Қазақстан Республикасының Үкіметі ҚАУЛЫ ЕТЕДІ:
1. "Ерекше стратегиялық маңызы бар, оның ішінде жалға және сенімгерлік басқаруға берілуі мүмкін су шаруашылығы құрылыстарының тізбесі туралы" Қазақстан Республикасы Үкіметінің 2017 жылғы 29 желтоқсандағы № 933 қаулысына мынадай өзгерістер мен толықтырулар енгізілсін:
көрсетілген қаулымен бекітілген ерекше стратегиялық маңызы бар, оның ішінде жалға және сенімгерлік басқаруға берілуі мүмкін су шаруашылығы құрылыстарының тізбесіне:
"Мынадай су объектілерінде орналасқан су шаруашылығы құрылыстары (бөгеттер, су тораптары, басқа да гидротехникалық құрылыстар):" деген 1-тармақта:
3) және 4) тармақшалар алып тасталсын;
мынадай мазмұндағы 58) тармақшамен толықтырылсын:
"58) Нұра өзеніндегі Самарқанд су қоймасы.";
"Мынадай су шаруашылығы құрылыстары:" деген 2-тармақ:
мынадай мазмұндағы 30), 31) және 32) тармақшалармен толықтырылсын:
"30) Сырдария өзеніндегі Көксарай су реттеуіші;
31) Астана қаласының Есіл өзенін тасқын су басудан қорғау бөгеті;
32) "Батыс" коллекторы бар Қызылқұм магистральды каналы.";
"Мынадай қалаларды сумен жабдықтауды қамтамасыз ететін су шаруашылығы құрылыстары (су тарту құрылыстары, сорғы станциялары, су құбырын тазартқыш құрылыстар):" деген 3-тармақта:
1) тармақша мынадай редакцияда жазылсын:
"1) Нұр-Сұлтан".
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
