Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі ынтымақтастығы туралы келісімнің жобасы мақұлдансын.
2. Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі ынтымақтастығы туралы келісімге қол қойылсын.
3. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Ә. Смайылов |
| Қазақстан Республикасы Үкіметінің 2022 жылғы 27 қазандағы № 853 қаулысымен мақұлданған |
|
| Жоба |
Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі ынтымақтастығы туралы
КЕЛІСІМ
Бұдан әрі Тараптар деп аталатын Тәуелсіз Мемлекеттер Достастығына қатысушы мемлекеттердің үкіметтері
2015 жылғы 16 қазандағы Тәуелсіз Мемлекеттер Достастығына қатысушы мемлекеттердің төтенше жағдайлардың алдын алу және оларды жою саласындағы ынтымақтастығы туралы келісімнің ережелерін ескере отырып,
Тәуелсіз Мемлекеттер Достастығына қатысушы мемлекеттердің аумақтарында Дүниежүзілік денсаулық сақтау ұйымының Халықаралық медициналық-санитариялық қағидаларды (2005 жыл) енгізу және қауіпті инфекциялық аурулардың немесе жаппай инфекциялық емес аурулардың (уланулардың) көріністеріне немесе биотеррористік актілердің жасалу қаупінің, сондай-ақ халықаралық мәні бар қоғамдық денсаулық сақтау саласындағы өзге де оқиғалардың орын алуына байланысты қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларды жою жөніндегі іс-шараларды жүзеге асыру кезінде инфекциялық ауруларға қарсы күрес жөніндегі стратегиясын іске асыру шеңберінде әрекет ете отырып,
қоғамдық денсаулық сақтау саласындағы ынтымақтастықты жалғастыру және кеңейту ниетін басшылыққа ала отырып,
Тәуелсіз Мемлекеттер Достастығына қатысушы мемлекеттердің аумақтарында Тәуелсіз Мемлекеттер Достастығына қатысушы мемлекеттің аумағын, оның ішінде мамандандырылған эпидемияға қарсы бригадалардың көмегімен санитариялық қорғау жөніндегі іс-шараларды жүргізуді талап ететін санитариялық-эпидемиологиялық сипаттағы төтенше жағдайлардың алдын алу мен оларды жоюдағы ынтымақтастықтың маңыздылығын мойындай отырып,
Тәуелсіз Мемлекеттер Достастығына қатысушы мемлекеттердің аумақтарын іргелес мемлекеттердің аумақтарында төтенше жағдайдың таралуымен және Тәуелсіз Мемлекеттер Достастығы шеңберінде мемлекетаралық тасымалдар мен сауда үшін шектеулер тәуекелімен байланысты санитариялық-эпидемиологиялық сипаттағы төтенше жағдайлардың туындауынан және олардың ықтимал салдарларынан қорғауға өзара мүдделерін негізге ала отырып,
төмендегілер туралы келісті:
Осы Келісімнің мақсаттары үшін мынадай терминдер пайдаланылады:
Тараптар мемлекеттері – осы Келісімге қатысушы мемлекеттер;
қоғамдық денсаулық сақтау саласындағы санитариялық-эпидемиологиялық сипаттағы төтенше жағдай (бұдан әрі – төтенше жағдай) – аумақты санитариялық қорғау бойынша ұлттық және/немесе халықаралық деңгейде үйлестірілген жауап шараларын талап ететін қауіпті инфекциялық немесе жаппай инфекциялық емес аурулардан (уланулардан) туындаған айрықша оқиға;
мамандандырылған эпидемияға қарсы бригадалар – Тараптар мемлекеттерінің төтенше жағдайлардың алдын алу және оларды жою бойынша міндеттерді шешуге қабілетті білікті кадр құрамы бар, заманауи диагностикалық, ақпараттық технологиялар мен жабдықтарды пайдаланатын, тұрақты әзірліктегі және шұғыл ден қоятын, дербес жұмыс істейтін мобильді құралымдары;
сұрау салушы Тарап – төтенше жағдайлардың алдын алуда және/немесе оларды жоюда өзіне көмек көрсету туралы сұрау салумен жүгінетін Тарап;
ұсынушы Тарап – сұрау салушы Тараптың сұрау салуы бойынша көмек көрсететін Тарап;
құзыретті орган – Тарап мемлекетінің ұлттық заңнамаға сәйкес төтенше жағдай аймағында эпидемияға қарсы және профилактикалық іс-шараларды жүргізуге және осы Келісімді іске асыруға жауапты органы;
жарақ – төтенше жағдайдың алдын алуға және оны жоюға арналған мүлік, материалдар, техникалық және көлік құралдары, мамандандырылған эпидемияға қарсы бригаданың зертханалық жабдығы, бригада мүшелерінің жеке мүлкі, байланыс құралдары, дәрі-дәрмектер және басқа да қажетті мүлік;
шығыс материалдары – төтенше жағдайды жою бойынша жұмыста жұмсалатын мүлік (тест-жүйелер, диагностикалық препараттар, зертханалық пластик, жеке қорғану құралдары, дезинфекциялық құралдар, жанар-жағармай материалдары және с.с.);
транзит мемлекеті – мемлекеттің аумағы арқылы мамандандырылған эпидемияға қарсы бригада жүріп өтетін Тарап.
