Қазақстан Республикасының заңнамасында белгіленген тәртіппен тіркелген және осы Кодекстің 517-бабында айқындалған шарттарға сәйкес келетін заңды тұлға.

      Заңды тұлға, оны кеден органы еркін қоймалар иелерінің тізіліміне енгізгеннен кейін еркін қойманың иесі болып танылады.

      2. Еркін қойманың иесі осы Кодекске сәйкес еркін қойманың кедендік рәсімімен орналастырылған тауарларды еркін қоймада орналастыру мен пайдалануды жүзеге асырады.

      Еркін қойма аумағында Қазақстан Республикасының заңнамасына сәйкес кәсіпкерлік және өзге де қызметтер жүзеге асырылуы мүмкін.

      3. Аумақтық кеден органдары еркін қоймалар иелерінің тізіліміне енгізгені туралы ақпаратты, сондай-ақ тиісті қызметті тоқтата тұрғаны, қайта бастағаны немесе аталған тұлғаларды тізілімінен шығарғаны туралы деректерді уәкілетті органға жібереді.


      516-бап. Еркін қоймалар

      1. Күзетілетін не жеке тұлғаның кіруін бақылайтын режимі бар және шегінде осы Кодекске сәйкес еркін қойманың кедендік рәсімімен орналастырылған тауарлар, сондай-ақ осы Кодекске сәйкес өзге де тауарлар орналастырылуы мен пайдаланылуы мүмкін (осы тарауда бұдан әрі – құрылыстар, үй-жай (үй-жайлардың бөлігі) және (немесе) ашық алаңдар) ғимарат (ғимараттың бөлігі), ғимараттар кешені, жайластырылған және жабдықталған аумақтар және (немесе) ашық алаңдар еркін қоймалар болып табылады.

      2. Еркін қойма мүше мемлекеттің тұлғасы еркін қоймалар иелерінің тізіліміне енгізген күннен кейінгі күннен бастап құрылған болып саналады.

      3. Еркін қойманың жұмыс істеуі еркін қойманың иесін еркін қоймалар иелерінің тізілімінен шығарған күннен кейінгі күннен бастап тоқтатылады.

      4. Еркін қойма аумағының периметрлерін қоршауға және бейне бақылау жүйесімен жарақтандыруға қойылатын талаптарды қоса алғанда, еркін қойма ретінде пайдалануға арналған немесе пайдаланылатын құрылысты, үй-жайларды (үй-жайлардың бөлігі) және (немесе) ашық алаңдарды орналастыруға, жайластыруға және жабдықтауға қойылатын талаптарды уәкілетті орган белгілейді.

      4. Еркін қойма аумағын, мұндай аумаққа тұлғалардың қол жеткізу тәртібін айқындауды қоса алғанда, бақылау-өткізу режимімен қамтамасыз ету уәкілетті орган белгілеген тәртіпте жүзеге асырылады.


      517-бап. Еркін қоймалар иелерінің тізіліміне енгізу шарттары

      1. Еркін қойманың иесі ретінде қызметті жүзеге асыруға үміткер заңды тұлғаны еркін қоймалар иелерінің тізіліміне енгізу шарттары:

      1) еркін қойма ретінде пайдалануға арналған құрылыстардың, үй-жайлардың (үй-жайлардың бөлігі) және (немесе) ашық алаңдардың меншігінде, шаруашылық жүргізуінде, жедел басқаруында немесе жалға алынған болуы және мынадай талаптарға сай болуы:

      еркін қойма ретінде пайдалануға арналған аумақ заңды тұлғаның еркін қоймалар иелерінің тізіліміне енгізу туралы өтінішінде көрсетілген мақсатқа сәйкес тауарлар өндірісі және қайта өңдеу бойынша операцияларды жүзеге асыру үшін жабдықталған және жайластырылған болуы тиіс;

      жапсарлас тиеу-түсіру алаңдарын қоса алғанда, аумақ (бір немесе бірнеше қойма үй-жайлары мен алаңдар) біртұтас және бөлінбейтін кешен болуға және бөгде адамдардың кіруін болдырмауды қамтамасыз ететін барлық периметрі бойынша бірыңғай үздіксіз қоршауы болуға тиіс;

      тиеу-түсіру алаңдарын қоса алғанда, аумақ Кодекстің 404-бабының 5-тармағына сәйкес белгіленуі;

      тауарларды тексеріп қарау үшін орындардың, оның ішінде электр жарығымен жарақтандырылған және соңғы күнтізбелік отыз күн ішінде болған оқиғалар туралы бейне ақпараттарды қарауды жүзеге асыруға мүмкіндік беретін, тәулік бойғы режимде жұмыс істейтін кеден органдарының бағдарламалық өнімімен сәйкес келетін бейне бақылау құралдарымен жабдықталған тексеріп қарау пункттерінде орналасқан жабық алаңдардың болуы тиіс. Бұл ретте тексеріп қарау орны бейнебақылау құралдары үшін көрінбей қалатын аймақтар (учаскелер) болмауға тиіс;

      қажетті тиеу-түсіру механизмдерінің және арнаулы техниканың болуы;

      орналастырылатын тауарлардың сипатына сәйкес сертификатталған таразы жабдығының, ал арнаулы сақтау орнына газ орналастырылатын жағдайда - тиісті есептеу аспаптарының болуы;

      2) кеден органына жүгіну күні белгіленген мерзімде кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша орындалмаған міндеттердің болмауы;

      3) кедендік операцияларды жасау кезінде кеден органдарына табыс етілген мәліметтерді шаруашылық операцияларын жүргізу туралы мәліметтермен салыстыруға мүмкіндік беретін тауарларды есепке алу жүйесінің болуы;

      4) кеден органына жүгіну күні Әкімшілік құқық бұзушылықтар туралы Қазақстан Республикасы Кодексінің 521, 528, 532, 533, 534, 538, 539, 540, 544, 551, 552, 555, 558-баптарына сәйкес Қазақстан Республикасының кеден заңнамасының нормаларын әкімшілік құқық бұзушылық туралы іс бойынша заңды күшіне енген не орындалмаған қаулының болмауы;

      6) электрондық шот-фактуралардың ақпараттық жүйесін пайдалану туралы шарттың (келісімнің) болуы қажет.

      2. Егер құрылыстар, үй-жайлар (үй-жайдың бөлігі) және (немесе) ашық алаңдар жалға алынған болса, егер мүше мемлекеттердің заңнамасында өзгеше белгіленбесе, мұндай құрылыстарға, үй-жайларға (үй-жайдың бөлігі) және (немесе) ашық алаңдарға қатысты жалға алу шарты еркін қоймалар иелерінің тізіліміне енгізу туралы өтінішті беру күні кемінде үш жыл мерзімге жасалуға тиіс.


      518-бап. Еркін қоймалар иелерінің тізіліміне енгізу тәртібі

      1. Кеден қоймалары иелерінің тізіліміне енгізу туралы өтініш уәкілетті орган бекіткен нысанда ұсынылады.

      Кеден қоймалары иелерінің тізіліміне енгізу туралы өтінішті заңды тұлға электрондық құжат түрінде беруге құқылы.

      2. Өтінішті еркін қойма құрылатын қызмет аймағында аумақтық кеден органы оны аумақтық уәкілетті органда тіркеген күннен бастап күнтізбелік он жұмыс күні ішінде қарайды.

      3. Аумақтық кеден органының лауазымды адамы осы Кодекстің 415-бабының 3-тармағына сәйкес өтініш берушінің мәлімдеген Еркін қоймасының үй-жайлары мен аумақтарының осы Кодекстің 517-бабы 1-тармағының 1) тармақшасында айқындалған талаптарға сәйкестігін үш жұмыс күнінен кешіктірмей кедендік тексеру жүргізеді және кедендік тексерудің тиісті актісін ресімдейді. Қарап-тексеруді жүргізу кезінде өтініш беруші кеден органының аумақтық кеден органының лауазымды адамына түпнұсқаларын көрсете отырып, мынадай құжаттардың:

      1) еркін қойма ретінде пайдалануға арналған құрылыстардың, үй-жайлардың (үй-жайлардың бөлігі) және (немесе) ашық алаңдардың меншігінде, шаруашылық жүргізуінде, жедел басқаруында немесе жалға алынған құқығын растайтын;

      2) еркін қоймалардың иелері бекіткен және аумақтық кеден органымен келісілген, Еркін қоймасы ретінде мәлімделген үй-жайлар мен аумақтардың жоспарларының, сызбаларының;

      3) қажетті тиеу-түсіру механизмдері мен арнаулы техниканы, сондай-ақ орналастырылатын тауарлар мен көлік құралдарының сипатына сай келетін сертификатталған таразы жабдығын иелену, пайдалану және (немесе) билік ету құқығын растайтын құжаттар.

      Бұл ретте ұсынылған құжаттардың көшірмелері аумақтық кеден органында қалатын, үй-жайлар мен аумақтарды кедендік қарап-тексеру актісіне қоса беріледі.

      Үй-жайлар мен аумақтарды кедендік тексеру аяқталған соң кедендік тексеру актісінің екінші данасы заңды тұлғаға табыс етіледі.

      Осы баптың 3-тармағы 2) тармақшасында көзделген құжаттарды кеден органымен келісу аумақтық кеден органы басшысының, ол уәкілеттік берген аумақтық кеден органы басшысының орынбасары не олардың орнын алмастыратын адамдар осындай құжаттарға келіскені туралы жазбаша белгі қою жолымен үй-жайлар мен аумақтарды кедендік қарап-тексеруді жүргізгеннен кейін жүзеге асырылады.

      4. Тізілімге енгізу туралы шешім аумақтық кеден орган басшысының не оны алмастыратын адамның, аумақтық кеден органының басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Еркін қоймалары иелерінің тізіліміне енгізуден бас тарту туралы шешім осы баптың 3-тармағында көрсетілген барлық құжаттар ұсынылмаған немесе өтініш беруші осы Кодекстің 517-бабында белгіленген талаптарға сай келмеген жағдайларда қабылданады.

      Аталған бұзушылықтарды өтініш беруші жойғаннан кейін өтініш осы Кодексте белгіленген тәртіппен қаралады.

      6. Тұлғаны кеден қоймалары иелерінің тізіліміне енгізген немесе енгізуден бас тартылған жағдайда аумақтық кеден органы өтініш берушіні жазбаша нысанда хабардар етеді.


      519-бап. Еркін қойманың иесі ретінде заңды тұлғаның қызметін тоқтата тұру және қайта бастау

      1. Еркін қойманың иесі ретінде заңды тұлғаның қызметі мынадай жағдайларда тоқтатыла тұрады:

      2) аумақтық кеден органы осы Кодекстің 517-бабы 1-тармағының 1), 3), 6) тармақшаларында көзделген, еркін қоймалар иелерінің тізіліміне енгізу шарттарын бұзғанын анықтаған кезде;

      3) осы Кодекстің 86-бабының 3-тармағына және 137-бабының 3-тармағына сәйкес кеден органы жолдаған хабарламада көрсетілген мерзімде осы Кодекстің 521-бабы 1-тармағының 7) тармақшасында көзделген міндеттерді орындамаған не тиісінше орындамаған кезде;

      4) осы Кодекстің 521-бабы 1-тармағының 1), 3), 4), 5), 6) тармақшаларында көзделген міндеттерді орындамаған жағдайда;

      5) 1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес еркін қойманың иесі ретіндегі қызметінің шеңберінде еркін қойма иесінің басшысы, бас бухгалтері болып табылатын жеке тұлғаларға қатысты қылмыстық іс қозғау.

      2. Еркін қойма иесінің қызметі осы баптың 1-тармағының 1) тармақшасында белгіленген негіздер бойынша алты айға дейінгі мерзімге тоқтатылады.

      Еркін қойма иесінің қызметі осы баптың 1-тармағының 2), 3), 4) тармақшаларында белгіленген негіздер бойынша еркін қоймалары иелерінің тізіліміне енгізілген тұлғаның қызметін тоқтатуға алып келген себептерді жою үшін қажетті мерзімге, бірақ күнтізбелік жүз жиырма күннен аспайтын мерзімге тоқтатылады.

      Еркін қойма иесінің қызметі осы баптың 1-тармағының 5) тармақшасында белгіленген негіздер бойынша:

      қылмыстық жауапкершіліктен босату туралы соттың шешімі;

      қылмыстық жауапкершілікке тарту туралы соттың шешімі;

      қылмыстық іс бойынша өндірісті тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатылады.

      3. Еркін қойма иесінің қызметін тоқтата тұру туралы шешім кеден органы басшысының не оны алмастыратын адамның не уақытша сақтау қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен:

      осы баптың 1-тармағының 1) тармақшасына сәйкес кеден органында өтінішті тіркеген күннен бастап және бұйрықты қабылданған күннен бастап күшіне енеді.

      осы баптың 1-тармағының 2), 3), 4), 5) тармақшаларына сәйкес кеден органы мән-жайларды анықтаған күннен бастап бес жұмыс күні ішінде ресімделеді.

      Еркін қойма иесінің қызметін тоқтата тұру туралы шешім бұйрықты қабылданған күннен бастап күшіне енеді.

      4. Осы баптың 3-тармағында көзделген, бұйрықты қабылданған күннен бастап еркін қойманың кедендік рәсіміне еркін қоймаға тауарларды орналастыруға жол берілмейді.

      5. Бұл ретте заңды тұлғаның еркін қойманың иесі ретіндегі қызметін тоқтата тұру мынадай операцияларды жасауға рұқсат беріледі:

      1) тауарларды қайта өңдеу бойынша операцияларды жасау мақсатында, еркін қойма кедендік рәсімімен орналастырылған жабдықтарды, машиналар мен агрегаттарды, оларға бөлшектері қолдану (пайдалану);

      2) еркін қойма кедендік рәсімімен орналастырылған шетел тауарларын (шикізаттар мен материалдарды) өңдеу процесінде (монтаждау, жинау) пайдалану. Бұл ретте, еркін қойма кедендік рәсімімен орналастырылған және өңдеу процесінде (монтаждау, жинау) пайдаланатын шетел тауарлары заңды тұлғаның еркін қойманың иесі ретіндегі қызметін тоқтата тұру туралы шешімді қабылдаған күннен бастап төрт айдан кем емес мерзімге ішкі тұтыну үшін шығару кедендік рәсіммен орналастыруға жатады.

      3) осы Кодекстің 294-бабы 1-тармағында көзделген операцияларды жасау – осы тармақтың 2) тармақшасына көзделген тауарларға қатысты;

      6. Осы баптың 5-тармағында көрсетілген тауарларға қатысты кедендік бақылау еркін қойманың кедендік рәсімі аяқталған және тауарларды еркін қойманың аумағынан әкеткеннен соң жүзеге асырылады.

      7. Еркін қойма иесі өзінің қызметін қайта бастау үшін кеден қоймалары иелерінің тізіліміне заңды тұлғаны енгізген кеден органына еркін қойма иесінің қызметін тоқтатуға алып келген себептердің жойылғанын растайтын құжаттарды қоса бере отырып, жазбаша өтініш береді.

      Еркін қойма иесі ретіндегі қызмет еркін қойма иесінің қызметін тоқтатуға алып келген себептерді жойған кезде кеден органына аталған тұлғаның өтініші тіркелген күннен бастап бес жұмыс күні ішінде кеден органы басшысының не оны алмастыратын адамның не еркін қоймалар иелерінің тізіліміне заңды тұлғаны енгізген кеден органы басшысы орынбасарының бұйрығымен қайта басталады.

      Осы баптың 1-тармағының 1) тармақшасында көзделген еркін қойма иесінің қызметі тоқтатылған жағдайда, уақытша сақтау қоймасы иесінің осы баптың 2-тармағының бірінші абзацында белгіленген мерзім өткенге дейін, олардың еркін қойманың иесі ретіндегі қызметін қайта бастау туралы жазбаша өтініші еркін қойма иесінің қызметін қайта бастау үшін негіз болып табылады.

      Еркін қойма иесінің қызметін осы Кодекстің 521-бабы 1-тармағының 5) және 6) тармақшаларында көзделген міндеттерді орындамау нәтижесінде тоқтата тұрған жағдайда еркін қойма иесінің қызметі еркін қойма иесінің қызметін тоқтата тұру туралы бұйрықты қабылдаған күнінен он күнтізбелік күнінен кейін қайта басталады.

      8. Еркін қойма иесінің қызметін қайта бастау туралы өтінішті қарау кезінде, аумақтық кеден органы еркін қойма иесінің қызметін тоқтатуға алып келген себептердің жойылғанын растайтын құжаттарды текереді, сондай-ақ егер еркін қойма иесінің қызметі, егер осы Кодекстің 517-бабы 1-тармағының 1) тармақшасында көзделген негіздер бойынша тоқтатылған жағдайларда, мұндай қызметті тоқтатуға алып келген себептердің жойылғанын растау мақсатында өтініш берушінің үй-жайлары мен аумағына тексеру жүргізеді.

      9. Еркін қойма иесінің қызметін тоқтата тұру туралы немесе аталған тұлғаның мұндай қызметті қайта бастау туралы шешімі тиісті шешім қабылданған күнінен кейінгі бір жүмыс күнінен кешіктірілмей еркін қойма иесінің назарына жазбаша және электрондық нысанда жеткізіледі.


      520-бап. Еркін қоймалар иелерінің тізілімінен шығару үшін негіздер

      1. Еркін қойманың иесін еркін қоймалар иелерінің тізілімінен шығару үшін, мыналар:

      1) еркін қойма иесінің өзін еркін қоймалар иелерінің тізілімінен шығару туралы өтініші;

      2) еркін қойма иесінің осы Кодекстің 521-бабы 1-тармағының 2) тармақшасында көзделген міндеттерді орындамауы;

      3) еркін қоймалар иелерінің тізіліміне енгізілген заңды тұлғаның таратылуы;

      4) еркін қоймалар иелерінің тізіліміне енгізілген заңды тұлғаның қайта ұйымдастырылуы, мұндай тұлғаны қайта құру нысанында қайта ұйымдастыруды қоспағанда,

      қайта ұйымдастырылуы;

      егер еркін қойманың иесі ретіндегі заңды тұлға өз құрамынан еркін қоймалар иесі мәртебесін сақтаумен бір немесе бірнеше заңды тұлғаларды бөлсе және мұндай тұлға осы Кодекстің 517-бабының 1-тармағына сәйкес еркін қоймалар тізіліміне енгізу шартарын сақтаған кезде, бөлінуі;

      егер еркін қойманың иесі ретіндегі заңды тұлға өз құрамынан еркін қоймалар иесі мәртебесін сақтаумен бір немесе бірнеше заңды тұлғаларды бөлсе және мұндай тұлға осы Кодекстің 517-бабының 1-тармағына сәйкес еркін қоймалар тізіліміне енгізу шартарын сақтаған кезде, қосылуы;

      5) осы Кодекстің 519-бабы 2-тармағының бірінші абзацында көрсетілген, қайта бастау туралы еркін қойма иесінің өтініші болмаған кезде, еркін қойма иесінің қызметін тоқтата тұру мерзімінің бітуі;

      6) осы Кодекстің 519-бабы 2-тармағының екінші абзацында көзделген мерзімнің өтуі бойынша, осы Кодекстің 519-бабы 1-тармағының 2), 3), 4) тармақшаларында көзделген негіздер бойынша еркін қойма иесінің қызметін тоқтата тұру бойынша себептерді жоймауы.

      7) 1997 жылғы 16 шілдедегі Қазақстан Республикасының Қылмыстық кодексінің 209, 217 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236, 258 және 286-баптарына сәйкес еркін қойманың иесі ретіндегі қызметінің шеңберінде еркін қойма иесінің басшысы, бас бухгалтері болып табылатын жеке тұлғаны қылмыстық жауаптылыққа тарту туралы сот шешімінің заңды күшіне енуі;

      Қазақстан Республикасының әкімшілік құқық бұзушылық туралы кодексінің 521, 528, 532, 533, 534, 539, 540, 555, 558-баптарына сәйкес уақытша сақтау қоймасы иесінің бір жылдың ішінде екі реттен артық әкімшілік құқық бұзушылықты жасағаны үшін әкімшілік жауаптылыққа тартылуы негіз болып табылады.

      2. Еркін қоймалар иелерінің тізілімінен шығару туралы шешім шығару себептері көрсетіле отырып, аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді.

      3. Еркін қоймалар иелерінің тізілімінен шығару туралы шешім қабылданған күннен кейінгі бір жүмыс күнінен кешіктірілмей жазбаша немесе электрондық нысанда еркін қойма иесінің назарына жеткізіледі.

      4. Осы баптың 1-тармағының 2), 3), 4), 6), 7) тармақшаларында көзделген негіздер бойынша еркін қоймалар иелерінің тізілімінен шығарылған жағдайда, аталған тұлғаның тиісті тізілімге енгізу туралы қайтадан берген өтінішін аумақтық кеден органы тұлғаны мұндай тізілімнен шығару туралы бұйрық қабылданған күннен бастап бір жыл өткеннен кейін қарайды.

      6. Еркін қойманың иесін еркін қоймалар иелерінің тізілімінен шығарған кезде еркін қойма кедендік рәсімімен орналастырылған тауарларға қатысты және еркін қойма кедендік рәсімімен орналастырылған тауарлардан жасалған (алынған) тауарларға қатысты жасалатын іс-қимылдар осы Кодекстің 296-бабына сәйкес аяқталуы тиіс.


      521-бап. Еркін қойма иесінің міндеттері

      1. Еркін қойманың иесі:

      1) осы Кодекстің 517-бабы 1-тармағының 1), 2), 3) және 6) тармақшаларында белгіленген, уақытша сақтау қоймалары иелерінің тізіліміне енгізу шарттарын сақтауға, оның ішінде Кодекстің аталған бабының 1-тармағының 1) тармақшаларында көрсетілген талаптарға еркін қойманың сәйкес келуін қамтамасыз етуге;

      2) еркін қойманың кедендік рәсіміне сәйкес тауарларды пайдалану шарттарын сақтауға;

      3) кедендік бақылауды жүргізу мүмкіндігін қамтамасыз етуге;

      4) еркін қойманың кедендік рәсімімен орналастырылған тауарлардың есебін жүргізуге және мүше мемлекеттердің заңнамасына сәйкес кеден органдарына мұндай тауарлар және олармен жасалған операциялар туралы, сондай-ақ еркін қойманың кедендік рәсімімен орналастырылған тауарлардан дайындалған (алынған) тауарлар туралы есептілікті, оның ішінде ақпараттық технологияларды пайдалана отырып ұсынуға;

      5) еркін қойманың қызметкерлері болып табылмайтын немесе еркін қоймадағы тауарларға қатысты өкілеттігі жоқ бөгде адамдарды еркін қоймаға кеден органдарының рұқсатынсыз кіргізбеуге;

      6) еркін қоймадағы тауарларға кеден органдарының лауазымды адамдарының қол жетімділігіне қатысты кеден органдарының талаптарын орындауға;

      7) осы Кодекстің 297-бабына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша осы Кодекстің 86-бабы 3-тармағы және 137-бабы 3-тармағына сәйкес кеден органдары жолдаған хабарламада көрсетілген мерзімнің соңғы күнінен кешіктірмей міндеттерді орындауға;

      8) еркін қоймалар иелерінің тізіліміне енгізілген кезде өзі мәлімдеген мәліметтердің өзгергені туралы еркін қоймалар иелерінің тізіліміне енгізген кеден органын хабарлауға және мұндай мәліметтер өзгерген күннен бастап немесе өзіне мұндай өзгерістер белгілі болған күннен бастап он жұмыс күні ішінде мұндай өзгерістерді растайтын құжаттарды ұсынуға міндетті.

      2. Еркін қойманың алаңы өзгерген кезде заңды тұлға өзгертілген күннен бастап бес жұмыс күнінің ішінде жазбаша нысанда осындай өзгерістер туралы тиісті құжаттарды ұсына отырып, аумақтық кеден органына өтінішті жолдайды.

      Аумақтық кеден органы осындай өтінішті аумақтық кеден органына түскен күннен бастап он жұмыс күні ішінде қарайды.

      Еркін қойманың алаңын өзгерту туралы өтінішті қараған кезде, аумақтық кеден органы осы Кодекстің 517-бабында көзделген шарттарда еркін қойма иесінің сәйкестігін тексереді, сондай-ақ осы Кодекстің 519-бабы 3-тармағында көзделген, құжаттарды осындай тексеру барысында талап етумен, осы Кодекстің 415-бабының 3-тармағына сәйкес өтініш берушінің үй-жайлары мен аумақтарының осы Кодекстің 513-бабының 2-тармағында айқындалған талаптарға сәйкестігін қарайды.

