Қазақстан Республикасының Үкіметі ҚАУЛЫ ЕТЕДІ:
"2002 жылғы 7 қазандағы Ұжымдық қауіпсіздік туралы шарт Ұйымының Жарғысына өзгерістер енгізу туралы төртінші хаттамаға қол қою туралы" Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
|
Қазақстан Республикасының Премьер-Министрі |
Ә.Смайылов |
2002 жылғы 7 қазандағы Ұжымдық қауіпсіздік туралы шарт Ұйымының Жарғысына өзгерістер енгізу туралы төртінші хаттамаға қол қою туралы
"Қазакстан Республикасының халықаралық шарттары туралы" 2005 жылғы 30 мамырдағы Қазақстан Республикасы Заңының 8-бабына сәйкес ҚАУЛЫ ЕТЕМІН:
1. Қоса беріліп отырған 2002 жылғы 7 қазандағы Ұжымдық қауіпсіздік туралы шарт Ұйымының Жарғысына өзгерістер енгізу туралы төртінші хаттаманың жобасы мақұлдансын.
2. Осы Жарлық қол қойылған күнінен бастап қолданысқа енгізіледі.
|
Қазақстан Республикасының Президенті |
Қ.Тоқаев |
| Қазақстан Республикасы Президентінің 2022 жылғы № Жарлығымен МАҚҰЛДАНҒАН |
|
| Жоба |
2002 жылғы 7 қазандағы Ұжымдық қауіпсіздік туралы шарт Ұйымының Жарғысына өзгерістер енгізу туралы
ТӨРТІНШІ ХАТТАМА
Бұдан әрі Тараптар деп аталатын Ұжымдық қауіпсіздік туралы шарт ұйымына мүше мемлекеттер
2002 жылғы 7 қазандағы Ұжымдық қауіпсіздік туралы шарт Ұйымы Жарғысының (бұдан әрі - Жарғы) 27-бабына сәйкес
төмендегілер туралы уағдаласты:
1. Жарғыға мынадай өзгерістер енгізілсін:
а) Жарғының 8-бабының үшінші абзацы "ақпараттық қауіпсіздік," деген сөздерден кейін "биологиялық қауіпсіздік," деген сөздермен толықтырылсын;
б) Жарғының 17-бабының екінші абзацы мынадай мазмұндағы екінші сөйлеммен толықтырылсын:
"Бас хатшының өкілеттіктерін мерзімінен бұрын тоқтату туралы шешімді СІМК-нің ұсынуы бойынша Кеңес қабылдайды.".
2. Осы Хаттама Жарғының 26-бабында көзделген тәртіппен күшіне енеді.
202_ жылғы "__" _______ ________ қаласында орыс тілінде бір төлнұсқа данада жасалды. Төлнұсқа дана Ұжымдық қауіпсіздік туралы шарт ұйымының Хатшылығында сақталады, ол осы Хаттамаға қол қойған әрбір Тарапқа оның куәландырылған көшірмесін жібереді.
|
Армения Республикасы үшін Беларусь Республикасы үшін Қазақстан Республикасы үшін |
Қырғыз Республикасы үшінРесей Федерациясы үшінТәжікстан Республикасы үшін |