Тараптардың бірінің мемлекетінің аумағында трансшекаралық таралу әлеуетімен төтенше жағдай туындаған немесе оның туындау қаупі төнген жағдайда осы Тарап төтенше жағдайдың туындау фактісі туралы басқа Тараптардың құзыретті органдарына, сондай-ақ Тәуелсіз Мемлекеттер Достастығына қатысушы мемлекеттердің осы саладағы тиісті базалық ұйымына хабар береді.
Шұғыл ақпаратты беру тәртібін Тәуелсіз Мемлекеттер Достастығының Денсаулық сақтау саласындағы ынтымақтастық жөніндегі кеңесі айқындайды.
Аумағында төтенше жағдай туындаған Тараптардың бірінің мемлекеті көмек беру туралы сұрау салумен басқа Тараптың мемлекетіне немесе Тараптар мемлекеттеріне өтініш жасаған жағдайда төтенше жағдайды жою үшін басқа Тараптар мемлекеттерінің мамандандырылған эпидемияға қарсы бригадалары тартылуы мүмкін.
Мамандандырылған эпидемияға қарсы бригадалар мынадай:
Тәуелсіз Мемлекеттер Достастығына қатысушы бір мемлекеттің күшімен және құралдарымен жою мүмкін болмайтын төтенше жағдайларда және тек сол мемлекеттің өтініші бойынша;
аумақтарына төтенше жағдайлар әсер еткен мемлекеттермен келісу бойынша трансшекаралық таралатын және төтенше жағдайлардың салдарларын жою жөніндегі келісілген іс-қимылдарды жүзеге асыруды талап ететін төтенше жағдайларда қолданылады.
Тараптар бір-біріне өздерінің мүмкіндіктеріне сәйкес және ерікті негізде көмек көрсетеді.
Көмек көрсету шарттары, сұрау салынатын көмектің түрлері мен көлемі, мамандандырылған эпидемияға қарсы бригадалардың ұйымдық құрылымы мен жеке құрамының саны, сондай-ақ техникалық құралдардың түрлері бойынша жасақталуы әрбір нақты жағдайда сұрау салушы және ұсынушы Тараптардың уағдаластығы бойынша айқындалады.
Тараптардың бірінің мемлекетінің мамандандырылған эпидемияға қарсы бригадаларының басқа Тарап мемлекетінің аумағындағы төтенше жағдайды жоюға қатысуы сұрау салушы Тараптың заңнамасына сәйкес және Тараптар мемлекеттерінің арасында жасалатын екіжақты халықаралық шарттар негізінде жүзеге асырылады.
Тараптардың бірінің мамандандырылған эпидемияға қарсы бригадаларының басқа Тарап мемлекетінің аумағындағы төтенше жағдай аймағына өтуі автокөлік құралдарымен, теңіз, өзен, теміржол немесе авиация көлігімен жүзеге асырылуы мүмкін.