62-тарау. Бажсыз сауда дүкенінің иесі

      522-бап. Бажсыз сауда дүкені иесінің қызметі

      1. Бажсыз сауда дүкенінің иесі осы Кодекстің 524-бабында айқындалған шарттарға сай келетін Қазақстан Республикасының заңды тұлғасы болып табылады.

      Заңды тұлға бажсыз сауда дүкендері иелерінің тізіліміне енгізілгеннен кейін бажсыз сауда дүкенінің иесі деп танылады.

      2. Бажсыз сауда дүкенінің иесі бажсыз сауда кедендік рәсімімен орналастырылған тауарларды бажсыз сауда дүкенінде сақтауды және осы Кодекстің 324-бабы 2-тармағында көрсетілген тұлғаларға өткізуді жүзеге асырады.

      3. Аумақтық кеден органдары бажсыз сауда дүкендері иелерінің тізіліміндегі ақпаратты, сондай-ақ тиісті қызметті тоқтата тұру, қайта бастау немесе аталған тұлғаларды тізілімнен шығару туралы деректерді уәкілетті органға жолдайды.

      523-бап. Бажсыз сауда дүкендері

      1. Сауда залдары мен қоймалардан, сондай-ақ қосалқы үй-жайлардан тұратын (болған кезде) арнайы белгіленген және жайластырылған құрылыстар және (немесе) үй-жайлар (үй-жайлардың бөлігі) бажсыз сауда дүкендері болып табылады.

      2. Бажсыз сауда дүкені оның иесі бажсыз сауда дүкендері иелерінің тізіліміне енгізген күннен кейінгі күннен бастап құрылған болып саналады.

      3. Бажсыз сауда дүкенінің жұмыс істеуі бажсыз сауда дүкені иесін бажсыз сауда дүкендері иелерінің тізілімінен шығарылған күннен кейінгі күннен бастап тоқтатылады.

      4. Бажсыз сауда дүкендерін орналастыруға, жайластыруға және жабдықтауға, оның ішінде бейне бақылау жүйесімен жарақтандыруға қойылатын талаптар, оның құрылуы мен жұмыс істеу тәртібі, сондай-ақ бажсыз сауда дүкендерінде тауарларды өткізу қағидаларын уәкілетті орган белгілейді.


      524-бап. Бажсыз сауда дүкендері иелерінің тізіліміне енгізу шарттары

      1. Кеден ісі саласында қызметті жүзеге асыруға үміткер заңды тұлғаны бажсыз сауда дүкені иелерінің тізіліміне енгізу шарттары:

      1) бажсыз сауда дүкені ретінде пайдалануға арналған құрылыстардың, және (немесе) үй-жайлардың (үй-жайлардың бөлігі) меншігінде, шаруашылық жүргізуінде, жедел басқаруында немесе жалға алынған болуы және мынадай талаптарға сай болуы:

      сауда залы тауарларды кедендік декларациялау жүргізу үшін белгіленген орыннан тыс жерлерде болуға тиіс;

      бажсыз сауда дүкенінің аумағында сауда операцияларын жүзеге асыруға арналған орындар, сондай-ақ тауарлардың сақталуын қамтамасыз ету және тауарларды сатуға әзірлеу (орамасын ашу, ыдысынан босату және басқалары) жөніндегі операцияларды жүзеге асыруға арналған жеке қоршалған орындар болуға тиіс;

      2) Қазақстан Республикасының заңнамасында көзделген жағдайларда бөлшек саудаға арналған тіркеу немесе рұқсат құжаттарының болуы;

      3) аумақтық кеден органына жүгіну күні белгіленген мерзімде кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша орындалмаған міндеттердің болмауы;

      4) кеден органына жүгіну күніне дейін бір жылдың ішінде Қазақстан Республикасының әкімшілік құқық бұзушылық туралы кодексінің 528, 532, 535, 538 544, 551, 555-баптарына сәйкес әкімшілік жауаптылыққа тартылу фактілерінің болмауы;

      5) осы Кодекстің 324-бабы 2-тармағының 4) тармақшасында көзделген бажсыз сауда дүкендері үшін тиісті тізілімге енгізудің қосымша шарттарын сыртқы саясат саласындағы уәкілетті органмен келісу бойынша кеден ісі саласындағы уәкілетті орган белгілейді;

      6) электрондық шот-фактуралардың ақпараттық жүйесін пайдалану туралы шарттың (келісімнің) болуы болып табылады.

      2. Егер құрылыстар және (немесе) үй-жайлар (үй-жайдың бөлігі) жалға алынған болса, бажсыз сауда дүкендері иелерінің тізіліміне енгізу туралы өтінішті беру күні мұндай құрылыстарға және (немесе) үй-жайларға (үй-жайдың бөлігіне) қатысты жалға алу шарты кемінде алты ай мерзімге жасалуға тиіс.


      525-бап. Бажсыз сауда дүкендері иелерінің тізіліміне енгізу тәртібі

      1. Бажсыз сауда дүкендері иелерінің тізіліміне енгізу туралы өтініш уәкілетті орган бекіткен нысанда ұсынылады.

      Бажсыз сауда дүкендері иелерінің тізіліміне енгізу туралы өтінішті заңды тұлға электрондық құжат түрінде беруге құқылы.

      2. Өтінішті бажсыз сауда дүкені құрылатын қызмет аймағында аумақтық кеден органы оны аумақтық уәкілетті органда тіркеген күннен бастап күнтізбелік он жұмыс күні ішінде қарайды.

      3. Аумақтық кеден органының лауазымды адамы осы Кодекстің 415-бабының 3-тармағына сәйкес өтініш берушінің үй-жайлары мен аумақтарына осы Кодекстің 524-бабы 1-тармағының 1) тармақшасында айқындалған талаптарға сәйкестігіне тексеру жүргізеді.

      Тексеруді жүргізу кезінде өтініш беруші кеден органының аумақтық кеден органының лауазымды адамына түпнұсқаларын көрсете отырып, мынадай құжаттардың:

      1) бажсыз сауда дүкені ретінде жарайтын үй-жайларды пайдалану және (немесе) билік ету құқығын растайтын;

      2) бажсыз сауда дүкені ретінде мәлімделген және аумақтық кеден органдарымен келісілген үй-жайлардың және аумақтардың жоспарлары, сызбалары;

      3) егер Қазақстан Республикасының заңнамасында оларды аоу міндеті көзделсе, бөлшек саудаға арналған тіркеу немесе рұқсат құжаттары болуы тиіс.

      Бұл ретте ұсынылған құжаттардың көшірмелері аумақтық кеден органында қалатын, үй-жайлар мен аумақтарды кедендік тексеру актісіне қоса беріледі.

      Үй-жайлар мен аумақтарды кедендік тексеру аяқталған соң үй-жайлар мен аумақтарды кедендік тексеру актісінің бір данасы заңды тұлғаға табыс етіледі.

      Осы тармақтың 2) тармақшасында көзделген құжаттарды кеден органымен келісу аумақтық кеден органы басшысының, ол уәкілеттік берген аумақтық кеден органы басшысының орынбасары не олардың орнын алмастыратын адамдар осындай құжаттарға келіскені туралы жазбаша белгі қою жолымен үй-жайлар мен аумақтарды кедендік тексеруді жүргізгеннен кейін жүзеге асырылады.

      4. Бажсыз сауда дүкендері иелерінің тізіліміне енгізу туралы шешім аумақтық кеден органы басшысының не оны алмастыратын адамның, аумақтық кеден органының басшысы орынбасарының бұйрығымен ресімделеді және бұйрық қабылданған күннен бастап күшіне енеді.

      5. Бажсыз сауда дүкендері иелерінің тізіліміне енгізуден бас тарту туралы шешім осы баптың 3-тармағында көрсетілген барлық құжаттар ұсынылмаған немесе өтініш беруші осы Кодекстің 524-бабында белгіленген талаптарға сай келмеген жағдайларда қабылданады.

      Аталған бұзушылықтарды өтініш беруші жойғаннан кейін өтініш осы Кодексте белгіленген тәртіппен қаралады.

      6. Тұлғаны бажсыз сауда дүкендері иелерінің тізіліміне енгізген немесе енгізуден бас тартылған жағдайда аумақтық кеден органы өтініш берушіні жазбаша немесе электрондық нысанда бас тарту себептерін көрсетумен хабардар етеді.


      526-бап. Бажсыз сауда дүкендері иесінің қызметін тоқтата тұру

      1. Заңды тұлғаның бажсыз сауда дүкенінің иесі ретіндегі қызметі мынадай:

      1) бажсыз сауда дүкенінің қызметін тоқтата тұру себептерін көрсете отырып, бажсыз сауда дүкені иесінің жазбаша өтініші бойынша;

      2) аумақтық кеден органы осы Кодекстің 524-бабы 1-тармағының 1), 2), 6) тармақшаларында көзделген бажсыз сауда дүкендері иелерінің тізіліміне енгізу шарттарының бұзылғанын анықтаған кезде;

      3) осы Кодекстің 86-бабының 3-тармағына және 137-бабының 3-тармағына сәйкес кеден органы жолдаған хабарламада көрсетілген мерзімде осы Кодекстің 528-бабы 1-тармағының 6) тармақшасында көзделген міндеттерді орындамаған не тиісінше орындамаған кезде;

      4) осы Кодекстің 528-бабы 1-тармағының 1), 2), 4), 5) тармақшаларында көзделген міндеттерді орындамаған жағдайда;

      5) 1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес бажсыз сауда дүкенінің иесі ретіндегі қызметінің шеңберінде бажсыз сауда дүкені иесінің басшысы, бас бухгалтері болып табылатын жеке тұлғаларға қатысты қылмыстық іс қозғау жағдайларында тоқтатыла тұрады.

      2. Бажсыз сауда дүкені иесінің қызметі осы баптың 1-тармағының 1) тармақшасында белгіленген негіздер бойынша алты айға дейінгі мерзімге тоқтатыла тұрады.

      Бажсыз сауда дүкендері иесінің қызметі осы баптың 1-тармағының 2), 3), 4) тармақшаларында белгіленген негіздер бойынша бажсыз дүкен иелерінің тізіліміне енгізілген тұлғаның қызметін тоқтата тұруға алып келген себептерді жою үшін қажетті мерзімге, бірақ күнтізбелік алпыс күннен асырмай тоқтатыла тұрады.

      Бажсыз сауда дүкені иесінің қызметі осы баптың 1-тармағының 5) тармақшасында белгіленген негіздер бойынша:

      қылмыстық жауапкершіліктен босату туралы соттың шешімі;

      қылмыстық жауапкершілікке тарту туралы соттың шешімі;

      қылмыстық іс бойынша өндірісті тоқтату туралы соттың немесе уәкілетті мемлекеттік органның (лауазымды тұлғаның) шешімі заңды күшіне енгенге дейінгі мерзімге тоқтатылады.

      3. Бажсыз сауда дүкені иесінің қызметін тоқтата тұру туралы шешім:

      осы баптың 1-тармағының 1) тармақшасына сәйкес кеден органында өтініш тіркелген күннен бастап және бұйрық қабылданған күннен бастап күшіне енеді.

      осы баптың 1-тармағының 2), 3), 4), 5) тармақшаларына сәйкес кеден органы мән-жайларды анықтаған күннен бастап бес жұмыс күні ішінде кеден органы басшысының не оны алмастыратын адамның не бажсыз сауда дүкендері иелерінің тізіліміне заңды тұлғаны енгізген кеден органы басшысы орынбасарының бұйрығымен ресімделеді.

      Бажсыз сауда дүкені иесінің қызметін тоқтата тұру туралы шешім бұйрық қабылданған күннен бастап күшіне енеді.

      4. Осы баптың 3-тармағында көзделген бұйрық қабылданған күннен бастап тауарларды бажсыз сауда дүкендеріне орналастыруға жол берілмейді.

      5. Бажсыз сауда кедендік рәсімімен орналастырылған шетел тауарлары – шетел тауарларына қолданылатын кедендік рәсімдерге орналастыруға жатады, ал Еуразиялық экономикалық одақтың тауарлары – экспорт кедендік рәсімімен орналастыруға немесе бажсыз сауда дүкендерінен Еуразиялық экономикалық одақтың кедендік аумағына осы баптың 3-тармағында көзделген, бұйрықты қабылдаған күннен алпыс күнтізбелік күн ішінде кедендік рәсімдерге орналастыруға немесе әкетуге жатады.

      6. Бажсыз сауда дүкенінің иесі қызметін қайта бастау үшін бажсыз сауда дүкендері иелерінің тізіліміне заңды тұлғаны енгізген кеден органына бажсыз сауда дүкені иесінің қызметін тоқтатуға алып келген себептердің жойылғанын растайтын құжаттарды қоса бере отырып, жазбаша өтініш береді.

      Бажсыз сауда дүкенінің иесі ретіндегі қызмет бажсыз сауда дүкені иесінің қызметін тоқтатуға алып келген себептерді жойған кезде кеден органына аталған тұлғаның өтініші тіркелген күннен бастап бес жұмыс күні ішінде кеден органы басшысының не оны алмастыратын адамның не кеден қоймалары иелерінің тізіліміне заңды тұлғаны енгізген кеден органы басшысы орынбасарының бұйрығымен қайта басталады.

      Осы баптың 1-тармағының 1) тармақшасында көзделген бажсыз сауда дүкені иесінің қызметі тоқтатылған жағдайда, бажсыз сауда дүкені иесінің осы баптың 2-тармағының бірінші абзацында белгіленген мерзім өткенге дейін, олардың бажсыз сауда дүкенінің иесі ретіндегі қызметін қайта бастау туралы жазбаша өтініші бажсыз сауда дүкені иесінің қызметін қайта бастау үшін негіз болып табылады.

      7. Бажсыз сауда дүкені иесінің қызметін қайта бастау туралы өтінішті қарау кезінде, аумақтық кеден органы бажсыз сауда дүкені иесінің қызметін тоқтатуға алып келген себептердің жойылғанын растайтын құжаттарды тексереді, сондай-ақ егер бажсыз сауда дүкені иесінің қызметі, егер осы Кодекстің 524-бабы 1-тармағының 1) тармақшасында көзделген негіздер бойынша тоқтатылған жағдайларда, мұндай қызметті тоқтатуға алып келген себептердің жойылғанын растау мақсатында өтініш берушінің үй-жайлары мен аумағына тексеру жүргізеді.

      8. Бажсыз сауда дүкені иесінің қызметін тоқтата тұру туралы немесе аталған тұлғаның мұндай қызметті қайта бастау туралы шешім тиісті шешім қабылданған күнінен кейінгі бір жұмыс күнінен кешіктірілмей бажсыз сауда дүкені иесінің назарына жеткізіледі, сондай-ақ уәкілетті органға жолданады.


      527-бап. Бажсыз сауда дүкендері иелерінің тізілімінен шығару үшін негіздер

      1. Бажсыз сауда дүкені иесін бажсыз сауда дүкендері иелерінің тізілімінен шығару үшін:

      1) бажсыз сауда дүкені иесінің осы Кодекстің 528-бабы 1-тармағының 2) тармақшасында көзделген міндеттерді орындамауы;

      2) бажсыз сауда дүкені иесінің бажсыз сауда дүкендері иелерінің тізілімінен шығару туралы өтініші;

      3) бажсыз сауда дүкендері иелерінің тізіліміне енгізілген заңды тұлғаны жою;

      4) мұндай тұлғаны қайта құру нысанында қайта ұйымдастыруды қоспағанда, бажсыз сауда дүкендері иелерінің тізіліміне енгізілген заңды тұлғаның қайта ұйымдастырылуы;

      5) бажсыз сауда дүкені қызметін қайта бастау туралы бажсыз сауда дүкені иесінің өтініші болмаған кезде, осы Кодекстің 526-бабы 2 тармағының бірінші абзацында көрсетілген бажсыз сауда дүкені иесінің қызметін тоқтата тұру мерзімінің өтуі;

      6) осы Кодекстің 526-бабы 2-тармағының бірінші абзацында көзделген мерзімнің өтуі бойынша, осы Кодекстің 526-бабы 1-тармағының 2), 3), 4) тармақшаларында көзделген негіздер бойынша бажсыз сауда дүкені иесінің қызметін тоқтата тұру бойынша себептерді жоймауы.

      7) Қазақстан Республикасының әкімшілік құқық бұзушылық туралы кодексінің 522, 528, 531, 532, 535, 538, 544, 551, 555-баптарына сәйкес бажсыз сауда дүкендері иесінің бір жылдың ішінде екі реттен артық әкімшілік құқық бұзушылықты жасағаны үшін әкімшілік жауаптылыққа тартылуы;

      8) 1997 жылғы 16 шілдедегі Қазақстан Республикасының Қылмыстық кодексінің 209, 217 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236,258 және 286-баптарына сәйкес бажсыз сауда дүкені иесі ретіндегі қызметтің шеңберінде бажсыз сауда дүкені иесінің басшысы, бас бухгалтері болып табылатын жеке тұлғаны қылмыстық жауаптылыққа тарту туралы сот шешімінің заңды күшіне енуі негіз болып табылады.

      2. Бажсыз сауда дүкені иелерінің тізілімінен шығару туралы шешім шығару себептері көрсетіле отырып, аумақтық кеден органы басшысының не оны алмастыратын адамның не аумақтық кеден органы басшысы орынбасарының бұйрығымен ресімделеді.

      3. Тізілімнен бажсыз сауда дүкені иесін шығару туралы шешім тиісті шешім қабылданған күннен кейінгі бір жұмыс күнінен кешіктірілмей жазбаша немесе электрондық нысанда бажсыз сауда дүкені иесінің назарына жеткізіледі, сондай-ақ уәкілетті органға жіберіледі.

      4. Осы баптың 1-тармағының 1), 3), 4), 6), 7) және 8) тармақшаларында көзделген негіздер бойынша бажсыз сауда дүкендері иелерінің тізілімінен шығарылған жағдайда, аталған тұлғаның тиісті тізілімге енгізу туралы қайтадан берген өтінішін аумақтық кеден органы тұлғаны мұндай тізілімнен шығару туралы бұйрық қабылданған күннен бастап бір жыл өткеннен кейін қарайды.


      528-бап. Бажсыз сауда дүкені иесінің міндеттері

      1. Бажсыз сауда дүкенінің иесі:

      1) осы Кодекстің 524-бабының 1) және 2) және 3) тармақшаларында белгіленген, бажсыз сауда дүкендері иелерінің тізіліміне енгізу шарттарын сақтауға, ал бажсыз сауда дүкендері үшін осы Кодекстің 324-бабының 2-тармағының 4) тармақшасында көзделген, осы Кодекстің 524-бабының 1-тармағының 5) тармақшасында көзделген қосымша шарттардын сақтауға;

      2) осы Кодекстің 325-бабы 3-тармағында белгіленген бажсыз сауданың кедендік рәсіміне сәйкес тауарларды пайдалану шарттарын сақтауға;

      3) бажсыз сауда кедендік рәсімімен орналастырылған және бажсыз сауда дүкенінде өтпеген тауарлардың сақталуын қамтамасыз етуге;

      4) кедендік бақылауды жүргізу мүмкіндігін қамтамасыз етуге;

      5) бажсыз сауда дүкеніне тауарлардың түсу және осы дүкенде оларды өткізу есебін жүргізуге, сондай-ақ кеден ісі саласындағы уәкілетті орган бекіткен тәртіппен кеден органдарына мұндай тауарлар туралы есептілікті, оның ішінде ақпараттық технологияларды пайдалана отырып ұсынуға;

      6) осы Кодекстің 328-бабына сәйкес кедендік баждарды, салықтарды, арнайы, демпингке қарсы, өтем баждарын төлеу бойынша міндеттерді осы Кодекстің 86-бабы 3-тармағына, 137-бабы 3-тармағына сәйкес кеден органдары жолдаған хабарламада көрсетілген мерзімнің соңғы күнінен кешіктірмей орындауға;

      7) бажсыз сауда дүкендері иелерінің тізіліміне енгізілген кезде өзі мәлімдеген мәліметтердің өзгергені туралы бажсыз сауда дүкендері иелерінің тізіліміне енгізген кеден органына хабарлауға және мұндай мәліметтер өзгерген күннен бастап немесе өзіне мұндай өзгерістер белгілі болған күннен бастап бес жұмыс күні ішінде мұндай өзгерістерді растайтын құжаттарды ұсынуға міндетті.

      2. Бажсыз сауда дүкенінің аумағы тек осы Кодексте белгіленген талаптарға ғана сәйкес пайдаланылуға тиіс. Көрсетілген орындарды өзге мақсаттарға пайдалануға жол берілмейді.

61-тарау. Уәкілетті экономикалық оператор

      529-бап. Уәкілетті экономикалық оператор

      1. Қазақстан Республикасының заңнамасына сәйкес құрылған және осы тарауда белгіленген тәртіппен және шарттарды сақтау кезінде уәкілетті экономикалық операторлардың тізіліміне енгізілген заңды тұлға уәкілетті экономикалық оператор болып табылады.

      2. Заңды тұлғаны уәкілетті экономикалық операторлардың тізіліміне енгізу кезінде уәкілетті экономикалық операторлардың тізіліміне енгізу туралы куәлік беріледі.

      3. Уәкілетті экономикалық операторлардың тізіліміне енгізу туралы куәлік күшіне енген күннен бастап уәкілетті экономикалық оператор тәуекел деңгейінің төменгі санатына жатады.

      4. Заңды тұлғаны уәкілетті экономикалық операторлардың тізіліміне енгізу және оны мұндай тізілімнен шығару тәртібі, уәкілетті экономикалық операторлардың тізіліміне енгізу туралы куәлікті беру, оның қолданысын тоқтата тұру және жаңарту тәртібі осы тарауда белгіленеді.

      5. Уәкілетті экономикалық операторлардың тізіліміне енгізуге үміткер заңды тұлғаның мұндай тізілімге енгізу шарттарын сақтауын тексеру кезінде, сондай-ақ уәкілетті экономикалық оператордың оны осындай тізілімге енгізу шарттарын сақтауын бақылау кезінде осы Кодексте көзделген кедендік бақылау нысаны мен кедендік бақылау жүргізуді қамтамасыз ететін шаралар қолданылуы мүмкін.

      6. Уәкілетті экономикалық оператор осы Кодекстің ережелерін ескере отырып, осы Кодекстің 536-бабында көзделген Еуразиялық экономикалық одақтың кедендік аумағындағы арнайы оңайлатуларды пайдалануға құқылы.

      7. Еуразиялық экономикалық одақтың үшінші тараппен халықаралық шарттарына сәйкес осы Кодекстің 536-бабында көзделген жекелеген арнайы оңайлатулар Еуразиялық экономикалық одаққа мүше болып табылмайтын мемлекеттің уәкілетті экономикалық операторларына өзара негізде ұсынылуы мүмкін.

      8. Қазақстан Республикасының үшінші тараппен халықаралық шарттарына сәйкес осы Кодекстің 536-бабында көзделген жекелеген арнайы оңайлатулар Одаққа мүше болып табылмайтын мемлекеттердің уәкілетті экономикалық операторларына өзара негізде ұсынылуы мүмкін. Бұл ретте мұндай арнайы оңайлатулар осындай халықаралық шарттардың тарапы болып табылатын Қазақстан Республикасының аумағында ғана қолданылады.


      530-бап. Уәкілетті экономикалық операторлардың тізілімі

      1. Уәкілетті орган Комиссия айқындаған нысан бойынша уәкілетті экономикалық операторлардың тізілімін жүргізеді, оны уәкілетті органның интернет ресурсына орналастырады және оны айына бір реттен кем емес жаңартуды қамтамасыз етеді.

      2. Комиссия Еуразиялық экономикалық одаққа мүше мемлекеттердің кеден органдары жүргізетін уәкілетті экономикалық операторлардың тізілімдерінің негізінде уәкілетті экономикалық операторлардың жалпы тізілімін қалыптастырады, оны Еуразиялық экономикалық одақтың ресми сайтына орналастырады және оны айына бір реттен кем емес жаңартуды қамтамасыз етеді.

      Уәкілетті экономикалық операторлардың жалпы тізілімінің нысанын, оны қалыптастыру және жүргізу тәртібін, сондай-ақ Еуразиялық экономикалық одаққа мүше мемлекетердің кеден органдары жүргізетін уәкілетті экономикалық операторлардың тізілімінде қамтылатын деректерді ұсынудың техникалық шарттарын Комиссия айқындайды.


