Қазақстан Республикасының Азаматтық кодексі (Жалпы бөлім) 193-1-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. Uranium One Holland B.V. компаниясына "Заречное" Қазақстан – Ресей – Қырғыз шетелдік инвестицияларымен бірлескен кәсіпорны" акционерлік қоғамы акциялары пакетінің 49,979 %-ын "Ураниум Уан Груп" акционерлік қоғамының пайдасына иеліктен шығаруға рұқсат берілсін.
2. Uranium One Amsterdam B.V. компаниясына "Ақбастау" бірлескен кәсіпорны" акционерлік қоғамы акциялары пакетінің 50 %-ын "Ураниум Уан Груп" акционерлік қоғамының пайдасына иеліктен шығаруға рұқсат берілсін.
3. "Ұлттық холдингтердің және (немесе) ұлттық компаниялардың не олардың аффилиирленген тұлғаларының, сондай-ақ мемлекет қатысатын өзге де заңды тұлғалардың жарғылық капиталдарына берілген және (немесе) олардың меншігінде тұрған стратегиялық объектілердің және мемлекетпен аффилиирленбеген заңды тұлғалардың, сондай-ақ жеке тұлғалардың меншігінде тұрған стратегиялық объектілердің тізбелерін бекіту туралы" Қазақстан Республикасы Үкіметінің 2008 жылғы 30 маусымдағы № 651 қаулысына мынадай өзгерістер енгізілсін:
1) көрсетілген қаулымен бекітілген ұлттық холдингтердің және (немесе) ұлттық компаниялардың не олардың аффилиирленген тұлғаларының, сондай-ақ мемлекет қатысатын өзге де заңды тұлғалардың жарғылық капиталдарына берілген және (немесе) олардың меншігінде тұрған стратегиялық объектілердің тізбесінде:
"Меншігінде стратегиялық объектілер бар заңды тұлғалар акцияларының пакеттері (қатысу үлестері, пайлары)" деген бөлімде:
реттік нөмірі 13-жол мынадай редакцияда жазылсын:
"
13. | "Заречное" Қазақстан – Ресей – Қырғыз шетелдік инвестицияларымен бірлескен кәсіпорны" АҚ акциялары пакетінің 49,979 % |
| "; |
2) көрсетілген қаулымен бекітілген мемлекетпен аффилиирленбеген заңды тұлғалардың, сондай-ақ жеке тұлғалардың меншігінде тұрған стратегиялық объектілердің тізбесінде:
"Меншігінде стратегиялық объектілер бар заңды тұлғалар акцияларының пакеттері (қатысу үлестері, пайлары)" деген бөлімде:
реттік нөмірі 21-жол мынадай редакцияда жазылсын:
"
21. | "Заречное" Қазақстан – Ресей – Қырғыз шетелдік инвестицияларымен бірлескен кәсіпорны" АҚ акциялары пакетінің 50,021 % |
| ". |
4. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