Тараптардың бірінің мемлекеті аумағындағы төтенше жағдайды жою бойынша міндеттерді орындау кезінде мамандандырылған эпидемияға қарсы бригадалар Тәуелсіз Мемлекеттер Достастығы шеңберінде жасалған халықаралық шарттарды, оның ішінде Тәуелсіз Мемлекеттер Достастығына қатысушы мемлекеттер арасында жасалған екіжақты келісімдерді, сұрау салушы Тараптың ұлттық заңнамасын сақтауға міндетті.
Мамандандырылған эпидемияға қарсы бригада төтенше жағдайды жою жөніндегі іс-қимылдар ауданында сұрау салушы Тараптың басқару органдарының бұйрықтары мен өкімдерін орындауға міндетті.
Сұрау салушы Тарап өз мемлекетінің заңнамасы шеңберінде және екіжақты халықаралық шарттарға сәйкес мамандандырылған эпидемияға қарсы бригадаларды мемлекеттік шекара арқылы басымдықпен өткізу бойынша қажетті шараларды жүзеге асырады, сұрау салушы Тарап мемлекетінің аумағы бойынша төтенше жағдай аймағына жүріп-тұру кезінде күзетуді қоса алғанда, оларды алып жүруді қамтамасыз етеді, сондай-ақ төтенше жағдайлардың алдын алу және/немесе оларды жою мақсатында пайдаланылатын жабдықтар мен мүлікті ұсынушы Тарап мемлекетінің аумағына қайтару кепілдіктерін береді.
Мамандандырылған эпидемияға қарсы бригадалардың мүшелері сұрау салушы Тарап мемлекетінің мемлекеттік шекарасын шекараны кесіп өтуге құқық беретін және сұрау салушы Тарап осы тұрғыда танитын жарамды құжаттар бойынша Тараптар келіскен, халықаралық қатынас үшін ашық өткізу пункттері арқылы кесіп өтеді. Мамандандырылған эпидемияға қарсы бригадалардың басшыларында көмек көрсету туралы өтініші бар сұрау салушы Тараптың шақыру қағазының көшірмесі, бригада мүшелерінің тізімі және сұрау салушы Тарап мемлекетінің аумағындағы төтенше жағдайдың алдын алу және/немесе оны жою үшін мамандандырылған эпидемияға қарсы бригаданы іссапарға жіберу туралы бұйрықтың көшірмесі болуға тиіс.
Жарақтар мен шығыс материалдарын Тараптар мемлекеттерінің мемлекеттік (кедендік) шекаралары арқылы өткізу, оның ішінде Тараптар мемлекеттерінің аумақтары арқылы транзитпен өткізу кедендік ресімдеуді (кедендік операцияларды жасайтын) және кедендік бақылауды жүзеге асыратын кеден органына ұсынушы Тарап мемлекетінің құзыретті органы көрсетілген жарақтар мен шығыс материалдары төтенше жағдайлардың алдын алу және/немесе оларды жою және мамандандырылған эпидемияға қарсы бригадалардың тыныс-тіршілігін қамтамасыз ету мақсатында өткізілетіні туралы растай отырып, расталған жарақтар мен шығыс материалдарының тізбесін ұсынған кезде сұрау салушы Тараппен/транзит мемлекетімен келісілген өткізу пункттерінде бірінші кезектегі (басым) тәртіппен жүзеге асырылады.
Тараптар мемлекеттерінің мемлекеттік (кедендік) шекаралары арқылы өткізілетін, оның ішінде Тараптар мемлекеттерінің аумақтары арқылы транзитпен өткізілетін жарақтар мен шығыс материалдары Тараптар мемлекеттерінің заңнамасына және қатысушылары Тараптар мемлекеттері болып табылатын халықаралық шарттарға сәйкес кедендік баждарды, кедендік алымдар мен салықтарды төлеуден босатылады.