      531-бап. Уәкілетті экономикалық операторлардың тізіліміне енгізу туралы куәлік және оның типтері

      1. Уәкілетті экономикалық операторлардың тізіліміне енгізу туралы куәліктің (осы тарауда бұдан әрі - куәлік) үш типі болады.

      2. Куәліктің бірінші типі уәкілетті экономикалық операторға осы Кодекстің 536-бабы 2-тармағында көзделген арнайы оңайлатуларды пайдалануға құқық береді.

      3. Куәліктің екінші типі уәкілетті экономикалық операторға осы Кодекстің 536-бабы 3-тармағында көзделген арнайы оңайлатуларды пайдалануға құқық береді.

      4. Куәліктің үшінші типі уәкілетті экономикалық операторға осы Кодекстің 536-бабы 4-тармағында көзделген арнайы оңайлатуларды пайдалануға құқық береді.

      5. Куәліктің нысаны мен оны толтыру тәртібін Комиссия айқындайды.

      6. Куәлік заңды тұлғаны уәкілетті экономикалық операторлардың тізіліміне енгізген күннен бастап күнтізбелік он күн өткеннен кейін күшіне енеді және қолданыс мерзімі шектелмейді.

      7. Уәкілетті экономикалық оператор куәлік күшіне енген күннен бастап осы Кодекстің 536-бабында көзделген арнайы оңайлатуларды пайдалануға құқылы.

      8. Куәлікті берген мүше мемлекеттің кеден органы заңды тұлғаны уәкілетті экономикалық операторлардың тізіліміне енгізген күннен бастап күнтізбелік бес күннен кешіктірмей, осы Кодекстің 442-бабына сәйкес осындай тұлғаға және осы аумақтық кеден органдарының, сондай-ақ Еуразиялық экономикалық одақтың басқа мүше мемлекеттердің кеден органдарының заңды тұлғаны уәкілетті экономикалық операторлардың тізіліміне енгізу күні және куәліктің күшіне ену күні туралы ақпаратты назарына жеткізеді.

      Уәкілетті орган уәкілетті экономикалық операторлардың тізіліміне заңды тұлғаларды кіргізу туралы ақпаратты осындай тұлғаға жазбаша немесе электрондық нысанда жеткізеді.


      532-бап. Уәкілетті экономикалық операторлардың тізіліміне енгізу шарттары

      1. Мыналар:

      1) уәкілетті экономикалық операторлардың тізіліміне енгізу туралы өтінішті (осы тарауда бұдан әрі - өтініш) уәкілетті орган тіркеген күнге дейін осы заңды тұлғаның сыртқы экономикалық қызметті, кеден өкілі, уақытша сақтау қоймасының иесі, кеден қоймасы ретінде кеден ісі саласындағы қызметті кемінде үш жыл бойы жүзеге асыруы не кемінде екі жыл бойы кедендік тасымалдаушы ретінде қызметті жүзеге асыруы:

      тауарларды тасымалдау жөніндегі қызмет көрсету бойынша қызметтерді қоспағанда, сыртқы экономикалық қызметті жүзеге асыратын тұлғалардың кемінде әрбір он жыл үшін берілген тауарларға арналған декларациялары немесе Еуразиялық экономикалық одақтың кедендік шекарасы арқылы өткізілген тауарлардың әрбір жыл үшін жиынтық сомасына уәкілетті органда өтінішті тіркеген күні Қазақстан Республикасының салық заңнамасына сәйкес белгіленетін нарықтық валюта бағамы бойынша кемінде бес жүз мың евроға балама сомалардан кем емес шаманы құрауы;

      тауарларды тасымалдау жөніндегі қызмет көрсету бойынша сыртқы экономикалық қызметті жүзеге асыратын тұлғалардың әрбір жыл үшін берген кемінде екі жүз елу транзиттік декларациялары;

      кеден өкілі ретінде кеден ісі саласындағы қызметті жүзеге асыратын тұлғалар мүше мемлекеттердің кедендік реттеу туралы заңнамасында белгіленген мөлшерде, бірақ әрбір жыл үшін берген кемінде екі жүз кедендік декларациясы немесе олар кедендік декларацияда мәлімделген тауарлардың әрбір жыл үшін жиынтық сомасына уәкілетті органда өтінішті тіркеген күні Қазақстан Республикасының салық заңына сәйкес белгіленетін нарықтық валюта бағамы бойынша кемінде бес жүз мың еуроға балама сомалардан кем емес шаманы құрауы;

      уақытша сақтау қоймаларының иелері, кеден қоймалары ретінде кеден ісі саласындағы қызметті жүзеге асыратын тұлғалар тауарларды сақтауды жүзеге асырған әрбір жыл үшін жиынтық сомасы мүше мемлекеттердің кедендік реттеу туралы заңнамасында белгіленген өтінішті уәкілетті органда тіркеген күні Қазақстан Республикасының салық заңына сәйкес белгіленетін нарықтық валюта бағамы бойынша кемінде бес жүз мың евроға балама сомадан аспайтын шаманы құрауы;

      кедендік тасымалдаушы ретінде кеден ісі саласында қызметті жүзеге асыратын тұлғалардың әрбір жыл үшін берген екі жүз елуден кем емес транзиттік декларациялары;

      2) осы Кодекстің 535-бабына сәйкес берілген уәкілетті экономикалық оператордың міндеттерін орындауды қамтамасыз етуі;

      3) барлық Еуразиялық экономикалық одаққа мүше мемлекеттерде уәкілетті органда өтінішті тіркеу күні белгіленген мерзімде кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу жөніндегі орындалмаған міндеттердің болмауы;

      4) уәкілетті органда өтінішті тіркеу күні осы заңды тұлғада Қазақстан Республикасының салық заңына сәйкес берешектердің (бересінің) болмауы;

      5) уәкілетті органда өтінішті тіркеу күніне дейін бір жыл ішінде осы заңды тұлғаны әкiмшiлiк жауаптылыққа тарту фактісінің болмауы;

      "Әкiмшiлiк құқық бұзушылық туралы" 2014 жылғы 5 шілдедегі Қазақстан Республикасы Кодексінің 527, 534, 548, 549, 550, 551, 552, 558-баптарына сәйкес әкiмшiлiк құқық бұзушылыққа;

      басқа Еуразиялық экономикалық одаққа мүше мемлекеттердің аумағында Еуразиялық экономикалық одаққа мүше мемлекеттердің заңдарына сәйкес анықталған әкiмшiлiк құқық бұзушылық жасағаны үшiн уәкілетті экономикалық операторлардың тізіліміне енгізуден бас тарту үшін негіз ретінде әкiмшiлiк жауаптылыққа тарту фактісінің болмауы;

      6) уәкілетті экономикалық операторлардың тізіліміне енгізуге үміткер заңды тұлғаның акцияларының он және одан көп пайызы бар, Еуразиялық экономикалық одаққа мүше мемлекеттердің осы заңды тұлғаның акционерлері, оның құрылтайшылары (қатысушылары), басшылары, бас бухгалтері болып табылатын жеке тұлғалардың қылмыстық жауаптылыққа тарту фактілерінің болмауы;

      1997 жылғы 16 шілдедегі Қазақстан Республикасы Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасы Қылмыстық кодексінің 234, 236 және 286-баптарына сәйкес жойылмаған сотталғандығы бар болуы;

      басқа Еуразиялық экономикалық одаққа мүше мемлекеттердің аумағында, Еуразиялық экономикалық одаққа мүше мемлекеттердің заңдары бойынша жасалған қылмыстық құқық бұзушылықтары үшiн жауаптылыққа тарту, олар бойынша осындай Еуразиялық экономикалық одаққа мүше мемлекеттердің кедендік және басқа да мемлекеттік органдарының жүргізуіне жатқызылған өндірістік ісі үшін уәкілетті экономикалық операторлардың тізіліміне енгізуден бас тартуға негіз ретінде анықтаулар болмауы;

      7) кедендік операциялар жасау кезінде кеден органдарына ұсынатын мәліметтерді шаруашылық операцияларды жүргізу туралы мәліметтермен салыстыруға мүмкіндік беретін және кеден органдарының осындай мәліметтерге қол жеткізуін (оның ішінде қашықтықтан) қамтамасыз ететін тауарларды есепке алу жүйесінің болуы бірінші типті куәлікті бере отырып, заңды тұлғаны уәкілетті экономикалық операторлардың тізіліміне енгізу шарттары болып табылады. Комиссия тауарларды есепке алу жүйесіне қойылатын типтік талаптарды айқындауға құқылы.

      8) электрондық шот-фактуралардың ақпараттық жүйесін пайдалану туралы шарттың (келісімнің) болуы қажет.

      2. Осы баптың 1-тармағы 5) және 6) тармақшаларында көрсетілген әкімшілік құқық бұзушылықтар мен қылмыстық құқық бұзушылық үшін әкімшілік және қылмыстық жауаптылықты көздейтiн мүше мемлекеттердің әкімшілік және қылмыстық заңнамасының баптары туралы ақпарат, осындай әкімшілік және қылмыстық құқық бұзушылықтардың құрамы мен санкциясы көрсетіле отырып, Еуразиялық экономикалық одақтың кеден органдары осындай баптардың жалпы тізбесін қалыптастыру және Еуразиялық экономикалық одақтың ресми сайтына оларды орналастыру үшін Комиссияға жолдайды.

      Көрсетілген баптардың жалпы тізбесінің форматын, оларды қалыптастыру, оны жүргізу және олардан мәліметтерді пайдалану тәртібін, сондай-ақ техникалық шарттары мен тәртібін, оның ішінде баптар туралы ақпаратты ұсыну құрылымы мен форматын Комиссия айқындайды.

      3. Мыналар:

      1) осы баптың 1-тармағы 1), 3), 4), 5), 6), 7), 8) тармақшаларында көрсетілген шарттар;

      2) осы баптың 6-тармағына сәйкес айқындалған мәнге осы заңды тұлғаның қаржылық тұрақтылығының сәйкестігі;

      3) тауарларды уақытша сақтауға арналған құрылыстардың, үй-жайлардың (үй-жайдың бөлігі) және (немесе) ашық алаңдардың (ашық алаңның бөлігі) меншігінде, шаруашылық жүргізуінде, жедел басқаруында немесе жалға алынған болуы екінші типтегі куәлікті бере отырып, заңды тұлғаны уәкілетті экономикалық операторлардың тізіліміне енгізу шарттары болып табылады. Егер құрылыстар, үй-жайлар (үй-жайдың бөлігі) және (немесе) ашық алаңдар (ашық алаңның бөлігі) жалға алынған болса, мұндай құрылыстарға, үй-жайларға (үй-жайдың бөлігі) және (немесе) ашық алаңдарға (ашық алаңның бөлігі) қатысты жалға алу шарты өтінішті беру күні кемінде бір жыл мерзімге жасалуға тиіс;

      4) аумағында тауарларды уақытша сақтау кедендік транзиттің кедендік рәсім қолданысын аяқтау жүзеге асырылатын және (немесе) уәкілетті экономикалық операторлар тізіліміне енгізуге үміткер заңды тұлғаның көлік құралдары мен жұмыскерлеріне кедендік бақылау жүргізілетін құрылыстарға, үй-жайларға (үй-жайлардың бөлiктерi) және (немесе) ашық алаңдарға (ашық алаңның бөлігі) Комиссия қоятын талаптарды сақтауы екінші типті куәлікті бере отырып, заңды тұлғаны уәкілетті экономикалық операторлардың тізіліміне енгізу екінші үлгідегі куәлік беру шарттары болып табылады.

      4. Егер тауарларды өндіру және (немесе) тауарларды экспорттау бойынша қызметті жүзеге асыратын мүше мемлекеттің заңды тұлғасының қаржылық тұрақтылығы осы баптың 6-тармағына сәйкес айқындалған мәнге сәйкес келмеген жағдайда, екінші үлгідегі куәлік бере отырып, заңды тұлғаны уәкілетті экономикалық операторлардың тізіліміне енгізу шарты уәкілетті органда өтінішті тіркеу күніне Қазақстан Республикасының салық заңнамасына сәйкес белгіленетін валюталардың нарықтық бағамы бойынша жүз елу мың евродан кем емес баламалы мөлшерде уәкілетті экономикалық оператордың міндеттерін орындауды қамтамасыз етуді ұсыну белгіленуі мүмкін.

      5. Мыналар:

      1) уәкілетті органда өтінішті тіркеген күнге дейін кемінде екі жыл бойы бірінші немесе екінші типті куәлікті бере отырып, заңды тұлға уәкілетті экономикалық операторлардың тізіліміне енгізілгенде үшінші типті куәлікті бере отырып, заңды тұлғаны уәкілетті экономикалық операторлардың тізіліміне енгізу шарттары болып табылады. Көрсетілген мерзімге куәліктің қолданысы осы Кодекстің 534-бабы 1-тармағының 11 және 12) тармақшаларында көзделген негіздер бойынша тоқтатыла тұрған жағдайларды қоспағанда, осы Кодекстің 534-бабы 1-тармағына сәйкес куәліктің қолданысы тоқтатыла тұрған кезең қосылмайды;

      2) осы баптың 3-тармағында көрсетілген шарттар үшінші типті куәлікті бере отырып, заңды тұлғаны уәкілетті экономикалық операторлардың тізіліміне енгізу шарттары болып табылады.

      6. Уәкілетті экономикалық операторлар тізіліміне енгізуге үміткер заңды тұлғаның қаржылық тұрақтылығын және қаржылық тұрақтылығын сипаттайтын және осы тізілімге енгізу үшін қажетті мәндерді айқындау тәртібін Комиссия және Комиссия көздеген жағдайларда Қазақстан Республикасының заңнамасында айқындалады.


      533-бап. Уәкілетті экономикалық операторлардың тізіліміне енгізу тәртібі

      1. Уәкілетті экономикалық операторлардың тізіліміне енгізу үшін заңды тұлға (осы бапта бұдан әрі – өтініш беруші) заңнамаға сәйкес уәкілетті кеден органға өтініш береді.

      Көрсетiлген өтініштің нысанын, оны толтыру тәртiбі мен онда мәлiмделген мәлiметтерді растайтын құжаттардың тiзбесін Комиссия айқындайды.

      2. Уәкілетті орган бірінші және екінші типтегі куәліктер беру туралы өтінішті және оған қоса берілетін құжаттарды қарау кезінде ондағы мәліметтерді тексереді және аумақтық кеден органына заңды тұлғаның сыртқы экономикалық қызметті жүзеге асырған, бірақ уәкілетті экономикалық операторлар тізіліміне енгізу туралы өтініш тіркелген күнге дейінгі бес жылдан аспайтын кезең үшін осы Кодекстің 416-бабы 6-тармағының 1), 2), 3), 4), 6) және 7) тармақшаларында көзделген талаптарды сақтау тұрғысынан осы Кодекстің 47-тарауында көзделген, сондай-ақ бірінші типтегі куәліктер беру туралы өтінішті берушінің осы Кодекстің 532-бабы 1-тармағының 1) және 7) тармақшаларында, 3-тармағының 2), 3) және 4) тармақшаларында көзделген талаптардың, екінші типтегі куәліктер беру туралы өтінішті берушінің осы Кодекстің 532-бабы 1-тармағының 1) және 7) тармақшаларында көзделген көшпелі кедендік тексеру жүргізуді тапсырады.

      Егер бұрын көшпелі кедендік тексеру жүргізілген және осы Кодекстің 416-бабы 6-тармағының 1), 2), 3), 4), 6) және 7) тармақшаларында көзделген талаптардың сақталуы тексерілген жағдайда уәкілетті экономикалық операторлар тізіліміне енгізуге өтінішке сәйкес мұндай талаптардың сақталуын тексеру алдыңғы көшпелі кедендік тексеру аяқталған күннен бастап уәкілетті экономикалық операторлар тізіліміне енгізуге өтініш тіркелген күнге дейін қамтитын уақыт кезеңіне ғана жүргізілетін көшпелі кедендік тексеру шеңберінде жүзеге асырылады.

      Өтінішті және оған қоса берілетін құжаттарды қарау, сондай-ақ көшпелі кедендік тексеру жүргізу нәтижелері бойынша уәкілетті орган өтініш және көрсетілген құжаттар тіркелген күннен бастап күнтізбелік тоқсан күннен кешіктірмей уәкілетті экономикалық операторлар тізіліміне тұлғаны енгізу туралы бірінші және екінші типтегі куәліктер беру не, бас тарту себептерін көрсете отырып, мұндай куәліктер беруден бас тарту туралы шешім қабылдайды.

      3. Уәкілетті орган бірінші және екінші типтегі куәліктер беру туралы өтінішті және оған қоса берілетін құжаттарды қарау кезінде ондағы мәліметтерді тексереді және аумақтық кеден органына заңды тұлғаның сыртқы экономикалық қызметті жүзеге асырған, бірақ уәкілетті экономикалық операторлар тізіліміне енгізу туралы өтініш тіркелген күнге дейінгі бес жылдан аспайтын кезең үшін осы Кодекстің 416-бабы 6-тармағының 1), 2), 3), 4), 6) және 7) тармақшаларында көзделген талаптарды сақтау тұрғысынан осы Кодекстің 47-тарауында көзделген, сондай-ақ бірінші типтегі куәліктер беру туралы өтінішті берушінің осы Кодекстің 532-бабы 1-тармағының 1) және 7) тармақшаларында, 3-тармағының 2), 3) және 4) тармақшаларында көзделген талаптардың, екінші типтегі куәліктер беру туралы өтінішті берушінің осы Кодекстің 532-бабы 1-тармағының 1) және 7) тармақшаларында көзделген көшпелі кедендік тексеру жүргізуді тапсырады.

      Егер бұрын көшпелі кедендік тексеру жүргізілген және осы Кодекстің 416-бабы 6-тармағының 1), 2), 3), 4), 6) және 7) тармақшаларында көзделген талаптардың сақталуы тексерілген жағдайда уәкілетті экономикалық операторлар тізіліміне енгізуге өтінішке сәйкес мұндай талаптардың сақталуын тексеру алдыңғы көшпелі кедендік тексеру аяқталған күннен бастап уәкілетті экономикалық операторлар тізіліміне енгізуге өтініш тіркелген күнге дейін қамтитын уақыт кезеңіне ғана жүргізілетін көшпелі кедендік тексеру шеңберінде жүзеге асырылады.

      Өтінішті және оған қоса берілетін құжаттарды қарау, сондай-ақ көшпелі кедендік тексеру жүргізу нәтижелері бойынша уәкілетті орган өтініш және көрсетілген құжаттар тіркелген күннен бастап күнтізбелік тоқсан күннен кешіктірмей уәкілетті экономикалық операторлар тізіліміне тұлғаны енгізу туралы үшінші типтегі куәліктер беру не, бас тарту себептерін көрсете отырып, мұндай куәліктер беруден бас тарту туралы шешім қабылдайды.

      4. Бірінші, екінші және үшінші типтегі куәліктер беру туралы шешім берілетін куәліктің типіне сәйкес арнайы оңтайландыруларды көрсете отырып, кеден органы басшысының, ол уәкілеттік берген басшы орынбасарының не олардың орнын алмастыратын адамдардың бұйрығымен ресімделеді.

      5. Өтінішке онда мәлiмделген мәлiметтерді растайтын құжаттар қоса беріледі.

      Өтінішке құжаттар, егер мұндай құжаттар туралы мәлiметтер және (немесе) мәліметтердің бірін кеден органдары пайдаланатын ақпараттық жүйесінен уәкілетті органдар, сондай-ақ ақпараттық өзара iс-қимыл шеңберiнде Еуразиялық экономикалық одаққа мүше мемлекеттердің мемлекеттік органдарының (ұйымдары) ақпараттық жүйелерінен алуға болатын болса кеден органына ұсынылмауы мүмкін.

      6. Бiрiншi және екінші типтегі куәлiктердi алумен уәкiлетті экономикалық операторлардың тiзiлiміне енгізу үшiн өтініш беруші бір өтiнiш беруге құқылы.

      7. Уәкiлетті орган өтінішті тiркеген күннен бастап бес жұмыс күні ішінде өтінішті қарау не оны қараудан бас тарту туралы шешім қабылдайды.

      Өтінішті қараудан бас тарту үшін негіздер болған жағдайда уәкiлетті орган бұл туралы өтініш берушіге хабарлайды.

      8. Уәкiлетті орган мынадай:

      1) өтініш белгіленген нысанға сәйкес толтырылмаса не электрондық құжат түріндегі өтініштің құрылымы мен форматы осы өтініштің белгіленген құрылымы мен форматына сәйкес келмеген;

      2) өтініште көрсетілуге тиісті мәліметтер өтініште көрсетілмеген;

      3) өтініш осы Кодекстің 534-бабы 7-тармағының 4), 5), 6) және 7) тармақшаларында көзделген негіздер бойынша заңды тұлға уәкiлетті экономикалық операторлардың тiзiлiмінен шығарылған күннен бастап бір жыл өткенге дейін берілген жағдайларда өтінішті қараудан бас тартады.

      9. Уәкiлетті орган өтінішті, оны уәкiлетті органда тiркеген күннен бастап күнтiзбелiк тоқсан күннен аспайтын мерзімде қарайды.

      10. Осы баптың 2-тармағының екінші абзацында көзделген жағдайларды қоспағанда, егер өтінішті беру кезінде өтінішті қараудан бас тарту үшін негіздер болмаса, ал онда көрсетілген мәліметтерді өтініш беруші құжаттай растамаған болса, уәкiлетті орган өтінішті уәкiлетті органда тіркелген күннен бастап бес жұмыс күні ішінде осы құжаттарды бір ай ішінде ұсыну қажеттілігі туралы өтініш берушіге хабарлайды.

      11. Осы баптың 7-тармағына сәйкес сұратылған құжаттар ұсынылған күнге дейін не оларды ұсыну мерзімі өткенге дейін өтінішті қарау мерзімі тоқтатыла тұрады.

      12. Өтініш беруші осы баптың 7-тармағында көрсетілген мерзім ішінде құжаттарды ұсынбаған кезде уәкiлетті орган өтінішті қараудан бас тарту туралы шешім қабылдайды.

      13. Уәкілетті операторлар тізіліміне енгізуге үміткер заңды тұлғаның осы Кодекстің 532-бабы 1-тармағының 3), 5) және 6) тармақшаларында көзделген осындай тізілімге енгізу шарттарын сақтауын тексеру мақсатында өтінішті уәкілетті органда тіркеген күннен бастап бес жұмыс күні ішінде осы Кодекстің 445-бабына сәйкес жолдайтын құжаттардың және (немесе) мәліметтердің көшірмелерін беру туралы сұрау салуды жолдайды.

      Егер осы Кодекстің 445-бабында көзделген мерзімде осы Кодекстің 532-бабы 1-тармағының 3), 5) және 6) тармақшаларында көрсетілген шарттарды сақтамау туралы мәліметтер қамтылмағаны жөнінде жауап алынса не мұндай жауап алынбаса, кеден органына сұрау салу жіберілген Еуразиялық экономикалық одаққа мүше мемлекетте уәкiлетті экономикалық операторлардың тізіліміне енгізудің осындай шарттары сақталды деп саналады.

      14. Бiрiншi немесе екінші типті куәлiктердi бере отырып, уәкiлетті экономикалық операторлардың тізіліміне енгізу туралы өтінішті қарау нәтижелері бойынша, егер мұндай тiзiлiмге енгізудің шарты уәкiлетті экономикалық оператордың мiндеттерiн орындауды қамтамасыз ету болса, кеден органы тұлғаны осы Кодекстің 532-бабы 1-тармағының 1), 3), 4), 5), 6), 7) және 8) тармақшаларында немесе 3-тармағының 1), 3) және 4) тармақшаларында белгіленген шарттарды сақтау туралы хабардар етеді не мұндай тізілімге енгізуден бас тарту туралы шешім қабылдайды.

      15. Уәкiлетті экономикалық оператордың мiндеттерді орындауын қамтамасыз етуді ұсынуды растайтын құжаттар уәкiлетті орган көрсеткен хабарламаны жолдаған күннен бастап екі айдан кешіктірілмей ұсынылады.

      Бұл ретте уәкiлетті орган көрсетілген хабарламаны жолдаған күннен бастап уәкiлетті экономикалық оператордың мiндеттерiн орындауды қамтамасыз етуді растайтын құжаттарды ұсынған күнге дейінгі кезеңге өтінішті қарау мерзімі тоқтатыла тұрады.

