"Мемлекеттік сатып алу туралы" 2015 жылғы 4 желтоқсандағы Қазақстан Республикасы Заңының 39-бабы 3-тармағының 56) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. "Нұр-Сұлтан қаласында Мәңгілік Ел, Қабанбай батыр даңғылдары мен Сауран, Хусейн бен Талал көшелерінің шаршысында саябақ салу" объектісін абаттандыру (салу) жөніндегі жұмыстарды сатып алу үшін "Sembol Construction" жауапкершілігі шектеулі серіктестігінің атынан "Сембол Улусларарасы Ятырым Тарым Пейзаж Иншаат Туризм Санайи ве Тиджарет Аноним Ширкети" акционерлік қоғамының "Астана" филиалы өнім беруші болып айқындалсын.
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