Сұрау салушы Тарап мемлекетінің/транзит мемлекетінің кеден органдары сұрау салушы Тарап мемлекетінің/транзит мемлекетінің кедендік шекаралары арқылы әкелінетін (әкетілетін) жарақтар мен шығыс материалдарына қатысты кедендік ресімдеуді (кедендік операцияларды жасайды) және кедендік бақылауды Тараптар мемлекеттерінің заңнамасына және қатысушылары Тараптар мемлекеттері болып табылатын халықаралық шарттарға сәйкес бірінші кезектегі тәртіппен жүзеге асырады.
Мамандандырылған эпидемияға қарсы бригадалардың мүшелері Тараптар мемлекеттерінің заңнамасына сәйкес жеке пайдалануға арналған тауарларды транзит мемлекеттерінің аумақтары арқылы әкеле алады және транзитпен өткізе алады.
Тараптар өз заңнамасына сәйкес төтенше жағдайлардың алдын алу және оларды жою үшін сұрау салушы Тарап мемлекетінің аумағына бара жатқан ұсынушы Тараптың мамандандырылған эпидемияға қарсы бригадаларының, жарақтары мен шығыс материалдарының өз аумақтары арқылы кедергісіз транзитіне септігін тигізеді.
Төтенше жағдайды жою жөніндегі іс-қимылдар ауданындағы мамандандырылған эпидемияға қарсы бригадаларға жалпы басшылықты аумағында төтенше жағдай туындаған Тараптың мемлекеті тағайындаған құзыретті орган жүзеге асырады.
Мамандандырылған эпидемияға қарсы бригадаларды тікелей мақсатынан тыс қолдануға жол берілмейді.
Мамандандырылған эпидемияға қарсы бригадалар төтенше жағдайды жою жөніндегі басқару органымен, құзыретті органмен төтенше жағдай аймағында эпидемияға қарсы және профилактикалық іс-шараларды жүргізу, штабтардың отырыстарына қатысу және жедел ақпарат алмасу, шығыс материалдары мен тамақ өнімдерінің қорларын толықтыруға жәрдем көрсету, олардың орналасқан жерін қорғауды қамтамасыз ету мәселелері бойынша өзара іс-қимыл жасайды.
Мамандандырылған эпидемияға қарсы бригадалар мүшелерінің еңбегіне ақы төлеуге, бригадалардың жеке құрамы мен мүлкін сақтандыруға ақы төлеуге арналған шығыстар, сондай-ақ мамандандырылған эпидемияға қарсы бригадаларды төтенше жағдай аймағына және одан кері тасымалдауға арналған шығыстарды ұсынушы Тарап көтереді.
Сұрау салушы Тарап медициналық көмек көрсету бойынша шығыстарды, оның ішінде бара жатқанда немесе кері қайтқанда төтенше жағдайлардың алдын алу және/немесе оны жою кезінде көмек көрсету бойынша міндеттерді орындау кезінде мамандандырылған эпидемияға қарсы бригадалар мүшелерінің науқастануымен, жарақат алуымен немесе қайтыс болуымен байланысты көлік шығыстарын көтереді.
Төтенше жағдай аймағындағы жұмыс кезінде мамандандырылған эпидемияға қарсы бригадаларды шығыс материалдарымен және тамақ өнімдерінің қорларымен қамтамасыз ету және толықтыру, орналасқан жерді қорғау мәселелері сұрау салушы және ұсынушы Тараптар мемлекеттерінің арасындағы халықаралық шарттардың негізінде, сондай-ақ олардың заңнамасына сәйкес шешіледі.
Тәуелсіз Мемлекеттер Достастығына қатысушы мемлекеттердің аумақтарында мамандандырылған эпидемияға қарсы бригадалар тартылған кезде олардың жұмысының негізгі бағыттары:
клиникалық материалда және қоршаған орта объектілерінде инфекциялық аурулардың қоздырғыштарын анықтау (индикациялау және сәйкестендіру), қоршаған ортаны, тамақ өнімдері мен тамақ шикізатын санитариялық-микробиологиялық бақылау;
қауіпті инфекциялық аурулардың эпидемиялық ошақтарын оқшаулау және жою жөніндегі эпидемияға қарсы іс-шараларды жүргізуге қатысу;
сұрау салушы Тарап мемлекетінің аумақтық органдары мен санитариялық-эпидемиологиялық бейіндегі мекемелеріне, медициналық ұйымдарына консультативтік-әдістемелік және практикалық көмек көрсету болып табылады.