      16. Уәкiлетті орган уәкiлетті экономикалық оператордың мiндеттердi орындауын қамтамасыз етуін ұсынуды тиісінше растайтын құжаттарды табыс еткен күннен бастап, күнтізбелік он күннен кешіктірмей өтініш берушіні уәкiлетті экономикалық операторлардың тiзiлiміне енгізу туралы шешім қабылдайды.

      17. Егер осы баптың 12-тармағының бірінші абзацында көрсетілген мерзім өткенге дейін уәкiлетті экономикалық оператордың мiндеттердi орындауын қамтамасыз етуін ұсынуды растайтын құжаттар табыс етілмесе не табыс етілген құжаттар уәкiлетті экономикалық оператордың мiндеттердi орындауын қамтамасыз етуін ұсынуды тиісінше растамаса, уәкiлетті орган көрсетілген мерзім өткен күннен бастап күнтізбелік он күннен кешіктірмей өтініш берушіні уәкiлетті экономикалық операторлардың тiзiлiміне енгізуден бас тарту туралы шешім қабылдайды.

      18. Екінші типті не үшінші типті куәлiктi бере отырып, уәкiлетті экономикалық операторлардың тізіліміне енгізу туралы өтінішті қарау нәтижесі бойынша, егер уәкiлетті экономикалық оператордың мiндеттердi орындауын қамтамасыз ету мұндай тізілімге енгізудің шарты болып табылмаса, уәкiлетті орган осы баптың 6-тармағында көрсетілген мерзімнен кешіктірмей өтініш берушіні уәкiлетті экономикалық операторлардың тiзiлiміне енгізу не мұндай тізілімге енгізуден бас тарту туралы шешім қабылдайды.

      Осы Кодекстің 532-бабында белгіленген шарттардың сақталмауы уәкiлетті экономикалық операторлардың тiзiлiміне енгізуден бас тартуға негіз болып табылады.


      534-бап. Куәліктің қолданылуын тоқтата тұру, қайта жаңарту және уәкілетті экономикалық операторлардың тізілімінен шығару үшін негіздер

      1. Мыналар:

      1) куәліктің қолданылуын тоқтата тұру туралы уәкілетті экономикалық оператордың өтініші;

      2) уәкілетті экономикалық операторға қатысты банкроттық рәсімнің қозғалуы;

      3) уәкілетті экономикалық оператордың осы Кодекстің 541-бабында көзделген міндеттерді орындамауы;

      4) егер уәкілетті экономикалық оператордың міндеттерінің орындалуын қамтамасыз ету уәкілетті экономикалық оператордың тізіліміне енгізудің шарты болып табылса, осы Кодекстің 535-бабында көзделген мөлшерде осындай қамтамасыз етудің болмауы;

      5) осы Кодекстің 86-бабы 3-тармағы, 137-бабы 3-тармағына сәйкес кеден органдары жолдаған хабарламада көрсетілген мерзімде кедендік төлемдерді, салықтарды, арнайы, демпингке қарсы, өтем баждарын төлеу бойынша міндеттерді орындамау не тиісінше орындамау, сондай-ақ белгіленген мерзімде өсімпұлдарды, пайыздарды төлемеу;

      6) уәкілетті экономикалық операторда уәкілетті экономикалық операторлардың тізіліміне енгізілген, Қазақстан Республикасына қарағанда Еуразиялық экономикалық одаққа мүше мемлекеттен өзге мүше мемлекеттерде белгіленген мерзімде кедендік төлемдер, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша міндеттерді орындамау туралы ақпараттың болуы;

      7) осы Кодекстің 532-бабы 1-тармағының 7) тармақшасында көзделген тауарларды есепке алу жүйесінің болмауы немесе мұндай тауарларды есепке алу жүйесінің уәкілетті орган белгіленген талаптарға сәйкес келмеуі;

      8) егер заңды тұлғаның қаржы тұрақтылығы осы Кодекстің 532-бабы 6-тармағына сәйкес айқындалған мәндерге сәйкес келуі уәкілетті экономикалық операторлардың тізіліміне енгізу шарты болып табылса, заңды тұлғаның қаржы тұрақтылығының осы мәндерге сәйкес келмеуі;

      9) уәкілетті экономикалық оператордың тауарларды уақытша сақтауы үшін арналған құрылысжайлардың, үй-жайлардың (үй-жайлар бөліктерінің) және (немесе) ашық алаңдардың (ашық алаңдардың бөліктерінің) меншігінде, шаруашылық жүргізуінде, жедел басқаруында болуы немесе оларды жалға алуы талабын сақтау уәкілетті экономикалық операторлар тізіліміне енгізу шарты болып табылса, мұндай талаптардың сақталмауы;

      10) уәкілетті экономикалық оператор қызметкерінің осы Кодекстің 532-бабы 3-тармағы 4) тармақшасына сәйкес Комиссия айқындаған құрылысжайларға, үй-жайларға (үй-жай (бөлiктерiне) және (немесе) ашық алаңдарға (ашық алаң бөліктеріне), көлік құралдарына қойылатын талаптарды сақтауы уәкілетті экономикалық операторлардың тізіліміне енгізу шарты болып табылса, уәкілетті экономикалық оператор қызметкерінің ол талаптарды сақтамауы;

      11) Қазақстан Республикасында немесе басқа Еуразиялық экономикалық одаққа мүше мемлекеттің бірінде, 1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес уәкілетті экономикалық операторлардың тізіліміне енгізілген заңды тұлғалардың акцияларының 10 және одан да көп пайызы бар акционерлері, осындай заңды тұлғалардың құрылтайшылары (қатысушылары), басшылары, бас бухгалтерлері болып табылатын Еуразиялық экономикалық одаққа мүше мемлекеттің жеке тұлғаларына қылмыстық іс қозғау

      12) осы Кодекстің 532-бабы 1-тармағының 7) тармақшасы мен 532-бабы 3-тармағының 3) тармақшасында белгіленген талаптарды орындамау;

      13)  осы Кодекстің 541-бабы 1-тармағының 3) және 5) және 6) тармақшаларында көзделген міндеттемелерді орындамау;

      2. Осы баптың 1-тармағында көзделген негіздердің бар болуы туралы ақпаратты алған күннен бастап он жұмыс күнінен кешіктірмей кеден органы куәліктің қолданысын тоқтата тұру туралы шешім қабылдайды.

      4. Куәліктің қолданысын тоқтата тұру туралы шешім қабылдаған кеден органы, оны қабылдаған күннен бастап бес жұмыс күні ішінде мұндай шешім туралы тоқтата тұрудың негіздерін көрсете отырып, уәкілетті экономикалық операторға хабарлайды, сондай-ақ бұл туралы ақпараты осы Кодекстің 442-бабына сәйкес мүше мемлекеттің аумақтық кеден органдарына және Еуразиялық экономикалық одаққа мүше басқа мемлекеттердің кеден органдарына беріледі.

      Уәкілетті орган уәкілетті экономикалық оператор куәлігінің қолданысын тоқтата тұру туралы шешімді жазбаша немесе электрондық нысанда уәкілетті экономикалық операторға жеткізеді.

      4. Осы баптың 1-тармағы 3), 4), 5), 6), 7), 8), 9), 10) тармақшаларында көзделген негіздер бойынша куәліктің қолданысын тоқтата тұрған жағдайда, уәкілетті экономикалық оператор куәліктің қолданысын тоқтата тұру туралы хабарламаны алған күннен бастап күнтізбелік жүз жиырма күннің ішінде куәліктің қолданысын тоқтата тұруға байланысты себептердің жойылғанын кеден органына растауға міндетті.

      5. Егер уәкілетті экономикалық оператор куәліктің қолданысын тоқтата тұру туралы хабарламаны алған күннен бастап күнтізбелік жүз жиырма күннің ішінде куәліктің қолданысын тоқтата тұруға байланысты себептердің жойылғанын растаған болса, уәкілетті орган мұндай растауды алған күннен бастап бес жұмыс күні ішінде куәліктің қолданысын жаңартады және осы Кодекстің 442-бабына сәйкес ол туралы уәкілетті экономикалық операторды, аумақтық кеден органдарын және Еуразиялық экономикалық одаққа мүше басқа мемлекеттердің кеден органдарын хабардар етеді.

      Уәкілетті экономикалық операторлардың тізіліміне енгізу туралы куәліктің қолданысын қайта бастау туралы шешім уәкілетті органның басшысының, ол уәкілеттік берген басшының орынбасарының не олардың орнын алмастыратын адамдардың бұйрығымен ресімделеді.

      6. Осы баптың 1-тармағы 11) тармақшасында көзделген негіздер бойынша тоқтатылған куәліктің қолданысы:

      1) қылмыстық не әкімшілік жауапкершіліктен босату туралы соттың немесе өзге де уәкілетті органның (лауазымды тұлғаның) шешімі;

      2) қылмыстық істі не әкімшілік құқық бұзушылық туралы істі тоқтау туралы соттың немесе өзге де уәкілетті органның (лауазымды тұлғаның) шешімі күшіне енген күннен бастап бес жұмыс күн ішінде жаңартылады.

      7. Уәкілетті экономикалық операторлардың тізілімінен уәкілетті экономикалық операторды шығару үшін мыналар:

      1) уәкілетті экономикалық оператордың өзін уәкілетті экономикалық операторлардың тізілімінен шығару туралы өтініші;

      2) уәкілетті экономикалық операторлардың тізіліміне енгізілген заңды тұлғаның таратылуы;

      3) мұндай заңды тұлғаны қайта құру нысанында қайта ұйымдастыруды қоспағанда, уәкілетті экономикалық операторлардың тізіліміне енгізілген заңды тұлғаның қайта ұйымдастырылуы;

      4) уәкілетті экономикалық оператор куәліктің қолданысын тоқтата тұруға байланысты себептердің жойылғанын куәліктің қолданысын тоқтата тұру туралы хабарламаны алған күннен бастап күнтізбелік жүз жиырма күн ішінде растамауы;

      5) Қазақстан Республикасының әкімшілік құқық бұзушылық туралы кодексінің 527, 534, 543, 548, 549, 550, 551, 552 және 558-баптарына сәйкес заңды тұлғаны бір жылдың ішінде екі реттен артық әкімшілік құқық бұзушылықты жасағаны үшін әкімшілік жауаптылыққа тарту фактісін растайтын соттың немесе өзге де уәкілетті органның (лауазымды тұлғаның) шешімінің күшіне енуі;

      6)  1997 жылғы 16 шілдедегі Қазақстан Республикасының Қылмыстық кодексінің 209, 214 және 250-баптарына, сондай-ақ 2014 жылғы 3 шілдедегі Қазақстан Республикасының Қылмыстық кодексінің 234, 236 және 286-баптарына сәйкес уәкілетті экономикалық операторлардың тізіліміне енгізілген заңды тұлғалардың акцияларының он және одан да көп пайызы бар, акционерлері, осындай заңды тұлғалардың құрылтайшылары (қатысушылары), басшылары, бас бухгалтерлері болып табылатын Еуразиялық экономикалық одаққа мүше мемлекеттің жеке тұлғаларын қылмыстық құқық бұзушылық жасалғаны үшін жауаптылыққа тарту фактісін растайтын сот шешімінің күшіне енуі;

      7) уәкілетті экономикалық оператордың осы Кодекстің 541-бабында көзделген міндеттерді күнтізбелік жылдың ішінде екі немесе одан да көп орындамауы негіз болып табылады.

      8. Уәкілетті орган осы баптың 7-тармағында көзделген негіздер туындаған немесе олар туралы ақпаратты алған күннен бастап он жұмыс күнінен кешіктірмей уәкілетті экономикалық операторлардың тізілімінен заңды тұлғаны алып тастау туралы шешім қабылдайды.

      9. Осы баптың 7-тармағы 4), 5), 6), 7) тармақшаларында көзделген негіздер бойынша уәкілетті экономикалық операторлардың тізілімінен уәкілетті экономикалық операторды алып тастаған жағдайда, уәкілетті экономикалық операторлардың тізіліміне енгізу туралы өтінішті мұндай тұлғаны уәкілетті экономикалық операторлардың тізілімінен алып тастаған күннен бастап бір жыл өткеннен кейін берілуі мүмкін.

      10.  Уәкілетті орган уәкілетті экономикалық операторлардың тізілімінен заңды тұлғаны шығарып тастау туралы шешім қабылдаған күннен бастап бес жұмыс күні ішінде алып тастаудың негізін көрсете отырып, ол туралы уәкілетті экономикалық операторға хабарлайды, сондай-ақ осы Кодекстің 442-бабына сәйкес аумақтық кеден органдарына және Еуразиялық экономикалық одақтың басқа да мүше мемлекеттердің кеден органдарына бұл туралы ақпаратты жеткізеді.

      Уәкілетті орган уәкілетті экономикалық оператордың тізілімінен шығарылған туралы ақпаратты уәкілетті экономикалық операторға жазбаша немесе электрондық нысанда жеткізеді.


      535-бап. Уәкілетті экономикалық оператордың міндеттерін орындауды қамтамасыз ету

      1. Уәкілетті экономикалық оператордың міндеттерді орындауын қамтамасыз ету, мұндай қамтамасыз ету уәкілетті экономикалық оператордың тізіліміне енгізу шарты болып табылған жағдайда ұсынылады.

      2. Уәкілетті экономикалық оператордың кедендік баждарды, салықтарды, арнайы, демпингке қарсы, өтем баждарын кедендік баждарды төлеу бойынша міндеттерді орындауды қамтамасыз етуі уәкілетті экономикалық оператордың осы Кодекске сәйкес мұндай заңды тұлғаның кедендік баждарды, салықтарды, арнайы, демпингке қарсы, өтем баждарын кедендік баждарды төлеу бойынша міндеттер туындаған не ол салықтарды, арнайы, демпингке қарсы, өтем баждарын төлеушімен бірге төлеу бойынша заңды тұлға ортақ міндеттерді көтерген жағдайларда кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша міндеттердің орындалуын қамтамасыз етеді.

      3. Уәкілетті экономикалық оператордың міндеттерінің орындалуын қамтамасыз етуді, уәкілетті экономикалық оператордың тізіліміне енгізу туралы өтініш берген заңды тұлғаның уәкілетті экономикалық оператордың міндеттерінің орындалуын қамтамасыз ету мөлшерін төмендету үшін, заңды тұлғаның не осындай тізілімге кіргізілген немесе қамтамасыз етудің бір тәсілін ауыстырып басқа уәкілетті органның жүзеге асыруына үміткер заңды тұлға ұсынады.

      4. Уәкілетті экономикалық оператордың міндеттерін орындауы осы Кодекстің 97-бабы 1-тармағының 1), 2), 3), 4) тармақшаларында көрсетілген тәсілдермен қамтамасыз етіледі және осы Кодекстің 103-бабында айқындалған кедендік баждарды, салықтарды төлеуді бас қамтамасыз ету түрінде беріледі.

      Осы Кодекстің 97-бабы 1-тармағының 3) тармақшасында көрсетілген уәкілетті экономикалық оператордың міндеттерін орындауын қамтамасыз ету тәсілін қолдану кезінде, кепілдік беруші осы Кодекстің 97-бабы 1-тармағының 1), 2), 4) тармақшаларында көрсетілген тәсілдермен осындай міндеттерді орындауды қамтамасыз етеді.

      5. Уәкілетті экономикалық оператор заңды тұлғаның міндеттерді орындауын қамтамасыз ету үшін осы Кодекстің 97-бабының 4-тармағының ережелерін ескере отырып кедендік баждарды, салықтарды төлеу жөніндегі міндеттерін орындауды қамтамасыз ету үшін, осы Кодекстің 97-бабы 1-тармағында көрсетілген тәсілдерінің кез келгенін таңдауға құқылы.

      Уәкілетті экономикалық оператордың міндеттерін орындауы осы баптың 4-тармағының ережелерін ескере отырып, осы баптың 3-тармағында көрсетілген заңды тұлғаның таңдауы бойынша осы Кодекстің 97-бабының 1-тармағында көзделінген бірнеше тәсілдермен қамтамасыз етілуі мүмкін.

      6. Уәкілетті экономикалық оператордың міндеттерін орындауын қамтамасыз етуді ұсынған заңды тұлға уәкілетті экономикалық оператордың міндеттерін орындауын алмастыратын қамтамасыз етуге осы Кодекстің
12-тарауына, 142 және 353-баптарына сәйкес өндіріп алу қолданылмаса, осы баптың 4-тармағының ережелерін ескере отырып және (немесе) Қазақстан Республикасының азаматтық заңдарына сәйкес кепілдік нысанға өндіріп алу қолданылмаса және (немесе) осы тарауға сәйкес кедендік баждарға, салықтарға, өсімпұлдарға есептелінген пайыздардың смомаларын төлеу туралы кеден органдарымен талаптар жолданылмаса уәкілетті экономикалық оператордың міндеттерді орындауын қамтамасыз етудің бір тәсілін басқа тәсілмен алмастыруды жүзеге асыруға құқылы.

      7. Уәкілетті экономикалық оператордың міндеттерді орындауы, ол уәкілетті экономикалық оператордың тізіліміне енгізілген заңды тұлғаның жүзеге асыру кезеңі ішінде, ал осы Кодексте көзделген жағдайларда кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттерді, оның ішінде ортақ міндеттерді орындау - кедендік баждарды, салықтарды, арнайы, демпингке қарсы, өтем баждарын төлеу жөніндегі міндеттер тоқтатылғанға дейін үздіксіз қамтамасыз етілуге тиіс.

      8. Уәкілетті экономикалық оператордың міндеттерді орындауын қамтамасыз ету тәсілдерін қолданудың тәртібі, қамтамасыз ету тәсілінің бірін екіншісіне ауыстыру, осы баптың 11, 12, 13 және 14-тармақтарына сәйкес уәкілетті экономикалық оператордың міндеттерді орындауын қамтамасыз ету мөлшерін төмендету тәртібін уәкілетті орган бекітеді.

      9. Егер уәкілетті экономикалық оператордың міндеттерді орындауын қамтамасыз етуді ұсыну үшін мұндай қамтамасыз ету мөлшері белгіленген Қазақстан Республикасының ұлттық валютасын шетел валютасында қайта есептеу жүргізу талап етілген жағдайда мұндай қайта есептеулер мүлік кепілі шарты немесе кепіл туралы шарт жасалған күні (мұндай шарттарға өзгерістер енгізілген кезде - кепілгерлік шартқа немесе мүлік кепілі туралы шартқа өзгерістер енгізу туралы шарт жасалған күні), уәкілетті экономикалық оператордың міндеттерді орындауын қамтамасыз етуді ұсыну кезінде өзге де тәсілдермен:

      1) кеден органы уәкілетті экономикалық операторды осындай тізілімге енгізу мақсатында уәкілетті экономикалық оператордың міндеттерді орындауын қамтамасыз ету берілген кезде – уәкілетті экономикалық оператордың тізіліміне енгізудің шарттарын сақтау туралы хабарламаны тіркеген күні;

      2) кеден органы уәкілетті экономикалық оператордың міндеттерді орындауын қамтамасыз ету сомаларын төмендету туралы уәкілетті экономикалық оператордың өтінішін тіркеген күні;

      3) кеден органы уәкілетті экономикалық оператордың қамтамасыз етудің бір тәсілін екіншісімен ауыстыру туралы өтінішін тіркеген күні не уәкілетті экономикалық оператордың тізіліміне заңды тұлғаны енгізу шарттарын сақтау мақсатында уәкілетті экономикалық оператордың міндеттерді орындауын басқа қамтамасыз ету берілген күні қолданылатын валюта бағамы бойынша жүргізіледі.

      10. Бірінші типті куәлікті бере отырып, уәкілетті экономикалық операторлардың тізіліміне заңды тұлғаны енгізу кезінде кем дегенде бір миллион евроға баламалы мөлшерінде уәкілетті экономикалық оператордың міндеттерін орындауды қамтамасыз ету ұсынылады.

      11. Егер уәкілетті экономикалық операторлардың тізіліміне заңды тұлғаны енгізген күннен бастап екі жыл ішінде бірінші үлгідегі куәлік тоқтатылмаған жағдайда, онда үшінші жылдан бастап уәкілетті экономикалық оператордың міндеттерін орындауды қамтамасыз ету кем дегенде жеті жүз мың евроға баламалы мөлшерінде қамтамасыз етіледі.

      12. Уәкілетті экономикалық операторлардың тізіліміне заңды тұлғаны енгізген күннен бастап төрт жыл ішінде бірінші үлгідегі куәлік тоқтатылмаған жағдайда, онда бесінші жылдан бастап уәкілетті экономикалық оператордың міндеттерін орындауды қамтамасыз ету кем дегенде бес жүз мың евроға баламалы мөлшерінде қамтамасыз етіледі.

      13. Уәкілетті экономикалық операторлардың тізіліміне заңды тұлғаны енгізген күннен бастап бес жыл ішінде бірінші үлгідегі куәлік тоқтатылмаған жағдайда, онда алтыншы жылдан бастап уәкілетті экономикалық оператордың міндеттерін орындауды қамтамасыз ету кем дегенде үш жүз мың евроға баламалы мөлшерінде қамтамасыз етіледі.

      14. Уәкілетті экономикалық операторлардың тізіліміне заңды тұлғаны енгізген күннен бастап алты жыл ішінде бірінші үлгідегі куәлік тоқтатылмаған жағдайда, онда жетінші жылдан бастап уәкілетті экономикалық оператордың міндеттерін орындауды қамтамасыз ету кем дегенде жүз елу мың евроға баламалы мөлшерінде қамтамасыз етіледі.

      15. Кеден органы өтінішті тіркеген күні екінші және үшінші үлгідегі куәлігі бар уәкілетті экономикалық операторы болып табылатын заңды тұлғаға бірінші үлгідегі куәлікті бере отырып, уәкілетті экономикалық операторлардың тізіліміне енгізу кезінде уәкілетті экономикалық оператордың міндеттерін орындауды қамтамасыз ету осы баптың 10-тармағына сәйкес айқындалған мөлшерде не осы баптың 16, 17, 18 және 19-тармақтарына сәйкес айқындалған мөлшерде ұсынылады.

      16. Уәкілетті экономикалық операторлардың тізіліміне заңды тұлғаны енгізген күннен бастап екі жыл ішінде екінші және үшінші үлгідегі куәлік тоқтатылмаған жағдайда, онда үшінші жылдан бастап уәкілетті экономикалық оператордың міндеттерін орындауды қамтамасыз ету кем дегенде жеті жүз мың евроға баламалы мөлшерінде қамтамасыз етіледі.

      17. Уәкілетті экономикалық операторлардың тізіліміне заңды тұлғаны енгізген күннен бастап төрт жыл ішінде екінші және үшінші үлгідегі куәліктоқтатылмаған жағдайда, онда бесінші жылдан бастап уәкілетті экономикалық оператордың міндеттерін орындауды қамтамасыз ету кем дегенде бес жүз мың евроға баламалы мөлшерінде қамтамасыз етіледі.

      18. Уәкілетті экономикалық операторлардың тізіліміне заңды тұлғаны енгізген күннен бастап бес жыл ішінде екінші және үшінші үлгідегі куәліктоқтатылмаған жағдайда, онда алтыншы жылдан бастап уәкілетті экономикалық оператордың міндеттерін орындауды қамтамасыз ету кем дегенде үш жүз мың евроға баламалы мөлшерінде қамтамасыз етіледі.

      19. Уәкілетті экономикалық операторлардың тізіліміне заңды тұлғаны енгізген күннен бастап алты жыл ішінде екінші және үшінші үлгідегі куәліктоқтатылмаған жағдайда, онда жетінші жылдан бастап уәкілетті экономикалық оператордың міндеттерін орындауды қамтамасыз ету кем дегенде жүз елу мың евроға баламалы мөлшерінде қамтамасыз етіледі.

      20. Уәкілетті экономикалық операторлардың тізіліміне, кеден өкiлдерiнiң тізіліміне және (немесе) кеден тасымалдаушыларының тізіліміне заңды тұлғаны енгізу кезінде уәкілетті экономикалық оператордың міндеттерін орындауды қамтамасыз ету және кеден өкiлі немесе кеден тасымалдаушысы ретінде кеден ісі саласындағы қызметті жүзеге асыратын заңды тұлғаның міндеттерін орындауды қамтамасыз ету осы Кодекстiң 486-бабы 13-тармағын есепке ала отырып, ұсынылады.

