Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының Ұлттық қорынан 2023 – 2025 жылдарға арналған кепілдендірілген трансферт туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
|
Қазақстан Республикасының Премьер-Министрі |
Ә. Смайылов |
| Жоба |
ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының Ұлттық қорынан 2023 – 2025 жылдарға арналған кепілдендірілген трансферт туралы
1-бап. Қазақстан Республикасының Ұлттық қорынан кепілдендірілген трансферттің мөлшерлері
Қазақстан Республикасының Ұлттық қорына мұнай секторы ұйымдарынан түсетін түсімдер бойынша мұнайдың 2023 – 2025 жылдарға арналған кесімді бағасының мынадай мөлшерлері белгіленсін:
2023 жыл – барреліне 48,9 АҚШ доллары;
2024 жыл – барреліне 42,2 АҚШ доллары;
2025 жыл – барреліне 40,3 АҚШ доллары.
Қазақстан Республикасының Ұлттық қорынан 2023 – 2025 жылдарға арналған республикалық бюджетке кепілдендірілген трансферттің мынадай мөлшерлері бекітілсін:
2023 жыл – 2 200 000 000 мың теңге;
2024 жыл – 2 000 000 000 мың теңге;
2025 жыл – 1 900 000 000 мың теңге.
Әлеуметтік және инфрақұрылымдық дамуды қамтамасыз ету үшін Қазақстан Республикасының Ұлттық қорынан кепілдендірілген трансферт республикалық бюджетке бағытталсын.
2-бап. Осы Заңды қолданысқа енгізу тәртібі
1. Осы Заң 2023 жылғы 1 қаңтардан бастап қолданысқа енгізіледі.
2. "Қазақстан Республикасының Ұлттық қорынан 2022 – 2024 жылдарға арналған кепілдендірілген трансферт туралы" 2021 жылғы 30 қарашадағы Қазақстан Республикасы Заңының күші жойылды деп танылсын.
|
Қазақстан Республикасының Президенті |
