"Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға 2018 жылға арналған квотаны белгілеу туралы Қазақстан Республикасы Үкіметінің 2017 жылғы 23 желтоқсандағы № 865 қаулысына өзгеріс енгізу туралы" Қазақстан Республикасы Үкіметі 2018 жылғы 16 қарашадағы № 757 қаулысы Қазақстан Республикасы Үкіметінің 2016 жылғы 15 желтоқсандағы № 802 қаулысымен бекітілген, Қазақстан Республикасына шетелдік жұмыс күшін тартуға арналған квотаны белгілеу және оны Қазақстан Республикасының өнірлері арасында бөлу қағидаларының 23 тармағына сәйкес әзірленді.
Қаулыны қабылдаудың нақты мақсаты жұмыс берушілердің шетелдік жұмыс күшін тартуға өтінімдерін ескере отырып, жергілікті атқарушы, органдардың жолдаған өтініштері негізінде, 2018 жылға бекітілген квотаны өзгертпестен, экономикалық қызмет түрлері бойынша квотаны қайта бөлу болып табылады.
Қаулыны жүзеге асыру әлеуметтік-экономикалық және/немесе құқықтық теріс салдарға әкеп соқтырмайды.