      21. Уәкілетті экономикалық оператордың міндеттерін орындауды қамтамасыз етуді қайтару, мұндай заңды тұлғада, мынадай:

      1) уәкілетті экономикалық операторлардың тізіліміне енгізуге үміткер заңды тұлғаны осы тізілімге енгізуден бас тарту;

      2) осы баптың 6-тармағына сәйкес уәкілетті экономикалық оператордың міндеттерін орындауды қамтамасыз етудің бір тәсілін басқасымен ауыстыру;

      3) осы бапта көзделген жағдайларда уәкілетті экономикалық оператордың міндеттерін орындауды қамтамасыз етудің қажетті мөлшерін азайту;

      4) егер мұндай тізілімге енгізу уәкілетті экономикалық оператордың міндеттерін орындауды қамтамасыз ету шарты болып табылса, уәкілетті экономикалық операторлардың тізілімінен уәкілетті экономикалық операторды шығару;

      5) үшінші типті куәлікті бере отырып, уәкілетті экономикалық операторлардың тізіліміне заңды тұлғаларды енгізу жағдайларында белгіленген мерзімде кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша орындалмаған міндеттер болмаған кезде жүзеге асырылады.

      22. Уәкілетті экономикалық оператордың міндеттерін орындауды қамтамасыз ету ретінде пайдаланылған ақша құралдарын есепке жатқызу (қайтару), осы баптың 23-тармағының ережелерін ескере отырып, осы Кодекстің 113, 114-баптарына сәйкес уәкілетті органмен жүзеге асырылады.

      23. Егер уәкілетті экономикалық операторға қатысты кедендік тексеру нысанында кедендік бақылау жүргізілсе, уәкілетті экономикалық оператордың міндеттерін орындауды қамтамасыз етуді қайтару, мұндай тексеру аяқталғаннан кейін жүзеге асырылады.

      24. Осы Кодекстiң 486-бабы 13-тармағына сәйкес берілген уәкілетті экономикалық оператордың міндеттерін орындауды қамтамасыз ету осы Кодекстiң 486-бабы 2-тармағына және осы баптың 2-тармағына сәйкес кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу жөніндегі міндеттерді орындауды қамтамасыз етуі тиіс.

      25. Уәкілетті экономикалық оператор кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу жөніндегі міндеттерді орындамаған жағдайда кеден органы банкке және (немесе) кепіл берушіге банктің кепілдігінде және (немесе) кепіл берушімен келісімде көзделінген кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша міндеттерді орындау мерзімдері аяқталғаннан кейінгі бес жұмыс күнінің ішінде кедендік баждарға, салықтарға, арнайы, демпингке қарсы, өтем баждарына, өсімпұлдарға, пайыздарға есептелінген сомаларды төлеу туралы талаптарды жолдайды. Бұл ретте кедендік баждардың, салықтардың арнайы, демпингке қарсы, өтем баждарын төлеу бойынша міндеттерді орындау мерзімдері аяқталған күннен кейінгі келесі күннен бастап өсімпұлдар есептеледі.

      Кеден органының кедендік баждардың, салықтардың арнайы, демпингке қарсы, өтем баждарын, өсімпұлдардың, пайыздардың тиесілі сомаларын төлеу жөніндегі талабы:

      банктің - осындай талапты алған күнінен бастап екі жұмыс күні ішінде;

      кепіл берушінің - осындай талапты алған күнінен бастап бес жұмыс күнінің ішінде бұлжытпай және міндетті орындауына жатады.

      Банк көрсетілген талаптардың орындалу мерзімдерін бұзса немесе орындамаса Қазақстан Республикасының заңдарымен белгіленген жауаптылықта болады.

      Кепілдік беруші, өсімпұлдарды, пайыздарды төлеуді қоса алғанда, кеден органының алдында төлеушімен бірдей көлемде төлеуші сияқты кедендік әкелу баждарын төлеу мерзімін ұзартуға немесе бөліп төлеуге осындай пайыздар есептелінген жағдайда жауапты болады.

      Кепілдік затынан өндіріп алу Қазақстан Республикасының азаматтық заңнамасына сәйкес жүргізіледі.


      536-бап. Уәкілетті экономикалық операторға берілетін арнайы оңайлатулар

      1. Арнайы оңайлатулар деп уәкілетті экономикалық оператордың куәлігінің типіне байланысты қолданылатын жекелеген кедендік операциялар жасау және кедендік бақылау жүргізу ерекшеліктері мен осы Кодекстің ережелерін қолданатын өзге де ерекшеліктер түсініледі.

      2. Бірінші үлгідегі куәлік уәкілетті экономикалық операторға мынадай:

      1) бірінші кезектегі тәртіпте Еуразиялық экономикалық одақтың кедендік аумағына тауарлардың келуімен, Еуразиялық экономикалық одақтың кедендік аумағынан тауарлардың кетумен тауарларды кедендік декларациялаумен және шығарумен байланысты кедендік операцияларды жасау;

      2) кедендік баждарды, салықтарды, арнайы, демпингке қарсы, өтем баждарын төлеу бойынша міндетті орындауды қамтамасыз етуді табыс ету осы Кодекстің 223-бабына сәйкес белгіленген жағдайларда, уәкілетті экономикалық оператор декларанты болатын тауарларды кедендік транзит кедендік рәсімімен орналастыру кезінде мұндай қамтамасыз етуді ұсынбау;

      3) осы Кодекстің 195 және 196-баптарында көзделген ерекшеліктермен бірге уәкілетті экономикалық оператор декларанты болатын тауарларды шығару кезінде кедендік баждарды, салықтарды, арнайы, демпингке қарсы, өтем баждарын төлеу бойынша міндетті орындауды қамтамасыз етуді ұсынбау;

      4) осы Кодекстің 194 және 540-баптарына сәйкес тауарларға арналған декларацияны беруге дейін тауарларды шығару;

      5) бірінші кезектегі тәртіпте кедендік қарап тексеру немесе кедендік тексеру нысанында тағайындаған жағдайда кедендік бақылау өткізу;

      6) кеден органдарының көлік құралдарының жүк тұратын жайларына (бөліктері) немесе олардың бөліктеріне уәкілетті экономикалық оператор салған пломбаларын идентификаттау құралдары ретінде тануы. Мұндай пломбаларға қойылатын талаптарды Комиссия айқындайды;

      7) уәкілетті экономикалық оператор тасымалдайтын тауарларға қатысты тауарларды тасымалдау бағдарының белгіленбеуі;

      8) кедендік операцияларды жасаудың уақытын қысқартуға және оңтайландыру тәртібіне бағытталған кеден органдары жүргізетін пилоттық жобалар мен тәжірибелерге қатысу басымдылығы;

      9) уәкілетті экономикалық оператор болып табылатын тасымалдаушының кедендік транзит кедендік рәсіміне сәйкес тасымалданатын (жүк тасымалы) тауарларды қоспағанда, кедендік бақылауда тұрған және Еуразиялық экономикалық одақтың кедендік аумағынан шығарылатын тауарларды тиеуді, қайта тиеуді (қайта аударуды) және өзге де жүк операцияларын, сондай-ақ мұндай тауарларды тасымалдайтын халықаралық тасымалдаудың көлік құралдарын басқа көлік құралдарымен ауыстыруды, оның ішінде қызмет аймағында тиісті операция жүзеге асырылатын кеден органының рұқсатынсыз немесе оған хабарлаусыз бекітілген пломбалар мен мөрлерді жоюды жүзеге асыру арнайы оңайлатуларын пайдалануға құқық береді.

      3. Екінші үлгідегі куәлік уәкілетті экономикалық операторға мынадай арнайы оңайлатуларды пайдалануға құқық береді:

      1) уәкілетті экономикалық операторлардың тауарларын уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңның бөліктерінде) уақытша сақтау;

      2)  уәкілетті экономикалық оператор болып табылмайтын тұлғалардың тауарларын уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңның бөліктерінде), уақытша сақтау;

      3) уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңның бөліктерінде) құрылған кедендік бақылау аймағына тауарларды жеткізу, оларды мұндай кедендік бақылау аймағында орналастыру, мұндай құрылысжайларда, үй-жайларда (үй-жайлардың бөлiктерiнде) және (немесе) ашық алаңдарда (ашық алаңның бөліктерінде) кедендік транзит кедендік рәсімі қолданысының аяқталуына байланысты кедендік бақылауды жүргізу және кедендік операцияларды жасау;

      4) уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңның бөліктерінде) кедендік бақылау жүргізу;

      5) егер мұндай кеден органы бір мүше мемлекеттің аумағында орналасса, тауарлар оның қызмет аймағында орналасқан кеден органынан бөлек кеден органында тауарларды кедендік декларациялаумен және шығарумен байланысты кедендік операцияларды жасау. Осы арнайы оңайлатуды пайдалану кезінде аталған кедендік операцияларды жасау тәртібін уәкілетті орган бекітеді.

      6) бірінші кезектегі тәртіпте кедендік қарап тексеру немесе кедендік тексеру нысанында тағайындалған жағдайда, кедендік бақылау өткізу;

      7) осы баптың 7-тармағына сәйкес айқындалған тәртіпте уәкілетті экономикалық оператордың кеден органдары пайдаланатын идентификаттау құралдарын қолдану;

      8) осы Кодекстің 195 және 196-баптарында көзделген ерекшеліктермен бірге декларанты уәкілетті экономикалық оператор болып тауарларды шығару кезінде кедендік баждарды, салықтарды, арнайы, демпингке қарсы, өтем баждарын төлеу бойынша міндеттерді орындауды қамтамасыз етуді табыс етпеу;

      9) осы Кодекстің 194 және 540-баптарына сәйкес тауарға арналған декларацияны бергенге дейін тауарларды шығару;

      10) уәкілетті экономикалық оператор тауарлардың декларанты болса, осы Кодекстің 92-бабы 1-тармағына сәйкес кедендік әкелу баждарын төлеуді кейiнге қалдыру кезінде кедендік әкелу баждарын төлеу бойынша міндеттерді орындауды қамтамасыз етуді табыс етпеу.

      4. Үшінші үлгідегі куәлікуәкілетті экономикалық операторға осы баптың 2 және 3-тармақтарында көрсетілген арнайы оңайлатуларды пайдалануға құқық береді.

      5. Комиссияның уәкілетті экономикалық операторларға ұсынылатын осы бапта көзделмеген өзге де арнайы оңайлатуларды айқындауға құқығы бар.

      6. Комиссия тауарларға қатысты және (немесе) олар осы бапта көзделген жекелеген арнайы оңайлатулар қолданылмайтын жағдайларды және (немесе) тауарлардың санаттарын айқындауға құқығы бар.

      7. Уәкілетті экономикалық операторлардың кеден органдары пайдаланатын идентификаттау құралдарын пайдалану тәртібін, сондай-ақ оларға қойылатын талаптарды Комиссия айқындайды.

      8. Уәкілетті экономикалық оператордың халықаралық тасымалдайтын көлік құралын белгілеу мақсатында, мұндай көлік құралында уәкілетті органмен бекітілетін танымдық белгі пайдаланылады.


      537-бап. Бірінші кезектегі тәртіпте кедендік операцияларды жасау

      1. Бірінші немесе үшінші типті куәліктері бар уәкілетті экономикалық оператор жасайтын Еуразиялық экономикалық одақтың кедендік аумағына тауарлардың келуімен немесе Еуразиялық экономикалық одақтың кедендік аумағынан тауарлардың кетуімен байланысты кедендік операцияларды Еуразиялық экономикалық одақтың кедендік шекарасы арқылы тауарларды өткізу орындарында техникалық және инфрақұрылымдық мүмкіндіктер бар болған кезде бірінші кезектегі тәртіпте жасалады.

      2. Еуразиялық экономикалық одақтың кедендік шекарасы арқылы тауарларды өткізу орындарында техникалық және инфрақұрылымдық мүмкіндіктері бар болған кезде кеден органдары кедендік операцияларды жасаудың бірінші кезектегі тәртібін ұйымдастыру үшін:

      1) мұндай операцияларды жасауға лауазымды адамды айқындайды;

      2) бірінші немесе үшінші типті куәліктері бар уәкілетті экономикалық операторлар үшін мүше мемлекеттердің мемлекеттік (кедендік) шекарасы арқылы Еуразиялық экономикалық одақтың автомобиль өткізу пункттерінде жекелеген қозғалыс жолақтарын қарастырады және интернет-ресурстарындағы өзінің ресми сайттарында мұндай өткізу пункттерінің тізбесін орналастырады.

      3. Тауарларды кедендік декларациялауға және шығаруға байланысты кедендік операцияларды кеден органы, егер:

      1) тауарлардың декларанты бірінші немесе үшінші типті куәлігі бар уәкілетті экономикалық оператор болып табылса;

      2) кедендік декларациялауға байланысты кедендік операцияларды бірінші немесе үшінші типті куәлігі бар уәкілетті экономикалық оператор болып табылатын кеден өкілі жасаса бірінші кезектегі тәртіпте жүзеге асырылады.


      538-бап. Уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) тауарларды уақытша сақтау ерекшеліктері

      1. Тауарларды уақытша сақтау осы Кодекстiң 532-бабы 3-тармағының 4) тармақшасында көзделген талаптарға сәйкес келетін екінші немесе үшінші типті куәлігі бар уәкілетті экономикалық оператордың құрылысжайларында, үй-жайларында (үй-жайлардың бөлiктерінде) және (немесе) ашық алаңдарында (ашық алаңның бөліктерінде) жүзеге асырылуы мүмкін.

      2. Осы баптың 1-тармағында көрсетілген құрылысжайлар, үй-жайлар (үй-жайлардың бөлiктері) және (немесе) ашық алаңдар (ашық алаңдардың бөліктері) кедендік бақылау аймағы болып табылады.

      3. Уәкілетті экономикалық оператордың құрылыс жайларында, үй-жайларында (үй-жайлардың бөлiктерінде) және (немесе) ашық алаңдарында (ашық алаңдардың бөліктерінде) мүше мемлекеттердің кедендік реттеу туралы заңнамасында уәкілетті органмен бекітілген тәртіпте уақытша сақтаудағы тауарлармен бірге өзге де тауарларды сақтауға рұқсат етілуі мүмкін.

      4. Осы Кодекстiң 534-бабының 1-тармағында көзделген негiздер бойынша куәліктің қолданысы тоқтатыла тұрған жағдайда, осы Кодекстiң 534-бабы 6 және 7-тармақтарына сәйкес куәліктің қолданысы жаңартылғанға дейін уәкілетті экономикалық оператордың құрылысжайларында, үй-жайларында (үй-жайлардың бөлiктерінде) және (немесе) ашық алаңдарында (ашық алаңдардың бөліктерінде) тауарларды уақытша сақтауға орналастыруға рұқсат етілмейді.


      539-бап. Уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) құрылған кедендік бақылау аймағына тауарларды жеткізу кезінде кедендік транзиттің кеден рәсімінің қолданысын аяқтаудың ерекшеліктері

      1. Тасымалдаушы кедендік транзиттің кеден рәсімінің қолданысын аяқтау үшін уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) құрылған кедендік бақылау аймағына тауарларды жеткізгеннен кейін уәкілетті экономикалық операторға транзиттік декларацияның нөмірі, сондай-ақ оның қолда бар көліктік (тасымалдау) құжаттары және коммерциялық құжаттар туралы мәліметтерді табыс етуге міндетті.

      2. Уәкілетті экономикалық оператор:

      1) идентификаттау құралдарының өзгертілгенін, өшірілгенін, жойылғанын немесе алмастырылғанын және (немесе) мұндай көлік құралының жүк тұратын жайы (бөлігі) тұтастығы зақымданғанын көрсететін фактілердің болуын немесе жоқтығын анықтау мақсатында жеткізілген тауарлардың көлік құралына тексеру жүргізуге;

      2) транзиттік декларация нөмірі, идентификаттау құралдары болуы (жоқтығы), олардың нөмірлерін қоса алғанда идентификаттау құралдары туралы, сондай-ақ идентификаттау құралдарының өзгертілуі, өшірілуі, жойылуы немесе алмастырылуы және (немесе) көлік құралының жүк тұратын орындарының (бөліктерінің) тұтастығының зақымдануы белгілерінің болуы (жоқтығы) туралы мәліметтерді осы баптың 1-тармағында көрсетілген мәліметтер мен құжаттарды тасымалдаушыдан алған сәттен бастап бір сағаттан кешіктірмей, ал олар межелі кеден органының жұмыс уақытынан тыс алынған жағдайда – осы кеден органының жұмыс уақыты басталған сәттен бастап бір сағаттан кешіктірмей межелі кеден органына жолдауға;

      3) кеден органынан идентификаттау құралдарын шешуге рұқсат алуға дейін тауарлардың сақталуын қамтамасыз етуге және (немесе) жай-күйін өзгертетін және орамдарының бұзылуына әкеп соғатын тауарлармен операцияларды жасауға жол бермеуге, оларды пайдалануға және билік етуге жол бермеуге міндетті.

      3. Межелі кеден органы, егер идентификаттау құралдары қолданылса осы баптың 2-тармағы 2) тармақшасында көрсетілген мәліметтерді алған сәттен бастап үш сағаттан кешіктірмей, ал оларды межелі кеден органының жұмыс уақытының аяқталуына үш сағаттан аз уақыт қалғанда алған жағдайда, осы кеден органының жұмыс уақыты басталған сәттен бастап үш сағаттан кешіктірмей оларды алып тастауға рұқсат береді не идентификаттау құралдарын алуға тыйым салу туралы хабардар етеді, ал идентификаттау құралдары қолданылмаған тауарларға қатысты – тауарлармен алдағы уақытта жасалатын іс-әрекеттер жасауға рұқсат етеді немесе тыйым салады.

      4. Межелі кеден органы уәкілетті экономикалық операторға идентификаттау құралдары қолданылған кезде оларды алып тастауға рұқсат еткен жағдайда, уәкілетті экономикалық оператор тасымалдаушының қатысуымен идентификаттау құралдарын алып тастауды жүзеге асырады және мүше мемлекеттердің заңнамасына сәйкес уәкілетті органмен бекітілген тәртіпте тасымалдаушыдан тауарларды қабылдап алады.

      Егер идентификаттау құралдары қолданылмаса және межелі кеден органы тауарлармен алдағы уақытта жасалатын іс-әрекеттер жасауға рұқсат етсе, уәкілетті экономикалық оператор уәкілетті органмен бекітілген тәртіпте тасымалдаушыдан тауарларды қабылдап алады.

      Уәкілетті экономикалық оператордың тасымалдаушыдан тауарларды қабылдап алу фактісі тасымалдаушыда бар көлік (тасымалдау), коммерциялық құжаттарға тасымалдаушыдан тауарларды қабылдау күні мен уақыты туралы белгі қою жолымен расталады.

      Уәкілетті экономикалық оператор көрсетілген белгілерді қойғаннан кейін дереу транзиттік декларацияның нөмірі, тасымалдаушыдан тауарларды қабылдау күні мен уақыты туралы мәліметтерді қамтитын хабарламаны межелі кеден органына жібереді.

      5. Межелі кеден органы уәкілетті экономикалық оператордан осы баптың 4-тармағының төртінші абзацында көрсетілген хабарламаны алғаннан кейін, мұндай хабарламаны алған сәттен бастап төрт сағаттан кешіктірмей, ал оны межелі кеден органының жұмыс уақытының аяқталуына төрт сағаттан аз уақыт қалғанда алған жағдайда, осы кеден органының жұмыс уақыты басталған сәттен бастап төрт сағаттан кешіктірмей, кедендік транзит кедендік рәсімінің қолданысын аяқтайды.

      Кедендік транзит кедендік рәсімінің қолданысын аяқтау осы Кодекстiң 231-бабы 9-тармағында көзделген белгілерді қоймай, кеден органының ақпараттық жүйесін пайдалана отырып рәсімделеді.

      Межелі кеден органы кедендік транзит кедендік рәсімінің қолданысының аяқталуы туралы уәкілетті экономикалық операторға хабарлайды.

      Тасымалдаушы осы Кодекстiң 231-бабы 9-тармағына сәйкес белгі қою арқылы кедендік транзиттің кедендік рәсімінің қолданысын аяқтауды рәсімдеу үшін межелі кеден органына келуі мүмкін.

      6. Осы баптың 4-тармағы екінші абзацына сәйкес тасымалдаушыдан уәкілетті экономикалық оператор тауарларды қабылдауды рәсімдегеннен кейін, мұндай тауарлар уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) уақытша сақтауға орналастырылған болып есептеледі.

      7. Егер межелі кеден органы уәкілетті экономикалық операторға кедендік тексеріп қарау немесе кедендік қарау жүргізу ниетімен байланысты идентификаттау құралдарының шешуге тыйым салу туралы хабарлаған жағдайда, кедендік транзит кедендік рәсімінің қолданысын аяқтау осы Кодекстiң 231-бабы 7 және 8-тармақтарына сәйкес жүзеге асырылады.

      8. Осы баптың ережелері алушысы уәкілетті экономикалық оператор болып табылатын тауарларға қатысты кедендік транзит кедендік рәсімінің қолданысын аяқтау кезінде қолданылады.


      540-бап. Декларанты уәкілетті экономикалық оператор болатын тауарларға арналған декларацияны бергенге дейін кедендік операцияларды жасау және тауарларды шығару ерекшеліктері

      1. Декларанты уәкілетті экономикалық оператор болып табылатын тауарларды мынадай:

      1) ішкі тұтыну үшін шығару;

      2) кедендік аумақта қайта өңдеу;

      3) ішкі тұтыну үшін қайта өңдеу;

      4) еркiн кеден аймақ;

      5) еркін қойма;

      6) кедендік әкелу баждарын, салықтарды, арнайы, демпингке қарсы, өтем баждарын төлемей уақытша әкелу (жіберу) кедендік рәсімдерге сәйкес тауарларға арналған декларацияны бергенге дейін тауарларды шығаруға кедендік рәсімі мәлімделуі мүмкін.

      2. Тауарларға декларант уәкілетті экономикалық оператор болатын тауарларға арналған декларацияны бергенге дейін тауарларды шығаруға өтініш беру кезінде тауарларға арналған декларация берілгенге дейін тауарларды шығаруға туралы өтінішті электрондық құжат нысанында береді.

      3. Осы баптың 2-тармағының ережелеріне қарамастан, тауарларға арналған декларацияны бергенге дейін тауарларды шығару туралы өтініш, егер байланыс құралдарының (телекоммуникациялық желілердің және Интернет желісінде) жұмысында техникалық істен шығудан, бұзылулардан, электр энергиясының өшірілуінен туындаған ақпарат кеден органдарының пайдаланатын ақпараттық жүйелердің бұзылуына байланысты, сондай- ақ Қазақстан Республикасының заңдарымен белгіленген басқа да жағдайларда кеден органында тұлғаның осындай өтінішті электрондық құжат түрінде іске асырылуын қамтамасыз етуге мүмкіндігі болмаса, қағаз жеткізгіштегі құжат түрінде берілуі мүмкін.

      Мұндай жағдайда тауарларға арналған декларация берілгенге дейін тауарларды шығару туралы өтініш осы Кодекстің 194-бабы 4-тармағына сәйкес беріледі.

      4. Тауарларға арналған декларация берілгенге дейін шығару жүргізілген тауарларға қатысты тауарларға арналған декларацияны тауарларды шығару туралы өтінішті берген уәкілетті экономикалық оператор тауарларды шығарған айдан кейінгі айдың он бесінші күнінен кешіктірмей табыс етуі тиіс.

      Көрсетілген кезеңді есептеу осы Кодекстiң 6-бабының 6-тармағын ескере отырып жүргізіледі.

      5. Декларанты уәкілетті экономикалық оператор болатын тауарларға қатысты тауарларға арналған декларация берілгенге дейін тауарларды шығаруға өтінішті беру кезінде кедендік баждарды, салықтарды, арнайы, демпингке қарсы, өтем баждарын, өсімпұлдарды, пайыздарды төлеу бойынша міндеттерді орындауды қамтамасыз ету талап етілмейді.


