Қазақстан Республикасының Үкіметі ҚАУЛЫ ЕТЕДІ:
1. "Ерекше стратегиялық маңызы бар, оның ішінде жалға және сенімгерлік басқаруға берілуі мүмкін су шаруашылығы құрылыстарының тізбесі туралы" Қазақстан Республикасы Үкіметінің 2017 жылғы 29 желтоқсандағы № 933 қаулысына мынадай өзгеріс пен толықтыру енгізілсін:
көрсетілген қаулымен бекітілген ерекше стратегиялық маңызы бар, оның ішінде көрсетілген қаулымен бекітілген жалға және сенімгерлік басқаруға берілуі мүмкін су шаруашылығы құрылыстарының тізбесінде:
1-тармақ мынадай мазмұндағы 59) тармақшамен толықтырылсын:
"59) Тұрғысын өзеніндегі Тұрғысын су қоймасы – 1.";
5-тармақ мынадай редакцияда жазылсын:
"5. Құрылысы жоспарланған немесе құрылыс процесіндегі су шаруашылығы құрылыстары*:
1) Түркістан облысындағы Өгем өзенінде су электр станциялары каскады бар су құбыры;
2) Ақсай өзенінің бассейніндегі сел ұстайтын бөгет;
3) Тұрғысын өзеніндегі Тұрғысын су қоймасы – 2;
4) Тұрғысын өзеніндегі Тұрғысын су қоймасы – 3.".
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Ә. Смайылов |
