2018 жылғы 18 қаңтарда "Самара-Шымкент" автомобиль жолының 1068 шақырымында автобустың жануы салдарынан болған төтенше оқиғаның себептерін тергеп-тексеру мақсатында Қазақстан Республикасының Үкіметі ҚАУЛЫ ЕТЕДІ:
1. 2018 жылғы 18 қаңтарда "Самара-Шымкент" автомобиль жолының 1068 шақырымында автобустың жануы салдарынан болған төтенше оқиғаның себептерін тергеп-тексеру жөніндегі үкіметтік комиссия (бұдан әрі – Комиссия) қосымшаға сәйкес құрамда құрылсын.
2. Комиссия дереу жұмысқа кіріссін, қажетті мамандарды тарта отырып, Өзбекстан Республикасының құзыретті органдарымен өзара іс-қимыл жасап, төтенше оқиғаның себептерін жан-жақты тергеп-тексеруді қамтамасыз етсін, сондай-ақ зардап шеккендерге көмек көрсету шараларын қабылдасын.
3. Комиссия басшысы Р.В. Скляр төтенше оқиғаның себептерін тергеп-тексеру нәтижелері және зардап шеккендерге көмек көрсету бойынша қабылданған шаралар туралы хабардар етсін.
4. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Б. Сағынтаев |
| Қазақстан Республикасы Үкiметiнiң 2018 жылғы 18 қаңтардағы № 22 қаулысына қосымша |
2018 жылғы 18 қаңтарда "Самара-Шымкент" автомобиль жолының 1068 шақырымында автобустың жануы салдарынан болған төтенше оқиғаның себептерін тергеп-тексеру жөнінде үкіметтік комиссиясының құрамы
Скляр | - | Қазақстан Республикасының Инвестициялар және даму бірінші вице-министрі, басшы |
|---|---|---|
Тұрғынбаев | - | Қазақстан Республикасы Ішкі істер министрінің орынбасары, басшының орынбасары |
Цой | - | Қазақстан Республикасының Денсаулық сақтау вице-министрі |
Мәдиев | - | Қазақстан Республикасының Сыртқы істер министрлігі Консулдық қызмет департаментінің директоры |