Тәуелсіз Мемлекеттер Достастығына қатысушы мемлекеттердің аумақтарында мамандандырылған эпидемияға қарсы бригадалардың эпидемиологиялық жұмыс технологиясына, зертханалық диагностикаға, эпидемияға қарсы іс-шараларды жүргізуге қатысты бөлігінде жұмыс істеуі сұрау салушы және ұсынушы Тараптар мемлекеттерінің арасындағы халықаралық шарттар негізінде, сондай-ақ олардың заңнамасына сәйкес жүзеге асырылады.
Халықтың санитариялық-эпидемиологиялық саламаттылығын қамтамасыз ету, төтенше жағдайлардың алдын алу және/немесе оларды жою саласындағы тұрақты ынтымақтастықты дамыту мақсатында Тараптар:
төтенше жағдайлар кезінде халықтың санитариялық-эпидемиологиялық саламаттылығын қамтамасыз ету жөніндегі іс-шараларды жүргізуді регламенттейтін нормативтік құқықтық және басқа да құжаттармен алмасады;
мамандандырылған эпидемияға қарсы бригадалардың мамандарын бірлесіп даярлау, оқу-жаттығулар өткізу мәселелері бойынша ынтымақтастықты жүзеге асырады;
төтенше жағдайлар кезінде халықтың санитариялық-эпидемиологиялық саламаттылығын қамтамасыз ету саласындағы ғылыми-зерттеу жұмыстары туралы ақпарат алмасады.
Тараптардың келісімі бойынша осы Келісімге оның ажырамас бөлігі болып табылатын, тиісті хаттамамен ресімделетін өзгерістер енгізілуі мүмкін.
Осы Келісімді қолдану және/немесе түсіндіру кезінде туындайтын Тараптар арасындағы даулы мәселелер мен келіспеушіліктер мүдделі Тараптар арасындағы консультациялар мен келіссөздер арқылы шешіледі.
Осы Келісім оған қол қойған Тараптардың оның күшіне енуі үшін қажетті мемлекетішілік рәсімдерді орындағаны туралы үшінші хабарламаны депозитарий алған күннен бастап 30 күн өткен соң күшіне енеді.
Мемлекетішілік рәсімдерді кешіктіріп орындаған Тараптар үшін осы Келісім тиісті құжаттарды депозитарий алған күннен бастап 30 күн өткен соң күшіне енеді.
Осы Келісім күшіне енгеннен кейін қосылу туралы құжатты депозитарийге беру жолымен оған Тәуелсіз Мемлекеттер Достастығына қатысушы кез келген мемлекеттің қосылуы үшін ашық болады.
Қосылатын мемлекет үшін осы Келісім қосылу туралы құжатты депозитарий алған күннен бастап 30 күн өткен соң күшіне енеді.
Осы Келісім белгіленбеген мерзімге жасалады. Тараптардың әрқайсысы өзінің осы Келісімнен шығатын ниеті туралы депозитарийге шыққанға дейін кемінде алты ай бұрын жазбаша хабарлама жібере отырып және осы Келісімнің қолданылуы уақытында туындаған міндеттемелерді реттеп, одан шығуға құқылы.
____ жылғы ___________ _______________ қаласында орыс тілінде бір төлнұсқа данада жасалды. Төлнұсқа дана Тәуелсіз Мемлекеттер Достастығының Атқарушы комитетінде сақталады, ол осы Келісімге қол қойған әрбір мемлекетке оның расталған көшірмесін жібереді.
Әзербайжан Республикасының Үкіметі үшін |
Ресей Федерациясының |
Армения Республикасының Үкіметі үшін |
Тәжікстан Республикасының |
Беларусь Республикасының Үкіметі үшін | Түрікменстанның Үкіметі үшін |
Қазақстан Республикасының Үкіметі үшін |
Өзбекстан Республикасының |
Қырғыз Республикасының Үкіметі үшін | Украинаның Үкіметі үшін |
Молдова Республикасының |
