1. Қазақстан Республикасы Жоғарғы Сотының жоғарыда аталған нормативтік қаулысына мынадай өзгерістер мен толықтырулар енгізілсін:
1) 3-тармақтағы екінші абзац алып тасталсын;
2) 7-тармақтағы екінші абзацтағы "белгіленген" деген сөзден кейін "үш еселік" деген сөздермен толықтырылсын;
3) 11-тармақтағы "Заңды" деген сөз "Дербес салық төлеуші болып табылмайтын заңды" деген сөздермен ауыстырылсын;
4) 13-тармақта:
екінші абзац алып тасталсын;
үшінші абзацтағы "жасай отырып, көрсетілген" деген сөздер "жасай отырып, әкімшілік қамақ қолданылуы мүмкін емес" деген сөздермен ауыстырылсын;
5) 14-тармақта:
бірінші абзацтағы үшінші сөйлем мынадай редакцияда жазылсын:
"Сот ӘҚБтК-нің 829-11-бабының бірінші бөлігінде көрсетілген мән-жайлардың анықталғанын ескере отырып, әкімшілік құқық бұзушылық туралы іс қозғалған адамға қатысты салынған және ӘҚБтК-нің 44-бабы бірінші бөлігінің бірінші абзацына сәйкес есептелетін әкімшілік айыппұлдың мөлшерін, бірақ айыппұлдың жалпы сомасының отыз пайызынан асырмай қысқартуға құқылы (ӘҚБтК-нің 829-11-бабының екінші бөлігі).";
екінші абзац алып тасталсын;
6) мынадай мазмұндағы жаңа 14-1-тармақпен толықтырылсын:
"14-1. Акцизделетін өнімді өндіруді және (немесе) көтерме саудада өткізуді не Қазақстан Республикасының Кәсіпкерлік кодексінің (бұдан әрі КК) 24-бабының 4-тармағында көрсетілген өзге де қызмет түрлерін жүзеге асыратын дара кәсіпкерлер мен заңды тұлғаларға әкімшілік жазаны қолдану кезінде соттар кәсіпкерлік субъектісінің санаты туралы уәкілетті органның мәліметтерін бағалау барысында бұл норманың мұндай адамдарды шағын кәсіпкерлік және микрокәсіпкерлік субъектілері деп тануға тыйым салатынын ескеруі тиіс.
Коммерциялық емес ұйымдарға әкімшілік жазаны қолдану кезінде кәсіпкерлік субъектісінің санаты туралы уәкілетті органның мәліметтері КК-нің 23-бабына сәйкес ескерілмейді.";
7) 16-тармақта:
бірінші абзацтағы "сот сатыларына" деген сөздер "сотқа" деген сөзбен ауыстырылсын;
екінші абзацтағы екінші сөйлем мынадай редакцияда жазылсын:
"Сот сараптаманы тағайындау немесе өзіне қатысты іс бойынша іс жүргізіліп жатқан адамды күштеп әкелу туралы ұйғарымды шығарған кезде сот ісін жүргізу мерзімінің өтуін тоқтата тұрады.";
8) 18-тармақта:
бірінші абзацтағы "Аталған мән-жайлар" деген сөздер "Кінәлілігі туралы түйіндер" деген сөздермен ауыстырылсын;
мынадай мазмұндағы екінші абзацпен толықтырылсын:
"ӘҚБтК-нің 62-бабында белгіленген әкімшілік жауаптылыққа тарту үшін ескіру мерзiмдерiнiң сақталуын тексеру әкімшілік жазаны қолдану туралы мәселені шешу кезінде жүргізіледі. Әкімшілік жазаны қолдану туралы қаулыларды қайта қарау барысында осы мерзімдердің сақталуы жазаны қолдану туралы қаулы шығарылған сәтте тексерілуі тиіс.";
9) мынадай мазмұндағы 18-1-тармақпен толықтырылсын:
"18-1. ӘҚБтК-нің 62-бабына ескертпеге сәйкес ӘҚБтК-нің Ерекше бөлігінің бабында көзделген белгілі бір әрекеттің бірыңғай құрамының үздіксіз жүзеге асырылуымен сипатталатын және оны анықтаған кезде аяқталмаған құқық бұзушылық созылып кеткен құқық бұзушылық деп танылады. Бұл ретте ӘҚБтК-нің 804-бабына сәйкес әкімшілік құқық бұзушылық туралы хаттамалар жасауға құқығы бар уәкілетті мемлекеттік органның лауазымды адамының құқық бұзушылықты анықтағанын анықтау сәті деп есептеген жөн.";
10) 19-тармақ алып тасталсын;
11) 22-тармақта:
бірінші абзацтағы "айға" деген сөз "айдан алты айға" деген сөздермен толықтырылсын;
екінші абзацтағы:
"73," деген цифрлардан кейін "73-1, 73-2," деген цифрлармен толықтырылсын;
"және әкімшілік жазаға қайта тартылып отырған кәмелетке толмағандарға қолданылады" деген сөздер алып тасталсын.
2. Қазақстан Республикасы Конституциясының 4-бабына сәйкес осы нормативтік қаулы қолданыстағы құқық құрамына қосылады, жалпыға бірдей міндетті болып табылады және алғашқы ресми жарияланған күнінен бастап қолданысқа енгізіледі.
|
Қазақстан Республикасы Жоғарғы Сотының Төрағасы |
Ж. Асанов |
|
Қазақстан Республикасы Жоғарғы Сотының судьясы жалпы отырыс хатшысы |
Г. Әлмағамбетова |
