2003 жылғы 20 маусымдағы Қазақстан Республикасы Жер кодексiнің 130-бабына, 2003 жылғы 8 шiлдедегі Қазақстан Республикасы Орман кодексiнің 51-бабына сәйкес Қазақстан Республикасының Үкiметi ҚАУЛЫ ЕТЕДI:
1. Осы қаулыға қосымшаға сәйкес жалпы ауданы 59,6 гектар жер учаскесi Шығыс Қазақстан облысы Күршім ауданының аумағында орналасқан "Шығыс Қазақстан облысының Табиғи ресурстар және табиғатты пайдалануды реттеу басқармасы" мемлекеттік мекемесінің "Марқакөл орман шаруашылығы" коммуналдық мемлекеттік мекемесінің (бұдан әрі – мекеме) орман қоры жерлері санатынан елді мекендер шекараларының (шектерінің) өзгеруіне байланысты елді мекендер жерлері санатына ауыстырылсын.
2. Шығыс Қазақстан облысы Күршім ауданының әкімі Қазақстан Республикасының заңнамасында белгіленген тәртіппен орман алқаптарын орман шаруашылығын жүргізуге байланысты емес мақсаттарда пайдалану үшін оларды алып қоюдан туындаған орман шаруашылығы өндірісінің шығынын республикалық бюджет кірісіне өтесін және алынған сүректі көрсетілген мекеменің балансына бере отырып, алаңды тазарту жөнінде шаралар қабылдасын.
3. Осы қаулы қол қойылған күнiнен бастап қолданысқа енгiзiледi.
|
Қазақстан Республикасының Премьер-Министрі |
А. Мамин |
| Қазақстан Республикасы Үкіметінің 2019 жылғы 13 қыркүйектегі № 688 қаулысына қосымша |
Орман қоры жерлері санатынан елді мекендер жерлері санатына ауыстырылатын жерлердің экспликациясы
Жер пайдаланушының атауы |
Жалпы ауданы, | оның ішінде: | |||
орман | ауыл | саз | өзге жерлер | ||
1 | 2 | 3 | 4 | 5 | 6 |
"Шығыс Қазақстан облысының Табиғи ресурстар және табиғатты пайдалануды реттеу басқармасы" мемлекеттік мекемесінің "Марқакөл орман шаруашылығы" коммуналдық мемлекеттік мекемесі | 59,6 | 2,21 | 47 | 0,26 | 10,13 |
Жиыны: | 59,6 | 2,21 | 47 | 0,26 | 10,13 |