      541-бап. Уәкілетті экономикалық оператордың міндеттері

      1. Уәкілетті экономикалық оператор:

      1) осы Кодекстiң 532-бабы 1-тармағының 7) тармақшасына сәйкес уәкілетті экономикалық операторлардың тізіліміне енгізу шарттарын сақтауға;

      2) осы Кодекстiң 535-бабына сәйкес уәкілетті экономикалық оператордың міндеттерін орындауды қамтамасыз етуге;

      3) мұндай заңды тұлғаны уәкілетті экономикалық операторлардың тізіліміне енгізген кеден органын уәкілетті экономикалық операторлардың тізіліміне енгізілген кезде өзі мәлімдеген мәліметтердің өзгергені туралы хабарлауға және мұндай мәліметтер өзгерген күннен бастап немесе оған мұндай өзгерістер белгілі болған күннен бастап күнтізбелік он төрт күн ішінде хабардар етуге және мұндай өзгерістерді растайтын құжаттарды табыс етуге;

      4) осы Кодекске сәйкес осы Кодекстің 137-бабының 3-тармағы және 86-бабының 3-тармағына сәйкес кеден органы жолдаған хабарламада көрсетілген мерзімнің соңғы күнінен кешіктірмей кедендік баждарды, салықтарды, арнайы, демпингке қарсы, өтем баждарын төлеу жөніндегі міндетті орындауға;

      5) уәкілетті органмен бекітілген тәртіпте кедендік бақылауды және есептілікті жүзеге асыру мақсатында, қажетті ақпаратты кеден органдарының талаптары бойынша беруге;

      6) кедендік баждарды, салықтарды төлеуді бас қамтамасыз етудің қолданылу мерзімі аяқталған кезде мұндай мерзім аяқталатын күнге дейін күнтізбелік отыз күннен кешіктірмей уәкілетті органға көрсетілген бас қамтамасыз етудің қолданылу мерзімін ұзарту туралы құжаттарды не кедендік баждарды, салықтарды төлеуді жаңа бас қамтамасыз етуді табыс етуге міндетті.

      2. Бірінші немесе үшінші типті куәліктерін берумен бірге уәкілетті экономикалық операторлардың тізіліміне енгізілген уәкілетті экономикалық операторлар, осы баптың 1-тармағында көзделген міндеттерді сақтаудан басқа, сондай-ақ осы Кодекстің 536-бабы 2-тармағының 6) тармақшасына сәйкес Комиссия айқындаған пломбаға қойылатын талаптарды сақтауға міндетті.

      3. Осы баптың 1-тармағында көзделген міндеттерді сақтаудан басқа, екінші немесе үшінші типті куәліктерін берумен уәкілетті экономикалық операторлардың тізіліміне енгізілген уәкілетті экономикалық операторлар сондай-ақ:

      1) осы Кодекстiң 532-бабы 3-тармағының 2), 3), 4) тармақшаларында көзделген уәкілетті экономикалық операторлардың тізіліміне енгізу шарттарын сақтауға;

      2) осы Кодекстiң 536-бабы 7-тармағына сәйкес Комиссия айқындаған кеден органдары пайдаланатын идентификаттау құралдарын қолдану тәртібін сақтауға;

      3) кедендік бақылаудағы тауарларды сақтау жүзеге асыратын уәкілетті экономикалық оператордың құрылысжайларында, үй-жайларында (үй-жайлардың бөлiктерiнде) және (немесе) ашық алаңдарында (ашық алаңдардың бөліктерінде) сондай-ақ мұндай тауарларды есепке алу жүйесіне кеден органдарының лауазымды адамдарының кедергісіз қол жеткiзуiн ұсыну туралы кеден органдарының талаптарын орындауға міндетті.

      4. Кеден органына осы баптың 1-тармағының 3) тармақшасында айқындалған мерзім ішінде уәкілетті экономикалық операторлардың тізіліміне енгізу кезінде ол мәлімдеген мәліметтердің өзгеруі туралы ақпаратты табыс етпеген кезде, уәкілетті экономикалық оператор Қазақстан Республикасының заңдарымен белгіленген жауаптылықта болады.

      5. Заңды тұлғаға берілген куәліктің қолданысы тоқтатыла тұрған немесе уәкілетті экономикалық операторлар тізілімінен заңды тұлғаны алып тастаған жағдайда, осы тұлға куәліктің қолданысын тоқтата тұрғанға не уәкілетті экономикалық операторлар тізілімінен заңды тұлғаны алып тастағанға дейінгі кедендік транзит кедендік рәсіміне сәйкес тауарларды тасу (тасымалдау), тауарларды уақытша сақтау кезінде және өзге де жағдайларда кедендік операцияларды не өзге де әрекеттерді жасау бойынша туындаған міндеттерді жасауға міндетті.


      542-бап. Кеден органдары мен уәкілетті экономикалық операторлардың өзара іс-қимылы

      1. Кеден органы мен уәкілетті экономикалық оператордың арасындағы өзара іс-қимылды ұйымдастыру мақсатында келісім (меморандум немесе өзге де құжат) жасауға рұқсат етіледі.

      2. Уәкілетті экономикалық оператор арнайы оңайлатуларды қолдана отырып, кедендік операциялардың жасалуына жауапты өзінің штатындағы басшылар мен тұлғалар арасынан тұлғаны кеден органымен жалпы өзара іс-қимыл жасауға жауапты адамды айқындауы мүмкін.

      3. Кеден органдары арнайы оңайлатуларды қолдану кезінде, оның ішінде штаттан тыс жағдайлар туындаған жағдайда уәкілетті экономикалық операторлармен өзара іс-қимылды үйлестіру мақсатында, мұндай өзара іс-қимылды ұйымдастыру үшін жауапты лауазымды тұлғаларды айқындауы мүмкін.

      4. Кеден органдары мен уәкілетті экономикалық операторлардың арасындағы өзара іс-қимыл тәртібі уәкілетті органмен бекітіледі.


      543-бап. Уәкілетті экономикалық оператордың жауаптылығы

      Еуразиялық экономикалық одақтың және (немесе) Қазақстан Республикасының кеден заңдарының талаптарын сақтамағаны үшін, уәкілетті экономикалық оператор Қазақстан Республикасының заңдарымен белгіленген жауаптылықта болады.

8-БӨЛІМ. ҚОРЫТЫНДЫ ЖӘНЕ ӨТПЕЛІ ЕРЕЖЕЛЕР

      544-бап.Осы Кодексті қолданысқа енгізу тәртібі

      1. Осы Кодекс 2018 жылғы 1 қаңтардан бастап қолданысқа енгізіледі.

      2. Осы Кодекс қолданысқа енгізілген күннен бастап:

      1) 2010 жылғы 30 маусымдағы "Қазақстан Республикасындағы кеден ісі туралы" Қазақстан Республикасының Кодексі (Қазақстан Республикасы Парламентінің Жаршысы, 2010 ж., № 14, 70-құжат; № 24, 145-құжат; 2011 ж., № 1, 3-құжат; № 11, 102-құжат; № 19, 145-құжат; 2012 ж., № 2, 15-құжат; № 13, 91-құжат; № 15, 97-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 13-құжат; № 7, 36-құжат; № 10-11, 56-құжат; № 14,
72-құжат; № 15, 81-құжат; № 16, 83-құжат; 2014 ж., № 4-5, 24-құжат; № 10, 52-құжат; № 11, 61-құжат; № 12, 82-құжат; № 14, 84-құжат; № 16, 90-құжат; № 19-I, 19-II, 94, 96-құжаттар; № 21, 122, 123-құжаттар; № 23, 143-құжат; 2015 ж., № 8, 42-құжат; № 11, 52-құжат; № 15, 78-құжат; № 20-IV, 113-құжат; № 20-VII, 115-құжат; № 22-II, 144, 145-құжаттар; № 22-V, 156-құжат; № 23-I, 169-құжат; 2016 ж., № 6, 45-құжат; № 8-I, 65-құжат; № 12, 87-құжат; 2017 ж. № 22, 116-құжат);

      2) 2010 жылғы 30 маусымдағы "Қазақстан Республикасындағы кеден ісі туралы" Қазақстан Республикасының Кодексін қолданысқа енгізу туралы" Қазақстан Республикасының Заңы (Қазақстан Республикасы Парламентінің Жаршысы, 2010 ж., № 15, 72-құжат; 2011 ж., № 11, 102-құжат) күші жойылды деп танылсын.


      545-бап. Жалпы өтпелі ережелер

      1. Осы Кодекс Еуразиялық экономикалық одақтың және Қазақстан Республикасының кеден заңнамаларымен реттелетін және оның күшіне енген күнінен бастап туындайтын қатынастарға қолданылады.

      2. Еуразиялық экономикалық одақтың және Қазақстан Республикасының кеден заңнамаларымен реттелетін, осы Кодекс ол күшіне енгенге дейін туындайтын қатынастар бойынша осы Кодекстің 552-570-баптарында көзделген ережелерді ескере отырып, оның күшіне енген күнінен бастап туындайтын құқықтар мен міндеттерге қолданылады.

      3. Еуразиялық экономикалық одақтың Кеден кодексі күшіне ену күні қолданылатын кедендік құқықтық қатынастарды реттейтін Комиссияның шешімдері, өзінің заңдық күшін сақтайды және Еуразиялық экономикалық одақтың Кеден кодексіне қайшы келмейтін бөлігінде қолданылады.

      4. Егер Еуразиялық экономикалық одақтың Кеден кодексіне сәйкес қабылданатын кедендік реттеу саласындағы халықаралық шарттар мен актілер оның күшіне енуі сәтінде күшіне енбеген жағдайда, онда олар күшіне енгенге дейін, егер осы бапта өзгеше белгіленбесе, Қазақстан Республикасының кеден заңнамасы қолданылады.

      5. Комиссияның жеке пайдалануға арналған тауарларға жатпайтын тауарлардың санатын айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның жеке пайдалануға арналған тауарлардың санатына байланысты кедендік баждардың, салықтардың бірыңғай мөлшерлемесін, құндық, салмақтық және (немесе) Еуразиялық экономикалық одақтың кедендік аумағына жеке пайдалануға арналған тауарларды әкелудің сандық нормалары мен тәсілдерін айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның төленуге тиісті кедендік баждардағы, жиынтық кедендік төлем түрінде алынатын салықтарға қатысты жеке пайдалануға арналған тауарлардың санаттарын айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның Еуразиялық экономикалық одақтың кедендік аумағына жеке пайдалануға арналған тауарларды әкелу тәсілдеріне байланысты кедендік баждарды, салықтарды төлеусіз Еуразиялық экономикалық одақтың кедендік аумағына жеке пайдалануға арналған мұндай тауарларды әкелудің құндық, салмақтық және (немесе) сандық нормаларын айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның шетелдік жеке тұлғалардың Еуразиялық экономикалық одақтың кедендік аумағында өзінің болуы кезеңіне, бұрын пайдалануда болған тауарлардың құны және (немесе) салмағына қарамастан кедендік баждарды, салықтарды төлеусіз әкелінуі мүмкін мұндай тауарлардың тізбесі мен санын айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның Еуразиялық экономикалық одақтың кедендік аумағына тұлғалар жеке пайдалануға арналған мұндай тауарлардың санатына және (немесе) оларды Еуразиялық экономикалық одақтың кедендік аумағына әкелу тәсілдеріне байланысты кедендік баждарды, салықтарды төлеуден босата отырып, Еуразиялық экономикалық одақтың кедендік аумағына әкелу жағдайлары мен шарттарын айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      Комиссияның жеке пайдалануға арналған көлік құралдары болып табылатын авто- және мотокөлік құралдарының қозғалтқышын шығару күні мен жұмыс көлемін айқындау тәртібін айқындайтын шешімі күшіне енгенге дейін 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім қолданылады.

      6. Осы Кодекстiң 227-бабы 5-тармағына сәйкес көзделген Комиссияның шешімі күшіне енгенге дейін және осы Кодекстiң 227-бабы 9-тармағының орындалуын қамтамасыз ететін Еуразиялық экономикалық одақ шеңберіндегі жалпы процесстің іске асырылуы басталғанға дейін, 2010 жылғы 21 мамырдағы Кедендік транзиттің кедендік рәсіміне сәйкес тасымалданатын тауарларға қатысты кедендік баждарды, салықтарды төлеуді қамтамасыз етуді ұсынудың кейбір мәселелері, кедендік баждарды, салықтарды өндіріп алудың ерекшеліктері және осындай тауарларға қатысты өндіріп алынған сомаларды аудару тәртібі туралы келісім қолданылады.

      7. Осы баптың 5 және 6-тармақтарында және осы Кодекстің 550-бабының 2-тармағында көрсетілген халықаралық келiсiмдер, тек осы баптың 5 және 6-тармақтарында және осы Кодекстің 550-бабының 2-тармағында көзделген Комиссияның құзыретіне жатқызылған мәселелер бойынша және осы Кодекстiң 550-бабын ескере отырып, Кодекске қайшы келмейтiн бөлiгiнде қолданылады.

      8. Осы Кодекстiң 289-бабы 2-тармағының 2) тармақшасына және 298-бабы 2-тармағының 2) тармақшасына сәйкес қабылданған Комиссияның шешімі күшіне енгенгенге дейін, осы Кодекстің 289-бабы 2-тармағының 2) тармақшасында көзделген жағдайда, адвалорлық мөлшерлерме бойынша кедендік әкелу баждарын есептеу үшін база еркін кедендік аймақ кедендік рәсімімен орналастырылған шетелдік тауарлардан дайындалған (алынған) тауарлардың кедендік құны, ал осы Кодекстің 298-бабы 2-тармағының 2) тармақшасында көзделген жағдайда – еркін қойманың кедендік рәсімімен орналастырылған шетелдік тауарлардан дайындалған (алынған) тауарлардың кедендік құны болып табылады.

      9. Осы Кодекстiң 557-бабы 5-тармағына сәйкес көзделген Комиссияның шешімі күшіне енгенгенге дейін "Кедендік бақылауды жүргізу кезінде кедендік сараптаманы жүргізудің тәртібі туралы" Кеден одағы Комисиясының 2010 жылғы 20 мамырдағы № 258 шешімімен бекітілген Кедендік бақылауды жүргізу кезінде кедендік сараптаманы жүргізу тәртібінің 24-тармағының ережелері қолданылады.

      10. "Арнайы кедендік рәсім белгіленуі мүмкін тауарлар санаттарының тізбесі және оларды осындай кедендік рәсіммен орналастыру шарттары туралы" Кеден одағы Комиссиясының 2010 жылғы 20 мамырдағы № 329 шешімімен және "Азаматтық жолаушылар ұшақтарын әкелу кезінде тарифтік жеңілдіктерді, кедендік баждардан, салықтардан толық босатуды, сондай-ақ уақытша әкелу мерзімдерін ұзарту және жекелеген кедендік рәсімдерді қолдану туралы" Кеден одағы Комиссиясының 2010 жылғы 16 шілдедегі № 328 шешімінің 6-тармағында айқындалған тауарлардың санатына қатысты, осы Кодекстің 337-бабына сәйкес Комиссияның мұндай тауарларды арнайы кедендік рәсіммен орналастыру шарттарын және мұндай тауарлардың санаттарына қатысты оны қолдану тәртібін реттейтін шешімдері күшіне енгенге дейін, мұндай тауарларға арнайы кедендік рәсім "Арнайы кедендік рәсімді қолдану қағидаларын, оны қолдану ерекшеліктерін, тауарларды арнайы кедендік рәсіммен орналастыру шарттарын, тауарларды пайдалану және оларға билік ету жөніндегі шектеулерді, арнайы кедендік рәсімнің қолданылуының аяқталу тәсілдері мен тәртібін, сондай-ақ Қазақстан Республикасының аумағына әкелінетін тауарларды осындай кедендік рәсіммен орналастыруға құқылы тұлғалардың тізбесін бекіту туралы" Қазақстан Республикасы Үкіметінің 2015 жылғы 15 шілдедегі № 522 қаулысына сәйкес Комиссияның тауарлардың санаттарын айқындаған, көрсетілген шешімдерінде айқындалған шарттарда қолданылады.


      546-бап. Алдын-ала ақпаратты кеден органына табыс ету туралы өтпелі ережелер

      1. Осы Кодекстiң 31-бабы 17-тармағына сәйкес көзделген Комиссияның шешімі күшіне енгенгенге дейін кеден органдарына алдын-ала ақпарат 2010 жылғы 21 мамырдағы Кеден одағының кедендік шекарасы арқылы өткізілетін тауарлар мен көлік құралдары туралы алдын-ала ақпаратты табыс ету туралы және алмасу туралы келісімге сәйкес қабылданған Комиссияның актілерінде көзделген жағдайлар мен тәртіпте табыс етіледі.

      2. Комиссияның осы Кодекстiң 31-бабы 17-тармағына сәйкес қабылданған және алдын-ала ақпараттың құрамын және мұндай ақпараттың құрылымы мен форматын, көліктің бір түрімен тасымалданатын тауарларға қатысты табыс етілетін алдын ала ақпаратты кеден органдарына табыс етуге міндетті не құқылы тұлғаларды, оны табыс етудің тәртібі мен мерзімін айқындайтын шешімдері күшіне енуіне қарай алдын ала ақпарат осы шешімдерге сәйкес ұсынылады.

      3. Осы Кодекстің 31-бабы 18-тармағының ережелері осы Кодекстің 185-бабында айқындалған ерекшеліктермен тауарларға қатысты кедендік декларацияны беру жүзеге асырылатын, электронды құжат түрінде кедендік декларацияда мәлімделген мәліметтерді пайдаланудың тәртібін бекітуге арналған уәкілетті органның құзыретін белгілеу бөлігінде Кодекстің 31-бабы 18-тармағында көрсетілген Комиссияның акті күшіне енгенге дейін қолданылады.


      547-бап. Әкелінетін тауарлардың шығарылған жерін айқындау қағидаларын қолдану туралы өтпелі ережелер

      1. Осы Кодекстің 55, 56, 57, 58-баптарының, 63-бабы 6-тармағының, 79-бабы 4-тармағының, 180-бабы 7 және 10-тармақтарының және 397-бабының ережелері Одақ туралы шарттың 102-бабының 1, 3 – 5-тармақтарын ескере отырып қолданылады.

      2. Тарифтік преференцияларды қалпына келтіру жағдайлары мен шарттарын айқындайтын осы Кодекстiң 79-бабы 4-тармағында көрсетілген Комиссия шешімінің күшіне енуіне дейін тарифтік преференциялар тауардың шығарылған жерін растау шартын және кедендік декларацияны кеден органы тіркеген күннен бастап 1 жыл өткенге дейін тарифтік преференциялар берудің өзге де шарттарын сақтай отырып, қалпына келтіріледі. Бұл жағдайда кедендік әкелу баждарының төленген сомалары осы Кодекстің 11-тарауына сәйкес қайтаруға (есепке жатқызуға) жатады.


      548-бап. Осы Кодекстiң 64-бабына өтпелі ережелер

      Әкелінетін тауарлардың кедендік құнын айқындау әдістерін қолдану бойынша алдын ала шешімді берудің тәртібі мен шарттарын, сондай-ақ осындай алдын ала шешімді қабылдау тәртібі мен мерзімін айқындау жөніндегі уәкілетті органның құзыретін белгілеу бөлігіндегі осы Кодекстiң 64-бабы 19-тармағының ережелері 2019 жылғы 1 шілдеден бастап күшіне енеді.


      549-бап. Осы Кодекстiң 78-бабына өтпелі ережелер

      Алдағы кедендік әкелу баждарын, арнайы, демпингке қарсы, өтем баждарын төлеу шотына енгізілген ақша құралдарын (ақшаны) аванстық төлем деп тану мүмкіндігі бөлігіндегі осы Кодекстің 78-бабы 1-тармағының ережелері Одақ туралы шартқа кедендік әкелу баждарын, арнайы, демпингке қарсы, өтем баждарын төлеу шотында аванстық төлемді есепке жатқызу мүмкіндігі бөлігінде өзгерістер енгізу көзделген халықаралық шарт күшіне енген күннен бастап қолданылады.


      550-бап. Кедендік баждар, кедендік алымдар, салықтар, өсімпұлдар, пайыздар бойынша талап етудің өту мерзімі бойынша өтпелі ережелер

      1. Осы Кодекстің 89-бабының ережелері 2020 жылғы 1 қаңтардан бастап қолданылады.

      2. 2020 жылғы 1 қаңтарға дейін осы Кодекстің 89-бабының ережелері мынадай редакцияда қолданылады:

      "89-бап. Кедендік баждар, кедендік алымдар, салықтар, өсімпұлдар, пайыздар бойынша талап етудің өту мерзімі

      1. Кеден органдарының талаптары бойынша немесе төлеушінің талаптары бойынша:

      1) кеден органы төлеушіге кедендік баждардың, салықтардың, кедендік алымдардың және есептелген өсімпұлдардың сомасын, сондай-ақ есептелген өсімпұлдардың, пайыздардың сомасын есепке жазуға (есептеуге) құқылы;

      2) төлеуші кеден органдарынан кедендік баждардың, салықтардың, кедендік алымдардың, өсімпұлдардың, пайыздардың, аванстық төлемдердің, оның ішінде кедендік баждарды, салықтардытөлеу бойынша міндеттерді қамтамасыз ету ретінде енгізілген аванстық төлемдерді сомасын есептеуді және (немесе) қайтаруды талап етуге құқылы;

      3) төлеуші кеден органдарынан кеден органының ақшаларын уақытша орналаластыру шоты енгізілген ақшалай қаражатты (ақшаны) алдағы кедендік төлемдер, арнайы, демпингке қарсы, өтемақылық баждар есебінен бюджетке қайтарудыжәне (немесе) есептеуді талап етуге құқылы;

      4) төлеуші кеден органдарының талап етуі бойынша кедендік баждардың, салықтардың, кедендік алымдардың, өсімпұлдардың, пайыздардың сомасын төлеуге міндетті;

      5) төлеуші Еуразиялық экономикалық одақтыңкеден заңнамасына сәйкес кедендік декларацияға өзгерістер мен толықтырулар енгізу туралы өтініш беруге құқылы болатын уақыт кезеңі талап қоюдың өту мерзімі болып табылады.

      2. Кеден органдарының және төлеушілердің талаптары бойынша талап қоюдың өту мерзімі бес жыл болып есептелетін мерзімі:

      1) осы баптың 3-тармағында көзделген жағдайларды қоспағанда, тауарларды кедендік декларациялау аяқталған күннен бастап;

      2) кедендік баждарды, салықтарды, оның ішінде аванстық төлемдер есебінен ақшалай қаражатпен (ақшамен) төлеу міндеттемесін орындауды қамтамасыз етуді кеден органында тіркеген күннен бастап есептеледі.

      3. Кеден органы таңдап алынған кедендік рәсімге сәйкес кедендік бақылауда тұрған тауарлар бойынша тауарлардың кедендік бақылауда тұру кезеңі ішінде және тауарлардың кедендік бақылауда тұру кезеңі аяқталғаннан кейін бес жыл ішінде төленуге тиіс кедендік баждардың, салықтардың, кедендік алымдардың, өсімпұлдардың, пайыздардың сомаларын есепке жазуға немесе қайта қарауға құқылы.

      4. Осы баптың 1-тармағында белгіленген талаптар бойынша талап қою мерзімі аяқталған жағдайда:

      1) кедендік бақылау жүргізу кезеңінде, оның ішінде тауар шығарылғаннан кейін – талап қою мерзімі мұндай кедендік бақылау жүргізу мерзімі кеден органының кедендік бақылау нәтижелері бойынша қабылданған кеден органының шешімін орындау кедендік баждар, салықтар, кедендік алымдар, өсімпұлдар, пайыздар бойынша берешекті өткенге дейін;

      2) кедендік тексеру нәтижелеріне және (немесе) жоғары тұрған кеден органының шағымды қарау нәтижелері бойынша шығарған шешіміне, сондай-ақ кеден органының және (немесе) кеден органы лауазымды адамының шешіміне, әрекетіне (әрекетсіздігіне) шағымдану кезеңіндегі талап қоюдың өту мерзімі кеден органының кедендік бақылау нәтижелері бойынша шығарған шешімі орындалғанға дейін, оның ішінде тауарлар шығарылғаннан, шағым және (немесе) талап қою қаралғаннан кейін ұзартылады.".


      551-бап. Арнайы, демпингке қарсы, өтем баждары бойынша талап етудің өту мерзімі бойынша өтпелі ережелер

      1. Осы Кодекстің 143-бабының ережелері 2020 жылғы 1 қаңтардан бастап қолданылады.

      2. 2020 жылғы 1 қаңтарға дейін осы Кодекстің 143-бабының ережелері мынадай редакцияда қолданылады:

      "143-бап. Арнайы, демпингке қарсы, өтем баждар бойынша талап етудің өту мерзімі

      1. Кеден органдарының талаптары бойынша немесе төлеушінің талаптары бойынша:

      1) кеден органы төлеушіге арнайы, демпингке қарсы, өтем баждар бойынша сомасын, сондай-ақ есептелген өсімпұлдардың, пайыздардың сомасын есепке жазуға (есептеуге) құқылы;

      2) төлеуші кеден органдарынан Еуразиялық экономикалық одақ туралы шарттың ережелерін ескере отырып, арнайы, демпингке қарсы, өтем баждар бойынша, оның ішінде арнайы, демпингке қарсы, өтем баждарды төлеу бойынша міндеттерді қамтамасыз ету ретінде енгізілген аванстық төлемдерді сомасын есептеуді және (немесе) қайтаруды талап етуге құқылы;

      3) төлеуші кеден органдарынан кеден органының ақшаларын уақытша орналаластыру шоты енгізілген ақшалай қаражатты (ақшаны) алдағы арнайы, демпингке қарсы, өтем баждар есебінен бюджетке қайтарудыжәне (немесе) есептеуді талап етуге құқылы;

      4) төлеуші кеден органдарының талап етуі бойынша арнайы, демпингке қарсы, өтем баждардың, өсімпұлдардың, пайыздардың сомасын төлеуге міндетті;

      5) төлеуші Еуразиялық экономикалық одақтыңкеден заңнамасына сәйкес кедендік декларацияға өзгерістер мен толықтырулар енгізу туралы өтініш беруге құқылы болатын уақыт кезеңі талап қоюдың өту мерзімі болып табылады.

      2. Кеден органдарының және төлеушілердің талаптары бойынша талап қоюдың өту мерзімі бес жыл болып осы мерзімде:

      1) осы баптың 3-тармағында көзделген жағдайларды қоспағанда, тауарларды кедендік декларациялау аяқталған күннен бастап;

      2) алдағы арнайы, демпингке қарсы, өтем баждарды, оның ішінде аванстық төлемдер есебінен ақшалай қаражатпен (ақшамен) төлеу міндеттемесін орындауды қамтамасыз етуді кеден органында тіркеген күннен бастап;

      3) кеден органы осы Кодексте көзделген алдын ала шешімдер қабылдаған күннен бастап;

      4) кеден органы кедендік алып жүру туралы шешім қабылдаған күннен бастап есептеледі.

      3. Кеден органы таңдап алынған кедендік рәсімге сәйкес кедендік бақылауда тұрған тауарлар бойынша тауарлардың кедендік бақылауда тұру кезеңі ішінде және тауарлардың кедендік бақылауда тұру кезеңі аяқталғаннан кейін бес жыл ішінде төленуге тиіс алдағы арнайы, демпингке қарсы, өтем баждардың, өсімпұлдардың, пайыздардың сомаларын есепке жазуға немесе қайта қарауға құқылы.

      4. Осы баптың 1-тармағында белгіленген талаптар бойынша талап қою мерзімі аяқталған жағдайда:

      1) кедендік бақылау жүргізу кезеңінде, оның ішінде тауар шығарылғаннан кейін – талап қою мерзімі мұндай кедендік бақылау жүргізу мерзімі кеден органының кедендік бақылау нәтижелері бойынша қабылданған кеден органының шешімін орындау арнайы, демпингке қарсы, өтем баждар, өсімпұлдар, пайыздар бойынша берешекті өткенге дейін;

      2) кедендік тексеру нәтижелеріне және (немесе) жоғары тұрған кеден органының шағымды қарау нәтижелері бойынша шығарған шешіміне, сондай-ақ кеден органының және (немесе) кеден органы лауазымды адамының шешіміне, әрекетіне (әрекетсіздігіне) шағымдану кезеңіндегі талап қоюдың өту мерзімі кеден органының кедендік бақылау нәтижелері бойынша шығарған шешімі орындалғанға дейін, оның ішінде тауарлар шығарылғаннан, шағым және (немесе) талап қою қаралғаннан кейін ұзартылады.".


      552-бап. Осы Кодекстiң 92-бабының өтпелі ережелері

      1. Осы Кодекстiң 92-бабы 2-тармағының 4) тармақшасында көрсетілген кедендік әкелу баждарын төлеуді кейінге қалдыру немесе бөліп төлеу ұсынылуы мүмкін тауарлардың тізбесін Комиссия айқындағанға дейін:

      1) осы Кодекстiң 92-бабы 2-тармағының 4) тармақшасын қолдану мақсатында ауыл шаруашылығы техникасына Сыртқы экономикалық қызметтің тауар номенклатурасының 8424 81, 8433 51 және 8433 59 субпозицияларында сыныпталатын ауыл шаруашылығы техникасы жатады;

      2) осы Кодекстiң 92-бабы 2-тармағының 4) тармақшасына сәйкес кедендік әкелу баждарын төлеуді кейінге қалдыру немесе бөліп төлеу ұсынылуы мүмкін өзге де тауарлар тізбесін кеден ісі саласындағы уәкілетті органмен келісім бойынша ауыл шаруашылығы саласындағы уәкілетті орган бекітеді.

      2. Осы Кодекстiң 92-бабы 3-тармағында көрсетілген кедендік әкелу баждарын төлеуді кейінге қалдыру немесе бөліп төлеу ұсынылуы мүмкін тауарлардың тізбесін Комиссия айқындағанға дейін осы Кодекстiң 93-бабына сәйкес кедендік әкелу баждарын төлеуді кейінге қалдыру немесе бөліп төлеу пайыздарын төлеумен кедендік әкелу баждарын төлеуді кейінге қалдыру немесе бөліп төлеу 2010 жылғы 21 мамырдағы Кедендік баждарды төлеу мерзімдерін өзгерту негіздемелері, шарттары және тәртібі туралы келісімнің 6-бабы 1-тармағының бірінші бөлігінің 7-тармақшасында көзделген негіз болған кезде және көрсетілген тармақтың екінші және үшінші бөліктерін ескере отырып, ішкі тұтыну үшін шығарудың кедендік рәсіміне сәйкес тауарларды шығарған күннен кейінгі күннен бастап 6 айдан аспайтын мерзімге беріледі.

      Көрсетілген негіз бойынша кедендік әкелу баждарын төлеуді кейінге қалдыру немесе мерзімін ұзарту осы Кодекстiң 9-тарауына сәйкес беріледі.


      553-бап. Кедендік операцияларды жасаудың ерекшеліктері туралы өтпелі ережелер

      1. Еуразиялық экономикалық одақтың кедендік аумағының кез-келген кеден органына тауарларға арналған декларацияны беруге рұқсат етілетін Еуразиялық экономикалық одақтың шеңберіндегі халықаралық шарт күшіне енгенге дейінгі тауарларға арналған декларация:

      1) егер осы Кодекстiң 149-бабы 1-тармағының 1) тармақшасында көрсетілген Еуразиялық экономикалық одаққа мүше мемлекеттің тұлғасы, сондай-ақ осы Кодекстiң 149-бабы 1-тармағы 2) тармақшасының екінші абзацында көрсетілген шетелдік тұлға тауарлардың декларанты болса, тауарлардың декларанты болып табылатын тұлға заңнамаға сәйкес құрылған, тіркелген не оның аумағында тұрақты тұратын мүше мемлекеттің кеден органына;

      2) егер осы Кодекстiң 149-бабы 1-тармағы 2) тармақшасының үшінші немесе төртінші абзацында, не осы Кодекстiң 149-бабы 1-тармағы 5) тармақшасында көрсетілген шетелдік тұлға тауарлардың декларанты болса, аумағында декларацияланатын тауарлар тұрған Еуразиялық экономикалық одаққа мүше мемлекеттің кеден органына;

      3) аумағында декларацияланатын тауарлар және тауарлар декларанты осы Кодекстiң 149-бабы 1-тармағы 3) тармақшасында көрсетілген тұлға болса, сол тұлға бар Еуразиялық экономикалық одаққа мүше мемлекеттің кеден органына беріледі.

      2. Осы Кодекстің 149-бабы 1-тармағының 1) тармақшасының төртінші абзацының ережелерін қолдану мақсатында кедендік рәсіммен орналастырылған тауарларды декларанты болып, соның ішінде Еуразиялық экономикалық одақтың кедендік шекарасы арқылы тауарлар өткізілетін, әртүрлі Еуразиялық экономикалық одаққа мүше мемлекеттің тұлғалары арасында жасалған мәмілелер шеңберінде тауарларға иелік етуге, пайдалануға және (немесе) білік етуге құқығы бар Еуразиялық экономикалық одаққа мүше мемлекеттің тұлғасы әрекет ете алады.

      3. Уақытша сақтаудағы тауарлардың уақытша сақтау мерзімі осы Кодекстің күшіне енген күні осы Кодекстің 172-бабына сәйкес есептеледi.

      4. Осы Кодекс күшіне енгенге дейін кеден органы кедендік декларациясын тіркеген тауарлар, осы кедендік декларацияны кеден органы тіркеген күні Кеден одағының кедендік заңнамасында және Қазақстан Республикасының кеден заңнамасында белгіленген тәртіпте және шарттарда мәлімделген кедендік рәсіммен орналастыруға жатады.

      5. Тауарларды шығаруды жоюмен байланысты кедендік операцияларды жасау тәртібін уәкілетті органның бекітуі бөлігінде осы Кодекстің 192-бабы 5-тармағының төртінші абзацының ережелер осы Кодекстің 192-бабы 5-тармағының төртінші абзацында көзделген Комиссияның акті күшіне енген сәтке дейін қолданылады.

      6. Осы кодекстің 195-бабы 3-тармағының 1) және 2) тармақшаларының ережелері осы кодекстің 195-бабы 3-тармағының 1) және 2) тармақшаларында көзделген Комиссияның акті күшіне енген сәтке дейін қолданылады.

      7. Осы кодекстің 196-бабы 3-тармағының 1) және 2) тармақшаларының ережелері осы кодекстің 196-бабы 3-тармағының 3) тармақшасында көзделген Комиссияның акті күшіне енген сәтке дейін қолданылады.

      8. Осы Кодекс күшіне енгенге дейін Кеден одағының Кеден кодексінің 201-бабына сәйкес шығарылған тауарларды кедендік декларациялау және осындай шығаруға байланысты туындаған декларанттың өзге де міндеттері, осындай тауарлар шығарылған күні Кеден одағының кеден заңнамасында көзделген тәртіпте және шарттарда жүзеге асырылады және мерзімінде орындауға жатады.

      9. Осы Кодекс күшіне енгенге дейін кедендік декларациялау "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексінің 292, 293, 294, 295-баптарына сәйкес белгіленген ерекшеліктерді ескере отырып, жүзеге асырылған тауарларға қатысты осы Кодекс күшіне енгеннен кейін оларды шығарумен, кедендік рәсіммен орналастыруға және (немесе) кедендік рәсімдердің қолданысын аяқтауға байланысты кедендік операцияларды жасау Кеден одағының кеден заңнамасына және "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексіне сәйкес белгіленген тәртіпте және шарттарда жүзеге асырылады.


      554-бап. Шартты түрде шығарылған тауарлардың жекелеген санаттарына қатысты өтпелі ережелер

      Осы Кодекс Кеден одағының Кеден кодексінің 211-бабы 2-тармағының 2) тармақшасында белгіленген мерзімде және еркін айналым үшін тауарларды шығару үшін және ішкі тұтыну үшін шығарудың кедендік режиміне сәйкес мұндай тауарларды шығару күнінен бастап есептелген мерзім күшіне енген күні осы тауарларды пайдаланумен және (немесе) оларға билік етумен ұштасатын кедендік баждарды, салықтарды төлеу бойынша жеңілдіктерді қолдана отырып, 2010 жылғы 1 шілдеге дейін Қазақстан Республикасында еркін айналым үшін тауарлар шығарудың кедендік режимімен немесе ішкі тұтыну үшін шығарудың кедендік рәсімімен орналастырылған мерзімі өтіп кеткен және Кеден одағының Кеден кодексінің 211-бабы 3-тармағының 2) тармақшасына сәйкес кедендік баждарды, салықтарды төлеу мерзімі басталмаған тауарларға қатысты кедендік баждарды, салықтарды төлеу жөніндегі міндеті 2015 жылғы 2 шілдеде тоқтатылған.


      555-бап. Қамтамасыз ету сертификатын рәсімдеу туралы өтпелi ережелер

      Егер кедендік транзитң кедендік рәсімімен тауарларды орналастыру бір Еуразиялық экономикалық одаққа мүше мемлекеттің кеден органында жүзеге асырылса, ал кедендік баждарды, салықтарды төлеу бойынша міндеттерді орындауды қамтамасыз ету межелі кеден органы тұрған басқа Еуразиялық экономикалық одаққа мүше мемлекеттің кеден органына берілсе, осы Кодекстің 227-бабы 2-тармағының ережелерiне қарамастан, қамтамасыз ету сертификаты 2018 жылғы 1 қаңтарға дейін электрондық құжат немесе қағаз тасымалдағыш құжат түрінде ресімделуі мүмкін.


      556-бап. Кедендік рәсімдерді қолдану туралы өтпелі ережелер

      1. Осы Кодекстің күшіне енген күні қолданысы аяқталмаған кедендік рәсімдермен орналастырылған тауарларға қатысты, осы Кодекс күшіне енген күннен бастап осы Кодексте көзделген, осындай кедендік рәсімдерге сәйкес тауарларды пайдалану шарттары сақталуға жатады.

      2. Осы Кодекстің күшіне енген күніне орындау мерзімі (төлеу мерзімі) басталмаған, осы баптың 1-тармағында көрсетілген тауарларға қатысты туындаған кедендік баждарды, салықтарды, арнайы, демпингке қарсы, өтем баждарын төлеу бойынша міндеттер осы Кодексте көзделген тәртіпте, мерзімде және мөлшерлерде мән-жайлар басталған кезде орындауға жатады және (немесе) осы Кодекске сәйкес қысқартылады.

      3. Осы баптың ережелері, сондай-ақ:

      1) Кеден одағы Кеден кодексінің 376-бабы 4 және 6-тармақтарына сәйкес кедендік рәсімдермен орналастырылған деп танылған тауарларға;

      2) 2010 жылғы 18 маусымдағы Еркін қоймалар және еркін қойманың кедендік рәсімі туралы келісімнің 19-бабы 1-тармағына сәйкес еркін қойманың кедендік рәсімімен орналастырылды деп есептелетін тауарларға;

      3) 2010 жылғы 18 маусымдағы Кеден одағының кедендік аумағындағы еркін (арнайы, ерекше) экономикалық аймақтар және еркін кедендік аймақтың кедендік рәсімі мәселелері жөніндегі келісімнің 23-бабы 1-тармағына сәйкес еркін кедендік аймақ кедендік рәсімімен орналастырылған болып есептелетін тауарларға қатысты қолданылады.


      557-бап. Уақытша әкелу (жіберу) кедендік рәсімін қолдану туралы өтпелі ережелер

      1. Осы Кодекс күшіне енгенге дейін кедендік әкелу баждарын, салықтарды төлеуден толық немесе ішінара босатыла отырып, уақытша әкелу (жіберу) кедендік рәсімімен орналастырылған тауарларға осы Кодекс күшіне енген күннен бастап кедендік әкелу баждарын, салықтарды төлеместен немесе ішінара төлеумен уақытша әкелу (жіберу) кедендік рәсімімен орналастырылған тауарларға қатысты, кедендік әкелу баждарын, салықтарды есептеу мен төлеу ерекшеліктерін реттейтін осы Кодекстің ережелері қолданылады.

      2. Осы Кодекстің күшіне енген күніне толық көлемде орындалмаған, көрсетілген кедендік рәсімнің қолданысы аяқталмауына байланысты, осы Кодекстің күшіне енгенге дейін туындаған және орындауға жататын уақытша әкелу (жіберу) кедендік рәсімімен орналастырылған тауарларға қатысты кедендік әкелу баждарын, салықтарды төлеу жөніндегі міндет, егер де Кеден одағының Кеден кодексінің 287-бабына сәйкес кедендік әкелу баждарын, салықтарды төлеу бойынша ішінара босату қолданған мұндай тауарларға қатысты төлеуге жатқызылған секілді, Еуразиялық экономикалық одақтың кедендік аумағынан тауарларды әкету күні бойынша кедендік әкелу баждарын, салықтарды төлеу мерзімі басталған күннен бастап, бірақ уақытша әкелу (жіберу) кедендік рәсімімен тауарларды орналастырғаны үшін берілген кедендік декларацияны кеден органы тіркеген күнге есептелінген кезең үшін уақытша әкелу (жіберу) кедендік рәсімімен орналастырылған тауарлар ішкі тұтыну үшін шығару кедендік режимімен орналастырылса, төленуге жататын кедендік әкелу баждардың, салықтардың сомасынан артық болмауы тиіс.

      Осы тармақтың ережелері уақытша әкелу (жіберу) кедендік рәсімі қолданысының мерзімі өткен соң Еуразиялық экономикалық одақтың кедендік аумағынан әкетілген, көрсетілген тауарларға қатысты қолданылады.


      558-бап. Еркін кедендік аймақ кедендік рәсімін қолданудың ерекшеліктері туралы өтпелі ережелер

      1. Осы Кодекстiң 290-бабы 4-тармағында көзделген және еркін кедендік аймақ кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақ тауарлары деп тануға жеткілікті өндірістік және технологиялық операциялардың шарттарының тізбесін айқындайтын Комиссияның шешімі күшіне енгенге дейін, еркін кедендік аймақ кедендік рәсімімен орналастырылған шетелдік тауарларды пайдалана отырып дайындалған (алынған) тауарларды Армения Республикасында, Беларусь Республикасында, Қазақстан Республикасында және Қырғыз Республикасында Еуразиялық экономикалық одақ тауарлары деп тану мақсатында, осы Еуразиялық экономикалық одаққа мүше мемлекеттердің заңнамасына сәйкес белгіленген жеткілікті қайта өңдеу өлшемшарттары қолданылады.

      Осы тармақтың бірінші абзацында көрсетілген шығарылған жері Армения Республикасы, Беларусь Республикасы және Қырғыз Республикасы үшін СТ-1 нысанды тауардың шығу тегі туралы сертификатпен, Қазақстан Республикасы үшін СТ-KZ нысанды тауардың шығарылған жері туралы сертификатпен расталған тауарлар Еуразиялық экономикалық одақ тауарлары болып танылады.

      2. Осы Кодекстiң 288-бабы 7-тармағының 5) тармақшасында көрсетілген жағдайлар басталған кезде, осы Кодекстiң 288-бабы 10-тармағы осы Кодекс күшіне енген күніне дейін еркін кедендік аймақ кедендік рәсімімен орналастырылған тауарларға қатысты қолданылмайды.


      559-бап. Еркін қойма кедендік рәсімін қолдану ерекшеліктері туралы өтпелі ережелер

      1. Еркін қойманың иесі 2012 жылғы 1 қаңтарға дейін Қазақстан Республикасында еркін қойма иелерінің тізіліміне енгізілген еркін қойманың кедендік рәсімімен еркін қоймада орналастырылған шетелдік тауарлардан дайындалған (алынған) тауарлардың мәртебесі, егер мұндай тауарлар Еуразиялық экономикалық одақтың кедендік аумағынан тысқары әкетілмесе, осы Кодекстің 299-бабына сәйкес осы баптың 2 және 3-тармақтарының ережелері ескеріле отырып, 2017 жылғы 1 қаңтарға дейін айқындалады.

      2. Еркін қойманың иелері 2010 жылғы 1 мамырға дейін еркін қойма иелерінің тізіліміне енгізілген еркін қоймалар үшін Комиссия осы Кодекстің 293-бабына сәйкес айқындалған жеткілікті қайта өңдеу өлшемшарттарын орындауға қарамастан еркін қойма кедендік рәсімімен орналастырылған және шетелдік тауарлар мәртебесін алатын, шетелдік тауарлардан дайындалған (алынған) тауарлар тізбесін айқындауға құқылы. Көрсетілген тізбе, егер мұндай тауарлар Еуразиялық экономикалық одақтың кедендік аумағынан тысқары әкетілмеген жағдайда қолданылады.

      3. 2010 жылғы 1 мамырға дейін еркін қойма иелерінің тізіліміне енгізілген еркін қойманың жекелеген иелеріне қатысты Комиссия, егер мұндай тауарларды Еуразиялық экономикалық одақтың кедендік аумағына шығару Еуразиялық экономикалық одаққа мүше мемлекеттің экономика саласына елеулі экономикалық залал келтіретіндей немесе мұндай залалды келтіру қаупін туғызатындай сандарда және шарттарда жүргізілетін болса, Еуразиялық экономикалық одақ тауарлары болып танылуы мүмкін еркін қойма кедендік рәсіміне орналастырылған шетелдік тауарлардан дайындалған (алынған) тауарлар саны бойынша шектеулер белгілеуге құқылы. Көрсетілген шектеулерді белгілеу туралы шешім Комиссия айқындаған тәртіпте қабылданады және егер мұндай тауарлар Еуразиялық экономикалық одақтың кедендік аумағынан тысқары әкетілмейтін болса қолданылады.

      4. Еркін қойма кедендік рәсімімен орналастырылған шетелдік тауарлардан дайындалған (алынған) тауарларды Еуразиялық экономикалық одақ тауарлары ретінде тану үшін жеткілікті шарттардың, өндірістік және технологиялық операциялар тізбесін айқындайтын осы Кодекстiң 299-бабының 4-тармағында көзделген Комиссияның шешімі күшіне енгенге дейін, көрсетілген тауарларды Қазақстан Республикасында Еуразиялық экономикалық одақ тауарлары ретінде тану мақсатында Қазақстан Республикасының заңнамасына сәйкес жеткілікті қайта өңдеу өлшемшарттары қолданылады.

      5. Осы баптың 4-тармағында көрсетілген, шығу тегі Қазақстан Республикасы үшін – СТ-KZ нысанындағы тауардың шығарылған жері туралы сертификаттымен расталған тауарлар Еуразиялық экономикалық одақ тауарлары деп танылады.


      560-бап. Жеке пайдалануға арналған тауарларға және керек-жарақтарға қатысты өтпелі ережелер

      1. Кедендік декларациялануы және (немесе) шығарылуы осы Кодекс күшіне енгенге дейін кедендік рәсімдермен орналастырылмай жүзеге асырылған және осы Кодекс күшіне ену күніне кедендік бақылаудағы жеке пайдалануға арналған тауарларға және керек-жарақтарға қатысты, осы Кодекс күшіне енген күннен бастап осы Кодексте көзделген тауарлардың мұндай санаттарын пайдалану үшін белгіленген шарттарды сақтауға жатады.

      2. Осы Кодекс күшіне енгенге дейін орындау мерзімі (төлеу мерзімі) басталмаған осы баптың 1-тармағында көрсетілген тауарлардың санаттарына қатысты туындаған кедендік баждарды, салықтарды, арнайы, демпингке қарсы, өтем баждарын төлеу бойынша міндет, мән-жайлар басталған кезде осы Кодексте көзделген тәртіпте, мерзімдерде және мөлшерде орындауға жатады және (немесе) осы Кодекске сәйкес тоқтатылады.

      3. Осы Кодекстің 339-бабы 4 және 5-тармақтарының ережелері көрсетілген баптың 5-тармағына сәйкес қабылданған және Еуразиялық экономикалық одақтың кедендік шекарасы арқылы өткізілетін тауарларды жеке пайдалануға арналған тауарларға жатқызу өлшемшарттарының сандық сипаттамаларын айқындайтын Комиссияның шешімі күшіне енгенге дейін қолданылмайды.

      Комиссияның көрсетілген шешімі күшіне енгенге дейін тиісті құқықтық қатынастарды реттеу 2010 жылғы 18 маусымдағы Жеке тұлғалардың жеке пайдалану үшін тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісімнің 3-бабының 1-тармағының ережелеріне сәйкес және "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кедексінің 464-бабы 3-тармағының екінші абзацының ережелеріне сәйкес жүзеге асырылады.

      4. Осы Кодекс күшіне енгенге дейін шетелдік жеке тұлға әкелген мұндай көлік құралдарын кеден органының рұқсатынсыз немесе Еуразиялық экономикалық одаққа мүше мемлекеттің жеке тұлғасы әкелген осындай көлік құралдарын ата-аналарына, балаларына, тіркелген некеде тұрған (тұратын) жұбайына (зайыбына) берумен байланысты пайда болған және орындауға жататын, осы Кодекс күшіне енген күні орындалмаған жеке пайдалануға арналған көлік құралдарына қатысты кедендік баждарды, салықтарды төлеу бойынша міндет, осы Кодекстің күшіне ену күніне төленбеген (өндіріп алынбаған) кедендік баждар, салықтар сомалары мөлшерінде тоқтатылады.

      5. Осы Кодекс күшіне енгенге дейін жеке пайдалануға арналған уақытша әкелінген көлік құралдары Еуразиялық экономикалық одақтың кедендік аумағында уақытша болуы мүмкін мерзім аяқталғанға дейін жеке пайдалануға арналған көлік құралдарын әкетпеумен байланысты пайда болған және орындауға жататын осы Кодекс күшіне енген күніне орындалмаған жеке пайдалануға арналған көлік құралдарына қатысты кедендік баждарды, салықтарды төлеу бойынша міндет, бір мезгілде мынадай:

      1) Еуразиялық экономикалық одақтың кедендік аумағынан әкету мақсаттында жеке пайдалануға арналған уақытша әкелінген көлік құралдары Еуразиялық экономикалық одақтың кедендік аумағында уақытша болу мерзімі өткен күннен бастап 6 айдан кешіктірілмей осындай көлік құралдарын кедендік декларациялауды жүзеге асыру;

      2) жеке пайдалануға арналған мұндай көлік құралдарына қатысты, оларды осы баптың 4-тармағында көрсетілген жеке тұлғаларға беруді қоспағанда, 2010 жылғы 18 маусымдағы жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісімнің ережелерін бұза отырып, оларды берумен байланысты кедендік баждарды, салықтарды төлеу мерзімі басталмаған сияқты шарттарды сақтау кезінде осы Кодекс күшіне енген күніне төленбеген (өндіріп алынбаған) кедендік баждар, салықтар сомаларының мөлшерінде тоқтатылады.

      6. Комиссия көздеген жағдайларда Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарларға не Еуразиялық экономикалық одақтың кедендік аумағына уақытша әкелінген жеке пайдалануға арналған тауарларға, осындай тауарларды шығаруға қатысты кедендік операцияларды жасау тәртібін бекіту және оларды кедендік бақылауда болмаған деп тану фактін көрсету бойынша уәкілетті органның құзыретін белгілеу бөлігіндегі немесе Комиссия реттемеген бөлігіндегі осы Кодекстің 341-бабы 6-тармағының бірінші абзацының ережелері Комиссия көрсетілген актіні қабылдағаннан кейін күшіне енеді.

      7. Осы Кодекстің 339-бабы 4-тармағының 2) және 3) тармақшаларында көрсетілген өлшемшарттардың сандық сипаттамаларын және (немесе) Еуразиялық экономикалық одақтың кедендік шекарасы арқылы өткізілетін жеке пайдалануға арналған тауарларды осы Кодекстің 339-бабы 5-тармағында көзделген жеке пайдалануға арналған тауарларға жатқызудың қосымша өлшемшарттарын айқындайтын Комиссияның шешімі күшіне енгенге дейін уәкілетті орган айқындайтын өлшемшарттар қолданылады.

      8. Еуразиялық экономикалық одақтың кедендік аумағына кедендік баждарды, салықтарды төлемей жеке пайдалануға арналған тауарларды әкелудің Комиссия айқындағанға қарағанда неғұрлым қатаң, құндық, салмақтық және (немесе) сандық нормаларын бекітуге арналған уәкілетті органның құзыретін белгілеу бөлігіндегі осы Кодекстің 339-бабы 3-тармағының үшінші абзацының ережелері Комиссия көрсетілген актіні қабылдағаннан кейін күшіне енеді.


      561-бап. Халықаралық тасымалдаудың көлік құралдарына қатысты өтпелі ережелер

      1. Осы Кодекс күшіне енгенге дейін Еуразиялық экономикалық одақтың кедендік аумағына әкелінген халықаралық тасымалдаудың көлік құралдары осы Кодекстің 40-тарауының ережелеріне сәйкес Еуразиялық экономикалық одақтың кедендік аумағында болады және пайдаланылады және Еуразиялық экономикалық одақтың кедендік аумағынан әкетілуге жатады.

      2. Осы Кодекс күшіне енгенге дейін Еуразиялық экономикалық одақтың кедендік аумағынан әкетілетін халықаралық тасымалдаудың көлік құралдары, осы Кодекстің 40-тарауының ережелеріне сәйкес Еуразиялық экономикалық одақтың кедендік аумағынан тысқары жерде орналасады және пайдаланылады, сондай-ақ Еуразиялық экономикалық одақтың кедендік аумағына қайта әкелінеді.

      3. Орындау мерзімі (төлеу мерзімі) осы Кодекс күшіне енгенге дейін басталмаған осы баптың 1 және 2-тармақтарында көрсетілген халықаралық тасымалдаудың көлік құралдарына қатысты пайда болған кедендік баждарды, салықтарды, арнайы, демпингке қарсы, өтем баждарын төлеу бойынша міндет жай-күйлер басталған кезде осы Кодексте көзделген тәртіпте, мерзімдерде және мөлшерде орындалуға жатады және (немесе) осы Кодекске сәйкес тоқтатылады.

      4. Халықаралық тасымалдаудың уақытша әкелінген көлік құралдарын кедендік рәсімдермен орналастырмай Кеден одағының Кеден кодексінің 350-бабы 2-тармағында көрсетілген әрекеттердi жасаумен байланысты осы Кодекс күшіне енген күнге дейін пайда болған және орындауға жататын, осы Кодекс күшіне енген күніне толық мөлшерде орындалмаған халықаралық тасымалдаудың уақытша әкелінген көлік құралдарына қатысты кедендік баждарды, салықтарды төлеу бойынша міндет Кеден одағының Кеден кодексінің 287-бабына сәйкес кедендік баждарды, салықтарды төлеуден ішінара босатумен уақытша әкелу (жіберу) кедендік рәсімімен орналастырылған халықаралық тасымалдаудың көлік құралдары Еуразиялық экономикалық одақтың кедендік аумағынан тауарларды әкету күніне дейін халықаралық тасымалдаудың уақытша әкелінген көлік құралдары ретінде оларды шығарған күннен кейінгі күннен бастап кезең ішінде төлеуге жататын кедендік баждардың, салықтардың сомалары мөлшерінде орындалуға жатады.

      5. Еуразиялық экономикалық одаққа мүше мемлекеттің тұлғасы Кеден одағының Кеден кодексінің 348-бабы 1-тармағының 2-тармақшасында көрсетілген шарттарды сақтамаумен байланысты осы Кодекс күшіне енген күнге дейін пайда болған және орындауға жататын, осы Кодекс күшіне енген күніне толық мөлшерде орындалмаған халықаралық тасымалдаудың уақытша әкелінген көлік құралдарына қатысты кедендік баждарды, салықтарды төлеу бойынша міндет осы Кодекстің күшіне ену күніне төленбеген (өндіріп алынбаған) кедендік баждар, салықтар сомалары мөлшерінде тоқтатылады.


      562-бап. Құбыржол көлігімен немесе электр беру желілері бойынша тауарларды өткізу кезінде кедендік операцияларды жасау туралы өтпелі ережелер

      Кеден органдары лауазымды тұлғаларының осы Кодекстің 375-бабының 1, 2, 3, 4-тармақтарында көзделген құбыржол көлігімен немесе электр беру желілері бойынша өткізілетін тауарларды есепке алу құралдарына қолжетімділік тәртібін айқындайтын шектес мемлекет болып табылатын шектес елмен мүше мемлекеттің халықаралық шарттары күшіне енгенге дейін тасымалдаушылар ұсынатын шектес мемлекеттің аумағында орналасқан құбыржол көлігімен немесе электр беру желілері бойынша тауарлардың есепке алу құралдарына көрсеткіштерін пайдалануға жол беріледі.


      563-бап. Жер қойнауын пайдалану саласындағы (отын-энергетикалық секторы) туындайтын құқықтық қатынастар бойынша өтпелі ережелер

      1. Осы Кодекс күшіне енгенге дейін және ол күшіне енгеннен кейін туындайтын Қазақстан Республикасындағы жер қойнауын пайдалану (отын-энергетикалық сектор) саласында туындайтын құқықтық қатынастарға Қазақстан Республикасының кеден заңнамасы қолданылады, оған сәйкес мынадай:

      1) Қазақстан Республикасының осындай кеден заңнамасында реттелмеген бөлігінде, осы Кодекстiң ережелерi қолданылады;

      2) кедендiк әкелу баждарды, салықтарды төлеу бойынша, оның ішінде еркін айналым үшін тауарларды шығарудың кедендік режимімен немесе жер қойнауын пайдалануға арналған келісімшарттар шеңберінде кедендік баждарды, салықтарды төлеуден босатумен ішкі тұтыну үшін шығару кедендік рәсімімен орналастырылған тауарларға қатысты міндеттің пайда болу және тоқтатылу бөлігінде, осы Кодекстің ережелері қолданылады;

      3) жеңілдіктерді ұсыну шарттарына сәйкес шартты түрде шығарылған тауарларды пайдалану және (немесе) билік ету бөлігінде, Қазақстан Республикасының кеден заңнамасы қолданылатын ерекшеліктері ескеріле отырып тиісті келісімшарттар қолданылады.

      2. Қазақстан Республикасына әкелінген және 2010 жылғы 1 шілдеге дейін жер қойнауын пайдалануға арналған келісімшарттар шеңберінде кедендік баждарды, салықтарды төлеуден босатумен еркін айналым үшін тауарларды шығару кедендік режимімен орналастырылған тауарларға қатысты кедендік баждарды, салықтарды төлеу бойынша міндет, мұндай тауарларға қатысты кедендік баждарды, салықтарды төлеуден босату шарттарын бұзумен байланысты кедендік әкелу баждарды, салықтарды төлеу мерзімі басталмаған, және мұндай тауарлар Еуразиялық экономикалық одақ тауарлары деп танылатын шартпен осы Кодекс күшіне енген күннен бастап тоқтатылады.


      564-бап. Осы Кодекстің 291-бабына өтпелі ережелер

      Осы Кодекстің 291-бабының ережелері Қазақстан Республикасы Президентінің "Шекара маңы саудасындағы халықаралық орталық" арнайы экономикалық аймағын құру туралы" Жарлығы күшіне енген күннен бастап қолданылады.


      565-бап. Осы Кодекстiң 376-бабына өтпелі ережелер

      Осы Кодекстің 444-бабының 2-тармағында көзделген ақпарат алмасудың техникалық шарттарын тұрақты негізде қабылдағанға дейін 2011 жылғы 19 қазандағы Кеден одағына мүше мемлекеттердің кеден органдарының талдау және бақылау функцияларын іске асыру үшін ақпарат алмасуды ұйымдастыру туралы келісімнің 4-бабына сәйкес бекітілген ақпарат алмасудың техникалық шарттары қолданылады.


      566-бап. Осы Кодекстiң 437-бабына өтпелі ережелер

      Осы Кодекстің 437-бабының ережелері спутниктік навигация техникалық құралдарын қолдана отырып жанама түрде көзбен шолып сүйемелдеуді жүзеге асыруға мүмкіндік беретін ақпараттық жүйе енгізілген сәттен бастап қолданылады.


      567-бап. Осы Кодекстiң 445 және 447-баптарына өтпелі ережелер

      1. Осы бапты қолдану мақсаттары үшiн:

      1) орталық кеден органдары ретінде:

      Армения Республикасы үшін – Армения Республикасы Үкіметі жанындағы Мемлекеттік кіріс комитеті;

      Беларусь Республикасы үшін – Беларусь Республикасының Мемлекеттік кеден комитеті;

      Қазақстан Республикасы үшін – Қазақстан Республикасы Қаржы министрлігінің Мемлекеттік кірістер комитеті;

      Қырғыз Республикасы үшін – Қырғыз Республикасы Үкіметі жанындағы Мемлекеттік кеден қызметі;

      Ресей Федерациясы үшін – Федералдық кеден қызметі түсініледі.

      2) аумақтық кеден органдары ретінде:

      Армения Республикасы үшін – кедендер, кеден пункттері;

      Беларусь Республикасы үшін – кедендер;

      Қазақстан Республикасы үшін – Қазақстан Республикасы Қаржы министрлігі Мемлекеттік кірістер комитетінің облыстар бойынша (республикалық маңызы бар қалалар, астана) аумақтық бөлімшелері, кедендер;

      Қырғыз Республикасы үшін – кедендер;

      Ресей Федерациясы үшін – өңірлік кеден басқармалары, кедендер түсініледі.

      2. Комиссия, осы Кодекстiң 445-бабына сәйкес құжаттардың көшірмелерін және (немесе) мәліметтерді табыс ету туралы сұрау салуларды жолдайтын және орындайтын кеден органдарын айқындағанға дейін, мұндай сұрау салуларды жолдау және орындау орталық кеден органдарының арасындағы сияқты, тікелей аумақтық кеден органдары арасындағы өзара іс-қимыл шеңберінде орындалады. Егер сұрау салуды жолдайтын кеден органын анықтау мүмкін болмаған жағдайда, сұрау салулардың жолдауын орталық кеден органдары орталық кеден органдарына жолдаумен жүзеге асырады.

      3. Комиссия, осы Кодекстiң 379-бабына сәйкес кедендік бақылауды жүргізу туралы тапсырмалардың жолдануын жүзеге асыратын және орындалуын қамтамасыз ететін кеден органдарын айқындағанға дейін, мұндай тапсырмалардың жолдануын және орындалуын қамтамасыз етуді орталық кеден органдары жүзеге асырады.

      Орталық кеден органдары айқындаған жағдайларда, тапсырмалардың жолдауын және орындауын аумақтық кеден органдары жүзеге асыруы мүмкін.

      4. Комиссия, осы Кодекстiң 226-бабы 4-тармағының 12) тармақшасына сәйкес, осы тармақша ережелерiнің орындалуын қамтамасыз ететін кеден органдарын айқындағанға дейін кедендік баждарды, салықтарды төлеу бойынша міндеттің орындалуын қамтамасыз етуді ұсынбай және (немесе) арнайы, демпингке қарсы, өтем баждарын төлеу бойынша міндеттің орындалуын қамтамасыз етуді ұсынбай тауарлардың шығарылуы туралы ұсынатын мүдделі Еуразиялық экономикалық одаққа мүше мемлекеттің тиісті мемлекеттік органының растауын аумағында межелі кеден органы орналасқан мүше мемлекеттің орталық кеден орган, аумағында жөнелтуші кеден органы орналасқан Еуразиялық экономикалық одаққа мүше мемлекеттің орталық кеден органына береді.


      568-бап. Осы Кодекстiң 459-бабын қолдануға қатысты өтпелі ережелер

      Осы Кодекстің 459-бабы 3-тармағының ережелеріне қарамастан, мұндай тауарлардың шығарылған жерінің атаулары сияқты зияткерлік меншік объектілері, осы Кодекстің 458-бабының 6-тармағында көзделген кеден органдарының тауарлардың шығарылған жерінің атаулары сияқты мұндай зияткерлік меншік объектілерін қамтитын тауарларға қатысты зияткерлік меншік объектілеріне құқықтарды қорғау бойынша шараларды қабылдауы тәртібін айқындайтын Комиссияның шешімі күшіне енгеннен кейін Еуразиялық экономикалық одаққа мүше мемлекеттердің зияткерлік меншік объектілерінің бірыңғай кедендік тізіліміне енгізіледі.


      569-бап. Кеден ісі саласындағы қызметті жүзеге асыратын заңды тұлғаларға қатысты өтпелі ережелер

      1. Кеден ісі саласындағы қызметті жүзеге асыратын тұлғалар тізіліміне енгізілген кеден ісі саласында қызметті жүзеге асыратын тұлғалар Кеден одағының Кеден кодексіне сәйкес осы Кодекс күшіне енгеннен кейін осы баптың ережелерін ескере отырып осы Кодекске сәйкес кеден ісі саласындағы қызметті жүзеге асырады.

      2. Осы Кодекс күшіне енгенге дейін кеден ісі саласындағы қызметті жүзеге асыратын тұлғалар тізіліміне енгізу шарттарын сақтау мақсатында ұсынылған кедендік баждардың, салықтардың төленуін қамтамасыз ету, кеден ісі саласындағы қызметті жүзеге асыратын заңды тұлғаның міндеттерінің орындалуын қамтамасыз ету ретінде осы Кодекстің күшіне ену күнінен бастап танылады және осы Кодекске сәйкес кедендік баждарды, салықтарды, арнайы, демпингке қарсы, өтем баждарын, айыппұлдарды, пайыздарды төлеу бойынша кеден ісі саласында қызметті жүзеге асыратын заңды тұлғаның міндетінің орындалуын қамтамасыз етеді.

      3. Заңды тұлғаның міндеттерін орындауды ұсыну кеден өкілі ретінде қызметті жүзеге асыруға үміткер заңды тұлғаны кеден өкілдерінің тізіліміне енгізу шарты болып табылатын осы Кодекстiң 489-бабы 1-тармағының 2) тармақшасында көзделген Комиссияның шешімі күшіне енгенге дейін кеден ісі саласындағы қызметті жүзеге асыратын заңды тұлғаның міндеттерінің орындалуын қамтамасыз ету бір миллион евроға баламалы мөлшерде ұсынылады.

      4. Егер Комиссия осы баптың 3-тармағында көрсетілгеннен өзгеше, кеден ісі саласындағы қызметті жүзеге асыратын заңды тұлғаның міндеттерінің орындалуын қамтамасыз ету мөлшерінен өзгеше мөлшерді айқындайтын болса, Комиссияның тиісті шешімі күшіне енгенге дейін кеден өкілдерінің тізіліміне енгізілген тұлғалар осы шешім күшіне енген күннен бастап алты айдан кешіктірмей Комиссия айқындаған мөлшерде көрсетілген қамтамасыз етуді ұсынуға міндетті.

      5. Осы баптың 3-тармағының ережелері, егер кеден ісі саласындағы қызметті жүзеге асыратын заңды тұлғаның міндеттерінің орындалуын қамтамасыз ету, кеден өкілі ретінде қызметті жүзеге асыруға үміткер заңды тұлғаны кеден өкілі ретінде қызмет аясы кедендік әкету баждары салынбайтын және экспорт кедендік рәсімімен орналастырылатын тауарларға қатысты кедендік операцияларды жасаумен шектелетін кеден өкілдерінің тізіліміне енгізу үшін ұсынылса, қолданылмайды.

      6. Осы Кодекстің 517-бабы 1-тармағының 6) тармақшасының және 524-бабы 1-тармағының 6) тармақшасының ережелері 2019 жылғы 1 қаңтардан бастап қолданылады.


      570-бап. Уәкілетті экономикалық операторларға қатысты өтпелі ережелер

      1. Кеден одағының Кеден кодексіне және "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексіне сәйкес уәкілетті экономикалық оператор мәртебесі тағайындалған және оған сәйкес мүше мемлекеттердің заңнамасымен қабылданған заңды тұлғалар уәкілетті экономикалық оператордың мәртебесін осы Кодекстің күшіне енген күнінен бастап екі жыл ішінде сақтайды.

      Көрсетілген мерзім ішінде уәкілетті экономикалық операторлар тізіліміне енгізу туралы куәлікке өзгерістер енгізу, мұндай куәліктердің қолданысын тоқтата тұру және кері шақырту, сондай-ақ уәкілетті экономикалық операторлардың тізілімін жүргізу "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексіне сәйкес жүзеге асырылады.

      2. Осы баптың 1-тармағында көрсетілген заңды тұлғалар осы Кодекстің заңды күшіне енген күнінен бастап екі жыл ішінде кеден органы уәкілетті экономикалық оператор мәртебесін берген Еуразиялық экономикалық одаққа мүше мемлекеттің аумағында осы Кодекстің 536-бабы 2-тармағының 2) және 4) тармақшаларында және 3-тармағының 1), 3) және 4) тармақшаларында белгіленген арнайы оңайлатуларды осы баптың екінші абзацын ескере отырып осы Кодексте белгіленген тәртіпте және шарттарда пайдалануға құқылы.

      Осы Кодекс Қазақстан Республикасында заңды күшіне енгенге дейін уәкілетті экономикалық операторлар тізіліміне енгізілген заңды тұлғалар, осы Кодекс заңды күшіне енген күннен бастап екі жыл ішінде көрсетілген арнайы оңайлатулармен қатар осы Кодекстің 536-бабы 2-тармағының 1) тармақшасында белгіленген арнайы оңайлатуларды осы Кодексте белгіленген тәртіпте және шарттарда пайдалануға құқылы.

      Осы тармақтың бірінші және екінші абзацтарында көзделген арнайы оңайлатуларды қолдану мақсаттары үшін осы баптың 1-тармағының бірінші абзацында көрсетілген уәкілетті экономикалық операторлардың құрылысжайларына, үй-жайларына (үй-жайларының бөліктеріне) және (немесе) ашық алаңдарына (ашық алаңдарының бөліктеріне) "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексінде көзделген талаптар қойылады.

      3. Осы баптың 1-тармағында көрсетiлген уәкілетті экономикалық операторлар осы Кодекстiң 532-бабы 5-тармағының 2) тармақшасында көзделген шарттарды сақтаған кезде, сондай-ақ ол уәкілетті экономикалық операторлардың тізілімінде кеден органы уәкілетті экономикалық операторлардың тізіліміне енгізу туралы өтінішін тіркеген күннен бастап кемінде екі жыл болуы шартымен үшінші типтік куәлікті берумен уәкілетті экономикалық операторлардың тізіліміне енгізу туралы өтініш бере алады.

      Егер "Қазақстан Республикасындағы кеден ісі туралы" Қазақстан Республикасының 2010 жылғы 30 маусымдағы Кодексінің 63-бабына сәйкес уәкілетті экономикалық операторлардың тізіліміне енгізу туралы куәліктің қолданысы тоқтатыла тұрған болса, онда осы тармақтың бірінші абзацында көрсетілген мерзімді есептеген кезде оған куәліктің қолданысы тоқтатыла тұрған кезең қосылмайды.

      4. Осы баптың 1-тармағында көрсетiлген заңды тұлғаны бірінші типтік куәлікті берумен уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуын қамтамасыз ету осы тармақты ескере отырып ұсынылады.

      Егер уәкілетті экономикалық операторлардың тізіліміне енгізу туралы куәлік осы баптың 1-тармағында көрсетiлген заңды тұлғаны уәкілетті экономикалық операторлардың тізіліміне енгізген күннен бастап екі жыл ішінде тоқтатылмаса, мұндай заңды тұлғаны бірінші типтік куәлікті берумен уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуы жеті жүз мыңнан кем емес еуроға баламалы мөлшерде қамтамасыз етіледі.

      Егер уәкілетті экономикалық операторлардың тізіліміне енгізу туралы куәлік осы баптың 1-тармағында көрсетiлген заңды тұлғаны уәкілетті экономикалық операторлардың тізіліміне енгізген күннен бастап төрт жыл ішінде тоқтатылмаса, мұндай заңды тұлғаны бірінші типтік куәлікті берумен уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуы бес жүз мыңнан кем емес еуроға баламалы мөлшерде қамтамасыз етіледі.

      Егер уәкілетті экономикалық операторлардың тізіліміне енгізу туралы куәлік осы баптың 1-тармағында көрсетiлген заңды тұлғаны уәкілетті экономикалық операторлардың тізіліміне енгізген күннен бастап бес жыл ішінде тоқтатылмаса, мұндай заңды тұлғаны бірінші типтік куәлікті берумен уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуы үш жүз мыңнан кем емес еуроға баламалы мөлшерде қамтамасыз етіледі.

      Егер уәкілетті экономикалық операторлардың тізіліміне енгізу туралы куәлік осы баптың 1-тармағында көрсетiлген заңды тұлғаны уәкілетті экономикалық операторлардың тізіліміне енгізген күннен бастап алты жыл ішінде тоқтатылмаса, мұндай заңды тұлғаны бірінші типтік куәлікті берумен уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуы жүз елу мыңнан кем емес еуроға баламалы мөлшерде қамтамасыз етіледі.

      Осы баптың 1-тармағында көрсетілген уәкілетті экономикалық оператор ұсынған кедендік баждардың, салықтардың төленуін қамтамасыз ету, Кеден одағының Кеден кодексіне сәйкес кедендік баждардың, салықтардың төленуін қамтамасыз етуді ұсыну күні қолданылған валюта бағамы бойынша осы Кодекске сәйкес мұндай тұлғаны уәкілетті экономикалық операторлардың тізіліміне енгізген кезде уәкілетті экономикалық оператор міндеттерінің орындалуын қамтамасыз ету ретінде танылады.

      Қазақстан Республикасының
Президенті


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады